تحميل رواية «شمووخي وأنكساري» PDF

شمووخي_وأنكساري 10

جيجي :أنتظر رجعت ليث على نار أشبيه مقهورة اني ولا شي بالنسبه اله هي خطيبته وراح تصير زوجته اني شنو .دا اساعدهم  بالبيت عمري متخيلت اشتغل حتى المي الخدامة تجيبلي اشكد اكرهه روحي من اتذكر اشوف ندى ربة بيت ممتازة واني ولا شي ماعرف اسوي اي شي عفية ندى علميني

زين راح أعلمج بس ماخليج تسوين شي عليج بغرفتكم بس الباقي اني اكملها

خابرها ليث كال اني مارجع راح أسافر ويا ابو مؤيد اسبوع وارجع شكو ندى

ليث مسافر ويا ابوج

وين

ماعرف

الله عليج أسأليه

ماكدر ميحب نحجي بشغله

اشكد يطول ماعرف

صعدت انام مكدرت نزلت كتلهم انام يمكم فرحوا طول الليل نسولف ونضحك بس دا احس نفسي بديت اتعلق بيه كلش مشتاقتله

اشبيج جنان بس تكلبين

ماعرف ندى مجايني نوم

اكو شي تردين اسويلج حليب

لا

كومي نتفرج على التلفزيون ونكعد نسولف

لا انتي تعبانة نامي

اخاف تردين حضن ولج وتغمزلي

ها لا شنو هالحجي

اتعودي هو مرات يظل اسبوع يمكم غير انتي تعرفين اكثر مني

متحملت بجيت اتذكرت اشجنت أسوي بيه وهو يمنه والاهانات يبوو وهسة دا ابجي عليه واعرف ميحبني اخ دنيا شراح يصير نمت صبح سمعت صوت صياح وعياط نسوان فزيت ركضت شفت بنية ويا وحدة امبينة امها  بس شافوني هجموا عليه وحدة تضربني وحدة اتجر شعري اشكد يحاولون ندى وامها ميكدرون عليهم بالاخير وكعت ام ليث وخشمها جان ينزف نسيت ألمي من شفتها وكعت ردت اخلص من عدهم اروحلها ميفكوني وندى طلعت تصيح خواتها

ياحيوانة بواكه رياجيل ملكيتي احد يلمج غير ليث ساقطة حقيرة اني اعرف انتي ساحرته لزوجي تفو عليج وعلى تربيتج يمكن جنتو سوى يومية منو يدري انتو بنات الاكابر كلشي عدكم عادي تنام وياالجلب حتى بس تتونسون كوليلي ليث من يمتى ينام وياج ويخوني

تسب وتضرب شفت الموت بعيوني كتلها عيب شنو هالحجي النوب امها نزعت نعالها بدت تضربني بنعال وهي اتكول

ضربيها على بطنها احتمال حامل ويستر عليها لعد شلون يقبل يتزوجها وهو يحبج غير مسوي شي وياها قبل واني اكول ليث ليش لازك بأبو مؤيد جنتي تونسينه وتنطينه اللي يريده حتى زواجنا كام يأخره اي طبعا تسلية بلاش وفوكاه عز وفلوس شيسوي بسمر الزمالة

ماكدر احجي ولا اجاوب اجتي ام عمر طلعوني بأيدهم وجانو يلطمون يمه يمه ركضت عليها تنفسها سريع كومي خابري اسعاف ماعرف ندى كومي صيحي جارنا ناخذها للمستشفى وانتي لبسي عباية وتعاي

ماعندي

جيبي من ندى هسة مو وكتج

جريت عبايتها هي اقصر مني طلعنا ودينها للمستشفى باوعتلي

يمه شمسوين بالبنية ولج جنان هاي شنو وجههج كله دم متحسين

لا اخاف امكم يصير بيها شي من وراية والله اموت نفسي بعد ماتحمل اللي يصيرلي بقيت ابجي طلع ضغطها صاعد انطوها ابرة واني نظفولي جرحي بقينا للعصر يالله رجعنا

يمه جنان اني اسفة مكدرت اوكفهم لسمر وامها ندى حجتلي سوالفهم عليج بعد لو تموت متدخل بيتي مرة لليث اللي يشهر بنات العالم وخطيبها متشرفنا حتى لو بنت اخويه

بداخلي فرحت تدافع عني الله اشكد حلو لو يعوفها ويكون الي والله راح اصير اللي يريده حتى لو خدامه لامه والله تستاهل بست ايدها الله يحفظج يمه اموت لو يصير بيج شي كعدت بحضنها تمسح على راسي واني ابجي

