تحميل رواية «ذات العيون الناعسة» PDF

أخذنه المن صور باجر ورانه فراك غشمه الصور تكتل من تظل ذكرى

الكاتبه :روان عبدالله

______________________

مريم. محمد اكعد يله اتأخرت على الشغل مالتك يله حبيبي كوووم

محمد. ممممم هسه

مريم. يله عفيه اكعد اريد اروح على المدرسه تأخرت هسه احصل رزاله معدله من المديره

محمد. اخخخخ ضهري

مريم .سوده عليه يروحي عسى التعب بيه ولا بيك

كمت افرك بضهره حسيته ارتاح

باوعت على الساعه اففف هسه بده الدرس الاول يله خلص اغيب اليوم خميس ما عدنا شي

كام محمد و هوا لازم ضهره و كوه يمشي من الوجع حالته ما تسمح يشتغل بس شيسوي مجبور اذا ما يشتغل لازم انكضي اليوم كله بدون اكل بس نشرب مي

اني و محمد نكدر نتحمل الجوع بس امي مره جبيره و صاحبه امراض ما تكدر حتى تشتغل كلش منتهيه كل ما اشوفها هيج حالتها دا تزداد سوء يوم بعد يوم و احنى ما بيدنه شي انسوي

انجمع فلوس اني و محمد و كل شهرين او ثلاثه اشهر انطلعهن و نودي امي على الدكتور و كل مراجعه يكول بيها مرض شكل ما ثابت على شي و احنى حايرين و منعرف شنو انسوي

كمت بدلت ملابس المدرسه و لبست تراك قديم كلش صارله اكثر من الربعه سنوات يمي و كل ما ينشك امي تركعه بقطعه قماش

كمت شفت امي تحمي بل خبز على صوبه علاء الدين و الجاي على النار

مريم. ماما اكعدي هسه اني اكمل بدالج

امي. شنو ما تروحين على المدرسه

مريم. لا ماماتي راح عليه الوقت

امي. مايصير بنيتي هذا مستقبلج لازم تكونين حريصه عليه خلي بالج شغله شوفي اني تركت المدرسه و تزوجت اشو ما ستفاديت شي بل عكس شوفي حالتي لو موضفه جان مو هاي حالتي

مريم. خلص ماما لا تسويها قصه عليه والله راح الوقت و بعد اليوم ما عدنا شي

هزت راسها ما عاجبها شي هاي امي 24 ساعه تحجيلي على الدرس و لازم اخلص دراسه وسلاح البنت شهادتها تحارب بيها المجتمع

اجه محمد صبيت جاي و فرشت بل ارض و كعدنه ناكل جاي و خبز

هذا الريوك مالتنه اذا انسوي ويه الجاي و الخبز جبن او بيض اضل يوم كامل فرحانه و اطك اصبع

محمد خلص الجاي و الخبزه و حسيت بعده جوعان كبل انطيته الكلاص و الخبزه مالتي

مريم. هاك حمودي اني شبعت

محمد . خليهن الج اني هم شبعت

مريم. لا حبيبي ميخالف اكل انته دا تبذل جهد و يحتاج الك طاقه اني هنا بل بيت ما اسوي شي

كمت و هوا سحبهن و كعد ياكل

اعرف راح اضل جوعانه كل اليوم بس ميخالف فدوه اله

كمت ارتب بل فراشات و اصفن اكول لو الله خالقني بمكان صديقتي ايه ابوها ضابط جبير بل موصل و معروف بل عراق و بيتهم قصر تجي على المدرسه ملابسها تلمع من بعيد و مبايل اخر موديل و لابسه ذهب من فوك الى جوه

كل المدرسه صديقاتها لان عدها فلوس حتى المدرسات يتلوكن الها

اففف ستغفر الله ما لازم احسد الناس على عيشتها يجوز اني عندي شي هيه ما تملكه

صح هيه عدها فلوس و حلوه بس يجوز ما عدها عائله مثل عائلتي يحبوها و يخافون عليها

هزيت راسي ابعد الافكال السخيفه منه و كملت تنضيف لان بيتنه كلش صغير عباره عن غرفه وحده و حمام و مطبخ بس

كعدت بل مطبخ و فتحت الباب و كعدت على الشمس طشرت كتبي و كعدت ادرس

خلصت دراسه رفعت راسي الساعه 11:44

كمت لميت الكتب و دخلت للغرفه شفت امي نايمه و وجها اصفر من ما نشتري الها علاج تضل نايمه على مود تنسه الالم اففف هذا الشهر ما عدنه فلوس ما كدرنه انجمع لان محمد شغله ضعيف

سحبت فراشي و نمت يمها افيش شكد طيبه ريحتها بقيت اباوع على وجهها و اتامل تفاصيله حست النوم تسلل على عيني غفيت كعدت على صوتها تكعدني على صلات العصر

اففف اني شكد نايمه كمت تمسحت وبطني موتتني توجعني كلش يمكن لان ما اكلت

صليت و احس كل شوي افقد توازني ما اكدر اسيطر على جسمي سلمت و بقيت كاعده على السجاده و ادعي ربي باوعت على ايديه يرجفن

كمت و رحت على امي لكيتها كاعده بل مطبخ و تقره قرآن

مريم. ماما اليوم عدنا عشه لو لا

امي. والله ما اعرف يا بنيتي اذا اخوج اليوم شغله زين يجيب مسواك واذا ما اكو شغل انام بدون عشه تنهدت و ضميت ايديه على مود ما تشوف الرجفه

كمت اشرب مي بكثره بلكي يعوض بقيت صافنه و مابيه حيل ادرس شفت امي ماسكه القرآن و كاعده تقره اني هم كمت طلعت القرءان الصغير من الجنطه مالتي و كمت اقره

سمعت صوت اذان المغرب كمت صدقت و صليت كعدت انتظر بمحمد يجي

شوي و اندك الباب كمت فتحته كوه انفتح مليان زنجار اخذ حيلي يالله نفتح دخل محمد كله تراب حتى رموشه سلم و دخل بيده مسواك شكله كلش منتهي ما شاف شي من حياته كضاها يشتغل و بل سوك من عمره 7 سنوات و لحد هسه صار عمره 19 سنه الي بكده هسه بل كليه و هوا ما يعرف لا يقره ولا يكتب مع ذالك ما يخلي امي تشتغل لا ما تكدر و لا يقبل ابطل من المدرسه و اشتغل على مود اساعده بل مصرف

يكول اني رجال البيت واني اتحمل المسئوليه عليج بدراستج و بس

كمت ركض حضرت الحمام اله فات سبح و طلع كبل تمدد و كعد يون من ضهره اني كبل اجيت و كمت اسوي اله مساج و هوا يون خلصت و شديت ضهره بشالي حسيت شوي ارتاح

شما اسوي بحياتي مستحيل اوفي محمد كل الي دا يسوي على مودي و هسه اني املهم الوحيد يتاملون انجح و اتخرج على مود انعيش مثل الناس

كمت و رحت على ماما لكيت جاي تسوي طماطه بدهن كمت اخذت عنها و خلتها تكعد كمت اسوي خلصت العشه و اني شوي واحس حيلي راح ينهد من الجوع

كمت ناديت محمد و كعدنا ناكل حست محمد ياكل بشراها من كد ما جوعان كمت اكل شوي شوي و امي هم سوت مثلي على مود يشبع

خلصنه و كمت غسلت المواعين كعدت بفراشي و كمت اراجع الي درستهن الصبح احس ماما غفت و باوعت على محمد مركز وياي بكل كلمه اكولها نقهرت عليه خطه كضه حياته يضحي ضحه بدراسته و بحياته على مودنا من مات ابوي هوا تكفل بكل المسئوليه

مريم بهمس. محمد اريد احجي وياك شي

محمد. احجي جاي اسمع

مريم. لا هسه ماما تفز شوفها نايمه يله تعال على المطبخ

كمت و هوا كام ورايه

محمد . احجي مريم خوفتيني

مريم. محمد امي وضعها كلش ما يطمن كلش خايفه عليها احسها تتوجع من داخل بس ما تظهر النه

فرك وجهو و ذب حسره جبيره

محمد. شسوي مريم انطيني حل ما جاي الكي شغل تعبت والله تعبت

مريم. سلامتك يروحي انته عندي حل

محمد. شنو احجي

مريم. اشتغل اني

محمد. جم مره اكول الج هذا الطاري لا تجيبينه على لسانج مو كلت ماكو شغل كلت لو لا

مريم. خلص لا تعصب سديت الموضوع والله

محمد. يله حبيبتي روحي نامي و لا تفكرين اني راح الكه حل

باوعت عليه بحزن و رحت تمددت بفراشي و كمت ابجي نمت واني الدمعه على خدي كا العاده

كعدت على صوت محمد و هوا يصيح

محمد. يمممممه ولج يمممه اكعدي جبتلج علاج ولججج امي اكعدي

كمت مفراش و جيت تقربت بهدوء سحبت محمد

مريم. محمد عو ..عوفها ال..الله يخليك نايمه لا تكعدها

محمد. ولج مو نايمه مو نايمه ماتتت ولج امنه ماتت يمه كعدي يمه ولج منو يصبرني يوميه الصبح ويكول الي تهون وليدي ولج شلون اشم عطرج بعد يا بعد بيتي ولج يوووم اكعدي فدوه اروحلج يمه بجاه شكو من عنده جاه كعدي

حسيت محمد نهار و اني بقيت صافنه على امي ما اكدر ادير عيوني عنها اتامل تسوي حركه على مود اكول لمحمد ماما مو ميته

حست محمد يهز بيه واني صافنه اخر شي ضربني راشدي ياله صحيت و كمت ابجي و انصيح اني و محمد ما احجيلكم الالم الي عشته

من تفقد شخص عزيز عليك و تستوعب ها هيه خلص بعد ماكو هذا الشخص بحياتك بعد ماكو صوته و لا عطره خلص كلشي راح وياه كمت ابجي و اهز بماما عسى و لعل تفتح عيونها

حسيت الجيران يدكون الباب لان يسمعون صوت الصياح اخر شي دخلو ما اعرف شلون بس اني هنا احس هاي اللحظات حلم كوه اشوف من الدموع

اجتي مرت جيرانه سحبتني و اني حضنتها و كمت ابجي حسيت اخوي انهار كام يصيح بعلوو صوته

كمت و ركضت عليه و ذبيت نفسي بحضنه حسيت حضني بعدين معد احس بشي غمضت و دخلت بدوامه سوده كلش

حسيت على قطرات مي بوجهي

رفعت راسي شفت نفسي بحضن محمد همست

مريم. محمد هذا حلم مو امي ما ماتت مو الله عليك كول هذا حلم

هوا كام يبجي كمت من حضنه شفت مكان ماما فارغ كمت اصيح

مريم. ماااماااا لا لاتاخذون مني امي الله عليكم لا فدووه

اجت مرت جيرانه و كالت امي بل حمام دا يغسلوها

متت بجي كطعت نفسي تكطع

اجه محمد و حضني و كمنه نبجي سويه شوي و طلعو امي و بدت مراسيم الدفن رحنى على المقبره و دفنه امي الي البارحه جانت تسولف ويايه طول الوقت اني ابجي و اصيح و اعاتب بيها لان عافتني و محمد يذب عليها تراب

كمت من مكاني و مسكت محمد من ايده و كمت اصيح

مريم.لااا عوف امي هسه تخنكها شلون تحط عليها تراب عوفها فدووه الله يخليك

هوا كام يبجي و اني سحبوني بقه محمد يذب ترام واني اصيح عليه

خلصو و كامو يقرون و يصلون خلصو و بدت الناس تنسحب راحو بس بقينه اني و محمد

ذبيت نفسي على القبر و كمت اعاتب بيها بهمس محمد كاعد يباوع عليه و عيونه حمر

مريم. ليش عفتيني والله احبج منو الي بعدج منو يضمني بحضنه و يكول كل هاي الايام الصعبه تصير سوالف ماما اصحي راح بابا و يتمني اني وصغيره انتي هم تركتيني اني وصغيره هسه صرت يتيمه الام و الاب

بقيت ساعه اني نايمه على القبر اجه محمد وسحبني و كمت اني ما بيه حيل سندني عليه و كمنه نمشي اني اشهك و ابجي و محمد ساكت بس يتنهد

وصلنا للبيت هدوء و اضلم وحشه بدونها سحبني محمد و غسل وجهي و نزعني الصايه و الحجاب

باوعت على محمد و كلت

مريم. محمد البيت ما يسوه من دونها والله

محمد كام يبجي

دخلت على الغرفه شفت فراش امي كبل ركضت و تلفلفت بي و كمت ابجي و اشم ريحتها غفيت

كعدت على محمد يكعد بيه

مريم . هااا محمد

محمد. مريم كومي اكلي شي ما اريد اخسرج هم انتي

مريم. ما اريد احس نفسي لعبانه كلش

محمد.مريم كومي لا تشلعين كلبي

مريم. كمت هاي شبيك تصيح

كمت غسلت و هوا كعد ياكل اجيت كعدت يمه صفنت و كلت

مريم. محمد

محمد. هااا

مريم. من وين اشتريت علاج امي مو ما عندك فلوس

ذب حسره محمد.تدينت من صديقي لان شفت امي ما تكدر تتحمل شهرين و تالي ما كدرت تتحمل يوم و ماتت

سكتت و دنكت اكل احس جوعانه بس مالي نفس

خلصنا و شلت المواعين و غسلتهم مر يوم عادي ما سوينه فاتحه بس كم واحد من الجيران اجه سلم و راح و اجه الاحد محمد كعدني تا اروح على المدرسه

مريم. ما اريد اريد ابطل

محمد. وحق هذا الله اذا سمعت عدتي هاي الكلمه اشوفج شي ما شايفته بحياتج يله كومي بدلي

كمت بدلت مالي نفس اكل لفيت شالي و شلت الجنطه و طلعت امشي وصلت المدرسه و كعدت برحلتي و صافنه على البنات شلون يضحكن و يتونسن

اني احس حياتي انطفت من ماتت امي

خلصت الدروس و رجعت للبيت فارغ و بارد كلش مابي روح اتذكر من اجي من المدرسه امي تتلكاني و ريحه البخور بل بيت و صوت القرءان هسه البيت و حشه بدونها

بدلت ملابسي و كمت ادرس بل تسعه بل ليل اجه محمد بس شكله مو نفس العاده يجي تراب لا شكله عادي و ملابسه نظيفه

كعد بل غرفه و طلع فلوس كومه و كعد يحسب بيهن واني صافنه عليه كلت

مريم. محمد

محمد. هااا مريومه

مريم. محمد من وين هاي الفلوس

محمد. شتغلت شغل جديد و نطوني هاي مقدمه

مريم. شنو هم لو موظف ماينطونك هيج فلوس

محمد. شبيج شغل جديد معليج لا تدخلين يله بدلي خل اروح اشتري ملابس الج و الي

مريم. ما اريد احس كلبي ما مطمن الفلوس احسهن مال حرام

محمد. اكول ليش ما تنجبين و تمشين كدامي شنو مال حرام يله كومي كافي عاد

كمت ولبست الصايه و الحجاب و طلعنه و صلنا للشارع العام و محمد اشر لسياره تكسي و وصلنا للسوك باوع عليه وكال

محمد. مريم اخذي شكو شي تردينه

مريم. ماريد

محمد. لا تخليني هسه اموتج هنا كافي عاد

اني هنا ابد ما مرتاحه لهاذني الفلوس احس اكو شي وراهن

كمنه نفتر بل سوك و اني صافنه صالي شكد ما رايحه على السوك من اني و عمري 7 سنوات

اشتريت تراكات و هواي اشياء و هوا هم شترى واني كل الطلعه يسحل بيه محمد

رجعنا وبدلت و كعدت اسوي عشى اكلنا و طول الكعده محمد يباوع عليه و يرجع يدنك احس اكو شي يريد يكوله بس ما يكدر

خلصنا و كمت محمد صاحني

مريم. محمد بس اخلص المواعين واجي هسه

محمد. تعالي مريم عندي موضوع مهم وياج اريد اكولج شي تلحكين على المواعين

غسلت ايدي و كعدت يمه

مريم. هااا حمودي احجي

محمد.....

********************

هلوو عمري طبعا هذا البارت الاول اذا عجبكم و شفت تفاعل زين ابدي انزل القصه

دوسو على النجمه على مود استمر وانطوني رئيكم بل قصه

يتبع.....

في النهايه ستبقى وحيداً فلا تتعلق...!!

