تحميل رواية «سجين الوحده» PDF

رواية سجين الوحده الفصل الأول

الوحده ❤ 1

وانا قاعده في الحفله وبشرب كوبايه مايه وهموت من الزهق القي واحد ماشي بفرفر زي البطه البلدي كده اسكت لاء ازاي انا وش كده برضه.

ورد: انت كويس؟

حمزه بخضه ورجوع للخلف: متلمسنيش! اوعي تيجي ايدك عليا!

ورد: انت مجنون ول اي جزاتي اني جايه اساعدك براحتك؟!

كان هيرد لقيته هيقع في الارض فمسكته من دراعه بقومه لقيت نفسي مرميه النحيادي كده وخدت حتت ضربه في الارض وكاني قتلاله قتي*ل، انت ليك خال اهبل!

ورد بغضب: انت مجنون ول اي

حمزه: قلتلك متلمسنيش انا اصلا دايخ لوحدي و..... ثانيه!

ورد:؟؟!!

حمزه: انتي لمستيني دلوقتي صح؟

ورد: يبني كنت هتقع فقومتك، لي محسسني اني بتحرش فيك!

حمزه: "بفرحه" انتي لمستيني فعلا وانا كويس!

ورد: اي ده!

حمزه: بصي انتي تيجي معايا دلوقتي

ورد: لاء والله!

حمزه: مقصدش حاجه، طيب ممكن تيجي معايا افهمك

ورد: بلا فهم بلا بطيخ، حل عن دماغ امي انا معرفش اي الي جبني هنا اصلا، انا مروحه

جيت امشي لقيته وقف قصادي ومسك ايدي؟! لاء ده انت شكلك استحلتها بقي وكنت هزعق والم عليه الناس لقيته برق وقال

لاءء! ولقيت راسي بتعمل ارور و اغمي عليا!

"تفوق تجد نفسها علي كنبه في غرفه كبيره مرتبه وفخمه ويجلس رجل كبير امامها علي المكتب متوتر وبجانبها دكتوره وممرضتين.

اكرم: ها طمنيني عايشه

الدكتور: متقلقش يا اكرم بيه هي تقريبا مكلتش حاجه من الصبح والضربه جدت علي راسها جامده فمقدرتش تقاوم.

اكرم: الحق عليا معين شويه اغبيه يحرسوا ابني

قائد فريق الحرس: انا اسف يا فندم، هو كان بنفذ اومري انه يحمي من اي حد يقرب منه

اكرم: وهو عشان تحمي تضربها علي راسها ويحصلها حاجه ونشيل بقي احنا زنبها عشان حضرتك تنبسط

قائد فريق الحرس:.....

اكرم: تعرف لو جرالها حاجه، هي بذات! هعمل فيكو اي واديني حذرت.. بعد كل السنين دي واخيرا في امل الحمد لله يا رب.

كنت مغمضه عيني كل ده وبسمعهم وبقول اي ده اي ده!

اي المجتمع ده!، لاء انا عايزه اروح لامي لو سمحته وبعدها جيت اقوم براحه لقيت راسي بتموتني جوه مين ابن.... الي ضربني علي راسي ده وقعت الي خلفه سوده!

اكرم بفرحه: واخيرا قومتي يا بنتي، انتي كويسه

ورد بخضه ونظر للغرفه بصدمه: انا فين! وحضرتك مين!

اكرم: شوفيها يا دكتوره لو سمحتي عشان نطمن عليها

ورد: يا عم انا كويسه ودكتوره مين الي حيبها عشان اغمي عليا وممرضتين يا قادر معاك فلوس مش عارف توديها فين ول اي

اكرم: عفوا!

ورد: ارحمكم الله يا سيدي، عايز اي بقي

اكرم: انتي شكلك صعبه وهتتعبني

ورد: صعبه وتعبك اي بس يا عمو! هو انا اعرفك! انت خطفني صح والله ما عندنا غير 500 جنيه تحت المخده وهنجيب بيهم علاج لامي بعد بكره، نفضني كده لو لقيت جنيه خده

اكرم بضحك: ههه مش بقول شكلك صعبه وهتتعبيني، كل الي في الاوضه يطلع بره محتاج اتكلم معاها شويه.

________

ورد: نعم! ابنك عنده اي!

اكرم: عنده الضطراب الشخصيه الاجتنابي، مبيعرفش يتفاعل مع حد ول يقرب من حد، واذا حد قرب منه حتي لو كان انا، جسمه كلو يورم ويحمر واحيانا لو قرب بمسافه قليله حتي من ناس جسمه كلو يتخد*ر وممكن يختل توازنه ويقع من طوله.

ورد: طيب وانا مالي يا لمبي بكل ده، انا مش دكتوره

اكرم: انتي البنت الوحيدة الي لمسته ومحسش بالاعراض دي

ورد: لي ان شاء الله!

اكرم: معرفش يا بنتي بس ده علي حسب كلامه، انا مش مصدق نفسي بجد عشان خاطري ساعديني انا محتاج مساعدتك

ورد: يا عمو صدقني انا معرفش مين الي بهرب الاعضاء ول شغاله في مجلس امن الدوله متقلقش سبني اروح بس وكلو هيكون تمام

اكرم بعصبيه: انا مبهزرش! ابني فعلا عنده المرض ده! انتي وخده الموضوع هزار لي

ورد: لانه هزار فعلا! هو في حد عنده كده؟ وبعدين لو في انا ماليش دعوه بكل ده انا عايزة اروح دلوقتي حالا

اكرم ببرود ووضع رجلا علي رجل: وانتي مش هتروحي غير لما تشوفي

ورد بقلق: يا عمو لو سمحت انا اهلي هيقلكو هليا كده وخصوصا اني اول مره اتاخر بره البيت، هي الساعه كام صح؟

اكرم: 1 لي

ورد: ينهار اسود! ماما هتموتني

اكرم: انا مستعد اجي معاكي نكللمها و....

ورد: تيجي فين وناس نايمين يا حج احنا بنبيع بطاطس

اكرم: يا ولي الصابرين

ورد: طيب هروح امتي بقي عشان انا اتاخرت!

قولتها بثقه كده وقادره علي التحدي وبتاع ولقتني متشاله من قفايه كده وماشيه مع الحراس في طرقه الفيلا زي الكتكوت المبلول بظبط عشان نشوف اوضه ابن البيه!

وياريتني ما شوفتها!

كانك دخلت في مجتمع غير مجتمع تاني وعالم غير عالم تاني، ممرات سريه واوض قزاز وكانه محجوز من الاف السنين في قبو تحت الارض، كان في الالات واجهزه والحيطه بتنور، امي لو شافت بياض الحيطه ده احتمال يجيلها سكته قلبيه!

احد الحراس من خلف الباب: البنت الي في الحفله بره يا بيه ادخلها

حمزه بلهفه: دخلها بسرعه انت بتستاذن

احد الحراس: اتفضلي يا هانم من هنا، امشي شويه هتلقي اوضته في وشك.

كنت ماشيه وانا مصدومه بجد! اي التكنولوجيا دي، اي الحاجات القمر دي، اي الغنى والفلوس الي مع اهليكو دي! دول اكيد بيغسلو اموال مفيش كلام!

ووقتها خدت بالي منه وكان واضح اكتر من الحفله وكانه خارج من فيلم هوليود، انا عمري ما شوفت حد ملمحه كيوت وقمر كده!

"يذهب حمزه لها بفرحه وسرعه فترجع للخلف قليلا فيمشي لها مجددا ويمسك يدها وياخدها معه علي الكنبه في الغرفه"

حمزه ببتسامه ونظر لجسده: انا كويس! انا ماسك ايدك وكويس بجد! انتي متخيله

ورد بتوتر : احم ممكن تسبها دلوقتي

حمزه باحراج: انا اسف بس انا اول مره اكلم مع حد من مسافه قرييه كده هاين عليا احضنك من الفرحه والله

ورد: اي يخويا!

يتبع....

جديده ❤

في فكرتها، اكمل ول اي 🌝❤

رواية سجين الوحده الفصل الثاني

الوحده ❤ 2

ورد: اي يخويا!

حمزه بستيعاب: لاء مش قصدي ولله! بس انا فرحان جدا

شوفت في عينه نظره امل، هما فعلا مكدبوش عليا، بس لي انا وبعمل هنا اي معرفش، كل الي اعرفه انه جميييل وجاااااامد جدي وروحي منك لله يا مهزقه! بتعكسي عيني عينك كده.

حمزه: انتي معايا

ةرد: اه معاك

حمزه بحماس: طب احيكلي عن نفسك، اسمك اي، شغاله في اي، وبتحبي اي و....

ورد: اي يا عم حيلك انت هطلعلي بطاقه

حمزه بستغراب: انتي لسه مطلعتيش بطاقه! ازاي!

ضحكت بخفه علي تعبيره وانه مفهمش اني بتريق وبصيت في ساعه الي شبه السمكه علي الحيطه الي بتنور لقتها 2 فقلت هااارسووود كده بصوت عالي!

ورد: بص انا لازم امشي حالا مينفعش اقعد هنا اكتر من كده

حمزه بحباط: بس انا ما صدقت حد يقعد معايا

ورد: هبقي اجي تمام واقعد نتكلم لصبح بس لازم امشي

حمزه: تمام هستناكي اكيد

مشيت من المكان بعد ما طلعت من المتاها الحلزونيه الكبيره دي وركبت العربيه وسواق قدامي وواحد جمبي ول وزير الدخليه و لاني اذكى عباد الله قولتلهم ده بيتي ونزلت و اول ما شوفت العربيه بتتحرك جريت علي البيت وقولت الحمد لله كابوس وراح لحالو وبعدها لقيت الشبشب مستيني، اوبا .

شهد: ما بادري يا ورود الساعه 2 ونص الفجر بس

ورد: طبعا يا بنتي احنا وش حفلات برضه

شهد: وحيات امك صح!

ورد: ابوس ايدك ما تردحيلي، احنا ستر وغطي علي بعض

شهد: الغطى علي الازازه جوه في التلاجه، شربتي مخدرات ول لسه يا بت قوليلي

ورد: تؤ حشيش بس

شهد بضحك: يلا يا مهزقه

ورد: امك صح عملت اي

شهد: قعدت صاحيه ل11 كده وشتمتك ولعنت سلسبيل الي جبوكي وبعدها دخلت نامت عادي جدا وقالت بكره تهزقك عشان تعبانه، تعرفي لو مكنتش تعبانه فعلا وسهرت معايا واستنتك كان حصل فيكي اي

ورد: كنت مش هدخل البيت اصلا من بره كده اتكلي علي الله

شهد: شاطر يولاه، اتكلي علي للله بقي

ورد: اهون عليك يستا

شهد: يلهوي يا قلبي ده سوال طبعا تهوني

ورد: خدي تفه في قفاكي خدي

دي شهد مفروض اختي الصغيره، ده المفروض يعني بس هي الي بتديني علي دماغي ولانها دبش وصريحه بحب اخد رئيها ولاني عرفه انه مفيش حد هيحبني ويخاف عليا قدها، في تانيه جامعه وعايزه تخلص عشان تشتغل وتكون سترونج وكده تؤتؤ عشان تطل بالابيض حصل. كليه علوم بنت المقشفه! مش هي الجامعه.

شهد بقلق: كنتي فين يا ورد بجد قلقتيني عليكي وبرن مبترديش حصل حاجه صح

ورد: متقلقيش هو... احم هي كانت سهره حلوه وبعدها صحبتنا تعبت وقعدنا حوليها وكده وتاخرت

شهد: متاكده يا ورد لانك عمرك ما حبيتي تروحي حفلات ول تاخرتي كده وكمان كده هتتاخري علي الشغل بكره

ورد: متقلقيش هلحق

شهد: اه وائل رن عليا لما قلق عليكي كلميه

ورد: بكره هتلقي نام

شهد: يا بنتي حرام عليكي بقي، ده خطييك مينفعش كده وكمان كان قلقان عليكي

ورد: خلاص يا ستي هكلمه م هو بيجي كل يوم يوصلني يعني اي الجديد، هروح اغير ونام بقي

شهد: المكرونة عندك في التلاجه سخنيها وكلي

ورد: حاااضر

غيرت وصليت وبعدها كلت حاجه بسيطه كده وطلعت البلكونه اشرب شاي بنعناع بالقرنفل، حد جرب المكس ده، الي مجربوش فايته كتير وربنا!

وقفت وانا بحسس علي راسي اتاكد هي بتوجعني ول لاء عشان اصدق الي حصل ده مكنش حلم، هو ممكن تلقي نفسك في عالم تاني وفي حياه تانيه وكوكب تاني وانت لسه عايش وبتتنفس!

ازاي مكنش حلم؟

ازاي كمان لمسته لايدي الي عمري ما خليت وائل يعملها بعد الخطوبه تقدر ترج قلبي من مكانها كده؟! شكلها هتكون ليله عنااااب.

اليوم التالي...

ورد: صباح الفل يا روشه يا قمرز

رشا: اي ده اصطبحت بوشك، ربنا يستر

ورد: اي يا ولايه ده، اي الحقد الي جواكي ده

رشا: جيتي امتي يا بنت الجزمه امبارح، جيت بعد 11 يا رقاصه

ورد: والله يا اوختشي كنت بلم النقطه هيهي

رشا: والله، طيب تعالي اما المك مع النقطه

هي حركه واحده بيديها جابت حاجه من الارض في وشي علطول وما ادركم عن لسعه الشبشب لما يتحدد هدفه وينطلق مظبوط.

ورد بتريقه: طب علفكره بقي انتي قادره ومفتريه وهقلهم يرجعوني الجامع تاني حاضر ولو حتي تحت المطر في عز الحر مش مشكله ومتشكرين يا امومه علي الالم والجراح

رشا: فين غداااار، غداااار، فكرتك امي الي مني عشان تكمل بس واحدف الفرده التانيه فيكي

ورد: لاء وعلي اي انا نازله لختشيبي قره عيني عن ازنك

رشا: اهربي من السوال، بس لو تكررت تاني يا ورد والله حسابي معاكي هيكون كبير، انتي بنت ومينفعش ترجعي لوحدك متاخر كده

ورد: حاضر يا ماما والله هاخد بالي بعد كده، رجلك عمله اي صح خدتي الادويه بتاعتك

رشا: ماشي حالي، اشكري ابني وائل علي الكرسي المتحرك الجديد مريح اوي ربنا يبارك فيه

ورد: يوصل ان شاء الله، عايزه حاجه

رشا: غوري في داهيه هعوز منك اي يعني هتجبيلي الديب من ديله مثلا

ورد: كنت عرفه انك هتقولي خدي بالك من نفسك يا بنتي وحببتي وفشتي وكده، حنان الام بردك غير

رشا: فين فرده الشبشب التانيه هو لازم تتحدف بالاتنين عشان اليوم يكمل.

