تحميل رواية «زواج عنيف» PDF

خرج حمزة وهو متعصب، ولسه رايح يركب العربية لمحها من بعيد. نزل وقرب منها براحة وهو بيفرك في عينيه. لا يكون حلم؟ بس لا، هي ملك. بس هدومها الرياضية مختلفة، لا وكمان بتلعب يوغا؟ ملك ويوغا في جملة واحدة؟ يا جدعان، متخيلين؟

حمزة قرب: ملك، انتي بتعملي إيه؟

ملك كانت رافعة إيديها وواقفه على رجل واحدة بابتسامة: بتصفي ذهني، متعرفش اليوغا مفيدة جدا.

حمزة: اليوغا، آه آه عارف، بس انتي...

ملك اتعدلت: تحب تتدرب معايا؟

حمزة: لا، مش هعرف، هيبقا شكلي أهبل أوي.

ملك ضحكت ومسكت إيده: خلاص، تعال ساعدني شوية.

مسكت إيديه وحطيتها على بطنها وسندت عليه وهي بتفرد دراعها لقدام.

ملك: شهيق، زفير.

حمزة ضحك: وتفتكري يعني ده بيهدي الأعصاب؟

ملك رجعت اتعدلت وسندت ضهرها على صدره: افتكر طبعاً، شايف أنا هادية إزاي. أفضل رياضة في العالم هي اليوغا، بتهدي الأعصاب ومفيدة خصوصاً للبنات.

حمزة: والجودو إيه رأيك فيه؟

ملك ضحكت: لا، ده عنيف أوي، مينفعش للبنات، خصوصاً اللي زيك. عارف أنا بخاف أصلاً من الضرب.

حمزة بصدمة: بجد؟

ملك: أيوه، وبتخض من الصوت العالي. أنا امبارح بحثت على النت عن رياضات مناسبة ليا، ملقتش أنسب من اليوغا والسلام النفسي.

حمزة ضحك: انتي يا ملك اللي بتقولي كده.

ملك اتعدلت وبصتله وقعدته في الأرض وقعدت جنبه: جرب معايا، رقع رجلك وغمض عينيك وأفرد ضهرك واعمل زي، شهيييق، زفييير.

حمزة ابتسم وبقا يعمل زيه.

ملك بعد فترة فتحت عينيها نص فاتحة لقيته بيعمل زيه ما قالت، ابتسمت ولفت وحطيت راسها على رجله.

فتح حمزة عينيه وبص لها بابتسامة.

ملك حطيت إيديها على وشه: تعرف عينيك حلوة أوي.

اتعدلت قدامه وحطيت إيديها على شعره: وشعرك برضو ناعم.

حمزة كان مبتسم وبيبصلها.

ملك بضحك: انت أحلى مني أساساً، إيه خلاك تحبني؟

حمزة: قلبك.

ملك: إزاي؟

حمزة: قلبك اللي خلاني أحبك، قلبي وقلبك اختاروا بعض.

ملك: اممم، يعني مش عشان أنا حلوة.

حمزة: من ناحية انتي حلوة، فأنتي مش حلوة، انتي ملكة جمال.

ملك ضحكت: بجد، ملكة جمال إيه بقا؟

حمزة وهو بيقرب ليها: ملكة جمال قلبي.

ملك وهي مبتسمة وبتبص عليه وهو قرب...

ولاء ودنيا: ما ملك أهي يا حمزة، أمال قلقتنا ليه.

دنيا ضحكت على منظرهم وهما مصدومين: شكلنا جينا في وقت مش مناسب.

ولاء: يلا بينا يا زميلي.

ملك: استنوا عندكم.

ولاء ابتسمت: افتكرت ملك رجعت.

ملك قامت ومسكت إيد حمزة قومته.

ملك بصت لولاء ودنيا: انتوا هتيجوا معايا.

ولاء: فين؟

ملك: هنرفه عن نفسنا.

حمزة: هاجي معاكم.

ملك: لا، بنات بس.

حمزة: بنات بس قلتيلي.

ولاء: طيب، وحلا؟

حمزة: أنا كلمتها، تيجى.

دنيا: مين حلا؟

ملك: مش تبصيلي أنا، مش فاكرة حد.

ولاء: صديقة ملك المقربة وكمان مرات ابن خالته.

ملك: وأنا؟

دنيا بغيره: اسمعي، أنا بس صديقتك المقربة.

