تحميل رواية «تهزمني السمراء وانا نّد الفرسان» PDF

«البارت الثاني والثلاثين»

.

.

في بيت ابو ثنيان

دلال اللي كانت في حالة صدمه فضيعه ماتدري كيف تحولت السالفه من بين يدينها وكيف وصلت لهالمواصيل

نوف اللي كانت هي بعد تبكي وتحاول تهدي امها بس ما تدري كيف

ورهام اللي هالمره فعلا خافت وهي ماتدري تتصل بمحمد يحلها مثل مابداها او انها تسكتت لانها ماتدري اذا محمد عنده خبر بذا كله او لا

................••............

في بيت ثنيان

كان الوضع توتر وكل ما مر الوقت يزيد التوتر طلعت الترف لمنيره : منيره اتصلي بأحد يطمنا

منيره: اتصلت بمحمد يقول مايدرون وش الوضع الا انها اتهمته هي وعمها بعنف اسري

مشاعل شهقت: اي عنف واي خرابيط

منيره: هذا اللي قاله محمد

مي : شلون وش بيصير فيه

مشاعل: عنف يا بنتي عنف وهاذي كارثه يمكن يروح فيها سجن

الترف : لا تتشائمون

................••............

في بيت سامي

شوق كانت مبسوطه انها اخيرا انتقمت من ثنيان اللي تشوفه اكبر عقده في حياتها وتعبتره اكره انسان ومعقدها ومايعطيهم الحريه الكامله وانه السبب الاول والاخير اللي دمح امل انها تزوج محمد

................••............

مر اليوم واليومين

وثنيان هادي والكل مترقب وطبعا منصور وعجاج والكل يركضون يحاولون يضبطون الوضع وقدر منصور ينكر بعض التقارير ويرفضها وبعد محاولات وتدخلات وسين وجيم انتهى الموضوع على سجن 3 شهور لثنيان ورفضت الغرامه الماليه بسبب بعض التقارير الكاذبه

وصل الخبر للكل عن سجن ثنيان والكل كان زعلان من هالخبر وأولهم ابو ثنيان اللي كان بمجلسه جالس بضيق ومستند براسه على عكازه

جاء نواف وجلس بهدوء: يبه خذ دواك

ابو ثنيان : ما ابيه وخره عني

نواف: بس يا يبه ما يصير والحمدلله جات على ثلاثه شهور مب سنه ولا اكثر

ابو ثنيان: حسبي لله ونعم الوكيل حسبي لله على الظالم

ام ثنيان اللي جات وهي تبكي بعد : الله يرد كيدهم في نحرهم الله ينتقم منهم يارب

رهام : يبه يلا خذ دواك وان شاء الله بتهون وتنتهي هالشهور بسرعه

دلال ونوف اللي كانوا يشوفون حسرتهم وخوفهم ولكن ما بيدينهم شي الا انهم يبتعدون

................••............

اما في بيت ثنيان الكل كان حزين واغلب الوقت يبكي

منيره اللي كانت ماهي مصدقه ان شوق تسجن ثنيان كانت ماهي مستوعبه ان ثنيان في يوم من الايام بينسجن

اما مشاعل اللي كانت فعلا حزينه انها بتفقد ثنيان وخصوصا بهالوقت اللي تحتاجه في ثلاث شهور بيكون غايب عنها

مي اللي كانت كل خوفها ان ثنيان ينسجن كيف انها كانت تفاخر بضابط والحين مسجون بقضية عنف اسري وهذا اول دافع خلاها تطلع لبيت اهلها

اما الترف اللي كانت ضايقه مره انها بعد ما تعودت على ثنيان وبعد ماصار شي قريب منها بعد ماصار يفرق فجاءه كذا يختفي وينسجن وهو مقهور ومظلوم

اما محمد وعمر اللي للحين ما يدرون وش الوضع

................••............

في بيت محمد

اللي كان يحاول انه يقتنع انه ما سوى شي غلط بالعكس انقذهم من شر شوق كان يشوف الكل مخبي عليه فعل شوق وهو بالحقيقه داري اخذ نفس وهو يمسح جبينه: يا رب تهون على ثنيان

................••............

عجاج

اكثر واحد ضايقه فيه الوسيعه وهو يحس انه في فراغ بعد ثنيان صح كان يروح ويجي له وهو بعد يعرف منصور بس مسألة ان ثنيان مسجون هذا شي يخنقه

................••............

وشوق

اللي محد فرحان فرحتها وهي تنعم في دلال عمهاوزياد اللي خطبها وواقفت وهي تبي من كل ذا السفر والوناسه والفرح بس

زياد اللي كان فعلاً ما يفرق معه اذا تزوج شوق او لا المهم يتزوج

................••............

طبعاً والحال عند ثنيان اللي مب بس مقهور ومب بس كارهه لوضعه الا بينفجر ويحس انه بيموت لكن يحاول قد ما يقدر ما يعصب

رفع راسه اول ماسمع الشرطي يناديه وقف وطلع راح معاه لمكتب منصور اللي كان واقف وينتظره

منصور : حي الله ثنيان كيفك اليوم

ثنيان : حمدلله بخير وانت كيفك

منصور: حمدلله ، تعال الحين بيوصل الفطور جايب فطور يحبه قلبك

ثنيان : مشكور يا منصور لكن فعلا مالي نفس

منصور : لا يا رجال ترد عزيمتي

ثنيان : لا والله انك غالي وعزيمتك غاليه بس مره مالي خاطر

منصور سحب الكرسي وجلس : لا والله معجبك وضعك يعني ، ثنيان انا عندي خبر انك كل شوي فالعياده يا مرتفع ضغطك يا دايخ ، اول شي اهداء ادري الوضع صعب عليك بس مجبور تهدا وتروق وتاكل ترا ابوك ذا الايام بيجي ولو شافك كذا هو بعد بيتعب

ثنيان : يسهلها ربك يا منصور

منصور ابتسم اول ما انفتح الباب وكان عجاج اللي جاي معاه الفطور : ايوه نقدر نقول اليوم بتفطر زين

لف ثنيان ووقف بفرحه اول ماشاف عجاج الللي نزل الاكل وهو يسرع له ويحضنه

ثنيان: حي الله عجاج

عجاج :حي الله ثنيان

ثنيان: كيفك وش اخبارك

عجاج : والله ماشي حالي يا اخوي يعني نقول ان احوالنا بدونك ماش

ثنيان : يلا تنفسوا بدوني وارتاحوا

عجاج بضحك : عطني الصرافات وابد اعتبرني مبسوط

ثنيان :معصي والله بدري عليك اعطيك

منصور : اذا خلصتوا تعالوا نفطر

راح عجاج لمنصور يسلم عليه وجلسوا يفطرون

ثنيان :عجاج رحت لابوي واهلي

عجاج : امس رحت واليوم والله كلمت نواف ابوك بخير الحمدلله صح يعني زعلانين بس نواف يدير الموضوع

ثنيان: وسيف وينه

عجاج :والله بكل هالفتره اللي رحت فيها ماشفته

ثنيان:عيالي رحت لهم

عجاج : ايه رحت لهم وعادي مادروا بشي

منصور: يلا كلها 3 اشهر وتطلع لهم

ابتدوا يفطرون ويسولفون ويضحكون صح ثنيان يسولف معهم ويضحك لكن تمره فترات ضيق بس يطلعه عجاج منها بسرعه وانتهى وقت الزياده اللي يقدر منصور يحدده لهم ووقف عجاج: هاه ثنيان تبي شي تحتاج شي اجيبه لك

ثنيان: ابي سلامتك

عجاج :يلا انتبه لنفسك

ثنيان : مع السلامه

طلع عجاج ولف منصور وهو يمد جوال ثنيان عليه : خذ اتصل بأهلك وطمنهم عليك

ثنيان اخذه وهو مبتسم: مدري كيف بشكر على هذا الفضل يا منصور

منصور: ثنيان إحنا اخوان وبعدين لا تنسى وقفاتك معي كثيره ويلا بخليك تاخذ راحتك

طلع منصور وثنيان اللي فتح جواله وهو يدور على رقم نواف كأول شي يسويه يتصل بأمه وابوه

رد نواف بفرح: ثنيان

ثنيان: هلا يا نواف كيفكم وش اخباركم

نواف :حمدلله بخير انت بخير كيفك

ثنيان:بخير بخير امي وابوي وين

نواف : هذا ابوي خذه

اخذ ابو ثنيان الجوال وهو يكلم ثنيان بفرح الدنيا وثنيان يحاول انه يهديه وانه يفهمه ان الوضع بسيط وبيطلع وبتزين الامور ومن بعدها امه الللي ما خلت من دموعها ودعواتها شي وطبعاًهذا اثر على ثنيان تأثير سلبي اوجعه قلبه على دموع امه كثير وطبعا طلب انه يكلم دلال اللي ردت ببخجل وفشله بينه في صوتها

ثنيان: كيفك يا دلال

دلال :ماني بخير يا ثنيان وانت هذا وضعك بسبب بنتي

ثنيان: بسيطه يا دلال ولا تضايقين نفسك وتزعلين على سبب تافه شوق جاهله ولقت من يغويها لكن لا تفكرين اني زعلان عليك وضايق منك بالعكس انا ادري ما قصرتي في تربيتها لكن الردي ردي

دلال : تكفى عذرني يا ثنيان

ثنيان: ماله داعي ذا الكلام مافيه شي اعذرك عليه وكل اللي عليك تكونين مع نوف وهي بعد لا تضايق لا تزعل

دلال : ابشر

اخذ نواف الجوال وقال ثنيان: نواف روح لبيتي وخذ حريمي كلهم وكل وحده خذها لبيت اهلها لين اطلع

نواف : ابشر

ثنيان: ولا تتركهم مرهم كل فتره

نواف : لا تخاف

سكر ثنيان وهو يدق على جوال منيره

.................••............

في بيت ثنيان

منيره اللي كانت جالسه مع مشاعل بالغرفه وكل وحده ساكته ومحد يدري كيف بيكون نظام حياتهم ركض محمد اللي معاه الجوال : يمه ابوي يدق

فزوا كلهم وسحبت منيره الجوال بفرح: الوو ثنيان

ثنيان : يا حي الصوت يا منيره

ابتسمت منيره بفرح : عاش من سمع صوتك يا ثنيان كيفك وش اخبارك كيف امورك

ثنيان : بخير الحمدلله انتم كيفكم كيف محمد

منيره: مانا بخير بدونك كل شي ضايق علينا ومحمد يسأل عنك كل فتره مدري وش اقوله

ثنيان اللي ضاق : منيره لا تقولين لمحمد شي كل الموضوع اني مسافر وبرجع وبس وانتم ان شاء الله بتكونون بخير بيجي نواف بياخذكم لمحمد اجلسي عنده لين اطلع طبعا مصروفكم مع نواف

منيره ببكى : والله مهما اهتموا فينا انت غير

ثنيان:ما عليه يا منيره بسيطه بسيطه المهم انتبهي لنفسك ولمحمد واعطيني مشاعل اذا هي عندك

منيره لفت لمشاعل وهي تعطيها وردت مشاعل اللي كان صوتها باكي : هلا ثنيان

ثنيان : افا يا مشاعل ليش البكى يا مشاعل هذا وانا اتصل ابي اطمن عليك واسمع صوتك فالاخير تبكين

مشاعل : غصب علي يا ثنيان مدري كيف بعدي وقتي بدونك مدري كيف بتعدي 3 اشهر بسهوله

ثنيان: يا مشاعل يا عيني اسمعيني هالثلاثه شهور بسيطه ان شاء الله بتعدي وتنتهي ما ابيك تبكين ابد ابيك تكونين قويه ولا تعبين نفسك كفايه حملك متعبك قولي لي ككيفك وعمر كيفه

مشاعل: حمدلله ماشي حالي وعمر بعد بخير وينتظرك

ثنيان: ان شاءالله مسألة وقت واكون عندكم بس ابيك تروحين مع نواف لاهلك لين ارجع وتكونين بخير وتنتبهين على نفسك

مشاعل : ابشر وانت بعد انتبه لنفسك

ثنيان : ابشري عطيني مي

مشاعل بتردد : مي مب فيه راحت عند اهلها

سكت ثنيان بضيق :والترف

مشاعل: في غرفتها اتوقع نايمه بروح اصحيها

ثنيان: لا لا ما معي وقت بس يلا اجهزوا وروحوا مع نواف فمان الله

سكر ثنيان وهو ضايق ان مي طلعت بسرعه اقل شي تنتظر شوي حول الاتصال على رقم الترف اللي فوراً ردت بصوت فرحان : حي الله ضابطنا السجين

ابتسم ثنيان وهو يتنحنح : حي الله السمراء حي الله قلب الضابط

ضحكت الترف : الله يحيك كيفك وش اخبارك كيف الاجواء عندك

ثنيان : ماشي حالها كيف بتكون احوال السجين !

الترف اللي كانت فعلا ضايقه وفيها صيحه بس ابد ماتبي توضح لثنيان ان وضعه صعب او تضعفه بالبكى وقالت تبي تغير جوه : والله وناسه اكل ونوم لا حريم يزعجونك ولا عيال يطفشونك ولا ناس يعاندونك

ثنيان ابتسم وهو مستانس انها تكلمه وكأنه رايح يتمشى مب مسجون وتحسسه انه هذا امر تافهه وبيطلع منه ضحك : ايييه عاد اهم شي مافيه ناس تعاندني هذا شي نعمه من ربي ولا فيه ناس تسحب اللحاف ولا فيه ناس تدخل علي تيوس ولا فيه ناس تفتح علي المويه الحاره هاذي بلحالها نعمه

الترف : ههههههههههههههههههههه مب بس انت لحالك انا والله اعيش بنعيم

ثنيان رغم انه كان في قمة ضيقه الحين في قمه وناسته : اييه وش اخبارتس

الترف : حمدلله بألف خييير

ثنيان: يلا تهون 3 شهور واجي اكتم على انفاسك

الترف اللي كان ودها بس تقول ( متى تنتهى هالشهور بس متى اشوفك قدامي والله حتى ما اعاندك ) ضحكت وهي تقول : والله عاد اطلع بسرعه طفشانه ابي ارفع ضغط احد

ثنيان :ليه مب مكفينك اللي بالبيت

الترف : يعني الله يعيني اطقطق عليهم لين تجي عاد انت الراس الكبير الطقطقه عليك تبري العله

ثنيان ضحك : نشوف يالترف الايام تمشي والوعد قدام لكن بعد مايهون علينا طفشك بنوديك للديره تحوسين دويده وام شوشه لين اطلع

الترف ضاقت بشكل واختلف صوتها بس قالت : اي والله من زمان ما غسلت شراع احد يعني خاطري ابكي احد

ثنيان ابتسم وهو منتبهه ان صوتها تغير بس تعاند وهو يدري انها تكلم كذا بس ولما قالت ابكي احد حس انها بدت هي تتأثر :يلا اجل بيجي نواف وياخذك ومعاه مصروفك وكل شي وطبعا بتصل فيكم من فتره لفتره وانتبهي لنفسك ولا تطقين احد بقوه ولا احد يطقك ويفقشك ترا ماني فيه اخذ حقك

الترف اللي نزلت دموعها وضحكت : لا والله وش قالوا لك انا شيخه بنت شيخ اخذ حقي بيدي

ثنيان : وانا اشهد

الترف سكتت وسكت ثنيان اللي ماوده يسكر بس قال : يلا اجل فمان الله

الترف : فمان الله وانت بعد دور احد كفخه

الترف سكتت وسكت ثنيان اللي ماوده يسكر بس قال : يلا اجل فمان الله

الترف : فمان الله وانت بعد دور احد كفخه

ثنيان : هههههههههههههههههه كفخي وانا بكفخ لين يجيب الله فرج

الترف :مع السلامه

سكر ثنيان وهو ياخذ نفس قفل الجوال وطلع وهو يشوف منصور جاي : يلا اجل بنرجعك بس انتبه لنفسك

ثنيان : ابشر يلا فمان الله

رجع ثنييان لسجن انسدح بفراشه وهو مختنق

................••............

اما الترف اللي بعد ما تسكر الجوال هنا بكت بضيقه وهي حاسه بالقهر في صوت ثنيان الضاحك غمضت بضيق وهي تمسح دموعها كان الوضع يتعبها حيل بس اقل شي تسويه ما تبكي

وقفت وهي تجمع اغراضها بهدوء وطلعت بعد ما خلصت وهي تتجه لغرفه منيره دقت الباب وشافت منيره ترتب اغراضها بضيق

الترف : منيره وش فيتس

منيره : كلمنا ثنيان وماقدرت اتحمل

الترف : الله يسهلها ويعين يا منيره

منيره: سأل عنك وقلنا نايمه

الترف ابتسمت : لا ما عليتس اتصل فيني وتو سكر

منيره : من جد

الترف : ايه المهم انتي بعد بتروحين

منيره: ايه كلنا بنروح

الترف : اجل خليني اساعد مشاعل

منيره : زين

طلعت الترف ومنيره اللي لفت بضيق وهي ترمي ملابسها بغضب ثنيان معهم مستعجل وهي كل هالوقت يحاكيها

دخلت الترف لمشاعل اللي تبكي وركضت : مشاعل ليه تبكين ، يوجعتس شي فيتس شي

مشاعل: لا بس ضايقه على حال ثنيان من شوي كلمنا وضقت والله مدري كيف بتعدي هالشهور

الترف : لا تبكين انتي حامل حرام عليتس وبعدين ثنيان ان شاءالله فتره وتعدي

مشاعل جلست وهي تشرب مويه والترف اللي كملت ترتيب اغراضها

مشاعل: الترف سأل ثنيان عنك ترا

الترف : ايه كلمنني

مشاعل:زين اجل انا بقوم ابدل لعمر

الترف : لا لا اجلسي انتي وانا بروح له

مشاعل: بتروحين لاهلك انتي بعد

الترف: ايه ثنيان يقول الكل يروح

مشاعل: وهالحيوانه ما انتظرت حتى يمر يومين وهجت

الترف : خليها تذلف باللي مايحفظها

مشاعل : حسبي لله عليك يا شوق انتي وهالمي الزفت

طلعت الترف ومشاعل تتحسب عليهم بقهر

................••............

بعد اسبوع من الاحداث كان ثنيان مستمر يكلمهم ويطمن عليهم وابتداء الوضع عنده يهون ويخف وابتدا يستقر ويتقبل والكل بعد بدو يعدون الموضووع

عند ثنيان اللي طلع كعادته لمكتب منصور ودخل وهو يدور عجاج بس وقف منصور : عجاج اليوم ماجاء

ثنيان: ليه

منصور : يقول ابوه مريض شوي

ثنيان: ان شاء الله خير

منصور: خير خير ضغط ما ضغط يعني هالامور المهم عندي لك شغله ثانيه

ثنيان : وشو

منصور اللي كان باين ضيقه طلع الورقه وهو يمدها لثنيان بضيق واخذها ثنيان اللي غمض بضيق وقهر وهو يخبطها على الطاوله

منصور: الله يعينك

ثنيان : بسيطه يا منصور اصلا تأخروا بعد كنت متوقعها من ايام

منصور: وش بتسوي

ثنيان الللي يناظر ورقه وهي صك طلب الطلاق من مي اخذ نفس وهو يوقع انه طلقها وانه بيطلع الحين يطلقها وطبعا راح ثنيان للمحكمه وطلق مي طلاق رسمي لكن كان كله خيبه من مي لكن ما همته كثير رجعوا وقال منصور : بتكلم اهلك

ثنيان اللي ماكان له خلق بس مضطر اخذ الجوال وهو يتصل بامه وابوه ويطمنهم وبعدها اتصل بالترف وهو مايبي الا يسمع صوت الترف .................••............

في بيت ابو الترف

الترف اللي جالسه هي وسلوى ونوره

نوره : يالله يا بنات اشتقت لجمعتنا وربي ماتوقعت بنجتمع من جديد

سلوى: حتى انا واالله بس واضح بعض الناس مب معنا

الترف عدلت جلستها بضيق : والله اني ضايق صدري صح اسبوع لكن احسه طويل

سلوى: وش صار على كرهتس لثنيان ولا تبخر

الترف: خلاص استسلمت والله له فقده

نوره: الله يطمن قلبتس عليه المهم انه يتصل عليكم اشوى من قبل

الترف :المهم ان ابوي ما يدري انه مسجون والا بيسوي سالفه

سلوى: اييه انتبهي صالح ترا يحذر ان ابوتس يدري

نوره : اقول اسمعوا قومووا نبي نغير جو

سلوى:ايه قبل يجي صالح

الترف قبل تقوم دق جوالها وفزت وهي مبتسمه

سلوى ركضت وهي تفتح الجوال على السبيكر والترف تطقها ونوره اللي سكرت الباب بضحك

وارتفع صوت ثنيان : الوو .. الوو

الترف اللي بعدت بعد ما كفخت نوره: هلا ومسهلا

ثنيان : هلابتس يا حي ذا الصوت الحي

الترف اللي كانت فرحانه بس نوره وسلوى مب مخلينها تتكلم زين : الله يسلمك وكيف وش اخبارك

ثنيان : مشتاقين لتس

سلوى اللي صكتها حالة ضحك ونوره تسكر فمها قبل يسمع ثنيان الترف وهي ترفس سلوى: تشتاق لك العافيه والله يسلمك

ثنيان : فيتس شي

الترف : بالله دقيقه عندي عنز هنا اشغلتني

ضحك ثنيان وراحت الترف وهي تطق نوره وسلوى وتطلعهم وهم يضحكون ورجعت وهي تنحنح : ايه الحين اسمع زين حي الله ثنيان

ضحك ثنيان : اييه الحين اقول اكلم الترف

ضحكت الترف وهي منطلقه تسولف وتضحك مع ثنيان وهم الاثنين اكثر اثنين سوالف مليانه عناد وضحك

................••............

ومرت الايام بهدوءها المعتاد على الكل ومرت الثلاثه شهور والحال في بيت ابو ثنيان اللي كانو يجهزون لخروج ثنيان ومشاعل موجوده ومنيره موجوده ودلال ونوف رغم ضيقهم الا انهم فرحانين ومحمد وابوه وفجر

................••............

وعند الترف

اللي كانت تجهز نفسها بفرح وابتسامه وهي تنتظر صالح يجي ياخذها لبيت ابو ثنيان

دخلت سلوى اللي كانت حامل بشهرها الثاني وبيدها لقيمات وتغني :سقى الله موعدك يا زين

سقى الله موعد الاحباب

سحابٍ ما همى من عين

و لا جادت به الاحزان

ردت عليها الترف وهي تغني بتمايل :سحابٍ ما طـرٍ هتـان

سقى الله في العمر ليلـه

ظهر في صفوها بـدرين

قمرها و وجهك الفتـان

ضحكت سلوى: ايييه اييه الجو عالي وثنيان طالع

ضحكت الترف : وين صالح ابطى

دخل صالح : اوووه اوووه وش ذا الزين عشان ثنيان

سلوى : الله لنا شوف بس حالها اليوم وحال الثلاث شهور كيف

صالح ابتسم : يلا اجل خلينا نلحق قبل يطيرون فيه حريمه

الترف كشرت لما تذكرت مي وهي ماتدري ان ثنيان طلقها لفت تلبس عبايتها بقهر ( اكيد الحين هالحيوانه مثل العاده متجهزه وبتسحبه عندها لكن تخسي)

ضحكت سلوى: اوووه اشوف دخان ياصالح تشوف

ضحك صالح: الغيره يا لعنبوا ذا الغيره

الترف : اقول امش امش

طلعوا متجهين للبيت والترف ودها تطييير

................••............

وعند مشاعل

اللي كانت بشهرها السابع وثقل مو طبيعي بس مب هم وهي تنتظر ثنيان يجي

ومنيره اللي تركض وتحضر بفرح هي ورهام ونوف وفجر ودلال

ام ثنيان: ازين شي ان هالسويده ماجت عساها يطلقها

ابو ثنيان: فكينا من ذا الحكي لاتنكدين على ثنيان

نواف : تأخروا ولا

محمد : لا يا رجال على ما يرتبون اجراءاتهم

ابو ثنيان: ليته منصور ما حلف وخلانا احنا نروح له

محمد بهدوء : سيف ماجاء

ابو ثنيان بغضب : فكني من سيرته يا محمد

محمد : ابشر

وقفوا بفرح لما سمعوا صوت السياره وطلعوا كلهم ونزل ثنيان ومنصور وكان ثنيان متغير شوووي شوي

ركض عمر ومحمد يحضنونه وسلم ثنيان عليهم واسرع لابوه وهو يسلم عليه ومحمد ونواف والكل

ابو ثنيان: قرة عيني يا ثنيان

ابتسم ثنيان وهو يبوس يده: بشوفة نبيك يا ابو ثنيان

محمد : والله وحشتنا يا ثنيان

ثنيان: ما يوحشك غالي

نواف بضحك: حمدلله على السلامه بس من الحين اقولك صرافاتك معاد لك حق فيها

ضحك ثنيان : بنتفاهم بس مب الحين

ابو ثنيان: اقلط يا منصور دخلوا كلهم للمجلس وثنيان اللي دخل وهو يسلم على امه ووخواته وراح لمنيره وهو يسلم عليه ومنيره اللي تبكي : مناير وش له لذا الدموع خلاص طلعت امسحيها وابتسمي

منيره ابتسمت وراح ثنيان لمشاعل اللي كانت بتقوم تسلم عليه بس اسرع وهو يجلسها : ارتاحي ارتاحي

سلم وهو يشوفها تمسح دموعها ابتسم وهو يناظر حجم بطنها المتعب : قلنا مافيه بكي

مشاعل: حمدلله على السلامه

ثنيان: الله يسلمك كيفكك كيف التوأم

مشاعل: كل شي يهون بعد شوفتك

ابتسم ثنيان وهو يوقف لما جات نوف وفجر يسلمون عليه كانت عيونه تدورالترف ما حصلها لف بهدو لرهام: وين الترف

رهام: مدري ماجت

ثنيان جلس معهم شوي وهو منعفس يبي يشوف الترف طلع وهو يتصل عليها بس انشغل الرقم سكر بضيق وهو يجلس مع الرجال ومحمد وعمريسولفون له

سمعوا صوت الباب ووقف ثنيان لما عرف صوت سيارة صالح وهو مبتسم وراح نواف وهو يسلم على صالح ويدخله ودخل صالح وبعد ما سلم على ثنيان وجلس شوي وقف : انا والله استاذن عندي شغل لكن حمدلله على سلامتك يا ابو محمد وننتظرك لعشاك

قرب ثنيان بيحلف وسكته صالح: واجبك وانتهى امره الله يحيكم كلكم

منصور : وانا بعد اسمحوا لي وراي شغل وحمدلله على سلامة ثنيان يا عمي

الكل وقفوا يودعون منصور

طلع منصور ولف ثنيان : يبه سييف وينه

ابو ثنيان: مدري عنه

ثنيان كان بيستفسر بس تذكر انه ما سلم على الترف وقال: زين زين انا بدخل شوي اجي

راح ثنيان وهو يدخل صاله شاف الكل جالسين ماعدا الترف

ام ثنيان : ثنيان تبي شي

ثنيان : ا ا ابي مويه بس

ابتسمت رهام وقامت : انا اعطيك

اخذته رهام وهي تقول : الترف دخلت تنزل عبايتها جوا

ابتسم ثنيان وراح ورجعت رهام اللي تدري ان ثنيان جاي يدور عليها

عند الترف اللي كانت تنزل عبايتها وترتب نفسها بسرعه وانفتح الباب ولفت وهي تلف عبايتها بدون ما تشوف اللي عند الباب وقالت وهي ترمي العبايه عليه : رهام خذي العبايه مدري وين تحطونها انا مستعجله شوي

ثنيان اللي مسك العبايه وهو مبتسم ومسك ذراعها قبل تطلع: لييه من بتكفخين ذا المره

جمدت الترف وهي تبتسم بفرح ولفت وهي تناظره بصدمه وضحك : بكفخ ضابط اشتقنا له

ارتفع صوت ضحك ثنيان اللي حضنها : والله انه حلالتس كفخيه ولا احضنيه

الترف اللي كانت تضحك فرح وهي تحس انها صدق اشتاقت له

بعد ثنيان وهو يناظرها: ابي مره بس تجين قبلي ابيتس تستقبليني مب كل مره ادورتس مثل الخبل

الترف ضحكت وهي تشد على ذراعه : الحين صار الذنب ذنبي الله يعلم اني كل مره اجي اركض كأني يلحقني جني وليتني بعد ألقاك ينعل قلبي لين احصلك

ثنيان اللي كان يراقبها وهي تتكلم كانت اكثر شي اشتاق له فعلا : وش الحل يعني

الترف رفعت كتوفها ببتسامه: المهم نحصل بعض

ثنيان رجع يحضنها : مع اني قلت لك وقت خروجي بالضبط بس ماعليه

الترف : المهم طالع من الشر وتنذكر ما تنعاد

كان بيرد ثنيان بس قطع عليه صوت امه : ثنيييييان وش ذا الضحك

غمض وهو يضحك بشويش : الله يسلمتس

الترف بنفس الهمس : انا اقول نطلع قبل تكسر على العصاء على ظهورنا

ضحك بهمس ثنيان: يعني مالي حيل والله اتكفخ من امي بعد

الترف بهمس : افااا ليه من مكفخك بعد

ثنيان : مدري كانت قبل شوي وحده بتكفخني بس ليت كل تكفيخ حضن مثل تكفيخها

وخرت الترف وهي تضحك وتعدل ثنيان وهو ياخذ نفس وطلعوا

ام ثنيان: انت باقي هنا وش تسوي وش ذا الضحك

ثنيان: سلامتس يمه ابد

منيره شافت الترف اللي جات وجلست وهي مبتسمه ونزلت راسها بضيق وقهر

وثنيان طلع راجع لابوه واخوانه

.................••............

في بيت سيف

سيف اللي كان جالس وولده وائل بحضنه جات امل وهي معاها كوب عصير مدته لسيف ببتسامه: سيف حبيبي ما بتروح لاخوك اليوم

سيف : لا

امل : بس مايصير طالع من السجن اقل شي تحمد له بالسلامه

سيف : ولدي له 4 شهور فالسجن ما زرته ومستحيل اروح لبيت انطردت منه

امل : بس يظلون اهلك

سيف :]امل لا تضايقيني

امل سكتت بضيق وهي تشوفه زعلان على فقد اهله بس يكابر

.

.

انتهى البارت❣

«البارت الواحد والثلاثين»

.

.

في غرفة شوق

شوق اللي شبه جثه كل مكان منها ينزف يدها ماتحس بها راسها في الم فضيع من كثر ما نخبط فالجدار كانت يغمى عليها ساعات وتصحى دقايق

................••............

الليل اللي كان ببدايتة وناسه وضحك انقلب اخره لليل كئيب يضغط على انفاس الجميع وأولهم دلال اللي كانت صدمتها في بنتها اللي ربتها وتعبت عليها وعطتها من روحها روح هاذي نهاية تصرفاتها هاذي اخرة التربيه اللي تعبت عليها كانت حزينه جدا وهي ماتدري كيف يتودع بنتها وتسلمها لعمها وقبل كيف تبي ترضى على اللي سوته بنتها كيف بتستوعب فعلتها في رهام ومع محمد

اما شوق اللي كانت رغم كل اللي جاها ما رضخت وهي تنتظر متى بس يشعشع نور الصبح وتتصل في اعمامها وتقلب الدنيا على ثنيان

نوف اللي كانت مصدومه كل الصدمه وهي كانت تدري شوق حقود لكن ما توقعت توصل كذا وهي فالحقيقه شايله هم نفسها لانها الوحيده اللي بتضيع في حرب خوالها واعمامها

ابو ثنيان اللي كان اليوم سيء جدا بالنسبه له وهو يشوف قد ايش ان التربيه صعبه قد ايش موضوع انك تخاير على عيالك يهد الحيل

رهام اللي ما تدري كيف بتقبل الصدمه من اي جهه بالضبط تفرح انها هي ومحمد طلعوا منها بسلامه او تضيق على حال دلال ولا تحقد على شوق او كيف هي بتتجاوز ذا الصدمه

................••.........

ثنيان اللي طبيعي جداً ان دروبه ترمي به لبيت عجاج المنقذ الوحيد له من كل ذا الفجعه وصل وهو يمر من ممرات الحاره الخاليه في الوقت المتأخر طلع لما وصل بيت عجاج وهو يدق عليه رد عجاج : هلا

ثنيان: عجاج اطلع لي بررا

عجاج : ليه وش فيك

ثنيان :اطلع

جلس ثنيان جنب الباب ينتظر عجاج لكن عجاج اللي نط من الجدار وفز ثنيان: ياخي وش بك فجعتني وش مطلعك من هنا

عجاج : بسم للله عليك كأنك ماتعرف ابوي لو شافني طالع بذا الوقت بيجلس يهاوش وحاله

ثنيان: اووه وبعد ابوك قصه

عجاج اللي راح لحوض السياره وفتحه وهو يجلس : تعال هنا وش فيك

ثنيان اللي جاء وجلس بهدوء وهو مايدري وش بيقوله يقوله بنت اختي تغازل ولد عمي ولا يقول بنت اختي تتهم اختي ولا وش بالضبط كان صعب عليه ان يشرح حتى لو لعجاج بس لف بهدوء : اتوقع اني هالمره صعب اشرح لك

عجاج : ليه وش صاير وش هالكارثه اللي صايره

ثنيان بعد صمت طويل وصعب فهمه عجاج قال ثنيان السالفه بتردد كبير وماكان على عجاج الا انه يوقف بصدمه : لا عاد

ثنيان كان ساكت وعجاج اللي يحاول انه يفهم الموضوع ومايسأل لان وضع عجاج ما يسمح بس قال : نهاية القصه !؟ وش بتكون

وثنيان : بتروح تعيش عند عمها

عجاج : وتتوقع من عمها ما يسأل ليه جبتوها وانتم رافضين من البدايه !؟ وليش جبتوها ما جبتوا اختها

ثنيان: ما يهمني يسأل او ما يسأل يا ياخذ هالزفت يا انا ادبرها

عجاج : ومحمد مايدري

ثنيان: لا

عجاج : احسن شي انه مادرا

ثنيان : ماني مقهور على احد كثر دلال

عجاج : الله يعينها اراد ربي يمتحن صبرها ببنتها

ثنيان : متى يجي الصبح احس اني اختنقت

عجاج ابتسم لما سمع الاذان اللي صدح : يناديك المؤذن والصباح

وقف عجاج وهو ينزل اكمامه : وان شاء الله اني من اللي يلبي النداء

عجاج : خلني اخذ ثوبي وبجيك

اخذ عجاج ثوبه وطلعوا متجهين للمسجد

................••............

اما الترف اللي من اول ما دخلت ومشاعل ومنيره يسألونها اذا تدري وش الموضوع وهي تقول ما تدري ما سمعت شي رغم انها سمعت وكان الخبر لها صادم كانت جالسه وهي بس تفكر وش بيسوون بشوق بعد

لفت اول ماسمعت دق على باب غرفتها منيره : الترف الترف

الترف: هلا منيره ادخلي

فتحت منيره الباب بهدوء : ثنيان فيه !!!

الترف : لااا مب اليوم عندتس !؟

منيره : ايييه بس ماجاء قلت يمكن عندك

مشاعل جات من وراهم بجلال الصلاة : صاحيين !؟ باقي ثنيان ما جاء

منيره جلست وهي تناظر غرفة الترف بهدوء : والله ماجاء مدري وين راح

مشاعل : لا يكون رجع لشوق

الترف : لا وين يرجع لها تلقينه يلف ولا شي

منيره: اكيد انه ضايق مره ومنحرق قلبه

مشاعل: مدري وش صار والله للحين بفجعتي

منيره : يعني انتي يالترف ما سمعتي ولا شي ولا حتى طراطيش كلام

الترف : لا يا منيره اقولك انا كنت برا بالحوش وهو اخذ عمي ونواف ودلال ودخلو ما ادري وش قال

منيره: الله يستر بس

قبل ينتهون من كلامهم فزت منيره اول ماسمعت الباب ووقفوا وهم يشوفون ثنيان اللي جاء وهو بيده علبه مويه

منيره:ثنيان وينك خوفتنا عليك

ثنيان : وش فيييه وش يخوف

مشاعل : طلعت وانت معصب وتسوق وانشغل بالنا

ثنيان : مافيني شي هذا انا بخير جيبوا لي بدلتي واغراضي بداوم

مشاعل: بس انت ما نمت

منيره: لا تروح اليوم

الترف ما تكلمت كثير وطلعت وهي تجيب البدله بهدوء واعطته وهي ساكته ولا نطقت بحرف رفع ثنيان راسه وهو يناظرها ومستغرب سكوتها اخذ البدله ودخل لوحده من الغرف

اما مي اللي قامت وهي تقول : وش فيكم ! وش ذا الازعاج

مشاعل: صلاة صلاااه

مي صفقت الباب في وجههم وهي تدخل

منيره: ليتك ما عطيتيه يالترف مابي يداوم اليوم ابد

الترف: لييه !! ما يداوم بالعكس خليه يداوم ويطلع ويغير جو والا تبينه يجلس هنا ويفكر ويعصب زياده وينقهر لا خليه جلسة البيت ماتنفع

مشاعل: صادقه بس لو نام شوي

الترف ماحست بنفسها: اصلا لو اني اعرفه لو شوي بس اعرف انه ما يجيه النوم بذا الوضع لو يموت

منيره:وضع ايش !

الترف : يعني عصبيته هاذي وشوق اكيد مسويه شي

مشاعل: والله مدري

ثنيان كان يلبس قريب ويسمع الحكي رغم ضيقته الا انه حس ان فيه احد وراه يبيه يظل بقوته ما يبيه ينهزم للهم ابتسم بضيق وطلع بدون يناقش احد وطلع متجهه لدوامه

................••............

اما عند سيف اللي كان جالس بشقته بعد ما رجع من عند امل وهو يفكر في هواش ابوه والمشكله اللي صارت ما فكر كثير وقام طلع متجهه المستشفى ياخذ امل لانه من الان اعتبر ان اهله انتهوا نهائياً

.................••............

وبعد الظهر كانوا في بيت ابو ثنيان

ينتظرون ثنيان اللي دخل بهدوء : سلام

ابو ثنيان: زين جيت انا اتصلت في سامي يجي ( عم شوق )

ثنيان : زين

دلال : يبه لو تراجعون والله بعد ما اخليها والله اربيها من جديد

ثنيان بحده : دلاااال شفنا التربيه ! الموضوع منتهي وهاذي مالها جلسه ابد

نواف جاء : سامي وصل

وقفوا ودخل سامي وهي يسلم عليهم ببرود معتادين عليه وبعد سلام وسؤال عن الاحوال

ابوثنيان : والله ياسامي احنا جلسنا وفكرنا وخذينا وعطينا وانت طول عمرك تحاول انك تاخذ شوق عندك وتطلبها اكثر من مره ورفضنا لكن انا تكلمت مع شوق وبتروح عندك وتعيش معك

سامي : وش ذا الرغبه المفاجئه

ثنيان: هذا الوضع

سامي : ونوف

ثنيان: نوف ماتبي تروح

سامي : هو فالحقيقه انا لما شفت اصراركم على الرفض قررت انا وولدي زياد اني اخطب له شوق ودام على قولكم هذا الوضع اجل انا بخطب شوق منكم لزياد

لفو يناظرون بعض بهدوء وكإن طلب سامي كان منقذ لهم

ابوثنيان : ابد هي بنتك وعند ولدك واعتبرها من الحين زوجة لولدك

سامي : ليه ما تاخذون شورها

نواف : هي شوق تحبك واكيذ بتفرح وبتوافق

سامي : اجل نادها بسلم عليها وفاتحها

نواف : الحين مب موجوده لا جت بنخليها تحكي معك

سامي بشك : زين انتظرها

طلع سامي اللي كان شاك في تصرفاتهم الغاضبه وعيون ثنيان اللي ماتريح وخصوصا انه ساكت ونواف يتكلم

اما ثنيان اللي وقف وهو يرمي الجوال على نواف : خذ بعد نص ساعه تتصل فيه وخلها تكلمه ولا تنطق الا بخير وموافقه وان قالت غيرها قلها انها اخر كلام لها وخلها تستر على نفسها ازين

طلع ثنيان لبيته ونواف طلع هو وابو ثنيان لشوق اللي كانت دلال عندها تضمد جروحها

ابو ثنيان بغضب : قووومي قومي فزي وكلميني

وقفت شوق بصراخ: وش بتسون بعد بتكملون علي اللي بداه المريض اللي تحت

نواف : اقققققصري صوتك وجع لا اكمل انا عليك

دقها ابو ثنيان بعصاته في راسها بغضب : حطي عقلك براسك واسمعيني لاني ما زالت ساكت عن الموضوع لو بحاسبك انا والله لتموتين مانسيتي وش صار فيك ساعه وبيعطيك نواف الجوال تتصلين على عمك وقولي له انك موافقه على ولده بدون نقاش وان سألك عن حالك حالك بخير

نواف : وحطيي في بالك إنا لاخر لحظه سكتنا وسترنا عليك وطلعناك بكرامتك من البيت

شوق كانت ساكته وهي تسمع وتنتظر بس متى يسلمونها الجوال ................••............