دي امي ست الكل زي ما انتوا شايفين، عملت عمليه من سنتين في رجلها ومن وقتها وهي قاعده علي الكرسي المتحرك و عمري ما شوفت منها غير الصبر والرضي بقضاء ربنا وده الي مخليني فخوره بيها طول عمري وبدعي ربنا انه يخليها لينا العمر كلو وبنسبه للي حصل لرجلها فمش موضوعنا.

ورد: عارف لو اتاخرت بسببك هعمل فيك اي

وائل: اهدي بس كده يا عم جينا اهو

ورد: حلو الجاكت ده متجيبه لفه

وائل: ده ب200 جنيه، عرفه يعني اي! يعني اغلي منك.

ورد: صرحتك موتتني

وائل: اومال طبعا، اركبي المكنه يا مكنه يلا

ورد: يعجبني فيك نكتك البايخه الي زيك

وائل: ربنا يخليكي يا بنتي يا رب

وده خطيبي و جارنا من 25 سنه كده و صديق الطفوله ومتعوده عليه جدا انما اتخطب لي عمري ما حسيتها

بس هو ممكن ترفضي طلب زي ده من شخص وقف جمب مامتك وساندكو ووقف جمبك انتي واختك وكانه راجل البيت بتاعنا ده، عمري ما انسي اي حاجه عملها عشان ماما ولو حتي مبحبوش.

عنده 29 سنه وبشتغل مدرس و بسوق مكنه كده محندقه علي قدنا وحلوه حلوه يجدع مسخره .

وائل: كنتي فين امبارح قلقت عليكي

ورد بصوت عالي: مش ساامعه من الهوا بتقول اي

وائل: كنتي فين امبارح يا بنتي؟

ورد: اه روحت الحفله ولما رجعت التلفون فصل فحطيته علي الشاحن ونمت

وائل: امم عشان كده

بكره الكدب!، بكره حد يكدب او اكدب عليه، بس هو عادي اقلهم الي حصل، واقلهم اني قبلت واحد عنده فوبيه من الناس الا انا! طيب مين هيصدق او هيفهم، المهم اني مش هقبله تاني ومعنتش هكدب تاني .

وائل: هخلص المدرسه وعدي عليكي

ورد: لاء روح دروسك انت الخصوصيه الطلاب مستنينك انا هخلص وروح علطول

وائل: تمام هبقي اكلمك

وانا بشتغل في مصنع ملابس رغم اني متخرجه من تجاره انجليزي عادي، صدق الي قال فعلا مفيش حد بشتغل بشهادته في مصر غير المحظوظين الي انا اكيد مش منهم.

ولما طلعت ودورت ملقتش

وحتي لما لقيت بعد المره المليون تقريبا والحظ بدا اهو يحن علي الجن الي عندي يقوليلي بدون حجاب ومبتسمين كده الي هو ثقلتكو امكو جميعا يا عالم هتروح النار ركبه عجل.

نرمين: اهلا بست ورد

ورد: اهلا يختي، اي الاوضاع

نرمين: زفت، طالع عيني هنا

ورد: اموت في تفائلك الي عمرك ما شميتى رحته ده اتفو عليكي

نرمين: ششش بطلي صداع خليني ركز في الموديل ده، عليكي تاخدي الطلبيات دي لتلات محلات الي في الورقه

ورد: تمام اوي وبنسبه للتمن هيكون ارخص من السوق ول ارفع السعر شويه

نرمين: لاء زي ما هو، دول شغلين معانا وبياخدو من المصنع بتاعنا ديما وزبينا منقدرش نعلي عليهم

ورد: تمام، هخلصهم واجي

نرمين: لاء عليكي ده بس، المدير خد حسن بدالك يكمل الباقي

ورد بضحك: يا احلي خبر سمعته في حياتي، حبك

خلص اليوم وانا بحمد ربنا اني متاخنقتش مع حد من صحاب المحلات انهرده وانا منشكحه كده اني هروح بدري ولسه هرقع زغروطه، القي عربيه سوده جامده من العيار التقيل بتلحقني وبتتفتح وحد بيكتم بئى بيده ودخلني جواها وحط لزقه عليه وغما عيني وكتفني لاء دول خاطفني بجد! ي مامااا!

" تصل امام فيلا اكرم ويفكون الربطه من علي عينيها واللزقه من فمها والابتعاد عنها "

في فيلا اكرم..

اكرم: بتضحكي عليا و بتخليهم يوصلوكي مكان غلط، مفكراني مش هعرف اجيبك

ورد بقلق :!!!!

يتبع...

يعجبكو البارت التاني ♥

مشجعين ♥

Rahma Ayman

رواية سجين الوحده الفصل الثالث

الوحده ❤ 3

في فيلا اكرم..

اكرم: بتضحكي عليا و بتخليهم يوصلوكي مكان غلط، مفكراني مش هعرف اجيبك

ورد بقلق :!!!!

اكرم: انتي عرفه انا دورت عليكي قد اي؟

ورد: .....

اكرم بعصبيه : مبترديش ليييي!

"ترجع ورد للخلف بخوف وتتجمع دموع في عينيها وتنظر للارض فيضع يده علي عينيه ويهدا ويتحدث برفق"

اكرم: انتي لي مش عايزه تفهمي انك املي الوحيد، اطلبي اي حاجه في الدنيا هتكون عندك بس ساعديني.

كان بيتكلم بكل ترجي وبعدها باب المكتب اتفتح ولقيت الحراس والمكان كلو بيرجع لورا بعيد عن الشخص الي دخل بماسك وقفزات و لبس اسود راقي شبه الي لبسه بظبط! كان حاجه فوق الخيال. حتي ابو نفسه رجع لورا، هو في اي؟!

حمزه بالوقوف بجانبها: ممكن نتكلم

ورد: .....

حمزه: لو سمحتي

اكرم بفرحه : حمزه انت واقف جمبها صح! ههه انت فعلا مكنتش بتهزر

حمزه: انا فعلا مبهزرش، بس شكلها هتخلص من قبل ما تبدأ.

قال الجمله دي وبصلي وهربت بعيني في كل الاتجاهات، ازاي افهمه انه مش بيدي، ازاي افهمه انه مينفعش!

"في غرفه حمزه"

حمزه بقلع الماسك: واخيرا، الجو حر اوي انهرده

ورد: انت لي لابس ماسك

حمزه بمزاح : عشان كرونا

ورد: لي انت عندك كرونا! وقاعد قدامي!

حمزه: ههه انتى اسمك اي

ورد: اسمي ورد

حمزه: اسمعي يا ست ورد، انا قنبله موقوته، اذا حد قرب مني جسمي كلو بيحمر وقلبي ضرباته بتقل وممكن يغمى عليا من التعب، لازم نظافه اساسيه ولازم حذر عشان التنفس واللمس، فهمه حاجه

ورد: وانت كده من امتي

بص كده لسقف وحرك نفسه قدام علي الكرسي وشبك ايده ببعضها كده بشكل يدوب سلحفه قدامه مش العبد لله، يخربيت رموشك!

حمزه: حوالي 10 سنين

ورد: 10 اي!

حمزه: امم

ورد باسف: كل ده لوحدك! ، من غير اي حد معاك، طيب بتعمل اي كل السنين دي و....

حمزه بنظر لعينيها بهدوء ومقطعتها: ورد

ورد:.....

حمزه: انا كويس، لو مش عايزه تساعديني مش هضغط عليكي، انا مش هرغم حد يتكلم معايا، انا مش وحش اوي كده ول ممكن بعد سنين دي كلها وبعد ما فقدت الامل و القي حل اخيرا ارغمك علي حاجه، عايزه تمشي امشي، كانت صدفه حلوه بينا وتشرفت جدا بيكي.

ورد باحراج : هو....

حمزه: اه واسف عشان بابا خوفك وجابك بطريقه دي، هو بس فرحان انه لقي حد يقدر يعمل الي هو مش قادر يعمله معايا ، بس لو كنت اعرف اني وجودك معايا وكلامك معايا ممكن ياذيكي او يديقك كده، كنت منعته من ده فورا.

ورد:......

"ينظر لساعه"

حمزه: لازم تمشي دلوقتي عشان متتاخريش، انتي عرفه الطريق، اتفضلي.

قال الكلمتين دول وتحرك من مكانه ودخل اوضه تانيه كده بعيد واختفي، وانا خرجت لبره وتفكيري كله معاه، يخربيت غبائي!

"في منزل ورد"

شهد: ورد

ورد:.....

شهد: وااااارد

ورد بفوقه : امم

شهد: من ساعه ما جيتي وانتي مش هنا، ممكن اعرف انتي فين

ورد:"معاه! مع امله الي تكسر بسببي! "

شهد: يا زفته

ورد: اي يا بنتي بقي عايزه اي!

شهد: لاء انتي انهرده مش طبيعيه فعلا لاما تقوليلي لتنزلي لطنط دعاء عشان كده مش ينفع

ورد: طنط دعاء صح!، شهد انا بحبك يا بت خدي بوسه

شهد: اوعي تقربي مني والله أغزك

ورد: يلا يا كلب البحر جزاتي

شهد: اه واوعي كده عشان المسلسل

سبتها ونزلت علي اجمد واحده في الكره الارضيه، طبعا طنط دعاء.

فديو كول...

مراد: طيب بزمتك اعرف الاخبار من والدك ومش منك انت، راعي حتي اني دكتورك يا جدع

حمزه: ابويا ده مينفعش حد يأمنه علي حاجه وربنا

مراد: فهمني في اي، انا مش مصدق نفسي، بعد السنين دي وفقدان الامل خلاص يحصل كده، انت شككتني في نفسي يلا والله

حمزه ببتسامه: هتكون ديما افضل الدكاتره بنسبالي يا باشا حتي لو قرفن في عشتي، بس نصيبي بقي اعمل اي

مراد بضحك: وكانه مبيكلمش مع دكتوره الاكبر منه ب25 سنه مثلا، لكن هنعدهالك، انت بقي تجبهالي وتيجو ونشوف بقي لي و ازاي حصل ده، متحمس اوي

حمزه: هو... امم مش هعرف اشوفها تاني خلاص

مراد: اااه يا سكري يني، بتقول اي!

حمزه: هو ينفع ترغم حد انه يتكلم معاك ويبقي جمبك يا دكتور ؟

مراد:....

حمزه ببتسامه بارده : يبقي خلاص.

مراد: ابقي تعالي برضه نشوف الوضع اي ممكن متكنش هي بس

حمزه: امم هنشوف كده هقفل انا

مراد: سلام

"يضع زراعه خلف راسه ويتامل الحائط بخذلان"

___________

ورد: اعمل اي يا طنط محتاره اوي، اساعده ول هيحصلي مشاكل وكل حاجه هتتلخبط معايا

دعاء: شوفي قلبك يا بنتي بقلك اي، انتي بتساعدي حد محتاج ليكي، لانك انتي بس الوحيده الي تقدري تساعديه، واعرفي انك لو خدتي اي قرار ما بينهم لازم متندميش واعرفي انه ربنا الأدره والاعلم اكيد وربنا يرضيكي خير يا بنتي

ورد بعناقها: انا بحبك اوي يا طنط

دعاء: وانا يا قلب طنط، استني هقوم اجبلك كنافه لسه عملها انما اي تكلي صوبعك وراها

ورد: يا طنط كنافه اي احنا في رمضان

دعاء: لي يختي هو الكنافه بتتاكل في رمضان بس ول اي، اترزعي ما اجبلك

ورد: حاضر يا ست خلاص خوووفت.

دعاء: ناس مبتجيش غير بالعين الحمره صحيح

ورد ببتسامه وسرحان :....

"تتحرك دعاء قليلا وتلف لها مجددا وتبدا بتحدث"

دعاء: ورد، انتي مرتاحه لي وبين انو عجبك يا خلبوثه

ورد بحمرار: انا يا طنط دعاء، طب والله حصل

دعاء: ههه يلا يا هبله، هروح اجيب الكنافه ونكمل نميمه بقي وتوصفهولي بقي استني .

دي بقي مرات عمي، ولانها مبتخلفش بتحبني زي بنتها واكتر ومعاها كل اسراري وبتمني ربنا يرزقها، بستغراب ازاي مفقدتش الامل لعند دلوقتي، هو اه عمي اصغر من بابا بكتير وهما لسه صغيرين بس لو كل الكاتره قلولك مستحيل تخلفي هيكون عندك نفس الثقه برضه!

غريبه طنط دعاء وغريب حبهم لبعض، انا عمري ما شفت حد بحبها زي عمي احمد كده ول هي كمان الي بتعافر وتجازف عشانه كده، ورغم انه عمي مسافر من سنتين بس حبهم لسه زي ما هو وبزيد وبيكبر كل ما يكبرو، الله اكبر مبحسدش والله انا بحبها اوي اوعو تفهموني صح.

طلعت وبشرب كوبايه الشاي ومفيش غيره في دماغى ، نظرته الي كانت كلها امل والي اختفت في لمحه وحده لما بص لعيني ، ازاي ممكن اجرح حد يقولي انا مش هرغمك علي حاجه رغم اني امله الوحيد بعد حوالي 10 سنين، هو ده اصلا انسان عاقل!

هو ميدخلش العقل و تفكير بس، هو يدخل القلب وتنفس كمان.

وبعد ما خلاص دماغي هنجت، روحت صليت استخاره ودعيت وقولت يا رب لو خير هساعده يا رب من قلبي ولو شر اكون ثابته علي موقفي، لو.... انيييي عايزه اساااعده مليش دعوه!

اليوم التالي...

رشا: يا بنتي شغل اضافي اي الي بتكلمي عليه، هو انتي عايزه تجلطيني!

