تحميل رواية «يا أجمل الوحوش» PDF

الصفحة الاولى

" أخـرج من هُنا "

الصفحة الثانية

" ما زلت مُستمر يبدو انك تحب المغامرة

لكن لا أنصحك "

الصفحة الثالثة

طالما ما زلت مُستمر فَـ انتَ لستُ شخصاً مُغامر فقط

انتَ جريء

" هل انتَ جاهز ؟ "

الصفحة الرابعة

هذهِ الرواية سيكون الدخول لها سهلاً

لكن الخروج منها صعباً

عُذراً ؟

- لا يُمكنك الخروج منها أساساً

أعلم بأنكم سئمتم من المُعتاد و العادة

نُقدم لكم يا أيها السيداتِ و السادة ..

معاركٌ لا تنتهي

مطاحنٌ العروش

هيّا اتركوا الإنس لهم

لندخُلَ في العالم الوحوش

في مُستنقع الوجود حكاية

لم أجد لها خيط بداية

إلتزم الصَمت حتى أنفجر في النهاية

من أجل ماذا ؟

بصوت جهوري مُخيف

- حگي من وادم حثالة

باگو الديوان و عگال و عَباية ...

وحشٌ مُريب ، تركيبهُ عجيب

يُلقب بـ صاحب المَبسم الكئيب

مشوه القلب و الشكل

لا يعُرف الإصلاح مُعتاداً على التخريب

هذا ما يعرفهُ عنهُ كُل قريبٍ و غَريب

إلا هيَ ...

مُشاكسة مِن دمهِ ، غريبة الأطوار

ثرثارةٌ ، مُغنجةَ لا تعرف الوقار

آميرةُ .. قائد الاشرار

غائبةُ سَـ تظهرواْ ... عِند أنفجار " الـثـار "

يا تُرى ماذا سَيحصُل

عندما يَدخُل الثأر بين فصيلة الدم الواحدة ؟

مُجادلة ..

القُراء :

يا أيها الوحش العَسر

جئِنا لكَ بـ حلوةً

نعلمُ بالشُجعان بالنِساء تَنكسر

الوحش :

هههه ، هَذا تحديكم قَـوي

لستُ فقط لا أنكسر ، لا ألتـوي

جُمارة :

مَن ذا الذي لا ينكسر !!

يا ذَلك الوحش الشَرس

أفصح لَهُم

مَن باس كفي بالآمس ؟؟

بهدوءءء

أفتحوا الباب فـ نحنُ ما زُلنا غُرباء

جهزوا الضحك و كَثروا البُكاء ..

فَـ أنتم شاهدين على كُل فرحٍ و عَزاء

عالمٌ غريب

يُريك معنى العناء

و الموت على قَيد الحياا

شيطانةُ

تُغير المسار بـ لحظة خُبثٍ و غباء

و يُريك

اسَتخراجُ من الأموات أحياء

ووو .... يَكفي

جاهزون يا قُراء ؟

مَشهد رَقم 1 ...

دخلوني سحل للمضيف و هُمَ مثل الذئاب الي لگو فَريسة

بحيث أنظارهم تريد تأكلني من الغضب أباوع بعيونهم بخوف

بلكي واحد منهم يشفق عليه و يباوعلي بنظرة عطف حتى اعوفهم

و أروح أچلب بي

يتناقشون بصوت عالي مجموعة دگول خلي يجي يالله تتصرفون

و ناس اعصاب يريدون يشربون من دمي و معترضين لان

" إلا هو يجي " دخل أمجد و ينكت عباته بعصبية

اول ما وصل يمي عدل وجهي بكف أيده و ضربني راشدي

وگعت يم رجليهم

- شمنتظررررين واكفين تعاينون عليها چيلة والله چيلة أخلي

براسها و احرمها شم الهوى الهااااب

اسمع صوت امي بره تلطم و تتوسل بيهم ما يأذوني

رجع نزل رأسه امجد يحجي وياي و ينفت من العصبية و أندارو

عليه البقية و اني بالكاع و رافعة راسي عليهم روسهم و اجسامهم

منعت حتى الهوى يدخل مو بس حجبت الضوه

واحد منهم گال

- ولججج النوووب خوش صييييت بناتنا طايحة وي أهل

الفايز ولج وين وديتيها هاي الملاييين ويينننن أحجي لا اصلخ جلدج والله

- والله ما أخذتهن والله مو أني وداعت أبوي

شخص يضربني و الثاني يعتني منه يگله أوگف

صارت عركة بينهم و اني الضحية من كل جهة تجيني ضَربة

أصرخ اريد امي تخلصني هي بس هي تصدگني

لحد ما لزمني أمجد بالزاوية صرت ما أعرف منين احمي نفسي

و كلها تريد تشلعه من عندي ما ينشلع كأن يشفي غليله بيه

آيدي كلها دم من وره نزيف حلگي و خشمي

- خل تحچي وين ودتههههههن لا أذبحها والله أذبحها

من حسيت الحچي ما بي فايدة سكتت و حتى لو بي

ما أكدر من الوجع احچي غَوشت عيوني و آجر النفس بألف ياعلي

لحد ما سمعت صوت امي صاحت و هُم سكتو

تغريد : دخيلككك صايةّ الله وصايتك بنتي راحت

مَا ادري مَن دخل لان اني بنهاية المُضيف و أغلبهم يم الباب

و حتى اللي واكفين بالوسط راحو بالبداية توقعت عمي

لحد ما سمعت نبرةّ صوت مُخيفة اكثر من ما أنها عالية

- منو مسـوي بيهااااااااااااااااا هيج

مَشهد رَقـم 2 ...

اللعب الجهال بالحديقة الي بالخلفي و أشوفهن يتصايحن

بالمطبخ لان باب المطبخ الثاني يطل على حديقة ورا البيت

كل التجي تلزم الصينية تهدها و متقبل تشيلها

- ولجن عمجن كال وحدة من البنات خل تجيب الچاي

كاعدين يسولفون

- يمه اخاااف منه والله ما اروح

- ولج العتوي لو شافجن يخترع وينجن و وين الخوف

اجيت يمهن و گلت الها

- خالة اودي اني يصير ؟

- اي حبيبتي يصير هو بس تطبين ياخذه منج عمار

بس هذن عيارات

اخذت الصينية و رحت يم باب المضيف طبيت و الشال على راسي

ما فكرت بـ أي شيء غير امشي على كيف حتى لا الچاي

يوكع بالماعون و يخلص من الاستكان و يصير شكله مو حلو و هيبة

اني بتفكيري غارقة لحد ما لگيت نفسي واصله نهاية المضيف

رفعت راسي لگيت عمي و عمار منطيني ظهرهم و مشغولين

بشيء عدلت وگفتي و گلت

- احم هذا الچاي عمي

هُم فزو و اني هم فزيت رجعت ليوره و تبده نُص الچاي الي جبت الطريق محافظة عليه أبتعدو و صارت عيني عليه

فتحت عيوني بصدمة شهگت

و طاحت صينية الچاي من أيدي

ركضت و ما تركت غير بقايا الگزاز

و الفوضى إلى ترست المكان ..

في أحد مجرات غُرفة من بيت عراقي جنوبي

هُنالك منديل قماش رجالي " چـفية "

يحتضـن رِصـاصـة و أحمر شِفاه قديم

مُنذ تاريخ هذا المنديل تبدأ الحكاية ...

عندنا أرتفع صوت الجدال عَن قضيتها دخلت دون سابق

إنذار و قَالت :

- ما رِدت شيء مِن العُمر بَس ردت أعيش بجَالك

وَ يا شيخنا فلوسك الك ، بس أني مَهري عگالك ..

الغلاف أبداع كاتب الرواية

يَا أجمل الوحوش

- رُسل فَهد

موعد البارت الاول

2025 / 5 / 25

في تمام الساعة التاسعة مساءً

زفير ... 😔🤎

و اخيراً الحمدلله التقينا برواية جديدة

طبعاً اني متحمسة لكتابتها أكثر منكم

لأن هالمرة غيرر 😭🤍

تابعوا حساب الواتباد و ضيفوها للمكتبة

حتى تبدي الإشعارات توصل الكم

و هذا حسابي الإنستقرام أكيد متابعي الشذرات

بس أني طماعة 🥰🤭

رسُل تحبـچن هوووواي 🤍🤎

2025/5/25

البِداية .. 🤎

البَارت عَليـة و التفاعُل عليكم ..

يَا أجمل الوحوش

- رُسل فَهد

....

عند الوصف أقول :

كُنت خائفة طوال المسير في الثانية ألتفت الف مَره

كأني الزوجة الخارجة من المنزل دون علم زوجها

حيث تتهيء لي جميع الرجال انتَ ..

و عند الشرح اكثر سأقول :

خَايف و أرجف ، مرتبـك

مِثل المتاهة وياك خَلص عُمري

أمشي و أباوع ليوره

خوفةّ الـ تمشي بنُص درب زلمتها بي ما يدري ..

- رُسل فَهد

...

العراق - بغداد - الكاظمية

منطقة الأنباريين تحديداً

عام - - 20

الساعة الـ ثانية ظُهراً

واكفة و راحت رِقة تركض لزمت باب الكية

- عمي احنه احنه اثنين

كاللها بس تدفعن الكروه مال ثنين

طبگت باب الكية قوي و دگت الجامه

رِقة : إذا انتَ لوتي اني الوتّ منك حرك الكية وراح

رجعت و هي تتعارك وي نفسها

جُمارة : هسة ما قبلتي صار النه نص ساعة ننتظر

بعد منو يكول تجي كية

رِقة : و الله و أبقى للعصر و لا انطرح زوج كافي عليه امي

ما مخلية فلس يعتب عليه دكلي عسى ما تبوكين معليه

بقيت ساكته مستغربة من تصرف امها و اني مابيه حيل

أتناقش الشمس نازلة بالكاع

وكفت يمنه مَـره وشايلة طفل آية من الحسن و الجمال

جُمارة : أغـو أغـو ،

يُمه صدقة للخلقة خالة هذا ابنج ما تبيعي ؟

ضحكت المره مجاملة يمكن خافت ع ابنها من الحسد

رِقة : باع الثولة شلون راح تصيرن ام ولج أغااا أغااا

شنو أغووو ، خالة ضمي ابنج جوه عباتج من الشمس

ما تشوفيها تصگع الزمال حشاج و حشانه

وحشه الزينين

جُمارة : چا شبقه ؟

رِقة : چا چا عرگ عمامج ما يقبل يهدچ أوهمداج و امدا عمامج بس حشه ولد عمج لان كلهم حلوين

جُمارة : و هذا العاجبج

ماريد اصدمج بس بعد أسبوع عرسة

رِقة : ولج صدك صخم الله وجهج على هذا الخبر كبل عرسة حتى ما لحكت أنصدم بخبر الخطوبة تضمين عليه ولج اوهمداج و امدا

الصحبة اني أبوي من يبوس امي ما أضمها عليج

تضمين عليه هيج سالفة قوية

غمتني و دارت وجهه

طبيت للبيت بـ 2 الظهر احس روحي منتهية من الحر

امي واكفتلي بالباب وعبايتها برأسها

تغريد : ولج وين جنتي ليش هلكد تأخرتي نعلعلة والديه إذا خليتج تداومين بعد اني كلبي خلصان معدي اقري بالبيت

نفس الإسطوانة تنعاد يومية من امي

لان تخاف علينه بشكل ما يوصفة العقل

روز : شصار بيج امج يمكن صعد ضغطها شنو السالفة معقولة ماكو كيات

جُمارة : يبو شجاجن شبيجن شنو طفلة اني اي و ماكو كيات شسوي هاي البنات كلها خطوط و مرتاحة اختج تبيع براسنا كرامات

آخذي من عمي فلوس يعني ترى واجبهم ما مسوين فضل

امي حَطب و أشتعل طلعت حر الجو كله بيه ضربتني راشدي و ويه كل كلمه اراددها بيها تجيني كفخة و راشدي

تغريد : اي اي الايده بالمي مو مثل الايده بالنار شمدريج انتِ

يالله تأكلين و تكشخين و تطلعن تهامصن انتِ و ذيج الصخلة الوياج

جُمارة : هسة اني وياج تعاركنا رِقة شعليها صارت صخلة و ماتدري بكل عركة رِقة رِقة

عضت إصبعها امي و أجتني بيده الچفچير

تغريد : ولج شنو تتمهزلين عليه و اني حليب امي زِعته من وراج

طبعاً شالتج الغيره على صاحبتج و امج لا انتِ حرام زادة انتِ

ضغطت على ايده حتى تعوف الچفچير لان ضربته توجع

و هي ضربت صدرها و شمرته بالكاع

تغريد : ولج روز الحگيلي تضربني ولج اني جُمارة تضربني

ولج هذا تاليّ اوهمدا تاليّ بين النسواااان

لزمتني تكفخ من كل الجهات و صرت اخاف حتى اراددها لا تسويني عاق و اريد اذبحها أجتي روز تفاككنا تالي امي عافتني و لزمتها كتلتها لان ما شاره الهدوم صار ساعتين

مسحت دموعي و صعدت فوك شوية و اجتي روز تترادد هي و امي

و تبجي طبكت الباب قوي وقفلته و كعدت تغرد

روز : مخبلة و الله امج مخبلة مو صاحية

جُمارة : لج لا دكولين على امي مخبلة خليني محترمتج

حچيتها و اني انشغ من ضرب امي

روز : انطمري دنطمري صار الها ساعة كطعتج اللوكية

جُمارة: معليج اني وامي

ضربتني على راسي و لبست السماعات كالت الو ..

هي الو و هيَ بچية ...

