الفصل التاسع

رواية عشقي حورية الجزء التاسع 9 بقلم إيمان ابراهيم عشقي حوريةرواية عشقي حورية الحلقة التاسعة وصيفة لما بصت ولقت كرم وشها اصفر وروحها كانها بتتسحب منها كرم مسكها من دراعها وغرس ضوافره فيها وقالها

بصوت كانه من الجحيم : هى حصلت تعمل عمل لود اخوى يا وليه ياناجصة يا جاحدة ياللى متمرطش فيكى العشرة 😡😡😡 ده انا هوريكى سواد زى عملك الاسود والله العظيم لولا ولادى دول لكنت رميت عليكى اليمين لكن انتى ليكى تصريف تانى عندى فوتى جدامى فووتى يلا وراح شدها وهى مخروسه مش قادرة تنطق !!!

اما الدجال ده فكرم كان مبلغ عنه لانه اصلا نصاب ونصب على ناس كتييير والبوليس جه اخده وهياخد جزاءه لانه كان مدارى عندهم فى البلد واخيرا غار فى ستين داهيه . كرم لما رجع مع وصيفه محمود كان شايفه محمود عارف كل حاجه صفيه قالتله كل حاجه ومحمود هو اللى عرف كرم ولما عرف من بدور انها كانت خارجه للدجال قال لكرم محبش يدخل وساب كرم يتصرف معاها . فلاش باك

عتجول اييه يا محمود وصيفه عتروح لدجال عشان عمل ولمين لعدى انا عجلى هيشت منى لطفك يارب يارب وانت عرفت كييف محمود رد : صفيه خلت بدور تراجبها واول ما عرفنا جيت وجلتلك عشان تتصرف ديه مرتك وانتى اولى بيها بس اوعاك تودى نفسك فى داهيه مش عشانها هى متستاهلش انى عشان ودك وبنتك ملهمش زمب انها امهم !!

كرم قاله : الله يسامحه ابووى ياما جلتله انها مش هى دي وانى مش رايدها وابوك حكم رايه وادى اخرتها ده غير طبعا العفش ولا حنيه ولا كلمه زينه رغم انى عاملتها بما يرضى الله ومحرمتهاش من ايوتها حاجه حتى حج ربنا مكنتش امنعه رغم انى جلبى ربنا اللى عالم بيه اللهم انى استغفرك واتوب اليك !!! محمود قاله : وحد الله ياولد ابوى ربنا هيكرمك كييف ما اكرمتها ولعله خيير محدش يعلم الغيب الا ربنا .

كرم قاله : ونعم بالله ربنا يخليك ياخوى طول عمرك مش اخوى بس لاه كنت كيف ابوى ويمكن احن وكلامك بيخفف عليا المر اللى بحسه فى جلبى ومتخافش انى خابر هسوى كييف مع بنت …. دى والله لتشوف . عودة للحاضر

لما كرم طلع على الاوضه ووصيفه قالها وهو مكشر عنيه بطق شرار اسمعى انتى تلمى خلجاتك كلها متخليش اى حاجه من ريحتك اهنى واصل وهتجعدى فى بيت الضيافه لاخر يوم فى عمرك وانتى من دلوك متحرمه عليا حرمة الام والاخت وانى اسوى كييف مابدى اتجوز ولا متجوزش ولا اسمعلك حس انتى سامعة !!!

