تحميل رواية «تل الذهب» PDF

تل الذهـــــــــــب

قال لي أنت متيمتي وقلت

انت شيطان مارد صعب العيش

قال وقد خلق الله ملائكه

فكوني ذلك الملاك لي

قلت أنت تهوى النساء

وأنا غيوره لاملاك في الغيره

قال أحبيني بلا عقد

قلت أساهرا انت؟

قال سأكون ساهرا في الغناء

قبانياً في الغزل

قيسياً في العشق

دافنشياً في رسم أنوثتكِ

قلت حبيبي دع الماضي وقبلني

ف انا بين ذراعيك انا الكل

وانا لي الحاضر والاتي.... بقلمي رغد الموالي

سَديـــــــــَــــم....

ادم- تتزوجيني سديم

سديم- انت شتحجي

- احبج سديم

- الي مثلك ميعرفون شنو الحب

- صدكيني احبج

ولاتكولين يدور لعب ودايبيع عليه كلام اعرف عقليتج وشلون تفكرين اذا تقبلين من باجر اجي اخطبج

- يعني انت تريد تتزوجني لان مااكدر اسد فلوس العمليه

- برأيج حتكدرين تسديها

- منو يكول اداين منك

- بكيفج

كام وكف على حيله وعدل سترته

اني عرضت عليج عرض غيرج يحلم بي واساسا غيرج حتخرب علاقتي بيهم بعد موافقتج

ف فكري منا ليومين ورديلي خبر

اني رايدج ام لجهالي

بقيت صافنه شيحجي

هذا يحجي صدك لو درب من دروبه شسوي

مستحيل اوافق على واحد مثل ادم

ادم متعبببب يوميه وي وحده

جان الموضوع مفاجأه الي معرفت شسوي اتصلت مباشرة ب رباب

هلو رباب

هلو حبيبتي

- رباب ادم طلبني للزواج

- تحجين صدك

- شسوي شكله

- وافقي ولج

- اسمعي السالفه مو مثل ماانتي متصورتها

اكلج الحجي مو مال موبايل شوكت تجين

- بعد باجر اجي

بس مااتحمل احجيلي شنو

- تعالي واكلج

- يوووووو عليج سديم مااتحمل لبعد باجر باجر يمج

ثاني يوم مطلعت للشغل استحيت

اتصل ادم

- نعم استاذ

- ليش مامداومه اليوم

- تعبانه ومريضه

- سلامات عيوني انتي شبيج اوديج طبيب

- لا عادي

- شنو عادي اذا مريضه تحضري اوديج

- لا لا عادي كل مره تصير

- هاااااا

سكت ثواني

بعدين كال

تحتاجين شي

- لا شكرا

- اي شي تحتاجي بس كولي

- شكرا الك

يله عيوني اروح اشوف شغلي

سده الخط وبهذه الاثناء اجت رباب

- هلو رورو شلونج

- علمودج جيت

ها احجيلي شكو

طلبني للزواج

- ايييي وافقي

-رباب مرت خالي عدها عمليه وحرت بفلوس العمليه ولما سمع ادم كالي اني ادفعه اعتبري مهر واتزوجج

- صدك يحجي هذا

كل عقله يعني

- اي والله كالي اني احبج

- لو يحبج ميستغل الموقف

- شسوي شلون

- تقبلين يشتريج بفلوسه

- وعمه شلون

- ماوكفت عليه تدبر

- ياريت الله وايدج

- سديم لاتتزوجين هيج زواج هذا مخليج باله والفرصه اجت اله استغلها ولعبها صح

- اعرف لهسبب ردت اشوفج واحجيلج

- اني هم عبالك حنخطب وابتسمت بخجل

- اندهشت صدك

- تتذكرين الاستاذ الي كلمتج عليه مره

- الرجال الجبير الي متزوج

- لج ثول

مو هوه

الي كتلج عليه مرتب وشخصيه كاريزما واعزب

- اي شبي هو خطبج

- اي تقدملي واهلي ناس مؤيدين وناس معارضين

- ليش بله

- يكلولي بغداد احنه شنعرف عنه

- واذا كليلهم اني اعرفه

- مادري سديم حايره خاف اتزوج وتطلع اطباعهم مو مثلنه واتندم

- شتشوفي انتي

- كلشي بي عاجبني ومتأكده مايجيني الاحسن

- خلص لعد

- شنو

- واففي

- هم داافكر حايره

- لو منج اوافق

- هه بعد مااخذ. بنصايحج هو انتي ادم ومتردده بالزواج منه لو اني يساومني هيج ااااااخ جان اكلته

- الله لايخليج بموقفي رباب

صعبه من عندج عزيز بين الحياة والموت وانتي واكفه تتفرجين..

- صحيح كلامج بس تصرفه نذل

- واني مستحيل اقبل يشتريني هيج

هنده شنو اخبارها اهلها حسو بشي

- لا وهذاك هم طلع بس حجي

- اي زين الحمد لله

- اكلج اكوم ادرس اني همزين هنا هدوء وييييييين عن البيت

راحت تدرس ولفتت انتباهي على شغله مهمه وهو انه يشتريني بفلوسه

مستحيل اقبل

ثاني يوم اجاني هم جنت بالمكتب

ها شكلتي

-على ىشنو

- على موضوع الزواج

- استاذ ادم تحجي صدك انت

تقبل انباع وانشره

شلون اقبلها على نفسي

- وليش تحسبيها هيج

- شلون احسبها لعد

- كتلج اني احبج ورايدج

- اي صح بالعلامه مهري فلوس عملية عمتي

- يعني متقبلين

- باوعت ونترت

لااا

-براحتج

عافني وراح لمكتبه

كملت شغلي ورجعت للشقه وعده اسبوعين ثانيه

رحت لبيت خالي كلبي نار على عمه شفتها

ضعفانه ومبين عليها القهر بس تكابر

شلونج عمه

- هله بنتي سديم

- صحتج شلونها

- تمام

- كعدنه جاي وكعك وسوالف

عمتي رغم مابيها من الم بس تحسسك هي اكبر حتى من الالم

انتبهت عليها دوخ وتلزم راسها وتتأذه ولما تشوفنه ننتبه تكابر وتتبسم وتبين طبيعي

اي وجع هذا الي متحملته انتي

وجع المرض

وجع الفقر

اي واحد منهم بالضبط

- دبرت فلوس 5 مليون اخوتي لمولي

- وبعد 10 من غير المصاريف والعلاج هاي بس العمليه 15 عمه

- كالت ام اسعد راح تشوف الجمعيات الخيريه

- شوكت كالتلج

- مصار شي قبل شهر تقريبا

- اي منا لما يلمولج هم بلكت فد 5 تبقه 5 نداينهن

- راجعت عمتي وكاللها الطبيب تستعجل على العمليه التأخير مو بصالحها

- ضاقت بيه الدنيه واحتاريت بزماني

خصوصا لما اغمى على عمتي وحسن ومحسن ودوها للطوارئ

بليلتها قررت اقبل

اتصلت على ادم يمكن جان الوقت الوحده بالليل

- اتصلت وجان صوت اغاني عالي يمه ماعرف وين كاعد

الووو شلونك ادم

- متصله بهذا الوقت سديم خير صاير شي

- لا بس

وسكتت

اغمض بعيني اعصرها صعبببببب

منين مااباوع صعبببببب

راح ابيع نفسي اله وهو

هو هذا هو يوميه سهرات وكيف ونسه وبنات

زين شلووون

- احجي سديم بيج شي

- اني موافقه نتزوج

- ههههه توقعت حتقبلين

سديم - حروح باي

ادم - باي حبيتي

- سديته منه ونهاريت بجيت بحركه وصوت

ذبيت حركتي بالمخده الوحيده الي شهدت على دموعي وقهرتي

اني مااريده زوج الي هو مايشبهني

عالمي يختلف عن عالمه

اني بدنيا وهو بدنيا ثانيه

بجيت لحد ماحسيت عيوني دكلي خلصت دموعج كافي

كمت غسلت وجهي وباوعت بالمرايا جانت عيوني بيها حمار من البجي خدودي مورده من البجي

مددت انام وغفيت....

غرفة ادم كبيره بس كلها تراب

وصور مشمره بالكاع

هو ماكو طالع

بيتهم لابي دفىء اسري ولاشي اهله موجودين

بس ملتهين عنه

شفت ادم اجه اخذ شي من غرفته وطلع

لفت انتباهي منظر غرفته متربه وسيارته متربه

وسخه...... بس اني ماسويت شي بقيت اباوع

وهو راح طلع وفزيت

الدنيا فجر صوت الاذان يكزبر الجلد

شكد نمت ساعتين؟

بس احس روحي شبعانه نوم

طلعت بره توضيت وفرشت سجادتي وكعدت اصلي

واقرأ القرآن قريت القران بعدين تذكرت عمتي لما كنت تستخير بكل شي تنوي فعله او تريد تعرفه صالح الها او لا قررت استخير بزواجي من ادم

كانت تصل على محمد وال محمد 3 مرات

بعدين تقرأ سور قرآنيه قصيره قريت الفاتحه والتوحيد وصليت على النبي 3 مرات

واستخاريت

اللهم اني استشيرك في امري ان كان صالحا لي او سيئا اللهم نويت على...... وانت ارحم الراحمين

فتحت الكتاب

فكانت السوره طه....

سورة طه.... بسم الله الرحمن الرحيم

(فَلَمَّا أَتاها نُودِيَ يا مُوسى (11) إِنِّي أَنَا رَبُّكَ فَاخْلَعْ نَعْلَيْكَ إِنَّكَ بِالْوادِ الْمُقَدَّسِ طُوىً (12) وَأَنَا اخْتَرْتُكَ فَاسْتَمِعْ لِما يُوحى (13) إِنَّنِي أَنَا اللَّهُ لا إِلهَ إِلاَّ أَنَا فَاعْبُدْنِي وَأَقِمِ الصَّلاةَ لِذِكْرِي (14)

إِنَّ السَّاعَةَ آتِيَةٌ أَكادُ أُخْفِيها لِتُجْزى كُلُّ نَفْسٍ بِما تَسْعى (15) فَلا يَصُدَّنَّكَ عَنْها مَنْ لَا يُؤْمِنُ بِها وَاتَّبَعَ هَواهُ فَتَرْدى (16) وَما تِلْكَ بِيَمِينِكَ يَا مُوسى (17) قالَ هِيَ عَصايَ أَتَوَكَّؤُا عَلَيْها وَأَهُشُّ بِها عَلى غَنَمِي وَلِيَ فِيها مَآرِبُ أُخْرى (18) قالَ أَلْقِها يَا مُوسى (19)

فَأَلْقاها فَإِذا هِيَ حَيَّةٌ تَسْعى (20) قالَ خُذْها وَلا تَخَفْ سَنُعِيدُها سِيرَتَهَا الْأُولى (21) وَاضْمُمْ يَدَكَ إِلى جَناحِكَ تَخْرُجْ بَيْضاءَ مِنْ غَيْرِ سُوءٍ آيَةً أُخْرى (22) لِنُرِيَكَ مِنْ آياتِنَا الْكُبْرى (23)

{اذْهَبْ إِلَى فِرْعَوْنَ إِنَّهُ طَغَى (24) قَالَ رَبِّ اشْرَحْ لِي صَدْرِي (25) وَيَسِّرْ لِي أَمْرِي (26) وَاحْلُلْ عُقْدَةً مِنْ لِسَانِي (27) يَفْقَهُوا قَوْلِي (28) وَاجْعَلْ لِي وَزِيرًا مِنْ أَهْلِي (29) هَارُونَ أَخِي (30) اشْدُدْ بِهِ أَزْرِي (31) وَأَشْرِكْهُ فِي أَمْرِي (32) كَيْ نُسَبِّحَكَ كَثِيرًا (33) وَنَذْكُرَكَ كَثِيرًا (34) إِنَّكَ كُنْتَ بِنَا بَصِيرًا (35) قَالَ قَدْ أُوتِيتَ سُؤْلَكَ يَا مُوسَى (36)}

دمعت عيني واني اقراها احسها خطاب من رب العالمين إلي

خوفي منه مثل خوف موسى من فرعون

خايفه يأذيني خايفه من كلشي خايفه منه لان هو عاصي ومايشبهني ابدا

معقوله رب العالمين اختارني اكون بطريقه واصلحه

ولهسبب خايفه

يمكن هنا رب العالمين يطمني حيكون وياي

ياارب واني ادعيك مثل دعاء موسى

ربي اشرح لي صدري ويسر لي امري

الهي اعطيني القوه والصبر

اني اعرف لو ارتبطت بي حتعب

مسألة انه هو غاوي نساء متعبه هواي

هذا مايكتفي بنساء الارض

ولازم اكون قويه والصبر اهم شي

كملت صلاتي وقرآني وحضرت اموري حتى اروح للدوام بالنهايه صارلي ايام غايبه عن الشغل

جهزت اغراضي وحضرت ريوك اعرف عمه تكعد من وكت

اليوم نشطه سديم

- هههههه صباح الخير عمه

- صباح الخير بنيتي

- حضرت ريوك كلت نتريك اني وياج قبل لااروح

غابت ضحكتها

حتروحين يعني

- لازم اروح ماكدر اغيب استاذ ادم خاف يحجي

- والله اشتاق نكعد سوه صرتي كلها دوام

- ميخالف عمه تهون

تريكنه سوه رغم التفكير بخطوتي المتهوره مافاركتني كل شويه اصفن وتكلي بشنو سارحه

كملت ريوكي وطلعت

للكراج اخذت سياره ورحت للدوام

ارتاحيت شويه بالشقه سبحت وبدلت ورحت للدوام

اجه ادم جنت ملتهيه بالحاسبه

الابتسامه تارسه وجهه

ع الخير عليه وكعد

رفعت راسي من الحاسبه ادم

- حلوه بحلكج ادم

- ليش اول مره اكولها

- اول مره بعد مانخطبنه

- ههههه بهالسرعه سويتنه مخطوبين

- من اليوم خطيبتي وغمز

- لتستعجل خل يصير كلشي رسمي

- اي ليش لا باجر اجيكم مشايه واخطبج

- اليوم اجيت مو مال ارجع باجر

- براحتج مثل ماتحبين

- تمام

- لتروحين عود نتعشه سوه اليوم

- شكرا

دايت مسويه مااتعشه

- لا عيني دايتيش هذا يمه هو انتي خلصانه

اريدج تسمنين تره اتخبل من المعصعصات

- معصعصات؟! 

- يعني ضعيفات ماحبهن

- بالعكس الرشاقه حلوه

- شوفي سديم الرشاقه هاي خليها لجماعة الازياء وحليب ونستله مو احنه

كفيلج الله جيبيلي عراقي يحب ضعيفه

اجيبلج نمله تسبح بالليفه

رشاقتيش يرحم اهلج

- هاي انت وكم واحد من التعرفهم يمكن

- لا كلنه هيج تره لاعبالج ندور اخلاق هاي بس بالمثليات نحجيها

- ليش يعني الاخلاق ممطلوبه

- بابا مطلوبه بس مو بكلشي

شوفي عيني ست

اليوم اوديج نتعشه مندي على لحم غنم واخليج تاكلين ليه مال طلي

- طلي

- العفو خروف يالمثقفه

- ابتسمت ودنكت

- هاي شنو تعرفين تضحكين؟

- باوعت مستغربه هذا شيحجي

- عيني ست سديم اليوم نتعشه بره يرادلج كعدات مو كعده وحده افرمت بيها عقليتج

اسويلها غسل وصيانه من جديد

اخليج ليل نهار تهزين جتف وتكليلي تامر حبيبي ادم

مو تفضل ادم من وره خشمج جنج جيرانه ام تحسين

كام راح لمكتبه بقيت صافنه هذا شنو

بعدنه ماكلنه بسم الله

واحد ثاني شفت

ادم عجيب......

مريم..........

يكولون الايام تخليك تعتاد المر والحلو

تتعود على كلشي

رجعت أتأقلم وخلص كلت هذا قدري وهذا انا هنا اعيش وهنا اموت

بيوم جان الضرغام وابو غضب بالمنطقه الولد نصهم رايحين وي الحجي وباقي كم واحد من الولد

جان الضرغام وابو غضب يحجون على كيف ماافتهم شيحجون بعدين لزمه الضرغام من زيكه لبو غضب وصاح بوجها

لتكذذذذذب

هذاك يكله

يابه شعلاي انه

- الضرغام رد عليه بوكس واجو الولد يركضون سحب سلاحه بسرعه وضرب طلقه بالجو كال

اليقترب اطشر راسو انه ويا نتفاهم

- ابو غضب كلمه وهو يمسح الدم الي طلع من حلكه اثر البوكس

كتلك مو انه مو انه

-  بصياح

لتكذب شدراه هو لو ماانت تكلووو

محد جان يدري بيها عندييييي

غيرك انتت

ونزل عليه ضرب ابو غضب هم رده بالضربات

صار واحد يضرب الثاني

وفكوهم الولد  ضرغام غلط وصيح

خبلني اول مره اشوفه هيج

بس جان نار طافره اعصابه متحمل مال هالكم يوم المضت واجته الفرصه وفش غله

مااهتميت للي صار اساسا هو او غيره الي كال للحجي مو مهم

المهم كتشفت خذلانه الي

ايام تمشي كثر وجود الضرغام بالمنطقه مو مثل الاول يطلع

اشوفه على طول قريب على بيتي ولما يشوفني يبتعد عني ومايكلمني ابد

بيوم اجه الحجي صاير ناار جان يخابر بالموبايل

- ولــــــــــــــك شلون يعني لزموهم شلون عرفوهم

- هم لمنو باعو اخر مره تلكي هو مبلغ

- طيح الله حظه

- كلهمممم يعني ماعكب واحد منهم

- لا هاهيه نعتمد على النوادي  اشرف

- كله الحجي لايعرفك ولاتعرفه تره اذا يجيب اسمي خل يغتبرون اهاليهم بالرجلين صارو

انه  اطلع منها مثل شعرايه من العجين

بس انتو تاكلوها

- تمااااااام متعرفوني ولااعرفكم

سده للخط سأله الضرغام خيرك حجي

- ولك لازميهم لاطباء الاعضاء

- شلون لزموهم

- ماشايفين غير جهاز مكافحة الارهاب على راسهم انه ادري منو مبلغ شلون عرفووووووو

والله لو جابو اسمي لاامسحهم من الخارطه هم وبيوتهم وعوائلهم

- اكيد حجي لعد نعوفهم يدمرون شغلنه

- ضرغام انت الوحيد الي اثق بي واشوفك انسان عاقل ورزن بتصرفاته مو مثل ابو غضب كارته احترك يمي

ابو غضب - اشكرك حجي

- راح للسياره الحجي فتحوله الباب وطلع قبل لايطلع كاللهم ابقو هالفتره هنا خل نشوف شيصير

مشت الايام بيوم جانت الدنيا مغيمه والولد كلها بره طالعه جو حلو

جانو يتصارعون بيناتهم ياهو اقوى يبرزون عضلاتهم

حمزه من النوع الي ميتحجه واثق من نفسه هواي

اول واحد نازع تيشيرته ويتصارع

جان اليغلب يبقه يتصارع لحد مايجي الاقوى منه

ابو غضب مشارك وياهم ويتصارعون

جنه  اني وليو والاطفال كاعدين نتفرج

ليو مايشارك رغم ايده صارت زينه بس بنيته الجسميه لان ضعيف  وناعم ميشارك

كلهم مشاركين الا الضرغام كاعد كبالهم وبيده الجكاره ويتفرج

سعدي وحمزه بدو يتصارعون اني جنت اشجع سعدي واخلي الجهال ويايه تصفك وتصيح سعدي وليو ويانه

سعدي......  سعدي.....  سعدي.....

سعدي كل شويه ياكله لخمه

شبع ضرب من حمزه اخر شي نسحب

سعدي كبر مابقه حيله مثل الاول

نزله ستار وصارو ستار وحمزه يتصارعون

ورجعنه نشجع ستار

ستار.......  ستار......  ستار..... 

ستار غلب حمزه وكعه بالكاع

- باوعلي حمزه لمن ضحكت عليه وهو وكع

بغضب يريد ياكلني

ورجعو يتصارعون ستار وعريوش

ورجعنه نشجع

اخر شي كالوله للضرغام

تعال يله انزل

ماقبل وكالهم خلوني كاعد

ابو غضب- هه لازم تعرف بروحك متكدرلي

-- هه ابتسم بااستهزاء واخذ نفس من الجكاره

كمل ابو غضب

اذا كدها تعال

-   بقو يستفزو الولد على ماتكدر

ومن هالكلام

جان بارد مايرد ولايعصب

كمل الجكاره شمرها جان مخلي رجل على رجل

نزع تيشيرته وكامله ابو غضب

وصارو يتصارعون

من اباوعله وشم على ايده اليمنه مكتوب عليها

وماعرفت شنو مكتوب ولاليو يعرف يقره

اساسا الولد مايعرفون يقرون يمكن بيهم واحد ثنين يعرف

تصارع هو وابو غضب لحد ماغلبه وكعه بالكاع

كاله بفخر

لتتحداني بعد خاف نسيت مال هذاك اليوم

وخر عنه

عجبتني ثقته بنفسه كلهم تحدو وهو لاعصب ولا اهتم برود يتصرف

وغلبهم يمكن برودة اعصابه مخليته هيج منتصر واثق الخطوات

بعد مالقو القبض على الاطباء هدأت حركتهم مو مثل قبل خصوصا بعد ماكلهم صارو بالمنطقه

وبس الحجي يروح ويجي وهم مو على طول يخاف لايكون مراقب

الضرغام وابو غضب علاقتهم كلش قويه دوم اشوفهم سويه والولد صار الليل عدهم نهار والنهار عدهم ليل جنت اشوف مرات الضرغام يطلع بعيد عن البيوت كلها

مره راقبته اشوفه يخابر والغريب بوكتها الحجي جان توه طالع

استفهمت لمنو يخابر

بس مااهتميت لان اساسا علاقتي بي شبه نقطعت

صار حاله حال اي واحد بالمنطقه

هو يبتعد عني دائما

خصوصا لما اكو احد موجود

يتجاهلني لابعد الحدود

على عكس من ماكو احد يبقه يباوعلي بس مايكلمني

حتى مره شفته خاتل وره متسلق ورد

ويباوعلي لمن جنت كاعده يم ليو

بوكتها عباله ماشفته بس لمحته وعرفته هو

فتره مرت هادئه كلش

نفس الروتين ونفس شغلهم بس اقل من قبل

علاقتي قوت ب ليو هواي وجان الوحيد الي يخفف عني مشقات وصعوبات الي امر بي

مره من المرات جنت كاعده بالحديقه الخارجيه

صايره وره البيوت الراجعه للحجي

حسيت بشي كرصني

لما فزيت باوعتلها حيه

صرخت وكمزت

وعلى صرختي اجه ابو راهب الحارس

- شكو شبيج

- حيه

حيه عضتنييي

- كبل بجعب السلاح ضرب الحيه على راسها لحد ماماتت و

ذب سلاحه بالكاع ونزع يشماغه وشده بقوه

من رجلي

لان الكرصه جانت برجلي

شالني وصاح على الولد

يوووولددد

وينكمممممممم

اجو يركضون شكو شصاير

- عضتها حيه

جيبو المضمد

- راح سعدي بسرعته  على الدراجه

واخذوني للبيت

مددوني  والتمو كلهم على راسي

هذا اليحجي

شوداج انتيييي

لك خرب خابرو الحجي كلوله لاتموت شيخلصنه

- خابرو وكلوله بلي صار

اني كمت احس بجسمي برد ثلج صار

ايدي رجلي تجمدت اطرافها

وعطشت كلش عطشت

همست اريد ماي

راح ليو بسرعته يجيب ماي

داينطي الي نتره من ايده ستار

ولك شجاي تسويييي

- انطيها ماي

- ولك ميصير مو زين

كلشي لتنطوها ياولدددد

اول مره اشوفهم هيج خايفين عليه

عبالك عائله وحده

ومن وكع بيهم واحد كلها فزت

اجه المضمد وصار يعالجني بس اني كامت تغيب روحي حسيت اخر شي كالو اجه الحجي والضرغام

شويه شويه كام يصير صوتهم صدى

لمحت الضرغام واكف فوك راسي مخوصر ايده الاثنين وبعدها ماحسيت بشي.....

قد اكابر واتصنع الا مبالاة

قد ابين انا في احسن حالاتي

رغم انني احتاجك

رغم انني اقول ابتعد عني

لكن بداخلي يقول

أسأل عني تفقدني

فربما لا أكون بخير..... 

حسيت ضلمه ماينشاف شي بس جان راسي ثكيل حيييل ثكيل

وريكي ناشف عطشانه متت عطش

همست

اريد ماي

ضوه نعلك بالسكف وبعدها انفتح الضوه

شفته هو

اجه اقترب

قرفص يمي همس

شلون صرتي

- مارديت عليه جنت حيل خاطري ثكلان منه

مشكله اريد ابجي من اشوفه

ابجي عليه منه

مدااعرف ليش اني هيج ويا بالذات

مداافهم

هو حتى ماسوى شي يخليني اتعلق بي

اخذ ايدي يتفحصها

وخله ايده على جبيني وعلى خدي يتفحص حرارتي

كام نهض على حيله وطلع

شويه واجه جايب جدر بي مي وخاولي

كعد يمي بلل الخاولي بالمي ودايخلي على جبيني همست

شداسوي

وخرر عني

- ماردلي خلاه على جبيني الخاولي

تفززت من البروده وبردت حيل

حس بيه بردانه

جابلي بعد غطى وغطاني

حسيت شويه بدفو بس الكمادات مخليتني احس بالبرد رغم الجو مو كلش بارد

صار يسوي كمادات يخلي على جبيني

وعلى خدي

وعلى ايدي

اني اغفى بس احس لما يخلي القماش المبلل عليه

اغفى وارد اكعد الكاه على راسي كاعد

بعدين شفته طلع سرنجه يسحبها يريد يضربني بره

همست رغم التعب

هاي شنو

- لازم تضربيها

- ماتضربني مستحيل 

-  كال برفع الحاجب ونتر بهمس

بلا عناد مريم

- والله لو تموت

- ماتأذي

- مستحيل

- زفر بغضب وشمر السرنجه ضاج هواي بس ماهتميت

كام مشى بالغرفه يروح ويجي وكل شويه يقرفص كدامي يتفحص حرارة جسمي ويكوم

جان متوتر حيل واعرفه ضايج بس ساكت

سكوته يقلقني اكثر من كلامه

على عكس الناس

من ساكت معناها حيل ضايج

ومن يحجي يعني بارده اعصابه

كسر الصبح ودخلت اشعة الشمس لغرفتي

والصخونه خفت شويه

كعد كدامي كال

شوداج وره البيوت

- ضجت ردت اشتم شوية هوى

- الا هناك

- لعد وين اروح

دنك وتأفف بعدين باوعلي وهمس

شعندج ليل نهار تفترين وي ليو

- باوعت صفح وسكتت مارديت عليه

- اثكلي شويه ثكلي بنيه انتي بعدين شعندج بلا حجاب مو جبتلج شالاتج

- ماالبس حجاب اني

-  وانه كتلج لبسي

-  جنت تعبانه مو مال اجادله

وهو مبين متحملي ولكه الفرصه

دانحجي بعدنه اجه الحجي

وكف يمي

شعندج تفرفرين ولج شكتلج انه

- اختنكت حجي

- ادعيله لضرغام شفعلج والا انه مخلص عليج

- كام ضرغام

على كيفك حجي اهدأ

- تعبتني هاي مامن وراها غير بس المصايب

وكتلكم ربولياها بس شحجي ااااااخ

- عوفها عليه

- هو اكو احد طلع عينها غيرك

- سكت مارد

همس الحجي

تحبها ضرغام

- فز باوعله كبل جاوب

طبعا لا

- لعد ليش بقيتها عندك

- جنت تفكيري بيها غير  وانت اخذتها

- فتحت عيني بوسعها هذا شيحجي شيكووووول

- حعوفها لك هديه مني الك

راح ورد التفت اله كال

صدك ضرغام

باجر تجي وياي

خير حجي

عمليه دسمه عدنه واذا تمت هديتك اكبر من هالحشره هاي واشر عليه وطلع

باوعلي ضرغام وفر براسه مثل المتحسف على تصرفه او عليه مادري

باوعي وتكلم بنتره

مريم لاتعبيني ولاتزيديني حمل فوك حملي

الي اكلج عليه سويي

كولي ايييي

- اطلع بره لتجي لبيتي بعد

- تره هداج الي

- اخرف هذا ميدري شيحجي اطلع

- اجه برود تلمس جبيني

ورد وكف

ابتسم كال

هه فكتج الصخونه وطلع لسانج انه اريد اروح انام عاد واصفالج بعدين

- رجلك متخطي باب بيتي

- باوعلي مستهزء  وطلع

راح طلع

كل مره لازم تنحرك اعصابي حتى واني بأأسوء حالاتي

جنت تعبانه حيل جسمي نحول بي

حسيت بعيوني ثكلت

غفيت

حسيت بشي يدغدغ ويزعج على وجهي

كل شويه تصير بمكان واوخرها لحد ماضربت خدي وصحيت

لكيت ليو شايل ريشه من طيوره وكاعد يمي يكعدني

ضحك لمن شافني ضربت وجهي

- ههههههه جنت اريد اكعدج

- هيج ليوووو

- كلت خاف ميتتج الحيه بس نسيت انتن ضلعات

ثنين حيايه

- اني حيه ليو

- لعد انه

اصلا انتن البنات كلجن اسميجن حيايه كولي ليش

- ليش

- لان وحدتجن من تخلي شي براسهه تبقه تلتف عليه

لحد ماتوصله

- الله شكد ذكي

دكوم جيبلي ماي موتني عطش ضرغام وماجابلي

- يكولون مو زين

- روح جيبيلي معليك اليوم البارحه من عضتني

- راح جاب مي ورجع

سد الباب ليو لايجي ضرغام

ويييين ضرغام طالع

- وين راح

- راح وي الحجي هو وابو غضب وسعدي وبقية الولد

- ليش شكو

- بيناتنه الحجي

واقترب اكثر حجه بصوت ناصي

الحجي رايح هداده على جماعه ياكاتل يامكتول

- شلون يعني

- شنو شلون يعني راحو جماعتنه مسلحين وجماعتهم مسلحين

- ليش علمود شنو

- دازله بضاعه فاسده ومن حاججه الحجي يكله انتو منكم السبب سوء تخزين

وهذاك تخبل

- اشو الحجي داتجي ضربه وره ضربه

- انه ادري

بقينه نسولف اني وليو وبعدها راح جابلي غده تغديت وكملنه شال الصينيه توه دايطلع واسمع هوسه نكلبت كلاب بره

سيارات دخلت وهوسة الولد اسمع

يولددددد سوووو مكااااان

ابو راااااهببببب خابرتتتت

- اي اي مناف

-  كتله ليو شكو شصاير

بالبدايه مارد عليه بقه يباوع شويه والتفت

الولد متصوبين حالتهم حاله

- فزيت  برعب وكمت رحت يمه

منو منهم متصوب

مادري هسه اشوف

بهل الاثناء ونزلو ابو غضب كله دم من البنيد مال السياره وياه سعدي ونزلو عريوش  ومسعد وسعدون

بس سعدون جان زين مو هواي

خطف گلبي على ضرغام ماشفته ماكو

وينه وين راح بس لا مات....

بقلم...  رغد الموالي.... 

في امان الـلـه.......... 🌹

فأدمنت وجودك حتى كدت لاأرى بأقتراف الذنب خطيئه

ـــــــــــــــــــــــــــــــــــــــــــــــــ

مريم.....