ورد: طيب اعمل اي، الشغل عايز كده، وهرجع بدري علي قد مقدر بوعدك والله

رشا: تمام يا ورد بس خدي بالك من نفسك وهوصي وائل يرجعك في طريقه

ورد: لاء لاء! بصي صحبتي نرمين عندها عربيه هتوصلني في طريقها لاننا هنرجع سوي في نفس المعاد

رشا: طيب الي يريحك بس حذاري يا ورد تقفلي التلفون والله اموتك

ورد: حاضر والله متقلقيش، اتفقنا

رشا:....

ورد: يا مامااا اتفقنا

رشا: هو عادي تسيبي الشغل طيب؟ في غيره كتير

ورد: الطم علي وشي!

قولتلها كده وبقول اهلاااا عمو كدب، من زمان مشفتكش والله، بس نرمين صحبتي عندها عربيه والله وحمره كمان وعيني فيها من يوم ماجبتها عشان كده صلحتها اربع مرات وشكرا.

هو انا اسلك اليومين دول وبعدها اقلها جامد جموده بقي.

في فله اكرم...

اكرم بغضب: انت مجنون!

حمزه: يا حج متزعقش طاا

اكرم: حمزه هكسر شاشه التلفزون دي علي دماغك وربنا، اي سبتها تمشي دي

حمزه: حج اكرم افهم بس، انا مش هرغم حد يكون جمبي، هي مش عايزه وانا مش هضغط عليها، لسه فرص جايه كتير اكيد.

اكرم: يبني انت عايز تجبلي الضغط، هو بمزاجك او بمزاجها اصلا ده انا هموتك بيدي والله

حمزه: واحد يقلي السكر وتاني الضغط وانا عندي القولون ووزاره الصحه بتشتكي منا اصلا

اكرم: حمزه انا مبهزرش

حمزه: عشان خاطري يا بابا متضغطش عليا، سبني اقرر انا واي حاجه هتحصل انا متقبلها، معدتش تفرق اصلا

اكرم: لو عايزني اجبهالك ركعه لحد عندك هجبها، عائلتها كلها هتكون هنا قدامك ومش هتقدر تتنفس بوعدك

حمزه: احنا بنعمل كده برضه يا حج؟

اكرم: يبني اسيب فرصه زي دي الضيع ازاي و بعد السنين دي كلها واخيرا هفرح، انت عارف انا ممكن اعمل عشانك اي صح

حمزه: عارف والله، بس ممكن نقغل الموضوع دلوقتي لاني تعبت

اكرم: حاضر يبني

حمزه: ابعتلي الورق علي الايميل.

"بعد الشغل"

ترن ترن ترن ترن

اكرم: الو مين

ورد: اعموو ، طب والله ليك وحشه

اكرم:؟؟

يتبع..

Rahma Ayman.

رواية سجين الوحده الفصل الرابع

الوحده ❤ 4

ترن ترن ترن ترن

اكرم: الو مين

ورد: اعموو ، طب والله ليك وحشه

اكرم:؟؟

ورد: عمو انت معايا

اكرم: ورد صح؟

ورد: اي ده يا عمو، ذاكره حديديه متكلفه

اكرم: عايزه اي يا بت انجزي

ورد: بت! هييح كنت عايزك تجيب عربيه توصلني لبيتك بس شكلي كده هغير راي

اكرم: لاء راي اي الي يتغير، 5 دقايق وتكون عنك يا ست البنات

ورد: ايوا كده، وكنت عايزه اخدها لفه اجيب كريب بالله ها

اكرم: تجيبي اي؟!

ورد: كريب كريب الي هو القرطاس ده عرفه

تقريبا كده والله اعلم اتقفل في وشي وتشتمت بس مش مشكله والله لجيب كريب والي عايز يجوعني يفرجني.

اكرم: انتي فعلا جبتي كريب؟

ورد: اها بالفراخ، متقلقش عملت حسابك

اكرم بضحك: ده انتي مشكله

ورد: علفكره هتاكله ده ب30 جنيه هنهزر وكم...

"ينظر لها ببتسامه ويضع يده مشبكه امامه بجديه ويتحدث بفضول"

اكرم: بتعملى اي هنا يا ورد

ورد: امم قررت ازركو كتير الايام الجايه دي عادي؟

اكرم بفرحه: بجد! هتساعدي

ورد: هساعده بس انا عايزه من حضرتك انك تفهمني كل حاجه عن مرضه ده، اي الاعراض و ازاي انسان يكون عنده حساسيه من البشر مثلا ولي انا لاء وممكن اساعده ازاي وكده؟

اكرم: بعدين هفهمك كل حاجه المهم تروحي دلوقتي وتشوفي وترجعي الامل لي تاني وانك هتساعديه يا بنتي

ورد: حاضر يا عمو هقوم دلوقتي

اكرم بمسك يدها بمتنان: بصي يا ورد، حمزه مش ابني بس، هو ثرواتي كلها ثروتي العائليه والمهنيه والماديه، هو كل حاجه ليا والي بقيلي في الدنيا دي وانا مستعد لاي عوض او اي حاجه تطلبيها مقابل لده، عشان خاطري يا بنتي أقفي جمبه لانه محتاج حد جمبه غيري لو سمحتي.

حسيت بقشعريره في جسمى كلو وهو بتكلم وعيونه كلها امل وفرحه علي حزن علي حب ابوي بالفطره، هو انا اقدر ارفض طلب زي ده والله لو فيها حياتي كلها؟!

ماما قالتلي قبل كده انه الضنى غالي يا ورد، بنحبه يكون ناجح وفرحان ونحب نشوفهم اهم واحسن حاجه في الدنيا، لما ناصر اخويا كان بزعق وبيشتم و يقلها اسوء الكلام واقلها انتي ازاي ساكته كده انا لو مكانك اتبره منه، هو انسان غبي! لي ديما مديقه وزعلانه بسببه فترد وفي كسره في عنيها، لما تخلفي هتعرفي الشعور ده

وفي الحالتين ده ابن وده ابن، لكن الاول غير بار وتاني عاجز انه حتي يترمي في حضن ابوه ويخس بسنده ، غريبه الحياه دي وامتحانتها مهلكه وصعبه والقدر احيانا بحول حياتك كلها في لمح البصر وانت ما عليك غير انك تتاقلم علي كل الي راح وكل الي جي.

ورد: هاخد ده ليه

اكرم: لاء لاء انتي عايزه تموتي!

ورد: اموته

اكرم: سيبي وروحي وانتي مع الوقت هتفهمي.

مشيت في الڤيلا الحلزونيه والمارات اللولبيه للمره التالته اهو وانا مصعوقه ومتفاجأه ولسه تايها زي ما انا ، هو احنا فين يجدع، ده ول ڤيله نجيب سويرس بس علي اديق سيكا، انا عايزه اروح كفايه كده.

وبعدها قولت لواحد من الحراس هدخل انا افجأه ومتقولوش وكده وعملت فيها بابا نويل

وياريتني ما فتحت بئي!

لقيته قاعد علي الكنبه بتشرت احمر عليه سبونج بوب وبيقرأ في كتاب ومتربع كده جوه نفسه وشعره جي علي عينيه ومنكوش

هو عادي لو قولت احيه صح عادي عادي!

واول ما شافني ابتسم وعينه لمعت زي كل مره، ولاه هحبك يلا اقسم بالله متثبتنيش.

حمزه بفرحه: ورد! جيتي ازاي كده

ورد: جيت علي رجلي عادي

حمزه: لاء فيكي الخير والله

ورد: ههه بتعمل اي

حمزه: بقرأ و....، ورد انتي موجوده بجد!

ابتسمت علي رفعه حاجبه وهو بقلها، احيانا بعد سنين بتقضيها في وهم، في حياه عايشها لوحدك، في عالم تاني غير عالم البشر وناس والخلطه والاحتكاك بستغراب ازاي متجاننش! او دخل مرحله الا وعي او الاكتئاب ازاي قدر يحارب كل الوقت ده، وازاي بقدر يطلع ابتسامه او ضحكه متقدريش تقاوميها مهما كان سنك وعيون لو غوصتي فيها هتنزلي علي شوشتك ومش هتلقي قشه حتي اطلعك لفوق.

حمزه بتحرك قليلا: تعالي اقعدي هنا

ورد باتباك: هو..... انا هنا كويسه

حمزه: ههه ورد تعالي اقعدي هنا، متقلقيش مش ه لمسك

ورد: مش هتمسك ايدي صح

حمزه: لاء

ورد: اخر كلام

حمزه: هقوم انا اقعد جمبك وساعتها همسكها بجد وانتي حره بقي

ورد: لاء وعلي اي قايمه.

اتكلمنا كتير وكان معظم الاسئله عني رغم انه هو الي مفروض يتكلم كتير لكن هو الي كان بسال وبلهفه متقدرش تخليكي ترفضي اي سؤال يتوجه ليكي وتجوبي بكل فرحه وبشغف وكانك بتحولي تختصري بس الكلمات ديما بتنقي صاحبها الي بترتاح معاه بكلام وطلع ببزخ واستفاضه قدامه وكانها بتقول كل حرف في كلمه وكل كلمه في سطر، انت عملت اي عشان اقلك كل ده عن حياتي يومها وانا اصلا ملكه الكتمان.

سال علي اني بشتغل اي وفي سنه كام ومين عالتي ومعرفش لي مقلتلوش اني مخطوبه

يترى هكون برتكب غلطه ادفع عليها تمن بعدين، بعدها قولت هقولو مع الوقت احسن وركزت في الكلامم الي بقولو ونسيت اسمي مش اني مخطوبه ول لاء بس .

حمزه: طيب وباباكي متكلمتيش عليه، انتي واختك شهد ومامتك بس، فين باباكي

ورد: بابا توفي هو وناصر اخويا وهما رايحين عمره وهما في طريق الراجعه عملو حادثه ومعرفناش حتي نودعهم

كان سنه لاء شهر لاء يوم ليعلم بي الي ربنا بجد، وماما اتصدمت وخدناها العنايا المركزه وتحول معاها لجلطه في العصب ودلوقتي قاعده علي كرسي متحرك من يومها

حمزه باسف: انا بعتذر جدا منك فتحت عليكي جروح قديمه، لو كنت اعرف مكنتش هسال ابدا

ورد: متقلقش، كانت فتره وعدت.

حمزه: (ستيفاني ماير) قال Death is not the opposite of life, but a part of it، انتو ادعلهم هما اكيد في مكان احسن.

ورد: وانت احكيلي عن نفسك شويه

حمزه: امم انا يستي حمزه اكرم، بشتغل مع بابا في اداره الاعمال ولانه ده حصلي وانا صغير جدا وانعزلت فتره كويسه بقيت Witty businessman جدا في المجال بتاعي وبعدين هفهمك هو اي بظبط، امم بس كده

ورد: بس كده!

حمزه: مفيش حاجه جديده عملتها من وقتها.

ورد: ولما تخرج

حمزه: مبخرجش

ورد: وصاحبك حد بتكلم معاه وكده

حمزه: معنديش صحاب

ورد: اومال عايش بتعمل اي

حمزه: انا اكتر واحد ممكن تعرفيه بعمل حاجات كتير، انا بعمل كل حاجه تقرييا، ومع الوقت هتعرفي وهتنبهري اكيد بالانجازات بتاعتي.

ورد: مبسوط؟ ، فرحان بالانجازات دي

حمزه:.... .

وقفنا يومها علي الحته دى ، لما اتفتح الباب في الوقت الي حددنا لزياره مع بعض انا وهو، كنت صريحه معاه وانه اهلي ميعرفوش وكان عايز يجي معايا يشرحلهم عشان يطب ساكت مني والبس انا عم اكرم، بس الحمد لله قعدتو بزوق وفهمته اني ممكن اتعلق علي الباب بعدها فوافق وتفق معايا اقلهم قريب وانه معملش حاجه من ورا اهلي لانه ده حرام وعليه شويه كلام وامثال ول عالم الجلوجيا ، غزير اوي بعلمومات كتير بقلها وبتعلمك حاجه لدقتها، ما عليكي غير تسمعي وبس وكل كلمه بحساب، كارزمتك اوي في التعبير عن رائيه، قاعدت معاه حوالي 3 ساعات، حسيتهم 3 دقايق.

اتوقع اني مش هنام انهرده بسببك روح منك لله.

شهد: ابشر

ورد: بتقولي حاجه؟

شهد: مكتب وكوبايه شاي بنعناع بقرنفل يا مقرفه وابتسامه كده وسرحان وكتاب "كادولي" لحنان لاشين يبقي في حاجه غلط

ورد : لي دماغك شمال كده طيب ده انتي بومه صحيح

شهد: ورد متصعيش عليا ومتخبيش عني حاجه بالله عليكي، كلو تمام صح

ورد: يستا رواق والله، كلو تمام بكره اول يوم صح في الجامعه وكده

شهد: اها، وائل هيروح معايا انا مش انتي المرادي

ورد: خليها عليا يختي، بس كل حاجه بحسابها ايدك علي 200 جنيه

شهد: تعالي اما اقلك حاجه في ودنك

ورد: يستا متكنش قفوش خلاث.

ترن ترن ترن ترن.

شهد: ييييي هيبدا المحن وانا عايزه انام

ورد: جيبي التلفون يا خنزيره عشان هزعلك

شهد: خدي يختي، هقوم ادخل الحمام واشوف امك محتاجه حاجه واجي، بطلو رغي بسرعه عشان اجي اتخمد

ورد: طيب بزمتك عمرك شوفتينا بنتكلم اكتر من ربع ساعه

شهد: صراحه لاء

ورد: يبقي اكتمي.

_______

وائل: الو يا ورد

ورد: اهلا يا وائل

وائل: عملتي اي انهرده

ورد: روحت الشغل وجيت

وائل: امم وانا كمان

ورد: امم واخبار عالتك اي

وائل: ماما بتسلم عليكي وبتقلك كلميها قريب عشان وحشتيها

ورد: تمام هبقي اكلمها اكيد

وائل:.....

ورد:.....

وائل: طيب انا ورايه تصحيح يا ورود، هرن عليكي بكره بقي اطمن وصلتي ول لاء

ورد: ماشي يا وائل سلام

هو عادي لو كان مكالمتك مع خطيبك كده مثلا!؟

عارفه اني انا الي حطه الحدود دي، عرفه كمان اني مدمره علاقتنا بسلوبي معاه وكل ما يحاول يتكلم اهرب منه ومن اي حاجه يقلها ليا بس قلبي مش عارف ينبضله

هو صديق واخ وجار جدع ويتمني اي حد، بس لو مكانة شخص تحولت لمكانه تانيه عمرك ما تخيلتها ابدا بتحس انك عاجز انك تفهم نفسك او مشاعرك حتي.

