الفصل الثالث

رواية عشقي حورية الجزء الثالث 3 بقلم إيمان ابراهيم عشقي حوريةرواية عشقي حورية الحلقة الثالثة رحيم كان مضايق جدا ونار جواه كل ما يفتكر دليله وهى بتضحك قدام عادل يحس ان الدم بيضرب فى دماغه ومنامش طول الليل رايح جاى فى اوضته ويخبط ايده فى الدولاب لدرجه ان مريم سمعت الخبطه افتكرت ان فى حاجه وقعت وراحت تشوف ايه الرزع ده وسمعت الصوت جاى من عند اخوها ومقدرتش تمشي وراحت مخبطه عليه رحيم قال: مين وهو متعصب مريم خافت من صوته 😅

بس قالتله : انا مريم يا رحيم قالها : تعالى يا مريم فتحت الباب ودخلت واتخضت من منظره قالتله : ايه ده خبر ايييه مالك يا خوى الخبط ده من عنديك انت قالها : متخديش فى بالك دى حاجه وجعت واتهبدت قالتله : لا انت بتضحك عليا انى خابرة انت كنت معصب من ساعة ما اللى اسمه عادل ده كان موجود انت هتفضل كاتم فى جلبك لحد ميتا ياخوى لازم تجولها عشان تعرف راسك من رجليك مش هتفضل اكده عين فى الجنه وعين فى النار وهى بردك معذورة هى مخبراش

انك عتحبها راح رحيم قالها: بس يا مريم بزيداكى اللى يخليكى انى مش ناجص وجع جلب اكتر من اللى انا فيه مريم قالتله : طب شوف بجى اذا انت مجلتش انى هجولها واللى يحصل يحصل هااا رحيم قالها: لاه اوعاكى تفتح خاشمك متخلنيش اندم انى حكيتلك انى اللى هجول الظاهر اكده ان مفيش غير اكده انى مش جادر اسكت لحد ما الاجى حد جاى يتجدم ليها واتجهر والله

اولع فيها مريم قالتله : صوح عين العقل يا خوى ربنا يريح جلبك بس بالراحة عاد دليلة كييف الفراشه وانت حنين انى خابرة انا جيت اطمن عليك نام ياخوى والصباح رباح تصبح على خير رحيم قالها : وانتى من اهله .

طلع النهار والكل بدا يفوق ام عدى صاحية من بدرى من فرحتها برجوع عدى وحضرت فطار معتبر وخلت بدور تطلع تخبط عليهم وتصحيهم كلهم وقاموا عدى وعادل صحيوا وكل واحد اخد دش محترم وغير هدومه ونزل ودليله كمان وابو عدى طبعا الحجه كانت مصحياه ونزلوا يفطروا صباح جميل وتجمع اسرى دافى ❤️❤️ وفرحتهم برجوع عدى عدى صبح عليهم : صباح الخير ياما صباح الخير يابوى ردوا عليه : صباح الخير يا حبيبى يلا افطر بالهنا الفطار

اللى انت بتحبه عدى قال : تسلم يدك ياست الكل ربنا يخليكى لينا امه قالت: ويخليك ليا انت وخيتك وافرح بيكوا عن جريب ان شاء الله عدى قالها : لسه بدرى ياما ده انا لسه بجول يا هادى ده شويه وهنزل مصر عشان الشغل امه قالتله اكده علطول ده انت ملحجتش ياولد ومشبعتش منيك . عدى قالها : والله ياحبيبتى انا بس هروح اظبط الدنيا وارجع علطول بس عشان الشغل ميتعطلش وعشان اريح ابوى شويه

ولا ايه يا حج ابو عدى قال: معاك حج ياولدى عشان ده فلوس ناس بردك ولازمن تروح عدى فى سره 😅 ده لازم اروح عشان اشوف بنت المجنونه دى وبص لعادل صاحبه وقاله : يلا يا عادل عشان نلحق نروح ونرجع عادل قال : انا جاهز يا صاحبى . عدى كان قاصد انه يفاجىء حوريه انه جاى فى الطريق حب يشوف المفاجاة دى هتعمل فيها ايه حوريه اصلا لما شافت الرساله اللى مبعوته بيقولها : صباح الخير انا جاى النهاردة الساعة ١١

هى شافت كده اتجننت قالت : ايه ده بقى الجنان ده ده باينه يوم مش طالعله شمس اعمل ايه انا دلوقتى راحت طالبه صاحبتها ردى بقى 🤯 ردت عليها : صباح الخير رورو . حوريه ردت : مش باين خالص يختى 😅😅 الحقى ابن المجنونه جاى الساعة ١١ صاحبتها قالتلها: ايه هو مش كان لسه هيقول معاد تانى 😳 .

