تحميل رواية «روايه العوده» PDF

روايه العوده البارت الاول

في بيت متوسط الحجم فيه عيله بيحبوا بعض و ديما مع بعض

الام : يا نيرمين انتي يا بت يا موكوسه

نيرمين : ايوه يا ماما

الام : مش قولتلك تنضفي الاوضه بتاعتك

نيرمين : والله يا ماما خلصتها

الام : اومال فين جوز المعيز اخواتك

نيرمين بضحك : البت منه جوا بتلعب بابجي و فيفيان معرفش فين

الام : طيب قومي نادي عليهم يجوا يسعدونا بدل ما هما ملهمش لازمه كده

نيرمين : حاضر يا ماما

راحت نيرمين اوضه البنات و دخلتها

منه : يا بنتي قولتلك استخبي و انا هبوش عليهم

نيرمين باستغراب : تبوشي ؟

نيرمين : اااه انتي بتلعبي بابجي

منه بصت لنيرمين

منه : ايه ده انتي جيتي اهلا

نيرمين بتريقه : أنا هنا من بدري صباح الخير

رجعت منه بصت للموبايل تاني متجاهله نيرمين

نيرمين : انتي يا بت تعالي ساعديني في الشقه بابا كمان ساعه زمانه جي

منه بزهق : اوففف ماشي

قامت منه من علي السرير و راحت تساعدهم

راحت نيرمين بدور علي فيفيان لقيتها في البلكونه بتصور تيك توك

نيرمين بتريقه : اهي دي اختي الكبيره الي المفروض اعقل مني

لفت فيفيان لنيرمين و بصت ليها

فيفيان : لا ياختي بلاش نتكلم في سيره العقل دي بالذات

نيرمين : تعالي يا فيفيان ساعدينا في تنضيف الشقه

فيفيان : تمام يا نيرمين اومال فين منه

نيرمين : اختك الصغيره سبقتك و بتساعدنا

فيفيان : ماشي يا حجه بس أفتكري ديما انك الوسطنيه يعني ملكيش لازمه

نيرمين : عارفه عارفه تعالي ساعدينا بقي

فيفيان : يلا بينا

راحت فيفيان و نيرمين و كانوا بينضفوا الشقه

الام : الاكل اتحط علي السفره يا بنات

منه : تمام يا ماما

سمعوا حد بيفتح الباب بصوا لقوا أنه بابهم جريوا عليه و حضنوه

الام : تعال يا حسين أنا حضرتك الاكل

الاب : حاضر هروح اغير هدومي بس واجي

الام : تمام

راحوا نيرمين و منه و فيفيان و قاعدوا علي السفره لغايه لما بابهم جه

قاعدوا يضحكوا مع بعض وهما بياكلوا و يهزروا و بابهم كان بيحكي ليهم علي يومه و كانوا اسعد عيله

منه : بابا ممكن سؤال

الاب : اتفضلي يا حبيبتي

منه : هو ليه بالرغم أن احنا أغنيه بس عايشين في بيت بسيط

الاب بابتسامه : اول حاجه عشان نيرمين بتحب الحاجات البسيطه مش الكبيره تاني حاجه احنا مرتاحين هنا

ابتسمت نيرمين بخفه لغايه لما خلصوا اكل قاموا كلهم من علي السفره

في اوضه البنات

منه : أنا زهقانههههههه

وراحت رمت نفسها علي السرير

فيفيان : أنا قولت ليكم البت دي مجنونه و محدش صدقني

نيرمين : خلاص تعالو نعمل حاجه

منه : ايه ؟

بصت نيرمين لفيفيان وقالت : مش انتي يا فيفيان بتصور تيك توك و كده

فيفيان : اه

نيرمين : خلاص تعالي نصور بس طبعا منغير ما تنزليه

فيفيان : وماله يلا بينا

قامت منه بحماس و قعدوا يصوروا تيك توك و يضحكوا علي بعض

فيفيان : بنات عايزين مهما حصل ما بينا عمرنا ما نفترق لو يبقي في حدود في علاقتنا تمام ؟

منه : اه طبعا

نيرمين بحب : وأنا ليا غيركم انتوا

قربوا من بعض وحضنوا بعض بحب

عند الاب و الام

الاب : هنعمل ايه في حكايه فيفيان دي ؟

الام : معرفش يا حسين البنت بتكبر و هي رافضه الجواز نهائي

الاب بعصبيه : ما هو مش هينفع كده كل همها التيك توك و الحاجات التافهه بقالها سنين متخرجه و مش اشتغلت و عندها ٢٦ سنه ولا اتجوزت

الام : خلاص اهدي كده وانا هحاول اتكلم معاها تاني بهدوء يمكن دماغها تكون اتغيرت

الاب : ماشي بس لو رفضت المرادي أنا هجوزها غصب و خلاص

الام : لا أن شاء الله توافق بس براحه عليها برضوا دي بت غلبانه

الاب : عشان خاطرك انتي بس يا حبيبتي

الام : ربنا يخليك لينا يارب

عند البنات

منه : بقولكم ايه تعالو نتفرج علي فيلم مع بعض

فيفيان : ماشي يلا بينا بس نتفرج علي ايه ؟

قامت نيرمين فجاه و قربت منهم بحماس

نيرمين بحماس : رعب رعب عشان خاطري

فيفيان و منه بحده و بصوت واحد : لا

نيرمين بزهق : اوفففف ليه بقي

منه : عشان أنا بخاف

فيفيان : عشان في الاخر هتتلبسي و هتجيبلنا مصيبه

نيرمين : يعني انتي بتصدقي الحاجات دي يا فيفيان

فيفيان : مش بصدق بس برضوا لا

نيرمين : انا غلطانه

منه : خلاص يا جماعه تعالو نتفرج علي فيلم كوميدي

فيفيان : ماشي

نيرمين بصدمه : يعني انتي هتمشي كلام الصغيره و المتوسطه لا

فيفيان بضحك : ايه المتوسطه دي محساسني انك البحر المتوسط

انفجرت فيفيان و منه من الضحك بقوه و نيرمين بصت ليهم بحده و راحت طلعت في البلكونه

فيفيان بضحك : يا بت بهزر مش قادره

قفلت نيرمين الباب وراها و قاعدت علي الكرسي وهي بتتفرج علي النجوم

نيرمين بطبعها بتحب الهدوء و الليل هي شخصيه غريبه في نظر إلي مش عارفها أما الي قريب منها هيعرف أن قلبها طيب بجد

فيفيان دخلت البلكونه لنيرمين و قاعدت علي الكرسي الي قدامها

فيفيان : انتي زعلتي ؟

نيرمين بابتسامه : وانا اقدر ازعل منك

فيفيان : يعني مش مقموصه

نيرمين : ايوه يا بنتي

فيفيان بغناء : قمصه قمصه اولا لا يا فراشه يا فراشه

ضربت نيرمين كتف فيفيان بهزار

نيرمين بضحك : انتي غلسه علي فكره

فيفيان بضحك : طيب متشكره يا اختي الوسطنيه ولا المتوسطه ؟

نيرمين بحده : بت

فيفيان : بهزر معاكي تعالي يلا خلاص نتفرج علي فيلم

نيرمين بنظره القطط : رعب ؟

فيفيان بحده : لا

نيرمين : ليه

فيفيان : صدقيني الحاجات دي مش حلوه

نيرمين : طيب

قامت فيفيان و مسكت ايد نيرمين و دخلتها جوا الاوضه

منه : هنتفرج السنادي ولا ايه ؟

فيفيان : ايوه يا شبر و نص افتحي الفيلم

قاعدوا علي السرير كلهم جمب بعض و مسكين طبق الفشار

خلص الفيلم بعديها راحت كل واحده علي سريرها و نامت

تاني يوم

كان الكل نايم معادا فيفيان و الام و الاب

سمعت فيفيان صوت خبط علي باب اوضتها راحت وفتحت الباب براحه

عشان منه و نيرمين و مش يصحوا

فيفيان : ماما اتفضلي ادخلي

الام : لا يا حبيبتي انا كنت عايزاكي في كلمتين كده

فيفيان : حاضر يا ماما

خرجت فيفيان الاوضه و قفلت الباب وراها قاعدوا علي الكنبه بهدوء

مسكت الام ايد فيفيان بحنان

الام : حبيبتي انتي عارفه اني عايزه مصلحتك صح ؟

فيفيان بزهق : يووو يا ماما تاني موضوع الجواز

الام : يا حبيبتي انتي بتكبري و انا و بابكي مش عايشين ليكم طول العمر

فيفيان : يا ماما أنا مش عايزه اتجوز عايزه اكون لوحدي

كانت منه و نيرمين صاحيين و بيبصوا بيشوفوا ايه الي بيحصل

كانت الأم هتتكلم بس فجاه سمعوا صوت فتح باب جامد

الاب بزعيق : انا زهقت ولا منك عايزه تشتغلي ولا منك عايزه تتجوزي خلصتي الكليه بقالك سنين و مع ذالك مش عايزه تشتغلي و ياريت طلعالي بتقدير كويس ده تقديرك جيد

قامت الام و فيفيان ووبص للاب بصدمه من كلامه

الام : اهدي شويه كده يا حسين هي مش تقصد حاجه

الاب بزعيق : انا وافقت انك تتكلمي معاها براحه بس واضح كده أن الموضوع مش نافع بنت فاشله و كل همها التيك توك و التفاهات و ايه كمان عانس

فيفيان بدموع : يا بابا أنا حره اعمل الي أنا عايزاه أنا كبيره وشكرا اوي اه انا بنت فاشله و عانس بس لا مش هتجوز و ولا حتي علي جثتي و غصب عن اي حد

قرب منها الاب و ضربها قلم جامد علي وشها بصت الام بصدمه للاب و منه و نيرمين بصوا علي فيفيان بدموع

يتبع

روايه العوده

روايه العوده البارت التاني

قرب منها الاب و ضربها قلم بصت بصدمه للاب و نيرمين و منه بصوا بدموع لفيفيان

الاب بزعيق : اتكلمي بشكل كويس و وطي صوتك و انتي بتتكلمي معايا فاهمههه

جريت فيفيان علي الاوضه و قفلت الباب وراها راحت نيرمين و منه ليها و الام راحت للاب

