تحميل رواية «انقذني ايها الغريب........» PDF
بقلم Hunen23Hatum
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
#حنين حاتم #انقذني ايها الغريب .... ماما سويلي كرون حبابة ماريد كصايب اي حتة ترجعينلي شعرج صاير صوفة طلي موو ﻻماما ماكفشة والله ليلى سدي حلكج وكومي خل اريكج بسرعة ماضل وكت هسة بدة ﻻصطفاف اي سويلج لفة وحطيهة بجنطتج شبعت ماما ماريد لبسي لحذاء عدل ولج موتك وتك اي ماما ليش تضربيني لتجاوبين ولج لبسي وامشي بساع مرحبا اسمي ليلى صف رابع بتدائي عمري عشر سنين ناعمة وكل ليشوفني ميصدك اني صف رابع شعري اصفر ماما تكلي شعرج بلون الذهب وعيوني خضر بس لونهن فاتح ابوية يكول اشبه بيبيتي بس اني ماشايفتهة وحيدة امي و...
رواية انقذني ايها الغريب........ الفصل الاول 1 - بقلم Hunen23Hatum
#حنين حاتم
#انقذني ايها الغريب ....
ماما سويلي كرون حبابة ماريد كصايب
اي حتة ترجعينلي شعرج صاير صوفة طلي موو
ﻻماما ماكفشة والله
ليلى سدي حلكج وكومي خل اريكج بسرعة ماضل وكت هسة بدة ﻻصطفاف
اي
سويلج لفة وحطيهة بجنطتج
شبعت ماما ماريد
لبسي لحذاء عدل ولج موتك وتك
اي ماما ليش تضربيني
لتجاوبين ولج لبسي وامشي بساع
مرحبا اسمي ليلى صف رابع بتدائي عمري عشر سنين ناعمة وكل ليشوفني ميصدك اني صف رابع شعري اصفر ماما تكلي شعرج بلون الذهب وعيوني خضر بس لونهن فاتح ابوية يكول اشبه بيبيتي بس اني ماشايفتهة وحيدة امي وابوية
عايشين ببعداد بمنطقة لكرادة بس بيتنة مومثل بيوت المنطقة زغير وبنائة قديم
بابا يطلع لصبح يجي للبيت بليل مﻻبسة مبهذلة ومدري شنو يحجي وميكدر يمشي
يضل يغني ويفشر ماما تركض تسد بحلكة وتكلة اسكت منا لجوارين ﻻيسموعنة هوة يضرب امي ويطردهة ﻻهلهة مرات
ومن نروح جدو قبل ميموت جان يكللهة تطلكي ونطي بتة بس هية ماتقبل تكلة ماكدر اعوف بنيتي
من اسألهة بابا شبي تكولي مريض
بيت جدي اهل بابا ابد مايجونة وﻻنروحلهم
امي عدهة اخت وحدة وامهة ميتة اني ماشايفتهة بس جدو شايفتة قبل مايموت
نطيني ايدج
هاي ايدي
جاي نعبر لشارع وماما دفعتني حييل تكومت بلكاع علة وجهي
كمت اريد اكللهة ليش دفعتيني هيج
لكيتهة واكعة بلكاع وملفلفة بعباتهة ويمهة دم كووومة
تذكرت دجاجتي من ذبحهة بابا وضليت ابجي عليهة
اجيت يمهة لزمت رجلهة
ماما ﻻتموتين مثل دجاجتي حبابة
لتمو عالم
اكوبيهم جوارينة واكو ماعرفهم
شافني ابو صديقتي
ها ليلى تعاي عمو خل اوديج لبيتكم
وامي
امج بعدين تجي ورانة
مشيت ويا نداريت شفتهم شالو امي بسيارة
جريت ايدي من ابو صديقتي وركضت عليهة
قبل مااوصل مشت لسيارة
اخذني لرجال كلي خل ارجعج للبيت امج بعد شوية تجي ابوج بلبيت
ﻻيطلع
وصلني للبيت وكلي
يلله طبي للبيت ﻻتطلعين برة هسة تجي امج
طبيت للبيت بحدي خايفة
رحت لغرفة امي ضلمة كهرباء طافية كرفصت بيهة وكعدت
صار لضهر وماما مااجت واني جوعانة حييل
اجت لكهرباء ركضت علتلفزيون علكتة ودرتة علة ام بي سي3
كعدت اباوع لجاسوسات
خلص طلع مغامرات مارتن
بعدين طلع فتيات لقوة
نعست
حطيت راسي علكاع ونمت
كعدت علة صوت صياح وناس تحجي وناس تتعارك
باوعت يمي 4 جهال ماعرفهم نايمين
طلعت من لغرفة لمطبخ كبالي بي نسوان يطبخن ويغسلن مواعين
بس عبالك ميشوفني
رحت للصالة لكيت نسوان يبجن ويصرخن
خفت منهن طلعت بلحديقة لكيت بنية ﻻزمة لعابتي وتلعب بيهة جريتهة منهة وكتلهة ليش تبوكين لعابتي كامت تبجي وطبت جوة
ورة شوية اجت وحدة ضربتني واخذت لعابتي مني نطتهة للبنية
ضليت ابجي علة لعابتي وابجي ﻻن جوعانة
باب لشارع مفتوحة طب واحد صاح علنسوان طلعتلة وحدة كللهة هاذ لخايس رجلهة وينة شوكت يجي من ندفنهة
وخلة وطلع
طبت خالتي ركضت عليهة شالتني وكامت تبجي
كتلهة خالة ذيج البنية باكت لعابتي
تباوع علية وتبجي نزلتني بلكاع نطتني فلوس وكلتلي روحي شتري
كيفت بيهن عمري كلة ماﻻزمة فلوس بيدي وﻻرايحة للمحل من اروح للمدرسة اخذ لفة وياي لوخيارة ومن اكل ﻻمي نطيني فلوس
تكلي هية امج ماعدهة فلوس انتي تردين فلوس
رحت شتريت جبس ومشيت اريد اروح للبيت صاح علية ابو لمحل كلي تعاي اخذي لباقي رجعت نطاني 3 ورقات فلوس
اخذتهن وركضت للبيت
طبيت للغرفة اريد اباوع تلفزيون لكيت لغرفة مليانة نسوان ومطفين لضوة ونايمات
طلعت لﻻستقبال لكيت صابين اكل سفرة طويلة كعدت اكل خاشوكة ماكو اكلت بيدي
اجت وحدة كومتني من مكاني وكعدت بمكاني حجية جبيرة كعدت ورة لحجية اكللهة تدني بيبي تدني ماتسمعني
بعدين مديت ايدي من ورة لحجية علسفرة واخذت تمن
اكلتة ورجعت مديت ايدي اريد اخذ لحمة
ضربتني علة ايدي حييل وكلتلي ولي منا ملطلطة
كمت ابجي ورحت للغرفة شافتني خالتي صاحتني كلتلي شبيج حجيتلهة راحت حطتلي تمن وخاشوكة وكلتلي كعدي علدرج اكلي ردت اكللهة اريد لحمة بس ستحيت اكلت ورجعت الماعون بلمطبخ
حسيت بنعاس رحت للغرفة اني انام من وكت
لكيت مكان زغير يم لباب
نمت بي رأسن غفيت
كعدت لفجر علة صوت لنسوان
طلعت لكيت زلم بلحديقة ملتمين علة ابوي يضربون بي
ووياهم عمي خليل جريتة من هدومة كتلة ليش تضربون بابا شالني باسني وكلي طبي نامي
طبيت للغرفة بس مانمت خايفة ﻻيكتلوني مثلة
ضليت ابجي واصيح اريد امي جيبولي امي
طلع لصبح واني ابجي ومحد بحالي
بعدين كمت اصرخ اريد امييي
اجت مرية شايفتهة بس ماعرف اسمهة
طلعتني برة لكيت عمو خليل شالني اخذني للمحل شترالي واني مستمرة ابجي حاول يسكتني ماكو
رجعني لببيت طبيت لغرفة امي وكعدت ابجي
اكو مرية تنوم بأبنهة كلتلي سكتي
اني خايفة كلش من لوضع واريد امي
كامت جرتني من اذني كلتلي ماريد اسمع صوتج
اني كمت ابجي خنكة بدون صوت
ورة شوية سمعت صوت خالتي زهرة
طلعت لكيتهة هستوهي جاية وجاي تسلم علنسوان
ركضت عليهة جريت عباتهة وكتلهة خالة اريد اروح وياج
شبيج خاﻻتي منو وياج
اشرتلهة علمرة كتلهة هاي كتلتني
راحت عليهة كامن يتصايحن بعدين تمالخن من لشعر ووحدة صارت فوك لثانية ولتمن عليهن لنسوان وصارت هوسة اني خفت كلش طلعت برة بلشارع
ورة شوية طب عمي خليل وطلع ويا خالتي
خوية الله يخليج اختج وماتت بعد ﻻتوصلين لهنا
الله اكبر عليكم حتة فاتحتهة ماتخلوني احضرهة
خوية انتي صاحبة مشاكل واحنة مالنة خلك
اني صاحبة مشاكل لو هاي مرتك الماتخاف الله ﻻزمة لطفلة ليتيمة وكاتلتهة ﻻن تبجي علة امهة
تعاي ليلى تعاي امشي وياي
وين ماخذتهة هاذ بيت ابوهة وعمامهة وجدهة موجودين توكلي علة الله خوية وبعد ﻻتوصلين لهنا
دنكت علية خالتي باستني وكلتلي ﻻتخافين خالة اني ماخليج هنا اخذج يمي بس موهسة
راحت خالتي ضليت اباوع عليهة وابجي اخاف اطب جوة خاف انكتل وبعد ماكو احد يحميني
ضليت بلشارع العب وية لولد لحد ماصار اليل صبو اكل للزلم بلشارع وكفت وية لجهال اكل شافني عمي خليل اجة علية كلي ولج شتسوين هنا وشنو هاي مﻻبسج كلهة طين جرني من شعري طببني للبيت واني اسحول بروحي ماريد اطب اخاف من هاي المرية لكتلتي وعاركت خالتي
ضليت بلحديقة العب بلطين لحد مابدو لزلم يطبون من شغتهم ركضت للغرفة اول ماطبيت صاحت علية هاي لمرة لسمينة لكتلتني
هاي شنو رجليج كلهة طين وين جنتي بيا زبالة امشي غسلي بسرعة
ركضت للحمام اريد اغسل دفعت لباب طلعت اكو مرية جاي تسبح رأسن جرتني من شعري وضربتني راشدي ودفعتني وسدت لباب
ضليت ابجي وين ماروح يكتلوني
اريد امي اخاف لوحدي
صعدت بسطح ﻻن ماكو مكان اختل بي ورجلية كلهة طين اخاف من هاي لسمينة تشوفني
ضليت كاعدة بلسطح بس بردانة كلش نعست ومابية حيل انزل جوة تمددت ونمت بلكاع بلسطح
فزيت علة صوت مرية تكعد بية
فتحت عيني لكيت وحدة تشر هدوم ووحدة تكعد بية
كلتلي كومي نامي جوة شتسوين هنا بهلبرد
نزلت جوة عالم جاي يصلون وهوسة
طبيت لحمام نزعت مﻻبسي وسبحت كملت ردت اصيح علة امي تجيبلي هدومي تذكرت امي ماتت مثل دجاجتي اصيحمن هسة ماعرف احد
لفيت لخاولي علة روحي وطلعت
شافتني هاي لسمينة .......يتبع
#حنين حاتم الفتﻻوي
حبايب كل يوم راح انزل بارت هيج وكت واذا اشوف تفاعل حلو انزللكم بارت هدية بليل
رواية انقذني ايها الغريب........ الفصل الثاني 2 - بقلم Hunen23Hatum
شافتني لمرة لسمينة ركضت لغرفة امي ختلت ورة لباب بس واني اركض وكع لخاولي مني ﻻن ماعرف الفة مثل ماجانت ماما تلفة الي ضليت خاتلة ورة لباب استحي اطلع
تعبت من لوكفة واذا اكعد لباب تندفع وابين
اكوحركة صارت بلمكان
ختلت روحي كلش خاف احد يشوفني
نطفة لضوة
لمكان صار هادئ طلعت من ورة لباب لضوة طافي بس اشوف موكلش ضلمة اكو طفل نايم
رحت علة خانتي الي هية اصﻻ مابيهة باب واكع ضليت انفش بلهدوم لحد مالكيتلي بجامة وبلوز لبستهن وخليت ثوب علة شعري ﻻن منكع
طلعت كعدت بلكاع يم صوبة حاطيهة بلصالة
اكو مرية عجوز كبالي اشرتلي بيدهة
رحت يمهة
تعاي حبوبة انتي بت ياهي من لبنات
اني بت ماما
اي شسمهة امج
اسمهة ميعاد
ياحبوبة تعاي خل احبج
انة امج ماشايفتهة بس يكولون جانت حبابة وهية لوما حبابة تجرع هاذ لخايس ابن اخوي
جيبي مشط وتعاي خل املس شعرج
رحت طلعت مشط من لجرارة واجيت يمهة نطيتة الهة
كامت تمشطلي بس اديهة يرجفن ماوجعتني حلو تمشط مثل ماما علة كيف
بيبي سويلي كرون حبابة
ﻻحبوبة مايصير كرون شعرج يكفش
سوتلي ضفيرة وحدة بس هوسة موحلوة ومالمت شعري عدل واني ماعاولت تخلص حتة اطلع بلشارع ماما قبل جانت متخليني اشوف لشارع هسة العب براحتي
طلعت برة لكيت ولد مشترين نساتل
تذكرت لباقي مال لفلوس لنطتنياهن خالتي حطيتهن جوة لزولية رحت عليهن دورتهن مالكيتهن
دورت كل مكان بلغرفة بس ماكو وهاذ لطفل راد يكعد ﻻن طلعت صوت عفت لغرفة وطلعت برة ابجي علفلوس جانن3 حييل شكد هواي لوهسة موجودات جان شتريت 3 نساتل بس ضاعن 😔
ضليت بلشارع العب وية لجهال وكلماشوف عموخليل اتختل بين لجهال حتة ﻻيشوفني
ضلينة نلعب لحد ماصار لضهر ولجهال بدو يطبون ﻻن امهاتهم يصيحن عليهم
بس اني همزين ماعدي احد يصيح علية
ضليت العب لوحدي بس ضجت طبيت جوة للمطبخ عطشانة كلش لكيت نسوان كومة حاطات دجاج مكطع روسهن ويشلعن بلريش مالتة
اكو وحدة صايرة قريبة يمي كتلهة خالة نطيني مي كلتلي امشي ولي منا ماكو ماي اني بيا حال
رحت للصالة لكيت جهال 4 ملتمين علة صينية بيهة اكل ركضت كعدت يمهم بس ماكو خاشوكة ضليت اكل بيدي بعدين واحد من لجهال هوة اكبر مني كلي كومي لعبتي نفسي تاكلين بيدج
ردت اكوم اجت لحجية الي ضفرتلي كصيبة عوجة كلتلي كعدي حبوبة معليج بي وضربتة علة ضهرة كلتلة سد حلكك واكل مالك شغل بيهة
كيفت ضليت اكل بس هوة كلسا يخزرني ويعيب علية شبعت وكمت ردت اغسل لمطبخ هووسة واخاف اطب لنسوان رأسن يعيطن علية مسحت ادية ببجامتي ورحت بلغرفة يم لجهال اباوع كارتون
