تحميل رواية «انقذني ايها الغريب........» PDF

#حنين_

شنووووو

ام. وليد الله يخليج ياسيف اني ماكتلج لسيف

لعد المن

لعمار عيني

يا واني شمدريني غير كلت الجبير شمدريني تزوجين لزغير قبل لجبير ياخالة غير تكولين

شفايتلي يزوج سيف والله هسة اروح اخطبلة وبنفس الاسبوع ازوجة بس مايرضة اتوسل بي

بس عموري عاجبتة سكينة وكلي خطبيهة الي

هوة طلبهة بحلكة

وهوى شيشتغل دادة

حاليا ميشتغل بس سيف جاي يدورلة علة وضيفة انشاء الله عن قريب يتعين

يمة ماي بارد ونزل علة كلبي من كالت لعمار

هاذ لحجي لزين سكينة وين وسيف وين ماتناسبة لابلشكل ولا بلشخصية ولا بلاخلاق

بس عمار تكهة هههههه ينتاسبون كلش

سكينة خلت وطلعت هية سيف وماراضية بي هدور تقبل بعمار

اي عيني هسة شنو موافقة البنية لو لا

خالة اني كتلهة علة سيف مادري عمار خل نشوفهة واكل لابوهة ويومين ارجعلج الخبر اني عن نفسي راضية ومالكة احسن من ولدج بقت يمهة هية وابوهة

يلله لعد اني اترخص واتاني اتصال منكم

طلعت المرية وكبت لعيطة

سكينة طبت علينة للاستقبال وتصيح

ماازوج عمارلوتذبحيني

ولج سكينة تدرين تموتيني كافي مصيبتج مال ذاك ليوم ولج الج عين تحجين

شوفي يمة لا عمار ولا غيرة اني غير حسين ماازوج

ادبسز دايحة حسين الي ساومني علة صورك ب٤ ملايين بس هوة هم صوجي لو مخليتة فاضحج وابوج ذابحج هواي احسن انتي موشكول ستر ولج

لا موهاذة ماما حسين غيرة

هاذ جديد يعني

اي

وجعي بت لقنادر امشي ولي من وجهي

ماما اريدة مالي شغل والله لو هوة لو اكتل روحي

نزعت لشحاطة الي برجلهة وضربتهة بيهة

موتي روحج بت لجلاب ولج بزرة حرام انتي بس كليلي طالعة علة عمج لعار دمشي ولي من وجهي لا اصكطج هسة

صعدت سكينة لغرفتهة اني ركضت للمطبخ خاف ترجع علية فاطمة تكملهة وياي

حل عمو من شغلة وحجتلة فاطمة كللهة

عمار مو مال زواج

هههه علساس سكينة الي مال زواج

فاطمة:لا شبي خوش ولد وهوا عاجبتة سكينة ورايدهة بالاسم

صيحيهة اريد احجي وياهو

صعدت فاطمة ورة نص ساعة يلله نزلت ووياهة سكينة بس وجهة مورم من لبجي

سألهة عمو كللهة انتي موافقة علة عمار

بس تبجي ماردت علي

فاطمة تشيل روحها وتلطخهة بلكاع

سكينة موفوك كلتيلي قابلة شبيج احجي

تحجي وياهة وتضغط علة سنونهة تريد تخوفهة

سكينة جاوبي ابوج

باوعت علة عمو وكلتلة اني قابلة بابا بس كووة حجت وتشهك

امهة رءسن هلهلت

وهية صعدت لغرفتهة ركض وضربت لباب حييل

ثاني يوم كعدت لصبح بل4 حلمانة فزيت كلش مرعوبة مادري شبية

حلمت بوليد جن طب علية للمطبخ وضل يضرب بية واني اصرخ فزيت عركانة وابجي تعوذت من لشيطان وكمت غسلت

ردت ارجع انام بعد ماكدرت

تانيتة اذن صليت وسويتلي جاي وبيضة اكلتهن وطلعت غسلت لحديقة ورشيت باب لشارع

علما كعد عمو بل7 سويتلة ريوك وطلع

اجت فاطمة تريكت ودزتني اصيح لسكينة دكيت لباب مافتحتة

نزلت لفاطمة كلتلهة عمة مافتحتة

صعدي دكي حييل تأخرت علدوام صارلهة يومين غايبة

دكيت لباب فلشتة طلعتلي كفشتهة تخوف

صباح اكشر الي اصبح بوجهج بي شتردين من لصبح فلشتي لباب

امج تكول نزلي تريكي وروحي للدوام

كليلهة ماروح وزقنبوت ماريد خل ترتاح وزواج مااتزوج لو تذبحني خووش

ولي يلله وجهج مال وحدة مرت شهيد

نزلت كلت ﻻمهة صعدت عاركتهة وكبت عيطتهن من لصبح بس سكينة ماراحت للدوام عنيدة ومتخاف ﻻمن امهة وﻻمن ابوهة

طلعت فاطمة للسوك وكلتلي نضفي لبيت

كعدت انضف حسيت سكينة نزلت من لدرج وفتحت باب لحديقة

فتحت بردة ﻻستقبال شفتهة فتحت الباب وطببت نفس الولد لشفتهة تحجي ويا كامرا

رأسن حضنهة وشالهة وضل يبوس بيهة ويسوي حركات تفشل وهية مكيفة وتتموع علي

نطاهة عﻻكة زغيرة وحضنهة وباسهة وراح طبت من لمطبخ واجتني لﻻستقبال

هيوو

ها

شوفي اذا وصل خبر لامي لو درت بية جبت حسين وطب للحديقة اقري علة روحج لفاتحة والله اهجج بليلة سودة واريد اشوف يا ك....د يطلع وراج

سكتت عنهة شحجي وياهة هية امهة متكدر توكف بوجهة اني لجبانة اكدرلهة

بل10 اجت فاطمة اخذت لمسواك منهة عزلتة وذبيت لحم وطرشانة علنار جاي اغسل بلتمن اجتني فاطمة للمطبخ

ليلى

تفاجئت اول مرة تصيحلي بأسمي

ها عمة

هم اجة احد للبيت

مادري بس ماسمعت لباب ندكت

سكينة هم نزلت

ﻻ

اوووف ضليت بين نارين اذا احجي لصدك سكينة حقيرة ومابكلبهة رحمة وتسويهة وتأذيني ينخاف منهة

واذا اسكت ادري بيهة تتمادة وتزيد يوم عن يوم

احسن شي اسوي روحي ماادري وهية موزغيرة عقلهة براسهة تعرف خﻻصهة

لعصر خابرت ام سيف ركضت فاطمة ردت علتلفون مكيفة

هلو عيني ام سيوفي

اي يكلبي موافيقن اني وابو وليد وسكينة

شوكت متحبون تفضلو

اي ليش ﻻخير لبر عاجله

سدتة منهة واجتني

صعدي كلي لسكينة خل تنزل اريدهة ضروري

عمة صيحيهة انتي منا كلتلي بعد ﻻتصعديلي هسة تضل تصيح

امشي صيحيهة خل تولي شنو تصيح

صعدت دكيت لباب وكتلهة من ورة لباب امج تصيحج تكول ضروري خل تنزل وعفتهة ونزلت

عدت ربع ساعة ومانزلت رجعت صعدتلهة

دكيت لباب ماردت

نزلت لفاطمة كتلهة ماترد علية وما تفتح لباب

صعدتلهة

نزلت سكينة اصيح وتتعارك وية امهة

كعدن كبالي ويتصايحن

تتزوجين عمار يعني تتزوجي واذا فكيتي حلكج بحجاية لصور ولرسالة لدزهن ك....دج عدي اراويهن لوليد وﻻبوج واخليهم يذبحوج مثل لجﻻب فتهمتي والله مايرفلي جفن عليج

انتي شنو تهدديني

اي اهددج ياادبسز

هاي تربيتج ﻻتلوميني لومي روحج كلة من ايدج انتي لتهيتي بلطلعة ولطبة وكاﻻت لنسوان ولسواكة 24 ساعة دايحة وية خواتج من وراج اني هيج سويت انتي ماربيتيني

كامت تعيط علة امهة

فاطمة تسودنت يمهة نفاضة مال جكاير مال عمو شالتهة وضربت سكينة بيهة اجت بصدرهة

ﻻتضربيني خووش اني موزغيرة والله ماتزوج عمار لخايس وشتردين تسوين سوي

كامت عليهة فاطمة جرتهة من شعرهة

سكينة دفعت فاطمة حييل وكعتهة بلكاع

اني كاعدة كبالهن ماتدخلت اتجفة شرهن

شعلية بيهن نارهن تاكل حطبهن

فاطمة كامت تلطم من دفعتهة سكينة هية رأسن ركضت لغرفتهة وفاطمة شكت ثوبهة وضلت تدعي عليهة وكلتلهة اليوم الة اراوي لصور ﻻبوج واخلي يذبحج

لليل ماطلعن من غرفهن ثنينهن

بل7 طب عمو

ها ليلو شلونج

هلو عمو الله يساعدك

شو ﻻسكينة ﻻفاطمة

بغرفهن عمو

راح اطب اسبح حضريلي لعشة الله يرضة عليج كلش حوعان

بعيني عمو

هستوني علكت لطباخ اريد احمي لجاي

نزلت سكينة تركض دكت لباب علة امهة وطبت يمهة بلغرفة

سمعت صوت عمي خافت ﻻ امهة تسويهة صدك وتنطي لصور لعمي

طبت ربع ساعة وطلعن هية وفاطمة يضحكن

اضاهر سكينة الوتية قشمرتهة

صاحت علية فاطمة

ها عمة

صبيلنة عشة بساع سكونة جوعانة صارلهة يومين كلشي ماماكلة

صدك ضحت مساع صارن لحم وهسة حبيبات

صبيت لعشة ووديتة الهن

طلع عمو وكعد ياكل وياهن

فاطمة:خليل ليوم خابرتني ام سيف

اي وشتريد

تكول لجمعة يجون يمشون علة سكينة

وشكلتليهة

كتلهة يجون بعد شعدنة احسن ماطول ماعدهة متحانات هاي لفترة

هاذهو بكيفكم

اي لعد جيب وليد

شكو جايبة

لعد شلون غير مشية اختة انتة ماعدك احد منو يوكف وياك بلمشية عالم راح يجون كوومة

ولد عمي موجودين

خليل اذا متجيب وليد والله لعضيم اركب سيارة واروح اني اجيبة

خوش اجيبة بس سكتي خليني اكلي لكمة ﻻتزقنبيني

يمة مدري شصار بية من جابو طاري وليد

دخيلك ربي شلون وين انطي وجهي منة

تانيتهم خلصو عشة وطبو لغرفهم رحت دكيت لباب علة عمو كتلة اريد احجي وياك

اجة وياي لﻻستقبال

ها ليلو شعدج

سمعت وليد راح يجي

اي امة تريدة يحضر مشية اختة

عمو الله يخليك اني ماكدر ابقة هنا من يجي وليد

لعد شلون

اروح يم خالتي لحد مايروح واجي

خوش اكل لفاطمة ويصير خير

اووف يستأذن من فاطمة يلله ينطيني لخبر

عافني وطلع

طلعت للمطبخ رأست مالي خلك لغوة فاطمة لو شافتني طابة لﻻستقبال تكوم تحجي

ثاني يوم كعدت لصبح ب8كلعادة لشغل ليومي ليوم اربعاء وباجر لمشية غراض لبيت نضيفة من نضفتة قبل لعيد بس فاطمة ﻻزم تعيد تنضيف كلشي من جديد

مثل ماكتلكم خدامة وببﻻش ليش متستغلهة

ل6 لمغرب اني اشتغل احس ضهري نقسم نصين

اذن كعدت اصلي

كملت صﻻة لمغرب وجاي اسبح

نفتح باب لمطبخ وطب علية

😱....يتبع

#حنين_حاتم

لبارت لثاني شوية يتأخر السهرانين امثالي الي يبقون ل3 لفجر خل يتانو اما الدجاج نامو لتانو وباجر لصبح قرو

موتنسون لتصويت فديتكم 😘

#حنين-حاتم-الفتﻻوي

#انقذني-ايها-الغريب.....#بارت12

*(#غير-محلل-نشر-القصة-بدون-ذكر-اسمي)*

نفتحت لباب وطب علية وليد

نرعبت من شفتة

ها ليلو شلونج مشتاقلج ولج شخبارج

جمدت بمكاني ماعبالي يجب ليوم كالو الخميس لصبح يجي

لحمد لله زينة

اجة كعد يمي

يباوع علية ودمعن عيونة

مشتاقلج ولج جلبة بلجذب ماتسألين علية

فتح جنطتة طلع علبة زغيرة شكلهة حلو

هاي الج ليلى

شكرا ماريد

جر ايدي خلاهة بيدي

اخذيهة وسدي حلكج ونجبي

والله ياربي عود صاير رومانسي وليد

اخذتهة منة خليتهة بلملحق  وكمت وكفت اريد اكمل صلاتي

كام جر حجابي

وليد والقران هلمرة اروح لبيت خالتي وبعد متشوف وجهي الله يخليك عوفني

لزم شعري ويشم بي

اوفييييش شكد مشتاق لهلريحة

جريت شعري منة ولبست حجابي

عافني وطب صاح يمة وينج

طلعت فاطمة ركضت علي تبوس بي

صاحت علية

سوي عشة بساع وليد جوعان

بس اكمل صلاة لعشة واسوي

امشي سوي عشة وبعدين صلي عود صايرتلي متدينة بت لسكير

لا علة راحتهة ماجوعان خليهة تكمل صلاتهة

طبيت للمطبخ مستغربة وليد تعاملة مختلف هلمرة تخيلتة راح يجي ضايح مني لان تهجول من وراي

كملت صﻻتي بساع وبلشت بلعشة جاي اكلي بتيتة طب وليد يغني ويدندن وكف يمي وياكل بتيتة من لماعون

اي ليلو شتاقيتيلي ﻻ

اي شتاقينالك كلنة

شخبارج

كلشي ماكو

ضل يمي بلمطبخ يفتر وكلسا يجي ياكل بتيتة خلصهة ماسوالي شي وﻻتقربلي بس مامطمئنتلة ووجودة بلبيت كلش يقلقني احسة مريض ساعة طيب وحباب واحسة يحبني وساعة متوحش وميتحكم بنفسة وساعة احسة مثل سكينة يكرهني وبس همة يئذيني

كملت لعشة بلكوة كلسا انجوي من ورا اضوج من وراحد يوكف علة راسي واني اطبخ

تانيتهم كملو عشة وغسلت المواعين

عمو راد يطلع يروح للكهوة لحكتة بلحديقة

عمو

ها ليلو

شوكت توديني لبيت خالتي

والله يا ليلو مااكدر كلت لفاطمة وتكول احتاجهة باجر لعالم يجون لعصر واني اريد اعشيهم ذيج المرة عزمناهم وخربت لعزيمة من ورة وليد اريد اعوضهم فشلة

عمو فدوة الله يخليك وديني وباجر لعصر تعال علية

شبيج خايفة اني اقفل عليج باب لمطبخ ﻻتخافين

عافني وطلع

مصيبة اذا وليد بقة هنا ورة لمشية دخيلك ربي توكف وياي مالي معين غيرك

طبيت للمطبخ وجسمي كلة يرجف كعدت وغطيت روحي بلبطانية اباوع عليهة مزرفة ومشككة هاي رفيقة دربي من اول يوم طبيت بي لهاذ لبيت هية ولمخدة كلشي تغير بس هنة علة حالهن

وليد كاعد يباوع تلفزيون وكلسا يباوعلي لمشكلة المكان الي انام بي يصير كبال لصالة كلش وماكو مكان بلمطبخ غيرة

صاحني وليد

ها

جيبيلي جاي

سويتة ورحت نطيتة الة تلمس ادية من اخذ لجاي ويباوعني ويبتسم

وخرت بساع ورجعت لمكاني

اوووف شوكت ينطمر واخلص مو كلبي خلص من لخوف ولتفكير

تانيت عمو ل11 يلله اجة ركضت علي تلكيتة من لباب

عمو فدوة اقفل علية لباب اريد انام ووليد لسا كاعد

خوش

راح طلع لمفاتيح واجة

هاذ بس مفتاح لباب لبرة لباب الي علصالة مدري وين مفتاحة

عمو فدوة كول غيرهة

والله هسة كلبت لغرفة مالكيتة

طبيت للمطبخ ابجي ليوم وليد يسوي الي براسة يعني يسوي شلون بية يربي

اجة يمي عمي

نامي بﻻستقبال واني اقفل عليج لبوب ثنينهن

موتدري  فاطمة ماتقبل

كعدي من وكت قبل ماتكعد كود انتي كاعدة وروحي للمطبخ

ماشي

ب12 يلله طب وليد لغرفتة رحت دكيت لباب علة عمو كتلة فاطمة نامت

كلي اي نامت روحي لﻻستقبال

قفللت علية لباب  ونمت بس مامرتاحة بنومتي بس اتكلب وكلسا افز ومرتين حلمت بوليد بكد ماخايفة منة وافكر بي

علما طلع لصبح اني 100 مرة فازة

لجامع قريب علينة سمعت صوت ﻻذان فتحت لباب واخذت بطانيتي ولمخدة ورحت للمطبخ ضميت فراشي وصليت صﻻة لفجر

وطلعت للحديقة رشيتهة ورشيت باب لشارع

طبيت كلعاد سويتلي بيضة وتريكت

تانيتهم كعدو وليد يتأخر لصبح ركضت نضفت لبيت بساع علما غسلو وصلو سويتلهم ريوك وبديت احضر للمشية طلعت طحين وسويت 3 كيكات وزينتهن وسويت بسبوسة صينيتين وكليجة شوية كد كيلو سويتهن بلدهن لحر ولريحة تخبل