ملك: أكيد طبعاً، إحنا لسه هنعرفها.

دنيا: أنا بعرفك اهو عشان لو لقيت الزيف هنغخك.

ملك ضحكت: طيب، يلا كله يجهز.

تليفون حمزة رن.

حمزة: عن إذنكم، هرد على المكالمة دي.

خرج حمزة يرد على المكالمة، والبنات طلعت تغير.

حمزة: ألو، وصل، طيب، هخرج استلمه دلوقتي.

خرج حمزة واستلم صندوق صغير ودفع الحساب ودخل.

طلع لملك كانت في الحمام، قعد يستناها على السرير.

بعد فترة خرجت ملك وهي بترفع شعرها كحكة فوضوية وحطيت فيها عود بزمرده روز، وكانت لابسة فستان أبيض في روز وصندل أبيض كعب عالي.

حمزة قام وهو فاتح بقه.

ملك ابتسمت: مالك؟

حمزة هز رأسه وركز: أنا...

ملك قربت براحة: مالك أنت إيه؟

حمزة نزل بسرعة وقعد على ركبته قدامها.

ملك اتخضيت: حمزة، مالك؟

حمزة: أنا مش عارف أقول إيه، بس...

فتح الصندوق الصغير وكان فيه دبلة جميلة جدا ورقيقة.

ملك رفعت إيديها: بس أنا معايا واحدة.

حمزة: لا، دي هنرجعها، أنا جبتلك دي على ذوقي، ها عجبتك؟

ملك قعدت قدامه على ركبتها وقربت وقلعت الدبلة اللي في إيديها: طيب، لبسهالي.

حمزة: يعني عجبتك؟

ملك: جدا جدا، ذوقك حلو أوي.

حمزة وهو بيلبسهالها: بس أوعديني مستحيل أبداً تقلعيه.

ملك: أوعدك، عمري ما هقلعها.

حمزة ابتسم وحضنها.

ملك حضنته هي كمان: شكراً عشان أنت حبيبي.

حمزة: وشكراً عشان انتي حبيبتي.

الباب خبط.

ولاء: إيه يا ملك، غيرتي رأيك ولا إيه؟

ملك بعدت عنه وابتسمت.

قام حمزة ومسك إيديها قومها.

ملك: ثواني وخرجة.

ولاء: طيب، هنستناكي تحت.

ملك: تمام.

ملك: عايز حاجة؟ أنا همشي.

حمزة شدها من وسطها وقربها ليه: متخليكي هنا معايا.

ملك ضحكت: لا، مش هينفع، كمان أنا عملالك مفاجأة بليل.

حمزة بفضول: مفاجأة إيه؟

ملك: لو قلتلك مش هتبقى مفاجأة.

حمزة: اممم، معاك حق برضه.

ملك حطيت إيديها على خده وب'سته على الخد التاني: باي.

حمزة بهيام: باااااي.

ملك ضحكت وأخدت شنطتها الصغيرة ومشت.

حمزة رفع تليفونه بابتسامة: حياتي، وراكي وراكي.

ملك نزلت وركبت قدام جنب دنيا وولاء ورا.

دنيا: هنتحرك الأول نجيب حلا، وبعدين هنروح فين بقا؟

ملك وهي بتلبس النضارة: سونا.

دنيا وولاء بصدمة: سونا؟

ملك: أيوه، يلا بينا.

اتحركت دنيا شوية.

ولاء: متشغلي لينا شوية أغاني حلوة كده.

دنيا: أكيد، للميس.

ولاء: أيوه، أكيد.

دنيا: مسيطرة، همشيك مسطرة.

ولاء: هخليك، لو شوفت في شارع بنت تبص لورا.

دنيا: أيوه، أنا مسيطرة.

ولاء: يا حتة سكرة.

ملك: بس بس، أكيد متشغلي ده.

دنيا: طيب، إيه رأيك في حماقي؟

ملك: لا، اسمعي بقا.

شغلت (اسمه كلامي وصدقوا، انت اللي روحي بتعشقه، كان حلم ونفسي أحققه، إني أبقى ليك، قربني منك، ضمني، قد ما حبك حبني).

قفلت دنيا: لا لا، راعي شعورنا، إحنا سناجل هنا.

ملك ضحكت: خلاص، شغلو اللي انتوا عايزينه.