بعدين نعست اكو بنية نايمة خليت راسي علة مخدتهة ونمت رأسن
كعدت علة صوت صياح فتحت عيني بابا يمي بلغرفة ويغني ويصيح سديت اذاناتي وبلكوة رجعت نمت
كعت لصبح كوة افتح عيوني
كمت فتريت لبيت فاارغ محد ماكو طلعت لكيت ابوية نايم بلحوش علكاع بلبرد باوعت لساعة ب7 رحت طلعت مﻻبسي مال لمدرسة بس ريحتهن موطيبة مومثل كل مرة من البسهن بيهن ريحة تايت واضل اشمشم بيهن
لميت شعري بطوك ولبست ربطة ﻻن لمعلمة ماترضة نجي بدون تمشيط
اجيت يم بابا كعدتة كتلة راح اروح للمدرسة
باوعلي بس ماحجة
طلعت امشي وحدي وصلت للمدرسة
لمعلمة بوستني ونطتني فلوس وصديقاتي اي معلمة تطب يكلولهة هاي الي ماتت امهة وهم تبوسني لوتطيني فلوس فرحت كلش
صارن عدي هواي فلوس
بعدة لدوام مامخلص مطرت لدنية ولجو صار احمر وتراب ورعيدة ولصفوف ضلمت كلش وكمنة واحد ميشوف لثاني لبنات كلهن اجو عليهن اهلهن بقينة اني و6 بنات بعدين اجت معلمة اخذت 3 بنات وياهة كالت لمعلمتي ذني بنات جيرانة وامهاتهن خابرني اجيبهن وياي
ضلينة اني و3 بنات وحدة بت لمعلمة اخذتهة وراحت وكلتلنة ﻻتطلعون لحد مايجون اهلكم ودتنة يم لحارس ووصتة علينة بس احنة بقينة بلمدرسة وحدة من لبنات كامت تبجي بعدين اجة رجال اخذهن ثنينهن هنة صديقات ضليت بس اني ولحارس
كلي انتي وين بيتكم اني اوديج لبيتكم دليني بي
كتلة علة بيتنة بس ماندلة
كلي منو ابوج شسمة
كتلة اسمة رعد محمد
رعد اخو خليل ابو لمولدة
اي عمو خليل عدة مولدة
امشي بابا خل اوديج لبيت عمج
وداني لبيت عمي اني مارايحتلة ابد وﻻشايفة جهالة ومرتة بس اعرف عمو خليل نروح اني وماما جنة نوديلة فلوس لمولدة
وصلت للبيت شكلة حلو مومثل بيتنة يريد يوكع
دك لباب طلعتلنة لمرة لسمينة لجانت تكتلني بلفاتحة
لرجال طببني يمهة وراح
كلتلي كعدي هنا علدرج هسة يجي عمج يوديج لبيتكم صبت اكل لجهالهة واكلو بس ماصاحتني
ضليت متانية عمي هواي علدرج ومرتين غفيت علة روحي
بعدين اجة لساعة بل4 كلتلة مرتة وكلي يلله امشي عمو خل اوديج حتة تبدلين هدومج اخذني بلطريق شترالي حلويات عﻻكة جبيرة فرحت بيهة حييل
وصلنة للبيت لباب مسدودة بس تنفتح دفعهة عمو وطبينة صاح علة بابا مرتين ماكو
اني ركضت علة غرفت امي اريد ادخل حتة اباوع تلفزيون
دفعت لباب وجان اشوف بابا هوة ووحدة علجرباية نازعين مﻻبسهم
عمو رأسن جرني وسد لباب
طلعني برة كلي اوكفي هنا عمو
ضليت واكفة برة واسمع عمو خليل يصيح
بعدين طلعت لمرية من بيتنة ﻻفة وجهة بلعباية
طلع عمو كلي طبي عمو جوة
طببني بلغرفة مال امي وعلكلي كارتون
واخذ بابا سحل من مﻻبسة طببة للحمام
بعدين طلع ورجع بيدة مسواك هواي خﻻ بلثﻻجة ونطاني فلوس هواي كلي ذني شتري بيهن من ترحين للمدرسة بس موتصرفيهن كلهن
اي عمو
وﻻتطلعين من لبيت ابد واذا شفتي ابوج جاب مرية للبيت تعاي كليلي تعاي للمولدة موللبيت انتي تندليهة
اي عمو
راح عمو واني ركضت علثﻻجة فتحتهة لكيت فاكهة كوومة كعدت اكل لحد مابطني كامت تأذيني
طلع بابا من لحمام لبس مﻻبسة وكلي ﻻتطلعين اني هسة اجي كتلة اي
صاحني سديت لباب ورا
بعدين كعدت اباوع تلفزيون
ندكت لباب طلعت لكيت رجال يصير عم امي اسمة علي كلي ابوج وين كتلة طلع
وانتي وحدج هنا
اي
من يجي كليلة اجة عليك عمو علي خل يخابرني
ماشي
راح لرجال طبيت للغرفة اباوع كارتون
صارت الساعة بل6 بدت الدنية تصير ضلمة خفت حييل سديت باب لغرفة وكعدت لغرفة صارت باردة كلش رحت جبت لصوبة مابيهة نفط وماكو جداحة حتة اعلكهة
طلعت بطانية بلكوة نزلتهة لنضدة عالية سحلت ليطانية وكعت لنضدة كلهة لفيت روحي بيهة وكعدت اباوع تلفزيون
دقايق وطفت الكهرباء
صار لمكان اضلم كلش خفت غطيت وجهي بلبطانية وغمضت عيوني بردانة حييل
سمعت صوت لباب نفتحت خفت كلش
اجة لحرامي راح يبوكني
صار قريب علية
غمضت عيوني حيييل
ليلى ليلى
وخرت لبطانية فتحت عيوني خالتي زهرة هية ورجلهة وبتهة مريم
رأسن حضنتهة
خالة اخذيني وياج حبابة
ابوج وين
طلع
الله يطيح حضة شلون يعوفج وحدج
خلفلة علة عمي علي اجة كلي روحي يمهة عايفهة وحدهة
كومي خالة وياي كومي
خل اجيب هدومي
يلله طلعيلج ثوبين موهواي
طلعت هدومي وطلعنة بعدنة ماطالعين طب ابوية
ها شعدج هنا ولج
حترم نغسك واحجي عدل جاية اشوف بت اختي انتة متخاف من الله شلون عايف لطفلة وحدهة هيج وكت
ماعدج بت اخت وبعد ﻻتلفين لهنا ابد ومالج شغل بيهة فتهمتي
رجل خالتي ضرب ابوية وكلة روح اصحة من هاذ الزقنبوت لشاربة وبعدين صير رجال وتعال تعارك واخذ خالتي وراح
ضليت ابجي عليهة اريد اروح وياهة احب بيتهم حلو وعدهة مﻻعيب هواي ومريم احبهة تطيني مﻻعيبهة وهدومهة من اروحلهم
اجة ابوي كلي ﻻتعوين دوختيني سكتت رأسن ﻻن اخاف منة اتذكرة من جان يضرب امي
طلعي دروسج وكعدي اقري
ماعرف
لعد ولي نامي
اي
رحت لفيت روحي بلبطانية وتمددت
تذكرت مﻻبسي ريحتهن موطيبة طلعت راسي ابوي ماهوة كمت اخذتهن ورحت للحمام حطيتهن بلطشت ودرت عليهن تايت هوواي وضليت افرهن بلطشت بيدي نفس لغسالة الي ببيت خالتي من تفتر
اجة بابا شافني
شتسوين
اغسل مﻻبسي
هاج ذني لعد غسليهن وياج
نزع مﻻبسة ونطاهن الي ريحتهن تلعب لنفس بعد اكثر من ريحة مﻻبسي
طلعت مﻻبسي شطفتهن وحطيت مﻻبسة وخليتلهن تايت بس مافريتهن هواي رأسن طلعتهن وشريت لمﻻبس كلهن
رحت طلعت عﻻكة لحلويات اكلت منهة وضميت لباقي بجنطة لمدرسة
تمددت ونمت
كعدني بابا لصبح كلي كومي روحي للمدرسة راح تتأخرين
كمت عاينت علساعة بل7 ونص ركضت للحمام
طلعت ردت اغسل وجهي لماي بارد كلش يكزبر عفتة ماغسلت
رحت علة هدومي لكيتهن مايابسات بيهن رطوبة
ماعدي غيرهن
لبستهن بس بردت حييل بيهن
شعري كلش مكفش وماعدي دنبوس احطة للربطة لبستهة وشديتهة من كدام
ركضت لمدرسة لشارع طيانة
وصلت .....يتبع
هاحبايب شنو رأيكم بلقصة لحد هسة
طبعا ﻻحداث لجاية راح تصدمكم احداثهة غريبة ومميزة متابعة شيقة
موتنسون التصويت احبكم 😘
رواية انقذني ايها الغريب........ الفصل الثالث 3 - بقلم Hunen23Hatum
#حنين حاتم الفتﻻوي
#انقذني ايها الغريب
(غير محلل نشر القصة بدون ذكر اسمي )
وصلت للمدرسة ﻻصطفاف بادي رحت من وراهم اتختل وطبيت للصف نزعت جنطتي وكعدت بس مﻻبسي مثلجات كلش بردت وضليت ارجف
ورة شوية بدو لبنات يطبون ﻻصطفاف خلص
اجت لمعلمة وكالت طلعو كتبكم دورت كتابي بلجنطة ماهوة اجت تفتش علكتب
وين كتابج ليلى
ماادري
لعد منو يدري
جرتني من ايدي تريد تضربني
هاي شنو مﻻبسج ليش هيج ناكعات
غسلتهن بليل بس مايبسن والله
ولنشافة وين راحت ليش ماجففتيهن
ماعدنة
كعدي
كعدت بس لبنات ضلن يضحكن علية ﻻن كتلهة ماعدنة نشافة
لمعلمة تشرح علصبورة كمت اشوفهة ثنين وجسمي كلة يرجف تلمست وجهي حار كلش
نجفيت علة صديقتي اريد اسيطر علة روحي مااكدر
صديقتي صاحت علمعلمة كلتلهة ليلى وكعت
اجتني شالتني اسمعهة تحجي بس اني موبوعيي دايخة وماكدر افتح عيوني
ودتني لﻻدارة اسمعهة تكل لوحدة اذا هية مﻻبسهة ناكعات شلون ماتتمرض
خابرو علة اهلهة
شسمهة هية
ليلى رعد
طلعي فايل لمعلومات مالتهة واتصلي علة اهلهة
حسيت ايد باردة تتلمس وجهي
نفس ايد ماما لصبح لمن تتلمس وجهي وتكعدني حتة اتريك
فتحت عيني لمديرة خالة راسي بحضنهة
ها ماما كعدتي امج ماشافت مﻻبسج من طلعتي
امي ميتة ست
حبيبتي شوكت ماتت
قبل شكم يوم
وانتي وين هسة باقية
يم بابا
اجت لمعلمة كلتلهلة دكيت علة اهلهة ومحد يرد
لعد شلون هسة حرارتهة كولش مرتفعة
دزيهة بيد لحارس خل يوديهة
طلعت لمديرة ودتني للحارس كلتلة وديهة ﻻهلهة مريضة
تعاي عمو موذاك ليوم وديتج لبيت عمج اني
اي
يلله خل اوديج لبيت عمج وهمة يودوج ﻻهلج
وداني لبيت عمو دكينة لباب دكينة محد طلع
هسة شلون
بيتنة مناك روح واني اروح اندلة
ﻻشلون خاف توكعين امشي اني اوديج
مشينة وصلنة لبيتنة لكيت زلم كوومة ووياهم كرابة وديفلشون ببيتنة لحارس عافني وراح
باوعت بين لزلم شفت عم امي علي اجيت علي كتلة
عمو ليش فلشو بيتنة
بابا هاذة موبيتكم بيتي واني جنت مكعدكم بي لخاطر جدج وامج هسة راحت واني لبيت اريد ابني محﻻت بمكانة اجيت علة ابوج 3 مرات مالكيتة
امشي وياي خل اوديج لبيت خالتج
وداني يم بيت خالتي بسيارتة
طببتني خالة صبتلي غدة ونطتني من مريم مﻻبس ونطتني دوة ونمت
فزيت لضهر علة صياح فتحت عيني خالتي ورجلهة يتعاركون
سمير الله يخليك خليهة يمنة نربيهة وية مريم
زهرة اني مالي خلك المشاكل وابوهة سكير وراعي مشاكل مالي خلكة يجي يتهدد هنا ويفضحني كدام لجوارين
فدوة سمير هية هاي الي بقتلي من ريحة ميعاد
وخري زهرة وخري
اجة علية
كومي عمو وياي خل اوديج لبيت عمج
اخذني وخالتي ضلت تبجي وتتوسل بي
وصلنة لبيت عمو طلعتلنة مرتة
هاي بتكم خوية
ابوهة وين لعد
ابوهة ماكو وصاحب لبيت اخذ بيتة ورجلج مايرضة لبنية تبقة يمنة هاي امانتكم واني رايح
طببتني كعدتني بلمطبخ
ضليت كاعدة بلكاع علزولية اجت بتهة يمي ازغر مي
شسمج انتي
ليلى وانتي
سكينة
راحت جابت مﻻعيب واجت يمي نطتني لعابة تخبل شعرهة اصغر وعيونهة لونهن ازرك وﻻبسة بدلة تخبل ضليت افر بيهة وبدلتهة تفتر
حسيت واحد جرني من شعري حييل
نداريت نفس لولد الي كلي ﻻتاكلين ويانة ﻻن لعبت روحة مني من جنت اكل بيدي بلفاتحة باوع علة اختة هم جرهة من شعرهة
انتي شتسوين هنا
سكتت اخاف من عدة
ماما ماما
ها وليد شبيك
هاي لوصخة شتسوي يمنة
هسة يجي ابوهة لشفية وتولي ويا
ماما خل تبقة يمنة تلعب وياي
سدي حلكج سكينة
نطيتهة لعابتهة ورحت كعدت يم لحايط اني مووصخة هستوني سابحة ومﻻبسي نضيفات ليش هيج يكولون علية
اجة عمو راحو ركضت علي سكينة شالهة ونطاهة نستلة شافني كاعدة صاحني
هاليلى شلونج
زينة
منو جابج هنا
بيتنة فلشو وعمو علي راح يبني محﻻت بمكانة ورجل خالتي زهرة جابني
لزم مبايلة خابر علة بابا مارد علي
نطاني نستلة وكلي يلله روحو لعبو انتي وسكينة
اجت مرتة نطتة مي وكلتلتة
شوكت توديهة
دكيت علة ابوهة ميرد هسة هية شمسويتلج قابل
مامسويتلي شي بس ماريد بت هاذ لسكير تختلط بجهالي
فاطمة شنو هاذ لحجي هية طفلة شعليهة بأبوهة
ضلو يتصايحون سكينة كلتلي امشي نروح بغرفتي
رحنة اني وياهة واسمع صوت عمو ومرتة يتصايحون
كعدنة نلعب بعدين سمعت صوت بابا
طلعت ركض رحت يمة
هسة وين راح تكعد
اني اريد اسافر
شنو
اكو وحدة اعرفهة عدهة فلوس وكلتلي نتزوج ونطلع للخارج اني وياهة
بسﻻ هاي لص.....طة الي لكيتهة يمك ذاك ليوم
خليل ﻻتغلط عليهة رجائا
اكل خرة ولك شواربك ذني ادوسهن بلقندرة اذا تتزوج هاي لكاولية
اتزوجهة وغصبا عليك
