الفصل السابع

رواية الغرور والندم الجزء السابع 7 بقلم قمر الليل الغرور والندمرواية الغرور والندم الحلقة السابعة

قالي قصتك مع هذاك الولد قتله ما نكذبش عليك يا خالي وحكيتله كل شي هو قالي انت حر يا يوسف لكن نصيحتي ليك يا ولد اختي معاش تتكبر على غيرك يجيك يوم و تندم بعدها مشى روح في الليل اني مقعمز وسط الحوش خشت عليا رانيا تبكي و قالتلي يوسف معقولة هكي ادير و الدموع ينزلو زي المطر على خشت امي لما شافتها انخلعت لقتها فاحمه قالتلها خيرك يا بنتي وهي تشوفلي وتقولي علاش هكي درت اني قتلها شن درت تكلمي قالتلي خيرك هكي تصرفت مع كريم

معقولة و تبكي و تعيط وامي تمسح في دموعها و تسكت فيها اني قتلها مني قالك تكلمي وهي منهارا لكن اني تغصبت و قتلها ما تقوليليش تكلمي فيه هذا المريض و تعاركت معاها لكن هيا انهارت بالبكى و امي خدتها دخلتها تهدي فيها بعدها جتني امي قالتلي انت علاش تتصرف هكي يا ولدي اني قتلها كيف قالتلي علاش هزبته الولد و انته قدام الناس قتلها يا امي هذا ما يجيش نسيب لينا مجرد واحد نياتي سن بيقولو علينا الناس قالتلي هذا عذر اقبح من ذنب وكان

انسان طيب هذا ما يعني انك تهينه و تذله شن نسيت هو كيف كان يساعد فيك قتلها تديك فترة و فاتت تو بنعيشو الحاضر و خليتها و مشيت رقدت ثاني يوم الصبح لقيت رسالة واصلتني على الواتس من رقم كريم لقيته كاتبلي اعطيني فرصة يا خوي يوسف والله اختك نعيشها في جنة و اني نبيها وخشت خاطري بلله ما تكسرش بخاطري و مش حتلقى نسيب زيني لكن اني رديت عليه وكتبلتله والله لو تكون آخر نسيب لي الدنيا مانك واخذ اختي و لا تصير نسيبنا و حظرته

بعتالي عرفت ان اختي مدايره معاه علاقة وتعاركت معاها اكثر من مرة هو شكله متعلق بيها ويبيها ولكن اني شي رفضته بالنسبة لحالتي المادية كانت سيئة و كنت أندور على عمل لكن ما نحصلش لعند يوم من الايام كنا معزومين عند حوش خالي في عشى وتلاقيت مع ولد خالتي و اسمه عاصم قعد يهدرز معاي و هو حالته المادية قوية قالي ان فاتح شركة بضايع و تاجر بعدين قالي شن رأيك يا ولد خالتي حتى انت تخش على الخط في التجارة و تجيب بضاعة من برا وتبيعها

قتلها يا ريت لكن انت تعرف البير وغطاه هو قالي اسمع شن رأيك اني نعطيك راس مال محترم تفتح بيه مشروعك و نربطك بناس اصاحبي تجيب منهم البضاعة قتله ما نضمنلكش ان المشروع ينجح يا عاصم قالي اعتبر الفلوس سلف و الخدمة مساعدة لكن نبيك تعطيني حاجة قتله ابشر قالي نبيك تزوجني اختك رانيا قتلها اختي قالي ايه

طبعاً اني نحب نقوللكم على جنب ان حوش خالتي حاولو اكثر من مرة يخطبو رانيا لعاصم لكن هيا شي رفضت و كانت مصممه على كريم قتله خليني نفكر قالي الموضوع ما يبيش تفكير بكل نظم امورك و لما تبيني كلمني اني لما روحت للحوش قعدت نفكر في الموضوع وعجبني لكن المشكلة اختي رأسها كاسح و ما تخدش الكلام فكرت فكرت بعدين قررت شن بندير …