الفصل السابع

رواية البنت الي امها تزوجت عمها الجزء السابع 7 بقلم مروان فرج البنت الي امها تزوجت عمهارواية البنت الي امها تزوجت عمها الحلقة السابعة خشيت لحمام و فكيت الشاش على راسي و لما شفت منظري في المرايا عيطت بعلو صوتي شعري شعري يناس مهناش احلى حاجة فيا اختفت💔🔥 ماقدرتش نتقبل المنظر وكان فيه مكان جرح كبير و واضح من اثر العملية كان منظري زي مرضى السرطان وجعتني روحي هدا الي كان ناقص بس يصير معاي حياتي كلها خربت هدا الي مزال بس

خشت عليا عزوزتي مخلوعة دور فيا و تنادي لين لقتني ف الحمام مقعمزة و نبكي لما شافت الشاشا متحول عرفت شن 💔 صاير قاتلي نوضي اطلعي من الحمام مش باهي تقعدي قتلها علاش شن خايفة يصيرلي اسواء الحاجات صارت معاي كنت متهسترة و نعيط قتلها بوي مات امي ماتت جامعتي و بطلها و تزوجت واحد مريض و توا حتى شعري بح مهناش شن الي مزال مش كويس يصير معاي ع شنو تبيني نخاف شكله صوتي كان عالي اعلى مما توقعت

سمعت صوت حد ينادي من قدام الدار يام خيركم شن فيه شافتلي عزوزتي و قاتلي عاجبك توا نوضتي الحوش كله بعياطك وطلعت و خلتني نسمع فيها تتكلم و تقوله نادر برا ارقد مافي شي وهوا يقولها خيرها البنت 🙂 تعيط و تبكي بالك تحس بحاجة بالك تعبانة وهي تقوله ما فيها شي تدلع قالها يام المرة الي فاتت تجاهلوتها و شفتي الي صار بعدين سمعته ينادي عليا و يسأل فيا ع حالي ما قدرتش نرد عليه سكتت و خلاص خشت عزوزتي قاتلي

تحسي ف حاجة توجع فيك حاجة هزيت راسي بلاء قاتله خلاص برا ارقد البنت قالت ما فيها شي سمعته طلع شافتلي عزوزتي بنظرة ما فهمتش معنها وبعدين طلعت حتى هي و خلتني 😑 طول اليل ما رقدتش وانا نفكر ف احداث حياتي والي صار معاي لغاية اليوم و قعدت نفكر ف محمود و كيف سبحان الله ربي ربط نصيبنا ببعض و الزوز وضعنا احرف من بعض يمكن يكون هدا امتحان من ربي ليا بيشوف صبري نضت صليت ركعتين و دعيت لربي انه يفرج همي ورقدت…

تأني يوم نضت صليت و طلعت بسرعة من الدار قبل لا يشوفني حد و رقيت لدار محمود فتحت الباب و خشيت كان راقد خشيت بشوي خديت ملابسي و حجابي ونزلت قعدت نجهز ف فطوره لين سمعت باب الحوش انفتح خش نادر اول ما شافني جي للمطبخ و سألني ع حالي قتله الحمدلله قالي تاخدي ف علاجك قتله ايه قالي بعد يومين عندك مراجعة هزيت براسي بعدين جي بيتكلم بس سكت معاش قال شي كان صمت غريب بينا فقمت سفرة الفطور و طلعت 🔥🔥🙂

خشيت كان محمود نايض المرة هادي و كان يلعب ايه كان يلعب اول ما شافني لوح الألعاب و لبد و راء السرير زي المرة الي فاتت حطيت السفرة ع الطاولة و مشيتله قعدت نحكي معاه وكاني نحكي مع طفل صغير بعد جهد جهيد قدرت نقنعه ينوض يخش لحمام و يفطر دوشتله و غيرتله و فطرته كان حرفيا طفل ف جسم راجل…..

مشيت للمراجعة و طمني الدكتور ان وضعي كويس كانو معاي عزوزتي و نادر الي كان مشغول عليا هلبا وكان يسأل ف الدكتورة ع حالتي ع كل كبيرة و صغيرة بس كلام الدكتور كله كان مطمن الحمدلله….🤍 استمرّت حياتي مع محمود بشكل نمطي كل يوم نفس الروتين كنت نشوف ف سلفاتي كيف عايشات طلعات و عزومات و عمل حياتهم كانت كلها احداث ع عكسي أنا في يوم جتهم عزومة لعرس نزلت لقيتهم كلهم مجهزات ارواحهم و طالعات لما شافوني شبحو لبعضهم وحرفيا

هربو من قدامي نضفت المطبخ و قعمزت ف الصالة نتفرج ع التلفزيون لين خش نادر لما شافني استغرب و قالي ما مشيتش معاهم للعرس؟ قتله لا تعصب و تمتم بكلام و مشي خش لداره و سكر الباب … تأتي يوم سمعته الصبح يتعارك مع امه و الي فهتمه انه كان عرس ولد عمتهم و اني كنت معزومة بس عزوزتي ما وصلتش العزومة ما كانتش تبيني نمشي قالها حرام عليكم البنت د.مـ رتو حياتها قاتله شن ناقصها وأكلة شاربة و مع راجلها خشيت عليهم أنا سكتو

بعدين شافلي نارد و قالي تبي ترجعي لجامعتك أنا من الفرحة و الصدمة هزيت راسي بنعم لا اراديا قالي خلاص أنا راح نهتم بالموضًوع و طلع اول ما طلع جتني عزوزتي مسكتني من ذراعي بقوة و قاتلي ….😱😱😱قالي نادر تبي ترجعي لجامعتك من الفرحة هزيت راسي بنعم لا اراديا شاف لامه و قالي خلاص من غدوة 🔥 راح نبدا ف الإجراءات عشان ترجعي تكملي