الكاتبه:روان عبدالله :)

__________________________________

مريم. هااا حمودي احجي

محمد. مريم اريد احجيلج على موضوع

مريم. أي حمودي احجي اسمعك

محمد. مريم اني جاي اشوفج تصلين الصلاه بوقتها و ما شاء الله ملتزمه كلش بس اكو شي ما ملتزمه بي

مريم. شنو هوا

محمد. النقاب (خمار)

مريم.، شدا تحجي انتَ كل عقلك شنو من نقاب

محمد. الإسلام يكول انو المرأة لازم بس تبين أيدينها ما يصير يبين و جهها ولا جسمها

مريم. انتَ من وين جبت هذا الحجي

محمد. ما جبته من أحد اني قريت عن هذا الموضوع

بقيت صافنه هذا شجاي يحجي

مريم. أمم زين افكر إذا اقتنعت البس وإذا ما اقتنعت ترا ما راح البس

محمد. بكيفج اني ما راح اضغط عليج ابد

مريم. ماشي حروح اكمل شغلي

محمد. من تخلصين سويلي كلاص جاي

رحت اغسل مواعين واني افكر بكلامه كلامه جدا مو منطقي يعني هوا صلاه ما يصلي و هسه يريد البس نقاب بس اني ما مقتنعه فا ما يكدر يجبرني على شي اني ما أريده

خلصت سويته جاي و رحت وتمددت بفراشي بقيت صافنه حسيت شي حار نزل على خدي رفعت ايدي باوعت عليها لكيتها ترجف مسكت خدي شفت نازله دموعي

اني من شفت هيج كبل كمن ابجي و أشهك نمت و اني الدمعه بخدي

ستمر هذا الروتين لمده سبوع محمد ما اشوفه يجي يطلع اني و نايمه و يرجع اني ونايمه و ما فتح موضوع النقاب ابد ويايه و البيت كئيب كلش و اني، كاضيتها بجي و نوح دموعي ما تبطل دراستي اهملتها صرت ارسب بل مواد و تراجع مستواي الدراسي صرت عباره عن جثه بس على قيد الحياة حاضنه ملابس، امي و نايمه بفراشها لوما امي وصتني اكمل مدرسه جان بطلت من زمان

كمت من فراشي و احس جسمي يرجف و تعبانه هواي دخلت للمطبخ و شعلت الضوء فتحت الثلاجه مليانه خير من الله وين قبل جانت مابيها خبز هسه متروسه ترس اكل بس كل هذا و احسه مو اكل سم

جوعانه بس احس اكو شي يمنعني من انو اكل و كل ما اكل بطني تكون توجعني و تموتني ألم فا بس اكتفي بلفه جبن و كلاس جاي هذا الاكل مالي طول اليوم يمكن لان تعودت على هذا الروتين مال الاكل فا ما اكدر اغيره

تمددت بفراشي و خليت الكتاب على بطني و كعدت اكل بل لفه رفعت الكتاب و باوعت عليه بملل و كلبت عيوني ما عاجبني شي

اجه طيف امي بالي و هيه توصيني على الدراسه كبل فزيت و كمت أهمس

مريم. ماما ماماتي اسفه و علي الي تحلفين بي  اسفه و حدرس و راح أحقق امنيتج معد اعيدها والله

كبل كمت و رفعت شعري إلى فوك و ثبتو بل قلم و كعدت ادرس و بقيت احفظ كل الدروس إلى فاتتني

باوعت على الساعة بل 12:00 حيلل شكد درست يعني اني من العصر ادرس و مو حاسه بشي

حركت رقبتي و قوست ضهري هاي الحركه تجيب الراحه النفسيه حسيت صوت الباب نفتح

كمت و وكفت بل مطبخ دخل محمد

مريم. وأخيرا شرف السيد محمد عاش من شافك اشو تعال تا اشوف ملامحك تصدك نسيت عندي اخو اسمه محمد

محمد. السلام عليكم

مريم. وعليكم السلام ما شاء الله شنو هل الإيمان الزايد ياخي إيمانك كام يطفر على الجيران من كثره

محمد. شتريدين احجي باوعي تعبان اريد انام مالي خلك

مريم. شجاي تحجي محمد بس فهمني و الله هذا شغلك الجديد احس ورا مصيبه كبيره احجي لا تخليني بقلق أشو ترجع بنص الليل و تطلع قبل الفجر

محمد. ماكو شي لا تخافين

تعداني و راد يطلع حسيت صوت قوي كلش رج البيت رج دنكت و صحت بعلو صوتي

اجه محمد و حضني اختفه الصوت باوعت على محمد احس دم ما بقه بجسمي وخرت من حضنه

محمد. اهدي ماكو شي اهدي

مريم. محمد ليش هيج شنو هذا الصوت

محمد. والله ما اعرف هسه اشوف يله كومي خل انام تعالي

ردت اكوم احس رجليه من الخوف ما تشيلني كمت ابجي و هوا دنك عليه و شالني و كعد يهدي بيه

محمد. شنو رئيج تنامين بحضني ولج صار شكد ما نايمه بحضني هاا ام عيون 

كال هيج و كرص خشمي اعرفه يريد يخفف التوتر عني

مريم. تذكر من اني و صغيره انتظرك من تجي من الشغل على مود انام بحضنك، ما اقبل انام بحضن ماما ههه

ضحك و نومني بحضنه غمضت و بين النائمه و الكاعده حسيت بموبايل محمد دك بقيت على نفس نومتي ما تحركت

تقرب عليه على مود يشوفني نايمه لو لا

كام شوي، شوي و وكف بنهايه الغرفه و همس

محمد. الووو ها بشر.... نجحت لو لا.... كفوو والله

... كم واحد.... عفيه بل أبطال النصار لنا عن قريب ان شاءالله

سد الخط و اجه نام و اني بقيت افكر بل الإتصال شنو نصر شنو كم واحد مدا افهم شي ابد بقيت افكر لحد ما نمت

كعدت و كل عاده محمد ماكو رحت بدلت و طلعت على المدرسه

دخلت الصف جذبني حديث البنات الصف مسويات دائره و كاعدات يحجن على الانفجار البارحه بليل

صبحت عليهن و كعدت يمهن

مريم. بنات شنو صاير

. كوي ما تدغين ايش صاغ البارحي (ما تدرين شصار البارحه)

مريم. شصاير خير ان شاء

. وييي دادا البارحي صاغ انفجاغ هزز الموصل هزز ما سمعتينو (البارحه صار انفجار هز الموصل هز ما سمعتي)

مريم. أي والله سمعته كولش خفت حتى كمت ابجي اول مره اسمع هيج صوت

. أي يقولون عبوة معغف اشنو منفجغه على الجيش خطيه الله يقومهم بل سلامه يا رب

مريم. يااا عززه خطيه الله يقويهم الابطال لو ما هما جان هسه العراق رماد شوفو يضحون بنفسهم على مود انعيش بسلام

خلصنا الدروس بشلعان گلب و طول الوكت واني افكر بكلام محمد البارحه و بشغله و دا احاول اربط الأحداث كل ما اكول عرفت الحقيقه يطلع اكو جانب مجهول شكد جاي احاول اكشف حقيقه الشغل بس ما دا الكي طرف الخيط إلى يوصلني للحقيقه لأن اني متأكد انو جاي يشتغل شغل مو خوش لأن لو كان شغل عادي او خوش جان كال هوا وين يشتغل

والي ثبت شكي الفلوس كل أسبوع يجي شايل شده معرف من وين يجيب كل هل فلوس حتى لو موضف مستحيل يحصل كل هاي الفلوس و كل ما اسئله ما يجاوب أو يكول شتغلت و جبتهن بتعبي أضل اسئل بي بس كل الاجوبه غير مقنعه

و مكالمة البارحه خلتني ارجع لنقطه الصفر جانت هواي أفكار تجي براسي مره اكول يشتغل حرامي مره اكول يشتغل شغل عادي، مثل ما كال بس مكالمه البارحه خربطت عقلي خلتني افقد الطرف إلى يوديني للحقيقه و خلتني ادخل بمتاهة

و صلت للبيت و كعدت بل الأرض منهاره كلش كنت أبجي بصوت عالي و اعاتب بأمي لأن عافتني وحيده احس نفسي غريبه عن هذا الكون احس نفسي شايله مسؤولية شخص عمره 40 إلى بكدي عايشات بين البوهن و امهن و غاطات بل دلال الا اني من أجيت  للدنيه و اني متعذبه ما فد يوم شفت بحياتي شي حلو كضيته ضيم و بجي و جوع و برد اتذكر من جنت صغيره من كد ما ابرد و ما عندي شي اتدفه بي اكوم اعاتب بأمي لا جابتني على الدنيه

ستغفرت و كمت اتمسح بعد نوبه من البكاء هذ الشي يوميه يصير و ورا كل ما ابجي اكول خلص يمكن باجر احلا يمكن باجر ربي يعوضني عن الماضي و ارتاح و اعيش بسلام داخلي 

°°°°°°°°°°°°°°°°°°°°°°°°°°°°°°°°°°°°°°°°°°

عمري خلص البارت دوسو على النجمه على مود استمر

بخصوص موضوع النشر راح يكون حسب وقت فراغي لأن عندي امتحانات و التفاعل ما يسوى واهس و هسه جاي انشر بارت لخاطر كم شخص

احبكم متابعيني العنونين 🤍...

هم اشوفك؟ جاي اشم ريحة امل

يالفرگتك غربه يالملگـاك اهل ♥️

الكاتبه:روان عبدالله

________________________

مر شهر واني نفس وضعي كل الوقت ابجي احس صار بيه اكتئاب و وضعي ديزداد سوء و الموصل الوضع مالتها يوميه انفجار واني من اسمع الصوت كبل اخاف و رجليه ما يشيلني

محمد دا يتغير جذريا حرفيا كلشي تغير بي شكل طبع تصرفات كلشي

رجعت من المدرسه و بليل اجه محمد تعجبت اجه من وكت

مريم. هلوو حمودي مشتاقين ليش مدا تسئل على اختك

محمد. عوفيني تعبان

عافني و راح انهضمت من طريقه كلامه المستفزه

انغثيت كلش

كعدت ادرس و خلصت طلع محمد من الغرفه و عيونه بكصته باوع عليه من ورا خشمه و راح على المغسله غسل و جهو و كعد يمي

محمد. جوعان سويلي اكل

مريم. شبيك شنو سالفتك ليش هيج تتصرف و ليش بل ليل ما تجي تخليني وحدي ترا دا اموت خوف و من اسمع صوت انفجار مجاي اكدر اوكف رجليه ما تشيلني

محمد ببرود. مشكلتج

مريم. ليش هيج متغير شبيك محمد ليش هيج سلوبك ترا اني اختك و ماعندي غيرك بل دنيه انته و زمن صرتو عليه اني فقدت أمي كلت هسه محمد يعوضني

ما رد عليه و كام دخل للغرفه

كمن ابجي و اشهك هواي اسئله بالي ما لكيت الها اجوبه اريد اعرف ليش هيج صار بي التغير المفاجئ اخوي محمد مستحيل يسوي هيج عقلي مدا يستوعب ابد

كمت سويت إله عشه واني دموعي تزيد ما تنقص خلصت العشره و دخلت لكيته يخابر ما انتظرته يكمل كلت إله بصوت عالي

مريم. تعال تعشه يله كوم كبل لا يبرد

هوا عض اصبعه و باوع عليه

كبل قطع الاتصال و اجه عليه مسكني من شعري و كام يصيح

محمد. لج شنو ما تفهمين مو جاي اكول افصلي ليش هيج تتعمدين تطلعين صوتج

مريم. وخر عني يا حقير ما ادري دخلت فجئه مو متعمده و بعدين وإذا طلع صوتي شبيها يعني

محمد. ولج حرامم حرامم صوت المرأة عورة ما تفهمين ما تعرفين ويامن جاي احجي ويه اسيادج يولي

مريم وخر من يمي ما الي خلكك انته و اسيادك

محمد. مريم لا تخليني أمد ايدي عليج

مريم. ما تكدر

محمد. مريم لا تتحديني و لا تختبرين صبري يله ولي من وجهي

دفعني و طلع زدت بجي انهاريت تمددت بفراشي و اجن ذكريات امي كدام عيني و ريحتها اجت  بخشمي متت بجي كمن اعاتب بيها بصوت ناصي و اشكي همي الها حسيت شي يمسح على راسي فتحت عيوني المغوشات من الدموع مسحتهن بكف ايدي وضحت عندي الرئيه باوعت داير مدايري ماكو احد صفنت شوي

مريم. عزززه والله اكو واحد مسح على راسي اني حسيت بسم الله الرحمن منو هذا تففف تففف اطلع يا جن من هذه الغرفه حالا و بسرعه اطلع يله

اففف اني شبيه تخبلت شجاي احجي شنو من جن يجوز جاي اتخيل لا أكثر

كمت من فراشي و رحت غسلت وجهي باوعت على المرايه

مريم. يعع شنو هل وجه الخايس صاير احمر من البجي و جوه عيوني اسود مسحت وجهي من المي و دخلت للمطبخ لكيت محمد مخلص اكل و طالع

اطلع الله وياك بس شيل المواعين على الأقل سوى شي مفيد بحياتك يل نجس تعبت من الشغل اني

اغسل مواعين و احجي ما خليت غلط على محمد و ما كلته

خلصت و أكلت شوي و رحت اتصفن على الكتب مالي خلك ادرس و لا أريد انام والمشكله ما عندي شي اكضي وقتي بي حتى تلفزيون ما عندي

كلبت بل الأدب شفت صوره شاعر اصلع كعدت ارسم على وجهو سويت إله شعر و سويت شوارب و خطيت عيونه لعبت بخلقته لعب ما خليت شي بوجهو صاحي 

رفع الكتاب و باوعت عليه خرب شمسويه بوجههو اذا شافتني مدرسه العربي راح احصل عقوبه بكد راسي  كمت اضحك بهستريه عيوني دمعت من كثر الضحك كمت احجي ويه نفسي

مريم. صالي شكد ما ضاحكه هيج ضحكه من كبل موت امي

من تذكرت موت  امي كبل عيوني دمعت لا إرادياً و الابتسامة تلاشت من وجهي كامن دموعي ينزلن مثل المطر

ذبيت الكتاب و تمددت بفراشي كمت اشهك و ابجي ما عندي غير حل اعبر بي عن حزني غير هاي الطريقه

ضليت ابجي و اني بوضعيه الجنيه و مغطيه راسي حسيت على هزه بل شباك الغرفه

رفعت راسي و مسحت دموعي باوعت على الساعه 11:16 ثواني و صار انفجار هز البيت هز و صار صوت طلق كلش عالي جسمي انشل ما اكدر احرك اصبع من كد ما خايفه

بقه صوت الضرب لحد الفجر و اني متجمده بفراشي ما تحركت و النفس كوه أجره

َراح صوت الضرب و اني شوي هديت كمت على كيفي و رحت توضيت و صليت الفجر و كمت ادعي الله يحفظ اخوي وين ما جان

صليت و تمددت شوي من صليت ارتاحت غفيت كعدت على إثر حلم جان كلش يخوف

شفت اني بنص كلاب (حشاكم) و الكلاب ينزل من حلكها لعاب و  محيطه بيه من كل الجهات و اني كاعده ما اكدر اتحرك احس رجليه ثكيله حسيت شي يسحبني باوعت عليه هذا الشخص ما اشفت وجهو بس شفت ايده إلى ماسكتني حسيته حاوطني و همس لا تخافين

حسيت الصوت صار صدا بعدين هذا الشخص صار سراب و كعدت

كمت استغفر و أقره معوذات شويه ارتاحت و كلت مجرد حلم عادي لا أكثر

باوعت على الساعه تسعه يعني مو مال اروح على المدرسه

كمت سويت ريوك و نضفت البيت و خلصت شغل كدت بل مطبخ و فتحت الستاره اجتني الشمس كعدت أقره و مر اليوم عادي اذن مغرب و كمت اصلي خلصت  ودخل محمد

مريم. وعليكم السلام

محمد. شتريدين ترا تعبان

مريم. أريد تفهمني وين تختفي بليل

محمد. شغل

مريم. وين اكو شغل بليل ترا ما قتنعت بل جذبه ابد

محمد. مشكلتج

راح و عافني دائما ما عنده غير هاي الكلمه كل ما اسئله يكول مشكلتج

كعدت بمكاني و طكيتها صفنه شوي و محمد طلع يركض الموبايله على اذنه وكف بل مطبخ و سد الخط باوع عليه وكال

محمد. مريم كومي بسرعه لمي غراضج و شكو شي تحتاجي يله ما عدنا وقت

مريم. شدا تحجي شنو وين اروح

محمد. هسه كومي و بعدين افهمج

مريم. فهمني شنو وين نروح شدا تخبص شكو ألم ملابسي

محمد. مريم ما عدنا وقت يله كومي لمي ملابسج بسرعه

مريم. اكوم بس تشرحلي كلشي دا يصير

محمد. خلص كلشي تردين احجيلج بس فضيها

مريم كمت واني، مثل الأطرش بل زفه ما اعرف كل شي فرغت الجنطه مال الكتب و خليت بيها ملابسي

اجه محمد وراي و هم حظر ملابسه اباوع عليه مخبوص و يركض و وجهو يصب مي من كد ما متوتر

رحت و لبست حجابي و الصايه و لبست الجنطه و محمد مسكني من ايدي و طلعنا من البيت كلبي كام يوجعني و دموعي نزلت لا إرادي وكفنا بل باب محمد قفل الباب مال الحوش و مسك ايدي و كمنه نمشي بل فرع

وصلنا للنهايه الفرع شفت سيارة حديثه واكفه بنهايه الفرع محمد من شافها كبل استعجل وصلنا الها

انفتح الباب و محمد اشربي اصعد صعد و محمد صعد من كدام

باوعت لكيت ولد شاب كاعد يمي يطلع عمره ٢٢سنه

و اليسوق هم بنفس العمر جانو أشكالهم غريبه نوعا ما و عيونهم مو راحه ابد من صدك سيماهم في وجهوهم

اني هنا ما حجيت كل اشي و وجسمي  يرجف من الخوف مدري من البرد

بقو محمد و السايق يحجون معرف على شنو و جانو يحجون بل شفرات كلشي ما فهمت

صارت الدنيا ليل واحنا نمشي تعبت من الكعده و احس ظهري انكسر 

حطيت راسي على الجامه واني اشوف الطريق ضلمه و مابي ضوه و صحراء حتى ماكو شارع نمشي على تراب

كلش خايفه و دموعي نزلن من الرعب

الجوم مسدد و الدخان مال الجكاير كتلني السيارة صارت عباره عن دخان

كمت اكح و الي يمي انطاني مي و باوع الي بنظره مو راحه شربت مي و خليت البطل يمي باوع عليه محمد و كال

محمد. شبيج مريم

مريم. اختنكت اريد افتح الجامه

محمد. فتحيها

فتحت و جاني الهواى كلش ارتاحيت خليت راسي و نمت حسيت على ايد تهز بيه

فتحت عيوني لكيت محمد واكف فوكايه

محمد. يله كومي وصلنا

رفعت راسي و جان اشوف.........

