تحميل رواية «توبه» PDF

بعد الوصول إلى شركه محمد الشبرويشي

توبه : أستنا حضرتك هنا

محمد بيه: لا طبعا اطلع في مكان فوق تقعد في حتى لو ليك مزاج تشرب اي حاجه خد راحتك

توبه : أن كان كده يبقى نطلع بقا

محمد بيه: تعالى

في جانب آخر كان عرف الموظفين ب وجود محمد بيه دون علم منهم وبدأ عليهم حاله من اللخبطه

محمد بيه: توبه المكان ده مخصص للبريك وده مكتبي اقعد مع نفسك هنا لحد ما أشوف اللي جاي علشانه و. نرجع على المهندسين

توبه : تمام ماشي يا فندم

توبه : يا ولاد المدلعه كل دي مكنه قهوه اي العز ده

واحده من الموظفين : انت بتعمل اي هنا

توبه : انتي شايفه اي

الموظفه: ما ترد على أد السؤال

توبه : يعني ماسك فنجان ووقف على مكنه قهوه هكون بعمل اي بصلي المغرب مثلاً

الموظفه: اي ده الأسلوب ده أنت تبع اي

توبه : بقولك اي الله يكرمك أنا لسه أول يوم ومش عارف حاجه ولا فاهم حاجه اخلعي من دماغي و خليني اشوف البتاعه دي هتنزل القهوة امتا

الموظفه: انت السواق الجديد صح

توبه : اه البتاعه دي شغاله ولا لا

الموظفه: يا أخي حط الفيشه

توبه : اه والله عندك حق العلم نور برضوه

الموظفه: أنا هبه

توبه : وأنا توبه

هبه : توبه

توبه : اي مش حلو

هبه : لا ياعم حلو حلو المهم

توبه : اي المهم

هبه : خد رقمي

توبه : لا مش بالسهولة دي كده مش ههتم بيكي خليني اطلب أنا

هبه : تطلب اي وتهتم اي أنا بقولك خد رقمي وبعد كده لما تكون جاي الشركه مع محمد بيه اتصل بيا علشان نبقا عارفين

توبه : اه يعني عصفوره وكده

هبه : خلي بالك لو رفضت مش هتعرف تكمل معانا احنا مش هنسيبك انت حر

توبه : طب روحي شوفي حالك الله يكرمك

هبه : ياعم اسمع بس دا احنا هندلعك هيكون ليك مكافئة شهريه مننا على كده

توبه : كام يعني

هبه : انت عايز كام

توبه : مليون جنيه

هبه : انت اهبل أما احنا كلنا منعملش مليون جنيه

توبه : روحي ياستي الله يهديكي اشرب القهوه ولا هتوجعي دماغي

هبه : اسمع بس احنا كلنا أصحاب مع بعض يرضيك يعني تيجي على غفله حد مننا يطرد بسببك

توبه : اه يرضيني شوفي شغلك وانتي محدش يعملك حاجه إنما عايزاني عصفوره لو هتدفعي كام لأ

هبه : يعني كده

توبه : كده و كده وكده حلي عني

محمد بيه: توبه بتعمل اي

توبه : مش قولتلك مش هعرف اشرب منك القهوه الله يحرقك

محمد بيه: يابني

توبه : تحت امرك يا محمد بيه

محمد بيه: هات قهوتك معاك وتعالي

توبه : وسعي وسعي كتك البلاء والبلا

هبه : اهو انت

توبه : (بيخط على مكتب محمد بيه)

محمد بيه: ادخل

توبه : تحت امرك يا فندم

محمد بيه: اقعد ياعم مالك في اي

توبه : مش عايز اوجع دماغ حضرتك بس

محمد بيه: لا ياعم اقعد عايز احكي معاك شويه

توبه : خير يا محمد بيه

محمد بيه: أنا مش عارف اقولك اي والله يا توبه على اللي عملته مع مها وخصوصاً انك اخدتها عندك والبنت بصراحه شكرت في والدتك الست شفيقة وبرضه اختك اميره تعاملت مع بنتي معامله حسنه اي حد مكانك كان ممكن يستغل مها بطريقه سهله جدا وهيا كانت في أضعف حالتها

توبه : يا محمد بيه الواحد بيعمل لله بعدين دي زاي اميره اختي أنا لو اختي في نفس الوضع كنت هتمنا حد يقف جمبها

محمد بيه: مها كانت كلمتني عن موضوع السبع سنين حبس وبصراحه كنت فاكرك مش كويس وبتضحك على مها بس لما سألت ناس حبيبي عرفت انك فعلاً كنت مظلوم في الموضوع ده وعرفت كل حاجه

توبه : اضحك عليها علشان اي يعني يا محمد بيه عايزك تحط في دماغك أنا واللي زاي حلاتي مش بتوع هبش في الدنيا أنا باجي معاك سكه على الأبيض والله جيت معايا سكه مكمل معاك معامله والدنيا حلوه مش جايه معايا مش جاي معاك ومش هنتعامل مع بعض تاني

محمد بيه: يابني مالك أنا بتكلم معاك سخنت كده ليه

توبه : أنا بقول لحضرتك بس دماغي اي

محمد بيه: طب قولي حد كلمك في حاجه هنا ولا قالك حاجه

توبه : هنا فين قصدك في الشركه

محمد بيه: اه اصلي شايف السكرتيره وقفه تاخد وتدي معاك في الكلام

توبه : اه مكنتش عارف اعمل قهوه على المكنه

محمد بيه: يعني مفيش حاجه تانيه حصلت ولا قالت اي حاجه

توبه : يا محمد بيه هو أنا اعرفها علشان نتكلم عن اي حاجه

محمد بيه: خلاص أنا كنت بطمن بس مش اكتر

توبه : ولا يهمك يا محمد بيه

محمد بيه: أنا خلصت ياله نروح المهندسين

توبه : تمام ياله بينا

في جانب آخر

مها :ماما شفيقه يا ماما شفيقه

شفيقه : ثانيه ياللي على الباب

مها : اميره فين

شفيقه : جوه في الاوضه

مها : ماشي اميره

اميره : اي يامها عامله دوشه ليه

مها : بتعملي اي تعالي شوفي جبتلك اي بقا

اميره : لا طالما جبتيلي يبقا لازم اقوم

مها : تعالي علشان دا اختراع الموسم ونطلع الترند

اميره : فين ده

مها : اهو

اميره : الله الجهاز ده شكله تحفه دا موفر كهربائي كنت شغاله على فكره زاي كده والله بقالي سنه

مها : منا عايزه بقا اي تعمليله تطوير حلو كده بحيث أنه يخفف استهلاك اكتر ويكون سرعه اكبر بدال ما هو شبه مصيده الفار كده

اميره : وريني كده الجهاز ده

مها : خدي

اميره : ربنا يسامحني في الفكره اللي في دماغي بس أن شاء الله تنجح

مها : هتعملي اي

اميره : لالالا سبيني اخد و ادي مع نفسي كده شويه وهقولك

في جانب آخر

محمد بيه: علي فكره أنا سمعت اللي حصل بينك وبين هبه

توبه : طب كويس أن حضرتك سمعت علشان تصدق أن مفيش حاجه حصلت

محمد بيه: بقا يا راجل تقولك خد رقمي علشان تنبهني انك جاي مع محمد بيه وتقولي مفيش حاجه

توبه : لا كده يبقا سمعت فعلاً

محمد بيه: والله ما عارف اعمل معاهم اي تاني علشان يتعدلوا

توبه : أطردهم اسمع كلامي يا محمد بيه دي ناس مش تمام

محمد بيه: وبعدين يا توبه بعد ما أطردهم

توبه : اقفل الشركه وفكك من الموضوع ده بلا فرهده وكل شويه رايح اكتوبر وراجع من اكتوبر

محمد بيه: يالهوي على دماغك يا توبه هو ده اللي جه على بالك

توبه : طبعاً يا مدير هو أنا ناقص وجع دماغ

محمد بيه: بس كده مش هيكون عندك طموح

توبه : أن شالله ما كان عندي طموح قال طموح إلا (وبيضحك)

محمد بيه: هو انت معندكش طموح يا توبه

توبه : والله يا محمد بيه أنا من ٢٠١٩ وأنا مش فاهم حاجه نفسي اقعد مع حد كبير يقولي اللي حصل في حياتي من ٢٠١٩ لحد الوقتي علشان أنا حاسس ان مصر حوراتها كترت اوي الفتره دي بصراحه

محمد بيه: يعني قبل ٢٠١٩ كان عندك طموح

توبه : اه طبعاً

محمد بيه: اي هيا

توبه : كان نفسي اطلع بيه كبير كده زاي حضرتك

محمد بيه: والوقتي

توبه: نفسي اطلع من اللي أنا في وكده يبقا اتعشت على الآخر

في اليوم التالي

الأم: توبه يا توبه انت يا واد

توبه : اي يا شفيقه حد يصحي حد كده

الأم: منا بقالي ساعه ونص يقول يا توبه وانت عامل ذاي القتيل

توبه : في اي طيب لكل القلق ده

الأم: قوم يا حبيبي علشان تشوف شغلك

توبه : الساعه كام

الأم: تسعه

توبه: اي ده أنا أتأخرت اوي

الأم: الفطار بره قوم بقا

توبه : (بعد ما خرج من غرفته ومسك الفون ) اي ده يا شفيقه الساعه لسه سبعه الصبح انتي بتضحكي عليا

الأم: هو انت كنت هتصحا إلا كده

توبه : أنا راضي ذمتك مين يقوم الساعه سبعه الصبح من الناس دي ولا محمد بيه ولا مها بتصحا الوقتي

باب الشقه بيخبط

توبه : معقول

الأم: افتح فقر من يومك

توبه : محمد بيه صباح الفل

محمد بيه: توبه صباح الخير لسه نايم ولا اي

توبه : خمس دقائق وهكون عندك معلش مكنتش اعرف ان حضرتك خارج

مها : صباح الخير

توبه : اي ده انتوا مع بعض

محمد بيه: مها رايحه فين

مها : النادي

توبه : (مستغرب ) هو أنتي عندك بطوله الوقتي

مها : لا ليه

توبه : أصل مفيش حاجه في الدنيا تخرج الواحد من تحت البطانيه في التلج ده مهما كان السبب

محمد بيه: ( بيضحك) خلاص انت تخدني الشركه وترجع مع مها النادي واخر اليوم عدي عليا

توبه : هو انتي هتقعدي في النادي لحد اخر النهار

مها : مش عارفه بس ممكن

توبه : هيا شغلانه لا يعلمها إلا الله

محمد بيه: بتقول اي يا توبه

توبه : خمس دقائق وهكون عندك يا محمد بيه ( ودخل يلبس )

الأم: شوفت أن قلبي كان حاسس

توبه : روحي نامي ياما الله يهديكي

الأم: اه والله يا توبه الجو برد فعلاً

توبه : أنا خارج قبل ما يجيلي جلطه منك

وخرج من البيت

محمد بيه: اي حاجه اتصلي بيا وانت يا توبه خلي بالك منها

توبه : والله يا محمد بيه أنا أكلت ضرب بسبب بنت حضرتك يعني لو باخد أجر على الحوارات دي كان زماني عندي بيت ذاي بتاعكم ده

محمد بيه: معلش يا توبه انت ابن حلال وأنا بكون مطمئن على مها وهيا معاك

توبه : منا عارف بس أنا مش بكون مطمئن وأنا معاها

مها : ليه كنت هاكلك

توبه : اتفضل شوف بتبص ازاي

محمد بيه : لا يا عم أنا مش فاضي للكلام بتاعكم ده نزلني أنا وروح النادي مع مها وخلي بالك منها يا توبه

توبه : تحت امرك يا محمد بيه

بعد نزول محمد بيه من العربية

مها : استنا اجي جمبك علشان عايزه اتكلم معاك شويه

توبه : تعالي

مها : سؤال وعايزه رد واضح كده وصريخ

توبه : قولي

مها : امبارح انت لما نزلت مع الولد الحرمي رجعت من غير الجاكيت هو راح فين

توبه : اه فعلاً ربط ايد الحرامي بيه

مها : اللي هو ازي وفي نفس الوقت لو كلامك صح يعني انت رجعت بسرعه معقول لحقت عملت المحضر وكل ده حصل

توبه : حكمه ربك بقا نقول اي

مها : نقول الحقيقه

توبه : عايزه اي يا مها

مها : انت تعرف الواد ده

توبه : اه فعلاً أعرفه كان معايا في السجن وكان لازم اقف جمبه بس لو رجع تاني القصه دي هيزعل مني انا قبل ما حد يمد ايده عليه

مها : بس خلي بالك عارف لو كان حد خد باله انك تعرفه كان افتكر انك انت اللي باعته لحد الست دي

توبه : بيني وبينك كنت مرعوب من الموضوع ده مش علشان حاجه والله أنا كده كده مش فارق معايا الشغل بس مش حابب حد ياخد عني فكره وحشه

مها : لا طبعا محدش يقدر ياخد عنك فكره وحشه انا متاكده مليون في المئة انك مش كده خالص

توبه : و متاكده اوي ليه كده

مها : علشان انت جدع وابن حلال يا توبه

توبه : اه كملي كملي أنا بحب الكلام ده

مها : و ملكش دعوه ب الست اللي ساكنه جنبنا ها اديني قولتلك يا توبه

توبه : ليه بقا أن شاء الله

مها : كده علشان ميبقاش يومك اسود معايا انت حر

توبه : ما انتي كنتي ماشيه حلو رجعنا تاني للدبش

مها : توبه

توبه : يانعم

مها : أنا بحبك

توبه : مش اتكلمنا في الموضوع ده قبل كده يا مها وقولتلك بلاش أنا

مها : انت ليه رافض علشان أنا كنت متجوزه قبل كده يعني ولا مش بتحبني

توبه : ولا ده ولا ده

مها : أما اي

توبه : علشان أنا من وادي وانتي من وادي تاني خالص يا مها انتي لو دخلتي على أبوكي قولتي الكلام ده قصاده مش بعيد يخسرك فيها