صرت اباوع لوني خطف على ضرغام

طلعت وبلا وعي اصرخ

ضرغام

وين ضرغام

الزم بالولد اريد احد يجاوبني بس نثبرو بالولد المتصوبين

ريكي نشف واصرخ ضرغااااام ويييييين

- جرني ليو

باوعلي مستغرب

شبيج مريم ضرغام تلكي وي الحجي

وين الحجي ليش ماجاااا

اصبري

بهل الاثناء دخل الحجي

وجايب اطباء ثنين ومبين تحت تهديد السلاح لان موجه الضرغام سلاحه على الاطباء وهذوك خايفين

بدو يعالجون المصابين

من شفت الضرغام مابي شي مي ثلج ونزل على گلبي

اباوعله جان عاكد حاجبه متوتر كلش

واكف وموجه المسدس على الاطباء وهذوك يضمدون بيهم

جان عريوش حيل متأذي وينزف دم هواي غركت ملابسه دم

صرخ بيهم الحجي

ولكم وكفووو النزف حيموووووت

- وهم يشتغلون

الضرغام يلوب فوك راس ابو غضب

جان مضروب بطنه

سعفو سعدي والولد الا عريوش

التفت الدكتور للحجي كال

هذا الولد مات

اول ماكمل الجمله ضربه بجعب السلاح الحجي على راسه للدكتور

وكع الدكتور بالكاع ماعرف مغمي عليه ماعرف مات

بسرعه الضرغام لزم الحجي

وكله

حجي على كيفك هو مالو ذنب

-وصيح الحجي بوجه الضرغام وهو مقرب وجها عليه

صار ساعه شدايسويييييييي

اكله اسعفه

دكتوووووور لو شنو انت

- الضرغام يهدأ بي

على كيفك حجي

وصرخ بالولد

وخرو الاطباء منا شيلوووو لهذاااااا

اخذو الاطباء جوه بيت من البيوت وهذا المغمي عليه هم

الضرغام كعده للحجي وراح يم الولد حتى يشيلون

عريوش

اباوع عريوش خطيه مات

صرت ابجي عليه

ربيت وياهم سويه ذكرياتي السيئه والزينه وياهم

اخذو وراحو يدفنو

اباوع للحجي مخلي راسه بايده وكعد

ميعرف شيسوي

راحو الولد وطولو بروحتهم حسيت بتعب

فتت جوه ارجف من الي شفته والي عشته

لزمتني رجفه قويه وبردت كلش

لفيت روحي بالبطانيه وكعدت

وزادت رجفتي

كمت اباوع يمنه يسره ادور جواريب

اريد البسها واتدفه بس مالكيت

كورت روحي اني ومتلفله بالبطانيه غفيت

حسيت بواحد يكعدني بطبطبات خفيفه على وجهي

مريم

مريم

فتحت عيني باوعت جان هو. عاقد حاجبه يباوعلي بقلق

شبيج مريم ليش هيج نايمه

- باوعت لروحي جنت على نفس نومتي

وعركانه متبلله من عركي

همس

بيج شي

-هزيت براسي بمعنى لا وكمت رحت لفراشي جان دوشك بالكاع كعدت وأتكأت على الحايط

اجه يمي

وكف كبالي

رفعت راسي جان مرجع ايده لوره عاقد حاجبه

يباوعلي

هزيت براسي وعيوني سألت بمعنى شبيك

- جر نفس وتنهد كال

ماكو شي

انتبهي لنفسج مريم

وعافني وطلع

مفتهمت ليش اجه وليش راح

بقيت كاعده حسبه توديني وحسبه تجيبني

افكر شلون وشراح اسوي

مصيري تحدد هنا ونرسم هنا

مرت يومين وملتهين بالمصابين والضرغام يروح ويجي على ابو غضب وعليه

سألته

شلون صار ابو غضب

- احسن شويه

- ليش هيج صار

- باوعلي وسكت مارد

بعدين سأل

ولدو للحجي وين عايشين

- ماعرف اصلا مشايفتهم

- البيت الي يروح بي يعرفو يندلو

- ماعرف

سكت بعدين تكلم

اكيد يندلو

والا شلون جاج ابنو

- قصدك اعتدى عليه

- باوعلي ورد دار وجها عني

واني نزلت دمعتي

التفت الي كال

مو قصدي بس ردت اعرف ليش ولد الحجي ميشتغلون ويا

ماعرف

اساسا الحجي الي يريد ندري بي عرفناه والي مايريد ندري بي ماعرفناه

- تنهد وكال

كلتي عندي اخت تؤام

- اي

- وين يعني متذكرين وين اهلج وين جنتي عايشه

- ماتذكر

جنت صغيره اصلا مااتذكر شلون خطفوني

- هز براسه بمعنى اي وتوجه دايطلع بعدين التفت كال

اي كلام يصير بيناتنا ماريد احد يعرف بي

- جاوبته ب اي

وطلع مرت ايام والوضع تحسن للولد

ولمن صارو ميحتاجون للاطباء طلعهم الحجي راد يضربهم بس الضرغام منعه

- حجي عوفهم مالهم ذنب

- لو طلعو يبلغون

- الي يبلغ اي واحد منهم تلاثتهم يرحون بيها هم وعوايلهم

- الحجي عاند الا يقتلهم بس الضرغام منعه

بطبع الحجي يعاند بس الضرغام اله قدرة تأثر مو طبيعيه بحيث يقنع الحجي بكم كلمه

والحجي يمشي بكلام الضرغام

حتى الولد صارو يهابون الضرغام ويحسبوله الف حساب

الايام والاسابيع والاشهر تتوالى

ماكو شي يتغير الا عمري

بيوم دز عليه الحجي ورحت

جان كاعد مخلي رجل على رجل يدخن بجكارته الجوزيه

باوعلي من فوك لجوه

كال

دنالج الضرغام

- لا

ابتسم بأستهزاء

- شنو الي بينج وبينه

- ولا شي

- مريم تحجين لو مايصير خير

- ماسوالي شي

- خلاج على سواد عيونج

- مادري روح اسأله

- مراح يجاوبني

بس راح اسمع الجواب منج واعرف شلون

ولي عن وجهي يلا

- عفته ورحت

ضايجه حيل

لليل سوه سهره يمكن اول مره اشوف هيج سهره وهيج ليله

بنات جايب ب ١٠ وكلهم حلوات

جانو الولد كاعدين واجه الحجي وياه الضرغام

صوت الغناء عالي

سكتهم وكال

ياجماعه هذه الحفله وهذه الليله لعيون اسدي

ودك على جتف الضرغام بفخر

الضرغام اليوم كدر يكشف شغله جان انه هسه منتهي

راح كعد الحجي وكعد يمه الضرغام

اصوات الغناء والبنات وصارو يشربون

هذه اللحضات بالذات خلتني اكرها حيل

احس خنجر يضربني بي بكل لحضه

نار وشتعلت بيه

ومن شدة حركتي

بجيت

اباوعله من بعيد وابجي

وهو يضحك مايدري بيه دااشوفه

بس الحجي جان متعمد يسوي الحفله قريب على بيتنه

عرفت متعمد يوصلي رساله انه الضرغام ماهامته انتي

والضرغام استجابله وعادي

من اشوفه شلون عيونه متركزه عليهم  احس موت على البطيء

لاول مره يجيني هيج شعور

لاول مره اتأذه هيج

اخر شي متحملت طلعت وجانت نار بيه مشتعله

صيحت بعلو صوتي

كافيييي اريد انااااام شوكت تخلص حفلاتكم

- باوعلي الضرغام والحجي

كال الحجي

سكتو سكتو ويأشر بإيده

سكتو

مريم تريد تنام واحنه ازعجناها

صار يحجي وعيوني اني على الضرغام

اباوعله بغضب والدمعه متحجره بعيوني

صار يتهرب من نضراتي

باوع الحجي وباوعلي

كال

تردين تنامين لو ضجتي

- على شنو

- ضجتي لان عندج عزاز هنا متونسين وي غيرج

- ماعندي عزاز اني

- منو يكول

- ماعندييييي

وصرخت

ماعنديييييييييي

كام عليه الحجي بغضب وجرني من زيك دشداشتي دايضربني وفز ضرغام

نتر

حجي عوفها

- باوع الحجي لضرغام وباوعلي

ابتسم بلئم بوجهي بدون مايدرون البقيه

وكأنه يكلي حركتج عليه هوو

- الضرغام:- حجي خلها تروح

- صفن لثواني كال

مريم امشي  وي البنات

باوعت لضرغام صار وجها احمر

وبين عصب هواي

من شفته هيج كتله صار حجي تآمر

- داروح لزمني الضرغام من زندي كال للحجي

حجي خلها لمريم بلاها مريم

- ضيق عينه الحجي بشك

بعدين هز راسه بمعنى اي وعافني

نترت بضرغام

- اريد اروح وي البنات لاتدخل

- باوعلي بغضب صاك على اسنانه

ولم قبضة ايده صارت حمره

نتر فوتي جووووه

- باوعت للحجي كال

فوتي جوه مريم 

باوعتله مباشرة بفزه للحجي وباوعت لضرغام

كله حجي انه اكول لو هاهيه السهره

- هاهيه بس خوش بنات هنا

- تكلم وهو يباوعلي

صار حجي خل تجي  هاي التسموها لؤلؤ

- اي مو تدلل

احس تعمد يختار ويحجي كدامي دايحرگلي گلبي

متحملت عفتهم وفتت جوه للبيت

ابجي

ونوب ماكدر اذا مااشوف شراح يصير

صرت اباوعله من شباك المطبخ وابجي

جان واكف ناطي ظهره للبيت هذيج الي يسموها لؤلؤ واكفه گباله تحجي وتتشاقه وتتمضحك

وجهها جان صاير على البيت 

واخذها وراح لبيته

واني متت الوب اريده وماريد يروح وي اي بنيه

مااريد يباوع لوحده ثانيه

بقيت اعد اللحضات والثواني الي شوكت اشوفه طالع من بيته بس ماكو ماطلع

عيوني مانشفت من دموعها

خلصت السهره وكلمن راح لبيته وراحو بنات وياهم ولاهمني احد ولاعيني على احد عيني عليه هو

حتى الحجي لمن فات الضرغام لبيته هو طلع من الحي وكأنه متقصد بس الضرغام

مر وقت جنت كاعده على فراشي

مااجاني نوم بليلتها

هدأت الاصوات وتقريبا كلها نامت

حتى الاضويه الي بره خافته مطفين الاغلبيه

جنت ابجي بشهكه مثل طفل ويبجي على لعبه

مكوره نفسي وضامه راسي بحضني

حسيت بواحد كعد بصفي

رفعت راسي شفته هو كاعد والجكاره بحلكه دايدخن

همس من دون مايباوعلي جان يباوع للامام

ليش البجي

- كمت على حيلي فزيت ونترت بي

اطلع بره

- مااهتم باوعلي مضيق عينه

ليش تبجين

- توني اصرخ وسد حلكي بإيده رافست دااوخره

همس

ششششششش

سكتي

اهدأي

همس مقرب شفته يم اذني

لان ماخليتج تطلعين كدام  الزلم تبجين مو

- رافست ااوخره وارد بس بقه ضاغط على حلكي بيده حتى مااحجي

وتكلم بهمس

انه إن ماخليتج ف بس لان رايد احميج

انه ماريدج تصيرين لهذ ولهذاك

لو الوضع عجبج من شفتي البنات

- باوعتله بغضب وهو باوعلي بااستنكار

وخر ايده عني وكام وكف

وكفت وي وكفته

- انت مامعتبرني مره اصلا

تغازل هاي وتسامر هذيج

- باوعلي بااستنكار وتكلم الجكاره بين شفايفه

ربع ايده وكال والمطلوب اعتبرج مثلهم

- انت ماتهتم بيه مثلهم

انت اصلا متباوعلي

بنضرك اني شنو هاااا شنووو

- ضيق عينه

شبيج مريم

- اني

اني

- انتي شنو

- اني اريدك احتاجك اني

- وانه يمج احتاجيتيني فد يوم ورديتج

- اريدك تكون قريب مني

ثم إنك كنت طريقي الذي تمشيت فيه وأحببت عثراته وكل مافيه

طريق كان الخوف والامان والحب والحرب

فيه

غامض لايعرف اين سينتهي بي

لكن رغم ذلك أحببته......

سديم.....

رحنه للمطعم وعزمني على مندي

- اريدج تاكلين زين وتربربين شويه

- باوعت مارديت

- اكلي هذه شوفيها شلون لحمه لوز

- دااكل ادم شكرا

- هاج هذه اكليها من ايد ادم فتحي حلكج

-لا ادم اني دااكل

- ولج من ايدي

- حتى مااصير نكديه مثل مدكول كتلك دااكل

- ترجعيها من ايد خطيبج

- بعد مصرت خطيبي

حرام اصلا هسه تلزم ايدي وكعدتي وياك اصلا هسه حرام

- ليش يمه شمسوين

- باوعتله باانزعاج

سكت بس ضاج

كملنه اكل وطلب جاي

وتكلم

مريم لتصيرين نحيسه

- لكل شي حدود ادم

- بس مو هيج فكيها

- لااني زوجتك ولاخطيبتك

- بس رايدج على سنة الله ورسوله

- من نعقد سيد تشوف سديم ثانيه

- ابتسم بفرحه

يعني اكو سديم ثانيه

- دنكت بخجل

وكتله

ادم كتلك كلشي حدود وكلشي بوكته حلو

- ماشي بس فدوه اني تره اموت بالمره شويه  دمها خفيف

- سكتت

- يعني لاتظلميها هسه اكلج اوكلج تكليلي لا

- ادم اسألك سؤال

- جواب

- انت مسلم

- لعد يهودي

- جاوبني على كد السؤال

- اكيد

- مراح اكلك تصلي او لا ملتزم بالواجبات الدينيه او لا لان هاي انت وربك بس راح اسألك ك مسلم

التصافح وي الاجانب

والاجنبي مقصود الي غريب

- كمل كلامي كال يعني الي يجوزلج بالزواج

- تمام

اي تصافح ويا حلال لو حرام

- ضاج وجاوب حرام

- زين هسه من انت توكلني حلال لو حرام

- هاااا اشتغلت بدينه

- اسألك وجاوب

- حرام

- زين اني شون اقبلها

- مو كتلج حصير خطيبج وكتلج توني لتصيرين نحيسه

ااااااخ سديم لو تشوفين البنات شلون سبورت ويعدلن المزاج

غير وحدتهن تخليني اتخبل عليها

- روح اتزوجها ليش ماتزوجتها لعد

- جاوب بتهرب

لا يعني مو داكلج ردت اتزوجهن بس داحجيلج

شكد يونسن

- بالنهايه البنات اطباع

- وعيونج لاخليج على مايي

- هزيت براسي بمعنى اي وسكتت

شربنه الجاي وطلعنه وصلني للشقه كال

شوكت عملية مرت خالج

- بعد لازم تجهز فلوس العمليه

باجر ترحين ووتحددين موعد العمليه واعتبري الفلوس يمج

- وشلون تخطبني مهر شلون تدفع

- مو مهم

خل نخلص علمود تفرغيلي

- لا نبقه على اتفاقنه تخطبني وتدفع مهري واني اتصرف بفلوس مهري

- سديم لتعاندين اسمعي كلام

- ادم اترجاك لتحسسني جاي تتصدق عليه كتلك تدفع مهري وتصرفه يكون حر الي

- جر نفس وتنهد كال صار

انزلي باجر

وبعد باجر اجي اخطب

- زلم

- اي باجر ادزلج سميره وبعد باجر اجي اخطب

- اوك

- رجعت للشقه وتحضرت ثاني يوم ورحت لبيت خالي

تفاجأت مرت خالي من رجعت

ها يمه سديم شو راجعه

- خاله اريد افتح وياج موضوع

- كولي بنتي

كعدنه على قنفة التخم وحجيت وياها

خاله اكو واحد يريد يخطبني

- اي بيها الخير منو هذا وشيشتغل

- ادم الي وياي بالدوام

- ادم... فرحت... يالله اي بنتي شكو بيها

انتي موافقه

- اي موافقه خاله

- هاهيه بنتي الله يسعدج حبيبه

- باجر حتجي سميره تخطبني رسمي وبعد باجر مشية زلم

- ليش مو اهله

امه ابوه اهله وين

- مسافرين

- مايرجعون

- لا

- لعد شلون حتصير مشية الزلم

- ماعرف بس هو معارفه هواي

- بيها الخير

بوستني الله يسعدج بنتي

- رحت لغرفتي مددت ماعرف ليش گلبي معصور

وخوف ورهبه مادري شسوي

دزلي مسج ادم

وتاقت عيناي لرؤية خصال شعرك

- مارديت على المسج بس حسيته رومانسي ويردله گلب واني الدنيا لعبت بيه طوبه

ربع لسانه مااوصله

ثاني يوم اجت سميره

- مرحبا ام حسن شلونج

- يااهلا وسهلا كل الهلا

- بالبدايه دار كلام بينهم حول شغلي ودراستي

بعدين فتحت الموضوع

هسه اكيد دكولين شنو هالزياره المفاجأه

- لا بالعكس بيتج هذا

- تسلمين عزيزتي بس اني اليوم اجيت

بطلب من ادم

-تفضلي

- ادم طلب سديم للزواج واتمنه ماتردو

- اباوع لوجه مرت خالي صفر وتلكأت كالت

والله ماعرف شكلج يعني ولاصغرا بيج بس اهله وين

- اهله مسافرين والدته متوفيه من هو وصغير

ابوه مسافر واخوته خواته كلهم بالخارج

- يعني ميحضرون اخوهم بهيج يوم

- لا مايكدرون

- والله نشوف البنيه ونفكر يومين ونردلكم خبر

- تكلمو شويه وبعدها سلمت سميره وطلعت

عمتي جانت صايره اعصاب

شفتي ولج مكلف يدز اهله

-دز بنت عمته

- كلتيها بلسانج بنت عمته يعني عنده عمه هنا عنده اهل

- لا عمه مو اهل ماعنده بس مسافرين

- يعني افهم من كلامج انتي موافقه

- موافقه اني عمه

- باوعتلي بحيره سكتت

_ لتباعيلي هيج عمه اني اعرف سعادتي وي ادم

من كلتها اختنكت وكوه كتمت دموعي

- الله يسعدج بنتي

بس احنه هم لازم نسأل على ادم

- لا لا عمه اعرفه اني

- بس متعرفي خارج الشغل شنو شعنده ماعنده

- عمه اعرفه وموافقه الله يخليج خليها تتسهل

- هاهيه بنتي مثل متردين

ومشت وعافتني ملتهيه بمرضها هي ورغم مرضها تريد تطمن عليه وتخليني وي رجل اكون سعيده ويا

يومين مرت واجت سميره

تعرف ردنه وكلنالها موافقين ادم ماكذب خبر

بيومها اتصل كال

باجر اجيب شيوخ واعزم العالم نجيب المهر ونعقد هم

- ادم لتستعجل على العقد

- لا حبيبي علمود اخذ راحتي اطب اطلع متضلين تسويلي لا فدوه وحرام اعرفج واعرف عقليتج

- سكتت مارديت

ثاني يوم اجوي الناس والتمت شيوخ من عشيرته ومعارفه واصدقاءه بحيث بيتنه نترس عالم

خوالي حضرو واولادهم ومعارفهم

دفعو مهر وعقدو سيد

لما اجه السيد يعقدلي كنت خلف الباب كاعده

بحيث مااشوفهم

الفستان الابيض جان مخصر عليه وطرحه بيضه

وجنت رايحه صالون وميك اب وتسريحه بسيطه

خليت رجلي بكاسه كبيره بيها مي و ورد وهيل

القران جان يمي وفتحت القران خليت ايدي عليه بين اصابيعي حبات الهيل وبوجهي مرايه اباوع لنفسي بالمرايه وحده ورايه واكفه تفتح القفل وتسده

ومن المعتقدات تكون مبخوته يعني امورها زينه

ماديا وحتى خلفتها علمود تنقل الحظ للعروسه

يسووها بااعتقادهم تشوف الخير والسعاده

ومن الواجبات لازم تصير

بداخلي استهزأ اكول

لو كل وحده سوت هيج جان كلهم سعيدات

كل البنات كعدو نفس كعدتي وفرحو بهذا اليوم

بس مو معناها سعيدات بسبب هالخرافات هذه

جنت شايفه مسلسل هندي والعروس يخلولها كركم

وتفتر حول نار مشتعله واكو رباط بينها وبين زوجها

اتذكر مره كاعده واشوفهم

ضحكت على عقليتهم

هه هاي شعليها بهاي

معقوله شوية كركم او انها تفتر حول نار تغير تفكير وعقل وطبع بشري

يعني فرضا لو زوجها طبيعته ميتفاهم وعصبي على اتفه الاسباب

هل هذه الامور حتغير كلشي؟

- شلون يفكرون وشلون هيج مقتنعين

اساسا ماعرف منو فكر بهذه الامور

مرات اتساىل نفسي لو اني جنت بالهند كنت راح اعبد الابقار مثلهم لو الله...

كتشفت انه مو انت تختار حياتك وعبادتك

الحياة والمكان الي تعيش بي والناس الي معاشرهم هيج ف احنه حذونا حذوهم

يعني تقليد احنه مقلدين

لهسبب الهنود يشوفون نفسهم صح

والمسيح تشوف نفسها صح

السنه يكولون احنا اهل الحق

والشيعه يكولون احنا اهل الحق

والصابئه والايزيديه كذلك

هم يحكمون على نشأتهم هم لان من الصغر لما كبرو

هم على منهج واحد لدرجه اعتقدو انه كل العالم نفس منهجهم

ولو شافو احد من غير ديانه او مذهب

بينهم وبين نفسهم يكولون

لا اله الا الله هذا هسه هم يدخل الجنه؟...

رجعت لواقعي وطلعت من افكاري لما مرت خالي كالت جاوبي لرجال يدك الباب

-شنو عمه شجاوبه

- كليله نعم... دايسألج هل تقبلين باادم الشاب الرشيد

( من كالت هيج لزمتني ضحكه شجابه شاب رشيد)

زوجا لك

-جاوبت نعم...

رددها 3 مرات وبده يعقد

وصرت اسمع مبروك وره الباب والنسوان صارت تهلهل...

راحو الزلم دخلو لاادم جنت كاعده على تخم واجه هو كعد يمي

رغم بين انه مسيطر وعادي لكن وجها شويه محمر يمكن خجل!

باوعلي ابتسم حيل فرح لما شافني

صفكو وهلهلو وسميره اخذت صور ويانه.........

ثاني يوم رحت لدكتورها حتى نسوي العمليه

- حددنه باجر يعني لما رحتله

تمام دكتور

- رجعت وفاتحت مرت خالي بالموضوع

- خاله العمليه مالتج باجر

- عقدت حاجبها مستغربه شلون ومنين نجيب فلو...

ماكملتها للكلمه بعدين فزت كالت

سويتيها يبنت امج وابوج

ليش سديم ليييييش

واني استغربت ليش بالذات 15 مليون

ثاري سويتيها

- لعد اعوفج يصير بيج شي عمه

- بس مو هيج بنتي ليش تدمرين نفسج علمودي

- لا عمه ليش ادمر نفسي ادم خوش رجال

- الله يسعدج بنتي

وهذا مهرج مو من حقي اخذه اخذي واشتري وافرحي

- لا عمه هاي فلوس عمليتج

- صارت تبجي عمه

كعدت يمها

عمه لتبجين تسويها وتصيرين زينه وتصير سوالف

اني ماابجي على نفسي ابجي عليج انتي

بعتي نفسج يايمه علمودي

تكليلي خوش رجال

شمدريج مااعنده دروب مو حلوه

شمدريج يجوز يطلع مايصلي

جوز يشرب

- لا لا عمه ماعنده هالامور

- ماخليتينه حتى نسأل عليه

- مو اعرفه

- مسحتلها دموعها وكومتها راحت ترتاح

واني غصه بكلبي

ادم من بعد ماعرفت سوالفه ضجت منه حيل

حذرتني سميره منه ولهسبب ماصرتله طعمه سهله

لكن علاقاته بالبنات فضيعه

شرب وسهر ونسوان

لا هاهيه شترجه بعد

اني وصلاتي وصيامي وقراني اتوسخ تاليتي بهيج واحد

بس اااااخ على الدنيا

اتصل ادم...

شلونج حبيبتي

- الحمد لله انت شلونك

- من سمعت صوتج ارتاحيت صرت بخير

- هااا

- شنو ها كليلي اني هم من سمعت صوتك ذبت

- شنو اني ايس كريم دااذوب

- واحلى واطيب ايس كريم اااوف لو انتي ايس كريم الا اكلج اكل

- خجلت مارديت

- بس كلها فتره وتصيرين ايس كريم بالنسبه الي

- ادم متصل خو ماكو شي

- حبيبتي واشتاقيتلها وردت اخابرها

- شكرا

- مفروض اول مااخابرج تكليلي حبيبي ادم اشتاقيتلك

- بعدنه بااولها

.

- حبيبي اولها هو الحلو وره الزواج ساتر الله

- مفهت قصدي

الي اقصده انه خلينه ناخذ على بعض اكثر ك ثنين مخطوبين

- هههههه مو بعيني اسويلج جيه واخليج تاخذين عليه كبل

- راح اجي اني

- تعالي ليش لا

- تمام اروح اني تعبانه

- شوكت عملية مرت خالج

- باجر

- لعد شلون تجين لو تكليلي هيج علمود مااجيج

- لا مو قصدي بس حكون مشغوله باجر

واذا تجي تلكاني ماموجوده

- اجي يم مرت خالج شبيج

- اوك

ثاني يوم توجهنه للمستشفى حتى نسوي عمليه لمرت خالي

جانت خايفه نوعا ما لكن وجودنه بقربها من اولادها واخوانها وخواتها خفف التوتر عنها

هذه اللحضات بالذات

لحضات الضعف الانسان يكون محتاج لشخص يكون يمه ويكله لتخاف

يأمنه بأختصار

دخلت صالة العمليات متحملت بجيت

خايفه عليها لو صار بيها شي شلون

بين ترقب وخوف وقلق اجه ادم للمستشفى

_ سلامات شخبار الحجيه

_ دخلت صالة العمليات

_ يالله.... بالسلامه

صار يباوع لولد خالي جان يهمس

فوتي للغرفه هسه من تطلع الحجيه نكلج

- لا خالتي ماعوفها

- خزرني وهمس فوتي كلت

- باوعتله بغضب وفتت جوه

دزيت مسج كتله تعال

شويه واجه

- شتردين

- ليش كتلي فوتي جوه

- لعد شعندج واكفه بره

- خالتي متدري

- بالعمليات الممر كله زلم

وكفتج بنص الزلم شنو

- ادم لتلعب دور المخطوبين والمتزوجين صدك تره اني وانت نعرف شلون صار زواجنا

- ضيق عينه كال

شتقصدين

- سوالف الحب والغيره تره ماتمشي عليه

- هاي وياي تحجين هالحجي

- اتحسسني غيران عليه وتحبني

- سكت وبعدين تكلم

شوفي خلي اكلج كلمتين خليهم ترجيه بأذنج

اذا عبالج ارتبطتي برجال تكليله تعال يمنه يجي

تعال يسره يكلج صار وكلشي على هواج ومزاجج ف انتي غلطانه

انتي الضاهر متعرفيني زين

لتشوفيني اتوددلج معناها حصيرلج لعبه سهله

اساسا كل الي اسوي اجاملج علمود ماتكولين ماعشت هاللحضات

لج بابا شايفه روحج انتي

بااصبعي هذا هذا هذا الصغير أأشر اخذ الي تسوه راسج

منو انتي وهيج بكل مره بايعه عليه ثكل

وتتنترين ومعاجبج العجب

لج غيرج تدلل بيه اشكال تسويلي وضربتها بعرض الحايط وخطبتج انتي

جايه هسه تعامليني من وره خشمج

اصحي وشوفي روحج وي منو تحجين

اساسا غلطان بجيتي هنا....

تابعو احداث الحلقه القادمه من تل الذهب

كنت معكم انا رغد الموالي في امان الله... 🌹

تل الذهـــــــــــــــــــب

بلا وعي بجهل اقترب منك انا

بحب بشغف اريد قربك انا

كلي أنت وكلك أنا

فلا تكابر ياأنا.......

مريـــــــــم......

اقتربت منه اكثر

وثابت على وكفته يترقب تصرفاتي وكلامي ساكت بس عيونه تتنقل من اليمنه لليسره 

اني اكدر اصير مثل لؤلؤ وشوكت متحب

باوعلي وضيق عينه بغضب...

ضربني بكف جان قوي لدرجه حسيت حراره صارت بوجهي.....

باوعتله بعيون داهمتها الدموع

وكوه كاتمه بجيتي مختنكه

همست

ليش

جاوبني بغضب بس يهمس حتى مااحد يحس علينه

وحده مثل وضعج تعرضلي نفسها مستحيل اتقربلها

انه مو بلا ضمير وشرف حتى استغلج وانتي بهذا وضعج

- نفجرت... شبيه هااااا ليش شبيه

-غبيه

- اني غبيه

- مراح تفهمين لو شنو اشرحلج

- ليش لغيري اي ليش يمي بايع ثكل

مباشرة نزل راسه باوع للكاع ماباوعلي

ليش تباوع للكاع شوفني

- همس طيح الله حظج بس شتوقع اذا انتي ربيانه هنا

وعافني وطلع

واني كعدت بالكاع ابجي

صرت اريده ماريده يبتعد عني

متت لما شفته وي غيري

يومين مرت هو اختفى ماعرف وين راح بهذه اليومين

صار رمي عشوائي خفيف وكأنه يريد يرعبهم

ماصاب احد من الرمي العشواىي بس كلها خافت على نفسها

زاد قلقي اكثر

حتى الحجي سمعته يكله لابو غضب بس لا قتلو اسدي

- يمكن شرطه لاحكته حجي

- لساته جهازه مغلق

-اي

- معناها يوجهولنه رساله بااختفاء الضرغام والتمشيط

- شلون يعني

- الضرغام مراح يقتلو

فتره ويرجعو

بس رساله توصلنه بأنه السبع البيكم نوكعه

- والتمشيط

- التمشيط معناها ديربالكم بأي لحضه ممكن يهجمون علينه

- والحل

-ننتظر خبر عن الضرغام

- ولو ماجا

-يجي ضرغام مراح يموت راح يجي وراح تشوف كتلك دايهددونه

- فعلا وره ٣ ايام اجه جان عليه اثر ضربات كدمات بعينه ومن يم شفته حتى مايكدر يمشي زين

لما فات للحي ركضو عليه الولد

ضرغام

ضرغام

شبيك شصاير وياك

هو مايرد بس يباوعلهم

ابو غضب مباشرة خابر ع الحجي

وفوتو لبيته يرتاح

شويه واجه الحجي ردت اعرف شنو الصار ماكدر افوت رحت بسرعتي على ليو ودزيته يروح لبيت الضرغام يفتهم شبي

بقيت الوب اروح واجي متوتره

اريد اعرف شصاير ومنو هيج مأذي

عيوني على باب بيته كل شويه اكو هسه يطلع ليو

وماكو ماطلع

الا تقريبا وره ساعه

بس حسيتها سنه

ركضت عليه

ها بشر شبي

- فوتي جوه لبيتج احجي لايشوفج الحجي

فتنه جوه وكعدت وجنت متلهفه اسمع شراح يحجي

ليو- الضرغام جان عند جماعة القبرص وضاربي ودازين ويا ورقة تهديد

-تهديد ليش وعلى منو

-كالوله لاتندك بتاج راسك يقصدون الحجي تره الخير مابيكم نسحكه

-ويقصدون الضرغام

- اكو غيره ليش خطفوه لعد

- زين وشحيسوي الحجي

- قابل حيسكت مستحيل

- يعني كله لضرغام

- اي وضرغام كله على كيفك حجي كلشي بوكته حلو

- وعلى شنو يصبرون لا والله اتغده بيهم قبل لايتعشون بيه الضرغام روحه طويله تره

- الضرغام ضرباته ضربه تلكي دايخططلهم شلون يلوي راسهم بس بعقل مو مثل الحجي وهوساته

- زين وهو متأذي

- ضاربي

- وهواي متوجع؟

_ نوعا ما

_ حروحله

- لاتروحيله هسه نايم

- بقيت اترقب شوكت اروحله او اشوفه بس الححي بقه ملازم ماطلع وماعرف ليش

يومين شفت الضرغام يم ابو غضب واكفين وماعرف على شنو يحجون

رحت وكفت على بعد شويه منهم ردت اصيحله بس اعرف بي حيضوج

شمرت كلاص وانكسر بالكاع التفتو ثنينهم الي

باوعلي ضرغام وضاج من شافني

استدار بحيث نطاني ضهره

صارت مشاورات وحجي علمود الانتقام من القبرص

ابو غضب:- هو بداها حجيييي شنو احنه خنث ومنرد عليه

-ستار:- حساب القبرص ثكل يمنه حجي

- ابو غضب: وفوكاها. يضربون الضرغام

الحجي:- والعمل يولددد شلون نرد عليهم

- ستار:- اني اكول لو نهجم عليهم مثل مامشطو علينه

الحجي- انت مخبل انت تعرف شكد ربع القبرص

- لعد شلون حجي لازم نرد عليهم

_ مثل مايشتغلونه من جوه لجوه احنه هم

- ابو غضب:- شلون دايشتغلونه من جوه لجوه وهم خطفو الضرغام

- الضرغام لو حتى يحجي حيكولون احنا شعلينا

_ والعمل؟

_ ماادري

باوعوله للضرغام كالوله متحجي شيييي

- همس برفع الحاجب

نحرك مخازن المخدرات

- صارو واحد يباوع بوجه الثاني والحجي وافقه الرأي للضرغام رغم هو يخاف من القبرص بس مرفضله طلب للضىرغام

اخر شي خططو يحركون مخازن القبرص

بالليل طلعت سيارات وملثمين وجان من ضمنهم الضرغام وعرفت راحو يحركون المخازن

للفجر رجعو وكالوله للحجي

حركناها

الحجي:- يولدددد حظرو نفسكم القبرص هسه يجيب جماعته ويجي

- سعدي:- جبان هذا وكل كدرته قناص

- ماطولت لل ٧ ونص تقريب اجه القبرص وراه ثنين حمايه مسلحين

جان رجال خمسيني او اكثر اصلع الرأس

سمين نوعا ما شكله يخوف

فات للقطاع ماشي بزوده تحسه

كاله للحجي

- المخازن انحركت والي حركها فعل فاعل

- الحجي باوع للضرغام ولابو غضب جاوبه بشماته ونكران

واحنه شعلينه جاي تكللنه

- منكم بيكم بلغونه على الحرك

- هه منا بينا لو الي بعبه صخل يكول ميع

- المخازن احتركت وانت بديتها يالذيب

الواوي لعب بذيله وكطعناه الضاهر عاجبك نهايتك نهاية الواوي

- رد عليه الحجي مقلد صوت الذيب من باب الاستهزاء

عوووووووو

هذاك لبس نظارته السوده وراح هو ورجاله

حسيته حجه بزود لان يمه الضرغام وابو غضب

طبطب على جتف ضرغام وابو غضب

مادحهم

عفيه بولدي عفييييه سباااااع

شفتوووو

كتلكم حيعرفنه احنه لان هو دايلعب بالنار وهالنار عباله مانعرف هو وراها

القبرص من زمان جان لازم ينحطله حدد واجه الوكتتتت

سمعوني زين

خليكم منتبهين وحذرين

القبرص كلشي وارد منه كلشي

- تامر حجي

طلع الحجي وبقو بس الولد

الضرغام ماعرف شنو همس بااذن ابو غضب وطلع

مرت ايام والضرغام مختفي الحجي يجي وابو غضب يغطي ويكذب كل مره حجه

والي خبلني الحجي يصدك

وميحجي اي شي وي الضرغام

وين راح وشعنده

ليش يكذب ابو غضب ويغطي عن الضرغام

منو جايب هالمره بالمزرعه

متأكده وحده جايب هالمره وهم نفس الشي يكذب ويتحج ابو غضب

نار شبت بيه واتخيل الضرغام يمها

ويصعدها على الفرس لو يجيبلها شغلات تحبها

متحملت رحت لبو غضب وسألته

- الضرغام وين

- نتر بيه

شطلعج

- كلي وينه

- طلع بشغل

الحجي ميدري وين اساسا ياشغل هذا

- تراقبين حضرتج

- كلي وينه

- شعليج ياااااب شعليججج

- ماشي سهله

عفته ورجعت للبيت

مرت يومين صار اسبوع على طلعة الضرغام

فجأه اجه سعدي يلطم

جان الحجي كاعد يم الولد

فز شبيك شكوو

- حجي جهاز مكافحة الارهاب اخذت الاولاد كلهم

- شنووو شتحجي انت

- مثل مكتلك

- اباوع على الحجي وجها اصفر صار

بلع ريك

باوعلهم بقه ساكت بعدين نتر باابو غضب

لك هذا الكو**** وينه

وين رااااااح

- حجي مو كتلك صاحبه طلع من سجن وراحله

- واسبووووووع هاااا شيسوي وليش مامر

؛- مادري حجي مادري

- صار يروح ويجي يلوب ويدك على الضرغام ماكو اخر شي عرفت مغلق جهازه

وره يومين يله رجع

وتلكاه الحجي نار صاير

- وين جنت هااااا

- ليش ابو غضب مكالك

- شعندك باقي اسبوع يم صاحبك

- حجي مريض بقيت يمو

- الجهال اخذتهم مكافحة الارهاب

- والعمل

- وسطت جماعه بس الشغله صعبه حيل

- منو هم الجماعه

- ناس واصله بالدوله تكدر تسوي شغل

- وبرأيك يرجعوهم

- يرجعوهم

- شلون يعني

- هاي مو اول مره اتورط وي الشرطه بس هالمره جهال شغله صعبه

من فتره اخذو البنات تهمة دعاره جانن نثيات يسون شغل مو ياهو الجان

وكعن زلم يابو زلم سحلتهم من شاربهم بااصبعي الصغير

وكلت جماعه ثكال طلعوهن وهن هم ماقصرن وي الطلعوهن حتى ضباط كبار ههههه

-ههههههه يفيدن النسوان بهيج مواقف

- اي كلش خو مامثل هاي الغبره الجوه

كلشي متدبر وكتلك روضها وجرها ويانه على الخط تكلي مالي نفس بيها

- حجي فدوه لعينك مارغبتها ماعجبتني

- ولك هي باين ميته عليك وكعهاااا

- تامر حجي

- بهذه الاثناء اتصلو على الحجي جاوبهم

نعم

- حجينا فدوه لعينك دبرها منا منا مصدر رزقي ذوله

- شجاب المكافحه عليهم هاي اول مره اعرف مكافحه تاخذ مجادي

- اباوع للضرغام مركز وي الحجي من دايتكلم

- حجينا رشوه مستعد ادفع شكد مايردون

- ماشي حجينا

ماشي ممنونلك

وسده للتليفون

الضرغام- ها بشر

الحجي- والله ابو سامي حيدبرها

لضرغام:- منو ابو سامي

صديق النه اله معارف بالدوله

- دوله؟!