وهاي لمسكينة بتك وين تروح
خليهة يمكم اني ماريدهة واذا متردوهة اوديهة لدار ﻻيتام اذبهة بلباب واخلص من مسؤليتهة
عمو ضرب بابا وطردة برة
وكعد يحجي علي وعلة تربية جدو
اجت مرتة كعدت يمة تحجي ويا
ليش مانطيتهيا يوديهة دار ﻻيتام يذبهة بلشارع احنة شعلينة مامسؤلين بيهة
فاطمة سدي حلكج ﻻهسة ابتلي بيج وحق محمد
لو اني لو هاي بت لسكير بلبيت
فاطمة خلي عقلج براسج وﻻتسوين هيج
اذا متوديهة هسة اخذ جهالي واروح لهلي
ماوديهة فاطمة هاي دمي لحمي مالهة احد ابوهة كلب وامهة راحت لدار حقهة وين تروح لطفلة
ماشي خليل خليهة تنفعك
راحت لمت مﻻبسهة ومﻻبس جهالهة واخذتهم وطلعت
عمو حجة وياهة حاول يقنعهة ماكو
كعد عكرويت وخال ادي علة راسة
اجيت علي كتلة عمو وديني لدار ﻻيتام عادي انتة مرتك خطية وجهالك هم
باسني من راسي وكلي راح اطلع واسد لباب عليج من برة موتعلكين نار وﻻتلزمين كهرباء كعدي لعبي بلمﻻعيب واني ماتأخر دقايق اروح للمولدة وارجع
ماشي عمو
شغلي لتلفزيون وخﻻ علة كارتون وسد لباب علية وراح
نص ساعة ورجع ماحسيت بلوقت ﻻن اباوع كارتون اندمج وانسة روحي
طب شايل اكل ويا بعﻻليك كلي جيبي صينية وماعونين وتعاي جبتهن نطيتهن الة طلع من لعﻻكة كباب ومقبﻻت وطماطة شوي ريحة ﻻكل تخبل ماماكلة كباب بحياتي كلهة غير مرة وحدة ببيت خالتي
ضليت اكل هوااي وبسرعة عمو يباوع علية ويضحك ستحيت من عدة تدنيت
ليش وخرتي عمو هاذة كلة الج اكلي بلعافية
ضحكت ورجعت اكل
كملنة وشالة فرشلي فراش وكلي نامي باجر وراج دوام ردت اكلة عدي دروس ماقاريتهن بس ستحيت
مددت بفراشي بس مانمت مشتاقة انام بحضن امي جانت دائما تنومني بحضنهة ومن اخاف بليل اجلب بثوبهة وانام
بقيت 3 ايام اني وعمو لوحدنة يومية يوديني للمدرسة ويرجعني يسد علية لباب ويروح للمولدة بس خلة يمي تلفون كل سا يدك علية يكلي خوما بيج شي خوما خايفة اني مرات اخاف بس مااكلة اضل اباوع تلفزيون واكل حلوياة وعيني علباب لحد مايجي عمو مااتحرك من مكاني اخاف ومن يفتح لباب افرح كلش بجيتة وبدي احضنة بس استحي من عدة
رابع يوم كاعدة اباوع تلفزيون وشفت لباب بيهة حركة فرحت حييل هاذ عمو اجة نفتحت لباب دخل عمو وجهالة ومرتة
طبو بدون ﻻسﻻم وﻻكﻻم طبو لغرفهم بدلو واجو
اجت علية مرت عمو جرتني من مﻻبسي وكلتلي
كومي طبي للمطبخ هنا تنامين وتاكلين وتدرسين ماشوفج تطلعين برة عتبة لمطبخ
تذكرت لمطبخ شكد بارد دمعن عيوني باوعت علة عمو
كلي حبيبتي سمعي كﻻم عمتج انتي منا ورايح راح تعيشين ويانة وكﻻم عمتج تسمعي وتنفذي
انشاء الله عمو
رحت اخذت جنطتي وكعدت بلمطبخ
اجت سكينة شمرت علية بطانية ومخدة وراحت
لفيت روحي بلبطانية وكعدت
كل يومية اترزل بلمدرسة ومرات انضرب ﻻن ماعرف اقرة لوحدي ماما جانت هية تقريني
باوعت علة سكينة كبالي بلصالة كاعدة بصف لصوبة وامهة يمهة تقريهة قرائة نتبهت علصورة نفس درسنة
كمت انتبه علة حجيهة واعيد وراهة هية تحجي بصوت عالي وسكينة تعيد وراهة ضليت اعيد وراهة لحد ماحفضت لدرس وقريتة لوحدي بلقرائة فرحت كلش يعني باجر ماراح انبسط
داومت ثاني يوم وقريت لدرس صح وصفكولي رجعت فرحانة بس عمو مااجة علية رجعت لوحدي تانيتة هوااي لحد ماتعبت ورجعت وحدي
طبيت للبيت لكيت عمو وجهالة ومرتة يتغدون
نقهرت كلش اني متانيتة وهوة كاعد يتغدة لو كايلي مااجيج حتة ماضل اتاني
طبيت بدلت وطلعت اجيت كعدت يمهم جان مرت عمو عاطت علية
كووومي منا اني شكتلج
فاطمة شجاج وية لطفلة خرعتيهة
خليل اني شكتلك شتفقت وياك موكتلك هاي بت لسكير ماتكعد ويانة علة صينية وﻻتتقرب من جهالي
كمت ابجي رأسن وكمت كعدت بلمطبخ
اجت سكينة جابتلي اكل محطوط بقبق الكدر
تمن وفوكا مركة بانية
نقهرت حييل عدهم كوومة مواعين بلمطبخ بس ادري بيهة تعمدت تحطلي بلقبق حطتة يمي وراحت اني كمت حطيتة علكاونتر ومااكلت
اجت مرت عمي حطت لمواعين علة لسنك
هذني لمواعين تشوفيهن كلهن تغسليهن دقايق وارجع الكة لمطبخ يلمع
انشاء الله عمة
اجيت علماعين بديت اغسل بيهن
كملتهن وحطيت كلشي بمكانة بس مانضفن زين اول مرة اغسل مواعين
اجت مرت عمو تفحصت المواعين واحد واحد رجعت خلتهن كلهن بلسنك وكلتلي
ترجعين تجلفيهن من جديد هاذ لوصخ متشوفي انتي عمية بس ماعتب عليج هية امج جايفة عليمن تطلعين انتي
جلفتهن وهية واكفة فوك راسي كملتهن ورجعتهن بمكانهن
طبو همة لغرفهم ينامون
ضليت بلمطبخ لمكان بارد كلش لفيت روحي بلبطانية بس هم بردانة ﻻن بي شباك جبير ويطبب هوة
جعت كولش
كمت علة كيفي فتحت لثﻻجة لكيت اكل اشكال والوان طلعت تفاحة وسديت لباب
جاي اندار جان 😖.....يتبع
#حنين حاتم الفتﻻوي
رواية انقذني ايها الغريب........ الفصل الرابع 4 - بقلم Hunen23Hatum
#حنين_حاتم_الفتﻻوي
#انقذني_ايها_الغريب....
غير محلل نشر القصة بدون ذكر اسمي
نداريت ووية مانداريت اصابيع نطبعن علة وجهي رأسن غمضت عيوني
حرامية بواكة بت السكير ليش تمدين ايدج
عمة والله بعد مااخذ هاجياهة ماريدهة
هدور اكسر ايدج اذا مديتيهة علة اي شي بلبيت
راحت جابت قفل لثﻻجة وقفلتهة
كعدت بلزوية حطيت ايدي علة عيوني وابجي اني مابوك والله بس ﻻن جوعانة وجنت متعودة من جنة بس اني وعمو يكلي شوكت متجوعين اكلي اي شي يعجبج من لثﻻجة
ضليت ابجي لحد ماصار اليل ونمت
صبو عشة وجابتلي سكينة صمونة وماعون زغير بي طماطة كلي كتلهة مااشتهي وماتعشيت لفيت روحي بلبطانية وتمددت بلكاع علزولية ﻻن مانطوني دوشك بس بطانية ومخدة
واني نايمة حسيت شي مشة علة جسمي فتحت عيني رأسن وكمزت من الفراش باوعت جريذي طفر وطب جوة لكاونتر ضليت للصبح كاعدة علمخدة وﻻفة روحي بلبطانية اخاف اتمدد ورفعت روحي بلمخدة حتة اصير عالية صار لفجر واني ابجي وارجف عمري ماخفت بكد لخوف الي حسيتة بيومهة
رجلية يرجفن وسنوني وادية شابكة روحي بيهن حتة ادفة
طلع لضوة وكشف الوكت شوية طمئنيت
لهناك اجة عمو دايغسل ويتوضة
ها ليلى صباح لخير
مارديت علي زعﻻنة من عدة يشوف مرتة شلون تعاملني ومايحاجيهة
اجة كعد بصفي وجرني لحضنة
عمو ليلو اني مابيدي شي عليج والله
شرطت علية مااتدخل بيناتكم وهية تريد ترجع تربيج من جديد حضرتهة ﻻن تكول تربيتج موحلوة
والله ياعمو بس اتدخل تاخذ لجهال وتروح لبيت ابوهة وتضلين لوحدج بلبيت ونضل اني وياج ﻻاحد يطبخلنة وﻻاحد يغسل هدومنة تحملي لخاطري حبيبتي
واني يومية من اجي بليل اجيبلج اكل خاف تجوعين ضمي يمج بس موتحجين كدام سكينة ووليد ترة يكلون ﻻمهم وبعد شيخلصنة من لسانهة
خوش عمو
وين ضحكتج اريد اشوفهة
☺
عفية بليلو
باسني وراح
مر شهر علة تواجدي ببيت عمو ومعاملة فاطمة مرت عمي الي يوم عن يوم تسوء يومية اغسل مواعين لعدة ولعشة وانضف لبيت ومرات حتة لمﻻبس تخليني اغسلهن واذا شافت ماعون مامغسول عدل تركعة براسي واذا نكسر ماعون هاي الي الله كاتبهة علية
انضرب ضرب ماصاير اي شي كدامهة تضربني بي ماشفت رحمة بكلبهة ابد ووليد شد حرابتة وياي كلما يفوت من يمي يضربني ويجر شعري لو يشكك كتبي ويشخبط عليهن
وسكينة هم علموهة تأذيني عمو نقلني وياهة بنفس المدرسة وصرنة بنفس لصف
هية ازغر مني بس مسجليهة وياي
تحجي علية بلمدرسة كدام لبنات وتكللهن ابوهة يشرب وموخوش انسان وخلت لصف كوولة يكرهني ومحد يحجي وياي
عندي قلم واحد بس وبي مساحة من جوة واذا ضاع اضل مااكتب دروسي ومرت عمو ماترضة تنطيني قلم وﻻتخلي عمي يجيبلي تكلي دوري وتلكينة
كمت شديتة بخيط ولبستة مثل الكﻻدة بركبتي حتة ﻻيضيع مني
يومية اراقب سكينة ومرت عمو من تقريهة واحفض لدروس ومن نرجع سكينة تكل ﻻمهة علية حافضة وصفكولي تجي تسأل بية تكولي شلون تحفضين وحدج
لحمد لله صرت شاطرة ونجحت من لرابع لللخامس وطلعت اﻻولى بس سكينة طلعت كمال بدرسين ووليد رسب بصف ﻻول متوسط وراح يعيد لسنة
فاطمة لزمت جهالهة موتتهم كتل
واني كاعدة بلمطبخ فرحانة اجت لعطلة ﻻن عمو كلي بلعطلة اذا نجحتي اخليج تباوعين تلفزيون ويانة كل جمعة
همة صايرين كبالي وامهم تضرب بيهم بلصوندة
جان وليد يكل ﻻمة
ماما شوفيهة شلون تضحك علينة متشمتة بينة
اجت علية جرتني من شعري
عمة والله مااضحك عليهم
صربتني حييل علة وجهي بلصوندة نشكت شفتي وكامت تجري دم
تذكرت ماما من شفت لدم يمهة كمت ابجي
عبالي راح اموت مثلهة
اجتني جرتني من شعري
حسج مااسمعة خوووش
سكتت وضليت اشهك
مرت فترة طوويلة علة تواجدي وياهم ومرت عمو كلما جالهة تسوء معاملتهة الية وحتة جهالهة كامو يمدون ايدهم علية ويضربوني عمو قبل جان يحجي ويدافعلي صح مايسوي شي بس مايسكت
بس هسة كام عادي يدنك راسة لويسوي روحة مايدري من انضرب كدامة لو انهان
داومت صف خامس ولحمد لله درجاتي كولة بل90 ومرت عمو تتخبل من تشوفني انجح وجهالهة يرسبون ولو تدري بية احفض من عدهة جان موتتني كتل
ويوم عن يوم تذب شغل علية اكثر بلبيت
كامت حتة طبخ تعلمني
مواعين لغدة ولعشة علية مﻻبسهم كولهم
حتة اذا ماكو شغلة تطلعلهة شغل من جوة لكاع وتكلي كومي سوي
تسوي هيج حتة ميبقة عدي وقت ادرس بي
بس اني كمت اموت علة دراستي اريد اكبر واتعين واشتري بيت واعيش بي وحدي واخلص منهم
كمت ابقة ل3 بليل مرات اقرة ومانام اذا مااقرة كول دروسي وكمت اعرف اقرة وحدي واحل واجباتي واحفض صرت اشطر وحدة بلصف
نجحت لصف لسادس ومتميزة
وليد طلع كمال رغم هوة عايد لسنة وسكينة هم كمال ب3 دروس وكلعادة نكتلو واني هم نكتلت وياهم
ﻻن مرت عمو تكول اكتلج وياهم حتة ﻻتضحكين عليهم
داومت صف سادس ودرجاتي هم عالية
وسكينة ووليد عمو حطلهم مدرسين لكل لمواد
نجحت من لسادس بمعدل 96 ومديرتي كلتلي قدمي علة مدرسة المتميزات ورحت كلت لعمو واخذني قدمت وسوولي اختبار ونجحت بﻻختبار رغم جان صعب كولش داومت بلمدرسة وفرحانة حييل لمدرسة تخبل مو مثل بقية لمدارس بنايتهة عبالك قصر وبيهة سبالت بكل لصفوف وزينة يختلف عن بقية لمدارس نلبس صدرية لون جوزي وقميص لون بيجي بس مرت عمي ماقبلت اخيط مﻻبس كلتلي
تداومين بمﻻت العام
بس عمة لصدرية لونهة نيلي وهمة مايرضون الة جوزي مالي شغل مشكلتج هاي ماضل اني يومية مخيطتلج جرود
داومت بيهن سبوع ويومية اترزل بعدين لمديرة ودت علة عمو وكلتلة رجع نطة فلوس لعمتي وكللهة خيطيلهة كلتلة متخيط وخل تبطل اني احتاجهة بلبيت تساعدني
فاطمة خطية لبنية شاطرة ليش نبطلهة
واني شنو ذنبي اكرب ليل ونهار وبعدين هية بنية اول وتالي تكعد بلبيت ماطول تعلمت تقرة وتكتب هاذهو خل تبطل شلهة بلمدرسة
ﻻعمة فدوة اني موجاي اساعدج بشغل لبيت ﻻتبطليني
عمة لعماج بيمن مساعدتني اشو 24 ساعة راسج بلكتب ولي من كدامي دوام ماكو يلله كومي للمطبح
