تحميل رواية «تهزمني السمراء وانا نّد الفرسان» PDF

« تـــاابــــع النهـــــايــــــه »

.

.

انتهت الليله الحلوه وطلبت منيره انها تنام عند ابوها ومشاعل اصلا عند اهلها وطلع ثنيان والترف للبيت

لف ثنيان على الترف : معاك اغراض احتياط لصالح

الترف : لا

ثنيان : اجل اسمعي اطلعي خذي لكم احتياط كذا وارجعي يلا

الترف : وين بنروح

ثنيان: اركضي اقولتس اذا جيتي يلا

طلعت الترف وثنيان دخل ياخذ العود وبعض الاغراض

ونزلت الترف وهي للحين مستغربه : وين بنروح

ثنيان ابتسم : اسمعي وش رايتس نرفع الصوت وتسمعين ولا تسألين عشانها مفاجأه

الترف ضحكت :مابي اسمع انت سولف

ثنيان : نسولف لعيونتس ليه ما نسولف

ابتسم ثنيان وهو يسولف لها وهو كل مره يسولف مع الترف يحس سوالفه تجدد وصلوا وضحكت الترف وهي تناظر : وش ذا

ثنيان : طلبتي نطلع لديره لانتس اشتقتي تنامين بهواء وبراحه لكن اني ما بغيت الديره كثير وجهزت هالمخيم الصغير بعيد وصاد ونرتاح فيييه بدون ازعاج

ضحكت الترف : توني قلت لك متى امداك

ثنيان: يسلمون الاصحاب وصيتهم وضبطوها

الترف حضنت ثنيان : والله انك كفففو

ثنيان : ههههههههههههههههههههههه اجل يلا انزلي

نزلوا وثنيان شايل صالح النايم وكان مخيم بسيط وااهواء بارد والجو حلو نزل ثنيان صالح وهو يغطيه وبدا ينزل الاغراض قرب بيشب النار ونطت الترف : حلفت عليك ما تشبها انا اشبها

ثنيان: وش عرفتس انتي !

الترف : افا ااعرف ما عليك ارتاح

ثنيان تكتف وهو يناظرها بإستخفاف : يلا يلا ورينا

الترف اللي جمعت الحطب وضبطه وهي تضحك لثنيان اللي يناظرها وفعلياً شبت النار ضحك ثنيان وهو يصفق : والله براڤو ما زلتي تدهشيني

ضحكت الترف : اعجبك

ثنيان قرب وهو يناظرها بهيمان : تعجبيني من زمان ومتفقيييين من زماااان بعد

الترف ابتسمت وهي تبعد الطرحه عن وجهها سحب ثنيان الطرحه وهو ينزلها ومد يده وهو يحرر شعرها اللي طار مع نسيم الهوا البارد واتسعت ابتسامة الترف اللي تذبح ثنيان اللي مسك يدها وهو يجلس قريب النار وهو يصلح الكرك مع ذا البرد

وجابت الترف العود : بتعلمني الليله عليه

ثنيان : من عيوني كم ترف عند ثنيان

الترف : يا ويلي ويلاه ياخي ما خلص كلامك الحلو والله ان قلبي يعورني

ضحك ثنيان : تعالي جنبي خليني اعلمك شوي

قربت الترف اللي حاولت وحاولت بس عجزت وعطته ثنيان: خذ خذ ماعرفت

ثنيان: اجل كل واحد له شغلته انا ادق وانتي تغنين

الترف : ايه كذا ازين

ثنيان: يلا وش بتغنين

الترف اللي تكت على كتف ثنيان وهي تدخل معاه بفروته :يلا

ثنيان ابتدا يدق وغنت الترف

( تقول اللي طرف عينك أنا مدري هدب أو عود

أحس أني من اللي صابها ما شوف قدامي

همست وقلت لا تخافي على بحر العيون السود

على شط الكحل مريت وهذا موضع أقدامي)

ثنيان : الللله عليييك اللله اييه ايه اخيرا لقيت سطر وصف اللي صار فيني من ورا عيونتس

اختلط ضحك الترف بصوتها اللي رجع يغني ودخل معها ثنيان بكل صوته ( عطيني عيونك الليلة وباكر يا عساه صدود

أمانة لا مسحتي الكحل خلي طيف أحلامي

أحبك كان يكفي الحب جروحي في هواك شهود

أنا اللي راس مالي حلم وهم الدنيا قدامي)

ماهي الا شويات وصحى صالح على صوت ضحكهم وانضم لهم بضحكاته الطفوليه

................••............

النهايات كانت للكل سعيده تتمثل في عجاج اللي دايماً وابداً صار يؤمن ب ( عسى ان تكرهوا شيئاً وهو خير لكم ) على كثر ماكان معارض زواج ثنيان والترف على كثر ما سوى عشان يتفركش على كثر ما هو يشكر ربي ان ثنيان تزوج الترف اللي حرفياً صارت اكثر نقطه سعيده في حياة ثنيان وهالسعاده ورثت لعجاج نوره اللي صارت ملاذ الأمان والحب لعجاج

ومن الحكايات السعيده نهاية الصبر الجميله اللي تتمثل بحب محمد الطاهر لرهام اللي انتظر سنين بس فالنهايه عطاه ربي رهام مثل المعجزه ونفس الفرج للي احتوى محمد احتوى رهام اللي كانت نهاية المرض ارتباطها بأعظم قلب

وهالصبر ينطبق على فجر بعد اللي صبرت وعوضها الله بعبدالرحمن اللي كان سد عظيم بينها وبين الحزن واللي من يوم عرفته ما بكت عينها الا فرح

وبين حكاايات الأمل موجود صالح اللي كافح ألين اجتمع هو وسلوى اللي تركت الدنيا عشان صالح وتمسكوا بحبهم ونجوا به وخلوه عبره تغير كل العوائق

اذا تكلمنا عن حكايات الثقه بالله موجود بندر اللي صار مضرب مثال لتغير الاحسن وللهدايه

ومشت امه بطريقه ولحقهم سيف ومن بعدهم أمل

ومن حكايات الطمأنينه وحسن الظن بعطاء الله موجوده دلال اللي كل يوم كانت تفهم ان ربي رحم شوق واخذها عنده من هالدنيا اللي بتعيشها

والطرف الثاني شهد اللي حصلت نواف اللي عطاها أمان الدنيا واحتواها رغم انها ما قدمت له شي كثير

ونواف اللي عرف ان ربي اختار له شهد وابوها رزق وامانه وهو حريصصص على هالامانه

ومن بعدهم مشاعل ومنيره اللي تتمركز طمأنينتهم بوجود ثنيان اللي ماكان ابد يبخل في انه يكون سبب بسسمتهم وفرحهم ورغم ان قلبه شوي مايل لترف بس كان يدفع عمره ولا تضيق وحده منهم

................••............

واخيرا عن قصص البحث الطويله عن أمان الشخص اللي تحصل روحك فيه واللي معاه تحس انك مع نفسك بسيط وما تحتاج اقنعه ومجامله اللي مستعد انك تحط كل شي على جنب وتكافح الدنيا عشانه وعشان حبه اللي تعب لين حصله هنا نحصل ثنيان اللي اخيرا اجتمع بالسمراء اللي بدلت كل معاني ثنيان وغيرتها وملت الدنيا على ثنيان وصارت جزء ما يتجزاء منه

والترف اللي اخيراً حصلت حنية صالح اخوها بأحد ثاني وحنيته تفوق حنية صالح بكثير حصلت ثنيان اللي يشتري خاطرها بالدنيا واللي مجرد ما تضحك له الترف تبدل الدنيا عنده لضحك وافراح و ما يستاهل ثنيان منها الا تبادله هالحب العظيم وتعطي كل الدنيا عشان خاطر ابتسامته وضحكته اللي تجبر خاطر الدنيا

................••............

اخر حدث ينهي كل القصص بعد ما تبدلت خيوط الليل بخيوط الفجر بعد صلاة الفجر الساعه 6 ماقدروا ثنيان والترف ينامون ابد وهم ما زال حبهم يعم الدنيا وكل ما ارتفع صوت ثنيان والترف بالغناء ارتفع حبهم لف ثنيان على الترف وهو يبتسم :

تدرين وش يختصر كل قصتي معك قصتي اللي عساها ماتنتهي

الترف : عساني ما افقدك وعساها ما تنتهي

ثنيان : اجل هالبيت هو اختصار ثنيان والترف

وننتهي بأخر سطر يدمج عود ثنيان وصوته وصوت الترف

(تهزمني السمراء وانا ند فرسان) ...

وتكمل الحياه معهم بسعاده وقصص حلوه وعساها ما تنتهي

.

.

تمت بحمدلله روايتنا (#تهزمني_السمراء_وأنا_ند_فرسان )

اللي تعلمنا ما نكون عنصرين ابد ونناظر الجوهر ما ناظر المظهر

وتعلمنا بعد مهما واجهتنا صعوبات نصبر ونخلي الامل بربي كبيير

وتعلمنا بعد ما نفرط بإيمانا واخرتنا عشان بشر لا بالعكس نقتنع ونؤمن بمقوله ( لو كان خيراً لبقى )

واتمنى انها تنال اعجابكم واستودعكم الله برواية جديده ♥واعتذر عن اي تقصير وتأخير🌿اتمنى ان الكل يكتب رأيه او انتقاده ♥

« تـــاابــــع النهـــــايــــــه »

.

.

انتهت الليله الحلوه وطلبت منيره انها تنام عند ابوها ومشاعل اصلا عند اهلها وطلع ثنيان والترف للبيت

لف ثنيان على الترف : معاك اغراض احتياط لصالح

الترف : لا

ثنيان : اجل اسمعي اطلعي خذي لكم احتياط كذا وارجعي يلا

الترف : وين بنروح

ثنيان: اركضي اقولتس اذا جيتي يلا

طلعت الترف وثنيان دخل ياخذ العود وبعض الاغراض

ونزلت الترف وهي للحين مستغربه : وين بنروح

ثنيان ابتسم : اسمعي وش رايتس نرفع الصوت وتسمعين ولا تسألين عشانها مفاجأه

الترف ضحكت :مابي اسمع انت سولف

ثنيان : نسولف لعيونتس ليه ما نسولف

ابتسم ثنيان وهو يسولف لها وهو كل مره يسولف مع الترف يحس سوالفه تجدد وصلوا وضحكت الترف وهي تناظر : وش ذا

ثنيان : طلبتي نطلع لديره لانتس اشتقتي تنامين بهواء وبراحه لكن اني ما بغيت الديره كثير وجهزت هالمخيم الصغير بعيد وصاد ونرتاح فيييه بدون ازعاج

ضحكت الترف : توني قلت لك متى امداك

ثنيان: يسلمون الاصحاب وصيتهم وضبطوها

الترف حضنت ثنيان : والله انك كفففو

ثنيان : ههههههههههههههههههههههه اجل يلا انزلي

نزلوا وثنيان شايل صالح النايم وكان مخيم بسيط وااهواء بارد والجو حلو نزل ثنيان صالح وهو يغطيه وبدا ينزل الاغراض قرب بيشب النار ونطت الترف : حلفت عليك ما تشبها انا اشبها

ثنيان: وش عرفتس انتي !

الترف : افا ااعرف ما عليك ارتاح

ثنيان تكتف وهو يناظرها بإستخفاف : يلا يلا ورينا

الترف اللي جمعت الحطب وضبطه وهي تضحك لثنيان اللي يناظرها وفعلياً شبت النار ضحك ثنيان وهو يصفق : والله براڤو ما زلتي تدهشيني

ضحكت الترف : اعجبك

ثنيان قرب وهو يناظرها بهيمان : تعجبيني من زمان ومتفقيييين من زماااان بعد

الترف ابتسمت وهي تبعد الطرحه عن وجهها سحب ثنيان الطرحه وهو ينزلها ومد يده وهو يحرر شعرها اللي طار مع نسيم الهوا البارد واتسعت ابتسامة الترف اللي تذبح ثنيان اللي مسك يدها وهو يجلس قريب النار وهو يصلح الكرك مع ذا البرد

وجابت الترف العود : بتعلمني الليله عليه

ثنيان : من عيوني كم ترف عند ثنيان

الترف : يا ويلي ويلاه ياخي ما خلص كلامك الحلو والله ان قلبي يعورني

ضحك ثنيان : تعالي جنبي خليني اعلمك شوي

قربت الترف اللي حاولت وحاولت بس عجزت وعطته ثنيان: خذ خذ ماعرفت

ثنيان: اجل كل واحد له شغلته انا ادق وانتي تغنين

الترف : ايه كذا ازين

ثنيان: يلا وش بتغنين

الترف اللي تكت على كتف ثنيان وهي تدخل معاه بفروته :يلا

ثنيان ابتدا يدق وغنت الترف

( تقول اللي طرف عينك أنا مدري هدب أو عود

أحس أني من اللي صابها ما شوف قدامي

همست وقلت لا تخافي على بحر العيون السود

على شط الكحل مريت وهذا موضع أقدامي)

ثنيان : الللله عليييك اللله اييه ايه اخيرا لقيت سطر وصف اللي صار فيني من ورا عيونتس

اختلط ضحك الترف بصوتها اللي رجع يغني ودخل معها ثنيان بكل صوته ( عطيني عيونك الليلة وباكر يا عساه صدود

أمانة لا مسحتي الكحل خلي طيف أحلامي

أحبك كان يكفي الحب جروحي في هواك شهود

أنا اللي راس مالي حلم وهم الدنيا قدامي)

ماهي الا شويات وصحى صالح على صوت ضحكهم وانضم لهم بضحكاته الطفوليه

................••............

النهايات كانت للكل سعيده تتمثل في عجاج اللي دايماً وابداً صار يؤمن ب ( عسى ان تكرهوا شيئاً وهو خير لكم ) على كثر ماكان معارض زواج ثنيان والترف على كثر ما سوى عشان يتفركش على كثر ما هو يشكر ربي ان ثنيان تزوج الترف اللي حرفياً صارت اكثر نقطه سعيده في حياة ثنيان وهالسعاده ورثت لعجاج نوره اللي صارت ملاذ الأمان والحب لعجاج

ومن الحكايات السعيده نهاية الصبر الجميله اللي تتمثل بحب محمد الطاهر لرهام اللي انتظر سنين بس فالنهايه عطاه ربي رهام مثل المعجزه ونفس الفرج للي احتوى محمد احتوى رهام اللي كانت نهاية المرض ارتباطها بأعظم قلب

وهالصبر ينطبق على فجر بعد اللي صبرت وعوضها الله بعبدالرحمن اللي كان سد عظيم بينها وبين الحزن واللي من يوم عرفته ما بكت عينها الا فرح

وبين حكاايات الأمل موجود صالح اللي كافح ألين اجتمع هو وسلوى اللي تركت الدنيا عشان صالح وتمسكوا بحبهم ونجوا به وخلوه عبره تغير كل العوائق

اذا تكلمنا عن حكايات الثقه بالله موجود بندر اللي صار مضرب مثال لتغير الاحسن وللهدايه

ومشت امه بطريقه ولحقهم سيف ومن بعدهم أمل

ومن حكايات الطمأنينه وحسن الظن بعطاء الله موجوده دلال اللي كل يوم كانت تفهم ان ربي رحم شوق واخذها عنده من هالدنيا اللي بتعيشها

والطرف الثاني شهد اللي حصلت نواف اللي عطاها أمان الدنيا واحتواها رغم انها ما قدمت له شي كثير

ونواف اللي عرف ان ربي اختار له شهد وابوها رزق وامانه وهو حريصصص على هالامانه

ومن بعدهم مشاعل ومنيره اللي تتمركز طمأنينتهم بوجود ثنيان اللي ماكان ابد يبخل في انه يكون سبب بسسمتهم وفرحهم ورغم ان قلبه شوي مايل لترف بس كان يدفع عمره ولا تضيق وحده منهم

................••............

واخيرا عن قصص البحث الطويله عن أمان الشخص اللي تحصل روحك فيه واللي معاه تحس انك مع نفسك بسيط وما تحتاج اقنعه ومجامله اللي مستعد انك تحط كل شي على جنب وتكافح الدنيا عشانه وعشان حبه اللي تعب لين حصله هنا نحصل ثنيان اللي اخيرا اجتمع بالسمراء اللي بدلت كل معاني ثنيان وغيرتها وملت الدنيا على ثنيان وصارت جزء ما يتجزاء منه

والترف اللي اخيراً حصلت حنية صالح اخوها بأحد ثاني وحنيته تفوق حنية صالح بكثير حصلت ثنيان اللي يشتري خاطرها بالدنيا واللي مجرد ما تضحك له الترف تبدل الدنيا عنده لضحك وافراح و ما يستاهل ثنيان منها الا تبادله هالحب العظيم وتعطي كل الدنيا عشان خاطر ابتسامته وضحكته اللي تجبر خاطر الدنيا

................••............

اخر حدث ينهي كل القصص بعد ما تبدلت خيوط الليل بخيوط الفجر بعد صلاة الفجر الساعه 6 ماقدروا ثنيان والترف ينامون ابد وهم ما زال حبهم يعم الدنيا وكل ما ارتفع صوت ثنيان والترف بالغناء ارتفع حبهم لف ثنيان على الترف وهو يبتسم :

تدرين وش يختصر كل قصتي معك قصتي اللي عساها ماتنتهي

الترف : عساني ما افقدك وعساها ما تنتهي

ثنيان : اجل هالبيت هو اختصار ثنيان والترف

وننتهي بأخر سطر يدمج عود ثنيان وصوته وصوت الترف

(تهزمني السمراء وانا ند فرسان) ...

وتكمل الحياه معهم بسعاده وقصص حلوه وعساها ما تنتهي

.

.

تمت بحمدلله روايتنا (#تهزمني_السمراء_وأنا_ند_فرسان )

اللي تعلمنا ما نكون عنصرين ابد ونناظر الجوهر ما ناظر المظهر

وتعلمنا بعد مهما واجهتنا صعوبات نصبر ونخلي الامل بربي كبيير

وتعلمنا بعد ما نفرط بإيمانا واخرتنا عشان بشر لا بالعكس نقتنع ونؤمن بمقوله ( لو كان خيراً لبقى )

واتمنى انها تنال اعجابكم واستودعكم الله برواية جديده ♥واعتذر عن اي تقصير وتأخير🌿اتمنى ان الكل يكتب رأيه او انتقاده ♥

.

النهـــــــــايــــــــــه⭕

«الخمســـ50ـــين »>> والأخير

.

.

في بيت ثنيان في اخر الليل بعد ما الكل اتجهه لغرفته ونام

استند ثنيان وهو يلحف الترف بعد ما انتهت اسطوانتها اليوميه الخوف والتردد وكان ثنيان يشيل 90٪ من مخاوف الترف للي تدري انها تضغط عليه بس ما بيدها شي ابد ماعندها الا ثنيان تشكي له لكن ثنيان كان كله صدر رحب مستعد يسوي كل شي لخاطر عيونها صح كان من كثر ماهو شايل همها نحفان وصاير ما ينام بس ما عليه

كان يراقبها وهي يدها متعلقه بيده حتى وهي نايمه غمض ولا مداه ينام الا شدة الترف على يده وصرخت فز ثنيان : ترف الترف وش فيتس

الترف اللي صحت وهي تحس بألم فضييييع : ثنيييان

ثنيان رغم ان مر عليه مثل هالحالات كثييير بس انهبل الحين : انا هنا وش فيك وش يوجعك

الترف : ألحقني يا ثنيان بطني بينفجر

فز ثنيان : بنادي منيره ونروح للمستشفى

ركض لغرفة منيره اللي كانت تصلي الوتر : منيره

منيره سلمت : ثنيان وش فيك

ثنيان: الترف بتولد

ركضت منيره معه وهم ياخذون الترف اللي كانت تبكي وتصيح وثنيان اللي طاير للمستشفى ودخلو الترف غرفة الولاده وثنيان اللي يحس من كثر ماهو مرتبك يدينه ورجلينه ترجف جلس وهو يسمي ويدعي ومنيره تدعي

ويمر الوقت وثنيان اللي صار يخبص الدعاء مع الايات

واخيرا طلعت الدكتوره وفزت لها منيره وثنيان : لو سمحتي الترف عبد الكريم ولدت

الدكتوره :اي الحمدلله ولدت وبيطلعونها للافاقه وجابت ولد

ثنيان: هي بخير وولدها بخير

الدكتوره: حمدلله بصحه حلوه حتى انها ولادتها مره سهله وسريعه

منيره: حمدلله حمدلله ومبروك يا ثنيان

ثنيان اللي حضن منيره براحه: حمدلله االله يبارك فيك

منيره : حمدلله اللي سهل عليها

ثنيان: كم يبي لها وتصحى

منيره : ساعه ساعتين يعني بعد الفجر

ثنيان : طيب خليني اوديك البيت وارجع اكمل الاوراق

اخذ ثنيان منيره للبيت ورجع للمستشفى وهو يسابق الخطوات من الفرح ينتظر بس تطلع الشمس عشان يبشر الدنيا على ما كمل اوراقه صحت الترف ودخل اللي مختصر كل شي في انه يحضنها

الترف اللي مب مصدقه انها ولدت خلاص: ثنيان انا ولدت خلاص

ابتسم ثنيان : ولدتي وقالت الدكتوره ولادتك سهله وسريعه وجبتي صالح يا ام صالح

الترف : ما مت وخليته الحمدلله

ثنيان : بسم لله عليك بعد عمر طويل

الترف ضحكت بفرح: شفته طيب

ثنيان:لا بيجيبونه الحين

الترف اللي كانت تحمد ربي وتشكره حضنت ثنيان : ثنيان انا اسفه اذذا تعبتك معي بس..

ثنيان: اص اص لا تعبتيني ولا شي تعبتس راحه خليتس ساكته

ابتسمت الترف ودخلت النيرس وهي معاها صالح

ووقف ثنيان يستقبله شهقت الترف بفرح لما شافت ملامحه كان مزيج بين ثنيان والترف ما اخذ لون امه او ابوه كان بالنص لونه يفتن ضحك ثنيان بفرح وهو ياخذه : بسم لله عليييك بسم عليييك

الترف اللي بكت يوم شافته: تشوف يا ثنيان شلون صغير

ثنيان عطاها اياه بحضنها: اشوف شوفي كيف حلو بس

ضحكوا وهم يناظرونه بفرح وكان حرفياً يخطف القلب عجزت الترف تتركه بفرح وثنيان اللي على طول صوره وارسله لعجاج قبل الكل وكتب ( شرف ولدكم على الدنيا يالخوال)

الترف : قلت لاهلي

ثنيان:لا توني كنت بكلم صالح

الترف : عطني انا ابشره

ثنيان: ابشري

دق ثنيان على صار وهو يحوله مايك وجاء صوت صالح : هلا ابو محمد

ضحك ثنيان: نوقف محمد شوي ونستلم صالح

صالح مافهم: هاه !

الترف ضحكت ببحه بكى : نبشرك بسميك صالح يا خاله صالح

انقطع صوت صالح شوي وبعدها ارتفع بفرح: واللله ماشاء الله ماشاء الله مبروووك مبروووك يتربى في عزكم

ثنيان والترف : يبارك فيك

صالح: حمدلله على سلامتس يالترف متى جبتيه

الترف : تو من ساعه

صالح: الله يخليه لكم ويبشر بسماوته السمي

ثنيان : لا والله سلمت يكفي انه سميك وغيرك كذا والله مايجي لنا

صالح : لا تحلف يا رجال

ثنيان: انتهى خلاص بس عطنا عمي وينه

صالح : دقيقه اناديه

راح صالح ينادي ابوه يكلم وجاء صوت ابو الترف : الوو

ثنيان: سلام عليكم ياعمي كيفك وش اخبارك

ابو الترف : بخير نحمدلله انت وشلونك وشلون الترف

ثنيان : نسلم عليك والترف عندها لك بشاره

الترف : يبه سلام

ابو الترف : هلا هلا حي الله هالصوت

الترف : يبه ابشرك جبت لك حفيدك صالح

ابو الترف اللي بغى يتوفى من الفرحه وهو يبارك لهم والترف اللي اختلطت مشاعرها تبكي وابتلش ثنيان مره يمسح دموعها ومره يضحك معها .................••............

في بيت عجاج

عجاج اللي كان يجهز لدوامه ونوره تجهز الفطور وفتح جواله بإستغراب وطارت عيونه يشوف الصوره وشهق : الللللللله نوره يا نوووووره

نوره اللي نست نفسها وجت تركض وصرخ عجاج: ايييه ليه تركضييين انتي في بطنتس انسان يا مسلمه

نوره: وش فيك تصارخ فجعتني

عجاج تذكر: ابشرتس الترف جابت ولد ابشرتس

نوره صرخت بفرح: حمدلله حمدلله

عجاج : الحمدلله عدت على خيير

نوره: بنروح نبارك لها

عجاج: اصبري اصبري تونا الساعه 6 شوي نروح لهم خليني بكلم ثنيان الحين

نوره: اذا عند الترف خله يعطيني اياها

دق عجاج وبإنتظار وصل له صوت ثنيان اللي متشقق فرح قبل اي كلمه تفجروا ضحك الاثنين كانت نوره تفهم حالة الفرح هاذي خصوصا بين الاصحاب اللي اول مايكلمون بعض او يشوفون بعض يضحكون لا شعورياً وكانت مبتسمه معهم

عجاج : مبرووك مبرووك يتربى بعزك

ثنيان : الله يبارك فيك وعقبال عندك يارب

عجاج : متى شرف ولي العهد

ثنيان: من ساعه

عجاج : اهم شي بسلامه وصحه

ثنيان: الحمدلله

عجاج : مايسوى عليك ذا الولد اللي طلع عيونك ومن الحب ما قتل عز الله عيالك وش كثرهم

ضحك ثنيان: المسأله ماهي مسألة عيال

نوره اللي كانت تهز عجاج يقوله عجاج : اكبر غلط سويناه تزوجنا صديقات عندك الترف

ثنيان ضحك وهو يعيش نفس الحاله مع الترف : عندك نوره

عجاج : ههههههههههههههههههههه اجل عطها الجوال

عطوهم الجوال لكن فرحة البنات دايم تختلف بالصراخ وضحك وكلام ما يفهمه الا هم ضحك ثنيان اللي يتأمل صالح ويسمع صوت الترف اللي تكلم نوره وطبعا نشر ثنيان خبر ولده مثل البرق وهو فرحان فيه

................••............

في بيت ثنيان

عند مشاعل اللي كانت فرحانه لترف مرره وهي تدق على رقم ثنيان بس مشغول

لفت على منيره: شفتي الولد ولا لا

منيره: لا والله طلعنا بسرعه

مشاعل: متحمسه مرررره ابي اشوفه

محمد : يمه تكفين قولي لابوي يجيبه بنشوفه

منيره: بيطلع بكره وبتشوفونه بس خلكم عاقلين

عمر : الله بيجي ولد بعد ونلعب معاه احسن من التوأم ازعاج

مشاعل: ايه ايه احسن من التوأم توك جحدتهم هاه

منيره : هههههههههههههههه خليه بيستانس فالولد اللي مثله

شوي الا اتصل ثنيان لكن كان فيديو وتجمعوا كلهم عند الكاميرا وثنيان اللي كان معاه صالح والترف اللي تعبانه وبعد موجة تبريكات

نزل ثنيان الكاميره على صالح وارتفع صراخ عمر ومحمد

عمر: الله يا يبه ييجنن تكفى جيبه معك بنلعب معه

ثنيان ضحك: توه بدري يا ابوي على اللعب

محمد : ما عليه نعطيه اكل لين يكبر صح الترف

الترف : اذا كبر خيير

منيره: هاه الترف الحين بخير

الترف ابتسمت: بخير جعلتس بخيير

مشاعل:وش سميتوا المزيون

ثنيان: صالح

محمد : الله زي خاله يعني زيي انا

عمر: وانا زي ميين

ثنيان : انت لحالك ما فيه زيك احد

عمر: لا واالله ابي زي احد

ضحكت مشاعل: زيي خالي انا خلاص ارتاح

ثنيان: يلا يلا سكروا معي مكالمه

الكل اتصل ويبارك الا ام ثنيان وهذا شي زعل ثنيان والترف شوي وقف ثنيان : يلا انتي ارتاحي وانا بطلع اخلص كم شغله

الترف : اجلس عندي

ثنيان: اجلس وانتي نايمه انتي نامي وانا اخلص واصلاا بكره ولا شوي يطلعونك

الترف : زين

ثنيان: يلا انتبهي لنفسك

طلع ثنيان متجهه لبيت اهله

................••............

في بيت محمد

عند رهام اللي من يوم سمعت الخبر وهي مستانسه

لفت لمحمد اللي كان يكبر ويصغر في صورة صالح :والله مملوح

رهام: تو ما تبان ملامحه انتظر شوي

محمد: لا بس فيه جاذبيه

رهام: يالله متى اولد انا بعد وارتاح

محمد ابتسم: اصبري شهرين ان شاء الله وربي يتمم عليك انتي بعد هانت

رهام : تدري مافكرنا له بأسم

محمد : اول شي قومي بالسلامه ونشوف ولد ولا بنت وبعدين خيييير يالاسم

رهام:ان شاء الله

................••............

في بيت منصور

عند نوف اللي صحت تقلب بجوالها بس انسحب منها بسرعه وكان منصور واقف : صح النوم مابغيتي تصحصحين

نوف: ليش ما طولت !

منصور ارتمى جنبها بشويش : انتي ما تطولين بس انا اشتاق لك

نوف ضحكت ولف منصور: ثنيان جاله ولد

فزت نوف : الترف ولدت ماشاء الله

منصور: والله مدري من ولد بس انه ثنيان الابو

ضحكت نوف وهي تاخذ جواله وتتصل بالترف لكن ما ردت وجلست نوف بضحك: اخيرا احس شلت همها

منصور:لييه !

نوف : يعني كانت خوافه

منصور : هي اخر وحده عند ثنيان صح ، السمراء

نوف : ايه ، ليش !

منصور: لا بس من تزوجها ثنيان تفرمت الرجال وتغير مره واتوقع ان هي السبب

نوف : صح بالنسبه لي تغير للاحسن

منصور: والله من يوم عرفت ثنيان وهو كويس بس اتوقع انها كشفت ثنيان الحقيقي اكثر وغير ذا واضح ان ثنيان يحبها اكثر من الكل واشوفها مجننته

نوف ضحكت: والله من يوم ما شفتها عرفت انها بتغير خالي بس لايش بالضبط ما فهمت الا الحين

منصور قطع عليه اتصال عبد الرحمن : يالليل ليتنا ما خطبنا له انهبل وقعد

نوف ابتسمت وهي تدري ان عبد الرحمن منهبل على فجر وهو اللي خطبها قبل فتره وبيتزوج قريب وكان يأثث وكارف منصور معاه وهي فرحانه لان عبدالرحمن مره طيب وفجر حبته مرره

......................••............

في بيت ابو ثنيان

كانت دلال ونواف مجتعمين مع ابو ثنيان على الجوال وهم يناظرون صور صالح ودخل ثنيان: سلام

ابو ثنيان : هلا هلا

باس راسه ثنيان وتوجهه لامه اللي ساكته ثنيان اللي سلم عليها وجلس : افا يمه ما تبين تباركين لي

ام ثنيان : ابارك لك على عصياني جبت هالبنت وفوق ذا جبت منها ولد

ثنيان : يمه ما انتهى هالموضوع

ام ثنيان: ان كنت ببارك ببارك لك ان ربي عطاك ولد وتذكر ان عيالك بيجازونك مثل ماتسوي في امك بالضبط

ابو ثنيان: ثنيان ما سوى الا كل خير يا مره

ام ثنيان: الله يخليه لك لكن لا تنتظر مني ابارك لسويده

لف ثنيان بضيق : الله يصلحك يا يمه

نواف جلس جنب ثنيان بمزح: بس والله بطل اهنيك على المكس يعني فالنص لا ابيض ولا اسمر

ثنيان ضحك وهو يضربه بالعقال : انقلع عني وقت إطراأتك

دلال: متى بتطلع الترف

ثنيان: شوي ان شاء الله

دلال : قلنا اذا جت

ثنيان: طيب

جاء سيف : مبروك يتربى بعزك

ثنيان: يبارك فيك

سكتوا ودق الباب دقات غريبه راح نواف يفتح الباب وتجمد على الباب ثنيان تقدم : وش بلاك تيبست

اتسعت عيونه : بندر

ركض سيف لباب : بندر ميين ! بندر يبه

دخل بندر اللي كان بلحيه طويله : يبه

حضن ابوه وهو يبكي بندر بندم واضح علييه

وثنيان ونواف وابو ثنيان والكل مصدوميين سيف بكى بعد وكان الموقف مؤثر شوي

سيف : كيف طلعت كيف !

بندر : جاني عفو سعى فيه ضابط يقاله عبد الرحمن

كان الاسم الصدمه الكبرى عبدالرحمن زوج فجر

طلعت فجر وهي تناظر بندر بصدمه وبكى

ثنيان قرب لبندر وهو يحضنه ويسلم عليه لكن الصدمه ان بندر انهار وهو يستسمح ثنيان اللي انذهل وبعدها بدا يسلم على الكل ويستسمحهم

لكن اللي حصل ان بندر حفظ القران فترة انه بالسجن واهتداء وتاب وعبد الرحمن اللي كان ضابط لما قالت له فجر عن بندر ووضح في صوتها الحزن ومن عبدها قرر عبد الرحمن انه يساعد بندر وحمدلله انه قدر

الكل اجتمع حوله والكل فرحان ومصدومين من تغيره

سيف : يا بندر عبد الرحمن ذا زوج اختك فجر

بندر لف بصدمه : فجر تزوجت

نواف : ملكت زواجها قريب

بندر : مبروك فجر

فجر ابتسمت له : يبارك فيك

طلعت فجر وهي مبتسمه من قلبها لعبدالرحمن رفعت جوالها واتصلت وهي تقول : كيف اجازيك يا عبد الرحمن

عبد الرحمن ابتسم : حبيني

ابتسمت فجر لما هاجتمها دموعها : لو احبك بسنين عمري ما اجازيك

كان عبد الرحمن يحب فجر بصدق ولا وده يشوف ضيقها وفجر اللي شافت تعويض الدنيا فيه

.................••............

انتشر خبر بندر فالعايله والكل فرح له وثريا اللي طلعت من غرفتها بفرح الدنيا ببندر والمغرب الكل كان متجتمعين ببيت ثنيان اللي كان مسوي عشاء بفرحة للكل والبيت مزدحم ومليان ناس وكان ابو الترف وصالح موجودين

ثنيان اللي جاء وهو ينادي نواف وعجاج : اسمعوا بروح اطلع الترف انتبهوا لناس لين اجي

نواف : الله يالناس بيطيرون الحين يا رجال توكل

عجاج ضحك: تصدق ودي اصادقك يا نواف احسن من اخوك

نواف: اشكر كلامك المحترم

ثنيان: خلك صديقه ساعه بس ونشوف بعدين يلا

.................••............

في المستشفى

عند الترف اللي كانت تنتظر ثنيان بضيق دخل ثنيان : سلام تأخرت عليييتس

الترف : بقووه تأخرت زهقت انتظر

ثنيان قرب وهو يبوسها: اسف بس البيت زحمه يا دوب جيت

الترف : من فيه

ثنيان: ابتدي من ابوي واخواني وانتهي بأبوك واخوانك

الترف : بالله ابوي جاء

ثنيان: جاء وينتظر يلا يلا نروح

سندها وطلعوا وهم ياخذون صالح معهم واتجهو للبيت .................••............

في بيت ثنيان في قسم الحريم

مشاعل اللي كانت تجهز مكان الترف وضيافتها ومنيره اللي تجهز القهوه والشاهي وطبعا فجر اللي تشتغل بكل قلبها وهي فرح الدنيا بقلبها واخيرا ثريا رجعت معهم بطيب وتغيرت حيل وهي تساعد الكل وسلوى اللي كانت تاركه بنتها مع نوره وهي تساعدهم نوره ورهام ونوف كانوا جالسين بطبيعة حالهم

وشوي وصل ثنيان والترف االلي دخلت الترف والكل اقبل يسلم عليها بفرح ويبارك لها

مشاعل: وييين صالح !

الترف : مع ثنيان عن الرجال

دلال : اجل اجلسوا مب جايبينه الحين

ثريا تقدمت : مبروك يااترف يتربى بعزك

انصدمت الترف بس قالت : يبارك فيك

................••............

عند الرجال

دخل ثنيان وهو حاضن صالح الصغير: وصل الشييخ وصل

الكل اجتمعوا عليه وهم يضحكون ومرره ثنيان لابوه ومن بعدها لابو الترف وبعدها صار يتنقل من يد ليد لما استقر في يد صالح اللي رفض يعطيهم اياه

نواف : يووووه صالح مب بخيير وسمو عليه والله معاد يخيله

صالح : اص اص هذا ازين عيالكم كلكم

عجاج: حمدلله ولدي بيعطيكم فرصه شهرين ويبهركم

محمد : اتفق معك

نواف: بالله ثنيان جيب التوأم يا حليلهم بنطقطق عليهم شوي

بندر: توأم!!