- اي لعد انه شلون اشتغل من هذاك اليوم لليوم

- زين كلش زين

عرفنه على ابو سامي

- يجي يومها يالضرغام. لويش الاستعجال هذا اول مره اجيب طاري كدامك

- هههه باين ماتثق

- لا بس الخواص الخواص صعب

مووو

ماعلمك الحوت

- شلون ماعلمني بس المكافحه شدراها حجي

- غير شافتهم مجادي

- ليش قبل مشافتهم ليش بالذات الا هسه وره محتركت مخازن القبرص

- شتقصد ضرغام

- اصفنلها

- ركز الحجي على الضرغام ثواني بعدين كال

مايحتاجلها صفنه واضحه ضرغام

القبرصصص هو وراهاااااا

- وتتركو هيج تعديها

- لازم اردله نفس الضربه

- برأيك شلون

- مادري

مادري

- تاخذ احد من اهلو رهينه لحد مايفك الجهال

- باوعله وهز براسه بمعنى اي ويطبطب على كتفه

بتنبيه اشر بالسبابه

وانت الكايلها يلضرغام

لازم اخذ عزازه لازم اردها لازم

- منو تعرف من اهلو

- بنته عنده بنيه القبرص

- هاهيه

- تتكفل بيها انت يالضرغام تخطفها وتجيبها لهنا وشوكت ماتريد جيبها لبيتك

- ماشي حجي

واني اسمعهم عزه يعني حيخطفوها ويم ضرغام

يعني مالكه غيره

طلعت بحيث صرت كباله باوعتله وجنت صايره نار من قهري

بعيني الدمعه متحجره باوعلي بطارف عينه ومشه ولااهتم الي

متت بزياده

قتلني بإهماله وين هذاك دلالك واهتمامك الي

ليش حرمتني منه فجأ

لييبيش

صعد بالسياره هو وابو غضب ومناف

طلعو

والحجي طلع وراهم هم

بقو الولد

فتت جوه مقهوره مخنوكه واخطط شلون لو جابها لااخنكها بيدي واقتلها اموتها

فكرة ان هو حنانه وحبه واهتمامه لغيري تقتلني

اموت ولا اشوف هالشي

أُخفي الهوى ومدامعي تُبديهِ

وأُميتهُ وصبابتي تـُحييه

وَمُعذبي حُلو الشمائلِ أهيفٌ

قد جمِّعت كل المحاسن فيه

فكأنه بالحسنِ صورة يوسفٍ

وكأنني بالحزنِ مثلُ أبيه

يامُحرقاً بالنار وَجهَ مُحِبه

مهلاً فأن مدامعي تطفيه

أحرق بها جسدي وكل جوارحي

واحرص على قلبي فأنك فيه

أن أنكر العشاق فيك صبابتي

فأنا الهوى وابن الهوى وأبيه

سديم......

م

ا شمر هالكلمتين وراح طلع متعصب وخالتي جانت بعدها عمليات ماهتميت وقتها

طلعت رحت يم خالتي انتضرها

سوت خالتي العمليه بخير وسلامه طلعت وصحتها زينه

جانت شويه متوجعه واحنه وياها وياها

من خوفنه عليها

بقيت يمها اداريها وعيني عليها

- شلون صرتي خاله

- زينه اني بنيتي

والله ماعرف بيش اجازيج بعتي روحج لخاطري يابنتي

- تدللين خاله هذا واجبي

كليلي خو مامتوجعه

- شويه

- ميخالف فتره وتصيرين زينه

جانت تعبانه حيل عمليتها صعبه وهي جبيره بالعمر اذتها

جان ضرف جدا صعب امر بي وزيده عليه ادم

بس عفته ولا اتصلت بي

حتى لمن رجعنه للبيت بقيت ملهيه نفسي وي خالتي

اداريها وانطيها العلاج واضربها ابر بالوريد

اكومها واكعدها واوكلها

جانت ام بالنسبه الي مو مرت خالي

عرفت انه الدنيا يوم الك ويوم عليك

يوم تشوفك حلو ويوم تشوفك مر

ولازم بكل حالتها واقدارها نتعايش

جانت مرت خالي كثيرة الذكر لله تعالى

حتى وهي متألمه تسبح وتبجي لان ماتكدر تصلي بسبب عمليتها

مرت الايام وتحسنت شويه

- يمه اني زينه اكول لو ترحين لشغلج خاف ادم يحجي عليج

- لا ميحجي اني اخذت اجازه مفتوحه

- هو ولا اجه شعجب حتى ماكلي حمد لله على السلامه

- ماكتله حتسويها للعمليه

- لعد شلون نطاج اجازه

- كتله لان حننخطب ومحتاجه فترة هدوء

- باين ادم خوش ادم ويحبج

- اي كلش يحبني

كلتها بحسره من دون مااباوعلها

من رخصتج خاله اروح اشوف شعندي شغل

جانت ايامي تمر اعتياديه ادم خلال هالايام حتى مافكر يتصل او يعتذر

تركته براحته

صار وقتي كله لمرت خالي وللبيت وهم صرت اهتم بنفسي اكثر من الاول

بحكم مخطوبه واعرف ادم شنو يحب وشلون يريدها للوحده

مو مسألة انه اصير انيقه اله

بس صار تغيير بحياتي لازم يصير تغيير بشكلي هم

باجر وراي عرس

قررت انه ابدي صفحه جميله وياه

ونكون زوج وزوجه ونبيني بيت

ترفرف عليه اجنحة السعاده

صرت اشتري ماسكات واسوي سنفره

وهالامور خصوصا واني الي خبرتي بهذا المجال

مرت خالي امورها صارت عال العال

بس كرامتي مسمحتلي ارجع للشغل ويا

الا لما يتصل

فعلا بيوم اتصل جان الوقت بحدود ال 1 بعد منتصف الليل جنت مدده وداغفي

فزيت لما رن جهازي

باوعت ادم يتصل حجيت وي نفسي

- هذا شيريد وشعنده يتصل عليه هسه

- فتحت خط وهو تكلم

- مرحبا عيني

- اهلا

- وانتي فوكاها زعلانه

- لا المفروض انت تتجاوز واني اصالح

- اهوووو حنفتح عتب

- شتريد ادم شعندك تخابر

- ضايج

- ها هسه تذكرتني وصار عندك مجال

- اكلج انتي شكد نكديه وتحبين المشاكل

- اني احب المشاكل؟

- اي انتي لعد اني

- اصلا انت تموت على المشاكل تدورها تدواره

- ميخالف اني ابو مشاكل

بس اني مشتاقلج

- مااعتقد

- لا وعيونج الحلوات اشتاقيتلج

- هذا كلامك مجامله علمود متبقه بنفسي مو

- ها رجعنه

- اذكرك بلي كلته

- شوفي خل اكلج شغله

- جدي مره نصحني نصيحه

- اي

- طبعا اني حنت ولد مؤدب وعاقل كدام جدي

فكلي ادم ابني انت من تريد تتزوج

اعرف شلون تختار

-اي بله

- فكتله جدي عد عيناك ترباتك اني

- كلي انجب ادم واسمعها لنصيحة جدك

- اي

- وجعي دضحكي شبيج

- مااضحك فضنه وحجيها لنصيحة جدك

- اني مااكلج جنت لابس سويتر ازرك عبالك مال دشاشة بيبيتي الله يرحمها وبجامه زركه

فطالع كلي ازرك عبالك هذا الدوه الازرك ليحطو لحلك الجهال

شايفته

- اي

- هم كالت اي

المهم

عود هاي اني كاشخ مو عبالج

- اي كشخت وبعد

- كلي ادم حبيبي

طبعا جان يدللني بكلامه لان اني حلو متشوفين البنات ميتات عليه

- استغفر الله

- شحجينه دتستغفرين

- دحجيها لنصيحة جدك عاد

- كلي ادومي

- نوب سواك اندومي

- داكلج جنت مدلل

- اي

- كلي حبيبي ابو عيون العسليات والحواجب المشمرات

- الله اكبر

- انتي عبالك متصدكين

- لا مصدكتك

- كلي ياابو قلبك الابيض الي ماضمله ولا بنيه

- انت؟

- اي شعبالج اني هسه اذا تجين تفتحين قلبي تلكي فارغ بس انتي كاعده بي ورجليج طالعه منه هم طاخه بجدار المعده

- ادم حروح انام تصبح على خير

- خل اسولفلج نصيحة جدي وروحي نامي علمود تحلمين بي زين

-ليش يمه احلم بيك

- اني يوميه احلم بيج

- اي وشتحلم بله

- احلامي خاصه اني بس اذا تردين احجيها عادي

انتي هم مثل مرتي

- ليش احلامك خاصه يمه عود

- لعد عامه

اقصده حلم اخجل احجي اني تره خجول واستحي مو كتلج مؤدب بس مداتصدكيني

-( جاوبته بملل ونتره) فضني احجيها لنصيحة جدك دروح انام

- اي فكلي جدي ادم اسمع نصيحتي

ابني انت ولد عاقل ومؤدب وفقير

- انت فقير؟

- وداعتج يله صدكتي

- بعد حلفت بداعتي شلون ماصدك هه

- المهم كلي ادومي الصاك

- اهووووو نوب الصاك وادومي

- شبيج بابا حلو تره اني بس انتي عميه متشوفين

-لا شفتك

- بله ذكلتي عليه مكلتي الله هذا شلون يخبل ونذرتي تذبحين بقره بس اتزوجج

-عزه انت منين تجيب هالكلام

- اجذب عليج قابل

- لا والله

-اصلا رفعتي ايدج للسماء وكلتي ياربي ترزقني هذا الصاك اليموت

- يمه ادم انت منين هالكلام تجيبه اروح اني

- ماتروحين اذا مااسولفلج نصيحة جدي

- اريد انام نعسانه

- ابد والله مااخليج تنامين

- احجيها عاد فضني

- اسمعي

جان يكلي ادم ياب ابني اسمعني

جان شنو كاعد على الكرسي هذا اليتمرجح وبيده جكاره ولابس بجامه بيت كامله مو عبالج مبهذل جدي الله يرحمه جان انيق ويشك شك

- يششك شك!!

-يعني يخبل شبيج

- اي

- عبالج انتي مثل هذوله الاجداد

هه

اجداد قبل عبالج مثل اجداد هسه

- صبرني يربي

- وشلعلي گلبي يربي

- اشو انت تغنيها شعندك تصنف عليه

- هسه اكلج نصيحة جدي شنو

- اي

- اسمعي

- يبووووو حسمع شسمع بعد

- ولج اسمعي نصيحة جدي

- كول فضها عاد

- جانت بيبيتي ميته من كالي هاي النصيحه

والجو جان مغيم والطيور تهاجر الى البلاد الخضراء

وجدي عالك صوبة علاء الدين وقوري الجاي عليها وبي الهيل

ريحة سطرتني تخبل

ها سديم

الو

دااسمع دشوفها للنصيحه العظيمه

- اي

كالي ابني ادم انت خوش ولد وفقير

- يبو عليه دكمل عاد والله افتهمت انت فقير

- شفتي خليتج دكوليها

لعد تستاهلين اكلج النصيحه

- اي دحجيها

- كالي حبيبي ادم الاسد

سكت ثواني بعدين تكلم

اشو مكلتي ليش كلك جدك اسد

- لان انت اسد

- بعد شفتي يمه

مشفتي للاسد زبن

-هو حيحجيها عاد للنصيحه العظيمه

- اي كالي اسمعني ياادم

كتله جدي كول عد عيناك كلي اذان صاغيه

- كالي جدو انت شلون تعرفها للبنيه زينه لو مو زينه

- كتله جدو الحكها ومن ارقمها اذا قبلت كبل معناها هاي تصادق ولد

- ليش بزمان جدك اكو موبايل

- دسمعي

- اي

- كالي لا يااثول وكفخني على راسي

- ضحكت

- هاي كيفتيلها هسه ضحكتي

- كمل عاد

- كالي لا انت تعرفها بحاله وحده

- كتله شنو هي

- كالي

الي تنكد عليك ومكرهتك عيشتك هاي ام جهالك تصير وتربي جهالك وتصبر وياك حلوه ومره

كالي والي تهزلك وتركصلك هاي ماتنفع تتزوجها وتخليها تربي جهالك

- يعني جدك هيج نصحك

- اي

واخذت بنصيحته اني

- هسه اني من يااختيار

- النكد شفتتج منكده 24 ساعه كلت هاي تفيد

- باي ادم

- اوكفي احجي وياج شبيج

- لا اني نكديه روح عني

- انتي ليش متحبين الشقه

- تشاقيت هاهيه اريد اروح

- مو تدرين لج يموتن يبو عليه بس ميفيدن

-تصبح على خير

- وانتي بخير ياكيك

احبج

- خوش

-اكو وحده ترد على نبضها هيج

- نبضي!

اريد انام ادم

- فلتغفو عيناكِ ياأميرتي

وليمتد شعركِ على الوساده

أنعمي بنومٍ هانئٍ

بقلبي وبجوارحي

فلتغفو عيناكِ ياأميرتي

شلوني بالشعر بالله

- شكرا

- احسج خجلتي

-اتبسمت شكرا ادم

- اريدج تخجلين بس مو هسه

- باي ادم

- بعد شحجينه

- ادم باي

- باي عيني

ادم ماخذ الدنيا ونسه وطلعات وبنات

مااحسه عنده شي جد

كلشي تافه وعادي

يوم بعد يوم اكتشف اشياء جديده عند ادم

كانت تصرفاته او طريقة كلامه تخليني ابتسم اضحك غصب عليه

ماانكر هو يخلي اي بنيه تحب سوالفه

واني حبيت سوالفه بس جنت زعلانه منه لهسبب ماتجاوبت بشكل صحيح

غفيت وصحيت على رنة الموبايل

فتحت خط بصوت نعسان

صباح الخير يااكيمير

- صباح النور

- بعدج نايمه

- اي

- دااتريك كيمر وصورتج احسها بنص ماعون الكيمر

كلت للكيمر حقك عمي تراويني صورتها غير هي الكيمر الاصلي

- ابتسمت

ادم شكد دمك خفيف من الصبح

- اي جان ثخين خففته بمي

- ههههههه

- الحمد لله ياربي الف الحمد لله

- شكو

- همزين تضحكين من الصبح خابرتج دشوف نفسيتج شونها من صبح

لا الامور طيبه

بالعافيه عليك ادم

- هههههههه شحجي بله هسه

- حبيبي تعالي عاد مو اشتاقيتلج

- وين اجي

- وين للشغل غير

- باجر اجي اليوم ممتحضره

- لعد باجر اجي اخذج

- لا لتعب نفسك اني اجي

- مرت ادم متصعد خط اني اجيك ياحلو

-اوك تسلملي

- كمل نومك حبيبي

- اوك

- الحب احساس جميل شعور حلو

تواجد وكأنه حتى يخففلك احزانك

رغم مشاعرنه بأولها بس بديت احس

بشعور حلو من نايحته

ماعرف يمكن بطريقة كلامه

بلشت بمشواري بالبيت اليومي وي بيت خالي

رتبت البيت ونضفت وطبخت جان مرتي خالي زين وضعها بس بعد محتاجه راحه توته جانت ويايه هم بالبيت نتساعد اني وياها

كملت كلشي وحضرت اغراضي حتى اروح باجر للشركه

اتصلت رباب

سديم - هلووو وينج كل هالمده

رباب - وي خطيبي ملتهيه متعرفين

- ادري عيني اني هم نخطبت بس مو هيج مثلج ولاتسألين بس اني اسأل

- حقج والله اسولفلج بس اشوفج باجر جايه

صدك

اوك لعد نتشاوف

- تحضرت ثاني يوم واجه ادم عليه اخذني وطلعنه

طول الطريق يسولف ويسال ومرات يجي اتصال يرفضه ميجاوب

- ليش مترد على الاتصال

- لا هذا واحد لزكه معوده ثبرني

اي شلونج

- زينه

- مبينه تعبانه هالايام

- اي مثل متعرف خالتي

- ضعفانه شكتلج اني

- ان شاء الله تتسهل اموري وابدي اهتم بنفسي

- امشي اليوم اوكلج اكله دسمه زينه

- لا عفيه وديني للشقه رباب حتجي

- هااااااا صدك ذكرتيني

صديقاتج ذولي تتركيهم

- شنو

- سديم من الاخير يااني ياصديقاتج.....

اقبلونا كما نحن او اتركونا كما نحن

فلا انتم تملكون حق تعديلنا

ولانحن نملك رغبة التبرير.......

كنت معكم انا رغد الموالي

في امان الله ❤🌹

كيف لكفي يكف عن الدعاء لك

وكيف لي ان لاااكون كفيف فااكف عن النظر اليك

عجبا لقلب اكتفى حبا بك

وعجبا لذاكرة لاتذكرني الا بك

قد همت بك حبا بل عشقا بل هيامًا

لاعشقا عشقه.قيس ابن الملوح

ولاهيام لهيام سليمان له

هو ادمان الروح

وعطش الارتواء

هو نبض ينبض داخلي

مريم....

ــــــــــــــــــــــــــبقلمي رغد الموالي ــــــــــــــــ

بقيت الوب بعد ماطلعو الولد بسياراتهم

افكر شلون لو خطف بنت القبرص وجابها

اكيد حياخذها للمزرعه والله اعلم ماعنده هناك هم

والا وين كان مختفي

متت الوب اروح واجي بالغرفه

حايره شسوي

ثاني يوم رجعو وياهم بنت القبرص مجتفيها ومعصبين عينها

كالهم الحجي خلوها يم مريم

- فكوها وجابوها للبيت

مبين الضرغام خاطفها لان هو فكها بيده

واخذها بااتجاه بيتي لما قرب يوصل كلت راح يجي وراح اكلمه واكله الي تقترب منك اقتلها

بس لما قرب يوصل صاح لسعدي مثل الي تذكر بيه

سعدييييي

- كول يالضرغام

- اخذها يم هاي ويأشر على البيت

- عزززه يعني حتى مايطيق يذكر اسمي لهدرجه كارهني

راح هو يم ابو غضب كعد اجت البنيه واسمع سعدي يحاجيني واني عيني على ضرغام مقهوره اباوعله بس هو  حتى ولا يباوع لبيتنه

احس يدري داشوفه من شباك المطبخ

بعدين انتبهت لسعدي وهو يكلي

هييييييييي

مو داحجي وياج

- نترت شرايددد

- هاي عينج عليها

- طفرت من مكاني واجيت بااتجاهم واني نار صايره

اريد احد حتى اذب حركة گلبي بي

- واني شعليه خدامه اني هنا

هااااا

خدامه

- لج بابا هذا شغل ساعدينه

- وهي واكفه تباوع وعادي ولاخايفه عبالك معلمه على هاي الاجواء

- باوعتها حنطاويه شعر طويل سرح ناعمه عيونها كبار صفر رغم اني حلوه بس حسيتها هي اجمل وملكة جمال وغرت منها بودي احركها

صرت الوب وزادت النار الي بصدري

تكلمت

- طلعيني منا

- باوعتلها

شنو عيني

- طلعيني

- والله لو عليه اطلعج بس هاي حالي من حالج

- بابا اذا عرف مستحيل يخليكم تعيشون

- ماشي عيني عود كليله للبابا هه

مشيت وعفتها مجنت اطيق احجي وياها

للظهر جابو الغده وجابه بيده الضرغام سمعته صاح على سعدي يودي النه

طلعت اركض ردت الحك بي واكلمه لكن هو عبالك يدري راح اجي خله الاكل على عتبة باب المطبخ وراح

لحكت عليه وهو ناطي ضهره

ضرغام ضرغام

مارد كمل طريقه

اخذت الاكل جان دجاج على تمن

استغربت شعجب مو عوايد الحجي هيج

سعدي كال

لتستغربين عيني نسيتي هو والضرغام هالفتره بالمنطقه

اخذته ورحت وديته جانت هي مدده اول ماجبته خليته على الميز كالت بااستفزاز

خلي يمي

-كومي انتي اخذي

- جيبي مابيه حيل اكوم

- واني هم مابيه حيل

- كامت عليه تتنتر

للللجحجج اشو انتي شدز تحاجيني معلك

- احد كلج خدامه اشتغل

- لعد ماليش خلوني يمج وبعدين تعرفين اني منو

- منو

- اني سعااااد بنت القبرص تاج روسهم لذولي البره

الي بابا اكيد حيجي يحررني ويسحك روسهم بقن***

- ديله بيبي ديله فشي ريشاتج وروحي جيبي ماعونج وااكلي

- منو تفش ريشاتها اني

- اي انتي

-  الضاهر عوزج تتربين انتي

جرتني من شعري حيل وضربتني راشدي

انتي تضربيني اليوم انيييييييييي اعلمجججججج

واني منا دمي فايررر عليها ورديتلها الضربه

وهي هم ردت

صارت وحده تضرب الثانيه تعاركنه بالاخير كامت تصرخ

الحكولييييييي  هذه رااااح تموتنييييي

بابااااا

اجه حمزه يركض سحبني منها

هاي شجاي تسوون مو عيب عليجن

- هي ضربتني على شنو اسكتلها

- واالله انتي نهايتج كربت مريم

- شوف منو يحجي هذا الثاني دمشي بابا

- اشو مو بعينج احد ولج

- برجلي انت مو بعيني

- اني برجلج

نزل عليه ضرب كمت اصرخ فات ابو غضب على صراخي وبعد حمزه عني بهل الاثناء شفت الضرغام فات

- هاي شكو شصاير ( حجاها بدون مايباوعلي موجه نضره لسعاد ولحمزه)

- سعاد اول ماشافته اجت عليه خلت ايد على ايد وعلى كتفه الايسر  بدلال تتصرف

عفيه طلعوها لهاي تره مبقت حلوه مااغارت منهه وضربتها شوف شسوت بشعري شوف وجهي

هو واكف يباوعلها

سعاد:- همست يم اذنه هو انت شسمك

- باوع لبو غضب رافع تك حاحب كوه لازم ضحكته من كالت هيج وهي تتصرف بتدلع

- شسمك انت

ابو غضب - ضرغام

- فدوه وفداوي رحت اني

- باوع لحمزه وكاله

حمزززه صغير انت حتى جاي تتعارك وي النسوان مو عيب عليك

سعاد:- هو انت الي دزيت الولد يخطفوني مو

- مارد عليها وكمل كلامه وي حمزه

حمزه:- اجيت افكهن جانن يتعاركن نوب ابتليت

هاي

هاي مريم لسانها شطوله

كامت تغلط عليه

رغم حمزه وجه الكلام عليَّ  بس ضرغام ولا باوعلي

كمل كلامه وكال

حمزه امشينه نطلع عوف النسوان وبلاويهم

طلع وراه ابو غضب

وحمزه التفت الي كالي صبريلي بهمس حتى الضرغام مانتبه

طلعو واني وسعاد ماوحده طاقت الثانيه

لليل سمعت الضرغام يحجي بصوت

طلعت اركض حتى اشوف شكو

شفته دايخابر بالتليفون والحجي يمه واكف مخلي ايداناته على خاصرته ويهز براسه وي كل كلمه يكولها الضرغام بمعنى اي

يمه ابو غضب ومناف

- الك مهله منا ليومين اذا ميرجعون الجهال بنتك تحلم تشوفها

- ايييييي هذا العندي

حسابنه ثكل يالقبرص كلش ثكل

وسده بوجه

الحجي

ها شكلك

-يكلي انتو بديتوها للنار وانتو راح تحتركون بيها

- والعمل ضرغام القبرص قوي منكدرله

- حجي نكدرلو بس وحده وحده لتنسه لمنو ماخذين احنه

- ضرغام هاي السالفه مخوفتني قبرص مينلعب ويا

- افا وانت هيج نهزيت منو

- نسيت منو فوتكم للسجن الحوت شلون تورط هااا

- لعد ليش متقصدو لازم انتقم

- م م ماعرف هاي انت حلها

-ماشي حجي خليها يمي

شويه وطلع الحجي

حسيت بخوفه القبرص يخوف شلون هيج ندكو بي

ثاني يوم الظهر

توه يطلع الضرغام صعد دراجته صاحت سعاد

ضرغام فدوه

- باوعلها من دون كلام

- عفيه اني مدااطيق ابقه وي هاي وبده ينصه صوتها

وكانت قريبه منه كلش

طلعت اني من البيت وكفت كبالهم بحيث هي ضهرها الي وهو صاير بوجهي باوعلي لثواني ورجع باوعلها

وهي تكلمه

اني كمت اتفركس مخوصره ايدي الاثنين واكفه اباوعلهم بغضب

هي تقدمت عليه طبعت قبله على خده

هو مباشرة باوعلي واني عفتهم ومشيت متحملت لان احس راح انفجر

شويه واجت

كالت اوي راح اخلص منج يمه يمه ولاتنجرعين

- اخذيلج سفن

- لا عمري راح اروح لبيته كلي تعالي عندي

- بخرعه... منو

- ضرغام

كمت طلعت ردت الكاه حتى صدك هالمره مااسكت بس مالكيته طلع

رجعت للبيت وصرت اروح واجي حموووت

وانتضر ماكو لليل وماكو ثاني يوم ومااجه

مرت ٣ ايام وهو ماكو

اشتفيت ب سعاد الي حولت لبيته وهو اساسا ماموجود وقافل غرفته الخاصه

سمعتها وهي تحاجي ابو غضب بصوت

ليش قافلها لغرفته وليش مااجه

- وشرايده منه يمه

- ماعليك انت

- روحي يحلوه روحي

شفتها اجت بااتجاه البيت كالت

- هذا هيج على طول يطلع؟

-منو

-هذا الي اسمه ضرغام

- لا

وهاي اول مره يسويها

- هاااا افتهمتج

ابقه هنا احسن

مابيها ساعتين وصار رمي مو طبيعي منعرف منين يجي الرصاص كمنه نصرخ

واني مخليه ايدي على اذني واصرخ

صار رمي من داخل المنطقه هم واسمع ابو غضب يكلهم  لتنطوهم مجاال يولددددددد

شويه وسمعت صوت سيارات فاتت

صوت الحجي يوجه الولد

عرفت اجه من الصفحه الثانيه

صارت صياحات بالمنطقه

وهوسه فضيعه و ي هوسة الرصاص

سعاد صاحت وهي ساده اذنها

دنكي لاتجيج طلقه

- دنكنه ثنينه سويه ومنعرف بره شكو منو مات منو عايش منعرف بس صوت رمي وصياحات زلم

خفت كلش بوقتها

جسمي كله يرجف ايدي رجلي مثلجه

بالي  صار يم الضرغام وليو  خفت لا صار بيهم شي

شويه وهدأ صوت الرصاص 

ماعرف شنو الصار

كمت بعد ماهدأ صوت الرصاص اشوف شكو

دددمم صاير بكل مكان تقريبا

٤ من زلم الحجي ميتين 

طلعت ادور على ليو والضرغام

على صوتهم مشيت جانو بيت ابو غضب ملتمين وهوسه

سعدي وستار وابو راهب

جرحى

جان واحد منهم اسمه صكبان جرحى عميق بحيث ينزف من كل مكان

شفت ليو واكف يباوعلهم همست على ليو

ليوو

باوعلي

اشرت باايدي تعال

اجه كال

ها شرايده

- شصار شنو هذا الرمي

- القبرص دز رجاله

- الضرغام وين

- محد يدري الحجي كلب الدنيا

- صاح بيه الحجي واني جنت احجي

شطلعجج انتييييي

اجه عليه فاير

مو ناقصني خلكج ابددددد فوتي جوووووه ( بصياح)

ولكم خابرولي علىييييه .

وين رااااح هذا ويييين يختفيييييييي

رجعت للبيت اركض طمنت مو ياهم وليو مابي شي

لكيت سعاده مخليه رجل على رجل وتغني وتلعب بخصلة شعرها

- باوعتلها تعجبت شنو من بشر هذه

- شبيج تباوعيلي

- اتعجب بيج

- هه لازم جديده على هيج شغلات

- ربيت وياهم مو اول مره

- لعد على شنو متأثره هيج

- بس مو شي عادي

- بالنسبه الي عادي

- شايفه هيج امور

- يوميه تقريبا هه

- جنتي عايشه ويا شنو

- غير بابا شلون ماعايشه ويا

- وشلون لعد خطفوج

- حبيبتي عايشه ويا وبقصر هم وبي حمايه

وخطفوني

- مفتهمتج

- اني عايشه وي بابا القبرص

بابا بااشاره يحجي مو بلسان

شايفه مشاهد موت هواي

جان الي يخالفه برصاصه يرد عليه

يوميه مطلعين واحد ميت وبابا الي كاتله

جنت طفله اخاف بعدين تعودت

- مكتيلي شلون لعد خطفوج اذا بيتكم بي حمايه

سعاد - نايمه ماشفت الا ضرغام فوك راسي

عرفته من عيونه هو

جان ملثم  اول ماردت اصرخ

خله قطعة قماش على خشمي وماحسيت بشي

الا واني بالطريق وصوتهم وهم يحجون

-لك ذيب انت شلون هيج خطفتها

- ماتعصيني شغله لعبتي هاي

- ضرغام انت تخوف

- ههههه

سمعته ضحك عرفته هو وتأكدت من صوته

- ليش احسج مو مهتمه انه نخطفتي

- يمكن نزهه اطلع من سجن بابا

- يعني

.. وان كنت عايشه بقصر ومدلله بس اني مو سعيده

اني بسجن عايشه

ممنوع اطلع

ممنوع اتكلم

ممنوع اكل بالوقت الي يعجبني

او اتمشى بالحديقه الواسعه شوكت مايعجبني

بابا يطلع الغرفه تنقفل عليه

سجن ختنكت طكيت

- امج اختج اخ ماعندج

- امي ميته اخوه ثنين عندي وي بابا يشتغلون اني بنته الوحيده

- لهسبب خطفوج

- اريد اكون قريبه من الضرغام واريدج تساعديني

- فزيت من كالتلي هيج

شلون يعني

شتردين منه

- واحد مثله هو يليق يكون زوجي

شخصيته اكثر من راىعه

اني لحد الان مستغربه شلون كدر يتسلل ويفوت لغرفتي ومحد انتبه

هيج واحد يكدرله لبابا

- تردي زوج الج

- اي نزوج ونواجه بابا بالحقيقه مايهمني

- وشنو المطلوب مني

- تساعديني

- بشنو مثلا

- خليني اكون قريبه منه هو يتهرب مني

- هزيت براسي بمعنى اي

شنو كتيله من جان على دراجته قبل لايطلع

- ردت اكعد بيته ماقبل بالبدايه بعدين كتله مريم مو طايقتني وطردتني

كالي تعالي بيتي

وشلون دكليله هيج عليه هو اني طردتج

- ردت اكون قريبه منه

- ماكالج شي ثاني

- لا مكالي شي

فدوه اريدج ترتبيها انتي

كتلها اي

بس نار وشبت بيه ماعرف شسوي وشنو ارد

وهو موتني هو

ماكو

اختفاءه جان يهدلي نص حيلي خايفه لاعنده وحده بالمزرعه

شلون لو طلع يعرف وحده وهي سبب اختفاءه

حتى لمن جنه بالمزرعه جان يختفي وماعرف وين يروح

متأكده عنده غيري

ضرغام مو يمي

باله تفكيره مو وياي واني

اني تعلقت بي لاجل مصير مجهول

تذكرت مره لمن اجه للمزرعه

جان الوقت متأخر

سألته ضرغام وين جنت

باوعلي متحير سكت

عدتها للمره الثانيه

وين جنت انت ليش ماعرف وين تروح

منو عندك تروحله الحجي مصار شي من اجيت من عنده

- لاتسألين مريم ماحب هيج اسأله

- عايشه وياك من حقي

- وشفتي مني شي اذيتج انه

- بس كلي وين تروح

- باوعلي لدقاىق بعدين كال

لاتتعلقين بشي مو ألج حتى هذا گلبج مايأذيج بعدين

وعافني ومشى

شنو جان يقصد من هذا كلامه

شنو معنى مو الج

معناها هو لغيري او عنده غيري

الغريب ثاني يوم سمعت الحجي يتعارك وي ابو غضب

ولك شلون ماكلك وين هوووو

كل مره يكلك

هلمره وييييييين

- مادري حجي ماكلي

- دورتو زين بالمزرعه

- دورنه حتى الفرس ماكو مختفي

- شنو سالفته وين راح

- بس لانسجن

- والمهره تنسجن هم ويا غبي انت غبييييي

- لعد شلون فهمني

- الضرغام اذا ميكلي وين دايختفي طلقه براسه وارتاح من مصايبه

ذب البلوه وراح

هسه شحصخم وي هذا القبرص ورطني ويا

من كالو ماكو بالمزرعه وسمسمه ماكو

تساىلت وين راح

شنو ممكن صار ويا حتى هيج اختفى

ليش حسيته ورطه للحجي وعافه

غريـــــــــــــــب......

سديَم......

ادم- يااني ياصديقاتج سديم صديقاتج تتركيهم

سديم - ادم انت مو من حقك تخيرني هيج خيار

- اني لو صديقاتج

- مو من حقك

- شوفي سديَم اني اكره مااكره المره الي تعاند

وايرد اشوف بيج شي يخليني احبج مداالكه

كله عناد بعناد اذا تبقين هيج مستحيل نستمر

- تهدد لو شنو

- شتعتبري اعتبري

بنات مو زينات امنعج متماشيهن تكليلي اي

- وشلون عرفتهن بالله

- هند خانم مو ضاحك عليها هذا الولد الي وياها بالكليه

-اصفريت وتلكأت معرفت شجاوبه

كلت باارتباك

ا ا انت شلون عرفت

م م ماكو مستحيل

-خاف عبالج من تزوجت جيتت على عمى عيني لج گلبتج گلاب نبشت الماضي والحاضر انتي وصديقاتج وبيت خوالج يله تزوجتج

- بس انت مباشرة كتلي ع الزواج

- جنت مخليج بالي ك زوجه بس مااجت فرصتها

عموما هذا مو موضوعنه

الي تسلم نفسه لواحد هذه شنو

هاااا شنو ست

- بالله

وجاي تسألني إلي هذا السؤال إسأل نفسك

- شسأل

- انت من وحده لوحده

-بالتالي المن تزوجت

- وشعرفك بيه جوز عندي مااضي وي غيرك

- ماعندج شي لو مامليت ايدي منج مااخذج

-ليش سألت بيت خالي نسيت اني عايشه وي ولد خالي وثنينهم زلم يمكن عندي شي وي واحد منهم والضروف جبرتني اتزوجك

- من كتله هيج انذهل رفع ثنين حواجبه بذهول وكأنه مثل شي جان مو باله وخليته باله

ردت اوضحله شي بس گلبتها عليه

تلافيت الموضوع مباشرة وكتله

لاتحكم بكلام الناس

الي ماضيها وياك افضل من وي غيرك

هذا مبدئك غلط

هيج تتعب

بنات الناس مو لعبه

- وهو احسه راح بغير عالم صفن وسرح بتفكيره

همس

- عندج شي وي واحد منهم

كولي لاتجبرج الظروف اني هم حقي اعرف

- ارتبكت وتعركت من كثر الارتباك كتله

لا بس اضربلك مثل انه غلط هيج تفكر

- كال بتفهم

لا لا جديات سديَم اذا تحبين واحد منهم اني مستحيل اقف عارض بينكم وبالنسبه للفلوس اعتبريها ولا شي

- ادم لا صدكني جاي اضربلك مثل تره مااقصد

- والله

-والله

- حلفتي انتي بعد واني مااريد ادخل بخطيتج

وصلنه لمطعم ونزلت ويا من دون اي كلام او تعليق مني

طلب الغده صرنه نسولف بس احسه يجامل

واكو شي بداخله زعجه

ومتأكده كلامي الاخير

حاولت اطلعه من هالتفكير وصرت اسولف شغلات منا ومنا مثلا شنو احب اكلات شنو مااحبها

واسأله هو شنو يحب اكلات وهيج امور تعارف عادي كأي ثنين مخطوبين وحابين يعرفون تفاصيل عن شريك الحياة حتى يعرفون شلون يبدون حياتهم

تغديت ولما شبعت ردت اغسل كالي

- وييييين سديم شكلتي

- شبعت ادم

- لا ااكلي بعد اسمني شويه فدوه

- احب جسمي هيج مااحب اسمن

- لج افتهمي اني اتخبل من المعصعصات اسمني شويه

- اشو انت عكس الشباب

- مو اقصد سمن بخربطه كرش ٤ طبكات اقصد سمن بسيط تفتهمين لو اشرحها بالقلم العريض

تره عادي عندي احجي بس مراعيج انتي ومااحب احجي فشك

- فشك!

