تحميل رواية «ذنبي لاني انثي» PDF

الأخ:زين الشرقاوي

الاب :محمد الشرقاوي

الام :هند الشرقاوي

في احدى قرى الصعيد كانت تعيش عائلة متوسطة جدا كانت هناك امرأة تصرخ من الالم حيث انه كان وقت ولادتها وزوجها ينتظر في الخارج وفجأة يسمع صوت صراخ طفل وتخرج القابلة تبشره بأنه رزق بطفلة

القابلة:مبروك جالك بنت زي القمر

الاب بغضب:ايه بنت ايه العار ده المفروض ولد البنات بيجيبوا العار

ويدخل الاب عند الام بغضب :ايه القرف اللي انتي جبتيه ده

الام :قرف ايه يا راجل دي بنتك وكمان ده قضاء ربنا وهي هتفرق بنت من ولد

الاب :ايوة هتفرق البنات بيجيبوا العار والولد هيشيل اسم ابوه وبيكون سند ليه اما بنتك دي اخرها المطبخ

وبتمر الايام والاب حتى مش بيفكر يشيل بنته واما البنت بتكبر شوية وتكون في سن السادسة من عمرها طبعا السن ده الطفل بيكون فيه لعب وشقاوة وكدة

طبعا الطفلة اسمها نور

نور:ماما انا هنزل العب مع صحابي

الام :ماشي يا حبيبتي

الاب:خدي يا بت انتي راحة فين

نور ببراءة:هنزل العب يا بابا

الاب بغضب وقرف:معندناش بنات بتلعب اللعب للولاد بس اما انتي اللي زيك يجيب العار

نور بحزن بتمشي وبتبكي والام بتحضنها وبتخفف عنها

وبيمر كام يوم ووقت المدارس بييجي

الام بتكلم مع الاب :احنا لازم نقدم ورق البنت عشان الم

دارس

الاب:معنديش بنات بتتعلم وهياخدوا ايه من العلام في الاخر هتروح بيت جوزها وهتعيش خدامة تخدمه وتجبله عيال وبس

الام :ايه يا محمد الكلام اللي انت بتقوله ده

محمد :انا قولت اللي عندي يا هند وكلامي هو االي هيمشي

وطبعا زي كان غضبان بخلفة بنته وزي ماحرمها من اللعب حرمها برده من التعليم

وبتمر سنة وهند بتكون حامل فيها وجه اليوم اللي يعرفوا فيه جنس الجنين

محمد :خير يا دكتورة جنس الطفل ايه

الدكتورة:.......

ه Remo hosny

٢

الدكتورة :ولد

الاب بفرحة:واخيرا هي دي الاخبار الحلوة ثم ينظر لهند ويقول بدل العار اللي انتي مخلفاه ده وبعدين بياخدها ويروحوا

في البيت

نور ببراءة:ماما هو انا هيكون عندي اخ نونو

الام:ايوة يا روحي

نور:انا هاخد بالي منه وهعمله اللي هو عاوزه انا فرحانة اوي يا ماما عشان انا اخته الكبيرة

محمد باستفزاز:حتى لو انتي الكبيرة هتعيشي خدامة تحت رجله وهتعمليله اللي هو عايزه غصب عنك

تنظر اليه نور بحزن ثم تقول :انت بتعمل معايا كد.....

مكملتش كلامها ومحمد ضربها على وشه لتشهق الام ويزداد بكاء نور

محمد :امشي غوري يتك القرف ايه البلوة دي يا ربي

هند :ليه كدة دي بنتك المفروض تحسسها بالأمان

محمد:انا معنديش بنات انا خلفتي هتكون الولد اللي جاي ده وبس وهو ده اللي هعترف بيه بس كدة ده اخر كلام عندي

بتمر الايام وييجي وقت الولاده وبتدخل هند العمليات وشوية وبيسمعوا صوت صراخ من جوة والممرضة بتخرج وتقول :مبروك يا افندم جالك ولد

الاب اخد الولد وشاله وكبر في ودنه

وطبعا سماه زين وبيمر يومين وهند ومحمد بيرجعوا البيت هم وعيالهم

محمد طول الوقت ماسك زين وطبعا نور زعلانة مش غيرانة من اخوها لا عشان بس باباها عمره ما عمل معاها كدة

بتمر اربع سنين وزين ونور بيكبروا ونور كانت بتعشق اخوها بمعنى الكلمة كانت بتحبه جدت وبتخاف عليه بس دايما محمد كان بيبعده عنها

وتمر سنتين كمان وزين يكون عنده ست سنين ونور ١٣ سنة

وبييجي وقت المدارس

محمد لهند :لازم ناخد ورق زين ونقدمه في المدرسة

هند باستغراب:هو انت هتقدم ليه في مدرسة

محمد:اه طبعا مش ابني ولازم يتعلم

هند بفرحة :طيب بالمرة اجيب ورق نور

محمد :ورق نور ايه معنديش بنات بتتعلم ابني حبيبي بس هو اللي هيتعلم ده اللي هيشيل اسمي وهيشرفني بدل العار اللي جوة دي

واليوم التاني بيروحوا ويقدمه لزين في المدرسة ونور زعلانة جدا

وبييجي وقت المدارس وزين بيروح المدرسة ومحمد بيوديه ويجيبه ودايما يشتريله اللي هو عايزه واما نور تطلب منه حاجه بيضربها وينهرها وتمر الشهور والسنين والوضع كدة وزين ونور بيكبروا

وزين بقى في جامعة واتصاحب على صحاب مش كويسين وكان بيتاخر في الرجوع للبيت وفي يوم زين جه من جامعته ودخل البيت وكان كلهم قاعدين والوقت ده نور كانت تعبانة

زين لنور بأمر:قومي اعمليلي كوباية شاي واغسليلي هدومي

نور بتعب:معلش يا زين ممكن انت تعمل عشان انا تعبانة

قام محمد مسكها من شعرها ويقول:انا اخوكي يطلب منك حاجة تعمليها حتى لو بتموتي

لينظر إليها زين ببرود ويقول :تستاهلي انا احطك تحت جزمتي هو في راجل بيدخل المطبخ ولا بيعمل اي حاجه في البيت الكلام ده شغل البنات قصدي الخدامين لان انتوا اتخلقتوا عشان تخدمونا وبس وقامت نور بعيط وعملت اللي عايزه والكل نام

تاني يوم نور كانت عايزة تروح عند صاحبتها في البيت اللي قدامهم وبعد محايلات من هند لمحمد وافق وراحت وتأخرت هناك ماهو بقى البيت قدام البيت ورجعت بليل في نفس رجعة زين والاتنين بيخوشوا في وقت واحد ويدوب بتقفل الباب لقت باباها جايبها من شعرها :كنتي فين يا فاجرة لحد دلوقتي