مها : لا طبعا بابا مش كده يا توبه بس انت وافق وأنا مستعده اعمل اي حاجه بس نكون مع بعض

توبه : لا يا مها مش موافق وخلي بالك الموضوع ده لو اتفتح تاني ممكن يكون سبب اني أسيب شغلي معاكم علشان نظره أبوكي بعد ما يسمع كلامك ده هيفتكر اني كنت بلعب عليكي علشان اوصل ل كده

مها : انت شايف بابا ب صوره وحشه اوي يا توبه

توبه : جربي يا مها بس خليكي فكره اني قولتلك هتكوني سبب اني أسيب شغلي

في اليوم التالي

مها : بابا استنا عايزه حضرتك قبل ما تنزل

محمد بيه: عايزه اي يا مها مستعجل

مها : خلاص أنا كنت عايزه حضرتك في موضوع مهم بس شكلك مش فاضي خلي الكلام لما ترجع

محمد بيه: لا معنديش اهم منك يا حبيبتي وبعدين شكلك منمتيش كويس خير في اي

مها : ممكن تسبني لحد ما انتهي من كلامي خالص وبعدين تقول رايك في الموضوع

محمد بيه: مفيش مانع اتكلمي

مها : لما حضرتك جيت قولت أن طاهر هو العريس اللي مينفعش أرفضه متكلمتش معاك رغم اني مكنتش بحب طاهر إلا أني مكنتش حابه اني اعمل حاجه ضد إرادة حضرتك ومع الوقت اكتشف أن طاهر مش الراجل اللي كنت بحلم بيه وجيت اشتكيت حضرتك رديت وقتها وقولت اني لسه عروسه جديده وبكره الدنيا تتحسن وكل حاجه تبقا تمام سمعت كلامك وفضلت تحت امر طاهر المريض نفسي لحد ما انت بنفسك رفضت وجودي معاه وطلبت الطلاق برده أنا وقتها مفتحتش بوقي ولا قولت حرف واحد

محمد بيه: لي الكلام ده الوقتي يا مها

مها : أنا بحب توبه وعايزه اتجوزه

محمد بيه: ( قام وقف) انتي بتتكلمي بجد

مها : اه يا بابا

محمد بيه: كنت عارف أن ده هيحصل طريقه كلامك معاه وأسلوبك معاه كان دائماً محل شك بس مجاش في بالي انك توصل معاكي لحد كده جواز يا مها انتي فاهمه انتي بتقولي اي

مها : اه يا بابا فاهمه

محمد بيه: دا حتى توبه نفسه مقدرش يطلب الطلب ده ولا هو وقف ورا الباب مستني الرد طبعاً شاف عز و فلوس

مها : بابا لو سمحت توبه رافض الموضوع من أساسه

محمد بيه: والله

مها : اه والله هو نفسه قالي لأ ومش مره واحده وعلى فكره توبه مش عارف اني هكلمك في حاجه

محمد بيه: أتمنا يكون كلامك صح علشان لو طلع كل ده ترتيب توبه هيبقا حسابه معايا كبير سلام يا هانم

وخرج من البيت وكان توبه وقف في جراج العربيات

محمد بيه: هات مفتاح العربية

توبه : ليه ما تيجي أوصلك الشغل

محمد بيه: انت مالك انت أنا طلبت منك مفتاح العربية هتفتح معايا حوار

توبه : يبقا كلمتك في الموضوع

محمد بيه: اه كلمتني ومش موفق

توبه : ولا توفق أنا مالي دي حاجه بتاعتك إنما أنا مطلبتش لا منك ولا منها أنا لو عايز كنت طلبت مفتاح عربيتك في أيدك و ادي مفتاح شقتك معاك يا محمد بيه مش توبه اللي تكلمه كده

محمد بيه: كنت كبير في نظري بس صغرت

توبه : أنا كبير في نظرك وهفضل طول عمري كبير في نظرك بس انت اللي الفلوس قفلت عينك أنا دخلت بيتك مخدتش منك جنيه وخارج منه مخدتش منك جنيه واللي بيني وبينك راح و اتقفل عليه سلام عليكم

محمد بيه: وعليكم السلام

في جانب آخر

توبه : ياله ياما

شفيقه: في اي ياله على فين

توبه : اللي كنت بقولك عليه حصل وهنرجع بيتنا من تاني

مها : ( على باب البيت ) شفيقه متسمعيش كلامه

توبه : مها الموضوع انتهى مش عايز كلام تاني لو عايزاني افتكرك بالخير كفايه لحد كده وبيتي مفتوح ليكي في اي وقت يابنت الحلال لو حصل معاكي اي مشكله و أبوكي مش هنا أنا هنا

اميره: في اي بس يا توبه في اي يا مها أنا مش فاهمه حاجه

توبه : لما نرجع بيتنا تفهمي ياله

شفيقه: طب يا توبه بجهز الشنط

محمد بيه: مها انتي بتعملي اي هنا

مها : عايز اي مني تاني انت دمرت حياتي قبل كده والوقتي بتبعد بيني وبين توبه

توبه : مها

مها : لا مش هسكت أنا سكت كتير وهو مش شايف كل السكوت ده وخدني حق مكتسب خلاني عروسه يحركها براحته مكان ما هوا عايز

توبه : طب اسكتي

محمد بيه: شوفت عملت اي خليت بنتي اللي عمرها ما اتكلمت قصادي تتكلم معايا بالاسلوب ده بسبب طريقة كلامك صحيح رد سجون

شفيقه: يا محمد بيه ابني مش رد سجون انت لما كنت في الغربه احنا حوطنا على بنتك وحطينا بنتك جوه عنينا تقوم أما ترجع تدوس على ابني صحيح صدق اللي قال الخسيس خسيس

توبه : شفيقه خلاص

اميره : ياله يا ماما سيبي الباقي ياله نمشي من هنا

توبه : ياله

مها : توبه توبه

محمد بيه: ( مسك ايد بنته ) انتي رايحه فين

مها: ( وقعت على الأرض)

محمد بيه: مها مها توبه ( وخرج بره البيت ) توبه الحق معايا مها وقعت على الأرض

توبه : (رجع رفع مها من على الأرض حطها جوه العربية وخرج بيها اقرب مستشفى)

بعد الوصول إلى المستشفى

توبه : تعالي ياما أنا كلمت واحد صاحبي جاي ياخدك انتي و اميره على البيت

شفيقه: وانت

توبه : أول ما تقوم مها هرجع ولو عم سراج فات عليكم خدي منه المفتاح بتاع العربية

شفيقه: خلاص ماشي يا حبيبي سلام على مها أول ما تفوق

توبه : أن شاء الله خدي اميره معاكي بس ياله يا اميره

اميره : طب استنا لما تفوق

توبه : لا أنا مستني معاها امشي مع امك

اميره : حاضر يا توبه

الدكتور: متقلقش يا محمد بيه دي صدمه عصبية وكل حاجه طبيعية

محمد بيه: يعني هترجع معايا البيت

الدكتور: اه طبعاً بس نطمئن عليها الأول

محمد بيه: شكرا يا دكتور

الدكتور: تحت امر حضرتك

محمد بيه: ( بص ل توبه ) تقدر تمشي انت يا توبه شوف رايح فين

توبه : تمام ماشي (ولف وشه وكان باب غرفه مها مفتوح شافت توبه وهو ماشي )

بعد رجوع توبه إلي المنطقة

عم سراج: توبه حمدالله على السلامه

توبه : الله يسلمك يا عم سراج انت عامل اي

عم سراج: الحمد لله

توبه : يارب دايما يا عم سراج بقولك معلش يا عم سراج

عم سراج: قول يا توبه

توبه : كنت عايز مفتاح العربية علشان انزل عليها

عم سراج: هو انت مش عارف اني بيعت العربية يا توبه

توبه : لا والله

عم سراج: اه والله يا توبه

توبه : ياله هيا كده كده فقر من يومها سلام يا عم سراج

عم سراج: سلام يا توبه

بعد الوصول إلى المنزل

شفيقه: اي يا حبيبي عملت اي

توبه : الحمد لله تمام انتوا تمام

شفيقه: اوعا تزعل يا توبه كل حاجه بتاعت ربنا يا حبيبي ثما والله بيتنا ده احسن من اي مكان في الدنيا كلها

اميره : والله ما كنت عارفه اعيش هناك بلا قرف ياعم خلينا في بيتنا احسن

توبه : وحيات اللي حصل معاكم ل أخليكم تلمسوا النجوم بأيديكم وبكره تقولوا توبه قالها ( وخرج من البيت)

اميره : هو راح فين ده

شفيقه: ربنا يسطر يا اميره توبه مش هيعدي الموضوع ده على خير توبه ساكت ومش بيتكلم بس أنا عارفه ابني جوه منه نار وربنا يستر النار دي متولعش في هو اول واحد

اميره : قصدك اي ياماما توبه جدع وعمره ما يعمل حاجه وحشه في حد

شفيقه: ربنا يستر يا اميره

في جانب آخر توبه قاعد على القهوه

عم رمضان: اي ده توبه

توبه : لا واحد شبهه

عم رمضان: مالك كده ياعم قالب وشك

توبه : محمود عزت فين يا ابو صيام

عم رمضان: و بتسأل عن محمود عزت ليه يا توبه عايز منه اي

توبه : الله مالك يا عم رمضان انت هتدخل معايا قفيه ما تقول فين

عم رمضان: محبوس وفكك من السكه دي يا توبه محمود عزت مش شبهك ولا انت شبهه واللي بيني وبينك لو مديت رجلك في السكه دي انتهاء سلام

توبه : سلام

توبه : عم اشرف عامل اي

الأمين أشرف: اي ده بتعمل اي هنا يا توبه

توبه : جاي زياره

الأمين أشرف: خير في اي يا توبه مين اللي هنا من عندك

توبه : لا لا مش من عندي الواد محمود عزت بس أمه بعتاله الحاجة دي عايز أبعتهاله

الأمين : وانت مالك يا توبه ومال محمود عزت من امتا وفي بينك وبينه ود

توبه : ياعم اشرف بقولك زياره اعمل مع ابنك واجب و دخلني للواد

الأمين : ماشي يا توبه بس خلي بالك لو دماغك فيها حاجه هزعل منك انت عارف انا بحبك

توبه : حبيبي يا عم الناس ادخل بقا اشوف الواد

الأمين : تعالي اقعد هنا هجيبه لحد عندك

توبه : ماشي يا عمنا

في جانب آخر

محمود عزت:مالك يا عم اشرف معايا شغل

اشرف : ياعم أنجز ليك زياره من امك

محمود عزت: ياحبيبتي ياما

اشرف : ادخل عشر دقائق و هخدك

محمود عزت: ( فتح باب المكتب) اي ده توبه

توبه : دي مقابله برضوه يا ابو العز

محمود عزت: توبه انجزني علشان غيرك عايزاني

توبه : ياعم ابلع ريقك و اقعد هو أنا وخدك من الهيلتون

محمود عزت: فراخ دي يا توبه

توبه : اه اقعد

محمود عزت: شكلك جاي في موضوع

توبه : اه عايز شغل

محمود عزت: لو مكنتش اعرفك كنت قولت أن الظابط بعتك ليا بس أنا عارف توبه كويس ( و بيفتح الفراخ )

توبه : ( حط ايده علي الشنطه ) سيب الأكل ياعم وخليك معايا شويه

محمود عزت: عايز اي يا توبه

توبه : منا قولت ل أهلك عايز شغل

محمود عزت: ياعم انت بتقول اي منا بوست ايدك يا صاحبي كتير وكنت عامل فيها تامر هجرس جاي الوقتي تقول يا رزق

توبه : يعني مفيش صح

محمود عزت: شغلي على ادي يا حبيب اخوك والله وانت فاهم شغلي على ادي ولا باخد ولا أدي

توبه : ايدك من على الفراخ يابن الجزمه

محمود عزت: الله ليه كده بس يا توب

توبه : توب تتلف في يابن الجزمه ايدك ياض

محمود عزت : هتاكل فرخه لوحدك

توبه : انت مال امك

محمود عزت: يارب بطنك توجعك

توبه : عم اشرف خد عم المهم على الحجز

محمود عزت: اه والنبي يا عم اشرف انجزني علشان غيرك عايزاني

الأمين: ادخل محمد بيه نفسه يشوف معاك سيجاره فاضيه

محمود عزت: وغلوتك عندي الحياه معاكم احسن من بره أنا هنا أكل وشرب و ببيع مخدرات على حس الحجز كمان ربنا يزود في الاشباح

في جانب آخر

تليفون توبه بيرن

توبه : ألو

محمد بيه: انت فين يا توبه

توبه : في الهدوم مين معايا

محمد بيه: هو اي اللي في الهدوم أنا محمد بيه والد مها

توبه : ينهار اسود معلش يا محمد بيه كنت فاكر حضرتك حد تاني

محمد بيه: تعالى بسرعه المستشفى عايزك

توبه : خير بس في اي

محمد بيه: لما تيجي سلام

توبه : سلام ( هو البت ماتت ولا اي أصل الناس دي ميجيش من وراها إلا السواد )

