تحميل رواية «توبة» PDF

بارت 11

وصل المأذون وقعدنا كلنا جنبه

ولسة هايبدأ كتب الكتاب

اتفاجئنابمرات عمي واختها وبناتها داخلين

ومرات عمي قالت بصوت عالي:

كدة خلاص بتتجوز من غير امك يافارس

كدة ياحاج طب اعزموني حتى

لسة عمي هايقوم ويتعصب

فارس قام وقالها: في ايه ياامي هو انتي محتاجه عزومة

وباس راسها وغمز لاخواته الي قربو وعملو زي حاجز كدة عشان ميحصلش صدام بين امهم وابوهم

عمي قال: اتفضل يااستاذ كمل

صرخت هدير بولاد. خالتها: وسعو خلوني اعرف العروسة حقيقة عريسها

قلت لولاد. عمي: وسعولها ياشباب اتفضلي قولي خير 🙂

اتصدمت من برودي قاطعني عمي بعصبية: يابنتي دول جايين يبوظو الفرح

بابا قاله: اهدا ياعثمان عشان صحتك الي بدماغهم مش هيحصل

اخواتي وماما وقفو حواليا وامي مسكت ايدي بقلق ضغطت على ايديها عشان تتطمن

وقولت: خير ياهدير

قالت: احب اعرفك انتي وجوز خالتي ان ابن خالتي المحترم يبقى... يبقى....

ابتسمت: يبقى ايه قولي ولاتحبي نجيب احمد العفريت يقول 🤔🙂

الاربعة وشهم احمر من رد فعلي

وفجإة فارس قام بكل غضب الدنيا ولطشها بالقلم

وقالهم: برة ماتعتبوش بيتنا تاني

وفجإة لقينا اخوهم هو الي بيشدهم وبيطردهم

ومرات عمي واقفة محتارة بالنص تمشي ولاتستنى

فارس بصلها بغضب وقعد جنب ابوه

حتى باقي اولادها محدش كلمها

وبالنهاية قعدت لوحدها على جنب وهي بتعيط

عمي قاله: تسلم ايدك يابني هو الجواز بالعافية

لامؤاخذة ياجماعة على الي حصل مفيش حد غريب موجود

اتفضل اكتب يااستاذ

وبدأكتب الكتاب وبصراحة عمي صمم على كتابة قايمة ومؤخر بمبلغ كبير جدا وعمي حط ايده بأيد بابا وتم كتب الكتاب وانطلقت الزغاريد وقام الاخين باحتضان بعض

واحتفل الجميع بسعادة وسط جو عائلي مبهج

اخواتي وولاد عمي كانو ماليين الجو فرح ورقص وشدوني ارقص معاهم انا وفارس وكانت ليلة جميلة

وقبل انتهاء الفرح عمي طلع تذكرتين وقال: دي هديتي ليكم شهر عسل بدهب والليلة حاجزلكم بفندق 5 نجوم والصبح تسافرو باذن الله انا خليت اخواتك يحضرولك شنطتك ياتوبة وانت كمان

وحضن فارس وقاله خد بالك من عروستك يابني

وحضنني وقالي: ربنا يسعدك يابنتي خلي بالك من الواد دة

وانتهى الفرح على خير وودعت ماما وبابا بالدموع وهما نصرين يوصلونا الفندق وانا صممت انهم يروحو يرتاحو😓🥺

واخواته واخواتي وصلونا بالعربيات والزفةلحد الفندق والعمال طلعولنا الشنط بالغرفة

مدير الفندق كان صديق لفارس دخلنا نتعشى الاول واخواتي وولاد عمي معانا بمطعم الفندق انا كنت جعانة جدا 😄

وفارس قالي: انا جعان بصراحة

قولتله: لا انا مش اوي😆

طلبنا الاكل ولما جه اكلت فارس مع العشا🙂

بقى يبصلي ويقولي: الف هنا اطلبلك تاني ياوحش

وفضل يضحك هو واخواتي واخواته

قلتلهم: لا لا اصل انا مش جعانة اوي

فارس: ماهو باين

امير: ياعيني عليك يااخويا

😅😂

وبعد ماخلصنا نزلولنا تورتة هدية من المدير

واكلتها لوحدي وقولتلهم: اصل انا مش جعانة

فارس: لا انتو تروحو احسن تاكلكم

فضلنا نضحك

شغلوا موسيقى هادية وطلبو مننا نرقص وكل الناس بالمطعم بقت تسقفلنا

وقمت رقصت انا وفارس وكان جو يبعث عالرومانسية😒

فارس كان طول الوقت بيبصلي ويسرح ولما رقصنا كان بيضمني زي مايكون ماصدق وبينتهز اي فرصة يقرب مني

خلصنا رقص وودعت اخواتي بالاحضان والدموع🥺 اما ولاد عمي كانو بيهزوا مع فارس😒

فارس كان بيقولهم ياللا ياعيال بالسلامة ماتطلعو تباتو معانا احسن مش اتعشيتو

😂😅 غورو بقى

واخيرا طلعنا الغرفة كانت سويت شهرالعسل غرفة ملكية وبتطل عالبحر

قبل ماادخل لقيته بيشيلني بسرعة ودخل بيا

قولتله: في ايه مابوراحة😒

نزلني وهو بيضحك وقالي: بوظتي اللحظة

طلعت اتفرج على منظر البحر من البلكونة وهو صمم يصورني بفستان الفرح والبحر ورايا

لقيته قرب مني من ضهري وحضني وقبل شعري وقالي بهمس: مبروك ياتوبة

لفيت بسرعه من الخضة والارتباك لقيت نفسي امامه مباشرة لايفصلنا سنتيمتر واحد وتلاقت الأعين ارتبكت وقبل ماانطق او ابعد

مسك دقني ورفع وجهي اليه وقرب مني حتى احسست بانفاسه على وجهي وانحنى وطبع قبلة حانيه رقيقة على وجنتي

بعدته عني برفق وقولتله: الجو سقعة

كلمتي اتفهمت غلط ولقيته ضمني برقة وسحبني لداخل الغرفة وقالي بهمس: في حضني هاتدفي

بعدت عنه وقولتله: في ايه يااسمك ايه انت🤨

ضحك وقالي: معلش انتي مخضوضةبكرة تتعودي عليا

قولتله: لا مش مخضوضة ولاحاجة

قالي وهو بيمسك ايدي: يبقى خايفة

وقبل يدي سحبتها منه: يافارس افهم انا لاخايفة ولاحاجة

قالي: امال بتبعدي ليه

قولتله: عشان ماينفعش بلحظة تقرب مني كدة وتتعامل انه طبيعي اقبل بكدة

وروحت عند شنطتي اطلع هدوم

لقيته جه ورايا وقالي: قصدك إيه

قولتله؛: زي ماسمعت

مش فاهم

: فارس لازم وقت أقرب فيه منك بارادتي ونعرف بعض مش احس انك عاوز تقربلي عشان ليلة دخلتك ولو كنت اتجوزت اي واحدة كنت هتقربلها كدة

قعد على كرسي وقالي: بس انا فعلاً بارادتي اخترتك وجوايا احساس ب

: فارس دة شعور طبيعي انك متجوزني وعاوز حقك بس في حاجة مهمة فاتتك

ايه هي

: هل انا كمان عاوزاك

امال اتجوزتيني ليه

: مش فاهمني

اتجوزتك بارادتي بس هل في شعور جوايا زيك بيخليني احس بالرغبة فيك

: جاوبي طيب على سؤالك

مش لما تجاوب انت هل انت شعورك بالتقرب مني حقيقي ولا شهوة

: انا كل الي اعرفه اني مبسوط وعاوز نقرب من بعض وامارس حقي

يبقى انا صح انت مش بتحبني وبصراحة ولاانا

: إيه يعني ايه

يعني ولاد عم واتجوزو وفي قبول بينا ولكن بدون حب او احساس

لو اتجوزنا وحصل علاقة جسدية علاقتنا هاتفشل

دقيقة من التوتر و الصمت

ولسة باخد هدوم ورايحة التواليت اغير

وحصل.... 🫣

🤔🤗🤭

يتبع

توبة

بارت12

فارس شدني على غفلة وباقل من ثانية لقيت نفسي في حضنه ولسة باستوعب لقيته قبلني بشغف