اليوم التالي....

يتبع...

ليا مشجعين ❤

Rahma Ayman

رواية سجين الوحده الفصل الخامس

الوحده ❤ 5

اليوم التالي...

ورد بستعجال: عايزه حاجه يا ست الكل

رشا: ورد ا....

ورد: اوعي تقفلي التلفون فاهمه ورجعي بدري عشان مبعرفش انام وهموت واعرف مين الي بتشخر دي والواحد بيسمع صوتها من حوالي 7 كيلو كده من اوضته

رشا: احم طيب في حفظ الله يحبيبتي

ورد: ههه يا روشه يا عسل انتي طب والله بحبك، يلا سلام

رشا بحدف الشبشب: ريحه فين يا بنت... انا بشخر!

ورد بزعل مصتنع: طب... طب ينفع كده طا

رشا: هحدف التاني

ورد: خلاص يا ستي س س سلام

رشا: "اللهم ما صبر يا رب"

___________

"اثناء المشي علي السلم تفتح دعاء باب منزلها بلهفه "

دعاء: ورد ورد

ورد: صباااحو، دقيقه جايه

دعاء: عملتي ايه يا بت معرفتش انام امبارح من الفضول

ورد: ابغي اقلك انه جامد اوي اوي بس استحي

دعاء: ههه لاء واضح

ورد: عليه ضحكه بنت جامده زيه كده

دعاء: مفيش تغفيله كده ول كده، اي صوره طيب ايميله، اسمه، روحي منك لله

ورد: اهدي يا ولايه مش كده وكمان انتي بدليني علي الفساد وهقول لامي علفكره

دعاء: شكلك واحشك الشبشب مش كده

ورد: لاء وعلي اي سلامووز اوي

دعاء: ابقي عدي عليا يا بت عشان نتكلم

ورد: حااضر.

______________

في فله اكرم...

دخلت وقتها علي اوضته علطول لان عمو في الشغل ولاني خلاص بقيت صحبه البيت وليا مكانه كده والواحد حس انه لي قيمه في المجتمع بدل ما هو ملوش اي تلاتين لازمه كده.

حمزه بفرحه: جايه بدري انهرده

بقولو الاسود ملك الالون، بس نسيه يتكلمه عن جمال اللون الابيض واذا كان فعلا الاسود ملك الالون.. فالابيض الغابه الي بدوخ فيها الاسد ملك الحيونات وتكمله.

رغم جرئه الابيض رغم جمال طلته وهبته، كان اجمل واحلي واحد تشوفه عيني بيه.

"فهو لوحه فنيه استحت الالوان الاخري تلطيخه فيبقي كما هو بارز مثل شهابا يخترق السماء بهجتا للانفس"

هو كان بهجتي يومها، كان لون شبهك نقي وراقي كان لون يستحق اقف قدامه وكل أطرافى مهنجه ومقدرش انزل عيني من علي وسمتك ول اقدرت اشبع من ملحمك مهما كانت المده الي بصالك فيها

"ف يا فتي سحقا كم انت وسيم بلون الشهب والسحاب"

حمزه: ورد سمعاني

ورد: احم اه، خدت اجازه من الشغل انهرده

حمزه: طيب طلبت من حد يجهز ليكي لبس، ألبسي وتعالي ورايه

ورد: لبس؟

حمزه: هتفهمي جوه، يلا

____________

" تخرج شهد بزي كشميري فاتح علي طرحه بيضاء وتنظر للارض بخجل "

وائل بتريقه: يختي كبرت يختي اي الحلوه دي

شهد بجمود: علفكره انا كبيره من زمان انت الي مش فاهم ده

وائل: هتكونى ديما اختي الصغيره الي مربيها علي ايدي يا فصعونه، اركبي يلا

شهد بديق: وائل متقوليش فصعونه انا كبرت

وائل: خلاصو على قفلتك يا ناس

شهد: يوووه، والله هاخد تاكسى

وائل بمرح: ههه خلاص بهزر معاكي يا ست شهد، اركبي يلا

شهد: " واحد تلاجه اقسم بالله "

وائل: بتقولي حاجه

شهد: لاء ويلا عشان هتاخر علي اول يوم.

"غرفه حمزه"

خرج فعلا ودخل اوضه تانيه كده وجالي لبس زي الي لبسه بظبط، كان جاكت ابيض مع انه الجو نار

وتشرت تحته لونه ابيض بردك ورغم انه الحجاب جامد علي الالوان البيضه دي ول انه البنطلون كان ديق سيكا وعرفت بعدها انه مشفش بربع جنيه تربيه، واي الحلاوه والطعامه والانقاقه الي انا فيها دي

ده انا غلبت جورجينا يا جدع، اني اسف دي مينفعش نقارن بيها حد!

"تتحرك امام الغرفه الاخره فيظهر عليها الضوء وتصبح زرقاء وتفتح الابواب بمفردها وتدخل وهي في حاله زهول واستغراب"

ورد: اي يا عم ده! تلاجه مش كده، الجو تلج هنا؟... انتو بتسرقو الفلوس دي من انهى بنك يلا .!

حمزه ببتسامه: شكلك حلو بالابيض، طلع مظبوط عليكي

ورد: البنطلون ديق

حمزه: ههه صبرني يا رب

اقلكو انا شوفت اي، لاء مش هقول لاني مش هعرف اوصف الجمدان ده باي لفظ، هما خرجو من مسلسل مَلكي متحضر ول اي.

ورد: مش قادره هموت

حمزه: اضربي كويس لاني لو خسرت الجيم ده كمان هزعلك

ورد: يا عم اقعد بالنضاره الي وكله نص وشك ده

حمزه: اضربي عليه هنموووت الله يخربيتك

ورد: الحقني بقرب علينا والله ظاهر قدامي حقيقي اهو

حمزه بتريقه: متقلقيش هو صحبي اصلا ولما بنخلص لعب بيطلع عادي

ورد: احلف! بجد ول بتهزر!

حمزه: ههه اقلعي النضاره يا ورد ورحميني ونبي

ورد: اي ده! والله كان قدامي

حمزه: ورد ده جهاز بنستخدم فيه الصوره والدقه ثلاثيه الابعاد، بتلبسي النضاره بتشوفي قدامك بظبط فهمه يا دماغ بخاخه

ورد: انا دموغ بخاخه ياض! ده انت حلوف صحيح

حمزه: حلوف؟ ، يعني اي

ورد: لاء انت لسه صغير علي الحاجات دي لما تكبر هقلك

حمزه ببرائه : لاء يا ورد قوليلي دلوقتي ونبي، ورد خدي قوليلي، ورد عشان خاطري ها، طب ابحث في جوجل عنها ازاي، بت

...............

حمزه: اوعي تكسري العربيه، الالعاب دي كوم والعربيات دي اغلي من حياتك كلها فهمه

ورد: يبني العربيات دي لعبتي، هبهرك متقلقش

حمزه بفرحه: طيب الحمد لله طمنتيني

بعد فتره...

ورد: خلاص بقي متزعلش كده دي لعبه

حمزه: ابعدي عنى لنط في بطنك، اسكتي

ورد: فيها اي لو عملت هوبااا زي روبي كده وحدفتها في الحيطه وتكسرت، مش بدل ما تقولي حصلك حاجه وانتي كويسه عشان انا الي كنت ركبه وممكن اتكسر بدلها

حمزه: ياريتك اتكسرتي بدلها وهي لاء

ورد: ايوا فدايه طبعا شك.... اي!

حمزه: دى عربتي المفضله، وقال هبهرك، انا عرفت هتبهريني ازاي مش هلعب معاكي تاني

ورد: والله غصب عني، خد الباب ده مني طيب الزقه في عربيه تانيه مكسوره او حاجه ستبن

حمزه بصوت طفولي مازح: اااه يني يمرارتي ، العربيه ماتت يا بابا والله لخلي يحبسك وامشي من وشي يلا

ورد: والباب اسيبه ول ادني مسكه زي الشنطه كده

حمزه:...

ورد: خد طيب متقفشش زي البطه البلدي كده ، ولاه

................

ورد بتريقه : يلا يا فاشل

حمزه بتوتر: ازاي طلعتي انا متاكد من موقعه

ورد: الشطرنج ليها ناسها يابا

حمزه: بقالي 3 سنين بلعبها ضد الكمبيوتر وديما كنت بفوز ازاي حصل كده!

ورد: عشان تعرف اني جامد بس مبحبش اتكلم عن نفسي كاااااتير واخد بالك انت

حمزه: بقلك مره واحده فازت في لعبه واحده بتتنك علينا اومال لو فوزتي من اول اليوم كنتي عملتي اي فينا!

ورد: كنت لبست ليك النضاره كده واقلك ها اي تاني؟ بس طبعا مستحيل الكلام ده لاني ممسوح بيا البلاط من الصبح وشكرا.

حمزه: طيب متفوزيني واديكي 100 جنيه

ورد: كااش ملك يابشا

حمزه: 500 جنيه

ورد: قفلهم الف واعلن رسميا فوزك في جميع الالعاب

حمزه بمصافحه يدها بضحك: موافق ههه

ورد : الف مبروك يابشا ههه

حرفيا م بطلناش لعب او ضحك من صبحك، انهرده كان ن اسعد الايام في حياتي بجد.، اتنهدنا سوي كده واحنا بنسند علي الكنبه من التعب، وكأننا كنا بنحارب في الالومبيات، بس حقيقي كان يوم قمر.

"يعتدل حمزه من مجلسه وينظر لها ببتسامه ويبدا بتحدث"

حمزه: شكرا يا ورد

ورد برهاق: علي اي

حمزه: علي حلم قدرتي تحققي ليا!

معرفش لي بيقطعو ديما اللحظات المهمه ويدخلو في وقت غير مناسب، ول هو رخامه وخلاص، يخربيت الاستركس الي في عينيك وانت بصصلي يخي .

الحارس: الاكل يا حمزه بيه

حمزه: دخلو.

لقيت طبق شوربه خضار وشويه سلطه وعصير وحاجات كده كلها مفيده وده اكتر شيئ بيقلب المواجع عندي، اي الي بتاكله ده معلش؟!

ورد: هو اي ده؟

حمزه: الغداء، عملت حسابك تعالي

ورد: لي عندي سخنيه ول اي، تعرف مكلتش شوربه خضار من امتي من يوم ما امي عملتها لتاتا من عشرين سنه كده، ولاه انت طري وني وتخدعت فيك ول اي

حمزه: طري وني!

ورد: متركزش في كل كلمه بقلها ، اي الاكل ده بس الاول؟

حمزه: مبعرفش اكل غيرو لاني بتعب، اي خدمه تانيه

ورد: اه

حمزه: خير

ورد: جبلي شويه رز وبطاطس شالله تنستر.

معرفش مشيت امتي ول الساعه كام ول كنت بعمل اي غير اني حسه اني بخرج من عالم لعالم تاني خالص، عالم واقعي وعالم افتراضي، عالم في كلو الخيال، وعالم في واقع مر لازم اتقبله، هو بشر زينا بجد.

شهد: احم احم

ورد: خير يا وجه البرص

شهد: خير انتي يا شاديه، عبد الحليم غطى علينا ول اي

ورد: هكلك كف

شهد: خلاص اني اسف، مش هتقوليلي بقي في اي

ورد : تؤ بعدين، عملتي اي اول يوم صح اشجيني

شهد: مفيش ياختي، قبلت صحبتي وكان الجو حر و....

بقيت بستني النهار يجي بسرعه ، بحس الليل معاندني ومش راضي يعدي ول حتي راضي يخليني انام

واذا نمت بحلم بيه واذا كنت صاحيه بفكر فيه، هو انا شكلي هقع في ول اي ده تاني يوم! نهار ابيض؟!

بعد يومين... في الشغل.

ورد: ونت خد ده علي الفرع اليمين وانا شمال ونتقابل وواحد فينا يخدهم يبعتهم لحساب الشركه

احمد: طيب تمام ونبقي....

ترن ترن ترن

ورد: دقيقه يا احمد، الو

حمزه: استعدي هعدي عليكي

ورد: صوت ده مش غريب عليا... حمزه!

حمزه: هستناكي بره شغلك متتاخريش

ورد: لي؟ في حاجه ول اي!

حمزه: هعرفك بحد مهم.

يتبع....

Rahma Ayman

ليا مشجعين ❤

رواية سجين الوحده الفصل السادس

الوحده ❤ 6

ورد: لي؟ في حاجه ول اي!

حمزه: هعرفك بحد مهم.

ورد: طيب جيه يلا

روحت علي المكان الي بتوصلني منه العربيه كالعاده بعيد عن الشركه، شوفت عربيات كتشيير اوي مرصوصين ورا بعض وقاعد في عربيه قد المصنع بتاعنا مثلا؟

نعم عايز اي!

حمزه: وصلتي.

ورد: اي العربيات الكتير دي، انت عامل دوشه لي؟

حمزه: دوشه!، المهم ها المهم هما اتنين عشان لو حصلي حاجه اتنقل المسشفي علطول، احتياطي يعني لزياده الامان

ورد: يا كبد امك يبني!

حمزه بتنهيد: اركبي يا ورد، اركبي لشتمك.

كانت عربيه اطول واعرض من بيتنا، ونضيفه كده حاجه تفتح النفس، كان باقي بس تلاجه فيها وخدرهم كلهم واهرب بيها واعيش بقي.

لاء ومش كده وبس، فيها كنبه عرفين الكنبه!

حمزه: انتي بتشتغلي اي

ورد: في مصنع ملابس

حمزه: تجاره يعنى ول تصميم

ورد: والله يا عسل بوصل البضاعه للمحلات واخد منهم نسبتي والباقي ابعته ل بنك الشركه وشكرا علي كده

حمزه: تسويق، اسمها تسويق

ورد: ما علينا هو انا هتجوزهم

حمزه بتنهيد: والله انا الي هيتجاب اجلي بس!

قال الجمله دي وبص قدامه كده من غير اي حرف زياده ، كان لابس ماسك ابيض، معرفش مالك انت ومال الون القمر ده ومالي انا كمان بحلوتك دي هييح عليه طله تخطف القلب، عليه شعر لو كان الشعره الوحده منه بفلوس، هيبقي مليونير

بحب ارموشه وعينيه والماسك الي لما يلبسه ده مع القفازات المحببه لقلبي بتزيده وسامه وجبروت.

