تحميل رواية «ذات العيون الناعسة» PDF

صرخت بصمتٍ حتى بحَ صمتي

اين انتِ؟

الكاتبه : روان آل عبدالله

______________________________

بتسمت واني امسح دموعي فتحت الخط

حجيت بسرعه و توتر

مريم. شاهين حبيبي وينك ليش مجاي ترد عليه

اجاني صوت غريب و هوا يكول

_ اني مو شاهين اني ابن عمه

مريم. ابن عمه ليش وين شاهين؟

_ شاهين سوه حادث و هسه هوا بل عنايه المركزه داخل غيبوبه

حسيت الدنيه دار بيه واني اسمعه يحجي كعدت بل كاع  منهاره و رجليه معد احس بيهن

حجيت واني ابجي

مريم. الله عليك صدك تحجي بداعت شكو غالي عندك كول الصراحه لا تحرك گلبي

_ اختي العزيزه اهدي و احجي انتِ منو شصيرين  من شاهين

مريم. اني... اني حبيبته

_ اسمعي شاهين كلش زين و تعده مرحله الخطر بس دخل غيبوبه لا تخافين الدكتور كال يكعد بس شوكت محد يعرف

كال هيج و سد الخط كمت ابجي و اهمس لا تعوفني شاهين حباب نمت على الأرض و اني ابجي احس انتهيت كد ما بجيت

عمري ما جربت فراك الابو بس احس هسه جربت الافراك بكل حذافيره

بقيت على الارض واني اشهك و ميته بجي احس احس روحي راحت احس تيتمت من جديد ضكت نفس الدلوعه من ماتت امي احس انعاد عليه نفس الموقف بس بطريقه مختلفه

نمت معرف اغمه عليه كد ما بجيت

كعدت على طرقات بل باب خفيفه كمت واني ميته برد و اعضامي متكسره

فتحت الباب لكيت بوجهي ريم دفعتني و دخلت للغرفه

نضرب ضهري بحافه الباب طارت روحي من الوجع

كمت احجي بتعب

مريم. شنو هل تصرف الطفولي شنو انتِ ما تستحين

ريم. كافي عاد و احترمي نفسج احجي من الاخير شمسويه لأبوي و لعمي عند اي سحاره..

مريم. شنو شمسويه و شنو سحاره ما جاي افهم

ريم. لا تستغبين رحمه لجدج كافي كلاوات.

مريم. روحي من وجهي مو ناقصه ابد البيني مكفيني

ريم. راح اروح بس خلي بالج هذا السحاره الي مسويه عدها راح الكاها و بوقتها راح ينقلب السحر على الساحر

مريم. هسه دولي مالي خلك شتريدين تسوين سوي اخر همي

طلعت و سدت الباب حيل غميتها و ركضت على الموبايل اريد اشوف شاهين شلون صار

دكيت اكثر من مره يطلع الي مغلق تعبت حيل احس نفسي بحرب  نفسيه حبيبي بل عنايه المركزه و داخل غيبوبه واني ما اعرف شي عنه يجوز ابن عمه يجذب عليه و هوا ميت احس روحي انتهيت من التفكير اريد اعيط بكل صوتي احس مخنوكه اريد اشكي افضفض لاحد محد يسمعني كلها ملتهيه بنفسها محد مهتم

سحبت ورقه من كتبي و كعدت اكتب بيها كلشي احسه و كلشي مضايقنين اكتب و دموعي غركت الورقه بقيت نص ساعه اكتب

زولت من الورقه احس روحي رتاحيت و دموعي وكفت مسكتها و شكيتها و ذبيتها بل زبل

دعيت ربي يريح گلبي و يملي عيني بشوفه شاهين احس روحي ضايعه بدونه

دخلت سبحت طلعت مشطت شعري و رحت على الجربايه اريد انام سمعت صوت دكه موبايل

ركضت و شفت الاسم شاهين فتحت الموبايل و كلت بلهفه

مريم. شاهين حبيبي يروحي شبيك صدك الي كاله ابن عمك

_ اني ابن عم شاهين... مرت الغالي شاهين صحه من الغيبوبه و هسه هوا كلش زين اعذريني ما كدرت اكلج لان جنت مشغول حيل و هسه يالله فضيت

مريم. صدك تحجي يعني شاهين ما بي شي صحه الف الحمد لله يارب.. شكرا الك هواي معرف شلون اجازيك

_ ادللي مرت الغالي... و هسه اني لازم اروح ان شاالله راح ابقه على تواصل وياج و اطمنج بتحسن حالته شاهين إلى ما يصير زين... انتظري هسه راح ادز الج فيديو

مريم. شنو من فيديو

_ هسه تشوفينه

مريم. إن شاء الله و شكرا لك اخي

_ عفوا مع السلامه

سد الخط و صعدت فوك الجربايه و كمت اكمز و اضحك متت فرح احس نفسي شلون الطير و تحرر من القفص هيج شعوري

ذبيت نفسي على فراشي و كعدت انتظر بل فيديو

ثواني و وصلني الفيديو

فتحته و شفت شاهين نايم و صدره مليان اجهزه

من شفته رئساً كلبي كام يدك على السريع و دموعي نزلت لا إرادياً

سمعت صوت واحد يسئله و يكوله

_ الحمدلله على السلامه صكر

شاهين. شيهانه وينج شيهانه

_ منو شيهانه

شاهين. معليك لا تجيب طاريه على لسانك.... اريد سمسمتي تعالي مشتاك الج و لعطرج و گلشي الج يا بعد معلاكي و راحتي تعالي حبيبي

_ ما تجي هيه عافتك و راحت

شاهين. لا تسولف انت ابد، هيه ما تعوفني ابد اني احبها و هيه هم

_ هسه اني خابرتها و كلت الها شاهين بل مستشفى كالت خلي يولي طبه مرض اني تزوجت شلي بي

شاهين. لااااااا شيهانه ما تكول هيج فهمت لو لا اني اعرفها اكثر من روحي... شيهانه أنثى الصگر ما تعوفه

خلص الفيديو ضليت اعيد بي فوك الاربع مرات و ابجي على كلامه و شلون واثق بيه و يحجي و يتغزل بيه و هوا بل بنج

دزلي رساله ابن عمه شفتها كاتب بيها

هذا الدكتور مصوره جاب الفيديو علينه كال مني شيهانه احنى ضلينه واحد يدحج (يباوع ) عل الاخر ما عرفنه منو انتِ، اخر شي ياله تذكرتج

مريم. شلونه هسه صحه من البنج

_ اي صحه بس ما يكدر يتحرك ولا يحجي لان منهك فرد مره

شمرت الموبايل و كمت ابجي

مريم. يروحي عسى بيه ولا بيك حتى حجي ما يكدر سوده عليه يا عمري انت بس ارجع الي سالم والله اتزوجك و شتريد اسوي الك فدوه بس صير زين

بقيت يومين اني على تواصل ويه ابن عمه يطمني

كاعده اكرض زلطه سمعت صوت موبايلي يدك بس الصوت بعيد شمرت السجين و كمت اركض

اخذت الموبايل شفت حبيبي و كبل فتحته عبالي ابن عم شاهين كا العاده بس اجاني صوت خلاني اكع على الأرض و انهار من البجي

شاهين بتعب. سمسمه

مريم. حبيبي يروحي وينك ليش مختفي والله كلبي طك عليك بل يوم جاي اموت الف موته من دريت انت بل مستشفى حبيبي طمني عنك

شاهين. ما بيه شي وداعت عيونج الحلوه من تبجين هذياني مثل الحصان... لا تبجين يا بعد حيلي

كال هيج و سمعت صيحه ولد يمه عرفت أصدقائه صاح بيهم يالله سكتو رجع همس

شاهين. شيهانه مشتاگلج حيييللل

مريم. واني هم يا بعد گلبي حيل مشتاقه لك ما تدري شصار بيه من دريت انت مسوي حادث وداعتك لا ليلي ليل ولا نهاري نهار

شاهين. ليش هيج تسوين بروحج يا بعد معلاكي سمسمه مو انتِ تدرين بيه من تتعبين و تبجين اني هم اتعبت و اضوج من يمي ليش هيج يا بعد حيلي

ترضيها تعبين حبيبج

مريم. لا ما ارضاها ابد

شاهين. خلص يله مسحي دموعج اني بخير وداعتج ما بيه شي الصگر ما يهزه ريح

مريم. عفيه حبيبي طمني عنك احس صوتك تعبان

شاهين. لا والله ما بيه شي ابد صگر الورد ضد الحراره و البرد

مريم. ههه كفو حبيبي

شاهين. كفو من شاربج

مريم. هههه

شاهين. اوف شكد مشتاق لضحكتج

مريم. شاهيننن

شاهين. هاا يا روح شاهين و گلبه اليدك

مريم. احبك

رتخه صوته و كال بهمس

شاهين. كوليها مره اخرى

مريم. احبك صگر

شاهين. يروح صگر واني اعشقج

تا احجي و سمعت صوت واحد صاح

_ كافي عاد مو طكنه الجفاف شنو ما تكول موجود سناكل شوي ارحم بحالهم

شاهين. امشو ولو من هين يله ما أكدر اكوم وله اني شسوي بهيج وجوه تلعب النفس اذا ابقه مكابلكم راح حتى الجرح ينفتح من جديد

_ هسه اجيب سمسمه مدري شيهانه تكابلك بلجي يلتم الجرح بسرعه ههههه

شاهين. ابن ***يا ***ان**** بعد جيب طاري اسمها مو شوف شراح اسوي بيك

_ على كيفك هدي اذا مريض و هيج تسب عجل لو ما بيك شي شراح تسوي

شاهين. اكسر عظامك و اچلك (اوكلك) ياهن بدون مي

متت ضحك واني اسمعهم شلون يحجون و واحد يسب بل الاخر سديت الخط يمكن صگر نسه اني على الخط

رحت على المطبخ تا اكمل شغلي لكيت مرت خالو ابو حسان مكمله الشغل

مريم. يااا خاله اني اجيت أكمله ليش تعبتي نفسج

_ بعد وكت جان بقيتي اكثر

مريم. اسفه صار عندي شغل و رحت مستعجله اعذريني

هزت ايدها و راحت تعجبت كلش من اسلوبها وشلون تنتر بيه عبالك مسويه فد شي ولا جن زلاطه عايفتها

عفت كل اشي و رحت كعدت بغرفتي كمت اكلب بل يوتيوب سمعت خالي يصيح باسمي

خفت حيل و ايديه لا إرادي كامن يرجفن سميت بس الله و نزلت جوه

شفت خالي واكف يم الدرج و كلها واكف وراه بلعت ريكي بخوف و حجيت برجفه

مريم. هااا... خالو

ابو سلمان. روحي لبسي ملابسج و تعالي خلي نروح

متت خوف و كعدت على البايه الدرج خايفه حجيت بهمس

مريم. خالو وين حتاخذني

ابو سلمان. هسه ليش خفتي كومي يله لبسب عبايه و حجاب و تعالي لا تلبسين غير شي

مريم هزيت راسي و كمت معرف ليش لهل درجه خفت منه بس طريقه كلامه جان بنتر و وجهه ما يتفسر

دخلت على الغرفه لبست عبايه اسلاميه و حجاب

و تران شوز ابيض

نزلت جوع لكيت خالي كاعد على الكنبه ينتظرني من شافني باوع عليه من فوك إلى جوه و هز راسه الي بمعنى لحكيني

صعدنه بل سياره واني خفت حيل عجيب أمره اول مره ياخذني وياه و بل سياره و بوحدنه

خفت و فكري راح لبعيد هاي الفتره الي عشت بيها يم داعش خلتني احذر و اخاف من اقرب الناس الي

تعوذت من الشيطان و بديت احصن نفسي و أقره المعوذات

و كفت السياره رفعت راسي شفت كدامي مستشفى

حجيت بتردد

مريم. خالو هاي ليش المستشفى

ابوسلمان. نزلي

نزل و اني بقيت متردده ما نزلت صاح بصوت عالي

ابو سلمان. نزلي يلللله مو فاضي انزلييي

جفلت من صوته كبل نزلت سحبني من ايدي و كام يمشي باتجان المستشفى دخلنه و صعدنه للطابق الثالث

مسكني خالي من ايدي و رحنه باتجاه غرفه وكف خالي

جانو ولد هواي و اكفين يم الباب كلهم باوعو علينه بعلامه استفهام

ختلت وره خالي لان خفت من نظراتهم

سلم خالي عليهم و ردوله السلام حجه خالي

ابو سلمان. غرفه الضابط صگر

_ اي تفضل عمي شرايد

ابو سلمان. من طرف صگر اني

_هلا بيك وعلى راسي والله كال صگر راح يجي واحد اطلعو و هسه عرفنه شنو السبب

يحجي و يباوع عليه دنكت سحبني خالي و دخل للغرفه

رفعت راسي و شفت شاهين نايم على السديه و الاجهزه على صدره دمعت من شفته

كام خالي يحجي وياه و يسلم عليه و هوا يحجي و عينه عليه

ترك خالي ايدي و طلع بقينه اني و شاهين بل غرفه

دنكت واني ابجي همس شاهين بتعب

شاهين. تعالي كربي بسدي(يمي) يا بعد حيلي

رحت عليه و حضنته من صدره بدون تردد همست

مريم. شاهين الحمدلله على السلامه حبيبي

شاهين. الله يسلمج بنيتي

مريم. شتاقيت الك كلش حبيبي ما تعرف شصار بيه من ما ترد عليه ضعت بدونك حيل

شاهين. واني هم يا بعد معلاكي ما تعرفين شكد عانيت يالله شفتج احسج علاج انتِ الوحيده اللي تطيبين الجرح

زولت منه و جريت كرسي و كعدت يمه بقيت اتلمس بصدره و الاجهزه و ايده المكسوره هوا يباوع على حركه ايدي مسك ايدي و باسها

سحبني اله و قربني حيل منه تخالطت انفاسنه همس

شاهين. سمسمه محتاجج حيل

ما كدرت احجي شي بس اباوع بعيونه قربني اكثر طخت شفتي بشفته باسني بوسه خفيفه و كبل دفعني

باوعت عليه باستغراب و حجيت بوجع

مريم. ايي شاهين شبيك اذيتني

حجه بصوت عالي

شاهين. جاي يدحجون علينه ولد القندره اني الهم

بسيطه يصير خير

مريم. منو شبيك شاهين اهده يمعود انت مسوي عمليه

شاهين. كومي سدي البرده زين

نداريت لكيت جزء صغير مفتوح و هما كلهم و اكفين و يباوعون علينه

شاهين يتوعد الهم و هما يضحكون سديت البرده وكعدت بمكاني سحب ايدي و عصرها و باسها و حجه

شاهين. سمسمه شنو رئيج نتزوج من أطيب

تا أرفض بس تذكرت اني وعدت نفسي اذا رجع بخير و سلامه و طلب مني الزواج ما أرفض

تنهدت و حجيت بهمس

مريم. شاهين موافقه

شاهين. تحجين صدك

مريم. شاهين اني وعدت نفسي اذا رجعت بخير و سلامه راح اتزوجك

باس ايدي و خله ايده على خدي كام يحرك ابهامه و كال

شاهين. سمسمتي احبج يا بعد روحي بس أطيب اجي اخذج من خوالج و ازفج الي

تا احجي و ندك الباب دخل خالي كبل زولت ايده و كمت وكفت يمه

خالي تحمد لشاهين على السريع و سحب ايدي و طلعنه

ضليت حايره معرف شنو السالفه و ليش هيج خالي سوه و ليش جابني لشاهين معقوله يدري بعلاقتي ويه شاهين بس لو يدري شي اكيد راح يذبحني

بقيت بدوامه تفكير مفرط حسيت وكفت السياره نزلنت و صعدت كبل لغرفتي صرت ما احب الكعده وياهم احسهم كلهم منافقين و راعين وجهين كدامي شكل و ورأي شكل

ضليت يومين اتواصل ويه شاهين ثالث يوم انكطعت الاخبار عنه ادك عليه مغلق اتصل على النت هم ماكو مفاتح

خفت لا صار بي شي مثل العمليه نفتحت او رجع دخل غيبوبه مره آخرى كل هذي الاسئله و الأفكار براسي ما لكيت حل ابد

فزيت على نقرات بل باب لبست حجابي و دخل جعفر

جعفر. ها شلونج

مريم. هلو جعفر زينه

جعفر. شبيج اشو احسج مو على بعضج

مريم. لا مبيه شي

جعفر. اممم... اليوم استلام النتائج

مريم. صدك يمته

جعفر. هيج ما حدد موعد بس من 2الضهر و هي طالعه

مريم. ههه اوكي

جعفر. راح اراقب المواقع لا تشيلين هم مو

مريم. إن شاء الله شكرا الك

راح و اني لفيت راسي و نمت صرت كل ما اريد اهرب من همومي التجئ للنوم احسه مهربي الوحيد

فزيت على جعفر يحرك بكتفي و يضحك

مريم. هاا جعفر

جعفر. اكعدي نجحتي

طفرت و كمت اكامز نسيت كل حزني و تعبي ربي عوضني حرفين الدراسه سلاح المره بين كل الضروف الي صارت الي تحديت نفسي و درست و نجحت معا انو صار الي سنتين و نص تاركه الدراسه

حمدت ربي و شكرته على فضله الي كلش جبير

احس ما عندي سند الدراسه هيه الوحيده الي اشيلها سلاح و احارب المجتمع الي عايشه بي

كمت و اخذت موبايلي و اني ارجف اريد أشارك شاهين فرحتي صح اعرفه ما راح يرد عليه بس اهم شي احجي اله

تعلمت يوميه بل ليل افضفض اله و احجي اله كل شي صح ما يشوف بس من احجي وياه احسه كاعد يمي و جاي يسمعني ملكيت احد غيره يفهمني و يقدرني اكثر منه

دكيت عليه ما فاتح نت  رحت اتصلت على الخط

ثواني و شاله باوعت على الموبايل مو مصدكه ابد

حجيت بفرحه و تلعثم

مريم. شاهين حبيبي وينك ليش هيج تسوي بيه والله گلبي خلصان ليش هيج تعاقبني اني شسويت بيك شنو ذنبي تا تسوي بيه كل هيج ليش علقتني بيك و بكل برود انسحبت، شاهين اني بشر حس بيه عندي احساس و مشاعر من تركتني و هجرتني لا ليلي ليل و نهاري نهار تجي يوم و تختفي ايام ليش هيج تسوي بيه

ذب حسره جبير و همس برود

شاهين. مريم عوفيني ما افيدج ورب الكعبه

---------------------------------------------

عمري خلص البارت اذا عجبكم دوسو على النجمه

عنونيني اعذروني كلش اعرف متاخره عليكم و خليتكم تنتظرون يومين بس والله كلشي خارج عن سيطرتي اني هسه مسافره و باجر ارجع ان شاء الله ارتب اموري و رجع الكم بارت قوي بإذن الله

عندي كروب للبنات فقط الي يريد ينظم عليه يراسلني خاص

اسفه على الاطاله و بنهايه الكلام احبكم هواي 🤎

مريم تكول:

أبكي على ذراعي

كإنني طِفلة ، و أنا أمي .

الكاتبه : روان آل عبدالله

طلب دوسو على النجمه + علقو بين الفقره

_______________________________

شاهين. مريم عوفيني ما افيدج ورب الكعبه

مريم. شاهين صدك تحجي لو تتشاقه

شاهين. أي احجي جد

سكتت و صوت أنفاسي صارت عاليه وكعت بل كاع و خليت الموبايل على رجلي تهسترت و كمت اصيح

مريم. لك شلون تريد اعوفك انتَ صاحي شاهين ليش هيج تعبني ليش هيج تدمرني والله كلبي خلصان مابيه حيل افقد اهلي مره ثانيه شاهين... وين وعدك الي وين حبك هيج بسهوله عندك تعوفني ما شفت شصار بيه من دخلت غيبوبه ما شفت معاناتي عيوني راحت من البجي لهل درجه اني عندك رخيصه ليش علقتني بيك و هسه تريد تنتهي علاقتنه بكل سهوله شنو ذنبي اني

شاهين. مريم الوضع اكبر مما تتصورين ما أكدر اكمل وياج سمسمه اني احبج و عمري ما راح انساج بحياتي ما فكرت اتركج بحياتي ما فكرت اضحك عليج بس الضروف اقوه مني و اذا اخذتج راح تنضلمين هواي... مع السلامه سمسمتي ديري بالج على نفسج...احبچ

مريم. شاهين....

سد الخط بقيت صافنه على المكالمه و دموعي تنزل لا إرادياً حسيت توقف بيه الزمن حسيت روحي دخلت بمتاهه دارت الدنيه بيه و وكعت على الأرض اريد اكوم ما أكدر احس روحي مقيده احس احد مربطني بقيود

حسيت لعبت نفسي و اريد اتقيئ حاولت اكوم اكثر من مره بس محاولاتي بائت بل فشل رجليه بادن معد يشيلني تقيئت دم على الأرض

فتحت عيوني بصدمه و كمت ابجي بصمت اريد احد يجي ينقذني اريد يطلع صوتي اصرخ استنجد بس صوتي ختفه حسيت نفسي بكابوس ما أكدر احجي ولا اتحرك و حلكي يطلع منه دم بكثره

كمت ازحف باتجاه الباب و ملابسي و وجهي كلها دم

فتحت الباب و صار بوجهي جعفر تا يصعد فوك كبل من شافني اجه عليه يركض نزل لمستواي

و مخبوص و مصدوم بنفس الوقت ما يعرف شنوي يسوي

شالني و نزل بيه واني دخلت بعالمي الأسود الي احس براحه بي انسه كل وجعي و دمعي و اهاتي بهذا عالم ما بي شاهين و لا بي اخوي و كل شخص جرحني و اذاني عالمي خاص بيه فقط....

سمعت احد يهمس باسمي بس الصوت بعيد حاولت افتح عيوني بس الضلام جان مسيطر عليها.. بعد محاولات عده فتحت عيوني بضعف

وضحت عندي الرئيه باوعت خوالي و اكفين فوكي و وجوهم صفر كلش مبين خايفين

حجه خالي ابو سلمان

ابو سلمان. الحمد لله على السلامة بنتي شجاج ليش هيج صار بيج

حاولت احجي اكثر من مره بس ما كدرت احس روحي كد ما تعبانه ما بيه حيل انطق حرف

اجه الدكتور و فحصني و حاول يحجي ويايه بس ما كدرت احجي شي ندار على خالي و كال بتردد

_ البنت تعرضت لصدمه كبيره حيل و على اثر هذي الصدمه فقدت النطق و ثاني شي الي خلاها تتقيئ دم عدها لتهاب بل معده و على اثر الصدمه هيج صار

سمعت الدكتور و دموعي ينزلن بهدوء حجه خالي

ابو سلمان. يعني راح تبقه هيج ما تسولف

_ لا راح يرجع النطق مالتها بعد سبوعين و اذا ما رجع بعد شهر هذا الشي طبيعي و اي شخص يتعرض لهيج اشياء... وهسه تكدرون تطلعون بس لازم تلتزمون بل مراجعات لان معدتها كلش متئذيه

جعفر. إن شاء الله دكتور شكرا لك

راح جعفر ويه الدكتور على مود يسجل خروج

كمت و ستندت على خالي احس لحد هسه بيه الدوخه

صعدت بل سياره و خليت راسي على الجام نزلت دموعي واني اتذكر كلام شاهين البارد الي نزل على كلبي مثل الجمر احس روحي فقدت كل شي هسه عترفت اني صرت يتيمه عافني بكل برود ولا سئل عليه علقني بي و راح عتبرته ابو بس عرفت محد يستاهل اشبهه بابوي ، خليته كلشي بحياتي و سويت اله اهميه بحياتي و هوا بل مقابل تركني و خلاني ادخل بحاله كتئاب و خسرت نطقي و خسرت حياتي مستقبلي مجهول و خوالي مبين محد يريدني محد متقبلني احس روحي نكره بينهم.. فكره انو شاهين عافني مجاي اتقبلها مجاي تدخل بعقلي...

وكفت السياره و نزلت بهدوء صعدت لغرفتي لكيتها وصخه محد منضفها نزعت عبايتي و كعدت اعزل بيها كل شوي ادوخ اخذ ريست و ارجع اكمل

خلصت و فتت سبحت و صليت لبست تراك و نمت و اني الدمعه على خدي و كل شوي ارفع الموبايل و اشوف اذا شاهين متصل عليه اريده يرجع و يكول الي مقلب بس خاب ضني..

العوده الى الماضٍ

شاهين...

