الفصل العاشر

رواية عشقي حورية الجزء العاشر 10 بقلم إيمان ابراهيم عشقي حوريةرواية عشقي حورية الحلقة العاشرة عادل اتصل بمحمود اول ما وصل المستشفى بس بعت رساله الاول عشان يتاكد ان ابو عدى لوحده لان عادل مش عايز حد يعرف ومحمود فعلا لما بقى لوحده راح متصل فورا بعادل: الو ايوة ياعادل ياولدى خيير حوصل ايييه جلجتنى عدى حصله حاجه !!!

عادل قااله : بص ياعمى عدى بخيير والله امسك بس اعصابك ومتبينش حاجه واسمعنى كويس هو عدى عمل حادثه بالعربيه بس انا الحمدلله لحقته وجبته على المستشفى وهو دلوقتى فى اوضه العمليات والدكاترة طمنونى هو متصاب فى كتفه مطرح الحادثه وعنده ارتجاج فى المخ نتيجة اللى حصل تعالى علطول بس متعرفش حد خالص مش عايزين اى شوشرة دلوقتى لحد ما نشوف اييه السبب ولما تيجى هفهمك كل حاجه !! محمود قاله وهو قلبه بيتعصر على

ابنه بس لازم يبان شديد : طيب ياعادل ياولد ربنا يكرم ان شاء الله اانا هقجفل دلوك واكلمك تانى . عادل فهم طبعا انه بيبقفل عشان محدش يحس بحاجه بالذات مامت عدى !! وهى كانت جايه عليه فعلا وسالته : خير يابو عدى فى حاجه ولا اييه !! محمود رد عليها : لا يا جلبى كله تمام انا رايح مشوار اكده ويمكن اتاخر شويه ما انتى ام العروسه بجى ومشغوله عنى هسيبك بس كام ساعة اكده هجضى واجب واجى طوالى .

صفيه ردت : تسلم يارب ويخليك لينا ياغالى تروح وتاجى بالف سلامه وهو سابها علطول عشان متلاحظش اى حاجه . وعادل اتصل بمنصور برضه وشرحله اللى حصل منصور اتنفض من مكانه وقاله : ايييه بتقول ايييه وهو ازيه دلوقتى وحوريه عرفت دى ممكن يجرالها حاجه لو عرفت !!! عادل رد : عارف والله ياعمى بس لازم تعرف وانت اللى تقولها بس طمنها احسن انا عارفها مجنونه زى صاحبى وممكن تصور فيها قتيل !! منصور قاله : طيب اقفل دلوقتى وانا جايلك حالا !!

منصور طلب من مسؤل الامن قاله : سيب اللى فى ايدك وثانيه الاقيك قدامى ! الراجل فورا راح لمكتب منصور : اؤمر سعادتك ! منصور قااله : عايز تفريغ الكاميرات كلها اللى فى الجراج والشوارع اللى حوالينا ومش عايز حد ياخد باله من حاجه سامع النهاردة يكون اللى طلبته عندى انا رايح مشوار ارجع الاقى طلبى مفهوم !! الراجل رد : اوامر جانابك ياباشا ! منصور دخل على حوريه وبدا يقولها الخبر :

حوريه سكتت ثانيه وقالت : انا مش هيهدالى بال الا لما اعرف من الحيوان اللى عمل كده لازم اعرفه واقطعه واكله بسنانى اللى حصل ده مش طبيعى مش طبيعى وكانت بتتكلم بنفعال شديد وبدا نفسها يتحاش من النرفزة وكان هيغمى عليها لولا منصور لحقها وقالها : لا يا حبيبة بابا اجمدى عدى عايزك جمبه دلوقتى ومينفعش تبقى كده اوعدك اذا كان فى حد اتسبب فى ده مش هسيبه والله ما هسيبه يلا بس اجمدى كده عشان نروح لعدى ونكون جمبه !

قالتله : ايوا معاك حق ودموعها مش بتقف نطمن عليه بس وكل حاجه بعدك كده سهلة يلا يلا يا بابا ! محمود وصل المستشفى ولما وصل لعادل قاله وهو خلاص حاسس انه روحه بتروح منه : ولدى ياعادل ولدى سليم ولا انت مخبى عليا جولى الله يرضى عنيك جلبى جايد نار ياناس !!!!