غمضت عيوني و ما صحيت إلا على صوت أمي

تغريد : كومي أكلي يالله دنيا الليل النهار طويل لا تتخربطين

ما عندي فلوس للمستشفيات

درت وجهي ما جاوبتها ، خلت أيدها مسحت على شعري و باست راسي

تغريد : دگومي كاتلتج الأقوى منها و ما زعلتي اني غير من. خوفي عليج اضربج و انتِ ينرادلج تربية

جُمارة : يمه شوكت أصير چبيرة بعينج مو هذاك آموري و لا يوم ضربتي ولو نسيت انتن الأمهات ذكوريات شوكت يجي رجلي حبيبي

و يخلصني منكم

تغريد : امداج و امدا رجلج لو صدك بيج خير جان صدكتج چم قسمة اجتج تخبل ما تقبلين تتعيقلن انتِ و ذيج السعلوة الثانية يالله سماعتها

و تفتر جنها مسودنة تاليتي ازوجچن أثنينچن لواحد معوق

تدارن بي و اكسب آجر

جُمارة : حرامات كشفتي السر چـا اني ليش ما أتزوج منتظرة روز شوكت تتزوج حتى أرقمـة لان اكيد ما اكدر أفارك خالتي حبيبتي

كفختني على راسي و نزلنا نضحك

روز مثگلة على امي تالي صبت النه و گالت الها تعاي أكلي لا

اخذ التليفون و السماعات والله

روز : اختي حبيبتي امي الثانية ليش منو كال اني زعلانة

كعدت اسولف الهن اليوم ليش تأخرت

تغريد : ولج والله اكرها و گلبي لاعب منها هالبت لان من حجيت وي أمها عندها كلشي عادي و اني هاي الأمهات ما تعجبني

إني إذا مو نعال و صوندة ما ارتاح

بعدنه نحجي و دخل آمير

آمير : ليش مضوجات امي هيو انتن

تغريد : بعد أمك و اسمها لا اني هم ضربتهن خطية

جُمارة : و انتَ شنو تريد تصير رجال براسي دير بالك

و أحفظ مقامك زين اني أختك الجبيرة

امير : البعيرة قصدج

روز : يالله اني شبعت

تغريد : جيبي التليفون روز

روز صارت صفرة و بأثنين أيدها تمسح شيء بالجهاز

تغريد : شبي ؟

روز : مابي والله هاج شوفي هاي بس أغاني و صورنه

و هاي ألعاب

هي تعرف أمي أصلا ما تعرف للتليفون بس مع ذلك تصيبها رعشة خوف كل ما دكوللها جيبي و حتى اني الي مالي دخل اخاف

بقى امير يباوع لروز مثل الي شك بيها خزرها و هي تبخرت بعد ما شفناها

بقيت العب ويَ امير أسولفله مخططاتي إذا اطلع من السادس

و احصل المعدل الاريدة

امير: بيج خير جان طلعتي معدل من اول سنة مو صارلج ثلاث سنين والله الج خلك اني بس اخلص الثالث ادخل اي معهد يجي كبالي

ما يحتاج وظيفة خير ابونه موجود و عمامي ما يقصرون

حچاها وباوعنه لامي و احنه مبتسمين

نزعت النعال و شمرته خلانه كلمن يشمر نفسة بمكان

امير : طشرنه نعال امي مو چنه ملمومين

جُمارة : المجد المجد تحياااا و تعيش العمام

امير : بعد روحي عمامي العز و الفخامة و الهيبة

تغريد : ولكم تردون تجلطوني أنعل أبوكم لأبو عمامكم حشى أبوكم

امير : شنهو هاللواته يمه وين لكيتيها

امير يلعب بلي و اني كاعدة يمه و شيحجي أكله صحيح والله كلامك

امير : جُمارة من الأخير كولي اشتريلي عليمن نزعتي الكرامة كلها

جُمارة : فديتك حبيبي والله تفهمني يمعود هذا اكل يا كرامة

أصلا الكرامة ما مذكورة بالقران يعني مو واجب

تغريد : جيبي ولج شتردين اني رايحة لام سالم

و مناك اجيب ريوك لباجر

امير : ما عندي مره تطلع بالليل أغار عليج

جُمارة: چـا يمه جان كلتي من وكت خليتيني أتحمل خلقة امير و اكعد اتلوكله اخخ اشعر بالخسارة

تغريد : جيبي عاد و شوفي روز هم خاف تريد شيء

جُمارة : جيبيلنا يمه انتِ على حسابج اصدمينا فد يوم جا الأمهات

المن تنراد و انتِ اليوم كاتلتنا

عضت إصبعها و عدلت عباتها و طلعت صعدت الدرج و اني اغني

لان باجر ماكو هواي تحضيرات من كملت الدرج فتحت باب الغرفة

روز نزت و نزلت السماعات

جُمارة : خابري خابري امان خل يضحك عليج زين

حجيتها و غميتها

ثاني يوم جان دفع القصد الأخير مال المعهد التدريسي

لان راح تبدي الامتحانات ماباقي هواي و رِقة كالت

رقة : اويلي احلى شيء انتِ ثلاث سنوات تداومين و ما تدفعين قصد

اني أبوية لان رسبت العام هاي السنة سجلني بس بكل قصد يجي

ما ينطينا إلا يتكافشون هو و امي ويكتلها تالي يدفع القصد و يتصالحون

جُمارة : جا اني لو ما هذا الرجال الخير ابو المعهد ما يأخذ مني لان أبوية شهيد جان أصلا ما سجلت امي خطية منين تجيب ساتر علينا راتب جدة جان كمنا نجدي

رِقة : كل ما اصفن على سالفة ابو المعهد ما اصدم معقولة هذا الحقنة يطلع منه هيج عمل إنساني

جُمارة : ما ادري يمعودة خلي الله هادي عليه و اني هم استغربت

شفتي ام ملاك شكد تقهر من توسلت بي ينزللها ما نزل درهم

رِقة : تدرين مفكرة نطلع قبل لا يخلص هذا الأسبوع لان بعد ما نلتقي إلا بالامتحانات امي دكول راح أحرم عليج الطلعة حتى لبيت جُمارة

- لا عفية اني ما اطلع لأي مكان امي ما تقبل و امير شايفته شلون صاير رجال براسي و من غيرها عمامي بأي لحظة يجي واحد من ولدهم يم امير حتى يبطلوني

- يا ستار شبيج يا حجاية رجعي لمكانج و هاي هيج راح تنلزمين بيومها

جُمارة : اي امي دكول الشريفات گملتهن بگعة و المو زينات يتستر الهن

لان الشريفات رب العالمين يكشفهن من اول عملة حتى بعد يخافن و ما يسونها بس المو زينات لا هي النار تريد حطب

رِقة : إش إش سويتيها محاظرة براسي ردت اعزمج بمطعم أمداج و امدا التعزمج

بقيت ساكتة شكد بنفسي اطلع و اروح بس اخاف على امي لا تجيها حجاية من عمامي لان بدون شيء هم شلونهم

بالليل حاولت اقنع امي شكد ما اكدر حرت بيا طريقة حتى أيدها بستها و ماقبلت طنكرت و صعدت و الصبح ثاني يوم قبل لا اطلع كلت بلكي ينكسر خاطرها عليه قبل لا تسد الباب كالت

- وحق ابو راس الحار اذا خطيتي خطوة ما ادري بيها ازوجج لولد عمج و ابطلج و اخلي رهينة تصكرج و لا عبالج وصيت امير يراقبج

جُمارة : لا ما اولي ارتاحي واحد حتى راح تصير بي حالة نفسية

تغريد : قُز القرطية مو نفسية خلي تصير بيج و ما اخليج تولين انتِ وذيج العبدة الـ الله مايص خلقتها

- اسكتي هاي اجتي

- اي اي سكتي امج علمودها ، تجين و اعلمج

و طبگت الباب قوي

رحنه و بقت رِقة تسولفلي الحرية الي هي بيها بس ابد ما قنعتني اروح وياها رغم نكدر نضرب محاضرة بس اخاف لان مرة سويتها و ضربت محاضرة حتى نروح لصديقتنا جانت مسوية عملية و ما ادري شلون طلعت امي تدري و كتلتني

رجعت و نفس الشيء امي واكفتلي بالباب

- ما اكسر كلامج حبيبتي طبي شعندج واكفة بالشمس

تغريد : ادري بيج و اعرف بروحي شمربية بس اخاف من ذيج لا توز براسج

- لا يمة والله خوش بنية انتِ ضالمتها

عَطلنه و خلص الأسبوع و العصر امي صدمتنا بـ اقوى خبر

بتاريخ حياتنا

تغريد : حضرن روحج راح نروح لبيت رهينة و آحفادها

روز شهگت و اني صِحت يُمــة

- اي نروح لعرس ابن فاخر و نبدي صفحة جديدة

كافي كل هاي السنين و تبقى هي خالتي و من ريحة امي

روز : ما اروح اني

جُمارة : و لا اني

- اي مو فد قنادر انتن و امشي برايجن اني صارلي شهر أفكر

و هسة انطيتجن علم حتى تحضرن نفسجن نروح الثلاثاء و نرجع الجمعة الصبح حتى تقرون انتِ و اخوج

جُمارة : و شنو ما عندنا كرامة و تروحيلهم ذاكريج هُمَ ؟

تغريد : الأم تضحي بكلشي لخاطر بزرها و أنا امير كل هاي السنين

كاسر باب گلبي وحيد فوك ما يتيم

بقينه بصدمة لحد يوم الاثنين بالليل نگول هسة تبطل لان مستحيل

بعد 16 سنة تتراجع و تقبل تروح لحد ما صحينة على صوتها

تغريد : ولجن يالله عاد راح يوصل و انتن لسه سبح ما سابحات لو تردن ترحن للعالم بهاي الخلق حتى

تهج المنطقة و تشرد

جُمارة : يعني انتِ ما تحبيهم، احنه ما نريد نروح ، هُم ما يحبوج ، روز تستحي و محد عزمج

غير امير كالج عود جدة مخابرته خوب خلي تخابرج

روز : اي والله اليروح بدون عزيمة ما ليكه مخدة مدري

ما يفرشولة فراش مادري بس يمكن المثل هيج يكول شعدنه

رايحين خية

تغريد : امير اخوج خطية من زمان يريد يروح و اني اكسر بخاطرة و هسة مادام مناسبة نروح نصفي الگلوب و نشوفهم ضال هنا وحده لا عمام لا ولد عم

جُمارة : ما يجون مو يوصلون للباب و ما يطبون

هاااا؟؟ يعني أمير يكلج موتي تموتين

تغريد : اموت لعد شعندي غيركم احبل اجيب

والله البارحة اجاني يبجي باس آيدي خلي نصير احسن منهم احنه

روز : هُم هَم ما عالو بيج غير انتِ غلطتي على امهم

و من جابولج مصرف طردتيهم

تغريد : ما أبقى بـ نص عالم يساومون بگلبي و المرة التعرف شگد أنا احب أبنها و روحي متعلقة بي و گلب الأم من ينفقد

أبنها

غراضة ما تخلي واحد يجيسهن مو اول ما غاب

تنطي مرته لأخـو

جُمارة : الله لو أبوية موجود والله چان هسة أحنه عايشين أحلى عيشة

باوعت لأمي خنگتها العبرة

روز : يالله أمشي أسبحي و اني اسبح وراج لان أني أتأخر

و ما احب احد يگلي أطلعي انتِ وسخة بسرعة تسبحين

غميتها و أخذت الهدوم

أمي متجهزة و جهزت ملابسنـة ثلاثتنة حتى روز

لان هاي أمي لو يصير عُمرنا خمسين سنة هي ما تشوفنة

غير زعاطيط و كلشي مندبر بدونها ، و هو فعلاً ..

أختاريت فستانين و أمي ما قبلت بيهن تريد أستر

لبست بنطرون و قميص و أجيتها عَضت أصبعها

و ضربتني بالكوشة

تغريد : ولچ تردين تجلطيني رايحة لعمامج بالبنطرون

حتى يشرونه على الحبل لبسي صايتج السودة يالله

راح يجون و انتِ الجربة ما كملتي سبح

مو حتى مايّ الجوارين خلصتي

لبست الصاية و أجيت مي أفتر حتى تشوفني أمير

واكف يمها

أمير : لج هاي شلابسة يمه هاي شلابسة عمامي ما يقبلون

تغريد : ليش يمه شبي عريض و مستور لابسة صاية شتلبس بعد

جُمارة : و انتَ شنووو تحاسبني ترى بعدنا ما وصلنه لعمامك و صرت زلمة شجاك فاتح بلوتوث

امير : تاج راسج عمامي

جُمارة : ايع شكد لوكي ترى ما ينطوك ربع

تغريد : مو أجيج أكص لسانج

باوعتلة و عوجت حلگي و خزرته جانت بيده قوطية فارغة

صارلة ساعة يعقج بيها شمرها عليه

صفگت بأيدي

جُمارة : هههه هههه صفگولة صفگولة هو رجال

شلت القوطية و شمرتها عليه طاحت بگصته أجه يضربني

فاككتنه امي و غمتني

عضت أيدها و حجت و هي عصبية

تغريد : يعني على أساس ما اعرف سوالفج ترديلج جوشة حتى تخرب الروحة حافظتج ترى لا تحاولين

جُمارة : لا حبيبتي اروح ليش ما اروح و يجوز ما ارجع وياج ابقى يم جدة و عمامي و انتِ أخذي ابنج و ارجعي

تغريد : هو انتِ رهينة زاگتها و گايمة ابقي يمها طبج مرض خل تصگرج

اريد أجاوب و أندك الباب قوي و واحد صاح بصوت عالي

- آموووري

طلع يركض آمير بكُل لهفة بين تجهيز و تعديل و عرك أمـي و روز

طلعنـة من البيت و چانت هاي الخطوة هي

أول خطوة أتجاه الحريق الي ما نعرف إذا راح نطلع منه

لو نطفيّ

ولكن لَم نُدرك ، في الحالتين سوف نتعرض إلى خسائر فادحة

بين روز الي مخلية السماعات و عايشة عالم ثاني

و فرحة آمير و حيرة أمـي ، إلا أني بدون مشاعر

رايحة و ما شايلة غير الفضول وياي أتجاه المكان والأشخاص

مَرت ساعات و الطريق طويل وكُل ما يگول آمير ما بقى

شيء و نوصل وجه أمي ينخطف لونه و تتوتر أكثر

إلى إن گال وصلنا ...