يمه جنان ماريد ادخل بحياتكم  زين يمه احجيلي قصتكم اذا تردين لان سالفتكم سالفة وحجي سمر وامها يفر براسي فر اني ممربيه ابني على حرام اشكت شفت ظيم واهانة وضرب من ورا زوجي بس تحملت لخاطر جهالي ربيتهم بيدي هو بس جان ابوهم بالاسم جنت اخبز واخيط للناس وهو يجي ياخذ مني فلوس ويضربني شفت ايام سودة حتى مستقبل جهالي ضاع من ورا

لزمت ايدها هي تحجيلي واني ابجي شون مرة عظيمة هاي هلكد شايفة ومتحملة كتلها يمه هسة اصيح ندى واحجيلكم قصتي كالت

ليش ندى شعليها

لا اريدها تعرف انتو هسة اهلي ماريدكم تاخذون بحجي سمر وامها اني وهو مسوينا شي بالحرام اطمني شفتها جرت نفسchrakirkukiواتباد وارتاحت كعدنا حجيتلهم على حياتي واهلي بقوا يفتحون عينهم مرات حلكهم من الصدمة كلشي حجيت ماريد اخونهم شفتهم شلون وكفو ويايه واني غريبة صارلي ايام ابيتهم واهلى من اول مشكله ذبوني اخر شي بجيت كتلهة يمه ابنج اول شخص لمسني صح اني جنت مستهترة بس شرفي جان خط احمر حبيت احتفظ بنفسي يمكن من غروري محبيت اسلم نفسي لأحد لحد ماصارت قسمتي ويا ليث واذا متصدكون بيا عندي تقرير انطيكم واخذو شوفو لأي دكتورة  بقوا يواسوني كلتلي

يمه صح انتي غلطي الانسان مو معصوم من الغلط بس امج جانت لازم توكف وياج ليش هيجي

غير حظي هيج وياهم

اني امج وندى اختج وبناتي كلهم خواتج كومي نتوضى سوية ونصلي

ماعرف شي بدت تعلمني  نمت مرتاحة هم وانزاح على كلبي يمه لاتكولين ليث على كلامي اخاف يزعل وهو بدون شي ميحبني

لا شلون ميحبج غصبا ماعليه اكو واحد ميحب الكمر

فرحت ندى كومتني

ولج ساعة ٣  كومي مخستي

ها

شكو اخوج فراس جاي يشوفج

صدك اي ركضت اروح لزمتني

اوكفي روحي غسلي وبدلي مراح يطير

رحت شفته كاعد ويا ام ليث وسوالف وضحكهم عبالك مو اول مرة يجي بيتهم شافني كام حضني وباسني اني هم بسته وكعدنا ليش نسيتني ومتسأل عليه

هاي شنو من يمتى جيجي تبجي صايرة دلوعه بزيادة اعرف اخبارج من ليث مشتاقلج حبيبتي

اجتي ندى

ها ابو شوارب اسويلك كيك

اي والله مشتهي اهواية

تدلل بعيني هسة

كامت استاذنت ويا امها خلونا وحدنا هاي شكو ماخذين اهواية على بعضكم

اي مو اني اهواية اجيلهم تقريبا كل اسبوع جنت مرات ابات يم حسن اخوهم حتى اني وندى نسوي عشا سوية جنت اتمنى انتي وحنان هم هيجي وياية بس تربايه اهلج الحرامي يختلف عنهم

انت اهواية اصدقاء ويا ليث

لا هو اخويه اقرب شخص اليه بعد حسن

صفنت كالي

انتي جنتي ابرجج العالي متقبلين تتنازلين تباوعين يمج شكو ماكو ترى اني سامحتج من يوم اللي اتزوجتي ليث

وليش مجيتني حتى ماكون وحدي تمنيتكم يمي 

عيب بابا عرسان جدد وين اجي

وهسة ليش جيت مادام هيجي تفكر

لا هو مسافر

اي وين رايح

ويا ابوج لدبي

اوف يمتى يرجع

هاي شكو بدينا بشغل نسوان اشبيج متستحين متكولين اخويه صغير كاعد تردين تخربيني

متت من الضحك متجوز من سوالفك حجينا كومة سوالف عبالك مجنا عايشين ابيت واحد

ابوج متزوج

نعم

اي صارله سنه

منو

ام مروان صديقة امج مبجلة مو جانت تكول علينا صديقتي الصدوق وهسة هي بحضن زوجها

شلون عرفت

ترى اني صح اصغركم بس اعرف كل شي شفته ابيتهم تدرين مروان صديقي

والله اذا عرفت ماما راح تموت لا تخافين سفرة الها ولعائلتها وشوية رصيد بالبنك راح تنسى متموت

