تحميل رواية «تل الذهب» PDF

                 تل الذهـــــــــــب

تائهه بين الماضي والحاضر

لااعرف من انا

لاأعرف غير أسمي هو مريم...

تلك التي فقدت ذويها قبل أن تعرفهم

تشتت حتى ضاعت وسط المجرمين

هل كُتب عليّ الشقاء؟

واتشرد في صغري بين الشوارع كالفقراء

يتيمةٌ فقيدةٌ أسيرةٌ تلك هي انا مريم

ـــــــــــــــــــــــــــــــــــــــــــــــــــــــــــــــ

الدنيا ضلمه ليل؟

لا

السماء نهار ليش طريقي اظلم

اريد. امشي ماشوف شي

مشيت وكلت بلكت يطلع نهار ضوه

مشيت ومشيت لكيت بنهاية الطريق

رجل واكف ماد ايده بااتجاهي وكأنه يكلي تعاي اوصلج للمكان التردي باوعت جان يشبه ادم بس مو ادم نفسه ومره يطلع يشبه شخص وياي بالجامعه

بحيث تاهت عليه منو هذا الرجل...

مشيت وفجأ حسيت بشي يخنكني رغم ماكو شي حول رگبتي اباوع لهذا الرجل يباوع وميعرف شيسوي الا اني اصارع الموت وخنكه لازمه ركبتي فزيت من الحلم حتى الكه نفسي على سريري ومابيه شي......

سديم...... مر شهر ونص على دوامي بالجامعه وخلال هالفتره عانىيت هواي بالمواصلات وبضيق الوقت والتعب حتى دراستي قلت مو مثل قبل اذب نفسي على الدراسه

وصارت تجي ايام مااكدر اروح للصالون لو مااروح للجامعه حتى اكدر اوازن لان من كثر الضغط احس راسي حينفجر

لحد ما قررت اترك اما شغل او الدراسه

وحرت بين هالامرين

من جهه الشهاده حلوه ومن جهه الشغل هو الي حيخليني اكمل دراستي

كلت اقاوم واتحمل بس جان صعب حيل صعب

جنت اروح مرات اشتغل والتعب مبين بملامح وجهي

ست سميره:- شنو سالفتج سديم مو مثل قبل تشتغلين وتجين

- تعب ست كوه دااوفق بين الشغل والدراسه

- تعبانه من الطريق صح؟

- اي

- شوفي ادم محتاج سكرتيره وكلي قبل كم يوم اشوفله سكرتيره بس راح عن بالي وهسه داشوفج انتي احق بهذه الشغله

- ست مشكله مو بنوع الشغل المشكله بالشغل اني مداكدر متبهذله بالطريق وبضيق الوقت

- اعرف ولهسبب حخليج تشتغلين عند ادم

ادم قريب على جامعتج بعد شارعين اكثر من الجامعه شركته هناك

- ليش هو شنو يشتغل

- قبل سنه افتتح شركه يتسوق منتجات تجميل وعنايه بالبشره وهالامور من دبي

يعني وكيل معتمد لهاي المنتجات بالعراق وهم شغلها حلو وراتبها احسن شتكلين اكله

- ست انتي مو كتيلي ديربالج من ادم

- اي وبعدني اكلج بس مو معناها متتعاملين ويا او تشتغلين كتلج لاتصدكين بلسانه المعسول يبيعه على هاي وهذيج زلاطه عنده

- ماعرف زين اني وين اروح اقسام خاف ميخلوني اروح واجي براحتي

- اي طبعا ميخلوج بس اكو شقق خارج الجامعه تستأجرين وتكعدين

- معناها شغلي حذبه على الايجار

- ولج مو وحدج هاي الشقق تخص الطلاب وانتي حتكونين وي طلاب مو وحدج

- زين اكلها لمرت خالي خاف ماتقبل

- كليلها واني هم اشوف ادم خاف لكاله سكرتيره

- ماشي

بعد مرجعت من الصالون للبيت تعشيت وكملت وجنت حايره شلون افتح الموضوع منين ابدي

اخر شي كلت اكلها وشيصير خل يصير

- خاله

- كولي حبيبتي

- خاله اني لكيت شغل غير الصالون

- وين هذا وشنو الشغل

- خاله اشتغل موضفه بالشركه الي يشتغل بيها ابن عمتها لست سميره هي دلتني عليه وكالت خوش راتب ينطوج

- ليش تردين تبطلين من ست سميره

- لان المكان هناك قريب على الجامعه

- يعني تردين تبقين هناك؟

- اي

- باوعت وسكتت جانت نظرة عتب وحزن

- عمه اجيكم كل اسبوع بس والله متبهذله بالطريق والروحه والجيه مداكدر حتى ادرس

- يمه وين هاي الشركه منو صاحبها شنو يشتغلون

- منتجات يتسوقون من دبي وصاحبها ادم هو ابن عمتها

- يمه ابن عمتها هذا ماارتاحله احسه ملعب يمه اخاف عليج

- عمه  نسخ هواي داشوف مثله بالكليه بس اني شعليه عليه بنفسي مالي علاقه

- الي تشوفي مو مثل الي تتعاملين ويا

- يعني؟

- يعني ماعرف بقت يمج

- عمه فدوه اقبلي والله متبهذله

- شوفي يمه حكلج جلمتين وخليها ترجيه بااذانج

احنه طول عمرنه الناس تحمد بينه وبأخلاقنه طكنه العوز مامدينه ايدنه لاحد ولا ضحكنه لاحد حتى نمشي شغلنه ولانطينه مجال

هياتها بنت خالج جم واحد صار خطبهه واني ارفض الناس لو ماتعرفنه احنه خوش تتكرب علينه

حوصيج هالوصيه ديربالج يستغلج ويستغل عوزج

اكو ناس عينهم مالحه ويتصيدون بالماي العكر يشوفوها للوحده وحدانيه ومالهه احد يستفردون بيهه ويستغلون ضعفها

- ترباتج اني عمه 

- اني واثقه منج واعرف لو اخليج بوسط زلم تبقين محافضه على نفسج

- يعني انتي قابله اروح

-روحي بنتي مااوكف بطريقج اني

- حظنتها بقوه وفرحت وتشكرت منها

وخابرت ست سميره وكتلها

- ست مرت خالي قبلت بشري خابرتي ادم

- اي خابرته وبعده ماعنده سكرتيره

- اني جاهزه شوكت اداوم

- كال راتبها ٣٠٠ وقابل للزياده حسب شطارتها

- ماشي

- تحبين نروح باجر وخير البر عاجل

- عادي

- اوك باجر يجينه ادم حضري كل امورج

حضرت ملابسي بالجنط وكل اغراضي وهيأت نفسي حتى اروح باجر

شوية شعور القلق جان مسيطر عليه

نمت وكل شويه اكعد قلق ماعرف شجاني

الصبح حسيت على صوت المنبه الظاهر اخذتني نومه عميقه الفجر

كعدت وتحضرت ساعه اكثر اتصلت ست سميره ورطلعتلها بعد ماسلمت على بيت خالي ودعتهم

- صباح الخير

جانو هي وادم بالسياره

صباح النور

ادم - هله بال girl friend مالتي

- ههههههه كول secretary (سكرتيره)

- لا صديقتي معناها

- تبسمت ودرت وجهي للجهه الثانيه سوالفه حلوه وتضحك

مشى بينه وصلنه لشقه كال

عيني سديم هاي الشقه الي راح تكونين بيها هسه تأجرين وي البنات وهي مو بعيده عن الشركه داتشوفين نهاية هذا الشارع والجامعه مو كلش بعيده دقيقتين بالسياره توصلين

- اوك

- رحنه سويه وحجزنه بالشقه جانو اكو بنات ثنين ويايه بنفس الغرفه طالبات ماجستير واني وياهم

حجزولي ورتبولي وضعي وراحو

بالبدايه استحيت كلش من البنات جانو انيقات ومرتبات

سألوني

- يامرحله

- اولى

- ياااا بعدج بااول الطريق شدرسين

- ادرس هندسه

وانتو

- اني ماستر تحليلات وهند ماستر تربيه عربي

- موفقات

- اعتبرينه خواتج واي شي تحتاجي احنه نساعدج

- شكرا

- شوفي احنه نظامنه هنا احنه نتسوك ونطبخ لانعتمد على تجميد ولا دليفري

- حلو

- اي نجمع بالنص من كل وحده اي شي نحتاجه نجيبه ونطبخ

- اوك متفقين

- تمام

جان كارت الحظ بالنسبه الي هو اني شايله هم شلون حدبرها ٤ سنوات دليفري لو اطلب من مرت خالي تسوي اكل استحي اني مصرف مدااخلي وياهم ففرحت كلش بقرارهم هن من النوع النظيفات كلش بحيث يرتبون الغرفه وكل اسبوع يكلبوها على البطانه مايخلون شي ماينظفو وغسل جرجف اللبطانيات كلشي كلشي يعدلو وبيوم پ عنايه شخصيه حفيفه وتقشير وماسكات وعنايه بالشعر صرت اتعلم نفس نظامهم لان بصراحه عجبني

اجي على الفراش انام ريحة التايت والنظافه تخبل اجي لكنتوري ملابسي مرتبه فارتاحيت كلش جانت رباب تطبخ وهند تسوك رباب طبخها يجنن وهي تحب تطبخ وجنه نوكف على ايديها نساعدهها وهم منها نتعلم وجان طبخها بالليل وتظمه لثاني يوم لان عدنه دوام......

جنت بالكليه خلصت محاضراتي وتوجهت حتى اروح للشركه بأعتبار يومي الاول الي بلشت بي بعد استقراري بالشقه ب ٤ ايام

رن موبايلي باوعت رقم غريب فتحت خط اشوف منو

- تفضل

- هلو سديم اني ادم

- اهلا استاذ

- خلصتي دوامج

- اي

- خوش جايج لعد

وسده للخط جان المفروض اني اروح بس كلت يله يمكن حب يوصلني لان اول يوم

اجه وداافتح الباب الوره نزل الجامه كال عرفت حتصعدين وره مقفوله

تعالي يمي

- ارتبكت

شنو استاذ

- عيني سديم مو حلوه سياره فارغه تصعدين وره هاي مو تكسي

-سكتت وتوجهت يمه صعدت ودنكت جنت خجلانه ومرتبكه

- هذاك اليوم سويتيها هل المره هم ردتي تسويها الثالثه لاتعيديها

- اوك

- مشينه وعده الشركه

- هاي مو الشركه هنا

- اي بس هسه وقت غده نروح مطعم نتغده وهناك افهمج شغلج احنه ماصارلنه كعدة شغل

- هم سكتت كلت اشوفه لوين يريد يوصل وشنو براسه

صار يحجي

اني احب النظام بشغلي سديم

التفتت الي وكال

وانتي تحبين النظام

كالها وينتظر اجابه مني كتله اي طبعا

اي ثانيا احب كلمة اي

انتي هيج سديم

ان شاء الله

فتنه للمطعم وكعدنه على طاوله وطلب الغده بين مايجي الغده الفتره هذه القصيره صار يتكلم

هاي اول مره نحجي بيها على انفراد

خل اكلج شغله عني

اني شغلي شي وحياتي العامه شي ثاني

يعني بره الشغل اخويه وحبيبي بالشغل لااعرفك ولاتعرفني الا بشرط الي يدارينه نداري

تكاسل مااريد

يوم مااكدر يوم تعبانه يوم هيج كذا مااريد

الي يجي لو يجفص بطنج متضوجين تتحملين لان هذا شغلج

وظيفتج حتكون يم مكتبي الشركه صغيره مو جبيره هواي ولا موضفين مثل الي تشوفيهم بالمسلسلات

مجرد تضبطيلي شغلي مواعيدي والطلبيات تدونيهم يمج وتوصليهم الي اتفقنه؟  

- اتفقنه

- وشغله ثانيه لبسج خليج دائما انيقه  الناس الي تجي مو حي الله اي ناس تجار ومن محافضات ولازم يلكون السكرتيره الي تخص ادم مرتبه مثله

يعني لبسج هذا حقيقه مو ستايل مايليق بااسمي ومكانتي بس مشيتها الج هسه بااعتبار بدايتج

- هزيت براسي بمعنى اي

باوعلي ورفع طرف  حاجبه

ماجنت متوقعج هيج مطيعه وتسمعين الكلام طلعتي بالشغل غير

- هسه اني سمعتك انت هم اسمعني

اني بنيه جايه ادرس وهدفي اطلع شهاده

وعلى كولتك شغلي شي وحياتي شي ثاني

يعني اني حريصه على شغلي ميحتاج احد يوصيني وتكدر تسأل ست سميره

ثانيا وان تكون مديري بالشركه اسلوبك المعلك هذا مااحبه اني مو جاريه عندك ولاجايه اجدي

اني هنا بتعبي حكون  اما مسألت اللبس فهذا اني وهذا لبسي وانت شايفني قبل مايحتاج تسوي نفسك متعرفني من الاول جان ماقبلت اشتغل وفرت على نفسك وعليه جهد

واعتقد تسرعت لمن قبلت اشتغل وياك

كمت على حيلي

الضاهر اني غلطت

تحركت حتى امشي لزم ايدي وهو كاعد همس

ارجعي الناس جاي تباوع

باوعتله بقهره ونرفزه حجيت

ولمن تعرف الناس جاي تباوع ليش ماحسبت لهل الشي

- اكعدي

اريد اروح

- كتلج كعدي

نترت ايده وعفته ومشيت واجه وراي

شبيج تخبلتي

- مارديت عفته امشي وهو وراي ويحجي انداريت عليه

اذا تبقى تمشي وراي اصرخ والم الناس عليك اكلهم جاي يتحارش بيه عفته ومشيت وهو بقه بمكانه  رحت للشقه

جنت مختنكه كلش

احس الدنيه ضاقت بيه حيل نكسر خاطري

ونزل من عيني هوايه

شافوني البنات

شبيج سديم ليش هيج مقهوره

باوعتلهم

اريد اشتغل تعرفون احد يشغل اي شي اشتغل

- محتاجه فلوس اني عندي

- هي مو شغلة يوم ويومين اني اريد اشتغل

- ماعرف بصراحه

جنت متوقعه هالشي هن طالبات حالهن حالي منين يعرفون شغل الليل كله ماكدرت انامه افكر شلون لازم ادبرلي شغله صبح الصبح صليت وتحضرت ورحت للكليه واني راجعه لحسن الحظ شفت اعلان على مطعم محتاج عامل

كلت اشتغل

جنت بس اريد اشتغل اي شي

رحت مباشرة للمطعم وقابلت صاحب المطعم

عمو اني شفت اعلان على المطعم محتاجين عامل اني اشتغل

- بس الكادر مالتي بس شباب بنات ماكو

- عمو اغسل مواعين بالمطبخ محد يشوفني ولااحد يدري بيه

- الله يسهلج بنتي ماكدر ادخلج بين الشباب

- الله يخليك والله محتاجه شغل

- تنهد وفر براسه كال

استغفر الله

الله لايوفق كل من وصل هالشباب هاي لهذا الحال

ماشي بنتي حشغلج مؤقت منا لما ادبرلج شغله

- ابدي من اليوم

- اذا تحبين مو مشكله بدايه يوميتج ٧ الاف

- اي ماشي

توجهت للمطبخ والشباب الي هناك كلها فتحت عينها مستغربين

لمهم الرجال وكال

هاي بنت صديق عزيز عليه الله يرحمه بنيه يتيمه بحسبة اختكم ماريد احد يزعجها شغلتها حتغسل مواعين

لبست مريولة المطبخ وكفت اغسل مواعين

بيومها هواي غسلت تعبت حيل

جانت مواعين غده والكادر شفتين نهاري وليلي

ومجنت ادري كال

بنتي هاهيه تكدرين ترحين حيجي واحد مكانج يشتغل

- ليش عمو بشنو قصرت

- لا هههههه عمو كادر مسائي

- يعني اروح

- اي وباجر تعالي بنفس الوقت

- ماشي

استلمت يوميتي ٧ الاف فرحت هواي اخذتها وخليتها بجنطتي وطلعت رحت للشقه قبل لاادخل  لكيت ادم باب الشقه باوعتله ودنكت ردت ادخل استوقفني سديم احجي وياج...........

مريم......

ثم أصبحت كالسندباد المغامر

اتجول في الطرقات والمدن واخرج من مصيبة لااقع في الاخرى

ترى ماذا يخبىء لي القدر أيها الرب العظيم.....

خفت كلش جانت الغرفه كلها مرايات منين مااباوع اني وصوت اقدام تتمشى بخطوات بطيئه كعد كبالي وصار يسأل

- شسمج

- مريم

- الثلاثي

-شنو

- اسم ابوج وجدج الثلاثيييييي

- ماعرف

- شنو متعرفين

- ماعرفهم

- وين ربيتي ومنين عرفتيهم

- ربيت وياهم اختطفوني واني صغيره وهسه انهزمت

- شلون كدرتي تنهزمين

- نطاني لجماعته ونهزمت منهم

- منو تعرفين منهم

- كلهم

- الروس الكبار

- الحجي ومساعد مالته ابو غضب وبالجديد الضرغام وجان قبل وي الحوت وسعدي وعنتر وعريوش ووووو.     الخ

- تعرفين منين يستوردون المخدرات

- لا

- زين الاطفال تعرفين وين يبيعوهم منو الاطباء الي يتعاملون وياهم

- لا

- شكلج حتعبينه

- هذا الي اعرفه

- كام وكف على حيله صاح على الي بره كال

اخذوها

خفت ودمي نشف

وين

- وين يعني بالسجن

- ليش شمسويه اني

- قيد التحقيق بنتي عصابه خطره هاي كل اعمال الاجرام تمارس مستحيل نهدج

اخذوها

- اخذوني ودوني لسجن جان بي  سجينات وياي فتت كعدت

اجت وحده يمي

- شنو تهمتج دعاره؟

- دعاره بعينج امشي عن خلقتي مو ناقصتج

- باوعت وراها بدون متلتفت صاحت

بنات عبالك يرادلها تأديب

- لمنو تأدبين

- الج

- اذا شريفه كومي سويها دااعلمج النسوان شتجيب

ونطتني راشدي اني ماجذبت خبر رديته الها

ضربتني الثاني ورديته وصارت عركه وصراخات اشتغلت فاتو شرطه ثنين فكونه

- استحن شويه نسوان انتن لو زلم

- كعدت واني اتنفس سريع وباوعتلها للمره جان خشمها طاك دم ثاري ضاربتها ومادري

شويه وصاحولي ونفسه الظابط حجه وياي

اول متفوتين تتعاركين

- جان لازم اعرفها شلون تحجي

- وحده تربت بنص مجرمين شتوقع يعني

- وانت الكايل كلشي يطلع منها

- صيري حبابه وطبطب على خدي

كشت روحي بس عيوني جانت ناطات لبره شررر

اخذوها

اخذوني رجعوني

مر يومين واني بحبستي

اجو اخذوني من السجن ودوني بغرفه سحبو دم ورجعوني للسجن

ماافتهمت ليش وشنو ولااعرف اصلا

جانو يجيبولنه اكل واكعد اكل وحدي وهذوك وحدهم ومن يوم الي ضربت الزعيمه مالتهم باكو هوى ومالهم علاقه بيه

ضحكهم وشقاهم وهمز ولمز بيناتهم وحجي مو حلو جنت اسمعه هناك يحجو الولد بينهم

رغم ربيت وياهم وجان المفروض اصير اكثر منهم لكن ابد محبيت كلامهم هذا

يمكن السجن حبيته لان اني اساسا مالي مكان اروحله ولاعندي فلوس ابقه اصرف اجه بالي اقتل وحده واكضيها سجن

اخذوني مره ثانيه بالتحقيق

- الحجي هم جان يشرف على عمليات القتل

- اي وحتى التعذيب

- لمنو جانو يعذبون

- ناس مااعرفهم كل معلوماتي الي تحبل من الحجي تتعذب وتموت

- انتي شنو جان دورج وياهم شعجب مخليج وياهم

- لان رادني اوكع روس كبار اصورهم والزم دليل لو تنطوني المبلغ كذا لو اشهركم شهيره

- وسويتيها؟ 

- لا  ابنه اعتدى عليه ومن صار هيج نطاني لثنين من جماعته واني نهزمت منهم

- بس اكو تحريات دكوول انتي قاتله واحد منهم

- صفرييييت يعني مات

- يعني تعترفين على نفسج كاتله

- الله يخليك هو مات؟ 

- اي

وهسه اانتي مطلوبه للقضاء

- بس 

بس ماردت اقتله هو مخلاني انهزم

- انتي مجر مه

المهم لتعتبرين روحج هالكم يوم. وتطلعين كعدتج مطوله هنا

- نقهرت كلش من عرفت مات يعني اني صرت مجرمه مثلهم

اخذوني ودوني للسجن وتمشي الايام وكل كم يوم يودوني يستجوبوني ويرجعوني

عده شهرين  وبعدها اطلقو سراحي

شلون واني قاتله مااعرف شكيت حيراقبوني والا ليش يطلعوني بهل البساطه

طلعت ونفس الحيره وين اروح

صرت اتمشى بالشوارع 

العبايه الي نطتها الحجيه الي ضميتها ورجعت للبسي الولادي

شبعت وصخ وتبهذلت

اشتري واكل ماعرف وين اروح

صرت بالنهار بالشوارع وبالليل اختل بمكان انام بي على كارتونه رغم الجو بارد وماينحمل اتغطى بالعبايه

بهذه الفتره شفت العجب وشكد جنت اكول اني عايشه بتعاسه شفت الاكثر

جنت امشي وشفت اطفال وياهم نساء على اكوام زبل استغربت شيسوون

انتبهت بأيدهم كواني ( اكياس بيضه كبيره)

ويلمون قواطي بيبسي او بطاله زجاج

جان حالهم مزري يقهر

ملابس تعبانه يمكن هتكت من كثر اللبس

وشعر مجعد عليه تربان نعالات سفنج وبيهم بدون نعال

ذكرت لمن جنت صغيره وشلون جنه عايشين نجدي يمكن هنا الجداوه ارحم من لم فلوس بوسط كوم زبل لساعات طويله

والمصيبه الي تهضم السيارات الراقيه الماره ولاكأنه يشوفون بشر متعبته الدنيا

يمكن لو يساعدو

حلوه المساعده مو؟...........!

أن تعيش في بلد الخيرات وانت لاتعيش في الخيرات امر مؤلم صحيح؟ 

أن تفقد ابسط حقوقك وهي العيش كسائر البشر مرّ أليس كذلك

ربما نكون نحن من رضينا بهذا الوقع نحن من سمحنا لموكب الظالم المرور في الشوارع بسلام

لقد علمونا الخوف منذ صغرنا

منذ ان كنا اطفال في المدرسه نُضرب فنصمت ليس لنا الحق في الدفاع عن انفسنا

تقول إحداهن:  أشد مايؤلم قلبي هو أنه ذات يوم رأيت أخي يضرب من قبل معلمتنا فبقيت متحجرة في مكاني لااتفوه بكلمه كي لااضرب أنا الاخرى كنت اتألم لمشاهدة أخي لكن ليس باليد حيله

فكيف لشعوب تربت على الصمت والخوف أن تنتفض بكبرها وتقف بوجه الظالم كيف لشعوب تعلمت الصمت ان تسكت الباطل

كيف لشعوب صمتت حينما سُلبت حقوقها ان تقطع يد السارق

نحن من توارثنا الصمت ورضينا به.

ـــــــــــــــــــــــــــــــــــــــــــــــــــــــــــــــ

الي مريت بي خلاني اتمنه لو باقيه وياهم ولا هالمرار البرد ماينحمل ابد نهايات ديسمبر ثلللج

اخلي كارتون فوكاي واخاف اعلك نار حتى ماالفت انتباه احد

فلوسي حتخلص

زين شلون

بليله من الليالي متحملت البرد حسيت اطراف رجلي جمدت طلعت امشي اريد شي اتدفه بي

دكيت باب وبعد انتظار نفتحت الباب جانت مره منتصف العشرينات

- تفضلي

- الله يخليج اريد اي شي اتدفه بي حموت برد

- نقهرت عليه من نظراتها كالت هسه اصيح امي

قفلت الباب وراحت تصيح امها

عذرتها بوقتها لان ماتعرفني يمكن عبالها عصابه وياي الدنيا صارت ماتتأمن

شويه وطلعت امها كالت

فوتي يمه فوتي

فتت واني ارجف

باوعتلهم ماحجيت شي

كالت

فوتي اسبحي وهسه اجيبلج ملابس من حنين لاتخافين ماعدنه احد ابو حنين نايم

- فتت للحمام وفتحت المي الحار وكاسرته بارد وفتت جوه الدوش

بديت ارتاح وبده جسمي ينتعش من طلعت من السجن لهسه مسبحت ريحتي تكتل صارت

غسلت راسي بالشامبو وليفت جسمي بصابون ورجعت عدت بالشامبو والصابون وبقيت طولت يله طلعت بس جنت حيل مرتاحه

نطتني حنين خاولي

ولبست منها تراك وطلعت

لكيت المره مسويه اكل كالت

تعالي اكعدي

كعدت من دون كلام

-اكل

سألتني منين انتي

- من هالارض الواسعه

- اعرف يعني شوصلج لهنا

( صرت اضوج من احد يسألني واكعد اسولفله السالفه كلها) 

باوعت

خاله اني تربيت بالشوارع

- ياعيني سوده عليه

اكلت وكملت كمت ضفرت شعري وترخصت حتى اطلع

كالت

انتي هسه سبحتي خلي شي على راسج بارده

- نطتني شال ثخين وبطانيه وجودليه ومخده

- والله يابنتي لو بيدي مااخليج تطلعين بس مو بيدي ابو حنين شويه نحس وخاف يسويلنه مشكله

- معذوره خاله رحم الله والديج

- اخذتها وطلعت

رغم قساوة الظروف والدنيا بس بعد بيها ناس طيبين وبيها ناس تتمنه تساعد لو مااكو ناس وراها تمنعها

هواي فرحت من سبحت عدهم وانطتني فراش وبهل الدقايق الي قضيتهن عدهم غسلت ملابسي الوصخه ومجففتها تفاجأت من لكيتها هيج مسويه تشكرتها هواي وكلت هم اتراوح بينهم

فرشت الدوشك بالمكان الي انام بي كل يوم والي هو عباره عن كرفان متروك مكسر وبي ثقوب يمكن ثقوب رصاص

الله اعلم شنو صار هنا حتى هذا الضلع اثار طلق بي راح الرصاص وكع بالكاع بس ضل الاثر

بقه هنا بصمه تكلم كل من يباوع لهذا الضلع

بالظبط مثل ملامح الوجه المتعوب او العيون الي مليانه حزن وكأنه تتكلم عن الي وجعها الالم صح عده وفات بس اثره.عده؟

كدر الانسان يتخطاه

كدر يضحك من گلبه

ماعرف ليش الحزن يتقدم على طبق من ذهب

بينما السعاده تبقه تركض وراها خليت مخده وتغطيت بطانيه نمت وكدرت ارتاح جسديا

واحلام مشوشه عدم تركيز

اصحى الصبح من وكت لان اساسا صوت العصافير الي جانت على شجرة النبك الي يم الكرفان والظل الي مسويته مشهد جان يسر

ويدخل البهجه رغم الالم يمكن مثل رساله صباحيه من الرب بأنه لاتيأس اكو امل واكو صباح جديد واكو من حيخلي هذا الصباح جميل

تنفست بأريحيه

لميت فراشي وعفته بزاويه وطلعت حتى اتريك واشوف شلون حكدر ادبر فلوس

الي جان داىما يجي بالي اني ليش مااجت الشهريه

شنو السبب؟ 

مجنت اعرف وجاهله بهذا الامر

جنت اتفحص بطني صلبه وعاليه شويه بس مااجه بالي اي شي ممكن حمل اوشي ثاني جنت اجهل هالامور

اخذ اكل مثل كل يوم واتمشى اتدفه بضوه الشمس الكرفان بارد ثلج ومنا عليه النبك يفيد بالصيف

كعدت على رصيف شارع اكل اللفه واباوع للسيارات الي تروح وتجي والناس روحها طافره هناك وصار حادث ونزلو اصحاب السيارات ناس تسب ناس وغلط وعراك اتذكرت من مره صارت عركه بسبب حادث هم واني جنت بالتقاطعات

للحضات اجه بالي ضرغام

ايييييي

شايفته اني

اي بالحادث

صح

صح

هو.  يالله

هه هاي من جان يشتغل وي الحوت بس شعجب الشرطه مالزمته...

الرسائل تتوالى ماعليك الا أن تركز.....

معكم رغد الموالي في امان الله 

                تل الذهــــــــــــــب

               رغـــــــــد المـــوالــي

     ـــــــــــــــــــــــــــــــــــــــــــــــــــــــــــــــ

اي رجل منهم أنت

الرجال أنواع وكل الانواع متعبه وكلكم متعبون....

_ـــــــــــــــــــــــــــــــــــــــــــــــــــــــــــــــ

سديم..... 

تفضل شتريد وشعندك واكف هنا

- انتي شبيج تخبلتي عليه هو اني شحجيت

- ماحجيت شي اني عجبني اسوي زعله

- اي والله عجبج والا مابيها شي جنت اعلمج شغلنه المفروض تتقبليها بروح رياضيه

- والله

يعني حضرت جنابك تهيني وتريدني اتقبل بروح رياضيه يااخي شكد متجرد من الاحساس انت

- عيني ام الاحاسيس شدعوه هيج احساسج مرهف هو شكلنه

بعدين تره تقصدت اضوجج اشوف مدى تحملج وطولة خلكج

لعد هاي شلون من تشتغلين وشكول شكول تمر عليج لا هاهيه ربحنه حنعوف شغلنه ونكعد نعالج احساس سديم المرهف

- لا وتصنف

-  لان تدلعين واني بصراحه اتخبل من البنيه الي تكعد تتنعوص وتتموع

- اوك وهسه من رخصتك اريد افوت لان تعبانه.

- وانتي وين جنتي اليوم البارحه من خلص دوام الكليه

- وانت شعليك ابويه اخويه زوجي شعليك انت

- لا بس هيج فضول

- هسه انت شعندك جاي شتريد

- ترجعين للشغل وياي

- مااريد اشتغل

بطلت

غيرت رأيي

- والله

ومنين حتصرفين على روحج

- ماعليك

- لا بالله منين

- سكتت لثواني وبعدين تكلمت

شوف هو انت مو ردت اللبس لبس انيق يليييييق بمكانة الشيخ ادم

هاي اني جايه اشتغل واجمع فلوس حتى اصير اليق بشركتك

ارتحت هسه؟

- تصنفين؟

- وانت شتشوف

- مسح على لحيته مبين عليه كلش منزعج وجاي يظغط على اعصابه

رفع حاجبه وكال بنرفزه

شوفي

اني مامتعود اتوسل بااحد

ترجعين لو لا

- كلتها بحديه

لاااا

- طبج مرض

وعافني وراح

باوعتله شنو من اخلاق تعبانه شايل كبر

وفتت جوه ادردم واحجي عليه وي نفسي

رغم احتياجي لهاي الشغله لان بالمطعم دااعاني هواي

من ناحية نظرات الشباب الي

ومن ناحيه ثانيه تواجدي بنصهم وهالشي ممكن يمس بسمعتي خصوصا واني من عاىله ماتعرف الا سمعتها وصلاتها وقرآنها

يمكن لو تعرف خالتي تزعل بس شسوي تورطت واجيت بعد

فتت للشقه لكيت هند تبجي ورباب تحاول تهدأ بيها وهي منهاره

- شبيكم شصاير

- باوعت رباب بنظرة شفقه والتفتت لهند تسكتها

- سكتي حبيبتي

بس خل نفكر

نشوف حل البجي مو حل

- شسكت

وين اروح

لمنو انطي وجهييييييي

ولج رباب اهلي لو عرفو يذبحونيييييي

والله يذبحوني ذبح تفتهمينننن وامي تروح بيها رباب ابوس ايدج شسوي شلون

- ولج ليش كل هالفتره ضامه عليه ليشششششش

- كالي لاتحجين وجنت واثقه منه

ضربت على وجهها

جنت واثقه منـــــــــــــــــــــه

- بقت تبجي وتضرب على وجهها

جرتني رباب وهمست

روحي بسرعه حبايه منوم جيبيلها كتبت على الورقه بالانكليزي وكالت بسرعه سديم

- رحت اركض نزلت حتى اجيب الحبوب

ورحت للصيدليه ولسوء حضي ادم جان هناك

مااهتميتله

- العفو بس محتاجه حبوب منوم

- باوعلي بتعجب مندهش مااهتميتله نطاه الصيدلاني حبوب واني هم اخذت الحبوب وطلعت

بسرعه رايحه للشقه

وديتها لرباب

وبسرعه رباب خلتها بحلكها لهند وهند ماجذبت خبر اخذتها وهي جانت تبجي ومعرفت شنو هاي وراها نطتها كلاص عصير

وبقت تبجي وتحجي

رباب فهميني شسويييييي

- عفيه هسه بده عقلج يشتغل شنسوي

هذا المطلوب

مو تبجين

- لج خطب

خطب

النذل خطب

لعد اني شنو

هاي السنين الضيعتها وياك شنوووووو

- كتلج الف مره

لاتأمنين بي

كلتي لااااااا يحبنيييييي اصلا زواجج منه باطل

خليت ايدي على حلكي بشهكه متعجبه

متزوجه

عضت على شفتها رباب بمعنى سكتي

هند- واني اشتم كفه ايدي ولج وثقت

وثقتتتتتتتتتتتتت

يربيييييييي

يربي والله اعرف غلطت فدوه يربي لاتعاقبني هيج اهلي

امي

فدوه رباب امي تروح بيها

شلون شسوي

- بس اهدي

- ولج اني نسطرت اشو

هاي ماليش الحبايه

- مال وجع راس نامي ارتاحي

بدت عيونها تقفل وراها هدأت ونامت

وسندتها رباب خلت راسها على المخده وغطتها وطفت الضوه

حجيت بهمس

اكلج

هي متزوجه؟

- بهمس:  اي

- لعد شنو زوجها تزوج عليها من وره اهلها مو

- زواجها بالسر

محد يدري عقد بيناتهم مسوي هذا النذل لاعب بعقلها ومقنعها

- عزه وشراح تسوي

- شتسوي والله ماعرف شتسوي حايره

- اكلج خل تروحله تحجي وياه

- خطب شتحجي ويا

- واذا

- ضحك عليها

بعدين اكلج احنا بنات ونفهم بعض

هو الي يلكه لحم وحليب ليش يشتريله بقر؟  هاااا

- والله صحيح

- هي لو معليه نفسها ومانزله لهيج مستوى جان مات عليها الرجال ليش يقل حبه بعد الزواج لو جان يموت عليها وره ميتزوجها ميبقه هذا الحب تعرفين ليش

- ليش

- لان الانبهار واللهفه راحت

هو قبل الزواج جان منبهر بيها جان يشوفها بأوقات معينه كاشخه ولابسه ومزاجها حلو متطلبات ماكو تدخلات ماكو فيحبها يريدها

بس بعد الزواج لااااا كل ذني تصير بالعكس

كباله ليل نهار واكيد طبعا هي مو كل الاوقات انيقه ومزاجها حلو هم حتجيها ساعات تشتغل وهامله نفسها واكيد الحياة ومتطلباتها تعكر اكبر مزاج هاي عدا الاطفال وخبيصتهم

والمتطلبات جيب هيج ودي كذا

ووووو حيبقه متلهف ومتشوق وهي تحت ايده شوكت ميريدها؟

- لا طبعا

- الي حيكون بينهم الرحمه والموده اما العشق فهو الشوق واللهفه وهاي قبل الزواج

- ليش يعني صدك ليش هيج

- حبيبتي هاي فطره بالانسان مو شي انتي واني نغيره اكو نسوان مابيها اي خلل والكمال لله بس تلكين زوجها يدور عليها الخلل بي مو بيها

احنه النساء عكس من المره تحب رجال تحسه هو كلشي بالنسبه الها ومن ترتبط بي شكد مايكون حنين ويحبها حتتعلق بي بالزايد بالزواج يكبر الحب عند المرأه عكس الرجال

لهسبب تشوفيها تغار عليه من الهوى الرجال كلما يكون حنين ورومانسي وي مرته مرته حتكون انانيه بي متريد تفرط بي لان مجرد مازوجها حيباوع مجرد نظره عابره حتحترك وموبعيد تسويها مشكله وقضيه شكبرها

انتي تشوفين اكو نساء متغار على زوجها ماتهتم

تعرفين ليش

لان زوجها سلبياته اكثر من ايجابياته ويمكن مو حنين عليها مايحبها مايعرف حتى شلون يحترمها لهسبب تمله وحتى لو عاين على غيرها ماتهتم لان تعرفه هو شنو المره الي تحترك بالغيره على زوجها

ثقي زوجها مدللها وتخاف لايروح لغيرها

خليها بالج هالنقطه

وتعرفين ليش هند هسه محتركه بنار

مو علمود اهلها هاي حجه وتكابر بيها

لو على اهلها جان فكرت بيهم قبل ماتتزوج

هي محروكه عليه هو

لان حنين ياسديم شايل لسان معسول يوكع اكبر بنيه

- وشعليها هاي بهاي

- ههههههه بالله

احنه شنو اكثر شي يحسن مزاجنه

- الكلمه الحلوه

-  واذا هو يتغزل بيها ٢٤ ساعه وطايره بالهوى

نذل

علقها بي

الله لايوفقه

- خطيه

- تدرين

من جانت تشوفلي رساىلهم وتسمعليا شلون يحاجيها اكول هنيالها يااختي تمنيت اجرب الحب مثلها

- يعني ماحبيتي

- لا

ماكو واحد كدر يلفت انتباهي

الزلم هالايام ماعرف شلونها صايره

ميعجبوني

بس بيناتنه الحجي

مره نعجبت  بدكتور

- اي وشصار

- جرت نفس مبتسمه

انعجبت بي كلش جان جبير مو صغير يطلع بالاربعينات ومتزوج وهنا المشكله

كلت لا خطيه مرته وجهاله

- عفيه بيج

- بس هو شنو كاريزما شنو شخصيه وشلون محافظ على شكله وجسمه مااكلج فارس احلامي

بس لو مامتزوج جان اني رحتله وكتله احبك وخطبته ههههههههه

- يله خيرها بغيرها

- مايعجبوني متشوفيني ملهيه نفسي بالدراسه

-  اكلج رباب

-كولي حبيبتي

- الشريط مال الحبوب الي اصفر وبيها خط جوزي هذا مال شنو

- ههههههه هواي عرفته

- عايني هو حبوب صغيره كلش وبيها سره واحد جوزي عليه اسهم مأشره

- هااااا ليش تسألين

- لا هيج دااسأل شفت وحده صديقتي شترت منه

- هه روحي للمجر الي يم سرير هناك حتلكين نفس الوصف اذا نفسه جيبي حتى اكلج هذا مال شنو

- رحت وشفته نفسه اي هذا هو الشريط الي اخذ منه ادم وديته الها

اي نفس هذا

هههه متزوجه صديقتج

- لا

-  گرت عينج وعينها  هذا مانع حمل

- فتحت عيني مندهشه

اي شبيج والله مانع حمل هذا

- عزه

- هه ديربالج من هيج شكول انتي مرحله اولى واشكال راح تصير وياج مواقف

صرت احجي عليه وي نفسي

عزه العزاك ان شاء الله ماتبت من الي سويته هذيج المره كبر زلم اخر وكت

رباب- شبيج صفنتي

- لا هيج

- اكلج انتي كم اخ او اخت عندج

- تبسمت بحزن

هه اني ماعندي اهل اصلا

- شنووووو! 

