تحميل رواية «سليل للشيخ» PDF

سليل للشيخ

#البارت الواحد والعشرون

للكاتبة#زينب البديري

______________________________________

زمن.. كللليشششش راح اخلص من تبارككك سليل تحجين صدك لو ضحكين علينة

سليل.. اي ولج صالح كالي من نرجع راح يجي شهاب ويحددون وقت للخطوبة

تبارك.. سليل لا تجذبيييننننن

سليل.  ومرض عليمن اجذب

زمن.. عاااا يعني صدك تبارك راح تعرس

غصون.. كللليشششششش

سليل.. مو تكولن عود صالح كالي لا تكولين🤭

تبارك.. (صفنت)

زمن.. احم احم تبارك الصفنة للمطي

غصون.. خليها مامصدكة البنية

تبارك.. بنات (بقلقل)

سليل.. خيرج

تبارك.. شو مامرتاحة

زمن.. ليش ولح

تبارك.. اني ماأريد ازوج بعدني تريد اكمل دراسة

سليل.. اي جا وأذا

غصون.. شهاب يخليج تكملين دراستج

تبارك.. هففف مدري

سليل.. هيوو شو انتي صدكتي وكمتي تتنعوصين علينة الولد كال مو هسة بعد سنة ثنين ونزوج بس يريدون تعقدون..... (بهل الأثناء صاحت ام صالح)

ام صالح.. زمننن

زمن.. ها يمة

ام صالح.. تعاي بسرعة

راحت زمن للمطبخ

ام صالح.. تعااي ولج

زمن.. اجيت

ام صالح..(تحجي بصوت ناصي) اريدج بسالفة

زمن.. خير

ام صالح.. حاجي غصون على عبدللة شوفي مقتنعة بي حتى اذا مقتنعة احاجي اخوج الجبير ونروح نتوكل ونخطب

زمن.. عاااا عود صدك

ام صالح.. ومرض نصي صوتج

زمن.. (تركض تريد تطلع من المطبخ)

ام صالح.. وين رايحة ولج

زمن..(تتوقف) اروح اكوللها

ام صالح.. ولج مو هسة

زمن.. لعد

ام صالح.. سوي اكل لاخوج بالبداية

زمن.. 😫 هسة شيصبرني

ام صالح.. (تباوعلها صفح) سوي وروحي بس مو تفضحينة

زمن.. ماشي ماشي

زمن( سوت الأكل وانطتة لعبدللة وراحت يم البنات)

زمن.. عااااا ولجن سمعننن

سليل.. شصارر

زمن.. عبدللة راح يخطب

غصون.. يححح

تبارك.. جذببب

زمن.. ومرض انتي( تحجي على تبارك)

تبارك.. انجبي وفهمينة السالفة

زمن..(تروح تكعد يمهمن ويسون دائرة) ولجن امي هسة كالتلي حاجي غصون

غصون.. واني شعلية

سليل.. ومرض اسكتي كملي زمن

زمن.. اي.... (قاطعتها سليل)

سليل.. اوكفي اوكفي عااا غصون العروس

تبارك.. لكككك هلااااااااااا

زمن.. ييييي كالتلي شوفيها مقتنعة لا

غصون.. (صافنة)

سليل.. غصون داسمعينننن لج حتجين يمنا هلاااا

تبارك.. اي كملي

زمن.. ولج شكمل همزين ماكتلها موافقة بدون ما أسئلها

سليل.. بلا غصون الصفة مو ألج احجي شنو رأيج

غصون.. مادري(تحط أيدها علوجها)

زمن.. يا عود تخجل مابية اعفط

تبارك.. واللة صايرة سرسرية

زمن.. اي تعلمنة من... (وتسكت)

تبارك.. من منو

زمن.. يمةةة متتت شوف غصون خجلانة

غصون.. انجبي لج

سليل.. ها غصون دجحي مو مرمرتينة

غصون.. مدري انتن بكيفجن

سليل.. ايباه

تبارك.. يعني أي يلا انجبي عزيزتي

زمن.. تسوي روحها فقيرة

غصون.. لا خلينة الفقارية الج

زمن.. ممممممم

البنات ضلن يحجن واني كمت اشوف صالح خاف محتاج شي صعدت فوك للغرفة جان ليكيتة نايم طلت خلي اخبث

سليل.. صالح

صالح.. هااه

سليل.. صالح

صالح..