بعدت عنه واتصدمت من رد فعله

قالي: توبة انتي حلوة اوي

وبدأ يلمس شعري

بعدت عنه وقولتله بحزم: اسمع بقى يافارس قولتلك من شوية ان اسلوبك مينفعش معايا

انا مش باحبك

قعد على السرير بيأس وقالي: انا آسف

دخلت اخد شاور وقفلت الباب على نفسي ولاني باغيب جدا بالشاور

لقيته بيخبط عليا بقلق قولتله: متقلقش انا باتأخر بالشاور دة طبيعي

طلعت لقيته واقف بالبلكونة بيشرب سجاير سرحت شعري وقررت اني اتكلم. معاه ونتفق علي نظام لحياتنا

طلعت خطفت منه السيجارة ورميتها

بصلي ومااتكلمش

قعدت جنبه وقولتله: لازم. نتكلم

قالي: فعلاً لازم نتكلم

: اتفضل انت الاول

انا عارف ان كل حاجة حصلت بسرعة ولكني كنت مقرر اتغير ونبقى زي اي زوجين وابدأ صفحة جديدة وبما انك عارفة كل حاجة اكيد عرفتي ان الماضي بتاعي يقرف انا ياتوبة هصارحك انا مفيش حاجة غلط الا وعملتها بس من سنة حصل حوار كدة وكنت هاتورط مع بنت مش كويسة بحوار شبه حوار هدير ولما فوقت منه دخلت بحوار هديركانت عارفة ان ليا علاقات وعملت خطة تورطني بيها ساعتها اقسمت ماقربش للحرام تاني لاستات ولامخدرات ولا خمور صدقيني وربنا يعلم

ودلوقتي انتي رفضاني ومعاكي حق احنا جوازتنا كانت سريعة وملحقناش نعرف بعض

انا عاوزك انتي تحددي شكل العلاقة بحيث انها تتطور بشكل طبيعي

: شوف يافارس انا مقدرة الوضع ومش عيب انك تغلط الاهم تتعلم من اخطائك ومتكررهاش

احنا نبدأ الموضوع الاول كاصدقاء ودي احسن بداية الصداقة بتقرب المسافات وبتخليك تفهم الشخصية الي قدامك وبيكون في صراحة ووضوح ايه رئيك

طب وبعد مانبقى اصدقاء مقربين؟

: سيبها لوقتها ايه رئيك

موافق

: اتفقنا

اتفقنا وابتسم ومد ايده للمصافحة

واتصافحنا وحسيت ان التوتر اختفى مابينا

☺️

قولتله: ممكن ننام بقى عشان السفر

اه طبعا انا مرهق انا هسيبلك السرير وهنام عالكنبة

: لا نام على السرير احنا كبار وناضجين ومش هاتقضي عمرك معايا نايم عالكنبة

ابتسم وقالي: مش عاوز اضايقك

لا خالص

وفعلا نمنا جنب بعض ومن الارهاق صحينا على فون من بابا وعمي مستنينا بالفندق و بيصحونا عشان نلحق الطيارة ويوصلونا

صحينا وجهزنا نفسنا وقبل ماننزل قالي: ممكن طلب

اه طبعا

: محدش يعرف بالي بينا وقدام الكل احنا متجوزين وسعداء

اه طبعاً دي حياتنا محدش المفروض يتطفل بس مفيش مانع

نزلنا وبابا وعمي استقبلونا بكل سعادة وصلونا المطار ودعناهم بالاحضان وركبنا الطيارة

اغلب الوقت كنا نايمين 😁 لحد ماوصلنا للفندق في دهب عمي كان حاجزلنا شهر عسل كامل الفندق كان عامل بروجرام سفاري وكهف وبحيرات ملح ودايڤينج

قضينا اسبوع كاصدقاء وبنتعامل مع بعض بكل احترام وتفاهم

لحد مافي يوم واحنا بنتعشا عالببسين لقينا صريخ وبنت بتجري علينا معاها شلة بنات وشباب وبتصرخ: فارس فااااارس

وجريت عليه حضنته وهو اتخض بعدها عنه وقالها: رنا ازيك

قالتله: واحشني يامان بتعمل ايه هنا

قالها: اعرفك وشاور عليا وقالها: مراتي انا في شهر العسل

بصتلي ووشها اتغير قالت: مبروك

هزيت راسي بهدوء وكملت اكل واتجاهلتها

قالتله: انت اتجوزت

قالها: اه عقبالك

قالتله: مش هتصدق معايا مين الشلة كلها

وندهت عليهم تعالو سلمو على فارس وعروسته

وفعلا جه 3 بنات و4 شباب سلمو على فارس وعليا وباركولنا

وصمموا نطلع معاهم رحلة على يخت واحد منهم بكرة ومع اصرارهم فارس وافق وهو متضايق

بعد انصرافهم قالي: انا اسف والله

قولتله: على ايه

هي هجمت عليا انا اتفاجئت

: اوك

تحبي نعتذرلهم عن الرحلة

: براحتك

خلاص هحاول اخلع منهم

: انت متوتر ليه

اصل بصراحة

: قول

دي البنت الي قالت انها حامل مني وجاتلي لحد البيت وبابا طردها وكان هايتبرى مني

: هي عرفتك منين

دي انتيمة هدير مرة جاتلي المطعم معاها واخدنا ارقام بعض وخرجنا وسهرنا والباقي انتي عارفاه وبعدها بقت تطاردني لحد ماخلعت منها وصلت للبيت وقالت لبابا انها حامل مني وكان يوم منيل

: يعني احتمال هدير تكون بعتاها وراك

ممكن طبعا اصل دي صدفة عجيبة انها تيجي بدخول الشتا وبنفس الفندق

: كبر دماغك والافضل بلاش احتكاك بيها

انا مبسوط انك متفهمة واني اقدر احكيلك كل حاجه

مااحنا متفقين نبقى صحاب

ابتسم بارتياح وقالي ياللا نطلع اوضتنا

كل دة ورنا وصحباتها بيراقبونا بحقد

الصبح صحينا على الفون بيرن بالحاح

فارس رد ووشه اتغير وقال: لا مش هانيجي قولتلك لا بقولك ايه يارنا متتصليش بيا تاني

وقفل في وشها

قالي؛: توبة انا هاشوف فندق اهدا من هنا ونمشي من وجع الدماغ دة

ابتسمت وقولتله: لا مش احنا الي هنمشي سيب الحكاية دي عليا

هاتعملي ايه

: 🤔🧐🤔🧐

يتبع

توبة

توبة

بارت 13

عملت مكالمة

وتاني يوم كان نازل خبر القبض على 3 فتيات باحدى الشاليهات بدهب بتهمة ممارسة البغاء وفيديوهات منتشرة لفتاة منهم تدعى رنا على مواقع التواصل الاجتماعي تحرض على الفسق والفجور

كنا بنفطر فارس قرا الخبر على النت وبصلي وقالي: انتي عملتي ايه 🤔

ضحكت وقولتله: حد ظلمها ولادة اختيارها🙂

عندك حق زينة النهارده السفاري جربتيها قبل كدة

: بصراحة لأ

هاتعجبك اوي الصحرا والجبل والاكل البدوي والتخييم قرب البحر ووراكي جبال ولابيوت ولادوشة

: دي احلى حاجة يافارس انا هاخد شاور واجهز نفسي

خلصت شاور وخرجت ملقيتش فارس بالاوضة

قلت اكيد نزل يشرب قهوة انتهزت الفرصة وغيرت هدومي بالاوضة

فارس كان بالبلكونة ولسة هايدخل شاف توبة وهي بتغير وقف ومحبش يدخل ويحرجها ولايحسسها بوجوده بس لما لقاها بتغير قرر يراقبها بدون ماتحس وهو منبهر بجمالها

توبة خلصت ودخلت الحمام تعمل ميكب لان مراية الحمام اكبر فارس خرج بسرعة من البلكونة حضر هدومه واستناها خرجت ودخل ياخد شاور وهو بيفكر