منو يعرف

ليث ومؤيد

نعم ومؤيد الجلب شلون وافق

هاي شتكولين مؤيد وابوج نفس الصنف واحد يستر  على الثاني ترى مؤيد نسخه منه وانكس بعد نص املاكنا بأسمه

من يمتى هالحجي

بعد خطوبته هسة كلشي هو يديرة ويا ليث ابوج نايم بالعسل يجدد روحه على العموم صيري عاقلة ولزمي اهل زوجج وزوجج عوفي شمووخج وغرورج ترى بحياتج متلكين مثلهم اني مسافر جيت اودعج

وين  رايح

يم حسن اريد ابني نفسي بعيد عن اهلج مليت من كل شي راح اخابرج يومية حبيبتي مراح اعوفج

ماعندي تليفون

اعرف  اخذه ليث منج اخابرج على تليفون ندى اوك

سلم عليه اشبيك ترجف اتوتر

ماكو يمكن مستبرد اني اروح

اوكف لحظة

لا طيارتي بعد شوية مع السلامة حبيبتي لاتنسين اللي كتلج عليه

راح ودعته  كعدت بجيت

اشبيج يمه

اخويه سافر

اي قابل اول مرة

ماعرف حسيت ماشوفه بعد

اسم الله عليه حبيبي فراس وردة مال الله .

صارلي اسبوعين بدبي ويا ابو مؤيد حركتني سمر حرك يومية  تخابرني واني ماجاوبها اخابر اهلي بس ماحجيchrakirkukiواتباد ويا جنان ماريد اضعف كدامها بس اوصي عليها لاتحجي بالتليفون ولا تطلع برا البيت اليوم راح نرجع للعراق عرس حنان باجر سمعت تليفوني يدك هذا حسن اشعجب هسة يخابر هسة يمهم نص الليل الله يستر هاحبيبي

ولك ليث الحكني

اشبيك ليش تبجي حسن اشصارلك

ولك مو اني مصيبة اخوية مصيبة

شكو

فراس ميت صارله يومين بالشقه مالته يبجي

واني ابجي وياه لا ممصدك لاتتشاقه ويايه حسن بهيج موضوع اعرف سوالفك انت وفراس توالي الليل

والله احجي صدك فراس ميت اني جان عندي امتحان فمرحت يمه بقيت ويا اصدقائي هسة الشرطه خابرني رحت شفته ميت من يومين الجوارين مبلغين عليه

الله واكبر الله واكبر شفت الحراس ليث الحك عمي وكع وصياح اني مدا اركز بشي سديت التليفون ركضت لجوا البيت شفت ابو مؤيد جثه ماكو لانفس ولا حركة وام مروان واكفه تلطم وتصيح كتلها دادا فوتي غيري لان اصيح ولد انودي للمستشفى

هسة ابني اموت من ورا ابو مؤيد كوم الله يخليك مابي شي جان يحجي بالتليفون وصاح وكع ماعرف منو الله ياخذه

م روحي بدلي جانت لابسة بدله رقص واني اريدها تروح ضلت واكفة طبيتها لغرفتهم اجوي الولد شلنا للمستشفى .

اشبيج جنان صارلج يومين بس تفزين بنومتج

ماعرف يمه كلبي مقبوض تعاي كعدي يمي دا اقرا قرأن بلكي ترتاحين شوية لاتزعلين من ليث ميسأل عليج

لا مو زعلانة

راح يرجعلج اني متاكدة

أنشالله يمة  ادعيلنا

فدوة لروحج حبيبتي .

خابرني مؤيد وهو يبجي

ليث أبويه شخباره بالعناية اني راح اسافر استلم الجثه وارجع للعراق وانتو هم رجعوا اذا صار زين

باجر زين الله يقويك

الله ياخذني اخوية ميت صارلة يومين واني ماعرف

قضاء الله ماكو اعتراض سديت التليفون .دكتور شكو اشبيه

جلطة دماغية دخل بغيبوبة يالله شنو هالمصايب اتذكرت جنان هاي يمكن تموت بيها بقيت بالمستشفى اروح اطمن وارجع اواسي ام مروان امبين تحبة كاتله روحها بالبجي حجيت ويا دكتور كالي منعرف شوكت يكوم احتمال يموت لا انشالله يكوم هو خوش انسان ويايه مفرقني عن جهاله بس اني لازم ارجع بسرعة ارتب اوضاع القصر والفاتحة والاهم جنان .just me