غض البصر يا ورد، غض البصر يا حيوانه!

حمزه: وصلنا اخرجي

ورد: تعرف انه الكنبة دي مريحه اكتر من سريري

حمزه بضحك: قومي يا هبله

ورد: تبيعهالي بكام طيب؟

حمزه: هتشل اقسم بالله

ورد: خلاص قايمه متزوقش

" امام االمبني "

ورد بخفوت: يلا ندخل

حمزه: استني اما ارن عليه

ورد: ايوا معاك حق، مينفعش نزور حد في بيته بردو من غير اذن، مجبتش ساقع وفاكهه ليه يا قليل الزوق

حمزه: لاء ما انا هديله 200 جنيه في ايده اريح

ورد بضحك: ما اتنقطني معاه، فرح ابن جد اختي كان امبارح تخيل!

"يضحكون معا بمرح"

ترن ترن ترن

مراد: ها يا حمزه وصلت

حمزه: امم انا تحت، اعمل الازم

مراد: تمام استنى خمس دقايق.

اول ما كلّمه ، العماره كلها كانت بتتحرك ول كأنه في زلازل، والممرضات قامو من علي مكتبهم، والدكاتره كلها قفلت الباب، غريب اوي الود حمزه ده، تحسه الارض و الشمس والقمر ونجوم وكل المجسمات بتجري حوليه، وهو ثابت مكانه مبيتحركش.

ورد: هو اي ده؟!

حمزه بمسك يدها: تعالي هفهمك

ركزت في الطريق وانا ماشيه تؤ تؤ

ركزت في ايدي الي في جونتي لونه ابيض قمر.. حصل

ولاه ايدي يلا!

ورد بخضه: اي يا عم ده، المكان فاضي كده لي؟ ده انا سمعه صدى الصوت بتاعي.

حمزه: بدال انا جيت يبقي المكان كلو يفضى والمريض نفسه لازم يمشي ويجي بعدين والمكان بيتقفل عبال ما خلص جلستي.

ورد: والي تعبان اوي ولازم يكشف دلوقتي؟

حمزه: بيدخل الاوضه جوه مع الدكتور عبال ما يخلص الحاله الي قبله

ورد: بتحس بأيه لما يحصل ده؟

حمزه بنظر لها: اتعودت علي الامكان الفاضيه، لان المليانه بتتعبني، كان شعور انه كلو بيجري لما يشوفني بحسسني بالعجز رغم اني انا الي طلبت ده، بس تفتكري في حد بموت نفسه بأيده؟

ورد:....

كان بقول كده وصوته مخنوق، كان بيحاول يتمالك نفسه والي لبسه مساعده علي ده وخافي اللمعه الي ظهرت في عيونه و مخلي ميقدرش يبين اي حاجه جواه.

الوحده صعبه، بس في فرق بين انك تقلها وانت جمبك صحاب واهل وناس عابره في حياتك بتمر، وفي فرق بين انك تكون قايلها وقاصدها بالمعني الحرفي، وهو عايش فعلا الوحده بالمعني الحرفي.

حمزه: وصلنا يلا ندخل

ورد: حمزه

حمزه: امم

ورد: ايدي

حمزه باحراج: اسف جدا

ورد: لاء ول يهمك.

"في الغرفه"

مراد : اهلا بأخره صبري

حمزه: باشا مصر، وانا اقول المكان مضلم لي

مراد بضحك: وحشني رخامتك والله، بقالك 6 شهور مزورتنيش

ورد: اصلو متوحد بعيد عنك

حمزه: ملكيش دعوه يا به

ورد: نينيني

مراد: اي مش هتعرفنا مين الي واقفه جم.... !!!!!

ورد: يعنيني ده تصدم

حمزه: اي رئيك؟

مراد: هي فعلا واقفه جمبك وجسمك مرفضهاش! مستحيل!

ورد: "جسمه مرفضنيش؟!"

حمزه: والله ما عارف ده حصل ازاي ول امتي.

مراد ببتسامه: طيب ممكن تكون تعلجت، انا هقرب منك ونشوف اتفقنا

حمزه برجوع للخلف:.....

مراد بهدوء ليطمأنه: هنجرب بس ها واول ما تحس انك خلاص مش قادر قولي

حمزه:...

مراد: اتفقنا

حمزه: تمام

مراد: يلا نبدا.

كان متوتر بطريقه غير طبيعيه، كانه طفل بيكره الحقن قد عينيه وخايف منها، بس هو في حد يخاف حد يقرب منه عشانه انسان مش اكتر!

قرب الدكتور منه ومسك ايده وشوفت قدامي شخص معرفوش، شخص ملتهب وبشع حراره

مظهرش حاجه علي وشه غير شويه عرق نبته علي قورته

واول ما قلع القفازات كانت كلها حساسيه وحبوب وحمره وعرفت انه جسمه كلو بكون زي ايده كده!

وكان جسمه وحَش رافض اي كائن يقرب منه واذا حد قرب فعلا يموت نفسه بنفسه، كنت قلقانه عليه، هما مكنوش بهزره بجد!

مراد: واضح انه هي بس فعلا الي جسمك متقبلها يا حمزه

حمزه: قلتلك.

مراد: انت كويس

حمزه:.....

تنهد بصعوبه وبص ليه بصه خطفت روحي، رغم كل الضعف الي ممكن يكون حاسس بيه، ضحك بشويه كبرياء ممزوجين بوجع وقال:

حمزه: احيانا الالم هو الراحه الابديه واحيانا تانيه بكون عون وصبر لثبوت الروح و قدره التحمل، متقلقش تمام.

قاعد بصعوبه بعد ما رش المكان كلو وعقمه ونضفه ول كانه بيت ابوه، واتكلمنا وهزارنا وطلع الدكتور مراد ده نكته علي ايهئه واحد في الاربيعنات، ول انه كبير سيكا ومتجوز وعنده تلات عيال مكنتش سبته من ايدي لاء.

بعدها طلب من حمزه يمشي بعد ما كتبله شويه مضادات وطلب مني اقعد شويه نتكلم.

ورد: في حاجه علي وشي؟

مراد: معرفش حصل كده ازاي، انتي هديه جات لي من السما يا ورد

ورد: عفوا مفهمتش!

مراد: انا عارف حمزه من حوالي 7 سنين، وبتحايل كبير من اكرم بيه كمان بعد ما راح لدكاتره كتير ومحدش قدر عليه.

كان عصبي وغامض وساكت معظم الوقت بنسبه لواحد في عمره.

حولت معاه علاج طبي واني اخلي يتكلم يفضفض مكنش بقول غير حاجات بسيطه خالص وبعالجه بنوم المغناطيسي كان ينام ويقول"ماما متسبنيش " ويصحي مفزوع زي كل مره.

حولت اكلمه الف مره يروح المستشفي يتعالج وانا هساعده وهقف جمبه ويعترض ويقولي مستحيل كلها بكتيريا انت عايز تموتني! وكمان مفهاش تعقيم غير انها كلها ناس ومبحبش اتحبس في اوضه انا وحتي لو روحت مش هيعرفه الحل.

انا حاولت اعمل المستحيل معاه وجبت ناس من بره يعالجه واتكلمنا ما تخصص امراض جلديه وبرضه مفيش فايده، لو تعرفي باي حاجه تساعدي يا ورد هكون ممنون ليكي جدا بجد.

ورد: بس انا مش دكتوره ول حتي بفهم في الحاجات دي

مراد: بدال جسمه متقبلك يبقي انتي تقدري تعملي حاجه احنا منقدرش نعملها،معرفش هتكون اي، بس عايزك تساعدينا وتقفي معايا عشان نقدر نعالجه تمام

ورد: هحاول علي قد ما اقدر

مراد بمتنان: شكرا يا انسه ورد جدا.

خرجت من هناك وكان قاعد في العربيه واول ما خد باله اني وصلت ابتسم زي كل مره، حد يقولو اني بيقدر يخطف قلبي ببساطه بسبب الابتسامه دي والله.

قعدت جمبه وبصيت لايده فخد باله وبصلي ببتسامه واتكلم.

حمزه: شكلها مؤذي للعين صح؟

ورد بتحريك رأسها بسلب: شكلها محتاجه شويه هواء وراحه مش اكتر

حمزه: ؟؟

ورد: تحب تروح معايا مكان؟

يتبع....

اني اتاخرت بس هعوضكو والله 🤎🌷

الشغف ميت اليومين دول بجد 🙂❤

ليا مشجعين❤

Rahma Ayman

رواية سجين الوحده الفصل السابع

الوحده ❤ 7

ورد: تحب تروح معايا مكان؟

حمزه: فين

ورد: سر

حمزه: مبعرفش امشي في اماكن زحمه

ورد: متقلقش عامله حسابي

حمزه:.....

ورد: هااا

حمزه: متاكده اني هكون كويس ومفيش حد هيقربلي

ورد: متقلقش مش هخليهم يتحرشو بيك حاضر

حمزه: بطلي رخامه

ورد: ما انت الي غريب الاه!

حمزه: متيجي نروح وخلاص؟

ورد بتنهيد: اه ياني، لف يا أسمك اي عشان الضغط ونبي.

___________

حمزه: في ناس اهي هناك!

ورد: حمزه متعصبنيش الله يستُرك، احنا قدام الكورنيش والناس الي اهي هناك، ف هما هناااك فعلا فسيبك من الوسوسه دي واستمتع

حمزه: انا معرفش اي الي خلاني اسمع كلمك اصلا، بالله تعالي ندخل العربيه، انا مش عايز حاجه

ورد: يبني هو انا خطفاك، بص اقعد علي الكرسي القمر ده وهروح اجيب حاجه واجي تمام، اهدا كده

حمزه: وكمان هتسبيني لوحدي!

ورد: هتشللل!

"اثناء جلوسهم"

ورد: ممكن كفايه توتر وتبص يمين وشمال انا معاك اهو

حمزه بنظر لها بخفه: انا مطمن طول ما انتي معايا

قلبي دق تلات دقات وحسيت باني دايخه كده وحبه وهقع فيه، كان وسيم اوي في نور والمايه والجو الي بطير شعره كده علي عنيه ويرفعه بهدوء، شعره الي جزبني لي من يوم ما عرفته اصلا.

وانا بتامل فيه كده بمنتهي الي مشفتش بربع جنيه تربيه سالته سوال لسه فكراه ناو.

ورد: انت يومها كنت بتعمل اي في الحفله وانت عارف انك بتتعب

حمزه: ساعة ما شوفتك في الحفله

ورد: امم

حمزه: يومها كنت رايح زياره لشركه، فواحد من هناك عزمني علي عيد ميلاد مراته وطبعا استغربت، هو ازاي يطلب طلب زي ده وعارف المرض بتاعي

فقالي انه هيكون سعيد جدا لو جيت وانه ديما شايفني لوحدي واخرج شويه وطبعا كان بكلمني وبنا حارسين ومتر تقريبا وقلقان جدا فمقدرتش ارفض طلبه

ورد: حتي لو كنت هتتعب اوي كده يومها!

حمزه: بابا رفض طبعا وقلى لاء ومترحش وبطل جنان وحاولت اطمنه واني واخد حراس وميقلقش وهكون كويس وبتاع وطبعا محصلش ده وخدتها دوخه لحد ما روحت اصلا

ورد: طيب ولي مقلتش لعماد لاء من الاول وخلاص

حمزه: اي الي عرفك ان اسمه عماد!

ورد: قول بس

"يصمت حمزه قليلا وينظر امامه بهدوء ويتحدث"

حمزه: ببساطه لانه خد باله اني لوحدي!

تعرفي يومها مكنتش خرجت من 5 شهور، كنت ممنوع من كل حاجه ول اصحاب ول حد بيتكلم معايا، كنت حاسس اني داخل في مرحله اكتئاب تاني وقولت انقذ نفسي قبلها

احساس الوحده ده صعب اوي يا ورد، مهما تكوني اتأقلمتي عليها، مهما حسيتي انها مريحه فقد اي ممله جدا كماز ، رغم انه يومي كلو مشغول، شغلي، هوياتي، العابي، غير النت والمسلسلات والكتب طبعا

بس تخيلي بتعملي ده لوحدك ل6 سنين علي توالي من غير حد جمبك غيرك انتي و دكتورك وباباكي بس.

ورد:.....

"ينظر لها بعيونه المبلله بدموع خاطفه تحاول الصمود"

حمزه: انا اسف، ديقتك صح

ورد"تحرك راسها بسلب " متقلش كده تاني ، انا موجوده اتكلم معايا في اي وقت و اقرفني اسئله وكلام وصدقني هسمعك ديما مهما حصل.

حمزه: شكرا يا ورد، انتي الوحيده الي بقدر اتكلم معاها وتشاركني كل حاجه، شكرا انك وقفتي جمبي

ورد: اي خدعه، واوعي تفتكر اني مش هطلع من الحوار ده بمصلحه، انا هخليك تشبرقني وخلصلك فلوسك كلها الي بتجمع فيها بقالك 6 سنين دي

حمزه بضحك: ماشي يا ستي بس خليكي عند وعدك

ورد: احم وعد اي، هو انا اعرفك يبني اصلا

حمزه: هههه دمك خفيف اوي علفكره

ورد: يبني انا اسمي الحقيقى نكوته

حمزه: بعد نكوته دي، انا مش عايز اعرفك تاني

ورد: يلا يا رخم

حمزه: امم وانتي، كنتي بتعملي اي هناك

ورد: عارف مراته بقي الي كانت الحفله دى عشانها

حمزه: ايوا

ورد بتريقه: انا هيهي

حمزه: نعم!

ورد: هههن بهزر يا عم، صحبتي نرمين نكدو، زميلتي في المصنع الي شغاله فيه

حمزه: اووف انتي مجننونه وربنا

ورد: مش هتاكل فشار معايا بقي وتبطل محن؟

حمزه: ابعدي عني بالكيس الي كلو بكتريا ده لزعلك

ورد: اولع يا حلوف.

كنت هموت ضحك وهو ماسك الرش ولابس الكمامه وكل ما اقرب الكيس منه براحه يبعد كده تلقائي ويرشني، وحرفيا سخسخت ضحك عليه، بحب خوفه وطلته وعيونه وبرفانه والماسك القمر الي بدوخ لما بلبسه ده

بكون شبه جون كوك اوي بي، احم لاء جون كوك احلي طبعا اني اسف.

