الفصل الحادي عشر

رواية أحفاد نصار الجزء الحادي عشر 11 بقلم دنيا كريم أحفاد نصاررواية أحفاد نصار الحلقة الحادية عشر “المُنقذ في ورطة” . ارتسمت ابتسامة ساخرة على ثغر «اكرم» من ردة فعل «يزن» و التي كانت توحي برعبه منه ليقول بنفس نبرته الساخرة: ” شوفت عفريت ولا اي ؟ نفى «يزن» برأسه سريعًا ليقول بتلعثم بسبب توتره : ” لا لا ما… مافيش حاجة” قلب عيناه ليسأله بملل : ” ها تفضل موقفني على الباب ؟ ابتعد عن الباب بسرعة و قال : ” اتفضل ”

دلف الي الداخل و جلس على الأريكة وهو يطالعه بأستمتاع وهو يرى خوفه منه أو من أي غدر قد يحدث له ، ليقول و هو يضع يداه خلف رأسه : ” اقعد يا يزن يا حبيبي واقف ليه ؟ جلس على احد الارائك و التي حرص على أن تكون على بُعد مناسب منه ، ما جعل «اكرم» يقهقه عاليًا بسبب فعلته و يقول باستهزاء : ” يعني أنا مثلًا لو حابب اضربك المسافة دي ممكن تمنعني ؟

، أو انت فاكر انك ها تعرف تجري اصلًا لو انا كنت عايز اضربك فعلًا حتى لو على بُعد مسافة اكبر من دي ؟ ابتلع «يزن» ريقه بخوف و قال محاولًا التبرير : ” لا أنا ما…” قاطعه «اكرم» الذي تحدث بجدية للمرة الأولى منذ مجيئه : ” تعالى اقعد يا يزن مش ها اعملك حاجة ” حرك رأسه ليسأله بعدم تصديق: ” يعني مش ها تضربني بجد ؟؟ اومأ برأسه وهو يضحك ليشير له على الأريكة المجاورة له قائلًا : ” اضربك اي بس تعالى يا عم اي شغل العيال ده ”

اطمأن «يزن» قليلًا من كلماته ليذهب و يجلس على تلك الأريكة التي أشار له عليها و مازال يأخذ حذره ما جعل «اكرم» يطالعه بأنزعاج و يقول بتحذير : ” لو فضلت تعمل كده ها اضربك بجد ” في تلك اللحظة جلس بسرعة متجنبًا غضبه ليجلس «اكرم» بأريحية على الأريكة و يقول بهدوء : ” انا اتكلمت مع البنت الي انت خبطها أو الي كنت ها تخبطها امبارح و عرفت كل حاجة ” اومأ له «يزن» ليقول سريعًا : ” و الله العظيم ماكنت اعرف انها ها تعمل محضر ”

اومأ له «اكرم» وقال بهدوء : ” عارف يا يزن ” ثم اكمل بملل : ” خلاص الموضوع اتحل ،اقفل بقى السيرة دي و خلينا في المهم ” اومأ له ليسأله بأهتمام : ” اي هو المهم ؟ ” ابوك ” كانت كلمة واحدة و كانت كافية بأن تجعله يتأفف بأنزعاج و يعلوا الضيق وجهه ، ليكمل «اكرم» حديثه متجاهلًا انزعاجه : ” روح صالح ابوك يا يزن و اعقل كده انت مش صغير ” ليرد عليه الاخر بهجوم : ” هو الغلطان ” ” يزن ”

كانت نبرته تحذيرية ما جعله يصمت رغمًا عنه ، ليتحدث «اكرم» قائلًا بجدية : ” حتى لو هو الي غلطان انت الي تعتذر علشان هو ابوك… من امتى كان المفروض الاب الي يعتذر لابنه ؟ نفى برأسه و قال بنبرة حادة : ” انا عملت كده و نزلت اصالحه امبارح راح طاردني من الشقة و مارضيش يسمعني ” رأى «يزن» تعابير الدهشة التي علت وجه الجالس أمامه ليكمل بسخرية: ” ما تستغربش هو ده ابويا ” اغمض «اكرم» جفنيه محاولًا كبح انفعاله

