تحميل رواية «﮼صفقة ﮼عشك» PDF
بقلم ﮼الاميره،الموسويه 👑
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
السلام عليكم .. اشونكم حبايبي الحلوييييين مشتاقتلكم 😍 اكيد البعض حيستغرب من الاشعار الي وصله بس حبيت انزللكم اعلان لقصتي الجديده ❤️🤗 والي حتكون مختلفه نوعاً ماااا عن السابقه ومثل ما عودتكم حتكون غير مألوفه وافكار جديده ان شاء الله تعجبكم الي يحب يحفظها عنده بالمكتبه على ما اكمل البارتات الاوليه حتى النشر يصير سريييييع وسلامتكم 💜🤗...
رواية ﮼صفقة ﮼عشك الفصل الحادي عشر 11 - بقلم ﮼الاميره،الموسويه 👑
بقلمي (هدى الموسوي) الاميره الموسويه 👑
ما احلل لاي احد ياخذ كتابتي وينشرهم (ذمه)
ابو بسام .. ليش هي موجوده هنا؟!
نورالدين .. اي موجوده ودتسمعك.
ابو بسام .. هاي شنوو لعد وينها غير اتعرفنا عليها ؟!
نورالدين .. سيد كريم الانسانه الي دااحجي عنها هي بنتك سدن واني رايد اطلبها على سنة الله ورسوله.
ابو بسام .. هااا ... سدن؟!!!
سدن .. يا ربي شنو مسويه بحياتي كل يوم يوكفلي گلبي .
نورالدين .. اي نعم سدن .. واني فاتحتها بالموضوع بس رفضت لذلك اني انسحبت .
ابو بسام .. فاتحتها ... اها يعني سدن تعرف ؟!
اشو مكلتيلي بابا الباشا حاجي وياج ؟!
سدن .. مااكدر حتى ارفع عيني واباوع لبابا .. شكول شأحجي مكنت متصوره يطلع هالطلعه هذي ويحرجني هشكل.
ع بالي مثل كل مره لما يستفزني كدام بابا وبسام وبالنهايه يغير الموضوع كوله.
نورالدين .. صحيح المعروف انو اطلبها منك لانك ابوها و ولي امرها .. وهذا كان قراري من البدايه مثل موضحت قبل قليل بكلامي بس أرتأيت اخذ موافقتها بالاول لان بصراحه مااريد مجرد روتين ولا اريد احد يضغط عليها او يجبرها كل الي يهمني قبولها هي .
فأرجو ان متعتبر تصرفي هذا وقاحه او قلة ذوق كوني كلمت بنتك قبل لا اخذ رأيك.
ابو بسام .. والله يا باشا انت فاجأتني مااعرف شنو اكلك بصراحه .. وبالنسبه السدن اني ماادري بيها اصلاً رافضتك وماعندي علم بهذا الموضوع.
بس مثل متفضلت القرار النهائي يرجع الها اكيد فأذا كانت موافقه الي الشرف اتكون زوج لبنتي.
نورالدين .. اشكرك واني مستعد انتظر سدن الى ان تتخذ قرارها وتنطيني موافقتها .
سدن .. رد بابا صدمني!
اتوقعت يعصب منه اشون يحجي وياي بهيج موضوع من دون علمه ومن ورا..!
بس تقبله للموضوع وترحيبه بالفكره فاجتني !
سكتت مكلت شي بس الافكار الي سيطرت ع عقلي ثولتني .. كل هذا الي انكال بكفه وبسام اذا عرف بكفه ثانيه.
ميصدك الباشا حيصير زوج اخته بالنسبه اله ثروه اتغير كل حياته .. ميهمه لا حياتي ولا كسرة ركبتي اهم شي مصالحه.
ابو بسام .. سدن بابا شنو رأيج بألي كاله الباشا؟!
سدن .. بقيت مدنكه منطقت ولا حرف .. بس شي بداخلي كان يغلي غضب ع جبل الجليد الي واكف يمي.
نورالدين .. سيد كريم اتركها تاخذ قرارها ع كيفها .. رجاءاً مااريد اي احد يجبرها ع شي واني ممستعجل انتظرها لحد متقتنع.
ابو بسام .. ها .. اي .. اي طبعاً هي صاحبة القرار الاخير .
نورالدين .. اني اترخص لازم اسلم ع المعازيم حتى وان متمت الحفله فهذولي خطاري.
ابو بسام .. اي اي اخذ راحتك ابني.
سدن .. ابني!!!!!!
بسم الله هذي اول بوادر الموافقه .
راح وعافنا اني وبابا واكفين بس ما الي طاقه اوكف بعد رجليه نحلت .. مشيت كم خطوه كعدت ع كرسي .. وبابا هم اجه كعد يمي ..
الاب .. سدن بابا ليش مكلتيلي انو الباشا حاجي وياج بهذا الموضوع؟!!
مو من عوايدج اتضمين عليه ولا اكو اسرار بينا .. شنو الي منعج تحجيلي؟!!!!
سدن .. صفنت بوجهه مااعرف شحجي .. اكوله شنو السبب .. احجيله ع الي عرفته عن صفقاته المشبوهه .. لو اسأله عن سر صفنته بالموبايل وابتسامته الشارده؟!!
لا المكان ولا الزمان مناسب لهذا الحوار اصلا .. كتمت خيبتي وسكتت .. لمحت بسام من بعيد يدخل للقاعه متوجه النا .. بس شخص وكفه يسلم عليه ويحجون!
اني استغليت الوضع وحجيت الي خطر ببالي ..
_بابا رجاءاً ما اريد بسام يعرف بهذا الموضوع .
الاب ..ليش بنتي بسام اخوج ومكانته من مكانتي .. لازم انكوله لان اول وتالي راح يعرف
سدن .. اعرف بسام اخويه وكل الي كلته اعرفه .. بس اني بعدني ممتخذه قرار بهذا الموضوع وانت تعرف اسلوب بسام وتفكيره اهم شي نفسه .. فدوه مااريده يعرف ع الاقل الى ان اتخذ قراري.
الاب .. بس بنتـ...
سدن .. شفت بسام ديتجه ناحيتنه .. مديت ايدي لزمت ايد بابا بقوه وبنظره متوسله اترجيته ...
_ لخاطري بابا ارجوك لتكول شي لبسام.
الاب .. ماشي .. ماشي.
سدن .. اجه بسام والابتسامه ماليه وجهه اتكول رابح اللوتو .. الله يستر شضام من بلوه هالمره.
بسام .. يلا بابا ترحون للبيت حتى اوصلكم لان عندي شغله لازم اروح.
الاب .. اي انروح اتأخر الوقت واختك باجر عدها دوام .
بسام .. يلا لعد امشو نسلم ع الباشا ونطلع.
سدن .. اني حروح للحمام عود اجي وراكم للسياره.
بسام .. اشكد اتعدلن بروحجن النسوان لخاطر ربجن .. كل اشويه للحمام.
الاب .. هههههه غير يهتمن بشكلهن يا ابني احنا شمعرفنا بهالسوالف .
سدن .. اني رايحه لانو مااكدر اتحمل خفة دم بسام افندي لا اموت من الضحك.
بسام .. اني اروح وياج امشي.
سدن .. وين اتروح خير شكوو؟!
دااكولك رايحه للحمام .. حمام يعني نساء .. شكو جاي وياي تعدل اشواربك؟!
بسام .. لج ضبي اللسانج لا اكصه الك .
الاب .. انتو وتالي وياكم وقتها هسه تتعاركون ؟!
سدن .. حتى للحمام ما اروح بطلت اني طالعه للسياره .. عفتهم وطلعت بسرعه بس الدمعه بعيني مااعرف من كلام بسام الحقير لو من المصيبه الي فتحها ع راسي البارد الخ.
راحو بابا وبسام سلمو ع الباشا مالتهم واني طلعت كدامهم فتحت السياره وكعدت
اخذنا بسام للبيت طول الطريق محجيت شي عكسهم هم خلصو الطريق كوله يحجون عن فخامة الحفله والناس الي حاضريها .. شفت فلان وقابلت علان .. هذا جاي وهذاك مجاي.
وصلنا للبيت تقريباً نص الليل .. صعدت لغرفتي ميته نعاس بس بدلت وشمرت روحي ع المخده .. ما احس غير فوني يرن!!
باوعت رقم ديتصل .. بس اعرفه رقم منو!!
انطيته رفض .
اتصل مره ثانيه هم رفضته .. متصل بعد غير ورا خمس دقايق تقريباً وصلني مسج.
(ردي اريد احجي وياج).
سدن .. لو تموت .. ابقى اتصل لباجر شوف منو يجاوبك.
غلقت الجهاز ونمت... كعدت الصبح ع صوت المنبه مالت الساعه .. كمت غسلت وبدلت .. طلعت اخذني محمود للمدرسه بس اني ما الي خلك حتى افتح عيوني احس بتعب فضيع ونعسانه فد مره .. نزلني محمود وراح .. كالعاده دوام ودراسه ..انتهى الدوام وطلعت !
وكفت انتظر محمود يجيني ماكو!
مو من عوايده محمود ميتأخر ابد .. كل مره اطلع الكى واكف ينتظرني شعجب هالمره اتأخر؟!!
بقيت بالشارع انتظره الطالبات تقريباً كولهم راحو مبقى احد بس اني .. متصلت بمحمود كلت اتمشى للبيت رغم اني تايبه ما ارجع للبيت مشي .. عبرت الشارع واذا سيارته تطلع كدامي!!!
نزل الجامه وكالي اصعدي!
محجيت ويا سويت نفسي ممهتمه عبرتها ومشيت بقى يمشي ورايه الى ان وصلت للشارع مالت بيتنا ..!
نزل هو واجه وكف كدامي ..
نورالدين .. انتي ليش متسمعين الكلام.
سدن .. لما يكون الك كلام عليه عود اسمعه.
نورالدين .. اهااا .. تمام زين والي يريد يحجي وياج اشلون بلا ؟!
سدن .. ما عندي كلام وياك .. وبخصوص الي كلته البارحه لبابا فأحب اكولك انسى الموضوع ولتنتظر ع الفاضي لانو لو تبقى الوحيد ع الكوكب هم ما اتزوجك .
فلتفكر انو احراجك لبابا او لما تخليني كدام الامر الواقع حيأثر عليه .. بالعكس حتخليني ارفض اكثر واكثر.
نورالدين .. شوفي لحد هذي اللحظه اني ممسوي شي .. لا الي نيه احرج ابوج ولا اخليج كدام الامر الواقع.
كل ما هنالك كلت الحقيقه مو اكثر .. الناس كانو معزومين ع خطوبتي ولما اجو شافو ماكو لا خطوبه ولا عروسه اصلاً لذلك قررت اوضح الحقيقه يعني مو نيتي أضغط عليج.
اما بالنسبه لابوج فأني كلتلج قبله عن نيتي بالزواج منج يعني بكل الاحوال كنت راح اطلبج منه .
فحاولي تقللين من الدراما الي ابالج ولتفسرين الامور على هواج.
سدن .. ممكن اعرف انت شنو الي اتريده مني؟!
نورالدين .. اريدج الج.
سدن .. واني مااريدك.
نورالدين .. امممم تمام .
سدن .. اذا ممكن وخر خليني اروح للبيت ولتطلع كدامي مره ثانيه.
نورالدين .. امشي اوصلج للبيت .
سدن .. شكراً اني اروح لحالي .
نورالدين .. مكنت متصور انو يجي يوم وانرفض خصوصاً من بنت.
بس بما انو هذي رغبتها اني هم مااريدها بعد .. الظاهر هذي طفله متعرف شتريد.
خلص لهنا وانتهى شي اسمه سدن.
صعدت بسيارتي وطلعت بس احس نار بصدري مشتعله ... دست بانزين وبكل سرعه سقت السياره ....
سدن .. رجعت للبيت لكيت بابا كاعد بالصاله سلمت عليه وصعدت بدلت ملابسي ونزلت اسوي غده ..
سويت الاكل وكعدت اكل بس احس اكو فراغ بداخلي مااعرفه شنو .. اشون احس نفسي خفيفه!
حتى الاكل مكملته ما الي شهيه .. غسلت مواعيني ورحت دااريد اصعد چان يصيحني بابا...
الاب .. سدن .
سدن .. نعم بابا رايد شي؟!
الاب .. اي تعالي عندي موضوع اريد احجي وياج.
سدن .. اهووو اكيد حيفتح موضوع الباشا والخطوبه .. بعد شيخلصني!
رحت كعدت يم بابا انتظر اسمع الي يحجي حتى انهي الموضوع نهائياً ويا واكوله مااريده ولا افكر بالزواج اصلاً.
بس الي سمعته صعقني!!!!!
الاب .. بنتي انتي تعرفين كلش زين شنو انتي بالنسبه الي..
بغض النظر عن عصبيتي احياناً وقسوتي .. بس انتي الج مكانه خاصه بگلبي تختلف عن الجميع .. حتى عن اخوج بسام .. بس داالاحظ هالفتره انتي مو سدن الي بنتي الي اعرفها !
متكعدين يمي مثل قبل ولا تحجيلي اي شي يخصج وصايره اتضمين عليه هواي اشياء .. اريد اعرف شنو الي صايرلج؟!!!
احجيلي ..
سدن .. مصاير شي بابا واني ممتغيره ولا شي .. تكدر اتكول اتعودت ع غيابك لا اكثر.
الاب .. لا اني متأكد مو هذا السبب .. من زمان اني مسافر وعايفكم من ايام بيبيتج حليمه انتي متغيرتي هسه شنو الي صار؟!
سدن .. بابا ماكو شي صدكني .. اشويه الدراسه متعبتني هالفتره ومداافرغ هذا كل ما بالامر.. لتشغل بالك.
الاب .. ماشي .. بس اتذكري اي وقت تحتاجيني اني موجود.
سدن .. الله هذي الكلمه اشكد حسستني بالامان .. رغم كل زعلي من بابا بس هالكلمه نستني كولشي .. رجعتني طفله صغيره لحظن ابوها ... حظنت بابا وقررت انسى الي عرفته واعتبره خطأ عابر صار وانتهى.
بعد هذا الحديث نفسيتي اتحسنت اشويه تجاه بابا .. خلصت اغلب وقتي ويا كاعدين انسولف ونفضفض .. طبعاً مجاب طاري موضوع الزواج نهائياً وهذا الشي طمني .. لانو كنت اظن انو كل الي ديسوي بابا هو تمثيل حتى يقنعني بالزواج!
بس الحمدلله طلع ظني مو صحيح ..
بقى بابا يمنا يومين ورجع سافر .. وهالمره حسيت بحزن وفراغ فضييييييع بغيابه!
استمرت حياتي بيت ودوام .. وتفكير....!
اي تفكير .. كنت افكر بجبل الجليد .. معقوله بهالسهوله يختفي!!
الي يسمع كلامه و اصراره عم عناده الي يريده ياخذه و كلام التمسك والاعجاب والانتظار .. .. ميصدك بكلمه وحده اختفى من حياتي!!!!
اتناسيت امره وشغلت نفسي بدراستي ... الى ان فد يوم سمعت بسام يحجي بالفون!!
بسام .. حبيبي يمان الله يصبرك ويكومه الك بالسلامه!!!!!
سدن .. يمان!!
هذا الاسم وين سامعته اني؟!!
وين وين وين .... هاااا اي اتذكرت هذا نفسه اسم اخو حبل الجليد.
معقوله يكون هو نفس اليمان الي ديحجي ويا بسام؟!!
زين .. منو الي يقصده بسام يكوم بالسلامه؟!!
معقوله ........!!!!!!
لا لا شنو هالافكار .. هذا حتى الموت يخاف منه.
بس اشون لازم اتأكد .. بقيت احوص يوم كامل شي بداخلي ممرتاح .. مااعرفه شنوو .. فضول لو قلق .. لو خوف!!
لليل اجه بسام وهنا خلص كل صبر عندي ... لازم اعرف شنو الموضوع واقتل فضولي الي هو سبب عدم راحتي ع الاغلب .
كعدت يم بسام بالصاله .. سويت نفسي دا اقرا .. وهو لازم الفون وكل اشويه يتصل بواحد ..!
انتظرته الى ان انتهى ... وبصوت مرتبك سألته..
_بسام اليوم خابر بابا ..
بسام .. اي ؟!
سدن .. اي سألني عليك وكال هالايام لويش متتصل بي.
بسام .. اي صحيح صارلي كم يوم ممتصل بي مشغول .
سدن .. اي اني هم كلتله هشكل .. بس انت هم اتصل بي خطيه باله يمك.
بسام .. اي لعد خلي اتصل بي هسه .
سدن .. هنيالي هسه هذا اشون اعرف منه شي واني مااعرف شحجي اصلاً.
بقيت كاعده يمه وهو اتصل ببابا .. بعد سلام وكلام وووو
وصل بسام للنقطه الي اريد اعرفهااااا ... ويا ريتني معرفتها ....
بسام .. لا والله بابا بعده فاقد الوعي.
سدن .. خطيه يا مسكين هذا !!
بسام .. اي اي طبعاً بابا لتوصي حريص اشلون ما اوكف ويا اذا مو ع حساب الباشا فـ على حساب اخو يمان صديقي وصاحب موقف .
ان شاء الله .. يوصل حبيبي يوصل .. مع السلامه
سدن .. بسام منو هذا الي دتحجي عنه لبابا ؟!
بسام .. صديقي مسوي حادث وديسألني عليه.
سدن .. يااا خطيه الله يشفي .. اني شفته بالحفله مالت اخو لما عزمنا بخطوبته هو نفسه مو؟!
بسام .. شكو دتسألين ؟!!
سدن .. اشبيك شفتك مقهور ع صديقك كلت اواسيك غير اخويه.
بسام .. لج بابا افتهمي السالفه قبل لتواسين ... الي مسوي الحادث مو صديقي يمان الي دتحجين عليه ..
سدن .. لعد منو؟!!
بسام .. تتذكرين اخو الباشا صاحب الحفله الي رحنا لخطوبته؟!!
سدن .. اي!!!
بسام .. هو الي مسوي حادث صارله اسبوعين تقريباً .. وهسه اخو بغيبوبه ومقهور عليه.
سدن .. هاا.............
للحكايه بقيه❤️
لتستعجلون الاحداث القصه بعدها ببدايتها فرجاءاً بلا تعليقات محبطه 😪
رأيكم بالاحداث وتوقعاتكم للبارت القادم 🤗
لتنسووووووووووووووون التصوووووووييييييييييت حتى ينزل البارت بسرعه.
رواية ﮼صفقة ﮼عشك الفصل الثاني عشر 12 - بقلم ﮼الاميره،الموسويه 👑
بقلمي (هدى الموسوي) الاميره الموسويه👑
ما احلل لاي شخص ياخذ كتاباتي وينشرهم (ذمه)
*ملاحظه ..(البعض حيدوخ منو الي سوا الحادث واعرف قسم حيكولون مفهمنا شي وينتقدون 😪
فأحب اوضح انو اني سويت بيها مثل منكول بالعراقي (لوفه) 😂 سبرايز وكذا 😅
بس بهذا البارت حتتوضح الاحداث فرجاءاً بلااا استهزاء وسلامتكم ☺️)
سدن .. مفهمت منو الي مسوي حادث يمان لو اخو ؟!
بسام .. لج انتي غبيه لو شنو .. الي مسوي الحادث نورالدين بس الي بالغيبوبه اخو يمان .
سدن .. استغفر الله ..هو اني الغبيه!!
قبل اشويه كلتلي نورالدين الي مسوي حادث؟!
والظهر سمعتك تحجي ويا يمان اتكوله حبيبي الله يكومه الكم بالسلامه زين اشون نورالدين مسوي حادث واخو الي بغيبوبه مفهمت!!
بسام .. انتي شكو مهتمه بالموضوع ، وليش دتسألين اصلاً؟!!!!
سدن .. بسام لخاطر الله جاوبني وبس منوو الي بالغيبوبه؟!!
بسام .. لااااااااا انتي شغلتج مو خاليه شنو علاقتج بيهم هسه اريد اعرف والا متلومين غير حالج ع الي راح اسوي.
سدن .. اوك حكولك شنو علاقتي بالموضوع بس بالاول فهمني اشون صار الحادث ومنو الي متأذي!!
بسام .. لج سدن لتخبليني شنو علاقتج بي وشكو تردين اتعرفين؟!!
لج احجي شنو الي مسويته من ورانا احجي لا ادفنج هنا وروح امي.
سدن .. عزا العزاني بسام اتحول الى مفترس شورطني وحجيت .. وج متعرفي لبسام حيوان و ميتفاهم شنطقج شحجاج!!!
اوووووف يا ربي رحمتك هسه شسوي اني؟!
نورالدين خطبني من بابا قبل فتره واني موافقت وانطاني فتره حتى افكر وانطي خبر اعتقد من حقي اعرف شنو الي صار بالانسان الي حرتبط بي عدل ميت.
بسام .. خطبج!!!!!!!!!!
سدن .. اي واذا ممكن اتكولي منو الي بالغيبوبه .
بسام .. وليش اني مااعرف بهذا الموضوع؟!
ليش محد كالي شنو اني طرطور هنا ؟!
وانتي حضرتج شنو شايفه نفسج حتى ترفضين الباشا .. لج بأحلامج ميجيج واحد مثل نورالدين يا غبيه.
سدن .. مثل متوقعت بالضبط .. حتبدي الحيونه والمصالح .. بصوت حاد ..
_بسام اعتقد هسه ابد مو وقت هذا كلامك .. مثل مجاوبتك جاوبني منو الي مسوي الحادث ترى طلعتها الروحي.
بسام .. خلي اشوف ابوج والي كلام ثاني ويا .
سدن .. اوووووف يا ربييييي بسااااام حتحجي لو لا؟!!!
بسام .. انتي مو رفضتي شكو دتسألين عليه ؟!
شنو اهتز ضميرج هسه .. لو انقهرتي عليه؟!
سدن .. يبووو دروح هو اني صوجي الي دااحجي وياك.
عفته ورحت لغرفتي اتصلت ببابا .. لاول مره بحياتي اتصل ع بابا ويرد عليه بسرعه!
بالعاده يرن الموبايل الى ان يسكت ميجاوب ..
الاب .. هلو بابا اشلونج حبيبتي !!
سدن .. حجيت ويا بابا بس كانت يمه هوسه وكلام خبصه شكله بالشارع واني خابرته ..الحمدلله زينه انت اشونك بابا؟
الاب .. اذا انتو واخوج بخير فأني زين اكيد.
سدن .. تمام ... بابا اذا تسمح اكو شي اريد اسألك عليه.
الاب .. خير بابا محتاجه شي ؟!
سدن .. لا سلامتك حبيبي ممحتاجه شي بس اليوم سمعت خبر واريد اتأكد منه .
الاب .. خير شصاير؟!
سدن .. سمعت انو نورالدين مسوي حادث مااعرف اخو وهسه بغيبوبه .. وبسام سألته عصب ومقبل يكولي شي.
الاب .. اي صحيح سمعت من بسام هالخبر .. ع اساس نورالدين داعم اخو بالغلط وهسه يمان بغيبوبه صارله اسبوعين بالمستشفى!
سدن .. اهااا الحمدلله.
الاب .. على شنو ؟!
سدن .. هاا .. لا بس دااكول الحمدلله محد مات منهم.
الاب .. اي والله ميستاهل يمان شاب بعمر الورد .. واخو نورالدين حسب مسمعت متدمر عليه فد مره.
سدن .. خطيه الله يساعده .. زين بابا انت اشوكت تجي اشتاقينالك!
الاب .. ان شاء الله هالايام اجي عندي كم شغله لازم اخلصها بالعراق وهم امر ع نورالدين اخذ من خاطره الرجل صاحب مواقف ميصير ما روحله
سدن .. اها تمام لعد توصل بالسلامه ان شاء الله.
الاب .. الله يسلمج بابا .. يلا اني صار لازم اروح سلميلي ع اخوج بسام.
سدن .. يوصل حبيبي الله وياك.
اااااااف واخيراً فهمت القصه .. اهم شي نورالدين مبي شي .. بس اخو هم خطيه ميستاهل!
صح هو قليل الادب وميستحي بس بعده صغير مو مال يموت هسه.
ياا سدن وج انتي اكيد اتخبلتي شنو هالكلام .. مات ولا عاش انتي شعليج!
اي والله معليه .. هالايام صايره اهذي هواي ..!
نزلت لكيت البيت فارغ وبسام ماكو!
كلعه بلا رجعه .. خلص اليوم عادي روتين ممل بس رغم كل الملل والكآبه الي عايشتهم گلبي احسه ممرتاح!
وضعي كوله ممستقر شنو السبب مااعرف.
لليل كولش اني وحدي بالبيت وبسام افندي ماكو!
بقيت كاعده بالصاله وانتظره يجي لانو اخاف انام بالبيت وحدي .. كعدت وفجأه احداث الليله الي بات بيها نورالدين يمي كولها اجتي ع بالي!!
لو ما اخو اكيد هسه كان اجاني ...!
شعور غريب اجتاحني ،، مااعرف شنو حنين .. لهفه .. او يمكن اشتياق!!!
محتاجه اشوفه .. احجي ويا واعانده!
لويش فجأه هذا الشعور اعتراني .. لويش لما كان ملك الي يتمنى بس رضاي رفضته!
وهسه دااشتاقله!!
ع هذا المنوال غفيت ع القنفه ... مصحيت غير ع صوت الباب دينفتح!!
فزيت والمفاجأه .....
دخل بسام وبابا..!!!!
بقيت صافنه مدااستوعب بابا شجابه ؟!