باوعت لأمي و أستسلمت

تغريد : هسة اني شورطني أنطيالي التليفون

طلعته من جنطتي و مشينه وراها أني و روز متگاودات

بعدنا ما واصلين الباب دخلو آمير و قائد قبلنة

شحطت هذيج أنواع السيارات الي يكون بيها مكان حمل

و كل سيارة إذا مو ثمانية فـ شايلة سَبع زلم و كلمن سلاحة بيده

أمي بقت صافنة ويانة و لمن أجتها لحظة الإدراك جرتنا تطبب بينا

و أمير يغلط و يخوزر بينه طبينه للكراج چبير و هُم طبو ورانة

ما يتناقشون ، يتعاركون حتى بالحچي

طلعت جَدتي تركض ناحيتهم و لاچن عكازة بيدها

حتى ما أنتبهت علينه وگفت يمهم و كانت تحضن بيهن واحد واحد

و تلزم وجوههم بأثنين أديها خاصتاً واحد شاب صغير تحضنه و ما تشبع ترجع تحضنة مرة ثانية عبالك ممصدكة واكف گبالها

- جدة رِهينة لا تخافين عاد انتِ مربية سباع

من تجين صوبنة تركضين نشكك بمراجلنا معناها

انتِ ما متأكدة عندج زلام تفرك حلگ الموت و تطلع منة

شهگت و خلت أيدها على گلبها

رهينة : أيخسى و ينهان كلمن يشكك بمراجل زلامي

حتى لو چنت أنه أدريكم سباع و ما تهابون المنية يا بعد

العدوان و أهلهم بس أنتم ذهبي و تعرفون شكثر ذهب المره عزيز و تخاف عليه لا ينباك

- ما عَليج زود جَـدة رحبي بضيوفنا اليوم

مَرت عمي چاهبتنـه من بعد ذيج السنين

قطع كلامها آمير و اني من ورا هِمست .. شلون باللوگي

آمير : شلونچ جَـدة

باوعت لناحيتنا و فتحت عيونها بصدمة واحد رِمه بسلاحة

و صاح حيّ الله أبن العم حيّ الله الزلم الخشنـة

فتحت أيدها لأمير و هو راح الها خجلان ولو أجته خوش تعزيزات

جدة كامت تبوس بي و ما تشبع النوب باوعت النه ،

أمي راحت وره أمير و اني وروز مثل جهال البطة وين ما تمشي البطة الجبيرة يمشون وراها گالت شلونج خَـالة صارت أنظارهم كلها علينة

رهِينة : هلا بـ أم آمير نَورت الديرة بأحفادي

أمي تباوعلي بترجي بأن أنفذ كل الي

نبهتني عليه قبل لا نطلع من البيت بقيت أعدل بالصايا

و انزل بالردان و ادخل بشعري خاف طالع من الشال

همست روز

- هذا كله و تسوين روحج متخافين منهم

جُمارة : اي و ما أخاف بس ما اريد تجي لامي حچايه

و هُم يردون عليها زله

بدن حتى النسوان و الأطفال يطلعون اني اكول بگلبي والله

لو رِقة هنا جان ماعت روحها ما تتحمل من تشوف زلم

باوعتلي جَدة و فتحت أيدها امشي و صارت الخطوتين

درب كامل گلبي يدك سريع و اني احس الأنظار كلها عليه

رَهينة : هلا يبعد الموتى و العدلين

هلا بريحة الغالي تعاي ليه اشمج يجده ، أفيييش

يا عطرج شملوع من گلوب

بسُرعة گح واحد بصفها

و گال شلونج بنت العَم باوعت اله شكله مو راحة و الي بصفة

دُفرة بـچتفة و هو خازرة ، وهو كام يضحك

باوعتلة جَدة بعقدة حاجب أختفت ضحكتة

جُمارة : الحمدلله

درت وجهي على امي و اني غرگانه بالفشلة

احس الأنظار كلها علينة دخلو الزلم للديوان و جَدة للصالة و أحنه وراها بَعدنا ما گاعدين و أجتي وحدة تنفت و عيونها حُمر

- ها عمة رَهينة شني الما سويتي بالأمس تردين هسة تسوي

جدة خلت العكازة على چتفها و صارت المسافة بينها و بينه

طول العكازة ، دفرتها جَدة و گعدت

رَهينة : لا تنسين نفسج يالردية و إن تنفستي لو هسيتلج حِس لسانچ أخلي اليوم عشا للبزازين

أوي و روز مستغربين إلا أمي كـ أنها فهمت السالفة

رَهينة : چـا شنسوي من شَحة الخيل خلينة إعلى الچلاب سروج

دِخل شاب بيده كتاب

- عوعو ها جده شكو اليوم بيها چـلاب و سروج من شافنة أستحى

و غطة راسة بالكتاب و صعد

هوسة تعارف و كلهن يسولفن وي أمي و هي منطلقة وياهن

و اني احس المكان مو جوي و بقيت أفكر بهذاك الخزرة

يامن يخلص العرس و نرجع

أمي و جدة بيناتهن نظرات و اكو بعض الوجوه متوترة

صبـو الغدة و روز كل شوية تراسل و امي تخزرها تضم التليفون

لمن خلصت رحت أغسل و جان ممر الحمام و المغسلة قريب على المطبخ

و بين مكان المغسلة و باب المطبخ باب مفتوح ساحة چبيرة بيها التنور

و حبال الملابس و هن واكفات محزمات يجلفن بالجدورة

رجعت أغسل و قاطع افكاري حديثهن

- رقية حطي رجليج بالكاع و لا تكثرين شماتة ما ضِن رهينة بعد

تفرط بـ بنت أختها خلصت عمرها تنتظر هاي اللحظة و إذا ما ترضى

بـ قاسم تنطيها لـ فاخر و إذا مو فاخر هاشم رهينة عندها استعداد هي تتزوجها و ما تخليها تروح بعد

- ولج بس لا صدك والله رهينة إذا خلت ببالها سالفة ما ترتاح إذا ما تسويها و هي شنو رادته ما سوته يمكن بس يم تغريد تحس بالخسارة

- اخذيها مني كل الحجيته صحيح و التلدغة الحية بيدة يخاف من جرت الحبل تغريد من جانت شابة مصفنة العشيرة و الغربة و جانت رهينة تتباها بيها بكل مكان و زمان و تخلي الچنانين شاحطة

لما كسرت كلامها تغريد و عافتها و مشت ياما و ياما وصلنا الحچي

خربت و كل جمالها راح شو هسة فكيت حلگي من شفتها

- حتى البنات الحديثات وياها يخبلن وحدة تگول للثانية

أني أحلى منـچ

فزيت من سمعت صوت وحدة گالت عليمن تتصنتين ما عندنا بنات تتصنت

جُمارة : و اني بنت تغريد مو من بناتكم

عفتها و مشيت هي عاوجـة حلگها الظهرية من صارت كلها بدت تصعدت و أحنه طبينة لغرفة جَدة تخبل بيها كمية دفو مو طبيعية

الغرفة صاج ضخمة الكنتور ثمن بوب على گد الحايط و فوگ الكنتور

أشكال و ألوان الفراشات مرتبة و عليها تول ابيض

و چُرباية حديد " قريولة " و يمها ميز خشب صاج مقفول و مرتبة عليه السجادات و القرآن و طاسة بيها تُرب

رَهينة : گومي جدة يبعد جدة جيبلي سراحية مي و انتِ الثانية گومي فرشي لاختج و الج

چُمارة : لعد و اني جدة ما الي فراش مع الأسف عليج

رَهينة : يَــع اليوم ما انام إذا ما تتوسدين إعله مخدتي و تتغطين بغطاي

ضحكت و رحت أجيبلها مَي عبالي تتشاقة طلعت صدگ تريدني أنام بصفها

يسولفن هي و أمي بس ما زالت البسامير تطلع من حلگ جدة

و أمي تصدها

رهينة : خليتيني شماتة بحلگ التسوة و الما تسوة چنت أكول الهم

بس بنت أختي بين النسوان

تغريد : ما تهمني حلوگ الشماتة أنا بنت أختج ما أرضى بغير رجلي و ابو بيتي يكشفني و فوگاها ترديني أخذ أخو امي أخلي واحد من أخوته يجيسني ولج من يومها و نسيت عندي خالة ، لو ما تدرين بي انتِ چان يغار عليه من الهوا الهاب

كانت تبچي جدة و مسحت دموعها بشيلتها و حِچت

رَهينة : أنا لان ما ردت أخسرج و أخسر أحفادي عيشتيهم بالغربة و الحسرة و خليتيني بحسرة شوفتهم بالسنة يجوني يوم يومين و يرحون

و نسيتي عندج ولد لابد الدم يحن للدم جان كبر بين عمامة و وولد عمة

تغريد : و لو ما هو جان ما شفتيني كاعدة هاي الكعدة كبالج

و أبن يَعقوب محد يربي غيري و ما أخلي يشيل غير أسم أبو

و يعقوب لو مات آمير موجود بمكانة ولو هو راح و ما يدري بي

موجود بس لا بُد اله يوم يعود مو بعيدة عند رب العالمين

بقت جدة ساكتة واحس الدمعة بطرف عينها

تمددت امي ضايجة و أني محصورة بحضن جدة

خاف اكوللها خلي انزل و تكسر العكازة براسي

روز تراسل و تضحك و اندك الباب قوي كالت جدة يااااهو

فات واحد من الزلم مدنگ اجه يمها شافني بصفها بقى مدنك راسة

رهينة : ما تحجي ووجع ولك حتى رجلي نشلت

طفرت بحضن أمي و هو تقرب شاورها وهي فَزت

مسحت وجهها بأثنين أديها و عدلت الشيلة و باوعتلي ،

رَهينة : هلا بي چـا هو أول و تالي راجع أمجد وين صيحلي الولد أنا جاية

تخربطت كل أوضاعها و راحت ويا سولفت لامي حچي النسوان السمعتة كالت معليج بيهم هو احنه يومين و راجعين

روز : شيخلص اليومين تغريد اني ما اكدر ابقى هنا أستحي

تغريد : انتِ خوب نوصل للبيت و اني اعرف شلون أربيج من جديد

ام المراسلات

العصر من طلعنـة من الغرفة كل اوضاع البيت متخربطة أكثر من الصبح أمي كالت ساعة السودة الاجيت بيها توبة لوجه الله اخ لو ما امير اجي أنكصت رجلي كون قبل هالجية

كعدنا بالصالة و آمير أجة يم أمي بيده سلاح يراويها شلون يسحب أقسام و امي سحبتة منه و كانت تلطم على صدرها

تغريد : امشي امشي رجعة منين آخذته ولك امير الشيطان قوي

منو انطاكيا أنطي لجدتك هاج أخذي شوفي مالمن

امير : يمه شبيج شنو جاهل اني

تغريد : اخاف عليك امير انت من يا وكت تلزم سلاح يالله خلي يفض العرس و نروح

رهينة : و شدعووووواج هدي هاك جدة اخذة و روح يم ولد عمك هاي امك إذا تبقى يمها تصير حالك حال أختك

تغريد : لا تخليني اخذة و ارجع والله ابني ما يعرف للسلاح و لا اريدة يعرفلة احنه شعدنه بالأسلحة هناك ناس كافين خيرنا و شرنا

رهينة : و منو كالج يرجع غادي يبقى بيتكم مقفول و الغرف چثيرة خلي الولد يم عمامة و بنتج و اختج بحضنج أنا أصلا ابنج اريد اخطبلة من بنات عمة

لطمت امي على خدها و جرت امير حُضنتة

تغريد : يمة امير طفل وينة وين الزواج يااااا صدك تحجين امشونا

يالله اني غلطت بيوم النويت افتح صفحة جديدة

الظاهر انتو عالم دفتركم محروك

رهينة : والله اليضوگ خيرنا يطحنّ شعيرنا

و النا يمج ويلاد اول و تالي مرجعهم النا

جُمارة : لا والله ما نرجع غير لأمّنا و هذا يا خير الضاگته امي منكم

عيشتنه بالقليل و ما مدت أيديها الكم و لا أخذنا منكم فلس

الله يخلي راتب جدة غَريبة الله يرحمها نصرف منه

رهينة : ليش ولج يَـ بت تغريد راتبكم كل شهر ندزة ليغاد عمامج اول ما يحسبون حسابكم قبل لا يحسبون مصارف ولدهم بس الظاهر امج ما تسولف الكم غير الشين حتى تصلب گلوبكم على عمامكم

تغريد : تتبلين عليه رهينة يا راتب التدزينه هذا تجذبيني كدام جهالي

امشي ولك امشينا نرجع ذوله عمامك الخابصني بيهم

ولك هذا يا راتب التتبليني بي يا رهينة ما تستاهلين كلمة خالة لا والله

بعدها أمي تحجي و طبو كلهم يصرخون أحفادها رادو يهدون على امي و عمامي لزموهم بس الصوت يطلع منهم حتى ما نعرف منو اليحجي

- تااااج راسج جدة رهينة تغررررريد قبل لا دكولين اسمها دنكي راسج مو جدة الـ بنكال اسمها قبل ما يسبقة مقامها بس انتِ ما يغزر بيج لا زاد و لا ملح

تغريد : انجب و احترم نفسك ادبسز العتب مو عليك و لا على امك لان انتو أمهاتكم حتى ما حصلن فرصة يربنكم رهينة عايشة زمانها و زمان غيرها ولك يا راتب التخونوني بي كدام جهالي لا ما انتو حرامية و حتى جهالي من حصة أبوهم ما اخذو

امجد : هييييي انتِ و جهالج هسة اسحلج و اسويج مضحكة للرايح و الجاي شوفي انتِ وين جاي تودين الفلوس و ما تدرين بزرتج تعرف

و يالله تأخذين اختج و تولين منين ما رجعتي

باوعتله هذا نفسة الي سَلم علية اليوم ، خزرتة

امير : احترم نفسك و لا تتجاوز على امي تاج رأسك واني صوجي

خليتها تجي يالله يمه امشي

جُمارة : و امي اشرف منك افتهمت لو لا چنه نلومها لان ما تقبل تجيكم و طلع حقها لان انتو

بعدني اريد اكمل و هجمو عليه اثنين امي و امير صارو گدامي

و رهينة ما قبلت يمدون إيدهم عليه روز بس تبجي

جرتني رهينة وراها وكالت

- آخذي ابنج يالله لان مو من شيمنا نخلي مره بلاية رجال

بس جُمارة تبقى يمي و ما ترد لحضنج إلا ساعة التنوين تستقرين هنا

صارلنا جثيييير ننتظر هاي اللحظة و ما تعبتينا أجيتي برجليج

ولو هي بتنا بس ما خليتهم يوصلون مواصيل دنية وتصيحين خطفوها مني

تغريد : نجوم السما اقربلج من بنتي والله مضيفكم اهدة و أخزيكم كدام العرب كلها جيبي بنتي مرة انتِ جبيرة و ما اريد اهينج ..

هي حجاية كالتها أمي و هَدو عليها كلهم

بَـس وگفهم صوت خَشن عالي كلها تصَنمت و دارت وجهها

أتجاه صدى الصوت

- شِصايــررررررر

بَاوعت لأمجـد چان لابس عگال سِحبة من راسة

وضمـة جَـوة العباية

رَهينة : هلا يُمة هلا يـ بعد الأحفاد كِلها

- جَـدة شكو ، شـهَالمهزلـة ؟

بَاوع الهُم كُلهم أنسحبوا فتح عينة بصَـدمة من شاف أمي

وصارت عيونة تدور على شيء ثاني أمي واگفة گبالي و اني مادة

راسي من يم أيدها ما أدري ليش خِفت أخلي يشوفني

باوع لروز لأمير و عقد حواجبة أكثـر بقى ساكت فترة

و يباوع بالوجوه

مـادري شصار بية و ختلت ورا أمي گُبل و عصرت ثوبها قوي لَمن گال

- چــا ويـن جُمارة ؟

.........

هَيچ گَلبـي أشتعـل خَـايب ..

" مِثل گُطنـة بوسط نَار "

شـلون يَمهم واگف انتَ ؟

و أني من ثوبك إغـار !!

- رُسل فَهد

الىٰ هذهِ النهاية بداية أُخـرىٰ 🍂

:: مَـا هوَ أقصىٰ أحلامك أيُها القارئ ؟

المُناقشات حَول الرواية عَ حِسـاب الأنستقرام 👇🏻🌸🎀💕

توجد فقرة هي فقرة التوقعات تفوز كُل يوم تنزيل صاحبة

التوقع الصحيح و المُشاركة على الإنستقرام ايضاً

البارت عَلية و التفاعُل عَليكم ..