في جانب آخر

مها : بابا و غلوتي عندك بلاش تتعامل معاه وحش

محمد بيه: ماشي بس جواز لأ

مها : حاضر بس عايزه منك وعد

محمد بيه: اي

مها : لو لقيت توبه فعلاً مش زاي ما انت فاكر توعدني تغير رأيك

محمد بيه: سيبي كل حاجه في وقتها بتكون احلى

بعد مرور نصف ساعة كان توبه وصل إلى المستشفى وطلع غرفه مها

باب الغرفة بيخبط

محمد بيه: ادخل

توبه : خير يا محمد بيه في حاجه ولا اي

محمد بيه: مفيش هو انت ناوي تسيب الشغل بجد

توبه : هو حضرتك جايبني كل المسافة دي علشان تسأل السؤال ده ما كنت سألت في التليفون

مها : مش تقولي حمدالله على السلامه

توبه : معلش يا مها بس محمد بيه خدني من على الباب انتي عامله اي الوقتي

مها : الحمد لله تمام وانت

توبه : الحمد لله تمام

محمد بيه: رد عليا هتعمل اي

توبه : اعمل اي في اي الموضوع خلص يا محمد بيه أنا مش راجع تاني أنا جيت علشان العيش والملح انما لو فاكر اني راجع علشان شغل تبقا لسه مش عارف مين توبه

محمد بيه: طب أنا اعمل اي الوقتي

توبه : تعمل اي في اي

محمد بيه: عايز حد يرجعني البيت أنا و مها

توبه : أنا معاك اهو ولما نوصل البيت هديك رقم سواق محترم وابن حلال ميختلفش عن توبه ربنا يوفق ما بينكم ومش هتحتاج حاجه مع الراجل ده

محمد بيه: تمام ياله بينا على البيت

توبه : ( خد مها ونزل على العربية ورجع بيهم على البيت )

محمد بيه: توبه معلش العلاج بتاع مها بس

توبه : فين

محمد بيه: لا لسه عايز اجيبه

توبه : هات الروشيته أجيب أنا العلاج

محمد بيه: أنا جاي معاك ياله

توبه : ياله ( وخد محمد بيه على اقرب صيدلية)

محمد بيه: انزل اجيب العلاج و راجع

توبه : خلاص ماشي ( وكان في العربيه شنطه فيها فلوس دولارات كتير جدا قفل توبه الشنطه )

محمد بيه: أتأخرت عليك

توبه : والله العظيم اللي بتعمله ده عيب انا مش صغير ولا حضرتك صغير على الكلام ده أنا عمال اعمل معاك الحلو ترد عليه انت بالكلام اللي يزعل ده

محمد بيه: هو أنا عملت اي يابني

توبه : يعني سايب شنطه الفلوس دي علشان أي انت بتختبرني هو انت شايف آن واحد حافظ على بنتك وهيا مفيش حد معاها ريقه هيجري على شويه فلوس ياعم على العموم الله وكيلك في اللي جوه دماغك ولحد هنا و موضوعنا انتها (وفتح باب العربية)

محمد بيه: (نزل من العربيه) يابني اقف ياعم اهدا حقك عليا

توبه : وربنا خلاص ما في كلام تاني بعد اللي قولته ولا عندك اختبار تاني عايز تعمله

محمد بيه: ياعم سيبك من اي حاجه أنا عايزك تكمل شغل معايا أنا رغم كل اللي حصل لسه بحبك و شايف فيك ابني خليك معانا سيبك من كل اللي فات اقفل عليه

توبه : مش هعرف والله خلاص معلش يا محمد بيه مش بعرف اتعامل مع حد وأنا مش صافي ليه

محمد بيه: ياعم كل حاجه ممكن تتعوض

توبه: لا يا محمد بيه مش كل حاجه تتعوض انت شايف الحياة فلوس أنا شايف الحياه رجوله ومعامله بيني وبينك خطوط كتير لا انت متربي عليها ولا أنا أقدر أعدي الخطوط دي

محمد بيه: يعني انت شايف كده

توبه : سلام يا محمد بيه ( ولف وشه وماشي )

محمد بيه: توبه أنا موافق اجوزك مها بس بشرط

توبه : وأنا مش عايز علشان تقول شروطك

محمد بيه: انت مش بتحب مها يا توبه صح

توبه : مين قالك كده أنا بحب مها بس لو حطيت اي حاجه في كافه و الكافه التانيه كرامتي هختار كرامتي وصلت

محمد بيه: تمام وأنا معنديش مانع تتجوز مها ومستعد اعتذر ليك قصاد ولدتك و اختك و بنتي اي رأيك

توبه : قصاد اي

محمد بيه: تتجوز مها زاي ما انتوا عايزين بس شرطي تاخد مها تعيش معاكم في بيتك

توبه : موافق طبعاً ومش عايز منك حاجه غير كده أصلا

محمد بيه: اركب العربية علشان أعرض على مها نفس العرض

توبه : تمام ياله بينا

بعد الوصول إلى المنزل

محمد بيه: مها انتي عايزه توبه ولا لأ

مها : اه طبعا

محمد بيه: و انت يا توبه

توبه : اه طبعا

محمد بيه: خلاص يبقا تروحي تعيشي مع توبه في بيته قولتي اي

مها : موافقة

توبه : قولت اي

محمد بيه: قولت مبروك وأنا اهو وانت ومها كمان شهر هتسيبوا بعض

توبه : بكره اجيب المأذون وأنا جاي يعني

محمد بيه: موفق

توبه : (غمز ل مها ) دا انتي امك دعيالك بعدد شعر رأسها

مها : بحبك

توبه : لحد الوقتي وأنا كمان الله اعلم ب اللي جاي ( وبيضحك)

محمد بيه: ياله يا عم الحبيب شوف وراك اي

توبه : سلام

مها : أول ما ترجع البيت كلمني

توبه : حاضر سلام

مها : سلام

بعد النزول من البيت راح توبه اشتري دهان ل حيطان غرفته وداخل البيت

شفيقه: اي ده يا حزين هو انت اشتغلت نقاش

توبه : لا هتجوز بكره عبال عيالك يا امو توبه

شفيقه: يسمع من بوقك ربنا ياما نفسي اشوف ليك حتت عيل قبل ما اموت

توبه : هتشوفي أن شاء الله يا شفيقه اهو خلاص كلها سنه بالكتير أن شاء الله

شفيقه: والله مها دي كانت طالعه من عيني كان نفسي ربنا يكتب ليك نصيب فيها بس محدش عارف نصيبه مش عوزاك تزعل يا توبه

توبه : ازعل ليه

شفيقه: هو انت مالك يا توبه بتعمل اي في الاوضه

توبه : علشان العروسه لما تيجي يبقا الكلام على وجع قلب

شفيقه: يابني مالك انت انهبلت

توبه : خليكي انتي في دماغك يا شفيقه أنا تعبت منك بقالي ساعه بقول اني بكره هتجوز مها وانتي عماله تتمني روحي اتعشي ياما الله يكرمك

شفيقه: بت يا اميره تعالي شوفي اخوكي الاهبل

اميره : في اي يا شفيقه اي ده توبه انت بتعمل اي

توبه : لا أنا مش هحكي طول الليل اقفي جمب امك كده علشان الكلام يوصل ليكم انتوا الاتنين

اميره : اهو

توبه : أنا طلبت ايد مها من ابوها و موفق وبكره أن شاء الله نروح نكتب الكتاب رسمي

اميره : طب ازاي دا الراجل كان كاره الموضوع

شفيقه: بس يابت بلا ازاي المهم أنه وافق ( وبدأت تزغرط )

توبه : اعملي سياح يا شفيقه عايزك تفضحي الدنيا

اميره : والله البت مها دي فيها حاجه لله وبكره تندم وتطلب الطلاق اول ما تيجي تشوف اللون العجيب اللي انت بتعمله ده

شفيقه: لا يابت هو الاحمر وحش

توبه : أنا مكنتش عايز احمر والله ياما بس هو جاه احمر يبقا رزقه

في جانب آخر

محمد بيه: مها انتي لسه صاحيه

مها : هو أنا هعرف انام من اللي حصل

محمد بيه: ياه فرحانه اوي كده

مها : اه والله يا بابا انت اصلك مش عارف توبه حنين وجدع أد اي والله انت بس ظالم توبه عارف لو أديته فرصه كنت حبيته

محمد بيه: المرادي الاختيار بتاعك ونتيجه الاختيار ده انتي المسؤوله عنها مش انا يا مها تمام

مها : أنت ليه مصمم تكسر فرحتي يابابا خليني فرحانه بلاش الكلام اللي يتعب القلب ده انت عارف انا خارجه من علاقه كفيله أنها كانت تنهي حياتي كلها ليه بتقولي كده هو أنا مش مكتوب ليا افرح زاي البنات

محمد بيه: لا يا حبيبتي مبروك عليكي لو احتجتي فلوس احتجتي اي حاجه أنا عايش مموتش أنا بس عامل اختبار ل توبه بعد الاختبار ده و أتأكد أنه بيحبك ل نفسك ووقتها وغلوتك عندي ل يكون اقرب لي منك انتي شخصياً

مها : و انا موفقه و وعد مني والله ما هتكلم مع توبه في الموضوع ده خالص

محمد بيه: ياله نامي بقا علشان بكره يومك طويل

مها : بابا

محمد بيه: نعم

مها : هو أنا ممكن اخد العربية بتاعتي علشان أنا كنت السبب في أن توبه يخسر عربيته اللي شغال عليها

محمد بيه: مش عيب الست تقف جمب جوزها وخصوصاً لما تكون هيا سبب التلف كمان خودي العربية واي حاجه تيجي على بالك

مها : ربنا يخليك ليا يا حبيبي يارب

محمد بيه: ويخليكي ليا و اشوف في عيونك الفرحه دي على طول

في اليوم التالي وبعد كتب الكتاب والرجوع إلى المنزل

توبه : ألف مبروك يا حبيبتي

مها: الله يبارك فيك يا حبيبي والله ما مصدقه اللي حصل من كام ساعه كان الموضوع مستحيل الوقتي بقيت مراتك قصاد ربنا و قصاد الناس كلها مش مستوعبه

توبه : اي رايك في ديكور الاوضه عملته امبارح

مها : هو الاحمر مرعب بس اي حاجه منك حلوه يا توبه

توبه : الحلو كله جاي بس اهدي بس عبال ما اعمل الخطه بتاعتي

مها : ( بتضحك) انت بتعمل كده ليه

توبه : غيري هدومك عبال ما ارجع يا قمر

مها : رايح فين

توبه: جاي يا قلبي بس خمسه وراجع

وخرج من الغرفه دخل المطبخ عمل عصير ل شفيقه و اميره

توبه : شفيقه يا شفيقه افتحي الباب

شفيقه: ( فتحت الباب وكانت بتعيط )

توبه : الله اي ده مالك يا شفيقه

شفيقه : مكنتش متوقعه انك تتجوز و تسبني

توبه : ( بص على غرفته ورجع بص ل أمه مستغرب من كلامها ) الدنيا بقا ياما معلش بس اي وقت تحتاجي توبه رني عليا اركب وابقا عندك

شفيقه: صحيح ربي يا خيبه للغايبه

توبه : طب خدي اشربي يا خيبه

شفيقه: هات يابن الخيبه

توبه : لا اشربي الكبايه كلها بروجي كده

شفيقه: يعني اي بروجي

مها : ( فتحت الباب) توبه يا توبه

شفيقه: بسم الله ماشاء الله اي القمر ده يا عروسه

مها : الله عصير هات اشرب

توبه : (ضرب مها علي أيديها ) مش وقت دناوه اوعي تشربي حاجه

شفيقه: اي ياواد الغبوه دي سيب البت تشرب من نفسها

توبه : لا ملكيش دعوه انتي يا شفيقه

اميره: اي ده انتوا بتشربوا عصير من غيري

توبه : لالالا تعالي العصير بتاعك اهو

مها : وأنا

توبه : يابت أتهدي الله يحرقك اشربي يا اميره

اميره : الله ما تسبها تشرب يا توبه في اي

توبه : انتي مال امك لاموغظه يا شفشق

شفيقه : شفشق يابن الجزمه

اميره : إنما هو الجواز بيغير كده عامل العصير بنفسك دا انت مش بتعرف تعمل شاي ل نفسك

توبه : أصل دي عاده في الهند يقولك العريس لو عمل عصير ل أمه و أخته الجواز يبقا مبارك طول العمر

اميره : مبارك شوفتها في أنهي مسلسل دي

توبه : ركزي انتي بس في العصير

اميره : ( لسه هتتكلم وقعت على الأرض)

شفيقه : يالهوي بنتي

توبه : هو انتي بتشربي حاجه من ورانا يا شفيقه

شفيقه: ياواد شوف اختك ( ووقعت في الأرض)

توبه : الله اكبر

مها : (برعب ) هما مالهم

توبه : يابت متقلقيش أنا حاتط منوم في العصير ارفعي معايا كل واحده فيهم على السرير بتاعها

مها : يخربيت عقلك ليه كده حرام عليك

توبه : حرام عليا هيا دي ليله ينفع فيها جماهير بينا على الاوضه لحسن شفيقه تصحى دا منوم ضعيف آخره ساعه

بعد الدخول الى غرفه النوم

توبه : لالا سيبك من المرايا لحسن شفيقه نومها خفيف قومي

مها : اي ده طب تعالي نرقص الأول

توبه : ياست الكل نشوف ورانا اي وبعد كده أنا هتحزم وارقصلك بس وحيات امك زقي اليوم معايا