سليل.. صالححح

صالح.. ولج هاا

سليل.. شعدك نايم

صالح.. ولج نعسان

سليل.. كوممممم

صالح.. بروح ابوج عوفيني

سليل.. كوم دنيا المغرب مايصلح تنام هيج وكت

صالح..

فقدت الأمل وحاولت وما كعد اخر شي اني هم حطيت راسي ونمت لأن تعبنة بالطريق كلش

كعدت ثاني يوم الصبح حجو بموضوع عبدللة وكالو نروح بعد يومين

مرن اليومين ورحت اني وام صالح ومرت عمار كالو بعد سبوع نرجع الكم خبر

مر يومين ودزولنة خبر همة موافقين

بعد مرور ٣أشهر

تبارك وشهاب أجلو سالفة عقد لأن التهو بعرس عبدللة

مابقى شي لعرس غصون وعبدللة بس أسبوع اني وتبارك وزمن رحنة يم غصون حتى نسولف لأن هية متكدر تجي

تبارك.. انتي شبيج مطنكرة عود جاين يمج ونريد نتونس

غصون.. غير اخوج الحقنة

تبارك.. يبووو هم متعاركين

غصون.. اي

سليل.. يبووو ماتشبعون عركات بلا عليمن تعاركتو

غصون.. أكلة البس قاط ابيض مايقبل

سليل.. ياعيني تريدين تنسقين

تبارك.. وعلى هلي تعاركتو واللة ألج خلك

غصون.. (تباوع على زمن وتأشر للبنات)

سليل.. شنو

غصون.. باعن

تبارك.. زمننن

زمن.. (جانت معزولة على جهة وتلعب بالتليفون وتضحك من صاحت تبارك نزت) بسم اللة شكووو

تبارك.. هدي لمبايل شوية وتعاي سولفي ويانة

زمن.. اممم

تبارك.. وجع هاي منو تراسلين (كامت تمشي بتجاه زمن)

زمن..(سدت التليفون وضمتة وراها)

تبارك.. واللة صايرة مو راحى

سليل.. زمن عندج شي

زمن.. لا لا ماعندي

سليل.. جا شبيج

زمن.. كملن سوالف اسمعجن

سليل.. احجي

تبارك.. احجي لا لطيح حضج ادبسز

زمن.. كتلجن ماأكو شي

غصون.. احنة مو بس اخواتج احنة صديقاتج احجي لاتضمين علينة

زمن..  بنات هاي شبيكم كلت ما اكو شي

سليل.. اذا ما أكو شي انطيني الجهاز

زمن.. ما

سليل.. كتلج انطينيا

زمن.. ما

تبارك.. (تجي تاخذ التليفون من ورا زمن) هسة نشوف اذا ماأكو شي

زمن.. تبارككك شنو هل السخاقة انطيني الجهاز

تبارك.. اسسس ،شنو رمزج

زمن.. معليج

تبارك.. والقران اروح انطي الجهاز لعبدللة واخلي هوة يتصرف

زمن.. واقابل هوة شبي روحي اطيهيا

تبارك.. ماشي يلا سليل كومي خلي نروح

غصون.. صلن على محمد شبيجن ولجن

سليل.. زمن هاي اخر حجاية التليفون شنو رمزة

زمن.. اسمي بالانكليزي و Ma

تبارك.. (فتحت الجهاز وجان على محادثة) منو هذا , لحضة (باوعت لصورة الحساب شكلة مألوف دخلت للحساب جان يطلع حساب مهدي أبن عمي)