توبة اتصلت بالبيت واتطمنت عليهم وعرفت انهم انتقلو لعمارة عثمان وبيفرشو الشقة وعمها كان مع ابوها وكلمها وكان مبسوط وطلب يكلم

فارس

توبة استأذنت ودخلت لفارس بالفون وخرجت وبعد. ماالمكامة انتهت فارس طلع من البانيو بنفس لحظة دخول توبة عشان تاخد الفون اتفاجئو هما الاتنين

زينة صرخت وجريت وفارس لف وسطه بمنشفة وخرج لقاها بتعيط من الاحراج

قرب منها وقالها: انا آسف ارجوكي ماتبكيش

كانت حاطة وشها بين ايديها

فارس ابتسم ومسك ايديها وبعدهم. عن وشها

ورفع وشها لفوق وقالها: محصلش حاجه ازعي تعيطي طول ماانا جنبك

ومسح دموعها بايديه: ابتسمي بقى

ابتسمت وقالتله: انا الي اسفة

خلاص بقى ياجميل

ضحكت من كلامه قالها: ممكن اغير بقى ولا ايه

ومثل انه هايشيل المنشفة

زينة طلعت تجري برة الاوضة وهو ضحك من فلبه عليها

انطلقو مع الجروب بالاتوبيس لمنطقة السفاري

بالليل كانو بينصبو الخيمة مع باقي الجروب

وبالليل كان. حفل شواء، ورقص وكانت ليلة قمرية جميلة فارس وتوبة قعدو مع مجموعة بيراقبو النجوم وبيغنو

فارس قال لتوبة: انا مش هانسى شهر العسل دة أبداً

: بصراحة ولاانا

يعني لو كنا زوجين بجد مش كان هايبقى احسن

: مش شرط تقدر تكون مبسوط حتى لو لوحدك المهم تكون مرتاح

وانا مبسوط معاكي اوي ولاول مرة احترم بنت

: وقبل كدة

عمري ماقابلت بنت اجبرتني احترمها

فضلو يدردشو ويتكلمو عن نفسهم طول الليل ووقت النوم السرير بالخيمة كان صغير وكان لازم ينامو قريبين جدا من بعض

فارس: تحبي افضل سهران برة وتنامي براحتك

لا طبعا تعالى جنبي انا اخاف انام هنا لوحدي

: انتي بتخافي اشك

لأ بخاف طبعا انا انسانة مش، سامع صوت الحيوانات برة

ونامو جنب بعض وتوبة ماسكة فيه من الخوف وكل ماتسمع صوت تقرب اكتر لحد ماضمها في حضنه وفضل يملس على شعرها

كان حاسس بسعادة وبيتمنى بينه وبين نفسه الوقت يطول

الصبح نزلو البحر وقضو يوم جميل ورجعو الفندق

فارس قرر يفاجئها وياخدها مائية ومرة ياخدها كهف الملح ونزلو بحيرة الملح

ويوم يلعبو سنوركلينج

فضلو يتفسحو ويستمتعو باجازتهم لحد. ماخلص الشهر ورجعو البيت

الكل رحب بيهم بحرارة وطلعو يرتاحو من عناء السفر

تاني يوم فارس صحى على صراخ توبة

جري لقاها واقفة مرعوبة في الصاله

يتبع

توبة

البارت 14

تاني يوم فارس صحي علي صراخ توبة

جري لقاها واقفة مرعوبة في الصاله

اتخض وحضنها: في ايه

كانت بترتجف قالها: مالك

جابلها مية وشربت وبدأت تهدا شوية

قالتله: انا شوفت خيال معدي عالحيطةبالصالة قلت دة اكيد انت بصيت ورايا لقيت قط اسود وبلحظة دخل الحيطة واختفى

وفضلت تبكي فارس حضنها وقالها: اعوذ بالله من الشيطان الرجيم

انتي بس مش متعودة عالشقة هنا تلاقيكي متهيئلك اهدي ياتوبة

: عندك حق احتمال

نزلو عند امها وابوها كانت جيبالهم هدايا واتفرجو عالصور وطلعو لعمها وادولهم هدايا هما كمان وفرجوهم عالصور

كانت ام فارس ساكته وبعينيها نظرة غريبة لتوبة ولفارس

توبة اتجاهلتها تماما واستأذنت تطلع شقتها

وفارس بيحكي لابوه واخواته على دهب وجمالها

وفجأة صرخة من توبة خلت العائلتين اتفزعو

وطلعو يجرو على شقة فارس

عشان يلاقو توبة فاقدة الوعي تماماً

ابوها وجوزها شالوها وامها زاخواتها حاولو يفوقوها

فارس حكى لابوه ولعمه وللكل عن الي حصل الصبح

توبة فاقت وفضلت تبكي وتحلف انها شافت راجل بدون ملامح ودم عالحيطة

امها قرتلها قران واخواتها فضلو يهدوها لحد مانامت بحضن امها الي كانت قلقانة

عثمان قال: انتو اكيد محسودين

طاهر: ايوة شغلو قران باستمرار

واستأذنو ونزلو فارس حضن توبة لحد. مانامت

تاني يوم رجعو شغلهم توبة رجعت الاول طلعت شقتها تغير ومحدش، شافها تاني

فارس بيتصل بيها يتطمن عليها مش بترد

اتصل بابوه وعمه طلعولها مش بتفتح

اتصلو بفارس وعلى ماوصل كانو خلو امير ينط من السطح على الروف ويدخل الشقة

امير دخل وفتحلهم

دخلو يجرو علي جوة يدورو على توبة

لحد. مالقوها قاعدة في المطبخ وشعرها منكوش ومش بتتكلم وبحالة صدمة

بصو لبعض بذهول كان فارس وصل

خرج بيها برة المطبخ وحاول يفوقها

ابوها بدأ يقرأ قران فاقت وفضلت تصرخ وتضحك بهستريا

فارس حاول يسيطر عليها لحد ماهديت

عثمان قاله: لا كدة في حاجة غلط

طاهر: تعالى معايا ياعثمان وانت يافارس انت وامير خليكم معاها وهبعتلكم امها واخواتها شوية وراجعين

امها واخواتها طلعو زعلانين وبيعيطو على منظرها ولما نامت لقو دراعها وضهرها كله خدوش

امها قالت: الوضع دة مش طبيعي

فارس: انا برضه قلت كدة

تمارا بخضة: ماما تعالي شوفي على السلم

طلعو يجرو لقو دود على الدواسة

امها قالت: دة سحر انا بنتي مسحورلها

تالا وتالية: اميمة

امير بصدمة: انا مش مصدق

فارس: مالك

امير: انا شوفت امي من شهر هنا بترش مية ولما شافتني قالتلي انها بتنضف السلالم ومرة اخدت المفتاح من بابا وقالتله انها هتسقي الزرع عشان فارس موصيها

فارس اتصدم والكل مش بينطق لحد. ماسمعو عثمان وطاهر طالعين من الاسانسير ومعاهم شيخ المسجد صديق وجار طاهر

اول ماوصل وقف برة الشقه وبص عالعتبة ودخل لحد اوضة توبة

وقال

🤔🤔🤔🧐🧐🧐

يتبع

توبة

توبة

بارت 15

الشيخ دخل لوحده كأنه عارف الشقة ومشي لحد اوضة توبة وكلهم وراه وقف قدام الاوضة وقال لفارس: استأذنك تفتح الباب

فارس خبط وفتح الباب توبة كانت نايمة وامها جنبها حضناها الشيخ اول مادخل وقف وفضل يقرا قران بصوت عالي

ويكرر اية ولايؤوده حفظهما

توبة فاقت وفضلت تبصله بغيظ ومع تكرار الاية صرخت

الشيخ ابتسم وطلب من ابوها وزوجها بس يدخلو معاه والباقي كله يستنى برة

بمجرد خروجهم الشيخ قال لفارس : انتو معمولكم سحر بالمرض والجنون لتوبة وبالتفرقة بينكم بس متقلقش ربنا اكبر من اي مؤذي

وبدأ يقرا قران على توبة وهي بتتشنج وبعدها بدأت تتكلم بصوت مش صوتها وكل ماالشيخ يقرأ توبة بتصرخ والجن الي عليها بيتعذب