كاعد على المكتب و اكتب اريد اضيع تفكيري بالي مشتت و افكار مخربطه كل شوي يروح فكري لشغله مره لأمي الي دخلت المستشفى بسببي صار بيها سكر لو لصديقي و اخوي الي ما جابته امي ، سوو بي صدار و ذبحوه بدم بارد لحد هسه صامد و ما ابين لاحد اريد اخذ ثاره اريد افرح بي بس مع الأسف الداعشي الي چتله مات و ما لحكت عذبه و اخذ ثاري منه بس موجودين جماعته لذالك اني لحد هسه كاعد و ما اريد اتصرف بطيش و اضيع كل شي

صامد و قوي بداخلي حطام مدينه مهجوره أفكاري متزاحمه و مشتت افكر شلون جنت عايش حياتي قبل... اني شاهين ملقب بصگر لاني املك سرعه و تركيز فضيع ولدت بين عائله متفاهمه بين اب و أم و اخوات و اخوان عندي 5 خوات و عندي اخو واحد و اني الثاني ابوي جان انسان حيل قاسي ايده و الضرب اذا يغلط واحد من اخواني كلنا نتعاقب مو بس هوا... جنت ما ارسب بدراستي ابد جنت ادرس غصب عني خايف من الحزام و الصونده تخرجت من سادس بمعدل مقبول ما بي شي رحت امشي تا ارجع على البيت واني مهيوم خايف من ابوي صرت زلمه كامل عندي شوارب و لحيه و لحد هسه يضرب بيه

وصلت للبيت و سميت بس الله و دخلت لكيت البوب مال البيت مفتوحه و اخواتي كاعدات بل مطبخ و يبجن

رحت ركضت عليهن اريد اشوف شبيهن ما يرضن يحجن الي اخر شي صحت بيهن يالله حجت اختي كريمه

كريمه. ابوي وكع و ودوه على المستشفى صار الهم ساعه و ما نعرف عنهم شي

عفتهن و رحت ركض على المستشفى الي يمنه جان صغير و طابق واحد اول ما دخلت سمعت صوت صريخ عرفتها امي تصرخ رحت عليها اركض بكل سرعتي و شفتها بل كاع و مفرفحه روحها من البجي كاعده و تلطم على رجليها

رحت حضنتها و هيه تصيح ابوك ماتت بهاي اللحظه حسيت نكسر ضهري ما عندي سند حسيت المسئوليه كلها عليه و اني بعدني بسن المراهقه ابوي من راح خله فراغ جبير بداخلي

مرت ايام الفاتحه و خلصت و البيت مخيم عليه اللون الاسود و الحزن بكل ارجاء البيت

صرت اني رجال البيت معا انو عندي اخوي اكبر مني بس مو شد ابد ما يعتمد علي حاولت اكضبه المسئوليه بس جان يتهرب فا طريت اني اهتم بأمي و اخواتي

كرست حياتي بس الهن صرت ملازم و العسكريه علمتني هواي دروس و مواقف صرت انسان بارد و عصبي بنفس الوقت عندي علاقات عابره علاقاتي جانت كلها بل حلال بعمري ما دنيت على الحرام بس بحياتي ما حبيت وحده بيهن مجرد تسليه و اضيع وقتي جنت اي بنت تعجبني شكلٍ اجيبها و برضاتها لو حتى بنت بيوت

زوجت خواتي عند ناس محترمه و خلفن و عدهن رواتب بس اني كل شهر مصروفن خاص بيهن و اخوي تزوج بنت جيرانه بقيت بس اني عاجبتني حياتي اريد ابقه طير حر

حياتي صارت عباره عن روتين ما بيها شي جديد

صحيت من صفنتي على العسكري يطكلي تحيه رفعت راسي و جابلي اسم بنت و كال انو ما عدها احد تسكن وياه ضجت لان هاذي مو شغلتي اكعد أدبر خيم للناس بس تغاضيت على الموضوع و طريت أدبر الها سكن

ذبيت القلم و طلعت علبه السمسم و خليت خاشوكه بحلكي غمضت عيوني و خليت راسي على الكرسي و كعت اتأمل طعم السمسم

احب السمسم حيل ومن اني و صقير ولحد هسه ما امل منه

جفلت (فزيت) صوت بل غرفه عبالي الحارس لحد هسه موجود تا ارزله

فتحت عيوني و رفت راسي شفت بنت صفنت بملامحها شكد شايف بنات بحياتي بس مثلها ابد مو شايف شكلها تعبانه و عضام و جهها مبينه و عيونها ناعسة من التعب

عجبني شكل عيونها بقيت مركز بيها شكلها و كلشي بيه يغري اكبر رجال، معروف ببنات الموصل يشيلن هيج جمال مو غريبه عليهن

دار حوار بيني و بينها اخذت اسمها و دكيته بل حاسبه طلعت معلوماتها كامل يمي و عرفت هيا اخت محمد الي ذبح صديقي

نقهرت حيل و تعصبت صرت معد اشوف كلشي جدامي حسيت اجت للموت برجليها حسيت الله جابها عليه

شوفتها الفيديو شلون مجتول اخوها واني ميت ضحك شلون نصدمت، بعد ما شافت مني شي هاذي البدايه فقط

ناديت الحارس و غيرت اسمها و سويتها ساكنه بغداد على مود ما يحققون بشغلتها

عاندت و صارت تصيح و مصره انو اسمها مريم مو شيهانه ضربتها راشدي خفيف اشو هاي وكعت بل كاع و كامت تتلوه من الوجع غلطت عليه ما رديت أصغر عقلي اكثر من هيج

اخذتها و صعدت بل سياره ادحج عليها مصدومه و خايفه مبين من وجهها اصفر

بقيت امشي ربع ساعه و دحجت عليها لكيتها نايمه شلون الطفل و مقوسه شفتها

ضحكت على شكلها و كصيت الها صوره

كملت طريقي و هيه كل شوي تصحه و ترجع تنام

دك موبايلي طلعته من جيبي دحجت عليه رقم امي تعجبت امي ما تتصل عليه بهيج وقت عدها وقت معين.. خفت لا بيها شي كبل فتحت الخط اجاني صوت مرت اخوي وهيه تتميع

حجيت وياها عبالي امي بيها شي طلعت ما بيها شي و متصله لواكه لا أكثر

تفلت عليها و سديت الموبايل دحجت على مريم جانت دحج عليه بصدمه من اجت عيني بعينها كبل دنكت ضحكت بكلبي على ترصفاته العفويه و الطفوليه

فتحت الجامه و لكحت(شمرت) الموبايل بل شارع

وصلت للسيطره عرفتها راح تلعب بذيلها و فعلا طلع احساسي بمحله.

سوت دراما و كعدت تشكي للعسكري عني طولت خلكي و نزلت وياهم اخذوني على النقطه طلعت الهم الهويه من شافوها طكولي تحيه و عتذرو مني

غلست عليهم جان فكري مشغول بهاي الطفله الي بل سياره جنت متحلف الها بچتله زينه

وصلت السياره و ما لكيتها فتريت ورا السياره لكيت آثار أقدام عرفتها وين رايحه

مشيت بل سياره بهدوء شفتها من بعيد تركض دست بنزين شفتها وكعت

دست بنزين اكثر جنت ناوي ادعمها و قررت اليوم اموتها و اروح و اخليها بس أكو شي دفعني و خلاني اوكف

نزلت عليها و هيه تبجي بعلات صوتها رفعتها كبل رادت تكع مسكتها و عرفت بيها خوفه و صدمه

جريتها و صعدتها بل سياره نطلقت لبغداد واني كاعد على نار كل الطريق افكر شلون انتقم منها و ابرد كلبي بيها و شلون اخذ شرفها شلون اكسرها و اعوفها بل شارع مذلوله

دحجت عليها شفتها نايمه و الدمعه على خدها وكفت السياره و كعدت اتأملها حجيت بهمس

شنو ذنبها هيه شنو الشي الي سوته.. شي اكيد ماكو جواب لان هيه ذنبها الوحيد اخوها القاتل مو هيه

كل ما اكول انتقم بس من اشوفها لو مجرد لمحه تروح هاي الأفكار من راسي و أتراجع الف خطوه ائنبني ضميري من ضربتها حسيت اني بشع لدرجه جاي اعاقبها لان اخوها داعشي متقبل فكره انو هيه ما عليها با اخوها و هيه ما الها دخل بي..

بقيت نص ساعه افكر اخر شي اتخذت قرار انو اتقرب منها و اذا ستجابت لهذا الشي اعرف شلون اتصرف وياها ... او اذا ما قبلت فا ابتعد عنها و اساعدها لان مبينه بنيه صقيره و فطيره و ما تعرف كل شي

تخذت قراري و ضليت ادحج عليها شلون نايمه شكلها و تصرفاتها شلون الطفل حتى نومتها ذبيت حسره و همست

شاهين. اني من ايمت ادمر طفله استغفرالله ربي امبينه كلشي ما تعرف

كعدت جوعانه تذكرت بجيبي نستله انطيتها الها و هيه وكحه لسانها أطول منها ابد ما تسكت صحت بيها يالله سكتت

حركت السياره و وصلت لبغداد تذكرت امي تتصل عليه بل 8 الصبح وكفت يم محل و شتريت موبايل و خط تذكرت هاي الطفله جوعانه شتريت الها نستله و مي و صعدت بل سياره

انطيتها الها و كعدت تاكل بيها دنچرت (دنكت) راسي على الستيرن احسه راح ينفجر كد ما تعبت خابرت امي و طمنتها سديت الخط و رحت على الشقه مالتي

كمت اختبرها و اشوفها كد الثقه حطيت فلوس كدامها و رحت على الدوام رجعت الفلوس باقية بمكانهن ما جايه حولهن خليت كذالك قطعه ذهب و هم باقيه بمكانها غرفتها كد الثقه و متربيه زين مو مال هيج سوالف اني من البدايه اعرفتها بس ردت اتأكد

كمت اراقبها بسكته اراقب حركاتها و تصرفاتها الطفوليه من تخليني اغمص على مود تمشط شعرها خايفه لا اشوفه و اني انفذ طلبها بس ما تجي عيني النوم و ابقه اراقب حركاتها الطفوليه كدام المرايه لو شعرها الي يجذب اكبر رجال سبحان الله احسها مو بشر مثلنه احسها حوريه و نازله من الجنه كد ما نازكه بكل شي

كعدت على الديوان و هيه كاعده تلعب بل بطل ناديتها و اجت تركض كيفت

كمت العب وياها و شبعتها راشديات فازت عليه و تقربت بحركه سريعه اني هنا تصرفت بطيش و سحبتها و بستها

زولت مني و هيه تبجي و مقهوره واني احس روحي صرت بغير عالم صحيت على بجيها تبجي بصوت عالي كمت و كعدت يمها حاولت أهديها بس جانت مصره على الطلعه من البيت حاولت أهديها و افهمها انو راح الكه خوالها بنفس الوقت و وعدتها انو راح اروح و ما اجي اله واني لاكي خوالها...

طلعت من البيت و اني محترك من العصبيه احس روحي لوثت فد شي صافي شي بريئ ما عبالي توصل لهل مواصيل

رحت على الانبار وصلت البيت لكيت كلها نايمه فتت على المطبخ و لكيت مرت اخوي فاطمه تشرب مي من شافتني جفلت

ما هتميت الها رحت فتحت الطباخ و خليت علي فحم اريد اسوي ناركيله سويتها و شلتها لفوك فتحت الباب و خليتها نزعت ملابسي بقيت بل شورت كعدت العب رياضه بس واهسي خربان كل تفكيري صار عباره عن سمسمه احس روحي ضايع بدونها تعودت عليها و على ريحتها و جنت يوميه كبل لا انام اشوف شعرها الي بلون الشمس

أخذت بملابسي و فتت على الحمام قفلت الباب و نداريت شفت....

_________________________________

عمري خلص البارت اذا عجبكم دوسو على النجمه

سؤال. تتوقعون شنو شاف شاهين

طلب تابعو حساب مصممه الغلاف هذا حسابها

qx_sh17اذكر المستخدم

احبكم عنونين مالتي انتو 🤎

صعب من انته شي مكسور

بس يوميه تتكسر.. 💔

الكاتبه : روان آل عبدالله

-------------------------------------------

أخذت ملابسي و فتت على الحمام قفلت الباب و نداريت

شفت فاطمه مرت اخوي و بدون ملابس

دحجن عليها بصدمه و كبل درت وجهي و صحت

شاهين. شجاعد تسوين هيننن ليششش موو لابسه ملابسسس

فاطمه. اسفه والله ما ادري انتَ هنااا

شاهين. ايا بربوكه يا حيوانه يا ***يا ك*** تعلميني بسوالفجج يا ساق*** اني الججج مو صوجج صوج اخوي المكرننن الي منطيججج على مايجج وله انتِ مااال تكفخخخ و جتللل ماااا يفيددد وياجج الطيبب

فتحت الباب و صحتت

شاهين. اطللللعييي من هيننن اذااا ما طلعتي راحح اسوي جتلج عمل شعبي و شيصيررر خلييي يصيرر

فاطمه. بسسس خلييي افهمككك صكررر

شاهين. اطلععععييي

صحت بيها و طلعت سديت الباب و كمت اتنفس سريع استغفرالله ربي شنو هذي لهل درجه وصلنا لمرحلة من النحطاط ربي وين الناس تريد توصل

سبحت سريع واني فكري مشتت لعبت نفسي من المنظر الي شفته احس كشت شعره جلدي بدلت ملابس و طلعت

شفت بوجهي اخوي كاعد على التخت و بل ملابس الداخلية و كرشه ثلاثه أمتار طالعه لي كدام

من شافني كبل اجه باتجاهي و صار يغلط و يسب بيه

شاهين. خيرر شتريد بنص الليل.

سعدي. اريد اخذ روحك يل ما تستحي يل ما عندك شرف و غيره شلوننن تتحرشش بمرتييي ليشش لهل درجهه نفسكك دنيه روووح اتزوجج

شاهين. هههه والله تخسه اتدنه على عرض غيري مو صكر الي تعلمونه هيج سوالف والله اني ما مقهور على كل شي مقهور عليك لأنك عربانه

سعدي. ولككك مرتتي اجتت تكول حاولل يعتدي عليههه ليششش هيجج

شاهين. ولي من وجهي مالي خلك ابرر لاحد وهسه يله ادعبل انت و كرشك عندي دوام الصبح و مو نايم من امس

دفعني و حاول يضربني راشدي مسكت ايده و لويتها

صحت

شاهين. خلصصص صبريي تجاوززت چثير وانييي سكتت اسمععع اخرر مرهه تتجاوزز حدودك بمكان هاي المرجله و إثبات النفس الي جاي اشوفها جدامي روحي ادب مرتك و فهمها لا تدخل على رجل عزابي بنص اليالي هل مره ما سويتها المره الاخرى اسويها من صدك و ما يهمني احد

دفعتو و طلعتو من الغرفه صليت صلاه ليل دعيت يعدي هذا اليوم على خير لان حيل مشئوم و مزعج بل نسبه الي

كعدت الصبح غسلت و نزلت جوه لكيت امي جاعد تشرب جاي و تقره اذكار الصباح

سلمت عليها و بس هزت راسها بس ما انطت رد فعل تعجبت كل مره من اجي من الدوام تتلكاني بل أحضان عرفت الحيه ما كعدت راحه تحسب تا تكضبني من ايدي التوجعني

فركت وجهي بعدم صبر و همست..

شاهين. شبيج يمه

ما ردت عليه زفرت و رحت على المطبخ خليت بيضتين بل كلاص و شربتهن و شلت مي و رحت للغرفه الجيم

كمت اتمرن و بنص التمرين اجه بالي طيف مريم هيه و تمشط بشعرها كبل ذبيت الي بأيدي و كعدت بل كاعد

شاهين. وتالي سمسمه روحي من بالي

ستغفرت و طلعت بره لكيتهم كاعدين بل حديقه يتريكون صاحتني امي تا اتريك وياهم

رحت كعدت يمها همست

شاهين. شبيج يمه اشو احسج مو مشتاكتلي

ام سعدي. روح البسلك شي و بعدين نتفاهم

جريت البطانية و خليتها على صدري

شاهين. مو اذا اروح ما ارجع سولفي شبيج

ام سعدي. صحيح الي سمعته من مرت اخوك

شاهين. يمه تحجين صدك يعني تصدكين بمرة اخوي لهل درجه نعدمت الثقه بينه

ام سعدي. يا يمه اني اعرفها شلون طينتها واعرف ترباتي شلون بس يا يمه هذي بنت ناس أهلها مخليها امانه يمنه ولازم احنى نحافظ على الامانه

شاهين. تدللين يمه بعد اذا اجتني و رادت ان** ما اقصر لان بنت ناس ولازم نحافظ على الامانه مو هيج يمه

ام سعدي. ايا كو** كوم من هين وهذي الحيه اني الها عجزت شسوي وياها ما يفيد تزيد ما تنقص

هزيت ايدي و رحت هم زين ما تزوجتها لو هاي زوجتي جان ذبحتها على القبله و ما يرف الي جفن و اثرد وره ما اذبحها

بدلت و رحت على الدوام كلفت صديقي يشتقل بل ناصريه يدور على خوال مريم و فعلا بعد كم يوم لكاهم طلع يعرفهم

رحت عليهم اني و صديقي و دخلت بل ديوان ما يعرفون سبب جيتي حجيت الهم كل السالفه و شلون مريم عانت و شلون أهلها ماتو

بس جانو رافضين رفض قاطع انو يستقبلوها حاولت اقنعهم من جميع الجهات بس جانو رافضين

دنك عليه صديقي و همس

ابو بكر. اكولك حبيبي هذول يتعاملون بل مني ادفع اهلا وسهلا ما تدفع روح

شاهين. تحجي صدك اشوو ما كالو..

ابوبكر. هما ما يكولون الك بطريقه مباشره دا يوصلون الك حجي من خلال كلامهم وانت لازم تلكفها على الطاير

شاهين. عرفت شنو نوعيتهم خليها يمي حبيبي

كمت و طلعت فلوس من محفظتي و خليتها على الطاوله حجيت

شاهين. شوفهم عمي هذني يكفن

كبل اخذهن و كام يحسب بيهن دحج عليه و كال

ابو سلمان. اتفقنه كل شهر يوصلن مثل هيج فلوس و بل يوم نفسه

شاهين. هاي هيه اتفقنه... بعد باجر تعال لمركز ** أخذها وياك

طلعنه منهم و صديقي يحجي الي عليهم شلون ناس ما يخافون الله و شلون كل همهم الفلوس مستعدين يسون اكبر الكبائر من وره الفلوس

كلبي نقبض و خفت حيل على مريم خايف لا يئذوها او يسوون بيها شي اله العب بيهم فلك

رحت على الشقل طلبت اجازه يومين و كبل رحت على الشقه خايف من رد فعلها خايف من راح تروح عني و هيه تبقه زعلانه. خايف شلون افتح الموضوع وياها مشتاك الها جثير و بنفس الوقت ما أريدها تروح خايف عليها لان راح تروح يم ناس ابليس متبري منهم

تنهدت و نقرت على الباب نقرات خفيفه و فتحته

لكيتها واكفه سديت الباب و دحجت عليها اتفحصها اذا بيها شي خليت قراضي على الطاوله و سلمت عليها

حجيت و سئلتها اذا زعلانه مني دنكت و سكتت عرفتها زعلانه زفرت و غيرت الموضوع فهمتها انو لكيت خوالها و هيه فرحت حيل لو تدري شتروها بفلوس راح تفرح؟

نمت و هيه كعدت على الكنبه دحجت عليها لكيتها مركزه بوجهي بتسمت بيني و بين نفسي على شكلها ظليت ادحج عليها لحد ما نمت

كعدت على صوتها وهاي اول مره من شخص يكعدني اضحك بوجهه

فتحت عيوني اجه كدامي وجهها الملائكي و عيونها الي بلون البحر همست بيني و بين نفسي

يمته تصيرين الي مو ما خليت أمام و ما طلبتج منه

ما خليت نذر و ما نذرته...

رحت بدلت و هيه سوت الي جاي كعدت على الطاوله انتظرها طلعت لابسه فستان زايد جمالها و محليها فوك ما هيه حلوو و توكع الطير من السمه

قررت ما اروح هاي هيه مستحيل اطلعها ابد

و كا العاده قنعتني بكلمات بسيطه ما أكدر اردلها طلب شخصيتي تنكلب يمها 180 درجه احس روحي مختلف مو اني

طلعنه و رحنى على السوك شتريت الها ملابس اول ما شفتهن تخايلت شلون راح يصيرن عليها

رجعت على البيت و هيه كبل نامت اجاني اتصال خلصته و رجعت لكيتها نايمه على الكنبه شكلها مو مرتاحه بنومتها كعدتها و رفضت تكوم نامت بنص الكلام

بقيت كاعد و اتأمل بيها شكلها تصرفاتها كلش عفويه و طفله حتى نومتها مثل الأطفال

ضليت على نفس كعدتي و ادخن جكاير لحد ما دك المنبه دحجت على الساعه نصدمت 3بليل شلون بهل سرعه هتو جانت 11 عجيب

كمت اصلي و كعدت شوي على الموبايل فتحت الكامره و كصيت صور لمريم لان اعرف من افاركها ماكو شي يصبرني غير الصور

دحجن على الساعه سته و نص دخلت المطبخ و قررت اسوي ريوك اول مره اسوي اكل بحياتي

دخلت سمسمه هيه و خدوها الحمر و تضحك عليه

ردت اجي و اعضها من خدودها و شيصير خلي يصير بس تعوذت الشيطان

خليت البيض كدامها عفست وجها عرفتها ما عاجبها كامتت تعزز الي و تسوي روحها تاكل

خليت لكمه بحلكي كوه جرعتها من ريحه الزفر

رحت بدلت وهيه كعدت تنظف... طلعنه من الشقه،

جنت متردد افتح وياها موضوع الصلح متوتر من رد فعلها و بنفس الوقت خايف لا ترفض و تروح و هيه زعلانه مني يمكن اموت قهر وراها.

طبكت السياره و حجيت وياها و هيه كبل صالحتني فرحت كلش بداخلي

انطيتها الهديه و رحنه على المركز خليتها وره ضهري ما اريد احد يشوفها دخلتها الغرفه بالف يا علي

كعدت اكتب و هيه ضلت تباوع عليه اجه خالها و أخذها ودعتها و وكفت بل باب اباوع عليهم

اشو خالها سلم على ابو الأكبر و هيه كبل حضنته بقيت اباوع على جرئتها شلون تحضنه

حسيت عيوني غوشن ستندت على الباب و طلعت جكاير و كمت ادحج عليها تضحك ولا همها شي و هذا الجحش مكيف و يحضن بيها اني الهم بسيطه

راحو و اجه ابو الأكبر يمي مسكته من كتفو و سفطتو على الحايط

شاهين. اياا***ابن*** اني الك ولك شلون تحظنها يا ابن الحرام ابن الكح***

ابو الأكبر. انجب شبيك تغلط احترم ياخي شوي

دفعتو وكع بل كاع صحت

شاهين. اصبر الي اني الك من دنعل ابو****

ابو الأكبر. اللهم ثبت علينا العقل و الدين

شاهين. غير يستقر السديسي

ابو الأكبر. ابن الكح*** امشي ولي من وجهي

شاهين. اكل*** و لا تغلط

ابوالاكبر. كافي عادديي لعبتها لنفسي تعبت كد ما فشرت عليك وانت وجه الجوب ما تحس

تفلت عليه و رحت شايط و اعصابي منتهيه دخلت للشقه و اجت عيني على الكنبه تذكرت سمسمه من تكول احبها رحت عليها و ذبيت حيلي عليها و خليت المخده على وجهي بقيت اشتم عطرها اخذ نفس جبير و ازفره احس رتاحيت و هدت اعصابي شوي

في مكان آخر

مريم....

فزيت على صوت صياح بل بيت فضيع كمت على السريع رجليه بادن و وكعت بل كاع كمت ابجي بتوتر و صوت الصريخ يزيد ما ينقص شجعت نفسي و كمت امشي على الحايط..

وصلت الدرج و باوعت جوه لكيت حماده شايل بيده سجينه و يصيح بكل علات صوته اول مره اشوفه هيج منهار بقيت فاتحه عيوني بصدمه على شكله باوعت على الجهه الاخرى لكيت بتول حاظنه ريم و تصيح على حماده

بيبي واكفه و تباوع ولا تحركت و الجهال تبجي محد موجود من الزلم بس حماده جان

نزلت على كيف و من شافتني ريم كامت تصيح و تاشر عليه

ريم. والله هاذي اني معليه هيه كالت الي هيه ورطتني هيه كلهه من راسها

ندار عليه حماده و بيده السجينه رجعت إلى وره عيونه يخوفن شكله ما ناوي على خير

عتني من شعري و صاح

حماده. احجييي ليش هيج تنزلن راسنه ليش تطلعين على طريق الحرام مو عيبببب شكولل انييي شلونن اطلعع بينن الناس و هما يكولون اخواتتتكك مصادقاتتت ليش هيجج..