نور:والله كنت عند صاحبتي في البيت اللي قدامنا وكمان ماهو زين لسة داخل معايا اشمعنا هو

محمد :هو راجل يعمل اللي عايزه انتي لا امشي غوري اعملي الاكل

ده كله وزين بيبصلها ببرود

ملحوظة(طبعا حاجه زي دي بتحصل في بيوت كتير في المدن و الصعيد والارياف وفي كل مكان يعني الناس اللي مش بتحب خلفة البنات واللي فاكرين الولد يعمل اللي هو عايزه ومش بيسالوا فيه لمجرد لقب بس ان هو ولد او راجل يعني ماهو ممكن ابنك اما تسيبه كدة ممكن يشرب سجاير ومخدرات ويعمل حاجات بشعة وفي الاخر هتقول عشان راجل طبعا ده موضوع لسة هنتكلم فيه خلال احداث الرواية ،دي رواية حقيقية الأحداث اللي فيها بتحصل كتير اوي مش خيال)

ه Remo hosny

صباح يوم جديد في منزل محمد الشرقاوي

بتقوم نور على صوت ابوها

الاب :قومي انجري جهزي الاكل

(طبعا يا جماعة نور اصلا متعودة تعمل اكل من وهي عندها ١٠ سنين هتستغربوا دي طفلة بس زي ما ابوها حرمها من التعليم واللعب بيضغط عليها انها تقوم بكل واجبات المنزل تحت مسمى انتي اللي زيك فاتحين بيوت وللأسف هند مش بتقدر تتكلم لانها بتخاف منه)

وبتقوم نور تعمل الاكل وبتحط الاكل عادي ولسة جاية تقعد

الاب :راحة تقعدي فين مفيش اكل ليكي ولا لأمك غير ما احنا نخلص اكل

ملحوظة (في معظم البيوت في ناس لسة بتكون ماشية على تقاليد وعادات قديمة زي ما بيقولوا بالبلدي كدة دقة قديمة ان الست او البنت مينفعش تاكل غير اما الراجل ياكل الاول وانا قولت اهو الكلام بيحصل في معظم البيوت )

نور استنت اما باباها واخوها خلصوا واكلت

محمد بينادي على نور

محمد:انتي يا بت

نور:نعم يا بابا

محمد:مفيش خروج من البيت اصلا مفيش بنات محترمة بتخرج من البيت لو خرجتي هشرب من دمك

نور بخوف :حاضر والله مش هخرج

هند :معلش يا بنتي استحملي ابوكي

نور بسخرية:عادي ماهو حرمني من كل حاجه جت على دي وقامت من قدام مامتها بحزن شديد

طبعا الاب في الشغل وزين في الجامعة

عند زين في الجامعة قاعد هو وصحابه في الكافيه قريب من الجامعة

زين :عايز اعمل دماغ

صاحبه :بيطلع سجارة ويدهالها ويميل عليه ويقوله احسن دماغ

وشوية وبيقول عايز تاني المرادي يديله مخدرات بس ياخد منها جرعة بسيطة

بتيجي عليهم واحدة مايعة

البنت :ايه يا زين بتعمل ايه

زين بتوهان:قاعدين تعالي اقعدي

(زين من ساعت متعرف على صحابه دول واخلاقه سيئة جدا بيشرب سجاير ومخدرات وبيمشي مع بنات كمان وبيعمل علاقة ما بينهم )

زين بيقوم يمشي والبنت بتقوله استنى همشي معاك وبدنها ماشية معاه لخد بيته

نور بتشوف زين وطبعا عشان خايفة على اخوها اكيد لازم تعاتبه

زين بيخبط الباب ونور بتفتحله

نور:مين البنت اللي انت ماشي معاها دي من امتى وانت بتمشي مع بنات

زين:وانتي مالك امشي مع اللي عايزه بتتكلمي في حاجة متخصكيش ليه

نور :بصوت عالي لا يخصني انا اختك الكبيرة ولازم انصحك وبيطلع الام والاب على صوتهم

الام والاب:في ايه

زين بتجاهل :يا بابا بتعلي صوتها عليا

الاب بيبصلها ويضربها بالالم بتعلي صوتك على اخوكي

نور:يا بابا طب مش تسأل الاول هو عمل ايه

الاب :هيكون عمل ايه يعني

نور:ماشي مع بنت

الاب :وفيها ايه ماهو راجل يعمل اللي هو عايزه

نور:يعني انا لو ماشية مع ولد عادي

الاب بيمسكها من شعرها وبيقول :ده انا اشرب من دمك هو يعمل انتي لا

انتي بنت هو راجل يعمل اي حاجة عاوزها طبعا ده كله زين بيبصلها باستفزاز

(طبعا ده غلط احنا اما نيجي نتحاسب قدام ربنا مش هيقوله انا راجل عشان كدة كنت بمشي مع بنت المفروض البنت هي اللي تتحاسب اما تعمل كدة عشان هي بنت كلنا متساوين عند ربنا مفيش حاجة اسمها ولد وبنت معنى أن انت مشيت مع بنت او هي مشيت مع ولد ده اسمه زنا مفيش حاجة رسمية بينكوا ماشيين مع بعض على اساس ايه ده اسمه زنا والزاني والزانية حسابهم عند ربنا كبير اوي وشديد دي برده حاجة بتحصل في مجتمعنا دلوقتي وخاصة الناس اللي بتروح

دروس اما نلاقي ولد وبنت ماشيين مع بعض وبيكون باين اوي اذا كان اخوها او لا اما واحدة تكون ماشية لابسة مقطع ولافتة الانتباه وبتمشي في قلة حياء في الشارع وولد يغمزلها يبقى دي قلة ادب اما لما اتنين يمشوا مع بعض واحدة لبسها محترم وماشية هي واخوها باحترام مع بعض في الشارع محدش هيظن فيهم ظن وحش لأنهم ماشيين في حالهم مش واحدة تعلى صوتها ونص شعرها طالع من الطرحة وعاملة نفسها بتتكلم في التلفون ولابسة مقطع لمجرد بس انها تلفت النظر ده اسمه رخص وطبعا زي ماهي غلطانة هو بيكون غلطان لان هو مش بيغض بصره هي متربتش انت لو متربي استحالة هتبصلها حتى بطرف عينك )

وطبعا اللي محمد بيعمله مع زين ده غلط المفروض هو اللي بيبوظه لمجرد انه راجل وبيشد على بنته زي ما بيقوله (اكسر للبنت ضلع يطلعلها ٢٤)بصوا انا مش عارفة المثل اوي مش عارفة اذاكنت كاتباه صح ولا غلط بس افهموا قصدي

ه Remo hosny

مساءا في منزل الشرقاوي كانت نور تجلس بخوف تنتظر والدها لتفاتحه في موضوع هو مش راضي عنه خالص بس هي ميساتش وبعد مرور