____________

"يوم الجمعه"

شهد بفتح الباب: مين؟

وائل: افتحي يا شهد

شهد بخجل: اهلا يا وائل

وائل: ازيك يا شهود

شهد: حلوه الحمد لله

وائل: ورد هنا

شهد: اه هنا

وائل: طيب فاضيه

شهد: انت بتستأذن يا وائل، تعالي البيت بيتك

رشا: مين ي شهد

شهد: ده وائل يا ماما

رشا: تعالي يبني نهار ابيض! موقفه بره يا شهد

شهد: هو...

وائل: لاء يا ماما عادي والله انا كنت بشوف ورد هنا ول لاء بس

رشا: موجوده يبني تفضل، وانتي يا شهد روحي قليلها وخليها تلبس حاجه شيك كده وتخرج بدل لبس المهرج الي هي لبسه ده

وائل بضحك: متقلقيش هى ورد طول عمرها كده اصلا

________

حمزه: يعني خلاص مش هتيجي انهارده.

ورد: انهارده اجازه ولازم اقعد مع العيله وكمان معنديش حجه اقولها اطلع بيها

حمزه بحزن: يعني هقعد لوحدي من غيرك صداعك

ورد: انا صداع يا....

"تفتح شهد الباب فتنظر ورد لها بضطراب وتنزل الهاتف"

شهد: ورد

ورد بتوتر: اي يا شهد في حد يدخل من غير ما يخبط

شهد: وحيات امك

ورد: احم طيب خلاص بلاش قله ادب

شهد: ايوا كده اتعدلي

ورد برفع الهاتف: طيب انا لازم اقفل دلوقتي

حمزه: اختك دي عسل اوي

ورد: في حفظ الله، سلام

شهد: مين الي بكلمك؟

ورد: وانتي مال امك

شهد: طيب! والله لقولها

ورد: عايزه اي يا زفته

شهد: وائل بره

ورد: طيب يلا نطلع

شهد.: وامى بتمسي عليكي وبتقولك استنضفي والبسي حاجه عدله يا مهزقه

ورد: ده وائل يعني عادي، اطلعي بس يلا.

_________

في الصاله...

رشا: كلت يبني

وائل: اه يا ماما الحمد لله

رشا: مقلتش ليكي يا ست ورد لبس المهرج ده يتغير وبلاش فضايح قدام الناس

ورد: هل تعلمي ان البجامه المختلطه يعني بنطلون احمر علي تشرت برتقالي علي طرحه بيضه هو اوس الموضه

رشا: لاء اعرف انه اوس الحِزن علي دماغك، معرفش طلعه بيئه كده لمين، رغم انه امك كانت من البشوات زمان

ورد بتصفير: يا سيدي يا سيدي

وائل: هههه صفرتها احلي مني المرادي

رشا: بديقوني يا بت انتي وهو

وائل: نقدر يا ست الكل طب والله ما نقدر

ورد: ثبتها ثبتها

"يضحكون"

شهد: الشاي يا جماعه

وائل: تسلم ايدك يا شهد، احلي كوبايه شاي بشربها من ايدك احم بعد ورد طبعا

ورد: بعد اي بقي ها مخلاص

وائل: انتي اي حاجه من ايدك حلوه

ورد:....

رشا: طيب يا عيال، هندخل انا وشهد جوه، اقعدو مع بعض شويه بقي، يلا يا شهد.

___________

وائل: وحشتيني علفكره، بحاول اشوفك بقالي اسبوع ومبعرفش حتي بقيت بوصلك كل اربع ايام مره

ورد: الشغل بقي

وائل: بكره نتجوز ومخلكيش تشتغلي ابدا

ورد:.....

وائل: احكيلك عملت اي في الشغل

ورد: امم

وائل: كان المدير صعب و....

انا الي بعمله ده غلط كبير!

انا بفكر فيه ووائل قدامي وخطيبي!

مينفعش الي بعمله ده، انا بخونه ول بخون نفسي ول قلبي الي حاسس كلامه تقيل عليه عن اي مره بيتكلم فيها

لي حسه انه نقصني حاجه عشان مشفتوش انهارده، يا رب بقي.

رشا: بطلي ترقبيهم وانتي مولعه نار كده، قلبه بيحبها هي يا شهد مش انتي.

شهد بتوتر: انا!

يتبع....

تعذروني شويه اجدعان، انا بحاول انزل يوميا غير اني في ثانويه بردك، والوقت قد السمسمه وبنام كتشير اوي، فدعولي وصبرو عليا سيكا باليز 🙂😂♥

Rahma Ayman

رواية سجين الوحده الفصل الثامن

الوحده ❤ 8

رشا: بطلي ترقبيهم وانتي مولعه نار كده، قلبه بيحبها هي يا شهد مش انتي.

شهد بتوتر: انا!

رشا: اومال خيالك

شهد: ماما انتي اكيد فهمه غلط، احم انا...

رشا: خدي بالك يا شهد، انا حذرتك وخلاص

شهد:.....

"تنظر الارض بحزن وتضم يدها بقله حيله"

رشا: نص ساعه كده وعمليلهم عصير

شهد: حاضر.

_________

وائل: وجبتلي قهوه معاها وهزارنا عبال ما الحصه بدات و مشيت هي عشان خلصت بدري يومها

ورد:.....

وائل: ورد انتي معايا

ورد: اه معاك كمل

وائل: وخدت رقمي عشان تبقي تسالني عن الحصص

ورد: امم

وائل بديق: وانتي عملتي اي

ورد: روحت الشغل وشوفت نرمين، كانت مبوزه زي كل مره الفقريه و....

وائل: ورد انتي مش ملاحظه حاجه؟!

ورد: ملاحظه اي؟

وائل: انك مفروض تغيري مثلا، تديقي، تقولي ازاي تاخد منها القهوه، ازاي تاخد رقمك، اي سبنس مثلا

ورد: انت قولت انها زميلتك ف عادي يعني

وائل: انا سكت مره واتنين وتلاته بس كفايه كده بجد، انتي مختيش بالك ول مره انه علاقتنا بقيت اسوء مش احسن

حاسس انه احنا مش مخطوبين، مفيش كلام بينا بنقولو وفي ملل في علاقتنا، انا مش عايز يحصل ده بينا يا ورد فهماني.

قال الكلمتين دول وقلبي من جوه وجعني، حسيت بذنب مش قادره اوصفه ول اتغضي عنه، كانت عينه بصه في عيني بظبط وانا بلف بيها في البيت كلو وخايفه ابص لي ف دمع ومقدرش اسيطر علي نفسي وقتها، اعمل اي يا وائل ها!

ازاي افهمك اني بحبك بس مش نفس حبك ليا ول هقدر اعمل كده ابدا لانك هتكون اخ وصديق ليا وبس.

"يمسك يدها بهدوء فتتوتر وتحاول سحبها فيكتفها بيده الاخري"

وائل بهدوء: بعد بكره اجازه عندنا عشان عيد العمال، اي رئيك تستأذني من الشغل ونخرج، نشتري اي حاجه، نقعد مع بعض، نرجع زي الاول، وحشتيني اوي يا ورد، وحشني اهزرنا وكلامنا الكتير مع بعض، اي رئيك

ورد:....

وائل: وفقي عشان خاطري

ورد: ماشي يا وائل

وائل : اعتبره وعد

ورد بتوتر: هو... عايزه اقلك علي حاجه مهمه

وائل: امم

ورد: لما روحت الحفله انا....

شهد بتدخل: العصير يا جماعه

ورد: "يا دي النيله"

وائل: لاء عصير اي بس، انا اتاخرت جدا

شهد: ده عصير مانجا عارف يعني اي، يعني هيتشرب هيتشرب

"يضحك بهدوء ويترك يد ورد وياخذ رشفه منه"

وائل: تمام كده يا ستي ، ورد انا لازم امشي ابقي كمليلي لما نتقابل

ورد: "تحرك راسها بلايجاب"

وائل: خدي بالك من نفسك

شهد: المراره يدوبك وربنا شايفها بتجاهد في سبيل الله، م هي دخله تتخمد يا محن.

وائل: ملكيش دعوه يا فصعونه

شهد: متقوليش يا فصعونه تاني لحدفك بالعصير ده في وشك

وائل: طب فصعونه فصعونه فصعونه

شهد: يا رخممم! ، طب والله لكبه فوقك بقي

"يجرون خلف بعضهم بمرح وتبتسم ورد بهدوء عليهم وتسرح بخيالها بقلق"

دخلت الاوضه اتوضيت وصليت ركعتين زي كل مره بتعب فيها او بحتار او بحس اني متلغبطه، بلجأ لربنا

ركعتين ول هيقللو من يومك حاجه هتعشهم هما ل24 ساعه عادي جدا لكن فيهم دقيقتين غير طبعا الخمس فروض بتكون مطمن فيهم.

عرفت مع الوقت، انه صحاب سند ، والعيله دفه ، لكن ربنا بقي هو كل حاجه بالمعني الحرفي والكلامي والركعتين دول هما اهم حاجه فعلا لراحه القلب وهدوئه

يعني لما بابا توفي قدرت اتماسك بركعتين دول

لما نجحت في ثانوي وجبت المجموع الي متخيلتش يوم اجيبه ده، صليت ركعتين حمد وشكر لي

لما بفرح بصليهم ولما بتعب بصليهم ولما بحتار بصليهم ولما اخد قرار برضه بصليهم

حلو جدا فكره انك تفكر في ربنا قبل اي حد زي ما هو ديما فكرك.

"هو انا دلوقتي انام بالمهلبيه الي في دماغي دي واصحي اشوف الدنيا فيها اي جامد اوي اوي "

______________

حمزه: وحشتني يا حج

اكرم: عامل اي يا بطلي، راجع بكره الصبح ان شاء الله

حمزه: عارف، عملت اي في الصفقه

اكرم: وقعت معاهم يا سيدي وكانوا عايزين يشفوك شخصيا لما يجو الشركه، فهمتهم طبيعه مرضك لكن دماغهم ناشفه وعايزين يشوفه العبقري الصغير.

حمزه ببتسامه: فرحت انها نجحت

اكرم: ورد مجتش انهرده صح، مش سامع رغيها وصداعها

حمزه بضحك: انهارده اجازه يا سيدي ومجتش وصورتلي مكرونه معجنه كده قال بتغظني علي الوتس وكتبه تحتها بخط عريض كده

" خضار وsoup مينفعناش لاما دهون لاما بلاش "ههه

اكرم: ههه والله البت دي مشكله

حمزه: احلي مشكله عرفتها

اكرم بغمزه: بين انه شكوكي في مكانها؟

حمزه: ههه المهم بتعمل اي

اكرم: ههه تمام تمام اهرب، بكره ارجع وتفهمني كل الحوار، احكيلي انت عملت اي مع مراد وقلك علي اي حاجه جديده؟

اليوم التالي...

ورد بضحك: فينك يا راجل والله ليك وحشه

اكرم: متغيرتيش ولو شويه من يوم ما سبتك، وقّار ابني مطفحش عليكي ول حاجه

ورد: وقّار اه ههه ضحكتني، ابنك ده اعيل مني بس هو الي بيستعبط

اكرم: بيستعبط!.

ورد: احم ازيك يا حج عامل اي

ضحك كده وحرك راسه كده بقله حيله وانا صراحه مش عارفه اجبها منه ول من ابوه، ابو حيلوه كده وشنتل مان في نفسه اجدعان والله، طب براحه عليا طيب الاه.

اكرم : حمزه مستنيكي يا ست ورد اتفضلي

ورد: تمام انجووي

مشيت في الممر الي بفتكر فيه حياتي من يوم ما تولدت ده عبال ما يخلص وقلعت الخاتم حطيته في الشنطه كالعاده

ومن حظي يوم ما شفته كان في البيت، وبقول لنفسي بصي يا ورد يا بنت ام ورد، الموضوع ده يخلص دوقتي فهمه ول....

احم Orange! انا نقطه ضعفي اللون ال Orange

حمزه ببتسامه معتاده: ورد اتاخرتي لي قلقت عليكي

ورد: ها! ، اقصد لسه طلعه من الشغل

حمزه: تعالي انهارده هوريكي حاجه غاليه عليا اوي

ورد: اي دي

حمزه: تعالي هفهمك

ورد: حمزه

حمزه: نعم

ورد: متلبسش Orange تاني عشان بضعف

حمزه: نعم!

ورد: كنا بنقول اي بقي.

دخلنا علي مكتبه كبيره اوي، كانت في اوضه كبيره علي ارتفاع مهول من الكتب، مكتب في الوسط كده ب يطل علي الوجهه بتاعت الفله وشباك ازاز كده وضوء مريح للعين ظاهر منه، انت لو مبتحبش القراءه هتحبها عشان المنظره ده، حقيقي قمة روعه.

ورد: مش هتقولي بتغسلو الاموال فين طيب؟!

حمزه بضحك: ههه اسرار دوله معلش

ورد: والله لو ابوك وزير الدخليه ما هيكون معاكو الفلوس دي كلها، دي كلها مكتبه يا بن المفتريه! دي اكبر من بيتنا

حمزه: يلهووى علي القر والحسد والعين يجدع الله ما احفظنا

ورد: انا مش همشى من أهني واااصل غير لما اعرف الي فيها يا بُرعي وتشغولني معاكو ونبي ونبي

حمزه: ههه اقعدي يا ورد لفتح راسك اقعدي.

طبعا مقعتش وكنت بلف زي الهبله في المكان ومصدوم كده وعندي كرشه نفس من الي بيحصل، بس لقيت علي التربيزه تلات كتب اساسيه " كتاب الصداع النصفي و انواع الصداع الاخري، الحساسيه، ضغط الدم " كان لكل جزء مكتوب عليه الكتب بتاعتها، زي الطب والتاريخ والدراسه حاجات كده اكبر مني ومنك ومن نهاد وكلنا.

ورد: انت بتقراء كل دول ول حطتهم زينه

حمزه: لاء حطتهم زينه

ورد: انا قولت كده برضه، كل دي شكليات لزوم الروشنه

حمزه: ههه

ورد: متضحكش تاني عشان هزعلك

حمزه بتقريب لها قليلا: هتزعليني ازاي

ورد بتوتر: احم هو.... ح حمزه

حمزه بتقريب لها اكثر : امم

ورد بصوت مرتفع وخوف : عشان خاطري يا حمزه متقربش اكتر من كده لو سمحت.