__________________________________

خلص البارت اذا عجبكم دوسو على النجمه على مود استمر بنشر القصه⭐

احبكم متابعيني العنونين ☹️❤️

اني اول جزء لين يكسرونه 💔

اني اول هوا الموته يشمونه☹️🥀

الكاتبه:روان عبدالله

اطلب منكم طلب اريد تعلقون بين الفقرات +متابعه للحساب مالتي +تصويت+ احبكم متابعيني العنونين ❤️☹️

_____________________________________

رفعت راسي و جان اشوف بيت جبير كلش يخبل و أشخاص لابسين لبس غريب واكفين داير مداير البيت و لازمين اسلحه

مريم. شنو هذا محمد وين موديني ما انزل لو اموت باوع عليهم يخوفون

محمد. مريم لا تشلعين گلبي لا والقرآن اكضبج اموتج هنا

مريم. مو على كيفك اني مو تايهه الك تا تموتني معليك بيه

من كلت هيج كبل دنك عليه و ضربني راشدي من قوته راسي انركع بل جام

دنكت مسكت خدي و كمت ابجي بحركه گلب سحبني و طلعني من السياره و اني ادفع بي ما اريد ادخل لهذا البيت اول ما شفته حسيت جحيم مو بيت

مسكني من شعري و كال بصوت عالي

محمد. بعد قاومي و شوفي شراح اسوي بيج

كل هل حجي و جماعته مكتفين ايدينهم و يباوعون علينه على بالك مسرحيه

مريم. عوفني ونبي اكتل روحي و ما اروح وياك يا حقير ما ادخل للبيت و شتريد تسوي سوي

محمد. بسيطه انتِ الردتيها لنفسج

مسك ايديني و خلاهم ورا ضهري و أشر لجماعته هما كبل اجو

محمد. اخذوها من وجهي

_تدلل يسفاح

مريم. شنو سفاح شدا تحجون يل ما تخافون الله عوفوني ما اروح وياكم

هما اجو و كتفوني و خلوني امشي غصب و اني اصيح و ابجي

مريم. ولك محمد ليش هيج و الله اني اختك اني امانه يمك اتذكر امي من كبل لا ماتت كالت دير بالك على اختك عوفوونيي ماريد عوفوني

محمد يمشي كدامنه ولا همه كلامي ولا أثر بيه معقوله جنه مخدوعين بيه اني و امي صرت ادفع بيهم و اضرب بيهم بلكت يهدوني على مود انهزم بس لا حياة لمن تنادي

مسكني الي جان كاعد يمي بل سياره و ضربني راشدي

مريم. الله يكسر ايدك يل حقير يل ما تخاف الله شلون تمد ايدك عليه يا حقير الله ينتقم منك يا محمد الله لا يخليك

_اموت على الوكحات انتظري اذا ما اربيج على أيدي و اعلمج شلون تصيحين على اسيادج اوكفيلي

كال هيج و هما كامو يضحكون و محمد ولا عبالك يحجون على أخته يسوي نفسه ما سمع

اني هنا تعبت كلش من المقاومه ما أكدر بعد سكتت و كمت ابجي بصوت عالي وصلنا للمدخل هما من شافونه كبل فتحو الباب دخلنا على البيت و جان هواي زلم و مشغلين اغاني معرف اناشيد بصوت عالي كلش و الاضويه من قوتها اله تزرف العين و هواي حرس يفترون داير مداير البيت محمد اندار عليهم و كال

محمد. ابو هزاع فوتو كبل للبيت و دخلوها الغرفه الي كلت الكم عليها و دير بالك تتجرأ تاذيها بعد اني هسه سكتت الك بمزاجي بس المره الاخره تعرف شنو اسوي

كال هيج و بتسم نص خد الي ماسكني كبل كام يرجف و كال اسف مولاي اعذرني

محمد. اممم عبالي ما تعرف شنو أكدر اسوي كلت اعلمك شوي

_لا مولاي اعرف والله

محمد. اممم زين يله كدامي ما اريد اشوف خلقتك

سحبني من ايدي و اني دفعته و كمت اركض و هذا اكبر غلط سويته

كمت اركض و ما اباوع وراي شفت حديقه و بيها زلم هواي كبل كمت اركض عليهم بلكي احد يساعدني

وصلت يمهم و الانظار الجميع صارت عليه

كمت ابجي و كلت

مريم. ساعدوني الله يخليكم ساعدوني

باوعت على محمد جاي يمشي على كيفه ولا همو

واني ابجي و اصيح ساعدوني و هما كاعدين يباوعون عليه ولا همهم شي حيلي راح وكعت بل كاع و صرت ابجي خايفه ما اعرف اني وين احس محاطه بوحوش على هيأه بشر

محمد. سلام عليكم ورحمة الله وبركاته

ردو السلام عليه و واحد كال لمحمد

_هل هاذه تابعه لك

محمد. نعم

_لماذا هاكذا تتصرف الا علمتها الادب قليلٍ

محمد. انها جديده ايها الأمير سوف اعلمها درسٍ لم تنساه

_ كفوو ايها السفاح

يحجون و اني صافنه عليهم شدا يحجون وليش هيج يحجون فصحى

سحبني محمد من شعري و كومني من الكاع

ضربني راشدي و وكعدت مره ثانيه كومني و دفعتو من صدره و كمت احجي عليه

مريم. الله ينعلك يل ضالم يل ما تخاف الله ولك اني اختك ليش هيج تسوي ليش

محمد ضربني راشدي ثاني و جر شعري و همس بعد لا تكولين اني اختك ديري بالج

اني هنا تصرفت بطيش وكمت اصيح

مريم. ايي اييي اني اختك اختتتك تسسسمع لوو لااا

_اممم اذن انتِ اخته

مريم. اييي اني اخته كولوله خلي يرجعني ما اريد ابقه هنا

محمد بهمس. تحملي العواقب الي راح تصير الج اني حذرتج و بكيفج

_ ايها السفاح

محمد. نعم

_ اني حللتها لك تزوجها

باوع عليه محمد و بتسم تك خد و اني هنا نهاريت

من الصدمه ما كدرت احجي بس دموعي ينزلن وكعت بل كعاع و فقدت الوعي

فتحت عيوني مغوشات فركتهن بأيدي وضحت يمي الرئيه باوعت على السقف اجاني صوت من وراي و هوا يكول (صح النوم) ما أكدر ارفع راسي تا اشوف منو هذا بس جان صوت مره حسيت بخطوات عرفتها جايه بإتجاهي تقربت و صارت كدامي باوعت عليها

مره لابسه كلشي اسود من فوك إلى جوه بس وجهها طالع

بتعدت بخطوات ثقيله إلى ورا خايفه منها هيه ضحكت بخفه و كالت

_ لا تخافين حبيبتي اني ما راح ائذيج ابد اني هنا حتى اهتم بيج لان جابوج مغمى عليج

مريم. منو انتِ وليش اني هنا اريد ارجع على بيتي

_ارتاحي و بعدين اجاوبج على الاسئله

مريم. ماااا اررييد ارتتتاح ارييد اطلع من هناا

_ بس اهدي هسه افهمج كل اشي

مريم. ما اريد افهم منكم كُل اشي انتو نفس الطينه كلكم واحد اجلب من الاخر اني هذا مو مكاني لان اني انظف منكم وأشرف منكم يا حقراء طلعوني من هنا

نهديت بيها اصيح و ابجي و هيج ماسكه ايديني تمنعني اطلع

دفعتها و كبل ركضت على الباب سمعتها تصيح وراي و اني ولا هتميت

فتحت الباب و صار بوجهي محمد تا يدخل هوا كبل كتفني و شالني و اني ادفر و اضرب على ضهرو و اصيح بس لا حياة لمن تنادي كان ما يسمعني

حطني على التخت و كام يصيح على البنت و يكول جيبيهن بسرعه

هيه كبل ركضت و طلعت كلبشات من الكنتور اني من شفتهن كبل اجه بالي انو هوا او جماعته حيغتصبوني

مريم. لااا لاااا محمد الله عليككك اللله فدوووه لا تلمسني لااااا انييي اختتتتك فدددووه لااا

رفع ايديه و كلبشهن و شدهن بل تاج مال الجربايه

واني هنا مستمره اصيح و اتوسل بيه

محمد. اطلعي رشا بسرعه

نزلت قطعه سوده على وجهها و طلعت اني هنا تعبت من المقاومه تعبت من كل اشي بقيت بس ابجي

محمد. هسه نتحاسب على شغله شغله

مريم. شجاي تحجي يل متخلف الله ينعلك انته و ذوله الخنازير الي بل حديقه

دنك عليه و صارت أنفاسه تضرب بوجهي

محمد. اخر مره اسمعج تحجين على اسيادج ولا راح تشوفين شي ما شفتيه مني ابد

مريم. ما تخوفني لا انته ولا خنازيرك

محمد. اممم الضاهر نسيتي الكلام قبل شوي

مريم. شنوو

محمد. مممم معقوله نسيتي اني ما نسيت ههههه

مريم. شجاي تحجي

محمد. هسه افهمج شجاي احجي تذكرين بل حديقه الخنزير على كولتج من كال حللتها الك يعني هسه صرتي زوجتي هههههه

مريم. انجببب و تخسى يل حقير والله لو اموت ما اصير زوجتك اني اختكككك اختتتتك

مح. محم..د نسيت ايامنه نسيت حياتنا شلون جنا عايشين نسيت امي ليش هيج تغيرت ليش هيج صرت كل هذا الي سويته و اني بقيت احبك لان انته اخوي الوحيد البطل الخارق بل نسبه الي معقوله وصلت لهل درجه انك تغتصب اختك ليش محمد ليش مو امي خلتني امانه يمك هيج تحافظ على الامانه

محمد. انجبي عاد و بلا سوالف ماصخه كافي ما اريد اسمع صوت سدي حلكج

تقرب و صار فوكي و شك البدي و اني هنا عقل ما ضل براسي كمت اصيح بعلو صوتي

مريم. مممحممد الله يخللليك اننيي اختتك محمد حراام الي جاااي تسوي محمد لهل درجه وصصل بيك انو تغتتتصب اختتك مااااا عوووفني ماااااماااا

مماااا مااا ساعديني

نزل جوا و شك البجامه دار وجهو و كبل ذب اللحاف على جسمي

واني ابجي و صوتي راح مني كام و نزع ملابسه و بقه بس بل شورت راح للكنتور و طلع منه موس

مريم بصوت تعبان. الله عليك محمد لا تأذيني كافي فدووه والله اني مو حمل تعب عليك الله

حط اصبعه على شفته بمعنى اسكتي اجه تقدم عليه و اني زدت بجي و كمت اصيح اكثر

مريم. حمودي كافي فدوه كافي ماااا مااااا تعالي شوفي بعد موتج شوفي ابنج شسوا بيه ولج يوومم

______________________________________

عمري خلص البارت اذا عجبكم دوسو على النجمه⭐

يتبع....

كبل لا احجي انتم حسو بيه هلي مو مال أوصيكم عليه 💔✋

علقو بين الفقرات +متابعه للحساب مالتي +تصويت+ احبكم متابعيني العنونين

الكاتبه :روان عبدالله

------------------------------------------------

تقرب و الموس بايده وصل يمي واني كمت ارجف و الكلام ضاع مني رجليه مجاي احس بيهن صرت بس اراقب تحركاته و اردد بداخلي هسه يكتلني هسه يذبحني

كعد يمي على التخت و باوع عليه و رجع دنك فرك وجهو بايدو حيل رفع راسو و كال بنبره عتاب

محمد. ليش هيج سويتي هاا ليش

مريم. ش.. شسو.. يتت

ما رد عليه و تقرب و مسك راسي و قرب الموس على رقبتي اني هنا كمت اردد بصوت ناصي راح

يذبحني راح يذبحني الموس طخ بجسمي واني هنا حسيت السواد تسلل على عيوني و دخلت بنومه طويله

كعدت حسيت شخص يضرب على خدي خفيف

فتحت عيوني شفت بنيه واكفه و تبجي نزلت دموعي لا إرادياً من شفتها ما عندي طاقه احجي شي اريد اسئلها اذا ذبحني لو لا لأن احس نفسي بحلم كالت بصوت مبحوح

_الحمدلله على السلامه حبيبتي شجاي تحسين

مريم بصوت تعبان. اري.. اريد...ماي

_اي هسه دقيقه و المي يمج

راحت تركض و اني بقيت متمدده

باوعت على الجهه الثانيه شفت محمد كاعد على التخم و مدنكر و خال ايده على وجهة

مريم. محمد

رفع راسه و باوعت عليه عيونه حمر هز راسه بمعنى شتريدين

مريم. ليش هيج سويت بيه احجي شي الله يخليك اني شنو ذنبي شسويتلك كلي والله ما سويت الك شي كل عمري كضيته بينك و بين امي و الله ما سويت شي ما عشت حياتي مثل البنات گضيت حياتي بشلعان گلب

ما رد عليه و دنك دخلت البنت و شايله الماي بيدها

ردت اكوم بس السلاسل بيدي كمت ابجي بوجع لان من كمت كبل صوت العظام كامت تطكطك

تقدم محمد و أشر للبنت بمعنى تروح طلعت البنت و هوا طلع مفاتيح من جيبو فتح ايدي و اني هنا ما احس بيهن من كد ما خدرانات نزلت دموعي من الوجع راح محمد على الكنتور و طلع ملابس و جه عليه خلاهن يمي

محمد. كومي بدلي

هزيت راسي و كعدت اريد اشرب مي حسيت نفسي بدون ملابس كبل رجعت بخوف و لفيت روحي بل بطانيه و خليت راسي على رجليه و كمت ابجي

مريم بجي. منووو نزعني ملابسي

محمد. اني

مريم. ليش شسويت بيه من جان مغمى عليه هااا احجي

محمد. ما سويت شي

رفعت راسي و سحبت البطانيه من التخت على مود اتأكد و جان الشوف التخت عباره عن دم فتحت عيوني بصدمه و اني اباوع بقيت صافنه على المكان ما أكدر احرك عيوني نزلت دموعي و كمت اصيح

مريم. الله عليك كول جذب فدووه كول جذبب و لك كولللل احجي شي و لك ليش هيج سويت بيه مو اني اختك ولك ليش ما خليت الله بين عينك و لك تربيت امي و ين راحت الله ينعلك يل حيوان يل شهواني

هوا كبل طلع و قفل الباب و اني هنا تخبلت كمت أملخ بنفسي يعني هاي هيا راح شرفي و على ايد اخوي ولكم الخوي الله واكبر عليك ليش هيج

بقيت ابجي فقدت اخر شي تعبت حيلي راح كمت واني ارجف اجت عيني على رجليه كلهن دم كمت ابجي وكعت بل كاع

خلص لازم اموت اني صرت بلا شرف صرت زانيه حتى الله غضب عليه شلت الملابس و دخلت اسبح كعدت جوا المي و كمت ابجي و اردد لازم اموت اني على شنو عايشه كمت ادور بل حمام على شي حاد اكتل نفسي بي بس ما لكيت جان ماخذ حتياطاته

سبحت و طلعت كبل توجهت للكنتور بس خاب ضني لكيته مقفول ما ايست و كمت ادور بكل الغرفه عسى و لعل الكه شي حاد و انهي حياتي بقيت ادور