لحد. مابدأ بضعف ويطلب الرحمة

الشيخ: اخرج منها

ماقدرش

بقدرة الله مش هتعرف تأذيها وهتخرج

باحبها

اخرج منها ياعدو الله

وبدأ يقرا قران تاني الجن صرخ : كفااااية

الشيخ: امرتك بايات الله ان تخرج

دخلت جسمها ليه

انا مبعوث من احد الدجالين الي بيشتغلو بالسحر طلب مني اجننها وامرضها عن طريق سحر مرشوش على عتبتها وسحر مدفون على ملابسها

: وفين مكانه

بالمقابر

: اخرج

مش عارف

بدأ الشيخ يقرا ايات الحرق لخد. ماالجن استسلم وخرج ومع خروجه ريحة شياط ملت الغرفة وتوبة اتشنجت وبعدها هديت تماما

الشيخ قرا قران وقال: هو خرج ولكن يلزمكم بعض الجلسات وقراؤة سورة البقرة باستمرار

وطلب مية وبدأ يقرا عليها قران ووضع بعض الاعشاب وسكبها علي الاعتاب وطلب من الجميع يشربو

ونظر لعثمان وقاله: في حد ناقص من العيلتين

عثمان: اه مراتي تحت خايفة تطلع لانها واثقة اننا شاكين فيها

الشيخ بابتسامة: الناقص منكم سيظل ناقص

الكل بص لبعض باستغراب

عثمان طلب من ابنه عدي ينزل ينده امه

دقايق وطلع عدي وقال: امي مش بالبيت ودولابكم مفتوح وهدومها مش موجودة

الكل بص لبعض بصدمة وامير حكالهم الي شافه

الشيخ قال: ربنا رفع ستره عنها ربنا يهديها

وطلب من الكل يلتزمو بالقرآن والصلاة

ومشي والكل نزلو لبيوتهم بعد مااطمنو على توبة

فارس فضل قلقان على توبة وكل شوية يدخل الاوضة يتطمن عليها وهي نايمة

االصبح توبة صحيت حاسة انها بحالة افضل

فارس حكالها الي حصل كله قالتله الحمد لله على كل حال

واتصلت اخدت اجازة مرضية من الشغل اسبوع

كان الشيخ بيزور البيت كله يوميا وبيقرأ قران وبيحصن البيت بالقران والادعية وبالمية المقروء عليها قران لحد ماالامور هديت ورجعت لطبيعتها

توبة طلبت من فارس يخرجو يتمشو ويتغدو برة بالمطعم بتاعه

فارس كان سعيد جدا انها اتحسنت نزلو لعمها عشان تطمنو عليها

عمها باس دماغها وقالهها: حقك عليا انا غلطان بعد الي حصل انا سيبتها ترجع وغلطان في حق ولادي اني اتجوزتها بس الظاهر ان طول عمرها ليها بسكة السحر ربنا يسامحها فرقت بيني وبين اخويا زمان بسبب الغيرة من امك بس انا هجيبلك حقك

: عمي انا مسامحاها

لا انا خلاص اخدت موقف من افعالها

فارس: ازاي يابابا

طلقتها النهاردة انا تعبت منها وامك اشركت بالله وانا عاوز اعيش باقي عمري بهدوء

فارس: ربنا يخليك لينا ويطول بعمرك

مش هاقدر الومك على تطليقها بس اسمحلي ابعتلها مصروف

يابني انا مش جاحد وهبعتلها معاك مبلغ اكراما للسنين والعشرة

ياللا اخرجو ياللا بالسلامة واتبسطو

روحت لاهلي الي كانو قلقانين وطول الليل رايحين جايبن على فارس يتطمنو عليا

رحبو بيا بالاحضان واول مابابا عرف ان. عني طلق مراته زعل وقال: لاحول ولاقوة الابالله العلي العظيم ربنا يسامحها ويهديها

ماما: والله زعلت عليها

فارس بذهول: انتو زعلانين عليها بعد. كل الي حصل منها

ماما: يابني هي مغلوبة على امرها. لانها ضعيفة الشخصيه تجاه اختها الي مفهماها انها بتعمل كل دة لمصلحتها وهي بتغير منها انها اتجوزت ابوك راجل محترم وهي اتجوزت بلطجي

فارس: انتي عرفتي كل دة ازاي يامرات عمي

: يابني زمان كنا سلايف بنفس البيت دة لحد. ماامك عملت سحر بالكره بين الاخوات وسترنا عليها لما عرفنا وعمك فضل ينسحب ويبعد اتقاء لشرها

فارس: لاحول ولاقوة الابالله انا مخي اتشل ومش عارف اعاقبها لانها امي

طاهر: متكرههاش ودها وحاول معاها يمكن ربنا يهديها

فارس: عن اذنكم احنا هانتغدا برة

وردة: وماله بس خلي بالك من توبة

فارس: دي في عينيا

خرجنا شربنا لاتيه في كوستا وبعدها روحت معاه على المطعم اول ماالعمال شافونا باركولنا وكانو فرحانين جدا

ابن خالته جه اعتذرلي عن افعال امه واخواته قولتله انت ملكش ذنب

دخلنا مكتبه وطلبلنا غدا على ترابيزته الي محدش بيقعد عليها غيره لانها منعزلة عن المطعم على السطح وبتكشف البحر واتغدينا

ويادوب راجعين المكتب حسيت بهرج وصوت واحدة بتزعق

وقبل مافارس يتحرك ويشوف ايه الي بيحصل

اتفاجئنا بواحدة داخلة المكتب علينا والعمال بدأو يتجمعو والزباين كمان بيبصو بفضول

وبتقول وهي بتزعق: طب ماانت حلو وبتتجوز اهو

وبصتلي وقالت: انتي بقى العروسة المخدوعة

ماردتش عليها وكنت هادئة وبابصلها بابتسامة باردة

فارس مسكها من دراعها وقالها: انتي ازاي تتهجمي على مكتبي كدة انتي مجنونة اطلعي برة يامي

وزعق للعمال كة واحد يشوف شغله

زقت ايده وقالتله: اوعى ايدك ايه خلاص خايف لمراتك تعرف انا عاوزاها تعرف

وفارس بيشدها قالت: انا هقولك كل حاجة

قلت لفارس بهدوء: سيبها خليها تقول الي هي عاوزاه

قالي: توبة انا مفهمك

قاطعته: معلش خليها ترتاح

سابها وهو بيبصلي وهو مكسوف وعنيه بتترجاني اني اسانده

ابتسمتله باطمئنان

قالتلي: انتي متعرفنيش طبعا انا ابقى.....

🧐🤔🙄

يتبع

توبة

توبة

بارت16

انا ابقى مراته

فارس شاورلي بدماغه انه لأ

وبرغم صدمتي اتماسكت وفارس اتعصب وشدها برة وقول: كدابة ياتوبة دي مجرد ريكلام اطلعي برة

مي: لا مش كدابة والعقد. معايا

فارس زقها برة المكتب ونده على باسم والعمال وقاله: البت دي لو عتبت هنا تطلبولها البوليس وفعلا العمال خرجوها بدون ماحد يلمسها

كل دة وانا باسمع وساكتة بصيت لفارس وقولتله: ايه الحكاية

قالي: دي ريكلام وانا اتجوزتها عرفي فترة بناء على طلبها وبعدها زهقت منها كل شوية عاوزة فلوس وعاوزة جواز رسمي قطعت الورقة وسيبتها

صدقيني دة الي حصل انا بقالي سنتين ماشوفتهاش بس هي اكيد شافتنا سوا اوعرفت بجوازنا باي طريقه لانها زبونة بالكوافير الي جنبنا

قولتله: شوف يابن عمي اتمنى انك تحكيلي لوحدك بدل مااتعرض للموقف دة وانا مش فاهمة حاجة

ابتسم وقال: انا مش قاصد اخبي بس مش هاكون فخور اني اعرفك الماضي الاسود بتاعي دفعة واحدة