- اهلي ماتو نعدمو باايام النظام السابق  ربينه عند خوالي

واختي وحده اني وياها توأم نخطفت هي وصغيره ومنعرف عنها شي عايشه ميته منعرف

- مدورتو عليها

- هواي دورو عليها خوالي بس مالكوها

- ياعيني خطيه......

عجيبٌ أمرُ هذه الدنيا تستمر في الاخذ دون العطاء

قد سلبت مني اعز ناسي واعز احبابي

أبلغ عزيز في ثنايا منزله

إني وإن كنت لا ألقاه القاه

وأن طرفي موصول برؤيته

وإن غاب عن سكناي سكناه

ياليته يعلم أني لست اذكره

وكيف أذكره ولست انساه.......

مريم......

بقيت اباوع للعركه الي صارت بسبب الحادث

اتفرج وكأنه مشهد تمثيلي مارفلي جفن حتى جنت اكل واباوع هذا يضرب هذاك والناس تحاجز

اتسائل

الضرغام هذا فعلا جان وي الحوت اتذكر مره ضرب واحد من الولد وحلوها بمفاوضات وي الحجي

يمكن لهسبب دخل السجن

بله اني لو باقيه بتل الذهب مو احسن الي من هالبهذله على الاقل جنت التهي وي الاطفال ومرات اطير طيور وي ليوو

  لفت انتباهي مره تمشي على عكاز بخطوات بطيئه

والسيارات رايحه جايه وهي وحدها كمت توجهت عليها

خاله محتاجه شي تحبين اساعدج

- اي خاله فدوه اريد اروح لداىرة الرعايه يكولون بهذا الشارع

- امشي خاله اوصلج

- رحت وياها اوصلها للرعايه ومااعرف اقره لازمتها باايدي لان هي انتكت عليه وامشي وصرت اسأل الماره على مكان الرعايه حتى اوصلها

واخيرا دلوني ورحت

العجوز:- خاله تعالي وياي ساعديني وانه انطيج فلوس بس ماكدر امشي واروح واجي هاي صار رابع مره اجي وكل مره يكلولي عندج نقص معاملات

- اي خاله امشي

رحت وياها حتى نكمل المعامله جان اكو واحد كاعد وره ميز مبين عليه من وجهه مايسهل امر

رحتله

قدمتله الاوراق

اني اريد اقدم على الرعايا وهاي اوراقي

-شافهه كال

هاي نفسهه العجوز وينهه

صحت على الحجيه واجت

- الموظف:- حجيه رحمه لاهلج انتي متملين شتسوين بيها رجلج باب كبرج

- اشكرك ابني هو الشبعان ميحس بالجوعان

- لو شبعان شمكعدني هنا اشوف هالخلق يوميه بس ميصير سهليها علينه حجيه تزاحمين الصغير والجبير

مريم:- ناطيها من بيت الخلفوك انت

- الموظف- وانتي المحامي الخاص حضرتج

- انت منتبه على كلامك شتحجي

- اي مو وحده بكدج تعلمني احترمي نفسج

- عليت صوتي؛  لا والله انت تحترم نفسك وتحط النعال بحلكك هم

- كام على حيله:- هاي عليه وبدائره حكوميه تتجاوزين على موظف

- لان بلا ضمير ولاشرف

- اني بلا شرف ياعديمة الشرف

- اني اعلمك منو العديمة الشرف

ضربته كله براسه هذا نصدم من ردة فعلي ردني براشدي واني فرت فور وهجمت عليه اضرب بي والمراجعين صارو عليه حتى يخلصونه وسحبوني منه

كام وكف على حيله

هذا رجال متنكر يمعودين ديربالكم

الحرس الي باب الدائره فاتو ولزموني واني مخليت غلط ومسبه وتفلت عليه واصيح

وكأنه اجاني انقاذ حتى اطلع حركتي بي

لزموني واخذوني للمركز

وجانو نفسهم الي رحتلهم حتى اشتكي

ابتسم الضابط اول مشافني

خير ياطير شجابك علينه شوراك مصيبه

جنت اتنفس بقوه وعيوني ناطات لبره وجهي احسه نار 

حجه الحارس الي جان هناك

سيدي هذه ضربت واحد. من الموضفين

- ابتسم وكال نعم؟

- اي والله سيدي

- باوعلي

شنو حضرتج رجال متستحين شنو تضربين زلم

- لان بس بالبطاقه زلم

- شلون بالله ست

- من ميحترم مره بكد امه ويغلط عليها طبعا يلكه الرد

- وبهيج طريقه

- والله عاد اليدك الباب ينطو الجواب

- وانتي دكيتي بابي اليوم وراح انطيج جوابج

صاح على الشرطي الي بره

كله

وديها انفرادي ياب

- اخذني ورحت بسجن

كعدت وضحكت هم

هه عبالهم حضوج

هياتنه مكان ولكينه واكل وعلى الحاضر يجينه واقلها مأمنه على نفسي بنص الشرطه محد بعتدي عليه

مددت ارتاح

باوعت للغرفه لونها سمائي وعليها كتابات بس ماعرف شنو مكتوب ورسم عليها هم باوعت للسكف عالي ولونه هم سمائي

جريت نفس افكر بمصيري شلون

حكضيها سجن وراها اطلع وتالي

خليت ايديي على بطني اتلمسها قويه صرتي جاي تتقدم مو نفس ماجانت شنو السبب معقوله حامل...!!

زين شلون وين اودي البلوه

وين اروح بيها

لازم اتأكد حامل لو لا

لازم اشوف

زين لو حامل شسوي

اروح على الحجي واكله ابن ابنك بطني

عزه يمكن يعذبني مثل مجان يعذب البنات

يمكن يسوي بيه نفس ماسواه بحبيبته الي جان يحبها

معقوله الماضي ينعاد واني اكون هالماضي

يمكن كل الي سمعته وعرفته سابقا جان اشاره ان مااغلط واروح

اكيد لو  رحت راح يعذبني ويضربني ويخليني اطرح وراها راح يشغلني وي البنات

لو يقتلني اصلا كبل

زين شلون اتخلص من الطفل

اتخلص..!!! 

عزه

زين شلون شسوي

احتفظ بالطفل اجيبه للدنيا واربي

زين وين اربي هو اني 

ملزكه بروحي

شلون

جريت نفس بحسره وخيبه ماعرف شسوي اطلع من مصيبه اطب بالثانيه

اخذتني غفوه ونمت هو اني اساسا صرت احب انام انعس هواي ومتكاسله غفيت وحسيت الدنيا ليل على صوت الباب ينفتح الشرطي ويمه الضابط

كمت وعيوني كوه افتحها لان جان الايت ( التورج)  بعيني باوعت بعد ماصديت الضوه بإيدي جانو واكفين والشرطي باايده اكل

الضابط:-  صح النوم

باوعت محجيت

- هاي جبنالج عشه كلت خاف جوعانه

- ماريد

- باوعلي ورد باوع للشرطي كله انتظرني بره

رجع باوعلي بنظره من فوك لجوه احس يشفق عليه او مفهور من حالي هيج جانت

كال

- اهلج وين

- ماعرفهم

- وين كاضيتها لعد

- بالشارع

- رفع حاجبه ثنينهن

كل هالفتره

- اي وين اروح لعد

- تعرضتي لاغتصاب؟ 

احد تحارش بيج

- فزيت وباوعتله بخوف

- اعتدو عليج مو؟

ليش تسأل

- يجوز اكدر اساعدج

هز راسه بتأكيد

تحبين اساعدج؟ 

- بشنو

شلون تكدر تساعدني

- انتي بشنو تردين اساعدج

- اني تعرضت لاغتصاب شلون اكدر انتقم من الي سوه هيج بيه

- بالقانون

- يعني يعاقبه

- اكيد وراها سجن هذه

-انتي تعرفي

- اي

- منو

- ابن رىيس عصابه جنت عدهم وابنه اعتدى عليه

- هذوله المجرمين الي بلغتي عليهم قواتنه الامنيه مامقصره جاي تابع الموضوع واوعدج بس يتم القبض عليهم راح ينسجن  ترفعين الدعوه باجر عليه ويكون ابنه متهم باالقاء القبض عليه بتهمة اغتصاب

- بس ماعرفه بالاسم اني

- شلون لعد

--بالشكل

- هه هاي متفيد حاولي تتذكرين اسمه حتى نرفع دعوه

كام وكف على حيله

تعشي وارتاحي باجر نطلعج ماعدنه شي وياج بس بعد لاتعتدين على موظف بشغله

- والموظف شيسكته هو رفع الدعوه عليه

-  الموضوع حليته وي هذا الموظف سديت حلكه بجم فلس.

-ابتسمت بمنونيه وهو راح

قربت الاكل مني فتحت العلاكه جانت ريحة الدجاج تسطر نص دجاج على تمن مشوي على فحم وريحة الدخان تفوح منها

وياها لبن حسيت رفه صغيره بطني

كلت

ها حبيبي جوعان مثل امك

دااكل بعدين انتبهت لكلامي شجاي احجي

فطرة الامومه غلبتني

جنت ميته جوع اكلت لحد الشبع

احس جسمي جان محتاج هيج وجبه

الضابط مبين عليه طيب وابن ناس

انقهر على حالي

بقيت كاعده اباوع للغرفه المظلمه ومن فوك قريب على السكف شباك صغير  فايت منه ضوه الگمريه صايره شويه على الحايط

ماعرف

هاي الدنيا على يابر راح توصلني

غفيت......

وللصبح فتحت الباب

- كومي سيد الضابط يريدج

- كمت واخذني رحت للضابط

- اهلا وسهلا تعالي مريم  اكعدي

- كعدت

- جان كاعد ويضرب بنهاية القلم الحبر على الميز

دنك بعدين رفع راسه كال

اني هسه حخلي سبيلج مثل مكتلج بس انتي هسه وين حتروحين

- للكرفان

- ياكرفان

- هيج اكو كرفان قديم ابات بي

- يعني يصلح للسكن

- اكدر انام بي احسن من كعدت الشارع

- شوفي اني اكدر اساعدج عندي بيت صغير تكدرين تبقين بي

- ماعندي فلوس استأجر

- ضحك بعدين هز راسه برفض

لااا بدون فلوس ماريد شي حوديج للبيت وابقي هناك واني حراجعج بين يوم ويوم اشوف شتحتاجين

- فرحت كلش وتشكرته

كام على حيله واني وراه واخذني بسيارته للبيت

جان بيت صغير مرتب حلو بمنطقه حلوه هم

فتت للبيت جان نظيف

- البيت نظيف شنو عايش بي

- لا

تكدرين تكلين بيت الراحه وكت ماحب اكعد وحدي اجي هنا

- وهاي اني راح احرمك من هالاجواء

- هه لا ولو يمعوده

- اني اشكرك

- ماكو داعي للشكر

ارتاحي واني راح اجيب مسواك وشي تاكلي

- اوك

- طلع واني فتريت بالبيت من فرحتي شفته جنه

كعدت

وتقريبا اكثر من ساعتين  اجه جايب ويا مسواك وملابس  خلاهن وطلع

فتحت العلاليك مخضر وفواكه

ودشداشتين وحتى داخليات خجلت من شفتها

عزه هذا شكد ميستحي

رحت للحمام سبحت مي جان حار وكسرت ويا بارد صار مي دافي لبست الملابس الجديده ورحت كليت طماطه واكلت طماطه وخبز جنت ميته جوع مو مال انتضر يستوي كدر

باوعت لنفسي بالمرايا جان وجهي غابه من زمان ماحافته

دورت على بكره ( خيط)  وبعد تعب لكيت بكره وبيها ابرة خياط

اخذت الخيط وخليت مرايا كبالي حفيت وجهي جنت اعرف احف وجهي تعلمت من بدريه بالحي

رتبته احس شويه ارتاحت نفسيتي

حضرت عشه وشغلت تلفزيون وكعدت اتفرج

من قناة لقناة والاخبار اشكال

كلساع انفجار

كل شويه ام تطلع  تبجي ابنها مخطوف

والقتل والذبح والتفجير بالمجان صايره

سدت نفسي الاخبار اخر شي كلبت طلعت

فلم قديم جان وكعدت اتفرج ندمجت كلش وي الفلم رغم هاي ثاني مره اتفرج تلفزيون بحياتي

وبيومها مافاركت التلفزيون تعشيت واكلت وطلعت فواكه وارتاحيت وكدرت انام بهذاك اليوم

مر يومين ندكت الباب بالليل

منو

اني  علاء ( الضابط) 

- فتحت الباب

تفضل سيدي اكو شي

- اجيت اشوفج محتاجه شي

؛ انت ماقصرت والله اصلا ماعرف بشنو اجازيك

- باوعلي من فوك لجوه والتفت يباوع للبيت 

حجه وهو يعيد النظر للبيت

متغيره محلوه هيج رهملج البيت

- ارتاحيت نوعا ما

- باوعلي واقترب خطوتين مني 

- مراح تكليلي تفضل اكعد لو ابقه واكف

- البيت بيتك

- كعد

اريد جاي

- هسه دقيقه ويكون جاهز

رحت حضرت الجاي وجنت واكفه بالمطبخ

اجه هو بحيث تفززت ماجنت متوقعه يجي

- البيت يخبل صاير مجنت متوقعج هيج معدله

- اي نظفته

وديت الجاي للصاله وكعد يشرب جاي رحت للغرفه جبت كلبجات وكتله

هذني لكيتهن من جنت دانظف

- ارتبك حك طرف اذنه

ها

هه

اي هاي مره نسيتها هنا

تعرفين شغلنه هذا

- اي هم كلت ناسيها

- كعدي

- كعدت وصار يسأل

-  شنو جان شغلج وي هذوك المجرمين

- اعتني بالاطفال

- وهم جانو يبيعوهم اعضاء

- بس الولد

- جنتي تابعه لاحد منهم

- لا

- شعجب

- لان الحجي محذرهم

-دك موبايله وعقد حاجبه منزعج جاوب

ليش

موجود

لتلحين

هسه شويه نوب واجي

( نتر)  شرايده

- كتلج هسه الفي لتلحين

وسده

محجيت بس جانت نظراتي تسأل هاي منو جاوب من دون سؤال

هاي مرتي

- متزوج؟

- اي

- روح لعد يمكن تنتظرك

- حروح

وانتي روحي نامي لتبقين كاعده

- اوك

؛- طلع وقفلت الباب وراه

شكد اطمأن من اشوفه حسيته اجاني انقاذ

رحت للفراش  مددت وبقيت افكر بي وبكلامه

وشلون جان هادىء وياي وتغير من خابرته

لهدرجه هي موزينه ويا...؟ 

يمكن

لو هو ميحترمها

اوووي شعليه اني

يوم بعده يوم وصار يتردد يجي يطمأن ويروح بس الغريب اوقات متأخره

بيوم اجه واول ماشفته حسيت براسه شي

فتحت الباب

ودخل للبيت كعد

رحت حتى اجيبله شي يشربه كال

تعالي ماريد

اجيت كعدت وخله راسه بحضني على رجلي شويه وحضن جف ايدي

همس

- تعبان

- من شنو

- مخنوك

- ليش

- من هالدنيا

مريم مو انتي الوحيده موجوعه من هالدنيا اني هم

- شبيك

- مرتي

- شبيها

- منكده عليه عيشتي ليل نهار طلبات ولوك لوك لوك

متخلص معيشها بيت وحدها وقال امك حجت اختك

اجي اريد اتقرب منها تكلي مو وكتك وتبعدني عنها

- احجي وياها

- ميفيد اصلا اني ماحبها

- عندك اطفال

- اي ٤اطفاال

- لعدشلون خلفتهم اذا متحبها

- شسوي صارت بعد

وعيونج باقي وياها علمود الجهال

- اي لازم خطيه جهال

- واني مو حقي الكه اهتمام وحب

- اي طبعا

- مرتي متهتم بيه

بس اني بديت احس

- بشنو

- بهذا الاهتمام والحب

- شلون يعني

- صرت الكاه من شخص اجي شوكت مااريد ميضوج ويسمعني من انقهر

قبل ايدي

مريم عوضيني هذا الحب

- شلون يعني

- يعني اريدج حبيبتي عشيقتي اني احبج

- بهل السرعه

- من اول مره شفتج بيها انعجبت بيج وهسه اريدج اريد اعيش وياج هذا الحب

ادللج واجيبلج كل الي تتمني شنو تردين

اجيبلج

بده يتقرب مني واقترب كلش واني جمدت بمكاني

من حسيته حيقرب مني اكثر فزيت وكمت وكفت

وهو فز

شبيج

لاتقترب

- مو جنه حلوين شجاج

-كتلك لاتقترب

- بده يقترب مني واني ارجع لوره نحصرت بحايط صرخت بي

عصب

- جايبج هنا مخليج على سواد عيونج

كلت هسه انتي تبادرين حضرتج مقفلتها

-ابتعد لا اجرم بيك

-هههههههه يله دجرمي بيه

طلع الكلبجات وبده يضحك اكثر

واني مابقه عقل براسي

تخايلت اللحضات الي اعتدى عليه ابن الحجي

دفعته داانهزم لزمني وكعني بالكاع دايصير فوكايه دفرته بعكس رجلي على بطنه بقوه

صاح اااااخ

ولزم بطنه واني فتحت الباب وطلعت اركض 

نهزمت

اركض والتفت بس لاهو ورايه

وامشي خايفه

وكل شويه التفت

وختلت بيومها وره تانكيات فارغه مال محل

للصبح

جنت لابسه دشداشه هو جابلياها

وشعري مفلول

للصبح ليلتها منمت ابد

تمشيت وجنت حافيه والساعه ماعرف بيش بس حركة العالم بالشارع تدل بحدود ال٩ اقل هيج شي  حسيت بتعب  وكفت ردت مكان اكعد ارتاح بي توني التفت وين اكعد ادور مكان

وانفجااااااار صار

نار كبت وي الدخانه وشفت ناس نشمرت واني شمرني العصف مال الانفجار بعيد وكعت على وجهي جنت اسمع الهوسه والصراخات والناس تركض احس بصوت اقدامهم يمي تركض ويكولون ديربالكم من الثانيه لاتتجمعون ياولد

شويه شويه صار صوتهم صدى وبدت عيوني ماكدر افتحها طبيعي ثكيله واشوف غواش

حسيت باايد نمدت عليه دارتني عليه شفت واحد ملثم  بس عيونه مبينه لابس اسود  وكفوف سوده اساسا لبسه كله اسود ماعرف من  سواد الغواش وقفلت عيني ماحسيت بشي بعد.......

بقلم. رغد الموالي

بنات روايه تموت كلش حلوه

للروائيه زهراء محمد السراي

تابعوها عزيزاتي

قصة عراقية... انقلكم بين محافظات بلادنا العزيز بين محافظة صلاح الدين وانتقالا لمحافظة أربيل واكيد عاصمتنا بغداد و منطقتنا  الحبيبة الكرادة

نغوص بأحداث غريبة  واقعية وعائلية تجمع مجموعة إخوة جمعتهم الحياة  في ظلمات الفقر والبطالة والحرمان وصراعات الأقارب  والورث والجر.يمة واهمال  الأهل

بين  الحلال والحرام

بين الصواب والخطأ

بين الحب والحرب كلاً منهم سيختار طريقاً اما للنجاة أو نحو الهاوية...

TheQueen369

  حساب الكاتبه  👈

لكل منا له حكايه وحكاياتنا مالم يكن في الحسبان..

ـــــــــــــــــــــــــــــــــــــــــــــــــــــــــــــــ

ارررركض

عطشانه كلش وطريق عثرات واريد مي بس ماكو وصادفني بالطريق مي وكرسي ارتاح من هذا الركض بس لو كعدت راح اتيه الطريق

عفت المي لازم اكمل طريقي فتت بدرب اضلم بعد اكثر كف الايد ماينشاف شفت نار من بعيد خفت لاتكون فخ واحد يريد يأذيني عفتها وكملت طريقي بالظلمه

تعبت حيل تعبت

عركانه ونفسي مخنوك والعطش فطر كبدي

وبطأت خطواتي بس استندت على حايط وهناك لمحت ضوه لا مو ضوه

نوررر يبهج ويفرح

ولمعت عيني وي شوفته

وصلت

اي وصلت

بعد شويه واوصل

بس من كثر العطش حسيت هالخطوات القليله اكبر من مسافه الطريق الي قطعتها

حسيت على روحي الوب بفراشي من الي دااحلم بي

فزيت

بسم الله الرحمن الرحيم

حلم

اي حلم هذا

استغفر الله العظيم

ليش هيج داىما احلم

كمت توجهت للمطبخ اشرب مي

سمعت صوت بجي بأنين

تمشيت بأتجاه الصوت لكيت هند تبجي

- هند

ليش كاعده هنا

- ماردت وبقت تبجي

حاولت احجي وياها بلكت تحجي ترتاح ماحجت شي

- هند لتبجين يعمري وداعتج يرجعلج وهو الندمان

باوعتلي وركت نفسها عليه حصنتني وتبجي بصوت موجع كلش

كطعت گلبي

ماعرفت ساعتها شنو اسوي غير اني اواسيها واخليها تنفض الي بگلبها بعد مافتحت گلبها وحجت

- حبيته هواي

هواي حبيته سديم شلون حعيش بدونه

يعني تجي هيج وحده بيوم وليله تاخذ مكاني

زين واني شنو لعد

ليش اليوم الي جنت احلم بي واتمناه تجي وحده بكل بساطه تاخذه

يعني راح يسمعها نفس الكلام الي جان يكله الي

يعني راح يحضنها ويخليها يمه

ويكتب اسمها بضهر جنسيته ويخليها ام لأولاده

تكمل وياه عمرها

وكت ماتتمرض تلكاه يمها

وكت ماتريد تطلع هو وياها

يشاركها فرحها وحزنها وجعها وشفائها

واني

زين اني شنو

جنت بالنسبه اله مجرد عابر سبيل

جنت تسليه احسن مزاجه وراها يبصق عليه ويكول متسوه فلس

ماأسوه اني يذب شكه عمره عليه يدفعلي مهري ويفرحني ويرفع راسي كدام اهلي

مااستاهل اني

ذنبي حبيته

ذنبي وثقت بي

هييييييج تجي وحده ماعرف منين ماخذها تاخذ الاول والتالييييييييييي

- هو الي رايد هالشي

- جلب حقير

گلبي محروك سديم

ضحك عليه

سلب مني كلشي وفات وخلاني

ضربت على وجهها

شلوووووووون

شسوووووي

وين اروح

لمنو انطي وجهي

كامت تصرخ دخلت نوبه هستريا بحيث صرررخ وكأنه احد مات كعدت رباب من نومها فازه والبنات الي بالشقه هم كعدو

رباب كبل جرتها واخذتها جوه

والبنات يسألون شبيها شصاير

- خالتها توفت

وفتت جوه وراهم

شفت رباب تسحب سرنجه كالت لزميها بقوه سديم

وهي تصرخ

هند- عوفوووونيييييي لحد بلزمنيييييييي

رباااااااابــــــــــــــــــــــ

والقران اسويلج طلابه رووووووووحييييي عنيييييييييييييييي

لزمتها بقوه ورباب ضغطت على رجلها وضربتها ابره بالوريد مباشرة هدأت

- شلون شراح نسوي

رباب- لازم نعالجها طبيب امراض نفسيه ودكتوره نسائيه

- لازم رباب حالتها متسمح تبقه هيج

- راح ابيع مداليتي واعالجها

سديم: واني هم راح انطيها فلوس هالشهر الي استلمه

رباب:-دكعدي انتي كوه مدبرتها لحكي على نفسج

- ميخالف اساعدها

-جرت نفس وضربت على رجلها بتحسف

كالت

حسبي الله ونعم الوكيل بكل الي بلعب باعراض الناس

لج ركض وراااها ررركض وتالي متالي سوه الي براسه وخلاها تضرب عرض الحايط

لج ثوووووله

ثوووووله متفتهممممممممم

الف مره كتلها

ولج كليله اخطبني

كليله دايردوني

بس ماكوووووو نعمتتتتتت

- هسه على كيفج الملامه مو حلوه

- كليلي هسه شسوي اني تدرين لو شتمت عشيرتها خبرررر بمساعدتي الها اني اوكع بيها عشاير واورط واورط اهلييييي

- وشلون

- اساعدها لعد اعوفها ولي يصير يصيررر

ربما مساعدة شخص ما تكلفنا الكثير

لكن غريزة الانسانيه تفوق حجم المخاوف

بالنهايه ستتغلب صفة الانسان البدائي على الانسان المتمدن......

جنت بالمطعم اشتغل

الموضفين الي وياي شباب بيهم اكبر مني وبيهم اصغر مني من يجي ابو المطعم ميباوعولي ومن يروح العكس تماما

جنت اتجاهل نظراتهم وكأنه ماموجه الي

بس بداخلي اتكطع

شنو دايشوفوني جسد يتمشى كدامهم لو شنو نظرتهم الي

دائما اتعرض لمضايقات بس اسكت ولازم اتحمل علمود استمر بالشغل

دااغسل مواعين اجت كلمه همس يم اذني على الطاير

كلمه جانت موحلوه ابد

انتبهت لوكفتي لبسي جان كلشي عادي

معقوله لهدرجه عيونهم قذره بحيث تغلغل لجوه اللبس العريض

تجرعت الكلمه لحتى اكمل شغلي واروح

وكف بسيارته ادم جنت طالعه من المطعم

تكلم بنتره

صعدي

- باوعت مارديت ومشيت اكمل طريقي

نزل واجه عليه لزمني من زندي

مو دااحاجيج

- باوعت لايده الي ضاغطه على زندي وباوعتله بنظره بمعنى شيل ايدك

-انتبه وشال ايده عدل وكفته تكلم بهدوء

صعدي عندي حجي وياج

- ادم شتريد مني

-اسف

-اوك

- صعدي احجي وياج مو مال بالشارع

- ليش وين تريد تاخذني مثلا

- للصيدليه اجيبلج منوم ههه

- ههه متضحك تره

( تذكرت الحبوب الي هو اشتراها قرفته بلحضتها وعفته ومشيت)

-لحكني مو احجي وياج

- شرايد ادم صدك جذب

- صعدي

-مااصعد

- رفع حاجبه بنتره وتكلم اصعديييي

... وان ماصعدت؟

-٠ احجي وياج بالسياره واذا متثقين بيه هذا السويج عندج هاااااا

-مابيناتنه كلام

- لتشلعين گلبي الله يخليج تره جفصتي بطني ومتحمل لجل اني غلطان وداصلح غلطي ولج بحياتي مامتوسل هييييج بوحده

-اعتذارك مقبول بس شغل وياك مااشتغل

-صعدي خل نتفاهم

- جيب السويج

-لهدرجه ماعندج ثقه بيه

- اي

بأمارة الحبوب الي اخذتها البارحه

- هااا هههه ( ابتسم بخجل)

مركزه

- غير يمي بالصيدليه وشفتك

- ديله ست فضيها خل نحجي

-صعدت بالسياره

يله تفضل اسمعك

- ارجعي وياي للشغل واوعدج حلكي ماافكه

-لا هذا الشي من حقك انت تريد شي يليق بشركه انت تعبان عليها

- تره موقصدي اجرحج والله

جنت دااعلمج حتى متنحرجين

سديم الشركه تجي شخصيات بيها وحتى نسوان انتي اذا تشوفيهن راح تباوعين لنفسج بالمرايه وتضوجين اني مااكلج لبسج مو مرتب او انتي مبهذله لا بالعكس بس قصدي لبسهن ماركه واني ماريدج اقل منهن

- على كلامك هذا راتبي اخلي لبسي الماركه

- ازيدلج الراتب كتلج اداريج بس خل اشوفج اول شهر شغلج شلونه

- بس مرتاحه بشغلي هنا بالمطعم

- بله

هذا هم شغل هذاا بنص الشباب

- محترمين نفسهم

- ياعيني عليهم سديم شغل هنا متشتغلين وتجين وياي لتخليني اتصرف تصرف مايعجبج

- وشتسوي

- لتبقين تستفزيني

- جريت نفس متوتره محتاره

- باجر تجين وتبدين شغلج

- سكتت

- معناها موافقه مو

- بشرط

- شنو

- تعتذر مره ثالثه عن كلامك هواي جرحني

- مو كتلج مااقصد واذا تلحين على اعتذار. اعتذر بس بطريقتي ههههه

- عرفت شيقصد

يله هاهيه موافقه اشتغل

- اي صيري هيج حبابه من الاول

داايحجي واحد صاح

حررك السياره شنو بنص الشارع واكف هو هذا حجي

ناس متستحي حاط الكبل مالته يمه ويتمعشق بنص الشارع

باوعله من الجامه

لك هاي عليه هالحجي متحترم نفسك وتحجي عدل

- والله انت مامحترم نفسك والا مجان تخلي سيارتك على الشارع الناس تريد تروح تجي

- اني مامحترم نفسي نزل فاير من السياره

وصار يتعارك وي الرجال

شويه وصعد نتر جيبي السويييييج

خفت محجيت شي

حرك السياره ومشى

اريد اكله وين رايحين متردده داباوع عاقد حاجبه نار صايرر

زين اني ليش منزلت شبيه تجمدت بمكاني

وكف يم بيت ونزل وسد الباب قفلت عليه السياره كلت هسه شويه ويجي تقريب النص ساعه ماكو

اتصلت عليه

- وين صرت

- شرايده

- شنو شرايده وديني للبيت

- شنوو يابيت انتي وين

- ياااا شنو اني وين غير بسيارتك

- خرب

متحجييييييين

-طلع يلبس بتشيرته وصعد بالسياره

ادري شبيج خنستي بالسياره

- يعني صدك نسيت اني بالسياره

- اي والله نسيت

- ادم تحجي صدك

- نزلت اجيب شغله من البيت واتصلت بيه صاحبتي وضربت ركن على التخم احاجيها

-طنكرت وسكتت وهو صعد

صدكيني نسيت

- مارديت عليه

- مشى ويحاجيني ماارد هو هم سكت ونزلت للشقه

ضجت كلش ضجت

فتت للشقه لكيت رباب لابسه نظارتها ورافعه شعرها وتسحب بالسرنجه عبالك من هذوله الاطباء الجراحين بحيث من تشوفهم ترتعب

- ها خير شعندج بالسرنجه

- اكلج سديم تعالي ضربيلي الابره

- ماليش ياستار تردين تنامين مثل هند

- لا ولج مال صخونه

مصخنه

- اخذي علاج ليش كبل ابره

- علمود اصحصح

- ادري تحليلات انتي لو دكتور

- كلشي وداعتج كلشي دضربيني عاد

-لا اخاف اني

- لعد طلعي من الغرفه خل اضرب نفسي ابره

- ولج شجاج

- روحي عاد راسي ثكيل ومداكدر اقره

- طلعت بره الغرفه انتضرها اتصل ادم

فتحت خط

تفضل

- عيني سديم زعلتي

- لا

- عبالي مو ادري بيج نحيسه من كلشي تزعلين

- اوك

- باجر اشوفج غير؟

- ان شاء الله

اتذكرت اتصل على صاحب المطعم واكله بعد مااشتغل ويا

اتصلت واتعذرت اني اساسا جان مضايقني الشغل بسبب العمال

طلعت رباب وراحت غسلت وجهها وتنشفه نوبه تفتر وهم ترجع تغيل وجهها وتنشفه يجي كررت الحاله. ٥ مرات

شبيج رباب

- دتفكني الصخونه امتحان عندي

- هند شلون حتبقه نايمه مو زين هذا المنوم الي جاي ننطيها

- خل اخلص من هذا الامتحان العكره لج الف شغله طلعتلي بهل الايام وي هذا الامتحان

- روحي ارتاحي راح اسويلج عصير

- اي والله صار ساعه اريد اسوي بس جسمي نحلان

- رحت للمطبخ عصرت برتقال وجبته الها لكيتها مدده على سريرها

قدمت العصير

باوعت هند نايمه حالها يكسر الخاطر

جريت نفس بحسره

رباب _ سديم اني احسج واعيه وعقلج جبير رغم اصغر مني انتي بس اريد اخذ رأيج

- بشنو

- لو شخص تقدملج بي كل المواصفات الي اي بنت تتمناها بس انتي ماعندج مشاعر تجاها تقبلين بي؟

- الحب مو كلشي والمشاعر تجي وره الزواج

- اني ماأؤمن بالمشاعر بعد الزواج سديم اني اريد احب واعيش الحب وراها نزوج على حب بس ماعندي ثقه بالشباب

- لعد تزوجي تقليدي

- خاف مااكدر اسعده

- حتبقين لعد هيج

- اخاف احب واصير ضحيه مثل هند

بالحب ياسديم يستسلم العقل

ويضعف الشخص امام المعشوق

العاشق ياسديم اي شي يقدمه تجاه المعشوق يحسه قليل والغلط يسوي اذا المعشوق طلب منه

العاشق أسير للمعشوق

ومااريد اكون اسيره

- وليش منكول عشق وهمتي بي مو بس عشقتي

- بعلم النفس مرحلة الهيام مؤذيه جدا وحتى بقانون العقوبات تخفف الجريمه اذا يتدخل الطب النفسي

-لهل الدرجه

- بالحب كدرو يقتحمون دول وبسقطون سلاطين من عروشها الحب مثل ماهو جميل لكن سلبي هم

اذا تكونين عاشقه بس الطرف الثاني كذاب محد يدفع الثمن غيرج انتي

ياما ناس صارت ضحية حب ودخلت سجون وخسرت املاك وخسرت مكانتها وووو... الخ

لازم تختارين الشخص الصح سديم

- وشلون نكدر نختار الشخص الصح برأيج

- متكدرين تعرفي من البدايه

الناس بالبدايات تفرشلك الكاع ورد

جرت نفس وتكلمت

امي الله يرحمها حذرتني هواي من الاعيب الشباب

كالتلي يمه شكد ماتكون المره داهيه بس الرجال مكار

عنده مكر ثعالب ابد لاتأمنين الهم

عقلهم بكد حبة الفستق

والغالبه عليهم غرائزهم

وكت اللعب عاطفتهم والسنتهم المعسوله

وكت الجد اهلهم وعشيرتهم ومكانتهم

جنس ادم لاتأمنين بي

الله ماخلاج اذكى منهم عبثا لان هم مكارين

ومكيودين

كيد النساء ذكر في القران على لسان فرعون وجان بدافع حب

اما كيد الرجال فذكر في القران على لسان نبي وجان بدافع حقد وغيره

لهل السبب حذره منهم اني سديم

-والي يدك بابج بالحلال تكليله روح

-المفروض اقبل اني نفسي اكون بيت واسره واطفال

اكعد الصبح اريك واجهز اطفالي للمدرسه واريك زوجي يطلع لشغله وانضف البيت واطبخلهم طبخه يحبوها وادرس اولادي ونطلع نتونس بالالعاب

واعيش

اني بنفسي سديم

هم احب اعيش بس كون وي شخص مااتندم على زواجي منه مايصير عليه ذكر

يفهمني افهمه ينطيني حريتي مايخنكني

يغار

كون يفرق بين الغيره والشك مو يشك ويكلي اغار

سديم اخاف ارتبط

- انتي كلما حتتقدمين بالعمر حيصعب عليج الزواج

رباب مو هيج على كيفج

- اني ( داتكمل وكعدت هند صارخه) تفززنه ثنينه

شبيج

شبيج هنده شبيج

- حضنت رباب وتبجي

رباب - ليش تبجين ياعيني

هند- حلمت ابوي يكتلني لاف على ركبتي حبل ويخنك بيه

رباب ابوس ايدج ساعديني حرسب خسرت حبيبي نوب دراستي

- والله لااندمه لهذا النذل والله فلا اسكتله اني اعلمه

_ كومي سبحي ارتاحي هنده على كيفج

- فاتت تسبح ورباب تنتظرها باب الحمام نخاف لاتوكع او تسوي شي بنفسها صرنه كل منطلع ننطيها منوم ونطمأن حتنام وماتسوي شي بنفسها

وهيج حتى نعدي الفتره الصعبه هذه .........