وصيفه بصتله وهى بتعيط : احب على رجلك ياكرم حجك عليا والله مش هعمل حاجه تانى افضل اهنى مش هطلع واصل بس خلينى جارك هيهون عليك تتجوز عليا بعد العمر ده !!! 😲😲😲 كرم بصلها وقالها : انتى اكيد مخك ده جراله حاجه انتى الحديت خسارة وياكى نفذى كلامى والا جسما بالله ارمى اليمين يلا اخلصى 😡😡😡 . وصيفه لمت كل حاجتها وفعلا راحت

بيت الضيافه وكرم قالها : ان حد من الولاد سال انتى جيتى اهنى لييه هتردى بكلمه واحده مفيش غيرها والا هجطع خبرك انى انا امرت بكده فاهمه ولا لاه وولا كلمة زيادة وانى عليا الباجى وهتاجى كتب كتاب ولدك عادى وهتضحكى وتجومى بالواجب وعلى الله تزعلى محمود ولا مرته بكلمة ولا بنظرة حتى . وسابها ورزع الباب وراه . وهى فضلت تعيط وتخبط على دماغها من الندم والحسرة .

رحيم كان فرحان وبيستعد لكتب كتابه على حبيبة قلبه دليله وهى كمان الفرحة مكنتش سايعاها لانها حست وشافت حب رحيم ليها وحنيته عليها وكانت عماله توضب شويه حاجات فى شقتها لان باباها بانى دور لكل واحد عشان يحس بالخصوصيه ويبقوا على راحتهم وكانت بتوضب حاجات وبدور نزلت تجيب شويه حاجات دليله طلبتها ورحيم برضه كان عايز يحط حاجات ليه ودليله كانت رايحة تستعجل بدور وهى خارجة راحوا خبطوا فى بعض لدرجه دليله كانت فى حضن رحيم حرفيا وايده كانت محاوطاها وهو فضل ماسك

فيها كانه ماصدق وقالها: وهو بيبص فى عنيها بصوت دوبها وحشتينى جوى جوى يا جلب رحيم حجك عليا اذا كنت وجعتك مكنتش اعرف انك موجودة والله ولو انى حظى حلو انى لاجيتك انى مش عارف اتلم عليكى واصل ومستنى اللحظة اللى هتجمعنى بيكى عشان ادوجك عشج رحيم يا جلب رحيم انتى . دليله كانت دايبه من كلامه ورجليها معدتش شايلاها وقالتله

بصوت مبحوح من كتر كسوفها : وانا كمان يا رحيم مستنيه اللحظة دى اوى بس حاسب بقى احسن بدور زمانها جايه واذا شافتنا هتبقى كارثه والنبى وبتحاول تفلت منه لكن هو كان حاكم مسكته وهى زى الكتكوت فى ايديه وشكلها يجنن وخدودها محمرة من كتر الكسوف وده جننه اكتر !! قالها : يخربيت حلاوتك دى اللى جننت امى كل ما تتكسفى عجلى هيشت منى مجادرش ياناس والله 😄😄😄 خلى بدور تاجى حتى يعجلوا بالموضوع وتبجى مصلحة 😄😄.

دليله : راحت زقاه وعرفت تفلت منه وراحت ضارباه بهزار على كتفه وقالتله : انت مجنون وربنا امشى بقى امشي احسن والله عدى ولا بابا اذا اخدوا خبر انت عارف بقى هيعملوا فيك اييه !! رد عليها : خلاص خلاص ماشي اهااا بس خدى دول حطيهم بيدك الحلوين دول محدش يلمسهم غيرك يا جلبى بالاذن يا حب وراح خطف بوسه من خدها ومشى بسرعة 😄😄 راحت دليله قالت بعد ما مشى وهى حاطة ايدها مطرح البوسه

وايدها التانيه على قلبها : يا قليل الادب ☺️☺️ بس بحبه يخواتى بحبه وراحت تحط الحاجه اللى ادهالها قبل ما بدور تيجى . عدى وحوريه كانوا مشغولين عشان المناقصة اللى كانوا داخلين فيها وفى نفس الوقت عدى مكنش بيفوت اى فرصه تيجى يقرب من حوريه ويروحلها مكتبها ويجننها بحبه وعشقه ليها رغم انشغالهم لكن اهم حاجه عنده انه يوصلها انها رقم واحد عنده مهما كان مشغول وهو كان معها راح بصلها وشال شعرايه كانت