باسم خبط وطلب منه ينزل معاه عاوزه في شغل

بقلم ميرفت السيد

استأذن ونزل معاه وانا فتحت كاميرات المراقبة كان فيها عطل قدرت اصلحه وفضلت اتفرج على الي بيحصل لحد مارجع واتفاجيء بتصليحي للكاميرات

قالي: توبة تشتغلي معايا هنا🤔

: اشتغل ايه مانا باشتغل انت عارف

عارف بس محتاجلك هنا عاوزك تشرفي على المطعم تمسكي مدير عام وبصراحة اكتر محتاجين لمسة نسائية بالمكان بعد شغلك تروحي ترتاحي واخر النهار تنزلي معايا

: هافكر

طيب انا عاوزك بموضوع اهم

: خير

قرب مني ومسك ايديا وقالي: مش حاسة اننا قربنا من بعض متهيئلي احنا بقالنا شهرين تقريبا متجوزين لسة الاوان ماجاش نبقى زوجين

: مش حاسة ان الوقت مناسب خالص بس كل الي اقدر اقولهولك انك ماشي صح وخطواتك للتقرب مني صح

مش هاضغط عليكي بس انا عازز اعتذرلك عن افعال امي وارجوكي متزعليش لو كلمتها

: طول ماهي بعيد عني انا مسامحاها بس بدون مااتعامل معاها عن قرب

ابتسم وقال: حاضر ياتوبة تحبي نروح

: ياللا بينا بس خلينا نعدي نشتري حلويات للعيلتين ونفرحهم

حاضر ياتوبة

وبالفعل اشترينا حلويات وجمعنا العيلتين على الروف وكانت ليلة جميلة

عمي قال: توبة انا عاوز اخد رأيك في حاجة عاوز استغل الدور الارضي بمشروع لينا كلنا

: فكرة روعة ياعمي انا عليا تخليص الورق

وانتو بقى كلكم كدة فكرو

فارس: فكرة جميلة يابابا

تمارا: نعمل بيوتي سنتر

امير: الي تقوليه انا معاكي فيه😁

عمي ضربه على قفاه وقاله: اتلم ياض

الكل ضحك وكل واحد طلع بفكرة

بابا: رأيي معرض سيارات

عدي: فكرة حلوة

ماما: معرض ادوات منزلية

سامر: وممكن نعمله دورين ويبقى مول مثلا

تالا: او قاعة افراح

تالية: او شركة محاماة

توبة: وممكن نعمل كافيه ومطعم سوا

عمي: والله انا قلبي فرحان باللمة بتاعة العائلية دي ربنا مايحرمنا من بعض ياولاد كل خميس تجتمعو في السهرة كدة سوا

طاهر: بإذن الله

عمي: فكرتك حلوة مطعم وكافيه لمة العيلة والدور التاني للمناسبات

فارس: فعلا فكرة حلوة واسم جميل

واحنا بنتكلم عمي مسك قلبه ووشه اتغير وطلب ينزل يرتاح ورفض فكرة اننا نتصل بدكتور

بابا واولاده وصلوه لحد اوضته واخد علاجه ونام

بقلم ميرفت السيد

وولاد عمي نزلو شقتهم واخواتي وماما نزلو هما كمان

بعد مانزلو فارس قالي: انا قلقان على بابا

وانا كمان

: انا هنزل اتطمن عليه

ياريت واتصل بالدكتور جاركم دة افضل

: عندك حق

اتصل بالدكتور وهو نازل لقى عدي بينده عليه وبيقوله الحق بابا تعبان اوي

نزلنا جري وانا ندهت على بابا طلع يجري وعني مكانش قادر يتنفس ووشه احمرجدا والدكتور وصل بسرعه لانه جارهم ومتربي معاهم اسمه حسن

طلب من الكل يستنى برة وبعد الكشف قال انه محتاج يتنقل حالا المستشفى

فارس: اتصل بسرعة بالاسعاف تبع المستشفى الي انت شغال فيها بسررعة ياحسن

في ثواني الدنيا اتقلبت وهنا بينقلوه الحالة اتدهورت

وبسرعة الدكتور حاول يعمل الاسعافات اللازمة بمساعدة المسعفين

الكل اعصابه تعبت من القلق

لحد ماالدكتور خرج وشه متغير

فارس:ايه ياحسن ها طمننا هاتنقلوه المستشفى

الدكتور قال: البقاء لله ياجماعة

بكاء وصدمة من الجميع وفارس وبابا حصلهم انهيار

بابا: لا يااخويا مش بعد مانتصالح تسيبني ياحبيبي ياغالي

فارس صرخ: لا ياحسن ادخل اتأكد انقلوه اكبر مستشفى

وولاد. عمي كلهم بحالة صدمة وماما واخواتي بيبكو

انا كنت في حالة عدم استيعاب

ازاي كدة على غفلة

لاحول ولاقوة الابالله العلي العظيم

ربنا يكفينا شر الغفلة

بابا بعد مافضل يدعي ويستغفر قام وبدأ يحضر لاجراءات الدفن والجنازة ويطلب من ولاد عمي يتحركو ويمسكو اعصابهم وهو بيغالب دموعه

فارس كان منهار تماماً وتايه

بابا دخل حضنه وفضل يصبره

وتاني يوم دفنا عمي بمقابر العائلة كان يوم جمعة وبالليل كان العزاء

واحنا بسرادق العزاء المخصص للسيدات بالشقة بالدور الارضي الي كان بيفكر يعملها مشروع بناخد فيها عزاءه وبنتستقبل المعزيين من النساء انا وامي

وسرادق الرجال كان امام العمارة بابا وفارس وابناء عمي بيستقبلو المعزيين من الرجال والمقريء بيتلو القرآن

اتفاجئنا كلنا ب.....

🤔🤔🤔🧐🧐🧐

يتبع

الاثارة الحقيقية ستبدأ👌🏻😉

توبة

بارت17

اتفاجيء الجميع بأميمة وقسمت داخلة وبتصوت

بسرعة اولادها جريو عليها وحاولو يسكتوها

مفيش فايدة اترمت على الارض وفضلت تقول: ضحكوعليك وفرقو بينا وقتلوك ياعثمان

واختها بتواسيها وبتمثل البكاء

فارس سحبها جوة البيت وزعقلها وقالها: عيب الفضايح دي

انتي جاية ليه بعد ماسبتيه واذتيه واذتينا وهو عايش ارجوكي ياامي كفاية كدة

قالتله: يعني مااعزيش في ابو ولادي ولا ارجع اراعيكم

تقدري تعزي وتروحي مش من حقك تعيشي هنا ياامي خلاص انا بابعتلك مصاريفك مش هو دة غرضك الفلوس

اترددت اني اتدخل طبعا كان لازم اتدخل عشان امنع فارس من الانفجار من الزعل على وفاة ابوه ومن تصرفات امه

روحت ومسكت ايده وقولتله: ارجع خد العزا انا هاتصرف معاها متقلقش

وبالفعل مشي وسابنا

وبصتلها بحدة وقولتلها: هتقعدي في العزا زي الكرسي الي قاعدة عليه

بوقك هايتفتح انتي ولااختك هاتزعلو انتو والي يزعل عليكم واوعي تفكري اني هاسمحلك ترجعي تعيشي هنا فاااهمة يااميمة

طبعا من نظراتي واسلوبي خافت وهزت راسها بالايجاب

وبالفعل قعدت في العزا خايفة وساكتة وهنست لاختها بكلام اختها وشها اصفر وفضلت ساكتة وبعد ماخلص العزا مشيوا بسرعة

بابا كان متماسك بس اول ماطلعنا بيتنا انفجر من العياط وكلنا بنواسيه

فارس كمان قعد وانهار من الحزن وعنيه دمعت طلبت من فارس انه يتماسك قدام اخواته ويهون عليهم ويصمم انهم ياكلو وينامو كويس