سليل.. عزااا شعدج وي مهدي ولج

زمن.. ترا ميدري بية اني بت عمة

تبارك.. لا وعينج صلفة شنو ميدي بيج

سليل.. فهمينة

زمن.. استغفراللة

سليل.. احجييي

زمن.. بالبداية اول مسويت الحساب لكيت حسابة مرة نشر ستوري رديت علية كلت هسة يعرفني بس ماعرفني كلت خلي انصب علية وبعدين اكلة اني منو بعدين صارت سوالف وصرنة اصدقاء بس ميعرف اني منو مجرد يحجيلي ويشكيلي وميعرف اني منو

سليل.. بلا شنو ذني السوالف سولفي

تبارك.. زمن اني اعلمج خلي نوصل للبيت

زمن.. هاي شبيجن

غصون.. زمن تدرين اذا عرفو أخوانج شيسون

زمن.. ترا هوة أبن عمي ويحبن.... (سكتتّ)

غصون.. كملي يحبج! وشلون بلا عرفتي

زمن.. هوة طول الوقت يسولف للي اعتبرها صديقتة على البنية الي يحبها والي هية نفسها أني

تبارك.. واني وين عنج من تسوين هل السوالف

زمن.. هاي شبيج هسة اني شسويت

تبارك.. بسيطة

زمن.. شحسوين

تبارك.. (تتصل على مهدي)

زمن.. ولج عزااا شداسويننن، سليل الحكي

سليل..(تجر التليفون منها) انتييي خبلةةة تريدين تفضحينةةة

زمن.. (من تحجي سليل مهدي فتح خط جريت الجهاز وسديتة ) تبارككك انتييي غبيةةةةة

سليل.. شلون تتصلين مو راح اتفضحين اختج يا غبية

تبارك.. اريد ارزلة

سليل.. شترزلي انتي بعقلج شيي

زمن.. بنات خلي نرجع للبيت وكافي سدو السالفة

سليل.. اي تدللين ست زمن هسة حنرجع وهذا جهازج بعد ممنوع عليج

اخذت الجهاز وكلت اضمة يمي

رجعنة للبيت لكينة صالح والولد كلها موجودين الولد جانو يلعبون دومنة  وصالح كاعد على جهة وشكلة معصب ويهز برجلة اول مدخلنة كال

صالح.. سليل صعدي فوك

جان كلش معصب ماحجيت اي حجاية بسرعة صعدت فوك

■■■■■■■■■■■■■■■■■

جنة كاعدين اني والولد ومبايل مهدي يمي جان يتصلون غلية بدون قصد رديت واسمع صوت سليل والتليفون بسرعة انسد مالحكت احجي

كمت على صفحة وضليت اقرة بالخاص عقلي وكف معقولة هاي سليل ولا مو صارلها يوم ولا اصنين صار الها أشهر ضليت صافن والافكار كامت تتناثر عليه

من اجت سليل كتلها صعدي فوك حتى افهم السالفة منها من صعدت رجعت جهاز مهدي وصعدت فوك

■■■■■■■■■■■■■■■

صعدت للغرفة فتحت الكنتور ادور علة مكان اضم الجهاز جان صالح يدخل

سليل.. يمةة

صالح.. شبيج

سليل.. خرعتني

صالح.. مسويتلج سالفة

سليل.. شنو

صالح.. احجي لا تسوين روحج ما تفتهمين

سليل.. صالح هاي شبيك

صالح.. (باوعت شفت بأيدها تليفون) هاي مال منو

سليل.. شنو

صالح.. (يجر التليفون من أيدها)

سليل.. لا صالححح..........

●●●●●●●●●●●●●●●●●●●●●●●●●●●●●

لهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

#سليل للشيخ

#البارت الأخير

للكاتبة#زينب البديري

____________________________

صالح.. سليل فتحي الجهاز

سليل.. صالح هاي شبيك

صالح.. كتلج فتحيي لا تختبرين صبري

سليل.. صالح بس افهم

صالح.. ولج شفهم شفهم لانخليني اكفر بيج فتحي بسرعة

سليل.. (شفتى عصب خفت خاف يسوي شي فتخت الجهاز ألا) صالح

صالح.. (جر الجهاز منها وراح كعد علجرباية) هسة اشوف سوالفجن المكسرة

سليل.. صالح اعرف شلون تحجي

صالح.. هاه شنو قصدج ولج ماأعرف احجي اكوم اكسر راسج

سليل.. ليش يمة تكسر روس انتة وماندري

صالح.. (كام بتجاه سليل وضربها راجدي وكعت على بطنها بطرف الجرباية)

