تحميل رواية «تسأليني الجزء الثاني» PDF

بقيت واكفه اسمع

اييي محتاجج سنين وانا معايش

اريد اكلج شي عوضيني ..تعب سنين خذاني

من الصغر لحد ماطك بيه الشيب .منار

كلها اييي كامل

منار معليج بيها علاقتي بيها صفر

ايي

لا يابه لوما هلصغير مالفيها دقيقه

اي حبي متستاهل كلمه زوجه

هه شتعرفين عنها انتي

هه كارثة مو بشر

انتي الاصل والله اصلا زواجنا ورقي

يحجي ولسانة ثكيل مبين شارب هواي

سمعت طكه جكار ه

رجعت خطوتين

انتجيت ع المحجر مال درج

خليت ايدي ع حلكي ماريد صوت يطلع

حسيت خفقان قوي وقلبي انفض نفض

وايدي ترجف واسناني صك

بعدة يحجي ومستمر

بكلامه

كمت مسحت وجهي

فتحت الباب

عليه

تفضلي بسرعة شنو رايدة

انت ويا منو جنت تحجي

حبيبتي وراح تصير زوجتي

كمت ارجف ما اعرف شكلة

متجيبها هنا افتهمت هذا بيتي امشي اطلع برررة بيتي

اندار عليه

كال روحي حبي دقايق واتصل بيج

سدة

كتله يلا اطلع

فوك مقابله بيك ومنكس البيت بسوالفك

وكف كبالي

كل هي 100متر الج و100ليه

شنو

اي مثل ماسمعتي استاذة قمر

اطلع همام

قمر مثل مانتي الج حصه هذا بيت امي

خوش ..يلا طلعي من الربعه

اريد احجي

بقيت صافنه عليه

كتله ..انت

شمر عليه كوشه بعصبيه

اسكتي وطلعي يلا

ماخذة العالم فلاح املاجه ولج منهو انتي وشنو

شوفي نفسج بسوك النسوان حتى مابيج سعر

لا مو كلام جان ولا اسلوب لا سيوف

يلا طلعي

افصل البيت..

خوش افصله سهله

وماريد منك شي

مو الج اجيب لابني

ول يابة صايرة ام  براسي ذكرتيني بأمي ههه

جري منا قمر لخاطر ايهم وامي متحملج بالبيت

شبيك همام تخبلت ليش هيج تحجي ما اسمحلك

يول  تسمحين متسمحين منو انتي

دمرتي حياتي من يوم الي عرفتج هسة خليني اتنفس واعيش

اهااا تتنفس وية هاي الساقطة

جرني حيل

اسمعي لج ما اسمحلج تغلطين ومرة ثانية غير تصرف اتصرف وياج

كااافي هواي سكتت ومو همام ليسكت لمرة

يلة ولي منا ومن تريدين ادخلين عليا دكي لباب اول مثل ما اني ادك لباب عليج

دفعني برة الصالة

و رجع  مدد ع المدة بلكاع ..وخله ايدة ورة راسه

اتصل بيها

هاا غاليتي اتأخرت عليج

بقيت واكفه ماعرف شسوي لا بيه ارجع ولا بيه ابقى

اندار بعدني

عدل روحه

كعد تربع  كال دقيقه وكتم الفون  وتالي اريد ارجع اتصل

كتله طلكني

ضحك..منار عيوني ..

عدنه مخبله هينه ..شوي وارد اتصل

احس نار بيه 

احترم نفسك محد مخبل غيرك

اللهم يطولج ياروح

هه وبعدج مصرة ع نفس اسلوبج

همجي تهجمي ..مدري بيج خلل

المهم روحي وباجر اطلكج ولا يهمج

لان مشغول اريد اتصل

ودار وجهه

وشال فونه

ودك

هلا بكلبي

بقيت واكفه

اندار اشر الي طلعي

اني مداستوعب شي

رجعت طلعت

خنكه ميت وعليه ثكل التراب

مشيت

فتحت الباب مال حوش

وطلعت

امشي طبيت للحديقه ..

بلاك نفض من مكانه ووكف مرات يخلو بسطح ومرات

جوة بلحديقه يربطو بعامود المرجوحه

حديقتنا باردة

وبدة الجو يبرد

وي الشتا ..اختنك عندي بي ذكريات توجع حيل

احس فصل الشتاء

فصل الحنين

جتفت ايدي  وبقيت واكفه

اباوع ع كل شي ..

بديتها ..من صغري لليوم

اشبهه بفلم مسرع مر كدامي كل شي ..

سرريع ..

وجنت اشوف دائما اني اعيط ..واصرخ ع الغير

قائد ..همام بشار ..احمد

اهلي

اني واكفه بس الكون كله يفتر فرة سرريعه

وتفتر وياصور حياتي

ايهم ..ويصرخ ميريدني

انتي السبب لسانج ..غيري اسلوبج ..

نضرة قائد قبل لا يطلع ..

عوفني ..طلكني ..

ابوية ..امي ..الكل ..واكف واني وافتر ..

وكفت

ووكف كلشي

فتحت عيوني اني بلنص

اني السبب بكل شي صار

كعدت ..

ي سبب مني

مدا استوعب اي اني ضيعتة من ايدي مفكرت اباجر اشلون اعيش

لا اخوة ولا اقراب ولا اصدقاء لا وظيفة

ضعيت الحبيب من ايدي بدلالي وعنادي

طلع وبعد مرجعلي

بس لو ترجع ياقائد جانت تحملتني جان تحملت خبالاي ولساني جان بقيت تحب قمر لو مليت

اتذكرت اليوم الي طلع بي كلي بعد ما اتحمل

اكيد لو راجع جان تركتني

وضعيت ابني وهملتة وهو طفل محتاج لحنان ام

شافة عند غيري

وضعيت همام سنين وهو يحاول وياية الا ان صابني لغرور وتوقعت راح يبقى طول عمرة حبيب ومطيع

حتى نفسي هم ضيعتها لا شكل ولا جسم انهار كلشي بحياتي

دقايق وية الفجر وضحتلي لصورة

محد ظلم قمر ولا اذئها

قمر نفسها دمرت نفسها

ي اني

ماذكر شكد كعدت بس حسيت الشمس

تكفخ براسي كفخ ..

محد طلع الي ولا احد كال وينها

كمت طبيت

شفت ..الحجبه بلمطبخ

تسوي جاي

وايهم خالته بلكاع ..

انداىت عليه يمه شعدج برة ..

اشتم هوى

سديت الباب وطبيت غسلت

وعيني ع الربعه

يمكن شي غريب

بس احس همام قائد وقائد همام

يمكن مريضة اي ويمكن مخبله

بس احساس الفقد يوجع

واني توجعت

وكمت احترك

واني الي شعلت روحي بروحي

رجعت ..

كعدت ..بلمطبخ

الحجيه تسولف

واني بالي مو يمها بس اجاوبها

باي او لا

وايهم يلعب

جربته كعدتة بحضني

يعوفني وينزل

مرة مرتين

مراد

جبرته وحضنته صرخ حيل

تخبلت

ماعرف شلون ضربته

بضربتي عاط

هي عيطه وهي الحجيه جرته مني

شبيج تخبلتي رسمي بعد

بس ساكتة اني

ماعرف شداسوي

وليش الكل يكول مخبله

معقوله تخبلت صدك

ضل يبجي

اني ساكته

كتلها ميريدني

والي ماريدج تضربي

وزكحين علي ..خطي هاذ حيوان لا يحيل ولا يربط

يزي عاد كمرة ..شوفي صرفه لحالج

انا تعبت منج ..

حجيه

اسمعي مكافي ورمتي جبد وليدي

درتي ع هلطفل الي من ريحته

اول مرة تحجي ويايه بهلسوب

بقيت جامدة

ع حس ايهم وبجيه

شفت همام يصيح شكو وواكف يم الالباب

اجه جرة

سكت بحضنه

كال يوم شكو

كالت ماكو شي وكع

اندار علية ..

ام 100% وحريصه حييل ..

واخذة وراح

لا بيه اكوم ولا بيه ابقى كاعدى بلكاع

وانخرست

الححيه غسلت وجهها وضلت تتعوذ من شيطان

كالت كمر

اني كمت..

طلعت بلممر ..

باب الربعه مفتوح

شفت همام نايم وايهم ع ايدة

نايم ع صدرة ..

صعدت فوك ..

سديت الباب

اي اني مخبله ..الكل يكول اني مخبله ..

كعدت ..ع الجرباية ..

  اباوع لغرفتي عبالك اول مرة اشوف الغرفة

اباوع على كل مكان بيها

كلة اسود وغامق لاخشاب والفرشة جوزي والزاوية لملابس معلكة سود

ماكو روح صدك كال همام

ماسوة بسوك النسوان سعر

اني شنو اني السبب لو منو

مشيت عثرت بمكعبات ايهم

كعدت بالكاع المها

وفكري يرووح ويرجع

وطلعت مكعبة صغيرة

هاي اني خليتها بلكاع ..

وطلعت مكعبات كبار وصفطت داير مدايرها

هذا قائد وهذا عبدالله و هذا بشار وهذا همام

خل افكر هسة

اني هاي المكعبة شلون جنت قبل

شاطرة مرحة حبابة مدللة الكل

يومي بين المعهد والسهرة بالبيت وية اخوتي

جانوا اصدقاء مو اخوة ضحك وعرك ومصارعة

اي هاي اني مشيت منا

وعثرة يم هاي المكعبة

قائد

هنا صرت مو اني هاي المكعبة نفسها صرت اتعارك وية هذا

ضربت مكعبة بشار واكذب واخون ثقة هذا مكعبة عبد الله

واجاوز على هذا همام

منو السبب انت قائد

هسة يلة عرفت انت السبب بكل هذا

شلت المكبعة وشمرتها حيل

تعبت والله

لازم اخلص من قائد ما اريد

فتحت لكنتور جريت جرجف الجربايه

خليته بلكاع ..

شمرت ملابسة كلهن مبقيت حاجة

ولمحابس والساعات حتى العطور

لميتهن بالفرشة وسويتها بقجه ..وعكدتها

وطلعت للبالكونة فتحت الباب كوة عتيتها ..

وكفت ..اباوع ..

اشمرهن لو اشمر روحي

اباوع على الارتفاع اذا اوكع اموت لو انكسر

زين اني اذا متت الله يرضى عليه

اي اي يرضى اني مو عاقلة اني تمرضت من ذيج الوكعة

صار بيه لمرض.مخبلة  وزادت الحالة

بعد كاافي ماكو علاج الا الموت

تقربت ..

ذبيت البقجه ..

وصعدت ع حافه التيغه ..وغمضت

وسمعت صوت لباب

فزيت ..

قطع افكاري اني داحس نفسي تخبلت

اي تخبلت عيوني مفتوحة ووجهي شحب

اي اي مخبلة اني

مو

اني

صوت زوجة قتيبة

تفضلي

خالة ام قائد تريدج

هسة راح انزل ..

نزلت وجريت الفرشة.وانزلها من الدرج كوة

سحل سحل ..طبيت للمطبخ ..

كتلها

هاي ملابس ابنج تصدقوا بيها حركوها ما اريدهن بعد بغرفتي

شبيج كمرة ترة تعبنا

مابيا شي راح اخلصكم مني

شنو قصدج

ما اكدر احجي واشرح  عفتها ومشيت..

صعدت فوك ..

طلعت هدومي..كلها ..الي جابها الي ..

هم خليتها ..بجياس وكترتهم بلممر ..

اسمع ..

كمر كمر يومه مابية اصعد نزلي

احاجيج ..

نزلت

ها يوم

شبيج يومه ..

ماكو شي ..

عجل شجرة وتريدين ذبين هدوم قايد ..

سكتت..

فاتت ..نورا ..مرت قتيبة..حجيه ..

اسوي ..دولمه لو مي لحم ..

التهت عني ..وضلت تحاجي بنورا ..

اباوع عليها صدك عروس ..

شو اني محسيت مثلها ولا عشت مثلهم

شو جريتها مشاكل بطلايب ..

الحجيه كالت نزلي عاونينه ..

نزلت ..

وفكري ماعرف وين وشسوي اذا اشرب دوة ماموت

جربته مرة ممتت ..

شسوي ياربي ..

الحجيه

كمرة لا زعلين مني فد ايهم روحي ..

لا يمه مازعل ..

كمت اشتغل واسوي الغدة ..

نورا تكول قتيبه راد تمن ومي لحم ..

يحبه ..

كمت احس كل حجايه علية تقصدها

ها شوفي اني احبه

مو مثلج موتي واحد والثاني عافج

مع العلم مكالت شي هي

بس هيج دماغي ..تعب ..

للظهر كام همام

من نومه ..

قتيبه يطلع الصبح للمحل يرجع همام يطلع بدل عنه

كام وايهم بايدة ..

نزله راح ركض ع الحجيه

من ايد لايد لو الحجيه لو ايه لو همام

كملنه الغدة ..

وكعدنه ناكل ..

همام..

ولا عبالك موجودة اني،..

كمل .وطب سبح وبدل وطلع ..

ضل ايهم يصرخ وراه ..عبالك هو ابو صدك ..

اجه قتيبه ..جلب بقتيبه ..ايهم

واني ولا عبالك امه

السبب مني اي

كله مني ..

نونو حبي ميت جوع بين ماسبح حضري اكل

يمه يابعد قلب نونو..

اني اغسل مواعين ..

احس نبتت السيم بلجدر مو بس اجلفه

الحجيه يومه راح اخذ ايهم واخذ كسرة

راحت

نورا كالت ..

قتو ..

اجي اليف الك ظهرك ..

مد رلسه ..

اني دايرة جسمي بس سمعتها تضحك ..

مو غيرة بس مادري شنو الي صار بيه ..

كترت المواعين ..

وصعدت فوك ..

لا كدرت انام ولا كدرت اكعد ..

بلعت حبوب مهدئه 2

واحس الاكل بمعدتي يفور ..

سمعت صوت ..احد يصعد

خليت اذاني ..اسمع قتيبه

يكول ..فوك نتغدة ..

رجعت..

رديت رحت ..اسمع اشوف يكولون عليه مخبله لو لا

راح صوتهم ..وسمعت سدة باب ..

اليوم ارجع همام الي اي ..

خسرت كل شي بقة بس هو ..

بس شلون ..

حسيت كلبي راح يطلع من مكانه ..

اوف شلون يعني ..شكوله ..

اتوسل بي لا ابد لو اموت ..

خلي يولي

بقيت لليل ع هالحال.

الا ان صاحوني ..نزلت ..

جوة ..

مثل كل بيت .شغل وتحضير اكل

سالفه منا وسالفه منا

وعمتي تحجي الي عن اخبار حمواتي

كلهن اطشرن ..كل وحدة بدولة سافرت

بس تمارا هنا واجر الها رجلها شقه .

وبين هذا ..

نورا يمي وتعاوني

احاول اتمالك نفسي بكل شي ..

وايهم يلعب ..بيناتنه ..

جريته يمي ..

شميته وبوسته ..

شويه وراح يمهم ..

لليل اجه همام طب .

ركض عليه ايهم ..ولزك برجله

طلع اله جيس اشكال بي .

واخذة ..

وطلع ..

صحت وين ماخدة ..

كال افرة شويه واجي .

كتله حضرت الك عشا ..مجاوب وراح

نص ساعه اكثر واجه ..

طب بايدة ..

لفات ..

ذبها وحاجه ايو ..

ايو ..اسبح وحضريهن الي ..

كوة لزمت نفسي ومحجيت .شي .

بقيت بلمطبخ الكل راح لمكانه ..

اخذت الاكل من ايه ..

وحسيته ..طلع من الحمام ..

عدلت شعري وشلت الصينية ودخلت

شفتة دينشف شعرة

كلي

مو كلت أية خل تجيب الاكل

لا همام انت مسئول مني

كام يضحك

هااي من شوكت

من هسة همام

اسمعني قمر زين

انتي انتهتي بالنسبة الية دست على كلبي من وراج ودست على كرامتي تحمل كلشي حتى أذية اخوج لخاطرج

وانتي ابدااا

اعرف حزينة مردت منج شي بس تقدرين بقيتي تعاملني مثل العدو

اني بشر اريد اسمع كلمة حب وحنان اقل شي الاحترام

وانتي حتى احترام محترمتني

همام اني جنت مريضة بقائد

واني قمر جنت مريض بيج وطبت

يعني خلاص اخذت حتى لقاح من مرضج

ابتسم ..انتهيتي ..

عفتة وطلعت

واني منتهية وتفكيري مشتت

خلاص مالي احد

قائد انت اللعنة مالتي ولازم اخلص منها

اي اخلص اطلع منا

اروح لمكان لبعيد مابي ريحة قائد

اي اروح

صعدت فوك للغرفة جبت عباتي ونزلت

باوعت الكل نايم

وهمام جوة يخابر

تقربت من ايهم بست ايدة

وكتلة سامحني

تسحبت ع كيف ..وفتحت الباب ع كيف

ومشيت وي الحايط وصلت لباب البرة واتلفت

فتحتها بسرعه طلعت ورديتها

وطلعت

بقيت اتلفت دنيا لليل وضلمه ..وكمرها طافي ..

مشيت بسرعه

وللحكاية بقية

تنويه

متابعيني

يوميا ج واحد فقط ..

رجاءا بدون حلفان وضغط ..

مسائكم رياحين

#سوزان المندلاوي

مشيت سريع

عبرت بابين .كلبي وجعني ..

ايهم شلون اعوفه ..

اني شلون ام ..معقوله اعوف ابني واهج ..

وهمام شبهني بامه ..كال مثل امي

لا لا ..ارجع ..اي ارجع ..

رجعت وكفت يم الباب ..

خليت غراضي ع جهه ..وفتحتها ع كيف ..

اسمع شحطه رجل ..

ووقتيبه يصيح ولك همام..ليش عايف البوب مشريعه

بس سمعت صوته شلت الجنطه..

وركضت ..اركض ..حتى منداريت منو ورايه ..

وصلت لراس الفرع ..

رحت يمنى ..

كعدت .ع الرصيف ..

كلبي يرريد يطك من الدك .اباوع ماكو احد

ظلمه وصوت المولدات ..تشتغل ..ومحد بشارع

اكو بيوت ضاويه واكو بيوت ظلمه اظلم من روحي

نسمى هوى باردة ..بلجو ..لفيت هدومي زين ..

ياربي شداسوي بروحي وين اروح ..اني

اروح يم ابويه اي ..اكعد هناك ..يمه

ارتاح يمه ..

كمت ..مشيت خطوتين ..وين اندله اسال الدفان ع اسمه اذكر هو يم المغيسل

ماعرف مين اطلع للنجف

اروح لقائد ..

لا لا اني اريد اخلص منه

اي اروح هسة يتلكاني ويحضني .

حسيت دمعه باردة ع خدي ..

مسحتها

رفعت راسي للسما ..

ربي ..تعبت ..المن اشكي ..والمن ..احجي

اني ماعرف ..شداسوي

اللهي تشوفني ..اني هنا ..

ومشيت بفسحى اكبر اهناااا دشوفني ..

اني عبدك الضعيف ..

المحني بنضرة منك .

تعبت ..يارب ..

تعبت ..وين اروح ومنو الي ..

الى اين ..

الى المجهول دروبي تأخذني

الى الاشيئ ..

الى المنفى ..

نعم مرهقه ومتعبه .مشتته..

عجوزا في ريعان شبابها..

اضعت نفسي ..

اضعت رسمي ..

اضعت اسمي ..

انا ضائعه ..مابين ..طيف الماضي ..وجبروت الحاضر ..

الى اين ..اذهب ..

انااا ..على حافه الجنون ..

ارجع ..للبيت ..

لا ..اخاف ..

رجعت كعدت ..نفس كعدتي ..

شارع اظلم مابي احد ..

بقيت صافنه ..

والصفنات الي بروحي هوايه ..

ماذكر مدة شكد ..بس سمعت صوت .رجلين ..

كمت ..مشيت ..كبل ..

اباوع يمنى يسرى ..ماكو احد البيوت مسدودة ..

مشيت المح بيت ..بي اهله برة ..بلطرمه

يغسلوها ومي تارس الشارع ..

جفصت ع المي وخطفت ..بسرعه ..

اخذت يسرى ..

وامشي واخذ غير فرع

مابالي شي بس الهروب من نفسي ..

مشيت ..

وصلت ..ع الشارع ..

اكو براس الشارع الرئيسي ..مشاتل ..

كلها ..

واكو شلون الدربونه صغيرة ..

افوت منها اطلع للشارع

بس اباوع كلشي اظلم ..

ماكو شي ..

ابقى هنا اكعد ع الرصيف وللصبح واروح ..

يم ابويه .

اي هوايه عللم تسكن كبور اسكن هناك وخلص ..

وعندي كم فلس ..اكل واشرب منها ..

ايهم ..

ارجع اخذة ..اي اخذة ..

لا وين اهجوله ..بهليل ..

اووف ياربي ..

احسن شي ارجع للبيت واكولهم ..جنت اشتم هوى ..

يمه منو يصدك ..هنوب يذبون براسي بلوة..

بقيت كاعدة ..

وهاي افكاري تررررروووح وتررررجع ..

بدت تظلم اكثر ..وتبرد هم ..واني ملفلفه روحي وكاعدة

بعد السقوط كثرت الجرائم وتسليب ..

والانفحارات ..

وانفرض علينا حظر تجوال ..

من ساعه 12الى 4 الفحر اذكر ..

مجنت خايفه لا احد يجي يموتني ..

او اموت بلانفجار لا ..

بلعكس ..اني اشتهي الموت ..

مثل ماناس تشتهي الحياه ..

اسمع صوت سيارات .تمشي .ع شارع ..

خفت ..

لا يشوفني احد ..

طلعت ..من هلدربونه الصغيرة ..

بيها وصخ ..وكواغد وزبل ..مطشوشه..

يصير بوجهي الشارع العام ..

بي ضوة بس هدووء

حتى صوت الهوى اسمعة ..

اكو خشخشه ورايه ..

جمدت اريد اندار ماكدر..لا بيه اتقدم ولا بيه ارجع

اتخايل ..ورايه شخص عيونه حمر..من ذولي بلافلام

الرعب ..

اريد اتنفس انكطع بصدري الهوى بعد ..

انداريت ..كوة ..

اشوف جريدي اكبر من البزونه ..

ويكلب بلاكل ..

ماعرف شلون مشيت ..

واذكر صرخت يمه ..

انهزمت منه..

صرت بنص الشارع ..

كلبي وكف .من الهبطه ريكي يبس ..

محلات كدامي معزله ..

اباع يمين اكو فلكه ..وبيها حرس بس بعيدين .

وين اروح واتلفت ياللهي وين .

هسة اذا يشوفوني ..يحبسوني

عبالهم ارهابيه .

اكو مشتل ..وبي حديقه مسيجه برة ..

وباب سيم ..

مزنجلها..وبيها قفل ..

شلون افوت ..

اي ..اذب غراصي واصعد وانام بيها ..منا للصبح والله كريم .

تقربت .دفعت الباب انفتحت ..

قفها .هيج بس شكل..

دخلت ..اباوع اكو محل من زجاج جوة ..وهنا حذيقه

رحت بلحديقه

كعدت ..شويه ..

باردة الكاع ثلجت اكثر ..

كمت ادور ع شي شفت كارتونه ..

وشفت بوري مال مي شربت ..

وؤحت

خليتها جوايه ..وكعدت ..

ماكدرت انام ابد ..

انتظر بس الصبح يلطع ..واروح ..

للنجف ..

بقيت ..كاعدة ..وصوت سيارات بس قليلر..

وصوت جلاب ..

بدة الخوف يدخل بروحي ..

خفت كلش ..

كمت حتى اخاف اغمص عيوني لا يطلع الي شي ..

كل شوي افتح الفون واضوي داير مدايري،

وضليت افكر

يريد انزل راسي اله واتوسل بي

همام..عباله..احبه ..

احبة ؟

ليش طيفك قائد راح ليش

جنت عايشة ويا ..

بيوم وليله اختفى عني وضيعني.

ياريت يرجع حتى اكدر اكمل ..

ليش راح ..

بقيت ..افكر ..

معقوله بليوم الي فكرت بهمام اختفى الطيف

معقوله بديت احبه ..

لا لا ماحبه ..

همام وافز ع صوت ..

وارجع اعدل كعدتي ..

وارجع ادخل بلدوامه ..المهم الصبح اروح للنجف

بقيت كاعدة ومتفلفة بعباتي

شلون انام هي مال نوم

زين ارجع اي خل ارجع

بس شلون شكلهم وين جنت بال5 الفجر

ليش يربي اني اسوي الشغلة وبعدين افكر

وين عقلج قمر

امداني وامدة حظي

سمعت طكطكة يمكن هم جريدي

لا عيني خل اروح

شلت علاكتي ونفضت العباية كلها تراب صارت

وطلعت امشي وصلت لراس الفرع

و اكول اي ابني ابني ما اعوفة شعليه بهمام يزوج يصخم

براس الفرع لمحت اباب البيت همام طلع يركض وشغلة السيارة وشخطها مثل المخبل

يمممة راح يموتني وين اولي

قبل لا يفر السيارة

طلعت بسرعة على الشارع لكيت كية.واكفه

رأسآ صعدت ..

جان اكو ححي ..يم الشباك كاعد كعدت بصفة

ولفيت نفسي حيل ولازمة جنطتي قوي

انداريت ع الشارع .

خطف من يمي همام

شكلة معصب ناار ...