طبعا هي معرفة هند مفقتش اللي غير على صوتها وهي بتقولها

هند:بلاش مشاكل يا بنتي واتقي شره انتي عارفه انه رافض الموضوع ده رفض تام هو واخوكي

نور بدموع :هجيب يا ماما يمكن يحن شوية ده في الاول وفي الاخر مستقبلي

هند بتسكت بقلة حيلة وكانت خايفة على نور من رد فعل بنتها

وبعد مرور نصف ساعة بيدخل محمد وزين من باب الشقه

محمد لنور:قومي حضري الاكل

نور:حاضر

وحطت نور الاكل وبعد مخلصه

نور :بابا لو سمحت عايزة اتكلم معاك في موضوع مهم

محمد:اتكلمي يا اختي

نور:لوحدنا

محمد:لازم اخوكي يعرف عشان هو لي كلمة عليكي

نور:بحزن ماشي

نور بتوتر:انا عايزة اتعلم قالتها بسرعه رهيبة من خوفها

كان الصمت هو سيد الموقف هند كانت قلقانة على بنتها من رد ابوها ونور كان خايفة دي قليلة عليها دي مرعوبة

محستش بنفسها غير وهو بيشدها من شعرها ويقول :ليه عايزة تمشي على حل شعرك وتروحي هنا وهناك

نور:والله يا بابا عايزة اتعلم ومش هعمل حاجة غلط

زين ببرود:مفيش علام ليكي وسابهم ودخل اوضته

محمد:انا قولت لا واخوكي قال لا يبقى مفيش علام

بيسبها ويخش لابنه الاوضة

محمد بفرحة:جدع يا زين خليك مسيطر كدة وكلمتك هي اللي تمشي دليل اني ربيت راجل

زين :طبعا يا حاج مش تربيتك

وبييجي الليل والكل نايم الا وحدة ومكتوب عليها دايما انها تنام زعلانة بتكون نور نايمة علر السرير ودموعها نازلة وبتفكر في عقلها وبتقول:ليه يا بابا بتعاملني كدة ليه كارهني كدة وبتحب اخويا اكتر مني في حين ان انا اول فرحتك الكره ده كله لمجرد ان انا بنت وهو ولد مهما عملت هتفضل ابويا وراحت في النوم من كتر العياط والزعل من ظلم ابوها ليها

صباح يوم جديد نور بتقوم كالعادة بتعمل الفطار وبيفطروا وزين بيروح الجامعة وباباها مشي على شغله وهي مامتها في البيت

وبيعدي اليوم بدون احداث وبييجي الليل وبيرجع محمد وزين بس محمد كان داخل بلهفة جامدة جدا وقال لنور انه عايز يتكلم معاها تحت استغرابها لان اول مرة انه يعوز كدة

محمد:جايلك عريس وانا موافق

نور بصدمة:اييييييييييييه

ه Remo hosny

محمد :جايلك عريس يانور وانا موافق

نور بصدمة :اييييه

يا بابا انا لسة صغيرة مش عايزة اتجوز دلوقتي

محمد بغضب:هو بمزاجك يا روح امك ايه هتعارضي كلامي ولا ايه

نور :والله مش قصدي بس انا مش عايزة اتجوز دلوقتي

بيقوم زين ويمسكها من دراعها بعنف وكلام ابوكي هو اللي هيمشي ولا ناوية تكسري كلمته ابقي فكري اعمليها بس كدة وانا اديكي بالجزمة

نور ببكاء :والله حرام عليكوا

هند بحزن على بنتها"يا محمد هي مش عايزة دلوقتي وكمان هي لسة صغيرة

محمد :صغيرة ايه ماهي شحطة وفي الاخر دلوقتي او بعدين كدة كدة هتروح فين يعني البت ملهاش غير بيت جوزها الكلام منهي هتتجوزيه يعني هتتجوزيه

بتدخل لنور لاوضتها وبدنها تعيط وبتقول في نفسها يمكن ده يكون خير ليا ويخلصني من اللي انا فيه

تاني يوم بتقوم نور بترتب البيا زي ما بتعمل كل يوم وبليل محمد بييجي وبيقولهم ان العريس هييجي يطلب ايدها بعد يومين جهزوا نفسكوا بتنظر ليه نور نظرة غامضة اوي هو مش بيفهمها بس بيتجاهلها وبيدخل اوضته

هند:ربنا يصبرك يا بنتي انا اسفة سامحيني مش بأيدي حاجة اعملهاك سامحيني يا حبيبتي واستحملي يمكن ده يكون خير ليكي

نور :انتي مش ذنبك حاجة يا ماما انا مش زعلانة منك والله وتبوس ايد مامتها وتخش تنام

وبعد يومين بيكونوا بيجهزوا عشان العريس بتقوم نور تنضف البيت وتجهز الضيافة اللي هتقدمها بليل

والساعة ٧ العريس بييجي وبيتعرفوا وبتم قراية الفاتحة ده كله بغصب نور والعريس وأهله بيتفقوا على كل حاجه مع ابوها وطبعا ابوها اصلا مش مخلي ليها رأي من الاساس هو وزين وبعد ما بيمشي العريس بيقول محمد:عقبال ما نخلص منك خالص

بتنظر ليه نور بصمت وبتخش اوضتها

طبعا العريس اسمه حسام وهو اتفق مع ابو نور ان الخطوبة تكون الاسبوع الجاي وبيعدي الاسبوع ونور بتكون بتجهز نفسها للخطوبة وطبعا محمد بيصرف عليها بس عشان اخيرا هتسيب البيت وفي الوقت ده البنت بيحتاج ان اخوها او اختها يكونوا معاها بس للاسف زين مكنش معاها ومكنش سند ليها وبييجي يوم الخطوبة وبتم وطبعا شخص وحيد هو اللي بيكون حزين وهي نور ويعدي اليوم ويتفقوا ام الفرح هيكون مع كتب الكتاب بس اما الشقة تجهز ونور تخلص حاجتها وتجهز نفسها وطبعا كان حسام بييجي يزور نور وفي يوم كان جايبها عشان يشوفها يعني بيرن الجرس

محمد :اهلا يا ابني اتفضل

حسام :اهلا بحضرتك يا عمي ومحمد بينده على نور ويعرفها انه حسام موجود وبيقعد معاها ويتكلموا

حسام:ازيك يا نور

نور :الحمد لله انت عامل ايه

حسام :بخير

خلصتي حاجتك ولا لسة

نور:فاضل حاجات بسيطة

حسام:برده فاضل حاجات بسيطة عندي انا كمان والشقة تجهز ويتكلم معاها شوية ويقوم يمشي وبعد مرور أشهر بتكون كل حاجه جاهزة وبيحددوا الفرح