رحت للمطبخ ابجي فرفحت ماريد ابطل اريد اكمل دراستي واشتري بيت اكعد بي واخلص منهة
ضليت يومين ابجي ومااكل كلت بلكي تنقهر علية وتخليني ارجع بس ابد مارف كلبهة وفرحانة كلش ﻻن بطلتني
اني ليلى عمري 18 سنة شكرة وعيوني خضر طولي بصراحة ماعرفة شكد وﻻحتة وزني بس اني ضعيفة بس عمري ماحسيت روحي حلوة بكد مامرت عمي تعييب علية وتمدح ببتهة رغم بتهة سمرة وموحلوة اني ليلى يتيمة اﻻم
واﻻب هههه ياريت لو ميت
اقلها جان محد عيرني بي
محد كلي بت لسكير ومحد حجة علة تربيتي
عمو صارت لشغلة عادية عدة وتقبلني كخدامة وحتة نسة انو اني بت اخو ولفضل يرجع لزوجتة
اني ليلى لحد هاي الحضة اكل بقبق الكدر ومن اكل مرت عمو تكلي دوري وجهج علحايط لتعاينين علية
اني ليلى عشت بهاذ لبيت خدامة للكل من اكبر نفر ﻻزغر نفر بلعائلة مجردة من كل حقوقي كبشر
ﻻلبس ﻻلكمة بيهة خير ﻻطلعة ﻻطبة
كل جمعة يطلعون لصبح يرجعون بليل يرحون لكرايبهم يرحون للكاضم يرحون متنزهات
واني هه
اني لخدامة الي ابقة بلبيت ارتب وانضف واجهز ﻻكل وانتضرهم يجون حتة اصبلهم
اني ليلى اي اني
.....يتبع
#حنين_حاتم_الفتﻻوي
حبايب موتنسون لتصويت فديتكم
لقصة بعدهة ببدايتهة بعد بيهة احداث كوولش حلوة
احبكم 😘
رواية انقذني ايها الغريب........ الفصل الخامس 5 - بقلم Hunen23Hatum
ليلى
ليلى
ليلى
هاها
ها عمة صباح لخير
صباح ﻻكشر عليج نايمة لساج كومي يلله راح يجونة خطار كومي نضفي غرف وليد وسكينة بﻻول وبعدين نزلي للطابق لجوة
منو راح يجي
مالج شغل كومي يلله
اي عمة كايمة
كمت لميت شعري بلقراصة طوييل حيل يوصل جوة ضهري وعمتي ماترضة اسوي ضفيرة تكلي شيلي بلقراصة ماريد اشوفة ينزل
ركضت لغرفة سكينة لميت فراشهة ومﻻبسهة مطشرات بلكاع ومكياج وعطور وزعابيل كوومة كولهن بلكاع شي فوك شي
لميتهن وكنست لكاع ومسحتهة
ورحت لغرفة وليد
طبيتلهة ريحتهة تلعب النفس ريحة جكاير وريحة ابد موطيبة فتحت الشبابيك ونضفتهة ومسحتهة بديتول وطلعت
نزلت للطابق الجوة هم ستلمتة تنضيف
كملتة ورحت علمطبخ لكيت السنك مليان مواعين الريوك وطاوات وقوري وكﻻصات عود اني بليل نضفتة ماخليت بي شي
نضفتة وكملت
ردت اتريك طلعلتلي بيضة وخليت لقوري علنار
طبت مرت عمي
طفت لنار
اني موكايلة من تكعدين متأخر مالج ريوك
ليش عمة سكينة وليد مويكعدون ب11 من دوامهم ضهري
وانتي تقارنين روحج بجهالي ولي من وجهي يلله
طلعت من لمطبخ صاحتني
ها عمة
طلعي دجاجتين من المجمدة ذبيهن علنار وسوي تمن
انشاء الله
كملت لغدة وجعت حييل من ريحة ﻻكل
اذن
توضيت وطبيت للصالة اصلي بس وكت لصﻻة تخليني اطب للصالة ﻻن لمطبخ بيت النار مايجوز اصلي بي
واني اصلي سمعت صوت حجي زلم ونسوان
اجت عمتي شافتني اصلي
كملي بس صﻻة لضهر وتعاي للمطبخ بسرعة ﻻتصلين لعصر
هزيتلهة راسي بمعنا اي
خليتهة طلعت كملت صﻻة لضهر وصليت لعصر هم ماعرف اعوف صﻻتي تعودت يومية اصليهة بوكتهة واقرة قران واكعد احاجي ربي احس نفسيتي ترتاح وتطمئن
كملت ورحت للمطبخ دقايق وطبت فاطمة
يلله صبي بذني المواعين الكبار وخلي الدجاج فوك التمن بسرعة خفي ايدج راح اخذ السفرة
صبيت اكل بصينية وخليت حجاب علة راسي واخذت لصينية اوديهة لﻻستقبال
ﻻكتني فاطمة
جيبي لصينية ولتوصلين لﻻستقبال فتهمتي
ستغربت بلعادة من يجي خطار اني اصب ﻻكل كلة
رحت صبيت بقية ﻻكل وخليتة بصينية وتانيتهة تجي تاخذة
اجت اخذتة وكلتلي سوي جاي
جاي اخلي لقوري علنار طب وليد حل من دوامة
جر حجابي وجر شعري فتحة وذب علية مي من لسنك
اني هاي لفترة كمت البس من عدة حجاب بس هوة مايقبل كلما يشوفني ﻻبسة حجاب يجرة ويفتح شعري اكثر من مرة كلت لعمو ويرزلة بس مايتوب مني
وليد والله حرام عليك ليش هيج تسوي
بكيفي بليعجبني شنو تمنعيني حضرتج
درت وجهي عنة وسكتت ﻻن بس احاجي بعد ميعوفني بعدني واكفة حسيتة خلة ايدة علة خصري
نداريت مصدومة
وليد شتسوي
خلة ايدة علة حلكي رأسن
ولج اني ابن عمج واول وتالي انتي الي خلي اتمتع شوية
نجب يا ادب سز اني موبت شوارع وهيج تسوي وياي اني عرضك ياعديم الشرف
خلة ايدة علة حلكي حييل خنكني متت
قرب وجهة علية
والله لوما خطار يمنة جان هسة الله بكبرة ميخلصج مني
حاولت ادفعة ماكدرلة قوي
خلة شفتة علة خدي وباسني حيييل
وليد وخر وخر ﻻ اصيح والله
جرني من شعري حييل وراح
كعدت بلكاع ابجي وليد حطني براسة بعد شيخلصني
اني اتمنة بس اتزوج واخلص منهم هدور اتزوج وليد وابقة عمري كلة هنا
عمر اكشر هاذ الي ينكضي وية وليد اموت هوااي احسنلي
بعدني كاعدة طبت سكينة وجهة لونة اجلح من المكياج هية سمرة ومن تحط باودر تصير فلم
هية لسنة صف خامس ادبي وكضتهة رسوب وكوة تنجح رغم عمو حاطلهة مدرسين
ووليد صف سادس بس مسائي وماكو شغلة طايح حضهة ماسواهة من طب للمسائي لحد ﻻن
ها ولج الوصخة شبيج كاعدة هنا تتبجبجين
ميت مرة كتلج ﻻتكليلي الوصخة انتي موانضف مني
ههه واذا كلتي وشنو يعني انتي وصخة وتبقين وصخة
صبيلي غدة وجيبي لغرفتي يلله بساع
الكدورة فارغة يمنة خطار خل يرجع ﻻكل واجيبلج منة
مدت راسهة من لصالة تباوع تشوف منو جاي اسمعهة تحجي
خرب لك ذولة سيف وعمار
باع الصكوك يا الله هاي لشباب الحلوة خومو ولد منطقتنة خرب حضي
ركضت لغرفتهة ترست وجهة مكياج ولبست تراك سمائي حصر وخلت حجاب علة راسهة بس شعرهة نصة طالع
وريحة العطر تعط منهة ركضت طبت لﻻستقبال
كمل لجاي طفيتة وكمت احضر الستكانات
سمعت عمو صاحني
ليلى
ها عمو
ماكدر اطب لﻻستقبال اخاف من فاطمة رديت علي من لصالة
وينج ليلو
ها عمو جاي اسوي جاي
تعاي بابا عوفي الجاي
اني ﻻبسة دشداشة فيزون لونهة وردي فاتح قبل 3 سنوات عمو جابهة الي بلعيد مخليتهة بس من يجي خطار البسهة ﻻن حلوة علية مخصرة ومرتبة
لفيت شالي عدل وشلت شعري ﻻن طالع من جوة لشال دكيت لباب علة كيف وطبيت
تعاي ليلو سلمي عمو
هاي خالة عمتج فاطمة
باوعت مرية ووياهة ثنين ولد شباب واحد شوية جبير ولثاني يبين بكد وليد
باوعتني المرية وصفنت بوجهي
اللهم صلي على محمد وال محمد تبارك الرحمن فدوة لله شكد حلوة
تعاي نطيني بوسة من هاذ الخد الحلو
رحت بوستهة وردت اطلع
كلتلي كعدي خل نسولف وين رايحة
فاطمة وبتهة يخزرن بية وعيونهن صارت بكصتهن
فرحت حييل بحجيهة اول مرة يمدحني واحد ويكول شكلي حلو تعودت اسمع كلمة الوصخة الجايفة ام الكمل بت السكير تربية شوارع بس عمري ماسمعت كلمة حلوة انتي بللمدرسة لومبطلة
ختنكت حييل من سألتني هاذ السؤال
ﻻ خالة مبطلة
شعجب بطلتي الدراسة حلوة
جاوبتهة فاطمة
شنسويلهة كسولة وكضتهة رسوب لحد ماعمهة كللهة بطلي انتي مومال مدرسة
باوعت علة عمو عبالي راح يدافعلي
سوة روحة ماسمع الحجي متت بدمي لوكسولة صدك مااضوج بس شكول حسبي الله عليهة
باوعت علة سكينة تسوي حركات تفشل بوجهة وبحلكهة حتة تلفت انتباه الولد
ركزت عليهم واحد يطلع عمرة بل28 سنة والثاني يبين اقل العشرين
بس شكلة مثل سكينة مهيلك لشعر سبايكي وﻻبس بنطرون مشكك وضيك حيييل وبس يتبصبص
بس الثاني مبين عاقل شكلة حلو ومرتب ﻻبس سترة لون نيلي وبنطرون بيجي
يسولف وية عمو يحجي بلسياسة مافتهمت شيحجي بس مبين مثقف
اني صايرة كبال الباب اجة وليد بلصالة كبالي اشرلي بئيدة
رحت يمة
ها وليد
بعدني احجي جر حجابي حييل وذبة بلكاع
وليد شكم مرة كتلك ﻻتجر حجابي
جر قراصتي وفتح شعري ولزمني من شعري حييل
وخر شبيك
كاعدة يم الولد كيغتي عليهم مو ولج
عيب عليك شنو هاذ الحجي عمو صاحني ورحت
امشي روحي للمطبخ وديري بالج تطلعين برة سمعتي
طبيت للمطبخ ابجي
خل يضربوني خل يحرموني من كلشي
مااحجي والله
بس ماريد اعصي رب العالمين بسبب وليد يلزم ايدي وجسمي وشعري ويكشف علية وشكد مااحجي ميفيد
حسيت صوتهم صار بلحديقة باوعت من لشبالك شفتهم ديطلعون
كمت اريد اروح للحمام اسبح
باب الحمام تنسد بس بسهولة تنفتح ﻻن ليدة مالتهة خربانة تجيت عليهة سلة المﻻبس الوصخة وسديتهة نزعت مﻻبسي وفتحت المي بلطاسة وجاي احضر اليفة
ندفعت لباب حييل
درت وجهي جان اشوف 😖
#حنين_حاتم_الفتﻻوي
موتنسون التصويت حبايب
احبكم 😘
رواية انقذني ايها الغريب........ الفصل السادس 6 - بقلم Hunen23Hatum
#حنين_حاتم_الفتﻻوي
#انقذني_ايها_الغريب...
#غير_محلل_نشر_القصة_بدون_ذكر_اسمي
نداريت جان اشوف وليد
😱😱
وليد شلون تطب علية لهنا اطلع برة انتة متخاف من الله
دفعتة حيييل وسديت الباب بس ماكدرت اسدة
هوة برة يدفع واني ادفع
كمت اصيح علة عمي
عموو الحكني عمو وينك تعالي فدوة
اجة عمي كام يصيح علي ويفشر ويدفع بي مايكدرلة اني خاتلة ورة الباب وادفع بلباب وهوة يدفعة علية وعمي يجر بي يضربة ماكو فايدة
هوة طويل وقوي يلعب حديد وعمي صحتة علة كدة
احت فاطمة وسكينة وجرو وية عمي يلله كدرولة
سديت لباب ولبست مﻻبسي بسرعة
وضليت بلحمام ابجي
اسمع عمو يغلط علة وليد وضربة صار صياح قوي فاطمة وعمي ووليد كلهة تصيح ماافهم شيكولون
كاعدة بلكاع ارجف وابجي وانخي ربي
لهناك هدء لبيت ولكل سكت لبست شالي وطلعت
سكينة كبالي بلصالة هية وفاطمة
اول ماطلعت ركضن علية ثنينهن
جرتني سكينة من شعري حييل وكعتني بلكاع
ونامت فوكاية زلغت وجهي بأضافيرهة وتولتني راشديات وملخت شعري تملخ احاول ادفعهة بس قوية مااكدرلهة وفاطمة واكفة وترفس بية برجليهة علة بطني اصرخ واتوسل بيهن ماعافني
وفاطمة تضرب بية وتصيح
ادبسز كوولة من وراج بت لسكير اصلج كاولية تربية شوارع تسوين اغراء للولد وتكليلة لحكني للحمام وبعدين تستشرفين وتكولين هوة طب علية مو
اجة عمو دفعهن ثنينهن وجرني حيييل لغرفتة
طببني دفعني بلكاع
ليلى احجي لصدك انتي صايحة الوليد
كمت ابجي
عمو هاذ انتة هيج تحجي ماتعرفني اني تربيتك عمو
ليلى احجي ولج مابقة براسي تفكير
وروح امي الي ماتت بشبابهة ونحرمت من هوة الدنية والله ياعمو كول الي كالتة مرتك جذب
عمو اني شكم مرة كتلك وليد يجر حجابي ويضايفني
وازيدك علم وليد يشرب جكاير ويومية من انضف غرفتة الكة الكطوف جوة الجرباية بس اخاف احجي ﻻن يضربني وانتة وفاطمة ماتصدكون بية
كام يلطم علة راسة من كتلة
عمو صلي على محمد ترة هاذ كوولة من ورة دﻻل فاطمة
روحي ليلى عوفيني
طلعت برة بدلت هدومي ﻻن شكن ثوبي علية
ورجعت للمطبخ مستقري
صليت ركعتين وهديتهن ﻻم لبنين وطلبت منهة تهدي وليد ويكف شرة عني ويشيلني من راسة
اووووف اتمنة بس احد يخطبني واخلص من وليد حتة لو فقير والله اقبل هوة اني شملك بهلدنية غير شرفي ووليد ناويلي علة شر ربي استر علية وجفيني شرة الهي مالي غيرك بس انتة سندي
صار اليل كمت سويت عشة وصبيتة الهم عمو وفاطمة مااكلو بس سكينة