يَا أجمل الوحوش

- رُسل فَهد

عِند الوصف سأقول :

كَانت قُصتنا أنا و أنت غير قابلة للتصديق

كأنها قضية شَـرف خَرجت من بيوت مُحافظة جداً ..

و عند الشرح أكثر سأقول :

مَا تتذكر إسمي و لا شكل أهلي ؟

ترى ذاكرتي معذورة

لـو ما أني عَايشها ما أصدگها قُصتي وياك

" فضيحة و طِلعت من بيوت مَستـورة "

- رُسل فَهد

...

مـادري شصار بية و ختلت ورا أمي گُبل و عصرت ثوبها قوي لَمن گال

- چــا ويـن جُمارة ؟

حضنتني أمي قوي و هي تحاول تضمني منهم

تغريد : شتردون من بنتي ما انطيها لو تموتون

وخرو خَل أطلع

باوعت اله و أني أشوف شخص مُخيف بالضخامة

اللحية و الشوارب ماخذة خَيزّ كبير من وجهة ما واضح من ملامحة غير العيون الحَادة

دشداشة سودة و العباية بُنية و الغِترة مرقط أبيض و أسود

مزَينها العگال بَس الشيء المُبهم لابس كفوف لونها أبيض

نَايلون بقى هالامر يجتاح فضولي

تحَمحم و بَاوع ألهم و لجَدة

- أم أمير ليش ياهو الرايد يأخذ بنتج منج عُمر صارلها يمج محد گالج على عينج حَاجب البزر بزرج و انتِ أصيلة يزيدنا فخر بزرج يطلع مثلج

رَخت أمي حَضنتها و كأنها حَست بالأمان

تغريد : اسأل جدتك و وولد عَمك و عمامك دگلي تطلعين

بس بلاية بنتج اني ربيتهم بـ دم عُمري ما يوم مديت آيدي لواحد و كتله

محتاجة و صار 16 سنة انتم شاهدين على كلامي هسة بالتالي تردون تخونوني گدام جهالي ويكولون ندزلج راتب كل شهر

و هذا امجد امجد كدام جهالي يگلي شوفي نفسج وين موديتهن يشككني بشرفي كدام ابني إذا مو انتو مخلين عيون تراقبنا كل هاي السنين و لو شايفين ذرة خدش بينة جان گلبتو الدنيا

بس منين اجيبة يجي يشوف شسوت امه و اخوتة بية من راح

خِزر أمجد و باوع لجَدة بـ عدم رِضا عَدل بدايةّ غِترتة و گال

- مَرت عَمي مقامج مَحفوظ و حَقج يوصلچ و بزرچ

محد ياخذة من حُضنج و انتِ منبع الشرف و الي يشكك

بِيچ معناها يشكك بعرضة لان انتِ عَرضنة

تغريد : خليني أروح بداعت عمك غلطت غَلطة ضيعت تعب

الـ سنين ذيج كلها

- مَـا تطلعين مَرت عمي و انتِ ما راضية گولي يالله و يخلص العرس اني بيدي أرجعج للكاظمية ما يصير خاطرج إلا طيب

تغريد : ما اريد أبقى وانتَ الله يرحم امك الطاهرة

بس اني اريد اروح الظاهر اهلك گلوبهم ما تنغسل

- حچيت أم آمير و تعرفين بحچايتي مَا تنكسر و گلوبهم أني

أغسلها الج و لا يهمج

الجُملة الأخيرة حِچاها و ضِحك

تقرب علينه و أني رجعت ليورة بَاس راس أمي

و سِحب أمير حُضنـة

- لا طالعات شواربك يعني هاهيَ زلمة صرت

آمير ضِحك

رَهينة : چـا هي هاي المشكلة كلها صارت لان شايل سلاحة

ما جاوبها باوع للولد الورا

- يالله أعتذروا من مَرت عَمكم الظاهر ينرادلكم ضَب الكُل و الجيمع

أعتذروا من أمي و آخذهم و طلع وبعدين صاح لأمير

امي و جدة بقيت بيناتهن مناوشات بالحچي

روز ما سكتت من البچي حقها احنه وين صاير بينه هيج

سمعت وحدة من ورا كالت لا هلا و لا مرحبا بجيتك

چنة مرتاحين و روسنة باردة

و أني بقيت أفكر إذا هو ابن عمي ليش حتى عمامي من اجة

خِنست وليش امجد ضَم العگال وليش حتى جدة ما عارضت كلامة

وليش سأل علية ؟؟

هَواي مرت كلمةّ الـ ليش بحياتي

و ما لگيت الها جواب

جَاي أحس بهضمةّ المَيت أبنها

" مِن تشوف بكدة شَاب "

بقينة بغرفة جدة و امي دكول حرامات ما سمعت كلامجن

جُمارة : يُمة هذا منو الي هيج سوة بيهم

و لا مرة شايفته حتى من جنت اجي قبل

تغريد : هذا أبن عمج الجبير صگار رهينة و أحفادها

امـة جابته على كبر و ما خلت رهينة تاخذة منها تربي

متشوفي مو مثلهم ذولة اذا رهينة دكلهم اللبن اسود يكلولها

صدك جدة ليش هو شوكت صار ابيض

جُمارة : زين منين يعرفني و اني ما شايفته

- اكيد يعرف عمة عندة بنية و ولد شاف امير و ما شافج سأل عنج

روز : هو متزوج

- اي صدك يُمة متزوج

فتحت عيونها وعضت اصابيعها

تغريد : هااا شتررردن منه ان شاء الله

ضحكنه و طَبت جدة رهينة تخوزر شيخلص باجر و وراها

نمت و اني حاضنة أيد امي اخاف لا بالليل يجي واحد يأخذني منها

احنه ورا المشكلة بقينة بغرفة جدة حتى العشاء جابو النا للغرفة

اليوم الحنة و من الصبح الهوسة و ركع الجدورة

و أمي أم گلب طَيب طلعت تساعدهن بالطبخ و أحنه واكفات يمه روز محد جاب طاريها و هي خايفة اكثر مني بس من شفنا الأجواء و شلون هم ملتهين بالتحضيرات خَف التوتر العروس بنت عمنة و راح يجيبوها

لهنا لان من عاداتهم كل تتحنه و تنزف بالبيت الجبير مال

جدة رهينة

حتى البنات الصغار من الظهر متمكيجات و يركصن وهن كل وحدة بدلة لون واني لان الرهاب الاجتماعي يخاف مني كلت الهن

جُمارة : هسة ما عرفنة منو العروس عيني منين نجيبلجن رجولة

هَدن عليه الصغار بدون تدخل اي وحدة من الكبار

- و انتِ ياهو الكايلج احنه ميتات اعلة العرس عرس بنت عمنه و ابن عمنه و نريد نفرح جا مو ياهي الحطتلها حميرة و لبست بدلة تريد رجل

بعدنا ما شابعين من امنه و ابونة

جُمارة : و طبجن مرض اني شكلت مو زين أتغزل بيجن

وهسة إلا اكول لامي عليجن بسيطة

- و طبج مرض انتِ ياهو الغالط عليج والله خوش

هم نِزل و هم يدبج فوك السطح

جرتني روز وهي خايفة

- يمعودة عوفيهن وعلي هسة يندارن عليج يكتلنج

جُمارة : اي مو تايهة الهن

خليت و رحت لامي صدك هاي اول مرة اخلي عقلي وي الجهال

صحت لامي بالممر كلت الها و اني احجي وياها أجتي بنية شابة اصغر مني كالت هاي اختي الحاچية وياج والله كتلتها هن وكحات

حتى يومية ينكتلن من ورا لسنهن الطويلة

تغريد : لا حبيبتي عادي هو احنه حضنا وي الكبار ما كعد يكعد وي الجهال

صبو الغدة و اني روز صادقنا هاي البنية ورود بنت عمي فاخر

تصير أخت العريس ورا الغده صارن النسوان كلمن محتارة بروحها

و احنه كشخنا بس امي ما قبلت ننزع الحجاب

كلها حاطة مكياج بس احنه امي ما قبلت

كعدنا و جابو العروس تخبل تلمع لمع هاي اول مرة بحياتنا اني و روز نحظر عرس الخُطار ترسوا المكان كُل وحدة كشختها بـ ذهبها موبالفستان تگوم تركص و تصير كل الأنظار عليها

رهينة جابت التُخم و هي لبسته للعروس و الهلاهل بكل دقيقة و ثانية

و المُلا تقرا مواليد أفراح حزت بنفسي من أشوف أمي گاعدة

مبتسمة بس كل آثار الوجع و الحُرمان بعيونها نصيبها جان من الدنيا

بس القهر

و كل شوية تلزم الحلقة الي بأصبعها تبقى تفر بيها

الي مرينا بـ الف ظرف و ما باعتها و لا نزعتها و رهينة كل وقت الحفلة

هي صافنة على امي و وحدة دكول للثانية شوفي رهينة

شلون صافنة على بنت اختها

ماكو و لا ريحة رجال لحد ما خلصت الحفلة و بدت المعازيم تروح

لزمت آيدي جدة و حُضنتني گدامهم

رهينة : يوم الآحنيچ بيدي و ازفج على شيخ الشباب و يشرب المآي

الخلص عمره كله عطشان علمودة

باوعت لامي خزرتها بس ما حجت و بالليل بدت حنة الزلم و طلعت احلى من حنة النسوان بألف مره المُطرب بالشارع و تحس ماكو واحد باقي بالمحافظة ما جاي لان الشارع من بدايته لنهايته عالم

بالليل تقريباً بالعشرة أمي طبت للغرفة اخذت شالها الأسود و رادت تطلع رهينة كالت الها اخذي جُمارة وياج لو تعرفين الأصول

ما تخليها تعگب عمامها و ما تسلم عليهم

تغريد : تستحي ، و مو تعلميني من تالي الأصول

طلعت امي و هي صاحت بصوت عالي

- تغرررريدددد

أجتي امي بـ اتجاهي و جرتني بسرعة سحبت الصاية شمرتها علية

- لبسيها يالله و لبسي الشال عدل

البس و اباوع الهن ثنينهن طلعت وي امي وأنصدمت من

شفتها تريد تطب للديوان و اسمع صوتهم العالي طالع منه

جُمارة : يمه صدك تحجين شعندنا و شعندج طابة للديوان

تغريد : أسكتي اريد أسايرهم لا ينچلبون علينة و ما يخلونه نرجع

ذولة كلشي يسوون

- خلي يفيدج أمير

ما جاوبتني سحبتني و طَبت كالت السلام عليكم اني وظيفتي بالحياة

أختل ورا أمي ردو عليها كالولها أكعدي ما قبلت عَاد هُمَ وگفو

صاحلي واحد من عمامي رفعت راسي لكيته فاتح إيدة

اباوع لامي و اباوعله لحد ما كرصتني امي رحت يمه

حُضني و باسني و سحبني من ايدة عمي الثاني لحد

ما خلصتهم كُلهم بقى أمجد و بصَفة الي گاعد بصدر الديوان

الي گال وين جُمارة

لا بية ارجع و لا بية أسلم باوعت لأمجد مبتسم خِزرته هو هم رجع خزرني درت وجهي على أمي أشرتي على أبن عمي الچبير

عاد امي أبتسمت وگالت تستحي ما متعودة

سَلمي على أبن عَمچ زّنــَاد

درت وجهي و اني أحس من الخجل و التوتر حتى گلبي راح يوگف

الخطوات الـ بيني و بينة صارت مسافة شطولها و اني منزلة راسي

جُمارة : السلامُ عليكم

مَا جاوبني بَس مَد أيدة الي يغطيها كَف ابيض نايلون

‏بقيت مصدومة و ما ادري شنو أتصرف و لان عيني بمستوى

أيديهم أنتبهت لأمجد عُصر كَف أيدة

بَعد صراعات داخلية مديت آيدي على ايدة و برودة

الكَف الي لابسة ما تتقارن بحرارة جسمي و كف أيدي

من الخجل

زّنـَاد : و عَليكُم السلام يَابة

جُمارة : اني الحمدلله زينة

اسمع ضحك عمامي و رفعت راسي عليه هوَ هم أبتسم

رجعت يم امي و احس اريد ابجي من الفشلة

فاخر : مرت يعقوب نريد نعرف سالفة الراتب و أحنه صار فوك السبع سنين ندزلج من ساعة الطَب ابنج مدرسة و احنه ما عائلين وياج

اكثر من مرة ندزلج و تطردين اليجيج

زنَاد : و طبعاً احنه مو اصحاب فضل لان هذا أستحقاقكم خير عمي موجود و لازم عيالة تأكل منه مثل ما كل احنه ناكل من خير أبائنا

بس موضوع الفلوس يجي ولاء من السفر و أتصرف

تغريد : اني ما محتاجة و راتب امي مكفيني ما مخليني امد ايدي

و جهالي لو الهم حق يمكم هم يكبرون و يجون يأخذونه

عمار : ابقي هنا مو أجبرج لا والله بس تردين حتى بيت نبنيلج هنا يمنه

و مصرفكم يوصلكم و يموت الحقد المبني صار سنين

تغريد : لا أشكرك ما تقصر بس اني مستقرة هناك و مرتاحة

و جهالي هم عدهم مدارس و امتحانات

فاخر : ترى احنه عرضنه عزيز و ما يهون علينه هنا كاعدين و انتو غاد ماندري شيصير ما يصير وياكم

تغريد : صارلي عمر عايشة ما صار وياي شيء و حتى لو صار احلة

عمار : خلي يكون بعلمج لحد ما ابنج طب متوسطة احنه كل فترة ناقلين واحد من الولد يكمل جامعتة بـ بغداد لخاطر عينه تبقى عليكم

باوعت الهم مصدومة بس امي ما بينت ردة فعل

بكُل طريقة قنعوها و ما قبلت لحد ما باوعت لـ زنَاد

تغريد : أني بقيت لان أمنت بيك

زِناد : و اني گتلچ حچايتي ما تنكسر يخلص العرس و أخذكم ..