لينهض من مكانه و يقول : ” انا ها انزل اتكلم معاه و بعد كده ها اجي اخدك تكلمه ” ليُشير له بسبابته مُنبهًا : ” و ها تعتذر ها ” كاد يجيب لكن قاطعه صوت دقات على باب الغرفة ليفتح «اكرم» الذي كان أقرب الي الباب ليجدها «سما» و التي قالت بعد دلوفها الي الداخل : ” ازيك يا اكرم ” لتوجه حديثها من بعد ذلك الي شقيقها و تقول بانزعاج: ” ممكن اعرف انت بتعمل اي هنا ؟ حرك كتفيه وقال ببرود : ” ابوكِ طردني ”

اختفت ملامح الانزعاج من على وجهها ليظهر محلها الحزن ، لتقول بلطف : ” طب ممكن يا يزن تنزل و تتكلموا ؟ اشار لها بسبابته قائلًا بنفاذ صبر : ” هو أنتِ لسه عارفة ابوكِ امبارح يا سما ” تنهدت بحزن لتنظر الي «اكرم» و تقول برجاء : ” كلموا يا اكرم ” اومأ لها و قال وهو ينظر إليه بطرف عينه: ” احنا اتكلمنا فعلًا و اتفقنا و هو ها ينزل معايا ”

اومأت له بابتسامة ممتنة ليغادر بعد أن نبه على «يزن» أن يلحق به ليفعل «يزن» كما طلب منه و يذهب الي الاسفل على مضضٍ لكي يحل ذاك الخلاف الذي بينه و بين والده ، غادر و اصبحت «سما» وحدها داخل النادي للتجه الي الشُرفة تجلس بها لتنعم ببعض الهدوء بعد أن ارهقها كل تلك الخلافات التي تحدث بين عائلتها يوميًا ، اخذت تنظر إلي الاشياء حولها بشرود ليقطع ذاك الشرود صوت نقر على الحائط ، التفتت بجزعها العلوي لترى مصدر الصوت لتجده «طارق» و الذي كان يستند بذراعه على الحائط و ينقر عليه بواسطة خاتمه الفضي قاصدًا لفت انتباهها ، ليقول

بابتسامة فور التفاتها له : ” بقى الواحد داخل يتفرج على النجوم و الشمس يلاقي السما كلها قاعدة في البلكونة ؟ كادت تبتسم على ما قاله لتردع نفسها سريعًا و ترسم ملامح جادة لا تليق بها ، لتقول وهي تعود بنظرها الي الامام : ” اللهم اني صايمة” دلف الي الداخل بعد ان كان يستند على الباب ليقف بجانبها تاركًا مساحة مناسبة بينهم ليسألها بعد ذلك بمشاكسة : ” مين الي مضايق سمايا ”

نظرت إليه و مازالت متمسكة بملامحها الجامدة ، لتُجيب على سؤاله بسؤال آخر و بنبرة أظهرت ضيقها : ” عايز اي يا طارق ؟ صمت قليلًا ليسألها مرة أخرى لكن هذه المرة ببعض الجدية: ” مالك يا سما ؟ و كأن بهذا السؤال ضغط على قنبلة موقوتة لتنفجر به قائلة بغضب : ” زي الزفت ، زهقت و تعبت من كل الي بيحصل ، خناقات بابا و يزن الي مش بتخلص ، يزن الي مش ناوي يعقل و الي ضحك عليا امبارح و خد عربية اخوك من وراه و عمل بيها حادثة ، و…”

صمتت لبرهة لتكمل بنبرة حملت الكثير من الغيظ : ” و انت يا طارق اكتر واحد السبب في الي انا فيه ده ” كان يستمع إليها في هدوء ليُشير على نفسه و يسألها بدهشة بعد أن القت الاتهام عليه : ” انا !! … انا عملت اي ؟ رفعت أحد حاجبيها لتسأله بسخرية: ” بجد مش عارف عملت اي ؟ ، طيب تمام افكرك… انت عارف لو كان بابا ولا حد سمع الي انت قولته امبارح كان اي الي حصل ولا مش عارف ؟ حرك كتفيه ليقول ببراءة زادت غيظها منه أضعافًا :

” ما انا كنت بقول الحقيقة… اكدب ؟ أشارت له بسبابتها قائلة بتحذير : ” بص يا طارق ، انا شايفاك شخص مُلتزم و محترم فا ياريت ما تخليش نظرتي ليك تتغير ” انهت جملتها و تركت المكان بأكمله و غادرت بينما ظل هو واقفًا مكانه يتابع رحيلها حتى اختفت عن ناظريه ليتنهد بقلة حيلة و يحدث نفسه قبل أن يغادر قائلًا انت شكلك وقعت يا معلم ” _قبل «يزن» رأس والده ليقول بندم: ” حقك عليا يا حاج ما تزعلش”