في بيت ثنيان

اللي دخل وشاف منيره ومشاعل اللي كالعاده جالسين بالصاله

ثنيان : سلام

الكل : وعليكم السلام

منيره وقفت وهي تاخذ اغراضه من يده : كيفك الحين

ثنيان: ماشي حالي لكن بطلع انام مابي صوت وازعاج

منيره: طيب

ثنيان: وين الترف

منيره: نايمه

وقفت مشاعل وهي تطلع ورا ثنيان للي دخل غرفتها وهو يرمي ملابسه بضيق ودخل يتروش

جلست مشاعل وهي ترتب له ملابسه وطلع بعد ما لبس ورمى نفسه بهدوء

وقربت مشاعل وهي تمسج كتفه : ثنيان وش صاير

ثنيان: ما صاير شي

مشاعل : كيف ما صاير شي وانت معصب وحايس الدنيا

ثنيان بغضب: مشااااعل انا جاي برتاح

مشاعل: طيب خلاص

تغطى ثنيان وهو ماهو مرتاح لشوق هاذي ابد ابد

................••............

في بيت اب ثنيان

وعند شوق اللي كانت تنتظر اول ما فتح نواف الجوال واتصل وجاء صوت سامي : هلا بحبيبتي هلا

انهلت شوق وهي تصارخ وتبكي : ألحقني يا عمي إلحقني

سحب نواف الجوال بغضب وقفله وهو يضرب شوق كف من كل قلبه : وش قلنا لك احنا ما تفهمين

ركضت دلال وهي تبكي : وش فيك يا نواف وش فيك

نواف سحب دلال برا وطلع وهو يقفل الباب ويسمع شوق تبكي نزل لابوه مسرع وهو يشرح له اللي صار

ابو ثنيان وقف بغضب : اركض ناد ثنيان

نواف اللي راح ركض وهو يدق الباب فتحت منيره بخوف : نواف وش فيك

نواف : وين ثنيان

منيره: نايم

نواف : صحيه يجي للبيت بسرعه بسرعه يا منيره ابوي يبيه

ركضت منيره لثنيان اللي يادوب دخل بنومه الا دخلت منيره تركض : ثنيان عمي يناديك اركض له

فز ثنيان اللي انطلق يركض وهو ماطرا له شوق بتسوي شي

وصل بوصول سامي اللي نزل وهو يركض وسمك ثنيان: وش فيها شووق وش مسوين فيها

ثنيان بعد يده بغضب : نزززل يدك وش تخربط انت

سامي : شوف يا ثنيان انا اعرفك زييين اكيد مسوي لشوق شي طلع بنت اخوي ازين لك والا بتوصل للمحاكم

ثنيان : بنت اخوك هذا هي جوا بتاخذها بتخليها بكيفك واللي ماتطوله بيدك طوله برجلك

دخل ثنيان ولحقه سامي اللي ينادي شوق

اخذ ثنيان مفتاح الغرفه وطلع بغضب الدنيا فتح الباب وهو يشوف شوق الللي واقفه بقوه وتنتظر

ثنيان: يعني ما فاد معك شي ابد هاه حقارتك هي هي

شوق : صدقني لتندم على كل مره مديت يدك فيها علي

اتسعت عيون ثنيان بقهر: من بيندمي ان شاء الله

شوق : عمي

طلعت شوق وهي تركض وثنيان اللي ما اهتم فيها لا هي ولا عمها القهر انها تكلمه بذا الاسلوب

نزل ثنيان وراها وهو ناوي لها الذبحه ركضت شوق وهي تحتمي بسامي اللي دف ثنيان بغضب : تنكسر يدك قبل تمدها عليها

ثنيان : اقولك وخر من قدامي ازين لك لا ادفنك وادفنها معك

سامي اللي لف واول ماشاف وجهه شوق احتدت ملامحه بغضب ولف وهو يصرخ في وجهه ثنيان : والله لابتر يدك اللي تجرأت وانمدت على بنت اخوي

شوق ببكى: عمي تكفى خذني من عندهم اذبحوني

سامي اللي حاطوها بغضب: بتندمون كلكم بتندمووون نووووفف نوووف

ابو ثنيان اللي بعد ماشاف الوضع قال: اقول اسكت يا سامي واعرف سواتها قبل تكلم

سامي : مابي اعرف شي باخذ بنات اخوي والله والله لتندمون

نوف طلعت : انا ما راح اطلع مع احد انا بجلس عند خوالي

سامي : نوف لا تخافين محد يقدر يسوي لك شي انا معك

نوف : مابي

ثنيان اللي قال بصراخ: اقول خذ هالسافله للي مثلك وانقلع برا واعلى مافي خيلك اركبه ونوف مانعطيها لاشكالكم القذره

طلع سامي وهو يهدد وصرخ ثنيان لنواف : جيب لي مويه

جاب نواف وهو يعطيها ثنيان المقهور اللي انزعج من بكى دلال ولف بصراخ: تبكييييين على مييين يا دلال على ميييين تبكين على هالواطيه اللي راحت ولا على ايش

دلال : هاذي بنتي يا ثنيان بنتي

ثنيان : بنتك راحت خلاص من الساعه اللي سوت سواتها رمتك وراها ومشت

سحب نوف وهو يحطها قدامها: هاذي بنتك هاذي بنتك وهاذيك ادفنيها بأرضها ازين

ابو ثنيان : ثنيان خلاص

رمى ثنيان الكوب وقام بغضب وطلع

ابو ثنيان:دلال انسيها احسن لك

قامت دلال وهي تبكي ولحقتها نوف ورهام

اما ام ثنيان اللي جلست وهي تهاوش :هاللي ما تستحي انكرت جميلنا عليها وانكرت سترنا عليها

ابو ثنيان: خلااص هالموضوع ينتهي خلاص

نواف : يبه اخاف هالخبل يسوي لثنيان شي

ابو ثنيان: الله يستر

................••............

في بيت ابو محمد

محمد اللي كان يدري ان الجو منحاس ومتوتر لكن ما يبي يحسس ثنيان انه عرف الشخص اتصل على ثنيان لكن ما يرد نزل الجوال وهو يضربه بكفه ببتسامه : هانت يا رهام كلها شهور وكل شي يعدي

................••...........

في سيارة سامي

. وعند شوق اللي كانت منهاره نهيار اغلبه تمثيل وهي تشكي شكاوي كاذبه لعمها

سامي : لا تخافين ماني مخليه يسلم بفعلته واالله ما يسلم والله

شوق : وش بنسوي

وقف سامي عند المستشفى: بنشوف جروحك الحين وبعدها اقولك

شوق كانت شوي جروحها بليغه وعميقه وهذا شي كان في صالحها بعد ما انتهت شوق من الكشف وعالجت جروحها اخذوا تقرير بالضرب وطلعوا متجهين للقسم

شوق : عمي وش بنسوي

سامي : بتقدمين على هالحيوان بلاغ عنف اسري وبيتحاسب على كل شي سواه فيك

شوق اللي كانت خايفه ان ثنيان لو سجنته يبرر بقضيتها وهي بعد بتدخل في مصيبه بس قال سامي : فيه شي انا ما ادري به

شوق : لا

سامي : اجل انزلي

نزلوا ودخلو القسم وشوق للحين بحقدها على ثنيان

................••............

في بيت ثنيان

دخل ثنيان البيت وركضت مشاعل ومي : وش فيك عمي فيه شي

ثنيان مارد وطلع ولحقته منيره: ثنيان حلفتك بالله وش فيه ابوي فيه شي عمي فيه شي

ثنيان لف بغضب : لااااا لااااا خليني بحالي

دخل غرفة مشاعل وجلس بضيق ودخلت مشاعل: ثنيان لا تخوفنا قلنا اللي يصير طيب

وقف ثنيان بإنزعاج: كم مره قلت لكم فكوووني

من الاسئله والازعاج ماتفهمين

طلع وهو يشوف منيره ومي واقفين ينتظرون مشاعل بس وخروا اول ماشافوه يناظره بغضب : خيييير وش فيه

منيره: مافيه شي

ثنيان: كل وحده على غرفتها

افترقوا ولف ثنيان وهو يتجهه لغرفة الترف دخل وشافها تكلم نوره ولف وهي تناظره لما جلس بغضب وقالت: نوره اكلمك لا فضيت

سكرت ونزلت الجوال وتشوف ثنيان اللي يفور من غضبه سكتت وهي تجلس بدون ولا كلمه

ثنيان اللي ملاحظ انها على كثر عنادها في ذا الوقت وذا الظروف ما تضغط عليه بعد يدها وهو ينسدح على رجولها : ليش ما سألتي انتي بعد !؟ ولا تدرين باللي صار

الترف ما حبت انها تقهره زياده وقالت : مادريت لكن ما ابي اسأل

ثنيان: لييه ! ولا ما يهمك اللي يصير معي

الترف ناظرت فيه بهدو : لو ما يهمني ما جلست امس معك ولكن اشوف انه مب وقته ازيد الطين بله واسأل ومهما كان الموضوع ادري انك ما تأذي شوق من لا شي

ثنيان ابتسم من بين ضيقه : خليني اقول شي ايجابي وسط ذا الزحمه في كل ذا اللي صار الحلو هو اني عرفت واحد من اطباعك الحلوه

ابتسمت الترف بدون ماترد وجلس ثنيان بضيق وهو يشرح لها اللي صاربدون ما تسأل هو يحس انها مهتمه لمشكلته هو ،وش احساسه هو من ذا كله وماهي مثل الباقين يبون بس يعرفون ليش هو سوا كذا ! وليش صار في شوق كذا !وهل من حق ثنيان يسوي كذا او لا

ختم ثنيان كلامه وهو يده بيد الترف وشاد عليها بقوته وبغضبه : ماني مستهين بقلب دلال ودموعها بس هالزفت ما تستاهل منها كل ذا ما قلت لمحمد ولا يدري عن ذا الشي ابي لها الستر وهي ماتبيه لنفسها ترد وتتكلم وهي اللي مثلها يندفن راسه بالارض تعارض وكأن اقطعها من فرض صح كنت حاقد عليها بس ماكان هاين علي اضربها بس قهرتني قهرتني واحرقت كبدي كل شي كان يصير بسببها

الترف كانت ماهي مستوعبه اللي صار وتبي تعرف شوق ليش تسوي كذا بخوالها والا اذا هي على شوق تتوقع كل شي منها بس قهر ثنيان الواضح بعيونه وصوته ونواف وحركاته المغبونه وابو ثنيان ودموع دلال هاذي اللي فعلاً كانت هامه الترف شده على يده بهدو : كيفها خلها تروح عند عمها خلها تسوي اللي تبيه بكره بتعرف خطاها وذنبها

انت سويت اللي عليك ك خال وعزوه لها وهي بكيفها ودلال الله يعوضها ببر نوف لها

ثنيان وقف وهو يحس بإختناق

الترف ما عرفت وش ترد وسكتت وجلس ثنيان وهو يمسح وجهه : قولي شي يالترف قولي شي يطلعني من ذا القهر

الترف ناظرته بعيون ثابته وهي داخليا مهزوزه ماتدري كيف بتلملم قهره

لكن كانت عيونها كافيه انها تعطي ثنيان قوه ينتعش بها وقالت : ما راح اقول شي الا انك انت كفو انك توقف بوجهه هالمصيبه وتحلها مايهمك وش بيكون تأثريها المهم تطلعون منها بأقل الاضرار

غمض ثنيان وهو يحاول يحفظ هالنظره وهالجمله بس وقف كل شي لما سمع باب البيت يدق وفتح الشباك وشاف سامي تحت ومعاه الشرطه ابتسم بقهر وهو يلف لترف : الظاهر اقل هالاضرار بتكسر ظهري

اسرعت الترف ولما شافت الشرطه تزلزل داخلها ولا شعوريا مسكت ذراع ثنيان لللي لف وهو صامت : اتركيني يالترف

نزل وهو هذا للي ما حسب ثنيان حسابه وهي يدري وش بيصير فيه بالحرف الواحد والنص

................••............

عند نواف

اللي طلع من البيت وهو يكلم عجاج اللي دق يسأل عن ثنيان ليه مقفل جواله وقبل يتكلم جمدت عيونه على الشرطه وسامي شوق اللي بسيارة سامي ركض وهو يقفل الجوال : ثنيان وش صاير

الضابط اللي اخذ ثنيان وهو يدخله السياره وقال لنواف : ابعد لو سمحت

سامي : قول لابوك انكم بتدفعون حق كل شي سويتوه بشوق

ثنيان : نواف ارجع لابوي وانتبه له

نواف اللي ما استوعب الا بعد نظرات شوق الوقحه

................••............

الترف نزلت بعد ثنيان

وهي خايفه وطلعت منيره :وش تبي الشرطه بثنيان

الترف: اتوقع شوق اشتكت عليه

مي اللي جات تركض بخوف : بنات اخذوا ثنيان معاهم

مشاعل : لا تخافون ان شاء الله ما فيه شي يحمل وبعدين ثنيان اكيد يعرف كيف يصرف وضعه

مي وهي تكلم الترف : قولي لنا وش صاير اكيد تعرفين لا تصيرين انانيه

الترف كان ودها لو تقول لهم وتريح قلقهم بس ان ثنيان كان حريص ان هالموضوع ما يطلع ابد

الترف تكتفت بضيق : اقولتس اسمعيني زين لا تسوين مهتمه وبتموتين ادري انتس تنبشين عشان تعرفين شوق وش مسويه وماهتميتي لثنيان لكن ضفي وجهتس ازين لتس قبل اكفر فيتس

منيره: خلاص عاد مانبي مشاكل بعد

مشاعل : انا بروح اشوف العيال والله يسهلها

افترقوا وكل وحده راحت لغرفتها

.................••............

في بيت ابو ثنيان

نواف رجع لابوه وهو يقول : يبه شوق اشتكت على ثنيان

ابو ثنيان وقف بذهول : وشووووو !

شهقت نوف بخوف وهي تناظرهم بقلق وقال نواف : يبه سامي يهدد

ابو ثنيان : شغل السياره بسرعه بسرعه

ركض نواف يشغلها وركب ابو ثنيان وراحوا ورا ثنيان للقسم ................••............

في القسم

ثنيان اللي كان يحاول انه ينسق دفاع لنفسه يقدر يطلع فيه بهدوء كان ساكت لما وصلوا ونزلوا والكل يناظر دخلوه غرفه التحقيق وجلس وهو يدري بكل شي بالتفاصيل حافظها حفظ رفع راسه لما دخل ضابط وهو يقول : سلام

ثنيان: وعليكم

منصور بذهول : ثنيان صح!!!

ثنيان ابتسم : وصلت يا منصور

منصور بصدمه : وش جابك هنا ! كيف تكون انت متهم بهالقضيه

ثنيان اللي صعب عليه الموضوع اكثر وقال بضيق : هي كذا الحياة

منصور : ثنيان اجلس اجلس واشرح لي الموضوع وابدا لي من بعد فقرة الجنان والعصبيه حقتك لانها اكيد اساس القضيه

ثنيان ابتسم : ابد الموضوع مثل ماهو عندك بالملف

منصور : ثنيان تدري وش مكتوب فالملف تدري وش التهم اللي موجهه لك !؟

ثنيان سكت وقف منصور وهو يفتح الملف وعرضه قدام ثنيان: مستحيل تكون سويتها

اتسعت عيون ثنيان لما قرا البدايه وكانت ان شوق تتهمه انه معرضها للعنف الاسري المبرح

غمض بضيق وهو يوخر الملف

منصور : ثنيان انا ادري بك عصبي وحار لكن هل توصل فيك تعذب بنت اختك وتعنفها

ثنيان : منصور ابي توريني التقرير

منصور عطاه تقرير شوق

والحال ان ثنيان عارف تماماً وين ضرب وكيف ضرب وهل ضربته لها مبرحه او لا

لكن شوق اللي بعد ما قفل ثنيان عليها الغرفه زادت نفسها جروح وضرب لدرجة فضيعه

ثنيان بهدو نزل التقرير

واخذه منصور: قول انه افترا وانقض القضيه يا ثنيان

ثنيان : لا

منصور: وشو لا

ثنيان اللي كان يدري لو نقض القضيه بيجبرونه يقول الاسباب وليش ضربها وهو يشوف انه صعب عليه يشرح وضع بنت اخته في قسم الكل يعرفه فيه

ثنيان : لو تسمح لي يا منصور شوي ابي ارتب وضعي

منصور : ابشر يا ثنيان طلع منصور المذهول اما ثنيان اللي الحين نشب نشبه حياته وهو مايدري كيف يبدا وكيف ينتهي الوضع انه ما يقدر يسمح ان شوق تنسجن ابد ابد ولا يسمح انه يشرح كارثتها عند الناس

اخذ نفس وهو ينادي منصور اللي دخل وجلس

منصور: ثنيان انا ادري وواثق ان هالسكوت ماهو سكوت مذنب

ثنيان : انا اقبل التهم

منصور: وش تقبل يا ثنيان !!

ثنيان : كل التهمه يا منصور

منصور: ثنيان ادري الوضع حساس بنت اختك ووضعكم صعب يمكن فيه لبس او تحريض

ثنيان : لللي عليك يا منصور انك تقبل اني قبلت التهم

منصور :تدري انك بتنسجن

ثنيان : ادري

منصور: سنه

ثنيان: ادري

منصور : شوف هالرجال اللي معها ماعجبني على الاقل ارفض نص التهمه

ثنيان : وش بستفيد؟

منصور: اقل شي تخفف مدة السجن والغرامه

مارد ثنيان وقرب منصور اللي كان صديق قديم ثنيان بس فرقتهم السنين والظروف ولكن مازالوا صحبه : اسمعني يا اخوي انا احس انك مظلوم وتقدر تقولي وضعك وانا اوعدك اساعدك بدون ما يمسك ويمس بنت اختك شر

ثنيان : وش بتسوي يا منصور

منصور: اقل شي اني بضمن لك وظيفك اخفف عقوبتك

ثنيان سكت وبعدين قال : سو اللي تسويه

منصور طلع وهو يكذب نص التقرير واتصل على المدير اللي ثنيان تحت ادارته وشرح له وضع ثنيان وكان جدا متفهم وقرروا يعاونون ثنيان باللي يقدرون عليه

منصور اللي رجع لثنيان : ان شاءالله بتنحل بس وكل امرك لله

ثنيان : لله فوق ، بس منصور تكفى ابوي اكيد انه برا ابيك تطمنه وتخليه يروح

منصور: ايه صح برا كنت بكلمهم بس استعجلت ابوك ومعاه الظاهر اخوانك

ثنيان: زين طمنهم

منصور:ادخلهم لك

ثنيان: لا بس قلهم يروحون

منصور: اجل انا مضطر اني اخذك لتوقيف

ثنيان هز راسه وهو مقهور قهر الدنيا بس اقل شي ما يبي يقهر دلال بعد .................••............

عند محمد اللي كان واقف مع ابو ثنيان ونواف

وهو ندمان ندم عمره انه دخل بذا الموضوع ليته طنش شوق الزفت وتركها ليته ما انتقم ماكان يدري انها خطيره لذا الدرجه

جاء منصور وهو يقول : سلام عليكم

وقفوا يناظرون : وعليكم السلام

منصور: اذا ما خانتني الذاكره ابو ثنيان

ابو ثنيان: اي والله

منصور: انا منصور اليوسف مدري تذكرني ولا لا

ابو ثنيان: هلا والله يا منصور كيفك كيف ابوك

منصور: انا الحمدلله بخير وابوي الله يرحمه

ابو ثنيان: لا والله الله يرحمه

منصور: الله يرحمه ويطول بعمرك ولكن يا عم ليش جاي متعب نفسك

ابو ثنيان: والله نبي نشوف وش وضع ثنيان

محمد : ان شاء الله اموره سلميه

منصور: لا ان شاء الله سلميه لا تخافون

عجاج : وش الشكوى وكيف وضعها

منصور : شكوى عنف اسري لكن ان شاء الله ما رح تضر ثنيان

ابو ثنيان: وش عنفه يا ولدي

منصور: ما عندي وقت اعطيكم والله التفاصيل لكن اوعدك انها بتعدي على خير بأذن لله انت روح وارتاح وبينا اتصال

نواف : منصور يا ليت تكون حساس في ذا الموضوع

منصور:لا تخاف عندي انتم ارتاحوا وانا اتصل بكم

اخذوا رقم منصور وطلعوا ومحمد كل شوي يسأل وكانه مايعرف شي

.

.

انتهى البارت✨

اتمنى من القراء الاعزاء بعض التفاعل😇

«البارت الثلاثيين»

.

.

في المستشفى

عند صالح اللي كان الدكتور يناظر عيونه بإستغراب : كيف انصابت عينك

صالح : كنت اركض وطحت على زاويه

الدكتور: الطيحه غريبه بس بسيطه

سلوى : الحين وش بتسوي به

صالح لف لها وهو يأشر بعينه يعني ( اسكتي )

الدكتور ابتسم: رح نعالج التورم اللي فيها وبعدها نشوف كيف نظام الجرح

سلوى : يعني مب منفقعه عينه

صالح اتسعت عيونه بغضب ويوخر الدكتور وهمس : انا ماني اقول لا تهرجين مع الرجال

سلوى: وش اسوي

صالح : اسكتي

الدكتور : عينك سليمه الحمدلله بس انتبهه وان شاءالله تعدي بسرعه الاصابه ورح اناديهم يكمدونها ويخففون الالام

صالح : زين

طلع الدكتور ولف صالح: سلوى لا عاد تكلمين الرجال

سلوى: بتطمن عليك وبعدين ذا دكتور

صالح : والدكتور مب رجال

سلوى سكتت وصدت لكن طارت عيونها لما شافت الممرضه اللي دخلت وكانت تشلع القلب لفت بسرعه وهي تلف وجهه صالح اللي قال :ااااه وش تسوين

سلوى : خلك لاف كذا

الممرضه نطقت وليتها مانطقت كان صوتها لحاله يهز القلب سلوى تنحت ولكن تداركت نفسها : مافيه ممرض

الممرضه : لا الحين انا مناوبه

سلوى: متى تنتهي مناوبتس

صالح لف ببتسامه لما عرف انها غارت وغضب بنفس الوقت : وش فيتس يا بنت الحلال

الممرضه : رح اضمد لك الجرح يا صالح وبعدها بيشوفك الدكتور

سلوى : اقولتس عطيني عنتس حلفت اني انا اضمده لا تعبين عمرتس

الممرضه ناظرتها بإستغراب صالح لف وهو يهمس : سلووى انهبلتي

سلوى : اي انهبلت اقولك صالح ياويلك تناظرها

ابتسم صالح ولف وقربت الممرضه وهي تضمد عيون صالح لكن سلوى اللي عجزت تحمل خصوصا ان عطر الممرضضه انتشر بالغرفه

سلوى: حبيبتي خلاص نادي الدكتور

الممرضه : كيف خلاص عينه باقي مورمه

سلوى سحبت القطن وهي تاخذ المعقم : ابد انا اكمل

الممرضه : بس ياختي ماتعرفين

صالح : سلوى وش بلاتس ماتعرفين يا عيني ماتعرفين

سلوى خقت لما قال عيني بس بسرعه تذكرت وهي تحط المعقم على القطن : ابد اعرف

وصفقتها بعين صالح لما ابتسم للممرضه يداري الموقف وهي معصبه : كذا يا صالح صح كذا

صالح : اااه اه اي كذا يا سلوى كذا

الممرضه ناظرتها بطرف عين وطلعت وهي تنادي الدكتور اللي من اللحظه الاولى عرف ان الغيره عندهم ما تمزح

عقم عين صالح ولف الجرح وطلعه

صالح : انتي وش سويتي بغيتي تفقعين عيني صدق

سلوى: ايه بفقعها لو قعدت تضحك لذا السماجات تسمعني بفقع عيونك

صالح: ماشاء الله اجل انا بقص لسانتس عشان نرتاح

سلوى: اييه قص وانا اقص

ضحك صالح وهو يحضنها : افا يا سلوى اجل انا اشوف غيرتس

سلوى : انت ماتشوف لكن الناس يشوفونك غصب

صالح: خلينا نتفق اجل انتي لا تكلمين الرجال وانا ما اناظر

سلوى: تم

صالح : تم من زمان تم

................••............

في بيت صالح

ثنيان اللي طلع بعد ما نامت مي وهو يشوف عمر ومحمد رايحين للمدرسه سلم عليهم وطلع فوق يدور الترف اللي كانت تسولف هي ومشاعل لين نامت عندها ما حست

دخل غرفتها وهو يشوفها مب فيه : غريبه وين راحت

طلع وهو يدور بالبيت قابلته منيره: فيك شي

ثنيان: الترف شفتيها

منيره: مب بغرفتها

ثنيان : لا

منيره: برا مافيه احد ، ايه كانت مع مشاعل شوف يمكن عندها

ثنيان طلع واتجهه لغرفة مشاعل وشافهم كلهم نايمين

ضحك ( وش باقي بتسوين يا ذا البنت ) رجع وهو يسكر النور والباب

وراح بتعب وهو يشوف وقت دوامه جاء لبس راح لغرفة منيره

ثنيان: منيره

منيره: سم

ثنيان : انا بطلع لدوام انتبهي لمي معك تراها مفجوعه

منيره : ابشر

لف ثنيان بيطلع وقربت منيره: ثنيان للحين زعلان مني

ابتسم ثنيان: وانا اقدر يا منيره

منيره ابتسمت : انااوعدك ماعاد تشوف مني ذا الاشياء

ثنيان وهو يبوس راسها: متاكد يامنيره يلا فمان الله

طلع ثنيان لدوام وهو تعبان وزهقان وفيه نوم وكل شي

.................••............

في ديرة الترف

عند نوره اللي من الصبح كانت لحالها بضيق

اخذت الجوال وهي تتصل على الترف ماترد واستحت تدق على سلوى

نزلت الجوال : اووووف ياربي متى اتزوج انا بعد

................••............

في بيت ابو ثنيان

عند رهام الللي كانت جالسه وهي تنتظر خبر شي من محمد بس ابد ما ارسل فزت اول ماسمعت نواف يرحب : حي للله عمي وولد عمي

محمد اللي جاء هو ابوه : هلا يا ابن العم

ابو ثنيان طلع : هلا والله هلا

محمد راح يسلم عليه بحراره ودخلوا

ابو ثنيان: كيفك يا محمد

محمد : حمدلله انعم بأحسن حاال

ابو ثنيان: وابوك كيفه

محمد : زي ماتششوف ياعمي حتى صوته اختفى يادوب يصحى وينام قلت اجيبه يغير جو يمكن يتحسن

ابو ثنيان : زين زين سويت

عند رهام جاء محمد : رهام قهوه

رهام: هاه

نواف : سوي قهوه وشوفي ذا حلا مدري وشو جايبه محمد وزعيه

رهام : ايه طيب

نواف: دلال راحت هي وبناتها !؟

رهام: وين ، ا ا ايه راحوا

نواف : وش فيك انتي

رهام: لا بس طفشانه

نواف: زين اجل

راح نواف وراحت رهام ركض تشوف الحلا كان مجموعة حلا وفي الطرف فيه علبه حلا صغيييره اخذتها وهي تناظر وفتحتها كان بين قطع الحلا ورقه ( حلي يا حلا ايامي )

جلست بخقه وهي تناظر الحلا ومسرحه نواف اللي جاء : ما خلصتي

فزت رهام وهي تشد على الورقه : اصبر شوي خذ الحلا وانا احضرها

اخذ نواف الاغراض وقالت رهام بارتباك : هذا لي

نواف : هاه وشو هذا من قال لك

رهام :ا لا بس قلت نحلي عليه حنا

نواف : لا رجع خذيه

رهام سكتت بقهر وراح نواف ( وجع يا نوافوه وجع )

محمد اللي كان مبتسم وتلاشت ابتسامته لما شاف ان نواف جاي ومعاه العلبه جمد وهو منتظره يكفخه بالعلبه بس حطها نواف وهو يقول : وش عندك جايب حلا وحركات

محمد وهو يراقب العلبه بتوتر: ابد قلت نغير جو

ابو ثنيان: كثر الله خيرك

اخذ محمد العلبه : شكلهم حاطيين ذا العلبه هديه ماشفتها

فتحها وزفر براحه وهو يشوف الورقه مب فيه ونزلها وهو وده يكفخ نواف اللي طاب فالحلا وهو وده ياخذ العلبه منه بس وش يسوي

................••............

الظهر في بيت ثنيان

عند الترف اللي صحت وهي تلفت فزت على الازعاج : وش ذا

مشاعل: بسم للله عليك

الترف: من يصارخ تحت

مشاعل : ابد اهل مي

الترف : وشو اهلها وش جايبهم ذا الحزه

مشاعل: لا تسأليني

التوف : حسبي للله ، المهم شكرا انتس نومتيني عندتس

مشاعل: على الرحب والسعه

طلعت الترف وهي تروح لغرفتها بدلت ونزل وهي مصدومه من كميات العيال اللي يركضون وازعاج وحوسه

الترف : منيره وش ذا

منيره: اهل مي لكن ادعي يروحون قبل يجي ثنيان

الترف : ليييه

منيره: بينجلط هو ما يحب الازعاج ولو شاف ذولا بينجلط

الترف لفت لما شافت كل اللي بالغرفه يناظرونها

ناظرتهم بإستحقار ولف ودخلت المطبخ وهي تجهز شي تاكله اخذت شاهيها بعد ما افطرت وراحت لصاله وجلست وهي تصارخ: بس انت وياه رح لامك بنت بنت روحي لامتس

مشاعل نزلت وهي تضحك : لا تحاولين

الترف :يهبووو

منيره جات جنبهم وهي تضحك : اقولك ما يعطونك وجهه

الترف : مشاعل تعالي تعالي بالنص لا يدعسونتس ذا المخبل

قامت مشاعل وجلسوا يسولفون لكن الترف اللي ماتت من ازعاجهم وهم يرمون عليهم كل شي

وقفت الترف بصراخ وراحت للغرفه وهي ماسكه واحد من العيال: هذا ولد من !

اخت مي وقفت: بلا في شكلك اتركيه وجعيته

الترف دفته عليها : اقول امسكي جنيتس لا افقع وجهه ذبحنا امسكن عيالتسن ياحريييم احترموا اهل البيت

ام مي : والله احنا اهل البيت انتي مين ! الله يا مي حتى الخدم عندكم تتكلم

الترف: اقول احترمي نفستس يا عجوز لا يصير شي مايرضيتس

منيره: الترف : تعالي ياحبيبتي ماعليك منهم

طلعت الترف وهي اللي صرخت على عيالهم وحشرتهم كلهم بغرفه وحده وهي معصبه وجلست

مشاعل: حشى الواحد يستحي

منيره: ما عليك منها يالترف

الترف : اكيد ما علي منها والله لو ماهي عجوز كان نتفتها

ضحكت مشاعل: لا تعبين نفسك انتي بس قلتي لها عجوز بتنتحر والله من غير

دخلوا عمر ومحمد اللي جايين من المدرسه وهم يسلمون عليهم

دخل ثنيان اللي هلكان ميت ميت تعب جاء وانسدح : سلام

عمر ومحمد قامو يبوسون راسه وجلسوا

ثنيان لف : ماشاء الله من متى نشرب شاهي !

عمر : يبه الترف تقول احنا رجال نقدر نشرب

ثنيان لف يناظر الترف اللي قالت : ايه رجال

ورفع حواجبه بأستغراب : فيه ازعاج ويينه

مايمديهم سكتوا الا انفتح باب الغرفه وانطلقوا العيال يصارخون وطلعت ام مي وهي ماشافت ثنيان : انتي هييييه ياعبدده ياويلك تقولي للعيال شي سامعه ياويلك والله ادوسك

الترف وقفت بغضب وقف ثنيان قبلها وهو يمسكها : خيييييير ان شاء والله وش ذا الحكي اللي اسمعه

ام مي : ثنيان!

الترف وهي تتفلت : فكني والله لاوريها

ثنيان: الترف اجلسي لايكون بتطقين عجوز

الترف : ايه ببطقها

ثنيان :اجلسي

راح ثنيان بغضب : وش ذا الحكي وش تقولين

ام مي : والله معليش بس هاذي ماتستحي وش نسوي لها

ثنيان: اللي ما يستحي واضح واحترمي كلامك ازين واعتذري وتفضلي من غير مطرود

ام مي : خيير ان شاء اللله تطردني من بيت بنتي

ثنيان: اللي ما يحترم نفسه لايجلس عندي

ام مي : هين ياثنيان هين

راحت معصبه وهي تقول : قومي يا مي قومي مالنا جلسه في ذا البيت قومي

مي : يمه وش فيك ثنيان ما يقصد

ثنيان: الا اقصد ونص يا تعتذر امك يا تتفضل

مي : ثنيييان

اخت مي : الشرهه مب عليك الشرهه علينا اللي جايين عندك انت وبيتك المعفن

الترف : اقول ضفي وجهتس بس هذا بيت اوادم البهايم مالهم محل

ثنيان لف : خلصنا يالترف

مي : يمه الله يخليك لا تفهمين غلط

ام مي : بتجين ولا لا

مي نزلت راسها بضيق : لا

ام مي اللي طلعت وهي مصعبه وطلعوا من البيت

الترف : في ستين داهيه ان شاء الله

ثنيان: كم مره قلت اسكتي يالترف

مشاعل: معليش ثنيان بس ليش تسكت هم اللي غلطوا

مي : مشاعل محد كلمك

ثنيان : اوووه بس انتي وهي طالت وشمخت والله يلا كل وحده على غرفتها

طلعوا كلهم ومي واقفه قربت بتكلم ثنيان لكن رجعت الترف بغضب وهي توخرها: ثنيان تعال ابيك شوي

مي : ثنيان انا تعبانه

ثنيان: مي اادخلي شوي واجيك

لفت الترف وهي تشبك ذراعها في ذراع ثنيان وهي تضحك بغيض لمي

اللي انقهرت ورجعت وهي معصبه

ثنيان الللي استغرب حركة الترف ولف : وش فيك

الترف ( هين يا مي اوريك ) :ولا شي

ثنيان : ماعندك شي يعني

الترف : ا ا الا عندي كيف ماعندي عندي

ثنيان رفع ذراعه وهو يحطها ورا رقبة الترف : وشو قولي

الترف : تغديت

وخر ثنيان : الحين من جدك مطلعتني من تحت عشان ذا السؤال

الترف ضحكت الترف بورطه: ايه هو عشان لازم انت شبعان

ثنيان رفع حواجبه ببتسامه : وشو لللي لازم اكون شبعان فيه

الترف قالت بدون ما تنتبه : الطريق لقلب الرجل بطنه

سكت ثنيان شوي بصدمه والترف اللي انتبهت بصدمه وطارت عيونها وهنا انفجر ثنيان : هههههههههههههههههههههههههههههههههههههههههههههههههه هههههه

اوووه يالترف وش طريقه وش تخطيطه انتي تبين لك طريق لقلبي !

ضحكت الترف بورطه : لا مب زي مافهمت انت فهمت غلط يا ثنيان

قرب ثنيان وهو يضحك : انتي ماتبين طريق انتي استحليتي قلب ثنيان وانتهى امره

الترف عرقت ( يا خبلتس يالترف : قلبتي الموضوع عليتس يا خبله )

ثنيان : قولي وش عندتس ياا قلب ثنيان

الترف وخرت وهي تهوي نفسها : ولله سلامتك

ثنيان: بس !

الترف : يعني

ابتسم ثنيان : زين يالترف اجل دامتس مصره على الطريق اجل ثنيان جيعان

الترف ( يا ويل قلبي ويلاه ) ركضت : افا عليك ثواني بس

نزلت تركض وهي تشوف منيره تحضر لكن قربت من غرفة مي وهي تمشي بغنج ومي اللي انقهرت

بدل ثنيان ونزل وهوالكل اجتمع على السفره

كان ثنيان مبتسم وهو كل شي يرفع راسه يناظر الترف

اما الترف الي كانت اذا تدلع على شوف مي

مشاعل اللي كانت تراقب الحرب ببتسامه ومنيره اللي تحاول ماتركز وتغار

................••............

في بيت ابو ثنيان

رهام اللي تنتظر ان نواف يجيب الصحون هي وفجر بس نواف ابد ماجاء وفجاءه جاء وهو معاه الصحون فاضيه

رهام بصدمه: وين الحلا

نواف : اووه والله كان حلو وخلص

فجر: حرام عليك عمي لها ساعه تنتظر الحلا

نواف : ما عليه اشتري لك شوي

رهام اللي خابت امالها ونزلت العبله بضيق : بس ذا الحلا نفسي فيه

فجر : بعدين اقول لخالي يجيب لنا انا الحين بشوف امي

راحت ورهام تناظر الصحون فزت على رساله ( روحي لشتلات الورد في الحوش الخلفي )

راحت مسرعه وابتسمت اول ماشافت منديل في قطع حلا

ابتسمت وهي تاخذها بفرح

وكان محمد كل ما عطوه حلا حطه في منديله وفي جيبه لما خلصوا وطلع ع اساس الحمام وراح يحطه لرهام .

................••............

اما سيف اللي كان فالمستشفى

وهو ينتظر امل االلي دخلت بولادتها وكان خايف واتصل بدلال اللي جات من عند اهل زوجها :سيف وش فيك

سيف : دلال امل تولد ولادتها متعسره

دلال :زوجتك؟

سيف:ايه

دلال: اجلس اجلس واذكر الله ان شاء الله كل شي يتيسر

راحت دلال تسأل الموظفات وسيف جالس بخوف

................••............

في بيت ثنيان

ثنيان بعد ما تغداء وقف بيطلع وقالت مي :ثنيان انا تعبانه

ثنيان لف بتعب: وش يوجعك يا مي

قبل تتكلم مي قالت مشاعل :مي خذي مسكن ترا وجع بسيط وبيخف

الترف ابتسمت لمشاعل ووقفت : حتى ثنيان تعبان ما نام زين

ثنيان لف يناظرها ببتسامه : اي والله مانمت زين

تلخبطت الترف: ااجل يلا يلا روح ارتاح

طلعت الترف ثنيان ومشاعل تضحك

منيره : وش فيكم ؟

مشاعل : ولا شي

منيره : ثنيان طلع ينام

مشاعل: ايه

منيره : زين تشربين شاهي؟!

مشاعل : ايه ماعندي مشكله ، شوفي مي

منيره :مي تبين شاهي

مي بغضب:مابي بطيخ

................••............

في غرفة الترف

اللي تورطت ما تدري الحين وش تسوي بثنيان ابتسمت : اييه عاد من اليوم بدا النظام اجل خلاص روح لغرفة منيره

ثنيان ابتسم : وانتي خليتي فيها نظام

الترف: الله يستر عليك خلاص تغديت وخلاص

ثنيان دخل غرفة الترف وهو يدخلها قبله : ابد قلتي الطريق لقلبي بطني وطال عمرتس شبعتيني الحين وصلتي

الترف صدعت ( يا ليل ذا الرجال ما ينعطى وجهه ) : اييه حمدلله على سلامتي جاء دور منيره

ضحك ثنيان على ارتباكها وقرب وهو يبوس خشمها : اجل لا تعصبين اذا غيرك دخل بالطريق

الترف ( يالليل ) مسكت ذراعه وهي تحسب بيروح لمي : يارجالل االله يهديك بس ما ينمزح معك

ثنيان طارت عيونه بصدمه وخرت الترف بزهق : يوووه ياخي انت مخك من وش يتكون كل شي تفهمه غلط انا اقصد نم تعبان انت يلا نام

ثنيان انفجر ضحك وهو ينسدح : الحين انتي وش تبين بالضبط

الترف اللي جت وهي تلحفه بغضب : ابيك تنام نام

ثنيان سحبها وهو يدخلها معاه : اجل نامي معي اذا تبيني ما اروح

الترف بهمس : يا شينك اذا عرفت لك شيً

ثنيان: وشو

الترف : سلامتك

ابتسم ثنيان وهو يغمض دخل بنومه يعتبرها اطلق نومه في عمره ما صدقت الترف انه نام ونزلت وهي مبتسمه بإنتصار

شافت منيره ومشاعل جالسين يتقهوون وعمر ومحمد يلعبون بلاستيشن

اخذت الترف فنجالها وجلست مع عمر ومحمد : ترا بتعلموني عشان اللعب معكم

محمد : انا بعلمك

الترف : يلا

عطوها وهم يلعبونها

مشاعل: اقول بنات وش رايكم نروح شوي لخالتي ام ثنيان مسكينه ودي اغير جوها بعد سالفة بندر

منيره : اي والله حتى انا بشوف ثريا

الترف ما عطت اهتمام لبندر وقالت : ايه طيب معكم انا

منيره: اجل بنام شوي واقوم اطلب اشياء ناخذها

مشاعل: لا تكفين منيره اشتهيت فطايرك مره

منيره: ابشري

مشاعل ابتسمت : اجل انا بعد بنام

قاموا كلهم والترف اللي تلعب هي والعيال وقامت بعد ما تعبت تجيب مويه ومرت وشافت مي جالسه ابتسمت ورجعت : مي كيف بالله تتحملين جروح وجهتس

مي: وش دخلك انتي خليك بنفسك ياسويده

ضحكت الترف: افا عليييتس منتبهه لنفسي مره بعد لدرجة اني حاولت فووق انه ينزل يشوف اذا فيك شي تحتاجين شي وابد يقول لا فكيني من ذا النكديه

مي : ههههههههههههههه ثنيان يقول عني كذا حبيبتي بدري علييك توك صغيره على الكذب

الترف : صح واالله كيف ما اتعلم من خبلة تكسر المرايه على نفسها عشان تبعد ثنيان عني لكن حبيبتي راحت عليتس ثنيان معي ولا عاد تحلمين فيه

ضحكت وطلعت وهي تسمع صراخ مي وهواشها ( بدري علي هاه اوريتس من اللي يعرف يلعب )

.................••...........