وبعد فترة وصلوا عند بيت السلطان وجابو حلا.

ولاء: عاملة إيه يا ست الوالدة؟

حلا: اسكتي، عشان مش بنام، وبصي مش شايفة.

ملك: يا عيني.

حلا: عاملة إيه يا لوكا؟

ملك: الحمدلله، وانتي؟

حلا: كويسة.

دنيا: هنتحرك، وبعدين نسلم على ننزل.

وبعد فترة كبيرة وصلوا السونا.

حلا بصدمة: دي سونا؟

ولاء بضحك: تخيلي.

حلا: بس ملك؟

دنيا: ملك اللي جابتنا.

ملك: يلا، واقفين ليه؟

دخلو وغيرو هدومهم، وكل واحدة بقت لابسة بشكير لفاها عليه.

دنيا: هشغلنا حاجة تسلطن.

ملك: بصوت بقا، أنا جبت إيه.

ولاء ودنيا وحلا بصدمة: صاجات؟

ملك بضحك: أيوه، كان نفسي أجربها أوي.

دنيا: اشط.

شغلت (اللي باعنا خسر دلعنا، راح لحاله يالا يودعنا، بالسلامة والقلب ناسيه، بالسلامة والقلب ناسيه، واللي سابنا قفلنا بابنا، يالا بينا وفرنا تعبنا، الحياة مش واقفة عليه، الحياة مش واقفة عليه، من امتى بيفرقنا، من راح ومن استغنى، اللي يحبنا يكسب ودنا ويضحي عشانانا، مبسوطة على كده ميت فل ورضا ومش عاجلة، يسيبنا، هو اللي اختار بإيديه، النار والفرج من الجنة).

فضلو يرقصو وملك بتحرك إيديها بالصاجات، انبسطوا أوي لحد وقت متأخر، خرجوا وكانوا حلوين جدا وبشرتهم عاملة زي البيبيهات.

حلا: بخسارة، هنمشي.

ملك: تعالي، إحنا المتجاوزين هندخل هناك، وانتوا السناجل تشربوا عصير.

دنيا: ماشي يا ملك، ماشي.

ملك ضحكت وأخدت حلا ودخلو محل بيع اكسسوارات ولانج'يرى.

حلا: ملك، شكلك ناوية على حاجة، لا بقولك إيه، أنا لسه والده ومش حمل أجيب عيال تاني، أنا بقولك اهو، لو حملت أنا بحملك المسئولية كاملة، انتي لوحدك.

ملك بضحك: متقلقيش، عاملة حسابي وهديكي حاجة تمنع الحمل، أهدي بقا.

ملك نقيت اتنين لانج'يري ناااار وجابت خلاخيل واكسسوارات كتير وخرجت هي وحلا ومشيو.

وصلو حلا.

ملك اديتها شريط: ادعيلي بقا، سلام.

حلا بضحك: اتغيرتي، سلام.

ملك ضحكت وكملو للبيت.

نزلت ولاء وهي بتتاوب: كان يوم جميل أوي.

دنيا: اه، مش كده، بس تعبانة أوي ومحتاجة أنام.

ملك نزلت وهي بتتاوب ومبتسمة: وأنا كمان عايزة أنام.

دنيا بضحك: لما نشوف مين دي اللي هتنام.

ولاء: يلا، خلي حمزة يطل'قه.

ملك: بس يابنت منك ليها.

حمزة نزل جري: اتأخرتوا كده ليه؟

ولاء: اسأل مراتك ياعم، إحنا مالناش.

شدت دنيا وجريو وهما بيضحكو.

ملك ضحكت عليهم برقة.

حمزة بص لها بضيق: إيه آخرتك؟

ملك: كنت بجيب شوية حاجات ليا عشان المفاجأة.

حمزة: مفاجأة إيه؟

ملك: هقولك فوق.

حطيت إيديها على وشه ومشيت من قدامه.

حمزة غمض عيونه: هم'وت منها أنا عارف.

راح وراها لقاها في الحمام.

حمزة: ملك، هتتأخري جوه.

ملك: شوية وخرجة، لحظة.

حمزة: لو اتأخرتي هدخل وانتي حرة.

ملك ضحكت: مش متأخر، بس خليك عندك.

بعد فترة ليست بقليلة وليست بكثيرة.

حمزة: لا، كده كتير، أنا هفتح الباب ده.

وقف لما سمع صوت الخلخال بتاعها.