ضحك محمد: يووه خبرك عتيق ماشاء الله على عمك محضر بثلاثه فالسنه الوحده

بندر: ماشاء الله تبارك الله

ابو ثنيان: اذكروا الله ياعيال

الكل : ماشاء الله

دخل ثنيان وهو معاه صالح وهو ينادي : فيه احد ولا ادخل

دخلت سلوى وثريا ونوره داخل ودخل ثنيان ومعاه صالح

نوف : يوووووه يا ملللحه

رهام : اشوف اشوف يا ويلي يا ثنيان بسم لله عليه

ثنيان: انتظري يفتح عيونه تموتين صدق

فجر: مدري مين يشبهه

الترف بضحك: يشبهه امه يا قلبي اجل زينه على من

ضحك ثنيان: حمدلله الناس لها عيون وتشوف

مشاعل: شافوه عمر ومحمد

ثنيان: اييه انهبلو برا

منيره : بسم لله عليييه

اتجهه ثنيان لامه وهو ينزل صالح بحضنها بشويش وهمس : بالله عليك يمه ما ينحن عليه

ضعفت ام ثنيان لما شافته وابتسمت وهي تبوسه: الله يخليه لك

ابتسم ثنيان ووقف وهو يعطيه لترف وبعدها رجع

وطلعت سلوى ونوره يركضون لترف وهم مستانسين على صالح

................••............

عند الرجال

قرر نواف انه اخيرا يعلن عن قراره اللي اخذ وقت طويل وهو يفكر فيه تقدم وهو يقول لثنيان يشاركه الموضوع لان ثنيان هو الوحيداللي عنده خبر

ثنيان: في هالليله المباركه كلنا فرحانين ومستانسين وعساها دووم ولكن بنكمل فرحتنا مع نواف وبهالليله جايين يا ابو ثنيان نطلبك انا و نواف وقل تم

ابو ثنيان ابتسم : الليله كل شي له تم دام الله فرحنا وجمع شملنا

نواف ابتسم وهو يناظر الكل وهم يناظرونه : بما اني توظفت ومشى حالي قررت اني اكمل نص ديني وابيك بكره تخطب لي

اعتلت الاصوات والضحك واعتلى صوت عجاج : والله وعرفت تختار واسطتك هههههههههههههههههههههه

محمد : لاعبها صح

نواف : نتوسط بالاكثر خبره

ثنيان: اعقل لا اقلب عليك

نواف : خلاص

ابو ثنيان : تم والله يوففقك

محمد: ومن بنت الحلال

نواف : وش تبي فيها مستوره

منصور: اخس ياللي بتزوج جنيه من هي بنته نقول

ثنيان ضحك : بنت ابوها وانت وش عليك

طبعا طالت التحقيقات ونواف ساكت وهو ينتظر ثنيان يقنع ابوه

وحضور بندر واجتماع الكل كانت هالليله من اليالي الملاح اللي شهدها بيت ثنيان اللي كان يتنقل بفرح بكبير وشخصية حلوه الكل ملاحظها وملاحظ تغيره صالح الصغير اللي في هالليله فاز بقلوب الكل وسحرهم كلهم بدووون استثناء حتى ام ثنيان ما قدرت ما يلفت انتباهها

................••............

الايام الحلوه دلت طريقهم ومرت عليهم وانتهت سنه فيها صارت احداث سعيده كثيره ومنها ...(ثنيان قدر انه يقنع ابو ثنيان والكل وخطبوا شهد لنواف اللي كان فرحان وملبي لكل طلبات شهد وتزوج نواف واخذ شهد وابوها في بيته وعاش معهم بحب كانت شهد طيبه حيل وحريصه على نواف بشكل كبير

بندر اللي رجع مع اهله بأحسن ما يكون وصار من جماعة المسجد واصحابه وتغير 180 درجه هو وامه

سيف وامل مكملين براحه وفرح وخصوصا بعد رجوع بندر اللي عدل من سيف كثير

اما فجر تزوجت عبد الرحمن اللي كان لها وكانت له كل شي

و رهام اللي جابت بنت وسمتها (غزل ) وكانت هي فرحتها هي ومحمد اللي ما عاد يبي شي اكثر من هالفرحه

نوف اللي بعد ولدت وجابت ولد وسموه ( عبد العزيز )وهم مكملين على نفس السعاده والحب والتفاهم اللي بدو فيها

نوره وعجاج الثنائي المرح الجميل ولدت نوره ببنت وسموها ( بشرى ) وهي اللي تبشرهم بأسعد ايامهم مع بعض

وسلوى وصالح اللي رغم عواقب ابو الترف اللي يحطها قدامهم قدروا يفوزون بحبهم رغم الظروف ويكملونه بنفس الصفا والنقى

................••............

واخيرا مع ثنيان وعيااله اللي كتفى ثنيان ببيته الدافي واكتفى بحبه الكبييير وقدر انه يتعايش مع طيبة منيره وعبط الترف و حنية مشاعل وحبه الكبير لعياله اللي كل ما كبروا سنه يكبر تعلق ثنيان فيهم

الترف اللي بعد ما تخلصت من كل مخاوفها مع ثنيان اخيرا قدرت انها اولاً تكون حبيبة قلب ثنيان وام لاغلى شي حصل بحياتها ولا بد من العبط اللي ماتعيقه الامومه والحب وتركت طيش قبل والمشاكل

منيره اللي بعد ما تخلصت من الحقد البغيض رجعت منيره الاولانيه الطيبه اللي تعيش بسلام وتركت الغيره بعيييد وركزت على السعاده

مشاعل اللي من البدايه ماكان عندها مشاكل كثير كانت متصالحه مع نفسها ومع حياتها ومع الكل وكسبت بهالصفه كل الناس وهي اهم ما عليها عيالها .................••............

عند ثنيان اللي رجع من دوامه مبتسم برضا وهو يشوف هالكائنات الصغيره يركضون له يستقبلونه التوأم اللي صارت اعمارهم سنتين وصالح اللي كمل السنه ويادوب يمشي حبه حبه كانت افضل فقره لثنيان استقبالهم له وطبعا محمد وعمر اللي صاروا كبار شوي

كان ثنيان جالس على ركبه وهو محتضن التوأم ويده ممدوده لصالح اللي يتخطى

وجاء عمر اللي مسكه وهو يضحك على خطواته حضنه ثنيان وهو يبوسه

جات مشاعل: جيت يعطيك العافيه

ثنيان: يعافيك الغداء جاهز

مشاعل: ايه نحضر بس

منيره اللي جات وهو تعطي ثنيان كوب المويه وجلس بتعب

الترف جات وهي تنزل الغدا : وصلت ست الكل

ثنيان وهو يناظر الكبسه بجوع : وينتظرها سيد الكل

ضحكت الترف : سم بالله يلا وجيب ذا النتفه خل اغسل له

جلس ثنيان وهو جوعان مره وبطبيعة الحال كانوا التوإم وصالح يلفون عليه وهم يلعبون معاه

محمد : يووه اجلسوا طفشتونا

ثنيان: وش فيك تصارخ عليهم

مشاعل ضحكت: محمد ندم انه غايب اليوم من صبح الله وهالنتف مسوين فيه اللي ما يتسوى

منيره: خليه عشان معاد يغيب

ثنيان : اتصل فيك محمد يامناير !!؟

منيره: ايه قالي بس ودي لو اروح انا من العصر عشان اساعدهم محمد بيجي ياخذني

ثنيان : خلاص احنا بنجي المغرب اجل

الترف : وين !

ثنيان: محمد مسوي عشاء وبنروح له

مشاعل: طيب انا عند اهلي حفله اليوم

ثنيان: اجل كلمي ماجد

مشاعل : اصلا بيجي هو ياخذني

ثنيان: ماشاء الله اشوف كل وحده صرفت نفسها

منيره : يعني مانبي لك التعب

ثنيان: خير خير

طلع ثنيان ينام وهو معروف انه القيلوله دايم بغرفة الترف بحكم انها ابعد منطقه عن الازعاج

ومشاعل طلعت تجهز ومنيره بعد اما الترف اخذت صالح وطلعت وهي ميته تعب

دخلت وهي تنزل صالح وسمعت صوت المويه عرفت ان ثنيان يتروش جلست وهي تنييم صالح اللي كان شقي شقي وحركي بالاخص اذا ثنيان موجود

طلع ثنيان اللي ضحك اول ما شافه صالح اللي ابتدا يضحك له نزل له ثنيان وهو يرش عليه المويه اللي بشعره وصالح يضحك

وقفت الترف وهي تححط المنشفه على شعره : الجو برد اللبس لا تمرض

جلس وهو يقول : يمكن امرض وتعطيني وجهه اشوفك شاده حيلك مع ذا البزر وناسيتني

الترف : الله واكبر عليك انا اناسيتك والله انك على بالي بس وييين تشوف انت بس تنقد صاير شايب صدق

ثنيان اللي انسدح وهو يضحك : الله يا هاللقب اللي ما تنسينه

بعدت الترف صالح اللي كان جالس على بطن ثنيان ويلعب وهي تنسدح جنب ثنيان : اسمع طيب بطلبك

ثنيان لف وهو يرفع ذراعه ويحتضنها: امري

الترف : ما يامر عليك ظالم بس ودي نرووح ننام بالديره احس اشتقت انام برا والهواء ينش بدون ازعاج

ثنيان: ابشري نروح ليه ما نروح بس خليها بعد كم يوم

الترف : المهم نروح

ثنيان وهو يعطيها صالح : حطيه بسريره ذا المزعج خليني ألحق انام قبل المغرب

اخذته الترف وهي تحطه ولا طول ونام اما الترف اللي رجعت لثنيان وهي ما تستغني انها تنام بحضنه

................••............

في بيت محمد

محمد اللي بعد ما جاب الاغراض جلس وهو ياخذ غزل بحضنه وهو يبوسها : يااا ويلي انا ببموت بموت من حبها

ضحكت رهام : هاه انتبه للحدود لا تقرب لحبي

ضحك محمد اللي وقف وهو يبوس رهام : لا ابد انتي الغاليه انتي الاساس

رهام ضحكت وهي تشوفه طاير فيها الا متشقق من فرحته

ورجعت وهي تجهز وتحضر للعشاء وبعد شوي راح محمد ياخذ منيره اللي جات وبدت مع رهام وتحضر معها

................••............

في طرف ثاني من بيت نواف

اللي كان جالس بالمجلس هو وابو شهد اللي يلعب مع نواف بلوت مب ذاك اللعب بس يسليه نواف

دخلت شهد ببتسامه وهي تسمح ضحكهم : يلا الغدا

نواف : يالله تسلم ييدينها يالله

شهد ابتسمت: الله يسلمك ولا يحرمنا منك

نواف اللي بعد ما طلع ابو شهد قرب وهو يبوس يدها: ولا منك يا رب

شهد: نواف انا مدري كيف اطلع من جزاك شايلني وشايل ابوي حتى انك متحمله كثيير

نواف : وش ذا الحكي ابوك ابوي مهما صار بتحمله وبالعكس هو مونسني كثير لا عاد اسمعك تقولين كذا بزعل عليك

شهد : لا خلاص ولا تزعل المهم انت ترضى والله يرضى عليك

ابتسم نواف وهو يمشي معها لصاله وهو نفسياً مرتاح كثييير رغم ان امه بعد سوت سالفه في بداية زواجه بس بعدين اقتنعت

................••............

في بيت عبد الرحمن

فجر اللي كانت تجهز عشان تنزل للغداء تحت عند اهل عبد الرحمن سمعت صوت عبد الرحمن على الدرج وهو يسولف مع منصور وولده عبد العزيز

اخذت عبايتها وهي تلبس دخل عبد الرحمن :فجررر وينك

فجر: هنا

دخل عبد الرحمن ومعاه عزوز وتقدمت فجر وهي تضحك لعزوز وقربت بتبوسه وابعدها عبد الرحمن

فجر: وش فيك؟!

عبد الرحمن : مب عشانه بزر ياخذ حقوقي وين الأولويات يا مدام

ضحكت فجر وهي تبوس خده وبعدها باست عزوز : خلاص كذا

عبد الرحمن: لا تنسيين مره ثانيه

فجر: يلا عشان ما نتاخر على خالتي

عبد الرحمن : يلا يلا سبقونا منصور ونوف

نزلت فجر برضا وهو تشوف عبد الرحمن اللي رغم تأخر حملها ما جاب طاري بالعكس كان نفس شخصيته الحلوه اللي عرفتها

................••............

في بيت ام منصور

نوف ومنصور للي بطبيعة الحال محتلين المركز الاول عند ام منصور اللي تحب منصور اكثر من اي شي وطبعا اذا جاء منصور تنسى الباقين

دخلوا وهم يسلمون عليها

ام منصور: وينه عزوز

منصور: مع عبدالرحمن بينزل الحين

ام منصور: الله يسعده ويرزقه الذريه الصالحه

الكل : امين

نوف : عطيني خالتي اساعدك

ام منصور : لا والله حلفت عليك ما تمدين يدك اجلسي

منصور: يمه خليها تساعدك شوي

عبد الرحمن دخل : وين تساعدك هاذي حرم منصور الدلووع مستحيل امي تخليها تسوي شي

نوف ضحكت: كل ذا غيره يا وجه الله

ضحك عبدالرحمن: اقول اخذوا ولدكم الدلخ ذا اخذوه

فجر تقدمت لام منصور وهي تاخذ منها الاغراض بس حلفت عليها بعد ان منصور

عبد الرحمن : اخيرا مابغيتي تحلفين علينا يالغاليه

ام منصور ضربته بشويش: اللي يشوفك يقول كارفتكم

عبد الرحمن ضحك وهو يبوس راسها : يعني كل اللي سويتيه وما كرفتينا

ام منصور شهقت: وش سويت فيك يا ظالم

منصور سحب عبد الرحمن: امش لا ترفع صغط امي

اخذو الاكل وهو ينزلونه وطبعا مع مناقر عبد الرحمن مع امه اللي يحلي الجو

................••............

في بيت عجاج

اللي كان يتمشى ب بشرى بكل الحاره ولا يروح من عند احد الا معطيها شي دخل البيت وهو يضحك وطلعت نوره وام نوره اللي جايه عندهم زياره

ام نوره: وش ذا اللي معها

عجاج ضحك : ابد غنايم اليوم

نوره: يمه كل ما تطلع بشرى برا للحاره ترجع وهي معها اشكال ألوان فلوس وحلاوة وعصير واللي تبين وصارت عاده عند ابوها اذا ضاق طلعوا للحاره

عجاج: بس والله دخل يومي الحمدلله رحموني من البقاله ومشاويرها

ضحكت ام نوره وهي تاخذ منه بشرى: ومن ما يحبها حبيبة جدتها وفيه شي ينحب اكثر منها

عجاج اللي كان جنب نوره وهمس : انا احب امها اكثر

ابتسمت نوره وبنفس الهمس : واما تحبك اكثر منك

عجاج اللي خق : يا ليتها تاخذ حفيدتها وينامون

نوره ضربته بخفه وهي تضحك: حرام عليك

ام نوره: تعالوا تغدوا وش فيكم قربوا

عجاج بهمس : اقول وس رايتس نزوج امتس ابوي ونرتاح

نوره ضحكت: ياليتها تسمعك والله لتذبحك

جلسوا عجاج ونوره وهم يضحون وعجاج اللي كل ما تخيلهم مع بعض انفجر يضحك وام نوره ناقده عليه وش ضحك عليه ذا الخبل

................••............

في الديرة

وعند سلوى اللي جات للمجلس وهي تسمع صوت لعب ابو الترف مع المها ابتسمت : عمي يلا عشان تتغدون

ابو الترف : يعطيتس العافيه

سلوى : يعافيك

دخل صالح اللي باس راس ابوه ومن بعده المها : يعطيتس العافيه يا سلوى

سلوى: يعافيكم يا رب

جلس صالح وقال ابو الترف :وراك تأخرت اليوم

صالح : كان عندنا لجنه بالدوام بنروح لشرقيه فتره نداوم هناك وطبعا انا من ضمن اللي اختاروهم

سلوى شهقت: وين بتروح وتخليينا لحالنا

ابو الترف : وين لحالكم انا وييين !؟

سلوى: ما قصدت بس انا اقصد يعني لو صار شي نحتاجه او شي

صالح : لا الحين بنروح يومين اذا فيه احتياج نجلس واذا مافيه نرجع

سلوى: ان شاء الله مايحتاجون

ابتسم صالح وقال ابو الترف: ماعليتس يا بنتي يروح يسوي مهتمه وانتم في عيوني لين يجي

سلوى: يخليك لنا يا عمي

صالح كان مبسووط ان ابوه صار مع سلوى كأنها بنته ويدافع عنها بحب واخيراً شاف هاليوم

.................••...........

. وفي بيت ابو ثنيان

كان جالس مع بندر اللي يقرا له بعض الكتب الدينيه

دخلت امل : عمي ، بندر يلا الغداء

بندر وقف وهو يسند جده وطلعوا للغداء بما ان مافيه الا سيف وبندر الكل كان مجتمع على نفس السفره

وبعد الغداء كانوا جالسين وقال بندر : بما انكم متجمعين عندي موضوع بعلمكم فيه

سيف: خير ان شاءالله

بندر : خير خير ، فيه جمعيه خيريه مصلحين وقف ويجمعون التبرعات عشان يكملون الوقف وقلت بقولكم لو بغى احد يعطي شي يكون احسن

دلال اللي كان بكل فرصه كانت تصدق عن شوق وتدعي لها: انا يا بندر مر علي شوي

بندر: الله يكتب لك الاجر يا عمه

دلال : امين

ابو ثنيان : وانا بعد

ام ثنيان: وانا بعد

ابو ثنيان: اذا بتسوين خيير صدق خلي ولدك في حاله عذبتيه واقلقتي راحته

ام ثنيان : ولدي ميين اللي عذبته ميين

ابو ثنيان: من غير ثنيان والترف كل ما شفتيهم لازم تنكدين عليهم

ام ثنيان: انا اللي انكد الحين

بندر: ياجده الافضل انك تتركينهم براحتهم حتى لو ما تحبين زوجته يعني ما تسوى عليك بكره تشيلين ذنبها برقبتك واختلاف الاعراق والالوان المفروض ما يكون عايق علينا وبينا وبكره ربي بيحاسبك لو باتت هالبنت تبكي من ظلمك لها

ام ثنيان وقفت بغضب وجلسها بندر : ياجده ما قلنا كذا عشان تروحين احنا نبي مصلحتك ما نقول حبيها غصب بس عشان خاطر عمي عدي وتعاملي معها بأخلاق طيبه

دلال : اييه يمه انتي اذا عرفتيها زين بتحبينها

ام ثنيان اللي حست بضيق : عشان خاطر ثنيان بس

ابو ثنيان : الحمدلله اخيرا

بندر: اجل انا بروح اريح شوي

افترقوا بعد ما انتهوا من هم ام ثنيان والترف

................••............

المغرب في بيت ثنيان

اللي صحى على ريحة العود وصوت صالح اللي يسولف ويلعب بالارض والترف مره تسولف له ومره تغني ابتسم ثنيان : الله يالرضا اذا بنصحى كل يوم على سوالف صالح واغاني الترف

ضحكت الترف اللي كانت ترتب شعرها : كلها تهون مع عيون ثنيان

ضحك ثنيان اللي نزل لصالح اللي اول ماشاف ثنيان ضحك : والله مشكله كذا وش نسوي في عايلة الحبيبه ذولا

الترف : ابد الله يكون فالعون بس يلا اجهز لان المغرب اذن من زمان

ثنيان : يلا جهزي اغراضي

بسرعه جهز ثنيان وهو ما زالت افضل فقره عنده اذا تجهز هو والترف مع بعض وخصوصاً اذا تبخروا هاذي كفيله تخليه رايق دايماً

طلعوا متجهين بيت محمد

................••............

في بيت محمد

اللي كان الاغلب موجود نواف وابو شهد ومنصور وعبد الرحمن وعجاج وبندر وسيف وابو ثنيان واخيرا شرف ثنيان اللي دايماً وابداً متأخر قرب يسلم وهو معاه صالح اللي على طول اخذوه منه العيال

محمد بمزح : يووووه جايب معك ذا الفويره ( تصغير فار ) بيحوسنا الحين

منصور بمزح:وجهه وجه الللي في راسه شر

ثنيان: على شحم بس والله انه اطنخ ما خلق ربي خل عنك بس اشوى من ام كرش وابو راس

محمد : بسم للله على بنتي وين الكرش

منصور: ليت كل الروسسس مثل راس عزوز

عبد الرحمن بضحك: يا رجال لا تجبر حظك راس ولدك ماله طب مايمديك ترقع

عجاج: والله اصرف لك تعترف

الكل :ههههههههههههههههههههههههههههههههههههههههههههههههه ههههههه

منصور : بتقنعوني ان عيالكم يازينهم شفنا بنتك يا عجه براطم تمشي بلحالها والثاني فويره

ابو ثنيان ضحك: عاد كلهم رزق من ربي فكونا من النقد

لفوا على صوت ابو شهد اللي ينادي نواف ب ( عبدلله)

عبد الرحمن : اقول نواف هو ليه يناديك عبد الله ، اصلا وش مرضه بالضبط

نواف : هو كان عنده نسبة زهايمر بسيطه يعني يقدر يداويها بالادويه لكن بعد ما توفى ولده الوحيد عبدلله زاد مرضه وتقدمت حالته مرره وطبعاً كان متعود ان مافي البيت رجال الا عبدلله والحين يحسب اني عبدلله

ثنيان: الله يجبر مصابه ويشفيه ويعينه

ابو ثنيان اللي ابتسم بفخر بنواف : ويكتب اجرك يا نواف

ابتسم نواف : امين

.................••............

عند البنات اللي اجتمعوا وقهوه وسوالف وضحك

شوي الا جابت رهام السماعه : اليوم نبي نستانس ما ابي اي وحده تجلس نهائياً

الترف : ينصر دينتس والله هذا اللي نبيه بالضبط

نوف : اي والله ابي اردح من زمان عن الرقص

ثريا : بس حاولوا تجنبون الموسيقى

رهام : زين

الترف بهمس لرهام : تكفين حطي لنا سامري ولا خبيتي منقطع قلبي ابي اردح ردح من قلب

رهام ضحكت: وش رايك ندخل ثنيان عشان تكمل

الترف ضحكت: لا لا فكينا الحين تعصب امك خلينا مستورين

رهام:اجل خذي الجوال وحطي انتي

اخذت ترف الجواال واقرب سامري يواجهها وبطبيعة اللحال محد جلس الكل يردح

.................••............

عند العيال فز عجاج اول ما سمع الدق : يا لبيييييه هذا سامري

ثنيان: اي والله سامري يووووه من زمان عنه

عجاج : والله اللي شيبنا صدق كم لنا ما نزلنا الساحات

محمد : تكتب فالتاريخ والله

عبد الرحمن : حمدلله ماني من اهله

ثنيان: لا عاد اجل وش تبي بحياتك

عجاج: شوف ياخي حط عندك قناعه اللي ما يحب الرقص بشكل عام وخصوصا السامري اثبتت الدراسات انه نفسيه

منصور ضحك: حدد هي قناعه ولا دراسات

عجاج: قناعتي ودراسات ثنيان

الكل :ههههههههههههههههههههههههههههههههههههههههههههههههه ههههههه

ثنيان: اقول بالله دق على عيد شف فيه سامري الله ودي ارقص من زمان والله

عجاج : ويخاوينا الشيبه ولا

ابو ثنيان: لا والله تخاويكم العافيه رجولي يالله يالله

بندر: حاولوا الله يرضى عليكم تجنبونه مب زين

عجاج بهمس لثنيان: ياخي ذا ماعرفنا له تدشر وكسر الدنيا وتطوع وعقد الدنيا

ضحك ثنيان: الله يثبته يا شيخ والله إنا في راحه من يوم تطوع خله خله بس

دق عجاج على عيد وقال بكره اليوم مافيه

محمد : اجل انتظروا انتظروا بندخل السماعات هنا ونستانس عليها

بندر : لو لي خاطر ياخالي ما تشغلها وانا موجود

محمد : ابشر يا بندر

كانوا العيال على استعداد بس رجعوا جلسوا لما انطفى حماسهم

وطلع منصور البلوت: اقول تجمعوا خلوا الردح عنكم

توزعوا وهم يلعبون

.................••............

«التاسع والاربعين »

.

.

مثل هالمشاعر اللي تحتوي ثنيان والترف بالضبط كانت بقلب محمد لرهام وبقلب منصور لنوف وبقلب عجاج لنوره وبقلب صالح لسسلوى وبقلوب الكل للي يحبونهم مر اليوم وهم يجهزون لطلعة مكه ومن بكره الفجر نواف وابو ثنيان وام ثنيان ودلال طاروا لمكه

وسيف واهله جهزوا عشان يمشون عجاج ونوره ومنصور ونوف وبعد محمد ورهام وابو محمد

كلهم صاروا جاهزين عشان يمشون لمكه

................••............

في بيت ثنيان

اللي كانوا مستعجلين بما ان ثنيان مستنفر

ثنيان : منيره اخذتي حرامي

منيره: ايه واخذت حرامات العيال بعد

ثنيان: زين يلا ترا تأخرنا

مشاعل: ثنيان الله يعافيك اخذ وحده من التوأم معاك

ثنيان : زين يلا اركبوا

ثنيان اخذ حياة اللي كانت هاديه ومشاعل اخذت الترفي وابتدوا يستقرون بالسياره بس الترف باقي ما جت نزل ثنيان بعد ما اعطى منيره حياة

دخل وهو يدور عليها دخل الغرفه : ترف وينك يلا ننتظر

ركض اول ماشاف جالسه عند الحمام وتبكي : الترف الترف وش فيك

الترف : مدري يا ثنيان احس بدوخه وغثيان عجزت اوقف انهد حيلي وصوتي راح وانا اناديك ما جيت

ثنيان سندها وهو يغسل وجهها : والله ما سمعت توقعتك تجهزين كنتي بخييير

الترف اللي كانت تكرهه هالغثيان اللي جديد عليها مع فتره الحمل : مدري وش صار لي فجاءه

ثنيان اللي خاف عليها صح بس انه عارف الوضع : ما عليك بسيطه تعالي ارتاحي شوي

جاب ثنيان مويه لها وعطاها بعض ادويتها اللي تخفف عليها وجلس جنبها

الترف : اذا بجلس كذا معاد ابي ما احب الغثيان يا ثنيان

ابتسم ثنيان : اووه يالترف اذا بتستسلمين على اول مرحله بتتعبين وبعدين بسيطه كل هالتعب منسي اذا ولدتي ان شاء الله وشفتيه بعيونك

الترف : يا طوول المشوار

ثنيان وقف وهو يوقفها بشويش : ما دام تحلطمتي معناته بخير

الترف وقفت وهي تلبس عبايتها بضيق وثنيان يضحك عليها نزلوا وهو ما زال معها لما ركبت

مشاعل: الترف وش فيك

ثنيان : وضع الحوامل المعتاد

ابدت الترف تشكي على مشاعل ومنيره وطبعا ثنيان مستمع وهم يعطونها حلول

................••............

اما عند عجاج

اللي كان يسوووق على مهل مهله من جهه حريص على نوره ومن جهه ثانيه مايبي يصحيها لان بطبيعة الحال بدت حالات النوم معاها

لكن مر من جنبه ثنيان وهو يدق بووووووري بإزعاج

فتح عجاج الشباك بغضب لما صصحت نوره مفجوعه: وش بلااااك يا هوووه

ثنيان :والله ابتلشنا بهالمستجدييين حبيبي انت مسافر يعني خط سريع يعني لازم تسرع شوي ترا ما بيطير ولدك بيجلس ببطن امه اسرع شوي

عجاج : الحين انت وش دخلك انت ووجهك يا بن فهره جعلني امشي 20 سيارة ابوك

ثنيان: اقول اخلص ترا ان جلست تمشي كذا بتقابلك الشمس وتصلخكم صلخ وحزتها تعرف كيف تكون حريص هذا واحد واثنيين قابلني بالولد الخامس نشوف كيف تمشي ترا حماسك هذا حماس بزر مسجلينه اول سنه

عجاج: اكبر غلط غلطته اني طحت على وجهي وصاحبتك يا مزواج يا متعدد الخبرات

ضحك ثنيان وهو يعلق عليه بوري وعجاج يرميه بأي علبه تقابله

منيره: ههههههههههههه ياخي حرام عليك خله يستانس بولده الاول

ثنيان: معه وقت يستانس الحين الخط سريع بيقشونه الناس

الترف : لو سمحت خل صديقتي ترتاح ازعجتها

ثنيان ابتسم وهو يناظرها ومنسسدحه : انتي اهم عندي من صديقتس وازعجتس تبيني اداريها

الترف : يعني من باب الصحبه

ثنيان : لا باقي محمدوه وينه للحين ما لحق

منيره: تكفى لا تقولهم شي مساكين

ثنيان : الله يا مساكين ما نسيت انا اللي صار فيني منهم هدا ثنيان وهو ينتظر محمد

ومحمد اللي ما يفرق عن عجاج ابد اللهم ان رهام كل ما اشتكت من شي فوراً يتخلص محمد منه

رهام: يووه يا محمد كارهه ريحة فواحة سيارتك مره مدري ليه

محمد اللي طلعها وهو يرميها من الشباك : وش بس اللي كارهته وانا ارميه

ابتسمت رهام : لا بس هي وودي في دونات مررره

محمد وهو يدور بعيونه على محل واخيراً شافه : ابشري الحين تجي دونات ووش بعد

رهام: بس

نزل محمد ياخذ دونات وشافهم ثنيان ونزل هو بعد يبي يطقطق ومنها ياخذ لترف شي حالي يصحصح فيها يحتاج سوالفها مع هالطريق

شاف رهام ماهي منتبه للسياره ومحمد يناظر بالسياره من المحل تلثم بشويش وجاء مسرع وركب السياره وتحرك ورفعت راسها رهام وصرخت بفجعه : من انت مححححمد محمددد

محمد اللي اول ماشاف الرجال ركب سيارته انهبل وركض تارك الطلب وراه وهو يركض ورا السياره ووقف ثنيان من قوة صراخ رهام وهو ييضحك : امزح امزح ثنيان

لا شعوريا ضربته رهام بخوف : حسبي لله

فتح محمد الباب لما وصل وهو ميت خوف اول ماشاف ثنيان طاح فيه ضرب وثنيان يضحك لما اخر شي نزله وهو ما زال يضحك

محمد : يا سامج طاح قلبي تجمدت كل اعضائي

ثنيان :ههههههههههههههههههههههههههههههههههههههههههههههههه ههههههه والله ما اخبل منك الا هي ، بنت انتي ياخسارة اني اخوتس المفروض تعرفيني واذا ماعرفتيني كفخيني كيف تسكتين لحرامي

لا وتصارخ محممممممد

رهام اللي ككانت ميته ضحك: وش اسوي خفت

محمد : قم انقلع

ثنيان اللي انتهى من كثر ما ضحك عليهم: اقول استعجل وانت تمشي على بيض وبعدين مب لازم كل ما قالت ابي شي توقف وتاخذه اسحب عليها لا تعطي الحريم وجهه

رهام: ثنيان حسبي لله تشيشه علييي

محمد : اقول انقلع شفناك كيف كنت تسوي

راح ثنيان لكن ما اكتفى اخذ طلب محمد وانحاش واضطر محمد انه يطلب من جديد وهو يضحك على ثنيان اللي من زمان ماشافه بهالفله ................••............

رجع ثنيان لسيارته وهو ما زال يضحك

منيره: يا ثنيان الله يهديك حرام عليك خوفته

ثنيان: ما عليه نحرك دمه شوي

مشاعل: اهم شي جبت غنايم

ثنيان اللي عطاهم علبه وعنده علبه : حلّوعلى شرف خرشة محمد وحاولوا تغيرون سوالف الحمل لاني جاني غثيان انا

الترف : معليك نشبع ونضبطك

ابتسم ثنيان وهم يتقهوون وطبعا انطلقوا يسولفون ومن بين السوالف كانت الترف تحاول تشرح لهم شخصية نوره من مواقفها عشان يندمجون معها البنات بس جابت العيد وقالت لهم سالفة الجنيه وضرب ثنيان برييييييك : هااااه هي الجنيه

شهقت الترف : لا لا من قاله اقصد قلنا لها سالفة الجنيه ذكرتنا بسالفه ثانيه

ثنيان: وش دراكم عن الجنيه وحنا ما قلنا لاحد

الترف : اا صالح صالح قال لسلوى عرفت

ثنيان : لا والللله تستهبلين علي

منيره: وش السالفه

الترف عفست وجهها بضيق وهي نست نفسها وعلمت ثنيان بس ثنيان بيعلم عجاج لما حست انها انكشفت نطت وهي تمسك كتف ثنيان: تكفى طلبتك لا تقول لعجاج

ثنيان :ههههههههههههههههههههههههههههههههههههههههههههههههه ههههههه يعني هي الخبله اللي خلعت عقولنا وفوق ذا ساكته ومتعمده تسحبين فراشي بكل الحوش وتسوين نفسك مجنونه

الترف ضحكت : هي بالغلط بس انا تعبطت عليك شي

مشاعل: ترا ما فهمنا السالفه

الترف : بقولكم السالفه بس قبل توعدني يا ثنيان ماتقول لعجاج

منيره: ثنيان اوعدها

مشاعل : تكفى بنسمع السالفه دامها خرشتكم

ثنيان اللي مايقدر ما يقول لعجاج بس ضغط على نفسه: وعد يلا قولي بالتفاصيل

الترف اللي كانت كعادتها متكيه بالنص ويد على كتف ثنيان ويد على كتف منيره وقالت لهم السالفه والكل يضحك على خرشتهم وثنيان اللي انحرج انه خاف من نوره

مشاعل: خطيره هالبنت هي مسويته ولا بالغلط

الترف :لا مسكينه بالغلط وهي انفجعت وهم فجعوها

ثنيان:هههههههههههههههههههههههههههههههههههههههههههه هههههههههههه يا ربي ليتني داري عسى بس ما تخلع عقل الضعيف اللي عندها

الترف : بس وجهك ذاك اليوم ينشرى لا انت ولا صالح واااضح مروعين بس ما تبون احد يدري

ثنيان: انتي لو شفتي كيف جت لنا والله ان تنهبلين

الترف :ههههههههههههههههههههههههههههههههههههههههههههههههه ههههههه يعني هي بعد جت لنا وخرعتنا بس كانت تبكي

مر الوقت والترف وثنيان ما زالوا يضحكون على الموقف

................••............

طبعا الكل كملو طريقهم بالرتم اللي يحبونه ووصلوا مكه بسلام وريحوا والمغرب الكل صحى يتجهزون ينزلون للحرم وللي يتجهز للعمره

في شقة ابو ثنيان كان ابو ثنيان ونواف ودلال وام ثنيان جاهزين

وبجنب شقة محمد ورهام وابو محمد والخادمه طبعا ابو محمد بيكون بالشقه مع الخادمه ومحمد ورهام يجهزون يصلون بس لان محمد مستحيل يخاطر بأن رهام تعتمر وتتعب وهي توها ببداية حملها

وعجاج ونوره نفس وضعهم بس كان عجاج وثنيان شققهم شوي بعيد عن باقي الشقق

اما سيف واهله من زمان واصلين ومن زمان نازلين الحرم

اما منصور ونوف اللي كلهم يجهزون للعمره وهذا اللي يبيه منصور عشان تهدى نفس نوف وترتاح وطبعا توجهوا لشقة ابو ثنيان

................••............

وفي شقة ثنيان

منيره ومشاعل اللي خلاص جاهزين ويجهزون العيال عشان ياخذونهم عند ابو محمد ويجلسون مع الخادمه

طلع ثنيان المحرم وطلعت بعده الترف اللي جاهزه

ثنيان : يلا عشان ما نتأخر على ابوي

منيره: خالصين بنوصل العيال ونطلع

الترف : ثنيان احنا كلنا معك ولا ننقسم

ثنيان قطب حواجبه : نواف وفجر معهم امي وابوي ودلال ومنيره ومشاعل معي وانتي ورهام ونوره بتجلسون تصلون وتدعون لين نخلص

الترف : لا والله ليه نجلس

ثنيان: لا يكون بس بتعتمرين

الترف : ايه بعتمر ما جيت لين هنا عشان اجلس

منيره: الترف انتي حامل كيف بتعتمرين وزحمه وحوسه ومشي

مشاعل: اذكري الله يا بنت صعب عليك

الترف : لا مب صعب مانيب رايحه من مكه لين اعتمر

ثنيان: الترف بلا عبط مافيها مزح ذي لو يصير لك شي وش بتسوين

الترف : ثنيان معتمره معتمره ان شاء الله ولا بيصير لي شي

انهبل ثنيان: مو وقت العناد ! انتي في بطنك روح تضرينه اجلسي واذا ولدتي على خير ان شاء الله جبتك تعتمرين عشرين مره

الترف لما شافته مصر انهارت :حرام عليك يا ثنيان اجي لين مكه ما اعتمر خاف ربك فيني ابي اعتمر لو يصير لي شي والعمره بنفسي تراها برقبتك

ثنيان: يالترف انا ماني حاسدك بس خايف علييييك

منيره: الترف يا حبيبتي حرام لو يصير في ولدك شي ترا برقبتك

ولا سمعت الترف اللي انهارت تبكي وهي مستعده ومتجهزه ومشاعل تحاول ومنيره تحاول وابد مافيه فايده وهنا عصب ثنيان : لو تموتين مارح تعتمرين وخصوصاً ان فيه زحمه اجلسي واذا ولدتي جبتك تعتمرين

الترف : وش يضمني بعيش اذا ولدت

منيره: قولي خيرر ان شاء الله بتكونين طيبه

ثنيان: قلت لك اتركي هالوساويس وفوق انك حامل معك دوخه وحوسه انسي بتجلسين وهذا اخر كلام ويلا

طلع ثنيان والترف اللي نزلت وهي مقهوره ومشاعل ومنيره يحاولون مافيه فايده

................••............