اليوم اني حجيت ويا كال كم يوم واجي .. هسه افتح الكى واكف كدامي؟
بعدت شرودي وكمت حضنت بابا وسلمت عليه .. سؤال وكلام .. عرفت منه انو هو بالعراق لما اتصلت بي!
كالي انو حب يسويها مفاجأه النا اني وبسام ولما اتصلت بي اليوم هو بالمطار ويحجي وياي .. واني من خبصتي الي كنت بيها وقلقي مسألته ع الهوسه الي سمعتها يمه شنو!
كعدنا اشويه بعدين بسام بدا يحجي ويعربد اشون مكلناله عن موضوع الخطوبه !!
حجه ويا بابا وسكته .. اما اني التزمت الصمت وتركت الحو لبسام يحجي براحته.
بعد نقاش طويل سكت بسام .. كمت اني نمت .. والصبح كالعاده دوام !!
اول مطلعت بقيت اتلفت يمنى ويسرى عسى ولعل يطلع كدامي!
عسى ولعل المح سيارته حتى لو مار صدفه مو الا جاي عليه!!
عسى وعسى ... وكولشي متحقق من الي اتمنيته بيومها ...!
خلص الدوام كولشي مفهمت لانو عقلي كان بغير مكان ... الشعور الغريب الي ديجتاحني بفراكه حيل متعب لدرجه دااحس نفسي اتكئبت...!
رجعت للبيت لكيت بابا ديبدل يريد يطلع!!
سألته ها وين؟!!
الاب .. رايح للمستشفى اريد امر على الباشا واتطمن على اخو.
سدن .. هااا .. اي .. تمام .
مشيت خطواتي عن بابا ورجعت التفتت اله .. بابا يصير اجي وياك؟!!
الاب .. اني رايح للمستشفى بابا شكو رايحه وياي؟!
سدن .. ضايجه واريد اطلع فدوه بابا..!
الاب .. هستوج رجعتي من الدوام بدلي وارتاحي .. ومن ارجع اخلي بسام ياخذنا نتعشى بره !!
بعد شتردين ؟!!
سدن .. لا بابا اني اريد اروح وياك اشوف يمان خطيه الولد باقي ببالي من يوم الحفله وانقهرت عليه لما سمعت الخبر.
الاب .. ماشي بسرعه بدلي اذا اتأخرتي اعوفج واروح.
سدن .. اروح بهذولي ملابسي مبيهم شي.
الاب .. بنتي شكو مستعجله امشي بدلي انتظرج.
سدن .. شمرت جنطتي ع التخم وجريت بابا وطلعنا ..ملابسي هذولي مبيهم شيييي بس امشينا فدوه ليجي بسام.
الاب .. ماشي يلا اصعدي.
سدن .. اخذني بابا ورحنا للمستشفى انشوف يمان .. المستشفى كان خاص من مستشفيات درجه اولى!
حمايه وتفتيش كالعاده ع بالك داخلين ثكنه عسكريه .. لو مقر حكومي.
بعد ما عرفو احنا منو وتأكدو من هوياتنا اخذونا لغرفه كبيره مثل الاستراحه وبقينا ننتظر بيها ..!
اشوكت يتكرم علينا حضرت الباشا....!
بس الي سمعنا كان مخييب للامال .. احد الموظفين بلغنا انو
_الباشا مموجود ومراح نكدر انشوفه!!!
بابا اتفهم الوضع وقدر صدمة نورالدين بأخو ، فسألنه الاطباء ع حالة يمان كالو انو هو بغيبوبه .. ولما سأل بابا ع الحادث ... كان الجواب لهذا السؤال صادم!!
_قبل اسبوعين يمان كان مشتري دراجه جديده نورالدين مكان يعرف عنها شي!
حسب مسمعت انو يريد يسويها مفاجأه الاخو!
وقسم كالو انو نورالدين معارض فكرة الدراجه او حتى السياره السريعه اليمان لانو ميريد يخسر اخو الوحيد بسبب هالشي.
بس الظاهر يمان مشتريها بلا علم او موافقة اخوو فلما راجع نورالدين للبيت كان يسوق بكل سرعته .. واخو ديطلع من البيت بنفس الوقت فمتضاربين!!!
نورالدين كونه بالسياره كانت اصابته خفيفه ومسيطر عليها .. بس الضربه القويه صايره بيمان!!
بحيث فاقد الوعي من اسبوعين .
استأذنه وطلعنا اخذني بابا لمطعم اتعشينا اني ويا ..! بس محسيت بطعم الاكل
رفض نورالدين انو يشوفنا خصوصاً وهو عرف اني موجوده فتح هواي تساؤلات بعقلي!
كتمتها واتجاهلت كل الي بداخلي حتى اليوم يمر .. بعدها رجعنا للبيت ..هم خلص هذا اليوم كالمعتاد ..!
ثاني يوم داومت وهم اتكرر وياي نفس الافكار والذكريات .. كنت اتلفت واباوع بالوجوه بلكي اشوفه !
بس ماكوووو وهذا الشي بدا يحبطني اكثر واكثر!!
لما رجعت للبيت ملكيت بابا انتظرته للعصر لما رجع كعدنا انسولف ومن خلال كلامه كالي انو هو وبسام رايحين للمستشفى وشايفين نورالدين وكاعدين ويا..!
عجيب مو ع اساس مشغول وميتواجد هالفتره ؟؟
سكتت بس الافكار بدت اتزيد براسي ... اتحملت الوضع مدة اسبوع .. بعدها بابا سافر والكعده بالبيت قبضت روحي اكثر وزادت همي وافكاري .. قررت اروح اشوفه بنفسي والتقي بي غصباً عليه والي يصير يصير.
ثاني يوم انتظرت لما خلص الدوام واجاني محمود ياخذني للبيت كلتله يغير طريق البيت اليوم !
بالبدايه استغرب ورفض .. بس كلتله انو بسام اتصل عليه وكالي اروح لهذي المستشفى!!
محمود بس يسمع اسم بسام يتكهرب لانو يكرها حيل واعتقد يخاف منه .. فمن سمع الامر من بسام نفذ ع طول !
اخذني للمستشفى .. نزلت هم تفتيش وكذا عرفت عن نفسي وكلتلهم اني من طرف السيد كريم و السيد بسام!!
دخلوني ...
هم كعدت بصالة الانتظار كالو لحد مينطون خبر للباشا ... انتظرت بعدين مليت من الانتظار
كمت اتمشى بالممر بقيت امشي مسافه وادخل من ممر للممر ... واذا بغرفه كدامي يطلع منها اصوات الات واجهزه كهربائيه!!!
دخلت لكيت عرفه كدامي اشون العزل وبيها شباك كبير تكدر اتشوف الي بالداخل!!
والصدمه كانت لما شفت يمان نايم ومحاوطي بكل هذي الاجهزه والاات!!!!
بقيت متفاجأه بالمنظر الرهيب والي يكسر گلب الحجر .. منو يصدك هذا الي نايم نفسه الي قبل كم يوم كان يضحك وتغزل ويتشاقه!!
كنت سرحانه بالمنظر الرهيب الي دااشوفه واذا بصوت يفززني من ورايه!!
التفتت لكيته واكف كدامي .... بس اقسم واني واثقه من كلامي مو نفسه نورالدين الي اعرفه!!!!
شخص ثانييييييي عباره عن ظلام!!
ظلام يغطي كل ملامحه .. وجهه شاحب وهالات سود تحت عيونه .. عيونه الي مليانه غضب ... اي غضب مااعرف شنو سببه!!!
بلا اي مقدمات ولا اي سلام بصوته الاشبه بالرعد ....
نورالدين .. شعندج هنا؟!!!
سدن .. بلعت الخوفه الي صارت بحنجرتي من شفته .. وبصوت مرتبك ومتقطع ...
اني .. ها .. هذا .. اجيت ... اني ... حتى ...
نورالدين .. بصوت حاد ونبرة مليانه غضب ... امشي اطلعي منا ومااويد اشوف وجهج نهائياً والا صدكيني مراح تبقين عايشه.
للحكايه بقيه 💔
اسفه ع التأخير بس الخطار ممنطينا مجال 😪
رأيكم بالاحداث وتوقعاتكم للبارت القادم 🤗
لتنسوووووووووون التصوووووووووويت حتى ينزل البارت القادم ❤️
اي غلط اي سحكه غلسووو والله كل اشويه اغفى وافز ميته نعاس 😴
رواية ﮼صفقة ﮼عشك الفصل الثالث عشر 13 - بقلم ﮼الاميره،الموسويه 👑
بقلمي(هدى الموسوي ) الاميره الموسويه👑
ما احلل لاي شخص ياخذ كتاباتي وينشرهم (ذمه)
سدن .. كلتلكم من البدايه هذا مو نورالدين الي اعرفه ... بس ممتوقعه نهائياً يحجي هشكل او حتى عنده وجه ثاني مظلم مثل الي دااشوفه هسه!!
سكتت من الصدمه منطقت بس بقيت اباوع بوجهه وخايفه من كلامه ..
نورالدين .. الي يعرف شخصيتي من البدايه ومركز بيها فأني وضحت ببدايه كلامي عن نفسي انه اني جداً هادئ وما اعصب بسرعه ماكو شي يكدر ينرفزني بسهوله او يزعجني لدرجه افقد اعصابي!
بس باليوم الي كالتلي بي ما اريدك!!!!
لاول مره بحياتي احس شي بداخلي ديحترك .. شي يريد ينفجر!
مع ذلك مبينتلها اي شي من غضبي .. عرضت عليها اوصلها ومقبلت!
تركتها ومشيت وبنفس اللحظه الي تركتها بيها قررت انو خلص انساها وانسى وجودها وهذا شي متعود عليه اني الي يطلع خارج حياتي ينتهي.
رحت بوجهي للبيت كنت اسوق بسرعه كلش عاليه!
بحيث اكثر من مره ردت اصطتدم بالناس .. مو بأرادتي الغضب سيطر عليه غضب وشي ثاني مااعرفه شنووو شي ينخر بداخلي اريد اطفي اريد انهي مااعرف بأي طريقه!!
وصلت مسافه عن بيتنا والغضب الي بداخلي بدا يزيد .. وقررت انو انهي بطريقتي!!!
بلحظه وحده وبلا اي تفكير قررت انو اضرب السياره بالباب بكل سرعتها .. !
مااعرف من وين اجتي هذي الفكره واشلون خطرت ع بالي!!
الشي الوحيد الي اتأكدت منه بعدين انو هذا كان شيطان!
واكبر شيطان الك هو نفسك.
رغم انو قرارها مخسرني شي ولا اذاني اذيه جسديه ولا اتضررت منه مادياً بس احسها نهت حياتي وقتها.. وهذا الشعور بالعجز دمرني.
بكل سرعتها مشيت بيها لباب البييييييت كلت يأما انهي حياتي يأما انهي صلاحية السياره!
لان لازم انفض الغضب الي دياكل بروحي!
ويا ريتني كنت متت ولا صار الي صار .....!
فجأه مثل السراب انفتح باب البيت وطلع شخص صاعد دراجه !!
الاوان كان فات للتراجع عن قراري لانو السياره مستحيل توكف بسهوله .. وحتى اذا حاولت اوكفها مستحيل ما اصتدم بي ..!
ثواني سرحت بيها وبعدها رجعت للواقع .. واذا بالشخص الي ع الدراجه طار وانظرب بالكاع!!!!
نزلت بكل سرعتي بس رجليه ما احس بيهم من مشيت .. حتى مااعرف اشلون نزلت من السياره ورحت اشوف الشخص الي انضرب!!
كل ظني وكل تفكيري انو هذا واحد من اصدقاء يمان .. لانو اخويه ادري بي ماعنده دراجه ومنبه عليه مستحيل يصعدها نهائياً.
فكنت اتوقع هذا صديقه الي ضربته!
وصلت يمه ماكو جثه وهامده ع الكاع بس الحمدلله كان لابس خوذه يعني اتقلل من احتماليه ضربته براسه وموته!
بحركه سريعه شلت الخوذه من راسه ...... وهنا گلبي حسيته انشل.
يمان!!!!!!!!!!!!!!!!!!!
ما اكدر احجي ولا اكدر اوصف شعوري وقتها لان بكل بساطه مينوصف.
بس كل الي اكدر اكوله انو شفت ابويه وامي واهلي ودنيتي كلهم سابحين بدمهم بين اديه.
شلته كبل للسياره ماادري وين اروح الكاع ضاقت عليه عمري كله الي راح ما اتذكر فد يوم خفت بي هالكد او انهزيت بي لهدرجه!
اخذت يمان للمستشفى دخلت الطوارئ ارعد بكل ما للكلمه من معنى صوتي كان اقوى من الرعد بيوم عاصف.
اخذو مني يمان وبقيت واكف بمكاني!!
متحركت ولا خطيت خطوه من باب العمليات حتى بعد ما طلع الدكتور بعد كم ساعه هم متحركت من مكاني الى ان طلع يمان من غرفة العمليات المغرب!
اكو شي واحد محيرني!!
ليش لما شخص اتعزه يصير بي شي متتذكر منه بس الاشياء الحلوه!
متتذكر اذيته .. متتذكر مشاكله .. متتذكر عركاته وياك وخلافاتك ويا!!
كل الي يجي ابالي ضحكة يمان شقى .. مقالبه .. وكفاته .. مساعدته .. كلامه الحلو!!
زين ليش هالعذاب!!
هذا كان يدور بعقلي اما بلساني كنت اردد كلمه وحده ... قتلته .. قتلته!
طلع يمان ع السديه چثنه هامده ميحرك ساكن ولا موجود بعالمنا اصلاً.
الدكاتره كالو منعرف الاضرار ولا نكدر ننطيك تشخيص لحالته الا لما يصحى ونشوف حالته!
اسبوعين مرو عليه النوم مشايفه غير كم ساعه ... اخاف انام ويصحى اخويه!
انتظره لحظه لحظه يكعد ويفرحني وعد عليه ما اخلي شي بنفسه ابد حتى لو يريد يموتني ع الي سويته بي هم ما عترض والله ماعندي اي مانع بس المهم يصحى ويحاجيني.
اسبوعين يمان فاقد والوعي .. داخل بغيبوبه!
بهذي الاسبوعين حياتي صارت عباره عن جحيم مرت عليه سنتين مو اسبوعين
كنت مقهور على يمان لدرجه نسيت كلشي لا شغل لا بيت لا شركات .. كلشي ماادري ساكن المستشفى
نسيت اكو شي اسمه حياة .. حتى غضبي وسبب الحادث نسيته!!
الى ان اجاني الحرس كالي باشا اكو واحد جاي زياره الك ويتطمن على استاد يمان!!
سألته منو لان كل الي يجوون حتى يسألون ع وضع يمان ويتطمنون ما اقابلهم
نفسياً ما الي خلك حتى اكعد ويا روحي مو ويا الناس.
بس ماادري شنو الي خلاني أسأل عن اسم هذا الشخص .. والي خلاني افقد اعصابي!!
كريم ابو بسام وبنته !!!!!!!!!!!
بنته!!!!!!!
بنته!!!!!!!!
ااااااخ كل ذره بيه كانت اتنازع حتى اروح انهي حياتها ... بس عقلي بعده موجود.
كلتله يصرفهم فوراً ويكله ممنوع الزياره.
وفعلا راح الحارس وصرفهم ...
بعد ما راحو بكم تعبت حيل لا اكل لا نوم لا راحه .. اتخربطت بس بقيت ملازم يمان ... نصحني الدكتور انه ارتاح لان اذا بقيت ع هالحال تتدهور صحتي.
غصب عني سمعت كلام الدكتور وغمضتلي كم دقيقه !!
چان اسمع هوسه و واحد يحجي يم راسي ويهز بيه!!
كعدت لكيت ممرضه واكفه يمي باوعتلها بخوف .. فكرت يمان بي شي!!!
كالتلي بصوت هادئ اخوك صحى!!!
بعدها ممكمله الجمله ركضت لغرفة يمان .. بالعنايه المركزه!
مخلوني ادخل من ورا الشباك شفته الاطباء محاوطي ويحجون .. هو فاتح عينه بتعب !
بعد عدة دقايق طلع الدكتور المختص بس ملامحه متبشر بخير!!
سألته بحده وخوف وقلق ..
اخويه اشلونه!!
كالي اخوك صحى وبدت اعضائه الحيويه تشتغل بشكل طبيعي .. بس احنا شاكين بشي لكن منكدر انحدد هسه فيما اذا كان شكنه صحيح او مجرد افتراض !
_شنو هو هذا الشي الي شاكين بي!!
الدكتور .. سيد نورالدين اخوك مصارله غير كم دقيقه من استعاد وعيه انطينا اشويةً وقت ناخذ الاجراءات اللازمه حتى نكدر نشخص حالته .
نورالدين .. تمام .
راح الدكتور وبقيت امكابل يمان وكاعد اسبوع ثاني ... ممنوع الزياره وممنوع احد يدخل عليه!
شنو السبب مااعرف !
اخر شي متحملت بعد انفجرت بالدكتور كلتله هسه تفهمني شنو السالفه لو اخذ يمان واطلع بس صدكني مراح يصير خير.
الدكتور .. سيد نورالدين .. بعد الاجراءات والتحاليل الي سوينها لاخوك اتضح انه اكو اصابه بظهره جداً بالغه !
وحتى رغم العمليه الي سويناها اله بس ماكو فايده .. العمرد الفقري لاخوك جداً متضرر.
نورالدين .. من كالي الدكتور هالكلام واحدً وضربني ع راسي بقوه!!
شقصدك يعني !!!
الدكتور .. للاسف اخوك راح يقى معاق طول عمره ومراح يكدر يمشي بعد نهائيا.
نورالدين.. !!!!!!!!!!!
بصوت عالي وصياح .. لزمت الدكتور من ياخته وضربته ع الحايط .. انت شدتلغيييييي شدتكوووووول ؟!!
شنو ميمشي شنو مقعد !!
وربكم اكلب الدنيا عليكم اخويه ما بي شيييي ما بي شي !
اجوي الحرس والاطباء سحبو نورالدين من الدكتور وخلوص من ايده بالكوه!!
حياتي اني الي انعدمت مو يمان!!
شنو اكله لاخويه !!
اذا صار زين وراد يمشي شنو اكله؟
اذا مالي اريد ارجع للبيت ع رجليه شنو اكله!!
شنو العذر الي يسد الكارثه الي ارتكبتها بحقه!!
حالتي ساءت بالزايد .. لا ليلي ليل ولا نهاري نهار .. قررت اروح اشوف يمان واحجي ويا.
اريد افاتحه بالموضوع مااكدر .. شنو اكول منين ابدي ، واشلون اكله هيج خبر!
دخلت عليه من شافني ابتسم ليحجي !
سلمت عليه واحمدتله السلامه .. سولفنا اشويه كلامه ثكيل ميكدر يحجي بس احسن من اول مره.
مفاتحته بهذا الموضوع ولا حاجيته ع الدراجه اشلون اشتراها واشلون اني ماادري .. بقيت كل شي بلا تفسير.
ثاني يوم كنت طالع اجيب غراض محتاجهم يمان بالمستشفى .. ومن رجعت لكيت ابوها واخوها كاعدين يم بسام!!
اضطريت اسلم بعد كاعدين وخفت يمان ينقهر ومو زين على صحته.
حجينه اشويه وسألوني عن يمان كلامي وياهم مقتطف.
بعدين راحو
بعد كم يوم من هذي الزياره ... كنت كاعد يم الدكتور دااناقش موضوع سفر يمان حتى يتعالج بالخارج .. وطلعت من عنده !!!!!!!!!
شفت كابوس واكف كدامي!!
الغضب ملى كل ذره بيه .. اريد اموتها .. لازم اموتها .. شجابها هاي لهنا؟!!!!!
سألتها بصوت حاد .. شعندج هنا ؟!
وجها بين بي الخوف .. اتلعثمت وشكلها كله اتغير من شافتني!
كلتلها اتروح منا بسرعه لان فعلا احس نفسي خارج سيطرتي .. ورغم كل الي صار ما اريد أإذيها.
سدن .. اني اجيت حتى اشوف يمان.
نورالدين .. استغفر الله ... اسمعيني زين كلمه زايده ما اريد اسمع .. امشي روحي لبيتج وديري بالج بعد توصلين لهنا.
سدن .. انت لويش دتحجي وياي هشكل شسويتلك؟!!
اخوك انضرب يحادث والكل يعرف هذا الشي .. اعرف تعبان وقلقان ع اخوك بس مو من حقك تصيح ع العالم شنو انت طفل تطلع غضبك بناس ما لها ذنب.
نورالدين .. بلا كلام مشيت بتجاها بخطوات ثابته مليانه غضب وحقد .. تعب وسهر ... بلا اي تفكير ضربتها راشدي!!!
سدن .. يضربني!!!!!!!!!
ابد متوقعت توصل بي انو يمد ايده عليه!!
صدمه ممتخيلتها ابد ... اعرف مقهور على اخوو ومن حقه بس مو معناها يضربني .. وشنو علاقتي اني بألي صار حتى يتطاول عليه!
محجيت ويا اي كلمه حتى جنطتي نسيتها ما اخذتها احس صوت الكف يرن بأذني!
طلعت من المستشفى ولا كأنو صاير شي حتى محمود ميحس عليه !
اخذني للبيت كبل وبالطريق كلتله ليكول شي ع هذي روحتنا... خصوصاً لبسام!
اتوقعته يستغرب يحجي عليه!
بس ماكو اي رد فعل منه مجرد باوعلي بأستغراب وسكت .. الظاهر ملامح وجهي والرعب الي بيهم فضحني .. وصلت للبيت فارغ كالعاده!
صعدت الغرفتي بدلت ونمت بفراشي .. جسمي كوله يرجف !
شكله ونظراته وملامحه المظلمه متروح من بالي ع بالك مرسومه بعيوني
خليت راسي مثل كل مره ونمت .. كعدت الدنيا المغرب
غسلت وجهي ورحت اطلع كتابي باجر عندي امتحان حتى اقرا.....
والصدمه كانت جنطتي ماكو!!!!!!!!!
دورتها بكل مكان خاف مدحوسه ويا الغراض كلبت الغرفه گلاب ماكو!!!!
يا ربي اكيد نسيتها؟!
اشووووون بيه منو يجيبها من هذا المتوحش!
واشون اروح لهناك بعد .. والدوام اشون بي؟!
كتبي دفاتري ملازمي دروسي اشووووون!!!
يا الهي شهالورطه .. باجر امتحان والكتب كولها بالجنطه!!
ماكو حل غير انو اتصل بي .. اي اتصل واخلي يدزها الي بيد اي واحد مدام بسام مموجود حتى ميعرف شي.
بعد تفكير وتردد كبير .. اخذت الموبايل واتصلت بي!!
رنه رنتين ثلاث .... ماكو رد.
كتبتله مسج ...
(جنطتي نسيتها بالمستشفى اليوم اذا ممكن اتشوف احد يجيبها الي لانو محتاجتها ضروري).
رسلت المسج وكعدت انتظر رد ... ساعات مرت واني مكابله الموبايل بس ماكو اي رد.
صارت الدنيا ليل واجه بسام ... منزلت ولا شفته لان ما الي خلكه!
بس الخوف اتملكني بديت ارتعب من فكرة انه يدز الجنطه للبيت ويشوفها بسام!
بس لا هو مو من عوايده يأذيني بهالطريقه .. صح الي سوا اليوم غريب وجسر بس مااعتقد توصل بي المواصي لهدرجه ... كاعده افكر والخوف ياخذ گلبي وجان تضوي شاشة الموبايل ...
فتحته مسج من رقم غريب ...
(عجبتج المفاجأه؟!!!)
يا مفاجأه ومنو هذا؟!!
بعدني دايخه بالمسج واذت صياح بسام رج البيت ... سدنننن ما سدنننننن!!!!
يا رب سترك !!!
نزلت ركض اهرول لبسام .. اريد اسأله شكووووووو بس الي شفته خورسني!!!!
جنطتي بأيد بسام!!!!!!!!!!!!!
للحكايه بقيه 💔
مرحبا حبايبي🙋🏻♀️
اعرف اغلبكم حيكول ماكووو احداث او ميعجبهم البارت .. احب اوضح انو اني دا اسلسل الاحداث ما اكدر اكطعها واطفر بكيفي لازم ارتبها حتى متصير القصه مخربطه
هذي النقطه!
النقطه الثانيه البارت داانزله قصير لذلك مبي احداث هوايه وهذا حسب طلبكم انتو كلتو اكتبي حتى لو بارت قصير بس لتطولين ولهذا الاحداث قليله
يعني الخلل مو مني بسبب الملحه والكلام الي اسمعه دااكتب بارت قصير حتى اتجنب التأخير والمذمه
ولحد يكولي اكتبي بارت طويل ونزلي بين يوم ويوم لانووووو ماكدر اكتب بارت طويل بيومين
فالقرار بأيدكم تردون بارت طويل يتأخر التنزيل تردون بارت قصير التزم وياكم بموعد.
وحاخذ برأي الاغلبيه.
لتنسووووووون التصووووووويت 💜
رأيكم بالاحداث وتوقعاتكم للبارت القادم 🤗🙋🏻♀️
رواية ﮼صفقة ﮼عشك الفصل الرابع عشر 14 - بقلم ﮼الاميره،الموسويه 👑
بقلمي (هدى الموسوي ) الاميره الموسويه 👑
ما احلل لاي شخص ياخذ كتاباتي وينشرهم (ذمه)
بسام .. بصوت حاد .. هاي الجنطه الج!!!!
سدن .. رجليناتي جمدو ع الدرج مااكدر لا انزل ولا اتحرك من شفت الجنطه بأيد بسام .. ها .. لا .. اي ..
بسام .. شنو لا اي؟!!
الج لو لا حجي.