ملك فتحت الباب وخرجت، وكانت سو سيكسي، يا جدعان، في واحدة سنجل هنا.

حمزة فتح بقه ببلاهة وضحك.

ملك مشيت براحة لجهاز موسيقى وفتحته على أغنية هادية جدا وقربت عند حمزة وقعدت على ركبه ومديت إيديها ليه: تسمحلي برقصة.

حمزة: قولي والله.

ملك ضحكت: والله.

حمزة: طبعاً، أنا أطول أصلاً.

مسك أيديها وقومها ورقصو سوا.

حمزة: أحلى مفاجأة.

ملك: عجبك، لسه في حاجة أخيرة، مش عارفة اتأخرت ليه.

حمزة: حاجة؟ حاجة إيه؟

الباب خبط.

ملك بابتسامة: أهي وصلت.

حمزة: رايحة فين؟

ملك: هفتح.

حمزة: كده، اقعدي هنا يا هانم، أنا هروح أفتح. قال هفتح قال.

فتح حمزة لقا واحدة من العاملات: الطرد ده باسم ملك هانم.

ملك: ها؟ ليه؟

حمزة: هاتيه.

دخل واداهاملك: لا، ده ليك.

حمزة: إيه؟ بجد؟

ملك بابتسامة: بجد.

حمزة فتح البوكس لقا فيه ساعة كلاسيك فاخرة جدا سودة وبرفان جميل جدا.

حمزة بابتسامة: دول ليا.

ملك: أيوه، عجبوك ولا لأ؟ حاولت أجيب حاجة تعجبك بس مش عارفة، بقا عرفت ولا لأ.

حمزة بابتسامة: دول حلوين أوي.

ملك: بس اتأخروا أوي، لازم أتصل أشتكي، كل ده عشان يحطوهم في بوكس هدايا.

حمزة: دول جت في وقتها.

ملك: بجد، يعني عجبوك؟

حمزة: جدا، أول مرة يجيلي هدية حلوة كده.

ملك: طب وأنا إيه رأيك؟ شوفتي خلخالي؟

حمزة: أيوه، عجبني أوي.

ملك: وأنا كمان، أول ما شوفته عجبني أوي، بالذات الصوت بتاعه، عجبني أوي، كل لما أمشي يعمل صوت.

حمزة ضحك وقام حضنها وهو مبسوط.

ملك: أنا مبسوطة إنك مبسوط.

حمزة: أنا مبسوط عشان انتي معايا.

شالهاملك بصدمة: حمزة!

حمزة: انتي جننتني.

وغاصو مع بعض.

بعد عدة أسابيع.

كانو بيتمشوا في مول.

ملك وهي ماسكة إيديه: حمزة، تعال بص هناك.

حمزة: تعالي.

دخلو محل رجالي.

ملك: حلو القميص ده، جربه.

حمزة: لحظة واحدة، الأول أشوفه عليكي.

ملك بضحك: يا راجل.

حمزة: مانتي بيبقا شكلك حلو أوي بالقمصان بتوعي.

ملك بكسوف وضحك: انت قليل الأدب، على فكرة إحنا في المحل.

حمزة شدها من وسطها: عادي، مراتي، محدش ليه عندي حاجة.

ملك بخجل ضربته على صدره: بس يا حمزة بقا.

حمزة: بقولك إيه، ما تيجي جيم.

ملك: حمزة، كده تصرفات غير حضارية بالمرة، دلوقتي سيبني لو سمحت وروح جرب القميص، عايزة أشوفه عليك.

حمزة: يا سلام، ندخل نجربه، منجربوش ليه.

حمزة مثل إنه هيسيبها وهي بصيت بعيد، اتفاجأت بيه وهو بيب'وسها جامد على خدها وجرى.

ملك: ماشي، ماشي.

حمزة: حياتي.

دخل البروفا وهي ضحكت وراحت تشوف القمصان.

...: مكمل.

ملك بصيت ليه بإستغراب: مين حضرتك؟

الشخص ده كان طارق.

طارق: ده أنا طارق، مش فاكراني؟ ده من كام شهر بس، كنا مخطوبين.

ملك بخوف وتوتر: خطيبي؟ إزاي؟ أنا متجوزة.

طارق قرب ليها: ما كنا بنحب بعض، وانتي متجوزة.

ملك بعدت بخوف ونادت: حمززززه.