اومأ له والده برضا ليتنهد «اكرم» الذي كان يتابع ما يحدث بهدوء ، ليسألهم بعد ذلك : ” ها خالصين كده ؟ اومأ له كلاهما ليقول وهو يتجه ناحية باب المنزل كي يغادر: ” طيب تعالى بقى يا يزن علشان عايزك في موضوع كده ” تأفف «يزن» بأنزعاج ليسأله بنفاذ صبر: ” في اي تاني هو مش انا صالحت الحاج زي ما انت قولتلي ؟ عايز اي تاني بقى ؟ قلب «اكرم» عيناه بملل ليقول بنبرة غير قابلة للنقاش قبل أن يترك الشقة و يصعد الي الاعلى :

” تعالى بقولك عايزك ” صعد خلفه وهو يتمتم بضجر ليتجه «اكرم» الي حيث السطح و الذي لا يفصل بينه و بين شقة عمه سوى الدرج بما انها تقع في الطابق الذي يعلوه السطح تمامًا ، ليقابل «سما» التي هبطت من الأعلى و على وجهها علامات الانزعاج لتمر من جانبه دون النظر إليه حتى و تفعل المثل مع شقيقها ، لينظر «يزن» في أثرها و يقول بدهشة : ” مالها دي ؟

لم يُعلق «اكرم» على ما حدث و اكمل الصعود الي الاعلى ليجد «طارق» يقف أمام باب السطح و يغلقه ، ليسأله بشك : “بتعمل اي هنا يا طارق ؟ التفت له «طارق» سريعًا عندما سمع صوت شقيقه ليظهر عليه التوتر و يقول بتلعثم: ” لا أنا… انا كنت ” صمت بعدما لم يجد ما يقوله ليبحث بعينه حوله عن حُجة مقنعة ولا يشك بها شقيقه لتقع عيناه على ذاك الخاتم الفضي الذي يرتديه ليرفع كفه بسرعة و يقول : ” الدبلة… كنت بدور عليها علشان نسيتها هنا ”

اومأ له «اكرم» بهدوء في نفس التوقيت الذي وصل فيه «يزن» إليهم لينظر إلي كل من «طارق» و «اكرم» ليسألهم بحيرة بعدما رأى نظراتهم الغريبة: ” في اي ؟

نفى «اكرم» برأسه بمعنى لا شيء ليغادر «طارق» سريعًا تحت نظرات كل منهم ، أخرج «اكرم» مفتاح من جيبه و بدأ يفتح ذاك الباب الذي اغلقه شقيقه للتو ليلاحظ تركيز «يزن» على الدرج في اثر «طارق» و بنظرات غريبة ، ليقول محاولًا لفت انتباهه كي لا يُفكر في اي شيء أو بمعنى أدق الا يربط خيوط الاحداث التي تحدث و يكتشف أن هناك علاقة بين شقيقته و شقيقه هو : ” هو كان بيدور على الدبلة اصل بعيد عنك مايقدرش يستغنى عنها ”

انتبه له «يزن» بالفعل لينظر إلي ذاك الأسوار الذي يرتديه عندما ذكر أن شقيقه لا يستطيع أن يتخلى عن خاتمه ، ليقول بابتسامة : ” انا كمان ماقدرش استغنى عن الانسيال ده ” نظر «اكرم» إلي ذاك السوار لومئ له بهدوء ليدلف الي الداخل من بعد ذلك ه «يزن» ، جلس «اكرم» على الأريكة بأريحية ليسأله وهو يضع قدم فوق الاخرى: ” قولي بقى اي الكارثة الي انت روحت تلحقها بعربيتي؟

بهتت ملامحه ليبتلع ريقه بصعوبة تحت نظرات «اكرم» المصوبة عليه و التي تخبره بأنه لا مهرب من أخباره بما حدث .