حمزه:....

وقف بستغراب وانا قلبي كان بنبض حد الجنون جوايه ، انا بعمل اي، انا لازم اوقف نفسي فورا!

حمزه: اهدي يا ورد بهزر معاكي زي كل مره في اي

ورد: ممكن كفايه كده انهارده، لازم امشي

حمزه بنظر لها بقلق: عملت حاجه ديقتك طيب؟

لاء انت معملتش حاجه، انا الي بغلط!

لي النظره دي قادره تمسمرني مكاني ومتخلنيش اتحرك ول حتي اتنفس بعد كده، لي انت الي يتخاف من عينيك اوي كده!

حمزه: ورد.

ورد: مفيش يا حمزه، ماما حسها شكت فيا وبتقلق عليا وكده فلازم امشي

حمزه: طيب نكمل بكره اتفقنا

ورد: اتفقنا

بصيت من شباك العربيه وانا مروحه والدنيا كلها مغيمه عليا، لي مينفعش يكون دواء انا اعرف اعمله ويرجع كويس وكل حاجه تخلص وارتاح بقي من زنب ده، هو لو فعلا بقي كويس مع الوقت وتعالج هفرح لما كل حاجه تخلص بجد!

انا عايزه انام.

في المساء...

"محادثه واتس"

"طمنينى عليكي احسن شويه؟!"

من الطف الحاجات الي بحسهى في اليوم، هو الرساله الي منه، يمكن تكون "كلتي" "روحتي بسلام" "اهلك قلولك حاجه" "تصبحي علي خير"

كلها حاجات بسيطه وبرد عليها وبعدها يقفل من غير كلام بس حقيقي بتحسسني بجمال اليوم ونام وانا مطمنه معاه ووقتها رديت وكلي خوف يزعل

"ممكن معرفش اجي بكره، عندي مشوار مهم جدا حتي مش هروح الشغل كمان، عادي؟"

" اكيد عادي، اتبسطى "

بس! مفيش مع مين؟ ، ريحه امتي، هتسبيني لوحدي! ، اي يلا الرخامه دي.

"هموت واسال ريحه فين ومع مين بس هستنى لما انتي تقوليلي، ابقي قوليلي لما نتقابل ها "

ابتسمت طبعا وقلبت طمطمايه في نفسي كده

" اكيد هبقي اقلك "

بعدها قفل وفتحت صورته الي حطيتها خلفيه علي صفحته ولابس نضاره سوده علي ماسك اسود قمر وباصص في الحنب وساند علي عربيه كده اجمد منه، وحضنت التلفون بمنتهى السزاجه والفرحه ونمت.

___________

وائل ببتسامه: صباح الورد يا ست الورد

ورد: صباحك بزغرط

وائل: ههه طب اركبي يختي

.......

اكرم: اي! عايز تطلب ايد ورد؟

يتبع....

حلوه علي زوري الي قلب علي حزلقوم ده 🙂😂

ليا مشجعين ♥

Rahma Ayman

رواية سجين الوحده الفصل التاسع

الوحده ❤9

اكرم: اي! عايز تطلب ايد ورد؟

حمزه: امم

اكرم بتردد: يبني ورد بنت كويسه وانا بحبها بس مش وقته، لسه محصلش اي حاجه جديده ول تقدم في علاجك فلازم تصبر شويه

حمزه: يا بابا انا حاسس انها متوتره مني، لما بقعد جمبها او بقرب منها بشوف في عنيها انها عايزه تهرب لاي مكان بس متكنش بالقرب ده مني، عايز اكلم اهلها بحيس انها لو جدت تكون مطمنه، عايز يكون بينا حاجه رسمي عشان لما امسك ايدها، ابصلها او حتي اتكلم معاها تكون مرتاحه ويكون محلل ليا ده فهمني

اكرم:.....

حمزه: ها اي رئيك

اكرم: معرفش يا حمزه لسه

حمزه: طيب هستنى اسبوعين مثلا وكمان اسال مراد واشوف رئيه

اكرم: مراد ده بيلعب معاك يا حيوان

حمزه: خلاص يا حج في اي، الدكتره بتاعي

اكرم: ههه بتحبها يا حمزه

حمزه:....

اكرم: سكت يعني؟

"ينظر للاعلي قليلا وينظر لشاشه مجددا وتظهر غمازته مع ابتسامه برئيه وصافيه"

حمزه: تعرف يا بابا انك تعيش لوحدك 10 سنين، عالم متكرر، عندك كل حاجه واي حد مكانك ميملش ول يزهق بس كتير اوي 10 سنين صدقني، كنت خايف هه اقصد كنت محبط او زهقان او تعبان.. كنت حاسس انه حياتي هتنتهى كده انه خلاص بقي يا حمزه انت لسه عندك امل؟

شوفتها و بقي يومي مليان بيها، بقي اي حاجه بعملها بشكل الروتين والمتكرر ده معاها غير بقي مسلي ومرح وهادي

بحب ابتسمتها وهيه دخله، بكره اوي الوقت الي بتمشي فيه وبرجع لوحدي تاني.

بص انا متلغبط جدا دلوقتى، خايف اكون بس حاسس اني كنت محتاج حد جمبي ولقيتها فعايز اتمسك بيها بإيدي وسناني ول عشان بحبها هي لذاتها ولسه دماغي موصلتش لحل غير انها وحشاني دلوقتي وعايزها جمبي.

اكرم: تعرف اي الي ملحظه من كلامك

حمزه: اي

اكرم: انك من يوم ما عرفتها وانت بقيت رغاي زيها

حمزه: ههه متشكر يا حج متشكر علي الايجابه الفظيعه دي

اكرم: اسمع يا حمزه، انا اكتر واحد فهمك وعارف انك بتفكر يترى انا بحبها هي ول بحب انها الوحيده الي جمبي فمش هتفرق هي عن غيرها، بس هقلك اسمع لقلبك شوف فعلا انت مبسوط لان ورد هي الي جمبك ول عشان انت بس محتاج ليها ولما توصل لقرار واي كان اي هو انا هقف معاك فيه وهعملك الي انت عايزه

حمزه: انا بحبك اوي يا صحبي والله

اكرم: وانا بحبك اكتر يا غالي، مش كفايه كلام فاضي بقي ونبدا شغل

حمزه: يلا يا باشا

______________

وائل: بتحبي الكورنيش انتي اوي

ورد: بحب الهدوء بتاعه، والهوا الي بيخبط وشك ده فتغمض عينك وتبستم براحه وترمي كل همومك فيه عشان يطمنك

وائل: يا ود يا جامد انت ههه

ورد بمزاح: لاء داعي لتصفيق سوي تصفيقه واحده

وائل: لاء احنا نصفق جامد اوي ليكي ههه

بحب اهزار وائل وانه قد اي فاهم دماغي وبركز معايا لانه حقيقي عشره عمر، عمري ما انسي اول يوم شوفته في الشباك الي قصادنا ونبدل كياس الاندومي مع بعض عشان هو بحب الخضار وانا اللحمه، يترتنا ما كبرنا ول طلبت الطلب ده مني.. الي هو اكبر مني ومن مشاعري ليك يا وائل.

هو انا بفكر في حمزه لي دلوقت؟!

وائل: قلتلك جيبي حاجه تانيه بدل الاكل ده

ورد: علفكره مفيش احلي من المطعم ده بعمل شويه فول وفلافل قمااار يعني

وائل: بس انتي بتحب الكريب

ورد: امم بحبه بس التغير حلو وبعدين ما انت ديما بتشتريلي كريب وعرفه انك مشغول الايام دي في تعمير البيت وتجهيزه وكمان المكنه القمر دي محتاجه شويه حاجات كتير نفسك تعملها و...

وائل بمسك يدها: صدقيني انا مستعد اجبلك الدنيا دي كلها، وجيبي واطلبي كل الي انتي عايزه وانا تحت امرك فيه، انا فعلا بعمل حاجات كتير وبحاول اظبط احوالي الماديه كده عشان اخلص الشقه علي الشهر الجي ونتجوز واعرفي اني فخور جدا بيكي وبوقوفك جمبي، انا كده اطمنت او شكوكي قلت كتير صدقيني وانك بتحاولي معايا عشان نلحق نخلص.. كل الى عايزه منك انك تبدأى تفكري في علاقتنا شويه وتعطينا فرصه ممكن؟

ورد :....

وائل: ممكن يا ورد؟

ورد: "تحرك رأسها بالايجاب"

مسك ايدى جامد وشبكها بصوبعه وبتسم بعدها وحرك عينه للبحر وبعدها بصلي بصه موتتني من الذنب و كنت سيكا وهعيط .

هو عادي انتحر؟ طب والله كتير كده.

ورد بتوتر: وائل عايزه اقلك حاجه

وائل: اي يا قلبي

ورد: يوم ما روحت حفله نرمين، كنت قاعده و....

ترن ترن ترن

ورد: دقيقه يا وائل متردش لازم اقلك

وائل: دى مكالمه من الوزاره يا ورد مينفعش دقيقه واحده، الو

وبعدها طبعا وكالمعتاد روحت انا وهو راح المدرسه عشان المدير مش قادر بروح امه يروح هو وبعدها هيروح الدروس الخصوصيه واستغربت جدا من نفسي لما قلي لازم امشي ومزعلتش ول حتي اديقت زي كل مره وقلتله اني تعبانه وعايزه انام ومش مهم.

ولقيتني مره واحد بحود يمين كده علي طنط دعاء عشان اصيح واعيط عندها زي كل مره برضه، انا حاسس كده والله اعلم انه جالها الضغط بسببي.

دعاء: وهتعملي اي دلوقتي يا زفته

ورد باكل فشار: هنااام

دعاء بزعيق: ورد مستهبليش!

ورد: عايزني اعمل اي طيب، اقوله انا بروح لواحد اعلاجه لانى شوفت سبحانه الله بقيت دكتوره وانا الوحيده الي اقدر اساعده عشان انا الوحيده الي اقدر المسه!

ول اقول لحمزه اي، اني مخطوبه وانى مقدرش اساعده لاني معرفش اي المرض الغريب ده ول بقيت دكتوره قبل كده لاني مكنتش بحب الفيزياء اصلا ونجحت فيها بالعافيه... اقول اي ليهم فهميني؟

دعاء: ممكن تهدى وتسمعيني

ورد:....

دعاء،: اسمعي يا ورد متقوليش هقلهم اي، قولي هقول لنفسي اي

افهمى نفسك يا ورد، انتي عايزه اي؟

لو عايزه وائل وحياتك تستقر زي الاول اعتذري وطلعي ونسي حمزه ده وكانه مجاش وكملي حياتك زي الاول ول هي ورد مخطوبه لواحد مبتحسش نحيته باي حاجه وراضيه بنصيبها

او تكوني جمب حمزه وتساعدي وتحاربي بقي اي حاجه تقف قصادك، اهلك بقي وائل الظروف اي حاجه

بس اهم من ده كلو تكوني قد قرارك ده، وكل الي عايزه اقولو ليكي انك لازم تختاري الي يسعدك وبس، الي متندميش عليه لو خسرتي

وعرفي انه الحياه رحله ولسه هتشوفي كتير وده اختبار وانتي عشان تعدي لازم تلقي نفسك الاول بين ده كلو فهمه

ورد: فهمه يا طنط

دعاء،: ربنا يهديكي يا قلب طنط ويسعدك يا رب

غرفت حبه فشار في ايدي وحشتهم في بوئى وسالت بفضول..

ورد: اعرف امتي يا طنط اني بحب، يوم ما عرفتى انك بتحبي عمو احمد كان ده ازاي؟

دعاء بتفكير قليلا: امم حسيت بالحراره!

ورد: حراره؟

دعاء: يعني لما اشوفه مبقاش علي بعضي ابدا، بحس اني متوتره علي سنت خوف لذيذه كده، بحب ضحكته التلقائيه في الكلام، لو مسك ايدي قلبي بيدق زي اول يوم اتقابلنا فيه ورغم السنين والعشره والموده والرحمه الي ما بينا عمره ما بطل يسحرني بطلته وهبته وعنيه، عمك ده عليه رومش يا بت يا ورد سحريه ههه

ورد: يا ود يا واااد ههه ايوا بقي يا معلم ده انت خبره بقي

دعاء: اتلمي يا حيوانه

ورد: احم حاضر

دعاء: افهمي يا ورد انه الحب عمرو ما كان امتلاك هو مشاركه وصداقه وحنان... لازم تحسي بالحراره عشان تعرفي انك بتحبي.

ابتسمت علي كلمها ومفتكرتش غير شخص واحد بس... حمزه.

حسيت بكل ده معاه، حسيت بالحرارة دي قبل كده معاه

كان وحشني وكان اليوم ناقصه حاجه كبيره ومش هتكمل غير بي

انتي بتغرقي يا ورد فلاما تفوقي لاما تحلمي ولاتنين خطر.

دعاء: لازم تنهى الموضوع ده يا ورد وب ما يرضي ربنا الاول وبعدها انتي، لازم تقرري هتعملي اي وانا معاكي ديما اتفقنا.

ورد: اكيد يا طنط اتفقنا

وطبعا مشيت لعند الباب ورجعت تاني ليها جري حضنتها.

ورد: شكرا يا طنط اوي انك فهماني وديما بتدعميني، انتي هتكوني احسن ام في الدنيا صدقيني.

دعاء: عيب تشكريني علي وجبي وانتي من اغلي الناس في حياتي يا ورد عشان كده يا بنتي بتمني اشوفك مبسوطه ديما يا رب.

حلو فكرت انك تلقي حد جمبك، صحابك، اهلك، حد كبير بتلجأ لي عزيز عليك.

انت ممكن تكون قوي لوحدك وثابت الانفعال ومش عايز حد جمبك وفي نفس الوقت مهما طالت الفتره دي بتحب برضه تكلم حد وتشارك معاه كلام او نصايح او دردشه بسيطه لان الانسان مهما كمل نفسه بنفسه مصيره يحتاج شخص يسنده في يوم، جايز عشان كده متعطفه معاه وحسى بيه.

محادثه واتس...