ما لكيت شي كعدت بنص الغرفه و كامت دموعي تنزل على الأرض كمت اشهك و اريد اخلص اريد اموت ليش هيج يا ربي موتني اني لمن بعد عايشه

امي و ابوي ماتو و عافني و اخوي طلع انكس من كل البشر و لج يمه ليش عفتني يم هذا ولج امنتيني عندو و تالي اغتصبني ولج يمه ابنج ما صان الامانه

واني غاطه بنوبه البجي سمعت صوت القفل مال الباب ينفتح رفعت راسي دخل محمد و ورا البنت و شايله صينيه

اني من شفتهم كبل كمت و توجهت لمحمد و تقدمت عليه و ضربته راشدي بس هوا ما انطه رد فعل بقه واكف كمت اضربه على صدرو و ابجي اخر شي مسكني من ايدي و جرني و كعدني على التخت و اني مصره ما اريد اكعد و ابجي و اصيح

محمد. كافي عاددد اكعدي راحه

مريم. الله ينعلك مااا اكعددد اريدد امووت ما اريددد اعيش على شنوو عايشه اذا اعز شي بل دنيه راحة منيي اني شكووو باقيييه عااايشششه

محمد. اششش كافيي تحجين حجي مالو معنننى

شالني و كعدني بحضنو و أشر للبنت تجيب الاكل خلت الاكل و راحت

مريم. ماااا عوفني خليني اكوووم ماااااا

محمد. كافي اشششش

ما قبلت و ضليت ادفر بي لحد ما عافني و كبل كمت و صحت بي

مريم. ديررر بالكك تلمسني بعددد انيي لا اعرفك و لا تعرفني و متبرريه منكك إلى يوم الدين ررروح يااا محمد عسسى ربيي ياخذذ حقي مممنك يااارب دعووه يتييم ان شااء الله مااا تشوف راحححه بعمرك حسبي الله ونعم الوكيل

انهاريت و كعدت بل كاع احس كمت اغوش ما اشوف ما حسيت اله و اني واكعه بل كاع اغمه عليه

كعدت و حسيت السقف يفتر و ما أكدر اركز بشي غمضت عيوني و رجعت نمت حسيت على صوت بين النايمه و الكاعده صوت محمد و هوا يسولف

محمد. هااا ما صحت بشري

_ كعدت شوي و رجعت نامت يمكن تحس بدوخه فا ما كعدرت تبقه مفتحه عيونها

محمد. اطلعي اذا خلصتي

طلعت البنت و هوا اجه تقرب عليه و مسك ايدي و باسها حجه بهمس

محمد. اسف على كل الي سويته بيج بس مجبور ورب الكعبه صدكي سويت اشياء توكف شعر الراس بس توصل بيه النذاله انو اسوي كل هذا بيج مستعد يذبحوني ولا اتدنالج انتِ روحي من الدنيا شلون ائذيج ولج يا روح أخوج كعدي لا تخلين گلبي بنار

سمعتو هيج يحجي و كبل فتحت عيوني و كمت ابجي هوا شافني و كبل حجه

محمد. هااا شلونج احجي تحسين بشي شلون صرتي

مريم. على ساس يهمك

محمد. شلون ما يهمني غير انتِ اختي

مريم. لا تحجي وياي اني مووو اختك مووو اختتك

محمد. ايي ايي مو اختي بس اهدي

سكتتت باوعت على أيدي بيها كانونه رفعتها و كلت بصوت عالي

مريم. هاااييي شنوووو

محمد. هاذا مغذي لان اغمى عليج من قله التغذيه

مريم. شيلها ما احبها

محمد. هسه من يخلص

سكتت و بقيت اباوع عليها خلص المغذي و محمد راح و اجه وياه بنت من فوك إلى جوه عباره عن سواد

اجته شالت المغذي و راحت كعد يمي محمد و دنك

مريم. سؤال

محمد. هااا

مريم. منوو ذوله و ليش لابسين هيج ليش جبتني إلى هنا

محمد. هسه اجاوبج على كل الاسئله الي بالج

مريم. أي جاي اسمع

محمد. هذول الدوله الاسلاميه يلبسون هيج لان هذا الدين الإسلامي يؤمر المره تلبس هيج لبس و ما يطلع منها شي

مريم. شنو الدوله الاسلاميه شدا تحجي احنا شعلينه بيهم ليش جبتني لهنا

محمد. اصبري هسه يجيج الحجي.. اني بايعت الدوله الاسلاميه و صرت وياهم هسه احنا ما بقه شي و تصير الموصل النه و ان شاء الله و العراق عن قريب

مريم. شنو شجاي تحجي ترا كلشي ما جاي افهم

محمد. تفهمين بعدين

طلع و خلاني افكر بكلامه وكف عقلي اول مره اسمع بدوله الإسلامية شنو هاي

كمت من الفراش احس عفنت بي تمشيت بل غرفه

كلش حلوه و جبيره و كفت يم الشباك فتحت البرده

باوعت على الشباك مسدود بحديد حتى ضوو ما يدخل منه ماخذين حتياطاتهم واني الخبله كيفت على بالي تا اشرد

حسيت انفتح الباب باوعت اجت بنيه لابسه اسود رفعت البوشه البنت الي شفتها اول مره

رشا. عادي احجي وياج شوي ضايجه

مريم. شتريدين مني

رشا. ما اريد شي بس نحجي شوي

مريم. تفضلي

كعدت على التخت و كعدت يمها

رشا. خل اعرفج عليه... اسمي رشا و عمري ٢٥ وانتِ

مريم. مريم عمري ١٥ سنه بعد اكو شي

رشا. يااا الي يشوف يكول عمرها ١٢ مو ١٥ شكلج اصغر من عمرج

مريم. امممم

رشا. ليش احسج ضايجه مني

مريم. لا مو حساس اني من صدك ضايجه منج

رشا. اني اسفه إذا ازعجتج يله تصبحين ع خير

حسيت بل ذنب اني يمته اتعامل ويه الناس هيج

مريم. افففف تعالي دا اتشاقه وياج ليش زعلتي

رشا. لا ما زعلت

مريم. يله لعد اكعدي خلي احجي وياج... شسمه اريد اسئلج سؤال

رشا. أي جواب

مريم. شسمه احجيلي عن دوله الدوله الاسلاميه

رشا. باوعي همه دوله يكرهون الجيش و يذبحوهم و يكرهون الطائفه و يطبقون على ساس عهد الرسول من جانو كل معركه ياخذون نساء الخصم من القبيله الأخرى هم هسه هذوله ياخذون البنات (سبايا) الي من الطائفه الأخرى و الزلم يكتلوهم

مريم. بس الرسول مجان يسوي هيج منو كلج هذا الكلام ليش دا تشوهون دين الرسول

رشا. والله حبيبتي هذا الي اعرفه و اسمعي خل اكمل.. اني ابوي و اخواني كلهم بايعوو الدوله الاسلاميه و جابونه هنا على مود يزوجونه منهم

مريم. أي وزوجتي

رشا. يبووو خليها سكته يزوجني واحد من يشبع مني يذبني على الآخر و هيج

مريم. استغفر الله.. وانتِ راضيه على الي دا يصير بيج

كلت هيج و هيا كامت تبجي بقوه

رشا. لااا وللله ما راضيه على كل الي جاي يصير بيه ولج نزلت ابوس ايد ابوي واكوله شغلني يمك خدامه طول عمري و لا تزوجني يوميه واحد

مريم. اهدي حبيبتي انتِ تذكري انو الله ما ينسه عبده.. لعد اني شكول على الي صار بيه على الاقل مو أخوج اغتصبج.. كمت ابجي.. شكول غير حسبي الله ونعم الوكيل

رشا. اسفه ذكرتج

مريم. ليش اني ناسيه

رشا. احجيلي انتي بأي صف

مسحت دموعي و ضحكت

مريم. بثالث متوسط

رشا. أي عاد شاطره لو لا

مريم. اممم زين نص و نص... سؤال

رشا. أي اسئلي

مريم. انتي كلتي ياخذون سبايا وين هنا

رشا. ساكنات ويانا قسم و بعد عندنا هواي بيوت و نفق موزعات هناك

مريم. زين هنا هواي

رشا. يبووو هواي خطيه بكد التمن

مريم. زين الزواج عدكم بعقد لو لا

رشا. ولج وين العقد لا عقد ولا شي يشبعون و يروحون

مريم. هه عود تشبهون نفسكم بل رسول لا تخسون توصلون ضفره للرسول

رشا. ااففف خطيه لو شايفه شيسون بيهن تكولين ذوله حيوانات مو بشر

مريم. اصلنا هما من صدك حيوانات خنازير يركضون ورا شهواتهم

رشا. والله صح ههه... يله اني اروح تصبحين على خير والله الكعده ما تنمل وياج شكد تونست

مريم. وانتي بخير حبيبتي

راحت و اني ابد ما ارتاحيت الها صح مضلومه بس ما طول وياهم و ساكته عن حقها يعني راضيه بالي دا يسوونه بيها

بقيت كاعده على التخت دخل محمد و لابس ملابسهم تلعب النفس حتى بل ملابس ما عدهم ذوق

مريم. اريد احجي وياك

كعد على التخت و ورث جكاره و كال

محمد. احجي اسمعج

مريم. انتَ تتزوج سبايا

محمد. أي

مريم. زين موو حرام عليك شنو ذنبهن ليش هيج دا تسوي اي دين يقبل الي دا تسوي ما خفت من عذاب الله شراح يسوي بيك

محمد. خلصتي

مريم. شنو دا تتمهزه حضرتك

محمد. أي نعم

مريم. ضل هيج عسى حوبتهن ما تتعداكم يا رب

محمد. اذا خلصتي اريد انام

مريم. نام أن شاء الله نومه بدون كعده

ما رد عليه ذب الجكاير و راح نام و كفت يم راسو

مريم. خيررر ان شاء الله واني وين انام

محمد. بحضني وين يعني

مريم. شنوو شكلت ما سمعت زين والله تحلم انام يمك هذا الضلت انام يم واحد نكس

محمد. اخر مره اسمعج تتجاوزين سكتت هواي

مريم. مااا بكيفي

محمد. ترا اكوم اغتصبج والله ما عندي مانع

مريم. صدك تحجي

محمد. أي صدك

مريم. تعال اصلا ما خايفه منك

محمد. هاا هذا اخر كلام

كال هيج و رفع البطانية يريد يكوم.. رجعت الى وره و كمت اصيح

مريم. لاااا خللللص اتشاقه ونبي مو قصدي خلصص راح انااام واللله انام

محمد. يله تعالي

رحت نمت يمه واني ارجف خايفه لا يعيد الي صار

محمد. أي عفيه هيج اريدج تسمعين الكلام بدون تهديد

__________________________________

عمري انتوو خلص البارت دوسو على النجمه اذا عجبكم⭐

شسمه اسفه على التأخير بس والله يمي امتحانات كومه و اليوم الريست مالتي فا حبيت انشر الكم بارت بس اريد تفجرون البارت و بس احبكم متابعيني العنونين ❤️☹️