كعدت بلمطبخ اعزل وازعبل لمكان نضيف بس اني اريد اكضي وكت
صاحتني فاطمة
ها عمة
تعاي ولج هاج ذني الفلوس نطيهن لسكينة مابية اصعد وكليلهة امج تكول اقتصدي بيهن مويومين وتكليلي اريد بعد
اخذتهن منهة وصعدت لسكينة صرت قريبة علغرفة سمعتهة تحجي اني اكثر من مرة اسمعهة تحجي وية ولد بس اجذب روحي واكول يجوز غلطانة
تقربت حييل علباب اسمعهة تكول
حبيبي حتة اني مشتاقتلك والله
اي ماشي نتشاوف باجر من اطلع من الدوام
ﻻ مااكدر اجي وياك للبيت
موقصة مااثق بيك بس مااكد خاف اتأخر
ماشي ماشي ﻻتزعل علة غير مرة والله احاول ادبر رة واكلك
يلله حبيبي الله وياك
دكيت الباب
منو
اني
امشي ولي ماريد اشوف وجهج
ردت انزل سمعتهة تحجي
قربت اذاني علباب واسمعهة
هلو عيني شلونك
عززة بعينج سكينة هاذ منو الثاني
اسمي ههه اسمي زهراء
شلون جذابة
وعمري اممم
اني مواليدي 94
شلون جذابة تكبر بروحهة هية ازغر مني اني 96 وهية 97
فتحت الباب وطبيت عليهة
سكينة ويامن تحجين
ياقندرة تتصنطين علية ولج موو
سكينة بطلي هاي لسوالف وحيري بدراستج ذولة يضحكون عليج ولج ﻻتنزلين راس عمي مايستاهل تخونين ثقتة مامقصر وياج بشي حرام عليج
مالج شغل بية فتهمتي ولي يلله لعبت نفسي من وجهج
حطيت الفلوس علة ميز المراية وعفتهة وطلعت هوة اني هم صوجي استاهل شكم مرة كلت بعد مالي شغل بيهة وهم ارجع
اوووف عمو كاسر خاطري داراهم مثل المي بلصينية وهمة كل واحد مصايبة تفشل
نزلت للمطبخ فتحت شعري وكعدت امشط بي ماعندي شي اسوي وميخلوني اباوع تلفزيون
وليد لسا مابين وفاطمة كلسا تطلع تعاركني وتتفل علية تكلي كلة من وراج وتروح
عمو ماطلع من غرفتة نقهر ونصدم بوليد
صارت بل10 تمددت بفراشي وسديت باب المطبخ وعفت باب ﻻستقبال مفتوح حتة اذا اجة وليد يطب منة
نمت وفاطمة تتﻻطم علة وليد كلسا اسمعهة تحجي وية عمو وتكب لعيطة
انام وافز من وراهة
لحد 12 صارت هدوء وفاطمة بعد ماسمعت حسهة كلت يمكن اجة وليد غطيت راسي بلبطانية ونمت
لهناك سمعت صوت بلبيت صوت احد يمشي بس علكيف وﻻن نايمة بلكاع اسمع خطواتة
صارت خطواتة قريبة غمضت عيوني حييل وادعي ياربي كون مو وليد
جسمي كام يرجف من الخوف
حسيت شي صار فوكي فجئة
ختنكت اريد اتنفس مااكدر
وخرت لبطانية صار وجهة بوجهي وريحتة تلعب النفس
دفعتة حييل ماكو عبالك جثة مااكدرلة ثكيل كلش
خلة ايدة علة حلكي سدة كل قوتة وشفتة علة ركبتي وكام يبوسني
هنا اني تخبلت عضيتة حييل من ايدة ذبيت حركة كلبي كوولهة بي
وخر ايدة كمت اصيح كول قوتي لحكوني
ضربني حييل علة وجهي راشديين
صرخت كل قوتي عمو لحكني
حط ايدة علة حلكي حييل بحيث ختنكت
بدة يشك مﻻبسي ويبوس بية كل قوتة ونفسة صار سريع
هنا اني فقدت عقلي كمت اصرخ واضرب بي وادفع كل قوتي
عتلك لضوة مال لصالة اجة عمو وفاطمة يركضون عمو جرة ضربة حييل علة وجهة
وفاطمة اجت علية تضربني ملخت شعري
كلبة سافلة صحتيلة موو
تخبلت من حجت هيج كمت علة حيلي ودفعتهة حييل
انتي ليش متخافين ربج روحي شتمي ريحتة وتعاي كليلي انتي صحتي
ابنج شارب وموداري بروحة ويمكن لوشايف سكينة كدامة هم جان عتدة عليهة
كرة عينج هاذ تالي دﻻلج
ضربتني حييل وراحت
رتاحيت كلش من حجيت هيج بس ادري هلكلمتين راح ادفع ثمنهن غالي
عمو ضرب وليد ودفعة للحمام وفاطمة لحكتهم تكلة علة كيفك ويا هية بت اخوك ك.....ة هوة شعلي
ﻻ موبت اخوي هاذ تالي دﻻلج ياخاتون ستلمي منا ورايح مصايب من وليد
طببة للحمام جوة لدوش وسد لباب
لهناك طلع عمو بلحديقة
اني لفيت روحي بلبطانية وسترت نفسي وكعدت ابجي واشكي حالي لربي
سمعت عمو يبجي بصوت عالي يصرخ مثل النسوان ويعاتب رب العالمين
اوووف بعد مصيبة سكينة لو درة بيهة شيصير بي
والله لو عندي هيج ابو احطة فوك راسي وماخون ثقتة ابد بس اووووووف ياحضي من كلشي اعوج
تمنيت لو لبشر بيدة يختار عائلتة جان ختاريت ابو زين يرفع راسي مويصيرلي عار يعيروني بي حتة اهلة
لهناك طلع وليد من لحمام طب لغرفتة
وعمو طب جوة وسد علية باب لمطبخ من برة بقفل
مددت بس مااكدر انام صارت حتة النومة الي حطهة رب العالمين راحة للبشر مااتهنة بيهة
كشف لوكت كمت توضيت وصليت
حطيت جاي علنار وطلعتلي صمونة اكلتهة
حسيت صوت خطوات بلصالة
عبالي عمو اجة يصلي
نفتحت باب ﻻستقبال وصوت لنعال بلحديقة
كمت فتحت لشباك علة كيف
شفت سكينة بمﻻبس لنوم مالتهة بجامة ستن وبدي كيمونة وفاتحة شعرهة وتارسة وجهة مكياج
فتحت باب لشارع
جان 😱
#حنين_الفتﻻوي
موتنسون التصويت
احبكم 😘
رواية انقذني ايها الغريب........ الفصل السابع 7 - بقلم Hunen23Hatum
#حنين_حاتم_الغتﻻوي
#انقذني_ايها_الغريب....#بارت7
*7((#غير_محلل_نشر_القصة_بدون_ذكر_اسمي))*
باوعت سكينة فتحت لباب للولد وباسهة وباستة
لزم ايدهة يتلمس بيهة
الولد شكلة ابد مامريح شعرة طويل ومﻻبسة عبالك بنية نطتة مدري شنو طلعتة من صدرهة
وسولفت ويا وهم باسهة وراح
طبت مكيغة وتغني اخذت الدرج ركض
اكلتلي لكمة بساع قبل ماتكعد فاطمة ماتخليني
علما كملت وغسلت المواغين كعد عمو ومرتة
اجة توضة صبحت علي كوة يرد علية
طلع اجت ورا فاطمة اول ماطبت كلتلي
طلعي جيس لتمر بلملحق مال لكاونتر فلسي كلة
ومن تكملين سوي عجينة كليجة بهاذ لكدر كدار كيلوين موأقل
بس عمة لعيد بعدلة سبوع كامل اذا اسويهة هسة وليد وسكينة يخلصوهة وﻻزم ارجع اسوي غيرهة
سوي لكتلج علي ولتلغين هواي
طلعت لتمر جيس جبير كلش وكعدت افلس بي ل9 يلله خلصتة ادية راحن
طلعت فاطمة مدري وين راحت
رحت علطبخ ل11 ونص كملت لغدة وسديت الكدورة وكمت اتوضة
واني اصلي طبت فاطمة بيدهة عﻻليك كوومة
كملت صﻻتي وكمت للمطبخ احضر المواعين
واكفة اشطف بلمواعين اجتني فاطمة
عوفي الغدة اني اصبة هاج هاذ تمر وكليجة مال خواتي سوي الهن
اخذت العﻻليك منهة 3 جياس تمر و3 عﻻليك طحين كبار اووووف شراح يسويهن الية
عمة اسويهن كلهن اليوم
ﻻ بس كون قبل لعيد بيومين مكملتهن
ماشي
فتحت جيس وكعدت افلس بي طبت سكينة حالة من المدرسة داست علة رجلي حييل وطبت
اسكت مااحجي ﻻن اذا احجي ماحصل غير الضرب من وليد وﻻهانة من فاطمة
بديت بلكليجة حتة اكملهة ﻻن ادري بفاطمة راح تبدي بحملة لتنضيف ومتخلي شي بلبيت متكلي نضفي النضيف والوصخ كلة ﻻزم يتنضف
خدامة وابﻻش ليش متستغلهة
لل6 لمغرب واني اشتغل بلكليجا كملت نص الوجبة الجابتهة الي بس احس ادية نشلن
لميت لغراض وعزلت لمطبخ وضميت بقية المواد وكمت اتوضيت وصليت
سويت لعشة وكلعادة تانيتهم يكملون عشاهم واغسل المواعين ووراهة عود اكل من الفضالة مال اﻻكل هاي اذا بقة شي ينوكل
كعدو يباعون تلفزيون كبالي كلهم واني بلمطبخ اتسنط علصوت متابعة المسلسﻻت صوت بس
مثل قبل من جانت لعالم تتابع لمسلسل علراديو
وليد عينة علية ماشالهة ابد احاول اتجنبة شكد مااكدر بس هوة كلسا بصيحني جيبي مي جيبي جاي جيبي عصير ميكدر يشوفني كاعدة
مرن يومين واني مامخلصة الكليجة ﻻن بدت
حملة لتنضيف وكمت مالحك علة فاطمة كلسا مطلعتلي شغلة
ايد بلتنضيف وايد بلطبخ ايد بلكليجة كل جيس طحين جابتة الي ميقل عن ل3 كيلوات
ووليد وسكينة بدو ياكلون بيهة وكلما تقل الكمية تجيبلي بعد مواد وتكلي جملي عليهة
وليد بعد ماتقربلي من يوم الصار بليل
بس بعدة يجر حجابي وميرتاح الة يفتح شعري ويشوفة
كعدت لصبح جان يوم خميس ولعيد بعدلة يومين بقالي تقريب كيلو واحد من لكليجة كعدت اسوي
اجت فاطمة كلتلي
رايحين للسوك اني وسكينة خلصي لبيدج وسوي لغدة بساع عمج ليوم يجي من وكت
كمت للعجينة سويتهة وغطيتهة علما تختمر ركضت اسوي لغدة
واني اطبخ طب وليد اضاهر طالع من الدوام شارد
من شفتة نتهيت من لخوف كمت ارجف محد بلبيت غيري
طب ليجوة بس ماحاجاني وﻻجر حجابي
سديت باب لمطبخ الي علبيت والي علحديقة هم سديتة
وكعدت اطبخ بس عيني علباب وادية يرجفن هلمرة منو يخلصني من عدة
كملت لغدة وكمت اصلي واني اتوضة سمعتة علك اغاني ويغني وياهة بصوت عالي متت رعب اعرف هاي ﻻجواء من يسويهة يعني راح يبدي يتمادة وياي
كملت صﻻتي واني مابقت قطرة دم بية وليد كبر هاي لفترة وصار يشرب جكاير وغير شغﻻت
ونضراتة وحركاتة تفسرلي نوايا
اني اعرفة من يجي شارب اعرف ريحتة ﻻن اتذكر ريحة مﻻبس بابا قبل جنت اشتم بيهة نفس الريحة بس كلما احجي فاطمة تجذبني وعمو يصير وياهة
حسيت لباب ندفعت
اسمع وليد يحجي برة
دك لباب مرتين كلبي كام يرجف واطرافي ثلجن من لخوف ضل يدك حييل واني ارجف وابجي وانخة ربي
كام يصيح
فتحي لباب
يصيح كل قوتة
غمضت عيوني حييل وسديت اذاناتي
يارب يارب يارب يارب
شوية وختفة صوتة وبطل يدك لباب
دقايق ورجع ماعرف شنو جايب بيدة كام يضرب حييل علباب واني نتهيت من الخوف فكرت افتح لباب واروح علجوارين ﻻ عيب شحجي وشكول ابن عمي يريد يعتدي علية ادري بفاطمة تلوفهة علية وتذبهة براسي
طلع برة وكام يدك علة باب المطبخ الخارجية
لباب خفيفة كامت تندفع حييل وتتحرك حسيتهة راح توكع ركضت طلعت طبر من لجرار مال لمطبخ
ووكفت ورة لباب هلمرة محد الي يخلصني ﻻزم اخلص روحي بئيدي
بطل يدفع لباب رجعت ليورة تخيلتة راح يدفعهة حييل وتوكع
صوت برة يارب بلكي اجن فاطمة وسكينة
ثواني وندكت لباب
هاي دكت سكينة اعرفهة تسوي لحن من تدك لباب ليكول دمبكجي
رجعت لطبر لمكانة وكلت منو
يعني منو ست ليلى فتحي لباب حركتنة لشمس
الف حمد وشكر الك ربي
فتحت لباب وبدي احضنهة لسكينة اول مرة بحياتهة تنفعني
طبن للبيت كلعادة ﻻسﻻم وﻻكﻻم
فتحن لعﻻليك وطلعن لغراض مﻻبس وعطور ومكياجات واحذية يمكن مشتريات نص السوك وجايات
كامت سكينة تقيس المﻻبس كلسا تطلع شي اباوع عليهن لمﻻبس يخبلن ادري بيهة متجيبلي بس تمنيت من كل كلبي انو تصيحني وتكلي جبنالج هاذ لثوب صارلي 6 عيد يمر علية واني بنفس الدشداشة الفيزون السمائية حتة لخطاطير حفضوهة بكد ماالبسهة بكل عيد وكلما يجينة خطار
كملت سكينة عرض ﻻزياء مالتهة وحجت وية امهة علكيف مدري شيحجن يتبسبسن ولمت غراضهة وصعدت لغرفتهة توديهن دقايق ونزلت بيدهة دشداشة لونهة بصلي قبل متطلع للسوك جانت ﻻبستهة
هاج هاي الج لبسيهة بلعيد احسن منن ذني جرودج ذبتهة علية وراحت لزمت لدشدلشة ريحتهة تلعب لنفس وجمالة تسميني لوصخة لحمد لله اقلها محافضة علة نضافتي الشخصية
كمت اغسل لدشداشة بيدي طبعا ﻻن ممنوع المس لغسالة ﻻن اني بت فكر وماشايفة خاف اخربهة هاذ حجي فاطمة مع انو ربيت عدهم بس بعدهة تكلي بت فكر
غسلتهة وشريتهة وكعدت اغسل وجوه المخاد هاذ اخر شي بقة من حملة لتنضيف باجر عرفة
كعدت من ال5 صليت وسويت بحت بلدهن الحر هاذي عادات فاطمة تسوي بحت طبعا اني الي اسوي مو هية