# شمووخي_ وأنكساري11

ندى :جنان انطيني بشارة

شكو خير

اخويا اليوم يجي

واني شكو هو ميريدني طبعا جذب ميته على شوفته

ولج روحي نظفي غرفتج وغسلي وبدلي خبلي اليوم طلعي قهرج بيه

ادبسز هههه

يعني ممشتاقتله ياجذابة 

حضرنا الغدا ورحت حضرت نفسي اشكد مشتاقلك يا حبيبي اموت عليك هسة لو يسمعها مني احتمال ينجلط احجي واضحك ويا نفسي وصل سمعت صوته بس منزلت بعد شوية سمعت صوت خطواط رجله يمه كلبي راح يوكف اشبيه هيجي صرت ذايبة فتح الباب باوعلي بنظرات حزينة واني عيوني كله شوق وحب اني انقهرت بعده زعلان مني بقينا واحد يباوع للثاني متحملت رحت حضنته وبسته حمدالله على سلامتك حبيبي

الله يسلمج شلونج

زينه برجعتك تسلمين تعالي كعدي صدك مشتاقتلي

مجاوبته بسته شفته بارد ويايه باوعتله بعدك زعلان مني لان خربت حياتك اني اسفة اذا تريد اطلع من حياتك مستعدة

مو هسة كلتي حبيبي شبساع بعتيني انتي شنو خبلتيني

جرني حضني ليث الله يخليك سامحني

مسامحج انتي هم سامحيني كومي غيري ملابسج اوديج للقصر

متحملت ليش هيجي تسوي بيا اني اكولك احبك وانت تريد ترجعني لأهلي بعد ماتعودت عليك وعلى اهلك ماروح حتى لو تموتني

لا تفهمين غلط علمود عرس اختج

بعدين اروح  اريد انام بحضنك هسة

جنان الله يخليج عندي شغل راح ابقى احضنج طول عمري بس مو هسة كومي نروح

زين بدلت ونزلت شفتهم يبجون ليش تبجون راح اروح لعرس حنان وارجع هو وعدني مراح اعوفكم ابد حضنوني وباسوني صعدنا للسيارة شفت السايق بالصدر واحنا كعدنا ورا وليث كعد يمي

جنان اريدج مثل قبل شامخة وقوية اريدج سباعية

شكو ليش تخوفني تريد تطلكني مو

لاتخافين  ابوج مريض

شنو

مابيه شي بس جلطة وهو هسة بالمستشفى

صدك لو صاير غير شي

هسة نوصل لاتفكرين بأشياء مو زينة

كلبي مقبوض اخاف ابويه ميت وميريد يكولي الطريق ميخلص عبالك دا  اروح مشي وصلنا شفت كومه سيارات واكفه يم البوابة والدنيا خبصة  دخلت سمعت صوت صياح واني ايدي بايد ليث شيسوون هذوله العالم هاي مو حفلة هاي عزا ولك ليث ابويه مات واني مشفته وحتى مسامحني عفته وركضت شفت امي وحنان كاتلين روحهم هاي مو امي املخه روحها ماصدك حنان وجها دم من لطم جرتني عبير وهي تبجي

الله يصبركم جيجي

لا ابويه لا ليش عفتني ابجي والطم سمعت صوت امي

ولك فراس رحت وانت بعدك صغير مشايف شي بالدنيا ولك حركت كلب امك الله يحركهم

ف ف ف راس لا لا جذب عبير ضربيني طلعي قهرج بيه كلها اني اذيتج اني استاهل ضربيني اريد ارجع للواقع اني يمكن دا احلم

الله يصبرج ولج جيجي كاتلين فراس انتهيت خلاص ليث الحك جيجي وكعت.

ليث: شكو

فوت جوا جنان واكعة

شنو ماعرف الحك على الرياجيل اللي يعزون لو اخابر اسأل على ابو مؤيد وجنان اللي اتخربطت خابرت دكتورة هي دايما تجيهم للبيت شفت ام مؤيد وحنان اللي المفروض عرسها دا تلطم وتبجي اول مرة اشوف ام مؤيد تبجي وتبين عمرها جبير قبل جانت اهواية مصغرة عمرها يمكن كله جان مكياج ولك ليث الحكني

خير عمة

ابني راح ابني راح اويلي عليك فراس اشكد جان يحب ليث ومؤيد هسة شلون تتحملون فراك اخوكم ناس