عادل رد : والله العظيم ياعمى متقلقش هى الاصابه جامده طبعا بس عنده كسر فى دراعه ورجله كمان وارتجاج فى مخه عشان العربيه اتقلبت بيه الحمدلله قدر ولطف اهدا اهدا دلوقتى الدكتور يجى ويطمنك بنفسه !! محمود : حوصل كيييف ده كيييف فرامل ايه اللى تسيب عدى ولدى مهيهملش العربيه اكده لاه ده بياخد باله زيين وانى خابر ولدى الحكايه فيها حاجه مش مريحانى جسما بالله اذا فى حد ورا اللى حصول ديه هولع فيه وفى عيلته نفر نفر ومش هرحمه !!!

مش لوحدك يا محمود منصور من وراه جاى بيقول كده : منصور بيقول : عدى مش ابنك لوحدك ده ابنى واللى يعاديه يبقى بيعادينى وانا مش هسيب الامور كده النهاردة هعرف من ابن ال….. اللى عمل كده اهدا وهدى قلبك وكلنا معاك !! حوريه : عادل عدى عدى ياعادل قولى هو عامل ايه هموت والنبى يا عادل 😰😰😰 . عادل رد عليها : والله اهدى بس ان شاء الله هيبقى كويس ادعوله ياجماعة هو محتاج ده مننا كلنا . منصور حط ايده على كتف حوريه وقربها

منه عشان يطمنها وقالها : هيبقى كويس يا حبيبتى متقلقيش عدى راجل شديد وعصب هيقوم منها باذن الله !! حوريه وهى عينها مدمعة : يارب يابابا يارب مين بس اللى عايز يعمل كده ويحرق قلوبنا كده مين مين بس !! منصور قالها : وغلاوتك اذا طلع فى حد ورا اللى حصل ده اذا بطن الحوت هجيبه .

محمود قاله : ابن اصول يا منصور بيه مش غريبه عنك الحديت ديه انت راجل صوح بس اذا فى حد ورا اللى حوصل ديه يبجى انى اللى هاخد جلبه بيدى بس اطمن على ولدى الاول . عدى طلع من العمليات وراح على العنايه طبعا والدكتور خرج لاهل عدى محمود اول ماشافه: هااا يادكتور طمنى بالله عليك ولدى زيين ولا لاه !!!

الدكتور رد عليه : اطمن ياحج ابنك قوى الحمدلله وربنا كتبله عمر جديد هو طبعا حصله كسر فى دراعه ورجله وارتجاج مطرح الحادثه لانها مش سهلة طبعا بس اطمن كلها تلات شهور وهيبقى زى الفل ان شاء الله كمان ساعة كده يكون فاق وتطمننوا عليه عن اذنكوا انا موجود اذا احتجتوا اى حاجه . محمود قاله : كتر خيرك يا دكتور بس ياريت تنبه على اللى اهنا محدش يجول ايوتها حاجه خالص عشان سلامة ولدى .

الدكتور قاله : طبعا من غير متقول ياحج الظابط قال كده برضه لانه لسه عايز يسال استاذ عدى كام سؤال بس لما حالته الصحيه تسمح متقلقش بعد اذنك . حوريه حضنت باباها من فرحتها وقالت : الحمد لله الحمدلله حمدالله على سلامته ياعمى واخدته بالحضن هو كمان ومحمود حضنها من فرحته وقالها : تسلمى يا غاليه يا بنت الغالى يا بنت الاصول عدى ربنا كرمه بيكى . حوريه مسحت دموعها وقالت : انا اللى ربنا كرمنى بيه ده كنت اموت اذا جراله حاجه !!

محمود قالها : بعيد الشر عنيكى اومال هنجوزه لمين عاد هااا . كلهم ضحكوا على كلامه بعد التوتر اللى كانوا فيه 🥰🥰🥰. بعد ساعة فعلا عدى فاق وبدا يفتح عنيه بالراحة وكان مزغلل طبعا وشاف ايده ورجله مجبسين وشايف خيالات قدامه وبدا يظهروا شويه بشويه لحد ما وضحت الرؤيه وقال : هو اييه اللى حصل انا فين !! عادل قاله : حمدالله على السلامة ياعم كل ده نوم ده نومك تقييل اوى ياخى 😄😄 !!