هية تقاعدت عن كل واجباتهة كأم من يوم بطلتني من المدرسة
كعد عمو صلة واخذ لبحت مني صبيتة الة بمواعين
اخذة وزعة علجوارين واجة
بدل وطلع يجيب طلي كل سنة يذبح ضحية لﻻموات وفاطمة تسوي عزيمة وتعزم كرايبهة كوولهم يصير لبيت عبارة عن بشر متخلي واحد متعزمة
ورة ساعة ونص اجة عمو ذابح الطلي وجايب الحم مالتة بعﻻكة جبيرة نطاني جياسة وكلي قسمي
طلعت ميزان عدنة وكعدت كصصتة علة ربع ربع وخليتة بلجياس اجة عمو اخذة يوزعة
خلص ليوم ركض ركض بين تحضيرات باجر وشغل ليوم
نضفت لبيت كلة حتة باجر ميبقة عدي شي غير لطبخ وكعدت بلمطبخ
لتمو كلهم علتلفزيون واني كاعدة استمع للصوت
وكبالي وليد وسكينة يكرسون حب ويطشرون لزبالة مالتة بلكاع اوووف متت قهر من شفتهم
بدي اشرب من دمهم
يتعمدون يسوون هيج عناد بية
طلعت بطانيتي ومخدتي ونمت من ال9 ﻻن وراي كعدة من غبشة
كعدت مصباح لعيد
لعيد عد لناس عبارة عن طلعة وونسة
اما عيدي يختلف عن لبقية مميز كلش
عبارة عن كعدة من لفجر اركض للترك الكة فاطمة حاطتلي بريمز وكدرين واحد اكبر من الثاني و7 كيلوات تمن و5 كيلوات لحم اسوي تشريب لحم وتمن برياني
ركضت غسلت لتمن ونكعتة
عفتة علما ينكع ركضت عﻻستقبال ولصالة نضف زبايل سكينة ووليد ليكول جهال يمشون ويزبلون
كملت واجيت شغلت لبريمز وخليت لكدر علنار حمست بصل وذبيت الحم حمستة وية لبهارات ودرتلة ماي وملح وقبقتة
سمعت سكينة نزلت وطبت للحمام ركضت لغرفتهة علما تسبح انضفهة
طبيت للغرفة تلعب لنفس حتة غرفة وليد من اطبلهة هم انضف منهة وﻻ عبالك بنية مﻻبسهة شي فوك شي ولمكياج تارس لكاع
لميتهن علسريع ونضفته نهد حيلي يلله خلصتهة
طلعت من لغرفة صار بوجهي وليد طالع من غرفتة بلشورت ويفرك بعيونة شافني
ها ليلو عيدج مبارك
وعيدك
تعاي جيبي بوسة
وليد وخر عني ﻻاصيح والله
جرني حيييل ودفعني علحايط
وليد الله يخليك عوفني انتة شنو تريد مني اني عرضك شلون تسمح لروحك هيج تسوي بية
اريدج
دفعتة حييل وركضت لحكني نزلت علسريع ﻻكاني عمو
ها ليلو شبيج تركضين
شاف وليد وراي بلشورت
تفل علي ولزمني من ايدي اخذني لغرفتة
كعدي ليلى
عمو وليد يريدج اني ادري بي
اي عمو مﻻحضة هلشي من ورة لشرب عمو والله لعضيم وليد يشرب
ادري بابا بس شسوي كليلي اذبحة صاير يتجاوز علية مااكدرلة
هسة هاذ مو موضوعي اريد احجي وياج بغير موضوع
تفضل عمو
باباتي وليد عنيد واني بعد مااكدرة مومثل قبل مالي اي سلطة علي
وهوة جاي يتمادة وياج هواي هاي الفترة واني خايف عليج والله بنيتي
اي عمو هسة شنو تريد تكول
اريد ازوجج لوليد
ﻻعمو ابوس ايدك عليك بروح بيبيتي العزيزة ﻻتزوجني الوليد ابوس رجلك عمو ماريد اتزوج وليد
لعد شلون اتاني يسويلي مصيبة انتي كليلي شنو الحل
مادري عمو بس ماريد اتزوج وليد فدوة اروحلك عمو ﻻتحكم علية بلموت واني عايشة
اي حل ثاني اقبل بي بس ﻻتزوجني الوليد فدوة عمو
كمت ابجي واتوسل بي بوست حتة ادي
خلص بنيتي كومي علة شغلج وانسي هاذ الموضوع اني الكالة حل
كمت علطبخ وحسبة توديني وحسبة تجيبني
اوووف ربي كل الي صار وياي واني راضية بحكمك واكول لحمد لله علة هاذ الحال اني احسن من هواي ناس انتة وحدك تدري بية شكم مرة نمت واني ادعي علة روحي بلموت حتة اخلص من هلعيشة ربي فدواتك كلشي وﻻ وليد مااريدك تكتبلي قسمة ويا الهي بحق دمعة رقية تخلي يشيلني من راسة وتخلصني من عدة
اجتني فاطمة ها ولج شسويتي
اوووف لحد هاذ اليوم مامر علية عيد وعايدتني فاطمة وﻻحتة سكينة
طبخت المركة وراح اسوي زﻻطة وب10 ونص ابدي بلتمن وغرفة وليد نضفتيهة
عمة فدوة خليهة من يطلع انضفهة
نجبي وكومي نضفيهة
الله يخليج عمة والله مامتعاجزة منهة بس
بس شنو عيني ام الشوارع دروبج ذني موعلية عبالج مادري بيج تركضين ورة الولد وتدحسين بي
باوعت عليهة شحجي ربي انتة تشوف بعينك هاذ يكفي انتة الشاهد ماعندي غيرك فاطمة وسكينة لويشوفون وليد بعينهم يعتدي علية يكولن جذب
صعدت ليفوك علة كيف ماريدة يسمعني كلت اذا بلغرفة مااطب علي انزل اكل لعمو بلكي يشوفلي صرفة
وصلت للغرفة ماكو صوت بلعادة اسمعة لو يغني لو يخابر لو عالك اغاني بلتلفون بس اضاهر بلحمام هوة
طبيت للغرفة شلت لزعابيل من لكاع ولميت لمﻻبس وبديت اكنس علسريع اشتغل بدية ورجلية اريد اكمل قبل مايجي
كملت كنس ونزلت ركض جبت سطل لمسح ولوصلة شكلت ثوبي ودنكت امسح
حسيت صوت وراي
نداريت وليد ﻻف لخاولي علة خصرة وبدون مﻻبس
اول ماشفتة صرخت
اجة علية ركض جان 😖
#حنين _الفتﻻوي
هلمرة طولتلكم لبارت موتنسون لتصويت
احبكم 😘
رواية انقذني ايها الغريب........ الفصل الثامن 8 - بقلم Hunen23Hatum
#حنين_حاتم_الفتﻻوي
#انقذني_ايها_الغريب.....#بارت8
*(غير_حملل_نشر_القصة_بدون_ذكر_اسمي)*
اول ماشفتة كمت اصرخ
سد لباب و
اجة علية ركض سد حلكي حيل بثنين ادي
نزع الخاولي من جسمة ولفة علة حلكي كلة ختنكت اريد اجر النفس مااكدر
ضليت ادفع بي واضربة واصرخ بس صوتي مايطلع لخاولي ثخين
شمرني بلكاع حيييل احس عضامي تكسرن
فتح لخانة مالتة ودايس علة ادية برجلة حتة ﻻ اتحرك
طلع حزام
اجة علية كلبني علة وجهي وربط ادية ورة ضهري احاول ادفعة كل قوتي مااكدرلة واني ناعمة صرت كلي جوا
ضليت ارفس برجلية واصرخ ودموعي عشرة عشرة علة وجهي
شك ثوبي كلة لحد ﻻخير فقدت عقلي من شفتة شلون يعض بجسمي ويسوي حركات مقرفة ضربتة حييل برجلي صارت لضربة علة عينة لزمهة وكام يصرخ منهة ويكلي ولج ك....بة اني اعلمج
رجع علية لزمني من شعري و لطخ راسي بلحايط حسيت دم نزل علة وجهي
ضليت ارفس بي برجلية حيل يحاول يلزم رجلية وافلتهن واضرب بي وانخة ام البنين
وينج يلبوة حيدر يتيمة ومحد الي مااملك من هلدينة غير شرفي ومالي احد غيركم وينك ياعلي دخيلك يابو اﻻيتام اني بحمايتك ياداح باب خيبر الحكلي
جردني حتة من مﻻبسي الداخلية وبدة يحط ايدة علة كل مكان بجسمي واني ابجي وارجف واصرخ بئسماء اﻻئمة بس صوتي مايطلع لخاولي ثخين ومطبك طبكتين
بدة يحاول ينتهك عذريتي صرخت كل قوتي
وينك يابو فاضل حلفتك بستر زينب تستر علية مالي غيركم
صوت لباب تنضرب حييل وصياح برة
اسمع صوت عمو كام يصيح
وليد اليوم اشرب من دمك افتح الباب ولك
وليد ماوخر عني كام يلهث وصوت نفسة سريع صار عنيف كلش كام يزلغ بجسمي
شوية رفع روحة عني
رجعت رفستة برجلية
كام يصيح ولج ك.....بة صا.....
نكسرت لباب طب عمو وويا 😰
عمار وسيف واني جسمي كلة ضاهر متت بدمي من شفتهم
عمو اجة سحل وليد وضل يضرب بي ونزلة جوة
فاطمة اجت تعد علية
ك.....بة بت الشوارع دايحة ماحترمتي عمج جان حترمتي الخطار لجاين جان كلتي عيب موكدام العالم الفضايح
سيف صاح عليهة وكللهة نزلي جوة وعيب هاذ الحجي البنية تصرخ لكيناهة وابنج اصﻻ موبوعية
اني كعدت بلكاع ومدنكة راسي وابجي
همة دارو وجههم ثنينهم اجة الولد سيف نزع
سترتة وخﻻهة علية ونزل هوة واخو
ورة شوية صعدت امهم فتحت ادية من الحزام ونطتني دشداشة وكلتلي
كومي بنيتي كومي شمسوي بيج الله يكسر ادي
نزلتني جوة ولعالم كلهة لخطار كامت تطلع وعمو ماخذ وليد وفاطمة بلسيارة وطالع محد يدري وين رايح
كعدتني المرية بلهول وجابتلي ماي ونطتني حجابهة لبستة
اجتني سكينة ها رتاحيتي الدايحة ام الشوارع هاي فوك ماملفينج تذبين مصايبج علينة
كام عليهة سيف
الله واكبر علة روسكم انتو شنو من بشر اخوج هوة الدايح ومامربة ولو شوية امج منطيتة تربية بدل هلدﻻل جان ماسوة هلدكة الناقصة
سيف انتة ماتعرفهة هاي وحدة جذابة ﻻتغركم بدموعهة
سكينة الله يخليج طبي جوة بغرفتج وماريد اي حجاية ثانية خلينة نفهم من لبنية
خوية يحتاج نوديج للمستشفى
هزيت راسي ﻻ
يعني مااذاج ماسوالج شي
ﻻ انتو طبيتو قبل ميصير شي
متأكدة
اي
اجة كعد يمي كلي عدكم ديتول كطن
سكينة كبالي تأشرلي بيدهة تكلي بسيطة
اني اريد احجي مااكدر نخرست
اشرتلة علصيدلية بلمطبخ
راح جابلي شاش وكطن واجة
عدكم مكينة مال حﻻقة
اي بلحمام
راح جابهة واجة
خيتي ممكن تنزعين حجابج خل اشوف لجرح حتة اذا عميق نوديج للمستشغى
امك تشوفة
مولحجية شوية نضرهة موشي
اني دنكت وماحجيت
يلله براحتج خل امي تشوفة
دارو وجهم هوة وعمار نزعت حجابي
امة شافت شعري
اللهم صلي على محمد وال محمد ذهب موشعر
هوة رأسن دار وجهة علية متفاجئ
رأسن جريت حجابي اريد البسة
نتبه علة روحة ورجع دار وجهة علحايط
حطت ايدهة بشعري ودليتهى علة مكان لجرح يمة ماشوف شي شعرج ثخين ماجاي اشوف لجرح
خل سيوفي يشوفة هوة دارس اسعافات اولية بنيتي هوة مثل اخوج وهلشي موحرام ﻻن مضطرة
هزيتلهة راسي بمعني اي
اجة لولد صار قريب علية ريحة عطرة تجنن بحياتي مامشتمة هيج عطر
كلي
حطي ايدج علة مكان لجرح خل اندلة
خليت ايدي حط ايدة فوكاهة يريد يتلمس المكان اني رأسن جفلت وجريت ايدي هوة حس علية رجع ليورة
جرحج مو عميق كلش بس ﻻزم اضمدة
خﻻلي ديتول حركني حيييل
اووي
تقرب يمي يحجي بئذاني علة كيف
اشش هسة تصيرين زينة لتخافين
ضمد لجرح ولف راسي بلفاف وجاب حجابي خﻻ علة شعري
طبت سكينة جايبة حﻻوة
حطتهة كدامهم سيف كام يهز بيدة
والله ياسكينة انتي ابرد منج بحياتي ماشفت
امج وابوج واخوج مدري وين طلعو وابوج راد ينجلط الة شوية وانتي جايبة حﻻوة وجاية
بمعود دكل هسة دقايق ويطبون وين يرحون
هنيالج علة هلبرود
نتبه عليهة نطت للكل بس مانطتني ماعون
كام خلة لماعون يمي علكرويت
ماحب الحﻻ انتي اكلي
رجع بمكانة وسكينة بدهة تكوم تموتني
باوعت علية جان تكلي
ليلو حبي كومي بلغرفة رتاحي اكيد راسج يوجعج
اي كايمة
رحت للمطبخ والوب من الخوف
العزيمة مال فاطمة خربت وعمو طرد خواتهة كلهن ونفضحت كدام الكرايب وكلهة كامت تحجي علة تربيتهة هسة ترجع تذب حركتهة بية اووووف
الله وحدة يعلم فاطمة شراح تسوي بية اليوم
طبت سكينة
ها ولج لدايحة حاطة علينج علة سيف مو عبالح ماادري بيج نجوم السمة اقربلج بسيطة ولج خل يطلعون الة اخلي مﻻئكة السمة اليوم تبجي علة حالج
خلت وطلعت
ضليت الوب
دقايق وحسيتهم راح يطلعون اسمع سكينة تكللهم بعد وكت وين رايحين
ياربي شلون بية راح يروحون اليوم منو الي منو يخلصني من سكينة وامهة
ركضت فتحت باب المطبخ
صار سيف بوجهي
ها ليلى احنة راح نروح محتاجهة شي
اي اي
الله يخليكم ودوني لبيت خالتي وياكم
اجت سكينة يمي
وين ترحين ليلى انتي مريضة ويرادلج رعاية هناك منو الج وخالتج مرة جبيرة ورجلهة رجال غريب ابقي هنا
تحجي وياي وتدوس علة رجلي بنعالهة
باوع علية سيف جان يكلي
براحتج خيتي تحبين نوصلج لبيت خالتج تردين تجين ويانة لببيتنة شكم يوم علما يهدء الوضع
نبت سكينة من مكانهة
ﻻوين تروح وياكم غير امي تذبحهة.