جاي اغسل مواعين حسيت احد وراي

نداريت وليد

صافن علية تدنة يمي

وليد ﻻتتقربلي والله اصيح عمو

ماهتم لحجي تدنة علية حييل جر حجابي وجر قراصتي

شتم شعري

وخررر عني شبيك حرام بابا انتة ماتعرف الله

مشتاق اشوف شعرج فتح تلفونة وطلع صورة ونطا الي

باوعت صورتي شعري مفتوح واني كاعدة امشط

شوفيهة هاي هناك من انام اضل اباوع عليهة لحد مااغفة

حرام عليك هيج تسوي وليد

ماابريك لذمة ابد والله راح يحاسبك علة كل هاذ

اشش لتلغين زايد ونطيني كليجة

هاي للخطار

جرهة من لكاونتر اخذ صم وراح

اوووف ﻻزم ارجع اسوي بعد شكول عليك وليد ﻻ انتة بشر وﻻ انتة حيوان مادري لياصنف ينتمي

سويت لغدة بساع تمن احمر وروبة بسرعة كملتة

تغدو وطبو لغرفهم وفاطمة كلتلي رجعي مسحي ﻻخشاب وﻻثاث ولكاع مرة ثانية

كملت لمواعين ورجعت مسحت لبيت وﻻثاث نتهيت ضهري ماحس بي من لتعب

مددت بلكاع شوية بس اريد وجع ضهري يروح

حسيت احد نزل

نداريت وليد جريت حجابي بساع لبستة وكمت علة حيلي  ماريدة يشوفني نايمة

طلعت كﻻصات وصواني اغسل بيهن

اجة وكف يمي

سويت روحي ماادري بي

ليلى

ها

تعاي نضفي غرفتي ريحتهة موطيبة

هسة شوية مشغولة والله بس خل اخلص لبيدي واجي انضفهة بعيني

مجبورة اتلوكلة حتة يقتنع ﻻن احسة يلين من احجي هيج ويا

ماشي اتانيج

غمزلي وراح

كبوور لتطمك وتطم كل عار مثلك عديم لشرف كرة عينج يفاطمة علة هلتربية

رحت للحمام سديت لباب وكعدت اغسل هدوم همزين لكيت كوومة مﻻبس وصخة اضيع بيهن لوقت علما يصير لعصر

سمعت صوتهم يحجون

طلعت ولمﻻبس بيدي

وليد صار بوجهي وفاطمة طلعت وبيدهة عﻻكة كرزات

ها شوماجيتي نضفتي غرفتي

والله ولودي شوفة عينك هستوني خلصت المﻻبس هسة اشرهن  واصعد انضفهة

نبت فاطمة

عوفي لغرفة هسة بعد نص ساعة ويجون لعالم هاج هاي لكرزات وكعدي حضري لمواعين وخلي لكييك بلثﻻجة خل يبرد شوية

بعد احسن خلصتني من وليد

صعدت شريت لهدوم بساع ونزلت للمطبخ

حضرت كولشي ورحت لبست دشداشتي اووووف ماكو داعي اكللكم ياهية لكيد تعرفوهة

لبست حجاب خاف احد يطب ﻻن كرايب فاطمة يتخشخشون من يجون

ندكت لباب وطبو زلم كوومة اجة وليدو ودالهم لحلويات وكلما ياخذ شي منة يسويلة حركة ويضوجني شكد مااحجي مايفيد

اني بلشت بلطبخ للعشة جابولي لحم غنم وكعدت اسوي تشريب وتمن برياني وزﻻطة وهوسة الزلم واصلة لسابع جار ساعة يضحكون ساعة يسولفون وفاطمة وسكينة فوك وﻻ بينن بس وليد كلسا يطب يمي يتحجج بشي

نتهيت من لتعب كملت لمركة ولزﻻطة وبقة بس لتمن لكدر مالتة شوية جبير  حضرت مصفي وطاسة بلكاع اريد ابزل لتمن حتة احمسلة دهن حر

لزمت لكدر وجاي ادير لماي جان 😖😖

#حنين-الفتﻻوي

موتنسون التصويت تصبحون على ماتتمونون 😘

#حنين_حاتم_الفتلاوي

#انقذني_ايها_الغريب.....#بارت١٣

*(#غير_محلل_نشر_القصة_بدون_ذكر_اسمي)*

جاي ادير التمن بلمصفي حتة ابزلة

ماسيطرت علكدر وفلت من ايدي حاولت الزمة عدل نجويت بي ورأسا هديتة

وية ماهديتة حسيت نار وشتعلت برجلي

عبالك واحد جاب تيزاب ودار عليهة ماتحملت لوجع رأسن صرخت ولتمن نجفة بلكاع كلة

مديت رجلي ورفعت ثوبي عنهة شفتهة حمرة حييل ولجلد مصلوخ صلخ

تدنيت اريد الم التمن ودموعي يجرن من اﻻلم ﻻن اذا شافتة فاطمة تسويني تمن

بعدني الم بي وماحسيت الة سيف وعمو فوك راسي

يااا ليلى هاي شبيهة رجلج

دنيت ثوبي رأسن عليهة اشو هاذ سيف كعد بلكاع ولزم رجلي رأسا ورفع ثوبي عزززة هاي شصاير بيهة

جاب لشكردان ودار لشكر نصة عليهة وكلي هسة تبرد لتخافين

اني خحلت كلش رجلية بيهن شعر صح اشكر وخغيف بس هم يفشل هوة اني الحك امشط شعري من ورة فاطمة حتة احف رجلية

صاح علة فاطمة رأسن

فاطمة

فاطمة

اجت فاطمة وال ماشافت التمن الي بلكاع رأسن شهكت

ياااا عززة بعينج ولج هاي شمسوية ماكدر اعوفج دقايق بلمطبخ

باوعلهة سيف كللهة فاطمة مووكتة هاذ لحجي البنية مامتقصدة ورجلهة حييل تأذت جيبيلي معجون اسنان معجون طبخ اي شي خل تبرد رجلهة

ماعدنة

جيبيليهة مﻻبسهة خل نوديهة للمستشفى جلدهة كلة نصلخ خطية ماتنام اليوم اذا مينطوهة مهدء شي

يمعود كلشي مابيهة هسة دقايق وتكوم تكمز مثل لقرد

فاطمة صدك تحجين تعاي شوفي رجلهة جلدهة كلة نشال

اي مابيهة شي رجلهة خل تتحمل وجعهة وتكوم تكمل لعشة موبس عرفت توكع لتمن وتزرع لكاع بي هاي لعالم هسة شنوكلهم

فاطمة صدك عود ولج انتي جكة دنبوس ماتتحمليهة وتردينهة تتحمل هاذ لوجع نطيني مﻻبسهة بساع

طلعت لمﻻبس من لملحق شمرتهن بوجهي وراحت لغرفتهة

سيف كام يهز بيدة وعمو واكف فشﻻن من تصرفهة بس ميحرك ساكن يخاف من عدهة

كومني عمو وكمت بس من كمت تأذيت حييل لجلد تكرمش ولتم من وكع علي لفوح ومن كمت حسيتة نجر نتهيت من لوجع حبست ﻻلم بداخلي بس دموعي رأسن نزلن ماكدر احبسهن من يوم يومي ام دميعة

سيف :كاعدين نسولف ونضحك بﻻستقبال وسمعنة صوت صرخة وحدة  باوعت وليد ماكو كلت بسﻻ هاي ليلى اذاهة وليد واني اصﻻ من طبيتلهم وشفتة كلبي كلش نقبض وبالي يمهة كلما اشوفة يطلع اضل حاط بالي يم لباب وكعدت بصف لباب خاف يصير شي وياهة حتة اسمع صوتهة واتﻻحكهة

من سمعت صوتهة مدري شصار بية حيلي نهد سويت لصالة شبختين وركضت لﻻستقبال اباوع ليلى بلكاع ولتمن متبدي ولكدر بصف رجليهة وهية دموعهة تصب ووجهة مخطوف مادري شصار بية من شفتهة احس كلبي نخمش

ومن شفت دموعهة وعيونهة لحلوات صايرات حمر فرفحت عليهة بدي اشيلهة واطير بيهة للمستشفى ماريدهة تتوجع

وكتهة بس عرفت وتأكدت انو هاي لبنية اخذت مكان بكلبي وصارت تعنيلي

من كومهة عمهة طبكت حواجبهة وغمضت عيونهة ونزلن دموعهة رأسن عرفتهة تأذت نمردت عليهة حييل تمنيت اشيلهة وماخليهة تتوجع

عمو كومني وصاح علة فاطمة

3 مرات صاح عليهة ومااجت بعدين طلعت عاقجة وجهة وماعاجبهة

امشي ويا ليلى سيف يوديكم خل يضمدون رجلهة وينطوكم عﻻج

والله اني راسي يوجعني ومالي خلك هوسة المستشفى

لعد شلون اني ماكدر اعوف لعالم فشلة منو يبقة يمهم ابنج اشو عافنة وطلع من لمغرب ولسا مابين

مادري والله اني مامسؤلة وبعدين هية شكو هيج تتعاير وعايشة الحضة اشو هوة حرك بسيط

هسة شلون فاطمة ماراح تفضين هاي لسيرة امشي صيحيلي سكينة

اجت سكينة كللهة روحي وية ليلى وهم ماقبلت توسل عمو راد ابد وﻻ تنطي من روحهة

بعدين سيف كل لعمو

خليل اني اوديهة

شلون ترحون وحدكم

اي ياخوية شني السالفة قابل راح اكلهة هسة دقايق ونرجع

يلله روحو بس خابرني كلسا وسوق علة كيفك فدوة

ضليت فشﻻنة من الولد ﻻبية اكلة ماروح وﻻبية اتحمل وجع رجلي احس نار تطلع منهة

طلعت وية لولد وصعدت ليورة وحرك

لطريق كلة كلسا يندار علية يكلي

ها توجعج

شويية

والله عندج صبر انتي اني لو بمكانج جان كمت اصرخ

ضحكت اني

بس موغريبة هية الي تجرع فاطمة ماتكدر تجرع هاذ لوجع هنيالج علة هاذ لصبر

ماحاجية وية ولد غريب قبل من يحجي وياي مادري شيصير بية ارتبك ولحجي مدري وين يروح ضليت بس ابتسم بوجهة وكلشي ماحجيت

وكلما نفوت بطسة انلجم واتأذة علما وصلنة متت من لوجع

وكف لسيارة ونزل قبلي ركض جابلي عربانة

نزلت كتلة عادي امشي اكدر

ماقبل

صعدت بيهة ودفعني بس كلش مستحية من عندة

المستشفى الي رحنالهة اهلية موحكومي دفعنة فلوس كشفية وطبينة بلغرفة ننتضر اني كعدني بصف نسوان ثنين وهوة كعد علمسطبة الي كبالي ويمة ولد ثنين زغيرونين

كاعد كبالي يباوع علة هدومي وبس يبتسم كلت شبية اني معقولة هدومي بيهن شي بعدين تذكرت اني ﻻبسة الجبة الي جابهة الي اكول يبتسم

اجة دورنة وصاحو اسمي كمت طبيت وهوة طب وياي لرجال ابو ﻻستعاﻻمات كلة انتة وياهة كلة اي زوجتي اني تفاجئت من كال هيج وستحيت كلش من عدة

طبيت للدكتور كلي طلعي رجلج طلعتهة بس ميتة من لفشلة اول مرة اسويهة كدام غريب

راح طلع غراضة جاب ديتول عقمهة وجاب مكص وكطن وشاش وبدة يكص بجلد لمحترك ويسحبة

يمة شصار بية حطيت ايدي علة حلكي وكوة كاتمة لصرخة نتهيت من الوجع

وهوة واكف يم لدكتور كلسا يكلة عفية علة كيفك جاي تأذيهة

ضمدهة وكمل واني كمت اشهك واناشغ مثل لجهال

كمل وسيف دفع الحساب وطلعنة

وبلطريق نزل يم محل مال موطة جاب وحدة الي ووحدة الة كلي هاج بردي كلبج فرفحتي من لوجع الله يساعدج

يباوعلي ويضحك ويكلي واني هم فرفحت عليج خل ابرد كلبي

اكلت لموطا يبوو علة طعمهة  تجنن بحياتي ماضايكة مثلهة

وصلنة للبيت هوة طب لﻻستقبال واني طبيت للمطبخ لكيت لمطبخ كلة مواعين مليان بكل مكان علسنك وعلطباخ وبلكاع واكل زايد شي فوك شي حتة مامعزﻻتة

نزعت جبتي وشربت مي واجيت اريد اعزلة باوعت ﻻكل لباقي كباب شوي ودجاج

طبعا فاطمة لوتموت ماتطبخ

لميت النعمة خليتهة بلثﻻجة وبديت اغسل بلمواعين

سمعت صوت لزلم طلعو هنا كلبي وكع بلكاع من لخوف هاي ثاني مناسبة اخربهة لفاطمة اليوم شيخلصني منهة واذا خلصت منهة ماراح اخلص من وليد

طلعو لزلم وعمو سد لباب وطلع راح للمولدة  بعدني واكفة علسنك حسيت شي اجة بضهري قسمة بلنص متت من لوجع نداريت فاطمة بيدهة جفحير وية ماندلريت ضربتني بكصتي خليت ادية كدام وجهي وكامت لضربات تجيني بكل مكان كعدت بلكاع وكمت اصرخ واتوسل بيهة

عمة اني شسويت عوفيني فدوة جاي توجعيني عمة الله يخليج شمسوية اني حتة الله مايرضة

تفشر علية وعلة ابوي ومستمرة تضرب بية كل قوتهة نهتني من لضرب بعد حتة مابية ارفع ادية واحمي روحي

نفتحت باب لمطبخ ودخل وليد

شافنة كبل ركض صار كدامي ولزم لجفجير منهى

يمة عوفيهة شبيج شسوت هية

هية تدفع بي وتكلي ادبسز دايحة تتعايرين كدام الولد سويتي روحج كلش ميتة حتة تشردين من لطبخ مو

عوفيهة يمة قابل متعمدة

بسيطة ليلى هاي ثاني مرة خو اني اعلمج

اخذهة وليد كعدهة بلصالة وسد علية باب لمطبخ

ضليت صافنة وليد يسوي هيج معقولة اوووف حتة الي يحميني ويوكف وياي الة غاية من هلشي مو لسواد عيوني وﻻ يسويهة لله

اسمعهة تكلة خل تغسل المواعين ﻻ اجي اغط راسهة بلبلوعة

اجاني فتح لباب كلي غسلي لمواعين شلون ماجان امي ليوم متعوفج حتة لو موجوعة هيج شلون ماجان

ادية ورجلية كامن يصلن علية من لوجع اريد اكمل لمواعين كوة واكفة كملتهن بطﻻع لروح

طلعت بطانيتي ولمخدة لفيت روحي ﻻن بردت حيييل مادري صخنت مدري لجو بارد

رفعت راسي للسمة احاجي ربي عسى ولعل يسمعني ليوم سنين الي احاجي وحياتي هية هية ولمصايب يوم عن يوم تزيد ماتقل

الهي كافي تعبت ساعدني ربي بعد مابية زغيرة علة هلضيم والله زغيرة وحمل لدنية كلما جالة يزيد واني تعبت بعد مابية اتحمل ضرب واهانات مابقة مكان بجسمي سالم يربي كلشي بهلدنية الة نهاية بس ضيم ليلى يزيد ماينقص

اووووف ربي اريدك تطلع حوبتي بفاطمة اذا ذني دموعي الهن حوبة اريدك تطلعهن بيهة عشتلهة خدامة من زغري وعمري ماكلت ﻻ شتكلي اكول حاضر واسوي كلشي لتكلي علي  ومن حلك ساكت

ربي دموعي ذني رخيصات عدك مويكولون دمعة ليتيم تهز عرشك اشو اني جبت عمري كلة ابجي شوكت يهتز عرشك وتلتفتلي تعبت الهي دخيل اسمك بعد مابية

مددت بلكاع ولوجع هاج علية لحصيرة تكسر لضهر واني منا عضامي مكسرات

رجعت كعدت كلهم طبو لغرفهم وبعد ماشفتهم  تانيت عمو يجي كلي ليوم راح يجيب مفتاح ويا

ب11 وربع اجة ماحجيتلة كلشي هوة ﻻيحل وﻻيربط عليمن اتعب روحي واحجي بس كتلة اقفل علية لباب اريد انام قفلة ونمت بلكوة للصبح اتكلب من وجع جسمي وكلما يوجعني شي اكول حسبي الله عليج فاطمة اريد الله يحط كل هلوجع بيهة

ثاني يوم لصبح ماكعدت من وكت بل9 فززتني فاطمة

يلله خاتون صح لنوم عيني ﻻميرة لنائمة كومي ليوم يعقدون لسكينة راح نروح نشتريلهة بدلة اني وعمج ومناك نذبهة للصالون هية وبت اختي ونرجع هسة خواتي علة جية كومي نضفي طبخي يلله موكيفتي عفتج نايمة لل9

كمت علة ضيمي بديت بلتنضيف همزين وليد بلدوام كاعدة اطبخ بلمركة وندكت لباب خليت حجاب علة راسي وطلعت فتحتة

طلع سيف

سﻻم ليلى شلونج شلون صارت رجلج

هلو سيف  لحمد لله بخير جان كتلك تفضل بس محد ماكو عذرني

ﻻاني ماجي اطب ذني غراض جبتهن للحفلة بس فتخيلي باب لمطبخ خل ادخلهن

دخل كراتين مي وعصير وكيك اني ضليت واكفة بلحديقة ماطبيت للمطبخ اخر شي جاب كارتونة واجة يمي

ليلى هاي كيكة خليهة بلمجمدة لو بلثﻻجة

مديت ايدي اريد اخذهة من عدة الدشداشة الابستهة تلث ارباع لردان وطالعات اثار لضرب مال لبارحة صاير لونهم ازرك يخوفن

رءسن حط لكيكة بلكاع ولزم ايدي فاجأني

ليلى هاي شنو

هاي عورة

هاي عورة وهاي شنو وهاي الثانية شنو

سكتت ماريد احد يعطف علية وماريد ادخل لولد بمشاكلي

فاطمة لوسكينة احجي

سيف سالفة وراحت عوفهة الله يخليك

ليلى ليش تسكتين ولج هيج يستضعفوج ويتمادون ويزيدون وياج

سيف لازم اسكت اني ما عندي ضهر استند علي خليني متحملة هلضيم احسن مااتهجول بلشارع بعدة الولد يحجي وياي ندكت لباب