وفعلا طلبلهم اكل واتعشا معاهم واتطمن عليهم

قعدت عند بابا لحد.مانام واتطمنت عليه انا واخواتي

فارس جه وطلب مني نطلع الشقة وبالفعل طلعنا دخل اخد شاور وطلع كنت حضرتله اكل

قالي: مش قادر

لا انت مااكلتش من امبارح عشان خاطري

بصلي واترمى في حضني وانفجر باكياً

قولتله وانا باهون عليه: احمد ربنا انه مات راضي عنك

قالي: ربنا الي يعلم انا باحبه ازاي وباحترمه مش متخيل حياتي من غيره

ضميته وفضلت اهدي فيه لحد. مانام في حضني زي الطفل

الصبح روحت شغلي اخدت اسبوع اجازة من رصيد اجازاتي ورجعت بسرعة كان فارس لسة نايم

نزلت لبابا اتطمنت عليه وعملنا غدا انا وماما واتصلت بفارس ينزل واتغدينا كلنا في شقة عمي مع اولاده

كانو بياكلو بالعافية من الحزن

بعد الغدا بابا قالهم: شوفو بقى انا موجود معاكم وبمقام. عثمان الله يرحمه وبعد ايام العزا كل واحد فيكم هايرجع شغله او دراسته

وماتشيلوش هم حاجة ولاايه يافارس

فارس قال: ربنا يخليك لينا ياعمي كلامك كله صح

واحنا قاعدين لقينا الباب بيخبط فارس قال انتو كنتو ناسيبن باب العمارة الرئيسي نفتوح ولاايه

عدي فتح الباب لقى امه

دخلت بدون استئذان ولما لقتنا قاعدين بصتلي وارتبكت وقالت: انا عاوزاك يافارس

فارس قام وهو متضايق ودخل بيها الصالون

قالها: خير

قالتله وهي بتعيط: كدة يافارس خلاص مش هاترجعني اراعيكم عمك ومراتك حكمو عليك

فارس: ياماما ارجوكي كفاية دة بيت بابا وانتي اتطلقتي واحنا مش هنامن نعيشك وسطنا ومتجبيش سيرة عمي او توبة محدش منهم اساء ليكي بكلمة ولو قلبك. كان علينا مكنايش رمتينا عشان اختك وبناتها ولا اذيتي مراتي بسحر

اخواته دخلو وقفلو الباب عدي قالها: احنا عارفين انك عاوزة ترجعي بس للاسف مبقاش ينفع

سامر: كدة احسن احنا تعبنا بسببك وبابا لما تعب ماوقفتيش جنبه قبل كدة كان كل همك الفلوس وسحرتي لفارس ومراته انا مامنش اكل من ايدك

امير: ان كنتي محتاجه فلوس هنبعتلك بس سيبينا في حالنا

اميمة ببكاء: خلاص كلكم رافضيني

فارس: يمكن ترجعي لعقلك

وبعد اذنك هاتي المفتاح وخدي بالك العمارة متراقبة بالكاميرات لو فكرتي ترشي سحر تاني

اميمة طلعت المفتاح وهي زعلانة بجد على موقف اولادها منها وبس مش قادرة تفهم انها وصلتهم لكدة بافعالها

ولسة هاتمشي وقفت وقالت لفارس: عاوزة فلوس

فارس: مانا عارف

ومد ايده بجيبه وطلع رزمة اخدتها ومشيت

فارس قال لاخواته: زي مابابا قالنا بلاش حد. منكم يدخلها او تصعب عليه كفاية امكم مش بييجي من وراها خير حتى مش زعلانة ولابتترحم على بابا

ربنا يهديها

نزلت لاختها كانت مستنياها بعربية واحد

اول ماركبت معاها قسمت قالتلها: لما مااتصلتيش عرفت انك مش هتباتي وراجعة

اميمة: العيال رفضوني

قسمت: ولايهمك تعالي نتفسح بكرة هانلاقيلهم سكة متقلقيش

وبعد ايام العزا اقترحت على فارس نبات بشقة عمي مع اخواته ونراعيهم وفعلا بدأو ينتظمو بالشغل والدراسة وفارس راح مع عدي الشركة وساعده بالادارة

وبابا ساهم ببناء مسجد على روح عمي

وفي يوم لقينا اتصال لفارس من محامي عمي الله يرحمه

بيطلب انه ييجي النهاردة بالليل ولازم الكل يكونو موجودين اولاد عمي الاربعة وبابا وانا وامي عشان وصية عمي تتقرا قدامنا

وصل المحامي وفتح الوصية وبدأ يقراها لأول مرة

والكل مصدوم 😳😳😳🧐

يتبع

توبة

توبة

بارت 18

المحامي اسمه محمد عيد وكان صديق ومحامي لعائلة عثمان بعد مااتأكد من وجود كل الافراد المعنيين بالميراث

فتح الوصية وبدأ يقرأها

اوصي انا عثمان وانا بكامل قواي العقلية بتوزيع املاكي بالتساوي بين اولادي

ولكن بشروط

كل ولد يرث الدور المخصص له ومحمد عيد عنده عقود ملكية باسم كل واحد فيكم لشقته

وشقتي ليكم انتم الاربعة

والشقة الفاضية في دور عمكم باسمه هدية مني له يإجرها يبيعها يعيش فيها هو حر

والدور الارضي باسمكم انتم الاربعة

والشركة باسمكم انتم الاربعة

قارس وعدي لهم حق الادارة

ورصيدي بالبنك البالغ 25 مليون جنيه يقسم كالاتي

بالتساوي بين اولادي الاربعة ولكن بشروط

الشروط دي عملتها لمصلحتكم انا عاوز نسل صالح وزوجات محترمات عشان كدة لقيت الحل ولازم يتنفذ

ان كل واحد. منكم يتجوز من بنات عمه طاهر

وفارس قدامه سنة يكون خلف فيها مالم يكن هناك موانع طبية

وال2 مليون الباقيين يتوزعو على وردة زوجة اخي تعويضا مني عن الي حصلها زمان وتوبة عند الانجاب مالم يكن هناك. موانع طبية

وبنات اخي كهدية مني عند زواجهم من اولادي

والي يرفض يامحمد يبقى بيتنازل عن فلوسه للجمعيات الخيرية

ويبقى نصيبه الشقة والشركة فقط

محدش يستغرب منكم انا مش عاوز ام لاولادكم تسيبكم في اواخر ايامكم وتتخلى عنكم في اول مطب

واخر شرط ممنوع على امكم الاقامةبالبيت تحت اي ظرف

طبعا تنفيذ الوصية عند بلوغ السن القانوني لمن لم يبلغه بعد

وامامكم فرصة سنة كاملة لتنفيذ الوصية بعدها يتم ايداع الفلوس لحسابكم

طاهر انت عارف غلاوتك وصيتك اولادي ياطاهر وانك تحرص على تنفيذ وصيتي

ودة توقيعه وفي شهودموقعين معاه.

المحامي خلص وبصلهم والكل مصدوم ومحدش بينطق

المحامي سلمهم عقود الشقق وقالهم قبل مايمشي: انا عارف انكم مصدومين ولكن نصيحتي تقبلو ومعاكم سنة مهلة وانا تحت امركم بأي استشارة مكتبي مفتوح ليكم بأي وقت

سلام

ومشي وسابهم طاهر ووردة رجعو شقتهم بدون ماينطقو حرف وانا روحت معاهم

وفارس واخواته قعدو مصدومين محدش بيتكلم

امير قرر يقطع الصمت وقال: ايه ياجماعة انتو اتخرستو هنعمل ايه انا معنديش مانع اتجوز تمارا وبنات عمكم. زي القمر

عدي: اسكت انت لسة صغير مش من حق حديختارلنا حياتنا دة حقنا ليه يابابا كدة

سامر: وبيدخل عمي معانا بالميراث عافية كدة

فارس بيسمع وساكت

عدي: ماتنطق يافارس

فارس: اولا ابوكم عمل الي شايفه مناسب من وجهة نظره

ثانيا انتو مفكرين عمكم وبناته هايقبلو اصلا

ثالثا اقبلو البنات حلوة ومتعلمة ومتربيين كويس

عدي: واحنا ذنبنا ايه نتدبس

امير: انتو تطولو اصلا

سامر: هو احنا ممكن نقبل ولما نستلم الفلوس نطلقهم او نتجوز عليهم

فارس: بلاش كلام اهبل البنات دي من دمكم معاكم سنة تفكرو متستعجلوش واصبرو لما نشوف عنكم وبناته ايه ظروفهم