نازله على جيبنها وقالها : هو انتى حلوة كده علطول حتى وانتى مشغوله انا مش عارف اشيل عينى من عليكى ولا عايز اسيبك لحظة وراح مقرب منها

ولف ايده على وسطها وقالها: حوريه انا خلاص مش قادر انا عايز اكتب كتابى عليكى اييه رايك نكتب كتابنا مع رحيم ودليله عارف انك عايزة يبقى يومك لوحدك بس والله مش قادر ومش ضامن افضل ماسك نفسي عنك كتيير انا ببقى هتجنن وانت بعيد فكرة انك فى مكان وانا فى مكان بتقلتنى هااا يا عشق عدى قلتى اييه قولى انك موافقة وطفى النار اللى قايدة فيا دى !!

حوريه كانت بتسمعه وكانها مسحورة كانه قال تعويذة سحر وعشق خلتها مسلوبه الارادة قدام الحب والعشق ده وردت عليه بكلمة واحدة : موافقه يا قلب حوريه . عدى لما سمع الكلمة منها : راح حضنها وهو بيقول بصوت عالى يااااااااابوى بعشجها ياخلج والله بعشجها وحط ايده الاتنين على خدها بقى وشها فى حضن ايده وباسها من راسها بوسه طويييله وقالها: خلاص يا جلب عدى انا هقول لعمى منصور انى عايز كتابى عليكى وهيبقى دخلة كمان اتفقنا يا حبيبتى !!

حوريه ردت عليه وعينها فيها دموع الفرحة : اتفقنا يا حبيبى طبعا . عدى خرج من مكتبه على مكتب منصور عدل 😄😄 وخبط عليه كان فى كبسه لدرجه ان منصور اتخض وقال : فى ايه مين ادخل 😄 عدى دخل راح منصور قاله : اييه يابنى دخلة المخبرين دى قلبى كان هيقف ايييه مالك المناقصة حصل فيها حاجه !!! والله اروح فيك فى داهيه انتى وبنتى ومهتشوفوا جواز 😄😄 عدى قاله : لا يا عمى اطمن كله تمام وهنكسبها ان شاء الله انا جايلك فى حاجه اهم بكتيير !!

منصور قاله : خيير الحاله دى انا عارفها المجنونه اللى عندى بتبقى كده لما تبقى فرحانه قول هات ما عندك 😄

عدى قاله : انا طالب منك طلب والنبى ياعمى ترضى عشان قلبى يرتاح انا عايز اكتب كتابى على حوريه ودخلتنا تبقى فى نفس اليوم وحضرتك عارف ان اختى وابن عمى هيكتبوا كتابهم قريب وانا نفسي يبقى نفس اليوم عارف طبعا انكوا عايزين يوم لحوريه لوحدها وانا سالتها الاول قبل ما اجى لحضرتك وهى معندهاش مانع بس طبعا موافقه حضرتك لازم قبل اى حاجه هااا راى حضرتك ايييه !!! منصور بصله بخبث كده ومفيش اى تعبير على وشه لدرجة ان عدى اتخض شويه

من الوش ده ومنصور قااله : يعنى انتوا اتكلمتوا واتفقتوا وجاييين تدونى خبر قال يعنى بتاخدوا رايي والمفروض انى اوافق بقى !!! عدى سكت وفضل باصص لمنصور !! منصور حس ان عدى كان هيجراله بس عدى رد عليه : انا مش همشي غير لما اخد موافقتك ان شالله ابات هنا !!

منصور ابتسم وقاله : والله انتوا الاتنين مجانين وملوكوش اللى بعض فعلا روح يابنى وقول لابوك يعمل حسابه وخليه يكلمنى انتوا مجانين وعقبال ما تتجوزوا هتجننونا معاكوا ان كان انا ولا ابوك يلا خلينا نجوزكوا ونخلص من الجنان ده😄😄 . عدى قاله : يعنى موافح صوح ياعمى !! منصور قاله : هو انت لما تفرح تقلب صعيدى 😄😄 ايوا ياسيدى موافج وجوى جوى كمان 😄 روح بقى طمن المجنونه التانيه هااا 😉.