ما كدرت احجي كل شي بس اهز براسي برفض

ريم. شوفها هيه والله هيه

سحبني من ايدي و شمرني بل مخزن نضرب صدري على الحديده طارت روحي من الوجع

كمت اتلوه بوجع ما أكدر اصيح و لا اعبر عن وجعي صرخاتي مكتومة نزلت دموعي بوجع صاح

حماده. اسمعييي راح تبقين هنااا و من يجي ابويي هوا يتصرفف وياجج

ضربني برجله و راح احس راحت روحي من الوجع مليت من التعب و القهر من هين شاهين و من هين هاي السالفه الي ما اعرف شنو هيه

باوعت على الغرفه ما اشوف ايدي كد ما ضلمه

لميت رجليه لصدري و كعدت ابجي بصمت.. ستمر هذا الوضع لمده ساعات تعبت من الكعده و رجليه خدرن

نفتح الباب و اجه الضو بعيني غمضت عيوني بضعف احس الضوه عمه عيني فركتهن بيدي فتحت عيوني بتردد شفت خالي جدامي

سحبني من ايدي و كومني همس

ابو سلمان. سوالج شي

هزيت راسي بلا صاح

ابو سلمان. صعدييي فوكك و هذاا اني اربيه

صعدت فوك واني ابجي حسيت نفسي بحلم ما صدكت على الله شفت الفراشي كبل ذبيت نفسي عليه و كمت ابجي بحركه كلب

يمته ارتاح كلشي خسرت بحياتي اهلي شاهين بيتي نطقي احس نفسي انتهيت اني اريد اعرف عليمن عايشه و شكو عايشه

بين دمعي و صرخاتي المكتومه فزيت على دكه الموبايل رفعت الموبايل شفت اسم حبيبي دست رفض و كمت ابجي اكثر

شيريد مني اخذ مني نطقي و عافيتي بعد شيريد ياخذ اكثر من هيج

بقه يدك ربع ساعه كل ما أرفض يرجع يتصل مليت و فتحت الخط

ما أكدر احجي شي كتفيت بل سكوت همس و هوا يتنهد عرفته يريد يصبر نفسه

شاهين. سمسم.... حبيبي شيهانه يروحي

من سمعت صوته كبل نزلت دموعي و كمت اشهك

شاهين. شبيج ليش البجي.. احجي شي مو كطعتي كلبي يا بعد كلبي و راحتي و عذابي و دنيتي

دزيت اله رساله و كتبت

_ شاهين ما أكدر احجي شي

شاهين. ليش خما احد يمج

مريم. لا

شاهين. احجي لا تعصبيني ترا كوه متحمل وربي اجي عليج و شيصير خله يصير

رجعت رسلت اله

مريم. لا تصيح كلت الك ما أكدر احجي و هسه راح أسد الخط

شاف الرساله و كبل سديته خليت الموبايل و ضع طيران و خليته على الميز

غفيت بدون تفكير صحيت على نقرات بل باب

رحت فتحت الباب ما شفت شي تبعت الصوت عرفت مصدر الصوت جاي من الشباك ستغربت

حيل شنو هذا الي يدك على الشباك ترددت لا افتحه خفت لا بزونه و تطفر عليه ما بيه حيل صدمات و خوف اكثر من هيج

زادت النقرات سميت بسم الله و فتحت البرده بتررد

شفت كدامي شاهين فتحت عيوني بصدمه

أشر على الشباك بمعنى افتحي هزيت راسي بلا

دفعة خفت لا يكسر كبل فتحته

سحبني و قربني اله همس

شاهين. ليش تشلعين كلبي ليش تخليني اتعنه عليج

بگلبي حجي و عتاب بس ما أكدر احجي اريد اعاتبه اريد اكوله كل الي صار بيه بسببك ليش هيج دمرتني و هسه بكل سهوله راجع بس للاسف ما كدرت انطق لو كلمه كتفيت بل سكوت

خله راسه على كتفي و زفر بتعب.. دفعته من كتفه و بتعدت عنه صاح

شاهين. شبيج

حاولت أسد الشباك بس جان خال ايه و يباوع عليه همس

شاهين. سمسمه وين تردين توصلين احجي

هزيت راسي بلا صاحح

شاهين. تعالي صدك شنو سالفتج ليش ما تحجين

دنكت و نزلت دموعي رجع سحبني مره ثانيه صار ما يفصلنه شي باسني بطرف شفتي و همس

شاهين. شبيج سمسمه احجي من شنو خايفه البارحه بل ليل ما نمت احس قلق حيل عرفت اكو شي بيج احجي يا بعد معلاكي

سحبت موبايله و كتبت بل ملاحظات

شاهين ما أكدر احجي شي

اخذ الموبايل مني و كال ليش شبيجج

مريم. شاهين فقدت النطق مالتي

صفن عليه و كال

شاهين. تتشاقين مووو

هزيت راسي لاا

شاهين. شلون و ليشش

سحبت الموبايل و كتبت

مريم. من عفتني

------------------------------------------

عمري خلص البارت اذا عجبكم دوسو على النجمه

شنو تتوقعون رد فعل شاهين؟؟

عنونين مالتي صارلي يومين منقطعه عنكم بسبب صارت عندي مناسبه فا كلش نشغلت اسفه هواي

يتبع.....

بعز برد الله نسماتك چوناي

يچوي الناي بس وني چوه الناي

شتضن ونك حرب خايب چوناي

احس هولاك و طب بغداد بيه

الكاتبه : روان آل عبدالله

علقوو بين الفقرات و دوسو على النجمه + متابعه لحسابي

--------------------------—----------------------

مريم. من عفتني

مسكني من كتفي بيدينه الاثنين و كام يهز بيه و يصيح

شاهين. تحجين صدككك ولجج شلون هيج صار بيج

دفعته و كمت ابجي حاولت اروح بس جان متمسك بيه و يرجف

تركني بطئ و ذب حيله على الحايط وجهه نكلب اصفر وكفت على صفحه و خليت ايدي على وجهي و كمت ابجي بحركه كلب

سحبني و ضمني بحضنه كمت اضربه بصدره و هوا ما نطه رد فعل ابد اخر شي ستسلمت و بادلته الحضن... ضمني حيل احس روحي ضعت بحضنه همس

شاهين. شيهانتي اسف ورب الكعبه اسف بس، مجبور وروح ابوي مجبور كلت الج هذا الكلام عسى ميت ولا كايل الج عوفيني سمسمه يا بعد روحي و الكعبه مو قصدي.

صرت ابجي اكثر و دفعته و طلعت من الغرفه ركض ما اريد اشوفه احسه جاي يلعب بمشاعري يمته ما يريد يرجع و يمته ما يريد يخرب اني مو لعبه عنده اني انسانه عندي مشاعر و حساس، كل الي حوالي محد مهتم الي كلها تدور مصلحتها محد يحاول لو لمره وحده على الاقل يفكر انو يحسبلي حساب

دخلت للحمام و كمت ابجي بهستيره بقيت ساعه او اكثر اني ابجي بدون توقف

احس روحي دخت و تعبت كد ما بجيت فتحت الباب و لكيت ريم بوجهي عبرتها و رحت على غرفتي قفلت الباب عرفتها راح تجي وراي و اني ما بيه حيل جهال

ما لكيت شاهين بل غرفه يمكن رايح مسكت جهازي و شفته داز رسائل و مخابر هواي ما بيه حيل اشوف كل شي غلقته و خليته بل كنتور ذبيت روحي على الفراش و كبل نمت 

مر شهر و ما تغير حالي النطق مالتي ما رجع كل الي بل بيت صار يسميني الخرسه و كلها كامت تتماده عليه بل كلام علمو جهالهم يتفلون عليه من اطلع من الغرفه يمشون وراي و يصيحون الخرسه و يتفلون و يضربون

ما بيدي شي غير البجي احس روحي نهدمت ما ظلت الي شخصية هاي تاليتها شكو واحد يعيش بدون اهل حرفياً شعور يكسر الظهر

صرت ما اطلع بس بل بليل على مود كلها نايمه و ما اسمع كلام جارح او يهدمني اكثر من الي اني بي

فزيت على صوت المنبه باوعت الساعه 12:00 هسه وكت نومتهم بتسمت و عدلت شعري و نزلت امشي على طراف اصابعي

شغلت ضوء المطبخ و فتحت الثلاجه كا العاده ما خالين الي اكل طلعت جبن و صمون و خليتهم على الميز اخذت قوري الجاي و وكفت اريد احمي

حسيت اطرف اصابيع بارده تلتف على خصري فزيت و كشت شعره جلدي

حاولت التفت بس جنت مقيده ما أكدر اتحرك ولا أكدر اصيح نزلت دموعي من الخوف و رجليه بادن

ردت اوكع بل كاع بس الي ماسكني جان أقوى مني و رفعني حاولت ادفعه و ادفر بي بس جان لا حياه لمن تنادي

ما جان عندي غير حل بس الدعاء حاولت ادفعه بكل الطرق بس ما ستفاديت شي

سحبني و دخلني المخزن جان بارد و ضلمه و صوت الصراصير مسوي صدا بل غرفه

ذبني بل كاع زحفت إلى وره حسيت ستندت بشي حضنت نفسي و خليت راسي بين رجليه و كمت ابجي بصمت...صوت أنفاسي من الخوف ما أكدر اطلعه احس النفس كوه اجره

كمت اردد آيات بداخلي و كل شوي اخربط و ارجع اعيد من التوتر كلشي نسيت

حسيت كرب مني و أنفاسة العاليه ضربت وجهي غمضت بتوتر امنع نفسي يغمى عليه كرب مني حيل

حسيت نفسه صار باذني و على رقبتي همس

_ هااا يل خرسه انه ابوي يضربني من وراج بسيطه اليوم اتونس بيج للصبح شعندي هم خرسه و ما تكدرين كلشي تسوين و أهلي نطوني الموافقه ههه

فتحت عيوني بصدمه صوت حماده معقوله وصل لهل مواصل ليش هيج مو اني مثل اخته ليش هيج مبين من صوته واحد حاقد

كمت ارجف و ادفعه برجليه حسيته عصب مسكني من شعري و قربني عليه و ضربني راشدي احس اذني ونت كمت اشهك و هاي اول مره تطلع شهكتي

حاولت اصيح او اسولف شي بس ما كدرت احس حلكي مخيط 

سحب الشال جنت خالته بس هيج على راسي شمره بل كاع و نفتح شعري صاح

حماده. اخخخ الله دحج الشعر يطرخ بل ضلمه وين جنتي ضامته علينه كل هل شعر و الشكار، اني الي اعرفه وجهج كافي يجيب اكبر راس انوب شعرج خرب *** لعد جسمج شلون... اليوم اتونس بليله عرسي ما راح اتونس هيج

كام يسولف و يضحك سوالفه مو طبيعيه و ريحه حلكه دمرتني احس راح أفقد الوعي من الخيسه الي جاي اشمها

حاول يشك التيشيرت مالتي واني ادفع بي بس جان اقوه مني ضربني بكل قوته و لوه ايدي وشك التيشيرت كمت ابجي و ادعي

حسبي الله ونعم الوكيل فيمن أذاني اللهم بحق جاهك وجلالك وعزتك وعظمتك التي يهتز لها الكون اسألك بعزتك التي يهتز لها العرش ومن حوله اللهم انصرني على من ظلمني اللهم أنك لا ترضى الظلم لعبادتك اللهم أنك وعدتنا ألا ترد للمظلوم فأنت العدل والعدل قد سميت به نفسك اللهم انصرني على من ظلمني.

ستغليت ضعفه و ضربته برجلي على المنطقه المحظوره وكع بل كاع و كام يتلوه

فتحت الباب و كمت اركض فوك بكل سرعتي بدون ما اباوع وراي دخلت الغرفه و قفلت الباب سمعته يهمس افتحي و يترجه بيه على مود افتح الباب..

بقيت وره الباب ما أمن اعوفه احس روحي خايفه و رجفه بيه

كعدت و كمت ابجي تذكرت هتو همست بدعاء و جان مسموع مو بداخلي حجيته

غمضت عيوني و كلت لا اني جاي اتخيل كلته بداخلي مستحيل احجي اني

رفعت راسي و مسحت دموعي فتحت حلكي و حاولت احجي و فعلٍ رددت نفس الدعاء

صفنت استوعب انو اني كمت احجي، دموعي نزلت واني اضحك كمت اكمز من الفرحه نسيت حماده و نسيت كل شي اذاني و جرحني

احس من رجعت احجي ملكت الدنيه و ما بيها... ماكو شي يعوض لا اخ لا ام الا حبيب ولا كلشي يكدر يعوض الصحه الإنسان ما يهتم الها بس من يفقدها يعرف قيمتها

صليت ركعتين شكر لربي لان نقذني منه و اني سالمه ما خلاني بين ايدين واحد نكس و رجع نطقي

بس اني اله راحت مريم الضعيفه الي تسكت عن حقها عباله راح اسكت و اخاف و استر عن الموضوع بس راح انتقم بطريقتي الخاصه بسيطه ابو الديج اني الك

فزيت الصبح على طرقات بل باب لبست حجابي و رحت فتحت الباب لكيت جعفر بوجهي

صبح عليه و كال

جعفر. الاسبوع الجاي يبدي العام الجديد و انتِ لحد هسه ما درستي لسادس

دنكت راسي امنع نفسي احجي شي همس

جعفر. يله ميخالف باوعي لا تشيلين هم بعدج بل بدايه تلحكين هاا صدك تختارين تطبيقي لو احيائي

فكري على راحتج وابحثي عن هذني المجالين و اعرفي شنو هنه و ردي الي خبر ماشي

هزيت راسي بايي راح و اني تحمست كلش فتحت الموبايل و كمت ابحث و درست الموضوع عرفت الاحيائي يناسبني اكثر بي مجالات الي اني أريدها و بانيه أحلامي عليها

بقيت يومين اخطط شلون انتقم من حماده اخر شي خطرت بالي فكره انو اخرب بموبايله و اشوف شنو بي لان ما عندي فكره غير هاي

نزلت جوه شفته يخوز بيه رجعت اله الخزره و كلبت عيوني و مشيت حايره شلون اخذ موبايله

رحت تغديت قررت لازم اجازف و هوا و نايم ادخل لغرفته و اخذ موبايله

اجه الليل و بقيت كاعده للوحده بليل ضبط طلعت من الغرفه و اني ميته رعب

وصلت يم باب غرفته غمضت عيوني و سميت بسم الله و فتحت الباب على كيفي الحمدلله ما طلع صوت

باوعت عليه شفته نايم و خال الموبايل على الشحن جوه المخده حرت شلون أخذه اخاف يسمع الحركه و يكعد عاد هذيج المره نجيت هاي المره ما تسلم الجره

غمضت عيوني اهدي بنفسي و احس رجليه يرجفن يريدن يوكعن بس كوه مصبره نفسي

مديت ايدي و سحبت الموبايل من جوه المخده فصخته من الشحن و طلعت بره ركض دخلت الحمام و فتحته جان بي رمز حرت شلون افتحه

رفعت الموبايل و شفت الأثر مال طبعه الأصابع على الشاشة كاتب حرف (N) 

جربته و فعلاً فتح بتسمت بنصر و دخلت على الماسنجر ما لكيت شي كله ولد

فتحت الواتس و نصدمت كله بنات دخلت على أول محادثه لكيت بيها حب و غزل و سوالف كلها مال منحرفين لعبت نفسي و كشت شعره جلدي

خرجت بسرعه و حظرتها دخلت على ثاني محادثه و و هنا الصدمه

جانت بصمات فتحتها و اجاني صوت بنت تتوسل و تبجي عرفت من طريقه كلامهم انو هوا مهددها بصورها

دخلت على المحادثات كلهن جانن فوك الخمسة حظرتهن و دخلت على الصور لكيت حافظه مخفيه عرفت الصور بيها لكيت فضايح و بنات بدون ملابس لعبت نفسي و اجيت استفرغ حذفتهن و فرمتت الموبايل

بس جنت قبل لا احذف اي اشي كبل اطكله صوره بل موبايل مالتي

كلشي بي نحذف  صار جنه جديد فتحت الماي و خليته جوه الماي لحد ما طفه و صارت الشاشه سوده مسحته و مسكتو بطارف التيشيرت مالتي و دخلت للغرفه لكيته على نفس نومته رجعت الموبايل لمكانه ولا كان شي صاير

رجعت لغرفتي و كمت افكر على هذني البنات شلون يثقن بشخص مجرد حجن وياه وره الكيبورد ما خافن على سمعتهن ما خافن على ابوهن امهن شلون يثقن بشخص صار متعرف عليهن اشهر قليله و احنى بهذا الزمن المفروض ما نثق باقرب الناس النه لان محد يعرف نية الاخر او شنو الي بگلبه و ناوي عليه

كعدت ثاني يوم واني ميته فرح و كلي نشاط اريد اشوف رد فعل حميدوك بعد هذا السبرايس الي سويته اله

غسلت و لبست حجابي و نزلت ركض لكيت بس بيبي كاعده و الجهال

صبيت الي جاي و كعدت اشرب بي و انتظر المسرحيه الي راح تصير اريد اضحك صارلي زمان مو ضاحكة

شوي و كلها نزلت و كعدو يتريكون لحد هسه محد يدري بيه رجع النطق مالتي عجبني الوضع حيلل

اريد العب بيهم لعب اكرههم عيشتهم عجبني هيج اسوي بيهم

بتسمت بخبث واني انتظر على جمر اريد حماده يدخل

و فعلا وره شوي و دخل بيده موبايله و وجهه اصفر عدلت كعدتي و تربعت

حجه بتوتر و خوف

حماده. يمه كعدت من النوم و فتحت موبايلي و لكيته طافي ما يشتغل معرف شنو صار بي اني كبل لا انام جنت كاعد عليه

ام حسان. يمعود كول غيرها اخاف نسيته على الشحن و اجته كهرب قويه

حماده. أي خليته على الشحن و نمت بس هاي مو اول مره اخليه و انام

ابو حسان. ايا اثول ولك ما تحافظ عليه هذا شتريته كوه هسه بله من وين أدبر الك موبايل  هذا كوه دبرته

حماده. يبهه وتالي شنو الحل اني اريد موبايل محتاج ضروري

ابوحسان. امشي ولي والله ما اشتري الك جديد لو تموت روح انت اشتغل و اصرف على نفسك يله هسه ولي من وجهي، تفف على هل وجه مو وجه نعمه انت ابد

بتسمت واني اشوف تفله ابوه الي اجت بنص وجهه اصبر الي يا حمييد لسه ما شفت شي هذا البدايه فقط اني الكم راحت مريم الفقيره الي تدوسون بيها و تعبرون

كمت و رحت على غرفتي هسه بدت الخطه الثانيه

رحت على جعفر لكيته متمدد و يقره بكتاب

مريم. هلوو جعفر عادي احجي وياك

عدل كعدنه و كال بجديه

جعفر. هلا مريومه تحجيننن شلوننن هيجج

مريم. أي البارحه رجع النطق مالتي

جعفر. الف الحمدلله يروحي جنت خايف عليج لا تصير دائميه

تعجبت من كلمه يروحي بس غلست عليها عرفته كالها عفويه مو متقصد... كعدت على طرف الجربايه و همست

مريم. جعفر اريد اكول الك موضوع بس اريد يبقه بيني وبينك

جعفر. أي احجي بينه ان شاء الله

مريم. لا أريدك توعدني عفيه

كلت هيج و مسكت ايده حسيت توتر كبل سحب ايده و كال

جعفر. وعد ما اكول لاحد.. بس احجي خوفتيني

مريم. جعفر البارحه جنت كاعد بل صاله و جان موبايل حماده على الطاوله اجت رساله صح هاي خصوصيه بس صابني فضول و فتحتها جانت بصمه من بنت تبجي و تكول اله عفيه لا تنشر صوري و شتريد انطيك واني كلبت بل محادثه وعرفت هوا مهددها فا من خوفي على البنت و خليت نفسي بمكانها كمت مسحت المحادثه و بل ليل اخذت الموبايل و خليته جوه الماي

جعفر. تحجين صدك لو شقه

مريم. والله صدك و ما جذبت باي كلمه

جعفر. زين شنو الدليل وين المحادثه خلي اقراها على الاقل

مريم. كلت الك موبايل حماده طفه و مسحت منه كل شي بس اني طكيت صور للمحادثة بموبايلي

جعفر. عفيه عليج هسه شوفيني اذا طلع صدك اله اطيح حضه

طلعت موبايلي و شوفته من اول المحادثه إلى الاخر و شوفته الصور و كم وحده مهدد

عصب حيل و كام على حيله كال برجفه

جعفر. اطلعي منها مريم اني اتصرف و راح اخذ حق كل بنت

مريم. بس امانه اني ما عليه لا تدخلني بل موضوع لان اذا درو راح يطردوني من البيت واني ما عندي احد

كلت هيج و كمت ابجي بل جذب، مسح على راسي و همس

جعفر. وداعتج محد راح يدري بل حديث الي دار بينه لو على كص ركبتي

تركني و نزل جوه مسحت دموعي الجذبيات و عدلت حجابي و بتسمت بفخر و ثقه باوعت على المرايه و بست نفسي و نزلت جوه

لكيت جعفر نايم فوك حماده و يضرب بي و كلها تريد تشلعه من حماده بس محد جان يكدر

سندت ضهري على الحايط و كتفت ايديني و بتسمت و كمت اباوع على المسرحيه الي كدامي

دخل خالي و صاح بصوت عالي جعفر من سمع صوته كبل زول منه و كام يتنفس على السريع و يخزر بحماده

حماده منتهي ما يحرك لا ايد و لا رجل و كل وجهه دم

اجه خالي تقدم على جعفر و مسكه من ياخته و صاح

ابو حسان. ولك شلون تمد ايدك على ابني شنو ما عنده احد يطلع وراه

جعفر. عمي ابنك صخم وجهنه و خلانه نتفشل

ابو حسان. ليشش شسوه ما تكُلي

جعفر.عمي حماده ياخذ صور بنات الله يستر عليهم بدون ملابس و يهدد بيهن يا تنطني هل كد مبلغ يا انشر صورجن و افضحجن

ابو حسان. شنو انت تتبله على ابني اني اعرف تربيتي حيل زين مستحيل ابني يسوي هيج شي

جعفر. عمي مستعد احلف على القرآن و فوك كل هذا و عندي دليل

ابو حسان. زين شوفني الدليل

جعفر. عمي مو هنا يم الاوادم امشي نكعد بل ديوان و اشوفك الصوتيات و المحادثات

طلع خالو و جعفر طلع وراه باوع عليه بنظره عرفته يريد ادز اله صور المحادثات

كبل فتحت موبايلي و بعثت اله على التلي كل شي

وصلن اله و فتحهن باوعت على حماده لحد هسه نايم و ما يدري بل دنية طشت لو رشت

ضحكت عليه و طكيت اله صوره بدون ما احد ينتبه

صعدت ركض للغرفه مرت ايام خالي سكت عن الوضع و شي اكيد عرفته ما راح يسوي شي

و حماده كل ما اشوف وجهه الي مورم بداخلي اتشمت و اموت فرح مو بس اخذت حقي لا اخذت حق سبع بنات ويايه

صرت احس بفخر لان اخذت حقي بأيدي و ما نتظرت احد يجي ياخذ حقي

باجر المدرسة و احس نفسي فرحانه رجعت صباحي و صرت بسادس مستقره داخليا و نفسيا و حياتي ماشيه طبيعي بس من يجي اليل ينكلب كلشي و حالي يتغير أضعف و ابجي و اندب حضي على الحب العابر و الفاشل راح و ترك بداخلي فراغ كلش جبير

يوميه اطلع الملابس الي نطاني اياهن هديه و ابقه اشم بيهن لحد ما انام واني مكطعه نفسي من البجي

كلشي يهون كلشي يتعوض بس ما اعرف يمته يتعوض الفراغ الي تركه شاهين بداخلي و راح و روحته ما بيها رجعه

فزيت على المنبه يدك طفيته و رجعت نمت فجأة طفرت و كمت اكمز على الجربايه اليوم مدرسة.