كسرتني للحد الذي لايستطيع احد جبره💔🥀

الكاتبه: روان عبدالله

عمري تفاعلو بل بارت و علقو بين الفقرات اذا شفت تفاعل حنزل يومياً ❤️🌿

~~~~~~~~~~~~~~~~~~~~~~~~~~~~~

كعدت من النوم ما لكيت محمد كمت و بقيت افتر بل غرفه رحت على الباب و فتحته لكيته مقفول كمت ادك بي و حسيت صوت المفتاح ابتعدت شوي دخل محمد

محمد. هااا شبيج

مريم. اريدد اطلع لعبت نفسي من هل غرفه شنو ساجني ترا هاي مو عيشه

محمد. ماكو طلعه

مريم. لا اطلع و غصب عنك

محمد. مريم اكعدي راحه لا تعبيني

مريم. ما اكعد لعد اذا ما تقبل تطلعني رجعني على البيت مالنا اريد ارجع ادرس هسه راح عليه هواي مواضيع و امتحانات

محمد. بعد ماكو مدرسه و راح تبقين هنا

مريم. شنو هيه بكيفك إلى متى ابقه محبوسه بل غرفه شنو حيوانه اني

محمد. كافي مريم لا تعاندين

مريم. ماااا رجعني اريد اروح على البيت ما اريددد ابقه يم ذوله الخنازير

مسكني من شعري و جرني

محمد. كم مره كلت الج لا تتجاوزين بس الظاهر ما يفيد بيج غير الكتل من يمته وانتِ صاير تراددين هاا

مريم. والله انتَ خليتني أتجاوز عليك و على امثالك يل ما تخافون بالله اني اذا ما ادافع لنفسي و اني عايشه بين وحوش يغتصبون و يذبحون حكون فريسه الكم

محمد. انجبي و اكعدي كافي تعوين

مريم. مااا اكعد كافييي بعد ما اسكت يله رجعني على البيت اريد ارجع

ضربني راشدي و كال

محمد. كافيي عاددد ما اتحمل وحده مثلج اسمعي بعد طولي السانج و شوفي شراح اسوي بيج

كال هيج و دفعني و طلع كعدت و خليت ضهري على التخت كعدت ابجي تعبت من نفسي و إلى متى ابقه هيج اريد ارجع على حياتي القديمه والله راضيه ما اكل كل النهار و الله راضيه بل ملابس المشككه راضيه بكلشي بس اريد ارجع تعبت كلش تعبت احس نفسي محاطه ب وحوش على ساعه يهجمون عليه

استغفرت كمت و دخلت الحمام تمسحت و لبست حجاب اريد اصلي كبل نزلت دموعي كعدت بل كاع و كمت اشهك شلون اصلي شلون أواجه ربي و اني مسويه الفاحشه

معقوله ربي يسامحني

ذبيت الحجاب و تمددت على الجربايه سمعت دكه الباب و صوت المفاتيح انفتح الباب دخلت رشا و وياها بنات ثنين

عدلت كعدتي و هنه اجن كعدت يمي

رشا. اخاف ازعجناج ارجعي نامي

مريم. ما عندي شي اصلاً جنت متمدده من الملل

احجيلي منو هذني البنات الي وياج

رشا. هذني البنات الي كلت الج اخذوهن سبيات

مريم. يااا صدك خطيه

رشا. اففف

عرفني عليهن كلهن شابات بعمر الورد يخبلن كعدنا نحجي حجي عادي و جانن يحجلي شلون عايشات قبل و شلون يسافر و يطلعن

مريم. زين شلون اخذوجن داعش

رشا. ولججج تردين تموتين نفسج شنو تكولين داعش ولج لو سمعوج كبل يذبحوج

مريم. واني مو خايفه خلي يذبحوني منو هما على مود اخاف منهم

رشا. اني شعليه بعد حذرتج و بكيفج

امريم. اوكي وصل سهمج.. أي احجلي

_احنى متنقلين بل محافظات لان بحكم شغل ابوي فا كل كم شهر بمحافظة ما نكدر نعوفه فا اجينه سكنه بل موصل على أمل انخلص هل كم شهر و نروح سكنه بسنجار فا بيوم و ليله اجوي داعش و قتلو الزلم و احنى اخذونه على مدارس و هناك وزعونه قسم اشتروهن و قسم توزعن على البيوت و هياتنه يمج جابونه اني و بنت عمي هنا و هسه ما اعرف شي عن اخواتي بس اعرف انو ابوي و اخوتي انكتلو

نهت كلامها و كامت تبجي و تشهك بحركه گلب

مريم. اسفه لان ذكرتج اسفه ونبي ان شاء الله ترجعين على اهلج

_ان شاء الله.. وأنتِ احجيلي هم اخذوج سبيه

مريم. لا اني اخوي جابني هنا

_منو أخوج

مريم. محمد يسمونه هنا السفاح

كلت هيج و هنا كبل انتفضن خوف باوعت عليهن بستفهام

مريم. شبيجن كلت شي غلط

رشا. لا حبيبتي ما كلتي شي غلط و هسه احنى نترخص نريد أنروح

مريم. بعد وكت يولي هتو اجيتن خلي نحجي شوي لان ضايجه

رشا. اني ما عندي مشكله بس البنات يردن يروحن

باوعت عليهن لكيتهن يرجفن بخفه

مريم. ليش ترجفن بنات شصاير

_هاا لا لا ما صار شي

كالت هيج و هيه متوتره سحبت البنت الي وياها و طلعت راحت وراها رشا و اني بقيت افكر شبيها ليش هيج من ذكرت اسم محمد ليش هيج كامت ترجف

كمت و عدلت كعدتي

مريم. بس لا هذا الزفر مسوي الها شي يربي ما يطلع الي بالي صح...، اففف هوا اني اخته و سوه بيه سوالف تشيب الراس انوب هاي الغريبه ما يأذيها

والله اذا مسوي الها شي اله اموتو اوكف يل محمد المهلس اني الك اذا امي ما عرفت تربيك اني اربيك

توجت على الباب و لكيته مفتوح طلعت و كمت اتمشه بل بيت نزلت جوا لكيت باب جبير

فتحتو و باوعت ضليت واكف بمكاني جانو دواعش كاعدين شكلهم عدهم اجتماع و نص لابسين زي عربي و نص لابس ملابس داعش صارت الأنظار عليه و عم السكوت كلها كامت تباوع عليه

واحد چان كاعد بل نص اشر للحرس الي، واكفين يم الباب اشو ذوله جروني و كامو يمشوني باتجاهه

مريم. مااا عوفوني الله ينعلكم عوفوني ماامااا

وصلت يم هذا الأمير مالتهم و ذبوني يم رجله

مسكني من شعري و رفع راسي

مريم. عوفني يل قذر زول ايدك مني لا توسخني

الأمير. ما اسمكِ

مريم. معليك بيه ما الك دخل

ضربني راشدي

الأمير. اخرسي

مريم. ما اسكت معليك بيه

باوعت اجت عيني بعين محمد جان كاعد بسدو و لابس ملابس عرب ابتسم صفح و كانو يتشمت

تفلت بوجهو و كمت اسب بيه

وجهو صار الحمر و كام رفعني من شعري و كومني

محمد. اله اربيج من صدك اوكفيلي

ضربني راشدي وكعت على رجلين لأمير هوا كبل دفعني و اني توحشت كبل نطيت عليه و كمت اضرب بي كبل اجوي الحرس سحبوني و كامو يضربون بيه محد فزع الي كلها تباوع حتى محمد كتف ايدينه و كام يباوع شلون يضربوني

تعبت من المقاومه و الصياح احس صوتي راح من كد ما صيحت استسلمت جواهم و هما مستمرين يضربون بيه بكل وحشيه اغمه عليه

كعدت واحس راسي يوجعني و الدنيا تدور بيه و عيوني مغوشات

فتحت عيوني و وضحت الرئيه صحت

مريم. اريد ماي

حسيت على شخص ضربني راشدي باوعت محمد

عيونه حمر و وجهو ما يكصه سيف

محمد. تردين ماي مو ولج شلون تطلعين شلوون تردين تموتين كوووه بس فهميني شنو من طينه انتِ من امنعج من الطلعه ليش تعاندين و تطلعين من اكول الج هذا الشي خطأ ليش تسوينه ولج لو ما اني موجود چان رحتي بيها اسمعي هاي اخر مره تعتبين خطوه الباب والله العظيم اموتج خلص اصبري يا مريم اله اشوفج انجوم الضهر ما طول عاندتي و ما سمعتي الكلمه اني الج و هاي التفله ما راح انساها الج طول حياتي

كال هيج و هوا فاقد يحجي و يصيح دفعني و كام يكسر بل غرفه ما خله شي صاحي

اول مره اشوفه هيج عصبي بحياتي متت خوف منه انكلب و حش

خليت راسي بين رجليه ما اريد اشوف شدا يسوي بس اسمع صوت التكسر

هدء الصوت و صار الهدوء سيد الموقف بس صوت أنفاس محمد عاليه

رفعت راسي و صارت عيني بعينه

كعد بل الارض و خله ايده على وجهه و كام يبجي بصوت عالي

نسيت كل الي سواه بيه وكبل رحت عليه كعدت يمه و حضنته

مريم. محمد والله اسفه والله معد اطلع ابد بس لا تسوي بروحك هيج كافي فددوه

محمد. مريم انتِ ما تعرفين شسويتي بنفسج ما تعرفين وكعتي نفسج بمتاهه ليش ما سمعتي كلامي و بقيت بل غرفه ليششش

مريم. كمت ابجي و اشهك اسفه والله اسفه معرف ليش هيج سويت

محمد. شيفيد الأسف كولي شيفيد

مريم. شراح يسوون الي خوما حيذبحوني الله عليك كول

محمد. لا

مريم. محمد لا تعوفني

كلت هيج و كمت اشهك

محمد. لا ما اعوفج ابد

حضنته و بادلني الحضن همست

مريم. خلي نطلع من هنا و نروح على بيته شي اكيد هما ما يندلون بيتنه

محمد. ما اكدر اني صرت منهم لو وين ما اروح راح يلكوني

مريم. زين خلي نطلع على بغداد او خارج العراق و بهيج ما راح يكدرون يلكوك

محمد. اذا طلعت خارج الموصل راح يكتلني الجيش لان اني مطلوب و بهيج مضطر ابقه مريم تورطت و ورطتج وياي

مريم. يعني اني هسه صرت منهم صرت داعشيه

محمد. هه لا منو كلج

مريم. مو شسمه انتَ كلت

محمد. لا ما كلت

مريم. حنبقه هنا

محمد. أي بس كون تسمعين كلامي و ما تعاندين و شكول الج نفذي

مريم. مو بكيفك اني ما اريد ابقه تحت رحمه هذول اريد اطلع واعيش حياتي مثل قبل

محمد. مريم اسمعي كلامي ولا تعاندين هسه شوفي جي ما سمعتي كلامي دخلتي نفسج بمشكله ما الها حل

زولت منه و كمت ابجي باوعت عليه وكلت

مريم. اني ما اريد ابقه يمك... محمد اني فقدت شعور الأمان اتجاهك

محمد. ادري واعرف شنو السبب

مريم. الله عليك كولي الحقيقه لحد هسه مو مقتنعه انو انتَ سويت بيه كل هذا محمد اني مدا أكدر اصدك انتَ سويت بيه هيج شي فددوه ابوس ايدك كول كل الي سويته جذب كول والله صلا مدا اصلي خجلانه اواجه ربي واني مسويه كل هذا فدوه كول كل هذا جذب و ريح گلبي

محمد....

.........................

يتبع....

أذيتنَي وما عـٰاش الـ يأذيني

بچيتنّي لحد ما طحِت من عيني

الكاتبه:روان عبدالله

عمري تابعوو حسابي +علقو بين الفقرات +دوسو على النجمه بس احبكم متابعيني العنونين ♥️🌿

------------------------------------------------------

محمد. راح احجيلج

مريم. أي

محمد. اني نضميت لداعش وره وفات امي

مريم. ليش انظميت ليش دمرت نفسك هاا

محمد. لا تسئليني هيج سؤال لان الجواب واضح

مريم. شنو الواضح بل موضوع اريد افهم

محمد. انتِ غبيه لو تستغبين

مريم. احجي عاد مو لعبتها لنفسي

محمد. شوفي انتِ تعرفين انو ضروفنا شلون جانت و صديقي جان منضم للتنظيم و قنعني و صرت وياهم

مريم. لهل درجه انتَ بدون رحمه لهل درجه انتَ انسان ما عندك ضمير يعني عادي عندك تكتل ناس على مود شكم فلس

كمت اصيح

مريم. ولككككك ليشسش هيج سويتتت ولكك اني شنووو سويت بحياتتيي على موددد الله يرزقني بهيج اخوووو ولك ليشش انتَ ما عندك ضميرر ولك من تكتل شخص يحامي الوطن يضحي بروحه على مود الوطن و تجي انتَ تكتلهههه شكلت لروحك من اتخذت هيججج قرارر و نظميت

محمد. معللليج انييي حرررر بل شي الي اني اسويه مالج دخل وهاي اخر مرره تعلين صوتتج سامعه لو لا

مريم. لا ما سامعه ولا راح اسمع منك شي

محمد. غصب ما عنج تسمعين فاهمه لو لا

كلبا عيوني مو عاجبني كلامه كمت و كعدت على التخت تربعت بعدت شعري عن وجهي وكلت

مريم. ليش جبتني هنا

محمد. جبتج هين لان الجيش عرف انو اني اخلي عبوات و خفت لا يداهمون البيت و انتِ وحدج بل بيت فا جبتج هين كلت بلكي تسمع كلامي شو طلعتي صفح

مريم. لا والله شكد واثق منو ضحك عليك و كلك راح اسمع كلامك

محمد. تسمعين و غصب

مريم. واذا ما سمعت شراح تسوي

زفر قوي و خله ايده على وجهه كال

محمد. ما راح اسوي شي بس اسكتي كافي خلي اكمل واروح انجب

مريم. أمين ان شاء الله طول العمر تبقه مجبوب

محمد بصياح. وتالي نبقه هيج

خفت منهه و سكتت بس لسان من تصير صدك اموت خوف

مريم. خلص لا تعصب كمل لو سمحت اخي العزيز

خزرني واني طكيتها ضحكه ما تحملت

ضحك بخفه مسح على لحيته

محمد. راح اروح الضاهر انتِ ما ناويه تسكتين شوي بس تلغين

كبل نطيت و مسكت بيده حجيت بسرعه

مريم. لا الله عليك انتظر خلص هاي هيه بعد اذا فتحت حلكي اني بقره

محمد. ههه يا سالفه ما تخلص

سويت حركه بأيدي عود سديت حلكي

كعدت و هوا بقه واكف

محمد. ايي وين وصلنا... بعدين رحت جبتج خفت عليج و ردت افوتج على ساس اني جايبج سبيه ملكي لان من يشوفونج ويايه محد يكدر يحجي بس انتِ بعرتيها و رحتي على الأمير و كعدتي تعوين يمه و هوا كبل كيف يدور للحرام دواره تشوفينه هذا الي تحاميتي بي هذا مغت** بنته اله ميته

خليت ايدي على شفتي و نزلت دموعي عقلي مدا يستوعب كميه البشاعه و القذره

محمد. فا هوا شسوه حللج الي و خله جهاز صوتي بل غرفه على مود يتأكد انو كلشي تم

مريم. وانتَ سويت الي يريده موو

محمد. لا طبعن باوعي اني شكد كتلت ناس شكد اخذت سبايه بس ما اوصل كميه البشاعه انو اغتصب اختي شنو اني مريض لو حيوان

مريم. يعن.. يعني.. إن.. اني ما بيه ش.. شي

محمد. لا ما لمستج خليتج تصيحين على مود يصدك

و من اغمه عليج جرحت ايدي و خليت على التخت و على جسمج لان هوه دز هاي زينب و كم وحده من التنظيم على مود يتأكد انو اني اخذتج بس اني حريص بهيج أمور انتِ تصرفاتي تصرفات طفوليه ولا جنج مره جبيره وكعتي نفسج بمواقف لو ما اني جان الله يعلم هسه انتِ وين

نها كلامه و طلع كمت ابجي بحركه مصدومه من الي دا يصير ضحكت من بين دموعي يعني اني هسه محد لامسني يعني اني بنيه لحد هسه.. الحمد الله

مريم. حسبي الله ونعم الوكيل اني الك يا محمد بسيطه

كمت توضيت و صليت بقيت اصلي و ادعي من كل كلبي الله يخلصني من هذا المكان القذر

مر سبوع و ماكو شي جديد ما طلعت باب الغرفه

جنت كاعده و اعزل بل كنتور ما عندي شغله اعزل الكنتور و ارجع اخربطه و هيج اكضي الوقت

اندك الباب رحت فتحت اجت بوجهي رشا

رشا. هلوو مريم

مريم.هلوو عمري تفظلي

رشا. مو وكته بس جبت الج خبر بل باكيت

مريم. إن شاء الله خير احجي

رشا. التنظيم سيطر على الموصل

مريم. تتشاقين موو

رشا. لا والله ما اتشاقه

كعدت بل كاع منهار و كمت ابجي يعني خلص اخر ذره امل جنت اتأمل انو الجيش يسيطر على الوضع و نرجع انعيش حياتنا مثل قبل

راح رشا وخلتني كعد يم الكنتور و فتحت دفتر مذكراتي

في يوم 10 من شهر حزيران سنه 2014 أعلن داعش السيطره على الموصل باكملها حيث استشهد من الجيش العراقي9000 إلى 11000 شهيد عشرات من الأطفال تيتموو بهذا اليوم هواي من النساء ترملوو بهذا اليوم هواي من الأمهات ما كدرت تنام من حركه گلبها على ابنها الشهيد الله يرحم شهداء العراق

واني غاطه بنوبه البجي سمعت صوت كُلش عالي جاي من بره

رحت فتحت البرده و باوعت من الشباك داعش يهوسون و ينشدون اناشيدهم و نصهم يرمون بل جوو ضليت اباوع عليهم شفت محمد كاعد و يباوع عليهم غميته و سديت البرده

مريم. امداك كاعد مكيف بسيطه اوكفلي اني الك

توجهت على الباب و كمت ادكه حيل نفتح الباب و دخلت وحده من التنظيم محمد موصيها عليه

- نعم شرايده

مريم. داستج نعامه ان شاء الله صيحي محمد

-احترمي نفسج و احجي عدل

مريم. صيحي محمد مالي خلك اضيع حجيي ويه ناس ما تسوه

كلبت عيونها و راحت كعدت على التخت انتظره

انفتح الباب ودخل محمد

محمد. هااا شتريدين

مريم. وجعاااا اريد أولي من هناا رجعني على البيت ما اريد ابقه يمك يل قذر

محمد. كاففيي عادددد تعيدين هاي الاسطوانه كل يوم

مريم. ياخي معليك بيه ولي من يمي بس رجعني على البيت اريد ارجعععع

محمد. ما ترجعين لو تموتين

مريم. ارجع و غصب ما عنك

تقدم عليه و ضربني راشدي كبل نطيت عليه و رجعت اله الراشدي

بتعدت عنه و صارن عيونه حمرر صاح

محمد. اكُفي اني الج اذا ما اخليج تبجين دمم اني مو اسمي محمد

طلع و طبك الباب وراه بقيت افتر بل غرفه اني شسويت بنفسي شلون اضربه هسه شراح يسوي بيه

حسيت نفتح الباب نداريت و باوعت دخلو ثلاث دواعش بتعدت بخوف دخلو و دخل محمد وراهم

باوعو على محمد هز راسه و همه كبل اجو باتجاهي

رجليه بادت و وكعت من الخوف ما أكدر احجي شي بس عيوني تتبع خطواتهم وصلو يمي و واحد منهم رفعني

و ضربني راشدي باوعت على محمد اتوسل بي بعيوني باوعلي و بتسم بتسامه يتشمت بيه

رجع واحد منهم و هم ضربني راشدي اقوه من الاول احس فكي نكسر نزلت دموعي بضعف و صوتي مدا يطلع و رجليه مدا أكدر اوكف عليهم صاح محمد

محمد. كافي

سحلوني و ذبوني يم رجلين محمد نزل واحد منهم لمستواي مسكني من شعري و جره كال بصوت عالي

- عتذري يله

اريد الكلام يطلع مني مدا أكدر صاح بصوت اقوه

- اعتذري بساععع

باوعت على محمد كاعد بشموخ و مبتسم

من شفتو هيج كبل تفلت بوجهو هوه تخبل و كام و جرني و دفعني على للكاع حيل

محمد. الظاهر ما يفيد بيج الحجي اصبري اليوم اربيج من جديد..... اطلعو من هنااا بساعع

كبل طلعو رجعت إلى وره خايفه كمت اهمس

مريم. اسفه والله اسفه معد اعيدها اسفه

محمد.......

~~~~~~~~~~~~~~~~~~~~~~~~~~~~~~

عمري خلص البارت اذا عجبكم دوسو على النجمه⭐

يتبع.....

توني أشك بأول رسالة ومرني شووگ كمت ألملم بالحروف الشاگهن 🥀..