_في شقة «محمود» كانت «مروة» تقف بالمطبخ تُعد الطعام و تساعدها ابنتها الصغرى «هنا» و التي هي بالنسبة لهم اليوم ليست على طبيعتها أبدًا فـ «هنا» معروفة بكرهها للأعمال المنزلية و الطهو لذلك كانت دهشة بالنسبة لوالدتها أن تساعدها في المطبخ اليوم و برغم دهشتها الا انها كانت سعيدة ظنًا أن ابنتها أصبحت تحاول تحمل المسؤولية ولا تعرف الحقيقة أبدًا خلف مساعدتها لها اليوم ؛ كانت «مروة» تقف أمام الموقد تقوم بتقليب الطعام عليه بينما «هنا» كانت تقطع الخضروات على الطاولة الرخامية بجانبها و تدندن ببعض كلمات الاغاني

التي كانت تصف حالتها الان: ” يا حبيبي حبيتك ، يا نجم ساكن فوق ، ماخطرش على بالي اغرق في بحر الشوق ، احلفلك بعنيك قلبي اهو ملك ايديك احلفلك بعنيك قلبي اهو ملك ايديك… ” دلفت «اسيل» الي المطبخ مع جُملة «هنا» الاخير لترفع حاجبيها و تسألها بسخرية : ” و ده من اي ده ؟ نظرت إليها «هنا» ببرود لتعود الي تقطيع الخضروات متجاهلة اياها ، ما زاد من دهشة شقيقتها ، هل حقًا تفادت «هنا» الشجار معها أو المجادلة ؟

، هذا ما كان يدور في رأسها وهي مُتعجبة لتأخذ زجاجة الصابون التي ذهبت الي المطبخ من أجل إحضارها في الاساس و عادت الي الصالة لتستكمل تنظيفها ؛ انتهت «هنا» من تقطيع الخضروات لتعطي لوالدتها الصحن الذي وضعت به ما قطعته لتتجه بعد ذلك الي الخارج بهدوء لكنها عادت مرة أخرى بعد أن تذكرت شيئًا ما لتسأل والدتها : ” هو صحيح مازن فين ؟ بقالو كام يوم كده مُختفي ومش باين ، في حاجة ولا اي ؟ نفت والدتها برأسها لتقول بهدوء :

” لا مافيش حاجة هو لقى شغل في مكتب كويس و بدأ يشتغل من كام يوم ” اتسعت أعين ابنتها لتكرر خلفها بعدم تصديق و صوتٍ عالٍ : ” لقى شغل ! نظرت إليها والدتها بتعجب من حالة الصدمة التي احتلتها ، لتغادر «هنا» المطبخ و تذهب الي الصالة حيث شقيقتها لتقول لها بصوت خافت و نبرة حملت غيظها : ” شوفتي اخوكِ مختفي بقاله كام يوم ليه ؟ نظرت إليها شقيقتها لتحرك رأسها نافية عن علمها بشيء لتقول «هنا» بغيظ : ” الاستاذ لقى شغل ”

اتسعت أعين «اسيل» هي الأخرى لتقول بعدم تصديق : ” لقى شغل ازاي يعني ؟ هو مش المفروض مازن ده الي اتخانق مع بابا اول يوم جينا هنا و قاله أنه مش ها يقعد هنا و ها يمشي ! ، اي الاستقرار الي نزل عليه مرة واحدة ده ؟ ضربت «هنا» كفًا فوق الآخر لتقول بقلق : ” احنا لازم نتصرف علشان شكل الظاهر كده انهم بدأوا يحبوا المكان هنا ” اومأت لها شقيقتها مؤكدة لتقول وهي تعود لترتيب المكان :

” بصي انا بصراحه عايزة اكمل رمضان في هدوء علشان كده نقضي الشهر ده كده نتبسط و نعتبرها فُسحة و بعد كده بقى نشوف ها نعمل اي ” رمقتها «هنا» بأنزعاج لتقول وهي تغادر متجهة إلي غُرفتها : ” و اللهِ شكلك أنتِ كمان حبيتي القاعدة هنا ” ضحكت «اسيل» عليها لتتلاشى تلك الابتسامة تدريجيًا بعدما بدأت بالتفكير بجدية في حديث شقيقتها للتو لتشعر بقلق غريب يجتاحها من فكرة أنها قد أحبت البقاء هنا بالفعل !