يبو بسلا وليد

رحت للباب فتحتة وسيف شال لكيكية بيدة حتة لحد يشك بينة

فتحت لباب جان تطلع😳😳....يتبع

#حنين_الفتلاوي

موتنسون التصويت احبكم 😚

فتحت لباب جان تطلع

😱😱😱

اسوء كوابيسي اكثر وحدة سوت بية دكات ناقصة

اكثر وحدة اكلت كتل علة اديهة من نخلقت لليوم

الي اذا جتمعن هية وسكينة اكره ليوم الي نخلقت بي يسون بية دكايك ماصايرة  ويطلعن علية حجي ماأنزل الله به من سلطان

تقى بت عمتهة لفاطمة  بس عﻻقتهم كلش قوية بيهم بيتهم بلحلة جانت تجينة بلعطلة تبقة يمنة شهر اكثر بس صارلهة اكثر من 5 سنوات ماتجينة ﻻن تزوجت  فترة وبعدين تطلكت ومن يومهة كامت متجي ماادري ليش

جانت من تجينة تشوفني النجوم بعز الضهر

خاف سكينة عايزة اذية وشر هية تزيدهة وتحجي براسهة علية ماعرف ليش تكرهني ووتغار مني هية الي مثل حضي ينغار منهة لو بس اعرف علة شنو تغار مني علة ياضيم علية يا مصايب

اوووف يربي هسة وكتهة تجي بهاذ ليوم وبهاذ الموقف بلتحديد شكد عدي حض لعد اني

ها ولج ليلى شلونج

هلو تقى لحمد لله زينة

طبت كبل وامهة دخلت وراهة سلمت علية بس ميبوسني عبالك بية جرب

لك هاذ سيف هنانة شجابك هنا ولك

راحت علي كبل صافحتة وباستة من خدة

هية محجبة يس حجابهة خرطي مال عيارة

شعرهة اﻻحمر نصة طالع وﻻبسة تنورة قصيرة ووياهة جواريب شفافات وسترة ضيقة حيل ولمكياج عبالك عروس

سيف بوسهة وعينة علية ﻻوجمالة ماكتفت ببوسة وحدة لحقيرة 3 مرات باستة وهوة خجﻻن ويباوعني متفاجئ

طببتهم لﻻستقبال كتلهم لبيت بيتكم اني رايحة اطبخ اخذو راحتكم خالتي علة جية هسة

وسيف نطاني لكيكة وراح

خجﻻن علساس ماعاجبتة يعني يبوس هوة اصﻻ لوما مسويهة قبل ومنطيهة مجال ماجان تجرئت وباستة كدامي لحقيرة

نتبهت علة روحي هسة اني ليش مهتمة وضايجة شعلية بي عسما تحضنة

طبيت للمطبخ الوب منضرهم ميروح من بالي اروح وارحع بلمطبخ واحجي عليهم ساعة اكول هوة معلي هية متستحي وساعة اكول لا هوة منطيهة مجال

يووووو هسة اني عايزة هم هدور طلعلي هم سيف معقولة اغار علي

لا واني شنو حتة اغار علي ليش هوة يباوع لوحدة مثلي

حطيت لكيكة بلمجمدة وعزلت لغراض لجابهن ورجعت اكمل لغدة سمج شوي وفاطمة جابتلي 8 سمجات وكلهن ﻻزم اشويهن صينية لفرن زغيرة ومتشيل اكثر من سمجتين لساعة ب11 واني لحد ﻻن صار شاوية ثنين بس بقن 6

وفاطمة تريد ﻻكل بل1 كون ينصب مدري اكملهن مدري ﻻ

حطيت لتمن اطبخ بي وكوة اتحرك بلمطبخ جسمي متبند من لوجع لبارحة مانوجعت هيج ليوم كلش دايوجعني ولضربات كلهن صارن زرك ورجلي تحركني حييل

درت مي للتمن وقبقتة اليوم ماراح اسوي بزل صارت بية خوفة من لبزل حمستة ودرتلة ماي وكعدت اسوي بلزﻻطة علما ينشف ماية واطفي

اجت يمي تقى

ها ولج ليلى شو صايرة سودة

هاي لحجاية كلما تجينة تكوليهة الي حتة حفضتهة

اي غير انتي سودة شسويلج

مادري شتحس من تكول هلحجاية حتة صرت احس روحي صدك سودة بكد مافاطمة وكرايبهة يكلولي سودة اكلج سيف شلون تتطببي وانتي لوحدج بلبيت

لولد طب خلة لغراض وراح قابل شعندي ويا

اي جان اخذتيهن من عدة من لباب ليش تطببي

كتلة وماقبل كلي ثكيﻻت وهوة شايل كل كارتونتين سوة مااكدرلهن اني

جان خﻻهن بلحديقة لحد مايجي عمو ويدخلهن

كتلة وكلي تضربهن لشمس موزين يخربن

عرفتهة تريد تطلعلي سالفة كمت شتكلي اطلعلهة بدرب مانطيتهة مجال ابد لحد ماضاجت وطلعت

بس من طلعت سمعتهة تحجي وية روحهة تكول هوة انتي مفلفلة وطببتي هية كوة بت لسكير لو غيرج

بس هية جانت متعمدة تسمعني

اوووف حسبي الله ونعم الوكيل عليك بابا ﻻهوة الميت وخلصانة منة ومن سمعتة الي حتة اهلة يعيروني بيهة ليكول اني كايلتلة يصير هيج

وﻻهوة لصاير زين ومجفيني شر لحجي الي يسم لبدن يومية اسمعة ازبل ناس يعيروني بي تقى الي هية نفسهة جانت تشرب بلختﻻت وية وليد من تجينة وبعيني شايفتهة وحتة لغرفتة تطب يمة من فاطمة وعمو يكونون مامتواجدين وتبقة بلساعات يمة

حتة هاي تعيرني تكلي بت لسكير وسيف يكلي لتسكتين احجي شحجي يربي انتة تشوف بعينك وهاذ يكفي ومنو يصدكني لو ردت احجي

صارت ب12 وبقنلي 4 سمجات يربي شيخلصهن الي ضليت الوب بلمطبخ وادعي وانخة ام البنين ولدور زهراء هنا خاف فاطمة مالهة نية تأذيني زهراء موجودة وتقوم بلواجب

طلعت لمواعين شطفتهن وحضرت كلشي حتة ميبقالي بس لسمجات اتانيهن يستون ب12 ونص طبت فاطمة

هاولج كمل لغدة

ها اي عمة كامل ومتانيتكم

سمعت صوت بﻻستقبال

يبوووو اجن باقي خواتهة وبناتهن ليوم راح تصير حرب لبسوس ضد ليلى دخيلك يربي شلون بية

اجن يمي بنات خوات فاطمة ثنين ميس ولبنى ووياهن تقى

ليلى بلله نداري

ادري بيهن يردن يعيبن علية بس شسوي ﻻحول وﻻقوة حتة لخطار الي يجي تعود يهيني ويعيب علية عبالك مصخريهم علية درت عليهن كتلهن ها

وييييع هاي شصاير بوجهج ليلى

اي خرب عبالك نفسة

ويضحكن تﻻثتهن

ها راح يبدي لتصنيف مالتجن الله يخليجن مالي خلك اريد اطبخ روحن هناك ضحكن

اجت علية ميس لزمتني من ثوبي

ﻻ بلله شنو تطردينة حضرتج بيت خالتي وبكيفنة واشو الة نبقة هنا اريد اشوفج شتسوين

باوعت عليهة لبنى جان تكللهة

شتسوي يعني غير امسح لكاع بجهرتهة لحلوة

ادري بيهن يردن يحجني حتة يسولي مشكلة ويطلعني اني لعايلة بيهن وطاردتهن بلعت لغصة وسكتت بعد منو بقة ماهاني تعلمت روحي علوجع وصارت لشغلة عادية

ضلن يمي يعيبن علية وتقى كلسا تكلي

ليلى بلله نداري علية نداري

اخر شي درت عليهة اريد اشوفهة شتريد

😂😂😂😂هاي بعدج بدشداشتج لسمائية شوكت تبدليهة ولج هاي من زمن لعصملي خرب ههههههههههه

كامن يضحكن كلهن

متت من كالت هيج خنكتني لعبرة و نزل دموعي رأسن  ماصيطرت عليهن 

درت وجهي ماريدهن يشوفني ابجي هدور يزيدن وياي  بعدني بدشداشتي لسمائية ليش اني بيمن سوايت البشر حتة اساويهم بللبس اشو عايشة حالي حال لحيوانات حتة لحيوانات احسن مني عاد عدهن وقت راحة اوووف منتضرة الله يباوعلي بعين عطفة

ستون سمجتين وبقن ثنين باوعت للساعة بلوحدة الة عشرة اجتني فاطمة

يلله ولج صبي بساع صبي ﻻكل كلة وبعدين جيبي لﻻستقبال مو تجيبين ماعون ماعون واحنة نتاني حضرتج

خليتهة راحت ودخلت اخير ثنين من لسمجان علما اصب بلكي يستون هنة زغار شوية

صبيت لزﻻطة ولطرشي وروبة ولتمن فتحتهن مستويات بس بعدلهن شوية شغلة 10 دقايق يستون

بديت انقل بﻻكل شي ورة شي بلصواني كملت ﻻكل صارت سفرة شطولهة وﻻكل يخبل كلة زينتة وشكلة حلو كلهم ضلو فاكين حلكهم

اجيت خليت الجاي علنار وكعدت بلكاع يبوو هلكت يمة بعد المواعين شيخلصهن الي

اووووف يمة

شكد محتاجتهة لو هسة موجودة ماجان هاذ حالي صدك ليتم لﻻم مو لﻻبو شكد سهرت ليلي ابجي عليهة واني زغيرة ماتذكر نمت يوم بدون مااذكرهة وابجي علة حضنهة حتاجيتهة هوااي بمراهقتي ماجان عندي احد اسألة ويعلمني وينصحني

اوووف يربي لو ميت ابوي هوااي احسن عايش ومتهني واني معلعلة وضالة ملطلطة بيد سكينة وامهة

شنو من كلب عندة بس اريد اعرف شلون ينام وهوة عندة بنية ميدري بيهة عايشة ميتة

اريد الله ياخذ حقي منة انشاء الله بيوم لقيامة اقابلة واخذ حقي من عيونة هوة وفاطمة ماريد شي من هلدنية غير شغلة وحدة اريد الله يفجهم بغالي

اريد الله يفجعهم بعزيز كلبهم بس هاذ اﻻريدة مارحمو بحالي وﻻ رفلهم كلب علية ابد

مادري من شنو الله خالقهم

احجي وية روحي وطبت علية فاطمة بيدهة مواعين شايلتهن بلصينية

هاي شنو لريحة ولج

ياريحة عمة

ركضت علفرن فتحتة

يبوووو😱😱😱😱

شلون نسيتهن يربي ليوم شيخلصني من فاطمة

نداريت علية جرتني من شعري حييل

ولج بت القنادر ذني جايبتهن ببﻻش اني ليش ولج حاركتهن

عمة والله نسيتهن والله

ادبسز دايحة ابوج لسكير منطيني فلوسهن موو

كمت علة حيلي وكتلهة

عمة الله يخليج كتلج ماادري بيهن تردين فلوسهن هسة انطيهن الج قحط هنة

ضربتني راشدي بت ل.....ط منيلج فلوس تبوكين مني موو واني اكةل فلوسي ينقصن كلمرة

ﻻ والله عمة ....بعدني احجي حسيت واحد جرني من  شعري حيييل وكعني علة ضهري

اجت فاطمة داست علة راسي بشحاطتهة ولبنى وتقى واكفات ويغلطن علية

دايسة علة راسي وتكلي

دايحة تبوكين مني وتضمين موو

تخبلت من سوت  هيج كدامهن وهنة يضحكن احس بركان وفار بداخلي

دفعت رجلهة حييل وكعت بلكاع

  اني موحرامية ولدج لحرامية وانتي تدرين بيهم ﻻتذبين بﻻويج علية خوش موساكتتلج كل هاي لسنين اكول مثل امي

اني كلت هيج ولتمن علية تﻻثتهن الي تجر شعري والي ترفس ببطني والي تضرب راشديات نهني اصرخ اريد ماكو حسيت روحي طلعت بين اديهن

ستسلمت الهن حتة بعد مادافع لروحي

خليني بلكي اموت بين اديهن واخلص تعبت والله تعبت

هاي شنووووووو

وخرن عنهة ليش هيج ولكم انتو شنو من بشر الله واكبر علة روسكم وخرن

باوعت سيف سحلهن كلهن من فوكاي

الله اكبر عليجن ليش هيج شنو انتن جﻻب ولكم 3 علة وحدة متخافون من الله شسوت بس اريد اعرف

لبنى:باكت فلوس من خالتي وحركت لسمجان وضلينة بدون غدة من وراهة

اجة علية كومني

جذب والله سيف مابكت منهة الله شاهد

كومي وياي كومي

اجت فاطمة نفشت مﻻبسي من فوك كلهن وطلعت ضبة فلوس شمرتهن علية مﻻتي دزتهن الي خالتي مرة بيد بت خالت امي جميلة تصير جنة اخت فاطمة ودائما خالتي تتواصل وياي عن طريقهة  واني ضامتهن ﻻن ﻻطالعة وﻻ ماشية

ذني منيلج لعد احجي

والله خالتي نطتهن الي 

كافي فاطمة عوفيهة راح اخذهة لخالتهة

شنو تاخذهة لخالتهة ماتطلع من لبيت عمهة ميرضة

انتي ﻻترحمين وﻻ تخلين رحمة الله تنزل

موعمهة ميرضة بس كولي مستفادة منهة تكربين عليهة

سيف عيب عليك شنو هاذ لحجي وبعدين هية بتنة اكرب عليهة ادللهى انتة مالك دخل بأي صفة تتدخل

فاطمة لضلم حرام خافي ربج هم عندج بنية والله باجر عكبة يسلط عليهة مثل ماتأذين بليلى

شنو قصدك سيف ترة سكينة خط احمر من هسة احجي اذا براسك شي حتة ننهي كلشي

مابراسي شي فاطمة احنة ﻻراح نضلم بتج وﻻ نئذيهة احنة نخاف الله بس ترة اكو الله فوق لكل ﻻتخلين لدنية تاخذج بغرورهة رجعي لعقلج وخافي ربج بهليتيمة

عافنة وطلع ثواني وطب وليد

لبنى وتقى وميس طلعن كلجن منا يلله

ولك وليد شنو هاذ لحجي ليش تطرد بنات خالتك متستحي

يمة انتي هم طلعي وياهن بساع عوفن ليلى يلله و كافي فضايح لعالم راح يجون

ضليت صافنة هاذ وليد شنو تبدل

طلعهن واجة علية كلي ليلى كافي لتبجين

مسحت دموعي ودرت وجهي عنة ماريد انطي وجه مااكدر اثق بي لو شما يسوي

ثقتي بي تزعزعت من ورة لسوا وياي

سيق :خابرني خليل كلي روح لببيت اخذ وحدة من لبنات وروح جيب سكينة من لصالون اني مشغول بلمولدة عطﻻنة ومحتار بيهة

كيفت بلكي اشوف ليلى وكلت بلكي احصلي فرصة  احجي وياهة واوضحلهة الموقف الي صار ليوم

وية تقى

اووووف ياتقى ماجنت ادري بيهة كرايبهم

تقى هية البنية الي حبيتهة وتزوجت وعافتني اليوم نصدمت حييل من شفتهة وطلعت متطلكة من رجلهة طوول هاي المدة اخبارهة منقطعة عني اني نسيتهة وراحت من بالي كلش

واليوم من اجت علية وباستني ماحسيت شي تجاهة ابد مومثل جنت كلبي  يرف عليهة من اشوفهة وكتهة تأكدت انو ماعاد الهة اي شي بداخلي الوقت جان كفيل ان يمحي  كل ذكرياتهة من كلبي

من بوستني ضليت اباوع علة ليلى منصدم حالي حالهة و شفت عيونهة نطن وحسيتهة ضاجت فرحت حييل من شفت ردة فعلهة وكلت يا الله شكلهة بدت تكنلي بعض المشاعر

من اجيتلهم للبيت حتة اخذ وحدة وياي للصالون ﻻن مااندلة لكيت وليد واكف كبال بيتهم هوة واصدقائة سلمت علي واجة وياي طببني اول ماطبينة سمعنة صوت صراخ نسوان

ركضنة علمطبخ بأعتباري كراييهم طبيت وية وليد عادي فتحنة لباب وطبيت اني

لكيت ليلو ملتمات عليهة فاطمة وبنات اختهة ويملخن بيهة

احس حيلي نهد من شفت منصرهة نايمة مثل الغزال الي ملتمات علي اسود وينهشن بي

طفلة ووكعت بيد ضﻻم ﻻحول وﻻقوة محد الهة يحميهة ومحد يخاف الله بيهة جن جنوني من شفتتة بدي الزمهن الطخ راس براس صيحت عليهن صوت كلهن جلفن وكامن يتراحفن كومتهة شمسويات بيهة حتة مﻻبسهة مشككاتهن وشعرهة الي بلون الذهب مملخاتة تملخ

طلعت من لبيت ورحت علة خليل ركض

طبيت علي كتلة .......يتبع

#حنين-الفتﻻوي

اليوم البارت كولش طويل اريد اسد حلوككم

اريد تفاعل حلو ترة تفاعلكم زززفت وابد ميشجع اذا لكيت تفاعل حلو بعد يومية اخلي لبارت بهلحجم

موتنسون لتصويت علة هاذ لبارت احبكم 😘

#حنين_حاتم_الفتلاوي

#انقذني_ايها_الغريب.....#بارت١٥

#غير_محلل_نشر_القصة_بدون_ذكر_اسمي

رحت علة خليل طبيت علي

لكيتة مدهن وجاي يشتغل بلمولدة وكفت بلباب كتلة خليل اني منك البس ربطة

شنوو سيف شبيك

انتة هم حاسب روحك رجال

شكو سيف شبيك شنو هاذ لحجي

اذا انتة موكد لمسؤلية ليش تكفلت بيهة

شصاير يمعود عليمن تحجي

علة ليلى

شبيهة

لا تغشم روحك خليل تعرف قصدي البنية حاطيهة خدامة لمرتك وجهالك امنت بلله عاد رحمو بحالهة خافو الله بيهة ليش شوكت مااطب الكاهة مكتولة ومزوركة