حمزه: " روحتي ول لسه، قفله طول اليوم.. في حاجه "

ورد: "لاء مفيش، بس لسه طالعه من عند مرات عمي وهنام اهو"

حمزه: "انتي كويسه طيب؟"

ورد: " الحمد لله بس بفكر في حاجات كتير اوي "

حمزه: "امم طيب لو عندك لاب او كومبيوتر اعمليلك كوبايه شاي واقعدى اسمعي فيلم ممكن يغير مودك شويه او اقري، حولي تتحركي من المكان الي انتي فيه عشان دماغك متتعبش وتصحي مرهقه من كتر التفكير"

ورد: "كنت بتجرب ده كتير ها"

حمزه: "بظبط وكان بنفع معايا معظم الاحيان"

ورد: "ماشي يا سيدي هقوم واجرب"

حمزه: "علفكره وحشتيني اوي انهرده، اليوم كان ناقص حاجه كده من غيرك، مجتيش بقالك يومين ولازم تعوضيهم ليا"

ورد: " طب س س سلام، في حفظ الله "

حمزه: "ههه تصبحي علي خير"

وفعلا قومت لبست بجامتى الحمره عشان بحب البسها لم روق اعصبي او اهدا وعملت كوبايه شاي بنعناع بالقرنفل وقعدت علي لاب اختي وهتشتم بكره و بعدها بحثت عن مرضه، حولت اقرا كتب ليها علاقه بيه، للحساسيه، للدوخه، الخوف من البشر وبيفرز اي من الهرمونات، لعند طبعا ما راسي صفحت وكلت رز مع الملايكه كتيشر..

عدا اسبوع علي اليوم ده وانا بقرب منه اكتر واكتر وبقع فيه اكتر واكتر وشكلها هتكون نهاية عنب علي دماغي اكتر واكتر.

حمزه: مستحيل يحصل الكلام ده!

ورد: متعصبنيش ياض!

يتبع....

Rahma Ayman

رواية سجين الوحده الفصل العاشر

الوحده ❤10

حمزه: مستحيل يحصل الكلام ده!

ورد: متعصبنيش ياض!

حمزه: انتي عايزني امشي في شارع وفي ناس، ده علي جثتي

ورد: هو انا بقلك يلا ننتحر، ده احنا هنمشي عادي بدل العربيات والحراس والزحمه الي انت فيها دي

حمزه بقلق: ورد متضغطيش عليا لو سمحتي!

كان بيقُلها بترجي وعيونه خرقه قلبي، عمري ما قدرت اقاوم ضحكته او قلقه او خوفه من حاجه بحس بحساسه من غير ما يتكلم، بفرح لما يناقشني ويظهر قد اي هو مش قادر ومش عايز ومبحسش انه بقلل منه حاجه وانه "راجل"واي اقلها اني تعبان وضعيف دي؟

الرجوله طبعا شيئ اساسي ومهم في شخصية اي راجل بس لازم تعرف انك بتزعل عادي وبتكلم عن مشاكلك في الشغل عادي برضه وتحب اني اسمع واتكلم معاك وده كمان عادي لانه واجب عليا اني اكون ملجأك وقت اي ديق تحس بيه لان دي مشاركه مش ضعف.

ورد: حمزه ده اليوم الرابع الي اقلك فيه كده وتقولي لاء ومش قادر ومتضغطيش عليا، لازم تاخد خطوه، لازم تتعلم تحارب مخاوفك دي ولازم تواجه المشكله مش تهرب منها فهمني

حمزه: ورد انتي مش فهماني لي، انا حاولت كتير ومعرفتش وصدقيني الالم الي بينتج عنه انا مبقدرش عليه وبكون اسبوع مَخدر ولا بشتغل ول بحس بنفسي، انا بقلك حقيقه عشتها الف مره ولسه مفقتش منها ول عارف اغيرها يا ورد؟

كان قاعد علي الكرسي ودراعه علي رجله ومشبك ايده ببعض وباصص لتحت، وبيهرب بعينه في كل مكان عشان محسش بتعبه، كان نفسي احضنه، اطمنه، اقلو انها هتعدي

بس مينفعش نتغبي في الحب ول تتغبي علي ضميرك الي ديما يكون فايق عشان يوفقنا معاه

بعدها نزلت قدامه وعينى في عنيه عشان اطمنه واتكلمت بصوت هادي وبنبره اهتمام وقلق.

ورد: انا جنبك، هنمشي سوى وقتها كنت لوحدك لكن دلوقتي انا معاك، صدقني انت تقدر انا عرفه ووثقه فيك

حمزه: صدقيني مقدرش اعمل كده

ورد بعصبيه: حمزه اذا انت مش قادر تثق في نفسك انا مش هعرف اساعدك ول اي حد يقدر يعمل كده! ، انت لازم يكون عندك إرادة التغير، تواجه نفسك اخطائك وحياتك.. اقلك الفرق بين الهزمه والنجاح اي؟

او التغير وانك تكون زي ما انت كده من غير تقدم؟

هو عدم الاستسلام! ، جرب مره واتنين وتلاته واقدر علي نفسك وضعفك وخوفك وانا جنبك هطمنك بجد، تعرف لما بابا واخويا ماتو في حادثه انا جرالي اي، تعرف امي عملت كام عمليه!

محدش مر بحاجه سهله ومحدش بيستسلم لمجرد انه خايف؟!

حمزه:.....

معرفش اتعصبت عليه كده ازاي، ازاي قدرت ابص في عينه جامد كده واتكلم بكل الزعر ده، ازاي قدرت اشوف يومها دمعه جامده نفسها تنزل وهو محاصرها بجنود الكبرياء جنود صلبه زيه

غريب حمزه ده.. انسان قوي وجزاب وراقي وكتلة معلومات و يقدر يجزبك بنظره، حركه، حوار، او حتي سكوت، يقدر يتحمل اي كلمه منك بصمت ويقدر يخليكي تسكتى بنفس الكلمه وبعد ده كلو بخاف؟!

هو مش غريب يا جماعه هو في قلبي اوي مش اكتر.

ورد: مش هترد عليا

حمزه: انا لازم انام وانتي لازم تمشي لانك هتتاخري كده

ورد: حمزه

حمزه: خدي بالك من الطريق وانتي ماشيه

قال كده ودخل الاوضه الي هي الوحيده الي مينفعش او محرم عليا ادخلها ولاني طبعا فضول امي طافح في خلقتي كنت كل ساعتين اساله تقريبا فشتمني في الاخر فسكت بقي

ولاه انت بتاجر باعضاء البشر فيها صح كشتفكو انا اصلا.

_________________

ورد: احط مرئه دجاج وحده ول اتنين

شهد: لاء لاء حطي اتنين عشان يقوي الطعم

ورد: طيب روحي جيبي المقص كده

"تحرك رشا الكرسي علي المطبخ"

رشا: خيااانه وفي بيتي! وفي مطبخي! ااااه مش قادره

شهد: عااا اي يا وليه خضتيني!

ورد: يلهوي يا ماما فزعتينا مش كده

رشا: فاكرين انكو كده هتفلتو مني يعني، اندومي تاني يا ولاد الجزمه

شهد بتريقه: نفسي مره تشتمني كده واحس بالاهانه انما ابدا بتشتم نفسها بس

ورد: ده انتي هتاخدي شبشب، ههه لزق في وشها يا ست الكل طب والله عاش

"ترمي الاخر في ورد ايضا"

رشا: واتكتمي انتي كمان يا رقاصه يلي بترجعيلي كل يوم بليل ومحدش عارف يلمك

شهد: ااااه يا حبوبي ومسامي وقورتي يني، انا وشي بقي طاسه بسبب ام الشباشب دي مينفعش كده يا حجه

ورد: طب والله قلتلهم يزودو النقطه شويه مرضيوش

رشا: نقطه يا قليله الادب، م انا معرفتش اربي وشوفي مين هيحوشك عني بقي

جريت براحه وهي تحرت بالكرسي بضحك ولفينا ورا بعض في المطبخ و في الصاله ولما تعبت وقفت الكرسي ونهجت كده وقالت بتعب"هه خلاص يا ورد مش قادره " وطبعا مقدرتش امسك نفسي وقتها.

ورد بعناقه ووضع راسها في حضنها والبكاء: انا بحبك اوي يا ست الكل والله.

رشا: شوف البت الي عايزه تنكد علينا دي

شهد: وانا وانا حبوني معاكو

رشا: تعالي يا فصعونه.

بحبهم قد عيني من جوه، لو قولت اي وعملت اي عمرك ما تلقي حد بحبك ويخاف عليك قد عائلتك، لما بضعف بحتاج ليهم ولما بقوي بيكون بسببهم، الحياه احيانا مبتكونش عادله معاك بتاخد منك حاجات كتير اوي، لكن لو سبتلك عيله.. اعرف انك ملكت حاجات كتير حلوه من اهمها " الدفه ".

رشا: ها هتلمو كياس القرف ده وتنضفو المطبخ امتي، انتو ما صدقته ول اي، قومي يا بت انتي وهيه شيلي القرف ده من المطبخ

شهد وورد بحزن مصتنع: مامااا بقي

رشا: احم بطعم اي

ورد ببتسامه: اللحمه

رشا: عليه مرئه

شهد: عليه عليه وشطه كتشير اوي

رشا: خلصانه جيبو الاطباق.

_____________

"تقوم بعناقها بقوه وهدوء"

شهد بستغراب: اي يا بت هتموتي قريب ول اي؟

ورد: بعد الشر عني يا حيوانه الهي الى يكرهوني

شهد: طب كويس طمنتيني، في اي بقي

ورد: اي جي انام جمبك وبحضنك.. اي الغريب في كده؟

شهد: لاء مفيش حاجه غريبه فعلا!

ورد: يستا الحب الاخوي عايز منا اي

شهد: لاء يا ست ورد، انت بتعنل كده في حالتين، لاما محتاره في حاجه، لاما مديقه وبقالك كتير مبتقوليش حاجه وسكته ها، سكته اما اشوف اخرتها

ورد: تدري اني احبك كتشير اوي

شهد: تدري انك مهزقه وديما بتغيري الموضوع

ورد: بوعدك هقلك بعدين خليكي رويييحه

شهد: مزفته يختي ويلا ننخمد عشان جامعتي بكره

ورد: تيجي نعمل شاي بنعناع بالقرنفل؟

شهد: طيب تص تص تصبحي علي خير

ورد: شهد مبهزرش، باليز ابت، انتي ياض

شهد:.....

ورد: اتفو عليكي.

...........

عملت شاي وخرجت البلكونه وانا بسمع عنه، ومبفكرش غير في.

وبصيت لنجوم وكملت مع الاغنيه " بتغيب وانت الي علي بالي وان كنت مش غالي يبقي مفيش غالين " مفيش غير كلمه واحده هقلها " تامر ده جامد جموده الجمدان وشكرا "

"منزل دعاء"

دعاء: اي الى هو مش هروح انهرده دي؟

ورد: هي كده، نونوت في دماغي

دعاء: امم هو ده الي ناقص اصلا عشان نتاكد انك مش كائن طبيعي زينا

ورد: هطلع فوق علي اساس اني رجعت بدري وهسيبك قاعده لوحدك كده اتكلمي الحيطه

دعاء: لاء خلاص خلاص مش مهم حمزه ول غيرو يا قلبي انتي، تحبي تشربي شاي بلبن؟

عدا تلات ايام، معرفش بهرب منه ول مني ول من اي، بس انا حبيته واوي كمان!

مقدرش اعمل كده، مقدرش اقع فيه اكتر من كده حتي لو هموت واشوفه، طيب هو كويس، بيقرأ اي دلوقتي، كسب كام في اخر جيم، لسه قمر زي ما هو وبيخطف القلب ول انا الي مشفتش بربع جنيه تربيه، معرفش.

ورد بستغراب : الو

اكرم: الو يا ورد ده رقم الشغل

ورد: اه يا عمو اهلا

اكرم: هتروحي لحمزه بعد الشغل ول اي

ورد: لاء ممكن مروحش انهرده

اكرم: امم كنت واثق انه في حاجه ومش راضي يقول، انتو تخانقتو يا بنتي

ورد: لاء يا عمو مفيش حاجه، هي الفتره دي معرفتش اجي وكده

اكرم: حمزه مخرجش من اوضه الذكريات من يومين، محدش عارف يوصلو ول راضي يكلم حد، صحته بتسوء اكتر وخايف ترجع الفوبيه والحساسيه من الناس اكتر واكتر، وانا لازم اسافر انهرده عشان الشغل ومش عارف اعمل اي؟

ورد بقلق: طيب يا عمو انا رايحه لي دلوقتي متقلقش عليه

اكرم: شكرا يا بنتي، انا يومين كده وراجع علطول، عشان خاطري خدي بالك منه

ورد: اكيد

كنت حسه بذنب كانه حد رشق فيا سكينه وكاني انا السبب في ده جريت من مكاني وستأذنت من نرمين وجريت علي اول تاكسى ومستنتش ان عربيتهم تيجي زي كل مره وامشيهم وروحت لي من غير ما تردد لحظه او ابص ورايه حتي كل الي فكرت فيه اني اكون جنبه واطمن عليه.

قائد الحراس: مين علي البوابه؟

ورد: انا ورد، افتحلي

قائد: انسه ورد! اتفضلي انا اسف جدا

ورد: لاء مفيش حاجه، هدخل لحمزه موجود

قائد: اه في اوضته

ورد: تمام شكرا.

خدت الممر في خطوه ونص وانا قلبي بيتكلم قبل لساني، بينبض بحرقه وشوق قبل عنيه الي تملت بدموع اول ما شوفت اوضته وهو مش موجود فيها وقاعد علي الكنبه وفاتح كتاب واول ما ادخل يبتسم ابتسامه ترشق في قلبي ويقولي بحب "اتاخرتي لي يا ورد" وانا اقلو " الطريق يا باشا انت اوضتك علي حدود لبيا كده " ويضحك وقلبي يضحك معاه، وحشتني يا حمزه اوي

وبعدها لقيت الاوضه السريه مقفوله فمشيت ليها بحذر.

طق طق طق

ورد: حمزه انت هنا!

حمزه:....

ورد: حمزه انت موجود في الاوضه، لو سمحت افتحلي لو جوه

حمزه بصوت مهزوز: دي انتي يا ورد؟!

ورد: اه انا انا، افتح طمني عليك يا حمزه، انت كويس؟

قام فتح ودخل الاوضه تاني وانا وره وكلي صدمه وزهول!

ورد بخضه: حمزه اي ده؟!

يتبع...

Rahma Ayman