جانو يسألون منو هذا اسمعهم زوج جيجي شلون جمال يخبل صدك محظوظين ام بخت طالعة على امها متشوفيهم شون عايشين بهالعز شوفي القصر همه بيا حال والناس بيا حال صعدت شفتها نايمة بغرفتها تباوعلى وتنزل دموعها بصمت اشرتلي اروحلها رحت وكفت على راسها بستها محجينا شي  عبير دخلت

ليث الله يخليك الحكني ام مؤيد عرفت بسالفة زواج ابو مؤيد

عفت جنان رحت ركض صياح زاد هالنوب هي وكعت اخذناها لغرفتها جتي حنان

الله يخليك ليث لاتعوفنه ماعرف شسوي ابقى ويانا اليوم

وين سامي

سافر يم بابا ماما عرفت بسالفة زواج بابا  الله لايسامحها الحقيرة

عيب حنان انتو متعرفون ظروفها لاتحجين على المرة بالباطل خلي ابوكم يفهمكم

جنان وين

ضربتها الدكتورة ابرة مهدئه بقيت ويا حنان انرتب امور العزا هي رجعت يم النسوان واني صعدت يم جنان بعدها نايمة.

اني دااحلم فراس لاتعوفني ماتحمل فراكك اريد اكوم على حيلي اكوللهم جان يمي شفته قبل اسبوع يمتى مات اعرفهم  يكذبون حسيت بنفس قريب مني فتحت عيني ليث بجيت حضني

كافي جنان صيري قوية اهلج يحتاجوج اترحميله كومي غسلي وصلي بلكي ترتاحين اتعلقت بي وابجي ليث ماكدر صعب والله صعب غسلت وبدلت جتي عبير وحنان لابسات أسود حضنتني وضلينا نحجي عبير الله يخليج سامحيني

لا تخافين سامحتج  أحنا هسة بيا حال

كمت وياهم رحت يم امي عبالك مو هي سواد وتعب يم عيونها ركضت عليها باستني

جيجي يابعد كلبي حبيبتي سامحينا عفناج وحدج التهيت بنفسي وبأهلي اويلي عليك فراس رحت بدون ماشوفك جنت بالصالون خابرتني مرجعت اشوفك ودعتك عبالي ترجعلي كلت خلي يتونس اسبوع اسبوعين راح يرجع ليش هيجي سويت بنفسك ولك ابني ليش مشيت بهالطريق كامت تلطم وتبجي وتجر بشعرها بجيت وياها لزمتها حنان وعبير

ليش هيجي تكولون لزمتني عبير

اخوج جان مدمن مخدرات مبين بالفحص منطينه جرعة زايدة ومات مؤيد كال صارله سنه مدمن واحنا ملتهين عنه مندري

ليش هيجي سويت بنفسك ولك ابني بعدك صغير كله من ابوكم الجلب اللي ٢٤ ساعة راكض على شهواته مو بشرحيوان الجلب جان يخوني ويا اعز صديقاتي اني اساعدها واونسها اخذها ويايه وين ماروح اكول ارملة خطية وهي مونسة ابوكم الجلب

كافي كافي ماما دمرتونا انتي وبابا  شوفي حالي اشصار بيا وحنان وين اهل زوجج متكوليلي مو المفروض بهيجي يوم وياج بجت كالت

حتى مخابروني بالتليفون يعزوني وسامي مسافر يم بابا

فراس ومات ومؤيد انتي أدرى شونه مكدرت اكمل علمود عبير ولا يوم حسيت انه عندي عائله يمتى ضميتينا بحضنج ها ماما يمتي مسحتي على راسنا نمرض لو نموت من الجوع انتي متدرين ماما اني كبرت وصرت مرة وانتي ماكو ملتهية عني ماما اني انكسرت وانذليت وين جنتي انتي متونسة وتفترين ويا اهلج

كافي جيجي مو وكتها

حنان اني أبيت ليث حسيت بوجود العائلة تدرين امه علمتني اصلي وتقرا قرأن  بالليل على راسي حتى انام تهتم بيا كأنما اني بنتها واني مكيفة عليها عبالك يتيمة ولكيت الحضن الدافي انتو يتمتونا وانتو عايشين

اني ندمانة سامحوني بناتي اني خسرتكم وخسرت نفسي كوموا طلعو برا اريد ابقى وحدي

رجعت لغرفتي شفت ساعة ٣ بالليل جتي حنان نامت يمي حضنا بعض ونمنا كعدت بدلت ونزلت شفت كومة ناس جاية يعزون كمنا اني وحنان كل وحدة بجهة نستقبل الناس حسيت نفسي مسؤولة لازم اوكف ويا اهلي اليوم راح يجيبون جثة فراس الله يرحمه .