وديهة لخالتهة هاي يتيمة والله باجر عكبة يحاسبك عليهة مرتك مشوفتهة الويل وانتة تشوف بعينك وتسكت

شسوي سيف خالتهة رجلهة غريب اني مااكدر اخلي بتنة تبقى يمة شتكول علية لعالم ياكلون وجهي والله

انتة تخاف من حجي لعالم ومتخلف من عقاب ربك

سيف لو شكد مااحجيلك متفهمني

لا احجي افهمك اني موحيوان

لا حشاك موهيج قصدي بس انتة ماتعرف فاطمة وحدة مقتدرة وولد خالتك اخوتهة صاحبين مشاكل واني ماعدي لا خوان ولا اهل وهية مستزغرتني 

ولا تنسى لبيت بأسمهة اني يادوب اطلع مصرف لبيت اذا احجي تطلك روحهة مني وتاخذ جهالي وتديحني بيت وعدهة وخوتهة مامقصرين وياهة بلشهر ٥ ورقات يدزولهة

يومية مهددتني اخذ جهالي واعوفك انتة وبت اخوك

كلي بهيج حالة اني شسوي

والله ياخليل انتة صوجك مرتك ماتريدك وماتحترمك يطبهة مرض اعوفهة محد يخسر غيرهة وجهالك كبار شعليهم موبحاجتك

ضليت احجي ويا بس بدون كل فايدة ﻻخ يخاف من فاطمة ويرجف من اخوتهة وما الة كل كلمة عليهة عغتة ورجعت للبيت كتلة خل وليد يجيب سكينة اني مشغول

طلعهن وليد وضليت وحدي بلمطبخ لمواعين تارسة لمكان بية مابية كمت اعزل بيهن واغسل بلكوة اتحرك منا رجلي ومنا ضربات فاطمة مال لبارحة بلجفجير ومنا لكتلة لجماعية ﻻكلتهة مساع يعني نتهيت

عاينت للساعة بل2 وربع ولعالم ب3 يجون فاطمة تريدني اكمل لمطبخ وارجع لﻻستقبال اسوي

لبيت مليان بنات بكل ﻻعمار وﻻ وحدة مدت ايدهة وكلتلي خل اساعدج كلهن كاعدات الي تشسور والي تمكيج والي تبدل

واني اووف ياحالي

عمري ماعشت هاي الحضة وبدلت وتمكيجت مثا لبنات  كضيت عمري بلمناسبات ساكنة لمطبخ عبالك مكتوب علة كصتي للخدمة فقط 

حتة بأعراس كرايب فاطمة اروح للعرس بصفتي خدامة مومدعوة

حتة لخدامة هم احسن مني عاد ينطوهة اجر مقابل تعبهة اني هم ينطوني اجوور هواية

اجوري هية لضرب وﻻهانة ولمذلة الي احصلهن من فاطمة

طبعا لحفلة مختلطة يعني لعدد راح يكون مضاعف ولتعب هم مضاعف

همة مناسباتهم كلة هيج ﻻن ميلبسن حجاب من كرايبهم ويكضن لحفلة ركص وتموع كدام لولد وتنكلب لحفلة الى ملهى

شكد عشت وياهم بس لحمد لله ابد مااخذت من اطباعهم بقيت محافضة علة حجابي هنة يلبسن حجاب بس شعرهن نصة طالع ويلبسن تنانير قصيرة وبناطير ضيقة يعني لحجاب عدهن مجرد شكل ﻻ اكثر وﻻ اقل

خلصت نص لمواعين ولساعة بل2 ونص شلون يربي شيخلصهن الي

طلعت لﻻستقبال صحت علة زهراء بت جميلة كرايب امي كتلهة

فدوة زهورة لمطبخ صاير هوسة كلش واني لوحدي وخاف مالحك اكملة قبل ل3 بﻻ زحمة عليج بس كنسي ﻻستقبال وعزلي

حبيبتي ليلو تدللي بس انوم ابني دقايق واجي

بعدنة نحجي اجة وليد وكف بصفنة وشاركنة لحديث

وليد:زهراء انتي سوي ﻻستقبال واني وليلى نكمل لمطبخ بساع ﻻن مابقة وكت هسة امي تسويلهة مشكلة هية تريدلهة حجة علة ليلى

اني وزهراء وحدة تباوع علثانية

يلله لتصفنن ماضل وكت

طبينة للمطبخ اني اجلف وهوة يشطف سوالي واهس بساع يشتغل خلصنة لمواعين ورحت اني امسح لكاونتر ولطباخ وهوة لزم مكناسة ويكنس بلكاع خربت ضحك من شفتة

هههههههه وليد شتسوي

ووجع ليش تضحكين فوك ما اساعدج

ﻻ خلص بعد مااحجي والله

اباوع علي وهوة يكنس خربانة ضحك معقولة هاذ وليد سبحان مغير ﻻحوال صدك لشيخ وولدة طلعولة كلب

كملنة كلشي ووليد ركض للحمام يسبح طبعا همة عدهم عادي يحضرون اعراس خواتهم ولعقد

ماما الله يرحمهة جانت تكول عيب وحتة خالتي هم تحجي عليهم بس همة هاذ طبعهم

رحت لﻻستقبال لكيت زهراء خطية مسويتة يلمع ورايحة تبدل فوك

طبيت للمطبخ ردت البس من لمﻻبس الي جابهن الي سيف بس ترددت واستحي  يشوفني ﻻبستهن استثكلهة

ندكت لباب وطبت سكينة وابن خالتهة وخالتهة راحو جابوهة طببوهة لﻻستقبال ونزلن كرايبهم يهلهن وبدت لعالم تجي نسوان وزلم ﻻستقبال مساحتة جبيرة 35 متر وفتحو علصالة ووليد جايب اربع سماعات كبار وشغلو اغاني وين ماروح الكة كل ثنين يركصون سوة بنات وولد لبيت بثواني نكلب الى ملها البس كلة صلوخ وقصير ولشعر مفتوح ومتميزون منية لعروس بكد ماخاﻻت مكياج

طلعت لكيك ولعصير من لثﻻجة وبديت اخلي بلصواني وارتبة حتة من تكلي فاطمة اروح اودي

اجو اهل سيف وكرايبهم

اجتني فاطمة

بساع جيبي لكيكة

صينية لمهر جابوهة جاهزة بس شلون اودي لكيكة يربي استحي اطب بهاي دشداشتي وسيف وياهم يبووو

حتة ماكو وكت ابدل

ركضت عدلت شالي وغسلت وجهي بلصابون واخذت لكيكة بس ميتة خجل من مﻻبسي عبالك خدامة بيناتهم وهمة كلهم مبدلين وكلة ماركات البس

طبيت خليت لكيكة وردت اطلع جرتني ام سيف بوستني

ها ليلى شلونج خاﻻتي

لحمد لله بخير انتي شلونج

حطت بيدي عﻻكة وكلتلي روحي لبسبيهن بساع وتعاي

خالة اني مشغولة وراي لتوزيع مالحك هسة فاطمة تاكل كلبي

يلله خلصي لبيدج وبدلي بساع

ردت اطلع صار بوجهي سيف طاب من لصالة

هلو ليلو شلونج

زينة زينة بخير

ليش ممبدلة

مالحكت

امي نطتج عﻻكة

اي

روحي لبسي لمﻻبس لبيهة بساع

مااكدر ماكو وكت لعالم كوومة وﻻزم اوزع فاطمة ماتخليني

تعاي

جرني من ايدي طببني للمطبخ

وين ﻻكل كليلي شاخذ

هاذ لكيك وهاذ لشربت

شال لصينية وكلي ركض بدلي وتعاي علما اوزع

ماشي

طلعت من لمطبخ وطبت وراي تقى

مشيت بس عيني عليهة اضووج حيل من اشوفهة تجي يم سيف عافت كل لولد وحطت عينهة علي اوووف يحضي

طبيت للحمام طلعت لمﻻبس

ثوب تركوازبي شيفون طويا وردان طويلة مستور بس يخبل وقماشة ذاب روحة وشال لون ابيض وبي ورد تركوازي ناعم وحذاء بيضة فﻻت وبيهة شذر تخبل مال اميرات لبستهن علة كدي فيت حتة لحذاء هم قياسي طلعت لفيت لشال علة مراية المغسلة باوعت اكو قلم كحلة محطوط علمراية وية لفرج مال ﻻسنان اخذتة وحطيت كحل طلعن عيوني حلوات حييل

ركضت للمطبخ اريد اشوف سيف شسوة طبيت لكيت لصواني فارغات كلهن وﻻكل كلة ماكو

رحت لﻻستقبال بس خجﻻنة حييل ومترددة

شافتني ام سيف رأسن صاحتني عرفتني علة بنات كرايبهم وضليت اسولف وياهن ونحجي وتعرفت عليهن لعرسان لبسو لحلقات وعلكولهم مسيقة سلو وبدو يركصون جاي نسولف اني  ولبنات كرايب ام سيف

اجة سيف وكف بصفي طبعا لضوة طافي وعالكين اضائة ملونة من هاي مال ديسكوو ومحد يشوف لثاني

تدنة علية حييل بحجة ماكو مكان جان يكل ﻻمة

اول مرة اشوف لكمر بلكاع حتة لعروس طلعتيهة كسر باوعت علي امة جان تكلة شعبالك لعد لحلو حلو لو يكعد من لنوم

اي والله بس رحمة ﻻهلج لتباعيلي بذني عيونج ترة دخت وراح اوكع بلكاع عيونج ليكول بزونة

لعد شنو عيني عبالك ياهو لتجي تحط لكحلة

امة تحجي ويا وتضحك عود يسمعوني حبيت عﻻقتة بأمة كلش وحسدتة عليهة ياريت لو عندي ام مثلهة

تدنة سيف علية جان يكلي كولش حلوات عليج لمﻻبس

نداريت علي اريد اكلة شكرا

اجت تقى جرتة

تعال سيوفي خل نركص

جرتة حييل طببتة بلنص

هواي واكفين يركصون همة وزوجاتهم صارو بنصهم

هوة عينة علية واني مادري شصار بية اباوع  علة تقى لحقيرة ذابة روحهة علي وتتموع وتتمايل ليكول سمجة واني حتة دلع مااعرف اتدلع واتعاير مثل لبنات

واكفة واحمس بروحي ردت اموت وهوة عينة علية حتة من يتحركون ويصير ضهرة علينة يندار بساع ويعاينلي بس اني متت من لقهر حييل حسيت بغيرة علي حسيتة ملكي واريد اروح اجرة من ايدهة واكللهة عوفي حتة هاذ لحكتوني علي هوة اني شعندي بهلدنية ﻻ اهل ﻻعزوة ﻻحبيب

وكفت ﻻغنية وعتلك لضوة صفكو وكلمن راح كعد بمكانة اني ركضت للمطبخ ﻻن خفت لهوسة وراح تشوفني فاطمة وتستلمني تحقيق ورزايل

ليش سيف يوزع وانتي وين رحتي وذني منيلج لمﻻبس وليش ووووو

طبيت للمطبخ اعزل بلغراض

طب يمي وليد

ها ليلى وين جنتي

هنا

تقرب عليى حييل

لزمني من ثوبي لتجذبين ولج عبلج ماشفتة شلون يتدحس بيج وعينة عليج

منوة شبيك وليد

باوع علة هدومي جان يكلي ذني منيلج

ام سبف جابتهن الي

لزمني من فكي حييل وعصر وجهي

ﻻتجذبين علية ولج لكﻻدة الي نطيتتة الج شامرتهة بلكاونتر تلعب روحج تلبسيهة ولهدوم الي يجيبهن الج استاذ سيوفي  تركضين تلبسيهن بيهن  من ريحة لغالي موو

والله امة نطتهن الية شبيك وليد اني شعندي وية سيف تدري بية صايمة ومصلية وماحب سوالف لحب ولغراميات ليش هيج تحجي 

ماشي ليلى راح اسوي روحي غشيم واصدكج بس وحق ربج اذا عرفت بينج وبين سيف اكو شي منيتج علة ادية تصير

طلع وخﻻني اتﻻطم

اوووف يربي عود كلت تغير وصار زين

هوة اني هم صوجي ويني ووين لحب اني هوة اني عيشة مثل لبشر ماعايشة هدور احب واتمعشك

طبت تقى بيدهة كﻻص عصير وتطكطك بكعبهة وتتموع

هاولج شكو تتدحسين بسيف

شنوو

لتغشمين روحج ادري بيج مطي بس مومعناهة اعبرهة الج ترة شفتة شلون يهمس بأذنج وواكف يمج

انتي كلتيهة واكف يمي يعني اني ﻻتدحست بي وﻻ ركضت ورا

باوعتلي جان تعوج حلكهة وتكلي

والله طالعلج لسان بت لكاولي بيمن مستقوية حضرتج بسيف

عبالج ليوم حماج من ادينة معناهة راح نعوفج دخل تخلص لحفلة الة اطلع لقضى ولمضى كلة بيج خالتي ولبنى وسكينة متحلفات بيج واني هم اريد اطلع ضيم كلبي بيج

عافتني وطلعت

بعد منو مااجة هددني وطلع ليوم من عيني

دخيل اسمك يربي اليوم متفقين علية وين انطي وجهي الهي باوعلي  كافي غافل عني تعبت ربي تعبت

شسوي الهي انتة موتكول اني قريب استجيب دعوة الداعي

يربي سنين صارلي ادعيلك حتة حلكي تعب من لدعاء شوكت تستجاب الية اني مايئست من رحمتك

ﻻ حاشا لله

بس تعبت الهي بعد مابية حتة لصبر مل مني

رحت للحمام لبست دشداشتي ورجعت انقل المواعين واغسل بيهن

اجتني ام سبف

ها خاﻻتي ليش بدلتي حلوات عليج الهدوم

اريد انضف وخاف يتوصخن

خالة ﻻتضوجين ترة سيف ماعندة شي وية هاي تقى بس هية ﻻزكتلة وداعتج

ﻻ خالة ماضوج اني شعلية بي  حياتة وهوة حر بيهة

يللة نطيني بوسة احنة راح نروح

باستني وطلعت

بدو لناس يطلعون وبدة كلبي يدك علسريع وجسمي كلة يرجف من لخوف

لبارحة اكلت كتلة من فاطمة وليوم لصبح هم

وهسة كلهم متخلفيلي الله وحدة يعلم ليوم شراح يجرالي

علما خلصت المواعين راحو لناس كلهم وبقة بس عمار يم سكينة طبو لغرفتهة

كملت كلشي وكعدت بلكاع رجلي تحركني حييل فتحتهة لكيتهة جاي تنزف

كمت اريد اجيب ديتول اعقمهة جان 😱

.....يتبع

#حنين-حاتم

ترة موصوجي بلتأخير والله صوج لنت

تفاعلكم ززززفت وابد ميشجع دا فكر اوقف لقصة ﻻن حيييل دا اتعب وماكو تشجيع وﻻ دعم بس تقرون وتغلسون

موتنسون لتصويت لهاذ لبارت

#حنين_حاتم_الفتلاوي

#انقذني_ايها_الغريب.....#بارت16

#غير_محلل_نشر_القصة_بدون_ذكر_اسمي

كمت اريد اطلع لديتول من لصيديلية اعقمهة

جان طبن فاطمة وتقى ولبني

اوووف دخيلك يربي لاتعوفني مالي غيرك

تقى راحت علملحق فتحتة طلعت كل لمﻻبس مﻻتي لقديمات والي جابهن الي سيف

اني اباوع عليهة ماحجيت كلمة

طلعت مكص من لمجر وبدت تشك بلثوب لتركواز

لزمت لشال من لطرف ونطتة طرفة لثاني لفاطمة شككنة ثنينهن

لزمت لحذاء لابيض وهم شككتة

شككت لمﻻبس لجايبهن سيف كلهن وبدت تشك بمﻻبسي لقديمات

ﻻعفية تقى ماعندي غيرهن شلبس

ضلي مصلخة احسن بت لكاولي رجعي ﻻصلج

ويضحكن كلهن

ربي انتة تشوف بعينك انتة فوك كل ضالم واريدك تاخذ حقي اني مالي معين انتة معيلي وسندي اريدك تسلط عليهن الي مايرحمهن الهي مااذيت بشر بعمري وﻻحتة بحجاية

جبت حياني كلهة ب

أي  ماشي   حاضر

اسمع كلمة لزغير ولجبير واجفة الشر  بس هم ماسلمت من شرهن

شككهن هدومي الي بلملحق واجت علية جرت مﻻبسي

نزعي ذني يلله

تقى خافي ربج تنزعيني هدومي وعمار هنا بلبيت شسويتلج اني بس كليلي

حلكج لجايف سدي ونزعيهن ﻻ انزعج بطريقتي

ماانزع وشتردين تسوين سوي

لتمن علية تﻻثتهن شككن ثوبي علية وخلني بمﻻبسي لداخلية كمت اصرخ وابجي وادعي عليهن

حسبي الله ونعم الوكيل عليجن

الله يفضحجن دنية واخرة

الي رب عينة ماتغفل وهوة ياخذ حقي منجن

كلما احجي يزيدن بلضرب فترسني مثل لوحوش

بس اني ماسكتت بقيت اردد حسبي الله عليجن

ﻻن ادري بروحي فقيرة وكلبي طيب بس تخلص لسالفة اسامحهن وماادعي عليهن

ردت ادعي بهاي لحضة واني كلبي محروك ومفرفحة ﻻن ادري بربي مايرد دعاء لمضلوم

واكيد هلمرة راح يستجاب اكيد

تعبن ووخرن عني بس بعدهن واكفات يغلطن ويفشرن

اجة عمار يسلم علة فاطمة

يلله فطوم اني رايح جيببي بوسة

يلله عيني الله وياك

هاي شبيهة ليلى

يمعود وحدة عيارة سلمنة علة امك وسيوفي

سيف: اجينة للحفلة وبلطريق تذكرت ليلى اكيد ماعدهة مﻻبس تلبسهن وكفت يم محل راقي واخذتلهة مﻻبس حلوات وانيقات مستورات