كمت و رحت غسلت وجهي باوعت على عيوني البياض الي بعيني صاير احمر من بجي البارحه

تنهدت و رحت بدلت ما خفت من الاحمر الي بعيني عادي ربع ساعه و يروح متعوده يوميه هيج، ما استغرب اذا كعدت يوم من الايام واني عميه من البجي

لفيت شالي و خليت حمره على خدودي و شفتي باوعت لنفسي اخبل صرت

لبست الجنطة ما شلت كتب هواي لان اول يوم و ما حيل يدرسون شلت بس المهم

رحت اتمشه على المدرسة مدرستي تختلف عن مالت جعفر نتقلت بيها لان قريبه اكثر عليه، وصلت و شفت نقطه مال جيش لزك على المدرسة نتقدتم بداخلي يعني قله الأماكن ما لكو مكان غير يم المدرسة

ما هتميت و دخلت متوتره و خايفه اول مره ادخل لهاي المدرسه و بوحدي بعد

ضليت ادور على السادس احيائي اله ما لكيته دخلت جانن بنات فوك العشرين طالبه لكيت رحله فارغه كعدت بيها جانت قبل الأخير

دك الجرس و بدينه يوم جديد و سنه دراسيه جديده

كل الي هنا متحمس للسادس و مقرر يطلع من اول سنه و يخلص من شلعان الكلب كلها جانت متوتره نوعاً ما لان شي اكيد الي يشوفك يكوم يخوفك و يسوي السادس فلم رعب فا شي اكيد هيج كلام ينعكس على نفسيه الطالب و يئثر بي

خلصنه دراسه ما ضغطو علينه هواي كونه اول يوم النه تعرفت على بنات الشعبه و جانن حبابات و كعدنه نحجي عادي و كل وحده تحجي عن خطتها الدراسيه و شنو حلمها تطلع

دك الجرس يعلن نهايه يوم دراسي متعب و لطيف بنفس وقت

طلعت و كا العاده امشي بوحدي خليت ايدي بجيبي مال الجاكيت لكيت ورقه ستغربت كلش

فتحتها لكيتها وصيه جاسم بتسمت و نزلت دموعي واني اتذكره نسيته و نسيت الوصيه همست

مريم. سامحني جاسم بس الضروف جانت أقوى و اكبر مني خلتني انسه حتى اهلي الي بل جوه التراب

مسحت دموعي و قريت العنوان الناصريه***

فتحت عيوني ما جنت عبالي هوه من الناصريه لان جانت لهجته مختلفه تماماً

شجعت نفسي و كلت اروح محد راح يسئل عليه لو اغيب سنه مو ساعات اخذت تكسي و انطبته العنوان

وصلنه على المكان المطلوب باوع عليه و كال

_ بنتي هذا المكان الي ردتي

مريم. هاا ايي شكرا عمو شكد تريد

_ خمسه

مريم. حيلل شسمعان عندي بنك لو اروح محافظات ما ياخذون خمسه ترا هذيان خطوتين الفين انطيك

_ لا ما يصير الفين اريد خمسه

مريم. ماااا الفين

_ ربي شمسوي بحياتي تا تدز عليه أطفال و عجايز

مريم. هيي احترم مثل ما اني محترمتك.. وهاك هذي خمسه ان شاء الله ما تتهنه بيها يل نصاب

عيبت عليه و اخذت جنطتي و طلعت سمعته يصيح سود الله وجهج نداريت عليه و صحت.

مريم. و وجهك يل متخلف يل طماع

حرك السياره و مشه افف تعبني و حرك اعصابي ابو الخمسه الله لا ينطيك على هل لسان مو لسان رشاش شايل ولا تكول شايب

كمت اتمشه بل فرع المشكله ما اعرف اي بيت

شفت مره ترش بل شارع رحت عليه و سلمت حجيت بتردد

مريم. خاله اني اجيت ادور على بيت ابو جاسم

_ ياعع خالله ما تخافين على نفسج طالعه بهل ضهريه

مريم. بس خاله غلطانه اني كلت الج اريد تدليني مو ترزليني سمعتي غلط

_ يومهه هل جييلل الألفين الله يستر منك تخوفون

مريم. هم رجعنه للالفين.. و بعدين شعندج شاده ويانه ماكلين عشاج احنى

_ هههه يمه تخبل سوالفج وانتِ اكثر تخبلين بله عيدي سؤالج

مريم. قل أعوذ برب الفلق.... اخر مره اعيد اريد بيت ابو جاسم

_ هااا هذا الي ابنهم مات شهيد

مريم. أي

_ شتسوين بيهم

مريم. اعتقد اكو شي اسمه خصوصيه صح لو لا

_ ههه هم صح...شوفي بنتي ضلي امشي اله ما تلكين باب لونه احمر يعني احسبي ثلث بيوت و راح توصلينه

دخت شنو لونه احمر و ثلث بيوت يالله اوصله شنو جاي نلعب شهل وصف الدقيق..

مريم. أي هاي هيه مشكوره خالتوو

_ هله بيج بنتي تعالي خلي احبنج حبيتج حيلل

مريم. شسوي مو بيدي اني محبوبه من كاعي

سحبتني وسوت الي بوسه أم الطكه احس خدي نشلع

خلصت نفسي كوه رحت واني افرك بخدي حسبت ثلث بيوت طلع الي باب لونه جوزي مو احمر

بقيت صافنه و متردده و خايفه بنفس الوقت اخاف يطلع مو هوا

تشجعت و دست على الجرس

سمعت صوت الباب الداخلي انفتح تسارعت دكات گلبي و خفت رجعت إلى وره و نفتح الباب

طلعت الي مره لابسه عبايه راس و جهها يشع منه نور و تدخل الكلب كد ما مبين على وجهها الرحمه

مريم. السلام عليكم خاله.