بـ الف يا علي يالله انتهى النقاش

و آمير خطية تأنيب الضمير يأكل بي كل شوية يجي يبوس إيد امي ويروح ثاني يوم مو مثل هوسة الحنة لان الطبخ بالشارع

و أكو غرفة مخليتها رهينة بالبيت كل واحد من أحفادها يتزوج ينزف بيها و ثاني يوم يروح لاهله و إذا جان بالبيت

يروح لغرفتة هذا الي عرفته من خلال تحظيراتهم

رهينة : ورود كملتي الغرفة مال اخوج

- اي جدة و قفلتها

جُمارة : جدة عليمن ما تخلينهم يرحون كبل لغرفتهم

هن كامن يضحكن

رهينة : هاي غرفة الحظ و البخت ولج ياما و ياما وآدم

ما عندها خلفة خليتهم بيها و نسوانهم شَالت بطونهن زلم

امي خزرتني حتى اسكت

العصرية كلها النسوان ماكو بغرفهن و اني بقيت يم جدة تريد امرغ الها ظهرها و البنات امهات البدلات البارحة كاعدات يصبغن

جُمارة : اصبغ وياجن؟

كالن اي تعاي عفنه جنطة الألوان بالحديقة انتِ ثوبج يا لون

مشيت وياهن للحديقة ندخل الها من باب المطبخ الثاني هي حديقة

و بصفها الساحة مال الخبز و الملابس لكيتهن جوه الشجرة فارشات فراش و عليه علب مكياج و أصباغ أظافر صبغت لون سمائي طلع حلو

و بقيت اسولف وياهن صادقتهن مكيجتهن و بقينا نلعب فترة

امي يمكن نامت لان ما استفقدتني ..

اللعب الجهال بالحديقة الي بالخلفي و أشوفهن يتصايحن

بالمطبخ لان باب المطبخ الثاني يطل على حديقة ورا البيت

كل التجي تلزم الصينية تهدها و متقبل تشيلها

- ولجن عمجن كال وحدة من البنات خل تجيب الچاي

كاعدين يسولفون

- يمه اخاااف منه والله ما اروح

- ولج العتوي لو شافجن يخترع وينجن و وين الخوف

اجيت يمهن و گلت الها

- خالة اودي اني يصير ؟

- اي حبيبتي يصير هو بس تطبين ياخذه منج عمار عمج

بس هذن عيارات

اخذت الصينية و رحت يم باب المضيف طبيت و الشال على راسي

ما فكرت بـ أي شيء غير امشي على كيف حتى لا الچاي

يوكع بالماعون و يخلص من الاستكان و يصير شكله مو حلو و هيبة

اني بتفكيري غارقة لحد ما لگيت نفسي واصله نهاية المضيف

رفعت راسي لگيت عمي فاخر و عمار منطيني ظهرهم و مشغولين

بشيء عدلت وگفتي و گلت

- احم هذا الچاي عمي

هُم فزو و اني هم فزيت رجعت ليوره و تبده نُص الچاي الي جبت الطريق محافظة عليه أبتعدو و صارت عيني عليه

فتحت عيوني بصدمة شهگت

و طاحت صينية الچاي من أيدي

ركضت و ما تركت غير بقايا الگزاز

و الفوضى الي ترست المكان ركضت و مرت عمي و بناتها بقن يباوعلي

مستغربات طبيت للغرفة و اني الهث طبگت الباب قوي

جدة رهينة فَزت و امي هم كعدت ، روز نزعت السماعات

تغريد : شكو شبيج

جُمارة : يمهههه أيدة لو شايفة أيدة أشرتلها على مكان ألزَند

هزتني امي قوي

- شبي و منو هوَ

- يُمة زنَاد هذا الدافعلج

تغريد : شوداججج يمة و شبي

جُمارة : زندة محروووك يعني ما اوصفلج شنو من حرگ حتى گلبي

كام يوجعني

رهينة : خل تنام نيميها ، عوفيها

غطتني امي و اني الشكل ما يقبل يروح من بالي اعصر بعيوني قوي

اريد المنظر يروح ، منظر يخلي حتى گلب الكافر يلين

يا ترى هو شلون متحمل الألم !!

نمت و هي نومة لثاني يوم الصبح كعدت على صوت أمي

تغريد : ولج يمه شجاج شنو ميته يالله كومي تحظري راح نرجع

كعدت و اني راسي يوجعني

رهينة : كومي تريكي سويلها لفة كيمر عرب تغريد

خل تصحصح

جابتلي امي ريوك و من أول لكمة حسيت معدتي تگلب جدة غصبتني و طيحت حضي إلا اكل و ما تحملت لنصها و طلعت من الغرفة اركض

كلهم كاعدين بالصالة و اني بدون حجاب ركضت للحمام

اتقيء و أستحيت من لكيتة واكف يغسل بالمغسلة

تغريد : ولج شبيج يااااا ولج جُمارة

إسمعه وراي گاللها شبيها ؟

- شمدريني والله البارحة مابيها شيء يجوز مستبردة معدتها لان

الغرفة باردة و هي بقت نايمة

جرتني امي للمغسلة و هو بقى واكف ما راح غسلت و جهي

ونكعت شعري و لَمته بقراصة

زِناد : أخذكم لو تنتظريها تصير زينة

تغريد : لا بروح امك خلي نروح حتى يقرون بعد ما يلحكون

گال يالله و امي سحبتني مخليتني وراها لان ما لابسة حجاب

زنَاد : عَمة

دارت وجهها عليه إلا اني ما اكدر أخلي عيني بـ عينة

زنَاد : انتظريني خل اصيح ورود تجيب حجابها

عاد امي سحبت الخاولي اليم المغسلة و خلته على راسي و وودتني حتى ما لحكت أكلها تلعب نفسي مية الف واحد متنشف بي

و ما حسيتة بالأمان إلا بساعة الودعناهم طلعنه بالكراج و عمامي أنطونا اني و امير و روز و جَدة هم انطتنا

ما كدرت أضمها من وصلت يم جدة كلت الها

جُمارة : جدة خوب جمعوهن كلهن و انطوهن لأمير شكو كلساع واحد صايحنا منطينا عبالك مجادية

ضربتني على چتفي

رهينة : لو الله يهدي امج و تبقى جان دللتكم

جُمارة : لا جدة حتى دلالج ما نريدة عبالج مادري بيج تردين تزوجيني

لواحد من أحفادج والله ما أتزوج منهمممم

دَگ هورن و صعدنا سريع بالسياقة كلش و عكس الجية

جان آمير و الي جابنة دوخونا بالسوالف و هسة من كد السرعة أمير يخاف يفُك حلگة و من كد ما السيارة هدوء حتى النفس صوته عالي يصير

شاورت امي

جُمارة : على هاي الفلوس بعد كل شهر نروح لعمامي

ضربتني على كف ايدي و ضحكت و اني هم ضحكت

هيَ ضحكة و هيَ ام العوافي و چلبت بية شربت مي و حبست أنفاسي

ماكو متروح آمير و روز غاصين من الضحك علية

و اني اريد ابجي من الفشلة

لحد ما هدأت شوية كلت لامي بصوت ناصي

- اي الحمدلله راحت

اول ما نطقت كلمة راحت ، رِجعت تالي حتى امي ضحكت

لحد ما وصلنه البيت اني صايرة مضحكة وَصلنا و أمي

تشكرت منه و رادت تضيفة بس ما قبل راح

تغريد : هيَ صح غلطة صارت بس حتى تعرفون الحقيقة شنو

و هم ذولة رهينة و ولدها و أحفادها

بقينا ساكتين لان حتى الشقة إذا حچينا هسة ننكتل

سبحت وبدلت و أمير گبل صعد نام امي ما خلت روز تسبح لان تدري

بيها للعصر ما تطلع ، واكفة أمشط على مرايةّ السنك بالطبخ

و أندك الباب امي متمددة بالكاع كالت كولي منو

صحت منوو ضرب الباب قوي

أجيت فتحت السرقة بعدنا ما راجعين هاي اكيد جهال بيت ام محمود

لان منطقة الإنباريين تحديداً تكون البيوت ما بيها كراج باب الشارع كُبل على البيت و الأفرع كلش ضيقة بحيث الفرع

توگف بي سيارة وحدة تسدة من السايدين

و اكو افرع ما تدخل بيها حتى سيارة وحدة لان العالم مخلية مبرداتها

الخارجية على الشارع

فتحت الباب و مديت راسي شفت علاليگ المسواك تارسات الكاع

لگيته خازرني طبيت أركض و گلت لامي هذا زنَاد بَره

طبيت للمطبخ و أسمعة يگوللها چـا هي تفتح الباب أخوها الشفية وين

بقت امي تحاول بكل طريقة تعالج السالفة ختلت ورا الثلاجة من كال لامي سويلنا طريق و كالتله فوت البيت بيتك

خله المسواگ بالگاع و دار وجهه و لچحني و اني مخلية أيدية

على حلگي اكول بلكي ما يباوع لهاي الجهة

زِناد : رجليچ أگصهـن إذا تطلعين انتِ تفتحين الباب

بقيت ساكتة ما جاوبت و أمي كالتلة هي هاي اول و آخر مره

اني لان تعبانة خليتها تفتحة كلت وحدة من جاراتي

راح و أني ما تخطيت و لا موقف جمعني ويا

منو هذا الانسان و منين طلع النه فجأة أخاف اسأل أمي عَنة لان

ما تقبل نسألها عن اي أحد يخص عمامي

و لا أصلاً نحصل منها جواب

رجعت حياتنا الطبيعية امير يمتحن و اني ورا و أمي إذا نضحك

دكول اقروا انتو بكلوريا و تضحكون والله عيون صلفة

و انتِ هاي آخر سنة الج والله لو يطلعلج خمسين ما تعيدين

آمير : هي الحلوة العالم تسعين و السنة تطلع ستين

جُمارة : لا والله ان شاء الله فوك الخمسة و تسعين حتى اذا أحتاج موازي عمامي أهل الكرم موجودين و جدة رهينة ما تقصر

حسيت كلام امير رُغم سلبي بس خله عندي حافز

ما انام إلا ابجي و اكول يا ربي اوكف وياي لا تضيع تعبي

بده امير يمتحن بس مسيطر لان هو عايد الثالث

صرت شخص مكتئب و عصبي طول الوقت حتى امي الي

محد يجرعها من تعصب صارت احسن مني و ما تتقربلي

حتى وقت للسبح و الاكل مخلية و اكل سريع خاف يجي وقت الدراسة و اني بعدني اكل

الكتب أربعة و عشرين ساعة تارسة الصالة امي حتى الجارات ما تروح الهن خاف هن هم يجنها و احنه بيتنا صغير و اني ما اقرأ إذا ما افتر

و هاي الحالة مو جديدة هاي رابع سنة امر بنفس الظروف و بدون نتيجة

خَلص آمير و اني بعد أسبوع أمتحاناتي امي ما خلت قلم ما زورته الإمام الكاظم (ع) يومية تروح تدعيلي و تنذر

عمامي دَزو النا مصرف يعادل راتب جَدة مرتين

و خابرو أمي يتأكدون وصلها او لا

و يا قَلق أول امتحان بقيت للصبح كاعدة و لا مر النوم بعيوني

أجتي رِقة بس أنصدمت بكشختها تنورة و قميص

والتليفون أرقى نوع بأيدها مستغربة ، امي ما گعدتها لان البارحة مسوية حملة تنظيف على البيت

اني أقرا و هي تعلج و تگلب بالجهاز مركزنا الامتحاني قريب رحنه مشي طلعت و الگـاع ما سَايعتني من الفرحة و أني أدري ما عندي حرف خطأ

جُمارة : بشري

رِقة : يمعودة الأهليات موجودة أبوية كال شتطلعين طلعي

- حلو تليفونج هذا بيش امي كالت من تنجحين اشتريلج

- رخيص بـ 800 لان أيفون لو امج تقبل جان جبتلج واحد

جُمارة : شنو منيلج هاي الفلوس

رِقة : امي طلع الها ورث و شَغلت فلوسها

وگفنا يم مطعم اشترت النه لفات و عصاير

جُمارة : شنو شو حتى شخصيتج متغيرة هاي هيج الفلوس تسوي الواحد شخصية

رِقة : الفلوس كلشي تسوي تخلي الحياة وردية

جُمارة : ما تدرين بالعطلة شصار غير امي أخذتنا لعمامي و هناك جدة ما قبلت تخليني ارجع دكول الها رجعي انتِ وابنج و اختج

بس اجه واحد صارلة مدري شكم سنة مسافر

و صَاح بيهم و بجدة النوب يگول الهم وين جُمارة ،

رِقة : ابن عمج يصير شكد عمره ؟

- اي طبعاً ابن عمي الجبير يعني بعدة شاب ما يعبر عمرة ٢٨

بس هيبة يعني حچاية وحدة منه تسكتهم كلهم حتى جدة

طلعوا يدزولنا راتب بس مدري منو ميوصلة و قبل شكم يوم

دزو لأمي مليون

رِقة : يعني زناگيل

جُمارة : اي هم زينين يعني كريمين حتى بيوتهم و سياراتهم حلوة

شايفة نسوانهم الذهب تارسهن من فوك ليجوه

رِقة : لعد امج شعندها باقية هنا

- لا يمعودة حقها ما ينجرعون مو رحنه و شفنه

لكيت امي بالباب واكفتلي ركضت الها حضنتها

- جاووووبت و ان شاءالله درجة كاملة

طبيت للبيت فرحانة

تغريد: ذولة شو بباهم سيارة آخر موديل شنو طگت عندهم كاشية

رِقة : امها طالع الها ورث

صار كل ما يخلص أمتحان و أطلع مجاوبة احس رب العالمين غُمرني

بكرمة و عوض هذيج السنين إلا أمتحان واحد واحد أجلته

و حچاية الطُلاب الشهيرة ان شاء الله ما أنظلم بالتصحيح

رجعت من الامتحان الأخير و رِقة وياي بيدها آيباد و تليفون

الحافظة مال جهازها حلوة تلمع تلفت النَظر

رِقة : إذا تردين واحد منهن أنطي الج والله أصلا شامرتهن

جُمارة : لا حبي لو أريد امي تجيبلي بس اني ما اريد التهي

أنطتني رقمها كالت بس رمشيلي و اني ادك عليج لان هي

ما أجلت امتحان يعني بعد منلتقي بس طول فترة الامتحانات

ما أرتاحيت وياها حسيتها مو صديقتي العفوية الي اعرفها صار سنتين

حتى ما سولفنه هواي لان تخلص وقتها تراسل بالجهاز

بوقت چانت مواضيعنا كلها إذا كبرنه ما نفترق و شلون راح نطور نفسنه و نعوض الحُرمان الي احنه بي من الطفولة

صارت كل مواضيعها الملابس و الماركات و الأجهزة وهي تدري

ما عندي علم حتى اگدر أناقشها بيهن

بس مع ذلك ما ردت أخسرها لان هي الشخص الوحيد الي خصلته من

15 سنة دراسة صعدت گبل للغرفة حتى أنام نومة عميقة

لگيت روز تبچي

جُمارة : شبيج

روز : صارلة أسبوع جَهازة مُغلق

- و انتِ كل عقلج بانية أحلام على واحد يخابرج ولج الناس تتزوج و تعيش و تخلف و تالي تتطلك لان علاقات فاشلة و انتِ تردين تكونين علاقة ناجحة بهذا .. أشرتلها على الجَهاز

روز : جُمارة تعبت و أني أدور أحد يسمعني لا تستهزأين بيه

اني أحسة حقيقي گلبي من يدگ اله يدگ بكل قوة من أتمرض والله بدون ما أكلة يدري و من أضوج يخَابرني يگول شبيج ضايجة