الام : ليه بس كده يا حسين براحه عليها

الاب : بنت قليله الادب مش راضيه تسمع الكلام و بتعلي صوتها عليا

الام : خلاص يا حسين اهدي كده حصل خير

عند البنات

كانت فيفيان بتعيط وهي في حضن نيرمين و منه بطبطب عليها

فيفيان بعياط : أنا عملت ايه غلط أنا مش عايزه اتجوز هو ايه بالغصب

انهارت اخر كلامها

نيرمين : اهدي يا فيفيان و متقلقيش أنا معاكي

منه : وانا كمان

طلعت نيرمين حاجه من جيبها و قالت

نيرمين : اتفضلي يا فيفيان

اديت ليها شوكولاته

فيفيان بصدمه : ايه ده جبتيها ازاي دي مش موجوده خالص كمان غاليه اوي

نيرمين بابتسامه : مش تغلي عليكي ولو طلبتي الدنيا كلها هجبهالك يا فيفي

بصت فيفيان ليها بحب

فيفيان : حبيبه قلبي يلي مجناناني

نيرمين : متقلقيش أنا هتكلم مع بابا في موضوع الجواز ده و هحل مشكلتك

فيفيان : تعالي يا بت في حضني طلعتي نعمه مش ابتلاء

بصت نيرمين ليها بغيظ فضحكت فيفيان عليها

منه : انتوا نستوني

فيفيان فتحت ايديها الاتنين و قالت

فيفيان : تعالي يا شبر و نص

منه راحت جريت في حضن فيفيان

الساعه ٩ بليل

كانت فيفيان و منه نايمين طلعت نيرمين من الاوضه وقفلت الباب براحه عشان مش يصحوا

لقيت باباها قاعد في الصاله لوحده راحت عنده

نيرمين : الجميل قاعد لوحده ليه

الاب : تعالي يا حبيبتي

راحت و قاعدت جمبيه

نيرمين : متزعلش من فيفيان هي بصراحه اه غلطت لما رفعت صوتها عليك بس حضرتك عارف برضوا ان الجواز حاجه كبيره

الاب : عارفه يا حبيبتي بس انتي شايفه أنها بتكبر و قطر الجواز هيفوتها

نيرمين : مش يمكن هي اتجوزت لغايه دلوقتي عشان ربنا لسه هيجبلها الشخص الصح و الي هيكون سند ليها برضوا كل تأخيره و فيها خير و متقلقش يا بابا كل حاجه هتبقي تمام وانا هتكلم معاها تاني بس براحه عليها ممكن

بصت ليه بنظرات القطط

الاب بضحك : مش عارف انتي بتقنعيني ازاي يا بت انتي عندك سحر مش بيتقاوم طيب يا حبيبتي

نيرمين بفرحه : عاش يا بابا عاش

وراحت حضنته وباباها بادلها الحضن

الاب بضحك : طيب يا ستي روحي نامي شويه و كفايه سهر

نيرمين بهزار : حاضر يا فندم

ضحك عليها الاب و هي راحت للاوضه بتاعتها و نامت

اليوم التاني

كانت نيرمين و منه و فيفيان قاعدين مع بعض و بيتكلموا سمعوا خبط علي الباب راحت منه فتحت الباب

الاب : خلي فيفيان تيجي الصاله ثانيه هتكلم معاها كلمتين

منه : حاضر يا بابا

أقفلت منه الباب و راحت لفيفيان

منه : فيفيان بابا عايزك في الصاله

فيفيان : يا ربي بقي مش كفايه أنه ضربني عايز ايه تاني

نيرمين : يا بت عيب كده ما يمكن يكون فهمك أو هيوافق علي كلامك انتي ايش عرفك

فيفيان : طيب يا ستي أنا قايمه اهوا

نيرمين : ربنا معاكي

فيفيان : هو أنا رايحه احارب ده كلام كلام بس

خرجت فيفيان من الاوضه و قفلت الباب وراها و راحت للصاله لقيت باباها قاعد مستنيها راحت قاعدت جمبه

فيفيان : اتفضل يا بابا

الاب : بصي أنا عارف اني بغصب عليكي في موضوع الجواز ده والي عملته كان غلط دي برضوا حياتك الشخصيه وانتي حره فيها بس برضوا يا بنتي مكنش ينفع ترفعي صوتك عليا عيب

فيفيان : عندك حق يا بابا أنا اسفه أنا فعلا غلطت لما عليت صوتي علي حضرتك حقك عليا

الاب بحب : طيب مش هتحضونيني ولا ايه

فيفيان : بس كده حاضر

راحت فيفيان لباباها و حضنتها وهو بادلها الحضن كانت نيرمين بتبص عليهم من بعيد و كانت مبسوطه أنها قدرت تصلح ما بينهم

راحت رجعت للاوضه تاني منغير ما حد يشوفها

نيرمين : منه شوفتي ماما

منه : أه دي نزلت من الصبح قالت إنها هتشتري شويه حاجات

نيرمين : طب ليه مش قولتيلي يا شبر و نص كنت اساعدها

منه : انتي كنتي نايمه و مش هتصحي ربنا يعين جوزك

نيرمين بصدمه : ايه الكلام ده بقي الكلام ده كله يطلع منك انتي و كمان يا ستي متقلقيش هقعد في قلبكم أنا مش ناويه اتجوز

رمت منه نفسها علي السرير و قالت : يلاهويييييي ده انا الي كان مصبرني عليكي أن هيجي يوم و نخلص منك فينك يابن الحلال فينككككك

في نهايه كلامها صرخت بصوت عالي

نيرمين : ربنا يسامحك انا غلطانه يا ستي و كمان مفيش احترام ليا خالص

منه : اه مانتي الوسطنيه

نيرمين : ليه بحس انها اهانه

انفجرت منه من الضحك و قاعدت تضحك عليها بصوت عالي

منه بضحك : مش قادره اخد نفسي مش قادره

مشيت نيرمين من الاوضه وراحت للمطبخ لقيت مامتها جت

نيرمين : حمدالله على السلامه يا ماما ليه مش قولتي ليا كنت اجي و اساعدك

الام بحب : لا يا حبيبتي شكرا دي برضوا اجازتك لازم ترتاحي شويه فيها ربنا يعينك الجامعه برضوا صعبه يا بنتي

نيرمين : فداكي يا ماما

راحت الام حضنتها وقالت : ربنا يخليكي ليا يارب

بصت نيرمين ليها و ابتسمت

دخلت فيفيان و الاب المطبخ

فيفيان : أيه الحب ده كله ده لحظه كمان و كنت هعيط من التأثر و الله

ضربت نيرمين كتف فيفيان

فيفيان بتمثيل : اااااه بتوجع علي فكره ايدك تقيله بقي دي ايد بنت دي ايد راجل

الام و الاب كانوا بيضحكوا عليهم

الام : البت فيفيان مهما كبرت هتفضل صغيره

فيفيان : حرام عليكي بقي أنا لسه صغيره ده انا عندي ٢٦ و نيرمين ٢٢ و منه ١٦

راحت فيفيان قربت من نيرمين و همست في ودانها : تعالي عايزاكي ثانيه

نيرمين : ماشي

بصت نيرمين للام

نيرمين : لحظه يا ماما

الام : اتفضلي يا حبيبتي

مسكت فيفيان ايد نيرمين و خدتها علي جمب

فيفيان : بت يا نيرمين انتي قولتي ايه لبابا

نيرمين بتساؤل : يعني ايه مش فاهمه ؟

فيفيان : انتي هتستعبطي بابا اول مره في حياتي يعاملني بحترام خصوصا في موضوع الجواز ده

نيرمين بضحك : قولتلك هحل ليكي مشكلتك ملكيش دعوه بالطريقه

فيفيان : يا ستي عندي فضول

نيرمين بفخر : والله يا اختي عندي طرقي الخاصه

فيفيان : انا غلطانه اني بسأل واحده زيك

راحت مشيت فيفيان و نيرمين بتضحك عليها و راحت للمطبخ تساعد مامتها

نيرمين : اساعدك في ايه يا ست الكل

بصت لقيت مامتها سرحانه و مش مركزه معاها

نيرمين باستغراب : ماما

الام : حبيبتي انتي هنا معلش مش خدت بالي

نيرمين : مالك يا ماما ايه الي حصل

الام : مفيش يا بنتي

نيرمين : علي اساس اني مش عرفاكي مثلا قوليلي

قربت الام منها و قالت

الام : جدك و عمك و مرات عمك جايين بكره يقعدوا معانا شويه

نيرمين بصدمه : ٠٠٠٠٠

يتبع

روايه العوده

روايه العوده البارت التالت

الام قربت منها و قالت ليها

الام : جدك و عمك و مرات عمك هيجوا بكره يقعدوا معانا شويه

نيرمين بصدمه : ايه ليه ؟

الام : معرفش بابكي قالي أنهم جايين بكره

نيرمين : فجاه كده ؟

الام بتنهد : ديما لما يجوا لازم يحصل مشكله ما بينا و كمان ابوكي بيحكي ليهم كل حاجه عننا

قربت نيرمين من الام و طبطبت علي كتفها وقالت

نيرمين بابتسامه : أن شاء الله خير يا ماما ربنا معانا ديما متخفيش

الام بحب : طيب يا حبيبتي روحي ارتاحي شويه عشان هما هيجوا بدري

نيرمين : حاضر يا ماما مش محتاجه اي مساعده

الام : لا يا حبيبتي شكرا

راحت نيرمين للاوضه بتاعتها و دخلت جوا

فيفيان : مالك يا بت ؟

نيرمين باستغراب : مالي ؟

فيفيان : شكلك مضايقه و متقوحيش باين مش كده يا منه

منه : اه شكلك مضايقه

قربت نيرمين للسرير الي هما قاعدين عليه و قاعدت علي طرفه

نيرمين : عمو و مرات عمو و جدو جايين بكره

فيفيان بصدمه : ايه ؟

منه : ليهههه بقي

نيرمين : قالو عايزين يقعدوا معانا شويه

فيفيان بتريقه : عايزين يقعدوا معانا شويه ولا يوقعوا ما بينا شويه

نيرمين : ربنا يهديهم بقي و كمان جايين بدري

فيفيان : يا دي النيله يعني اصطبح بوشوشهم علي الصبح كده

منه : خلاص احنا نعمل نفسينا نايمين

فيفيان : لا ياختي عملناها مره و بابا ده يزعق فينا و صوته جاب اخر الشارع

نيرمين : خلاص يا بنات هنقعد معاهم شويه كده عبان لما يمشوا نستحمل شويه

فيفيان : حبيبتي شويه دي لو ناس عندهم ذوق دول بيقعدوا لغايه الفجر عندنا تقولي مش عندهم بيت او حاجات وراهم

صرخت اخر كلامها و نيرمين و منه بيضحكوا عليها

نيرمين بضحك : طيب بس عشان عيب نتكلم عليهم كده حتي لو هما وحشين

فيفيان حطت راسها علي المخده

فيفيان : الجدع بقي هو الي يصاحيني

نيرمين بتحدي : هنشوف بابا مش هيسيبك صدقيني

منه : تصبحوا علي خير يا جماعه

نيرمين و فيفيان : وانتي من اهله

راحت نيرمين طافت اللمبه فجاه افتكرت حاجه طلعت بره الأوضه لقيت مامتها قاعده في الصاله سرحانه

نيرمين : ازيك يا ست الكل قاعده لوحدك ليه ؟

الام فاقت علي صوت نيرمين راحت بصت ليها و ابتسمت

الام : لا يا حبيبتي مفيش حاجه

مسكت نيرمين ايديها الاتنين بين ايديها و قالت

نيرمين : بصي يا ماما أنا عارفه أن أهل بابا ظلموكي كتير و كانوا ولسه بيعملوكي بطريقه وحشه أنا مش بقولك اسكتي لا بالعكس اتكلمي و وجهيهم عادي بس بطريقه كويسه عشان ربنا كمان