طارق: حمزة، على فكرة بقا حمزة بيحب واحدة تانية.

ملك بعياط: انت كداب. (نادت) يا حمزززه.

طارق ابتسم ليها بسخرية وقرب ليها وهي بتبعد وبتعيط.

حمزة خرج: مش شوية بتقولي... إيه، أمشي دلوقتي، تعال، إيه ده، في إيه؟

راح وقف بينهم وزق طارق: انت إيه جابك هنا؟

طارق: ليه؟ المول مكتوب باسمك؟

ملك بعياط مسكت كتف حمزة: حمزة، يلا نمشي من هنا.

طارق ضحك: هي دي ملك بجد؟ إيه التمثيلية الجديدة بتاعتكم؟

ملك بعياط: حمزة، هو بيقول إيه؟

حمزة: متصدقهوش يا ملك، ده واحد خاي'ن وكد'اب.

طارق: لا، مش كد'اب، وعندي دليل.

ملك: دليل؟ دليل إيه؟

طارق طلع تليفونه وكان فيه صور ليهم، بس ملك مكنتش كده، كانت بشخصيتها القديمة.

حمزة مسك تليفونه وكس'ره في الأرض.

طارق بزعيق: انت بتعمل إيه؟

حمزة: صور مراتى، بتعمل عندك إيه يا ح'يوان؟

طارق ابتسم بسخرية: مراتك؟

ملك مسكت رأسها بوجع: حمزة، يلا نمشي، أنا تعبانة.

حمزة: تعالي معايا.

شدها ودخلو البروفا وغير القميص تاني وخرج وهو ماسك إيديها.

ركبو العربية.

ملك بدموع ووجع: حمزة، في وجع جامد في دماغي.

حمزة: هنروح المستشفى دلوقتي، استحملي شوية يا حبيبتي.

ملك بعياط: ملك، هو مين اللي شوفناه ده؟ أنا أول ما شوفته دماغي وجعتني وكأني شوفت نفسي بض'ربه، هو مين ده؟ شكله يخوف أوي، هو بجد كان خطيبي قبل كده؟ طب إزاي اتخطبت لواحد زيه؟ ااه، دماغي.

حمزة: أهدي يا حبيبتي عشان متتعبيش، أهدي.

ملك: انت ليه مش عايز تقولي؟

حمزة: عشان كان خطيبك بجد.

ملك بصيت ليه بدموع وسكتت.

حمزة: بس أنا وانتي حبينا بعض بجد، انتي مكنتيش بتحبيه.

ملك: وانت كنت بتحب قبلي مش كده؟

حمزة: لا، انتي حب حياتي الوحيد.

ملك عيطت وهي ماسكة راسها: أنا عايزة أفتكر كل حاجة بقا، أنا حاسة إني غريبة عن هنا، أنا تعبت.

حمزة مسك إيديها وهو بيسوق بسرعة: بس عايزك تهدى.

ملك وهي بتعيط داخت جامد واغمى عليها.

حمزة بصوت عالى: ملللللك

وصل المستشفى وشالها وطلع بيها المستشفى.

بعد فترة.

حمزه: طمني يا دكتور.

الدكتور: ضغط عصبي شديد الظاهر، حاولت تفتكر غصب عنها وده غلط، أنا محذر قبل كده.

حمزه: مكنش مقصود كل ده.

الدكتور: حصل خير، إحنا أديناها مهدئ وإن شاء الله هتفوق وهتبقى كويسة، أول ما تفوق تقدر تمشي. عن إذنك.

حمزه قعد جمبها ومسك إيديها: حبيبتي قومي، الله يخليكي.

ملك بتعب: آآآه دماغي، حمزه إنت فين؟

حمزه: أنا أهو، أنا أهو يا حبيبتي.

ملك: إيه حصل؟ راسي بتوجعني.

حمزه: معلش يا روحي، معلش.

ملك: حمزه إنت قريب كده ليه؟ ابعد، عيب، إحنا في مستشفى.

حمزه ابتسم لما لقاها احمرت: متخافيش، مش هنام.

ملك: حمزه على فكرة إنت قليل الأدب أوي.

حمزه ضحك: أوي كمان، ماشي، لما نروح بس هوريك قلة الأدب.

ملك بإحمرار: سافل.

بعد شوية وقت كان حمزه شايل ملك وخارجين من المستشفى.