غطيت وجهي ..عزة

اسويتي بروحج قمر

هسة شلون وين اروح وشلون ارجع لابني

ليش ماعندي احد صفيت

جنت بنص عزوة واهل واصدقاء

هسة ايدي والكاع امي سافرت لاخوتي

وانهار الي بيها مكفيها

صافنة بضيمي ما اعرف وين تمشي بيه لسيارة

وتفاجئت بصوت السايق

عينؤني  لكروة راح نوصل

هاا اي لكروة

طلعت فلوس انطيته ورجعولي لباقي

وكفت الكيه والعالم تنزل

نزلت اني وين سألت مرة جبيرة جانت وياية بالكية

كالت

يممة بالنهضة غير

النهضة وين عفية

بنتي لكراج غير اني رايحة لاهلي بالعمارة شنهي حبوبة انتي تايهة

لا لا بس اريد اروح للنجف

اسئلي وين سيارات النجف يدلوج ولو ما اظن اكو سيارات منا للنجف

تشكرت منها وشفت شباب واكفين

ولمحت رجال جبير وصلت يمة

عمو وين سيارات النجف

كلي

بنتي وين اكو سيارات للنجف بالنهضة

زين لكربلاء

بنتي النجف وكربلاء بالعلاوي مو بالنهضة

عفتة ومشيت عالم وهوسة

شسويتي بروح قمر

وين اروح هسة

واسمغ صوت بنص الهوسة وصياح العالم

كووووت  عماررة ناصرية

هوسه بهوسة

داطلي عيني..

جرك حاار ..

دخت دخت حييل

اي دا اسمع صوت

كاظمية

رحت سريع امشي مثل الي لكة امة

وين الكاظمية

صعدت بالكية وكدرت اتنفس شوية

اي اروح لموسى ابن جعفر اكلة اني دخيلة يمكم مولاي

الطريق كله افكر شراح يسوي بيه

همام ..يمه ويكول لعبدلله

يذبحوني

هنوب كل شويه ابجي ..

كل شوية شي يطخني ..

احس ..اكو ايد تنمد الي ..

طخه ..

اعدل روحي الكيه حشك ..

واول مرة اصعد

لا حسيت لزمه

اندار اشوف رجال اربعيني ..مشيب

دروت وجهي ابتسم ..الي

خنزرت عليه

بصفي منا عجوز ومنا .جهال

كومت الجاهل كعدت بمكانه ..

واتنرفزت حييل ..كلش ..

طاح حظك شكبرك تصير سكتت من العالم

لو بيدي اهلس شيباته وشواربع واخليها بايدة

دقايق وعباتي نعتت ..

كلت استغفر الله استغفر الله

انداريت عليه انت متستحي ماعندك شرف غيرة

ولك الي بكدك..كاضيها صلاة تعبد ..

عمت عين شواربك ..

زينها ..وخلي بدالها نعال ..

فوكاها يحجي عليه ..

حجاية مني منه ..لزمو ووكفو السيارة

صارت لخه نزلت

ونزلت العالم

اكل كم دفرة وراشدي عمت عينه ..

عفتهم ومشيت ..

عرفت بلاعظميه اني ..

شكد حلوة عالم تروش وتروح وتجي ..

اذكر جنه صغار نجي بمولود الرسول ..

ونضل نلعب ..بلحوش مال ابو حنيفه واهلنا تزور

سلمت من بعيد ..

واشوف الناس تتفتش وتعبر الجسر ..

اني هم طبيت وي للطبو ..

وطلعت امشي ..ع الجسر

اخ شكد احساس حلو ..

بقيت ..امشي

واعاين ع السما ..والمي يخبل

تمنيت اذب روحي ..واضيع بلبحر

امشي شكد حلوة الحريه ..

اتمنى اتحرر من روحي ..وكفت اباوع ..

المسافه شكد ..

وتجي هيج افكار اشلبه واذب روحي.

واتحرر..

بس عالم كومه ..عفت ومشيت ..

شفت شباب تمشي ..

كتله عفيه مين الامام ..

كام ياشر .الي

بقيت صافنه ..

كال امشي ورانه ..

وصلت لباب الدروازة

اول مرة اروح وحدي

امشي واتذكر من جان بابا يجيبنا واني وانهار نروح على الحلاوة واني اكلها اريد شامية

اللله شكد جنت مرتاحة اكبر همي اليوم الحك على حقلة لكارتون لو راح تفوتني..

مشيت وية العالم الماشية

ولاحت عيوني المناير

اوووف واخيراا

كلبي يركض قبل رجلي بس اريد اوصل اذب روحي على ضريحك..

كفخت بخشمي ..ريحه اكل ..

دجاج كص ..كباب .

تعبانه وجوعانه ومنابمه ..

وكفت اخذت .لفتين ..لان ميته جوع وهبطات

وكلاص جاي ..

وكعدت ع الرصيف كل شي جان حلو

بس اني الحياتي مو حلوة مو صافيه

هاي العالم تروح وترجع ..

بس اني ..وحدي

عايشة ..

بين العالم ووحدي ..

اكلت لكمتي وكلبي يوجعني ع ايهم والحجيه

وشكل همام ميروح من بالي ..شلون طلع ..

كملت وكمت ..

وصلت سلمت التليفون طبعا مقفول وجنطتب بيها هدومي

ودخلت جوة امشي بالحضرة

مستحية وخجلانة مو مثل بالشارع بهمة

خجلانة منهم

بقيت فترة بعيدة عن صلاتي

وعن اهل البيت

وصلت جوة مثل الطفل لمسوي مكسورة واكف كبال ابو

ابجي وامشي سريع

سيدي مولاي يتيمة ومالي غيركم

غلطت هوواي وتعبت اكثر اريد العون منكم

وصلت للشباك ومن حركة كلبي ودموعي النسوان سولي طريق جنت اشهك بصووت عااالي ..الكل يعاين عليه

واكو بيهم بجوا على بجيتي

نص ساعة واني بغير عالم

عطر وراحة الجنة اعرف يمكم محد يأذيني

وراها كعدت بالمسجد

اخذت كتاب الزيارة

وقريت السلام عليكم يا باب من ابواب الله

يارب لتسدة عليه بابك

اني مذنبة جزعت ومتحملت ارادتك وحكمك

يارب مالي غيرك ارحمني بحق محمد وال بيتة..

كملت الزيارة ارتاحيت ..

اسمع صوت قران ..

والعالم ..تتحظر ع صلاة الظهر ..

كمت ..

طلعت غسلت ..ورجعت للزيارة ..

بس هلمرة من طبيت العالم كتل

ومن كل مكان ولون ..اشكال ..

جعصه ..طبيت بيناتهم ..

ماحس غير روجه اخذتني وصلتني للشباك ..

لزكوني بي ..اريد اصرخ ماكدر .

رجعت روجه نسوان ..دفعتني وطلعتني برة

طلعت لا عباه براسي

ولا شال ..حتى جواريبي ..نازله ..

ضليت ادردم ..

ووحدة فوك راسي يلا حركات ..تحركي ..

زايرة ..

عدلت روحي كطيعه من نسوان مردوني مرد ..

رحت رجعت للمسجد ..

كعدت .صليت كملت .واسبح ..

بديت اغفي ع روحي كوة افتح عيوني ..

شفت نسوان نايمه ..

خليت جنطي جوة راسي ونمت

ماحس الا هوسه عالم وتحجي ..فتحت عيوني

صاير المغرب وخلصان واني ع نومتي ..

رديت طلعت ..غسلت وتوضيت ..

وصليت ..وكل شويه ازور

اشوف اذا فارغ اطب واذا ازدحام ارجع

لليل ..جعت ..

هميت روحي وطلعت ..

اخذت اكل واكل ..جوعانه صدك ..

وبديت احس براحه وطمئنينه داخل روحي

وهدووء صار سنين ماعرف بي ..

كضيتها اباع ع العالم واصلي واقرا قران

واهجيها لروح ابويه وقائد

بس ماعرف شراح اسوي

وبليل شلون تاليها ..

خاف يطردوني..

صار الليل والعالم تروش ..

ومحد طردني والعالم نايمه ..عادي

بس محجيت وي اي احد .ابد

جنت اخاف اطلع واطب اخاف من الشرطه

لا احد يعرفني من اطلع اتلفلف ..بهدومي

نمت ماعرف شوكت ..

حسيت ..اني بيت الححيه

طلعت بلطرمه اشوف واحد لابس دشداشه

شكري بلحديقه

تقربت هاي ..هيبه بابا ..وشعرة

شايل بايدة طفل ..

اندار الطفل هذا ايهم ..

تقربت اكثر اي بابا هذا ..

ححيت ويا وينك يابة مشتاقه الك

تعال طب دار وجهه عني

كلما اصير كباله يدير وجهه وايهم بحضنه

فزيت ..

كلبي يرجف..

كمت محتصرة

اريد افسر الحلم ..

ابويه زعلان مني وايهم بحضنه

يعني ميريدني اروح الة

يريد ارحع لابني

سودة عليه ..شداسوي اني حتى الميت مرتاح مني

كضيتها صلاة ..

ودعاء واستغفار ..

وقررت ارجع وشيريد يصير يصير

كل شي اسود صار كدام عيوني ..

خوف مو طبيعي .

اهاف ياذوني..

قررت بليل ارجع انتهت اعيش حياتي لابني

دليت الطريق بعد

هنا الراحه..

نمت ..كمت ع صلاة الفجر ..

لا احد يعرفني من اطلع اتلفلف ..بهدومي

نمت ماعرف شوكت ..

حسيت ..اني بيت الححيه

طلعت بلطرمه اشوف واحد لابس دشداشه

شكري بلحديقه

تقربت هاي ..هيبه بابا ..وشعرة

شايل بايدة طفل ..

اندار الطفل هذا ايهم ..

تقربت اكثر اي بابا هذا ..

ححيت ويا وينك يابة مشتاقه الك

تعال طب دار وجهه عني

كلما اصير كباله يدير وجهه وايهم بحضنه

فزيت ..

كلبي يرجف..

كمت محتصرة

اريد افسر الحلم ..

ابويه زعلان مني وايهم بحضنه

يعني ميريدني اروح الة

يريد ارحع لابني

سودة عليه ..شداسوي اني حتى الميت مرتاح مني

كضيتها صلاة ..

ودعاء واستغفار ..

وقررت ارجع وشيريد يصير يصير

كل شي اسود صار كدام عيوني ..

خوف مو طبيعي .

اخاف ياذوني..

قررت بليل ارجع انتهت اعيش حياتي لابني

دليت الطريق بعد

هنا الراحه..

نمت ..كمت ع صلاة الفجر ..

صليت .وودعت الامام وطلعت

برة اكلت وكملت وانتظرت يجهجر الضوة

حتى ارجع

اي اي لازم ارجع

اخاف ابني بي شي

يجوز تفسير الحلم ابني راح يموت

اي ابوية اخذة وراح

يمممة اسم على وليدي

اخذت الغراض والتليفون من الامانات

ردت افتحة اترددت

رحت على السريع امشي حتى اخذ تكسي من ليكدام

شفت ولد صغير يبيع ملاعييب بالشارع

ما اعرف ليش انتبهت عليا

يمة بزونة وتمومو

كتلة ليش طالع من الصبح تبيع باردة عليك

كلي

اني يتيم ومحتاج

اوووووف كلبي وجعني على ايهم

طلعت 10 الالف انطيتة واخذت منة بزونة

كلي ماعندي صرف ارجعلج

كتلة خليهن الك كلهن

ومشيت احس الدرب شطولة

وصلت على اهل التكسيات واجرت واحد

اريد بس اوصل اشوف ابني حتى لو يموتوني

شطلعني اني

وصلت للمنطقة مالتنا

كتلة نزلني هنا عمو

كلي بنتي هنا بيتكم يم الكشك

لا بعد

ترى الشارع فارغ كليلي وين اوصلج بالضبط

لا عمو قريب اشكرك

انطيتة الكروة

كلي

الله يستر عليج بنيتي

دمعت وسديت لباب

صارلي هواي مسامعة بنيتي

ودعاء حلو

مشيت وشايلة غراضي وامسح دموعي

اجتي سيارة بيها شباب مبين طلاب بس شكلهم كبار

يمشون قريب مني

تعالي اصعدي

من وياج عيني منو بجة الحلو

صعدي اكعدج بحظني

اني امشي على السريع

ليش هيج ياربي شلون حظ منين طلعوا ذولة

لمحت كبال لباب مالنا

سيارة عبد الله وسيارة همام

يااااارب سترك

كلبي نزل برجلي

فتحت لباب بأيدي مفتوح طلع

وشفت عبد الله كبالي

وهمام ظهرة عليه

صااااح لج قمر وين جنتي

عفتة وطبيت اركض قتيبة اباب المطبخ

وينج ام ايهم صدك تحجين

مجاوبت دخلت على الحجية

شافتني

ليش يممة ليش

شجرالج

حسيت انجمعوا عليه من كل مكان

بس لمحت ايهم نايم

طبيت جوة الدرج وكما ابجي

عبد الله

لج وينج تعالي اليوم اذبحج موتيينا صار يومين منايمين

كتلة

والله والله جنت بالكاظم

كلي

يا كاظم ولج من شالج الله وخلصني تعالي اطلعي بس خل الكفج

همام وقتيبة كبالة

و بس ايدهم ورجلهم اشوف

ابجي وهو يصيح عليه همام كلة

مقصرت انت

هسة حسابها يمي اني

لا لك همام متدري شصار بيه

وبعدين هي اختي اني اربيها

جرني من شعري

جرني  همام اني صرت بظهرة واتوسل بي عفية همام والله جنت بالكاظم

دفع عبد الله وكلة

المهره مهرتي واني خيالها وراعيها

وكتلك حسابها عندي ماقصرت اخوي عبد

جروا لعبد الله همام وقتيبة برة

والحجية تحجي ومرة قتيبة نزلت هم

اوووووووو كلها تحجي براسي تعبت والله

صرت ما اسمع جريت ايهم وصعدت

فوك

هو فز وكام يصرخ

اني اشمة واكلة سامحني ضوة عيني

سامحني

بقى يصرخ ويخاف مني

تذكرت لبزونة طلعتها

وشغلتها بقى صافن عليها

واني اضحك واسوي مثلها

كام يلعب ويمشي وراها

دخل همام عليه وقتيبة وراه

شال ايهم والبزونة بأيدة وانطى لقتيبة نزلة جوة

كلة

همام كلشي بالتفاهم لتتهور يولو

قتيبة اعرف شسوي اني مو طفل

اخذ ايهم وروح

طلع قتيبة وقفل لباب همام

واندار عليه

اني الملم بروحي وحصرت نفسي بالكنتور

كلي

وين جنتي قمر

والله همام وداعة ايهم بالكاظم

كام يضحك

كلي لا قصدي

ويامن جنتي طالعة..

منهو  هذا الي رحتي بحضنه

وللحكايه بقيه

دمج جزئين بجزء واحد

قراءة ممتعه

مسائكم هيل

#سوزان المندلاوي

سد الباب

منو الي جنتي ويا وبحظنه

احجييييييي..

صرخه ..سدت اذني ..

بصفه يصير كومدي .ضل يضرب عليه

صار يومين مثبورين بيج وين جنتي

بخوف واحس لساني انعكد

بلكاظم ..والله ..امشي واسال ..

شسال ولج منو اسال ..احجي ..

انتي شنو الي ناويه عليه تموتيني

لو تموتين الحجيه فهمنيني

كلما يتقرب اني ابتعد ..اكثر ..

صفيت اني و الحايط اخر ركن ..

بس جنت اريد اعرف وين الضربه

اسد وهدو عليه

كال مفكرتي بها الطفل مصيرة بدون ام ..

كتله قابل وين رحت

اسسسيكتي ..

لو ميته لو مراجعه لو صاير شي لومنهزمه وي واحد

من يكبر شكول

مثلي مثل امي عافتنه وراحت

وطاح حظنه وراها .الحجيه تموت ..

احنا نزوج وين يصفى ..

احجي ..

كام يكسر بلغراض

جرة وحدة كل شي وكع

هاي حبج لقائد هيج

كلتي احزن عفناج

تخبلتي وياج

اهلج تبرو منج احتضناج

ولج انتي شنو من بشر

والله والله بلكاظم واختنكت .ورحت

جان كلتي اني اوديج..احجي ..لو هاي دروب مروة

تقرب مسافه كلش قريبه عليه ..

جمدت ..ماكدر اتنفس اذكرت كل واحد مد ايدة عليه

من اهلي وقائد ..

كرهت نفسي اكثر ..

همام قسم بالله جنت بلكاظم احجي والحجايه ترجف

ماريد انضرب اني مو حيوان ..

ليش محجيتي الي ..

ولج المن ادور عليج

اخابر اخوج يكولي شمعرفني من يوم الي شافتكم

صارت عار عليه

خابرت هاي الي دافعين الها مروة

تكولي شوفها بحضن منو نايمه

جر شعري ..حيل

خلاني قريب منه ..

كلتي مخليتوني احزن عفناج

كلتي ماعوف قائد سهلة

اتكرب الج زكحين علي

اعوفج صيحين بيتي

يول انتي مابراسج عقل

وكل هذا وانخرست ..

هسة ليش .

يحجي ويعت شعري ..

اخ شعري همام عوفني ..هد ايدك عني

احجي وين رحتي

للكاظم ولو تموتني اكول للكاظم ..

لان صدك رحت هناك..همام اني مو قذرة ولا رخيصه ..

كال عجل من يمي كاضيتها لطم

كلكم نفس شي ..

لا ..مو اني ..

لا بس يمي تبيعين سوالفج ..

دفعته من صدرة لا مو اني ..هدني

ماعدك سلطه عليه ..

حسيته ضربني ..ع زندي ..كعدت ودنجت جر شعري

تعرفين هسة عرفت ليش قائد من يكعد كبالي ويكولي تعبت ليش

وحدج اتعبين عشيرة مو فرد واحد ..

هدني ..

ومشى ضل يجر بلغراض ..

كال .من اليوم تنزلين تنامين جوة يمي

زين ..

كمت ..

كتلة لا مانام يمك ..

رجع عليه

كال مدااخذ رايج دانطيج علم

مو همام يتدنى لمرة وهي مدشوفه ..

لا عبالج لسواد عيونج

كمت ابجي ..

وصل للباب ديفتحها ..

رجع كال لا طلعين ولا طبين الا اني اعرف ..

و تليفونج جيبي ..

اشرت بجنطه..

فتحها ..ذبها غراضها بلكاع

دنج اخذ الفون ..

يول قسم بذات الله ..اذا رجلج حدرت باب الحوش

احشهن ..حش ..

واكرمج واخليج صكط كدام عيوني ..

ديطلع كتله حقك تصير براسي ..اسد

اذا راعي راح واخواني طلعوني عار وصديقتي طلعتني بلا شرف .وامي عافتني وابوية سكن كبور

..ترة مو كل الناس امك

ماذكر طار ماعرف ركض بس دفعني

وعاط ..ولج انتي شنهو من بشر

احس الم بجسمي واسمع صوت تركع باب

اخذت وضعيه الجنين ..

يمكن ضربني ..يمكن اني وكعت مداعرف

بس احس شي حار بجسمي ..وبي ونه

اي ضربني ..يمكن ..

افتح همام

همااام ولك يمه افتح ..

رفعت راسي ..كاعد ع الجرباية ..

هيج رد الدين والامانه تضربني همام .

اقسم الك اني شريفه وجنت بلكاظم

وحق الله ..هناك ..

وخر عني استغفر الله بيج مرة بله مو مرة

كال تعبتيني ..قمر تعبت منج

اتقرب الج طلعيني ..ساقط.وادور وياج فراش

اعوفج ..تجين يمي ..

احجي اطلع مو رجال ..واسد براسج ..

ماعندي شي اقدمه بعد ..الج ..

لهينا حدها وياج ..

حرت بيج

جر وجهي.عصرة و ..لزمه حيل مسح دمع عيوني ..

وضل يباوع عليه ..

وكام ..

كمت كعدت لميت روحي ..

فتح الباب طبت الحجيه 

ضربته ع صدرة ولك يمه ليش ليش

سكت ماحجى شي ركضت عليه شبيج

اذاج

كتلها لا ..مضربني و

ماذاني اندار عليه يباوع صفح ..

كمت كعدت ع الجربايه ..

محجيت شي بس ضلت تحجي عمتي عليه

كال تنزلين جوة ..اليوم ..فهمتي لو اعيد

الحجيه كالت تنزل تنزل ..

ونزل ..

كاعدة صافنه ..بروحي

والحجيه تحجي واجتي نورا مرت قتيبه

الحجيه كالت الها روحي منا

اندارت الحجية عليه

ليش يمة هيج تسوين بنفسج وبينا

بس كولي بشنو قصرنا وياج احنا

يا بنتي هو بس انتي تأرملتي شوفي لشباب لي دتروح مثل لورود

نص بالحروب ونص بالانفجارات

قائد لا اول ولا أخر واحد بس محد سوة سوايتج بينا

لسانج طويل ويومية مشكلة

يمة كافي بعد

رفعت راسي لها ..

سامحني يمة اعرف أذيتكم

يمة ربج ليسامح اني شريد المهم راحتج

وراحة ايهم وراحة همام

يمة همام ابني مثل قائد

وعنودي وعصبي سوي لي يريدة وبلا مشاكل

كتلها

اي يمة بعيني

راح اشيل غراضي وانزل جوة بس اريد ايهم ينام جوة ويانة

بكيفج يمة كمرة المهم ترتاحون..

اذاج يمه ضربج انا اعلمه انا اخبرة مهيج يعاملون الحرمه

كتله يمه ..مرات احس همام ابنج مو قاءد

صفنت علي ..

كالت كمرة ..منهو الام الي تجيب لو تريي ..

سكتت..

وهم ماتعرفين تحجين حجايه عدله ..

يمه ذبتهم لحم الي ..وراحت ..انا كفلتهم وربيتهم ..

واسهر الليل واركض للمستوصف .واسبح ..واداري

يما ..الدنيا مو بس عليج جارت

فد انا من جارت علي ..صرت اقوى ..

وانا شكد باقي الي سنه سنتين اكثر

تاليها الحك وليدي ..

راح اكوم انا ..تعبت كمرة ..

كلنا الج حضن وانتي النه شوك ..

بستها من اديها يمه اسفه وحضنتها بقت ابجي ..

راح اسكت وروح قائد اسكت لو دوسون عليه اسكت ..

شحجي كلها سجاجين بوجهي ..

شكد صار بية مصايب ومشاكل بس احس نفسي مرتاحة

كمت لميت غراضي ونزلت لغرفة همام

هو تاركها مينام بيها كلها تراب ..

نظفتها علكت بردات رتبت ملابسي وملابس ايهم

خليت فرشة على جرباية اشتغل واستغفر الله

ام قائد تروح وتجي

وتكول عاشت ايدج يمة الله يرضى عليج

كملت كلشي وطبيت اغسل

صاحتلي لحجية

تعالي يمة تغدي اليوم تعبتي هواي

بس اصلي يمة واجيج

تصلين الحمد الله ربي عفية عليج يمة

اي يمة احس براحة من اصلي

صدك باب من ابواب الله احس انفتحلي

واني داصلي

دخل همام حسيت يباوع عليه بتك عين ومعاجبة

من كملت

كلي كومي صبي غدة

اي تأمر

وتالي،..وياج

سكتت وكمت ..

صبيت واكلنا سوة بس كلش منفوخ وكل شوية يكول

استغفر الله

كتلة همام اذا معاجبك اتسمم وياك كول

لا ضل هيج

فوك حكه دكه ..هذا حالي

لج عفية لسان عندج ابددا ميكدر يحجي حجي زين

اوووف عفتة وكمت

لزم ايدي قوي

شبيك همام هد ايدي

اوكفي نسيت اكلج

شنو

اختج خابرت على تليفونج وكالت هي بالمستشفى

يمممة شبيها اختي

ضربت وجهي

يمكن طرحت

عفية ودني البه يخليك ابوس ايدك

ماعدها احد غيري

امشي لبسي عباتج وراح انتظرج بالسيارة

مثل لمخبلة طلعت عباتي

والحجية تكولي

يممة لتخافين بلكت ماكو شي شوية تعبانة وبس

طلعت للسيارة

فتحت لباب لورة

باوع عليه بعصبية سديتة وكعدت ليكدام

شغل لسيارة وطلع

اني بس اكلة عفية بسرعة

وصلنا للطورائ سئل همام عليها

كالوا فوك بالنسائية

اول مصعدت شفت عمة انهار ورجلها

دتحجي براسة وهو بس يكول اي اي

عفتها حتى بلا سلام

ودخلت على انهار سودة عليه معرفتها

صفررة وشفتها بيضة

وعيونها تجري دموع

همام بقى برة لغرفة

شبيج انهار شجاج

قمر الحكيني راح اموت والله

اسم الله عليج عيوني ما بيج شي افديج بروحي

قمر راحوا جهالي 2 راحوا يارب اموت وراها

لج شبيج ليشوفج يكول عمرها 90 هي ام ل60 تحبل وتجيب

لا قمر تعبت مبقيت شي مسويتة

اسكتي هسة ارتاحي والله كريم كلشي لتفكرين

كعدت يمها وافرك جسمها ..

تكول من البارحه الليل كله انزف ..ووكع واحد ومن الصبح وكع الثاني

الليل كله لازمه بطني اخاف يوكع ..

واتوسل بالله ..

تاليها وكع

بس،واحد ردت ..

عمي ربع واحد ..

كافي لا تبجين موزين ...

ماعرف بس حجيها زرف روحي زرف

قمر عطشانة مي  اريد شي حلو

باوعت ماكو يمها حتى بطل مي

طاح حضة لزلمتها ابن امة جنة مرة غبرة كاعد بصفها وتكركر

طلعت لكيت همام يشرب جكارة بعيد ابالكونة

صحت همام ذب لجكارة ودخل

وصحت بصوت عفية همام ولو انت غريب عليها بس يمكن نخوة اكثر من رجلها والي تسمى عمتها

شبيج قمر خير

لك خطية جيبلها عصير مي شي

تدللي لحظة واجيب

اجوي  هو وامة تصيح

شبينا عيني معاجبيج

كتلها

اي والله معاجبيني انتو ماعدكم رحمة ولا غيرة لبنية دتموت جوةوانتي تكركرين بأذن ابنج ميكول هاي مرتي

ديلة عيني اشوف اهلها ترسوا لمستشفى ترس 

انقهرت وكتلها

تف على الزمن الاغبر ابونا مات واخوتي برة وصرنا مكفخة بيد اليسوة ولميسوى

واذا ماعدها احد اني اختها معازين عليكم

كلمة مني وكلمة منها وصارت هوسة التموا علينا

سمعت تكول فكوررر ..