مريم.......

حسيت على نفسي نايمه على سرير بديت افتح عيوني شويه شويه مغوشه بعدين صفت باوعت غرفه عاديه بيها سرير الي نايمه عليه وشباك نازله عليه برده وشمعه معلكه بيها قمصله وكرسي يم الشمعه الحياطين مصبوغه للنص سمائي والنص الثاني ابيض السكف جان عادي بي مروحه بس

باب مقفوله حديد

باوعت بإيدي كانونه ومغذي معلك بالبسمار وخلصان حاولت اكوم بس وجع قوي بجسمي نزلت رجلي وكعدت باوعت ملفوفه رجلي بشاش بمكان الجويه

زندي ملفوف بشاش كاصين الردن مال الدشداشه ومضمدين جرحي

وين اني وهاي منو كمت توجهت للباب افتحها جانت مقفوله منفتحت

دكيت الباب بقوه

منوووو هناااااا

افتحو البااااااب

- محد رد رحت توجهت للشباك وجانت رجلي تألمني حيل

وخرت البرده باوعت مساحه جبيره وخضار واشجار

وين اني

بمزرعه

وين

بقيت اباوع ماكو احد

يأست رجعت لسريري انتظر قدري واشوف شنو بنتظرني وره هالباب

تقريب النص ساعه سمعت صوت حصان

كمت على حيلي بركضه رغم موجوعه واكزل برجلي

وخرت البرده باوعت ماكو شي بس صوت حصان

هاي منو

وين الحصان

هناك فات الحصان وعليه رجال صاعد يركض بي دققت النظر منو هذا

ونصدمت

معقوله

لا

لا

لا

مستحيل

رجعت لوره

خفت حيل خفت

حسيت الدنيا خلص نوتها عليه حتنتقم مني

شجابني

شرجعني

شلون

شلون

شلون حكدر انهزم هالمره

بين هالافكار انفتحت الباب

باوعت والخوف متملكني شهكت متفززه

باوعلي مضيق عينه وتقدم خطوات

تراجعت للشباك

توقف رجع ايده لوره وباوعلي مجان يحجي بس عينه سألت وحجت وكأنه يوجهلي عتب

بلعت ريك خوفي زاد ايدي احسها ثلجت

بقه يباوعلي وعينه طاحت على بطني

دقق نظر وبعدين باوعلي

كال بهدوء

شبيج خايفه

- م م مخايفه

- ابتسم بأستهزاء

ورد باوعلي من جوه حاجبه بعتب

حانت عيونه تذبح من عتبها رغم ماعرفه

لتخافين انه مااغدر مثلج

- نفسي صار يصعد وينزل بقوه من الخوف واحس گلبي حيطلع من دكته وارجف

ارجف حموت اول مره هيج اخاف

- شلون صرتي

شتحسين بنفسج

- همست بخوف زينه

- بطنج عاليه شنو حامل

- ماعرف

- شلون متعرفين

- ماعرف

- لو فرضا حامل منو. ابو هذا الطفل

- سكتت

- احجي

- انت الي فجرت مو

- باوعلي مضيق عينه

جاوبي على سؤالي منو ابو هذا الي بطنج

- ابن الحجي

- مانمتي وي غيره

- لا

- هز راسه بمعنى اي توجه حتى يطلع

- كالو انك ميت

- تكلم وهو ملتفت عليه نص التفاته

يكولون هه

طلع وقفل الباب

واني بلعت ريكي يجي الف مره من الخوف

زين شيحسوي بيه

على شنو ناوي

تذكرت لمى من كالت

هذا وي الحوت عنده كتلة البشر مثل شربة كلاص المي

- مبين عليه

- لج الحجي فرح من صار ويانه كال الحوت يشهدله لضرغام جان اسبع واحد بجماعته

جان يحب وحده وحبيبته خانته عذبها لحد ماماتت من العذاب

هنا تذكرت

وخفت

حيل

بس لاجايبني هنا حتى يعذبني اذا هذيج خانته موتها اني حاولت اموته شيحسوي بيه

زين ليش يسألني على الطفل

شنو حيسوي

حيكول للحجي

اي

هسه يكله

فزيت من مكاني ادك بالباب بقوه واصيح على ضرغام بس محد رد يمكن طلع

كمت ابجي حاولت انهزم اشوف الشباك بلكت اكدر اطلع منه بس جان مقفول محكم بالقفل

كعدت انتظر اشوف تاليتها

تأخر يله رجع

فتح الباب واني جنت كاعده بس مدنكه راسي شعري مفلول ورجلي مادتها الي مضروبه طالعه من نص السرير والدشداشه عليها دم ردن مشكوك وردن عادي

رفعت راسي لكيته هو جايب اكل وعلاكه سوده

خلاها على السرير

كال

بدلي ثوبج ريحة الدم متنجرع تره

- فتحت العلاكه بيها دشداشتين وبجايم ثنين وداخليات

- اسبحي

- والجرح

- لم شفته وهز راسه طلع شويه واجه جايب علاكه لفها لرجلي بيها ولزندي هم

- حاولي لتخلين عليها ماي

- وهذا الدم على زندي

والله عاد دبري نفسج شسويلج اجي اسبحج مثلا

- وين الحمام

- امشي

مشيت وهو وراي

ماندل منين امشي كدامي

- لا وراج احسن امشي الحمام مو بعيد

-احسه مواثق مني

هذا الحمام سبحي وطلعي انتضرج هنا

اشر على مكان يم الحمام

فتت للحمام باوعت مابي شباك شنو من حمام هذا

حتى ماكدر انهزم وكأنه المكان مخصص للخطف

معقوله هذا مكان الي جان بي هو ايام الحوت

اكيد

باوعت جانت صابونه ركي وليفه وصابونه ثانيه ريحته طيبه

سبحت بدون مااوصل مي على اطراف الجرح جانت أسوء غسله اغسلها بحياتي

لبست بصعوبه ولفيت المنشفه وطلعت

جان كاعد على الثيل

شافني كام على حيله

واني وكفت خفت لمن شفته اجه بااتجاهي

جان وجهي يفسر الخوف الي بداخلي

من شافني هيج خايفه واترجع بخطواتي

باوعلي بشفقه همس

لتخافين مراح اسويلج شي

تعالي كعدي هنا على الشمس

- فات للغرفه جاب الاكل واني كعدت على الشمس

جانت الكاع خضره كلها ثيل تردها للروح

كعدنه تغدينه وجنت حيل جوعانه كأنه صار ايام ماواكله

-  النفجار الصبح صار، وهسه الظهر شبسرعه كعدت وخلص المغذي وجايبني هنا

- اول بارحه الصبح قصدج

- شنو

- تكلم وهو يباوع للاكل صارلج يومين فاقده الوعي

- صارلي يومين!

زين منو عرف اني هنا

- باوعلي ورد باوع للاكل جاان داياكل

- الحجي يدري

- لا مكتلو

- معقوله

- تردين اكلو؟

- ليش مكتله

- برأيج اكلو وهو كالب الدنيا يريد يعرفلج اثر

- ليش

- لان نهزمتي

- وشنو يعني بكيفي

- باوعلي  مارد عليه بشي

كمل اكله وراح غسل ورجع بسرعه

مدد على الثيل وطلع جكاره يشربها

كمت حتى اغسل نهض وصاح

وين

- اغسل

- هنا هنا ويأشر على الحنفيه كباله شويه بعيده

هنا غسلي كبال عيني ابقي

- غسلت وكعدت يمه

هو مدد ويدخن وماعرف بيش يفكر

واني احوص اريد اعرف شصار شلون وصلني شدراه بيه شفته زين ومو ناويلي على شر

طمأنيت نوعا ما

- انت فجرت مو

مارد ملتهي بالتدخين.

- انت شمدريك اني هنا لو مجاي تفجر

- لا رد

- يعني شحصلت من قتلت ناس مالهم ذنب

-.....

- اكلك الحجي ميدري حامل مو

اي اكيد لان انت هم متدري وسألتني

زين اكلك متعرف على شنو ناوي الحجي اذا يرجعني

- مايرد

سكتت شويه وباوعت للمكان جان حلو

- هذا المكان حلو هذا ملكك مالتك

- ميرد

- الحصان مبين معلم عليك اكيد مالتك

اكيد من جنت تشتغل وي الحوت

انت ليش متردلي

- جر نفس بقوه وباوعلي ورد دار وجهه عني

- شراح تسويلي حتقتلني

جان يجر نفس وره نفس يالجكاره يباوع للسماء سألني رغم جنت اسأله اني

ضرغام:- وكعتي على وجهج العصف جان قوي مو دفعج العصف

- اي

هز راسه بمعنى اي

- ليش تسأل

- اذتج بطنج بالوكعه

- اي بس اني كل جسمي توجع

- هز راسه بتفهم

كومي فوتي جوه

- الشمس

باوعلي بغضب فوتي جوه كلت

- كمت فتت جوه واجه وراي حتى يسد الباب

لاتقفلها

باوعلي وماهتم قفلها وطلع حسيت من صوت الدراجه طلع

بقيت كاعده

وماعرف شنو اسوي وشلون

وشلون حتكضي وي هالضرغام هذا

انتبهت عليه لهجته مو مثلنه

يعني سامعه اختلاف لهجات بس لهجته تختلف بس جانت حلوه ومميزه نوعا ما.

يضيف الواو وره بعض الكلمات

والكلمات خاليه من اوزان الخفه يعني الفتحه

رجعت مددت على سريري تلمست بطني قويه وكبرانه شويه هو شلون انتبه هيج مو لهدرجه جبيره حتى تبين ويسألني!

حسيت بوجع بيها خفيف

يمكن تقلصات برد

تغطيت زين حتى اتدفه

وصرت احجي وي نفسي

هذا الضرغام ليش جايبني هنا

شعجب ماسلمني للحجي

زين هو لو يريد يسويلي شي جان سواه جان انتقم

اني كلت بس يشوفوني هسه ينتقمون مني

اكتشفت هم مثل اهل الي حتى لو سيئين وي الناس بس وي ناسهم غير

على الاقل عشت عدهم الي مكان انام بي اكل البس

رغم قساوتهم وي الاطفال بس وي الي يخدمهم لا

جنت اكول ابشع ناس هم

بس لمن طلعت للشارع وشفت بشاعة الناس

عرفت البشع مو بس اليقتل

البشع والظالم الي يستغل الظروف ويعتدي على اعراض الناس

البشع والظالم الي يشوف انسان محتاج ويكدر يساعده وماله دخل يتركه

مرات القتل يكون بارد بهيج طريقه

مرات الرصاص يصير رحمه ولا يموت الانسان موتة روح ويبقه بس جسد يتمشى

احس روحي بيها شي مات

احس نفسي بس جسد مابي حتى روح

ميفرحني شي ماأندهش بشي

شغف الحياة والوصول والاحلام هذني كلها ماعشتها

رغم صغر سني بس شفت العجب وشفت اشياء يمكن الي بعمر بيبيتي ماشايفتها

هه واني خايفه من الضرغام على شنو

مابقه عندي شي اخاف عليه

لا روح

ولاشرف

ولا جسد

مابقه شي بيه يستاهل اخاف عليه

حتى الطفل اجيبه لهل الدنيا شجيبه ديشبع مذله لو ديبيعو اعضاء لو ديكبر ويشوف امه بالبارات وهو يلم فلوس من جواها

ينحرم من الحياة الحلوه الي اي طفل يتمناها

للعصر سمعت صوت بره

يمكن اجه

فتح الباب كال

سويلنه طريق دكتور جا

- عدلت كعدتي وشعري جنت ضافرته

فات هو والدكتور

الدكتور:-مددي عزيزتي

- باوعت للضرغام جان مكتف ايده اشرلي بعينه امدد

- مددت وتفحصني الدكتور

تحسين بحركه بطنج

- لا

- زين وجع هم تحسين

- اي اليوم مرتين وجعتني

- بقه يتفحص بعدين التفت للضرغام

لازم سونار نسويلها

- وهاي شلون يعني لازم اوديها دكتوره

- اكيد وكلما اسرع كلما احسن

- هسه نروح

يلا مريم امشي

كمت بدون مااحجي شي وياهم

جان جاي بسياره صعدو ليكدام واني وره وساق السياره

قبل لانوصل للدكتوره نزل لمحل ملابس

شويه وطلع

فتح باب السياره الي من جهتي كال

البسي هاي

وصعد بالسياره ويسوقها وكل شويه يباوع بالجامه يشوفني لبستها لو لا

جانت عبايه اسلاميه سوده ساده لونها مبيها شويه تطريزه من الصدر وشال اتذكره لحد الان جرجيت ساده لان اول مره اشتري هيج لبس بقه بالي او يمكن لان هو اشترالي..

- بعني البسها فوك ملابسي لو انزع الدشداسه

-لبسيها فوك ملابسج

لبستها وخليت الشال بس معرفت اسوي خليته هيج مفتوح مجلب بنص راسي

وصلنه للدكتوره نزل الدكتور الي ويانه يمكن عيادته هنا وهو نزل ونزلت اني اجه بتجاهي

هذا الشال حطي عدل لاتفضحينه

- ماعرف اسوي

- لم شفته متوتر لعد شتعرفين

تقرب يمي يعدلي الشال واني تحجرت بمكاني كلشي ماحجيت

عدلي الشال ماعرف شلون لفه ورتبه من باوعت بجامة السياره جان مرتب حلو وكاعد وي العبايه جان لبسي اسود وهو جان بنطرون اسود وقميص هم اسود  فتح باب السياره وكعد على الكرسي وخله الباب مفتوح طلع عطر من الجكمجه مال السياره رش عليه شويه

العطر جانت ريحته تخبل

عدل شعره ونفسه ونزل اباوعه انيق مرتب هواي

مشى وكال يله وياي

مشينه توجهنه لطبيبة السونار سجل اسمي وكعدنه ننتظر

جنت كاعده يمه من اشوفه يباوع على البنات الرايحه والجايه شعجب وياي غير

شويه وصاحت الدكتوره بااسمي

كمت

وهو وياي

دخلنه للسونار

الدكتوره:- حبيبتي رفعي ملابسج خل اخذلج سونار

- غمض عينك ضرغام

الدكتوره- ليش شيقربلج وتستحين

ضرغام:-  عرسان جدد وتستحي عادي

استدار نطانه ظهره والدكتوره صارت تتفحصني

وتحجي

انتي بالشهر الرابع

ضرغام:- الطفل بي نبض

- دقيقه خل اتأكد

ضرغام  :- وكعت على بطنها تأكديلي من سلامة الطفل

بسم الله الرحمن الرحيم

وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ

صدق الله العلي العظيم

كنت معكم انا رغد الموالي في امان الله

تل الذهب......

مريم:- -

الطفل للاسف ميت

- فزيت شنووووو

- الله يعوضكم بس الطفل ميت وحتى مي الراس ماكو اصلا

انتي ليش مامنتبها على نفسج وجايه متأخره

وجهت الكلام الضرغام

انت شلون هيج هسه يله جايبها

الطفل ميت من ٣ ايام

ومي الراس هسه شبه ماكو شي قليل كلش

الضرغام:- والحل دكتوره

-لازم عملية كرداش

مريم:- لا لا مااسوي عمليه الطفل مابي شي

ابني ماميت لاااا

باوعلي ضرغام بغضب وباوع للدكتوره

وشوكت العمليه

- باجر اذا تحبون

- تمام دكتوره باجر باجر

وهمس بنتره يله

كمت واني ابجي

وامشي ويا

ماميت ابني مايموت

وهو يمشي ميرد بس ضايج

صعدنه بالسياره وداني لنفس المزرعه الي جنه بيها

فتت للغرفه واني مابطلت بجي ماعرف شجاني

وهو سد الباب بقوه وطلع من الغرفه

بجيت وضليت اروح واجي بالغرفه ماعرف شسوي جنت محتاجه احجي لااحد احد يسمعني

خليت ايدي على كيلون الباب افتحها نفتحت ماقافلها

لكيته كاعد على بلوكه وومخلي راسه بين ايده

اجيت كعدت يمه رفع راسه باوعلي ومباشرة باوع لجهه ثانيه

اني مراح انزل هذا الطفل

-مارد

- هذا ابني مستحيل اقتل ابني

انتو مجرمين عدكم اسهل شي القتل انت تفقت وي الدكتوره وكتلها هيج كليلها

تريدني من جهاز اصدك

شمدريها صارلي ٣ ايام

يعني من يوم الانفجار

شنو تعلم الغيب هي

انت

انت كتلها

متفق

اي

وتفقت وي الحجي

وكتله اقتل الطفل

تنزله وبعدين ترجعني اله

اي

نفس مجان يسوي بالبنات اني ادررىىيييييي

وصرت اصيح وصوتي يعلى وهو ساكت ميرد قتلني بسكوته

طفل برىء مجاي للدنيا تريد تقتله

ولك مكفاك الناس الي تكطعت بالشارع

جم جاهل صار يتيم بسببك

جم مره ترملت بسببك

اني طلعت عاشرتهم ناس طيبه تريد

تعييبببيشششش

خلوهااااا لهاااااااااااي النااااااس تعييييييييش

ليش تحرموووووهم من العيشه لييييييش

ناس على فطرتهاااااا

ناس تقنع بال ١٠ الاف يوميه وانتو ملاين متقبلوووون

الله ينتقم منكككككك

كام على حيله وكف وتخوصر

ميرد.

يدير بوجهه ونوبه يفركه احس كوه لازم اعصابه

وفلتت بالزايد

هناك جان يصرخ بيه

كااااااااااافييييييييي

انتي شنوووووو

متمليييييييين

تردين تجيبن لقيط

روحي جيبي يطبج طوب

داتكلج ميت

مااااات

شلون

- جذااااااااب واشر بأصبعي

انت واااااحد جذااااااااب

- انه جذاب وكلب ابن كلب لان نقذتج

شعندي حاير بيج

روحي ديحي بالشوارع

خل يتحارشون بيج

هذا الي تردي

انتي متعوده على هالشي

حياتج بنص الزلم وراح تبقين هيج

لهذا ولهذاك

تحبلين وتخلفين ومصيرج تملين منهم وتذبيهم باب الحسينيات والجوامع

ويكبر شيطلع هااااا شيصييررررر

صفنت لكلامه ودموعي تصب

همست

معناها فعلا متفق

وعفته وطلعت اركض امسح بدموعي وهو عافني اروح

طلعت من المزرعه واركض وابجي ماعرف وين اروح

الدنيا حتغرب ولازم اعدي مكان البساتين تخوف طرق مابيها احد

صرت اركض

واركض وتعبت احس نفسي حينكطع وعطشت حيل

بس لازم اكمل طريقي

مشيت والدنيا غربت صارت ضلمه وصوت الجلاب قريب احسه

تملكني الرعب

كعدت يم شجره من اباوع ضلمه مااكو غير بس ضوه من بعيد والاشجار عاليه وصوت نقيق الضفادع والجلاب وبارده هوى المزارع ثلج يكون بالعاده

جانت اكثر ليله مرعبه اعيشها

كل شويه اتخايل حتطلعلي جلاب

حيطلعلي شي

باوعت للسماء النجوم بيها واضحه ولامعه

هنا

حسيت بدفىء نوعا ما لمن باوعت للسماء

يارب ساعدني

وبجيت

مااعرف شسوي بجيت هواي وتمنيت بلحضتها الموت ولا هالرعب الي دااعيشه

صرت اسب اغلط على الضرغام

وحسيت بشي جوايه تحرك عطت وكمت نهزمت ماعرف شنو جان ضلمه

مشيت صار بوجهي شي لمع من ركزت عيون حيوان

حز بصوت

يريد ينبح

اني صرخت وخفت وكمت اركض

وهو وراي ينبح وماعرف منين طلع جلب ثاني وثنينهم ينبحون وصرت اركض من مكان الي طلعت منه صرت ارجع بركض وعثرت وكعت وبسرعتي من الخوف كمت وهم اركض

وابجي واصرخ

ساعدوووونيييييييي

بس ماكو احد

شفت نهر شمرت روحي بي واني ماعرف اسبح

بس جلبت بغصن شجره لان على حافة النهر اشجار والنهر مشيد صغير مو جبير

والجلاب وكفت على حافة النهر تنبح وخرمشوني بمخالبهم صرت اصرخ من خوفي

شويه ولاح ضوه سياره

عليت صوتي اكثر

نزلو شباب ثنين ضربو الجلاب بالحجار وراحو

سحبوني من ايدي وجروني على البر

جانو يتمايلون مااحسهم صاحين

- ولك يكولون ماكو حورية بحر لعد هذا شنو نبك

- لا يااغبر هاي حوريه من الجنه خاف ميتين ههههههه

- علك من ثوبك شيخ

وينك وين الجنه

- لا حتطلعلك حورية بحر لهل الخلقه  هاي

ويحجون ويضحكون عرفتهم مو صاحين نهزمت

سمعتهم واحد يكله للثاني

لك نهزمت الحوريه

صارو يركضون وراي

تعالي حوريه

تعالي ولج ويييين ترحييين

هههعه

شوف هاي

تنهزم

عبالها مامه حنينه حتتلكاها

ولج بس السكارا هنااااا تعااااي

واني اركض وهم يتمايلون عافوني واركض تيهت وماعرف وين اروح وين اجي مااعرف

وكفت وصرخت والي يصير يصير شلت حجاره بايدي جبيره والي يتعرضلي اقتله بيها

صرخت وصرخت

هناك

دراجه اجت جان الضوه بعيوني ماشفته منو

من طفت وكفت يمي باوعته هو

ونزل بغضب

صيح

شطللللعجججججج

كمزت وحضنته بقوه

جنت حيل خايفه وردة فعل لا اراديه حسيته واحد من اهلي واجاني

هو تمحجر بمكانه واني بعدين انتبهت وخرت وحتى اغطي على تصرفي

صرخت وابجي

انت السبـــــــــــــــــــــــــــــــب انــــــــت

- بهدوء صعدي

صعدت وراه جانت مبلله ملابسي الدنيا ثلج

ساق الدراجه ورجع للمزرعه

باوع لايديه جانت اثار مخالب مخرمشه

عقد حاجبه

هاي شبيج

فتح عينه بخرعه

احد تحارش بيج

اعتدى عليج احد

- لا لا. هاي جلاب ولد ثنين خلصوني وانهزمت منهم وانت طلعت بوجهي

لازم تتعقم خاف يصير بيج شي هنا ماكو شي اعالجج راح اروح اجيبلج

تحرك ديروح

لا لا

لتروح

خرمشه متسوي شي هاي

كل عقلج؟

الجلاب هنا مسعوره ومخالبها جراثيم وانتي حامل موزين تتأذين

- كتلك مابيه شي لتروح اخاف والله اخاف

تأفف وصار يلتفت يمنه ويسره كال

اغسليها بالصابون زين

رحت غسلتها واجيت جان صاعد بالسياره اجيت عليه اركض خايفه

لتروح

لتطلع

شبييييج مااروح هنا داجيب عطر

اخذ العطر وسحب ايدي رش عليه

- همست هاي ليش

- حتى يتعقم الجرح كتلج مو زين منا للصبح لازم تاخذين ابره مضاده لعدوى التيتانوس

- هزيت براسي اي بس جنت ضايجه حيل منه حتى مسألت شنو تيتانوس كتله اي وبس

ملابسج مبلله حتاخذين برد

بدلي على السريع اريد انام تره تعبان

رحت بدلت بدون مارد عليه

واجيت لكيته واكف بالباب

تكدر تنام

باوعلي ضايج جان ماحجه شي فات وماعرف منين جايب دوشك ومخده

فرشه وشمر المخده على الدوشك ومدد

جانت اكو بطانيه وحده الجو بارد شلتها حتى اغطي

همس

مااريد زين الجو

رغم اعرفه دايكابر بس سويت نفسي مصدكه اخذتها ورحت مددت على سريري

كلت بيني وبين نفسي

بعد ابد ماانهزم ولا اعوفهم نارهم ولاجنة البشر

اقلها ماشفت هالرعب الي شفته بررره

جريت اذني

توبه

بعد

سمعت صوت نفسه صار عالي عرفته غافي

بس مجتف ايده عرفته بردان

باوعت يمنه يسره ماكو شي اغطي

رحت باتجاه الباب حتى اطلع بره اشوف اكو شي اكدر اغطي لكيت الباب مقفوله

باوعت وهزيت براسي قافلها

اصلا اني بعد توبه انهزم

هاهيه قدري مكتوب وياكم

اخذت البطانيه ورحت غطيته ماحس عليه غافي

جبت مخدتي وخليتها عكس نومته مددت وتغطينه بنفس البطانيه

بقت حسبه توديني وحسبه تجيبني

وتالي

شلون

هسه هذا الضرغام لشوكت حيبقيني هنا

شنو ناوي وره الموده هاي احس وراه ضميمه ياكبرها

لازم اسحب منه كلام

لازم اعرف على شنو ناوي

اشتميت ريحة العطر الي خلاه على ايدي ابتسمت خوف لو شنو

هو ليش خايف عليه هيج

وليش مبقيني اصلا

ليش مكال للحجي

بقيت افكر لحد ماغفيت ونمنه وخيم علينه ليل جانت بدايته مرعبه بس نهايته شبه جميله جانت اول مره بحياتي انام يم رجل بس حسيت وكتها بالامان رغم هو بعيد كل البعد عن الامان بالنسبه للناس مصدر رعب وموت

كعدت الصبح فتحت عيني لكيته ماكو كايم من فراشه

كمت من فراشي وطلعت الباب ماقافلها

باوعت يمنه يسره ماكو

عدلت شعري رفعته عالي طوبه

وغسلت وجهي

وطلعت اباوع الخضار والنخيل مزروعه صايره مثل السياج داير مداير المزرعه

مساحه جبيره كلش

وكفت اباوع

وسمعت صوت الحصان

ابتسمت

باوعته ماكو

مشيت على صوت الحصان لكيت الضرغام كاعد وماعرف شيسوي برجل الحصان وجان يمكن مكمل لان نهض ونفض ملابسه

هاي كاعد

باوعلي صفح بدون مايلتفت

ومارد

- هذا حصانك

- مارد

- اصلا صوجي اعبرك واحجي وياك

عفته ومشيت

صاح

الريوك بالمطبخ

باوعت عليه معاجبني وعفته ومشيت

فتت جانت اكو غرفه بضهر الغرفه الي اني انام بيها

صغيره بيها سنك وطباخ وميز حديد

عليه ملح وشكر وكركم بس

وجداري ثنين ومواعين يجي ٦ وخواشيك هم بس وسخات لان مامستعمله عليها تراب

جان القوري الجاي على الطباخ الواضح هو كاعد ومتريك

وغاسل كوبه جان مخلي جبن ومربى على السنك وماعون صغير وخاشوكه وصينيه هم صغيره

اخذتها وسويت  الجاي واخذت الصينيه وكعدت بره اتريك الجو جان يرد الروح

دااكل حسيت بوجع قوي بطني

عبالك سكين ونغرزت بيه وصارت تكطع بيه

عفت الاكل ولزمت بطني

حاولت اكتم الوجع

كلت هسه شويه وتروح

بس الوجع استمر

متحملت كمت اصرخ

اااااخ

بطنيييييي

اخ بطني

سمعني واجاني

شبيج

مادري بطني

وجع

كومني من ايدي كال امشي للغرفه ارتاحي

سندني واني لازمه بطني اتلوه والوجع يموت

ماكدر انام على بطني لان الطفل

ايدي مخرمشه والثانيه متصوبه رجلي كلي جريحه واتوجع من بطني وياها وجع بظهري لازمه بطني وظهري

باوعلي كال

بسبب الطفل لان ميت

- صرخت بي

ماميييييييييييييت اسكتتتتتتت انتتتتت اسككككتتتتت

عض شفته بغضب وجر نفس تخوصر وصار يروح ويجي بالغرفه يلوب وي وجعي واني متحمله الالم ومامتحمله فكرة انه طفلي يموت

اضرب بالحايط من الوجع حسيت شي نزل باوعت دم

هو مباشرة انتبه كبل طلع من الغرفه

واني حرت شلون شسوي وين اروح

طلعت قطعة قماش من ملابسي حاولت اوقف النزف صحت عليه

ضرغام تعال مداتحمل ماعرف شصار بيه

اجه كبل

صرخ بيه

لتعااااااندددديييين لج ميت

ميت مدااكذب علييييج

خلص

خلص

سوي الي تريده بس خلصني من هالالم مداتحمل

- شالني وراح بسرعه للسياره

فتحها وصعدني بيها

فتح باب المزرعه وصعد ساق السياره طلعها بره ورجع نزل يسد باب المزرعه واني اصرخ عبالك عندي طلك

بس مثبور هو وياي وي صرختي

ساق سياره بسرعه شخطت بحيث الي ورانه صارت ترابه

وطلع بسرعته للمستشفى واني احس روحي ماعت ماعرف شصار بيه اختل توزاني

رغم هو شايلني شافتني الطبيبه كالت

شنو مشكلتها شبيها

حامل دكتوره والطفل يكولون ميت ماعرف شوفيها

نطوني علاج يخفف الالم وفعلا شويه وخف الالم ارتاحيت وكدرت استوعب شبيه

دشداشتي دم والدكتوره كالت لازم سونار

اجرت فحوصات الدكتوره وسونار كالت لضرغام

المشيمه متأذيه كلششش والطفل ميت بادي يتحلل اصلا وين عنها انت شنو هالاهمال هذا وصارت تحجي عليه وهو يباوعلي عاقد حاجبه

ويباوعلها ساكت

صاحت على الممرضات دخلوها مباشرة كورداش لازم نلحكلها واذا اضطرت الامور نسويلها عمليه فتح بطن لازم تسوي اجراءات بخصوص هالشي على مسؤوليتك

اخذوني لصالة العمليات

وجهو الاضويه عليه مال العمليه

هنا حسيت راح اموت وهاي اخر نظره الي للحياة

ساعتها تمنيت دقيقه ينطوني اتشكر ضرغام واكله اسفه ماسمعت كلامك

بكلبي تشكرته وخلو البنج وبعدها ماحسيت بشيي....

سديم.....

توجهت ثاني يوم لشركة ادم فتت شركه صغيره مو كلش جبيره اول ماتفوت الها واحد كاعد على جهاز حاسوب وثاني ويا مساعد سألتهم على ادم وكلولي اتوجه لمكتبه

فتت جانت غرفه بيها ميز وكرسي ويم الميز شجره تنطي جماليه للمكان

واكو باب يم الميز تودي لمكتب ادم

دكيت الباب صاح ادم تفضل

جان كاعد على الكرسي مرتجي فز من شافني باابتسامه عريضه

اهلا عيوني سديم نورتينا

- اهلا بيك استاذ

ولو بالعاده ماتكليلي استاذ بس حلوه منج طالعه

-بالشغل شي وبره الشغل شي ثاني مو

- تعجبني نباهتج

ايييي سديم

قبل لانبلش شنو هالكيك شطالعه

-كنسلت على كلامه

استاذ. اباشر بالشغل

- تفهم مباشرة

اكيد باشري هسه لو حابه

- من رخصتك

عفته وكمت كعدت بالمكتب بره باوعته نضيف ومرتب

كدام الميز شاشة تلفزيون

وعلى الحايط صور منتجات

جان اكو تليفون ارضي على الميز وتليفون ثاني هم اكتشفت بعدين يربط بين تليفون مكتب ادم وبين هذا الخط

-كعدت ساكنه بالبدايه ماصدرت مني اي ردة فعل

رن تليفون ادم

- سديم جيبلي المستمسكات الي يم سامي كليله جاب العقود حجي مناف

-اوك استاذ

رحت كتله لسامي

- بلي جابهه العقود بس دقيقه اكمل فحصها

- اوك

ماعرف شنو دقق وبعدهه نطانياها

-رحت وديتها للمكتب بعد مادكيت الباب

نطاني اوراق

هاج هاي تنزليها يمج اكو سجل ازرك يمج تنزليها بي

- اوك

اخذتها ورحت

كعدت وكعدت انزل حسابات واسماء منتجات

جان شغل بسيط مايحتاجله غير وقت فقط مابي جهد متعب الصالون جان اكثر تعبه

- كعدت اشتغل مال واهس اول يوم بالشغل

كملت شغلي ووقت انتهاء الدوام طلع ادم من مكتبه

باوعلي كال

- كملتي شغلج

بابتسامه:-اي

- شبسرعه ماتعبتي وانتي تنزليهن

- لا مايرادلها شي

- مبينه شاطره عاشت ايدج

اني رايح تحبين اوصلج وياي

- لا موبعيده الشقه هسه اروح اتمشه

- اوك عيني

باي

- باي

طلع واني هم طلعت وراه رجعت للشقه

لكيت رباب وهند ماموجودات

اتصلت على رباب نطتني رفض

كلت يمكن شغله ضروريه وطلعو

- كعدت حضرت العشه بين مايجون

وفعلا ماطولو واجو

- ها وين جنتو

- هند جان وجهه مخطوف وخوفه بعيونها ورباب متحجره متحجي شي

قلقت اكثر شصاير احجو شبيكم

- رباب:- رحناله للبيك مالتها

- منو تقصدون حبيبها

- اكو غيره

- ايي وشصار

- يكول ماعدها شي يمي لاورقه تثبت علاقتي بيها ولا شي ثاني تروح تكول لعشيرتها للقانون انكر وخل تطخ راسها بعرض الحايط

- فتحت عيني بوسعها

وانتو ليش رحتوله

رباب-( بصوت) لازم يساعدنه غصبا ماعليه هو مو بس يكسر لازم يجبر لازززززم

- شيجيررررر الرجال متزوج شيجبررررررر

- يتزوجها ثانيه وين المشكله بالموضوع

- يعني تقبل تنزل ضره على بنيه مالها ذنب

- وتقبليها انتي تنقتل لعد

- شوفيلج طريقه ثانيه لتبني سعادتها على حساب تعاسة غيرهاااا

رباب - باوعتلي بغضب:- سديم تسكتين لا ااكوم اعجنج عجين ومايبرد گلبي

لج البنيه طايح حظها وانتي تحجيلي بالمثالياااات

بشرفج لو جنتي بمكانها شسوين هااااا شسويييين

- تلكأت ماعرف

- اني اكلج شتسوين تحلليها على نفسج

راح تقبلين تزوجين وتكونين ضره تدرين ليش

لان راح تنحطين بين نارين ساعتها راح تجلبين بأي ايد تنمدلج وتنقذج ومايهمج احد

لتبيعين مثاليات وانتي متدرين بالنار الي بينه

- ماابيع مثاليات بس مرته شنو ذنبها

- ذنبها تزوجت واحد خايس وابو نسوان ساقط يتلاعب بااعراض الناس

ليش يكلك اسأل على شريك حياتك يله ترتبط بي

وصرخت

حتىىىىىىىىى ماتنحط بهيج موقففففففف

لو نسأل على الولد مثل مانسأل على البنيه جان الشباب خافت جان نردعت جان فكرو بسمعتهم

بس مايفكرووووووووون

المجتمع الزباله العايشه بي مجتمع تعبان

كلها تنصف الرجال زين والعوبات الي امثالها اشلووووووووون ( وتأشر على هند)

- كافي الله يخليج على كيفج

- على كيفي؟

وتكليلي على كيفج

شوفي سديم

امثالج ماتحس بوجع غيرها

امثالج همها المثاليات بس لو ينطبق عليها الشي

تخلي المثاليات على صفحه

- والله قهرتني مرته اني افكر اكول بنيه حالها حالنه وهم حتنقهر من تشزف وحده تشاركها بزوجها

- بله سؤال

- شنو

- لو هسه اخذت هند ورحت لمرته الي داتكولين عليها

وكتلها زوجج هيج وهيج مسوي

برأيج حتصير من جانب زوجها وتنكر لو من جانبنه وتكله صلح غلطتك

- سكتت

-احجي ليش سكتي

- من جانب زوجها

- حلووووووو ومن حتصير من جانب زوجها حتنكر معناها وحتدكللها طبج مرض لترمين بلاج علينه موووووووو

- اكيد

- هنا هي ليش هيج كلتلها

- لان زوجها وتدافعله

- لا

مولان زوجها وتدافعله لان فكرت بنفسها

لان متقبل وحده تشاركها بزوجها

- يمكن

- اكيد مو يمكن

هنا هي الانانيه وهي الي تريد تبني سعادتها على حساب تعاسة غيرها

عادي غيرها تنقتل بتهمة غسل شرف وتموت وتموت احلامها وتنتهي حياتها لمجرد حبت وثقت ومشت بگلبها بس الزوجه المثاليه الي تحجين عنها متتنازل وتتفل بنص وجه زوجها وتكله تاليتني طلعت متزوجه عار ناقص شخصيه يلعب بااعراض الناس

- بلعت ريك ماعرفت شجاوبها كلامها جدا منطقي

زين نروح لاهله ونكللهم بعملته وهم يتصرفون نكللهم اذا ابنكم ميصلح غلطته نسويها عشاير