- متعرف شنو فشك ههههه يعني طك بطك بدون رسميات

- هاا

- هسه ماعلينه شوكت يجيني الحلو لمكتبي

- قصدك اشتغل

- اي

باجر اجي

-ليش مو اليوم

- باوعتله بنظرة ترجي

ادم فدوه رباب نخطبت وراح تجي هم تاخذلها كم شغله منا لتحرجني فدوه

- انتي شلون هيج تتفقين وياها

سديم انتي بحكم رجال هسه

- عديها هالمره والجايات كله برضاك

- عجبتني هاي كله برضاك هههه يله لخاطر هاي عيونج الحلوات الي ذوبتني بنظراتها راح اخليج تروحين وهاج هاي فلوس خاف يعجبج شي

وانتو طالعات

- لا عندي شكرا

- من امد ايدي حتى انطيج لاترجعيها اخذيها رجلج اني هسه

- اخذتها بس كلش خجلت مامتعوده

- تنهد وكال

غيرج هن يطالبن بفلوس

انتي احق منهن هسه

احسن ماتستهويني وحده واروح وياها وانطيها فلوس

- ليش هم الك نيه تطلع وي بنات

- لاااا هسه خطبت اصير عاقل

- اتبسمت بمنونيه وهو تكلم

نروح؟

-اوك

- طلعنه من المطعم وصعديت ويا بسياره حتى يوصلني

- قبل. لاانزل للشقه كالي

... قبليني قبل متنزلين

ارتبكت ش ش شنو لتصير قليل ادب

... ضحك بصوت عالي

- هاي ليش هيج تضحك

- على حجايتج

- ليش حجيت شي غلط

- مو انتي تكولين بلا قلة ادب

واني اموت على قلة الادب

- هاي شنو ادم لتزعلني منك

- يعني هسه متقبلين تقبليني

- طبعا لا

- سديم فكري

- كتلك لاااا

- بكيفج بعد حرامات جان نطيتج الهديه بس حنطيها لغيرج 

- ادم ليش هيج تحجي شنو غيرج انت مو خطبتني بعد علاقاتك كلها تعوفها

- غير اشوفج تدلليني يله اعوفها

هن يدللني ليش اعوفهن

- خل ناخذ على بعض اكثر

- حبيت جو السبعينات هذا ايام الزمن الجميل

استمري

- تصنف

- لا وعيونج اصلا هناك الحب الحقيقي

- لعد الي بينه شنو

- الي بينه ( جر نفس عض شفته) 

الي بينه بعدين تعرفي

- ادم حركاتك مو حلوه شنو هاي

- سديم بطلي تتنعوصين تره اضوج بكيفي اني

- بس انت كاعد وياي

- وان كان تصرفي مثلي اصلا افرح

- لا عيني قابل اني رجال

- حرنه وياج هسه شرايده

- ادم فدوه يعني خليني اعرفك اكثر كون جدي وياي انت كلشي ماخذه مزح وتريد ادخل وياك بالجو كبل الحياة مو هيج

- لعد شلون

نلطم بالبدايه وبعدين نكوم نضحك

سديم اعرفي طبعي اني هيج

- واني مو هيج

مافاهمتك لازم افهمك حتى نكون اسره نموذجيه

- الله يالنموذجيه حبيت

- ابقه صنف

- تعرفين انتي بمنو تذكريني

بجماعة النظارات المثقفين الي يوميه طالع برنامج ميناس السهيل ودك شكاوي من صبح

احنه الطبقه المثقفه واحنه الطبقه الراقيه مهمشه بالمجتمع

كيف حيكون مستقبل اولادنه

واطفالنه

يااخي شجبرك تزوج وتخلف بالعراق ومتكدر تعيش

- لعد انت شجبرك تزوج

- عيونج الحلوات ههههههه

- لا جد احجي جاوبني

- شوفي سديم كل لعب وراه بس

الي كدامج لعب وعرف اشكال والوان

عرفت بنات بكد شعر راسج

وعرفتهن وحده وحده

صدكيني البنيه بس اباوع بعيونها اعرفها هي شنو

اصلا مااتعب بهاي السالفه

كثر ماعرفت وعاشرت

- وحبيت؟

-سكت لثواني بعدين مارد على سؤالي كمل كلامه

كتلج اني كل لعب وراه بس

لازم اتزوج واستقر يكونون عندي اطفال وعاىله

مره تتلكاني من ارجع تعبان من الشغل

جنت مخلي بالي اتزوج بس مالكيت الي تناسبني لحد ماشفتج

من يوم الي شفتج وي سميره من اخذتها على عسل تتذكرين

- اي

- سألتج على الموبايل كلتي ماعندي موبايل تفاجأت

شلون وحده بعمرج ماعدها موبايل

لفتي انتباهي كلش بهاي السالفه

اجيتي بالي كم مره حتى مره اجيت للصالون متقصد اشوفج ماشفتج ويمكن سميره ضمتج عني صح؟

- صح

- اعرفها من حسيت هي محذرتج مني تأكدت انتي بعدج كلت هالبنيه ماعوفها

بس جان بالبدايه علاقه عابره صراحه غير مخليتج بالي زواج ردت حب وطلعات ونسه

ذبيتلج كم كلمه انتي مالكفتيها

سميره لكفتها وحجت عليه

شكلتلك

كالتلي....

سميره:- ادم عوفك من البنيه يتيمه هاي وجاي ع العيشه

- حلوه سمسم وتعرفيني اموت بالحلوات

- متفيدك البنيه خام كلشي متعرف

- مو هو اموت على هيج بنات

- عوفها ادم حرام عليك

- بداعتي سمسم عاجبتني

-كيكه هي وعاجبتك شوف ادم ثق بالله اذا تقربت منها وتحارشت بيها لاابن عمتي ولااعرفك

واخابر على ابوك واكله

- هيج صارت

- كتلك بنيه بريئه ويتيمه وماعدها عرفه بهل الامور

- خطبيليها

- اذا رضت اني اخربها عليك مو ادمي انت شرب ونسوان شلها بهيج واحد مثلك

البنيه صيام وصلاة تعوف الشغل وتوكف تصلي حتى لاتتأخر ١٠ دقايق عن الصلاة تقبل بيك انت وجهك مدايره على القبله

- ولج هي كرايبج لو اني

- ماعندي كرابه بهاي السالفه انسانه عندي ضمير وحرام عليه اورط بنيه يتيمه بواحد زير نساء

-  بسيطه سميره

- ادم دااكلك اني عوفها للبنيه

- مضامنتها مو تعرفين اكدر اوكعها

- لان ماعدها سوابق لسانك المعسول هذا حتنخدع بي وحرام عليك تأذيها

- عفتها ومشيت بس كلامها اثر بيه حيل وعفتج شلتج من بالي ك علاقه

جنت متردد بين اخطب واستقر بين لا

كتلها اريد اعرفها

- كالتي خل هي تعرف حقيقتك ومااشيل ذنبها

- كتلها قابل احجيلها واكلها تزوجيني

- لحسن حظي اجت كليتج قريبه من شغلي

كتلها لسميره تشتغل يمي

- ماقبلت ابد وتعاركنه مره الثانيه من وراج لان هي دبرتلج شغل يم صالون هم وحده تعرفها هنا

بس تعاركنه وهددتها اذا تشتغل وياها احرك الصالون

- كالتلي اعقل ادم هاي مو اي وحده

- كتلها سميره احركه والله خليها تشتغل وياي

تعرفني مخبل وكلشي يطلع مني

فسكتت وكالت بكيفك

مشيناها على اساس اني دبرتلج شغل يمي واشتغلتي

اشياء حبيتها بيج واشياء لا بصراحه

حتى ترددت بين افكر بيج زواج او لا

بس ماعرف ليش بديت ابررلج عن اي تصرف ممكن تفهمي غلط

او مرات احاول اخفي امور عنج

- هذاك اليوم الي اخذت بي حبوب مانع حمل بالصيدليه

- ماجنت متوقع حتجين بهذيج اللحضه

لمن اخذته وطلعت ضجت حيل لان كدامج

حتى بيومها عفتها لصاحبتي مارحتلها

- زين ليش

- ماعرف يجوز حبيتج ويجوز لا

سديم اني ممتأكد من نفسي وماريد اوهمج بكذب

صدكيني كلامي كله بالوقت الحالي  جد

اذا مكدرت احبج بالدرجه المطلوبه اعذريني

اعرف انتن البنات تدورن حب وهالامور

وخايف لا مااكدر اسعدج من صدك

- اذا تغير من نفسك اكيد حتكدر تسعدني

- ان شاء الله

ربما تعثرنا الطرق بمصلح يصلح حالنا

يلملم شتات روحنا

ينير عتمة دروبنا

فتمسك بذلك الذي اتاك منقذاً

لاتفلت يده خشية أن تعرفك الايام ماذا كان....

كنت معكم انا رغد الموالي

في امان الله......  ❤

سديم.....

صرت اركض هالمره فستاني نفسه بني بس ورداته اكبر نفس الطريق ونفس الخوف وماكو احد

غير الكلاب الي كل شويه تعترض طريقي واركض

هاجمني كلب كبير راد يعضني لكن رجل ضربه

لما ابوعله ردت اعرفه منو معرفته

مثل الظل الاسود صاير بهيئة رجل

مامبين شي غير منه لما خلصني مشى حتى يروح هو

صحت عليه

لاتروح

لاتعوفني

ابقه

بقيت بمكاني كاعده ماعرف ليش مكدرت اكوم

ايدي مادتها بااتجاها اريده يرجع وهو يمشي مايرد عليه

صرت اصيح

لاتروح

احتاجك اني

لتعوفني بهذا الدرب اظلم وموحش يخوف

حسيت على روحي

متعركه ورافعه ايدي اصيح نفس الي بالحلم

لاتروح

فزيت

باوعت اني بالغرفه بالشقه مو بدرب ولاحلم

ياربي هم رجعتلي هذه الكوابيس

صرت امسح بعركي

شربت مي خفت بوقتها كلش حتى الشقه صرت احسها مرعبه رحت لفراشي احاول اهدأ من نفسي

كلش اخاف من هذا الكابوس

زين شلون

ابقه هيج احلم

ليش هيج احلم معقوله يفسر زواجي

ليش رجعت لمن نخطبت لاادم

افكار مزعجه صارت تراودني

بقيت كاعده للصبح صليت الفجر ورجعت نمت الصبح الي المفروض اكعد

حسيت على ساعه ١١

كعدت بملل جان الحلم خانكني وخربلي واهسي لليوم

لفيت شعري بشكل كره صغيره ظهرت منه شعيرات صغيره نطتني مظهر عفوي

خلتني ابتسم رغم الكآبه الي تركها الي الحلم غسلت وجهي وسويت ريوك خفيف عباره عن جاي وقطعة كيكه ورحت للحمام سبحت وبدلت خليت ميك اب خفيف و رحت للشركه

كالعاده ادم اجه بعدي

ولااول مره سلامه يختلف عن كل مره

بااعتبار اول مره نلتقي بالشركه  بعد مانخطبنه رسمي

- اول ماشافني تنهد بفرحه وكف

ااااالله شهل الكيك اويلي

شلون الحلو مالي

- اتبسمت بخجل ودنكت كتله بهمس يصاحبه صوت بسيط

ادم لتحجي هيج

- شحجيت شداكلج

- احنه بالشغل

- وان كان وشنو يعني

- عفيه ادم

- ههههه اويلي اموت عليج من تستحين

- دروح عاد مو والله مداعرف حتى شحجي

- اتبسم وراح للمكتب

جريت نفس بأريحيه

خجلت كلش

كعدت اكمل شغلي

سمعت صوت الموبايل نغمة رساله رن رنتين قصيره

فتحتها لكيت ادم دازلي مسج

-  تخجلين؟

هيج وتصير خدودج عليها لون رمان

وشحلاتك لو تنقطف بوكتك يرمان

احمر يريان.... معذب قلبي الولهان

- ابتسمت بخجل كلت بيني وبين نفسي اني استحي

ارد عليه بوجه خل ادزله مسج

( احبك ياأنت.  أحبك يامن ملكت قلبي احبك يامن أسرت روحي بعشقك  احبك يامن اذبت فؤادي بسحرك

اسيرة هواك انا اتيتك راجيةً منك ان تعتقني من لهيب حبك)  .... 

مااشوفه الا وره دقاىق طلع من مكتبه والضحكه على وجها

هاي شنووووو

واني اكول كلشي ميطلع منج

استحيت كتله من دون مااباوعله

ها هاي بالغلط دادزها لرباب

- ههههههه  ولج ليش تستحين

اجه يمي ودنك صار بمستوايه اني وكاعده على الميز بحيث اتكأ على الميز بعكس ايده وجه الي كال بهمس

زوجج اني تره

- دنكت اكثر وصرت اكل باضافيري

وخر ايدي باوعتله لان هيج تصرف

صارت عيني بعينه همس

هالشفايف مو حتى تتعبيها وانتي تعضين ايدج خجل

هالشفايف تنباس

غطيت وجهي بيدي الاثنين حمريت

عزه هذا شيحجي

وخر ايدي

ليش هيج تستحين

تدرين اول مره بحياتي اشوف بنيه تستحي هيج

- ادم حاجيني عادي كلامك جريء واني مامتعوده

- اعودج وعيونج

- هسه شلون مااكمل شغلي عندي شغل

- انعل ابو الشغل خلينه كاعدين

اكلج اريد اشوف شعرج بخطوبتنه ولا ركزت بس طويل مو

- اي شعري طويل بس مو كلش

- خل اشوفه

- لا احنه بالشركه

- لعد يله وره الشغل نروح للبيت نتعشه واشوف شعرج

- هاا لا مو

- سديم نروح كتلج كافي بالاماكن العامه نلتقي شنو اني عشيقج لو زوجج

- بس بعدنه ممتزوجين كدام الناس

- وكدام الله احنه رجال ومرته وشنو يعني

قابل اني شراح اسويلج ها شدعوه هيج رافضه

- ادم والله مو حلوه نكون وحدنه

- زوجج اني حتى لو يصير بينه شي مو حرام واني مراح اسوي شي انتي متقبلين بي

لو ماعندج ثقه بيه

- لا مو هذا قصدي بس

- بلا بس

يخلص الدوام ونروح

ساعه ونرجع

- ماشي

راح هو لمكتبه واني طار كل واهسي من الشغل حرت بهل الورطه هسه لو مشوفتله شعري ولا هالورطه هاي

شلون بله

خاله خلود لو عرفت شحيخلصني منها

مااكلها احسن

خلص دوامي وطلع كال يلا نروح

- رحت ويا للبيت

نزل فتح الباب ودخل السياره جوه واني نزلت مباشرة بكراج البيت

كال

مو احسن متنزلين والعالم تشوفج هاي شفتي محد يعرف جايب وحده

- جايب وحده؟!!!

- ا ا ا اقصد يعني انتي عود الناس عبالها وحده جايب تدرين شاب عزابي

- اي صح

- بالنهايه يحجون عليج شكو عليه اني رجال محد يحجي

- هزيت براسي بمعنى اي

حقه يفكر هيج

بالنهايه احنه بحكم مجتمع يحكمنه على حسب ماهو يراه معقول وكأنه خلقت النار للنساء فقط حتى يبررون بعملتهم للرجال

ادم وامثاله اشكال سوو بحجة العذر هو رجال

لهسبب مايأنبه ضميره بأي فعل سوء تسوله نفسه عليه

دخلت البيت كان مرتب تفاجأت شلون هيج نضيف وهو ولد عزابي عايش وحده

كعدت على التخم بالصاله

اجه هو كعد يمي

كال يله هسه اريد اشوف شعرج

- دنكت ماحجيت شي

اقترب اكثر وراد هو ينزعلي حجابي

باوعتله بفزه

هاي شجاي تسوي

-شنووو اريد اشوف شعرج

- اني انزع الشال

- يله

- نزعت الشال وبقيت مدنكه وهو فتحلي القراصه نزل شعري على ضهري وخصلات على وجهي همس

احبج

- باوعتله جان صارت عيني بعينه نزلتها مباشرة وباوعت للارض

رفع وجهي من حنكي بطارف اصبعه كال

واحبج اكثر من تخجلين

نظرات الخجل بعيونج هاي موتتني

هي عيونج وحدها تسبي

شلون بيه اني

- صرت احوص اريد اكوم اريد اكله كافي ماعرف دنكت اكثر كالي فدوه باوعيلي

- همست ادم استحي

- همس قريب على اذني كلش

زوجج اني

- وان كان استحي

عفيه ادم اني مامرتاحه وديني للبيت

- وين تروحين اليوم تباتين هنا

- باوعتله متعجبه

ابات شنو وديني

- سديم تباتين هو مابقه شي هي سواد الليل

- ادم والله اذا متوديني اني اروح وحدي

- شبيج قابل حاكلج

- مو حلوه قبل الزواج

- سديم كافي انتي مرتي

- وديني

- استغفر الله هم كالت وديني

اشو متروحين

والي حكم عليج شرعا وقانونا وهسه اكدر اخذج واكلهم لبيت خالج مرتي وبعد متجيكم ومااسوي لاحنه ولازفه اخذها هيج

-هيج صارت ادم تستفرد بيه

-  ليش هيج تفسريها اني مستحيل استقوى عليج

- لعد والي تسوي هذا شيسمو

- حب

- الحب هيج برأيك

- سديم احبج اريدج اليوم قبل باجر

- دراستي حتبدي ماكدر اوفق هسه ولازم نتعرف اكثر

-لعد هاهيه لتبقين تعاندين

تجين هنا ونكعد سويه وشماا اطلب تقبلين مثل ما قبلت مااخذج هسه  علمود دراستج

- ادم اي شي بيناتنه قبل مايزفوني عليك كدام خلق الله لتفكر بي وغير هالامور اني وياك

- اروح وي غيرج يعني

- ليش تخيرني هيج خيار

- دااكلج سالتج وجاوبي

- لااني ولا غيري

-  تنهد باوعلي لثواني بعدين كال

اكعدي خل نسولف متروحين هسه

توصلني ماابات

متباتين

كعدت وهو كعد على التخم الي مقابيلي

بقه يباوعلي من دون مايتكلم

لما شفته هيج بعد مامر تقريب ال عشر دقاىق

هزيت براسي مستفهمه بمعنى حنبقه هيج بس تباوعلي

كالي

- شبيج

- شلون نبقه هيج واحد يباوع بوجه الثاني

- مكتيلي سديم شنو رأيج بالبيت

- كلش حلو

-مفكر اغير اثاث البيت كله

- بكيفك بس هو هم حلو هذا وبعده جديد

- حنزوج لازم كلشي اجيبه جديد

- ان شاء الله

البيت نضيف انت تنضفه لو شنو

- لا شنضفه هو اني وين اعرف

هاي بنيه تجي بالاسبوع مرتين تنضف البيت وتطبخ وتروح

- حلوو ولااجه بالي منو يطبخلك وانت عايش وحدك

- هي من تجي تطبخلي كم طبخه تقسمها وتخليها بالمجمده واني اطلع الاكل واحمي على النار واكل

- شلك بهل العذاب هو اكو اطيب من طبخ التازه

-شسوي عندي مرتي حتطبخلي وتدللني

خبصوني تزوج وتزوج هاي اني تزوجت بس تدلل عليه

- بعد ماعشت وياك 

- عبالي جايه فاله شعرج على طوله ولابسه دشداشه المخصره الكصيره حجل برجلج مخليه مكياج خفيف وحمره حمره من هاي الي يسموها دم الغزال ماعرف كعب الغزال انت تعرفن هالسوالف

-لا والله على مايبدو انت اكثر الك عرفه بهذه الامور

- شمدريني غير هاي تقى صدقه الله جانت هي...

- ليش سكتت

- لا هيج

- قصدك تقى جانت هيج تسوي

- لا سديم اني ماكلت هيج بعدين تقى تصير

تصير

تقى تصير بنت عمي اي واتزوجها اخويه وادري بيها

هااا

اي

- اخوك ليش وين عايش

- مسافر مو بالعراق

- تروحلهم يعني انت

- يمكن مرتين رحتلهم مااروحلهم

- ليش

- جر نفس كال

ابويه متزوج مستقر وي مرته واخوتي موظفين ومستقرين ابقه بس اني اروحلهم ليش ماهم يجون قابل بس اني هنا بالعراق

كرايبنه واصدقاىنه هنا

ليش مسافرت ويياهم

- سافرت وبقيت بره سنين بعدين مليت ضجت رجعت

- اكو واحد يضوج يسافر

-الغربه متنراد

- صحيح...

باوعت للساعه شفتها ال ١ بعد منتصف الليل

ادم توديني للبيت

-والله مابيها داعي ترحين هو شبقه

- لا اريد اروح

- صار كام وبنتره كال مأشر بااتجاه الباب

يله امشي

- كمت وطلعنه حتى نروح

صعدي خل اطلع السياره

صعدت وهو فتح الباب ونفس مافتنه طلعنه

بالطريق...

سديم:- نلتقي بالبيت منا وجاي

- لو عرفت مرت خالي تره متسكت

- وهي وينها مرت خالج رحمه لهلج

- كتلك لو عرفت

- راح تعرف منج بعدين هو احنه شدانسوي

- مو احنه اذا تكثر روحاتنه راح يصير ثالثنه الشيطان

- لا ثالثنه ولارابعنه احنه مو صغار سديم

- ليش شنو الي دايزعجك بالاماكن العامه

- ليش شنو اليزعجني بين الناس اشوف خطيبتي ناقص بس المهم واكلهم اسمعونه شنحجي

- ههههههه

- تضحك

ابقي هيج سديم

- من ارجع لبيت خالي تعالي هناك عدهم هم تتعرف عليهم اكثر

- بالله ومنا حيبدي الدوام لا عمري

تجين ونتشاوف بيتنه نكعد نسولف

- اوك بس مو يوميه

- لا

وصلني للشقه  فتت جوه جان الوقت متأخر

اويلي عليك ادم بالله هسه شيكولون عليه البنات الي وياي بالشقه

فتت جانو كلهم نايمين

مددت مباشرة بفراشي توني اغفى اجت رساله

( ارسلت لك فراشة الحب والغرام

همست بأذنيها قبليها لمعشوقتي

برقة ارق من جناحيكِ فشفاها

ارق من الهواء والماء

قبلة لشفاهك ذات اللون الكرزي

قبلة حب اولى

وقبلة شوق حارة ثانيه

وقبلة انوثة مثيره

وقبلات لك سيدتي في كل وقت ومكان... احبكِ.. ادم)........

حافظ على ذلك الشخص الذي اتاك فغير حياتك ولو جزء منها للافضل.....

مــــــــريم......

اعتدنا على ذوق المرار حتى شعرنا بأن طعم الحلو غريبا.....

مرت ايام والحجي يلوب على الضرغام لان ماكو

صكبان ضمدوله جرحه بس تعبان على عكس الي ويا تصوبو احسن حالتهم منه

كلما يجي الحجي ويسأل على الضرغام يلكاه ماكو يزداد غضب والياكلها ابو غضب الحجي جان يطلع حركته بي

القبرص رجع تعرضلهم بس الحجي بعد مايأس من الضرغام ورجعته قرر يتفاوض وي القبرص

سمعتهم للما كله لبو غضب رايحله وامشو انتو وياي

الحجي - يولللددد اسمعوني زين

هذا القبرص رايد بنته واحنه مانبقه هيج يوميه صاير تعرض ومتصوب واحد منه

اسمعوني واحفظو كل كلمه اكولها

راح اروح لبيته انه وابو غضب وحمزه والبقيه يتجهزون ويتسلحون بسياراتهم

اشاره وحده انطيها معناها احنه بخطر تطبون انتو

كبل تهجمون عليهم

سامعين

-صار حجي

التفت لبو غضب  ولحمزه

يله انتو تحضرو نروحله

- جانو متسلحين وراحو وياه بالسياره

والشباب لحكتهم هم بالسياره وراهم بقو ثنين بالقطاع وليو وصكبان المتصوب

اول مره اشوفها هيج فارغه المنطقه

لهدرجه القبرص مرعب

جاوبت سعاد جانت وراي ومامنتبه

- اي مرعب بابا عنده معارف بالدوله مسنود ماعليه شي

- احس ضد ابوج انتي

- ماكو وحده توكف ضد ابوها بالنهايه هو بابا بس الي يسوي مو صحيح عيشتنه مو مثل الناس

- علساس احنه عيشتنه مثل الناس

- الضرغام ماهو شعجب

- محد يدري بي وين

- معقوله راح ارجع لسجني وماشوفه

- ليش هيج مصره عليه هو مثلهم بالنهايه

- احسه يختلف عنهم كلهم شي جذبني ناحيته

مريم تدرين

الوحده منعدنا شنو الي تريده بهذه الحياة

غير وطن دافي تحتمي بي

والوطن هو رجال بس مو كل رجال رجال

اكو رجال عون

واكو رجال فرعون

واني خايفه لااتزوج فرعون

گلبي هواي ارتاحله

لو رجعت لبابا معناها رجعت لسجني اريدج تبلغي رسالتي اله

-رساله

- اي

كليله سعاد تحبك وتتمنى تتزوجك

اني دائما جنت اتفرج على قصص الاميرات وشلون الامير يجي ينقذ الاميره من القصر الي بي الوحش او زوجة الاب الشريره

يمكن تضحكين عليه بس حسيته هو الامير واني الاميره السجينه

- اني مجاي افهم اي كلمه من الي تحجيها بس ترديني هيج اكله

- كليله سعاد تحبك

اريده يجي يخلصني من بابا يساعدني واني هم اساعده اخذ فلوس من بابا بدون ميدري وننهزم نسافر بلاد بره ونعيش هناك محد يدري بينه

اعرضي عليه هالشي كليله سعاد تريد سعادتتك وسعادتها

اكيد هو حيتمنى يسافر

ويتمنى يخلص من هذا الجحيم

مو

- اكيد

- نسافر ونعيش احلى عيشه الله يخليج كليله

خاف مااشوفه بعد

- اكله بس اشوفه

مرت ساعات رجعو جماعة الحجي ونزل ابو غضب صاح سعاااااااااد

مريمم وينج مريم

- كول ابو غضب

- صيحي سعاد كليلها يله حنرجعها لبوها

- رحت بسرعتي كتلها حزنت على عكس ماجنت متوقعه تفرح

بقت بمكانها لدقاىق بعدين صاح ابو غضب

يلااااااااا

وينهااااااا

رديت بسرعه

اجت اجت دقيقه

همستلها يلا كومييييي

كامت وحضنتني جانت مخنوكه كالت مريم فدوه كليله

- بعيوني

- راحت وصعدت بالسياره وهي تباوعلي مخنوكه وترد تباوع للمنطقه صارت عينها على بيت الضرغام

وهم باوعت لبيته احسه مهجور لان هو ماكو

بقت عينها على البيت لحد ماطلعت السياره من الفرع

صار عندي فضول اروح لبيت الضرغام

رحت بسرعتي للبيت فتحت الباب هي اساسا بسرعه تنفتح لان مربوط الكيلون بثقب للباب بحيث تسحب السيم تنفتح الباب

فتت جان البيت صب كونكريت عادي مثل بيتنه

بي مطبخ وغرفه بس جانت مقفوله الغرفه

تمشيت بالبيت اباوع لكل زاويه ولكل ناحيه بالبيت

احس اثره او هو هنا

اول مره بحياتي اشتاق لشخص

او بالاحرى اجرب شعور الاشتياق والغيره بنفس الوقت

غرت هواي لما كانت سعاد تحجيلي عن الضرغام وتريد ترتبط بي

تمشيت حتى اروح

شفت قميصه على الحبل اخذته وشميته جان بي عطر مميز رغم مغسول بس ريحته طيبه

حظنته بقوه واشتمه

همست بحسره وكسره بخاطري

احس خاطري مكسور ومخنوك

اشتاقيتلك هواي

ليش هيج عايفني

ليش تروح

اول مره اعرف شعور الحب

وشعور الاشتياق وشعور الم البعد

ول مره احب بشر حتى امي ابويه ماحبيتهم ولااعرفهم

انت صرت كل اهلي وكل حبي ليش تروح

ليش تعذبني هيج

گبال عيني

گبال عيني جنت اشوفك كل يوم بس بعيد عني

ابتعدت اما ردت قربك

لما تمنيت تمتزج روحي بروحك

ليش

ارجع

اريد اشوفك ولو مره

ليش احسك رحت هالمره مراح تجي

ليش احس بعد مااشوفك

جنت مغطيه وجهي بالقميص حاضنته واحجي بخنكه

بعدين اتذكرت اني بيته وخاف احد يجي

باوعت ماحد اكو بيته مديت راسي من الباب

شفت ماكو احد

اخذت القميص ورجعت للبيت ركض

ردت اخلي يمي كلما اضوج اشكيله

حتى لو هو ماموجود

ضميته بسلة ملابسي اخر شي وخليت فوكاه ملابسي حتى محد يشوفه

طولو الولد هواي يله رجعو وسعاد مو وياهم

عرفت رجعت

سمعتهم يحجون

الحجي- هو وجماعته اصلا ميخوفون جلبي

ابو غضب- وداعتك حجي هم من شافونه طبينالهم فد طبه باكو طن هوى

- الحجي:- شعبالكم الحجي هين لعد

-ابو غضب:- والنعم منك حجي الخير والبركه انت

-الحجي:- اسمعوني يولد  الجهال مامن وراهم رده

بعد اعتمادنه مخدرات والنوادي الليليه

وبالنسبه للنسوان حنستوردهم منا وجاي

اكو تجار يبيعون بنات

منا وجاي تفتحون عشر عيون مو ثنين

تره الخساره الي خسرناها مو گليله

ابو غضب:- شلون نستوردهم حجي

- اني اعرف ناس شغلها هذا يجيبوهم من دول واكو بنات عوائل فقره ماعدها تاكل تكيف على هيج شغل

- خوش هذا الحچي الزين

- عبالكم انه هين ولكم لاتكولون كبر الحجي ولكم بعدني اگوه واحد بيكم

- كلهم ضحكو

على كلام الحجي دائما يتحداهم وهم ابد ميحسسو كبر

حتى يخافون عليه لان هو جبيرهم

يومين مرت اجت شاحنه جبيره محمله فواكه لكن تحت كل صندوك فاكهه مخدرات وحبوب ومشروب

بدو ينزلون بالبضاعه

جان صاعد على الشاحنه وينطيهم الصناديك واحد يصيحوله السفاح الاحمر

وهذا لان اختصاصه بالتفجير خبير بهذه الشغله

داىما يكلفه الحجي يذب مفخخات لو يزرع عبوات

الولد كلها تشتغل بهمه وتودي الصناديك المشروب بيت الاكل والمخدرات بالمخزن

الحجي كاعد على قنفه يباوعلهم

توه يسأل ابو غضب

شنو سالفة الضرغام وين راح

- حجي الا مايبين طرف يجي ونفتهم منه

-بهل الاثناء وكع من الشاحنه للكاع السفاح الاحمر

من راحوله جانت طلقه براسه جايه

من شافو هيج كلها سحبت سلاح

صاح الحجي قنااااص يولدددد قناااااااص

الي ختل ختل والي نام نهزم لبيته نهزم

شويه وطفت الكهرباء بالمنطقه صارر مينشاف شي

الحجي صاح

لحد يتحررررك

قناااااص

ابو غضب صاح والعمل حجي شنسوي

الحجي:- انتضروووو لحد يتحرك

صار يضوي ليزر على الحياطين وكأنما يريد يحدد هم وين  بقه تقريب ال ٣ دقايق وبعدها

اختفى الليزر

نص ساعه ماكو شي

الحجي  رفع عوده مغطيه بجرجف جبير داخله ضوه خفيف من ضوه الموبايل بده وكأنه احد وكف للناظر البعيد هيج يبين ماصار شي ولا اجت اي طلقه

صاح يولللللد فتحو الاضويه

- فتحو الاضويه وماصار اي شي

ولا احد منهم نضرب صار واحد يباوع بوجه الثاني كلها مستفهمه بمعنى شنو الموضوع وترجع عيونهم على الحجي

الحجي جان يباوعلهم بعدين صاح بيهم بفتح ايده الاثنين

شكوووو تباوعولييييي

الي ضرب السفاح جبااااااان

لو يكدرلنه جان واجنه

هذاااااااااااا يرييييييد يحذررررر  يهدددددد

بس انه ماااتهدددددد

لكم انه الذييييييب

والي نساني اذكره

ذيب ومااخاف

- ابو غضب:- والنعم منك حجي

لتهتم الا منعرف منو هذا الناقص الي قتل السفاح

- صاح بيهم:- شيلوووووو دفنوووو يله

- شالو للسفاح الاحمر راحو يدفنو شويه وطلع ليو يبجي صاح

حجيييييي ابو غضببببب ولكم الحكوووو

- ركضو كلهم ها شكوووو

مات صكباااان

صكبان مدايرد عليه يمكن مااااااات

راحو عليه يركضون فاتو جوه

طلعت شويه من البيت وفجأه. صار بوجهي حمزه من بعيد

بقه يباوعلي اني من شفته هيج مباشرة طبيت للبيت جوه

اباوع من شباك المطبخ

شويه وطلعو صكبان والحجي مخلي ايده الاثنين على راسه

مثل واحد الي مابي حيل يتلكه مصايب

او يأس من القهر الي يشوفه

اخذو صكبان يدفنو والحجي صعد سيارته وراح

الولد كلمن فات  لبيته

اني هم فتت للبيت ردت انام تعب نفسي قبل الجسدي

صرت اختنك من عيشتي

جيت الضرغام للحي دمرني كلب كل كياني

خلاني احب الحياة

واحب ان استقر واصير بضل رجال يحبني ويدللني

بس ياحسافه

حتى هو راح وهاي صار كم يوم ماندري عنه شي

ياترى انت وين عايش ميت وينك ضرغام

اجر نفسي بحسره مثل كل يوم

لحد ماغفيت

حسيت بأصابع تدلك راسي برقه وبيناتهن خصلات شعري وكانما يمشط شعري بيده بين اصابعه

مدد يمي وحضني  شميت عطره نفس عطره الي مره شميته واحنه بالسياره

حضني بقوه

همست

لتعوفني

همس بطمأنينه:- مااعوفج

- اخاف

- تخافين وانه موجود لعد انه وين رحت

- شديت ايدي وجنت حاضنته هم

قبلني من جبيني

مااشووف الا الباب نفتحت والحجي وجماعته

بالباب ساحبين سلاح ومباشرة رمو على الضرغام

قتلو بس ماطلع دم

والضرغام مات

صرخت من رعبي وفجعتي بالضرغام

وحسيت على نفسي دااصرخ

كعدت

حلم

امسح بجبيني حلم ياربي حلم

الحمد لله مامات

طلع حلم

بس خاف بي شي

خاف كتلو

خاف ميت منعرف بي وين

- مااشوف الا الباب نفتحت وحمزه الي فتحها

تفززت

- شبيج تفززتي يحلوه

- انت شجابك هنا

- نسيتي عدنه تصفية حساب قديم

- ياحساب مشي اطلع بره

- لا مااطلع واريد اشوفج شتسوين

- اطلع داكلك

- حسابج ثكل يمي واجيت بعدين انه هم الي نصيب

-نصيب؟

-  قابل بس ابن الحجي وضرغام الهم حقوق اني هم الي حقي

صرخت نص صرخه وركض خله ايده على حلكي يسده....