وحدة كرطت راس

والثانيه عاكر

بس همزين طلعت حركت كلبي بيها عضيتها

عضة شلت لحمة مها

جرني همام ودخلني

جوة..شنو انتي طايحه بلوادم عض ..

ولج شجرة عليج ..

والله لو ما هنا لا اكسرج

ضل يعيط ويصيح عليه

وطردو رجلها

واحنه هم يطلعونه

كتله

ناس ماعدهم رحمة عبالهم لجنة مو بشر

يعالمون بناتهم شكل وبنات العالم غير شكل

لج وتالي وياج قمر لسانج مال كص

دعوفني همام مشفتها شنو من بشر

تكول فوك ما اختج عاكر الكم عين تحجون شنو يعني هو بيدها لو بيد الله

يمه عيونه تجدح نار

ولج حرمه مايطلع حسها وانتي تلعلع

اوف الله ..اذكرت كم كلمه من ام اوس دائما تكولها

كتله ..

عيني ..همام فدوةلطولك الحلو ..

شعدني غيرك ..

توبه اذا حجيت بعد

اروح فدوة الك ..

ابتسم ..

وضل ينفخ بىروحهه

عفا عليج ..بس اهمدي من همدج الله

همام اختي تعبانة ميخالف

اجيبها يمي ترتاح تعرف ما غدنا احد راسي وراسها

مو عيب يولو تسأليني البيت بيتها روحي حضريها خل نطلع

طبت عليها تعبانة وعركانة

كتلها كومي انهار

وين

لبيتي وين يعني

لا ولج استحي

منين تستحين تنامين يمي بالغرفة وهو بيتي

خطية النزف كلش قوي لان اثنين مو واحد

ما اعرف ليش مكتوب علينا ماكو راحة

الاتعس حتى بخشيش ماموزعين

هاي عمته وجه الحرش..

شال همام ونطاهم نظفوها وشالو الكانونه

ورتبتها

تبجي وتبجي الي وياها

نزلنها للسيارة

الطريق كله تبجي من دكه اعيالها

واصبر بيها

وصلنا ودخلتها كلي همام جيبيها هنا لغرفتي مو مال تصعد فوك

وانت وين تنام

بلربعة عجل وين وانتو اخذوا راحتكم هنا

اشكرك همام

دخلتها للغرفة وحضرت لمكان الها

رحت على الحجية استسمحتها تبقى انهار

خطية كالت لبيت بيتها مو عيب تسألينا

رجعت على انهار بدلت ملابسها وغسلت

طب همام جايب جيس صاحلي

هذا معلاك وكباب خل تأكل خطية صايرة تخوف

اشكرك همام

كتها انهار اكلي لكمة اخاف يصير عندج هبوط حاد

خطية لكمتين وكالت مااكدر احس سجاجين وتكصصكص ابنطي

الحجية جابتلها كلاص عصير برتقال وحلفتها تشرب

وبقت تواسيها

حلوة كلامها صار النا ام وبقت تسوالف عن الي جانوا محرومين من الخلفة وصار عدهم بعدين ومن هل الحجي

من طلعت كالتلي انهار

نامي ..ارتاحي ..

نامت

واني هم ذبيت روحي ونمت وياها محسيت بشي

كعدت دنيا لليل ..

كمت من الفراش وكعدت .انهار ..

اخذتها للحمام غسلت الها وبدلت ..

ورحت يم الحجيه شويه

حماسه لحم ومعلاك هم للعشا

واخذته ورجعت يمها

كعدت اوكلها

ولج قمر عايشة ابنعمة انتي

عود اني اختج وهيج دللولني

ليش هيج انتي ما بيج حظ الي يحبج لسانج يصير ضدة

قمر وين اكو هيج عيال نفسهم طيبة

صح اني تعبانة بس انتهبتةعلى همام شلون يخاف عليج وشلون كلج انتي هم اكلي مأكلتي اليوم على الغدة

وهاي عود انتي مسوية كل مصيبة اكبر من راسج

شفتي عمتي شلونها لو رجلي قمر

انهار مو انتي هم تلومين بية جريت هلسنوات صدمة ورة صدمة مشفت راحة ..بس عضيتها بردت روحي

ضحكت كالت يراد الج لقاح

قمر

ها حبي

مشتاقه لابونا ..

اني هم ..

تذكرين من يلمنا والي يسكت ويكعد عاقل ينطي 25دينار

اي .

محتاجته هوايه هسة

اني انطي روحي كون يرجع

انعار زوري ترتاحين ..والله اتقربي لله

ما اعرف شلون بس صدكيني ورة مزرت حسيت براحة وقوة

ولازم اغير نفسي لان الحياة تستمر وعندي ابن بركبتي

شدي حيلج ونزور ابويه

احجي وياها وهي تغفي شوية الوجع قل اخذت مهدئ ومسكن بعد الاكل

طفيت الضوة وطلعت

غسلت وتوضيت وصليت

قررت شنو يصير بيه بعد ما اترك صلاتي وما ابتعد عن ربي

الحجية واية وايهم اكلوا وتمددوا

ورحت ابوس بي وخال البزونه يمه

يوومه ريحه الجنه بي

رجعت

اطمئنيت على انهار

احس نفسي محصورة لبست حجاب وطلعت برة

كعدت بالمرجوحة وانكسرت هواي على حالنا

اختي تون من الوجع

واني هم جسمي يوجعني من لضرب

اخخخ وماعدنا لا اخ ولا اب

بجيت وكلت عدنا رب هو اعلم وارحم من الكل

دخل همام

شعندج هنا

مسحت دموعي

احتصرت

شلونها انهار

احسن بس بعدها تتوجع

دتبجين عليها

ما ادري..تريد عشا

فد شوي ..خل اتغوسل الاول

اروح احضر الك

عفتة وكمت جرني ورجعني على المرجوحة

كعد جوة بالكاع كلي..طلع فونه والجكاير  خلاهن كباله

ورث جكارة ..ضل يتلفت ويلعب بلحيته

انا مو قصدي اضربج

بس نار وشبت بضلوعي وحركتني

انتي ماكو

ماعرف وينج

اخوج يزن براسي الحجيه تولول

قتيبه..

وانا حاير ..

لتبجين بعد اكثر شي يتعبني ويعصبني دموع

احسها نار وتنزل على روحي

تقرب عليا مسح دموعي وعدل شعري

مثل ام وتخاف على ابنها وتراضي من زعلان

اول مرة احس اكو ايد حنينة يمي

كلي

قمر اني

وقاطع كلامة دكت التليفون

طلعة مكتوب

منار اخذة ..الفون

و عافني وطلع برة

وللحكايه بقيه

مسائكم ..ياسمين

#سوزان المندلاوي

اخذ الفون وكام ..

طلع وكف بلباب يحجي ..

كمت اني هم ..شفت بلاك ..اطمئنيت عليه ..

ضل يلعب ..ويايه ..

طب همام ..يباوع عليه ..

كال بعدج ..

كتله اي ..

كال بردت طبي جوة ..

اي ..

كال ..سولي لكمه ..

تدلل..هسة ..

ايبااه مداعرفج كله اي وهسة ..

هماام ..لعد شسوي ..

ول يابه شسوي عضي الوادم .ويباوع ع بلاك ..

شنو قصدك استاذ ..

يشهد الله ورفع اصبعه للسما ماكو قصد ..

بس تمارا لجحتيها بعضه وعمته انهار ..

اي عيني اعض ..ديربالك ..

ضحك تخوفيني ..

لا يابه شخوفك ..قابل اني اجر شعر واضرب

بوكسات ..

راسا بدل النضرة والقصد ..

لا ماكو قصد ..بس ماضرب اني ..

لان اكو فرق بين الحيوان والبشر ..

بس الحيوان ..سكتت..

والله حتى الحيوان حرام ينضرب ..

هذا قانون الغابة ..

كال ..هذا الموجود يعجبج وله لا ..انا طبعي هيجي ..

كتلة

المهم ..الحجيه حامسه لحم ..ومعلاك ..تريد ..

سكت ..

كال لا ازقنبت كلام معدل ..

اروح ازقنب ..زقوم احسن ..

مكافي شرب ..

شعليج بيه ..

موزين ..

خايفه عليه ..

لا شخاف .عم ولد خال بنيه ..

داكمل كال اسكتي

كال لا ابو ولد ..ستر الله عدج واحد ..

عفيه لسان دك دك دك ..شنهو ..ماتهمدين انتامين ..

تنلصمين ..واكعه ع الوادم عض وحجي ..

والي يطخج .يطلع حيوان ..

موقصدي ..هيج همام ..

رد دك فونه ..

طلعه ..

اعاين عليه ..

كلي ..

سولي لكمه ..بس يحجي متنك ..

اي تدلل..

عفته وطبيت ..

دام الله موجود ..ماتبقى هيج ويايه ..

يجفصون بلمصران ويكولون اسكتي دروحوا ..

طبيت جوة .

برة بيها برودة ..

وكفت ع الطباخ احمي الاكل ..

اسمع صوت سوالف ..

بلربعه ..

هاي منو ..

تقربت ع باب نور تحجي ..

ي قتيبه اني عروس مو اكعد اخدم قمر الشاخطه

واختها هنوب عليه ..

ساكت ..قتيبه ..

كلبي وكف ..

ماتخدمين وكمر مو شاخطه نور صار سنين ويانه

بنيه خادمتنه

ييي طبعا تخدم كلكم ..جوة اديها هاي لو اني ادك دكتها ..

سكتها ..

اشك حلكج واكسرج ..شحدج .

هي ماعدها رجال يحكم وهذا همام ..

كاب الهوى ..بصدرة ..

وساكت ..لو عندي اجنزها

سكتو شوية

رحت ركض ..خاف احد يشوفني

الاكل لجع وريحته طالعه ..

عزة حركته

هاي ليش هيج وياية ياربي ..

مين ومين اتلكاها ..

جتي يمي انتي هنا ..

كتلها اي .

هاي شنو معطبع الاكل ..

سكتت..

طب قتيبه ..

كتله خويه اسويلك لكمه ..

كال لا ..

جاي ..

ياريت ..

اخذت القوري ..وداترسه مي،..

جرته مني كالت ماعليج بقتيبه ..اني اخدمه ..

نورا شبيج اخويه هذا ..

وخرت مني وحطت الجاي ع النار ..

لا والله شفت اخوج .شلونه من انهزمتي

بس الي محيرني شي كلهم وياج هنا

عجيب ..

سكتت مجبورة اسكت

كتلها لان بنت اوادم بس الدنيا كسرتني ..

عفتها ورحت ع ايهم وانهار نايمين

رجعت شفت همام ديغسل

و نورا شالت الصينيه

وراحت

عرفت انضاف عدو للقائمه السودة

وهمام بسببي الكل يعتبرة مو رجال

ليش ؟

فوك ماياذيني ياربي

شسوي

بين ماغسل همام

اخذت الاكل

ورحت وراه

خليته وكعدت ..

..

كدامه

مد ايدة

كال

اكلي وياي

لا ماريد اكلت

عجل ..راح زوهريني بلكمتي

لا لا والله ..

بس عندي سؤال وهو .

همام ..

نعم ..

تكرهني ..انت ..

لا

تحبني ..

نزل الاكل ..

كال لا ..

لعد ..

شلج بها سؤال ..

خوش ..

ليش سؤالج

هيج ..

عفته وكمت .

قمر ..

انداريت ..

جيبي الي فراش ..

اي ..وجاي هم ..

لا ماريد .

عفته ورحت ..للغرفه يم ..انهار تون بنومها

كومتها..

عركانه وعدها حرارة

دخلت يم انهار خطية تعبانة وتون من الوجع

تمددت بصفها والعب بشعرها

ميخالف انهار انتي اقوى من الي صار اني مو اختج لصغيرة شوفني شكد اتحملت

كامت ..كعدت ..

مخابرني

منو

رجلي ..

ها ..لا شبيج خلي يولي وامه السعلوة.

كالت اريد امي قمر

منين اجيبلها هسة

خابريها قمر تعبانة اريد احجي وياها

دكيت عليها

وحجينا وياها دموع مو كلام

خطية تعبت من القهر والملامة

الي افتهمنا راح تطلعلهم اقامة بالسويد

كالت خل نسحبكم حظكم فاني مثل لعراق ميفيد ..

من سدتة فكرنا نطلع شكو بيها ونخلص من كلشي

اصلا ماعدنا احد بعد

كالت انهار

وابنج قمر تعوفي

اخذة ..

واهله ..مشوفيهم متعلقين بي ..

هااا مادري

ابني ابن اهله دتشوفي اصلا  ميوصل يمي

قمر تريدين نصيحتي ولتزعلين

حياتج هنا حافظي عليها واذا طلعتي وين راح تبقين جوة رحمة سجاد مسوينا شي

قمر صيري ذكية اكسبي للولد

باجر روحي للصالون اصبغي وحفي رتبي وضعج

حسسيي هو رجال ومسيطر وبنفس الوقت انتي اتحكمي بي...

متاخذ منج شي ..من يطب الله يساعدك

من يطلع ربي يحفظك

اخذ المسواك من ايدة

ربي يطول بعمرك ..وهلحجي

افرك اله جسمه ..

خنزرت

سعني لا تقنعيني علاقتج بي

كتلها اي

كالت لوما اختي ماصدك

قمر صدك تحجين..عمي سالفتج بلافلام متسولف

درتبي روحج اول ..

ميقبل اطلع من لبيت شلون

هم مو مشكلة باجر اخابر نادية صديقتي تذكريها الي جانت تجينا للبيت بالمناسبات

اي اعرفها وتسويلج هنا

قمر عندج حصة وفلوس مال لمرحوم وعندج شاب يحبج ويتمنى رضاج

هاي قبل هسة لايف على وحدة

طبعا شاب ومن حقة وانت جنج بومة وبس بجي ومشاكل

مو من حقة يشوف انتي قمر مثل ما طيرتي تكدرين ترجعي

الج

وقائد ..

اهوووو شبيج مات .صار كومه عيشي ياحبيبي ..

الله كريم

وانتي انهار تسافرين

ما اعرف قمر بس تعبت هواي خل يجي هو وامة ونشوف شنو يكول حتى اعرف شلون اتصرف

انتي تحبي انهار

اجذب عليج اذا كلت لا

طبعا احبه نسيتي الكليه

لا منسيت ..

الصبح كعدت سويت ريوك لانهار والحجية وايهم يلعب يمنا

اية هم موجودة كلش حبابة وفقيرة

تتحرك جوة ايدي مثل لغزال على كولت الحجية

كعد همام كالب وجه بس سلم على انهار وكلها اذا محتاجة شي أمريني

كلش احب نخوتة ..

واني اباوع عليه ..

بطارف عينه يباوع ..

ونزلت نورا وقتيبة

دا احضر ريوك الهم كالت لا ماكو داعي اني اسوي

كتلها انتي سوي لرجلج واني اسوي لرجلي

همام شال عيونة هو ديلعب بالتليفون

سويتلة صينية

كلي مو هنا نأكل سوة وية قتيبة ..

كتلة

لا همة خل يأخذون راحتهم وامشي اني وياك للربعة

اتقصدت احجي هيج كدامها ..

يعني ..

يعني اني وياك وحدنه ..ناكل

اها ..خير من الله ..هاي من شوكت ..

كمت اصحك حتة لا افشل روحي

واخذت الاكل ..

الححيه تكعد اولنه وتريك هي وايه وايهم ..

من هاي ذبه قبل تتنام من وكت وتكعد من وكت والجهال وياها وياها ..

اخذت الصينه ..واباوع ع نور

ليش ياربي وين ما اروح بكبري عظام

طبيت ..خليت الاكل ..

فاتت من يمي نور

اني سديت الباب

همام اندار شنو هاي

حتى تاخذ راحتك..

؟ راح ناكل لو شنو ..

شبيج كمر اليوم تكمزين .

ماكو شي اكل انت .

كعد يأكل ويشرب جاي

وعيونة عليه كلي اكلي

اكلت  قبل شوية

عجل شعندج كاعدة هنا

راح اكوم  الم الفراش

صدك اخاف اسد نفسك من لصبح

جرني حيل وكعني على فراشة

وصار قريب عليه جسمي يم جسمة

لج بس كليلي هذا اللسان بي تاريخ صلاحية

كام ينصي صوته ..

همام

شوكت يبطل بعد يعطل

عوفني هو اني شبقى عندي بس هلسان

بقى بيج ..هوااي

بعدج حلوة .

بس عيونج تعبانه

وخر عفيه خنكتني ..

لج اسكتي صدك اني رجلج

هاا وخر همام خل اطلع

لا متطلعين الا تجاوبيني قمر انطني لحظات وياج شوية اسكتي وانسي نفسج متعرفين شكد جنت اتنمى وجودج يمي هيج ونايمة على فراشي ..

حسيته خله راسه ع ركبتي

وباسني ..وحتى حراراة نفسه حسيت بيها

كمت ارجف ..

همام عفيه ..وخر

اتمناج اني ..قمر ..وكام يمشي ايدة ع شفتي

يول ليش هلرجف ..

بردانه ..

لا ..عفيه وخر ..

اسمعي اتمناج

تقرب مني اكثر ..

كتله ..

شوكت تتنمى  من جنت مرة قائد

وخر مني ..

كعد وعدل روحه ..

شيلي الاكل منا واطلعي 

كومي اطلعي ..

بقيت ساكته اريد الم نفسي

مدري شصار بيه

كومي ..منا ..

طلعت كلبي يدك سريع ما ادري

ليش من زمان محد متقرب مني هيج

ملحكت اعيش

احس،قائد بيناتنه ..ماكدر اجاوزة ابد ..

اوف شداسوي بروحي

غميت نفسي ورحت لانهار كتلها خابري لبنية تجي

ورحت للمطبخ اغسل لمواعيين ..

جتي الحجيه ..وتسولف ع حمواتي واخبارهن

وتمارا ..

فات من يمنا ..همام

باس الحجيه من راسها ..

وكعد ..

ايوو الحذاء  جيبي ..بسرعه

يخابر ..

كاعد كبالي.للبس بنطرون اسود كابوي ..وبدي اسود . ..ولبس الحذاء

والفون باذنه

ميهم دقايق يمكم

اي اي هسة داكلج

جاي بالطريق للتأخرين..

سدة ..

دفعني وخري ..

جنت متنجيه ع كاونتر

فتحه ..

وطلع عطر  ..

ترس روحه ..

وطلع عرفت متواعد وية صاحبتة والعطر ترس لبيت ترس

سم ان شالله يارب يلكفوك اهلهم ويملخوك

اشتغل وادردم

هناك واكول ليش هيج اسوي

اني اريدة لو لا ..

دخلت نورا شنو راح تسوين غدة

صيحت

سم  اي شي اسوي شوكت مسويت اكلر

صار سنين شايله البيت

بس من تجيني لحالة واصير شاخطة ؟؟؟

كالت

هاا والله مو قصدي

قصدج مو قصدج ماكو مشكلة هي ضليت عليج

حسيتها شوية خافت مني

محجت شي راحت تنظف الربعة

اني ايد بالاكل وايد على ايهم وانهار

كملت لمركة ونكعت لتمن اجتي

لبنية

سلام وعلى لسريع بلشت

بية كصت شعري وصبغتة اسود ما احب غيرة بعد

وبدت تحفلي ايديها حلوة وسريعة

الحجية كالت

خوش سويتي عفية عليج اني راح اكمل لتمن

والله ومطولت ساعة وطلعت

غسلت راسي بالمغسلة ما الحك اغسل خطية انهار عدها علاج

لازم تأكل

دا امشط  ع المرايه بلممر

ودخل همام سريع

باوع وعافني ومشى وبعدها

رجع كال نسيت محفظتي

مسئلتك اني.. اصلا ..

ولا اهتم لكلامي ..طب للربعه

رحت للمطبخ ..

اجتي الحجية حضرت الصينية

وداسولف وياها واشوف

وحدة دخلت من باب لمطبخ

لابسة بنطرون اسود وقميص احمر طويل شال اسود

سمرة وضعيفة

الححيه صفنت ..

منو انتي

السلام عليكم اني منار

شلونج حجية  وجتي تبوس بيها

حبيت اشوفج واسلم عليج من كد ما سمعت بيج من همام

هلة بيج تحبج لعافية يما

اندارت عليه

اني لازمه الخاولي وفاكه حلكي ..

وانتي اكيد قمر مو

اي حبيبة اني قمر

طلع همام يركض ليش نزلتي

مو كتلج انتظرني بالسيارة

مو اتأخرت وحبيت اسلم على لحجية

يلة يلة امشي نروح اتأخرنا

اخذها وطلع ..

يمه همام تعال احاجيك

اندار عليعا بعدين

جان لازم البنيه من زندها وجرها ..

ضلت تحجي الحجيه ..

عجل شبقى ماسوو..

ورمو قلبي انا اله اليوم بس يرد

اووف يمه لا يوكعنا بهبيه ..

كالت الي ..ها كمرة ..ارتاحي بعد ..

درت وجهي لكيت نورا واكفة

ومبتسمة ابتسامة صفرة وخبيثة

صبيت الي ولانهار ..ودخلت

اكلي حبي ..شلونج احسن .

اي تمام رحمه ..من الله فدوة لعينج ربي يحفظلج ابنج وهمام والكل

اريد اتنفس ما اكدر

كالتي شبيج قمور منو وياج

محد اكلي انهار

كالت خابرني

منو رجلي ابن امة

اي

وشيريد عيني

يرجعني البيت

من كل عقلج ترجعين بعد الي سمعتي منهم

قمر احبه وكلي راح اخذ طباخ وارتبلج مكان فوك محد مالنا دخل بينا

والله ما ادري انهار شكلج انتي تحبي بس لازم تخلين لنفسج كرامة مو رجال ليعوف حرمتة يومين بلا حتى بطل مي

قمر متندم ويكول امي جانت تقرأ براسي وتريد تزوجة بت اختها ارملة وعدها اثنين اطفال وهو ميقبل

اني شريد انهار اهم شي راحتج

خل اكل قبل ليجي

هسة راح يجيج شبسرعة ولج

مشتاقتلة قمر

هههه ربي ميحرم حبيبين من بعضهم

احجي عادي واحاول اتصرف عادي

بس منار نضراتها ابالي

اخ ربي شكد جان عاجبني

اهفه بالجفجير

وشلون كايدها الاستاذ يخاف لا طير منه ست الحسن

بين الهوسه ..

وايهم بايدي ..وداحاول احببةبية ..

والعبة

حضرت انهار

وخليت بأديها فلوس

طبعا كل شهر ينطوني مال

ايجار المحلات الية وللحجية

مقبلت تأخذ كتلها مال سلامتج ولج

احها بس مقبل يطب للبيت

هي مكالت بسببي بس عرفتها

طلعت واني رافعة ايدي للسما

ربي يملي حضنها وحضن كل محرومة بحق محمدوال محمد ..

اول مراحت

كعدت صبيت شي فوك شي وكعدت ع الميز اكلت لكمه مالي نفس

هنا الدنيا دارت ديرة سريعه بيه

من قائد وخيالي

الى الحياة العادية

اكلت وغسلتها المواعين

لان نورا من يجي قتيبه تشيل اديها ..

وتصعد يمه ..

صابجه

مخليت شي مسويته ..

نظفت البيت من جديد وغلست الحمامات ..

والححيه ..تروح وترحع وايهم تارس البيت لعب ..

بس مجلب بذيال الحجيه ووالولد ..

يمه ادز ايو اساعدج

لا ..

كملت

اخر شي طبيت غسلت

وطلعت ..

ادور بلكنتور ..

شفت ..هدوم ملونه ..

ضليت اباوع عليها ..

تاليها سديته ..

ولبست اسود ..

وكفت كبال المكياج

امد ايدي ع الكحل واردها استحي ..عبالك احد وراية

ضليت ..هيج ..

تالي تعطرت ..بس

هو كلبي حتى شيب ..وصار اسود

بقت ع الهدوم ..

جبت ايهم ..

وخليته ع رجلي اهز بي انومه ..

وبايدة البزونه والعبة بيها ..

دخل همام عادي ..وين انهار

راحت ..

ليش ..خوما ضوجتيها

لا طبعا ..اجه رجلها اخذها ..

حلو ..ربي يسعدها ..

امي وين ..

نامت ..

طلع من الغرفه

نام ايهم خليته ع الجرباية وغطيته ..

صاحلي قمر صبيلي غدة..حتى اطلع لشغل ..

كتلة تعبانة اريد انام

طب للغرفة..

لج انتي وتالي وياج اسمعي لكلمة

همام ليش جبت هاي للبيت..

وانتي شيخصج اني حر بلي اسوي ..

اكو شي يربط بينه بس ورقه ..

همام اني ما اتحمل هذا الوضع النظرات

والحقارات وكلام هواي..

انتي الي خليتي نفسج بهل وضع..

الي يجي من ايدة عساه الله يزيدة ..

هي منو ؟

راح تصير مرتي .

صدك تحجي ..

والله ..عجل اريد اعيش ..

خوش همام ..

واني راح اطلع من هلهوسه ..

شلون بلة

همام طلكني

كال حلوووو ياااب ..

تدللين قمر بعيوني ....

وللحكايه بقيه

اي بعيوني تدللين ..

اي همام طلكني

سكت ...

كام يطلع اله هدوم ..

اندار عليه

زين شلون اطلكج غير بالاول نتزوج

عجل بس انه اطلك ومامزوج ..

شنووو مدافتهمك

عافني وكام يضحك

ماعندي شي اكوله

اني افتهمي على راحتج

وكومي بسرعة اريد عشة ..

بين مااسبح ..

شوكت نام ايهم ..