هند- لا لا

خاف امه تسويلنه طلابه

خاف ابوه خاف اخوته

رباب:- سدي حلكج انتي هسه خفتي سكتي

اي سديم حلوه فكرتج كملي

- اي نهددهم

- وهسه يكولون شنو الدليل انتو تتبلون على ابنه

- هند كالت:- عندي صور اني ويا بالكليه

رباب:- هذا مو دليل كافي

هند:- عندي رساىل جان يدزلي cmc

رباب:- عباره عن شنو هاي الرساىل

هند:- وحده منهن يكلي اريدج اليوم تجين للبيت اهلي طالعين خل نغير

- ايييي حلو كلش حلو

باجر

نروح

ونطيح حظه لهذا النذل الي مايجي باللين نجيبه بالقوه

هند:- خاف يخابر على ابويه يسويلي مشكله

رباب:- بله وشيكلهم يكلهم اني جرجرت بنتكم ضحكت عليها

هند:- خايفه رباب اخاف منه

- لتخافين تره هذا حبيبج ميخوف جلبي اني ادري شفتي بي وحبيتي وجه كفه

- حبيته بعد

- ولج يحضي لافلوس لاخلقه لا اخلاق شفتي منه وحبيتي لا وفوكاها متزوجته وصايره على كد ايده

- سديم:- الحب ميعرف هالامور الي ذكرتيها رباب

رباب:- لا يعرف

انتو تقنعون عقلكم الباطن بهذه السخافات الي ملاها داعي يعني انتي هسه تكدرين تحبين واحد مجنون لو مثلا رجال جبير بالعمر

- لا طبعا

- ليش منكول الحب ميعرف هالامور مثل كلامج

- لان مو من العقل نحب هيج

- ولما مو من العقل نحب هيج

من العقل هم نحب شخص نلكه بي مزايا عن البقيه

- سبق وان كلتي كلامه معسول ومهتم بيها

برأيج الاهتمام مو سبب للحب

- للحب اي ممكن بس العشق الاستسلام لاااااا

الحب هو ثاني مرحله بعد الاعجاب

الحب يبدي بعد التقرب

بعدها يايتحول عشق ياكره

- مفتهمتج

- جرت نفس:- ياعيني افهميني

الحب الي جنت احجي عنه اقصده الاعجاب انتي تكدرين تنعجبين برجل كبير السن او مجنون كلتي لا

زين معناهامراح تعشقي

ياسديم العشق هو تقبل الطرف الاخر بكل مزاياه وعيوبه

زين هذا العشق مستحيل يتولد اذا ماكو اعجاب وتحول لحب بالتعارف وبالعشره عشق

افتهمتيني

يعني هي من حبته غير على مزاياه

اوك نجذبت بلكلام المعسول اوك ضعفت كدام الاختمام الاحتواء بس بعدين شنو

اذا هو هيج حسسها روميو العاشق الولهان ليش ماطلبها رسمي

هند:- كالي ضروف وحالتي الماديه متسمح اطلبج من اهلج

اهلج حيطلبون مهر غالي وانتم عشاير واعرف بهاي الامور

رباب:- وتعاطفتي ويا؟

هه شفتي ياسديم الشباب شنو

ذئااااااااااب

ذىاب مفترسه تغرس انيابها بكل فريسه توكع بيدهم

اكو شباب حتى ابليس يتبره منهم

اعوذ بالله من آلسنه مستحوذ عليها الشيطان

اكو شباب عندهم لسان يذوب حتى الحديد

يتصيد بيها امثال هند

يوكعها فريسه بعدين يكلها يلاااا لو شريفه جان متقشمرتي بكلمتين

- والله كلامج صحيح رباب انتي تقنعي للواحد

- حقيقه هاي مو كلام حتى اقنعج

يله خلونه نام باجر نروح

- اوك

ثاني يوم رحنه طلعنه اخذنه تكسي ودلته هند للسايق على بيت حبيبها ورحنه

دكينه الباب بعد انتظار فتحها حبيبها نفسه نصدم ونصدمنه لما شفناه

انتن شجابجن شعدجن جايات

رباب:-اهلك هنا لو بلا اصل وفصل

- احترمي نفسج انتي لسانج طويل يرادله كص

- والله ماينكص غير لسانك ياناقص الشرف

- انتن لوشريفات متجن لهنا تذبن بلوة صاحبتجن عليه

- احنه نذب بلوتنه عليك ( ربت على الباب بقوه وصاحت) هيييييي اهلك وييين

- من سوء حضجن اهلي مو هنا طالعين

امشن منا لا ابلغ عليجن الشرطه

رباب:- بله يمه يمه يمه كمت اخاف

لزموني بنات

كمت ارجف

رجلي مداتحملني

دمشــــــــــي لكـــــــــــــ

صاير رجال تهدد

- ثار علينه وصيح رجال غصبن عليج بنت الق***

ما وراج صداد رداد انتي

-والله لااشوفك الصداد والرداد على اصولهم بسيطه اني الك تفووووو

ومشت وحنه وراها. ساكتين كلشي ماحجينه

رباب شخصيتها قويه تشوفيها هادىه بس وكت الجد محد يلحكها

مشينه واول مداتحجي هند صرخت بيها سكتيييييي

حلكج لتفكي انتي

سديم:- رباب اعصابج احنه بالشارع

- سكتيها لهاي لاابتلي بيها

- مشينه هي كدامنه واحنه وراها

حتى تكسي مااخذنه داتمشي فجأه وكفت

حانت عيونه تسأل ها شبيج باوعت تخوصرت وكفت باوعت وردت باوعت علينه

من باوعت على شنو داتباوع شفت درج يطلع على طابق ثاني مكتوب فوك صالة الابطال عليه صور مصارعين جانت صالة كمال اجسام

همست داتفكرون بلي داافكر بي

- هزينه راسنه ب لا

- عوجت حلكها ماعجبها جوابنه كالت

نأجر ثنين يفوتون عليه هسه يزوعو العافيه اريده كسور متنجبر

- هند رد الدم بوجهه كالت اي رباب برديلي كلبي

- وعيونج لخلي قالب ثلج اذا مسويته رجال بس بالجنسيه اني مو رباب بس كون احد يقبل

صعدنه للقاعه فتنه بيها جانو شباب يتمرنون اشكالهم تخوف من الضخامه

بلعت ريك من شفتهم بكت طن هوى

رباب سألت ابو القاعه

- اكو واحد ضارب اختي واريد ارد عليه بس اني اخوان ماعندي اكو احد يكدر يضرب الي ضرب اختي بفلوس يعني

- ههههه هاي جديده نوب شنو وين عايشين

- اروحلك فدوه مستهتر ودايهدد بأختي

- عيني قاعه والها سمعتها عدجن طلايب روحن بعيد منا

وحده باوعت بوجه الثانيه نزلنه جان ينزل واحد ورانه

شكد تدفعن

- باوعت رباب

جنت تسمعنه

- اي سمعتجن شكد تدفعن

- شكد تريد

- اني ١٠٠ الف واذا واحد وياي هم ١٠٠ بس اذا بيها قانون وطلايب تكلفكم الشغله

- لا مو قانون

- ماشي

- بس اريده هسه ينكتل وحده بالبيت

- هه انتي انطيني اسمه وعنوانه ويجيج خبره هي مو اله بالبيت ترديها اليوم ادفعي وبالليل ابيته بالعنايه المشدده

- اوك هاهيه

نطته عنوان الشقه ختى يجي يستلم الفلوس واخذنه تكسي رجعنه للشقه منها ١٠٠ ومن هند ٥٠ ومني ٥٠ جمعناهن

رغم تأنيب الضمير بس جنت اكول يستاهل هو رادها لنفسه

اجه ورباب بكل برود سلمت الفلوس للولد

وراح

لليل اتصل كال

اذا تعرفون اقاربه اتصلي بيهم حتى تعرفين اخباره

رباب ابتسمت بحقاره وكالت اوك

معرفنه على منو نتصل بالبدايه بس بعدين هند عرفت من صديقتها انه فعلا بالمستشفى

مكسره وحده من ايده ورجله هم وضاربي على راسه بجماغه ( مكوار) وشابعي بوكسات بحيث حالته خطره

رباب كالت حل ويستاهل هنده ضربت على وجهها

- الله يسترنه رباب ولج بس لا نروح بيها

- لتخافين

- تلعثمت معرفت أ أيدها على تصرفها لو لا

غلط الي سوته لو لا

شلون خطرت بالها هيج فكره شلون نجحت شلون دبرتها ماادري

بقيت ساكته اترقب النهايات

اعرف شنو تاليتها هند على شنو حتنتهي قصتها

اللهم ارحمنا من ضعف نفوسنا فإن النفس أمارة بالسوء الا مارحم ربي

لست ادري أنلوم فتاة قد راهق قلبها وعشقت فاستسلمت ام ذكر ك كلب لاهث مسعور يتصيد في منتصف الليل

ام شيطان قد زين لهما سوء فعلتهما ثم قال

إني بريء منكم إني اخاف الله إن الله شديد العقاب

كنت معكم انا رغد الموالي في امان الله

ا ليس لكل منا حلم

أليس لنا الحق بالعيش

العيش بسلام بطمأنينه بحب

اود لو أن أصحو ذات يوم

ويكون كل مارأيته حلم

كل ماعشته كابوس

وكل الذي مررت به تحذير! 

تمنيت شيئا محال أن يتحقق

أن تتمنى عكس ان تترجى

فالتمني شيء والترجي شيء أخر

أحدهما محال حصوله والثاني ممكن

فلتكن انت صحوتي التي ستوقضني من سباتي

فلتكن ولأكن ولكل منا امنيات.....

ـــــــــــــــــــــــــــــــــــــــــــــــــــــــــــــــ رغد الموالي

مريم...

صحيت بغرفه بيها لوكر وسرير كانونه بإيدي ومغذي

ماكو احد بالغرفه

تقريب لربع ساعه فاتت ممرضه

- حمد لله على سلامتج

-  ( رديت بتعب) الله يسلمج

- جابت جهاز الضغط تقيس الضغط

همست  وينه

- منو

- الي جان ويايه اسمه ضرغام

- طلع وصاني عليج

هزيت براسي بمعنى اي

- ضغطج شويه هابط تحسين بوجع؟

-- خفيف

- مال العمليه لتخافين ان شاء الله لباجر تتحسنين

- الطفل طلعتو

- طبعا لو باقي جان الله اعلم شنو صار بيج على كولة اهلنه متملخه المشيمه

ماعرف ليش مقهوره مفروض افرح الي جان بيه عار بس اني نقهرت ردته للطفل

كضيت اليوم كله والليل بس الممرضه تروح وتجي ماكو احد يمي ضرغام ماعرف وين راح اختفى ولثاني يوم بالليل يله اجه

ثكلت من يمه كلش لان احتاجيت احد يمي كوه اكوم كوه اكعد ماكو احد يمي

ضرغام:- سلامات شلونج ان شاء الله زينه

- زينه

- تره جنت مجبور اروح يشكون بأمري

- لا روح اصلا مااحتاجك

- الدكتوره كتبت خروج يعني تكدرين تطلعين

- هزيت براسي اي جنت كوه اباوعله ثكلان خاطري منه

يله تكدرين تكومين

- اكدر

اكوم بس بصعوبه من شافني هيج سندني

لازم تبدلين مو زين بعدج بملابس العمليه

ماعندي

- اي صح نطوني ثوبج وكتلهم ذبو هسه اطلع اجيبلج انتضريني

طلع وتقريب لساعه اجه جايب سويتر وبنطرون

- تعبانه هي مال بنطرون

- البسج دشداشه يعني تحملي منا لما نوصل

هاي جبتلج ملابس عود لبسيها حسبت حساب تره

بديه الكانونه

نترت شلون ابدل

- اساعدج

- خاف متقبل 

صيح الممرضه

- تامرين ست

- راح صاحها وبقه هو بره ساعدتني وبدلت وبعدها صاحت عليه اجه سندني  وصار يمشي بخطوات بطيئه وي مشيتي

لحد ماوصلنه لكراج المستشفى صعدت بالسياره وصعد هو ورجعنه للمزرعه

مددت على سريري بس مضايقني بنطرون ذبيته وردت اذب السويتر صعوبه

صحت

لاتفوت اريد ابدل

مارد يمكن ماسمعني

عاونت نفسي وذبيت السويتر ولبست دشداشه شويه مريحه ومددت

هو ماعرف وين راح

شويه واجه جايب ٤ شيش معلاك وبطلين عصير وخبز

سندني حتى اكعد على السرير وخله الصينيه على السرير وهو جاب كرسي خلاه يم السرير وكعد سوالي لفه اخذتها جنت ميته جوع

فتحلي البطل وقدمه الي بمعنى اشربي مايحجي

بقه يسويلي لفات واكُل وهو ابد مااكل

- مراح تاكل

- باوعلي ورجع باوع للخبزه الي بإيده جان دايسويلي لفه  مارد

- انت ليش من احاجيك مترد

- لان ماحب احجي

- اخذت اللفه وهم اكلتها حسيت مو بس بالشبع لا بالتخمه وهو يسويلي كتله شبعت ماريد بعد

هز براسه بمعنى اي

شال الصينيه اخذها وطلع بره واني رجعت مددت

سمعت صوت دراجه وفتحت الباب عرفت طلع

بقيت بمكاني

حسيت بروحي اريد اروح للحمام بس شلون حكوم ومنا محتاجه شغلات استحي اكله عليها شلون ماعرف

تقريب لساعه اقل رجع

فتح الباب نطاني علاكه سوده كال وهو يباوع للشباك ميباوعلي يحك ركبته

هذه شغلات بنات واذا محتاجه شي بعد كولي

خلاها وطلع

فتحتها باوعت

حمرت خدودي من الخجل حراره صعدت لراسي

ومنا مداانسه موقف الدم

خجل مو طبيعي

هذا شمدري شلون هيج كلشي يعرف

كمت بصعوبه اتمشى وي الحايط حتى لا اوكع ورحت للحمام اغير

طلعت شفته شايل فحمات ومخلي نركيله بالكاع وكرسي ويمه الفرس باوعلي ورجع باوع للفحمات جان ينفخ عليها وخلاها على فنجان النركيله

وكعد على الكرسي

عجبني اكعد اختنكت من الغرفه بس استحي اروح يمه  بقيت واكفه من بعيد اباوع للاشجار الجو جان حلو نهاية شتاء

دايشرب نركيله بعدين انتبه لوجودي

صاح عليه

تعالي كعدي اذا ضايجه

- صرت امشي بس كوه بصعوبه

كام اجه عليه لزم ايدي خلاها وره ركبته رغم اكصر منه اني ورفعني

- هاي شداسوي نزلني

- ماردلي

كعدني على الكرسي جان كرسي واحد بس

راح هو جاب بلوكه ورجع خلاها وكعد عليها

وصار يشرب نركيله احسه مندمج مبين يحبها

مشكلتي احوص ماعرف اسكت مثله بس اسأل

واريد اعرف هواي تفاصيل بس الي قاتلني سكوته

هذا

حاولت مااحجي بس اتفرج مثله بس هو يلهي روحه اما اني ف لا

سألته

- الحجي خو مدايشك بشي

- رد بدون ميباوعلي

ابو غضب مغطي

- ليش هو يدري بشي

- اي

- كتله يعني

-اي كتلو

- هسه يكله للحجي

- لا ميكولو حذرتو ميكول

- انتو هسه بالبيت لو رحتو لتل الذهب

- قبل شهر ونص رحنه لتل الذهب

- هو راد يتأكد منكم الحجي بالذات انت

- باوعلي....  شمدريج

- سمعته هو يحجي

- شنو علاقتج بالحجي انتي صار بينكم شي

- لا

- كل هالتودد وحسب معلوماتي مخليج للخواص

- اي ولهسبب ابنه فشل كل خططه

- يعني انتي جنتي مكيفتلها للسالفه

- جبرني

- شلون جبرج البنيه اغلى شي عدها شرفها بشنو جبرج

- كالي اخليج للحي كله

- ومن يخليج لجماعتو عادي تقبلين

كالها برفع الحاجب

- هيج

هيج

حخسر

خو اكسب اذا خسرت

- فلوس قصدج

- برأيك اكو غير شي اكسبه

- ليش منهزمتي قبلها

- مكدرت وخفت

عقد حاجبه بغضب - لا مو مكدرتي مكيفتلها للسالفه سمعتي ثكال وفلوس كيفتي ولو غير هالحجي جان ماعرضتي نفسج للخطر حتى تحتفظين بالطفل

- شتقصد

- انتي وحده بايعه نفسها للفلوس

عادي تجيبن طفل للدنيا بلا اصل ولافصل

بالج حيشوف الحجي حفيدو ويرق كلبو يكلج ارجعي اسويج مرت ابني

- مو من حقي ابنه اعتدى عليه مو من حقي

- مافكرتي يقتلج وابنج يبيعو اعضاء مافكرتي

لو همج فلوسهم

لو عاجبج جو الاجرام هذا

- ضيقت عيني

تحجي وكأنك مو واحد منهم

- عاف النركيله وكام

كال وهو ماشي بغضب  وحده رخيصه بايعه نفسها لهذا وهذاك علمود جم فلس 

باوعت ردة فعله فاجأتني احسه كدامي لغز مجاي اعرف افسره

لو باقي على سكوته افضل

طلع ملابسه وراح للحمام يسبح شويه وطلع مبدل وينشف بشعره متجاهلني

-  جو الاجرام هه

يعني انت مو مجرم حالك حالهم

- باوعلي ورد كمل تنشيف بشعره مارد

- غوركت عيوني وكملت احجي وي نفسي بس بصوت بحيث يسمع هو عيني على الزرع

اسوي اي شي علمود اطلع منا

امنيتي الكه اختي اشوفها وين عايشه واعيش وياها واخلص

لاتتوقع فرحانه اصير لهذا ولهذاك بس يمكن اذا سلكت هذا الدرب اطلع منه بشي على الاقل اتزوج

باوعلي صفح ابتسم استهزء

ورد التفت ينفخ على الفحم مال النركيله يعمرها من جديد

انت ليش مخليني هنا لشوكت حبقه

مارد

- شنو حتستفاد من بقيتي هنا

- مارد

- من احاجيك جاوبنييييي احجي وي الحايط اني

- نتر

شتردييييييين

- كلي ليش مبقيني هنا

- غمز وكال

برأيج ليش

-  بهذا حالي؟

- تصيرين زينه واصفي حسابي وياج

- وبعدين

- بعدين ( نفخ دخان النركيله فوك وكال بعدين 

ديكمل دك تليفونه

باوع على الشاشه وباوعلي

كام بسرعه وراح بعيد شويه يحجي على كيف ماينسمع الصوت رغم كبالي هو

يحجي بالتليفون ويباوعلي شويه ويرد يحجي بالتليفون ويهز براسه بمعنى اي شويه وسده واجه كعد رجع يشرب نركيله

- منو خابرك

- مارد

- منو حاجاك ليش كمت منا

- وانتي شعليج شنو مرتي

- باقيه وياك غير اعرف

- ميخصج

- الحجي جان يحاجيك

- لمن تعرفين بطلي تسألين

-  تاليتي شنو حترجعني اله لو شنو

- مارد ينفخ بالدخان فوك يتلهى احس بي

- احجي وياك

- رد برود

منتبها على نفسج شكد تحجين

- گولي لشوكت حبقه هنا

- حسب مزاجي

- هزيت براسي بمعنى اي

بكلبي اكول

خيصير بيه حيل واني اعلمك

نهضت حتى اكوم كام هو كال بهدوء

حترحين للغرفه

- اي

- لزمني من ايدي واني استند عليه اخاف لااوكع

مشيت ورحت جوه مددت

غطاني وطلع بره

بقيت اتصفن حسبه توديني وحسبه تجيبني قررت انهزم وهالمره خارج المنطقه اروح لاي مكان لازم انهزم...........

سديم ....

جانت رباب تحس بلذة الانتقام والانتصار اما هنده ف الخوف والتوتر يقره عدها الف معرفنه عواقب هذا التصرف شنو

الي جان يطمنه كلام رباب

- وهو شدراه احنه وره السالفه تعارك وي ولد وكتلوه احنه ياهو مالتنه

- واذا الولد حجو

- ميحجون وحتى لو حجو شنو دليلهم علينه

سديم - امجد ( حبيب هند)  مباشرة يتهمنه ويكول هنه

رباب- حلووووو يكول هنه زين مراح يسألو ليش تتدعي هم

سديم: • هااا

خرب

لج انتي شنووووووووووو

نطيني عقلج ابوسه

- ههههههه هاي حتى تشوفين عقل حبيبتي عقللللل

هنده- خايفه اني

رباب _ اهم شي انتي تخافين هو اني اريدج تخافين

- راح تورطينه رباب

رباب:- لا اورطج ولاشي هو حيبقه مخلي سلايه بحلكه ميكدر لايبلعها ولايذبها

اذا حيكول هنده حيكولوله ليش تتبله عليها

شيكلهم

يكلهم جانت عندي علاقه بيها وتركتها

ساعتها حتكلين هو اقام علاقه غير شرعيه وتركني

هنا هو راح يعاقب حسب القانون

وينسجن فوك مامكسر

فالافضل يسكت وميحجي شي وميبتلي

وداعتج يبليهم وهم يطابشون بيناتهم

- زين واذا الشباب معافونه وكالو انتو غدرتو بينه

- ميكولون تعرفين ليش

- ليش

- لان حيرحون بتهمة رشوه واعتداء على الناس

هنا هم هم ينسجنون بدال مايطلعون بكفاله وتفض السالفه

فيفضل السكوت هنا ياعزيزتي

- انتي منيلج هالمعلومات اليسمعج يكول جنتي قاضي تحقيق

-  هه قابل مثلجن ملتهيه بالحب والغراميات العطله التهي بهاي السوالف معلومات عامه

- هنده:- الله يعديها على خير

- ان شاء الله

جانت رباب تمتلك طاقه ايجابيه محفزه حماسيه

بحيث تهون عليك اكبر مصيبه

بالف رجال ويمكن الرجال مايوصل لربع تفكيرها ونضوجها وعقلها

بحيث بالاوقات الصعبه كلها تلتجأالها

جميل الانسان لما يكون عقله اقوى من قلبه وعواطفه يكون اكثر نضوج وحكمه

توجهت للشركه قبل لايوصل ادم

كعدت اشتغل على الحاسبه شويه واجه ادم

- مساء الورد

- اهلا استاذ مساء النور

فات لمكتبه واني رجعت لشغلي ساعه اكثر اجت

مره كانت سافره بدون حجاب بشعرها الاصفر الطويل الي يغطي ضهرها بشكل مرتب وكأنه قطعة قماش حرير عيونها كبار خضر وبيضه بياض الثلج

لابسه بنطلون وتيشيرت ربع ردن كانت مخليه ميك اب بشكل واضح جدا بحيث بارزها جمال اكثر

اني بنت استحيت من شفتها

اجت مباشرة تدخل مكتب ادم كمت مباشرة وكفت بوجهها امام باب المكتب

- تفضلي وين رايحه

- اروح لادم

- اكعدي انطي خبر ميصير تفوتين هيج عليه

- انتي الضاهر جديده هنا

حبيبتي عادي ادومي ناطيني الكارت الاخضر شوكت ميعجبني اجي

- وان كان لازم اكله

- نترت:  انتي شنو متفتهمين داكلج اني وادم واحد وخري يله شلون شكولات

- متحترمين نفسج شنو التجاوز

- صارت تدك بالباب

وادم مباشرة فتح الباب

- شبيكم شكو

- شوف موضفينك ادم شنو هالمهازل متخليني افوت

- جديد تشتغل يمي متعرفج

- فوتها وفات وياها وقفل الباب بالقفل واني واكفه حتى مابرر شي

حز بداخلي هالتصرف كعدت على الكرسي مااحجي شي

كملت شغلي من سكوت وبقيت كاعده انتظر وقت انتهاء الدوام

مرت اكثر من ساعه بعدها طلعت البنيه شويه ورن جرس من داخل مكتب ادم الي بمعناها يريدني

توجهت للمكتب

- تكلمت من دون مااباوعله عيني جانت بالكاع

تفضل؟

- هذه البنيه من تجي عادي خليها تفوت الا بحاله وحده من احد يمي لاتخليها

- اوك

- خلصتي شغلج

-  اي

- باوع للساعه

مابقه شي ويخلص دوامج

-  اوك

- تكدرين ترحين لمكتبج

- اوك

- جنت بس اريد انهي الكلام واروح من يمه قرفته نفسي بلحضتها وضجت حيل منه

شتقربله؟ 

هذا مايجوز من سوالفه 

بقيت كاعده لحد ماخلص الدوام وطلعت بعد ماهو طلع

رجعت للشقه لكيت هند ورباب مشغلين فلم ومطفين اضوية الغرفه مسويها ضلمه ومخليات راس براس يكرزن حب ويتفرجن

- مرحبا  وفتحت الضوه

- اشششش دنسمع وطفي الضوه

- شبيكم اريد ابدل

- يلا بسرعه

- بدلت وكعدت يمهم اشوف شنو يتفرجون

جان الفلم لعادل امام وهو متسول

يتفرجون وهدوء شويه وصارت بالفلم عركه لما عادل امام اعترض على كذبهم ولان يجدون

كانت عركه تصحبها كوميديها بكلمة ( سيبوه)  لينهبها عادل امام بكلمة سبوهم... سبوهم...  ويغمى عليه

رغم انه الفلم كان يتكلم عن التسول المر لكن الكاتب او المخرج اضاف الكوميديا الها

لكن اوصل معنى واحد وهو الكذب وشلون اكو ناس نفسها مريضه بحيث تستغل المستضعفين  وتخليهم يتسولون الافلام والمسلسلات والقصص لاتخلو من الحب عادل امام يعجب بفتاة يقابلها بمطعم ويضم عنها شغله الحقيقي وهنا يبقى متحير شلون يواجهها

- رباب  -  بله هسه شتكول من تعرفه مكدي ههههه تخيلي تحبين واحد يبيع مثاليات عليج وبالاخير يطلع مكدي

هند:- دااطم روحي يمه

- رباب:- بس يجوز يطلع رجال مو مثل حبيبج الشهم

هند:- الرجال ميبيع مي وجها وهو كلشي مابي

- رباب:- هه عيع شكد صرت اكره الزلم خاف جانت الي نيه اتزوج بسبب هذا حبيبج كرهته عفيه زلم لاتحبون نسوانكم ولاتزوجون الي تحبوها

- يعني هو هسه ميحب مرته

- لايعشقها ولايكرها مرته بعد عزيزه عليه

- اي واني هسه فلس مااسوه عنده

- سدي لهذا الموضوع اترجاج خل نتفرج

- سديم اتفرج وياهم بس بالي كل شويه يتذكر بموقف اليوم لحد ماكلمت البنات وكتلهم

.

- تدرون بنات اليوم صار موقف ماعرفت شفسره

- شنو شصاير

- اليوم ادم اجته وحده للمكتب وطبت ماطلعت غير وره ساعه ونص تقريبا

- دكت على صدرها رباب

عززه شتصير منه هاي

- ماعرفها حسب معلوماتي هو مامتزوح واهله مسافرين

-  زين وشكلها حالها البنيه شونه

- البنيه

شنو اناقه شنو جمال ولبس وهو من شافها نضرب على راسه ماعرف شنو صار بي مباشرة فوتها وقفل الباب

- شوفي حبيبتي

هذا معروف شنو ديربالج منه

-  يمكن لان اعرف شي عنه بالسابق هيج مابرر ولااهتم

- شتعرفين؟

- هم جان عنده علاقه سابقه وعرفتها عن طريق بنت عمته جنت اشتغل وياها

- لهسبب اكلج احذري لايخليج براسه

- والله متعرفيني لعد

- هاي النماذج مخيفه متعبه نرجسيه وماتحب الا نفسها

- اني حدي ويا على كد الشغل

- عشاء بزنسز وشغل غده وهالسوالف ديربالج

- لا اصلا حتى من يتصل رسميه ويا كلش بعدين هو ولامخليني باله معوده شجابني على الحلوات الي يعرفهن

- حلوات باللبس والمكياج عدسات وصبغ ليش متطلع حلوه سوي مثلهن وشوفي شتطلعين

-  بس مكيف عليهن

- لان يحسنون مزاجه

- مره كلي اهتمي بلبسج بالشغل اني زعلت طلع عنده حق

- لاتلبسين شي عادي دائما تأنقي

بعدين اني وهنده على طول نتبادل بالملابس ونلبس انتي هم شاركي ويانه نلبس سويه بهيج حاله بجامعتج يوميه لبس شكل او جنطه شكل وبشغلج هم

وحتى لو ماكو اي توادد او اعجاب بيناتكم بس الاناقه واحترام مطلوب هو من يشوف كشختج واناقتج يحترمج غصبا عليه

- حقج تحجين مشفتي الي عنده اكلج اني خجلت

- لان متتأنقين ومحمله طاقه فوك طاقتج داىما خلي ميك اب خفيف ابرز ملامح وجهي

- لا حرام ميجوز

- لعد شلون جنتي تشتغلين بصالون

- بس مجنت اخلي بالشارع

-  بس بالشغل مطلوب بعدين حواجبج حفيهن وجهج رتبي شكلج عفوي وطفولي والله انتي حلوه بس هاملتها لهاي الخلقه الحلوه الي الله نطاها الج

- مرت خالي تكول عيب البنيه تحف بعدني متزوجت

- وهي وينها مرت خالج بعدين انتي كبرتي طالبه جامعيه وهالامور مالها علاقه حفيفه او شي طبيعي لبس مرتب مالها علاقه انتي بنيه

اصلا عيب وجهج متروس شعر هاي نظافه حبيبتي

- هو صحيح بس استحي

- شو دسكتي تستحي والله اشو اليوم الا احفلج

- لا رباب شتحجين

- خل اجيب الخيط والملقط واني اعلمج

راحت جابت خيط وملقط وكعدت كبالي صارت تحفلي جان وجهي يوجعني اول مره احف حسيت نار وجهي صار وهي تحفلي شالت حواجبي بالملقط

ورتبتهن من باوعت على وجهي بالمرايه جني وحده ثانيه جان وردي من اثر الخيط والحفيفه حواجبي مرتبات تخبل ابتسمت بالمرايه حسيت اكتمال بثقتي بنفسي جنت اتمنه بس استحي

- ها شلونج هسه

- عاشت ايدج

- باجر ارتبج زين وهسه تشوفين  اذا تجي وحده حتهتمين وتكلين خجلت لو لا

- يمعوده اتشاقه شبيج

- لا سديم مو شقه انتي تكابرين بس كل بنيه يعجبها تكون جميله وهالشي انتي بنفسج هاملته مثل واحد يعلم الصلاه وميصلي تجملين بالناس بس نسيتي نفسج

-جريت نفس شسوي

- سهله وداعتجن جايتجن وحده وحده انتي وهنده النايحه

- هههههههههه حلوه هاي هنده النايحه

- ليل نهار تبجي ذبحتني

- شتسوي

- يله دنامي ورانه كعده الصبح

باليوم الثاني قبل لااروح للشركه نطتني رباب لبس منها جان قميص طويل وردي وبنطرون جينز نسقتلي ويا شال نيلي ساده وجنطه والحذاء اسود لون واحد لبستهن وكالت الا تخلين مكياج خفيف

وبحكم اني اعرف رتبت نفسي بميك اب خفيف بحيث برز عيوني كبار بالكحل وردي خدود حمره ورديه خفيفه وماسكارا من باوعت لنفسي جميله هواي خجلت وردت امسحه بس رباب ماخلتني

- ولج تخبلين شتحجين انتي

- استحي رباب والله استحي

- لج هذا واحد مغرور وشايف روحه ابد لاتنطي مجال يشوف نفسه عليج هيج شخصايت اعرف شلون تعامليهم

- يعني شسوي

- اتصرفي اعتيادي وكلما تكونين رسميه ويا ومتباعيله راح يتخبل نوبه عليج ف خليج رسميه هادىه شفافه

- بله وشعليه بي داتصرف هيج

- تبقين عوبه متصيرلج جاره خلقه بلا فهم بابا افتهمي حتى لو مو بينكم شي لتخلي يباوعلج بأقل من معارفه

- هففف نشوف تالي خططج

- انتو بس امشو وره خططي وتربحون دروحي عاد تأخرتي

- رحت للشركه جان بعده استاذ ادم مجاي

متوتره وكل شويه اباوع بالمرايه وعض شفتي خجل

مسحت الحمره متحملت استحيت يشوفني بس بقت شفتي ورديه اثر الحمره الممسوحه

شويه واجه ادم اني مباشرة وكفت ومدنكه وحجيت تفضل استاذ

دايمشي اباوع على رجله خطواته بعدين وكف كبالي بقيت مدنكه هو دنك يباوعلي ومن شفته دايباوعلي ابتسم بوجهي بعدين وكف عدل ورفع وجهي وجنت مغمضه فتحتها لعيوني ابتسم

جانت عيونه تتركز بتفاصيل ملامحي عيوني خشمي حلكي بعدين تكلم

- خجلانه؟  

واذا مامخليه مكياج كل البنات يخلن شنو انتي تختلفين حتى هيج خجلانه وتضمين بوجهج

عموما طالعه كمر

عافني وفات للمكتب

واني شنوووو نار احس تطلع من وجهي من خجلي تعركت وتوترت ايدي يصبن مي وكمت اهفي بالكلينكس

ااااخ منج رباااااااب اخخخخ

وكادت من فرط الهوى ان تسحرني بعيناها

تظن أنها لم تفعل شيء

لكنها قلبت حالي رأسا على عقب وكأنها قالت للجمال

تعال واستوطن في وجهي ومقلتاي وبعدي على الجمال العفا..........بقلمي رغد الموالي.......

مريم............

افكر انهزم بس وين اروح؟ 

حرجع لبهذلة الشوارع من جديد

زين شسوي

اصيرله مثل ميريد وابقه هنا 

خاف بعدين يغدر بيه ويسلمني للحجي

زين شلون شسوي

ماأأمن بي مستحيل

هذوله غداره وراح يغدر بيه اتغده بي قبل لايتعشه بيه انهزم واحمي نفسي لازم اخذ مسدسه زين شون وهو من ينام جوه راسه

اغوي؟ 

مبين نجر وراح يلكفها

زين شلون؟ 

من يسبح

اييي انتضره يدخل للحمام واخذه مستحيل حياخذه للحمام

مرت ٣ ايام صحتي تحسنت وصرت اكدر امشي بس هم تعب مو مال انهزم وهو يختفي مرات مو داىما بالمزرعه يطلع ويغيب بالساعات ويرجع

اجه جايب مسواك ومعلبات وخبز وفواكه

جنت كاعده يم الاشجار وشفته من دخل كل هذني

اجه كعد كبالي يباوعلي من جوه حاجبه ويرد يلتفت

ويرجع يباوعلي نفس النظره ويرجع يلتفت يلوب احس اكو شي يريد يكوله

شويه وكال ااااحم

باوعتله مارديت

  تكلم وجانت ملامحه تعبانه وعيونه تروح وترجع عليه

انه حروح كم يوم لتل الذهب

- مترجع؟ 

- كم يوم اغيب مااجي نهائيا الحجي بده يشك وابو غضب خلص حجج

- وليش كم يوم ليش مترجع شويه وتروح

- لو عرف انتي هنا مايرحمج

- بس اخاف وحدي

- من نهزمتي ماخفتي

- بنص الناس نهزمت مو البساتين لتعوفني اخاف

-مشكله مااكدر أأمن بيج جان نطيتج مسدس او موبايل

- انهزم ماابقه هنا لو عفتني

- اطلعي مااكلج ابقي بس المنطقه مليانه خنازير هنا وكلاب مسعوره حيايه هم اكو وانتي بقت يمج

- وتعوفني

- ماعندي غير حل

- اطلع وياك وصلني للمدينه وانت روح لتل الذهب

- مراقب افتهمي مااكدر

- لو مراقب جان لزمونه هسه

- مايكمشونه هنا بعدين وين اهدج هااااا وين الج كرايب اوديج عليهم عندج احد

- ماعرفهم

- خلص ابقي هنا وسكتي

طلع سجينه من جيبه نطانيها الي

هاج هذه لو احد تعرضلج تنشنين  على المكان الي تردي تستقر السجينه وتضربين

- شلون يعني

- تنهد التفت وراح وكف كبال شجرة الموز

كال

انتبهي عليه باوعي

صار يباوع بتركيز على شجرة الموز ورماها للسجين نبتت بالساق مال الموز

- شوفي هيج

- هزيت براسي بمعنى اي وهو باوعلي بمنونيه

يله حروح انه

جبتلج مسواك شوفي خاف ناسي شي او تحتاجين شي ثاني

- رحت باوعت

شكرا مااحتاج شي بعد

- انتبهي لنفسج

صعد على الدراجه ولف اليشماغ على وجها طلعت بس عيونه وحرك الدراجه وطلع

حسيت شي وياه اخذه وراح ماعرف يمكن احساس الامان

سديت الباب وراه وفتت جوه عزلت المسواك خليته بثلاجه جان جايب ثلاجه صغيره وسويت اكل وكعدت اكل واحجي وي روحي

- يعني اني حكضيها هنا وحدي فوكاها اي بشر ماكو

جريت نفس بعدين تذكرت كلام ام مازن لما كالت الله موجود بكل مكان وزمان

شوكت مانخاف نلكاه هو موجود شوكت مانختنك نشكيله يسمعنه ومايمل من عدنه ولايفضح اسرارنه ويساعدنه وما يحسسنه بهذا الشي

باوعت للسماء تمنيت لحضتها اتذكر شلون الصلاة واصليها نسيتها بس جانت تسجد وتكول

سبحانك ياعظيم ياقدوس ياكريم

اسجد اليك طاعة وحبا ف اجعلني من الساجدين الحامدين

سجدت وكلتها لهذه الكلمات.......