سليل.. (من ضربني مااعرف شصار بالضبط بس كلش دخت وماحسيت بأي وجع بس بوقتها عيوني ماأكدر افتحهن حسيت اريد انام راسي صار ثكيل صالح يحجي واني كلمة وحدة ماسمعت

صالح.. (وكعت سليل وبعد ماسمعت الها حس ضليت احجي وياها مااكو غمضت عيونها هنا تخبلت كلت راحت من بين أدية نزلت جوة وصحت أمي)

ام صالح.. يمة اسم اللة شبيها البنية

راحت امي ضلت تحاول تكعدها بس ماأكو ماتكعد

اخر شي أيسنة لبستها امي حجاب وعباية وشلتها واخذتها للمستشفى حطولها مغذي وضربوها أبرة واكتبو علاج طلعت اجيبة من برا لأن ماموجود بالمستشفى

■■■■■■■■■■■

كعدت لكيت نفسي بالمستشفى بس بطني موتتني وجع اول مكعدت جابتلي خالة مي ورا شوية اجة صالح من شفتة كبل درت وجهي للجهة الثانية

صالح.. (رجعت للمستشفى شفت سليل كاعدة هنا ارتاحيت ، جانت ضايجة مني وأنة هم ضايج من دارت وجها غيرت نبرت صوتي وياها) هاج هذا علاجج (وحطيتة يمها)

سليل.. ماأريد شي منك

صالح.. حسابج بالبيت

ام صالح.. يمة استهدو بالرحمان مايصير هيج

صالح.. يمة متعرفين شي

ام صالح.. خير يمة

صالح.. اذا مو الي بالي صحيح يصير خير بس اذا لا لاجامعة بعد تنسيها وتليفون تحلمين شوفي

ام صالح.. يايمة شجاك شكو شصاير يمة سليل احجي

سليل.. صالح ترا هذا مو تليفوني

صالح.. لعد منين جايبتة لا ودكين على مهدي

سليل.. هذا تليفون وحدة صديقتي صديقة مهدي وهسة من جنة يم غصون اجن البنات صديقاتنة كلهن وهية شفتها دك علية ومنعتها واللة مو أني داكة

صالح.. ها زين شعدة يمج شنو اطتجيا توزع مبايلات

سليل.. لا واللة كالت خلي يمج لأن امها شاكة بيها

صالح.. وأنتي هيج نماذج شكو تحجين وياهن ها لا وستريلهن

ام صالح.. يمة على كيفك وي البنية مشوفها مريضة

سليل.. لااء مايهمة شنو أني بية بس يعرف يشك ويفسر شغلات من كيفة واللة اكتل روحي واخليك ترتاح مني

صالح.. شوف اللة هاي الزعطوطة حسابج بعدين على هل الكلام مبين طولان لسانج ويرادلة كص

سليل.. اخخخ راسي راح ينفجر (كمت امثل وابحي جذب بس حتى اريد خالة تتقرب يمي حتى اكللها اخذي التليفون من صالح لأن اذت يفتحة لو يراوي لعبظللة تصير مصيبة ويعرفون هذا مال زمن لأن عبدللة جايبلهيا والتليفون متروس صورها ضليت اصيح من خالة اجت تقربت يني حجيت بصوت ناصي) خالة دخيلك بأي طريقة أخذي الجهاز من صالح لان تصير مصيبة شكبرها

ام صالح.. (نصدمت)

سليل.. خالة كتلج روحي(وأشرلها بعيوني)

راحت خالة واخذت الجهاز من صالح وكالتلة سد الموضوع

صالح.. يمة راح اسدة بس هاي بعد ما تحجين وياها وهيج سوالف بعد ما ينعادن لا وعرفين عاقبتج