ملك: إنت عارف إني بعرف أمشي مش كده؟

حمزه: بغير عليكي من الأرض يا حياتي.

ملك: أوفر أوي إنت على فكرة، إيه يعني مش همشي تاني.

حمزه: بنت، عيب تتكلمي مع جوزك كده.

ملك ضحكت وهو حطها في العربية ومشي.

وبعد فترة كانو في الأوضة.

ملك كانت بتسرح شعرها وسرحانة في المرايا وحمزه كان في الحمام.

ملك فجأة وهي بتبص على نفسها شافت نفسها وهي متعورة في وشها وابيض ومبسوطة ولابسة قفازات الملاكمه.

قامت وهي مخضوضة ودعكت عينيها جامد. شافت نفسها طبيعية.

اتنهدت وغمضت عينيها وهي بتتنفس بسرعة.

حاولت تهدى نفسها وتعمل شهيق وزفير.

ولما هديت حسيت بحمزه بيحضنها من ضهرها.

ملك بابتسامة: إنت بتعمل إيه؟

حمزه وهو دافن وشه في رقبتها: مبعملش.

ملك ضحكت: يا راجل، وإلي بيحصل ده إيه؟

حمزه: مش عارف، تعالي نستكشف.

شالهاملك: حمزه مش بتشبع أبداً.

حمزه: لأ، طول ما إنتي قدامي مش هشبع أبداً، تعالي بقا.

بعد فترة كبيرة.

ملك لبست قميص حمزه وخرجت البلكونة وبصت للسما.

وشديتها أكتر نجمة بتنور.

وسمعت نفسها بتقول: ماما كانت كمان تختار أكتر نجمة بتنور وتقولي إنها أنا، كانت بتحبني لدرجة إنها بتشبهني بنجمة.

ملك: ماما بس أنا مش فاكرة.

حمزه بنعاس: حبيبتي بتعملي إيه عندك؟

ملك: مش عارفة، تقريباً بدأت أفتكر.

حمزه: تفتكري إيه؟

ملك: مامتي والنجوم.

حمزه: أيوه، قولتيلي قبل كده إن مامتك كانت بتحبك.

ملك: بجد؟ وإيه كمان؟

حمزه: إنتي الكل بيحبك، مش مامتك بس، باباكِ وجدك وولاء وحتى أصحابك، الكل بيحبك وبتصاحبي بسرعة.

ملك: بجد يعني اجتماعية، بس أنا بخاف.

حمزه: زمان مكنتيش بتخافي من حد، أقولك على سر؟ أنا كمان كنت بخاف منك زمان.

ملك بضحك: بجد؟

حمزه حضنها: أيوه.

ملك: امممم، طب ودلوقتي؟

حمزه: أكتر حاجة بتخوفني إنك تصحي في يوم وملقتكيش معايا.

ملك حطت إيديها على وشه: أنا مستحيل أسيبك، إنت حبيبي.

حمزه: وإنتي حياتي.

شاله وكملو لحد الصبح.

صحى ملقهاش.

مسك تليفونه يحدد موقعها من الدبلة، لقاها في مستشفى.

اتصل بيها بس مش بترد.

بسرعة لبس ونزل.

الجد: رايح فين؟

حمزه: لملك وجايين، متقلقش.

ركب العربية وانطلق.

ملك كانت قاعدة قدام الدكتورة بفرحة: بجد يعني أنا هبقى أم؟

الدكتورة: ألف مبروك، دول شوية فيتامينات ومعادن تمشي عليهم وتجيلي كل أسبوع عشان نتابع سوا.

مشيت ملك وهي مبسوطة أوي وحاطة إيديها على بطنها.

ركبت العربية وهي مبتسمة واتحركت.

حمزه وهو ماشي: رايحة فين تاني يا ربي؟

ملك مشيت لحد ما وقف قدامها واحد.

نزلت بسرعة: أوه، أنا آسفة أوي، إنت كويس؟

الشخص ده كان مروان.

مروان: المرة دي، قبل ما أخد دنيا، هخلص منك.

ملك بخوف: تـ... تخلص مني ليه؟ أنا عملتلك إيه؟

مروان وهو بيقرب وفي إيديه مسدس موجه عليها: عملتيلي إيه؟ إنتو دمرتوني، أول حاجة اتدخلتي وضربتيني أنا ورجالتي، تاني مرة خليتي جوزك هو اللي يضربني.