عدى قاله بصوت تعبان : يا فجري يابن الفجريه انا مجدرش اضحك بس لما اجدر اجوم والله هوريك شغلك 😄 بس صحيح ايه اللى حصل !! عادل قاله اللى حصل . محمود قرب منه وحط ايده ومسك كف ايد عدى حمدالله على سلامة ياولد ياغالى انت زين وبخيير الحمدلله جدر ولطف يا حبيبى . منصور برضه قاله : حمدالله على السلامة ياعدى يابنى يلا اتجدعن كده وشد حيلك عايزينك معانا مش هنسيبك كده خلى بالك !!

عدى رد : الله يسلمك يابوى وانت كمان يا عمى وربنا يخليكوا ليا وميحرمنيش من لمتكوا دى حواليا بس معلش ان متكسر اكده !! عدى بص لحوريه وقالها : انتى كنتى بتبكى يا جلبى انى مش جلتلك العنين الحلوة دى متبكيش واصل هو ده اتفاجى معاكى عاد !! حوريه ضحكت وقربت منه ونسيت بقى باباها وباباه وعادل 😄😄 وقالتله : انت ضكتى وكل حاجه حلوة فى حياتى وعنيا مش بتضحك غير ليك ومعاك انت 🥰🥰 .

منصور قالهم : ايه ياواد انت وهيا نجيب شجرة واتنين لمون احسن متتحشم منك ليها هو ايييه 😄😄😄 تلات رجاله يسدوا عين الشمس قدامكوا وانتوا بتحبوا فى بعض !! عدى رد : ياعمى مش كفايه انى متكسر يعنى معرفش اتفك مع خطيبتى بكلمتين ده كنت هفارج الدنيا من جبل ما ادخلها 😄😄 وبعدين انا طلبت ان اكتب كتابى عليها عشان اكده مش كل ما ابجى عايز احب فيها الاجى حد ناططلى فى الحديت لمؤاخذة يعنى 😄😄.

محمود قاله : واه يا ولد انت ده انت ملحجتش تفوج ولسانك سابجك 😄😄 لاه انى اكده اطمنت عليك عاد بس منصور بيه عنده حج اتحشم شوى وامسك حالك 😄. عدى قالهم : خلاص يبجى اكتب كتابى عليها مليش صالح وعايز اسمع الموافجة دلوك حالا اهااا . منصور ومحمود بصوا لبعض وقالوا : خلاص خلاص بس تخف طيب !! عدى : لاه والله هكتب عليها مع رحيم ودليله وانى على نجالة حتى هااا جلتوا ايييه عاد !!

منصور قاله : والله العظيم انا مشفت ولا هشوف كده ابدا وانتى طبعا يا حوريه هانم راضيه ما انتى مجنونه زيه !! حوريه ردت وهى باصه لعدى : انا هتجوزه اذا على نقاله 😍😍😍. محمود قال : وانى موافج بس لازمن نعرف مين ابن الحرام اللى عمل اكده عشان بالى يرتاح فى الاول . منصور قاله : انا النهاردة هعرف مين اللى عمل كده واكيد هبلغك يا محمود وانت يا عدى . عادل قال : ده مين اللى امه داعيه عليه ده الله يرحمه من دلوقتى 😄😄 .

منصور قالهم : طيب احنا نسيبك بقى ترتاح وهنيجى الصبح ان شاء الله نطمن عليك يلا يا حوريه وابقى تعالى معايا الصبح وقاموا وسلموا عليه وعدى وهو بيسلم على حوريه اداها غمزة وبوسه فى الخباثه كده ومحمود ومنصور ملخومين مع بعض 😉. وهى اتكسفت ووشها احمر بس مبسوطه من حب وعشق عدى ليها . منصور وهو طالع قابل الظابط وطلب منه يجى معاه وقاله على موضوع

الكاميرات والظابط قاله : انا لسه كنت هسال حضرتك عشان نيجى نفرغ الكاميرات لان هيساعدنا جدا نفهم اييه اللى حصل ! منصور قاله : طبعا طبعا اتفضل معايا ونزلوا مع بعض وفعلا وصلوا الشركة وكانت الكاميرات اتفرغت والظابط قاعد بيشوف لفت نظره واحد كان فى الجراج لابس كاب بس بلبس الامن بتاع الجراج وكان متعمد يغطى وشه وكان قريب من عربيه عدى وطلب كل بيانات عنه !! متصور قاله حالا هبعت اجيب بياناته وهتكون عند حضرتك .

ياترى مين ده وفعلا هيكون ليه دخل باللى حصل لعدى ومين اللى وراه 🤔🤔🤔 محمود ابو عدى هيعمل اييه وعدى نفسه هيعمل اييه ياترا !! …..