سدن .. اي اي .. هذي جنطتي.
بسام .. وين جانت؟!!!
سدن .. ها .. شنو .. وين ..!
بسام .. انتي غبيه لو شنو ؟!
اكو وحده متدري وين جنطتها؟!!
وين جانت جاوبيني وديري بالج تكذبين محد يخلصج مني.
سدن .. اليوم رحت للمـ...
محمود .. استاد بسام اخت حضرتك نست الجنطه اليوم بالسياره من نزلت واني هم ماادري بيها بالسياره هسه داانظف بيها وشفتها .. كلت اجيبها اكيد ست سدن اتدور عليها.
سدن .. الله ينقذك من جهنم يا محمود مثل ما نقذتني بس لحظه .... الجنطه اني مناسيتها بالسياره!!!
ومحمود من وين طلع بهالليل!!
شنوو القصه معقوله محمود يشتغل عنده!!
صفنت بموضوع محمود وشوصل لجنطه يمه .. فززني صوت بسام ..
بسام .. ماشي محمود تعبناك ويانا بسبب غباء الخانم .
محمود .. لا العفو سيد بسام هذا واجبي .. تصبحون على خير.
بسام .. اجمعين .. مع السلامه.
سدن .. هففففف يا ربي الحمدلله عدت على خير .. نزلت من الدرج بسرعه اخذت الجنطه من ايد بسام ومشيت .. دااريد ارجع لغرفتي اريد اشرد انهزم لا خوفي يفضحني كدام بسام ...
بسام .. اوكفي .
سدن .. الله يستر شكوو بعد .. التفتت عليه .. نعم ؟!
بسام .. نورالدين هم يتصل بيج؟!!
سدن .. شنووووو .. شدتحجي انت!
بسام .. جاوبي ع كد السؤال ما الي خلكج.
سدن .. ولويش حتى يتصل بيه اصلااااا ؟!!
بسام .. انتي مو كلتي خطبج!
اكيد دينتظر ردج فيتصل بيج حتى يعرف وافقتي لو لا!!
سدن .. مو معقوووول انت .. اكو اخ يحجي ويا اخته هشكل؟!
وبعدين هو بيا حال ويتصل بيه حتى يعرف ردي .. شنو متعرف اخو نايم بالمستشفى !!
بسام .. اللللله اكبر على اللسانج رشاش مو بشر .. امشي ولي من وجهي .
سدن .. درت وجهي ومشيت .. ساعه سوده الي عرفت بيها عندي اخ
صعدت لغرفتي وسديت الباب .. گلبي يُدك سرييييع وعقلي مفتر موضوع محمود مو خالي !
زين اذا الجنطه اني ناسيتها بالسياره .. شنو هذا المسج الي اجاني؟!
منو الي دزه وعن اي مفاجأه يقصد؟!!
يا ربيييييي عقلي حينفجر من التفكير وهذي الاسئله .. فجأه اجتني فكره!!
اخذت الموبايل واتصلت ع نفس الرقم الي وصلني منه المسج .. رنه رنتين 3 ... 10 ... ماكو رد!!!
عابتلج اي والله يا سدن هي هذي فكرتج العبقريه .. تتصلين بالرقم!
وهو الي رسل المسج هيج غبي مثلج حتى يرد على مكالمتج!!
اوووووف من كد الهبطات حتى عقلي انسطر مااعرف اشون افكر.
خلص باجر الصبح افهم الموضوع من محمود بالتفصيل .. اكيد هو اله علاقه بهالسالفه .. خليت راسي ونمت ...!
الصبح بدلت وطلعت لكيت محمود دينتظرني بالسياره .. من شافني ملامحه اتغيرت !!
اهاااااا معناها ظني صحيح .. محمود افندي مو خالي!
سلمت عليه وصعدت .. مشينا اشويه .. كلتله اوكف.
محمود .. خير ست سدن شنو نسيتي شي؟!
سدن .. منسيت شي بس اوكف عندي كلام وياك.
محمود .. ست سدن بس اذا وكفت تتأخرين ع دوامج.
سدن .. بصوت حااد .. اوكف دااكولك.
محمود .. ماشي ماشي.
سدن .. اسمعني محمود انت تعرف كولش زين اشكد اني احترمك واعزك وبحياتي معتبرتك تشتغل عدنا دائماً اعاملك مثل واحد من عائلتي.
محمود .. اي والله صادقه .. و يزيدني فخر اكون عند حسن ظنكم ست سدن انتي واخوج و ابو بسام.
سدن .. خليني اكمل كلامي اذا ممكن .
محمود .. اسف اي كملي .
سدن .. من الاخير وبلا لف ودوران .. اريد اتكولي شنو علاقتك بنور الدين!!!
محمود .. ها؟!!!
سدن .. اعتقد سؤالي واضح ميحتاج اعيده.
محمود .. ست سدن ارجوج لتدخليني بهذي المواضيع.
سدن .. يا مواضيع مفهمت!!
محمود .. مواضيعكم انتي والباشا .. اتمنى اتخليني بره الموضوع اني مجرد عبداً مأمور لا اكثر ولا اقل.
سدن .. موضوعنا ؟!!
شتقصد انت ؟!
شنو اني والباشا شنو متتدخل بينا .. من وينلك هذي الافكار ماكو اي شي اسمه موضوعنا اني ميربطني اي شي بهذا الشخص .. وسؤالي الك اصلاً ما له اي علاقه بألي دتحجي .. كولي شنو علاقتك بنورالدين وخلص والا صدكني راح اوصل الموضوع لبابا وانت تعرف الباقي.
محمود .. لا ماكو داعي توصلين الموضوع لابو بسام .. اني صاحب عائله ليش اتكطعين رزقي؟!!
سدن .. اذاً كولي شنو علاقتك بي وبالتفصيل.
محمود .. الباشا انتي يمكن متعرفي زين .. هواي ناس عايشه على مساعداته الي مشغلهم والي يدزلهم مصرف والي يسهللهم معاملاتهم وشغلهم وووو .. لذلك خيره ع الكل !
واني واحد من هذولي الناس الي وكف وياي الباشا وساعدني لذلك هو صاحب فضل عليه.
وقبل فتره طلب مني طلب وهو انو اراقبج .. يعني مراقبه مو احجيله شنو سويتي و وين رحتي!
لا طلب مني اكون مثل الحارس الج بلا ما انتي تدرين .. يعني اخاف تحتاجين شي اخاف يتعرضلج احد يعني اكو حمايه الج.
سدن .. يعني خلاك جاسوس عليه !!!!!!!!!!
محمود .. لا الله شاهد مو هيج .. لا طلب مني احجيله اي شي عنج ولا انطي اي تفصيل لحياتج .. مجرد كال احرسج لا اكثر.
سدن .. يعني انت عند منو تشتغل عنده لو عدنا؟!!!!!!
محمود .. ست سدن الله يخليج افهميني اني ولائي وخدمتي الاولى والاخيره لسيد كريم والكم انتو وبس ، اما موضوع الباشا فهذا رد جميل مو اكثر .
سدن .. وموضوع الجنطه هو الي سوا مو؟!!
محمود .. اي الباشا البارحه خابرني بالليل وكالي انو اكو امانه اوصلها لبيتكم.
سدن .. كالك اتوصلها للبيت لو توصلها الي شخصياً؟!!
محمود .. لا بصراحه كالي انطيها لسيد بسام بس اذا سألني اكله انو انتي نسيتيها بالسياره.
سدن .. اوك .. اخذني للمدرسه ومنا ورايح ممنوع اتوصله اي شي عني او عن البيت نهائياً والا صدكني محمود راح انسى اكو شي اسمه زاد وملح بينا واخلي بابا هو الي يحاسبك.
محمود .. ماشي ست سدن بس اترجاج لتحجين شي لاستاد بسام لانه مراح يتفهم الموضوع ويعصب.
سدن .. اخذني للمدرسه حتأخر.
مخليلك واحد يراقبنييييي مو نور افندي!!!!
لا وتدز الجنطه لبسام حتى تخوفني .. اتريد اتكولي انك تكدر اتأذيني بسهوله موووو!!!
اوك اصبرلي حشوفك منو سدن واشون تلعب وياها.
وصلت للمدرسه كالعاده خلص الدوام ورجعت للبيت .. مكلت اي شي لبسام لانو ادري بي حيوان وميتفاهم يروح يطرد محمود هاي اذا ميأذي للمسكين وهو عنده عائله وجهال بركبته.
مر اسبوع ع هذا الموضوع هو مسمعت عنه شي ولا شفته اصلاً .. بسام مااعرف شعجب سد حلكه ومسألني بعد على نورالدين وسالفة الزواج .. اني التهيت بالدراسه وطلعته من بالي نهائياً اما گلبي الضعيف ميتقبل فكرة انو انسى ابداً!
كل يوم يرجعلي مواقفه وكلامه .. شهامته ورجولته .. اسلوبه وجماله!!
كل يوم دا اتعلق بصورته الي رسمها الي اكثر واكثر!
بس مع ذلك متواصلت ويا نهائياً بعد الدگه الي سواها وياي لما وصل الجنطه لبسام .. بصراحه بديت اخاف منه لانو واضح انه جاد بأذيتي مو ميتردد.
اسبوع سبوعين .. مرو عليه كولشي مبيهم غير الملل والروتين ... الى ان فد يوم كاعده وصاحني بسام!!
بسام .. حضري روحج اليوم بالليل انروح معزومين.
سدن .. شنووو؟!!
بسام .. شكو اشبيج انصدمتي ؟!
سدن .. ولويش ما انصدم!!
بحياتك كولها محاجيلك كلمه طيبه وياي مو انوب اتطلعني .. مو زين ما انجلط.
بسام .. بلا خفة دمج السخيفه وامشي حضري روحج مبقى شي ع العزيمه بلا منتاخر.
سدن .. اوك ممكن اعرف شنو هذي المناسبه و وين .. ولويش دتاخذني وياك؟!
بسام .. المناسبه هي لسلامة يمان اخو الباشا وخروجه من المستشفى ، والعزيمه ببيت نورالدين ، وماخذج وياي لان الدعوه عائليه.
سدن .. اهاااااا هيج كول من البدايه ... ما اروح.
بسام .. مو بكيفج.
سدن .. بكيفي ما اروح وما الك اي حق تجبرني ع شي ما اريده.
بسام .. ترحين وغصباً عليج وحتى اذا اضطريت اسحلج سحل واخذج
سدن ... شنوووو شدتحجي انت اكيد اتخبلت.
بسام .. الي عندي كلته واني طالع ارجع الكاج جاهزه والا والخلقج اخليج عبره لمن اعتبر.
سدن .. مو بكيفك فهمت لووووو لا والنبي هسه اتصل ببابا واخلي يسحلك سحل بسام سمعتني لو لا
بسام .. وهو ديطلع ... هههه ماشي اتصلي واذا رد عليج عاتبيني.
سدن .. اتصلت ع بابا لحد ما مليت ماكو رد !!
وييييييينك بابا مو ع اساس اذا حتاجيت شي انت موجود .. وينك هسه محتاجتك.
بسام مخبل ولما يكول شي يسوي ماعنده كل مانع يجرني وياخذني للعزيمه مالته.
واكيد ديريد ياخذني حتى يضمن موضوع الزواج اكيد مميت عليه ويريد يونسني!
خو ما اروح للحفله مالت المتوحش هذاك غصب ويشوفني مذلوله!!!
لاااااا لازم ميشوف الكسر بعيوني .. لازم ابقى سدن القويه الي منحنت له.
بس والله ما اريد اشوفه ولا اريد التقييي بي .. گلبي من هسه وجعني مصدكت نسيته وطلعته من بالي.
الله لينطيك بسام ويحرك گلبك مثل مدااتسوي بيه يا ظالم.
صعدت لغرفتي بدلت فستان شيفون مبطن طويل لونه بنفسجي طووخ وميكب خفيف .. شعري رتبته ليوره وبروش .. وخصلتين كيرلي خفيف من كدام .
على ما كملت وصل بسامووو اخذت جنطتي وطلعت .. وصلنا للحفله لكينا الدنيا مكلوبه!
ناس اشكال والوان .. الي اعرفهم سلمت عليهم والي ما اعرفهم هم سلمو عليه .
دااحجي ويا وحده زوجة صديق بابا ورفعت راسي بالصدفه لمحته واكف ع الشرفه ويباوع عليه!!!!!!!!
من شافني بسرعه دار وجهه عني!
طبعاً مركزت بملامحه ولا شفت وجهه زين بس اول ما لمحته گلبي بدا ينبض بسرعه ع بالك الدم ديصعد لراسي وبس!
سويت نفسي ممهتمه بي .. وكملت كلامي ويا المره بعد دقايق نزل واجه اخوو يمان كاعد ع كرسي متحرك!
خطيه شكل يمان يكسر الگلب!
حسيته محرج من الناس الي دتباوعله بشفقه .. اكيد صعبه وين چان و وين صار!
خصوصاً ع شخص مثل يمان متعلم ع التباهي وعايش الحياة بطولها وعرضها .. حيل صعبه عليه يكون بهذي الحاله.
اني وحده من الناس الي حسيت بشفقه وحزن تجاهه .. الله يساعده ويشافي !
المهم ..
سلمو ع الكل او بالاحرى الكل سلمو عليهم وتحمدو السلامه ليمان الي كان واضح من شكله بعده تعبان .
اخذني بسام ورحنا دنسلم عليهم .. سلم بسام على نورالدين طبعاً مااحجيلكم ع كمية التملق الي اتملقه بسام للباشا مالته واخو!
لدرجة لعبت نفسي من كمية التمثيل والتصنع الي بكلام بسام.
هو سلم على بسام طبيعي بس بدون اهتمام يعني سلام عابر .. بس يمان من شافنه ابتسم ابتسامه هادئه مااعرف من سببها اني لو بسام!
بوجود بسام مااكدر اتجاهل الباشا مالته لانو حسابي حيكون عسير ومو بعيده يرزلني كدامه .. اضطريت انو اسلم عليه .. بصوت هادئ ..
_ الحمدلله على سلامة اخو حضرتك.
نورالدين ... اومئ براسه وبس.
سدن .. هههه حلو .. شكله ناوي ع حرب الباشا..!
سكتت بس بداخلي بركان يغلي غضب فشلني كدام اخويه العار وكدام اخو والناس الي واكفه!
الفشله صارت غصه كتمتها بأبتسامه مزيفه .. بس عيوني شكلها عكس حنجرتي متتحمل لان الدموع صارو ع وشك الهطول.
والي اتلافى الموضوع بحركه حلوه واسلوب راقي ... اخوو يمان.
يمان .. معقوله القمر بنفسه جاي يشوفني!!
لو ادري مرضي يجيبج من زمان دعمت نفسي وتعوقت!
سدن .. هههه الحمدلله ع سلامتك .. مشافى ان شاء الله.
يمان .. يمعوده طبت اول ما شفتج.
سدن .. ايييي خلي استغل الموقف لصالحي واحركلك كلبك نورالدين افندي .. هههه لو ادري شوفتي تطيبك من زمان كان اجيت .. ولو اني اجيتك ويا بابا للمستشفى بس كنت نايم وقتها .. الظاهر محد كالك.
يمان .. لا والله محد كالي .. بصراحه واني بالغيبوبه حسيت بسعاده وشميت ريحه طيبه اثاري انتي يمي.
بسام .. هههههه بعدك على سوالفك يمان متجوز منهن.
يمان .. لك هذا انت هنا نسيييت اخوج واكف اخذني الواهس .
سدن .. يا ربي اول مره اشوف هيج شخص هذي حالته وينكت ويضحك.
يمان .. لك نور ليش مكلتلي القمر ..ااا قصدي سيد كريم جاي يشوفني بالمستشفى!
نورالدين .. بصراحه لو ما الانسه سدن كان انت تمشي على رجليك لذلك مكدرت اكلك !!!!!!
للحكايه بقيه 💔
رأيكم بالاحداث وتوقعاتكم للبارت القادم 🤗
لتنسووووووووووون التصوووووويييييييت حتى ينزل البارت بسرعه وهذا البارت مردت انزله لانوو التصويت بالبارت الي قبله ابد ميشجع رجااااءاً صوتو حتى القصه تصعد واكملها بسرعه 😘
رواية ﮼صفقة ﮼عشك الفصل الخامس عشر 15 - بقلم ﮼الاميره،الموسويه 👑
بقلمي (هدى الموسوي) الاميره الموسويه 👑
ما احلل لاي شخص ياخذ كتاباتي وينشرهم (ذمه)
يمان .. شنو قصدك مفهمت؟!!
نور الدين .. لانك كلما اتشوف سدن تسحل روحك لحد مراحت رجليك.
يمان .. خرب عقلك اي والله هسه عاد خلي يروح اخوها واحجي مو كدامه شيكول عليه يزحف لاختي.
بسام .. ههه لا حشاك يمان اكيد الباشا ديتشاقه وياك.
سدن .. بلا هذا شديحس يحجي هشكل!!
خلاني اشك بروحي الا اشويه كنت راح اظن اني الي دعمته ليمان وسويت بي هالشكل.
نورالدين ... بعد الي صار بينا بالمستشفى وكلامها المستفز بوقتها فقدت اعصابي ومديت ايدي عليها.
وكانت اكثر مره احس بيها بالندم ع شي سويته بكامل ارادتي!
ولو احساس الندم ملازمني من حادث يمان .. بس الله شاهد انه ما كانت نيتي أأذي احد بوقتها .. مو انوب أخويه!
المهم ..
عافتني وراحت بسرعه حتى محجت شي ولا جرحتني بكلام بعد ما ضربتها ولا حتى باوعتلي بس لمحت عيونها غوركت بالدموع ، دارت وجهها وراحت ..!
اني هم كنت مقهور وقلق ع يمان ومعصب منها .. فمهتميت الها لان كل عقلي وتفكيري يم اخويه ..بقيت يمه اتابع وضعه خاف يحتاج شي !
الظهر تعبت حيل فالاطباء والمساعد مالتي نصحوني انو اروح للبيت اورتاح!
بالبدايه رفضت اترك يمان بس بعدين يمان اصر انو اروح ارتاح .. وحتى لينزعج يمان فعلاً رحت للبيت !!
طلعت من غرفة يمان شفت جنطه مدرسيه بالممر مشموره!!!!!!!
معقوله اتكون نست جنطتها !!
صفنت عليها وابتسامه غصب عني انرسمت ع وجهي .. اخذت الجنطه خليتها بالسياره وطلعت بوجهي للبيت.
غسلت وغيرت ملابسي اشويه ارتاحيت .. كلت انام اشويه والعصر ارجع للمستشفى .. بعدني هستوني غفيت .... رن موبايلي!!!!!
باوعت زيد ديتصل!!
اهوووو اكيد هذا يريدني امر للشركه والله بطران .. مديت ايدي جريت الفون سويته سايلنت ونمت...'
كعدت العصر كلش كمت سويتلي كوب قهوه حتى اصحصح لانه راسي يريد ينفجر من التعب!
بعدها بدلت وطلعت .. فتحت الفون اريد اشوف زيد شعنده يتصل واذا اشوف رقمها بالمكالمات الفائته ... و مسج هم منها...!!
فتحت المسج كاتبتلي نسيت الجنطه بلكي اتشوف احد يجيبها محتاجتها ضروري!!
احد يجيبها؟!!
اتريد ادزلها جنطتها بيد واحد و يشوف عيونها ؟!
كلمة دز واحد يجيبها عصبتني بلا سبب!
اشكد كنت متندم لان ضربتها .. مسجها هذا خلاني اريد اشرب من دمها رغم انو كلامها ما بي اي غلط ..
عقلي كان يعرف كلامها طبيعي .. هي مو حكر الي!
واني مو الوحيد الي شايفها واشوفها ..!
بس گلبي متقبله احسه قفل لحظتها .. لييييشششش ماادري
زين اذا اخوها شاف الجنطه بيد هذا الواحد مراح يسألها وين كانت جنطتج!!
اكيد هذي مو بوعيها لما كتبت المسج .. شكله الراشدي (الكف) أثر ع عقلها.
واني بقمة الغضب .. تمام طلباتج اوامر.
فكرت اروح بنفسي انطي لجنطه الاخوها واكله اليوم اختك نستها يمي .. بس خفت يأذيها .. قررت ادزها بيد محمود سايقهم حتى اخاف تصحى من غبائها فتكدر تتلافى الموضوع وتكول نسيتها بالسياره
فعلاً اتصلت بمحمود واخذلها الجنطه كلتله تنطيها لاخوها بسام واذا سألك اتكوله نستها بالسياره.
اخذها محمود ومسألت بعدها .. ولا عرفت شي عنها لان التهيت بيمان وعلاجه !
الاطباء كالو ماعنده اي مشكله بأعضائه ما عدا اشوية جروح وخدوش .. و اصابة العمود الفقري وهذي متتعالج!
بس لازم يسوي علاج طبيعي حتى ليصير ضمور بعضلاته ..!
بقى يمان اسبوعين وطلع من المستشفى !
بين علاجه وبين الشركه ضاع اغلب وقتي .. بس هي مطلعت من بالي .. شكلها و الدموع بعيونها عذب گلبي !
اكثر شي اكرها بحياتي شخص احبه يتأذه بسببي .. وهذولي اعز اثنين اني أذيتهم!
يمان اخويه وهي ...
يمان صار مقعد بسببي .. وهي قسيت عليها وحملتها مسؤولية شئ ما لها ذنب بي!
رفضها الي من حقها واني كان المفروض اتقبل هذا الرفض من البدايه وانسحب.
حتى وان كنت احبها .. حتى وأن كنت اعشقها .. حتى وان كنت اتنفسها.. مووووو سبب هذا يخليني اعصب وسوي الي سويته !
وبعدها خليت الصوج براسها وعصبت عليها .. رغم انو هي اصلاً مكانت تعرف سبب حادث يمان شنو!
كرهتها ، جرحتها وضربتها بلا سبب .
اوووووووف اشلون بهاي الافكار .. اشلوووون اخلص منها ...!
كل يوم يمر اشتاقلها اكثر .. شوفتها اتمناها اكثر واكثر ... الى ان نفذ صبري خلص!
لازم اشوفها .. ولازم هي تجي بنفسها لانه بعد الي سويته مااكدر اروحلها برجلي اكيد مراح تتقبل اتشوفني !
اني كنت ناوي اول ميطلع يمان من المشفى اسوي حفله على سلامته ومااخلي شخص مااعزمه دفعان بلا لراس اخويه.
فضربت عصفورين بحجر .. عزمت اخوها وكتبت بالبطاقه الدعوه عائليه.
مع ذلك ممتوقع اخوها يجيبها لانه حقير نوعاً ما .. بس خليها ع الحظ وانشوف.
فعلاً تمت الحفله واجو كثير ناس من كل المناصب والطبقات .. وكفت من الشرفه اتفحص الوجوه عسى ولعل تجي واشوفها ..!
ومثل متمنيت الامنيه لاول مره تتحقق ... لمحتها دخلت هي واخوها ..!
بملامحها الهادئه وعيونها الأخآذه .. كانت تشع من بين الكل .. مااعرف عيوني الي ميزتها عن الموجودين.
بقيت اتفحصها وأتأمل حركاتها بدون متدري دقايق مرت واني هايم بيها .. الى ان التفتت وشافتني!!!!
درت وجهي بلا اهتمام .. لانوو مهما يكون هي رفضتني .. مو سهله اذل نفسي واحسسها انو الي سوته بسيط.
بعدين نزلت سلمت اني ويمان ع الحضور .. اخوها جابها واجه يسلمون علينا .. كل خطوه تقترب مني گلبي احسه يطلع من صدري بقوه .. سلم اخوها عادي وهي هم سلمت مرديت عليها ..
بس أومئتلها براسي .
غريبه مشاعرنا لدرجة نعامل الي انحبهم بكبرياء وعدم اهتمام .. واحنا صدورنا مشتعله من الاشتياق.
حسيتها انقهرت من تصرفي .. وعيونها هم دمعت!!!!
ردت احجي وارد على سلامها حتى متنجرح مني .. بس يمان سبقني وكام يتغزل بيها...!!!
هذا الشي خلاني انجنننننن ع الاخير .. بس بلا ما ابين شي.
كنت من الخارج هادئ جداً وطبيعي .. بس بداخلي بركان يريد ينفجر!
كلام يمان احسه خنجر ينخر بگلبي .. ومع ذلك ما اكدر اسوي شي.
والمصيبه هي اتجاوبت ويا .. كامت تحجي ويا وتتشاقه ولا كأنو احد واكف حتى اخوها محسبتله حساب!
بلحظة غضب كلت اليمان انو هي سبب الي هو بي هسه!
وهذا الشي خلا نظراتها ونظرات اخوها ويمان تتوجه اليه بتعجب واستغراب!!!!!!!
بس اني بسرعه اتداركت الموضوع!
بقى اخوها ويمان يضحكون .. بس هي اتباوعلي بنظرة حقد مااعرف غضب .. نظره شخص يريد ينتقم .. شكلها من تعصب يخليني ابتسم لا ارادي.
هي الظاهر متحملت الموضوع .. استأذنت من اخوها اتروح للحمام!
بقيت اني واكف يمهم هم يحجون واني عقلي يمها ..!
اترخصت منهم ورحت وراها ... بقيت انتظرها بباب القاعه .. بعد كم دقيقه طلعت بس عيونها حمر!!!!
من شافتني ارتبكتب وملامحها عصبت اكثر!
مشيت بتجاها كم خطوه .. وبصوت هادئ سألتها ..
_ اشبيهم عيونج؟!