_ هله بنتي وعليكم السلام ورحمة الله وبركاته

مريم. خاله اسفه على الجيه بهيج وقت و على الجيه المفاجأة بس اريد اسئلج سؤال

_ ادخلي جوه و خلي نحجي احسن هسه تضربج الشمس يروحي

مريم . لا خاله اني مو راعيه طويله بس اريد اسئلج و اروح

_ تفضلي بنتي

مريم . خاله هذا بيت اهل جاسم

_........

~~~~~~~~~~~~~~~~~~~~~~~~~~~~~

عمري انتو خلص البارت اذا عجبكم دوسو على النجمه

سؤال.. شنو تتوقعون يصير بل بارت الجاي؟!

طبعاً نزلت اليوم العصر البارت بل غلط و رجعت حذفته فدوه اروح الكم شكد تحبون القصه كلها تسئل، يولو احبكم

ضيفو حساب الكاتبه زهراء كلش حلوه قصتها تستحق الدعم  zahraa55mm

أحسَّك ظِل يرافُكَني ويضحِكني

يبچينِي ويسَكتني ويحچينِي

أرُوح لوين مِن دُونك ؟.

كاتبه :روان آل عبدالله

علقو بين الفقرات + متابعه للحساب مالتي

*******************************

خوف و توتر و قلق واني اشوف نظراتها الي تحولت إلى شك دنكت راسي امنع روحي اشوف نظراتها المريبه

_من وين تعرفين جاسم

مريم. خاله كلشي راح تعرفين بس كولي الي هذا بيت اهل جاسم انتو اهله لو لا

_ اي خاله اني امه و هذا بيتي شتريدين اتفظلي

مريم. زاد فضلج. خاله لا تخافين مني بس اني اجيت و تعنيت عليكم لان عندي رساله من جاسم و لازم اوصلها الكم

_ تحجين صدچ خاله وين تعرفين جاسم

مريم. خاله لا تعبيني اكثر من هيج كوه واكفه على رجليه بس اريد اوصل الرسالة الي بركبتي واروح و بعد معد تشوفيني

سحبتني بقوه و دخلتني جوه بل حوش

من سدت الباب طلع ولد و بنت كبار باوعو عليه باستغراب حجه الولد

_ يمه منو هاي

ام جاسم. تعال يمه خلي نشوف شنو سالفتها

رفعت راسي و حجيت

مريم. خاله خلي احجي الج السالفه بل مختصر.. خاله اني جنت يم داعش مثل ابنج اخذوني ضلم عشت هناك و صرت اعالج بل سجناء فا بيوم و جابو عليه ابنج على مود اعالجه فا من هذا اليوم و جاسم صار صديقي و صرت انطي اكل و مي بدون ما يدري احد... فد يوم و سمعت انو راح ياخذون السجناء و يذبحوهم فا طلعت. و شفت جاسم من ضمن هذول السجناء و بعدين حجيت معاه و ودعته لان ما بيدي شي اسوي غير الوداع انطاني ورقه و هذي الورقه عندي ولحد هسه محتفظه بيها رغم الضروف الي صارت الي

اباوع عليها طول هل حجي و هيه تبجي و خاله شيلتها على عيونها و الولد مدنكر البنت كاعده بل كاع و تبجي

طلعت الاوراق من جيبي و ضميتهن بأيدي بتردد همس

مريم. خاله اني اسفه ما جنت ناويه افتح جروحكم ولا اهيج مواجعكم بس وصيه الميت لازم تتنفذ

سحبت ايدها و خليت الورقه و همس

مريم. هاي الورقه الكم وصاني ما افتحها ولا اشوفها واني نفذت و هاي الورقه الاخرى... لحبيبته ما اعرف منو هي بس شي اكيد انتو تعرفون فا الي أريده منكم ما تفتحون الرساله الثانيه لازم حبيبته هيه الي تفتحها اتمنه تنفذون كلامه و لا تخلونه يتعذب

حجه والولد بشهكه

_ و شنو يثبت مصحه كلامج

مريم. ما مطره اجذب و افتري من عندي لأن ما راح استفاد شي و بل نهايه افتحو الورقه و شوفو و انتو راح تتاكدون من مصحه كلامي... وهسه اني لازم اروح واسفه كلش على ازعاجكم

تا اطلع و جان تجرني ام جاسم و تحضني و كامت تحجي وتبجي

ام جاسم. ما اعرف شلون اشكرج و شلون اعبرلج عن شكري و امتناني الج يا بنتي انتِ نقذتيني جنت اتمنى الكه شي من جاسم الك لو دكمه من قميصه بس للاسف ابني راح و ما اجه ابني مات شهيد و ما ندفن ابني ما ودعته امه من مات ما هلهلت فوك تابوته ما شمته لآخر مره ما شافت وجهه شلون صاير من مات تعبان فرحان مكسور ما شافته هنيالج... أي هنيالج انتِ شفتي و ودعتي واني امه.. امه ما شفته.. انتٌ مثل الملاك و الله دزج عليه

كمت ابجي بادلته الحضنه حجيت

مريم. خاله اهدي هسه هوا بل جنه شهيد بس ادعي اله بل رحمه هنيالج خاله انتِ مات ابنج بس بقه عنج سند اهل و ابن اخر و بنت و بيت يحميج.. اني.. اني كلشي ما ضل عندي كلش حتى بيتي الي من جنكو راح و كل هذا و الي عشته و اني عمري 17 سنه فقط كلها تخلت عني حتى الي احبه كلي اني ما افيدج

كمت اشهك و احجي احس محتاج هيج حظن ذكرني بحضن امي من ارتمي بي من اجي من المدرسة و اكوم اشكيلها على بنات الصف اتمنى ابقه مثل قبل اشتكي من بنات الصف ولا عايشه هاي العيشه على الاقل قبل امي جانت يمي

زولت منها و كلها صافنه عليه مسحت دموعي و كلت

مريم. اسفه كلش مو قصدي احجي هيج شي بس ذكرتيني بأمي الله يرحمها

ام جاسم. شنو قصتج بنتي شلون ما عندج احد

مريم. اسفه بس ما احب احجي بهيج موضوع لان كوه لتم جرحي ما اريد افتحه من جديد و هسه اني اترخص

طلعت بدون ما اسمع كلمه كمت امشي بل شارع و اني مبتسمة و دموعي تنزل احس هم و نزاح على كلبي وصلت و صيه جاسم هسه يكدر يرتاح بكبره

وصلت لشارع العام اخذت تكسي و رجعت للبيت وصلت بل 3:00 الظهر

تلكتني مرت خالي و هيه خاله ايديها على خصرها

ام حسان. وين جنتي ان شاء الله اشو طولتي بل مدرسة هم لو انشتاين جان هسه حلل

مريم. واووو شنو هل مره الخال الحنونه خفي علينه مو حنانج طفر للجيران غركنهه

ام حسان. احترمي وكافي لغوه ولا تحسبين اني اسئل عليج محبتأً بيج لا باحلامج انتظر على مود تغسلين مواعين الغده

مريم. اووو الضاهر انتِ ناسيه شكال خالي قبل فتره

أمم يله ما عندي شي اذكرج كال معليج بشغل البيت ولا تدخلين بشي اوكي حبيبتي وصلت و هسه ولي من وجهي انتِ و خشمج المزيت لعبت نفسي جنت ناوي اتغده بس نفسي نسدت

ام حسان.احترمي نفسج و فكري زين قبل لا تعيبين على انفي

مريم. ههههه انفي لو اثبت هههه دروحي لو اعصر انفج يطلع منه تنكه مال زيت

دفعتها و رحت على غرفتي متت ضحك على سوالفها و لعبت نفسي بنفس الوقت

باوعت على نفسي بل مرايه طالعه اخبل حجيت واني اركص

مريم. فدوه لگلبي اني و ميته تعب اخبل لعد لو اكشخ و اخلي مكياج شطلع سود الله وجهك شاهين كرهتني بل حب وله جان اني هسه مزوجه و ابني أطول مني

كعدت على الجربايه و حجيت

مريم. والله صدك اريد اتزوج واحد مو حلو و يلعب ستين نفس و اشوف نفسي على زوجي و كل ما يحجي اكول اله اسكت اني احلا منك

صعدت على الجربايه و كمت اكمز و اضحك

مريم. الله خوش فكره راح اتزوج شلي بل سادس و ضيمه الزواج ستر وغطا واني انسانه ما اريد غير الستر... و اسوي صفحه على الفيس و اكتب بيها زوجي سر سعادتي و اخلي صوره كارتون رجل و مره متحاضنين عود اني وهوا و اكتب حك زوجي و اكتب بل حاله متزوج من رجل لا يعشق غيري

وأخلف ولد واسمي مارتن عود فيكه و انقلد الأجانب

الله شكد حلوه هاي الحياه زوجوني سرعه قبل لا ادخل بل سادس و ازهد

فلاش باك

شاهين...

رجعت للشقه لكيتها فارغه و مابيها روح ذبيت غرضي و شفت الكنبه جدامي صفنت عليها و كبل تخيلت مريم نايمه عليها و شعرها نازل واصل الكاع غمضت عيوني ابعد التخيلات من بالي

نزعت ملابسي و نمت عليها خليت المخده على وجهي كعدت استنشق عطرها

ستمرت حياتي عادي نزلت من الدوام واني أعصاب الدنيه كلها بيه

طلعت الناصريه كبل ما اتحمل اريد احجي وياها اسمع صوتها الطفولي اشوف عيونها الي بلون البحر الي عذبني و ما أكدر على افراكهن اشم عطرها الي بريحه الفراوله صرت مو بس احبها لا اعشق التراب الي تمشي عليه نسيت هيبتي نسيت شخصيتي كلشي بيه نسيته عقلي توقف صار ما يفكر بس بيها كلشي بيه يريدها يريد قربها

وصلت للناصريه و رحت كبل لبيت خوالها طلعلي خالها و هوا وجهه ما يكصه طبر

كلت خير يا طير شبي شفيق اشو معصب اليوم

ما قبلت اكعدت انطيته الفلوس و طلعت بقيت فتره بل ناصريه و اني اراقب مريم و احترك من داخلي من اشوفها ويه ابن خالها اموت غيره

عرفت اليوم اول يوم امتحان متوتر اكثر منها و خايف لا ما تجاوب صفيت السياره على صفحه و كعدت انتظرها تطلع

ورا ربع ساعه طلعت و هيه تبجي و خاله ايديها على عيونها حتركت كبل حركت السياره و وصلت يمها

اخذتها للسياره عرفت خوالها الجلاب الفلوس، يردون يزوجوها بس هين موش اني صكر اذا ما اخليهم يبوسون ايدي بسيطه، كلشي ولا احد يعتدي على أملاك صكر لان راح يدفع الثمن غالي

طمنتها و راحت على المدرسة حركت السياره واني متوتر و اعصابي خلصانه متحلف لخوالها جثير

نزلت و دكيت الباب طلع الي ابن خالها خزرته كبل دخل جوه و شوي و طلع خالها وجهه اصفر

ابو حسان. تفضل تفضل استريح البيت بيتك

شاهين. اسمع خلي احجي كلمتين ما اعيدهن ابد

مريم اليي

ابو حسان. حاظر بويه انت تفصل و احنه نلبس

شاهين. انجب و بطل لواكه هاي وسوالفك ما تعبر عليه ابد و هسه اريد تروح مثل الحباب تروح و تلقي السالفه مثل ما بديت بيها و بعد كرب على مريم و شوف شراح اسوي بيك ولعباس هسه مطول خلكي تدري ليش لأن مالي خلك فا احمد ربك ما الي واهس لو الي خلك تعرف شسوي بيك موو

ابو حسان. ايي اعرف خلص هاي هيه شتريد اسوي و هسه اروح و الغي كل شي و ما ينفتح الموضوع بعد

خليت ايدي على شعر و سحبته

شاهين عفيه من البدايه جر عدل

طلعت و صعدت السياره واني مرتاح هسه ماكو شي يضوج سمسمتي أريدها تنسه كل شي يئذيها و يضوجها و تفكر بس بيه و بدراستها

اني انسان ما احب الدراسه للبنت بس اي شي يفرح سمسمه يختلف اي شي تحبه و تفرح بي اني افرح بي لا إرادياً

رحت وكفت بنهايه الفرع و كعدت انتظرها تطلع على مود احجي وياها و بعدين اروح اريد انهي الموضوع و اعترف الها لازم اليوم انهي السالفه و اشوف الها حل اذا ابقه هيج راح ياكلني التفكير المفرط

اجت و صعدت وكفت السيارة و صعدت يمها حجيت وياها و خليتها بحضني كلت اذا رفضت الاقتراب كبل اسحب قراري و ما اعترف بس جانت قابله و ما رفضت كبل عترفت الها بدون تردد بادلتني الشعور واني هنا ما اعرف شنو شعوري بس احس نفسي اسعد انسان بحياتي خصوصا من يحبك الشخص الي تحبه و تفكر بي طول يومك و فجئه يطلع يحبك و يعترف الك احسه تعب اسنين و هسه يالله حصدته

خالها بحظني احس توقف الزمن بينه صرنه بعالمنه الخاص عيون صفر لتقت بعيون البحر عكست الشمس على البحر صار منظر خلاب

هيج حالتنا من لتقت عيونه قربتها عليه و شميتها احس ملكت الدنيه بهل شمه، شما اكول احبها شما اكول اموت عليه هذا الشي قليل بحق المشاعر الي بداخلي

امنيتي اتزوجها و تبقه بحضني اني احافظ عليها و احبها و اخاف عليها أكثر من روحي

وصلتها و نزلت بنهايه الفرع و رحت طبكت يم المول و اشتريت الها موبايل

خابرت خالها كلت اله اطلعلي جايك

طلع و انطيتها الموبايل و توجهت على الانبار مشتاك الأمي و لوكت العصر من اجي الكاها كاعده تشرب جاي و بسكت و انام على رجلينا و اكعد اشكيلها على حبي لسمسمه و شلون متعبني حبها و هيه تضحك عليه و تخلي شيلتها على حلكه و تكول

يا يمه وكعت و محد سمه عليك

بل طريق كل شوي افتح الموبايل اشوف اذا سمسمه فتحته لو لا

و فعلاً اجاني اشعار انو نفتح الجهاز كبل اتصلت عليها بدون سابق إنذار

بقينه نتخابر و حياتي ماشيه طبيعي عايش بنعيم واني اشوف شيهانتي تبادلني الحب و تسمع كلامي و يوميه تخبلني بسوالفها و حركاتها الطفوليه

خلصت اجازتي و حضرت اغراضي ودعت امي و رحت بل طريق السريع جاي امشي و تذكرت مريم ما كلت الها راح اداوم

مسكت الموبايل و كعدت اكلب بل اسماء ادور على اسمها حسيت سيارتي نضربت رفعت راسي ما شفت كل شي احس صار شلون الحلم

حسيت شي دخل براسي و نزل شي حار على عيني وراها دخلت بنومه طويله

صحيت و اني كوه اتنفس شفت الممرضه فوك راسي من شافتني فتحت عيوني كبل ركضت شوي و اجو الدكاتره فوكي و كعدو يحجون ويايه عرفت اني صارلي بغيبوبه اسبوعين و نص

دخلو ولد عمي و كلها تحمدت الي على السلامه تذكرت سمسمتي هسه شصاير بيها شنو حالها

كبل اخذت الموبايل و كعدت اخابرها طمنتها و طلعت تعرف بيه و مخابره ابن عمي

طمنتها اني ما بيه شي ما أكدر اخذ راحتي بل كلام ولد عمي كلها حاطه اذاناتهم يتسمعون

سديت الخط و جريت ابن عمي شبعته تفال و سب

كلها كامت تصيح ما مصدكين هذا اني الي احجي وياها هيج، بطبيعتي كلش حاد و ما احب اللغوه الزايدة و لا أحب اكون لين ويه احد

خابرت خالها و حجيت وياه أريدها تجي اريد اشوفها

شاهين. باجر هيه يمي بمستشفى ***

ابو سلمان. بأحلامك اجيبها يمك عاد سكتت جثير اني لغيت الخطبه و كلت يله ميخالف بس هاذهو لهنا و كافي التزم حدودك

شاهين. صار هيج الحجي اسمع وحق الي خلقكم راح احسب ثلاث ساعات اذا ما اجت يمي ولخلقك ما تعرف من وين المشاكل تجي عليك اخليك تندم على كل حجايه كلتها و بكيفك بعد

ابو سلمان. هاي هي اتفقنه بلا مشاكل و وجع راس ما ناقص اني و راح اجيبها ساعتين و هيه يمك

سديت الخط و طردت ولد عمي من وجهي ما اريد اشوفهم كلها طلعت بره

كعدت افكر بأمي شنو حالها هسه صحت لابن عمي

شاهين. تعال خلي اسئلك

_ اي اسئل

شاهين. امي اشو ماكو لازم ما تدري

_ اي محد يدري بس اني والموجودين خفنه عليها و ما كلنا لاحد

شاهين. عفيه عليكم كفوو لا تحجون لأي بشر بين ما تفض و اطلع عود اني اكول الها

خليت ايدي على وجهي و كعدت انتظر سمسمه تدخل عليه بفارغ الصبر

حسيت احد فتح الباب كبل رفعت ايدي عرفتها هيه عطرها وصل قبل لا تدخل المصكوعه سابحه بل عطر و جايه

حجيت و ياها و هيه كضتها تبجي و تنوح

سكتتها و قربتها اريد اشوفها لهفتي و حبي اريد اشوفها تعبي و صبري الي جاي اصبره اريد اشوفها ضيمي و شگاي

قربتها عليه صار ما يفصلنا شي اجت عيني على الشباك مفتوحه شوي و ولد عمي واحد صاعد فوك الاخر و يدحجون علينه

دفعتها بدون تفكير هيه كبل فزت و كامت تتنعوص واني جدي محترك

سدت الستاره و اجت كعدت بعدني ما حاجي وياها كلمه و اجه خالها و أخذها و راحت و اخذت گلبي وياها و روحي و عافيتي احس شي ناقص بيه من راحت أريدها تبقه يمي اريد تساندني ما تتركني

كمت اتعالج و اخذ علاج غصب عني في سبيل اشفه و أخذها خلص معد اتحمل اصبر اكثر من هيج لازم سمسمه تكون يمي و من اجي من الدوام اذب حيلي و تعبي بحضنها يمها انسه كل شي احسها فد شي عجيب شما اوصفها قليلة بحقها

بقيت هاي الفتره كلها على تواصل ويه سمسمه و ما افاركها لحظه احس كل ما اسمع صوتها يطيب جرح بيه

و امي أخابرها على اساس اني بل دوام و هي خطيه مصدكه و تدعي الي من كل گلبها

قرب موعد الخروج اجه الدكتور و سوا الي تحليلات عامه على مود يتأكد ما صحتي

طولت التحاليل يوم كامل واني انتظر على نار اريد اخرج لعبت نفسي من هذا المكان و القذاره و ريحه المعقمات

اجه الدكتور عليه وجهه اصفر و ما يتفسر حجه بتردد و خوف

الدكتور.....

---------------------------------------

عمري انتو خلص البارت اذا عجبكم دوسو على النجمه

حبايب للتنبيه فقط اني جاي اختصر بعض كلام شاهين و خصوصاً الي دار بينه و بين سمسمه لان اغلب هذا الحديث ذاكرته بل بارتات السابقه

سؤال شنو تتوقعون يكول الدكتور؟

و بنات الكاتبات المبتدئات الي يريدن دعم خلي يجن خاص و ان شاء الله ما اقصر بحق وحده

احبكم اهلي انتو

يتبع.....!؟

- وتسألني روحي دائماً أين هوَ عنك ؟

‏ فـ أجيب هوَ بالقرب مني

‏لا يفصلنا إلا الصَمت والغياب 💔..

عمري كبل لا تبدون دوسو على النجمة + علقو بين الفقرات

الكاتبه : روان آل عبدالله

---------------------------------------------------

اجه الدكتور عليه وجهه اصفر و ما يتفسر حجه بتردد و خوف

الدكتور. حبيبي بس اهده و لا تتعصب مو زين على جرحك بعده أخضر

شاهين. أخضر احمر بس كول اريد اطلع

هز راسه و دنك على الورق كال

الدكتور. التحاليل أظهرت النا انو انت اصبت بعقم

شاهين. لا اكيد غلطانين بل موضوع

الدكتور. لا حبيبي احنى واثقين من من فحوصاتنا

سودت الدنيه بعيني و كمت ارجف اول شي خطر بالي هيه سمسمه الي وعدتها بل زواج جنت ناوي من اطلع كبل امشي عليها هسه شلون اتزوجها واني عقيم ما اجيب أطفال شلون احرمها من شعور الامومه مستحيل اكون اناني لو حتى احبها

فزيت على ايد ابن عمي و هيا تنحط على چتفي

علي. امشي حبيبي انروح على مختبر مضبوط يجوز متخالفلات تحليلك و تحليل شخص آخر

كمت واني ما مستوعب شجاي اسوي احس روحي رجعت لعالمي الأسود من دخلت بي سمسمه غيرت ألوانه لونت حياتي، حياتي صار بيها شي حلو شي مميز بس فكره انو خلص راح اترك مريم رجع السواد لدنيتي

سمعت ابن عمي يكول وصلنا

نزلت و دخلنا للمختبر اخذو مني دم و اني كبل دخت و غوشت الدنيه بيه من هين مسوي عمليه و نازف جثير من هين السالفه العقم من هين مريم و امي الما تدري بيه شي

حسيت روحي وكعت بس صوت ابن عمي يصيح

_ دخيلك يا عباس سترنه دخيلك يا مولاي الطف بحالنه....

فزيت على ابن عمي يفرك بأيدي و لد عمي كل واحد كاعد بزاويه

كمت و كلهم صاحو بنفس اللحظه

_ لا دير بالككك لا تكوم

شاهين. وليش باله جبت واني ما ادري كافي مليت من المستشفى اريد ارجع

_ بعدك دايخ و مصفر دم و خلولك مغذي شوي يخلص و نروح مثل ما تريد يصير الك

شاهين. امشو ولو من هيه بكيفكم كافي ما اريد كل شي

كمشت ( مسكت) الكانونه ردت اشيلها و اطلع كمشني من ايدي ابن عمي و حجه

علي. بداعت سمسمه عوفه يخلص

ضعفت و هديت من ذكر اسمها حلفني بيها واني ما أكدر ارد شي يخصها

مسكتو من كتفو و تفلت عليه

شاهين. بعد جيب طاريها و شوف شراح اسوي بيك

مسح التفله و كال

علي. تدلل وداعت امي معد اجيب اسمها على الساني بس اهده على ما يخلص و تطيب واني اعرف شسوي بيك

شاهين. كد كلامك

علي. لاا

ضحكنه عليه شلون جبان و كلها لتمت عليه يردون يلهوني شوي على ما يخلص واني كل شوي اريد اكوم و هما يلزمون يلتمون عليه شلون الذبان يجتفوني

خلص المغذي بالف يا علي رادو يصيحون الدكتور على مود يشيلها كمت و سحبتها بقوه و لكحتها (ذبيتها) بوجه ابن عمي اخذت كلنس و ضغطت على المكان

رحت اريد اشوف التحليل ما قبلو كالو اله باجر واني شيصبرني

دفعت ورقه كالو ثواني و هوا يمك صفنت على كميه البشاعت و الاستقلال يأخرونك على مود يحصلون فلوس زين و الفقير و الي ما عنده شي شيسوي و هوا يجوز مستعجل او حياته متوقفه على التحليل و ما عنده شي يدفع

صاحو باسمي كمت واني متوتر و احس راسي يفتر كد ما دايخ بس أكابر

وكفت و باوعت عليه و كالت

دكتوره. ابني مثل ما طلعت التحاليل السابقه عندك عقم و للاسف ماله حل

كضبتني رجافيه و جسمي تشنج اعصابي تلفت تلعثمت و كبل تركت المكان و طلعت لو ابقه ثانيه كبل اشحطها و اكتلها و ما يرف الي جفن

صعدت بل سياره اجو ولد عمي وراي صعد علي يمي الباقي توزعو بل سيارات همس علي

علي. للبيت موو

شاهين. أي

خليت راسي على الكشن و غمضت عيوني اقنع نفسي انو كلشي جذب و مجرد حلم

وصلنا للبيت نزلت بتعب احس العمليه تضرب على راسي

رتجيت على علي اول ما وكفت دخت فتح الباب و دخلنه جوا لكيت امي كاعد بل صاله اول ما شافتني هيج راسي مشدود و مستند على علي كبل اجت و كامت تبجي و تدك على وجهها

حضنتها و هديتها حجت و هيه تبجي بصوت عالي

ام شاهين مزنه . يا يمه يوليدي شبيك شصاير الك

شاهين. يمه بسج بجي سويت حادث بسيط

ضربت على صدرها و كالت

مزنه. يمهه ابني سوه حادث شنو والله جان كلبي حاس من تخابرني مبين صوتك تعبان ليش ما كلت الي يا يمه

شاهين. يمه ما ردت تخافين عليه و الأمر بسيط

طلعو على صوتنه اخوي و مرته بداخلي عتاب لهل درجه يكرهني من لا شي حتى زياره ما اجه زارني المفروض أشد ضهري بيه و من افتح يعيوني هوا اول واحد واكف جدامي حتى سئلت ولد عمي و كالو كلنه اله بس ما اهتم..

كعدت على الكنبه و امي مكابلتني و تبجي و كل شوي تسحبني تبوسني حضنتها و طمنتها ما بيه شي

تركتهم و صعدت فوك لحكني علي يريد سندني

شاهين. امش ولي ابن *** ما احتاج كل شي

علي. رحم الله والديك حبي ما فوك اساعدك

شاهين. ما اريد احد يساعدني ويله ادعبلي سندس

علي. اوي حبي مشتاقه ** اريد عفيه

شاهين. توو ولي من وجهي سندس تعبان عود بعدين انطيج حقج تدللين جنج على هايي اشبعج و علي

علي. اوي حبيبي شكد محتاجه راحه شديده اني و تعرف ما ارتاح بس يمك

شاهين. وتالي سندس ولي اني ما اخون مرتي اني رجال صايم و مصلي و اخاف الله

علي. اهييي خرمشت مشاعري ليش جذي

شاهين. ههه انوب حول على الكويتي دروح بابه روح راح ادفعك من الدرج و اسويك بخبر كان

علي. قاسي و شرير و حقيرر

ضحكت و دخلت لغرفتي هذا دوم اني و علي نتشاقه هيج من ننجمع ننزع المستحه و نخليها على صفحه

بس ما نحجي جدام اي واحد هيج بس من ننجمع احنا و الشباب

دخلت لغرفتي و اني لعبانه نفسي اريد ارتاح و اسبح بس ما أكدر

نمت على التخت واني اتذكر سمسمتي هسه شحالها شجاي تسوي معقوله جاي تفكر بيه لو بس اني لا شي اكيد هسه نايمه لان هيه تحب نومه العصر اي صح و تكعد بل سته المغرب و تتغده و وراها تدرس

حافظ كلشي بيها روتينها و حياتها و كلشي يخصها

ما أكدر افتح الموبايل و اواجهها احس ما عندي طاقه ولا تحمل اكول الها مثل هيج خبر خايف لا ترفضني و تعوفني و اني بأمس الحاجه الها و اني مكسور و من تعوفني يتضاعف الكسر و يصير ماله حل ولا علاج

بقيت يوم كامل اني نايم بغرفتي اريد اهرب من الواقع المر ما مهتم لهيج سوالف بس كل تفكيري عباره عن شيهانتي شلون بيها هسه شلون راح اكول الها

فتحت الموبايل مقرر أخبرها و احجي كل شي و شيصير خله يصير احس نفسي ضعت بدونها

دكت عليه بنفس اللحظه زفرت و فتحت الخط

اول ما فتحته اجاني صوتها و هيه تبجي وتعاتب بيه كلبي كام يوجعني لهل درجه اني مئذيها كرهت روحي من كطعت التواصل بيني و بينها قررت ارجع و اعتذر عن الي صار بس تذكرت سالفه العقم كبل كلت الها و بدون سابق انذار

شاهين. سمسمه عوفيني ما افيدج ورب الكعبه

حجيت وياها و فهمتها انو كلامي صح عبالها اتشاقه سديت الموبايل و ضربته بل حايط

اجت امي على صوت التكسير و كعدت تهدي بيه وتقره آيات لحد هسه محد يعرف بل سالفه بس ولد عمي الي جانو موجودين و هذول أثق بيهم اكثر من روحي

ستمريت حالتي ثلاث ايام الحطام الي بداخلي جاي يزيد ما ينقص كل ما اكول وضعي تعدل الدنيا ضحكتلي تالي تجي سالفه اكبر من الي قبلها و تترك اثر بگلبي

ما تحملت و جريت موبايلي الاحتياطي لازم يكون يمي لان باي لحظه اكسر الموبايل

دكيت الرقم مالها و تصلت عليها نتظرتها ترد تصلت اكثر من مره بس ما جاوبت

ثالث مره و فتحت الخط بدون ما تحجي كلمه حجيت وياها و جاوبتني برساله عرفتها ما تريد تحجي ويايه عبالي احد يمها او صاير الها شي بس ما جانت تقبل تنطق لو كلمه

خفت عليها خايف لا بيها شي و بعدين اني اموت إذا صار بيها شي

سدت الخط واني هنا كبل كمت و توجهت للسياره اروح اتعنه على بيتهم و شيصير خله يصير ما يهمني شي غيرها

وصلت للناصريه و حسيت جروحي طكن دم لازم ابقه نايم بمكاني ما اتحرك واني ما اتحمل اشوفها هيج و اسكت

وصلت و كمزت من الباب حسيت جرح الي بطني نفتح كام يجويني من الوجع ما هتميت و تسلقت على شباك غرفتها دكيته و شوي و فتحت البرده اجاني وجهها الي جنه عافيه و عيونه الي مدوخاتني و ما أكدر على فراكهن