وجه اليوم المنتظر واللي نور خايفة منه وبيتم الفرح وبيخلص

المفروض اهل العروسة بقى بيسلموا عليها وهتوحشهم وهيكون في بقى سلام حار بس طبعا ابوها واخوها خيبوا ظنها وكانوا باردين جدا معاها وسلمت على مامتها ومشيت وهي زعلانة بس في نفس الوقت مبسوطة شوية انها هتخلص من جحيم ابوها واخوها وتروح مع حسام وتخش شقتهم

طبعا نور كانت مرعوبة والمفروض حسام اما يلاقيها كدة يطمنها بس عمل اللي نور مكنتش متخيلاه اجبرها انها تنام معاه بالعافية ومارس رجولته عليها ده كله عشان يرضي رغباته وشهوته بس

طبعا ده كله مع الضرب اللي ادهولها حسام

تاني يوم بتصحى نور ببكاء وتفتكر اللي حصل وتلبس وتروح بيت اهلها وبتخبط وبيفتح اخوها وبتزقه

محمد:انتي ايه اللي جابك هنا

نور:يا بابا حسام ضربني ونام معايا غصب

زين ببرود:ايه يعني مش جوزك وهو الراجل يعمل اللي عايزه حتى لو كسر دماغك واحد ومراته ايه اللي هيخلينا ندخل بينكوا اعقلي كدة وارجعي بيتك يلا ومتخربيش على نفسك

محمد:اخوكي معاه حق وده جوزك وده حقه

ده كله ونور بتبصلهم بفقدان امل وصدمة

بتبص لهند اللي كانت بتبصلها بحزن عشان مش قادرة تعملها حاجة وفجأة الباب بيخبط وزين بيفتح وحسام بيدخل

حسام :يرضيك يا عمي بنتك تسيب بيتها وجوزها تاني يوم جواز

محمد وضرب نور بالقلم :لا ميرضنيش وحقك تعمل فيها اللي انت عايزه

محمد لنور:يلا مع جوزك وميسمعش منك غير حاضر ونعم ونور بتعيط صعبان عليها نفسها وبتمشي مع جوزها واول مادخلوا شقتهم

حسام بشر:.......

يتبع .........

(البارت ده بنستنتج منه ايه اول حاجه الجواز بالغصب ان الاهل اما يغصبوا بنتهم على الجواز ده غلط ده مينفعش وحرام في دينا واصلا مش شروط الجواز القبول بين الطرفين ،ومفيش حاجة اسمها دلوقتي او بعدين انتي ملكيش الا بيت جوزك لازم ميكونش في غصب وكمان لازم يكون هي في سن انها تكون قادرة تشيل مسؤولية ،تالت حاجة والمهمة مفيش راجل بيجبر مراته عليه او يمد ايده عليها ده اصلا مش راجل ،رابع حاجة واخيرا للاسف محمد وزين مكنوش سند لنور مفيش حاجة اسمها جوزك ويعمل اللي هو عايزه ده كله على حساب كرامة بنتك واذى نفسي وجسدي ليها

الرسول قال استوصوا بالنساء خيرا)

اه كمان حاجة معلش لسة في بنات بتتجوز بالغصب اه في بنات لسة

لسة في بنات اجوزها بتضربها اه

لسة في ناس اهلها بيقولولها جوزك ويعمل اللي عايزه اه في لسة ناس بالعقلية دي انا بقول الكلام ده ليه عشان الماس اللي بتخش تقول في الكومنتات ان مفيش ماهو مش معنى أن مفيش عندم او عمرك مسمعتي عن كدة يبقى مفيش في غيرك بيحصل معاه الحاجات دي وزي مقولت قبل كدة الرواية واقعية

في نقطة كمان عشان محدش يتكلم فيها ويفهم غلك في جواز نور اما مجبتش الماذون وكتب وخلص زي الروايات العادية لا الطبيعي كل حاجة بتجي بفترات الخطوبة فترة معينة وبعدين الجواز

اظن انا وضحت كل حاجة

ه Remo

حسام بشر :انا هوريكي ازاي تخرجي من بيت جوزك في الصباحية شكلك عايزة تعيشي ليلة زي بتاعت امبارح

نور بدموع وهي بتفتكر اللي حصل امبارح

فلاش بااااااك

حسام :ادخلي يا عروسة برجلك اليمين

ام حسام من وراه :يلا يا ابني عايزين الأمانة

نور سمعت كدة اترعبت كان بيقرب منها وهي مرعوبة فكانت بتبعد عنه لانها خايفة بس هو متفهمش كدة وفهم انها مش عايزاه

حسام بغضب :انتي بتبعدي ليه

نور :بتوتر وبكاء انا خايفة ممكن تديني فرصة

حسام :انا عريس وعايز افرح والدخلة هتم بلدي

وبتدخل امه بتساعده وبتاخد اللي هي عاوزاه

وهي بيكمل ويمارس رجولته عليها بوحشية ده اذاكان عنده رجولة اصلا وده كله عشان يرضي رغباته وشهوته

بااااك

نور بدموع :لا والله هسمع الكلام

حسام :ايوة كدة خليكي عاقلة عشان ممدش ايدي عليكي

و عدى اليوم عادي بس كان كل يوم نور كانت بتاخد علقة وأما كانت تروح تشتكي لباباها كان يقول :واحد ومراته ادخل ليه

واستمر الحال ده لمدة تلات سنين

تلات سنين ونور لاحول ليها ولا قوة وملهاش حد غير هند بس للاسف مش بايدها حاجة تعملها وطول التلات سنين كان ضرب وبس من حسام بنور وينام معاها غصب عنها

ودع كله كوم وطلبات حماتها كوم تاني وكانت دايما وقفلها على الواحدة وتشتكي لحسام وتخليه يضربها

ومن حسن حظ نور ان لخد دلوقتي محصلتش خلفة

لحد ما جه اليوم اللي هيشقلب الدنيا

نور كانت واقفة في البلكونة بتنشر الغسيل وكان في جيران بينقلوا جديد وكان فيه بنت من سنها شافتها وابتسمتلها والبنت شافتها وطلعت البلكونة عشان تكلمها

