الفصل السابع

رواية عشقي حورية الجزء السابع 7 بقلم إيمان ابراهيم عشقي حوريةرواية عشقي حورية الحلقة السابعة عدى بعد ما مشى من الشركة كان لازم يرجع البلد عشان يرتب مع اهله موضوع جوازه من حوريه وكمان فى رحيم ودليله كمان محمود كان مستنى عدى يرجع عشان يرتب معاه وفعلا عدى مشى من الشركة وراح على البلد ولما وصل امه استقبلته بالزغاريط واخته وباباه كمان وكانوا فرحانين

اوى اوى امه حضنته وقالتله: حمدالله على السلامة يا ولد حبيبى ولا اجول يا عريس اسم الله عليك يا جلبى ربنا يحميك ويتمم على خير اخيرا هفرح بيك انت وخيتك والله ممصدجاش من فرحتى !!! عدى قالها : لاه صدجى ياما وريحى جلبك ولسه لما تشوفى اللى اختارتها والله بدر فى ليلة تمامه بس مش عشان اكده بس لاه هى كلها على بعضها تتحب وانتى لما تشوفيها هتحبيها جوى جوى .

امه ردت عليه : كفايه الفرحة اللى شايفاها فى عيونك دى يا ضناى عمرى ما شفت لمعة عينيك دى والله مشتوجه اشوفها ميتا هنشوفها ؟؟ محمود قالها : هتصل بابوها ونرتبوا مع بعضينا ونروح نتجدم حسب الاصول وانتى ودليلة هتجوا معانا اكيد والله ناس اصيلة وزينه على الاخر . دليلة قالت لعدى : وانى كمان يا عدى متوشقه اشوفها اوى اوى وحاسة اننا هنبقى اصحاب طول عمرى كان نفسي يبقى ليا اخت وربنا يعتهالى اهاا .

عدى قالها : وانتى يا جلب اخوكى انا سامع انى عن جريب هنفرحوا بيكى انتى ورحيم ابو الهول نطج اخيرا والله انتوا الاتنين تستاهلوا بعض رحيم جدع وراجل صوح وهيوصونك ويشيلك فوج راسه عشان اطمن عليكى . محمود قاله : معاك حج يا ولدى رحيم ده تربيتى واذا جرالى حاجه هكون مطمن انى سايب بنتى مع راجل عيصونها ويحطها فى عنيه . دليله قاالت : بعد الشر عليك يابووى ربنا يخليك لينا ويطول فى عمرك يارب .

عدى قالهم : طيب انا تعبان جوى ونفسي انام كان يوم طوييل استاذنكوا بجى واطلع اوضتى تصبحوا على خير . ردوا عليه : وانت من اهل الخير يا حبيبى . وكل واحد طلع على اوضته وطبعا العقربه كانت مستنيه نتيجة عملتها المهببه وعدى فعلا دخل الاوضه وعدى على العمل بس طبعا ولا الهوا 😄😄 . وصيفه كانت فرحانه ودخلت اوضتها وهى فاكرة بقى ان العمل هيشتغل وراحت على اوضه مريم الغلبانه عشان تسمم

بدنها كالعادة ودخلت عليها: انتى يا مزغودة انتى اسمعى زين اللى هجولك عليه وتنفذيه بالحرف سامعة !! مريم : خير ياما فى ايه تانى !! وصيفة قالتلها : لما تشوفى عدى تتكلمى معاه بلاش تبجى كيف الغفر اكده سامعة من بكرة وعلى الله متسمعيش كلامى المرة دى هشندل عيشتك وانتى غبيه وخايبه اكده .

مريم : ليه يما اكده هو انى رخيصة جوى عنديكى يعنى خلاص اروح ارمى نفسي على ود عمى وهو عيحترمنى كييف اكده حرام عليكى اللى بتعمليه فيا ده والله حرام 😪😪!! وصفيه : اكتمى خاشمك ده اكتمى وتعملى اللى جولت عليه وانا ههتبجى عينى عليكى عاد واما اشوف جاكى خابط فى نفوخك وسابتها ومشيت . مريم فضلت تعيط ومش عارفه تعمل ايه .

عدى دخل الاوضه عشان ياخد دش ويرتاح وطبعا العقربه مرات عمه مستنية تشوف بقى النتيجه المهم عدى اخد شاور وطلع وقعد على السرير وفتح الواتس اب وبعت رساله لحوريه قلبه: وحشتينى يا حوريتى صاحيه ولا نمتى !! حوريه : كانت لسه يدوب واخده شاور هى كمان وسمعت صوت الرساله وشافتها وردت : اه صاحية . عدى سالها : كنتى بتعملى ايه !! حوريه ردت : كنت باخد شاور . طبعا عدى مفوتش الكلمة 😄😄 وقالها : عقبالنا يا قلبى 😉😉 !!