الام : طيب ياا حبيبتي ربنا يخليكي ليا و مش يحرمني منك انتي غاليه اوي عندي يا نيرمين

نيرمين بصت ليها بدموع و حضنتها و مامتها بادلتها وهي في حضنها قالت

الام : لو تعرفي انتي اغلي حاجه عندك و بفضلك عن اخواتك التانين

نيرمين كانت بتسمع كل كلمه كانت بتقولها مامتها لكن حتت أن هي بتفضلها دي هي عارفه أن الجمله دي بسبب مشاعرها دلوقتي هي شايفه فعلا الفرق بين معاملتها مع فيفيان و معاها

بالرغم انها بتساعدها اكتر منها بس لكل اب و ام بيبقي في ابن أو بنت مميز ليهم و هي راضيه بالوضع ده

بعدت عنها ببطئ و بصت ليها بابتسامه

نيرمين : طيب انا هدخل انام بقي عايزه حاجه يا ماما ؟

الام : لا يا حبيبتي تصبحي علي خير

نيرمين : وحضرتك من اهله

راحت الام و دخلت نامت و نيرمين كمان

تاني يوم

كانوا صاحيين كلهم بيلبسوا معادا فيفيان كانت نايمه

نيرمين : يا بنتي قومي بابا هيزعق مش ناقصين مشاكل

منه : اه نيرمين عندها حق مش كفايه المشاكل الي جايين النهارده

بصت نيرمين ليها بحده

نيرمين : عيب كده

منه : أنا مش فاهمه انتي ليه بتدافعي عنها

نيرمين : مش بدافع عنهم بس برضوا دي نميمه و مهما عملوا هما برضوا هيفضلوا اهلنا هنعمل ايه لازم نسامح

منه : طيب

بصت منه و نيرمين لفيفيان الي غرقانه في النوم

نيرمين : هي دي الي هتجيبلنا المشاكل بت يا فيفيان اصحي بقيييي

صرخت نهايه كلامها بزعيق

قامت فيفيان بخضه و قالت

فيفيان : أنا صاحيه اهوا يا بابا صاحيه والله

بصت نيرمين ليها بسخريه و قالت

نيرمين : متحلفيش

فيفيان : هو انتي ؟

نيرمين : انتي شايفه ايه

سمعوا صوت خبط علي الباب و الاب بيقول

الاب : اوعي تكون البت فيفيان لسه نايمه

قامت فيفيان بسرعه من علي السرير و بتختار اي حاجه تلبسها

فيفيان بسرعه : لسه نايمه ايه يا بابا هو أنا اهل الكهف

قربت نيرمين من ودن منه وقالت

نيرمين بهمس : اختك هتدخل النار من كدبها ده

ضحكت منه و نيرمين عليها وهما بيبصوا عليهم و بيضحكوا

بعد ساعات

رن الجرس راحوا كلهم قاعدين مستنين في الصاله و الاب راح و فتح الباب

دخل العم و مرات العم و الجد

الاب : ازيك يا بابا بقالك كتير اوي مش بتيجي لينا وحشتني

بص الجد بطرف عينيه علي الام وقال

الجد : ما انت عارف انا مش باجي ليه

بصت الام لتحت بكسوف و كانت محرجه جدا و البنات كانوا مضايقين قامت نيرمين و قالت

نيرمين : والله لو حضرتك عندك مشكله مع ماما ممكن تقولي ليها مش تقاطعها و انا عارفه أن ماما ديما بتتصل بحضرتك و تطمن عليك فا لو في مشكله نحلها ولا ايه راي حضرتك

بصوا الكل ليها بصدمه من كلامها و الاب مكنش عارف يقول ايه عشان كلام نيرمين كان حقيقي و اتكلمت بطريقه محترمه

دخل الجد منغير ما يرد و قاعد هو و العم و مرات العم راحوا سلموا عليهم و أرح الجد سلم علي نيرمين و بص في عينيه بحده بص باصتها ليه كانت قويه و باصات فيها ثقه أن ربنا معاها

راحوا قاعدوا و الام كانت مبسوطه اوي أن نيرمين دفعت عنها راحت بصت لنيرمين و نيرمين بصت ليها و ابتسموا لبعض

فيفيان في سرها : والله البت دي طلعت جريئه

الاب : حضرتك و حشتني اوي انت و اخويا

الجد : وانت كمان يا بني

الاب : عامل ايه يا حسن ؟

العم : الحمدلله كويس انت اخبارك ايه

الاب : الحمدلله

مرات العم : ايه مش هنشرب حاجه ولا ايه ؟

فيفيان : لا احنا بخله بعيد عنك

ضربت نيرمين كتف فيفيان و منه بتحاول تداري ضحكتها قامت نيرمين و قالت

نيرمين : هروح اجيبلكم حاجه ساقعه واجي

راحت للمطبخ و كان الجد بيبص ليها بعدم رضا لغايت لما مشيت دخلت نيرمين المطبخ و جابت حاجه ساقعه و كوبيات

دخلت الام المطبخ عليها و حضنتها

الام بدموع : شكرا يا حبيبتي شكرا اوي

لفت نيرمين و بصت ليها بابتسامه و قالت

نيرمين : متشكرنيش يا ماما ده واجبي

قامت شايله السنيه و دخلت ليهم و الام قاعدت علي جمب حطت نيرمين الحاجات علي التربيزه و قاعدت

مرات العم : ايه يا فيفيان يا حبيبتي مش تعرفينا عن العريس ؟

فيفيان باستغراب : عريس ؟

مرات العم بخبث : اه اصل مستحيل تكوني كل ده و مش اتجوزتي دي حتي تبقي فضيحه

بصت فيفيان للأرض و سكتت بس نيرمين أدخلت

نيرمين : لا يا طنط فيفيان لسه مش اتجوزت هي مستنيه ابن الحلال يجي و ربنا لسه مش أذن

مرات العم بضحك : ابن الحلال برضوا ؟

ضحكوا العم و مرات العم و الجد و الاب كان بيحاول يجاريهم في الكلام قامت فيفيان فجاه وراحت لاوضتها

نيرمين قربت لمنه و قالت ليها بهمس : روحي شوفي اختك

منه : ماشي

قامت منه و راحت لفيفيان و الام بصت علي اوضه فيفيان بقلق وراحت برضوا ليها

بصت نيرمين لمرات عمها و قالت

نيرمين : لو سمحتي يا طنط الموضوع ده حساس عند فيفيان ممكن حضرتك مش تتكلمي فيه و كمان دي حياتها الخاصه هي حره برضوا

الجد بحده : كده كتير قومي يا نيرمين قومي انتي

نيرمين باستغراب : ليه يا جدو

الجد بزعيق : لما اقول كلمه تتنفذ

قامت نيرمين باستغراب و راحت للمطبخ تشرب حاجه بص الجد للاب بتريقه

الجد : ايه هما البنات هما الي ممشين عليك الكلام ولا ايه

الاب : لا ازاي حضرتك بتقولي كده يا بابا

الجد : لا ما هو ده الي شايفه ولا ايه يا حسن

العم : ايوه لازم تشد عليهم شويه و انت كنت قايلي امبارح انك هتجوز فيفيان غصب عنها و مش عارف ايه وفي الاخر هي الي مشيت كلامها عليك

الاب : لا هي مش مشيت كلامها ولا حاجه نيرمين اتكلمت معايا و اقنعتني بي ان دي برضوا حياتها الخاصه

الجد بتريقه : حياتها الخاصه قال

مرات العم : أنا مش بحب ادخل والله بس فيفيان دي زي بنتي

الاب : لا ازاي اتفضلي طبعا

مرات العم : شد عليهم شويه هما مش بيجوا غير بالشد كده حضرتك كلمتك تكون مسموعها لحسن الدلع ده نتيجته مش حلوه واهو انت شايف النتيجه

العم : احنا عايزين مصلحتك و انت لازم تتدخل في كل حاجه في حياتهم ليك حق و حياتهم الخاصه كمان يعني أنا مش قصدي حاجه بس مش كلمه توديك و كلمه تجيبك

كان الأب ساكت و مش عارف يقول ايه و كان حاسس بالاحراج بسبب كلامهم و الغضب كمان

قام الجد و العم و مرات العم

الجد : اسمع كلامي هو ده الصح

العم : ايوه كلام بابا صح يا حسين

راحوا مشيوا و قفل الاب الباب و كان متعصب جدا

الاب بزعيق : فيفيانننننننننن

يتبع

روايه العوده

روايه العوده البارت الرابع

الاب بزعيق : فيفيانننننننننن

فتحت فيفيان الباب و منه و نيرمين وراها و الام كمان كانوا خارجين بيبصوا وهما مخضوضين

الام : في ايه يا حسين بتزعق كده ليه

الاب بصوت عالي : أنا بكلم فيفيان تعالييييي

راحت فيفيان و وقفت قدام بابها

الاب : بقي أنا تمشي كلامك عليا

فيفيان بخوف : لا يا بابا كلمه حضرتك هي الي بتتسمع

الاب بزعيق : بتلعبي بيا يا بت هااااا بتلعبي بيا

راح قام و مسكها من شعرها جامد و بيشدوا راحت حطت فيفيان ايديها علي أيده بوجع

شافت الام الي حصل جريت بسرعه للاب

الام : اهدا كده يا حسين و مدخلش الشيطان بينا

الاب بزعيق : بقولك ايه ملكيش دعوه خالص انتي السبب قاعدتي تدلعي فيهم لغايه لما نسيوا نفسهم

كانت فيفيان قاعده بتعيط و منه بصت ليها بدموع و الام مش عارفه تعمل ايه راحت نيرمين وقفت قدام بابها

نيرمين : في ايه يا بابا حضرتك هديت امبارح ايه الي حصل لكل ده ؟

الاب : أنا مشيتها امبارح بمزاجي بس هي غلطت و لازم تتعاقب و محدش يدخل ليها

راح جر فيفيان من شعرها للاوضه و دخلها فيها

الام خدت منه في حضنها الي كانت بتعيط علي فيفيان

راحت نيرمين خبطت علي باب الاوضه الي فيها فيفيان

نيرمين بخوف : انتي كويسه يا فيفيان

فيفيان بعياط : انا تعبت هو ليه بابا مش بيحبني ليه

نيرمين : متقلقيش أنا هعرف اخرجك أنا هتكلم مع بابا و هعرف اخرجك بوعدك

فضلت فيفيان تسمع ليها وهي بتعيط راحت نيرمين لمامتها

نيرمين : ماما خدي منه و دخليها جوا الاوضه و خليكي معاها

الام : هتعملي ايه ؟

نيرمين بابتسامه : هصلح كل حاجه و أن شاء الله ربنا هيساعدني

الام : بس يا بنتي

قاطعتها نيرمين

نيرمين : متقلقيش يا ماما الي معاه ربنا قدها ديما و انا معايا ربنا

الام : ربنا يخليكي لينا يا حبيبتي

راحت خدت الام منه و دخلتها الأوضه و فضلت قاعده معاها و نيرمين راحت لبابها كان واقف في البلكونه وقفت جمبيه بهدوء