ملك بدموع: ابعد عني، أنا مش فاكراك، ابعد عني.

مروان بضحك: آه، سمعت إنك فقدتي الذاكرة وجيت المرة دي مستعد.

(صفر) ظهر أكتر من عشر رجالة.

ملك: ليه كل ده؟ طب قولي إنت عاوز إيه وأنا هديهولك، عايز فلوس؟

مروان: كان زمان، دلوقتي عايز أنتقم لرحلة اللي مبقتش عارف أمشي عليها، أنا على آخر الزمن أمشي بعكاز بسببك.

ملك: هو أنا اللي عملت كده؟

مروان: أنا هدمرك.

ملك بعياط: لا، أبوس إيدك لا، أنا أنا حامل، أرجوك.

مروان: شكلي هستمتع أوي.

شاور لراجل من رجالاته يجيبله كرسي وقعد وشاورلهم عشان يبدأو انتقامه.

ملك بقيت بترجع لورا وهي بتعيط وواحد بيقرب وبيوصّلها بطريقة مقرفة.

رفع إيده عشان يضربها، غمضت عينيها بسرعة بس اتفاجأت لما شافت نفسها ماسكة إيديه جامد.

والراجل بيحاول يشد إيديه وهي ماسكاه.

جه يرفع إيديه التانية، مسكتها ملك وضربته بروسيه.

افتكرت نفسها وهي بتضرب رجالة قبل كده.

وافتكرت نفسها وهي بتضرب طارق.

وافتكرت وهي بتتدرب وهي في قمة انبساطها وهي مع كيس الملاكمة.

وبقيت بتفتكر كل حاجة وهي بتضربهم كلهم لحد ما وصلت لمروان وضربته بالرجل في بطنه، وقعته على ضهره بالكرسي.

مروان: ارحميني.

ملك بابتسامة: أنا فاكرة، أنا فاكرة، افتكرت كل حاجة، خلاص نهايتك على إيدي.

مروان بخوف: لا، لا، سيبيني أعيش، والله وأنا مش هتشوفي وشي تاني، بس سيبيني.

ملك اتصلت على البوليس وجم أخدوهم.

ملك: اتفضل، وابقى قول للرائد كرم، الأخ متوصي عليه من ملك السيناوي، وخد دول وسلمي على زمايلك.

الشويش: الله يسلمك يا هانم، الله يسلمك.

ملك ابتسمت وهما بيشيلو الرجالة وبيحطوهم في عربيات الإسعاف.

وفتحت باب العربية وقعدت فيها وهي بتبتسم بسخرية.

وصل حمزه مكانها وبص لقا عربيات إسعاف.

نزل جري وهو خايف وبينادي: ملك، ملك، ملك!

ملك: إيه؟ مالك بتنادي كده ليه؟

حمزه لف وشه لقاها قاعدة بثقة.

قرب ليها بسرعة وحضنها: حبيبتي، اتخضيت عليكي، صحيت وملقتكيش.

ملك: وعرفت مكاني إزاي يا حمزه؟ إنت بتراقبني ولا إيه؟

حمزه بتوتر: ها، لا، أنا فضلت أسوق لحد ما لقيتك.

ملك: لا والله.

حمزه: المهم، إنتي بتعملي إيه هنا؟ وإيه عربيات الإسعاف دي؟ هو فيه إيه؟

ملك زقته وقامت وقفت قدامه.

حمزه بإستغراب: مالك يا ملك؟

ملك: مالي. (ضحكت) بتسألني مالي؟

حمزه: إيه؟ مغيرك؟

ملك: العكس، أنا رجعت تاني، ملك رجعت.

شدته من ليقته وقربته ليها: إيه؟ نسيت مين ملك السيناوي؟

حمزه ابتسم: ملك؟ إنتي؟ إنتي؟

ملك: افتكرت كل حاجة.

حمزه حضنها جامد: بجد يا ملك؟ بجد؟

ملك: أيوه، بس.

حمزه بعد عنها: بس إيه؟

ملك: إنت مش بتحبني يا حمزه.

حمزه: يوووه، هنرجع تاني.

ملك: إنت حبيت ملك البريئة، مش أنا.

حمزه مسكها من كتفها جامد: ملك البريئة وملك دي، الاتنين ملك، الاتنين شخص واحد، وأنا بحبك مهما كنتي إيه، فاهمة؟

ملك: يعني بتحب ملك العنيفة؟

حمزه: بعشقها.