ويوالمن برائتهة وعفتهة

وصلنة للبيت وضليت ادور عليهة بلوجوه ورة نص ساعة يلله بينت سودة علية من دون لكل ﻻبسة دشداشة

بس والله تخبل عليهة بلدشداشة ومطلعتهن كسر لعد لولبست ومكيجت شلون

طبعا تقى طول لحفلة ﻻزكتلي وهواي حاولت ترجع لعﻻقة مثل قبل بس اني صديتهة وابد منطيتهة مجال ﻻن ماعاد الهة مشاعر بداخلي واحس ليلى ملكت كلبي احب عفويتهة برائتهة وجهة المﻻئكي الي ميشوبة ﻻمكياج وﻻحفافة وﻻ اي شي يخرب برائة البنية

حجابهة وعفتهة وخجلهة ميزوهة عن كل لحضور ومن شفت تقى شلون ﻻبسة وتتموع وماخلت واحد ماضحكت ويا وسولفت عرفت وكتهة رب اعالمين ليش ماقسمهة الي وعرفت اني شكد محضوض ﻻن ماصارت زوجتي

شكد حزنت عليهة ووصلت مرحلة وقفت حياتي تماما علمودهة بس رب لعالمين يعرف يرتب حياتنة وعرفهة متناسبني وبعدهة عني

طبت ليلى ﻻبسة المﻻبس الي جبتهن الهة جنهة مﻻك شكد لمكان جان هوسة بس ماخلت واحد من لولد يطخ بيهة لويدحكهة بتعدت عن لكل واجت وكفت يم امي

ركزت بعيونهة شكلهن موطبيعي تقربت يمهة طلعت خالة كحلة بس مو عيون طالعات يبوووووو

جنهة بزونة صدك دخت بيهة وبجمالهة سبحان من صورهة علة هلحس كلشي بيهة طبيعي عكس كل لموجودات

جرتني تقى ودخلتني بلنص وجلبت بركبتي عرفتهة غارت ﻻن شافتني واكف يم ليلى كلما اريد افلت روحي منهة تجلب بية وتكلي حباب لتفشلني خل تخلص لمسيقة وروح

كملت وياهة لحد ﻻخير

عتلك لضوة ولعالم تنشرو بلمكان دورت علة ليلى مالكيتهة عرفتهة ضاجت

خلصت لحفلة وردنة نرجع حاولت احصلي فرصة احاجيهة واشرحلهة بس ماكدرت

رجعنة للبيت اني وامي وكرايبنة وعمار بقة يم سكينة  بس تأخر وامي اكلت كابي كلسا تكلي خابرة خل يجي

خابرتة واول مافتح خط سمعت صوت صياح

عمار هاي شنو لهوسة ليمك

ماكو شي

احجي عمار شنو ماكو شي شنو هاذ لصياح

من اجي اسولفلك

سديتة من عمار وضليت الوب لحد مارجع بالي يمهة خلص بعد ﻻزم اعترفلهة حتة اخطبهة وافضهة كافي بعد مااكدر اشوفهة تتعذب

ويومية مكتولة

اجة عمار واول ماطب تلكيتة

ها شنو هاذ لصياح ليلى خوما سوولهة شي

والله ياحبيبي ليلى اكلت طن كتل وكلة من وراك

ليش من وراي اني شعلية

انتة ماخذلهة مﻻبس وفاطمة تتخبل اذا تشوفهة مبدلة ولحفلة كلهة انتة تركض وراهة وتقى شافتك وسون عليهة حملة جماعية شبعنهة كتل وشككن ههدومهة كلهن ﻻبشرفك

والله سألت سكينة كتلهة شنو هاذ لصياح كلتلي امي ولبنات يشاقن  طبيت تعمدت بحجة اسلم علة فاطمة ردت اشوف شكو لكيت البنية مملخاتهة تملخ وشعرهة مكفوش و متلفلفة ببطانية حتة مﻻبسهة مشككاتهن عليهة

ﻻ يا الله

دافكر اعوفهة لسكينة

ليش

خاف تطلع مثل فاطمة

انتة بعد عقدت وعدك فترة خطوبة عود البنية علة اطباعك وعلمهة عليك بعد مالة داعي هاذ لحجي

كمت للغرفة الوب يربي شلون باجر عدي ايفاد البنان وماكدر اروح بلة مااطمأن عليهة

خلص بعد مابيهة مجال ﻻزم اجيب البنية يمي واخلصهة من هلعذاب واخلص اني من لتفكير

ضليت بلغرفة افتر ﻻزم احاجيهة مااكدر انام كلبي ماكلني عليهة ماطول تقى حطتهة براسهة بعد متعوفهة

خطرت ببالي فكرة ركضت صعدت سيارتي وبوجهي لشارع فلسطين لساعة ب11 ونص ولمحﻻت نصهة معزلة طبيت لمجمع شتريتلهة كووومة مﻻبس دشاديش شاﻻت بناطير وبديات وجبتين وشحاطة وحذاء ونعال  وحتة مﻻبس داخلية ماخليت شي 3 اوراق بجيبي كلهن ذبيتهن 

رجعت للبيت طبيت علحجية

لبسي حجابج وكومي وياي بساع

خير يمة شكو

ماكو كومي بساع

اخذت لحجية وبوجهي علة بيت زهراء جنة رحمة اخت فاطمة رجلهة علي صديقي وعندي ميانة ويا

نزلنة اني ولحجية طببنة لولد اني بكد.مامشدوه بدون حتة سﻻم

كتلة علي محتاجين زهراء ربع ساعة ونرجعهة

ولك وين ماخذ مرتي جاي تقري لجهال

لبست لبنية بساع واجت وياي حتة ماتدري شنو لسالفة

شكو سيف يمعود وين ماخذني

شوفي راح اوديج لبيت ام وليد تطبين بحجة ناسية شي من لحفلة لو ضايع منج شي المهم توصلين اليلى تنطيهة ذني المﻻبس وكون بعلم فاطمة حتة ﻻتشك وتكليلهة ذني مﻻتج مترديهن وتنطيهة هاذ لتلفون صرصور بلبسكوت وكليلهة من ينامون خل تخابرني ضروري عدي حجي وياهة

فهمتهة علة كلشي  ونزلتهة بعيد عن لبيت وكتلهة علي خل يرجعج

ورجعت اني ولحجية للبيت وضليت لل1 اتاني اتصال ماكو

بعدين دكيت علة علي وكتلة اريد احجي وية زهراء

ها ام الزوز بشري

يمعود هاي لبنية الله وكعهة بيد ضﻻم عمهة ﻻغبر يدري بكلشي وساكت

لكيتهم كلهم نايمين طلعلي خليل نطيتة لعﻻكة وحطيت لمبايل ببطنن المﻻبس وكتلة ضمهن الهة بلملحق ﻻن تقى مشككة مﻻبسهة وخاف هم تشككهن

كلي اي ادري اخذهن مني وطب واني رجعت

كعدت لصبح بل5 لفجر ﻻفة روحي بلبطانية ﻻن بطرك المﻻبس لداخلية كمت فتحت لكاونتر ردت اطلع وحدة من لدشاديش الي شككنهن اريد اخيط وحدة والبسهة

باوعت اكو عﻻكة جبيرة مشدودة حييل فتحتهة لكيتهة ببطن عﻻكة ثانية فتحتهة طلعن مﻻبس كوووومة اشكال والوان وكلهن يخبلن عرفتة سيف الي جايبهن بس شلون وصلن لهنا

كعدت اخيط بدشداشتي لسمائية ﻻن مامشككة كلش  وضميت لمﻻبس ﻻن اذا شافنهن را يفتخلي تحقيق وخاف هم يشككنهن

خيطت دشداشتي ولبستهة صليت واكلتلي لكمة وكم اريد انضف

تذكرت مﻻبس سكينة مال لدوام لبارحة نسيتهن علحبل من ورة لصار يبوووو هسة هم تسويلي سالفة اني ماعايزة كتل

ركضت لميتهن وكويتهن وصعدت اريد اخليهن علمحجر متعودة احطلهيا هنانة

بعدني اصعد علدرج حسيت باب لغرفة نفتحت رجعت ليورة نزلت شكم باية ودنكت حييل بحيث ماابين

اباوع 😱

شو هاي تقى طلعت من غرفة وليد وﻻبسة ثوب مال نوم ستن احمر وشعرهة مكفش تتثاوب وكوة تمشي تتطوطح

اكيد شاربة وية وليد نستجير بلله تزوجت وهم ماتابت

ياربي استر علية وجفيني شرهة

تانيتهة طبت لغرفة سكينة تتخنس علة كيفهة خليت لمﻻبس علمحجر وثبتتهن ونزلت

طبيت للحمام مليان مﻻبس وصخة غسلتهن كلهن وطلعت لسلة بيدي اريد اشرهن ﻻكاني عمي

صبحت علي

صاحني

خلة ايدة علة ركبتي وحضني

يوم ﻻلج حبيبتي ﻻتضوجين انتي هم انشاء الله تتزوجين وتخلصين من فاطمة ادري بروحي مقصر وياج بس والله مابيدي شي حالي حالج بس احجي افتح علة روحي ابواب جهنم

ﻻعمو معذور اني ماريدهة من بنادم اريد من الله هوة عينة ماتغفل واكيد هوة يدبر حياتنة ويعرف الي يفيدنة والي يضرنة

طول عمرج عاقلة ورزنة طالعة علة امج المرحومة الله يكملج بعقلج ويدزلج لقسمة الي ترضيج وتريحج

كعدت لصبح ساعة بل5 حضرت جنطتي بساع بساع وركضت علة امي كعدتهة

يمة كعدي كعدي

ها يمة خيرك شبيك

يمة اني اريد اخطب ليلى

واخيرا

ملعون ادري بيك تريدهة واني هم دخلت كلبي وحبيتهة كلش بس ماردت احجي ردتك انتة تكول

شوكت اروح عليهة انشاء الله

اول ماارجع نروح اني وياج بعد ماانتضر لحضة كافي تعذبت هواي واني كلبي بعد مايحمل اشوفهة يومية مكتولة ومزوركيهة

خوش يمة تروح وترجع بألف سﻻمة واول متجي نروح نخطبهة

سلمت علة امي وطلعت ركبت تكسي وتوجهت للمطار وتغكيري كلة يمهة اكيد تقى لحقيرة هسة تأذيهة

طلعت غسلت لحديقة وشريت لشارع احب اشتم ريحة لتراب من يتبلل

طبيت لﻻستقبال كلة كواغد جكليت وكيك مفتت بلكلع نضفتة كلة ومسحت لكاع وﻻخشاب

بدو يكعدون ركضت للمطبخ خليت لجاي علنار

نزلت سكينة مبدلة راحت للدوام بدون ريوك ووليد نزل وراهة ريحتة تلعب لنفس ترست المكان طب للحمام سبح وبدل وطلع بدون مياخذ كتبة

دقايق ورجع اخذ محفصتة وطلع كضة عمرة ناسي روحة

اجت فاطمة وتقى صبيتلهن ريوك ورحت للمطبخ احضر شغﻻت  لغدة

كملن ريوك وتقى صعدت لغرفة سكينة ونزلت مبدلة وبيدهة غراضهة

لحمد لله راح تروح تخيلتهة راح تعشعش يمنة مثل قبل

سلمت علة فاطمة وطلعت وية عمو خليل يوصلهة بلسيارة

وفاطمة هم بدلت وطلعت للسوك طبعا هية من تروح للسوك ترجع لضهر ﻻن تمر بجاراتهة تدك سوالف وتجي

كاعدة بلمطبخ اطبخ وتذكرت من لزمت لمﻻبس اكو واحد من لبناطير حسيت بلجيب مالتة اكو شي صلب بس من خبصتي بيهن وخوفي ﻻ تجي وحدة منهن وتشوف لمﻻبس لميتهن علسريع بﻻ مااشوف شنو لشي

فتحت لكاونتر وطلعت لمﻻبس فتحت لبنطرون لكيت بلجيب مالتة مبايل صرصور

ماعرف شلون ينفتح ضليت ابحوش بي لحد مافتحت لقفل طلع بلشاشة مكتوب رسالة واردة فتحتهة

مكتوب ليلى اني سيف دكي علية ضروري كلش عندي شغلة وياج

يمة كلبي طار من قريت لرسالة ادك علي لوﻻ

خل ادك واشوفة شيريد يجوز شغلة يساعدني بيهة

دكيت علرقم يطلعلي خارج نطاق لتغطية

هوة اني ماعدي حض هية كوة سديت لتلفون ورجعتة بلبنطرون ولفيت لمﻻبس زين وختلتهن بلملحق ورة لغراض

صارت لساعة بل10 واني كاعدة انضف خضرة نفتحت باب لشارع كمت باوعت من شباك لمطبخ

هاذ وليد شرجعة طب وويا ولد طببة لﻻستقبال استر يربي شناوي هلمرة وليد

اجاني للمطبخ

امي وين

بلسوك

اخذ عصير وفاكهة من لثﻻجة وكلي لتطلعين من لمطبخ واذا اجت امي كليلهة صديقي يمي موتجفت علينة لﻻستقبال

خوش

كملت لخضرة وكعدت اسوي زﻻطة سمعت اصواتهم يضحكون بصوت عالي بعدين كمت اسمع صوت صياح ولصوت رفيع عبالك صوت بنية

ضليت بلمطبخ الوب يربي معقولة جايبين بنية بس همة طبو لوحدهم 

خاف هاذة صوت لتلفزيون لوعالكين مبايل

رحت للصالة تسنطت عليهم احس لصوت مومال تلفزيون مال واحد بﻻستقبال ودا يحجي

كتلني لفضول دنكت علزرف الي بلباب اباوع

جان اشوف 😱😱😱

#حنين-الفتﻻوي

#حنين_حاتم_الفلاوي

#انقذني_ايها_الغريب.......#بارت17

#غير_محلل_نشر_القصة_بدون_ذكر_اسمي

دنكت باوعت من زرف لباب جان اشوف

😱😱😱😱😱😱

اعوذ بلله من غضب الله

كعدت بلكاع من لصدمة وجسمي كلة يرجف كمت للمطبخ اسحول بروحي جلدي كزبر من المنضر الي شفتة

وليد وصلت بي لهلدرجة يسوي لحرام حتة وية لولد

الله اكبر علة راسك

نرعبت من الي شفتة منضر يهتزلة عرش رب العالمين

شكول عليك وليد هسة الله يكلبهة بينة مثل قوم لوط من ورا

واني اكول صاير زين من رجع اتاري ذيل لجلب ماينعدل كملت لغدة وقفلت بيبان لمطبخ علية عمو خﻻهن يمي من يوم اجة وليد

دقايق وحسيتهم طلعو

وراهم بربع ساعة طبت فاطمة دكت باب لمطبخ فتحتة الهة

شكو قافلة لباب

ها مو وليد اجة وويا صديقة وكلي لتطلعين

طبت لغرفتهة وكلتلي صبيلي غدة جوعانة عمج يتأخر

صبيتلهة ورحت وديتة ورجعت للمطبخ صليت وخليت لجاي علنار

سمعت صوت لتلفون دك

ركضت علكاونتر طلعتة

فتحتة رقم دولي مبين اكيد هاذ سيف

يبوووو كلبي راد يوكف سويتة صامت وضليت ﻻزمة لتلفون اريد ارد مااكدر جسمي كلة يرجف

نسد لتلفون

كبر لفني ليش مارديت

هسة هوة يومية متصل قابل

سويتة رجاج وفتحت لملحق اريد ارجعة

بعدة بيدي دك

بكد مارتبكت طفر من ايدي ووكع نفتح لقبق ولبطارية وكعت

خرب هوة اني مال تلفون

ركبتة بسرعة وتانيتة يتصل

مرت عشر دقايق ومادك يجوز مل مني

لازم اعرف شيريد طلعت لرقم ورجعت دكيت بس عبالك موجاي اخابر عبالك مسويتلي مصيبة من لخوف كمت افتر بلمطبخ مثل المخبلة

رد يمة 😟

رأسن سديتة بدون وعي

عود صدك هاي شبية اني تخبلت

دك لتلفون بيدي

جريت نفس عميق وكلت الوو علة كيف

ليلى هاي انتي

اي اني ليلى وانتة

سيف اني شبيج محد يعرف هاذ لرقم بس اني ترة

ها اي اي

ليلى اني احبج واموت علة الله لخالقج بعد مااكدر اضمهة راح انفجر

سكتت

معقولة سيف يحبني الي

جنت متخيلتة يشفق علية لان مالي احد بس ابد ماخطر علة بالي يطلع يحبني

ها يمعودة ردي شنو ماتحبيني ترة كاشفج اني

شنو كاشفني

هههههه شايفة روحج من تشوفين تقى يمي شيصير بيج

عزززة معقولة هيج فاضحة روحي

ها يمعودة ماراح تطلعيهة للدرة ترة بنات لبنان كلهن يمي وكلة فوك لركبة هسة اخذلي وحدة وبعد متشوفين وجهي

كامت تبجي

لا يا الله ولج اشاقة والله

يابنات لبنان ولج يروحلج فدوة بس لاتبجين يبعد لروح كافي بجي ادري ماخلصن دموعج بس كليلي

حسيت اكو صوت برة لمطبخ بساع سديت لتلفون وخليتة بصدري

اجتني فاطمة

شنو اجت سكينة

لا

لعد شنو هاذ لصوت

مادري

تردين جاي عمة

اي صبيلي بكلاص موبستكان

صبيتلهة بكلاص ووديتة لغرفتهة كلتلي طفي لضوة وياج وسدي لباب

اجيت للمطبخ افتر

اني

اني يحبني سيف معقولة

اريد اكمز اريد اصرخ اريد املخ روحي من لفرح مادري شسوي

معقولة الله لتفتلي وقرر يحط حد لمعاناتي

الف حمد وشكر الك ربي

طبت سكينة بوجهة صعدت لغرفتهة

للعصر مانزلت ولاتغدت وفاطمة كاعدة بلصالة تتفرج تلفزيون واني الف كبة للعشة

طب وليد راسة مدمة

اني رأسن صرخت من شفتة وجهة كلشي مامبين منة ولدم واصل لملابسة مدري راسة يجري دم مدري حلكة