. المغرب في بيت ابو ثنيان

بلغتهم منيره انهم بيزورونهم وطبعا ام ثنيان اللي كان جالسه وهي تقول بغضب : لايكون بيجيبون هالسويده معهم

رهام: يمه الترف بتجي بعد ولا تقولين سويده حرام

ام ثنيان : حرمة عليها عيشتها من يوم تزوجها ثنيان وهو صاير لا يجينا ولا ينشاف حتى

رهام : يمه ثنيان مشغول وانتي تدرين

ام ثنيان : اقول اص

جات فجر : سلام

ام ثنيان: فجر وين امك

فجر : ما بتجي يا جده

دخل نواف ومعاه حلا : رهاموه خذي هذا لك لا تموتين

ابتسمت رهام : مشكووور

ابوثنيان: وين تأخروا هذولا

فجر: بيجون اكيد

................••............

في بيت ثنيان

ثنيان اللي صحى بعد طلعة الروح ونزل شافهم جاهزين وينتظرونه

الترف : زغرطوا يا بنات ابشركم قام

ثنيان ابتسم : خير ان شاءالله وش ذا القلق

منيره وهي تعطيه كوب شاهي يصحصح به : ابد بنروح لخالتي وقلنا ننتظرك تصحى ولا رضيت تصحى

ثنيان وهو يشرب الشاهي ويناظر الترف : مب مني والله تعبان

مي : انا مابروح تعبانه

ثنيان: تجلسين بلحالك

مي : ايه

مشاعل : يلا اجل

طلعوا كلهم ثنيان يمشي وهم وراه لكن الترف اللي كانت تقدم وهي تسابق خطوات ثنيان اللي انتبه لها وصار يسابقها وهي تضحك ودخلوا معاه عمر ومحمد بعد يسابقونهم بالخطوات

................••............

في المستشفى

سيف اللي جاته دلال ببتسامه: مبروك يا سيف جالك ولد

سيف : والله يا دلال

دلال : والله

سيف : حمدلله ياربي وامل

دلال: امل بخير بعد وهذا هي في الافاقه

سيف سكت بفرح لكن قال : دلال لازم نبلغ ابوي

دلال : خلص اوراق امل وبعدين نروح نقولهم

سيف : زين اجل

................••...........

في بيت ابو ثنيان

ثنيان وصل ودخل وهو مبتسم وهو يسلم على اابوه وراح يسلم على امه الصاده : افااا وش فيتس زعلانه يا ست الكل

ام ثنيان لفت : وش ذا الحكي تكلم مثل الناس

نواف : لا والله يازينها السين ياليتنا نحكي بها بعد

ام ثنيان : نوافوه

ثنيان: المهم ليه زعلانه علي بعد

ام ثنيان: انت ماتستحي على وجهك بيت ابوك بعد بيتين عنك ولاا نشوفك ما تستحي ما تنتخي !

ابو ثنيان: اي والله انت وينك لك يومين

ثنيان : والله ما نسيتكم لكن راسي مفتر وتعبان ويادوب استقريت الا وتتعب مي بعد

ام ثنيان: عساها لا سلمت

ثنيان: يمه الله يهديك ما يصير

الترف بهمس لمشاعل: شكل حتى الخاله ما تطيقها

مشاعل: ما احد يطيقها بس عاد لزقه مب راضيه تطس

الترف : اصبري اذا ماطسستها لتس

مشاعل: اللله يقويتس

ام ثنيان: اها بس من بكره تجي مثل المسلمين

ابو ثنيان: وش بها مي

ثنيان : انفجر عليها القزاز

مشاعل بهمس : يقتلني ثنيان هالمره بذات انهبل وصار يصدق قبل لو نموت ما يصدق الا اللي يشوفه بعينه

الترف : معميته الله يعميها

رهام : وش تحشون انتم

مشاعل: ولا شي

ابو ثنيان : لا اله الا الله كيف كذا

ثنيان: الحراره بالغرفه وشكلها ضغطت عليها

نواف : عساها سلمت

ثنيان : لا ما عليها طيبه ، الا سيف وينه

ام ثنيان: مثلك عند سلقته

غمض ثنيان وضحك نواف : ياربي لك الحمد ماعندي سلقه

ام ثنيان: انت لحالك سلقه مايبي لك سلق

ثنيان ضحك : من مزعل ام ثنيان اشوفها مب مخليه احد

ابو ثنيان: ليه هي متى رضت

انفجر المجلس ضحك وردت ام ثنيان : واللي يعرفك يعرف الرضا

وقف ثنيان : اوووه لا لا بتصير حاميه هدو اللعب يا جماعه

دخلت رهام وهي تصب القهوه بضحك بعد ما تقهوى ثنيان رفع جواله لما جاته رساله من الشرطه بمعلومات الرقم طلع وهو يدق على محمد

محمد : هلا ثنيان

ثنيان: محمد وصلت معلومات الرقم ودك تجي انتطرك وافتحها

محمد : انت تعال ابوي تعبان مقدر اخليه

ثنيان: افا ليه

محمد : مدري كتمه

ثنيان: زين اجل مسافة الطريق

................••............

وعند سيف ودلال وصلوا بيت ابو ثنيان

ودهم ان كل واحد يقول عن الثاني

دخلوا وهم يسمعون الضحك والسوالف مختلط بهواش ام ثنيان

دخلت دلال: سلام عليكم

الكل رد وهم مستغربين

ابو ثنيان: دلال وش فيك وش جابك

دلال: مافيني شي جيت مع سيف بيقولك شي

ام ثنيان: ان شاءالله طلق هالسلقه

سيف دخل وهو يبوس راس امه وابوه وجلس بضيق : يبه يمه ابشركم زادكم الله حفيد

عم الهدوء وهمست الترف: ثريا حامل

مشاعل : لا طلع متزوج عليها

الترف: اوووه

ابو ثنيان كان صامت لكن ام ثنيان انفلتت وهي تهاوش : من زين بشارتك الله لايبشرك بخييير جاي تعلمني بولد ال ... ماتستحي على وجهك

ابو ثنيان بغضب : فوق انك تارك ثريا وبنتها لا وكيل ولا رقيب جاي تبشرني ! ماكفاك اللي صار في بندر كملت دربك ومشيت حتى ابوك وامك تمرهم وتعداهم ماترد السلام

سيف : اوووه انا جيت اعلمكم ماجيت اطلب شور احد

ابو ثنيان : هذا الكلام لي ياسسسسيف

سيف : اللي لازم تعرفونه عند كم حفيد جديد وغيره مانيب قايل شي

ابو ثنيان: اجل انقلع من بيتي بيتي واسمي يتعذرونك يا قليل الاصل

نواف : يبه تعوذ من ابليس الله يخليك

دلال: يا يبه اذكر الله

سيف : زين يبه زين اعرف ان اخر يوم يربطني بكم هاليوم

ام ثنيان : باللي ما

سكرت فجر فمها ببكى: لا يا جده تكفين لا تدعين عليه

طلع سيف بغضب وانتشر التوتر في كل مكان

وفجر طلعت وهي تبكي ولحقتها رهام : فجر حبيبتي تعالي

فجر: ياربي ليش انا ربي ابتلاني بهالناس ليش

رهام : تعوذي من ابليس

الترف طلعت وهي تقول : فجر لا تخافين بيفرجها ربي

................••............

في بيت ابو محمد

ثنيان اللي وصل لمحمد ودخل وهو يسلم عليه وعلى عمه وجلس : جب الابتوب

محمد : ليه

ثنيان: عشان بعض المعلومات لازم لابتوب

محمد جابه وهو بس ينتظر لحظة النصر وجلس جنب ثنيان اللي دخل وهو يفتح ايميله ويفتح الموقع وهو يكبر ويكبر

محمد : وين هذا !

ثنيان: كأنه قريب من بيت اهل عبدلله الله يرحمه ( زوج دلال )

محمد : مدري ناسي بيتهم اصلا

ثنيان دخل على المعلومات وهو يتصفح الاسماء والرسايل واتسعت عيونه وهو يركز بالرقم

محمد عرف رقم رهام : وش فيك

دخل ثنيان يشوف الرساايل المرسله ورفع واسه لمحمد للي سحب لاب : وش ذا

ثنيان : عطني جوالك

محمد طلع جواله العادي وعطاه فتح ثنيان الرسايل كان نفس الرسايل ولكن شاف نفس الرقم مرسل لرهام كلام عن محمد

محمد : من ذا وش يخربط وش يقول

ثنيان: مدري مدري

دخل يحوس بباقي المحادثات وكانت كلها تحريض بتحريض

ثنيان دخل على الصور لكنه هالمره دف محمد لماشاف الصور

محمد رجع ورا بقوه وهو يشوف ثنيان احمر وجههه وهو يحرك الفاره ودخل ثنيان على الايميلات وكانت كلها لشوق

وقف ثنيان بغضب وهو يضرب الابتوب فالجدار وطاح الابتوب وتكسر ثنيان لف

لمحمد : من متى هالرقم يرسل لك

محمد : من شهور ليه من ذاا الرقم

سحب ثنيان جوال محمد وطلع وابتسم محمد وهو يلحقه لكن ثنيان طار

رجع محمد بفرح وهو يدق على رهام وردت بخوف

ثنيان : رهام ثنيان عرف الرقمم اللي يرسل وشاف رسايله لك كل شي لي عندك خبيه واحذفي رقمي هذا وكل شي يتعلق فيه وانتبهي على نفسك ولا تخافين

سكر وترك ورهام مرعوبهه وبسرعه رهام اخفت كل شي وهي تحاول تهدا قبل يجي ثنيان يذبحها

.................••............

عند ثنيان اللي ركب وهو يسب ويلعن دق على دلال اللي ردت : هلا ثنيان

ثنيان: وينك

دلال : في بيت ابوي

ثنيان: وش تسوين في بيت ابوي

دلال: جيت مع سيف

ثنيان: بناتك وييين

دلال : في بيت اعمامهم

ثنيان: وشوله جيتي وخليتيهم في بيت الزفت

دلال: ثنيان وش فيك وش صاير

ثنيان: دقي عليهم يطلعون بسرعه انا عند الباب

دلال : ثنيان لا تخوفني تكفى وش صاير

ثنيان: اقووووولك دقيييي

قفل دقت دلال ووقف ثنيان بغضب وهو يمسح على لحيته بغضب

طلعت نوف وهي مبتسمه وركبت قدام : حي للله خالي الحلو

ثنيان بغضب : هلا وين اختك

جات شوق وركبت وهي ساكته وتحرك ثنيان ولكن ما قدر يسمك نفسه وسحب العقال المعلق وقف على جنب ولف وهو يضربها ضربه طلعت اللي بقلبه وصرخت شوق ونوف مع بعض وسحب ثنيان شوق من حلقها وهو يكتم صوتها: اصبررري ماجاك شي اصبري اقطعي صوتك لاقطع عمرك

نوف : خالي وش فيك خالي

ثنيان: انكتممممي

نوف سكتت وهي تبكي وشوق اللي كانت تشهق بصدمه وبكي

وصل ثنيان مثل الطياره للبيت ودخل وهو يسحب شوق ونوف وراها تبكي ركضت دلال وهي تصرخ : ثنيييييان وش تسوي

وخرها ثنيان اللي كان حرفيا في ذا الوقت اقل مايقال عنه وححشش

طلع ثنيان من بين الكل وهو يسحب شوق الكل يناظر ثنيان مصدوم وقف ابو ثنيان اللي يقوم ويطيح وراهم ونواف ودلال ركضوا لكن قفل ثنيان الباب وهو يرمي شوق : طلللعي الجوال ياحيوووانه

شوق وهي تبكي : من سمححح لك تمد يدك علي يامتخلف

ثنيان عطاها كف وكفين وهو يصرخ:طلعي الجوال

شوق : ماعندي شي اطلعه لك يامريض

طاح ثنيان فيها ضرب ضرب وضرب وهويحسب الجوال : افتحيييه

فتحت وهي متكسره وفتح ثنيان وهو يشوف وانجلط زياده وهو ينزل فيها ضرب كسر نواف الباب وهو يدف ثنيان : وش فيك وش صااااير وش صاير

ثنيان : وخر وخخخر

دلال ركضت وهي تحضن شوق : وش سويت فيها ثنيان حسبي للله ونعم الوكيل ما تخاف من ربك تطق اليتيمه

ثنيان : اي يتيمه ايييي يتميه هاليتيميه ما خلت شي ماسوته

نوف : نواف اركض لجدي انخفظ ظغطه

تركه نواف وركض تحت وجات الترف تركض وهي ماتدري وش فيه ثنيان انقض على شوق من جديد ووقفت الترف وهي تحاول تبعده: ثنييان وش فيك ثنياان

دلال: وخر عن بنتي

ثنيان رمى الجوال على دلال: شوفي اليتيمه وش تسوي شوفيها

الترف : ثنيان تعال تكفى اطلع اطلع

دفها ثنيان : اقول وخري انتي

دلال ناظرت وهي مصدومه من رسايلها لمحمد انها تحبه وتبيه واتهاماتها لرهام شهقت دلال بصدمه وهي ترمي الجوال على ثنيان : خاف الله يا ثنيان لا ترمي بنتي بذا الاتهامات

ثنيان : بإي مصلحه ارمي بنتك بذا كله اسأليها وشوفي

ام ثنيان اللي تو وصلت : ثنيان وش تسوي انت وش تسوي

الترف : ثنيان تكفى اطلع تكفى امك يا ثنيان لا تعبها

ثنيان : واللله واللله يا حيوانه لاربيك والله

دلال : وخر يا ثنيان وخر

سحبت الترف ثنيان بقوه وهي تترجاه

ولف دلال : شوق وش ذا يا شوق

شوق وقف وهي تبكي وتصارخ : ايييه يمه ايييه عشان تعرفين تعطين كل شي لرهام وبنتك ما تدرين عنها عشان انا ابي اعيش حبي للي ماتعرفونه

دلال شهقت بصدمهه

الترف الللي ماصدقت طلعت ثنيان الا سمعها وانطلق وهو يدخل وسحبها وطقها لين طاحت مغمى عليها

لف وهو يصرخ: ما يجلس معها اي جوال واي زفت ولا تطلع من ذا الغرفه وان طلعت طلعت روحها

جاء نواف بعد ما استقر وضع ابوه : ثنيان وش صاير

ثنيان: نواف اسمع لا تطلع ذا الكلبه من هنا لين اقولك

دلال وقفت بعد مارجعت شوق لوعيها وهي تبكي وطلعوا وقفلو الباب على شوق بعد ماخذوا كل شي

ثنيان : كل زفت لبيته يللا

في ثواني خلا البيت الا الترف اللي رفضت تروح

وقف ثنيان قدام امه وابوه وهو ينادي رهام اخذ جوالها وهو يقلبه فوق تحت ما حصل شي

وصرخ: ليه ماقلتي لي عن الرقم

رهام : اي رقم

ثنيان : لا تستهبلين الرقم اللي كان يزعجك

رهام : مدري حظرته ونسيته

ثنيان : اسمعيني زين اي شي يوصلك تبلغيني فيه

رهام : طيب

نواف : ثنيان وش فيك

وقف ثنيان بغضب وهو يشرح كل شي وختم كلامه بقول : لو تطلع او ادري ان احد عطاه شي غير اكلها والله لذبحها

نواف اللي عصب: كنت ادري ان جلستها على ذا الزفت مابتجيب خير

ابوثنيان: محمدد عرف مين هي !

ثنيان: لا

ابوثنيان: سكر الموضوع وينتهي هنا لا احد يدري ولا يطلع خبر

دلال: شو بتسوون فيها يبه

ابو ثنيان : عمها اللي كان مزعجنا بياخذها ياخذها عنده

نوف اللي كانت منهاره تبكي : بس انا مابي اروح

ثنيان: من قال بتروحين انتي بتجلسين وهي تذلف

ام ثنيان: ياربي وش ذا المصايب

ابو ثنيان : يندفن الموضوع ويخلص تطس مع عمها وتنقلع من هنا

ثنيان : نواف انت مسؤول

طلع ثنيان وهو يضرب كل شي يواجهه كانت الترف فالحوش تسمع وهي منصدمه وشافت ثنيان جاي وقربت : ثنيان فيك شي

ثنيان: لاااا ارجعي البيت

الترف : وين بتروح

ثنيان: باللي ما يحفظني

الترف : بسم الله عليك وش تقول انت هونها وتهون

ثنيان: ارجعي البيت يلا

راح معها لما دخلت وهي مقهور ويحس قلبه بينفجر من القهر

.

.

انتهى البارت

«البارت التاسع والعشرين»

.

.

في بيت ثنيان المغرب

نزل ثنيان ومشاعل ومنيره اللي ماتدري وين تناظر بالضبط تشيل هم مشاعل ولا الترف

جلسوا ونزلت مي معاهم للقهوه

مشاعل: وينها الترف

منيره: محمد يمه روح نادها للقهوه

ثنيان : لا لا خلوها تنام تعبانه

مشاعل: لا فيها شي

منيره هنا طاح قلبها وتوقعت الترف ممكن تكون حامل لكن قال ثنيان : لا مافيها شي بس ما نامت زين امس

ثنيان يقصد زواج اخوها وهم ماعندهم خبر منيره ومي طارت عيونهم بغضب ومشاعل انتبهت لهم وابتسمت وهي تدري ان زواج اخوها امس وهي تقول بنفسها ( حمدلله ياربي اللي بردت غيرتي عليه وطمنت قلبي )

تقهوى ثنيان وطلع لعجاج

.................••............

في حارة عجاج

كانوا عندهم مثل الليله او العاده ان في يوم من الايام يكون فيه عشاء جماعي لكل الحاره وكل واحد يجيب معاه شي وثنيان عارف هاليوم وجاء وهو جايب معاه بعض الاشياء

عجاج: كنت متوقع انك مابتجي

ثنيان : وافوت ذا الجمعه معصي

عجاج : زين

ثنيان: كأنك معصب

عجاج : ايييه معصب ياخي

ثنيان: اوف اوف وش فيك

عجاج: ياخي معاد بروح معك لذيك الديره المشؤمه

ثنيان: اي ديره وش بك انت

عجاج من امس الساعه 12 لين الحين مرت 18 ساعه وانا اعاني من صداع فجر مخي بسبتك انت وهالسمراء وهالخبله اللي عندهم حسبي للله عليكم كلكم

ثنيان ما فهم شي : عجااج اخذذ نفس واشرح زين

عجاج جلس وهو ماسك راسه : ابد ذابحتني الفزعه والنخوه فازع معهم بودي الصحون مدري وش لقفني اوديها لا هو زواج اخوي ولا ابوي ولا لي فيه صله لكن وش ؟؟اللقافه ياعجاج

ثنيان : وش صحونه وش تخربط

عجاج: وديت صحون العشاء مع عايض وقال حطها بالغرفه ورحت الغرفه ... قال السالفه وختم وهو يرفس ثنيان : فالاخير طلعت خبله من مخبلهم تحسبني ذيب مدري جني جعلها بالسكني اللي يفتر بها لين يفتر مخها مثل مافرت مخي

ثنيان اللي كان يسمع بهدوء وفجاءه انفجر وهو يضحك بكل صوته وعجاج يناظره بقهر

ثنيان :ههههههههههههههههههههههههههههههههههههههههههههههههه ههههههه من قلت لي نوره تقول

عجاج : ايييه يا تبن

ثنيان :ههههههههههههههههههههههههههههههههههههههههههههههههه ههههههه والله ما اخبل منك انت وياها الا عايض

عجاج:وش اللي يضحك اقولك فجرت مخي فجرته

ثنيان وقف وهو يبوس راسه: بسيطه يالخال ما خبرتك دلوع الله يرحم حال السطوح اللي تطيح منها ولا عليك الحين فرقت على صحن

عجاج: وش دخل السطوح

ثنيان : ولا عشااان بنت طقتك سويت سالفه

عجاج: الشرهه مب عليك

ثنيان : مليون ٪ عليك الشره تدري ليه لانك جالس تناقشني بضربه بسيطه حتى ماطلع لها دم ولانك بعد تناقشني في ناس احبهم يعني عندي ضربهم مثل العسل ولانك مسوي سالفه على موضوع تافه

عجاج وقف وهو ياخذ صحن فاضي وخبط ثنيان به بكل قوته ومسك ثنيان راسه بألم : وجععع

عجاج: لا تناقشني الموضوع تافه

عيد : خير وش بلاكم انهبلتوا تصفقون بعض

سالم بضحك: عادي عوايدهم

ثنيان رمى الحذيان على عجاج وهو ماسك راسه

وجاء ابو سعيد: الحييين ثنيان انت حريمك 4 وجايب من المطعم

ابو سالم : وشوووله الخساير ماتقدر تقول اطبخوا

ثنيان: يا رجال وش بلاكم على حريمي الله لا يعيدها ساعتن دريتوا بهم

ابو حمود : اي وولله وحنا صادقين وش عذرك

ثنيان : اول شي اذكروا الله كلكم مالي خلق اطلق

الكل : ماشاء الله

ثنيان: والله انا ناسي عشاكم وقالي عجاج وانا جاي ولا عاد معي وقت مريت وجبت لكم عشاء وصل ولا لا

ابو سالم : وصل

ثنيان: اجل سموا بالرحمن وكلوا مالكم باللي سواه

تجمعوا الكل على الفرش والكل ياكل ويتعشى ومبسوطين وعجاج اللي نسى وجعهه وراح يطقطق مع ثنيان والباقين

وبعد ما خلصوا جاب عيد العود وتجمعوا

وقال عيد : وش تطلبووون

عجاج : بالله جب لنا شي حزييين

ثنيان: وشو حزينه لا يا حبيبي جب شي فالمخ بلاش حزين وحزن مكتأبين خلقه

ابو حمود : جب شي قديم ياعيد

عجاج : تكفى يا عيد غن من بادي الوقت وهذا طبع الايامي

ثنيان : اقول اقعد يارجال عيد غن لنا على ذكر اللقاء مريت اسلم اهداء لسمر

الكل : ايه ايه

عجاج : الله لا يعطيهم العافيه يوم زوجوك

ثنيان مارد وهو يدندن مع عيد ولف يدق رقبه لعجاج ويضحك: يا اسمر لنا الله

................••............

في بيت ثنيان

عند الترف صحت ونزلت وهي تقول : الله تقهوون وما علمتوني

مي : اييه نايمه بالعسل

الترف : خليتس على جنب ما حكيت معتس

مشاعل: بغينا نصحيك ووقال ثنيان لا تعبانه خلوها تنام

الترف جلست : اي والله تعبانه مره

منيره: سلامات وش متعبك

الترف ابتسمت : صبي قهوه وبعلمتس الحين

رهام ونوف وفجر اللي دقوا الباب وفتح محمد دخلوا : سلام

وقفوا الكل يسلم وهم يعبرون لترف عن شوقهم لها

صبت منيره وقامت الترف تسولف لهم عن الزواج وواللي صار والكل كان مذهول ان ثنيان يرقص عند الحريم ! والكل صار يضحك على مقلبها الصبح فيه وعلى رده الغريب عليها

الكل كان عادي بس منيره اللي حست ان قلبها احترق لكن قالت بنفسها ( يا رب طمن قلبي يارب وفكني من ذا الغيره )

مي وقفت بغضب : من زين سالفتك تقولينها انتي وش قصدك هاااه ! تبين تورين انك مشيتي ثنيان على كيفك

رهام : نعععم وش فيك من قال انها مشته على كيفها وبعدين من زمان الكل يدري ثنيان يحب الرقص والمقالب لكن جيتي انتي وكتمتي على انفاسه

مي : انااا كتمت على انفاسه ؟ اقول وخري بس واطلعي معها لكن هين يا سويده ان ما قلت لثنيان كل شي وعلمته وشلون مستحقرته ما اكون مي

الترف : اقول انتي هييييه ابلعي لسانتس احسن لتس تراني احاول اتغاضى عنتس عشان خاطر ثنيان وعشاني وعدته ما اتعب نفسي ولا اقلق راحتي لا تخليني اخلف وعدي واتوطى ببطنتس وتعرفيني ما اعرف اقول يا ثنيان، امسكتس انا واحوس وجهتس وان كنتي ناسيه نذكرتس

الترف كانت تصوب في اكثر من جهه منها تهدد مي علني ومنها تصرح ان ثنيان يدور راحتها وهي هالكلام خصيصا توجهه لمنيره

مشاعل اللي كانت مبسوطه ومتفاهمه جدا مع الترف وعادي عندها

نوف : يرحم امتس يا مي خليتس في نفستس نبي نستانس مالنا خلق

الترف ضحكت لنوف : الله عليتس يالسييين

نوف : اعجبتس

فجر اللي كانت ساكته وباين حزنها والباقين يسولفون

منيره اللي اول ماسمعت كلام الترف صدع راسها ( ايه ثنيان كان يخلي منيره توعده انها ما تعب نفسها لكن هذا لما كانت حامل ! ) انهبلت وهي توقف : انا بسوي العشاء

الترف : اجل بنساعدتس

الكل قام معاها ومشاعل اللي كانت تساعدهم وهي جالسه ..................••............

وعند ثنيان

الليي بعد ما انتهت السهره طلع هو متجهه لبيته دخل وهو يسمع اصوات وضحك راح للمطبخ : ماشاء االله ماشاء الله الكل هنا

وقفت فجر وهي تسلم عليه وهالمره ثنيان سلم عليها بحراره : كيفك يا فجر كيف امك

الترف بإستغراب ( امها ، وين اللي يكرهها ) ماكان لترف خبر بسالفة بندر والكل سكت بضيق

وقالت فجر: ابد حابسه نفسها بغرفه وعلى سجادتها

ثنيان مع انه مايطيق ثريا بس مهما كان حزين على وضعهم : الله يعين

ثنيان: وابوك وينه يجي ولا لا ؟!

فجر : يجي ويروح

ثنيان : لا اله الا الله

منيره: ثنيان العشاء جاهز تبي تتعشى

ثنيان : لا لا تعشيت مع عجاج تعشو انتم بالعافيه

رهام : نقنق معنا

ثنيان: بالعافيه والله مره شبعان! وين العيال

مشاعل: بغرفتهم

طلع ثنيان لهم وهو من زمان عنهم ومن زمان ما جلس معاهم

وبعد العشاء راحت الترف وهي تفرش بالحوش وتجهز الشاهي والمكسرات

رهام: وش تسوين

الترف: بنكمل الجلسه هنا انا اما احب اجلس بالبيت

نوف : بس امي تقول تعالوا

الترف : اصلا قولي لامتس تجي

نوف : والله ما تجي بذا الوقت اصلا ما رح تخلي شوق بلحالها

الترف اللي ماتطيق شوق لكن قالت : خليها تجي هي وشوق

رهام: ما بتوافق

الترف : ماعليتس خليها علي

طلعت الترف وهي تنادي منيره ومشاعل يجون وطلعت لغرفة العيال فتحت وهي تشوف ثنيان اللي يلعب معاهم بلاستيشن

وقف قدام التلفزيون ببتسامه ووقف ثنيان: وش بلاتس وقفتي كذا وخري

الترف : حولت عيونكم من ذا قوموا تعالوا معنا

عمر:وين

الترف : بنسهر برا

محمد : بس نبي نلعب

ثنيان بانزعاج: وخري وخري لا تخسريني

الترف لفت وهي تفصله ببتسامه وقف ثنيان بغضب : انهبلتي انتي

الترف : لا بس حرام شوف عيونهم كيف هذا وهم وراهم بكره دراسه

ثنيان اللي كان بيهاوش بس تذكر وهو يناظر الساعه: صح صح قوم يلا يلا ناموا تأخر الوقت بكره تلعبون

محمد : مافينا نوم

ثنيان: اقول يلا بس

قاموا وهم زعلانين وندمت الترف : يعني دام مافيهم نوم خلهم يلعبون شوي

ثنيان لف بغضب : لا والله

الترف : يعني

ثنيان : اقول يلا بس وانتم يلا

طلع ثنيان بعد ما طفى النور وطلعت الترف : ثنيان ثنيان اسمع

ثنيان لف : من سمح لك تفصلين اللعبه

الترف اللي تورطت : امزح

ثنيان: لا والله

الترف ضحكت بورطه : لاوالله ما امزح بس يعني عشان تتعب عيوونك شوف كيف صارت حمرا حرام والله عيونك حلوه

برد ثنيان وهو يبتسم بخقه : والله

الترف ( يالليل الحين وش يفكني ) : اااه ليه نسيتني اسمع كنت ابييك تدق على دلال تجي تسهر معنا

ثنيان لف بملل :وش جاب دلال الحين كنتي ماشيه صح

الترف : المهم كلمهم وقلهم حتى شوق

ثنيان : طيب

الترف : يلا اسبقني وبلحقك

اخذ ثنيان جواله وهو يدق على دلال اللي استغربت العزيمه بس قالت طيب

والترف رجعت لغرفة محمد وعمر

الترف: قوموا بكلمكم

محمد : وش فيك

الترف : اسمعوا معكم ساعه ألعبو لين تشبعون وتقفلون وانا ماني مخليه ابوكم يدري بس لا تطلعون صوت

عمر وقف بفرح: ووالله

الترف : والله بس بدون صوت

محمد : بس اخاف ابوي يدري ويعصب

الترف : ماعليك عندي واذا عرف انا ادبركم

محمد ركض وهو يشبك البلاستيشن وطلعت الترف وهي تضحك ونزلت : ما جت دلال

نوف : لا طلع خالي برا ينتظرهم

اخذ الترف عبايه رهام ولبستها وطلعت وهي تشوف ثنيان واقف قربت ووقفت : ما جت

ثنيان: بسم الله الرحمن الرحيم وش جايبك انتي

الترف : بنتظر معك

ثنيان: ليه بياخذني حرامي

الترف : انت ما ينخاف عليك من الحرامي ينخاف عليك من الحريم

ضحك ثنيان : الله يقالك تخافين علي من الحريم

الترف : يعني نسوي واجبنا من ناحية انك رجلي

ثنيان : يصير خير على طاري الواجبات

جات دلال : وش فيكم واقفين هنا

ثنيان: ننتظركم

سلمت الترف عليها: وين شوق

دلال : نايمه

ثنيان : زين ادخلي

دخلوا وجلسوا والترف اللي كانت تصب الشاهي

ثنيان: مي وينها

منيره: فوق الظاهر

ثنيان: ليه مانزلت

منيره: مدري

وقف ثنيان واتجهه لغرفة مي طلع فتح الباب وهو يشوفها تتجهز بتنام

ثنيان : وينك ما نزلتي تحت

مي : وين انزل

ثنيان: ما بتسهرين معنا !؟

مي : ما دريت اصلا وحتى لو دريت نزلت ولا مانزلت وش يفرق

ثنيان جلس مقابلها: وش ذا النبره وش ذا الكلام ! كيف وش يفرق

مي اللي نزلت راسها بكيد وهي تمثل الضيق : اللي يهمك وجوده منيره اللي ماتبيها تضيق ولا تزعل ومشاعل اللي لازم تكون قدامك عشان تشوف مرتاحه ولا لا والترف اللي تاخذ منها وعود عشان ما تتعب نفسها ولا تزعل

لكن مي اللي كل ما تضايقت طلعت حرتك فيها ما تلزمك في وقت وناستك

انصدم ثنيان من كلامها يعني ما عمرها تكلمت كذا معاه

ثنيان رفع راسها: افا يا مي وش ذا الحكي انتي غاليه علي ويهمني وجودك اكيد كيف تقولين كذا اصلا كيف تفكرين كذا صح ان احيان تطلعين بحركات تستفزني بس مهما كان احبك واغليك ومستحيل اني ارضى زعلك انتي بعد زوجتي وحبيبتي

مي : ايه تلعب علي وتسكتني لكن الفعل غير

ثنيان : مي انا اقول وافعل لا تجبريني ازعلك وانا مابي ازعلك

مي : خلاص طيب

ثنيان: يلا قومي انزلي معي واتركي ذا التفكير وجربي تصفين نيتك وتسمعين كلامي ولا تسوين مشاكل وتعرفين وش كثر احبك

وقفت مي وهي متعمده تستعرض بلبسها قدام ثنيان اللي كالعاده طارت عيونه بها : ابشر وانت معك حق بس ابدل لبسي تعرف مقدر انزل فيه قدامهم

ثنيان اللي كان يناظر فيها بنفس نظرة الاعجاب اللي عرفتها مي منه وقف وهو يمسح وجهه : يلا انا بسبقك

نزل ومي متوقعه الا متاكده انه الليله بيرجع

.................••............

نزل ثنيان لهم وكملوا سهرتهم وسوالف وضحك وناسه والوقت يمر وثنيان جالس يراقب الترف وسوالفها وكيف انه عمره ماشاف زوجاته وخواته جالسين كذا وبذا الوقت ويسولفون ويضحكون بذات وهو موجود

دلال : خلاص يالترف الله يسعدك موتينا ضحك خلينا بنروح لا تصحى امي وتخاف

الترف : تونا بدري

دلال : اي بدري الساعه 2 خلاص .

رهام :من جد حتى اني ما قلت لامي اني طلعت

ثنيان: اجل يلا قبل تصحى

وقفوا كلهم وراح ثنيان يوصلهم والترف اللي شافت منيره بتجمع الاغراض وسبقتها: لا والله ما تلمسينها انا جبتها وانا بشيلها

منيره: بساعدك

الترف : لا والله خلاص انتي تعبتي روحي ارتاحي

اخذت الترف الاغراض وهي ترجعها لمكانها ببتسامه ومشاعل اللي طلعت بهدوء لغرفتها وهي تشوف مي اللي سبقتها تركض وهي اللي تنتظر ثنيان اما الترف اللي راحت لغرفتها وهي تبدل وتنسدح متوقعه ان ثنيان بينام عند منيره ولا مي فالنهايه كانت كل ما تناظره تحصله يناظر مي بنظرات اعجاب

ارتمت وهي تقول ( بالطقاق يناظرها ولا ما يناظرها انا وش دخلني ) ثنيان اللي كان واقف وهو يناظر في الاربعه الغرف وهو هالليله بذات ما يدري وين يروح

اذا كان بيسمع لضميره فهو بيروح لمنيره واذا بيسمع لرحمته بيروح لمشاعل واذا بيسمع لنفسه بيروح لمي واذا بيسمع لقلبه بيروح لترف

اخذ نفس وهو يستسلم استسلام تام لقلبه

كان شايف حركة رجول مي اللي من تحت الباب باينه وهي تنتظر ومنيره اللي فتحت الباب بشويش وسكرته وهي على بالها مو منتبه لها وهي للي بعد تنتظره اما مشاعل اللي كان شايف انها تعبانه ويدري انها بعد ممكن تكون تنتظره لكن توجهه لغرفة الترف فتح الباب وهو يدري انها ابد ما تنتظره وفعلا حصلها نايمه دخل وسكر الباب وهو يناظرها ( الله يا ثنيان تارك وراك 3 ابواب تنتظرك والكل يدور رضاك وجيت عند ذا المجنونه )

تقدم وجلس وفتحت عيونها الترف: ثنيان !

ثنيان: ايه

الترف اللي بالحقيقه ماكانت نايمه وبالعكس بتموت من الفرح لانه سحب على مي وجاء هنا : غريبه وش جابك

ثنيان : الحين بسألك شي واحد بس

الترف : وشو

ثنيان: ليه ما انتي مثلهم !

الترف جلست : شلون يعني

ثنيان : ليه مب مثل منيره ولا مشاعل ولا مي

الترف اختفت ابتسامتها بغضب : انا ماني مثل غيري حط هذا الشي في بالك انا الترف بنت ابوي لا توقع اني بصير مثلهم

ثنيان اللي كان عنادها نظرتها القويه اختلافها عنهم كلهم يجيب راسه ويخليه يحبها زود : انا ما سألتك انقص في قدرك او قدرهم انا اسألك ليش انتي عندي ماتشبهين احد

الترف ماكانت تدري وش تحدد كلامه سب او مدح لكن قالت : لانك عندي ما تشبه احد

الترف لانها ماتدري هو وش يقصد قررت تجاوب عليه بنفس جوابه ان كان مدح بيفرح وان كان سب بيزعل

ابتسم ثنيان وهو يقرب : تصريحاتك اليوم قويه

الترف ماردت وهي تشوف عيونه اللي هالمره صدق ركزت فيها ركزت بنظرتها للي مليييانه حب اول مره تشوفه لفت بترجع لكن وقفها ثنيان اللي حاوط خصرها بسرعه وهنا حرفياً جمدت الترف ما قدرت تسوي اي شي او تعانده .....فالنهايه استسلمت له كونه زوج حقيقي... 🌚

.................••............

في غرفة منيره

اللي كانت شايفه ثنيان لما دخل غمضت بضيق وهي للحين كانت متوقعه ان الترف ممكن تكون حامل

جلست وهي تعوذ من ابليس وتستغر وتدعي ان الله يطمنن غيرتها ................••..........

في غرفة مي اللي سمعت صوت باب الترف لما تسكر وانهبلت حرفياً انهبلت كان عندها ان ثنيان بيجي عندها وخصوصا نظراته لها ضربت جبينها بغضب : فكري يا مي فكري لازم اطلع ثنيان من عندها لازم لازم وش تسوين يا مي وش بتسوين

طبعا اشتغل الحقد عند مي وهي تفكر وش بتسوي وش بتسوي ومر الوقت وصارت الساعه 3 ووقفت وهي تناظر مراية التسريحه بغضب لما ما حصلت فكره بعدت كل العطورات واخذت اثقل عطرين وهي ترميهم بكل قوتها وفي ثواني تفجرت المرايه قطع قطع وطارت شظايا منه على يدين مي اللي غطت وجهها فيه وصاب وجههها بعض الجروح واخذت العطور وهي تخبيها وهي تصرخ وكان الجروح في يدها كثيييره

صرخت بكل صوتها وهي جالسه بين القزاز

طلعت منيره الللي تركض بكل قوتها وبرعب فتحت الباب وهي مفجوعه شافت مي جالسه وهي تبكي وتصرخ ركضت لها وهي تسمي عليها وتحاول تطلعها

مشاعل اللي صحت هي بعد بفجعه جات وهي مصدومه وصرخت: وش صااار

مي : مدددري مدري نادي ثنيان

الكلل كان ينتظر ثنيان لكن ثنيان مادرى باللي صار

ركضت منيره وهي تدق الباب : ثنييييان ثنييييان

بعد شوي طلع ثنيان بفجعه : منيره وش فيك

منيره: ألحق مي

ركض ثنيان بعد ما سكر الغرفه ومنيره وراه

اما الترف ما كانت تدري وش اللي صاير بالضبط معها عشان تدري وش صاير برا

دخل ثنيان غرفة مي والصدمه ان القزاز بكل مكان ومتفتت صغاار ومي بالنص وجهها فيه دم ويدينها اتسعت عيونه بصدمه وهو يركض لها رفعها بسرعه وهو يبعد القزاز منها

ثنيان: مي وش فيك وش صار وش اللي كسره

مي اللي حضنت ثنيان وهي منهاره تبكي : مدري مدري سمعت صوت وقمت بشوف وش فيه لكن فجاءه انفجر في وجهي انا خايفه يا ثنيان

الترف جات على هاللحظه وهي تشوفه حاضنها ومتجاهل وجود الكل رفعت راسها مي وشافت الترف ابتسمت لها بمكر و اتسعت عيون الترف بغضب وهي مصدومه وش ذا اللي مسويته بنفسها

رجعت غرفتها الترف بغضب

منيره: ثنيان ودها للمستشفى

ثنيان : عطيني عبايتها

اخذها ثنيان وهو يساعدها وقال: اطلعوا من الغرفه وسكروها لين اشوف وش صاير

طلعوا وراح ثنيان ومي اللي تبكي وتتباكى وثنيان المصدوم من اللي صاير وهو متشتت

منيره : كيف صار كذا

مشاعل: مدري يمكن حراره ولا شي

منيره : لا حول ولا قوة الا بالله تعالي بنطلع

مشاعل : غريبه ما صحت الترف

منيره: مدري والله

راحت منيره تتفقد العيال ودخلت مشاعل وهي تناظر الغرفه وصدت بتمشي بس وقفها ان العطور اللي على التسريحه كللللها مب موجوده حتى المكياج وتسريحه مي كانت دايم مليانه عطورات ومكياج لفت تناظر ماشافتت ولا شي متكسر ولا فيه اثر قربت وهي تفتح الدرج وشافتها مرتبه فيه وشافت فيه عطرين متكسره مرميه تحت رجعت وهي مصدومه من مي ( لا يا الحيييه كل ذا عشان ثنيان عند الترف ما انتي بسهله لكن هين )

طلعت مشاعل ورجعت لغرفتها وهي للحين بصدمتها

اما الترف اللي شافت مي وضحكتها وحست نفسها انها انذلت وانقهرت كيف تسوي فيها كذا كل عشان ثنيان عندها وفي مثل هالليله بعد انهبلت الترف وهي ودها تكفخها لكن اخذت نفس وهي تقول ( هييين يامي هيييين انا اوريك كيف اللعب هين )

................••............