فرحت من كل قلبي لكن فرحتي ما كملتش لما مسكتني عزوزتي من ايدي و قاتلي اسمعي أنا جايباتك خا.دمة لولدي مش باش تحققي أحلامك و تقري حني مش ملزومين بيك و بمصاريف قرايتك وكان سالك نادر تقوليله لا معاش نبي نكمل ولا نقرا و خليك ف الحوش و هني على راجلك قعدت فرحتي ف رقبتي وما كملتش رقيت لدار و قعدت نبكي لما شافني محمود خاف قعدت واقف ف مكانه و يتفرج عليا بكيت لين خداني النوم تاني يوم لما جاني نادر و سألني على الجامعة قتله معاش

نبي نرجع استغرب ف قراري قالي علاش لما شاف عيوني كان واضح عليا اني باكية سكت و معاش زاد حرف و طلع وخلاني شوية و نسمع فيه صوته عالي هوا و امه ويقلها البنت تقدر ترفع عليكم قضـية على درتوه فيها أتقو الله فيها وأمه تقوله أنا متفاهمة مع مرت بوها وانت معاش تدخل فيها شن ليك بيها 😑 علاقة انت مش ولي امرها هده مرت خوك افهم

ولا لتكون حاط عينك عليها أنا شهقت لين قريب متـ. تت و هوا وقف قدام امه مصدوم قالها شن تقولي يام معقولة كلام زي هدا يطلع منك قاتله ايه لو قعدت تدخل فيها هم بنفسر تصرفاتك البنت راضية بحياته و اهلها راضيين وانت معاش تدخل طلع و خلاها لما شافتني قاتلي تعرفي مزال نشوفك تتكلمي معاه عندي كلام تاني مع اهلك الهي براجلك و معاش نبي نشوفك ف الحوش رقيت لداري وسكرت الباب و قلبي يدق كنت خايفة تتهمني بحاجة شن بيصير فيا بعدين

بعد الي صار التزمت بداري معاش نطلع إلا لما نتاكد انه نادر طلع نقضي حاجتي بسرعة و نرجع لمحمود الي بديت نتعود عليه وكانه اخي صغير ليا 🤍 كان طفل بريء ف جسد راجل يفرح لما يشوفني نضحك و يزعل لما يلاقيني نبكي. تطورت العلاقة بينا بس مش علاقة زوج و زوجة لا لا كانت علاقة من نوع تاني …. و استمرّت. حياتي على النمط هدا لين ف يوم جتني مرت بوي الي كانت قليل ما تزوني

ولا تسال عليا نزلت عشان نسلم عليها كانت هي و عزوزتي ف الصالة كان وجهها ما يتفسرش اول ما شافتني و قفت وجت حظنتني و قالي عظم الله أجرك وقفت قدامها مصدومة في من تعزي فيا أنا ما عندي حد ف الدنيا هده لا عزيز ولا غالي قاتلي حناك ام امك توفت لا عرفت تضحك ولا نبكي حناي عمري كله يمكن شفتها مرتين بس ما نعرفش إذا كنت حتى تأثرت بخبر وفاتها 🙂 ناضت عزوزتي قاتلي عظم الله لك الاجر قاتلها مرت بوي لازم تمشي تعزي ما يجيش قدام الناس

حتى عزوزتي وفقت وقتلها اي توا نمشي معاها أنا كانو يقررو بنيابة عليا ما سالونيش حتى إذا كنت نبي نمشي او لا رقيت لداري غيرت ملابسي و لبست عبايتي وجهزت نفسي و قلت لمحمود اني مش راح نعطل عليه شوي ونجيه كان زي الطفل الي مش قادر يفارق امه نزلت قاتلي عزوزتي اصبري قلت حتى لسلفاتك يمشو معانا عيب قدام الناس🔥😑

مشينا للعزاء كنت حاسة روحي حتى أنا غريبة جاية نعزي ف ناس غريبة لا عرفت خلاتي ولا نساوين خوالي قعدو ناس يعرفو فينا ع بعض عزيتهم و قعمزت معاهم بعد شوي جتني عزوزتي قاتلي هي بنروحو قاتلها خالتي خليها تقعد معانا تحشمت عزوزتي و قاتلها اي اكيد براحتها كان تبي تقعد تقعد قتلها ايه نبي نقعد قاتلي خلاص براحتك و طلعت هي وكناينها قعدت مع خلاتي و تعرفت عليهم و ع بناتهم تمنيت لو اني تعرفت عليهم ف ظرف احسن من هك

كانو آخر شي قعدلي من ريحة امي ف ليل سهرت أنا وخالتي و قعدت تسال فيا ع حياتي و راجلي و عزوزتي و إذا كانو كويسين معاي قتلها الحمدلله قاتلي باهي شن صار ف ورث امك استغربت قتلها ورث شني قاتلي حوشها و فلوسها الي ورثتهم من راجلها الاول هنا كانت صدمتي لاني ما كنتش نعرف شي على هذا كله لما شافت ردة فعلي عرفت 🙂🔥 ان خوتي خدو كل شي سكتت و طول سكرت ع الموضوع روحت لحوش وانا نفكر ف كلام خالتي

و تذكرت الورقة الي قالي خوي وقعي عليها من غير ما تقريها وما كانش عندي حل نعرف شن فيها إلا إذا طالبت بحقي و بورث امي بس ما عنديش من يدافع عليا و ياخدلي حقي إلا شخص واحد …… …..