سدن .. طول ما احنا واكفين هو بس يسمعني كلام يغث .. احس كلامه سهام موجه الي ورغم حاولت بكل الطرق احجي ويا يمان واتشاقه حتى اقهره بس ماكو فايده كان يرد على تصرفاتي وكلامي بتجريح اقوى .. عصبني حيل وقهرني حيل مكدرت اتحمل رحت للحمام و بلا ارداة مني بجيت .. شنو هذي الدموع الي صايره هالايام تنزل ع كولشي!
وين سدن القديمه!!
سشوه بيه هذا .. اني الي عمري مبجيت غير ع ماما يجي هذا يبجيني!!
لا والله ما عاش .. غسلت وجهي وطلعت والصدمه لكيته واكف كدامي!!!
الظاهر كان واضح عليه كنت ابجي لان اول ما شافني سألني ع عيوني اشبيهم!!
مجاوبته ولا اهتميت .. دنكت راسي ومشيت .. چان يوكف بطريقي وهو ما شاء الله مو ضخم!!
رفعت راسي باوعتله بغضب ... وخر عن طريقي.
نورالدين .. تمام جاوبيني واخليج ترحين بطريقج.
سدن .. مبيهم شي .
نورالدين .. لعد ليش صايرات حمر؟!!
سدن .. بصوت حاد وعالي .. وانت شعليك عيونك لو عيوني هم؟!!
حمر خضر صفر .. انتتت شكووو .
نورالدين .. بأبتسامه هادئه ... فدوه يرحون عيوني وصاحبهم لعيونج.
سدن .. كلامه نار واشتعلت بگلبي احس گلبي مثل الي اتقلص ما اعرف انقبض مااعرف شنووو .. شعور ممجربته حلو ومؤذي بنفس الوقت .. صفنت بوجهه بس الدموع احسها دتتجمع بعيوني .. انت لويش دتسوي بيه هشكل!!!!!
نورالدين .. اااااااه سدن اااااااه .
اعرف اني غلطت بحقج .. واعرف قسيت عليج بس صدكيني غصب عني كنت متشتت ومقهور على يمان .. اذا سمعتي فأني الي كنت سبب بألي صارله وهذا الشي مو سهل ابد يمان اخويه الوحيد .. اتخيلي نفسج تكونين السبب بتدمير حياة اخوج الي هو كل شي بحياتج!
ظروفي الي مريت بيها جداً قاسيه وما اتمنى لاي أحد يعيشها .. بس هذا مو مبرر انو أأذيج .. لذلك اني اسف بكل ذره بيه واعتذر .
سدن .. يا ربييي هذا هوايه ... مااكدر هيج !
بقيت صافنه بوجهه .. سارحه بملامحه الرجوليه .. صوته الحاد .. الهدوء الي بكلامه ... بكل ما للكلمه من معنى حبيته.
ايييييييي .. اذا كان الحب رجفة ايد .. ونبضة گلب مجنونه .. وعيون هايمه ومشاعر مرتبكه .. والاعظم من هذا امان وحنان ..... فأني احبه لهذا الكائن .
بس مع ذلك ما لازم اضعف واعترف بسهوله .. خلي يتعذب اشويه يلا اكوله وخليني اتأكد من صدقن ومشاعره يلا ابوح.
جريت نفس بهدوء ..
_ تمام مسامحتك بس محنسى الي سويته.
نورالدين .. موافق لتنسين .. بس اهم شي متنقهرين ولا عيونج تدمع بسببي.
سدن .. اوك اكدر اروح هسه لو اكو شي بعد مكلته!
نورالدين .. بأبتسامه هادئه ... احبج.
سدن .. بسرعه مشيت من يمه بس احس گلبي حيوكف من كالي هذي الكلمه ممتوقعه اسمعها منه نهااااااائياً رغم هو هواي لمحلي لهذا الموضوع بس ابد مكالي هذي الكلمه بصريح العباره!
دااحس هذا الشخص مو نفسه نورالدين الي قبل كم اسبوع شفته بالمستشفى!
رجعت للحفله وكولشي مر تمام .. هو بقى طول الوقت عينه عليه !
ولما احجي ويا يمان او اسلم ع شخص يباوعلي بنظره مخيفه!
امممممممممم شكله جبل الجليد يغار!
يااااااااي شنو هالشعور الي دااعيشه هذا!
خلصت الحفله ورجعنا للبيت ..
بسام .. نورالدين منزل عينه عنج طول الوقت؟!!
سدن .. منتبهت وبسام شدتحجي انت؟!
بسام .. اممم شكله واكع الافندي .. اي واخيراً راح يصير الي ابالي.
سدن .. انت مو طبيعي .. اروح انام احسن.
اول مره اشوف اخ حقير هشكل .. يكولي يباوع عليج ومفتخر العار.
لو عندك ذرة غيره كان مكلت هالكلام اصلاً مو فرحان ع بالك منتصر.
اووووف يا ربي ملكيت غير هالبسام تسوي اخويه !!
استغفر الله لا اعتراض ربي بس انت اعرف بالحال.
بدلت ونمت .. الصبح كعدت بدلت وطلعت للمدرسه .. چان اشوفه واكف بسيارته !!
هههههه واخيراً رجعت حليمه مدري حميده لعادتها القديمه !!
وصلني للمدرسه وراح .. من طلعت هم لكيته موجود .. صعدت ويا محمود ورحنا للبيت ...
وصلني وراح داادخل للبيت چان يصيحلي !!!
التفتت لكيته واكف كدام بيتنا ومرتكي ع سيارته .. كلتله روووح منا عالم ليشوفوك.
نورالدين .. تعالي كلت.
سدن .. عفيه الله يخليك روح لتسويلي مشكله لو يجي بسام ويشوفك.
نورالدين .. تجين انتي لو اجيج اني بنفسي !
سدن .. استغفر الله نورالدين الله يخليك روووووح ليجي بسام.
نورالدين .. مشيت بتجاه بيتهم كم خطوه صرت كدام بابهم .. بصوت هادئ .. اولاً مساء الخير .. وثانياً مشتاقلج .. وثالثاً .. مراح اروح الي تسوين الي اريده.
سدن .. شنو الي تريده كول عفيه قبل ليجي بسام ويسويلي كارثه.
نورالدين .. اريدج تجين وياي نتغده وارجعج.
سدن ... شدتحجيييييييي انت اتخبلت .. وين اجي وياك هسه يجي بسام وميلكاني غير يذبحني!
نورالدين .. بسام مموجود سافر اليوم عنده صفقه وميجي غير بالليل.
سدن .. لا عيني مااروح مثل هذيج المره هم كلت مسافر وانوب طلعلي فوك راسي .
نورالدين .. ههههه لا هذي المره غير صدكيني.
سدن .. لاااا يعنييييي لا وروح منا ليجي ويشوفك.
نورالدين .. وميجي شنو يعني خايف منه!
سدن .. اني الي خايفه مو انت بس روووح.
نورالدين .. خطوه وحده مااتحرك منا اذا متجين وياي.
سدن .. يا ربي انت تريد اتموتني .
نورالدين .. بحده ..اااااشششششش .. لتحجين هذا الكلام كدامي .
سدن .. اوك مااحجي بس روح.
نورالدين .. شوفي مااحب اعيد الكلام وانتي خليتيني اكرر الف مره .. امشي اصعدي السياره وخلي انروح على عنادج هذا كان رحنا واجينا.
سدن .. مااروح .
نورالدين .. متأكده؟!!
سدن .. اي متأكده.
نورالدين .. تمام.
درت وجهي ومشيت .. بعدني مصاعد للسياره .. چان اتصيحني.
سدن .. لحظه .
نورالدين .. التفتلها .. بس محجيت شي.
سدن .. اكيد بسام ميرجع.
نورالدين .. اأومئتلها بهدوء .
سدن .. اوك بس ما اتأخر.
نورالدين .. تمام.
سدن .. صعدت ويا بالسياره .. واخذني ع مكان يجنن .. هو مطعم بس يحاوطه مثل النهر مااعرف ع جرف نهر .. فد شيييي يجنن بس بالاحلام عايشته!
اتغدينا وسولفنا .. مخله شي مشترى الي .. اكل ..حلويات عصائر .. كرزات .. بطني حسيتها حتنفجر!
يوم من صدوك انحسب من عمري .. اتونست بي ونسه مو طبيعيه .. بعدها اخذني فرني بالسياره كالي ننزل اشتريلج شي من المحال كلتله مااريد شيييي بس رجعني للبيت!
رغم اصراره بس اني موافقت وهو هم محب يجبرني .. كملت الطلعه ورجعني للبيت!
وصلني وراح .. بدلت ونمت .. كنت فرحانه وبنفس الوقت خايفه كأني مسويه جريمه واخاف تنكشف!
كعدت العصر قريت اشويه ومتعشيت لان كنت احس معدتي مليانه بس سويت كابتشينو وكعدت اقرا .... لليل كولش اجه بسام!!
بس ملامحه كانت مو طبيعيه ومعصب ... اول ما دخل وشافني جرني من شعري عاط بيه !!
بسام .. لج اليوم انهيج اليوم اقتلج خلاص .
سدن .. بسام اااااخ دتأذينييييي شكووو شمسويه اشبيك بسااام اااخ.
بسام .. شمسويه؟!!
متدرين شمسويه ؟!
اليوم وين چنتي ويامن طالعه!!!!!!!!!!!
للحكايه بقيه 💔
مرحبا حبايبي
اعتقد اني اتفقت وياكم حنزل كل يومين بارت بس حيكون قصير والاغلبيه وافقت على هذا الشي فما الها داعي كل مينزل بارت اتكولون قصير ترى مليت من هالكلمه
رجااااااااءاً لحد يكول البارت قصييير لانه اكثر من ١٩٠٠ كلمه ولحد يكول ماكوووو احداث لانوووو دا اسلسلهاااااااا
وبالنسبه للي يكولون نفس مسلسل تركي مااعرف شنوووو احب اكوللكم انو ماكو هيج شي لا ايلين ولا غيرها قصه مختلفه تماماً واحداثها حتكون صدمه وعد 🙂😌
رأيكم بالاحداث وتوقعاتكم للبارت القادم 😒
لتنسووووووووووون التصووووووووييييييييييتتتتت حتى ينزل البارت بسرعه 🙋🏻♀️🚶🏻♀️
رواية ﮼صفقة ﮼عشك الفصل السادس عشر 16 - بقلم ﮼الاميره،الموسويه 👑
بقلمي(هدى الموسوي ) الاميره الموسويه 👑
ما احلل لاي شخص ياخذ كتاباتي وينشرهم (ذمه)
سدن .. شنوو!!
بسام .. سمعتيني كلش زين لتغشمين روحج لج .. هسه تكليلي منو هذا الي طالعه ويا ؟!
اليوم ادفنج والله واغسل عارج.
سدن .. اااااه بسام الله يخليك بس عوف شعري واني افهمك اااخخ شعريي والله دتأذيني بساااااام.
بسام .. لج احجيييييي منو هذا منووو خلي اروح اشرب من دمه ودمج اليوم.
هسه عرفت ليش رفضتي نورالدين !!
عاشكتلج واحد مووو؟!!
اليوم انهيج والله انهييييج اذا متحجين.
سدن .. سحبت نفسي من بين اديه بكل قوتي بحيث خصله من شعري راحت بأيده من دفعته.
بصوت حاد وعيوني حمر من الالم الي احسه بشعري...
_انت شدتحجييييي شدتحجي .. لك بابا انت مخبل والله مخبل روح عالج نفسك.
بسام .. هااااا وتطولين السانج فوكاها؟!
ولج الج عين وتحجين ساقطه عار اليوم اذا ما ذبحتج ما اتسمى بسام.
سدن .. اييييي اكتلني يلا .. اكتلني وخلصني من عقلك المريض .. والله يا بسام اذا اكو عار فهو انت !
وين كان اللسانج وغيرتك لما كنت واكف يمي والباشا مالتك واخو يتغزلون بيه؟!!
وين كانت رجولتك لما الحارس مال الباشا مالتك مسح بيه الارض ومد ايده عليه؟!
وين كان ضميرك لما ضحكتو عليه انت وابوك بعيد ميلادي ؟!
هسه حاي تبيع براسي شرف وبطولات؟!!
اسمعني زين اذا مديت ايدك عليه لو اتقربت خطوه وحده مني اني اكتل نفسي واسويلكم فضيحه لا صارت ولا تصير سمعتنييييي لووووو لاااااا وروح ماما يا بسام لا اخليك فرجه للعالم .
بسام .. هلا هلاااااا .. ولج شنو هذا اللسانج؟!
هاي الصلافه والوكاحه منيييين متعلمتها؟!
لج فوك طيحان حظج وسفالتج يا ادبسز اتلاسنين وتهددين؟!!
سدن .. هذا مو تهديد دااحجي صدوك .. كافي سكتتلك هواااي اني مو لعبه ولا جاريه عندك كل يوم جايبلك مصيبه ومخليها براسي!
اذا شفتني بعينك طالعهويا واحد هسه اني بنفسي اكتل روحي لتعب نفسك .. يلا كولي شنو دليلك؟!!!
لو بس لغوه زايده وتتمرجل عليه كل ما صحلك.
بسام .. لغوه زايده مو يا ادبسز؟!!
ماشي هاج شوفي هاي الرساله .. من منووو؟!!
سدن .. اخذت الموبايل من ايده .. شفت رقم دازله مسج اني صابرين عندي شغله ضروريه وياك بخصوص اختك سدن اذا حاب تعرفها تعالي لهذا العنوان.
سدن .. صابرين؟!!!!!!!!!!!!!
بسام .. صديقتج بعيونها شايفتج صاعده ويا واحد من يم باب البيت!
وعدها صور لسيارته هم .
سدن .. جذابه.
بسام .. لج انتي شنوو شايفتني غبي كدامج!!!!
رحتلها وبلسانها كالتلي كلشي .. شنو جذابه؟!
وشنوو مصلحتها حتى اتجذب عليه وتسوي مشكله ؟!
سدن .. شوفتك صور الي صاعده بالسياره؟!!
بسام .. لا بس شفت السياره واكفه ببابنا.
سدن .. شفتني صعدت ويا هذا الي دتكولك عليه؟!!
بسام .. لج انتي شنو تحققين وياي؟!
السياره موجوده بالصور والبنيه شافتج صعدتي ويا .. شنو تردين اكثر من هذا الدليل؟!
سدن .. اخاف انكر ويطلع شايفني من صاعده وديختبرني؟!
واخاف اكوله الحقيقه ويقتلني خلاص!!
شسوووووي هسه؟!!
الله لا ينطيج يا صابرين .. بس اصبريلي خلي اخلص من هذي المصيبه الا اسود عيشتج يا عار.
_هاي دتكذب عليك ..
سوت كل هذي المشكله حتى تنتقم مني اشون طردتها هذيج المره.
وانت بنفسك كلتلي لتحجين وياها بعد .. وهي اصلاً معروفه بكل المدرسه وحده حقيره وصاحبة مشاكل .. لانها معجبه بيك وتريد توصلك بأي طريقه لذلك اخترعت هذي القصه حتى تحجي وياك وتتقرب منك .. ولو كان كلامها صحيح كان صورتني واني صاعده بالسياره!
او حتى كان صورتني واني وهذا الي دتكول اني رايحه ويا.
بسام .. ملحكت اتصور لان هي بالصدفه ماره من يم بيتنا بالخط وشايفتج لذلك ممصوره غير السياره.
سدن .. لج صابرين شدعي عليج؟!
اخاف ادعي الله ياخذج ويرجع عليه الدعاء لان ادري العار ميموت.
_كلتلك هذيييي كذابه وعندي استعداد اثبتلك كلامي .
بسام .. اشلون تثبتين؟!
سدن .. باجر روح وياي للمدرسه وكدامك اواجهه واسمع كذبها بنفسك.
بسام .. لج انتي شنو شايفتني زعطوط؟!
سدن .. والله انت لو العكس كان ما صدكت بوحده مثل هذي الحيه .. بس ما استغرب لانو شبيه الشئ منجذب اليه .
الي عندي كلته عجبك اهلا وسهلاً معجبك هسه اتصل ببابا وخلي يجي يشوف حل لنوبات خبالك هذي لانووو بعد مااتحمل.
بسام .. جرها من شعرها وضربها بكل قوته ... اسمعي لج السانج هذا متطولي عليه لا انهيج
راح اسكت وما اقتلج هسه مو حباً بيج لا .. بس لان الخطط الي ابالي تخرب اذا غسلت عارج .. بس والخلقج يا سدن اذا طلع الي كالته صديقتج صدك .. حتى ابوج ميخلصج مني .. الا ادفنج بأيدي وروح امي.
سدن .. لو ما عيون بسام كانت تغلي من الغضب .. كان كلت ديمثل .
بس نبرة صوته كانت كفيله انو تخلي كل ذره بروحي ترجف .. مع ذلك بقيت هادئه رغم كل الخوف والرعب الي ديعصف بداخلي.
استغربت من نفسي اشون عندي قابليه ودااكذب بكل جرأه ولا كأنو مسويه شي!
كرهت نفسي ومشاعري حتى نورالدين كرهته .. لان خلاني احس هذا الاحساس الحقير!
عافني بسام وطلع !
طلع بس الشياطين الي بملامحه متنحزر .. الالم الي بوجهي وجسمي من ضربة بسام كان كارثي .. بقيت صافنه اريد بس افكر بحل ما اكدر
فكرة انو بابا وبسام يعرفون اني طالعه ويا واحد بدون علمهم متخليني اكدر اتنفس مو افكر!
بهذي اللحظه سمعت صوت بسام ورايه ...
بسام .. موبايلج وين جيبي.
سدن .. محاجيته بس فجأه بديت احس نفسي خاويه من الالم ومذنبه بنفس الوقت .. وكعت بالكاع بلا وعي !
اول مره بحياتي ينغمي عليه!
والاكيد انو السبب هو الظلام الي بعقلي والخوف مو بسبب ضربة بسام الي كسرت جسمي '
فتحت عيني نايمة بالصاله .. اول شي خطر ببالي الموبايل !!
جريت نفسي وكمت اتوكى ع اي شي كدامي بالكوه وصلت لغرفتي ... بديت ادور ع الموبايل مااتذكر وين خليته .. بقيت ادور ادور نفسي انكطع من الحركه اسحل بروحي ارتكيت ع السرير بتعب سمعت صوت شي ديهتز جوه السرير!!
دنكت لكيته واكع بالكاع وديرن!!!!!!!!
باوعت رقم نورالدين !!
فتحت خط وبنفس مكطوع جاوبته ..
_ بسام .. بسام عرف طالعه وياك .. لتتصل بعد.
نورالدين .. بقلق وصوت جامد شبي صوتج .. ليش هيج مخنوك؟!!
سدن .. مبيه شي عفيه بس لتتصل لان حياخذ التلفون مني.
نورالدين .. بغضب ونبره حاده .. مد ايده عليج الحقير؟!!!
سدن .. معليك بي دااكولك لتتصل تفهمني لو لا؟!!
نورالدين .. الا ادفنه بأرضه اليوم .. اني اعلمه اشلون يمد ايده على مره العار هذا.
سدن .. بصوت مرعوب ... لاا .. لا لا لا ... الله يخليك لتسوي اي شي .. اذا حاجيته حيعرف انو اني دااكذب عليه .. اني نكرت الموضوع وكولتله مطالعه لتروح اتزيد الطين بله .. وتأذيني.
نورالدين .. تمام بس اهدي .. وفهميني اشلون عرف بالموضوع اني متأكد هو مسافر ومراقبه مستحيل يكون شافنه.
سدن .. بنيه صديقتي شايفتني و كايلتله .. واني كلتله كذب بس المشكله باجر حيروح وياي للدوام ويسألها كدامي مااكدر أنكر كدامها وهي شايفتني بعينها.
نورالدين .. تمام اني احل الموضوع .. وانتي ابقي ع كلامج.
سدن .. شحتسوي؟!!
لترووح اتسويلي مصيبه ويا صابرين هذي حقيره تفضحني.
نورالدين .. لتخافين من شي لا مسوين شي غلط ولا حرام واني ماعندي شي اخاف منه لا اخوج ولا عشره مثله هسه اروح اكله اني اخذتج وطلعنا بس خوفي الوحيد انتي ليأذيج
ولو ما رفضج وعنادج كان هسه انتي مرتي .. لان اني رايدج على سنة الله ورسوله.
سدن .. بعصبيه .. اني بيا حااااال وانت شدتحجيييي .. شنو تواجهه شنو اتكوله طلعنا اتريد اتموتني انت؟!
نورالدين .. تمام اهدي مراح اسوي شي يأذيج .. بس هذا اخوج اذا طلع ماد ايده عليج قسم بالله لا اكسرها اله.
سدن .. لتكوله اي شيييي ولا تسويله شي .. حروح ليجي وانت لتتصل بعد ولا ترسل لانو حياخذه للموبايل .. باي.
نورالدين .. من صوتها مبين انو مسويلها شي .. بس هي نكرت عنادها هذا مرض مأذيها ومأذيني .. اني اعلمك بسام خلي احل موضوع صديقتها واتفرغلك .
اتصلت بزيد كلتله اكو وحده بمدرسة الفلاني طالبه بالصف الفلاني اسمها صابرين باجر اريدك اتجيبها بسيارتك لفلان مكان واني انتظرك.
طبعاً زيد هو الي جابلي معلومات عن سدن اول مره لذلك يعرف صديقتها هذي وشايفها حتى اني شفت صورتها بالفايل الي سوا زيد لمعلومات سدن.
المهم ..
الصبح طلعت بسياره مظلله لمدرسة سدن .. انتظرتها اتداوم واشوفها .. بقيت انتظر الطالبات كلهم دخلو وهي ماكو!
كلت يمكن دخلت ومشفتها .. بقيت انتظر لحد ما طلعو الطالبات للبيت .. هم دورت بينهم ملكيتها ..!
الظاهر اليوم ممداومه .. حتى اخوها الي ع اساس يجي اليوم يسأل ع الموضوع هم ما شفته!
بهالاثناء شفت زيد اجه بسيارته ويمشي ورا هذي الي اسمها صابرين وهي تتمضحك وتسوي حركات غريبه بمشيتها ..!
بعد كم دقيقه .. فتحت السياره وصعدت ويا.
اخذها وراح للمكان الي اتفقنا عليه .. اني وصلت قبله وكفت انتظر اشويه واجه زيد ركن سيارته بصف سيارتي .. كان كاعد بسيارته وهي كاعده بصفه بالصدر وتتمضحك !!
من تصرفاتها وصوتها العالي وضحكتها مبينه مو راحه مااعرف ليش سدن مصادقه هيج وحده!
هذا الموضوع هم بعدين انهاها عنه ..
اتصلت بزيد كلتله ينطيها الموبايل ... فعلا زيد انطاها الموبايل وكاللها هذا شخص يريد يحجي وياج ونزل من السياره .. بصوت جامد وهادئ حاجيتها ..
_اسمعي زين من اول ما طلعتي من المدرسه لحد هذي اللحظه انتي متصوره ، عندي صور الج وفيديو هم .
صابرين .. ملامحها انخطفت والخوف انرسم على وجها ... بصوت قلق انت منو وشرايد؟!!
نورالدين .. اني منو ميخصج اما الي رايده اذا ما نفذتي صورج تلكيهن قبلج واصلات للبيت.
صابرين .. شنوو .. لا ابوس ايدك عفيه امي مريضه بس اتشوفهن اتموت والله اسوي الي اتريده بس كول والله اسوي.
نورالدين .. تمام ..
الكلام الي كلتي لبسام عن سدن كله تنكري .. وتنسين الي شفتي نهائياً حتى بينج وبين نفسج متحجي.
صابرين .. سدن!!!!!!
نورالدين .. لتذكرين اسمها ع اللسانج .. وديري بالج اتفكرين مجرد تفكير تحجين وياها او حتى تتقربين منها او تحاولين اتسويلها مشكله مره ثانيه .. لان وقتها ما راح ادز صور الاهلج .. لا ادزلهم راسج.
صابرين .. انت منو حتى تهددني بالموت .. هسه اخذ رقمك واروح اشتكي عليك اكلهم هذا يريد يقتلني !
نورالدين .. ههه .. تمام اخذ الرقم وروحي اشتكي .. بس قبلها شوفي انتي وين كاعده و ويا منو؟!
وبعدها نتفاهم .. يلا سلام.
صابرين .. بصوت مرتبك وخايف .. انتظر اسفه اسفه.. مو قصدي والله الي تريده اسوي ومراح احجي اي شي ولا اقترب منها بعد ولا اجيب سيرتها وداعت امي بس .. بس اخوها اني كلتله اشلون اذا سألني؟!!
نورالدين .. مشكلتج هذي مثل ما سويتيها تنهيها .. وخلي ابالج كل خطوه تخطيها اعرفها لذلك لتحاولين تتذاكين ... طووط .. طوووط ... طوووط
اشرت لزيد يروحلها للسياره .. ودزيتله مسج كلتله تجيني للمكتب!
بعد تقريباً ساعه اجه زيد .. كال البنيه لكيتها ترجف بالسياره وطول الطريق بس اتردد يكتلني .. امي .. يكتلني .. امي .. يمكنها اتخبلت حرام عليك باشا.
نورالدين .. هذي جرة اذن مو اكثر حتى تتأدب ومتتدخل بشي ميخصها.
زيد .. ماشي باشا رايد مني شي بعد؟!!
نورالدين .. اي بس مو هسه اكو شغله خلي اتأكد منها وبعدها تعرف الي اريده شنو .. بس هسه ركزلي ع هذي الي اسمها صابرين خليها تحت مراقبتك اخاف تلعب بذيلها .
زيد .. تأمر امر باشا.
نورالدين .. راح زيد واني بقيت محتار ليش سدن اليوم ممداومه!