في مكان ثاني عند العرسان

سلوى وصالح اللي طلعوا من الديره وهم ناوين ياخذون جوله سياحيه فالممكله وقف صالح بعد ما اخذ فندق في مكه ونزلت سلوى وهي تناظر الفندق ببتسامه وانبهار

صالح : هاه عسى جاز لتس

سلوى: اكيد بيجوز ومالي عيني بعد

صالح : افكر إنا نطلع للمدينه ونسكن فيها بس تعرفين ابوي

سلوى :ما همني اكون بقريه ولا مدينه ولا بجحر المهم معك

صالح ابتسم وهو يجلس : اي والله هذا الاهم

سلوى اللي فجاءه قررت تصير سنعه وطارت لشنطتها اللي كانت ثقيله واطرافها فيه زي الحديد شالتها وهي تحطها فوق راسها ومرت بسرعه ومع الاسف ماقدرت تشيلها اكثر وطاحت على صالح اللي صرخ: اااااه

فزت سلوى برعب وهي تسحب الشنطهه من فوقه وقف صالح اللي كان يحوم وهو ماسك عينه

سلوى وهي تشوفه يركض وتركض وراه: صالح صالح وش صار لك والله ما دريت والله

صالح : اااااه ااااه عيني فقعتي عيني

شهقت سلوى بخوف : والله ما فقعتها طاحت الشنطه مادريت

صالح : من قااااالتس شيليها اصلا

سلوى اللي امتلت عيونها صدمه ودموع : كنت بفزع

صالح اللي كان بيموت من الالم لكن عجز انه يقول شي وهو يشوفها كذا : ليه ياا سلوى انا كنت بشيلها بس برتاح

شهقت سلوى لما شافت عينه انتفخت بشكل يفجع : صاالح

صالح : لبيه

سلوى بكت: عينك صدق انفقعت

فز صالح اللي حس انها بدت تضيق وتظلم وشهق اول ماشاف شكلها بالمرايه

سلوى: تكفى بنروح المستشفى تكفى

صالح اللي حس بدوخه لما شاف كيف مرومه : يلا يلا

نزل وهو يوقف تاكسي وراح هو سلوى اللي تبكي للمستشفى ................••............

عند ثنيان

اللي دخل مع مي الطوارئ وهو يشوفهم يلفون وجهها ويدينها ومي تبكي وسوت مناحه عظيمه ماكان من ثنيان الا انه يحن عليها وتكسر خاطره بعد ما انتهوا اعطوها سيروم وجلس ثنيان وهو يمسح دموعها : مي بسم لله عليك خلاص اهدي انتهى الموضوع بسيطه ان شاء الله

مي : كيف بسيط شوف كيف ملفوفه من كل جهه

ثنيان : لا يا بنت الحلال بسيطه انا شفتها بسيطه انتي لا تخافين

مي : والله خايفه يا ثنيان

ثنيان : افا انا معك ما بيصير لك شيي بس قولي لي كيف صار

مي : مدري والله مدري انفجر فجاءه

ثنيان: الغرفه كانت حاره

مي : ايه

ثنيان: شكلها انفجرت من الحراره

مي : ماعاد بجلس هناك اخاف تنفجر كلها

ثنيان: لا تخافين ما رح ينفجر شي

اانتهى السيروم على اذان الفجر وطلع ثنيان وهو يدق على منيره تفتح غرفة الضيوف اللي تحت وتحط فيها فراش ل مي

................••............

في بيت ثنيان

منيره اللي كانت تجهز الغرفه ومشاعل اللي كانت على الشباك تنتظر وهي تبي تشوف وين وصلت مخاطر كذبه مي

الترف اللي نفس وضع مشاعل بس حاقده من كل قلبها على مي وعلى نظرتها لها وضحكتها شافتهم وصلوا وثنيان اللي راح وهو شوي يشيلها من كثر ما هي لازقه فيه

تكتفت ونزلت ونزلت مشاعل اللي كانت حانه على الترف وهي ما تدري ان الترف اقوى حقدد على مي ومنيره اللي قربت بتمسك مي وقالت : لا لا يديني توجعني

ثنيان كان ساندها عليه مره لما وصلو الغرفه والترف ومشاعل واقفات ينتظرون

انسدحت مي ووقف ثنيان بيبعد وتمسكت فيه : ثنيان تكفى لا تروح خلك معي انا خايفه

مشاعل والترف لا شعورياً ناظروا بعض بإشمئزاز

ثنيان : لا لا مانيب رايح بجلس

منيره: سلامتك يا مي وش قالو لك

ثنيان: جروح بسيطه لفوها وامورها بخير المهم افتحوا تكييف الغرف كلها لا يحتر البيت وتنفجر بعد وحده ثانيه

مشاعل في نفسها ( يا حليلك البيت مولع مب محتر لكن اصبر )

الترف ( هييين افتحوا التكييف لا انفجر انا اعلمك الانفجار يا ميييي اوريك كيف نحتر وننفجر )

تحركت الترف وهي تتجهه للفازه اللي بطرف الغرفه : انا اقوووول لو نطلع كل القزززااز اللي هنا عشان ما ينفجر بعد وتتشوهه مي فوق ماهي متشوههه حرااام

مشاعل: اييه ايييه عاد يووه اذا الجروح تنبشت

ثنيان كان حاس ان فيه تتش فالجو بس ماركز : ايه ايه طلعوها

قربت الترف وهي تسوي نفسها تعرقلت وطيحت الفازه قريب من مي وانكسرت وصرخت : بسم للله وش صار يمممه

ثنيان: الترف وش فيك

الترف :مدري شكلي من كثر ماني شايله هم مي تعرقلت وطيحتها بالغلط

ثنيان : لا اله الا الله سمي بالله وانتي تشيلين

مي اللي كانت لافه وهي ماتبي القزاز بعد يطير عليها

الترف جابت المكنسه وهي تكنس وتنفض المكنسه قدام مي بلعانه : ما عليتس لا تخافين يا ميي انا منتبهه لتس

الكل كان فاهم ان الترف تقصد انها منتبهه لها من ان المكنسه تطير عليها لكن الترف ومي فاهمين ان الترف كاشفه مي

مشاعل اللي حست بكلام الترف ان فيه شي ( يارب تكشفها يارب )

ثنيان: خلاص خلوها ترتاح

لفت الترف بقوه لثنيان وكأنها ما انتبهت وصقعت مي بعصاة المكنسه وهي تقول :صح لازم ترتاح

وصرخت مي :ااااه وجهي

ثنيان: انتبهي يالترف صقعتيها

الترف : اوووه اسفه والله

منيره: خليها شوي نفضي المكان

طلعت الترف ومشاعل ومنيره اللي كانت تعطي مي ادويتها مشاعل مسكت الترف: وش تسوين انتي

الترف : وش اسوي

مشاعل ضحكت : ادري بك كاشفه مي

الترف لفت : في ذمتس حتى انتي شفتيها

مشاعل: وش اشوف

الترف : ملعونة الخير تخيلي شافتني يوم جيت وتقوم تحضن هالثنيان العمى وتضحك علي

مشاعل شهقت : قولي والله

الترف: وربي

مشاعل: ماشفتها بس كشفتها

الترف : كيف

مشاعل : تعالي للغرفه اخاف يسمعنا ثنيان ويقلب علينا

الترف: اي لا يسمعنا ذا الجني وش يفكنا

ضحكت مشاعل وطلعوا للغرفه وقالت مشاعل كل السالفه لترف

الترف : نعبنوا ذا الوجهه ياذا السلقه اهبييي وش ذا الللي مهبوله تشوهه نفسها

مشاعل: ما تعرفينها هاذي حيه حيه بس غبيه

الترف : شكلتس حافظتها

مشاعل: شفت منها كل اللي ما تخيلينه عشان كذا اتوقع منها كل شي

الترف : ما عليه اذا ما وريتها شغلها ما اكون الترف

مشاعل: ابد وتراني اعين واعاون

الترف ضحكت: اقول يا ويل اللي بتحقدين عليه يا مشاعل ماينعرف وش وراتس

ضحكت مشاعل : بارك الله في ثنيان وشغله فهمت التحقيق والبحث الجنائي من وراه

الترف : ما عليه حنا بعد بنصير ضباط

.

.

انتهى البارت💛

«البارت الثامن والعشرين»

.

.

انتهى العرس بفرحه على الكل وحماس

ابو ثنيان اللي ما توقع انه ينبسط انبسط حيل ونواف اللي مابغى يروح ومحمد

والناس بدوا يروحون وثنيان اللي دخل يدور على الترف وشافها جالسه بعد الزواج بتعب وهي تتعشى جلس بجنبها : جعله بالعافيه

الترف : يعافيك اجلس تعشى

ثنيان جلس مقابلها على الصحن : اذا خلصتي بنمشي

الترف : وين نمشي

ثنيان: بيتنا

الترف : لا والله واخلي ابوي لحاله

ثنيان: وش فيها اذا ابوك لحاله صالح تراه قريب

الترف : حبيبي صالح لو تفجر الدنيا ما درا عنها خل عنك وبعدين ابوي بكره بيسافر بنام معه ذا المره وخلاص وبعدين انا تعبانه ومن بيرتب مكان الزواج اخليه يرتب هو

ثنيان: يعني

الترف : يعني بنام هنا

ثنيان : زين وانا بنام هنا

الترف :هاااه

ثنيان: وش فيتس بنام هنا وبكره لا راح عمي نروح مره وحده تعبت وانا رايح جاي

الترف ( هذا اللي ما حسبت حسابه )ابتسمت : ابد نام جعل ماينام غيرك العين اوسع لك من الدار

رفع ثنيان حواجبه باستغراب : ايه الله يسلمتس

................••............

عجاج اللي بعد ماخلص هو والعيال مع ثنيان وابو الترف راح وهو يمشي مع عايض عشان يحط صحون العشاء بمكانها

عايض : شفت الغرفه ذيك

عجاج : ايه

عايض : انت حط الصحون فيها وانا ببروح انادي العامل يغسلهم

عجاج : طيب

راح ودخل مع بابها الاول وهو يحط الصحن وقبل ما يقوم والغرفه ظلام تحرك وهو فيه عطسه وقبل يعطس وما سمع الا صراخ وصحن على راسه طاح عجاج وهو يقول : بسم للله بسم لله

والحال ان نوره كانت هي بعد بتحط صحون العشاء بنفس الغرفه بس كانت خايفه ولما سمعت صوت شيي غريب وظلام خافت وضربته بالصحن وهي تصارخ : يييييمه ييييمه

طلع عجاج يركض من باب ونوره من باب وكل واحد خايف من الثاني

عايض سمع الصراخ وجاء يركض :نوره علامتس نوره

نوره: فيه جني ياعايض جني مدري ذيب

عايض : وينه وينه

نوره: هذاك هو يركض

عايض : حسبي لله عليتس هذا عجاج عجاج

ركض لعجاج اللي انهبل وهو يركض بكل قوته بالقوه مسكه عايض: بسم لله عليك بسم عليك

عجاج : ابك غرفتكم فيها جني

عايض اللي انفجر ضحك: لا ما عليك هاذي نوره الخبله بتحط الصحون وخافت

عجاج جمد وهو ماسك قلبه من الخوف ( حسبي للله عليها وعليك وعلى ثنيان الرخمه اللي راح وتركني)

راح عجاج وركب سيارة محمد وهو قلبه يدق من الخوف وتحركوا متجهين لبيتهم

................••............

وعند الترف

اللي كانت تسولف هي وثنيان ويضحكون يتعشون دخل ابو الترف : ثنيان انت هنا

ثنيان ابتسم : ايه اليوم اناولدك

ضحك ابو الترف : حياك الله البيت بيتك

ثنيان: واسمح لي بنام عندك

ابو الترف : خذ راحتك انت من اهل البيت

ابتسم ثنيان اللي كان للحين جالس على الصحن مع الترف وهو من زمان ما جلس وسولف وضحك

الترف قامت وهي تغسل وقام ثنيان وراحت الترف وهي تاخذ فراش ابوها وقرب ثنيان: وين بتودينه

الترف : الحوش

ثنيان اخذ الفراش عنها وهو يشيله وطلع به للحوش : وين احطه

الترف : هنا

ابتدوا يفرشونه وكان الجو حلو مره

وجاء ابو الترف وهو ينسدح ودخلوا وهو يطفون الانوار

راحوا للقسم الثاني من البيت ووكانت نوره مخلصه بعض الاغراض وراحت لبيتهم وهي تسب عجاج من قوة خرشتها

الترف وقفت : شوف انت ارفع الزل وانا بشيل الباقي

ثنيان:تم

كان الحوش كبير ثنيان يرفع الزل والترف ترتب ويسولفون ويتمشون رغم ان ثنيان مب شغيل ابد ولا يحب يشتغل ويرتب واعتمادي بس هالمره يشتغل من غير شعور والترف تسولف وهي تبي تدوخه بالكلام وينام بس واضح انه صامل

انتهوا ودخلت الترف وهي تعطي ثنيان فراشه : خذ

ثنيان: وش اسوي به

الترف: نام عند ابوي

ثنيان : لا والله

الترف : اي والله

ثنيان: انا ما اعرف انام فالانوار وبعدين جالس بنام معتس مب مع ابوتس

الترف : زين

راحت وهي تحط فراشه بالزاويه وفراشها بالزاويه الثانيه

ثنيان :وهذا وشو بعد

الترف : انت هنا وانا هنا

ثنيان: بالله

الترف : ايه

ثنيان سحب فراشها بجنب فراشه : هنا قصدك ليش لاني زوجك طبيعي مب كل واحد ينام بزاويه

الترف : لحوووول

ثنيان مارد عليها وانسدح وهو يسحبها تنسدحه جنبه وكان بعيد شوي ونام بعد طلعت الترف عينه والترف بعد نامت وهي مرتاحه

.................••............

ومن بكره عند صالح وسلوى اللي كانوا عايشين حبهم بتفاصيله ابتسم صالح وهو يشوف سلوى جايه ومعاها الفطور

صالح : يا جعلني ما اصبح الا بوجهتس

سلوى : جعلني ما افقد شوفتك يارب

ضحك صالح لما شاف الضربه بجبينها وقرب وهو يضحك : هذا جرح يوم فقشتس

ضحكت سلوى: فقشاتك كثيره يامال الصلاح يا صالح

ضحك وهو يبوسها: يا جعلها فيني

سلوى : بسم لله عليك

صالح : خلينا نعجل ونسلم على ابوي قبل يروح

سلوى:زين

................••............

في بيت ابو الترف

الترف اللي من الصبح صحت وهي ترتب وتجهز لجيت صالح وسلوى وجهزت الفطور وهي تنتظر ابوها يجي من الدوانيه ودخلت تبي تصحي ثنيان اللي نايم نومه من قلبه من قللبه

ناظرت فيه شوي وطلعت وهي مبتسمه طلعت من البيت وهي تشوف ام مصبح ( عجوز عندهم )وتشوف غنمها وعنيزاتها برا بس

ابتسمت وهي تنادي مصبح الصغير : مصبح جب لي من عندكم تيس صغير

مصبح: وش تبين فيها

الترف : ابيها شوي وبرجعها جبها

راح مصبح يركض وجاب التيس الصغير وجاء : ها وين اوديه

الترف : تعال تعال

دخلت وهي تدخل على ثنيان: رح احذفه عليه

راح مصبح يركض ورمى التيس اللي قام بفجعه وهم يهبد في ثنيان اللي صحى بفجعه اقوى وهو يدقه عنه وسكرت الترف الباب عليهم وهي تضحك هي ومصبح وثنيان اللي مفجوع من التيس والتيس مفجوع منه ويركضون ورا بعض بالغرفه انتبه ثنيان للضحك وراح للباب وهو يسحبه بغضب ودخل مصبح وهو ياخذ التيس ويروح

ثنيان بعصبيه: ترفوه وجع وش ذا

الترف اللي كانت تضحك بهستريا وهي تبي تشرح الموقف لكن ما قدرت ضحك ثنيان من ضحكها وهو يسحبها وكان فيه قدر كبيييير لعشاء امس ومحترق ومنقوع فيه مويه وبقايا رز دفها ثنيان فيه وانتشر صراخها وقامت الترف وهي تضحك وتصارخ: يا ويلك من ابووووي

ثنيان: خليه يجي وبعلمه سواياتس

الترف : يووه صالح وسلوى بيجون

ركضت وهي تدخل تروشت بسرعه وطلعت وهي تجفف شعرها وتبخر ودخل ثنيان وهو يضحك ولبس

الترف طلعت : مردوده يا ثنيان

ثنيان: على القوه يالترف

قطع عليهم ابو الترف اللي دخل وهو ينادي وجو جلسوا يفطرون وثنيان في اي فرصه يلقاها يقهر الترف فيها

ابو الترف : افطر يا ثنيان افطر هاذي عاد عريكة الترف ما تنتفوت

ثنيان : اي والله تسلم يدها

ابو الترف : الظاهر انك شبعان منها

ثنيان رفع راسه يناظر الترف بلعانه : والله لو قلت لك اول مره اذوقها ما تصدقني

ابو الترف : افاااا وش ذا الحكي كيف ما قد ذقتها

ثنيان : والله بنتك ظالمه يا عمي

ابو الترف : الترف وش ذا الحكي انتي ما تسوين لرجلتس فطور

الترف تورطت : لا يبه معقوله ثنيان يمزح معك

ثنيان ابتسم بلعانه : لا والله صادق

الترف : اييه صح عشان منيره يبه يا زينها منيره ما تخليني اسوي شي كل ما جيت اسوي شي تحلف علي وانا بس اساعدها

ابو الترف : حتى ولو عيب عليتس وش ذا الافعال لا يكون بس جالسه والناس تخدم عليتس

ثنيان ضحك لما شاف الترف اللي تفشلت : بس والله ما تقصر

ابو الترف : حتى لو انها ما تقصر

الترف ناظرت ثنيان بحقد : لا والله يا ثنيان اقصر واقصر كثير بعد

دق الباب ووقفت : صالح جاء

ثنيان وقف : انا بروح اخذ لي اغراض من البقاله

طلع ثنيان وقابل صالح ببتسامه : اووووه يسعد صباح المعرس

ابتسم صالح : يسعد صباح النسيب بايت عندنا

ثنيان: راحت عليك اخذت محلك

صالح : والله مشكله ، ادخل وين رايح

ثنيان: باخذ لي اغراض وانت خذ راحتك

سلوى كانت ورا صالح وهي تراقب تصرفات ثنيان كان حزتها ودها تصفق الترف اللي ماهي معطيته وجهه وجت وهي ترحب فيهم وثنيان طلع

صالح : هلا والله بالترف

الترف : هلا يا معرسنا ، ادخل ابوي وعريكة ينتظرونك

صالح : جيت بوقتي

دخل وقربت الترف بتسلم على سلوى اللي سلمت لكنها قرصتها وضربتها الترف : وجع وش فيتس علي

سلوى: ابي اخلص من وضعي واوريتس

الترف: ليييه

سلوى: ابك الرجال ماشاء الله عليه ينتصلى على طرف ثوبه وانتي ما بقيتي عذروب ما حطيتيه فيه

الترف : اقول ادخلي لعلم صالح يفقع وجهتس

سلوى ضحكت وهي تلف: خليني بس وشوفي رجلتس عند من رايح

ناظرت الترف وهي تشوفه رايح البقاله وشهقت : وش يبي هناك لا يكون بيذبح عايض

سلوى : ليته يذبحتس معه

دخلت سلوى وهي تسلم على ابو الترف وجلست وهي تشوف الترف اللي توترت تنتظر ثنيان يرجع اما ابو الترف اللي كان ندمان ان وافق على زواج صالح لكن انتهى ندمه لما شاف الفرحه بعيون صالح وسلوى

................••............

في بقالة عايض

عند ثنيان اللي دخل البقاله واخذ اغراضه وهو يناظر في عايض بحده وعايض اللي كان حاقد لكن بطبيعة الحال مايناظر ثنيان ابد

طلع ثنيان اللي للحينه يناظره اتجه لسيارته وهو يجلس فيها اخذ الجوال وهو يتصل على رقم من شهر ما اتصل فيه على طول جاه الرد بصوت ملهوف : ثنيان هلا

ثنيان : هلابك كيفك

منيره : حمدلله انت كيفك

ثنيان : بأحسن حال كيف محمد

منيره بحنين : يسلم عليك ومشتاق لك

ثنيان : وانا بعد اشتقت لمحمد الطيب

ابدا ماكان موضوعهم محمد منيره كانت تعبر عن مشاعرها لثنيان وثنيان اللي فاهمها ويرد عليها بنفس النمط والطريقه

منيره سكتت بضيق وقال ثنيان :اجهزي انتي ومحمد راح اجي اخذكم بعد ساعات

منيره بفرح: : ابشر

ثنيان سكر وهو ياخذ نفس ( الحين شلون بتعامل معك يا منيره وشلون )

رجع وهو يدور على الرقم الثاني واتصل وجاها صوت عمر بفرح : يببببه

ثنيان : هلا يا ابوي هلا كيفك وش اخبارك

عمر: حمدلله يبه انا اشتقت لكً

ثنيان : وانا يا ابوي اشتقت لك كثيييييير

عمر : متى بتجينا

ثنيان : عد 3 ساعات واكون عندك

عمر: ومحمد معك

ثنيان: ومحمد معي ، عمر حبيبي وين امك

عمر : الحين اعطيك

ركض عمر وهو يعطي مشاعل اللي كانت جالسه وع اخواتها وابتسمت وهي تطلع : هلا ثنيان

ثنيان : حي الله مشاعل

مشاعل : الله يسلمك

ثنيان : كيييفك وش اخبارك كيف تعبك

مشاعل: الحمدلله مسيطره على الوضع مبدئياً

ثنيان : عساك ما تتعبين بس

مشاعل: لا امي الله يسعدها مب مقصره

ثنيان : الله يسعدها وسلمي عليها

مشاعل : ابشر

ثنيان: خليكم جاهزين ساعتين ثلاث وبكون عندكم

مشاعل: ابشر

ثنيان : فمان الله

سكر ثنيان وهو يدق على مي اللي من ثقتها توقعته انه بيجي ياخذها لوحده وبسرعه قامت وهي تجهز بكل قوتها وجمالها

................••............

وعند محمد اللي وقف وهو يتصل بثنيان

ثنيان : هلا محمد

محمد : هلابك وش بلاك مشغول

ثنيان: كنت اكلم

محمد : طيب اسمعي ابي استشيرك بشغله

ثنيان: وشو

محمد : كيف نتصرف مع الارقام المجهوله

ثنيان: كيف يعني !؟

محمد : ياخي في رقم اشغلني واشغل حياتي سبب لي ازمه ولا اعرف مين يعني مسجل بهوية هندي

ثنيان : مشغلك من اي ناحيه

محمد اللي حب انه يزيد الطين بله : ياخي اول شي دخلي برسايل حب وخرابيط ولما تجاهلته صار يألف اشياء تفجع ويرسلها ولا خلا احد بالعايله ما تكلم عليه هذا غير اشياء تفجع اللي يرسلها شي والله يعني ما ينشاف خليعه جداً

ثنيان : لا والله

محمد : اي والله يعني اشغلني لدرجة صار يتكلم عنا وعنكم وعن اخووانك كلهم واتهامات واشياء كارثيه وانا هنا ما قدرت اسكت

ثنيان: ماعليك ماعليك ارسلي الرقم وانا اطلعه من سابع ارض واربيه

محمد: ايه دخيلك توصى فيه قاهرني

ثنيان ضحك وهو مايدري وش اللي بيطلع ورا هالرقم : زين ارسله

لف لما دقت الترف الشباك : يلا مع السلامه

نزل نص الشباك ودخلت الترف راسها وقالت: ليش جالس بالسياره

ثنيان : مثقله علي العريكه

الترف هزت راسها بيأس : ياخي اللي مثلك يقول تسلم يدتس وانت وش تقول

ثنيان قرب : وش اقول !؟ انا

الترف : اا ايه ليه ما تدخل تقهوى معهم جوى

ثنيان : اكلم حريمي

الترف في نفسها ( مالت عليك وعلى حريمك ): ماشاء الله ما توفر

ثنيان : ليه تغارين

الترف اللي انقهرت : انا اغار !! من من وعلى من

ثنيان ضحك هو يصد

الترف : المهم ادخل تقهوى

ثنيان : مابي قهوه بس ما ودك تستعجلين بنمشي

الترف : لين ابوي يروح

ثنيان: ومتى بيروح

الترف : بعد خمس دقايق

ثنيان: دام كذا روحي أجهزي

الترف : ياخي وش فيك ترا عادي تنتظر !

ثنييان رفع الشباك عليها والترف الللي تعلقت وهي تصرخ: حسبي لله عليك ذبحتني نزلها يا ثنيان لا تخنقني

ثنيان : عادي تنتظرين !

الترف: ثنيان هذا مب مثل ذاك نزلها ذبحتني مقدر اتنفس

ضحك ثنيان وهو يتلفت ماكان فيه احد قرب وهو يبوس خشمها من ورا برقعها ونزل الشباك والترف اللي انقطع صوتها وضحك ثنيان: يلا عجلي

الترف ضربته وهي تتحسس راسها : ماني معجله ووخلك خيس هنا ، مجنون انت بغيت تذبحني

ثنيان :ههههههههههههههههههههههههههههههههههههههههههههههههه ههههه ترا باقي حيه ما متي وااخلصي لا اشتكي عمي عليتس

طلع ابو الترف وهو معاه اغراضه وصالح اللي يسلم عليه نزل ثنيان وهو يسلم عليه ويودعه

وراح وراح صالح بعد وطلعت الترف بعد ما قفلت البيت واعطت صالح المفتاح وركبت وتحرك ثنيان

................••............

في طرف ثاني

عند سيف اللي دخل بيته وهو يشوف فجر اللي جالسه بهدو

سيف : فجر

فجر : هلا يبه

سيف : وينها امك

فجر: في غرفتها

سيف : كيف وضعها

فجر : يبه على وضعها ما طلعت بس على السجاده والقران يادوب تاكل وترجع

سيف : طيب محتاجين شي

فجر : لا يبه بس كيفه بندر

سيف : انا اتصلت بواحد بالسجن ويقول انه بخير

فجر : للله يهديه

سيف : اجل انا بروح اذا احتجتي شي علميني

فجر :طيب

طلع متجهه لبيت اللي استقر فيه بشكل كامل مع امل ................••............

عند ابو ثنيان

اللي كان يشوف سيف اللي طلع وقال بغضب : هذا سيف

لفوا رهام ونواف ونوف : ايه

ابو ثنيان: وش بلاه يمر ولا يجي يسلم

دلال : من يوم انسجن بندر وهذا هو يجي مره ويروح

ابو ثنيان : كل الناس تربى الا سيف كيف يخلي بنته وزوجته كذا كيف

نواف : انا للحين مصدوم انه دايم بايت برا البيت

ام ثنيان: ايييه خلاص ولى راح مع طريق اخوه ساحرينهم هالحريم ولا واحد تارك بنته وزوجته في عز مصيبتهم وجالس عند وحده ماندري وش شكلها والثاني مرمي الحريم عند اهلهم ويطارد لي وحده لا اصل ولا فصل

دلال : يا يمه الله يهداك وش تقولين

ابو ثنيان: ثنيان بيرجع منيره اليوم وحريمه كلهم بيرجعون

نواف ضحك: ههههههههههههههههه براڤو عليه ثنيان يطرشهم ويكفخهم كلهم بوقت واحد ويرجعهم كلهم بوقت واحد اكثر من هذا العدل ما شفت

رهام : هههههههههههههههههه والله يفحمني عدله

نوف : يعني ياجدي الترف بترجع

ابو ثنيان : ايه كلهم بيرجعون

نوف ورهام اللي قاموا للمطبخ : احسن شي بتجي الترف نفلها معها

رهام : ودك لو يطلق مي الغثيثه

نوف : ههههاي حبيبتي خالي مسوي تشكيله ويلعب على انماط مختلفه

رهام: كيف يعني

نوف : يعني يبي وحده طيبه ومسكينه وتطلب رضاه طلب فا رجع منيره ويبي وحده عقل وثقل ومكر وثقافه فا مشاعل موجوده يبي وحده تدوخه بالدلع والجمال هنا مي موجوده ويبي وحده على جوه نفس موده يلعن خيرها وتلعن خيره وفي نفس الوقت يحبها بزود هنا الترف

رهام: والله صادقه يخوفون الرجال والله

نوف : انا بموت واشوف زوجة سيف احس انه انبرد قلبي في ثريا برده العمر كله

رهام : استغفري الشماته مب زينه

نوف : وش نسويها لها ما خلت احد من شرها

صدت رهام اللي تشتغل وتسمع تحليلات نوف

.................••............

في بيت ابو محمد

محمد اللي سكر ببتسامه وهو يدري انه عطى ثنيان الخيط والمخيط وانه سلمه رقبة شوق بسهوله وبيستمتع في اللي بيسويه ثنيان

دخل وهو يشوف منيره مجهزه اغراضها وكاشخه وتنتظر

محمد : منيره خيير وين رايحه

منيره ببتسامه: برجع لبيتي

محمد ابتسم : الله يديم لك بيتك يا منيره انتبهي وخليك ذكيه لا تظلمين يا منيره لا تسمعين لناس اللي بيخربون بيتك خلي همك زوجك وولدك والباقي بالطقاق وخليك منيره القديمه

منيره: لا تخاف يا محمد انا اخذت درسي

محمد ابتسم : الله يهنيك

منيره ابتسمت وهي تسلم على ابوها وتلبس محمد

................••...........

في سيارة ثنيان

ثنيان اللي كان يكلم : ابيك بكل سريه تطلع لي موقع الرقم وتعرف كل المعلومات اللي موجوده بالجهاز اللي يستخدمه الرقم وكل شي ابيك حتى ادق التفاصيل تجيبها واذا حصلت المكالمات يكون حلو

الشرطي : ابشر

ثنيان :يلا موفق

سكر وهو يسمع الترف تقول : وش سالفة هالرقم

ثنيان:رقم مزعج محمد

الترف : ولدك !

ثنيان: لا ولد عمي

الترف : منيره رجعت

ثنيان اشر على البيت : هذا هي بترجع ويلا نطي ورا

الترف : ليه ورا

ثنيان : عشان محمد وعمر قدام وانتم ورا من باب العدل والمساواة

الترف : ياربي على العدل والمساواة

ثنيان : ارجعي بس

رجعت الترف وطلعت منيره ومحمد وقربت منيره بتركب قدام بس قال ثنيان : ورا يا منيره

منيره انصدمت لان ثنيان دايماً كان يخليها قدام ورجعت وركب محمد وهو يسلم على ثنيان والترف اللي قربت تسلم على منيره ومنيره مستغربه انها تسلم عليها

ابتسم ثنيان لما شافهم وتحرك وهو يسوولف مع محمد ومروا واخذوا مشاعل اللي كانت فرحانه

وهي تسلم عليهم وطبعا الحين صار وقت مي اللي جات وهي تتمخطر ومتوقعه ان ثنيان لحاله وفتحت الباب وهي تقول : اهلييين ب حبيب... انقطع كلامها لما شاففت عمر ومححمد ولفت وشافت الترف ومنيره ومشاعل اللي كلهم يناظرونها ب هالنظره😒 لفت وهي تأفف وركبت وهي متضايقه وثنيان اللي كان الكل يناظر مي وهو يناظر الترف اللي كان واضح من عيونها انها مشمأزه من مي وتكرهها ابتسم لما لمعت في باله فكره وقال وهو يلف عليهم : حي الله مي

الترف للي ناظرته بقرف ومي ماصدقت : الله يحيك يا ثنيان وحشتنا

تنحنت الترف وهي تدف مي اللي لازقه فيها وقالت بعمد : يا ليت نمشي يا ابو محمد

مشاعل: ايييه لان انضغطنا كثير

ثنيان لف وهو يكمل طريقه ببتسامه ومر ياخذ غدا واتجهه للبيت ................••............

في بيت ابو محمد

محمد اللي ارسل من نفس الرقم على رهام ( احذفي كل شي وصلك من هذاك الرقم وامحيه من عندك نهائياً)

فتحت رهام الرساله وخافت وردت :ليه

محمد ؛ سوي اللي اقول عشان ما يصير لك شي

رهام :طيب

حذفت رهام كل شي وجلست وهي ما تدري محمد وش يخطط عليه

................••............

وعند عجاج

الللي كان راسه للحين بصداع من ضربة امس رفع راسه وهو يقول : حسبي للله عليك يا ثنيان وين جبتني لديرة المجانين

عيد جاء :عجاج وش فيك

عجاج :راسي بينفجر

عيد: ما تشافى من امس

عجاج : لا

عيد:وش طحت عليه انت

عجاج اللي كان قايلهم انه طاح لكن فالحقيقه كان الصحن ثقيل مره على راسه :مدري

عيد : الله يعينك اجل

عجاج بنفسه ( اييييه الله يعيني دام هالخبل طايح على هالخبول ) .................••............

في بيت ثنيان

وصلو وحضروا الغدا وتغدوا وبعد الغداء قال ثنيان : عمر محمد اطلعوا فوق شوي

طلعوا وثنيان كان جالس بالنص وحريمه حواليه

ثنيان : الكل يركز معي

كلهم ناظروا ثنيان بإستتغراب وقال ثنيان : بما ان كلكم يالاربعه موجودين اللي بيحصل كالاتي لاول واخر مره رح احط نظام لهالبيت ومن البدايه اقول اللي بتخربه رح تندم

مالي خلق مشاكل من جديد وعوار راس

النظام رح يبدا من منيره لمشاعل لمي ل الترف

كل يوم عند وحده وتكون مسؤوله عن البيت ككل واغراضي ما عدا الاشياء الخاصه

مثلا لو اليوم يوم منيره رح تكون مسؤوله فيه عن البيت كامل من طبخ من تنظيف من ملابس لي بذاك اليوم و الاشياء الثانيه وينتهي اليوم بأنها تكون مختمه كل شي بالبيت من وإلى وتسلمه لمي طبعا مشاعل بتكون خارج نظام البيت والشغل لما تقوم بالسلامه مي راح تمشي على نفس النظام وتسلمه الترف اللي أحصل عندها نقص حزتها بتشوف بعيونها وش بسوي

هذا اولا

ثانيا : مشاكل الحريم وقالت لي وقلت لها وسوت وانا ماسويت وشكاوي هاذي ما ابيها نهائيا كل وحده تحط عقلها براسها وتريحنا

واي مشكله ادري بها انا قبل اي تصرف واللي تصرف من راسها تعرف وش بيصير

وباقي النظام زي ماهو الا اذا حدث تغيير وياليت الاحترام يكون متبادل

اليوم رتبوا اموركم ومن بكره يبدا الجدول تمام

الكل : تمام

ثنيان : عندك شي بتقولينه يا منيره

منيره: لا

ثنيان: مشاعل

مشاعل : لا

ثنيان: مي اكيد عندك قولي

مي : ايه ابي اغير غرفتي يا ثنيان

ثنيان: ليييش

مي : يعني صارت قديمه

ثنيان : متى غيرتيها

مي :قبل 4 شهور

ثنيان : معناته اقطعي الموضوع ولا ، الترف

الترف : سلامتك

ثنيان وقف وطلع : بنام مابي ازعاج

طلعوا كلهم ومنيره مبتسمه انه ماشي بطرف غرفتها لكن اختفت ابتسامتها لما شافته متجهه للغرفه المقابله والترف وراه مبتسمه

دخل ثنيان ولف وهو يشوف الترف داخله ببتسامه سكر الباب : وهذا ثاني شروطك يا الترف

ابتسمت الترف : الله ايييه هاذي الغرفه اللي تشرح الصدر

ثنيان: تكسرينها بالعافيه

الترف :بس وين اغراضي اللي بقت

ثنيان : افتحي الدرج

فتحت الترف وهي تشوفها مرتبه ضحكت : هاذي مب من الشروط

ضحك ثنيان اللي استند على كتفها : لا هاذي من لطافتي

وخرت الترف وتماسك ثنيان قبل يطيح وقالت: الله يديم اللطافه

اخذت الترف شنطتها ومسك يدها ثنيان قبل تفتحها : يرحم اهلتس خليها بعدين ميت تعب بنام مابي اي ازعاج

الترف اللي كانت صدق تشوف عيونه تعبانه : خلاص طيب

ثنيان: اصلا انتي بعد عيونتس حمرا نامي شوي

الترف : لا ما عليك مصحصحه

ثنيان : بكيفتس

ارتمى ثنيان وهو يتغطى بتعب : شغلي التكييف

شغلته الترف ولما حست بالبروده حست بتعب ودها تنام ما انتظر ثنيان اللي نام على طول ودخلت هي بعد وهي تنام

................••............

عند منيره اللي كانت هالحركه لها صدمه كيف ثنيان جاب الترف قدامها وكيف رضى كانت واقف وهي تناظر بابهم بصدمه

اما مشاعل اللي وقفت وهي مستغربه دخولهم بس ما فكرت وهي تدخل لغرفتها بتعب

اما مي كانت بنفس صدمة منيره وهي اللي كانت من شهر وهي ثنيان لها لوحدها وفجاءه جات الترف وهي تسحبه منهاا ببساطه .................••............

المغرب كانت منيره جالسه في غرفتها وهي مخليه الباب مفتوح وهي بصدمتها للحين تنتظر ثنيان يطلع ينتبه لها

عند ثنيان اللي صحى بالقوووه شاف الترف نايمه بعد بتعب مد يده وهو يلحفها ووطلع بعد ما بدل شاف منيره جالسه

منيره فزت: ثنيان صحيت جهزت لك القهوه والشاهي

ثنيان اللي تعود لسانه : زين يعطيتس العافيه جهزيها بشوف مشاعل واجي

منيره اللي تركت كل شي وانتبهت انه اخذ حتى لهجتها

دخل ثنيان لمشاعل اللي كانت جالسه وهي تدرس عمر رفعت راسها : كمل يمه هذا

ثنيان جلس وهو يبوس عمر : هاه كيفتس الحين

مشاعل: اوه بخير

ثنيان: دامتس بخير تعالي ننزل نتقهوى تغيرين جو بعد

مشاعل ابتسمت : ماشاء الله اخذت اللهجه

ثنيان ما انتبه : هاه

مشاعل: السين حقت الترف لايقه عليك

ثنيان: اجل قلتها !

مشاعل بضحك : ايه

ثنيان: تعودت عليها المهم يلا

مشاعل : طيب ، عمر امي خلص وتعال تحت

عمر : طيب

وقفت مشاعل ومسكها ثنيان يساعدها تمشي وهي اللي شافت ان زواج ثنيان من الترف غيره حيل للاحسن معاها واعتبرت زواجه خييييره

.

.

انتهى البارت🌟

«البارت السابع والعشرين »

.

.