الجيران اللي بينقلوا هم:سيلا المنشاوي واخوها عمرو المنشاوي

سيلا:ازيك انا سيلا جارتك الجديدة

نور:الحمد لله انا نور

سيلا :ممكن نبقى صحاب انا معرفش حد هنا

نور:طبعا يا حبيبتي

سيلا:عرفيني عن نفسك اكتر

نور :انا نور الشرقاوي عندي ٢٣ سنة ومتجوزة

سيلا :بصدمة متجوزة

نور بحزن :اه

سيلا :باين عليكي صغيرة بتبتسم نور ابتسامة حزينة شافتها سيلا وفستان وراها حاجة

نور :انا هدخل بقى سلام

سيلا :سلام

عمرو:سيلا بتعملي ايه

سيلا:بتعرف على صاحبة

عمرو بحب :ماشي يلا عشان ناكل وننام احتا تعبنا اوي

سيلا:يلا

طبعا يا جماعة عمرو اخو سيلا ٢٧ سنة وهو محامي شاطر جدا

بليل بيصحى سيلا وعمرو على صويت في البيت اللي قدامهم واللي هو بيت نور

سيلا :بخضة في ايه

عمرو:مش عارف وشوية والصويت بيهدى

طبعا كام حسام بيضرب نور كالعادة

الصبح نور صحيت وبتفتح الشبابيك في نفس الوقت سيلا برده بتفتح

نور :صباح الخير

سيلا:صباح النور

سيلا:ايه رايك تيحي عندي نقعد شوية

نور بخوف من حسام:لا مش هينفع لو انتي عايزة تعالي

سيلا :تمام هاجي بليل

وبيجي الليل وبتكون نور قالت لحسان ان في ضيفة جاية وطبعا مسلمتش من زعيق حسام

وبليل بتيجي سيلا وبتقعد مع نور لوحدهم وراحت نور تقدملها ضيافة وهي بتقدم سيلا لحظت علامة في ايدها

سيلا:ايه ده

نور بتوتر :مفيش كدمة عادية

سيلا:نور باين اوي انك بتكدبي لانك متوترة جامد

نور بتبكي وبتنفجر واخيرا بتحكي لفيلا كل البي جواها ومعانتها من ساعت ما اتولدت لحد دلوقتي

سيلا :بذهول وصدمة ده كله يحصل ليكي وانتي ساكتة وباباكي واخوكي مش بيدخلوا وكارهينك لمجرد انك بنت

نور ببكاء:والنبي متقولي لحد

سيلا بتفكير :انا عندي ليكي حل

نور بلهفة:ايه

سيلا:......

ه Remo

سيلا :انا عندي حل لمشكلتك

نور بلهفة :ايه

سيلا:اخويا عمرو محامي اقوله واخلي يتصرف

نور بخوف من أهلها وحسام:لا لالا متقوليش حاجه انا حكيتلك والنبي مش تقولي لحد عشان خاطري ده حسام يموتني فيها

سيلا:خلاص اهدي مش هقول بس انتي هتفضلي على الحال ده لحد امتى يا نور هتفضلي مستحملة الذل ده لحد امتى

بصتلها نور بحزن وسكتت

سيلا بتفكير:حاولي متخافيش منه وتظهري انك ضعيفة طول ما جوزك شايفك كدة هيدوس عليكي وهيذلك

نور :هحاول بس انا بخاف منه اوي ده بيضربني على اتفه الأسباب

سيلا :متخاف......قطع كلامهم دخول حسام

سيلا:استأذن انا بقى مع السلامة يا روحي وهمستلها انا جمبك خليكي قوية

ابتسمتلها نور ومشيت سيلا

حسام:اجري جهزي الاكل وهاتي ماية عشان تغسليلي رجلي

نور:حاضر

وبتروح نور وتعمل اللي هو عايزه وعدى اسبوع وجه اليوم اللي نور فيه مكنتش عارفه تكون مبسوطة ولا زعلانة عشان عرفت انها حامل

ذهبت نور وجلست أمام حسام:حسام

حسام :اخلصي

نور بتوتر:انا حامل

محستش بنفسها غير وهي في حضن حسام وكانت اول مرة تحس بالحنية بس هل يا ترى الحنية دي هدوم

حسام:اخيرا هتجيبيلي ولي العهد

نور بتوتر مع ابتسامة:اه ان شاءالله

حسام:هيكون ولد ان شاءالله

وأهلها وحماتها عرفوا وفرحوا عشان ايه في فكرهم انها هتجيب ولي العهد

في منزل محمد الشرقاوي

الساعة ١٢ بليل

محمد:كنت فين يا ابني لحد دلوقتي

زين :محدش ليه دعوة بية

محمد:يا ابني مقصدش انا بطمن عليك بس

بصله زين ودخل اوضته وقفل الباب بس مش بالمفتاح وطلع جرعة مخدرات وكان بيشم منها

محمد داخل :زي.....بصدمة :انت بتعمل ايه

زين:شايفني بعمل ايه يعني بلعب

محمد :رد عليا عدل انت نسيت بتكلم مين وايه القرف اللي بتاخده ده انت اتجننت وبياخده منه وزين قام وشده منه تاني بس وقع محمد على الأرض على دخول هناء

هناء بصدمة:ايه اللي انت عملته ده

زين:بتوهان ملكوش دعوة بيا اعمل اللي عايزه وسابهم وخرج

هند وهي بتساعد محمد يقوم:شوف آخرة تربيتك ودلعك ليه قال ايه عشان الراجل ويبقى سندك شوف سندك اهو بيوقعك على الأرض قال وكنت بتقسى على بنتك الملاك البريء اللي كنت حرمها من كل حاجة وغصبتها على جوازها وسبت جوزها يضربها عادي

شعر محمد لوهلة بشعور غريب وحاسس انه ندمان بس اتجاهل الشعور ده ورد عليها

محمد :انتي بتقولي ايه يا ولية وبتجيبي سيرة البت دي تاني ليه مصدقت خلصت منها وابني مكنش قصده يعمل كدة وأما ييجي هيعتذرلي وسابها ومشي

عند نور طول فترة الحمل مكنش فيه ضرب من حسام ودايما بيعملها بحنية وهي كانت فاكرة انه هيفضل دايما كدة حتى حماتها اللي كانت مشاغلها خدامة كانت هي اللي بتخدمها ومكنتش نور بتقوم من مكانها مش خوفا عليها لا ده على اللي في بطنها ونور بقت في آخر وعدى خمس شهور وراحو عند الدكتورة عشان يعرفه نوع الجنين

الدكتورة باصة للسونار وبتحرك الجهاز على بطن نور

الدكتورة:مبروك بنوتة ربنا يقومك بالسلامة

حسام بصدمة:بنت ازاي اتاكدي يا دكتورة

نظرت له نور بتوتر ومشيوا من عند الدكتورة وطول الطريق فضلوا ساكتين بس نور مرعوبة واول ما وصلوا وقفل باب الشقه

حسام ضربها بالقلم:ازاي بنت ازاي المفروض تجيبي ولد الوريث بتاعي

نور ببكاء:والله مش ذنبي ده قدر ربنا

حسام والله لاوريكي وسابها ومشي وراح قال لاهلها وعرف امه وكلهم غضبوا لان كان في فكر ان الست هي اللي بتكون السبب في تحديد الجنين