سديم.....

ادم رجل يجيد الغزل بالنساء ويعرف شنو تحب المراءه وشنو لا

رومانسي الى ابعد حد ف يحتاج الى وحده تمتلك صفه وحده من هذه

اني ماسبق وحصلت الي تجربه وعرفت الغزل او عشت بوسط ام واب او زوجات اخوه بااختصار صار عندي اطلاع على حياة المتزوجين  لهسبب ماعرف مو مثله

كل يوم اروح لشغلي كان ادم يجي عليه وياخذني للشركه

- بعد مااقبل حبيبتي تمشي بالشارع اني اجي عليج منا وجاي

- اوك

- حبيبي ترحين اليوم للبيت

- ادم البارحه جنه هناك

- اوك من تحبين انتي كليلي نروح

- اوك

- صدقه الله وفدوه لل اوك ولليسمع كلام

- اتبسمت بخجل شكرا

- كوليلي حبيبي ادم غير انت رجالي واسمع كلامك

- يووو ادم هو انت ماعرف منين تجيبه للكلام

- طبعا تتلاشى الاحرف من تشوفيني ولج اني اسحر

-اتبسمت

- صدقه الله لهل الضحكه ولهل الرصعات اليخبلن

- رصعااات؟! يسموها غمازات

- عبس حلكه ضاج

اعرفها غمازات بس اني اكول رصعات بكيفي

- مو حلو ادم

- لا تخبل انتي كوليلي حبيبي هم لتكليلي ادم ميصير سديم

- سكتت معرفت شجاوبه

- شفتي تكولين الي يناسبج

- ادم اني علمودك

- اعرف حبيبي من صدقه لهل العيون الي تباوعلي

وصدقه لهل الطول

والله طولج حلو ويخبل صدك تدرين

- اعرف

- داىما يتغزلن بالكصيرات دشوفو الطول هنا

ناكه عمي

- ناكه شنو قابل اني حيوانه

- لج بالطول

صدك سديم شكد طولج

- ١٧٠

- فدوه الله واني ١٨٠ حلو طول مناسب

- اي

- صديقاتي كلهم كصيرات ايع هاي شلون جنت اماشيهن يمكن جانت الناس تضحك علينه بداخلها

- لا مو لهل الدرجه شنو السالفه

- متكيفين داارفع من معنوياتج

-بس ميصير هيج تحجي كل بنيه والها جمالها الخاص بيها وكل بنيه والها صفه تميزها عن غيرها

- لكن انت تجتمع بيك كل الصفات الحلوه

- اتبسمت بخجل

- لج جن كل البنات رجال بس انتي مره

- هاي شنو ادم خجلتني

- واموت بخجلك

- باوعت للطريق هاي شنو ادم هي منا لهنا وين موديني

- تونست بالكلام وياج كلت اخذ فره ونروح

يله هسه حنرجع

-اوك

- نروح للبيت وره الدوام

- عالجايات

- ماشي

رحنه الشرط  وبديت اشتغل عادي يومين تلاثه اروح وارجع بهدوء وادم ماعادها سالفة روحة البيت

بس بيوم اجه كالي

سديم عازمج اليوم على العشه

- وين

- بيتنه حبيبي

- ادم مو كت

- ( قاطعني) ششششششش

امشينه نروح بلا كلام زايد

- سكتت ورحت ويا للبيت كعدنه تعشينه وكملنه

- حبيبي جاي من ايدج الحلوه

- بعيوني

- رحت اسوي جاي نضفت اي شي وسخ بالمطبخ سويت الجاي واجيت

كعدنه نشرب

جان هدوء يسود علينه همس

فلي شعرج لتربطي بقراصه

- فليته من دون اي كلام واخذت كوبي الجاي اشربه

- عاشت ايدج طيب الجاي

- وايدك العايشه

- سَديَم تعرفين تطبخين مو

- اي

- جيد

- هي هاي البنيه الي تجي تطبخلك شكبرها

- تطلع بحدود ال ٣٠ سنه ليش

- لا هيج مجرد سؤال

- جيد

نطيني تليفونج

-شتسوي بي

- اشوفه

نطيته اله وصار يكلب بالجهاز

تركته براحته عرفته عنده شك خليته حتى يقتل الشك الي بداخله

- همس؛  شخبار صديقاتج

- زينات

- داتماشيهن يعني

- هم اصلا مو بغداد

- ومن يرجعون

- ادم البنات حبا

- ششششش لا تكولين حبابات ولا خوش بنات

سديم صديقاتج تعوفيهن

- مااعوفهم

- تتركيهم سديم

- مارديت عليه عفته ورحت للغرفه زعلت منه

- شويه واجه

اتكأ على باب الغرفه كال

الظاهر داتابعين هواي تركي هالايام

-حجيت من دون مااباوعله

ادم هواي لحيت بموضوع صديقاتي

- اجه كعد على السرير يمي كال

خايف عليج

- لتخاف عليه اني مو صغيره بعدين كمت من يمه وكفت

- هذني دواهي عدهن وانتي فقيره يخوفن

- كتلك اني مو صغيره

نتر:-انتي عايشه وياهن بشقه وحده شلون مااخاف عليج

- صغيره وتخاف عليه

اسمعيني زين اليوم اني لو مخليج بالي وماخفت الله بيج جان وصلتلج عن طريق صديقاتج

- بله وشلون

- الف درب اطبلج بي ابسط شي هنده

وادريها متورطه ومضحوك عليها

هنده فريسه سهله

ابسط شي اكلها اساعدج بس شي مقابل شي

حتى اجيبلج حبيبج انتي هم لازم تجيبيلي فيدوهات او صور لسديم

او اخليها تخليلج منوم بعصير بأي شي وتنيمج وتفرغلي الشقه اجيج واسوي الي اريده وانتي متدرين بروحج اصورج واخليج تحت رحمتي واهدد بيج

- عزه

انت منين تجيب هالافكار الشيطانيه

- هاي مو افكار هاي دنيتنا صارت هيجي

- بس هم مستحيل هيج يسوون صديقاتي

- اعرف واحد جان مخلي عينه على وحده

صارحها بحبه فشلته كدام الدفعه مالتهم

تدرين عقده النفسيه وصلته ينتقم منها

عن طريق صديقتها وصللها

هي جانت شايله خشمها للفلك ماتكله ولك

محد يندك بيها

خلاها تنضف  حذائه وصورها وشوفها لطلاب القسم

خزاها هاي من عده شرفها الي اخذه

- عزه كل هذا لان رفضته

- اي

هي هانته مو بس رفضته وهو رد عليها

- مادري شكلك

- هو تصرف زباله من عنده والا ماارد عليها

بنجاحي ارد عليها بس هو تسرع

- بس مو معناها هند ورباب هيج

اني اعرفهن بنات محترمات وماعدهن هيج شغلات

- الدنيا تخوف سديم لهسبب اخاف عليج

- حقك بس اخفف علاقتي بيهم اوك اما اكطعها صعبه

- خففيها لحد ماتكطعيها للاخير

اوك

- حبيبي والله من تسمعين كلامي تخليني اموت عليج

كليلي احبك

- اكولها لما يجي وقتها

وهسه توصلني؟

- باتي اليوم عندي

- لا ياشاطر ماابات عندك

- لج لو تشوفين صديقاتي وحدتهن اول مااكلها ابقي تخابر امها تكلها حبات يم ضلعتي اسو

ونسهر اليل كله ونسه وضحك

- باوعت محجيت شي داىما يستفزني بهذا كلامه ويقارنهم بيه

كمل كلامه واندفع اكثر لما سألته

- وجانو حلوات

- يخبلن وحدتهن تكله للكمر غيب واني اطلع بدالك

لج اوووووف انتن النسوان ليش هيج حلوات

- اي احنه حلوات

- اموت عليجن كلجن والله

- زين هم شجانو يسوون لما يجون هنا

- ضحك بشقاوه عاليه باوعلي بمكر كال

يعني رجال ومره يجون بيت ويباتون سوه شيسون

- يعني اقصد هي شلون هيج عادي تقبل

- حب احبها وتحبني واكو لا ونسه وضحك هيج

- هاي شلون وهاي شلون

- اكو تكلي احبك واموت عليك واني هم اكلها احبج

- وانت صدك تحبها

- اي احبهن مو كتلج احبهن للنسوان كلهن قابل اكرهجن

- اقصد حب عشق يعني

- هي تفهمه عشق بس اني عندي حب عادي

-وليش هيج توهمها خو كللها مافيدج

- واذا هي تحبني وتريدني اسمعها كلام حلو اتغزل بيها شسوي نعيش حب ونغير جو احسن من الماكو

- هيج بهل السهوله

- لج بابا هن مو عكره مثلج عادي يومين احاجيها اكلها احبج تكلي احبك ونبقه شهرين تلاثه وننفصل عادي

- اطول مده شكد بقيت وي بنيه

- من صديقاتي؟

- اي

- سنه

- وحبيتها

- لا

- ليش

- ماكدرت احبها هو الحب اجبار

- لا طبعا

- المهم جانت اكثر صديقه مقربه  تقى اني اسميها توتو شحجيلج عليها يبووووو

- شبيها

- امراءه مكتمله  من كلشي

-- اممم وليش متزوجتها

- هم كالت ليش متزوجتها يبووووو الطم يعني

- لا بس اسالك

- بابا هيج علاقه مو زواج

بعدين هي ٤ جهال عدها  شصخم بيها

- عزه العزاك يعني متزوجه

- لا عيني تطلكت

- مطلقه

-اي

- ليش تطلكت اذا هيج حلوه

-  انتي ليش تسألين هواي حاسس روحي كاعد كدام محقق

- لا جديات ليش لعد تطلكت

- شمدريني هي خلعته لرجلها

- احسن

-ههههههه

- وينها هاي تقى

- هااا ( ارتبك)

ا ا ا ا سافرت

اي سافرت وراحت

- هاااا وهسه عندك صديقات

- لا توبنا الى الله

- ولو ممصدكتك بس حسوي نفسي مصدكتك

- اكلج حبيبي سديم اريد من نزوج تترسيلي البيت جهال

- احد كلك اني بزونه ( قطه)

- لج يابزونة قلبي انتي طبعا بزونه

- اني بزونه ادم

- اي بگتي كلبي ونهزمتي

-باوعتله بمكر ماعرف شرد على لسانه

- حبيبي من اروح فدوه لهل العيون الي دكول عيون بقره

- اني عيوني عيون بقره ادم

- لج عيني جبيره

- بس مو تشبهني على البقره

- يله لتزعلين عيون البومه

- نوب بومه ادم ازعل منك والله كمت وكفت نطيته ظهري زعلت منه

- ماشفته الا لف ايده الاثنين عليه  بسرعه نطيت وبتعدت عنه كتله شجاي تسوي

- اراضيج غير

- ( بعصبيه) لاتقترب مني ادم

- اعصابج شبيج

- ادم بلا هذه حركاتك

- اقترب مني اكثر وهمس

محتاجج

- وخرت عنه ونترت

وديني

-  سديم شبيج تره زوجج اني

- ادم توديني لو اروح وحدي

- اوديج امشي يله

صعدت ويا بالسياره وجنت حيل ضايجه منه وهو اكثر عاقد حاجبه وضايج بس مااهتميتله

وصلت للشقه نزلت وسديت الباب بقوه ورحت عنه

حقير

يريد يعيدها مره ثانيه مايجوز

عباله سلعه رخيصه عنده

يشتريني بفلوسه

بحجة الخطوبه يلعب شاطي باطي

وراها باي

وصرت احجي وي نفسي بحركه

لاكتني على الدرج سندس

ويانه بالشقه

شبيج سديم تحجين وي نفسج صاير شي

- نترت

لاااا

- اشو هسه جايه ليش وين جنتي

- مارديت عليها صرت اكمل طريقي وهي وراي تصعد

هذه شنو السياره الفخمه الوصلتج منو هذا

- انتي شعليج شدخلج

- فوك ماخايفه عليج

- خطيبي هذا خلي خوفج بمحله

رحت للغرفه وسديت الباب

دزلي مسج

يااني ياالقسم الداخلي مالتج وصديقاتج السا*** تعوفيهن

- نطيت من فراشي بعد ماتوني جنت مدده

وااتصلت

جاوب

خير شتردين

- شنو هاي الرساله مالتك بأي حق تمنعني من سكن الاقسام

- اي من حقي زوجتي وبكيفي ومااقبل تبقين بالاقسام

-ليش بله

-شكولات اشكال تلفي مااقبل تبقين

- وشلون ادرس

- تعالي عندي بيتي

- ادم بعدنه مخطوبين

- نتزوج

- شنو

- مثل مسمعتي نتزوج هالفتره

- ماصار شهر مخطوبين هو اني شفتهمت منك

- احسن لاتفهميني ولاافهمج نتزوج هيجي

- لا ٤ اشهر خطوبه غلى الاقل يله نتزوج مستحيل اقبل نتزوج واحنه هيج ماكو اي انسجام بينانته

- وره الزواج نستقر

- ادم مستحيل افسخ ومااتزوج هيج زواج

-هيج صارت

- اي

- يصير خير سديم وانتي الي ردتيها ننفصل.......

مالي ارى فيك عناد اليهود

اتيتك فاتحا ذراعي محباً

فتقبلني وامضني في طريقك

أنا ياحبيبي قد تعبت من الهوى

ومن الشوق ومنك انت

عنادي. ٌ مزاجيٌ انت

وانــــــــــا

أنا ذلك النرجسي الذي

امضى على خطاك

لايبالي لايكابر لايشكي

ايمضي راجيا منك الحب.

ايمضي بعد. كل هذا العشق

ايمضي عاشقا نرجسيا

طالباً منك الاحتواء بعد كل هذا الشتات....

مـــــريم.....

بده يتقدم بخطوات

صرخت نص صرخه ركض خله ايده على حلكي

همس بحديه

شششششششش

والله اذا طلعلج حس لااقتلج وادفنج واكلهم انهزمت

تحجين عليه مو

عبالج ناسيها الج

طلعتي وبوجهج استندي بهذا الضرغام ومنو هو

يله خل يطلعلج اليوم

المحتميه بي

ارافس اريد اوخر ايده بس جان اقوه مني

صيري حبابه وطيعيني حالي حال القبلي

لو صرتي خاصه اله

هسه راح اوخر ايدي بس صوتج اذا عله اقتلج

اتفقنه

خزرني اتفقنه كولي اييييييييييي

- هزيت براسي بمعنى اي

وخرها بهدوء عني

ونترت بي

جباااان

انت لو متخاف منه متنتظر يغيب

ويروح وبظهره تستقوه عليه

تعرفه لو موجوده يكسرك يانذل

كل هالمده منتظر طلعت الضرغام وتتهجم عليه

تفوووو

لج هاي عليه وضربني راشدي

عيطت سد حلكي مره ثاني وصار فوكاي رافست اريد اوخره بس مدااكدرله ثكيل

دموعي نزلت لوحدها من دون ماابجي

جنت اصرخ رغم ضاغط على حلكي

صار يهمس يم اذني

احبج اني

ولج ليش متفهمين مشاعري ضرغام

ضرغام مو يمج ولايحبح ولج كل يوم وي وحده

حتى

حتى عندي صوره اله هو ولؤلؤ

انتي عايشه بأوهام

مريم طاوعيني وخل ننهزم منا نتزوج بره

واني

اني

اني اسعدج

بس اني ولاصاغيه لكلامه ارافس اريده يوخر

همس

بعدج رافضه

ولج شمسويلج وتحبي هيج

والله لااخلي يشوفج بس  وانتي يمي وبرضاتج هم والله لااكسرله؟گلبه اذا جان بي ذرة محبه تجاهج

هو الي بداها

وهو الي اخذج وانتي مالتي

رجع خزرني

حوخر عنج وشأكلج سوي

تسوين لو ترجعين تعاندين تره هو ينقتل

اذا مااقتلج اقتل الضرغام بدالج

تردي يعيش طاوعيني

هزيت براسي بمعنى اي وخر عني

جنت احس نفسي مخنوكه من الضغط

باوعت متوتره ماعرف شسوي

بس عيني تنتقل يمنه ويسره اريد فد شي حتى اضربه

جان هو مخلي سجين تركيب برجله

نفس الي جانت عند الضرغام ومره علمني عليها

معقوله صدفه

لو هو ماخذها منه

شلون اخذها صرت افكر بس هو نتر بيه

يلاااااا

اجيت كعدت يمه وكلمته بشقاوه

حمزه اني اريد منك شغله

- شنو هي

- اني اعرف ضرغام يوميه وي وحده ومامهتملي ومايحبني اصلا

بس اريد منك شغله

- شنو هي

- تقتله

- باوعلي مستغرب متعجب من كلامي

- اقتله

- اي تقتله واني اصير الك وبس اقبل ننهزم ونتزوج هم

- يعني انتي متحبي

لا

- اريدك تقتله بهذه السجينه الي برجلك

طلعها من رجله

هذه

اي

بس هاي كلش حلوه اشوفها

واخذتها منه بسرعه حتى ماانتظرته ينطينياها او لا

اخذتها وكمت بسرعتي رحت عنه شويه فتحتها

كتله

اذا تقترب اضربك بيها اطلع منا يله

- مااطلع

- حمزه اطلع منا اضربك بيها تره

يله شو دشوف كام على حيله صار يتمشى على البطيء بااتجاهي مستهزأ بيه وعباله ماعرف

نيشنت مثل ماعلمني الضرغام مره  وشمرتها عليه

اجت بصدره

لزم مكان جرحه لان اذته على اثرها صاح اااااخ

بده الدم ينزل واني

اني من خوفي طلعت اركض جنت دالتفت كل شويه على حمزه

ولسوء حضي اصطدمت بالحجي

باوعلي بمكر

وين رايحه بنصاص الليالي

بلعت ريكي بخوف حسيته نشف صرت انهت

- ها شبيج اكلت البزونه لسانج

- حمزه

حمزه

- شبي حمزه

واشرت جوه

حمزه

باوع لجهة البيت راح عليه يركض شويه وطلع

وصرخ

ولج منو قتله

يولددددد

وضرب نار بالجو

طلعو الولد على اثرها صاح

ولكم خابرو المضمد حمزه نقتل

ناس صارت تخابر على المضمد وناس تصيح منو قتله ونخبصو وصارت هوسه

اجه عليه الحجي جرني من زيك دشداشتي

منو قتل حمزه شجابه بيتج؟

- تلكأت وعيني صارت على ابو غضب بخوف وكأني اترجه منه يشفعلي

ابو غضب مباشرة اجه كال حجي

على كيفك

- غير دكول منو ولج منو قتل حمززززه

- ابو غضب كالي بطمىنينه حتى ماخاف

اهدأي مريم

كولي منو ضربه

كلت بخوف واني ارجف

اأ. أ أ أ أ اني

باوعلي الحجي بغضب رافع حاجبه الاثنين

شنوووو

- و و و و و و والله ح ح ح ح ح حجي

وصرخ بيه

اااااششششششش وضربني بكف وكعت بالكاع

اجه دايضربني راد يرفعني من الكاع

ابو غضب كال

حجي على كيفك لاتضربها

- اسكت انننننتتتتتت

حاول يخلصني بس الحجي سحب سلاحه وضرب بالجو طلقه صاح ولا واحد يتقرب

والي يشفعلها لمريم اقتله

اريد افتهم سالفتها اااااا هاااااااي شنووووو

رفعني وضربني رجعت وكعت بالكاع

صاح على سمير

سمييييييرررر

تاامر حجي

الزمهااااا والله لاانبش اهلج من الكبور اليوم

ولج انتي طيحتيهم لزلمي كلهمممم

بسببج يوميه فتنه واحد ضارب الثانييييي

خربتيلي شغل يابو شغل

سنييييييييين

سنييييييين

اربي بيج تالي تصيريلي عدووووووو

مريم والله لااحرك اهلج

وصار يضرب بيه واني اصرخ

ابو غضب متحمل كال

حجي عوفها

حجي حتموت

وهو مايرد

لحد ماصاح

حجي هاي امانة الضررغااااام عوفهااااا

توقف عن ضربي وباوعله مستغرب

شنووو

شنو امانة الضرغام

- الضرغام وصاني عليها قبل لايروح

ولك وشلون دكلي مادري عنه وين

حجي طلع عبالي ميطول بس مادري هيج حيختفي

صرخ بي

وين راااااااح

- لمرته

مرته داتجيب

- من يمته الضرغام متزوج

- مادري خابرو كالوله مرتك داتولد وراح

- منو خابره منو مرته منو اهله

- انصدمت واني اسمع ابو غضب هيج يكول

مرته؟!

يعني متزوج

- مستحيل معقوله لو فلم منه

- باوعت لبو غضب مستفهمه هو تجاهل نظرتي وكلم الحجي

- صارله سبوعين ولادتيش ابو غضب ليش ماكال متزوج وين مخليها

- ماعرف

- كذااااب انت تكذب وتضمله

-لا حجي كتلك اجاه ولد متزوج وميريد يدخلها بشغلنه ولا مدريها شنو يشتغل حتى البنيه مسكنها بشقه هذا الي ادري بي

- تدري اذا طلع كلامك هذا مو صحيح شأسوي بيك

وصاح بعلو صوته

ضرغاااااام اختفائه وراه بلوه

اذا طلعتو داتسون شي من وره ظهري

لو داتتصرفون بكيفكم

ثنينكم تنطردون

- لا حجي اطمأن

- ورجع باوعلي

وانتي ياوجه النحس

حتى لأسدي معرفتي تجري انه مو كتلج تلبيله طلباته

ولج انتي مامحصل من وراج بس شلعان الگلب

-باوعتله خايفه

بهل الاثناء طلع ستار صاح

حجيييييي حمزه مات

باوعلي بغضب عيونه گلبت حمره وجها صار دممم

صرخ بيه

ولللللج تقتليييييي

اليوووووووم لااطلع بروحجججججج

ولزمني صار يضرب بيه

وابو غضب دايخلصني لزموه وهو يصيح

حجيييييي

عوفهااااااااا

حجي عوفها حجي امانة الاسد هاي عوفهااااا

ويرد يصيح على الولد

ولكم فكونييييييي

هدونيييييي

صار يكفر ويفشر ويغلط عليهم

واني الحجي نهى عليه اخر شي سحب سلاحه دايضربني

واني وكعت بالكاع مابقه بيه حيل

روحي راحت

صرت كوه افتح بعيوني

جسمي احسه جمره صار من الضرب

وكع على رجله ليوو

صار يبجي

حجي لاتقتلها

ابوس رجلك حجي عوفها

دفره ليو وسعدي لزم ايد الحجي رفعها فوك

صارت الطلقه بالهوى

باوعلهم

ولكم هاي كلكم عليييييييه

تدافعولهاااااااااا

ولكم كتلت صاحبكم هذا

سعدي:- حجي هي هم منا وبينا ربت ويانه حجي

نفتهم منها ليش كتلته

-  ليش مالييييييييششششش

شسوالها هااااااا

فرضا تحارش بيها واذا شنو يعنيييي

حضرتها هنا شنو لعد الاميره المدلله

هاهيه منا وجاي الي تعجبه يروحلها طبها طوب

- حجي بس....

مكدرت اسمع بعد بقية الكلام غابت روحي مادري بشي بعد

حسيت على روحي واني بغرفه ونايمه على فراش دوشك بالكاع مفروش ومخده ومغطيني

ماكو احد وين اني

ماادري

شويه واجه ليو فرح كلش من شافني مفتحه عيوني

- مريم هاي كعدتي انتي

- اني وين ليو

- بيتنه بغرفتي مريم

- شلون خلصتوني من الحجي

- ماخلاه سعدي وستار الولد كلهم ماقبلو يقتلج

عافج وكال الكم حالها حال ال

- حالها حال الجلب مو

كمل ليش سكتت

- كالهم من تملون منها طلقه براسها واخلصو منها

- ضرغام جا

- ماندري عنه وين

-  وين راح

- مريم عوفي ضرغام ولاعبالك منه رجعه

- ابو غضب كال متزوج

- هسه انتي تفكرين بي باوعي لروحج شوفي شصاير بحالج

- صدك ليو هاي عيني احسها منفوخه

- هي بس عينج

ولج شمسوي بيج

- جيبلي مرايه خل اشوف

راح جابلي مرايه واجه من خلاها على وجهي

باوعت انصدمت هاي اني شصاير بيه

وجهي مطعون

داير مداير عيني ازرك على بنفسجي لونه ومنفوخ عيني حتى شويه مفتوحه جفوني مورمات

شفتي جزء منها مورم وعليه اثر ضربه يمكن طالع الدم وماسحي واني مااعرف لان مبينه شفتي نازفه دم كلي طعنات بوجهي

هواي نقهرت من منظري

ليو جسمي احسه مكسر ليش

- مريم فوتي سبحي بمي حار هسه ترتاحين

اثر الضرب هيج يوجععج

سندني حتى اكوم بس احس كل جسمي مكسر

حتى نفسي نكتم كمت ماكدر اتنفس

اشرت ليو. يرجعني لمكاني لان مكدرت اكوم

لما رجعني لمكاني  ارتحت بس جسمي موجوع

بقيت حايره الوب اريد اروح للحمام

لازم

بعد وقت قصير استجمعت قوتي وسندني ليو لحد.ماوكفت واستندت عليه  وفتت للحمام

مكدرت ابقه واكفه

جانت اكو طبلة حمام كعدت عليها  حتى اسبح

من اباوع لنفسي

ايدي طعنات

رجلي طعنات كل جسمي اثار ضرب وكدمات

ذبيت المي عليه نوبه صار يحرك بيه

بصعوبه حتى سبحت

اخذتني الذكرى بهذا الموقف كنت صغيره ومااعرف اسبح بدريه جانت تخلينه احنه نسبح

لما فتت مره للحمام والحجي جان جاويها لرجلي صرخت من  الوجع المي اذاني بوكتها

تنكعت وطلعت

وبدريه ضربتني لاني وسخه ومبين الوسخ بيه بعده

جنت صغيره اخاف من الحجي هواي

جريت نفس بصعوبه وكسره مخنوكه والي زيد ألمي ضرغام

طلعت من الحمام اتكأ على الحايط لحد ماوصلت لغرفة ليو

جان ليو محضرلي اكل

اول ماشافني كام وكف مبتسم تعالي مريم ناكل

- ليو حمزه صدك مات

- اي

- نزلت دمعتي

ماجنت قاصده يموت ليو

- شنو الصار مريم

- تحارش بيه

- يستاهل لعد لتبجين تعاي ناكل

- مكدرت اكل صرت ابجي

ولج كافي ليش تبجين مريم

عوفي

انتي دافعتي عن نفسج

هو راد يجبرج على شي انتي متقبلين بي

كافي تبجين عاد

اهووووو

مريم كافي

-صار  يحاول يسكتني لو يحجيلي شغلات تضحك

بس اني جنت حتى الابتسامه ناسيتها

اكلنه ومشى الوقت

ليو وصلني لبيتي

- ابقي هنا

- لا الولد هسه يجون وديني ماكدر امشي اني

- اشوف الحجي اذا هنا لو لا حاولي لاتخلي يشوفج

- ماشي

راح ليو تفحص المكان واجه هو وابو غضب

سندوني وصلوني لبيتي

فرشلي بسرعه ليو

وسندوني لحد مانمت بفراشي وتغطيت

طفو الضوه وطلعو

الليل حط بسماء تل الذهب

بس اني مااجاني نوم بليلتها جنت شبعانه نوم

هدوء وضلمه نفتحت الباب على الكيف جمدت واني بمكاني اباوع رجال طويل وضخم

فات وسد الباب بهدوء بخوف تكلمت

م م م منو انت

- علك ضوه للسكف مباشرة همس

انه لتخافين

- اول ماشفته تفجرت بدموعي

اريد اسكت مااكدر

احس حركه بصدري بگلبي واريد اطلعها

ماعرف شنو من احساس داهمني وليش كل هذا البجي

ابجي وامسح بدموعي وتلاشى كل الكلام

اجه اقترب وقرفص كدامي

لاحضته عاقد حاجبه يباوعلي بتمعن

توه يلمس مكان الالم والورم بطارف اصبعه شاغت روحي وفزيت عنه

وخرها بسرعه وكام بسرعته علك الضوه

شافني نذهل

فز بخرعه

هاي شمسوين بيج

- مكدرت احجي اي شي ختنكت احس رگبتي حتطك من الخنكه الي رافقتها

- مريم شصاير بيج هاي بس وجهج هيج وخر الغطى حتى يشوفني لزمت ايده احاول امنعه

- يحاجيني بخرعه

ولج شلون هيج

مريم اوديج للمستشفى

رفع الغطى ودايشيلني حتى يوديني

نترت

لا

ماروح

عوفني

- جنت مقهوره منه حيل

- مارد عليه بس كشف ثوبي شاف ايدي

رجلي كلها كدمات وحده من ايدناتي مورمات

جانت ملامحه تفسر شكد هو تألم عليه

اختنك لدرجة عيونه خطت بدمعه

لمعت عيونه وعرفته كابر

همس

سامحيني

-روح منا

- ابو غضب وين عنج ليش ماخلصج

- اطلع ماعليك بيه

مارد عليه وخر الغطى بسرعه وشالني

واني احجي بتعب

عوفنييي

صعدني بالسياره توه يصعد طلع الحجي

نورت يالذيب وين كل هالغيبه

- مارد عليه صعد بالسياره دايشغلها

نضربت التايرات بطلقتين كعدت

بحيث متمشي

نزل الضرغام من السياره بغضب

مشى بغضب بسرعته للحجي

والحجي جان واكف بزوده مخوصر ايده الاثنين

نتر الضرغام

شمسوي بيهاااااا

- جاي عليها

- ( ويصيح) شلون تمد ايدك عليها

- ضحك الحجي بااستفزاز

ولك عليه تصيح وتحاسب

- ايييييي اصيح واحاسب اكبر راس بأي حق تمد ايدك عليها

- انا المربيها انت بأي حق تجي تكلي ليش تضربها

بعدين غيباتك وين هاي

ضرغام تلعب بذيلك

- نطيني السويج اودي مريم

- متطلع وتنكبر هنا السنيوره مالتك

- كتلك نطيني السويييييج

- ضرغام طلعه من المنطقه متطلع افتهم غيباتك هاي وين

- اوديها ومن نرجع نتفاهم

- خايف عليها

- كتلك انطيني السويج

-باوع للسياره اول مااباوع عليها ذب روحه ضرغام فوك الحجي وكعه بالكاع ونفر سلاحه من ايده بعيد

استغربت ليش هيج سوه

الحجي بقه جواه يرافس طلعو الولد بسرعتهم

شافو الضرغام يريد يقتل الحجي

ضرغام فقد اعصابه وضربه بوكس للحجي

ونطاه الثاني ضربه كله

والتمو الولد عليه جرو للضرغام من الحجي وصارو عليه داىره

وبنصهم ضرغام

الحجي وكف يمسح الدم من حلكه گلهم

للحراس يلزمون ابو غضب

جتفو بحيث ايده وره

واستفردو بالضرغام

لاتأسفن على غدر الزمان

لطالما رقصت فوق جثث الاسود كلاب

كنت معكم انا رغد الموالي في امان الله ♥

طفلتي أنتي

صغيرتي التي لاأمل من الاعتناء بها

شفافة رقيقة رغم الاذى

رغم المشقة رغم التعب

مريم....

التمو الولد على الضرغام

صاح الحجي

تمد ايدك عليه

من وره وحده

صاح بي

اذا انت رجال واجهني وحدك مو انت وزلمك

-لك ضرغااااااام

انا الي كل ثقتي ذبيتها بييييييك

- وانه كد الثقه بس مو تحركلي گلبييييييييي

عرفتك نويت تصوب البنزين وتحركها هي والسياره

عرفتتتتتك

- سكت الحجي دقايق

صرخ بالولد

عوفووووووووو

ولكم هذا بلووووه عفووووو

راحو عنه الولد وبقه هو واكف

شلون عرفت انا حتى ما رفعت سلاحي

- سكت الضرغام مارد على جوابه

كمل كلامه الحجي كال

وين جنت

وين داتروووووح

- اعرفك بعدين

- اذا مادكلي مالك مكان بيناتنه ضرغاااااام

- فتح سحاب سترته وطلع اوراق

كاله هاك شوف هاي الاوراق

شنو هاي

اوراق تثبت متاجرة القبرص بالمخدرات والاسحله

توكع القبرص بالعداله هو والي وراه

شنو انت شتحجي منين جبتها

- تريدها لو لا

- صاح بي

ضرغاااااااام

اندهش شلون هيج كدر

- رفع طارف حاجبه وكأنه يكله ادوخك

همس نطيني السويج

الحجي فاتح حلكه يباوع للاوراق كلهم

نطو السويج

شمره ابو غضب اله وهو تلكاه منه السويج اخذه

وراح شغل سيارة الحجي

يمشي بأنتصار بزوده وهم كلهم خنسو

شالني صعدني بسيارة الحجي

توه يصعد صاح الحجي

ضرغام وشحنسوي

لتسوي شي هسه خلها يمك تفيد وضحك بصوت عالي شغل السياره وطلع

بالطريق طلع جهاز غير الجهاز الي بالعاده يخابر بي

اتصل على رقم

- شوفولي دكتور كسور ومفاصل هالامور

وسده

لا كال الو ولا كال ثيمالا لمنو خابر

- هاي منو تخابر

- باوعلي ورد باوع للشارع هو ويسوق تنهد

وصلنه للمزرعه الي جابني بيها سابقا

- نفسها

- مريم ارتاحي لاتعبين نفسج بالاسئله

دنيه على وشك الشروق صارت تبين السماء شي خفيف خلاني على السرير وطلع

ينتظر الدكتور الي خابر علموده

سمعته وهو ينتر

وينــــــــــــك

بسرعه يلااااااااااا

عشر دقايق واجه الطبيب واحد ويا ماشفت شكله بس سمعته وهو يكلم الضرغام

- نفسها

- اي

- شبيها

- ضربوها

- ديربالك لاتروح بعيد......... !!