الكاتبه :روان عبدالله

ضيفو حسابي و علقو بين الفقرات

_________________________________

محمد. صبرت عليج هواي و كلت طفله تتعدل بكم راشدي بس الظاهر ما يفيد بيج لان ذيل الجلب ما يتعدل

وكعت بل كاع و حضنت نفسي خايفه منه شكله كلش يخوف

تقرب عليه و سحبني و كومني من شعري و كام يسحب بيه بتجاه الحمام خفت و أفكاري توقفت شراح يسوي بيه ليش بل حمام

فتح باب الحمام و دفعني بداخله ختلت بل زاويه و كمت اراقب حركته شراح يسوي

فتح المي و سحبني و اني ادفع بيه

مريم. الله عليك عوفيني كافي ونبي شتريد اسوي بس عوفني

محمد. كاااافيي اشششش ما اسمععع صوووت

سكتت خايفه دفعني بل ماي و اني كمت اشاهك الماي جان كلش مارد و الجو شته

قيدني بأيده على مود ما اطلع من جوه الماي تبللت ملابسي و شعري جسمي معد احس بي من البروده

طلعني من الماي واني مثل اللعبه بايده يحركني شلون ما اريد

طلعني من الحمام و دفعني على الكاع كمت ارجف من البرد كل جسمي يختض و سنوني تطكك

راح و سحب الحاف و توجه على الكنتور و خله الحاف بي و قفله شغل السبلت و توجه للباب باوع عليه

محمد. ابقى هنا مثل الجلبه تا اشوف بعد تطولين لسانج لو لا

طلع و قفل الباب كبل كمت اريد ادفي نفسي بشي

حاولت افتح الكنتور ما كدرت ضليت ادور بل غرفه على شي الف نفسي بي ما أكدر السبلت كام ينطي بروده مخلي اقل درجه

ستسلمت و كعدت فوك الجربايه و حضنت نفسي بردانه كلش جسمي خدر معد احس بي كمت اصيح باسمه عسى و لعل يفتح الباب بس لا حياة لمن تنادي

بقيت كاعده نفس وضعيتي ما تحركت باوعت على أطراف رجليني صارن لونهن ازرك عامق خفت كبل مسكتهم بديه و كعدت انفخ عليهن متأملة يدفن من انفاسي

باوع عليهن ما فاد عفتهن و حطيت راسي على رجليه و نمت كل شوي افز من البرد و ارجع انام

فزيت احس روحي مثل الحلم باوعت على الشباك طالع الضوه حسيت الدنيه دور بيه و عضامي يوجعني رجعت نمت

نايمه و احس شي دافي على خدي رتاحيت احس ملكت الدنيه

حسيت صوت يصيح بسمي فتحت عيوني بضعف باوعت محمد واكف فوكي

رجع لوره خايفه منه كوه حجيت احس حلكي بي سكاكين

مريم. هااا والله ما سويت شي

محمد. كومي

حاولت اكوم اكثر من مره بس محاولاتي بائت بل فشل ادوخ و ارجع اوكع

مريم بضعف. ما أكدر دايخه حيلل

قرب ايده عليه عبالي راح يظربني غمضت عيوني بقوه

حسيت خله ايده على راسي شاف حرارتي

صفر و كبل راح للكنتور فتحه و طلع منه لحاف و بطانيه

تقدم و مددني على الجربايه و لفني طفه السبلت

جاب خاولي و كام ينشف بشعري همست

مريم. محمد بردانه الله يخليك كافيي والله معد اعيدها ابوس ايدك كافي

مسح على راسي و همس

محمد. اششش كافي خلص

مسك ايدي و كال كله من غبائج لو محترمتني ما جان و صلتي هاي المرحله

مريم. اسفه والله راح احترمك و مالي شغله بيك

محمد. أي عفيه سوي هيج من البدايه ليش تخليني اعاقبج

ما رديت عليه حالتي الصحيه مو مال اجادل

راح طلع ملابس من الكنتور و شالني للحمام

محمد. فوتي سبحي بل ماي الحار يله هسه تدفين

هزيت راسي و دخلت واني استند على الحايط كوه ماسكه نفسي ما اوكع

فتحت الماي الحار و كعدت بل كاع خليت راسي على رجليه و نزلت دموعي بقيت كاعده اله حسيت الماي صار حار كلش كمت و كوه سبحت لبست ملابس وطلع

محمد جان كاعد على التخت و مدنك من شافني كبل كام

محمد. هااا صرتي زينه

تجاهلته و رحت على التخت نمت بيه احس صخونه بعظامي

غطاني و طلع.. مر شهر واني على نفس وضعي احس صار بيه اكتئاب ما اطلع على اي مكان صرت احب العزله وحدي بعض مرات تجي عليه رشا و تجيب وياها بنات بس صرت ما احب الكعده وياهن اريد بس يخلصون و يكومن على مود ابقه وحدي

جنت كاعده و اكتب بل دفتر مالي نفتح الباب بقوه باوعت محمد وجهو اصفر كلش و كوه يتنفس

محمد. كومييي بسرععهه يلههه

مريم. شدا يصيررر فهمنييي

محمد. كومي خلييي نطلععع ماكوو وقتت ابدد

مريم. ماااا اطلععع وينن ماخذذني

ما سمع مني توجه للكنتور و طلع معرف شنو خلاهم بجيبه توجه عليه و سحبني من ايدي و طلع من الغرفه

مريم. عوفنييي وين ماخذنييي مااا عوفنييي

محمد. اششش ما اسمع صوت يلههه ركضي ما عدنا وقت

طلعنه من البيت و توجه على السياره فتح الباب و ذبني بقوه

صعد و حرك السياره و جان كلش متوتر و يرجف تعدينه المنطقه باوعت على وجهه رجع لونه

مريم. شبيكك

محمد. اسكتي ما اريد اسمع صوت

مريم. لا والله ليش هيه بكيفك شنو جايبني سحل شايفني لعبه بايدك

محمد. كاففييي اشششش

سكتت و هوه مسك موبايله و كعد يخابر

محمد. الله ينعلك يل جلب ليش ما كلتلي هاااا ليشش خليتني بهيج موقف والله لو صاير عليهاا شي اله اكلب الدنيههه فوك راسكم تحسبوووني اسكت لا والله تحلمون ما راح اعبر هاي السالفه

يسولف و كلشي ما فهمت و هذاك بس كضاها يعتذر و يتأسف سد الخط و باوع عليه و رجع يسوق

مريم. محمد

محمد. همم

مريم. شصاير ليش طلعنا من هذاك البيت

محمد. لانه نقصف

مريم. شلون نقصف ما جاي افهم

محمد. يعني ضربته طياره

مريم. و و رشا.. شلون.. و صديقاتهااا

محمد. الله يرحمهن

كمت ابجي

محمد. كافي بجي

مريم. مووو على كيفك كلشي تتحكم بيه ليش طلعتني من البيت ما تخليني اموات ليشش

محمد. كاففييي اخر مره اكولها الج

مريم. ماااا اسكت ان شاء الله شكو شخص مات بسببكم يارب حوبته ما تتعداكم

ضربني على حلكي و صاح

محمد. اوكفي بس خلي نوصل واني اعلمج على الادب

سكتت بس صوت شهكاتي ما أكدر اصيطر عليها

وكف السيار و باوع عليه اخذ كلينس و كعد يمسح بل دم الي طلع من شفتي

محمد. خلص اسكتي كافيي اسف والله

زدت بجي بتعد عني و خله راسو على الستيرن و حجه

محمد. كالو البيت الي انتِ ساكنه بي راح ينقص بعد نص ساعه ما تتخيلين شصار بيه خفت لا اخسرج مريم انتِ اغله شي عليه مهما اسوي بيج و اضربج صدكي اني احبج و ما ينطيني گلبي ائذيج بس انتِ جاي تجبريني ائذيج

مريم. هذا اي حب يخليك تبقيني يم دواعش يا حب الي يخليك تظربني يا حب الي خليتني أشك بشرفي

محمد انتَ صرت شخص اناني ما يهمك بس مصلحتك من احجي عليك واكول الك هذا الشي راح يوديك للهلاك تخليني جوه ماي البارد واحنه بل شته

كمت ابجي و احجي هوا ما رد عليه كام يسوق خليت راسي على الجام و غفيت گعدت على شخص يهز بجتفي رفعت راسي شفت محمد

محمد. يله كومي وصلنا

مريم. وين

محمد. نزلي بعدين تعرفين

نزلت مكان شبه صحراء محاوط بسيم و يمه حرس

مريم. شنو هاي وين موديني

ما رد عليه مسكني من ايدي الحرس فتحولنه السيم ودخلنه كبل واحد مشه كدامنه فتح باب صغير بل كاع

محمد. يله دخلي

مريم. وين شنو هاي

محمد. دخلي بعدين تعرفين

خفت و جسمي كام يرجف ما اعرف من البرد ما اعرف من الخوف

سميت بسم الله و نزلت جان مثل الدرج باوعت عليه هذا نفق تحت الارض خليت ايدي على كلبي خايفه شنو هذا شجاي انسوي بل نفق اجت بالي انو محمد يريد يذبحني او يريد يسوي الي شي أفكاري صارت متزاحمه

نزل محمد وراي تقرب عليه تا يمسك ايدي بتعدت

مريم. دير بالك تلمسني وين موديني الله يخليك عوفني ليش احنى هنا شنو نسوي بل نفق

محمد. لا تخافين ما راح ائذيج ما ردت اجيبج هنا بس ما عندي حل ثاني يله امشي

مريم. ما اتحرك من هنا اله تحلف يله احلف انو ما راح تأذيني

زفر بعدم صبر مسح على وجهو و كال

محمد. خلص والله العظيم ما راح المسج ولا راح ائذيج.. هاااا رضيتي لو لا

مريم. أي

مسكني من ايدي و صرنه نمشي مرينه هواي غرف و كلهن يطلع منهن صوات زلم تصيح مسكت ايد محمد خايفه

مريم. شنو هاي محمد

محمد. هذا سجن

مريم. يعني انتَ راح تسجني و تخليني اصيح مثلهم

محمد. تو

مريم. كول والله

محمد. كافيي اششش

سكتت خايفه عبرنه و دخلنه بممر و طلع كدامنه غرفه هواي محمد فتح غرفه و دخلنا بيها

جانت غرفه بيها بس فراش و مخده و الكاع عباره عن تراب و المكان مقرف كُلش

مريم. محمد شنو هاي خلي نطلع من هنا

محمد. مريم كافي رحمه لدينج مو لعبتيها لنفسي

مريم. احجي شنو هاي و ليش جبتني هنا

محمد. تعالي

مسك ايدي و طلع فتح باب و دخلنا جانو هواي بنات كاعدات من شافت محمد شهكن و اباع عليهن يرجفن

محمد. روحي اكعدي يمهن

جلبت بايده حيل

مريم. مااا لا تعوفني اخاف

محمد. ما اعوفج بس اكعدي هنا يمهن

مريم. ما اريد ماااا

نتر ايدي و طلع قفل الباب كمت ادك بل باب و ابجي

اجت سحبتني وحده و كالت

. تعالي اكعدي هسه يكتلج

مريم. ليش يكتلني عوفيني اريد اطلع

. اهدي خلي افهمج

كعدت بل كاع و هيه كعدت يمي مسحت على شعري وكالت

. احجيلي شنو اسمج

مريم. اسمي مريم و عمري ١٥

. هلا بيج عاشت الاسامي

. اني اسمي فاطمه و هذني البنات و اني سبيات اخذونه التنظيم

مريم. يعني انتم ساكنين هنا

. أي.. زين هم انتِ سبيه

اكو شي بداخلي منعني اكول الها اني مو سبيه

مريم. هاا.. أي اني سبيه

. الله يساعدج راح تشوفين الظيم.

مريم. يا ظيم عفيه لا تخوفيني

. أي أي لا تخافين ماكو شي.. تعالي اعرفج على البنات

عرفتني عليهن و كعدن يسولفن واني لعبانه نفسي من المكان صافنه و حسيت الباب ندفر بقوه

باوعت دخلو دواعش هواي فوك الخمسه البنات كبل كامن يصيحن

اني كبل ختلت بل زاويه و ضميت نفسي

صاح واحد بيهم كلها سكتت و صار هدوء

البنات كلهن كعدن و دنكن رأسهن حجه نفس الشخص

. يله كل واحد يختار وحده و باجر ترجعوهن بنفس المكان و بنفس الوقت

هما كبل كامو يختارون شلون من يختارون الطماط

اني ختلت و كمت ادعي انو محد يختارني احس كل جسمي يرجف و خايفه كلش هما بس شكلهم كافي للاخافه

حسيت واحد سحبني باوعت عليه بتسم نزلت دموعي بظعف و همست

مريم. عوفني الله يخليك

ما جاوبني و كام يضحك جرني و كام يمشيني و اني رجليه معد احس بيهن و كعت بل كاع و رجليه صارن شلون الخيط

دنك عليه و رفعني من شعري

مريم. عوفني محمدددد وينك

ضربني و كومني سمعت صوت من وراي يصيح

محمد. عوفها

هوا كبل عافني

تقدم محمد و هذا كبل كام يعتذر بس ما نزل على ايده و باسها

محمد. يله روح كافي لا تلح و بعد دير بالك تجي عليها

راح ولد و محمد كومني و رجعنا على نفس الغرفه خلاني على الفراش و نطاني مي

محمد. هااا سوالج شي

مريم. لا .. ليش خليتني هناك

جان عندي شغل مستعجل و خليتج هناك ما جنت متوقع ان وراح يجون بهل سرعه و ياخذوج

مريم. يعني هما يوميه ياخذون بنات

محمد. أي يوميه

مريم. زين وين ياخذونهن هاا

محمد. ما عليج سوالف مو بعمرج.. هسه اني رايح هاج هذا المفتاح و هذا النقاب و الحجاب من تردين تطلعين البسيهن و ديري بالج تفكرين تنهزمين ترا اكو حراس بكد عدد شعر راسج فا اذا كضبو وانتِ تنهزمين احسبي الله ما خلقج شايفه ذوله الي هتو شفتيهم اخليهم كلهم ي***

مريم. ليش تغلط هسه اني منهزمه

محمد. دا اكولج على مود ما تشيلين فكره التحرر من راسج

كال هيج و طلع كعدت و كمت اباوع على الغرفه منظرها يلعب النفس

بقيت ساعه كاعده مليت و خنكه كوه اجر نفس

كمت لبست الملابس الي نطاني اياهن ختنكت اكثر رفعت النقاب و فتحت الباب

طلعت و تهت من كد الممرات طلعت من الممر و اجه بوجهي السجن الي مريت بي اول ما ادخل

تقدمت صار بوجهي الحارس

. روحي من هين يلهه

مريم. شعليك اريد ادخل

. شنو انتِ مجاي تفهمين

مريم. أي ما افهم يله افتح الباب اريد ادخل

ما رد عليه و راح رجع لمكانه كمت الوب اريد اعرف شنو بيهن هذني السجون

رحت كعدت بل غرفه لحد هسه خايفه من المكان مو مأمنه

لازم أدبر المفتاح مال السجن

ظليت انتظر محمد صارت الدنيه مغرب واني كتلني الجوع اريد احد يجيب الي اكل

دخل محمد و اني كبل نطيت

مريم. وينك ليش تأخرت اريد اكل متت جوع

محمد. نسيتج والله هسه اجيب الج

مريم. ما شاء الله لو هيج اخو لو ما ينراد بحيث حته ما يتذكر اخته

خزرني غميته شافني بس غلس طلع و وره شوي اجه وجايب اكل

كعدت اكل خليت اول لكمه بحلكي الطعم جان لعبان نفس كوه بلعتها بعدت الصينيه عني

محمد. هااا شو ما اكلتي

مريم. الطعم لعبان نفسي هذا اكل ما حيوانات مو اوادم

محمد. اشو كل الناس تأكله شمعنى بس انتِ

كلبت عيوني و كعدت يمه لزك اريد اشوف اذا عنده المفاتيح

محمد. خيرر شبيج

مريم. هاا.. ما بيه شي

محمد. زولي شوي ليش لازكه بيه

مريم. مو شسمه خايفه

خله ايده على ضهري عود يطمني تقرب على جيبه مسكت خفيف حسيت بيه مفاتيح

كلت بكلبي بلكي هنه يا رب

بتعدت منه و كلت

مريم. محمد اريد انام

محمد. تعالي نامي

فتحلي حضنه ترددت اروح يمه احسه صار شخص غريب مو مثل قبل أمن بيه

شافني ما اجيت سحبني و خله راسي على صدره همس

محمد. نامي يله

نمت واني خايفه كل شوي افز مو متطمنه خايفه لا يسوي بيه شي

كعدت الصبح محمد ماكو كمت من الفراش و اجت عيني على ملابس محمد ذابهن ورا الباب كبل رحت ركض عليهن

كمت افتش بيهن لكيت مفاتيح بيهن باوعت عليهن

مريم. يسس وأخيراً

رحت لبست النقاب و طلعت حتى وجهي ما غسلته

جانت الشمس هستوها طالعه

فتت من نفس الممرات حفظتهن البارحه

وصلت على السجن ماكو حرس الحظ اليوم كاعد ويايه

توجهت و رفعت النقاب و كمت اجرب المفاتيح على القفل ماكو اي مفتاح رهم بقن ثنين بس غمضت عيوني و دعيت كون واحد من هذول المفاتيح يصير

جربت المفتاح الاخير و صار

مريم. الحمدلله

سميت بسم الله و دخلت شفت****

________________________________

عمري خلص البارت دوسو على النجمه

البارت (٢٢٢٥) كلمه

يا بعد اني وهلي شمالك جفيت

وحضن چفك چنت احسبة لچفي بيت

الكاتبه:روان عبدالله

'' '' '' '' '' '' '' '' '' '' '' '' '' '' '' '' '' '' '' ''

سميت بسم الله و دخلت شفت زلم كاعدين و احد يم لآخر و مربطين رجليهم كلهم بسلسله وحده

تقدمت عليهم و هما نتبهو عليه حجه واحد

- نعم شتريدين

مريم. ما اريد شي

- جا ليش جايه

مريم. مو شسمه معرف

هما سكتو و بقو يباوعون عليه

تقربت اكثر و كعدت يمهم

وجهم ما يبين من الدم و كله كدمات

مريم. منو سوه بيكم هيج وليش انتو هنا

- معليج

مريم. الله عليك جاوب

- روحي من هين ما ناقصنه مشاكل

مريم. والله اني ما راح اسوي الكم مشاكل مجرد ردت اساعدكم

- من الاخير كولي منو دزج علينه

مريم. محد ونبي اني بكت المفتاح و اجيت ردت اعرف شكو هنا

- اي ها هيه عرفتي كافي روحي

مريم. ما ما اروح

- شلون ويه هل طفله

مريم. اني مو طفله

- اممم مو طفله بس اسكتي

كمت و كلت

مريم. اوكفو هسه اجي

رحت ركض على الغرفه و جبت كلينس و أدوات تعقيم شفت علاكه بيه حلويات اخذتها و طلعت

دخلت على السجن تقرب و كعدت يمهم همست

مريم. عادي امسح جروحكم

- تعالي

تقربت من عنده و طلعت كلينس و معقمات و كمت امسح بوجهو خلصتهم بس بقه الاخير تقدمت عليه و جان يدفعني و كام يصيح