نور اتصلت على سيلا وقالتلها على كل حاجه

سيلا:جوزك ده حقير انتي مش لازم تسكتي انا هعرف عمرو وهو اللي هيساعدك وهياخد حقك

نور بخوف:بس

سيلا بغضب :مفيش بس كفاية ذل واهانة ليكي وفعلا بتقفل معاها سيلا وبتروح لعمرو وبتحكيلوا كل حاجه وطبعا عمرو كان مذهول ازاي استحملت ده كله وتاني يوم أصرت سيلا ان نور تيجي عشان يعرفوا هيتصرفوا ازاي وبعد محايلات من نور لحسام عشان تروح لسيلا وافق بس معرفش انه سيلا عندها اخ

نور بتخبط الباب

سيلابتفتح:اتفضلي يا حبيبتي خوشي

بتدخل نور بتوتر وعمرو وقف

عمرو:اتفضلي يا مدام بصلها ولقى ملامحها جميلة بس مليانة حزن

نور قعدت وحكتله كل حاجه وعمرو وسيلا ملتزمين الصمت بس الوقت خدهم ونور اتاخرت وعمرو قرر يساعدها

عمرو :بصي يا ....بيقطع كلامه خبط على الباب عمرو بيفتح

ونور وراه عشان كانت ماشية

حسام بصدمة :انتي بتعملي ايه هنا وراجل معاكي يا فاجرة

ولسة جاي يضربها فجأة.......

ه Remo hosny

حسام لسة هيمد ايده على نور فاجاة لقى عمرو بيمنعه

حسام:سبني واحد وبيربي مراته

عمرو بهدوء:محصلش حاجة يا استاذ مش زي ما انت فاهم المدام كانت جاية تقعد مع اختي مش اكتر ومكنتش عارفة اني موجود

حسام:بدا يهدى تمام اتفضلي يا هانم

نظرت لها سيلا باطمئنان ونور كانت مرعوبة عشان هي متاكدة ان حسام هيضربها اما تروح

وبتروح نور مع حسام واول ما بيدخلوا بيزقها

رايحة البيت وفي راجل يا فاجرة ونزل فيها ضرب تحت صويت وعياط نور وهي ببتوسل وتقوله :كفاية انا كنت راحة اقعد مع سيلا

حسام :معتش فيه مرواح هناك

نور:ماشي ماشي هعمل اللي انت عايزه بس مش تضربني

حسام:قومي انجري اكويلي القميص عشان اخرج

نور بخوف وتالم من وجع جسمها :حاضر حاضر

وبتقوم فعلا تكويلوا القميص وبيلبس ويمشي وهي بدنها تبكي لحد ما يقطع عياطها صوت.....

في منزل محمد الشرقاوي

بيدخل زين ويقوم محمد بفرحة ويقول :كنت متأكد انك هترجع وهتعرف انك غلطان

زين بيزقه :بتقول ايه يا راجل انت وبيعلي صوته واعتذر لك ليه اصلا انت مين

مخمد بصدمة في ابنه:بتقول ايه يا ابني انا ابوك انا دايما كنت بفضلك على اختك وحبيتك اكتر منها ودلوقتي بتعمل معايا كدة

زين بيضحك ويبصله باستهزاء ويخش جوة اوضته

ومحمد بيقعد بصدمة في ابنه ويقول في نفسه:معقول ده ابني اللي حبيته وكبرته وكنت فرحان بيه جدا معقول ده الراجل اللي هيكون سندي معقول ده اللي كنت دايما بضرب اخته وبفضله عليها وكنت بخلي يضربها ويمشي كلمته عليها بالرغم انها الكبيرة

معقول هو ده اللي كنت بخلي اخته خدامة تحت رجله على اساس انه الراجل ودايما كنت فخور ان عندي ابن ولد اكيد لا اكيد هو زعلان من حاجه او متغير فترة وهيرجع زين االي اعرفه

بيفوق على صوت عياط هند مراته بيقوم يشوف في ايه وبيروح يلاقي مراته على الأرض وزين قدامها

محمد:في ايه يا زين مامتك مالها

زين ببرود مفيش قولتلها اغسليلي القميص عشان البسه وهي معملتش اللي قولتلها عليه ضربتها ووقعت

نظر اليه محمد بصدمة شديدة:انت بتضرب امك يا زين بتمد ايدك عليها هي دي تربيتي ليك

زين باستهزاء:اه ويمشي وسيبه وطلع سجارة وشربها

ومحمد فاق من صدمته وقوم هند اللي كانت بتبكي

هند :شوف آخرة تربيتك ودلعك ليه شوف تفضيلك ليه على اخته شوف دلوقتي بيمد ايده على امه شوف تعويدك ليه ان كل حاجه هو عايزها تحصل لسبب انه هو الراجل شوف بيحصل فينا ايه دلوقتي وبتسيبه وتروح اوضتها تبكي بحسرة على بنتها وعلى اللي ابنها بيعمله فيها

اما في الصالة محمد قعد بتوهان:معقول دي آخرة تربيتي معقول دلعتك عن اللزوم يا زين دلوقتي بزق ابوك وتوقعه وتضرب امك عمال يفكر في كدة وعقله مش مستوعب بس برده كان بيعند وبيقول اكيد في حاجة بس ويتعدل كان محمد بيكابر مع نفسه

عند نور بيقاطع عياطها رنين تليفون المنزل وبتمسح دموعها وتقوم ترد

نور بصوت بتحاول انه يكون طبيعي:الو

سيلا بلهفة:نور انتي كويسة جوزك عملك حاجه

نور في ثواني افتكرت اللي حصل وانفجرت في البكاء وسيلا قلقانة عليها وطبعا جمبها عمرو بيطمن عليها وعشان يتفقوا هيعملوا ايه

سيلا:نور اهدي بالله عليكي عشان صحتك والبيبي

نور بتبدا تهدأ:خلاص يا سيلا انا كويسة شكرا لسؤالك

سيلا بزعل:عيب يل نور انتي اختي وبتفتح سيلا اللي اسبيكر وبيتكلم عمرو

عمرو :اسمعيني يا مدام نور انتي مينفعش تسكتي اكتر من كدة وخاصة انتي حامل لازم تتطلقي منه

نور بخوف :ده يطلقني وأهلي يبهدلوني والنبي لا خلاص مش عايزة حاجة

عمرو:يا مدام نور اهدي ومتخفيش عشان تعرفي تاخدي حقك اول حاجه على حسب كلامي معاكي وضربه ليكي اكيد فيه علامات ضرب لانه بيضربك باستمرار لازم نعمل تقرير بيثبت كدة عشان يكون فيه دليل في ايدنا

نور:طيب ماشي

عمرو:تاني حاجه لازم متوضحيش انك خايفه منه وتحافظي على نفسك وعلى البيبي

نور بتسمع الباب بيتفتح:طيب ماشي هقفل عشان جوزي جه سلام

وبتقفل معاه

نور بتوتر:هتاكل

حسام:حطي الاكل وبتحطله نور الاكل وهو بياكل بيقول

حسام:مش بتنزلي تساعدي امي ليه

نور بتوتر :الحمل تعبني بس مش بقدر

حسام بغضب:لا هتساعدي امي والله لو قالتلي او اشتكت تاني لكسرلك عضمك ومليش دعوة بالحمل اتصرف يا هانم امال انا جيبك لي مش عشان تخدميني وتخدمي امي