مها : ( بتضحك) مالك يا توبه اهدا

توبه : هو أنا ينفع اهدا النهارده دي تبقا مصيبه حتا

مها : طب مش عايز تتعشى الأول

توبه : هو اي الصينيه دي هيا شفيقه بعتالنا رنجه ولا اي

مها : ( بتضحك) رنجه اي بس دا أكل بابا بعتهولي

توبه : بعتهولك يعني مش هاكل معاكي

مها : لا طبعاً انت و ماما شفيقه و اميره بس خلي كل حاجه مكانها لحد ما يصحو

توبه : يصحو صحيح قومي نشوف ابو الهول ساب اي

مها : مين ابو الهول

توبه : ساب دول ( وقفل النور )

في اليوم التالي

شفيقه: ( بعد تجهيز الفطار )

توبه : اي ده ماشاء الله عليكي يا شفيقه ولا كأنك خدتي حاجه

شفيقه: بتنيم امك يا ابن الهبله

توبه : (بيضحك ) هيا بنتك فين

شفيقه : نايمه

توبه : مع انها وخده نفس الكمية مش عارف انتي كنتي بترضعي مفتقه ولا اي يا شفشق

اميره : ( بتفتح الباب وخارجه ) دماغي مش قادره

شفيقه: اهي خرجت يا اخويا

توبه : اي ده يا شفيقه

شفيقه: اي فطار

مها : صباح الخير

شفيقه: شايفين الناس بتصحا شكلها اي على الصبح مش انت و اختك شكلكم يقطع الخميره من البيت

توبه : ماشاء الله عليكي يا شفيقه سعاد حسني قاعده

شفيقه : مش هخلص منك انا عارفه

مها : وحشتني الطعميه بتاعتك يا ماما شفيقه

توبه : وعد مني قصاد ربنا مش هتوحشك تاني خلاص كل يوم الصبح من هنا و رايح ( وبيضحك)

شفيقه: لا يا حبيبتي انتي ليكي فطار تاني

توبه : اي ده معقول شفيقه عامله فطار اوبن بوفيه

اميره : اوبن اي ياعم دي حاطه من كل حاجه تلت حتت

مها : ريح دماغك انت و اميره أنا هاكل مع ماما شفيقه

اميره : طب هاتي الجبنه الرومي دي عندي أنا بقا

توبه : بت عيب كده الناس تقول علينا اي

اميره : خلاص ياعم بس اعمل حسابك تجبلي وانت جاي

توبه : ايوه كده هاتي الجبنه الرومي دي ياما نشوف بتقول اي

اميره : الله اشمعنا

توبه : يابت أنا حاتطت منوم فيها علشان كده خايف عليكي

شفيقه: انت عارف لو عملت الموضوع ده تاني وربنا ازعل منك يا توبه

توبه : ( بص ل اميره ) متخافيش يا شفيقه الطالعه الجايه سم فران

بعد مرور أربع أيام من الزواج

مها : اي ده انت بتلبس ورايح فين كده

توبه : نازل اشوف شغل حلو كده علشان انتي عارفه مصاريف البيت

مها : طب أنا عايزه اعرف انت ناوي تشتغل اي

توبه : اهو هاخد لفه كده اي حاجه تيجي على سكتي أنا ونصيبي

مها : طب ينفع تسمع كلامي للآخر

توبه : لو كلامك ليه علاقه ب أبوكي والفلوس يبقا بلاش تكملي كلام علشان والله العظيم هزعل منك

مها : أنا برضوه هقولك كلمه زاي دي تصدق والله زعلت منك

توبه : يابت بس بقا وانتي قمر كده على الصبح وربنا اقعد ما اروح في حته وكده كده معايا ٨٠٠ جنيه ( وبيضحك)

مها : يا حبيبي انا عايزاك تعرف أن كرامتك من كرامتي وانا عمري ما هقولك حاجه تقل من كرامتك

توبه : ربنا يخليكي ليا يا حبيبتي يارب

مها : المهم بقا اسمع و متقطعش كلامي لحد ما انتهي اتفقنا

توبه : قولي

مها : بدال ما تدور على شغل وانت بتحب شغلك العربية بتاعتي خدها اشتغل عليها و ياعم عايز تعتبر نفسك شغال عليها موفقه عايز تعتبر صاحب العربية ياريت وحتى اكون عملت حاجه بدال عربيتك اللي بسببي باظت

توبه : يا حبيبي افهمي أنا مش ممانع و هعمل معاكي زاي ما بعمل مع عم سراج و تخدي ايجار العربية كل أسبوع بس أنا راضي زمتك حد يشتغل اوبر ب عربيه مرسيدس هل ده يعقل لا واي كمان عربيه مودل السنه ( وبيضحك)

مها : ياعم هو مش كده كده ليه تمن الرحله اللي هيدفعه هو ماله هو العربية نوعها اي امسك المفتاح اهو ياله بقا يا توبه علشان بجد هزعل منك

توبه : بس بشرط

مها : نعم

توبه : كل أسبوع ليكي حق إيجار العربية

مها : طب هو أنا عم سراج

توبه : لا طبعا هو عم سراج قشطه كده وقمر كده يخربيتك على الصبح

مها : بس بس يا توبه انت رايح شغلك

توبه : اعملك اي بس ما بصراحه شفيقه عندها حق مفيش حد يصحى من النوم حلو كده

مها : بكاش بشكل

توبه : ياله سلام

مها : طب استنا اقوم اعملك فطار

توبه: لا خليكي أنا هاخد القهوه من تحت وأنا ماشي

مها : قهوه اي لا افطر الأول

باب الغرفة بيخبط

شفيقه: واد يا توبه هات مها وتعالى أفطر

توبه : (فتح باب غرفته وخد شفيقه بالحضن) عرفتي منين اني نازل أنا مرضيتش أصحي حد منكم

شفيقه: وغلوتك عندي حسيت انك نازل النهارده الشغل

توبه : ربنا يخليكي ليا يا شفيقه

الأم: ويخليك ليا يا حبيبي و يفتحها في وشك يارب وانتي يامها ربنا يرزقك ب الذرية الصالحة اللهم امين

مها : اللهم امين يا حبيبتي

توبه : طب أنا خدت سندوتش انزل أنا بقا

مها : طب كمل فطارك

شفيقه: ده كده فطر هو توبه كده

توبه: سلام

مها : سلام يا حبيبي

شفيقه: كملي أكل يا مها انتي رايحه فين

مها : أكلت والله يا ماما

شفيقه: لا خليكي قاعده نقنقي كده جمبي وانا قاعده

مها : حاضر يا حبيبتي

شفيقه: الوقتي اختك اميره تصحى وتقعد تفطر بدال ما أشيل الأكل و ارجع أحطه تاني خلينا خلينا

مها : (بتضحك) كده الاكل يخلص من كتر النقنقه يا شفيقه

شفيقه: اي يعني اعمل غيره الف هنا وشفا يا حبيبتي

مها : تسلم ايدك يا ماما شفيقه

شفيقه: عارفه يا مها أنا فرحانه بيكي اوي اوي

مها : وأنا والله يا ماما شفيقه حاسه انك امي بجد

شفيقه: أصل أنا طول عمري كان نفسي في بت تانيه تكون صاحبه اميره وكنت مرعوبه من فكره ان توبه ياخد وحده تقوي قلبه على أخته بس بيني وبينك لما دخلتي وسطينا و شوفت فيكي طيبه قلبك و حبك ل اميره تمنيت من ربنا انتي وتوبه تكونوا ل بعض أصل الواد توبه ده غلبان اوي والله بس هيا قفله معاه إنما هو يبان ليكي جامد كده و ناشف بس قلبه حنين واللي في أيده مش ليه يحب يعمل الواجب مع اي حد مهما كان مين اوعي تفتكري يا مها أن احنا ممكن نطمع فيكي يا حبيبتي أو في فلوس والدك

مها : ينهار ابيض لا والله ابدا

شفيقه: من غير ما تحلفي يا حبيبتي بس أنا عايزاكي تكوني متأكدة أننا بنحبك ل شخصك مش علشان اي حاجه تانيه ونفسي تفضلي كده معايا طول عمرك

مها : ( قامت حضنت شفيقه من ضهرها ) ربنا يخليكي لينا يارب يا شفيقه

اميره: اي ده من غيري

شفيقه: مش بقولك أشيل الأكل و ارجع أحطه تاني أديها جت

في جانب آخر

توبه : يا صاحبي بقالك ساعه وقف عمال تبص في العربيه و ترجع تبص في التليفون تبص على العربية وترجع تبص على التليفون هتركب ولا لأ

العميل : هو حضرتك اوبر

توبه : اه والله اركب

العميل : ياعم تاعب نفسك ليه كده ما تبيع العربية وعيش ملك

توبه : والله قولتلها بلاش الموضوع ده محدش هيصدق اني كحيان ومش لاقي أكل

العميل: هيا مين

توبه : ياعم بكلم نفسي اسكت انت

العميل : ياعم خلاص

توبه : عم يعني مركبك عربيه مرسيدس مكنتش تحلم بيها رايح اوديك مشوار ب ٩٠ جنيه وانت مفيش في جيبك ١٠٠ جنيه والآخر تقولي عم

العميل: (بيضحك) ياعم اقولك اي طيب

توبه : ولا تقول ولا تعيد انت توصل مشوارك تحط النجوم بتاعتك وكده حلوه اوي

العميل : ياعم النجوم اهي كلها من قبل ما اوصل

توبه.: هات بقا كمان ٩٠ جنيه و انزل هنا خليك جدع

العميل : طب خش آخر الشارع حتا

توبه : يرضيك ياسطا ادخل الشارع العار ده بالعربيه دي

العميل : طب بص خطيبتي وقفه في البلكونه روح لحد عندها كده و أعملي شكل

توبه : انزل اقعدي جمبي طيب هعملك دخله موت

العميل : بجد والله

توبه : عيب عليك انزل تعالى

العميل: ماشي اهو

توبه : ( دخل بالعربيه و كلاكسات كتير لحد ما دخل تحت البيت ) اسمك اي قبل ما تنزل

العميل : اسمي نور

توبه : سيب الفلوس و انزل ياعم نور

نور : حبيبي والله خد ١٠٠ جنيه اهي مش ٩٠

توبه : ( بصوت عالي) يا نور بيه يا نور بيه

نور : اي يا اسطا ما الفلوس معاك

توبه : ( اسطا اي الله يحرقك أنا برسمك ) اروح أنا على الشركه يا نور بيه

نور: اه روح انت الوقتي

توبه : ياله في داهيه ( وخرج من الشارع وفتح البرنامج من تاني )

توبه : ( يارب زبون حلو وشيك كده في نفسه بدال اخويا نور تعالى انت ياعم )

العميل : انت اوبر

توبه : اه اركب

العميل : بسم الله ماشاء الله عربيتك دي ياسطا

توبه : لا سرقها

العميل: أنا قولت كده برضه

توبه : ( ركن العربيه) انزل ياعم انزل الله يكرمك

العميل : ياعم بهزر معاك خليك رويح

توبه : خلاص خليك بس الشارع اللي انت رايح في ده كله مطبات صح

العميل : لالا أسفلت الوقتي وبتاع

توبه : خلينا نشوف

في جانب آخر

محمد بيه: ألو

مها : بابا عامل اي وحشتني اوي

محمد بيه: انتي عامله اي يا حبيبتي

مها : الحمد لله كده متجيش تقولي مبروك

محمد بيه: حقك عليا أنا فعلاً المفروض كنت جيت

مها : ولا يهمك يا حبيبي

محمد بيه: اي الدوشه دي انتي فين

مها : بتفرج على فيلم أنا و اميره

محمد بيه: فين في السينما ولا اي

مها : لا في البيت هنا

محمد بيه: وتوبه فين

مها : في الشغل اول يوم لي النهارده

محمد بيه: نزل بسرعه ليه كده انتي مضيقا العريس ولا اي

مها : لا والله دا توبه ده حبيبي هو بس قالي هينزل باقي الأسبوع ده كل يوم تلات اربع ساعات ومش هيتاخر علشان مصاريف البيت وكده

مها : ( تسلم ايدك يا ماما شفيقه)

محمد بيه: بتعملك أكل ولا اي

مها : اه كانت بتعملي فشار أنا واميره

محمد بيه: مرتاحة معاهم يا مها

مها : اوي اوي بيحبوني

محمد بيه: هو انتي في حد يعرفك ميحبكيش يا حبيبتي

مها : ربنا يخليك ليا يا حبيبي

محمد بيه: ياله سلام

مها : سلام يا حبيبي صحيح جاي امتا

محمد بيه: خليها ب ظروفها

مها : اوعي تسافر من غير ما اشوفك

محمد بيه: لا طبعا هو أنا أقدر

مها : سلام يا حبيبي

محمد: سلام

في جانب آخر

توبه : هو ده اللي مفيش مطبات

العميل : ياعم احنا وصلنا اهو

توبه : انزل ياعم انزل

تليفون توبه بيرن

توبه : ألو

محمد بيه: انت فين يا توبه

توبه : في طريق مصر اسكندريه

محمد بيه: طب تعالي عايزك

توبه : من عيوني بس هو أنا مش هشوف شغلي بقا هنقعد كل شويه تعالى عايزك ( وبيضحك)

محمد بيه: ياض أخلص وتعالى وجعت قلبي

توبه : سلامه قلبك جاي اهو ضاعت الورديه

بعد وصول توبه إلي منزل محمد بيه

توبه : أتأخرت عليك

محمد بيه: لا اقعد

توبه : كده يبقا في مصيبه حصلت

محمد بيه: والله ما عارف اقولك اي يا توبه

توبه : قول بأي طريقة وربك يستر

محمد بيه: عربيه مها

توبه : مالها

محمد بيه: الزفت طليق مها طالب الهدايا بتاعته والعربية دي جزء من هدايا طليق مها ليها

