رواية زواج بالغصب الفصل الرابع 4 - بقلم الكاتبة الصغيرة نور

محمد: ألو، خلصتي يا نور؟ إيمان بحرج: أنا مش نور. محمد بخوف: أمال نور فين؟ إيمان: نور بس تعبانة شوية عشان حصل حاجة في المحاضرة. محمد: طب أنا جاي حالاً، أنا قدام الكلية أهو. إيمان: خلاص يا نور، اهدي، محصلش حاجة لكل دا. نور برعشة ودموع: شفتيها كانت عاملة إزاي؟ إيمان وهي تنظر بعيد: إيه دا، مين المز اللي جاي علينا دا؟ نور: محمد. محمد بخوف: نور، مالك فيكي إيه؟ إيمان بهمس لنور: آه يا بنت الفقرية، بقا المز دا مش عاجبك؟

نور وقد ضربتها: لمي نفسك. محمد: فهموني بس حصل إيه؟ نور بدموع ورعشة: الدكتورة كانت بتقرأ قرآن وفجأة بنت قعدت تخبط على المدرج جامد وتسد في ودنها وتقول كلام مش مفهوم. ولما قولنا "آية الكرسي" البنت رجعت تكتب تاني ولا كأن حاجة حصلت. محمد وهو يضمها إلى صدره: طب اهدي يا حبيبتي، محصلش حاجة، خلاص بقا. نور: أنا عايزة أروح، مش هكمل. محمد: طب يلا. إيمان: مع السلامة. *** أسارة لإيمان: هو مين المز اللي كان حاضن نور من شوية دا؟

إيمان: أنتي دايماً حاشرة نفسك كدا. أسارة: أخوها صح؟ إيمان بضحك: لا، جوزها. سارة بضحك: بجد؟ إيمان: آه والله. سارة: هو دا اللي مكنتش عايزاه. إيمان: شوفتي بقا، فقرية بعيد عنك، يلا إحنا نكمل محاضرات، يكش يجيلنا كتكوت ونتغصب عليه. 😂 سارة: يارب. 😂 *** عند محمد ونور، ركبوا الباص. محمد: خلاص بقا يا نور، كفاية عياط، محصلش حاجة. نور بدموع: كل شوية أفتكر شكلها. محمد: خلاص، حاولي تنسي ونامي. نور بحرج: أنام؟ هنام.

محمد: نامي على كتفي وأنا صاحي، متقلقيش. نور نامت على كتف محمد، ومحمد أخدها في حضنه وقعد يقرأ لها قرآن لحد ما نامت. بعد ساعة، محمد: نور، فيقي، عما أنزل أجيب حاجة ناكلها. لسه نص ساعة ونوصل، والباص مش هيقف تاني. نور: ماشي. ومحمد نزل. سيدة كبيرة بالعمر تجلس خلف نور: باين عليه بيحبك أوي يا بنتي، ربنا يخليه لك. نور بابتسامة: شكراً.

السيدة: أنا هقولك نصيحة من واحدة عمرها وراها كتير، حافظي عليه يا بنتي، معتش فيه زيه اليومين دول. دا طول الطريق واخدك في حضنه وكان بيقرأ لك قرآن عشان تنامي، متضيعيهوش من إيدك. نور بتفكير في كلامها، تذكرت كلام أبيها وسالي أختها: ليه كلكم بتقولوا نفس الكلام؟

السيدة: عشان الحب ساعات بيجي في شخص ما كناش نتوقعه، دايماً بنبقى مستبعدينه من حياتنا، بس خديها مني، اديله فرصة. وأنتي على فكرة بتحبيه، بس بتضحكي على نفسك. وأكبر دليل إنك نمتي في حضنه لما كنتي خايفة. الحب يا بنتي أمان وحنية قبل كل شيء. ولو محسيناش بالأمان والحنية مع اللي بنحبهم، يبقى مفيش منه فايدة. فكري في كلامي. قطع تفكير نور صوت محمد. محمد: معلش اتأخرت عليكِ. نور بابتسامة: لا، متأخرتش ولا حاجة.