مو على اساس اتروح هي واخوها حتى يتأكد من كلام صديقتها .. زين ليش مراحت؟!
اكيد اكو أنه بالموضوع .. بس لا مسوي بيها شي هذا الكلب؟؟؟
بعد تفكير طويل .. خلصت كل الاحتمالات الي خليتها بعقلي .. وقررت اروح بنفسي وأتأكد ما بيها شي حتى اتطمن.
اخذت السويج وطلعت من الشركه بوجهي لبيت بسام .. وصلتلهم المغرب تقريباً .. لكيت سيارة اخوها واكفه بالباب!
نزلت بهدوء رنيت الجرس .. ..
بعد كم دقيقه طلعلي بسام بس شكله مخربط الظاهر كان نايم!
من شافني اتفاجأ.
بسام .. باشا؟؟؟؟؟؟!
نورالدين .. بحده .. مرحبا.
بسام .. اهلا .. اهلا باشا .. خير صاير شي؟!
نورالدين .. لا ماكو شي .. اشبيك لونك انخطف شنو شفت شبح؟!
بسام .. هااا .. لا لا .. هههه .. بس بصراحه اتفاجأت مو من عادتك تجي وخصوصاً بهيج وقت فكرت صاير شي!
نورالدين .. راح ابقى واكف بالباب لو شنو؟!!
بسام .. لا العفو باشا .. بس المفاجأه نستني اتفضل اتفضل باشا البيت بيتك ...
نورالدين .. دخلت للبيت بسرعه اتذكرت من بقت لحالها بالبيت يوم اخوها اتصوب .. وبقيت يمها .. بس هالمره البيت بارد مو مثل ذاك اليوم كان دافي ومضوي!!
دخل هو كدامي واني ورا دخلت ، بقيت اتلفت بلكي اشوفها ... بس ماكو!
كعدني وراح للمطبخ جابلي كلاص مي وعصير !
بسام .. يا اهلاً واسهلاً باشا زارتنا البركه.
نورالدين .. شكراً .. الوالد وين ؟!
بسام .. ابويه مسافر مو تدري بي.
نورالدين .. اي بس ع بالي رجع .
بسام .. لا والله بعده ، خير باشا اذا رايد شي تمدر اتكولي واني اوصله للوالد.
نورالدين .. لا ماكو داعي من يجي سيد كريم عود نحجي.
بسام .. اي براحتك باشا.
نورالدين .. شنو وحدك بالبيت؟!!
بسام .. هاا .. لا اني واختي سدن الي عرفتك عليها من اجيت هذيج المره.
نورالدين .. اي اتذكر لعد وينها؟!!
بسام .. اهااا هسه عرفت شنو الموضوع الي تريد تحجي ابويه بخصوصه .. اكيد اتريد تخطب سدن.
سدن مريضه اشويه فصعدت نامت.
نورالدين .. تمام مشافاة ان شاء الله .. ان صار لازم اروح.
بسام .. بعد وكت باشا خليني اضيفك .. حتى عصيرك ما شربته.
نورالدين .. غير مره اوعدك راح اشرب اني وياك عصير قريباً .
بسام .. ابتسم ع باله يقصد عصير خطوبة اخته وبسام.
نورالدين .. مثل ما كنت حاس هذا العار اكيد مسويلها شي .. بس اشلون اتأكد حتى ع الموبايل ما اكدر اتصل ماخذه منها الحقير؟!!
اووووف لو تخليني اني اتصرف واخذ روحه.
شغلت السياره وطلعت للبيت كبل لكيت يمان كاعد يلعب بلي هو وأصدقائه والبيت صاير هوسه!
سلمت عليهم وصعدت الغرفتي سبحت ، بدلت ملابسي واخذت سيارتي الرياضيه .. وطلعت
ممرتاح احس نفسي قلق .. لازم اعرف اشبيها .. بلا تفكير رحت البيتهم وصلت تقريباً الساعه 11 بالليل ركنت السياره بعيد عنهم ونزلت البيتهم مشي .. الجو كان بارد ومحد بالشارع!
بقيت واكف كدام بيتهم وصافن ع غرفتها .. الغرفه الي لما كالت اكو خرامي بالبيت صعدت وشفتها ..!
لأول مره احس نفسي محتار مااعرف اتصرف .. من عرفتها بدت تواجهني اشياء ما اكدر احلها.
صفنت ع شباك غرفتها واتمنيت بس تطلع .. بس ينفتح .. بس اشوفها حتى هذا الشعور الي دااحسه يختفي وارتاح!
بس ماكو.
بلحظه حسمت قراري وسويت الي اجه ابالي .. خليت رجلي ع السياج وصعدت ع الحايط .. ع الشباك .. ع البلكونه !
اخذت هذي الخطوه والقرار بلا اي تفكير .. هذا الشخص مو اني واحد غبي ومستهتر .
لان نور الدين الي اعرفه ميطلع هيج طلعات.. شنو الي خلاني اتغابى لدرجة اصعد بيوت الناس بلا علمهم!
وصلت البلكونه .. الغرفه ظلمه .. وباب البلكونه مقفول .. بهدوء دكيت ع الباب ..!
دكه دكتين .. ماكو رد !
كان كل خوفي لا تفكرني حرامي وتنزل الاخوها .. هنا سمعة نورالدين راح تنتهي!
يا ترى هي تستحق هذي التضحيه ؟!
خلص نور هسه مو وقت افكارك .. ولا راح تلكى اجوبه الاسئلتك .
رجعت دكيت ع الباب مره ثانيه .. بهدوء ... واذا بالضوه انفتح!
يارب واخيراً ... بس يا ترى منو هذا الي فتح الضوه هي لو ؟!
بقيت واكف بمكاني وعيوني مركزها بحده ع الباب .. اخوها ميهمني سواء شافني او لا.
بس الي يهمني لا هي تتأذه بسببي!
ليفكرها متفقه وياي وهذي مو اول مره اجيها؟!
هذا الي كان مخوفني .
بعد عدة ثواني .. انرفعت البرده الي ع الباب ... وشفتها................!
نظره وحده منها كانت الجواب ع كل أسئلتي .. شنو سمعه .. شنو اسم .. شنو املاك .. شنو جسد .. شنو روح ... شنو نورالدين.
كل هذولي لا شئ مقابلها.
من شافتني انصدمت .. حسيت عيونها ممصدكه الي دتشوفه !
ابتسمت بوجها هي بسرعه نزلت البرده.
سدن .. بعد ما حجيت ويا نورالدين بالموبايل .. حذفت رقمه وكولشي يخصه وقفلت باب الغرفه عليه.
رجعت نمت بفراشي مثل الجثه الخامده .. احس روحي مفارگتني .. وما الي خلك اي شي.
والسبب مو ضرب بسام الي ... لا.
كنت كارهه نفسي لان اني الي وصلت روحي لهذي الحاله.
اني الي خنت ثقة اهلي .. وشوهت سمعتي يم صابرين الي حتفضحني كدام العالم .. وخليت بسام يمد ايده عليه ويضربني .. وفوك كل هذا كذبت بكل صلافه.
كل هذا الي سويته بنفسي على شنووووو؟!
شحصلت؟!
طلعه خلصتها بخوف وقلق .. طلعه من البدايه كنت اعرف نهايتها شنو!
هذي الافكار هي الي خلتني اوصل لهذي الحاله .. حتى بابا مااكدر اتصل بي واستنجد من بسام .. لانو كنت احس نفسي مذنبه وغلطانه بحقه.
يمكن البعض حيكول اني مكبره الموضوع وممسويه جريمه او شي عادي ويصير عند اغلب البنات.
لا مو عادي ومو طبيعي وفعلاً جريمه الي خلص حياته كولها ماشي عدل وممسوي شي غلط عنده هذا الشي كولش كبير و مو سهل ولا يكدر يتقبله.
كعدت بفراشي وبقيت ابجي .. ابجي .. ابجييييييي ...
ع حياتي الي دتمشي واني مشفت منها شي.
ع عمري الي ديروح واني لا ام مثل الناس .. لا اب .. لا اخ.
امي راحت وعافتني .. ابويه راح عاش حياته وشمرني بيد بسام .. واخويه الي ميفكر غير بمصلحته.
قررت انهي حياتي .. اني شكو عايشه اصلاً شنتظر من هالحياة .. بعد كل الي عشته هسه بالاخر بسام وبابا حيزوجوني غصب عني واكل باقي حياتي بعذاب وتعاسه!
شكوو منتظرتهم يقررون مصيري وينهون حياتي هم .. اني انهي حياتي بأيدي واخلص احسن.
هذا كان ثاني اسوء قرار اتخذته بحياتي بعد قرار الطلعه الي طلعتها ويا نورالدين .. بس هذاك كان بأرادتي اما هذا كان شيطان يوسوس بعقلي ..
بلحظة ضعف مني .. اخذت الكلاص وجرحت ايدي !
بقت ايدي تنزف قوي الدم احسه ديطلع من گلبي مو من اديه .. وجع فضييييع اخذ روحي .. صفنت ع الدم برعب ... لحظات وعيوني بدت تنسد لحالها .. بديت احس بتعب قوي بكل جسمي.
مدريت بشي بعد .... فتحت عيوني بغرفه مو غرفتي ولا ببيتنا اصلاً!!
عرفت اني بالمستشفى .. درت وجهي لكيت بسام واكف كدامي!
من شافني ملامحه عصبت بسرعه وخزرني .. بس محجه شي.
باوعت ع ايدي مضمديها .. بقيت كم ساعه بهذي الغرفه بعدها طلعنا .. حسب كلام الدكتور انو بسام ملحك عليه ببداية النزيف والا كان متت.
حتى موت متخليني اخلص منك وارتاح .. حتى بيني وبين الموت واكف يا بسام.
كعدت ع كرسي متحرك ، اخذتني الممرضه لحد السياره وساعدتني اصعد السياره .. اجه بسام ورانا صعد بصفي وتحركنا .
بسام .. هاي فوك عملتج وطيحان حظج الي سويتي تنتحرين؟!
تردين تجيبين العار الابوج وتنزلين راسه كدام الناس؟!
سدن .. درت وجهي عنه ومحجيت ويا ولا كلمه .. لا عندي حيل ولا خلك احجي اصلاً.
بقى يلغي ويهدد ويتوعد .. بس يتأكد من صابرين ويطلع كلامها صدوك يذبحني ... وووووووووو .
علوا تذبحني واخلص من خلقتك وجشعك وغرورك .
وصلنا للبيت حتى مساعدني انزل من السياره ولا دخلني البيت عافني ونزل.
بقيت اني اسند بنفسي والزم اي شي كدامي الى ان دخلت البيت كعدت بالصاله ارتاحيت وبعدها صعدت الغرفتي .
شمرت نفسي ع السرير ودموعي صبت لحالها ... شهالدموع سدن صايره رقيقه انتي الي كل سنه تنزل منج دمعه هسه من كلمه تبجين!!
دقايق والباب اندفع ودخل عليه بسام مثل الثور الهايج ...
بسام .. وين موبايلج؟!
سدن .. أشرتله بأيدي ع الميز .. اخذه وطلع.
من التعب النفسي والجسدي خليت راسي ع المخده وغفيييييييييييت!
فزيت الساعه ب2 الظهر!
بسام مو كال ياخذني للمدرسه حتى يحجي ويا صابرين؟!
معقوله دك الباب ومسمعته؟!
بس هذا مثل الحيوان يدفش .. ليش ما كعدني؟
كنت تعبانه كولش ونعسانه .. فرجعت نمت كعدت العصر حيل شربت مي من الثلاجه مالتي وكعدت بفراشي!
سمعت بسام اجه للبيت .. كمت قفلت الباب هو مأجه ولا حجه وياي حتى مكالتي شأكلتي ششربتي .
المغرب سمعت صوت واحد يحجي ويا بالبيت مااعرفه منو كنت خاويه كولش ما اكدر اتحرك من مكاني.
خلصت هالفتره بس نوم ... لحد الليل سمعت صوت بالبلكونه!!!!
يا ربي بس لا حرامي؟!
اتغطيت ونمت كلت هذا صوت الهوا لو الدنيا دتمطر .. رجع الصوت مره ثانيه بس هالمره اتأكدت هذا صوت واحد ديدك الباب..... !
ما اعرف اشكومني من مكاني اني الي مااكدر احرك اصبع .. كمت ع حيلي فتحت الضوه ورفعت البرده......
وهنا الي شفته صدمنيييييي .. لدرجه حسيت انفاسي شبه انقطعت.
معقوووووووووله .. نور الدين!!!!!!!!!!!
ردة فعل لا اراديه نزلت البرده.
مااعرف شسوي .. وبسام .. بسام اشون لا يشوفه يا ربي هذا اكيد اتخبل شجابه بنص الليل وصاعد لغرفتي!!
رجعت بسرعه فتحت الباب ودخلته .. بصوت غاضب ومرتبك ..
_انت اتخبلت ... شدتسووووووي هنااا .. شجابك.
نورالدين .. بقيت صافن بملامحها التعبانه .. خدها ازرك وعينها حمره .. گلبي دينعصر لوضعها .. بدون وعي مديت ايدي لزمت خدها ... ضربج مو؟!!
سدن .. بعدت ايده عني بسرعه ورجعت ليوره ... شكو اجيت اكولك لتتصل تجيني للبيت؟!
انت اتريد اتموتني لوووو شنو؟!!
نورالدين .. بحده وغضب .. سألتج جاوبيني لا وحق الله هسه انزل ادفنه بالشارع .. كليلي هو الي سوه بوجهج هيج مووو؟!
سدن .. ملامحه كانت اتخوف وعيونه عباره عن ظلام .. كان يحجي بغضب لدرجه اني خفت منه ..
محد ضربني اني دااصعد لغرفتي و وكعت من الدرج.
نورالدين .. انتي شنو ع بالج اني طفل اتضحكين عليه لو ع بالج اخوج وتكذبين عليه مثل ما كذبتي عليه؟!
سدن .. اشكد كنت متأذيه وموجوعه .. بس كلامه هذا طعن گلبي .. معرفت ارد عليه بس ادموعي نزلت .
نورالدين .. اسف اسف اسف .. مووو قصدي اسف .. بس متعرفين واني دااشوفج بهذا الوضع ومااكدر اسوي شي شيسوي بيه.
ليش متخليني اشرب دمه.
سدن .. روح منا.
نور الدين .. انتي ليش اتصديني ليش اتبعديني عنج بس فهميني لييييش؟
سدن .. لان اني كذابه .. ولان اني اضحك عليك .
نورالدين .. حالتج هذي اتخليني اريد ارتكب جريمه مو بس اعصب .. حاولي تتفهمين لان والله بالموت لازم نفسي.
سدن .. ماشي متفهمتك بس روح ليجي بسام.
نورالدين .. تمام رايح وموضوع صابرين انحل اذا اخذج للمدرسه روحي وواجهيها مراح تحجي حرف واحد.
سدن .. شكراً.
نورالدين .. هه راح اتخبليني انتي .. صرت حرامي بيوت من وراج وتكليلي شكراً.
سدن .. بداخلي كنت اضحك ع كلامه .. صح بالاول جرحني بس الي ماله بعدين خلا گلبي مثل حمامه يرفرف.
طلع من البلكونه وسديت الباب ورا بسرعه .. رجعت لفراشي گلبي يرجف مثل العلم الي بنص ريح .. حتى جسمي يرجف.
بقيت اعيد كلامه مرات ومرات بعقلي .. عقلي الي مدايستوعب نورالدين الباشا بنفسه يجي نص الليل ويصعد للبلكونه حتى يشوفني؟!!
ع هالمنوال غفيت ... كعدت الصبح ع صوت بسام ..
بسام .. كومي بدلي اخذج للمدرسه اريد اشوف صديقتج واتأكد من كلامها .
سدن .. كمت بدلت وشربت كلاص حليب لان دايخه مااكدر اوكف ع رجلي ، بعدين اخذني بسام و رحنا للمدرسه .. من طلعت شفت سياره غريبه اول مره اشوفها ومو سيارة نورالدين!
وصلنا للمدرسه شفت صابرين دتمشي اتريد تدخل من شافتنا ارتبكت ومشت سريع .. اني صحتلها موكفت .. راحلها بسام .. بقى يحجي وياها وهي تصيح
سمعتها اتكوله اني كنت غلطانه موسدن الي شفتها وحده ثانيه واني ع بالي اختك.
بقى بسام يصيح عليها ويغلط شافه الحارس يصيح .. اجه حجه ويا واخذنا للاداره
رحنا للاداره حجه بسام ويا المديره كاللها هاي البنيه تحجي ع اختي وتريد اتشوه سمعتها .. اتكول شفتها صعدت ويا ولد بالسياره واني بسببها حتى مديت ايدي ع اختي وصارلها يومين بالفراش .. واليوم من واجهتها ويا اختي نكرت وتكول غير وحده!
المديره .. لااا مستحيل سدن طالبه مجتهده وملتزمه ومؤدبه ماعدها هذي السوالف اكيد زميلتها مشتبها .
صابرين .. اي ست اني غلطت ع بالي سدن بس هي غير بنيه واعنذرت من اخوها بس هو بقى يصيح.
بسام .. اصيح واكسر راسج هم شنو تتهمين اختي وتشوهين سمعتها .. احنا ناس محترمين تجي وحده مثلج تفضحنا شنو يفيدني اعتذارج لو ميته اختي البارحه؟!
المديره .. احسبها علينا استادء بسام انتو معروفين و والوالدك السيد كريم غني عن التعريف .. بس الخطأ وارد بكل مكان واني راح اتخذ الاجراء اللازم بحق الطالبه الي ساءت الاخت حضرتك.
بسام .. غير الفصل ميقنعني والا راح اشتكي عليها واسويها كبيره.
سدن .. لااا ماكو داعي صابرين صديقتي واني مسامحتها .. ورجاءاً ست لتفصليها اني مسامحتها .
بسام .. انتي شدتحجين؟!!
لج هذي شوهت سمعتج وشوفي شصار بيج بسببها.
سدن .. بسام رجاءاً سد الموضوع البنيه غلطت ع بالها اني ماكو داعي اتكبرها.
عفتهم وطلعت لان نفسي لعبت من كلام بسام الي يمجد بأخته وعائلته .. حسيت نفسي قذره ومو اهل اشيل اسم عائلتي.
اخذلي بسام اجازه ورجعت للبيت .. بالطريق حاول يعتذر مني ويتأسف بس اني معبرته اصلاً ولا نطقت ويا حرف واحد.
وصلنا للبيت صعدت الغرفتي كنت تعبانه حيل ماادري شنو هالتعب الي مسيطر عليه.
بدلت ملابسي ونزلت اسويلي عصير لان حيل معدتي أذتني ودايخه الظاهر من الجوع!
دخلت المطبخ سويتلي كلاص عصير برتقال شربته وطلعت للصاله لكيت موبايلي عايفه بسام ع الطاوله!
فتحته مبي شي مثل ما عفته البارحه فارغ .. دكيت رقم نورالدين ردت اتصل بي واكوله الموضوع انحل !
بس بعدين اتراجعت .. بعد الي صار لازم اقطع كل علاقتي بي كافي الي صارلي بسببه وهذا الشي اصلاً غلط.
حذفت الرقم وشمرت الموبايل .. خلصت اليوم نوم ..كعدت ع صوت الباب ديندك قويي!!!!
بسرعه كمت فتحت الباب واذا محمود ساند بسام .. وبسام ايده و رجله مجبسين
و وجه كوله دم!!!!!!!!!!!!!!!
للحكايه بقيه 🤗
السلام عليكم.
اني صح كلت بين يوم يوم وملتزمه بموعدي بس نزلت تنويه ع الانستا انو بعد الاربعينيه مالت الامام انزل بارت واليوم هم نزلت ستوري كلت بالليل ينزل البارت
يعني ماله داعي الكلام الزايد والمذمه من البعض
بس من ورايح راح استخدم اسلوب جديد حالي حال باقي الكاتبات
اي وحده تحجي كلام زايد او تجاوز او اسلوبها مستفز (بلوك) 🙂
عندج انتقاد محترم وبأسلوب مؤدب ع راسي من فوك لا والله تتفلسفين وتتأمرين ع بالك اشتغل عندج يجيج بلوك وفضت راحت.
واخر شي هذا البارت كولش طويل لحد تكتب قصير 😒
وبي كوووومه احداث لتكولن ماكو احداث ، خلني اكتبها بالتسلسل حتى تصير حلوه لتستعجلني وتصير حشك وفاشله.
رأيكم بالاحداث وتوقعاتكم للبارت القادم
لتنسووووووون التصويييييييييييت 🤗 حتى ينزل البارت التالي 🙋🏻♀️🚶🏻♀️
رواية ﮼صفقة ﮼عشك الفصل السابع عشر 17 - بقلم ﮼الاميره،الموسويه 👑
بقلمي (هدى الموسوي ) ﮼الاميره،الموسويه 👑
ما احلل لاي شخص ياخذ كتاباتي وينشرهم (ذمه)
سدن .. بصوت مرعوب بسااام .. هاي شنوو شصاير شنو هذا الدم .. ؟!
محمود .. ست سدن لتخافين ماكو شي الحمدلله عدت ع خير واستاد بسام ما بي شي .
سدن .. شنو ما بي شي وهو سابح بالدم !!
محمود .. هذي جرح خفيف براسه وخيطنا .. صدكيني ما بي شي.
بسام .. بصوت خافت .. خليني اكعد وبعدين كملي استجواب.
سدن .. سندت بسام ويا محمود ودخلنا لغرفته!
نيمنا ع فراشه وطلعنا .. سألت محمود شصاير لبسام منو اشون انجرح هشكل واتكسر؟!
محمود .. استاد بسام كان دينزل من سيارته وجايه سياره سريعه ضاربته وطالعه كبل.
سدن .. مااعرف لويش نورالدين صار كدام!!
معقوله هو الي سوا ببسام هشكل؟!
لااا بس هو ميعرف انو بسام ضربني اني كلتله وكعت .. وممعقوله هو مجرم لهدرجه حتى يموت بسام !
_زين محد شافها للسياره الي دعمته؟!
محمود .. لا والله واني مكنت متواجد اتصلو عليه ورحت اخذته لاخو حضرتج من المستشفى.
سدن .. تعبناك ويانا محمود كل يوم مشكله وانت مبتلي بينا.
محمود .. لااا لتحجين هيج ست سدن انتو خيركم مغركني وهذا واجبي.
سدن .. تسلم متقصر.
محمود .. يلا اني اترخص واذا حتاجيتو اي شي اتصلي عليه.
سدن .. اشكرك .. مع السلامه.
راح محمود .. واني رحت لبسام لكيته يون خطيه الظاهر ديتوجع لان الحادث السابق مسمعته يون هشكل.
رحت جبت تعقيم وقطن .. مسحت الدم من وجهه وساعدته ينزع قميصه لانو كله دم .. لبس ملابس نظيفه .. ورحت سويتله شوربه طلعتها من النت وسويتها الحمدلله ضبطت !
جبتها لكيته نايم كعدته وأني أكلته بأيدي لانو ميكد ايده مچبسه خطيه.
اكل الشوربه ورجع نام .. نظفت المطبخ ورجعت كعدت يمه اخاف يريد شي
صارت تقريباً الساعه ب9 بالليل اندكت الباب!!!
كلتله بسام جرس الباب ديندك!!
بسام .. تعالي اسنديني اني اكوم اشوف منو.
سدن .. كل عقلك بسام انت بيا حال اشون اتكوم؟!!
بسام .. لعد اشلون انتي تطلعين للباب الدنيا الليل.
سدن .. هذا اكيد محمود رجع يتطمن عليك يعني منو غيره يجينا .. حروح من ورا الباب وشوف منو .
بسام .. ماشي بس لتفتحين الباب ابد واذا مو محمود ارجعي اني اكوم.
سدن .. اوك .. رحت ع كيف فتحت الباب الداخلي مالت البيت وباوعت شفت سياره مظلله واكفه بالباب .. و واحد ضخم واكف!
من شفت السياره عرفتها المنوو لانو مو غريبه عليه واعرف كولش زين منو صاحبها .. مشيت بهدوء فتحت الباب الخارجي .. سلم عليه هذا الشخص وسألني ع بسام اذا موجود لانو الباشا جاي ديشوفه!!!
كولش استفزني هذا الاسلوب شنو شايف نفسه حتى مينزل هو بنفسه ويسأل !
كنت حطرده واكول نايم بسام بس كلت بسامو اذا يعرف يخبصني .. كلتله بلي بسام موجود يكدر الباشا مالتك يتفضل.
الحارس استغرب من كلامي يمكن معجبه اشون احجي ع الباشا هشكل .. عفته ودخلت لبسام .. كلتله انو نورالدين جاي حتى يشوفه!!
حسيت بسام رجعتله عافيته الابتسامه شكت حلكه نصين .. متصيرلك جاره بسام .
بسام .. روحي دخليهم بسرعه شمنتظره!
سدن .. كلتله يتفضل .
بسام .. لج شنو كلتيله يتفضل .. امشي استقبليهم ودخليهم بنفسج لج هذا الباشا.
سدن .. شنو استقبلهم زفه هي .. وبعدين انت بيا حال مريض وجاي ديشوفك شكو هالخبصه.
بسام .. بغضب .. بلا شحجي وياج انتي .. امشششششييييي دخليهم هسه وعوفي كبريائج لخاطر الله.
سدن .. اوك رايحه لتصيح.
عفته وطلعت دخلتهم للصاله كان جاي هو واخو يمان .. اخو ع الكرسي المتحرك وهو يدفعه!!
هم زين كلف نفسه ما جابله خادم يدفع كرسي اخو .