فتحت الشباك و كبل جريتها اريد اشم عطرها اريد احضنها و اضمها بكلبي المتعوب

بجت واني نلجمت و ضعت بعيونها حاولت احجي وياها اجيتها من كل الطرق ما فاد ما حجت

جرت موبايلي و كعدت تكتب الي، بل ملاحظات عرفت خسرت نطقها و بسببي هم

دخت و حيلي كام يرجف واني اشوفها تبجي و كل الي صاير بيها بسببي واني الي ما اخلي واحد يئذيها حتى لو بل غلط طلعت اني الي ائذيها

دفعتني و طلعت بره بقيت انتظرها ما اجت و جرحي احسه بللني من كد ما نزف نزلت و كعدت بل سياره دزيت الها رسائل و خابرت عليها ما ردت

عفتها و قررت ابتعد عنها عرفت سبب اذيتها اني مو الناس رحت لاقرب مستشفى و ضمدو جرحي

طلعت على الانبار وصلت و خابرت خالها

شاهين. اسمع و ركز كلش زين.. عندي شغل و ما أكدر اجي للناصريه كل شهر فا راح اكلف ابن عمي كل شهر و بنفس اليوم يجيب الك الفلوس و دير بالك تلعب بذيلك و تائذيها، شي فكك من صكر هل مره إعدام فهمت لو لا

ابو حسان. تدلل شتريد احنى نسوي

سديت الخط وخابرت ابن عمي الجبير

شاهين. احجز التذكرة الأربعاء ننطلق لايران

علي. إن شاء الله حبيب سمسمه تدلل

شاهين. من خر** عليك ابو النونات استقر

علي. عجل شعدنه غير النونات نحبل انجيب

شاهين. ادعبل يله

علي. اوكي يروحي انت تدلل بيبي شعندي غيرك يمته ما تريد تعال اريحك وعلي

شاهين. تلعب نفسي منج ام الوصخ

علي. اويي حبيبي شنو هل غزل احوبكك

شاهين. تففف على هل وجه اليابس

مر يومين و سافرت لإيران اريد اتعالج ما علمت احد و كلت لأمي سفر سياحية

ما جنت مقرر اخطي هيج خطوه بحياتي بس اجت سمسمه بالي و هيه و دموعها و شلون فقدت النطق من عفتها

مستعد اسوي كل شي لجل سعادتها

مريم...

تعب و تفكير و قلق وكعت رجليه و اني اسمع خوالي يحجون و يتناقشون

ابو سلمان. لك لا سافر على إيران يكولون راح يستقر هناك

ابو حسان. هاااا اني ذاك النهار كال الي ما أكدر اجي عندي شغل

ابو سلمان. أي تدري ليش هيج كال الك.. كال هيج على مود ما تكرب من مريم فهمت يول

ابو حسان. هههه اني اله... صديق حماده متقدم لمريم حماده يكول اني دليته خوش ولد و بيت و سياره و بس هوا و أمه ساكنين، من زمان متقدم بس جنت خايف من شاهين و هسه صرت بكيفي راح ازوجها كبل لا يجي شاهين

ابو سلمان. لااا دير بالك شاهين عيونه بكل مكان

ابو حسان. يمعود مسافر ما يدري بل دنيه هنا هسه بنص الايرانيات نسه ابو مريم

ابو سلمان. لاا دير بالك يخوي، و بعدين هيه بيتك سوي اي شي تريده اني ما الي دخل باجر شاهين يسوي الي مشاكل و هوا يخوف الو هيبه بين الضباط كلها تخاف منه من يخلي براسه شي كبل ينفذه طلعني من هذا الموضوع

ابو حسان. اطلع منها يخوي اني ازوجها خوش ولد و دفع بيها ملايين، وداعتك ما راح يجي ابو شاهين و هوا هسه مسافر و كاطع التواصل ويه الكل فا محد راح يدري هههه

كمت ابجي و الدنيه دارت بيه مستحيل اتزوج مهما يصير لو اموت

قويت نفسي و دخلت عليهم واني ابجي كل الانضار توجهت عليه حجيت واني ابجي واصيح

رفعت ايدي الي ترجف و حجيت بتهديد

مريم. ديرو بالكم تقررون بكيفكم، مجرد تفكير انو اتزوج من المستحيل بل الأحلام سامعين لو لا ما اتزوج لو اموت و محد يكدر يجبرني على الزواج سامعين لو لا

كام خالي و سحبني من شعري و دفعني بل كاع اجه راسي على حافه الطبله الكزاز متت وجع و احس روحي طلعت و راسي كام يدور دفعني برجله و صاح

ابو حسان. تتزوجين و رجلج فوك راسج سامعه لو لاا

و محد يكدر يمنعني و باجر العقد السيد حظري نفسج

مريم. ماااا اتزوجججج مححدد يكدرر يقررر عن نفسييي سامعين لووو لاااا

دنك لمستواي و صاحح

ابو حسان. مو بكيفج كلشي راح يصير و تتزوجين بارادتج او غصب هذا الشي ما يهم... دفععع بيج فلوووس سامعععه تعرفين شنو ملايين شي اكيد ما تعرفين لانج بنت فكره

تفلت بوجهه و هاي اول مره اتجرء و أتجاوز عليه

مريم. ما اتزوج الله ينعلك يل حقير

عصب و ما احس نومني جوا و كعد يضرب بيه بوحشيه حماده من شافني تفلت على ابوه كبل اجه و كام يضرب بيه

وواني جواهم بس ابجي حتى صياح ما أكدر اصيح احس روحي تكطعت نهارين و نهانيت

تعبو و كامو مني و كامو يباوعون عليه و اني دمي يجري من حلكي و خشمي بشكل فضيع كام خالي الثاني و سحبني من شعري احسه تكطع بايده بس ما احس بكل شي جسمي خدران من الضرب تفل عليه و ضربني راشدي

ابو سلمان. هاي نهايه كل شخص يتجاوز علينه اشوفه الموت بعينه

صاح على زوجته و ذبني عليها كال الها

ابو حسان. وديها على الغرفه ما اريد اشوف خلقتها

سحبتي و كامت تسب بيه ذبتني بل غرفه و قفلت الباب

وكعت بل كاع و كمت ابجي على الأرض احس ما بيه حيل اكوم راسي يوجعني بشكل مو طبيعي و جسمي احسه ينزل منه دم حار حظنت نفسي و كمت اعاتب بشاهين و أهلي

مريم. شاهين ليش عفتني بيد ذوله الناس الما ترحم انت تعرفهم مو خوش ناس ليش خليتني يمهم ليش خليتني بهذا المجتمع احارب وحدي ليش شردت نسيتني وين كلامك وين وعدك الي، مو تكول ما اعوفج للموت تالي رايح الايران و حته وداع ما ودعتني شنو ذنبي اني... اهلي ليش هيج هلي كله بسببكم انتو الي جبتوني للدنيه وبساطه عفتوني و رحتو ليش ما اخذتوني وياكم ليش خليتوني بل دنيه بوحدي هلي اني عايشه بين ناس ما ترحم هلي أقرب الناس الي عتبرته سندي عافني و راح سافر هلي خسرت كلشي بحياتي ما بقه عندي لو ذره امل هلي باجر زواجي على ولد ما اعرفه هلي راح اتزوج غير محبوبي

ضليت ابجي و احجي و اعاتب و كا العاده ما لكيت جواب ما لكيت احد يمسح على راسي و يكول اني يمج لا تخافين اني سندج

ستندت على الحايط و رحت على الكنتور طلعت الموبايل هذي اخر محاوله اتصل بشاهين عسى و لعل يجاوب عليه و يجي يخلصني احسه امل بعيد انه يجاوب بس خليت أملي و فكري اكبر و ما يئست

هاي اخر محاوله اذا ما رد عليه راح اتحطم و تموت مريم بس تبقه جسد

دكيت و اني ارجف و دمي ينزل على الموبايل و مسحته بطارف ملابسي انتظر اسمع صوته تا انفجر بجي و اكعد افرغ الي بكلبي اله و احجي اله ضيمي و تعبي بدونه

-------------------------------------------

عمري دوسو على النجمه اذا تريدون استمر 🌟

سؤال الأول منو تتوقعون خطب شيهانه

سؤال الثاني تتوقعون شاهين يجاوب لو لا

يتبع....

احبكم اهلي انتو 🤎🧸

قبل موتي بدقة قلبٍ واحدة ..

تذكرتُ ما دار بأولِ لقاء 💔...

كاتبه : روان آل عبدالله

علقو بين الفقرات + متابعه للحساب مالتي 🤍🧸

--------------------------------------------------

دكيت و اني ارجف و دمي ينزل على الموبايل و مسحته بطارف ملابسي انتظر اسمع صوته تا انفجر بجي و اكعد افرغ الي بكلبي اله و احجي اله ضيمي و تعبي بدونه

انتظر يدك كبل طلعلي الرقم المطلوب مغلق او خارج نطاق التقطيه

وكعت بل كاع و بجيت كمت اشلع بشعري و اضرب على رجليه و احجي بشهكه

مريم. ليش شاهين ليششش حبيبي هيج اهون عليك و بسهوله عفتني حبيبي باجر راح اصير بذمه رجال غيرك شاهين بداعتي تعال و خلصني من هايي الورطه شاهين ليشش هيج مو جنت واعدني ما تعوفني وين وعدك وين حبك معقوله تا تنتقم مني و هيج علقتني بيك و عفتني بسهوله بدون وداع لهل درجه اهون عليك على الاقل اجرحني سمعني كلام يخلي كلبي يتوب منك

ابجي و دموعي يختلطن بل دم الي بوجهي يعبر عن حزني و المي و وجعي و خيباتي

معرف ابجي على شاهين الي علقني بي و سافر معرف ابجي على نفسي الي راح اصير على ذمة رجال باجر، رجل ما اعرفه ولا شايفته هل راح يكون زين راح يحبني مثل شاهين راح يقدرني و يحسبلي حساب مثل شاهين

بهاي اللحظه عرفت اني يتيمه محد ساندني محد مسح على راسي محد ضمني لصدره محد كلي لا تبجين اني يمج... صارلي شكد ما سامعه هاذي الكلمه صارلي شكد ما حسيت بل امان

مشتاكه لحضن امي مشتاكه لحنانها و عطفها محتاجه تضمني على صدرها و تطمني انو اني بخير و محد يكدر يلمسني

صحيت على صوت عضام ضهري تطكطك من الوجع احس ضهري مكسور كل الضرب الي تعرضت اله صار عليه

كمت على الحمام و غسلت وجهي اباوع على المي ينزل دم من وجهي غسلت على السريع و اخذت كلنس و خليته على خشمي و حلكي و تمددت و رفعت راسي

غفيت بعالمي الأسود الوحيد الي انسه كلشي بي كعدت على دكه الباب كمت بتكاسل واني على عيوني النوم فتحت الباب و اجت بوجهي بتول

بتول. حضري نفسج راح يجون

مريم. يجون من صباحيه الله خير خما تا يعرس عليه

بتول. يا صباحيه الساعه وحده الظهر

مريم. اممم والمطلوب

بتول. المطلوب تتحظرين لان بل ثلاث العصر يجون

سديت الباب بوجها صحت

مريم. جيبي الي اكل اخاف انزل جوه و اشوف الوجوه و تنسد نفسي

بتول. لو اني منج و مغصوبه و مكتوله جان هسه منتحره

مريم. عشتو عليمن اذبح نفسي و ادخل النار بسبب أشخاص هما و نعالي سوه... يله روحي جيبي الي اكل جوعانه

كلت هيج و ما سمعت ردها كبل رحت على الحمام

باوعت على نفسي بل مرايه وجهي شاحب و تعبان و عيوني ناعسه و ذبلانه

صفنت على نفسي و همست

مريم. صكري هيج حياتي بدونك من عفتني نذليت ليش تخليت عني بسهوله

نزلت دموعي كبل غسلت ما اريد أضعف تعبت من الكسر و الضعف تعبت من البجي و النوح لو ابجي من هين الى باجر ما راح اغير شي

طلعت لكيت جايبين اكل و مخلينه على الميز

اكلت شوي و نسدت نفسي

ضليت كاعده و اباوع على الساعه انتظر موتي

دكت الساعه ثلاث كلبي نقبض و دمعي نزلت حاره تجوي خدي

سمعت صوت السيارات و صوت خوالي يرحبون بيهم

خليت ايدي على حلكي امنع صرخاتي الي تريد تتحرر من قيود صدري

دخلت بتول و وياها البنات و الضحكه شاكه حلكها

من شافتني شهكت و خلت ايدها على صدرها

بتول.ليش لسه ما متحظره اجوو ترره

مريم. اطلعي من هين ما اتحظر ولا اسوي اي شي روحي خلي يعقد على وحده من بناتج اني ما اتزوج

بتول. هيه بكيفج دولي شو تعالي

مريم. زولي منيي لا تلمسيني

بتول. كصري صوتج النسوان لا يسمعن

مريم. وخلي يسمعن معليه بيهن اطلعيييي برررره

غمتني و طلعت ركضت و قفلت الباب و ضميت المفتاح بأيدي

ربع ساعه و شفت مقبض الباب يتحرك

ما نفتح دك الباب و صاح بصوت منخفض

ابو حسان. افتحي الباب و انزلي مثل الحبابه لا اجنزج و اوديج بدون زفه على عيلتج والله مثل الفصليه انطيج

مريم. ماااا افتححح الباببب ولا اتزوووج هيه بكيفكم

ابو حسان. بسيطه

راح و شوي و نفتح الباب رجعت إلى وره و ميته خواف و اني اشوف خالي علامات العصبيه و وجهه ما ناوي على خير

سحبني من ايدي بدون كلام فتح باب الاستقبال و دخلنه سوا

رفعت راسي و شفت نسوان ثلاثه و ولد كاعد و يمه حماده ما ركزت بشكلهم بس لمحتهم لمحه بسيطه

و كبل دنكت

كعد خالي و كعدت يمه حجت بيبي

بيبي. هاي بنتنه مريم بنت بنتي أعز من ضناي اني ربيتها شوفوها جنها اجنبيه تخبل

_ صلاوات شنو من جمال شايله سبحان الله عمي هنياله ابني بيج

رفعت راسي اريد اشوف ابنها منو هوا هذا

رفعت راسي و يا ريت ما رفعته اجت عيني على واحد محفحف و بنطرونه مشكك و لابس سلاسل بركبته و ايده، و شعره يوصل للسقف كد ما طويل و هوا مسوي تسريحه الديج ركزت بوجهه و نصدمت

خال حمره و كريم اساس كلش واضحات و مبينات

لعبت نفسي و كشت شعره جلدي واني اشوفه هيج

من شافني صافنه علي غمزلي عوجت حلكي دليل على الاشمئزاز

بقو يسولفن و يتفقون على المهر و اني دموعي تنزل بسكته

تفقو و صاحو على الشيخ دخل جعفر و ياه الشيخ

باوعت على جعفر بتوسل بس جان يتجاهل نظراتي

بده الشيخ يقره آيات و آخر شي صاح

_ اذا موافقه على الزواج كولي نعم انت وكيلي

خالي عصرني من زندي و نبت اضافره حسيت تكطع الجلد مالتي

قويت نفسي و همست اني كدها صحت

مريم. ما اوفق اني مجبوره ترضاها يا شيخ وين اكو بدين محمد تنجبر المرأه على الزواج

_ لا والله يا بنتي ما ارضاها

لوه ايدي خالي و همس بسيطه اني الج الظاهر تحبين واحد يهينج ما تمشين اله بل ضرب شلون الحمار بسيطه

كام الشيخ و ترخص من طلع اجتي بيبي و ضربتني راشدي كمت و صحت

مريم. ديري بالج بعد تمدين ايديج عليه والله اكسرها الايد الي تنمد عليه

سحبني خالي و طلع الولد و حماده ورانه فتح باب السيارة الخلفي و ذبني بيها

صعد الولد من كدام و حماده يمي

باوع عليه حماده و هوا يضحك

كلبت عيوني و درت وجهي على الجامه

خايفه وين راح ياخذوني شراح يسوون بيه

وصلنه يم فرع كد ما كئيب يبين اسود ضلام و هدوء و البيوت قديمه و عليها عفن

نزلو اجه خالي و سحبني من ايدي دخلنه بفرع كلش ضيق صرنه نمشي واحد ورا الاخر

المكان يخوف و الريحه تكتل ريحه خيسه على عفن

لعبت نفسي و نقمت گلبي خايفه حيل

وصلنه يم محل صغير و الباب متروس أرقام و كتابات ما مفهومه

دخلنه و جان رجال جبير و لحيته بيضه كاض السباحه و كاعد يسبح و يهز براسه وجهه ما بي نور و شكله يخوف و مليان تضاريس جان لابس ملابس شيوخ معرف ملا و عمامه و خال عبايه على كتفه

كعدنه على الكراسي واني ارجف و حتى دموعي وكفت تنزل من الخوف

باوع عليه بتفحص و كال

_ جايين تعقدون

ابو حسان. أي شيخنه تعنينه عليك من مكان بعيد

سمعنه سمعتك طيبه و كل الزواجات الي تزوجها مباركه بيها

_ البنت قاصر

ابو حسان. أي شيخ ما تجاوزت 18 سنه

_ جيد ملاحظ هاي الفتره بنات من عمر 11 إلى 18 يجون يعقدن قليل يجون 20 و كف سوكهن صار ما يمشي هاذي النوعيه فا احسن خيار سويتوه انو زوجت ابنتك بهذا العمر الزواج مبارك و مرغوب من قبل الرجال

ابو حسان. صح شيخ تكدر تباشر

بده يسولف و يقره اخر شي حاول ياخذ موافقتي بس رفضت رفض قاطع

ابو حسان. شيخنا عادي اني اصير مكانها و انطي الموافقه بدالها

_ اي تكدر

حجه خالي و وافق بدالي واني كطعت نفسي من البجي دفع فلوس و طلعنه خالي يتحلف و حماده يسب بيه واني ما بيدي شي غير الدعاء و البجي

أعلنت موتي صرت جسد بدون روح صافنه على الطريق القاتم و اجه بين عيني طيف شاهين نزلت دموعي واني اتذكر كل تفصيله عشناها سوه اتذكر من يكول الي شيهانتي سمسمه اتذكر لهفته و خوفه و حرصه من جان يخابرني اول سؤال يكولي

خوالج سوو الج شي جان يعرف طينتهم شنو بمجرد من سافر كبل ستغلو الوضع

صرت على ذمه رجال غير حبيبي بمجرد ما افكر بيها توجع كلبي انوب صارت صدك

هسه صرت خاليه بدون شاهين صرت عدم بس جسد

زدت بجي و تعالت صوت شهكاتي

ضحك خالي و هوا يكول

ابو حسان. هاااا جاي تبجين على شاهين لان عافج لو على العقد لو على الكتله الي راح تاخذيها من نرجع هههه اي وحده

كلهم ضحكو و اني خليت ايدي على وجهي كعدت ابجي احسه داس على كلبي و هوا يذكرني

وصلنه للبيت صعدت لغرفت بدون كلام نكسرت واني اشوف كلها تتشمت بيه و تضحك عليه

دخلت لغرفتي و اني منهاره و جسمي يختض بشكل مو طبيعي رجله بادن كعدت بل ارض و ضميت راسي بين رجليه و كمت ابجي بهستيريا احس نفسي فقدت و نتهيت تعبت من البجي و جسمي منهك

ندفع الباب و دخل خالي رفع أصبعه و حجه بتهديد

ابو حسان. راح اسكت و اغلس عن هاي الدكه الناقصه الي سويتها بينه و ما نسيت الكتله الي توعدتها الج بس زوجج كال عوفها و عفتج بخاطره بس... هاا و حضري نفسج الاسبوع الجاي عرسج و من تطلعين من هنا لا تجين و لا تشوفينه وجهج، بعد لا نعرفج و لا تعرفينه ما نتشرف بيج

كال هيج و طلع، بقيت اسبوع واني معتزله الحياه كاظيتها بس بجي و صلاه ما احجي ويه احد ما اسولف ويه احد اكلي يوصل يمي

اجه يوم الأحد ضليت صافنه على التاريخ اليوم زواجي اليوم عرسي بس مو من حبيبي

تعبت من البجي تعبت من النوح ماكو شي من هذول غير حياتي منع زواجي

باوعت على وجهي بل مرايه عيوني كد البجي داخلات لجوه و وجهي تعبان و طالع حبوب بي

بجيت واني اشوف شكلي رجعت مثل قبل من جنت يم داعش رجعت لضيمي و قهري بس هل مره مضاعف و حمل يكسر الضهر

طلعت الموبايل و فتحته جنت متأمله الكه مكالمات من شاهين بس ما لكيت اتصلت علي طلع كا العاده مغلق رحت على التلي طلع اخر ضهور منذ زمن طويل بجيت و طلعت الهديه مالته و خليتها على صدري حضنتها و كعدت ابجي هاي اخر مره احضن هديتك اخر مره اشم عطرك الي اكرهه جنت اتمنى ترجع و تنقذني.... شاهين ارجعلي

شجاني ما حضنتك قبل ما تروح عفتني و غيبتك صارت طويله

رفعت راسي على دك الباب كبل رجعت الأغراض لمكانها و كمت فتحته دخلت مرت خالي هيه و بناتها كل وحده شايله جنطه نفس الكصه

بتول. اووييي تعبت.. باوعي هذا جهازج زوجج جهزه الج و تحضري هسه راح تجي ام الصالون تمكيجج هل وجهج صاير جنه وجه ارمله مطلقه

مريم. انجبي

بتول. احترمي نفسج انتِ الظاهر ما تعرفين منو بتول

مريم. بتول لو بل عرض ههههه

بتول. عود تحشش دولي

مريم. هههههه خرب عرضج ضحكتيني واني الي جنت نفسيه

بتول. ترا ما يضحك

مريم. بتول لو بل عرض عاااااااههههههه

هزت ايدها و راحت و غسلت وجهي و لبست التراك

دخلت بتول و ام حسان و وياها مره

بتول ذبت فستان العرس على الجربايه من شفته نزلت دموعي و خيم الحزن على وجهي

ما فكرت بشي غير شاهين كعدت واني دموعي ينزلن بغزاره يعبرن عن مدا حزني و كسري كمت اعاتب بشاهين بداخلي

مريم. شاهين حباب تعال خلصني الله يخليك ما عندي غيرك ابوس ايدك و رجلك بس خلصني منهم مثل ما جبتني عليهم ما اريد منك كل شي بس تخلصني منهم و تعوفني تايهه بل شارع قابله والله قابله

صاحت ام الصالون

_ شنو حبيبتي إذا تبقين تبجين راح يخرب المكياج يله كافي بجي

مريم. وخلي يخرب على ساس اني مهتمه كلش

بتول. تنجبين لو انادي خالج يعرف شنو يتصرف وياج

مريم. ما خايفه منكم ابد يل كلاب

بتول. اوكفيلي

طلعت و شوي و اجت و جايبه خالي يرعد وكف يم الباب و صاح بتهديد

ابو حسان. تسكتين و تكعدين مثل الخوش ادميه على ما تحطلج هذا الزفت... ما اريد اسمعع صوتت

مريم. عبالك تخوفني هههه لا والله ما يخوفني لا ضرب و لا تهديد ولا اي شي مو انت الي تمشي كلامك عليه

هز راسه و راح باوعت على الكوافيرة بطرف عيني و صحت

مريم. يله عيني انتِ الي خبصتينه بل مكياج حطي خلي نشوف بعد شتريدين اني شغلتي هنا بس البي طلبات ضلت عليج خلي البي طلبج

بدت تخلي الي مكياج واني طامسه بخيالي بعالمي الخاص الي ما بي شاهين ولا بي تعب و لا بي خوالي و لا بي ضرب و تعذيب، بس بي اني و امي و اخوي و بيتنه الصغير الي من جنكو

من ارجع من المدرسة واني اتحلف معد ارجع عليها اله ابطل وامي بس تباوع عليه و تضحك على عصبيتي الطفوليه و المغرب اكعد باب المطبخ انتظر محمد يجي جايب اكل كبل ابوسه يالله اخذ الاكل منه و اذا ما جايب اروح اختل بحضن امي و اكوم ابجي و اشهك اله ما انام شكد تذمرت من حياتي السابقه بس هسه ادفع نص عمري على مود ارجع الها و كل ما ابجي اختل بحضن امي و جان اكبر همي انو محمد يجيب اكل المغرب

صحيت على صوت الكوافيرة تكول كومي خلصنه صحيت على واقعي المقرف واني كوه لازمه روحي ما ابجي اريد ابقه عايشه بل احلام ليش صحيت اريد ابقه بحضن امي اريد اشكي الها اريد اشم عطرها ليش صحوني حتى على هاي لاحكيني

سوت شعري تسريحه بسيطه و خلته على طوله ما ردت ترفعه لبستني الفستان و الحذاء مسكت المسكه و تقدمت بحركه بطيء على المرايه

غمضت عيوني و اخذت شهيق و زفير فتحت عيوني و باوعت على نفسي المكياج بارز ملامح وجهي و محلي، و الأسود الي فوك عيوني خله عيوني لونها يعمق اكثر

بتسمت بتردد واني اتخيل هسه راح انزف لشاهين لأول حب بحياتي و آخر حب صحيت على صوت مرت خالي دخلت تركض

ام حسان. اجووو

نقبض كلبي و تسارعت دكاته هاي الكلمه خلتي توازني يختل و ترجعني لنقطه الصفر صحيت على نفسي و ستوعبت انو خلص صرت على ذمت رجال غير شاهين

أعلنت موتي و رفعت حدادي صرت جسد خالي بدون روح

اخذت الكبوس و المسكه من ايدي و نزلت، همست بتول

بتول. يله خلي ننزل ينتظرونج

باوعت عليها بعيون مدمعه و همست واني مقوسه شفتي

مريم. حبابه بتول سوي شي والله ما اريد اتزوج خايفه

بتول. شبيدي والله اني و ابو سلمان طلعنه منها ثنينه ما موافقين على زواجج بس بيبيتج و خالج هما الي زوجوج

مريم. بس خالي ابو سالم يكدر يقنع خالي

بتول. لا ما يكدر يله نزلي فشله من الاوادم.

مريم. حبابه

بتول. يلهه مريم مو وكته نزلي بعد صرتي حلاله عقدتي كافي

فتحت الباب واني ارجف و ميته رعب وصلت يم الدرج من شافني كبل كامن يهلهلن نزلت دموعي. دنكت راسي وصلت للنهايه الدرج مسكني من ايدي و لبسني الكبوس و انطاني المسكه

سحبني من ايدي و طلعنه من البيت

ما احس بكل شي صرت انسانه خاليه رغم الهوسه و صوت الطلق و الاغاني بس ما اسمع كل شي، وصلت للسياره احس رجليه بادن هم زين لحكت و كعدت دنكت راسي و كل الطريق ما رفعته ولا شفت هذا الي اسمه زوجي

مسك ايدي و كرصني من صدري لعبت نفسي و دفعت ايده بتوتر باوعت عليه

ما اعرف اسمه ولا اعرفه منو هوا بس الشي الوحيد الي اعرفه هوا زوجي

وصلنه للبيت و اني ما ادري بل دنيه بس صافنه و ما اسمع الي يحاجيني و فكري مشوش كل شوي يجي بالي مشهد من حياتي مره اني و صغير مره من محمد حاول يغتصبني مره من تعرفت على شاهين مره من عقدت اجه بالي مشهد من شاهين يعترف الي اجه باذني صوت شاهين و هوا يهمس

سمسمه احبج

فتحت عيوني و صحيت من صفنتي الطويله رفعت راسي و شفت الناس لازكه عليه و كلها لازمه موبايلاتها غطيت وجهي بسرعه و غمضت عيوني اشجع نفسي احجي وياه لأول مره

سحبته من جاكيته و قربته الي همست باذنه

مريم. ااا عفيه خليهم يشيلون الموبايلات اريد اخذ هوا

هوا ما قصر صاح عليهم و كلها بتعدت اجت بتول و نزعتني الكبوس و عدلت مكياجي و همست

بتول. احنى راح نروح ان شاء الله زواج الدهر

مريم. حبابه بتول على الإقل ابقي ويايه من يزفوني اخاف والله

بتول. والله مو بكيفي أوامر خالج... مع السلامة حبيبتي

مريم. مع السلامة

راحت واني كمت ابجي على الاقل جنت مأمنه اعرف احد هسه كلها صار غريبه عليه

هذا الما يتسمه شوي و راح على الزلم

جابو العشه و كلها كعدت تتعشه بس اني بقيت كاعده محد كال خلي انجيب الها شي تتسمم بي عشتو عود اكل ويه زوجي هوا بس شوفته تسد النفس ابو الحمره يمكن خال مكياج اكثر مني الناس تيهت ما تعرف منو العروس اني لو هوا

اجت امه و كومتني باوعت عليها بعلامه استفهام

_ يله امشي صعدي شوي و راح يزفون زوجج

مريم. حبابه خاله خايفه

خاله. ميخالف بس اول مره تتعودين بعدها

ما انطتني مجال للكلام سحبتني و صعدتني فوك

دخلت لغرفه عاديه كلش ما بيها شي حلوو

خاله. باوعي ملابس انتِ تعرفين شنو تلبسين ما اوصيج انتن جيل هل وكت كلشي تعرفن

مريم. أي

خاله. اكشخي و البسي اكثر شي مشلتح و لا تعاندين كلشي يكلج كولي اي

مريم. أي

خاله. عفيه اني هسه نازله انتِ تحضري على ما يجي زوجج

طلعت واني غميتها بثنين ايديه

مريم. كبر اليكبرج تريد مشلتح عشتو كل هذا لابو الحمره الخنيث

توجهت للكنتور طلعت تراك و دخلت الحمام سبحت واني صافنه و شارده افكر ما أريده يتقرب الي و لا يلمسني تقرف نفسي منه كلش

لبست التراك و طلعت مشطت و شسورت شعري كعدت على طارف السرير ادعي يموت يصير بي شي و ما يجي