اجتة فاطمة تركض

هايمة شنو هاذ لدم شبيك

وخري عني

دفعهة وركض لغرفتة

لحكتة دكت لباب رادت مافتحة

اووف يربي شوكت تخلص مصايب وليد الله يعين عمي كبر وكبرت مصايبة

كملت لكبة وخليتهة فوك لكاونتر ورة لصلا اكليهة

واكفة علسنك اريد اتوضة وفاطمة كبالي تتفرج تلفزيون

ندكت لباب حييل تفلشت

صاحت علية فاطمة فتحيهة

خليت شالي علة راسي وطلعت

كلت منو محد رد

فتحت لباب واول مافتحتهة نضربت حييل بتوثية

تكومت بلكاع طبو زلم سمران حييل بديهم تواثي وقامات

اني من شفتهم سويت روحي كلش متأذية شمرت روحي بلكاع وحتة لنفس كطعتة من لخوف

كامو يدوسون فوكاي ويطبون للبيت

ثواني وكمت اسمع صوت الصياح ولصريخ

اني راسي ينزفى

بية مابية كمت كوة اريد اروح علجوارين يخابرولنة لشرطة لان هنا محد الة علاقة بلثاني عسما نحترك

فتحت لباب ووية ماطلعت لكيت واحد واكف بلباب جرني من شعري حييل وطببني جوة شمرني بلحديقة وكام يضرب بية نهاني من لكتل اريد اصرخ صوتي مايطلع شكلة يخوف خلسني

ملخني تملخ ماخلة شي بية سالم

عافني وسد لباب وكف برة يراقبلهم خاف احد يجي اني ختلت ورة لمبردة وكرفصت بلكاع ولدم يجري من كل مكان بوجهي فضت كلسا امسح عيوني وكصتي من لدم

ورة اقل من ساعة طلعو واحد ورة الاخ تأكدت كلهم طلعو ركضت علباب سديتهة وطبيت جوة لكيت لبيت مفلش ولمطبخ مليان كزاز مامخلين شي سالم لاثاث كلة صاير طشار

وفاطمة بلصالة هية وسكينة ووليد بلكاع مدماين ومايتحركون

تفحصت جيب وليد داأما يحط تلفونة بجيبة مالكيتة

ركضت علجوارين عدهم رقم عمو علمود المولدة خابرولي علي

كتلة عمو تعال للبيت بساع وكوة احجي

رجعت للبيت دقايق واجة عمو خابرل علاسعاف سترت فاطمة وسكينة ولبست جبتي وغسلت وجهي من لدم

نقلوهم بسديات بسيارتين واني وعمو لحكناهم بسيارتنة

وصلنة للمستشفى شخصوهم فاطمة عدهة رضوض وشكين براسهة كبار خيطوهن الهة

وسكينة ايدهة مكسورة وهم شك براسهة

ووليد يبو ياحالة

رجلي ثنينهم مكسورات وفطر بلجمجمة وضلعة مخلوع ووسنين واكعات من حلكة ورضوض بجسمة كلة

اني هم خيطو راسي كصتي مشكوكة 5 زرارات

وايدي مفصوخة وركبتي تمزق بلاربطة

سكينة صحت ب12 بليل وفاطمة ب3 لفجر يلله صحت

ووليد لحد ثاني يوم هوة مغمة علي وحالتة مامستقرة

ثاني يوم لعصر رجعنة عمو اني وسكينة لكينة لبيت معزل ولغراض لمفلاشات كلهن ذابيهن تاري زهراء خطية من سامعة جاية هية ورجلهة مرتبة لبيت كلة

فاطمة بقت يم وليد

لليل اجتنة ام سيف هية وعمار جايبين فاكهة صندوكين وكباب 3 كيلوات وعصير وكومة شغلات لسكينة

امسيف: لحمد لله علة سلامتكم شنو ذولة لناس منين ليش هيج سوو بيكم

سكينة :والله خالة ماندري بس لضاهر وليد ورة لسالفة لان من دونة ملخو تملخ وهمة يضربو اسمعهم يكلولة هود انتة زلمة ليوم نعلمك لزلم شتسوي

والله خالة احنة جنة يم وليد بلمستشفى واجة ضابط كللهم باجر راح ياخذون افادتكم بلكي يعرفون شنو لسالفة ولو هية ماتبين منا لمن يصحة وليد يلله نفتهم

راحت ام سيف وعمار بقة يمنة بات

فرشتلة بلاستقبال وسكينة صعدت لغرفتهة واني فرشتلي وتمددت

ساعة ب11 حسيت روحي صخنت حييل وراسي يأذيني لل1 اني مانايمة من وجع راسي اخذت علاجي وماكو فايدة

شوية وحسيت سكينة نزلت علة كيف

سويت روحي نايمة اريد اشوفهة شسوي

اشو هاي دخلت للاستقبال من فاتت من يم لمطبخ لمحتهة لابسة ملابس تفشل بدي كيمونة وشورت كابوي طبت للاستقبال ول2 اني كاعدة ماطلعت اوووف يربي شكد فشلة من لولد هسة شيكول مريضة ومكسرة و ماتعرف تلزم نفسهة

ب3 ونص واني مانايمة لصخونة موتتني ووجع راسي هم

وسكينة لاتزال بلاستقبال

اخذت حباية بندول وحسيت بنعاس خليت راسي علمخدة وغفيت

اسمع صوت رنة

بين لكاعدة وبين لنايمة عبالي احلم

فتحت عيوني بلكوة صحصحت ركزت عدل بلصوت

ياااا

هاذة صوت لمبايل

هاذ سيف اكيد

طفرت من فراشي مثل لمخبلة طلعتة من بطن لملابس بسرعة

فتحتة

الوو

ها ليلو حبيبي لحمد لله علة سلامتج شلون صرتي ولج بالي يمج

لحمد لله زينة انتة شلونك

اني مومهم كليلي ايدج شلونهة راسج لجرح خوما يأذيج

لا زينة مابية شي لايضل بالك

ليلى بس ارجع اخطبج بعد مابية صبر يومية متلوع عليج وبالي كلة يمج مدا اكدر اركز بشي اكول هسة اذوهة هسة ضربوهة هسة يخدمون عليهة ويذلون بيهة

خلص بعد راح تصيرين حلالي وتجين يمي واعيشج بجنة واعوضج عن كل الي شفتي بحياتج

صدك سيف

وعيونج ليلى بكد مابجيتي راح اخليج تفرحين وتضحكين بكد مانحرممتي من لطلعة راح افرج لعالم كلة ولهدوم الي حصرة عليج شرايتهن

الة امليلج لكنتور ملابس من كل لماركات اريد اطلع لدنية من عينج وماخلي شي بنفسج وبس ارجع بنفس ليوم اجي اخطبج بعد مااجل لموضوع لحضة

ضليت اضحك وابجي بنفس لوقت من لفرحة سيف يحبني الي

وراح يخطبني الف حمد وشكر الك ربي جنت متأكدة راح تعوضني وتخلصني من فاطمة

حسيت باب لاستقبال انفتحت

سديتة رأسن وضميتة بصدري

وركضت علة فراشي بساع لفلفت روحي بلبطانية

صعدت لدرج سكينة دقايق ونزلت للحمام

عاينت للساعة بلصالة بل4 الة ثلث راح يأذن بعد مومال انام

كمت لميت فراشي وسيويتلي بيضة اكلتهة

طلعت سكينة من لحمام

ها صباح لخير

وياي

لعد وية خيالج هوة منو اكو غيرج

ضليت صافنة معقولة هاي سكينة

لو هم مثل وليد وراهة مصيبة وهاذة هدوء ماقبل لعاصفة

ويامن جنتي تحجين مساع

ها مااحجي وية احد جنت نايمة هستوني كعدت

احجي شبيج ماكول والله اني هم بنية مثلج وهم حبيت وجبت مبايلات ياما بلبسكوت

ماحاجية وية احد صدكي واني ماعدي مبايل وما حب هاي لسوالف تدرين بية

ماشي براحتج لتحجيلي بس متقنعيني انو انتي ماعدج واحد اوك

لا والله شبيج

عموما شعلية بيج اني انتي حرة

عافتني وراحت

يبوو هسة اني شكو حجيت بلمطبخ لو رايحة للحمام احسن جان ماسمعتني

طلعت رشيت لحديقة وباب لشارع

طلعت سبزي ولحم كعدت اطبخ مركة

اجتني سكينة

طلعت بيض تريد تكلي

لا هاي قوية مااكدر اصدكهة سكينة تسوي بيض مستحيل شي نادر لحدوث

سويت روحي مانتبهت وماعلقت ولا كلمة

سوت 3 بيضات وحضرت صينية واخذت لجاي وراحت للاستقبال

بعدني احمس بلسبزي ندكت لباب اجت سكينة كلتلي عمار راح يطلع لاتطلعين

طلع لولد فتح لباب طلعت اخت فاطمة لجبيرة بيتهم بلسماوة ووياهة ولدهة 3 كبار ومتزجين طبو همة ونسوانهم وجهالهم

تلكتهم سكينة طببتهم

لبست حجابي ولبست دشداشة من لجابهن الي سيف واريد اخذ مي واروح

اجت سكينة اخذت لماي مني وراحت كلتلي اني اودي ودتة

ورة دقايق اجت لكتني جااي اصب عصير

روحي سلمي اني اصبة سألو عليج

ياااا هاي سكينة خاف مريضة

طبيت للاستقبال سلمت عليهم وكعدت شوية وترخصت لان لاكل علنار

اجت سكينة

اكلج شنجيب الغدة

اني مسوية سبزي وتمن وراح اسوي بعد تمن خاف ميكفي

خوش واني راح تخلي سيف يجيب سمج شوي جاهز احسن

ماشي جاي نحجي نفتحت باب لشارع وطبو عمو وفاطمة ووليد يدفعون بي بكرسي

سكينة كامت تبجي من شافتة

واني فاكة حلكي من شوكت نزلت لحنية عليهة ماادري الله يهديهة

طبو للاستقبال وعمار راح جاب 4 سمجات تانينا اذن وصبينة لغدة اني وسكينة طبعا اني لاازال بتأثير لصدمة

كملو غدة غسلت لمواعين بلكوة خلصتهن صبيت جاي ورحت يمهم

بدو يحجون بسالفة وليد وصارت هوسة كلهة تحجي الي فهمتة

وليد متعارك هوة وصديقة وية ولد علمود مبايل ولازمي مموتي كتل ولعالم لهدو علينة اهل لولد وعمو لبارحة لعصر ماخذ عالم ورايح عليهم وفاضين لسالفة ب5 ملاين دافعهن عمو ومتداين خطية

اخت فاطمة كلتلهم وليد خل يجي يمنة يم الولد يدارو انتو هنا وين بيكم تشيلو للتواليت والحمام

خليل اي والله ام احمد تسوين فضل اني صحتي علة كدي هسة بلكوة كعدتة بلكرسي من نزلنة من لسيارة وهوة مايرضة لبنات يكومو ابني واعرفة امة مساع رادت تلزمة دفعهة

هاذهو حضرو ملابسة وشغلاتة

حضرت سكينة جنطتة وراح وية اخت فاطمة لحمد لله فتكينة من عدة

مرن يومين لبيت صنطة فاطمة بس نايمة هية تموت علمرض حتة لو نشلة هم تنام وسكينة كلما جالهة تصير زينة وياي وسيف بعد ماخابرني من يومهة واني استحي ادك علي

عمو يومية لعصر ياخذنة للمضمد يعقملنة لجرح تلاثتنة لضربة براسنة ومخيطات

ليوم ثلاثاء رجعنة من لمضمد لكينة ام سيف واكفة بباب لبيت متانيتنة

نزلنة سلمنة عليهة و دخلناهة للبيت ......يتبع

#حنين_حاتم

ليوم لبارت كولة احداث اريد تفاعل حلو ترة تعبت والله 😭

#حنين_حاتم_الفتلاوي

#انقذني_ايها_الغريب.....#بارت18

((#غير_محلل_نشر_القصة_بدون_ذكر_اسمي))

تفضلي عيني ام سيف تفضلي

طبيت للمطبخ نزعت جبتي وحضرت عصير وكيك عدنة كوومة ياهو ليجي يجيب

اخذتة ورحت

ها ليلو شلون صارت ركبتج

لحمد لله احسن شلت لمسند من عدهة وجاي انام علة مخدة ناصية

ها لحمد لله

ندارت علة فاطمة كلتلهة

والله يافطومة اني ليوم جايتكم علة ليلو اريدهة لسيف واخيرا نفتحت لجبسة وقرر يزوج

لسيف

اي لعد المن ياعيني عمار واخذ سكونة

خالة صدك تحجين عود

تردين ليلى لسيف لعد سكينة شبيهة مااخذتيهة لسيف شناقصهة

يا فاطمة شبيج غير عمار رادهة وعاجبتة هوة اني بكيفي وبعدين عمار شبي لعد اذا ماعاجبج ليش قبلتو لعد

موقصة ماعاجبني لا بس ستغربت يعني

البنية هسة علة ذمة عمار بعد مالة داعي هاذ لحجي فاطمة

ومثل ماعمار ختار سكينة سيف هم ختار ليلى اني مالي دخل بيهم ماعلى الرسول الا البلاغ

حياتهم وهمة احرار

خوش خالة خوش

نكل لعمهة ونشوف ولو اني ادري بي ماراح يقبل

وليش ميقبل شبي سيف شعايزة

لا موقصة عايزة شي بس هوة رايدهة الوليد

عيني فاطمة هوة وينة ووين لزواج دخل يعقل هسة يدخل جامعة يشتغل وبعدين زوجي خوما تاخذين بت لعالم تكسرين ركبتهة ويا

فاطمة تشد وام سيف ترخي خليت وطلعت  يربي فاطمة حطت روحهة شراح يحلهة هسة

نص ساعة وطلعت المرية

فاطمة كاعدة بلاستقبال وتأفأف وتحجي علة خالتهة لان ماخطبت سكينة لسيف

بس سكينة مانطتهة مجال وكلسا تكللهة

يمى بعد عمار صار رجلي وهوة قسمتي هاذهو عليمن انتي ضايجة

ولج شلون ماضوج هاي بت اكاولي تخطبهة لسيف وانتي تخطبج لعمار الأسيود لاشغلة ولاعملة

رادت تموت الة شوية وعينهة علية بدهة تكوم تموتني

كاعدة اسوي عشة وطب عمي

ركضت علي فاطمة

خليل تعال اريدك

هسة دكولي الله يساعدك كواك الله

دتعال مووكتة هاذ لحجير

شكو احجي

بس يطيب وليد تعقدلة علة ليلى

لا وليش يطيب هوة عقد قابل عرس باجر تروح تركب وتجيبة وتجي تعقدلة علة ليلى

تسودنت من سمعت حجيهة عندي لموت هوااي افضل من وليد اقلها لموت راحة خاف قبل جان اكو امل زغير انو اقبل بي بس بعد الموقف الي شفتة بلاستقبال يستحيل اقبل بواحد نكس وماعندة مخافة الله

ركضت علة عمو كعدت جوة رجلي

عمو فدوة ماريد اتزوج وليد اعيشلكم خدامة بس لاتزوجني لوليد ابوس ايدك

استخفر الله بابا كومي خل افتهم شكو

فاطمة شتحجين انتي شجاب سيرة لزواج هسة ومنو كلج اريد ازوج وليد

لازم تزوجة ليلى فتهمت

اللهم طولج ياروح فهميني شصار شكو فجأة تردين ازوجين ليلى لوليد مكسر يم لعالم ولو يكوم ويصحى لويضل طول عمرة هيج

حتة لو ميصحة لازم تزوجة ليلى

استغفر الله ياربي غير يحجن شكو

كومي انتي ولي للمطبخ يلله

دفرتني برجلهة وكمت ودموعي بعيني ياريتك ماخاطبني ياسيف فتحت علية باب بلكوة سادتة دخيل اسمك يربي ترضاهة اني الي صايمة ومصلية وماعاصيتك يوم اخذ واحد مثل وليد الصكط اذا ترضاهة  اني راضية بحكمك😔

هسة راح تحجين لوشلون

خالتي ام سيف اجت خطبت بت اخوك الشفية ليوم لسيف

اي يا الله خوش قسمة

شنو خوش قسمة ليلى متاخذ غير وليد

وليش وليد شنو بكيفج هوة

اي ابن عمهة اولة بيهة من لغريب صارلنة سنين ملفيهة اكل ولبس كلة براسنة وتالي تفضل لغريب علة ابن عمهة

كاعدة بلمطبخ ودموعي احسهن يطلعن من كلبي مومن عيوني فكرة لزواج من وليد ترعبني كلش وتحطني امام حل واحد مالة ثاني

اموت روحي واخلص منة ومن هلعيشة هاي هوة اني عايشة علة امل اتزوج واخلص منهم

ضلت فاطمة مصرة وعمو كلعادة اكثر من كلمتين ميناقشهة كللهة بكيفج وطب لغرفتة

اجت لكتني اكلي بتيتة وابجي شكد حاولت ماابجي لان ادري بيهة متخاف الله هسة تسويني ابجي علة سيف وعدي علاقة بي وموبعيد تطلعني متزوجتة بلسر

بس مااكدر هوة لمثل حالي دمعتة رخيصة وتنزل علة اي شي ماكوشي يغلي دموعي كلشي صار وياي رخص دموعي وخلاني احس روحي اني ولماكو سوة

شكو تبجين عيني

ثرمت بصل ومن لريحة نعميت

عبالي

وخري شو خل اتوضة

هههه المن تصلي ماادري ولمصيبة عد روحهة هية متدينة وعبالهة صلاتهة تنقبل

صبيتلهم لعشة وتانيتهم كملو وغسلت المواعين وفرشتلي فراش ومددت همة كبالي بلصالة يتفرجون تلفزيون

صارت بل10 طفو لضوة وكل واحد طب لغرفتة

حاولت انام ماكو منضر وليد من شفتة هوة وصديقة كلسا يجي كبالي

للوحدة اتكلب وساعة ابجي واكول هايهية فاطمة قررت يعني هاذهو محد يكدر يوكف بوجهة وليش هوة اني منو عدي حتة يوكف بوجهة