اول ليله جانت مخيفه الي خصوصا واني اسمع صوت الكلاب سديت الباب وخليت وراها كرسي ماعرف شنو دوره بس هيج خليته من دواعي الامان

وكلسع افتح السجينه وادقق النظر بيها

جانت السجين عاديه بس الحافضه مالتها

عليها زخرفه ونقوش وجان عليها حروف معرفت شنو هاي الحروف بس حلوه عجبتني كلش

خليت السجين جوه مخدتي ومددت بس الخوف داب بكلبي

نوبه طفت الكهرباء لو روحي ماعت احسها

غمضت قوي مااريد اشوف شي

سمعت صوت بداخل المزرعه شي وكع

خرطت من خوفي

ياهليله الي مراح تعدي

مر وقت طويل ماعرف شكد

سلطان النوم غلب عليه وحسيت بنعاس قوي

مددت وغفيت

وكعدت جانت الدنيا صبح وصوت عصافير

كمت طلعت بره تنفست بعمق

طلعت غسلت وجهي باوعت الشمس عاليه مو مال غبشه او بداية صبح يمكن صار الضحى

سويت لفة جبن وكعدت بره اكلها

وهيج عدت يومين وليلتين نهاري اعيشه براحه وليلي برعب

باايوم الثالث جنت كاعده بالمزرعه ودكت باب المزرعه

استغربت ضرغام مايدكها زين ارد لو لا. خاف احد يختبرني زين شسوي........

رغم خوفي منك الا انك وسط الغربة امان

معكم رغد الموالي في امان الله

اعزاىي من انزل صورة المجموعه الخاصه برواياتي واكول انضمو الغايه منها تعرفون شوكت انشر تحت اي ضرف انوه وانزل منشور اذا مااكدر انشر

               تـــــــــل الذهــــــــــب

كفي عن الترقب

كفي عن استجوابي

كفي عن قلبي

لاتقتربي

لاتقتربي يامريمي......

ـــــــــــــــــــــــــــــــــــــــــــــــــــــــــــــــ

مريم.......

ترددت بين ارد او لا وكفت متحيره شسوي

شويه وصاح من وره الباب

..  انه من طرف الضرغام دزاني عليج اذا ماتردين راح اعبر اجيت اشوفج واطمن عليج وارد

- جاوبت بتلكأ..  انت ممنو..

- كتلج من طرف الضرغام كالي شوفها اذا محتاجه شي هو مايرد هالايام طلعته مطوله

- ليش وين راح

- شغل انتي محتاجه شي

- لا بس كله اني خايفه ومااريد ابقه وحدي

- تامرين بعد شي ثاني

- لا

- هذ هوا...... اودعانكم

وين راااااااح وييييييين

شعنده

لو بس اعرف

ااااخ

بقيت الوب حايره ماعرف شسوي

تمشيت شفت الحصان مالته جان رابطه وره البنايه

تذكرت يمكن صوت مال هذيج الليله هو صدرها وخفت هيج

اي يمكن

جان مخلص مي ترست النجانه مي وخليتها كدامه

وجبت حشيش وخليته كدامه وكفت يمه

حصان حلو كلش ابيض وشعره كثيف نازل منه تحسه شعر بنيه طويل نضيف مبين معتني بي الضرغام يمكن يحبه وهيج مهتم بي

ردت اصعد بس عالي جان مكدرت وبنفس الوقت وضعي مو مال اجازف اكتفيت بالوكفه يمه

وصرت اسولفله

واسأله

- انت تعرف الضرغام؟

من شوكت تعرفه

زين هاي مزرعه مالته وانت هم راجع اله لو ماخذها خاوه

يمكن معتدي على فلاح مسكين كاتله وماخذ بستانه

يمكن مهدده ميوصل لهنا

انت هنا وحدك واني هم وحدي

انت تخاف؟

لا مااعتقد تخاف يمك حيوانات اما اني لو اكو ناس جان ماخفت

باوعت على روحي شنو جاي احجي هاي شبيه

استسلمت لقدري وكلت ابقه هنا اشوف مصيري وتاليتي

مرت الايام جنت نايمه حسيت على دكت باب الغرفه

باوعت ضلمه ليل بس ضوه بلاجكتور من بره داخل من شباك شويه ناطي ضوه للغرفه

خفت حيل ندكت الباب

جمدت هاي منو الوقت مبين متأخر

ندكت وياها همس اني الضرغام مريم فتحي الباب

- حسيت امان ونزل فجأه كمت على الباب فتحتها بلهفه باوعته هو رغم جان مقنع بس من طوله جسمه صوته عرفته

كمزت حضنته وهو بقه متحجر بمكانه ماصدرت منه اي ردة فعل

- هاي وين جنت وين رحت ليش عفتني

وخرت عنه وهو فات للغرفه فتح الضوه ونزع القناع

- اجيت اشوفج شلون صرتي واروح

- ليش

ليش تروح

- مااكدر ابقه لازم اروح

- عرف شي الحجي

-  ايدو  اليمنه  انه هسه

- ليش

شنو الي صار

- اكلج

هم لمنو تابعين الحجي لصالح منو يشتغل؟

- ماادري

- زين ولدو ليش ميشغلهم ويا

- كل الي عرفته يخاف عليهم ميدخلهم بهذا الشغل

- منين يستلمون بضاعتهم

- من تجار ليو يعرفهم والولد مره حجالي ليو كال تجار يونانيين ماعرف منين

- ليو هذا الولد الناعم الصغير

- اي

- شنو علاقتج بي

- ولا شي

- وبقية الولد

- ماعندي شي وياهم

- ولو ممصدكج بس يله

- براحتك

- حروح انه هاي جبتلج شغلات الج كلت خاف تحتاجيها ومسواك هم

- هزيت براسي نعم وهو كام ولبس القناع توجه دايطلع

- حتطلع

- اي

- زين واني شلون

- ابقي هنا وين اوديج

- لشوكت

- منزعجه؟

- اريد استقر تعبت

- باوعلي بنظره طول بيها بعدين هز براسه كال سهله سهله اروح انه

ديربالج على نفسج

- بعدها صعد دراجته وطلع وسديت الباب وراه

صرت ابجي ماعرف شنو من احساس يجيني كلما اشوفه

اول مره هيج الكه اهتمام

افتقدته هواي لمن راح وغاب عني ايام

تمنيت اكله ابقه لاتروح بس معذور

فتحت العلاكه اشوف شنو جايب جان جايب شغللت تخص البنات وجبس ونساتل وعصائر اتبسمت لمن شفتها اني يمكن مره وحده بحياتي اكلت جبس وماتذكر قبل كم سنه

بقيت بهذه المزرعه انتظر النهايه لحد وين حتصفى

تعودت عليها صرت انضف واشتغل بالمزرعه

مرات اكعد يم الحصان اسولف رغم هو حيوان ومايفهم بس اريد احد يمي مامتعوده هيج

جان وكت الكوجه والتفاح الاخضر الصغير

والمزرعه مليانه بهذه الاشجار جنت اخذ شويه واجيب ملح واكعد اكل

حتى نفسي صرت اهتم بيها

احف وجهي لو انظف اسناني بالفحم مال نركيله

جانت اكو شجرة جوزه بس ماشايله ورقها يلون الشفه من اخليهن تصير شفايفي ورديات

شفت نخله كلها سعف جبت سجين وصرت اكص بي

نخله نوعها جان يسمو المتقزم تصير كصيره وتشيل تمر وطيب طعمه

خليتهن كم يوم يبسن السعف وصرت احوك بالسعف

سويت حصيره بيها وسله ومكنسه

تعلمت هذه الحرفه من بدريه جانت تسوي هالاشياء

حبيت العيشه بالمزرعه لكن قلقي من  الضرغام رغم  ما اذاني بس متخوفه منه

خوفتني مساعدته الي

جنت متوقعه لو عاش راح ينتقم مني

بس الي سواه العكس

وهالشي زاد قلقي وخوفي

ليش؟  وعلى شنو ناوي.... 

ليش ساعدني؟ 

هم لايعرفون رحمه ولاشفقه اساسا الضرغام سمعت عنه هواي قبل من جان وي الحوت مجرم سفاح

وهواي كتل ناس وفجر هواي شنو الي يخلي ميسويلي شي

معقوله لان غرضه مني ياخذه

معقوله حيجرم بطريقه ثانيه

ناويلي شي

اي

اكيد

مستحيل يعدي ضربتي اله هيج مستحيل

زين شسوي

لو نهزمت ماعرف وين اروح

زين ارجع لتل الذهب واسلم روحي للحجي

لو شافني يمكن يسويني للقطاع كله ويمكن يشغلني وي البنات

يمكن يكتلني كبل

شلون

شسوي

بقيت متحيره مرت ايام واني الف فكره اجت براسي

من راح الضرغام زاد خوفي منه وتحسباتي وبديت افكر هواي خصوصا واني اشوف روحي زينه

طول الضرغام هواي

سبوعين من يوم الي راح لليوم

بعدها جنت كاعده بالمزرعه سمعت صوت دراجه فز كلبي ويا الصوت وكفت الدراجه يم الباب شويه ونفتحت من اباوع الضرغام وجان مقنع بس عيونه طالعه من كمت وابتسمت هو نزع القناع

وابتسم

اجه تقدم بخطوات ثابته

- شلونج

- طولت وين هالغيبه

- جر نفس وباوع للزرع كال شغل

- هزيت براسي بمعنى اي وسكتت

تكلم هو

شلون صرتي

- نخطف لوني وي هالسؤال...  ليش

- تحتاجين اوديج لدكتوره

- لا

- هز راسه بمعنى اي وكعد على بلوكه

- تاكل

- باوعلي مغمض عين وحده من الشمس

ليش تعرفين تسوين اكل

- لا بس هالاعرفله

- اذا عندج جيبي ماجبت وياي شي جانو لاحكيني

- فزيت  منو

- ناس وتيهتهم واجيت

- الحجي

خاف الحجي يدور عليه

- كتلج تيهتهم

- باوعت عليه مثل الي اريد التمس امان بس ماكو خايفه وهو متوتر بس ساكت

كمت للمطبخ سويت جاي وجبت جبن وخبز واجيت جان صبح

- هاي لهسه عندج اكل

- جبت هواي انت وبس اني

- عبالي تشاقين من كلتي اسوي اكل

- لا

-جان جوعان كعد اكل وره ماكمل اكل تذكر بالحصان

فز

المهره

سمسمه اهتميتي بيها لو لا وينها كام وراح يركض عليها كتله

لتخاف مابيها شي

شافها وكف وتنهد

باوعلي ابتسم

عاشت ايدج

- اسمها سمسمه

- اي

عزيزه عليه هواي

- شفتها جوعانه وعطشانه صرت اهتم بيها اني عبالي حصان

- لا مهره هاي سمسمتي اول مره هيج تروح عن بالي

- دوختها لسمسمتك شكد خرطتلها

- حتى سمسمه ماخلصت منج

دوختيها هم

- شسوي وي منو اسولف

- هم صح

- جنت يم الحجي؟ 

- اي

اكلج الحجي كل معلوماتج عنو شنو

- كتلك قبل

هو مايدري احد

- الحوت سولفلي عليه وكال خطير جان هو يتحذر منو

- انت هم مو قليل شر

- بعدج مشفتي شي

- شتقصد

- مااقصد شي    ولتخافين

ادريج خايفه

انه ماطلع عضلاتي على مره

هه

لا ويامره

مخطوفه بالصغر وباقيه لا ام ولااهل

- شمدريك

- ابو غضب سولفلي لو نسيتي

- شفت ليو

- اي

- شلونه

- شلونو..  ليو يشم

- لا مايشم

- بالجديد يمكن مهم شفتو يشم يخبط وي النركيله ويشم

- وانت

- بس المنكر هه

- يعني شنو

- يعني اكثر بشرب الماي

- هاا

- اروح اسبح

- صاير تحجي وتكول شحتسوي

- ردني وهو يمشي متوجه للغرفه ياخذ ملابس

من عاشر القوم...

- اخذ ملابسه وطب للحمام يسبح

من فتت وراه للغرفه شفته مخلي مسدس وبطاقه وسبحه شكلها غريب وعليه كتابات ماعرفها شنو

شلت المسدس ودست على الزناد ضربت طلقه بالحايط واني رجعت لوره وساده اذني من الصوت

اجه هو لاف المنشفه عليه متلهف

شافني بهذا الوضع

همس

خو ماتأذيتي

- لا

اخذ المسدس والبطاقه والسبحه وراح

شويه واجه لابس

- شجابج يمو

- مادري دست عبالي ممسحوب

- ليش

- ردت اجرب

- جربتي هسه

- سكتت

- بعدين ليش خايفه

- تفززت

- تعالي لعندي

- اجيت يمه وكفت

سحبني من ايدي وحضني

لتخافين تره مبين عليج اول ماشفتج

وجهج لونو مخطوف ومصفر باين ماتاكلين زين والاكل زايد عدج

ليش هيج

اني ساكته اول مره احس بدفىء مشاعر واحساس غريب وحلو جانت هاي الثواني اتمناها تطول والزمن يتوقف لهذه اللحضه اول مره يغمرني هيج

خفتي بهذه الكم يوم الي عفتج بيها؟

اي

- شدعوه

الي يخاف يخاف من البشر مو من حيوان او شي ثاني

- خايفه منك

- ليش

- وخرت عنه

باوعتله بعتب

شناويلي

- هز براسه بالرفض

ولا شي

- ليش خافيني من الحجي وجماعته

- باوع بعيوني متحير احسه ماعنده جواب

- سكوتك هذا الي دايخليني اخاف

- ضيق عينه وسألني

مريم اريد اسألج وجاوبيني بصراحه

- اسأل

- لمنو تابعه جنتي بالحي

- ولا واحد

- ابو غضب؟

- لا ابد

- ليش ابو غضب يعرف تفاصيل عنج

- مثل شنو

- مخطوفه وعندج اخت وربيتي وياهم

- مااتذكر منو الي خطفني جنت صغيره

بس هم يعرفون ويعرفون عنوان اختي يدرون بكلشي

- ليش ماجربتي تنهزمين كل هالفتره منهم

- وين اروح مااندل اختي

بعدين جنت مستقره وي بدريه والجهال

الجهال

صدك الجهال شخبارهم

- يتاجرون بس بالولد مو؟

اي

- والبنات للملاهي مو؟

- اي

- شعجب خلاج انتي بنات حلوات هواي شفت تابعات للحجي بالملهه

- ماادري

هو انت رحت للملهه

- اي كل يوم تقريبا جنت اروح

- وتكلي شغل

- طول النهار نشتغل وبالليل نروح نحسن مزاج انه والولد ونص الليل تجي مرات بضاعه لو شغل خاص

-جنت اشوفهم من يجيبون بضاعه بنص الليل وكت ما الكل نايم اتفرج مره من المرات شافني الحجي وعاقبني

جواني هنا برجلي

وطلعت اثر الجويه جان مكانها مشوه شافها كشت روحه كال وهو رافع حاجبه ثنينهن مستغرب

معقوله

لان شفتيهم

- اي

- شكبرج جنتي

- طفله صغيره

جنت فضوليه واحب اعرف شنو يجيبون خصوصا واني اباوع لصناديك التفاح تنزل وي البضاعه جان يعجبني اكل بس مااتجرأ اخذ

تجي وتروح تنباع بالسوك

اكو تفاح يسمو خاص هذا التفاح يخلون عليه علامه

- ليش

- يصير محقون بماده مخدره

يعني مخدرات ويوزعوها لطلاب المدارس هذوله الكبار يسموهم عداد مادري عدي

- اعداديه

- اي

- وهذوله لمن يتعودون عليها يكومون يبيعوها ويجي الطالب يشتري لان مجبور

لحد ما يكوم يشتري مخدرات ويدمن عليها

- معقوله ماكو رقابه صحيه تابع هيج متجولين ويبيعون

- ماادري

- مره شممني سلام ودخت تحارش بيه وره معافته دعاء

- سلام هذا الي صاير فيترجي بالقطاع

- اي

- تحارش بيه واني جنت مسلوبه القوه ماكدر اتحرك الا شويه ويعتدي عليه بس خلصني سعدي

وبوكتها تضاربو وصارت عركه وصلت للحجي ولمن عرف الحجي كال بعد متطلع البنيه يم بدريه تبقى

- جان اول واحد ابن الحجي؟

- اي

- وبعدها

- لا مصارت

- هز راسه بمعنى اي

الحجي منو ساندو

- مادري

- انتي مو جنتي وياهم

- علاقته بالحوت زينه شعجب متعرف

- نسجنت الحجي ماعرفو

- شكد بقيت بالسجن

-  تلاث سنوات

- ليش

-  هواي سوالف مسجله عليه اخر وحده جنت شايل سلاح بالسياره ولمن وصلت السيطره

ضربتها وطلعت  رمو عليه ولحكوني واستلموني ضرب على السياره لحد ماكعدو التايرات ولزموني

انه اصلا جنت مطلوب تفجير تهريب خطف

فلتمت

- تقتل؟

- برأيج ايدو اليمنه للحوت ميقتل

- جنت تعذبهم يله تقتلهم لو كبل قتل

- ضيق عينه وجر اخر نفس من الجكاره

شمرها بالكاع وداسها

ليش هالسؤال

- مثل الحجي؟

- مرات

حسب

مرات اعذب يله اقتل ومرات قتل مباشرة

- الحجي يستلمهم تعذيب

مره ابو غضب لزم طلاب خطيه شسوه بيهم

يايمـــــــــــــــه عينك لاشافت

- شسوه

- جلدهم ضرب بحيث صارو يصرخون صراخ النسوان وكتل واحد منهم

الحجي بوكتها تعارك ويا وطرده

- اي حجالي بهذه

- جان ابو غضب قريب من الحجي وكلشي يعرف عنه

- غريب ولا كلي

- هو ميكول لان الحجي حرك الكارت مالته

- علمود الطلاب

- مو بس الطلاب ابو غضب قتل واحد من زلم الحجي لان مصورهم وتعاركو وقتله ابو غضب

-  اي مانع عنهم التصوير الحجي

- لان يخافون لا الفيديوهات توكع بيد الشرطه

- حقه معذور

الحوت هم مجان يقبل احد يصور

- من شوكت وي الحوت انت

- من زمان ربيت وكبرت على ايد الحوت

- ليش اهلك وين

- اهلي ماعرفهم

كبرت وربيت على القسوه اساسا مستغرب من روحي شلون متعاطف وياج اول مره اسامح انسان يأذيني

كلها الولد تعرفني الي يطرني بريشه تعرفين شنو الريشه اندمو على اللحضه الي فكر يطرني بيها

حتى مزح مااتقبل

بس تدرين

احساس انك تسامح شخص حلو

فد شعور حلو

- كلما اباوع لوجهك جنت اكول مادري وين شايفتك لحد ماتذكرت اني شايفتك من قبل لما جنت بالشوارع نكدي

- فتح عينه بوسعها

شنو

وين شايفتني

شنو جنت لابس!!

- شبيك تخرعت وفزيت.. شفتك تتعارك

- عقد حاجبه مستغرب

شلون يعني

-  ماتذكر شنو جنت لابس بس اكيد قميص وبنطرون وتتعارك وي ابو سياره جنتو متداعمين يعني حادث بالشارع

- هااااااا هههههههه

اي

اتذكر

صار شـــــكد

- اي وشفتك شلون تتعارك وتريد تضرب ابو السياره وتدخلت الشرطه

- ضرب السياره هذا تعده عليه وكام يغلط ويتجاوز لو مابالشارع طلقه براسو واطيح حظو

بس شفعتلو الناس

- خطيه تلكاه عنده جهال

- الي عندو جهال يحترم نفسو انه مامجبور احسب حساب للي وراه اذ هو مامحسب

يعني يضرب السياره ويطيح حضها بعتها بخساره بوقتها والاخ هو المحترك

- تستخدم ال و هواي ليش ماتكول نفسه ليش نفسو

- وبشنو زاعجتج ست

-مازاعجتني بس احسك تقلد الرئيس السابق  نفس اللهجه

-  ههههههههههههههه ضحكتيني وماريد اضحك

- اي

- كل محافضه والها لهجتها

يولو.. دحكن.( تعالن) ... تزحكين ( تباوعين)...  انبار

قولو....  قالي( غالي)...  تقديت( تغديت)....  موصل

فريخات ( اطفال )...  تدني( دنك)....  جا...  سماوه بصره محافضات الجنوب

كاكا ( رجال) .....  به يان باش ( صباح الخير)  ...باشى.. شلونك

  عَجل....  كِعدن....  كركوك...  اطراف من صلاح الدين

كتلو....  جيبووو.... لعد....  صلاح الدين والموصل مناطق منها

جيبااا.... كتلاااا.... مناطق متفرقه بالعراق والاكثر في صلاح الدين

جيبيالي.....  وديالي.....  كاظميه... منطقه في بغداد

نطيته....  نفسها ... اطفال.... لعد......  بغداد وبعض مناطق صلاح الدين وكركوك وديالى 

مريم...  هاي شنو حافظ كل مناطق العراق ولهجاتها

- مغامراتي بالاجرام بعد ههههه

- اليوم حلو تسولف طلع لسانك حلو متطربنه هيج على طول ليش ساكت

- اضوج احجي  بس اليوم ردت احد احجي ويا ضايج

- ليش

- ولا شي لاتهتمين

-هزيت براسي بمعنى اي سكتت ماحجيت شي

شويه وصار يتلفت يمنه يسره كال

راح اروح اجيب كم شغله واجي وين السويج يمكن هنا جان

- هسه اجيبه

رحت بسرعتي جبته واجيت نطيته اله اخذه وصعد بالدراجه وراح 

مرات استغرب منه ومن تصرفاته ساعه احسه قريب مني ساعه ولاكأنه يعرفني

رجع وره شويه جايب مسواك  طلع خياره وخلالها كومه ملح

هاي ستسوي بيها

- ضغطي هابط

- كعد ياكل خياره واني تذكرت لما مره كعدت تقرالي ام مازن جان اتذكر السوره الحمد

اجيت وكفت يم راسه هو جان كاعد وكفت وراه باوعلي ملتفت شبيج واكفه

- خليت ايدي على راسه وصرت اقراله

بسم الله الرحمن الرحيم

الحمد لله رب العالمين

الرحمن الرحيم

مالك يوم

ونسيت بقيت اردد مالك يوم

مالك يوم

جاوبني

مالك يوم الدين

مالك يوم الدين

نعبد ونستعين

جاوبني

إياك نعبد واياك نستعين

ورديتها وراه

اهدنا الصراط المستقيم

صراط الذين انعمت عليهم

وسكتت

كمل هو

ولا الضآلين

هه خوش حافضتها

- ام مازن حفضتلياها

- منو ام مازن هاي النوب

- لمن نهزمت كعدت عدهم فتره والمره طيبه وساعدتني هواي

- كام وكف على حيله وكأنه يريد يسمع

ايييي وليش طلعتي منهم لعد

- خافو من طلايب العشاير

نزل راسه متفهم

ورد رفعه من رجعت اكمل كلامي

- كالتلي طمنيني عليج من تستقرين

اتمنه اشوفها

- تندليهم وين

- اي

- اوديج لعد

- طريق تره

- ميهم

-صعدت بالسياره ورحنه سويه تقريب ساعه وصلنه

كتله بهذا الفرع

وداني لبيتهم

دكيت الباب وطلعت ام مازن فرحت هواي من شافتني

ياهلا بمريم

يمه نورتينا شلونج

- اني زينه شلونج حجيه

- بخير يمه بخير دام شفت هالعيون الحلوه بخير انه بخير

- كتيلي من استقر اجيج

- واستقريتي

- اي

- منو هذاك الواكف يمه عبالك ينتظرج

- باوعتله جان واكف بعيد شويه مخلي ايده بجيوبه ويحرك برجله بالحجاره مثل الطوبه

كتلها ولكعت عيوني لمن اكللهاعليه

هذا

هذا زوجي

اي

تزوجت اني

رفع راسه باوعلي

خفت معقوله سمعني

بس ابتسم لما شافني متبسمه واباوعله

تعالي فوتي يمه

- لا راح اروح

- مايصير الا تفوتين

- اذرلي ضرغام انه نروح مو مال نبقه

كتلها

خاله زوجي يريد يروح مستعجل غير مره

بوستها ورحت

صعدت يالسياره ومن فرحتي لما صعد ضرغام بالسياره حضنته وبسته من خده

اشكرك

- باوعلي متفاجأ من ردة فعلي بعدين باوع للطريق وحرك السياره ومشى.....

تركيبة هالانسان غريبه واول مره اشوف شخص شايل كل هذا الهدوء

فكرت اسايسه مبين عليه گلبه طيب يمكن يوصلني لاختي اكله ليش لا

يمكن القدر يخليني اعثر بأختي......

سديم.....

خلص دوام اليوم توجهت حتى اطلع سبقني ادم

ادم:- اوصلج؟

- لا مو بعيده الشقه

- ميخالف خل اوصلج

- لا مو لزوم والله لاتعب نفسك

- ماشايلج على ضهري

- سكتت

- يله امشي

- صعدت ويا بالسياره

مشى واحسه يريد يكول شي

وقف السياره امام الشقه وي مداانزل كال

- سديم لاتتأثرين بهذولي البنات الي يجوني مالج علاقه بيهن

- ليش بدر شي مني

- لا بس الي شفتي هذاك اليوم انسي تره علاقتي بيها بس مزاج

- واني شيخصني من كل هذا

- باوعلي متحير يدير بعينه

مو قصة ابرر او شي

- تبرر؟!!!! 

- عبس وجهه مثل الي واحد زلك بكلمه

لا لا

اقصد

انتي حسيتج نزعجتي يمكن البنيه مستفزه

- تنهدت هه وعلى شنو تستفزني

- ولاشي ورد

اخذي راحتج

- عفته ونزلت

ماعرف ليش كلمني هيج مشيت وافكر ليش يبرر ليش يحجي

احجي وي نفسي تلكتني على الدرج رباب نازله

- ها شبيج تدردمين وي روحج

- فزيت

رباب هه ولاشي

- امشي نروح نجيب كم شغله تره صار هواي مامتسوكين

- اوك

طلعنه للسوبر ماركت جان مو بعيد عن الشقه نمشي مسافه قصيره

سوبر ماركت جبير وكلشي بي

جبنه فواكه خضراوات وجبات عشاء ريوك منضفات ورجعنه للشقه

كوه شلنه العلاليك جانت هواي وبيها غراض هواي

بالطريق سولفنه

سديم:- اليوم يكلي لاتتأثرين بصديقاتي

رباب:- هه لازم انتبه على التغيير

سديم:- اول مافات تصوري

- لابشرفج

- والله

اي وشكلج بعد

- كلي

  الي شفتي هذاك اليوم انسي تره مزاج علاقتي ببها مو اكثر

- وليش يبررلج

-نفس السؤال سألته تصوري

- همممممم عرفت

- شعرفتي

- نوصل للشقه واذب هالثكل هذا واكلج

وصلنه الشقه خلينه المسواك وحضرنه عشه

جانت هنده ذابه روحها على الكتاب تدرس امتحاناتها قربت وهي بهذيج الفتره نفسيتها تعبانه

لكن بمرور الايام تحسنت وبدت تفكر شلون توكف على رجلها من جديد واول خطوه هي تكمل دراستها

وتنجح

كعدنه نتعشه جنه مسوين بيض وطماطه وبتيته وخضراوات

رباب:- تعالي هنده السجاجه اكلي شويه

هنده:- صنفي صنفي هي بقت عليج

- سديم:- لو مترفعين راسج من الكتاب لو متعترفين بي

- شسوي

- رباب:- اكلكم هذا المكسر طالع من المستشفى

- هنده:- يطبه طوب عساه لاكام

سديم- حقدتي عليه

- كلششششش

رباب:- هو اني ليش مااقبل احب من وراكم

تبدوها بغراميات وتنهوها مسلمتك بيد ابو فاضل

- هنده:- ااااااخ توبه توبه

رباب'- دعيديها ياهنده اذا مااكطع النعال على راسج

- توبه ابددددددد

دكومي كومي ناكل برد الاكل

- كمت متت جوع....

التمينه ضحك وسوالف

جانت لمتنه وشقانه تسوه الدنيا ومابيها

فعلا الصحبه تخفف عنك احزان هواي

هنده رغم حزنها بس الي مخفف عنها حزنها احنه

الانسان شكد مايكون قوي بس تمر عليه مصاعب بالحياة تخلي يكون ضعيف وخايف

خايف من المجهول

خايف من باجر

خايف من كلشي

ومحتاج شخص او اشخاص يسنده بهذه اللحضات

محتاج كلمه طيبه تسعد خاطره

وتفك ضيق صدره

وتطمن گلبه

مرات جنت اكول ليش القران هيج مريح للنفس

وللقلوب

بس من قريت الايه

ألا بذكر الله تطمئن القلوب

لان هذا كلام رب العالمين

تحس اكو من يصبرك على مر هذه الحياة وتعبها

من خلال وعد الله بالجنان والحياة الاخره الابديه

يواسيك من خلال قصص الانبياء

مثل ما انتم هسه تواسون نفسكم وتتعضون من هذه القصص الي تقروها حاليا........

مهلا بكسر الخواطر

فإن جبرها لايجبرُ

ومهلا بمخارج كلامك

فإن لسانك اذا ثُلِمَ يجرحُ

ورفقا بالقوارير ياآدم

فقد اوصى فيهن المصطفى الحبيبُ

كنت معكم انا رغد الموالي في امان الله....... 