عند باب بيت ابو ثنيان

رفع ثنيان يده وهو يناظر الساعه اللي كانت 12:30 من الليل

دخل بيت ابوه وهو تارك سيف بالسياره شاف دلال ورهام ونوف وشوق صاحين ونواف اللي منسدح وهو مابين صاحي ونايم

لفوا كلهم يناظرون ثنيان اللي وجهه ما يبشر بالخير وقال: ابوي وامي وين

نواف فز برعب : ثنيان وش صاير عمي صار له شي

ثنيان: لا

نواف تذكر : سيف صار له شي

ثنيان : لااااا

دلال: لا اله الا الله ثنيان وش فيك خوفتنا

ثنيان: امي وابوي وين

رهام : توهم طلعوا ينامون

ثنيان: قومي شوفي ناموا ولا باقي

طلعت رهام ووقفت دلال وهي تمسك في بدلة ثنيان برعب : حلفتك بالله تقول وش صاير يا ثنيان

ثنيان مسكها وهو يجلسها : اجلسي يا دلال

نواف وقف بخوف وهو يراقب ملامح ثنيان اللي اول مره يجي هالوقت وبالبدله ووجهه كذا

نزلت رهام : صاحين

ثنيان طلع لهم مسرع ودخل بهدوء

ابو ثنيان وقف بخوف : ثنيان علامك جاي ذا الحزه وش بك

ثنيان: خير يبه خير

ام ثنيان : وش صاير ، من مات

ثنيان اخذ دوا الضغط وهو يعطيه لابوه ونادى دلال تكون قريبه

ابو ثنيان: والله ان عندك مصيبه والله

ثنيان بتردد : يبه بيجون الحين فرقه من القسم بيفتشون البيت وبيت سيف

ابو ثنيان : ليه وش يجيب الشرطه هنا وليه يفتشون

ثنيان بعد سكوت نطق بصعوبه : يبه بندر مسكناه بجريمة ترويج مخدرات

ابوثنيان: هاااااه بندر ما غيره وش عرف بندر ذا كله لا لا حرام عليك تظلمه يا ثنيان

ام ثنيان: ثنييييان وش تقول انت كيف تتهم ولد اخوك كذا كيف

دلال : مستحيل بندر باقي صغير

اما نواف اللي توقف كل شي فيه بصدمه صح كان يشك بندر بس ما توقع يوصل لترويج

ثنيان : اللي ابيه منكم تكونون هادين وتستوعبون الوضع

ابو ثنيان : وينه سيف وينه

ثنيان: هذا هو تحت بس تكفى يبه انتبه على صحتك

وقف ولف لنواف واخذه وطلع

نواف : كيف كذا كيف بندر يسويها كيف وش بيصير فيه

ثنيان : نواف اسمعني كل شي تعرفه عن تصرفات بندر لازم تقوله لي وين يروح وين يجي من اخوياه

نواف : مدري يا ثنيان اصلا ماكان يجلس معي

ثنيان: نواف اسمعني ابي اساعد بندر وابي اعرف كل شي عنه لانه لو كان متورط مره بيقتلونه

نواف اللي اصفر وجهه من الصدمه: والله مدري والله

غمض ثنيان لما سمع صوت الشرطه: ادخل ودخل الحريم في مكان واحد

نواف راح وثنيان اللي راح لسيف اللي منهار : سيف ادخل لثريا وفجر وطلعهم من البيت يلا

سيف نزل وهو بالقوه يمشي وطلعوا كل الحريم وابو ثنيان وتقدم احمد لثنيان : يا ثنيان رح نفتش المكان وانت عارف النظام

ثنيان هز راسه بقهر: باشر وظيفتك يا احمد

ابتداء احمد وفريقه يفتشون كل مكان وكل زاويه وثنيان اللي جالس يهدي ابوه وامه وهو مقهور بشكل وسيف منهار وثريا اللي انقضت على ثنيان وهي تصارخ: كللله منك اخذت زوجي والحين بتاخذ ولدي الله ياخذك حسبي لله عليك

سيف سحبها وهو يسكتها ولف ثنيان : عطني مفتاح سيارة بندر

عطاه سيف وراح ثنيان وهو يفتشها انتهى التفتيش وطلعوا ما حصلوا شي وطلع ثنيان وسيف معهم ونواف اللي جلس يداري الوضع الكارثي

................••............

مرت ايام التحقيق ثقيله على الكل وطلع الصبح انتشر خبر بندر ومحمد اللي راح للمركز بصدمه وهو ماهو مستوعب ودق ثنيان على مشاعل ومي وقالهم يطلعون من البيت لبيت اهلهم لانه ما رح يكون فالبيت طول وقت القضيه

وبعد تحقيق وحوسه وضغط نفسي على الكل دخل ثنيان لمكتبه وهو يشوف ابوه وسيف ونواف ومحمد جالسين بقلق وخوف

سيف : هاه يا ثنيان طمني تكفى

ثنيان اخذ نفس : احمد ربك يا سيف ان بعد كل هالتحقيقات كان هذا اول مره يشارك بندر فالترويج ويكون من ضمنه

محمد : طيب وش بيكون وضعه

ثنيان : بما انه اول مره راح يكون حكمه سجن وجلد وغرامه ماليه وطبعا كلها يحددها القاضي بكره اما اللي معاه كلهم رح يقيمون عليهم الحد ويقتلونهم

ابو ثنيان مسك راسه بضيقه : اللهم لا نسألك رد القضاء بل نسألك اللطف فيه

ثنيان : يبه تكفى روح ريح نفسك الموضوع انتهى وبندر الحمدلله طلع منها بأقل الاضرار

سيف : كم سنه بيسجنونه وش بيسوون فيه

ثنيان : سيف كل هذا بكره بالمحكمه انتم تعبتوا روحوا للبيت وارتاحوا وان شاء الله بيكون خير

سيف اللي كان طول وقته يرجف خوف من انه يفقد ولده: تكفى ثنيان سو اللي تقدر عليه تكفى

ثنيان : ابشر ، نواف خذ سيف

طلعوا كلهم وبقى ثنيان اللي من اسبوع ما قدر انه ينام زين او حتى يسأل عن حريمه او شي كان فعلا تعبان من هالقضيه المتعبه ووضع سيف اللي كان يرثى له

طبعاً خبر بندر انتشر فالعايله كلها واثر تأثير سلبي جدا عليهم واتعبهم لكن الوحيده اللي كانت ردة فعلها عجيبه وغير متوقعه هي ثرياا اللي كانت بس تصلي وتدعي رغم اللي كان يصير ................••............

في ديرة الترف

الترف اللي كانت فعلاً خايفه من اختفى ثنيان اسبوع كامل لا حس ولا خبر رغم انشغالها في تجهيزها لزواج سلوى وصالح اللي مر الاسبوع عليهم بفرح ما يعلم فيه الا الله

................••............

عجاج اللي

كان عارف وضع بندر والمشكله كان يجي ويروح على ثنيان اللي كان متأزم من كل السالفه وكان عجاج حرفياً مب مستوعب هاللي صار

وقف قدام القسم وهو يشوف ثنيان اللي واقف ومتكتف وهو يراقبهم وهم ينقلون بندر واللي معاه لسجن العام

قرب عجاج وهو يخبط على كتفه: بتهون يا اخوي لف ثنيان بضيق بعد ما تحركوا : بس صعبه يا عجاج

عجاج : الله يعين ما تدري وش الخيره

ثنيان : انتظرني بسلم واجي

راح عجاج لسياره وثنيان اللي سلم وجاء وهو حتى في مشيته حزنه بين وضيقه

تحرك عجاج : وش صار

ثنيان: بكره بيحكم عليه القاضي وعاد مدري كم بيحكم

عجاج: يمكن هالسجن خير له

ثنيان: والله معاد ادري وين الخير يا عجاج

عجاج : بتهون يا اخوي بتهون

ثنيان: ماني مصدق ياربي عجزت عجزت اصدق

عجاج : الله يعين

................••............

طول هالوقت كان الخبر قوي وضاغط على الكل ومحد له خلف يكلم احد ومن بكره الكل كان بالمحكمه وانتهت الجلسه بالحكم على بندر ب سجن 7 سنوات و 100 جلده وغرامه ماليه

بندر اللي انهار حرفيا وهو يترجاهم يساعدونه بس ما كان حال سيف احسن ولا ابو ثنيان

وبسرعه اخذوا بندر ومحمد اخذ ابو ثنيان المنهار ونواف سيف والكل راح لبيته

اما ثنيان اللي رجع لبيته بعد ما ارتاح نسبياً كان سجن بندر اهون عليه مليون مره انه ينقتل

دخل وهو يشوف البيت مظلم مافيه احد

انسدح على اول كنبه واجهته وهو يحاول انه يستوعب الاحداث ويطلع منها لانها اتعبته مره

................••............

مر الاسبوع الثاني وتقريبا الكل ابتدا يتعود على سجن بندر ما عدى سيف اللي اكله الندم اكل

اما ثريا اللي في حالة سكون واعتكاف فضيعه وغريبه

وفجر اللي كانت حزينه على بندر بس كان اهون من موته

وطبعا حالها حال الكل

اما ثنيان اللي اسبوع لما حس انه استقر وتفادى هالكارثه

دق على عجاج وجاه صوت عجاج: ثنيان هلا

ثنيان : عجاج هلابك

عجاج : لا صوتك بخير

ثنيان: غصب لازم اكون بخير لو طولت كذا بنهبل

عجاج : اييه يقوله ابو 4 حريم له اسبوعين عزابي

ابتسم ثنيان: عشان كذا دقيت بمرك وبنروح ل الترف

عجاج : شوف عاد ترا اخر مره اروح معك مصخت ياخي تراك انذليت ياخي

ثنيان : قسم بالله يا عجاج ما عمري توقعت ان قلبي بيجيبني على وجهي واصير مثل الرخمه رايح جاي عشان حرمه

عجاج: ياخي وش الله حادك ما تبيك طلقها ارتاح وريحها

ثنيان: مب بيدي يا عجاج يوجعني قلبي وللله كل ما طرا لي اني في يوم ممكن اطلقها انهبل انهبل

عجاج: الله لا يبلاني بس

ثنيان: يلا بس

.................••............

في ديرة الترف

اللي كان بكره زواج صالح اللي مشتط ويرتب ويشتغل وكل شي يسويه وسلوى اللي من اسبوعين وهي تجهز وتغنى على فرحتها

نزلت الترف فستانها وتسمع صالح يقول : والله شكل ثنيان طفش وبيطلق

الترف : ليييه

صالح : وش بلاتس ضقتي مب انتي اللي تبين الطلاق

الترف : مب عن كذا بس ليه تقول كذا

صالح : مختفي مره حتى اني ادق عليه بأعزمه ولا يرد

الترف ماردت وهي تفكر لو صدق ثنيان خلاص بيطلق لكن اننقطع تفكيرها لما سمعت صوت سيارته وابتسمت : اخيراً ما بغى يجي

صالح طلع ببتسامه: حي الله النسيب اللي اختفى

ثنيان: هلا والله بصالح

سلموا على بعض وسلم عجاج

صالح : كنت ادق عليك وماترد

ثنيان: اي والله ذا الايام صار عندي مشاكل ما فضيت

صالح : خير ان شاءالله تحتاج شي تراني اعين واعاون

ثنيان: سلمت ولله يا ابو صلوح لكن حمدلله عدت على خير

صالح: عجاج كيف اوضاعك

عجاج.: اسعى في ارض الله وانت

صالح : والله انا كنت ادق ابي اعزمكم على عرسي بكره

ارتفع صوت ثنيان وعجاج وهو يباركون لصالح بحب

عجاج : اجل بتدخل القفص الذهبي

صالح : اي والله

ثنيان: الله يبارك لك والله تستااهل كل خير

صالح : الله يسلمك اقلطوا تقههوا

ثنيان : ألقطوا انتم وانا اليوم اما النصر ولا الشهاده

ضحك صالح : اجل من حظك ان ابوي مب فيه ادخل وضبط امورك تراني طفشت

عجاج: والله حتى انا طفشت

صالح : تعال بنتقهوى وانت ادخل ماعندك احد

دخل ثنيان وهو تايه مايدري وين بيروح بالضبط بس لف اول ما سمع صوت الترف اللي قالت وهي مصدومه انه دخل : ثنيان

ابتسم ثنيان : عيونه

دق قلب الترف وهي مصدومه: وش دخلك هنا !

ثنيان اللي كان حاط يدينه ورا ظهره تقدم بهدوء وهو مبتسم : جيت ادورتس يالسمراء

الترف : اقول عن الحكي اللي ماله داعي وش جايبك وش تبي

ثنيان دق جبينها بشويش وهو مبتسم :اللي مثلتس يشتاق وانتي تهاوشين

الترف تكتفت بهدوء وقال ثنيان : اهب ياوجهتس على ذا العناد شهر يا ظالمه وانا رايح جاي ومطنشه ولا تطلعين

الترف : عشان تفهم ان الدنيا مب على كيفك وبنات الناس مب لعبه

ثنيان : ما علينا كلنا غلطنا المهم الحين انا والله تعبت يالترف وجيت بقولتس للمره الاخيره اني جاي شاريتس وبرجعتس لبيتس ادحري الشيطان وتعوذي من ابليس وارجعي معي

الترف تكتفت : ارجع ، كان المفروض تفكر في ذا قبل تمد يدك

ثنيان : الترف صح اني غلطت بمدت يدي لكن انتي بعد غلطتك انك سكتي لما كبر الموضوع وصار غلط

الترف : ايه ارجع اليوم وبكره لا تثق فيني وارجع افهم غلط

ثنيان: ابد كل اللي بيصير إنا بنتفق انتي لا تخبين علي وانا ما افهم غلط واعصب

صدت الترف وجلست وجلس ثنيان : وش قلتي

الترف : افكر

ثنيان: شهر ما فكرتي !؟

الترف : اذا تبي تفكيري شهر ، فأحسن طلق

ثنيان اخذ نفس : اوك فكري وبكره ردي

الترف : يصير خير

ثنيان :الترف انا جالس اكلمك عدل

الترف لفت تناظره بهدوء : ايه انت كلامك دايم عدل لكن يدك! ما تنسي

صد ثنيان ولف : بكره بجي لك

الترف : لا تجي ولا تعب نفسك

توقف قلب ثنيان للحظات ولف ووجهه مرتعب وقالت الترف لما شافت الرعب بوجهه : عندي شروط اذا تممت عليها رجعت معك

ثنيان اللي زفر براحه وكان وده يقول تم على طول بس حس انه انذل كثير وده يحفظ شىي من كرامته : وش شروطك

الترف اللي كانت ما تبي شي الا انها تعانده وتقهره وتعلمه ان الدنيا مب على كيفه : اولا شي ابي دبل مهري من ذهب لكن فلوس تكفيني 5 الالاف

ثنيان اللي اتسعت عيونه بصدمه لكن قال : تم

الترف : ثاني شي ابي اغير غرفتي

ثنيان : غرفتك جديده مالها شهرين !؟

الترف : كلها اثاث و موقع

ثنيان : نعم من وين اجيب لك غرفه

الترف : انا فكرت فيه غرفه جنب غرفة العيال ابيها

ثنيان : بس صغيره

الترف : ادري وابيها

ثنيان: ليه ان شاء الله وش فيها غرفتك

الترف بضيق :كذا معاد اططيقها مواقفها شينه ما بيها كل شي فيها يكتمني ابي اغير كل شي غرفه واثاث

ثنيان : تم

الترف ابتسمت بنصر : واخر شي ترجع منيره

ثنيان استغرب وهو يدري ان الترف ماتدري عن سالفة منيره بس قال : تم

الترف قربت وهي تكتف واحتدت نظرتها: واهم شي يدك ماتمدها علي

ثنيان تكتف قدامها وهو يدري انها تلعب به بس قلبه مب قادر حتى انه يهاوشها وضاق وهو يقول : اذا ما غلطتي ماا امدها

الترف : انا ما اغلط

ثنيان: وانا ما امدها

الترف : يعني

ثنيان: تممي واتمم

الترف :تم

ثنيان: تم

ابتسمت الترف: اذا نفذت الشروط ارجع

ثنيان اخذ نفس: ارجعي وتنفذ

الترف : بكره زواج اخوي وبجلس وبعدين شروطي اول

ثنيان اللي كان يناظرها بهدوء ولف وهو يقول : دام الدعوه شروط زين يا الترف

الترف استغربت من كلامه بس قال : اشوفك بكره

وطلع

ابتسمت وهي ناويه تحوس ثنيان حوس

طلع ثنيان وهو يسلم على صالح وراحوا

عجاج : هااااه وش صار

ثنيان: رجعت بس بشروط

عجاج : وشو

ثنيان قاله الشروط وقال عجاج : يهبيييي وش ذا القوه اللي فيها وانت وافقت

ثنيان : وافقت والله اصلا انا في نفسي متمم قبل لا تقول

عجاج : ايوووه اخر مراحل الحب هاذي عندك

ثنيان : لا تلومني يا عجاج ايه صح متزوج وعندي حريم وكنت متوقع اني مستقر واحبهم كلهم لكن هاذي مدري وش تسوي فيني تخدرني تطلعني عن نفسي مدري ما اعرف احدد شخصيتي معها

عجاج: المهم ترجع وتفكنا بس الغريب وش عندها بمنيره

ثنيان: هي ما تدري عن سوات منيره اتوقع كلمت احد وقالها وهي تحب منيره

عجاج : الله يديم المحبه ياخي

ثنيان : جهز عمرك لاخر مهامك

عجاج :وشو

ثنيان: بنجيب رضوة الترف

عجاج: من جدك

ثنيان: من جدي بسوي اللي تبيه لكن اذا ما طلعت من عيونها ما اكون ثنيان

عجاج : حسبي للله تجمعوا المجنن

كمل ثنيان طريقه متجهه لسوق الذهب رغم انه حط اغلب فلوسه في غرامة بندر بس ما عليه تستاهل الترف

دخلوا السوق وهو يتهاوش هو عجاج على كل شي ثنيان وده ان ياخذ كل شي لها يعجبه بس عجاج قاعد له وهو كل شوي يقول ( ياخي بتنتقم منك وانت ما خليت شي )

طلعوا بعد ما نجلط عجاج من ثنيان

................••............

عند الترف

اللي طلعت وهي متجهه لبيت لسلوى وهي تشوف فرقتها السابقه يدقون ويغنون متجهين لبيت سلوى دخلت معهم وهي تغني وتزغرط

كان من العادات عندهم انهم يرحون لبيت البنت وهو يدقون يغنون طبعا حريم بس

صالح اللي كان جالس وهو يناظر ويبتسم ماكان مصدق انه خلاص كتب كتابه على سلوى وبكره بتكون رسمياً زوجته

جاء عايض : مبروك صالح

صالح اللي من بعد سالفة الترف صار معه فوبيا من عايض ابتسم : يبارك فيك يا عايض وعقبالك

عايض : على خير

.................••............

عند سلوى اللي كانت هالليله عندها ليلة حنا والكل حضر ونوره اللي شاده حيلها تركض من كل قلبها وبفرحه

ودخلت الترف وهي تغني وترقص وتصفق وسعيده والكل

سلوى فرحتها كان شي ثاني ما استحت ابد وكانت تردح معهم رغم انتقاد بعض الحريم الا انها ما همها

.................••............

في بيت ابو محمد

محمد اللي كان مقابل منيره وهو عينه على الرقم وفز اول ماشاف ان موقع الجوال تغير وصار في حي ثاني ولا شعوريا انذهل لما شاف الموقع كان بيت اهل شوق ونوف

مسك راسه وهو الحين تاكد شد على اسنانه بقهر ( هييين يا شوق الزفت هين انا اعرف اربيك انا )

.................••............

في بيت ثنيان

ثنيان اللي وصل بيته وهو يناظر غرفة الترف بهدوء وكان يشوفها جدا جديده لكن مب مشكله

اتصل على كم واحد يشترون الاثاث وقشوا كل شي

وراح للغرفة الثانيه اللي كانت مقابله غرفة منيره وقريبه منها فتحها ودخل العمال ينظفون وبعدها طلع يأخذ الغرفه الجديده وانهد حيله وهو يلف ويدور لما حصل شي ممكن انه يناسب الترف وطبعا الساعه 12 تماما كان منتهي من كل شي وختم على شروط الترف

انسدح بتعب وهو يبي ينام بكل مافيه من قوه يبي يصحصح ويصحى وراه بكره يوم عريض طويل

................••............

في بيت سلوى

اللي بعد ماراحوا الكل وجلسوا وهم كلهم حاطين الحنا وبما فيهم الترف

نوره: الترف اليوم جاء رجلتس

الترف : اووووه اسكتن ما قلت وش صار

سلوى: رغم اني 90٪ عقلي مب معتس بس قولي

الترف : اقول والله ان ماسمعتي لطلقتس من اخوي

نوره: قولي اسمعتس

ابتدت الترف وهي تشرح وش سوت في ثنيان

سلوى : والله يا شيخه لو رجلي مافيها حنا كان عطيتس رفسه تأدبتس

الترف : لييييه

سلوى : ابك والله لو اناديه ويقول عيوني اني لرضا في ثواني

الترف : حبيبتي هذا اذا صرتي عيونه لحالتس مب عنده 3 عيون غيرتس

نوره: بس كفو عليتس خليه خليييه يتربى

الترف : وش قررت بعد

نوره : وش

الترف: اللي بيجيبه بعطيتس وبعطي امتس وسلوى والباقي ببيعه واشتري فيه لابوي غنم

شهقت سلوى : والله انتس مريضه مرييضه انا بدق عليه اقوله يطلقتس

الترف : اقول انثبري لا اطلقتس انا

نوره: ترف يرحم امتس فيكنا اعقلي خلاص

الترف: مانيب عاقله عشان يعرف يمد يده ويشك

نوره: الله يعييينه ويعينتس

سلوى: اقول قومي اذلفي انتي وياها برقد بكره وراي زواج وانتم هنا تخربون بيوت

الترف رفستها وطلعت وطلعت نوره وهي تضحك

اما سلوى اللي حرفيا كانت هيمانه بحب

...............••............

من بكره العصر في بيت ابو ثنيان دخل ثنيان لابوه لللي كان جالس بضيق : مسه بالخير ابو ثنيان

ابو ثنيان: هلا يا ثنيان مساك الله بالخيير

باس راسه وجلس: كيفك اليوم

ابو ثنيان: ضايققن صدري

ثنيان: افا والله سلامة راسك وش يضيق صدرك

ابو ثنيان: الحين بندر مسجون وابوه متزوج وانت

ثنيان قاطعه وهو يبوس كتفه: انا كل اموري انتهت منيره وبرجعها البيت وبجيب الترف وكل شي بخير

ابوثنيان: تقوله صادق

ثنيان : ايه

ابو ثنيان : متى بترجعها

ثنيان : بكره اليوم جايك بعزيمة خص نص لك انت ونواف ومحمد وسيف

ابو ثنيان: عزيمة وين

ثنيان: صالح نسيبي عرسه اليوم وبنروح له وش قلت

ابو ثنيان: وش اقول والله بعيد ومانيب رايح

ثنيان: يبه الله يهديك تعال تغير جو وتنبسط

ابو ثنيان : زين اجل

ثنيان: خلاص انا ببلغ العيال وانا بطلع من بدري وتجي انت ونواف المغرب

ابو ثنيان: زين

طلع ثنيان وهو متجهه لحاره عجاج اللي حرفيا اشتاق لهم وكان ثنيان لابس وكاشخ جنبيه وحركات

وعجاج اللي كان بالمثل كاشخ ولابس جنبته واموره فالسليم كان واقف فوق بالحاره ينتظر ثنيان اللي جاء من اسفل الحاره وهو يعرض بجنبيته ويغني ونزل عجاج وهو يعرض ودخل ابو محمد اللي يغني معهم وينقز والكل يضحك

سالم : شعندكم وين رايحين

ثنيان: بتزوج الخامسه

ابو حمود : واالله وطلعت خبيث تكذب علينا لك مده ولا علمتنا

ابو سعيد: ايييه حظوظ ولا هاذي تصرفات ابو حريم

عجاج :ياعم اذكر للله ترانا لنا شهر وحنا نرجع في حريمه

ثنيان: لا تعطوني عين تكفون

سالم :والله اذا بتزوج خامسه بزوجك مرزوقه

عجاج نط على سالم : اي تكفى طلبناك

ثنيان: لا دخيلك بتزوج خل معروفك لولد حارتك وزوج عجاج

ابو حمود : اصلا ما يجوز له خامسه زوجها عجاج

ضحك عجاج : اقول عم ابو حمود شخبار حمود يده جبرت ولا باقي

ابوحمود بغضب: ايه جبرت تهبى ذا التريله كسرت ولدي

ثنيان صرخ :مرزوقه جت

فز ابو حمود بخوف وضحكوا كلهم عليه ونحاشو عجاج وثنيان اللي اخذو معاهم سالم وعيد و طلعو متجهين لديرة الترف

................••............

في ديرة الترف

وعند صالح اللي كان من صبح الله فارش الزل ومركب العقود والفرقه حاضره والسامري حاضر وقدور الضيافه زاهبه وابو الترف اللي من الصبح وهو يقهوي ويرحب ويهلي

وصالح اللي رايح جاي وهو وجهه شاقته الابتسامه

الترف اللي كانت هي نوره وام نوره من من الصبح وهم يجهزون حوش الحريم ويجهزون الضيافه والترف اللي كاشخه وتنتظر بس ثنيان يجي

لفت اول ما سمعت صوت السياره والرمي وكان ثنيان واللي معاه

نزل ثنيان وهو متجهه لابو الترف ويسلم عليه بحراره وسلم على صالح والكل

ابتسمت الترف بفخر وهي تشوف كيف له هيبه مابين الناس

شافته يكلم صالح وابتسم صالح وهو يأشر له على البيت عرفت انه يناديها ودخلت وهي تلقي نظره اخيره على نفسها وتعطر وسمعت صوته داخل معاه الاغراض اللي جايبها فزعه لزواج ومو بينهم شنطه ذهب ابتسمت وهي تقول : حياك الله

نزل ثنيان الاغراض وهو يرفع السلاحه وهو بالحوش ورمى كم رصاصه وهو يضحك: لعيون الترف

ضحكت الترف وتقدم ثنيان اللي ماقاوم انه ما يسلم عليها سلم عليها بحراره وهو مبتسم : اووه اووه وش ذا الززين وش ذا الملح والقبله

الترف :الله يسلمك

ثنيان وهويأشر على الشنطه: هاذي اول شروطتس والبيت ينتظرتس

الترف : كثر خيره

ثنيان : لبس العافيه

الترف اخذتها قبل تمشي مسك ثنيان يدها وهو مبتسم ويناظرها بإعجاب : محنيه يدينتس

الترف : ايه وش رايك

ثنيان : بعدين اقولتس رايي ، لكن من حسن الحظ لقيت احد يحب الحنا

الترف : ليه

ثنيان: محد عندنا يحب الحنا او يحطه رغم اني اموت بريحته

الترف بضحك: زين علمتني عشان معاد احط

ضحك ثنيان: ايه دوري اللي يقهرني وسويه

ضحكت الترف وطلع ثنيان بعد ما نزل وهو يبوس يدها

سحبت يدها بفرحه مختلطه بخوف وهي تفتح الشنطه اخذت بعض الذهب وطلعت وهي تعطي نوره وامها والمعازيم اللي كانوا منصدمين انها تعطيهم هذا الذهب

قالت الترف بصوت عالي : هاذي هديه من ثنيان لكم

ابتداء الهمس فالحوش وقربت نوره وهي تهمس : الله ينصر ثنيان

ضحكت الترف وهي تقول : امشي بنروح لسلوى قبل يكثرون الناس

اخذت اللي بتعطيه سلوى وطارت لبيتها بفرح

................••............

عند سلوى اللي كانت تجهز وهي تغني بفرح

ودخلت الترف ونوره وهم يغنون معها

الترف : يازينها زيييناه مرت اخوي

لفت سلوى وهي تقول : هاه بالله كيف شكلي

نوره: موووت حمممر

الترف : راح فيها صالح

ابتسمت سلوى بخجل وقربت الترف وهي تعطيها الذهب : اجل هاتس هدية ثنيان

ضحكت سلوى: على من تكذبين قصدتس دم قلب ثنيان

الترف : اعتبريها هديه علامتس انتي

نوره: الترف الناس بدو يجون

الترف : يلا يلا حنا بنروح ونجيتس شوي

سلوى : طيب

راحوا وسلوى رجعت وهي تجهز نفسها

.................••............

عند الرجال

عجاج وثنيان وسالم وعيد كانوا كلهم قايمين مع صالح وابوه من صب القهوه لرقص لترحيب لكل شي

المغرب وصل نواف ومحمد وابو ثنيان ونزلوا الكل يستقبلونهم

وابتدا فعلياً الزواج وابتدا الرقص والحماس ومحمد اللي كان مبسوط على الاخر هو ونواف ودخلوا معاهم بالرقص

................••............

عند الحريم

كانت سعديه مثل العاده شايله الحفل والترف اللي تردح من كل قلبها ونوره والكل والزغاريط والرقص

كان مختلط صوت رمي ودق وسامري وزغاريط ومدح وريحة العود والقهوه

والساعه 9 جاء وقت ان صالح ينزف لبيت سلوى وطلعت سعيده وفرقتها وراه وهو بالمقدمه هو ابوه والترف

ودخلوا على دق وزغاريط وقامت الترف وهي تقول: الف صلاة والسلام عليك يا حبيبي للله محمد

وارتفعت الاصوات وراها بالزغاريط وبدت سعديه تغني وتدق وهي تقول ( عجلوا صوب صالح ليحضر اعجلوا صوب صالح ليحضر ،وباركوا له عسى عمره طويل وافرحوا له خذا غاية مناه

وقال صالخ بصوت عالي : اي والله خذيتها

ونزلت الترف وصالح يرقصون وابوه اللي يرقص بعصاته وسلوى جامده في محلها

وحولت فورا تمدح سلوى ( سلوى بنت الاجواد زفوها ،وعلى المطيه حملناها... وكملت صالح اللي على كثر ما رقص عند الرجال الحين صار يرقص عنه وعن سلوى وطبعا وقفوا وسلم ابو الترف على سلوى وطلع واول ماطلع طلب صالح يدقون لعيون سلوى وانقلبت الغرفه ردح هو وياها والترف ونوره اللي كانت تصفق ولا تقدر تطب معهم

وبعد شوي ركدوا وسلموا عليهم وطلعوا ولف صالخ بكل حماس : اخييييرا يا سلوى

ابتسمت سلوى بخجل ما كأنها اللي قبل شوي ترقص

حتضنها صالح بفرح الدنيا وهو يتمنى ان العمركله حلو معها ................••............

وطبعا عند الترف

اللي مرت وهي تشوف عجاج وثنيان والكل يرقصون ابتسمت وهي تنادي بزر ينادي ثنيان

ثنيان اللي كان يرقص ووقفه البزر اللي قال : تقول الترف تعال

وقف ثنيان وهو معاه السيف وطلع متجهه للبيت

اما الترف اللي ركضت لسعديه وهي تقول : اسمعيني الحين بيدخل ثنيان ابيتس تدقين دق حماس

سعديه: ابشري ابخليه ينسدح هنا

الترف: لا يا بقره مابيه ينسدح ابيه يرقص ولا تحمسين مره يعني خليتس على سامري

سعديه: وش اغني طيب

الترف : عطينا حي الله اللي يغيب ويسرع الرده

سعديه : يا ويلهم

ضحكت الترف وراحت وهي تدخل البيت وشافت ثنياان اللي يمسح وجهه ويرتب شخصيه ولف ببتسامه : سمي يالسمراء

الترف مدت يدها : نبي منك تحي حفلنا

ثنيان : وشو

الترف : ابد شفتك تردح من قلبك قلت لي حق عليك ترقص معي

ثنيان اللي ما توقع ابد ابد وضحك: خبله انتي تبينهم يذبحوني

الترف: افااا تردني

ثنيان خق وقبل يرد سمع سعديه تقول ( حي الله اللي يغيب ويسرع الرده)

لا شعورياً ضرب صدره وهو يقول : يلعن ابو اللي يردتس

دخلت الترف بعد ماقالت لهم يتغطون ودخل ثنيان وهنا قام الصراخ كان واضح على ثنيان منحرج بس معاد يشوف الا الترف

قامت سعديه اللي تبدع فالدق وثنيان اللي جت الكلمات على الجرح وكان يغني معها يوم قالت ( يا صاحبي جارك الله ويش هالصده ، )

ضحكت الترف اللي كانت معاه على نفس الدقه ونفس الرقصه وكانوا حرفياً يأسرون برقصهم وكل واحد رقصه اقوى من الثاني

والترف رفعت صوتها مع صوت ثنيان اللي عطاها سيفه ترقص وهم يغنون ( ترا حلاة الهوى لا طالت المده )

انهبلوا مع الدق وبعد رقص عميق وقفت الترف وهي تضحك وثنيان اللي شاق الابتسامه

نوره جات وهي تضحك : ياهوه قلطي ضيوفتس عشاهم زهب

الترف : ابشري

دخلوا جوا واخذ ثنيان السيف : اجل حلاة الهوى لا طالت المده يالترف

الترف ضحكت وهي تحط شماغه على كتفه : اجل ما عندك اعتراض

ثنيان: لا عندي تكلمه

وقرب وهو يكمل الشطر قريب من اذنها ( ترا حلاة الهوى لا طالت المده ، ماهوب يوم صديق ويوم قوماني )

ضحكت الترف وطلعت وهي فاهمه كلمته وطلع ثنيان اللي على الشطر وهو يرقص وقابله عجاج يرقص معه على نفس اللحن : وين رحت يا ثنياني

ثنيان رد : رحت لبنتكم اللي بتجيب راسي

عجاج : اخلص العشاء جاء يلا

راحوا يضحكون وهم يوزعون العشاء وثنيان اللي كان يحس انه للحين يرقص على الدقه

.

.

انتهى بارت 😩🌟

«البارت السادس والعشرين»

.

.

في بيت ثنيان

عند ثنيان اللي كان يجهز لدوامه مثل عادته وهو يناظر بنفسه بهدوء ابتسم وهو يتذكر ان الترف كانت تطقطق عليه وتنتقده لييييه يحب يناظر بنفسه كثثير

صحى على مي اللي حضنته وهي تقول : الحلو وش يفكر فيه

لف ثنيان وهو ياخذ حزامه : ولا شي ولا تحسبين حسابي اليوم للغداء

مي : لييه

ثنيان: بتغداء برا

مي : طيب

ثنيان: واكرر يا مي الله يرضى عليك مشاعل لا تسوي ولا شي وطلعي الغداء فوق عندها ادري تتعبين بس حني عليها

مي بقهر: ابشر بس ارجع الليل بدري طيب

ثنيان : خير ان شاء الله

طلع ثنيان وهو يبتسم : هلا ابووي

حضن محمد وعمر اللي جوا يركضون له

محمد : يبه بروح عند امي اليوم

ثنيان : ابشر روح اجهز واوديك الحين

عمر : يبه ليش عمه منيره ماتجي عندنا

ثنيان ابتسم : عشانها تعبانه يا ابوي

محمد: ايه امي دايم تبكي

ثنيان وقف وهو ياخذ نفس وراح لغرفة مشاعل فتح الباب : صباح الخير لثقيلتنا

مشاعل ابتسمت : صباح النور لضابطنا

ثنيان تقدم ببتسامه: هاه كيفك اليوم

مشاعل: والله صح تعب بس الحمدلله

ثنيان : تهون ما عليك تهون اذا ودك اوصلك لامك

مشاعل: لا والله مالي حيل ابي بس انام

ثنيان: اجل نامي ولا تتحركين ابد ومي بتصلح الغدا وتطلعه انتي لا تنزلين

ابتسمت مشاعل : الله يخليك لي

ثنيان: يلا تبين شي

مشاعل: ايه ثنيان ،، متى بترجع منيره

ثنيان : ماجاء وقتها يا مشاعل

مشاعل: طيب والترف

ثنيان : ما انتهى زعلها يا مشاعل

مشاعل لفت وجهها بضيق : الله يسهل

ثنيان : يلا وترا محمد بوصله لامه

مشاعل :طيب

طلع ثنيان مع محمد وهو لبيت ابوه

................••............

في بيت ابو ثنيان

اللي كان جالس وهو يدق بعصاه فالارض بتعب وضيق

نواف اللي كان جالس قباله وهو يقيس ضغطه : يبه الله يهديك ريح اعصابك ضغطك مب راضي ينزل ابد

ابو ثنيان : انا وشلون ابي ارتاح واخوك هاذي افعاله يبي يشتتنا ويخرب كل شي

نواف : يا يبه انت اصلا تعرف ثنيان وتعرف كيف يغلي منيره ولو منيره مب غلطانه غلط كبير والله ما يخليها ابد

ابو ثنيان : الله بس يعديها على خير

نواف بتردد : وبعدين ترا كله من ذي ثريا اكيد مسويه شي

ابو ثنيان بعصبيه بعد نواف : لاااا وش رايكم ارمي بنات اخوي عشان خواطركم

نواف : ما قلنا ارمهم لكن انت تشوف افعالهم

ابو ثنيان : اقول قم انقلع

طلع نواف بغضب وقابله ثنيان: نواف وش فيك

نواف : نصيحه لا تدخل لابوي

ثنيان: لييه

نواف : مره معصب ومرتفع ضغطه ولو دخلت بيكسر راسك

ثنيان : ما عليه انت خذ محمد عند امه وانا بشوف

نواف : يلا حمود

راح محمد ودخل ثنيان : صبحه بالخير ابو ثنيان

ابو ثنيان بغضب : لا اني ابوك ولا قاله الله

ثنيان : افا والله وش ذا الزعل يا يبه

ابو ثنيان : اييه ازعل ولا مزعل محد يعطيني وجهه

ثنيان وهو يبوس كتفه: من اللي قاله انت الخير والبركه

ابو ثنيان : اسمعني عاد صرف الكلام ما ابيه ابي تصرف وفعل

ثنيان: امرني وش تبي اسوي وابشر

ابو ثنيان : لين متى بتخلي منيره عند ابوها شهر للحين ما طاح اللي براسك

ثنيان: يبه حبيبي مليون مره شرحت لك وقلت منيره غلطت وكم مره قلت لك شوف ثريا يايبه اضبطوا ثريا خلوها تبعد عن حياتي ما طعتوا والحين زعلانين ليييه

ابو ثنيان : وش سوت ثريا علمني وش سوت

ثنيان : وش باقي ما سوت يبه الله يخليك خلاص انا تعبت انا ضاقت بي الوسيعه خلاص كفايه من ثريا وسوايها

ابو ثنيان: يعني بتطلق منيره وتحرمها ولدها

ثنيان: يبه لو اني ابي احرم منيره ولدها كان سويت لكن يبه تكفى لا تضغط علي انت بعد اتركني اتفاهم مع حريمي بلحالي

ابو ثنيان:زين يا ثنيان لكن اعرف ان طلقت منيره اني غضبان عليك وامك بعد

ثنيان وقف بضيق: ابشر يبه ابشر

طلع وركب سيارته وهو ياخذ نفس وطلع لدوامه وهو يطوي طريقه ولايحس به من التفكير

................••............

في ديرة الترف

الترف اللي كانت متعوده ان ثنيان كل يوم يجي نزلت الفطور وهي تنادي صالح للي كان من ضيقه بعد على الترف زاد ضيقه على سلوى

صالح : ابوي ماجاء

الترف : لا للحين

صالح : كيف افهمه يالترف كيف

الترف : مدري يا صالح لكن حاول انك تهدى وتقنعه

صالح وقف اول ماشاف ابوه جاي وسلم عليه وجلس : يبه ابيك بسالفه

ابو الترف: قول اسمعك

صالح : يبه الموضوع هو زواجي من سلوى

ابو الترف نزل الفنجال بغضب : انت ما تفهم

صالح : يا يبه الله يصلحك مالك في تعاستي حاجه وش بتستفيد من اني اجلس كذا عندك لا عيال ولا زواج وانا حرمت على نفسي الحريم يا يبه من بعد سلوى

ابو الترف : اقولك سلوى طقاقه

صالح : وعمتك كانت طقاقه بعد

الترف: يبه سلوى ماعاد تطق تركت الطق من زمان

ابو الترف : اتركته ولا ما تركته فالنهايه طقاقه

الترف : يبه حرام عليك

ابو الترف : اقول اص انتي وياه بس

وقف صالح وهالمره كانت وقفته غضب وقهر و حاله متغير من الهم والضيق : يبه ناظرني زين يبه وش بتستفيد من رفضك غير انك تكبدني الهم والعناء اذا تبي لي الشقاء والموت لا تزوجني سلوى لكن اعرف اني بطلع من هنا ومب بس من هنا بطلع من الرياض بكبرها واعتبرني اذا طلعت ميت

طلع وهو زعلان مره

وقفت الترف وراه بضيق : يبه تكفى الله يخليك انت وش بيهمك في كلام الناس خلهم يحكون اللي يبونه ما يستاهلون تخسر صالح عشانهم يبه ناظره زين شوف كيف حتى وجهه طفى نوره وهده الهم

ابو الترف سكت وهو معصب وطلع وتركها

اما الترف اللي جلست بضيق وهي تشوف حتى سلوى المسكينه فقدت الامل جمعت كل شي وجلست بحزن على حالهم ................••............

في بيت ابو محمد

وعند منيره اللي فتحت الباب بضيق لمحمد وهي تحضنه : هلا يمه

محمد : يمه اشتقت لك تعالي معي البيت

منيره : حتى انا يمه اشتقت لكم

محمد : طيب انتي ليش تبكين

منيره : خلاص يمه معاد ببكي خلاص

بعدت وهي تعطي محمد فطوره وجلست وهي تدور على رقم الترف دقت وهي ترجف

وجاها صوت الترف : الو

منيره : الترف

الترف : من يتكلم

منيره : منيره

الترف اللي ماكانت تدري باللي سوته منيره : هلا والله يا منيره

منيره استغربت : كيفك

الترف : حمدلله انتي كيفتس

منيره: ماني بخير

الترف : افا علامتس

منيره بكت وهي تقول : الترف تكفين سامحيني تكفين ادري غلطت بحقك لكن انتي بنت حلال وبتعذريني ادري فرقتك عن بيتك لكن تكفين سامحيني تكفين ارجعي لثنيان تكفين لا تكونين سبب تفريقي عن ولدي

الترف : وش تخربطين انتي ليه افرقتس عن ولدتس

منيره : ثنيان بيطلقني اذا ما رجعتي وبياخذ محمد مني

شهقت الترف بصدمه ( وش في راسه ذا الخبل ) : ليه يسوي كذا

منيره اللي بدون ماتدري ان الترف ما تعرف قالت كل السالفه والترف انلجمت من الصدمه كيف منيره تسوي فيها كذا اصلا كيف ثنيان يستوعب ان هي بتسوي بمنيره هذا كله

الترف اللي بالقوه تكلمت من الصدمه : طييب يا منيره

قفلت بضيق وهي تحس انها في حلم كيف منيره تسوي كذا فيها كيف

اما منيره اللي سكرت وهي تدعي ان الترف ترجع ................••............