لو يضحك عليه ما يبقى وياي ثلاث سنوات

جُمارة : ترى سامعة امي شتسولف دكول اكو يخلوهن يتعلقن بيهم و يكوللها امشي نشرد تالي يضحك عليها و يعوفها هو اصلاً وين اكو

شيء بالحياة إسمة حب بس الأم تحب ولدها صح

بقت ساكتة و هوَ دَگ

- خل يجي يخطبج إذا هو رجال خلي يجي ليش خاتل ورا التليفون

سكتتني و جاوبته و اني نمت

كعدت بالليل لكيت امير بالصالة يلعب بلي و امي تخيط فَتگ دشداشتها

امير : صارلنه شكد محرومين من هاي الكعدة الحلوة بسبب ناس

تاليتهم ستينات

تغريد : لا ان شاءالله المعدل العالي تعبت أختك

جُمارة : هسة أعيد علمود المعدل و لا أعيد لان راسبة

امير : أش إش يالله سويلي وياج ماعون بطيخ

جُمارة : لو تموت

تغريد : سوي لاخوج

- ما اسويلة لو يموت يالله مو خدامة هو اني اريد واحد يسويلي

آمير : ماريد يالله

أني اصيح ما اسوي و اني أقطع بالبطيخ

جُمارة : صدك امير شنو شعورك من ولد عمك رمو اول ما وصلنة

اني حصرتني الضحكة بس ما ردت أفشلك

أمير : وعلي إذا أجيج لو عايفيج يم جدة و نخلص منج أشرف

- ايع لعد رجولتك بس كفر اكو واحد ينام و عايف اخته يم الغربة

- لا مو غربة عمامي و جدتي

تغريد : هسة مو كافي لا هلا و لا مرحبا بالنگرة مالتكم

جبتله ماعون البطيخ و خليته يمه

جُمارة : هاك سم الحسن

امير : حتى السم من ايدج حلو فديت الدكتورة

- ايع تعارك وياي احسن تلعب نفسي من الغزل

تغريد : احتار وياج انتِ منو يگدرلج

- لا تصيرين طرف ثالث حبي معليج ، بعدين اكلج ليش متطلعين

روز خطية بس محبوسة راح يصير بيها توحد

- لا هو اني اريد أخذكم نزور لكربلاء و هم اخذجن للسوك اشترن غراض و ملابس نزلت روز و سمعتها ثنينه حُضنه أمي و نبوس بيها

جُمارة : الله لا يحرمنا منج حبيبتي

روز : امي الثانية

تالي حتى آمير ترك البلي وصار يتعارك ويانة

اجواء بيتنا من وعينا الدنيا للان

مَا توقعنا يجي اليوم الي راح يكون بي هذا المكان

ما يحمل غير الذكرىٰ

يومية صارت امي من تنام اخذ تليفونها ارمش على رِقة و تدك علية و نبقى نسولف فترة و عودت كل يوم نفس الوقت

اقرأ امتحان الرياضيات بس ما اضغط على نفسي

لان بعد هواي

إلا بهذاك الصباح المشؤوم الي كعدت بي أنظف البيت و أمي تغسل

ملابس صاحت على روز تنظف المطبخ و روز فوك النص ساعة ما أجتي تالي امي صعدت سحلتها

لحد الظهر انتظرت امي تنام لان ادري بيها تتخبل من اسم رِقة

لكيت رِقة داكة 5 مرات رجعت رمشت عليها دكت بصوت خايف و سريع

رِقة : جُمارة دخيلج دخيلج باعي اريدج بطلب أنقذيني من مصيبة

- شبيج ولج شكو

رِقة : شوية و راح أتصل عليج شنو أكلج گولي

أي بس أنقذيني و بعد معليج ، إذا تحبيني

گلت الها تمام و ما أجه ببالي شيء ثاني غير أخلصها يعني قابل شراح يصير

تقريباً خمس دقائق و رجعت أتصلت و هي صوتها تبچي

رِقة : هلو جُمارة شونج أكلج حبابة سؤال و جاوبيني بصراحة

- اي جواب

رِقة : إنتِ مو أخذتي من 15 مليون قبل فترة

بقيت ساكتة و خايفة و ما أدري شأسوي طيبة گلبي تعاطفي وياها

خَلن لساني يگول

جُمارة : أي صحيح

...

منين أجيبك يا صَبر

منو يعذرها عَملتي

و أني غَلطانة غَلط ما ينغُفر

- رُسل فَهد

إلىٰ هذهِ النهاية بداية أُخرىٰ 🍂

سؤال :

ماهو الخطأ الذي أرتكبتهُ و لم تُسامح نفسك عليه ؟

التصويت + التعليق بين الفقرات لُطفاً

يا أجمل الوحوش

- رُسل فَهد

...

عِند الوصف أقول :

كُنت أشعر بـ جسدي تلك الخَشبة

التي تناوبت عليها أحَدّ فؤوس الحَطَابين

و عِند الشَرح أكثر سَـأقول :

گَبـر الـ جثة الـنذبحت بغَسل العار

بَعد ما أضن بَشر يتعنه و يزوره

خِشبةَ أنا و طِحت بچفوف حَطابين

من كِل صوب مَحفورة

- رُسل فَهد

...

جُمارة : أي صَحيح

نُطقتها و إنغلق الجهاز بقيت أنتظرها تتصل لحد ما إيست ماكو

خِفت و توترت بَس حاولت أهدأ نفسي و أبين ماكو شيء

و لَمن مرت أكثر من ساعتين شوية تطَمنت بَس بقى الفضول

أريدها تسولفلي شنو السالفة

تغريد : جُمارة سويلنا بيض بالبُتيتة حتى آمير

يجيب إلنا صمون حجري

آمير : صار حَبيبتي

رِحت للمطبخ أگشر بالبُتيتة و مبتسمة على علاقة أمي و آمير

كأنما أصدقاء و أكثر إمير الي عُرفتـة أمي ببطنها إلا بَعد ما خِسرت والدي يعني راح وما يعرف مرته حامل بولد و رَبتة و كَبرتة وحدها

و صادِقتة حتى ما يضُم عليها شيء و يتعبها إذا مر بمرحلة بالمُراهقة

و أجه إمير من ورا كفخني

امير : شكم مرة متوبج و گايلج لا تلبسين نعالي

جُمارة : مو ما اريد أفارگك حبيبي

بالبداية حُضني و بعدين باوعلي فاتح عيونة ضربني بوكس بزندي

آمير : عبالي تتغزلين بية

ثُرمت البُتيتة و خَليتها بالطاوة أندگ باب الشارع قَوي

طِلعت أمي تفتحة و بَعد ما طَبت نزلت روز تركض و أني ورا الباب

من سمعنة صوت صيَاح زِلم

طَبت أمي تباوعلي بصدمة و تضرب على خدودها

تغريد : ولج هاي يا 15 مليون اليحچون بيها

جُمارة : يا 15 مادري

وإمير دَخلهم أحنه بقينة بالمطبخ امي لبست عبايتها و طلعت الهم

إحس كل حيلي رِخة و باد و من الخوف حتى ما اجاني الفضول اباوع الهم و اشوف شكولهم

تغريد : دخيلك يا 15 مليون شنو تريد تورطنا ترى احنه ما تايهين عندنا أهل و بنتي من البيت للمدرسة

- بِنتج قبل فترة اخذت من بنتي عشر ملايين بس أخذتهن تحميل لان أحنه هذا شغلنا حسبناهن بـ 15 مليون

تغريد : دخيلك شتسوي بينهن بنتي و اني أعرفها ما تأخذ لو جايين تضحكون على عالم روحو على غيرنه ترى والله ما عندنا فلس بطرگ المصرف و أحنة ناس سمعتنة الها صيتها

عمرنا ما مدينا إيدينا للفايز

- هسة اني جذاب ؟ حقج ما تصدكين ، أسمعي هذا التسجيل

و أني هذا ابن عمي ضابط و هذا الثاني محامي رادو هم يتصرفون بسرعة بس گلت الهم لا أروح لاهلها و بعدين تصرفو لان نحب الستر و هي بنية

من المطبخ حچيت

جُمارة : عمو اني شعلية لا تتبلة علية رقة هي

خابرتني و كالت هيج گولي

أجتي أمي گبل للمطبخ ضربتني راشدي و هي عاَضة أصابيعها

جُمارة : يمة والله ما مسوية هيج شبيج شنو ما تصدگين بية

آمير : اكلك عمي شنو تعلمنا ببنتنا انتَ روح شوف بنتك وين مودية الفلوس أحنه بناتنا مربيهن و نعرف ما تطلع منهن هاي السوالف

- هسة اني الي عندي حچيتة و راح انطيكم مُهلة 3 أيام

وراها تلگون الشرطة بـ باب البيت

آمير : روح و شتريد تسوي سوي

أمي تخربطت و أني بحالة صدمة معقولة رِقة هيچ تسوي بية

گعدت يم أمي أبجي لحد ما صِحَت أباوع بوجها تريد تقسي بس هي متأكدة اكثر مني اني ما عندي هيج سوالف

سولفت الهم السالفة من البداية للنهاية

أمير : و منو يصدگج اذا هم لازمين التسجيل و يفترون بي يعني اذا ما ننطيهم 15 مليون راح نبقى دايحين بالمحاكم والقضايا و تنسجنين لطمت امي على صدرها و بقت عاضة أصبعها و تلوج

عندنا روز أكثر شخص جبان و خواف بالدنيا من كل موقف بالحياة

الليلة الي مَرت علية أصعب لليلة بتاريخ حياتي الليلة الوحيدة الي

چنت إتمنى ما يطلع صُبحها و لان بية طَبيعة من أنقهر تكون الضحية مُعدتي المَي اذا يدخل الها لازم يطلع

بالأربعة الفجر راحت أمي للأمام الكاظم (ع) تبچي

و لان قريب علينه تروح اله مشي ما قبلت أكعد آمير لان تَوه نَام

كعدت بالمطبخ أنهاريت بالبچي ضربت راسي بالحايط و أعض أصابيعي واحد واحد من الندم

بقيت أنتظر أمي لان تأخرت و أحس عيوني قَفلت من النعاس ما أتذكر شوكت نمت و أني بمكاني بالمطبخ بين الكاونتر و الثلاجة

بَس أتذكر من گعدت على أصواتهم العالية و أمي تبجي و تفهمهم

- وينها جيبيها وين ضامتها و عنوانهم ذولة وين

تغريد : لعد مو هم خابروكم ياهو الكاللكم

هناك بيتهم بالفرع الثاني

- ما الج دخل منو كاللنا بنتج وين جيبيها عمامي يردوها

تغريد : وين تردون شتسوولها بنتي والله فقيرة ذيج نايمة بالمطبخ

- امشي كعديها يالله و اذا ترحين وياها فضينا

لَحظات و مواقف من بَشاعتها و خوفي بوقتها ما أسمح للذاكرة تعيدها

و أحنة نصعد مثل الأسرة و الطريق من محافظتنا لمحافظتهم الموضوع نفسة چانو جايين أربعة بس بسيارتين لان متأكدين أمي ما تعوفني وحدي و كِل الأحداث بـ كف و لمن دخلت بيت رَهينة بـ كف ثاني

لگيناهم كلهم ينتظرونة و ملامح وجه رهينة تثبت شگد هي متشمته بـ أمي و تحس نفسها منتصرة

رَهينة : ها يتغريد شنو هالمصيبة الجايتنا بيها

أمي بَعدها تريد تجاوب و إيد أنمدت عَلية سحبتني من ورا أمي

تغريد : دخيلك اوكف بس دخيلكم والله بنتي بريئة

وجووهم توحي هُمَ چانو گاعديلي على جَمر

نسوانهم واگفة مغطيات حلوگهن بالشال

دخلوني سحل للمضيف و هُمَ مثل الذئاب الي لگو فَريسة

بحيث أنظارهم تريد تأكلني من الغضب أباوع بعيونهم بخوف

بلكي واحد منهم يشفق عليه و يباوعلي بنظرة عطف حتى اعوفهم

و أروح أچلب بي

يتناقشون بصوت عالي مجموعة دگول خلي يجي يالله تتصرفون

و ناس اعصاب يريدون يشربون من دمي و معترضين لان

" إلا هو يجي " دخل أمجد و ينكت عباته بعصبية

اول ما وصل يمي عدل وجهي بكف أيده و ضربني راشدي

وگعت يم رجليهم

أمجد: شمنتظررررين واكفين تعاينون عليها چيلة والله چيلة أخلي

براسها و احرمها شم الهوى الهااااب

اسمع صوت امي بره تلطم و تتوسل بيهم ما يأذوني

رجع نزل رأسه امجد يحجي وياي و ينفت من العصبية و أندارو

عليه البقية و اني بالكاع و رافعة راسي عليهم روسهم و اجسامهم

منعت حتى الهوى يدخل مو بس حجبت الضوه

واحد منهم گال

- ولججج النوووب خوش صييييت بناتنا طايحة وي أهل

الفايز ولج وين وديتيها هاي الملاييين ويينننن أحجي لا اصلخ جلدج والله

جُمارة : والله ما أخذتهن والله مو أني وداعت أبوي

شخص يضربني و الثاني يعتني منه يگله أوگف صارت عركة بينهم و اني الضحية من كل جهة تجيني ضَربة أصرخ اريد امي تخلصني هي بس هي تصدگني

لحد ما لزمني أمجد بالزاوية صرت ما أعرف منين احمي نفسي

و كلها تريد تشلعه من عندي ما ينشلع كأن يشفي غليله بيه

آيدي كلها دم من وره نزيف حلگي و خشمي

أمجد : خل تحچي وين ودتههههههن لا أذبحها والله أذبحها

من حسيت الحچي ما بي فايدة سكتت و حتى لو بي

ما أكدر من الوجع احچي غَوشت عيوني و آجر النفس بألف ياعلي

لحد ما سمعت صوت امي صاحت و هُم سكتو

تغريد : دخيلككك صايةّ الله وصايتك بنتي راحت

مَا ادري مَن دخل لان اني بنهاية المُضيف و أغلبهم يم الباب

و حتى اللي واكفين بالوسط راحو بالبداية توقعت عمي فَاخر

لحد ما سمعت نبرةّ صوت مُخيفة اكثر من ما أنها عالية

زنَاد : و منو مسـوي بيهااااااااااااااااا هيج

أول مرة بحياتي كلها أتعرض لهيج ضَرب و بهالقساوة فقدت الوعي و مَا صحيت إلا و أني بـ حُضن أمي و هَيَ دموعها توگع على وجهي

تغريد : ليش هيج صار وشلون وصلنا لهاي المرحلة مو جنت أحذرج منها هالبنت الحرام مو گتلج گلبي ما مرتاح إلها