توبه : ( طلع مفتاح العربية) وأنا مراتي متقبلش تاكل حق حد

محمد بيه: اي ده بسهوله كده

توبه : اه طبعاً هو انت فاكر اني كنت هقولك لأ

محمد بيه: لا مش كده بس كنت فاكر انك هتقولي لا مش هياخد حاجه كفايه اللي عمله

توبه: تشرب قهوه معايا

محمد بيه: اشرب

توبه : هعملك احلي فنجان قهوه ممكن تشربه في حياتك

محمد بيه: ماشي وأنا جاي معاك

توبه : ماشي

محمد بيه: شايفك رايق اوي مع أني قولت الخبر ده هيكون اسود عليك لاني عارف انك شغال عليها

توبه : شغال على اي بس بقا بالذمه في واحد يشتغل اوبر ويركب مرسيدس ( وبيضحك)

محمد بيه: ( بيضحك) أما وفقت ليه

توبه : مش عايز مها تزعل أصل أنا كل حاجه تطلب تساعد فيها اقولها لأ لأ ف حست اني مش عامل ليها خاطر علشان كده قبلت إنما أنا النهارده ربنا كرمني و كلمت واحد كده معرفه وبكره رايح استلم منه العربية

محمد بيه: كلمته وانت معاك عربيه مها

توبه : اه

محمد بيه: طب ليه

توبه : أنا أصلا كنت النهارده هرجع على عندك هنا أسيب العربية بدال ما تتخبط ولا تتسرق وكنت هفهم مها أن عربيتها معايا شغال عليها والله يبارك فيكي يا حبيبتي من غيرك كنت هموت جعان ابن كلب ( وبيضحك)

محمد بيه: ( بيضحك) تعرف أن مها بتحب الطريقة دي أصلا

توبه : منا عارف أصل الستات كلها كده تحب على طول تحس انها شريكه نجاح معاك وهيا فعلاً بتكون كده منا لما انزل الصبح من البيت و انتي تحافظي على شرفي لحد ما ارجع و تغسلي وتمسحي وتكنسي وتربي ما ده مجهود أد مجهودي برضوه ويمكن اكبر كمان قهوتك

محمد بيه: تسلم ايدك

توبه : تسلم يا محمد بيه

محمد بيه: يابني ما تشتغل معايا

توبه : مينفعش يا محمد بيه

محمد بيه: ليه

توبه : علشان أنا سواق يا محمد بيه انت هتقبل جوز بنتك يكون السواق بتاعك

محمد بيه: انت اي رايك

توبه : رأي مش هيكون لطيف اشرب القهوه اشرب

محمد بيه: لا استاذ بصراحه القهوه تجنن

توبه : لا بيني وبينك البن بتاعكم اللي نضيف ر زياده ( وبيضحك)

محمد بيه: رايح فين

توبه : الحق يومي أنا بقا أنا لسه عريس جديد ما انت عارف

محمد بيه: ربنا يسعدكم يارب يا توبه

توبه : ربنا يبارك لنا فيك يارب العربية ركنه مكانها سلام

محمد بيه: سلام

في جانب آخر

مها : ألو يا توبه انت فين

توبه : أنا جاي اهو

مها : طب ياله احنا جوعنا ياعم

توبه: جاي سلام

مها : سلام

توبه : ( بقيت ماشي أكلم نفسي هو ليه الراجل ده بيعمل معانا كده أنا عارف أن دي عربيه مها هو للدرجادي بيكرهني أنا لو قولت ل مها اللي حصل ده ممكن اكون سبب أنها تكره ابوها علشان كده مش هتكلم بكره ربنا يكرم بأي شغل ربنا كبير وكويس اني قدرت اضحك عليه و أقوله اني لقيت عربيه اشتغل عليها علشان مش ناقصه أستئلال اكتر من كده) على جمب هنا ياسطا

بعد طلوع توبه إلي المنزل

شفيقه : اي يا توبه مش قولت نص يوم

توبه : اعمل اي بس كان عندي شغل كتير

اميره : الله العربية بتاعتك مش تحت البيت يعني

توبه : هيا دي عربيه تتركن تحت البيت انتي عايزاها تتسرق ( وبيضحك)

مها : لا لي يعني متقلقش ولو انسرقت ما في داهيه

توبه : الحقي يا شفيقه ( وبيضحك)

شفيقه: يا حبيبتي خلاص زمن في داهيه دا أنسيه الوقتي لازم تشغلي وضع الزوده في الموجودة

توبه : زوده اي ياما العربية دي عامله عشره مليون جنيه

شفيقه : اي عشره من يوم جنيه دول يا توبه

توبه : انتي خانفه ياما ولا سمعتي غلط ( وبيضحك الجميع)

مها : اقولكم حاجه

الجميع نظر إلي مها : قولي

مها : أنا سبت فلوس كتير ورا ضهري وجيت وسطكم بس هنا أنا خدت حجات مفيش فلوس تشتريها

توبه : لا قولي قولي أنا بحب الناس تشكر فيا

مها: هنا لقيت أم ولقيت أخت ولقيت زوج و أخ و كل حاجه في الدنيا والله ما بكدب عليكم انت عارف يا توبه من ساعه ما نزلت أنا بعمل اي

توبه : طبعاً شفيقه كرهتك في الحياه

شفيقه : شوفي الواد

مها : لا والله ابدا أنا كل اللي عملته الاوضه بتاعتنا واميره عملت الاوضه بتاعتها وماما شفيقه عملت الشقه كلها وبعد كده قعدت قصاد التلفزيون أنا و اميره و ماما شفيقه عماله تعمل في فشار و حجات حلوه عمرك شوفت حما تعمل كده في مرات ابنها

توبه : ربنا يخليكم لبعض يارب

شفيقه: بت يا مها أنا دمعتي قريبه ها خلي بالك

توبه : اه والنبي بلاها عكننه كملوا أكل احسن

في اليوم التالي

توبه : صباح الفل عليكي يا ست البنات انتي و اميره اختي طبعاً

مها : صباح الفل عليك يا قلبي

توبه : أنا نازل عايزه حاجه وانا راجع

مها : هات لب

توبه : من عيوني

مها : تسلملي عيونك يا حبيبي

توبه : سلام

شفيقه : الفطار يا توبه

توبه : ( خد سندوتش من على التربيزه) طلعي المحفظة من جيبي يا شفيقه

شفيقه : اهي في اي

توبه : النهارده أول الشهر خدي ٤٠٠ جنيه هاتي العلاج بتاعك

شفيقه: يا لهوي عليك يا توبه هو انت مش بتنسا حاجه ابدا خلي الفلوس معاك يا حبيبي انت عريس ومحتاج كل قرش

توبه : يا شفيقه أنا معنديش حد في الكوكب اهم منك ( و غمز ل مها ولف وشه غمز ل اميره )

شفيقه: مشفتكش أنا كده صح

توبه : هو أنا عملت حاجه يا شفيقه

شفيقه : ربنا يكرمك زاي ما كرمني وسانده عليك من يوم ما ابوك مات

توبه : ويخليكي ليا يا حبيبتي يارب شايفك عماله تبصي من تحت ل تحت خدي

اميره : نعم يا كبيرنا يا اجدع و اطيب و احن راجل على الكوكب

توبه.: اي ده بس كده مفيش مدح تاني

اميره :لما اشوف طالع منك كام

توبه : هيا ١٠٠ جنيه

اميره : اعمل بيها اي دي

توبه : تاخدي ولا بلاها

اميره : اخد ياعم اخد

توبه : خدي يا مها خلي دي معاكي انتي كمان

مها : اعمل بيها اي مش محتاجه والله يا حبيبي

اميره : ياستي خديها منه و هتيها

توبه : بس يا جزمه خدي يا بت انتي كمان قلبي وجعني على الصبح

مها : ربنا يخليك ليا يا حبيبي

توبه : و يخليكم ليا يارب ياله سلام

بعد نزول توبه من المنزل

توبه : ( راح على القهوه )

سمير القهوجي: قهوه يا توبه

توبه : اه بس خد اقولك

سمير : خير يا توبه

توبه : هو لسه عمك ابراهيم بيحتاج عمال معاه في الشغل

سمير : اه دا لسه مكلمني على اتنين عمال

توبه : هو فين

سمير : هناك اهو رايح يركب العربية

توبه : طب روح اعمل القهوه انت

وقام توبه راح الي إبراهيم

توبه : عم إبراهيم

ابراهيم: توبه عامل اي يا حبيبي الف مبروك

توبه : الله يبارك فيك يا معلم سمعت انك عايز اتنين عمال

ابراهيم: اه والله يا توبه

توبه : طب عايزهم في اي يعني

ابراهيم: عندي نقله رمله عايز نطلعها الدور التالت

توبه : يعني عايز الاتنين علشان كده

ابراهيم: اه

توبه : هما الاتنين العمال يخدوا كام منك

ابراهيم: ٦٠٠ جنيه

توبه : طب لو ابنك توبه جه معاك يطلعهم تعمل معاه اي

ابراهيم: اي ده معقول

توبه : اه والله معقول قولت اي

ابراهيم: طب شوف انت عايز اي يا توبه وخليك انت زاي محمد ابني و انت عارف

توبه : لا تسلم يا عم ابراهيم سلام

ابراهيم: ياض خد في اي

توبه : أنا جاي اقولك شغل تقولي كده ينفع يعني

ابراهيم: اركب

توبه : اجيب القهوه من الواد سمير وجاي

بعد انتهاء العمل

ابراهيم: الله ينور عليك يا توبه والله كنت فاكرك مش هتقدر

توبه : عيب عليك يا عم ابراهيم دا انا تربيه شوارع

ابراهيم: خد يا توبه

توبه : اي ده لا ألف جنيه كتير ياعم إبراهيم

ابراهيم: لا مش كتير و بكره هات معاك هدوم شغل بدال ما هدومك اتبهدلت كده علشان في طن اسمنت عايز يطلع برضوه وليك مني عليه الف جنيه

توبه : ربنا يكرم وكل يوم كده يكون عندك شغل من ده ( وبيضحك)

ابراهيم: أنا راجع البيت تيجي معايا ولا رايح حته

توبه : لا راجع البيت ياله مع بعض

في جانب آخر

محمد بيه: هاشم بيه والله وحشني

هاشم بيه: حبيبي يا محمد بيه عامل اي

محمد بيه: تمام والله انت اخبار الدايره اي على حسك

هاشم بيه: اهو تمام الحمد لله

محمد بيه: كان في واحد عندك في الدايره كنت عايز اسأل عنه

هاشم بيه: مين

محمد بيه: شاب اسمه توبه

هاشم بيه: منين بالظبط

محمد بيه: من ------------

هاشم بيه: معقول يعني جاري ومش عارفه استنا كده يا محمد بيه

محمد بيه: ماشي معاك

هاشم بيه: فاروق يا فاروق

فاروق: تحت امرك يا عمهم

هاشم بيه: في واحد عندنا هنا في المنطقة اسمه توبه

فاروق: اه توبه عارفه عمل اي

هاشم بيه: ماله يا محمد بيه لو مضايقك أنا ممكن اتصل بالقسم ينزل ياخد أهله

محمد بيه: لالالا أنا بس عايز اعرف الواد ده اي تمام ولا اي الدنيا

هاشم بيه: طب بص علشان أنا رايح المجلس معاك الواد فاروق ده عامل زاي ابني وهو يعرف توبه ده ولو في اي حاجه أما ارجع أكلمك

محمد بيه: تمام هاته

فاروق: الو

محمد بيه: ازيك يا فاروق

فاروق: الحمد لله يا باشا ماله توبه

محمد بيه: مفيش انت اي رايك في

فاروق: رجوله وعيل ابن حلال والمنطقة عندنا هنا كلها تعشقه

محمد بيه: لا والله بس أنا كنت اعرف انه مسجل

فاروق: اه بس قضيه كدب بسبب بت كده عملت عليه حوار وبعد ما وقف جنبها وبتاع قالوا عليه هو اللي اغتصب البت بس الواد على الأبيض والله وجدع

محمد بيه: خلاص ماشي يا فاروق سلام يا حبيبي

فاروق: سلام يا محمد بيه

في جانب آخر

توبه : أتفضلي يا ستي اللب بتاعك

مها : تسلم ايدك يا حبيبي حمدالله على السلامه مالك معفر ليه كده

توبه : مفيش وقعت على السلم وأنا طالع

شفيقه : يالهوي مالك يا توبه

توبه : وقعت على السلم

مها : طب انت كويس

توبه : الحمد لله تمام التمام

اميره : توبه أنا عندي ليك مفاجأة جامده جدا جدا

توبه : ربنا يستر في اي

اميره : شايف الجهاز اللي أد بطاريه العربية ده

توبه : ماله هيفرقع

مها : لا لا بس اسمع كملي يا اميره

اميره : دا جهاز كانت مها جابته ليا عملت في تعديل كتير جدا خليته يستخدم الطاقه الشمسيه يحولها الي طاقه كهربائيه وشغلت البيت عليه كمان يعني بليل نقدر نطفي كل انوار البيت والجهاز ده يشتغل لوحده يخلي البيت كله ينور