طلع صالح واجت خالة يمي

ام صالح.. ليش كلتي اخذي المبايل هءا مال منو وشصاير احجي كلشي

سليل.. (يربي اطلع من شي أوكع بشي ثاني هسة شلون راح ادبرها خالة تحجي واني ابجي صدك)

ام صالح.. احجي

سليل.. خالة وعد ماتكولين ولا تسوين أي شي

ام صالح.. اي وعد

سليل.. خالة أكيد

ام صالح.. ولج أي

سليل.. هالة هذا مال زمن بس عليج اللة لتكولين انتي بعد وعدتيني

ام صالح.. (لطمت على خدها) يتيمة اني بتي هيج تسوي شيخلصج اليوم مني هاي مجازاتي انطيتج الثقة هيج سوين

سليل.. خالة انتي وعدتيني

ام صالح.. شعدها وي مهدي ها أحجي

سليل.. خالة ماعدها شي اصلا ميعرف هية زمن

ام صالح.. يايمة تدرين لو يدرون أخوانها شيسون

سليل.. خالة صالح سد النوضوع وهذا الجهاز راح اكسرة وأفرمتة هوة والخط لأن خاف عبدللة يعرفة

ام صالح.. اطينيا

سليل.. اطيتهيا

كعدت خالة كسرت الخط وكسرت الجهاز وذبتة اني كلت خالة راح يصير بيها شي كامت تحجي وي روحها

ام صالح.. زمن تحبة

سليل.. شنو

ام صالح.. احجي زمن تحبة

سليل.. أي

ام صالح.. لا ويتمعشكن بناتي

سليل.. خالة لتسوين هيج كافي مو زين عليج

ام صالح.. مهدي يحبها

سليل.. يا خالة شبيج

ام صالح.. (بوعتلها)

سليل.. اي

ام صالح.. وشمدريج

سليل.. خالة هوة كايلها بعتبارهة صديقتة بس ميدري بيها هية نفسها زمن

ضليت اسولف وي خالة وسوت وياي تحقيق وحجيتلها كلشي لأن بس هية الي تكدر تحلها ضليت اقنع بيها أنو بأي وقت مهدي يتقدم لزمن توافق ضليت اسولف اني وخالة الى أن اجة صالح وبعدين طلعنة من المستشفى رجعنة للبيت واني زعلانة من صالح يحجي وياي ماأرد علية أسوي كلشي يريد حتى ميكلي ويشوفها حجة ويحجي وياي أو يعيط علية ...........

مرت الأيام عادي طبيعة واحنة نجهز لعرس غصون وعبدللة صار يوم العرس ورحت وي العروس للصالون وسويت مكياجي هناك غصون حبت تسوي الحنة بس صديقاتها واقاربها القريبين عليهم الحتة صارت تخبل وكلش تونسنة وراها صارت الزفة للنفندق زفيناهم ورجعنة للبيت ميتين تعب الكل نام وحتى أني ، بس كعدت ساعة ٣ بس اتقيئ وكلش دايخة بلكوة رحت للمطبخ سويت عصير ليمون وشربتة ثاني يوم سولفت لخالة كالت يمكن حامل كالتلي من تروح للسوك تجيب اختبار حمل وكالتلي ماأكول لصالح خاف يفرح ويطلع مو حامل

المهم مر أسبوع وخالة ماصارت الها فرصة تروح لأن يجون خطار علمود العرسان وأني كمت حتى الأكل ما اشتهي أكلة ،جنة كاعدين بالمطبخ اني وغصون نسوي أكل وخالة تساعدنة جان يمر عبدللة وتصيحة

ام صالح.. عبود

عبدللة.. ها يمة

ام صالح.. (بصوت ناصي) من تطلع مر علصيدلية جيب النة اختار مال حمل

عبداللة.(بصوت عالي). هايمة خير بس لا مرتي حامل

ام صالح.. ولك اسكت فضحتنة مو لمرتك لمرت اخوك

عبدللة.. (بصوت ناصي ) هاه عبالي

اكلج يام خليها أجليها ورا كم يوم اجيب ألها ولغصون

ام صالح.. يا ولك امشي جيب خنشوف اذا مو حامل خاف بيها شي البت صارها سبوع تتلهوج

عبدللة.. ماشي ماشي هسة رايح اجيب

ام صالح.. استعجل

غصون.. (تهمس يم أذن سليل) نفضحكتي يختي

سليل.. (اني متت من الخجل ضليت بس مدنكة وعبالك ما اسمع)