نور :حاضر والله هنزل

والحوار بينتهي على كدة بينهم وبيخوشوا يناموا تاني يوم الصبح حسام بينزل الشغل ونور بتكون تعبانة مش بتقدر تساعد حماتها وبتدنها طول اليوم على السرير وقبل ما حسان ييجي تليفونها رن بترد نور :الو

هند:عاملة ايه يا بنتي

نور بدموع :ماما وحشتيني اوي انا مش كويسة خالص

هند بدموع:استحملي يا بنتي عشان خاطري واخبار البيبي ايه

نور :كويس بيقاطعها دخول حسام

حسام :يعني انتي قاعدة هنا تتكلمي في الموبايل ومنزلتيش لأمي والله لاربيكي واشرب من دمك ونزل فيها ضرب ونور بتصرخ وبيبعد عنها وبيلاقي دم نازل منها

حسام بصدمة :ايه ده دم.......

ه Remo hosny

حسام بصدمة:ايه ده دم ...نور كان منظر نور عصب جدا كانت نور واقعة على الأرض وجسمها كله وارم مكان الضرب والدم حواليها نازل من رجلها

حسام نزل شالها وركب عربيته ومشي بيها في اتجاه المستشفى ومامته شافته ومشيت وراه وبعد فترة حسام وصل المستشفى ودخل بنور وخدوها على الترولي وهو قعد بتوهان وهو بيقول :ايه اللي انا عملته ده

(متفهموش غلط هو مش خايف على نور ولا على البيبي هو خايف لتموت لان كان منظرها صعب وهو يتسجن)

وبتدخل امه بعد شوية المستشفى وبتسال وبتروح لحسام وتقول:ايه يا حسام ايه اللي حصل

حسام:انا ضربت نور يا ماما وشكلها بتسقط

الام:ليه عملتلك ايه مقصوفة الرقبة دي (هو ده كل اللي همك يا حجة 😒😒)

بعد شوية الدكتور بيطلع وحسام بيقوم يقف ويقوم:خير يا دكتور

الدكتور باسف :للاسف مقدرناش ننقذ الجنين ووقفنا النزيف عند الام بالعافيه لانها متعرضة لضرب مبرح احنا لازم نقدم بلاغ

حسام بخوف:لا يا دكتور ملهوش لزوم اهم حاجة مراتي تقوم

الدكتور:انا مقدر حالتك دلوقتي بس لما المريضه تفوق هنتصرف وكل حاجه هتكون في ايدها هي سواء عايزة تبلغ ولا لا

وبتمشي الدكتور وحسام بيقعد بتوهان لانه خايف ام نور تبلغ فعلا بسبب اللي عمله فيها

الام:انت لازم تسيطر على مراتك وتخليها متنطقش بحرف افرض سيطرتك عليها وشوفها منك

حسام:وهو ده اللي هيحصل فعلا

الام بابتسامه شر:كدة انا اتاكدت اني خلفت راجل

(سوري يا حجة والله بس انا مش شايفه راجل خالص ممكن نخففها شوية ونقول شبه راجل )

في بيت محمد الشرقاوي كان قاعد قدام التلفزيون

محمد:انتي يا ولية اعمليلي كوباية شاي

هند:حاضر

وبين تليفون البيت ومحمد يقوم يرد

محمد:الو

محمد بصدمة :بتقول ايه

عند نور بدات تفوق والممرضة كانت واقفة جمبها

نور:ااه ايه اللي حصل

الممرضة بابتسامه:حمد الله على سلامتك يا مدام انتي كويسة؟

نور :اه بس في شوية وجع في جسمي

الممرضه:هنادي الدكتور ييجي يشوف حضرتك وانادي جوز حضرتك

وبتطلع الممرضه وتعرف حسام انها فاقت وتروح تنادي الدكتور

وبيدخل حسام لنور

حسام ببرود:حمد لله على السلامة

نور بخوف:اللع يسلمك

حسام بصوت مخيف:اسمعي يا بت انتي سقطتي يعني معنتيش حامل والدكتور شاف اثار الضرب وقال لازم نبلغ لو سمعت انك اتكلمتي بكلمة هخليكي مش نافعة لحاجة وهشرب من دمك

نور بخوف:حاضر والله مش هقول حاجه

وبتدخل حماتها

الام:حمد لله على السلامة يا اوس المصايب عملتيله ايه خلاه يوصل للحالة دي كان هيودي نفسه في داهية بسببك

نور لسة هترد الدكتور دخل

الدكتور:لو سمحتوا اطلعوا برة عشان افحص المريضه وفعلا بيخرجوا والدكتور بدا يفحصها

ونور كانت حيرانة مش عارفة تفرح عشان مفيش حاجه عادت بتربطها بحساب ولا تحزن عشان في روح بريئة ماتت مفاقتش غير على صوت الدكتور

الدكتور:انتي كويسة يا مدام في تحسن في حالتك بما انك فوقتي انتي لازم تقدمي بلاغ عشان البي حصلك ده

نور بخوف:لا لا مش عايزة حاجة انا مش هبلغ على حد

الدكتور :ازاي يا مدام مينفعش كدة لازم تاخدي حقك

نور:لا مش عايزة انا مسامحة

الدكتور:بس

نور:عشان خاطري مش عايزة انا بس عايزة اخرج

الدكتور:براحتك يا مدام وان شاء الله هتخرجي على بليل

نور:،شكرا لحضرتك

عند عمرو وسيلا

سيلا بحزن:انا نور صعبانة عليا اوي يا عمرو

عمرو:متقلقيش يا حبيبتي ان شاء الله هتجيب التقارير وهنثبت الضرب وتتطلق وربنا هيكون معاها وهينتقم من جوزها واحنا هنوف جمبها

سيلا:يارب يا عمرو

عن محمد راح القسم ولقى ابنه هناك

محمد لزين :ايه اللي حصل وانت بتعمل هنا ايه

رد الظابط:ابنك ممسوك معاه اربع كياس بودرة وكمان كان في شقة دعارة هو وشوية من صحابه ومعاهم بنات وبيشربوا خمرة وبيشموا بوردة حضرتك فاهم يعني

محمد من الصدمة مش قدر يتكلم وكان بيقول في نفسه :ده كله يطلع منك يا زين

الظابط :ابنك لازم يتعالج في مصحة

زين بعصبية :اماومش رايح في حتة انا كويس اهو وسليم

محمد بصدمة:مم مصحة ......