في بيت ابو محمد

عند رهام اللي طلعت بعد ما كانت تساعد ابوها يطلع لغرفته اتجهت للورد وهي تاخذ المويه جلست تسقيها بهدوء لكن لفت برعب من العلبه اللي انرمت عليها اخذتها وحصلت فيها ورقه فتحتها وكان مكتوب ( رهام بسرعه اتصلي هالرقم )

انفجعت رهام وهي تناظر الرقم بخوف لكن حست انه محمد طلعت الجوال وهي تدق على الرقم

................••............

عند محمد

اللي بعد ما فكر لما تفجر راسه قرر انه يتواصل مع رهام ويسألها وش كانت تبي طلع رقم جديد ورمى الورقه على رهام وركب سيارته وهو ينتظرها تدق ودقت بخوف : الو

محمد : لا تخافين انا محمد

رهام اختفى صوتها من الارتباك وقال محمد :رهام انا مابي شي الا أسالك وش كنتي تبين لما ناديتيني للحوش الخلفي

رهام: ايييش، متى ناديتك وش تقول انت

محمد : رهام وصلتني رساله من رقمك يارهام تنادي لكن تصاوب ثنيان طبعا هذا قبل شهر لكن ما جيت

رهام: وش تخربط ما ناديتك ولا حتى اعرف رقمك عشان ارسلك

محمد كان متوقع هالشي متوقع ان احد يلعب بجوالها : زين يا رهام

رهام من الصدمه فقدت نفسها: لا مب زين الحين تفهمني وش صاير

محمد : اوعدك انه ايام وافهمك لكن انتبهي وجوالك لا تتركينه ولا تصدقين اي شي لين ارسلك انا شي انتي تفهمينه

سكر وهو يدق الديركسون بغضب : باقي شوي باقي شوي

تحرك وهو متجهه لبيتهم بضيق

................••............

في بيت ابو ثنيان

عند سيف اللي طلع متجهه لابوه ودخل وهو يشوف ابوه جالس مع امه بالصاله

دلال: سيف وينك مختفي ما تنشاف

سيف : الحين بنشاف يا دلال زين

ابو ثنيان : تعال قلي وش مسويه هاللي ماتستحي ثريا

سيف : يا يبه ما جيت بحكي عن ثريا ومشاكلها مع ثنيان

ام ثنيان: اجل وش بتحكي به دامك ما بتحكي بذا

سيف : اتركوا كل شي وركزوا معي

ابو ثنيان: ياربي سترك وش بعد

سيف بعد صمت : يبه انا تزوجت على ثريا وبجيب زوجتي هنا تسلم عليكم

دلال لا شعوريا : كيييف

ابو ثنيان : نعم نعم وش تقول انت

ام ثنيان: هذا اللي ينقصنا ماكفانا اخوك جيت انت

سيف : ماشاء الله ثنيان وقفتوا كلكم له وانا صرت صدمه عليكم

ابو ثنيان: سيييييف لا ترفع ضغطي انت بعد

سيف : سلامة ضغطك يا يبه لكن زواجي صار له سنتين وصار وقت اني اقولكم لاني انتظر مولود

ابو ثنيان : دلال دلال تعالي طلعيني من هنا تعالي

دلال ركضت وهي مصدومه : نوف نوف تعالي ساعديني

نوف دخلت وهي تساعده وقف ابو ثنيان: لا بارك الله فيكم منن عيال لا بارك الله فيكم

ام ثنيان : انت ما تستحي على وجهك جاي وتعلمنا بعد

رهام: يمه وش بكم يا يمه

ام ثنيان : اقول قم من قدام وجهي احسن وخلك عند البقره اللي متزوجها

وقف سيف : براحتكم

طلع وهو متجهه لبيته اللي بنفس بيت ابوه دخل وهو يشوف بندر اللي طالع : بندر امش بكلمكم

بندر: مب وقته يا يبه مشغول

سيف : اقولك امش

بندر : اوووف اووف

ثريا طلعت : وش فيكم

سيف : ادخلي انتي بعد عندي موضوع

ثريا: وش موضوعه من صبح الله وبعدين وينك سهران امس

سيف : اص واسمعي

ثريا : اوف وش عندك

سيف : من اليوم اعرفي اني بكون مب موجود انتي بتكونين في بيتك مع ولدك وبنتك معززه مكرمه لكن انا بكون عند زوجتي وولدي الجاي وتقبلي هذا لاني ماعندي وقت اقضيه في هبلك

ثريا فجاءه ضحكت : تستهبل انت وش زوجته وولده وش بيته

بندر: يبه الله يخليك ندري عندك زوجه وولد وش جديدك

سيف ابتسم : ايه تدرون بس مب انتم زوجتي الثانيه وبتتعرفون عليها هالايام

ثريا وقفت : سيف انت تمزح ولا جاد

سيف : اووه انا جاد من سنتين ولا متوقعه مني اجلس اراقب جنانك واسمعه من الحين اقولك بيني وبينك مافيه الا بندر وفجر وكل شي انتهى يوصلك اكلك وشربك ومصروفك واذا احتجتوا شي اتصلو بي

ثريا اللي صرخت : وش تقول انت كيف تتزوج علي كيف انهبلت انهبلت

سيف: انا من اليوم تزوجتك فيه انهبلت لكن اسمعيني يا ثريا من الان انتي بالهامش ولا ابي مشاكل اكثر سامعتني

بندر : اووه هاذي دروس ثنيان رباك ماشاء الله

سيف لف وهو يسكته بكف : اسمعني عاد تركتك وسيبتك بما فيه الكفايه لكن من الان اقولك يا تحترم نفسك ولا بكسر عظامك

فجر : يبه تتكلم جد يبه انت متزوج على امي

سيف اللي مب ضايق الا على فجر : ايه يا فجر لكن انا بجي لك كل يوم واذا احتجتي شي اتصلي بي

ثريا االلي إنهارت وهي تبكي وتصارخ وتعلقت فيه بس دفها بقرف وطلع بعد ما سحب من بندر السياره وبطاقات الصراف وترك له مصروف محدود جدا وبهالحركه انهبل بندر اللي كان يمشي وراه وهو يصارخ لف سيف وهو يصرخ : انقلع للبيت لا اقسم بالله هالعقال ليتقطع على ظهرك

بندر فقد نفسه وهويصارخ وسحبه سيف وهو يدفه بالمجلس ودخل وهو معاه عقال وطلع والعقل متقطع وبندر ما ينسمع الا صراخه

نواف اللي كان جاي وسمع الصراخ وتقدم بسرعه بيشوف وش صار لكن مسكته فجر وهي تبكي : عمي نواف ابوي تزوج على امي وعنده زوجه وولد

نواف : هاه من ؟؟ ابوك متزوج ؟ متى وكيف ؟ ومن اللي يصارخ

فجر: بندر ابوي طقه وسحب كل شي منه

نواف : احسن

فجر: عمي

نواف : فجر لا تزعلين مني بس اخوك وامك يستاهلون

فجر: انا وش اسوي طيب

نواف : تعالي معي ندخل جوا والله يعين

فجر: لا بروح لامي منهاره

نواف : زين

راحت فجر وابتسم نواف : ايييه يا سيف وينك من زمان

دخل وهى مبتسم للمطبخ وصفق: اصلا انا لو مر يوم وماشفت رهام ونوف يحللون المشكله ما اقدر اعيش

رهام : سمعت اللي صار

نواف : تكتب فالتاريخ ويعتبر اشجع شي سواه سيف للحين

نوف ؛ بس برررد قلبي في ثريووه

رهام : بس حزينه على فجر من وين تحصلها مو كفايه امها حابستها حتى بالجمعات ما نشوفها صرت انساها والله

نواف: ان شاءالله تكمل ويطلقها سيف ونفتك منها كلنا

نوف : امين

نواف : لا وابشركم مكفخ بندر

دلال دخلت بغضب : انتم ماعندكم الا تحشون وانت نواف صارت اطباعك اطباع حريم

نواف : والله وش اسوي الوضع يحكمني

دلال: قوم بس شوف ضغط ابوي

نواف : ااااه يا ربي خواني يغلطون ونواف يتكسر راسه

دلال : روح بس

................••............

في قسم الشرطه

عند ثنيان اللي كان يبحث في سجل المروجييين للحين رفع راسه على دخول الشرطي : حضرة الضابط هذا ملفهم فيه المعلومات اللي قدرنا نجمعها عنهم خلال هالشهر

ثنيان اخذ الملف : كيف اوضاعهم

الشرطي : اليوم فيه لهم عملية تهريب في .. ع الساعه 9 اتفقوا مع الرجال

ثنيان : خلكم جاهزين مراقبين كل الاماكن وخذ احتياطاتكم كامله مانبي قصة الاصابات تكرر

الشرطي : ابشر بس يا ليت انت بعد تنتبه على نفسك توك تشافيت

ثنيان ابتسم: ابشر

طلع الشرطي وطلع ثنيان وهو متجهه لغرفة المراقبه ويعيد هيكلة الخطه انتهى ورجع لمكتبه ودق جوواله ورد ببتسامه: يا هلا ب عجة عمري

عجاج : هلا هلا كيفك اليوم

ثنيان: والله يومي طويل يا عجاج

عجاج : ليه

ثنيان: عندي مداهمه اليوم وادع ان هالكلاب يطيحون بيدي

عجاج : يالله ثنيان تكفى انتبه لنفسك لا يصير لك شي

ثنيان ابتسم: يااحظي دامك خايف علي

عجاج : من قالك خايف ببتلبش بكره في عيالك وحريمك ولا نسيت انك مأمني عليهم

ضحك ثنيان وهو يدري ان عجاج خايف عليه ولا اهتم بالامانه مره : ما عليك بس بورثك راتبي

عجاج : ههههههههههههههههههه اجل روح موت بسلام اهلك برقبتي

ثنيان: خبييييث

عجاج : اييه يعني اليوم مافيه روحه لترف

ثنيان: لا استراحة محارب

عجاج : حمدلله ياربي

ثنيان:هههههههههههههههههههههههههههههههههههههههههههه هههههههههههه وش فيك مره متضايق يعني

عجاج : والله انا مدري وش دخلني لي شهر سردادي مردادي معك !! بالله وش دخلني

ثنيان: افا انا ابيك عون

عجاج: يا رجال روح بس شهر وانت تروح وتجي على الفاضي حتى انها ما عطتك وجهه وطلعت

ثنيان: وش اسوي ابتليت والله بحب دمرني حسبي لله عليكم يالسمر

عجاج : اقول لا تحسب علينا محد قالك تورط معنا وتصير حمار

ثنيان: انت ورا ما تضف وجهك

عجاج : اسمع بس تراهم خاصمين علي من راتبي عشان غياباتي وبتدفعها انت

ثنيان: هههههههههههههه لا مت بتورث الراتب كله وتشبع فيه

عجاج بمزح: ياخي مب مشكلهه موتك سهل بس عيالك علل وش يفكني منهم

ثنيان: بكتب لك وصيه لا تخاف

عجاج : هههههههههههههههههه يمه استغفرلله المهم بسكر انا وانتبه لنفسك

ثنيان : يلا فمان الله

................••............

وفي بيت ثنيان

كانت مي معليه صوت السماعه وهي تشتغل وترقص

نزلت مشاعل بضيق وهي تفصل السماعه : انتييي هييييه وين عايشين بمرقص وش ذا الصوت وش ذا اللبس

مي : اووووه خير انت وش تبين مو كفايه منسدحه وانا اكرف بعد بتدخلين بذي

مشاعل: اقول انكتمي واسمعيني مالي خلقك وخلق مشاكل كم مره قلت لك حاذري على لبسك فيه اطفال فالبيت ولا انتي ما تستحين

مي : والله اذا مره شايله هم الطفل قفلي عليه بغرفه هذا بيتي وبسوي فيه اللي ابي

مشاعل وهي تصارخ بغضب : اسمعيني زين يا مي ترا طفح الكيل منك احسن لك تعدلي والا والله والله لاتصل على ثنيان واعلمه كل شي

مي : اقول وخري بس

رجعت وهي تشبك السماعه وترقص

مشاعل اللي تمالكت نفسها بصعوبه لا تنزل تكسر راسها ودخلت المطبخ وهي تاخذ المطرقه ورجعت لسماعه وهي تضربها بالمطرقه

مي صرخت : حسبي للله علييك يا مريضه خيير كسرتيها

ما ردت مشاعل وهي تضربها لما كسرتها تماما ورمت المطرقه : احمدي ربك ما كسرت راسك

طلعت بعد ما رمت ضحكة انتصار وهي تدخل غرفتها واخذت عمر معها وقفت الباب وهي تسمع صراخ مي وسبها لها انسدحت وهي مطنشه

................••...........

في ديرة الترف

الترف اللي مر الوقت وهي مستغربه ان ثنيان اليووم ماجاء وخرت عن الشباك بفجعه لما نطت نوره بوجهها : حظ عينك يا ثنيان الترف تنتظرك

الترف : يا ثقل دمتس مهبوله انتي فجعتيني

نوره: اقول افتحي الباب يا خفيفه الدم بس

فتحت الترف : وينها سلوى ما جت معتس

نوره: اسكتي يالترف والله يا سلوى مسكينه منكسر قلبي عليها

الترف : بسم لله وش فيها

نوره: من امس وهي تبكي قالها صالح ان ابوتس مب راضي وانه بيروح اذا ما وافق واخر حل انه يهدده بالروحه

الترف شهقت : في ذمتس قالها متى

نوره: امس بالليل

الترف : ليه ماعلمتوني

نوره: انا امس رحت اخذ من عندها قدرنا ودريت بالصدفه الا وينه صالح

الترف : مدري تهاوش مع ابوي الصبح وراح

نوره: يوه الله يهديه ابوتس

الترف : لا تخافين ان شاءالله بتنحل

نوره: اقولتس وينه رجلتس ماجاء اليوم

الترف: شدراني عنه

نوره: الحين انتي ما اكتفيتي شهر رايح جاي وانتي حتى ما طلعتي له

الترف : اسكتي ما تدرين وش صاير بعد

نوره: وش

قربت الترف : قومي بنروح لسلوى ونسولف هناك لبسوا وطلعوا لسلوى

........••...........

عند سلوى

اللي كانت في حالة حزن مب طبيعيه دق الباب وفتحت وهي تبكي

الترف : سلوى بسم لله عليتس

سلوى حضنتها وهي تبكي : شفتي ابوتس وش سوا يالترف

الترف : لا تبكين يا سلوى بنحلها وش بلاتس استسلمتي

سلوى: صالح بيروح وش تبيني اسوي بعده

الترف : اسكتي لا تبكين ماعليتس انا كلمت ابوي وضاق من حالة صالح ويمكن يوافق وبكلم صالح مستحيل اخليه يروح

سلوى: واذا راح انا وين اروح

نوره: يا سلوى تعوذي من ابليس ما بيروح اصبري انتي

الترف : اوعدتس اقنع ابوي انتي اصبري بس

سلوى: حتى لو ما تزوجنا عاديي بس مابي صالح يروح

اخذت الترف الطار وهي تدقه براسها: خبله انتي مب رايح بس يهدد ابوي روقي بس

نوره اخذ الطبله الثانيه : بالله غني يالترف

ضحكت الترف وهي تغني بأستهبال وضحكت سلوى وهي تاخذ الطار : اص بس ازعجتوني

الترف : اقول اقربوا بقولكم سالفه

قربوا وابتدت الترف تحكي سالفة منيره وهم طارت عيونهم بصدمه

نوره : يهبييي هاذي سوات منيره

سلوى: حسبها الله طلعت حيةٍ رقطاء

الترف: ها ماني اقول ان ثنيان فيه شي غير سالفة عايض

نوره: يا سلام وهو طقتس عشان منيروه

الترف : ايه لكن انا بصدم عيشته

نوره وسلوى: وش بتسوين

الترف : اصبروا بتشوفون بس خلوه يجي بس

سلوى وهي تناظر ساعتها: اصلا غريبه للحين ما جاء

الترف :مدري حتى انا بس بننتظر وش ورانا

سلوى: بس هالمنيره طلعت سلقه

نوره: والله مدري من بتثقين فيه يالترف

الترف : لا تخافين ماني مخليه حقي اصبري بس

................••............

ومر الوقت وبالليل الساعه 9 بالضبط

عند ثنيان اللي كان يعبي سلاحه وهو ينتظر اشارة للمداهمه

ووقف وهو يراقب الكاميرات

الشرطي : وصلو

ثنيان : انتظروا يفرغون البضاعه اول

ابتدو المروجين يفرغون ويبدلون البضاعه والفلوس وتحرك ثنيان : يلا

في ثواني وفي لمح البصر انتشروا الشرطه وهو يحاصرون هالمروجين وقبل يهربون وجهوا الاسلحه

الاسلحه عليهم

ثنيان: ارم سلاحك ارررم سلااحك

رموا اسلحتهم لما شافوا انهم محاصرين بعدد كبير من الشرطه

ثنيان: اخذو الاسلحه وكلبشوهم

وبسرعه اسحبوا الاسلحه وهو يكلبشونهم وقرب ثنيان : خذوا هالبضاعه ويلا خذوهم القسم

اخذ ثنيان المروجين وترك باقي الشرطه يحاصرون البضاعه ودخلوا القسم وقرب ثنيان وهو يسحب الشماغ من وجهه المروجين ورجع ثنيان بصدمه واتسعت عيونه بصدمه وهو يناظر واحد منهم : بندر

بندر ضحك باستفزاز : اوووووه كيف المفاجاه يا عمي الضابط

ثنيان رجع لورا وهو ماهو مستوعب : انت انت وش جابك هنا معهم وش تسوي هنا

ضحك واحد منهم : اوووه يا بندر كنت قلنا ان عمك يلاحقنا والله ما نقصر معه

ثنيان ضربه بخلفية السلاح : ابلع لسانك يا كلب

سحب بندر لمكتبه ودخله وهو يصفق الباب : انطق وش تسوي مع ذا الحثاله يا قليل التربيه

بندر رفع الكلبش وبوجهه ثنيان : ابد اوريك بركاتك

ثنيان مسك راسه ودخل الضابط الثاني : ثنيان زين انك مسكتهم هذولا طلعوا عمالقه فالشغله ولا ابشرك لهم سنين ومحد درا بهم

ثنيان اللي كان وجهه اسود من الصدمه سحب الملف وهو يقلب الصفحات وصل للاسماء وهو يدور الاسم وجلس بصدمه لما قرا اسم احد المروجين وكان متورط بشكل سيء ( بندر بن سيف بن محمد ال ثنيان )

حس بدوخه اجتاحته وهي يسكر الملف

................••............

وعند سيف

اللي كان غرقان بالعسل ما يدري وش صار ووش بيصير من ورا اهماله

اما عند فجر اللي كانت تعاني مع امها اللي كانت ففي انهيار عظيم وهي ما خلت ولا شي ما سووته بالبيت وكسرت وهدمت كل شي

................••............

في ديرة الترف

عند الترف اللي رجع ابوها وهو يقول : وين اخوتس

الترف : ما رجع يبه

ابو الترف: اتصلي به بسرعه خليه يجي

الترف : طيب

اخذت جوالها وهي تدق على اللي دخل مع الباب : وش فيتس تدقين

الترف: ابوي يبيك

دخل صالح وهو وجهه متضايق : سلام

وجلس وهو يتكي بضيق

ابو الترف : انا فكرت وشلتها بعقلي وحطيتها ولكن انا من الحين اقولك ماني مسؤول عن اي شي يصير معك ودامك تبي هالسلوى تزوجها بس تعلم قبل كيف تسكت كلام الناس

صالح اللي كان جالس وهو ما يسمع بإهتمام لكن فز وطاح من التكايه : وش وش قلت يبه وش

الترف ضحكت بفرح: صدق يبه وافقت

ابو الترف : عشانك لكن من الحين اقولك مالي دخل بزواجك ولا بحط فيه لا ريال ولا قرش

فز صالح وهو يركض يبوس راسه : يكفيني وجودك يبه مابي الا رضاك

ضحك صالح بفرح واختلط صوته بضحك الترف وزغرطتها وراح لها صالح وهو يحتضنها بفرح وطلع وهو يركض بيبشر سلوى

وراحت الترف وهي تبوس راس ابوها : تاكد يبه انك كسبت فرحة صالح وسعادة قلبه

ابو الترف اللي صد بضيق : رغم اني ماني راضي لكم عشانكم برضا

الترف : الله يخليك لنا

ابو الترف : انتي مانتس راجعه لبيتس

الترف : يكتب الله خير يبه

راحت بحماس وهي فرحانه لصالح وسلوى

................••............

في بيت سلوى

سلوى اللي كانت جالسه وهي حزيينه مره وفزت لما شافت الحجر يطيح بالحوش ركضت وهي تحط الكرسي ركبت وهي بتشوف من يرمي واول ما طلعت راسها صرخت لما صكتها الحجر بجبينها وطاحت وهي تصرخ

اما صالح اللي كالعاده يبي خير وصارت شر اتسعت عيونه بصدمه لما سمع صراخها وهالمره عرف انها بتدفنه حي لف وهو يناظر البيوت والشبابيك وما شاف احد وبسرعه حط البرميل ونط من فوق الحوش ولا شاف ان سلوى تحت وطاح عليها وزاد صراخ سلوى وقف صالح وهو مايدري يضحك ولا يفرح ولا وش يسوي

سلوى وقفت وهي ماسكه جبينها بصراخ : انت تبي تذبحني علمني تبي تذبحني

صالح : والله العظيم مادريت ووالله

سلوى ببكى: حرام عليك يا صالح

صالح اللي ضاق صدره : يا عيون صالح اسمعيني والله اني ما دريت عنتس بالغلط بالغلط من فرحتي ما ركزت

سلوى: وش فرحته وانت بتذبحني

صالح : ابشرتس ابوي وافق إنا نتزوج ابشرتس

سلوى وخرت يدها ونست جرحها ينزف وهو تضحك: قول والله احلف احلف

صالح اللي قرب وهو يحط شماغه على الجرح :ولله والله

ضحت سلوى وبكت من الفرحه وصالح اللي مايدري وش يسوي : تكفين لا تبكين يا سلوى

سلوى: وشلون ما ابكي علمني

صالح : اول شي غسلي جرحتس لا يلتهب وشوفي اذا كبير اوديتس المستشفى

سلوى راحت تغسل وهي تبكي وصالح يضحك من فرحته ورجعت : صغير

صالح : اشوى دام صغير انا بروح اخلص مع ابوي قبل يغير راييه

سلوى: ايه اركض اركض

طلع صالح وهو يركض بحماس ورجعت سلوى وهي تبكي ألم الجرح وفرحة رضا ابوه

................••............

عند ثنيان

اللي انهدت الدنيا على راسه ماهو مستوعب الموضوع ابد كأنه في دوامه تدور فيه استفزه بندر وافقده اعصابه وانفلت وهو يضربه بدون شعور بالقوه وقفوه وطلعوا بندر لسجن

الضابط اللي كان جالس عند ثنيان: وش فيك يا رجال فقدت اعصابك وانفلت عليه ما عليك بياخذ جزاه اذا هو اللي صوبك

مارد ثنيان اللي كان حطا يده على راسه وهو مايدري وين يودي وجهه وش يسوي

الضابط كان يقرا الملف ووقف وهو يناظر الاسم بدهشه ورفع راسه يناظر اسم ثنيان وفيه تشابهه كبير ردد في نفسه وهو يقرا ( ثنيان محمد ال ثنيان و بندر سيف محمد ال ثنيان ، معقوله معقوله يكون يعرفه) تردد بس سأل: ثنياان انت

ثنيان وقف وهو يصرخ : اييه ايييه تفضل اطلع لمكتبك يا احمد

وقف احمد بصدمه وطلع وهو مذهول

اما ثنيان شد على شعره وهو يضرب المكتب بكل قوته سحب جواله وهو يدق على سيف اللي طنش وطنش وطنش

دق على نواف : هلا ثنيان

ثنيان: دور لي الزفت سيف وخله يرد علي

نواف : سيف مب فالبيت

ثنيان بصراخ : اقولك دورره تستوعب دوره

نواف : ثنيان ما اعرف عنوان بيته الجديد

ثنيان : حسبي للله ونعم الوكيل فيه حسبي للله

قفل وهو معصب جلس وهو يدخل رقم سيف ويدور موقعه اخذ الموقع وطلع وهو بالقوه يتماسك من هول صدمته

.................••............

في بيت سيف

سيف اللي سكر جوال بضيق : بدينا يا ثنيان بالمشاكل

أمل: وش فيه ثنيان

سيف : هاوي غثاء ومشاكل

أمل : يدق في ذا الوقت عشان يتمشكل

ضحك سيف وهو يحضن امل : ما تعرفيه اكيد غار لما احد احتل منصب الزواجات من بعده

امل ضحكت لكن فزت لما انهل الدق المرعب على الباب

وقف سيف بخوف واتجهت للباب : مييين ميييين

ثنيان: افتح الله لا يجزاك خير

سيف فتح بغضب : انت خييير وش ذا الهمجيه وشوله تتدق كذا

دفه ثنيان بغضب: همجيه هاااه ألبس بسرعه واطلع وانت ساكت لأنك لو نطقت حرف ذبحتك تسمع

سيف انرعب من وجهه : ثنيان ابوي فيه شي

صرخ ثنيان: اطللللع وانت ساكت

لبس سيف وطلع برعب وركب مع ثنيان بسيارته وطار ثنيان وهو يتنفس بصعوبه ودخل القسم وهو من ثقل خطواته يحس الارض تهتز فيه دخل نزل لسجن وهو يدور بندر وقف وهو يقول بغضب : شف اخر ترببيتك يا سيييف

سيف : بندر وش عندك هنا وش جابك هنا وش مسوي انا ما سحبت السياره منك

ثنيان : سحبت السياره !؟؟ هه بدري مره يا سيف ولدك اكبر مروج في ذا المنطقه ياااا سيف

سيف : ايييش وش تقول انت لا مستحيل مستحيل انجنيت انت

ثنيان ناظر ببندر اللي جالس بيده ورجوله الكلبشات

سيف : بندر صدق ذا اللي يقوله صدق

جلس ثنيان وهو معاد يحس برجوله وسيف اللي انهبل من هول الموضوع كيف بندر ولده للي ما تجاوز ال 20 يكون مروج كيف ومتى واهم سؤال انا وين لما صار كذا

طلعوا لما جاء احمد يحقق معاه واتجهوا لمكتب ثنيان

سيف : ثنيان تكفى تصرف يا ثنيان تكفى لا تخلي ولدي يروح مني تكفى يا ثنيان

ثنيان : توك تتذكر ان عندك ولد وبيروح منك حذرتك مليون مره يا سيف انتبه لولدك وياسيف مايصير يا سيف راقب عليه يا سيف رب ولدك لكن كنت تشوف اني كارهه ومستقعد له شوف الحين نتيجة اهمالك

سيف : تكفى يا ثنيان مب وقت العتب تكفى تصرف

ثنيان وهو يضرب كفوفه ببعض : انتهى مووضوعه مب بيدي القسم مليان ضباط والكل شاف والكل عرف وبندر ممسوك بالجرم المشهود انا ما في يدي شي ومستحيل اطلعه من ذا المصيبه حتى لو انه ولد اخوي

سيف : ثنيان انت اكيد تعرف احد تكفى دخل واسطه تكفى

ثنيان اتسعت عيونه بصدمه : واسطة ايش وبطيخ ايش سيف انا اقسمت ودخلت هالوظيفه بقسم لو كان ابوي بكبره له يد فالموضوع بياخذ جزاته لكن اخر شي تسويه كا أب تطلع من هنا وتدعي انه مب متورط بشي كبير وتروح تبلغ امه وابوي لان ساعه وبيطلع الفريق كله يفتش بيتك وكل مكان لبندر فيه اثر تسمعني

سيف جلس وهو حاط يده على راسسه

شاف ثنيان ان سيف ماهو بخير ولا يقدر يوقف وقف واتجهه وهو يسنده واخذه للبيت وهو محتار وش بيسوي كيف بيبلغ اللي بالبيت

.

.

انتهى البارت🌟

البارت الخامس والعشرين»

.

.

في بيت ثنيان تحديداً غرفة منيره

تابع للاحداث...

.

ثنيان : لا لا ابي اعرف وش سوت معك

منيره احتاست وبدا يتغير وجهها : قلت لك خلها تعال تعال خذ ادويتك

ثنيان وخر يدها وبغضب : تكللللمي يا منيره

منيره جمدت يدها بالهوا بصدمه وهي تفكر وش تقول بس سكتها ثنيان : لا لا صح لا تكلم منيره تتكلم ثريا

منيره : ثنيان وش تقول

ثنيان : هذا اخرها يا منيره !!!! هذا اخرها ما تخافين ربك تظلمين مسكينه ما سوت لك شي بالعكس تحوفك حوف

منيره : ما ظلمت احد

ثنيان اللي كان حافظ منيره حفظ ويعرف متى تكذب ومتى تصدق : لا تخبطين على الفاضي حافظك مثل كفي واعرفك لكن مع الاسف عزيتك لين صرتي ما تشوفين ولا تفرقين

منيره بكت وهي اللي ما تعرف تكذب على ثنيان : والله ماقصدت من الغضب ماعرفت وش اسوي غرت منها حسيتها بتاخذك مني ياثنيان

ثنيان احمر وجهه بغضب : الله يلعن ابو هالغيره اللي تعرفينها كم سنه تزوجت وحده واثنين وين غيرتك حزتها لا عشانها صفت نيتها معك انتي غدرتي وسمعتي لثريا

منيره : انا اسفه والله ما اعيدها

ثنيان : قلت لك مره وحده بس اني لو ادري ان هالثريا خربت حياتي بمقدار شعره عن طريقك بتطلعين انتي من حياتي وقلت لك مابي اكررها يامنيره وهذاني اكررها

منيره : لا يا ثنيان تكفى لا

ثنيان : منيره خذي اغراضك وارجعي لثريا يمكن تفيدك واذا انا سكت عشان خاطر ولدي

منيره انهارت وهي تمسك ذراعه: لا يا ثنيان تكفى لاااا

دفها ثنيان وهو معصب عن ذراعه : منيييييييره ابعدي احسن لك ومحمد يجلس هنا سااامعه

منيره اللي انهارت تبكي وهي تصرخ : لا يا ثنيان لاااااا

مشاعل اللي تعبت وهي تركض في ذا البيت اللي انقلب مشاكل شافت منيره طايحه وهي تبكي وثنيان طلع معصب ركضت وهي ترفعها : منييييره وش صاير منيييره لا تخوفيني

منيره : تكفين يا مشاعل ساعديني ثنيان بيطلقني تكفين يا مشاعل

شههقت مشاعل وهي مستحيل ان ثنيان بيطلق منيره مستحييل مستحيل

.................••............

في ديرة الترف

الترف اللي كانت جالسه على الشباك وهي تناظر الرايح والجاي تنهدت وهي تتذكر ان اخر شي شافته على ذا الشباك ثنيان اللي راح اخر مره جابها هنا

تنهدت وبعدت وهي تلعن الساعه اللي عرفت ثنيان فيها غمضت وهي تشد على اسنانها لما تذكرت كيف انفلت عليها وضربها

فزت على صوت ابوها : الترف وش تسوين هنا

الترف :يبه حمدلله على سلامتك

ابو الترف : الله يسلمتس بس ورا ما انتي عند رجلتس مب صويب

الترف رفعت راسها بضيق : انا بعد صويبه يبه

راحت وهي تمسح دمعتها بضيق

ابو الترف اللي لف بإستغراب وهي مايدري وش فيها جلس ينتظر صالح

................••............

عند ثنيان

اللي طلع وهي في قهر طلع جواله وهو يدق على عجاج

وعجاج اللي كان نايم رد بتعب: هلا

ثنيان : عجاج افزع

عجاج فز : وش بلاك

ثنيان : انهدت الدنيا على راسي

عجاج : اذكر الله يارجال وش فيك

ثنيان : تعال بسرعه

سكر عجاج وطلع وهو حتى ثوبه من الخرعه لبسه فالشارع وتحرك بسرعه

ابو حمود : هو علامه عجاج يجي يركض ويروح يركض

ابو سعيد : يا رجال انا من يوم دريت ان ثنيان متزوج وعنده 4 حريم غسلت يديني منهم لا تستغرب عجاج متزوج بعد

مرزوقه اللي جت وهي معصبه : وييينه حمودوه

ابو حمود : بسم لله الرحمن حمودوه من

مرزوقه : ولدك وييينه

ابو حمود : وش تبين فيه

مرزوقه : مخرب صحن الدش حق بيتنا

ابو حمود : وين جاء بيتكم

مايمديه سكت الا انقضت مرزوقه على حمود الللي انخلع قلبه وركض وهو يصارخ وابو حمود يركض وراها والكل فزع لانهم يدرون بتذبح حمود اذا مسكته ( فاصل يريح اعصابكم 😂🤭)

................••............

في بيت ثنيان

ثنيان اللي لبس بغضب وهو يسمع بكى منيره وطلع وقف برا ينتظر وصل عجاج

ثنيان ركب : روح لديره الترف

عجاج : علامك خرعتني وش صاير

ثنيان : تحرك بأحكي الحييين

تحرك عجاج وهو يسمع كلام ثنيان اللي معصب وهو كل شوي يضرب الطبلون بغضب

عجاج : وخخخر ياخي لا تعصب على سيارتي ترا ما شريتها الا بطلعه الروح

ثنيان: وقتك انت ذا القرنبع

عجاج : عن الغلط ترا ماهي من حريمك

ثنيان غمض بقهر : ودك اكفخك هنا انا وين وانت وين

عجاج : والله ياخي انا مقدر حجم المصايب اللي انت فيها بس بعد انا فقير الله اصبر بأستوعب سالفتك دقيقه

بعد شوي لف عجاج : الحين منيره ما تابت ما تابت

ثنيان : انا ادري تسألني انا والله اني كنت اصدقها واكذب العالم

عجاج : بعد الغيره لها دور انت بغيت تذبح الترف عشان مزحه

ثنيان: مب زي بعض

عجاج : الا نفسها لا تفلم هي هي بس الاوضاع تختلف

ثنيان : انتهى الوضع طيب وصار اللي صار قلي الحين وش بسوي

عجاج : ابد ترجع الترف وتخلي منيره تعتذر منها

ثنيان : مال منيره رجعه الا برجعة الترف

عجاج: ماشاءا الله عليك ذكي

ثنيان : اص اص تكفى

................••............

في بيت ابو الترف

دخل صالح : سلام يبه حمدلله على سلامتك

ابو الترف: صالح وش بها اختك

صالح اخذ نفس : يبه الترف بتجلس عندنا

ابو الترف : وش يعني

صالح : يبه الترف تبي الطلاق

ابو الترف : نععععم وش قلت

في ذا اللحظات وصلوا ثنيان وعجاج اللي نزل ثنيان وهو يستند على عجاج لما وصل الباب

دق الباب ولف صالح : بفتح الباب

انصدم لما شاف ثنيان : ثنيان

ثنيان : صالح وينها الترف

صالح طلع وهو يسكر الباب : ثنيان مانا ناقصين مشاكل الترف تبي طلاقها وهذا هو

انفتح الباب ابو الترف : ثنيان

عجاج وثنيان اللي جمدوا وهم متوقعين ان ابوها بيغسل شراع ثنيان

ابو الترف : جاي وانت مريض اقلط اقلط

دخل ثنيان اللي يناظر عجاج بصدمه صالح قرب وهو يهمس لثنيان: ابوي مايدري

ابو الترف : جب القهوه يا ولد

راح صالح وهو يقول : الترف الترف

طلعت الترف : وش فيك

صالح : سوي قهوه ثنيان داخل

الترف ؛ صالح ابوي ياصالح

صالح : لا تخافين انتي بوجههي زهبي القهوه وان شاء الله تخلص

راحت الترف تسويها وهي ترجف

عند ثنيان اللي كان ابو الترف يستجوبه عن المداهمه وهو مب معه ابد

جاء صالح معاه القهوه صبها وجلس بغضب

ابو الترف : تقهوى يا ثنيان

ثنيان اللي حط فنجاله قدامه : اول شي ياعم انا عندي موضوع بنتكلم فيه

صالح تحولت عيونه لغضب وهو يناظر ثنيان اللي لف وهو يسمع ابو الترف يقول : تفضل ياولدي

عجاج بهمس : اقرو المعوذات والله يا شنباته ما تطمن لو يبي يخنقك فيها

دقه ثنيان بكوعه وكمل : انا يا عم غلطت وجيت وانا طامع انكم ان شاء الله بتسمحون وتدمحون غلطتي

ابو الترف : ابشر ان شاء الله مالك غلط

ثنيان : يا عم انا حصل بيني وبين الترف خلاف وكبره الشيطان بينا ويعلم الله اني انا الغلطان واللي حصل ان الترف طلعت زعلانه وانا جاي الحين ابي ارضيها وارجعها لبيتها وان شاء الله ان كل شي بخير

ابو الترف قطب حواجبه بغضب : ما عطيناك بنتنا يا ثنيان تغلط عليها عطيناك امانه وذهبه

ثنيان :والله اني حافظ الامانه ان شاء الله لكن ان شاء الله انها لحظة غضب

صالح كان متوقع ان ابوه بيقول خذها بس صدمه لما قال : دامك ازعلتها وانت داري رجعت الترف برأيها ان بغت ترجع وان ما بغت بيت ابوها يعزها

ثنيان هنا انقطع نفسه وقال : لو تسمح لي اكلمها ونحل مشكلتنا ولا تكبر اكثر

ابو الترف : صالح ناد اختك

ولف على عجاج : تعال يا عجاج بنطلع للحوش

عجاج وقف وهو يدق ثنيان اللي توتر بما فيه الكفايه ووقف وهو ماسك بطنه بألم

................••............

في صاله ابو الترف

صالح اللي راح لترف اللي قالت بخوف : وش يقول ابوي

صالح : لا تخافين ثنيان حاط كل الذنب عليه ويقول انه هو اللي غلطان وابوي ما سكت وقال ان رضت الترف ترجع معك وان ما بغت بيت ابوها يعزها

تجمعت دموع الترف وتسمحها: حمدلله ما نكرني عنده

صالح : ابوي يحبتس يا خبله صح يعصب بس ما يرضى عليتس

الترف : اجل قلهم مانيب جايه

صالح : لا لا تعوذي من ابليس وروحي على نظر ابوي لا يقلب علينا

الترف : زين اجل

طلعت الترف متوجهه للمجلس وصالح الحوش

دخلت وهي عنادا فيه متغطيه عنه

ثنيان ابتسم : الترف

الترف : قول اللي عندك وخلصني

ثنيان : ماني بمتكلم وانتي واقفه اجلسي

الترف طنشت مد ثنيان يده بيجلسها بس وخرت الترف بحده : وخر يدك عني

ثنيان وخر : ادري اني فهمت غلط وادري اني غلطت عليك لكن الطلاق مب حل

الترف كانت ساكته وهي متكتفه

ثنيان : اسمعيني الترف المشاكل في كل بيت وانا شاريتس وابيتس لا تخلين الشيطان يدخل بينا اللي كان المفروض يحصل انتس ما تخبين علي شي وتقولين لي كل شي عن حياتتس وبعدين انتي لا تلوميني في شي لو انك بتسمعين هذا الكلام مني وش بتسويين وبعدين هالمشكله ما كانت هي الوحيده

الترف : ثنيان لا تحلم اني بأرجع عشان تعرف قبل تمد يدك على احد ان هالشي مو سهل انا ماني مثل حريمك انا الترف سمعت رجعه لو تنطبق السماء عليك مانيب راجعه

طلعت وتركته وثنيان اللي كان المفروض انه يعصب لكن الترف اللي كانت مغطيه حتى عيونه عنه عناد فيه خلته يضحك على هبالها ( انا ما صدقت أحصلك تبيني اطلق والله انه معصي) ................••............