قبل شويه ..

وضل يبوس بايهم ..ويكوله

شوكت تكبر واخذك للمحل ..وتفتر بسيارة وياي

ويبوس برجله ..

يابعد كلبي ..يابه ..

ابوي وامي انت ..

كلمه حركت روحي

بعد كلبي يابه منو الاب هنا ..

الي ربه لو الي خلف ..

اخ الله ..

كتله تدلل..هسة اسوي ..

وجاي..هم

انداريت عليه ..كمت اباوع

ولتطلعين خبالي عليج ..

ماعيد جلمتي مرتين ..

ايباااه ..

رحت للمطبخ على اعصابي

اسوي الاكل واكول سم سم

وشنو يريد مني هذا لخبل

ابو النسوان ابو الشرب ..

لا فوكها يكلون فركي اله وسمعي كلام حلو

شفرك ..خرب بحظي ..

حضرت الاكل وكلشي ..

جبت الصينية كدامة

وطلعت

شفتة محضر السم الي يشربة يومية

دخلت للغرفة واني اكول

استغفر الله شوكت ارتاح بعد

رتبتها علكيف .الغرفه ..

وغرفتي فوك اخذ مفتاخها ومدري وين ضمه

والجوة

الغرفه جانت ماليزيه ..

لونها ابيض وذهبي

وبردات من هاي الملكيه ..

دومي جنت اطلع حركتي بشغل لحد مااتعب

لو اكلب الكنتور ..واصفطه ..

لو اجلف ..

المهم انشغل بشي

كملت ..واحس روحي لايبه

طلعت القرأن بديت  اقرا ياسين

وهديتها لقائد ..

من اختمها واكول لروح قائد ..ووو

اصفن وروحي تروح يم كبرة

وصورته ..ع الكبر ..

كد ما محتاجته ..نسيت حتى ..احتاجه ..

ومن كثر الدمع نسيت حتى ابجي ..

من اقرة ارتاح واهدئ بروحي

واقرر بعد اتغير بس وراها ..

اي .اتغير ..لخاطر اليابه ..

صح ..منو بهازمن يحن .ع منو ..

وهناك ..

يرجع لساني ما اكدر اسيطر على

نفسي اتوقع صار بيه هيج ردة

فعل لان مالي احد ولا سند بس هو

ما اعرف بس ما اتحمل همام يصير

لغير وحدة وهو اسمة زوجي

لا مو محبة بي بس ما اخلي

هاي الماسحه . تضحك علية

وتباوعلي

من فوك ليجوة عود

ما اعجبها بسيطة همام ..

بعد ماقريت قران وكملت شغل للغرفه

سويت ممه لايهم ..

بقيت مكدرت انام ..

طلعت هدوم الوسخه ..

خليتها ..بسله جوة الدرج ..

اسمع صوتة ما ادري

شيحجي بس مبين عصبي

طلعت اسمعة

لج مو كلت هي ولماكو سوة

مالج علاقة بيها والله

اسمعيني منار ترى تعبان اني

ومالي خلك اني اخابرج حتى

ارتاح اذا تبقين هيج تلغين ولي ولييي

صوته على اكثر ..

لج لا  تغلطين عليها ..يولو لا تخليني اجي اطبنج بهل ليليل

عرفت عليه الحجي كلت

لا ما اسكتلها..الرايح وجاي يدمغ بيه

هنوب هاي چيقو ..عليه ..

طبيت وفتحت الباب ..

ورديتها ..

وكفت كبالة

عدل نفسة

كتلة عليمن تغلط بت الشوراع هاي

خنزر ..

يولو واكفه تسنطين علي ..

لا شصنط .بس حسك عالي ..شدتحجي عليه ..

ولو العتب مو عليها العتب

عليك عود اسمك رجل انت واني باسمك ..

كلها

ولي هسة

وسدة وكام

لج شنو كلتي اسمك رجال

راح اشوفج كول وفعل .الزلم شنو ...

انهزمت لللغرفه ..ركض ..

ونمت بصف ..ايهم ..

ماكو دقايق طب علية ..

حيل سكران محاس على روحة

همام ..

اش ولج ولا كلمة راح اشوفج

الرجال شلون

ليش قفلت لباب همام

اريد حقي منج

صارلي سنتين تقريبا تاركلج الحبل

شتكولين بعد ماعليا العيب ولا عتب

حكج تكلين مو زلمه ..

اسمعني همام ابوس ايدك مو هيج ..

ضربت ع حلكي ..

اكص لساني اذا حجيت بعد ..

ماكدر ..همام ..

ههههههه لا ليش شبيه اني

تكدرين مرة وحدة علمود وراها اطلكج

وتولين مني

همام ..عيب هيج تسوي والله ..

هسة اصرخ ..والم البيت ..

كام يضحك ..

عجل ..عادي سوي للي تريدي ..

هم عضاضه وهم مو لسان برنو شايله

وكلها تعرفج ..

جرني على لجرباية

ايهم ..يكعد ..

نايم بفراشة

دقائق ماعرف شسوي بيها ..

همام كاافي شبيك ..

احساس غريب ..

اش اش خلة ايدة على

حلكي بس اسكتي

صوته راح وحس نفسه بس اسمع ..

هممام وخر انت سكران

كال

ما اريد اسوي مصيبة والم

لبيت عليج بس سدي حلكج حبابة

بعد ايدة وحط شفتة احساس

غريب اني ارجف...

همام ..فدوة ماكدر ..

احس نفسه يرجف ..يم اذني وركبتي ..

حسيت بحرارة جسمه ..

يرجف..

احس يخاف اكثر مني..

لحظات حسيت بيهن باحاسيس متضاربة

خوف وتنأنيب ضمير

وحب ورغبة

بقيت جامدة بلا حركة

اني اعرف هاي الشغلة رغبة

وحسيتها وية قائدرغبه وحب ..

بس همام جان غير ..

غمضت عيوني صرت جثه ..ماكدر اتحرك ..

جاثوم ونام ع صدري ..

اول مرة اعرف شنو عاشق..

جان يبوس بيه من شفتي ركبتي ..

ويحجي ..اخ يابه احبج ..قمر ..احبج

غمضت ماعرف اني وين ..

حسيت ..وكف ..

كدرت افتح عيوني ..

كال لهل درجه ..نابذتني ..

وخر ..

عافني وكعد بالكاع

وخلة راسة على الكنتور

كتلة اسفه ..همام ..

طلكني همام

سمعت طلكني...وعيش اني حبيسه قائد ..

ماكدر ..

الضوة خفيف بالغرفة

شكله مو واضح ..

كال

اول مرة اجي لهينة جان الصبح

نزلت من لسيارة مجان

عاجبتني لمنطقة وخابرت على قتيبة

لك هو هذا مكان الشوراع

مسدودة وبعيد عن شغلي

اي اعرف البيت جبير وحلو بس

وحسيت بعطر وطخة قوية وكعت التليفون

جنت معصب واول مدرت

وجهي شفتج كلتي اسفة اسفة اتأخر على الخط

ومشيتي سريع

هي ثواني جانت مو اكثر شفت بيج وجه طفلة حسيتج بنتي من هذا الوقت اتنماج اني وكلت خلاص هاي الية يمكن انتي ناسية او متذكرين اصلا بس اني حافظها ابالي

حبيت لبيت ولمكان وعرفتكم وعرفت اخوج سجاد لخاطرج صرتي هدفي ارتاح ويصير عندي عائلة وحب اعوض حرمان لسنين من عمري

من كثر محبيتج من رجعت لديرتنا سوالفت لقائد بيج وعليج وحبج على سوالفي

وشافج بذاك اليوم يمكن اكثر يوم اكرهة من وكعتي

وشالج هو

وبدة يحبج واخذاج مني بس

لا عبالج كلت حقير قائد لا والله عذرتة هو ليشوفج يحبج

وهو الذنب ذنبي اني سامع اقضوا حواجئكم بالكتمان

وفاز بلذات من كان جسورا ..

وانا مو جسور ..

وانا حجيت وبالغت

قمر انطيتج بروح طيبة

ونهيتج من صرتي حبيبة ومرة قائد ..

وبدة ..يحجي بيج ..وكمت اعرفج اكثر واكثر

وحتى من مات حسيتج بنتي..

ردت ..ماحرمج من شي

لا ضنين همي وياج فراش وخلص

بس الزلمه يعرف شنو الي اريدة وياج

بعد دخلتي كلبي ..وخذوج مني

الاصرار زاد ونكص ..انتهى

ورجع ..مثل الاول ..

ومفكرت اخذج واجبرج

ههههههه تعرفين قمر بيوم الي تعاركتوا وطلع وياية

كلي همام اني احس اخذت شي مو الية احس روحك بيها

يول خاف ماتهنى بزواجي

كتلة لا والله اخوية انت وانا شعندي وياها

وهسة راح اكلج شغلة اخيرة قمر

مال اطلكج كطنة وطلعيها من أذنج..

ماعدنا طلاك ..لا عبالج سكنت هينه وصرت

مثلهم ..

لا ..كمرة ..

هاي انا وهاي احنا طلاك ماطلك ..

وعقد محكمه اعقد بعد ..

خلي ابالح ..

بهليومين ..

وانتي اختاريتي بعد ..

تعيشين وحدج ماجبرتج ع شي .

يعني تعيشين وتموتين هينه

مو لان احبج لا انتي نهيتي الحب

ولا لخاطر قائد قائد مات

وكلنا نموت

لخاطر أيهم ابني اي قمر اني شلت وحطيتة اني فرحت بأول سن اله  واول خطوة ..

ابني ..ماتعبتي بي بكدي انتي ..

ابني فهمتي ..

الي صار انسي واسف لان جبرت

وحدة ميتة مثلج عليه ..

اريد اذكر  الي كاله

شوكت طخيت بي ..

ماكدر ذاكرتي محصورة بس بقائد

اول مرة احس

عفيه شنو عندي وياكم ..

عقد ..لو شنو ..

اني شكد حقيرة وانانيه

اريد اكلة اوكف همام اريد انطق

ماكو لساني عطل انهمد مثل ميكول دائما

اتقرب مرة ثانية مني جر قميصة وطلع

طلع وسد لباب

مكدرت انام ..

ثاني يوم جنت صدك مكسورة وما اريد اشوف همام

ما اعرف زعلانة منة لو خجلانة

طلعت من لغرفة متأخرة

سمعت صوتة يحجي وية الحجية

هاي شنو ربي ليش مطالع لحد الان

اخاف ديكلها شي على لبارحة

صخااام قمر

رحت سويت نفسي اغسل

سمعتة يكول اريد اتزوج يمة

معقولة صدك ديحجي لو اخاف هذا قتيبة

تقربت على لمطبخ

يمة تعبت واني مو صغير اريد استقر

حقك يمة ومحد يلومك

ما اريد تزعلين مني

لا يمة ليش ازعل انت ابني

اذا قائد مات انت عدل واريد افرح بيك واريدك تعذرني اخاف جبرتك على كمرة

لا يمة اني لخاطر ايهم ولحد

هسة لخاطر ايهم ما اعوفها

هاي مرة لغالي ويتيمة وهم اني كلت لبنية الي

اريد نمشي عليها وهي تعرف الوضع وماكو اي مشكلة

الله يسهلك يمة وتطلع بت حلال وتسعدك

بس هيمه ..

كولي يوم ..

هاي طبت لابسه بنطرون ..

ي ..يمه وعليه طويل ..لابسه ..

ميخالف يابعد عمري ماحب هجي لبس لا من اهلنا ولا ربعنا

سهله ..

يمه ماتكول لامك ..

لا ..

ليش يابني ..

يووم ..عوفي هلسالفه ..

زين وكمرة يمه ..

حريمه ..ضل بدون والي ..

يمه ماتعرف اساير انت ..ها ها لو تضرب لو تزكح يايمه

هاي مكرودة بخت ..يمه لا تعابيها ..انتو والزمن عليها

سكت ..

وقع هاي لكلمات عليه مثل السم

ينزل بحلكي حسيت مرارة

ضيعتي وخلاص

دخلت للمطبخ

صباح الخير ..

وخليت ايهم بلكاع ..

ها يمة شو متأخرة اليوم

تعبانة شوية يمه

هو طلع من المطبخ ..بدون مباوع بوجي

اكلت ..ولميت الاكل ..

الحجيه كالت اهل نور يمنه ..جاين اليوم ع غدوة ..

هلا بيهم

وتمارا هم يمه وبنت اخوي ماشايفتها انتي

هلا بيهم

سودة عليه ..مكسورة ..يمه ..

لا حجية ..

ادز اكل من برة

لا ..

دبريها بروحج

اي يمه من عيوني ..

كالت كون هميمه وي زلمتج

مثل ما هميمه بلبيت

كمرة مابيدي شي ..شسوي الج يمه ..

عادي يوم ..وكمت افتح بلمجمدة ..

حرت بلاكل ..طلعت دجاج للغدة ..

وذبيت لحم تمن ومرك ..اسوي

وفهمت الحجيه راح اسوي تمن وحشو ..ودجاح

ومرك وتمن ..وخلي واحد من الولد يجيب سمج من برة.

اني اشتغل ..واحضر بلاكل ..

كامت نورا ..وقتيبه ..

ريكته ..

كال قمر ..

نعم ..قتيبه .

عندي فرد حجايه وياج ..

كول ..خويه ..

يابنت العالم صارلج مدة يمنا ..واحنه نودج وابنج رويحتنا

اي ..واني هم احبكم ..

اندار ع الحجيه ..

مدري شاشر الها ..

كال ..راضيه بلي راح يصير ..

كتلة اي ..راضيه ..دام اكو بيت ..وابني بحضني

والمشاكل خفت ..

كال ..لعد ..باريتنه الذمم..

مبرين دنيا واخرة والله انتو اهلي واعز هم ..

ورلها سوالف عاديه ..

واخذ ايهم بحضنه ويلعبه ..

جنت احس نور حتى تغار منه ..

بس هذا ابن اخوهم ..وجاهل ...

احس روحي انكدرت ..حييل بيومها ..

تمنيت ..بصف كبر قائد لو ابويه ..الكه تجوة واذب راسي عليها وانام ..

عرفت الي ماله حظ بلاول ماله حظ بتاليها ..

تعوذت من ابليس واستغفرت الله..

ورضيت بقسمته ..وحمدته ..ع كل حال ..

وكمت اكمل شغلي اني وايو ..

جانت نور من موجود قتيبه ..كل شي مسوي

وماتهم اني ..البيت نظيف واني اركض بي ..

كمت اتابع كل حركه بينهم ..

حتى من يغسل ..توكف بصفه ..

وتحاجي ..ويبتسم .

قتيبه يختلف عن همام و قائد ..

قليل الكلام ثكيل حيل .

بس جنت اشوف عيون نورا تقرا هوايه اشياء ..

حب شوك ..

ليش نحرمت منها اني بسرعه ليش

وابتسم وروحي تنعصر ..

كلهن عشتهن بس مثل رمشة العين راحت ..مني ..

كمت احسها ةالنورا تتحسس مني ..

سحبت روحي منهم ..

حتى مواعينه هي تغسلهن ..

طلعت بعد مارتبت المطبخ والطبخ ..

الحجيه اخذت ايهم وطبت بغرفتها ..

وهمام بلربعه ..مكابلها وكاعد ..

صفنت ع الحجيه ..

نادرا من ما اشوفها تبجي ..

مرات اصفن ع قوتعا عجيبه ..

كاعدة وتبث طاقه ايجابيه للكل ..

وتنصح ..الكل وتحب الكل ..

ودز فلوس لبناتها وتتصل بيهم ..

وتطلع تشوف اهلها ..

وتتواصل ..

وتصلي ..وتدعي .

بس نادرا اشوفها تبجي ..وتون ..

اني نكربت اكثر ..

وهي الوالدة ..

دائما تكول مابدينا شي ..حكم الله هذا

الله نطى الله اخذ الله علية العوض .

طبيت غرفتي ..اعدلها ..وادردم

ضليت الوم بروحي ..

بس مايفيد بيه

اعترف اني انسانه مريضة ..

وماستاهل اي احد بحياتي ..

بية بس اشتغل ..

كملت كل شغلي ..

صاحتني الحجيه اغسل لايهم ..

وايهم غسلتلة

ودخلت اخذ ملابسي

شفت همام  مدد بالغرفة

دخلت اكلب بسله ..اريد هدوم

جانت عيني عليه بس ماريد ينتبهه ..

رفع راسة بصدرة خال الحاسبه ..

كلي

باجر حضري نفسج

شكو ..

ووين ..

للخطوبة مالتي.......

وللحكايه بقيه

مسائكم ياسمين

باجر حضري نفسج

شكو ..

ووين ..

للخطوبة مالتي..

بكل هدوء .جاوبت واني شعليه بيك ..

اخطب ازوج ..

رفع راسه من الحاسبه .

كال .تحضريها .

شلون ماحضرتها ام جراح جبر ..

همام .

تجين ..باجر ..

كعدت ع الجربايه ..

همام ..

رجع راسه بلحاسبه ..

نعم ..

اني اكولك ازوج ..مافيدك اني ..

اعرف .ولا انتي تفيديني

.واخاطر ابنج مبقيج ..

يعني شنو قصدك ..مذله هاي ترة

ماكو شي ..شتحسبيها حسبيها

اوف تعاي اسكتي ع هالتجفص ..

اريد شي ..

وهو ..

اتوظف اكمل معهد ..اي شي ..

خله الحاسبه بصفه ..

شفت الشاشة ..

كتابه ..

لايت سي ..شنو هذا .

سدة مالج شغل بي ..

اي بعد شتردين .ماتردين افتح الج صالون ..

سكتت لا ماعرف اسوي شي ..

عاط بيه

كمزت من مكاني،..

ماكو ..لا طلعه ولا طبة ولا دراسه ولا شي ..

كام .من يمي ..

تتوظف والله يالله .

طالع اجيب مسواك ..تحتاجون شي..

اني من عيطته صفريت ..

هزيت راسي لا ..

عفيه ضلي لابدة هينه احسن ..

جر هدومه ..وطلع ..

واسمعه يحجي وي امه ..

بس مركزت بشي ..

كلش قهرني ..

هاي فوك ماساكته ..اني ...

شكد مكروة وشايف نفسه هو وهاي الماسحه جنها مصران مال باجه ..

اوف يالله ..

طكت روحي ..حيل ..

اسمع الححيه تصيحني ..

رحت ركض ..

خليت التنظيف ع البنات ..

ولزمت الشغل لحد ماهلكت تعب

دكت علية انهار ..

واني واكفه ع الطباخ

وايهم يصرخ ..

يريد ينام ..

عطت بس ..دخت شطلعت هاي زن براسي

الحجيه ..اخذت ايهم ..

من يمي ..مسحت ايدي بهدومي

جاوبت ..

ها حبي شلونج ..

بخير وانتي ..

برحمه الله .

والمكموعه شلونها..

ماشفتها ..

صعدت لغرفتي وكبل صار يومين انجيب اكل من برة

وع الهيتر اسوي الريوك

ليش حبي ..مو كلتي يجيب طباخ ..

ها قمورة اريد منج شي

كولي عيوني الج ..

فدوة اريد مليون ..

شسوين بيها ..

ابني مطبخ صغير واطلع درج ..

انهار ..يجي همام واشوف اني الي عندي ..

مو هواية بس يم همام اخلي الفلوس ..

شلونه وياج ..

اخذت الفون وطلعت برة

راح يزوج ..

عزة بعينج غبرة .مسويتي الي كتلج عليه ..

لا اختنكت يمعودة شبيج متكوليلي ..

خاف صدك اكو عمل لو شي

لا نونه بس اني ..سكتت

قاءد ..خليني ساكته ..

المهم ..طبج .مرض اكليها ضرة ..

انهار. .

يمعودة بقيتي انهار تعاي..شوفيني .ماخلي شي ماسوي .

شسوي مثلا ..

اليوم سبحي وتعطري وتعرفين الباقي ..

دروحي عيني ..عبالك بكيفي ..

ارد خبر الج اني ..

سديت الفون منها ..

رجعت طبيت ..

البنات كاعدات ..

كلت لو اني اغسل الطرمه لو محد يطلع عليها

وهاي الورق تارس الحديقه ..ترس ..

ركضت عمتي .

اي يمه حكها فرد هي ..تفتر بلبيت

كومي غسلي الحوش ..نورا

كامت من يمي مشت..ع كيفج ويانه ..

عيني ..

مجاوبتها..مالي واهس روحي .

بقيت اسوي بلاكل..اسلفن واحط بلفرن

واجه همام

فات من يمي ..

خله السمج وطرشي..وخبز حار ..

خلاهن ع كاونتر

طلعت من المطبخ الحار

الله يساعدك ..

اندار عليه ..ويساعدج ..

كل شي جاهز ..ويمج تحتاجون شي بعد .

تقربت منه صرت بصفه جان يفرش

الخبز حجيت بصوت ناصي..

همام .

قرب راسه..هاا..

اريد شي منك ..

عدل روحة كولي ..

مو هسة ..ولا هنا

احجي ..

هاي شبيك بس تعيط ..

احجي ماكو طلعه وماطلك ..

جاريه ال دليم ومادري بروحي

ضحك ..بصوت عالي

حلوة هاي والله .لا يولو بس اخاف عليج .

دحكي علي ..شتريدين

ها .

مو كتلك بعدين

احجي رجع عصب

شوف ..

انداريت ماكو احد

جتف ايدة ووكف

ها .همام اريد ..

دحجي ..

حترك ابو همام عجل فضيني ..قلقتيني

فلوس شبيك ..

مد ايدة شكد ..

لا اوكف .

اريد مليون ..

رجع ايدة ليش يول ..

انهار تريد تبني و ماعدها ودين وخطيه

فدوة لعينك ..ولطولك .

ضحك هاي مين متعلمتها مو عوايدج ..

خجلت ..

ايبااه حتى انتي .دوريهن كمر...وتتملكين بس حلوات بلسانج

ابشري من عيوني ..

مساعدة هاي ..

لا هذن فليساتج قمر وانتي حرة بيهن

سهله بليل يمج ..

اروح اني

عافني وراح ..

خابر تها وكلت الها فرحت ..حيل ..

بعد مانكضت تعب ..

طبيت سبحت واجوي ..يمنه.الكل 

ركزت صوت تمارا

هلة جان عايزة والتمت

طلعت سلمت عليهم عادي

حتى تمارا هم كسرت عينها وسلمت عليها

شفت نورا بنص اهلها فرحانة وطايرة بيهم

وهمة محملين الها هدايا

حسيت بغصة اني من كلشي حرمت روحي

شنو هذا لعقاب القوي يا ذنب الي سويتة وهيج استحق عليا

حضرت الاكل

وكلهم كعدوا على السفرة

قتيبة كلها

ها نورا شفتي اهلج بعتني يومية توكليني بأيدج

اني ابعك مو عيب راحت بصفة

واشوف الضحك والحب بعيون الكل

الا اني ..

ترخصت وكمت

رحت للمطبخ صبيت لروحي وحدي

شي فوك شي ..

اجاني همام

كومي ليش هنا

ما اريد استحي ..

ماعرف اجد

يول مو غرب خوالنا ..

ما اريد همام ارجع يم اهلك اني هنا مرتاحة

راح

وطكيت بجي

ليش اني من دون هاي لناس هيج

كل لكمه بيها طعم دمع ..

كمت غسلت ما اريد اسمع حجي غارت

ومن هلسوالف مال تمارا

شالوا الاكل واني عليه كلشي

هم مرتاحين واني اتعب محد يحس بيه

كملت كل شي

حضرت جاي وفواكه

اسمع ضحكهم يرن البيت رن

حسيت روحي غريبه عنهم ..

دخلت لغرفتي

وقررت كافي بعد لهنا

لازم اسوي الي كالت عليه انهار..

اسمع تمارا على خير حبيبي يوم

الي اشوف ولدك بطولك

مو هياتة ابني راح يصير بطولي

لا من ظهرك  اريد

يبوس بي ويضحكون

طلعت جريتة لايهم

وين شبيج

يريد ينام خطية من لصبح كاعد

صدك تعرف قمر خطوبتك باجر

هاا اي تعرف عجل شلون

اي عيني قمورة يعني عادي تقبلين يخطب رجلج

باوعتها بخزرة

اي عادي لان ماعندي رجال غير قائد ..

وعفتة ودخلت

واني اكول عفية عليج كمرة ضربتي

عصفورين بحجر

بس انتي صدك تقبلين يزوج همام

ما اعرف والله

اسمعها تكول

خليت ايهم ع رجلي ..وبديت اسولف اله عن ابو

يفتح عيونه ويسجها ويلعبني دي ..

واللعب ويا بدة يميل الي مو مثل اول ..

صح الليل كله ينام يمي وبس يفز

الكاه بحظن لو همام لو الحجيه ..

اسمع ..نورتونا ..عرفت طلعو ..

اهل نورا

اروح واجي بالغرفة واحس

صدري مخنوك ما اعرف شنو اسوي

طشرت ملابسي القديمة

اووووووه جنت البس بس احمر ووردي

هسة الاسود هواي عليه

نام ايهم

شسوي ياربي ..

لبست جبة سودة وشال

وطلعت لهمام متمدد

بلربعة يتفرج على لعبة

من شافني كمز

وين

اريد اروح للسوك امشي وديني

رجع تمدد

شعندج .تفتحين صالون ..

اشتري ملابس ماعندي ولتنسى

باجر عدنة حفلة خطوبتك

اهاا وحدج

لا اخذ حبايبي وياية تمارا ونورا

هو منو عندي ..

اصبري بس يخلص الشوط ..

وسويلي جاي وياج ..

شكد ويخلص

هسة ربع ساعه ..

رحت للمطبخ ..

شو هذا مخجلان مني من البارحه والتبوس ماله .

سكران اكيد ومحاس بروحه ..

خدرت جاي واصفن ..

الحجيه .ماتتحمل كعدة تمدد

وتمارا يمها ..

وقتيبه ومرته فوك ..