عدي: عندك حق

فارس: عالنوم ياللا وانت ياعدي بكرة تنبه على كل رؤساء الاقسام يحضرو تقاريرهم للمراجعة وانا معاك متقلقش

تصبحو على خير انا طالع شقتي

في بيت طاهر الوضع مااختلفش كتير

البنات جريو على ابوهم عاوزين يتطمنو طاهر ساكت

وردة: والله مانا عارفة اقولكم ايه

تالا: ايه ياماما قلقتينا

توبة: يابنات بصراحة الوصية بتقول انزمل واحد. من ولاد عمكم عشان ياخد. ميراثه الي هو 5 لكل واحد لازم يتجوزوكم بعد سنة وانا اكون خلفت والا الفلوس تروح الجمعيات الخيرية

وماما ليها مليون وانتو كمان ليكم لكل بنت مليون لو قبلت تتجوز ابن عمها وانا كمان

والشقة الي بتتإجر مصيف كتبها لبابا

بابا: انا مخي وقف ودلوقتي يفتكروني طمعان واني كنت عارف بالوصية وانا مش هاغصب بناتي على الجواز عشان فلوس ابدا وهارجعلهم شقتهم

ليه كدة ياعثمان بس

توبة: اهدا يابابا واحنا معانا وقت نفكر

تالية: ايوة فعلا ليه يحددلهم مستقبلهم

تمارا: ياجماعة هو نيته خير عاوز يقربنا من بعض

تالا: لا هو عمي الله يرحمه تلاقيه زي ماقال على توبة عاوزلهم زوجة صالحة

هو ميعرفش ان جواز القرايب غلط

طاهر: لاحول ولاقوة الابالله العلي العظيم

انا راجعلهم لازم اعرفهم رأيي ورإيكم

طاهر خارج لقى فارس في وشه اخده ورجع بيه شقة اخوه وجمع ولاد اخوه وقالهم: شوفو بقى مش هعرف انام الا لما اقولكم الي جوايا

اولا انا هاتنازلكم عن الشقة دي مش من حقي يااما تتمنوها وتاخدو حقها

ثانيا بناتي وانتو مش مجبرين تتجوزو بعض روح يافارس انده لبنات عمك

فارس ندهلهم وجم

كل بنت قالت رأيها تاني بكل صراحة

ولاد. عمهم فرحو بكلامهم واتأكدو انهم مش طمعانين

وكل واحد فيهم قال رأيه بصراحة

فارس قال: شوفو بقى ياجماعة قدامكم سنة تكونو قررتم فيها هل في حد منكم حاسس بانجذاب للتاني بلاش ترفضو من دلوقتي

وبعدين ياعمي مع كامل احترامي الشقة دي هدية اخوك عيب تردها

طاهر: بس انا مصمم دي ورثكم وانا عايش هنا يابني بحر مالي واشتريت الشقة بفلوسي

فارس: خلاص ياعمي نشوف رأي الاغلبية ايه

انا شخصيا مش عاوز حاجة

امير: عمي انت مهون علينا وفاة بابا انا كمان مع فارس بالرأي

سامر: انا كمان انت عمي والي باقي من ريحة ابويا وكشخص باحترم قناعتك وانك مفكرتش تشتكي بابا زمان

عدي: انا بحبكك ياعمي وشهادة لله انت تستاهل كل خير انا من رأي فارس

طاهر دمع وحضنهم كلهم وقالهم يبقى كلام فارس يمشي الشقة تأجروها كل صيف والايجار حقكم وتصبرو سنة وتبقو تقررو وكذلك الحال لبناتي

كلهم وافقو واتفقو يصبروا سنة ويقرروا بعدها

واخد بناته ومشي وفارس اخد توبة وطلع

شقته

واول مادخلو اوضتهم قالها: توبة انا.......

وكان كلامه صدمة لتوبة 😳😳😳😳😳

ياترى قال ايه

🤔🤔🤔🧐

يتبع

توبة

توبة

بارت19

اول مادخلنا الاوضه فارس فاجئني وقال: توبة انا شايف اننا نسرع بموضوع الخلفة وكفاية جواز على ورق

: انت شايف ان ده الوقت المناسب 🤔

ايوة طبعا دة انسب وقت انا عملتلك كل الي طلبتيه مني من يوم جوازنا ولكن لحد امتى ياتوبة

: ايوة بس مش بالشكل دة هو مش زرار ياللا حالا هاينفذ خصوصا بالظروف دي

انا ماقلتش حالا بس عالاقل تفكري وتقرري في اقرب وقت يناسبك

: طيب شوف يافارس انا اتعودت اساند جوزي واتحمل ظروفه وانت نضغوط ونفسيا حاسس انك مش بخير عشان كدة انا هاقولك الخلاصة خلينا نأجل الكلام بعد الاربعين

قصدك نقاش ولا قرار

: نقاش طبعاً

بقلم_مرفت_السيد

لا ياتوبة مفيش وقت للكلام دة يااما هاضطر ادخل عمي

: اوعى تفكر تطلع اسرار او خلافات لينا برة فاهم وبعدين للدرجادي ملهوف على الميراث

توبة انا شايف انك مش عاوزه حتى تقربي مني ومش عارف السبب بس انا فعلا تعبت

: خلاص يافارس قراري بعد اربعين عمي الله يرحمه

تمام تصبحي علي خير

: وانت من اهله

كل واحد نام بجهة من السريروضهره للتاني ولكن مين يقدر ينام

توبة بتفكر وبتقول للدرجادي الورث مهم واهم من مشاعري معقولة عاوزني زوجة فقط لاحب ولا احساس انا شايفة ان افضل حل اخد رأي زميلتي و صديقتي من الشغل هالة هي الي تقدر تفيدني وترد على اسئلتي

وعلى الجهة الأخرى فارس بيفكر

ليه ياتوبة رافضة تديلي فرصة احسسك فيها بمشاعري

يمكن انا فاشل بالتعبير بالكلام ولكن انا اقدر احسسها بلمسة واحدة كل الي جوايا هي بس لو توافق وقتها هاتعرف ان كل واحدة عملت علاقة معايا ادمنتني دي طريقتي بالتعبير عامة بكرة هاخد رأي باسم يمكن يعرف يفيدني عن عقلية البنات

توبة رجعت شغلها تاني يوم

واتفقت مع هالة وراحو كافيه بعد الشغل

هالة: خير ياتوبة

شوفي ياستي انا عاوزة اسألك عن علاقة الراجل بالست وتحديدا علاقة الزواج والنشكلة ماتخصنيش

: ناشي هاعديها اسألي

هل في راجل يقدر يصبر على اقامة علاقة مع مراته بناء على طلبها شهور

وهل طلبه للعلاقة حاليا لغرض الانجاب يبقى في حب ولا جواز والسلام

بيفكرو ازاي ياهالة

: شوفي ياتوبة مفيش راجل بيصبر أبداً الا بحالتين بيحبها ويقدرها اومش فارقة معاه

هي الي تقدر تحدد هل بيحاول يقربلها وعمل كدة لارضاءها يبقى بيحبها وعاوز يخلف منها حبا فيها لان دة وضع طبيعي

او متجاهلها وعاوز يخلف وخلاص ودة استبعده مفيش راجل بيتجوز والسلام خصوصا دلوقتي

توبة: طيب يعني لو بيحاول يقربلها وبيعمل اي حاجة بتحبها يبقى في مشاعر جواه ليها

: اه طبعاً

تمام 👌

ياللا غديني هو الاستشارة ببلاش😹😁

: اطلبي الي انتي عاوزاه يامفجوعة😂

بقلم_مرفت_السيد

من جهة تانية فارس خلص اجتماعه بالشركة واخر النهار راح المطعم

فارس قعد مع باسم بكافيه و قالع: شوف ياباسم انت رومانسي وحبيب ايه اقرب طريق يخلي الواحدة تعرف ان جوزها بيحبها

باسم: يقولها

لأ حل تاني

: يحسسها يشتريلها هدية يسمعها لما تتكلم ياخدها بحضنه

اه بس كدة

: اها بس الاهم يقولها مشاعره بصراحة

تمام

:: ايه عندك مشاكل

اتلم ياض

وبالليل روح فارس اتطمن على اخواته وفرح جداا لما عرف ان عمه موصي وردة تعمل حسابهم بالاكل وعمهم بياكل معاهم كمان وبيراعيهم بغيابه