محمد: طب خدي كلي، جبت لك باتيه وشيتوس من اللي بتحبيه. نور وهي تأكل: أنت مش هتاكل ولا إيه؟ محمد: هاكل أهو. وبدأ يأكل، والباص اتحرك. محمد لـ نور: تعالي كملي نوم. نور حضنته ونامت على كتفه، وظلت تفكر بكلام تلك السيدة، فحقاً كلامها صحيح، فالحب أمان وحنية وتمسك الشخص بك. وظلت تشدد من احتضانها لمحمد، ومحمد فرح بتصرفها وباس رأسها إلى أن نامت. وبعد أن وصلوا، محمد صحاها، وذهبوا إلى البيت. محمد: السلام عليكم.

فريدة: وعليكم السلام، حمد الله على سلامتكم. محمد: الله يسلمك، إحنا هنطلع عشان نور تعبانة. فريدة بتأفف: ماشية الشقة. محمد: ادخلي غيري وفكّي كدا وحاولي تنسي. نور: حاضر. ودخلت غيرت وخرجت، ومحمد غير وخرج. محمد: كنت عايز أقولك حاجة كدا، مش عارف هتفرحي ولا إيه. نور بانتباه: قول. محمد: الجامعة عاملة رحلة معسكر في الغردقة أسبوع، ورايح فيها كلية طب أسنان وصيدلة وعلوم. نور بفرحة: بجد؟ محمد: أيوه.

نور بحزن: تعرف من زمان وأنا بقول لبابا أطلع رحلة، بس مكنش بيوافق عشان بيخاف عليا. محمد: خلاص بقا، ادينا طالعين أهو وهنقعد أسبوع كمان. نور بفرحة: شكراً أوي على كل حاجة بتعمليها لي. محمد: ينفع معتّيش تشكريني؟ أنتي مراتي، يعني جزء مني، وأنا كفاية عليا أشوف ضحكتك دي. 🥰❤ نور بكسوف: هقوم أحضر الغدا. *** وقت الليل. نور قاعدة بتذاكر: يلهوي، أنا مش فاهمة أي حاجة في العضوية دي. يارب توب عليا بقا. محمد بضحك: في إيه بس؟

إيه اللي مزعلك؟ نور بضيق: العضوية دي رخمة أوي، والدكتور قاعد بيقرأ وخلاص، والامتحان كمان أسبوعين وأنا مش فاهمة حاجة. محمد: طب تعالي بس وأنا هشرح لك. وبدأ يشرح لها، ونور فهمت. محمد: ها، فهمتي؟ نور وحضنته: شكراً أوي، أنت قمر. 🥰❤ محمد وقد ضمها أكتر: لو كل مرة هشرح لك هتحضنيني وتقولي لي كلام حلو كدا، فأنا هشرح لك على طول. 😂 نور وقد انتبهت على نفسها، فتركته بحرج: أنا آسفة، مخدتش بالي.

محمد بضحك: على فكرة أنا جوزك، يعني مش شقطاني. 😂 نور بضحك: شقطاك. 😂 محمد: أيوه، يعني لو مكنتيش هتحضنيني، هتحضني مين؟ نور بحرج: خلاص يا عم، مكنتش غلطة دي. قوم يلا نام عشان الكلية بكرة. محمد: لأ، أنا عندي شغل بكرة، وعشان آخد إجازة أسبوع للرحلة. نور: ربنا معاك، تصبح على خير. محمد: وأنتِ بخير. ❤ *** في الصباح، نور صحيت وجهزت الفطار وكلت ولبست. نور: طب أصحيه أقوله إني نازلة ولا إيه؟ أيوه، لازم أستأذن. وخبطت ودخلت.

نور: محمد، قوم بقا. محمد بنوم: نعم؟ نور: أنا رايحة الجامعة، وحضرت لك الفطار برا، أما تصحى ابقى افطر. محمد قام وشال الغطا. نور بحرج حطت إيدها على عينيها: أنت طول عمرك بتنام من غير تيشيرت كدا. نور بحرج: طب ابعد عشان عندي محاضرة. محمد وهو يتأملها: إيه دا، أنتي حاطة روج؟ نور: دا مرطب، مش روج. محمد وهو يمسحه: ميتحطش تاني. نور بحرج: حاضر. محمد بمزاح: لو عايزة تحطيه في الشقة يعني، ماشيين.

نور وقد فهمت قصده: لأ، ولا هنا ولا برا. يلا سلام عشان اتأخرت. وزقته ومشيت. محمد بضحك: عنيفة أوي. محمد فطر وأخد دش وراح الشغل. عند نورا، إيمان: الحقوا، جبت لكم خبر بمليون جنيه. سارة: قولي بسرعة...