الفصل السادس

رواية عشقي حورية الجزء السادس 6 بقلم إيمان ابراهيم عشقي حوريةرواية عشقي حورية الحلقة السادسة عدى كان طول الوقت بيفكر فى حوريه وقد ايه كانت زى القمر وازاى قدرت تعمل اللى محدش قبلها قدر يعمله قلب عدى ده كان حجر مفيش ست قدرت تحرك فى شعرايه لكن حوريه بشقاوتها وانوثتها خلته يعشقها ايوة انه العشق ياسادة واه من العشق وعمايله عدى كان سرحان

فى ملكوت بعيد وقال لنفسه : والله جالك يوم وعشجت يا عدى وادبيت على بوزك بس البت المخبله ديى لسانه متبرى منيها بس جمر بنت الايه 😍😍😍 فرسه جامحه ولازمها خيال وانى الخيال يا حوريه ولا حد غيرى ابدا عشجى انتى يا حوريه ❤️❤️❤️. حوريه كانت برضه عماله تفكر فى اللحظه اللى كان عدى قريب منها واستسلامها ليه رغم اللى عملته بس فى احساس قوى من جواها بيشدها ناحيته زى اللى المتخدرة هى نفسها

كانت مستغربه من نفسها : الله هو انا مالى بجد الجدع ده فى بالى ليه مش راضى يروح من بالى وبعدين انا بتوتر وبرتبك لما بشوفه هعمل ايه لما اشوفه فى الشغل ده كمان وهو زى القمر كده جته نيلة 😄😄. فى عز ما هى سرحانه باباها نادى عليها حوريه يا حوريه !!! نعم يا بابا جايا اهو !! حوريه : ايه يا بوص خير 😄 صوتك جايب اخر الشارع !! باباها قالها : عمرك ما هتبطلى لماضه الله يكون فى عونه بقى 😉😉!! حوريه : هو مين يا بابا !!

باباها : اللى هيتجوزك هيفرض من لماضتك ولسانك اللى طوله مترين ولو انى اظن انه هيقصرهولك 😄😄 . حوريه : لما يجى يا بابتى يا حبيبى هنشوف 😉☺️ . رد منصور وقالها : لا ما هو جه يا حبيبة بابا ! حوريه : اييييه هو مين اللى جاه ده !!!! منصور قالها : اللى هيقص من لسانه حته 🤏 !! حوريه : وده مين بقى اوعى يكون حد من العيال الملزقه اللى كانوا فى الحفله والله ابطحه وهتقروا على الفاتحة هااا 😄 .

منصور قالها : لا يا قلب بابا ده راجل اوى وصعيدى كمان اييه رايك بقى وانا حاسس انه انسب واحد ليكى هيصونك ويخلى باله منك وابن ناس اصيل وعينه مليانه ودمه حامى . حوريه : كل ده يابابا وده مين اللى فى كل ده !! حوريه من جواها حست انه عدى قلبها كان بيرقص من جوه لان هى شايفاه كده بس هى قلقانه يكون واخدها عشان بس عندت معاه وتبقى من حريمه مع انه مظلوم والنبى 😄😄.

باباها قالها : عدى ياستى اتقدملك وطلب ايدك منى ومستنى الرد فكرى كويس وهما مستنين رد منى قدامك يومين واسمع ردك 😲😲 حوريه : ايييه يومين ايييه هو سلق بيض ده جواز يا منصور بيه !!! يابنت منصور على بابا منصور قالها كده : بصي انا شفت لمعة عنيكى لما جت سيرته ودى مشفتهاش فى اى حد اتقدملك قبل كده عشان كده قلت يومين لان قلبى بيقول هتوافقى 😉. حوريه ردت : لازم اعرفه كويس الاول مش يمكن منتفقش !!

قالها : طيب عندك لاخر الاسبوع راقبى تصرفاته فى الشركة وهو اكيد هيحاول يتكلم معاكى اذا قلبك ارتاح نقرا فاتحة واعرفيه براحتك وهو اصلا مش هيبقى موجود كتيير عشان عنده شغله برضه حوريه: حلوه الفكرة دى استعنا على الشقى بالله 😄 يا قوى . عدى راح الشركة وعادل معاه وطبعا كل الشركة وقفت على رجل لانهم عارفين انه هو الشريك الجديد طبعا وطلع على الدور اللى فيه مكتب منصور وحوريه وفاكر انه مكتبه موجود وبيسال السكرتاريه مكنوش

عارفين يردوا عليه قالهم : يعنى ايه مكتبى مش موجود !! 🤨🤨 فى واحده من السكرتاريه ردت : والله يا عدى بيه احنا منعرفش حاجه وعندناش اى تعليمات بكده والله !! عدى وعادل بصوا لبعض وعدى قال : تمام انا هدخل مكتب الانسه حوريه وبلغيها حالا بكده والا هعرف منصور بيه مش عدى الانصارى اللى يجى ومفيش مكتب ليه ودخل مكتب حوريه . وفعلا اتصلوا بحوريه وبلغوها باللى حصل حوريه لما عرفت : اييييه قعد فين اقفلى اقفلى انا جايه ابن الانصارى !!