في شقة عجاج

عجاج اللي احرم وانتهى وجاء لنوره اللي جاهزه

عجاج : الحين تمام تقدرين تنزلين للحرم

نوره: ايه ماعليك

عجاج: مثل ما وصيتك تجلسين في مكان مافيه تدافع وزحمه وتصلين وتدعين واقري قران سوي اللي تبين بس انتبهي من الناس

نوره: ماعليك انا احرص بعدين معي الترف ورهام

عجااج: اجل يلا بننزل للحرم ويقابلنا ثنيان هناك

................••............

في شقة ابو ثنيان

جات نوف ومنصور اللي جلسوا ينتظرون ثنيان ويسولفون وشوي جو رهام ومحمد ونفس التوصيات انطبقت على رهام

وصل ثنيان اللي كان معصب من بكى الترف وهي تحاول تقنعه طول الطريق قرب يبوس راس امه وابوه

ثنيان: يلا جاهزين نطلع

الكل : يلا

ابو ثنيان : علامك انت

ثنيان: مافيني شي بس ودي ننزل بسرعه

هنا الكل نزلوا للحرم وبدوا يفترقون منصور ونوف راحوا وابو ثنيان ونواف وفجر وام ثنيان راحوا ودلال راحت بلحالها وبقى محمد وثنيان

رهام قربت لترف: هاه كلمي نوره عشان نشوف مكان مافيه زحمه ونجلس وبعدين وين نقابك كذا بطيحين

الترف : دقيقه رهام

رهام لفت لمشاعل: وش فيها تبكي

مشاعل: تبي تعتمر ورفض ثنيان

رهام: وش فيها انهبلت

منيره: عجزنا فيها وعصب ثنيان من هالموضوع وهي مصره تناقش

الترف اللي راحت لثنيان اللي كان يكلم عجاج ويوصف له مكانه وسكر ومحمد جنبه

الترف قربت : ثنيان

لف ثنيان وهو يغمض بضيق وهو عارف صوتها الباكي وجاء : وش فيك الترف ما تسكر الموضوع خلااص وقفي بكى

الترف : تكفى يا ثنيان لا تخليها بنفسي تكفى والله بمشي بشويش وبوخر عن الزحمه طلبتك لا تردني

ثنيان اللي مسك راسه وهو مايقدر يردها وخصوصاً انها تترجاه ولا يقدر يخاطر فيها لكن اصرت الترف عليه لين لف وقال: طيب طيب خلاص وقفي بكى ذبحتي نفسك

الترف ضحكت : من جد

ثنيان: وش اسوي فيك بالله عليك وش اسوي في عنادك

الترف : ان شاءالله مايصير لي شي

ثنيان : حسبي الله ربي ونعم الوكييل يا ذا البنت انتي جاهزه للعمره

الترف : ايه من زمان

ثنيان: امشي امشي الله يصبرني بس على هالعناد واسمعيني زين ياويلك ثاني مره تسوين كذا

الترف : خلاص والله يكفيني هالعمره

جاء عجاج ونوره : ثنيان

ثنيان:هلا عجاج

عجاج : هاه جاهزين

ثنيان : ايه بس دقيقه

نادى رهام : خذي نوره ودورا لكم مكان تمام وقولي لنا وين طيب

رهام: طيب بس الترف

ثنيان: الترف معي

نوره قربت لترف: امشي

الترف : بروح اعتمر

نوره : وشو وش تقولين انتي انضرب عقلتس

الترف : بعدين اعلمتس روحي الحين لا يهون ثنيان

الكل انجلط من قرار ثنيان اللي واضح انه استسلم

محمد بهمس : ثنيان انهبلت الادميه حامل

ثنيان: بحفظ الله ان شاءالله

عجاج: هذا والله التبذير بالنعمه انت هيه مب عشان عندك عيال معاد عليك من ذا حرام روح روح

ثنيان ضحك غصب : ياخي مشكلتكم يالخوال مشكله قولي وش اسوي بالعناد

محمد : ايييه السالفه عناد اجل حمدلله ان ربي نصرنا على عنادك

ثنيان : المهم محمد خذ منيره ومشاعل معك وانا بروح ادور مكان بعيد عن الزحمه شوي وامشي على مهلي واذا خلصتوا علموني

عجاج: روح روح

راح ثنيان لمشاعل : مشااعل روحي مع محمد ومنيره وانا باخذ الترف عن الزحمه بعيد لين تخلص

مشاعل: ثنيان خطر عليها

ثنيان:مشاعل انتهى خلاص روحي

مشاعل: يلا

راحوا ورجع ثنيان لترف : شرفي

الترف : ادري اني عصبتك بس لا تجلس تعصب علي والله نفسي فيها

ثنيان:سكري الموضوع لانه اذا زاد بنطلع من هنا قاتل ومقتول

الترف : طيب تكفى قدام نبدا لا تجلس كذا معصب وزعلان

ثنيان ابتسم غصب : وانا اقدر امشي امشي

مشوا وكان ثنيان يحاول انه يكون يحمي الترف مع جميع الجهات ويمشي على مهل ومنتبه لها وهو يحاول يركز بعمرته وهي تدعي وهو يأمن .................••............

في طرف ثاني

منصور اللي كان يمشي مع نوف وهو يسمع دعائها اغلبه لشوق ودعاء صادق بقلب خاشع ودموع كانت كثير مرات تتعثر من دموعها ويسندها منصور اللي اوجعهه قلبه عليها

في نفس المشاعر كانت تشاركها دلال اللي بكت وبكت وبكت لما فاض كل اللي بقلبها من حزن وحل محله الطمأنينه

وطبعا عجاج ومحمد اللي كانوا يدعون مرات واحيان كثير يختلط دعائهم بدعاء الحملات اللي تمر

منيره كانت تدعي بعد ومشاعل وابو ثنيان وفجر اللي كان اشد دعائها ان ربي يبدل حاله ابوها واهلها من حال إلى حال ويعينها

ونواف اللي كان من بين ادعيته تطري له شهد ويستغفر ويتناسى بس ما قدر ما يرفع يده ويدعي ان ربي يعينها على حياتها ويكتب لها كل خيييير

ونهاية الحال مع ثنيان اللي يتخلل دعاءه ناس كثير امه اللي يطلب الله يسخرها لترف ويهدي بالها ويطلب لها الجنه وابوه وعياله ومشاعل ومنيره وعجاج وكل اللي يحبهم حتى شوق مانساها ابد ويدعي لها

ويتخلل صوته بالدعاء صوت الترف اللي ركز ثنيان ان يأمن وراها ولما طلعوا للصفا المروه بدا يرتاح ثنيان لان فيه شوي وسع ولما يهرول كان يلتفت لترف كل شوي يحاول مايسرع وينتظر لما توصله

كانت ترف تسمعه وهو يدعي حتى لشوق وهي الحين ايقنت بطيبة قلب ثنيان وصفائه وكانت تؤمن كثير بأن اصدق الحب الدعاء وكل ما شافت ثنيان ينتظرها بعد ما يهرول كانت تردد بكل حب وخشوع (يارب سخر له أحبابك ويسر له أسبابك وأجزه خير ثوابك يارب كن له حبيبا وكن له قريبا ولدعائه مجيبا يارب ارضى عنه رضا لايحزن بعده أبد، اللهُم لآ تكسر له ظهراُ , ولآ تصعب له حآجَه ... ولآ تعظّم عليْه أمراً ! وأعمر أيامه بذكرك واحفظه واحفظ عليه دينه وأسعد قلبه دائماً) في الطرف المقابل كان ثنيان يدعي للكل وبقلب صادق وحب عظيم ولكن لا شعورياً كان يستثني الترف كثير كان يراقبها لين توصله وهو خايف لو فعلا طلع خوفها صدق لو يصير لها اللي صار لامها لو فقدها وش بيصير فيه كيف بيعيش هو كل ماتقدمت له الترف خطوه كان لا شعوريا يقول ( اللهم إني أحبها حبا تجهله هي وتعلمه أنت اللهم فلا تريني فيها بآسا )

وصلت له للمره الاخيره والسابعه واخذ ثنيان نفس وهو يبتسم ويأمن للمره الاخيره لدعائه والترف بعد

طلعوا وعلى طول جلسها ثنيان وهو يجيب لها مويه : تعبتي

الترف : يعني تعب المشي بس ان شاء الله بخير

جلس ثنيان يرتاح شوي جنبها ويشرب مويه طلعت الترف مقصها وهي تقول : قص لي طرف شعري

قرب ثنيان مبتسم وقصه لها

وبعدها وقف : تعالي بنروح عندهم وبروح أحلق

وقفت الترف وراحوا لعجاج ومحمد اللي محلقين وخالصين وترك ثنيان الترف عندهم وراح يحلق

................••............

في طرف ثالث

رهام ونوره اللي بعد ماصلو ودعوا وشافوا لترف جايه

نوره: تعالي اجلسي اجلسي انهبلتي

الترف : ابد بعقليي

رهام: الترف وشلون تخاطرين كذا

الترف : ان شاء الله مايصير لي شي لا تبالغون

رهام: ان شاء الله بس مدري كيف وافق ثنييان

نوره: عشانتس ماتعرفين جنيتنا ما تخلي شي ليييين انها تسويه

الترف تذكرت سالفه الجنيه وماتت ضحك

وكلهم يناظرونها بأستغراب وبعد شوي الكل جوا وطلعوا لشقق يرتاحون ويتعشون

والكل كانوا بشقة ثنيان وطبعا ام ثنيان اللي ماطولت وهي تقول انها تعبانه

نوره بهمس لترف : زين راحت وترتني

الترف : الله يستر عليها بس

وطبعا بعد روحتها صار الجو حلووو والسوالف حلوه

اما عند الرجال ماكان فيه نفس ثقيله ما عدا سيف للي كان اغلب الوقت ساكت وان تكلم يغث احد

كانوا يلعبون وثنيان يقولهم وش سوا في محمد اليوم وطبعا قاموا عليه محمد وعجاج وهو فاقع قلبهم من الصبح وكفخوه وانحاشوا

وحلف ثنيان انه يحجز نوره ورهام عنده ولا يروحون معهم ودخل منصور طلابه وتنازل ثنيان بعد ما اخذ حقه

الكل بدون استثناء كانوا مرتاحييين نفسياً وافترقوا والوعد بكره

................••............

من بكره الفجر الكل صحى بما انهم نايمين بدري وتكفل عجاج يختار لهم مكان يفطرون فيه ومن صبح الله وهو ونوره يدورون واخيرا استقروا

نوره : خلاص تعبت قرر

عجاج: هذا خلاص حلو وصاد

نوره : اجل خلنا ننزل مليت من السياره

عجاج : افا والله جعل عدوتس الملل والله انزلي انزلي

بعد شوي وصل منصور ونوف وابتدا منصور يفرش مع عجاج

نوف : نوره مبروك

نوره: يبارك فيك يا قلبي وعقبالك

حست نوف بمغص من الطاري : ان شاء الله وكيفك مع الحمل ان شاء الله مو مثل الترف لان نفسيتها مجننتهم

نوره ضحكت: للحين احسن

لفوا على صوت منصور اللي يسحب الفرش يمين وعجاج يسار

منصور: يا عجاج افهم بتطلع علينا الشمس تشوينا

عجاج : ياخي تونا 6 باقي على الشمس وبعدين شمس الضحى فيها بركه

منصور: يا رجال الله ولا هالبركه اللي بتحمسنا

عجاج : يوووه انا حمار ليه ما فرشت لحالي قبل تجي

منصور: ايه يحق لك مايهمك الامر ماعليك من الشمس بس انا انسان تشويني الشمس مب مثلك يالخال

عجاج: والله انها اريح نقطه فالموضوع بس ياخي ترا عادي ياما جلست مع ثنيان ما انحمس هذت هو يلق ماشااء الله

منصور: اخلص علي ياللون الاصلي

عجاج: اسمع خطوتين من عندك وخطوتين من عندي ونثبت

منصور : تم

اخيراً فرشوا وجلسوا

وبعدها وصلوا ابوثنيان ونواف واهلهم وام ثنيان تخز نوره خز ونوره تنتظر من تجي الترف وجاء سيف وامل وثريا وجاء محمد ورهام وابوه

محمد : يالليل ثنيان اخر من يجي دايم دقوا عليه وينه

عجاج: كلمته يقول يجيب الفطور ويجي انت بس جبت القهوه والشاهي

محمد : ايه

نواف: واحنا حبنا

منصور:واحنا بعد

ابو ثنيان: زيادة الخير خيرين

امل تأقلمت مع البنات وحبتهم وانبسطت معهم وثريا اللي جالسه جنب ام ثنيان بصمت

واخيراً وصل ثنيان قاموا يساعدونه بالاغراض

ويقسمون الاغراض

محمد : نسحب الفرش شوي جوا

عجاج : يالليل هالفرش اشغلكم تشمسوا ياخي

ثنيان: لا اشوفه كويس انا

منصور: انت اي موضوع فيه عجاج تشوفه 100٪

عجاج اللي وقف يحضن ثنيان اللي حضنه بعد :وش حارق رزك انت طبيعي كل شي يقوله عجاج صح

محمد منصور ونواف لا شعوريا : وععععععع وش ذااا الغثيان

رجعوا عجاج وثنيان يضمون بعد وهم يضحكون

سيف :اخلصوا فكونا من الحركات اللي مالها سنع

طنشه ثنيان وهو يفرش السفره وابتدوا يفطرون

................••............

جهة الحريم

لفت دلال لترف : هاه كيفك بعد امس ان شاء الله ما تعبتي

الترف: حمدلله عدت على خير

منيره: اي والله عدت اسكتي تجننا كلنا امس طول الليل رايحين جايين على غرفتها نشوف فيها شي يوجعها شي

مشاعل : وما خطر لها تنام نومة التعب كذا الا امس

ماتت ضحك الترف لما تذكرت موقف امس

رهام: ليييه ! صار شي امس

منيره : وش ما صار بعد ما الكل راحوا عاد قمنا ننام وتوني هه دخلت بالنوم الا ضرب ثنيان باب الغرفه ويركض ينادينا ورحنا نركض معه ما ندري وش السالفه

نوف: ييممه وش السالفه

مشاعل : هو اصلا طول ليله يشيك على الترف يقول احس نومتها ماش مب طبيعيه وهي اثاريها من التعب مرميه كذا يا ناس الللي يشوفها يقول مب حيييه ابد يوم شك ثنيان قرر انه يصحيها يقول اصحيها اناديها اهزها ما فيه فايده ولا ترد ولا تحرك وعاد نادانا فزعه وننادي معه وننادي مافيه أمل هنا انهبل ثنيان ولا شعوريا صكها كف يبي يصحيها وتحركت لكن الجلطه وشو تحركت بشوييييش وتقول : وش فيكم علي لييييه تصحوني حرام عليكم واللي يشوفها يقول غلطانين عليها

من بدت تحلطم عرفنا انها بخييير

رهام : حشششى الترف وش ذااا

الترف اللي كانت تضحك: والله ترا من التعب وربي ما حسيت فيهم يعني بالقوه لين لقيت سدحه تريحني ونمت واثاريهم يصيحون ولا دريت بهم واصلا الكف الاخير ماحسيت الا بشي خفيف وكنت احس اني بحلم اصلا

نوف : نومتك هاذي انا احتاجها نفسياً ومعنوياً

نوره: لا يا قلبي ما عليكم تعودوا اذا صارت تعبانه لا تصحونها ابد ابد

مننيره: اول مره تمر علي بس ماعليك بندرس حالتها

افطروا وتقهووا وبعدها قرروا يطلعون يتمشون بالمولات ورجعوا ابو ثنيان وام ثنيان لشققق

تقدم ثنيان ياخذ الاغراض من الترف: هاه فطرتي زيين

الترف : ايه

ثنيان: اجل جهزي نفستس بتجلسين مافيه لف بالمولات محل محلين ونطلع

الترف ؛ ابشر

ثنيان: ابشر الحين وشوي تقلبين اذبحتس وبعدين مره لا تتعبين اذا بيصير زي امس لا تتعبين

ضحكت الترف : والله للحين اضحك على امس

ثنيان: انتي اضحكي وانا ينخلع قلبي قسم بالله بغيت اتوفى زين اني كفختس بأخر لحظه

الترف : بسم لله عليك

ثنيان ابتسم: يلا يلا نادي الباقين بنطلع

الكل طلعوا وطبعا ثنيان عجاج ومحمد متفقين في مرحله محلين ويرجعون للمقاهي ما يطولون

................••............

قضوا في مكه اجواء حلوه وحلوه كثير بعد ما بين طلعات وطاعات صار وقت الرجعه لرياض والكل رجع وابتدا روتينه من جديد وبنفس النظااام ومرت 7 اشهر كان كلها فرح وكلها ايام سعييده ومثل الفل ...

الحال في بيت ابو ثنيان كان هادي دلال اللي تحسنت حالتها كثيير وربط الله على قلبها ورجعت تعيش مع ابوها وامها بأريحية وهي تنتظر من نوف مولود بعد 5 اشهر وكان خبر حمل نوف بنفس ثقل حمل رهام وفرحته

ام ثنيان اللي بدت تتقبل وجود الترف بشكل كبير لكن ما زال رمي الكلام مستمر

وابو ثنيان اللي كعادته ما يشكل خطر ابد

ونواف اللي من 7 اشهر وهو يدور وظيفه لما حصلها وابتدا يشتغل وكل تفكيره ينتبه لشهد وابوها اللي مايدري ليه يحس انه مسؤول عنها

اما عند سيف اللي بدا يخف على امل كثير وصارت تروح وتجي وتستانس وابتدا يبطل لقافه ولا له شغل بأي احد

ثريا نفس وضعها لكن فجر اللي خطبها عبد الرحمن اخو منصور الاصغر ملكت وكأن ربي استجاب دعائها وغير الاحوال

اما محمد ورهام كان محمد داير باله على رهام بشكل كبييير ومسويها يا دهينه لا تنكتين وهو ينتظر هالشهرين تقضي ويفرح فيها هي وطفلها

ومنصور اللي فرحان انه لما قرر يستقر استقر مع نوف اللي عمره ما توقع انه بيتفاهم معها بس صارت الحين تسووى عيونه وعمره ما يكون منصور الا مع نوف اللي لقت فيه حب الحبيب وحب الاب وسنده كان منصور تعويض لصبرها وهي فرحانه انها بيجمعهم طفل ويربطها بمنصور كثير

عجاج ونوره كان عجاج في معركه عظيمه مع مرزوقه وهو يحاول ما يخليها تقرب لنوره كثير لكن فرحته بنوره وفرحة ابوه بطفله اللي يتنظرونه الحاره بكبرها واللي من يوم ما حملت نوره وهم يسألون عنها كل يوم ويتنقصون لها من كل شي يسوونه كأن هالطفل المنشود خير خلف لخير سلف

واخيرا مع صالح وسلوى اللي ولدت سلوى وانولدت لهم حياة جديده حرفياً تغيييير ابو الترف وصار غير بشوفة حفيدته اللي صارت تسوى عيونه ( المها ) وصار مراعي لسلوى كثير حتى انه صار يحبها

وكان نص فرحة صالح بتغير ابوه ونصه الثاني ببنته اللي تممت اول ثمار حبهم النقي العذري

وطبعا شعور سلوى وفرحتها محد يضاهيه وحتى انها ركدت كثيييير كثير وبالها من صالح بالاكثر والاهتمام كله له والحب كله له

طبعاً عند ابطالنا ثنييان والترف اللي طول هالفتره اللي عدت لين دخلت الترف شهرها التاسع وهي مجننه ثنيان قول وفعل وخصوصا اخر شهر زاد خوفها وزاد تعبت نفسيتها وفي هالحاله طلب ثنيان من منيرت ومشاعل انه الفتره كلها بيكون مع الترف لان قلبه بدا يوجعه من خوفها اللي صار مصدر رعب لهم كلهم وصار ما يبعد ابد يا دوب يداوم ولا مع عجاج عند باب بيته بعد ويرجع لها

الترف اللي كان خوفها مب في يدها كانت من رعبها تحلم وتفزز كانت تحاول تكون هاديه بس لا شعورياً تخاف وتختبص وخصوصا ان بطنها صغيير وهذا مخوفها

الترف اللي كان خوفها مب في يدها كانت من رعبها تحلم وتفزز كانت تحاول تكون هاديه بس لا شعورياً تخاف وتختبص وخصوصا ان بطنها صغيير وهذا مخوفها

اما منيره اللي كانت متناسيه الخلاف اللي بينها وبين الترف وتحاول تساعدها وتكون معها وهي تشوف خوف ثنيان الفارق عليها

ونفس المشاعر كانت تحملها مشاعل لترف والكل بالبيت مهتم بالترف بشكل واضح

.

.

انتهى البارت💛

«البارت الثامن والاربعين»

.

.

عند بيت ثنيان

وقف صالح وهو متجهه لسلوى يساعدها بس استوقفه ثنيان : صالح يا هلا

تقدم له صالح وهو يسلم : هلا والله يا ابو محمد ماجورين وعظم الله اجركم

ثنيان : جزاك الله خير واجرنا واجرك

صالح: والله اني توني دريت ومن يوم دريت على طول جيت الله يهون مصيبتكم ان شاء الله

ثنيان: ما تقصر ماتقصر الله يعين هذا حال الدنيا أقلط أقلط محمد افتح المجلس

دخل صالح وثنيان اتجهت الترف لصالح اللي على طول احتضنها وهو يسلم عليها بحراره: انتي بخير

الترف : حمدلله

ثنيان: الترف الله يعافيك زهبي القهوه

الترف : ابشر

طلعت الترف اللي اتجهت لسلوى دخلتها وهي تسلم عليها سلمت مشاعل ومنيره وبعدها نسحبوا لغرفهم ودخلت الترف تجهز القهوه وفي ذا اللحظات وصل عجاج ونوره اللي دخلت لترف بعد وهم يساعدونها وبعد ماجهزوا القهوه واخذها ثنيان لفت الترف عليهم وانهارت فزت نوره وهي تمسك الترف وسلوى اللي كانت مختبصه

نوره: الترف يا حبيبتي اذكري الله

الترف : ما شفتوا اللي شفناه يا بنات ماشفتوا

سلوى: لا تسوين كذا يالترف لا توجعين نفستس

نوره: اللي صار صار انتي اذكري الله

سلوى : عيني خيير

بعد شوي سكتت الترف وهي تشرح لهم اللي صار بحذافيره

سلوى: وهي ليش سوت كذا

الترف : مدري عنها هي مشاكلها كثير الظاهر ما قدرت تحمل وسوت كذا

نوره : حتى لو ان مشاكلها كثير هاذي حرام حرام

سلوى : الله يغفر لها بس

الترف: محد موجع قلبي الا دلال ونوف حالتهم حاله

سلوى: الله يصبرهم هاذي ما رحمتهم حتى بموتها

نوره : الله يعينهم بس

.................••............

في بيت محمد

رهام اللي كانت جالسه وهي تفكر دخل محمد ومعاه الاكل وجلس : رهام يا عيني قومي تعوذي من ابليس وكلي لا توجعين قلبك خلاص اللي صار صار

رهام بتردد : محمد معقوله ان الحب يسوي كذا

محمد لف لها بصدمه : شلون يعني

رهام وهي تراقب ملامحه : يعني مافيه شي سري عند البنت ويخليها تسوي كذا اكثر من الحب

محمد اللي ما يدري كيف جاته الصلابه وقدر يثبت ملامح وجهه بشكل عادي : قصدك ان ششوق انتحرت عشانها تحب؟!

رهام: مافيه الا كذا

محمد : والله مدري ماني بأعرف منكم لكن هالبنت مب دايم مالها حس وطاري يمكن عندها مشاكل نفسيه وبعدين هذا اللي طلع بالتقرير

رهام اللي ارتاحت وهي تشوف ملامح محمد :مدري فكرت كذا

محمد : لا تخلين الوسوسه تاخذك وتجيبك والله يرحمها وش بتسوون عاد ، المهم قومي يلا كلي معي

رهام وقفت وهي تمسح وجهها وجلست مع محمد اللي ما صدق يخلص الاكل وهو يحس ان داخله يحترق كيف بيعدي كيف بيقنع الكل انه ماله دخل بموت شوق رغم ان محد صرح بس واضح من نظراتهم

................••............

في بيت ثنيان

اللي كانت السوالف مختصره على عجاج وصالح سوالف عاديه لكن ثنيان اللي كان شبه سرحان وواضح تعبان

صالح: اجل انا استأذن وان شاء الله انها اخر احزانكم

ثنيان: بدري يا صالح خلك شوي

صالح : والله وراي شغل

ثنيان : اجل براحتك ، محمد روح ناد اهل صالح

ركض محمد جوا ووقف ثنيان يودع صالح

وعند الترف اللي كانت تختصر الاحداث وتقولهم قطع محمد اللي قال : الترف ابوي يقول نادوا اهل صالح

الترف : ليييه !

محمد : بيمشون

الترف: بددري

سلوى : والله ودنا نجلس معتس بس تعرفين ابوتس ورانا وغير كذا جينا بنتطمن عليتس ونمشي لكن بنرجع ان شاء الله

نوره: سلوى سلمي على امي

سلوى: طيب بس انتي تعالي بعد تزوجتي ونقعتي هنا

نوره: طيب لا تاكليني

سلوى طلعت بعد ما ودعت وجاء عمر بعد ينادي نوره تطلع وطلعت نوره ................••............

في المجلس

ثنيان: لو تجلس انت يا عجاج شوي

عجاج: بعدين نجي الحين انتم تعبانين ارتاحوا وريحوا اعصابكم شوف وجهك كيف

ثنيان ابتعد لما جات نوره: الله يسهلها

عجاج : يلا فمان الله

رجع ثنيان للبيت وراحوا عمر ومحمد يلعبون وثنيان طلع متجهه لغرفة الترف دخل وشافها كعادتها الاخيره منسدحه تقدم وانسدح جنبها

ثنيان : كيفك الحين عساك ارتحتي بعد شوفتهم

الترف: خلك مني انت كيفك

ثنيان لف وهو يحتضنها بهدوء وهو يحاول يهون على نفسه: والله مدري على كثر ما انسألت هالسؤال ماعرفت اجاوبه

الترف: بيهونها ربي بس انت هونها وتهون لا تلوم نفسم وتتعبها انت مالك ذنب

ثنيان : والله مدري اذا لي ذنب ولا مالي بس الله يسامحني اذا اخطيت في شي والله يهونها على دلال وبتهون عندي

الترف ماعرفت وش تجاوبه لكن شدت عليه هذا اللي طلع بيدها لانها هي اصلا بعد ماعندها شي تقوله هنا غفى ثنيان وهو يتمنى تعدي هالايام المتعبه للكل .................••............

الايام عدت شوي شوي بثقلها وكآبتها لكن كان لها اثر فيهم والكل مب قادر يتحرر من الموقف لكن بعد شهر تقريبا بدا حزنهم يخف شوي شوي ويختفي

في بيت ابو ثنيان ..

دلال اللي بعد حزن شهر بدت ترجع للحياه لكن هدوء كبييير وصبر اكبر بعد ما انتهت من الفطور طلعت وهي تحضره ودخل نواف المطبخ: صباح الخير لست الكل

ابتسمت دلال : صباحك خير يا نواف

اخذ نواف منها الصحون: كيفك اليوم

دلال : قد ما اقدر بكون بخير

نواف: لا ان شاء الله انتي بخير وبقوه بعد

ابو ثنيان: ماشاء الله ماشاء الله ايه هذا الفطوراللي من شهر نحتريه ذبحنا فطور فجر ونواف

فجر: افااااا ياجدي نكرت جميلي

ضحك ابو ثنيان وهو يغمز لها : انتي ما تقصرين بس دلال غيير

فجر ضحكت :بتجيبكم الايام

نواف : ما عليه خليهم خليهم يقولون اللي يبون بيعرفون قيمتنا قريباً

ام ثنيان: وش قيمته يا حظي يروح نص اليوم سواليف تدخلون الساعه 8 المطبخ تحطون فطوركم 4 العصر

نواف بمزح: المهم حطينا فطور مب ناكل ونذم

ام ثنيان ضربته بعصاها والكل يضحك عليه والهدف يغيرون جو دلال ................••............

في بيت محمد

اللي عدا تأنيب ضميره على خير وبدا ينسى ويركز على حياته دخل المطبخ

وهو يشوف رهام واقفه بسرحان وهي تقطع الخبز بهدوء

محمد : شكلنا اليوم فطورنا خبز مفروم

رهام لفت بإستغراب : كيف ؟!

محمد : لك ساعه واقف وتقطعين فيه تسع ميه وتسعه وتسعين قطعه وش مشغل بالك الحلو هاه !

رهام ضحكت : مدري سرحت كذا ، خلاص الفطور جاهز

محمد : يلا يلا ترا ميت جوع

رهام : خذ الخبز خلاص وبجيب الحليب واجي

راح محمد وجلس وهو ينتظرها ولككن فجاءه انحط بحضنه بوكس !! رفعه محمد: وش ذا

رهام: مدري وصلك !؟ ومكتوب ممنوع الفتح !

محمد تجمد وهو للحظه كان وده يقول بكل صوته ( الله لا يسامح شوق اللي ما ريحتني حيه ولا ريحتني ميته )

.................••............

في بيت ثنيان

ثنيان اللي صحى على صوت بكى التوأم وعمر ومحمد يحاولون يسكتونهم وخطوات مشاعل السريعه اللي تحاول تسكتهم رفع راسه وهو يقول : مشاعل وش بلاهم يبكون

مشاعل : جوعانين خلاص الحين يسكتون

عمر : يبه الترفي تبكي كثير هي خلت حياة تبكي معها

محمد : يا حليلها حياة مؤدبه

ابتسم ثنيان وهو يناظرهم وفعلا حياة ماكانت تبكي كثير اخذها ثنيان وهو يبوسها وبعدها رجعها تكمل واخذ الترفي اللي كان لها صوت وحركه لكن مجرد ما حاول يرجعها انفجرت ببكى حار

مشاعل: شفت يا ثنيان قلت لك لا تعودها على الحضن الحين ترجع تبكي

ثنيان: افا والله يا الملح والقبله والله انها تستاهل الحضن بس تبكين على الحضن جعله فداتس والله

ضحكت مشاعل: اييه فداها لكن من بينشب فيها بعدين انا

ثنيان عطاها مشاعل : خليني اغسل واجي

بعد ما غسل ثنيان رجع واخذها ومشاعل معاها حياة اللي نامت المسكينه نزلوا وهم يشوفون الترف ومنيره مجهزين الفطور وينتظرون

مشاعل وثنيان: صباح الخير

الكل : صباح النور

جلس ثنيان وهو يحط الترفي بحضن الترف : خذي سميتتس المزعجه ازعجت الدنيا

الترف : لا والله من قال مزعجه بالعكس انسانه مليانه بالحياه

ثنيان: والله كفايه علينا انسانه وحده بيصيرون ثنتين بيولع بيتنا

الترف: وش حارق رزك انت كله غيره جب ولد وسمه ثنيان

فجاه الكل صاح عليها وضحك ثنيان: ماشاء الله ودتس تموتيني بدري وتسمين على اسمي

ضحكت الترف لما انتبهت : اوووه والله مادريت لكن مب شينه

مشاعل: يا زين المزح بس استغفري

الترف بعناد في ثنيان: مانيب مستغفره اصلا يمكن يجي الولد احسن شوي

منيره: يا وجهه الله يالعناد والله لو يصير فيه شي اول وحده بتموت انتي

ثنيان وهو مبتسم : بسم لله عليها

الترف : لا تحاول تحتك مانيب مستغفره

ثنيان : اجل بسم لله علي لحالي

الترف : وبسم لله علي لحالي ( من المعروف ان الولد ما يتسمى على ابوه الا اذا مات ) .

محمد اللي طفش من المناقر : بسم لله علينا كلنا

الكل :ههههههههههههههههههههههههههههههههههههههههههههههههه ههههههه

منيره: ثنيان عندي اقتراح

ثنيان: قولي يا مناير

منيره: وش رايك نستأجر لنا شاليه ولا منتجع نستانس شوي فيه ونغير جو

مشاعل : اي والله من جد ودي نغير جو توني كنت بقترح

الترف : اضم رائيي لهم بعد

ثنيان: ايه ما عليه حتى انا فكرت لو نروح لمكه احسن بعد نروح كلنا يعني

منيره: اي والله احسن

الترف : اضم رائيي لك

ثنيان : بس هاذي مشاركاتك

الترف : وش اقول

ثنيان ضحك: لا تقولين شي واضح مره مخك ضارب

عمر : يبه الترف صارت زي امي لما كانت حامل بالتؤام ما تفهم بسرعه

مشاعل والترف طارت عيونهم واانفجر ثنيان ومنيره يضحكون

ثنيان: عز الله صدقت

مشاعل: عمروه انا امك يا قليل لادب

عمر: اقصد يا ماما انك كذا تطولين

الترف : الشرهه مب عليكم على اللي يتعب عشان يزيدكم عدد اصبروا بس لين يجي ولدي والله ما تلعب معاه لا انت ولا ابوك

ثنيان: على كيفتس ولدي تراه

الترف : معليش ما افهم

منيره: ههههههههه يجي الحين العبط

ثنيان: طيب باقي سبعة شهور ونشوف العبط وين يروح

محمد : بس انا أللعب معاه صح يالترف

الترف : صح يا صديقي

ثنيان : ماشاء الله وانت كونت صداقه على طول

مشاعل : ههههههههه ثنيان ما انصحك ترا هالايام صايرين اصدقاء بشده بعد

ثنيان: الله يعينا اجل ، المهم صدق انا بكلمهم بالموضوع واذا وافقوا بكره بنمشي

الكل: تمام

ثنيان وقف وهو يعدل شماغه بعد ما باس التوأم

منيره : ماعندك دوام اليوم

ثنيان : لا بخلص كم شغله برا ، اذا ناقص شي ارسلوه

منيره: لا كل شي تمام

مشاعل : حتى انا

الترف : اجل انا هالمره ما اضم رائيي عندي نواقص انا

ثنيان: حمدللله ، ارسليها اجل

الترف: لا كتبتها في ورقه لاني كل شوي اتذكر شي بجيب الورقه انتظر

طلعت الترف وثنيان اللي اخذ اغراضه وطلع للحوش وهو يسقي الزرع جات الترف وهي تعطيه ورقه ومن النذاله مطبقتها مليون طبقه

ثنيان: ايوه كيف افتحها ذي

الترف : افتحها

ثنيان: انتي العباطه تمشي بدمتس

الترف : يعني

ثنيان اخيراً فتحها وهو يضحك انها ما اكتفت كذا بعد لا كانت مقطعه الحروف ضربها بخفه على راسها : وش ذا

الترف : تسلى بها شوي ، هذا مود ولدك

ثنيان اللي ابتدا يطول صبره كثير عن قبل وصار عادي يتحمل اي شي : مردوده مردوده لكن لين يجي ولدي على خير

ابتسمت الترف ونزل ثنيان المويه وهو يعدل نفسه لاخر مره

الترف : بسم لله عليك

ثنيان ابتسم : ماشاء الله تمدحيني اخيرا

الترف: لا ما امدحك الحين اسمي عليك عشان تفائلت عليك من شوي

ثنيان اتسعت ابتسامه : يا جعل مايسمي علي الا انتي

الترف : امييين

ثنيان: اروح احسن لي صح!

الترف : اضم رائي لك

ثنيان ضحك وطلع ودخلت الترف

................••............

في بيت محمد

محمد اللي كان فيه تردد كبير يفتح البوكس بس كان لازم يفتحه بهدوء وفتحه لكن تبدلت كل مشاعره ونسى شوق واهل شوق لما شاف لبس طفل ومن بعد تقرير مستوصف ومعاه اختبار حمل والتقرير ايجابي

وقف وهو يناظر رهام بفرحة تملي عيونه وتفيض فرحة كانت كفييله تسبب لمحمد اغمى لكنه ركض وهو يحضنها بفرح وسط صوت ضحكه وضحكها

كان هالامل لمحمد شبه مستحيل اخيرا احلامه تحققت شوي شوي اخيراً

رهام اللي كانت طايره من الفرحه طايييره وخصوصا الدكتور قالها ماعندك اي خطر بالعكس تحملين وتولدين بخير ان شاء الله

................••............

