الفصل الرابع

رواية عشقي حورية الجزء الرابع 4 بقلم إيمان ابراهيم عشقي حوريةرواية عشقي حورية الحلقة الرابعة حوريه كانت بتلف حوالين نفسها لان الحفلة اللى باباها قال عليها دى هى اللى هتبقى مسؤلة عن تنظيمها هى وصاحبتها هايدى حوريه كانت بتكلم نفسها وانا مالى بام الحفلة دى انا احضر اه لكن انظم دى مالى انا والشغلانه المهببه ده راحت متصلة بهايدى صاحبتها الو يا ست هانم : هايدى ايوة يا رورو

اؤمرى ياقمر حوريه قالتلها: هنعمل ايه ياختى فى الحفلة بتاعت ذءاب الجبل اللى ابويا عايزها دى هايدى ضحكت 😅😅😅 وقالتلها : مين دول يابنتى انت خلاص سميتهم كمان هو الراجل عمل حاجه ده انت لسانك كان مدفع رشاش والله صعب عليا . حوريه : بت اظبطى كده بدل ما اظبطك ميصعبش عليكى غالى يختى مش هو اللى قالى انى كيف الجطر جطر اما يشيله 😄 والنبى لوريه ابو لسانين ده . هايدى : اه ناويه على ايه ياخوفى ابوكى هينفخنا وانا قبل منك 😄🫣 .

حوريه قالتلها : عيب عليكى الضرب هيبقى من تحت الحزام فى الخباثه كده 😉 على نار هاديه بس عارفه يا هايدى ان الراجل ده فى حاجه مشفتهاش فى حد ودى اللى مخليانى رغم غيظى منه بحترمه . هايدى قالتلها : ايه بقى الحاجه دى !! حوريه ردت : انه مش ملزق زى اللى بيحاولوا يتمحلسوا عشان عارفين انا مين كل همهم انه يبقى يعرف بنت فلان وبس لكن ده راجل بجد . هايدى : الله الله احنا هنطب ولا ايه يا جمييل ماهى بتبدا كده .

حوريه قالتلها : هو اللى زى ده مفيش واحده واتنين فى حياته ده غير انه كان برة مش بعيد يكون ليه واحده ولا حاجه متخليش مخك يروح لبعيد وانا مش مستعده انى انضم لصف الحريم . هايدى : انت اوام عملتى حريم مش يمكن مفيش حد وعلى فكرة بقى انا لاحظت نظراته ليكى وانتى بتتكلمى ومين عارف مامحبه الا بعد عدواة . حوريه كانت بتسمعها وسرحت فى كلامها !! هايدى : الو الو انتى يا بنتى روحتى فين ؟؟

حوريه انا معاكى اهو بقلك شوفى بقى منظم حفلات عشان مش عايزة غلطة والدعوات تبقى حاجه كده رقيقة وشيك بلاش بهرجه وفى اسرع وقت . هايدى : ماشي يا جمييل ده انا هبهرك واخليكى تدعيلى 😉😉 . عند عدى كان قاعد ساكت وعادل جمبه وقاله : ايييه روحت لحد فين ياعم انت وقعت ولا الهوا رماك 😉😉 . عدى : هوا اييه يابنى انت هو انا لازم ارغى فى اى هرى وخلاص انت مش لاقى شغلانه غيرى !!

عادل قاله : الله طيب ياعم متزقش انا بنكشك انا هنزل مصر بقى انا سلمت عليك وادينا هنبدا شغل الا بالحق مش انت هتبقى شريك معاهم !! عدى رد : قاله اه . عادل قاله : يبقى لازم يكون ليك مكتب عندهم غير اللى فى الشركه بتاعتنا لما تروح هتقعد فين اكيد مش عند منصور بيه ولا بنته حوريه المزة 😉😉 ! عدى : ولا لم لسانك ده مزة فى عينك .

عادل : بهزر يا اخى ياساتر عليك وبعدين ايه الحكايه مالك كل ما تيجى سيرتها تتعفرت ده انت مشفتهاش غير مرة اومال بقى لما تشفها كل يوم هتعمل اييه ها !!! عدى : فى راسه فعلا هعمل ايه ده انا ما بشفها مش عارف الكهربا اللى بتمسكنى دى ومش عارف اسيطر وانا اللى شفت بنات بعدد شعر راسي تيجى بت مفعوصه تعمل فيا كده !!!