توبه : اه ينور احمر والنار تمسك فينا قومي ناكل ياما بنتك دي هبله وهتموتنا

مها : والله ابدا دا اختراع مهم جدا للبشريه

توبه. : واي علاقه اختي اميره ب البشريه

مها : اسمع بس وبكره خد اميره وروح اعمل ليها براءه اختراع اسمع كلامي

توبه : اسمعي انتي مني علشان أنا بكره عندي شغل وتعبان

شفيقه: الله ما تروح يا توبه مش يمكن البت تطلع بتفهم ومني الشاذلي تقولك هات اختك وتعالى

توبه : انتي شايفه كده يا شفيقه

شفيقه: اه طبعاً

توبه : خلاص لو الجهاز ده اشتغل بليل هاخدك بكره ونروح لو مشتغلش يبقا هخده ارميه من الشباك

مع دخول الليل

اميره : أنا هقفل النور و هبدأ جاهزين

توبه : متنيل جاهز بس خلي بالك البيت لو ولع المرادي كمان اقسم بالله ما هيحصل كويس

مها : بس بقا يا توبه حرام عليك تكسر فيها كده

توبه : ادي النور شغلي البتاع بتاعك ده

اميره : اهو

توبه : وبعدين يعني بقالنا خمس دقائق في الكحل ده هو الجهاز عايز يشحن مثلاً

اميره : مش عارفه والله كان شغال

توبه : طب بتعيطي ليه الوقتي

مها : (فتحت النور ) بتعيطي ليه حصل اي يعني هنشتغل تاني على الموضوع والمرادي فشل المره الجايه يشتغل إنما من أول مرة استسلام كده يبقا العيب عندك انتي

شفيقه: صح يا مها والله وانا كمان كلامي من كلام مها ولازم تشتغلي اكتر و اكتر يا اميره البكاء مش هيعمل حاجه

توبه : خلاص بقا يا ميرا محصلش حاجه لكل ده قصادك العمر طويل يا حبيبتي تقدري تشتغلي عليه كمان لحد ما ربنا يكرمك و الاختراع بتاعك يبقا شغال كويس

اميره : والله كان شغال يا توبه أسأل مها

توبه : يا عبيطه منا مصدقك بتحصل والله عادي علشان كده بقولك متشغليش بالك

اميره : أنا داخله انام

توبه : وأنا كمان

مها : توبه هقعد مع اميره شويه و جايه ممكن

توبه : ممكن تصبحوا على خير علشان بكره عندي شغل كتير

شفيقه : و انت من اهل الخير يا حبيبي

في اليوم التالي

عم ابراهيم: واد يا سمير متعرفش توبه فين

سمير: لا مش عارف والله يا عم ابراهيم بس هو سألني عنك امبارح

ابراهيم: معاك رقمه اصلي مش عايز أطلع اقف على بابه ساعه صباحيه كده

سمير: اهو توبه جاي هناك اهو

ابراهيم: اي يابني أتأخرت ليه النهارده كده

توبه : حقك عليا يا عم ابراهيم

ابراهيم: ولا يهمك يا توبه ياله بينا

سمير: أعملك الاسطباحه ولا اي يا توبه

توبه : اه اعمل اعمل عبال ما عمك ابراهيم يسخن العربية

سمير: خلاص ماشي

في جانب آخر

محمد بيه: بقولك يا هاشم ما تديني رقم الولد اللي عندك ده معلش

هاشم : مين فاروق

محمد بيه: اه

هاشم : خد اهو اكتب عندك

محمد بيه: ( بعد ما اخد الرقم ) شكراً يا هاشم معلش واجع دماغك يا سيادة النائب

هاشم: على اي بس يا محمد بيه

محمد بيه: سلام

هاشم : سلام

في جانب آخر

عم ابراهيم: إلا قولي ياض يا توبه المنطقه كلها بتقول أن مراتك بنت ناس اوي يعني و الحاله المادية عندهم فوق اوي

توبه : اه فعلاً بس هما عرفوا منين يعني

ابراهيم: ما الناس لما شافت معاك العربية المرسيدس وبتاع ومتزعلش مني يعني أنا أد ابوك الله يرحمه

توبه : قول يا عم ابراهيم

عم ابراهيم: أصل عمك إبراهيم ليه نظرا في الناس وأنا بصراحه يوم ما شوفت مراتك في المنطقة وعرفت انها بنت ناس اوي

توبه : كلنا ولا ناس ياعم إبراهيم

عم ابراهيم: مش عارف اقولك اي بس حملت نفسك ليه فوق طاقتها

توبه : هو أنا طلبت من حد جنيه لله ياعم إبراهيم

عم ابراهيم: عيب عليك يا توبه انت عارف انك ذاي محمد ابني أنا بتكلم معاك من باب النصح

توبه : مفيش حاجه يا عم ابراهيم بس الكلام ده في البيت عندي عندك مش في الشغل النصيحة على الملأ فضيحه يا معلم نشوف شغلنا ولا نتكل على الله

عم ابراهيم: نهارك زاي الفل يا توبه

توبه : نهارك أبيض

في جانب آخر

مها : ألو عامل اي يا بابا

محمد بيه: الحمد لله تمام والله يا مها وحشتيني اوي عامله اي

مها : والله وحضرتك اكتر ينفع كده شهر ولا اعرف عنك حاجة ولا اشوفك

محمد بيه: هبعتلك السواق بتاعي الجديد يجي يخدك يجيلك عندي علشان تعبان شويه مش قادر اجي والله

مها : ياخبر يا بابا مالك يا حبيبي

محمد بيه: مفيش حاجه لما تيجي اقولك

مها : طب ممكن اكلم توبه اقوله الأول ان حضرتك عايزني وبعدين أكد مع حضرتك تبعت السواق

محمد بيه: ماشي يا مها

مها : سلام يا حبيبي

محمد بيه: سلام

فى جانب آخر كانت مها رنت على توبه

توبه : ألو

مها : توبه معلش بابا تعبان شويه ممكن اروح أشوفه

توبه : خلاص ماشي بس أنا بعيد مش هعرف اجي الوقتي

مها : خليك يا حبيبي كده كده بابا قال هيبعت السواق ياخدني

توبه : خلاص وخليكي هناك اجي أشوفه بالمره اخدك ونرجع

مها : حاضر يا حبيبي سلام

توبه: سلام

توبه :وبعدين بقا اروح اجيبها من غير العربيه اذاي دي اكيد هتسأل على العربية اقولها اي )

في جانب آخر كان السواق فعلاً وصل خد مها على منزلها القديم

مها : ( أول ما دخلت المنزل شافت عربيتها وقفه في استغربت جدا اي اللي جاب العربية دي هنا مع ان توبه شغال عليها دخلت المنزل كان محمد بيه في صحه جيده)

مها : بابا عامل اي يا حبيبي

محمد بيه: الحمد لله يا حبيبتي تعالي اقعدي وحشتيني اوي

مها : وانت اكتر والله يا حبيبي

محمد بيه: عامله اي مع توبه

مها : الحمد لله تمام جدا كل حاجه كويسه

محمد بيه: ربنا يسعدك دايما يا حبيبتي

مها : بابا هيا عربيتي جت هنا اذاي هو حضرتك أخدتها من توبه

محمد بيه: ليه عايزه تقنعيني أنك مكنتيش تعرفي

مها : وغلوتك عندي ما كنت اعرف حاجه أنا لحد ما شوفت العربيه تحت كنت فاكره توبه شغال عليها

محمد بيه: لا أنا خدتها منه بعد اول يوم شغل نزل في وهو حالياً شغال على عربيه تانيه

مها : يعني أنا اخر من يعلم ازاي تعمل كده يا بابا

محمد بيه: اعمل اي هو أنا عملت حاجه

مها : عملت حاجه انت اخدت منه مصدر رزقه علشان تأكدلي أن اختياري كان غلط وأن توبه مش قد مصاريف البيت هو عمل اي لكل ده

محمد بيه: عمل اي هو أنا اللي عملت اي أنا خدت العربية بتاعتي منه فيها حاجه دي

مها : اه طبعا فيها لاني قولت لحضرتك اني عايزه العربية وقولت السبب كمان بس حضرتك مصمم تطلع جوزي صغير في عيني وعلى فكره اللي حصل ده خلاني احب توبه اكتر لاني متاكده أن توبه رفض يقولي علشان مزعلش من حضرتك وفي نفس الوقت انا متاكده أن توبه مش شغال على عربيات علشان كده كل يوم يرجع تعبان ولبسه متبهدل على العموم شكرا اوي يا بابا سلام

محمد بيه: مها انتي يابنت خدي هنا أنا بكلمك

مها : لا يا بابا من فضلك سبني ارجع بيتي أنا هتصل على توبه يجي ياخدني ومن فضلك كفايه بقا كفايه بجد أنا نفسي تعبت اختبارات يعني اكيد توبه نفسه زهق يعلم ربنا أن توبه أول ما عرف انك تعبان قالي خليكي عند بابا لحد ما اجي اخدك من هناك علشان يسلم عليك رغم اللي انت بتعمله ( وخرجت من البيت )

محمد بيه: ياعم رضا

رضا السائق: نعم يا محمد بيه

محمد بيه: خد مدام مها لحد بيتها اركبي معاه

رضا: تحت امرك يا محمد بيه

مها : ألو

توبه : اي يا حبيبي

مها : انت فين يا توبه

توبه : في الشغل يا حبيبي مالك في اي

مها : ايوه شغال اي يعني

توبه : شغال على عربيتك مالك يا حبيبتي في اي

مها : لا يا توبه عربيتي بابا خدها منك من فتره كبيره انتي ليه خبيت عني

توبه : خبيت اي بس يا بنتي انت فين الوقتي

مها : راجعه البيت زعلت مع بابا شويه ومشيت

توبه : خلاص ارجعي البيت ولما ارجع أن شاء الله نشوف الموضوع ده

مها : خلاص ماشي يا توبه سلام

توبه : سلام

مع دخول الليل كان رجع توبه إلي المنزل

توبه : مالك يا شفيقه في اي

شفيقه : مها عماله تعيط من ساعه ما جت من عند أبوها وكل ما اقولها في اي تقولي مفيش مفيش

توبه : ( حط ايده علي كتف مها وحضنها من ضهرها وهيا قاعده ) مالك في اي

مها : انت كنت فين طول النهار

توبه : شغال هكون فين يعني يا حبيبتي

مها : شغال اي بقا

شفيقه: يوه هيكون شغال اي يعني يا مها شغال على العربية

مها : لا يا ماما توبه معهوش عربيه

توبه : استني يا شفيقه معلش يعني انتي بتعيطي ليه الوقتي هو أنا عملتلك حاجه ضايقتك

مها : لا أنا زعلانه على اللي عمله بابا فيك مكنتش حابه يعمل فيك كده

اميره : توبه هو حصل اي

توبه : مفيش والد مها طلب مني العربية بتاعت مها خدتها وروحت قولتله اتفضل وقولت بلاش اقول ل مها علشان ميحصلش ما بينها وبين ابوها زعل

شفيقه: ياجبيبي وانت شغال في اي طيب وبتجيب مصاريف البيت منين

توبه : شغال عامل مع عم ابراهيم والحمد لله الدنيا فوق التمام ياما

شفيقه: ينهار اسود شغال عامل مع ابراهيم دا ابراهيم شغله كله عتاله يا حبيبي ليه عملت في نفسك كده

اميره : ( حضنت توبه) حقك علينا يا توبه احنا تعبينك معانا اوي يا حبيبي شايل هم مش همك طول الوقت

توبه : بس يا هبله انتي أما مكنتش أنا أشيل امي و اختي و مراتي مين يشيل مكاني أن شاء الله

مها : أنا مليش في انا عايزه حقي من فلوس ماما الله يرحمها

شفيقه : لالا عيب عليكي يامها ازاي تقولي كده على اخر الزمن تقفي قصاد ابوكي

مها : يعني اعمل اي أنا سبته يعمل اللي هو عايزه طول عمره إنما كمان يعمل كده في جوزي لأ كده كتير طب هو هيستفيد اي يعني لما جوزي يزعل مني أو أنا أشوف تقصير منه يعني لما اروح اقوله اني اخترت غلط هيكون مبسوط

توبه : ممكن بقا نهدا شويه ثما على فكره هو حقه ياخد العربية الراجل برضوه خايف اكون داخل على طمع او حاجه صح يا شفيقه

شفيقه: بصراحه عندك حق

مها : ما احنا بقالنا تلات شهور متزوجين محدش طلب منه حاجه هياخد باله امتا أننا بنحب بعض فعلاً

توبه : كل حاجه ليها وقتها يا مها ريحي دماغك مهما كان ده أبوكي ولازم تملي تخلي بالك من تصرفاتك معاه مهما يعمل الأب أب يا حبيبتي

شفيقه: يسلم لسانك يا توبه

توبه : طب اي مفيش حاجه في البيت ده تتاكل

شفيقه : لا في طبعا

توبه : لالا البسي ياله انتي ومها و اميره وتعالي ناكل بره عازمكم عند عم فتحي النهارده

شفيقه: هو ده الكلام بينا يا بنات دا عم فتحي ده عليه شويه كفته تحفه تحفه تحفه

توبه : قومي بقا يا حبيبتي ياله

في جانب آخر

فاروق: مش عارف والله يا محمد بيه أنا اخر حاجه عارفها عن توبه أنه شغال مع واحد اسمه إبراهيم عندنا في المنطقة

محمد بيه: و ابراهيم ده بتاع اي يعني

فاروق: مقاول كبير عندنا هنا

محمد بيه: مقاول وتوبه شغال اي معاه ده

فاروق: عامل

محمد بيه:( بصدمه ) عامل

فاروق : اه

محمد بيه: اذاي دا قالي أنه معاه عربيه واحد صاحبه

فاروق: لالا أنا النهارده شوفته بعيني راكب مع عم ابراهيم وعلي فكرة وأنا بكلمك كده توبه لسه معدي قصادي الوقتي حالا ومعاه أخته و أمه و مراته