عدى قام نط وهو بيقوله حالا اهو هروح اخطفها اصلا 😄😄. منصور قال : اومال عيالهم هيبقوا ازاى يالهوى اذا كانوا هما كده العيال هتطلع عاقله لمين الطف بينا يارب 😄😄. عدى راح لحوريه ودخل عليها وهو بيقولها : عمى وافج يا جلبى وافج حوريه : بجد بجد بابا وافق الحمدلله 😍😍 طيب انت هتعمل اييه يا حبيبى بقى ! عدى : انا هطير عشان قول لابويا وامى وانتى كمان لازم تعرفى مامتك برضه دلوقتى علطول ماشي يا قلبى .

حوريه قالتله : طبعا انا خلصت وهروح وهقولها طبعا هى هتصوت عشان الوقت صعب بس انا هتصرف متقلقش يا حبيبى خلى بالك من نفسك وطمنى لما توصل . عدى : حاضر يا قلبى وانتى كمان خلى بالك من نفسك سلام يا عشقى . عدى راح لعادل وقاله اللى حصل عادل قاله : والله جوز مجانين ماشي ياعم الله يسهله انت هتتجوز وانا هبقى زى القرد لوحدى . عدى قاله : حد حايشك متتجوز البنات ملو الدنيا !!

عادل قاله : لسه اللى تخطف قلبى مجتش ياسيدى لما تيجى بقى عقبالى ياخويا المهم هتعمل ايه ! عدى : هروح الشركة بتاعتى بس اخلص شويه اوراق ضرورى قبل ما ارجع للبلد سلام بقى ومشى ومخدش باله انى نسى التليفون . ومشى وركب العربيه ومعرفش انه نسي التليفون وبدا يدور عليه واكتشف انه نسيه فى الوقت ده عادل شاف

الموبايل بتاع عدى وقال : ياعدى نسيت تليفونك ده لازم اوديهوله فورا مش هينفع كده خالص وقام عشان يلحق عدى فى الوقت ده كان عدى بيحاول يلف عشان يرجع لكن وهو بيحاول يهدى السرعة فرامل العربيه كانت سايبه وكل ما عدى يدوس عليها مش بتهدى خالص لحد ما عدى بدا يفقد السيطرة على العربيه وبدات تعوم منه لحد ما اتقلبت منه على الطريق 😨😨😨 فى الوقت ده عادل نزل وخلاص على الطريق هو كمان وهو ماشي لمح لمة ناس وعربيه مقلوبه قلبه اتقبض وبيبص فضول عشان يشوف اتصدم لما شاف انها عربيه عدى وقال بصوت عالى مرعوب عدى عدى !!!!!!

وراح لافف عشان يروح لصاحب عمره وهو مرعوب ووقف العربيه وصوت الكاتوش عالى من قوة الوقفه ونزل عادل جرى وراح لعدى : وكانوا الناس طلعوه الحمدلله من العربيه بس طبعا متعور جامد وعادل سنده على صدره وقاله: عدى عدى رد عليا والنبى يا صحبى فوق فوق عدى بدا يفتح عينه بتعب وزغلله وقاله وهو بينهج : عادل الحمدلله ياصحبى

انك موجود عادل قاله : الحمدلله خليك بس معايا الاسعاف جاى حالا والاسعاف جه واخدوه على اقرب مستشفى والونش جه واخد عربيه عدى والبوليس كمان عشان يعرفوا ايه سبب الحادثه دى بس حاله عدى متسمحش باى كلام معاه طبعا !! ياترى ايه اللى حصل ده وحوريه هتعمل اييه لما تعرف !!! …..