بديت احس بلوحدة 

راح اخلص عمري وحدي والكل

تطلبني ثار بس مااعرف مال شنو

كملت وديته اله ..

كاعد مندمج. .

خليت الصينه ..

عاط كووول..

اني بعيطته فزيت ..

يمعود ..صدك تحجي ..

كمز من مكانه ..ولك قتوو..

هذاك مد راسه ..

يحرك بايدة نسحلو سحل ..

رجع ..

ها ..

شنو ها همام ..خرعتني ..

جيبي هدومي راح تخلص

اركض منا ومنا

نطيته هدومه ..

اي ..

كلي جيبي أية وياج وتعالوا

راح انتظرج بالسيارة

مديت راسي الحجيه نايمه ..

اخذت اية بدلت وغسلت

ودنطلع تمارا وين رايحيين

للسوك

خير شعندج بهل الظهرية

اريد اشتري فستان باجر مو خطوبة رجلي يوم الج

وجريت اية  ..

عينج ع ايهم نايم ..

طلعت

ب

حيل خل احرك كلبها مثل متأذيني

كتلها ايو صعدي ليكدام ..

عمه ..صعدي ..

صعدت اية ليكدام واني ورة

باوع من لجامة وضحك بستهزاء

طلعنه ..

دار وجهة وانطاني فلوس

اخذتها ..

بس شوف ..

بس هاي هواية

هاي مليون مال انهار وكلها

لتفكر بيهن شوكت يرجعن وما اعرف شنو كليلها هاي فلوسي

بس ميخالف هم هاي هوواي

خليهن يمك مال انهار ..

رجعتها ..

كال

اشتري كل الي يعجبج هاي فلوسج

اشكرك

مااعرف احجي شي ويا كلما تلتقي عيوني وعيونة اتذكر الي صاار ..مدري شحس ..يالله ..

نفسة وصوت من يكلي احبج ..

معقوله من صدك يحب مثل

ما اني حبيت قائد واكثر يمكن

اني روحتة من ايدي وصفة لهاي وجه البومة الماسحة

صافنة على لشوراع واشوف لبنات بكدي وية امهاتهن ويشترن ووجوه تضحك

كبرتي نفسج قمر وركضتي ورة القهر ركض

اي اني حبيت اكبر مني واخذتة من مرتة

مو ذنبي بس احنا ممتوافقين طفلة ورجال بالغ ومتعصب

مسمعت لا كلمة ولا نصيحة شكد عنيدة انتي قمر

اسفه حبيبي ..راح اذب الاسود ..

لو بيدي البسلك عمر ..

قائد تعبت ..بدونك ..

اعذرني غيرك شمني ..

واباع ع السما ربي حسبه شهيد يمك ..

سودة عليه ..حبيبي ..اسفه ..

روحي ذبلت بدونك..مال هسه اروح اله اي ..

يمه بعد روحي .

اوف شكد مشتاقه ..الك ..

هو انت طلع.زعلان ..مني وهسة يزعل اكثر ..

بس صراع قوي اقوة مني بهوايه ..

ربي ..شسويت ..اني وعقابي جبير ..

امي اذيتعا وابويع هم .معقوله غضبهم عليه ..

قاطع افكاري

هنا تنزلون  ..

قاطع افكاري

هنا تنزلون لو بعد

هااا لا هنا زين .

نزلنا اني واية

كال بس اوكف لسيارة واجيكم

اباوع السوك

وين جنت اني بالكهف ولا

عبالك صار سنتين مطالعة وشايفة لملابس لا قرن من الزمن

بس اعاين ع المحلات ..

ما اعرف شأخذ وشنو اريد

اول شي فكرت بملابس بيت

اخذت دشاديش تركي ثلاث ردن نيلي وجوزي سادة وكلوش حلو قماشهن بارد وحلو

واخذت داخلياات

همام برة يوكف ميدخل

كملت وطلعنه ..

ودخلت محل ثاني

واخذت جبة تركي شكل فستان

لونها نيلي طوخ وبيها فيونكة على الظهر

صح حلوات بس جان لبسي يختلف الحياة جانت بيه زاهرة وملابس تضحك..

اخذت شال وحذاء وجنطة وللبيت هم اشتريت لايهم قاطيين اول مرة اشتري لابني هدوم

واخذت لايو هم..

احس نفسي مرتاحة صدك السوق

متعة للمراءة تطلع بيها عن اجواء الضغط

كملنا شفت همام واكف يدخن

اجة

كملتوا تريدين اوديج لغير مكان

لا كملنا..

خذيتي كل شي ..

اي..ربي ينطيك العافيه

ابتسم فلوسج هذني يابه ..

رحم الله والديك ..

كال  

اني ليوم مأكلت زين استحيت

من اهل نورا والهوسة خل نروح نتعشى

اية والله خالو اني هم

اخاف اكلي معجبكم عيني

انتي تسكتين ولو طلع سكوت

وكلامج نفس المفعول

اني بخير

درت وجهي وتذكرت الموقف..

كل شي متغير بشوارع ..

محلات ..

بهل فترة قل القتل ..بس بعدها

بغداد داميه ..

مثل الجاهل..اباوع

من رحت للكازم جان دماغي قافل ميشوف شي

وصلنا 

بالسيارة لمطعم ****

طبيت ..كعدنا

اباع ع جبتي وهدوم العالم ..

شنو. شعر وتاتو ومكياج ..

ضليت بس اباوع ..

طلب بيتزا ومقبلات ..

وصل الاكل

جان كلش طيب

سودة عليه ايهم ..مجبناه

كال غير مرة نجيبه .

صدك اني دفنت روحي صح الي

صار بيه مو قليل بس لازم اعيش

ولنفسك عليك حق

طلعت كلشي من بالي وضحكت وية أية على امها وهمام

كعدوا كبالي وشفت خجلها وشفت لحب والراحة ولسوالف

انحرمت من كل لحظة تتمنها لبنية

دمعت عينيوتذكرت قائد ولمشاكل وكلشي

طلغ فلوس همام وانطاها لاية كلها خالو روحي جيبي ايس كريم الج من هذاك

راحت وكعد يميى

كلي شبيج قمر فهمني شنو تريدين

ما اريد تزوج همام

وبعدين متزوجت

ما اعرف اصبر عليه

انتي تحبيني ..

سكتت..

لا متحبيني .اعرف ..

بس اصبر عليه 

اني كل هاي الفترة مصابر قمر 

مو شوفتني نجوم الظهر

ما اكدر اني مو بيدي

اني هم دا اكبر واريد مرة وعائلة مو بيدي وبعدين تعالي اكلج اني شنو دشوفيني لعبة اتزوج وعوفني وهسة لتزوجت ولتعوفني

اني راح اتزوج قمر بس ما اعوفج

ما اتحمل اني هذا الوضع وتجي هاي جنها ماسحة بيها سيان تتعقيل براسي وتجر لحجاية جنها سليمة

ههههههههه منهو هاي ..ماسحه .

طلع جكارة ورثها

قمر انتي شكد انانية

سكتت..

من يكعد بصفي لو اباوع عليه مدري شحس

واذكر شلون باسني وحضني ..

مجرد كعدته يمي احس نفسي بردت ..

وايدي تصير ثلج ..

جتي ايو ..

كتله نرجع ..

رجعنه للبيت ..

طبيت لغرفتي ..

اريد ابدل ..

مترددة ..

مابين اي ولا شلون يالله ..

نزعت ..

ولبست نيلي ..

ضليت واكفه استحي ..اطلع ..

طب ايهم ..

شريع الباب ..

جريته ..

فات همام ..كال بلعافيه ان شاء الله اخر حزن هذا ..

شكرا ..

شبيج .

احس روحي عريانه ..

سكت ..اطلع ..

لا مو هيج بس تعلمت ع الاسود ..

كلي فتحي شعرج ..

هاا..

فتحي حلو ع وجهج والله ..

راح ذب روحه ع الجربايه ..

وصعد ايهم ويلعبه ..

اباوع ..عليهم

هذا قائد ..

يلعب ..اغمض عيوني وافتحها اشوفه هو

يمه ربي ..هم رجع الوهم ..

كعدت ع الطابوريه ..

ضليت اباوع عيهم ..ي قائد هذا

فدوة لعيونك .

كمت كعدت يمه ..

يباوع عليه ويضحك

ويضحك ايهم بصوت عالي ..

نمت بصفه .

وخليت راسي ع صدرة ..وايدي ع صدرة ..

حضني ..ضليت اشم بي..يمه رويحتي هنا ..

قمر مفتحت عيوني ..

كتله قائد ليش هلكد عفتني ..

حضنته حيل ..

سمعتة صاح .ودفعني .

كاافي ترة بزعتيني ..

فتحت عيوني ..همام ..

اسفه والله دماغي شرد ..

ضل يسب بروحه ..

لا تخليني انبش الموته دكافي شهل مذله

مخبله روحي اكو مستشفى ..

انقهرت ..

موبيدي والله ..

استغفر الله ..استغفرالله ويكولك ليش تشرب سم ..

عافني وطلع ..

وطلعه طلعه لثاني يوم ..

مامديت راسي ..

لليل كلة قائد يمي ..بلغرفه .

مكدرت انام ..وبقيت اكوله انت وهم عوفني

اعيش ..عوفني ..

بس جان يضحك ويسولف عادي ..بلماضي

كمت انتبهه طيفه يححي بماضي بس ..

معاش بحاضري ..

كمت دورت ع علاجي وشربت اثنين ..

كدرت انام ..

كرهت روحي اكثر ..

الصبح طلعت ..

ماريد احد يشوفني استحي من كل شي

هوسة بلبيت فجاءة طلعوا الاهل والحبايب

واني دوخه براسي ملختني والم قوي بيها

سلمت عليهم وكعدت ..

ماريد اشوفه ابد .

والله موبيدي

رجع عليه قائد ..

اسمع هلاهل .

دخل همام ..وهلهو اله ..مزين جان ..

شايل اللحيه ومسوي سكسوكه .

دنجت ..

ودخلو عالم هوسه بهوسه. .

الحجيه شبيج يمه ..

مابيه بس مالي خلك ..بلاعيمي يمكن ..

ماعرف شلون مشى الوكت وصار وكت الخطوبه ..

يمة اذا تعبانة انة اكلة لهمام لا تجين

لا مابيه شي راح ابدل..

كامت من يمي طلعت ..

فتحت الكنتور ..

طلعت الجبة

سديته شفت قائد ..

مافز منه متعلمه عليه..

كال يولو ..صدك قمر ..اسم ع مسمى ..

عفتة

وخليت مكياج خفيف

رضيت عن حالي نوع ما ..

عفته وطلعت ..تعاي وينج

انداريت عليه ..

روح قائد روح ..وسديته

بعد بيج قمر ..صبر بعد

طلعنا كعدت وية قتيبة والحجية بسيارة

وهمام اصدقاء شباب بسيارة  وايهم ويا بحضنة

الطريق حسيتة مثل الطريق من رحت ازور قبر قائد

وضيعتي يا قمر لمشيتين

وصلنا لبيتهم اخذت نفس عميق ودخلت وعيوني على همام

اشوف شلون مستحي وخجلان

بكل خطوة امشيها اتذكر سماح

واكول سبحانك ربي كلة دين بدين

حتى هاي

كرهت نفسي قبل بكد ماكرهت منار الماسحة

ادخلنا وعيوني تدور عليها وهي تدور عليه

اتفاجئت هي سمرة ولابسة فستان فضي من هذا ليملع

وشعرها طويل رافعي شكلها ينطي لبربر

بس امها سمينة تشيبها بالضبط واخواتها هم

الكل نفس الشكل ولعيون

هذا شوية ريحني تلعب لروح

تستاهل همام وحدةصخلة مثل هاي

عابت شلون حلك وخلقة حتى عضة مابيه

هيج اباوع ومبتسمة واني اتخيل نفسي اخنكها

وعيون الكل علية يريدون يشوفون وين زوجتة

احس بخنكة ووجوة تضحك

وتصفك ما اسمع صوت بس اشوف اشكال..

سمعت هلاهل فززتني ..قرو الفاتحه وعقدو هم ..

دقايق اجه بهوسه نسوان ..

من كعد بصفها حسيت اني سماح

اي هاي قمر وقائد كاعدين

بس اني مفرحت بوكتها

فرحت هاي

كلشي بحياتي اجة بالقهر وخلص بالقهر

لمحت همام عينة عليه احس يعرف الي يدور

ابالي

ابتسملي بقهر وايهم منزل من حضنة

اما منار تدلل وتتموع مااعرف ليش كرهتها هيج لان اخذت همام لو لان اني اتمنى هيج اعيش لحظات..

محسيت بكل شي جنت فاقدة كل احساس..

رجعنا واني انكسار زاد

واسمع بأذني ضحك وكلام

لشمات نورا

حتى قتيبة خزرها

اني مو بحالها اصلا

اول مدخلنا كلها تسولف اني اريد ما اركز على شي ما اريد اسمع بالخصوص تمارا ونور

بس سمعت همام كلها راح اجيب عشة من برة واجي

دخلت لغرفتي وقفلت لباب ..

اتنفس هنا وبجيت كعدت بالكاع

ماكو هنا تمثيل خلاص ما اتحمل بعد

ندكت الباب

منو

انا يمه ..

مسحت عيوني ..

فتحتها

دخلت الحجية

يمة لا تضوجين ترى انتي بأيدج انطيتي كمرة ولا سمعتي مني جلمة

كافي يمة ما اريد اسمع شي ..

حجت هوايه وراها ..مليت اجاوب

عوفي ايهم يمي شوية ..

عافته وطلعت ..

طلعت لملاعيب وكعدت العب

ويا واضحكة واني ابجي

دك لباب همام ودخل..

قمر تعالي اتعشي ..

مدرت وجهي عليه ..كتله

ما اريد اشكرك

ليش جبتلج همبركر ومقبلات

لو جوعانة اكل ما اريد

سد لباب وطلع احس اكو احد يمي

درت وجهي شفت قائد كاعد بصف الجرباية

اجيت ليش رحت وليش رجعت قائد

احبج قمر ...تسألني... ليش

قائد تعبت كلش من كلشي ..تعبت ارحمني

قمر لتضوجين باجر اجيج للمعهد

يا معهد قائد شوف حالي

يولو شبيج عصبية ...خلي اشتريلج فون حتى بليل نسولف

قائد شوف ابنك حلو مو هذا ايهم

قمورة مشتاقلج هووواي

قائد شبيك كااافي اسمعني لو روح ..

نزلت يم رجله ..

ابوس ايدك اعتقني لوجه الله ..

لا بحياتك ارتاحيت ولا من متت ولك اطلع من راسي

اريد اعييششش..خبلتني اني مخبله .

تعبت قائد تعبت وكمت يعلى صوتي ..

روح ..انت ميت انت وهم ..

عوفني ..روح

جان يضحك ..ويسولف ميسمعني .

ابوس رجلك قائد ..

سمعت ايهم يكول بابا..

معقوله مو وهم وشافه ..

درت وجهي عليه..ع ايهم ..كام يركض للباب

باوعت ..

شفت همام واكف يم لباب

وشايل بأيدة اكل..

وللحكايه بقيه

شهرزاد 

الجزء  طووويل  دمج جزئين ..

نشرت من وكت لان ممتواجدة بليل ..

قراءة مشوقه

#سوزان المندلاوي

درت وجهي شفته ضل ساكت

محجة شي ..

اشرت ع مكان قائد كتله هنا كاعد دشوفه ..

شفت بس دموعه تحجي ..

انداريت قائد ماكو..

اجه يمي ..

كال حبيبي تعالي وفتح ايدة

جرني وحضني ..حيل ..

وكعت بين ايدة خلصوني

اني داموت اريد اصحى

واضرب ع رجلي

خلصني همام ابوس رجلك

رجع قائد وطيفه ..

كومني كافي ..الي دسوي بروحج كافي ..

همام انت شفتة لو لا

لا قمر كاافي..حبي ويمسح ع راسي ..

خليت راسي بين صدرة ..

واحجي

اني يومية اشوفة ويحجي وياية وينام ويكعدني مرات

صدك تحجين قمر ليش متكولين.لاحد

شكووول وانتو تكولون مخبلة

بجيت بصوت وصلت

حد الهسترية  ع بجيي كام يصرخ ايهم

هو بقى لازمني قوي

دخلت الحجية وتمارا

اسمعا تكول عيارة لان خطب اليوم

باوع عليها بخزرة وكلها للحجية

يمة اخذي ايهم كام يخاف..ويبجي ..

همام اني مخبلة راح تشمروني بالشارع مو

لا قمر مابيج شي كافي

همام عفية لتعوفيني لتشمرني بالشارع

شبيج قمر هذا بيتج وللموت ما اعوفج

لا لا راح تزوج وتشمروني اني تخبلت اي ..

اششش مابيج شي ..

ارجعي ام لسان لتخوفيني عليج

جرني كعدني ..جاب الاكل ..

خلاه كدامي ..

ضليت اباوع عليه ..شديسوي ..

يلا اكلي ..

فتح اللفه ..وطعمني ..اكلت ..

وجانت عيوني ادور ع قائد ..

مداشوفه ..

كتله ..

تحبني همام ..

قمر شلج بهل سؤال هسة

اريد اعرف تحبني وبس

اي قمر احبج ولليوم احبج ..بس تعبتيني ..

اكلي هسه ..

بحلكي الاكل كتله والماسحه ..

ضحك ..اي رجعي للسانج ..اريد اسمعج ..

لا تخوفيني عليج ..

لا تخاف مابيع شي سنين وقائد بدماغي ويايه

شلون يعني ..

يعني من مات ورة كم يوم عشت وياه ..

اي؟

شلون ..

مثل مانت كبالي هوة جان يمي .يوميه ..

قمر ..

ها مخبله

لا لا كملي . .

اعيش ويا ..

شلون سولفي ..واكلي ..

جنت من اطب للغرفه ..اكعد واححي ويا

اي ..

وكل شي اعيش ويا ..

كل شي ..؟

اي ..

تربع..وكام يدخن ..

وتحسين بي ..

اي احس حتى بلمسته ..

استغفر الله ..

مخبله مو ؟

لا حبيبي كملي ..

كلمه حبيبي ..تعاي ..وحبيبي هدئت روحي ..

بعد ماكدر اكل وخرت الاكل ..

ومسحت ايدي ..وشربت مي شويه ..

ضل صافن ..

كال قمر مو خبال هذا لا ..هذا وفاء مدمر

ومرض ..قاتل

اني من جنت صغير كد ما متاثر بامي لان صغيرون عافتني اصغر من قتيبه ..

جنت اركض اروح انام ..

حتى اعيش بخيالي وياها ..

صدك

والله شبيج

وجنت اتخيل كل شي احبه بيها ..واشم حتى ريحتها ..

واعيشة حتى اكدر اعيش ..

سكت ..واخذ حسرة حسيت بي ..

كتله

اي بلضبط ..

كال

بس خيالي مطلع للواقع .انتي تخافين منه

جنت لا وهسة اي ..

شنو الي اختلف

لان تعبت طيفه بعدني عن كل شي ..

كال سمعين كلامي ..

هزيت براسي اي ..

باجر نروح طبيب..

خاف ياخذوني ..

يولو وين ياخذوج ومنو الي يتدنه الج ..

هلمرة اني حضنته..

وبقيت راسي ع صدرة ..

احتاجك بحياتي ..اني ضايعه ..

تقربت عليه اكثر احس

وتقرب على شفتي

قمر لتعذبني  ..ولا تلعبين ع اعصابي ..

لا همام اريدك اريد اخلص من قاءد

ما اريد اعيش بوهم عيشني وياك

وضمني بحضنة قوي

كال نامي قمر يمج ماعوفج ..

همام للتتهرب مني

ما اريد أذيج قمر انتي طفلة

الي شفتها من زمان وحبيتها ..ولليوم احسبج طفله حتى من اضربج لو اعاقبح ..احسج طفلتي

بس طفلتي نترست رويحتها حزن وانا مابيدي شي

قمر ..

كمت احس بكلامه..

احساس يتعدى الوصف ..

تقربت منه اكثر ..

كال

انتي بنتي ما اريد يصير شي

بساعة ضعف منج وتلومني

كتلة مو قبل يومين مفركت هيج

جنت مو بوعي قمر جنت سكران

وهسة انت واعي واني هم همام

يعني تريدني اني..قمر انا همام مو قائد ..

اي انت دااشوفك همام انت

بدة يلمس وجهي وفتح شعري

ماعرف اني بحلم لو حقيقة

خوف ..وحب منه احس روحي  أميرة احلى احساس يمر عليه من سنين

ويخاف عليه واني ضامة راسي بصدرة واكول انت همام انت همام..

قرب شفته عليه وطبع بوسه ..ع شفتي ..

مدة اخذني ويا لعالمه ..

عالم اني بعيدة عنه ..

يمكن حلو ويمكن لا بي مرارة فقد

بس مابين لمساتها الي دفي روحي

وواقعي الي مرمر حياتي

استسلمت اله وبأرادتي ..

......................

بعد مدة ..من الوقت ..

بديت احس بخجل منه اول مرة اتصير بيني وبينه علاقه فعليه...

خوف من قائد

واحساس عندي رجال وسند ..

ماعرفت شسوي ..

حاول يضحك ويسولف ويايه ..

شكد بي حنيه اهل زمان ..

مو نفسه الي كظاها وبايه عياط وتكفخ ..

كام من يمي ..

كال اروح اسبح واجيج ..

مجرد ماطلع هو .

اجه قائد ..

وكف كبالي احس جسمي تبنج ..

كتله روح انت مو حقيقه ..رووح

كال .قمر سجاد ..خابرني ..

وهم ..

كمت ..من الغرفه .

طلعت ..

ادور بلبيت كلها نايمه ..

وكفت باب الحمام ..

اريد ادخل واتردد..

فتحت الباب ..

اندار عليه ..

همام اني اخاف من قائد..

مجنت اشوف شي وله شداسوي ..

احس ..شبح يلحكني ..ودمرني ..

سد البردة ..

اصبري ..

بقيت واكفه ..

ناوشيني الخاولي ..

انطيته اله ..

ثواني وطلع ..

لاف نفسه ..

جرني من ايدي ..

فتح الباب

مد راسه يمنه يسري ..

ماكو احد اني واكفه وراه ..

جرني من ايدي وطلعني ركض ..

طب فتح الباب ..والضوة ..

كال ..

قمر قائد الله يرحمه وصدكيني

ميرضى عليج وهيج تسوين بنفسج

لك كل شوية يطلعلي ويسولف

هسة كلي سجاد خابرني ..

ياريت يسمعني من اشكيلة ..بس ميسمع

وتالي قمر تعبت اني اكثر من قائد بلكبور

وينه احجي ..

كتله راح ..

وانت هم راح تروح ..

وين اروح ..

تزوج ..

قمر ..

انتي  حبيبتي...قبل مرتي ..

انتي حلم ..بعيد ...واعرف بيج بعيدة عني ..

ومتوقعت تجمعنا الايام بيوم ..

بس جمعتني بيج وانتي هيكل انسان داخله فارغ ..

واني عالم ثاني ..عالم التعب اخذ من سنينه عمر ..

انجمعنا صح .

بس تكدرين تكونين الي بدون طيف قائد

قمر ..

كلمه اعيش ويا بكل شي ..

تعبتني حتى من اسبح الف فككرة اجت ابالي ..

اذا بخيالج تخوني ادمر لا دمريني قمر

منو ميكول قبل شويه عبالج اني قائد

جنت راضي ..بسكوت ولا عذاب القرب

صعب احس جسمج ويايه وروحج واعرف وين..

لا لا همام اريد اعيش ..

قمر اكو فرق بين اني مرتك وبين اريد اعيش

اني مو وسيله حياة الج

اني هم اريد اعيش..

تدرين منار ..انطتني حياه ..وتحبني الي بس اني احبج الج معادله صعبه

واختيارها اصعب

انتي انطيتيني ..خنكه رووح وسجن ..

وهي انطتني حب واهتمام ..

اني مرتك ..

بس اتأخرتي واني انطيت كلمة وكطعت مهر

همام اني ما اكدر

مو كدرتي وية قائد وقبلتيها على سماح ..

والحل شنو ؟

اصبري عليه ..بس

نام ..

تعاي حبيبي ..

رحت نمت يمه ..

هنا ماكو عناد ولا

اكو تتفيذ كلام ..

سلمت روحي اله اريد احد يطلعني

مثل الغركان ..

ويجلب ..بقشه ..

بقيت احجي ويا ..

اش قمر تعالي نامي باجر لازم اشوف حل ..

و

تشمرني مو اني اعرف تريد تشمرني بالشارع ..

يولو ششمرج لا تخليني اهمدج..

تشمرني  حتى تجي منار ام حلك لفكاكة هنا

ضمني حيل على صدرة وضحك شنو فكاكة

يعني رايخة لبراغي مالتة شفتها شلون تحجي وتجر بالحجاية

اووووع ذوقك زفت

اني هههههه من بعد عينج متحلى وحدة بعيني

جذاب

نامي قمر نامي

نمت وشفت قائد واكف يم لباب واني رايحة للمعهد مثل اول مرة اشوفة..

ومشيت على لسريع اريد اوصل الة وهم وكعت بالحفرة

صحت قائد طلعني قائد وينك ليش متسمعني طلعني عفية

احس الحفرة تجرني واني اصيحة انمديت ايد وجرتني كتلة ليش قائد عفتني مو داصيح عليك

انتبهت طلع همام كتلة وين قائد

جان واكف هنا

كلي اصحي قمر شبيج

ثاني يوم كعدت مصخنة وتعبانة

من الرجف ..والخوف تمرضت .

حيل ماكدر افتح عيني

من افتحها اشوف قائد كبالي

يكلي امشي يلة اتأخرنا كمرتي

وارجع اغمض عيوني و انام..

للصبح هيج كضيته انام وافز ..

وارجع اضم راسي بصدر همام ..

حتى اكدر انام ..