صارلي ٣ ايام منايم دخلت لغرفتي اريد ارتاح شوية قبل متوصل جثة فراس ردت اطمن على جيجي خابرت اخواتي كالولي نازلة  وتستقبل الضيوف فرحت هاي الخبلة تسمع كلامي شفت موبايلي وصلني مسج من سمر عبالي هسة تعتذر مني فتحته شفت مكتوب الحمدالله الله انتقم من زوجتك الساقطة هسة ارتاحيت يكولون اخوها مثلها ميت من ورا المخدرات انت متستاهلني تستاهل هيجي عالم ناقصة تدري من البارحة دا اركص من الفرح وصلتني انه الحقيرة متخربطة بالعزا انشالله منهالحال وأردى بعد يوم الها اسمع خبرها ويا فضيحة الله لايوفقها بواكة رياجيل تفو عليك وعليها لاتخابرني راح اتزوج من رجال واكسر خشمك ياعار .كسرت تليفوني من القهر حتى لا صدك اخابرها واطلع مو رجال اني الج سمر انتي بهالحقارة واني جنت مخدوع بيج ياربي ارحمني ماستحمل كمت طلعت رحت للمطبخ شفت الخدم خطية صارلهم ايام ممرتاحين الله يساعدكم سلمت عليهم كتلهم بيضو وجهنا ويا العالم والغدا والعشا راح يتجهز من المطعم انتو بس عليكم المي والكهوة شفتها دخلت للمطبخ لابسة حجاب وعباية سودة عبالك كمر رغم حزنها جمالها طاغي مجانت تعرف اني موجود جانت تحجي وياهم بصوت ناصي وتعلمهم شيسوون فرغت مطبخ بقينا وحدنا جريتها  وسديت حلكها بقت ترفس برجلها وترجف وديتها للمخزن اندارت عليه

ليش هيجي خوفتني واني مناقصة

صدك خفتي اي طبعا

شلون تخافين وزوجج اهنا ها قربت منها بستها من راسها عفية مرتي سباعة واكفة ويا اهلها تدرين كبرتي بعيني

صدك ليث

اي ياعيون ليث

لالا شنو هذا الحجي بجت

ليش تبجين

فرحانة عرفت فراس ممنتحر

اي عرفت صديقه منطي ابرة بجرعة زايدة

وعايفه

اشكد متعذب يمكن وهو وحيد بدون اهل الله لايوفقه

عراقي

لا واحد زنجي

شلون عرفت

الشرطة شافته من كاميرات المراقبة اخر شخص جان وياه هو وهسة يحققون وياه

احبك الله يخليك اليه لو ماانت هسة اني ضايعة .just me

#شمووخي_وأنكساري 12 والأخير

ليث: من بعد العزا جنان اتغيرت اكثر كأنما وحدة ثانية شايله اهلها واكفة ويا اخوانها هسة ابوهها حالته احسن رجعنا للعراق بس صار مشلول ومؤيد لازم مكان ابوه يوميه يكولي تعالو عيشو ويانا بالقصر واني ماقبل ردت اجرب جنان كتلها اخوج يريدنا نعيش وياهم شتكولين رفضت رأسا كالت

مابدل بيتنا بهالقصر اتعودت على امك وخواتك ماريد ابتعد عنهم

كبرت بعيني اهواية ممصدك هاي الدنيا هيجي تسوي بالبشر وين جانت هسة شلون صايرة عاقلة ورزينة ومحتشمة حجابها على راسها ابيت ابوها بدون ماكوللها تكول

اخاف الحراس يدخلون على غفلة ويشوفوني حرام

اتذكرت سمر جانت تطلب اشتري بيت بعيد عن اهلي متقبل تعيش وياهم مع العلم حالتهم مثلنا وهاي بنت عز وراضية حتى اثاثي قديم ردت اغيره مقبلت وهي غرفتها ابيت ابوها عبالك مال الاميرات حبيتها اهواية عرفت حبي لسمر جان وهم وهي مجانت تحبني جانت تستغلني تشوفني لصديقاتها تفتخر حبيبها حلو وتطلب فلوس وهداية ومتشبع و زعلانة اريد هاي واريد هاي امك هيج اختك هيج مع العلم امي خالتها قررت انساها واشيلها من بالي وجنان هي مرتي فعلا محسيت شون حبيتها دخلت بكلبي ماستغني عنها لحظه وهي هم معيشتني ملك كلش مريحتني وتحب اهلي اهواية .جنت ويا مؤيد بالشغل خابرتني اختها