طلع عبدللة واحنة كملنة ورا الغدة اجت خالتي يمي فوك هية وتبارك وغصون وزمن وسويتة الأهتبار وطلع خطين واضحات كلش ومعناها اني حامل خالتي كامت تهلهل واني كلش فرحت أول مرة احس هيج شعور وضليت كل ساع اباوع ابطني اجت مرت عمار هم يمنة فوك وصلينة نسولف الى أن صار العصر وأجة صالح أول مدخل للغرفة تفاجئ لان شافنة كلنة مجتمعات

صالح.. (يمشي ومن وصل لميز المراية طلع سويجة وتليفونة وسبحتة وحطاهن على الميز) ها خير شو اليوم مجتمعات

تبارك.. ترا أحنة كل يوم مجتمعات

صالح.. اسكتي عروستنة

تبارك.. (نصدمت)

ام صالح.. يمة عندي ألك بشارة

صالح.. يمة واني عندي سالفة

ام صالح.. ولك مرتك حامل عوف كل السوالف

صالح.. (صدمة مع ابتسامة فرح) صدك تحجين

ام صالح.. اي ولد هاي هية سوت اختبار وطلعت حامل

صالح.. (شسولف عل الفرحة ما أوصفها والفرحة ااي شفتها بعيون سليل خلتني ماأعرف شنو أسوي رحت بأتجاها وسحبتها لصدري وبستها من راسها وهمست بأذنها) الف مبروك يروحي

سليل.. يبارك بيك

صالح.. (مبتسم)

ام صالح.. ها يمو بشرناك

صالح.. واحلى بشارة

ام صالح.. هسة انتة شنو شردت تكول

صالح.. نسيتوني، المهم اليوم عمي أبو شهاب راح يجي حتى نتفق عل موعد ملجة تبارك وشهاب

زمن.. عزا هاي شبسرعة شو ماخطبو

صالح.. ولج هوة أبن عمنة يحتاج يخطب

كعد صالح ويانة وضل يشاقة ويضحك وي تبارك وزمن............

صار الليل وأجو بيت عم صالح وكعدو بالديوان مرت تمار وغصون سون الضيافة اني خالتي ماتخليني اتحرك صليت كاعدة اسولف وي البنات ورا شوية اجت غصون وهم ضلينة نسولف ونصبنة على تبارك بعدين اجة صالح وعبدللة وعمار

سليل.. ها شصار

صالح.. اتفقو عرس صالح ومهدي سوة

غصون.. ليش هوة مهدي شوكت خطب

صالح.. هسة اجة هوة وعمي وهم جانو يريدون يخطبون زمن وصارت صدفة واتفقنة بعد ٣ اساببع الملجة وراها ب أسبوع العرس

سليل.. يااا

صالح.. ايوللة شبيج

مبين على صالح كلش ضايج صعد فوك واني صعدت ورا

سليل.. صالح

صالح.. روحة

سليل.. شبيك ليش ضايج

صالح.. شلون ما أضوج

سليل.. هية سنة الحياة الزواج ومستحيل تلكة احسن من مهدي وشهاب

صالح.. هسة نكول تبارك جبيرة وهية اصلا عاقلة بس زمن واللة ماقبلنة احنة لو ما عمي أبو شهاب حجة وكال ثنيناتهم نفس اليوم

سليل.. الي بي خير راح يصير

صالح.. (دنك ىتسة ورجع رفعة بأبتسامة) هوة ماطول انتي يمي كل خير يصير

سليل.. اممممم

صالح.. تعاي

سليل.. مااا

صالح.. لتعاندين اريد احاجي أبني

سليل.. (راحت يمة وسحبني بحضنة وشبكني) .............