ملك بابتسامة: ومُلك البريئة؟

حمزه: بحبها برضه، الاتنين، إنتي وأنا معرفش أعيش من غيرك يا ملك.

ملك: أظن إني قوليتلك إني مش هسيبك أبداً.

حمزه: يعني مش هتسبيني؟

ملك: لا، يلا بينا نروح.

رجعوا البيت.

ملك دخلت البيت هدومها القديمة: أخيراً رجعت تاني.

حمزه: جبتلك تفاح.

ملك: آه، الفاكهة مفيدة أوي ليا الفترة دي.

حمزه ابتسم: عشان كده جبتهالك عشان ترجعي نشيطة زي الأول وأحسن.

ملك بتحاول تلمحله: لا خلاص، مش هتدرب تاني، فيه شخص لازم أهتم بيه كويس.

حمزه افتكرها بتتكلم عنه: مش محتاج والله، إنتي مهتمة بيا من غير ما تحسي أساساً.

ملك نفخت بضيق ووقفت قدامه: حمزه، مش إنت اللي لازم أهتم بيه.

حمزه بغيره: أمال مين بقى يا ست هانم؟ طارق مش كده؟

ملك بضيق: إنت غبي ولا بتستغبي؟

حمزه بغضب: يبقى هو طارق؟ أنا كان قلبي حاسس عشان كده كنتي.

ملك سكتته وطبعت شفايفها على شفايفه جامد وبعدت وهي متعصبة: أنا حامل يا أهبل!

حمزه بصدمة: إيه؟

ملك: أيوه حامل.

حمزه: حامل من مين؟

ملك (بضيق): من أمي.

حمزه ضحك على نفسه وشالها دخل بيها: بجد حامل؟

ملك: أيوه يا سيدي، كنت النهارده عند الدكتورة وقالتلي إني حامل في الشهر الأول.

حمزه: يعني أنا هبقى باباه؟

ملك: تقريباً كده.

حمزه حضنها جامد وباس راسها.

في الشهر السابع.

ملك بتضرب الدكتور: اعااااااااا! شيل البتاع ده من بطني!

الدكتور: يا مدام، إنتي في الشهر السابع لسه.

ملك ضربته تاني بالبوكس: والمصحف هقوم أقتلك.

الدكتور: على العمليات بسرعة.

حمزه كان بره رايح جاي: يا رب، يا رب.

الدكتور خرج بعد فترة ووشه متشلفط: مبروك يا أستاذ، المدام ولدت بنوتة زي القمر، بسم الله ما شاء الله، شبهك، هي هتروح الحضانه عشان مولودة بدري بس مش هتطول، ما شاء الله صحتها حلوة زي مامتها، ربنا يخليهالكم.

مشى وهو بيحط تلج على وشه.

حمزه ضحك ودخل لملك بعد ما نقلوها.

حمزه: حمد الله على السلامة يا حبيبتي قلبي.

ملك بابتسامة: الله يسلمك يا حبيبي، بقولك إيه؟ هو أنا عملت حاجة للدكتور؟ أصلي حلمت إني ضربته، هو كويس؟

حمزه بضحك: أيوه، لسه خارج بالتلج على وشه، ده إنتي شلفطيه.

ملك: ينهار، طب وبعدين؟ لازم أعوضه.

حمزه: متقلقيش، أنا هعوضه وهفتحله عيادة خاصة.

ملك: لو كده بقى يبقى أضربه كمان.

حمزه ضحك: إنتي عايزة تضربي أي حد؟

ملك: حمزه حبيبي.

حمزه: نعم يا حياتي؟

ملك: كلمة كمان وهقوم أضربك إنت كمان.

حمزه: ينهار على القمر، يا ناس، حتى وهي والده.

ملك: حمزه بطل.

حمزه: عشان بتتكسفي مش كده؟

ملك: بس ياض.

حمزه: طب بقولك إيه؟

ملك: إيه؟

حمزه: ما تجيبي قطة؟

ملك ضربته بكوعها في بطنه: سافل.

حمزه بوجع: حتى وإنتي والده عنيفة كده.

ملك: كأنك مش عارف.

حمزه: عارف من البداية، عشان من أول الحكاية كان جوازنا.

ملك بضحك: زواج عنيف.