باوع عليهة الولد جان يكللهة
ليش امج صايرة كصاب عيني
خيتي احنة متانيح بلسيارة روحي بدلي وحضري غراضج وتعاي
ﻻ ﻻ موبلسيارة هنا تانوني هسة اجي بساع ماتأخر
ادري بسكينة الحية بس يطلعون تفترسني
ركضت طلعت مﻻبسي الي هنة عبارة عن دشداشتين وشال وحجاب ﻻميرة من جنت صف سادس عندي وشحاطة وجبتي
لبست جبتي علسريع وركضت
لكيتهم واكفين
ها كملتي
اي
يلله امشي خل نروح
سيف : اوكفو قبل مااروح خل اعرفكم بنفسي
اسمي سيف الدين عمري 29 سنة مواصفاتي طويل
طولي 178 وجسمي عضﻻت وصدري عريض بشرتي حنطاوية عيوني لونهن عسلي فاتح ومربي لحية خفيفة حواجبي مرسومات شعري مارنز وسرح يعني شكلي حلو ومميز
عصبي نوعا ما بس هادئ وما احب الهلجة وكثر الحجي ومااحب سوالف التحشيش وهاي الشغﻻت الماصخة
من جنت بلكلية حبيت بنية وياي وحبتني بس اهلهة غصبوهة علة ابن عمهة وتزوجت اللبنية وعافتني ضليت سنين حزين عليهة وابجي تأثرت حييل ﻻن اول حب بحياتي ولبنية جانت تحبني عدت هاي المرحلة من حياتي بلكوة ولتجأت لشغلي ومن يومهة بعد مادخلت كلبي بنية وﻻ حبيت
اني خريج ادارة واقتصاد قسم محاسبة واشتغل مدير حسابات بشركة اهلية بس الهة مكانهة بلحلة ومعروفة
احنة من سكنة الحلة ولدي هم جحان محاسب وبنفس الشركة هم بس توفة قبل 9 سنوات وتركلي والدتي واخوي الي هوة عكس شخصيتي تماما
طايش وحشاش درجة اولى استقرارة ومستقرة يم مدارس البنات ويومية مسويلي مصيبة واني اركض ادفع فصول واحل مصايبة
قبل شهرين شركتنة فتحو فرع ببغداد ونقلو هواي موضفين من فرع الحلة لفرع بغداد حتة يسدون النقص واني جنت من ضمن الموضفين الي ننقلو لبغداد
جبت عائلتي واجرت بيتنة بلحلة واجيت ببغداد اجرت بمنطقة الكريعات
بت خالتي عﻻقتنة بيهم قوية ودائما تجينة للحلة
من نتقلنة لبغداد عزمتنة علة غدة ورحنالهم
اني ادري بيهة مربية بت حماهة وتكول مبتلية بيهة والبنية وصخة ولسانهة طوييل وتتجاوز عليهة ومتعبتهة واحنة كاعدين يمهم كمت اريد اروح للحمام ﻻن جان وكت صﻻ وردت اتوضة
فتت من يم المطبخ صارت بوجهي بنية مامبين بس ضهرهة تصب بﻻكل وتركض منا ومنا مبينة نادرة وام بيت ضليت واكف ورة الدرج اريدهة تندار حتة اشوف شكلهة ﻻن كل ضني وحدة من كرايبهم
واني واكف اجت فاطمة طبت للمطبخ اول ماطبت عاطت علة لبنية وجرتهة من مﻻبسهة طبيت للحمام وعفت لباب مفتوحة شوية اسمع فاطمة تحجي علة طبخهة وتكللهة موطيب ومامستوي زين
كملت من لحمام وطلعت تغدينة واﻻكل طعمة يجنن صار عندي فضول كلش قوي اريد اشوفهة
واحنة نحجي خليل رجل فاطمة صاح ليلو
اني ضليت اضحك عﻻسم
ثواني وطبت ليلو
مو ليلو ﻻ الماز
سبحان الله الي مسويهة
فهيت علة جمالهة وحسنهة تكل للكمر غيب واني بمكانك طبت تمشي بهدوء سلمت وصوتهة كوة يطلع عكس سكينة من تحجي ااعلة من صوتي صوتهة
كعدت بصف امي واني ضليت اختلس لنضرات
عيونهة خضر بلون الحشيش ولبياض يموت كاملة والكامل الله
رجعنة لبيتنة ولبنية شكلهة مطبوع بدماغي وامي بس تحجي بيهة ماتت عليهة
ورة فترة عزمونة مصباح لعيد رحنالهم
كعدنة واني كلما تنفتح باب ﻻستقبال عبالي هية بنات كرايبنة كوومة طابات طالعات بس عيوني تدورهة
كاعدين نسولف اني وعمهة وسمعنة صوت صرخة مرية كمنة تفقدنة النسوان كلهن مابيهن شي
سمعنة صوت ضربة بلسكف وصوت وليد كام يفشر ويصيح خليل رأسن صاح ليلى وركض ليفوك
ركضنة اني وعمار لحكنا كسرنة لباب وطبينة
لكينة وليد النذل مربطهة ومنزعهة مﻻبسهةويحاول يعتدي عليهة
ابو جرة من فوكاهة صارت عيني علة جسمهة قطعة كيمر موجسم
رأسن درت وجهي ونطيتهة سترتي
سترت روحهة وعيونهة حمر وراسهة يجري دم وتشهك وترجف من الخوف
صعدت امي يمهة واحنة نزلنة ضمدت راسهة واخذناهة ويانة لبيت خالتهة
لطريق كلة ببس تبحي اسمع صوتهة تشهك كسرت خاطري متت عليهة
خوية ليش تبجين
ضليت ساكتة شكلة
فاطمة اذا درت بية طالعة تذبحني هية وسكينة وعمو مانعني من بيت خالتي مايرضة اروحلهم ﻻن متعارك هوة ورجلهة
خوية بس اهدي وكليلي شبيج اكدر اساعدج
ﻻمابية شي
تحبين نروح للمركز نشتكي علة وليد حتة بعد ميكررهة
ﻻﻻ الله يخليك يامركز
خلص براحتج
وصلني لبيت خالتي جان
😟😲......يتبع
#حنين_الفتﻻوي
اعتذر لبارحة مانزلت بارت والله صار عندي ضرف
موتنسون التصويت احبكم 😚
شفتو هاي لكيكة الفوك ههههههه
رواية انقذني ايها الغريب........ الفصل التاسع 9 - بقلم Hunen23Hatum
#حنين-الفتلاوي
#اننقذني-ايها-الغريب.....#بارت٩
*(#غير محلل نشر القصة بدون ذكر اسمي)*
وصلوني لبيت خالتي بعدنة براس فرعهم شفنة عالم كووومة ملتمين ببابهم وصياح وناس لازمة ناس سيف طبك سيارتة براس لفرع ونزل هوة واخو عمار يشوفون شكو وعافونة اني وامة بلسيارة
طبو ببنص هوسة العالم وبعد ماشفناهم
ضلينة تقريب بلربع ساعة كاعدين بلسيارة وماندري شنووهاي الهوسة
بعدين اجانة عمار يركض صعد بلسيارة بساع ومشة بدون مايحجي
هايمة شكو شصار ليش مشيت
خل نوصل وافهمكم
اخوك وينة لعد ليش مااجة ويانة
هسة يلحكنة
هسة وين رايحين احنة احجي يمة وكعت كلبي
للبيت يمة شبيج ثبرتيني
يحجون واني صافنة مادري شنو لسالفة كتلة اني رجعني لبيت عمو حباب
هوة بيت عمج راح ينهجم شرجعج
اسم الله شكو شصاير
خل نوصل هسة وافهمكم ﻻتلحن اكلتن كلبي
مادري شلون يحجي ويصيح علة امة سكتت اخاف من عدة مومثل سيف هادء وحباب
كوة وصلنة لبيتهم كلسا بتعارك وية امة ابد ماحترمهة
طبينة للبيت ركض لغرفتة طلع مسدس ونزل
تلكتة امة بلمطبخ لزمتة
وين رايح يمة شنو هاذ لمسدس
لزم لتلفون دك علة سيف كلة هاك هاي امي فهمهة اكلت كلبي هية وهاي خرز مدري ليلو
اخذت من عدة لتلفون تحجي وية سيف
ها يمة سيوفي شصاير
اي
عزززة
جذب
يبووو
شلون
يايمة
اني كلبي نتهة ردت اوكع بلكاع اباوع علة حلكهة وكلسا اشهك علما خلصت لمكالمة اني منتهية
نطتة لتلفون وكلتلة
يمة فدوة اروحلك علة كيفكم انتو الي طلعت بيكم من الدنية موتسولي سالفة
فتهمنة
طلع الولد واني ركضت علة امة
خالة فدوة حجيلي شكو شصاير
تعاي بنيتي كعدي خل اسولفلج
بت جميلة الي هية اخت فاطمة موماخذة من كرايب امج
اي
هية جانت تموت علة امج الله يرحمهة
اي خالة احجي فدوة
اي تجيج لسالفة مو شافت لصار بلعزيمة وشافت لؤي شسوة كايمة ومخابرة علة خالتج زهرة وكايلتلهة لحكي علة بت اختج
خالتج خطية متخبلة مخابرة علة كرايب امج كولهم خوالهة وعمامهة وحاجيتلهم
اي
بدقايق واصل لخبر لبيت شيخ عشيرة امج والرجال متخبل وماراضي علة سواية وليد
اي خالة كملي فدوة
كايم ومخابر علة عمج وكايلة هسة تجيب مرتك وابنك وتجينة لبيت خالتج زهرة
وهاي اولهة وهاي تاليهة
لعد هاي لهوسة الي بباب بيتهم شنو
ها سألتيني
يبووو غير تحجي اني كلبي بشيشة وهية كوة تحجي
سائلين وليد يردون يفتهمون منة
هوة سكران وموداري بروحة كايم يمسلت
واحد من عمام امج متسودن من شايفة هيج يحاجي الشيخ ﻻزمة مموتة كتل ومتﻻزمين عمام امج وعمج ووليد
يبووو يربي هاذ كلة من وراي لو الله خالقني ولد عاد ماعدي شي يطمعون بي اوووف يا الهي دخيل اسمك بعد شيحلهة وصلت للعشاير
يلله بنيتي احسن عاد يسوولج حل خوما تضلين هيج هاذ وليد ولدي ابد مايرتاحولة يكولون عدة سوالف طايح حضهة حشاج خوما تبقين العمر كلة يمة وعمج مادايم وفاطمة اووف منهة بعدهة علة سوالفهة مادري بس هية الوحيدة من خلفة نسيمة هيج
اشو خواتهة كلهن درة مال الله هاي اختهة الجبيرة ربت بنات رجلهة 4 ودخلتهن كلية وزوجتهن ويموتن عليهة هنة وجهاالهن بس هية الله يهديهة مادري شبيهة
كاعدة من لفجر ومتت تعب ليوم من لشغل ولهبطة الي اكلتهة هدت حيلي والمرة تحجي وياي واني كمت اغفي اريد افتح عيوني مااكدر
ياخالة سودة علية نمتي علة روحج
كومي بنيتي كومي نامي جوة
كوملتني وياهة كوة امشي صعدتني فوك
طببتني بغرفة حلوة اخشابهة تركي ونضيفة تلمع وريحتهة تخبل
طببتني وراحت
تمددت علجرباية واباوع علسكف تصميمة يخبل
دقايق ونمت
ورة مدة اجت امرة كعدتني اسمعهة تكلي كومي تغدي خالة بس اني نعسانة حييل كتلهة بعدين بعدين
اكثر من مرة راحت ورجعت علية واني مجلبة بلمخدة عمري وحياتي مانمت ورتاحيت بنومتي اول مرة اغمض عيني وانام بدون خوف وبدون تفكير
سيف:كبرت السالفة وخليل خابر علة ولد عمة وشيخ عشيرتة واجو ومن سمعو بلسالفة مارضو علة وليد وطيحو حضة بلرازايل ولحجي طبعا هاي بعد ماوعينا بلحمام واني وعمار من لشرب
وفاطمة جوة يم لنسوان كلبت لدنية بلصياح ولحجي كليا معاركتلهة وحدة
شيخ عشيرتهم عدة 4 ولد تطلع اعمارهم بلثﻻثينات كل لخليل ابنك راح اخذة يمي اني عدي مزارع يشتغل وية الولد ونحاول نصلح من حالة ونرجعة لوعية
الرجال قبل وكللهم ياريت
فاطمة تسودنت وطبت علزلم تصيح وتكللهم ابني مالة شغل هية هاي وحدة دايحة ومامرباية ولعرك دساس وهية طالعة علة ابوهة وتحلف تكللهم هية تصيح الوليد وهوة مالة شغل
لزلم تسودنو من طبت علينة وماحترمت رجلهة
شيخ عشيرتهم صاح علة خليل وكلة كوم طبب مرتك عيب ترة موحالة هاي
هوة خطية تفشل من لزلم اخذهة سحلهة جوة ملخهة تملخ كوة خلصناهة اني وعمار من بين ادي يضرب بيهة وهية مستمرة تفشر علة ليلى وتغلط
لحد ماقفل عليهة لغرفة وطلع
لزلم فضوهة وتصالحو وية بيت خالتهة وفضت السالفة بلكوة ورجعنة اني وعمار للبيت لضهر ساعة ب3 ونص
طبينة لكينة لبيت اضلم لوالدة مطفية ﻻضوية اضاهر نايمات هية والبنية عمار طب لغرفتة بلطابق ﻻرضي واني هم صعدت لغرفتي
فتحت لباب لضوة طافي تلمست النقطة وعلكت الضوة نداريت جان اشوف البنية متمددة بفراشي
ﻻبسة دشداشة لونهة بصلي ربع ردان ومرفوعة وطالعات رجليهة بس مورجلين يبوووو يموتن
وشعرهة بصفهة مفتوح بطولهة علة كولت امي ذهب موشعر اريد اوكف علة حيلي من شفتهة ماكدرت
جريت كرسي وكعدت كبالهة
تقربت يمهة حطيت ايدي الة وجهة
هية حركت وجهة
نتبهت علة روحي اني شجاي اسوي
كمت فتحت كنتوري علة كيف طلعت تراكي وسديت لباب ادور وجهي عنهة وعيني تجي عليهة
تعوذت من لشيطان وطلعت وسديت لباب وراي
بدلت هدومي ومددت علكرويت بلصالة الي هية كبال غرفتي بلطابق الثاني
ردت انام ماكدرت صورتهة ببالي رجليهة يخبلن وشعرهة مﻻمحهة لبريئة عبالك مﻻك موبنية
ضليت اكلب بتلفوني اكضي وقت
حسيت باب لغرفة نفتحت اضاهر طلعت هية سويت روحي نايم رأسن غمضت عيوني
مشت حسيتهة عبرتني وراحت للجهة لثانية من لصالة فتحت عيوني واشوفهة تتمشة وتباوع علة لصالة ولدرج متعجبة عجبهة لمكان
شعرهة مفتوح ويتحرك وياهة من تمشي
بعدين ضفرتة كصيبة ورجعت للغرفة لبست حجاب ونزلت اني خليتهة كملت لدرج ونزلت وراهة صارت كبالي كاعدة بلمطبخ هية وامي علة ميز لطعام
اجيت سلمت وكعدت يمهم
هية رتبكت وضلت تعدل بحجابهة
باوعتلي جان تكلي ها شنو صار
حجيتلهة كلشي بلتفصيل واني اشوف نضرة لخوف ولقلق بعيونهة تزداد كلما احجي
بس فرحت حيييل من كلتلهة وليد راح وية شيخ عشيرتكم صدك لعد رجعني للبيت اذا هيج
ليش خليج يمنة مونسة لحجية
ﻻ فاطمة تكلب لدنية علة راسي هسة
ﻻحول وﻻقوة اﻻ بلله هاي فاطمة ماتتغير
يلله ليلو كومي جيبي غراضج وتعاي
رحت جبت غراضي حاطتهن بعﻻكة سودة منضرهن يفشل سلمت علة امهم وتشكرت منهة وطلعت وية سيف صعدت ليورة وحرك
مشة مسافة وطب بمنطقة تجنن كلهة موﻻت كبار واضوية ومحﻻت ومﻻبس تجنن عبالك مو بلعراق
ضليت اباوع المﻻبس وفاكة حلكي
وكف لسيارة كدام محل يجنن كلي هسة اجي ماتأخر ونزل طب للمحل
ورة ربع ساعة تقريبا طلع وبيدة عﻻليك بس شكلهن حلو خﻻهن يمي بلسيارة ليورة وحرك
وصلنة للبيت وفتحت لباب اريد انزل
نزل طلع لعﻻليك وخﻻهن بيدي
هاي شنو
هاي الج
شكرا ماريد
ليش ترديني
اخذهن منك بصفتك منو اسفة اعتذر منك مااكدر اخذهن
حسبيهن هدية
هدية بدون مناسبة ؟
اشكرك بس صدك اذا اخذتهن راح اجيب لنفسي مشاكل
ها فهمت عليج اوك براحتج
مشيت اريد ادك لباب وهوة رجع لمﻻبس واجة وياي
نفتحت لباب فاطمة اول ماشافتني جرتني حييل
ها ولج لدايحة لفيتي