طلع شقته وهو جايب هدية لتوبة

لقاها بتتفرج على مسلسل عالنت ومخستش بدخوله

قرب منها وخضها😹

توبة: يابارد خضتني مش هفوتهالك

طب تعالي الاول وبعدين انتقمي

: ايه مخبي ايه ورا ضهرك🤔

دي ياستي هظية بسيطة كدة يارب تعجبك

فتخت توبة البوكس لقت مفتاح عربية: 😳😳ايه دة

دي العربية الي كان نفسك فيها

: وانت عرفت منين اني كنت عاوزة العربيه دي

من الفيس

: دي احلى هدية جاتلي

ماستاهلش تشكريني

ومدلها خده زي الاطفال عشان تقبله😂😁

ضحكت من طريقه وقبلته برقة

وقعدو يتعشو سوا ولاول مرة يسالها عن يومها وفضلو يتكلمو عن احداث اليوم

واستمرت معاملته اللطيفة معاها وهو متجنب يفاتحها بالموضوع تاني وهي كمان لحد يوم اربعين عثمان

وبعد ماخلص الاربعين وكل واحد راح على بيته

فارس طلع شقته وهو هايتجنن ويعرف قرار توبة

🤔🤔🤔👌

يتبع

توبة

توبة

بارت20

فارس نده على توبة ماكنتش موجودة

فضل ينده عليها مفيش ليها اثر

افتكر انه من الصبح وهي ملهاش اثر وهو كان مشغول بالاربعين

اتصل بيها الفون مقفول بدأ يقلق

فارس راجع الكاميرات توبة خرجت الصبح دخلت شقة ابوها وبعدشوية خرجت متجهة لشغلها ومارجعتش البيت لحد. دلوقتي

اتصل بعمه وسإله عليها

قاله انها سلمت عليهم قبل ماتخرج وتروح شغلها الصبح

من ساعتها ماشفهاش وبيفتكرها بشقتها فوق

فارس قاله توبة مارجعتش ولاليها اثر اسأل اخواتها اتصلت بيهم او شافوها

عمه قاله لا محدش كلمها انت كدة قلقتني في ايه

فارس: الساعة 9 وملهاش اثر وفونها مقفول انا نازلك ياعمي

فارس نزل وفضل هو واهلها يحاولو يتصلو بيها الفون مقفول

اخواتها اتصلو بقرايبهم محدش شافها اتصلو باصحابها في الشغل هالة قالت انها مشيت بميعادها وشافتها واقفة مع 2 ستات لابسين عبايات وكمامات على وشهم جنب عربيتها وركبو معاها عربيتها

فارس وطاهر قرروا يبلغو البوليس

وردة وبناتها فضلو يعيطو والقلق زاد ومحدش عارف توبة فين

فارس وطاهر خارجين قابلو عدي سالهم رايحين فين

فارس حكاله

صمم يروح معاهم فارس طلب من امير وسامر يخلو بالهم من بنات عمهم ومايفتحوش لحد غريب

بقلم_مرفت_السيد

امير قالهم: قبل ماتبلغو البوليس شوفو أمي

الكل انتبه للفكرة الي غابت عنهم

طاهر قالهم: فعلاً وانا اسف ياجماعة اني اقول ان دة احتمال

فارس: ياعمي دة اكبر احتمال كان غايب عننا قبل مانروح نبلغ محتاجين حد شغال بالبوليس ييجي معانا يراجع كاميرات شارع خالتي واعتقد زمايل توبة هايسمحولنا تشوف الكاميرات

طاهر: معايا ارقام ضباط كتير بسبب شغل توبة

عدي: كلم حد منهم بسرعة

وفعلا طاهر اتصل بزميل توبة ظابط اسمه ادم وبسرعة قابلهم ومعاه 2 ظباط زمايله وراحو راجعهو كاميرات شغل توبة والاتنين ستات مكانش باين منهم حاجة بسبب لبسهم عبايات وكمامات واضح انهم عارفين هما بيعملو ايه اتكلمو مع توبة عشر دقايق كاملة وكانت منفعلة وبالنهاية ركبو معاها وانكلقت توبة بالسيارة

فارس والي معاه اتوجهو للشارع الي اميمة ساكنة فيه مع اختها

وراحو على اقرب محل وراجعو الكاميرات وشافو ان قسمت واختها نزلو من بيتهم قبل هروج توبة من شغلها بساعةفعلا بس كان لبس عادي مش عبايات

ومع مراجعة الكاميرات مارجعوش بيتهم لحد. دلوقتي

عدي قال'الوضع اتعقد

رد الظابط: بالعكس هانراجع كاميرات الاماكن الي حول شغل توبة وهانشوف

وفعلا راحو على اقرب كافيه من شغل توبة وظهر فيه ان الاتنين ستات نزلو من تاكسي بنفس الكمامات ودخلو الكافيه طلبو ازازة مياه معدنية تم استجواب عمال الكافيه الي قالو انهم. طلبو مية ومشيوا ودة واضح بالكاميرات وتم تكبير الصورة واخدو رقم التاكسي وباتصال بظابط بالمرور تم التوصل لصاحب التاكسي

وفي دقايق كانو توصلو للتاكسي وصاحبه محمود كان سوابق سرقة بالاكراه

ولما تم استجوابه انكر بالبداية معرفته بالراكبتين

ولكن الظابط ادم احتجزه ورجع للشارع الي بتقطن قيه قسمت وراجع كل الكاميرات الي اظهرت خط سير قسمت واميمة

واخيرا وعلى بعد 5 شوارع ظهرو وهنا بيركبو نفس التاكسي

ابتسم ادم بانتصار ورجع للسواق وتم مواجهته واعترف انه على علاقة بقسمت من سنة وانه بيساعدها بكل مشاويرها هي وبناتها

وهي طلبت منه توصيلها هي واختها قبل مبنى النيابة وغيرو ملابسهم بالتاكسي لعبايات وكمامات حتى هو استغرب بس هي قالتله رايحين مشوار نأدب واحدة ومش عاوزين نتعرف

ومع استجوابه بعنف وبطرقهم الخاصة فعلا دي الحقيقة

المهم خلوه يتصل بقسمت اكنه بيكلمها عادي وعاوز يشوفها ويحاول يعرف مكانها

ولما ردت عليه قالتله شوية واكلمك

وبعد ساعة اتصلت بيه وقالتله عنوان على طريق مصر اسكندريه ييجي ياخدها هي واختها

القلق والتوتركان بيزيد والفجر قرب يأذن

وطاهر بيدعي وكل شوية اتصال من البيت وطاهر بيطمنهم انهم بيدورو وان شاء، الله خير

بنفس التوقيت اتبعتت رسالة مؤقتة لفارس عالواتس من رقم توبة بتقول

لو عاوز تشوفني تاني بكرة تجيب مليون جنيه وتحطهم بعربيتي الي هاتكون مركونة عند كارفور الساعة 9 مساء لو بلغت اقراعليا الفاتحة

وقبل السكرين شوت المسدج اتمسحت تلقائي

ادم اخد قوة معاه واتجهو للعنوان الي قالته للسواق ومع اصرار طاهر وفارس وعدي اصطحبهم بشرط مينزلوش من العربيه

بقلن_مرفت_السيد

واتفقو مع محمود يبقى طعم وادم اتنكر وركب معاه وفعلا محمود والقوة اتجهو للمكان واول مامحمود وصل وكلمها

شوية والاختين خرجو من بيت مهجور بمكان مقطوع اول ماركبو قالتله مين دة ياحودة

قالها: دة صاحبي علي انتي كنتي بتعملي ايه هنا

وقبل ماترد كان ادم والقوة الي معاه قبضو عليهم وهما بحالة صدمة وبيصرخو معنلناش حاجة قي ايه

البوليس اقتحم البيت

فارس مقدرش يتحمل جري على البيت

اول مادخلو اتفاجئو بتوبة كانت......

😳😳😳😳

يتبع

توبة