شويه وفات هو والدكتور

بده الدكتور يتفحصني

- هاي متعرضه لضرب عنيف شنو مخطوفه

- عركة نسوان بيناتهم وجبتها لهنا علمود تهدأ الامور

- معقوله شنو من ضرب هذا مو ضرب مره

- تعالجها لو شووووون

دكتور لو محقق انت

- صار صار

فحصني شاف نفسي جيك وضعي كال

عدها رضات قويه اثر ركلات

يرادلها فتره وتطيب

حضربها هسه ابره وباجر هم ابره

- وشنو هاي الابره وريد

لا

لعد...... شكرا منريدها اذا عندك علا ج انطيني

باوعت عليه عاقد حاجبه ضايج

الدكتور كتب العلا ج

وطلع

ماكدر يروح لان اساسا فجر وماكو صيدليه هنا

بقه يمي كاعد

كام طلع شويه ورجع جايب ثلج وقطعة قماش

كال

خليني اسويلها كمادات تخف هاي الكدمات

مااريد منك شي

- همس

مريم وخزرني

- وخله قطعة القماش على خدي وتغطت عيني الي كوه فاتحتها دلكها بحركه خفيفه بشكل دائري

حسيت براحه خفيفه جانت تأذيني

نسدت عين ونص وجهي بقطعة القماش ونص عادي بس غمضتها بروده جانت على وجهي بس هو يحركها كل ثانيه

حسيت لزم ايدي برقه فتحت عيني

صار هو يدلك بإيدي بخفه ايده بحيث مايألمني الورم اني ابجي كل شويه اختنك وابجي

هو ساكت مايحجي شي

لكن كلما بشوفني ابجي

يمسحلي دمعتي

على التدليك حسيت رجع يسري الدم بجسمي

دلك ايدي ورجلي

حسيت بنعاس جنت ماكدر انام من الالم

توني اغفى حسيت طبع قبله على جبيني

لما فتحت عيني

همس

شونج هسه

- زينه

- باجر اجيبلج العلاج هسه تاخذي ترتاحين

حاولي تنامين هسه

وهو راح كعد على كرسي بعد ماقربه يم سريري

مدد رجله على سريري ونام من جلوس على الكرسي

مبين عليه تعبان

كعدت على صوته وهو يخابر بره الغرفه

- هاهيه صارت بعد

- مو بيدي

- لا كدها

ماشي....... ماشي..... ونتر... افتهمتتت

كله افتهم

شويه وفات للغرفه اول ماشافني ابتسم

صباح الخير

-صباح النور

- كومي يله نتريك جبت ريوك وانتضرتج حد ما تكعدين

- مااشتهي

- لازم تاكلين حتى تاخذين علاجج

نزلت دمعتي

عقد حاجيه مستغرب

همس

شبيج ليش تبجين

- متزوج انت مو

باوعلي صفن لثواني عليه بعدين همس لا

- ابو غضب كال

- مريم ناكل وبعدين افهمج

- مااريد كتلك

- ومالج كلام يمي لاتخليني أگلب على وجهي الثاني

- سوالي لفه وقدمها الي اخذتها منه اعرفه من يعاند

اكلتها وهو هم كعد ياكل

واحنه ناكل تكلم

مامتزوج

-ابو غضب كله للحجي

- ابو غضب حسابه ثكل كلش يمي

-ليش لان عرفني الحقيقه

- حقيقتيش هاي كتلج مامتزوج بعدين ليش تردين تعرفين شعليج انتي متزوج او لا شيخصج

- بجيت

- ليش البجي غير افتهم شبيج

منو وياج

- انت

- انه

- اي انت

- شلون شسويتلج

- باوعتله ماعرفت شكله اعرفه راح يحجي عليه لو كتله سكتت عن الكلام بس عيوني مابطلت دموع

نتر بيه

كتلج لا تتعلقين بشي مو الج كتلج لو ماكتلللللج

- بس

- بس شنو هااااااااا

خربتي الاول والتالي جان المفروض مااجيهم واجييييت

-شنو

شنو يعني ليش متجيهم

- رن تليفونه بهل الاثناء الجديد الي شفته

طلعه باوع للشاشه

اخذه وطلع مباشرة من الغرفه

شويه ورد رجع اعصاب اكثر

همس بتعب

مريم الله يخليج مو ناقص انه

لاتعبيني فوك تعبي

- ليش شسويت ها شسويت

- ماسويتي شي ابتعدي مريم

- منك

- باوعلي وسكت ماحجه اي شي

واني فزيت بعصبيه

تقترب مني لهل الدرجه وتكلي بالاخير ابتعدي

تعلقني بيك وتكلي لاتتعلقين بشي مو الج

صرتلي ام واب واهل وتكلي ابتعدي

شلون هاااا

كلي شلون

انت ليش متفهمني

ليش متحس

شنو تقصد بمو الج

معناها متزوج مو

- نتر لاااااا

- لعد شنو معناها

- مااتزوج وحده ربت بنص زلم غربه وصارت لهذا وهذاك

- من كالي هيج احس صاعقه ونزلت على راسي

نصدمت وكلامه جان مثل خنجر بقه يحز بيه ذبحني ذبح

وهاي دموعي

دموعي الي مخربه الاول والتالي امسح بيها وهي تنزل وحدها

من كد ماخاطري مكسور وكسره اكثر

حجيت واني امسح بدمعي

صحيح

صحيح انه ربيت بنصهم وصحيح اعتدى عليه ابن الحجي بس مو معناها اصير لهذا وهذاك

اني هذا حالي لان قتلت حمزه

- وليش بله

- لان تحارش بيه راد يعتدي عليه

باوعلي مندهش

شنو

- لاتشوفني ردت قربك معناها رايده الكل

اني ردتك انت بس

ميزتك عنهم كلهم

شفتك اهل بعيوني

بس انت

بس انت مو يمي وحقك ماالومك

باوعلي شويه وطلع ماحجه اي شي

واني فوك ألامي يزيدني الم

فكرة انه هو مو ألي تجرحني

لا تقتلني

جيت سعاد للمنطقه نبهتني على هواي شغلات من ضمنهم

الزواج

ليش ماافكر مثلها نزوج ونروح بعيد نعيش

بقيت بمكاني شويه واجه خلى العلاج يمي كال

اخذي علاجج

- مارديت عليه

هو طلع من الغرفه بقت حسبه توديني وحسبه تجيبني

مرات تجيني ذكريات احسهابالطفوله

مثل الخيال

اشوف اختي لمن جنه نلعب بس ماادري اذا حقيقه او خيال

كلشي مااتذكر الا هذاك اليوم الي خطفوني بي

بس الوجوه مو كلش اتذكرها

صرت اغني بهمس رغم موجوعه

اغنيه جانت تغنيها بدريه

مرينه بيكم حمد

واحنا بقطار الليل

واسمعنه دك كهوه

شمينه ريحة هيل

ياريـــــــــــــل صيح بقهـــــــــــــر

صيحة عشــــــــــك ياريـــــــــــل

بقيت ارددها للاغنيه جنت كلش احبها

شويه وفات الضرغام

باوعلي واني مباشرة سكتت

همس مبتسم

كمليها

- مارديت عليه

اجه كعد يمي على الكرسي

تعرفين قصة هذه الاغنيه

ماريد اعرفها

لعد ليش تغنيها ومبين تحبيها

شرايد كاعد يمي

- لتزعلين مني

- مزعلانه

- لعد باوعيلي

- جنت دايره وجهي على الصفحه الثانيه ماقبلت اباوعله

- مريم باوعيلي

- روح الله يخليك

لاتقترب

لاتعبني اكثر

- انه تعبان اكثر منج مريم

- باوعتله

- وكمل كلامه

اسف

- وين حتوديني

- ترجعين لتل الذهب

- مااريد ارجع

- مريم اسمعيني

- انت اسمعني

- مااسمع ترجعين واليندك بيج انه اعلمو

مراح اعوف حقج

ضربني ضرغام

خلاني بنص الولد كلها وصار يضرب بيه

ليو يبجي يريد يخلني منه بس هو فقد عليه

-وعيونج لا ادمره ومااعوف حقج بس صبرج عليه

- انت ايده اليمنه

- بس ندك بيج واليندك بيج معناهابيه انه ومراح اسكت

- ضرغام هم تعوفني بيوم

- هز راسه بالرفض لا بس عيونه لمعت بدمعه احسه اختنك

- شفتك بالحلم كتلي ماعوفج

- وانه عفتج

- بس اذوني وانت ماكو وين جنت انت

- مجبور

- ردتك بلحضتها يمي

شكد احتاجيتك ضرغام اني ادري لو انت يمي متخليهم يضربوني مو

- والله جان كسرتهم شلون اقبل يضربوج

ولج يضربوج واني موجود وسفه

مااطلع رجال لعد

- كتلي بالحلم تخافين وانه موجود لعد انه وين رحت

- واكولها الج بالحقيقه

تخافين وانه موجود لعد انه وين رحت

ومسح على راسي برقه همس

لتخافين طول ماانه يمج

طول ماهذا خشمي يشم الهوى انه ماعوفج موجود ويمج

- بالصغر ضربني جاب حديده حاميه هواي

وجواني بيها هنا

بينتله اثر الجويه شوفها

جنت صغيره ضرغام وبجيت

جنت صغيره متحملت هذا الالم ومحد دافعلي ولا عالجني

دموعي صارت تنزل بغزاره

جنت اصرخ من الوجع بس مو كدامهم ضرغام

يضربني لو بجيت

ألمها اموت وماانساه

واني احجيله ماحسيت الا قبلها لاثر الجويه

واجه على دموعي مسحها همس

لاتبجين والله گطعتيلي گلبي

موجوعه ضرغام هذا هذا گلبي يأذيني

- اريدج توعديني وعد

- شنو هو

- ماتزعلين مني بيوم

- ليش

- كليلي وعد ماازعل مريم لتكليلي ليش

- لو اكدر ازعل جان زعلت بس مااكدر

- انتي غاليه على گلبي هواي

كالها بحب احسها

هواي غاليه على گلبي

- مديت ايدي ردت احضنه ودموعي تنزل

هو حضني من جلوس

صرت ابجي وحضنته بقوه

ماريده يروح

ماريده يبتعد

ابجي وااهمس

لاتروح

لاتعوفني وحدي يمهم

هو ماريدلي من اكلمه

جان حاضني بعدين وخر عني وقبل باطن كفي

جان مختنك عيونه خطت بحمار

همس مااعوفج ابويه

وكام من الكرسي طلع بره الغرفه

بقيت وحدي بالغرفه وجهي للسكف

مليت من كثر النوم على السرير

وطول هو بره

كمت بصعوبه

طلعت جان ماكو يم الغرفه

رحت للحمام وبعدها تمشيت لمكان الفرس توقعته هناك

وطلع فعلا هناك ويمه الفرس هو كاعد ويدخن مرجي راسه للحايط عينه للسماء

اول ماباوعتله انتبه لوجودي وجه سلاحه عليه

كتله

هاي اني

- نزل سلاحه وكام وكف خلاه بخصره

شكومج

- اجيت اشوفك ليش طلعت وكعدت وحدك

- عقد حاجبه ضايج تنهد كال

مريم شتردين

- ماكتلي شنو قصة الاغنيه

- يااغنيه

- الي جنت اغنيها

- نسيتها

- اذكرك بيها

- وتروحين

- ضايجه

- مريم ابتعدي مريم

- اني اريدك تبتعد. عني

لاتقترب

عالمي غير عالمك اني ربيت بنص مجرمين

تعلمت اشتم ريحة الموت والدم اكثر من الورد

تعلمت الكره قبل الحب

ضرغام انت حتى مو من ربع الحجي

باوعلي بخرعه

شتقصدين

- ماعرف بس مااحسك تشبهلهم انت مو مثلهم ضرغام مو

حتى احسك انقى مني

مرات تحجيلي على جراىمك مااقتنع

احساسي يكلي جذب

اني عمري ماحسيت الا لما انت دخلت حياتي وبديت اتبع احساسي بيك

مو مثلهم انت صح

- انكس منهم انه

- لا

كلبي يكلي لا

لهسبب اني مااريد اقترب منك اني مااشبهلك

رجع لنفس الكعده الي جان كاعدها

صفن بعدين كال

لهدرجه واثقه من احساسج

- ضرغام خل ننهزم ونعيش حتى لو متزوجني اني قابله بس مهم اكون وياك هنا لو نبقه يكتلونه

- مااكدر

- ليش

ها ليش انت اخذت حكمك يعني مامطلوب هسه بسهوله ننهزم ضرغام

- مااكدر كتلج

- نعيش بره بلاد بره يكولون العيشه حلوه هناك

ومو مهم نزوج

حتى لو تخليني خدامه عندك اقبل بس اكون قريبه منك اشوفك كل يوم حتى لو انت وي غيري

مهم انت سعيد ومرتاح ميخالف

حتى لو انقهر مهم اشوفك يوميه

اني

اني

اني ماريدك تعوفني

والله اموت

عليك الرب لتعوفني

تنهد همس وتعرفين الرب

- اي

اي اعرفه

مرات احجيله عنك شكدددد

- وشتكلين

- ابتسمت بخجل لا

مو هاي يكولون دعاء وخاف تقلد عليه

- تنهد وابتسم كال لا كولي

- اكله يارب تخلي يتزوجني

يارب متزوجه سعاد

هيج حجي بنات

- سعاد

- اي تريدك وتريد تنهزم وياك

- كل عقلها

- ماردت اكلك والله هي اصلا مو حلوه

- لا حلوه

- لا تلعب النفس

- حلوه

- برطمت

تنهد وابتسم لف ايده اليمنه عليه وهمس بس انتي احلى

باوعتله صارت عيني بعينه مباشرة بعدها باوع للمزرعه

كال

تردين احجيلج قصة الاغنيه

- ابتسمت كتله اي

- قصة هذه الاغنيه على ثنين يحبون بعضهم

البنيه بنت ناس عادين وحمد ابن شيخ بالريف جانو

حمد جان يحب هذه البنيه هي فلاحه وي اهلها

وهو جان يجيها للمزرعه يشوفها

مره من المرات شاوفها ولد القريه

راحو كالوله لاابوها

وابوها خاف لايطلع الحجي وناس تجيب شرفهم بالموزين كال اكتلها واتخلص من عارها

- ليش هي شمسويه

- لان تعشك

- وشكو بيها

- بالريف هذا غلط مريم وحتى بالمدينه غلط

- ليش غلط

- غلط مريم هي مو زوجته

- ليش الا بالزواج يله تصير عادي

- لان الله فرض علينه هالامور شلون لعد الانسان يجي من نطفه طاهره اذا ما زواج علني امام الله والناس

- اني مفهمت منك شي بس اذا تحبه مو غلط

- بس مو تتواعد ويا

- عادي

- لا مو عادي

- عادي تحبه

-كال وهو رافع حاجبه ترافقها ابتسامه طفيفه

لا موعادي

؛- اي كمل

-وين وصلنه

-لمن رادو اهلها يتخلصون منها

- اي ف اخذوها بالليل بالقطار وقررو يقتلوها بره القريه

فصعدت بالقطار

القطار يمر من يم مضيف اهل حمد

فبهذاك الليل جانو بالمضيف

وريحة الهيل والگهوه تفوح

مرت وفز گلبها

غنت

مرينه بيكم حمد

واحنا بقطار الليل.....

وبدت تندن هذه الكلمات

- وقتلوها

- خطيه

- شفتي تالية العشك مريم

- شتقصد

- اليعشك يتألم مريم حيل

احسله لايقترب

- خو نعتبره مات لمن نفترك عادي

- تدرين. الموت اهون تشوفي

- ليش

- روحج لما تكون معلكه بأحد وفجأه يختفي

ويروح لغيرج تموتين

تتمنين الموت لحضتها مريم

تتأذين هواي

تفضلين يموت ولاتشوفي وي غيرج

- معقوله

- اي

- مريت بهذه التجربه

- انه سكت لثواني بعدين تكلم

لا

مامريت

- كليبك هذا ماداسته وحده

- لا

انه مااحب ولااعشك لان اتعب

وماريد اتعب

- هو بيده الواحد

- اي بيدو

وماذا عن عشقك أيها الاسد الغامض

ماذا بعد...

وكأنك تبارزني بالشطرنج

كلما اقترب تبتعد

وكلما ابتعد تقترب

من أنت وماذا تريد......

سديم.....

ادم: ماشي سديم وانتي الي ردتيها ننفصل

وسده للخط

نار وشبت بيه

يوميه قرار جديد ويوميه حكم جديد

مره صديقاتج

ومره ولد خالج

ومره الاقسام

نتزوج واكمل اشرط عليه ماكو اطفال الا لما اخلص دراستي لازززم

بس لحد الان مااعرف اطباعه زين

وشلون قابل حفسخ وبيناتنه ١٥ مليون

بقيت افكر وحايره مااعرف شسوي لو لمنو احجي وينصحني

اتصلت بسميره

- هلو حبيبتي سديم اي عيني ليش لا من لكه احبابه نسه اصحابه

- هو ابن عمتج مخلي عقل براسي

- ادم ولايكعد راحه اعرفه

- مو الي بالج بس فدوه احجي ويا

- على شنو

- كلشي عنده لا

كلشي لاتسوي وبس ينطي قرارات تره تعبني والله

- شطلعلج بسالفه

-يريد مااسكن الاقسام واعيش ويا واحنه مخطوبين تقبليها

- لا طبعا

ادم اكبر متنقد شعجب يطلب منج هيج طلب

- سألي

- سديم هذا هو الي دايختبرج مو انتي تختبري

ادم واعرفه من يخلي وحده باله يدرسهاا دراسه

- واني ابقه ورقة امتحان

- عيني كليله ادم خل نتزوج نصيحه الج

- اريد اعرفه زين

- سديم سمعيني انصحج والله

زين اسألج هو اخذج لبيته

- اي

- طيح الله حظج خو ماسوالج شي

- لا منطيته مجال

- شوداج شلون ترحين

- هو كلي اني زوجج وانتي مرتي واحنه عاقدين سوه وهسه اذا اخلف منج طفل مو حرام

- وان كان بس مو ياخذج لبيته بالختلات

- مادري رحت بعد

- استعجلي وتزوجي تره اذا وكعج يگلب عليج سديم

والله لخاطر يتمج واعرفج بنيه مستوره انصحج

- ماشي هو حكله

- واني اليوم لااحرك الدنيه على راسه خل يصبرلي هالرعن هذا

بقيت افكر بكلامها

اتزوجه يعني هو شلحكت افتهم منه

شلون هيج

احنه خطوبه وهيج

شلون لو نتزوج

بقت حسبه توديني وحسبه تجيبني

افكر شلون

لو اخذت رأي عمه راح تكلي افضل تتزوجين هسه

لو اخذت رأي صديقاتي حيكلولي لا وخطوبه اول

لمنو اتبع

منو بيهم الصح

حييييييييييييره....

ثاني يوم بالمكتب جنت

فات ادم لاسلام ولا كلام

اني هم خليته براحته مشى اليوم على كد الشغل وبس حتى لما يكلمني من دون مايباوعلي عينه على الابتوب

يومين مرت وخابرني جان طافره اعصابه ويحاجيني بعلو صوته

- انتي متستحين تدخلين العالم بيناتنه

شنو تخابرين على سميره وتكليلها ادم يريدني اعيش ويا

- لعد تخيرني بينك وبين الاقسام

-ايييييييي هذاااا العندي والا جامعه ماكو

- شنو جامعه ماكو على شنو

- سديم لساتج متعرفيني زين اتجفي شري ولتبقين تعاندين الي اكوله كولي صار

- اترك جامعه اكلك صار؟

- كتلج اقسام متبقين بيها وهياته بيتي مفتوح تعالي لعندي

- تريد تزوجني واعيش وياك

- اي يمه وتكليلي عفيه جهال ماكو منا لما اتخرج

- ادم شنو الي تريده بالظبط

- اقسام ماكو وزواج ماتزوج هسه يله عناد بيج

- هيج صارت

- اي

- كل واحد بطريقه اني شخص نرجسي وماميمشي الا بمزاجه وماعنده ثقه بيه اني ماريده

منو كلك اني رايده اتزوجك هالفتره اني لحد الان كل يوم انصدم بيك

- اني نرجسي ويوميه تنصدمين بيه

- اي

- والله لااشوفج الصدمات على اصولها ضاهر محترمج زايد

- لاتشوفني ولااشوفك من باجر نفسخ وكل واحد يروح بطريقه

- دفكري بهاي السالفه مجرد تفكير دااشوفج منو ادم

انتي مو بكيفج تفسخين اني شوكت مااريد افسخ

وخطوبه متنفسخ واذا لعبتي بذيلج

تتندمين والله

- سديته بوجه وخليته حظر

قررت افسخ وماريده بعد

ثاني يوم نزلت لبيت خالي وكلمت زوجة خالي بهذا الموضوع

- اني راح افسخ خاله

- ليش

- يريدني اعيش ويا واحنه مخطوبين يكلي ماكو اقسام

-يحجي كل عقله

- اي

- شنو لكاج تايها يتيمه وكلك اضحك عليها واشمرها

وشكتيله

- كتله انت بدرب واني بدرب

- اي هاهيه

- مشكله المهر منين ادفعه

- الله كريم ربج ميكطع

- اريد افسخ بااقرب وقت

- هاهيه اكلم واحد من خوالج هو يتكلف بالموضوع

قبل ماافسخ اريد شغله اسويها

- وهي

- اسوي كعده زلم

- ليش

- حتى يعرف اني وراي ظهر مو كاع هشه

- الي تشوفي

- خوالي كليلهم ولدهم ولدج خاله ويصيحله خالي يكله تعال عدنه حجي وياك

- هم خوش سالفه باجر اخابرهم بالليل اردلج اعتبارج بنيتي والله لااخزي

- تسلمين خاله

ثاني يوم خالتي ماقصرت لمت خوالي ولدهم وخابرت على ادم حتى تتفاهم ويا

ادم ماكذب خبر اجه

وصارت كعده بيناتهم

خالي الجبير تكلم... انت اجيت طلبت البنيه وهسه انتو مخطوبين بيا حق تطلب منها تعيش وياك بيتك

- احسن من كعدة الاقسام

- تكعد وياك

- وشكو بيها زوجها اني

- بعدك ماصرت زوجها

- شرعا وقانونا زوجها امام الله زوجها اني

- البنيه متكعد وياك وانتو مخطوبين

- اقسام ماكو اني مااقبل

- لو بيت خالها قريب احنه مازايده علينه نخليها بااقسام بس طريق وروحه جيه

- اوديها واجيبها ومتكعد بااقسام

- يوم يومين بشنو ضارتك الاقسام

- بنات اشكال والوان تلم ماريدها تعاشرهن

- البنيه تريد تفسخ لتبقه هيج مصمم

- طلاك مااطلك والي عندي كلته وغير قابل للنقاش

- انت لاترحم ولاتخلي رحمة الله تنزل

-علمودها اني

- انت تأذيها هيج

- لا

- ابني مثل مادخلتو بالمعروف اطلعو بالمعروف لااول ثنين ولااخر ثنين

- مااطلك خال شتحجي انت

- سمعته كللها لمرت خالي صيحيلها لسديم

اجت صاحتلي وطلعت عليهم

- هاي سديم

كولي ياب الي تردي

- خالو ااااني اريد افسخ

- باوعلي وحجه بنتر

شنو بكيفج امشي اني

بابا مااطلك

- ما تطلكني اخلع

- باوع لخالي كال

داتشوف

- خالي سكت

توقعت راح يسكتهم بلسانه وبهوساته

هم اصلا خوالي واحدهم كلمتين كوه يدبر

عافهم ادم وطلع

واشتغلت ملامتهم

انتي شنو دكليله اخلع وتقررين تفسخين بكيفج

_ لعد شكله

- رجال ومن حقه يخاف عليج وميريدج تبقين بالاقسام

-ويخاف عليه يريدني اكعد ويا واحنه مخطوبين

- لا طبعا بس مو تكليله نفسخ

صارلكم بالشهرين مخطوبين طبات وطلعات شتكول الناس علينه

- تكول متكول معليه بالناس

- خطوبه متفسخين سديم

- تشوفولي حل ويا

- ميقبل ويبقه معاند ترحين وتجين ويا هو يوديج ويجيبج

- اني احلها ويا خالو شكرا مقصرتو

عفتهم وفتت جوه

حايره وماعرف شسوي

خابرت على رباب وحجيتلها بالموضوع

- اسمعي هذا النوع اعرفه هذا يحب الي تتلوكله وتجيبه بالقشمره

- شلون يعني

- حبيبتي هذا شخصيته نرجسيه فطبيعة شخصيته تفرض عليج شلون تتعاملين ويا

- قصدج بالمسايسه

- اي

- متعرفي شلون مستفز ويخليج تتندمين اساسا انه كلمتي

- سديم سايسي بالكلمه الحلوه بدلعه بضحكه رقيقه منج يجي وتاخذين التردي

- بله شوفيلج غير سالفه تره فات گلبي هسه وكوه جارعته

- ماانصحج تنفصلين منه لان ادم احسن من غيره هم كلهم شاخطين كفيلج الله

متعرفيهم شيردون

فهذا ابو نسوان يرادله شطاره منج

- هم كالت انتي لج يابه شوفيلج غير طريقه اقنعه

- يابه

وتحجي بنتره

وناشفه ويا وتريده يموت عليها دحمدي ربج مافسخ هو

- هيج صارت.

- لج حبيبتي هذا تلكي عارف بنات اشكال والوان

وكل وحده لسانها ينكط عسل وتتدلع

وانتي تجين بطارف خشمج تكلمي

- يعني شلون هسه اني ماريد اتنازل

- لا لتتنازلين راح يزيد

-ولج لعد شسوي

- خليها لسميره تهدأ الاجواء بينكم

- ميقبل ادخلها

- سوي نفسج مريضه وخل تدخل واستغلي هالامور وتدللي عليه

- ماشي رباب راح اخذ بنصايحج

قد تظن انك نجوت لكن تكتشف انك ستدخل دوامة جديده

كنت معكم انا رغد الموالي في امان الله ♥

مجموعتنا على الفيسبوك كل اخبار رواية تل الذهب

نسبت القدسية في العشق

لاتقترب ان لم تكون ملتزما

لاتعشق ان لم تكون مغامراً

العشق ياسادتي مغامره

جنون وتحدي

تحدي لكي تظفر بمحبوبك

جنون اذا لايلهج لسانك الا بإسمه

قدسية اذا أن له حرمة

حرمة الخاطر

حرمة الابتسامه

حرمة القلب

حرمة الشغف

حرمة الاحلام

لاتطرقو ابواب القلوب ان لم تكون عشاق...

مريم.....

هو الواحد بكيفه لو راد يحب

- اي بكيفو

- مو بيده

- لا بيدو

- بس انت كتلي مره انك حبيت وحده

- ضيق عينه استغرب لما كتله هيج همس شوكت

- هم بالمزرعه كتلي

انك جنت تحب وحده ليش تنكر هسه

- ها هههه هاي هيج جنت داشوفج شتكلين

-  ليش مصدكه الي تكول عليه كذب ومكذبه الي دكول عليه صح

- بكيفج مريمي

بس انه مااحب خلها بالج

- وان خليتك تحبني جبر بالغصب يعني

باوعلي عيونه صارت تتنقل من اليمنه لليسره على وجهي نزولا لشفتي وبعدين دار وجها عني

خله جكاره بين شفايفه وبده يعلكها كال وهو يعلك جكارته

لاتحاولين وياي

- اني احبك

- لا تتأملين شي من وراي

- ماريد شي بس اريدك تعرف اني احبك

- باوع للخضار جر نفس احسه يدخن بحركه

- تدخن هواي

- هز راسه بمعنى اي ماحجه

- ليش احس شي بداخلك مألمك

باوعلي مضيق عينه

- كملت كلامي

يوم بعد يوم اقترب منك اكتشف بيك شغلات غير الي تحجيها

- شلون يعني

- احس اكو الم بداخلك

مخليك هيج جكاره وره جكاره

- ماكو شي

- هذاك اليوم شفت هنا كتابه ( واشرت على ايده)

شنو كاتب على زندك

- اسم

- اسم منو

- ليش

- منو اسم ولد لو بنيه

- هه لا اسم واحد مثل اخويه عزيز عليه جان ومات

- خطيه شلون مات

- باوعلي وجر نفس بجكارته

مو مهم شلون مات

مات بعد

كليلي انتي

شلون جان شكل ابن الحجي الي اعتدى عليج

- رجل مو طويل كلش زين

وضعيف شكله ناعم يعني يطلع اكصر منك

- مدااسألج على طوله شكله وصفيلي شكله واريده مضبوط

- ليش

- هيج فضول

- هو مايشبه ابو

عيونه سود وسط ابيض البشره

شعره مجعد ملوي يعني

- اي افهم

وبعد

- نكدر نكول خشمه جبير شويه هههه

- مريم بلا تفاهه احجي

- اي هذا شكله ناعم وشعره مجعد عيونه سود وسط او صغيره وبشرته بيضه

هااا ومره لمى كلتلي عنده واحد من ولده يدرس طب بالخارج وهذا ابو شعر المجعد يكولون اسمه حسام وهذا طالع على ابو حتى يشم مخدرات متشوفه جا لبيته بقية ولده ميجون

- كلتي اسمو حسام

- اي

- تنهد وابتسم طبطب على خدي برقه وكالي روحي ارتاحي كعدتي هواي وموزين عليج هيج

- وانت تبقه هنا وحدك

- اي

حغسللها لسمسم روحي ارتاحي انتي

- كمت استندت على الحايط ومشيت التفتت قبل لاادخل للغرفه شفته مطلع موبايله بعدين التفت شافني

عرفته حيضوج مباشرة رحت للغرفه

باوعت لوجهي بالمرايا جانت الكدمات مشوهه وجهي

وعيوني شويه احسن

جانت منفوخه اكثر

شعري مخربط

ردت اسبح بس ماعندي ملابس

شفت دشداشه معلكه لمن شلتها باوعتها مالتي

قديمه وناسيتها هنا يمكن ضرغام نسه يجيبها

الي

اخذتها وفتت للحمام سبحت وارتاحيت على المي الدافي والصابون طولت يله طلعت بعد ماحسيت جسمي ارتاح

لفيت الخاولي على شعري وتمشيت لكيته يروح ويجي متوتر

همست شبيك

- باوعلي تنهد متحير

باوعلي ورد تمشى يروح ويجي احس اكو شي باله ويفكر شلون يرتبه وشيسوي

اجيت يمه سألته

شبيك ضرغام

- مريم لازم نروح

- وين

- اذا نبقه هنا يكتلونه

- منو

- القبرص

- وين نروح

- انه حرجع وي الحجي وانتي تسافرين

- اسافر

- ماكدر اامن عليج هنا اما يمهم او تسافرين

- وياك اني ضرغام لتعوفني

- مريم وضعي صعب الحقيقه مو مثل ماانتي تشوفيها

- شما تكون خليني وياك مااسافر ماعرف احد ضرغام ولا حتى اقره ولااكتب اني بنيه لو رحت وحدي حوكع بمثلهم

- وشلون اأمن عليج بعد هناك

-مثل عليهم احنه متزوجين وكلهم مرتي وخليني بيتك

- امثل متزوجين

- اي

بهيج حاله محد يكدر يسويلي شي

- بس

- شنو

باوعلي متحير

- نتزوج

- مريم الزواج شروط وعقد وانتي مختطفه حيكون باطل زواجي منج

- شلون يعني

- تفاصيل هواي انتي متعرفيها

- انت كذاب

انت متريد تزوجني

اعرفك تتهرب مني

والي داتسوي شفقه تشفق عليه انت

- لا مو هيج

- وصيحت.... لا هيييييييييييج

انت متريدنيييييي

باطل شنوووو منين تجيب هذا الحجييي

نوب زواج حرام

لعد شنو الحلااااااااال هاااااااا

صيحت بعلو صوتي وهو واكف يباوعلي

مايرد

تعبت من صياحات

وهو واكف مايرد

رن تليفونه باوع للشاشه عقد حاجبه بغضب

وباوعلي ورد باوع للشاشه

واخذ الموبايل وراح بسرعته بعيد عني وره الغرف يم سمسم

مشيت وراه رغم اعرج بس اشوفه ليش راح

قبل لااوصل توقفت عن المشي لما سمعته يصيح

كلووو  مخنننوووووك

حطك....... حطك.... افتهمممممم

باوعتله بتك عين بحيث ختلت وره الحايط ونص وجهي وره الحايط ونص مبين حتى اشوفه

جان يأشر على ركبته مثل واحد يخنك واحد بإيد وحده وهو يكله حطك..... حطك

يروح ويجي ويحجي بعصبيه

ضرغام:-مااكدر

تعببببببببتتتتتتت

- راجع...... رااااجــــــــــع

لاااااا مانسيييييت

لاااااااااااااااااا مانسيييت وشمره للموبايل

بعيد بحركه

وكعد على ركبه

جان اكو عشب يابس يم سمسم وهو كعد على العشب على ركبه

راسه منصي للكاع

مثل الي كاتم دموعه

بعدين صرخ ياااااااااااالله

ومتحمل بچه

بس بسرعه مسح دمعته

جانت اكو حجاره جبيره بالكاع شالها وشمرها بقوه تقسمت الى قطع

وشك قميصه وكعد على الكاع

عبالك بركان وتفجر

للحضات انهار مثل جبل جان صامد وبلحضه انهار  بقه هيج شويه بعدين

التفت مثل الي حس بيه وراه لمحني لكن بسرعه وخرت بعدين رجعت باوعت لكيته نفس الشي يباوعلي وشافني طلعت بوجهه

بس هو راح لسمسم اخذها وفتح باب المزرعه شفته صعدها وطلع بره المزرعه

استغربت شنو الي خلاه ينهار هيج

شنو من اتصال اجاه قلبله كل موازينه

وهيجله كل اوجاعه

لدرجه يبجي

فتت للغرفه مددت واني حسبه توديني وحسبه تجيبني

معقوله

معقوله الحجي. داايضغط عليه هيج

هو الي وصله لهذه المرحله

شويه وسمعت صوت دراجه اشتغلت عرفته هو رجع

حركها وطلع

كمت من مكاني اتأكد لكيت سمسم بالمزرعه حتى بدون مايربطها

اخذتهها ورحت ربطتها كلمتها

شبي

ليش هيج ضاج

وين رحتو

عفتها ورجعت لمكاني

وصلت باب الغرفه شفته اجه فات وعلاكه سوده ويا

نزل والعلاكه بيده

عيونه جانت متشخطه حمر ومبين على وجه مقهور

طلعلي جبسين وعصير و3 لفات عشه هم جايب نطانياها بدون مايحجي

اخذتها وهمس

فوتي جوه

فتت للغرفه وهو باوعلي شويه وسد باب الغرفه بالمفتاح عليه من بره

استغربت ليش هيج سوه

ولاكدرت احجي شي ويا لان مبين شكد عصبي وشنو الي قلب وضعه لهل الدرجه مااعرف

شنو من اتصال اجاك يالضرغام هيج گلب كل احوالك

معقوله الحجي

خاف تابع لزلم الحوت

مر وقت قصير دنيا ليل جان اكو ثقب صغير بالباب

باوعت من الثقب جان هو كاعد وبطالة مشروب كدامه وكاعد يشرب ويدخن وتنزل دمعته ويمسحها

خفت عليه هواي لان جايب هواي مشروب شيسوي بيييي هذا هسه يأذي

لو حاجيته راح يعصب هواي

ولو سكتت راح يأذي نفسه

اكتفيت اشوفه بس

صار يشرب هواي خلص بطلين

وبده بالثالث

حسيت بروحي جوعانه طلعت اللفات الي جابهن وكعدت اكل

اما هو فما شفته تعشه بس يشرب ويدخن

استصعبت الحاله الي وصلها دكيت الباب احاول حجي ويا

ضرغاااااام ........... ضرغام.... لاتثكل بالشرب مو زين

اكتفى بس باوع للباب الي اني وراها مارد

ويشرب عيونه اشوفها صارت حمره اكثر

ويشرب وعينه على الباب تصير كل شويه

مر وقت بالساعتين هو خلص المشروب وعرفته سكر لما ثكلت حركته صار يتحرك بطئء ويتمايل

كام ومشى بتمايل كعد يم باب الغرفه

نحجبت عني لان هو ثقب وهو صار يم الباب كلش

حتى توقعت حيفتحها

لكن تكلم بصوت ناصي نوعا ما

اعرفج وره الباب واعرفج تباوعيلي هم

كتلج بطلي

كتلج لاتتعلقين ابتعدي

بس متسمعين كلام تعانديييييين

شفتي بيه وهيج

انه من روحي تعبان

كوه امشي اليوم واخلي يعدي

انه اتعايش مريم ماعايش صدك

متت من يوم الذبحوه

من يوم الي جابولي راسو

ادور على جثتو وره ٣ ايام يله دزوها

بعدو صغير

ربيتو على ايدي روحي جان

ذبحوه

شكالت روحو

انه اريد اعرف شكال من شاف السجين الي راح تذبحو

هم خاف

هو جان

هو جان يخاف من ضلام الليل شلون نرفعت عليه سجين تذبحو

جان يكلي وديني  بسيارتك للمدرسه الصبح بارده اتمشى

جايب ورقة الامتحان هااااك شوف شكد اخذت

راح اصير دكتور

راح اصير دكتور اداويلك گلبك

فرحان يمشي وراي وين مااروح خيالي عبالك

انه

انه

الذبحوني

انه

كله انه السبب

بسببي ذبحوه

حركتهم وحركوني علمود شغلي حتى اعوف شغلي

هددوني ومااهتميت

انا

انا الضرغام المايخاف

الي كلها تصيح بأسمو

ويتكرم وره كل عمليه...!

