رواية في حمى الهوارة بقلم نور محمد | كاملة

الفصل الاول "أنا قولت مش هروح يعني مش هروح! إنتي عايزاني أسيب حياتي ودنيتي هنا وأروح حتة مقطوعة في الصعيد عشان شوية فلوس؟ أنا مش محتاجة حاجة من حد!" صرخت "ملك" بعنادها المعتاد، عيونها بتطق شرار وهي بتبص لأمها اللي واقفة قدامها ببرود. الأم بحدة: "هتروحي غصب عنك يا ملك! ده حقك وحقي من بعد ما أبوكي مات وسابنا، جدك أخيرًا افتكر إن له حفيدة وعايز يديكي حقك، هتروحي وتجيبي الفلوس دي! إنتي عارفة إن جوزي محتاج سيولة يمشّي بيها شغله، وإنتي كمان محتاجة تكملي مستوى الرفاهية اللي عايشة فيه." ملك بضحكة سخرية ولسانها الطويل اللي متعودة عليه: "آه.. قولي كده بقى! عشان جوزك! أنا مش هبيع نفسي وأروح أتمرمط في الصعيد عشان خاطر عيون جوزك يا ماما! ناس أبويا دول أنا مشوفتش منهم غير الجفا، يوم ما مات محدش فيهم عبرنا ولا سأل فينا! ودلوقتي أروح لهم برجليا؟ أنا بكرههم وبكره الصعيد كله!" الأم مسكت دراعها بقسوة: "هتروحي يا...