وكعتني بلكاع ونامت فوكاي تضرب بية
الولد يجر بيهة وتدفعة
اخر شي سحلهة حييل واجة علية كومني خﻻني ورة ضهرة وصار كدامي وصاح
خليل وينك
طلع عمو
هاي لبنية انتة موتعهدت كدام العالم وشيوخ لعشاير وكلت محد يتدناهة ومحد يلمسهة ونعاملهة حالهة حال سكينة
اي صحيح
هاذ لحجي من تحجي طبقة مو بس حجي لسان
شنو قصدك
اول ماطبيت مرتك كتلت البنية بعد شنو قصدي يعني
حرام عليكم هاي يتيمة خافو الله بيهة هم عدكم بنية ولدنية دوارة ترة وكما تدين تدان
عمي دنك وضل ساكت
ندار علة فاطمة جان يكللهة
فاطمة وراج كبر ترة ﻻتغرج لدنية
اياك وضلم من ﻻيجد له نصيرا اﻻ الله
خافي ربج فاطمة هليتيمة الهة حوبة ترة ديري بالج عليهة وخلي الله بين عيونج
لزمني من ايدي وخﻻهة بيد عمو
هاك ياكافل ليتيمة هاي وديعة حيدر عدك
خاف الله بيهة وﻻ تخاف من بنادم خوش ﻻتخاف من بنادم
خلة وطلع
فاطمة ضلت تغلط علولد وتفشر وعمو طب وعافني طبيت للمطبخ حطيت هدومي بلملحق مال لكاونتر فوك هاذ مكانهن منذ اﻻزل
لكيت لسنك مليانة مواعين شكلت ثوبي وصرفنت رداناتي وبديت بيهن لل6 لعصر يلله خلصتهن وفاطمة ماطلعت من غرفتهة بعد
وسكينة هم ماشفتهة
اذن توضيت وصليت ورحت علة غرفة سكينة متعودة يومية جنت اخذ منهة مﻻبسهة مال لدوام هيج وكت اغسلهن الهة وانشفهن حتة ل10 بليل هنة يابسات اكويهن وانطيهن الهة
صعدت دكيت لباب ماردت مرتين تﻻثة ماكو
فتحت لباب وطبيت
جان اشوف سكينة 😱😱.....يتبع
#حنين_الفتﻻوي
ها شتتوقعون ششافت
موتنسون لتصويت احبكم 😘
رواية انقذني ايها الغريب........ الفصل العاشر 10 - بقلم Hunen23Hatum
#حنبن_حاتم_الفتﻻوي
#انقذني_ايها_الغريب....#بارت10
*(#غير_محلل_نشر_القصة_بدون_اسمي)*
فتحت لباب وطبيت
جان اشوف 😱😲
سكينة كاعدة كبال الحاسبة وبمﻻبسهة الداخلية وتحجي وية ولد ضهرهة صاير علية والولد شفت شكلة نفسة الي اجالهة بلباب ذيج المرة
اهلهة ﻻزم يعرفون كلشي اكللهم وشيريد يصير خل يصير احسن ماتسوي اكثر من هيج
ركضت ليجوة سويت لدرج شبختين
دكيت لباب طلعلتلي فاطمة
ها ولج شكو تدكين لباب
عمة تعاي وياي بسرعة مصيبة
هوة انتي شيجي من وراج غير المصايب بت السكير
عمة مووكت هاذ لحجي تعاي بساع
صعدت وياي كوة تصعد الدرج مفاصلهة متكدر
وصلنة للغرفة دفعت لباب
يااااا 😱
كلشي ماكو سكينة ﻻبسة مﻻبسهة ومتمدةة علجرباية وبيدهة كتاب وتقرة
ندارت علية فاطمة جان تكلي ها وينهة المصيبة
ضليت جامدة بمكاني ﻻاخذ وﻻانطي
ضربتني فاطمة راشدي وكلتلي مرة ثانية ﻻتجذبين ونزلت
اجيت اريد انزل وراهة جرتني سكينة من شعري حييل طببتني للغرفة
اوووي هدي شعري شبيج
بت ال.....ة جايبة امي تردين تراويهة موولج عبالج ماشفتج من طبيتي
شفتج بشاشة لحاسبة موغشيمة اني
ﻻزمتني من شعري وتحجي وياي
هاذ اخر نذار الج اذا بعد تدخلتي بية والله لعضيم اسوي بيج الي ماصاير واخليج علج بحلك العالم واراويج سكينة منو
ولي من وجهي يلله كبر لهلوجه جنج صخلة
نزلت جوة كوة امشي من لصدمة والله ياسكينة زلم ميكدرولهة واني مكيفة عود كشفتهة اووف ربي عقلهة بجاهك مولسواد عيونهة بس عمي خطية كافي علي مصايب وليد
نزلت جوة طلعت لحم وطماطة وكعدت اسوي عشة كملت ووديت لصينية وكعدت اتانيهة ترجع حتة اغسل مواعين واكلي لكمة وانام
فاطمة كاعدة كبالي علصينية كامت تبجي باوعتلي جان تكلي
الله ﻻيوفقج بجاه كلمن عدة جاه هجولتي الولد شحﻻتة جان تارس علينة لبيت بضحكتة
اني باوعتلهة وسكتت
والله يا الله تارس علينة لبيت بضحكتة لو تارسلنة لبيت ريحة جكاير وشرب
غسلت المواعين ونمت كعدت لصبح علة رفسات فاطمة عاينت علساعة بل4 لفجر
عرفتهة تريد تطلع حركتهة بية كمت واني ساكتة نضفت لبيت ماخليت شي ماسويتة
طبيت للمطبخ طلعت لكدور اريد اطبخ لغدة اجتني فاطمة
سحلتني من مﻻبسي بدون متحجي كلشي
ودتني للحديقة اباوع لكاع مليانة فراشات النوم وزوالي وبطاطين
هذني تغسليهن وتسوين لغدة قبل لوحدة انتي مكملة كلشي
عمة الله يخليج ذني هواي خل اطبخ لغدة وورة لغدة اسويهن
عافتني احجي وطبت
اوووف ياربي
شكلت ثوبي ومديت لصوندة وبديت بيهن
غسلت ثنين وحسيت لوقت مشة مديت راسي من باب لمطبخ لساعة بل10 ونص
عززة شوكت اسوي لغدة لعد
طبيت بسرعة ذبيت الحم ولبصل علنار وحطيتلهن معجون ورجعت علفراشات
اجلف ومايخلصن
مدنكة اجلف وشفت ايد واحد نمدت من جوة لباب
خلة ضرف وسحب ايدة
كمت علضرف فتحتة 😱
صور سكنة بدون مﻻبس يبوووو
وياهن رسالة فتحتهة مكتوب
تجين اليوم للبيت احرك بقية الصور
متجين انسخهن واوزعهن علة بيوت منطقتكم كلهة
عزززة بعينج ياسكينة
لفيت لضرف وخليتة بصدري
شلون انطي الهة خاف تسويهة وتروحلة صدك للبيت انطيهة العمو عززة اذا شاف هاي لصور يروح بيهة الرجال
احسن حل انطيهن لفاطمة وهية تطمطم لسالفة وتتصرف
كملت نص لفرشات ولساعة ب12 ركضت ذبيت لتمن علنار ورحت لغرفة فاطمة دكيت لباب
فتحتة
ها خير شكو
عمة اريد احجي وياج
عمة لعماج ﻻتكولين عمة
لعد شكول
كلشي لتكولين اصﻻ لتحجين ووجهج ماريد اشوفة ﻻتراوينيا
باوعت عليهة اوووف ياربي شنو من بشر وﻻ تنكسر عينهة
نطيتهة لضرف بس ماكتلهة فتحتة ﻻن رجعت الزكة مالتة مثل ماجانت
هاج عمة هاذ لكيتة بلحديقة يم لباب مدري منو مخلي
عفتهة ورحت للحديقة ثواني وسمعت صوت صرختهة وركضتهة علدرج
ههههه لو راكضة لبارحة من صحتلهة لبارحة ماجان صار هلشي وجع رجليهة شوكت ميعجبهة يجي وشوكت ميعجبهة يروح
سمعت صراخ سكينة مديت راسي من لمطبخ واشوف فاطمة سحلتهة سحل من شعرهة علدرج وشمرتهة بلصالة
نامت فوكاهة وموتتهة كتل من شعرهة وتركع راسهة بلكاع وتسد بحلكهة عود ماتريدني اسمع
اسمع سكينة كامت تصيح
ليلى لحكيني فدوة
ههههه مخبلة عاقلة اتدخل بيناتهن ام وبتهة😂
ليوم تمالخن باجر يصفن
اثناء العركة ندكت لباب ركضت عليهن كتلهن لباب تندك صوتكم عالي خاف ذولة لجوارين اجو
فاطمة سحلت سكينة طببتهة بغرفتهة وسدت عليهة لباب وعدلت هدومهة وراحت فتحت لباب
اني واكفة بلمطبخ اسمعهة تكول
هلو عيني ام سيف ميت هلة تفضلي
مادري شصار بية من سمعت اسم سيف جسمي كلة ثلج
طبت المرية بس هية وحدها للاستقبال
واجتني فاطمة تركض
سوي جاي بساع
خليت لقوري علنار وحضرت ستكاين
كملتة وصبيتة تانيت فاطمة تجي تاخذة لان متقبل اطلع كدام ام سيف وولدهة
شوية واجتني فاطمة وينج تعاي لمرية تريدج شلت صينية لجاي وطبيت
هلة بليلو هلة بلحلوة
تعاي هنا هنا يمي
حطيت لجاي علطبلة وسلمت عليهة وكعدت بصفهة
جابت علاليك من جهتهة الثانية من لتخم وحطتهن بيدي هذني الج هدية
شلون تدرين الهدية النبي محمد قبل لهدية وانتي ترديهة
تحجي وياي وتضحك افتهمت قصدها انو لملابس ذني الي شتراهن سيف الي وماخذتهن
فاطمة غمزتلي يعني كومي
ترخصت من المرة وكمت للمطبخ
فتحت العﻻليك يبووووو
مﻻبس يخبلن بناطير ثنين واحد احلة من لثاني وجبة كلش حلوة خليجية ووياهة شالهة وبدي وردي وقميص طويل لون بصلي ودشداسة بنفسجي فاتح بس تجنن مشغولة عبالك مال اميرات
فرحت كلش بيهن اول مرة بحياتي تجيني هيج مﻻبس حتة من جانت امي عايشة وابوي موجود ماجنت اشتري مﻻبس حلوة جانت خالتي تجيبلي من مﻻبس مريم لقديمات والبس بيهن
لفيتهن وضميتهن بملحق الكاونتر خاف تشوفهن سكينة تاخذهن مني
ورى نص ساعة تقريبا لمرية طلعت فاطمة توسلت بيهة علغدة ماقبلت تضل
طبت فاطمة من لحديقة فرحانة ووجهة يضحك
ركضت علة سكينة فتحت الباب وطبت يمهة
ورة ربع ساعة طلعت سكينة صعدت لغرفتهة بعد مانزلت
اجة عمو من شغلة صبيت لغدة وكعدت بلمطبخ كبالهم اسمع فاطمة تحجي وية عمو تكلة
ليوم اجتنة ام سيف
اي وشتريد
تريد تخطب سكينة
المن
لسيف
😱😱😱😱😱
سيف يخطب سكينة لا مايستاهلهة اووووف
اكيد امة خطبتهة الة بلة مايدري
😔
نقهرت حيييل
اي وشكالت سكينة
شتكول يعني وين اكو احسن من سيف
مانلكة احسن منة
بس لازم نسألهة
اي عود ميخالف اني اسألهة
كملو لاكل ورحت شلت لصينية
عمو صاح علية
ليلو
ها عمو
صبي السكينة وصعدي الهة الله يرضة عليج بنيتي
انشاء الله عمو
صبيت لاكل وصعدت السكينة الباب مفتوحة دكيتهة علة كيف وطبيت
لكيتهة حاطة سماعات التلفون بأذانهة وتسمع اغاني ومفرفحة بجي
صحت عليهة ماسمعتني
تقربت يمهة وحطيت لاكل علجرباية
وخرت لهتفون جان تكلي
شطببج هنا طلعي برة ماريد اشوف احد بيكم ولي من وجهييي
طلعت
والله يا الله تيجي ماتريد سيف
وين تلكة مثلة
اووووف ياسيف حضك هاذ تاخذ سكينة
ماتستاهلة ابد
مرت يومين وسكينة بس تبجي وماترضة تاكل وامهة اخذت منهة المبايل ولحاسبة
وتطمطم بلسالفة و ماترضة تكل لعمو من يسألهة شبيهة سكينة
تكلة مريضة
شبيهة يعني
سوالف بنات لايضل بالك مابيهة شي
بليل خابرهم وليد امة كامت تهلهل اسمعهة تحجي ويا
ها يمة توك تذكرت عدك ام تسأل عليهة
شنو
ها شكد تريد
شدعوة يمة شلك بيهن
خوش خوش ادزلكياهن بيد محمد بس لا تصيح
ثاني يوم اجة محمد ابن اختهة نطتة الفلوس بدون ماعمو يدري
اكيد راح يشتري بيهن شرب عود عمو حلفهة ماتدزلة فلوس ابد
لضهر دزتني فاطمة اصيح السكينة مدري شعدهة وياهة
صعدت لغرفتهة مالكيتهة بالغرفة
رحت علة غرفة وليد بيهة زرف زغير من يم القفل باوعت عليهة منة
بيدهة مبايل وتحجي بي
عزززة بعينج سكينة هاذ منيلهة التلفون
خليت اذاني علباب اسمعهة تحجي وية واحد تكلة
لا والله مااقبل لو هسة يذبحوني
طبعا حبيبي
ماشي
اي اي
اوك هاذهو بليل
ختمت المكالمة رءسن ركضت للدرج ماشافتني همزين
تانيتهة طبت لغرفتهة ورحت دكيت الباب
خير شتردين
امج تريدج
امشي ولي كليلهة متجي ولحد يصعد لهنا بعد لا انتي ولا هية خووش
نزلت كلت لامهة
راحت صعدتلهة
تعاركن وصياحهن علة
شوية ونزلت فاطمة تعربد
طبت لغرفتهة ضربت لباب حييل
لعصرية طلعت اذب لزبل جان قبل وليد يذبهن هاي المنفعة الوحيدة الي محصليهة من عدة
ذبيتهة ورجعت للبيت شايلة لصطولة بيدي
وصلت يم لباب سيارة سيف طابكة
اووووف صار لسكينة اكيد راح يصير مثلهة ويتغير
حطيت لسطولة بلكاع وفتحت لباب من جوة دنكت اشيلهن رفعت راسي صار بوجهي سيف طالع من البيت وبيدة السويج
لابس بنطرون اسود وستترة لون رماني طووخ ومناضر شمسية شكلة كلش انيق هواي علة سكينة تاخذ واحد مثلة
تدنة علية ونزع نضارتة
شلونج ليلو
مدلي ايدة كفختني ريحة عطرة اووووف تجنن واني كلي ريحة زبل ولصطولة بيدي
اني ماصافح بلايد همة عندهم عادي كرايب فاطمة بس اني ماسويهة ابد
بس ماردت افشلة
جريت جبتي حييل علة ايدي بحيث غطتهة
وسلمت علي
مدري شبي ضل لازم ايدي
جريتهة من عدة لا تطلع فاطمة وتسويني خطافة الرجولة ها طالعة برة ليوم
اي رحت اذب لزبل
وليش انتي تذبيهة
لعد منو ماكو غيري
مو ماكو غيرج بس بس كولي ﻻكينج علة كد ايدهم
دنكت وسكتت مهما يكون فاطمة كرايبة ماريد احجي كدامة عليهم
انشاء الله عجبنج المﻻبس
اي حلوات عاشت ايدك
اتمنة اشوفهن عليج فد يوم
انشاء الله
سلم علية وراح سديت لباب ورا وطبيت
غسلت ادية ونزعت مﻻبسي بدلت دشداشتي الفيزون السمائية 😔 ماعدي خيار ثاني
وصبيت شربت ووديتة لﻻستقبال
طبيت سلمت علة ام سيف وردت اطلع صاحتني ماقبلت اطلع كلتلي
شنو يمة انتي خدامة تقدمين لشربت وترحيت دكعدي خل نشوفج
بتسمت شكللهة ادري بيهة تريد تسمع فاطمة
نبت فاطمة من يمهة
اي والله خالة مواكللهة عوفي لشغل الي يشوفهة يكول احنة نكرب عليهة بس هية طالعة علة امهة مواجتماعية
ومن يجي احد تتحجج بلمطبخ حتة متكعد يم الخطار
ياا ليلى مواجتماعية ﻻ بلعكس كوولش اجتماعية وتحب تسولف وتجامل
فاطمة اسودنت من فشلتهة ام سيف
باوعت علة سكينة جنهة بومة كاعدة مدلغمة وماعاجبهة الي بمكانهة تحمد الله علة سيف بس هية ماتدور ستر تدور طيحان الحض
باوعتلهة ام سيف جان تكل لفاطمة
سكينة شبيهة عيونهة حمر اخاف ماراضية لو ماعاجبهة وليدي
ﻻ يختي موهيج بس هية راسبة بﻻمتحان وضايجة
شلون ماعاحبهة وين تلكة احسن من سيوفي
باوعت عليهة المرة مافاجئة بحجيهة وفاكة حلكهة جان تكللهة :شنوووو 😱😱.....يتبع
#حنين_الفتﻻوي