محمد بيه: معلش يا فاروق شوف كده رايح بيهم فين

فاروق: ما تريحني يابيه هو توبه ماله لو في حاجه قولي أصل الواد ده مش بتاع قلق والله وجدع اوي ولو عرف اني ماشي قاطع عليه هتبقا مشكله معايا كبيره توبه رغم أنه غلبان وجدع بس قلبته وحشه

محمد بيه: ياعم قولي بس هو رايح بيهم فين والله مفيش حاجه متقلقش دا انا لسه محاول ليك فلوس على رقمك ده عيب عليك

فاروق: مش قصه كده والله يا محمد بيه بس أصل الموضوع مش مستحق خالص على العموم هو دخل بيهم عند عم فتحي

محمد بيه: مين عم فتحي ده

فاروق: واحد مشهور عندنا بتاع مشاوي وكده

محمد بيه: خلاص ماشي يا فاروق لو احتجتك تاني هكلمك

فاروق: تحت امرك يا محمد بيه سلام

محمد بيه: ( وبعدين مع الواد ده هو فعلاً بيحب مها ولا هو دماغه اكبر من كده انا لحد الوقتي مستني يطلب مني فلوس أنا قفلت عليه الدنيا كلها وبرضه عايش مجاش زاي ما كنت فاكر حتى مها مش بتشتكي أنه بيتعامل معاها وحش كا نوع من أنواع الضغط عليها )

تليفون محمد بيه بيرن

محمد بيه:( توبه غريبه دي معقول يكون بيكلمني قصاد بنتي علشان يطلعني وحش في عينيها ) ألو

توبه : ازيك يا محمد بيه

محمد بيه: الحمد لله يا توبه انت عامل اي ومها عامله اي

توبه : الحمد لله تمام انت اخبارك اي سمعت انك كنت تعبان

محمد بيه: لا الحمد لله بقيت تمام اي الدوشه اللي جانبك دي انت فين

توبه : أنا مع الجماعه عندي كده بس أنا وقف بعيد بكلمك علشان كنت عايز أفوت عليك بكره الصبح ينفع ولا عندك مشوار

محمد بيه: (بفرحه كبيرة و انتصار) خير يا توبه في اي

توبه: خير أن شاء الله لما اجي علشان مش عايز اكلمك والعيال جوه لوحدهم لما نتقابل بكره

محمد بيه: عيال مين

توبه : قصدي مراتي و امي واختي يعني

محمد بيه: اه تمام ماشي مستنيك بكره الصبح

توبه : تمام ماشي سلام

محمد بيه: ( كده بدأت الطلبات اقطع دراعي أن مكنش جاي بكره يطلب فلوس مني علشان يعرف يصرف على أهله ماشي يا توبه)

بعد رجوع توبه إلي أهله

مها : جريت كده وخدت تليفونك كنت بتكلم مين أن شاء الله

توبه : مكالمه شغل

مها : ما تتكلم جمبي ولا خايف من اي

توبه : يابت مالك في اي

مها : اوعا تكون بتلعب ب ديلك يا توبه بعيونك الخضرا دي وربنا أقتلك و اقتل نفسي انت حر

شفيقه: الكفته تحفه يابت يا اميره دوقي دي كده

توبه : ماشاء الله عليكي يا شفيقه المفروض تردي بتقولك هقتل ابنك

شفيقه: حقها مش جوزها بيلعب ب ديله

اميره : والله حرام عليكم توبه ميعملش كده

مها : إلا انتي تبيعي الدنيا علشان كرشك كولي كولي

اميره : أكلني في بوقي يا توبه

توبه : ( غمز ل اميره ) خدي يا عيون توبه هم يا جمل

مها : وأنا أن شاء الله

توبه : خد يا قلب توبه هم يا جمل

شفيقه: توبه أدي امك حته

توبه : خودي ياقلب قلب توبه هم يا شفشق

شفيقه: أنا شفشق يابن الجزمه

عم فتحي: عايز حاجه كمان عندك يا توبه

توبه : حبيبي يا عم فتحي تسلم ايدك

في اليوم التالي

عم ابراهيم: اي يابني رايح فين كده

توبه : معلش يا عم ابراهيم عندي مشوار النهارده وأن شاء الله ارجع منه على الشغل عندك انت كده كده مش عطلان عليا النهارده

ابراهيم: لا بس الطوب لازم يطلع النهارده يا توبه

توبه : ياعم اعتبره طلع أنا مش هرجع البيت إلا لما الطوب يطلع اتفقنا

ابراهيم: اتفقنا نهارك أبيض

توبه : نهارك فل ( وراح توبه إلي منزل محمد بيه اول ما وصل كان محمد بيه في انتظاره )

محمد بيه: اقعد يا توبه

توبه : تسلم يا محمد بيه

محمد بيه: خير يا توبه قولت انك عايزني

توبه : حصل

محمد بيه: خير

توبه : بص يا محمد بيه اللي حصل من حضرتك مع مها امبارح خلي مها تقول كلام وتروح ل تفكير عمرها ما راحت ليه

محمد بيه: تفكير اي

توبه : مش مهم المهم انك كده بتكسر حته كبيرة بينك وبين بنتك لأنها شايفه انك مصمم تقلل من جوزها أو انك تجبره يجي يطلب منك

محمد بيه: بس أنا مش عايز كده أنا طلبت العربية بتاعتي فيها حاجه دي

توبه : لا طبعاً مفيش فيها حاجه بس انا شوفت رد فعل مها امبارح و حابب أكد لحضرتك أنها زعلت من اللي حصل

محمد بيه: وانت شايف اي

توبه : خلي السوق بتاع حضرتك يفوت علينا بليل ومعاه العربية ويطلع يخبط على باب الشقه وأنا هتصرف

محمد بيه: والله

توبه : متقلقش يا محمد بيه العربية راجعه مع السواق تاني بس لما انا ارفض العربية وترجع وقتها بنتك هتحس انك اشتريت خاطرها بالحركه دي لما الرفض يجي مني صدقني احسن ما يجي منك

محمد بيه: ماشي يا توبه اللي تشوفه خليني معاك لحد النهاية

توبه : اقوم أنا بقا لحسن عندي شغل كتير النهارده نهارك أبيض

محمد بيه : صحيح يا توبه انت شغال اي الوقتي

توبه : شغال على عربيه واحد صاحبي زاي ما قولتلك

محمد بيه: عربيه واحد صاحبك ازاي

توبه : زاي الناس سلام

محمد بيه: سلام

محمد بيه: ( كنت فاكره جاي يطلب فلوس بس شكلي أستعجلت بس تمام بكره يبان على حقيقته بس غريبه هو ليه مش عايز يقولي حقيقة شغله الموضوع ده غريب اوي على العموم بليل نعرف أن كان طمعان في العربيه ولا قصده اي )

مع دخول الليل

توبه : والله يا بت يا اميره انتي اللي هتعملي شأن للبيت ده وبكره تقولي توبه قال

اميره : بس بقا يا توبه والله زعلانه اوي بسبب الاختراع بتاعي سهرت عليه كتير وبصراحه اكتر نفسي اعمل حاجه تريحك شويه

توبه : يابت اي العبط ده هو أنا عندي غيركم

باب الشقه بيخبط

شفيقه: اقوم افتح أنا

توبه : ما تجيبي شويه لب يا مها بدال ما انتي نازله فحت في لوحدك كده

مها : ما اميره أكلت سبعه كيلو كفته وتقولك زعلانه

اميره : بس ده ميمنعش يعني أننا ناكل لب

شفيقه: توبه في واحد بره بيقول تبع ابو مها

مها : مين ( وقامت مع توبه )

توبه : مين

مها : دا عم رضا السواق الجديد

عم رضا: مدام مها محمد بيه بعتلك العربية بتاعتك تحت البيت اي أوامر تاني

توبه : اه معلش يا عم رضا ارجع تاني ب العربية

مها : ليه كده بس يا توبه خليها تنفعك

توبه : ياست البنات أنا كده الحمد الله مرتاح اخر راحه أنا كنت بقعد طول الليل والنهار محني على العربية واخر اليوم اعمل ٥٠٠ جنيه

مها : ياعم طب فكر في الأمر

توبه : لا خليها عند بابا وانا وانتي نفكر ولو لقيت نفسي محتاج ليها نبعت ناخد العربية

مها : يا توبه

توبه : معلش يا عم رضا خد العربية على البيت تاني

عم رضا: مدام مها قولتي اي

مها : خلاص يا عم رضا خد العربية

عم رضا: اي خدمه يا فندم

مها : ربنا يخليك يا عم رضا

توبه : طب تعالي اشرب شاي طيب ياعم رضا

رضا: الله يخليك يا توبه بعد اذنك

توبه : توصل بالسلامه يا معلم

عم رضا: الله يخليك سلام

توبه : سلام

مها : ليه كده بس يا توبه

توبه : شوفتي بقا أبوكي اللي كنتي عايزه تقفي قصاده روحي كلامي بقا بدال ما يزعل انك رجعتي العربية

مها : ( بفرحه كبيرة) اه هكلمه

ودخلت غرفتها تكلم والدها

مها : ألو

محمد بيه: ألو

مها : ربنا يخليك ليا يا احسن أب في الدنيا رفعت راسي اوي اوي مكنتش متخيله انك هتفضل فاكر الموضوع ومكنتش عارفه أن زعلي مهم عندك كده

محمد بيه: هو أنا عندي غيرك يا مها ربنا يخليكي ليا يا حبيبتي

مها : مش عايزه حضرتك تزعل اني رجعت العربية مع عم رضا بس معلش خليها عند حضرتك

محمد بيه: انتي رجعتي العربية ليه ما كنتي سبتي توبه يشتغل عليها زاي ما كان شغال

مها : هو مرتاح في شغله الجديد يا حبيبي والله ربنا يخليك ليا يارب

محمد بيه: صحيح هو شغال اي

مها : مع واحد من هنا بس مرتاح معاه جدا

محمد بيه: ايوه شغال اي يعني

مها : بيطلع حجات كده رمله و حجات كتير كده

محمد بيه: أكلتي يا حبيبتي

مها : اه والله توبه مش بيرضا ينيمني من غير أكل اقوله عامله رجيم لحسن جسمي زاد يقولي لأ مفيش نوم قبل ما تأكلي

محمد بيه: خلاص ماشي يا حبيبتي مش عايزه فلوس طيب ولا حاجه

مها : ربنا يخليك ليا يا حبيبي مش عايزه والله توبه مش مخلينا محتاجين حاجه والله

محمد بيه: خلاص بس لو احتجتي اي حاجه كلميني

مها : حاضر يا حبيبي سلام

محمد بيه: سلام

محمد بيه: ( يعني مها فعلاً كانت زعلانه مني وأنا مكنتش اعرف ) وطلع تليفونه وكلم توبه

توبه : ألو

محمد بيه: اي يا توبه

توبه : عامل اي يا محمد بيه

محمد بيه: الحمد لله بقولك اي يا توبه انت عندك حاجه بكره

توبه : على حسب لو ضروري يبقا معنديش لو مش ضروري يبقا نتقابل بعد الشغل لو حابب

محمد بيه: خلاص نتقابل بعد الشغل

توبه : خلاص مفيش مانع

محمد بيه: سلام

توبه : سلام

رضا: محمد بيه مدام مها طلبت مني

محمد بيه: عارف عارف يا رضا خلاص سيب العربية تحت

رضا : تحت امرك

في جانب آخر

مها : بس أنا مكنتش متخيله أن بابا يعمل كده مش عارفه شمه ريحه توبه في الموضوع

توبه : يابنتي ليه كده بس دا مهما كان ابوكي يعني مهما كان لا يمكن يكون وحش معاكي

مها : لا أصل انت مش عارف بابا بابا طول عمره ميعرفش الدلع و الحنيه والكلام ده بابا عنده الحياه ارقام كل حاجه قصاد منها حاجه إنما حاجه بدون مقابل دي صعبه اوي عليه حتى لو كانت ليا أنا علشان كده حاسه ان في حاجه غريبه في الموضوع

توبه : تعالي في حضني خليني اعرف انام

مها : وأنا كمان عايزه انام

في اليوم التالي وبعد العمل راح فعلاً توبه إلي منزل محمد بيه

محمد بيه: عامل اي مع الشغل بتاعك

توبه : الحمد لله تمام والله يا عم محمد

محمد بيه: انت ليه كدبت عليا وقولت انك شغال على عربيه واحد صاحبك

توبه : لا والله مش موضوع كده بس أنا لو شايف أن الموضوع مهم لحضرتك كنت قولتلك والله

محمد بيه: انت ليه جيت قولتلي أن بنتي زعلانه مني مع انك كام ممكن تقف معاها وتكبر الموضوع في دماغها وتضغط عليا عن طريق مها

توبه : يامحمد بيه مش توبه اللي يعيش على جيب مراته ثما بصراحه بقا أنا جيت قولتلك لأن الموضوع كان مأثر على مها جدا لدرجة أنها كانت عماله تعيط من ساعه ما رجعت من عندك لحد ما أنا جيت من الشغل

محمد بيه: يعني انت جيت علشان كده

توبه : اه طبعا اللي بيحب حد يا محمد بيه يحب دائما يشوفه اسعد الناس حتا لو مش راضي عن أفعاله بس أنا ضهره وسنده لحد ما ياخد الطريق الصح