عند عجاج

اللي كان ينتظر مثل هالخبر في ممرات المستشفى كان واقف مع نوره بعد ما كانت مريضه طول يومين اخيرا دخلوا لدكتوره وعجاج مختبص ما يفهم كثير بهالمواضيع

الدكتوره : نوره وش تشتكين منه بالضبط

عجاج على طول تكلم : من يومين يا دكتوره ومعدتها تعبانه و..

الدكتوره: مقدرين خوفك بس انا قلت نوره

ناظر عجاج فيها بصدمه ورجع : زين

نوره انصدمت : وش فيتس عليه هو يعرف وش فيني اكثر مني

الدكتوره: من المريض

نوره: انا

الدكتوره : معناته انتي تكلمي

نوره: خيير لا يكون ذابحين ابوتس

عجاج: اقول قومي يا نوره مالت عليها من زينها ومن زين دكترتها

نوره : الله من النفس الخايسه

طلعوا وهم معصبين منها

نوره: وجع يوجعها

عجاج:خايسه ماعليتس منها تعالي ندور دكتوره ثانيه

طبعا اخيرا لقوا دكتوره لكن هالمره تكلمت نوره وابتسمت الدكتوره: بسيطه يا نوره تعودي على الغثيان وتحمليه

عجاج: وش ذا المستشفى اللي يطقطقون علينا اقولتس مريضه تقولين تعودي

الدكتوره: هد اعصابك يا استاذ بس زوجتك حامل يعني مضطرين تتصالحون مع وضع تعبها

عجاج: هاه

ضحكت نوره بفرح واستوعب عجاج: في ذمتس يا دكتوره

الدكتوره : ايووه

عجاج اللي ضحك بفرح وهو ما صدق الدكتوره تخلص وصفة الادويه الا طار بنوره لسياره وهو يقول: وش اسوي بتس ياااا نوره والله من يوم دخلتي حياتي والفرح ما ينقطع

نوره: مدري وش اقولك بس الشعور متبادل

عجاج ضحك وهو يتحرك بفرح: الحييين بنروح البيت ترتاحين وتستانسيين واجيب فطورتس ونعلم ابوي وثنيااان يالللللله يا زين الخبر زينااه

ضحكت نوره: اجل انا بتصل في امي سلوى والترف

عجاج ضحك: ابشري ببطاقة شحن لعيونتس

ضحكت نوره بفرح وهي تحس ان فيها رجفة فرح

.................••............

في بيت ابو ثنيان

دخل ثنيان وهو يسلم : دلال اليوم كيفك وحشتنا لمساتك على الفطور

نواف : لو سمحت اترك الكذب لمساتها مايعرفها الا احنا انت عندك لمسات غير

ثنيان رفسه بضحكه: وش دخلك انت

دلال ابتسمت: ما يوحشك غالي يا ابو محمد

فجر: والله لو ماتقولون ابو محمد ابرك احس عمي يتغير كذا

ابو ثنيان: افا مب عاجبك اسمي

ثنيان:هههههههههههههههههههههههههههههههههههههههههههه هههههههههههه واضحه وصريحه

ضحكت فجر: توك مب عاجبك فطوري

الكل :ههههههههههههههههههههههههههههههههههههههههههههههههه ههههههه

فجر: لا اقصد لا تكبرون عمي توه صغير

نواف : محد كبر عمك هو اللي مشقي عمره ويخبط فالعيال لين صارو مثل الفيران

لف ثنيان وهو ياخذ البيضه مسلوقه وفقشها بجبين نواف : قل ماشاء الله وجع

نواف : ماشاء الله يا دفش

ابو ثنيان: كيف اهلك يا ثنيان لهم فتره ماجوا

ثنيان : بخير يبه بخير توهم يستجمعون بعد حوسة اختبارات النهائيه واجازه

نواف: اخيرا تخرجت ياربي

ابوثنيان: اجل دور وظيفه

نواف: طيب

ثنيان:على طاري اجازه وش رايكم لو نطلع لمكه مب احسن

ابو ثنيان: اي والله من زمان ودي بعمره

ام ثنيان: ايه احسن ماقلت نروح ونستانس ونعبد ربي

دلال : اي والله يا ثنيان ودي اسوي عمره عن شوق

ثنيان: ابشري بها يا دلال

ابو ثنيان: اجل تم اعقلها وتوكل

ثنيان: اجل بروح اخذ اجازه واكلم العيال وانتم اجهزوا عشان بكره نمشي وانتم نواف وفجر بتروح مع امي وابوي طيران احجز يا نواف

نواف : امرك يا سيد

طلع ثنيان وهو مستانس ان دلال وافقت لكن في لحظه خروجه جات رهام ومحمد

ثنيان : توني بكلمكم

رهام ابتسمت وهي تسلم على ثنيان محمد : قبل تنطق بارك لنا

ثنيان: مبروك بس وشو

محمد : بتصير خال لثالث مره

لف ثنيان بفرح على رهام وهو يضحك : مبرووووك مبروووك

رهام: يبارك فيييك

ثنيان: هاذي والله الاخبار الحلوه

محمد : هذا اذا قالوا صبح بخير

ثنيان: اي والله

محمد : بنبشر عمي اجل

ركض ثنيان قبلهم وركض محمد ورهام وراه

وفز ابو ثيان بخوف : علامكم

ثنيان: يبه ابشرك ابشرك

صرخ محمد ورهام مع بعض : انا حامل

سكتو كلهم وانفجر ثنيان يضحك: رهام حامل انت وش دخلك

تفشل محمد اللي رجع وهو يضحك وفز ابو ثنيان وام ثنيان ودلال والكل ويسلمون عليهم بفرح

دق جوال ثنيان ورد بفرح: هلا عجه

عجاج: انقز لي بالبيت بسرعه

ثنيان: وش فيك

عجاج: اخلص

طلع ثنيان متجهه لبيت عجاج وصل ونزل وهو يسلم على اهل الحاره وشاف عجاج اللي رافع صوت المسجل ( نحمد لله جت على مانتمنى )

ركض له ثنيان: خييير وش فيك

عجاج اللي مسك ذراع ثنيان يرقص معه : بندخل بوابة الابوه يا ثنيان

سحب ثنيان يده وهو يضحك بفرح: يا ربي رباااه وش ذا الصباااااح اللي يتنفس فرح

ضم عجاج وهو يضحك ويبارك له

عجاج : شفت كيف والله يا قلبي يرقع يرقع

ثنيان طارت عيونه: يرقع ماعليه بس لو تشوف اللي جاي لبيتك بيطلع قلبك مع عيونك

لف عجاج واول ماشاف مرزوقه صرخ وهو يوقف على الباب

مرزوقه: سلام وش فيكم مستانسين

عجاج: حمدلله دايماً مستانسين

مرزوقه: وخر طيب بروح لنوره

عجاج: لااا

مرزوقه : ليييه

ثنيان: عند اهلها نوره بتجي بعدين مافي البيت احد

مرزوقه: طيب تكلم مثل الناس مب ناشب على الباب

عجاج: اقول روحي لاهلتس بس

راحت مرزوقه وانفجر ثنيان يضحك: انتبه زيين

عجاج: والله لجلس حارس على الباب

ثنيان: يالليل لو تدري الترف اني جاي ماجبتها

عجاج: روح جبها وتعال

ثنيان: على كيفك وراي شغل بعدين نجي

عجاج: وش وراك

ثنيان: معاملات ما معاملات وبعدين بقولك منك خوه

عجاج : وين

ثنيان: مكه بنروح بالعوايل نوسع صدورنا ونستانس

عجاج: معلييشش نوره تعبانه

ثنيان : يوووه غثيااان ترا حتى الترف حامل وتعبانه ماقلنا شي يجلسون ورهام بعد ابشرك يعني الحوامل كثير

عجاج: ماشاء لله اجل تم

ثنيان: يلا بكره بنمشي

عجاج : زين

................••............

في بيت ثنيان

عند الترف اللي كانت تسولف مع منيره مشاعل اتصلت نوره واول ماردت الترف صرخت نوره : باااركي ليييي بصييير ام

سكتت الترف شوي وشهقت وهي تضحك: في ذمتس مبرووك مبروووك

نوره: يبارك فيتس

الترف: متى متى دريتي

نوره: توني من شوي

الترف : ماشاء الله لله يتمم لتس

نوره: الله يتمم لنا كلنا انا وانتي وسلوى

ضحكت الترف : امييين امييين

نوره: بروح ابشرهم يلا باي

الترف : باي

مشاعل: الترف وش فيك

الترف : نوره حامل

مشاعل: ماشاء الله مبروك

منيره: مبرووك

الترف: يبارك فيكم خلوني اشحن جوالي وابشر ثنيان بعد

دقت الترف وهي تنتظر ثنيان يرد ورد وهو مستانس : ثنيييان

ثنيان: يا لبييه يا عيونه

الترف خقت ونست وهي تضحك

ثنيان: وين رحتي

الترف : ها اييه ايه ابشررك

ثنيان: ابشري بالبشاره

الترف : عجاج بيجي له ولده ولا بنت

ضحك ثنيان وهو يدري بس فرح عشانها : بالله عليييييك ماشاء الله ماشاء اللله الله يتمم لهم

الترف: امييييين بس هاه لا تنسى بشارتي

ثنيان: ابشري ابشري

الترف : واذا جيت بنروح لهم

ثنيان: ابشري خليني اخلص الطلاسم اللي بالورقه وبعديم نشوف

ضحكت الترف : لا تبطي احتريك

ثنيان: يا لبييه بس

ضحكت الترف وسكرت بفرح وهي ودها تطير

.................••............

في بيت منصور

منصور اللي دخل بيته وهو يدور على نوف اللي كانت جالسه بهدوء وهي سرحانه صح تجاوزت الصدمه وامها صارت بخيير وهذا اللي تبينه بس ما زالت تراجع في بالها تصرفات شوق تحركت لما حست بمنصور اللي حط يده على كتفها وجلس : نوف مو كفايه عليك الحزن يا عيني

نوف : غصب علي يا منصور مو بيدي

منصور وهو يحط راسها على كتفه : ادري مهما حاولتي انك ما تحزنين ما يطاوعك قلبك ولكن حاولي انك تعدين هالفتره بأقل الاضرار شوفي عيونك كيف ووجهك صار يوجعني قلبي عليك اخاف يصير لك شي يا نوف اسمعيني وتعالي معي خلينا نطلع ونغير جو واذا تبين ابي اخذ امي والبنات

نوف حزنت على منصور اللي من بعد وفاة شوق وهو معها ولا تركها ولا لحظه ومراعي شعورها وبالعكس كان لها مثل الاب : خلاص ابشر نطلع ونغير جو

ابتسم منصور : ايه الله يرضى عليك حتى امك اذا شافتك بخير بتصير بخير

نوف : صدقت وانا اسفه اذا ضايقتك كثير

منصور: لا لا وش تقولين وش ضيقه الله يهديك افا يا نوف انا لك سند بضيقك وانتي بيجي يوم وتسنديني وان شاء الله احنا مع بعض بالسراء والضراء

نوف اللي ما ترددت ولا لحظه انها تحضن منصور اللي فعلا كان تعويض كبيييير وكبير جدا في حياتها استقبلها منصور بحب وهو اللي في هالفتره البسيطه جدا قدر يتغير كثير مع نوف

................••............

وعند نواف

اللي بعد ما حجز التذاكر طلع وهو واقف بالاشاره تذكر شهد وابوها وقرر انه يمر ويسأل حمدان عنهم وصل الحاره والاحسن انه شاف شهد وابوها جالسين برا وواضح ان شهد تحاول تسلي ابوها اللي كانت سوالفه متقطعه وحزينه بأسم عبدلله

وقف نواف بجنب سيارته وهو سرحان في ذا الشايب

وشافته شهد اللي استغربت وجوده بس ما عطته اهتمام عجز نواف يبعد وهو يشوف كيف تعاني عشان تنتبه لابوها وتعيل بيت انكسر قلبه كثير ان مثل هالبنت بهالعمر الصغير تشيل كل هالحمل على ظهرها ابو مريض واخو متوفي وفقر ودين ونظرات ناس شفقانه تقدمت شهد بغضب لما طول

شهد: لو سمحت وش فيك واقف مسمتر هنا لفت الانتباه لو سمحت لا توقف هنا

نواف : انا اسف ما اقصد بس حبيت اساعدكم لو تحتاجون

شهد : ما نحتاج مساعده شكراً

نواف : لو احتجتي شي او شي كملي حمدان يكلمني

شهد: مشكور

راح نواف وهو للحين يلتفت فيها اما شهد اللي رجعت للبيت

................••............

في بيت ابو ثنيان

في لحظات تبدل الحزن بفرح ووناسه ووقف محمد : اجل احنا بنروح نبشر منيره

ابو ثنيان: الله يستر عليكم

طلعوا رهام ومحمد بفرح كانوا يمشون لبيت ثنيان ولكن داخليا كانوا يطيرون

وصلوا وفتح محمد وعمر لهم

محمد : حمود امك وين

حمود: تساعد عمتي مشاعل بالغداء

رهام؛ بروح اسلم عليهم واناديها

محمد : لا انتي خليك معي وبعدين ادخلي ،روح ناد امك

دخل محمد يركض : يمه يمه خالي محمد برا يبيك

طلعت منيره بخوف : محمد وش فيك

محمد وهو يسلم عليها: خيير يا وجهه الخير

رهام سلمت عليها : مبروك لك يا عميمه

منيره: هاه وش مبروكه !

محمد : بتصيرين عمه يا مناير

منيره اتسعت عيونها بفرح وضحكت: ياااربي ياااربي ماشاء الله مبروك مبرووك

محمد : يبارك فيييك

حضنتهم منيره بفرح : يا ربي ماني مصدقه اخيراً بيكتب لي ربي اشوف عيالك

محمد : ههههههههههههههههههههه اشوفك قاطعه الرجا مني

منيره: يعني معي حق شوي

ضحكت رهام : الحين ارتاحي

منيره: ادخلو ادخلوا تغدوا معنا

محمد : لا لا جينا بنبشرك وبنروح نتغدا برا

منيره : زين اجل الله يستر عليكم بس لازم تغدون عندنا

دخل ثنيان وهو معاه اغراض : الله الله المستجدين عندنا

منيره : ثنيان تعال ببشرك

ثنيان : ابشري

منيره : رهام حامل

ثنيان ابتسم : ماشاء الله مبرووووك مبروك

رهام ومحمد ناظروه بإستغراب بس فهم محمد انه بيفرح منيره ومشوا معاه بالكذبه

ثنيان: اجلسوا تغدوا عندنا

محمد : بنطلع نتغدا برا بعدين ان شاء الله

ثنيان : براحتكم يالكناري

دخل ثنيان وهو ينزل الاغراض بالمطبخ جلس وهو يحتضن عياله

مشاعل : هاه ثنيان كلمتهم

ثنيان: ايه اجهزوا بنمشي بكره بعد الفطور

الترف : جبت اغراضي

ثنيان : بالمطبخ

راحت الترف تاخذها ورجعت منيره وهي تبشرهم والكل مبسوط

مشاعل: الله يعينك يا ثنيان على البشاير

ثنيان : يبشرون بالخير انتي بعد دوري لك بشاره نعطيك عليها شي

مشاعل ضحكت : ماعندي اي بشاره الا ان الترف بدت فقرة التوحم والله يعينك

ضحك ثنيان: لا لا انتي لك بشاره خاصه من زمان توني اتذكر

الترف : اخس يالبشاير الخاصه وشو علمينا ترا حنا منتس وفيتس

ضحكت مشاعل وهي تدري ثنيان مايبيها تضايق: خاصه ما تنقال لاحد

بما ان الغداء جهز جاء ثنيان وهو حاط يدينه ورا ظهره

والكل جالس

منيره: وش ورا ظهرك

ثنيان : بشرتوني وما اسعفني الوقت اختار بشاير ولكن بعطيكم الحين اللي متوفر ونعوضكم بعدين

الترف : اهم شي بشاره منك تكون اللي تكون

ضحك ثنيان: اهم شي تسحبين مني بس

الترف : يا فاهمني

مشاعل: الله يرزقنا مع المبشرين

تقدم ثنيان وهو يعطي منيره ظرف و مشاعل ظرف والترف بسكويت

شهقت الترف : وش ذا !!

ثنيان: تقولين تبين بشاره لو بسيطه هاذي بشارتس

الترف : ماشاء الله عليك رايح للمطبخ واخذت من اغراض اللي انا قلت جبها يعني حتى ما كلفت نفسك تفكر بشي ثاني اقل شي غير ياللي ما تخاف الله

وبعدين الكل عندهم ظروف تلقلق وانا بسكوت

ضحكت منيره: الحمدلله اني سكت قبل كنت بقول سلامتك

مشاعل : وانا بعد اشوى اني ما استحيت

الترف : لاول مره في حياتي قررت اصير ذربه وليتني ماصرت

الكل :ههههههههههههههههههههههههههههههههههههههههههههههههه ههههههه

عمر : يا بابا حتى حنا نبي ظروف تلقلق على قولة الترف

ثنيان :هههههههههههههههههههه ايوه طبقوا الدروس طبقوها

محمد: حتى انا

الترف : والله نحتج عليييك ونسوي مظاهره بعد

ثنيان : كنا في عمر ومحمد وما خلصنا والحين بتجين معهم اجل كنسلنا خذي ظرفتس ولا عاد تصيرين ذربه

الترف : اشوى بغيت اموت

ثنيان ضحك وهو ينادي محمد وعمر ويعطيهم فلوس وسكتهم

ابتدوا يفتحون الظروف بس صرخوا كلهم : وش ذا

ثنيان انفجر ضحك : المقسووم

منيره: عز الله ما قررت اصير ذربه

مشاعل: حتى انا والله

الترف : انت تستعبط معنا حرام عليك يا خي خاف ربك

ثنيان ضحك : والله نعمه احمدوا ربكم غيركم مب محصلها

منيره :حمدلله ما قلنا شي بس ريالين وش اسوي بها

ثنيان: ابد انتي خذي لك خبر والترف تاخذ بيض ومشاعل شطه وينزل فطور ااووه كلام

الترف بنظره قهر : لو اني مافي بطني مخلوق والله لتشوف الكلام لكن نخوتي في مشاعل ومنيره

مشاعل: اشوى ما بشرت بشي ولابموت من القهر

كمل ثنيان غداه بضحك والترف ومنيره منجلطييين وخصوصا انه يسمع احتجاجاتهم ومطنش حتى عمر ومحمد ما عطاهم ريالين كان كل واحد معه 100

وكملوا غداهم وثنيان يضحك والترف تحلطم ومنيره متحطمه

وقف ثنيان : الحمدلله اجل دامني سويت اللي علي بروح انام وانتم جهزوا

الترف : ياظالم كيف لك قلب تنام وانت كاسر قلوبنا

ثنيان :ههههههههههههههههههههههههههههههههههههههههههههههههه ههههههه ظالم وكاسر قلوب اجل اعتبروني ما عطيت شي ورجعوا علي الريالات بعطيها محمد وعمر فسحه

منيره: ثنيييان من متى صرت بخيل

ثنيان: من يوم جحدتوا النعمه

طلع ثنيان وهو يضحك على وجيهم المصدومه

الترف : يا حسافه اني مبشرته

منيره: اي والله والله ماكان كذا

مشاعل : انهبل وقعد الظاهر الفرحتين اثرت عليه

الترف : يا عيال من يبادلني واعطيه بسكوت

محمد : ما اعرفك

عمر: وانا بعد

الترف : واطييين مثل ابوكم

مشاعل: اص لا يسمعك

منيره:والله صدمني

ثنيان اللي سمعهم وضحك من صدمتهم وبعدها طلع لغرفة الترف بيريح للعصر

بعد الغداء وبعد ما نظفوا كل وحده طلعت لغرفتها

عند منيره دخلت وهي ترفع شعرها وناظرت على السرير موجود ظرف قربت وهي تاخذه وكان مكتوب تستاهلين بشارتك يا مناير فتحتها ببتسامه وكان 1000 ريال ضحكت بفرح: اييه هذا ثنيان اللي اعرفه

نفس التصرف كان عند مشاعل اللي ضحكت بنفس الفرحه وهي تدري حتى لو ما بشرته بيعطيها مثل ما عطاهم

اما الترف دخلت وهي تشوفه معطيها ظهره ونايم طلت في وجهه وهي تقول : والله نااام شكله صدق مافيه بشاره ليتني خليت عجاج يبشره

لفت وهي تنسدح لكن ارتفعت لما حست تحتها شي وكان نفس الظرف وعليه نفس الظرف فتحته وفزت وهي تضحك : ووالله اني داريه ما تسويها

لف ثنيان اللي كان صاحي : اجل ليت عجاج مبشرني

ضحكت الترف وهي تبوس راسه: امزح عليك ياملحهم كلهم والله انك كفوو

ثنيان اللي سحبها لحضنه : اييه الحين صرت كفو

الترف اللي ماكانت هامتها البشاره كثير بس تبيها من ثنيان ضحكت وهي تقول :انت كفو من يوم يومك

ثنيان: الله ينصرني على كثر ما انظلمت

الترف : ما عليه تسامح

ثنيان : اي والله اسامح واذا ماسامحتتس من اسامح

الترف للي تقدر الحين ماصار عندها اي مخاوف من ثنيان ولا من حبها ثنيان بالعكس تحس انها مع مرور الوقت تحب ثنيان اكثر تحب اهتمامه فيها وحنيته عليها اسلوبه معها واللي يحاول انه يغير اسااليبه القديمه مع الكل كان كل شي يحبب الترف فيه ومن هالنقطه صارت تقدر حتى تعبر له عن حبها بكل صراحه مدت يدها وهي تحاوط دقن ثنيان الكثيف وهي ما زالت مبتسمه : اصلا قلي انت من يقدر يظلمك

ثنيان اللي تقريبا محد كان اسعد منه وهو اللي م تردد انه يدمج يده مع خصلات شعرها اللي يحبها حييل وابتسم : انا ماعمر احد عذبني وتجبر علي كثرك

الترف ضحكت : انا ما اعرف احب بهداوه وما اعابطك الا لاني احبك

ثنيان اللي في هاللحظه مقابل هالجمله كان مستعد اتم الاستتعداد يبيع عمره عشانها

ثنيان اللي ابتسم وهو يبوس خشمها : يا ليت بس اقدر اوريك اللي بقلبي لك

الترف ابتسمت بخجل وهي تحمد ربها ان الله عوضها بثنيان رغم ان فيه عوايق كثير بحياتهم بس اهم شي وجوده

.

.

انتهى البارت 💕

«البارت السابع والاربعين »

.

.

العصر

عند محمد اللي طلع متجهه للكوفي اللي قالت عنه شوق وشافها واقفه قريب واتجهه لها ومشت معاه بحيث مايحسسون احد انهم مايصيرون لبعض

شوق اللي استغلت الوضع وهي تمسك ذراع محمد اللي ما صدق يعدي من جنب ضابط الأمن اللي دف يدها بعنف وقرف ودخل اول مكان واجهه وفي جلسات مسكره

محمد بإنفعال: انتي ما تستحين على وجهك ما تتوبين ما تخافين ربك ما بقى شي سيء ماسويتيه وبأي وجهه جايه الحين هاااه

شوق : محمد اسمعني لا تنفعل واسمعني لمره بس في حياتك

محمد : وش اسمع يا مصيبه وش اسمع وش اسمع قلة تربيتك ولا انحطاطك ووقاحتك

شوق : محمد قول اللي تقول سمني باللي تسميه لكن تأكد ان اللي اخلاني اسوي كذا هو نفس الامل اللي خلاك تنتظر رهام هالسنين كلها محمد احنا مشتركين بس بنفس النقطه حبك اللي تكنه لرهام انا اكن لك مثله وااكثر

انت ما تتخيل وش سويت عشانك بس طول عمرك كانت عيونك على رهام ولا كنت تشوفني مهما سويت

محمد : لا تقارنين نفسك برهام الله يعزها رهام عن وحده مثلك

شوق ضحكت بيأس: هذا هو نفس الشعور اللي تحسه اتجاهي احسه انا اتجاه رهام حتى انت لو انك مكاني بتسوي اللي اسويه لو تخيلت بس ان احد ممكن ياخذ منك رهام مارح تسكت محمد انا سويت كثير اشياء عشانك ضحيت بأشياء كثيره عشانك حتى لما كبرت المشاكل بين ثنيان وبين منيره وثريا وتهاوشتو وقفت انا بصفك وخططت مليون خطه ودبرت مليون تدبير عشان العايله ترجع تصافى وقدرت بس كانت عيونك على رهام واللي اسويه انا مجهول

محمد : لا تحسبين اني ساكت طول هالفتره عاجبني اللي تسوينه ان كنت ساكت ساكت عشان خاطر عمي وخاطر امك اللي تعبت عشان تربيك وثنيان اللي من توفى ابوك وهو عليك مثل الظل لك على كثر اللي سويتيه فيه كان يتناساه مجرد ما تتألمين سكت عشان ابوك اللي ما يستاهل ان يكون له بنت مثلك تهز اسمه وتخرب سمعته

شوق : بسس يا محمد بس كفايه اللي سمعته منك للحين لكن كل شي تقوله لي بتفهمه محمد انت ليش اعمى ليش ما تشوف الا رهام وحب رهام الوهمي رهام عمرها ما درت بك اصلا كانت تقول عنك نففسيه ورجعي ومتخلف بس لما شافت ان محد ملتفت لها غيرك ما بغت تفوتك من يدها وانا للي كنت ادعي دايم وعمره ما مر اسمي بدون اسمك في دعاي كنت دايم ادعي بخوف ان اسمي ما يرتبط بأسمك كنت كل خير اسويه حتى الصدقه يكون على نيتك قبلي ليش مو راضي تفهمني

محمد وهو مذهول من كلامها بس قال بغضب: وش رايك اصفق لك واطلق رهام واجي اتزوجك

شوق : بس قولي كلمه وحده بس يا محمد وحده اذا قدرت اني ابعد رهام عنك وطلقتها منك برضاها بتتزوجني ولو تركت الدنيا وجيت بتستقبلني بتحبني او لا

محمد بكل حده الدنيا : لو تموتين والله والله لو تفكرين تروحين لرهام بس لدفنك حيه سامعه الله يشرفني عن وحده مثلك وانا اقولك كلمه وحده ولا بتكرر صدقيني والله والله والله لو تفكرين تعترضين حياتي من جديد لذبحك ومحد يدري بأرضك سامعه

وقفت شوق اللي كانت تبكي : خلاص سمعت اللي ابي اسمعه واوعدك انك معاد تشوفني نهائي ولا تسمع عني شي وتاكد اني اتمنى لك السعاده استودعتك الله

طلعت وطلع محمد وهو من الغضب مايشوف ركب سيارته وهو يجاهد عقله ما يصدق كلام شوق اللي كانت توصف حالتها وكأنها توصف حالته في حب رهام طلع للبيت وهو خلاص يحاول يهدى ويرجع لرهام طبيعي ................••............

في بيت ثنيان

ثنيان اللي صحى على صوت محمد اللي يصحيه عشان يروحون لام ثنيان اعتدل ووقف وراح يتروش ويلبس ونزل شافهم ينتظرونه كلهم اتجهه لمشاعل وهو ياخذ منها البنات ولف على محمد : جيب لي مويه

ركض محمد يجيب المويه لثنيان اللي بعد ما شربها رجع ياخذ البنات وطلع وهم معاه ويسأل وش حضروا ويجابون الا الترف اللي كانت تحس بغثيان ولا ترد

ثنيان قرب لها: خير وش فيتس !

الترف : ولا شي غثيان بس

مشاعل : ما عليك الحين اعطيك مويه وتصيرين احسن

دخلو وقابلهم نواف اللي ابتسم لهم

ثنيان: وين رايح

نواف : بجيب شوق خلصت تقول شغلها

ثنيان: كيف شغلها!

نواف: للحين كويس

ثنيان: يلا موفق

دخل ثنيان اللي تقدم وهو يبوس راس ابوه وامه وجلس وبعد شوي جاء سيف وامل وولدهم ومن بعدهم جت فجر اللي جلست بهدوء

ثنيان: ما جت نوف !

دلال: لا عند حمولتها

ثنيان: اييه ورهام بعد ما جت

ابو ثنيان: لا ليه تسأل

ثنيان ابتسم وهو في حضنه الترف وحياة في حضن دلال : ابد عندي بشاره

ابو ثنيان : ماشاء الله وشو

سيف: اكيد بيتزوج الرابعه بعد ولا بيطلق

ثنيان اللي قهره سيف ولف لا شعورياً وقال: على الاقل لي حضوري ولي رايي ما تخبيت

كانت بمثابة كف على وجهه سيف اللي وقف بغضب: وش تقصد

ثنيان: ابد ما اقصد شي

ابو ثنيان: سيييف فكنا من النكد

سيف : بفكك يبه بفكك

طلع سيف ووقفت امل وطلعت وهي ضايقه وصد ثنيان بضيق وهو يستغفر

ام ثنيان: انت وش فيك على اخوك هااه ، اعنبوا دارك اللي يشوفك يقول عدو ما انت بأخو

ثنيان: يممه تكفين كل شي واضح مالي خلق ابرر

ابو ثنيان: اتركه عنك وتجاهله يصيح شوي ويسكت هات بشارتك

ثنيان اللي نزل فنجاله بغضب: هو خلا فيه بشاير

ابو ثنيان: خلاص عاد تعرف سيف وتعرف حركاته

سكت ثنيان شوي وهو يحاول انه يهدا وبعدها قال وهو يراقب امه : بشارتي هي ان الترف حامل

عم السكوت فجاءه بس بعدها قال ابو ثنيان: ماشاء الله تبارك الله مبروك مبروك يا بنتي

الترف وقفت وهي تبوس راس ابو ثنيان وجلست ودلال اللي قربت وهي تبارك لهم وبعدها بدت الاصوات ترتفع بالتهاني ما عدا ام ثنيان اللي وقفت بغضب : هذا اللي ينقصني

وقف ثنيان وهو يلحقها دخلت غرفتها وقبل تقفل الباب دخل ثنيان : يمه

ام ثنيان: اقولك اطلع من هنا يا ثنيان سكت وقلت طيش وبيمر بس واضح انك بتدخل سويده في عيني وتدمج دمي ودمها

ثنيان بغضب : يممه هالموضوع منتهي الترف مني وفيني الحين خلااص يمه ما تعبتي من العنصريه وبعدين من اول خطوه خطتها الترف قلت لكم كلكم ان الترف مكانها يفرق ولازم الكل يتقبلها ويستوعبها وانا ما تزوجت الترف طيش ونزوات ولو بيدي قبل لا ادخل في معمعة الحريم تزوجت الترف من قبل لو لقيتها قبل ما تركتها يممه خلاص لين متى بتجلسين تحاربين انسانه ما سوت لك شي خافي الله فيها وفيني وفي نفسك محد اجبرك تحبينها بس لا تظلمينها يمه

ام ثنيان: يعني ما اهمك انا ولا يهمك خاطري

ثنيان: يمه تدرين بغلاك عندي تدرين شكثر احبك وخاطرك بالدنيا بس مو بالظلم يمه حرام بيسألك ربي عن اللي تسوينه افهمي تكفين الترف زووجتي وام لعيالي ان كان لي عندك ذرة حب تعفينا من الكره والعنصريه ................••............

تحت ببيت ابو ثنيان

عند شوق اللي بعد ما رجعها طلعت متجاهلة وجود الكل بالصاله والكل كان فرحان طلعت وهي بالقوه تطلع من دموعها وحزنها دخلت غرفتها وهي تبكي بإنهيار على اخر امالها مع محمد وقفت وهي تناظر نفسها بالمرايه كانت تدور شي واحد بس تقول كسبته خسرت ابوها وخسرت امها واختها واهلها حتى خسرت ابتسامتهم في وجهها خسرت شرفها وخسررت حبها اللي كانت تعيش عشانه تمدر كل شي بيدها ولا بقى لها شي كانت حياتها جحيم وهي تشوف الكل متجاهلها اصلا لو تغيب سنين محد درا فيها رفعت راسها على صوت ثنيان اللي كان يكلم امه كان همه يدافع عن الترف كانت تشوف ان الكل منشغلين وهي حواليهم محد قال ليه يا شوق تبكين !؟ طلعت وهي متجهه لغرفة ثنيان اللي كانت مسكره دخلت وهي ترفع مرتبة السرير سحبت السلاح اللي كان لثنيان وعشان بيته فيه اطفال كان مخبي ذا السلاح هنا

اخذته وهي تناظر الصور اللي معلقه بغرفة ثنيان كان من بين هالايطارات صوره لثنيان ومحمد وابوها وقفت ومسكتها وهي تبكي وبلحظة ضعف وجهة المسدس لراسها

................••............

عند ثنيان

اللي نزل وهو مستاء من طريقة تفكير أمه وقف وهو يقول : يلا بنمشي

ابو ثنيان: بدري يا ولدي ويين

ثنيان ما يمديه رفع راسه بيتكلم الا انتشر صوت السلاح فالبيت فزوا كلهم واتسعت عيون ثنيان اللي ما طرا على باله ابداً الا عياله ركض وهو ينادي : عمممر محممممد

لكن ارتاح اول ماشافهم يلعبون بالحوش ورجع لكن جمد قلبه او ما سمع صراخ دلال : شوووووووووووق

ثنيان اللي ركض لكنه طاح من الخرعه على الدرج ووقف وهو مب حاس بنفسه ومب بس ثنيان اللي كان مفجوع الكل اول ما وصل ثنيان الغرفه شاف دلال اللي طايحه عند الباب وشوق بالارض غرقانه بدمها شاف السلاح والصوره رجع لوعيه بصراخ الحريم

كانت حادثه كارثييييه ركض وهو يشوف اذا حيه او لا بس كانت مع الاسف ميته اخيراً قدر ثنيان انه يرجع لوعيه ويبعد الكل عن شوق وسط انهيار عظيييم فالبيت

دق ثنيان على الاسعاف والشرطه واستدعاهم وهو بلحاله يحاول يهدي الوضع ماكان يدري يركض لابوه ولا امه ولا دلال ولا باقي الحريم المفجوعين رفع جواله برجفه يدق على سيف يجي وجاء سيف اللي تجمد من الصدمه وصرخ ثنيان: سيييف خلك عند ابوي

سيف ركض لابوه وهو يعطيه دواه قبل يصير له شي وثنيان اللي كان يدق على نواف بس مايرد

................••............

في احد الشوارع

نواف اللي رجع لنفس الحاره اللي كانت اصلا على طريقه نزل للبقاله لكن الصدمه كانت شهد فالبقاله وهي تترجى صاحب البقاله: ياعم حمدان انت تعرف وضعنا انت عطني هالاغراض واوعدك اسدد ديني بأقرب فرصه

حمدان: يا بنتي يا شهد ديونك كثيره وانا عببد مأمور وصاحب البقاله بيجي ويطلبني الدفاتر

شهد: عطني اليوم بس واوعدك اسدده قريب

حمدان بعد تفكير: اخر مره

شهد: ابشر

اخذت الاغراض وطلعت وهي عاجزه وحزينه ما كانت تدري كيف تبي تدير هالبيت بلحالها

دخل نواف وهو يسلم : سلام عليكم

حمدان: عليكم السلام

نواف : معليش يا عم بس خير وش قصة هالبنت !

حمدان: ليه وانت وش عليك !

نواف : ا انا كانت امي مريضه وتشافت ونذرت نذر اني لسدد ديون الناس المحتاجه وانا جاي لبقالتك سمعت كلامك للبنت واذا هي محتاجه ترا انا بسدد

حمدان : الله يجزاك خير ويخلي لك امك وفعلا هي محتاجه

نواف :كم دينهم !

حمدان قاله الدين وانصدم نواف بس تدارك الوضع : هم عندهم احد يعيلهم!

حمدان: قبل سنه كانوا ناس عايشين مثل كل هالناس وكان عندهم اخوهم اسمه عبدلله ما كان يقصر ابد عليهم وهو الوحيد ومات في حادث الله يرحمه وابوها كان مريض شوي بس بعد وفاة عبدلله تدمر الرجال ومافيه الا هالبنت الله يكون بعونها

غمض نواف بضيق: زين يا عم ديونهم علي واترك حسابهم مفتوح واذا احد سألك قلهم فاعل خير وهذا رقمي وهذا المبلغ

حمدان: الله يجزاك خيير يا رب

طلع نواف لسيارته وهو يراقب بيت شهد بضيق لكن شاف اتصالات ثنيان الكثيره ومن بينها رساله يقول : تعال البيت بسرعه

تحرك نواف مسرع للبيت بإستغراب

................••............

في بيت اهل منصور

عند منصور ونوف اللي بعد ما طلعوا من بيت اهل منصور كانوا بالسياره وكان ودها نوف يمرون لاهللها

ومتردده مررره لف منصور بسرعه: تبين شي

نوف ناظرته بفجعه وسكتت ابتسم منصور: اسف فجعك بس ما انتبهت شفتك متردده وقلت اسألك في خاطرك شي تبين شي ! امري

نوف ارتبكت زياده بس قالت: ودي نروح لامي

منصور: بس

نوف : ايه

منصور: ابشري من عيوني نروح ليه ما نروح بس قولي لهم يعني اخاف نطب كذا عليهم

نوف : طيب

دقت نوف بس محد يرد : محد يرد

منصور: يمكن نايمين

نوف: لا ما ينامون بذا الوقت

منصور : جربي مره ثانيه

نوف كانت تدق على كل الارقام محد يرد وخافت منصور مد يده وهو يمسح على كتفها: لا تخافين مافيه شي ان شاء الله يمكن ما سمعوا يمكن متجمعين

نوف : مدري ماني مرتاحه تكفى منصور ودني لهم

منصور: ابشري بس اهدي انتي

تحرك منصور متجهه لبيت ابو ثنيان

..................••............