كمت من نومي

اون من راسي تعبت يا ناس..

همام ماكو يمي ..

اجتي الحجية

يمة شجرالج جنتي وردة هاي عين لبارحة

لا يمة راح اموت ..راسي دمرني ..

اسم الله عليج حبيبتي ماكو شي بس اكلي لكمة حتى نروح للدكتور

اريد اكوم ماكدر جسمي يوجعني ..

اجه همام

سندني بصدرة..كعدني بلمطبخ  واكلت كم لكمة ..

كوة ..كملت

همام صاح راح ابدل ..خلي تغسل وتبدل ..

اخذتني تمارا غسلتلي..

كومتني رفعت راسي عليها شفتها عيونها كلها دمع ..

ليش تبجين تمارا شبيج

اني مو مخبلة

اي اي..اعرف والله بس اني وحدة من الناس الي مرضتج قمر ..وتبجي

كلامها اريد افهمه بس ..تعبانه حيلي راح البارحه

بين واقع وخيال ..

لبست وطلعنا ...الطريق كله يسولف ويايه..

وصلنا  للدكتور مكتوب امراض نفسية وعصبية

دخلنا ..

العياجة متروسه عالم ..شباب جهال كبار ..

دخلنا .لزمت ايد همام وفتت..

رجال جبير

كعد كبالي كلي شبيج بنتي سولفيلي ..

همام كال دكتور ..

كله خلي اسمعها الاول ..

سولفي ..

تريدين اطلع زوجج اشر على همام

كتلة لا عوف زوجي هذا حتى يصير سند الية ولابني واخلص من حجي الناس

اشرت على كلبي وراسي

مفتهمت شي

همام كلة

زوجها توفى من سنتين وهي ابدا مرتاحت بس اخر فترة زادت عدها الحالة

يا حالة

كتلة اني اكلك دكتور اشوف قائد..زوجي السابق

ونسولف يوميا وناكل ونكعد وانام ازعل عليا اضحك ويا

بس مرات ميسمعني بس يسولف على اشياء قديمة

زين بنتي من شوكت تشوفي

من فترة وراح وهسة رجع من جديد

سئل همام حياتها مستقرة وياكم

كتلة اني اكلك

ابوية مات وامي سافرت وية اخواني و اخوي الي بقى هنا متبري مني ويكهرني واختي ملتهية وصديقتي سوتلي سحر

وهذا عود رجلي لبارحة خطب

شلون حياة حلوة شتكول دكتور

بنتي رب العالمين انطانة طاقة تحمل وكل مصيبة الج اجر بيها

اني على هاي الحسبة ادخل الجنة من غير ..حساب

زين من تشوفين قائد تعرفين هو متوفي مو

اي اعرف

كلش زين

تتعبين من موجود لو ترتاحين

جنت قبل ارتاح بس هسة دا اتعب واحس نفسي مريضة

اي بدت الحالة تزيد

شنو الحالة دكتور

الوهم والتخيلات...

كل مرض عضوي او نفسي بي مراحل

اشبهه بلسرطان يبدي صغير وراها يكبر وياكل الجسم

النفسي اشد ..

اذا نفسج مرتاحه تتغلبين ع كل مرض

بس اذا لا المرض راح يموتح .

دكتور كمت من النوم مصخنه ومريضة ..

بنتي اي مرض عضوي ماكو ..

انتي بصراع ..بين نفسج والمرض

60%عليح علاجج

20%الدواء

20%اهلج

معادله بسيطه ..وشي مكمل شي

اول خطوة بنتي لازم تكوني  قويه

مستعدة لتخلص من الوهم

يعني بعد ما اشوف قائد ينتهي من حياتي

بنتي هذا مو قائد هذه صور خازنها دماغج ويوهمج بيها يعني مو اذا تخلصنا من الوهم ينتهي لا تحزني عليه وتذكري بالطريقة الطبيعة مثل باقي لناس تمام

اي دكتور تمام

وبعدها تلتزمين بهذا العلاج وتتقبلين الواقع وتعشين بي لتحاولين التخلص من مرارة لواقع بجرعة مخدر من لماضي

لا صيري قوية ..بعد حجي هوايه

طلب انتظر برة

وحجى وية همام وحدهم..

انتظرت برة حسيت حتى الصخونه والاوجاع راحت

طلع همام ..

رجعنا للبيت ..

الطريق كلة .منار دك عليه ..

بس مجاوبها اخذ الي علاج ورجعنا ..

دخلت ..سؤال وجواب ..

حسيت الكل ويايه ..

وطلب منهم همام محد يحجي بهالشي ابدا ..

مرت ايام استعمل العلاج

والطيف بدة يختفي ويروح

حتى احلام ماكو

بس ..العلاج اقوى من جسمي .

بس نايمه ومتكاسله ..

مجنت احس بلذة الحياه او اي شي بي طعم ..

مرت ..الايام جسمي تعلم ع العلاج

وبديت ارتاح ..

وارجع طبيعيه يوم ورة يوم..

ورحعت لنفسي واخيرا

بجون وهم بدون خوف بدون ضياع

الفترة الي سبقت .

جنت بعيدة عن الكل اكثر الوقت نايمه

اكوم اصلي واكل لكمه..اللعب وي ايهم ..همام اشوفه قليل  وارجع انام..

الي فهمته ..طلب منه دعم ..ويتركوني بوحدي

بدون ضغط ..

فترة ورجعت راجعت الطبيبي ..

غير العلاج ..وانطاني غيرة..

كمت اتاقلم وي كل شي ..

صح فترة طويله بس ..رجعت .

لنفسي وابني ..

اما همام ..حاول بفترة الي ارتاحيت بيها

يتقرب الي ..

بس حسيت بغصه ومكدرت وتعذرت منه ..

رجع كال ..

بعدة عايش وياج مو ؟

لا

عجل بيه جردام لو من تخافين تلبدين يمي

لا

لاااااااا شنو احجي ..

انت كلتها اريد انسانه مو هيكل

اي ؟

عجل ليش قربتيني الج انا لعبه

كتله ردت افصل ..من الوهم

ضحك

يعني جنت تجربه ونجحت وياج ..

مكدرت اجاوبه ..

ورااح .همام ..

ماعرف ..

ضاع ..ضيعته ..ماعرف ..

البعيد القريب ..عليه .ومني

بسببي اتاخر همام ع الذهب وهالسوالف ..

بس بعد دعمه الي صعب اوكف بوجهه بشي

فديوم عرفت من البيت منار وامها  ..

جاين النه ..

لان طالعين من الصبح يشترون ذهب ..

اني مو نفس ركضه اول ..بلبيت ..

جانت نورا والحجيه ملتهين ..

بلخطار ويمي ايهم ..

محجيت شي ..

لان تعبته .اعترف بهالشي ..

يحتاج انسانه اله مو انسانه ..ضايعه

بس بعد علاقتي بي

كمت اشتاق اله واشوفه بغير عين ..

اشوف رجلي ..

ومن يمر يمي ..اشتم عطرة ..

احتاج اخلي راسي ع صدرة..

بس جنت استحي منه ..

ماريد اذي اكثر ..الوكفات الي وكفه الي تعادل دهر

اريد اثق من نفسي قبل كل خطوة ..ويا ..

ماريد اجرحه اكثر ..

بيومها

اجه همام جايبهم ..

مشترين ذهب ..وغراض ..اني بابتسامه استقبلتهم ..

وساعدت الي اكدر عليه ..

وكعدنه ناكل ..

كعد يمها ..

احاول ابرد اعصابي ..

من هلماسحه ..وهو ..

واردها بابتسامه ..

بين الكل .قويت نفسي لان هذا الي اختاريته اني ..

اعيش لابني احسن وافصل البيت اليوم افاتحه ويكعد كل شي بمكانه

بين ..دلعها الماسحه ..وهمام الي فرحان بيها

مدري لا ..

وهي ممصدكه بس بقى طب ويا للحمام هيج مجلبه بي

مر اليوم وبقوا لليل يمنا

صدك نار تاكل بلروح

بس ابتسم وادوس ع نفسي اكثر

الي عرفته تكمل هالسنه اخيرة بلكليه يلا يزوجون ..

وراح ياخذون المخزن بصف غرفتي القديمه ..

خالين بي كل غراضنه القديمه ..تخم فراش ..سكراب مثل منار ..

صعدو بيها هو وياها ..

ايهم ضل يبجي ع همام ..

بين ماسوي جاي واحمي الكليجه

انهزم من يمي ايهم

رحت شفته ديصعد فوك ..

صعدت .جريته ودانزل

صار عندي فضول ..

تقربت من الغرفه هدوء

الباب ممسدوجة جانت

مديت شويه من راسي

شفت همام كاعد ..

وكاعدة بحضنه منار ومجلبه بي .

وهو يبوسها ..

وللحكايه بقيه

#سوزان المندلاوي

بقيت واكفه اباوع شلون يبوسها وهي بكل

جراءة مندمجه ويا ..

واني مزوحه ماسوي سوايتها لا اراديا  نزلت ايهم

فتح الباب وركض ..

كامت كام همام عدل روحه ..

شال ايهم ويباوع عليه

كامت تعدل بشالها ..

اني ساكته ..

كتله ايهم .

تعال حبيبي اخاف ازعجت العشاك

هي كمزت وعدلت شالها

وهو بقى منزل راسة

كالت ..

شبيج شنو عشاق هو ترى خطيبي

اهااا اي والله نسيت همام ..

وين مفتاح غرفتي افتحوها حتى تأخذون راحتكم ليش كاعدين على لسكراب

شال راسة

كافي قمر

وهي تكولة اووي شنو هاي صدك مو طبيعة

من سمعت هاي الكلمة تخبلت

لج منو قصدج اني ...

لزمت نفسي وابتسمت ..

اي اني مخبلة متعرفين بيه مخبلة

والله اخذ علاجات مال خبال يعني اذا اشمرج هسة من لسطح محد يلومني حتى ما عليه شي هههههههه

المن تشمرين

شبيك همام متحجي شنو هاي

..وجر بحجيه .ماسحه ولابسه شال ..

اي احجي همام افندي

كافي قمر شبيج يولو شجاج..

ويبتسم ..

عدل روحه .احم .كال..

يلا منورة ..

مدري شاورته وخلت اديها ع جتفه

كلها يزي عاد ..

كتلها ترة صدك اني مخبله ..

اجتني الحالة والنوبة مال خبال وبعدين اني شكلت افتح غرفتي واخذ الماسحة وياك وفراش نظيف بيها احس من هل الوصخ الكاعدين بي علمود بوس واحضان

قمر روحي انزلي كافي وبعدين ممسوي شي غلط ولا حرام ولا خايف منج واحنا متفقين اتصور

اي طبعا مو حرام شكو بيها انت الي بالحرام عادي عندك لو نسيت مرواي انوب هسة هاي ام حلك لفكاكة اوووع

وهي تباوع عليه وتكلة شنو هاي همام صدك زعلت بعد مااتحمل ..جايه اترزل اني

وانت كلت ماعندي علاقه بيها ..

لوما احبك ماتحمل كل هذا ..

كتلها ..

لا حبابة اتحملي اصلا هذا بيتي

قمر انزلي والا قسم بالله اتخبل عليكم

لا عيني اني مخبلة وانت هم تتخبل خطية  منار خاف تتخبل ويانه

لا راح انزل

نزلت واني اعصابي تلفانة اتذكر

شلون كاعدة بحضنة ولافة ايدها على ركبتة وتسوي حركات

والله عود اتزوجت اثنين ما اعرف اسوي هيج

اهمداني ماشوف حظ ماكو عندي

شفت امها كاعدة بالمطبخ وية الحجية

كتلها خالة ام ميثم شعجب متستعجلون بالزواج ليش الا بعد سنة

والله بنتي اشوف تكمل دراستها احسن قبل الزواج تعرفين الزواج مسئولية واطفال

كتلها

اي صح بس يجوز قبل الزواج يصير اطفال

شنو قصدج ..

ماكو شي بس هي ماشالله ممصدكت شافت رجال

وهو هم الا سوابق وية لنسوان

صاحت منااار ..

الحجية كالت

شنو هاي قمر شبيج

ماكو شي فوك مدا انصحها

نسيتي سالفة مروة ام السحورة

كالت امها

يا مروة هاي ياسحورة

هيج وحدة

حسيت همام ومنار وراية كالت

يلة ماما امشي نروح للبيت

كتلها بعد وكت شبسرعة معقولة اكتفيتي

همام جرني من لمطبخ للغرفة

اخ هد ايدي ..عوفني

طببني للغرفه

ولج شبيج قمر فهميني

ليش مو انتي كلتي اتزوج وماارديك

مرة تجربة ومرة لعبة ومرة مصلحة

ليش متخليني اعيش حياتي وياج ولا وية غيرج ..

جاوبي ..

ضليت اباع عليه من فوك ليجوة

شكد حلو يالله ليش جنت ماشوفه ..

سمعت صوت منار ..

وينك همام متوصلنا..

روح اركض لست الحسن ..وصلها واعيب ع صوتها ..

قمر لا تمنتحنين صبري وياج ..ترة ..

بلا ترة شنو ..تضربني هاي كدرتك ..

ضرب ع رجله ..استغفر الله

ول يابه ماتفهمين كلامي عدل بس

مالج شغله بيها ..

سمعت صوت حذاءها قريب .

تقربت منة لزمته من دكمه قميصه ..

صارت بظهره ..

كتله هيمه قلبي..اريد زنود الست من تجي مشتهيتها ..

ضل صافن عليه ..

كالت..همام ..تاخرت واكفه مجتفه من جتفوج للبين كون .

اندار ..

اني هم انداريت ..كتله حبي متعرفين هاي حرمه غرفه

مرة ورجال ..مايصير هيج طبين..

اندار عليه

ايي يلا .

كلي

ارجع وسهله وياج كمرة ..

عافني وطلع اكرهها لهاي واكره صوتها ومشيتها اتقدم جسمها وبعدين رجلها وراها وصوتها قبيح وهي تتموع بي

لا مو هذا

ا السبب اغار يمكن اي اغار

مااريد يصير لغيري

همام لمساتك احس بيها غير ماةاتحمل تتقرب لهاي مثل ما اتقرب الية ..

صعبه ..ياربي ..

طلعوا واني افتر بالبيت مثل

المخبلة الملم واحجي وية روحي

والله عجب وعجايب نشوف مو بنية غضب احمر

لا والله غضب ارزك

شلون حركات وتعقليات طلع لا بالجمال ولا شي

اهم شي لسان ولتموع

بسيطة همام راح تشوف مني وجه ثاني

الحجية وراية مبتسمة

ولج كمرة شجاج بنيتي هاي نار الحب لو الغيرة الي وجرت بيج

ما ادري يمة معقولة احب ورة قائد يمكن غيرة وحقد من هاي ام الوصخ

هههههه يمة تدرين ليش يسمون القلب بهل الاسم

ليش

لان قلاب ربج يخلي يحب ويكره مو بيدج

يعني شنو

يعني اني احب قائد وليدي بس مو معناها ما احب همام وقتيبة وايهم وهذا الي وصلج لهل حالة يمة

ابالج اي حب يدخل لكلبج راح يوخر قائد

كعدت على الكرسي وصدك هاي لكلمتين الي تسوى كل علاجات الي بالعالم هذا الكلام هو الي ريح بالي

كمت وراها للمطبخ

والحل يمة اعوفة يروح لهاي

والله يا كمرة لو انة مرتاحة للبنية جان طيحت حظج

واعرف هو مهاويها بس هواي حركاتها اعوذ بالله من ذنبها

الحل يمج يمة انتي بنية وتعرفين للرجال وكافي مرادد بعد جنج ديج هراتي مال ابو محمود الله يرحمه

مات الديج خرب حظي

لا ولج ابو محمود مات

شو دميلي يا كمرة خل اصلي

صاير بس تسولفين روحي سوي شغل ورجعي مو بالسوالف تعلمي من نورا شلون كلت عقل قتيبة

عافتني وراحت ودماغي بي الف شغلة بس منين ابدي وشلون

وياك يا همام

انوب بعد ميتقشمر اي اكيد عرف سوالفي كلها

فكرت اي لازم اجرب طريقة جديدة وبعيوني همام

دخلت للغرفة صليت ولبست ايهم ولبست جبتي وحطيت مكياج وطلعت من لغرفة

الحجية بالمطبخ كاعدة

وين يمة كمر على خير

يمة للاسواق اريد اشتري كم حاجة الية ولايهم

يمة صدك تحجين همام راح يجي هسة  لتسوين مشكلة

ليش المشكلة حرام لو عيب اريد اطلع اشتري الية اتنفس هوة

عفتها وطلعت

وصدك بعدني يم ثالث بيت اجة بلسيارة همام نزل عليه

وين يول 

لابو الاسواق اشتري

شلون يولو صدك تخبلتي

اي مخبلة واضرب راسك بالحايط

ولج شنو هل مكياج والكلام امشي للبيت لا اسوي جريمة بالشارع

شحدك هسة بصيحة وحدة اكلهم يتحارش بيه

ورجعة ما ارجع اريد جبس وكاكو صارلي هواي مماكلة

وهااا اريد مصاص هم ههههههه

عفتة ومشيت

رجع للسيارة وشخطها قوي وطبكها بالباب

ورجعلي على السريع

اني وصلت اشتريت كلشي الية ولايهم وهو واكف اسولف وية ايهم شنو تريد بعد حبيبي

اخذت وطلعت وهو يباوع وعيونة تجدح

حاسب الرجال وطلع وراية

اي قمر عفية تمضحكي والبسي وسوالفي كدام العالم

كلشي مجاوبتة

اول مدخلت للمطبخ شمرت الغراض على التخم

وجر ايدي ولج اسمعيني بعد طلعة ماكو

دفعت قوي حتى اني تفاجئت مو بس هو

كتلة

اسمعني همام انت تعيش حياتك وتحب

وتتمعشك وتزوج

واني هم اريد اعيش حياتي اريد اطلع واطب واضحك والبس

وبعدين يا لبس يا مكياج هذا لضوجك

ربع مكياج ولبس وجه القردة ممسوية اني

همام مالك حق تمنعني اعيش سمعت

عفته ودخلت للغرفة على السريع وسديت لباب قوي انرج البيت

وفتحت مرة ثانية

كتلها وصدك همام من باجر تفصل لبيت الي

حتى تأخذ راحتك بالتبوس بجهة مالتك

وسديت قوي مرة ثانية

وكفت ورة لباب وتنفست حيل وضحكت

بسيطة همام

سمعتة اجة

والحجية تكولة

يمة على كيفك احنا ما عولنا تتحسن شوية

كالها

ماكو شي يمة ما اسوي شي

رحت بسرعة كعدت على الجرباية وفتحت جبس

فتح لباب صافن عليه

اني بقيت اباوع على لتفزيون

شكو خير شعندك هنا

هاي غرفتي قمر

سكتت

اكلج شبيج اليوم من شفتي منار بحضني تخبلتي

اجة وكعد وراية

اذا عاجبج حضن وبوسة كولي ترى لا عيب ولا حرام وبلا هاي الخبالات

وكفت

ولك شو انت مصدك روحك

اني اغار من الخلق اوووع

كام يضحك

ولج قمر وتالي تعبت وياج اريد حل

الحل همام تفصل البيت ما اريد اشوف هاي جنها وصلة مسح تمشي مايعة وتتعقيل عود اخذت رجلج

وترتاحين اذا فصلت

اي

بس اني ما ارتاح قمر

ليش عيني

مااكدر مااشوفج بعد تعلمت عليج وعلى أيهم

مشكلتك هااي

جرني قوي رجعني على الجرباية

وصار بوجهي ونزل على اذني شاورني

بس قمر تخبلين انتي وتغارين وعصبية

وخر منو يغار ..

وخر مني مو عبالك اني منار كاتله نفسي على حضن الرجال

عافني وكعد عجل شنو تريدين يولو مو راح اخربط وجهجج..قسم بالله ..

اريد حب مثل لبنات

وخطوبة ودلال

اريد عرس اريد واريد

اني انحرمت من كلشي ومن حقي اعيش افتهمت

ضحك ..

ع حسبتج ..

يعني هسة شنو اخابرج بليل اكعد بالربعة وانتي هنا

ونسولف للصبح ..واتغزل ..

لا عيني خابر منار ام صوت البلبل الفتان ..

لج دا احجي صدك كليلي شنو اسوي

واسوي حتى ارضيج

متفيد انت ما اريد نص زلمة اريد واحد الية

ها رجعنه للتجفص كولي جلدج يحكج ..

لا عيني مو هيج اريد واحد الي بس

هااا امشي اطلعج واختاري ..استنكي ..

ولج هواي صايرة تجفصين انتي

انت سئلت ودا اجاوبك ومطالبة منك شي

رحمة الله والديك اتحملتني هواي وساعدتني ووكفت وياية اكثر من اهلي ولهنا وكافي اني اتعالجت وهسة اريد اعيش مثل ندى ومنار ونورا والكل مناقصني شي

راح قائد من ايدي للكبور

ورحت انت لمنار

واني خليني اعيش وية روحي وارتاح تفصل لبيت

وهاااا اريد اكمل دراسة هم لو اشتغل ما اعرف المهك ما بقى تحت رحمة احد

قمر احسن حل اعوفج واطلع وكلام زايد ما اسمع منج

طلعة ماكو اسمعتي اكسر رجلج ..

اجنزج والله

لا خفت جان كسرت رجل الغير عيوني لو ابوية ميكدر اله على امي

لج كافي ددددددددددددددددددد كافي صلي مال طلقات مو لسان..

تقرب عليه ..

وخله راسه يم اذني ...

واني راس وانتي راس وشوفي

منو ليمشي كلامة

نشوف همام عبالك كسرني الوكت

بسيطة قمر نشوف الا اخليج تزفيني بايدج لمنار وتهلهلين بعد وانتي لممنونة

ازفك واهلهل والله بس افصل عبالة اضوج لك اني كلما اشوفها اتشمت بيك جايب صخلة وفرحانة بيها ويريد اغار مالت والله مالت

بقى يضحك ويغني..

واني من صدك بية نار بس مدرت بال كمت اقوي نفسي واريد حقي

بدل وطلع كلها للحجية يم ولد اصدقاءة

نظفت البيت وغرفتي

وغسلت وطلعت

وشسورت شعري

رتبت..نفسي

نور راحت لاهلها ..هي وقتيبه ..

وايه يم امها وايهم يلعب ..

كعدت بالمرجوحة

احلى شي من انت تعبان حيل والدنيا هادة حيلك

بس تضحك عليها لروحك وتكول اعيش شلون متصيرين يادنيا وغصبن عليج

اعيش واغني وافرح وابجي اتذكر قائد واحب همام

واكره منار واحن لامي واخواتي

اي اني بشر كافي هملت كل مشاعري بس عرفت ابجي واللطم الى ان الكل داسني واني ساعدتهم

دخل وجايب وية جيس اسود عرفت مال السم الي يشربة

بقى صافن

واني كلت اصلا ما اديرة بال

تفضلي منو حضرتج

اجتني الضحكة 

لمن رايدة انتي صديقة اية لا انتي اكبر منها اهاا صديقة نور

لا منين تعرف احد هنا

المهم يا حلوة عادي انطيج رقمي

وانتي على راحتج شوكت ميصيرلج مجال بس دكي وسدي

باوعت عليا بعصبية

كال العفو يممة شكلنا

انت مو متزوجت اثنين شلك بيه

خلة الجيس وكعد بالكاع وطلع جكارة

اي متزوج

والاولى بومة ولسان بس تخبل

والثانية

ماسحة وبراغيها رايخة بس تتموع

لو تنخبط هاي على هاي

جان كلش زين

كتلة

انت الاولى مصبرت عليها

كلي والثانية شبيها

ما اعرف همام مابيها شي عيش حرام عليه احرمك

بس خليني اعيش

بعيد عنج موت مو حياة

تعرفين من انخطبتي لهذاك المايع ابو خطج ردت اموت قهر

اريدج قريبة حتى لو مو الية

ومن صرتي لقائد  عذاب هذا الروحي بس راحة لعيوني

قمر وتالي اني وياج بدوامة مالها تالي

همام افصلنا حتى ترتاح روحك وعيونك

واني ابدي حياتي من جديد براحة

وايهم ما اكدر على فراكة ابني ولج هذا

همام مو بغير كوكب احنا بيت على البيت

وانتي

اني الي الله مثل الاول وهسة اني اقوى

احبج قمر

واني كدرت اخذ قائد وتحملت بس ما اتحمل احد يأخذ متي شي

اتزوجتج قمر كدام الكل حتى اهل منار واسويلج حفلة وكلشي بس لتعوفيني

بألاول سوي حفلة لايهم

مال شنو يريد يتزوج

لا مال طهور

اهاا اي صدك كبر خطية واحنا جنا ملتهين بيج وبخبالج

اندكت باب قوي واسمع صوت مرة وهوسة

لبست الشال

وهمام راح على لباب بسرعة

اشوف ندى تبجي

شكووو ندى امي صار بيه

لا قمر اخوج راح يروح من ايدي

هنا رجعت اتكسرت من جوة

اخوية ولوعة زوجة تحب زوجها

ولج شبي عبد الله احجي

لج قمر ديموت يريد يشوفج

يممممة اخويه ضربت وجهي وطبيت للبيت طلعت جبتي مثل المخبلة

اسمع همام

شبي خيتي شنو صاير

حادث سيارة وعندة كسور ونزف داخلي

لا ياربي مو اخوي مالي غيرة

صعدنا بالسيارة

هي تبجي واني صفنت تذكرت من جنة جهال الظهرية واجوع

يأخذني للمطبخ ويسولي لفة جبن

واني ابجي اريد شربت ويكلي منين اجبليج شربت هسة

واني ما اقتنع ابجي يجيب كلاص مي ويخلي بس شكر ولمندوزي وينطني يا

الله شكد جان طيب من ايدك عبد الله

يارب لتحرك كلبي على اخوية

دخلنا للمستشفى

ناس تركض منا ومنا .والكاع كلها دم

والاطباء تركض

تخبلت

شكو

انفجار بلشورجه

غمضت عيوني مكدرت اشوف شي

بس لمحت جثتين بلكاع والدم يجري منها

رحت بسد همام وامشي ويا وهاي رجلي اطك رجف

وصلت مشمور برة

وبصفة واحد رجله مفلوع لحمها

الله اكبر

همام يغطي براسي ..