حوريه ردت : عقبالنا ايه يا سافل انت الجنان هيبتدى ولا ايه !! عدى رد : وفى ايه يا روح عدى يا قلب عدى مش هتبقى حلالى ساعتها يبقى اييه بقى 😉😉!! حوريه : لا ده انت صواميل مخك ضربت انا بقول تنام وتتغطى كويس احسن شكل الدش سيح نفوخك 😄😄 . عدى : فطس على روحه من الضحك 😅😅😅😅

وقالها : اول مرة احس انك مكسوفه بجد على العموم خلاص مش هتقل عليكى كفايه كده بس حطيها على الكوم الكبييير ماشي يا جلب عدى وعشجه تصبحى على خير واداها بوسه وقفل . حوريه كانت دايبه حرفيا بكل ما فيها عمرها ماحست بكل ده مشاعر حقيقة من القلب وهو بيقولها عشق عدى وقلب عدى دى بجد بتملك قلبها وتحس انها فاقدة السيطرة على مشاعرها وهى كل يوم بتتاكد انها بتدوب فيه اكتر واكتر . وصيفه العقربه ماسكة ودان كرم ونازله زن زن

ومش مبطلة كرم اتعصب عليها: جرالك ايه ياوليه انتى انتى عماله ترطى بكلام ماسخ ملوش عازة انتى مالك عدى يخطب ولا يتجوز هو حر مالك انتى خليكى فى حالك واوعاكى تفتحى خاشمك ده تانى فى الحديت ديه ملكيش صالح !! وصيفه ردت بكل قلة ادب : لاه ليا ونص كومان وبنتى اولى من الغريبه دى زى ما ولدى هياخد بنتهم ولد اخوك ياخد بنتى احنا سلونا اكده ! كرم اتجنن عليها وراح

لطشها قلم سورها وقالها : اكتمى اكتمى انتى اتجنيتى ولا اييه والله اذا الكلام ده سمعته تانى هتكونى طالج بالتلاته وهرميكى فى دار لحالك اعوذ بالله منك لولا انك لحمنا ودمنا كنت رميتك وخلصت منيكى وانى ههملك المكان عشان مش طايج خلجتك واصل وراح رازع الباب وراه وهى فضلت تهرى وتاكل فى نفسها وقالت: بكرة نشوف العريس هيعمل ايه عاد . الكل نام بعد يوم طويييل اللى نام وقلبه طاير من الفرحة واللى نام ودمعته على خده .

طلع النهار والكل قام واتجمعوا على الفطار كلهم والعقربه بتراقب عدى بس اللى قاله خلاها اتصدمت لانه قال ايه بقى : هااا يابوى اتفجت عشان نروح نجروا الفاتحة ولا اييه !! وصيفه سمعت كده وركبها مليون عفريت وقامت منطورة من على السفرة وقاالت : انا شبعت وطالعة على فوج بالاذن . صفيه فهمت علطول طبعا سبب العفرته دى وكان هاين عليها تجيبها من شعرها بس الصبر حلو لسه لسه الطبخة بتستوى .

محمود قاله اتفجنا على نهايه الاسبوع عشان المناجصة تكون خلصت يلا جهز حالك عاد كلها يومين يا عريس 😍😍 . صفيه زغرطت ايوة عشان تكيد الاعادى مش سهلة يا صفيه برضه خالص والعقربه اللى فوق دى رايحة جايه لما هتموت وراحت طالبه ابن الحرام اللى عملها العمل وقالتله : ايوة يا جالوص الطين انت يعنى اجى اولع فيك عاد مفيش حاجه والواد هيخطب وجايم ولا كن فى حاجه !!

رد عليها الدجال النصاب : طولى بالك ممكن وهو عند اللى ما هتتسمى دى كل حاجه تبوظ ملحجشى ده يدوب لسه مخطى عليه عاد !! ردت عليه : ماشي انا هشوف لحد ما يروحوا ويعاودوا واذا ما تمش المراد هطين عيشتك وقفلت السكة فى وشه . وعدوا اليومين وجه اليوم الموعود وعدى راح عشان يتقدم لحوريه وكان معاه باباه وعمه ورحيم كمان وصفيه طبعا ودليله وعادل كان موجود عدى قاله يجى وكمان هايدى صاحبة حوريه والكل كان فرحان وهايدى مامت حوريه دخلت

عليها الاوضه وقالتلها : والله ياحوريه انا مش مصدقه انك لاقيتى اللى ياخد قلبك انتى بتفكرينى بنفسي زمان كل حاجه حصلت معاكى بتفكرنى بنفسي مكنش حد يعجبنى ولا يملى عينى لحد ما شفت باباكى حسيت انى توهت وكنا ناقر ونقير برضه 😄😄 بس بعد كده بقى هو الدنيا واللى فيها عمره ما زعلنى ولا عمرنا نمنا زعلانين من بعض كان صاحبى وابويا واخويا وحبيبى حتى اذا زعلنا من بعض الطريق بينا مفتوح علطول محدش فينا حاول ابدا يكسر التانى عشان يثبت انه الاقوى عايزاكى انتى كمان كده يا حبيبة ماما تبقوا سند وضهر لبعض لان من كلام باباكى واضح انه بيحبك اوى اوى ربنا يهنيكى يا قلب ماما انتى ويلا بقى عشان الناس والعريس على نار 😉😉😄 هخلى بابا يجى ياخدك ماشي وراحت بايساها فى خدها وحضنوا