ليث جنان اتخربطت وهي هسة بالفراش

ماعرف شلون وصلت للقصر مؤيد اشكد حاول ابقى وياه مقبلت اتخبلت اخاف صاير بيها شي وحنان متريد تكولي صعدت لغرفتها شفتها واكفة يم الشباك شكو حبيبتي ليش وكعتي اشبيج وليش تبجين

صدك ليث  اني حبيبتك

يعني متعرفين

لا اريد اسمعها منك

اي حبيبتي وعيوني اشبيج حضنتني وتبجي

ليث الله يخليك لاتعوفني ماتحمل بدونك

شكو

اني حامل

شنو

عرفت متريد والله عرفت بدت تبجي

اوكفي مخبلة شنو ماريد صدك حامل

اي

ياربي الحمدلله ولج جنان شايلة طفلي من صدك لو تلعبين عليه

والله حامل ومن اول ليله

لزمتها شفتي اني اشكد سباع

وخر ادبسز

شنو أوخر الف مبروك حبيبتي

وسمر

تباوعلي بنظرات حايرة يعني مراح تتزوجها

اني شنو كتلج صفحة سودة بحياتي وسديتها الله يوفقها

صارت على وفاة اخويه ٦ اشهر وبابا رجع بس مشلول يكعد على كرسي يومية اروحلهم للبيت أساعد حنان نخدم بابا ويا زوجته وماما منعزلة بغرفتها تصلي وتقرا قرأن واني حامل هسة حياتنا ماشية رغم الي مرينا بيها موت فراس خلانا أيد بأيد هسة احس عندي عائلة مؤيد يشتغل بدل بابا وعبير واصله شهرها متكدر تتحرك فاني وحنان شايلين البيت كله منخلي خدم يخدمون بابا وزوجته ممقصرة وياه هي هم دايرة بالها مؤيد اهواية حاول نعيش وياهم بالقصر اني مقبلت دا احس بيتي احلى من القصر لان اهناك ولد حبي واهناك حسيت بالعائلة والسعادة لايمكن اعوفها واعرف امه وخواته يحتاجونه فماخلي يعوفهم .

كومي

ما عوفني اريد انام بعد مشبعت من النوم

ماكو تعالي حضري ريوك حتى اروح لشغلي

اي اي ليش تعضني مزعج

منو مزعج بالليل حبيبي وعمري وهسة مزعج اني الج بعد متنامين يمي تنزلين جوا

متكدر تنام من دوني ههههههه

اي لازمتني من ايدي الي التوجعني

حبيبي

عيونه

تحبني

لا

شنو 😭

اموت بيج

عبالي

كومي لاأرجع أذيج

متكدر

ليش مثلا خايف منج

لا من ابنك اويلي من هسة صرتو ضدي

جنان ليث هاي شكو ندى مخبلة تحسدنا يمكن هههه نزلنا شكو نداوي تصيحين

نريد نتريك موتونا من الجوع

منو لازمج

اوامر العليا غير انتظري جنان واخوج يالله تاكلين عيني اتريكو وصعدو كملو غزل

حقج ممجربة الحب

ولا اريد اذا اصير مثلج مشفوحه على رجال

اموت عليه مو بيدي احبه

حبيه بعدين هسة تعاي ناكل

اوي بس همج بطنج دتعلمي مني رومانسية

ماريد خلي الج اليوم خواتي راح يجون

صدك زين حتى ماروح يم اهلي

حنان يمتى زواجها

بعد شهر خطية اتعفنت ههههه

اشبيكم تضحكون جنان هاي شكو عفتيني ونزلتي مكلتي زوجي بالحمام ويغسل يحتاج شي منا منا ويغمزلي وفوك هاي كاعدة تاكلين وماتنتظرين

مو صوجي ليوثي صوج ابنك غير

كلشي اتذبي براسه وهو بعده مجاي صدك مكارة يمه تعاي شوفي جنتج شتسوي بيا ظالمة لامريحتني بالليل ولا بالنهار

ايا ملعون صدك متستحي متكول اختي صغيرة كاعدة عيب فاسخ الحيا اشصارلك اتخبلت

والله صوج جنان انتي تعرفيني وتربايتج اشكد عاقل هاي المجرمة خربتني

فدوة لبنيتي الكمر شنو مشتهية اسويلج اليوم

ياريت دولمة من ايدج الحلوة يمة

فدوة لروحج حبيبتي

واني راح اسويلكم الحلو ليث كعد يمي

ليش متروحين يم اهلج

لا راح ابقى من زمان مملتمين ويا خواتك واهلي راح اروحلهم بالاسبوع مرتين خوما اضل يومية رايحه وراجعه اني هم عندي بيت ومسؤولية