حوريه قالتلها : اه المفروض بس انا صحيت لاقيته باعت انه على ١١ هيكون هنا يلا يا حلوة اجرى بقى اسبقينى عقبال ما اجى وظبطى الدنيا احسن هتلاقيه جاى سان سنانه علينا صاحبتها ردت : متقلقيش احنا جاهزين اوى اوى 😉 . حوريه قالت طيب انا هطير اجهز واجى سلام بقى قوينا يارب 😅😅. حوريه وصلت الشركة وطبعا باباها هناك وراحت عنده وصبحت عليه : صباح الخير يا بوص 😉 . قالها : يابنتى خليكى جد شويه انتى محسسانى انك جايه رحلة 😅

حوريه قالتله : يابوص ما انا جد اهو انا جيت اصبح بس عشان يبقى نهارنا نادى 😅 رد عليها : نهار نادى 😄 انا مش عارف اعمل فيكى ايه بقلك ايه الضيف اللى جاى ده اوعى تعمل الشويتين دول ده راجل اعمال تقيل اوى وابو من كبار رجال الاعمال وبينا علاقات كويسه اوى اوعى تبوظى الدنيا بجنانك ده اموتك 😅 ردت حوريه : لا لا عيب يا بوص ده انا هشرفك النهاردة ادينى فرصتى بس . قالها : خدى فرصتك وربنا يستر وميبقاش افلاس على ايدك 😅.

حوريه قالتله انا هروح بقى اظبط الدنيا عشان الضيف اللى جاى وفى سرها : ده انا هظبطه هو شخصيا 🤌🤌😁. عدى خلاص وصل الشركة ونزل وكان شكله رهيب لابس بنطلون بيج وقميص ابيض وجزمه بنى قمة فى الشياكة والنضارة بقى وعادل كمان الاتنين ما شاء الله شكلهم ملفت جدا دخلوا والكل بصلهم وموظف الريسبشن قالهم اؤمرونى يا بهوات عدى قال : عدنا معاد مع منصور بيه قوله :

عدى الانصارى الموظف قال : ايوة طبعا يافندم منصور بيه منتظر حضرتك اتفضل وعدى راح للاسانسير وركب هو وعادل . عادل قال : الشركة حلوة اوى وفخمة اوى زوقه حلو . عدى قاله ايوة فعلا شيك اوى بتفكرنى باللى كنت بشوفه وانا مسافر وابويا كان بيشكر فيه اوى وبيقولى انه راجل محترم جدا . عادل قال : والله شكله هيبقى شغل زى الفل الواحد متفاءل عدى قال : اكيد ان شاء الله .

عدى فتح باب الاسانسير وماشي وبيقلع النضارة عشان يحطها فى علبتها فى نفس اللحظه كانت حوريه ماشيه بسرعة وخبطوا فى بعض حوريه لقت نفسها فى حضنه حرفيا 😅😅😅 هو طويل وهى قصيرة شويه وشهقت هيييييء وهو راح ماسكها بايده لانها كانت هتقع راحت شاخطة فيه : ايه يا متخلف ده شيل ايدك انت اتجننت ايه مش شايف قطر ماشي 😅😅😅 يختااااى عدى سمع

الكلمة رد عليها وصوته تخن: الجطر ده هو اللى بياخد فى وشه زيك اكده وانتى مش بس كييف الجطر لا ده انتى لسانك عايز جطعه انتى مين يا بت انتى انتى مخبراش انى مين بعدى من جدامى . حوريه قالتله بصوت عالى انا لسانى عايز قطعه طيب ورينى كده هتقطعه ازاى عشان اقطعلك ايدك 😲😅 . عادل فى سره قال : الله يرحمك يا شابه كنتى حلوة ومزة والله 😅😅😅 .

باباها سمع وطلع بسرعة يشوف فى ايه وطلع شافها وهو عارف عدى كويس وهى كمان على فكرة وهو كمان ليه بقى لان عدى لما قالت اسمها دخل عمل سيرش علي الشركة وشافها وهو اصلا كان مستحلف ليها وهى كماان بس باباها ياعينى هو اللى مش عارف ده 😅 وطبعا سال عدى : فى اييه اى الزعيق ده عدى باشا

اهلا اهلا شرفتنا عدى رد : قاله انا اللى اتشرفت بحضرتك انا اسف على اللى حصل بس الانسه اتعصبت رغم ان هى اللى خبطت فيا وكانت هتقع وانا لحقتها ولاقيت مدفع رشاش فى وشى منصور باصلها 🤨 وهى راحت بالعة لسانها وسكتت بس ردت بصوت واطى : والله انا بس اتخضيت واكيد مقصدش هو بس انفعال من الموقف وحضرتك كمان اتعصبت عليا . عدى فى سره يابنت اللذينه ايوة اتمسكنى يختى اتمسكنى كهن بنات 😅😅😅 . عدى قال : خلاص حصل خير .

منصور قال طيب اتفضل ميصحش تفضل واقف كده انت ضيفى النهاردة وهحتفل بيك واخده ودخل المكتب . منصور قال : حوريه تعالى يلا طبعا راحت معاهم .

منصور رحب بيه وقدم واجب الضيافه على اكمل وجه وحوريه بدات تشرح طبيعة الشغل بينهم هيبقى ازاى وهو مركز معاها اوى وعجبه اسلوبها وكان بيراقب كل حركه وهى اخدت بالها وتوترت شويه وكانت صحبتها معها بتكمل الحوار معها واسلوبهم كان جميل وعدى كان مبسوط جدا من كلامهم ومنصور كان ملاحظ ان عدى معجب بطريقة عرض حوريه وخلصت كلامها .