عند بيت ابو ثنيان

وصل منصور ونواف بنفس الوقت

ونزل نواف بصدمه يناظر الاسعاف والشرطه ونزلت نوف تركض بخوف ومسكها منصور: نوف نوف انتظري

نوف: نووااف وش فيه !؟ وش صاير

نواف : مدري مدري

ركضوا نوف ونواف داخل ومنصور اللي تقدم يسأل وش اللي صار

عند ثنيان اللي بالقوه فضى الغرفه وبعدهم كانت الشرطه موجوده والاسعاف وثنيان واقف وهو ماسك راسه

نواف اللي جاء بركض: ثنيان وش فيه ابوي فيه شي ام... انقطع كلامه وهو يشوف الاسعاف يشيلون شوق وصرخت نوف : شوووق شووووق لاااا يا شووق

ثنيان راح لنوف وهو يمسكها كان يحاول يهديها بس مافيه امل نادى نواف اللي كان منلخم بصدمه وهو يقوله يمسكها وطلع لثنيان لضابط اللي كان يدور ثنيان اللي قدم البلاغ وقاله ان فيه تحقيق بينفتح

منصور اللي كان ماهو مستوعب اللي صاير توجه لثنيان : ثنيان وش القصه

ثنيان اللي كان دايخ ومب قادر يرفع رجله اللي طاح عليها : مدري يا منصور مدري

منصور : من المنتحر!

ثنيان اللي حس ان دموعه داهمته بخنقه ورفع يدينه وهو يمسحها بصدمه: شوق حصلتها راميه نفسها بالمسدس

اتسعت عيون منصور بصدمه ورجع ورا وهو يسمع الضابط ينادي ثنيان اللي دخل معاه لتحقيق

استمر التحقيق مع الكل ما بقى احد ما دخل التحقيق والكل كان يقول ما يدري عنها ابد الا نواف اللي قال انه جابها من محلها بس ما تكلم معها

شوي شوي فضى البيت من الشرطه ودلال اللي نقلوها للمستشفى ووضعها صعب وحالتها حاله

وثنيان اللي كان يركض بين ابوه وامه لما تأكد انهم بخير

ماكان يدري كيف يواسي كل هالناس كان الصوت الوحيد صوت ابو ثنيان اللي يردد ( لا اله الا الله لا اله الا الله اللهم لا نسألك رد القضاء ولكن نسألك اللطف فيه )

بكى وبكى وانهيار وصدمه وخوف كانت هالمشاعر تدور في بيت ابو ثنيان

نوف اللي كانت منهاره بشكل ما احد يتخيله كان هي ومنصور مع دلال اللي اخذوها الطوارئ اخذ منصور نوف للحمام تغسل وجهها بس مافيه فايده اخذها لسياره بعيد عن جو المستشفى وهو يحاول يهديها بقد مايقدر وكان شي صعب ان احد يستوعبه

................••............

في بيت محمد

محمد اللي اول ما دخل البيت شاف رهام اللي واقف بتوتر اتجهه لها وهو يحتضنها : رهام حبيبي وش فيك !؟

رهام فرحت انه رجع زي قبل وابتسمت : مدري احس فيه شي مب مريحني

محمد بتوتر: لا ما فيه شي ان شاء الله لا تشيلين هم انتي وش بيكون فيه

رهام: اتصل بأمي ودلال من ساعات محد يرد

محمد : نايمين ولا ما يسمعون

رهام: مدري

محمد : ما عليك اكيد تعبانين من الزواج تعالي بس اجلسي معي وحشتيني

كان قلب رهام مب مرتاح بس راحت مع محمد وهي مرتاحه انه مب متضايق مثل امس لكن وقفهم اتصال نواف : سلام محمد وينك

محمد : بالبيت !

نواف : اسمع رهام جنبك

محمد: ايه

نوف : اطلع بعيد عنها شوي

محمد توتر ووقف وطلع برا : نواف وش فيكم خوفتني

نواف بعد تردد وصوت تعبان: شوق انتحرت

وقف كل عروق محمد وقلبه اللي صار يضرررب بشكل مفجع واصفر وجهه وعرق وفجاءه حس انه بيطيح مسك الجدار وجلس بصدمه : وشو وش تقول متى هالكلام

نواف : من ساعه المهم حاول تقول لرهام بشويش قبل احد يفجعها وانتبه عليها يا محمد

محمد : كيف طيب كيف ومتى وش السبب

نواف : محد يدري بس اطلقت الرصاص على راسها

سكر نواف وهو يوصي محمد على رهام اما محمد اللي ما قدر يوقف مره ثانيه اختلطت الاحداث براسه وكلامها يتردد بمخه انهار محمد وهو مب مستوعب ابد اللي يصيير ما قدر يتماسك وبعد محاولات وقف محمد وهو يمسح وجهه وعيونه وياخذ نفس يحاول يهدى عشان يشرح لرهام بعد جهاد نفسي قام واتجهه للبيت دخل وكانت رهام وافقه بتوتر: محمد والله صاير شي حتى ثنيان ونواف مايردون

محمد مسك يدها بهدوء وجلس وهو يتنحنح : رهام اهدي

رهام اتسعت عيونها بخوف : لا تقول ابوي فيه شي امي اكيد امي فيها شي

محمد: لا يا رهام امك وابوك بخير

رهام: اجللل ميييين تكلم يا محمد

محمد بعد تردد وهو يراقب ملامح رهام: شوق

رهام هدت شوي : وش فيها

محمد : انتحرت

شهقت رهام ووقفت بصدمه: ايييش

محمد وقف :اذكري الله يا رهام

رهام اللي انهارت تبكي وهي تسمع الخبر من محمد اللي كان صوته بعد يرجف ولا انتبهت له رهام اللي طلبت انه يوديه لاهلها فورا

طلعوا لكن بعد ما وصى الخادمه على ابوه

................••............

البيت فاض بالناس والبكى والانهيارات والتساؤلات عدا اليوم لكن كيف عدا ؟؟ عدا بمجموعة شرطة داخلين طالعين يدققون مكان الحادث ويشوفون اذا انتحار او جريمة قتل وتحقيقات مستمره وعدا بصوت ابو ثنيان اللي يتردد فالبيت بآيات وادعيه تهون عليهم وقع هالمصيبه وعدا بخطوات ثنيان المتوتره الثقيله اللي يركض من بين الغرف ويهدي اللي يقدر عليه وهو قلبه يوجعه ورجله توجعه

ونواف اللي كان جالس وهو يحس قلبه يدق بفجعه تكبر بداخله ومنصور اللي عجز يحل مشاكل هالعائله الكارثيه واللي مصدرها الرئيسي شوق ومايدري يواسي نوف او يفرح ان شوق طست قبل تطبع نوف بأطباعها ومحمد اللي لاول مره يدق قلبه بندم وحزن وفرح وضيق وكل مشاعر التناقض تعيش بداخله

اما دلال اللي كانت تصارع ألم عظيم محد يقدر يحس فيه غيرها ورهام اللي كانت مصدومه اكثر من ماهي حزينه نوف اللي تجسدت كل معاني الحزن بعيونها صح كانت فاقده شوق من زمان بس موتتها فاجعه الا مصيبه

سيف اللي جمع عياله واهله واختفى في بيته بدون ما يراعي اي ظروف

اما الترف ومنيره ومشاعل وعيالهم كانو في حاله حرفياً يرثى لها .................••............

من بكره كان الكل مو قادر ينام الكل يعاني من نفس الحزن بس المشاعر المختلطه تفرق معهم

اعلنت الشرطه بعد الاعتماد على تقرير المستشفى انه انتحار بسبب اضطرابات نفسيه

وبعد ما ودعت دلال ونوف شوق اخذوها الرجال يدفنونها وبعدها الكل رجع يستقبل المعزين اللي كان اغلبهم مفجوع من هالكارثه الغربيه في مجتمع مسلم

وبعد ما الكل فاق من فجعه موتها بدوا يدققون بأسباب انتحارها وطبعاً كان حبها لمحمد متصدر شكوك الكل لكن الكل كانوا يعتقدون ان محمد ما يدري بحب شوق له ولا يعرف شي فالكل ساكت

محمد اللي كان مجبببر انه يكون اقوى وانه يتعدى عذاب هالضمير اللي بيدمره تدمييييييييير وينهي حياته

مرور ليالي وايام العزا كان ثقيييل ومتعب بس الحمدلله مر

في ثالث ايام العزا الكل رجع لييته ما عدا نوف اللي طلبت منصور تجلس مع امها لما تتحسن

................••............

في بيت ثنيان

عند ثنيان اللي جالس هو وعجاج عند باب البيت بعد ما تطمن ان الكل بخيير

عجاج : والله انا ما زلت مصدوم يا ثنيان من هالشي

ثنيان : اوووه يا عجاج على كثر ما حققت عن جرايم وعلى كثر ماشافت عيني مصايب ما عمري مر علي يوم مثل هاليوم

عجاج : المصيبه في بيتك يا ثنيان بيكون وقعها غيير

ثنيان: محد كاسر ظهري الا دلال

عجاج : الله يعينها ويصبرها محد بيده شي

سكتوا وقال عجاج: هي ليش سوت كذا

ثنيان اللي كان مافي راسه اي سبب الا محمد واللي صار لها من زياد هز راسه بتجاهل : اذا مرض قلب الانسان انتهى امره

عجاج : يلا الله يعينك ويلطف انا بروح الوقت تأخر ونوره بلحالها

ثنيان: حبيبي يا عجاج ما قصرت

عجاج : ولو حنا لذا الوقت يا ثنيان

ابتسم ثنيان بضيق وودع عجاج ودخل للبيت وهو تعود على هالهدوء والظلام خصوصاً هالفتره دخل للبيت وهو تعود على هالهدوء والظلام خصوصاً هالفتره دخل وهو يتجهه لغرفة منيره فتحها وشافها جالسه : منيره ما نمتي

منيره مسحت دموعها : لا عجزت

ثنيان تقدم وهو يجلس جنبها : اذكري الله يا منيره وهدي

منيره اللي كانت متأثره : ماني قادره انسى يا ثنيان

احتضنها ثنيان وهو يمسح على ظهرها : سمي بالله

لف لما انفتح الباب وكان محمد : يبه يمه

وقف ثنيان : حمود وش فيك

محمد : خايف ما قدرت انام

اخذه ثنيان لحضنه : وش فيك خايف من ايش

محمد : اخاف اموت زي شوق

غمض ثنيان وهو يحضنه: لا يا ابوي ما بيصير لك شي لا تخاف ، عمر وينه

محمد : عند امه

ثنيان : تعال تعال خلك عند امك هنا

منيره: خلك هنا

ثنيان: راجع

اشر لمنيره تتهدى عشانه وطلع متجهه لغرفة مشاعل والحال كان نفس الحال بس مشاعل شوي متماسكه

ثنيان اللي كان التصرف وهو يهديهم

مشاعل: ثنيان تكفى نام هنا عندنا

ثنيان اللي احتار مايدري وش يسوي : خليك بجيك

ثنيان لما شاف وضع منيره ومشاعل هنا خاف على الترف اللي اصلا طول هالفتره ما كان يشوفها كثير فتح باب الغرفه لكن ما شاف احد بالغرفه توجهه لسرير وهو هالفتره صار حافظ اوضاع الترف اذا صارت ضايقه رفع اللحاف وشافها وهي تبكي انكسر الف ضلع بصدر ثنيان اللي كان كل شي بالترف يفرق عن الغير جلس وهو يسحبها لحضنه وهنا تعلقت الترف وهي تبكي وابتدا ثنيان بدوره يهديها ويسمي عليها ولكن كان طلب الترف مثل البقيه : ثنيان لا تروح خلك هنا

ثنيان اللي وجعه راسه من الحيره كيف بيسوي الحين

ثنيان وهو يمسح دموعها: اهدي انتي مايصير تبكين وتعبين نفسك كذا

الترف : بس كان منظرها يعور القلب يا ثنيان

ثنيان: المنظر اوجعنا كلنا يالترف بس مابيدينا حيله الا ندعي ان الله يغفر لها ذنبها الكبير

الترف اللي نزلت راسها وهي تحاول تهدا

ثنيان وقف وهو يمسك يدها: قومي معي

الترف: وين

ثنيان: مشاعل ومنيره والعيال حالتهم صعبه بعد مقدر اخليهم

الترف : وش بنسوي طيب

ثنيان اخذ اللحاف على كتفه : خذي مخده وتعالي

اخذت الترف مخدتها وطلعوا متجهين لغرفه منيره

ثنيان: منيره خذي محمد وخذوا ألحفتكم وتعالوا

منيره: وين بنروح

ثنيان : بنجتمع في غرفة مشاعل عشان البنات ما اقدر اجيبهم هنا

طلعوا كلهم مع ثنيان ودخلوا غرفة مشاعل وفرش ثنيان بالارض وهو المهم انه يكون معهم كلهم انسدح بالنص وفي حضنه اليمين محمد ومن بعده الترف و منيره ويساره عمر ومن بعد مشاعل وبناتها وتسكرت الانوار و كل امان الدنيا اجتمع بهاللحظة كان ثنيان حريص انه يحسسهم بالامان كلهم ما يبيهم يخافون ابد بحضوره وشويات ابتدوا ينامون كلهم وثنيان اللي كان مب قادر ينام وراسه فيه مليون فكره وهاجس لف لما حس احد يشد على ذراعه اليمين لف وشاف الترف تناظره شد على يدها هو بعد وهو يبتسم لها وكانت فعلا هي الوحيده اللي تسند ثنيان وهي الوحيده اللي تشيل همه قبل نفسها .................••............

في بيت محمد

محمد اللي كان منسدح بجنب رهام اللي منهاره

مد يده لها وهو يهديها ويسمع كلام رهام عنها اللي كانت تصارع الافكار براسها ماكانت تبي تقتنع ان سبب موت شوق حبها لمحمد

وكان محمد هادي هدوء الدنيا وهو خايف ان رهام تقتنع بهالفكره وهو نفسه ما يبي يقتنع فيها ابد

................••............

الصباح في بيت ابو ثنيان

الكل متواجدين بحيث انهم يغيرون جو دلال او بالأصح يساندونها وقف ثنيان وتوجه لدلال اللي كانت منسدحه بحزن وعيونها تنطق حزن : دلال يا اخوك تعوذي من ابليس واذكري الله وادعي لها بدال ما انتي جالسه تبكين

دلال : كيف ما ابكي يا ثنيان كيف ما ابكي وبنتي ماتت وليتها ماتت موتت ربها ماتت بأبشع طريقه

ابو ثنيان: لا يا دلال لا تقولين كذا كل شي مقدر ومكتوب صح اللي سوته غلط لكن لا تقنطين من رحمة الله بالعكس ادعي ان الله يسامحها استغفري وتصدقي عنها

ام ثنيان: اصبري والله مع الصابرين

نوف وهي تمسح دموعها: يمه تكفين لا تطيحين كذا قومي ادعي واصبري

نواف : يلا يا دلال عطيني يدك وقومي اذكري الله واجلسي ولا تعترضين على حكم الله

ساعدوها ثنيان ونواف ليين وقفت واخذوها وهم يجلسون معاها بالحوش كان الكل يحاولون يهدونها

................••............

في بيت عجاج

عند عجاج اللي صحى على صوت نوره اللي تكلم سلوى وهي تقولها اللي صار ويتناقلون الخبر

جلس وهو بعد يفكر وش خلا هالبنت تنتحر صحى من تفكيره على صوت نوره : صح النوم متى صحيت

عجاج : من شوي

نوره: وش فيك ضايق

عجاج: كيف ما اضيق وهالموضوع موجود

نوره: ما عرفتوا ليه سوت كذا

عجاج:مدري اصلا احس ثنيان من هدوءه يدري بس ما يقدر يقول

نوره: وش السبب اللي ما يقدر يقوله

عجاج : ما كل شي يا نوره ينقال

نوره سكتت وهي ماتدري وش المغزى بس اكيد الترف تدري اذا ثنيان يدري

عجاج : ودتس تروحين لترف تغيرين جوها شوي لان ثنيان يقول انفجعت مره من اللي صار

نوره : لا لو تجي هنا مب احسن

عجاج: ثنيان مايقدر يجيبها احسن نروح

نوره : اجل دقايق اللبس

................••............

في الديره

عند سلوى اللي سكرت بذهول وهي تفكر دخل صالح وهو ينزل الاغراض : سلوى وش فيتس

سلوى: مدري يا صالح

جلس صالح : لا يكون الترف فيها شي

سلوى: لا بس بنت اخت ثنيان انتحرت

صالح : وشووو ، انهبلتي استغفري ربتس وش تقولين حنا مسلمين وشلون تنتحر

سلوى: والله مدري نوره قالت لي

صالح: لا اله الا الله وشوله تنتحر !

سلوى: مدري بس تخيل رمت نفسها بالرصاص وفجرت دماغها

صالح : لااااا حول ولا قوة الا بالله وش تقولين انتي ، يا ربي تعينهم يا رب

سلوى: والله مصيبه الله يجيرنا

صالح: اكيد ان الترف منهبله الحين

سلوى: اتصل بها ما ترد

صالح : قومي قومي بنروح نعزي ونتطمن على الترف

سلوى : والله يقولون انتم يالخوال مجانين لكن مدري من المجنون الحين استغفرالله ياربي

صالح: ابك ابك اص اص استغفري ربتس لاا تبلينا بمصيبه

سلوى: استغففر للله ياربي

صالح : يلا اجهزي انتظرتس

................••............

في بيت ابو ثنيان

عند الترف اللي كانت تراقب محاولات ثنيان ونواف في تعديل حال دلال لكن مافيه فايده وقفت دلال بحزن ووقف معها ثنيان : وين بتروحين

دلال اللي انفجرت تبكي على صدر ثنيان : تكفى يا ثنيان خلني تكفى بطلع ضيقي ولا بموت يا اخوي

ثنيان اللي حضنها بضيق وهو مايدري وش يسوي : ابكي يا دلال ابكي وانا اخوك

انهارت دلال اللي متمسكه بثنيان ببكى وانهارت وهي تجلس لما ثقل صدرها من البكي وجلس ثنيان معها بضيق وهو للحين حاضنها مرت لحظات تقطع القلب انتهت لما قرب ابو ثنيان وهو يهدي دلال واخذوها لغرفتها ومعها نوف يبونها تهدى شوي

طلع ثنيان : نواف خلك قريب وانتبه لها

نواف : معها لا تخاف

ثنيان : يلا اجل خلوها ترتاح

سيف اللي توه يجي : كيفها دلال

ابو ثنيان بغضب منه : بخييير وفي غنى الله عن كتف اخو كبييير ما كأنه الا جدار

سيف : يبه تعرف ما احب هالمواقف وهالضيق يا يبه

ثنيان : محد فينا يحبها بس اذا كان هالضيق بصدر اختك تعلم تواسيها

سيف: خلينا البطوله لك

هز راسه ثنيان بأسى وهو يأشر لعياله : يلاا

لف لفجر : فجر يا حبيبتي خليك مع نوف هي بعد تعبانه

فجر: ابشر يا عمي

ثنيان ابتسم لها وطلع هو وعياله متجهين للبيت

اما ابو ثنيان وام ثنيان ونواف اللي تجاهلوا سيف وجلسوا وفجر طلعت لنوف تواسيها

.

.

انتهى البارت💕

«البارت السادس والاربعين»

.

.

من بكره في بيت ابو محمد

محمد اللي مجافيه النوم بشكل مرعب ما توقع توصل جراءة شوق لذا الدرجه ما تابت ما اكتفت من درسها الاول احتار فعلا وش بيسوي وكيف بيوقفها كان خوف محمد ان شوق تدخل بينه وبين رهام ويخسر رهام تحرك على صوت ابوه اللي صحى وقام وهو يعطيه ادويته بهدوء ولف لما سمع صوت رهام: ما نمت للحين

محمد : لا بنام بعد شوي

تحرك محمد وهو مب قادر يناظر رهام يحس انه بمجرد ما شوق حضنته انتقل كل قذراة الدنيا فيه

رهام وقفته وهي تقول : محمد وش فيك ؟ صاير شي ! مخبي عني شي!

محمد : لا يا رهام بس تعبان وبنام

رهام: وش ما خلاك تنام امس

محمد : مشكله مع صديق لي وبتنحل يلا انا بنام

تهرب محمد وهو يدخل يتروش وهو يحس ان هالطريقه بتنقذه من جرأة شوق القذره

اما رهام اللي شالت هم الدنيا وهي ما تدري وش فيه محمد يتهرب منها

................••............

في بيت ثنيان

الكل كانوا مجتمعين على الفطور وهم توهم يستقرون والكل تستقر نفسيته ثنيان اللي كان متصدر الطاوله بلبسه العسكري على يمينه منيره ويساره مشاعل وقدامه الترف

قال بهدوء : تقدرون تباركون لترف

الكل رفع راسه يناظر الترف وابتسمت الترف وهي كأن الطمأنينه نزلت على قلبها

منيره: نبارك ليش ما نبارك بس على ايش

ثنيان بهدوء وهو يراقب ملامح منيره : حامل

منيره اتسعت عيونها بصدمه : ماشاء الله مبروك الله يتمم لك

الكل هداء بعد ردة فعل منيره وقالت مشاعل: مبروك الترف حبيبتي الله يتمم لك ويقومك بالسلامه

الترف : امين

محمد : يعني يبه بيجي عندنا اخو جديد

ثنيان: ان شاء الله

عمر : الله بيجي نونو بعد يعني بيصيرون 3 عندنا

ثنيان: ايه بس خلك جاهز

رغم غصة منيره الا انها قالت: معناته من الحين ترتاحين ولا تمدين يدك لشي

الترف : لا والله وش تقولين مانيب جالسه وانتي تشتغلين اساعدتس وتساعديني بس اجلس مستحيل

مشاعل:لا لا كلام منيره صح انتي ارتاحي

ثنيان وقف وهو يعدل شكله لاخر مره :الحين وقفوا نقاش اذا رجعت استلموها

منيره: وين بتروحين

الترف : بروح لاهلي اسلم عليهم

منيره: الله معك

طلعت الترف هي وثنيان وهم مرتاحين ان منيره تقبلت الخبر عادي

طلعوا لسياره ولف ثنيان : كيف السخونه معك

الترف : راحت ، بس نفسي مره تقلب

ثنيان اللي صار خبره بذا الموضوع ابتسم: اووه تعودي من الحين باقي معك لين الشهر الرابع بس بتحسين بنوم وخمول وباقي بتمر عليك اشياء كثيره

الترف ضحكت: اشوفك خبره

ثنيان ضحك: يعني فالنتيجه انا اب وانا بعد عانيت ما مداني انسى مشاعل

الترف : خلاص اي شي بسألك فيه

ثنيان : على الرحب والسعه

الترف بعد تردد : ثنيان قلت لامك

ثنيان اخذ نفس : لا بقولها شوي

الترف سكتت وهي ضايقه من وضع ام ثنيان

ثنيان: اتركي امي علي وانتي اهتمي بنفسك

الترف : اخاف ما تتقبله مثل ولد سيف

ثنيان بحده :طفلنا مب مثل طفل سيف فيه فرق كبير

الترف سكتت وهي تفكر بجديه قطعوا الطريق وثنيان يسولف لترف بعض من معاناته من حمل منيره ومشاعل وطبعا مي

................••............

في الفندق

عند منصور اللي بعد ماقدر انه يثبت نفسه ويتخذ قرار اتجهه لنوف اللي كانت جاهزه عشان يروحون لاهله تقدم وهو يناديها : نوف تعالي هنا شوي بكلمك

نوف اللي جات وجلست وهي ما زالت خايفه :نعم

منصور : شوفي يا نوف ادري ان فارق العمر بيني وبينك كبير ويمكن تحسين اني مختلف لكن انا مابي ذا الشعور يدخل بينا خليني اقولك بطريقة ااحسن ما ابيك تاخذين على محمل اني زوجك وان لك فروض ولك واجبات كثير

يعني حاولي توازنين بين زوج وصديق ورجحيني كصديق اكثر

مدري يمكن ما تفهميني بس انا معرف اعبر كثير بس اتمنى انك فاهمتني انا جاهل كثير في اساليب الحياه والتعامل مع البنات خصيصاً فا ابيك تاخذيني شوي شوي تعلميني وتفهميني يعني

نوف اللي كان ودها تضحك على طريقته واضح انه ما يعرف كيف يشرح لها نفسه رفعت يدها وهي ماتدري تهديه ولا تهدي نفسها : فهمت عليك لا تستهلك نفسك كثير

منصورابتسم بإحراج : يعني لو في يوم زعلتك بالغلط او اني تعاملت معك بطريقة مب مناسبه علميني قولي لا يا منصور

وانا من جهتي اقدر اكون لك نور المستقبل

ومن جهه ثانيه انا شخص كتوم شوي وحريص يعني مشاكل بيتنا بينا وان شاء الله مافيه مشاكل انا وانتي نتصافى لايدخلون اهلك ولا اهلي فهمتيني

نوف : ايه وانا افضل هذا كثير

منصور : اجل خلينا نتوكل على الله ونطلع امي تنتظرك طبعا انتي بالنسبه لها فرحة سنين

نوف ابتسمت: ليه !؟

منصور ببتسامه : ما صدقت اني تزوجت على قولها شاب شعرك وشابت عظامك ما تزوجت

نوف لا شعوريا : لا وين ماشاء الله عليك

منصور التفت لها وهو يناظرها ببتسامه الرضا التام ولفت نوف بفشله وضحك: طبعاً شوفتك لها دور تخلي الواحد غصب عليه يصير ماشاء الله عليه

نوف اللي غمضت وهي منحرجه من تسرعها اذا الرجال مرتبك وهي منطلقه طلعوا لسياره وهم كأن انشال ستار كبييير من قدامهم كلهم ارتاحوا بعد ارتباك والحين قدروا يشوفون بعض من قريب

..................••............

في دوام محمد

ما زال محمد يصارع جراءة شوق كان جالس بدوامه وهو في دوامه رفع راسه لما دخل القهوجي مصلح : استاذ محمد

محمد ناظر اللي بيده بإستغراب: وشو ذا

مصلح : جاء مندوب يقول سلموها لمحمد

نزل مصلح الهديه اللي كانت متكلفه بيده فتحها محمد واول ماشاف الكرت غمض عيونه بغضب وهو يبعدها كان مكتوب ( محمد .. ادري معصب مني ويمكن تكرهني ولكن ادري بتفهمني اذا قلت لك حبي لك يفوق حبك لرهام اللي تنتظرها سنين كيف اسوي عشان اقنعك كيف اشرح لك حبي اكثر اطلب منك فرصه وحده بس واوعدك انها اخر شي بيجي مني ابي اشوفك لازم اتكلم معك واوعدك اذا جيت وسمعتني ومع ذلك رفضت اوعدك اطلع من حياتك للابد بس اسمعني .. اذا فكرت تجي بكون الساعه 4:30 انتظرك في الكوفي اللي مقابل محلي .. شوق )

عفس محمد الورقه ورماها بالزباله وهو ينادي مصلح : خذ هالهديه لك يا مصلح

مصلح : بس يا استاذ محمد وين اوديها

محمد : خذها لك ولا عطها ولدك اللي تزوج

مصلح: الله يسلمك

محمد :تسلم

طبعا فوراً قرر محمد يرووح لانه يبي يفتك منها بأي طرييقه

................••............

في ديرة الترف

عند سلوى اللي كانت واقفه جنب صالح اللي يجهز بيطلع لدوامه

صالح : ابوي طلع !

سلوى: ايه اخذ فطوره يقول بيفطر في الدوانيه

صالح لف عليها وهو يبوس جبينها : الله يعطيتس العافيه يا سلوى والله ما تقصرين رغم ان ابوي الله يصلحه

سلوى: قد قلت لك يا صالح ابوك ابوي حتى لو كان متضايق مني شوي فالنهايه انا مثل بنته

دخلت الترف : يا اهل البيت فيه احد

صالح : هلا هللااا بالترفه يا هلا

الترف ابتسمت: وش عندك ترحب غريبه

صالح : اللي يشوفتس يقول مطفشتس بالهوايش

الترف قربت وهي تسلم عليه: لا بس غريب اليوم بس اتوقع قلبك حاس

وخرت وهي تسلم على سلوى

صالح: وش حاس فيه !؟

الترف : جهز عمرك يا خال بعد تسعة اشهر ان الله كتب

صالح تنح شوي وانتبه وهو يشد على كتف الترف : بالله عليتس تقولين الصدق

الترف ضحكت:ايييه وان شاء الله انه سميك اذا هو ولد

حضنها صالح بفرح: الله يتمم لتس على خيير يارب ومبروووك مابغيتي تفرحينا

سلوى ببتسامه: مبروك يا الترف الله يتمم لتس

صالح لف على سلوى: لا يكون تدرين ، الا والله تدرين هذا الموضوع اللي دايم تكلمين عشانه

سلوى ضحكت: يعني كنا شاكين وتأكدنا والترف حبت تقولك بنفسها

صالح: الله ياربي اخيراً يا الترفه بنشوفف عيالتس

الترف : ان شاء الله

صالح: اجل خليني ابشر ابوي

الترف : وينه ابوي

سلوى: بالدوانيه

الترف : اجل خله لين يجي

صالح : ايه زين اجل انا بروح وانتي اجلسي وريحي ولا اجلسوا كلكم وارتاحوا

سلوى ضحكت: ماعليك لا توصي

طلع صالح اللي زادت فرحته بخبر حمل الترف

اما الترف اللي جلست هي وسلوى اللي كانت تأكد على الترف انها اختارت الصح

.................••............

في احد الشوارع

نواف اللي كان طالع وبما انه فاضي كان يفرفر لكن وقفه منظر لبنت كانت خطواتها سريعه وهي تتلفت وتدور بكل زاويه وواضح انها منهاره وتبكي وبين هالحواري تركض حس انها مضيعه احد او شي

نزل من سيارته لكن قبل يتحرك رجعت البنتت تركض وهي تقول : لو سمحت لو سمحت

نواف : سمي

شهد : الله يخليك شفت رجال شايب يمشي هنا

نواف : لا والله ، كيف شكله

شهد اللي كانت توصف لنواف شكله اللي كانت عاجزه وهي يتقطع كلامها من بكاها

نواف : ما شفته والله بس بدور عليه وش يكون لك

شهد : ابوي هو معاه زهايمر ما يتذكر شي الله يخليك دور عليه

نواف : خلاص انتي ارجعي لبيتكم وانا بدور عليه

شهد : لا بدور علييه مقدر اخليه

نواف ما لقى حل الا انه يدور معها وانطلق معها وهم يدورون وشهقت شهد لما شافته على الخط السريع : يببببه

نواف لف وهو يشوف بيقطع والسيارت سريعه

ركض نواف وهو يقطع الخط بسرعه ومسكه قبل يقطع ووقف السيارات وعبر وهو ماسك ابو شهد اللي حالته يرثى لها ركضت شهد وهي تحضن ابوها ولفت على نواف : مشكور الله يسعدك ويكتبها في ميزان حسناتك

نواف : ماسويت شي ولو

شهد اللي كانت تمسح على ظهر ابوها: يبببه انت بخييير

ابو شهد يناظر بجمود: شهد وينها شهد

ومشت شهد فيه : انا عندك يبه عندك

نواف : لو سمحتي ممكن اوصلكم بيتكم

شهد لفت بحده : مشكور تعبناك لين هنا

نواف : لا تفهميني غلط بس خوفاً عليكم وابوك تعبان ما يقدر يكمل مشي

شهد رفضت قطعياً تركب معاه وهي تمشي بس ماقدر ابوها يكمل اكثر

نواف :لا تخافين والله ما اضرك بس ابي اساعدكم

شهد اللي ركبت هي وابوها وهي حزينه وكان ابوها يردد طول الطريق : عبدلله وينه عبدلله ويين بيجي بيجي

شهد اللي كانت تبكي : عبدلله بيجي يبه بيجي

نواف اللي اوجعهه قلبه على وضعهم كان يحزن

نواف : اتصلي على عبدلله عشان يرتاح ابوك

شهد اللي نزلت راسها ببكى : عبدلله مات

تزلزل نواف وسكت وصل للبييت ونزلت شهد وابوها للبيت بعد ماشكرت نواف اللي انشلع قلبه على حالهم وركب سيارته وتحرك وهو حزييين ................••............

اما في بيت ام منصور

اللي كانت تنتظرهم بفرح ودخل منصور ونوف الكلل يزغرط ويستقبلهم وان منصور اللي ترحب في نوف اللي انحرجت وهي تششوف الانظار عليها ام منصور: خذي راحتك يا بنتي افصخي عباتك

نوف نزلت عبايتها وهي تعطيها رحمه اخت منصور الوحيده وكبيره ومتزوجه وزوجة عبد العزيز اخو منصور وبناته وابتدوا يتعرفون على بعض ونوف اللي حبتهم مررره

وبعد شوي جاء منصور ووقفت امه وهي تقول : تعال يمه اجلس جنب زوجتك

منصور : خليك يمه ارتاحي

رحمه: اجلس يا ابن الحلال خل امي تستوعب فرحتها فيك كامله

ابتسم منصور وجلس وهو يشوف فرحة امه اللي كانت كل شوي تردد ( ماشاء الله )

كان منصور فرحان بفرحة امه وكل ما قدموا له شي يعطيه نوف قبله حتى فنجان القهوه صحيح ماكان منصور يعرف يعبر عن حنيته بكلامه بس اسلوبه كان واضح وطبعا هذا الشي لفت انتباه الكل بما فيهم نوف اللي كانت مصدومه بتصرفاته اللي كانت غير عن خيلاتها رغم ان منصور كان يكافح عشان يعامل نوف بكل ود وخصوصا انه بالمفهوم العامي ( دفش شوي ) لكن كان يبذل جهده

.................••............

في حارة عجاج

عند عجاج اللي طلع من البيت بزهق من مرزوقه اللي صايره دايما عندهم وطفش وهو يتناقر معها وقرر انه يطلع لثنيان واتصل بثنيان

ثنيان: هلا عجه

عجاج: اين انت يا زلمه

ثنيان: هههههههههههههههههههه ايوووه وش بلاه الخال قالب شامي

عجاج : طفشان والله

ثنيان : افااا ونورتك وين

عجاج: اسكت تكفى صار عندي ضره

ثنيان: هاااه !

عجاج : مرزوقه الله لا يعيد اليوم اللي عزمتهم فيه على زواجي وتعرفت على الثلاثي المشهور وصارت دايم مسنتره عندي

ثنيان:هههههههههههههههههههههههههههههههههههههههههههه هههههههههههه يووووه يا مرزوقه يوووه خطر خطططططر

عجاج: الا انت وينك

ثنيان: باخذ الترف من عند اهلها وارجع للبيت

عجاج: طيب اسمع تعال انت والترف تغدوا عندنا وبنطلع انا وانت مثل الناس ننبسط ونفلها زي قبل

ثنيان: اخييييراً بتعزمنا ما بيغت

عجاج: ياخي المفروض انت تعزمنا بس الدنيا عكس

ثنيان: اها بس يلا نص ساعه وبنجيك

عجاج : يلا

رجع عجاج للبيت وهو يسمع ضحكهم : نوووره

نوره طلعت: سم

عجاج: سم الله عدوتس لكن يا ليت ما تفلونها انتي مرزوقه مره ترا صرت ساكن بالشارع

ضحكت نوره: والله تونس المفك

عجاج: ايه انتي استانسي وعجاج بالطقاق

نوره: افا عجاجي انا ليه طفشان

عجاج: ابد يقولون نوره ساحبه عليه وجالسه مع مرزوقه

نوره: وش اسوي اطردها ! عاد ضيفه

عجاج : بعدين نتفاهم بس اسمعي ثنيان والترف جايين صلحي لنا الغداء والقهوه

نوره : بالله عليك ، خلاص ابشر الحين اصلحه

عجاج: وخذي المفك معتس يساعدتس مب اكل ومرعى وقلت صنعى

ضحكت نوره وهي تنادي مرزوقه معها للمطبخ

وعجاج اللي طلع ينتظر

................••............