في حوش ابو الترف

عند عجاج اللي كان جالس مع ابو الترف والصمت عام كسره دخول نوره وسلوى اللي اول ماعرفوا ان ثنيان فيه ركضوا وقفوا بشهقه وحده ولفوا بيرجعون اول ماشافوا ابو الترف ومعه واحد وصالح لكن ماشافو الكرتون وزحلق بهم وطاحوا ولكن بسرعه قاموا وطلعوا مثل البرق

عجاج طارت عيونه وهو مايدري وش السالفه اللهم انها عبايات تطير

صالح اللي وقف بغضب وجلس

ابو الترف : وش ذا

صالح بغضب : عنز يبه عنز

كتم عجاج ضحكته وهو يدري مب عنز

طلع ثنيان ووقف ابو الترف وصالح وعجاج

ثنيان : انا اقول خلوا النفوس تهدا شوي وبرجع

ابو الترف : الله معك

طلعوا وعجاج ماسك ضحكته ولما ركبوا انفجر يضحك: افااا طلعت خيخه ( يعني ماعندك سالفه ) انت قلت على هالكلام بيطلع وهي معه فالاخير خلوا النفوس تهدا

ضحك ثنيان: اااه يا ربي شر البلية ما يضحك صدق

عجاج : وش صار

ثنيان: ما انتم سهلين يالخوال

ضحك عجاج : معها حق بنتنا

ثنيان : بس والله ما اخليها

عجاج :شكلها والله بايعتك

ثنيان: وانا والله مشتريها

تكى ثنيان وهو مايدري وش يسوي عشان يرجعها

وتذكر عجاج وانفجر من جديد يضحك : فاتك داهمتنا عنز خطيييره

ثنيان : عنزز !؟

عجاج قرب وهو يوصف ويضحك وضحكك ثنيان : وينن الله يرزقنا وهي حتى صاحباتها خبول

................••............

في بيت ثنيان

عند مشاعل اللي جلست منيره وهي تهديها تبي تفهم وش السالفه لكن ماقدرت من بكى منيره

جلست وهي تفكر : ياربي وش ذا اللي يصير

دخلت رهام ونوف ومعاهم اكل لثنيان : مشاعل سلام

مشاعل : هلا

نوف : وش فيك من ذا الليي يبكي

رهام بخوف : منيره

وقفتهم مشاعل : بنات اتركوها

محمد جاء لرهام وهو مليان وجهه خوف : عمه رهام امي تبكي مدري شفيها

رهام : مشاعل وش فيكم

مشاعل : حمود روح مع عمر ياحبيبي ماما تعبانه شوي

راح محمد وهو كل شوي يلتفت لغرفة امه بحزن

رهام : مشاعل وش فيه

مشاعل: مدري تقول ثنيان بيطلقني انا ماني مستوعبه

نوف ورهام : نععععم وشو

رهام : وش تقولين انتي مستوعبه اللي تقولينه مستحيل مستحيل

نوف : ليه وش صاير

مشاعل : لا تسألوني من امس وهالبيت في حاله فضيعه

جاء ثنيان ووقف مشاعل وهي تشوف طالع بضيق

ولف يناظر غرفة منيرة بغضب وراح لها

الكل يناظر بصدمه دخل ثنيان : انا وش قلت

منيره : ثنيان تكفى لا تسوي فيني كذا انا منيره

ثنيان : منيره هاه !! اسمعيني يا منيره بقولك كلمه وهي مصيرك مالك رجعه للبيت لين ترجع الترف وتعتذرين منها سااامعه

منيره: والله اعتذر منها والله بس لا تفرقني عن محمد

ثنيان : كلامي معك لين هنا وقومي اللبسي نواف ينتظرك

منيره كانت بترد ورد ثنيان بغضب : ان نطقتي كلمه وحده تعرفين وش بيصير

وقفت منيره وهي تبكي واخذت شنطتها وطلعت رهام اللي ما صدقت وركضت لثنيان : ثنيان ثنيان وش يصير ثنيان

ثنيان: رهاااام هذا مب شغلك

دخل وهو يسكر الغرفه ومنيره راحت مع نواف االي ناداه ثنيان وهو يقوله يودي منيره لكن الصدمه ان منيره تبكي

نواف: منيره وش فيك

منيره: مافيني شي يا نواف

ركب نواف بصمت وصدمه وتحرك وهو مايمسع الا بكاها

................••............

في ديرة الترف

عند سلوى ونوره اللي رجعوا بعد ما ماتوا ضحك وحالتهم حاله وقابلهم صالح وهو متكتف وبيده عقاله وينتظرهم

سلوى: يوووه

نوره: ارجعي ارجعي

صالح : اقول امشي ياعنز انتي وياها

انفجروا يضحكون

سلوى: والله ما قصدنا مادرينا ان فيه احد

نوره: تكفى يا صويلح عشان خاطر سلوى سامحنا

صالح : عشان سلوى بلعن خيرتس انتي وياها

انتم ماتستحون مغسول وجهكم بمرق

سلوى: يا صويلح ترا طلعنا بسرعه وشكل محد شاف

صالح : اقول اسمعي بس خلي محد شاف والله ان ما تعقلين انتي وياها لاوريكم

نوره:ما عليك ازهل بنعقل

سلوى: وش يبي ثنيان

صالح : مانيب قايل لتس شي ويلا من هنا ابوي معصب

سلوى: افا يا صويلح تطردني

ضحكت نوره: حمدلله مايفرق معي

صالح : ما اطردتس يا سلووى لكن مابي ابوي يغسل شراعتس بعد

سلوى : ايه دام كذا بروح

صالح : كفو يلا روحوا وطيعوني

سلوى اللي شبكت: الشوق امرررني الشوق امرني اطيعك وانسى خلاني

كملت نوره وهي تدق على الباب : ااااه يالاسمر يا زين

صالح: بس بس انتي وياها ماينفع معكم طيب انتم

سلوى: بنروح خلاص

راحوا و ابتسم صالح وهو يراقبهم ونوره الللي كانت بالنسبه لصالح مثل اخته وسلوى تسوىى عيونه

................••............

عند الترف

اللي كان جالسه وهي تسمع ابوها اللي ينصحها

ابو الترف : يا بنيتي انا مانيب غاصبتس على شي لكن انتي تعوذي من ابليس وفكري ودام الرجال عارف غلطه وجايتس يعتذر فا من الاحسن انتس تقبلين خطاه وتعذرينه وغير هذا يا بنتي علميني وشهو خطاه

الترف اللي خافت وقالت : مقدر اعلمك يبه

ابو الترف : اذا هو خاصٍ بكم براحتس لكن بعد اقولتس مب هين فكري مره ومرتين وعشر بكره لا سمح الله اما مانيب دايم حيٍ لتس وصالح بيلهى مع حرمته وعياله بعدين وانتي وش بتسوين

الترف : ابشر يبه بفكر

ابو الترف : بارك الله فيتس اجل قومي زهبي لي شنطه بروح مع الجماعه

الترف : مب توك جيت يبه

ابو الترف : المشكله باقي ما انتهت وبنروح لمنطقه ثانيه

الترف : ابشر

قامت الترف وهي اصلا شايله من بالها مسأله الرجعه بس تبي تسكت ابوها

................••............

عند منيره

اللي نزلت لبيت ابوها وهي تبكي فز محمد اللي كان جالس وهو يفكر : منييييره وش فيك ليه تبكين

منيره : ثنيان يا محمد

شد محمد على يدها: صار له شي

منيره : لااا بيطلقني

محمد : هاااه وش تقولين انتي ليه ليه بيطلقك

منيره: من بس بيطلقني بياخذ محمد مني

محمد : ليه يا منيره ثنيان ليه يسوي كذا ليييه

منيره : عشان الترف

محمد شد عليها بقوه وهو يحس بقهر : ادخلي ادخلي بسرعه ادخلي

طلع محمد طاير لثنيان وهو هالمره ناوي يختمها مع ثنيان

................••............

في بيت ثنيان

عند ثنيان اللي كان كعادته جالس هو فكره توديه وعشر تجيبه من جهه صدمته في منيره ومن جهه ثانيه الترف وطلاقها

رفع راسه على دخول مشاعل: ثنيان محمد يبيك تحت

خبط ثنيان يده على الطاوله : ايوه هذا اللي ينقص

مشاعل: ثنيان وش صاير انا ماني فاهمه

ثنيان مد يده وهو يقربها له :ما عليك من اللي صاير واللي بيصير انتي بس اهتمي بنفسك والعيال وباقي الامور اتركيها

طلع ثنيان وهو متأكد ان هالمره محمد ما بيسكت حصل محمد يدور بالحوش

ثنيان : محمد

محمد اللي انققض وهو يدق كتف ثنيان السليم بغضب : وش قلت لك انا يا ثنيان حذرتك انت و حريمك تأذون منيره لكن شكلك تبيها تكبر

ثنيان : نزل يدك يا محمد واعرف كيف تتكلم

محمد : لا والله واذا ما عرفت وشش بتسوي

ثنيان : بلا هبل وش فيك جاي تصارخ وحالتك حاله

محمد : والله يعني ما تشوف ان فيه شي يستاهل ، ياخي انت ما تستحي على وجهك لين متى وانا بعلمك انك لو تموت ماتقدر تضيق خاطر منيره لمتى وانا بحذرك

ثنيان : قبل تجي وتصيح وتعصب وتكسر اعرف وش سبب جيتك

محمد اخذ نفس : باخذك على قدك وقلي وش مسوي بمنيره وشوله تاخذ ولدها منها وتبي تطلقها مو كفايه ان مالها الا هو بتاخذه بعد

ثنيان: اوووه بس عاد تعب نفسك واسأل وش مسويه بعدين تعال ناقشني وبعدين اذا كان مالها الا هو فهذا بسبب ثريا المنافقه فهمت ولا باقي

محمد : لاا انت واضح تبي تخرب كل شي عشان..

سكر ثنيان فمه بغضب : بسسسسس بسسس اياني واياك تنطقها ، جيتك كم مره وقلت يامحمد اذا محد يقدر على ثريا انت تقدر ادبها قبل تخرب بيت اختها لكن وش النتيجه انك صرخت شوي وسكت والحين وش صار بمنيره هذا هي عندك وهذا هي نسخه طبق الاصل من ثريا وانا اسف مقدر اتحمل هذا بعد وعدتك ان منيره بعيوني ولا قصرت معها ولا حتى سمحت لطير يطير من فوق راسها عشان ما تضيق منيره وما ازعلك لكن انا لين هنا تعبت خلاص

محمد : وش دخل ثريا !؟

ثنيان اللي شرح لمحمد كل شي بصراخ وغضب وختم بقوله : بالله وش ردك على هالمهزله ! صدقت منيره وطلعت الترف من بيتها وطيقتها وفالنهايه كله ظلم وبهتان وانا اللي اول من اخذت راييه بزواجي هي منيره وواول من رضا هي منيره ولكن فجاءه قررت ثريا تعيد الاحداث من جديد وتخرب كل شي وانا مسؤول عند ربي عن ذا كله ومثل ما طلعت الترف بظلم منيره تطلع منيره وتعتذر من الترف ولا ترجع الا برجعتها وبعد اعتذار

محمد اللي انصدم من فعل منيره وانحرج حيل من خواته : بس مهما كان ما تاخذ ولدها منها

ثنيان : محمد افهمني وارحمني الله يخليك تدري اني مستحيل افرق منيره عن محمد ولكن تبي اعطيها درس وبيكون الدرس الاخير مابي منك توقف بصفها وتشجعها على ظليمة الناس وخراب البيوت

محمد : انا مدري وش اقول لكن اقل شي محمد يروح معي لان منيره منهاره

ثنيان: اتركها تنهار وتعقل لازم تعقل ولازم انت تشوف حل لثريا

محمد :زين يا ثنيان زييين

طلع محمد وهو ما يدري كيف بيحدد قراره ولا كيف بيتصرف ثنيان صادق من جهه ومنيره لعبت عليها ثريا من جهه لكن صار وقت انه يتصرف مع ثريا

................••............

في بيت ابو الترف

وعند الترف اللي طلعت وهي تمشي لبيت سلوى

قابتلها دويده : الله الله من اشوف العجوز جات وتركت شايبها المتصاوب

الترف : شوفي عاد ان ما ذلفتي عن وجههي صدقيني صدقيني لو مسكتتس ما تسلمين اليوم

نوره : هييييه انتي هيييه وش جايبتس يا دويده ام الذبان امشي من هنا ازين لتس

دويده : يوووه جت صديقتها العانس مالت عليكم

الترف : تفقشينها ولا افقشها

نوره : اقولتس خليها تخيس بذا الشموس وتعالي

دويده : زين ان ذا الشايب روضتس وفكنا منتس

الترف اللي هنا عجزت تحمل : تخسييين وتعقبين يا المخنزه

دويده : يمممه طلع جنيها

نوره فكت الترف : تدرين عاد ألعني ابو خامسها

راحت لها الترف ودويده اللي انحاااشت والترف ترميها بالحجر : وقفي اذا انتس بنت ابوتس وقفي

نوره : خليها تولي لسانها وش طوله لكن فعل ماش

الترف : والله ما اخليتس والله

سلوى طلعت على الصوت: يممه الترف وش بتس تصارخين

الترف دفت سلوى ودخلت : ملعونة الخير اجل انا مروضني الشايب تعقبين وتهبين

سلوى وهي بيدها صحن جريش : علامتس وش فيه

نوره جلست وهي تاكل معها : من غير دويده وخياسها

سلوى: ماعليتس منها جلدها يحكها تعالي بس كلي

الترف : مابي شي خلوني بس اهرج لين اسكت

سلوى: بببس اهرجي يا قلبي اهرجي لا تقصرين على نفستس

صدت الترف وهي تسب وتلعن كل من يمر على بالها .................••............

في بيت ابو محمد

عند منيره اللي ما حصلت ثريا اللي راحت مع بندر وتركتها كذا جلست جنب ابوها وهي تبكي ودها تصحيه ويفهم ويشوف بس كان ابو محمد طريح فراش

دخل محمد بغضب وهو يرمي المفتاح : منيييره منيييره وش ذا اللي مسويته

منيره: والله يا محمد انه لعب علي الشيطان وسمعت كلام ثريا

محمد : كم مررره فهمناك انك تبعدين عن ثريا وكلام ثريا ماكفاك اللي صار قبل الحييين بتزيدين الطين بللله وتظلمين بعد ليييه ليه يا منيره

منيره ماردت وهي تبكي ورجع محمد بغضب وهو يقول : اعرفي ان مالك رجعه لبيتك الا برجعة الترف هذا واحد واثنين تدقين على الترف وتعتذرين منها

وثالثه : بدل ما انتي تبكيين قومي ادعي ربي يغفر ظلمك لذا المسكينه وقولي لثريا ان شفتها جايه للبيت ذا ذبحتها سمعتيني

منيره: طيب طييب

راح محمد وهو يدق على سيف لكن سيف مايرد ................••............

والحال في شقة جديده علينا

عند سيف اللي قفل جواله بضيق ورماه وهو يبتسم اول ماشاف أمل جايه وهي معاها عصير ببتسامه عظيمه

امل : سيف حبيبي وش فيك عصبت

سيف وهو يحاوط كتفها: ابد مشاكل عائليه

امل: مو قلنا عندي تنسى المشاكل يا سيف

سيف : ناسيها ياعيون سيف

امل : متى بتقول لابوك عن زواجنا

سيف : مدري بس قريب ماعليك لا تفكرين بحل الموضوع

ابتسمت امل وهي تعطيه العصير بحب ( امل زوجة سيف بالسر من سنتين لكن محد عنده خبر)

.................••............

في بيت ابو ثنيان

وعند رهام ونوف اللي كانوا جالسين يحكون لدلال ونواف

دلال بصدمه: ليييه ثنيان يسوي كذا بمنيره

نواف : والله انا انفجعت من بكاها كنت متوقع ان فيه شي كبير

رهام : اسكتوا ما شفتوا شي صرخ عليها صراخ يهز الارض وقالها تطلع من البيت حتى مشاعل ما تدري وش صاير

نوف : انا سمعته يقول ان مالك رجعه الا برجعة الترف

نواف : ليه والترف وينها

رهام : عند اهلها ومي عند اهلها مافيه الا مشاعل تكسر الخاطر

دلال : يا ويلي وش بلاه ثنيان انهبل

نواف: واللله لو يدري ابوي لينجلط

دلال : بس وش السبب

رهام :مدري اقولك حتى مشاعل اللي معاهم فالبيت تحلف انها ما تدري تقول من امس ثنيان يكفخ فيهم رايح جاي واغمى عليه وتععب

نواف: لو عشت مليون سنه مستحيل اوصل لذا الاكشن

نوف: انا مستحيل اصدق ان خالي ثنيان يطق منيره ولا يطردها هذا لو جاز له يحج فيها على ظهره حج فيها

شوق دخلت : وش عندكم تتساسرون ومخليني هناك لحالي

دلال: ما انتي لحالك 24 ساعه على الجوال

شوق : ماشاء الله اللي يشوفكم يقول محد يجلس على جواله الا انا

نواف بحده: انتبهي لنفسك يا شوق

شوق : ليييش

نواف : حذرتك وبس

...............••............

ومر شهر

وثنيان كل يوم رايح لديره الترف لكن الترف كانت حتى ما تفكر تطلع له تكلمه

ومنيره اللي في بيتهم تنتظر رجعت الترف وهي كلها ندم وحسره

ومحمد اللي كان في حرب طاحنه بين تعب ابوه وخواته ورهام وهالرقم ما يدري كيف بيحل هذا كله

ومن جهه ثانيه ابو ثنيان اللي عرف وش صاير مع ثنيان وانهار وهزء ثنيان وغسل شراعه وللحين زعلان على ثنيان

ام ثنيان اللي ماكان هامها من المشكله الا منيره بس والباقي في حريقه

رهام اللي كانت ضايقه لان لو طلق ثنيان منيره بينتهي كل شي مع محمد وهو ما بدا

ومشاعل اللي بدت تثقل ويثقل حملها وللحين هي ما فهمت وش اللي صاير ابد ابد وكل اللي عليها تراعي ثنيان ومحمد وعمر

مي اللي ماكان احد بسعادتها ابد فضى لها البيت وثنيان عندها ومشاعل معاد تشوفها من كثر ماهي تعبانه وفي غرفتها وحرفياً صفى لها الجو ولا فيه شي معكر صفوها الا اهتمام ثنيان الكبيير في مشاعل

وسيف اللي للحين ما اعلن زواجه لكن ابتداء يثير الشك اختفاءه الدايم خصوصا عند ثريا اللي ماكانت هاديه ابد ومحمد اللي مانعها تجي لبيتهم او تدخله ومنيره اللي ماترد عليها وسيف اللي صاير ما يعطيها اي ذرة اهتمام وبندر طبعارايح مع اصحابه وجاي ولا هو وملتفت لها ابد

وشوق اللي كل يوم تصحى وهي مخطط لمحمد وتنتظره يجي عشان تنهي كل شي وتبتدي

.

.

انتهى البارت✨

«البارت الرابع والعشرين"»

.

.

في بيت ثنيان

ثنيان اللي صفق الباب وسكره وهو يصرخ : من عايض ذا من عااااايض وثقت فيك وعطيتك الامان عطيتك شي ماعطيته احد قبلك وهاذي اخر افعالك تستغفليني اناااا ثنيان تستغفليني

الترف اللي كانت مرميه جنب السرير وهي حتى دموعها من الصدمه مانزلت كانت تناظره وهو يصرخ ويكسر وهو حرارة الكفوف ما تحس بها من الصدمه

ثنيان سحب حزام البدله وهو يلفه على يده : انطقي وش بينك وبين الزفت عايض

الترف ما قدرت حتى انا تشيل عيونها من عيونه

وخر ثنيان وجهها بغضب وهو يضرب بالحزام جنبها: اكلمك ردي

ما تكلمت الترف بحرف واحد وكسر حدة صراخ ثنيان دق الباب اللي يفجع

محمد اللي جاء يركض : يبه يبه فيه رجال يقول قل لابوك يجي

ثنيان : انقلع من هناا

مشاعل جات تركض : ثنيان اخو الترف تحت

لف ثنيان وهو يفتح : مييين

مشاعل : صالح

نزل ثنيان وهو متجاهل ألألام اللي يحس بها وراح لصالح اللي كان واقف على نار فالحوش ومعه سلوى

صالح اللي اول ماشاف ثنيان انقض عليه وهو يشده بتيشيرته : وين الترف وييين الترف وش سويت بها يا كلب

ثنيان دفه عنه : اقول وخر وصراخك ذا قصره

صالح: بتطلع الترف والا دخلت انا اخذها

ثنيان : وش جابك انتي وش جاي تدور عليه

صالح : اسمعني زين يا ذا لو يطلع في الترف خدش واحد بس ذبحتك

سلوى: صالح انا بروح اشوفها

دخلت سلوى وصالح دف ثنيان وهو يراقب الباب

كان ثنيان وده يتكلم وده يقول كل شي بس سكت لما حس بدوخه فاجئته وجلس بألم وهو يحس انه بدا يبرد ويحس الدنيا ظلام .................••............

في غرفة الترف

عند سلوى اللي كانت تركض وتدور غرفة الترف وشافت الترف اللي جاالسه جنب السرير بصدمه وركضت لها : الترررررف علامتس الترف

الترف اللي ناظرتهها بصدمه : طقتس طقتس الكلب والله لقول لصالح

مسكتها الترف : لا يا سلوى تكفين لا تقولين شي قولي مدري قولي مدري تكفين

سلوى : والله ما اسكت له

الترف : عطيني عبايتي

اخذت سلوى العبايه والترف اللي للحين ما بكت لبست وهي تحلف سلوى ما تقول شي نزلت وهي تاركه كل اغراضها وراها

صالح اللي اسرع لها : الترف الترف فيتس شي الترف

الترف اللي ما تناظر احد : لا ياصالح

صالح: سوى لتس شي ذا

الترف :لا بس خلنا نطلع

اصرت الترف انهم يطلعون وثنيان اللي اصلا ماكان حاس فيهم كان ألم يهاجمه في كل مكان

طلعوا وركبت الترف وهي سااااااااكته ولا نطقت

صالح اللي كان يسألها وهي ماترد ويتكلم وهي ساكته

اشرت سلوى له انه يسكت وسكت صالح وكملوا طريقهم بعد مده طويله من الطريق والهدوء عام على كل السياره انفجرت الترف تبكي بدون سااابق انذاااار

وهذا اللي فجع صالح وخلاه يقطع الطريق ويوقف على جنب

صالح : الترف وش فيتس وش مسوي بتس هالغبر

سلوى: الترف قولي يالترف

الترف اللي كانت تبكي ولا ردت ومشى صالح لما شاف ان ما فيه فايده ابد

...............••............

في بيت ثنيان

ثنيان اللي للحين بمكانه وهو ماسك راسه

مشاعل اللي نزلت له وهي تبكي : ثنيان وش صاير ليه سويت كذا

ثنيان بعدها عنه وهو يرجع على ورا استند على الجدار وهو مايدري كيف وصل لذا المرحله كانت النيه انه بيصارخ عليها شوي عشان منيره وبيفهمها ان منيره غير لكن صدمته الترف صدمة عمره ابد ما توقعها من الترف ابد للحظه حس بفراغ اجتاح قلبه كله

مشاعل: ثنيان تكفى قوم فيك شي رد علي

ثنيان : دقي لي على عجاج

مشاعل ركضت تدور الجوال وهي تبكي دقت ورد عجاج : هلا بأبو الاربعه

مشاعل: ثنيان يبيك تعال بسرعه

سكرت مشاعل من دون اي حرف زياده

وعجاج اللي تجمد على السماعه وهو مايدري وش صاير بالضبط ركض لسيارته وتحرك بسرعه لبيت ثنيان

................••............

في غرف منيره

منيره اللي كانت تبكي بكل قلبها وهي كلها ندم كيف انها طاوعت ثريا وخلتها توصلها لذا الحاله كيف انها رضت ان ثنيان يظلم وحده ماشافت منها الا كل خير

رفعت راسها على محمد اللي جاء يركض وهو يبكي : يمه ابوي تعبان تحت وعمتي مشاعل تبكي والترف راحت مع اخوها يمه انتي ليش تبكين يمه شوفي ابوي تعبان تحت

منيره حتى بعد ما سمعت ان ثنيان تعبان ما تحركت كيف بتروح له بأي وجهه بتقابله ! ولو درا انها تكذب وش بيسوي فيها

ومحمد يراقبها بحزن وبكى

................••...........

في ديرة الترف

الترف اللي دخلت غرفتها وسكرت الباب عليها وهي للان في بكيه وحده

كيف اصلا بتقنع ثنيان انها مابينها وبين عايض شي وكيف تبي تقول لابوها وصالح ولو ثنيان قالهم اللي فهمهه !

بكت وهي تدري لو قال ثنيان بتدمر وتنتهي حياتها وبتخسر ابوها وصالح وثنيان هذا اذا ما خسرت حياتها

................••............

في طرف ثاني من بيت ابو الترف

عند سلوى اللي كانت خايفه ماتدري كيف تساعد الترف

صالح : اموت اعرف وش مسوي ذا الحيوان

سلوى: صالح اسمعني بشرح لك انا

صالح : وشو وش تعرفين انتي

سلوى : تعوذ من ابليس واجلس واسمعني

جلس صالح وهو خايف من اللي بيسمعه

سلوى : الموضوع انه كنا نكلم الترف ونطقطق عليها يعني تعرف دايم ام عايض ترسل لكم اكل وكذا واحنا قبل تتزوج الترف كنا نقولها ان عايض اكيد بيتزوجك

وقبل امس رحنا البقاله وكنا نطقطق على الترف بينا ونقول انه عايض يعني مجروح وكذا من باب الطقطقه يا صالح مافيه اي شي بس نطقطق ولما كلمنا الترف ......... وكملت اللي صار وصالح عيونه شرار

صالح : انهبلتي انتي وياها انهبلتي وبعد ماتبينه يعصب ويصارخ

سلوى: قلت لك مزح يا صالح

صالح : يلعن ابو المزح الماصخ اللي تعرفينه انتي وهي

صرخ وهو يرمي التكايه : سلووووى لا يكون رايحات لعايض بعد تطقطقون عليييه

سلوى: لا والله بس اخذت نوره لامها رز وطلعنا حتى الترف ما كانت راضيه وكانت برا الدكان انا اللي كنت اطقطق

صالح : لعنت الله عليتس انتي والترف ونوره وعايض معكم الحين لو بوقف بوجهه اوقف بوش لو يجي لابوي ويقوله وش اقول انا

سلوى: صالح انت تفهم يا صالح ولازم تفهم ثنيان هذا الشي

صالح : لا والله وش رايتس اروح اقول ماعليه يا الشايب كانوا يتونسون على عايض

سلوى سكتت وهي تسمعه يصارخ ويهاوش وهي خايفه ان صدق ثنيان يقول لابو الترف ويدفنها حيه

................••............

في بيت ثنيان

عجاج اللي وصل وهو يدق الباب قامت مشاعل ودخلت وثنيان للحين بمكانه فتح محمد الباب وهو يبكي وركض عجاج : ثنييييان ثنيان وش فيك

ثنيان اللي كان معععرق وبااارد زي الثلجه وجهه احمر وعيونه حمرا وشفايفه بيضاء

ثنيان اللي من عصبيته ما كان حاس انه يضغط على جروحه وناسي ألمها ولكن في نهايه الامر نزفت جروحه ولا تحمل

سنده عجاج وهو يرفعه لسياره وكان ثنيان ثقيل على عجاج مره بالقوه ركبه وطار فيه للمستشفى وبعد ما استملوه وعالجوا جروحه صحى ثنيان وهو يحس بألم

الدكتور : ثنيان معي تسمعني

هز راسه ثنيان بإجابيه

الدكتور: قلت لك يا ثنيان الله يهديك ما تتحرك كثير ما تضغط على جروحك باقي جديده ولا تسمع

صد ثنيان وهو يتحرك الدكتور: وين رايح

ثنيان: فك هذا من يدي بخرج

عجاج: خير ان شاء الله وين بتروح يقولك جروحك ألتهبت تخرج وين

ثنيان بغضب : يا تشيلونه بطيب والا رميته انا بنفسي

الدكتور : طيب طيب اجلس لين ينتهي السيروم وبعدها نخرجك

عجاج : ثنيان لا تنهبل واجلس اصلا وش فيك وش خلاك تحرك كذا

رجع ثنيان وهو مغمض بقوه وألم وطلع الدكتور

عجاج جلس : ثنيان وش فيك وش حصل مع مين متهاوش

ثنيان اللي كان مايدري وش يقول بالضبط ( يقول ان الترف تخونه !؟ ولا انها من البدايه ما تبيه !؟ ولا عن عايض اللي كان معها حتى بالمستشفى وهو اللي قدم بلاغ عن منير ولا عن وشو بيقول )

عجاج : بما ان هالحاله جديده معناته الترف فيها

ثنيان اللي ماقاله عن موضوع عايض قاله عن موضوع منيره بس

عجاج : خييييير ان شاء الله انت انعميت خلاص حبيبي محد قالك لا تحب منيره حبها وعزها ولا تسمح لاحد يغلط عليها لكن تروح تطق الترف عشان منيره ضاقت من مشاعل اللي حامل بتوأم والترف قالت لها !! نعم وين عايشين ؟! وبعدين اذا ناسسي بذكرك ان منيره كذا مره تقلب عليك ! من تحت راس اختها وعذرها اللي قالته مب مقنع وانت بنفسك تقول ان منيره والترف متفاهمين

ثنيان اللي ماقدر يسكت : بس الوضع ثاني

عجاج: فيه شي اجل ما قلته !

ثنيان كان صعب انه يقول بس قال : راعي البقاله اللي في قرية الترف

عجاج : وش دخله ذا في سالفتك

ثنيان: اصبر بحكي الحين ، يحب الترف وامس كانت عنده تبي تشوف وش ردة فعله في زواجها

عجاج : هااااه وش تخربط انت تكلم زين

ثنيان : عجاج وش اقولك اكثر من كذا

وقف عجاج وهو يحط يده على راسه : لا تقول انها تخون

ثنيان سحب المغذي بغضب : مدري ياعجاج

عجاج مسك يده بسرعه وهو يحط المناديل عليها لا تسحبه انهبلت انت

نادى الممرضه تركبها من جديد وهو مصدوم حرفياً

عجاج: يمكن انت فهمت غلط

ثنيان: وشلون تنفهم يا عجاج وشلون

عجاج: ماعليه بس انت شرح لي بالحرف وش صار

ثنيان: رحت لها وانا مابي حتى ازعلها بس كنت بهاوشها شوي وبشوف اذا هي مأذيه منيره ولا منيره تتحسس لكن سمعت ... وكمل كل اللي سمعه

عجاج : ثنيان يمكن فيه شي غلط

ثنيان : عجاج لا تجنني وش اللي غلط في ذا

عجاج : انت تقول انها ما قالت شي في الموضوع

ثنيان: يا ليته يا عجاج يطلع غلط ياليته

عجاج : وش بتسويً

ثنيان : مدري يا عجاج احسني احترق احترق والله احترق

عجاج: اصبر اصبر وصالح اكيد بيتصل ويفهم انت ليه سويت كذا

ثنيان : واذا كان صدق يا عجاج

عجاج : لا لاااا لا يدخل الشك براسك انت تدري بها خبله وصاحباتها مخبل وبعدين تذكر ان بيئتهم غير يمكن شي قديم او مافيه شي اصلا

عجاج اللي كان يحاول يهدي ثنيان وهو اصلا مفجوع لكن ما حب انه يظلم او انه يزيد ثنيان قهر

................••............

في بيت ثنيان

وعند مشاعل اللي طلعت وهي متجهه لمنيره كان مشاعل مصدومه ان منيره ما تدخلت

مشاعل دقت الباب : منيره منيييره وينك

منيره فتحت : نعم

مشاعل: منيره شفيك ليه ماجيتي ثنيان تعب وطاح والترف راحت عند اهلها وحوسه وانتي هنا

منيره: وش اسوي يا مشاعل اذا هي غلطت بكيفه هو وياها

مشاعل: ليه وش صار

منيره : انا تعبانه بنام

مشاعل طلعت وهي مو قادره تستوعبها ابد

اما مي ماكان احد بفرحتها وهي تدق وتبشر خواتها على اللي صار

................••............

في ديرة الترف

اما عند صالح اللي ما قدر يصبر ودخل لترف : ارفعي راستس وكلميني

الترف من نبرته عرفت انه عرف لكن وش عرف ومن قاله ناظرته وهي دموعها مغرقه وجهها

صالح : المفروض اني افهم من سكوتس انتس غلطانه وش ذا اللي سويتيه الترف

الترف : مب زي ما فهمت يا صالح والله انه ظظلم وكله مزح وهباله

صالح بغضب: اذا انا فهمت انه هباله وش يفهم ثنيان

الترف غمضت وهي تبكي

صالح : تبكين الحين يالترف تبكين , كان المفروض تنتبهين الحين وش اقوله بأي وجهه بحاكيه واذا قال لابوي حزتها وش يفيد البكي

الترف : تكفى يا صالح ابوي لايدري تكفى

صالح : قومي قومي اغلسي وجهك واللبسي بنطلع قبل ابوي يجي

الترف : وين بنروح

صالح: بنروح ننظف اللي انتم سويتوه ولا تبين نسكت لين يجي ويجيب المشاكل معاه

الترف : واذا ما فهم

صالح بغضب : يبي يفهم يفهم ما يبي يطلق محد ميت عليه

الترف : يعني انت ماصدقت اللي صار

صالح شدها بغضب : انا ربيتتس بيديني يالترف وانا ادري انتس لو تموتين ما تسوين شي يحط راس صالح بالارض قووومي مب انتي اللي تقبلين المذله وتجلسين

وقفت الترف وهي تمسح دموعها لبست وطلعت مع صالح

................••............

فالمستشفى

عند ثنيان اللي كان ساكت وعجاج ساكت انتهى السيروم وقام عجاج وهو يساعده وطلعوا وقفو ا قدام البيت وكان نواف واقف مع محمد وعمر ووجهه واضح انه خايف جاء يمشي بعجله: ثنيان وش فيك يقوولون تعبت

ثنيان : محمد عمر جوا يلا ، مافيني شي تعب بسيط

نواف: وش صار

عجاج : ابد اللتهب جرحه لكنه بسسيط

نواف : تعال ادخل

ثنيان: مابي ادخل بجلس هنا

عجاج اشر لنواف يخليه وجلس ثنيان على الباب بضيق

نواف : اجل انا بروح

راح نواف وجلس عجاج جنب ثنيان بهدوء وهو لاول مره مايعرف يواسي ثنيان بشي

................••............

في بيت ابو محمد

عند محمد اللي كان جالس وابوه نايم على رجله رفع جواله وهو يتصل بواحد من اصحابه واعطاه الرقم بحيث انه يطلع موقع الرقم

رفع راسه وهو يفتح رساله رهام اللي ارسلتها شوق ( ياربي وش عندها رهام تبي تقابلني الله يستر بس )

................••............

عند بيت ثنيان

صالح اللي وقف وهو يدعي ان الله يعديها على خير لانه مايدري كيف بيقول الموضوع

اما الترف تجمدت دموعها اول ماشافتهم جالسين على الباب

وثنيان اللي وقف وهو يناظر بجمود وعجاج كان يناظره ويناظر صالح

عجاج : انا بروح ،انتبه لجروحك

راح عجاج وتركهم

صالح تقدم : ثنيان فيه موضوع لازم تفهمه

ثنيان اللي تحرك بداخله شي غريب ابتعد عن الباب : تفضل ياصالح

صالح اللي انحرج متهاوش معه واخته محوسه الشغله ومع ذلك محترمه

مسك صالح يد الترف ودخلوا للمجلس الخارجي

ودخل ثنيان بعدهم وهو يمشي بهدوء

صالح : اجلس لا تتعب نفسك

ثنيان : مرتاح ادخل بموضوعك

صالح اللي ماكان يدري ان ثنيان طق الترف: انا يا ثنيان قالت لي الترف السالفه كلها وانا اعطيك حق عصبيتك وغضبك لو انا مكانك بسوي مثلك لكن انت فاهم كل الموضوع غلط

ثنيان : تقدر تفهمني وشلون غلط !؟

مسح صالح على شنبه وهو مايدري كيف يصيغ الموضوع لكن ابتداء يشرحه بطريقه تهونه وكل السالفه شرحها

صالح : في نهاية الموضوع انت تعرف كلام الحريم الفاضي ومزحهم التافهه انا جيتك وانا واثق في اختي ما تسوي شي يمس شرفها بغلط يمكن انت ما تستوعب لكن يا ثنيان احنا عيشتنا تختلف عن عيشتكم احنا نروح ونجي ونعرف الصغير والكبير فالقريه وعايض يعرف الترف والترف تعرفه وكلنا اخوان لكن المسألة طقطقة بنات

هذا هو الموضوع ان بغيت افهمه واعرف ان لو يرادوني شك ان هالموضوع فيه شي حقيقي ماسكت وتصرفت قبلك لكن احنا ما نقبل الظلم ولا نقبل العار

ثنيان اللي كان جانب كبيير منه مرتاح ومقتنع وجانب ضايق على الترف وزعلان منها حتى لو هو مزح على شي يمس غيرته كرجل

ثنيان ضغط على عيونه بيده : لا حول ولا وقوة الا بالله ، معليش يا صالح بس ابي احكي مع الترف على انفراد شوي

صالح وقف : انتبه تعيد غلطتك

الترف : صالح لا تروح بجيك

طلع صالح ينتظر وثنيان اللي لف بغضب : ليه ما قلتي السالفه لي امس دامه مزح

الترف بغضب وقوه : لاني ادري كيف بتفكر و وش بتسوي

ثنيان : قصري صوتك !

الترف : ماعندي شي احكي معك فيه وصوتي قصير الموضوع وشرح لك اياه صالح وهذا هو من البدايه لنهايه وحط في عقلك ان مستحيل اسوي هالشي عشان اهلي قبلك ومب انا اللي اتهم بهالاتهامات ولا ادري من حشى عقلك وجيت حتى ما تبي تسمع شي لكن اعرف زين اني ما قلت لصالح انك مديت يدك عشان العشره بينا ولاني فكرت للحظه انك فاهم غلط لكن من الحين اقولك بيني وبينك يفتح الله طلقني يا ثنيان

طلعت وتركته وثنيان اللي ما مداه يفرح انه فاهم غلط الا انه

انصدم من انها تطلب الطلاق وتاكد هنا ان الترف فعلا مظلومه لو وحده غيرها وعندها مثل ابوها مستحيل تطلب الطلاق بالعكس بتطلبه يستر عليها

الترف اللي ضاقت من ثنيان للدرجة انها خلاص معاد همها ابد وش يصير بعد الحين ركبت وهي تحس ان دموعها انتهت

رجعوا للبيت ومن حسن الحظ ان ابو الترف كان مسافر مع شيخ قبيلتهم لمنطقه ثانيه

سلوى اللي كانت تنتظرهم : وش صار

الترف : صار اللي لازم يصير صالح انا معاد ابيه خله يطلقني

صالح طارت عيونه : وشوو ليه وش قالتس وش قلتي

سلوى: ليييش

الترف : معاد ابيه وبس

دخلت وتركتهم صالح لف :روحي وشوفي ليه بتطلق واذا كان قايل لها شي خليني ادفنه حي

نوره اللي دخلت :وش صار معكم

صالح طلع وقالت سلوى: تعالي بنشوف وش فيها

سلوى : الترف وش صار معتس

الترف : بتطلق

نوره شهقت : وش لييه

الترف بصراخ؛ هو بقى لييه بقى ليييه

نوره: هو طقتس !؟

الترف لفت وهي تناظر خدها للي للحين احمر

سلوى: الترف الطلاق مب حل

الترف : اطلعوا بس وخلوني

طلعت سلوى ونوره بعد اصرار الترف اللي انسدحت وهي تحاول انها تنسى وتتجاهل اصلا وتشيل ثنيان من مخها مره .................••............

في بيت ثنيان

ثنيان اللي كان جالس بالمجلس الخارجي وهو يقلب الموضوع براسه وكلام صالح الواثق والترف اللي طلبت الطلاق كان بالنسبه له شي يفجر الراس

مشاعل جات : ثنيان تبي شي اسوي لك

ثنيان: وين منيره

مشاعل: مدري من اليوم بغرفتها وتبكي

ثنيان اللي توقع انها ضايقه على اللي صار بالترف : مابي شي روحي انتي ارتاحي وسكري الباب علي

مشاعل : طيب والترف

ثنيان : مشااااعل

طلعت مشاعل وهي تسكر الباب وانسدح ثنيان وهو يدق على عجاج

عجاج رد بسرعه: هاااه وش صار

ثنيان: طلع كلامك صح

عجاج: وش صار بسرعه

ثنيان حكى وختمها : تبي الطلاق يا عجاج

عجاج : قايلك وانا اخوك لا تسعجل فكر فكر بس هاه وش بتستفيد الحين

ثنيان : وش اسوي الحين

عجاج: الله لا يهينك دور لك حل بسرعه

ثنيان : ياخي وش اسوي انا ابي شورك

عجاج :شوري طال عمرك تقش نفسك وتروح تعتذر منها لا تنسى انك مكفخها

ثنيان : وين كفختها كفين والله ومن ورا قلبي بعد اجل لو مسوي بها مثل مي وش بتسوي

عجاج :المهم انك طقيت

ثنيان : الحين وش اسوي بسالفتها مع منيره

عجاج : تدري انتظر ايام خل القلوب تهداء

ثنيان: شكله والله

عجاج : خلاص انت ارتاح وانتبه على نفسك ويحلها ربك

ثنيان : يلا يلا

................••............