شفنا بالطورائ منتهي وبالكوة كوة يحرك راسه ويباوع علينا ومحد بحالة

كعدت بالكاع ولزمت ايدة بيها دم ابوس بيها واكلة سامحني اخوية

بداعة ابوك سامحني ولتخليني وحدي مالي غيرك بعد

همام راح على الدكتور

يكول ماعدنا امكانات  وانفجار اصبرو  شنو اسويلهة

تعارك ويا وصارت هوسة

طلعوا من الطوراى

اني مو بحالهم بس ورة نص ساعة

دخل علينا همام وشاباب وياهم سدية

وين همام شكو وين تاخذ اخوية مابي شي

شبيج قمر بس تريدين تلطمين انقلة لغير مستشفى

ليش

عجل خل نعوفة هينة ونتفرج عليا

طلعوا بسيارة اسعاف

ورحنا اني وندى وية همام بسيارة

اباوع علية وهو عصبي يسب بالحكومه وبهذاالوضع

بس بالي بغير مكان اي هذا سندي هذا الي طلعني من الحفرة

وصلنا لمستشفى اهلي

دخلوا للعمليات بسرعة

والدكتور كال يحتاج  عمليه ابلاتيين ..

عشنا ساعات اني وندى موت

اجتي يمي  كالت

قمر اريدج تسامحني وتسامحين اخوج واعذري اني اني اي اني واخوية جنا نحجي براسة

بجيت وكلتها

مزعلانة من اخوية هذا نور عيوني تعرفين مرات انتظر بشباج اعرف وقت رجعتة حتى اشوفة بالسيارة يفوت

ولج ياغبرة شكد اذاني مفديوم دعيت بس الله يهدي

وانتي ندى كافي عليج عرفتي غلط والدنيا دوارة مثل مكتلج

قبل

هسة بس خل يكوم بالسلامة واكحل عيوني بشوفتة كافي

انفتحت لباب

وطلع الدكتور

اباوع على ملامحة قبل لسانة اريد اعرف شلونة اخوية

الحمد الله على سلامتة

مو ذاك الضرر يبقى تحت المعاينة 24 ساعة يس خطورة مو قوية

كعدت بالكاع واكول احمدك يارب

همام اشوفة يركض منا ومنا

هواي زادت افضالك همام شلون اكدر اجازيك

لو تكلي خليني ارتاح وية منار والله اخذ ابني واروح

اتعب واتعس ساعات بالمستشفى وبالانتظار

بس لحمد الله عدت على خير

واول مصحى وفتح عيونة كام يبجي واني وانهار نبجي

كتلة اخوية انت مالنا غيرك

كلشي يتعوض وانت لا

ارضى عليه ولا منزلت راسكم والله

واذا طلغ مني تصرف بدون قصد

مد ايدة عليه ومسحلي دموعي وكلي لو مو انتي وهمام اني ميت

لا استغفر الله احنا شنو ربك كاتبلك حياة لخاطر بنتك

لا قمر ظلمتج هواي

هسة تريدني ارضى

اي ياريت

خليني اكتل ندى واعضها حتى ارتاح

كلهم ضحكوا همة ويبجون حتى همام

اخ الاخ شكد عزيز

يومين اني بالمستشفى مرجعت للبيت

وهمام هم

اجتي خالتي وانهار ورجلها

وكالوا رجعوا انتو

وندى هم رجعت وية اخوها هم عافية بتها يومين

ورجعنا مهدودة حيل كعدت بالسيارة وراسي على جامة

ما اعرف فرحانة لان رجعت لحضن اخوية لو كلبي مفطور على جروحة ووضعة

لو دماغي يفكر بهمام وشنو اسوي .وبيش اجازي ..

وبشنو مالكه مثله ولا اتحمل وجود منار وياية

دك تليفون وقطع صفنتي

جاوبها همام

خل نوصل للبيت واحاجيها

خطية هي مرتك ومن حقها تتطمئن عليك

تعرف احنا بالمستشفى

اي يجوز تغار عليك

قابل اني بالملهي وتغار رحمة لابوج قمر جوزي مني  ..

سكتت همام شبيك

وصلت للبيت نضكانة تعب ومشتاقة لايهم

وللجاي وللنوم

اول مدخلنا للمطبخ اشوف منار وامها

من شافتني صاحت

وينة وينة

هو وراية

شبيج منار

كامت تبجي

وامها تكول

والله صارلها يومين تبجي عليك ولا نوم ولا اكل

جبتها واجيت ..

راح يمها شبيج منار

وخر زعلانة منك مااااااا احبك بعد ..

عجل صارت سالفه

طبيت كعدت سلمت ع الحجيه واجاني ايهم حضني

دايخه

وامها تحجي وهاي تتموع ..

همام كال ابدل واجيكم ..

كعدت منار ..

ضلت تسولف

جيت اموت وهو ماكو ..كامت عدلت روحه اباوع عليها اني نورا ضيفتهم ..

كالت هااا نسيت شالت جنطتها

جبت هذني لهمام ..

اوديهن اله ..

راحت وراه ...

واني صافنة على الوضع

وتالي قمر وتالي

وللحكايه بقيه

مساء الورد

سوزان المندلاوي

ضليت اباوع ع الوضعيه التعبانه

واحس راسي تبنج

يومين عشتهم بلهبطات ..

ترخصت من ام ميثم ..وعمتي ..

ورحت لغرفتي بدون ماشوف شي ..

ولا اريد اسمع شي ..

عرفت همه بلربعه كاعدين ..

درت وجهي ومشيت ..

للغرفه طلعت هدوم الي ..

وخاولي اريد اذب تعبي كلش تعبت ..

طلعت بلممر ..

قبل لا اطب للحمام

شفتهم طلعوا من الربعه

اني باوعت عليهم ..

اجه يمي همام

قمر طالع اني محتاجه شي

هي واكفه بمكانها ..

هزيت راسي اي ..

شنو .

اريد رقم ام جراح

صفن شلج بي ..

اريدة همام ..

قمر ..

صلحت منار يلا هيمو قلبي

كتله ليش تتاخر ع قلبها ..انطيني الرقم ..وروح

كال من ارجع يصير خير ..

جتي قريب عليه ..

لزمته .يلا حبي ..نطللع

ايي ثواني ..

كالت حمدلله ع سلامه اخوج ..

كتلها اشكرج ..

كالت ..قمر ..

نعم ..

لا هيج ..

ابتسمت كولي ..

لا هيج حبيبتي ..

همام كال يلا ..

كتله اوكف اريد اعرف شكو ..

كال ..ماكو شي ..

كالت منار ..قمر ماريد حروب بينه

اني احب همام ..وانتي زوجته بلورق ..فالاولية الي ..

مو صح ..

هزيت راسي صح ..

وعفتهم وطبيت

سديت الباب

واحس روحي ..اتحطمت من جديد ..

فتحت المي ع النيجانه ..

وحتى يبعد كل صوت

انتجيت ع الحايط ..

ونزلت ابجي واضرب ع حلكي

كافي كافي

ادمرت كافي

اقسم بالله ..انتهيت

شكد بعد اريد اقوى وشكد اريد بعد

امثل ..كافي ..

اخذت نفس عميق تمنيت بلنفس تطلع الروح

مسحت دموعي وكفت كبال المرايه

انتي قويه .كلهم مرن ع راسح اثبتي بعد..

سبحت .

ماعرف اغسل تعب لو دمع..

طلعت من لحمام راسي يريد ينفجر

صاحتلي الحجية

تعالي يمة اكلي لكمة

كعدت بالمطبخ يمهابس تعبانه ..حيل

هلمرة اختلف كل شي ..

حتى القهر طعمه اختلف ..

يمة لتنقهرين هسة يكوم بالسلامة اخيج

ان شالله يمة

صاحت

نورا تعالي صبي لكمة لاخيتج

لا يمة ما اكدر بس جاي

ليش يمة اكلي لكمة

دمعت عيوني

ما اكدر والله

وكفت كبالي نورا وبديها الجاي

شبيج قمر ضجتي من شفتي منار وشسوين برقم ام جراح

تعتذرين منها على حركة كلبها مثل ما هسة احترك كلبج

شفتي طعم الغيرة ونارها شلون يحرك

صفت عليها

شبيج نورا

مابيه شي بس تعايشي وية الوضع لا كلما تجي منار تسوين دراما بالبيت

ضحكت

ام جراح كرابتج مو

ميخصج انتي

الحجية رادت ترزلها

كتلها عوفيها يمة ..

اسمعني نور لا عبالج اني حبيت قائد واعرف هو متزوج معرفت الا قبل ليخطبني بفترة

ومقبلوا اهلي واني هم كلبي مرتاح اهجم عائلة علمود انانية وحب

ومن مصارت بالاول انخطبت تعرفين شنو سوة قائد بالخطوبة مالتي ضرب وضربه  سيارة الولد

جرني بالسيارة من باب دوامي

نزعني حذائي ..

وسكتت

وصلت بي الدرجة يتهمني بشرفي بالشارع وكبال خطيبي

كالت

هااا اني ما ادري

جريتها وكعدتها كبالي..

لعد ادري واسمعي

عشت ايام انكتل من اهلي بسبب قائد نزل شرفهم بالكاع

صح همة بعدين طلبوا مهر هوايه بس رجعتهن من انخطف

وصح اجتي سماح وشفت كسرتها بعيوني

بس متشمتت بيها مثل ما انتي تشمتين بيه هسة

وصح اني اخذت قلب قائد بس مجنت السبب يبعد عنها وعن اطفالة

تعرفين من طلع جنا ليش متعاركين اني ويا

على ام جراح

اي اي على سماح كتلها صالحها خطية

جريتها من ايديها حيل وين الغلط مالتي وين ذنبي

تعرفين قائد كسرني وبقيت احبه ولليوم احبة

مو عبالج اضحك صارلي كم يوم والعب ابني

نسيت قائد

روحي شوفي المخدة مالتي بعدها متروسة دموع

لج ما انام ولكم مانامه  مثل الناس اني الا ابجي الى حد ما ادوخ يلة ..انهمد

لو اني مرتاحه مجان علاكه الدوة تمشي ويايه

وهسة مستكثرة عليه ادافع عن همام لو اضوج من وحدة تريد تاخذة من ابني ومني

حررام عليكن ترى الدنيا دوارة نورا

بس كالوها ما عدوة المرة الا مرة مثلها

كمت من مكانها

جرت ايدي

اوكفي قمر اني والله ما اعرف

نورا مزعلت منج ابدا ولا عبالج راح ابجي واختل بغرفتي

اني من حقي اعيش مثلج ومثل غيرج من حقي اضحك واسولف والي يشوف لازم قمر تموت وحياتها تنتهي

يارب تحس بأحساسي وتعيش الي عشتة..

عفتها ..

ودخلت لغرفتي وسديت لباب

وكلت لا قمر بعد انتي قوية كافي متنزل دمعتج بعد ابدا

نمت ومحسيت الا همام كاعد بصف الجرباية ويباوع عليه

فزيت

هاا همام خير اخوية بي شي

لا ماكو شي قمر صارلج هواي نايمة

تعبانة همام

اني هم تعبت قمر

روح نام

يا ريت النوم يريح ياريت اموت وارتاح

كمت كعدت

ليش هيج تكول همام عيش وارتاح محد يستاهل تأذي روحك

ولتخليني اني وايهم عقبة بطريقك

واذا ما ارتاح الا وياكم

همام اني قبل انجبرت على وضع رجال متزوج

جبرني قائد وانت ادرى بالي صار

بس هسة اعذرني همام ما اكدر اتقبل الموضوع

والحل قمر

الحل اريد اعيش همام مو الا برجال اعيش

احلى عيشة وية ابني وام قائد

واني قمر

انت ما اعرف شنو اوصفك اخ حبيب سند ملاك

بس ما اكدر

اخذ الفوك انت غرفتي واكو حمام ومخزن يصير مطبخ الكم

وحتى غرفة قتيبة هم راح تفرغ الحجية كالت راح يسافرون مو

اي لعمان

اهاا كلش تمام غرفتين الكم وعوفني همام

تقرب مني وغمض عيونة

احبج والله

مصبرت وصح اني تعبتك واثنينة ندفع ثمن

عيش همام منار تحبك ولو هي والقردة سوة بس المهم الاخلاق واخلاقها مثل خلقتها المهم الحب

ضحك

ما اتحمل بلة لسانج

تسمعة لتخاف يومية اغرد اشو اني ما شالله كل شوية تطلع سالفة شكل وتسمعني

يعني مابيها حل قمر

لا ماكو الها حل وكافي عاد كاعد كبالي ومسوي مناحة

تعبت من الكأبة اريد اعيش اريد اطلع

امشي بدلي اطلعج

صدك تحجي

اي والله امشي

والماسحة اخاف تزعل

طبها طبووب

لا همام تعبانة

لج دكومي جبانة تخافين من منار هههههه

اني لا والله اذا ازمها من رجلها امسح بيها البيت كلة

قمر تغارين عليه

لا اصلا

قمر بعد خلص افتهمت احنا مابينا مجال بس كللي خل ارتاح

شكول امشي

كولي تغارين عليه من منار

لك ما اغار عليك بس متعجبة عليك شلون ذوق عندك

ههههههههه ليش

ما اعرف ملامحها مال بربر

لج هاي شنو انوب

ما ادري بيبي تكول بربر

هسة عوفج من لبربر ولترتر

تحبيني

هاا

تحبيني احجيى

مااعرف شكول بقيت ساكتة احس نفسي مقسومة بالنصى

نص يكول اي ونص يكول وقائد

شبيج قمر جاوبيني

ما اكدر

ليش تخافين من قائد

كعدت بصفة ودخلت راسي بحضنة

احبك همام واغار عليك بس منكمل سوة

بس لو اعرف منين جبت هاي الماسحة واجيت تركض والله لو اكضي العمر امسح بيها ماارتاح

لج كاافي حرام عليج

يلة كول منين جبت هاي الماسحة

من ابو رسول

يا ابو رسول

ابو المواد الانشائية غير هههههه

ههههه لا بداعة قمر منين عرفتها

من النت

شنو من كل عقل همام

اي والله ليش شفتها علقت بغرفة مال جات وسلمت عليه وسئلتني ليش دائما حزين

سولفنا وتعارفنا

والله يا همام مبالي انت لهدرجة زوج

شنو ولج هلحجي كومي منا متنطين عين ابد

لا شبيك اكو واحد عندة عقل يخطب من النت شمدريك وية كم واحد حاجية قبلك

لا والله مو كل الي بالنت مو خوش اكو زينات

اي اكووو بس ما ادري وين

هسة شنو قمر مابيج مجال تريحين كلبي

من شفتج واني اتمناج وانتي بغير عالم

عالمي وعالمج صعب ينجمع ..

هسه منار العقبه صارت بحياتنه وقبلها منو جان

جان قائد ..

وارجع واكول شمعنى انتي ..

من عرفتج واسمع

شمعنى انتي ..

اريد حل ..

همام كاافي عاد اطلع منا

ودفعتة برة بشقه

خابر على وجه البومة لتروح تزعل وهم تجيبها امها وتجي صخونة شلون عالم مصدكوا جلبوا بزلمة

ولج راح اوكع شبيج  دفعين هم رجعنا للسان البرنو

طلعت من الغرفة وحاولت اطلعة من كلبي وحياتي واتركة يعيش بس ما اعرف اتحمل اشوفهم سوة لو لا

لازم اتجنب شوفتهم ...

واخلي يعيش ..

مرت الايام وهمام متركني بالمستشفى احس كبر بعيني اكثر ...

بس بقى يشرب يوميه بليل ..يشرب لحد مينام

مرات اطلع عليه

الم..القواطي واذبها واعدل نومته ..

مرات ابجي ..عليه ليش يدمر نفسه هيج ..

خاصتا الفترة الاخيرة ..

بدة يتعب ..

وجهه اصفر ..

يدوخ..

بس ميسمع حجي...ابد ..

حاولت اكوله اتركه ..واني يمك

يكولي هذا ..دواي ..

وكلت لمنار لاخو لامه ميفيد

يكول دام ماذي احد مالكم..شغل

منار تروح وترحع...كمت ماحجي ابد

واكثر من مرة تتعمد..تسوي حركات كدامي ..وحب ..

وغيرها ..

المهم يحب ..لان يستاهل ..الحب ..

جنت ادوس ع نفسي لخاطرة واسكت ..

وادك بروحي ام جراح ..بس رقمها محد نطاه الي ..

طلع عبدو ونور بيتة

وذبحنا خروف على سلامتة

وقررنا اني وندى نسوي على غدة ونعزم الكل

كل الي بقوا وشكد قليلين بقوا

انهار ورجلها

همام والحجية واية

وخالتي ورجلها وبشار

عادي الوضع هادئ بن همام وبشار بالمستشفى ماكو شي

حضرنا الاكل

تمن برياني وتشريب لحم

ولبن وخضرة وهل ااسوالف

واهم شي سلامة وضحكة عبد

طبعا امي افتهمت احنا اتصالحنا بس معرفت السبب وحادث عبد الله خطية

كملنا الغدة وكعدوا سوالف

واني وندى انظف المطبخ

اجة بشار جايب صينية الجاي كلي

قمر اني اسف

انسى الموضوع احنا اخوان ولد خالة

يعني مشايلة مني

لا ولك انسى الموضوع

يعني تجين علة خطوبتي اسبوع الجاي

صدك على خير مبروك ولج ليش يا بذاتة ياندى مكلتي

اني كلت لندى اني اكلها لقمر  واعزمها حتى تجي

ان شالله شايف كل الخير عاد حلوة عروستك لو مثل ضرتي

هههههههه والله مشفت احلى منج

شفت همام كبالي

وين صار الجاي قمر خانم

شبيك دا اصب

بس حسيت عيونة تجدح حتى بشار طلع من المطبخ

اخذ الجاي وكلي حضري نفسج حتى نرجع

كتلة ماارجع اريد اطلع للسوك وية انهار

ماكو روحة

مو بكيفك اروح اريد اشتري ملابس ما عندي بس اثنين دشاديش وجبة وحدة

قمر اني اوديج متطلعين هسة نرجع

همام ماارجع انطيت كلمة لانهار وخلاص

خل الجاي واترخص هو والحجية

صحت وراها انطيتها ايهم حتى ميضوجني بالسوك

هو اصلا مباوع عليه

اني جنت مصرة اخذ انهار حتى اسويلها تحليل

لان من شافت اللحم لعبت نفسهاومكدرت تاكل

جنت متأملة خير وهي جانت تضحك عليه تكولي

معقولة سويت عمليات وعلاجات وماكو تريدين هيج وحدة يصير

كتلها ربج قادر على كلشي

وصدك طلعنا لنفس المحلل الي رحت حللت من جنت حامل بأيهم

لحظات ابالي من ترجف انهار هي برغم ممقتنعة بس خايفة وتنتظر

كال 10 دقايق

كتلها خل نطلع لهذا المحل اشتري كم حاجة ونرجع

واخذت ملابس احلى وافتح اخذت مكياج وعطور

ورجعنا للمختبر

وجانت النتيجة ايجابي مثل ما توقعت ماعرف تبجي ما اعرف تضحك

مكتوب علينا اني واختي من نعرف بنفسنا حوامل نبجي قبل منضحك

رجعنا هي رجلها ينتظرها ببيتنا

واني رجعت للبيت

اول مدخلت

شفت همام كاعد بالمطبخ

اول مطبيت جرني من يدي وركع العلاكة

شنو جبتي وين جنتي ولج..

وخر مو من حقك هي تجرني

اليوم ابهذل احوالج والله طلعة وطبة وتمضحك وية ابن خالتج

شنو اتفقتوا على الزواج لو شنو كتيلة هذا مو رجال لو شنو

احترم نفسك واعرف شلون تحجي

اني لو ابالي بشار جان اتزوجتة ومرجعت لهنا اصلا

وبعدين بكيفي اطلع اني مو طفلة ومالك سلطة عليه واصلا ممسوية شي غلط

ولج علمين تضحكين سمعتة يتغزل بيج

كام يضرب باللكاونتر حيل

لج تطلبيني ثار انتي كاتل احد من هلج

ولج ارحمني رحمة لنبيج

انتي مكضيها تبوس واحضان وغزل ودلع واني ساكتة

وانت هسة متحملت تشوفني احجي وية ابن خالتي

يعني انت رجال براسي واني مو مرة

كافي همام كلت اتحملك اخ وصديق بس ممجبورة

الدنيا باكت مني سنين من عمري ومما اسمحلك تبوك الباقي

وهااا بشار جان يعزمني على خطوبتة

لج خطوبة زواج صخام بوجه الملطلط

احترم نفسك همام شبي مو ارحم من وجه منار واهلها الزبايل...

قمرررررررررررررررررررررر

كتله انت شارب ..مالك شغل بيه وعليه ..

اصحى وحاجيني ..

من انعل ابوج واهلج  لا بو الي خذاج ..

اول مرة افصل من الدنيا لحظات واسمع بس رنه  توش بأذني ..

وصلخه ..

وحرارة ..

لزمت وجهي ..

تضربني همام

تضربني علمود منار .

اشوف نور ادفع بي واطلعه من الغرفه ..

ضليت اصيح ...

ما ابقى بالبيت بعد وروح قائد

كافي كضيت عمري كلها تكفخ بيه ..

دخلت للغرفة طشرت الكنتور

وطلعت جنطة ..لميت هدومي وهدوم ايهم

عليمن عايشة ومدفونة هنا كاافي انطيت سنين عمري

جريت ايهم وجبت غراضة

والحجية تتوسل بيه

يممة يغار عليج.. اسمعي كلامه يابنتي ..

ولج يمة لتحركين كلبي عليج وين تأخذي وليد قايد وتروحين

ما اكدر بعد يممة لهنا وكافي

اجتي اية تركض للغرفة

بيبي الحكي خالوا همام مدري شبي

بس يذب من راسه ..

صحت شبي اكيد متزقنب

طلعت الحجيه حارت بيني وبين

همام

واكف ع المغسله ..

كال بصوت ..متعوب

عوفيها تطلع ..

عوفوهااااااا..

كوة يجر النفس ..

من وكفه المغسله ..وداير وجهه عليه

ايهم يبجي ..والحجيه تحجي ..

همام ..

.وكع

كعد كعود ..ونزل راسه ...

وللحكايه بقيه

#سوزان المندلاوي

عوفوهااااااا..

كوة يجر النفس ..

من وكفه المغسله ..وداير وجهه عليه

ايهم يبجي ..والحجيه تحجي ..

همام ..

.وكع

كعد كعود ..ونزل راسه ...

الحجيه ضلت ..يمه همام ..يمه ..

وتحرك بي ..

لا الحجي هنا مو شقه ..

ضليت اباوع كاعد ..

وراسه نازل ..

شمرت الجنطه ولو ايهم بايدي هم اشمرة بس جنت شايلته

ركضت عليه احاجي مو فاقد لا بس هيج

ممركز ويانه

خبصه وهوسه

عطت ع اية اهذي نور وروحي للمضمد جيبو

الحجيه تفرك بصدرة وتقرا ايات

الي اذكرة ..

اريد اكومه بس جثيث ماكدر

مر من كدامي عزة قائد والتابوت

بلا وعي اضرب ع حلكي

لان اعرف هوى سبب الي بي اني

اكو بصف المغسله مثل الرازونه

نخلي عليها الصابون التايد

كوة جريته ..

ورجيته عليها

احجي وياه

ياشر بايدة

طلعي ..

كتله اطلع بس اصحى اروح فدوة الك

اصحى ..لخاطر ايهم

عوف السم الي تشربه ..همام

كمت ابوس بايدة ..اصحى وارجعلي

فدوة

الححيه جابت عطر شممته دفع ايدها اتكسر ..العطر

كام يصحى بس سكران صدك جان

ضليت يمه ..

جر راسي خلاة بحضنه

ويجر شري

انلصمي عاد

ويجر الكلمه كوة ..حتى ايدة ثكيله

كاافي ..

رفعت راسي رجع نزلها اسكتي..

بسسسس..

همام صاحي

هز راسه اي ..

مسحت دموعي لان كامت تغوش ..

بهلاثناء ..

البنات كالو اجه ..

طبيت لغرفتي ركض..

لبست وطلعت

ع نفس مكانهم خال جهاز الضغط ..

كمل ..

الححيه خبلته ..

كلها مابي شي

بس شارب زايد ..

فحص النبض السكر كل شي

طبيعي ..

كومه ..كوة ..

جروة ..لزمته دفعني

انتجى ع الححيه ..

مشوا للغرفه ..كال لا ..

للربعه

وطب ..كعدة

بقيت واكفه باب ..اباوع عليهم ..

رحت لميت الكزاز ..

وشلت ايهم ..

طببته للغرفه ..طشيت سله ملاعيب ..

وصحت ايه يمه ..

كعدو..

طلعت ..

اريد اطب ماكدر ..

بقى يمه المضمد ..

يحجي ..طلعت الحجيه ..

كتلها يوم..

اشرت باديها..روحي ..

رجعت ..

طبت للمطبخ ..

اول مرة اشوف الحجيه تنهار بجي ..

الحجيه بيضة التجاعيد ماخذة من وجها ..ملامحها

اشببه بخارطه ..عالم متكامل حب حنان ..

كعدت يم الباب ..

بلعتبه مال مطبخ

اسمعها توون ..

وتكول يمه بعدك ..

الوادم تغيرت يما ..

نضر عيوني يوميه اكول اليوم اجيك

طولت عليه يايما ..

وينك ..