وساعة اكول لا الله ميعوفني اكيد راح يوكف وياي مستحيل يرضالي اصير لواحد مثل وليد

بل1 ونص سمعت صوت لتلفون يرتج

ركضت علي بسرعة طلعتة

ارد لا ماارد

4 مرات دك واني ارجف ومترددة

شلون خاف اكلة ميقبلون ويعوفني وبعد ميساعدني ماريد اخسرة حتة لو ماصارت قسمة اريدة يبقة يساعدني

فتحت خط وتغطيت بلبطانية

الو

هلو ليلو شلونج

لحمد لله

شبي صوتج باجية

متحجي

ليلى شبيج احجي صار شي من اجت امي

ماتحجي

ليلو لاتقلقيني عليج والله ليل ونهار بالي يمج

كامت تبجي

ليلى بس سمعيني فدوة لكلبج بس لاتبجين واحجيلي شصاير وياج

متحجي يا الله

ولج كافي بجي والله كلبي خلص

سيف فاطمة تريد تزوجني لوليد

هههه وانتي علمود هاي تبجين

غير راح تعوفني شلون ماابجي اني محد حس بية وساعدني غيرك

اول شي سكتي وسمعي مني

لو مو وليد ولو موفاطمة ماعوفج انتي بشاربي وبحمايتي واني قسمت يمين اخلصج من  فاطمة  وحتة لو ماصرتي قسمتي هم ماعوفج ولج اني لكيت بيج الي مالكيتة بأي بنية

لكيت لشرف ولعفة لكيت لبراأة وخوف الله بكل معانية انتي الي اأمن علة جهالي بحضنج ويتربون احسن تربية

يعني ماتعوفني سيف زين ووليد خاف ينهة علية شلون

لج بابا احنة وين عايشين بعصر لجاهلية بعد ماكو هاي لسوالف وبعدين انتي موقاصر محد يكدر يجبرج بس خليج قوية ليلى بس هلمرة نزعي لخوف من داخلج وصيري سباعية ولتسكتين ابد هاي فرصتج لاخيرة للخلاص من فاطمة تمسكي بيهة لان اذا ستسلمتي راح تكضين ععمرج كلة يم فاطمة وخاف قبل بس فاطمة هلمرة وليد هم

اي صدك

ماريد تكليلي اي صدك وعديني تصريرن قوية وتتمسكين بية وماتستسلمين لفاطمة ابد واحجي لاتسكتين مهما يصير واني هم مراح اسكت حتة لو ضطريت اسويهة عشاير

حجي سيف قواني كلش صدك هاي فرصتي الوحيدة للخلاص ولازم اتمسك بيهة لاخر نفس لان اذا خسرت سيف بعد علة الدنية السلام

اني محد الي لازم اساعد نفسي بنفسي كافي جبت عمري كلة ساكتة وراضية بكلشي

نمت واني مطمأنة يكفي تأكدت من سيف ماراح يعوفني حتة لو ماصرنة لبعض ولو اني ماراح اسمح بهاذ لشي يصير

مرن 15 يوم لبيت هادء وبعد محد جاب سالفة زواجي سكينة تداوم وفاطمة يومية لوبلسوك لو يم وحدة من خواتهة سيف اتصل بية اكثر من مرة علة كد لسلام واسدة لان فاطمة مدري شبيهة طول هاي لفترة احسهة تراقبني فكمت مااحجي ويا بس سلام لان خفت لاسكينة تكون حاجيتلهة شي

ام سيف اتصلت مرتين لفاطمة تريد لرد وفاطمة تكللهة بعدهة تفكر هية وعمهة

وعمو ماحجة شي بعد واستحي اسألة

ليوم خميس 

كعدت لصبح علة صوت عمي يطكطك بلمطبخ

ها عمو هاذ انتة

اي اني

شتدور

اريد لقوري شوماكو

كمت طلعتة وخر عمو اني اسويلك جاي

خليت لقوري علنار ورحت غسلت وجهي

عاينت علساعة بل4

عمو شعجب ليوم من وكت كاعد موعوايدك بلعادة بل5 بل6 تكعد

والله يا ليلى اريد اريد اروح اجيب وليد

شنوووو يمة كلبي نتهيت من سمعت اسم وليد يعني هاذهو راح يجيبة حتة يعقدلي حسب توصيات فاطمة

تذكرت حجيي  وحجي سيف

لا خلص ليلى كافي خوف

اي بعد مااخاف واذا جابة شنو يعني اني عدي لسان واكول مااريدة وارفض

اي خل يجيبة عادي

جريت نفس عميق اريد اطرد لخوف موكادرة جبانة موبيدي شكد احجي واكول بعد مااخاف بس من يصير موقف ارجع لخوفي وضعفي

اذا اني ربيت حياتي

كلة ضرب وصياح واهانة بعد شوكت اعرف لقوة ولدفاع عن لنفس

صبيت لجاي لعمو شربة وطلع سديت لباب ورا وكعدت حاطة ايدي علة خدي وصافنة بدنياي بعد شنو الي ماسوتة بية اكثر من الي شفتة بعد ششوف واني بعدني عشرين مامقبطة

استغفرك ياربي

الف حمد وشكر الك ربي مااعترض عن حكمك لو شمايصير بية ادري بيك راح تعوضني بس احنة لبشر ماعدنة صبر

طلعت للصوندة رشيت لحديقة وباب لشارع طبيت للمطبخ تريكت وهم اخذتلي صفنة

نزلت سكينة صبحت علية وراحت للدوام

اول مرة اشوفهة تضحك بوجهي بلعادة تطلع حركة كعدة لصبح بية قبل ماتروح للمدرسة تغسلني بفد رزالة معدلة وتتفل علية وتروح

سبحان مغير الاحوال

طلعت المكناسة لكهرباأية اريد اكنس لاستقبال

اجت فاطمة

وينج ولج لزركة تعاي

هاعمة

رايحة بشغلة لعصر اجي خاف تجي ام حسان علة فلوس لسلفة كليلهة لعصر امرلهة واحيبهن الهة

راحت وسديت لباب وراهة

كملت تنضيف وسويت غدة علة كدي اني وسكينة

بل1 حلت سكينة طبت فرحانة مدري شبيهة

ها ليلى شلونج

هلو هلو سكينة شلونج

اريدج تساعديني

شنو شكو

ليوم عيد ميلاد عمار واريد اسويلة مفاجأة وراح يجي هوة واهلة عازمتهم علة لعشة يمنة بس ميدرون مسوية عيد ميلاد

ها كل عام وهوة بخير

امي وين

راحت بشغلة وكالت لعصر تجي

صبي غدة علما ابدل واجي نتغدة سوة ورانة شغل كووومة

صعدت لدرج تغني وتتمركص

واني لو يجي واحد يحلفلي علقران هاي سكينة مااصدك وين راح لسانهة لزفر وين راح خشمهة ليابس ماادري

صبيت غدة وتغدينة اني وياهة

لازم تتسجل بلتاريخ اول مرة بحياتي اكل بلصالة لا ولمصيبة وية سكينة الي جانت اذا تشوفني تكلي دوري وجهج لتعاينيلي تلعب نفسي ومااشتهي اكل

سبحان من يغير ولا يتغير

كملنة لغدة وكعدنة اني وياهة سوينة بسبوسة وكنافة وكيكتين بلدهن لحر وزينت لاكل سويتة يخبل وسكينة مكيفة وكلسا تجي تبوسني ههه الله يهديهة

صارت لساعة بل5 كلشي كامل وضميناهن بلثلاجة ولاستقبال زينا بنفاخ وزينة عدنة من لعيد كلشي تمام ومثل مارادتة

راحت هية تبدل واني كعدت بلمطبخ ازعبل

نفتحت باب لشارع فتحت باب لمطبخ اشوف منو

اوووف يربي وليد

نسيت ليوم راح يجي سترك يربي مارايدة غير سترك

طب يمشي ورجلي فاتحيهن وكلشي مابيهن بس شوية يعرج لو واحد غيرة ياكل هلكتل جان مات بمكانة صدك عار كلشي ميصير بي

اووف حتة لفرحة راحت من شفتة عود جنت فرحانة بلكي يجي سيف واشوفة

طب وليد وعمو للاستقبال وديتلهم ماي وسلمت عليهم بس وليد شكلة مزعوج حييل ومتنرفز بسلا درة بسيف خاطبني يربي دخيلك حتة ليوم طلع من عيني

رحت للمطبخ اريد اسويلهم شي ياكلو لان جوعانين

ندفعت باب لمطبخ وطبن فاطمة و وو

😨😨😵

كتملت لسبحة

تقى لا وجمالة عاقجة لخلقة وضايجة هية من مزاجهة زين تسود عيشتي هدور ضايجة

طبن هية وفاطمة

وتقى جنهة صخلة حتة سلام ماتسلم كبر حتة ليهود هم يكولون هلو من يشوفون بشر

سويت همبركر وطماطة ووديتة لعمو ووليد جاي احطة اجت سكينة مبدلة وطالعة جنهة عروس

شيلي بساع للصالة اجو اهل عمار

بابا هناك روحو اكلو فدوة

كامو للصالة واني رحت للمطبخ حضرت لكلاصات وواكفة اشطف بيهن

اجتني فاطمة كرصتني من اذاني حيييل احس شلعتهة

شوفي راح يجون هسة اذا شفتج وصلتي للاستقبال وحق الله وملااكتة اليوم مايطلع عليج لصبح

يصيحونج يجوج المطبخ متجين فتهمتي

اي والله فتهمت بس هدي اذاني عمة اذيتيني

راحت واني كعدت بلكاع ابجي

دقايق وطبو لعالم

اجت سكينة اخذت لكيك ولببسي وصارت لحفلة وبديت اسمع صوت لاغاني ولركص ولضحك محد اجة للمطبخ ولا احد سأل علية

لحد ما خلصت لحفلة وراحو كلهم بس تقى بقت عبالي جاية علمود لحفلة طلعت جاية تكضي شكم يوم يمنة تغير جو

ورة ماراحو كمت عزلت لاستقبال وغسلت لمواعين صارت بل10 فرشت لروحي اريد اتمدد اجتني فاطمة وبيدهة مبايلهة خلت ايدهة علتلفون وعصرت ايدي حيييل

هاي ام سيف تريد تسألج علة سيف

تكليلهة ماراضية فتهمتي ويا ويلج تحجين غير شي لو تفكين حلكج بكلمة ثانية

ساعتهة احسب الله ماخلقج

اخذت لتلفون منهة

ها خالاتي ليلو شلونج

اريد احجي بس لدموع تنزل

هاحبيبتي شكلتي علة سيف

مسحت دموعي وكتلهة ......يتبع

#حنين_حاتم

#عود هم كولو كصير والله لعضيم 1850 كلمة حرام عليكم 😭

عود علسو لتتفاعلون ماوصيكم 😒

#حنين_حاتم

#انقذني_ايها_الغريب.....#بارت19

(#غير_محلل_نشر_القصة_بدون_ذكر_اسمي)

لمرة تحجي بلتلفون واني بس دموع

وفاطمة كبالي تخوزر بية وتأشرلي تكلي احجي كليلهة ماقابلة

باوعت علة وجههة الي ينكط سم

اجن ببالي كل مواقفهة الي سوتهن بية لضرب لأهانات كدام لخطار

تريدني ابقالهة خدامة طول لعمر

طبعا وين تلكة مثل ليلى وحدة فطيرة ومالهة اهل يطلعون وراهة

تريدني اخذ لؤي الي جلاب لشوارع احسن من عدة

لاء ماارفض سيف هوة فرصتي لوحيدة بهلدنيا هوة لعمر واحد لو ثنين

لو يصيرلي لو اموت واخلص من وليد

قويت روحي وكلت يارب عليك توكلت لتخيبني

اي خالة اني قابلة بسيف قابلة

اسمع ام سيف تهلهل بلتلفون واني رجلية كامن يختضن وحيلي باد اريد اوكف علة حيلي من لخوف موكادرة

جرت اتلفون مني وضربتني راشدي

بسيطة ليلى عبالج اخليج تطلعين من هاذ لبيت انتي لجنيتي علة روحج

عافتني وراحت كعدت بلكاع ارجف بس فرحانة اي بعد مااسكت كافي لسنين الي مرت من عمري عشتهة بلذل ولخوف

شتريد تسوي يعني تضربني عادي تعلمت علضرب وصرت حالي حال لمطي حتة من ينضرب مايبدي اي ردة فعل جلدي مات من كثر لضرب حتة حساسي مات

راحت فاطمة لغرفتهة وطفت لضوة مال لصالة

خل انام باجر وراي حصبة وجدري فاطمة وتقى ووليد الله ليستر

لفيت روحي بلبطانية واريد انام موكادرة بين لخايفة وبين لمتوترة خاف الي سويتة راح ينكلب ضدي لل1 اني اتكلب مااجاني نوم سمعت صوت لتلفون يرج ركضت طلعتة بسرعةفتحت خط ولفيت راسي بلبطانية

ها ليلى شلونج

زينة لحمد لله

عفية عليج هيج اريدج ليوم طرت من لفرح من كالت امي ليلى كلتلي اني رايدة سيف ولج افتر بلبيت واركص اني وامي

سيف اني خايفة

شكلنة موكتلج انسي لخوف كافي

اني بضهرج ليلى لاتخافين واي شي يصير وياج سكينة فطيرة وتحب عمار وكلشي تحجيلة وهوة يسولفلي يعني راح اكون علة علم بأي شي يصير وياج

اني بصهرج بس انتي صيري قوية

شحصلتي من لخوف ولسكوت بس كليلي

جربي مرة وحدة تحجين ماراح تموتين صدكي همة من يشوفون اصرارج راح يملون من وحدهم

خوش

هسة هاذهو بعد ماكو خوف

اريد ليلى جديدة متخاف بس من لخالقهة

اي ماشي

موبس اي ليلى اريد كول وفعل

انشاء الله

سديتة من سيف وحاولت انام موكادرة ل2 حسيت روحي بردت كلش بحيث جسمي كام يرتعش ماعندي غير بطانية وحدة ملفلة روحي بيهة بس بردانة حييل

تلمست وجهي حار يجوي

لهناك حسيت وجع موطبيعي براسي احس يافوخي عبالك ينبض

اجذب اذا اكول ماخايفة

الي ديصير وياي من خوفي من فاطمة لخوف تملكني موكادرة اتخلص منة

احس كل ذرة بجسمي ترجف من لخوف

فاطمة مراح تمررلياهة علة خير عمري وحياتي ماعاصيتهة الله اعلم شلون راح تكون ردة فعلهة هلمرة

مادريت بروحي بيش لساعة نمت

كعدت بل5 وثلث لصلا فايتتني ركضت توضيت وصليت كملت صلاتي وكعدت احاجي ربي

ياربي نبيك لكريم يكول المؤمن القوي خير واحب الى الله من المؤمن الضعيف

هلمرة قررت اكون قوية وبعد مااسكت علضلم ولباطل بس اني مالي ضهر ولا سند ومتوكلة عليك ياربي ماعدي لا اخو الي يحميني ولا ابو الي اسند روحي بي ولاام الي تطبطب علية وتشاركني همي

انتة سندي وضهري انتة احن علية من امي ياربي دخيل اسمك اني بحمايتك

وانتة مايخيب الي يستنجد بيك

لفيت سجادتي وكمت اريد اخلي لقوري علنار غسلتة فلت من ايدي مرتين ووكع

حطيتة علنار وطلعت كلاص هم وكع مني ونكسر عاينت علة ايدي ترجف وعروكي ناطات اريد اركز موكادرة يربي قويني راح اموت من لتفكير

طلعت رشيت لحديقة وباب لشارع طبيت لكيت عمو جاي يتوضة

ها عمو صباح لخير

مارد علية

عدتهة علي

صباح لنور

بس بلكوة يحجي اعرفة من يكون ضايج اكيد فاطمة غاسلة دماغة من ناحيتي

راح يصلي بلصالة تانيتة كمل ورحت كتلة عمو اصبلك ريوك

اشرلي بيدة ماريد

ماحجيت شي رجعت للمطبخ طلعت لحم اريد اخلي علنار ينسلك

طلعت كدر لضغط جاي اشطفة وهم فلت من ايدي

كعدت بلكاع وحطيت راسي بين رجلية

اني موكد فاطمة ليش حطيت راسي براسهة ليش هيج سويت

عمو مر من يمي طلع للمولدة

سديت لباب ورا ورحت علملحق طلعت لمبايل دكيت علة سيف

الو

ها سيف صباح لخير

هلو ليلى اني جاي ابدل هسة تأخرت علدوام من اوصل للشركة احاجيج

ماشي

سديتة ورجعتة

كعدت بلحديقة بلكاع

هوة عالي بس مايدخل لزردومي عبالك شي واكف بي مايخلي لهوة ينزل

احس شي نايم علة صدري كوة اجر لهوة مخنوكة حيييل ولخوف كرهني حتة روحي

صارت بل7 ونص نزلت سكينة صبحت علية وراحت للدوام ليوم خلصت اجازة وليد ولازم يداوم

لهناك طلعت فاطمة اجت للمطبخ غسلت وتوضت بس ماحاجتني ولا كلمة

هوة هاذ الي مخوفني وراعبني هسة هية لو تحجي ترزل تضرب اكول هاذهو راح تشفي غليلهة بلضرب بس ماطولهة ساكتة اني مامرتاحة اكيد اكو شي وراهة

سويتلهة ريوك ووديت لصينية

سكينة راحت للدوام

اي

ووليد كعد

لا مانزل

صعدي كعدي

هاي لجملة بلتحديد يكفي تخليني ارتعش من فوك ليجوة خاف لرعب الي عايشتة حاليا موكافي وليد وجودة بلبيت يكفي ويوفي

صعدت لدرج وكل درجة اصعدهة تنزل وياهة دمعة وحصرة بس الله يدري بيهة

وصلت لنهاية لدرج غرفة سكينة كبالي عاينتلهة لباب مفتوح وصلت يمهة تقى ماكو يعني يم وليد