بعض اوى اوى وحوريه قالت : ربنا يخليكى ليا يا ماما طول عمرى واخده حبك انتى وبابا مثل ليا والحمدلله ربنا كرمنى بعدى ويارب اقدر اسعده 🥰🥰. هايدى مرات منصور قالتله : يلا يامنصور العروسه جاهزة يلا 😍😍😍 وفعلا راح اخدها من ايدها واول ما دخلت على اهل عدى وصفيه شافتها راحت مزغرطه زغروطه هايلة وقالت: ماشاء الله بدر منور يابنتى تعالى فى حضنى وراحت حوريه

حضنتها جامد وصفيه بتقولها: والله ربنا يعلم جلبى انشرح كييف لما شفتك ده اللى اتجال عليكى جليل جوى والله انتى بنتى التانيه وهشيلك فى عنيا يا غاليه وانى عرفت انتى طالعة كييف الجمر لمين ماهى اكفى القدرة على فومها تطلع البت لامها وهايدى هانم ماشاء الله جمر هى كومان الله يكون فى عونك منصور بيه عاد 😄😄 راح منصور ضحك وكلهم ضاحكين .

محمود بقى راح قايل : انى هدخل فى الموضوع علطول يا منصور بيه انت خابر مليش فى الحديت المزوج احنا جايين نطلب ايد بنتك الغاليه لولدى عدى على سنه الله ورسوله واللى تؤمر بيه هنجيبهولها احب اعرف رايك وراى عروستنا !! منصور قال : وانا وهايدى مراتى مش هنلاقى اكرم واشرف منكوا احط ايدى فى ايده واجوزه بنتى وانا مطمن وحوريه كانت عماله تبص لعدى وهو كمان هياكلها بعنيه 😍😍😍 .

محمود قال : خلاص يبجى على بركة الله نجرا الفاتحة ونلبس دبل ونخلى الفرحة الكبيرة والشبكة مع الفرح جلتوا ايييه !!! منصور وافق وقال : انا عن نفسي معنديش مانع والعرسان ايه رايهم !! عدى وحوريه بصوا لبعض وقالوا موافقين 😍 . وقروا الفاتحة وعدى لبس الدبلة وكان جايب كمان خاتم وانسيال وكمان نفس الزوق اللى بتحبه حوريه رقيق وشيك اوى وهى اتفاجات بكده انه قد كده كان مركز معها وجابلها اللى هى بتحبه بصتله

بكل حب وعشق كانها بتقول : يا قلبى انت وهو فهم فهم اوى كلام القلب بيطلع من القلب بيدخل القلب انه العشق ياساده العشق عشق عدى وحوريه . اليوم كان روعة روعة ودليلة كانت فرحانه اوى وقالت لحوريه : مبروك يا حبيبتى انا اخيرا هلاقى حد اتكلم معاه انتى بقيتى زى اختى بصحيح وحوريه ردت عليها : الله يبارك فيكى يا قمر انتى عدى قالى عليكى بس طلعتى احلى بكتيير ليه حق بقى رحيم يستعجل يا ستى على الجواز 😄😉 ربنا يكملك على خير حبيبتى .

رحيم وعادل راحوا يباركوا لعدى وحوريه وكانوا فرحانين اوى اوى وحضنوا بعض جامد وكرم كمان كان فرحان من قلبه بس من جواه كان صعبان عليه مريم كان نفسه يجيبها بس الله يسامح امها بقى عملت مناحه بس هو مستحلف لما يرجعلها وهيوريها شغلها لانه خلاص طفح منها .

محمود بقى قال اييه : احنا باذن الله هنعمل كتب كتاب رحيم على دليله الاسبوع الجاى وهتبجى دخلة كمان وانتوا هتشرفونا عاد اكيد وهتاجوا جبلها كمان عشان ترتاحوا لان الطريج طوييل انكوا تاجوا وتمشوا فى وجتها وانى عندى دار ضيافه مفروشه ومتوضبه على كيف كيفكم وجاهزة من كله تنورونا عاد ومفيش كلام تانى ولا اييه يا منصور بيه !! منصور قااله : والله مفيش قول بعد قولك يا حج محمود والف مبروك وربنا يتمم

بخير وصفيه قالت لهايدى : انا بجى ساعتها هاخد هايدى هانم منك يا محمود بيه عاد انى عايزة اجعد معاها جعدة طويله اتفجنا !! هايدى ردت : طبعا حبيبتى انا كمان عايزة اقعد معاكى جدا ده انتى قمر والله 😍😍 . ياترى بقى لما وصيفه تشوف عدى راجع وقرا الفاتحة كمان هتعمل ايه وتعرف ان حوريه هتيجى هتتصرف ازاى ومريم الغلبانه دى !! وكرم هيعمل اييه لما يرجع ووصيفة دى نهايتها هى الدجال ده هتبقى اييه …..