تابعو اخر اخبار روايات رغدالموالي على مجموعتنا في الفيسبوك

لكل منا حكايه وحكاياتنا النهايه

النهايه هاي البداية الحقيقيه

هي قدرك الحتمي....!

~~~~~~~~~~~~~~~~~~~~~

سديم.....

ماكتيلي رباب شنو معناه الي كاله

- مااجه بالج شنو؟

-لا

- مبين وكع..

- يعني؟

- الاخ مبين بده يعشك

- واني شعليه

- لان الي بده يعشكها انتي

- انيييييي

- اي

- هه كل عقلج

- وليش مو كل عقلي

- حقج ماشفتي الي يجوله شنو

لج شنو جمال

شنو طول

شنو جسم

- وشناقصج انتي

- هه شجي يمهم يمعوده

- كالها الج بعظمة لسانه علاقتي بيهم مزاج

- وشنو يعني

- رجال يبرر لمره هيج شنو معناها؟

- ماعرف استغربت

- معناها بديتي تشغلين باله بده يهتم بده يخاف تزعلين

- مادري ماعرف انتي منين تجيبين هالكلام

- من الي دانشوفه ونسمعه

- سكتي بله

- مهم انتي شنو من ناحيته

- ولاشي

- يعني مالفت انتباهج معقوله

- الصراحه

فتره لفت انتباهي بس من عرفت قذارته وي النسوان كرهته

- بسسسس

- اي

- سديم انتي مو كرهتي انتي ضجتي منه او زعلتي لان هيج هو طبيعي اي مره تضوج ومتقبل

- اني مااحب ارتبط بهيج شخص ماناقصني وجع راس

- اجتج العدوى

- تفكيرج حلو

- هههههه بس اني تشافيت ونقلت العدوى الج

- شنو قصدج

- بصراحه سديم اكو شخص صارحني قبل كم يوم

- اي

- وهو ميتعيب مرتب من كلشي بصراحه مطابق مواصفات الي يريدها مزاجي

- يعني قبلتي

- مارديت عليه لان استحيت

- منو هذا

- دكتور جامعي يجينه مرات يقدملنه محاضرات بعلم النفس

- اي

- هو كاريزما وشخصيه تموووت هه من كالي اني معجب بيج وهاويج خجلت متت

- رباب تخجل وتستحي

- شلكيتيني ولج

- المهم شحتكليله

- ماعرف خايفه اقبل واتورط وخايفه ارفض واتندم

- طبعا تتندمين

رباب العمر دايمشي واءا تجي قسمه زينه لاترفضيها

- خاف بس شكل ومنظر

- مو تكولين دكتور بعلم النفس

- وان كان...... انتي سامعه يعلم الناس الصلاة ومايصلي

- يعني ممكن يكون مجال عمله شي وهو شي ثاني

- وارد جداا

- وليش منتوقع العكس

- لان العكس الي تكولين عنه هو الظاهر للناس اني اباوع خلف الكواليس

- وشلون بهيج حاله

- فكرت اختبره فتره اكله خليني اعرفك اكثر فتره صغيره اخم مايته مثل ميكولون اشوف عقليته

- وان ماعجبج

- مرفوض طبعا

- وسمعتج

- ليش ا حد كلج حنطي مجال اكلج اختبره يعني صداقه ابديها بعدين استفزه واضوجه واتعارك واعرف الي جواه شنو

البشر متنعرف طينته الا لما تختبري

مال تكضيها ويا حب بس هذا تسليه واني ماريد اتسله سديم

- هنده- والعركات متخلي يضوج منج

- راح تبين الي هواي امور

- وهي

- اولا حعرف طولة باله وهل هو عصبي او لا زين لما يعصب لسانه يحافظ عليه لو لا زين ايده يتحكم بيها لو لا وكت الغضب ردة فعله شنو

ثانيا حعرف هو فعلا يحبني لو مجرد يريد تسلى

اذا حيكلي تعالي يمنه اكله اجيك يسره

اذا حيكلي احبج حكله اثبتلي واخطبني مو اكله اني هم احبك

الحب التقليدي التافه مالتكم مااعيشه مااحبه

- هنده- حبيبتي هيج تخلي يشرد منج يطم روحه بالساعه الي فكر يصارحج بيها

- لا اذا رايدني صدك يتمسك بيه

سديم- بس تفكيرج صعب ويملل اكبر شخص

- مايمل تعرفين ليش

- ليش

- لان هو دكتور واكيد مارات عليه بنات بكد ش

عر راسه وكلها سهله وتحت طوعه الي تشل گلبه مااجت واني راح اكون هاي الي تشل كلبه

- هنده- هه والله لا تهججي

- من هذا هج حبيبج السبع وانتي صريتله محبس بيده

- باوعت لرباب هنده وسكتت بس عيونها لمعت بيها الدمعه واختنكت مباشرة عدلت نومتها بعد ماجانت نايمه على بطنها وغطت وجهها بالحاف

كامت رباب

- هنده اسفه والله موقصدي والله

- لا رباب الي كلتي صح يمكن اني نسيت تفكيرج صح

- ماعرف شكلج هنده بس تره من حركتي هيج كلت

- عادي لاتهتمين

- اسفه حقج عليه

احيانا يكون الكلام العفوي كسر خاطر مؤذي رغم انت متقصد تجرح هالشخص

مرات الغصه تبقه بالکلب متروح تنفضح لمن احد يذكرها بالوجع

مرات نتناسه بس مننسه لان النسيان صعب

مرات نخاف ننسه حتى لانرجع نغلط مره ثانيه

باليوم الثاني رحت للشركه قبل لااروح ترددت بين البس واتأنق مثل البارحه او لا

- رباب شسوي هسه شلبس

- شتلبسين غير حتروحين لشركه

- اي بس اقصد اتأنق مثل البارحه لو لا

- اي اكيييييد

- خاف يكول متقصده تلفت انتباهي

- وخاف يكول فعلا جانت متأثره بيهن وكشفتها وهسه تراجعت وجانت من غيرتها هيج مسويه

- هااااا والله صدك

- تكلمي ويا بثقه ورزانه ابرزي نفسج

علمود هو يحسبلج حساب مو انتي

خليج انتي سيدة المكان مو هو

- اوك

بدلت وتأنقت ورحت للشركه

اجه هو وتصرفت مثل مكالت

- مساء الخير

- مساء النور

- اليوم اكو حجوزات لا؟

- اي

- تمام حوليها الي للمكتب

- حولتها اله وبقيت كاعده اكمل شغلي

شويه واجه واحد كان مبين عليه من لبسه علامات الترف

خله رجل على رجل وكعد على الكرسي الي امام مكتبي

- اريد اقابل السيد ادم

- ثواني

- رحت لادم ونطيته خبر

- خلي يتفضل

- دخل الرجل واني كعدت اكمل شغلي دزيتلهم على ضيافه واجه العامل الخاص بالشركه ضيفهم وطلع

طول تقريب النص ساعه الرجل وطلع وصله ادم للباب وهم متصافحين مبين ضيف مهم

من دايطلع التفت الي وباوعلي بتركيز ماد ايده للسلام

- ولو ماتعرفنه بالسيده؟

الانسه سديم سكرتير الاستاذ ادم ومديت ايدي حتى اصافحه

لكن ادم نط من يمه وداره لعنده يحجي ويا وتمشى وهو يطبطب على كتفه وصله للباب وصافحه

خلينه نشوفك على طول البضاعه السبت يمك

راح الرجال ودخل ادم باوعلي بنظره يريد ياكلني بس ماحجه شي فات جوه

شويه ورن الجرس الي من مكتبه لمكتبي

وهذا معناه طالبني

- رحتله.... تفضل

- انتي شنو هالميانه وي العالم دايكلج سيده تردين عليه الانسه

- وشكو بيها

-( بنتره) لا بيها هواي هواااااي بيها

- مداافهم ممكن توضحلي

- والله انتي وضحي ست

- شوضح

- يكلج سيده تكليله انسه لييييييش

- لان اني انسه

متزوجه لعد اني؟

- وعلى شنو داتبينيله مامتزوجه

- لان فعلا مامتزوجه

- دك بطارف اصبعه على المكتب بسرعه وكف على حيله كتف ايده لوره

وهمس بخبث

- وكفتي وتبينيله مامتزوجه بعدين من دايصافحج شكو تصافحينه هااااااا؟

- لعد شسوي

- عيني ام المواعظ يلي تصلين مو حرام لمس الاجنبي لو هذا وحد

- انت ليش محروك دمك ليش تحاسبني حياتي الخاصه هاي مو مسموحلك تدخل

اتدخل.... لما يكون بمكتبي وبشغلي اتدخل

- مو من حقك

- لا حقي وغصبا ماعليج هم سميره وصتني عليج حتى بره الشركه اذا تلعبين بذيلج ماتلومين غير نفسج

- شوصتك هاااا شوصتك

- رفع اصبع السبابه بأبهام يهدد

اسمعي سديم ميانه وهي هيج خلق ماريد بنات يجني سوالف وتعارف وياهن ماريد عليج بشغلج مالج علاقه بلي تشوفي هنااااا مالج علاقه

- ليش شبيهن البنات واذا مااحجي شنو المشكله

- لايشبهوج ولاتشبهيهن دااحذرج اني

- انت شتريد بالظبط تريد اقدم استقاله تره جاي تدخل منتبه على نفسك انت لو لا

- كتلج موصيني عليج

- عاشت ايدك ورحم الله والديك حدك للشركه وبس خارج الشركه مو من حقك

- تنهد بلع ريكه باوعلي وكلي بهمس

تفضلي روحي

-عفته وطلعت كعدت على المكتب ضجت حيل من الي سواه بعد انتهاء الدوام طلعت قبله

اتمشى حتى اوصل للشقه لاكاني بسيارته بالشارع

باوعلي وحرك سيارته بسرعه وطلع خصم الكلام ونهى النقاش لما شاف نفسه محاصر.....

وصلت للشقه لكيت هنده تبجي ورباب ماكو

ـ شبيج شكو تبجين

ـ الحكيلي سديم هذا خابرني يهدد يكلي اعرفج انتي دزيتي عليه جماعه ويريد يسويها عشاير

- يولي شنو بكيفه عشاير؟

- ضربت على وجهها

وج شسوي سديم شلووووووون

- شيكلهم هاااا يعني شيريد يكول يكلهم ضحكت على بتكم وانتقمت مني

- رباب وين

- رباب راحت للقاعه الي بيها الشباب

- شتسوي

- تتفق وياهم ميكولون ولايجبونه بالطاري

- ولج حتجيب اخرتنه هاي تحجي صدك

نزلت اركض من الشقه تمشيت رايحه للقاعه

جنت حيل مستعجله مانتبهت منو وراي منو ممكن يشوفني كل همي جان رباب اوصلها

رحت لكيتها واكفه تحجي وي الشباب وجان واحد وياهم ثالث

رباب- احنه بنات وانتو تعرفون شحتصير علينه قضيه

- ولا يهمج خيتي نكلهم فلوس نكرها علينه وضربناه نخليها شباب بيناتنه شتكلون يولد

- هاهيه

مو كتلك نموته بس انت مسمعت مني

- لا عوفو هاهيه

- وكفت اباوعلهم مخليه ايدناتي على خصري من توتري اسمع الي يكولو وكل شويه اتلفت للشارع من خوفي باوعت ادم واكف يباوعلنه من سيارته تجمدت بمكاني ومباشرة كتلها لرباب

- يله رباب يله نروح

- وهي نازله وياهم حجي وتتفق

هناك وجان مشينه اني وياها دنرجع بسرعه مشى ويانه من يم الرصيف ادم كال

- صعدي سديم

- باوعت رباب... منو هذا

- هذا ادم الي اشتغل عنده

-وهو يخوزر بيه ويحجي من بين اسنانه صعدي سديم

- ماكدر مستعجله دااروح

- ومشينه وهو ويانه بسيارته ويكلي صعدي ومارد عليه وزيدت بسرعتي جان هو يحرك سيارته ومشى سريع راح

وصلت للشقه لكينه هنده

ونزلت بيها رباب

الله ياخذج ولج ورطتينه شصخمتي وجهج ولج اهلج الله ليعلم شراح يصير بحالهم

هذا نذل وراح يبتلي عليج

- وهي ترجف

وشلون شسويتو

- الولد ولد حلال مادري شمسويه جوه الله انتي وخله هالناس بدربج راح يكولون شغلة الفلوس حيفرون السالفه عليه بس ادعي ربج يعديها على خير

ادعي الله يعديها على خير وماتنتهي بفضيحه

- وج رباب حموووت اني مااستاهل اعيش اني غبره اني ثوله وثقت بي امنت بي الله ياخذني

- دك تليفوني باوعت ادم

فتحت خط

- والله بس الكفج لااحركج واكفه وي تلاث زلم بنصاص اليالي تلغين اني اعلمج بسيطه وين ترحين

سد الخط بوجهي باوعت هذا منين طلعلي النوب

.............

مريم..................

كعدت انتظره طول يله رجع وجايب ويا علاليك اشكال جايب

مسواك وحلويات وعصاىر وحب وكرزات وفواكه

اخذتها منه ورحت رتبتها بالمطبخ

اجيت لكيته صاعد على الفرس ويركض بالبستان بيها

بقيت اباوع ومبتسمه تمنيت اصعد

اجه يمي

تصعدين؟

- خاف اوكع مااعرف

- اصعدي واني وياج اعلمج

- نزل من الفرس وساعدني صعدت اني بس جنت كلش خايفه بس هو ماخلاه يركض تمشى على الكيف

- اهدأي لتخافين سمسمه حبابه تره

- خاف تركض

- لا متركض الا اني اكلها

- تمشت بيه بس جان كلش حلو فرحت هواي يمكن اول مره هيج

صرت اضحك واضحك واضحك بصوت عالي وهو على ضحكي يتبسم ويضحك

فتريت بالبستان لحد ماكتله ينزلني ونزلت

- شكرا كلش تونست

- باوعلي تبسم ماحجه

- ربط سمسمه بمكانها وكعد على الثيل كعدت يمه

اول مره هيج افرح بحياتي مافرحت هيج حتى بلعبه واني صغيره مفرحت بقت بنفسي

- باوعلي مستغرب بس ساكت

- جان بنفسي اعيش مثل بقية البنات اشتري لعبه واتدلل على امي ابويه اروح لمدرسه

واتعلم

بنفسي اشتري فستان بالعيد وافرح مثل بقية الجهال او حتى البنات الي بعمري

- منو جان يشتريلج الشي الي تحتاجي

- بدريه وجنت اسميها ماما لان عبالي امي

- هز براسه بمعنى اي وبقه يستمع

جانت بدريه تشتريلنه باله صيفي شتوي باله كله لبسنه وناس تلبس من ناس يتشكك يتخيط عادي

الاكل جان ماينوكل المرك مي ومعجون اذا فاصوليا او باميه بالاسم تنعد الحبات الي بيها وتمن كوه ينوكل بس جنه ناكله من الجوع

نخاف نتمرض واذا تمرضنه منكول حتى لايبيعونه اعضاء

جنه نخاف

نخاف من كلشي حتى لمن جواني 

بوكتها تحملت الوجع ووكفت بالتقاطعات اجدي حتى لايبيعني اعضاء الحجي

عشت طفوله مره وحياة مره وصرت اخاف من البشر

- ليش ماجنتي تنهزمين من التقاطعات

- جان سعدي يوكف يراقب من بعيد ونخاف جهال وين نروح منعرف

نبقه نجدي طول النهار والفلوس ننطيها لسعدي وسعدي ينطيها للحجي

- جر نفس بحسره وساكت مايحجي سألته

- انت شلون جانت حياتك

- باوعلي احسه مترردد يحجي

طول يله تنهد وحجه

- تربيت على ايد الحوت بشبابي علموني على القتل

جنه نقتل حيوانات بديناها من الحيوانات الاليفه لحد الاسود وصرنه نقتل صغار الحيوانات كبال امهم

حتى يموت گلبنه ومايرفلنه جفن لاحد

يكعدونه الصبح على صوت رمانه يفجروها وطلق منعرف منين يجي

جنت ذكي حيل والحوت انتبه لهذا الشي

دربني وعلمني على التفجير وحتى شلون افكك تعلمت

صرت افجر ومااهتم

افخخ واشوف العالم تتطشر وانه واكف بعيد اشوف شكد حيموتون شكد حقبض على هذا التفجير

بالبدايه جنت اتأذه وانقهر على الناس الي تموت

بس الحوت جان يشربني حبوب وانسى

اشرب هم انسه لحد ماتعودت

صرت هسه ماانجرع اي عمليه صعبه يطلعوني بيها

تفجير

قتل

مداهمات

كلشي كلشي انه اول واحد

- مرات اكول اكو ناس تستحق تموت وتتفجر

طلعت وانهزمت وشفت حقارة بعض الناس

- بس هذا مو مبرر نفجرهم ليش الله خله جنه ونار

- وتعرف بهالامور

- انه مو كافر

- شفت ناس تلم قواطي من الشارع وناس تمر من يمها راكبه سيارات عاليه وفخمه ولاتهتم للي يشوفه

- بس مو معناها تحكمين عليهم بالموت

- لعد ليش تفجرهم

- حك طرف ذقنه وكال

شغل هذا

- بس الناس شنو ذنبها

- ضيق عينه همس

تخافين على ارواح الناس

- مادري

ماجربت اخاف بيوم على احد بس اكول خطيه

- سمعي مريم

الحياة هذه صعبه كلش صعبه فلازم تصير اسد حتى متنوكل

- حتعيشني هنا للابد

- رجعنه

- اريد افتهم نهايتي شنو

- مادري

- الحجي هسه يحس

- تنهد وجر نفس متحير

- حتى انت سكتت

- شتعرفين عن الحجي

- انت ليش مهتم هيج بي

- لان ايدو اليمنه انه لو نسيتي

- بس هسه انت مفروض تعرف اكثر

- هز راسه بمعنى اي

بهلااثناء دك تليفونه غطى الشاشه وكمز راح بعيد يخابر

رحت وراه اريد اعرف شمتفق عليه هو والحجي

اشوفه يأشر بنتره ويحجي

كل الي سمعته

ماكدر بعد اكثر

- باوعلي وهمس بصوته اكثر بحيث مااسمعه

وصار يهز براسه وبعدها سد الخط واجه

- منو خابرك

- الحجي

- شيريد

- لازم اروح مريم ماكدر ابقه

- ماشي

اتبسم بحزن ولبس قناع وطلع

بقيت هم وحدي واحس المكان ياكل بيه اكل

مادري شسوي

بقيت وحدي ماعرف ليش كمت اضوج لمن يروح

صرت اهتم بالمزرعه انضف التهي بسمسمه

مرات اصعد وتهرول بيه بالمزرعه صرت صديقتها

مر يومين وبعدها اجه

جان ينهت مبين جان يركض

- شبيك

-ماكو شي

- ليش تتنفس سريع

- كتلج ماكو شي

- حسيته ضاج من الح عليه سكتت وعفته

رحت عنه شويه بعيد وكفت باب الغرفه

هو راح يم حنفية مي

نزع بنطرونه جانت رجله بيها دم

سألته شبيك

- التفت باوعلي ورد فتح المي وغسل رجله بس جانت تنزف

صاح

جيبيلي شي اشد رجلي

- رحت جوه دورت مالكيت شي اخذت تيشيرت مالتي شكيته ورحت بسرعتي نطيته اله

جان مبين متألم بس ساكت

غسلها مره ثانيه من الدم ورجع شدها

وقف النزيف

كال جيبلي بجامه من جوه

رحت بسرعه جبتها ونطيتها اله لبسها

و مشى طبيعي ولاجنه رجله جانت تنزف راح كعد بالكاع ومدد جان صدره يرتفع وينزل من كد مانفسه سريع

اجيت يمه

شبيها رجلك

- باوعلي بطارف عينه ومارد خله عكسه على عيونه

- تريد تنام فوت جوه

- ماردلي

- اجيبلك شي تاكله تشربه

- ماردلي

عفته هو اني ليش ابقه أسأل اذا ميرد

رحت كعدت بعيد شويه حسيته غفى مبين تعبان وضايج

كلت احضرله شي ياكله

رحت للمطبخ سلكت افخاد وسويت تمن احمر وبعدين شويت الافخاد قبل لاتستوي كعد على صوت سمسمه وهي تصهل

فز وراح يركضلها مبين متوتر كلش

راح يمها وكف يباوع يمنه يسره على سياج المزرعه ماكو شي

اخذ يمسح على راسها

اجيت عليه

جوعان

- باوعلي رافع تك حاجب احسه ولاطايقني

سألني

- البيت الي يروحلو الحجي منو يعرفو غير انتي وابو غضب

- الي التقينه بي اول مره..

- اي

- مادري

- بنتره) انه شنو شسألج تكليلي مادري

- مادري الحجي ميدرينه بشي

- عشتي وياهم متدرين بكلشي

نتر

هذا بيتو يعني اهلو عائلتو تجي هنا لو لا

- لا متجي هو ميدخل عائلته بشغله ابد

اصلا ادري انو

واحد من ولده يدرس طب بجورجيا

واحد خريج هندسه كهرباء واحد بالنفط كلهم شهايد واصلين ومتعينين وحتى متزوجين الحجي اصلا جدو

- عفييييييييه هسه بديتي تفتهمين

اي وبعد

- بعد شنو

- يجيب بنات الحجي لهذا البيت

- مادري بس مره سولفتلي لمى كالت خاص لراحته هذا البيت شنو جانت تقصد مادري

- هز براسه بمعنى اي

تعالي لعدي

- شنو ليش

- تعالي

- اجيت

- طلع موبايله وشوفلي صورة رجال لابس دشداشه بيضه ويشماغ ابيض مربي شوارب وسكسوكه يغطسها شيب خفيف

- هذا شايفتو

- لا

- مو هذا الي راد يبيعج الو لو لاااااا

- مادري يمكن

- زين مدريتي ليش راد ينطيج الو

- كالي ثكيل جري وكعي

- مكتيلو ليش

- لا مكتله

- عض على شفته بتوتر ويهز براسه كالي روحي

- حضرت اكل تعال ناكل

- ماشي جاي

- صبيت التمن والافخاد خليتها عليه وخليت زيتون وطماطم وفلفل وليمون رتبتها بماعون وجبتها كعدنه بره نتعشه حيصير الليل

اجه هو

- هاي شمركبه صايره تعرفين تسوين اكل

- اي تعلمت

- منو علمج

-الشردات كلشي تعلم ام مازن علمتني

همممم

تاكل تره طيب

- جوعان حتى اذا مينجرع حكلج طيب

- بله؟

- اي شسويلج لعد متت جوع

- اكل وكمل ومن كام كال عاشت ايدج طيب

- تبسمت وسكتت

غسل ورجع مدد يمي جنت اكل بعدني طلع جكاره وكعد يشرب

شبيها رجلك

-باوعلي صفح وهو يشرب جكاره

نفخ الدخان فوك كال

-ياهو اليجي صار يجرب براسي ضرب السجين

-حسيته يبسمرلي بس غلست........ منو ضربك

-زعطوط هه عبالهم يكدرولي

-منو وياك

- مطارد انه اكو ناس تريد تقتلني

كوه خلصت روحي منهم واجيت

- علمودي

- لعد اعوفج

- وي منوعندك عداوه

-وي كل امة محمد عدا المجرمين ههههههه

-شحتسوي

- ماعرف

- خلصت جكارته ورث الثانيه مباشرة واحسه متوتر كلش يمكن لان مدايعرف منو هيج مطارده

كمت حتى اودي الصينيه

كال

اريد جاي

رحت اسويله جاي

منو يعني ممكن هيج يريد قتله معقوله الحوت يمكن لان عافهم خاف القبرص كرها بالحجي خاف شرطه

صار الجاي ورحت وديته اله

- خاف الحوت لان. عفتهم

- الحوت بالسجن

- خاف دزلك احد من ربعك

- يمكن مادري

- شحتسوي

- ( نهض شويه على عكس ايده مرتجي وهو مدد حتى يشرب الجاي)

ولا شي

شسوي يعني

- لو تبقه هنا متروح بعد لو تروح يم الحجي متجي بعد هنا

- ليش

- خاف يقتلوك

انت صرت امل بالنسبه الي

ماريدك تموت

- اتبسم بتعب

وخله ايده على خدي تلمسه بحنيه

لو صار عليه شي

لو رحت ومارجعت

اريدج ترحين منا

ترحين لمكان أأمن من هذا المكان وتخلصين من كلشي

- وين يعني

- باوع بعيوني مركز حدما لمعت عيونه تنهد جر نفس

مكان انه ربيت بي

راح اوصي بيج مريم انه ماعوفج حتى لو متت

راح يجي واحد من طرفي

ويوديج للمكان الي اكلو عليه

وتعيشين

- منو هذا

-مو مهم تعرفي مهم انه اعرفو وثقه هذا

- اريدك ديربالك على نفسك

- داير بالي على نفسي بس اذا قدري جا بعد ماكو باليد حيله

- لخاطري

- لخاطرج انه منتبه وداروح واجي بدمي

- ضرغام اريدك تعلمني شلون اضرب بالمسدس

- تبسم .... هه شنو تردين تطورين قتلج

- لاتذب صجم

بس اريد اتعلم

- كمل الجاي وكعد متربع شال المسدس جان يم راسه

تعالي لعدي

- حتعلمني هسه

- اي

- ليل

- احسن شي بالليل تعالي

- كعدت يمه

- باوعي هذا تجري هيج تسحبي

من تسحبي معناها صار بكل سهوله تضربين

منا هيج تدوسين يطلع الشاجور وتشوفين اذا بي رصاص لو لا

من تلزمين المسدس مو مقربتو يم وجهج

غلط

بعدي شويه واضربي حتى مايرجع على وجهج يدمر وجهج يسوي خريطه تره

- اي جنت اشوفهم من يضربون يمدون ايدهم ويضربون

- اي عفيه

المسدس سهل اسهل من الرشاشه بس انتي بمجرد تعلمتي شلون تضربين بالمسدس سهله تصير عليج بالرشاشه تضربين

- اجرب هسه

لا باجر خاف هسه تضربين تنبهين احد علينه وانه مطارد

- هم صح

- يله روحي نامي

- وانت

- ماكدر انام روحي ارتاحي من انعس اجي

- رحت للغرفه مددت

صار يشغل بالي هواي واشتاقله بمجرد ابتعد عنه

امدد افكر بي وحتى باحلامي يجيني

مددت متبسمه كلامه حلو مليان دفو وحنيه

تلمست گلبي احسه يخفق بسرعه

يمكن الي اني بي حب....!

- كعدت الصبح فتحت عيني لكيته نايم بالكاع ومخلي مخده جوه راسه بس اول مانزلت رجلي وكمت شويه طلع صوت فزز

- جنت داريد اكوم مو قصدي اكعدك

- لا هاهيه كعدت

- كمت رحت للحمام وغسلت رحت للمطبخ احضر ريوك شفته طلع غسل على الحنفيه البره ورد شاف الجرح وبدل ضماده اني بقيت جوه بالمطبخ خليته ياخذ راحته

جهزت الريوك وجبته لما شفته كاعد ماعنده شي

خليت الصينيه وكعدنه نتريك

- اليوم حتروح

- باوعلي ورد باوع للاكل

همس

ماعرف

- لتروح

- ليش

- اخاف عليك

- رفع راسه مباشرة متفاجأ

- اقصد يعني خاف يلحكوك

- قابل ابقه هنا لعد

- راح ترجع مره ثانيه وخاف يضربوك

- لتخافين ماعليه شي

- كمل اكل وكام غسل وراح لسمسمه صار يفتر وياها

اجيت يمه كعدت اباوعلهم

شويه واجاني

تجربين اليوم تضربين بالمسدس

- يعني تقبل

- تعالي

طلع السلاح وكف موجه على زرع بس مكان مفتوح

وكفت يمه

كال سحبي السلاح

سحبته

وبعدته مثل مكالي وضربت بالسلاح

جانت اول مره اجرب بس نجحت بيها بهالاثناء دك تليفونه وجان ابو غضب

- هلو ضلع

-انه بالمزرعه الحجي انتبه

- خوش.... اي جيبلي وياك راسي حينفجر

- ديربالك وانتبه

ماشي

سده للخط

- منو حيجي

- ابو غضب

- ليش شلون دلي

- لتخافين امن وامان هذا

- سكتت مايحب يتناقش هواي وماردت الح عليه لليل اجه ابو غضب

باوعلي مضيق عينه كال

شلونج عيني

- زينه

- ركله بيده للضرغام وغمز بشر شلونك مرتاح

- ها هههه اي كلش

- نطاه علاكه سوده وكعدو صارو يشربون نركيله وطلعو بطاله بيها مشروب وصارو يشربون

جنت كاعده يمهم وهم سوالف وحجي وشقه بعدين

انتبه ضرغام كال

- شعدج كاعده يمنه فوتي جوه انتي

ابو غضب:- شتريد منها خليها تونسنه متعلكنه ردح

- باوعله ضرغام بغضب

سد حلكك انت ضاهر ثكلت بالشرب

صرخ بيه كوووومييييي

- كمت بسرعه فتت جوه وسديت الباب

احس كلبي حيطلع من دكته كلش خفت

بعدين سمعتهم يحجون وعلت اصواتهم

- ولك راجعه الي والله اذا تدك الناقصه لا اطشرك

- ولك اكل للحجي وتعرف شيسوي بيك اذا عرف

سنين يربي بيها تجي تاخذ على الجاهز انت

- جرب تكلو وتشوف ضرغام شيسوي خاف ماسامع بيه

- لعد اعقل وخلينه نغير جو 

- اطلع بره ثكلت وصرت تخرررببط

فتحت الباب شويه اباوع شفت الضرغام لازم ابو غضب من ياخته ويجر بي ديطلع وهذاك متخبل ويحجي

ضربه ابو غضب لضرغام بوكس ودفعه عنه

وتخبل ضرغام

وضربه هم وصارو يتضاربون واحد يكاوي الثاني ثنينهم نفس القوه تقريبا

اخر شي واحد شال سلاح على الثاني واحد وكف بوجه الثاني يريد يضربه

هنا تجمدت معرفت شسوي وخفت لاينقتل ضرغام هالمره يموت ويندفن ولامن شاف ولامن عرف.....

تابعو احداث الحلقات القادمه كنت معكم انا رغد الموالي في امان الله

شكرا لكلامكم الجميل 🌷🌷 وشكرا لدعمكم للروايه

اي حب ذاك الذي يستوطن قلبي وعقلي وكل جوارحي

اي عشق أهيم به انا فأكتمه خوفا من كل شيء خوفا منك انت

ــــــــــــــــــــــــــــــــــــــــ 

بقلم رغد الموالي

ــــــــــــــــــــــــــــــــــــــــ

سديم.....

سد الموبايل بوجهي ادم

جان كلش ضايج احسه نار واشتعلت بي

بس مااهتميت بالبدايه جان همي مصيبة هنده

جانت تبجي ورباب تشرحلها وتحاول تهدأها

- كافي عاد كلنالج الولد يحلوها

- واني كتلج مراح يعوفني بحالي

- وتالي شلووووووون

- اخابره واكله شرايد

- ويطلع مسجلج ويورطج

- لعد شلووووووون

- سكتي وخلي الشباب تحلها سدي حلكج انتيييي

- سكتت بس دموعها مانشفت

باوعت بأتجاه السماء بكلبي اكول

ربي انت ارحم الراحمين

ترحم بهلانسانه وتخلصها وتنجيها من هذا الهم

ذنبها وثقت وامنت وعشكت

ذنبها حبت ورادت تفرح بدله بيضه وي الانسان الي حبه كلبها

شنو هالانسان هذا من ياطينه مخلوق

معجون بالشررررر

لدرجة انه ممكن يأذي بشر بكل سهوله

اعوذ بالله

رباب بطبعها عصبيه ومتتحمل تبقه تجامل اعرفها من تتهزم وتخصم الكلام لان اذا تبقه تجادل ماتجامل بعد تحجي

هدأت هند خليتها تمدد على سريرها ترتاح رباب راحت تحضر اكل

واني كعدت يم هند اقرالها على راسها يمكن تهدأ

تعويذات  وايات قرانيه علمتها الي مرت خالي

تخلي الانسان يرتاح

وحصنتك باسم الله الواحد الاحد

الفرد الصمد

باسم الله العظيم

بااسم الله القدوس الكريم

بااسم الله الرحمن الرحيم

اللهم اني اعوذ بك من كل حاسد

وعدو حاقد كالشيطان المارد

اللهم انا نعوذ بك من الهم والغم

اللهم ياكشف الكرب وياشارح الصدور وياباعث من في القبور

اكشف عن هم وغم هند بنت حواء وفرج عنها واشرح صدرها

اشرح صدرها بالايمان والاسلام دين السلام الذي ارسلته على لسان حال انبيائك

اللهم يامن انجيت يوسف ويونس وموسى وابراهيم

ويامن شفيت يعقوب وايوب

ويامن جبرت خاطر مريم وام موسى

اجبر خاطرها بحق اسمك الاعظم يالله

هند سبحي هاي التسبيحه مجربه لاتتماهنين بيها سبحيها

( سبحانك لا إله الا انت اني كنت من الضالمين)

سبحي شكد متكدرين

- حانت تبجي بس اني واقرالها احسها ارتاحت وهدأت من البجي مسحت دموعها ولما كملت معدت وقبلتني من راسي

- اشكرج ريحني كلامج وهذه الدعوات

- كنت كلما احس بضيق تقرالي مرت خالي تعلمتها منها وحفظتها جنت اسبح هذه التسبيحه متصورين شكد جنت احس براحه

- حسبحها ادعيلي فدوه

- ان شاء الله والله بدون متكليلي بصلاتي اذكرج وادعيلج

-متقصرين

اجت رباب جايبه صينية الاكل كعدنه ناكل بس كلنه قلقين ومتوترين لايسوي شي هذا النذل

ثاني يوم رحت للشركه وداومت عادي حتى ادم الي صيح عليه بالموبايل اجه ولاكأنه صاير شي مشاها عادي لاحجه ولاكال حتى اني تفاجأت بس دام سكت اني هم مافتحت موضوع

داومنه عادي يومين مرت هدوء ماكو شي

بالليل خابرو الشباب على رباب

- ها شو هذا صاحبكم مسوه شي

- مادري

- هذا بوخه بس حجي وداعتج

مدكليلي شحيكول

- احنه هددناه اذا يلعب بذيله منسكت نطلع الاول والتالي

- عفيه بيجن

سد الخط وراح

- ها شفتي طلع بوخه

هند- راح اخابره

رباب - تخبلتي ولج

- لعد شلون

-شتكليله اذا تخابري

- اكله ليش مااجيت لو بس تحب تحجي

- يله دنشوف

اتصلت عليه فتحلها خط يحجي من وره خشمه

- خير شرايده

- اشو مابينت  ..... 

- هه كيفتيلها للعشاير

- شتقصد

- ولج عبالج غبي اني اعرفج تردين تفريها عليه وتكليلهم جنه سوه وتثبتين تجي من يمج هاي

- شنو المطلوب شرايد انت هسه

- سمعي داكلج زين

خلقتج وصوتج لااريد اسمعه ولااشوفه من هاللحضه

لا عبالج صدكت انتي مو وره سالفة هذوله الشباب بس حسوي نفسي مصدك عركة ولد

بعد لدكين عليه

اخذته رباب منها وحجت

ـ كملت هه تدري انت واحد جبان مع الاسف  تنحسب على الزلم

متستحي تتلاعب ببنيه لمجرد انها حبتك

شسوتلك هي هااااااا شسوتلك وهيج داتسوي

شوف تحل عنها تحل ماتحل عنها اوكعك بتهلكه واكعدك عليها عشاير وقد اعذر من انذر

- يمه يمه صرت ارجف هه والله تالي وكتي يهددني بنات

- مو بعينك مو

- ولا تهزولي شعره

- شوف  ابني مكالمتك هاي سجلت هسه اكدر اوصلها للامن الوطني تلعب بيك جوله

ديربالك تخابرنه ديربالك تتدكر بيها بعد

جبان  تهددنه عشاير والله اخلي عشايرنه تلعب بيك جوله انت والوراك فوك ما تلعب بااعراض الناس

وسدته بوجها

- سديم،  عفيه خوش رزلتي

- يستاهل مو

- اي.

- هند...  خاف يسوي شي

-شوف هاي ابتلي بيج هسسسسسسسسه

ولج من سويتي ويا علاقه مخفتي هسه خايفه

- سكتت

كدرت ارتاح نوعا ما تقريبا بدت تنحل مشكلتها لان حبيبها طلع بوخه مامن وراه شي

بس بجبنها خلته ينفش ريشاته

مرت ايام والشغل ماشي عادي وادم سكوته جان قالقني يتصرف برسميه كلششش

مرات يجون بنات والي تجي يطلع وكتها هو وياها من الشركه

مشت الايام وعم الهدوء اكثر

بيوم جنت داسلمله اوراق فتت للمكتب جان هو دايخابر

- نعم...  بلي.....  صار  ... صار

- هي توصل الشاحنه سلم تستلم واي خلل مرجوع

- جان يخابر ومركز وياي نظراته عليه  بس كلت يمكن مو يمي لان دايخابر

- تمام....  الخميس يمك

الله وياك

سده

تنهد وخله ايد باايد على الميز وكال

- كملتيها

- اي

- اخذها مني وخلاها على الميز توجهت حتى اروح

كال

- اوكفي

- التفتت عليه نعم؟ 

- كام من كرسيه متوجه الي

وحجه بطريقه غريبه

صايره حليوه هواي

شبيه اني اعمى مااشوف الجمال الكاعد بره كل يوم

- من رخصتك توجهت دااروح

- استوقفني

همس رافع حاجبه

اوكفي

همس وتقرب اكثر

اني ماخلصت كلامي

- شتريد

ليش تحاجيني هيج بطريقه غريبه

- لان...  لان... 

لان اني احبج

- شنو

- اني احبج

احبج واتمنه اكون قريب منج

ابتعدت

تكلمت بنتره

اليحجي يحجي عدل مو هيييج

بعدين شنو احبج

شنو هالكلام هذا

- اي شكو بيها

- احترم نفسك لاعبالك سكرتيره عندك اصير لعبه باايدك نجوم السمه اقربلك

- والله هه ( ابتسم بااستهزاء)

- شوفي ثكل يمي لتبيعين من الاخير حجيبها الج

- يعني؟

- يعني شغلج من جوه لجوه كشفته واني اولى من الغريب ههههه

- باوعتله معرفت حتى ارده نزلت دموعي وحدهن

- صار يباوعلي باستهزاء

يبو عليه وضرب على خده خفيف

حتكوم تبجي

واني موهيج

واني كذا

وهي الله يعلم

الله يرحم وكفتج على الرصيف وي الشبان ال 3

- ماعندي شي وياهم والله

- ههههههههههه

هههههههههههههههههههه

سولفيها على دبه

لو ماشفتج انتي وهاي الوياج 

- شوف اني مامجبوره ابرر كتلك بشغله عندي شغله وياهم

- بنيه متغربه تحجي وي شباب غربه بالليل شنو معناها

- بصوت  معناها تفكيرك وسخ وكلشي يفسره عكس لان هو زباله وعباله الناس هم زباله مثله

- اني حشوفلج الزباله هذا شنو ممكن يسوي

تقدم اليي بسرعه ودفعني على الحايط

صرخت سد حلكي  وحجه وهو ضاغط على حلكي

محد هنا والدنيا ليل هه قبل لاتجيبين الاوراق قفلت باب الشركه يعني محد يفوت

تخبلت هاي شوكت طلع شوكت قفل الباب شوكت راحو المحاسبين

من شفت ماكو مجال للهرب وهو مرتب كلشي

كعدت بالكاع ثنيت رجلي وكورت نفسي لميت روحي

صرت ابجي اكثر واكثر بصوت وحركه

هو ماعرف وين راح بس تركني جنت ابجي ضامه وجهي

بعدين رفعته بعد مااجهشت بالبجي هواي

باوعته لكيته لازم راسه بيده الاثنين يباوع للكاع كاعد على الكرسي