نيرمين : مالك يا بابا ؟

الاب بهدوء : نيرمين امشي دلوقتي عشان مش اتعصب عليكي

نيرمين بابتسامه : وأنا من أمتي و انا بسيبك لوحدك

بص الاب لنيرمين بهدوء وقال

الاب : فيفيان لازم تتربي من اول و جديد و هي مش هتيجي غير بالطريقه دي

نيرمين : ومين قال إنها مش هتيجي غير بالطريقه دي ؟

الاب : اهلي جدك و عمك و مرات عمك قالو كده

عرفت نيرمين سبب الخناقه و إن هما السبب كالعاده ضغطت على ايديها بعصبيه بتحاول تتمالك نفسها

نيرمين بهدوء : كذا واحد ليه طريقه في التربيه كمان عمو و مرات عمو معاهم ولد و تربيه الولد غير البنت يعني مثلا الهزار مع الولد ساعات بيكون بضرب أما البنت لا مش بينفع عشان هي رقيقه

سكت الاب و فضل مركز في كل كلمه نيرمين قالتها و حس انها عندها حق

نيرمين بحب : ولا ايه راي حضرتك برضوا راي حضرتك يهمني

الاب : ايوه انتي عندك حق يا بنتي فيفيان فعلا غلطت لما رفعت صوتها عليا وانا ضربتها بس خلاص مكنش لازم احبسها في الاوضه

نيرمين قربت من بابها و حضنته

نيرمين بحب : شكرا ربنا يخليك لينا يارب

الاب : ويخليكي لينا يا حبيبتي

نيرمين : طب ايه ؟

الاب باستغراب : ايه ؟

نيرمين : مش هتفتح لفيفيان

الاب : ماشي يا حبيبتي

راح الاب جاب المفتاح و راح عند الاوضه و فتح ليها الباب كانت فيفيان قاعده في الأرض و بتعيط و ضمه رجليها رفعت راسها لقيت بابها فتح الباب و مشي

فيفيان : بابا استني

جريت علي بابها و قربت منه و حضنته

فيفيان بدموع : انا اسفه أنا غلط أنا بس يا بابا بخاف بخاف اختار الشخص الغلط و افضل معاه

بادلها الاب الحضن و طبطب علي ضهرها بهدوء

الاب : ولو حتي حصل كده انا ازاي هسمح بحاجه زي كده يا فيفيان مش انا بابكي ؟ يعني هحميكي من كل حاجه و من كل حد

فيفيان بدموع : أنا اسفه

الاب : خلاص الي حصل حصل و اهدي كده شويه

بعدت فيفيان عن الاب و بصت ليه بابتسامه و راحت لاوضتها

جريت علي نيرمين لما شافتها قاعده و حضنتها

فيفيان : شكرا شكرا يا اجمل اخت

نيرمين بابتسامه : مفيش شكر ما بينا يا حبيبتي

بعدت عنها فيفيان و بصت بصت ليها بابتسامه و نيرمين بادلتها الابتسامه

منه بدموع : فيفيان

فتحت فيفيان ايديها الاتنين راحت جريت عليها منه و هي بتعيط

منه بعياط : خوفت عليكي اوي

فيفيان : متقلقيش أنا كويسه الحمدلله

الام كانت واقفه ورا الباب و بتتفرج عليهم و هي بتبتسم راحت للاب

وقاعدت جمبه و قالت

الام : ربنا يخليك لينا يا حبيبي احنا منغيرك ولا حاجه

الاب بص للام و قال

الاب : و ربنا يخليكم ليا يارب

بعد ساعات

نيرمين : يعني انتي أستئذنتي بابا صح

فيفيان : ايوه يا بنتي

نيرمين : وقولتي ليه احنا رايحين فين بالظبط

فيفيان بزهق : ايوه يلاهويييي ايه العقد الي انتي فيها دي

بصت تاني نيرمين للمرايا و هي بتعدل الطرحه بتاعتها

نيرمين : لازم الاب يكون عرف انتي راحه فين بالظبط و جايه منين و كده عشان كل حاجه تمشي بما يرضي ربنا

فيفيان : طيب يا ست المؤمنه

منه : انتوا كل ده مش خلصتوا

فيفيان : هي ياختي سنه ولا كأنها راحه السجاده الحمره

بصت نيرمين ليها بحده

نيرمين : اهوا خلصت يا ستي يلا بينا

خرجوا برا الأوضه و سلموا علي بابهم و مامتهم

نيرمين بابتسامه : عايزين اي حاجه و احنا جايين ؟

الاب : لا شكرا يا حبيبتي

الام : تيجوا بالسلامه خدي بالك من جوز المعيز الي معاكي

نيرمين بضحك : حاضر سلام عليكم

الاب و الام : وعليكم السلام

كانوا بيلفوا في المول واشتروا لبس و حاجات كتيره و كانوا مبسوطين و قاعدوا يتصوروا و يهزروا

منه بتعب : انا تعبت تعالو نرتاح في مكان

فيفيان شاورت علي كافيه

فيفيان : تعالو نقعد هنا و نطلب حاجه أنا سمعت أن الكافيه ده حلو اوي.و الناس بتشكر فيه

نيرمين : وماله يلا بينا

فيفيان : اطلبوا المرادي علي حسابي

بصت نيرمين و منه لبعض بخبث و جريوا علي هناك

فيفيان في سرها : ياريتني ما قولت ياريتني ما قولت يخربوها منكم لله

كانت فيفيان قاعده و بتبص ليهم بحده

منه : ايه بتبصي لينا كده ليه ؟

فيفيان : في ايه ؟ ايه كل ده انتوا اشترتوا الكافي كله

نيرمين وهي بتاكل رفعت ايديها و قالت : الله اكبر يخربيتك هنتسمم

فيفيان : أنا قولت ليكم علي حسابي مش تخلصوا حسابي

ضحكت نيرمين و منه عليه راح النادل جه و حط الشيك قدامهم فتحت فيفيان الشيك و بصت بصدمه ليه

فيفيان بتمثيل التكبر : طيب روح انت دلوقتي و انا هحاسب

راح مشي النادل بصت فيفيان ليهم بصدمه

فيفيان : انتوا كلتوا ايه ولا طلبتوا ايه ؟

منه ؛ جبنا كروسوا و قهوه و كيكه عشان نحلي

فيفيان : تحلوا ده انا لما اروح هحلي بيكم و اعملكم كيكه

حطت الفلوس في الشيك و راحوا للبيت

فيفيان : تصبحوا علي خير أنا مش قادره

منه : وأنا كمان

رموا الشنط و الحاجات الي جابوها علي الارض راحت نيرمين خدت الشنط المرميه و ظبطت الاوضه و خرجت بره لقيت مامتها قاعده بتتفرج علي التلفزيون

اتسحبت و راحت ليها براحه

نيرمين بهمس : ماما

الام : نعم يا حبيبتي

طلعت نيرمين شنطه من ورا ضهرها

نيرمين : اتفضلي

الام باستغراب : ايه ده ؟

نيرمين : جبت ليكي و لبابا شويه حلويات

الاب كان لسه خارج من الاوضه و سمع نيرمين ابتسم براحه

الام : شكرا يا حبيبتي

نيرمين : ولا يهمك يا ماما بس متقوليش لجوز المعيز الي جوا علي رايك علشان دول هياكلوا الحاجات و مش بعيد العلبه كمان

ضحكت الام علي كلامها و راحت نيرمين للاوضه بتاعتها و الاب كان جه

الام : سمعت بنتك الكارثه

الاب بضحك : اه سمعت

فجاه التليفون رن راح الاب مسكوا و دخل جوا البلكونه

الاب : ازيك يا بابا

الجد : الحمدلله عملت ايه في موضوع فيفيان

الاب : بص يا بابا أنا بنتي نيرمين جت و اتكلمت معايا كلمتين و بصراحه هي عندها حق في الكلام و اقنعتني اني لازم اتعامل معاها براحه دي بنت برضوا

الجد بتريقه : يعني مشيت ورا كلامهم برضوا

الاب : حتي لو كنت مشيت ورا كلام نيرمين المرادي فا احب اقول اه مشيت وراها هي مش قالت حاجه غلط او عيب عشان مش اسمع كلامها

بص الجد لبعيد بغموض

الجد : طيب اقفل دلوقتي

الاب : حاضر يا بابا

بص الاب للسماء بشرود

عند الجد

كان الجد فاتح المكالمه و الكل سامع

الجد : اهوا اتفضلوا كل مشكله نعملها البت نيرمين تحلها

العم بعصبيه : نفسي افهم ازاي بتعرف تعمل كده ازاي ؟

مرات العم : يعني هي العقبه قدامنا مش ده قصدكم ؟

بص الجد و العم ليها باستغراب

الجد : قصدك ايه ؟

مرات العم بخبث : قصدي أننا نتخلص منها بطريقتنا القديمه

بصوا لبعض وهما بيبتسموا بخبث

يتبع

روايه العوده

للكاتبه حبيبه سامح

روايه العوده البارت الخامس

مرات العم : يعني هي العقبه قدامنا مش ده قصدكم

بصوا ليها الجد و العم باستغراب

مرات العم بخبث : قصدي نتخلص منها بطريقتنا القديمه

بصوا كلهم لبعض و هما بيبتسموا بخبث

الجد : بس البت دي هينفع معاها الموضوع ده

العم : وانهي نوع بقي الي هنستخدمه عليها

مرات العم : النوع الي مش بيسيب و عنيد

ضحكت مرات العم بصوت عالي و كلهم بصوا لبعض بخبث

في بيت العيله

كانوا قاعدين علي السفره بياكلوا بهدوء

الاب : أنا خلصت الحمدلله هقوم اغسل ايدي و اريح شويه جوا

الام : ماشي يا حبيبي

بصت الام لبناتها التلاته

الام : وانتوا هتعملوا ايه النهارده يا بنات

منه : هقعد اتفرج علي شويه مسلسلات

نيرمين : أنا هتمشي علي البحر شويه طبعا بعد اذنك يا ماما

الام : طبعا يا حبيبتي

بصوا كلهم لفيفيان

كانت فيفيان هتكلم بس قاطعها كلامهم

الام و منه و نيرمين : هتصوري تيك توك صح

ضحكت فيفيان وقالت : اه هو أنا بقيت مشهوره ولا ايه

هزت الام رأسها يمين و شمال بقله حيله

قامت نيرمين

نيرمين : أنا شبعت الحمدلله هقوم البس

الام : طيب ما تاخدي حد معاكي

فيفيان : لا بنتك بتحب تقعد جمب البحر لوحدها هي والبحر قصه حب مش بتنتهي

ضربت نيرمين كتف فيفيان عشان بتتريق عليها وراحت قامت و دخلت الاوضه

منه كانت قاعده علي السرير بتتفرج علي مسلسل و نيرمين لبست بلوزه موف و جيبه بيضه و طرحه ملونه موف فا ابيض وكانت فيفيان قاعده بتتفرج علي التيك توك