_جلس «يزن» بتوتر من نظرات «اكرم» له ليُعيد «اكرم» سؤاله بعدما طال صمته : ” ها ماقولتش اي المصيبة الي كنت رايح تلحقها ” تنهد «يزن» بعمق قبل ان يبدأ بسرد ما حدث : ” من حوالي كده شهر مثلًا من أول يوم جينا هنا لما اتخانقت مع بابا و سيبت البيت و مشيت ، ماكنتش اعرف اي حد هنا ولا اماكن لقيت نفسي دخلت كافيه قعدت فيه لحد ما اهدى ، شوية و زهقت و قررت امشي و خلاص و انا عند الباب و ها امشي لقيت واحدة خرجت من جوا

بتجري و كان وراها مدير المكان ، استخبت ورايا وهي بتعيط راحت اترجتني اني اخليه يسبها لانه كان متهمها أنها حرامية و سرقته… ساعتها ماقدرتش ماتصرفش هو كان بيتهمها أنها حرامية و سرقته و انا وقفتله و خليتها تمشي ” صمت قليلًا لينظر إلي «اكرم» و الذي كان يستمع إليه في هدوء ليكمل ما بدأ قائلًا :

” الموضوع خلص و هي مشيت و انا مشيت و عدت فترة و اتقابلنا صُدفة ، كانت شغالة في كافيه مختلف و انا كنت بروح هناك علشان كنت بدور على شغل في المنطقة دي فا كنت برتاح هناك ، مرة ورا التانية خدنا ارقام بعض ماكناش بنتكلم كتير يعني تقدر تقول اصدقاء بس ” اطلق تنهيدة تليها ابتلاع ريقه ليكمل السرد وهو ينظر إلي الفراغ من أمامه :

” امبارح و هي العشا بتأذن و انتوا بستعدوا تنزلوا على فكرة أنا كمان كنت بلبس و بظبط نفسي علشان اجي معاكم ، جالي مكالمة منها ولما فتحت لقيتها بتعيط و تقولي الحقني ، مافكرتش حسيت دماغي اتشلت عن التفكير و لقيت نفسي باخد مفتاح عربيتك و نازل جري ، روحت هناك المكان الي قالتلي عليه لقيتها واقفة في الشارع لوحدها و بتعيط سألتها على الي حصل قالتلي أن في شباب ضايقوها وهي راجعة من الشغل و واقفين على اول الشارع مش راضين يخلوها تروح و هي استخبت هناك و اتصلت بيا ، خدتها في العربية و روحتها و انا راجع حصل الي حصل ”

اومأ له «اكرم» في تفهم ليسأله من بعد ذلك: ” طب و انت اتأكدت منين أنها مش حرامية فعلًا و مدير الكافيه ماكنش بيتبلى عليها ؟ حرك رأسه بعدم تصديق ليقول بأنزعاج : ” اي يا اكرم الي انت بتقوله ده ؟ ، روان محترمة و كويسة وهو كان باين عليه اصلًا أنه راجل مش تمام وهو بيعمل كل ده علشان هي يتيمة مالهاش حد في الدنيا ” ” يزن فكك من الحوارات دي و اعقل ”

قال «اكرم» جُملته لينهض و يغادر بينما ظل «يزن» جالسًا مكانه ينظر إلي الفراغ بشرود ليزفر بضيق عندما يتذكر كلمات «اكرم» له مرة أخرى .

_اقترب اذان المغرب و بدأ الجميع يعدون الطاولات داخل شققهم فاليوم كل منهم سيتناول الافطار مع عائلته ، كان الجميع في شققهم تقريبًا عدا «يزن» الذي ظل بالسطح و رفض النزول ما جعل «مؤمن» شقيقه يُضطر للذهاب و شراء طعام و إعطاءه له لكي يأكل بما أنه صائم ، كان «مؤمن» قد اشترى الطعام الذي طلبه منه شقيقه من الخارج و عاد ليعطيه له و في أثناء صعوده الدرج سمع صوتًا يناديه من الاسفل ليلتفت الي مصدر الصوت ليجدها ابنه عمه «نور»

و التي قالت بابتسامة : ” مؤمن ازيك ؟ اومأ لها ليقول بابتسامة مماثلة لخاصتها : ” الحمد لله كويس ، و أنتِ ؟ اومأت له و قالت : ” الحمد لله كويسة… رايح فين كده ؟ رفع تلك الأكياس التي كان يحملها في يده ليقول بقلة حيلة : ” جايب اكل للاستاذ يزن الي حب قاعدة السطح و مش راضي ينزل يفطر في بيتنا ” ” و يزن قاعد في السطح ليه ؟ سألته بأستغراب ليُجيب بسخرية : ” عايز يتقوقع فوق لوحده ، شايل الهم يا عيني ” ضحكت بقوة على