لمن سكت صوت البجي مالتي رفع راسه

باوعلي ورد دنك

همست

- ليش اني شسويتلك

- رفع راسه بفزه باوعلي معرف شيجاوب

كام واجه بااتجاهي

صرخت بي

لاتقترب

كعد على بعد مسافه صغيره مني

همس

اسف

- وديني للشقه ( نترت واني امسح دموعي) 

-سديم اترجاج اسف مو بوعيي والله

- توصلني لو اروح اني وافضحك وافضح نفسي

- بس أهدأي بعدين قميصج تمزق هم

باوعت ولانتبهت بقيت ساكته

حروح اجيبلج قميص واجي

راح وسد باب المكتب قفلها

نص ساعه ورجع جايبلي قميص

- اطلع داالبس

- طلع وكف بره بدلت قميصي وطلعت لكيته كاعد على مكتبي

مباشرة فز اخذت الجنطه دااطلع لزم ايدي

اوكفي

-  نترت

وخر ايدك

- مو بوعيي اسف

- خللللص افتهمت هسه شتريد يعني

- بس على كيفج اهدأي وكعدي خل احجي وياج

- ادددم خليني اروح لااصرخ والم العالم عليك هسه

- مااخليج تروحين ومقهوره مني ابد

- كمت اصرخ....  عوفنييييي عوفنييييييي

- اشششششش وسده لحلكي بقوه

سكتي فضحتينه

- وخر عني

- ابتعد باوعلي

راح اوصلج بس تنطيني فرصه نحجي مره ثانيه

-  وجهك بعد مااريد اشوفه

مع الاسف امنت بيك وثقت هيج تغدر بيه

لييييش

شسويتلك

- متحملت..  موقف هذاك اليوم ياكل بيه اكل اموت الف موته باليوم

- كتلك ماعندي شي وياهم ماعنديييييييي شييييييي وياهممممممممممم

- بس اهدأي واسمعيني

سكتت وكعدت بس جنت ضايجه كلش نار تحس تشتعل بيه

كعد كدامي على الكرسي الثاني وتكلم

سديم اني رجال وصعبه عليه اشوفج واكفه وي تلاث زلم بنص الليل وتحجين وامررها مرور الكرام

- نترت

وانت شعليييييك

اطلع اىوح اجي وياهم انت شعليييييك

من كلت هيج تخبل

جانت اكو منفضة جكاير على الميز شاهلها وشمرها كسرها وكام وكف على حيله

يفرك بيده متوتر احسه كوه جاي يحاول يلزم اعصابه

راح ورجع بالغرفه ويباوعلي بغضب من شفته حيل خفت بس جنت اضهر العكس وابينله عادي ومااخاف

حجه بهمس بس بغضب شعليه

وصرخ بيه

مووووووووو

بس فهمني انت ليش محترك دمك ليش تحاسب شعلييييييك

لربما تفضحنا افعالنا

نحن نستطيع كتم المشاعر لكن حتما ستفضحنا الافعال

ستنبهنا المواقف ان الذي امامك شخص عاشق

فتقبل شقاوته مهما كانت.....!

مريم....

واحد موجه سلاحه على الثاني واعرفهم ثنينهم مو بوعيهم بس احس ضرغام واعي مو مثكل مثل ابو غضب

طلعت وكفت بنصهم واصرخ

كاااافييييي

اصحووووو انتو متدروووون بنفسكم

- صرخ بيه ضرغام:- شطلللللللللللعج انتيييييي

- كافي اروحلكم فدوه كافي

تقرب عليه وهو عيونه تجدح نار

جرني من زيك دشداشتي ومشى طببني للغرفه وسد الباب بقوه

خفت ارجع افتحها اشوفه شيسوي وماعرف شنو حيصير

بس سمعت صوت ابو غضب عله وصاح

لتخليني اطشر راسك اليوم واكله للحجي ضامها عده

- صرخ بي ضرغام

ولللللللك تخبللللللت وضرب نار ماعرف وين

بس وراها صار هدوء

جمدت خفت لا ثنينهم ماتو فتحت الباب على الكيف شفت الضرغام خانك ابو غضب بعكسه ولازم ايده الي شايل بيها السلاح

نفرها برجله بقوه نشمر المسدس بعيد

سحبه باتجاه الحمام

ذب عليه مي بارد واصلا هو الجو حار

وهذا يصيح

- ينعل رسسسسك وخررررر

اليوم اقتلك اليوم

- ولك ثكلت

- ضرغام وخرررررررر

- ها صحصحت ولك

ابقه بعد صحصح

- شويه وطلعو ثنينهم منكعين بالمي

صاح ضرغام

مريم سوي جاي

رحت ركض للمطبخ سويتلهم جاي وهم كعدو ولاكأنه صاير شي

جبته الهم

اشرلي بعينه وهمس

جوه

- فتت للغرفه وكعدت وهم خفت لايصير شي

بقيت كاعده وكل شويه اكول هسه يروح ابو غضب

هسه يجي ضرغام 

ومشكله ماكدر امد راسي اشوف اخاف من ضرغام يصيح بيه

بقيت كاعده

وره وين حسيت بنعاس

صرت اتثاوب

مددت على السرير ونمت

غفيت وحسيت على صوت طكطكه بالغرفه فزيت لكيت ضرغام داياخذ السويج

من شافني فزيت همس

هاي اني لتخافين

- وين حتروح

- لازم اروح

-وين

-  سكت بقه يباوعلي يمنه ويسره

- ليش سكتت

- حغيب كم يوم واحتمال اطول ماعرف شنو وضعي بس انتي لتخافين راح اوصي عليج

- ليش شصار

- مصار شي حروح بمهمه

- باوعتله اختنكت وبينت على ملامح وجهي

- تقرب ولزم وجهي برقه بيده الاثنين

مجبور

لازم اروح

- لتتأخر عليه

- احاول

توجه حتى يطلع ورد رجع

شكد اكدر اثق بيج

- ليش

- عموما انه ماخاطفج بس اي حركه منج نطيح بالرجلين

مريم هذا موبايل خلي يمج اخابرج بين فتره وفتره اطمن عليج اشحني هذا يخلص شحن تره شايفتني من اشحن جهازي الثاني

- اي

- اي اشحني وهم بي العاب تونسي بيها دوريها للشاحنه بارحه جنت اشحنه مادري وين خليتها

وشحني 

ولتخابرين انتي  حعوفو يمج لهذا جهازي واي شي يصير لاتنطي لاحد ابد مريم ابد

-  حتى لو كلي ضرغام دزني

-حتى لو الا انه اكلج نطنيا يله

- ماشي

حروح انه ثيمالا

- راح هو وابو غضب بقيت بالمزرعه

شلت هم للوحده هم راح ابقه وحدي

مر يوم اعتيادي بس بالليل كالعاده اخاف

نمت وحلمت اني صغيره واختي يمي وامي وابويه بس شكلهم مو واضح مغوشين

وكأني بينهم والعب واضحك وشايله دبدوب صغير

لكن امي راحت هي وابويه بطريق

واختي بطريق وبقيت وحدي بمكاني وابجي

وعله صوت البجي بس مالتفتو الي

صيحت وهواي صيحت بس ماردولي

كعدت فازه

الدنيا حتوشك على شروق الشمس سمسمه جانت تصهل باوعت من الشباك مابيها شي ليش تصهل

هواء المبرده حار جان

طلعت بره اشوف ليش جان خلصان مي التانكي

بديت اترس مي وبين ماينترس التانكي بقيت كاعده

راحت نومه بعد

افكر

وين راح

وليش كال اتأخر

ليش گلبي هالمره نعصر

يمكن لان تعودت عليه

هو راح يمكن لتل الذهب ويمكن طلع وي الحجي

يمكن عدهم عمليه جديده يمكن صعبه

مادري

بديت اتذكر لما جنت بتل الذهب وياهم عايشه

لاصباحنا مثل البشر ولامسائنا

اساسا العيشه الاعتياديه مااعرفها شلون الواحد يعيش

بأي لحضه تكب عركه بين الولد وياخوفي لاتنتهي بقتل واحد منهم

اقمار وشرب ونسوان بتوالي الليل ومحد يكول ليش هيج تسوون

اتذكر مره تعاركو الولد بينهم على لعبة الرايسز ( اقمار) 

لما حمزه غلب عريوش

ورجع غلب مناف وغلب ستار

ماتحمل عريوش وكب

- هييييييي تضحك علينه انت

داتغشششش ماكو هيج لعب

وهو يضحك برود وبحقاره

هه غلبتكم انتو متعرفون تلعبون انه شعليه

-  شوف حمزه لعبك هذا والغش مايعبر علي انت مسوي ملعوبه وينك وين العب انت

عمي احنه اهلها جاي اليوم تغلبني

- مناف:  كله جوكر ويكلي اعرف العب

حمزه:-رد بغضب

هييييييييييي اعرفو ويامن تحجووووووون

- استهزأ ستار

وركل مناف بضحكه وكال

هه نحجي وي الكابتن اسطورة اللعب حمزه

-تصنف عليه ولك مو

ورده بوكس

- هذاك من شاف روحه نضرب تخبل وجات عليه وصارو يتعاركون واحد يضرب الثاني

وصارت عركه نتهت لما شافو الحجي على راسهم ضارب طلقه بالجووو

وحجه...

ولكمممممم زعاطيط انتوووووو

تتعاركون من وره لعب

- حجي يوميه مخسرنه ميصير يغش هذا

- ممجبور تلعب

- صارو واحد يصيح على الثاني حمزه ومناف وعريوش وصرخ بيهم الحجي

- اذا متكبرون كلولي حتى طلقه براسكم من هسا واخلص 

بوكتها جنت اتفرج عليهم من بعيد وليو واكف يمي يهمس

مريم شرايج ابوك الاوراق ونلعب اني وياج

- اسكت ولك شيخلصنه من حمزه

- ميلعبوني وياهم

- عوفك منهم شعاجبك اشو ينهوها بعركات

- رجعت لواقعي هه ذكريات للاسف ذاكرتي تحتفظ بماضي تعبان

مر يوم ولااتصل ولاابد واني ماعرفله الموبايل

لكن بالليل رن التليفون

دست بالدكمه الي علمني عليها وطلع صوته

- شلونج مريم

-اني زينه

- خو مداتخافين

- لا

- اكلتي

- اي

- محتاجه شي ادزلج احد من الولد يجيبلج

- لا ممحتاجه شي ضرغام....  بس هو انت شوكت تجي

- جر نفس.....  ماعرف

- انت وين

- انه طالعه بشغل

- ليش هسه خابرت

- مكدرت مريم اخاف اخابرج ويدرون احاجيج

يأذوج لو احد عرف راجعتلي

حروح انه هسه وحخابرج كل متصيرلي فرصه

ديربالج على نفسج خوش

- خوش

- ديربالج على سمسمه

- ماشي

-يلا ثيمالا

- بيباي

سده هو الخط من يمه

بس اختنكت لمن راح

ماريده يروح حتى لو مجرد يتصل هو امان بالنسبه الي

بجيت ولاول مره ابجي من لاشيء

احس بروحي طفله صغيره لمن اشوفه او اكلمه

مثل وطن امن الي

اهل او بيت دافي يحتويني

- ضرغام صار بالنسبه الي كلشي لدرجة خفت افقده بيوم......

غفيت صح بجيت بس بجي بحب هالمره احساس دافي وحلو مرافقني

كعدت ثاني يوم الصبح وطلعت بره شفت سمسمه وتذكرت من كالي ديري بالج على سمسمه

رحت يمها وتذكرت من جان يصعدني

فكرت اليوم اصعدها وحدي وصعدتها

فتحت الباب وجنت راكبه الفرس طلعت وصارت تهرول سمسمه

تمشيت وسط المزارع جانت منطقه متشعبه بالاشجار وكلها مزارع مسيجه

مابيها بيوت

تمشيت وفرحت كلش

سمسمه احسها تفتهم لما تحسني فرحانه تهرول وتصهل ولما اكون حزينه واجي يمها ماتصدر منها اي ردة فعل بس اشوفها تباوعلي وكأنه تواسيني بنظراتها

عرفت ليش ضرغام يحب سمسمه هيج ثاري تسيلي هي مؤنس تحسها

ضرغام هواي متعلق بسمسمه وحتى وصاني عليها

لهسبب محتفظ بيها بهذه المزرعه ومخليها علمودها

ويتردد من الاول هنا تذكرت لما سولفلي مره

سمسمه لما نولدت ماتت امها وجانت مهره صغيره

ربيناها انه واخويه لحد ماكبرت

- اخوك؟  

انت مو كلت ماعرف اهلي

- انتبه لكلامه بعدين كال

يعني صديقي مثل اخويه وداىما نحس اخوان مو اصدقاء

- وينه اخوك لعد

- مات

- مات؟  شلون

- قتلو....  ولمعت عيونه بدمعه التفت الي وكال

نقتل صديقي الي جان روحي من الدنيا

- منو قتله

- جانت عندي عداوه وي جماعه وقتلو حتى ينتقمون مني

قتلو وعافوني مثل طير المذبوح

جابولي بس راسو

- وشسويت

- هز براسه وهو يباوع للاشجار البعيده

قتلتهم

مسح وجهه وابتسم ابتسامه كاذبه كال

اي

هسه عرفتي ليش احب سمسمه

سمسومة روحي

- انت حبيت بحياتك

- اي

- منو

- وحده

- ايييي وشصار

- حبيتها هواي هواي حبيتها بس الي بيني وبينها صعب

مستحيل نكون لبعض

- شلون  وليش

- جر نفس بحسره كال

منكدر

- ليش

-بيناتنا دم

- ثار يعني

- هي مالها ذنب بس الناس الي حواليها

لو تدري انه نتقمت من اهلها تكرهني وانه ماريدها تكرهني اريدها تبقه تحبني

ابقه احس اكو انسان بهذا العالم يحبني

- هه وشراح تستفاد

- الحب اذا يكون بي استفاده مو حب هذا مريم

انك تحب مجرد تشوف هالانسان انت ترتاح

شنو بيك من هموم تروح

تعرفين شوكت تعرفين قيمة الحب

- شوكت

- لما تكونين بلحظة خوف

مريم بالنهايه احنه بشر وتمر علينه لحضات 

نكون ضعاف وخايفين بيها

تعرفين دور الحبيب شكد مهم هناا

كلش تحتاجين لطمأنينه لقلبج احتواء لروحج فتحتاجين لهيج شخص

بس وكتنا هذا مابي الحب الحقيقي كلها مصالح

-  انت تحجي وكأنك واحد ثاني لاتفجر ولاتقتل

- انه بشر بالنهايه مريم

- مريت بهذه التجربه

- اي

- شوكت

- هي الفتره الي بيها صديقي وكتها تأذيت ونهاريت

ودخلت حاله نفسيه وجسديه متعبه

انطويت على نفسي

وبقيت بغرفتي وعلى طول قافل الباب وكاعد

- وشلون تعديت هذه الفتره

- هذه الفتره متتعده بسهوله تحتاج وقت

تحتاج دموع والم

تحتاج سهر وصبر

تحتاج وقت هواي كلش هواي مريم

- نوجعت من قلبك لهدرجه

- كلش

- ولاتوقعت

- ماكو انسان مابي الم مريم

كل القلوب تألمت

واذا متألمت فراح يجي اليوم الي تتألم بي

هذا الالم هو نقطة تغيير بحياته يكون

ألم يا أما يصعدج فوك

ياأما ينزلج جوه

يمكن يصنع انسان قوي

ويمكن يكون ضعيف ومنكسر 

ويمكن يتولد شخص حاقد ويأذي باوعلي

هذا الشخص احذري مريم ( كالها برفع حاجبه الاثنين) 

احذري كلش مريم

-  وانت

- انه

هه

مالج علاقه بيه انتي

حتى لمن اطلعج منا واخلصج تمحيني لان اذا تذكرتيني أأذيج

- تأذيني

- اذا ترجعيلي بعد مااأمن عليج راح أأذيج

رجعت لواقعي

كلت خل ارجع للمزرعه خاف يصير عليها شي وضرغام مااخلص منه

رجعت وبقت بالمزرعه واني ماربطتها تركتها براحتها كلت خل تكسر شويه وحشة المزرعه عليه

غرب الغروب ودخل الليل بظلامه هدأت الاصوات اكثر الي جان اساسا بس اصوات عصافير

هدأت وصار الصوت البعييييييد تحسه قريب منك

نمت وغطيت بغفوه ماعرف شوكت وبيش الساعه مااشوف الا الضوه نفتح

فتحت عيني اباوع الحجي وجماعته على راسي.....

دائره تدور بي الحياة لاهنالك مخرج فأخرج

ولاهنالك زوايا فأهرب اليها

تباعو احداث الحلقه القادمه من تل الذهب

كنت معكم انا رغد الموالي في امان الله

لاتنسون اشتركو ويانه بالمجموعه سيدات العراق للكاتبه رغد الموالي الرابط بالبايو ( حسابي الشخصي)  موجود

وهذه صورته

واي كاتبه تحب اسويلها دعم تراسلني وتدلل

                  تـــل الذهــــــــــــب

وكنت ذلك الامان لروحي

كنت ذلك النور الذي ينير طريقي

كنت ضرغامي الخارق

كنت فارسي الشجاع

كنت حبيبأ وروحأ ونبضاً

لكن.....

خيباتك خذلانك

ألمني كثيراً....

      مريم.....

بقلم رغد الموالي.......

ـــــــــــــــــــــــــــــــــــــــــــــــــــــــــــــــ

فتحت عيني لكيت الحجي وجماعته بالغرفه

جمدت بمكاني

حلم هذا لو حقيقه

شنو جاي اشوووووف

حجي وي نفسي احجي

فززني اكثر صوته

والله وكعتي ومحد سم عليج

صرخ بالولد

جيبوهااااااااا

- اجو عليه جروني ورجعو ايديه وره وكفوني كدام الحجي

عيونه تجدح غضب

باوعلي

وبعدين ضربني بكف

بس شنو من كف احس نااااااارررر اشتعلت بصفحة خدي اذني احسها صوفرت وشت

باوعتله ماصدرت مني اي ردة فعل

الضرغام مختلج هنا مو

- مرديت

- ركلني بقوه  وصرخ

احجيييييييييييي

- لا

- منو جابج منو ساعدج

- محد

- باوع للولد بغضب صاح جيبوها وراي

مشه راح للسيارات

عيني صارت يمنه يسره وي مدايمشوني ادور على سمسمه بس مجانت اكو

قبل لااطلع لمحتها وره البنايه جان بس نص جذعها طالع

تطمنت مسوولها شي  صعدوني بالسياره وي الحجي وساقها سايق

ورانه سيارات هم

مشت السيارات بقوه بحيث صار عجاج( ترابه) بالشارع

وصلنه تل الذهب

نزلو ونزلوني وياهم

جانت الولد كلها كاعده والاضويه مشتغله وكلها عبالك تعرف

باوعت بالوجوه كلهم موجودين الا الضرغام وابو غضب ماكو

نتر بيه

تدورين على منو

- بخوف...  مدادور على احد

- منو منهممممممم

ضرغام

لو ابو غضب

- ولا واحد

- ولج لتكذبيييييين كالولي تابعه لواحد من رجالك

لمنو راجعه

- سكتت

ضربني بكف مره ثانيه

- مراجعه لاحد

- وبعدين تنهزميييييين هااااااااا

والله لااخليج تتمني للموت وماتنولي

والله لااسويج عبره لغيرج

تنهزمييييييييين وللللللج

منو هزمج

منو ساعددددج

احجيييييييييي

مارديت

نزل عليه ضرب

على راسي على كليتي دفرات

انتهيت جوه ايده 

وكف بوجها سعدي

حجي

على كيفك حتموتها

- ولك ضيعتلي تعب السنيييين

تاكل وتشرب بلااااش تكبر براسي

تكبر عليييييييه

ولج انه ربيتج هيج تسوين بيه

صرخت

ابننننك

ابنك

شعليه انييييييي

- شعليج انتيييييييي

لو ردتي تلوفين عليه

ولجن دواهيجن اعرفنها

حيايه وتلفن على الواحد اليعجبجن

- ورجع يدفر بيه ضرب

بس سعدي سحبني وكاله

حجي على كيفك بس اهدأ

- طببوها جووووووووه

ويأشر على البيت الي مره حبسوني بي

اخذني سعدي وجان يهمس

ولج ليش نهزمتي شطلعججج

مارديت عليه بس جنت اتمنه اسأله اعرف الضرغام وين بس حيعرفون وخاف يأذو يقتلوه لو عرف الحجي هو الي جان يساعدني

طببوني جوه بالبيت جان اظلم ماشفت شي

اتكأت بحايط وجان خشمي يطلع دم

نقفلت عليه الباب وراحو

ماطول الوقت حتى حسيت الصبح صبح

دخل ضوه الشمس خفيف من الشبابيك للغرف

من التعب غفيت بعد مانكطع الدم

غفيت وكعدت ماحسيت ابد احد اجه

مر وقت هواي متت عطش وجوع  بس محد اجه

حتى مي ماكو بالحنفياات الي بالبيت

بقيت كاعده على امل يجي الضرغام ويخلصني

مر وقت هواي هم يمكن صار العصر نفتحت الباب

جايبلي ليو اكل

اول ماشفته كمزت عليه وحضنته وبجيت

هو هم حضني كال

اشتاقيتلج كلت بس لا قتلوج

- ليو طلعني منا

- ماكدر

هاج جبتلج لفتين وماي اخذيها واكلي مريم الحجي كالهم لاتنطوها شي

بس اني جبتلج صارت هسه فرصه

نطانيها بسرعه وطلع وقفل الباب

كعدت اكلها جنت حيل جوعانه وشربت ماي

تذكرت الضرغام من كالي

أكلتي؟

همست وي روحي...  اكلت..  اختنكت من تذكرته

هسه يمكن يخابر ويشوفني ماارد حيعرف

يمكن يدز احد من جماعته

يمكن يسوي شي ويخلصني منا

بقيت كاعده لليل هيج وي المغرب فتح الباب الحجي

ضحك بااستهزاء اول ماشافني

صاح تعالي

كمت واجيت لعنده جنت حيل خايفه ورحعت اباوع ادير بعيوني بلكت المح الضرغام.

همس

عليمن تدورين....  عيونج فاضحتج

- ولا

ولا

ولا شي حجي

- باين ذيب حيتكرر والواوي هم بس تهوووووون

- فهمت شيقصد وهو عباله ماعرف بماضييه دايحجي الغاز

-  يعني مناويه تكلين منو ساعدج

- محد

- ضاهر بعدها مداكها الجوع زين فوتوهاااا جوه

- فوتوني جوه

وقفلو الباب وراحو

ومرت يومين ثانيه وليو جان يتختل ينطيني الاكل ويروح على السريع

وهم عبالهم لااكل ولااشرب

تخبل الحجي شلون هيج عايشه مدااشرب حتى ماي

اجه فتح الباب

انتييييي شنووووووو

مراح تكلين منو ساعدج من رجالي

- مرديت

رجع ضربني كف

وكعت بالكاع

كله لسعدي رفعها لعندي

- رفعني وكفت

تدرين اذا متكلين منو راح اخليهم يغتصبوج هسه

- باوعت عليه

اني مخيره ياروح الضرغام يا اني

كتله بهدوء

محتكدر تحصل شي لان محد ساعدني

غلط عليه

ونتر راح افتر شويه ورد رجعلي

ولج شناطيج وهيج ساد حلكج

شناطيييييج

-  سكتت

ضربني بكف ثاني ورجع يضرب بيه نهى عليه احسه

اجه ليو يحاول يخلصني منه

استادي على كيفك ستادي حتمووووت

وعاط

لما عاط وكف الحجي عن الضرب وباوعله

عقد حاجبه ولزمه من ياخته

كال بغضب من بين سنونه

بس لا انت

لا لا استادي والله مو انه بس خطيه حتموت

- ومن يمته عدنا خطيه احنه هنا

هااااااااا

من يمته

- هاي ربت ويانا حجي

- دايضربه جرو الولد ليو

صاح بيهم

اخذوهم عن وجهييييييي

طببوني الي جوه وليو راح لبيته وي الولد

بقيت بالبيت عده اليوم واجه الثاني بنهاية اليوم الثاني بالليل اجه ليو فتح الباب بهدوء جايبلي اكل جنت ميته جوع

همس

هاج مريم اكلي مكدرت الا هسه اجيبلج

- خو ما اذوك ليو

- لا ماسولي شي

- ليش بعدته عني

- مكدرت اشوفه يضرب بيج وابقه واكف مريم انه ماعندي خوات واعتبرج اختي صح جنه مرات نتعارك بس والله احبج من رحتي حسيت ماعندي لا اهل ولااخوات

هم يمكن اذا اموت محد يبجي عليه غيرج

- لا لدكول هيج اسم الله

دانحجي وفتح الضوه الحجي بالباب وشافنه

جمدنه ثنينه بمكانه ابتسم بحقاره الحجي كال

هه الضرغام دازك عليها مو

- لا

لا والله

- ولك اليوم اطلع بروحااااك

جان واكف باب البيت رفع ايده لفوك ضرب طلقه بالجو

شويه وطلعو الولد يشوفون شكو

كاللهم

من يمته هذا يجيبلها زقنبوت

- واحد يباوع بوجه الثاني محد يجاوب

صيح

ولكم انه شلون مأمن على حالي  ومحتالي هناااااا

وبنيه بطول قندرتي مكدرتو عليهاااااااا

ولكم شلووووووووون

احركم انتو والمنطقه كلهااااااااا

جر ليو وضربه بعكس رجله على بطنه

ليو كبل اختنك ونفسه راح

وركضو عليه الولد

صرخ بيهم الحجي

ابتعدووووووووووو

ولكم اليوم اطلع بروحكممممممممم

صار يضرب بليو  ويضربني وكوه خلصو ليو منه

بس بقه يضرب بيه من كد الضرب كمت مااحس بشي مجرد حراره بجسمي

انتهيت جا داينهي عليه لو ماواحد من الولد اجه يركض

كال

حجي رجعو الولد

هنا احس امل نولد عندي من جديد فرحت

صرخ بيهم الحجي

طببوهااااااااا

سدو حلكها وجتفو ايديها لاتخليهم يدرون

- طببوني جوه

جان سعدي يقوم بالمهمه كلمني

عاجبج هيج كولي منو وخلصي نفسج

مراح يهدج الحجي تره

- سمعت صوت السيارات فاتت جوه ونزلو الولد

وصوتهم على

يلااااا ياوووولد

كلها تنزل الجو حار وهي صارلها هواي بالبنيد

ماعرف شجايبين بس صوت طكطكتهم اسمعها

والحجي بصوت عالي

ردت اشوف بس مااكدر ايدي مربطه وسادين حلكي

باوعت شلون اشوف بقيت اباوع

لمحت ثقب صغير بالباب

باوعت من الثقب شفت الولد كلها ملتمه وتنزل

والضرغام هم ماكو

بقيت اباوع بلكت اشوفه

هنااك شفته واكف ومخوصر بيده الاثنين يروح ويجي يباوعلهم ويرد يباوع للكاع ويتمشى

نزلو البضاعه وحركت السيارات طلعت

والولد كلمن راح لمكانه

الضرغام كلت هسه يروح للمزرعه بس ماراح بقه بمكانه واتعجبت وانقهرت

مرت يومين

واكل وشرب ينطوني وجبه باليوم

ولما جابلي اكل سعدي

همس

حفكج بس حسج عينج يطلع صوتج

تره الي واكف بضهرج يقتله

الحجي شاك باابو غضب وبالضرغام اكثر شي

واذا طلعت اي حركه منج ينقتل

خاطره الزاد والملح داحذرج مريم وبعد بكيفج

- ليو

ليو شسووله

مكسوره ايده وبيتنه كاعد

خل اشوفه

ماكدر اطلعج

شويه اشوفه حاول

احاول

طلع سعدي

وصادفه الضرغام

الضرغام-هاي شعندك هنا

هااا  ههههه جنت اسد بوري الماي

- هاااا

- كثرانه كعدتك هنا

- اي وين اروح شعندي

- القبرص داز تهديد للحجي

- شصاير

- مادري بس سمعته يخابر وكال الكلب يهدد انه اعلمه ماتعرف شي انت

- وشدراني انه

-من طلعتو مكالكم شي الحجي

- لا جان يخابر على كد الشغل

زين اروح انه اشوف ليو

راح كل واحد بجهه

جنت اباوع من الثقب

اشوف بملامح ضرغام برود مامبين عليه شي وكأنه ماعنده مزرعه او فرس او اني بيها او ماكو

ردة فعله طبيعيه لدرجة قهرتني هواي

مرت الايام  جنت اشوفهم يسهرون بالليل  وحتى الضرغام وياهم

- ياحسافه متوقعتك هيج هنت عليك ضرغام

بس يله انت شعليك

مو زين منك ساعدتني بهذيج الايام

اباوعله يشرب والبنات كباله

هواي قهرني هذا الموقف

اشوفه يضحك وياهم ويتشاقه وعادي

خابت كل امالي

كل ضنوني

توني بديت احلم بااحلام ورديه

توني بديت احس بنبض بقلبي

توني بديت اح.....

لا ياحب

شحب منك

هو انت لنفسك ماتحبها ولااني لنفسي احبها

ياحب

بس

بس انت غير ضرغام

انت ميزتك عنهم كلهم

انت صرت نور ينورلي ضلمة  طريقي

ليش تطلع ليل مثلهم

ليش

هيج ماهميتك

صرت ابجي وااعاتبه من وره الباب صح هو مدايسمعني بس كبالي

دااشوفه

هيج ماهميتك ضرغام

هيج هنت عليك

حتى لو مامجبور تكتلف بيه بس

بس اني تعلقت بيك

ليش تعلقني بيك هيج

ليش تحسسني بالامان والحب

تعيشني بي لحضات وبعدين تاخذه مني

ليييييييييييششششش

ياوجعي منك

ياخيبت ضنوني

شنو الي صار وهيج تغيرت

لو جنت رايد اروح ومستحي دكولها

جنت هم وثقل عليك

ارتاحيت لان تخلصت منه

توقعت

توقعت تح..

لا

لا

اني رحت وانجرفت بعواطفي وحسيت بلي مالازم احسه

اسفه لان حبيتك...... بس اني أحبك

وتمر الايام....

لحد مابيوم اجه الحجي شفتهم كعدو هو والضرغام على قنفه لوحدهم

ويحجون مجنت اسمع شيحجون

شويه وصاح الحجي

سعديييي

سعديييييي

تامر حجي

طلعها لمريم

اجه سعدي فتح الباب وطلعني

اجه لازمني من زندي جنت لابسه دشداشه شعري مهوس ومفلول وجهي مادري شصاير بي بس اباوع لايدي مطعنات

شافني ضرغام وكف على حيله انصدم من شافني

ماعرف من وجودي بالمنطقه

لو من حالي الي ماعرف شصاير بي

كاله الحجي

من تعشكها ليش ماكلت

التفت اله وحجه بهدوء

مااعاشكها انه ماتربطني بيها اي علاقه اصلا

مجرد ساعدتها

طلع الموبايل الحجي

وهذاااااا بس رقمك عليه هم حتنكر

حجي كتلك مساعده

انه مو تدري بيه دادور عليها

جانت بوضع مو مال اجيبها لعندك

- وانت بأي حق تحكم بيا وضع تجيبها ماتجيبها

صرخ

انه مو تدريييييييي دادوووور عليهااااااا

صرخ  الضرغام بصوت

جانت حاملللللللل

معتدين عليهاااااا حبلوها جانت تنزف الطفل ميت بطنهاااااا

شلون اجيبهاااااا

- سكت الحجي

وشيثبت على كلامك

-اكو اوراق تثبت جانت حامل راجية الدكتوره تثبتتتتتتت

- صرخ بالولدددد

روحوووووو منااااااااااا

- راحو الولد وبقينه اني والحجي والضرغام

وين لكيتها من شوكتتتتت

بالشارع

- شوكتتتت

قبل شهر

شكد جان عليها

شهر ونص

وباوعلي مباشرة وكأنه يكلي لتحجين اي شي

يعني مو ابن ابني الي جان بطنها

لا حجي

- ضرغام اطلع بروحااااااك احجيييييي

- حجي مو ابن ابنك

- يعني البنيه متعودلك

- لا

- ماعندك علاقه بيهااااا

- لا

ماتهمك

- اي

واني اباوع للضرغام هذا شديحجي

شدايكووووووووول

جان يحجي بثبات الكلام برزانه وهو مجتف ايده لوره واكف بثبات مو هامه شي

حتى منك نخذلت ضرغام

سحب سلاحه الحجي وخلاه على جبهتي

كال اليغدر ماله مكان بينا.....

لم أبكيك اشتياقاً ولكني بكيتك خذلاناً

سديم....

ماتوقعت تدني نفسه عليه بيوم

ادم على مايبدو ذئب

يغدر بأي لحضه

بقه يتعذر ويحاول يرجع كلشي لطبيعته بلحضات بس اني جنت منهاره

ادم وخرررر عنييييي صرخت بصوت بي

كمت مااطيق اشوفه

مااطيق اسمع صوته

هدأت من نفسي وفتحت الباب حتى اطلع

همس

حتطلعين

مارديت عليه وطلعت

امشي بالشارع وكوه مصبره روحي حتى ماابجي

وصلت للشقه

تلكتني هند تبجي

- شبيج

- هذا الكلب مدايعوفني بحالي

- هنا نفجرت طلعت حركتي بيها

كاااافيييييي

انتي شنووو

ماعندج غيره سالفه

صارلج شهور ثبرتينه بيييييي

صرتيله طعمه سهله اخذي مااجااااااج

انتوووو

انتووووو كلكم  اذيتونيييييي كلكممممممم

طلعت من الشقه اركض واركض وابجي

هنا ضاقت الدنيا بيه كلش

حسيت بدفو الاهل ولمتهم وشتاقيت لمرت خالي ردتها بهذه اللحضه

بس دنيا ليل وين اروح

لازم انتظر للصبح

بقيت بالشارع وقت ماعرف شكد بس خفت حركة الناس

شبه ماكو

رجعت للشقه لكيت نايمين ومطفين الضوه حضرت غراضي على ضوه الموبايل

وب 7 الصبح توجهت للكراج ارجع لبيت خالي

رجعت لبيت خالي وفرحت عمتي لما دكيت الباب وشافتني على الباب

هله

هله بسديم حبيبة كلبي

- حضنتها وبجيت لما شفتها

غابت ابتسامتها وجهها يعبر عن الحزن والفزع

شبيج شصاير

- اشتاقيتلج عمه

- شبيج بنتي كولي

- مابيه

مسحت دمعي

انتي شلونج

- تعالي فوتي خل نتريك

كعدت وخلت صينية الريوك وكعدنه نتريك وصارت تسولف

ليش هيج تكطعين بينه متجين

ارتبطت بشغل مكدرت

- وشعجب جيتي

- نطاني اجازه ادم

- اي عاشت ايده

الله يوفقه ويرزقه ويعاين حاله مثل ماسهلها عليج  وعاين لحالج

- باوعتلها ضجت لان دعتله بس سكتت

- كليلي شلونج بالدراسه

- زينه عمه زينه

- وبالشغل شلونج مرتاحه ان شاء الله

- جاوبتها بخنكه بابتسامه متصنعه

اي

كلش مرتاحه

خليت راسي بحضنها احاول الم شتات روحي

صارت تمسح على راسي وتنشر( تقره) 

بسم الله الرحمن الرحيم

الحمد لله رب العالمين....................  والا الضالين

بسم الله العظيم

بسم الله الرحيم

بسم الله القدوس

بسم الله الحافظ

بسم الله الرحمن الرحيم

اللهم نعوذ بك من كل حاسد

اللهم نعوذ بك من كل حاقد كالشيطان المارد

اللهم نعوذ بك من وساوس الشيطان

وعدو الرحمن

بسم الله الواحد الاحد

الفرد الصمد

صارت تقرالي على راسي واسمعها تقره ارتاحيت نفسيا

سألتها

عمه مره سولفتي الي عن النبي يوسف وكتيلي جان شاب عفيف وطاهر ف رب العالمين على شانه وقدره بين الناس

- اي

النبي يوسف عليه السلام كان طفل يتيم الام ماتت امه لما ولدت اخوه بنيامين

فكبرو وهم ايتام كان النبي يعقوب ابوه

يحبه هواي لانه يتيم ولانه فقير

صار يكبر يوم بعد يوم كان يلاحظ صفات النبوه بي هو رغم من المعتقد مفروض لااكبر اخوانه بس النبي لاحظ هالشي على يوسف

كبر يوسف وحلم بسجود الكواكب والنجوم والشمس والقمر تسجد اله هنا ماتعجب النبي ولاستغرب لان شكه طلع صحيح

- يعني الكواكب والنجوم نذكرت بالقران

- اي

- تأكيد على الفلك ووجود كواكب ودلاله على اهمية الرؤيا بالمنام

- بالظبط

- كاله النبي لازم تكتم هالشي ومتكوله لاخوتك بس اخوته عرفو عن طريق زوجة ابوهم الي كانت تسمعهم وخبرت ولدها وعمت الفتنه بين الاولاد

خططو انه هم يقتلو او يذبو بالبير

انتهى المطاف يذبو بالبير لما اقترح عليهم واحد من اخوته

وكع بالبير بس وكع بالمي ورفعته صخره ودته على اليابسه داخل البير

بعد ماافاق وراد يطلع ماكدر

وره ايام قافله اجت ونزلو الدلو وهو صعد بالدلو لما رفعو الدلو تفاجأو ولد

شافوه حسن الوجه فااشترو من اخوته لان اخوته تفاجأو من شافو عايش وكالو هذا اخونه بعد. نقاشات باعو ونباع يوسف بسوق نخاسه لعزيز مصر

تربى بقصر عزيز مصر يعني نائب رئيس جمهوريه عدنه احنه

جان هذا ماعنده اولاد فربى ليوسف على انه ولده

كبر يوسف وصار شاب حسن الوجه جميل جدا هذا الشي خله الشيطان يوسوس بقلب زوجة العزيز فبدأت تحبه ولما حبته فكرت بأقامة علاقه وياه غير شرعيه

- استغفر الله شلون وهو نبي

- مو هي متدري بي نبي

المهم النبي ماقبل ورفض وكاللها انا مكتوب بالسماوات من النبين وحاشى ان اكتب في الارض من العاصين الزناة

انا مااخون الرجال الي عشت بيته وكبرت بيته

هذه مو شيمي

بس هي ماصرفلها الحجي ضربته بكف

ولما راد يردلها الكف ويضربها بغرض تعود عن الي تسوي وتوب نزل عليه جبرائيل في هذه اللحضات

وكاله يايوسف لا تضربها

راح تفتري عليك ودكول ضربني وانت مراح تنكر انك ضربتها

- ليش خو يكلهم مضربتها

- هو نبي شلون يكذب

مو هي حتكللهم ضربني لان مقبلت

- اي صح

- ففتح الله سبحانه وتعالى الابواب المقفله عليهم حتى يهرب يوسف ونفتحت الابواب الا الباب الاخيره مانفتحت

- عزه ليش

- سبب من ربج هو بده ليوسف لغز مافهمه ليش مانفتح بالبدايه بعدين عرف لما شكت قميصه من خلف وانكشف الامر لما شهد طفل صغير

- شلون هو ماشافهم

- شهد هذا الطفل بمعجزه من رب العالمين طفل صغير ابن الاشهر مايتكلم بس تكلم حتى يبرءالنبي  يوسف

- جريت نفس

الجمال مرات يصير فتنه

- اي خاصا البنيه تلكيها مترتاح

اما تنفس من كثر الي يردوها وترفض

- تنفس شنو

- يعني تصير نفس الشباب بيها مترتاح بحياتها ابد

او تلكيها تتزوج بعمر صغير وتخلف وتنذب المسؤوليات عليها فتتعب ويروح جمالها

او تحظى بزوج متعب يتعبها فتكره حياتها ونفسها

ذيج من ذيج الي تلكيها حلوه ومرتاحه وماخفي كان اعظم اكو ناس حتى على وجعها تكابر وماتحجي

- يوسف نبي وكدر يعصم نفسه من الغلط هم جان غلط لو مارحمة الله

- حياتنا هاي كلشي بيها واحنه لكل شي معرضين يابنتي

البنيه المستوره الي تبقه محافظه على نفسها لحد ماتموت

وحتى لو اكو ناس تصير بطريقنا تجرنا للغلط