عند ثنيان اللي وصل بيت ابو الترف

ونزل اول ماشاف ابوها واقف وهو يسلم عليه

ابو الترف: مبرووك مبروك الله يتمم لكم ان شاء الله

ثنيان ابتسم: امين يارب

ابو الترف : الله الله بالترف لا تتعبونها

ثنيان : لا تخاف بعيونا

الترف ابتسمت وهي تسلم على ابوها وركبت السياره وهي مستانسه بس داخلياً خايفه

ثنيان اللي بعد ماطلعوا مد يده وهو يشد على يدها :واضح انهم استانسو

الترف : اووه وش تقول الا طاروا بذات صالح يازينه

ثنيان ابتسم : الحمدلله ان شاء الله تقومين بالسلامه وتشوفين فرحتهم اقوى من كذا

الترف : ان شاء الله

ثنيان اللي كان مستانس وهو يسمع سوالفها عن اللي تحس فيه وكإنه اول مره يسمع شعور الحامل

وصلوا حارة عجاج ونزلوا وكالمعتاد اهل الحاره اللي كانوا يسلمون على ثنيان

الترف همست لثنيان : ماشاء الله واضح يحبونك يا ولدهم

ثنيان : يحبوني واحبهم

الترف وهي تناظر واحد من الشبابيك اللي عليها بنت تناظر : الكل ماشاء الله يحبونك

ثنيان انتبه لنبرتها ولف وشافها تناظر وقبل يناظر مسكته الترف : لا تشوف

ثنيان: لييه !

الترف :بس ! وبعدين انت ليه دايم فالحاره قول لعجاج يجي البيت

ثنيان اللي ابتسم وقال بعبط : لا فيه ناس ينتظروني اجي حرام انقطع عنهم

الترف رفعت اصبعها بتهديد : اييه يا قلبي قول من البدايه الروحات والجيات مب لله لكن والله اتحالف مع مرزوقه ضدكم

ابتسم ثنيان ومسك اصبعها وهو ينزله : لو انتس تفكرين بعقلتس شوي بس بتدرين اني ما اشوف غيرتس

الترف : انت ما تشوف بس العيون تشوفك

ثنيان اللي كان مبتسم بطريقه عذبه : لو العيون بتحرك فيني شي كان من سنين مليت من العيون وشبعت منها لكن ما عمر العيون هزتني وهبلتني كثر عيون الترف

ما يمديها الترف ترد الا انفتح الباب وطلعت مرزوقه : ماشاء الله هذا ولدنا

ثنيان: هلا مرزوقه

مرزوقه : حي الله الترف

تقدمت مرزوقه تسلم على الترف وقال ثنيان: بشويش يا مرزوقه كسرتيها

مرزوقه : حريم الخوال ما يتكسرون نعرف حنا سلام بعض

عجاج اللي جاء من ورا : مرزوقه مارحتي للحين

مرزوقه : ياااليل ذا اللي عطيناه وجهه بنروح بنروح احمد ربك ان نوره صديقتي والا والله

عجاج : لا تحلف يالمفك وبسرعه

طلعت مرزوقه اللي معامله العبايه على اساس بشت

وتقدم عجاج يسلم على ثنيان

ثنيان:وين تبيها تروح !

عجاج : والله ماعمري شفت فيها فايده الا ذا الايام ابيها تجيب دبة الغاز

ثنيان طارت عيونه: مرزوقه تجيب دبة الغاز لبيتك وانت وش شغلتك

عجاج: والله تعرفني عجاز بعدين مب مسويه صديقتنا خلنا نستفيد شوي

ثنيان: حسبي لله على عدوينك ان كان حتى صداقتك فيها اعمال شاقه

لف عجاج اللي انتبه لترف : اووه معليش ما شفتس بس ادخلي لنوره تحتريتس

الترف دخلت وهي تضحك على طقطقتهم

عجاج : وين تبي تجلس بالحوض !

ثنيان: ياخي خاف الله بعز القايله بتجلسنا بالحوض درجة الحراره ثلاثه مليون تبي تشوينا

عجاج: وش دراني عنك اعرفك اذا جيت قلت بنجلس برا

ثنيان: ايه بس عصريه مغربيه كذا مب ظهر

عجاج : اقول ادخل ادخل بس وبعدين للمعلوميه كل ما زادوا عدد عيالك صرت نفسيه وقف خلاص

ثنيان:هذا عطاء من ربي استغفر ربك

عجاج: استغففرللله ياخي بس يعني حنا يا خوال ما يفرق معنا ما نتأثر لون ثابت مب زيكم يالبيض

ثنيان : يا رجال لا يغرك اللون انا ابيض خارجياً خال داخلياً

.................••............

عند نوره اللي استقبلت الترف تسلم عليها بحراره

نوره: وش فيتس تضحكين

الترف : اضحك على رجلتس الخبل ، اجل مشغل مرزوقه تكرف عشان قررت تصادقكم

نوره : ههههههههههههههههههههه اسكتي تكفين ذبحني ما يطيقها وهي الله يهديها دايماً هنا ومستقعد لها ويوم شاف ما منها فكه استغلها تشيل عنه الاغراض الثقيله

الترف: هههههههههههههههههههههههه عاد هو ما منه رجى عظم وجلد

نوره: ما علينا المهم عطيني اخبارتس قبل تجي مرزوقه

الترف : ابد قررت اني اكمل حملي وتكفين يا نوره ادعي لي ربي يتمم علي ولا اتركه بلحاله

نوره: ان شاء الله بس انتي تفائلي بالخير

................••............

عند عجاج وثنيان اللي كانوا متسدحين بالمجلس

لف عجاج : ثنيانوووه لايكون شيبنا وش بلانا متسدحين كأنا ضبان

ثنيان: والله مدري ياخي حتى والله اني بدى يطلع لي كرش ويشيب شعري

عجاج : يعني كرشك خالصين منها من زمان لكن الشيب جديده علي

ثنيان: هي كذا الدنيا

عجاج: قم قم خلنا بندور شي نسويه قسم بالله لو جلسنا كذا بكره وإحنا معنا ضغط وسكر ودسك وخشونة ركب وكل شي

ثنيان قام بالقوه: تقدر تقول اني في بداية مشوارها

سحبه عجاج وهو يضحك عليه طلعوا وهم يمشون بالحاره ولكن وقفوا وهم يناظرون في نفس المكان بخبث

كان ابو حمود وابو سعيد جالسين قريب عمارة ابو سعيد اللي تبنى وكانوا جالسين على عربيات النقل ( الخضرا) ويسولفون

عجاج: تصمل

ثنيان اللي رفع ثوبه وهو يربطه على بطنه: حتى اني صملت

ركضوا لهم وهو يوقفون وراهم وبسرعه للبرق كل واحد مسك له عربيه وطاروا بها وسط صراخ ابو سعيد وابو حمود وضحك عجاج وثنيان

ابو سعيد اللي كان يدفه ثنيان كان يضحك اما ابو حمود كان يسب ويلعن لكن من سوء حظ عجاج انه نزل مع ارتفاع كبير وما قدر يسيطر على العربيه وطار معها وصكوا في برميل وطاح عجاج وطاح ابو حمود عليه اللي ماصدق يمسك عجاج عشان يكفخه

ثنيان اللي وقف وهو يضحك بكل صوته على عجاج باس راس ابو سعيد اللي كان صدره وسيع ويضحك وركض وهو يسحب عجاج من ابو حمود

ورغم اللي صار بعجاج الا انه يضحك

ثنيان:هههههههههههههههههههههههههههههههههههههههههههه هههههههههههه عجاجوه شكلك والله شيبت وش بلاك ما قدرت تمسكها

عجاج اللي كان يعرج من رجله : وش اسوي ذا الشايب ثقيل وفوق ذا في دحديره ما قدرت اتماسك

ثنيان اللي كان يضحك وهو يشوف ابو حمود اللي يهاوش وابو سعيد يضحك طلعوا لبيت عجاج وجلسوا بالمجلس وهم للحين يضحكون

................••............

في بيت ابو ثنيان

عند نواف اللي رجع للبيت وجلس بالمجلس هو اول مره يجلس هادي وساكن

دلال : نواف فيك شي !؟

نواف : هاه لا مافيني شي

ابو ثنيان: وش بلاك من يوم جيت وانت جالس بالزوايه ! مسوي شي ؟

نواف : وش اسوي يبه ماعندي شي اسويه

ام ثنيان: لا يكون مريض

نواف: مصدع شوي

سيف: الله يعلم وش وراك

نواف ناظره بهدوء ولف وهو مايبي يدخل بمشكله

وكان الموقف اللي حصل معاه مسيطر على جوه

................••............

في بيت محمد

عند رهام اللي بعد ما جهزت الغداء جلست جنب عمها وهي تنتظر محمد اللي دخل البيت وهو يحاول يهدا ويتزن نفسياً : سلام عليكم

وقفت رهام واتجهت له وهي تاخذ اغراضه من يده : وعليكم السلام

محمد تقدم وهو يبوس راس ابوه وهويشيك عليه قال وهو صاد : قال شي او سوى شي بغيابي

رهام: لا

محمد وهو يناظر ساعته وكان وقت دوا ابوه اعطاه

رهام: غسل عشان تتغدا

وقف محمد وراح يغسل وررجع وهو ما تكلم ابد مع رهام وهذا شي غريب عليه كان اول ما يدخل يحضن رهام ويسلم عليها كان يمطرها بكلامه بس وش فيه من امس !

محمد كان يحس بالذنب يحس ان لو ناظر برهام عيونه بتنطق ويضطر انه يقول كل شي وهذا شي بيتعب رهام ويمكن يدخلها بأزمه

رجع جلس وهو يغدي ابوه وكلامه مختصر مع رهام جداً

محمد: بنام شوي العصر صحيني عندي شغل

رهام اللي كانت متكتفه وتناظره : محمد ! فيك شي ! صاير شي انا سويت شي يزعلك

محمد اوجعه قلبه عليها ووقف وهو يقرب لها ويحتضنها : ابد والله ما جاء منك الا كل شي يرضيني بس زي ما قلت لك مشكله وتنحل بس انتي لا تضغطين علي

رهام : زين الله يريحك

محمد ابتسم وابتعد وهو ينسدح كان يدري ما بينام وهو يفكر لو شوق مسويه له كمين! وش بيسوي

................••............

في بيت عجاج

بعد الغداء طلع ثنيان والترف متجهين لبيتهم اما عجاج اللي طلع من المجلس وهو يعرج

نوره: عجاج بسم لله عليك وش فيك

عجاج : اصابة اللقافه

نوره : ليييه

عجاج جلس وهو يشرح لها الموقف ونوره تضحك عللليه :ههههههههههههههههههههههههههههههههههههههههههههههههه ههههههه اثاريك تلومنا وانت وثنيان ما عليكم قاصر

عجاج: نوسع خواطرنا

نوره: بس حرام الشياب

عجاج: والله انا اللي حرام انا بغيت اتكسر وهو ماشاء الله جثه ما صار له شي

نوره :ههههههههههههههههههههههههههههههههههههههههههههههههه ههههههه

عجاج ابتسم : لو ادري بتضحكين ذا الضحك من زمان معلمتس بالمصايب

نوره بدت تقل ضحكتها تدريجياً باإحراج وعجاج اللي توه يصدق ثنيان اللي كان يقول اذا شفت الترف قلبه يدق لين يوجعني لين احسه بيفجر ضلوعي ابتسم عجاج اللي استمر يسولف لها وهي تضحك وهو يتأمل

.................••............

في بيت ثنيان

عند ثنيان اللي دخل البيت وحصلهم يتغدون: سلام

منيره: وعليكم السلام جيتوا !؟ ما حسبناكم قلنا دام تأخرتوا بتتغدون هناك

ثنيان: تغدينا تغدينا بالعافيه عليكم

مشاعل: تغدوا معنا شوي

ثنيان: انا مابي مدري عن الترف

الترف : والله حتى انا

ثنيان: المهم تجهزوا العصر بنطلع لامي صلحوا اللي تقدرون عليه قهوه شاهي ومن ذا الشغلات

منيره : ابشر

ثنيان: وانتي مشاعل الله يعافيك سوي فطايرك المعتاده من زمان مشتهيها

الترف : اي والله حتى انا

مشاعل: من عيوني

محمد : طيب يبه احنا بنروح للحديقه عند جدتي ما فيه احد قدنا

عمر: ايه يا بابا اليوم خميس وويكند بنستانس

ثنيان: اذا صحيت خير لا تزعجوني بنام

طلع ثنيان متجهه لغرفة الترف اللي كانت ابعد غرفه عن الازعاج وارتمى وهو للحين يضحك على طيحة عجاج

مشاعل ومنيره اللي جمعوا السفره وبعدها كل وحده بدت تسوي اللي يعجبها

الترف : قولوا لي وش اساعدكم فيه

منيره: ولا تساعدين ولا شي ارتاحي وجهك تعبان

مشاعل: اخذي لك شاهي واجلسي اذاا تبين تجلسين واذا تبين اطلعي نامي شوي

الترف : ياخي مابيصير لي شي اذا ساعدت

محمد: يمه بنروح ننام مع ابوي

منيره: توه يقول لا تزعجوني

عمر: بندخل بشويش

مشاعل: اقول اجلسوا ترا بيعصب ويهاوشكم

الترف : تعالوا بس وش يهاوش عياله ترا

اخذتهم الترف وطلعت معهم فتحت الغرفه بشويش وهو ما تشوف الا ظهر ثنيان اللي كان توه داخل بنومه

الترف بهمس : ادخلوا بشويش وناموا مالي دخل اذا سويتوا ازعاج وطردكم

محمد : طيب

دخلوا بشويش مع ثنيان والترف دخلت وهي تنزل عبايتها وتجهز اغراضها للعصر كانت جالسه وهي تدور على اغراضها بالكشاف بس شهقت ولما حست احد وراها : يمممه ثنيان فجعتني وش فيك

ثنيان : وش تسوين هنا !

الترف : اجهز اغراضي

ثنيان: تجهزين اغراضك بكل هالهدوء وش صاير بالدنيا !؟

الترف : ليييه ؟

ثنيان : المفروض تزعجيني بس ما ازعجتي!؟ فيك شي

الترف وقفت وهي تكتف : انت الواحد ما يسوي فيك خير ، قلت مسكين تعبان يبي يرتاح بس ماش ما ينفع

ثنيان ابتسم : يعني المفروض تزعجيني وقلت دامها ما ازعجت اكيد فيها شي

الترف : لا ما فيني شي يا خساره مايمديك تفرح

ثنيان: انا افرح اذا صار فيك شي !

الترف ضحكت بفشله: الصدق لا والله بالعكس تشيل همي والله يعني ما ألحق جزاك جعلني ما ا ألحق عزاك

ثنيان اللي رااح فيها حرفياً هو يموت على الترف اذا كانت معصبه وعناديه فما بالك اذا كانت تمدحه كذا ابتسم وصغرت عيونه من قوة ضحكته تقدم وهو للي مندفع لكن وقفته الترف : العيال فيييه

ثنيان غمض ورجع ورا: من قالك تجيبينهم

الترف : يبون ينامون معك مب حرام

ثنيان: انا والله اللي حرام اللي يصير فيني

ضحكت الترف : روح نام عيونك حمرا وبتصحى العصر اقل شي ريح شوي

ثنيان : عز الله ما ارتحت لحالي انتظري دقيقه

راح وهو يناظر عمر ومحمد اللي كانوا نايمين تماماً وخصوصاً انهم تعبانين من المدرسه اخذهم وهو يبعدهم على طرف : تعالي

الترف : وين !

ثنيان اللي كان بالنص : تعالي هنا

الترف : انهبلت العيال كبار لو صحوا وشافوني جنبك كذا وش بيقولون

ثنيان : واذا

الترف : لا انت ضربت فيوزك مستحيل! انسى

ثنيان : يا شينتس اذا عاندتي

قربت الترف وهو تدفهم لنص بينها وبين ثنيان : كذا ايه

ثنيان: والله انتي المهبوله لو يرفسونك الحين !

الترف : لا ما بيرفسون انا احس

ثنيان : بوديهم غرفتهم احسن

الترف : والله ما توديهم حرام عليك بينامون معك

ثنيان صد وانسدح وهو يحط اللحاف على راسه : الشرهه مب عليك علي انا اللي ادور قربك

الترف ابتسمت وهد تمد يدها وسحبت وهي تشد على يده : لا تكبرها عاد ، ولا تنام ضايق بضيق انا بعد

ثنيان وخر اللحاف : اذا تحاولين تستعطفيني ماعاد يمديك

الترف ضحكت: والله صدق

ثنيان : تعالي جنبي لين انام وارجعي

الترف راحت وهي تنسدح بجنبه وحتضنها ثنيان اللي ما عاد يطيق يبعد عنها اكثر صار اذا بينام عند مشاعل او منيره يشيل هم ماعاد يدري وش الحل مع ذا الحب بس مجبور انه يعدل وغصب عليه بعد

شويات ونام وابتعدت الترف وهي ترجع لمكانها وهي بعد صارت مب قادره تشارك ثنيان مع احد بس لو كان هالاحد غير منيره ومشاعل ماكان سكتت بس طيبة مشاعل ومنيره تجبرها انها تحبهم وتقاسمهم كل شي برضا قلب وخاطر

.

.

انتهى✨

«البارت الخامس والاربعين»

.

.

في بيت ثنيان

عند منيره اللي كانت تراقب ثنيان اللي يقلب بالاكل وما اكل

منيره: ثنيان فيك شي

ثنيان: لا

منيره: طيب وش فيها الترف انت ضايق وهي حالتها غريبه

ثنيان: مافيها الا الخير وننتظر تحاليلها

منيره سكتت وهي تحسه متحفظ اما ثنيان كان ما يبي يقول لمنيره ومايبي يجرحها خصوصا انها تضيق من مسائل الحمل والعيال وعندها تحيز ضد الترف وما حب يسوي مشاكل

وقف وطلع قابل مشاعل اللي توها تطلع : هاه وش صار

مشاعل: كلمتها ويمكن اقتنعت شوي بس انت بعد كلمها اتوقع بترضى بس خوفها مشكله

ثنيان اخذ نفس : يلا زين يعطيك العافيه

مشاعل: الله يعافيك

دخل ثنيان وكانت ترف ما بين النوم والصحوه وجلس وهو يراقب بهدوء ويبحث في نفسه عن اشياء يقدر يقنعها فييها

من ناحية الترف اللي كانت تفكر في كلام البنات وتراقب وضع ثنيان اللي واضح ضيقه غمضت وهي تحاول تفكر بعقل هادي

طول الليل كان ثنيان يفكر وكان على راس الترف لما تاكد ان سخونتها راحت واخيرا وصل لقرار انه اذا مارضت الترف ممكن ينزل الطفل ................••............

من بكره الصبح في بيت ابو ثنيان

كانت ام ثنيان بالصاله وهي تهاوش : ماشاء الله على عيالي واحد مختفي مع بنت ابليس اللي مدري من وين جايبها والثاني تبع لسويده والله يستر من الثالث

ابو ثنيان: انتي وش بلاك من صبح الله هاهه وش فيك خلي الناس بحالهم

ام ثنيان: ايه مخليتهم في حالهم لين صار معاد احد يهتم فيني ثنيان ثنيان اللي كان يفرش الدنيا اذا جيته يستقبلني هو وحريمه مثل العسكر على الباب وامس اجي وهو خامد مع سويده ولا درا بي ويالله المغرب صحى وطلع ما يلتفت فيني واللله يستر منها لا تكون فيها جني وتذبح ولدي

ابو ثنيان: الرجال يمكن عنده شي غصب يستقبلك دايم

دلال : يا يمه انتي تدرين ان الترف مريضه وثنيان امس ما كان فاضي

نواف بهمس : نوفوه وش فيه

نوف : تعال جوا اعلمك

دخلوا للمطبخ وبدت نوف تحضر القهوه : ابد امس رحنا بيت خالي ثنيان وطبعا المفروض انه يستقبل جدتي اللي متعوده كذا بس اللي حصل انه نايم والمغرب طلع مع الترف للمستشفى وبعد ما رجع شبت جدتي ومايمدي سكتوا الا صرخت الترف وهي مسكينه مريضه وواضح تحلم وجدتي حطتها مسكونه

نواف: والله امي تعيف الواحد بالزواج انا مانيب متزوج

نوف : يعني اريح لك لانك ما انت سالم وانت ما تزوجت

نواف : الانسب

................••............

وفي بيت ثنيان

طلعت الترف من غرفتها وهي تناظر تحت وهي تشوف ثنيان اللي ما بين عياله وفي حضنه بناته وسوالفهم وضحكهم رجعت وهي تسحب جلال الصلاة وهي تصلي وتدعي ربي يريحها ويكتب لها الخييير

اما عند ثنيان االلي وقف وهو ياخذ معاه الترفي الصغيره ومحمد وعمر

منيره: وين بتروحون

ثنيان: بنصحي الترف

مشاعل : يلا عشان تفطر

ثنيان طلع واول مافتح الباب شافها تدعي وتبكي رجع وهو يسكر الباب

محمد: ليه ما ندخل

ثنيان: دقيقه يا ابوي

عمر: يبه ليش الترف تبكي

ثنيان: مريضه

عمر: امي تعرف تسوي دواء يخليها تطيب

ثنيان ابتسم: ان شاءالله تطيب هي بعد

بعد شوي فتح الباب وشافها جالسه تقدم وهو يعطيها الترفي : شوووفي من اشتاق لتتس

الترف ابتسمت وهي تحضنها: انا بعد اشتقت لها

ثنيان : كيفتس الحين

الترف : احسن

ثنيان : يلا اجل ننزل نفطروتاخذين كم لقمه تقوين نفسك فيها

عمر: اذا ما اكلتي ما تطيبين

محمد: ايه صح تجلسين مريضه لين تموتين

ثنيان لف لمحمد اللي جاب العيد: لا بتاكل يلا يلا

الترف : طيب بس بنروح لنوره طيب

ثنيان: ابشري

.................••............

طووول هالفتره اللي مرت بما يقارب 10 ايام كانت الترف بعيده عن كل شي تماماً كانت في فتره قرار بالنسبه لها صعبببه سلوى نوره ثنيان مشاعل الكل كان على نفس الرأي والكل يحاولون يقنعون الترف

كانت مهمة الترف صعبه بنظرها وهذا اللي متعب نفسيتها

اما ثنيان ما كان ابد مع اي قرار كان ينتظر الترف تقرر لانه ما يقدر يضحي بالترف بأي شكل من الاشكال ولكن كان 70٪ من قراره وده لو يكسر خوف الترف الموجع وده لو يفرح بطفل منها من الانسانه اللي حبها بالاكثر وماكان يحاول يضغط عليها ابد بالعكس كان مساندها فقط

منيره اللي كانت طول هالفتره تشوف اوضاع الكل صعبه وملخبطه وكانت تشك ان الترف حامل من تصرفاتها بس طالما ما قالوا ما تقدر تجزم

مشاعل اللي كانت قد ما تقدر تحاول انها تكون بصوره حلوه تشجع الترف فيها وكان قلبها موجعها على الترف اللي اختفى صوتها المرح من البيت .................••............

اما عند عجاج ونوره اللي مبتدين حياتهم بشكل حلو مثل ما ابتدوا حبهم الطاهر الجميل ومع ذلك منشغلين مع الترف ولا يهون ابو عجاج اللي ترك له بصمه تحيي فرحة عجاج بأبوه من جديد

................••............

ومن طرف ثاني عند محمد ورهام اللي تعدوا مراحل الحب كلها وصل معهم لدرجه تعلق كبيره لا محمد يقدر يبعد عن رهام ولا رهام تقدر تبعد عنه رغم وجود ابو محمد الا ان رهام مهتمه به مثل عيونها وطبعاً محمد اللي كان حريص ان رهام ما تتعب ابد حتى مع ابوه او في البيت يكفيه بس انها معه وبس ................••............

وطبعا في بيت ابو ثنيان الكبير اللي كان ما يشرح الفرح في كل اطرافه شوق اللي كانت للحين بقلبها على محمد ورهام غصه بس كانت تحاول تندفن بشغلها وتتناسى اللي مر كللله

وفي غرفة نوف اللي كانت مختمه كل تجهيزاتها وكل شي وبأتم استعدادها لحياه مجهوله مع منصور اللي حتى للحين ما ملك وكان مقترح ان الملكه مع الزواج

لكن دلال اللي ماكان هامها شي قد ما يكون ما همها ان بناتها يعيشون الحياه الحلوه اللي تنتظرهم وطبعا كانت تكافح امها اللي متسلطه على امل والترف

وابو ثنيان اللي ماله تشكيل كبير الا في القرارت الكبيره وردع لام ثنيان اللي ما عاد لها حل

وطبعا نواف ابد عايش على نمط حياته اللي يشوفه مناسب له لا يهش ولا ينش اللهم انه عايش يطقطق

وفي الطرف الايمن من البيت كان هناااك بيت سيف اللي ماكان لبيته اي حياة رغم سكانه سيف اللي فجاءه تذكر انه لازم يكون قوي ومتسلط وطاحت في هالقرار امل المسكينه للي كانت تتمنى ان سيف ما اعترف بزواجه لاهله وانه جلس سيف اللي تحبه ماكان جنب سيف لين الا لوائل بس

اما فجر اللي كان هي اساس هالبيت وتحاول تجمعهم بس ابد محد يبي احد

وطبعا ثريا اللي عمرها ما توقعت ابد انها بتسكت وبتتقبل ضره وتسيب حياتها بهالطريقه

.................••............

وننتهي بصالح وسلوى اللي كان يشوف سلوى مشغوله بشي تحاول تثبته وتحاول تحله مع نوره واتصالاتها والترف بس ما يدري وش يكون وما اهتم كثير لانه يتوقعه خاص لكن كان منشغل بكيف يخلي ابوه يخف على سلوى اللي بدت تثقل بحملها وبدت نفسيتها حرفيا تنحرف عن الاتزان وما عاد تقدر تتحمل ضغط ابوه

..................••............

ونبتدي بيووم له معنى يوم يذكر ( يوم زواج منصور ونوف )

من بدري بدري كان منصور متواجد في بيت ابو ثنيان عشان يملك الكل كان بمجلس ابو ثنيان

بعد ما اخذ معلومات منصور والشروط وقف نواف وهو ياخذ الدفتر لنوف

دخل وهو يشوف الكل متواجد عند نوف ابتدا مباركته لها بضربه على راسها بالدفتر

دلال: نوووواف اليوم بس خله يعدي بدون مشاكل

نواف: لو سمحتي هاذي طقوس خاصه

نوف : اوريك مب الحين بس اوريك

نواف : اقول وقعي بس على نصري خلاص بفتك بعيش بأمان وسلام في ذا البيت

رهام :يا شيخ على اساس كنت تجلس فيه عشان تعيش بسلام

نواف: الله اهم شي يكفيني ارجع ما اذكر في علل على قلبي

ام ثنيان: اخلص بس متى نفتك منك انت بعد

الكل :ههههههههههههههههههههههههههههههههههههههههههههههههه ههههههه

نواف : ما بتفتكين بجلس هنا

منيره : انا اقول لا تجرب حظك واطلع ترا العصا قريبه

نواف : هههههههههه اي والله

اخذ نواف الدفتر وطلع وهو يضحك بعد مابارك لنوف اللي الكل اجتمع عليها يبارك لها

................••............

عند الرجال

بعد ما وصل الدفتر الكل اتجهه لمنصور يباركون له وبعدها الكل استأذن لان وراهم اشغال بعد ما طلعوا

محمد : نوافوه روح ناد لي رهام يلا بنمشي

نواف: اشتغل عندك اقلب وجهك

محمد : ترا بتنجلد

نواف : الله يا ناكر المعروف اتذكر قبل شهر كنت ولد عمك وحبيبك

ثنيان: هههههههههههههههههه ما عليه محمد جحود متعودين عليه

محمد : متى جحدتك يا كلب !؟؟

ثنيان : لا تخليني اذكرك بس

محمد ضحك ولف : حمود روح ناد رهام

راح محمد وثنيان وابو ثنيان دخلوا بيسلمون على نوف

ابو ثنيان اللي احتضن نوف وهو يبارك لها وثنيان اللي كان يناظر الترف اللي جالسه ببتسامه تعبانه

سلم على نوف ورجع وهو يتجهه لامه باس راسها ولف وهو مضطر يجامل الكل وراح لترف وهو يمد يده لجبينها يقيس حرارتها وجلس : تحسين بتعب

الترف : لا اصلا راحت السخونه

ثنيان : حمدلله

كانت عيون ام ثنيان عليهم وطبعا انتبهه ثنيان اللي وقف وهو يقولهم يطلعون للبيت ككل

وافترقوا والكل راح يجهز للعرس

طلع ثنيان وهو بيده حياة ومشاعل معاها الترفي ومنيره ماشيه بجنب الترف

عمر اللي ركض لترف : اتحداك تسابقينا

محمد : ما تقدر تسبقنا اصلا

ثنيان : عمر محمد بعدوا ما تشوفونها تعبانه

الترف : مقدر اسبقكم الحين وانا تعبانه بس اذا طبت تشوفون كيف اسبقكم

وصلوا للبيت ونزل ثنيان حياة

وقالت مشاعل: ثنيان عشان توديني احط البنات وعمر عند امي ونطلع للصالون

ثنيان: طيب خلصوا بسرعه

منيره: الترف بتروح !؟

مشاعل: مدري

ثنيان طلع لترف وهو يناديها فتح الباب وشافها جالسه تجهز اغراضها : بتروحين مع مشاعل ومنيره

الترف : مدري

ثنيان : لا لا بتروحين

الترف كانت تناظر الفستان اللي ثنيان بنفسه اشتراه لها ابتسمت : اول شي تعال بقولك شي

ثنيان جلس معاها لما جلست وهو مستعد يوافق انها تنزل الطفل لانها شاف وش كثر تعبت بهالعشره ايام : قولي اسمعك

الترف اللي كانت تشد على يدها بتردد قاطعها ثنيان اللي مد يده ليدها: الترف يا حبيبي اسمعي ماله داعي تخافين اكثر وانا مستعد اسوي لك اللي تبين ماعندي مانع ابد باللي بتقولينه المهم انك ترتاحين

قرار ثنيان اللي نتج عن قناعه تامه وهو متأكد ان قراره بيكون ثابت سوا المشكله كانت مع الترف او منيره او مشاعل وهو ماعنده مشكله تكون راحتهم اولى وابدا

الترف شدت على يد ثنيان : انا قررت اني اكمل حملي بس بشرط ابيك معي دايم وتساندني لين اتخطى ذا الخوف انا استخرت وان شاء الله ربي يساعدني

ثنيان كان هالخبر عنده عن مليون بشاره وبشاره وقف بفرح : من جد تتكلمين صدق

الترف اللي كانت تكافح دموعها عشان فرحة ثنيان : ايه ان شاء الله

ثنيان : ياللللللله لك الحمد

جلس وهو يشد يدها : تأكدي انكك اخترتي الاصح وتاكدي ان ما دامك وثقتي بربي ما بيخيبك وانا معك في كل الحالات لا تخافين

الترف اللي كانت فرحة ثنيان عندها كبيره ما تدري ليه هالفرحه رغم ان عنده عيال

وثنيان اللي كان واصل لمرحلة اليأس بس حمدلله ما خاب ظنه

لف لها ببتسامه وفرحه : طيب بتروحين الحين مع منيره مشاعل لكن بتنتبهين على نفسك لا تجهدين نفسك ابد ابد

الترف : طيب

ثنيان : ا ا وش كنت بقول بعد ،خليك مع مشاعل لو احتجتي شي اتصلي بي

الترف : طيب

اخذ ثنيان اغراضها وهو مب مصدق ونزلوا وهو يشوف مشاعل ومنيره جاهزين ركبوا واخذهم للصالون بعد ما وصى مشاعل مليون وصيه ووصيه على الترف ................••............

في حارة عجاج

عجاج اللي كان بعد معزوم على زواج منصور وومبلغ نوره تجهز وقف لما سمع دق على الباب مستعجل طلع وشاف ثنيان اللي ابتسامته شاقه وجهه : ثنيان

ثنيان: ابشرك عدت على خييير

عجاج: وشو وش صار

ثنيان: اخيرا اقتنعت الترف

عجاج ابتسم بفرح على فرحة ثنيان: حمدلله واكيف اقتنعت

ثنيان: مدري بس اتوقع انها استخارت بما فيه الكفايه

عجاج: كيف بتسوي بخوفها

ثنيان: مققدور عليه ان شاء الله

عجاج: يلا الله يتمم ويفرحكم فيه

ثنيان : امين

عجاج : اجلس بجيب الشاهي وبجي

ثنيان: جب الشاهي وجب العود وتعال

ضحك عجاج : من عيوني

دخل عجاج وقابلته نوره: صوت ثنيان صح!

عجاج: ابشرتس الترف اقتنعت وهداها الله

نوره: والله الحمدلله يا رب

عجاج: اي الحمدلله بس طيري سوي لنا شاهي واجهزي لان مافيه وقت

نوره بفرحه: ابشر ابشر

ركضت تجهز الشاهي واعطته لعجاج اللي رجع وهو ينزله وينزل العود وجلس بجنب ثنيان بالحوض وكان متأمل : اقول ثنيان

ثنيان اللي يصب الشاهي :قول

عجاج : ليه احسك فرحان هالمره اكثر من عيالك اللي قبل كلهم

ثنيان ابتسم : ماهي مسأله تفريق ياعجاج انا احب عيالي كلهم واشوفهم نعمه مستحيل اكون الا بهم بس مدري كيف اشرح لك تعرف لما تكون تحب شي حباً جما تحس ودك ان هالشي عندك بكل مكان معك في كل لحظه مرتبط بكل التفاصيل ودك تشوف ثمره لاول اختيار ناجح في حياتك ودك تشوف شي يربطك بالشخص اللي تحبه اكثر من اي شي ومختاره رغم الظروف والانعكاس انا لو ترجع بي الدنيا والله ما تزوج الا الترف صح انا احب عيالي كلهم فرحان فيهم ومنيره اغليها ومشاعل بعد ما يهونون عندي بس الترف غييير الترف نسخه مني بكل شي تعرف انك تكون مع شخص بس تحس انك مع روحك مع ذاتك ومع شخصيتك ماتردد في اي شي ما تجامل ما تداري وتحاسب اذا قلت لك الترف حريتي والله ما ابالغ ، انا كان لي نمط واحد بحياتي تزوجت وتزوجت وتزوجت ادور على الراحه ادور على انسانه تكون انعكاس لروحي انا ثنيان انا حياتي عشتها ارضي فلان وعشان فلان وبمشيها وبتمشي كان المتنفس الوحيد لي هو اني اكون عندك كنت مجبر بين اهلي زكون بشخصيه مابيه كنت مجبور احط نظام حتى على نفسي كنت خايف اني اطلع لهم بشخصيتي الحقيقه وحزتها ما اكون قدوه لعيالي ولا يشوفوني اهلي انسان ناضج بس يوم عرفت الترف لقيت روحي طلعتي من قوقعتي وكشفت عني الستار مقدر اشرح بس انا ما اشوف الترف الا توأم لروحي

عجاج ابتسم : يعني اقدر اقول اني هالاحيان افهمك زين

ثنيان : الله يا عجاج واخيرا جت نوره اللي بتنصر كلامي كله

ضحك عجاج وهو يسحب العود : لو ادري ان زواجك من الترف بيجيب لي نوره والله ما اعارض ولا ازعل

ثنيان ضحك : وحد الصوت يا عجاج اتوقع وصلنا لمرحله الغرق كلنا

عجاج اللي من زمان ما دق العود لكن هالمره جاء من كل قلبه وهو يدق ويغني مع ثنيان ومن بعدها انضم لهم عيد وسالم وكل اهل الحاره اللي يحبون الطرب ويجون على الصوت والكل موحد صوت مع عجاج وثنيان وعيد (ياغالي الأثمان غلوك بالحيل

من يوم سمو بك جميل المحيا

شخص تمنيته على العدل والميل

والحمد لله يوم خلي تهيا)

بأختصار هالابيات تحدد كل شي وتوضحه

................••............

المغرب الكل ابتدوا يطلعون للقاعه شوي شوي

في بيت محمد اللي بعد ما عدل اوضاع ابوه واعطاه ادويته وتأكد انه بخيييير وووضعه تمام التمام وقف وهو يلحفه وينادي الخادمه ويعلمها نفس التعليمات نزل الاغراض من يده ودخل يشوف رهام اللي تأخرت تجهز لكن ابتتسم ابتسامه عريضه : اووووه يا رهام اووه

ضحكت رهام بخجل : كيف شكلي

محمد : ابد شكلك ختم على حب السنين كلها وقال اخترت اجمل انسانه

رهام : لو بجيب زي كلامك برد عليك لكن استسلم

محمد : ولا تردين ولا تعبين نفسك ابد بس ابتسمي وانتي توديني في ستين داهيه

رهام : بسم للله عليك

محمد : تكفين لا تكثرين المدح قلبي يعورني من دون شي

رهام: زين اجل يلا نروح

محمد : يلا

................••............

في بيت ابو ثنيان

عند نوف اللي كانت تتجهز تجهيزاتها الاخيره وهي عينها على شوق اللي ماكأن لها اخت جالسه بكل هدوء وهي تحدق بنقطه معينه وتفكر ماكانت نوف مرتاحه لها بس تتوقع انها اخذت درسها

دلال اللي دخلت وهي تقول : نوف يمه خصلتي

نوف : ايه يمه خلاص

دلال : بسم لله عليك يا حبيبتي الله يحفظك ويفرحك يارب

نوف: امين يمه

فجر اللي دخلت وهي تناظر نوف بحب : ماشاء الله يا نوف الله يتمم لك

نوف ابتسمت وهي تحضنها بحب : عقبالك

الكل : امينن

.................••............