ه Remo hosny

محمد بصدمة:مم مصحة

الظابط :ايوة لان نسبة المخدرات في جسم ابنك كبيرة لانه كان بياخد جرعات كتيرة ده على حسب التقرير الطبي اللي قدامي

محمد:يا حضرة الظابط مفيش حل غير كدة

الظابط:بقول لحضرتك ابنك بيشرب مخدرات هو حضرتك مش مستوعب ولا ايه

زين قام وقال:انا كويس مش فية حاجة وانا مش رايح في حتة

الظابط بعصبية:انت تخرس خالص

محمد :طيب يا حضرة الظابط اللي تشوفه

زين بعصبية:هو ايه اللي يشوفه انت اصلا بتاخد قرار بالنيابه عني ليه

الظابط شاور للعسكري انه ياخده حبس انفرادي وفعلا الظابط انصاع ليه

طبعا محمد قاعد مش مصدق اللي بيحصل ولا مصدق ان ده ابنه اللي كان بيربيه ويدلعه على اساس انه راجل

في الليل عند نور خرجت من المستشفى مع حسام وروحوا البيت ودخلوا بس كان البيت في حالة وحشة مكان ما حسام كان بيضرب نور وهي بتبعد عنه ونور دخلت شافته بالحالة دي ودمعت وافتكرت اللي حصل

حسام شافها وقال بسخرية :مالك زعلانة اوي كدة امال لو كان اللي هييجي ولد بدل القرف اللي كنتي هتجيببيه احمدي ربك على اللي حصل وكويس انها مجتش عشان مكنتش هعترف بيها ولا هتهمني كدةكدة الموضوع مش فارق معايا يعني ومتخلهوش يفرق معاكي

نظرت نور بصدمة وكل ما يدور في عقلها :

(كيف يمكن ان يكون قلبك بهذه القسوة كيف اجل اتوقع منك اي شيء من ضرب واهانة ولكن لم أكن اتوقع منك هذا لقد كنت احمل جزء منك في احشائي الهذه الدرجة يفرق معك اذاكان الجنين ذكرا او انثى ،الان احمد لله انه لم يأتي لما كانت ستعانيه هذه الطفلة كما عانيت انا)

حسام :يلا روحي روقي الشقة دي

نور :حرام عليك انا تعبانة

حسام بغضب:وانا مالي اللي خصني شقتي ياااااااارب اخلصي يا هانم وبعدين حضريلي الأكل وبعدها اكويلي القميص وبعدين تعاليلي عشان عايزك

نور بقوة وانهيار لأول مرة:انت ايه يا اخي ها انت ايه مش بتحس محدش في قلبه رحمة الاقيها منك ولا من بابا ولا من زين ولا حتى من مامتك ارحموني بقى كل شوية ضرب واهانة وشتيمة ودلوقتي سقطني وعايزيني انضف واشتغل طب اقسم بالله ما انا عاملة حاجة ده كله وهي عيونها لونها أحمر بشكل مخيف وعمالة تكسر في اي حاجة قدامها

حسام خاف من شكلها او انها تعمل في نفسها حاجة هو يروح في داهية قالها:اهدي مش هعملك حاجة ولا هطلب خشي استريحي شوية وانا هسيبك براحتك وخد حجاته بسرعه ونزل عند مامته وحكى لها كل حاجة

الام بشر:البت دي خرجت عن صمتها لازم نسيطر عليها ولا ايه اسمع يا واد انا مخلفة راجل هخليها تعملك زي الخاتم في صباعها وتخاف منها فاهم

حسام بتوهان ولسة مصدوم :اه اه فاهم وطلع شقته لقاها هادية ودخل الاوضة لقى نور نايمة دخل غير ونام بعيد عنها

عند هند قاعدة قلقانة:يارب محمد وزين اتاخروا ليه معقول حصل حاجه يارب استرهاا يارب

في القسم كان يجلس محمد امام الظابط وفجأة الباب بيخبط ويخش العسكري

العسكري :تمام يا فندم

الظابط:خليهم يشوفوا شغلهم (كان قصده على الدكاترة والممرضين اللي وصلوا عشان ياخدوا زين)

وبيروحوا السجن والعسكري بيفتح

زين بضحك:كنت متأكد اني مش هطول

نظر له الضابط بسخرية وقال:شوفوا شغلكوا

الدكاترة دخلوا وزين اتصدم وحاول يهرب بس ادولوا حقنة بالغصب ونقلوا على ترولي وخدوه معاهم وطبعا محمد بيعيط وحس فعلا انه معرفش يربيه وضيعه بايده

صباح يوم جديد

عند عمرو وسيلا

عمرو:سيلا اتصلي بمدام نور خليها تستعجل في التقرير

سيلا :حاضر

سيلا رنت على نور وردت

سيلا:ازيك يا نور

نور بتعب بسيط:كويسة

انتي عاملة ايه

سيلا:الحمد لله يا حبيبتي

مالك صوتك تعبان كدة ليه

نور:مفيش يا حبيبتي

سيلا:نور احكيلي متخبيش

حكتلها نور على كل حاجه تخت صدمة سيلا

سيلا:هي وصلت بيه الحقارة للدرجادي بس كويس رد فعلك بتاع امبارح لازم تكوني قوية

عمرو طبعا كان سامع كل حاجه وقال :مدام نور انتي كدة لازم تعملي تقرير يثبت انك سقطتي من خلال الضرب المبرح كمان لازم نعمله انهاردة اعملي اي حاجة وانزلي دلوقتي

نور :تمام يلا دلوقتي حسام مش موجود ننزل واجي بسرعه

عمرو وسيلا:تمام

وفعلا بيروحوا يلبسوا وينزلوا ونور اتسحبت من قدام شقة حماتها ونزلت وراحوا على الدكتورة وكشفت وفعلا اثبتت كدة وهتطلع النتيجة تاني يوم ويمشوا وهم في الطريق

استاذ عمرو سيلا:شكرا بجد ليكوا

عمرو :ميصحش الكلام ده يا مدام اي حد مكاني هيعمل كدة

سيلا:عيب يا نور احنا اخوات

نور تبتسمت ومشيوا

ووصلت البيت ودخلت نور كان حسام جه

حسام:كنتي فين

نور ببرود:في السوق

حسام:اخر انذار ليكي بعد كدة مفيش نزول باسمي نور مردتش عليه ودخلت الاوضة ومر اليوم عادي

تاني يوم الباب بيخبط :حسام فتح

حسام:مين حضرتك كان قدامه راجل ومعاه ظرف

الراجل:اتفضل مراتك رافعة عليك قضية خلع

حسام بصدمة:اييه.......

عند محمد التليفون رن

وكام رقم المصحة اللي زين فيها

محمد :الو

المتصل :حضرتك والد زين

محمد:اه اتفضلي حصله حاجة

المتصل :ابن حضرتك هرب وهو بيهرب عمل حادثة

محمد :نعممم ....زيين