سخريته لتقول ببعض الجدية : ” عادي يا مؤمن اكيد كلنا بيجي علينا اوقات بنبقى عايزين ننفرد بنفسنا و نفكر كده و نراجع نفسنا ” اومأ لها ليقول بتفهم : ” فعلًا و علشان كده انا سايبه يمكن ربنا يصلح حاله لو قعد و راجع نفسه ” كاد يصعد الي الاعلى ليتوقف مرة أخرى و ينظر إليها ليسألها بأستغراب بعد أن أدرك أنها تقف بالطابق الثالث الخاص بعمها «محمود» : ” الا صحيح أنتِ رايحة فين كده ” ضحكت فجأة بينما ظل هو ينظر إليها بتعجب لتقول

هي من بين ضحكاتها ببلاهة : ” طالعة اشوف عند طنط مروة بصلة ” رمش بعينيه عدة مرات لترتسم ابتسامة على ثغره وهو يقول بعدم فهم : ” بصلة ازاي يعني ؟ حركت كتفيها وقالت ببلاهة : ” ماما لقت البصل عندنا خلص قالتلي اطلع اشوف عند طنط مروة بصلة علشان تكمل الاكل ” حرك رأسه بيأس و هو يضحك لتبادله هي الضحك ليقول بسخرية وهو يصعد الي الاعلى : ” أما اطلع ادي للبصلة الي فوق اكلها ”

غادر تحت ضحكاتها لتذهب هي من بعد ذلك الي شقة عمها و تدق الباب لتسأل زوجة عمها عن ما طلبته منها والدتها . _في شقة «محمد» ، كان «طارق» مُمددًا على الفراش يعبث بهاتفه بملل ليجد باب الغرفة قد فُتح فجأة و دلف «اكرم» الي الداخل ليسأله «طارق» بدهشة من طريقة دخوله المفاجئة: ” اي يابني مالك داخل كده ليه ؟ اقترب «اكرم» من الفراش الخاص بشقيقه ليقف أمامه و يُشير له بيده بالنهوض ليحرك «طارق» رأسه و يسأله بعدم فهم :

” في اي يا اكرم ؟؟ ” قوم بس ها اقولك ” قالها «اكرم» بنبرة متوعدة جعلت شقيقه يشعر بالريبة لينهض و يقف أمامه و قبل أن يسأله عن ما يُريده امسكه «اكرم» من ياقة قميصه و قال بغيظ : ” بتستغفلني يالا ؟ ، انا تجرني في الكلام لحد ما اقولك ان سما قاعدة في السطح و تروح طالعلها ؟ اتسعت أعين «طارق» ليقول بتوتر وهو يحاول ابعاد يد شقيقه : ” لا على فكرة أنا ماطلعتش عل…” قاطعه «اكرم» قائلًا بغيظ :

” لا طلعت علشان هي كانت فوق ماهو مش طبيعي أنها تبقى قاعدة فوق عادي و فجأة تنزل متضايقة و حضرتك كنت فوق معاها ، يبقى مين الي ضايقها العفش مثلًا ؟ ، رد قول عملتلها اي يالا ؟ استطاع أخيرًا التحرر من قبضته ليقول بغضب وهو يعدل من وضعية ملابسه : ” انا ماعملتلهاش حاجة هي اصلًا كانت متضايقة انا مالي ” رفع «اكرم» أحد حاجبيه ليقول بسخرية : ” ها اصدقك حاضر ” ” و الله تصدق ماتصدقش براحتك ”

قالها «طارق» وهو يلوح بيده بعدم اهتمام ما أثار غضب شقيقه ليمسكه من تلابيب قميصه و يسأله بحدة و صوت مرتفع : ” في اي بينك و بينها ، رد بدل ما و اللهِ العظيم ها تبقى ليلة سواد عليك يا طارق ، ماهو لو ابوك ماعرفش يربيك انا ممكن اربيك عادي ”

دلف كل من والديه الي الغرفة عندما ارتفع صوت «اكرم» ليجدوا هذا المشهد الذي صدم كلاهما و هو كالتالي ، «اكرم» يمسك شقيقه من تلابيب قميصه و «طارق» يطالعه بنظرات نارية و كل منهم يستعد للاشتباك مع الآخر ، لتصرخ «داليا» و تقول بصدمة : ” اي الي انتوا بتعملوه انتوا الاتنين ده ؟ تدخل والدهم في تلك اللحظة ليُبعد كل منهم عن الآخر عنوة و يقول بعدم تصديق : ” عايزين تضربوا بعض انتوا الاتنين ؟!