- ولي من وجهي ما محتاج شفقه احد يل داعشيه

نهضمت و دفعت المعقم عليه و كمت طلعت و رحت على الغرفه كعدت على التخت واني احجي عليه

مريم. كبرر اي والله مو وجه واحد يساعدك والله اني الغشيمه الي اجيت وكلت خطيه اساعده و يكولي داعشيه والله محد غيرك داعشي

كمت و نزعت الملابس و بقيت بل تراك

رجعت المفاتيح و اخذت مفتاح السجن و خليته بجيبي كعدت بل كاع

نص ساعه و احس صارت صوت صياح عالي كلش

خفت كلش شوي و نصه الصوت دخل محمد

توجه للملابس طلع منهن المفاتيح باوع عليه وكال

محمد. طلعتي من الغرفه

مريم. لا

ما رد عليه وراح خفت بس لا كالو اله اني دخلت عليهم

طردت الأفكار من راسي و تمددت غفيت

كعدت من النوم كمت شفت محمد متمدد يمي مفتح عيونه و يباوع للسقف

عدلت شعري و حجيت

مريم. محمد

محمد. هممم

مريم. جوعانه

طلع من جيبه نستله و نطاني اياها

محمد. هاج اكلي هاي

مريم. شكرا

كعدت اكل بيها ترست حلكي كيك و كلت

مريم. محمد

محمد. ها

مريم. ليش اجيت مخبوص و معرف احسك مو طبيعي

محمد. لكينه واحد من أبواب السجن مفتوح بس الله جاب ما طالعين لان مربوطين

مريم بتوتر. زين ما عرفتو منو فتح الباب

باوع عليه و صغر عيونه و رجع باوع على السقف

محمد. تو

مريم. زين منو ذوله وليش ساجنينهم مو خطيه

محمد. لا مو خطيه هذول مرتدين

مريم. يعني شنو مرتدين

محمد. يعني جيش

مريم. زين ليش ساجنيهم

محمد. كافي اسئله غبيه رحمه لوالديج خليني انام

مريم. أي نام قبل شمسويه

محمد. كافي اششش

شمرت عليه النستله عود زعلت

أخذها و كام ياكل بيها

مريم. جيبها جاي اجذب المفروض ترجعها مو تأكلها

محمد. بطلي تصرفات طفوليه و نعمت الله بعد لا تشمريها سمعتي لو لا

مريم. أي

نطاني ضهره و نام كمت و لبست العبايه و طلعت

دخلت على نفس الغرفه الي جانت بيها البنات

فتحت الباب لكيت بنتين كاعدات و يمهن بنت نايمه على الأرض و وجها كوله دم و هنه كاعدات يبجن فوكها

تقدم يمهن و كمت اباوع عليها بخوف حجيت بتوتر

مريم. شصاير شبيههها

- هم همه هذا الي اخذها جابها و هيه فاقده ما نعرف هيه ميته لو عايشه ساعديها الله يخليج سوي شي

تقدم و كعدت يمهن خليت راس البنت على رجليه و حجيت بخوف

مريم. عسريع حيبن الي ماي

راح وحده تركض جابت ماي و اجت

رشيت مي على وجهاا صحت و كامت تبجي و تخرب بل كلام بس الي فهمتو منها تكول كافي الله يخليك

كمت امسح بوجها من الدم و ابجي فوكها

كومتها و حجيت

مريم. احجيلي تحسين بوجع

- احس جسمي يوجعني

مريم. زين هوا سوالج شي مثل جرحج او جواج لو بس كتلج

- اي جواني بجسمي هواي

خليت ايدي على حلكي مصدومه اول مره اشوف هيج شي بحياتي

اخذتها على الحمام اني البنات و الدم مدا يوكف جروح هواي بجسمها و كلها تنزف

سبحتها و نصدمت جسمها ما يبين من الكدمات و الحرك و طبعات الجكاير وحده من البنات ما تحملت كبل طلعت و هيه تبجي

و هاي بيدنا فاقده ما تدري شجاي يصير قويت نفسي و مسحت دموعي

و كمت اسبحها على كيف خلصت و عقمت جروحها مجان عندي بس تعقيم

بدلت الها و نومتها و اني اكول بداخلي مستحيل تعيش و شوي واكول ربي ارحم الراحمين اذا ماتت ترتاح منهم الي يعيش يم ناس ضالمه مثلهم يتمنه الموت

نامت و اني بقيت اباوع عليها و نداريت و كلت

مريم. احجلي شبيها ليش هيج

- داعشي أخذها و عذبها وجابها ذبها و راح و احنى ما بيدنه نسوي شي

مريم. الله واكبر الله يكسر ايده ان شا الله عساها حوبتها ما تتعداه يا رب

نفتح الباب دخل محمد

محمد. شجاي تسوين هين

كمت و رحت وكفت يمه

مريم. معليك

محمد. امشي كدامي

رحت على الغرفه و هوا يمشي وراي وصلت دخلت سحبني من ايدي و حجه

محمد. شجاي تسوين يمهن

مريم. شفتها كلها دم و شبه ميته و ساعدتها

هز راسه و طلع كعدت اكل نستل صارت عيشتي على النستل اكلهم لعبان نفس ما ينجرع

اخذت العلاكه مال الحلويات و طلعت المفتاح مال السجن و رحت عليه فتحتو و دخلت رفعت النقاب لكيتهم نفس كعدتهم و واحد صافن على الاخر

مريم. هلووو جبنت الكم اكل

تربعت و كمت احجي بعفويه

مريم. هوا صح مو اكل حلويات بس اكلهم يلعب ستين نفس الله ما يجرعه يعع

- شجابج

مريم. جبت الكم اكل هسه اروح و على فكره اني ما راح ائذيكم حبيت اساعدكم والله

- تعالي بنتي معليج بي

تقدمت و كعدت يمه خليت العلكه بحضنه وزعو الحلويات و كعدو ياكلون

مريم. اححمم اسمي مريم وانتو

- اني صالح و هذا صديقي عزيز و هذا الي يصيح عليج اسمه فهد

مريم. عاشت الاسامي.. عمو عادي اسئلك سؤال

صالح. أي اسئلي

مريم. عمو انتِ صح بل جيش

صالح. أي عمو صح احنى بل جيش.. انتِ شكد عمرج

مريم. عمري ١٥

صالح. بنتي اكبر منج بسنه

مريم. الله يحفظها... يله حروح كبل لا يجي اخوي

صالح. منو أخوج

مريم. باييي عمووو عود بعدين احجيلك

صالح. الله وياج

طلعت و رحت على البنات اريد اشوف هاي البنت شلون صارت

دخلت لكيتهن كلهن كاعدات و يرجفن

مريم. هلو... خير بيجن شي ليش ترجفن

- روحي من هنا ديري بالج لا يجيج

مريم. منو الي أدير بالي منه شبيجن

- هسه يجي روحي بسرعه كبل لا يئذيج

مريم. ش..

تا احجي نفتح الباب و هنا كبل صرخن بصوت عالي

انداريت باوعت لكيت محمد لازم حزام و وجهو احمر كلش

خليت ايدي على خصري وكلت

مريم. هااا شبيك ليش حامي

محمد. روحي على الغرفه بساع

مريم. لا والله مو بكيفك

نداريت على البنات و كلت

مريم. هذا هوا الي خايفات منه

هزن راسهن تقدمت و سحبت الحزام من ايده و مسكتو من تيشيرته و كمت امشي باتجاه الغرفه

( بنات شغلولها مسيطره ههه)

وصلت الغرفه شمرت الحزام و صيحت

مريم. انتَ شنو سالفتك وياهن ما عندك غيرهن تسترجل براسهن شنو سالفتك هااا ما تكولي

محمد. عوفيني معليج بيه خلي اربيهن

مريم. اهده انتَ كولشي ولا تحمه

مسكني من شعري و قربني و حجه بهمس

محمد. شغلي لا تدخلين بي وقد احذر من أنذر و بكيفج بعد

دفعني و تقدم اخذ الحزام و طلع ركضت وراه مسكت ايده و كمت اترجه بيه

مريم. محمد الله عليك عوفهن الله عليك خطيه والله اليوم وجهن كوله دم من الكتل بروح امي عوفهن

ما رد عليه دفعني و دخل الغرفه.......

"" "" "" "" "" "" "" "" "" "" "" "" "" "" "" "

هلوو عمري انتو، اعذروني كلش على اساس بارت اليوم طويل بس شسوي مو بيدي والله الامتحانات اخذت حيلي مقرره اليوم ما انشر لان عندي امتحان بس ما كدرت لان اعرفكم امتانين و اني وعدتكم

لحد هسه ما دارسه كل اشي ادعولي بلكي أنجح

يتبع...

ليش تِعثر ؟!

مرّة ضُم روحَك بِـ روحك..🍂🖤

الكاتبه :روان عبدالله

"" "" "" "" "" "" "" "" "" "" "" "" ""

دفعني و دخل على الغرفه دخلت وراه هنه خاتلات بل زاويه وحده حاضنه الاخرى صاح بصوت عالي

محمد. منو كتلته بساع احجن لا هسه اذبحجن هنا و َما يرف الي جفن

مريم. الله عليك عوفهن كتلن منو شجاي تحجي ترا ما سون شي والله

محمد. زولي من يمي معليج لا تدخلين... يلههعه احجننن بساع

كامن يحلفن انو مو هنه الي سون هيج

تقرب عليهن و سحب السلاح صاح

محمد. احسب للثلاث الي ما تعترف هسه هنا كلجن اكتلجن برمشه عين

سحبتو من تيشيرته بس جان اقوه مني دفعني و كام يعد

محمد. 1...2....3

سحب أقسام صاحت وحده

- انيي والله انييي بس لا تكتلهن الله يخليك

باوعت عليها ترجفو شلون السعفه دموعها تنزل بغزاره

تقد عليها و سحبها ضربها بمقدمه المسدس وكعت و كصتها كامت تنزل دم تقدمت عليها

و سحبتها باتجاهي حضنتها و كمت ابجي وياها

اجه محمد و سحبها من حضني و كام يسحل بيها

صاح على دواعش اجو شالوها اسمعو يكول الهم

محمد. خلوها بغرفه وحدها هسه اجيها

تقدم باتجاهنا و كام يصيح

محمد. صبرن عليه تحسبن راح اسكت اوكفن اني الجن

تقدم و رفعني عن الأرض صاح

محمد. امشي على الغرفه و لا تشوفيني شكلج ابد

دفعتو و رحت على الغرفه كعدت واني منهاره من الي دا يصير مجاي استوعب ابد

بقت هاي الاسئله براسي منو قتل و شجاي يصير

قاطع تفكيري صوت الباب نفتح بقوه

اجه محمد باتجاهي و سحبني كبل فزيت و دفعتو

مريم. وين ماخذني ما عوفني

محمد. امشي بدون صوت

مسك ايدي و جرني و دخلني غرفه جبيره كلش

باوعت البنات كاعدات على ركبهن و مدنكرات روسهن و داعش منتشر بكل الغرفه

سحبني محمد و كعدني يمهن باوعت على هاي البنت الي عترفت مكعدها مقابيلنا و شادين عيونها و يدينها ترجف و تشهك من كل كلبها

كسرت خاطري دنكت على الي يمي و همست

مريم. شصاير فهميني عفيه

- هذي البنت الي انتِ عالجتيها ماتت

مريم. انا لله وانا اليه راجعون

- خلي اكمل الج.. من ماتت صديقتها هاي من القهر راحت على غرفه هذا الي عذبها و كتلته

مريم. شلون كتلته

- طعن حتى الموت هه

مريم. اششش نصي صوتج.. شسمه منين جابت سكين ولجج

- معرف والله هذا الي محيرني

رفعت راسي لكيت محمد يخزرني رجعت اله الخزره

هز راسه بتوعد

باوع عليهم خلو كراسي داير مداير الغرفه انفتح اباب و دخلو دواعش هواي مبين عليهم القاده

كعدو على الكراسي صار هدوء تقدم محمد و سحب البنت من شعرها كام واحد من القاده و بيده سيف جبير كلش تقدم و نطاه لمحمد أخذه و خلاه على رقبه البنت

اني هنا وكفت الدنيه بيه جسمي معد احركه اسمع الصوت البنات يصرخن و صوتهن شوي شوي يختفي

احس النفس كوه أجره عيوني معد أكدر ازولهن عن رقبه البنت

ذبحه و دمها كام يطفر بكل مكان موقف جان كلش بشع بمعنى الكلمه كامن البنات و طلعوهن من الغرفه

بس اني بقيت عيوني معلكه على الجثه و ما تحركت ابد بس صافنه

حسيت احد سحبني ما شفته كبل غوشت عيوني و غمضت

كعدت باوعت على السقف ما أكدر اركز احس الدنيه تفتر بيه

تذكرت كل الي صار نزلت دموعي و كمت اشهك

حسيت احد يمي كام فتح الضوه باوعت هذا محمد

عصرت عيوني ما اريد اشوفه صرت اشمئز منه

صار بل نسبه الي شلون الكابوس المرعب الي احلم بي واني بنص الحلم واصيح يارب يطلع حلم  هيج شعوري

تقرب عليه و كعد يمي صرت ابجي اكثر و خليت ايدي على عيوني ما اريد اشوفه صاح

محمد. و تاليي مو نريد انام كافي تعوين

مريم. انجب روح من هنا ما اريد اشوفك ابد

لوه اصبعي و صاح

محمد. ديري بالج تتجاوزين بعد والله اذبحج مثل ما ذبحت الي قبلج سامعه لو لا

هزيت راسي بايي صاح

محمد. احجي اريد اسمع صوتج

مريم. أي سا.. سامعه و. اله.. الله

محمد. هسه اريد منج تسدين حلكج و ما اسمع صوت

نطاني ضهرو و راح نام

خليت ايدي على حلكي و كمت ابجي بصمت بقيت هيج نص ساعه و غفيت

حسيت احد يهمس باسمي فتحت عيوني لكيت بنات واكفه فوكي

مريم. هاا

همست بصوت ناصي كلش

- واحد من التنظيم دزني عليج يريدج

مريم. شنو تعرفين شسمه شيريد مني

- لا تخافين اهدي و امشي ويايه

كمت لبست العبايه و النقاب و طلعت وياها دخلنه على غرفه شفت محمد واكف و يمه دواعش و بل ارض زلم كلهم دم و شكلهم فاقدين الوعي

محمد. تعالي مريم

مريم. هاا شتريد

محمد. تكدرين تعالجيهم لو لا

باوعت عليهم شكلهم يكسر الخاطر ما يحركون لا ايد ولا رجل همست

مريم. أي أكدر بس ما عندي شي اعالجهم بي

محمد. ميخالف هسه يجيبون الج شتريدين

هزيت راسي و هما طلعو اخذو البنت وياهم  بقه محمد واكف فوكهم

تقدم عليهم خايفه من المنظر مالهم بس ما أكدر اعوفهم اكو شي بداخلي يمنعني

كعدت يمهم و رفعت النقاب دخل واحد و شايل صيدليه بيده خلاها يمي و راح رفعت راسي على محمد

محمد. يله عالجيهم

مريم. بس اريد اعرف منو ذوله

محمد. سجناء

هزيت راسي و صرت امسح الدم الي على وجههم

عالجتهم حسيتهم بدو يصحون

صحو و نطيتهم ماي شربو صاح محمد

محمد. كومي

كمت و وكفت يمه صاح على الحرس الي يم الباب و اجو شالوهم و راحو

بقيت على هذا الحال كرست وقتي كوله  اعالج بل سجناء و اعالجهم من كل كلبي هما صارو يحجون ويايه و تعودو عليه بس يحسبوني سبيه ما يدرون اني اخوي داعشي

جنت اعالج كا العاده دخلو داعش كبل نزلت النقاب على وجهي و دخلو مكتفين ثلاث اشخاص دفعوهم على الأرض وراحو كمت عليهم و صرت اكشف عليهم