سلمت عليهم يمان من شافني مااعرف لويش ابتسم واكلني اكل بالسلام .. بقى يتشاقه ويضحك من الباب ... وكالعاده كلامه المعسول الي كل ميشوفني يكوله احس هذا الشخص معجون بالسكر .. دمه خفيف ومرح .. عكس اخو الجامد بس بالاعياد يكول شي يضحك.
على ذكر اخو كان ضايج وملامحه معقوده مااعرف شنو السبب الظاهر جاي معصب الافندي.
سلم عليه بهدوء وعدم اهتمام مجرد سلام عابر .. عجيب الي يشوفه اليوم ميكول هو نفسه الي قبل يومين اتسلق البلكونه حتى يشوفني!
اني هم مهتميت بي او بالاحرى اتظاهرت بعدم الاهتمام ، مزاجه المتقلب هذا ينرفزني .
كعدو بالصاله واني رحت ساعدت بسام حتى يعدل كعدته .. وبعدين دخلتهم يمه بالغرفه!
كعدو ع التخم الي بغرفة بسام .. واني رحت سويتلهم شي اقدمه الهم .. كنت محرجه كولش انو ادخل يمهم وهم بس زلم!!
بس شسوي حتى منظفه ماكو بالبيت وبسام ميكدر يتحرك لازم اني الي اضيفهم.
اخذت العصير وقدمته .. ردت اطلع چان يمان يصيحني....!!
يمان .. وين رايحه تعالي اكعدي يمنا ترى منعض.
سدن .. التفتت عليه بخجل .. اشو هذا ميستحي !
حاولت ما افشله لانو بسام كان يراقبني ونظراته تحذرني انو انفذ بلا كلام .. مشيت كم خطوه دا ارجع اكعد يمهم ... چان يحجي الافندي ..
نورالدين .. بأبتسامه بارده .. اكيد عندها دراسه شكو تكعد يمنا خليها تروح يمان لتحرجها .
سدن .. رفعت نظري اله بأستغراب .. احس نفسي فشلت لان اني رجعت دااريد اكعد شكو تمنطق لحاله!!
يمان هم حسيته فشل ومعترض .. كال اي براحتها اكيد .
طلعت من الغرفه بس كنت شايطه من الغضب .. لويش كل متصيرله فرصه يحرجني؟
صح اني مااريد اكعد يمهم بس هو شافني كعدت شكو يطردني .. لويش ما من البدايه كالي اخذي راحتج لويش لما كعدت يلا نطق!
رحت للمطبخ بسرعه بس اني معصبه ومستحيه من الفشله الي حسيتها ومن طريقة كلامه وياي من اول ما دخل ، بعدين كلت اروح للصاله عاد اقرا اشويه احسن من الكعده بالمطبخ ..
مريت من يم غرفة بسام سمعت بسام يكوله هالمره لازم تشرب العصير باشا .. و هو بصوته الرجولي يحجي بكل هدوء وثقه ....
نورالدين .. لا اكيد اشرب اني وعدتك عن قريب راح نشرب عصير سوه و لازم يكمل وعدي.
سدن .. عن اي وعد ديحجي؟!!
وشنو قصده يشربون عصير عن قريب؟!!
خلي يروح وافهم السالفه من بسام واذا طلع الي ابالي صحيح اني اعرف اشون اخليله حد هالباشا هذا.
كعدت بالصاله واسمع صوتهم يحجون .. بسام ويمان يضحكون وصوتهم عالي .. الي يسمع بسام والضحك مالته ميكول هذا الي كان يون قبل اشويه ، والله لو ادري شوفة يمان علاجك كان جبته الك من الصبح ..
الا هو ما له حس .. نادراً ما اسمع صوته وميحجي غير كم كلمه .
صعدت جبت كتبي من فوك والتهيت ادرس ونسيت وجودهم بالبيت .. كنت مركزه ودااقرا بالكتاب رفعت راسي شفته واكف كدامي مثل الشبح!!!
نزيت من شفته .. بسم الله من وين طلع هذا .. هو من شافني فزيت وخفت ابتسم!!
نورالدين .. زيد اكدلي انو موضوع صديقتها انحل وانو بسام كايل للمديره انه ضارب اخته ورايد يموتها ..!
وهذا الشي خبلني يعني هي كانت تكذب عليه!!
رغم كنت متأكد هالنذل ضاربها بس مردت اكذبها .. بس لما زيد كالي هالكلام فقدت اعصابي.
البعض حيكول ما الك حق تعصب لانو بسام اخوها وحريص عليها ..!
راح اكللكم تمام واتفق وياكم .. بس وجهة نظري راح تعرفوها بعدين لما يدور الحديث بيني وبينها.
المهم .. كلت الزيد تتذكر الموضوع الي كلتلك راح اطلبه منك بعدين؟!!
زيد .. اي باشا اتذكر وحاضر اني.
نورالدين .. بسام الاحمد اريدك تكسرلي ايده.
زيد .. بسام ابن السيد كريم الاحمد؟!!!!!
نورالدين .. صاير استيعابك قليل زيد.
زيد .. العفو باشا اعرف حضرتك متحب تعيد الكلام مرتين بس بسام ابن شريكك وماعندك اي خلاف ويا ليش تريد تكرص اذنه!
نورالدين .. وانت من اشوكت تدخل بقراراتي وتناقشني بشنو الي اسوي وليش؟!!
زيد .. اني اسف اسف واعتذر باشا .. مثل متريد اعتبر الموضوع تم واذا تريد راسه اطيره الك هم.
نورالدين .. كلت تكسر ايده وبس .. اي لغوه زايده مااريد وامشي اطلع.
راح زيد والعصر انطاني خبر انو الامر تم.
يمان نوعاً ما صديق بسام .. يعني علاقتهم قويه رغم انه يعرف بيه مااطيق بسام بس هذا الشي ممأثر ع صداقتهم.
فسمعني بالصدفه احجي ويا واحد من الموضفين بالموبايل كلتله تلغي اجتماع بسام الاحمد باجر لانه متعرض الحادث وميكدر يجي.
سمع يمان واصر انو انروح للبيت حتى انشوفه ويسأل على كونه صديقه وصاحب واجب .
بالبدايه اني رفضت لان ابد مااحب نظرات يمان لسدن ولا كلامه .. احسه يعتبرها حالها من حال القذاره الي يعرفهن وهذا الشي يزعجني.
بعد اصرار من يمان اضطريت اوافق .. اخذته ورحت شفتها بالباب نظرتها احس شي بارد اثلج صدري .
بس كالعاده كلام يمان الماصخ واسلوبه المستفز خلوني اعصب وهي هم ما احسها تعترض على كلامه وياها كأنها مستمتعه بالموضوع .. عصبت منها لدرجه ردت اخنكها كدامه حتى تعرف تصرفاتها شنو تسوي بيه .. مردت اسلم عليها بس يمان راح يضل يسأل .
سلمت عليها بلا اهتمام .. ودخلنا الاخوها كعدنا بقو هم يسولفون ، اجاني اتصال استأذنتهم وطلعت احجي بره لكيت الصاله فارغه طلعت للحديقه الاتصال طول اشويه تقريباً نص ساعه .. لما رجعت لكيتهت كاعده بالصاله دتقرا !!
شكلها محست بيه من دخلت !
مشيت بهدوء وكفت قريب منها ، هي منتبهت مستمره تقرا بقيت اتأملها بهدوء الى ان حست بيه شافتني ارتعبت!
بصوت هادئ .. اسف مو قصدي اخوفج ؟!!
سدن .. بنبره حاده وعدهم اهتمام .. مخفت .. بسام رايد شي؟!!
نورالدين .. محد رايد شي ، اني رايد اشوفج.
سدن .. بعصبيه انت عندك انفصام شي؟!
نورالدين .. امممم لا ليش؟!
سدن .. لا اكيد اتعاني من مشكله لانو قبل اشويه فشلتني كدام اخوك واخويه وهسه جاي اتكولي اشوفج!
اذا ممكن اتفسرلي هذا شنو يسمو؟!
نورالدين .. اول شي لما اسكت عن تجاوزاتج لتتمادين انتبهي الالفاظج لما تحجين وياي.
ثانياً مفشلتج ولا شي شفت اخويه احرجج بطلبه حاولت اخليج تاخذين راحتج لانو كان واضح عليج متردين اتكعدين يمنا هذا قصدي ليش تعتبريها اهانه او افشلج!
سدن .. حتى لو مااريد اكعد اني الي احدد ابقى لو لا وممجبوره ابقى اذا مااريد فماكو داعي تتدخل بكولشي.
نورالدين .. ههه انتي مو طبيعيه
سدن .. اذا مو طبيعيه شكو دتحجي وياي؟!
نورالدين .. هم صحيح .
عفتها ومشيت ... چان تحجي ورايه ..
سدن .. اذا اكو واحد مو طبيعي فهو انت !
نورالدين .. التفتت عليها .. اممم وشنو الي موطبيعي بيه؟!
سدن .. مدااحجي وياك.
نورالدين .. اهااا .. دتتعاركين ويا نفسج؟!
معناها كلامي صحيح .
سدن .. شنو هو كلامك الصحيح؟!
نورالدين .. انو انتي موطبيعيه ..
لانو ماكو شخص طبيعي يتعارك ويا نفسه.
سدن .. هذا من وين ما اجي يطلعلي برد!
عصبني حيييل .. بصوت جامد رجاءاً روح ارجع للغرفه ليشك بسام ومااريد يجيني كلام.
نورالدين .. بشنو يشك ؟!
شدنسوي مثلاً!!
سدن .. مكلت دنسوي شي .. بس مااريد بسام يسمعني احجي وياك ويفكر غير تفكير.
نورالدين .. انتي ليش هيج عدائيه وتحورين الامور كلتلج اجيت اشوفج مو اتعارك.
وبعدين شنو الي خايفه يفكره اخوج اذا حجيتي وياي؟!!!
سدن .. اريد اقرا من رخصتك .
الظاهر ماكو نتيجه من الكلام ويا .. عفته واكف و درت وجهي اقرا .. بس احس كل جسمي يرجف مااعرف من الخوف لو الشعور الي يصيبني من اشوفه.
هو هم من شافني درت وجهي عافني وراح ماكوو دقايق اخذ اخو وطلعو !
سمعت بسام يصيح سدن سدن ..
رحتله كالي اطلعي وياهم عيب طلعو وحدهم.
اخذت جاكيتي لانو الدنيا بارده وطلعت وراهم لكيتهم ماكو .. دخلت كلت البسام راحو.
كالي تعالي ساعديني اريد اروح للحمام!
سندته ، اخذته للحمام وطلعت لما صاحلي دخلت طلعته ورجع نام .. طفيت الضوه ودااريد اطلع اتذكرت كلام نورالدين عن الوعد والعصير !!
سألت بسام .. شنو قصده يكولك هشكل!!
بسام .. ميقصد شي ، بس هو قبل كم يوم اجانه وقدمتله عصير مشربه .. كلتله ليش مشربت !
كال ان شاء الله عن قريب نشرب اني وياك وعد .. وفعلاً اتحقق كلامه فأني ذكرته بوعده.
سدن .. بتسائل وهو اشوكت اجانه وانت قدمتله عصير كل مره اني اسوي!
بسام .. اجه لما صارت سالفة صديقتج صابرين وانتي كنت بغرفتج متدرين بي.
سدن .. اهااااااا هسه كل شكوكي اتأكدت!!!!!!!!
عرفت شنوووو يقصد بوعده .. اكيد هو الي سوا ببسام هشكل لان ضربني !
هو كالي اذا طلع ماد ايده اكسرها اله.
بسام .. اشبيج صفنتي؟!!
سدن .. هاا لا ماكوو شي.
بسام .. ماشي طفي الضوه لعد اريد انام جسمي كله يأذيني.
سدن .. طفيت الضوه وطلعت .. واني الغضب والافكار اكلوو عقلي!
ردت اصعد لغرفتي انام بس كلت بسام خطيه اخاف يحتاج شي بالليل وميكدر يكوم بقيت يمه
للصبح كاعده ع الكرسي ادرس ولما انعس اغفى اشويه وافز.
صار الصبح كعدت سويتله ريوك وكعدته اخذته للحمام غسل وجه .. جيتله الريوك خليته يمه وكلتله اني حروح ابدل لانو عندي دوام!
رحت بدلت ونزلت لكيت بسام مخلص ريوكه اخذت الصينيه للمطبخ بهذي الاثناء اجه محمود!
دخل سلم ع بسام وكاله لما توصل سدن ارجعلي عندي شغله وياك.
وصلني محمود للمدرسه وراح .. داومت دوام عادي .. صابرين محجت وياي بعد ولا تقربتلي ..!
حتى لما تشوفني اتدير وجهها عني .. ايييييي الحمدلله خلصت منها.
واني قبل فتره تعرفت ع بنيه اجتي جديده لمدرستنا نقل من غير مدرسه .. بنيه حبابه كولش وطيوبه اسمها ايات .
كعدت يمي بالرحله اول يوم اجتي لانو صابرين كانت بوقتها غايبه .. فالرحله فارغه!
كعدت يمي وتعرفنا ع بعض .. كولش حبيتها بس كنت خايفه من بسام لتشوف تصرفاته واسلوبه السز .. وبعد متحجي وياي مثل كل البنات !
خلال كم اسبوع علاقتي بيها صارت كولش قويه !
خصوصاً بعد سالفة صابرين .
المهم .. انتهى الدوام ودعت صديقتي ايات ولكيت محمود دينتظرني صعدت السياره .. بس قبلها لمحت سيارة نورالدين واكفه ع الشارع !
اييييي هم زين اجه لازم احجي ويا واوكفه عند حده اشون يسوي هشكل ببسام.
بس محمود اشون بي؟!!
اخذني محمود للبيت وصلني .. ع بالي ينزل وياي البسام !
كالي اني لازم اروح عندي شغله كلفني بيها استاد بسام .. اي راح اخلص من محمود.
راح محمود واني بقيت واكفه بالباب دنكت عود دااسوي حذائي .. باوعت سيارته واكفه براس الفرع!!
خليت جنطتي ع كتفي ومشيت بسرعه لسيارته .. فتحت الباب وكعدت يمه
هو تفاجأ!
نورالدين .. امممم .. يا ترى شنو سبب الجرئه المفاجأه هذي؟!!
سدن .. انت الي دعمت بسام مو؟!!
للحكايه بقيه 🤗
اعتذر ع التأخير الاشتراك خلصان وماكو نت والنبي فعلت ع الشريحه حتى انزللكم بارت
بس حعوضكم ببارتين 😊
رأيكم بالاحداث ... ولتنسوووووووون التصويييييت 🙋🏻♀️
رواية ﮼صفقة ﮼عشك الفصل الثامن عشر 18 - بقلم ﮼الاميره،الموسويه 👑
بقلمي (هدى الموسوي)الاميره الموسويه 👑
ما احلل لأي شخص ياخذ كتاباتي وينشرهم (ذمه)
قبل يوم .......
نورالدين .. شنو يعني خطبت بنته!!
يمان .. ههه اشبيك نور يعني يرادلها شرح !!
طلبت ايد سدن من ابوها على سنة الله ورسوله.
نورالدين .. يعني انت كلتله اريد اتزوج سدن!!
يمان .. لا بصراحه اني مكلتله هيج لان استحيت انت تعرفني ارتبك بهيج امور مااعرف شلون احجي ..بس كلتله انو احنه انريد نجي نطلب ايد بنتك
نورالدين .. وابوها شنو كالك؟!!!
يمان .. والله رد ابوها فاجأني متوقعته يوافق بهالسرعه .. خصوصاً واني هذا وضعي !
بس كلتله هذي الجمله كالي اهلاً وسهلاً اتنورونا.
نورالدين .. ...!
يمان .. اتسرعت مو؟!
نورالدين .. ماكو رد.
يمان .. نور وين صفنت دااحجي وياك.
نورالدين .. هاا .. وياك مصفنت .. بس قرارك فاجأني.
يمان .. ليش؟!
نورالدين .. مكنت متوقع اتفكر تتزوج بهالسرعه خصوصاً انت طول عمرك تستهزء بالزواج والارتباط.
يمان .. اي صحيح هذا قبل ، اما حالياً الوضع اختلف انت دتشوف حالتي بعد مو مال حب ومراهقه متأخره اني فكرت هواي بوضعي ومستقبلي وقررت انو احسن حل الي اتزوج انسانه احبها وتحبني واستقر.
نورالدين .. اشلون عرفت اتحبك شنو اعترفتلك بحبها مثلاً ؟!
يمان .. لاااا لا البنيه محاجي وياها بهذا الموضوع ابد كل الي بينا سلام بس هي مبين من معاملتها الي وكلامها وياي وشقاها انها اتبادلني هذا الاعجاب واكيد الحب يجي بعد الزواج مثل ميكولون الناس.
نورالدين .. وانت ............ تحبها؟!!
يمان .. بصراحه اني معجب بيها هواي من اول مره شفتها عجبتني ودخلت گلبي وهذا الاعجاب بمرور الوقت ديقوى عندي وهي بنت ناس معروفين وحلوه مناقصها شي وين الكى احسن منها بس......
نورالدين .. بس شنو؟!!
يمان .. خايف لترفضني بسبب اعاقتي.
نورالدين .. لتكول هيج يمان واني اوعدك راح اسوي كل الي اكدر عليه حتى تتزوجها.
يمان .. حبيبي ابو النور اني شعندي غيرك.
نورالدين .. مبروك مقدماً.
...............
سدن .. ماكو داعي تخلي هذا الشرط بينا .. انت مسمعت كلامي للاخير البارحا اني..
نورالدين .. لتكملين اعرف الي تردين اتكولي شنو و ...
سدن .. لاا لا متعرف شي والله يخليك لتقاطعني خليني اكمل كلامي للاخير وبعدها راح اترك القرار الك هذي المره ..
من اول يوم خطفتني وشفتك حسيت شي بداخلي اتغير .. شعور غريب انتابني من اول مره التقت عيني بعينك ..
وهذا الشي بدا يكبر كل ما اشوفك .. كل مااسمع صوتك .. كل ما المحك .. بس كنت اتجاهله وابرره لنفسي بأي عذر لانو ممجربه هيج شي ولا ماره بهذي المشاعر او حاستها غير لما شفتك.
اني من صغري مشاعري كاتمتها بداخلي بابا بعيد عني وبسام بس بالاسم اخويه ما فد يوم حسسني بشعور اخ ولاعطف اخ ع اخته .. الشعور الوحيد الي حسسني بي هو الخوف والرعب.
يعني بالمختصر ممبادله احد مشاعر ولا عندي علاقه من اي نوع ، فأنت كنت احساس غريب بالنسبه اليه !
تجربه اول مره اعيشها ، لا اعرفها ولا فاهمته لذلك خفت منها .. خفت اغامر بمشاعري واندم.
فقررت اتأنى ومااتسرع واخطو هيج خطوه كبيره بحياتي .. بس انت اثبتتلي انو اني كنت على خطأ.
وانو ترددي وخوفي من مشاعري تجاهك كان غلط .. كل مره كنت توكف وياي وتبينلي اشكد انت تحبني .. لأي درجه انت مستعد تضحي علمودي
بس اني كنت غبيه ومحسيت بيك .. واخر مره بالسياره صدكني بعد ما نزلت قررت اصارحك بمشاعري بس انت استعجلت ورحت بسرعه .. وبعدها صارت احداث بسام و هم متخليت عني رغم اني كنت غلطانه بحقك .. ولما حاولت اصلح غلطي واكولك ع الي بداخلي مكملنا حديثنا واجه بابا واخوك.
بسبب احداث بابا والمشكله الي هو بيها قررت أأجل الموضوع اشويه وبعدها اعترفلك بكولشي .. بس بما انو انت فتحت الموضوع هسه ....
خلص ماكو داعي انتظر اكثر .. وحتى اذا متريد اتساعد بابا ومتطلعه من هذي المشكله هم مو مهم عندي لانو مااريدك تعتبر مشاعري تجاهك هي مقابل شي.
لااااا اني من كل گلبي وبكل جوارحي وعن قناعه تامه اكولك ...... احبك.
اي احبك ومجنونه بيك ومستحيل افكر بيوم من الايام اكون لشخص غيرك انت وبس.
حتى لو حياتي تنتهي انهيها و ما اعيشها بعيد عنك .. وبلا اي شروط اني موافقه ع الزواج.
نورالدين .. حظ عاثر مو!
من اول مره شفتها عشگتها واقسمت متصير لغيري .. بس هي عاندت ورفضتني ... ولما خلص قررت انساها واتركها الغيري اعترفت بحبي!!!!!!!!!!!!!!
ماكو مفرده ممكن اكولها وتشرح الي دااحسه شنو .. حتى جمل الكون كلها وتعابيرها متوصف ذره من شعوري بهاللحظه.
درت وجهي عنها لان الكلام الي راح اكوله مااكدر انطقه وعيونها بعيني .. مااكدر احجي وهي كدامي .. يحتاجلي طاقه تسع العالم كله وهم مااكدر.
مستعد اواجه الدنيا كلها وادخل بعين اكبر واحد واحاجي ... بس كدامها اني اضعف من اني انطق بحرف واحد ممكن يكسرها.
زين شسوووووي ... شنووو الحل؟!!
اضحي بگلبي لو بإخويه؟!!
يمان اخر شي بقالي من اهلي .. هو عائلتي الوحيده واغلى من روحي ....... وهي!!!!
هي انفاسي .. هي الروح الي بجسمي .. هي النبض الي بصدري!
ياربيييييييييي دخيييييييييلك اني اخذ امانتك وخلصني.
سدن .. لويش ساكت متحجي؟!
اعرف اني اتأخرت واعرف جرحتك هواي .. بس صدكني خوفي هو الي كان مانعني ومردت اوهمك بشعور كاذب قبل ما اتأكد من حبي الك .
فأترجاك تسامحني ع كل الي سببته الك .. ومتتخلى عني لانو صدكني مااعرف شنو ممكن يصيرلي اذا خسرتك .. مااكدر اتخيل الحياة بلاك.
نورالدين .. بغضب ... كافي.
سدن .. ردة فعله خوفتني .. بلا وعي مني رجعت خطوتين ليوره من الفزعه.
نورالدين .. التفتت عليها .. بصوت هادئ وبنبره حاده .. انتي فعلاً اتأخرتي وكل الكلام الي كلتي ما له اي قيمه بعد.
سدن .. ملامحه كانت عباره عن غضب وظلام رغم كلامه هادئ بس حسيت بي يريد ينفجر!!
شنو يعني كلامي ماله قيمه ؟!
نورالدين .. يعني الي كلتيها قبل دقايق ميهمني ولا يعنيلي شي اصلاً.
سدن .. نورالدين صدكني اني ...
نور الدين .. لتحجين ولا كلمه لان الكلام لان كلامج ميفيد.
سدن .. شقصدك ؟!
نورالدين .. قصدي اني بعد مااريدج.
سدن .. اعرف اني جرحتك هواي ومن حقك اتردلي الجرح وتسمعني كل هذا الكلام واكثر، اني موافقه ومحزعل منك لانو اني غلطت بحقـ..
نورالدين .. بغضب مشه بتجاها دفعها ع الحايط وخلا ايدها ع حلكها .. هي فتحت عيونها بصدمه من ردة فعله الغريبه .. اسكتييييييي كلت اسكتي مااريد اسمع صوتج.
سدن .. ايده ع حلكي كاتم كلامتي بقوه .. وعيونه الي كانت عباره عن ظلام وغضب بعيوني ميفصلنا غير كم سم ... انفاسه احسها نار تحركني مااعرف لويش عصب لهدرجه لما اعترفتله!!
بقى ع هذا الوضع دقايق بعدها ابتعد عني .
خليت ايدي ع حلكي من الالم الي دااحسه بفكي اصابعه غرسهم بخدي بقوه كأنه يريد يطلع يهشم وجهي .. بس لما شافني اتوجعت تركني بسرعه.
نورالدين .. اتأخرتي هواي والي بينا خلص انتهى.
سدن .. لويش دتحجي هشكل .. واذا انتهى لويش دتطلب تتزوجني؟!
نورالدين .. هههه اتزوجج!!
لاا انتي فاهمه الموضوع غلط .. مو اني الي راح يكون زوجج.
سدن .. مصدومه من كلامه وتصرفاته الغريبه الي ماافهم سببها..
لعد منو؟!!
نورالدين .. يمان ..... اخويه.
سدن .. صافنه بوجهه كل ظني ديتشاقه وياي يريد يأذيني لما يكولي مااتزوجه اله او يريد ينتقم مني لانو اذيته وخليته ينتظر .. بس الاسم الي ذكره بأخر كلامه يبس الدم بعروكي.
شدتحجي انت؟!!
نورالدين .. الي سمعتي.
سدن .. ههههه مكنت اعرف انت سخيف لهدرجه بحيث تلعب بمشاعري حتى تردلي الاذيه.
نورالدين .. انتبهي لالفاظج مااريد أأذيج اخاف على اخويه كلبه ينكسر على عروسته.
سدن .. لا انت اكيد اتخبلت.
نورالدين .. لا بالحقيقه عقلت.
سدن .. نورالدين اذا تريد اتعاقبني ع الي سببته الك برفضي فصدكني اني ندمانه وحاسه بغلطي وماشي مستعده اتحمل اي عقوبه منك الا الي دتكوله هذا الله يخليك لتعيده بعد.
نورالدين .. عقابج انتي الي صنعتي بأيدج .. انتي الي حكمتي علينا.
سدن .. شدتحجي .. شدتحجيييي .. انت شدتحجييييي
نورالدين .. يمان خطبج من ابوج .
سدن .. شنوووو ؟!
يا ربييييييي معقوله الي كالي عليه بابا هو يمان؟!