كعدت و أني هم دموعي تجري على نفسي مَرة و على الأوجاع الي أحِس بيها بسبب الضرب درت وجهي على امير لگيته گاعد ينفت

و متعصب باوعتلة أبچي نهض و أتجه علية رجعت بحضن أمي بسرعة

رُفع أيدة وفتح كفوفة يهدأني

آمير : لا تخافين لا تخافين أني وياچ انعل والديهم إذا يتقربولج

بسُرعة گِمت حضنته و أبچي چنت بمرحلة أفديّ كل شخص يتعاطف وياي و يصدگني لان دائماً إحنه البشر ما نهتم بالمشكلة بگد ما نركز منو يهونها عَلينة

آمير : منو ضَربچ بيهم

جُمارة : كلهم بس أمجد أكثر واحد

روز بالزوية گاعدة تبچي و أحنة كاعدين بغرفة جدة رهينة

جَابو النة غَدة و أمي رجعتة

جُمارة : يمة اريدد أتقيء لحگيني

تغريد : هو انتِ شماكلة حتى تزوعين

عفتها و فتحت القفل اركض رِحت للمغسلة هِنَّ كاعدات ينگلن بالمواعين

و أجوي أمي و آمير وراي

وگفت النـة وحدة مخوصرة أول مرة أشوف شكلها الشيطاني

- هَا تغريد خوش مصيبة جبتيها النه شبيها بِتج تزوع

خاف حبلة يجوز الضاحك عليها و مآخذ الفلوس منها

عامل وياها عملتة و شارد

أمي شهگت و لطمت على صَدرها و أمير راح يريد يضربها

بَس سُبقتة جَدة رهينة دفعتها بـ عكازتها

رَهينة : لسانچ أكصة و أعلگة گلادة بربگبتج اذا تجيبين طاري حَفيدتي بالموزين شَعرة منها تشرفج انتِ و عشيرتچ ، ولو يا عشيرة نسيت انتِ مگطمة لا اصل ولا فصل

تغريد : عَجيبة أحترمي نَفسج و تعرفين كلش زين ياهو الما يحقلة يحچي بالشرف لأخر لحظة بحياتي صح أبتعدت أني

بَس ما نسيت فـ لا تهيج الزبالة حتى ما تكتلك ريحتها

عَجيبة : بيمن تعيريني شو حتى بنية ما عندي هُمَ ثنين وليدات أمجد و ولاء هَم أتعير بيهم قَابل ؟

تغريد : لا تعرفين زين المضموم شنو

- عوفي المضموم و روحي سوي چارة البتج النوب فوگ فضيحة الفلوس و الفايز تطلع مو بنية

شالت جَدة گلاص الماي و شمرته عليها تكسر و بالعكازة طاحتلها ضَرب و هي لسانها ما سكت من الاتهامات عبالك لگت فرصتها

رهينة : أمشي ولي لبيتچ لا هلا و لا مرحبا بخلقة الشوم

طَب أمجد يسكت بأمة وهي دگلة هيج سوو بية گام يصيح وجدة ضربتة

أباوعلة وجهة بي آثر ضربة قوية صايرة حمرة على زراگ

امجد : تغريد شنو زايدج زود جاية تتعاركين

امير : لا تجيب طاري امي على لسانك وسخ

شو هذا أنگلب خنزير و هجم على آمير هُمَ كلهم أجسامهم مخيفة بالطول و الضخامة و آمير ضعيف يبين يمهم كتكوت بس ما ادري منين

و وين جان مخلي السچينة لحد ما سمعنه صرخت أمجد و آمير عاف السچينة برجلة ما طلعها ركض يم أمي

گامت أمة تصرخ و أحنه أمي أخذتنا للغرفة و قفلت الباب امجد فضح الدنيا بالصراخ و التهديدات ويحلف اليوم آمير ما ينام إلا بتابوت

شگد دگو الباب لحد الليل أمي ما قبلت تفتحة روز أجتها دگوللها جوعانة أمي چانت مثل الحارس الي مأمنين يمه غراض اذا تتحرك بالغرفة تدير وجهه تباوع و تتطمن علينة

لحد بالليل أندگ الباب و گال عَمة فتحي الباب أني زنَاد

تغريد : ما مسوية بنتي شيء و آمير شالته الغيرة على اختة

زِناد : ما أسويلهم شيء، وينها جُمارة أنطينياها

تغريد : وين توديها بنتي ما أنطيها والله لو على گص رگبتي

زِناد : مَـا تأمنين بية ؟

بقت ساكتة أمي و باوعتلي شالت حجابها خلته على راسي

تغريد : طلعي ويا سولفيلة كلشي بس هو يخلصنة

جنت قابلة اروح لو للموت و لا أشوف اهلي يتعذبون بسببي

فتحت الباب وطلعتني

تغريد : أمانة لا تضربها و لا تخلي احد يضربها بنتي ما تتحمل والله بريئة لو ادري الغلط منها أني أذبحها و محد يدري بس هي ما تسويها

زِناد : إن شاء الله

باوعلي بطرف عينة

زِناد : أمشي وراي

گلبي يدگ سريع و خَايفة من مَنظرة و نَظرتة و سكوتة

وگف يم جَدة رَهينة

زِناد : بيت عَمي يعقوب مَحد يمُر بعرضتهم يبقون هنا مُعززين مُكرمين الى إن أنطي قرار ثاني

طلع و مشيت ورا حتى ما سألتة جدة وين مآخذها بعدين ضربت راسي

يعني انتِ جُمارة غبية أكيد چان يمهم قبل لا يجي للغرفة أول ما طلعنة من المطبخ أريد احاچي بس ما ادري شأگول خَاف أنطق "أكلك"

و ما يصير و ما يطلعن من حلگي كلمة "أبن عمي" لو "خوية "،

ما متعودة ولا أتجرأ أنطق أسمة

لِزمت عبايتة وهوَ لان يمشي سريع طَاحت من چتف دار وجهة بعصبية

خِفت أكثر و دَنگت راسي

زِناد : شتَردين ؟

جُمارة : أهلي جوعانين

حچيتها و مِن تراكم الخوف بداخلي بچيت

صاح ورود و طلعت اله تركض گاللها تودي اكل للغرفة

و گوليلها زِناد دَزها كالتله صار و راحت

باوعلي و أشرلي أمشي كل الي توقعته للمضيف بس أنصدمت من صعد بالسيارة و گال صعدي

فتحت الباب اللي وره وصعدت خَايفة بكل ثانية تمر نسبة الخوف تزيد بداخلي و أحس معدتي من الجوع تذبحني و هي بدون شيء توجعني

وهو سياقتة سَريعة تعيش الواحد رُعب لحد ما وصلنه لبيت أصغر من

بيت جدة رهينة بس احلى

فتح الباب و أشرلي دخلي فتت گدامة

زِناد : فوتي جَوة الدرج گبالچ صعدي و أكو غرفة بابها أبيض فوتي و سدي الباب

حسيت نَفسي شخص آلي و ينفذ الكلام الي ينأمر بي صعدت الدرج و أني أتلفت و صارت الغرفة گبالي كل البيبان صاج إلا هي بابها خشب

لون أبيض فتحت عيوني من شفت الغرفة ظلمة و مابيها غير ضوة الشباك الي حتى بردات مابي

كرسي بالوسط و أثار بالحايط بس ما مبينة شنو بسبب الظلام

طلعت من الغرفة و بقيت واكفة بالباب و أني أتنفس سريع يا رب

هذا كابوس و راح أكعد منه الگة نفسي أقرا رياضيات بصالة بيتنا الصغير

تعبت من الوگفة ، كعدت بالكاع و حضنت رجلي و دموعي تجري

لحد ما سمعت خطوات على الدرج وگفت بسرعة و مسحت دموعي

بَاوعتلة و هو متغير كل ستايل ملابسة ، إلا الكفوف

تراك رياضي وشَعره خفيف مرتب ، هذا جايني كاشخ و أني بداخلة شفت مرحلة خروج الروح من الجسد بأيدة كلاص مَي باوعلي و فِتح الباب

أشرلي فوتـي

هَزيت راسي بـ لا

بلعت ريگي وسحبت نفس قوي

جُمارة : ظلمة أخاف

زِناد : فـوتـي

طَبيت و أباوع للحيطان فَز گلبي من قُفل باب الغُرفة

زِناد : گعدي

عدلت صايتي و گعدت على الكرسي و أحس من كمية الخوف الشايلتها

الكرسي راح ينكسر عدلت حجابي وضميت شعري الطالع

زِناد : أعرف كل الأجوبة ، بس أريد أشوف نسبة المصداقية عندچ ، منو رِقة ؟

جُمارة : صديقتي والله عرفتها اول العام هي اول سنة سادس

تالي رسبت و عادته ويايه يعني هي سنتين صديقتي

زِناد : الفلوس وين ؟

جُمارة : والله وداعت أبوي وداعت أمي وداعت آمير و روز هم بس هذولة أحبهم ما أخذت فلس منها هي ضحكت علية والله جيب القران والله احلف وين متريد اروح أخذني هي خابرتني كالت نقذيني شنو اكلج كولي اي

شال كلاص المي و فَلشة بالگاع

زِناد : جاي يحچي وياج إنسان عاقل ويريد يقتنع

هذا كلامج جاهل ما يصدگة ترى ، ما فكرررررتي بسمعتج

جُمارة : صحيح والله حقك ، بس شوف لو ضامتهن أتحمل ضرب أمجد و البقية و ما أكول وينهن لو اخلي امي و اخوي يتبهذلون يعني ليش هيج أسوي

زِناد : بس هاي أسئلة تنسأل الچ مو الي

جُمارة : صدگني بداعت إمك لان أمي دكول انتَ احسن واحد بيهم

زِناد : لا أنگس منهم ، مو انتِ تجين تقشمريني

بقيت ساكتة فترة و افرك معصم أيدي

جمارة : أني ادري رب العالمين ما راح ينساني و يجي يوم يكشف الحقيقة بس أني غلطت لان ثقيت بيها و بگلبي هذا درس حتى بعد كل عمري ما أعيدة

دار وجهة علية و بَاوع لأيدي

زِناد : شبيها أيـدچ ؟

بچيت بلكي الدموع تسعفني

جُمارة : اليوم من ضربوني وكعت على ايدي و أطبگ الَجف ويَـ الساق شو هسة توجعني شوية

تقرب علية و سحب أيدة بطرف أصابيعة تلمس المكان

لزم المعصم بأثنين أيدة و بحركة سريعة صرخت و طگت أيدي

جُمارة : كامت توجعني أكثر

زِناد : معناها راح تطيب

جُمارة : هُم گالو الكم مهلة 3 أيام ، خاف يسجنوني

بعد بقالي أمتحان رياضيات

زِناد : بالحالتين دراسة ماكو

حچاها و طلع و قُفل الباب بقيت أكسر بالباب و أبچي أفرفح

أحچي بصوت مسموع

جُمارة : والله ما ضامتهن والله هي ضحكت عليه حتى تحصل الفلوس لج يمة وينج تعاي شوفي بنتج شصار بيها ولج يمه تعاليلي

ليش رِقة هيج سويتي بية والله لو مأذيتج ما أنقهر مو چنتي تدرين فلوس المعهد ما عندنا شلون تسوين بية هيج لان كتلج عمامي دزولنة مليون انتِ ما تدرين هاي السنين كلها محد بحالنا و لحگتيني على هذا

ليش هيج بهذلتيني ليش و شوهتي سمعتي منو يصدك بنية بگدي تضحك عليها صديقتها امي خلصت عمرها محافظة علينة مثل المي الي بالصينية تخربين كلشي انتِ بدقيقة ليش ، الله ينتقم منج بجاه محمد و آل محمد

أحس روحي بهتت و هاي هيَ لهنا أنتهت طاقتي استفرغت بالگاع

و گمت أبچي بصوت عالي بسرعة أنفتح بَاوعلي صَافن

جُمارة : بداعت امك رجعني لأمي يالله أريد أمي

زِناد : ما خاطفچ أني ، غلطتي ولازم تتعاقبين

جُمارة : شنو تردون تذبحوني يالله ذبحوني خل أخلص و أرتاح

زِناد: ما نستفاد شي

جُمارة : أبوس أيدك أنقذني انتَ مو شيخ عشيرتنا

أني غلطت و انتَ عاقبني اي قابلة بس خلصني خلي أهلي يرتاحون

اشر على باب غرفة ثانية دخلت الها غرفة أعتيادية و بسيطة

بس مبينة مال ناس كبار لان حتى الملابس الي معلگة

چادر صلاة و شيلة و دشداشة مال رجال و على الميز قرآن و مِسك و الغرفة ريحتها تجنن

زِناد : أي صوت ما أريد

حچاها و طِلع درت وجهي ثلاجة صغيرة وعليها ماعون فواكه

من جوعي أكلت الماعون كله و بعد شبعت ما صابني الفضول أفتح الثلاجة رفعت الغطى و الغرفة باردة نِمت شنو هالراحة الي صابتني فجأة

كعدت الصبح كسرت الباب ومحد فتحة تالي مديت ايدي على اليدة أنفتح نزلت جوه أركض اكو ساعة بنُص الصالة بعدها ما صايرة بثمانية و ريحة البخور تارسة البيت بخور يجنن

درت وجهي لكيته يم الكليدور يرَتب بالغترة خله العگال

و شافني ما حچـة شيء إجه بَخر الغترة و العباية و نَگع الفحمة بالمي لحد ما تأگد طفت گال يالله

بالسيارة و أني گاعدة

زِناد : كل شيء عن البارحة ما ينحچي

جُمارة : ليش شصار ؟ هو اصلاً ما صار

زِناد : هيج يكون جوابج

رجعت و لگيت أمي يمكن النوم ما مار على عيونها تسألني شصار و شسوالج كلت الها ما سوه شيء بس سألني و جاوبته