انا الضرغام جنت لما هو جان عايش

بس متت

متت لما هو مات

قتلوني بي

ريت انه المقتول صدك ولاابقه مثل طير يرفس

بقيت فتره انه اشرب

ماادري بروحي اريد انسه وماانسه

انسى كلشي وماانساه

جنت ماعرف شنو مشروب

بس بسببو كمت شكو درب اعوج اروحلو

وصرت انسان غيييرررر

ارتاح من اقتل

ماتت مشاعري تجين انتي تحركيها ليش

شفتج

ولمن شفتج شي رف بيسار صدري حاولت

ابتعد واغلط روحي هواي بس

بس ماكدرت

مداكدر مريم

انه الميت شلون اليوم احس اكو نبض بيه

ابتعدت عنج هواي

وعاشرت غيرج هواي بس مافاركتي خيالي

حتى وانه وياهم صورتج بوسط عيني

ولمن

لمن(سكت لثواني بعدين كمل)

ولمن شفتو هيج ضاربج

نااااار

ناااااااار يامريم واحتركت بيها

لو حاركني ولا مأذيح هيج

يسون هيج وانا عايش

والله ماعديها

وحق الخلق إليا ماعديها

ولا راح اعوف حگج يامريم بس صبرج علي

سكت انتضرته يكمل بس سكت سألته

ليش تبتعد عني لمن تحبني

- انا وانتي غير

انتي بعدج صغيره والحياة كدامج

- بس اريدك

- سكت لدقيقه تقريبا بعدين صرخ

كتللللللج لاتقتربييييييين

ابتعدييييييي

ولج ليش مصررررره ليييييييييش

- صحت بصوتي

افتح الباب ضرغام

- ضرغام طلعني منا افتح الباب

- شرايده

شتريدين لخاطر الله

- احجي وياك

- فتح الباب وطلعت

جان حاله تعبان حيل وينهت مثل واحد جان يركض

همس...... شرايده

-لشوكت نبقه نتعذب

لشوكت نبقه هيجي

داامووووت اني عشت عمري كله وياهم وماريد اكمل الي بقه وياهم دااموت

- كلي لشوكت ابقه

- صرخ

لحد ماالله ياخذني

وارتاااااااااح

-لاتكول هيج

كلي ليش هيج تعبان منو هذا الي نقتل وهيج متأذي علموده صديقك الي حجيتلي عليه مو

ضرغام احنه كلنه بالنهايه نموت

انت

انت ليش تذب الصوج بيك

همس

فوتي جوه

- ماافوت مااريد انام

- باوعلي وصاح بيه

فوووتي جووووه

- صرخت

ماافوت

كافي

افتهم كااافييييي

- جرني من زيك دشداشتي بقوه هددني

همس ويحجي بغضب

ابتعدي عنيييي

الصبح نروح حدي احافظ عليج وبس اكثر من هذا لاتتوقعين

- صرخت

كذاااااب انت تكذب

انت دكول هيج بس حتى تبعدني عنك

اعرف خايف يأذوك بيه

مو

تخاف لااصير مثل إليا

يعرفون نقطة ضعفك ويأذوني بسببك

- صرخ بيه

ولمن تعرفييييييين ليش متبتعديييييييين

- مااكدر

لمعت عيوني لحد البجي

مااكدر والله

حاولت

بس مكدرت

- لو عرفو يقتلوج ولج مابقه بيه حيل

- مانبين بس انت تريدني مو

- مزوج انه

- ضحكت

لتكذب واعرف تكلي هيج تبعدني عنك

ضرغام انت لو رحت اني اموت

همست وعيني بعينه

مااكدر اعيش بدونك

اموت

لاتعوفني

واني

اني مراح ابين شي كدامهم

كلشي

مااحجي شي والله

هدأ وسكت

من شفته هيج وحاله طلع تعبان اكثر مني

ضميته

وهو هم ضمني  احسه كوه كاتم بجيته يشهك بالنفس

مثل واحد تعبان وخايف ولكه الامان

ابتعد عني شويه همس

مريم لاتعذبيني انه.....

انه....

انت شنو

مريم...

احجي

روحي جوه

مااروح

لج روحي خايف عليج من روحي

باوعلي بنظرات وكأنه يترجاني

ماحبيت اضوجه اكثر رحت جوه

سد الباب هو

وبقه بره بهذيج الليله رغم الجو بارد

صبح الصبح كعدت لكيته كاعد ولازم راسه

صباح الخير

رفع راسه

صباح النور دانتظرج شوكت تكعدين

- ليش

- مرتين اسوي للجاي ويحترك مدااعرف سويلي جاي راسي حينفجر

- رحت بسرعه اسوي جاي

سويته وخليت اجبان وصمون واجيت كعدنه حتى نتريك

صبيتله جاي بالكوب

اخذه مباشرة مني وصار يشرب بالجاي

سويتله لفه

كال

ماريد

ويعصر براسه

حينفجر راسي

صار 4 براسيتول اخذ ومايفيد

- ثكلت هواي بالشرب البارحه وهذه النوعيه قويه

باوعلي مستغرب

وانتي شمدريج

جبتها للبطاله وكلها شربتها

الباب شلون فتحتيها انه قفلتها

- انت فتحتها البارحه

باوعلي بخرعه شنو

انه

وشصار

- شنو ضرغام متتذكر

- شتذكر

- ماكو شي مهم

- ليش فتحت الباب

- اني كتلك

- وبعدين

- مصار شي اطمن معقوله متدري بروحك سولفت وياي عادي

- شحجيت

-عوفنا من شحجيت ضرغام شنو الي خلاك توصل البارحه لهيج مرحله حتى شربت هالكثر وماتدري بروحك

- ها

هيح شغله

بس احجيلي شحجيت للبارحه

- كتلي انه إليا مقتول جابو مذبوح بس راسه

وكتلي بسببي قتلو

وصرت تلوم بنفسك وتبجي

- انه ابجي

- اي

وكتلي انو

- انو شنو

- انت عندك مشاعر تجاهي

- وبعد

ليش شنو تريد تعرفه بالضبط

ماحجيت شي ثاني

- كتلي متزوج

وبعد

- هذه بس

-الي حجيته صحيح؟

_ لا

انه اهذري من اتعب نوبه شارب

- يمكن حجيت الصح

- لا

- هسه ترجعني وياك

- اسفرج

- حنرجع لهذا الموضوع كتلك وياك

- باوعلي متحير

كال

مريم العيشه هناك حتصير اصعب من الاول

القبرص وجماعتو على مشاكل وي الحجي

- ميهمني

اموت بس مجرد يمك عادي

- مريم لو متت انه

- ها

- ولو متت اياج تستبعدين هذا الشي ممكن بأي لحضه يكتلوني انه اول واحد تخليني على بالج بهذا الامر

- ساعتها انهزم

- تنهزمين

- اي

- لو نهزمتي يامريم ولو صار عليه شي ومتت اريدج تروحين لواحد هو صاحبي انه ويا اخوه من الروح وحده

- غوركت عيوني واختنكت

لتحجي هيج

- كال وحجاها بنبره وكأنما يوصيني

اسمعيني مريم

- لو كتلوني انتي نهزمي لاتبقين هناك ثانيه وحده

لو تشوفيني مكتول ومشمور بالكاع لاتكلين خل ادفنه بالاول

راح اكول كدام الحجي هاي الي وبس انت هديتها الي

حخليج بيتي

- كله اني مرتك

- لا راح يأذوني بيج

وكتلج لو نقتلت روحي لصاحبي

منو هذا وين مكانه

- عندو محل اجهزه كهربائيه ب...............

- ولاعبالي تعرف احد خارج المنطقه ويشتغل شغله عادييه

- سويتلو معروف هذا وراها صرنه صحبان

- بس بس لاتفاول لنفسك هيج

- كلشي توقعي

وهسه تحضري نروح.........

سديم......

بقيت افكر شلون احلها وي ادم

ادم تعبني هواي يوميه قرار شكل

فكرت افسخ مااخذت لابكلام رباب ولاغيرها

خليت الامور تكون هادىه

وكلت اتركه فتره لان شافني كدام عينه طول الوكت بقه يذب شروط عليه

قفلت جهازي وبقيت يم بيت خالي

فتره ارتاح بيها من كلشي من الشغل والدراسه وادم

صرت امارس روتين يومي وي بيت خالي اشتغل واطبخ بطبعي احب اسوي معجنات وحلويات

صرت اسوي وحسن ومحسن هواي يحبون معجناتي

- اي والله سديم كثريلنه معجنات تزوجين وترحين يم ادم وبعد نشتاق لمعجناتج

- اي اسوي بعيوني

- مرت خالي:- شلون حتحليها ويا سديم

- خاله اعوفه يراجع نفسه هو هواي دايظغط عليه هاي لا وهذيج لا

اني مو اداة ويتحكم بيها

- وشلون لو فسخ من صدك

- يسوي فضل

- يمه بينكم طبات وطلعات الناس ماترحمج

- عساها لارحمت تره مليت الله يخليج غيري الموضوع

توته جاييها خطابه

-صدك يالله

- بس هي رافضه

- ليش

- دكول بعدني صغيره وموحمل زواج

- هي بعدها صغيره خليها تكمل دراستها

- يمه الي جاييها مو حي الله اي واحد

- منو

- ابن خالتها وضابط مكمل من كلشي حتى عنده بيت بحده

- واذا هي مو كد هاي المسؤوليه

- تتعلم شلون تزوجنه وشلنه مسؤوليه لعد اصغر منها وتزوجت

- والله ماعرف شكلج

-احجي وياها سديم انصيحها

علاوي خوش علاوي والف من تتمناه

- ماشي خاله احجي وياها

-  روحي هسه واحجي وياها

- ماشي عمه

غسلت ايدي من المعجنات ورحت عليها لكيتها تقره بكتاب

دكيت الباب باأطراف اصابيعي

ممكن ادخل

- تعالي سديم

- شنو داتقرين

- كتاب

- عن شنو يتكلم الكتاب

-كتاب انترخيستوس

- عن شنو يتكلم

حقرالج

- الكاتب يأخذك من بداية الرواية إلى ماضٍ سحيق قبل 2000 عام في العراق ببابل عندما بدأ السحر لأول مرةٍ في كهفٍ قديم جداً كان إبليس يسكن فيه شخصياً، حيث التقى لأول مرة ببشري يقال إنّه الملك النمرود الذي تعلم السحر واستطاع حكم بلدان كثيرة، وانتهى به المطاف إلى الموت بعد صراع ٍ مع النبي ابراهيم عليه السلام، ثم يأخذك الكاتب إِلى قصة الملكين ببابل هاروت وماروت، حيث يلتقي هذان الملاكان بأفروديت إلهة الحب والجمال والإغواء في الأساطير اليونانية القديمة التي تُعرف عند العرب باللات.

فما تلبث أن تستوعب هذه الأحداث والأسرار، حتّى يأخذك الكاتب إلى مملكة النبي سليمان لتكتشف كيف استطاع النبي سليمان قتل كل هؤلاء السحرة، ولتفهم القصة الحقيقية وراء تنظيم فرسان الهيكل الذي تم تغيير اسمهم من فرسان الهيكل إِلى البنائين الأحرار، وهي جمعية سرية تأسست في القرن 14 وقد كُتب عنها الكثير وخاصةً في رواية شيفرة دافنشي للكاتب الأميركي دان براون.

ويتحدث الكاتب عن الفتنة الكبرى، وظهور الشيعة ومقتل الحسين، وظهور شخصية دراكولا ذات الأصول التاريخية في عام1450 لكنها صُورت في الأفلام على أنَّها شخصية خيالية، لتعرف بعد فترة قصيرة كيف غزت بريطانيا أميركا وأبادت الكثير من الهنود الحمر.

 وتفضح الرواية خيانة إحدى أميرات الهنود الحمر لشعبها وهي (بوكاهنتوس) التي تحولت قصتها إِلى فيلم وبرامج أطفال أيضًا، وتشير إلى اغتيالات عالمية حصلت على يد جماعات سرية مثل اغتيال الرئيس الأمريكي جون كينيدي والملك فيصل بن عبد العزيز وأنور السادات، كأنّ الكاتب يقول: إن هناك من يتحكم بهذا العالم في كل شيء من خلال تدبير الاغتيالات السياسية وإشعال الفتن بين الشعوب في كل مكان، وهناك من بيده المال والقرار الدولي.

- كتاب مشوق

- كلش سديم تصدكين هاي اول روايه اقراها بالكتاب بس ولادااكدر اعوفها

- عن ابراهيم والنمرود

- اي اول روايه هاي

- اي

اعوذ بالله النمرود شكد انسان ضالم ومتجبر كان بالارض تخيلي جان يتحدى الله بالسحر

بس رب العالمين خله نهايته بعوضه

يعني تخيلي كانو يضربوه بالنعال على راسه حتى يهدأ وجع راسه البعوضه دخلت براسه وتمشي واذته ماماتت بقه هيج لحد ما مات بسبب هذه البعوضه

- تحدى رب العالمين بس الله بين اله قدره شنو

شفتي شلون نهى حياته بحشره صغيره من مخلوقاته العجيبه

- اي فعلا الله على كل شيء قدير

كوليلي شلونه خطيبج وياج

- لازم متدرين

- تعرفيني عازله نفسي عن كل شي

- زين خطيبي وياي مدللني ويحبني هواي

- ليش لعد سمعت ماما كالت تردين تفسخين

- لان كالي تعالي ابقي بيتي منا لحد ماتتخرجين مايقبل اروح بااقسام

- هذا يريد يعيش الحب الاوربي

-الحب الاوربي شنو هذا

- ثنين يعيشون سويه بيت واحد ويتعرفون على بعض اكثر

- حبيبتي هذولي بلا عقد بلازواج

- اي

المهم ماعليج مني اريدج تنخطبين انتي هم علمود نتزوج سويه

- اني مو ياهو الي يجي اتزوجه سديم

اريده رجال يصوني وبحترمني ويدللني

- اي من حقج

- شباب هالوكت طايشه انطيهم مداليه بكد ماعون الجاي لابسيها ومدلعين ويمشون تكول زومبي

- والله عليج سوالف

- احجي جد سديم

- زين شنو رأيج بعلي ابن خالتج

- واحد شايف روحه فد شوفه

- وشنو رأيج خطبج من خاله

- شنووو

تحجين صدك

- اي والله

- علي اني يخطبني مااصدك مستحيل

- ليش

- من كثر ماتشوفي كلمتين مايحجي تكلين شايف روحه شوفه

- وهاي اجه يخطبج

موافقه توته؟

-اكيد موافقه طبعا

- بوستها وكتلها

مبروك حبيبتي

طلعت من الغرفه هلهلت

خالتي من فرحتها وكفت وهلهلت كالت

ولامتوقعه تقبل ياهو يجي ترفض

- ليش هذا ياهو الجاي

- وانتي الكلتيها

يوم الي نشوفجن ثنينجن عرايس بفد يوم

- ان شاء الله

كلت هالجمله الاخيره وبعدها فتت لغرفتي

هذه الغرفه الي صارت شاهده على حزني وفرحي

بهذه اللحضات عصرني كلبي على اختي مريم

لو كانت موجوده كانت ويانه

مخطوبه وفرحانه بحلقتها او تدرس وتنتظر نتيجتها

يمكن جان هسه اني وياها قدرنه غير

جان هسه نخطبنه وتزوجنه ثنينه سويه

عندي اخت اروحلها واشتاكلها واصير خاله

وين ياترى صفه بيها الدهر

عايشه لو ميته بخير لو لا

وي منو عايشه وي عائله لو مشتته بالشوارع

اتذكر مره واني رايحه بالباص

بالطريق للجامعه شفت بنت من عمري تتسول

للحضات وكأنه مريم نرسمت مو بنيه غريبه

تخيلت اختي بالشارع وتفتر تتسول

هذا يتصدق عليها

وهذاك يستعطف عليها

هذا يجرها لدروب مو حلوه

وهذاك يسمعها كلام بذيء

صرت ابجي بالسياره والي يمي جانت نظراتهم تتساىل ليش ابجي

محد يفهمك شبيك او شنو مأذيك

شنو واجعك وليش تبجي

تكتم الي بداخلك

وتروح وتجي وتتعايش وي الحياة بس بداخلك عايش بمرارتها

عايش وتروح وتجي حتى ماتستفرد بحزنك وبهمومك

بألمك ووجعك

مريم حبيبتي وين انتي

تحت رحمة منو

بردانه لو لا

جوعانه لو لا

صعقت السماء ونزل اول مطرها وكانه تكول مو بخير

مربم تعيش بخوف وبرد وضياع

زادني صوت الصاعقه خوف وخفت على مريم اكثر

لحضات عشتها وكأنه مريم للتو فارقتني

لدرجة حسيت بقلبي حيطك عليها

لابد للبدايات نهايه نهاية الالم نهاية الوجع حتى وان كان بعد حين

كنت معكم انا رغد الموالي في امان الله ❤

للانظمام لمجموعتنا في الفيسبوك  رابط المجموعه موجود في حساب الواتباد (البايو) 

                   تل الذهـــــــــــب

              رغـــــــــد المـــــــوالي

كان لكل منا حكايه

كااااان ولازالت حكايتنا قيد الكتابه....

.....

مريـــــــــــم

توجهنه للسياره حتى نروح لتل الذهب

جان الخوف والقلق ماكلني بس هو يطمني بنظرته وكأنه يكلي لتخافين انه وياج

صعدت واني الزم بإيدي بقوه بتوتر

شغل السياره

ماعرف ليش گلبي مقبوض وليش خايفه

اكثر من اي مره اخاف بيها

احس حننقتل اول منروح

والي زاد خوفي وصاني

حسيت مسوي مصيبه بغيبته هاي ولهسبب ماضامن حياته

حتى هو متوتر طول الطريق يسوق اباوعله مو هو الضرغام نفسه يجي اتصال ويرفضه بعد الحاح

فتح خط

- رايح

اي

- هذه شي وهذا شي

- الكاع محضوره

وسده

صار عندي فضول اسأله

ضرغام وي منو تحجي

- ليش

- احس هذا الي يخابرك يضوجك ويروح كلما يخابرك انت تصير عصبي

- ناس تغث

-منو هم

- جماعتي متعرفيهم

اكلج شسيألج الحجي لاتجاوبي

- لا ابد 

- وصلنه تل الذهب دخل بسياره للحي

كالي لاتنزلين هسه

نزل هو جان واكف سعدي والولد كالو

هلللله نورت

- الحجي وين

- طالع

- هز براسه بمعنى اي

- اجه عليه وفتح باب السياره كال نزلي

نزلت لزم ايدي متوجه لبيته

دخلنه للبيت كال

هنا منا وجاي متبقين هناك بعد

وطلع بره

سمعته كال للولد

الي مخلي غراضه بيتي يجي ياخذها

بعد محد يفوت منا وجاي

اجه ستار وابو راهب اخذو شاحناتهم وغراضهم وطلعو

فتت جوه جان بيت مو مرتب زين وسخ

بعد بيت عايشين بي زلم من المتوقع هذا منظره

مر وقت

اجت سيارتين وحده منهم الحجي وابو غضب

رحت حتى اشوف باوعت من طارف الباب

جان هو كاعد على الكرسي رجل مادها ورجل عاديه لامها لعنده ي.

ولازم بيده عصا طويله يحركها يمنه ويسره

فاتو والحجي وياهم نزل كال بغرور

هله بالاسد نورت الحي

-كام وكف على حيله واتكأ بيده الاثنين على عصا

بأستهزاء كال الحجي

عصا ضرغااااام

شايلها تهديد لو مابقه بيك حيل توكف

- مارد عليه مكتفي يباوعله

- كمل الحجي

عالجتها لكوبرا المنطقه حتى تبث سمها زين هنا

- مارد عليه

- والله

ثم والله اذا مره ثانيه زله اشوف منها لاانت ولاعشره مثلك تشفعولها

وصرخ

ولك ضرغاااااااااام جان انه هسه كاتلها من زمااااااان

بس ااااااااانت

اااااااااااانت السبببببببب

كله منك

شوف

كللها للحيه

اذا الحجي يشوف خيالج بالمنطقه يقتلج تبقه بيتها تنكبر مالها طلعه والي يريد يرتاح وياها متحجي

تسد حلكها دورها شنو هنا لعد

- هم ساكت

- ماخذها يعالجها ولك هي تسم حيه ماخفت لاتلدغك وتموتك

دقيقه

دقيقه

منو اول ضحيتها مو انت مو دجتك بسجين ونهزمت

هاااااااااا

هاي بدال ماتأدبها

بدال ماتعرفها غلطها ووووووووووويييييين

الي داتعالجها هاي شايله كيد نسوان دااااهيه

وكعته لابني

لافت عليه وعبالها توصلي انه وولدي

بس فنها توصللهم

مريم هااااااااي ثكل حسابها يمييييييي

والله لااخليها تترجاه للموت وماتنوله

وينهاااااااااا

جيبوهاااااااااااااااا

ستار:- بيته حجي

-  شنووووو

بيتك ضرغام

- همس برود متعب والحجي نار صاير طافره اعصابه وجها احمر من العصبيه

بيتي

- وشعندك تخليها عندك

- همس

انت هديتها الي وهسه عجبتني

- هاي قبل وره ماقتلت حمزه للكل صارت

- الي انا بس

- للكل

- انا بس

- ضرررغاااااام اجيبلك اغاتها هاي رايد اكسر خشمهااااا

- عوفها

والله ولو مسيت شعره منها

لو شكتلي

لو شفت دمعتها

مايصير خير حجي

مريم الي انا وبس

ورفع صوته يحاجيهم كلهم

سمعتووووو

بيتي هي والي يخطي عتبة البيت اكسر رجلو

والي يضايقها بكلمه ياولو مني

انا هنا

مو هنا

مريم محد يندك بيها

الحجي- تدوس كلامي ضرغااااام

- مدايس كلامك بس هالبنيه الي شوكت ماامل منها انه اقتلها بيدي

- تبقيها يمك بشرط

- باوعله رافع تك حاجب

- انت تعذبها تخليها تترجاه للموت

- انه وياها اموتها مالكم علاقه بس غيري يمس شعره منها معناها انه مسني مايصير خير

- نشوف اخرتها وياك

اذا بديت تعشكها خليك متذكر انو هي لافت على ابني

- رمى العصا بنترة ايده

اغتاظ لما سمع هالجمله هاي صيح

انه وياااااهاااااا

- باينك عشكتها

خلها بالك يالضرغام اذا امرك نفضح ولو كلها درت انت عاشكها يذبحوك بيها

وقبلها ورقتك يمي تحترك

لان مامستعد اتحمل مصايب عشاك

- ضحكله بااستهزاء وكله

انه مااعشك مره صارت لهذ وهذاك

هي لو ماترجتني وكالتلي انه بشاربك مااساعدها

بعدين انه ساعدتها لجل غايه

- شنو هي

- نضرب بيها القبرص

- شنو

شلون تضرب بيها القبرص

- كلشي بوكتو حلو انه مااحجي انه اشتغل

- شنو نيتك الجايه يالضرغام

- تعرف حجي تعرف

- اذا هيج اتانيك واشوف لشنو تنوي يتربات الحوت

هز براسه بمعنى اي وعافهم ودخل للبيت

واني اسمع كلامه الاخير نار وشبت بيه

لشنو ينوي

معقوله يحجي صدك

اول مافات تلكيته واني نار

- شنو هذا الكلام الي سمعته

تكلم من دون مايباوعلي

مو وكتج ابد

- احجي وياك

-عافني وفات للغرفه لحكته سدها بوجهي وقفلها عليه

دكيت الباب

صاح بنتره

اريد اناااام

- كعدت وره الباب اكل بااضافيري الف شغله بالي اجت

لشنو ينوي

ليش

ليش يكللهم هيييييج

صرت ابجي للحضات حسيت مالي احد

حتى هو الي جان كل املي وسندي

ممكن بأي لحضه يتخلى عني

معقوله مثل الحجي

الي جان ميزني عن الكل بعدين طلع ضاملي ضميمه

ممكن مثله يريد يضرب ضربته

ابجي بحركه مكوره نفسي وراسي لحضني

حسيت واحد يمي رفعت راسي

شفته هو مقرفص كاعد كدامي

من شافني ابجي

مسح دمعتي

همس

انه مستحيل أأذيج

كلت هيج حتى احميج

وصرخت بوجها

كذااااب

انت تكذب

انت مثل الحجي وضاملك ضميمه

- لا مريم لا

- اصرخ بوجها وابجي

كذاااااب انت تكذب

زادت بجيتي بحركه اضم وجهي بيدي وابجي

وهو يلوب يمي

ولج كافي

سكتي

والله علمودج

مريم يأذوج مايرحموج

ابجي ابد مااصغي لكلامه

جرني دايضمني دفعته وكمت

صيحت بوجها

تعوفني ومالك شغل بيه

مالك علاقه بيه بعد

عسى مااشتغل وي الحجي بالنوادي 

كام عليه بغضب عاقد حاجبه

مريممم انتبهي لنفسج وعدلي كلامممجججج

- جاوبته بتحدي

مااعدل كلامي واسوي الي اريده اني

كافي تتحكم بيه انت والحجي اني مو لعبه بيدكممممم

كافيييييييي

-  ( صاح بيه)  مريييييييييييييم

وحق السماء ابتلي بيج خطوه وحده تخطيها بدون علمي ماتلومين الا نفسج

- شتسوي هاااا شتسوي

تمل مني وبعدين تشمرني هذا الي ناوي عليه

- لو هيج جان من زمان سويتها لاتنسين انتي طلبتي مني ورفضتج

- لان مجنت مخليني بالك

بعدين كلت خوش صيده

- صاح بيه

مريييييييم

- اني طالعه ومالك علاقه بيه انت ورايحه اكل للحجي يشغلني ويا

- دااطلع جرني

باوعلي بغضب

فوتي جوه

- ماافوت وماابقه عندك

- ضرب الباب بوكس رجها وصاح فوتييييييي

- سمعت الحجي صاح

هه شفت بعد دكلها يالضرغام

- باوعلي بمعنى ارتاحيتي هسه

عفته وفتت جوه

كعدت بغرفته فات هو

تكلم على الكيفه بس بنتره

اسمعي

المره الراسها يابس وتنشفلي ريكي اتخبل منها

اسمعي كلام ولاتعلين گلبي

كتلج الوضع حيصير غيررر

صعب

كتلج اسفرج كتيلي وياك

- هسه انت شتريد فهمني

- شكلج كولي صار

- وبعد

- الباب ماتشوفيها تبقين هنا بالبيت طلعات وتلتقين بليو وغيره مااقبلها

- ليو لااا

- تشوفي بس تضمي  كلما تشوفي بحجة دااتسلمين  لا  ممنوووووع

ثقي مريم  اذا لكفتج بايعه ميانه ويا ليو او غيره مايصير خير

- اسيره عندك اني

- مو ردتي تتزوجين حشوفج الي تصير مره لضرغام شلون لازم تصير

عافني وطلع

ماسمعت اله صوت عركه بالمنطقه

فتحت الباب على الكيف لكيت ضرغام حاصر ابو غضب بزاويه ونازل بي بوكسات والولد يجرو وهو متمسك باابو غضب يضرب بي

لحد مانهض نفسه ابو غضب ودفعه

وكفو ثنينهم

والولد تلزم بالضرغام

ابو غضب يصيح::- هييييي هي دايحه شطلعها وصارت كدامه لحمزه هاااا. انت متعرف حمزه

- ضرغام بعصبيه:- حاطك رجل كرسي انه هناااااااااااااا

-  شوف ضرغام لتحملني مراهقتها بعدين حاولت وي الحجي وهو متحمل الها

-حاولت شنووووو كتلك شعرايه متنمس مريم كتلي عد عيناك بحمايتي

_ واذا هي قتلت شلووووون

- متنضررررررررب

ولك شلون يضربها وانه وصيتك عليها شوووووون

- وكل شويه يريد يهد عليه يضربه ويلزموه الولد

لحد مادفعو ابو غضب واخذو جوه دفع

مباشرة فتت جوه خفت لا الضرغام يشوفني

باوعت للغرفه جانت مبعثره نوعا ما والبيت وسخ اساسا

فتحت كنتوره جان بي كم قطعة ملابس

وسلاح وشواجير ورصاص

باوعت لسريره عباره عن سرير ابو نفر ودوشك ومخده وبطانيه وحده

بالرغم زعلت منه الا انه منظر البيت ابد ماحبيته وماردت اكعد هيج

شلت شرشف السرير وشرشف المخده

ونفضت الفراش

ومسحت المرايه ورحت للمطبخ نظفته

وغسلت ارضية البيت حتى كومه وسخ طلع منه

كثر مامهم

وهم معذور هو رجال يكعد ينظف

تعبت وحسيت بالجوع

رحت مددت وحسبه توديني وحسبه تجيبني

بين اصدكه وبين لا

دك باب الغرفه رغم مفتوحه

ابتسم

هاي شنو شمسوبه ولاعرفته للبيت

باوعتله ورديت درت وجهي عنه

-جبتلج اكل

- ماريد

- مريم

- ماريد

- خلاه يمي وطلع

عاندت بيومها ومااكلت رغم جوعانه حيل

لليل اجه يمي جان الضوه مطفي

كعد يهمس يم اذني

- ليش نايمه بمكاني

- مارديت عليه اني

- تحسيني اني بي مو

مريم

مريم

نمتي

سويت نفسي نايمه ولا رديت وهو يمكن صدك

صار يحجي همس وهو يمسح على راسي  برقه

- والله لو تدرين شكبرها غلاتج عندي

جان مانزلت دمعه منج

وحده الله عالم شنو انتي بالنسبه الي

وابتعد عنج لان ماريد أأذي گلبج بيوم من الايام

اعرف راح يجي يوم تكرهيني بي

لهسبب ابتعد عنج

ماريدج تتعلقين بيه

ابعدج عني لو حتى.

لو حتى

لو حتى انه اتعذب بهذا البعد

بودي احجيلج الي بگلبي

بس ممنوع عليه

ممنوع يامريمي اضعف

اكلج وانتي نايمه حتى مااتندم لن ماكلتها الج

خاف اموت وتبقه حسره بگلبي ماكلتها

مريم انه هواي احبج

وحتى

وحتى اتمناج واريدج بس

بس مابيدي شي

حياتي مو ملكي

وماريد اتعبج وياي

طبع قبله على راسي وغطاني وطلع

لمن حسيته طلع فتحت عيني مندهشه من كلامه يحبني

لعد ليش ميكول

ليش ممنوع عليه يضعف

وليش يكلي تكرهيني

شنو يقصد بهذا كلامه

شنو معنااااااااه

بس يحبني معناه رايدني معناه يحبني مثل مااني احبه

بودي اكوم واكله سمعت كل كلامك بس لا

اذا هو مايقبل يكلي ومكابر وينطي بيه كدام الحجي فمستحيل اعتبره

بقيت على نفس نومتي رغم اسمعه بره ماعرف شيسوي بالمطبخ

غفيت حسيت الدنيا صبح

كمت من فراشي طلعت رحت للمطبخ لكيته مهوسه للمطبخ وهو ماكو

فتحت الباب  شفته كاعد يم ستار ومناف ويشرب نركيله ويضحك صرت اعصاب خليت ايدي على خصري بضوجه صحت عليه 

ضرغاااااام

مباشرة انتبه اجه عليه وكبل سحبني للبيت وسد الباب

عتها لايدي

ولج شلون هيج توكفين وهيج تسوين

- لعد انت شنو هيج مسوي بالمطبخ

-  رفعلي تك حاجبه بمعنى شمسوي

-  موسخه بلليل نضفته

- اي روحي نضفي مره ثانيه

- اني تعبانه مااكدر

- روحي ارتاحي

-  اني اريد اروح لبيتي ضجت من بيتك

-  متطلعين

- مو بكيفك

- متطلعين

- مومرتك اني ماعليك بيه

- نتر

مرييييييم

-  سكتت باوعتله حد ماختنكت مامتعلمه هيج يعاملني لو مجرد ينتر بيه

عفته وفتت جوه

سمعته طلع وسد الباب بقوه

طلعت اتأكد سمعت الحجي متشمت وهو يحاجي

هه لك بابا شلك بشلعان الگلب

طلقه براسها وخلينه نرتاح منها

وداعتك اجيبلك اغاتها

- حجييييييييي

مو كلنه ضامها وراح تعرف بعدين

- اشوف سالفة ضميمتك هاي

- تشوف حجي تشوف

نار تشتعل بيه

ومالي غير اصدك كلامه لضرغام يمكن يكول هيج حتى لايأذوني صدك

بس ويا ابين عكس هالشي خايفه اصدك بي وخايفه لا

مشت الايام واني زعلانه عليه وابد مااكلمه

اشوفه يحوص لمن يفوت للبيت

يطلع صوت بالمطبخ

لو يعلي صوت التلفزيون

لو مرات يجي يكلمني ومااردله

مراات اسمعه يخابر وكلامه الغاز ماينفهم

قتلتني تليفوناته هاي

والمصيبه ماعرف منو يكلم

احسه سرّ وياي بالبيت لغز مدااكدر افهمه

والغريب بالموضوع ابد ماشفته قتل احد

حتى غيباته قلت عن المنطقه صار على طول هنا

لحد مابيوم اتفقو يهجمون على القبرص و جان الضرغام صاحب الفكره وهو الي خطط

شفته واكف يعدل يشماغه على المرايه

لحيته كثيفه صايره مو مثل الاول جانت خفيفه

وكفت اعاين اله وهو حيطلع باوعلي من المرايه بدون مايلتفت كال وهو يعدل بيشماغه

راح اروح كم يوم انه والولد

الباب متطلعيها لو شيصير

واتجه للكنتور طلع سلاحه وصار يتفحصه من الرصاص ويسحبه هم

ليو يجيبلج الاكل على كد مايجيبلج شغله وهاهيه

متحجين ويا حجي زايد

حجابج مينزع من راسج اي واحد يدك الباب

تضوجين تلفزيون اكو هنا وتفرجي

دروب اطلع شويه اشتم هو ماعندي

- واكفه بس اسمعه مارديت ولاكلمه

باوعلي ورفع تك حاجب مفهوووووووم؟

- هزيت براسي بمعنى اي

هو انت وين حتروح

شغل

- ضرغام خاف تموت

- وصيتج انه شتسوين

- ا ا ا اني اخاف عليك

- لتخافين

- صاحوله الولد من بره

ضرغااااام يله

- باوعلي وطلع ولمن راح احس اخذ روحي ويا

الدنيا ليل والليل موحش ويخوف

حتى حسيت بالوحشه وبالخوف لما طفت الكهرباء وبقيت على الفانوس ينورلي الغرفه الي اني بيها

جانت ليله صعبه وعشت بيها بقلق

للفجر حسيت السيارات رجعت

وهوسه صارت بالمنطقه والحجي يصيح

ولكم شوداها للشرطه

شلووووون

انه ضامها بيديييييي

- ضرغام كله

منو جان وياك

-وحدي ماخذت احد وبصمة الخزنه بيدييييي

- الي طلعها منك بيك قريب عليك ويفوت لبيتك حتى

- ولك بس ولدي يجوووون

- معناها واحد من ولدك

- مستحيل

صفن بعدين كال معقوله حسام

كشف الحقائق بات قريب والجميع اصبح على الهاويه.....