فرشت المصلايه و كعدت اصلي و ادعي الله يخلصني منه و تعدي هاذي اليله بخير

بقيت انتظر ساعه مليت واني كاعده فرحت الله ستجاب دعائي و خلصني منه

رحت ركض على الفراش واني ميته فرح كون ما يجي، اول ما خليت راسي كبل نمت من التعب

فزيت على أنفاس حاره تضرب بوجهي فتحت عيوني شفت عيون حمره بلون الدم و وجه اسود و باين عليه علامات الغضب و الريحه البشعه الباعثه من أنفاسه

همس بفحيح و مكر

_ اريد اعذبچ

---------------------------------------------------

عمري انتو خلص البارت اذا عجبكم دوسو على النجمه و تفاعلوو

سؤال :شنو تتوقعون يصير بل بارت الجاي

احبكم متابعيني العنونين 🤍🧸

انه وگلبي النحبك طولت عنه

يـ منه شغيراك وصرت مو منه

الكاتبه: روان آل عبدالله

علقو بين الفقرات + متابعه للحساب مالتي

_________________________________

اريد اعذبچ

بتعدت مسافه واني ارجف و أنفاسي كوه التقطها

عيون حمراء تتابعني نفس ذو رائحه كريهه

خليت ايدي على عيوني امنع اشوف شكله اليخوف

تقدم بطئ بإتجاهي رجليه بادن و معد احس بيهن نفسي قل و روحي نقبضت

قربني علي و همس

_ اريد اعذبج

رجف جسمي من هاي الكلمه أنفاسه الحار الي تضرب بوجهي

حجيت بتلعثم و توتر

مريم. حبا.. حباب عوفني شتعذب بيه معليه والله ما سويت شي

_ احب اشوف الناس مذلوله جوه رجلي احب اشوفج تتعبين ارتاح من اشوفج تصرخين

مريم. عوفني بداعت الله

مسكني من فكي و عصره همس و هوا صاك على سنونه

_ اصرخي... اصرخي... اصرخي

مريم. ماا عوفني

ترك فكي و خله ايده على شعري و شده حيل

_ ولعباس ابو فاضل اعلكج بل بنكه ( مروحه) هسه و محد يسئل عليج اخلي ولد المنطقه *** وياج و محد داري عنج.... اصرخي

كمت ابجي و اشهك باوع علي بغيض و كال

_ يعني ما تصرخين مووو

هزيت راسي بلا رافضه اصيح

تركني و طلع فرحت و كمت التقط أنفاسي خفت لا اموت بايده

كمت ابجي و اندب بحضي شيعدي هاذي اليله على خير ربي سترك

نفتح الباب و دخل شايل سجينه بايده اباوع على السجين صايره حمره كلش

كمت من الجربايه (سرير) واني ارجف وكعت بل كاع و كمت ازحف لوره و هوا يباوع عليه و يضحك

طخ ضهري بل حايط تقدم عليه و هوا ميت ضحك زدت بجي و كمت اتوسل بي لجل يعوفني

مريم. حباب عليك الله عوفني فدوه اروح الك عوفني بحالي شسويت الك اني ما تكول الي

دفعني و نزل لمستواي رفع التيشيرت مالتي و اني اقاوم بي بس جان اقوه مني

خله السجين على بطني واني كمت اتلوه من الوجع ما تحملت و صرخت بعلو صوتي ضل يباوع عليه و يضحك و اني اتلوه من الوجع و اصيح

شال السجين حسيت جلدي نشال وياها اباوع على بطني نترست دم

واني اتلوه معرف شسوي الوجع ما ينوصف

كعد على الجربايه و رفع السجين بتهديد

_ منو هذا الكلب شاهين

مريم. احترم نفسك لا تغلط عليه شاهين تاج راسك

_ لا تتجاوزين بنت ****

مريم. لا تغلط على اهلي هذول الي تغلط عليهم تاج راسك و راس الخلفك

كلت هيج لو هوا تخبل داس على بطني بحذائه

الألم زداد أضعاف حسيت الوجع بكل جسمي صار

كمت اصيح و هوا يزيد ضغط على بطني

عرفته يحب يشوفني هيج دست على نفسي كوه و خليت ايدي على حلكي امنع نفسي اصرخ

هوا شافني هيج كبل زول مني ضربني برجله و راح

على الحمام

مريم. الله ينعلك يا ما تستحي يل سادي ربي ينتقم منك و يشوفك الوجع أضعاف يارب دعوه يتيمه و مضلومه عسى لا شاف الراحه بحياته عساه بحظه و ببخته

كمت ابجي حاولت اكوم اكثر من مره باوعت على بطني الدم دا يزيد و الجويه احسها تاكل جلدي كد الوجع

خليت ايدي على بطني و كمت بالف يا علي

دورت بل غرفه على شي يبرد الجويه ما لكيت

طلعت من الغرفه و نزلت جوه و كل خطوه امشيها احسها تحرك جسمي حرك

نزلت بل صاله لكيت امه كاعده و تخابر باوعت عليه و رجعت تكمل ولا همها

تعجبت هيه ما سمعت صرخاتي ليش ما اجت خلصتني من ايده

رحت على المطبخ طلعت علبه العلاج لكيت بيها بس كم حبابه

فتحت الثلاجه لكيت بيها راشي سحبته و طلعت كلينس

اتذكر من جنت اعالج السجناء مجان متوفر علاج فا جنت احط راشي على الجويات مالتهم

سحبت كلينسه و خليت فوكاها راشي و خليتها على الجويه حسيت شوي رتاحيت و شي بارد صار على جسمي

ما صعدت فوك ما بيه حيل كتله ثانيه جريت الكرسي و كعدت بل مطبخ

اباوع على المكان يلعب النفس كله وصخ و فوك الطباخ دهن مو طبيعي صاير اسود كد ما متراكم لعبت نفسي و اجيت اتقيئ شلون عايشين بهل قرف هذا

سمعت يصيح من فوك رجفت و تلبكت من الخوف تا اكوم و وكعت من الكرسي كمت على السريع و صعدت فوك لكيت واكف يم باب الغرفه

زاد توتري و خوفي كمت امشي باتجاهه بخطوات ثقيله وكفت يمه و رفع ايده عبالي راح يضربني اشو هذا حضني و همس

_ حبيبتي وين رحتي صارلي شكد ادور عليج

تقززت من حضني و دفعته

مريم. زول عني هتو منو جواني

فتح عيونه بصدمه و أشر على نفسه بمعنى اني

مريم. أي انت جويتني بل نار ليش تسوي نفسك بريئ و ما تعرف شي

سحبني من ايدي و كعدني على الجربايه كال بتوتر

_ لاا هذا مو اني الي جويتج هذا الي بداخلي مو انييي واللله

مريم مبلاا انت جويتني و موتتني كتل

_ نزل لمستواي و مسح على شعري و كال بحنيه

_ هذا مو اني حبيبتي هذا واحد بداخلي هوا يكولي. هيج سوي واني اسوي بس اني من اتعصب ديري بالج تكولين لا من اكولچ سوي شي كبل روحي سوي ترا هذا يريد يعذبج و بعدين يموتج هواا كلي

خفت و رجعت لوره واني اشوفه كل شوي يحجي كلمه و يسولف و يأشر و تصرفاته تصرفات طفل عمر 5 سنوات

لعد هتو منو الي جواني منو الي يريد يعذبني منو الي كلي اصرخي

كمت ابجي بهستيريه اول مره اشوف هيج شي بحياتي دا احسه مو صاحي ربي لا عتراض على حكمك بس شسويت بحياتي تا ترزقني بهيج زوج ربي دخيلك اذا اول يوم و هيج شفت أشياء

خايفه من المجهول خايفه لا يئذوني او يموتوني شي اكيد اموت إذا ابقه مكابله هذا الي كل شوي يتبدل شلون ما اموت

لو حتى ما اموت إذا ابقه معاشرته ليل و نهار راح اصير مثله دخيلك يابو فاضل احفظني و استرني

صحيت على أصبعه و هوا يخلي على خدي يمسح دموعي دفعت ايده بخوف و توتر واني ارجف وكفت على الجربايه و صحت

مريم. دير بالك تلمسني اني ما اريدك ولا احبك فاهم لو لااا

_ ليشش مو اني احبج تعالي انتِ زوجتي

مريم. مااا زول مني لا تلمسني ما أريدك روح على امك

_ مااا

مريم. اطلع من هينن اريد انام

_ اني هم اريد انام

مريم. واذا سويت وكاحه

_ لا ما اسوي والله بس انام

يله لعد روح نام على الكنبه واني انام على الجربايه

راح نام كبل ضليت صافنه على يربي ولا جنه هذا الهتو نكلب وحش و دخيلك ربي شنو هاي نوب

شفته غط بل نومه طلعت غطاء و غطيته صفنت عليه

المفروض هسه اني احقد عليه و انتقم منه بس مبين مريض لان يكول اكو شي بداخلي اذن هذا مريض نفسي و العياذ بالله

هاي نهايتي محد سائل عليه واني ابقه تحت رحمه مريض نفسي ما اعرف باايي ساعة يموتني

بهاي الحاله لازم حتى اني و نايمه أقره الشهاده الحذر واجب

نمت و اني كل شوي افز اباوع عليه الكاه نايم خايفه لا باي لحظه اكعد و الكاه فوكي

صحيت الصبح على شخص يجرني من شعري

كبل فزيت لكيته واكف بيده بطل و عيونه حمر باوع عليه جرني لعنده و صاح

_ سويلي اكل بسرعه

مريم. أي هسه بس شتريد اسوي الك

_ ليش تسئليني هاااااااا

مريم. مو اخاف اسوي شي وأنتِ ما تحبه... حباب عوف شعري

عافه و كعد على الكرسي أشر بايده بمعنى تعالي

كمت و وكفت يمه كبل جر ايدي و كعدني بمستوى رجله صاح

_ تشوفين هاذي رجلي.... تشوفيها لووو لااااا

مريم. اشوفهاااا والله

_ حبيها

مريم. شن.. شنوو؟

مسكني من شعري و قرب الجكاره من وجهي صاح

_ وحق هذا الله اذا ما سويتي الي أريده اشوفج اشياء ما شايفتها بحياتج

مريم. موو على كيفك شنو فصليه عندك انيي والله ما اسوي الي تريده لو اموتتت سامع لو لااا

ضحك بمكره و رتسمت على وجهه صوره الشيطان شكله جان كلش بشع لدرجه

قربني و زفر بوجهي هوا حار و ريحته كلش بشعه

شك تيشيرتي و قرب الجكاره على عظم الترقوه و طفاها بل عظمه

بجيت و توجعت و نجويت و نهاريت محد جان يدري عني صرت جوه ايدين الي ما عنده رحمه جوه ايدين مريض نفسي

سحبني و شمرني بزاوية الغرفه فتح خانه من الكنتور باوعت عليها مليانه وايرات و قيود و أشياء كثيرة ما عرفتها

سحب كم قطعه و سد الخانه باوع عليه بنضره شيطانية و كال

_ عندج فرصه اخيره

ما رديت عليه حضنت نفسي و كمت ابجي بصوت عالي

جر الكرسي و شعل جكاره كعد مقابيلي

جر ايديني و قيدني جر رجليه و هم قيدهم

اباوع عليه خال الجكاره صفح و وجهه اسود كلش و عيونه البياض صاير احمر

يربط ايديني و يدندن بغنيه و يهز براسه

خفت اكثر مبين مستمتع بهذا الي جاي يسوي بيه

جر الجكاره و طفاها بعظمه الاخرى نتهيت من الوجع و كمت اصيح بعلو صوتي

مريم. ساعدونيييي احدد يخلصني من هذا المريض النفسييي

و كااا العادهه ما لكيتتت جواببب

بده يضربني بوحشيه و بدون رحمه و هوا يعله صوته بل دندنه و يهز براسه

مارس عليه جميع انواع التعذيب بكل وحشيه و بدون توقف

كام مني واني منتهيه من الضرب اباوع على الكاع نترست دم حلكي ينزف و جسمي ينزف و الجويات من اتحرك تطير روحي للسمه كد الوجع

اخذ بطل من الكنتور و كعد على الجربايه و كام يشرب بي و هوا يضحك

شال البطل و ضربه على الكاع صرخت و خليت راسي بين رجليه

سمعت الباب نفتح و نسد عرفته طلع هديت شوي و رفعت راسي

حاولت اكوم اكثر من مره بس جنت مقيده بقيت كاعده بمكاني و اباوع على الدم الي ينزل من خشمي و ارجف

ضليت اصيح اريد احد يجي يفكني بس جان ما يرجع الي غير الصدى

صوتي راح كد ما صيحت عطشانه و جوعانه صارلي يوم و نص اني ما ماكله و لا شاربه شي

احس بروده الكاع تدك بعضامي النزف ما توقف صرت ما أكدر احرك كلشي من جسمي كل شوي تغوش عيون و ارجع طبيعيه

وكعت بل كاع و حضنت نفسي الدم ترس وجهي و دمر ملابسي الجويات يحركني احسهن يدكن بعظامي

اجه طيف امي كبالي تقدمت ناحيتي رفعت ايدي بتوتر و تعب اريد احس بل امان أريدها تحضني و تاخذني وياها

خلصت طاقتي التعب حتل جسمي

تقدمت عليه و هيا تبجي مسحت على راسي و همست

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ﴾

باست الجويه الي برقبتي و صارت سراب

فزيت وكمت بسرعه اتلفت ادور لأمي جانت هنا واكفه والله جانت موجوده وين راحت

ستوعبت انو حلم كمت اتذكر الي كالته

حضنت نفسي و اني اردد الايه و ابجي

نفتح الباب و دخلت عمتي اجت عليه و طلعت مفتاح من صدرها و فتحت ايدي و رجلي

عمتي. كل عقله مسوي بيج هيج شي شسويتي يل مصخمه

مريم. عمهه والله ما سويت شيي وربي معليه كبل اجه ضربني بدون سابق إنذار

عمتي. تحملي ميخالف

مريم. ماا أكدر اتحمل مما اكدرر تعبت اذا اول يوم و هيج سوه بيه لعد اذا ابقه يمه طول العمر يمكن يموتني... ساعديني الله يخليج كولي اله لا يضربني

_ مو بكيفي هوا مريض شسوي اله

مريم. اذا مريض ليش ورطتوني بي اني شعليه شنو ذنبي

_ ذنبج الوحيد خوالج ذبوج او باعوج علينه

عفتها و كمت بتعب دخلت على الحمام باوعت على وجهي بل مرايه الدم يابس على وجهي

كمت ابجي و دنكرت اغسل واني ارجف

ما أكدر اسيطر على نفسي توازني أختل و جسمي كله يرجف عيوني كل شوي تغوش

سندت نفسي على الحايط و كمت امشي بطئ

طلعت من الحمام شفت عمتي تنضف بل غرفه من شفتها كبل وكعت بل كاع و اغمى عليه

صحيت على احد يفرك بأيدي فتحت عيوني بضعف و ركزت على الشخص الواكف جدامي

شفت شخص واكف و بتسملي بتعدت عنه واني خايفه همس

_ لا تخافين اني ممرض اجيت تا اعالجج

سكتت و نزلت دموعي واني اسمع صوته جوه يصيح و صوت عمتي تسكت بي و هوا يزيد صياح همست

مريم. الله يخليك هذا الوحش يريد يكتلني ساعدني فدووه اروح الك

الممرض. منوو الوحش

مريم. هذا الي جاي يصيح جوه هوا الي سوه بيه هيج.. شوفني شوف شلون عذبني فدووه ساعدني الله يخليك

الممرض. أي أن شاء الله

شال الكانون و طلع بدون كلام عرفته يريد يتهرب عرفت جذب عليه من كال ان شاء الله

خليت ايدي على وجهي و كمت ابجي بهستيريا

فزيت على فتحت الباب

توقفت من البجي نفسي كطعته و تصنمت عرفته هوا اجه كمت ادعي ما يضربني ولا يلمسني صار اكبر همي هذا الشي

مسك ايدي و عصرها و كال بعصبيه

_ منووو هذا الي جان عندج بل غرفه

مريم. محد ماكو احدد والله جنت نايمه

_ اني شفته بعيني

مريم. لاا متوهم والله ماكو احد

هز راسه و بقه يباوع عليه توترت من نظراته ردت اخترع اي موضوع على مود ينسه السالفه همست

مريم. شسمك؟؟

_ عباس

مريم. الله حلوو اسمك

عباس. انجبي

مريم. اوكي

مريم. عباس

عباس. هممم

مريم. جوعانه اريد اكل

عباس. تعرفين تسوين اكل لو لا

مريم. اعرف بس الأشياء الخفيفه

عباس. كومي بدلي

مريم. هااا

عباس. وطرش أن شاء الله تكومينن لو شلونن

مريم. أي خلص والله هسه اكوم

كمت واني خايفه وين يريد ياخذني

دخلت سبحت اباوع على جسمي بل مرايه ما يبين صاير خريطه من الضرب بجيت واني اباوع عليه شنو ذنبي يربي ليش هيج

لبست بنطرون و تيشيرت و شيله و حذاء رياضي

نزلت جوه واني كوه واكفه على حيلي بايي لحظه يغمى عليه

لكيته كاعد بل صاله على الكنبه من شافني كبل سحبني و طلعنه صعدنا بل سياره و صار الهدوء سيد الموقف

صفنت على الشارع فزيت عليه و هوا يدندن بنفس الاغنيه و يهز براسه

زادت الرجفه بجسمي و خفت حيل شناوي يسوي بيه بعد

وكفنه يم مطعم نزلنا مسك ايدي و دخلنه كعدنه على الطاوله دنكرت أمنع نفسي ابجي حسيته مسك ايدي

عباس. شبيج

مريم. تعبانه

عباس. هسه ناكل و نرجع

سحبت ايدي هوا كام يريد يطلب خليت ايدي على وجهي و نزلت دموعي ما كدرت اسيطر عليها

حاولت اهدي نفسي وامنع نفسي ابجي هنا فشله من الناس

سحبت كلنس و مسحت دموعي رفعت راسي اهدي نفسي شفت...

----------------------------------------------

عمري انتو خلص البارت اذا عجبكم دوسو على النجمه

اكو فد موضوع كلش نرفزني هوا الغلط على شاهين هواي دا يغلطون عليه بل تعليقات واني مغلسه اريد اشوف هاي الفئه وين يردون يوصلون زين انتو كبل لا تسبون فكرو بعقل شويه يعني انتو تعرفون شاهين سافر على مود يتعالج و عباله خوالها يسكتون بل فلوس هوا لو يدري راح يدكون الناقصه بي معقوله راح يعوف مريم و يسافر انتو فكرو بيها، بساطه شي اكيد لا.. فاا عمري انتو انتقدو و الكم الحريه تعبرون عن رئيكم بس بأسلوب راقي بنقد بناء.

اسفه طولت عليكم الكلام بس هاي الحقيقة واني من حقي كا كاتبه ادافع عن ابطالي

هسه عوفونه من هذا كله اكو كاتبه كلش حلووه قصصها ضيفوها و شجعوها هذا حسابها 16sars

حبايب قلبي دعولي مريضه كلشش اسم الله ربي يبعد عنكم كل مرض

حب جبير الكم 🤍♀️

يَا گريبّ روُيحتيَ و كُلش بعيّد .

الكاتبه :روان آل عبدالله

كبل لا تبدون علقو بين الفقرات + متابعه للحساب

---------------------------------------------------

سحبت الكلنس و مسحت دموعي رفعت راسي اهدي نفسي شفت فهد بقيت مركزه عليه هوا يحجي ويه أصدقائه ما منتبه عليه ابد

دنكت و نزلت دموعي مره ثانيه حسيت احد كعد يمي مسحت دموعي على السريع و رفعت راسي شفت عباس

عباس. هسه يجي الاكل

مريم. أمم شطلبت

عباس. معليج

كلبت عيوني و خليت ايدي على خدي و كعدت العب بل كلينسه اريد ارفع راسي و اشوف فهد محتاجه احجي وياه ضروري بس هذا السادي الي كاعد يمي مركز بيه كلش

رفعت عيوني عليه و كلت بتعجب

مريم. شبيك تباوع عليه هيج

سحب أيدي بقوه و لواها صرت اسمع صوت الاعضام تطكطك

توجعت كلش بس ما بيدي شي خليت ايدي الثانيه على وجهي ما اريد تبين علامات الوجع كدام الناس

كمت ابجي بصمت و بداخلي صرخات مكبوته

اخر شي ما تحملت الألم و زولت ايدي من وجهي و باوعت عليه بتردي و حجيت

مريم. حباب عليك الله كافي ايدي راح تنكسر بداعت شكو غالي عندك عوفني مو هنا كدام العالم بل بيت بس نرجع شتريد تسوي ما امنعك و اسوي الي تريده بحذافيره بس عوفني

عاف ايدي بتردد و هز راسه بتوعد

دنكت و كمت ابجي بصمت احس ايدي خدرت و ما أكدر احركها بديت افرك بيها عسى و لعل ترجع طبيعيه

اجه الاكل و هوا كعد ياكل شلون الهمجي الي ما شايف اكل بحياته

لعبت نفسي كتفيت بشرب اللبن فقط حيلي يرجف و بايي لحظه يغمه عليه

شفت مندمج بل اكل كلش ستغليت الفرصه و رفعت راسي

اجت عيني بعين فهد جان كاعد و يدخن و مركز بيه كلش و كل شوي ينتقل نظرته على عباس و يرجع عليه

باوعت عليه و أشرت اله بعيوني بإتجاه الحمام هز راسه بخفه

بقيت خمس دقايق مترددة لا افاتح الموضوع وياها خايفه لا يضربني هنا ما عنده مشكلة ابد

غمضت عيوني اشجع نفسي سميت بسم الله و حجيت بتردد

مريم.. عباس حباب

رفع راسه و باوع عليه بخزره هز راسه بمعنى شنو

مريم. ااا شسمه هذا.. اني شبعت اريد اروح اغسل

عباس. روحي بس لا تتأخرين

مريم. إن شاء الله

فرحت من كلي روحي عبالك ملكت الدنيا

كمت على السريع و رحت بإتجاه الحمام وصلت يمه و كعدت انتظر بفهد حسيت احد سحبني من وره

باوعت فهد كبل حضنته و كمت ابجي بادلني الحضن

زولت منه واني اشهك مسح دموعي و مسكني من كتفي و كال بنبره خوف و عصبيه

فهد. مريم شبيج تبجين و منو هذا المتحول الي كاعد وياج

مريم. شنو متحول

فهد. هسه جاوبيني على سؤالي بل اول

مريم. فهد اني بورطه كلش جبيره...

فهد. احجي لا تسكتين

مريم. خوالي زوجوني هذا الي جنت كاعده وياه فهد احسه مو طبيعي كلش تصرفاته مو موزونه ابد

فهد. زوجوج شلوننن

مريم. أي فهد مو وكته هذا الحجي خلي احجي الك اريدك تساعدني حباب

فهد. احجي عيوني الج

مريم. احسه مو طبيعي مره يكول الي احبج مره يكول الي اريد اعذبج و جاي يضربني هواي

فهد. يمته تزوجتي

مريم. البارحه

فهد. اذاج

مريم. كلش

كلت هيج و كمت ابجي اتذكر البارحه شسوه بيه بل ليل شوفني عذاب جهنم

كبل جرني لحضنه خله ايده ورا ضهري و الايد الاخرى يشرب جكاير

حجيت بشهكه و تقطع و خوف

مريم. فهد حباب ساعدني و خلصني منه اذا ابقه يوم واحد يمه راح يموتني

فهد. مو ابن امي اذا ما انعل والديه و اخلي يعفن بل سجن تا يعرف مريم وراها رجال... امشي ويايه

مريم. شنوو.. و وين

فهد. امشي مريم خلي اوديج للشقة و هذا المتحول اني انجاز بي اخلي يصير رجال و أعلمه الرجوله على أصولها

مريم. لا حباب ما اروح وياك خايفه..

دنكر عليه و صار بمستواي همس

فهد. هسه انتِ من شنو خايفه من خوالج لو منه

مريم. خوالي تبرو مني صرت ما اعرفهم... اني ما عندي خوال

فهد. احسن قرار سويتي هسه يعني خايفه منه

مريم. فهد انت ما شفت شلون ضربني حباب عوفه والله راح يرجع يئذيني

فهد. هذا اذا شفتي بعد.. امشي ويايه و خلي كلشي عليه صار الوقت اساعدج و ارد الج الفضل الي سويتي الي و لو مهما اسوي ما راح اوفي فضلج بس نحاول ولو جزء بسيط منه

مريم. ف...

فهد. واثقه بيه

مريم. أي امشي وراك واني مغمضه

فهد. اذن امشي و خلي الباقي عليه اعتبري نفسچ صرتي حره و طلكج و بكامل ارادته

باوعت عليه و بتسمت بادلني الابتسامة و مسح على راسي و جرني

طلعنه من الباب الخلفي و صعدنه بسيارته

انطاني نستله و عصير

فهد. هاج اشربي اشو ترجفين

مريم. شكراً فهد هواي

فهد. تدللين شكم سمسمه عدنا

مريم. هااا

فهد. عبالج ما ادري يولي هههه

ستحيت كلش و دنكت واني ميته خجل

كعدت اكل بل نستله احس مي بارد و نزل على كلبي

واني اسمعه يحجي بل موبايل

فهد. اخذ دوريه و ورقه الاعتقال بحق عباس*** تلكاه كاعد بمطعم *** بحي *** ماشي سيدي شكر الك

سد الخط و باوع عليه سحب خدي حيل و كال

فهد. اقري على روحه السلام هههه اذا ما اربي هذا هل خنوثي يتقاوه على النسوان المره اشرف منك يل حقير

وصلنا لعماره ضخمه و عاليه نزلنا و صعدنه لشقته

اول ما دخلنه عبالك مكتول بيها حيه كد ما مكلوبه كلاب الملابس مطشره بكل مكان و ريحه الجكاير ماليه الشقه

خله ايده ورا راسه و كال بضحكه

فهد. اعذريني سمسمه بس هذا حال العزابي

مريم. هههه عادي فهد يمعود صدك جذب هسه اسويها تخبل

فهد. لااا لاا ديري بالج اني انسان ما احب النظافه احب اشوف البيت هوسه ارتاح نفسياً.. و بعدين ما نريد نتعب هل ايدين الحلوه الجنها ثلج.

ضحكت على سوالفه و هوا اجاه اتصال راح شوي و رجع لابس ملابس عسكريه باوع عليه و كال

فهد. اسمعي مريم اني رايح بده دوامي ديري بالج على نفسج و لا تفتحين الباب لأي مخلوق و من اليوم اعتبري نفسج حره و لا تفكرين بايي شخص ما طول انتِ يم ابو بكر لا تخافين وداعت هل عيون راح اطلع الاذيه الي سببها الج من عينه راح اشوفه الويل اطبق عليه انواع العقوبات بسيطه اني اله

كمت ابجي خجلانه من الوضع الي اني بي

دنك لمستوي و كال بضحكه

فهد. خرب بيومج ما لحتج (وصلتج) اله كعدت على الكاع ههه.. لا تبجين سمسمه بنتي انتِ ما عاش الي يبجيج واني موجود الي يبجيج اقري على روحه السلام... كافي بجي

زولت ايدي من وجهي و حجيت بتوتر و شهكه

مريم. فهد يعني ما راح يجي عليه ولا يضربني بعد

فهد. ليش هوا يكدر منو كلج راح يطلع من السجن اصلا، اله اخلي يعفن بل سجون.. شلون الو كلب يبجي هاي العيون الحلوه خرب انه مو عيون ضيم

مريم. ههه ياا فهد

فهد. عيون فهد كافي بجي

هزيت راسي بايي واني امسح بدموعي سحب خدي حيل و راح

في مكان آخر حيث يخيم على الصگر الحزن و الندم

شاهين.. اكولك علي ما طول لسع ما صاعدين بل طياره خلي نرجع

علي. تحجي صدك شاهين هذا مو لعب جهال

شاهين. اعرف شايفني چدامك ولك.. ما اريد اروح و اعوف سمسمه وحدها يم خوالها اخاف عليها

علي. عجل انت مو منطيهم فلوس

شاهين. أي

علي. هاي هيه صدك ما راح يسوون شي وداعتك ست أشهر و تتشافه و نرجع و حك هذا الله الفوكي ازفك لسمسمتك بيدي

شاهين. كلبي مقبوض خايف لا يستغلون غيابي

علي. ما عليها شي توكل امشي لا تفكر بافكار سلبيه

خلصنه إجراءات السفر واني نقسمت نصين نص يريد يروح و اتعالج و نص الاخر يريد ارجع و ما اهتم لهيج سوالف مال العلاج

توكلت على الله و دعيت من كل كلبي لبنت روحي محد يئذيها ولا يستغلون غيابي

وصلنا الايران بخير و سلامه علي راح تا يحجز فندق و اخذ اقراضي وياه واني كبل توجهت للدكتور مختص بهيج حالات

وصلت عنده و بديت بفتره العلاج و جانت كلش صعبه و معقده

موبايلي سديته و كلت الاهلي انو يخابروني من موبايل علي موبايلي نكسر

بقيت اربع أشهر محترك حرك مشتاك لشيهانه متلهف عليها اريد اشوفها احضنها اشم عطرها احس نفسي شلون الطفل و نحرم من لعبته الي يحبها

جاي اتأذه شوك اكثر من اذه العلاج يوميه اطلع صورها و ابقه صافن عليها لساعات طويله

احسها هيه الي مصبرتني كل ما اتعب من العلاج اقرر ارجع و اعوف كلشي وراي و اروح و ارتمي بحضنها

بس كبل تجي بالي و ارجع الف خطوه ورى

خلصت الست أشهر و رحت تا احلل و اشوف النتيجه

حللت و كعدت انتظر يطلع التحليل بفارغ الصبر

توتر و خوف و قلق اريد يكول تشافيت اريد ارجع على ديرتي و اتزوج سمسمه و اضمها بحضني اعوضها عن كل الي صار وياها