، الي ماعملتوهاش و انتوا صغيرين جايين تعملوها دلوقتي ؟؟ شملهم بنظراته المعاتبة ليقول وهو يُشير لهم ناحية بعضهم : ” يا كل واحد يتأسف لأخوه دلوقتي ” ليُشير بعد ذلك على باب المنزل و يُكمل : ” يا اما انتوا الاتنين برا و مش عايز اشوف وش حد فيكم لحد ما تعرفوا انتوا عملتوا اي ” نظر «طارق» ناحية شقيقه ليقول بحقد : ” انا مش ها اعتذر لحد ”

ليترك المنزل و يغادر تحت نظرات والديه المصدومة و قبل أن يفعل «اكرم» المثل و يغادر أوقفته والدته بسؤالها المتلهف لإجابة : ” اي الي حصل يا اكرم ؟ نظر إليها ليتنهد و يقول : ” ما تشغليش بالك يا ماما ” ترك المنزل و غادر ليحرك والده رأسه و يقول بيأس : “بقى دي اخرت تربيتي فيهم كل السنين دي ” ربتت «داليا» على كتفه لتقول مطمأنة اياه رغم أن القلق ينهش بها :

” ما تقلقش هما تلاقي من الصيام و الحر انفعلوا بس و بعد الفطار ها تشوف ها يتصالحوا ازاي ” حرك رأسه ليقول بسخرية : ” بقى أنتِ الي بتطمنيني يا داليا ؟ ، ده أنتِ تلاقيكِ عايزة حد يطمنك ”

_تبقى دقائق على إطلاق مدفع الافطار ، قد استعد الجميع و جلسوا حول طاولة الافطار منهم من ينتظر الاذان كي يبدأ بطعامه و إتمام صيامه ، و منهم من يجلس على طاولة الافطار و لكن عقله شارد في أشياء أخرى و القلق يملأ قلبه ؛ بداخل شقة «نجاح» كانت «بسمله» تُعد طاولة الافطار و تضع عليها الطعام لتسمع صوت جرس الباب لتضع ذاك الصحن الذي كان بيدها و تتجه الي الباب وهي تقول بصوت عالي نسبيًا : ” حاضر جاية ” فتحت الباب لتجدها

والدتها لتسألها بأستغراب : ” اي يا ماما هو بدر ماجاش ؟ نفت والدتها برأسها و قالت بهدوء ينافي القلق الذي بداخلها : ” لا كنت قاعدة مستنياه علشان يجي نفطر سوا و لما لقيته اتأخر اتصلت بيه بس تليفونه مقفول قولت اكيد مالحقش يجي و ها يفطر مع زمايله في الصيدلية ” اومأت لها ابنتها لتبتعد عن الباب لتسمح لوالدتها بالدخول لتقول وهي تغلق الباب بعد دلوف والدتها الي الداخل :

” تلاقيه ها يجي بعد الفطار ما تقلقيش ، اقعدي بقى افطري معانا بدل ما تفطري لوحدك ” اومأت لها والدتها ليتجها معًا الي حيثُ مائدة الطعام و التي جلست عليها جدتها للتو ، جلسوا جميعًا لتسأل «نجاح» حفيدتها التي كانت اقوم بصب المشروبات : ” هو فين اكرم يا بسمله مش قولتلك قوليله يقعد يفطر معانا ؟ اومأت لها لتقول مؤكدة : ” أيوة و انا قولتله و قالي ماشي بس عنده حاجة ها يعملها و يجي على الفطار ، زمانه جاي ”

اومأت لها جدتها ليُطلق مدفع الافطار متزامنًا مع رنين جرس الباب ، لتنهض «بسمله» و تقول وهي تتجه الي الباب: ” تلاقيه اكرم ” فتحت الباب لتجده ذاك الفتى الذي يُدعى «عثمان» و الذي يبلغ من العمر سبعة عشر عامًا و يعمل مع «بدر» في الصيدلية كمتدرب ، عقدت «بسمله» حاجبيها لتسأله بدهشة عندما وجدته يلهث اثر ركضه: ” في اي يا عثمان مالك ؟ التقت بعض الأنفاس ليقول بصوت متقطع : ” الحكومة جات خدت دكتور بدر من الصيدلية يا أبلة بسمله “