في بيت ثنيان

ثنيان اللي كان يجهز عند منيره ولبس وهو نفس عادته يرتب نفسه بهدوء لبس ساعتته وبعدها رفع يده لشماغه وابتسم وهو يناظر المرايه وكأنه ارتبط هالموقف مع الترف اللي دايماً تقول ( لا تناظر نفسك كثير ترا بتنلبس )

جلس وهو يلبس جزماته وجات منيره بالعود : ثنيان خذ

اخذه ثنيان وهو يناظرها ببتسامه : من زمان عن الحلوين وكشخة الحلوين

منيره ابتسمت بخجل : تسلم

ثنيان :كل هالزين ينتظرونه اهل منصور

منيره: ثنيان لا تقول كذا تخجلني

ثنيان ابتسم وهو يعطيها العود : اجل يلا خلصوا

طلع ثنيان وهو متعود على فقرة عمر ومحمد اللي ينتظرونه يشخصهم وجلس وهو يلبسهم وكانوا نسخ من ابوهم

طلعت الترف بعد ما لبست وعبايتها على يدها

محمد : الله يالترررف

ثنيان رفع راسه وهو بيده عقال عمر ابتسم وهو يناظرها ويلبس عمر اللي كان يبعديد ثنيان : يا بابا عيني

لف ثنيان واكتشف انه كان بدال ما يحط العقال على راسه بأستوى كان يحط نصه على عيون عمر : معليش يا ابوي ما شفتك

الترف اللي اخذت المبخر : ثنيان تبخرت

ثنيان : تبخرت لكن داخلياً

ابتسمت الترف وهي تعطيه العود واخذه وهو يهمس : اتوقع ان المفروض ما نتبخر هنا

الترف : ليه

ثنيان رجعها بشويش للغرفه وهو يطبق نفس الحركه المعتاده لهم كان المبخر بينهم واطراف شماغه على كتف الترف ابتعد لما حس انه اختنق : كذا اقول اني تبخرت

ضحكت الترف : طيب بطلبك طلب

ثنيان: تم من قبل

الترف : تسلم بس بغيت اقول اذا اللي في بطني ولد بسميه صالح واذا بنت على اسم امي المها

ثنيان: تم اللي تبين سميه

الترف ابتسمت وتحرك ثنيان: يلا اجل نطلع

بما ان الكل جاهز كانت باقي مشاعل اللي اليوم كان يوم طلعوها من 40 النفاسه نزلوا كلهم تحت وثنيان ينتظر : عمر امك وين!؟

عمر: باقي تخلص

ثنيان وقف وهو يعطي الترف بشته وطلع لمشاعل دخل الغرفه وهو يشوفها مقفيه: مشاعل وينك تأخرتي ننتظر لنا ساعه

مشاعل لفت ببتسامه : خلاص خلصت

رفع ثنيان حواجبه برضا تااام وابتسامه وضحك : اثاري كل هالتأخييير على هالزين كله

مشاعل ضحكت : نتجدد ونطلع شوي للحياه

ثنيان ابتسم : ايييه خير ان شاء الله الظاهر اني بجمعكم واقراء عليكم

ضحكت مشاعل : الافضل يعني

ضحك ثنيان: الليله عامره بإذن الله بس يلا تاخرنا

مشاعل : عطني كلمه اخيره كذا تمام ولا اعدل

ثنيان ابتسم وهو يتقدم لفستانها اللي كان توب وهو يرفعه شوي : يعني لو ما نضطر ننزل من هنا لو نرفع شوي يكون افضل بكثير

ضحكت مشاعل بأحراج وهي تاخذ عبايتها وتنزل ثنيان اللي كان صادق بكل شي يقوله لهم كلهم الثلاثه يعني كل وحده كان لها مشاعر تفرق

.................••............

العشاء عند الرجال الكل كان واقفين ويستقبلون ومبسوطين من بينهم منصور اللي مشاعره للحين مجهوله ما يدري اذا نوف مثل اختها او تفرق

اما ثنيان وعجاج ونواف ومحمد للي كانوا صافين صفة اللي يحشون بالرايح والجاي مستبعدين سيف اللي جالس جنب ابوه بجمود

محمد : ثنيان ليتنا دارين انك اذا جاء عندك بنات بتنقطع كذا عشان ندعي مايجي لك بنات

ثنيان: خير انت وش تبي الله يدري من اللي تزوج واختفى

نواف : تبون الصراحه كلكم خايسين

ثنيان: اشوف اني عطيتك وجهه بزياده

نواف: ياخي طاحت هيبتك لا عاد تحاول

عجاج: انا حمدلله وضعي تمام

نواف : بحكم اني ما كنت احتك فيك عشان كذا ماني بقايل اذا اختفيت او لا

عجاج : خلك مني اخوك اللي الحين بتنسونه نهائيا

محمد: لييه !!

ثنيان: استعدو للمطنوخ الخامس على التوالي

سكتوا كلهم وفز نواف بصرخه لا شعوريه : ألعن خيره توك محضر بتؤام امداك

ثنيان اللي انتبه لناس يناظرون ومد يده بخفيف وهو يضرب نواف بظهره: عساك باللي مانيب قايل اذكر الله

محمد : ياخي هد السرعه يا هوه حنا بعد نبي عيال الظاهر انت بتسيطر على الحريم ووالعيال مدري وش بتخلي

ثنيان: يا عيال تكفون قولوا ماشاء الله ترا مب ناقصه

الكل : ما شاء الله

نواف : اخوي الحبيب احب ارفع لك قبعة الاحترام ماشاء الله عليك

ثنيان: ان قلت شي ثاني لعنت خيرك

نواف : مانيب قايل اصلا

ثنيان كان مبتسم وهو يسمع طقطقه العيال رايح جاي عليه ................••............

عند الحريم

الترف اللي كانت جنب مشاعل وهي تسولف مع نوره ومشاعل اللي منتبهه على الترف زيين الزين

نوره : زين يالترف انتي بس ادعي ربي وان شاء لله بتقومين بالسلامه

الترف : يا رب يانوره والله اني خايفه

نوره: لا تخافين ، الا اقولتس عجوز قريح تدري عن حملتس ( ام ثنيان )

الترف : لا باقي محد يدري الا انا ومشاعل وثنيان حتى منيره ماتدري والله يستر من امه اذا درت

نوره: الله ما عليتس منها علموا الكل وافرحوا استانسوا

الترف : ان شاء للله

................••............

وقت الزفه

عند نوف اللي كانت واقفه تنتظر وسمعت صوت الزغاريط اللي تعلن عن وصول منصور وامه وخواته معاه ارتبكت نوف وهي تشد على يد دلال اللي شدت عليها وهي تقول : لا تخافين

دخل منصور وهو يسلم على ام ثنيان ومن بعد دلال ومن بعدها وقف يناظر نوف اللي مارفعت راسها للحين ابد كانت عيونها على اسفل ثوبه وجزماته لكن حست بيده اللي رفعت راسها وهو يبوس جبينها انصعق منصور ما توقع نوف كذا كان متخيل انها بزر وصغيره وحالتها حاله بس كانت نوف فارقه عن تفكيره

نوف اللي بسرعه خطفت نظره له لكن انصعقت كان هو بعد غير بقوه غير عن الخيال ماكان شكله يدل ان عمره كبير عنها ابد كأنه ابو 23 سنه .

ابتدت الاصوات تخف والكل يطلع ومنصور ونوف كل واحد مصدوم من الثاني الاشكال كانت غيير عن الاعمار ابتسم منصور على نفسه وعلى خياله ماكان يدري وش يقول الا : مبروك

نوف ماردت و منصور كان كل كلامه اللي بيقوله طار واختفى دخلت المصوره وانشغل منصور معها وهو يستغل اي فرصه يناظر نوف فيها يتمعن عشان يعرف وش يقول وبعد شوي دخلو ابو ثنيان وعياله وكان من المؤثر انهم يوصون منصور على نوف توصيات عظيمه وكبيره وكأنهم يوصونه على عيونهم وكان رد منصور يثلج الصدر ويريح

بعد شوي انزف منصور وبعدها ابو ثنيان وعياله مع نوف رغم ان الجو حماس ورقص الا ان ثنيان ما رقص ابد وتعمد يجلس بمكانه عشان ما تحمس الترف وترقص وبعد شوي طلعوا وومن بعدها طلعوا منصور ونوف .................••............

ونقدر نقول انتهت فقرة الزوجاات اللي مرت عليهم والساعه 3 بالضبط الكل رجع بيته

وطبعا ثنيان اللي بعد ما تاكد ان الترف اخذت ادويتها وانها بخير وتمام طلع متجهه لغرفه مشاعل الوحيده اللي كانت متنازله عن ثنيان طول هالفتره لكن الليله تبي تكون مع ثنيان اللي تحبه زوجها وابو عياالها صار وقت انها تجلس معاه مثل قبل وتسمعه ويسمعها وكان شعور ثنيان يبادل شعور مشاعل كان محتاج مشاعل الصديقه قبل الزوجه اللي فعلا اشتاق لها من فتره وهو بين مجامل منيره وحب الترف صار لازم يكون بالنص ويرتاح يحصل ااطرف المحايد اللي فاهمه اللي معه عشانه يعرف بقلب ثنيان زين

................••............

في بيت ابو ثنيان

كان محمد واقف بطرف الحوش وينتظر رهام تجيب اغراضها وتجي وابتسم اول ما حس بيد تلامس ظهره وتطرقت ليده بهدوء وهي تشد على يده وتحضنه كان محمد مبتسم بكل شعور وفرح لكن دق قلبه اول ما تحسس اليد اللي ماكانت يد رهام وريحة العطر اللي بالنسبه لمحمد كانت مقرفه ابتعد وهو يدفها وكان هذا المتوقع ( شووق)

مد يده محمد لاول مره وهو يطبع على خدها كف كله قهر : انتي ماتتوبين يالحقيره

شوق : محمد اسمعني حرام عليك اللي تسويه وانت تدري اني احبك وابيك لاول مره افتح عيونك وناظر

كانت شوق قبال محمد بدون اي عبايه كانت بكشختها الملفته واللي اربكت محمد اللي لف بغضب : والله لو ما تروحين من هنا لادفنك حيه

شوق : تاكد ان بتكون لي

راحت ومايمديه محمد ارتخى الا جات رهام : تأخرت عليك

محمد اللي كان معرق وهو يحاول يبعد منه ريحة العطر المقرفه: لا لا بس يلا بنروح

رهام: فيك شي!؟

محمد : لا يلا تأخرنا على ابوي

محمد اللي اول ما ركب السياره فتح الشبابيك والمكيف وهو مرتبك وارتباكه واضح ومايبي رهام تشم العطر

دخلوا البيت ورهام مستغربه من محمد اللي على طول فصخ ثوبه وهو يرميه

رهام نزلت بتاخذه وقال محمد بصوت عالي : اتركيه

رهام: محمد فيك شي وش صاير لك

محمد : ولا شي بس نامي انتي

رهام: وانت ما بتنام

محمد : لا

كان كلام محمد من ارتباك حاد وهو مب عارف طلع عند ابوه وهب مب مطمن كثييير لشوق دامها تجرأت كذا الله يعلم وش بتسوي

................••............

في الفندق

عند منصور ونوف كانت نوف جالسه وهي متوتره خايفه ومرتبكه كانت تناظر منصور بإنعكاس المرايه ماتدري كيف كانت بتقرر كيف تعيش معه بس نزلت عيونها لما تقدم لها وجلس وهو يقول : للامانه يانوف انا كنت محضر كلام كثييير وكنت بقول اشياء كثيره لكنها اختفت مدري وش بقول او بتكلم لكن انا افضل إنا نرتاح الليله وبكره لكل حاددث حديث

كان منصور يعاني من مشكله انه مايعرف يختار الكلام والردود المناسبه كان من كثر ماهو دايما في مد جزر ودايما كلامه قاسي وسريع مكاان له خبره في تنسيق الكلام مايدري كيف يتصرف كان هذا اللي طلع معاه وهو فعلا يحتاج راحه بعد ما خابت تخيلاته

نوف ماكان يفرق معها تكلم او ما تكلم هي بعد تبي تستوعب ما قدرت تفهم من كلامه شي الا الخوف

لكن منصور اختصر وهو يقول : قومي نامي وارتاحي تعبتي بما فيه الكفايه ولا تخافين مايصير شي الا بإرادتك

كانت هالكلمه عند نوف مثل الجنه ووقف وهي تتجهه لسرير كانت نوف فعلا تعبانه وماصدقت عطاها الامان الا ونامت بدون ما تحس بنفسها تاركه وراها منصور اللي عجز ينام وهو يتأملها ببتسامه ما فارقت وجهه والحقيقه انه ارتاح نفسياً

.

.

انتهى✨

«البارت الرابع والاربعين »

.

.

في بيت ابو الترف

عند صالح اللي كان يدور على سلوى

صالح : سلوى حبيبتي

سلوى اللي كانت منسدحه بتعب: هلا يا صالح

صالح: وش فيتس تعبانه

سلوى: لا منسدحه

صالح: عسى ما تعبتي

سلوى: ابد بالعكس جاتني طاقه بعد ماكفخوا ام شوشه

صالح شهق : وشو من مكفخها لا تقولين الترف

سلوى: لا يا رجال اسمع ...

صالح اللي كان يسمع بدهشه: يعني هذا العرق منتشر عند الخوال عامه يعني مب مشكله فينا

سلوى : مع الاسف وانت تظلمنا

صالح: ما ظلمت من فراغ المهم دامتس بخير وكويسه بروح انام ميييت تعب

سلوى: نوم العوافي

نزل صالح يبوس جبينها وطلع ودخلت الترف وهي تنسدح بفراشها واستمروا يناقشون سالفة مرزوقه وام شوشه

................••............

في الفندق

عند عجاج اللي وصلو وهو متوقع انفجار قوي من نوره بس نوره كانت تعيش هدوء حتى مب قادره تبكي ومن طرف ثاني كانت مشغوله تراقب عجاج اللي تكلم عنه ثنيان بعد ما بدلت وجلست وهي تشوف عجاج اللي دخل العشاء وجلس وهو يقنعها تاكل وبالقوه اكلت وانسحبت لمكانها بهدوء

عجاج اللي كان مبتسم الا ميت فرحه محد يضاهي فرحته اليوم من طرف ابوه ومن شوفته لنوره اللي ماكان متخيل انها كذا كانت ملفته وجذابه حتى بهدوءها كان لا شعورياً يسرح فيها وابتسم ( اول مره اثق في توصيات ثنيان وحمدلله )

ما كان يدري كيف يفتح معها سالفه او حتى يقولها ترتاح

عجاج بعد الطاوله وهو يمد يده ليدها : نوره

نوره حست بمغص ودوخه ما ردت صوت بس ارتبكت ووضح على يدينها شد عجاج عليها : نوره لا تخافين سمي بالله وقومي نامي ادري بك تعبانه ارتاحي

نوره اللي من بداية الليله وهي اخذه وضعيه الجماد رغم ان داخلها منصصهر

حاول عجاج من هنا من هنا وقال: تبين اهفتس بالصحن عشان تردين واخذ حقي منتس

لفت نوره بقوه عليه وضحك عجاج : دامتس تحركتي اخيرا اجل قومي يلا ارتاحي

نوره وقفت بخوف وطارت لمكانها وهي تنسدح بهدوء وخوف

طبعاً عجاج اللي انسدح بعيد شوي وهو مب قادر انه يغمض من فرحته او حتى ينام لكن غلبه النوم

نوره ما قدرت تنام لين لفت وشافته في سابع نومه يدل عليها نومته اللي طايح وكأنه رمى عن ظهره هم بثقل الجبل وبعدها دخلت نوره بنووم

..................••............

بعد هالزواج نقدر نقول بدت الحياة المستقره والروتين يرجع لهم شوي شوي

في بيت ثنيان اللي الكل رجع لنظامه الوحيد اللي تجدد وجود ابو محمد في بيت ثنيان

العصر كان ثنيان جالس مع عمه بالمجلس الخارجي ومعاه منيره والعيال

منيره : ثنيان محمد جاي

ثنيان: الله يحيه ، وينه بالضبط

منيره: مدري يقول جاي

ثنيان: انا ببدل ملابسي قبل يجون

طلع ثنيان وهو يمر لغرفة مشاعل اللي كانت موجوده

ثنيان : مشاعل كيف اوضاعك

مشاعل: زي ما تشوف وحده تسلم ووحده تستلم ماصدقت ناموا

ثنيان ابتسم وهو يراقبهم بحب : دام ناموا انتي بعدي نامي عشان ما تتعبين

مشاعل: اييه هي الفرصه الوحيده

ثنيان طلع وهو يسكر الانوار والباب كان يدور الترف اللي من صبح الله نايمه وهذا غريب

دخل غرفتها وهو يناظر ساعته : وش ذا النوم

تقدم وهو يناديها : الترف ! الترررف ؟

تحركت الترف بشويش وهو ترد بصوت ثقيل : هلا

ثنيان جلس : وش فيتس ! وش ذا النوم ؟! فيتس شي

الترف كانت تتكلم بس صوتها ما يطلع

رفع ثنيان حواجبه بشك وقرب وهو يحط يده على جبينها وهذا اللي كان متوقع كانت مريضه

ثنيان رفعها بسرعه: يا بنت الناس انتي تحترقين ، ليه ما ناديتي ، قومي قومي بنروح المستشفى

الترف بصوت متقطع : لااا مابي المستشفى

ثنيان: وشو للي ما تبين انتي شوي وتوصل حرارتك 40 انهبلتي قومي قومي

الترف بعدت وهي ترجع تنسدح وتتلحف : مااابي ما احبه ولا ابيه فيفادول واصير بخير

عجز ثنيان يقنعها انها تروح للمستشفى اخذ المخده وهو يحطها ورا ظهرها ويرفعها: انتي حتى انتي بتموتين وتعبانه تعاندين

الترف : ما عاندت بس ما احب المستشفى

ما رد ثنيان وهو يدور لفيفادول جابها وجاب المويه وهو يعطيها الترف : من متى انتي تحسين بتعب

الترف : من امس بالليل

ثنيان: وساكته

الترف وصوتها متقطع: شسوي يعني اروح ادورك بين الغرف واقول لحقني بموت

ثنيان اللي كان امس عند منيره : ايه دقي علي اذا مره ما تقدرين تدورين

الترف ماردت وطلع ثنيان وهو يدور لكمادات ورجع توها الترف بتعترض عليهاا بس قال ثنيان بحده: ولا تفتحين فمك كل شي ما تبينه كيف تبين تشفين

سكتت الترف وثنيان اللي جلس وهو يحط لها الكمادات وهو في حرب معها على هالكمادات واخيرا نزلت حرارتها شوي بس باقي مسخنه

ثنيان وقف : بنزل ادور لك شي دافي تشربينه لكن لو شلتي الكماده بخنقك فيها سامعه

الترف : ياخي خلاص راحت حرارتي

ثنيان:سمعتي الكلام ولا ما سمعتي

تركها ونزل متجهه للمطبخ وهو يدور اي شي يعطيها بس ما حصل شي ينفعها طلع بينادي منيره وشاف محمد داخل رجع ولكن وقفه محمد : يبه تعال خالي محمد جاء

ثنيان: يلا جايك

راح محمد وثنيان طلع لمشاعل فتح الباب بشويش وهو يطل ولفت مشاعل: ثنيان بغيت شي

ثنيان: ما نمتي

مشاعل: لا امر وش بغيت

ثنيان: كيف يصلحون الحليب

مشاعل : ليه ؟! وش بغيت

ثنيان : الترف تعبانه وما حصلت شي دافي تحت ومنيره عندها محمد

مشاعل ابتسمت وهي ماهي مستغربه ذا الحنيه لان ثنيان غالباً اذا احد تعب هو شخصياً يهتم فيه بس الطبخ جديده عليها : خليك انا اسوي لها

ثنيان: يا بنت الحلال انتي بعد تعبانه

مشاعل: طيب افضل تسوي لها شوربه مسلوقه

ثنيان: شلون ؟

قالت له مشاعل الطريقه ونزل ثنيان دخل المطبخ وهو يخبص لين ظبطت معاه وطلع دخل واول مادخل سحبت الترف الكماده وهي تحطها على راسها كإنها ما نزلتها

ثنيان: خبل انا تطقطقين علي ! ما تفهمين

الترف : ما احبها

ثنيان قرب وهو ينزل الصحن قبالها : يلا كلي وبعدين بتحطين الكماده تحبين ولا ما تحبين

الترف : يوووه

ثنيان: اص يلا وخلصي كليها كلها

الترف : مالي نفس

ثنيان: لا ترديني مسويها انا ترا ومتعني ومخبص تحت لليل

الترف ابتسمت : ماشاء الله هاذي مهارات ابو 3 حريم

ثنيان ابتسم ( والله لو تدرين اني ما طبخت الا لك ) :شفتي كيف !

الترف اللي كل ما رفعت الملعقه تكب عليها مب قادره تمسكها زين

ثنيان اخذها منها وجلس وهو يعطيها

دقت منيره الباب ودخلت: ثنيان

ثنيان لف : نعم

منيره انصدمت وهي تشوف المنظر ككل من الشوربه للملعقه اللي بيد ثنيان : اا وينك محمد ينتظر من اليوم

ثنيان: ايه ايه يا منيره وقلت جاي

منيره: لا تطول عشان مستعجل

ثنيان: طيب

طلعت منيره باستغراب وراحت ولف ثنيان وهو يكمل لما انتهت الشوربه وقف وهو يرجع الكماده على راسها : لا تطلعينها ونامي شوي وانسيها

الترف: يمدي اعترض

ثنيان : لاا ،وتلحفي زيين

الترف : طيب

طلع ثنيان بعد ما سكر النور ونزل تحت : سلام عليكم

محمد : وعليكم السلام وينك لازم نبلغ عنك يعني

ثنيان: وش اسوي عندي شغله خلصتها وجيت

كملوا يسولفون ويتكلمون عن الزواجات وثنيان كل شوي يروح ويرجع

محمد : يلا اجل انا استاذن

ثنيان: بدري اجلس للعشاء

محمد: والله تعبان باخذ ابوي وبرجع عاد لرهام وبعدها للبيت

ثنيان : لا تكفى خله عندنا تعودنا عليه

محمد: خلاص كفى ووفى

ثنيان: الله يهديك

طلع محمد بعد ما اخذ ابوه

منيره: ثنيان اجلس للغدا

ثنيان: مالي نفس واللله بنام شوي

وثنيان اللي رجع يشيك على الترف اللي كانت نايمه تقدم وهو يشوف حرارتها وكانت مو مره مرتفعه انسدح وهو يحط ذراعه تحت راسها بحيث انه يحس بحرارتها اذا ارتفعت وبنفس الوقت تكون قريبه ماهي الا دقايق ونام هو بعد

................••............

في طرف ثاني في بيت عجاج

عجاج اللي توه الحيييين بدت نوره تتكلم براحتها وتاخذ وتعطي معاه كان جالس معها وهو يسمع تبريرها عن موضوع الصحن اللي ازعجها فيه ضحك : هههههههههههههههههههههههههههههههههههههههههههههههههه هههههه لا تحاولين تبررين يكفي بغيت اموت

نوره لا شعوريا : وش اسوي لك اجل

عجاج : باخذ حقي بس اصبري

نوره ( اجل لو ادري عن الجنيه)

عجاج : كنتي مع الترف في هوشه ام سوير

نوره لفت وشهقت: هاااه وش دراك عنها

عجاج: كنت فيه ابشرتس

نوره : في ذمتك

عجاج: اي والله اصلا من بعد ذا الهوشه بلشت في ثنيان اللي طار السماء ووصل الارض الا بيتزوج الترف

نوره ضربت راسها : وش ذا الفضايح الثالثه ثابته

عجاج: تونا بالثانيه ما وصلنا الثالثه

نوره ضحكت بورطه : ايه صح

عجاج : يعني كنتي فيه

نوره: اكيد بكون فيه دام الموضوع فيه تكفيخ لسوير

عجاج: هههههههههههههههههههه وش حب التكفيخ ذا

نوره: مب حب تكفيخ بس فيه ناس ما تمشي الا بالتكفيخ

عجاج: يا ساتر

نوره ابتسمت وهي تسمعه يشرح كيف تلقى خبر الهوشه من ذاك البزر وكيف كان شعورهم

عجاج: زييين اجل اني اخذت حرمة قويه

نوره : يا رب تكتب لنا النصيب ونشوف شجاعتك

عجاج : لا انا مانيب مشكلجي

نوره :خير ان شاء الله

توهم بيسكتون الا اندق الباب وقف عجاج واول ما فتح الباب الا مرزوقه بوجهه وصفق الباب لكن رجعت تدق فتحه : هاه يا مرزوقه

مرزوقه : وش بلاك تسكر الباب

عجاج: الهواء مب انا

مرزوقه : جيت بسلم على نوره

عجاج: انتي تسلمين على نوره ليه المفروض نوره تغطى منتس

مرزوقه :ليييه وش شايفني !

نوره طلت : من

مرزوقه دفت الباب ودخلت : سلام انا مرزوقه

نوره طارت عيونها بفرح: مرزوقه ما غيرتس اللي كفختي ام شوشه

مرزوقه: اي والله مرزوقه بشحمها ولحمها

عجاج : وش تكفيخه

مرزوقه : سوالف حريم

عجاج رفع حواجبه : انتي من الحريم

نوره: عجاج الله يهديك بس

مرزوقه: جيت بسلم عليتس وبقولتس ان لتس اخت هنا اي شي تبينه ابشري

عجاج: الله يلسمتس يالمفك بس ميب حاجة احد وانا هنا ودامتس سلمتي توكلي

مرزوقه : بسكت لك عشان معرس وكذا لكن مب احسن لك تغلط علي

نوره: يمزح معتس وما عليه انا بعد اختس

مرزوقه : يلا سلام

طلعت مرزوقه وعجاج يناظرها بصدمه

نوره: عجاج وش ذا الحكي حرام عليك

عجاج: لا مب حرام هاذي ما تعرفينها لو بنعطيها وجهه ما طلعت تكت هنا وبعدين انتبهي ترا ما تعرف اختي صديقتي تعصب عليتس تدفنتس حيه

نوره: ما عليه المهم بردت كبدي

عجاج: من مكفخه ذا الخبله

نوره بطبيعة الحال كانت تشرح لعجاج اللي يسمع ربع السالفه وباقيها يتأمل بنوره للي على خقة عجاج هاذي ما قدرت تكمل سالفتها لما قربها عجاج وهو غرقان في شبر مويه .....🌚

.................••............

في بيت ابو ثنيان

عند رهام اللي كانت تشوف مع نوف باقي اغراضها ودخلت شوق وهي لابسه و معاها اغراضها

رهام ناظرتها بطرف عين وصدت وطبعا كانت النظره بينها وبين شوق متبادله وحتى لو كانت علاقة الكل مع شوق رجعت مع رهام مستحيل ترجع

رهام: يلا انتي صوري لي الباقي لان محمد تحت

نوف : يلا الله معك

طلعت رهام تحت نظرات شوق اللي اتجهت لشباك وهي توقف بهدوء وشافت محمد اللي ينتظر رهام ببتسامه ما يقدر يخبيها وبجنبه نواف اللي كان يطقطق عليهم ويحاول يرجع رهام للبيت بحيث انها ما تروح معاه بس بعدها محمد بقوه وهو ياخذ رهام لسياره وفتح لها الباب وابتسامته اللي اذا ما اتسعت ما تختفي

رفعت راسها رهام وشافتها ورجعت شوق بضيق وهي تقول : نوف اذا جاء نواف قولي له يجي لي عشان يوصلني

نوف : طيب

................••............

في سيارة محمد

رهام اللي شافت شوق وضاقت وهي خايفه انها تدخل بعد في راس محمد

محمد مد يده لها: وش فيه الحلو ضايق

رهام ابتسمت: ابد ماني ضايقه بس ساكته

محمد : لا تسكتين سولفي غني ازعجيني سوي اللي تبين بس ابد لا تسكتين صوتك لا ينقطع

ضحكت رهام وهي تلف شافت عمها نايم ورا : كيفه عمي

محمد : ابد على حاله مايدري عن شي

رهام: الله يشفيه

محمد ابتسم : ادري قطعت عليك شهر العسل بس تعرفين مقدر اترك ابوي عند احد وهو بذا الحاله خصوصا ان طبعه حاد محد يقدر يتحلمه

رهام: لا يا محمد وش تقول هو بعد بحسبة ابوي يعلم الله واشيليه بعيوني مايهم شهر العسل حياتي معك تكفيني

محمد ابتسم : انا اشهد انه زين ما اخترت

................••............

المغرب في بيت ثنيان

عند الترف اللي تحركت وهي تحس ان فيه شي ثقيل على راسها مدت يدها وهي تتحسس شافت يد ثنيان اللي من كثر ما يصحى يتفقد حرارتها نام ويده على جبينها ابتسمت وهي تشوفه محاوطها من جميع الجهات ما تحركت ابد وهي تراقب لو في يوم تخيلت ذا اليوم مستحيل انها تصدق ما كانت تدري انه بيمر عليها بتفاصيله وابتسمت وهي في ذا اللحظه ماتلوم مي ابد بغيرتها عليه ولا تلوم منيره ولا مشاعل ما تلوم احد لان ثنيان يخلي الواحد يحبه رغم عيوبه الكبيره

فجاءه فز ثنيان وهو يرفع يده ويرجع ينزلها على جبينها وهو مب منتبهه انها صاحيه

الترف بهمس : بخير لا تخاف

رجع ثنيان ينسدح ببتسامه : كيفك الحين

الترف : غصب علي بكون بخير دامك فوق راسي

ثنيان : حددي الجمله مدحه اخق عليها ولا سبه اعصب عليها

الترف : كيف تبي تفهمها

ثنيان : اذا هي علي كل الامور ابيها مدح

الترف : ابد دامها لك كل الكلام بيصير مدح

ثنيان: اوووه كلام كبير

الترف ضحكت وجلست : راسي من كثر النوم ثقيل ومصدع

ثنيان : بعد المرض له دور

وقف الترف لكن رجعت بسرعه وجلست لما داهمتها دوخه

ثنيان : وش فيك

الترف: ولا شي

ثنيان: دايخه

الترف : شوي بس

بعد شوي رجعت توقف وكانت اخف وثنيان اللي مشى معها لما شافها عادي بس ما مداه رجع الا سمع صوتها ترجع( اكرمكم الله ) ورجع لها مسرع وهو يسندها : بسم الله عليك

الترف جلست ببكى ورفعها ثنيان يغسل وجهها : تعالي ارتاحي شوي بعدها نروح المستشفى

هالمره ماردت الترف وهي تبكي وثنيان اللي جاب عبايتها ولبسها وطلع شاف امه ودلال والبنات ومنيره ومشاعل رد السلام سريع وطلع

ام ثنيان: هذا وش بلاه حتى السلام ياكله اكل

منيره: مدري الترف تعبانه شكله اخذها للمستشفى !

نوف: وش فيها

ام ثنيان: ما عاد الا يحج فيها على ظهره

سكتوا اما ثنيان والترف وصلوا بسرعه للمستشفى وثنيان اللي قالهم وضعها ودخلت الترف لدكتوره وبعد التحاليل رجعت لثنيان اللي ينتظر ووقف وهو يمسكها وجلسوا ينتظرون النتيجه وبعد شوي دخلوا لدكتوره االلي قالت بفرح : لا تخافون شوية سخونه من تغيرات الهرمونات لكن لازم ما تاخذين اي دواء غير اللي اعطيك هي وتكونين حذره

ثنيان: ليش !؟

الدكتوره: خطيره على البيبي

اتسعت عيون ثنيان اللي على طول دق في قلبه انهيار الترف اللي ماتبي الحمل وكان هذا المتوقع من الترف اللي شهقت بكل قوتها وهي اصلا كانت تبكي

لف ثنيان لها وهو لاول مره تختلط معاه مشاعر خوف وفرحه مد يده وهو يحاوط كتفها وقال: طيب يا دكتوره اعطينا الادويه بنطلع

اخذها والدكتوره مستغربه من وضعهم طلع ثنيان وهو للحين ساند الترف اللي تبكي ركبت السياره وللحين تبكي

ثنيان: الترف الله يهديك وشوله ذا البكى

الترف لفت وهي منهاره: ليش طلعنا من الدكتوره ارجع لها قلها ما نبيه

ثنيان : لا اله الا الله وش ذا الكلام حرام عليك هاذي نعمه من ربي كيف تقولين كذا غيرك يدفع دم قلبه عشان احتمال وانتي ما تبينه

الترف : انا قلت لك قلت لك مابي احمل بموت يا ثنيان بموت ليه ما تفهمني

ثنيان : يا الترف لا تقولين كذا ما بتموتين ان شاء الله

الترف وخرت وهي تبكي برعب : مانك فاااهمني ولا بتفهمني

ثنيان تحرك وهو اللي ضاقت به الوسيعه ما يدري وشلون يتصرف رجع للبيت وهو يسمع نفس الموال نزل وهو يساعدها تنزل دخل وضاق زياده لما سمع امه تقول : لا بالله ان جلست بموت

مارد ثنيان وطلع

دلال : يمه الله يهديك

منيره : انا بشوفهم

طلعت منيره وهي تشوف ثنيان اللي كان ضايق وهو ينزل عباية الترف : ثنيان فيكم شي

ثنيان: لا يا منيره بس خلي محمد يجيب مويه

منيره: طيب

منيره مستغربه حالة الترف بس توقعته مرض عادي والترف تبالغ

ثنيان اللي كان يحاول يقنع الترف بشتى الطرق بس يتحطم قلبه اذا شاف كيف تبكي وكيف مرعوبه وهو اللي اصلا صابته عقده من بعد مشاعل

الترف : تكفى ثنيان سو شي لا تسكت كذا

ثنيان : ابشري ابشري بس انتي خلاص وقفي بكى وارتاحي شوي والصباح ان شاء الله خير

الترف انسدحت وهي ما زالت تبكي وبعد ما تطمن ثنيان انها نامت نزل وترك باب الغرفه مفتوح

ام ثنيان: يا ماشاء الله جاء ولدي اللي مافيه مثله اللي امه في بيته من الصبح ما درى فيها

ثنيان : يمه تكفين وش تبيني اقول لك كل شي ينقال قلته وانتي الله يهديك

دلال: ثنيان الترف فيها شي

ثنيان: مريضه شوي

مشاعل: ما تحسنت من الصبح

ثنيان : لا

ام ثنيان: وش فيها المدللله

ما مدى ثنيان يتكلم الا وصل له صرخة الترف فز وهو مايشوف وش قدامه ركض و الكل يركض مب بس ثنيان وصل وهو يسمع بكاها ماكان مفهوم من كلام الترف الا ( امي ، ثنيان )

مسكها ثنيان يسمي عليها ويناديها هو ومشاعل ودلال تجيب لها مويه نوف اللي كانت واقفه بصدمه كان وجهه الترف من البكى يكسر القلب

ثنيان اللي ماقدر يتفاهم معها والكل موجود ولف وهو يقولهم يطلعون شوي

ثنيان : الترف حبيبي بسم لله عليك وش فيك ليش تصارخين

الترف : امي يا ثنيان

حضنها ثنيان وهو مايدري وشلون يواسيها بقد ما يقدر كان يحاول يركد الامور ويهديها لكن قال : اسمعيني طيب ودك تروحين لنوره

رفعت الترف راسها: ايه

ثنيان : يلا قومي بس مسحي وجهك ووقفي بكى لا تفجعينها

وقفت الترف وهي تغسل وجهها وطلعوا ومحد يدري وش السالفه ابد الكل مستغرب وضعهم بس طبيعي محد يقدر يسأل طلعت ام ثنيان لبيتها

منيره: مشاعل تدرين وش فيهم

مشاعل : والله مدري اليوم جاء ثنيان يقول ان الترف مسخنه بس مدري اذا فيها شي ثاني

منيره: وضعهم يخوف

مشاعل وهي تهز في بناتها : والله مدري

................••............

في حارة عجاج

وعند عجاج اللي من تزوج وهو اهل الحاره ما يشوفونه زين كان طالع يجيب عشاء وقف وهو يسمع طقطقتهم عليه لكن وقف كلامه وهو يشوف ثنيان اللي جاءومعاه احد اتجه له : ثنيان

ثنيان : عجاج زين اني لقيتك برا اسمع نوره موجوده

عجاج شك بوجهه: ايه تعال تعال

طلعوا لبيت عجاج بين نظرات الناس المستغربه لثنيان اللي اول مره يدخل الحاره ومعاه حرمه وغير كذا كان متضاااايق مررره

عجاج فتح الباب وهو ينادي نوره اللي جات فرحانه بس اختفت ابتسامها لما شالت الترف طرحتها وهي تبكي

جمدت نوره وهي تناظرها: الترف علامتس وش فيتس احد صاير له شي

الترف حضنت نوره وهي تبكي : بموت يا نوره

نوره شهقت : ليييه وش فيتس

الترف جلست وهي تقول انها حامل كانت نوره بتفرح بس تذكرت رأي الترف عن الموضوع والمعاناة اللي صارت بأمها الله يرحمها

ماعرفت نوره تسوي شي الا انها تحضنها تحاول تهديها عشان تفهمها ................••............