نيرمين : عايزين حاجه وانا راجعه ؟

فيفيان : اه

نيرمين : ايه

فيفيان بضحك : مترجعيش

قاعدت تضحك و منه سابت اللاب توب وضربت كفها با كف فيفيان و بتضحك معاها مشيت نيرمين و قفلت بابها وراها

نيرمين لقيت باباها و مامتها قاعدين يتفرجوا علي التلفزيون

نيرمين : عايزه حاجه يا ست الكل ؟

الام : تسلمي يا حبيبتي ترجعي بالسلامه

نيرمين بهزار : طيب عايز حاجه يا سي السيد

الاب بضحك : لا شكرا يا حبيبتي

كانت نيرمين هتمشي بس افتكرت حاجه وراحت لاوضه البنات

نيرمين بحده : منه ؛ فيفيان تصلوا الصلاه في وقتها و مش تأخروها مفهوم

فيفيان : مفهوم يا شيخه

منه : مفهوم يا اختي

نيرمين : شوفي اختك محترمه اكتر منك

راحت مسكت فيفيان الشبشب من رجل واحده و رماتها عليها بس نيرمين جريت و قفلت الباب بسرعه و منه قاعدت تضحك عليهم

فيفيان : اضحكي اضحكي مانتي الصغيره المدلعه بقي هنقول ايه

فيفيان راحت قاعدت جمب منه

فيفيان : بتتفرجي علي ايه يخليكي مشغوله كده ؟

عند نيرمين

كانت بتلف في الشوارع و مبسوطه راحت لسوبر ماركت و اشتريت عصير منه و خرجت بره من اول ما شافت البحر ابتسمت بخفه وراحت هناك و قاعدت قدامه

كان الهواء جميل جدا طلعت العصير و هي مبسوطه و قاعدت تشرب و هي بتبص للبحر بشرود و العصافير بطير من فوقيه

فجاه حسيت بحاجه غريبه شعور أن في مصيبه جيه ليها هي عارفه ديما أن شعورها بيكون صح بس اتجاهلت الشعور ده

نيرمين : رب الخير لا يأتي إلا بالخير متقلقيش

و مع ذالك فضل الشعور معاها بس هي مطمنه أن ربنا معاها و مش هيسيبها

وهي بتبص حاولين نفسها لمحت بنت قاعده لوحدها و بتعيط بصت باستغراب ليها وراحت قامت وراحت عندها

نيرمين : مالك ؟

البنت بعياط : انا تعبت هو ليه ربنا مش بيحبني

نيرمين قاعدت جمبها و قالت : ليه ايه الي حصل خلاكي تحسي بكده

البنت بدموع : أنا جالي مرض ملهوش علاج وانا لسه صغيره في السن و المفروض يكون افضل سن في حياتي كل الي في سني بيتفسحوا و يهزروا وأما أنا مريضه

نيرمين طبطت علي ضهرها و قالت : مش كل حاجه في حياتنا و كل الخطط الي احنا خططنا ليها بتكون مناسبه في حاجات مش بتتحقق عشان ربنا شايف أن ده الاحسن لينا

نيرمين : وعسي أن تكرهوا شئ وهو خير لكم و عسي أن تحبوا شئ وهو شر لكم و ده الدليل واختيارات ربنا ديما الاحسن

البنت : بس اشمعني أنا و اشمعني يجيلي مرض ملهوش علاج

نيرمين بحنان : عشان بيحبك

البنت : ازاي بيحبني ؟

نيرمين : اذا احب الله عبدا ابتلاه يعني ربنا بيحبك

البنت : طيب طالما بيحبني ليه بيبتليني

نيرمين بابتسامه : عشان يقربك عشان وحشه دعائك عشان يرفع درجاتك عنده أو يكفر ذنوبك وفي الاخر انتي المستفيده

بصت البنت ليها بهدوء وقالت

البنت : يعني ربنا بيحبني ؟

نيرمين : اه و لما ترضي اكتر هقربك كمان يمكن المرض ده ملهوش علاج بس ربنا عنده الشفاء

البنت مسحت دموعها و بصت لنيرمين بابتسامه

البنت : شكرا كلامك رايحني اوي

نيرمين : العفو يا حبيبتي ولا يهمك

قامت البنت و وقفت قدامها وحضنتها و بعد شويه بعدت

البنت : أنا همشي عشان ماما هتقلق عليا سلام

نيرمين : سلام

مشيت نيرمين كمان راحت للبيت

الساعه ٩ بليل

رجعت نيرمين البيت بعد ما جابت خضار و فاكهه معاها و غيرت هدومها وراحت للمطبخ و حطت الخضار و الفاكهه في التلاجه

الام : مكنش لازم تتعبي نفسك يا حبيبتي

نيرمين بحب : تعبك راحه يا ماما و كمان انا شوفت أن مش عندنا خضار و فاكهه خالص فا قولت اجيب

الام : ربنا يخليكي ليا يارب

نيرمين : اومال فين بابا

الام : في البلكونه

نيرمين : طيب هشوفه

الام : ماشي يا حبيبتي

راحت نيرمين عند البلكونه لقيت بابها واقف بيتفرج علي الشارع قربت منه ووقفت جنبه

نيرمين : ازي حضرتك

الاب بصت ليها

الاب : الحمدلله يا بنتي في نعمه

نيرمين : طيب الحمدلله

سكتوا شويه و كانوا بيتفرجوا علي الشارع بس قاطع السكوت ده الاب

الاب : انتي بتصلحي ما بينا علي قد ما تقدري و بتخلي الأمور سهله و بتجمعي شملنا ديما انتي ربنا بيحبك يا بنتي

ابتسمت نيرمين علي كلام بابها وقالت

نيرمين : دي حاجه حلوه اوي بالرغم أن احنا مهما عملت لربنا هكون مقصره بس علي الاقل هفضل اقرب منه اكتر

بص الاب ليها و طبطب علي ضهرها بحنان

الاب : طبعا مهما عملنا لربنا هنكون مقصرين عشان هو ادي لينا نعم كتيره اوي

هزت نيرمين رأسها بهدوء

نيرمين : طب انا داخله اقعد في اوضتي حضرتك عايز حاجه

الاب : لا شكرا يا حبيبتي

راحت نيرمين للاوضه بتاعتها لقيت منه و فيفيان قاعدين يتفرجوا علي اللاب توب قاعدت جمبيهم

نيرمين : بتعملوا ايه من غيري ؟

منه : بنتفرج علي فيلم

نيرمين : فيلم ايه ؟

فيفيان : حب يعني ملكيش دعوه فيه خالص ؟

بصت نيرمين ليها بغيظ وحطت ايديها الاتنين في جمبها وقالت

نيرمين : ليه بقي أن شاء الله لحسن تكونوا فاكرين ان عندي تبلد مشاعر

فيفيان بضحك : لا احنا مش فاكرين احنا متأكدين

ضحكت منه و فيفيان وضربوا أيديهم في بعض

نيرمين : مفيش فايده مفيش فايده التنمر بيجري في دمهم

راحت نيرمين غيرت لبسها وخرجت لقيت منه و فيفيان ناموا خدت اللاب توب من عليهم و حطته علي جمب و طفيت النور و نامت

كانت بتبص للسقف بشرود سمعت صوت بصت جمبها لقيت شخير فيفيان كالعاده

نيرمين : يا دي النيله مش هنعرف ننام السنادي

افتكرت فجاه الاحساس الي جلها وهو لغايت دلوقتي حسيت بالغرابه بس صوت شخير فيفيان خرجها من تفكيرها راحت حطت المخده علي رأسها و كتفت ايديها

عند الجد

كانوا مولعين شموع و طافيين النور و مولعين نور احمر صغير واوقفين هما التلاته جمب بعض

الجد : تمام كده كله جاهز

مرات العم بخبث : لا استني

راحت طلعت من شنطتها شعره

العم باستغراب : ازاي ؟

مرات العم بتكبر : مفيش حاجه مش بعرف اعملها

راحت بصت للساعه وكانت ١٢

مرات العم : يلا جه الوقت

قعدوا يقولوا كلام غريب و يعملوا حركات غريبه و هم مغمضين وفجاه الشموع اطفيت ابتسمت مرات العم وهي مغمضه عينيها وراحت فتحتها

بصت بغموض في حته وقالت

مرات العم بخبث: اهلا بيضفنا الي هي ساعدنا

يتبع

روايه العوده

للكاتبه حبيبه سامح

روايه العوده البارت السادس

وفجاه الشموع اطفيت ابتسمت مرات العم وفتحت عينيها و بصت في حته غامضه

مرات العم بخبث : اهلا بيضفنا الي هي ساعدنا

كان واقف بتكبر و غرور ملامحه ثابته و مركز علي مرات العم بهدوء

مرات العم بتوتر : أناا عايزاك في مهمه

بص ليها و قال : قولي

مرات العم طلعت صوره لنيرمين وقالت : دي قصدي دي

بص للصوره وابتسم ابتسامه جانبيه

وقال : ومالو مفيش مشكله

ابتسمت مرات العم بسعاده وقالت : يعني هتنفذ الي قولتلك عليه

بص ليها بحده خلتها تخاف و قال :أنا محدش بيأمرني فاهمه !

مرات العم بخوف : اه طبعا طبعا ازاي اقول كده ده انت كبيرنا

عند نيرمين

كانت خلصت صلاه و مريحه شويه علي سجاده الصلاه

نيرمين : بما أن الكل بره هقدر اتكلم معاك براحتي يا ربي

ابتسمت بخفه وقالت

نيرمين : يارب اشفي البنت الي شوفتها دي صعبت عليا اوي صحيح ان مش عارفه هي عندها ايه بس اشفيها يارب شكلها تعبانه و مهمومه اوي

نيرمين : وبالنسبه ليا أنا عايزه عيلتي تكون كويسه و بخير ديما و

مش كملت جملتها لما حد فتح الباب بصت لقيت فيفيان

نيرمين بصوت عالي : مش عارفه اتكلم دقيقتين مع ربنا يعني !!