خلصت كشفت و كمت اعالجهم ركزت عليهم رجعت ذاكرتي هذول الي مره دخلت عليهم بل سجن

كومتهم و كعدتهم على الفراش

مريم. خلصت بس احجولي تحسون بوجع شي

صالح. بنتي جزاج الله الف خير

مريم. بل خدمه عمو تدلل

كمت و نطيتهم ماي واكل كعد ياكلون

رجعت اعالج الاخر

مريم. الله يقويك جاسم شلون متحمل هل ضرب

جاسم. يمعوده هذا زلاطه عندي ولا شي شفت اكثر منه

مريم. افف لو اني منك و ضاربيني هيج ضرب جان هسه تلكاني بل مكبره

جاسم. ولج انتِ براشدي يغمه عليج

مريم. انن مو لهل درجه هسه كوم يله كافي لحيت هواي

جاسم. خليني هنا والله الكاعده وياج ما تنمل

مريم. ادري غير اني ما احجي

جاسم. بطلي نرجسيه رجائاً

كلبت عيوني و رحت على الي يمه كعدت اغير بضماد الجرح

مريم. شلون صرت اليوم

- زين بس البارحه ما نمت بل ليل احس اكو شي بداخلي موتني الم

مريم. اففف شبيدي عليك... هاك اشرب هذا يفيدك يخفف الألم

بقيت اعالج بيهم و قسم اوكلهم و قسم ابجي عليهم و على حالتهم ما يكدرون يرفعون اصبع 

رحت على فهد اكثر واحد متئذي بس ما يبين ابد

مريم. فهد تمدد موزين على الجرح الي بطنيك.. لحظه خلي اجيب الفراش يمك

جبت الفراش و كعدت اعالج بل جرح مالته ضمدته و كمت اجيب اله اكل

حسيت الباب نفتح دخل محمد تقدم و سحبني من ايدي

مريم. اييي ايدي هاي شبيك

محمد. امشي احجي وياج

مريم. مااا عوفني

محمد. مريم مو وكته يله بساع

مريم. هسه بس اخلص الي بأيدي واجي

محمد. انتظرج بل غرفه

هزيت راسي هذا الي جنت خايفه منه صار شي اكيد هسه الكل عرف انو محمد اخوي

رحت جبت اكل لفهد و كعد يمه همس بصوت ناصي

فهد. هذا شيصر الج

مريم. ما يصير الي شي

فهد. لا تجذبين احجي الصدك

مريم. خلص كلت الك ما اعرف

فهد. جا شلون يكولج انتظرج بل غرفه

تهربت منه و ما رديت عليه دنكت و ضليت اباوع على الكاع رفعت راسي لكيته يباوع عليه

مريم. ليش مدا تاكل

فهد. هذا زوجج مو

مريم. لا

فهد. احجي الصراحه

دنكت و حجيت

مريم. اخوي

فهد. ليش ما كلتي انو أخوج داعشي من البدايه

نزلت دموعي و حجيت بشهكه

مريم. خفت خفت لا تحسبوني ويه داعش و ما تصدكون بيه اني هم نضلمت و شفت أشياء و مواقف المفروض الي بعمري ما يشوفها فا من ما كلت محمد اخوي ما ردت تكرهوني انتو الأشخاص الوحيدين الي تأمنون الي و نحبوني محد غيركم يعطف عليه

كمت ابجي حسيت احد حضني رفع راسي شفت عمو صالح بادلته الحضن

صالح. اششش كافي بنيتي اهدي احنه مصدكين بيج مستحيل نكرهج بيوم

مريم. صدك عمو

صالح. أي صدك يله كافي بجي

زولت من حضنه و همست

مريم. شكرا لانكم ما عفتوني و اوعدكم اني ما اعوفكم

حسيت احد يطبطب على كتفي باوعت فهد دنكت بخجل اول مره يلمسني جان حجي كوه يحجي ويايه

بتسملي و كال

فهد. يله ام دميعه مسحي دموعج صيري مو على كلشي تبجين

مسحت دموعي و بادلته الابتسامه

دخلو الحراس و اخذوهم و طلعو

عزلت المكان على السريع على مود باي لحظه يجيبون شخص فاقد و وجهو ما يبين من الضرب

خلصت و راحت على الغرفه تا اشوف هذا الملطلط شيريد مني

دخلت الغرفه لكيت متمدد كتفت ايديني و حجيت بنبره ضوجه

مريم. هاا نعم شراد مني

محمد. تعالي مريم احجي وياج كم كلمه

تقربت عليه مسكني من اذني و لواها و حجه بغضب

محمد. بعد خلي اشوفج تحجين ويه المرتدين ول خلقج اذبحج و ما يرفلي جفن انتِ هنااا بس تا تعالجيهم فهمتي لو لا

هزيت اراسي بخوف و كلت

مريم. خلص عوف اذني ايي والله معد احجي وياهم

عافها و كال تا انشوف.. تا اطلع و صاح

محمد. تعالي وين رايحه

مريم. غير اروح اكمل شغلي

محمد. كبل لا تروحين حبيت اكولج راح يحولون عليج هم قسم السبيات هم تعالجيهم

مريم. ليش مو اكو دكتوره

محمد. راحت بحح

مريم. يعني قتلتوها مووو

محمد. مو شغلج... هسه سمعتي لو لا

مريم. أي سمعت

محمد. خوش يله روحي

مر اسبوع ثاني و اني اعالج صار الشغل اكثر عليه و كلبي يتكطع واني اشوف السبيات بأيدي يموتن و ما أكدر اسوي شي بس ابجي فوكهن

حرفين تدمرت نفسيتي و اني اشوف يوميه من ٣ إلى ٥ بنات يموتن بسبب التعذيب و الاغتصاب

و كل هذا الجاي اشوفه يتولد بداخلي كره و حقد اتجاه داعش

خلصت تنضيف الغرفه بعد ما راحو قسم للسجن و القسم الاخر للتعذيب مره ثانيه

طلعت واني منهكه حيل و بس اريد انام

دخلت للغرفه كا العاده لكيت محمد

ذبيت حجابي و عبايتي و رحت اخذت ملابس فتت سبحت هستو تا اطلع من الحمام جذبني حديث محمد

خليت اذني على الباب و كعدت اتسمع

محمد. قسم اليوم و قسم باجر مو كلهم

سكت يستمع الجواب

محمد. لا مو عدام ناخذهم على الخفسه هناك لا نصرف طلق ولا شي

رجع سكت شوي و حجه

محمد. القسم الأول بل خفسه و القسم الثاني هنا

.....

محمد. ماشي تفقنه

سد الخط و اني بقيت جامده بمكاني و حجيه يتردد براسي شنو إعدام شنو خفسه مجاي افهم شي

طلعت و كعدت امشط بشعري خلصت و كمت وكفت فوكه

مريم. زول اريد انام

محمد. ما

مريم. لا بربك وين اكو زلمه يكول ما

محمد. انجبي

مريم.هههههه

محمد. وجفن لهل حلك الاعوج

مريم. تروح فدوه لحلكي انتَ و جماعتك كلهم

نطاني ضهرو و نام سحبت الغطاء و دحست نفسي بظهره

بقيت اتكلب ما اجاني نوم صاح

محمد. وتالي تبقين هيج جنج دوده

مريم. اففف خلص حكوم

محمد. الله وياج ضلعي

مريم. ايعع

رحت اخذت المفتاح مال السجن مخليته بدفتري طلعت من الغرفه شفت حرس يم الباب بقيت اروح او ارجع اريد ادخل بس شلون هذا رحت وكفت يمه

مريم. شسمه دزوني عليك يكولن خلي يجي ياكل

- منو دزج

مريم. معرف روح اكل

باوعي بنظره توترت بس ما بينت

مريم. شبيك خير

- اذا طلعتي تجذبين شسوي بيج

مريم. ديله انجب لا تأخذ ميانه مو صوجك صوجي اجيت اكولك تعال اكل ان شاء الله أجلت سم و قز قرت

عيبت عليه و رحت وكفت بل ممر اراقبه

كبل راح رحت ركض على الباب و فتحته دخلت لكيتهم نايمين

مريم. فهدد عمو صالح اكعدوو

فهد. ها مريم شبيج

مريم. فهد سمعت محمد يكول خفسه و عدام و قسم اول و قسم ثاني يعني شنو

فهد. خفسه... لحظه احجيلي بل تفاصيل

كعد عمو صالح 

حجيتلهم السالفه كلها

صالح. يعني افهم من حجيج راح يذبونه بل خفسه او يعدمونه

مريم. لا اسم الله كول غيرها... زين عمو شنو خفسه

صالح. هاي حفر كلش عميقه توصل لاعماق الأرض كل ما يدموها ترجع تخفس و تكبر اكثر فا سموها خفسه

مريم. يعني انتو راح يذبوكم بيها

صالح. احنه بل حالتين ميتين بل خفسه او كتل

مريم. اسم الله عمو راح تطلعون من هنا و اني متأكده

فهد. منو كلج

مريم. باوع اني هسه عندي مفتاح السجن راح ابوك مفتاح الكلبشات و راح اطلعكم من هنا

فهد. صعبه هذول كو** ما ينكدرلهم

مريم. معليك اذا صرنه ايد بأيد محد راح يكدر النه

هسه اني راح اروح ادور على مفتاح القيود

لوحت بأيد و طلعت قفلت السجن و رحت على الغرفه لكيت محمد بسابع نومه ستغليت الوضع و كمت ادور بل ملابس مالته على كيفي

لكيت بل جيوب مالته اربع مفاتيح

اخذتهم و حطيتهن  بنص الملابس

رجعت نمت ولا كان شي صاير

كعدت الصبح ما لكيت محمد غسلت لبست العبايه و طلعت ماكو احد بل ممرات عكس يوميه متروسه ترس

دخلت لغرفه البنات لاكيتهم كاعدات و وحده صافنه على الاخره

مريم. صباح الخير.. شبيجن يا ستار

-صباح النور.. اكعدي هسه احجيلج

كعدت يله احجي

- اليوم راح ياخذون قسم من السجناء و راح يذبحوهم و يذبوهم بل خفسه

مريم. عززه سوده عليه.. منو كلج

- اني سمعت واحد منهم يحجي بل موبايل و يكول هيج

طلعت بسرعه شفت وحده تشتغل ويه داعش

مريم. لحظه اوكفي.. شفتي محمد

-منو محمد

مريم. اقصد السفاح يمعوده شفتي

- هااا اي بذيج الغرفه

رحت ركض و دخلت الغرفه بدون مقدمات

شفت محمد واكف و يمه دواعش مبين عليهم قاده

دخلت و سديت الباب تقدمت خطوه هتو تا احجي نفتح الباب و دخلو داعش و مكتفين أشخاص و خالين على روسهم أكياس سود

صفطوهم يم الحايط رحت على محمد و مسكت ايده حجيت بخوف

مريم. محمد هذول راح تكتلهم

محمد. أي

مريم. لا فدوه ابوس ايدك عوفهم والله شتريد انطيك بس عوفهم فدوه اروحلك

محمد. مريمممم روحي من وجهيي لا اموتججج شجابجج هناااا

مريم. الله بخليككك فدووه لااا تقتلهممم فدووه

ما رد عليه و صاح

محمد. اخذوهم و صعدوهم بل سياره هسه اجي

نزلت على رجله و كمت ابجي و اتوسل بي

مريم. فدووه لا حمودي لا الله عليك لا تكتلهم والله خطيه شنو ذنبهممم لاااا

ما رد عليه ولا جنه يسمعني بدو يسحبون بيهمم

ركضت عليهم و مسكت ايد جاسم عرفته من تيشيرت مالته

مريم. جا.. جاسم الله عليك لا تروح مو كلت حبيبتي تنتظرني تا نتزوج لا تروح فدووه جاسم رد

ما رد عليه بس اشوف اكتافه تهتز طلعو و اني بقيت مجلبه بيهم حسيت جاسم خله بأيدي شي باوعت ورقه كبل خليتها بجيبي على مود ما يشوفها محمد

صحت بيهم اوكفو خلي احجي وياهم الله يخليك محمد بس احجي وياهم فدوه

محمد. اوكفو خلي تحجي

تقدمت عليهم و كمت أودع بيهم واحد واحد كلهم عندي وياهم مواقف حلوه كل واحد راح و خله ذكرى بكلبي

ودعتهم و بتعدت بهدوء بس داخلي إعصار اريد ابجي اصيح بس منو يسمع

اخذوه و راحو بقيت وحدي بل غرفه وكعت بل كاع و نهاريت حرفيا كلش صعبه عليه احسهم صارو جزء من حياتي 

واني غاطه بنوبه بجي كبل اجه على بالي فهد و عمو صالح كبل كمت اركض ما اريد اخسرهم

لكيت الحرس بل الباب رجعت رحت على غرفه البنات وكفت بل باب و صحت 

مريم. ماريا تعالي شوي

ماريا. ها مريم

مريم. ماريا اريد تسويلي خدمه صغيره

ماريا. اطلبي عيوني الج

مريم. تسلم عيونج.. امشي ويايه

مسكت ايدها و كمت امشي وكفت بل ممر

مريم. تشوفين هذا الحارس

ماريا. أي شبي

مريم. اريد تزولينه عن الباب

ماريا. شلون

مريم. بطريقتج الخاصه

ماريا. اوكي هاي سهله بس ليش

مريم. ما أكدر اكولج ليش لأن الوقت جدا قصير بس الي أريده منج تسوينه و بعدين افهمح كُل اشي

ماريا. ماشي تدللين

راحت على الحرس واني بقيت اراقب بيها

ماريا. هيلاووو

- خير

ماريا. الصراحه انتَ عجبتني كلش فا ***

بتعدت ستحين من الي جاي تحجي صرت بس اشوفها تحجي وياه و هوا يضحك اخير شي جرته و سوتلي اشاره اوكي من وراه ضهره

دزيت الها بوسه بل هوا

ركضت على الباب و فتحته

فهد. هااا شبيج وليش باجيه

مريم. فهد مو وكته.. اجيت تا اطلعكم من هنا خلي نستقل الوكت راحو اغلبهم بقو كم حرس خلوهم بل مدخل و المخرج محد بي يله كومو بساع

طلعت المفاتيح من جيبي و نطيت كل واحد نسخه بدو يجربون المفاتيح

صاح عمو صالح. صار هذا المفتاح

تقدمت على السريع و بديت افتح برجليهم

كامو و طلعت كدامهم كمت امشي باتجاه المخرج و هما ورا وصلنا للنهايه وكفت باوعت عليهم حجه فهد

فهد. ما راح انسه وكفتج اخت ارجال انتِ

صالح. بنتي هاي وكفتج ويانه راح تبقه دين بركبتي اردلج اياه بعدين

مريم. عمو اني ما اريد شي غير سلامتكم الله يحفظكم و ترجعون لاهلكم سالمين

تقدم عمو و حضني بادلته الحضن

باسني من راسي تقدم فهد عليه و باسني من راسي

فهد. راح نشتاقلج و صدكي بيدي راح اجي و اطلع من هل مكان

مريم. إن شاء الله يله روحو كبل لا يجون.. هاي جنطه شيلوها بيها ماي واكل تفيدكم

اخذو الجنطه و راحو ركض نزلت دموعي واني اباوع عليهم يركضون.. ما تحركت اله ما اختفو من كدامي

اجت بالي ماريا كبل رحت اركض نسيتها

دخلت بل ما لكيتها دخلت بل غرفه الثانيه

لكيتها تسولف وياه من اشافني كبل كام صحت

مريم. هااا ولككك عايف شغلكك و كاعدد هناااا اوكفللي من يجيي محمدد اذا ما اكوله عليك اني مو اسمي مريم كاعد يضحك ابو سنون مزنجره اوكفللي

-لا الله عليج هسه اروح والله بس لا تكولين

مريم. يله ولي من وجهي خلص ما اكول

وأنتِ يله لحكيني

سحبتها من ايدها و رحنه على الغرفه

ماريا. هااا احجيلي ترا اني مثل الأطرش بل زفه كلشي ما فهمت منج بس كعدتيني يم هذا ابو ريحه خايسه احس خياشيمي ماعت من الزفر مالته

مريم. يااا ولج يا خياشيم خوما انتِ سمجه هههه

ماريا. هسه شمدريني سمجه مو سمجه بس احجي يله

مريم. اففف ما احجي تعبانه اريد انام

ماريا. أي اتهرب كولي ما اريد احجي و فضيها

مريم. أي ما اريد احجي ويله ولي

كلبت عيونها و راحت اني ما ردت احجيلها لان هاي براشدي تكت الأول و التالي و ما بيه حيل كتل اني

كمت تمسحت و كعدت اصلي و ادعي يوصلون بل سلامه

حسيت صوت عالي بره عرفتهم عرفو توترت حسيت جسمي بي رجفه خفيفه

كمت و طلعت لكيت الحرس مخبوص و يصيحون

دخلت على البنات ما لكيتهن موجودات

رجعت على الغرفه حسيت صوت سيارات و صياح

ركضت على ستاره و باوعت منها نزل من السيارات محمد و هواي دواعش علامات الغضب باينه على وجههم

سمعتهم يصيحون كبل طلعت تحمست اريد اشوف المسرحيه

لاكيتهم واكفين و ناس تصيح و.....

"" "" "" "" "" "" "" "" "" "" "" "" ""

هلو عمري انتو، البارت كُلش طويل ٣٠٠٢ كلمه إذا عجبكم دوسو على النجمه

يولو ادعولي باجر عندي امتحانين و كلشي ما دارسه

ادعولي بلكت أنجح احس نفسي راح ابجي ههه

بايي♥️🖐️