عادل : يا سيدى روحت فين لا ده انت حالتك صعبه يلا انا هقوم بقى واسيبك تقعد مع عيلتك واشوفك فى مصر بقى فى الحفلة هاا 😉😉 سلام . عدى : سلام وطمنى عليك لما توصل بالسلامة وسلموا على بعض وعدى طلع على اوضته . اللى كانت بقى مراقباه مين مرات عمه العقربه واول ما شافته راحت رايحة لمريم بنتها اوضتها ودخلت عليها زى الطور الهايج وقالتلها : تعاليلى بجى يا مخبلة انتى وراحت يا عينى شداها من شعرها

ومريم بقت بدموع بتقولها : 🥹🥹 احب على يدك ياما بلاش اكده محصلش حاجه لده كله 🥹🥹 . لكن امها مسكتتش : لا ده حوصل وحوصل انتى يابت انتى انى مش جلتلك تعملى اييه ولا لاه وانتى مسمعتيش كلامى وبرضه نفذتى اللى دماغك اكده ولا لاه !!! مريم : والله ياما مجتش فرصه واديكى شفتى كنا كتيير كنتى عايزانى اعمل ايه يعنى الاغى ود عمى جدام الخلج اكده يجولوا عليا اييه عاد 😪😪 .

امها قالتلها : ماشي انا هعديها المرة دى لكن الله فى سماه يا مريم اذا منفذتيش اللى جولتلك عليه هتشوفى ايام سوده على يدى سامعه وسابتها وخرجت . مين بقى اللى سمعت البت بدور 😕 راحت قالت : واه واه يا عينى عليكى يا مريم وبعدين اعمل ايه واسوى كييف انا لازمن اجول للست صفيه وهى تتصرف وراحت وقالتلها فعلا كل حاجه .

صفيه قالتلها : شوفى يا بدور الحديت ده محدش يعرفه خالص وانتى على كد ما تجدرى تخلى بالك من العجربه دى اما نشوف اخرتها ايه وربنا يستر . دليله بعد ما سمعت كلام رحيم كانت فى صدمه بس من جواها كان قلبها بيدق لدرجه انها حست انه هيخرج من ضلوعها ووشها احمر واتكسفت ورحيم شاف كسوفها طبعا وقالها هااا ايه ردك يابت عمى جولى نفسي اعرف ريحى جلبى اللى انا شايفه ديه صوح الفرحة اللى فى عيونك دى بصحيح ولا ايييه انطجى !!

دليلة : واه وبعدين عاد يا رحيم بزيداك يا ود عمى والله حاسة انى رجليا مشيلانيش واعرف لحالك عاد وبعد اكده يلا 😍😍😍 ! وسابته وجريت وراحت باصاله وابتسمت ابتسامه خلته كان هاين عليه يجرى يخدها فى حضنه بقى مش مصدق نفسه !! وقال : ايييه ديه دى عتحبنى ياولاد يادين امى يافرحة جلبك يا رحيم طيب اعمل اييه اروح اجول لعمى واجيب الماذون واكتب عليها مجدرش اصبر ياناس والله لجول لابوى وراح جرى يقول لابوه .

رحيم راح لابوه وقاله يابوى عايزك ضرورى الله يخليك !! كرم ابو رحيم : خير يا ولدى وشك مخطوف ليه اكده انت بخير فيك حاجه !!! رحيم رد : ايوة يابوى فيا وجوى كومان 😄 . كرم : يابنى جول وجعت جلبى فى ايه عاد رحيم قاله: انا عايز اتجوز دليله بنت عمى من زمان وانا راديها ومرايدش غيرها واذا متجوزهاش مش هتجوز واصل .

كرم قاله : واه واه طيب خد نفسك ياواد عاد لجلبك يوجف 😄😄😄😄 وانا هلاجى احلى ولا اجمل من دليلة دى بنت جلبى دى حبيبة عمها والله لاكون مجوزهالك بس الاول ناخد راي البت وابوها . رحيم قاله : اذا كان عليها هى خابرة وموافجه . كرم قاله : واه وانت عرفت كيف انت اتحددت وياها !!! رحيم رد : الصراحة يابوى سالتها انى مليش فى اللف والدوران .

كرم قاله : طول عمرك جلبك ابيض واللى فى جلبك على لسانك ربنا يجدرلك الخير ياولد انا هكلم اخوى وان شاء الله كل خير بس انت اهدا عاد واتجل واعجل ده اتريك غرجان لشوشتك ياواد 😄😄😄 . رحيم قال : واه يابوى ايه الحديت دى عاد انا ماشي هشوف اللى وراى 😄 ومشى وهو قلبه طاير من الفرحة . كرم راح لاخوه عشان يقوله بقى على رحيم ودليله ومحمود فرح اوى

لانه بيحب رحيم اوى وقاله : وانا مش هلاجى عريس لبتى يحبها ويخاف عليها كد رحيم وانا كنت خابر وواخد بالى من زمان بس جلت كل شيء فى وجته بس اخد راى البت الاول يا خوى دي الاصول عاد . كرم رد : طبعا ياخوى وماله وان شاء الله نشرب شربات عن جريب . حوريه وهايدى كانوا خلصوا ورتبوا كل حاجه وظبطوا الحفله وبعتوا الدعوات وجه يوم الحفله وعدى وعادل وباباه جم عند منصور واسقبلهم اسقبال عظيم .