ولما وصلت دخلت زى القطر وواخده فى وشها وطلعت على مكتبها وفتحت الباب ولقت عدى قاعد وحاطط رجل على رجل وساند ضهره على الكرسي بارتخاء شديد وابتسامه على وشه وده فرسها اكتر وقالها: صباح الخير يا حرمنا المصون مستقبلا 😉😉 عادل قالهم : طيب استاذن انا بقى واسيبكوا قبل المعركة !! حوريه راحت رايحة وواقفه قدام عدى وقالتله : ممكن افهم ايه ده انت ازاى تدخل مكتبى وتقعد كمان وايييه حرمنا المصون دى كمان هو الجنان لسه ماسكك ولا اييه 🤨

راح قايم ووقف قدامها بالظبط وبص فى عينها بصة ربكتها وهو بشيل شعرها اللى نزل على جيبنها بالراحة وبيقولها : تؤ تؤ هو فى واحده تعلى صوتها كده على جوزها المستقبلى برضه وبعدين مفيش مشكلة ان اقعد فى مكتب مراتى حبيبتى وهى كل ده متنحة ومش عارفه ترد خالص !! راح قالها : ايييه ساكته ليه يا قلب عدى صوتك وحشنى 😄 حوريه ردت عليه : مرات مين يا جدع انت انت جرا لمخك حاجه انت لسه متقدملى بقيت جوزى امتى هاااا بطل الجنان ده !!

راح عدى مسك ايدها بايده بنعومه اوى وباس ايدها برقه دوبتها وقالها : هبقى جوزك ان شاء الله يا عشق عدى وروحه وبعدين ينفع ملقيش مكتبى جاهز يرضيكى كده ! هى حوريه فين حوريه دابت خلاص راحت بلعت ريقها وقالت : خخلاص انا هخليهم يحضروا مكتبك حالا فى مكتب لسه متجهز تعالى معايا ولسه هتتحرك راح شددها من وسطها ومقربها منها وقالها: عايز اسمعها منك الاول ياحوريه !! حوريه ردت بصوت بيترعش : هى اييه دى وبعدين نزل ايدك مينفهش كده !

قالها : لا ينفع وعايز اسمع موافقه منك انا متاكد انك عايزانى زى ما انا عايزك عنيكى بتقول كده متخافيش منى انا مفيش حريم والكلام الفارغ ده مفيش غير واحده بس اللى اخدت قلبى وعشقتها ومستنى اسمعها هسيبك دلوقتى بس مش هستنا كتيير هااا . وقالها : ورينى المكتب بقى يلا راحت حوريه ماشيه من غير ولا كلمه وديته على المكتب وقالتله : اتفضل مكتبك اهو عن اذنك عشان فى شغل متعطل هجيلك عشان فى مناقصة مهمة لازم نحضرلها مع بعض

هبعتلك ورقها واجيلك قالها: هستناكى وحدفلها بوسه فى الهوا وهى خارجه وحوريه قفلت الباب وقفت وراه وقلبها بيدق جامد وقالت : ينهار ابيض والله كان هيغمى عليا انا شكلى وقعت فيه بجد ابن الايه ده يا قلبك ياحوريه . وكانت فى واحدة مايصة كده من السكرتاريه شايفه نفسها شويه راحت توديله ورق كانت حوريه طلبت منها توديه عنده وفعلا راحت توديه

وداخلة وهى بتتمختر وبتقول: عدى بيه الورق اللى حضرتك طلبته اهو وبتميل عليه وهو كان فاهم حركتها الرخيصه دى طبعا وحوريه دخلت وشافت المنظر وعدى بصلها وحس بالغيرة فيها واتبسط اوى قال يزود العيار شويه 🤏 قال : ياريت بقى تطلبى قهوة راحت حوريه مزعقه : انتى بتعملى ايه عندك مش جبتى الورق اتفضلى بقى والقهوة دى مش اختصاصك يلا على شغلك 🤨🤨 . البنت خرجت فورا