وقالت : اتمنى اكون قدرت اوضح لحضرتك كل النقاط المهمة عشان نمضى العقود قالها تمام وانا جاهز وفعلا مضوا عقود الشراكة وتقسيم الشغل بين الشركتين . منصور كان فرحان جدا بالشراكة ده وقام سلم على عدى وقاله اتمنى ان تكون سعيد بالشغل معانا وسلامى للوالد انا بعزه وبحترمه ونفسه اشوفه انا هكلمة ونحضر حفلة عشان نحتفل بالشراكة دى وياريت تقبلوا دعوتى ليكوا وانا هبلغ الوالد بنفسي . عدى قاله وانا يشرفنى اقبل دعوة حضرتك .

حوريه كانت معجبه اوى بطريقته تقيل كده وشخصيته قويه ده غير كلامه الصعيدى اللى مجننها 😍😍 منصور قال : خلاص يا عدى اسمحلى اقول عدى علطول انا زى والدك حوريه بنتى هتبقى هى المسؤله عن الشغل معاك اما اشوف بقى همتكوا معانا عدى وحوريه فى نفس الوقت كل واحد قال فى سره : اكيد هنشوف 😅. عدى وعادل سلموا على منصور ومشيوا

وعدى سلم على حوريه وقالها: فرصه سعيدة اوى يا انسه حوريه اوعدك هتتبسطى اوى فى الشغل معايا بس يارب تبقى قده لان انا فى الشغل معنديش تفاهم . حوريه ردت : وانا كمان اظن حضرتك شفت ده بنفسك قالها تمام سلام ومشى .

حوريه من جواها ياباى ده ايه الجدع ده ياخرابى اكيد فى حاجه عملتها وربنا بيخلصها منى الجدع ده هيطلع روحى اوف بجد 🤢🤢 لا وبابا كمان بياكد المعلومه هو انا مش بنته ولا ايه 🙆‍♀️🙆‍♀️ ربنا يستر والحفلة اللى بابا عايزها دى كمان ده المقابلة دى استحملتها بطلوع الروح اومال فى الحفلة هعمل ايه . عدى ساكت طول الطريق وعادل عمال يبصله عدى قاله: قول الكلمتين اللى محشورين فى زورك عادل: هو انا باين اوى كده عدى رد : اوى اوى .

عادل قال : من الاخر المزة عجباك واوعى تنكر انا عجنك وخبزك يا معلم فتعالى دوغرى وقول ناوى على ايه هااا . عدى رد وقال : بصراحه وبدون لف ودوران هخليها تقول حقى برقبتى وترفع الرايه البيضا . عادل قاله اه يعنى انت اعلنت الحرب عليها دى هتحلو اوى 😄 ده احنا هنشوف العجب . صاحبة حوريه برضه بتسالها : ايه يا حوحو ناويه على ايه سكوتك قلقنى من ساعة ما اخينا مشى وانا نازل عليكى سهم الله شكلك بيدبر مصيبة .

حوريه ردت : انا لا خالص ده انا فكر هلبس ايه فى الحفلة اما وريتك يا وارد برة وجوة انت مبقاش حوريه 😉 . رحيم شاف دليله راح نادى عليها بعصبيه دليلة 🤨 : عايزة اجولك حاجه اكده . دليلة : حاجة اييه ومالك متعصب لييه هو حوصل حاجه ! رحيم قالها : يعنى مخبراش اللى عملتيه !! ردت عليه : انا عملت اييه عاد ؟؟ قالها من ميتا وانتى بتحددتى مع الغرب ومش بس اكده وبتضحكى من غير خشا . دليلة

اتصدمت من كلامه وردت عليه: انت جولت اييه انى معنديش خشا وهان عليك تجولهالى يا رحيم ده اكتر واحد عارفنى زين انى مش مصدجه اللى سمعته يا حرجت جلبى ياربى 🥹🥹🥹 رحيم اول ما شاف دموعها مقدرش يمسك نفسه راح واخدها فى حضنه ومسح

بايده على راسها وقالها : لا لا متبكيش الا دموعك مجدرش اتحمل والله ما اجدر حجك عليا انا انا بعشجك يا دليله وغيرت جوى لما شفتك وانتى بتتكلمى مع عادل ده وبتضحكى كنت عايز اخبيكى جوايا غصب عنى خلاص مش جادر والله . دليله كانت دايبه حرفيا فى حضنه بس فاقت فجاة وبعدت عنه وقالتله : كل ده جواتك ياود عمى !! رد عليها وقال : ايوة وانا عايزك يا دليله على سنة الله ورسوله جولتى ايييه !!

خلينا نشوف بقى دليله ردها ايه على رحيم ياترى هى كمان بتحبه قد ما هو بيعشقها !! وحوريه وعدى هيعملوا ايه فى بعض وحوريه ناويه على ايه فى الحفلة دى استرها يارب 😄🙆‍♀️🙆‍♀️ . …..