دخلت فيفيان و بتبص ليها بخبث

فيفيان : بتتكلمي مع ربنا في ايه ؟

نيرمين : وانتي مالك مش كفايه قاطعتيني

كانت منه دخلت

منه : بتتخانقوا ليه ؟

حطت نيرمين ايديها علي وشها

نيرمين: يلاهوييييي

منه بصت باستغراب لنيرمين بعديها بصت لفيفيان

منه : هي مالها ؟

فيفيان : لا اتجننت عادي وايه الجديد

بصت لقيت نيرمين بتبص ليها بحده قامت نيرمين من علي الارض و قاعدت علي السرير

نيرمين : أنا هريح شويه ياريت متعملوش صداع

فيفيان : ماشي يا ستي

حطت نيرمين راسها علي المخده و نامت

فيفيان بهمس : بت يا منه تعالي نطلع بره نسيبها تنام شويه

هزت منه راسها بهدوء و خدوا حاجاتهم و خرجوا بره و قفلوا الباب

كان الأب قاعد بيتفرج علي التلفزيون و الام في المطبخ

فيفيان : اومال فين ماما يا بابا ؟

الاب : في المطبخ جوا

منه قاعدت مع بابها و فيفيان قاعدت مع مامتها و كانوا بيتكلموا مع بعض و يهزروا

كانت نيرمين نايمه و النور مطفي و مش حسه بحاجه فجاه ظهر و كان واقف في البلكونه و بص عليها بهدوء لغايت لما نظراته اتحولت من برود لحب

فجاه صحيت بخضه و قاعدت تبص يمين و شمال و حطيت ايديها علي قلبها

نيرمين : الحمدلله ده كان كابوس

و بصت في الاوضه

نيرمين : يوووو قولت ليهم يبقوا يحطوا نور خفيف قبل ما يمشوا

راحت قامت و فتحت فلاش الموبيل و جابت السهرايه و حطتيها ورجعت تاني للسرير

كان بيرقبها بهدوء و نظرات الهوس في عينيه

حطت راسها علي المخده و كملت نومها بص ليها نظره اخيره و مشي

تاني يوم

دخلت فيفيان الاوضه وفتحت الباب بقوه قامت نيرمين بخضه

نيرمين بعصبيه : في حد يفتح علي حد نايم بشكل ده

فيفيان : عايزاني استئذن يعني ولا ايه ؟

نيرمين بتريقه : لا خالص

منه بصوت عالي : الاكل خلص يلا عشان ناكل

قامت نيرمين من علي السرير وراحت هي و منه و فيفيان للسفره

الاب : صباح الخير يا بنات

فيفيان : صباح الخير يا بابا

منه : صباح الخير

نيرمين بابتسامه : صباح الخير يا حبيبي

بص ليها الاب بحب و هي بادلتها بصت ليهم فيفيان و قلبت عينيها بملل

كانوا قاعدين بياكلوا لغايت لما رن الجرس

منه : هقوم افتح أنا

الاب : ماشي يا بنتي

راحت منه فتحت الباب و بصت بصدمه

مرات العم : ايه شوفتي عفريت ولا ايه ؟

منه : لا مش قصدي يا طنط اتفضلي

دخلت مرات العم لجوا و هي بتبص للشقه بهدوء

مرات العم بابتسامه : صباح الخير

بصوا كلهم ليها راحت و سلمت عليهم بصت فيفيان لنيرمين باستغراب بصت نيرمين ليها و رفعت كتفها بعدم فهم

مرات العم : أنا كنت معديه من هنا قولت اسلم عليكم ميصحش برضوا

الاب : لا ولا يهمك نورتينا

مرات العم : هو فين الحمام

منه شورت ليها عليه فا راحت باتجاهه بصت نيرمين لظهرها باستغراب

كانت بتتسحب بصت وراها بتتأكد أن مفيش حد شايفها دورت علي اوضه البنات و دخلتها

بصت للاوضه و ابتسمت

مرات العم بخبث : كان هنا

نيرمين : بتعملي ايه هنا ؟

لفت مرات العم بخضه بصت لقيت نيرمين بتبص ليها بحده و مكتفه ايديها الاتنين

مرات العم بتوتر : كنت كنت افتكرت أن ده الحمام

نيرمين : اظن ان منه قالت ليكي مكان الحمام بالظبط و كمان اوضتنا و الحمام بعيدين عن بعض ولا ايه ؟

مرات العم بتوتر : اه صح

راحت مشيت و دخلت الحمام بصت نيرمين ليها بشك و منه جت ووقفت جمبيها

منه : ايه الي حصل ؟

نيرمين : دخلت اوضتنا

منه باستغراب : ليه ؟

نيرمين : معرفش بقي تعالي نروح نكمل اكل

منه : ماشي

كانت سنده علي باب الحمام و سمعتهم

مرات العم بعصبيه : يخربيتك مش بتتهد

كانوا بياكلوا لغايت لما خلصوا قامت الام و خدت الاطباق و منه و نيرمين بيساعدوها

مرات العم : أنا همشي سلام عليكم

الاب : وعليكم السلام

خرجت مرات العم من البيت و ابتسمت بخبث

مرات العم بمكر : حلو اوي كده اللعبه ابتدت

بعد ساعات

كانت منه و نيرمين و فيفيان قاعدين و بيهزروا مع بعض فجاه قامت نيرمين وراحت فتحت باب الاوضه

فيفيان باستغراب : راحه فين

نيرمين : هكون راحه فين مش سامعه ماما بتنادي عليا

فيفيان : أنا مش سامعه حاجه

نيرمين : ازاي يعني صوتها كان واضح و كل شويه تقولي يا نيرمين

بصت فيفيان و منه لبعض باستغراب

فيفيان بعدم مبالاه : يمكن نكون مش سمعنا

راحت خرجت نيرمين بره و راحت لمامتها

الام : عاوزه حاجه يا حبيبتي

نيرمين : لا حضرتك الي عاوزه حاجه كنتي بتنادي عليا ؟

كشرت الام ملامحها و قالت : أنا مش ناديت عليكي

نيرمين باستغراب: ازاي أنا سمعتك بتنادي عليا كذا مره

الام : يمكن تخيلتي عادي

نيرمين : يمكن طيب سلام يا ماما أنا رايحه الاوضه

الام : طيب يا حبيبتي

دخلت نيرمين الاوضه و قفلت الباب وراها

فيفيان : ها طلعت بتنادي عليكي ولا طلعتي ملبوسه ؟

منه وفيفيان قاعدوا يضحكوا عليها

نيرمين : لا يا ستي كنت بتخيل خلاص ارتاحتي

فيفيان : طيب يلا بقي ننام عشان أنا مش قادره

منه : تمام انا هطفي النور و اعمل السهرايه

راحت منه طفيت النور و راحت نامت جمب فيفيان علي السرير التاني

الساعه ٣ الفجر

كانوا نايمين بهدوء ظهر فجاه و بص لاخوتها بقرف

: يعني كانوا لازم يناموا هنا النهارده

نفخ الهوا بعصبيه بس بعديها بص لنيرمين اتغيرت ملامحه من عصبيه لحب

: انا عمري ما هسيبك ابدا

رجع لورا بغرور وهو بيبص علي وشها و كأنه بيحفظه

نيرمين بانزعاج وهي مغمضه عينيها : بس بقي يا فيفيان مش وقتك عايزه انام

بص ليها بس اذان الفجر قاطعه بص بانزعاج للشباك و اختفي

يتبع

روايه العوده

للكاتبه حبيبه سامح

صحيت نيرمين و قامت تصلي الفجر بعد ما سمعته و راحت صحت كل الي في البيت

بصت لقيت زينه المكتب واقعه استغربت و قامت رجعت الزينه تاني لمكنها و راحت نامت

تاني يوم

فيفيان : نيرمين اصحي يا نيرمين انتي يا بت

فتحت نيرمين عين واحده و بصت ليها بانزعاج

نيرمين : عايزه ايه يا فيفيان سيبيني بقي

فيفيان : كل ده نوم قومي ورانا حاجات كتيره نعملها

قامت نيرمين و دخلت الحمام غسلت وشها و هي بتفتح عينيها بصت في المرايا لمحت زي خيال اسود جري

بصت بسرعه لورا بخوف بس مش لقيت حاجه استغربت و بقيت تبص حوليها

خرجت بره الحمام و قفلت الباب

فيفيان : كل ده بتغسلي وشك يلا ورانا حاجات كتيره قومي البسي عشان هنروح نشتري شويه حاجات من المول

نيرمين : ماشي هقوم اهوا

فيفيان : أنا و منه لابسين هنستناكي بره الاوضه

نيرمين : طيب

خرجت فيفيان و منه و قاعدوا شويه مع بابهم و مامتهم

لبست نيرمين بلوزه حمره بكم و جيبه سوده و كانت بتعدل الطرحه خرجت بره الاوضه و قفلت الباب

نيرمين : خلصت يا بنات يلا بينا

فيفيان قامت و قالت : يلا

خرجت نيرمين و منه و فيفيان و وقفوا تاكسي و راكبوا جمب بعض ورا

نيرمين بصت لفيفيان وقالت : فيفيان هو انتي وقعتي الزينه الي علي المكتب امبارح ؟

فيفيان باستغراب : لا انا اصلا مش صحيت غير الصبح لما صحيتك

نيرمين : غريبه !

فيفيان : ايه الي غريب ؟

نيرمين : ولا انتي يا منه ؟

منه : لا والله أنا كنت نايمه برضوا جمب فيفيان

بصوا منه و فيفيان لبعض باستغراب

فيفيان : هو في ايه مالك ؟

نيرمين : مفيش

فيفيان : قولي في حاجه حصلت صح ؟ وبعدين ايه الاسئله الكتيره و الغريبه الي علي الصبح دي

نيرمين حكت ليها الي حصل و الزينه الي وقعت و حسيت أن في حد صاحي

فيفيان : اه تلاقيكي كنتي بتتخيلي

نيرمين بتنهد : ماشي يا فيفيان

منه : ممكن تكوني كنتي بتحلمي عادي ساعات أنا بحس اني كنت في الحلم بجد

نيرمين : تمام

وصلوا للمول نزلوا من التاكسي و دافعوا الفلوس للسواق

فيفيان : يلا بينا

دخلوا المول كان بيشتروا شويه حاجات و نيرمين سرحانه

منه : متفكريش كتير عادي ده تخيل ممكن يكون من الضغط النفسي متقلقيش

بصت نيرمين ليها بابتسامه وقالت

نيرمين : ماشي يا حبيبتي

: نيرمين يا نونو

وقفت نيرمين فجاه و بصت لمنه و فيفيان باستغراب

نيرمين بتريقه : و من أمتي وانتي بدلعيني يا ست فيفيان

بصت فيفيان ليها باستغراب و بعديها بصت لمنه

فيفيان بعدم فهم : قصدك ايه ؟

نيرمين بضحك : انتي هتلعبي عليا

فيفيان : يا بنتي في ايه هو أنا تكلمت

نيرمين : يا سلام مانتي لسه كنتي بتنادي عليا و قال ايه كمان بدلعيني

بصت منه باستغراب هي و فيفيان و بعديها ضحكوا جامد

فيفيان بضحك : انتي اتهبلتي ولا اتلبستي بجد

منه بضحك : نيرمين فيفيان مش اتكلمت اصلا

اختفت ابتسامه نيرمين وهما كانوا قاعدين يضحكوا عليها

نيرمين في نفسها : هو في ايه ؟

بعد ساعات روحوا البيت جريت فيفيان و منه علي بابهم و مامتهم وهما بيضحكوا و بيتكلموا عن نيرمين سبتهم نيرمين و دخلت الاوضه و قفلت الباب وراها