محمد بيه: وانت شايف يا توبه انك انت الطريق الصح ل مها

توبه : من وجهه نظري أنا اكيد لأ إنما من وجهه نظر مها اكيد اه

محمد بيه: يعني حتا انت مش مقتنع أنك تنفع مها

توبه : والله يا محمد بيه أنا بعمل كل ما في وسعي وبصراحه قبل ما اتجوز مها كنت خايف بس الوقتي الحمد لله اني خدت مها

محمد بيه: اشمعنا

توبه : بصراحه كنت فاكر مها هتكون ضغطاني بطلبات مش قدر استطاعتي خالص بس اكتشف انها تئقلمت بسرعه مع الحياه والنقله الجديدة جدا جدا جدا عليها وأنا بيني وبينك حاسس ان في خير كتير جي

محمد بيه: جاي منين في حالتك دي

توبه : لا إله إلا الله يامحمد بيه من ساعه ل ساعه يأتي الله بالفرج بس الواحد يكون عنده الرضا بقضاء الله

محمد بيه: أقنعتني تصدق

توبه : الحمد لله أنا راجع البيت بقا علشان مها كلها ربع ساعة وتنزل تدور عليا في الشارع (وبيضحك)

محمد بيه: خلي بالك منها يا توبه بنتي طيبه بزياده اوي وانت بقيت محور الكون بالنسبة ليها

توبه : خليها على الله يا محمد بيه يعلم الله انها مش مراتي لا دي صاحبتي وبنتي واختي وحبيبتي وكل حاجه

محمد بيه: ربنا يخليكم لبعض يارب

توبه : سلام

محمد بيه: مش عايز فلوس يا توبه

توبه : لا الحمد لله تمام التمام

محمد بيه: طب خلي المبلغ ده معاك

توبه : يامحمد بيه عيب اللي بتعمله ده أنا لو مكنتش اعرف انك مش قاصد حاجه وحشه والله يا محمد بيه ما كنت دخلت بيتك تاني

محمد بيه: اي ده ليه بس كده

توبه : يعني انت يرضيك تيجي تزور بنتك أحط في جيبك فلوس اقولك خد خليهم معاك

محمد بيه: (بسخريه ) انت تديني أنا

توبه : أنا بقا مرضتش ارد على حضرتك رد زاي ردك علشان عيب بس خلي بالك أنا راجل حر يعني لو من ناحيه اني أنا أديك انت اه و أدي اكبر راس في البلد كمان تصدق بقا

محمد بيه: (بيضحك)

توبه : يا محمد بيه حط الفلوس تحت رجلك تعلا إنما تحطها فوق دماغك توطا واللي رباني علمني أحط اي حاجه في الكوكب تحت رجلي عارف ليه

محمد بيه: ليه

توبه : علشان فانيه والكفن ملهوش جيوب سلام

محمد بيه: سلام

في جانب آخر

شفيقه: مالك يا مها النهارده مش عجباني

مها : مش عارفه والله يا ماما شفيقه بس تعبانه اوي

اميره : تعبانه مالك طيب

مها: مش عارفه ( وقامت جريت على الحمام )

اميره : شكلها عندها برد ولا اي

شفيقه : برد اي يا هبله شكلها حامل ادخلي شوفي مها عبال ما اكلم توبه

اميره : ماشي

وكانت شفيقه رنت على توبه

شفيقه: انت فين يا توبه

توبه : في الشغل يا حبيبتي مالك في اي

شفيقه: مراتك حامل

توبه : اي بتقولي اي يا شفيقه

شفيقه: اه والله زاي ما بقولك

توبه : خليكم مكانكم أنا جاي اخدكم

شفيقه: تاخدنا منين يابن العبيطه احنا في البيت أصلا

توبه : اي ده هو الدكتور جه عندكم يعني

شفيقه : لا دا انت غبي اوي بصراحه يعني

توبه : منا مش فاهم اصلي محملتش قبل كده وربنا يا شفيقه

شفيقه : ياواد مراتك تعبانه وأنا شكه فيها

توبه: اه يعني انتي شاكه روحتي أتصلتي بيا تأكديلي أنها حامل الله يهديكي عليا يا شفيقه

شفيقه: ياواد بفرحك الله

توبه : خليها تلبس طالما تعبانه وأنا قصادي نص ساعة وجاي اخدها للدكتور

شفيقه: خلاص ماشي سلام

توبه : سلام

شفيقه : مها توبه جاي يخدك للدكتور البسي وجهزي نفسك

مها : لالالا يا ماما مش هقدر امشي دايخه اوي

شفيقه : وربنا البت دي حامل

مها : (بفرحه كبيرة) نعم

شفيقه : اه والله اسمعي كلامي

مها : ( بس أنا اتجوزت طاهر سنتين ومحصلش حمل وكان عندي مشكله )

شفيقه: يا له يا اميره خدي اختك ساعديها تلبس

اميره : حاضر يا ماما

في جانب آخر

توبه : عم ابراهيم أنا كده خلصت اخر دور ليه مطلعه عايز مني حاجه تانيه

ابراهيم: تقدر تسهر النهارده يا توبه أصل عندي شويه سيراميك عايزه تطلع

توبه : لا معلش يا عم ابراهيم بكره بقا لحسن رايح للدكتور ب العيال عندي

ابراهيم: خير في اي

توبه : اهو تعبانه شويه ربك يستر

ابراهيم: طب احنا متفقناش على شويه الطوب اللي طلعوا دول

توبه: هو أنا هتفق معاك يا أبويا شوف جاي منك اي وأنا مرضي

ابراهيم: بيني وبينك ربنا أنا كنت حاتط في الطوب ده الف ونص ل صاحب البيت خد اهم

توبه : وأنا كده تمام التمام سلام أنا ياعم الكوكب

ابراهيم: سلام

بعد الوصول إلى الدكتور

الدكتور: متجوزين من امتا

توبه : شهرين يعتبر

الدكتور: عندك اي يا مدام مها

مها : دايخه جدا ومش قادرة أكل حاجه من الصبح مليش نفس

الدكتور: بقالك أد اي على كده

مها : النهارده رابع يوم

الدكتور: لا كده مش هينفع اختبار حمل هسحب منك عينه دم وخلال نص ساعة عبال ما تستريحوا بره شويه اقدر اقول في حمل أن شاء الله أو لأ

توبه : يعني في أمل يكون في حمل

الدكتور: والله كل الأعراض بتقول في بس خلينا نسحب العيينه ونشوف الموضوع

توبه : تمام

بعد خروج مها وتوبه من مكتب الدكتور في انتظار التحاليل

توبه : اهدي شويه يا مها مالك في اي

مها : نفسي اوي يا توبه نفسي ربنا يكرمني ب طفل منك وعارفه أن الدكتور هيطلع يقول إنه حمل كاذب أنا عارفة اني عندي مشكله في موضوع الحمل

توبه : اهدي بس والله إن شاء الله خير و هتطلعي حامل أنا حاسس أنه خير والله

مها : والله يا توبه لو ربنا كرمني وطلعت حامل ل أطلع مليون جنيه ل أهل الله

توبه : نعم

مها : اه والله بس ربنا يكرمني واطلع حامل

توبه : يابنتي انتي هبله مليون جنيه اي أنا ممعيش مليون شلن احنا فقراء ياما متخليش الفرحه تخرب بيتك

مها : بس والنبي يا توبه مش قادره اهزر اعصابي في الأرض

توبه : اقولك حاجه طيب تفك اعصابك شويه

مها: قول

توبه : عارفه الدكتور اللي جوه ده

مها: ماله

توبه : أنا اتولدت على أيده

مها : الله سو كيوت

توبه : سو كيوت اي دا عنده ٧٠ سنه

الممرضه: الدكتور عايزكم جوه

توبه : ياله قومي

مها : قلقانه

توبه : يابنتي في اي قولتلك خلاص ادخلي

الدكتور: اقعدوا

توبه : خير يا دكتور

الدكتور: خير أن شاء الله العلاج اللي كتبت عليه دا تمشي عليه وعايز التحاليل دي معاكي المره الجايه

توبه : ايوه المهم بقا علشان حضرتك عملت ذاي دار الإفتاء نقعد لحد السحور علشان نعرف بكره اول يوم رمضان ولا لأ طمن قلبي في حمل

الدكتور: يابني أما أنا بكتب علاج تثبيت حمل ليه وعايز تحاليل ليه

مها: يعني أنا حامل

توبه : لا. أمسكي نفسك كده متشكرين يا دكتور

مها : أنا عايزه اروح ل بابا الوقتي حالا

توبه : يابنتي بكره والله حاضر

مها : لا والنبي يا توبه أنا عايزه اقوله وأنا قصاده مش هينفع في التليفون

توبه : الوقت اتاخر وشفيقه عماله ترن

مها : رد عليها قولها وتعالي نروح ل بابا

توبه : استني طيب ألو يا شفيقه

شفيقه: اي عملت اي

توبه : طلعت حامل الحمد لله

شفيقه: ( زغرطت ) ألف مبروك يا توبه هيا فين

توبه : احنا راجعين اهو علشان ماشي في الشارع

شفيقه: خلي بالك منها طيب

توبه : حاضر يا حبيبتي

شفيقه: سلام

توبه : سلام

مها : بالله عليك بقا يا توبه

توبه : ماشي يا ستي اركبي

مها : هيا عربيه مين دي أصلا شكلها قديمه اوي

توبه : عربيه عم إبراهيم اللي أنا شغال معاه

مها : طب والله كويس انك خدتها منه

توبه : لا عم ابراهيم دا أصله راجل جدع جدا

مها : أنا فرحانه اوي اوي

توبه : وأنا كمان فرحان اوي مش متخيل اني هيكون معايا عيل مفعوص كده يطلع عيني

مها : أنا لازم انزل معاك نجيب سرير صغير نحطه جمبي علشان ينام في

توبه : ما ينام جمبنا من اولها كده هنعمل تميز

مها : اه طبعا تميز هو ابن اي حد

توبه : اه عادي أبوه وضيع صديع (وبيضحك)

مها : سبني اقوله أنا بقا

توبه : انزلي طيب

بعد دخول المنزل

مها : بابا يا بابا بابا

محمد بيه: مها مالك في اي

مها : تعالي بس اقولك

محمد بيه: مالك انتي كويسه

مها : أنا حامل

محمد بيه: احلفي

مها : اه والله لسه جايه من عند الدكتور

محمد بيه: توبه الكلام ده بجد

توبه : اه والله لسه جايين من عند الدكتور

محمد بيه: أما الدكتور الكلب اللي قالك لا يمكن تحملي ده كان حمار

مها : والله ما عارفه بس أنا حبيت اجي اقولك بنفسي بدال التليفون

محمد بيه: (ضم مها في حضنه ) أخيرا هبقا جد

توبه : أدعيلي بقا

محمد بيه: توبه أنا شايف انك تجيب أهلك وترجع تعيش معايا هنا

توبه : لا معلش يا محمد بيه عندنا هيكون مريح اكتر ل مها

محمد بيه: هو اي اللي لا أنا بقولك تعالي عيش هنا تقولي لا

توبه : اه اقولك لا والف لا كمان

محمد بيه: ( ساب مها ) انت مجنون ولا اي أنا محدش يقولي لأ

توبه : وأنا مش شغال عندك أنا كنت هنا وطردتني أنا و أهلي ولو السما نزلت على الأرض امي مش داخله البيت ده تاني

محمد بيه: وبنتي مش طالعه من هنا

مها : بابا اهدا أنا جايه لحضرتك فرحانه بلاش تكسر فرحتي

محمد بيه: هو أنا قولت اي غلط

توبه : قولت الغلط كله وهنا مش هعيش أنا حر أنا مش شغال عندك

محمد بيه: خلاص أنا مستعد اعتذر ل امك وتيجي تعيش هنا

توبه : اعتذارك مقبول بس لأ برضوه

محمد بيه: ينفع كده يا مها

مها : بابا سبني اتكلم مع توبه الاول ممكن

محمد بيه: ماشي يا مها وانت يابني خلي بالك مش هتمنع بنتي مني

توبه : وأنا ممنعتش بنتك عنك أنا جبت بنتك تقولك خبر حملها قبل ما تروح تقول ل أمي بعدين كنت فين انت كل ده ولا الوقتي افتكرت أنها بنتك

مها : توبه توبه علشان خاطري خلاص والنبي النهارده بالله عليكوا مش عايزه مشاكل ما بينكم

توبه : ياله نمشي

محمد بيه: خليكي شاهده

مها : معلش يا بابا حقك عليا انا اسفه

محمد بيه: خلاص الحقي جوزك وأنا ليا تصرف تاني

مها : بابا علشان خاطري اوعي تعمل حاجه تأذي توبه

محمد بيه: حاضر يا مها

مها : سلام

محمد بيه: سلام

بعد خروج مها الي عربيه توبه

مها : اي يا توبه مالك

توبه : اسمعي يا بنت الحلال انتي دخلتي بيتنا قعدتي وسطنا اتعاملتي أحسن معامله امي أطردت بسببك وسمعت كلام عمرها ما تتخيل انها تسمعه من تحت راسي ولما دخلتي بيتنا امي حطاكي فوق راسها لو يا مها حبه تعيشي هنا مع أبوكي مفيش مانع بس أنا و أهلي هنا لأ لو الموضوع وصل ل أننا نسيب بعض

مها : نسيب بعض

توبه : اه يا مها أنا بحبك بس الكوكب كله في كفه و امي في كفه تانيه إنما اني اروح اجيب امي تدخل مكان أتهانت في اهو ده اللي علي رقبتي يحصل

مها : خلاص ماشي يا توبه ممكن تطلع بقا

توبه : تمام