هاي انتي جنان لو مغيريج

لا حبيبي اني حبيبتك ومرتك

منو يكول

غصبا ماعليك ترى انت اليه افتهمت

زين سيدي خوفتيني

احبك ولك ابوعيون ملونة

يمه هاي جنان اليوم شاربة شي فاسخه متستحي لا مني ولامنج شوفيها شلون تتغزل بأبنج

وانتي شكو ندى العوبه صيري شاطرة واتغزلي برجلج بالمستقبل

غير اخبله ترى حفظت بوسات جنان وحركاتها يمكن اهج بالرجال بقينا نضحك ونسولف

اذا جنان متسوي الحلو أني مااكل منه

الله يرحم ايام زمان مجانت تعرف تصب كاسة مي وهسة تريد الحلو من ايدها شفتي ماما ابنج ناكر المعروف

طبعا لأن الحلو يكمل من ايدها

تغدينا وتونسنا بالليل رجع ليث ضايج صعدت قبله رتبت غراضه ردت انزل سمعتهم يحجون على سمر محبيت أضوجهم رجعت لغرفتي شوية واموت من القهر يعني رجع زعلان علمودها لايكون يريد يتزوجها

أبني شبيك لاتكون زعلان لأن سمر تزوجت ترى زوجتك ماعليها قصور حرام عليك تفكر بسمر كلشي قسمة وراح تصير أب

ماما والله مو بخاطري الموضوع انتهى بس تعبان ومقهور من اللي سمعته من عدهم بكل مكان يحجون على جنان انه غلطان وياها وتسترت عليها والله العظيم جانت نظيفة مستحيل جنت أخليها على ذمتي لو اعرف بيها شي

لاتفكر ولاتدير بال والله العظيم مشفنه منها شي والبنية تحبك متعرف شتسوي حتى ترضيك وين جانت وين صارت ماعليك منهم الله رحم بحالي مصارت سمر من قسمتك جانت تاخذك وتبعدك عني يانظر عيني

صدك جذب يمه لا سمر ولا غيرها يكدرون يبعدوني عنج وعن خواتي أستأذنت منهم صعدت شفت جنان متوترة وحمرة شوية وتنفجر متأكد سامعتنا

راح انزل اجيب مي وأجي لحد ماتبدل وتغسل تريد اجيبلك شي ماكدر ابقى وياه راح انفجر من التوتر ماعرف شسوي

مرتي الحلوة صاير شي بعقلج الثلاجة بيها مي ماريد شي تعالي بحضني واني أصير ملك العالم

ومن سمر تكون بحضنك شتصير بالله

ههههههههه خرب بيج صرتي تصنفين مثل ندى

وليش الضحك كتلك نكته لو شنو لو من الفرحة متكدر تلزم نفسك روح اتزوجها وخلصني

ترى اتزوجت وراحت بطريقها شنو اتزوجها وانتي بالكلب والروح

حسيت نفسي غبية كدامه مردت أفشل نفسي اكثر راح أنزل يم ندى أريدها بشغلة

حلو عليج الخجل جنتي تتسمعين ياغبية المفروض تنزلين مو تتسمعين من بعيد وتفهمين السالفة بالغلط وين رايحة ندى هسة بسابعة نومه المفروض تنيمين زوجج المسكين

منو غبية اني زين راح انزل وأنام يمهم خليك وحدك .طبعا كله جذب ردت أحركه ويحضني وانسى وياه الماضي ونبقى بالحاضر والمستقبل اللي متأكدة راح تصير أحسن بوجوده يمي وانتهت سالفة سمر الحمدالله

مبين عليج مناوية على خير الظاهر أني راح انزل وانام يم أمي

جنان سويها وشوف شسوي بيك أي دخت راسي ماتحمل اوكف بعد كله جذب

تعالي ملعونة طلعت الصبح وحظرتج تدلعين واكفة تعالي نامي بدون صوت عندي شغل الصبح

وين رايح مستعجل

نامي لا صدك اذبج بنفسي يم امي خبلة .صح تأثرت بزواج سمر مهما يكون عشرة عمر أني وياها ولو هي نست كلشي من اول موقف ياما خططت بحياتي وياها ومن نتزوج متصورت لحظة وحدة اتزوج غيرها وأحبها وأموت عليها وأنتظر ولادتها على أحر من الجمر .just me