وحوريه راحت بصاله وقالت : هو ده اللى ملكش فى الحريم يا كداب يابو عين زايغه وحدفته بالقلم اللى فى ايدها !! راح عدى موطى بسرعة قبل ما القلم يجى فى وشه وراح قايلها : يا مجنونه طيب وقاملها وهى لسه هتخرج راح ماسكها ولفها لوشه بقت عنيهم فى عيون بعض وقالها : ايه الجنان ده !! قالتله هو انت لسه شفت جنان ده انا هطلع روحك يابو عين زايغه عدى ضحك 😄 قالتله : بتضحك كمان !!

قالها الصراحة : اصلك حلوة حتى وانتى متعصبه على فكرة انا كنت بس عايز اعرف بتغيرى عليا ولا لا هى طريقة قديمة اه بس عرفتنى ان حبيبتى شرسه ومجنونه . قالتله : حبيبتك بجد يا عدى يعنى عمرك ما هتوجعنى ولا تزعلنى وهتحبنى !

عدى رد عليها بس بالصعيدى : يا حوريه انا عشجتك من اول ما عيونى شافوكى وجولت هى دى انت كنت كيف الشمس اللى طلعت نورت حياتى وجلبى انا شفت حريم وبنات كتيير كييف الجمر بس انتى انتى حاجه تانيه اخدتى روحى ياحوريه حد يزعل روحه هااا جولتى اييه عاد !! حوريه قالتله : موافجة موافجة يا جلب حوريه راح عدى حضنها وشالها ولف بيها وهو بيقول: يا اااااااه وافجت ياناس !! حوريه قالتله : يا مجنون احنا فى الشركة نزلنى يخرب عقلك .

عدى نزلها وقالها : مبروك يا قلب عدى وفرحة قلبه انا هكلم منصور بيه ونحدد معاد عشان اجى اطلبك رسمى يا قلبى هاا . حوريه قالتله : خلاص هستناك بس عارف عقلك يوزك كده ولاكده هطلع زمارة رقبتك دى فاهم 😄😄 . قالها : مجنونه متعرفيش تبقى عاقله ثانيتين على بعض بس امرك يا حوريه قلبى ❤️❤️. عدى اتصل بابوه وقاله : خلاص يابوى وافجت وافجت وهتجول لابوها وهنروح نتجدم لها رسمى جول لامى عقبال ما اجى النهاردة اخر اليوم يابوى الله يخليك .

محمود قاله : الف مبروك ياولدى ربنا يسعدك ويهنيك حاضر انى هجول لامك واكلم منصور بيه نتفج على كل حاجه سلام يا ولدى . محمود قفل ونادى على مامت عدى وقالها: يا صفيه خلاص هكلم ابو العروسه ونروح نطلبها زغرطى ووزعى الشربات حلاوة عدى ولدك 😍😍😍. صفيه فرحت وفضلت تغرط وسمعتها

العقربه مرات عم عدى وقالت: زغرطى زغرطى بس والله مهتكمل الجوازة دى وهنشوف وكانت محضرة العمل الاسود اللى عملته وراحت حطاة تحت سجاده فى اوضه عدى عشان يخطى عليه بس البت بدور كانت صاحيلها واول ما شافتها خارجه من الاوضه راحت دخلت وجابت العمل وودته لصفيه وقالتلها : ياست صفيه الحجى العمل اههها العجربه كانت حطاه تحت السجادة عشان سي عدى لما يخطى عليه يشتغل !!

صفيه اخدت العمل وراحت حطت ميه بملح عليه هى اصلها اروبه وبتعرف شويه فى الحاجا دى المهم بوظت العمل ورمته وكانت عاملة واحد زيه بالظبط بس اى كلام طبعا وقالت لبدور : روحى بجى حطيه مكانه وخليها فاكرة انها نجحت فى اللى بتعمله وهتشوف بعنيكى ايه اللى هيحصل لما تلاجى عدى داخل بعروسته علينا ان شاء الله . بدور قالتلها : الله واكبر عليكى يا ست صفيه جليك جوى .

صفيه قالتلها : اللى الحج معاه دايما جلبه جوى واخرتها جربت على يدى العجربه دى ان شاء الله . ياترا وصيفه هتعمل ايه لما عدى يجى وهتعمل ايه مع بنتها مريم الغلبانه دى وياترا كرم عارف 🤔🤔 ولا لا !! …..