نيرمين : معقوله كل ده يكون صدفه أو حاجه عاديه يعني اني اشوف حاجه زي كيان اسود في الحمام و الزينه الي وقعت دي و باقي الحاجات كل ده عادي ؟

بصت مكان الزينه بحيره و كانت مستغربه و من طبع نيرمين أنها فضوليه و لازم تعرف كل حاجه عشان تطمن

الساعه ١١ بليل

كانت الأم و الاب و منه و فيفيان قاعدين بره بيتفرجوا علي التلفزيون و نيرمين جوا الأوضه

الام : هي نيرمين جوا بتعمل ايه كل ده لوحدها ؟

فيفيان : تلاقيها نامت أو بتعمل اي حاجه

عند نيرمين

نيرمين قامت بغضب طفولي : منا مش هقعد في الحيره دي كتير ايه كل الحاجات الغريبه الي بتحصلي دي ؟

كان واقف في البلكونه وهو مكتف ايديه الاتنين و بيبتسم بخفه عليها فا قرر أنه يلعبها شويه فا راح رفع ايديه و بسحره وقع قلم من علي المكتب

بصت نيرمين للقلم الي وقع باستغراب

نيرمين :هو المكتب ده ملبوس ولا أنا الي اتلبست علي رأي فيفيان

راحت و حطت القلم تاني علي المكتب بس فجاه و قفت بصدمه

نيرمين : هو ازاي القلم وقع لوحده ؟ و كمان الشباك مقفول يعني مفيش حاجه تحركه

ابتسم بشر وراح موقع موبيلها الي علي السرير بصت للموبيل بخضه

وبصت للاوضه كلها و هي حاسه ان الخوف أتمكن منها

كانت نيرمين كل شويه تبص للموبيل الي وقع و المكتب قربت تجيبي الموبيل مسكته بطرف صوبعها و رمته علي السرير

كان واقف وهو مستمتع بخوفها الظاهر من عينيها و حركتها

لغايت لما دخلت فيفيان فجاه الاوضه

فيفيان : انتي اتجننتي ولا ايه يا بت بتكلمي نفسك

نيرمين : هو انتي كنتي بره صح يعني أنا كل ده كنت قاعده لوحدي ؟

فيفيان باستغراب : ايوه يا بنتي

نيرمين : متاكده

فيفيان : ايوه و بعدين مالك خايفه كده ليه

كانت نيرمين هتقول ليها بس افتكرت أن فيفيان اصلا مش هتصدقها و هتتريق عليها

فيفيان : طيب يا ستي تعالي اتفرجي معانا ده في حتت فيلم انما ايه يجنن

ابتسمت ليها نيرمين بعديها راحت وراها بصت للاوضه بتوتر و قفلت الباب

كان واقف بعيد وهو متعصب بس رجعت ملامحه للبرود

: بقي كده ماشي

كانوا قاعدين بيتفرجوا و بيضحكوا مع بعض

بص ليها بانزعاج ورفع أيده من بعيد خلا شعر فيفيان يتشد

فيفيان بصراخ : شعرييي

بص الكل ليها باستغراب

نيرمين : في ايه مالك ؟

فيفيان بعصبيه : انتي هتستهبلي

نيرمين : في ايه ؟

فيفيان بصريخ : شديتي شعري ليه هااا؟

نيرمين باستغراب : شديت شعرك ؟

فيفيان : اه مانتي الي قاعده جمبي منه قاعده جنب ماما و بابا هيكون مين يعني

نيرمين : أنا مش عملت حاجه

فيفيان بتريقه : يا سلام و كمان كدابه

نيرمين بصوت عالي : أنا مش كدابه

هزت راسها فيفيان و قالت : اه اه مصدقاكي

قامت نيرمين بغضب وراحت للاوضه بتاعتها و قفلت الباب

الام : ليه بس كده يا بنتي

فيفيان : قولي ليها هي الي بتشد شعري

الام : معلش يا بنتي بتهزر حصل خير

فيفيان : انتي مصدقاها يا ماما

الام بسرعه : لا طبعا يا حبيبتي مصدقاكي انتي

كانت نيرمين واقفه علي الباب و سمعت كل حاجه اتقالت

نيرمين : يعني ماما كمان مش مصدقاني

الدموع جت في عينيها راحت قاعدت علي السرير و عيطت

بص ليها بحزن لما شافها مضيقه

اتقدم لقدام و راح رامي حاجه جمب السرير

فتحت عينيها و هي مستغربه الصوت الي سمعته ده بصت لتحت السرير و

نيرمين بصدمه :

يتبع

روايه العوده

للكاتبه حبيبه سامح

فتحت عينيها وهي مستغربه الصوت الي سمعته ده بصت لتحت السرير لقيت ورده حمره و عليها دم

صرخت بصوت عالي و وقفت و بعدت عن الورده

نيرمين بخوف : ايه ده ؟ ايه الي جاب دي هنا

كتف ايديه وهو بيرقبها بهدوء فجاه النور قطع بصت نيرمين بخوف للاوضه و هي مش شايفه حاجه

نيرمين : هي ناقصه مش كفايه الرعب الي أنا فيه ده فين الكشاف ؟

قاعدت تحسس و هي بدور علي الكشاف و هي ماشيه اتكعبلت في الشبشب كانت هتقع بس رفع ايديه الاتنين و خلها مش تقع بسحره و فجاه

النور جه بصت باستغراب أنها مش وقعت راحت بصت في المرايا لقيت نفسها كأنها طايره

صرخت بصوت عالي وهي مش عارفه تعمل ايه عدلت نفسها و قاعدت تبص يمين و شمال

نيرمين بصريخ : الحقونيييييييييي

العيله كلها اتخضت و جريوا كلهم علي الاوضه فتحوا الباب لقوا نيرمين قاعده علي الارض و ملامح الخوف باينه علي وشها

الام : في ايه يا حبيبتي ايه الي حصل ؟

نيرمين : في حد هنا انا عارفه

فيفيان : ازاي يعني ما كلنا بره

نيرمين بخوف و هي بتهز راسها : لا لا شكله اصلا مش إنسان كان مخيفه و كله اسود

العيله بصت ليها باستغراب بس قاعدوا يضحكوا عليها

الام بضحك : هي افلام الرعب أثرت عليكي ولا ايه ؟

فيفيان بضحك : لا تلقيها بتحب تلعب

فيها دور الغامضه

قاعدوا يضحكوا كلهم و نيرمين كانت قاعده خايفه و متوتره جدا لغايت لما خرجوا بره

قامت نيرمين و هي حطه ايديها علي قلبها بصت تاني في المرايا و مش لقيت حد

خدت نفس بتوتر و هي بتبص للاوضه بخوف

عند أهل الاب

كان واقف بيبص ليهم بهدوء

مرات العم : يا اهلا يا اهلا اتفضل

العم بخوف : انت جيت ليه ؟

راحت مرات العم ضربت كتفه و قالت :ايه الي بتقوله ده ضيفنا يجي في أي وقت

: انا اجي في الوقت الي احب اجي فيه و لما اكون موجود أنا الي اتكلم مش انت فاهم !!

العم بخوف : حاضر حاضر سامحني أنا الي غلطان

اتنهد و بص لمرات العم بحده فا بصت ليه بتوتر

: يعني انتي كنتي عايزه تأذيها بيا؟

مرات العم باستغراب : ايه ؟

بص ليها بتريقه بعديها رفع ايديه فا وقعت مرات العم علي الارض بألم

مرات العم : اسفه اسفه انا غلط ارجوك سامحني

العم كان واقف وهو بيتفرج بذهول وخوف و مش عارف يعمل ايه راح باصص ليه

: وانت كمان كنت معاهم

رفع ايديه ناحيه العم و وقع العم جمبيها

العم بصراخ : ارجوك كفايهههه

: انتوا فكرتوا تأذوها بيا وأنا مش برحم الي بيأذيها

كانوا بيصرخوا بصوت عالي من الالم وهو بيبتسم ليهم بشر

في بيت نيرمين

كانت قاعده علي السرير و هي متنحه و بتكلم نفسها

نيرمين : هو ده حصل ازاي ؟ طيب البتاع الي شوفته ده الاسود في اسود ده كان ايه ولا مين ؟

رمت نفسها علي السرير و هي بتصوت قامت فجاه

نيرمين بصدمه : أنا عرفت أنا اتلبست ايوه اتلبست

دخلت فيفيان عليها الأوضه

فيفيان : انتي لسه بتكلمي نفسك

نيرمين : بقولك ايه انتي بالذات تسكتي مش انا عامله فيها دور الغامضه و انتي مش مصدقاني يبقي ملكيش دعوه بيا

بصت فيفيان ليها بملل و قربت منها و قاعدت علي طرف السرير

فيفيان : يا بت مانتي قولتي انك شوفتي حد اسود و شكله غريب و ضخم متوقعه اني أصدق ده ؟

نيرمين كتفت ايديها و قاعدت علي السرير

نيرمين : ايوه شوفت أنا متاكده عينيا مش بيكدبوا

نفخت فيفيان الهوا و قالت : تلاقيكي اتخيلتي حاجه مانتي مجنونه اصلا

نيرمين : بقولك ايه يا فيفيان اطلعي بره أنا مش ناقصاكي انا كده كده مكنتش هقولك اصلا عشان عارفه انك مش هتصدقيني

فيفيان : طيب يا ستي أنا ماشيه اهوا

كانت فيفيان خارجه بس وقفت فجاه

فيفيان باستغراب : مش شايفه انك بقيتي تقعدي لوحدك كتير ؟

بصت نيرمين ليها بهدوء راحت مشيت و قفلت الباب وراها

الاب و الام كانوا قاعدين مع بعض بره. هما و منه راحت فيفيان قاعدت معاهم

الاب : تعالو يا حبايبي أنا عايز اتكلم معاكم شويه

منه : حاضر يا بابا

الام : اومال فين نيرمين

فيفيان بتريقه : جوا لسه خايفه من الي اتخيلته يا جماعه دي اتجننت بجد دي بتقولي انها شافت حد اسود شكله غريب

الاب : هي اشتكيت ليكي عن حاجه مضايقاها ؟

فيفيان : لا

الام : طيب منه روحي ناديها

منه : حاضر

راحت منه الاوضه بتاعتهم و دخلتها

قامت نيرمين بفرح : كنت عارفه ان في حد هيصدقني و يخاف عليا

منه باستغراب : مش فاهمه قصدك ؟

نيرمين : مش انتي جيتي عشان تطمني عليا و تقوليلي انك مصدقاني

بصت منه ليها باستغراب

منه : لا انا جيت عشان اقولك أن بابا عايز يتكلم معانا شويه و بعدين يا نيرمين مستحيل كل ده انتي بتأكيد بتتخيلي