هوووف لحمد لله معناهة ماراح يفتح لباب

دكيتة مرتين مافتحة

نزلت كتلهة عمة مايفتحة

صاحت علي من جوة جاوبهة

يلله اكعد اريدك تروح وياي اريد اجيب تخم للصالة

رد عليهة من لمحجر

اي بل9 نروح شنو رايحة تشترين خضرة من لصبح مكعدتني

رحت للمطبخ اريد اسوي لغدة

اجت فاطمة مبدلة

اني رايحة يم ام احسان من يكعد وليد كليلة خل يمر علية لبيتهة حتة نروح

ماشي

طلعت وسديت لباب وراهة

طبيت للمطبخ كوة اتحرك لصخونة بعضامي

بل10 ووليد لسا ماكعد واخاف اصعد اكعدة

كاعدة انضف بلصالة سمعت صوت لتلفون يرج

ركضت علي طلعتة وختلت ورة باب لمطبخ

الو

ها ليلو شلونج

موزينة سيف

ليش شبيج

اذا تلزمني هسة تنجوي اليل كلة مانمت مصخنة وراسي عبالك طبول تدك بي

يا ليلى عود صدك اني صارلي يومين شحجي لعد وينة حجيج موكلتي بعد ماخاف

سيف راح اموت ولقران تخيل فاطمة وتقى ووليد منجمعين وين ماكو واحد سمي وميخاف الله يعني شلون مااخاف

ليش تقى يمكم

اي ماراحت من لبارحة

خوش لعد لعصر اني راح اجيب عالم واجي لتخافين حبيبي كلهة شكم يوم وتصيرين مرتي وبنفس يوم لعقد اسوي لعرس اني ماأمن عليج يم فاطمة بعد

اووووف اني خايف عليهة من تقى مومن فاطمة

اجتني للشركة قبل يومين كلتلي

سيف اذا متعوف ليلى اسويلك بيهة مصيبة

ههه شتسوين عيني ست تقى

لتستهين بية تعرفني لوحطيت شي براسي اسوي مواني الي اخسر سيف وتاخذة ليلى اسممهة وحق ربك ولا اخليهة تاخذك

هواي عندج ثقة بروحج اضاهر عاجبج تخيسين بلسجن

حتة لو انسجن عادي محامي زين يطلعني منهة مثل لشعرة من لعجين

دسويهة وشوفي الة امحيج من لوجود

سيف اني ماحاجة احجيلج عني

لا عيني صيتك سابق خايف علة ام لكمل بت لكاولي مووو

نجبييي 😠 تروحين فدوة لتراب لكاع اتمشي عليهة ليلى همزين الله كشفج

تخسة اروحلهة فدوة هلجايفة وليد شبع بيهة ....... وانتة جاي تاخذ فضالة وليد

بت لكلللللب طلعي برررررة

هدني

اني اعلمج

هد شعري كتلك

جريتهة من شعرهة وطلعتهة برة حجت حجي علة ليلى خلتني افقد اعصابي عمري ماماد ايدي علة مرة بس هية جبرتني

اني مااخذت تهديدهة علة محمل لجد بس ماانكر خايف حيل علة ليلى لهاذ لسبب ستعجلت بلمشية

طلعت من لدوام لضهر رحت بوجهي علة شيخ عشيرتنة نطيتة خبر ولرجال كلي تدلل

طلعت من يمة رحت لعمامي كلهم كلتلهم فرحو وكلولي لعصر احنة يمك

رجعت للبيت بلغت امي وتغديت وتحضرت وتانيت لعالم بل4 كلهم يمي طلعنة بسياراتنة وصلنالهم طلعلنة وليد متفاجء

طببنة للبيت وخابر ابو اجة خليل ووليد راح بمكانة للمولدة

ليلى :مر ليوم عادي كلهم هادين محد حاجاتي حتة تقى مالهة شغل بية نزلت سبحت وتغدت ورجعت فوك وسكينة هم حلت تغدت وبعد ماشفتهة ووليد اصلا مانزل وفاطمة ب12 رجعت تعد علة وليد لان ماراح وياهة

للعصر ندكت لباب وليد جان بلصالة طلع هوة فتحهة

اني واكفة بلمطبخ سمعت صوت زلم يسلمون علي عرفتة سيف جاب لمشية واجة

بساع حضرت لجاي ولماي

اجة وليد اخذهن وداهن وعيونة تجدح بس ماحجة كلمة وياي

لهناك اجة عمو

طلعت فاطمة كعدت بلصالة

دقايق ونزلت تقى كعدت يمهة

بس هم ماحجن وياي ابد

كعدت بلكاع اريد اهدي روحي موكادرة كلبي احسة يريد يطلع من مكانة

جبت سبحتي وكعدت اسبح

ليش هلخوف هسة شنو راح يشنقوني قابل

اكثر من ساعة همة جوة مادري شصار بس كلما يتأخرون اكثر كلما لخوف بداخلي يزيد وصلت

مرحلة سنوني واحد يطخ بلاخ من لخوف

ورة شوية طلع عمو صاح ليلى من لصالة

رحت علي

هاعمو

تعاي .....#يتبع

#حنين_حاتم

لبارت الاخ ب11 هيج انزلة اريد تفاعل حلو فديتكم 😙

#حنين_حاتم

#انقذني_ايها_الغريب......#بارت20

#غير_محلل_نشر_القصة_بدون_ذكر_اسمي

سيف :اجة خليل رحب بينة لرجال بس متفاجء

بدة شيخ عشيرتنة وفتح لموضوع

جابو لجاي وعمي كللهم مانشربة الة تكولون مكضية

خليل كال يابا شربو جايكم وشغلتكم مكضية بحيل الله

شربنة لجاي ولشيخ كلة يعني هسة نقرة لفاتحة

هوة كام يمتمت توتر كلش وكللنة ابني رايدهة

بس شيخنة لوتي وحجاي واني هم فهمتة وحجيتلة كلشي حتة يكون علة علم بوليد وسوالفة كلة

ابنك مومال زواج خليل لا تورط لبنية ويا حرام عليك هاي يتيمة وباحر الله يحاسبك بيهة

خليك زلمة واخذ لقرار لصحيح باجر عكبة توكف امام رب لعالمين شتكلة

ابنك حالة حال وليداتي واني لا جاي اعيرك ولا الومك بس كلما بلموضوع جاي افهمك علة عواقب الشي الي تريد تسوي

خل ابنك يعقل ويكبر ويتخرج وذيج لساعة فكر تحط براسة مرة

وسيف خوش ولد وانتة تعرفة ماحاجة احجيلك عنة وعن اخلاقة زلمة ولنعم من تربيتة ومن اصلة ماطلعت منة لشينة فد يوم

حجينة لوتي وفر عقلة لخليل وهوة فقير وطيب بس فاطمة صاكرتة

هاذهو هسة علة بركة الله نقرة لفاتحة

هاذهو يابة

قرينة لفاتحة واني لفرحة موواسعتني يمة ليلو راح تصير الي وتخلص من فاطمة

كمت بست راس شيخنة وبست خليل وتشكرت منة

لحمد لله ربي ماقصرت

بقة بس لعقد باجر اعقد عليهة انشاء الله واخذهة يمي واريد اشوف منو يفك حلكة مومال ابقيهة يم تقى وفاطمة كلبي خلص من لتفكير ولخوف عليهة

طلع عمو كلي ليلى

ها عمو

تعاي بابا صبي شربت

يبووو لكاع ماشالتني من لفرح يعني هايهية راح اخلص

صبيت لعصير بسرعة نخبصت صبيت يمكن 30 كلاص وفاطمة كبالي هية وتقى يبسبسن وعيونهن علية

بس اني ماهمني كلشي خلص ماطول عمو نطة كلمة للزلم هاذهو بعد هاي اول خطوة صدك حجي سيف جاب نتيجة

اجة عمو اهذ 8 كلاصات وضل يضحك علية من شافني تارسة لمطبخ كلاصات

اخذهن وراح واني من لفرح بدي اروح ابوس فاطمة وتقى😂

نزلت سكينة اجت يمي

ها ولج راح نصير نفس لبيت

ههههه شمدريج انتي

عمار هسة دزلي رسالة يكول سيف حلكة راح ينشك بكد مدا يضحك من لفرح

يمة كلبي الله وحدة يعلم شكد فرحانة هاي اول مرة بحياتي افرح من صدك عمري ماضكت طعم لفرح

نص ساعة وطلعو لعالم

وية ماطلعو اذن جاي اتوضة اجة عمو حضني وكام يبجي

لحمد لله بنيتي هسة راح ارتاح وبعد ماشيل همج واكول ضلمتج

لحمد لله عمو انتة ماقصرت

بس ليلو فدوة بنيتي ديري بالج من فاطمة ترة صارلهة ساعة تحمس بروحهة بلغرفة وتتعارك وياي راح تموت

صدك عمو

اي والله هسة اني ماراح اطلع منا لل9 يلله اروح للمولدة علمودج والله

ماشي عمو

صليت لعمغرب ولعشة وصليت ركعتين شكر لربي وكمت اسوي عشة

كملت لعشة وصبيتة اكلن فاطمة وسكينة وتقى غسلت المواعين وعدي وجبت ملابس كعدت اغسل بيهن

طلعت شريتهن باوعت لساعة بل9 اوووف شبسرعة

طلع عمو راح للمولدة دقايق وطب وليد

اول ماطب جر حجابي وجر قراصتي

ماحجيت ولا كلمة اتجفة شرهم ادري بيهم حادين سنونهم علية لفيت شعري ولبست حجابي

صبيتلة عشة وودديتة

حطيت لصينية كبالة

كعدي اكلي

ماريد تعشيت

درت وجهي اريد امشي

جرني حييل من دشداشتي وكعني بلكاع

تعاي

شتريد

تدني يمي

تدنيت علي

لزم فكي حييل عصرة

تعشي وياي

ماشتهي والله

فتحلي عيووونة حييل هاي لحركة اعرفهة يعني اخر انذار

جريت خبزة وسويت لكمة

لاكل بحلمي ودموعي يجرن

اكلت ويا لحد ماخلص لاكل وهوة ياكل ومدنك ابد ماباوعلي

كمل

اشيلهة

رفس لصينية حيييل لمواعين كلهن طاحن بحضني تكومن

لميتهة وكمت

رحت للمطبخ اغسل بيهن وهوة صعد

طلعت لتلفون من لملحق خليتة بصدري خاف يصير شي حتة اتلاحك روحي واخابر سيف

طفيت ضوة لصالة وقفلت باب لمطبخ وفرشتلي وتمددت تانيت سيف يتصل لل1 ومادك نعست حييل نمت

كعدت لفجر صليت وكلعادة رشيت لحديقة وتريكت واخذتلي جولة بلبيت

بدو يكعدون

سكينة راحت لدواممهة وعمو راح للمولدة وفاطمة كلتلي سوي فاصولية ليوم

بس مانكعت شلون تستوي

ضربتني علة راسي حييل وكلتلي موشغلي هاذ ب12 الكة لغدة جاهز

طلعت كدر لضغط وذبيتهة بي سلكتهة

لهناك كعدت تقى اجت يمي بلمطبخ

سويلي بيض وطماطة

سويتلهة وخليتة كدامهة

تاكل وعينهة علية نضرانهة ربكتني كلش بس اسوي روحي طبيعية

كملت ريوك وصعدت فوك

دقايق وصاحتني

وكفت يم لدرج

ها سكينة

تعاي صعدي شسوريلي شعري مدا اكدر حبابة

ماعرف والله

تعاي اني اعلمج ميرادلة شي

تعاي جوة اسوي الج

لا هنا احسن هستوني سابحة خاف استبرد صعدتلهة

لكيتهة واكفة يم لدرج

تعاي طبي

طببتني لغرفة سكينة

هسة اجيب لفرجة واجي

حسيت بشك من طلعت رأسن ركضت علباب اريد اطلع لاكاني وليد

دفعني حيييل طببني للغرفة وسد لباب

شتريد مني وليد

ضربني راشدي حيييل حلكي كام يصب دم

شبيك وليد عوفني

شمرني علجرباية وطلع سد لباب من برة ومدري وين راح

ركضت علة شباك لغرفة فتحتة وكمت اصرخ

لحكوني ياعالم

خالة ام حسان لحكيني

فدوة اصرخ كل قوتي

نفتحت لباب نداريت وليد جرني حيييل لطش راسي بلحايط اباوع لدم غرك هدومي

سحلني من شعري شمرني علجرباية

وليد ابوس ايدك لا تأذيني شنو تريد اسويلك بس لا تأذيني

اجة علية لزمني من وجهي حييل

مخابرة علة ام سيف وكايلتلهة اريد سيف مووو

لا والله موهيج

تردين سيف مووو

اعوفة والله اعوفة بس لا تأذيني

جر ادية ربطهن بلجرباية بشال مال تقى

سيف فدوة ابوس ايدك عوفني شنو تريد اعوف سيف والله اعوفة

ضربني راشدين ولدم كام يطفر من حلكي

تردين سيف مووووو

ولج اليوم الله اراويجيا بت لكلب بت ال .....

والله ماريدة والله تريد ازوجك عاذهو نزوج بس لا تأذيني وليد فدوة انتة موتحبني اني هم احبك واتزوجك بس عوفني

جر ثوبي وشكة كلة

جسمي كلة بين

وليد فدوة اني عرضك لا تسوي بية هيج خاف الله انتة هم عدك اخت فدوة اروحلك والله ماريد سيف وراح اعوفة بس عوفني

اليوم اعلمج شلون تكسرين كلمتنة ليوم اخليج معلكة لا بسمة ولا بكاع

وبعد محد يكلبج لا سيف ولا غيرة ووراهة اذبحج واكول غسل عار

تندكين بية بت لكككككللللللب

طلع من كنتورة علاكة

اجة علية نزعني ملابسي لداخلية

كمت اصرخ حييييل

يا علي دخيلك يا بو لايتام مالي غيرك

يا بوفاضل استر علية عليك بستر زينب

وكلما اصرخ يضربني نهاني من لضرب وجهي ينزف من كل مكان

طلع من لعلاكة ثوب احمر مال نوم فتح ادية لبسنيا وكلما احجي يضربني كمت اتفل دم

رجع طلع قلم حمرة هم احمر من جيبة جرني حييييل من فكي وخلالي حمرة

بدة ينزع بملابسة واني صوتي طبك من كثر لصياح ووية كل صرخة انضرب

صار فوكي هنا فقدت عقلي ضليت اصرخ

ياعلي ياعلي ياعلي ياعلي

بدة ينتهك عذريتي واني اردد ياعلي دخيلك مانطقت  غير هلكلمة

بكد مااكو صور بشعة للأغتصاب بس ماتجي نقطة ببحر كدام الي سوا وليد بية

صرخت كل قوتي بس محد رحمني منة

كام من فوكي لبس ملابسة واني فايضة بدمي اباوع علة رجلية حمر من لدم

اجة علية فتح لشال مد ايدة يريد يلزمني دفعتهة حييييل

ها ليلو شنو تردين بعد ماشبعتي

نجب ياحقير ياكلب الله لا يوفقك الله يطلعهة بيك وحوبتي ماتتعداك انشاء الله الي رب وعينة ماتغفل وشوف شلون راح يعثرك

هناك اخذ حقي منك يم الله الي ميضيع يمة حق حسبي الله ونعم لوكيل عليك

كام يهز بيدة ونزل كمت لفيت روحي بلجرجف ونزلت جوة

باوعت كبالي تقى كاعدة علتخم اول ماشافتني كامت تضحك بصوت عالي

ها تردين سيف موو ههههههه خل اشوف سيف يكلبج لو درة بيج غلطانة وية جوارينكم وفاقدة عذريتج

انتي شنو من بشر ولج انتي الله منين خالقج بس اريد اعرف شلون هيج تسوين بية

اريد الله يطلع حوبتي بيج

لدنية دوارة تقى وربج يطلعهة بيج وتذكري حجايتي

ولي لج روحي علكي عارج علة غير شماعة ابوج كاولي عليمن تطلعين حياتي

طبيت للحمام كعدت بلكاع ابجي

ربييييي

ربي تعبت دخيل اسمك اخذني يمك خل ارتاح بعد مابية والله مابية كافي لشفتة كلش كافي بعد ماريد اشوف شي

ملخت شعري وملخت روحي اريد اموت يا الهي تعبببت انتة تشوفهم بعينك ليش ساكتلهم شوكت تطلع حوبتي بيهم لمن يموتوني ويرتاحون

يمة لحكيني يمة تعاي شوفي حالي سلبو مني كلشي يمة ماخلو علة حالي حال  اخذيني يمج يمة تعبت اريد ارتاح

سبحت ولبست لبرنص مال سكينة  وطلعت اسحل بروحي سحل اريد امشي مااكدر

طبيت للمطبخ تلكتني فاطمة

ها عيني شنو عروس ولا بسة برنص

صاحت عليهة تقى اشرتلهة بيدهة سوتلهة اوك

اها عفية عليكم

اليوم الكم عشة يمي بمطعم لساعة اناي ووليد

الله اكبر علة روسكم حتة انتي متفقة وياهم

احنة مالنة شغل انتي الي سويتي هيج بروحج شكم مرة كتلج توبي من هاذ صاحبج يومية طالعة ويا مدري وين بس ماتسمعين حجاية شنسويلج تحبين تلعبين بلنار

كعدت بلكاع وكمت الطم واصرخ

تقاوي جيبي مبايلي خل ادك علة سيوفي اكلة يجي يشوف خطيبتة شمسوية

دكت علي

ها عيني سيوفي تعال نريدك بشغلة كلش مهمة

اي اي تخص ليلى

يلله متانيك

كاعدة بلكاع والطم ملخت روحي وهنة يضحكن وتقى تصور بية بلمبايل

اقل لنص ساعة اجة سيف

طببتة للاستقبال واني كاعدة بلمطبخ والطم موتت روحي

نفتحت باب لاستقبال

سيف يصيح ليلى بصوت عالي نرعبت من سمعتة

تقى كبالي كاعدة

هاعيني سيوفي ذيج لشفية ليلى بلمطبح روحلهة خاتلة مالهة عين تحجي وتجاوبك

اجة سيف طب علية

اني كاعدة بلكاع ومدنكة مارفعت راسي ابد

تقرب يمي جان ......يتبع

#حنين_حاتم

اسفة علتأخير بس والله هلبارت تعبني حييل

عود غلسو علتفاعل 😒

باجر هم بارتين هدية عيد لام لامهاتنة الله يحفضكم لعواألكم وانشاء الله كل سنة يحتفلون بيكم 😙