يمه امانتك ثكيله ..

خلصت افادي ..وانا تعبت ..

وضمت راسها بطرف فوطتها وتبجي

بعيدة عليها اني  فاتت نورا ..

من يمي

كالت كافي قمر ترة وصل حدها ..

لو تسكتين لو تعوفينا ..

هزيت راسي

محد اذاني غير الحجيه ..

دمرتني بونها ..

بجت بجي السنين ..

ورة مدة طلع المضمد ..

كال عوفو يرتاح معدته ماذيته انطيته مسكن ..

يعني مابي شي ..

ان شاء الله لا ..بس سؤال دافيه

وخلي يترك المشرب وينام ويرتاح ..

دفعت اله حسابه ..

كتله فدوه. شوف النه الحجيه

فحص سكرهاو الضغط

جان الضغط صاعد

رحت فتحت الكومدي طلعت العلاج

رحت جبت مي ..

وكفت صحت ..

نورا ..

انطي للحجيه ..

اخذته انطته الها ..

ايهم ..اجه يمي ..بابا بابا ..

اني عيني ع الحجيه ...

عافني ..

وطب يم همام ..

رحت مديت راسي شفته نايم ..همام

طبيت ..

جان همام نايم ع بطنه

وايهم جايب ..

سيارة ومشيها ع ظهرة ..

رحت ع كيف ..

جريته ..

كام يصرخ

رغم حبهم اله ..بس دلالهم اله يتعبني ..

دار وجهه همام ..

كال عوفي ..

همام ..

عوفي واطلعي منا ..

همام..

اطلعي قمر ..

وين اطلع ماعندي غيركم ..

قمر روحي ارض الله واسعه ..

بس انتو ارضي واهلي ..

وانت زوجي ..

طلعي قمر ..ماريد اشوفج بعد ..

انداريت وطلعت .

اباع الحجيه البنات يمها ..

متباوع بوجهي ..

وهمام طردني .

رجعت يم الحجيه كعدت بصفها ..

سمعتها بجت زايد ..

اعرف نفسي اجفص ..

بس مو بيدي ..

احبها لام قائد امي هاي ..مو غريبه ابد مو عمه ام ام ..

نزلت ع رجلها ..

جرتني حضنتني وتبجي ..

لزمت وجهي ..

يمه ماعاش الي يخليج تنزلين راسج

انت مرت قائد وام ايهم

يوم انني امي والله ..اسفه ..

وخليت راسي بين حضنها ..

وبقت ترزل بيه رزاله بحب ..

جنت اسمع منها كل شي ..

ياريت عقلي ينفذ والساني يسكت ..

شويه حسيتها كامت ..تحجي بغير مواضيع ..

ع بناته الي مشافتهن ..ومسافرات..

وع شرب همام ..وترزل بيه ..

نكول لوما قائد ماتحملج ماريد من اموت يعاتبني

بجنته يمه يسمج جنه ..

ورجعت ..كالت 

ووحدة من خوات قائد تريد تجي ..يمنا ..

وفرحانه بيها ..

ياربي شكد حنينه..

صدك كمت حضنتها ..

لان احبها حييل ..

وكمت من يمها الف فكرة وموال ابالي ..

مديت راسي شفتهم ..نايمين ..

طلعت ..

احير شسوي ..

ليش اني هيج تهجميه

ليش استخدم اللسان..درع لافعالي ..

بقت .الوب ..

مادري شسوي

كمت سويت ..سوب ..مال دجاج .

لهمام ..

اسمع ..

اخخخ.اااااخ ..وون

ركضت ..

طبيت ..همام لازم بطنه ويتلوى منها ..

مثل السمجه المزهورة ركضت عليه لزمته

شبيك ..همام

دفعني وخري ..

ويصح ولج يووم بطني تتكطع ..

يووما ..

راح اموت ..

ولازمها حيل ..

ااااخ ويلوب بلكاع

جبت اله مي ..

طبت ويايه نور ..

الحجيه بلحديقه ..

كعدناه ..

اشوفه ..يلوب ويعيط منها .شسوي ياربي

بس راح مفعول الابر رجع .يون من بطنه

كمت يمه ..

لزمته كتله امشي .انوديك طبيب .وهسة اخابر قتيبه

..

دفعني صدك ..قوي ..وكعني

واشر بصبعه رغم ماكله الالم ..اكل ..كال

انتي اخر وحدة تجين يمي انتي

ااااخ

صوتة والمه نساني الاهانه .

ماكدر اخسر اي احد بموت ..

ابد ..

كمت من الكاع طلعت برة ..

اخذت الفون اتصلت بقتيبه ..

الو ..

ها ام ايهم ..

قتيبه همام تعبان ..

شبي ..

فدمرة مريض..

بس اني مو هينا بغداد باجر ارجع

ماكدر ارجع هسة ..خ

قتيبه راح اتخبل.

قمر ..هو انتي خبلتي فلك ..

سكتت.

يزي لا تبجين اجي ويصير خير ..

هسة ادزله واحد من الربع ..

يودي..

سديته منه ..

كعدت بلمطبخ وايدي ع خدي

وكل شويه اسمعه يعيط ..

كمت احس وجهي بي نار كل شويه

اكوم اغسل وجهي .

الحجيه من طبت انطته حبوب مال معدة

بس دقايق وذبهن ..كلهن ..حتى المي يذبه

كمت ..جانت ايه بلمطبخ

كتلهم ضاع الولد ..مانتظر

لبست عببايه راس ..وطلعت

بس خطيت الباب.المن اروح اني ..

مشيت لبيتنا .رجلي اخذتني

شفت سيارة بشار ..

بقيت مترددة ادخل لو لا..

شسوي

وهناك اذكر صراخه ووجعه طبيت ..

طبيت بهدوء ...

غسلت وجهي ..بلحديقه

تنفست ..

ودخلت ماريد افزز احد ..

شفت ندى ..

خير قمر ..

رحت يمها شاورتها همام مريض ..بس ماريد افزز

عبد ..

جرتني برة

شكو ..ماله خلك

خرب بحظج قمر راح يموت ..

لا لا اسم الله  اسم الرحمن هو هذا فال مابي شي مريض بس

اصبري هنا

بقيت برة

شويه وطلع بشار

ها قمر شكو

حجيت اله

كال امشي اوديج ..

بين اي ولا

ماعرف

ماريد اخسرة ..

امشي ..

صعد بسيارة ..ندى سدت الباب الباب

كال

اصعدي ..

كتله لا اروح مشي اني وراك ..هي خطوتين وراك

اجي

اصعدي شبيج غريب اني ..

ترددت ..حييل

فتحت باب الورة

صاح من كل عقلج قمر شنو السالفه

صعدت ..بصدر ..

وكلبي يدك مليون ..

بس وصلنه  لراس الشارع وكفت السيارة

طلع همام والحجيه منتجي عليها

عيوني علية ..

وكفت ..خزرني بمرارة ودنج ..

نزلت من السيارة

نزل بشار راح عليه ..

وكفت يمه اعدل بقميصة جان مدكم غلط ..جان لابس قميص مقفل ابيض وازرك عدلت

همس باذني بصوت ناصي

انتي طالك ..

رفعت راسي عليه ..

بشار كله

تصعد ..قمر خبلتني شبيك .شصار بيك ..

كله ماكوشي

اصعد يله وجرة من الحجيه

كله ربعي جايني تسلم

بشار ..يار بع انت اخويه ورجل اختي..

امشي ..

لزم بطنه وكعد بلكاع ثنى رجله

جرة بشار

وصعدة

كال امشي قمر ويانه

هزيت راسي لا

راحت الحجيه وياهم ..

طبيت.سديت الباب

مضروبه ع راسي ..

حتى دمع نشف ..

ذبيت عباتي وكعدت ..

وخليت وتجيت راسي

طبت ..نورا

راحوا

اي ..

لا تخافين قمر مابي شي ..

اي يارب ..

وترة لا ضوجين اذا عصب عليج تحمل هوايه ومريض

وماكو رجال يتحمل هلكد

اي

قمر انتي ويايه مركزة ..

اي .شبيج يمعودة ..

صحت ايو ..

جيبي جيس الدوة ..

قمر الحياة مو بدوة اطيب ..وكل شي يصير زين

نور مالي خلك احد يحجي براسي اذا جاية ترازليني مالي خلككج رجاءا احتفظي كلامج نفسج لان كلش تعبانه

لا قمر ماازيد همج بس سمعيني ..

جيت احجي وياج

دائما جنت اشوفج قويه

اكول هنيالها

شكد حلو قويه و الكل يسمعها

فديوم قتيبه كعدني من النوم الصبح كلي نوره كومي سويلي ريوك

فاني حبيت اصير مثلج

كتله اوووي  نعسانه

شنو يوميه

اكوم اسويلك اكل

  سوي لروحك انت

سكت عافني و طلع

اني هم  كملت نومتي

كلت اي.

واخيرا رح اصير مثل قمر

جنت اشوف

   الكل يسمعج ويخاف منج

بالليل اجه قتيبه من شغله

اني هم طبيعي وياه كمت حضرت الاكل

صعد فوك صعدت وراه

بس اتفاجئت جايب ويا اكل

و كاعد ياكل وحده

كتله قتيبه ترا انا مسويه لك عشا

مره مرتين عدتها لكن ما سمعني

ضليت احجي و يا ما يجاوب

كمل اكله كلت له شبيك انت اليوم وياي

هم جاوبني عافني و طلع

تخبلت اني انجنيت

طلعت وراه شفتة غسل وكعد بلربعه

عفته وصعدت

انتظارة يصعد

صعد ورا مده طويله

اني كنت منهاره و عصبيه وابجي

كلت له شبيك ويايا فوق زينيتي وياكم

جرني من وجهي ودفعني على الحائط

اسكتين لو لا  اني مقصر وياج بشي جاوبيني مقصر و ياح بشي غلثج مضوجج

   قتيبه شبيك

تخبلت اليوم انت

دفعني حيل عالحايط كال اني الي قتيبه الكووله يمشي  مو حافظه كلمه و كلمتين من قمر و جايه طبقيها براسي راسك اكسرا و عافني ونام بعدها عرفت عرفته بالرجال  ما يتحمل ....مو كل الزلم همام وصبرهم

فضل سبوع كامل زعلان عليا و بالموت يلا  صالحته

و انتي مخبله الولد

قمر كلش زين متحمل خبالج صراحه  واحد ميتحمل خبالج شيريد بعد يسوي عوفي ايزوج و يعيش

انتي خسرتي كل شي بعنادك

كافي قمر لو تعيشين وياه

لو تروحين بيت اهلك

لو تفصلين البيت و تعيشين انت و ابنك

او ترضين بيي زوج..وي منار  

شلون همام يكرهني وصل مرحله ما يباوع بوجهي و الله يا اختي من ايدج تكدرين ترجعي

زين و منار شلون رجعنا المنار اختاري لو تعيشين ويا

لو   تعوفي  يعيش يا اختي لا انت العايشه و لا تخلي غيرك يعيش اني وياج انظلمتي بس كافي

لسانج خسرج كل شي

بعد قرار يمج قمر

كلتلها المهم  هسا

اعرف شبي

و الله انتي اللسان على الفارغ ما تخيلتج هيج

يا قمر شجاج بلبيت ارتب روحي  اسمعه كلمه حلوة  شو انت كضيتها و يا عراك بالعرك عنتر ابن شداد بالزواج

هاي قائد هم نفس الشي  شون تحمل ايعش وياج على هذا اخبالج...

لا من وره الضيم  وصلت مرحله صار وسيله دفاع لساني ..

عفت نورا وطلعت

تعبانة وروحي تلوب

اعرف واعرف كلشي اعرف اني غلطت بس مو عن قصد الدنيا لطتشتني ومطنتي مفكة ارتاح واعرف اتصرف

اروح واجي بس اريد اسمع خبر

لا ياربي مو لخاطر لخاطر هل اليتيم

اباوع على ايهم وادعي يكوم همام  بالسلامة حتى لو يكرهني ويتزوج بس خل يرجع

ساعة مرت عليه سنة

ودخل همام وية بشار والحجية ساندي ووجه اصفر

اوووف قمر شسويتي بالولد

اجيت اركض بس بخوف اخاف منة

هاا شنو كال الدكتور

بشار كلي

يا دكتور هي لمستشفى بيها دكتور

واحد نايم واحد عندة عملية

بس هذا مسكن وباجر يسولة ناظور

دخل نام

اريد اوصل يمة اخاف

اريد اكلة اسفة والله مو قصدي مو بيدي

كعد ايهم يم راسة

يضرب عليه

توم بابي

ميكدر يفتح عيونة بس يبتسم

واني ابجي

الحجية كالت

كومي يمة صلي وادعيلة ربي يشافى

قائد جان ورحي

وهذا وقتيبة نظر عيني

احسها تكلي

اخذتي روحي ونظر عيني

يارب يارب بدمعة يتيمة ومظلومة ومالها ظهر غيرك

كومة بالسلامة

اول مرة بحياتي اريد شي من كل كلبي

اكثر من ما ردت قائد

حتى لو ميصير الية خل يكوم ويفرح بشبابة

اسمع ليل كلة يون ويصيح

كل صيحة سيف نار وبكلبي

حتى ايهم خاف منه

ضم راسة على رجلي ونام

مكدرت اغمض للصلاة الصبح صليت وكمت يم ساكت بس وجه عركان ويتحرك من الالم

تقربت منه ..لزمت راسه مصخن

كمت جبت دوة وانطيته

وسويت كمادات

خليتها ع راسه

جر ايدي ودفعني

كاافي قمر روحي ما اريد اشوفج بعد

همام

روحي قمر

طلاكي مو شرعي اعرف

بس وروح قائد طلكتج من حياتي

خله ع راسه الكمادة..

غطيته ..

وطلعت..

ساعه واسمع نفس الون

طبيت علية تهسترت ضليت اضرب ع حلكي التوبه والله اذا احجي

همام اني تعبانه وانت تعبان

ولقائنا جان منتهي اثنين مذبوحين

بجون ماحس دم كام يجري من حلكي

شكد حجيت ويا ساكت ..

مجاوب

بس كلي كلامج يوجعني اكثر

روحي شوفي اكو شرب جوة السلات

همام

روحي لخاطر الله

ولك دتموت

لزم ايدي حيل

تتوقعين لو ميت بدل قائد جان احد حس شنو بي

حضنته ..

همام ..سامحني

حسيت ايدة ع راسي ..ولزم شعري ..

اذا تحبيني وتعزيني ..عوفيني قمر .

طلكتج من كل حياتي

بقيت يمه

ساعه يفز ..وساعة يون 

الصبح  كمت ..منايمه ابد

بدلت اله

اخذة قتيبة والحجية وبقيت ادعي مابي شي بس ارحع ولا أذيك همام بعد

ابقى  واخدمة وانطني روحي حتى

لو يكرهني مثل ما قدملي حياتة

ايهم يبجي ع همام

عطت عليه زاد البجي 

رجعوا ووجه قتيبة مو تمام والحجية تبجي

اخاف اني اسأل

احس روحي مثل الاسيرة ومسوية جريمة

صعبة لواحد غريب ومأذي اهل البيت

اخاف واستحي حتى اشرب مي

نورا سألت قتيبة بالمطبخ

شنو قتيبة شكال الدكتور

كال القرحه ماكله معدته اكل زين منفجرت

وانطاه علاج

ومنعه من البهارات والجكاير والشرب

وضل يححي بلحجي دكتور

رجعت اتنفس بعدماحسيت اختنكت

الف الحمدلله ..قرحه ولا غيرها

راحو نومو الهمام بغرفتي

واجاني قتيبه

خويه قمر ..

نعم ..

رحمه لمرضعج ماريد اذيه وحجي اخوي راح يضيع

بسببج ..

هزيت راسي اي ..

ترة ادمر

اي ..

احلفج بالله

كتلة التوبه ..

عوفي اعيش..

لا تخسرينه اثنين

هزيت راسي اي ..

ورة كلام قتيبة

اعتزلت من الكلام

اجيب اكل لهمام ميرضى

كتلة

همام اني مو قمر بعد خلاص

ارحمني واني بعد اذا غلطت وياكم اطلع من البيت

محجى شي

بس حسيت موافق وميريدني بعد

مقصرت ويا ..

انام يمه للصبح اسهر

يغدي مي من الصخونه وابدله واغسل اله

ويذب من راسه

بدة يتعافى شويه شويه

جنت انام بلكاع

وهو وايهم فوك

وبدت مكالمات الليل اسمعها وي منار

وجنت ماحجي ..

مرات ابجي بس مخدتي عاشت ويايه

من اسمع غزلهم اعض ايدي حيل وابجي

لو اعض بشفتي اكوم اشوفها مدمايه وزركه

بس

هالمرة قررت انخرس

وتركت الكل ومحجيت وية احد

حتى تمارا من اجتي كالت اي عرفت هاي كصتها مو زينة

وحجت كومة

اني ماكو حبست روحي جوة

اي اتخيلت قمر صغيرة وحبستها بداخلي

اشتغل وارجع لغرفتي

أيهم تعبني وية همام

روحة بي ينهزم مني وينام بصفة

اخاف حتى اجر ابني حتى لحد يحجي من جديد

منار رجعت تجي وية امها

وتسمعني كلام

عين وحسد لو سحر

وهواي كلام

من غير همام كام يصيحلها ويطب للربعة

واسمع ضحك وسوالف ومرات يبقي لباب مفتوح

واشوف بوس وحضن ..بس اغمض قلبي مو عيوني

ابالي يرجع الاذية الية..وديذلني

ونجح بس بأرادة مني

اني استسلمت همام

تركتك وتركت كلشي عيش كافي عاد

بدة يتعافى

ويطب ويطلع

وانتهى الكلام بينا تقريبا

وفديوم

اغسل بالمطبخ

سمعتة يكول للحجية

هذا الاسبوع يتزوج

الغرفة باجر توصل

ييمة شو مستعجل مو كلت تخلص كليتها اول

لا يمة مو مال انتظار

ها هي اهم شي راحتك وسعادتك

يمة اني من اجيت من بطن امي ما انكتب الية لا راحة ولا سعادة

ليش هيج تكول يمة تفائل بالخير

جر حسرة حسيتها نار بكلبي

كلها

يمة هسة اريد أية تنظف الغرفة لفوك

يا هية بيهن يمة مال قايد لو قتيبة

كال

لا مال قائد اكبر

نزلت دموعي

وغرفته يمة

اتفقت الي راح يجيب الغرفة يفتحها وكلت انطيها لولد محتاج يتزوج

بكيفك يمة ..

كلمات جانت اصعب ما مر بحياتي

كملت لمواعيين

وجريت الماسحة وكلما اشوف ماسحه اتخيلها منار

اخذت  الغراض التنظيف وصحت لأية تعالي وراية

فتحت لباب

اووووف قائد ياريت متعالجت بقيت اشوفك

اباوع على كل مكان جمعنا سوة

اخ يا جرح بروحي مالك دوة

كملنا كلشي حتى لمخزن

نظفت الفوك والغراض السكراب نزلتهم

الحجية كالت من يتزوج يفصلون

المخزن يصير مطبخ

فرغت كلشي وحضرت المكان لمنار

اني شنو فرقي عنها

اخذت متزوج وهي اخذت متزوج

بس هي عدها عقل واني مخبلة

بيوم واحد كمل همام كلشي

بواري وكاونتر والغرفة والبردات

كمل كل شي

جنت ماشوف ..شي

كد ماخذ حبوب مهدئه ..

كل شي متبنج بيه ..

كل أيامي بهذا البيت تمر ابطئ

مثل مسجون بس مو الي منتظر

فرج لا منتظر اعدام

الا هاي الايام بسرعة عبرت من الاحد للاربعاء

حنة همام ومنار

قتيبة اجة من عمان

وحدة نورا بقت هناك يم اهلها لان حامل مو مال سفر

اصدقاءة سولة حفلة بمطعم على الشط

وهي سوت ابيت اهلها لحنة

وجان لازم اروح

همام مجبرني ولا اصلا جان منتبه الية

صدك فرحان

بدلت ورحنا اني والحجية وتمارا وبناتها

امة محضرت هو مقبل بس

اسمعتها خابرت على الحجية

اتعس لحظات جانت..

من طبيت ..لابسه بدله نفش وهي ضعيفه

ومكياج سموكي وتسريحه عاليه

وصبغ اصفر ..

تباوع بطرف عينه ..

وتكمز مثل الصرصر الي طالع من بلوع

تتمركص والحنة بأيديها

وصديقتها يكمزن ويباوعن عليه

حتى تمارا ضاجت

شكد ميستحن منين

جابهم همام شلون عالم عبالك كيولية

لزمتها وكتلها

لخاطر روح قائد خل تعدي على خير

وبعدين اني وانتي تعبانين وكلمن ضيمة شكل

بس همة فرحانين خليهم ياريت الكل يفرحون واحنا هم

ما اعرف بهاي لكلمات صبرت روحي لو صبرتها

هووواي مواقف جان لازم

ابجي واصيح بس وجهي يضحك وحلو

عفية شكل ليش مخربت بهالقهر على كولتة الحجية

كمرة واسمج عليج

من رجعنا جان صوتهم بالربعة

دخلت لغرفتي تذكرت المواقف وبجيت ونمت

وكعدت على الصلاة على صوت الحجية وهي تستغفر وتحمد الله يمكن هذا الصوت الي مصبرني على العيشة ..بوست اديها

صليت وطلعت برة

احلى شي هدوء الصبح

اليوم يوم عرس همام اليوم راح اصير سماح

بس اسوي مثلها ابلغ الشرطة  لو اقتل  منار لو افخخ سيارة الزفة وهم ميبرد كلبي

لازم احجي وياها اي اريد احجي وية سماح تعبت 

مر اليوم بهوسة

وهمام ميريد يلتقي ..

وياية ابدا صارلي يومين مشايفتة

والبيت هوسة ما اعرف منو

تحضروا العصر يطلعون

كتلها للحجية

ابقى بالبيت اني

ميصير كلنا نطلع

شفته بلطرمه لمخته بقاطه الاسود واللحيه ..

من بعيد حسيت عطرة ترس ريتي ..

جانت مزيقه ..ويهوسون اله ..

مبارك عرسك يلهيبه ..

اخونه خوش اخو يستاهل الهوسه ..

تستاهل ربي يسعدك همام ..

ربي تريحك ..منار

ضلو يهوسون ..

وراها راحوا

رحت غسلت و

بدلت وصعدت فوك

باوعت على مكاني راح يصير للغير

مااعرف شلون اوصف محد يعرف احساسي ومااتنمى احد يعرف هذا الاحساس شنو

اخو الموت

ضليت اباوع الغرفه بيضه وحمرا .وبيها جلد ومري،..

برداتها ..الحمر ..

التيبلم ..والتحفيات ..هاي عروسه وعريس

والورد

والوحات

وكفت عاين ميزالتواليت

مكياج اشكال وعطور

جيت افتح الكنتور رجعت ايدي مو من حقي 

تلمست المخدات والفراش الابيض،

عدلت دشداشتة لبيضة وشميتها وحضنتها

وشفت السيت مالتها تفلت عليه

اكرهج بس اتنمى تسعدي ..

بقيت كاعدة مادري شكد بلغرفه ..

فتحت القران ..بوسط الفرشه

وياس ..وجكليت

وبخرتها ..بايات ..

يمه ام جراح عفا كلبج ..

هناك دك بروحي همام جان يحبني

عفا كلبهم ..

شلون تحملوا احساس مرررررررر

سمعت صوت سيارات ومزايق

نزلت على السريع ..

اخر بايه وكعت ..انلوت رجلي ..

كوة مشيت اعرج ..

فتحت لباب الهم

دخلوا

ودخلت شفتة وشفتها ..

لزمها ..

من قهري وناري ضحكت

واحس دماغي خدارن بالضبط

مثل لشارب هو مقهور ويضحك

دخلوا جوة

وصرت بوجه همام

وهلهلت من كل كلبي

كتلة مبرررروك شايف كل الخير

تذكر من كتلي تزفني وانتي لممنونة

راح ازفك ابيدي

  ومحجة ولا كلمة..

مبروك تستاهل همام ..

منار طالعة ساحرة بأفلام الرعب

بس عايزها مكناسة وطير

راح من يمها ..

طلع برة .

صعدوها خواتها

وتبجي ويمها 4 خواتها

يبجن كلهن

سمعت قتيبة يكول

شوف العيارة هنة كلهن متزوجات

بعد منين انحرمن

اباوع عليه يدخن وشايل

ايهم بايدة ..

ويلعبه ويبوسه ..

طلعت ..كتله روح لعروسك ..

كال اي ام ايهم

اخذت ايهم ..طك بجي

رجع باسة ..وهو بحضنه

فات من يمي ..

كتله احبك ..

وكف بس مدار وجهه الي ابد

دقايق داير ظهرة عليه ..

صاحته الحجيه

راح ..

كمت اخذ شهيق زفير ..واهفي لروحي

جسمي نار

طبيت ..

صعدوا

للغرفة

ودعوهم خوات منار ..

واختها لجبيرة تكوله 

على كيفك عيني وياها

وحجي يلعب الروح

وضلن يهوسن اليوم يومك يابطل ..

تعجبنه احنا ..ماعدنه هيج ابد ..

نزلن عبالك ..يوم العيد حايرات شمصخمات بوجهن

طلعوا من يمنه ووصوا ع اختهم ..

بقيت عيني فوك ع الغرفه .

وبلممر ..

سمعت

سد باب وقفلها ..

وخلاص قمر خلاص ارتاحتي..

وللنهايه بقية ..

شهرزاد

حبايبي ..

3228كلمه ..هذا الجزء

وموصلت للنهايه ..من اكتب اطلع من العالم كلة وادخل بلقصه .وقلمي يكون الاول والاخير بقرار النهايه .لهذا النهايه بيها تكمله ..

تعبت ..من الكتابه وشكد اريد اختصر منها ماكدر

قصه قمر ..متوفيها كلمات ..