سديم.....

مرت الايام وفترة هدوء بيناتنه صارت

حتى دوامي الي بده مارحت بسببه جنت ناويه اعتزل كلشي

لما شفته مو يمه ولامهتم

كلت ارجع لدراستي وللاقسام

هند ورباب هالسنه مو وياي ثنينهم ناقشو واخذو شهادات ماجستير رباب بسرعه صارت خطوبتها وزواجها وعرفت مؤخرا انو هي حامل

اما هند ف تعينت على شهادة الماجستير بمدرسه اهليه محاضره

هالسنه ماعرف منو حيكون سكن وياي

رحت للجامعه وصرت اداوم واروح واجي للاقسام

لحد مابيوم لمحته وهو وحده ويا بالسياره مصعدها بالصدر يمه فاتو من يمي وهو جان يضحك

تخبلت لمن شفته رجعت للشقه بسرعه وبلحضتها قررت انفصل عنه

نزعت حلقتي واتصلت عليه حتى افسخ وانهي كلشي

- مرحبا

- هله

- انت وين

- بالشركه

- عندي موضوع وياك ممكن نحجي بي بمكان لغير الشركه

- ليش انتي وين

- بالاقسام

- شوكت جيتي

- من كم يوم.

- وليش ماكلتي

- شوكت اشوفك واحجي وياك بالموضوع

- شوكت متحبين اني حاضر

-  شوف وقت فراغك شوكت

- اني بالليل افرغ امرلج بالليل

- ممكن

- خلص بالليل امرلج

- لبست وتحضرت لليل اتصل كال اني بالباب

طلعت عليه

فرح من شافني مايكدر يكتم على ردة فعله

كال

شلون طالعه ولج شصايره شهل الكيك هذا

- مارديت عليه صعدت ومباشرة حركها للسياره

اكيد جايه تكليلي حبيبي ادم اريد اعيش بيتك مو

- وين حتودينه

- لبيتنه حبيبي

- قصدك بيتك

- ماكو فرق

- وصلنه للبيت باب البيت واحنه بالسياره

نطيته الحلقه وكلمته بهدوء

احنه لازم ننفصل ومنا وجاي كل واحد بطريق

- لهل الدرجه مفضله دراستج وصديقاتج عليه

- لا بس انت تحب تسيطر

كلشي وسويتلي عليه قضيه

- لان رايد مصلحتج

- هذا تدخل مو خوف

- تعالي جوه نتفاهم اذا هيج مصممه

- كلتها بلسانك مصممه يعني الموضوع محسوم

- نتفاهم سديم

- ماكو تفاهم بينه

- ضرب الستيرن بقوه وصااااح

كتلج نتفاهم مو كلشي عناااااااد

- ونترت بي بدون خوف

مو عبالك تصيح عليه حخاف وحتراجع

- حرك السياره وساقها بسرعه فاىقه

صيحت من خوفي

هاي شداتسووووي

ولك حنندعممممم

اددددددممممممم وهو ولايرد مزيد بسرعته

احس حنطير من السرعه

واني اصرخ

اددددم ولك حنمووووت

اوكفففف

خللللصصصصصص

نتفااااااااهمممممم

نتفاهم ادم

نتفااااااااهممممم صرت الزم بيده

رفع عكسه عليه راد يضربني

بعدين كتله بنشف الريك

اهدأ الله يخليك اهدأ

- خفف سرعته ورجع بينه للبيت

صف السياره بالباب ونزل ونزلت اني هم

فتح الباب ودخلنه للبيت

جنت خايفه منه كلش خصوصا كان هو شارب بس مو صاحي مو ميدري بروحه

عيونه حمره نوعا ما

كعدت على التخم بخوف جنت حيل متوتره

وهو كعد كبالي

مايحجي بس يباوع وساكت

بعدين حجه على الكيفه

اي احجي اسمعج

-  ااادم احنا منتفاهم ماكو اي تفاهم بيناتنه لهسبب افضل انه ننفصل

- اي وبعد

- كل واحد يروح بطريقه

- هيج بهل السهوله هاي

- لعد

- نسيتي احنه زواجنه اتفاق

-صحيح واني ماانكر بس مداشوف حنكدر نكمل سويه يعني بالنهايه الحياة مو اجبار

- كلامج صحيح بس هو موكلشي مثل ماانتي تردي

احنه تفقنه نزوج مقابل فلوس عملية عمتج

وانتي وافقتي هسه انتي تردين تفسخين منيلج ترجعين فلوسي

- احاول ادبرها

- ضحك بااستهزاء ها تدبرهااااا

واني ابقه انتظر شوكت تدبريها

- لعد شسوي

- تردي وهسه

- شلون اني لازم اتداين او اشوف احد يدبرها

- مو كلشي فلوس

- مباشرةً افتهمت شنو يقصد

كمت وكفت شتقصد

- وكف وتمشى خطوات كال

مو كلشي فلوس

-لعد؟

- نسيتي انتي زوجتي

- باوعتله وخفت كلش انت شنو تريد بالظبط

- سدي الدين العليج مو بالفلوس بغير اشياء

- حتعيدها ادم هم هالمره م. واعيان على نفسك

- مااعيدها بس برضاتج ياالفلوس ياانتي

انتي تضحكين عليه تسوين عملية عمتج وتكليلي مقابل مهري

وهسه من صارت زينه تكليلي تعال نفسخ

لو شفتيلج شوفه

- انت شتحجي

- عربي هه

- اجيبلك الفلوس

- اليوم وهسه مثل ماجيتي وجايبه الحلقه مفروض الفلوس وياج

- ماعندي ادم مااكدر انطيها الك دفعه وحده اقسطهن

- هه كل عقلج لج بابا 15 مليون شنو وهيج حنتظر تقسطيهن الي اني بيومين اجيبهن

سديها انتي هسه وبعدها كل واحد يروح بطريقه

ولااحد يعرف ولا ابد بيناتنه

اصلا حتى انتي حتحبي للموضوع

-  دنكت متحيره هاي شلون ححلها ويا

- ميحتاجلها تفكير اني وياج عاقدين ومتزوجين زواج رسمي يعني هسه انتي مرتي كدام الله ورسوله

مراح نسوي شي حرام

ويبقه الموضوع بيناتنه وسر محد يعرف بي

انتي من بعدها تحبين نبقه هيج عادي تحبين ننفصل براحتج

- ادم بس اني مااكدر شلون

- وعيونج اسهل منها ماكو بس انتي صعبه لان اول مره بعدين يصير الموضوع عادي

- لا لا ماكدر

- انتي ليش منين مااجيبج متجين

تردين تفسخين وبذمتج 15 مليون

وماعندج تسديهن

واني سهلتها عليج بعد شسويلج

- خليني افكر

- عادي فكري وعندج منا ليومين اخليج براحتج

ياللفلوس ياانتي كولي ادم مو زين وياي

- هزيت براسي بمعنى اي

همس تحبين اوصلج

- حروح اتي

- مااقصد انه انتي ترحين اقصد تبقين لو تردين ترحين

- اروح

- عبالي نكعد ونسولف نغير جو

- لا لا وديني

- كيفج امشي اوصلج

- وصلني للقسم ونزلت حتى ماكتله مع السلامه ولا باوعتله

جنت مختنكه منه كلش

ومقهوره فتت للقسم وحسبه توديني وحسبه تجيبني

افكر شلون ومنين حدبرها

يومين مرت اروح واجي للجامعه بلا واهس حايره وافكر شلون 

جنت راجعه من الجامعه داامشي اجه هو بسيارته دك هورن نزل الجامه.

باوعته هو

كال صعدي

_ بس

- صعدي سديم

- خفت لايسويلي فضيحه بين الطلاب صعدت

- ها شتريد

- شسويتي

- ادم قررت ماننفصل

- اي وبعد

- هاهيه بس هيج

- يعني موافقه تعيشسن وياي بالبيت طول فترة دراستج

- نزوج واكمل دراستي مابيها شي

-  لا اذا نعلن زواجنه معناها اطفال اني اريد اطفال

- اكمل دراستي

- لا

-  وصلنه للبيت ونزلنه

كعدنه بالمكان المعتاد نكعد بي

- انتي قبل يومين كلتي ادم احنه منتفاهم ولازم ننفصل مو صحيح

- صح

-  كتلج عادي. وكل واحد يروح بطريقه

غير الحقوق ترجع كتيلي ماعندي كتلج شغله انتب تكدرين عليها متقبلين

- بس صعبه

- لا صعبه ولاشي انتي مكبره الموضوع

-  وهسه شنو

- اجه تقدم بااتجاهي وكفت من توتري وخوفي حتى لازمه الكتب وضاغطه عليها بقوه

باوعلي بتمعن حد لمعة العين كال سديم

فلي للشال

خله ايده دايفله لزمت ايده مجنت قابله

همس اشبع منه شوف قبل لاننفصل

فله للشال واني مدنكه متوتره

شال القراصه ونزل شعري

اخذ الكتب مني وقرب شفته لااذني همس

اريدج

واريد منج اطفال هم

زوجتي انتي والي حق عليج لتنسين هالشي

- همست بس

- شششش عوفي لل بس 

-اشتم عطر شعري وحضني

كال

وترديني اعوفج ننفصل

ليش

اعيشج ملكه والله

كلشي الي تردي اجيبلج

كلشي سديم

اي شي يجيج

- باوعتله وصارت عيني بعينه همست

ننفصل افضل

- عقد حاجبه بغضب ملامحه صارت تعبر  عن غضبه

كال  بنتره

وانتي الي ردتيها

وباجر اروح  واطلكج

والي عليج تسدي فلوس كاش لو. شووووون

- سكتت مارديت

- خلص تسدي انتي

- هم سكتت مارديت معرفت شنو اسوي

بده يتقرب مني واني على وكفتي

قشعر جسمي من لمساته

ودموعي صارت تجري امسحها حتى ماابين وهو مانتبه

صار يهمس

مستحيل اعوفج لغيري

اني ماانطيج لج مرتي مرتي انتي

لحد ما باوعلي شاف عيوني مدمعه

لزم وجهي بيده الاثنين ومسح دموعي بالابهام

ليش البجي دين عليج ولازم تسدي

- زادت بجيتي بصوت ودنكت رفع راسي بطارف ايده

خللص منكعد بيت وحد وروحي كملي جامعتج  وماننفصل اني اريدج سديم.......

للحب وجه وللتعلق وجه اخر وكلاهما يذيبان القلب

كنت معكم انا رغد الموالي في امان الله ♥

                   تل الذهـــــــــــــب

                     رغـــد الموالــــــي

        ـــــــــــــــــــــــــــــــــــــــــــــــــــــــــــــــ

بارررت مفاجئ

سَديَم.....

خللص منكعد بيت وحد وروحي كملي جامعتج  وماننفصل اني اريدج سديم

- انت ماتريدني اني ك شخصي انت اكو بالك هدف توصله وتكلي باي

- لا سديم لا وعيونج مو هيج

اني لو اريد اضحك عليج مااخطبج 

انتي مو حالج حال الي عرفتهن

- اي صح مو حالي حال الي عرفتهن والي سويته هسه شنووو

- ماعندي اي نيه سوء تجاهج

- واني شلون اصدك

- شلون اثبتلج

- محاجه تثبتلي ادم اني شفت وعرفت كلشي

- شنو شفتي

- قبل كم يوم جنت مصعد وياك وحده

-  سكت وتلكأ ها اني

- اي

- لهسبب اني مستحيل اتزوج واحد مثلك انت حتعذبني هيج

- اعوفهن كلهن علمودج

- سكتت تكلم هو يحاول اقناعي

خلينه نبدي من جديد

وروحي كملي دراستج مو مشكله

-انت حتبقه تتمادى وياي لحد ماتوكعني ادم

- جنت اختبرج

البنيه مجرد اباوعلها اعرفها

انتي اجيتج عن قرب وكل مره اريدج اكثر من الاول

انتي هسه تردين ننفصل وبعدين شنو راح تسوين

الناس مترحمج سديم

- الله يخليك لاتعبني اكثر ما اني تعبانه

- خلص منا وجاي شلون ماانتى تحبين

بس اني اشوف نستعجل بزواجته اذا نبقه هيج حتصير هواي مشاكل

- افكر ادم افكر وديني فدوه

- يله ماشي اوصلج

وصلني ورحت للقسم

فكرت حايره شنو اسوي

بعد تفكير طويل كلت هاهيه اوافق اتزوجه 

بالنهايه لااني حكدر اسد مهري ولاهو حيعفوني

وهو احسن من غيره

رديتله خبر موافقه نتزوح

- حبيبي والله لااعيشج ملكه الخميس الجاي زفتنه وقت مناسب؟

- حنطيها خبر لمرت خالي

- ماشي حبيبي

-- خابرت مرت خالي وكتلها

- هاي شنو يمه سديم اشو انتو يوميه قرار مو حسمنه الامر وكلتي افسخ

- هو اعتذر وكال نتزوج واني هم اشوف التأجيل مو لصالحي

- هاهيه بننتي تصرفي شلون متحبين اتمنالج السعاده

- اشكرج خاله

جان شعور مضطرب بالنسبه الي خايفه ومتوتره

خايفه من مستقبل مجهول

واني اعرف ادم يكذب عليه مسألة انه ترك علاقاته مامقتنعه بيها بس كلت يتغير

وكلها كالتلي الرجال يتغير وره الزواج

بلغت ادم وكتله موافقين ماعدهم مشكله بيت خالي يوم الخميس زواجنه

فرح هوايه

كالي سديم نروح اني وياج نجهز كلشي

تردين منا تردين من اربيل

- لا اربيل شيودينا

-  لاتشيلين هم شي انتي بس كولي شنو يعجبج اعنبري صار

- جان فرحان هوايه لو تزوجنه على حب مو هيج

- يومين مرت خابرني من الصبح

- صباح الورد حبيبي

- صباح الورد

- صح النوم وتحضري نطلع

- باوعت للساعه 8:30

ثمانيه ونص شعدنه من الصبح اليوم جمعه

- نروح نتريك وراها جهزي حبيبي زواجنه بعد 3 ايام

- اوك

- عشر دقايق الكاج جوه يله راح اوصل

كمت من فراشي غسلت وجهي وبدلت لفيت شعري سريع ولبست الشال على ميك اب خفيف

ونزلت جان هو بالباب ينتظرني

- اتبسمت  وصعدت ويا

-  صدقه لله هو كل الي يكعد من الصبح هيج حلو

-  شكرا

- اليوم لااوكلج ريوك متنسي بعمرج كله حتى اذا متت تكلين ووالله قبل عرسنه ريكني ريوك يخبل

- هاي شنو

- اي شبييييج هم مو يكولون كل مايضيمك الضيم تذكر ايام عرسك اني دااونسج حتى تتذكريها وتكولين ادم شلون جان  مونسني

- رحنه لمطعم وكعدنه نتريك نزل كيمر وكاهي ومخلمه واجبان وحلويات وفطاىر ومعجنات

- ادم شنو كل هذا الاكل هو احنه بس اثنين

- حبيبي اكلي قابل احسن منج الي اخذهن

- ليش انت جاي هنا

- اي

- ومنو تقصد بلي تاخذهم

- ضحك بنكران مثل الي انتبه لكلامه كال هاي هيج قبل من جنت اعرف بنات

- اي

- اي جنت اجيبهن هنا

- جيد

- حبيبي لاتضوجين هاي قبل هسه انت الكل

اكلت من لا شهية طعام جانت مجامله جملته الاخيره قلبت الاول والتالي وماعرف هو ليش ماهتم ان عرفت او لا

- اكلي حبيبي اريدج تسمنين

- هزيت براسي بمعنى اي وحاولت اتصنع عادي

اخذني بعدها ورحنه للسوك

نشتري اغراض وملابس

- حبيبي قمصان الخاصه اخذيهن الوان جريئه

- باوعتله متعجبه بي وبجراىته ابتسم ومشى

من كثر ماافترينه دخت صار وكت الظهر كال امشي نروح لبيتنه نرتاح ونتغده وبعدين نطلع نكمل تسوق

- لا فدوه ادم تعبت

- لج عيني شتعبتي هو احنه شسوينه بعد

باجر تخلصي الج تحفين وتسوين هاي سوالف البنات مال العرايس

- وانت شمعرفك انت شنوووو

- هسه دااحجيلج الصراحه

- تعبت مابيه

- ناخذ بدلات العرس واني هم اخذلي قاط

بقية الملابس اخذيهن وره الزواج لاتكومين ملابس نصهن ماتلبسيهن

- اي صح

- رحنه للبيت وجان البيت نظيف وريحة طبخ

- هاي شنو ادم ريحة طبخ

- اي تجي بنيه تنظف البيت وترتبه وتطبخ وتروح

هسه انتي متقيسين هذني الملابس خاف مو قياسج

- لا قياسي وبعدين اقيسهن هناك بالاقسام يشوفوها البنات

- هم تعرفتي على بنات

- وياي بالشقه

- يعني هن ينطن رأيهن اهم من زوجج

- ادم مااكدر اقيس هنا

- ليش حبيبي

- لا

- براحتج

جيبلنه اكل من ايدج الحلوه تره متت جوع

- كمت رحت للمطبخ لكيتها البنيه طابخه سبيناغ وتمن سويت سلطه وخليت طرشي شوندر

- جبتهن واجيت ثار عندي فضول عن الطبخات

ادم السبيناغ ممكن نكول مرك عادي وانطبخ بس الشوندر شنو فلمه

- مفهمت؟

- يعني هاي السوالف ماال عواىل ونسوان كبيره بالعمر هم تسوي انت شعندك بهاي الامور

- اموت على الطرشي الاحمر احبه خليتها لاام محمد تسويلي وكتلها تطبخلي سبيناغ

اليوم جمعه الاكل مميز يكون عندي

خليها بالج سديم

تدلليني بهذه الطبخات

- بعيوني

- من اروح فدوه لهل العيون اليموتن

- تغدينه سويه اول ملعقة تمن وسبيناغ شالها وكلها الي

افتحي حلكج حبيبي اكلي من ايدي

- اكلت وهو ياكل وعينه عليه

- ادم لتباوعلي هيج والله استحي

- لعد وين اباوع غير هالجمال كله هيج كبالي اتفرج عليه

-  دنكت بخجل

همس

احبج

- كملنه الغده وشلت الصينيه

كال راح امدد عشر دقايق عود كعديني

نام هو على تخم الصاله

واني رحت للمطبخ غسلت المواعين

شفته غافي

صار عندي فضول اروح لغرفته

رحت جانت مرتبه كلش

فتحت الكنتور ملابسه مرتبات ومعطره

فتحت الباب الثانيه جانت الخانه بيها البومات صور

اخذت الالبوم وصرت اكلب بي

شفت صور قديمه باللون الاسود والابيض وصور ترجع للثمانينات

صور تجمعه هو واخوانه وامه وابوه

صوره هو ببلاد بره

منهن على الشط ومنهن بالغابات ومنهن بااماكن سياحيه

كلبت بعد شفت صوره لمره حلوه

جانت لابسه قميص سمائي وي تنوره سوده

واكفه بحديقه شعرها بسواد الليل

والصوره مو قديمه ولاجديده كلش

طلعت الصوره من الالبوم

اتمعن بيها

كلبتها على الوجه الثاني

لكيت مكتوب عليها

(حتى وإن تغيب عني فأنت بين عيني في كل وقت

سأبقى أحبكِ أبد الدهر....)

تساىلت منو هاي

ضميت كل الصور والاغراض وطلعت

بقيت افكر منو هاي وشنو فلمها وشتصير من ادم....

مــــــــــريــــــــــــــــــــــــــم.....

ضرغاااااام حسام مايدري اصلا عندي هيج اوراق

- حجيييي انت كلت يجي للبيت ممكن فاتح الخزنه وشايف الاوراق

- ويسلمها للشرطه؟

انت شتحجي ضرغاااام

- ينتقم من القبرص

- ومايدري ابوه داايشتغل

- روح اسألو افتهم منو

- اساله ضرغام اسأله

ماعرفت شنو الي وصل الاوراق للشرطه

وفكرة انه حسام وداها مااقتنعت بيها حسيت ضرغام سواها

بس شلون راح وشلون فتح الخزنه وليش اساسا انطاها اله مفتهمت

اجه لضرغام للبيت سويت نفسي نايمه

حسيته فات بالغرفه خله سلاحه بالكنتور

وخله سلاحه على الميز الي يم راسي وشمر اليشماغ على السرير الي نايمه عليه اخذ فراش

وطلع

عرفته حينام بره بالصاله بقيت على نفس هدوئي لحد ماغفيت فعلا

حسيت بي يكعدني

مريم...... مريمي

- فتحت عيني بنعاس

- كلت بس لابيج شي شنو كل هذا النوم من بارحه ماشفتج

- مابيه كلشي

-   كملي نومتج انه طالع بس ردت اطمن عليج قبل لااروح

فتحت عيني وصحصحت

شنو

تروح

وين تروح

شبيج فزيتي وخفتي

راجع راجع بس عندي شغله بره اكضيها وارجع

ديربالج على نفسج

تحتاجين شي

لا

اتبسم ولاشغلات بنات

خجلت ودنكت همست

ضرغاااام

- اي اخجلي خل اشوفج عيونج 24 ساعه وكيحه

يله رايح انه

توجه طلع ورحت وراه اتأكد من الابواب اذا سدهن او لا باوعت من الباب الخارجي لي على الحي

جان يكلم الحجي

ضرغام وين رايح

- مشوار صغير وارجع

- هز براسه بمعنى اي وضرغام طلع

صارت عيني على الحجي شفته اشر بعيونه وحاجبه لستار ولمناف  بمعنى لحكو  للضرغام

افتهمت دز جماعه تراقبه ويمكن شك انه ضرغام وره الموضوع

راحو وراه

خفت بس لايطلع وراه سرر ويعرفون ويأذو

بقيت الوب لحد مااجه

وجايب ويا علاليك

- كعد وكال تعاي

- شنو

- تعاي كعدي شوفي شنو جبتلج

- ماريد منك شي

- اتبسم ساعه تزعلين وساعه لا مفتهمناج كعدي اكلج

- كعدت

طلع ملابس كلش حلوات كال شوفيهن تعجبج

- الله هاي حيل حلوه

هاي الستره هم البسيها بعد لاتاخذين من ليو شي

- اي مو تبردلي

- دكليلي وانه اجيبلج

فد يوم كتيلي وانه ماجبتلج شي

- لا

- هاي قراصات خليهن هم شعرج بعد لاتشدين بخرك

- اي ماعندي

- تكليلي واشتريلج

- وهاي لعابه هم

- هاي مال اطفال شنو جايبلي لعابه

- علمود تخبليها وياج مو تردين تحجين كابليها واكعدي احجي لما تنطقيها وتكلج كااااااافييييي

-  ضحكت لكلامه

هيج ضايج مني لان اسولف وياك

لا بس بالبدايه اول مالتقينه ردت اهفج بالقمجي مال النركيله كثر ماتحجين

_ردت اعرف هواي تفاصيل بس انت مجنت تحجي تدري جنت قلقه هواي يعني الي صار وره مانهزمت

وتوقعت انت ميت وحسام مات كلت انتهيت ولو يلزمني الحجي مايخليني عايشه

- لحسن حظج لو لسوء حظج مامتت

- لحسن حظي طبعا

- تدرين بهذاك الوقت ماجنت رايد اموت صدك خفت لااموت بس هسه متفرق

- ليش

- هييييج  شغله بالي

المهم

انتي ليش هيج خفتي بوكتها

- خفت لا تأذيني تعتدي عليه مثل حسام

- وحده طالعه من اغتصاب طبيعي تكون هاي ردة فعلها

- خفت هواي منك

- وهسه تخافين مني

- لا ابد

بس جان احساس مؤلم الي مريت بي

أسسوء شي لمن تنتزع من  شخص اعز مايملك

لحد الان كلما اتذكر ابجي

واتمنه انتقم منه بس مااكدرله

صرخت هواي

هواي ضرغام ومحد سمعني ولااحد اجه يخلصني

اتمنه لو جنت اعرفك وجنت موجود بحياتي كان ماخليته يأذيني صح؟

- ضيق عينه بحب بشفقه  وهز راسه بمعنى اي

- بالرغم جنت هم حروح بنفس الشغل بس جان عندي امل انهزم اخلص نفسي

لكن

لكن حسام دمرني وقتلني

غوركت عيوني ودمعت مسحتها مارايده ابجي

اتبسم بتعب بوجهي وجرني لحضنه

مسح على راسي

لاتبجين الي صار انسي وابدي من جديد

وهذا النذل وعد مني يامريم

وعد واخذيها مني 

لااخليج بيدج تقتلي

والله لااجيبو مثل الكلب واخلي جوه رجلج وبيدج تقتلي وتتخلصين من هذا الالم وماتبجين بعد

بس صبرج عليه

وانتي بعد مااريد اشوفج تبجين

مو بيدي انقهر

لاتبجين يانزغة البرحي ويادموع التين.... لاتبجين

يازهكة اللبوه وياصبر شاهين.......... لاتبجين

تهز مريم النخله ورطب منها يطيح

وتهزين الليالي ويطيح منها سنين..... لاتبجين

- حلو هذا الكلام عبالك نشيد

- ضحك نشيد

لا

هذا يسموه شعر مريم

- لعد شنو دكول تهز مريم نخله مفتهمت شنو يعني

- هاي عن القديسه مريم العذراء

-  منو هاي نفس اسمي

- هذه ام المسيح عيسى ابن مريم

انتي اسمج على اسمها متعرفيها؟

- لا

- هذه مريم ابوها اسمه عمران

مريم قديسه

- شنو يعني قديسه

- يعني مره صالحه مؤمنه وتعبد الله هواي

- يعني تصلي

- اي تصلي

- اي وبعد

- من كثر ماتعبد الله

الله اختبرها بحمل انه تحمل من دون زواج

- هاي شلون

- معجزه ماسامعه بالمعجزات

- لا

- لعد مراح تفهميها مريمي

- اي احجي

- اي صارت حامل وراحت لمكان بعيد عن مدينتها حتى تولد

الروايات تكول انه حملت ٩ ساعات

وروايات تكول حملها كان ٩ ايام والبعض يكول ٩ اسابيع

والله اعلم بالحقيقه

حملت ولمن رادت تولد بعد مشقة الطريق استندت بنخله كعدت يمها كانت هذه النخله يابسه لكن الله احياها من جديد لجل مريم

وفجر من جوه رحلها عين ماي

فنزللها الملك كاللها اكلي واشربي يعني من التمر كللها تاكل فتضرب مريم النخله. بخفة ايدها ينزل تمر

صارت تاكل وتشرب حتى تكدر ترضع المسيح عيسى

- شنو هاي معقوله

- مريم انتي ماتقرين قرآن فماتعرفين تتعجبين من هذا الكلام

- وانت تقره يعني تعرف تقره

- هز براسه بمعنى اي

- زين القران بس الناس الي تصلي يعني يقروه جانت ام مازن تقره وهي كالتلي

انت تقره

- جنت

- وهسه

- لا

- انت منين تعرف هذه القصص وتقره قران وتعرف تقره شون هيج يعني مو وي الحوت انت جنت

- باوعلي بقه ساكت مارد

- ويا لو لا

- مريم سويلي جاي راسي صار يوجعني

وميهدئه الا الجاي

- اي

- رحت اسويله جاي بيني وبين نفسي اكول ليش غير الموضوع ومنين يعرف كل هالامور هذه

تذكرت لما مره جنت اقراله سورة الفاتحه ومن مااعرف هو يكولها

- اياك نعبد واياك نستعين

هيج هيج

قراىتج للسوره غلط ماحافظتها انتي

- ام مازن علمتها الي.....

ليش بوكتها مانتبهت هو حافظها ومنو حفظها اله

ومنو هذا إليا الي هيج متألم على فراقه

باوعت عليه وهو كاعد على كرويته بالصاله جان يشعل جكاره

منو هذا الضرغام ياترى....

باوعلي وتكلم طلعني من تحسباتي وصفناتي ورجعني للواقع جانت الجكاره بين شفايفه وتكلم

وين الجاي ليش هيج صافنه

- لا ههه هسه

حيصير

- بيج شي مريم

- لا

وفتت مباشرة للمطبخ صبيتله الجاي وقدمته اله

شنو جايبتلي كوب فدوه لعينج مريم جيبيلي القوري والشكردان خلي يمي هذا مايسويلي شي كوب

رحت جبتهن واجيت كعدت يمه هو صار يشرب بالجاي ويدخن احسه هو هم سارح بغير شي

حتى ولاعبالك يمه

واني هم صارت تتوارد عندي هواي اسأله وصافنه عليه

بشنو يفكر

ولشنو يخطط

شنو نواياه بعد

- سألته...  لمى لمن اجت بهذاك اليوم جان دازها الحجي

- اعرف

- علمودك يعني حتى تستجوبك

- ابتسم بتعب وثقه

- يعني هم حجيتو

- ولاكعدت يمها اساساً

- ليش

- هي طلعت تحبه لبو غضب واول ماشافتو نخبصت بي وبقو سوالف وضحك انتهى ذاك اليوم بتشريفج عدنا

- يعني كلشي ماحجت شسكته للحجي

- سجين مالتج هم فادنه كالتله التهيت بضرغام كتلته ونخبصنه بي

وهو صدك ومشت عليه

- اي هو يموت على اليكذبون عليه

- كلها تحب اليكذب مريم الصادق مايعيش بهذا وكتنه

- يعني هسه انت تكذب

- باوعلي بعدين تكلم بترتيب كلام

يمكن     اكون      كذاب

ويمكن.     اكون.    صادق

كالها برفع الحاجب كلشي توقعي مني كلشي وارد

- ضرغام بس

- بس شنو

- اني مااصدك انت سيء حتى تكذب

- كتلج انكس منهم كلهم

- شون يعني ها شون

اني ماشفتك قتلت

ولاشفتك اذيت

يعني تختلف احسن منهم مو

-برأيج بس اليقتل هذا مجرم

- لعد

- القتل انواع مريم

-شون يعني

- اسهل قتل وارحم قتل هو القتل الكامل الانسان يموت ويرتاح بس اكو قتل ابشع من النهايه

- شلون يعني

- ٣ انواع اولهم التعذيب

شايفه من يعذبون بشر يتمناه للموت علمود يخلص من العذاب

-والنوع الثاني لمن تنقتل بشخص عزيز على قلبك يموت بسببك  باوعلي رافع حاجبه الاثنين بتأكيد

الموت اهون مريم

مريم - والثالث شنو؟

ضرغام- عوفي

- اريد اعرفه

- الثالث الفراق

لمن تتعود على شخص وتتعلق بي وفجأه يتركك او ممكن يأذيك ويتركك

شعور صعب

التعلق أسوء شي ممكن يمر على الانسان

-  وتعلقت؟

- ممكن اكون حبيت بس انه اتعلق لا

- ليش

- شعور  مؤلم  يتحول بعدين

- وانت

- شبيه

- يعني ياهو منهم

- راح يجي يوم وتعرفين رغم انه اتمنى مايجي هذا اليوم

- بس مااعوفك

- مريم اوعديني انه مراح تكرهيني بيوم

- ليش

ها

ليش اكرهك

-بس  اوعديني

-  وعد اني مستحيل اكرهك مااكدر حتى مااكدر ازعل منك اني احبك هواي احبك

- قبلني من راسي ومسح عليه همس

لاتتعلقين بيه مريم.....

قولوا لها لا تقتربْ

ما عاد في صدري مزيدْ

قد بتُّ يصفعُني اللهيبْ

كنتُ النجومَ بليلها

كنتُ الضحى، كنتُ الغروبْ

إني على قلبي حزينْ

لا ليسَ يسلوني الأنينْ

قولوا لها لا تقتربْ

تباً لأني مغرمٌ

فالدمعُ بحرٌ في العيونْ

رَحَلَتْ وغابَ شهابها

والفكرُ جُنَّ من الظنونْ

قولوا لها لا تقتربْ

حُلمي وبات هشاشةً

حبي وصار خرافةً

والقلبُ أضنته الشجونْ

قولوا لها لا تقتربْ

قلبي الذي صانَ العهودْ

وازدانَ من ألقِ الحبيبْ

أنف الحياةَ لسقمهِ

قد ملَّ من وجه الطبيبْ

قولوا لها لا تقترب

الشوكُ يكسو ساحتي

والسورُ عالٍ كالجبين

فالحبُّ مات بلحظةٍ

والدمعُ جفَّ لعزةٍ

قولوا لها لا تقترب

تلك التي ساقت مُنًى

تلك التي باعت هوًى

ما ذابَ يوما قلبُها

ما ذاق وجداً حِسُّها

قولوا لها لا تقتربْ

ما عشتُ يوما من هوًى

إلا لها ولقلبها

ما صُغتُ بيتاً من غزلْ

إلا وزُيِّنَ باسمها

قولوا لها لا تقترب

هل كان كذباً همسُها؟

إذ كنتُ من أوفى البشرْ

هل كان زيفاً حزنها؟

يوماً نويتُ على سفرْ

قولوا لها لا تقترب

سأعودُ يوماً للدُّنى

وأطيرُ نسراً في السَّما

لا شيءَ يربطني بها

إلا قصائدَ ساجيَه

نُظِمَت وعيني غافيه

قولوا لها لا تقتربْ

لا تقتربْ

لا تقتربْ

للشاعر احمد بخيت

كنت معكم انا رغد الموالي في امان الله ♥