نورالدين .. واني وعدته انو راح تصيرين من نصيبه.
سدن .. وعدته!!!
نورالدين .. وبس ينحل موضوع ابوج راح نجي حتى يتقدملج رسمي.
سدن .. لااااا انت اكيد مو بوعيك.
شنوووو يتقدملي ؟!
شنوووو وعدتا؟!
بأي حق تقرر تهديني لاخوك؟!
اشون تضحي بيه بهالسهوله ؟!
اني سدن شنووو نست كلامك الي .. وين حبك .. وين الشخص الي حبيته وين وديته؟!
نورالدين .. كافي.
سدن .. لا مو كافي لاااا...
لازم احجي وانت لازم تسمع .. لوووو السماء تنطبق ع الارض مااتزوج غيرك.
اتريدني متريدني مااصير الغيرك .. اني مو سلعه عندك حتى اتقرر اشوكت تحبني اشوكت تتصدق بيه لاخوك.
نورالدين .. لتصعبين الامور عليه وعليج .. يمان يحبج ويريدج زوجه اله
ولتنسين حرية ابوج بالمقابل.
يعني اعتبريها صفقه رابحه وكسبتيها ابوج .. وزوج يحبج .
سدن .. بغصه ألم .. انت تعرف شدتحجي؟؟!!!
لهدرجه اني عندك ولا شي حتى تتعامل بمشاعري كصفقه بين طرفين؟!!
دااكولك احبك افهمنييييي الله يخليك .. احبك احبك واعرف غلطت بحقك واستاهل اتعاقبني بس مو بهالطريقه.
نورالدين .. القرار الج .. فكري واني انتظر ردج.
سدن .. انت دتسمعني شدااحجي لو لا؟
نورالدين .. انتي اسمعيني زين وحاولي تستوعبين كلامي .. قراري هذا نهائي وغير قابل لأي نقاش فلا تعبين نفسج.
سدن .. الدموع بدت تنزل مثل النار عيوني احسها دتحترك .. افهم من كلامك انو انت موافق اتزوج اخوك!!
نورالدين .. واني بنفسي راح ازوجكم.
سدن .. مكدرت اكتم البجيه بصدري اكثر كعدت يم رجليه وشهكت بقوه ، بجيت بصوت عالي .. اتوسلته بكل ذرة رجاء بيه يتراجع عن كلامه ، يكولي انو هذا مجرد عقاب ديعاقبني بي .... ارجيت عيونه تشوف حالي وترحم بيه!!
بس الظلام والغضب الي شفتهم بعينه نهو كل ذرة امل بداخلي .. رفعت راسي وقهر الكون وألمه كوله بصدري .. سألته سؤال...
_اني شنو بالنسبه الك؟
نورالدين .. طلقه وحده هسه تنهي كل هذا الالم الي بصدري .. النار الي دتاكل بروحي بطلقه وحده كلها تختفي!
_ولا شي.
انت متعنيلي اي شي .. مجرد تسليه وانتهت خلص.
سدن .. مستحيل هذا الشخص الي كدامي هسه وديحجي هو نفسه نورالدين الي خلاني اتعلق بي احبه مستحييييييييييل.
_لتحجي هيج الله يخليك اني بحياتي محبيت احد غيرك .. لتجرح گلبي بيك.
نورالدين .. سألتي سؤال .. وهذا جوابه.
سدن .. احبك والله بكل ذره بيه احبك .
نورالدين .. اعرف ..
كل الي عرفتهن قبلج حبني وعشكني مثلج واكثر .. بس كلهم كانن عندي مجرد نزوه وانتهت حالهن من حالج..
سدن .. دنكت راسي ودموعي احسها شلال يجري .. يمكن عيوني وكعود بأديه من كد البحي الي بجيته ...!
نورالدين .. عندي شغل وصار لازم اروح انتي قرري واني انتظر الرد منج حتى اتصرف بموضوع ابوج.
سدن .. دار جهه وراح يريد يطلع كمت من مكاني وصحتله ... لحظه.
نورالدين .. التفتت عليها منظرها دمر شي اسمه گلب عندي .. ادموعها نار حركت كل روحي .. بس ملامحها المكسوره فجأه اتحولت الى غضب.
سدن .. موافقه.
نورالدين .. كنت مصدوم من موافقتها .. كل املي ترفض يمان ويبتعد عنها .. كنت اعرف انو من المستحيل انجمع بيها بعد حتى اذا تركها يمان او متزوجو .. بس اقلها متتزوجه .
شنو؟!
سدن .. مثل ما سمعت .. موافقه ع زواجي من اخوك.
نورالدين .. تمام وانتي اعتبري ابوج انتهت مشكلته.
سدن .. لا لتتدخل بموضوع بابا اني احله.
نورالدين .. اشلون اتحلي؟!
سدن .. ميخصك .
نورالدين .. اذا متردين اساعد ابوج ليش وافقتي ع الزواج.
سدن .. حتى اخليك تندم ع كل الي سويته بييييه ، هذا الموقف مراح انسى وراح اخليك اتبوس اتراب رجليه ومتنوله يا باشا.
عفته وطلعت احس نفسي خاويه .. امشي بلا روح .. ماادري شحجيت وبشنو رطت روحي!
اخذني محمود وطلعت بوجهي للبيت .. دخلت لبسام لكيته نايم .. طلعت الغرفتي اتصلت بأصدقاء بابا الي اعرفهم من ظمنهم محامي كولشي شاطر شرحتله الي اعرفه عن موضوع بابا كالي انو الموضوع سهل انشاء الله وحيحلها .
مر ع الموضوع يومين وبابا ماكو منه خبر .. طكت روحي مااعرف اشون اخلص نفسي من هاي المصيبه الي ورطتها بيها.
بعد اسبوع تقريباً اندكت الباب كمت فتحتها واذا ببابا واكف كدامي!!
اخذته بالاحظان وطلعت هم گلبي وحزنه كوله بحظن بابا .
بقى يمنا بابا كم يوم والناس تروح وتجي الا هو ما اجه هالمره .. بس اخو اجه والابتسامه متفارك وجهه هسه عرفت معناها.
كعد يمان وبابا يحجون ... والصدمه لما كال يمان لبابا انو يريد يخطبني اله!!
محد كالي بهذا الموضوع ولا احد اخذ رأيي الى ان صاحني بابا وكالي اكو موضوع رايدج بي ع انفراد!
كعدت اني ويا وحجالي كولشي .. اشون خطبني يمان واشون ع باله يقصدني اني لنورالدين .. بس جوابي حير بابا وغير ملامحه من كلتله موافقه!!!
حاول بكل الاشكال يأثر عليه واتراجع عن قراري .. بس اني اصريت .. طبعاً هذا الشي بسام ما كان يعرفه ... كل ظنه انو زواجي حيكون من نورالدين ..
ولما عرف الحقيقه ..... وانو اني حتزوج يمان .... سوه شي خرب كل الي بنيته.......!
للحكايه بقيه 🤗
ارجع واكرر لتستعجلوووووون الاحداث اكو هواي اشياء حتصير.
ولحد اتكول ماكو احداث اني ردت اسوي هذا البارت خاص بسدن ونورالدين لانو بي هواي اعترافات من الطرفين.
رأيكم بالاحداث ... ولتنسوووووووووووون التصويت اي سحكه غلسو 😴 نعسانه 😅
🚶🏻♀️🙋🏻♀️
رواية ﮼صفقة ﮼عشك الفصل التاسع عشر 19 - بقلم ﮼الاميره،الموسويه 👑
بقلمي (هدى الموسوي) الاميره الموسويه 👑
ما احلل لاي شخص ياخذ كتاباتي وينشرهم (ذمه)
بسام .. بابا انت شدتحجي شنو اتزوج سدن ليمان؟!
الاب .. والله يا ابني اني مموافق بس هذي رغبة اختك .
بسام .. ليش شنو سدن موافقه؟!
الاب .. هو هذا الي مداافهمه اختك موافقه .
بسام .. معقوله؟!!
سدن بنورالدين ما قبلت وعاندت هسه اتوافق ع يمان !!
الاب .. اني هم مثلك مستغرب مصدوم من موافقتها.
بسام .. مو بكيفها اتوافق .. راسها اكسره .
الاب .. ابني اختك مقتنعه وماخذه قرارها القوه والعنف راح يخليها اتعاند اكثر.
بسام .. يعني شنووو يابه انخليها اتدمر حياتها ويا واحد معاق!
انت متعرف يمان شنو هذا واحد نسونجي وشراب .. اذا في يوم من الايام اتحسنت حالته ورجع يمشي راح يضرب سدن عرض الحايط ويضيعها.
وانت تعرف حالتهم كلش زينه ، اخو اكيد ما ارح يعوفه هسه يسوي المستحيل ويرجعه يمشي من جديد وقتها شنو مصير بنتك؟!!
الاب .. ماادري شكلك يا ابني انت تعرف اختك اشكد عنيده وراسها يابس.
بسام .. عوفها عليه واني احلها.
الاب .. بسام لتظغط عليها ولتأذيها حاول تحجي وياها واذا اصرت ع رأيها فلتتدخل هذي حياتها وهي حره بيها.
بسام .. بابا بس ا...
الاب .. سوي الي كلتلك عليه وبس .
بسام .. ماشي .
سدن .. حياتي صارت عباره عن سواد .. يومي يبدي ويخلص افكر بس بي رغم اني كنت رافضه فكرة ارتباطي بي او بالاحرى متردده من هذا القرار وبقيت اتجنبه دائماً .. بس فكرة انو ارتبط بغيره.......... اتموتني.
معقوله كل الكلام الي كان يكوله الي عن مشاعر واشون ميخلي احد ياخذني واشون مااصير غير اله .. كل هذا كذب!!
اووووووف يا ربي لو تاخذ روحي لو تنسيني يا.
والمشكله الاكبر من كل هذا اشون وافقت اتزوج اخو!!
يمان .... اني اتزوج يمان ابو البنات!!
يا ربي شهالورطه اشون حخلص نفسي .. لا اكدر ارفض مستحيل لازم اكسرله گلبه مثل ما كسرني.
اعرف كولش زين ومتأكده هو يحبني بس ضحه بيه لاجل اخو ومراح اسامحه ابد لو اموت ما اسامحك يانورالدين لوووووو اموت.
كنت كاعده افكر واحجي بيني وبين نفسي چان يدخل عليه بسام.
بسام .. اريد احجي وياج.
سدن .. عندي دراسه ومفارغه.
بسام .. كلمتين احجيهم واروح مااخذ من وقتج.
سدن .. اوك ... احجي شعندك.
بسام .. شنو هذا موضوع يمان؟!
سدن .. مفهمت!!
بسام .. ابويه يكول انو يمان خاطبج منه وانتي موافقه !
سدن .. اي؟؟؟
بسام .. شنووو اي اتخبلتي انتي؟!
سدن .. ولويش اتخبلت الولد رايدني ع سنة الله ورسوله لويش ارفض؟!
بعدين انت مو كنت اتلح عليه حتى اتزوج من الباشا هياتني حتزوج اخو ويصير الي ابالك.
بسام .. لج انتي اكيد مو بعقلج .. نورالدين وين ويمان وين؟!
سدن .. نفس الشي هم اخوه والي تريده من هذاك تكدر اتحصله من يمان.
بسام .. لج يمان معاق تعرفين شنو معاق؟!
وفوك كل هذا واحد مشكلجي وماضيه اسود ومتأمن بي .
سدن .. ماضيه شي ميخصني الي يهم الحاضر وبالنسبه لشغلة الاعاقه فأني ماعندي كل مانع اتزوج شخص معاق اهم شي يحترمني وشاريني.
بسام .. شاريج؟!!
لعد نورالدين مو جان شاريج واجه بنفسه خطبج ليش ما وافقتي؟!
ليش عاندتي ؟!
سدن .. هذا يختلف .. بعدين انت شكو دتحاسبني؟!
لتكولي يهمك مستقبلي لو خايف عليه اعفيني من هالتمثيليات.
بسام .. اللسانج طولان ولج وعينج صلفه.
سدن .. اذا خلصت المحاضره اتفضل اطلع اريد ادرس.
بسام .. ماشي سدن خانم ما راح اتدخل بقرارتج مو حباً بيج بس وعدت ابويه لكن خلي ابالج راح اتندمين ع هذا قرارج طول عمرج.
سدن .. سد الباب وراك.
كنت احجي ويا بسام بكل هدوء وقناعه .. بس بداخلي بركان يغلي من الي دااحجي.
راح بسام وكلامه بقى يرن بأذني !
عرف حندم واعرف الي دااسوي غلط وحيدمرني .. بس مااكدر اتراجع بعد.
لازم انتقم منه بأعز شي عليه .. اتزوج اخو واخلي يشوفني كل يوم ويا وكاعده يمه .. كل لحظه اتمر عليه حخلي حياته جحيم ع الي سوا بيه.
بحياتي مفكرت انتقم من احد ولا فكرت أأذي احد حتى صابرين اشكد سوتلي مشاكل مأذيتها بكد الشعرايه كنت دائماً اسامح .. بس هذا الوحيد الي خلا گلبي ينتفض من طيبته.
بابا كالي انو يمان متصل بي ويريد يحدد موعد يجون يزورونا هو واخو حتى يتقدملي!
بس بابا كايله انو ينتظر الى ان اخلص امتحانات النصف ويتقدملي حتى ما يأثر ع دراستي!
كلتله لا بابا ماكو داعي للتأخير والخطوبه ما الها اي علاقه بالدراسه مجرد نعقد وكلمن يكعد بمكانه الى نهاية السنه ونتزوج.
بابا استغرب من الجرأه المفاجأه الي بينت بشخصيتي .. وبصراحه حتى اني استغربت من نفسي .. دااحس حالي ما اعرفني.
سدن الهادئه العاقله المرحه الدافيه .. كل هذا اختفى !
اتحولت الى وحده عصبيه .. تفكيري سوداويه .. ما اناقش ولا اتفاهم الي ابالي احجي والي اريده اسوي غصباً عن الكل.
بابا حاول بكل الطرق يخليني اتراجع عن قراري هذا وانتظر حتى ما اتسرع بأختياري !
بس كبريائي الاعمى كان اقوى واكبر حتى من بابا.
رجعلهم بابا الخبر انو احنا جاهزين وبهذا الاسبوع يوم الجمعه يكدرون يشرفون.
ما احجيلكم بهذا الاسبوع شصار بيه .. حتى الاكل كطعته ، كلام ماكو لا التقي بأحد ولا احجي ويا احد حتى بالدوام ع كد الدراسه وارجع لا اختلط ولا اشارك بأي شي.
كمت اشوف كولشي بحياتي اسود .. تافه .. بلا معنى.
ورغم انو الحل كان بأيدي .. بس اصريت اكمل للنهايه بهذا الغلط.
مرت الايام عليه سنين .. كل لحظه اتمر اخسر روحي .. شخصيتي .. كياني .. يمكن اذا اجه الموعد حخسر حياتي.
باقي ع يوم الجمعه يوم واحد .. الخميس داومت كنت تعبانه حيل لا اكل لا نوم لا راحه ولا حتى خلك للحجي عندي !
طلعت من المدرسه لكيت محمود ينتظرني .. كلتله روح انت للبيت اني ارجع مشي.
موافق محمود وبقى يترجاني اصعد ويا حتى بابا ميحجي عليه .. بس سدن الجديده متتأثر بالكلام!
عفته ومشيت للبيت امشي بالشارع بس بالي بمكان ثاني حتى مااشوف الطريق ومااعرف وين رايحه !
مشيت بلا وعي مثل الي يمشي بنومه .. سرحانه وداامشي سمعت صوت هورن سياره نززني!!!
فزيت مثل الحلمانه اباوع هاي اني ويييين .. شجابني لهنا؟!
عبرت بيتنا بهوااااااي .. اووووف سدن شكلج انجنيتي ع الاخير .. صوت السياره مسكت خبصني خبص يبووووو و وجع شصار هسه الا يفوت من ورايه الشارع شعرضه!!
درت وجهي واذا سيارته كدامي!!!!!!!!!!!!!
ابد مكنت متوقعه اشوفه نهاااااااائياً خصوصاً بعد الكلام الي كاله الي .. مااعرف شنو الي دخل بكل ذره من جسمي احس نفسي انشليت ع بردت ع خفت ......!
شجابه هنا؟!!
عدلت جنطتي ومشيت كأني مشفته رجعت نفس الطريق لبيتنا .. وصلت قريب يم سيارته نزل الجامه!
اني بقيت ع مشيتي ولا التفتتله ... وصلت يمه صاحني!
نورالدين .. سدن .
سدن .. مباوعت ولا جاوبته ع مشيتي .. ما احس غير جرني من ايدي وبصوته المرعب صاح بيه ..
نورالدين .. اني مو احجي وياج؟!!
سدن .. سحبت ايدي من عنده وجاوبته بلا مالتفتله .. واني مااريد احجي وياك.
نورالدين .. اعرف متردين تحجين وياي وحقج بس لازم اتسمعيني.
سدن .. مااريد اسمع شي .
نورالدين .. اعرف كلامي كان قاسي وياج اخر مره وجرحتج هوايه بس الي اريد اكوله لازم تسمعي رجاءاً.
سدن .. كول الي عندك اريد اروح.
نورالدين .. ارفضي يمان.
سدن .. التفتتله بصدمه وعيوني خازرته بحده ... !!
نورالدين .. لتوافقين.
سدن .. هههههههه انت اكيد مو بوعيك.
شكلك متعرف شدتحجي .. وخر عني خليني اروح .
نورالدين .. اني اجيتج بنفسي اترجاج رجاء تتراجعين عن الزواج بيمان .. اعرف تردين تنتقمين مني واعرف اني استاهل كل الاذيه منج ومستعد اتقبل منج اي شي .. اي شي يخطر ع بالج تشوفي يشفي غليلج بيه مستعد اسوي .. الا الزواج من اخويه.
سدن .. هذا ما كان رأيك لما قررت تشمرني لاخوك!
شنو الي صار هسه وجاي تطلب مني ارفض الزواج منه .. وين وعدك الي قطعته الاخوك!!
نورالدين .. سدن لتتغابين انتي تعرفين كلش زين شنو السبب .. صح اني وعدت يمان وضحيت بحبي في سبيل سعادته .. بس كل ظني انو انتي ماراح اتوافقين .
مااكدر مجرد فكرة تتزوجي واشوفج ويا تموتني .. انفاسي تختفي مااكدر مااكدر.
سدن .. حبك !!
ههههه ضحكتني مشكور .. يا حب هذا ؟!
قصدك التسليه الي اتسليتها وخلصت ؟!
يلا انت متعود ع الضحك عليه وعلى امثالي مو صحيح .. مو هذا كلامك!!
نورالدين .. كافي .
سدن .. لا مووو كافي باشا مو كافي.
الالم الي زرعته بگلبي لازم ادمرك بي .. والندم الي حسستني بي لازم تدفع ثمنه .. وكرامتي الي دستها بحذائك واني اترجاك متضحي بيه لازم تنهيك والا ما راح اشفي غليلي بيك ابد.
نورالدين .. واني مستعد لكل هذا الا زواجج من يمان.
سدن .. اسفه مااكدر انفذ طلبك اجيت متأخر .
نورالدين .. مشيت بتجاها بغضب هي من شافتني رجعت ليوره ظهرها صار ع السياره .. بكل قوتي ضربت ع السياره بحيث سمعت اصابعي اتكسرت ... بصوت حاد ومليان غضب ..
_لتخبلينييييييي لتخبليني ، انتي متعرفين اذا فقدت اعصابي شسوي والله اني اخاف من فكره انو افقد اعصابي لان حتى انتي أأذيج.
سدن .. ملامحه كانت عباره عن بركان ثائر وعيونه ظلام دامس .. شيطان هذا مو نورالدين .. كان يحجي وكأنه يريد يفترسني مااعرف اشون كدرت انطق واني اني كل ذرة بجسمي مرعوبه منه.
_أذيتني بما فيه الكفايه وماكو شي بعد تكدر اتسوي ويأذيني.
نورالدين .. ضربت ع السياره مره مرتين ثلاثه ... وبصوت عالي صيحت بوجها ..
_لج كذب والله كذب كل الي كلته الج هذاك اليوم كذب .. اني مو بس احبج اني عايش بيج تفهمين شنو عايش بيج يعني كل ذره تمشي بيه انتي .. الروح الي دتحركني هي انتي .. الهوا الي يدخل الصدري هوو انتيييي .. لج احبج من اول مره شفتج بيها وانتي تتعاركين ويا الحارس حبيتج .. حبيتج حبيتج تفهممممميييييين شنو حبيتج!!
مااكدر اشوفج تصيرين لواحد غيري اخذ روحه والله قبل حتى ليفكر بيج .. مو انوب اخويه........
اعرف انتي كرهتيني واعرف اني جرحتج واعرف اذيتج .. واعرف غلطت ومستعد لاي عقاب انتي تقرري الا انج تتزوجين يمان .. اموتج قبل لتسويها .. اشكد اني احبج بس مااخلي ياخذج والله اموتج واموت وراج.
سدن .. اوك ........................... شوفني اشون حتموتني.
نورالدين .. سدن ارحميني .
سدن ..الرحمه اطلبها من الله مو مني.
نورالدين .. تمام ابقي ع عنادج هذا .. بس صدكيني قبل لتلبسين ثوب العرس راح انهي حياتي .. وعيشي انتي بسعاده.
سدن .. گلبي انعصر لدرجه حسيت روحي حتطلع .. بسرالغضب الي بداخلي كان اقوى من انو اضعف كدامه ..
_ الي تكدر عليه لتقصر.
نورالدين .. مكنت متوقعها بهالقسوه هذي .. صح اني اذيتها هواي بس اعترفتلها انو سويت هيج غصباً عني ليش متقتنع ليش متقدر حبي الها .. اني اتحملت منها هوااااي وهي ع اول غلط باعتني!
ماشي سدن .
درت وجهي وصعدت بالسياره شغلتها دااطلع چان توكف كدامها ..!!!
راح اتخبلني هاي المخلوقه ..
فتحت باب السياره وكفت يمه ..
سدن .. اتريدني انهي موضوع زواجي من يمان؟!!
نورالدين .. أومأتلها بتسائل !!
سدن .. اوك موافقه بس بشرط!
نورالدين .. الي هو؟!
سدن .. انت بنفسك اتكوله احبها .
نورالدين .. بغضب ابتسم .... ما كنت اعرف تمتلكين حقاره هالكد.
سدن .. اكيد مو احقر منك بعتني الاخوك.
نورالدين .. اعترف كنت حقير ومستعد ادفع ثمن حقارتي بس لتوافقين.
سدن .. الحل بأيدك .. يلا سلام.
عفته ورحت ........ رحت بس روحي بقت واكفه بمكاني .. رحت بس عقلي كان يمه .. گلبه عفته هناك .
وصلت للبيت اكلت رزاله من بسام اشون ما اجيت ويا محمود .. عفته يلغي وصعدت الغرفتي!
بالليل بابا اجاني كعد وياي حجه وحاول للمره الاخيره يقنعني اتراجع عن الزواج من يمان!
كولشي كدامي وكولشي بيه كانو يصرخون اتراجع عن هذا القرار ... بس الغضب كان عاميني للاسف.
ثاني يوم كعدت الصبح احس خدر بكل جسمي حتى مااكدر اكوم من الفراش ..!
سحلت نفسي سحل وكمت .. اليوم خطوبتي ههههه!
البنات بهيج يوم السعاده متشيلهم واني دايخه و وجع الدنيا وقهرها كوله بيه.
نزلت جوه البيت هوسه ناس اتعدل وناس تزين وناس اتنظف!!
الظاهر بابا اخيراً اتقبل الوضع واستسلم للواقع .. بس شكله زودها اشويه اني مااريد كل هالزينه والخبصه!
رحت للمطبخ سويتلي كلاص حليب واكلت صمونه لانو كولش طاقتي خلصانه ما بيه حيل اوكف.
بعدين اجه بابا كالي حظري نفسج راح يجون!!!!!!!!!
يا ربي الموضوع صار صدوك!!
ما اريد .. لا مااريد .. بابا الله يخليك خلصني .. مااريد اتزوج ماااا اريد.
هذا الي كان كولشي بيه يكوله .. بس اللساني نطق العكس
_اوك حروح ابدل.
صعدت سبحت وبدلت .. لبست جينز ازرق وتيشيرت اسود.
شعري شلته كعكه ومخليت ولا ذرة مكياج ... بحيث من نزلت بابا بقى مذهول من منظر الخدامه الي كدامه.
نزلت لكيت يمان جاي و رجال متوسط بالعمر يعني يجي بكد بابا و مدير الاعمال الي اسمه زيد والسيد مااعرف الشيخ الي يعقد ............................. وهو ماكو!!
سلمت عليهم وكعدت عادي .. بس وجوهم احسها اتكول من وين طالعتلهم من المقابر!!
لو من مصحة مالت هذولي المدمنين.
ايييي لهدرجه كانت حالتي يرثى لها واكثر..
كعد بابا واني ومحمود هم كان حاظر سولفو اشويه وناقشو موضوع المهر والمقدم والمؤخر .. كولشي مسمعت ولا عرفت شي لانو كنت يمهم بس جسد!
حجه وياي الرجالي يعقدلنا وطلب اكول ورا الي يكوله .. وكذلك كال اليمان .. مره مرتين كالها واذا بسام اللعين داخل علينه!!!!!
بسام .. بصوت عالي .. من رخصتك شيخنا هذا الزواج ما راح يتم!!
سدن ..احساسي يكول يمكن بسام نقذني من غلطة حياتي بأكلمها .. بس تصرفي و ردة فعلي كانت عكس هالاحساس!!