فهذا اختبار من الله يشوفج شنو تسوين

- مفتهمتج

- يكولون الانسان المؤمن مبتلى مو صح

- صح

- لهسبب رب العالمين يختبر عبده المؤمن اكثر من العاصي تشوفين العاصي مو تعبان بحياته مثل المؤمن

- صدك عمه ليش

- حكلج ليش

الانسان العاصي هذا مايفيد بي للنار مصيره

اما المؤمن فرب العالمين اكيد اختارله منزلته الجنه بالنهايه

فشلون يشوفه يستحق هالمنزله يستحق انه يكون بجوار رحمته يستحق انه يكون مع الانبياء والصديقين والشهداء يستحق؟

فيختبره

يرزقه يمكن بالاولاد وياخذهم منه بعدين

يرزقه بالمال وياخذه منه بعدين

يرزقه بالجمال وياخذه منه او يجي من يتلون بلون الشيطان ويحاول يوكعه بالغلط

يعني

- يعني ممكن البنيه يجيها شاب يفوتلها بدرب العشك ويعلقها بي ويحاول بعدين يدور منها علاقه هنا هي حتستسلم لعواطفها لو لتربيتها تلحك ودينها ومبادئها

- اكيد دينها ومبادئها

- هالشي مو اني وانتي نحكم هالشي الموقف يحكم

الكلام ماكو اسهل منه بس الفعل صعب

كل البنات هسه راح يجاوبوني نفس جوابج بس يمكن يسوون عكس مايحجون

يعني وكت مايجي الدور عليها يمكن تضعف وتستسلم ويقنعها الشخص الثاني هو يحبها وهي تصدك

مرات ياسديم الحب اختبار من الله

مرات يجيك هذا الشخص الي لكيت بي كل مواصفات الانسان التتمني بس هذا الانسان مو زين الج مو صالح الج يمكن يأذيج بالغلط

لما يجرج لدروب الهاويه هنا تأكدي هذا اختبار من الله هل انتي تستسلمين لو لا

- قصدج يعني ممكن البنيه تتعرض لتحرش ويكون اختبار

- وارد جدا...

- قصدج يوسف اختبار

- كان شاب اعزب برأيج مو اختبار

- اكيد

- شوفي يابنتي كتلج الحياة كلشي بيها وخير البشر يطلع بكفن ابيض وجه ابيض امام الله عز وجل

تعرفين ياسديم شنو اجر الشاب او البنيه الي تخاف توكع بالغلط

الانسان في مرحلة العشرينات او الثلاثينات في عز شبابه وقوته يكون اجره عند رب العالمين جبير اذا ييتعد عن الشهوات ويخاف الله

الله يباهي ملائكته ويكلهم

انضرو لعبدي الذي اطاعني وخاف ان يعصيني

فيوجب الله الجنه  اله

لان حتى الملائكه ماكدرت تصبر امام الغلط غلطت

قصة هاروت وماروت

- اي صح

- ديري بالج على نفسج وخلي شغلتين بالج قبل لاتسويها

- وهي

- اي شي تردين تسوي شوفي يناسب الشريعه والمنطق اذا يتناسب سوي مايتناسب لاتسوي لو تفزع عليج امه بحالها

- ان شاء الله

- روحي ارتاحي ونامي راح اسويلج اليوم دولمه لاجعه على ضلوع

- عاشت ايدج عمه

بستها وكمت ريحني كلامها هواي وذكرتني بقصة نبي يمكن تعرض مثل موقفي بس الله سبحانه وتعالى نجاه

الحمد لله الي الله نجاني من هذيج الليله

والا ادم صار شيطان بيومها مو ادم الي اعرفه

مرات احب اسمع قصص انبياء ومرسلين احفظها بالذاكره واتعلم منها وتؤنسني وكت الشده

هند صحيح عدها ام بس ماتعلمها متأكده ماوعتها مثل مرت عمي

هند لو عدها ام قريبه منها وتحذرها دائما جان صارت مثلي جان ماضعفت بالحب

صح لو كالو الام الي تربي مو الي تخلف

صرت احمد الله خلالي هيج انسانه بطرقي

هونت عليه الم شكبره

وسط هذه الافكار اتصل ادم

باوعت بمجرد شفت اسمه نغثيت

مارديت عليه

رجع اتصل مره ثانيه

مارديت جانو متصلين عليه البنات بس مجنت ادري بتليفوني وهم مارديت عليهم

- دزلي مسج

- سديم ردي

بالي يمج سديم اسف والله اسف

غلطت اعتذر الله يخليج بس اسمع صوتج

تره حجيج للكليه اذا متردين

مارديت ولااتصلت

خليت الموبايل على الميز الي يمي وخليت عكسي على عيوني ردت انام

تقريب ال نص ساعه اكثر

اتصل

مارديت

دز مسج

ليش ممداومه مو عندج امتحانات ولج سديم ردي تره قلقت

- ماهتميت  ولا رديت

- نص ساعه نوب

اتصل

واتصل

وبقه يتصل يجي 4 مرات ماارد

دز مسج

ولج لابالدوام ولا بالشقه وينج سديم

لج ردي حتى البنات مايدرون وين ردي

دزلي مسج

لجججج شووووون انتي ويييين

لج لتخبلينيييي

اتصل

زهكني بالاتصالات رديت

-( كلمته بنتره) شتريد شعندك تتصل

-وين انتي

- وانت شعليك

- لتكفريني سديم وبن انتي تحجي

- مالك علاقه بيه ولاتخابر بعد

- هاي شلون حتخليني افرك حلكها واكص لسانها

-( نترت)  ولك انت شعليك بيييييييييه

-  وين انتي

- اني ادري هسه اذا احضرك حترجع تخابرني من خط جديد حقفل موبايلي من وراك واخلص من شكولاتك كافييييي

- اوكفي داالغي وياج لتمسلتين

انتي وين

- شعليك

بشنو يهمك

شلك دخل يااخي شعليك شعليييييييييك

- بس خل اطمأن

- عساك لاتطمنت وبعد لتتصل ولا الك علاقه بيه بعد

عوفني

عوفني بحالي

- سديم كافي كتلج مو بوعي جنت شارب

- كذاب

- داكلج سكران مادري

- والمطلوب

- انسي الي صار ارجعي للكليه ارجعي للشغل

- هه ههههه كل عقلك اشتغل وياك بعد

- مو كتلج اسف

- انت اذا هيج تشرب وكتدري بروحك شمشغلني وياك 

- شتردين لعد

- ماريد شي من رخصتك

وسديته للخط

وقفلت الجهاز

ماعرفت شحجي بشاعة الموقف لو بشاعة عذره

يكلي ماادري بروحي

والله لااندمك ياادم وتحلم تسمع صوتي بعد لو تطول تنال ضفري

صاحتي عمه على الغده وكعدنه تغدينه جانت دولمه حامضه ولاجعه وعلى ضلوع وياها طرشي ولبن المنظر يموت

اجوي ولد خالي وفرحو بجيتي عبالك اول مره اجيهم او يشوفوني وتوته هم فرحت وجانو مشتاقيلي كلش

التمينه كلنه على الصينيه وكعدنه نتغده بعد الغداء

اجت عمه لابسه العبايه كالت سديم راح اطلع

- خير عمه

- اروح اجيب التحاليل هسه طلعت واداوي

- ياتحاليل خيرج

- من ارجع اكلج حروح هسه

- راحت عمه واني وتوته كعدنه نسولف ونحجي

ونشاقه جنت كلش مشتاقتلها

سوينه كيكه ورتبنه البيت بين ماتجي مرت خالي

سرحنه شعرنه

ومكيجنه خفيف سوالف بنات ومن هالامور

اجت مرت عمي جان وجهها ينطي الوان

شبيج عمه

- سكتت

بعدين جرت نفس باوعت للسماء كالت الحمد لله

- شكو عمه شكالج الدكتور

-سويت التحاليل كال لازم تسوين عمليه

- عملية شنو

- ترقيع عظم براسي صاير عندي ورم

- شنو شتحجين

- ماعرف شسوي تماهنت بهذيج الفتره راسي يوجعني ماهتميت كلت عادي بعدين اكتشفت هالشي

- وشوكت تسويها

- من باجر اكدر بس فلوسها ذلون ماادري

- شكد تكلف

- ١٥ مليون

- شهكت من سمعت المبلغ هاي شلون منين اجييييب شلون حندبرها

-بقيت متحيره شلون

كالت عمه

هي موته لو موتين 

ليش عمه تحجين هيج

-خل اموت ارتاح من هالدنيا

- اسم الله عليج عمه

- تحيرت ماعرفت شلون ومنين اجيب وشلون حدبرها

ضاقت بيه الدنيا اكثر من ماضايقه

واحتاريتتت شسوي واني بطلت من الشغل

ارجع وي ادم لو شسوي

شلووون........

قد تحيط بنا اقدارنا رغم هروبنا منها

تعصف بنا الرياح رغم اننا نحاول الثبات

لتلقي بنا على قارعة الطرق الموحشه

كنت معكم انا رغد الموالي في امان الله 

كنت خطيئتي الوحيده التي مشيت  لها بقلب

بخطى ثابته وانا أعلم أنك ضياعي العظيم

ـــــــــــــــــــــــــــــــــــــــــــــــــــــــــــــــ

مريم....

وجه السلاح على جبيني وكال

الغدار ماله مكان بيناتنه

باوعت للضرغام مجتف ايده وره ويباوع فقط ماصدرت منه اي ردة فعل مااهتز ولاعبالك

هنا نزلت دموعي وبجيت ماتحملت الروح عزيزه بالنهايه ونخذلت من ضرغام

حجيت واني ابجي

ليش تكذب صير رجال وكلهم الحقيقه ليش تكذب

- احسه اغتاظ من كتله هيج بس كابر وبقه نفس ردة فعله وهدوءه

واني نهاريت ابجي ولزمته اعت بي من ملابسه

جباااااان

انت جباااااااان

كذاب

وحقييييير

الحجي يتفرج وكأنه يشوف لوين حنوصل

رجع وجه السلاح عليه

واني عصبت اكثر تهسترت

متحملت ضربته كف بقوه بحركة دمي

ولزمت سلاح الحجي وحهته عليه وصرخت واني ابجي

اضربنيييي

اقتلني وريحنيييييييي

اقتل

الضرغام مشى نطانه ضهره وراح

ابتسم بحقاره جان ينزل السلاح الحجي وضمه بخصره

كالي روحي لبيتج الي جنتي بي وي بدريه

لحك الضرغام وصاح عليه

ضرغااااام

التفت اله وكف بمعنى تفضل

- طبطب على كتفه يتبسم بمنونيه

والتفت الي من بعيد صاح

رجالي ماتهزهم مره لو روحهم متعلكه بيها

عفيه بالاسد مالي والي ماعنده قلب

عفيييييه

لك رجاااال ومن ظهر رجال وانه اعرف الحوت مايربي غير زلممممم

- ساكت الضرغام مايحجي شي بس من التفت عليهم ا واني امشي شوفه يباوعلي عينه وراي

فتت جوه للبيت

صحت على بدريه ماكوو

طلعتلي وحده هم جبيره

شرايده منها وشجابج

امي وين بدريه وين

- ماتت بدريه

دكيت على صدري شنووووو

- بتها وماتدرين يااااا

-شوكت ماتت احجيييييي

- ماتت شدراني

- كعدت بالكاع اضرب على رجلي وابجي واصرخ

بدريه هي ربتني احسها مثل ام الي

صح مرات جنت اضوج منها من تصرفاتها

بس تبقى بالنهايه مثل ام الي

خصوصا بعد مسمعت قصتها

سمعني الحجي والولد البره جا

هييييييي سكتيييييي

مارديت عليه بقيت اصرخ

ومن شفته حجيت

الله لايوفقكم

اكيد انتوقتلتوهااااااا

الله لايوفقكم

الله ينتقم منكمممممممم

صاح لسعدي

تعال سكتها

وينه هذا ضرغاااااااااام

تعال ضرغام

اجه ضرغام

سكتها لهاي تخبلت علينه ادري سويتلها رقة قلب من جانت يمك

- اجه يمي ضرغام قرفص كدامي

كال

اهدأي مريم على كيفج

باوعتله وجنت ابجي والطم منهاره

دفعته

وخرررررررر

وخررررر عنيييييي

انت بالذات وخرررر

ماريد اشوفك

وخرررررر حقييييير انت واحد حقير

باوعلي ساكت

رفع عينه باوع للحجي

التفتت على الحجي

اخذه واطلعو

الله ينتقم منكم مجرمين قتالين القتله والله لاابلغ عليكم كلكم والله لااخيسكم بالسجون

تقدم الحجي دايضربني صده ضرغام

عوفها حجي هاي مقهوره متألمه على موتة امها

-  تكلم الحجي وهو يصك على اسنانه

حجايه زايده طلقه براسج واشمرج للجلاب

اخذه الضرغام وطلعو بره البيت

بقيت ابجي ملخت روحي واني منا شعري مفلول وصاير صوفه لاتسريح ولا شي ودشداشه بنيه اللون

كمت مسحت وجهي بردن الدشداشه

وطلعت على كيف من البيت امشي على كيفي ردت انهزم  لمحوني وصاح عليه سعدي

تعالي ولج وين موليه

سمعته صاحني يعني شافني جان انهزم

ركض ركض ولحكوني حمزه وسعدي

جانو اسرع مني كمشني حمزه

تكلم على كيف بخبث

- بعد. وكت ياحلوه ويييين فوتي

صرخت

وخرررر

عوفنييييي

اجه سعدي

وين تردين ترحين تخبلتي مريم شصار بيج

جابوني ودوني للحجي جان كاعد على القنفه واكف وراه الضرغام وابو غضب يم الحجي كاعد

باوعت للضرغام بودي اكله وهو يتهرب من نظراتي من اباوعله هيج

الحجي:- انتي راح تعبينه والتفت للضرغام

الضاهر اسدي مطلع عينج بهل الكم يوم

- شجابه اسد هااا من ياصفحه

- هه اسد هذا الي راح استند عليه

وهو مره يباوعلي مره يباوع هيج وهيج ساكت

- هسه ماعلينه عدمن اخليج يربيج من جديد حتعبيني انتي

- عليت صوتي:- يربيني شنوووو متخليني عند احد مو صغيره اني

- وهو مايردلي بقه يسوي عدمن عدمن ويباوع للحجي

باوعت ضرغام ماكال خل تجي عندي ساكت

جان يكول لبو غضب

اخذها هديه الك هالحلوه

- وكبيت عطت:- متوديني ماكعد عند احد اني

مااكعدددد

- ابو غضب شوف شغلك

بقه ابو غضب بمكانه لايحجي ولايكول باوع للضرغام والضرغام ساكت نفس هدوءه

انتبهت عاصر وحده من ايده لان الثانيه شايل سلاح بيها

عاصر ايده مكورها مثل الي يريد يضرب بوكس

بقوه حتى صاير لونها احمر

بس وجهه عادي يفسر طبيعي

ابو غضب كال

حجي ماريدها الضرغام خويي وبقت عنده فتره

-، باوع لحجي للضرغام متبسم

تريدها ضرغام

ضرغام:- انه اكول لو تبقه بيت بدريه احسن انه ماريدها

التفت اله الحجي

ليش متريدها سكت لدقائق بعدين كمل

ولو حقك هاي نكديه متنجرع

- حمزه كال

اريدها حجي اربيها ارجعها الك مثل الاول واحسن

- الضرغام:- نتر بي:  متروح لعندك

التفت للحجي

حجي عوفها بيتها احسن

- باوع لحمزه وباوع للضرغام بعد دقائق حجه

لاانت ولاانت حخليها بيتها والتفت الي

واريد اسمعلج صوت

نبره

ثقي لااخليج تتمنين الموت

جرني من زيك دشداشتي

اثكلي واعقلي انه ماعندي هنا نسوان يطلعن عيارتهن عليه

صار يغلط ويفشر عليه

واني نزلت دموعي ابجي

باوعت للضرغام بعين مكسوره تعبانه

وهو جان يباوعلي من شافني باوعتله

شويه اجت عيني بعينه وبعدين دار عينه

أأرتجي منك حبا ام نظرة شفقه

أي قلب أنت تحمل

حتى القلوب وان تحجرت لابد لها ان تلين ذات يوم

ألم يؤلمك بكائي

ألم يؤلمك صراخي

ألم تؤلمك عتب نظراتي

أي خذلاناً منك اقابل

أي وجع منك أأخذ

قد حظيت بما لم يحظ به احد

حظيت  بذالك الذي سقاني كأس عسل

فكان ماتبقى منه مر المذاق لايطاق

خيبتني وخذلتني

والخذلان حمله لايطاق

فشكرا لخيبتك وخذلانك درس جميل....

كمل الحجي

يله روحي لبيتج ونفسج اذا طلع اعتبري اخر يوم بحياتج

رحت امشي متوجهه للبيت وكل شويه التفت اريد يباوعلي بس ولاحط عينه بعيني ولاباوعلي ولاعبالك رحت

نهظمت تألمت حيل

حركتني تصرفاته ليش منه بالذات هيج انقهر

مفروض اشكره على مساعدته الي

ليش مخنوكه ومقهوره هيج ليش

ليش اتحسس من كل حركه تصدر من عنده

وليش مخنوكه هيج

ليش اريده اني

ليش اريد وجوده وقربه مني ليشششش

هو شيفرق عنهم مثلهم واكثر هم

مايرحم وسمعت عنه كومه بس وياي غير

وياي يختلف ماشفت منه الا الود

رحت للبيت وشمرت روحي على الفراش قرفصت واني نايمه

ابجي ومادري ليش ابجي مو هي حياتي هاي من الاول

ليش ابجيي

صورة الضرغام مافاركت محجر عيني

غفيت وعده هذا اليوم وثاني يوم راحو الجهال خطيه يكدون هالمره ماشفت صغار كلهم كبار يكدرون يمشون ويحجون الضاهر الحجي مطلع هاي الاعمار منا لان ماكو احد

بقيت بالبيت كاعده بالطرمه رغم مابيها سياج بس اكو اشجار تحجب نوعا ما

اسمع صوتهم. بره

دايشتغلون وصوت حفر وماعرف شدايسوون هوسه

بس اني كاعده حسيت احد وراي

التفتت

شفت

ليو

ابتسمت من شفته وكمت مباشرة ضميته  وهو هم ضمني

ليووو شلون صرت اشتاقيتلك

بهذه الاثناء انتبهت الضرغام دايباوعلنه واني ضامته  ليو

بس مشى مااجه يمنه ولا حجه

وخرت عن ليو ووكعدنه نسولف

شلون صارت ايدك

ـ زينه مريم انتي شلونج

- مو زينه ليو

- ليش نهزمتي

- رادوني اوكع تجار كبار

- انه اعرف صعبه عليج بس مريم جان خلصتي نفسج

- مكدرت ليو مكدرت

- انتي لو ولد مثلي جان هسه تشتغلين ويانه

- شسوي جان هسه بايعني الحجي اعضاء

- شششش سكتي لايسمعنه

خفت لايقتلج

- مايقتلني الحجي قافل عليه ويريد يشغلني

- وشراح تسوين

- باوعت بخيبة امل وتذكرت ضرغام كتله اوافق

- يعني حتقبلين تشتغلين

- لعد شسوي وين اروح

ليو طلعت بره الناس وحوش

ماترحم

- تدرين مريم جنت اتمنه عندي اهل وادرس جان هسه انه طالب لو عندي وضيفه حلوه واشتغل واتزوج وعندي جهال وجهالي يتانوني لمن ارجع

بس

بس الحياة رادتلي غير

رادت اكون مجرم واقتل واسهر بالنوادي

واصاحب هاي واقيم علاقه وي هذيج

وبالنهايه طلقه صغيره تنهي عمرك

وتنتهي ولاكأنك موجود

- تمنيت مثلك ليو بس الي يدخل لهنا مستحيل يطلع منها اثرها تبقه تلاحكه

- بس انتي سمنانه شويه عبالك جنتي مرتاحه

- ارتاحيت فتره

- اشر براسه على الخارج  سمعت ويا جنتي

- اي

ساعدني بس نكشف امرنه وهسه تخلى عني

- اعذري يجوز حده لهنا وشافج رجعتي كال هذ هوا

- احسن من هواي ناس صادفتهم بالنهايه هو ماله ذنب بكل الي صار

دانتكلم صاح عليه الضرغام

ليوووو

- التفت اله بلي استادي

- تعال ليو تعال

- كام ليو وكف كال حروح دايصيحلي

ماشي

راح ليو وهو اشوفه واكف ينتظر ليو

الضرغام:- ليو جا المضمد امشي روحلو

راح ليو وهو بقه واكف يباوعلي

من شفته بقه واكف عفته ومشيت فتت جوه وباوعت من شباك المطبخ راح هو لمن اني رحت

خيبتك عمري ماانساها

فتت جوه كعدت مكوره نفسي ماكدرت لاابدل ولااي شي ملابسي بالمزرعه

احس الدشداشه ريحتها صارت لاتطاق بس مجبوره ابقه بيها

لليل رجعو الجهال  واباوعلهم جان وضعهم مؤلم ويقهر فاتو ومن التعب خطيه كبل ينامون

بقيت كاعده اباوعلهم غطو بنومه ياترى شنو مصيركم

من تكبرون شحتسوون

اكيد البنيه الي بيكم مصيرها مثل دعاء ولمى ومثلي

والولد مثل حمزه وسعدي والضرغام

لو مولودين من ااب وام حقيقين جان مو هذا مصيركم

بس شحجي حتى اذا تصيرون مجرمين

مو من حق القانون يعاقبكم

مو من حق المجتمع يحقد عليكم

انتو ضحية قانون ضعيف ومجتمع اناني مريض

معقوله مايشوفكم ضابط بالشارع

مايسأل بينه وبين نفسه هذوله شوصلهم لهنا

بس كلها عميه خرسه طرشه

واحنا احنا ولد الضروف السيئه

الي ربينه وكبرنه تحت رحمة مجرم وليد الضروف الجيده لكن الجشع وحب المال وصلته للاجرام

يعني هم يجي يوم والقانون يحكم على ليو بالاعدام

لو ابو غضب لو سعدي لو منو اغلبهم تربو على ايد الواوي والذيب اغلبهم مثلي لايعرفون منو رب السماء

مايعرفون قرآن مايعرفون صلاة ولا دين

هالكم يوم الي عشتها يم خالتي ام مازن تعلمت بيها هواي اشياء عرفت الرب يسمعنا ويساعدنه بس ليو والبقيه مايعرفون

صح يعرفون الله الي خالقهم بس حقوق الرب مايعرفوها

الحرام والحلال مايعرفو

زين هاي منو اله حق يحاسبهم من البشر

ليش من جانو جهال صغار ماكتولهم تعالو احجولنه ألمكم

ليشششششش

مااجاني نوم بليلتها كمت افتر  بره باوعت من وره الشجره

شفت الحجي والضرغام وابو غضب وحمزه كاعدين ابو غضب والحجي على القنفه والضرغام على كرسي وحمزه هم على كرسي

يحجون وماينسمع الصوت شنو يحجون همس جان الكلام ومبين مهم بحيث كلها مخليه اذنها تسمع

بقو يحجون هواي وبعدها كام الحجي وطلع ويا الضرغام طلعو ثنينهم سويه

ابو غضب وحمزه فاتو نامو بيتهم

بقيت وحدي وبس الحرس تفتر تروح وتجي

رجعت لفراشي نمت

مرت  تلاث ايام وبالليله الرابعه اجه الحجي ناااار

يصيح ويكفر ونزل ضرب بحمزه وكع بالكاع مادري من قوة ضربته مادري من خوفه لان الحجي مابي هيج قوه صار فوكاه ولازم زيك التيشيرت

لك عااااااار لك خنثه هاي مدبرتهاااااااااا

حمزه- انا شعليييييه حجييي مثل ماكتلي سويتتت

- لك كاميرات ماشفتها اثووووول انتتتتتتت

- انا شمدرينييييييي

لك خسرتني فلوس يابو فلووووس شلون حيوثقون بيه بعددددد شلوووون وين هذا الكو....

ويننننه صيحو ستاااار

اجه ستار

كول حجي

- ولك عااااااار انت هم مثله شلون ثنينكم مدبرتوهاااا شلووووووون

ثنينها تحبط ثنينها تنكشفففف

صار يضرب بيهم ثنينهم جا داينهي عليهم

اباوع للضرغام كاعد على القنفه ويشرب بالجكاره ويباوعلهم ولامهتم وابو غضب واكف مربع ايده والولد يحاولون يخلصون حمزه وستار وهذاك الحجي متخبل

الولد:- حجي على كيفك حيموتون

- ولك انه اموتهم اليووووم

حجي بس على كيفك

بالكوه فكوهم

الولد بطبعهم اذا الحجي يضرب مايردوله الضربه

يحترمو

من فكوهم راح كعد الحجي يم ضرغام

جان الحجي منهار وينهت واعصابه تلفانه عكس ضرغام الي كل برودة الاعصاب ويا

حجه بنتره الحجي:  بودي اقتلهمممممم ومايبرد گلببيييييي

رد الضرغام: اي اقتلهم

- زلمي حتخلص يوميه واحد مكتول

لك اااااااااخ جان شقبظت من وراها قبضضض

بس ااالخ منهم

-  الضرغام جر نفس من الجكاره سحبها ورد. زفر الدخان رجع عكسه ايده ثنينهن وره على القنفه ويحجي

شكد جان المفروض تاخذ

- ٤ شدات

- بسسسسس

- اي عيني بيسسسس لدكلي الحوت جان يقبض اكثر

- لا مو شغلة اكثر بس قليله

-شقليله يمعود هاي اكثر عمليه دسمه

جانو رايديها الجمعه الحمراء سوولياها سوداء ولد القن...

- قصدك حمراء بالدم

- ايييي وهذوله الزم....  مخليها كبال كاميرا  والثانيه قريبه على مركز شرطه

- غير انت كتلهم خلوها المفخخه هنا بهذه المنطقه

- ايييي بس مو الا بهذه الاماكن

- هاهيه مامقسوملك رزقها

- اعوضها وداعتك ومره ثانيه انت تذب المفخخه ضرغام هاي شغلتك وانت اعرف

-لا حجي انه اختصاص الغام وعبوات مالي علاقه بالمفخخات

- ولك تقبض حصه زينه اداريك

-لا حجي اعفيني مره ثانيه نبههم لحمزه وستار وين يخلوها

- لتجيبلي طاريهم ينعل رسهممممم

عرفت جانو عدهم عملية تفجير سيارات مفخخه

وفشلت العمليه والضاهر الشرطه كشفتها وخرب الاول والتالي وراحت فلوس الحجي

نذذذل جان هسه العالم ذبحتها شلها ذنب الناس

والله وكفووو من الشرطه كشفتها.

بقه يلوب الحجي ويحجي ويغلط ويفشر على الولد الضرغام استأذن منه وطلع ماعرف وين راح.

داس الليل بضلامه اخذني النعاس ونمت

الفجر هيج شي تقريبا جان كاسر ضوه خفيف على الغرفه

حسيت احد يمي وسمعت صوت علاكه قريبه مني فتحت عيني باوعت رجال يمي

فزيت خايفه همس هاي انه لتخافين

- همست شجابك شعندك هنا

- طلع موبايله ضوه بوجهي وبعدين ضوه على السكف حتى يصير ضوه على كل الغرفه

جبتلج ملابسج من المزرعه

- ماريد شي منك ويله اطلع بره

-  بقه واكف جر نفس باوع فوك للسكف ورد باوعلي

كمت وكفت ونترت

اطلع

بقه يباوعلي ضيق عينه ميل راسه

نترت اطلع

هز راسه بمعنى اي

لكن سحبني لعنده وضمني

واني تخبلت وصرت انتر بهمس

وخرررر

وخرررر عني لا اصرخ والمهم كلهم هسه وخرررررر

همس شششششش بقه ضاغط عليه ضامني

جنت محتاجه لهذا الاحساس البسيط من الامان يمكن محتاجته هو

هدأت وسكتت

لما شافني سكتت وخر عني وقبلني  من راسي ومسح على شعري

باوعلي ولما صارت عيني بعينه التفت مباشرة دايطلع

كتله ليش جبت الملايس

باوعلي وهو متوجه دايطلع ورد التفت للامام فتح الباب وطلع مارد

رجعت مددت لفراشي مو مال اسبح من الصبح الجو صار يكسر على بروده

اتبسمت من هىيج سوه ليش احس كل الامان يجي من يجي هو

وجوده بقربي هو طمأنينه لقلبي

رغم زعلي منه ورغم خيبتي الي حسيتها بس ضعفت كدامه

هو اني ليش ويا اختلف لييييييييش

صغيرتك الخائفه

وصديقتك الشقيه

وانثىاك المغريه

اخترت أن أكون أنثى معك لانك رجل ولايليق بالرجال الا النساء

فكن لي رجل أكون معك معشر النساء.....

سديم.....

بقيت حايره شنو هالمصيبه الوكعت على راسي

شسوي هم حنجبر ارجع وي ادم

زين الفلوس شلون حدبرها

هم ونزل على راسي والعمليه لازم اسويها بااقرب فرصه

يومين مرت على اعصابنا  راحت مرت خالي على اخوانها بس ضروفهم متساعد انه يدفعون ملايين

جانو خلف مال عمال والطاك بيهم عنده محل انشائيات

محسن وحسن ولدها جانو يشتغلون بس عايشين على اليوميه

تمنيت يتصل ادم ويكلي ارجعي لشغلج نجبرت اتمنى هذا الاتصال للاسف

بااخر الليل شفته اتصل

فتحت خط بملل

- شعجب فتحتي خط

- اعرف حتبقه تتصل

- شلونج

- شتتوقع

- بعدج تفكرين

-لا عيب مفروض انسى

عموما شرايظ تخابر

- سديم الله عليج انسي الصار مو بوعيي جنت واوعدج متتكرر

- بس اريد اعرف شغله وحده

من قلة البنات الي عندك وتتعدى عليه اني

- حقج بس الشيطان لعب براسي

- والمطلوب

- نرجع وترجعين تشتغلين

- ادم اتركني ماامن بيك بعد

- حقج شنو التردي اسوي بس كولي شلون اخليج تنسين

- مو مهم

راح ارجع تعرف ليش

- ليش

- لان مصدر عيشتي انجبر اتحمل واحد مثلك في سبيل تعيش ناس بالراتب الي انت تنطي الي

- لتحجين هيج ليش تحسسيني اني سيء مو زين

- لعد انت زين

- اني انسان حالي حال اي واحد سديم عندي غرائز وعندي قلب ومشاعر

- ولهاي ولهذيج تبيعها عليها

- من اشوفج حفهمج عندي كلام وياج سديم

- ماشي

- شوكت تجين

- عود اخابرك

مرت يومين ورجعت ورحت للشغل لاخابرت ادم ولاكتله راح اجي

كعدت على الميز ربع ساعه تقريبا اجه هو اول ماشافني نصدم بيه

- سديم

- اي

- شلونج

-  اخبل

- لتجاوبيني من وره خشمج كافي كتلج انسي

-  هسه انت مو اجيت لشغلك روح زخليني اشوف شغلي

-  هز براسه بمعنى اي وفات جوه

كملت شغلي مثل اي يوم اعتيادي وقبل لااطلع استوقفني

لحضه

-  التفتت عليه بدون كلام تفضل

- ليش بطلتي وليش رجعتي

- لو مالعيشه مااضطر اتحمل واحد مثلك

- باوعلي وسكت

عفته ومشيت رجعت للشقه وحدي جنت هالايام مو كلش مستقرات رباب وهند يروحون ويجون لان بس امتحانات وهم طالبات ماجستير مو مثلي

دائما لما نختلي وحدنه ترجعلنا ذكرياتنا

الزينه والموزينه

ادم صار كابوس الي كلما اشوفه اكرها واكره حتى نفسي لان بقيت ويا اشتغل بس مجبوره

راتبي زين ولو بأي مكان اشتغل اني طالبه نص نهار ماطلع هيج راتب

خابرت عمتي اسأل عن حالها

اعرفها هسه مقهوره

- شلونج عمه

- هله بنتي سيديم

- شلونها صحتج شلونج اليوم

- زينه بنتي لايبقه بالج

-ماشي عمه ديري بالج على نفسج

سديته منها اجتني رساله من ادم

( مليون مره صار اعتذر منج

وانتي كلما تشوفيني صرتي بودج تاكليني

كتلج شارب وماواعي واعتذرت بعد شسويلج

رجاءً سديم بعد نظراتج هاي وطريقة كلامج

تغيرينها وياي مااقبل هيج تحاجيني

اني بحياتي ماوحده تصرفت وياي هيج

اسلوبج ناشف ومستفزه ودااتحمل اكول حقها

خلينه ننسى الي صار ومره مليون واحد اعتذر منج  اسويها بعد مليون وثنين دتقبلين ست )

قريتها وعفتها

الا شويه واندعي عليه بس ترددت وعفته

اني بيا حال وهو بيا حال

اني جان عاوزني هم حتى يجيني هم عمتي

حايره بثمن العلاج والعمليه

ماعرف شلون

خليتها على الله وكلت الله الي يدبر

مشت الايام واروح واجي علاقتي باادم صارت رسميه اكثر من اللازم وهو هم ثكل من يمي كلش

بيوم اجت بنيه كالعاده جانت سافره بشعر بني طويل لابيه فستان بينصل مجسم عليها كلش

حلوه تطلع عمره بحدود ال33 سنه

- حبيبتي ادم موجود

- منو اكلها

- كليله علياء

-  انتظري ثواني

- رحت لاادم

استاذ بنت جايه عليك دكول اسمها علياء

- فرح لمن جبت اسمها يمكن ماكدر يكتم ابتسامته بعدين بسرعه غابت ابتسامته وكأنه درك وجودي اني

كال هسه طالعلها اني مو عندي شغله وياها خاصه مو مال هنا بالمكتب

- باوعتله بقرف وعفته وطلعت

رحت للبنيه

يكول هسه اجي

- يعني مقبل ادخل

- ماعرف كال جايها اني

- اوك

- كعدت تلعب بشعرها وتعلج جانت مخليه رجل على رجل

سألتني

انتي من شوكت تشتغلين وي ادم

-  من كم شهر

- هممم علاقتج بي بس سكرتيره ومديرها لووووو

- لو شنو

- يعني لووووو

- هاااا يبدو وضح كلامج شتقصدين

واذا مو سكرتيره يعني لازم اصير لعبه بيده

- وليش لعبه بالعكس  توصلين للي تردي

- بقاموسج مو بقاموسي

- حبيبتي على كيفج تره ماميت عليج ادم احبه ويحبني وراح نتزوح عن قريب

- بالخير

- يعني مابينكم شي

- اطمني مابينه شي

- هو كلمني عنج مره

-شكلج

- كالي معقده ومتنجرع لاتتشاقه ولا دمها خفيف مثلج

- وشلون عرف دمج خفيف

- اني صاحبته وكتلج نحب بعض

ادم بكلشي يحجيلي بصراحه احسه مستخطيج ومشغلج عنده لان من كلامه ميطيقج

-البنيه الي ماتصير طعمه سهله طبيعي هيج يكول عليها واحد مثل ادم

- ارتبكت وانزعجت  وكالت

شتقصدين من كلامج

- مااقصد شي

- بهذه الاثناء طلع ادم وهي كامت عليه راحتله بسرعتها

حبيبي ادمي الجميل

وصارت تلزم بفكه وهو نزل ايدها بسرعه وتحمحم

كالت

يووو نسيت احنه مو لوحدنه

باوعلي احسه مايقبل هيج تتصرف كدامي

رغم هو فرح من شافها ولما يباوعلها يضحكلها

اخذها وطلعو

اتعجب مرات على هيج اشخاص

شلون يكدر هيج من وحده لوحده

ادم عنده هوس نسوان بشكل فضيع

مااعتقد عاش تجربه حب حقيقيه اساسا

مااعتقد باله يكون بيت واسره

شخصيته نرجسيه يحب روحه هواي

واناني يريد كلشي اله والمايجي بالسهل ياخذه بالقوه

اشوف البنات حواليه ومتأكده مو حبا بي

حبا وطمعا بفلوسه وهو مكيف للوضع

بعد مرور اسبوع

جنت بالمكتب اخابر عمه لان وضعها بده يتأزم

جانت على الخط وياي تكلمني

- يمه لو متت عينج على توته خطيه مالها احد حتبقه وحيده اخوتها مو سند الها

- عمه لاتكولين هيج ان شاء الله تسويها للعمليه وتكومين بالسلامه

- منين يابنتي متكليلي

- اني حشوفلج احد اداين منه يكولون اكو سلف بالبنك

- بنتي هالمصرف الي دادزي مكفينه ايجار نوب تكطعي نسيع بالشارع

- شسوي لعد عمه شلون اخليج هيج

- هاهيه الله الشافي المعافي

- والنعم بالله بس اسعى يعبدي واعينك

- شوفي بنتي اني ادري حتى لو اسويها مراح تنجح احساس عندي انه راح اموت اريدج تديرين بالج على بنتي

- بجيت متحملت

عمه لتكلين هيج الله يطول بعمرج ويخليج خيمه النه

منو عدنه لو صار عليج شي

ربيت بلا اب وام وصرتيلي ام واب مستحيل مستحيل اشوفج تذبلين كدامي وابقه اتفرج اني هسه اروح اشوف السلف بالبنك

لاتبجين ياعمري انتي

- بهذه الاثناء طلع ادم من مكتبه

كبل كمت امسح بدموعي وكتلها

عمه بعدين اخابرج صار عندي شغل

- ماشي عمه

- اجه ادم تقدم يمي بخطوات بطيئه

باوعلي وهمس

ليش تبجين

- ماكو شي

- لعد ليش تبجين

- هيج بالبيت شغله

- اكدر اعرف شنو

- لا

- سكت تنهد شويه وسكت لدقائق بعدين كال

سديم سمعت مخابرتج وي مرت خالج

- فتحت عيني متفاجأه

- كمل كلامه

اني اكدر اساعدج شكد المبلغ

- ماريد منك شي

- عمتج مو داتموت شكد المبلغ

- كتلك ماريد منك شي

- دين اني مداانطيج لله

هيج دين وعود رجعي

- مااكدر ارجع دين ولا اريد منك

- كعد واشر بأيده اكعد بعد ماوكفت لما اجه

كعدت تكلم بهدوء

سديم كلنه نمر بأزمات كلنه نمر بضروف صعبه

احنه زلم نحير ونضعف فمابال انتي بنيه

بعدج بأول عمرج وشبابج هيج متبهذله

وهسه حايره بفلوس العلاج لمرت خالج

زين ليش هالمكابره

ليش متقبلين اساعدج وكتلج دين

- بله ولو ماكدرت اسد الدين شون

هااا

راح دكلي سديم نطيني نفسج مقابل الفلوس

مو انت هاي صفاتك

- مفروض مكان عمل تحترمين اني مديرج لتنسين هالشي بس حمشيها الج

- قبل لايكمل كلامه قاطعته

انت شلت هاي الحدود لمن حاولت تعتدي عليه 

- عموما اني ماراح اساومج على الفلوس

- ماريد منك شي

- سكت لدقائق بس بقه يباوعلي

بطبيعته عينه متنزل للكاع يبقه يركز بالوجه

ويبقه يباوعلي

من شفته هيج هزيت براسه هااااا حتبقه هيج تباوعلي

- سديم تتزوجيني

- شنووووو

- مقابل فلوس علاج عمتج اعتبري مهر ونتزوج

تتزوجيني سديم.....

وقد هامت بكِ الروح عشقا

فلم تعد تطيق الصبر اكثر

أتمسك بخيط رفيع من الوصال

من الحجج من الضروف

كي أضفر بك

أنا يامعشوقتي لن أكف عنكِ حتى أنال المراد

مرادي بكِ هو العيش معك بجوارك

لتكوني أنيسي وطبيبي وروحي

وأماً لاطفالي ورفيقة دربي

تزوجيني فأنا ذلك الذي جاء طالبا منك الرشاد

ولو كنت هاويا للنساء فكوني لي كل النساء

ملاحضه:-  الخواطر بقلمي....

بقلمي....  معكم رغد الموالي في امان الله