عدى كان وسيم اوى اوى والعيون كلها عليه وعادل كمان والصحافه طبعا بتصور شركتين من اكبر الشركات فى المقاولات مع بعض . حوريه كانت زى القمر حوريه بمعنى الكلمة كانت لابسه فستان روز رقيق اوى كتف عريض وكتف رفيع ونازل مجسم عليها شيفون وكعب فضى وميك اب رقيق اوى كانت تسحر بجد وعدى اول ما شافها كانه اتفصل عن العالم بقى لا شايف ولا سامع حد كانت زى شعاع النور اللى بيضرب فى العين وهو شاف الفستان اللى عليها ونار قادت فيه 😠🔥🔥🔥

وقال : يا ليلتك المطينه بطين على دماغك ودماغ اللى جابك اييه اللى هى لابساه ده وايه الدراعات اللى باينه دى وربنا لولع فيكى بس اصبر عليا وبقى يصغرلها بعينه وهى اتخضت من نظراته ومش فاهمة فى ايه وراحت ناحيتهم عشان تسلم عليهم بس ركبها بتخبط فى بعض 😄😄 ومدت ايدها وقالت : اهلا وسهلا يا استاذ عدى واهلا بحضرتك با حج محمود شرفتونا مع ان اللى يشوف حضرتك يقول اخو استاذ عدى مش والده خالص .

رد محمود عليها : اهلا بيكى يا بنتى ماشاء الله اسم على مسمى حوريه وانتى حوريه فعلا والشرف ليا انا . حوريه رد : متشكرة جدا لحضرتك . وهى بتسلم على عدى : اهلا استاذ عدى نورت الحفلة وهتنور الشركة ان شاء الله . وعدى بيسلم عليها قال : وهو بيضغط على ايدها لدرجه انه وجعها قالها ده انتى اللى منورة وجوى كمان ! وراح سايب ايدها وهى خافت من شكله وكلامه واستاذنت بسرعة عشان ميبانش انها اتوترت وباباها ياخد باله .

وعدى عينه عليها مكان ما بتروح . ومنصور اخد محمود وقااله : تعالا نقعد فى هدوء بعيد عن الدوشه دى نتكلم شويه وقال: اتفضل معانا ياعدى انت وعادل ! عدى رد : قاله اتفضلوا انتوا واحنا هنيجى وراكوا علطول . عادل بص لعدى وقاله : ايه يابنى كنت هتاكل البت انت مش شايف نفسك عامل ازاى !! عدى رد : بص سبنى عشان عفاريت الدنيا بتتنطط قدامى دلوقتى 😡 .

عادل قاله : بقلك اييه انا هروح للمزز اللى هناك دى وانت روح بقى ولع فى المزة اللى جابت داغك والله ووقعت يا وحش 😄 وسابه مشى . عدى بقى عامل زى الصياد اللى هينقض على الفريسه وشاف حوريه وهى ماشيه وهو راح لافف كده من حته حوريه لاقيت ايد بتشدها مرة واحد ولزقتها فى الحيطة !! عدى بقى محاصرها بايديه الاتنين وهى فى النص مش عارفه تروح يمين ولا شمال !!!! وعدى باصص فى عينها

وهى كاشه فى نفسها وبتقوله: انت ايه اللى بتعمله ده انت اتجننت ازاى تشدنى كده !!! قالها :وهو باصص فى عينها بصه دوبتها اشدك واعمل اللى انا عايزه وهو الواحد لما يشوف الحرمه بتاعته لابسه العريان كييف مانت لابسه والمحزج والملزج ديه لازمن يادبها صوح ولا لاه !!!

حوريه لسه هترد عليه حرمه مين ياللى…… راح عدى اخد كلامها بين شفايفه بقبله حارة ❤️❤️❤️ وسابها تاخد نفسها وحوريه فتحت عينها وانفساهم اختلطت ببعض والنظرات هى اللى بتتكلم . ياترى رد فعل حوريه هيكون اييه بعد اللى عدى عمله ده واللى قاله كمان . …..