اختفت ابتسامه نيرمين و جت الدموع في عينيها بصت بعيد وقالت

نيرمين :طيب انا جايه

هزت منه رأسها و خرجت بره مسحت نيرمين دموعها و مشيت وراها

الاب : بصوا أنا بكره عندي شغل كتير اوي و مش هرجع و مامتكم صاحبتها تعبانه فا هتروح عندها و تبات

فيفيان : أنا يا بابا كنت هروح ابات مع صحبتي بكره برضوا و هاخد منه و كنت هقول لحضرتك

الاب : طيب كويس أنا عايزكم مش تقعدوا في البيت لوحدكم عشان خايف عليكم فا كنت هقول ليكم تباتوا عند حد

نيرمين : بس

بص الكل ليها مستنين هتقول ايه

الاب : بس ايه ؟

نيرمين : أنا مش عايزه اقعد لوحدي

الاب : خلاص تروحي تقعدي مع فيفيان و صحبتها

نيرمين : ما هو أنا مش برتاح هناك

الاب : طيب خلاص روحي باتي مع مامتك و صحبتها

نزلت نيرمين رأسها لتحت

نيرمين : ما هو أنا مش برتاح هناك برضوا

الاب بزعيق : ما هو أنا مش فاضي للدلع ده عندك يا صحبه فيفيان يا مامتك يا لو عايزه تقعدي في البيت لوحدك هنا انتي حره

راح قام وهو متعصب و راح قفل الباب بقوه

الام : يا بنتي فيها ايه لما تيجي معايا أو مع فيفيان ؟

نيرمين : يا ماما مانا قولتلك اخو صاحبه فيفيان بيضايقني و غلس و انتي مش صدقتي

الام بتنهد : طب تعالي معايا

نيرمين : مانا مش برتاح هناك برضوا

الام : اعملي الي انتي عايزاه أنا بكره هصحي الصبح بدري عايزه تيجي تعالي

كلهم مشيوا و دخلوا ناموا و فضلت نيرمين بره بصت للاوضه بتاعتها بتوتر و دخلت نامت

تاني يوم

كان كلهم لبسوا و خارجين فتحوا الباب راحوا لقوا نيرمين جت جري عليهم

الاب : هتيجي ولا ايه ؟

نيرمين : اه

الاب : هتروحي مع مامتك ولا مع اخواتك

نيرمين : هروح مع ٠٠٠٠٠٠

يتبع

روايه العوده

للكاتبه حبيبه سامح

روايه العوده البارت التاسع

الاب : هتروحي مع مامتك ولا مع اخواتك

نيرمين : هروح مع فيفيان و منه

الاب : تمام

الاب خرج بعض ما سلم عليهم كلهم الام كمان و خرجوا منه و نيرمين و فيفيان بره البيت

فيفيان : تعالو نوقف تاكسي

منه : ماشي

شافوا تاكسي جاي فيفيان شاورت ليه و وقف و قاعدوا كلهم ورا

منه : هو احنا هنمشي أمتي من عند صحبتك

فيفيان : معرفش بالظبط علي حسب شغل بابا

بصت ليهم نيرمين بدهشه

نيرمين : مش بابا هيتأخر النهارده في الشغل بس

فيفيان : اااه أنا مش قولتلك بعتوا لبابا أنهم محتاجينه كمان كام يوم مش النهارده بس يعني ممكن نقعد اسبوع هناك

بصت نيرمين ليها بصدمه وقالت : يعني احنا هنقعد اسبوع عند صحبتك ؟

فيفيان : اه يا بنتي بصي مش انتي بتقوليلي أن الواد ادهم ده بيضايقك

نيرمين : اه

فيفيان : خلاص اتجاهلي و ملكيش دعوه بيه انتي عارفه اني بحب نهي اوي و مش هقدر اتخانق معاها عشان ادهم بيضايقك

نيرمين بتنهد : خلاص يا فيفيان أنا هعرف اتصرف

عند الام

الام : ايه الي حصل يا حبيبتي ؟ الف سلامه عليكي يا فتحيه

فتحيه : معرفش بجد تعالي اتفضلي جوا وأنا هحكيلك

دخلوا جوا و قعدوا جمب بعض

الام : مالك في ايه بقي ؟

الام : معرفش أنا لقيت نفسي فجاه تعبانه اوي روحت قولت لمحمد جوزي راح جاب دكتور قالي محتاجه تريح شويه و مش تخرج بره البيت

الام : الف سلامه عليكي متقلقيش أنا جيت اقعد معاكي شويه عشان عارفه أن جوزك فين و فين لما يكون في البيت و هاهتم بيكي

مسكت فتحيه ايديها وقالت : ربنا يخليكي ليا و مش يحرمني منك

بصت الام ليها بحب و طبطبت علي ايديها

الام : و يخليكي ليا

فتحيه : تعالي شوفي الاوضه بتاعتك

الام : تمام

قاموا و اختاروا اوضه ليها و الام دخلت جوا الاوضه

عند الاب

كان بيشتغل جوا بعد ما وصل الشغل جه حد من صحابه

انس : ازيك يا حسين

الاب : الحمدلله انت ازيك عامل ايه

انس : الحمدلله تمام

انس : اومال ايه حكايه الشغل الكتير و البيات ده ؟

الاب : والله معرف أن شاء الله خير

انس : أن شاء الله عموما لو محتاج حاجه أنا قاعد هناك قولي

الاب بابتسامه : ماشي متشكر جدا

انس : العفو علي ايه

يتبع

روايه العوده

للكاتبه حبيبه سامح

انس : العفو علي ايه انت صاحب عمري

عند البنات

كان واقفين علي الباب بعد لما خبطوا عليه راحت الخدامه فتحت الباب ليهم

منه بدهشه : هما عندهم خدامه و ايه البيت الكبير ده

فيفيان : يخربيتك هتفضحينا

الخدامه : اتفضلوا ادخلوا

دخلوا قاعدوا في الصاله و الخدامه جت ليهم تاني

الخدامه : لحظه واحده الانسه نهي جايه

فيفيان : مفيش مشكله

كانت نيرمين قاعده و هي متوتره و بتحاول تكون طبيعيه بصت لقيت ادهم بيبص ليها بحب و غمز ليها بصت بعيد بسرعه

نهي بصراخ : فيفيانننننننننن

جريت فيفيان و نهي علي بعض وحضنوا بعض بصت ليهم نيرمين و علي صداقتهم و مش كانت عايزه تخسرهم بعض

نيرمين في نفسها : أن شاء الله ربنا يكون هداه

راحت نيرمين و منه سلموا علي نهى

نهي : استنوا هجيبلكم اخويا ادهم تسلموا عليه

وراحت مشيت نهي بصت نيرمين لفيفيان و فيفيان عملت نفسها مش شافتها

ادهم : ازيكم ؟

رجعت نيرمين خطوه للخلف بتلقائيه

بص ادهم لنيرمين

ادهم : بقالنا فتره مش قابلنا بعض

نزلت نيرمين رأسها بتوتر

نيرمين : اه

راح مد أيده ليها ناوي يسلم عليها

نيرمين : معلش مش بسلم عشان حرام

ادهم : ماشي برحتك

فضل باصص ليها و هي كانت متوتره من نظراته

نهي : تعالو اوريكم الأوضه بتاعتكم

فيفيان : ماشي يلا بينا

الساعه ١٠ بليل

نيرمين : فيفيان ممكن نمشي

فيفيان باستغراب : ليه ؟

نيرمين : مانتي عارفه يا فيفيان

فيفيان : معلش استحملي شويه بس

نيرمين بعصبيه : مانا مش ناقصه مجنون في حياتي تاني كفايه عليا واحد

فيفيان بعدم فهم : واحد مين ؟

بصت بتوتر ليها و شتمت نفسها انها اتلغبطت في الكلام

نيرمين : مفيش يا فيفيان

فيفيان بتنهد : بقولك ايه يا نيرمين انتي دماغك صغيره اوي عايزه تمشي امشي برحتك

راحت نامت علي السرير و كانت بتبص نيرمين ليها بخيبه أمل

نيرمين : نامي بالمره يا منه عشان المشوار كان طويل و مش تتعبي

منه : ماشي تصبحي علي خير

نيرمين : وانتي من اهله

بعد ساعات

كان الكل نام فجاه نيرمين صحيت

نيرمين : يوو بقي أنا عطشانه

بصت للساعه لقيتها ١ بصت تاني للسقف

نيرمين بتوتر : بتأكيد الكل هيبقي نايم دلوقتي

قامت و فتحت نص باب بهدوء بتبص من بعيد مش لقيت حد راحت طلعت وقفلت الباب و راحت المطبخ

طلعت مايه من التلاجه و صبت حبه في الكوبايه و شربت منها

ادهم : وحشتيني

بصت لورا بسرعه لقيته ساند علي الترابيزه الي في المطبخ و بيبص ليها بهدوء بصت بتوتر ليه

نيرمين : ادهم قولتلك مليون مره أنا مش بحبك مش بحبك اعمل ايه ؟

ادهم بزعيق : يبقي تحبيني تحبيني غصب عنك فاهمه !

بصت بتوتر ليه و كانت هتمشي راح مسك ايديها جامد

ادهم بعصبيه : مش بكلمك ما تردي عليا ؟

نيرمين بوجع : ادهم سيب ايدي بتوجعني و كده حرام

ادهم : لا مش هسيبها

كان واقف من بعيد بيبص ليهم وهو متعصب جدا راح رفع ايديه فا رفع ازازه كبيره و راح ضربها في ادهم

ادهم بصراخ : اااه

جريت علي الاوضه بسرعه و هي مش عارفه تهرب من ادهم و لا من الكيان المخيف ده راحت وقفلت و الباب وراها

سندت علي الباب و هي حطه ايديها علي قلبها الي بيدق بسرعه من خوفها

مامت ادهم خرجت بره لقيت ادهم بيتوجع و متعور في رأسه

مامت ادهم بخوف : ايه يا بني ده ايه الي حصل ؟

ادهم بتوتر :أنا اتكعبلت و وقعت عليا الازازه دي

مامت ادهم : مش تاخد بالك يا بني تعال نروح المستشفي

نيرمين سمعت قفل الباب فتحت الباب براحه لقيتهم مشيوا نفخت الهواء براحه

نيرمين : ده مجنون مش طبيعي

خرجت و شربت الميه و بتبص للشقه بتوتر كان واقف وهو شايف الخوف في عينيها

نيرمين باستغراب : هو ازاي الازازه اتخبطت فيه الكل كان نايم و كمان الكيان الاسود ده كان موجود وهو نفس الي شوفته في الحمام و المرات التانيه معقوله الكيان ده دافع عني ؟

ابتسم علي ذكائها و فضل باصص ليها

حست أن في حد موجود معاها بصت حوالين نفسها مش لقيت حد اتوترت

و دخلت الأوضه و هي خايفه و قفلت الباب بص ليها بهدوء و ابتسم و

يتبع

روايه العوده

للكاتبه حبيبه سامح