تغريد : وين نمتي

- غرفة مال ناس كبار بس وحدي

تغريد : طبعا وحدج جا منو تردين وياج

زِناد : و هسة شلون يمة

ورود : لا تخافين مادام زِناد موجود والله

درت وجهي عليها

جُمارة : الله يبشرج بالخير اكلج عود ليش مو عمامي

الشيوخ أمي ما تسولف النه تعاي گوليلي انتِ

ورود : لان عمي عمار و أبوي مُرضى ملتزمين بغسيل الكلى

و مو زين عليهم كل هاي الأجواء و هم بنفسهم گالولة نريد زِناد

جُمارة : أيدة محروگة اني شفت زَندة

ورود : أي صح خطية ، بس أش لا تجيبين طاري هذا الموضوع ينگلب وحش

جُمارة: وحش !!! لا بالعكس هو احسن واحد

رهينة : جُمارة تعاي يمي

رحت يمها كعدت و هي تقرا آيات على راسي

- لا تخافين عندي سبع ما يخلي عگدة ما يحلها

جبير الگوم كلها ، گال يمي

جُمارة : جدة يكلي ماكو بعد دراسة

رهينة : ههههه يحرگ گلبچ مثل ما گلبة محروگ

و أني گاعدة يمها نزل واحد بيدة كتاب نفسة الي شفته بهذيج الجية

رهينة : صارلي خمس سنين اصيّح للنسوان حفيدي بالسادس

ما يدرن لسة لازم كتابة و يفتر

غسان : هسة عمي نرررريد ننجح حتى نعرس يبووو طلابة السودة شني هذا سادس لو ضيم

جُمارة : انتَ هم تريد معدل ؟

غسان : لا خوية اني اريد أنجح

رهينة : هذا يجدة گلة زِناد أخر چنص ما نجحت أعينك بالعسكرية

غسان : هو أنا شاد حيلي حتى ما يسويها شني زوج

أنا اموت و العارية تبقى عايشة تفتر

رهينة : چـا هي الشهادة تجي للسباع ما تجي لهاي الشكول

گالت جدة لوحدة من البنات تجيب چـاي وكعك بعدها البنية

ما رايحة و دخلت علينا هذيچ العاصفة

شاب بالزي العسكري "مُنتسب " بدون أي سلام باوع لجدة و رفع أصبعة للتحذير

- شوفي جَدة هذا آخر نذار وحق هو علي إذا ما ترحين تخطبيها الي اسوي بيكم سواية ما صارت بالديرة كلها

رهينة : ما أروحن و لا أچهب بيتهم بعد ذيج الفشلة

ولك أنا جدتك ما تشيلك الغيرة علية

- جَدة أحبها و يردون ينطوها لابن عمها وحق هو علي ابن أبي طالب (ع) أذبحههم كلهم و أكتلها و أكتل روحي

غسان : لا عليمن أذا ما قبلوا نخطفها و النوب نسوي روحنه لگيناهاهم راح يتشكرون منه و أحنه نگلهم لا عمي نريدها

باوع لغسان و خزرة

- وصلي هذا الحچي لزناد لان اني ويا منتحاچة

رهينة : وليش ما تحجي ويَـ تاج رأسك

غسان : جدة شني زِناد ضالة تفرفرينة على الروس أنا ادري بس الملك يلبس تاج معناها كلنه ملوك ، فديتج غزل من نوع آخر

رهينة : روح انتَ و سالفتك مو يمي خلي امك تروح تخطبها

أنا ما أهين نفسي عگب ذيج الاهانة

- چـا باعي اني رايح مآخذ امي و ماشي لصوب بيت ربيعة

و أكوللها أهلي موش كفو و جايج دخيل تگضيلي سالفتي

اني بحضن جدة و فزيت من شهگتها

رهينة : يمن كون چيلة برأس عدوك يمكسور الرگبة خل تضب أحفادها ربيعة و تكدر على بيتها يالله تروح الها انتَ خلي لنفسك هيبة شواي

روح شوف ذاكَ الـ گلبة مولع من الصغر و ما خَلة واحد يتوسطلة

- طبعاً لان ضامنها اليحچي بيها أبن عمها و ينهي عليها

أنا رادتي عند الغربة و أجيبها يعني أجيبها رايح اني و أجي ويصير خير

دار وجهة وراح

جُمارة : جدة خطية روحي خطيبها اله

رهينة : جدة بزعت ثلاث مرات اروح و اخذ وياي الديرة كلها و ما ينطوها والله شنو أخوها مرة راد منه مرة و ما انطينا

رحت يَم أمي لگيتها تصلي و روز تبچي بالزوية

اجيت همست يمها شبيچ أدري انتِ مخليتني حجة و تبجين علية احجي شكو

روز : تليفوني تغريد نكعتة بالمي لان سمعتني اخابر

جُمارة : عزة بعينج تستاهلين جا امي منين تتلكاها

بقت ساكتة و تبجي امير نايم بستة من راسة و بقيت العب بشعرة

أجتي يم أمي البنية العروس بقت تسولف وياها و دگول لامي

هي يمكن حامل بس ما تريد احد يعرف لان حماها الجبير ما عندة خَلفة و كايلين الها اول طفل تنطي اله

تغريد : ديري بالج باجر اصابيع الندم كلها تعضيها لو يصيرون عندج عشرة تبقى نفسج ورا ضناج الانطيتي

بعدنا نحجي و صار صراخ برة زِناد و بعد واحد تضاربوا

ويَـ أمجد و ولاء

جُمارة : ورود هُمَ شيصيرون مِنَ

ورود : أخوانة من غير أم

شهگت و كلهن باوعن الـي

جدة طلعت الهم جان ولاء بيد زِناد و أمجد بيد الثاني

هذاك عاف امجد بس زِناد ما عاف ولاء لحد ما كلها طلعت و وولد عمي فاخر يفاككوون بيهم

زِناد : حُثالة حرامية

امجد : لا تراوي نفسك انت تفتر بالدول و هسة جاي تريد تصير راعيها

رهينة : راعيها و غصباً إعلة الخلفتك لو ما الوكت ما يسافر و يترك الخير للعارية بيدها تسرح و تمرح

آمير واگف يمنه يباوع وهو توه كاعد من النوم أمجد شافها فرصة

أجة بناحيتنه و هو يعرج سريع و لان عرفتة يريد يضرب امير و يرواي نفسة

صرت گبالة و حضنت آمير

جُمارة : عوووووف أخوية

دفعني و شال آمير بأيد وحدة

يم باب المطبخ الباب حتى مينسد يوگفوه بطابوگة شلتها و شمرتها ما طاحت بي دفعو و أخذو آمير منه امي گامت تعيط عليهم

يارب خَلص هاي الأيام خَلصهن

بقيت واكفة يم ورود بالمطبخ و امي و جدة أخذن آمير للغرفة

طردهم عمي فاخر امجد و ولاء من البيت طَب زِناد يريد يغسل

أني أباوعله هو ما انتبه مّد ايده يغسل و نِسه هو لابس كفوف فتح أيديه أثنينهن و بقى صافن عليهن

سد البوري و دار وجهة لگاني أباوعلة بسُرعة نزلت عيوني

وطلعت من المطبخ ...

...

ورود

ورود : أجيت يمه اجيت الله يأخذ ورود بساعة الصارت ياهو الراد

شغلة صاح ورود ما تحركون أرواحكم

- سوي چـاي للمضيف

كلهن يكرهن هاي الفقرة إلا أني أحبها حتى ابقى واكفة أتصنت عليهم

انطيتهم الصينية و أسمع زِناد يكول الهم

- يجون و تسوون نفسكم أحنة عالم بس نريد نسد السالفة

أتفاوض وياهم أسويهن 12 و يرحون قريب ما يوصلون بغداد

سلام و أسلام و يونس و علي تنزلوهم

أريد تطلعون أصل مراجلكم عليهم و تجيبون الفلوس و تجون

سلام : و اذا أجو سيارتين

زِناد : ترحون سيارتين يجون 3 ترحون 3

إسلام : اكيد يعرفون هاي أحنة

زِناد : و يعرفون اني أريدهم يعرفون و گولولهم بكل ضربة مو أحنة

ألينتهم عرضنا بالباطل يمرون بنفس الحالة المررونا بيها

نعرف الصدگ بس ماكو دليل و قبل لا يطلع أني هم اخلي يسجل فيديو هو أستلم فلوس مني و ماعندة شيء يمي

- صَح أحنة سمعتنا تسوة مليارات ، بس ما ننطرح زواج و مضاحك للحرامية و أهل الفايز

بقيت مصدومة بخطط زِناد و أگول هنيال

گلب جُمارة على هاي الشهامة

أي زِناد عاشگ جُمارة من الصُغر و الديرة كلها تدري

زلام و حريم ، إلا هيَ ..

إسلام : شعندج هنا ولج تتصنتين

ورود : يا استغفر الله ابن عمي اجيت اكللكم بعد تردون چـاي

- لا ما نريد يالله فوتي

طبيت للمطبخ اركض و لكيته هوسة و اني اكف و انظف بي

اندك شباك ألمطبخ التفتت جنطة دبلوماسية ورجال بصفها باوعتلة

من طرف رجلة لحد الچتف من شفت وجهة مدري شصار بية

و أحس كلي حيلي راح

هديت المواعين و طبيت أركض صعدت فوگ لغرفتي

و أني أكول الي شفتة حلم لو حقيقة !!

....

جُمارة

كعدت الصبح على الهوسة و كلها دكول اليوم يجون

ان شاءالله تعدي على خير أمي من الصبح تدعي و تصلي لمن صار الظهر و كالو اجو ختلت بالغرفة جوة چرباية جدة لا يصير حچي ثاني و هَم أنكتل

امي جانت بالصالة تلوب و أني حاضنة نفسي و أدعي يا رب

يجي واحد يبشرني يگول أنحلَت و گومي أقري

من الخوف غُفيت جوة الچرباية

و فزيت على بچي أمي و هُمَ يگولون وين

خِفت أطلع و أكول اني هنا بقيت خاتلة بمكاني لحد ما هو أجة يم أمي

زِناد : ها عمة وينها

جدة صاحت و أمي طلعت تركض بقى واكف هوَ يم الباب ما تحرك

ضرب الباب و حجة بصوت خَافت

زِناد : جُمارة گلبي وينج

...

منو منكم يروح يجيبلي أخبارة ؟

- ما يحتاج كل أهل السَلف يحچون

الوَحش ما يرضى غير بـ گلب جُمارة

- رُسل فَهد

كَيف بدأت قُصص حُبكم لِنستمع !! 💝🥹💕

التصويت + التعليق بين الفقرات لُطفاً

يا أجمل الوحوش

- رُسل فَهد

...

عِند الوصف سَـأقول :

كان الأمر أشبه بـ شعرة رِمش في عين شَخص

مُقطع الأيادي ..

و عِند الشرح أكثر سَأقول :

مَطعون أنا من كل صوب

" تين و عِد بلابل روحي مشمورة "

أطلع صورتك من گلبي ؟ گلي شلون !!

يَـ شَعرة بعين واحد أيـدة مَبتورة

- رُسل فَهد

...

زِناد : جُمارة گلبي وينچ

خاف چانت الي نية أطلع بعد ما سمعت هاي الكلمات بقيت جامدة بمكاني لحد ما دخلت أمي للغرفة تبچي و تدعي يارب رجعلي بنتي بخير و سلام ولج يمة جُمارة وين رحتي

جُمارة : أني هنا يُمة

شهگت أمي و تدور الصوت منين طالع

طلعت من جوة الچرباية بقت أمي بحالة صدمة حتى خفت منها

جُمارة : ها يمة حلوها السالفة ، نمت جوة الجرباية مادري بروحي

حُضنتني و بعدين وخرتني من حضنا ضربتني على ايدي و هي تصيح بصوت عالي على اثر صوتها كلها أجتي

تغريد : ولج ساعتين صار النة ندور عبالي انتحرتي شو شسويتي

جُمارة : يمة شنو السالفة جان انتحرت بساعتها تحملت الضرب ذاك و ما انتحرت ، ما انتحر اذا ما امتحن رياضيات

فِتحو مجَال و هو دِخل باوعتلة و لأول مرة اخلي عيني بعينة شِفت نظرة عجيبة و ما عرفت أفسرها بقى واكف بمكانة و طرف من عباتة صايرة جوه ايدة ودَگ جهازة

زِناد : كفو بالنشامة يالله تعالو منتظركم أنا

طلع و أمي بَشرتني السالفة أنحلت حضنتها بقوة و أني أبجي

بس هالمرة دموع فرح عيشتني رِقة قلق و توتر و خوف ما مَر علية بكل حياتي

يمكن أبالغ لو أگول الأيام الي خسرت بيها أبوية حبيبي و طلعنا من غرفة أمي بدون كل شيء امي دموعها على خدها و تسحل بية

و أني ؟

أسحل وياي الذكرى الوحيدة العندي من أبوية غير حُبة و حنيتة

لَعابتي الي من گد ما عتگت و صارت قديمة بعد ماكو مجال أخيطها

من مكان الفتگ الي يطلع الگطن مِنـه ويَـ كل خيط ذكرى

حتى بجنطة المدرسة والمعهد وياي

تنام وياي و اسولف وياها هيَ الوحيدة بَس تعرف شگد بينت الها ضعفي لمن أحتاج أبوية و أريدة بكل دقيقة تمُر بحياتي

بكل أجتماع مدرسة بكل تبرع للأيتام تمنيته يجي و يگول

اني موجود بنتي مو يتيمة

صح أمي صارت لأمير أم و أب بس الي ما گدرت لان أني ما أنسى حنيته و أتذكرهن لقطة لقطة اليوم الي أكعد بي من الفجر و تسبحني أمي و تبدلي و اكشخ بشكو حاجة جديدة عندي و ابقى كاعدة بالباب

شگد ضربوني و طببوني و أرجع أطلع

مرات يجي العصر و أني من الصبح للعصر على گعدتي

ما أقبل أكل اي لگمة لحد ما هوَ يجي و أمي تصبلة و أكعد يمه يسويلي لَفات ناسية كل مواقف طفولتي بكد ما ذاكرتي ما تريد غير مشاهد أبوية

و احلى لحظة بحياتي لمن توگف سيارة و ينزل هوَ و جُنطتة

أبقى بعالي صوتي أصيّح " ولج يُمة أجة أبوية "

يفتحلي أيدة و أروحلة أركض أخنگة من قوة حضنتي و أشتياقي اله

و أبچي و هو يسكتني و يضحك و نطُب للبيت هو شايلني اني و الجنطة و دگلة جدة نزلها انتَ تعبان

يَعقوب : چـا هو أنا الطريق كله أنتظر هاي اللحظة من أشيلها أحس تعب الدوام كله يروح بضحكتها

و أمي تسولف اله رِحلة أنتظاري اله اليوم و هو يبقى يضحك

و لما نفوت للغرفة و نتعارك أني و أمي وهو يگول لأمي لا تزعجيها خلي تشبع مني براحتها و اني أبوسّ برگبته و خدودة و أغور أمي

جانت تضحك و تتعارك ويا دگلة يعني شنو ما الي حُصة بيك

يغمزلها و يگول لا ماكو كله لجُمارتي

جُمارة : ها ها ليش تغمز عبالك ما شفتك

يبقون يضحكون و بالأخير أبوية يقشمرني بـ فلوس و جدة

رهينة تحبسني يمها ما تخليني أصعد

هاي اول مرة بحياتي بسبب رِقة حتى لعابة أبوية أنساها و اعوفها هناك

فزيت من ذكرياتي لگيت دموعي مغرگتني

طَبت جدة باوعتلي روز يمي نايمة و آمير يم زِناد و أمي تسبح

رهينة : شبيج جدة مو گتلج عندي سبع من گال أحلها حَلها

و حگة طلعة من بين عيونهم و بيض صفحتج كدامها كلها بحركة وحدة منة