مر اليوم

وثنيان بالمجلس والترف بغرفتها ومنيره بغرفتها والكل ساكن

ومن بكره كان ثنيان جالس على الطاوله والكل يفطر وهو يلف الكوب بضيق

والكل حاس به متضايق عشان الترف

منيره: ثنيان افطر

رفع راسه ثنيان بهدوء وهو يشوف ان منيره اللي تقول مشاعل انها تبكي اليوم جدا قويه وعاديه وحاده اطباع

مشاعل: على الاقل اشرب لك شي دافي وانت جالس كذا

منيره بحده : انتبه لجروحك محد بيفكر اذا اكلت ولا لا ( وكانت تقصد ان الترف ما اهتمت )

رفع راسه ثنيان وهو يناظره بحده: منييييره

منيره : وانا قلت شي غلط !

مشاعل: عمر محمد تعالوا ساعدوني بطلع

قاموا معها ومي اللي تناظر بتخوف : ثنيان اذا ما عندك مانع بروح لاهلي

ثنيان : روووحي يا مي رووووحي

منيره: انا بعد بروح لابوي

ثنيان ناظرها بهدوء وهو يدري ان ثريا عند ابوها : روحي انتي بعد

قام وطلع بضيق ومنيره اللي سحبت جوالها تتصل بمحمد يجي ياخذها

................••............

في بيت ابو محمد

محمد اللي طلع وهو مستغرب ان منيره بتروح وتطلع وثنيان مريض بس ما اهتم لانه وصله رساله بموقع الرقم وفتحه ولكن المصيبه انه كل ما قرب من بيت ثنيان يقرب الموقع

وقف وهو يتصل لمنيره تطلع ونزل يتبع الموقع وووقف فيه عند بيت عمه ورفع راسه محمد بدهشه

ولف على صوت منيره : محمد محمد

محمد لف وهو منصدم ورجع لها : هلا

منيره: يلا وش فيك

محمد : لا لا مافيني شي

ركب وهو عيونه على البيت بصدمه ومر وهو يفكر ولا يسمع من كلام منيره شي

.................••............

في بيت ابو الترف

الترف اللي كانت تصلح لصالح الفطور وهي تعصف بها لحظات غضب وحنين وكرهه مره تحط الحق على ثنيان اللي ماسمعها ومره تحط الحق عليها ومره تقول انها خيره هي اصلا تبي تتطلق

لفت على صوت صالح : الترف اتركي اللي في يدتس وتعالي

تركت الترف وهي تجلس : وش فيك

صالح : للحين تبين الطلاق

الترف : ايه

صالح : الترف اذا ثنيان مسوي لتس شي انا مدري به علميني ولا طلبتس الطلاق عشان هالموضوع مب في صالحتس وابوي بكره بيسأل

الترف : ماهمني خل ابوي يسأل وخله بعد يعصب ويطق وخل الناس تتتكلم اانا مابي ارجع لثنيان عشان كذا فكني منه بسرعه

وقف وهي تكمل شغلها وصالح اللي يشوف الضيق عليها وهو يدري ان فيه شي بس مايدري وشو

................••............

في الديره

عند سلوى ونوره اللي كانو يمشون جايين لترف

سلوى: نوره وش نسوي بذا البنت تبي تتطلق والله ليذذبحها ابوها

نوره: المشكله مب الطلاق االمشكله سبب الطلاق

سلوى : والله لو يدري ليذبحنا جملة كلنا

نوره: كيف تفهم الترف الحين

سلوى: وهي راسها يابس ما تسمع

نوره: وش رايتس نكلم ثنيان

سلوى: يعقب وش نبي فيه ذا الخايس وش نقوله نقول تكفى لا تطلق الترف

نوره: لا يعني بس نقول حتى لو طلق ما يقول السبب لابوها

سلوى: تبيني اهفتس كوع يسبب لتس ارتجاج خبله انتي عشان يقول ايييه اكيد ان فيه شي صدق ويسوي مشكله وانا بالقوه اقنعت صالح انه مزح

شهقت نوره: تهقين انه ياخذ عايض ويحقق معه

سلوى: نوره وش بلاتس صايره فدغى وش يحقق معه الدنيا سايبه

نوره : ادخلي بنحاول نقنعها

دخلوا وهم يحاولون يقنعون الترف اللي كانت رافضه وهي الي انفجرت عند صالح تطلبه انه يطلقها من ثنيان قبل يرجع ابوها

صالح انصدم وهو مو مستوعب طلبها بس دموع الترف عليه غاليه ومستحيل يجبرها على شي

طلع وهو يدور رقم ثنيان وناوي يتصل به

...............••............

في بيت ثنيان

وثنيان اللي كان مافي البيت الا هو ومشاعل

لف لها : مشاعل

مشاعل : سم

ثنيان : بسألك وانتي جاوبي من غير كذب ولف ودوران

مشاعل: ابشر

ثنيان : كيف علاقة منيره مع الترف

مشاعل: حلوه مافيه شي بالعكس متفاهمين

ثنيان: اخر هالايام تحسين بينهم شي

مشاعل : من فتره منيره متغيره صايره عصبيه وبالاخص على الترف بس مدري وش السبب

ثنيان: الترف عمرها غلطت على منيره

مشاعل: قدامي نهائيا بالعكس تحب منيره مره

مسك ثنيان راسه ( يا ربي من اصدق انا )

مشاعل: ليه صاير شي

ثنيان اللي وقف : لا

طلع وهو ينتظر منيره بيشوف وضعها كيف اذا رجعت من بيت اهلها

................••............

في بيت ابو محمد

عند منيره اللي دخلت وهي تشوف بندر اللي مر وهو حتى السلام مارده

ثريا : هلا

منيره: هلافيك

منيره جلست بضيق وقربت ثريا : وش فيك لايكون ذا الزفت ثنيان بعد

منيره: لا هالمره انا

ثريا : وش صاير

منيره قالت لها وضحكت ثريا بفرح : ايه برافو عليك هاذي اختي شفتي كيف انه يعزك مره بغى يذبحها عشان كلمتين بس شفتي

منيره: بس انا خايفه لو كشفني بيذبحني

ثريا : لا تصيرين خبله وش يدريه هو انتي الحين خليك فطينه وقربي منه و غرقيه بالدلع وصدقيني بيطلقها والباقيات بعدها بفتره

منيره اللي كانت غيرتها تحرقها لكن قلبها مو متحمل الظلم لكن وسواس ثريا اقوى من قلبها

................••............

وعند محمد

لللي كان للحين بسيارته وهو يكبر بالموقع ويرجع انصدم وهو يناظر ( معقوله رهااام ، لا لا مستحيل مستحيل )

رفع راسه وكأنه مضروب على وجهه لما تذكر شوق اللي في كل مره تحرقه بنظراتها : لاااا وين يا محمد لا تنهبل وتظلم لا لا مستحيل بس ليش لا شوق هاذي ما تطمن ياربي تكفى لا تمتحني ذا الامتحان تكفى يارب

بس كيف اتأكد كييييف

................••............

في بيت ثنيان

ثنيان اللي كان جالس ينتظر منيره لكن قطع عليه اتصال صالح تردد يرد وهو خايف ان صالح يفتح موضوع الطلاق صمت الجوال وهو يهز رجله يبي بس يتأكد اذا منيره مكذبه على الترف بيصير شي ماصار

منيره اللي بعد امتلى راسها من كلام ثريا رجعت وهي صامله تطلق الترف دخلت هي ومحمد ووقف ثنيان وهو متكتف

منيره: ثنيان ليش جالس بالبرد

ثنيان :ابد انتظرك

منيره ابتسمت وقربت وهي تدخل ذراعها بذراعه : هذاني جيت

طلعت معاه للغرفه وهي ناويه ترتب خطط ثريا لكن سحب ثنيان ذراعه وقفل الباب

ثنيان : بسألك الترف وش تقولك بالضبط وش اللي بقى ما سوته فيك

اختفت إبتسامة منيره : وش جاب طاريها

ثنيان : ابي اشوف وش سوت في ام محمد عشان احاسبها زين

منيره: ما عليك منها عطيتها حقها

.

.

انتهى البارت✨

«البارت الثالث والعشرين»

.

.

في بيت ثنيان في غرفة الترف

رهام اللي جات هي ونوف : سلام

الكل : وعليكم السلام

رهام: ثنيان كيفك

ثنيان: بخير الحمدلله

رهام: ارسلتنا امي نشوف ذا صاحي او نايم تقول بتجيك

ثنيان : لا تجي انا بجيها

نوف : تكفى تعوذ من ابليس والله انها لتفجر فينا اجلس لا يصير فيك شي

منيره:خلهم يجون انت تعبان

رهام : اصلا ما يقدر يعترض اذا جاء هناك يعرف عصاة امي

ثنيان: خلاااص تعالوا

رهام: يلا بقولهم

منيره: الترف تكفين جهزي القهوه

مشاعل: ايه تعالي

منيره: مشاعل اجلسي انتي تعبتي حيل اليوم

ثنيان: ليه مشاعل فيك شي

مشاعل: لا بس تعب كذا

ثنيان: لا لا اجلسي اصلا وينها مي ناديها ناديها

مشاعل نادتها وجات : وش فيك ثنيان

ثنيان: ماشاء الله صايره ضيفه

مي : وش فيك

ثنيان: كم اقولك يدك بيدهم فالبيت كم مره بأشرح

منيره: لا تعصب ثنيان خلاص بتروح معهم بس انت قوم للغرفه الثانيه

الترف قربت : ايه قوم للغرفه الثانيه عشان ادويتك

قام ثنيان ومنيره ماتبي يجلس بغرفة الترف ولاحظت الترف ان منيره تبيها توخر بأي طريقه نزلت مع مشاعل مي ورتبو الاغراض وجات منيره معاها الصحن

الترف : منيره تعالي ابيتس

منيره: ماني فاضيه يالترف

الترف : لا تعالي

اخذتها بعيد وهي تقول : منيره انا مزعلتس بشي

منيره تغير وجهها : لا ليش

الترف: مدري خفت مضايقتس لكن ابيتس تعرفين شي انا مستحيل اخذ ثنيان منتس بالعكس

انا ادري انتس اغلى وحده على قلب ثنيان ولا احاول اغيرها بالعكس انتي تستاهلين الدنيا كلها تحبتس واذا انا سويت شي وضايقتس انا اسفه بس صدقيني لو مدري وش يصير ان تغير ثنيان عليتس بعتبره مب كفو واصلا ثنيان ما يبدلتس بأحد ارتاحي مستيحل ابدل حبتس في قلب ثنيان

منيره كانت كأن احد ضربها كف وتجمدت : لا يالترف وش تقولين انتي اكيد ما فكرت كذا بس اني مضغوطه هالايام معليش اذا ازعجتك وانا مدري

الترف : ما عليتس انا بس ابيتس تعرفين إنا كلنا ندري إنتس اولى بثنيان

دق الباب وقالت منيره : ما ابيك تفهميني غلط بس ثنيان زوجك مثل ماهو زوجي وعادي الوضع

الترف ابتسمت وطلعوا

ام ثنيان : ثنيان وينه

منيره : فوق يا عمه الحين انزله

ام ثنيان : لا خليه بطلع له

الترف: لا الدرج بيتعبتس خليه ينزل ويتحرك شوي

دلال : ايه يمه

منيره: تعالي يالترف ننزله

طلعوا لثنيان اللي كان يسولف مع عمر ومحمد

منيره: ثنيان عمتي تحت

الترف : اتوقع بعد ان ابوك بيجي عشان كذا خلنا ننزل شوي شوي

ثنيان وقف وقربت منيره والترف بيساعدونه

ثنيان: اقدر اتحرك ماعليكم

منيره: وشلون تحرك وانت طايح اصلا

ثنيان: بسيطه يا منيره

الترف : خليه يا منيره خليه اذا احتاج بنساعده

ناظرها ثنيان وهي متكتفه مشى شوي شوي

منيره اخذت المخده : اجل انا بنزل ارتب لك المكان تحت وانتي انتبهي يالترف

الترف : ماعليتس عندي

نزلت منيره وثنيان اللي يمشي ويوقف

الترف : اقول يا حبك للعناد بس

ثنيان : وش عندتس !

الترف قربت وهي تسنده : ما تقدر تنزل لحالك استند علي

ثنيان: لااا ثقيل عليك بوجع ظهرك

الترف : يارجال ما انت اثقل من ابوي هات يدك بس

استند ثنيان عليها بخفه ونزلوا شوي شوي مع الدرج

وام ثنيان اللي تناظر الترف بإحتقار وصلته الترف للكرسي وهي تساعده يجلس

جلست ام ثنيان جنبه : هاه امي كيفك الحين

ثنيان : اووه عال العال

دلال : عاد امي من اليوم قلبها محترق تقول متى يصحى ونروح له ثنيان قرب يبوس كتفها: الله يخليك لي يالغاليه

نوف : خالي جدي ونواف برا

ثنيان وقف : محمد افتح المجلس

طلع وهو مستند لنوف

نواف تقدم له : هاه كيفك الحين

ثنيان : بخيير

ابو ثنيان : عساها ما توجعك جروحك

ثنيان : لا بسيطه بسيطه

محمد دخل وهو يسند ابوه: سلام

اسرع له نواف يساعده: هلا

قرب محمد يسلم على ثنيان : سلامات سلامات

ثنيان : الله يسلمك

محمد : ما قلتوا لي انك طلعت رحت وجيت على الفاضي

ثنيان: ليتك دقيت

نواف : ماعليه الحركه بركه

ثنيان اللي قرب لعمه وهو يسلم عليه وكان ابو محمد مايسمع ولا يقدر يتكلم كثير

ابو ثنيان: وش فيه ابوك معاد يتكلم

محمد : ذا الايام الضغط عنده مضطرب وصار اغلب وقته نايم ولا ساكت

سيف : سلام عليكم

ردوا السلام وكانت مواضعيهم حول ثنيان وابو محمد .................••............

في ديرة الترف

اما عند صالح اللي بعد ما رجع ماعرف كيف انه يبداء جلس قريب ابوه : يبه

ابو الترف : اذا بتكلم في موضوعك ذاك قفله

صالح اخذ نفس : يبه اسمعي سلوى بتترك الطق نهائي يعني لا تخاف من ذا كله

ابو الترف : حتى لو تركته كل الناس يعرفونها الطقاقه

صالح : يا يبه مب عيب مب عييييبب الحين عمتك الله يرحمها ما كانت تطق

ابو الترف : عشان كذا انا اهرج ماتت وللحين يقولون الطقاقه وانا مانيب راضي ام احفادي تكون طقاقه

صالح : ان ما تزوجتها تحرم علي بنات حواء كلهم

ابو الترف : احسسسن خلك لا تزوج

صالح وقف وهو يقول بغضب : ثنيان متصاوب وديت له الترف اليوم وهو طيب وبخير

طلع وترك ابوه اللي وقف :صالح تعال تعععااال

صالح رجع وهو يقول السالفه كلها وطلع بعدها وهو زعلان مشى وهو يناظر بيت سلوى انكسر قلبه ما يدري وش يقولها رفع راسه وهو يقول ( يارب والله مالي حيل ولا قوة لكن لا حول ولا قوة الا بالله ) .................••............

في حارة عجاج

وعجاج اللي كان نازل وقابله سالم وعيد: وين رايح

عجاج : لثنيان

عيد: اول مره اسمعك تقول بروح لثنيان دايم ثنيان بيجيك

عجاج : عشانه تعبان

سالم : لا والله وش فيه

عجاج ما انتبهه : متصاوب في مداهمه

عيد:مداهمة وش

عجاج : اا ا

سالم: لا يكون داخل في شي شين

عجاج تورط وهو يدري ثنيان ما يبي احد يدري انه ضابط : لا بس انه مداهمه جنب بيتهم

عيد: جروحه عميقه

ابو حمود : وش منهم وش السالفه

سالم: ثنيان متصاوب

عجاج ضرب جبينه

ابو حمود : وش فيه ثنيان ، كم رصاصه، وشهو منه

الكل سمع وتجمعوا وتورط عجاج وسالم وعيد يقولون السالفه

وابتدوا كل اهل الحاره يعرفون ويطلبون انهم يروحون لثنيان

عجاج اللي انسحب وهو يدق على ثنيان اللي جواله ما وقف مكالمات: هلا عجاج

عجاج : امة محمد جايينك كلهم

ثنيان: هاااه

عجاج : مع الاسف الحاره دروا وكلهم جايينك

ثنيان: عن وشو بالضبط

عجاج : قلت متصاوب في مداهمه جمب بيتكم وبس

ثنيان : زين زين

سكر ثنيان : نواف انقز قلهم يضبطون لنا قهوه وشاهي

ابو ثنيان :من بيجي

عجاج : اهلي الثانين

محمد : مين !؟

ثنيان : حارة عجاج

ابو ثنيان صد وقام محمد يرتب هو ومحمد وعمر وبعد شوي وصلو وكانوا تقريبا 10 رجال

وقف ثنيان يستقبلهم والكل معاه

عجاج همس : والله انكشفت

ابتسم ثنيان : حسبي لله على ابليسك

بعد ماسلموا عليه وتحمدوا له بالسلام ابتداء ثنيان يعرفهم على اهله وكانت اكبر صدمه لهم عياله

ابو حمود : انت متزوج

عجاج : ارربعه في عيون الحسود

عيد: اننت

ثنيان: اذكر الله

ابو حمود : انت يا ذا اللي تناقز متزوج 4

عجاج : خلاص انصدمتوا نقدر نمشي

ثنيان:وين بدري

عجاج : انت مريض وبترتاح

ابو حمود : لاا الحين انت ابو عيال

نزل راسه ثنيان وهو يبتسم وودعهم

محمد : وش يقولون هذولا

ابو ثنيان: ثنيااان خذ اثرهم

ثنيان : ابد ماكانوا يدرون اني متزوج وانصدموا

ابو ثنيان : الله يستر بس

................••............

بعد العشاء

الكل راح والكل تقريبا نام عند ثنيان اللي كان منسدح جنب منيره اللي نايمه وقف وهو متملل مشى شوي وطلع وهو يشوف البيت ظلااام وهادي اتجهه لغرفة مشاعل اللي كان ملاحظ عليها انها تعبانه دخل بهدو وشافها منسدحه مابين النوم والصحوه

وجلست : ثنيان فيك شي

ثنيان دخل وسكر الباب : خليك مني انتي وش فيك تعبانه!

مشاعل: يعني تقلصات الحمل وتعبه

ثنيان: بس انتي تعبانه بزياده

مشاعل : شوي بيروح

ثنيان جلس جنبها وهو يحط يده على بطنها: وش يوجعك بالضبط

مشاعل: عادي ظهري وبطني هذا غير الوحم

ثنيان : حاولي ترتاحين وبكره بنروح المستشفى

مشاعل: ماله داعي انت لا تعب نفسك

ثنيان: اي تعب يا مشاعل اذا ما تعبت نفسي عشانك عشان مين اتعبها

مشاعل ابتسمت : الله يخليك لنا

ثنيان وقف : اجل يلا حاولي ترتاحين وتنامين وبكره خير

مشاعل: طيب

طلع ثنيان وهو ضايق ان مشاعل بعد تعبانه وهي الوحيده اللي ما يحبها تتعب لانها ما تشتكي مر على غرفة العيال دخل وهو يتفقدهم وطلع واتجه لغرفه مي اللي كانت نايمه على التيلفزيون والصوت لاخر مرحله تقدم وهو يطفيه ( مستحيل تنامين مثل الاوادم مستحيل )

وطلع وقف وهو يناظر غرفة الترف توجهه لها وفتحها بشويش وهو متوقع انها نايمه

لكن رفعت راسها الترف : ثنيان وش جابك ! يعورك شي تبي شيي!؟

ثنيان: ليه مو نايمه

الترف : كذا ماجاني نوم

ثنيان قرب وهو يجلس

الترف : وش فيك صاحي ذا الوقت

ثنيان اللي يدور سبب : امشي وبعدين جوعان

الترف : جوعان !! طيب وش تبيني اطبخ لك

ثنيان: لا تطبخين شوفي شي خفيف

وقفت الترف بتنزل وقف ثنيان وراها بينزل معها

لفت: وين وين

ثنيان: بنزل

الترف : يرحم والدينك فكني والله لو تدري منيره انك نزلت وتعبت لتذبحنا كلنا اجلس وانا بجيب الاكل واجي

ثنيان : ترا مانيب بزر وخري بس

الترف: ياخي لا تعاند والله والله شوي واجي بس اجلس منيره لو قامت ما لقتك بتنهار واصلا انت ماتقدر تطلع وتنزل بتلتهب جروحك

ثنيان : طيب استعجلي

الترف: عد للعشره بس

نزلت تركض وهي تشوف وش اخف شي ومن حسن الحظ حصلت الاكل جاهز وسخنته

اما ثنيان اللي رجع للغرفه وهو جلس ( هذا حال بالله حتى زوجتي بدور عذر عشان اجي اجلس عندها لكن ما عليه يالترف ايام بس )

رجعت الترف : هذا الاكل

حطته وجلست ثنيان: قربي كلي معي

الترف : لا والله مابي انام ثقيله

ثنيان سكت وهو اصلا شبعان وقرب ياكل شوي : ايه كيف انبسطتي عند اهلك

الترف نست : اي والله وتخيل رحنا البقاله و .. سكتت لما تذكرت انها بغت تقوله عن عايض

ثنيان: كملي !

الترف : ابد بس لقينا نوير

ثنيان: اخت منير !

الترف : ايه

ثنيان: وش صار طيب

الترف : عادي ماصار شي

حس ثنيان بإرتباكها بس طنش وكمل والترف اللي تدور سالفه ثانيه بس ما حصلت وسكتت

انفتح الباب بخوف وكانت منيره : اسفه بس ما لقيتك وخفت

ثنيان : ما عليه انا هنا

الترف : ايه كان جوعان وعطيته الاكل اللي سويتيه تحت

منيره: حمدلله

ثنيان: روحي نامي اخلص واجي

راحت منيره اللي انسدحت وهي ضايقه على نفسها حيل ( معقوله يا منيره غيرت افكارك ثريا وصرتي مثلها انتي اللي سمحتي وش تغير الحين وبعدين هي زوجته مثل ما انتي زوجته ، الله يسامحني بس ) ثنيان اللي لاحظ ان الترف ردت على منيره بسرعه وهي كأنها تقول انه بس ياكل : بينك انتي ومنيره شي

الترف : لا ليه

ثنيان: لا ولا شي

الترف : وش بيكون يعني

ثنيان اللي سكت وهو ينزل الملعقه : متى بتنامين

الترف : الحين

ثنيان اللي ماكان فيه نوم وتوقعها بتسهر: زين اجل

وقفت الترف تساعده وصلو للغرفه وطلعت منيره : جيت

الترف : اييه هيا خذي امانتتس عندتس سلمتس خلاص

منيره: وصلت

ثنيان: ايوه هذا اخر شي وصلتوا له !

الترف : خلاص انا مالي شغل

راحت لغرفتها وهي تضحك عليه وتناظرهم لكن صرخت لما صفقت بالباب وارتفع ضحك ثنيان : احسسسن احسسسسن

الترف : حسيبكم الله

ضحكت منيره : سلامتك

دخلت الترف وهي ماسكه جبينها ودخل ثنيان اللي كان يتعمد يجيب طاري الترف ويشوف توتر منيره واجزم ان فيه شي بس وش هالشي

................••............

من بكره

عند نواف اللي كان ينتظر ثنيان عشان ياخذه للمراجعه

طلع ثنيان ومشاعل معاه : سلام

نواف : هلا كيفك اليوم

ثنيان: حمدلله

ركبوا واتجههوا للمستشفى وبعد فحص الدكتور قال انه كويس بس يبي كم مرهم فالبيت

طلعوا ونواف واقف ثنيان: نواف سبقنا شوي لسياره

نواف : دواك اخذته

ثنيان : لا بمر على عياده واجيك

نواف : بروح معك انا بعد

ثنيان بقل صبر : ليه حامل انت !

نواف انلخم وتفشل : اييه طيب

ثنيان: حمدلله على السلامه

راح نواف مشاعل: ثنيان ليش تحرجه

ثنيان: شسوي له

اتجهوا للعياده وثنيان يسند مشاعل وهو بالقوه على نفسه دخلوا لدكتوره وبعد ماشرحوا تعب مشاعل

الدكتوره : طيب يا مشاعل انتي الحين في شهرك الثالث وواضح حملك ثقيل ومتعب عشان كذا ارتاحي قد ما تقدرين انك ترتاحين ابد لا تبذلين اي جهد

مشاعل : طيب

الدكتوره : بس فيه شغله بقولك اياها

ثنيان : خير يا دكتوره

الدكتوره: مشاعل حامل بتوأم عشان كذا بيكون صعب عليها

شهقت مشاعل بصدمه ولفت تناظر ثنيان اللي ابتسم : توأم من جد

الدكتوره : اي الله يتمم لكم

مشاعل اللي ماعرفت وش تسوي الا انا تناظر بطنها بصدمه وضحك : كيييف

ثنيان ضحك : حمدلله

الدكتوره : رح اعطيك ادوية تلتزمين بها ولازم الراحه

ثنيان: لا توصين

كتبت الدكتوره الادويه وطلعت وهي مبسوطه : يمه يا ثنيان مدري مدري كيف بصدق

ثنيان : احمدي ربك هاذي نعمه

مشاعل: ادري بس خفت وفرحت

ثنيان قرب يبوس راسها : بتهون ما عليك وانا معك

طلعوا لنواف لللي جالس وثنيان الابتسامه شاقه وجهه شق ................••............

في بيت ثنيان

عند الترف اللي نزلت وشافت رهام موجوده

رهام: صح النوووم طولتي

ضحكت الترف : تعبت والله

رهام: سلامتس

مي اللي كانت تنظف وهي تتأفف جلست الترف بعد ماخذت فطور : وينها منيره

رهام : مدري والله جيت مب فيه حتى ثنيان ومشاعل

مي : قوموا بنظف

رهام: توك تتذكرين النظافه

مي: رهام خلصيني

الترف : تعالي نطلع فوق لين تقضي لا تموت علينا

مي : اسكتي انتي

الترف : والله مانيب رايقتن لتس

رهام: تعالي بس

طلعوا فوق وجلسوا

رهام : ايوه كيف انبسطتي لما رحتي عند اهلك

الترف : حمدلله انتي تعالي قولي لي وش سالفة ثريا مع ثنيان

رهام : ليه صار شي

الترف : مدري مره احسه يكرهها

رهام : كرهه العالم والله

الترف : وش السالفه

رهام : ابد الله يسلمك سالفتهم عجيبه ثنيان قبل يتزوج منيره كانوا سيف متزوج ذا الثريا وكانت معنا فالبيت وطبعاً محومه كبد ثنيان كل شي تشوفه يسويه تروح تقول لابوي وتكبرها وتزيد عليها وطبعاً ثنيان ما يسكت لها وطول الوقت هي وياه هواش

وليتها على ابوي بس لا تكذب على سيف وسيف ينبرش على ثنيان واحيان حتى يطقه على كذب

وابوي طبعا مستحيل يكذب ثريا ابد

وعاد جاء وقت ان ثنيان يتزوج وابوي الا يزوجه غصب المهم يتزوج ومن يتزوج منيره اللي كانت لثنيان غييير عن ثريا كان يعدها مثلنا طفولتها اصلا مع ثنيان انهبل ثنيان ورفض وهو مستحيل يشوف منيره الا اخت له وانهبلت ثريا ولا خلت كذبه ما طلعتها على ثنيان وقولته كلام على منيره وثنيان ما قاله وطبعا حاول ثنيان يكذبها بس ابد مافيه مجال فا خيره ابوي عشان يصدقه يا يتزوج منيره او يطلع من العايله بكبرها وتزوج ثنيان منيره بإجبار من ابوي وعشان رضا ابوي ودايم يحس ابوي انه فرض حياه غلط على ثنيان لان ثنيان حط قدام ابوي واقع انه بيتزوج لين ينتهي عمره المهم يحصل اللي يبيها لكن حمدلله ان ثنيان كان يعرف منيره وفاهم عقلها وكانوا اصلا اصحاب قدر انه يتفادى الموضوع ويعيش مع منيره وهو اصلا يحب منيره حب غيير حب اغلبه احترام وتقدير اكثر من كونه حب لزوجه ولا خلتهم ثريا كل ما يرجع ثنيان يحصل منيره معبى راسها على ثنيان لين وصلت فيها ان اخر شي سوته وصلت ثنيان ومنيره لطلاق وان ثنيان اصلا راعي شقق وشبهات وطبعا كانت هاذي الاخيره من ثريا وما سكت ثنيان وسواء مشكله عريضه طويله وكشف كذب ثريا ومحمد اللي ما قصر في ثريا كفخها لين ما قالت امين وعمي زعل عليها ومنيره رجعت لثنيان وكانت حامل بمحمد وتعسرت ولادتها وبغت تموت وبعد معاناة ولدت وكانت اول واخر ولاده ولا قدرت منيره بعدها تحمل وكله من اسباب ثريا وحاول ثنيان يعالجها يمين يسار بس ما فيه فايده لكن ثريا قدرت انها تحوس سيف على ثنيان وصاروا مايكلمون بعض شهور وتزوج ثنيان على منيره وانهبلت هالخبله زود وخربت زواج ثنيان ومشاعل وفضحتنا بالعالم

وزعل ابوي عليهم وقطعهم سنتين وبعد سنتين رضا ورجعهم وهي اللي كرهت بندر وسيف في ثنيان وصاروا ما يتواطنون والاوضاع رسميه

وطبعا مشت الايام ومرت وبدت تخف العداوه بس ان ثريا ما وقفت كل ما تشوف ثنيان تغثه وابوي عشان خاطر عمي وعياله مخليها وساكت

الترف : اهبي يا وجهها وش تبي ذي

ثريا: هي اصلا من يوم حنا اطفال ما تطيق ثنيان ولا يطيقها ومشاكلهم كثير بعدين اقولك سوالفهم

الترف : تدرين حسيت انها قلبت راس منيره علي

رهام: ليش

الترف : كذا احسها لها فتره ما تطيقني مدري وش فيها

رهام : لا منيره عاقله ما تسمع لها يمكن متضايقه من شي

الترف : يمكن

رهام : بس بعد انتبهي

الترف : ما عليتس

...............••............

في بيت ابو محمد

عند منيره اللي كانت عند ابوها تتطمن عليه وكانت ثريا موجوده : هاااه وش صار معك

منيره: وش يصير معي

ثريا : ببرود كذا

منيره: وش فيك

ثريا : اشوفه امس طول وقته وعينه على ذا السويده وما درا بك وانتي تفرفرين حوله

منيره: وش اسوي له يعني انقز عيونه

ثريا : لا ياخبله نقزي ذا السويده من بيتك خليه يطلقها وتذلف

منيره : ثريا ماله داعي ذا كله رجال ومتزوج على سنة الله

ثريا : يا خبله معك وقت ومعك فرصه ترجعين بيتك وزوجك انتي اغلاهم عند ثنيان يسمعك وهو مغمض ابد بس قولي ان الترف ما تحترمك وانها تغلط عليك والله انه ليرميها رميت الكلاب

منيره : اكذب عليها

ثريا : حبيبتي اكذبي عادي ان لم تكن ذيب اكلتك الذيابه على بالك هي متقطعه بحبك تبي بس لين تمكن منه وترميك برا انتي اول وحده

منيره لللي دق محمد يقولها تطلع : بعدين ياثريا

طلعت وهي بالها مشغول ركبت سيارة محمد وهي تفكر

محمد : منيره وش فيك

منيره: هاه مافيني شي انت قول لقيت الرقم

محمد : لا ما لقيت اتوقع اني بقدم بلاغ

منيره: انتبه لا يدري ثنيان

محمد : لا ما عليك منتبهه

................••............

في بيت ثنيان

ثنيان وصل هو مشاعل اللي فرحتهم ماهي بسيطه

دخل وهو يشوف مي ترتب : ثنيان جيت

ثنيان: ايه ايه اشطفي ذا المويه عن الطريق

مي وهي تنظف المويه : وش قالو لك

ثنيان : حمدلله بخير ، منيره ما جت

مي : لا

ثنيان: والترف وين

مي : فووق

ثنيان: مشاعل اطلعي يلا بشويش لا تعبين نفسك

مشاعل : طيب

طلع ثنيان ومشاعل ورمت مي المساحه : ماشاء الله وحده طالعه وحده تدلع والثانيه داقه حنك ومي تكرف

راحت مشاعل لغرفتها وثنيان اللي اتجهه لغرفة الترف وفتح الباب : اووه رهام هنا

رهام: ايه جيت ادورك بس واضح انك مب فيه

ثنيان: كنت بالمستشفى

الترف : مشاعل معك ! امس كانت تعبانه

ثنيان: لا مشاعل الحين يبي لها راحه على اصول

رهام : ليه !

ثنيان ببتسامه : حامل بتؤام

صرخت رهام بفرح ونطت الترف معها : والله

ثنيان وقف : هاااه بشويش عليها بشويش

رهام : مبرووك

الترف : مبروك

طلعوا لمشاعل بحماس وضحكت مشاعل اول ماشافتهم وهو يحضنون ويباركون لها

الترف : والله اني فرحة لتس

رهام: اي والله وناسه مره

الترف : ايه يا حبيبتي لتس واحد ولي واحد

مشاعل بضحك: لا والله انا اتعب وانتي تاخذين روحي جيبي لك واحد

الترف بضحك : بنشوف يا شعيله

ثنيان اللي كان وراهم وهو مبتسم : ايوه يا شعيله انتي ارتاحي وانتم تعالوا

الترف ورهام طلعوا وهم مبسوطين

وجلس ثنيان وهو ينزل ادويته وجاء عمر يركض بفرح : بابا ماما بتجيب بيبي اثنين

ثنيان: ايه يا بابا وبتستانس معاهم وتلعب معاهم

عمر: زيي انا وحمود

ثنيان: ايوه زيكم

مي جات : وش يقول عمر!

رهام : مشاعل حامل بتوأم

انقلب وجهه مي بضيق وزعل وراحت وجات بعدها منيره : ثنيان محمد يقولي كلام ما فهمته وش يقول

ثنيان هنا شال هم من جد وجات الترف بقصد انها تفرح منيره معهم ونست وضع منيره : مشاعل حامل بتوأم

منيره اللي انصدم وجهها وابتسمت بضيق : ماشاء الله الله يهنيها

ثنيان اللي يراقبها ويراقب غرفة مي مايدري من يواسي بالضبط

راحت منيره وهي حاقده ان الترف تزف لها ذا الخبر وكأنها تبي تقهرها

وقف ثنيان وراح ورا منيره

الترف : وش فيها

رهام: كلهم تضايقوا

رفعت الترف كتوفها بصدمه

رهام: خليني اروح احسن

الترف : زين

................••............

في غرفة منيره

اللي بكت ودخل ثنيان وهو يمشي بشويش : منيييره

منيره هالمره ما مسحت دموعها بالعكس زادت

ثنيان انفجع وقرب وهو يحاوط كتفها : افا يا مناير ليه تبكين وش يبكيك ما عرفتك الا تفرحين لمشاعل

منيره لفت : من قالك ماني فررحانه الا فرحانه لها بس مقهوره على نفسي

ثنيان باس راسها : افا بسم لله عليك من القهر وشوله تنقهرين

منيره: ليه انت ما قلت لي ليه تخلي الترف تقول وهي كأنها تشمت فيني كأنها تقول شوفي هاذي مشاعل وبكره انا

ثنيان انصدم : منيره وش ذا الحكي ماخبرتك هذا تفكيرك منيره اللي صار مكتوب وهذا رزق كل انسان وبعدين الترف ما قصدت تشمت كانت تقولك عادي

منيره: من متى كنا نتكلم وانت فيه !؟ من متى كنت تسمح ان احد يقول عنك مثل هذا الخبر ولا خلاص جات هالترف واعمت عيونك

ثنيان عجز انه يفهم لغتها : منيره ماني فاهمك مدري وش مضيقك لكن انتي اول وحده كنتي مع الترف وتعرفين طبعها وش تغير الحين !الترف سوت شي ؟؟

منيره وخرت يده وهي تشهق ببكى : الترف تمحيني يالثنيان وانت ولا تدري

انهارت وهي تدخل الحمام وثنيان اللي انصدم ما يدري وش السالفه ولا وش الخبر كان يعرف منيره اكثر من نفسه مستحيل تبكي عشان احد او توصل هالمرحله الا ان الترف مسويه شي

راح ثنيان لمنيره:منيره قولي لي اذا الترف غلطت بكلمه وحده عليك قولي لي

منيره اللي بلحظة غضب قالت : ما خلت ولا شي ما سوته وانت ماراح تسوي لها شي لو بتحرك نصرت مي لكن ينصرنا الله

هالكلمه بس فجرت ثنيان وانفجر من الغضب طلعت وهو شاد على جرحه بغضب متجهه للترف

................••............

في غرفة الترف

اللي اخذت جوال مشاعل وهي تتصل على سلوى ونوره وتسولف معهم

الترف : عاد اقولتس جلست من الصبح للمغرب انتظر اشوف ولا شفته وكل ما اسأل منيره تقولي نايم ونايم

سلوى: الله لو انا منتس دخل

نوره: قولي عاد يوم شافتس وش سوى

الترف : اسكتوا تكفون توقف قلبي لكن مستحيل اخضع يجلط ذا الرجال يجلط

نوره: الترف وش رايتس تكلمين معه دام كل اموركم بخير

الترف بمزح وخقه : وين الخير وحنا نعرف لسان هالشايب

( كانت تقصد ان لسانه حلو وهي تعودت تقول الشايب )

وشهقت : اسكتوا بغيت اقوله عن البقاله وعايض حمدلله اني سكت ولا جبت العيد

سلوى اللي كانت على المايك : حسبي الله عليتس وش بتقولين رايحه اشوف وش ردة فعل عايض اللي يحبني يوم تزوجت

كانت الترف بترد وكانت بتنفي ذا الحكي لكن كانت هاذي اخر كلماتها لما ضرب ثنيان الباب بغضب بعد ما سمع كل شي بأذنه وهو يقول: لاااا ياللي ما تستحين لا يالواطيه

في لحظة غضب سمع ثنيان كل شي بالحرف في لحظة غضب قال كلامه في لحظة غضب اثبتت الترف لثنيان كلام منيره وهي تمزح ما درت بوجوده اتسعت عيون الترف بصدمه لكن تسكرت بألم من كف ثنيان على خدها

ثنيان اللي سحب حمالة اليد اللي كانو لافين يده بها ورماها وهو يسحب الترف بغضب لوجهه : بأي وجهه تسوين ذا الافعال فيني وفي بيتي بعد بأي وجهه

الترف لاول مره تواجه مثل هالعصبيه ومثل هالعنف بالاخص مع ثنيان اللي على كثر ما سوت فيه ما عمره رفع صوته كانت تبي تتكلم وتبي ترد بس ألجمها بالكف الثاني

منيره كانت على باب غرفتها وهي ما توقعت ان بيعصب كذا كانت متوقعته معصب عشانها تحركت بتروح لهم بس رجعت وهي تبكي لغرفتها وقفلت الباب

مشاعل اللي فزت على الصراخ وهي ماتدري وش السالفه فتحت الباب كانت اكبر صدمه ان ثنيان يضرب الترف

ركضت مشاعل وهي اول مره تحس انها ودها تاخذ احد من يد ثنيان سحبت ثنيان لكن صرخ عليها وعيونه مثل الدم : انقلعي برااا

طلعت مشاعل تركض لغرفة منيره المنقذ الوحيد لترف

فتحت الباب : منيره اللحقي مدري وش فيه ثنيان يطق الترف اركضي

منيره اللي كانت تبكي صدت ودخلت الحمام وتركتها ومشاعل انهبلت ما تدري وش تسوي رجعت تركض لمي اللي كانت تناظر بصدمه وفي نفس الوقت نصر بس مي بعد ماساعدتها بكت مشاعل وهي ماتدري وش تسوي ماكان فالبيت الا صوت كفوف ثنيان وصراخه والترف اللي ما تسكت هالمره سكتت

.................••............

في ديرة الترف

عند سلوى ونوره اللي كانو على الخط فزوا برعب وهي ينادون بس ماسمعوا الا صراخ ثنيان وضربه

سلوى اللي رمت كل شي وركضت وهي تلبس عبايتها ونوره وراها تبكي وتنادي على الترف

دخلت سلوى بيت ابو الترف وهي تبكي: صالح صاااالح

فز صالح اللي كان نايم : سلوى وش فيتس

سلوى : ثنيان ذبح الترف

صالح : هااااه

سلوى: ألحقها ألحق اختك يا صالح

صالح اللي فقد نفسه وركض وهو يركب سيارته وركبت سلوى ومعه وهو يصيح فيها ويسألها بس جمدت سلوى وهي تبكي : مدري مدري كنت اكلمها ... ماقالت السبب بس قالت اللي صار

.

.

انتهى البارت🌟