كمت اريد احجي بكل عصبيتي بس بابا باوعلي بنظرة عرفت معناها ... وهو الي حجه.
الاب .. بسام اشبيك اتخبلت؟!!
بسام .. من رخصتك بابا واعذرني بس الي ديصير غلط.
الاب .. بغضب بسااام !!
بسام .. اعتذر بابا بس يمان من حقه يعرف كلشي.
سدن .. بسااام اسكت.
الاب .. امشي اطلع بره .. وسحب بسام ديطلعه
يمان .. لحظه لحظه .. انتظر سيد كريم .. اريد اعرف شنو الموضوع ..!
الاب .. ماكو شي ابني هذا بسام يحجي لحاله.
بسام .. لا ما احجي لحالي واني مو مخبل .. وانت يمان لازم تعرف الحقيقه قبل لتسوي شي تندم عليه.
يمان .. شنو هي الحقيقه الي مااعرفها ؟!!
سدن .. قطرات دمي دااسمعها تجري بكل سرعتها براسي .. حوكع خلص!!
بسام .. اخوك نور الدين يحبها السدن واتقدملها قبلك.
يمان ...!!!!!!!!!!!!
سدن ..!!!!!!!!!!!!!!!!!!
للحكايه بقيه 💔
رأيكم بالاحداث ولتنسسسسسووووووون التصويييييييت 🙋🏻♀️
رواية ﮼صفقة ﮼عشك الفصل العشرون 20 - بقلم ﮼الاميره،الموسويه 👑
بقلمي (هدى الموسوي ) الاميره الموسويه👑
ما احلل الـ أي شخص ياخذ كتاباتي وينشرهم (ذمه)
سدن .. بسااااام انت شدتحجي؟!
بسام .. انتي سدي حلكج ولتحجين احسنلج.
سدن .. لا ما اسكت و مو بكيفك .. هذي حياتي الي واني حره بيها انت الي ما الك اي حق تتدخل بيها وتمشيها ع مزاجك.
بسام .. لج دااكول اسكتـ....
الاب .. بغضب بسام احترم نفسك وانتبه على روحك انت وين كاعد.
بسام .. اني اعرف نفسي شدااحجي ويمان من حقه يعرف الحقيقه قبل لا يدمر حياة اخو.
الشيخ .. اخوان اني عندي شغل ولازم اروح اكو خطوبه اليوم لو اتوكل؟!
محمود .. احنا اسفين شيخنا راح انأخرك اشويه اتفضل وياي بره على ما ينحل الموضوع وان شاء الله تخلص شغلك وتتوكل.
طلع محمود والشيخ بره وبقى بسام وسدن واحد يشد و واحد يكبس ..
يمان .. اذا ممكن احد يفهمني شنو الموضوع؟!
سدن .. ماكو اي موضوع بسام يريد يخرب الخطوبه وبس معليك منه.
بسام .. اخرب الخطوبه مو؟!
ماشي اني راح احجي الموضوع كله اليمان وهو بعدها يقرر.
سدن .. متحجي شي ولتتدخل اصلاً .
يمان .. لا احجي .... لازم اعرف شنو السالفه ونورالدين شنو علاقته بيج!!
احجي بسام اسمعك .....
بسام .. يمان انت تعرف معزتك ومكانتك عندي انت مثل اخويه واكثر والكلام الي راح اكوله وتسمعه مو حتى اخرب خطوبتك مثل مكالتلك .. لا بس اني مااريدك تخسر اخوك خصوصاً اني اعرف شنو نورالدين بالنسبه الك..
يمان .. رجاءاً بلا مقدمات وفهمني شنووو الموضوع.!!
بسام .. ماشي .. مثل مكلتلك الموضوع وما بي انو نورالدين سبق واتقدم لخطبة سدن اكثر من مره .. يعني اخوك عنده مشاعر تجاها والا ليش يضل مصر انو يرتبط بيها وينتظرها الى ان اتوافق؟!
يمان .. نورالدين مستحيل يضم عليه هيج شي ؟!
ليش ما عندي علم بخطوبته .. هو ميحب يسوي شي بالسر خصوصاً بمثل هذي الامور الزواج والارتباط !
بسام .. تتذكر حفل الخطوبه الي سوا الباشا قبل فتره؟!!
يمان .. اي ؟! هذا السؤال جوابه تاخذه من نورالدين نفسه.
يمان .. زين ليش اتقدم اكثر من مره اكيد سدن رفضته؟!!!!
سدن .. يلا بسام جاوب ... كوله لويش رافضته؟!
بسام .. رفضته لانها ع مفكره انو الباشا معتبرها صفقه وانو احنا دنبيعها اله.
سدن ..كذاب ..... رفضته لانو مااطيقه وماعندي اي شعور تجاهه.
يمان .. يعني افهم من كلامج عندج مشاعر تجاهي لذلك وافقتي ترتبطين بيه!!!!
سدن .. يمان ارجوك مااعتقد هذا سؤالك وقته هسه.
الاب .. سدن امشي روحي لغرفتج.
سدن .. بابا ..
الاب .. دااكول روحييييي لغرفتج.
سدن .. خلص بسام الحقير سوه الي براسه وخرب كولشي .. بس الا ادمرلك حياتك يا بسام واندمك ع الي سويته.
عفتهم وصعد الغرفتي .. معرفت شنو الي صار .. يمان شنو رده .. اشون انتهى النقاش ... ولويش راح!!!
بقيت بغرفتي الى ان سمعت صوت بابا يصيحني ..
الاب .. وليدي يمان انت حسبت بسام ابني ومعزتك من معزته الله شاهد بس لكل شي حدود ..!
سدن بنتي مو لاكيها بالشارع دمي ولحمي تعبت عليها وربيتها فأعتقد مو من الاخلاق تحجي وياها هالكلام وهالاسئله واحنا واكفين ما عبرتنا ، ترى البيوت واهلها الهم حرمه المفروض تنتبه لكلامك.
يمان .. اني مكلت شي غلط سيد كريم حتى تنطيني محاضره بالاخلاق والادب ، كل ما هنالك سألتها عن مشاعرها تجاهي واعتقد هذا الشي من حقي .. الي كل الحق اعرف حقيقه مشاعر الانسانه الي راح ارتبط بيها.
ابو بسام .. اعرف ابني اكيد من حقك بس ع الاقل كان حسبت حسابنا اني واخوها .. انت تتسمى غريب عنها هي مو خطيبتك.
يمان .. سيد كريم كل الي كلته حضرتك احترمه .. بس رجاءاً اترك هذا الموضوع وفهمني شنو سالفة سدن ونور الدين؟!
ابو بسام .. مثل ما سمعت من بسام اخوك سبق واتقدم لبنتي سدن وطلب ايدها مني بس هي رفضت لانها اتريد اتكمل دراستها.
يمان .. بس لهذا السبب؟!!!!
بسام .. لا اكيـ...
الاب .. بساااام .
ابني يمان اذا اتريد تفهم الموضوع اكثر وتتأكد من كلامنا اخوك موجود وتكدر تفهم منه كلشي.
يمان .. ماشي اني راح احجي ويا نورالدين وافهم السالفه منه .. بس عندي طلب منك.
ابو بسام .. اتفضل شنو هو؟!
يمان .. اريد نأجل الخطوبه لغير يوم.
الاب .. براحتك ابني واني هم هذا رأيي .
يمان .. يلا اني اترخص اذا ممكن تصيح محمود يجي يوصلني.
بسام .. اي هسه اصيحه.
راح بسام اتفاهم ويا الشيخ و انطى حسابه وراح لانو بقى ينتظر هواي ومحمود اخذ يمان وراحو لبيتهم.
رجع بسام للبيت وابو صاح ع سدن ....
الاب .. سدن ... سدن ...
سدن .. نزلت اشوف بابا شنو يريد لكيته بس هو وبسام بالصاله!!
الاب .. تعالي بنتي اريد احجي وياج.
سدن .. لويش هو شنو الي بقى حتى نحجي؟!
ابن حضرتك سوا الشي الوحيد الي فالح بي يخرب كولشي.
بسام .. لج الزمي اللسانج لا اكصه الج.
سدن .. مرح اسكوت فهمت لووو لا .. مراح اسكوت وهذا الزواج غصباً عنك حيصير.
بسام .. الغضب الي انرسم ع ملامحه مينوصف .. راد يلزمها يموتها بس ابو اتدخل...
الاب .. سدن انتبهي الالفاظج هذا اخوج واكبر منج من تحجين ويا احجي بأحترام.
سدن .. بابا الله يخليك اترجاك فهمه انو هذي حياتي وهو ما اله اي حق يتدخل بيها.
الاب .. بسام اخوج ورايد مصلحتج .
سدن .. مصلحتي اني اعرفها كولش زين .. خلي هو ينتبه لمصلحته.
بسام .. بابا هاي مو مال عيني واغاتي شوف اللسانها شطوله .. كلتلك عوفها عليه واني اتصرف مسمعت مني.
سدن .. ههه اشونك انت عاد .
الاب .. انتووووو وتالي وياكم؟!
متكولون ابونا واكف .. كاعدين تتعاركون كدامي وعايزكم بس تتكافشون.
سدن .. بابـ...
الاب .. اسسسسس ولا كلمه انتي بالذات مااريد اسمع صوتج ، تصرفاتج واسلوبج ابد ماعاجبيني مو لاني وافقت ع القرار الي اتخذتي معناها اقبل تتجاوزين حدودج وتتمادين!
لتخليني اتصرف وياج تصرف ثاني .
الكلام الي راح اكوله موجه الكم انتو الاثنين ومراح ينعاد ، ومااريد اي نقاش بي ، والا متلومون غير نفسكم .
اولاً موضوع الزواج ينسد نهائياً ومااريده ينفتح بهالبيت ولا تتناقشون بي ابد مصارت القسمه وخلص.
ثانياً بسام اول واخر مره تتصرف من كيفك مثل تصرفك اليوم لا عبالك اني راضي عن الاحراج الي حطيتني بي كدام الناس.
بسام .. بابا اني مو حجيت وياك وفهمتك الموضوع وتباعته وانت ايدتني اشلون اتوافق على هيج شي شنو الي صار؟!
معقوله اتخلي سدن هاي الطفله تلعب بيك وتمشيك ع كلامها.
الاب .. انجب لتحجي و خليني اكمل كلامي .. اختك مو طفله وهي مسؤوله عن تصرفاتها اذا كانت مقتنعه بيمان هذا شي يخصها بس ... خلي يكون بعلمج سدن اي شي يصير مستقبلاً انتي تتحملي ولتفكرين مجرد تفكير تجين فد يوم واتكولين اريد اتطلك !
الطلاك تمحي من حياتج لان هذا اختيارج واني واخوج حاولنا ننصحج مقتنعتي واصريتي ع رأيج لذلك انتي تتحملين العواقب.
سدن .. اني اتحمل كل النتائج ولتخاف بابا مراح اطلب هيج شي.
الاب .. هذا اخر كلام ومااريد اي نقاشات بعد ولا اريد اسمع عرك ولغوه زايده فهمتو لو لا.
بسام .. الي ديصير اكبر غلط.
سدن .. خليك بحالك انت.
الاب .. روحو من وجهي وكافي الموضوع انسد.
سدن .. بابا كان داعمني كدام بسام وما حاول يغيرلي رأيي او يجبرني ارفض الزواج من يمان رغم كل الدراما الي سواها بسام .. بس مااعرف لويش كلامه الاخير عن قراراتي والمستقبل خوفني!!!
حسيت اني داارتكب غلط كولش كبير بحق نفسي .. مهما يكون الحقد والغضب الي حسيته بسبب نورالدين مو عذر حتى ادمر حياتي بهالطريقه وارتبط بشخص مااحبه واحب اخو!
مجرد شعوري تجاه اخو واني على ذمته هذي اكبر جريمه ميعاقب عليها القانون بس ربي يعاقبني .
وين تردين توصلين بهذا عنادج سدن راح تدمرين حياتج وحياة اشخاص غيرج.
بعد تأنيب ضمير قاسي وتفكير طوييييييل .. توصلت القرار نهائي !
خلص هذي اللعبه لازم تنتهي وارفض يمان اذا اتقدملي مره ثانيه .. خصوصاً اني الي اريده صار ويمان عرف بمشاعر اخو تجاهي .. اكيد هسه حيسأله ويعرف كولشي.
بهذي الاثناء وصل يمان لبيتهم .....
دخله محمود للبيت وراح كالعاده البيت كان فارغ ما بي غير المنظف والممرضه !!
سأل عن نورالدين كالوله بالمكتب مالته ماعد من الصبح!!!!!!!!
يمان .. يعني مطلع من البيت؟!
المنظف .. لا سيد يمان الباشا بالمكتب من طلعت حضرتك لحد الان.
يمان .. اهاااااا لعد اشلون من كلتله امشي وياي للخطوبه كال عندي اجتماع؟!!
ماشي .. روح انت شوف شغلك ولحد يدخل علينا للمكتب.
راح يمان للمكتب فتح الباب ودخل بدون ميطرقه او يستأذن!
دخل وكان المنظر الي كدامه كارثي... المكتب مگلوب رأساً على عقب الاوراق بكل مكان كزاز مكسر بالكاع !
ودخان الجكاير مالي الغرفه!!!!!
ميحتاج بعد يسأل اخوو اي شي ولا يحتاج يعرف حقيقة مشاعرة تجاه خطيبته المستقبليه!!
لانو وضع الغرفه والفوضى الي بيها شرحت كولشي.
هو كان امدد ع التخم الي بالمكتب ومخلي ايد ع وجهه والثانيه بيها الجكاره!
بصوت حاد وبتسائل حجه يمان ...
_شصاير؟!!
نورالدين .. من سمع صوت يمان فز من مكانه وكام بتعب وهدوء عدل كعدته ..
بصوت جامد بلا اي اهتمام ...
_اشوكت رجعت؟!
يمان .. بالاول جاوب ع سؤالي ليش هيج المكتب مكلوب ؟!
نورالدين .. ماكو شي تعديل مزاج.
يمان .. اهاا ومزاجك شنو الي معكره لهدرجه بحيث اتكسر البيت؟!
نورالدين .. بصوت حاد وغضب .. كلتلك ماكووو شي شنوو هو تحقيق؟!
يمان .. وانت ليش تصيح؟!
نورالدين .. اووووووف يمان كلتلك ماكوو شي عصبت اشويه وانت تعرفني من اعصب لازم اكسر شي.
يمان .. اي اعرف بس شنو السبب الي خلاك تعصب؟!
نورالدين .. خسرت صفقه مهمه .
يمان .. انت كل مره تخسر وتربح بالشغل شي طبيعي هذا مشفتك فد يوم معصب هيج!!
نورالدين .. هذي الصفقه غير !
يمان .. اها .. وشنو الي بيها يختلف؟!!
نورالدين .. يمان اترك الموضوع ما الي خلك احجي .. انت احجيلي ع خطوبتك شصار ؟!
يمان .. هو دااحجي عنها.
نورالدين .. مفهمت ؟!
يمان .. نور اريد أسألك سؤال بخصوص هذي الصفقه وجاوبني بصراحه .
نورالدين .. اشبيك يمان شنو اسلوب التحقيق هذا شصايرلك ؟!
اني الي خسرت الصفقه مو انت حتى تستجوبني.
يمان .. لا اثنينا خسرنا مو بس انت.
نورالدين .. شدتخربط انت؟!
يمان .. سدن بالنسبه الك صفقه؟!!
نورالدين .. مستحيل يكون يمان عرف بالموضوع!!!!!!!!
يمان .. ليش سكتت؟!
نورالدين .. انت لوين اتريد توصل يمان احجيلي وبلا لف ودوران مناقصك اني.
يمان .. هو سؤال واحد وجاوبني عليه ... شنو علاقتك بسدن؟!
نورالدين .. كعدت بصدمه من كلام يمان الظاهر فات الاوان .. ماعندي اي علاقه بيها ليش السؤال؟!
يمان .. يعني ممتقدملها؟!
نورالدين .. انت منو الي كالك هالكلام؟!
يمان .. اي لو لا نور جاوبني.
نورالدين .. اي تقدمتلها من زمان بس رفضت .. وانتهى الموضوع.
يمان .. اهاا يعني ما تقدمتلها مره ثانيه؟!
والحفله مالت الخطوبه الي سويتها ولغيتها مو هي المقصوده بيها؟!
زين لويش بقيت تنتظرها؟!!
ولويش اتقدمتلها اكثر من مره وبقيت مصر الا تتزوجها هي بالذات؟!!
نورالدين .. انت منين جبت هالكلام؟!!
يمان .. بصوت عالي ونبره غاضبه .. معليك منو كالي ومن وين عرفت هالكلام جاوبني وبس شنو علاقتك بيها .. وليش ما كلتلي بالحقيقه وليش معترضت لما كلتلك راح اتقدملها؟!
نورالدين .. بصوت غاضب وحاد .. انت منو انت حتى تستجوبني؟!
وشنو انت حتى تتدخل بخصوصياتي ؟!
اتريد تتزوجها هذيج هي وروح اتقدملها ما الي اي علاقه لا بيك ولا بيها بس!!!!!
دير بالك تعيش دور المسؤول عني وتستجوبني الظاهر نسيت اني منو.
يمان .. منسيت شي انت اخويه الكبير وكل الي اني بي حالياً بفضلك حتى حالتي هذي هم بفضلك.
نورالدين .. سهم ودخل بنص گلبي كلام يمان !!!
رغم هو يعرف اني السبب بألي صارله بس ولا مره حسسني بهذا الشي او كالي هالكلام غير هالمره.
والحقيقه المره هي كلامه صحيح!
_اي صحيح اني سبب الي انت بي ودااكفر عن غلطي.
يمان .. معقوله؟!!
مدااصدك انت نورالدين اخويه الي اعرفه !
تصدك عاد طول عمري الي خلصته وياك لاول مره احس انك غبي وجبان.
نورالدين .. يمكن غبي اي .. وغبائي هذا سببه گلبي بس ابد مو جبان !
الي يسوي الي اني سويته مستحيل يكون جبان .. لان اشجع شجعان الكون كدام مشاعره يضعف ويجبن!
شجاعته تخذله لما يكون الموضوع متعلق بگلبه وعواطفه .
الا اني اتطلب مني الامر استنزف كل شجاعتي حتى اواجه حب حياتي واجبرها ترتبط بيك وتنساني.
يمان .. لهدرجه اتحس بالذنب تجاهي؟!
لهدرجه اني عبئ عليك؟!!
نورالدين .. كمت من مكاني وركعت كدام كرسي يمان المتحرك .. لزمته من وجهه خليت عيني بعينه احس عبرة الدنيا كلها متكسره بصدري مااريد اخويه يحس بالنقص لو انه عاله عليه.
بصوت مخنوك ...
_الي سويته مو بسبب احساسي بالذنب تجاهك!
لا اني ضحيت بحبي بس حتى اشوفك انت سعيد .. انت بالنسبه الي العائله الوحيده الي املكها .. انت ريحة امي وابويه .. انت امانتهم وذكراهم الوحيده .. سعادتك هي سعادتي .
هذا الي خلاني اسوي الي سويته وأن كانت هي اغلى من روحي نفسها .. بس ماكو شي بالوجود يستاهل اخسرك لاجله.
يمان .. حتى سدن؟!!!!
نورالدين .. بعدت عنه ودنكت ... اذا كانت هي سبب بخسارتي الك ما اريدها.
يمان .. وليش تخسرني؟!
نورالدين .. يمان اني وانت اثنينا نعرف انك عندك مشاعر تجاها والا ما كان اختاريت ترتبط بيها.
اني اعرفك كلش زين ما فد يوم فكرت تتزوج وترتبط الا لما شفتها .. فشلون اتريدني اجي اكلك لا متتزوجها لان اني احبها؟!!
اشلون تريدني انهي سعادتك بس حتى ابني سعادتي اني؟!
يمان .. نور اني ماانكر انو معجب بيها وعندي تجاها مشاعر .. بس هذا مو معنى ارضى اتزوج الانسانه الي يحبها اخويه.
نورالدين .. لا اني اتنازلت عنها وبرضاتي .. وتكدر تتزوجها ماكو اي شي يمنع.
يمان .. هه اني مو طفل حتى تقنعني بكلمتين .. سدن الك ومتصير لغيرك لا الي ولا لاي احد ثاني.
نورالدين .. مستحيل.
يمان .. شقصدك؟!
نورالدين .. مستحيل ارتبط بيها وتتسمى عليه مره واخويه اتقدملها.
يمان .. اني وانت واحد وسعادتك هي سعادتي لتتخيل انو اذا اتزوجتها راح انزعج لو انقهر بالعكس والله افرح لما اشوفك عريس .
نورالدين .. يمان سدن بالنسبه الي صفحه وطويتها نهائياً .
يمان .. مو بكيفك الموضوع بعده منتهى واحنا بعدنا بيها .. والخطبه راح اتم بس بدل ما اني اتقدملها انت هالمره تتقدم.
نورالدين .. انت شدتحجيييييي ؟!
شنو هي لعبة شطرنج ونتبادل الاماكن؟!
يمان الموضوع مو قصة خطوبه ومنو يتقدم .. الموضوع مشاعر اخي وعواطف مو سلعة مشاعرك واتاجر بيها .. ولا ارضاها ع نفسي ارتبذ بوحده كانت راح تتسمى مرت اخويه.
يمان .. اسمعـ...
نورالدين .. يمان سد الموضوع ولتعيد الكلام الي كلته نهائياً ابد ابد لتكرره اترجاك.
يمان .. ماشي واني هم مستحيل ارتبط بيها بعد.
نورالدين .. انتـ...
يمان .. ماكو داعي نحجي اكثر نور .. برأيي الانسانه متصلح الاي واحد بينا بعد.
نورالدين .. ماكو رد.
يمان .. اني تعبان لازم ارتاح.
عاف نورالدين وطلع يمان ... اثنينهم كانت گلوبهم مكسوره .. اثنينهم كانو حاسين بالذنب!!
بس الطرفين اتنازلو وانتهى النزاع .. الطرفين اتفقو انو يتخلون عنها.
بعد هذا الكلام الي دار بينهم مرت الايام ونور الدين ميلتقى بأخو ولا يرجع للبيت ابد !
يخلص الوقت بالشغل وبالليل ينام بواحد من الفنادق الي يملكها .. اما يمان حاول يتناسى الموضوع مثل اخو ويعيش كأنو مصاير شي بس وضعه مكان يسمحله يطلع او يشوف ناس او حتى يرتبط مثل قبل حتى ينسى!
لذلك حالته انتكست جداً .. واضطر يلجأ للكحول ومخدرات حتى ينسى الي صار فتحول الى مدمن !!!!!
بعد مرور فتره ع هالحال وصلت الاخبار النورالدين انو اخو بالمستشفى!!!
ترك كولشي وراحله .. هناك الاطباء كالوله انو حالته حيل متدهوره وماخذ جرعه كلش كبيره من المخدرات!
بلا اي تفكير نور الدين حجز تذكرتين سفر .. عاف كولشي واخذ يمان وسافرو !!!!!!!!
سافرت بدون محد يعرف اخذته وطلعت لأمريكا .. ابذلت اقصى ما املك حتى اساعده ويتعالج.
بالبدايه يمان كانت نفسيته متدمره بسبب الادمان وعلاقتي بي مو هالكد لان كان محملني اني ذنب الي صار بي!
فأني قدرت وضعه واتحملت كل تصرفاته ومعاملته المجحفه الي ، كلت حقه بكل الي يسوي لان الي صار مو قليل.
اشويه اشويه بدت حالته تتحسن ومزاجه كذلك ، زعله مني وغضبه اتبخرو مع الوقت .
بعد معاناة .. عذاب وسهر .. اتحسنت حالتة وبدا يستعيد عافيته !
اتخلص من الادمان وانتقل الى مرحله جديده وهي علاج رجليه!!!
رغم انو الاطباء بالعراق كالولي انه مسألة شفاء يمان مستحيله وانه مراح يكدر يمشي على رجليه مره ثانيه ابد.
بس الطب بالخارج متطور اكثر فأنطوني أمل كبير بجاح علاجه!
الكن يحتاج فلوس ولحسن الحظ اني امتلك الي يمكني من علاج اخويه وزايد كل ما املك فدوه بس يتعالج يمان و قليل بحقه.
عرضته ع عدة اطباء شخصو حالته والضرر .. بعد تحاليل ومراجعات وهوسه ... خضع يمان لـ4 عمليات جراحيه!
2 بظهره و 2 برجليه.
ما احجيلكم شعوري لما اخذو للعمليات .. حسيت نفسي دااودع الدنيا كلها مو اخويه!
طول مدة العمليه الي استمرت 8 ساعات كنت عايش برعب وقلق .. بس أملي بألله كان كبير.
وفعلا نجحت العمليه وطلع يمان سلامات.....!
بعدها بالعلاج الطبيعي واستمر 6 اشهر متواصله ... اخرها كام يمان ع حيله!
فرحتي بشفاء يمان كانت اتعادل كنوز الدنيا عندي .. من شفته واكف ع رجليه مره ثانيه حسيت نفسي شفت امي وابويه كدامي!
اتحسن يمان ورجع لحياته الطبيعيه .. بس من محاسن الصدف انه وگع بالحب!
اتخيلو يمان يحب كنت مفكر بعده يفكر بـيها ويريدها ....!
بس لما صارحني بحقيقه مشاعره تجاه الممرضه الخاصه بعلاجه الطبيعي هنا صدمني!!
للحكايه بقيه 💔
عذراً ع التأخير وباجر راح ينزل بارت ثاني
رأيكم بالاحداث وتوقعاتكم للبارت القادم .. لتنسووووووون التصويت 🙋🏻♀️