صاحو باسمي و رحت وكفت يمه كبل باوع عليه و طكها بوجهي بدون سابق إنذار

_ حبيبي نسبته صفر بل ميه من المستحيل تتشاقه حبيبي انتَ عقيم و ماكو اي علاج الك

هزيت راسي و رحت ما أثر بيه كلام مقهور بس على وقت الي ضاع واني اعالج كل هذا الوقت و تركت بنت روحي و تالي ماكو نتيجه شلون اتزوجها اذا اني ما أكدر اخلف باجر سنه سنتين و تعوفني على مود الأطفال

كبل حجزت تذاكر و بنفس اليوم سافرت

صعدنه بل طياره و كعدت بمكاني و غمضت عيوني

سمعت علي يحجي ويايه

شاهين. هاا حبيبي شبيك

علي. شاهين شبيك احسك ضايج و من رجعنه من الدكتور بس تدخن

شاهين. علي شلون اتزوجها واني عقيم شلون اكسر بختها منو تتحمل تتزوج رجال عقيم لو حتى تحبني راح سنه سنتين و تمل مني و تطلب الطلاك

علي. لا هيه تحبك و بنت الحلال الي تحبك من المستحيل تجي يوم و تعوف

شاهين. معرف علي خليها على الله

علي. ونعم بالله.. لا تضوج يخوي مو هذا صكر الي نعرفه

شاهين. ما ضايج على روحي ضايج عليها و خايف شلون اذا عرفت يجوز تعوفني هيه صح تحبني و اني واثق من هذا كلامي بس معرف احسها راح تعوفني

علي. لا يمعود كول يا الله تفائلو بل خير تجدوه

شاهين. إن شاء الله حبيبي ما انسه وكفتك الي

علي. تدلل عضيد شعندي غيرك احبل اجيب كلشي ما عندي

شاهين. دولي اخذت وجه زايد

علي. وعلي صح... اكولك هاي حبيبتك ما عدها اخت بنت عم شي

شاهين. أي كو** شتسوين بيهن

علي. والله حبيبتك الي يشوفها يضل صافن عليها تكول امريكيه

شاهين. امريكيه هااا

علي. ايييهه

شاهين. اكل خر**** ابن الك*** بعد افتح حلكك بكلمه و شوف شراح اسوي بيك

علي. تدلل حبيبي اشبعك وعلي

شاهين. يعععع بصوت النونه مالتك

علي. لااا كلشي ولا نونتي دير بالك تتجاوز

شاهين. دولي انعل***، حوالي هذني الشغلات شوف الله شراح يسوي بيك ينسخك نسخه ذولاك الناس بس ما يحولك قرد لا يحولك جلب لان هذا مستواك

علي. اويي حوبيبي شهل قساوه مع ذالك ابقه احبك بيبي امححح

شاهين. لا حبيبتي جاي اتشاقه شعندي غيرج

علي. فدوه لگلبك اموت على هيبتك وداعتك اتحول نونه لعينك

شاهين. ما اتشرف كلش

علي. ما يهم

شاهين. انجب كافي اريد انام

كلت هيج و خليت ايدي على عيوني

علي. نوم أهل الكهف

رفعت ايدي من عيوني و دحجت عليه كبل خله ايده على كتفي و كال

علي. اتشاقه حبيبي ارجع غمض عزتي لسمسمه شلون تتحمل هيج نظرات

شاهين. انجب

علي. على راسي

رجعت خليت ايدي على عيوني و غرقت بتفاصيل شيهانتي كمت اتذكر سوالفها و ضحكاتها و عيونها حجاياتها الدافيه الي تسحل گلبي سحل

حسيت علي يهمس باسمي

علي. يله وصلنا

صفنت على نفسي كل الطريق افكر بيها بدون ملل

حيللل

نزلت من الطياره و شتميت هوا العراق و ردت روحي غمضت عيوني و كمت استنشق فزيت على صيحه علي

علي. الله يا هوا العراق الله يا تراب العراق وطني احبك وطني العزيز الجريح

جريته من ياخته و كمنه نمشي و هوا يمضرط

وصلنه و أخذنا الجنط و طلعنه الانبار

وصلنا ستقبلونه ولد عمي كلهم و امي عبالك جايين من حرب سلمت عليهم و كعدت يم ولد عمي لليل دارو العشه و اني ستغليتها فرصه و رحت على النسوان اريد اسلم على امي

سلمت عليها و لكيت عماتي و خالاتي سلمت عليهن و كعدت يمهن

خالتي كوثر. أي صكر اخبار السفره ان شاء الله تونست

شاهين. الحمدلله كلش تونست

ام شاهين مزنه. بدال الكل مجتمع بلجي تكدرين اله و تقنعنه يتزوج

عمتي سعاد. أي والله صدك ترا بنات العشيره مصفطه بس أشر

شاهين. وداعتج كلهن مو بعيني

مزنه. بس لو اعرف منو الي بعينك جان ارتاحيت اله من الصبح اروح اخطبها

تا احجي اجاني صوت علي و هوا يصيح

انداريت عليه و جان يصيح و يلحس بايده المرك واصل للچسع

علي. عماتي خالاتي يحب وحده

الكل. صلاوات

عمتي سعاد. منو هاي و شسمها

علي. اني اكل الجن كل السالفه بس لازم بقشيش على كل حرف

عماتي. تدلل جنك على هاي بس احجي

شاهين. دير بالك علي والله اذا حجيت محد يفكك مني

علي. اهم شي الفلوس... اسمعو يا جماعه الخير

مزنه.دفضها انطيك فلوس بس احجي

علي. تدللين ام الصاك.. هيه من الموصل تعرف عليها بوكت التحرير ما اعرف شنو اسمها بس هوا يلقب الها سمسمه و شيهانه

كال هيج لو خالاتي طكنها بهلهوله واني اهز راسي بتوعد لعلي

عمتي. انثى الصگر اممم

خالتي كوثر. زين شمنتظر ما تروح تخطبها

شاهين. مو مفكر هسه و هيه بعدها صغيره

مزنه. يااا شكد عمرها

علي. 17 بكد بنته

مزنه. ياععع كل عقلك شاهين البنت جاهل وانتَ عمرك بل ثلاثين و هاي 17 شلون رهمتها اصلا حتى حرام تظلم البنت بعدها صغيره

شاهين. هوا انتظرها على ما تكبر و بعدين اني شمسوي تا اظلمها

كوثر. عوفها موجود بنات يريدنك و بحبنك اكثر منها بعدها جاهله عوفها

شاهين. قصدج بناتج مووو و بعدين لحد يتدخل بحياتي الخاصه اني واعي و حر بنفسي و اعرف شلون اتصرف فا الي يدخل بحياتي الخاصه راح اندمه و تعرفون بعد الصگر شيسوي

صعدت فوك واني منهار يريدن اعوفها هيه بكيفهن بعد فنها الي تجيب طاريها على لسانها ان جان بل شين او بل الزين

سبحت و كبل نمت كعدت الصبح على صوت صياح الجهال واصل لسابع جار

شاهين. ادري ترا جنت مسافر مو اجيت من الحج شهل لزكه يربي

بدلت ملابس الدوام و اخذت سلاحي و نزلت جوه

لكيت المطبخ متروس نسوان و جهال صبحت عليهم و كعدت لزمت موبايلي اريد اخابر خال سمسمه اريد اشوفها

لزمت الموبايل و فتحته اول ما دخلت على المحادثه

شفتها متصله عليه أكثر من مره بس من ست أشهر و وراها ما متصله شفتها اذا نشطه لو لا بس طلع الي اخر ضهور منذ زمن طويل

تصلت اكثر من مره ما جاوبت كلبي حركني اتصلت على خالها هم يطلع مغلق توترت و شمرت الموبايل و كسرته كلها انتبهت عليه اجت امي تركض عليه

مزنه. هااا شبيك عيب شاهين من هين الاوادم

شاهين. يمه عوفيني بحالي.. اني راح اطلع الناصريه مع السلامة يوم

كوثر. هااا للحب

شاهين. ايي خاله مشتاك

كوثر. والله هاي تاليتك يا صگر وكعت و محد سمه عليك

ما رديت عليها جان همي الوحيد سمسمه خايف لا اذوها او سوو بيها شي والله اله احرك الناصريه كلها

شاهين. اودعناكم

مزنه. يااا عجل ما تريد ريوك

شاهين. يمه مو مشتهي

كوثر. خلي هناك بل ناصريه عنده ريوك خاص

كالت هيج ضحكت و غمزتلي

شاهين. ايي صدكتي هذا الريوك ماكو منه بل عشيره

كلت هيج و رفعت حاجبي الها

كوثر. شقصدك

شاهين. كل الخير

صعدت سيارتي و توجهت على الناصريه سقت بكل سرعتي بس اريد اوصل احس الطريق صار شطوله

وصلت بعد عناء و تفكير مفرط كل شوي فكره شكل تجي بالي

وصلت البيت و كبل نزلت دكيت الباب طلع الي ابن خالها

حماده. ها.. ها.. هاا صگر تفضل

شاهين. روح نادي ابوك ما عندي كلام ويه الزعاطيط

حماده. أبوي مو هين

شاهين. امش ولي ابن القندره روح نادي ابوكك

راح شوي و طلع ابو حسان

شاهين. نادي بنت اختك

ابو حسان......

----------------------------------------

دوسو على النجمة يا حلوين و تابعو حسابي لطفاً

بخصوص موعد النشر هواي دا يسئلون عمري انتو قبل جان عندي موعد تنزيل بس هسه لا لأن تعرفون بدت المدرسة و الامتحانات الشهريه فا متراكمه عليه كلش هواي و يا رب النجاح و الموفقيه للجميع 🤍

حب جبير الكم 💕🥺

وأغار أن يغرم أحد

بعينيك ولا يعلم أنهـا لي .

الكاتبه :روان عبدالله

قبل لا تبدون دوسوو على النجمة + متابعة لحسابي

---------------------------------------------

ابو حسان. يم خالاتها مو هين

شاهين. اكولل بطل كلاوات العيد و جيبها خلي اشوفها ما طول هادي ولعباس ابو فاضل ادخل للبيت و شيصير خله يصير

ابو حسان. فوتت شوفها اذا موجوده لو لا جاي اكولك يم خالاتها

شاهين. شعبالك اني غبي لو شنو انت و اخواتك ما تتحاجون عبالك اني اثولل لو تا تقشمرني بكم كلمه

ابو حسان. روح من هين مريم مو عدنا طردناها

تعصبت حيل و فأر دمي واني اسمعهه يكول هيج

غوشت الدنيه بعيني صحت من كل گلبي

شاهين. عجلل و الفلوسسس كللل شهررر ادزهننن ويننن راحت احجي بسرعهههه

ابو حسان. ما اسولف كل شي

ما نطيت مجال كبل كمشتو (مسكته) من ياخته و ركعت راسه بل باب وكع بل كاع و كمت ادفر بي

شاهين. ابنن ال*** وين وديتهاااا وينهااااا

ابو حسان. ما اكولك ما اندلها وين

طلع البيت على صياحنه اجو الولد و بعدوني منه

شاهين. ولعباس محد يفكك مني زولووو وين وديتوهااا احجوو

حماده. احجي الك كل شي بس عوف ابوي

بتعدت عن هذا المخنث واني اشوفه بل كاع منتهي و وجهه كله دم تفلت عليه و نداريت على هذا الزعطوط ابو الديج لكيته و أكف بطارف الحديقه و يصيح

زولت شعري من عيوني و أشرت باصبعي السبابه عليه بمعنى تعال

اجه و هوا يلعثم بل حجي كمشتو من رقبته و رفعتو من الكاع كام يدافر (يتحرك) شلون السمجه

حجيت واني كوه لازم اعصابي ما اطلع مسدسي و اضرب كل واحد طلقه بس ما اريد الوث ايدي بدم النگسين

شاهين. احجي كل شي

كام يحجي و يبجي يريد اعوفه

حماده. ابوي زوجها لصاحبي من سافرت على إيران

تركت ايدي من رقبتو و كبل وكع بل كاع و كام يرافس ضربته برجلي كبل اغمه علي

شاهين. عفيه زلم اي والله

تجهت لابوه دنكرت لمستواه و جريته طلعت المسدس و خليته براسه همست بفحيح

شاهين. جدامك ثلاث ثواني فقط تختار الحياه لو الموت

ابو حسان. ال... الحياه...

شاهين. عفيه عليك اختيارك جان خاطئ على الاقل لو مختار الموت جان متت شهيد و على ايد منو ايد واحد شريف.. و هسه يل شايب بدال اختاري الحياه فا يا عزيزي الحياه متاعب و مطبات و اني راح اكون كل هذني... راح اسئلك سؤال إذا جاوبت علي خطأ لو ما قبلت تجاوب فا يؤسفني اكول الك تغمض تفتح تلكه واحد واكف فوك راسك يكول الك ماهو ربك ماهو دينك عاد انت شلون متدين، الشرف و العفه يچطن (يطفرن) على الجيران من كثرهن حقهن ما يكفي بيتك

ابو حسان. أي والله اجاوب على كل الي تريده بس عوفي

شاهين. عفيه عليك من البدايه اختصر الكلام و كول هيج تعرفني ما احب اللغوه الزايده... السؤال مريم وين

ابو حسان. يم واحد اسمه عباس *** بحي ***

شاهين. يمته زوجتها

ابو حسان. وره ما سافرت بأسبوع

شاهين. تفف.. هاي التفله تفلتها بوجهك لانك ما عندك غيره فا تستحقها و بشده بس المره الاخر اذا شفتك بعد راح اتفلها بغير مكان

عفته و طلعت واني عصابي منهاره شلون تزوجت شصاير بيها هسه يجوز حامل يجوز نستني و عاشت ويه ذاك

كعده بل سياره دحجت على ايديه يرجفن بشكل مو طبيعي اخذت المي و غسلت خليت راسي على الستيرن اقوي نفسي للمعركه الثانيه اليوم اخذ سمسمه يعني أخذها ما اعرف لا زوج ولا خال من يصير الموضوع يمها كلشي يختلف و الحسابات تتغير

شلت راسي و اني احس خشمي ينزل منه دم عرفت ارتفع عندي الضغط كوه مكابر و واكف على حيلي

سحبت كلنس و خليته على خشمي و نطلقت

ضليت اسئل على الحي اله ما لكيته كمت اسئل اهل المنطقه على اسمه دلوني على البيت

نزلت من السياره و توجهت للباب ضليت ادك بي محد فتح ولا اجاني صوت بقيت مستمر ادك بي

سمعت اجاني صوت من وراي انداريت و جان اشوف شايب كاعد على طابوكه و ضهره محدوب و سنونه واكعه شايل بايده تمر و يمص بيها ما يكدر يأكلها بعز ضيمي و ضحكت على شكله

فركت وجهي بأيدي الي كلها دم، و ستغفرت من يمته اني اتنمر ربي شهل بلوه

شاهين. ها حجي تأمرني بشي

_ يي شتسوي هين

شاهين. والله حجي ادور على صاحب البيت اسمه عباس

_ يوووو

شاهين. ههه شبيك

_ هذا عباس اجت شرطه سحلته من سته أشهر و يكولون انسجن و أمه من يومها محد شافها من ذاك اليوم

غمضت عيني اصبر نفسي حجيت هذني الكلمات و اني ادوس على كلبي

شاهين. يكولون متزوج صح

_ اي مرته كل الحي يسولف بحسنها، بس يكولون شارده ويه واحد يمكن حبيبها يا ستار الله يبعدنه عنهم كلهم ولد حرام محد يخاف الله

شاهين. مشكور حجي

_ تدلل سيدنه بس ليش تسئل

شاهين. والله يا حجي عندي طلابه وياه... طلعت من جيبي فلوس و خليتهم بايده

كبل رحت ما اريد اسمع شي

صعدت بل سياره و خابرت صاحبي

شاهين. حبيبي اكو واحد اسمه عباس *** هوا بل سجون بس ما اعرف اي سجن اريد منك خدمه تدليني على مكان السجن

_ حاظر من عيوني ثواني و اسم السجن يمك

سديت الخط و سقت تايه معرف وين اروح احس روحي ضايعه كمت افتر بشوارع الناصريه عسى و لعل الكه ولو شي بسيط يدليني عليها

حيلي يرجف طبكت على صفحه يمكن اذا بقيت اسوق راح اسوي حادث ما أكدر اسيطر على الرجفه

خليت راسي على الستيرن و همست

شاهين. سمسمه وينج يا بعد معلاكي و راحتي و عذابي و دنيتي يا بعد كلشي حلو بحياتي وين رحتي كله مني عفتج و رحت كله مني انييي

اعرف بيج بريئه وكل هاذني السوالف جذب اعرف بنت روحي شلون مربيه حافظج اكثر من روحي ولج اني اذا ضايجه احس بيج يا بعد حيلي وينج ختفيتي وداعتج من الكيچ اله اتزوجج خلص هاي هيه عبرت حدها ما يهمني كل شي اهم شي يوميه اشوفج كدام عيني و بخير هذا الشي الي جاي اطمح اله حالياً

واني صافن و غارق بنوبه تفكير فزيت على صوت موبايلي يدك رفعته و شفت اسم ابو الأكبر

سديته ما اريد احجي ويه اي شخص رجع مره ثانيه خابر فتحت الخط ناوي ارزله اجاني صوته و هواي يكول

فهد. هااا هم زين رديت ولك دكيت عليك فوك الميت مكالمه كالو مسافر كلت بلجي يرد عندي موضوع وياك كلش ضروري

شاهين. فهد تعبان اجل الموضوع ما بيه حيل احجي فكري مشتت و مشوش

فهد. انتَ رجعت للعراق هسه

شاهين. أي رجعت البارحه

فهد. تعال بسرعه اني بشقتي الي بل ناصريه

شاهين. ما اتحس جاي اكول الك ضايعه روحي عود من الكاها اجي و مسلت شكد ما تريد

فهد. شبيك حبيب سمسمه شسالفه

شاهين. مريم طلعت متزوجه و فوك كل هذا ما اعرف هسه هيه وين

فهد. تعال يمي بل شقه هسه انت شي اكيد بل ناصريه الحل عندي وداعتك

شاهين. ما اعتقد اكو حل صدكني

فهد. كلشي محلول انت بس تعال

شاهين. ما أكدر اسوق خشمي جاي ينزف و ايدي ترجف رجف مو طبيعي

فهد. بس لا تعاركت و طكوك

شاهين. منو يستجري يمد ايده على الصگر

فهد. هيج فراك المحبوب عذاب

شاهين. كلمه عذاب بحقه قليله

فهد. وين انت هسه

شاهين. بشارع **** يم مطعم ***

فهد. جايك

ذبيت الموبايل و رجعت لوضعيتي السابقه طلعت من جيبي القلاده

رفعتها و كبل حيلي باد و نفسي قل واني اتذكر اول ما شفتها بل مخيم جانت تبجي و خايفه و ضايعه و حالتها تكسر الگلب بس ما كسرت گلبي ابد بذاك الوقت اول ما شفتها و عرفت اخوها داعشي ضربتها بدون رحمه و كأن هيه الي دفعت اخوها يدخل بهذا الطريق اتذكر من جريتها و كعت من رقبتها البيضاء قلاده جانت عباره عن سنسله و نازل منها حرف(m)

بل انكليزي اكو شي بداخلي دفعني و خلاني اخذها من الأرض بحركه سريعه و اخليها بجيبي

رفعت راسي و باوعت عليها خليتها على خشمي و ستنشقتها بصوره جنونيه شميت بيها ريحه رقبتها الباعثه منها ريحه فراوله... نجنيت و حسيت روحي محتاجها كلش شلون تزوجت لحد هسه اقنع نفسي خالها يجذب عليه

رجعتها بتردد و رجفه لمحفضتي نزلت و اخذت مي و كعدت اشرب و اباوع على الناس كل ما تمر مرأه من يمي اركز بوجها بلچي هيه بس جانت بعد كل نضره شعور الخيبه يحتلني و يدمر ضلوعي

شفت فهد نزل من تكسي و يلوح بايده و يضحك اني بيا حال و الدفان يغمزلي

كد ما نرفزني ردت اكسر سنونه السود بس تعوذت من الشيطان و هديت نفسي

اجه عليه و حضني و ضل يثرثر تركته و صعدت من چدام رفعت راسي و خليت صفطه كلنس بخشمي اريد يوكف النزيف اذاني حيل

وصلنا لشقه فهد نزلت واني احس الدنيه مغوشه بيه

وكفنا يم الباب صح ابو بكر بصوت عالي

فهد. نسيت المفاتيح

شاهين. تف عله هل جهره ما بيه بعد حيل راح اكع

فهد. لاااا مو صكر الي يهزه الريح

شاهين. خاب ما تنجب ابو النونات

فهد. صارلي فتره كاطع عنهن اكو شخص غير تفكيري و وعاني على هواي أمور بحياتي جنت جاهلها

شاهين. الله اللهم يبارك بيك يا اخي المسلم

فهد. تدلل صوكور

شاهين. وجعع... هسه شلون نضل واكفين

فهد. لا أكف لحظه

كام يدك بل باب ثواني و نفتح

ما شفت منو الي فتحه تقدمت باتجاه الباب و شفت شيهانه واكفه و فاتحه عيونها بصدمه

بدون اي تفكير تقدمت و حضنتها رفعتها لمستواي و حضنتها اكثر هيه بادلتني و كامت تبجي بصوت عالي

زولت عنها ببطئ نزلتها بل كاع رفعت راسها و خليت وجهها بين ايديه

حجيت برجفه و خوف

شاهين. هاا يا بعد عافيتي الي هتو ردت هااا يا بعد راحتي الي ما شفتها من يوم فاركتج هاي يا بعد ناسي و هلي كلهم يرخصون جدام عيونج وداعت هل عيون الحلوات اموت ولا اشوف دموعج كافي يا بعد معلاكي... كافي بجي

تقدمت عليه و كامت تضربني بيديها الصغار و الناعمات على صدري

مريم. ليشش عفتني ليش سافرت بدون ما تكولي عفتني بين وحوش اذوني و ضربوني و ضلموني... شاهين زوجوني لغيرك زوجوني لواحد مريض نفسي طبق عليه جميع انواع التعذيب وانت وينك... وينككك عنييي هاااااا عفتني الهههه خليتهه يعذببب بيهههه ليششش هيججج شنووو ذنبييي ليشش خليتني احبككك و بكلللل بساطهههه تركتنييي و مشيت شنووو ذنبييي ليشش كل ما احب شخص يجازينييي بل خذلان ليششش هيج صگر... ليشش

ترك ايدي و كبل كعد بل كاع خشمه كام ينزف شال ايده الي ترجف و كام يضرب براسه

نهاريت واني اشوفه هيج اول مره اشوفه بهاي الحاله دنكت لمستواه و مسكت ايديه فهد اجه يركض و شاله و خلاه على الكنبه

بقيت واكفه بمكاني و اباوع عليه معرف شلون أتصرف تصنمت احس رجليه ثكلن ما أكدر امشي عليهن

باوع عليه شاهين بنضره معرف شنو تفسيرها و بعدين غمض

وكعت بل كاع و كمت اصيح

مريم. فهددد ماتتتت عاااااا

فهد. وجعع ان شاء الله شنوو ماتتت اغمه علي بس لا تخافين عادي هسه يكعد... روحي جيبي الي كلنس مبلل و مي

مريم. فهد ما أكدر رجليه ما يشيلني

فهد. ربي شهل مصيبه الربع عاشق و يتبطح و فهد يبتلي سأخبر الله بكل شيء

راح واني كعدت أحاول اكوم و ارجع اكعد وابجي من كل كلبي واني اشوف شاهين بهاي الحاله جان منهار و شكله نكلب اصفر و عيونه دخلن لجوه شكله مرعب و خشمه صار ينزف هواي

شجعت نفسي و كمت كعدت يمه مسكت ايده و كمت امسح على وجهه

حجيت برجفه و ندم

مريم. صكري حبيبي اسفه والله مجان قصدي هيج اسوي بيك ما اعرف هيج راح يصير والله من حركت گلبي عاتبتك بس اكعد والله معد افتح الموضوع ابد

اجه فهد اخذت منه الكلنس و كعدت امسح بوجهه النزيف توقف بس كل شوي تنزل نقطه دم

بقيت كاعد يمه واني اشهك وابحي و فهد يضحك عليه

فهد. عجل لو تصيرين بل جيش غير يثخن گلبج وداعتج هناك تشوفين الشخص يموت چدام عينچ ما تهتمين و تروحين تكملن حرب ولا كان شخص يصارع الموت چدامج تعودت اني هاي الحالات صارت عندي زلاطه

مريم. فهد بس هذا مو اي واحد

فهد. ادري يا عيني حتى اني مثلج متفاجئ حيلل اول مره اشوف صكر بهيج حاله گضينه عمرنه سوا و حاربنه سوا انضل ايام ما ناكل ولا مره صار بي هيج... عجل شكد يحبچ هنيالج سمسمه نصيحه حافظي عليه

حجيت بتوتر و رجفه.

مريم. اعرف فهد كله بسببي اني الي وصلته لهيج حاله اني الي خليته ينزف دم كله صوجي لو ساكته

فهد. كافي بجي وداعتج ما يفيد و شاهين اني اعرفه من حركه كلبه عليج هيج صار بي انتِ ما تعرفين ضروفه او الي مره بي فا عاذرج لان كل توقعج انو هوا راح و تركج، هوا متوقع رد فعلج بس ما تحمل عتابج و بجيي و موضوع زواجج اثر عليه حيل واني اشهد من رحت تا اجيبه شفته منتهي

مريم. فهد ضايعه كلش احس كلشي بل دنيه ضدي كل ما اكول حياتي صارت زينه و الدنيه ضحكتلي تنكلب موازيني و ترجع حياتي اسوء من قبل بحياتي ما اذيت شخص بحياتي ما رفعت صوتي على احد بحياتي ما تركت صلاتي ولا قصرت بشي اتجاه اهلي ليش اني من دون البنات صار بيه هيج ليش اني الوحيده الي دمرت و ماتت عائلتي و شفت انواع الضلم و التعذيب...

فهد. الله سبحانه وتعالى اذا احب شخصاً من عباده يبتليه بمصيبه ليختبر مدا تحمله مدا قوته و ارادته مدا صبره ليكتشف معدنه الحقيقي هل هوا راح يخرج عن عباده الله بعد ما ابتلاه من المصيبه.. اكو ناس تصلي و تصوت و تعبد الله على أتم وجه بس من تصير الهم مصيبه يتركون دينهم و يكومون يكفرون و الخ.. برئيج ليش

مريم. معرف

فهد. لان يكولون احنى مطيعين إلى الله و نصلي كل الفروض و نطبق دينه و بل تالي تصير براسنه مصيبه او يموت احد منه لعد صلاتنه وين راحت لعد صومنه و ينه ليش الله ما شفع النه... و بهاي الحاله يكومون يخرجون عن الطريق و يجذبون دين محمد ولو حتى ما يجذبون جدام الناس بس بداخلهم مقتنعين انو الله سبحانه وتعالى ماكو كاذب استغفر الله بس

مريم. بس مو الكل هيج

فهد. شي اكيد مو الكل و اني دا اسولف الج بشكل لا على التعيين دا احجيلج على الأشخاص الي جاي اشوفهم بحياتي..

مريم. زين هذول الأشخاص مو تكول جانو يعبدون الله فا الي يعبد الله يصير بينه و بين الله سبحانه وتعالى ترابط روحي حب عظيم عجب هاي الفئه من الناس ما صار ترابط روحي

فهد. تدرين ليش... لان هذول الأشخاص يعبدون الله لغرض مصلحه تلكين يريد شي من الله ان جان مال أو أي شي يكطع نفسه و يموت نفس من عباده فقط لأن عنده مصلحه، او النوعيه الثانيه يصلي و يصوم فقط لأن الناس المحيطه بي تا ما تحجي عليه يصلي بس تا امه ترضه علي فا من يصير اله شي بسيط كبل يتخذه حجه و يترك دينه و يصير من الكارهي اله و بعضهم لدرجه الشرك يصيرون ملحدين يجذبون بوجود الله

مريم. الحمد لله على نعمه العقل.. اني ما مصادفة هيج ناس بحياتي

فهد. شكد ما تختلطين ويه العالم الخارجي راح تشوفين أشكال و الوان

تا احجي بس فزيت على تفله اجت بكصه فهد طفر فهد واني طفرت وياها

اباوع على شاهين يمسح بحلكه و يفشر على فهد

شاهين. دنعل**** يا ابن **** ابو النونات ما تكول هذا الجحش (حمار) نايم مريض داكين فوك راسي فچ ليششش

من شفت هيج يحجي متت ضحك فهد ما حجه شي كبل دخل الحمام يريد يغسل

بقيت واكفه و ميته ضحك على شكل فهد

شاهين من شافني هيج ابتسم و اشرلي اجي يمه

اجيت كعدت يمه واني كوه كاتمه ضحكتي

مسحت على وجهه و همست

مريم. شلون حبيبي شلون صرت

شاهين. اشو عيديها انوب (بعد)

مريم. شعيد

شاهين. عيدي الجمله

بتسمت و قربت منه و همست يم اذنه

مريم. حبيبي يا عمري و روحي انتَ شلون صرت

شاهين. من شفتج ردت الي روحي و عافيتي و سعادتي ردت اللوان لحياتي المعتمه و الضلمه

خجلت و دنكت و كمت امسح على شواربه همست

مريم. وين جنت طول هاي الفتره

شاهين. رحت على إيران

مريم. ليشش شنو السبب الي خلاك تعوفني و خلاك تسافر بدون ما تكولي او حتى تودعني

شاهين......

---------------------------------------------

اذا عجبكم البارت دوسو على النجمة لطفاً

سؤال: تتوقعون شاهين يحجي لمريم سبب روحته إلى إيران لو لا

اليوم نشرت البارت من وكت متعجبه من نفسي كلش بس طريت انشره بهيج وقت لان بل ليل عندي طلعه ويه صديقاتي + دخلو على حسابي و شوفوه سويت تغييرات بسيطه بل بايو و الصوره نطوني رئيكم roroabd16

احبكم متابعيني العنونين 🧡👑