مرن ٣ اسابيع وصار يوم العقد البنات ما سون حفلة بس راحن للستوديو سوو جلسة تصوير الكل فرحان

ومر أسبوع والعالم مخبوصة علمود العرس واني كلش خاملة حتة ماطلعت وجبت فستان وصبت خدمة توصيل فستان أبيض وطويل كلش حلو صار العرس واني وصالح رحنة وياهم سوينة جلسة تصوير جانت أول جلسة ألنة كلش فرحت بيها وخاصة بلفستان أبيض كلت حتى اسويها صورة سيراميك جبيرة احطها بالغرفة لأن ماعندي صورة بدلة بيضة تخلي الي يدخل للغرفة يحس أنو غرفة مزوجين من كل النواحي المهم خلصنة جلية تصوير ورجعنة للقاعة سوينة حنة للبنات وراها صارت الزفة...................................

بعد مرور ٨أشهر

اليوم أدخل بالتاسع وعندي وجع بضهري وكلش خايفة من الولادة لأن دكتورة كالت صعب عليج الطبيعي لأن بداية حملي من صالح ضربني وكعت بس الحمدلله الطفل ما متأذي بس أني متأذية دا أنزل من الدرج بلكوة واسمع صوت ضحكهم جان الكل مجتمع أخوان صالخ وشهاب وتبارك وزمن ومهدي وكاعدين يسولفون ويضحكون وأني اجيت طبيت عليهم يضحكون علية لأن بطني كلش جبيرة وخشمي حامل وياي ههههههه هم كعدت وياهم اسولف

عبدللة. (يغمز لصالح) صالح اليوم مكيف مو

صالح.. (يضحك) كلش

مهدي.. ولك شلون مايفرح وباطر تجي مرة علحاضر

سليل.. شنووووو

عبدللة.. ولج رجلج اليوم طو هدية وميت من الفرح

سليل.. شتفرح شيفرح فهموني شنو منين هاي ، ليش ، صالح ليش فرحان وشلون تقبل

شهاب.. ولكم واللة هيالك المرة سودنت راح جيب علينة

سليل.. صالح

صالح.. ولج جذب شبيج صارتلي كرصتة أذن مستحيل اوافق وبعدين منو يطي بتة لرجال مزوج

سليل.. (اني منا ضهري يوجعني من الصبح ومن الولد كامو يحجون كام يوجعني زيادة متت من الوجع بس ما بينت كامو الولد يلعبون بلي واني اخذت غصون ورحت للغرفة لأن بعد ماأتحمل رحت للغرفة بالبداية كامت غصون تمرغلي ضهري بعدين الوطع نزل لرجلية راحت غصون صاحت خالة واجة وراها صالح كال راح اجيب السويج واجي اخذج للمستشفى

اخذت غراضي ولبست ورحنة للمستشفى جان عندي ولادة بس ماعندي توسع لهذا سويت عملية

■■■■■■■■■■■■■■■■■

صالح ...

رحنة للمستشفى وسوت سليل العملية من طلعت من البنج

سليل.. صالح ... صالح ... صالح

صالح.. روحة وكلبة وعمرة

سليل.. الشيخ بس ألي محد تشاركني بي

صالح.. هههههه

سليل.. لتضحك اكلك لشيخ لسليل

صالح.. وسليل للشيخ

♡♡♡♡♡♡♡

وهاي نهاية قصتنة

المهم شوفو خلو شغلة بالكم أنو اللة يمهل ولا يهمل لو مهما صار بحياتكم وتعذبتو ثقو بالله لأن صدكو راح يجي يوم وتفرحون واللة حيعوضكم على كلشي صار وياكم وكلشي مريتو بي...

الوالدين ، امكم وأبوكم عيشو كل لحضة وياهم ولاتزعلوهم لأن ماتدرون شوكت اللة ياخذ أمانتة وراح تتندمون على كلشي بختصار كل افراد عائلتكم عيشو كل لحضة وياهم واللة يخليلكم اهلكم ويرحم الميتين💔احبكم♡