برا عند عجاج

اللي رجع لثنيان بخوف: ثنيان وش فيكم

ثنيان : والله مدري وش اقولك يا عجاج مدري اضيق ولا افرح اصلا مدري من وين ابداء

عجاج : يا وجه الله وش فيكم

ثنيان اللي بعد صعوبه ابتدا يشرح سالفة ام الترف وبعدها قال ان الترف خايفه

عجاج : الحين طيب كل هالانهيار عشانها خايفه لو بتحمل

ثنيان: لااا هي حامل صدق

عجاج سكت وبعدها قال : يعني هي عندها عقده من سالفة امها

ثنيان: اذا على العقد واللله انا بعد عندي عقده بعد مشاعل بس المسأله انها الحين مصره تسقط ما تبي مره

عجاج : ما حاولت تقنعها

ثنيان :عجزت عشان كذا جبتها لنوره يمكن تسوي شي تقنعها

عجاج : خلني اقول لنوره تحاول تقنعها

راح عجاج يقول لنوره تحاول بالترف ونوره بعد شايله هم رجع عجاج لثنيان وهو يشوفه ضايق

جاء عيد : ثنيان طلعت صدق هنا

ثنيان: هلا عيد ، ايه ليش

عيد: ابد طلعت للحاره الا الناس تكلم يقولون جاي بحريمه واللي يقول معاه بنته واللي يقول هاجرنا ما يرد السلام حتى

عجاج: مايمدي والله

ثنيان : مانيبب فاضي لهم خلهم يقولون اللي يقولون

عيد: خير عسى مافيك شي

ثنيان: لا يا عيد

حس عيد ان الوضع هادي وقام وراح

عجاج: اهني حارتنا اللي مالها الا تطلع كلام

ثنيان : بالله قوم شوف وضعهم اقل شي تكون هدت

.................••............!

عند نوره

اللي بعد ما سكتت الترف قالت : الحين انتي اعتراضتس على وشو ما تبين تحملين من ثنيان ولا ما تبين الحمل كله

الترف : المشكله مب ثنيان المشكله اني اذا حملت بموت مثل امي ومشاعل

نوره: يالترف انتي مب مثل امتس ولا مثل مشاعل وبعدين مشاعل هذا هي حمدلله عايشه ولا صار لها شي الا انها غلطوا بالاسماء بس وانتي ان شاءالله بتحملين بولدتس وتجيبينه وتربينه انتي وثنيان وبتجيبون غيره بعد

الترف : وش يضمن لي اني ما اموت واخليه وراي

نوره: وش يضمن لتس انتس بتعيشين دايم الموت بيد الله ما تدرين لو تموتين من ضرس والولاده كل الحريم يحملون ويولدون وعايشين لا تفكرين كذا حرام وبعدين انتي ما تبين يجي لتس عيال وبنات تحبينهم وتكبرينهم

الترف : مقدر مقققدر

نوره : يالترف حرام عليتس اللي تسوينه افرحي بالعكس مب تبكين نكدتي على نفستس وعلى ثنيان المسكين اللي جالس برا كل شوي يرسل عجاج يشوف انتي بخير او لا وبعدين اسمعيني انتي معتس وقت لين 3 اشهر وانتي استخيري وشوفي وتقدرين تنزلينه اذا ما بغيتي ( كانت نوره تبيها تاخذ وقت وتفكر وتحب اللي في بطنها )

الترف ماردت وهي تفكر في كلام نوره : مقدر

نوره: توني وش اقول اقول استخيري ارجعي وصلي واستخيري اسبوع وربي بيكتب الخيره

عجاج : نوره

نوره : شفتي هاذي المره العاشره اللي يرجع ويسأل عنتس

الترف وقفت : خلاص اصلا بروح انا

نوره: وين بتروحين اجلسي

الترف: لا خلاص برجع البيت تعبانه

نوره: طيب انتبهي لنفستس واركدي واستخيري واذا بغييتي تعالي لي انا موجوده

الترف : طيب

طلعت الترف وصد عجاج وتقدمت نوره لعجاج : خلاص تقول بتروح بيتها

عجاج: زين

ثنيان اللي كان واقف ينتظر وطلعت الترف وهو ما توقع انها تطلع الحين اسرع لها وهو يمسك ذراعها : انتظري فيك شي

الترف : لا بس بروح البيت

ثنيان : زين

ودع عجاج وطلع مع الترف للبيت وكانت الترف طول الطريق ساكنه .................••............

في بيت عجاج

عجاج لف على نوره: هاه كيفها الحين

نوره: ما عليها حاولت فيها وهي الله يهديها

عجاج : والله اني خفت يوم شفتهم كذا

نوره: انا بعد انفجعت بس لا تلومها ياعجاج الله يعلم كيف عانت الترف ولا تبي تجيب طفل يعاني

عجاج : الله يهديها يا رب ويرحم امها

في لحظات تحولت حالة نوره لضيق وطبعا ً عجاج بعد وهم شايلين همها يعني لو كبرت ذا المشكله واعرفت بها ام ثنيان بتسوي سالفه وهي من غير ماتبي الترف

.................••............

في بيت ثنيان

عند مشاعل اللي كانت تنتظر هي ومنيره وهم مايدرون وين رايحين انفتح الباب وتقدمت الترف وطلعت لغرفتها وجاء ثنيان

منيره: ثنيان خير وش فيها الترف

ثنيان: مريضه شوي حاولوا تكونون هادين

مشاعل: تحتاج شي طيب نسوي لها شي

ثنيان : يا ليت يا منيره تجيبين اي شي تاكله

منيره اللي ضايقه على الترف بعد : ابشر

نزلت وتقدم ثنيان لمشاعل : مشاعل وين البنات

مشاعل: نايمين جوا

ثنيان : طيب اسمعي ابي منك شغله لكن بينا لا تدري بها منيره ولا احد لين تنحل

مشاعل : وشو

ثنيان : تعالي للغرفه

دخلت مشاعل ودخل ثنيان وجلس وشرح كل القصه لمشاعل اللي انصدمت

ثنيان : يعني هي زود على سالفة امها تعبك انتي ابيك بكره ولا شويات اذا كانت صاحيه تروحين لها تكلمينها يعني حاولي تهدينها بالهداوه ولا تحس اني قلت لك لا انتي حاولي تسحبين الكلام منها لانها تحبك وتسمع منك

مشاعل: والله انا انصدمت يا ثنيان بس لا تخاف ابشر اكلمها وان شاءالله خير

ثنيان: يلا اجل بروح اشوفها وزي ما قلت لك بينا

مشاعل: ابشر

طلع ثنيان رايح لترف اللي كانت منسدحه للحين بعبايتها وهي تعاني من خيال امها للي ماتعرفها الا بصوره وتشبيه ومتأزمه من حالها يوم كانت صغيره كيف حياتها للحين صعبه بدون ام وكيف الدنيا ورتها العجب ولا كان لها ام تسندها وتعلمها الصح والغلط

ثنيان تقدم وهو يناديها اخذ عبايتها وهو يغسل وجهها رجعت تنسدح وهي كأنها تعيش الحزن على امها دخلت منيره بالاكل وصدت الترف وهي ماتبي احد يشوفها تبكي : مابي شي

ثنيان : وشو ما تبين انتي تعبانه لازم تاكلين

منيره: ايه لازم تاكلين شوفي كيف وجهك

ثنيان: هاتي هاتي

اخذه ثنيان وبأصرار لين اكلت ودخلت مشاعل : الترف انتي بخييير

الترف هزت راسها ب (ايه )

ثنيان اشر لمشاعل وقال : منيره تعالي حطي لي شي اكله مشاعل خليك هنا لما اجي

مشاعل: طيب

طلع ثنيان ومنيره وتقدمت مشاعل لترف وهي تمسح على ظهرها : الترف حبيبتي قولي لي وش فيك ليش كل هالتعب والبكى

الترف ناظرتها بضيق ولفت مشاعل : قولي لي وش فيك يمكن نحلها مع بعض

الترف اللي ماكانت تبي تقول لاحد شي بس حست ان مشاعل بتساعدها وابتدت تقول لها مشكلتها من وجهة نظرها مشاعل اللي ماتوقعت خوف الترف لذا لدرجه انه صاير فوبيا

مشاعل : يالترف يا قلبي الناس مب مثل بعض انتي غير وانا غير وامك الله يرحمها غير وانتي بنفسك قلتي ان ظروفها كانت صعبه وولدت بالبيت لكن الحين غير الحمدلله في مستشفيات وفيه عنايه وان شاء الله بتابعين مع دكتوره واذا حسو فيه شي يساعدونك وانتي صحتك كويسه

الترف : بس بعد خايفه

مشاعل : طيب استخيري وفكري لا تقررين كذا

الترف: حتى نوره قالت استخيري

مشاعل: معناته كلامنا صح انتي اول شي اهدي خلي تروح السخونه وقومي استخيري وكلي لا تهملين نفسك وبتشوفين كيف بتصيرين بخير

الترف سكتت : طييب

.

.

«البارت الثالث والاربعين»

.

.

ورجعت الانظار لمحمد اللي ابتسم وهو يقول: مناير يلا بنطلع ولا لقيتي ثنيان وكشتي فيني

منيره ضحكت: الكشته متبادله بس يلا

طلعوا رهام ومحمد بس كانوا يكملون جلست التصوير ومحمد لو يقولون طب النار طب

ماصدق طلعت المصوره ولف وهو يحتضن رهام اللي كان قلبها يدق بفرح وخوف مختلط

طلعوا متجهين للفندق ومحمد اللي ماكان احد فرحان كثثثثر فرحته

ورغم فرحته دق وهو يوصي نواف على ابوه ويوصي منيره .................••............

في قسم الرجال

عجاج ونواف ومنصور اللي لقوا بعض ونواف عجاج اللي كانوا يطقطقون على منصور اللي مايعرف يرقص

جاء ثنيان وهو مستانس : خير وش ذا الضحك

منصور: يطقطقون علي عشان ما اعرف ارقص

عجاج: بالله عليك في احد ما يحب الرقص ولا يعرف يرقص

منصور: انا

نواف : اجل اللله يعينك بتبلش بنوف

منصور ابتسم : عاد وقتها نتعلم الرقص

ثنيان: اشوف الناس راحوا

نواف: ايه معاد بقى احد

عجاج : تحتاجون مساعده شي

نواف : لا سلامتك هذا العمال بس يضفون الاغراض

عجاج : اجل يلا

منصور : انا بعد بروح الله يوفقهم

ثنيان: امين ، عجاج انتظر

عجاج وقف وراح له ثنيان:وين بتروح

عجاج : خلاص بروح اصفي اخر اغراضي ببيتي وبحط راسي وبنام تعرف بكره

ثنيان: بتقنعني بتنام

عجاج: هههههههههههههه صعبه صح بس ما عليك معي حبوب منومه على كيفك

ثنيان بخوف: عجاج لا تاكل حبوب خطيره

عجاج: لا ما عليك

ثنيان: اجل انا يمكن اطلع لديرة الترف وتجون بكره هناك

عجاج: احسن بعد عشان تستقبل العمال

ثنيان: يلا اجل وان طعتني اترك هالحبوب

عجاج : ماعليك يلا

راح عجاج وثنيان اللي ضاق مب متطمن لذا الحبوب طلع وهو متجهه لحاره عجاج خصيصا بيت ابو عجاج

................••............

في بيت ابو عجاج

اللي كان مب مهتم ان كل الحاره بأكملها تحكي بعرس ولده والحاره كلها فرحانه ما فيه شارع الا معلقين به عقد سكر الباب وجلس لكن اشغله الدق على الباب وقف وهو يفتح الباب واحتدت ملامحه بغضب: وشش تبي انت

ثنيان مسك الباب قبل يسكره : وقف واسمعني

ابو عجاج: خييير

ثنيان: يا رجال خاف الله بنفسك وبولدك

ابو عجاج : مب شغلك واذلف معاد الا انت تعلمني اخاف الله

ثنيان : الا شغلي ونص جالس هنا وانت ولا هامك الدنيا برا قايمه قاعده فرحانين بولدك وانت جالس مثل المره في ذا البيت ما تخاف الله انت وش بيقولون الناس عليك عرس ولدك الوحيد ما تحضره ما تخاف لله من كسرة خاطره كل الدنيا فرحانه له بس عجاج مب فرحان لانك ما انت معه ولا تسمع له ولا حتى تفكر تسأل عنه بخير او لا طول عمري اعرف ان الابو هو للي يراعي ولده ويداريه ويمنعه من الغلط لكن عجاج اثبت لي العكس طول عمره تفكيره فيك وش اكلت وش شربت وش تسوي من بلاوي وهو يصلح وراك وانت ولا داري مستكثر عليه فرحته فيك في يوم عرسه خاف الله فيه جامله مره وحده مرره حسسه ان له ابو ماتت امه بخيرها وشرها بغض النظر عن مشاكلكم وهواشكم بس عجاج ماله شغل بأي شي بينكم اتمنى انك تصحى وتطلع برا وتشوف مافيه كبير ولا صغير ما فرحوا بعجاج الحاره منوره بفرحة عجاج الناس ما توقف اغانيها فرح بعجاج اللي ما فيه واحد مايحبه وانت جالس هنا يا خساره عجاج فيك ياخسارته

طلع ثنيان بعد ما طلع كل شي بقلبه وبقلب الحاره بكبرها وبقلب عجاج اللي الكل كانوا يدرون بأبوه واسلوبه وحياته عجاج بأختصار كان ولد نفسه ثم ولد هالحاره عمره ماكان ولد ابوه

كان ثنيان متعجب من امر هالحاره اللي كلها تفز لعجاج ابتسم وهو يشوفهم متجمعين على عجاج ويرقصون ومستانسين ابتسم ثنيان بقهر على حظ عجاج بس ان شاء الله نوره تعوضه تقدم وهو يدخل معهم بالاحتفال اللي من ثلاث ايام قايم وكان عجاج فرحان فيهم بس فيه كسرة ابوه بس ابتسسم وهو يشوف ثنيان بين صفوفهم اخو وصديق وعزيز كلهم فرحانين مع بعض وكلهم يحبون بعض ما فرق لا لون ولا شكل المهم القلوب بيضاء

بعد ما الكل فرح لف عجاج وهو يحتضن ثنيان بحب الدنيا : الله يديمك لي ظهر

ثنيان : الله يديمك لي سند ياعجاج الله لا يوريني هالدنيا بدونك

افترقوا بطبيعة الحال وكل واحد اخذ قائمة اشغاله بكره وكل واحد راح يستعد لبكره

................••............

في القاعه انتهوا المعازيم نهائيا والكل بدا يطلع لبيته وصل ثنيان وهو ينادي على اهله يطلعون

منيره: ثنيان اذا تسمح بروح انام عند ابوي عند عمي عشان اكون عنده من بدري

ام مشاعل: ولا عليك كلافه يمه دامك بكره بتروح لعرس صاحبك نزلني انا ومشاعل في بيتي وروح واذا رجعت تجي تاخذها

ثنيان: ابشري ياعمه

كان ثنيان مبسوط لكن فيه زي الغصه كان هادي ونزل الكل والكل راحوا ولف لترف : جيبي اغراضي واغراضك وتعالي

نزلت الترف تجيب الاغراض وثنيان ينتظر بهدوء

رجعت وركبت وهي تناظره بأستغراب : ثنيان صاير شي

ثنيان: لا

الترف : فيك شي وشو ! لا تخوفني

ثنيان: يالترف مافيني شي

الترف : تلعب علي انا اعرفك والله لتقول

ثنيان: والله ما فيني شي بس متضايق من ابو عجاج لكن بوصيك وصيه وصليها لنوره يالترف لا تنسين حرف واحد

الترف خافت : قول

ثنيان : ابيك توصينها على عجاج قوليلها تحطه بعيونها ولا تكفي عيونها الا تحطه مكان روحها قولي لها لا توجعه مهما كان السبب وصيها عليه زيين فهميها ان عجاج مب مثل غيره هو بيكون لنوره الدنيا بس لازم نوره توصى فيه لازم تكون له عوض عن كل شي في حياته فهميها تخاف الله فيه

الترف انرعبت من كلام ثنيان :ليش تقول كذا ؟ عجاج فيه شي

ثنيان : لا ، ما فيه الا انه طيب قلب والدنيا ما رحمته على الاقل نوره تكون معه

كان يكفي الترف تفهم خوف ثنيان ان نوره تضيق حياة عجاج ما تبي تعرف التفاصيل لانها تدري ما وصل صوت ثنيان لضيق كذا الا معاناة عجاج شدت على يد ثنيان: ابشر يا ثنيان ابشر وتأكد ان نوره ما تأذيه

ابتسم ثنيان اللي وقف وهو ياخذ نفس ويمسح وجهه : ماكان ودي اضيق خاطرتس بس ودي اني اوصي الدنيا بكبرها عليه

الترف : ما يحتاج توصي احد انت الدنيا كلها موصيتك على عجاج المفروض مايخاف ووراه مثلك

ابتسم ثنيان: اجل فيه احد ثاني موصيني عليه

الترف ابتسمت: وهي بعد موصينها عليك

ثنيان اللي كان واقف عند نفس الفندق اللي كانوا فيه عرسان : اجل تعالي بنعيد الذكريات ابي انعش قلبي من جديد

نزلت الترف معاه اللي ما زالت بكل فرح دخل ثنيان نفس الجناح وابتدا ليلة مع الترف اللي يحبها ماكان ثنيان مستاء من حياته بس وده انه قبل لا يكون بصورة زوج ثلاث حريم كان وده يكتفي بالترف بعيد بس فات الاوان ما معه الا ينسى ويعيش اللحظات مع الترف ويرجع للواقع بكثير احيان .................••............

في الفندق

عند محمد ورهام اللي بعد ما بدلت رهام وتعشوا كانوا جالسين بهدوء كان محمد مثل اللي مب مصدق وينتظر انه يصدق اعتدل لما جلست رهام بجنبه مد يده وهو يشد على يدها بحب

محمد ببحة حُب : ياالله قبل سنين طويله فاليوم اللي انكشفت لي فيه اوراق حبي لك خفت وانهرت خفت يجيي يوم مقدر اكون معك خفت ينتهي عمري ما تشاركت معك فيه خفت يختفي اسمي وهو مو مرتبط بأسمك خفت

محمد ببحة حُب : ياالله قبل سنين طويله فاليوم اللي انكشفت لي فيه اوراق حبي لك خفت وانهرت خفت يجيي يوم مقدر اكون معك خفت ينتهي عمري ما تشاركت معك فيه خفت يختفي اسمي وهو مو مرتبط بأسمك خفت يختفي محمد قبل يكون مع رهام عايشت هالخوف لين قبل شوي كنت انام واصحى وانا شغلي الشاغل كيفك اليوم ! تعبانه ؟ فيك شي؟ متضايقه ؟ يوجعك شي ؟وما كنت ارتاح الا لما اقنع ابوي ونزوركم واقوم واطيح تسعين مره عشان بس اعرف انك بخير على كثر الاغلاط اللي كانت تصير والمشاكل كنت حريص انها تنتهي قبل تنهيني وتنهي حبي كنت ادعي ان هالصدف اللي يسولفون عنها تجمعنا والحمدلله استجاب لي ربي ولاخيبني لا بالصدف ولا بالواقع

رهام اللي كانت تسمع محمد وهي ما تدري وش ترد عليه كيف انها كانت في غفله كيف ما انتبهت لهالحب العظيم كيف ماعرفت هالحنيه من زمان

باس محمد يدها وهو يوعدها انه يصون هالحب بصدره لين يموت ماعرفت وش ترد الا انها تستجيب لمحمد وحبه اللي عمرها ما تخيلته ...🌚

................••............

من بكره الصبح بدري

اتجهه ثنيان والترف لديرة ونزلوا تقدم ثنيان يسلم على ابو صالح وشوي وصلوا العمال وطبعا كان معهم ثنيان وصالح وسالم وبعض عيال حارة عجاج

وابتدوا وهم يفرشون ويعلقون العقود وامتلت الديره بالحياه والاصوات

ثنيان اللي كان واقف بطرف وهو يدق على عجاج لكن عجاج ما يرد وقف قلب ثنيان وهو متوتر اتصل بعيد اللي بعد ما يرد راح لسالم: سالم شفت عجاج وعيد اليوم

سالم: لا قال عجاج رح خذ العمال وروح معهم

ثنيان: يا حبيبي

صالح: وش فيك

ثنيان: مافيني شي

رجع يتصل وهو متوتر بشكل

................••............

في بيت نوره

عند الترف اللي دخلت وهي تزغرط وترقص بشعرها وسلوى تصفق معها

ام نوره ضحكت وهي تسلم على الترف اللي سلمت وركضت وهي تحضن نوره: اخيرا يا ربي بتعرسين اخيرا

نوره: اللي يشوفتس يقول تعيليني

الترف اول ماشافت ام نوره طلعت قربت : اقول اسمعي جايبه لتس سلام ووصيه

شهقت سلوى: لا يكون عجاج فيه شي

الترف كفختها على راسها: لو فيه شي بجي ارقص

نوره: وش بتس لا تخوفيني

الترف :من ثنيان

جلست الترف وهي توصل كل شي قاله ثنيان لنوره اللي احتارت وسلوى مثلها

سلوى: وش معنى !؟

الترف : مدري بس اتوقع عواطف ثنيان

نوره : بس لا توتروني تعالوا نشوف بس وش مسوين

.................••............

في بيت عيد

عند عجاج اللي من امس كان يفكر وعشان ما يفكر اخذ هالحبوب وبالقوه صحاه عيد

عيد: خييير وش بك احسبك مت

عجاج: بس اخذت حبوب كم الساعه !؟

عيد: 9 يللا يادوب نخلص

عجاج : وين جوالي

عيد : مدري حتى جوالي طافي بدور شاحن

وقف عجاج وشاف مكالمات الدنيا من ثنيان ودق ورد ثنيان بخوف : عجاج

عجاج: هلا وش فيك

ثنيان: بخير !؟

عجاج : بخير وش فيك

ثنيان: خفت يوم ما رديت خلصتوا شغلكم

عجاج: توني صحيت بروح احلق واخلص

ثنيان: زين لا تتاخر انا خلصت اللي عندي تقريبا

عجاج : يعطيك العافيه

سكر ثنيان براحة الدنيا وهو يرجع يكمل بكل حيويته ويركب ويفرش معهم ................••............

العصر تقريبا كل المعازيم وصلوا والكل متعودين على العرس البدوي اللي يبتدي من العصر وينتهي على 11:30 الليل

عند ثنيان اللي ماصدق يشوف عجاج قدامه بخير كان عجاج كاشخ بكل قلبه وفرحان ودخل وهو يسلم على الكل

اما ثنيان اللي طلع يلبس دخل وهو ينادي الترف اللي جات وهي معاها اغراضه : جاء عجاج

ثنيان: ايه عطيني بطلع

اخذ ثنيان ملابسه ولبسه وهو يشد حزام الرصاص ويرتب شخصيته ولف على الترف اللي تبخره وهي اللي كانت كاشخه كشختها البسيطه اللي تسوى عندها وعند ثنيان من الف كشخه

ابتسم ثنيان وهو ياخذ من العود ويتبخر وابتسم: الوعد شوي بالساحه ترا اما برد قلبي امس( يقصد انهم بيرقصون)

الترف ضحكت: اجل لا تشد حيلك بالرقص برا وتتعب شوي

ثنيان طلع وهو يضحك ويرمي ومبسوط وشوي شوي جاء نواف وابو ثنيان وبعد المغرب مباشره مع اجواء العقود وريحة العود والقهوه واصوات التهاني والسامري القايم وصوت الرمي من هنا نقدر نقول ابتداء العرس لكن وقفت الدنيا اول ما دخل ابو عجاج

ثنيان وعجاج كل حارة عجاج يناظرون ابو عجاج اللي كان كاشخ ولابس بشته وقرب وهو يتقدم لعجاج اللي طاح قلبه خوفاً ابوه يخرب زوااجه بس تفاجئ انه حضنه وهو يقول: ادري اني ضايقتك كثير وادري اني ما رحمتك واني أذيتك لكن جيت وانا بفرح مع ولدي بشوفه عريس بزفه وبرقص معه وانا ندمان اني ضيعت سنيني بحقد تافهه جيت وانا بطلب منك السموحه

عجاج بردت اطرافه وجاء ثنيان بغضب لما شاف ملامح عجاج: وش تسوي هنا

ابو عجاج : بفرح مع ولدي

ثنيان قبل يتكلم تفاجئ بعجاج اللي حضن ابوه بفرح : مسامحك يا تاج راسي وانا من لي غيرك

ثنيان تشقق من الفرح لما شافهم تراضوا والكل يناظر بفرح وحماس

كانت فرحة ثنيان توازي فرحة عجاج اللي حتى عيونه دمعت من الفرحه واندمج ابو عجاج مع العرس وابتداء عجاج اللي يرقص بفرح

والدنيا قايمه معهم

................••............

في بيت ام نوره

وعند نوره اللي كانت الترف وسلوى يجهزونها وهي اللي سرحانه بكلام ثنيان اللي غير صورة عجاج بنظرها حست انهت بتحصل شي غير عن الواقع

الترف : نوره علامتس

نوره: تقولين ابو عجاج مب حاظر

الترف : مدري بس ثنيان متضايق منه مررره

سلوى: ايه انا سألت صالح عن اللي جو بالملكه وماذكر ابو ابد

نوره : يعني وش بينهم ! معقوله سالفة قويه لذا الدرجه

الترف: هذا اللي ماعرفته ولا قدرت اعرفه

سلوى: الحين انتي على لقافتس ماعرفتي سالفه عجاج مع ابوه

الترف : مب سالفة لقافه بس والله مقدر اسأل خصوصا ان كل مره يسولف ثنيان عنه يكون متضايق حتى صوته مختنق فا خفت اسأل

نوره: اشغلني والله

الترف : ماعليتس ان شاء الله تهون ما عليتس

سلوى: يمكن متهاوشين على سالفة زواجه من نعيمه

الترف : ماظنتي بس يمكن

سلوى ضحكت بحماس: ايه عاد اليوم ام عايض بتشرف مع مرت عايض نعيمه

سلوى: ايه هذا اللي محمسني

نوره: بنات عبسووه فيه اخاف تخرب العرس

سلوى: لا ابشرتس قشها خالها وذلف بها للمدينه

الترف : روحه بلا رجعه

ام نوره: بنات وينهم يلا تعالوا

طلعوا الترف سلوى للمعازيم وهم بمثابة خوات العروس

................••............

عند الرجال اللي كان صفهم قايم عجاج اللي من فرحته يطير برقصه يطيييير ومقابله ثنيان اللي كان يحس ضلوعه تدق مع قلبه من فرحته ب عجاج الرقص كان محتدم وثنيان اللي صاير معروف عند الكل عيد وسالم ابو حمود وابو سعيد واهل حارة عجاج اللي صدق كانوا عزوه وابو عجاج اللي لاول مره يحس انه يعيش ان له حياة ثانيه مسفر وابو ثنيان وابو الترف اللي صاروا اصدقاء سريع وانقلب ابو ثنيان اللي ماكان يحب السمر ولا يحب صحبتههم الا انه صار ينبسط معهم ومحد كان حاس ان احد غريب على الثاني كانوا كلهم اهل

وقف ابو ثنيان اللي كان يردد مع الفرقه بصوت عالي ( سلام ياللي تبون اللعب مني سلام

واثني التحيه على اللي يستحقونها)

اعتلت اصوات التشجيع واعتلى الدق واصوات الناس تردد هالشطر اللي يعلن السلام التام

نواف ضحك وهو يقول لثنيان: امي لو تشوف حالة ابوي بتموت

ثنيان ضحك: يا رجال الحمدلله اني اخييييرا قدرت اقنع ابوي واطلع من قوقعته وشكوكه

نواف : تشكر يا ضابطنا

ضحك عجاج اللي كان يردد معهم بحماس وهو ينتظر اللحظه اللي بيقابل الترف فيها وهو اللي ما عاد يسوى معاه الرقص الا معها .................••............

في عرس الحريم

سلوى اللي كانت كثير احيان تصفق وكل ما نوت ترقص طردتها ام نوره لكن الترف اللي كانت مكفيه وموفيه وسعديه اللي مشعلله العرس بكبره كانت الترف في تحدي مع بعض الاعداء زي ما تسميهم وكل وحده تغطي على رقص الثانيه لكن يكفي حضور مرزوقه

سلوى :الترف هاذي من

الترف : يا بنت مدري بس واضح الشر

سلوى شهقت : جتنا جتنا

وقفت الترف وتقدمت مرزوقه: انتي !

الترف : هلا

مرزوقه: يقولون انتس مرت ثنيان ولدنا

الترف : ولدكم!

مرزوقه : ايه يعني صديق الحاره ويسمونه ولدنا

الترف : ايه ، امري كيف اخدمتس

مرزوقه: لا ابد سلامتس نبي برادي شاهي

الترف : الحين ارسلتس البنت

راحت مرزوقه ونادت الترف البنتت تعطيهم شاهي

سلوى: وش ذا المصارع وراها تتكلم كذا

الترف : مدري بغيت اكفخها يوم قالت ثنيان ولدنا بس فكرت اني يمكن اكسبها صديقه

سلوى: احسن لتس لانها لو كفختس انا اول وحده معرفتس ومانيب فازعتن معتس

الترف: اعرفتس رخمه

ما يمديهم خلصوا كلمتهم الا وقفت ام شوشه : اقول سعديووه دوري لنا اغنية عن السحر يمكنها تفك اللي على الشايب واتباعه اشوف ترفوه مسلمينها الخيط والمخيط

الترف تكتفت: ااقووول ام شوشه انثبري محلتس ولا عطيتس كف اعلمتس كيف يجي السحر

ام شوشه: جربي حظتس هالمره

مرزوقه اللي تدخلت بالوقت الصح ولاول مره تكون مرزوقه صح : انتي هيه وش عندتس!؟ ولا تبين اجي انفض شوشتس ذي

ام شوشه: من انتي ياللي تصايحين من شلة السحره هاه!

ماكانت تدري ام شوشه انها نشبت بالشخص الغلط قامت مرزوقه ويا ليتها ما قامت نتفت ام شوشه من بين الناس نتف ومسكتها وهي تلعن خيرها وطبعا مقارنه بحجم مرزوقه ما قدرت ام شوشه تقاوم لكن كان اقوى تجاهل ان سعديه رجعت تغني والترف تكمل رقص هي وسلوى كإن ماصار شي وطبعا مرزوقه اللي كفتخها لما عضت الارض وتركتها وكملوا الزواج عادي ورجعت تشرب شاهيها اما الحضور محد فكر يتدخل في ام شووشه حتى شلتها وتكريما لمرزوقه ما خلت الترف شي الا وجابت لها منه

................••............

في غرفة نوره

اللي كانت تراقب الرجال من الشباك وهي تشوف عجاج من بينهم فرحان ويرقص صار في راسها تضاد كبير على اللي قاله ثنيان واللي تشوفه وخرت اول ما فتحوا سلوى والترف وهم يضحكون: فاااتس نص عمرتس

نوره : وشو

الترف جلست وهي تحكي لها بضحك الدنيا ونوره تضحك : خساره فاتتني

ام نوره جات تركض : نوره نوره يلا قومي المعرس بيجي

فزوا كلهم وهم يرتبون يعطرون المكان جلست نوره وهي متوترره بإنتظار عجاج

عجاج اللي كان عند الباب هو وابوه وثنيان ومسفر

عجاج همس: ثنيان شكلي ضابط

ثنيان: تشلع القلب ياعجه

عجاج:زين الله يطمنك

ثنيان: موفق يا حبيبي

دخلوا ودخل عجاج اول واحد وابتسم ( اخسسس هاذي فتاه الصحن والله طلعت مزيونه ) : سلام عليكم

ردت نوره بهمس ودخل ابو عجاج : سلام عليكم

سلم على نوره اللي اول ما قال ابو عجاج رفعت راسها بصدمه وبعدها نزلتها( ابووه ذا وش جابه، يا ربي عجزت استوعب )

طلع ابو عجاج ومسفر وجلسوا عجاج ونوره

عجاج كان مرتبك ما يدري وش يقول بس شاف الصحن اللي على الطاوله وقرر انه يلطف الجو: ماشاء الله جايبين صحن عسى مب ثقيل ترا راسي يرج من ذاك اليوم

نوره اللي شرقت وهي كانت تدعي انه مايتذكر

ضحك عجاج وهو يعطيها المويه: بسم لله عليتس امزح معتس

نوره اخذت المويه وهي بتموت وقرب عجاج : لا تخافين كل شي تسوينه على عيني وراسي ويشهد الله انتس امانه بعيون عجاج

نوره كان ودها يغمى عليها بس الوضع ما ينفع

بعد سكوت ماقدر عجاج يغطيه وقف وهو يقول : مشينا

نوره رغم انها كلمه عاديه بس عجزت تستوعبها

نزل عجاج لها ببتسامه:نوره .. نمشي ؟

نوره بذاك الوقت حتى اسمها جحدته ارتفعت ضحكة عجاج اللي مسك ارتباكه على ضحك هدا شوي وجلس : : يعني اذا تبين نجلس هنا عادي بس انا افضل نمشي

وقف وهو يمسك يدها نوره وقفت وهي خلاص منتهيه وطلعوا لسياره ورغم ان نوره ثرثاره الا انها ماعرفت تنطق بحرف رغم محاولات عجاج ................••............

بما ان المعاريس راحوا معناته العشاء حظر وبعد ما انتهى ابتدوا الناس يمشون شوي شوي وجاء الوقت المنتظر لثنيان والترف وهالمره بدى فيها ثنيان اللي ارسل بزر يقول لسعديه تقول للحريم يلبسون ومن بعدها تغني هالاغنيه اللي طلبها ثنيان

في لحظات وقوف الترف اللي كانت متوقعه الحريم بيمشون وكانت تتقهوى وتعدل شكلها تفاجات بالزر اللي يقول: ثنيان هنا

لفت وشافته واقف على الباب مادخل والناس متغطين وهو يأشر لها تجي

قربت ببتسامه: ثنيان ليش انت هنا ؟!

ثنيان وهو يهمس : عشان تبتسمين وترقصين فرح و تدللين وتمردين

الترف ابتسمت بفرح : ليش اسوي ذا كله

ثنيان : لاني احبتس

وصدح صوت سعديه : يازين ماترحم المبــــــــــــلي اللي بحبـــــــك بلاه الله

ثنيان ابتسم: شرفي

دخلت الترف وهي تطير بكلمات ثنيان للي معاد يهتم من حوله ولا وين هو كل اللي همه هالايقاع الحلو اللي يجمعه هو والترف لا ينقطع لا يضيع منه خلااااص حس انه معاد يجوز له الرقص الا معها

سلوى اللي كانت مبتسمه ان اخيرا الترف لقت لها اللي يصبر على عنادها ويحبها رغم الاختلاف الكبير اللي بينهم

................••............

بما ان اليوم انتهى وانتهت احلى الفقرات الحين صار وقت الشغل خلصوا ثنيان وصالح شغل الرجال وكانت الترف ترتب لهم ألحفتهم بالحوش وهي مبتسمه بحب وهي تراقب ثنيان طبعا ابو الترف اللي نام من مده وصالح اللي دخل يشوف سلوى

تقدم ثنيان لترف وهو يهمس : هاه عسى ما تعبتي

ضحكت الترف : انت خليت فيها تعب

ثنيان: وش اسوي قلبي يتكلم

الترف: اللله يسلم قلبك يارب

ثنيان: كيف كان عرسكم

الترف : تعرف مرزوقه

ثنيان لف بسرعه: سوت لك شي

الترف :لا ليييه

ثنيان: مجنونه ذي لا تقربين منها ترا مب عبسوه هاذي اسمها مرزوقه مفك تلعن خيرتس محد يفكتس

الترف ضحكت : عز الله مفك

ابتدت تشرح لثنيان اللي سوته وثنيان اللي انفجر ضحك: لا بالله ماهيب صاحيه

الترف : يا كثر ما حبيتها بردت قلبي

ثنيان: ايييه جاء من يساعدتس

الترف : خلاص اعتزلت من بعدها

ثنيان ابتسم : احسن اعتزلي اصلا خلاص اتركي الساحه للجايين

الترف : يعني نقول ان شاء الله

ثنيان اللي انسدح بفراشه اللي بعيد شوي عن ابو الترف : تعالي خليتس هنا لين انام

الترف : ليه حبيبي انت باقي بزر وبعدين ابوي اذا قام وانا هنا بيكفخني

ثنيان: الله عليتس صرفتيها كلها

الترف وهي تلحفه : والله عاد اليوم نام بلحالك حسب ذنوبك على راحتك

ضحك ثنيان وهو يراقبها لما دخلت

الترف اللي كان ودها تجلس بس تدري ان وضعها غلط وهي جالسه بينهم عشان ثنيان ينام

.

.

انتهى البارت✨تفاعلكم لروايه يثلج صدري لا تبخلون باللي يسعدني💓