تحميل رواية «تزوجت عمدة الصعيد» PDF

لاء بجد اتجوزت مين؟ عمده الصعيد. طب كنتوا تعزموني على فرحي يجدعان، لي المفاجأت دي؟

بقولك إيه ياغزل، إنتي اتجوزتي وخلصنا، اجري لمي حاجتك وبلاش قرف. أنا مصدقت خلصت من قرفك ومشاكلك.

غزل: جرا إيه يا مرات أبويا، ما تيجي تاخديني قلمين. وبعدين اتجوزيه إنتي، الجواز تم دون علمي ومن غير رضاي، يبقى باطل.

سعاد: حوشي البت وقراراتها، حوشي.

لاء يعين أمك، الجواز مش باطل، ده جواز على سُنة الله ورسوله.

غزل بغضب: سيرة أمي ما تجيبيها على لسانك، إنتي فاهمة.

دخل في الوقت ده أبوها وضربها بالقلم.

غزل وهي كاتمة دموعها: بعتني بكام؟

الأب بقسوة: ٣٠ مليون جنيه.

غزل: روح الله يسامحك إنت وهي يا بابا.

الأب ضربها تاني وقال: لمي خلجاتك وانزلي يله، العريس تحت الدوار مستنيكي وهو خلقه ضيق.

غزل دخلت ولمت كل حاجاتها وأخدت شنطتها، وقبل ما تنزل بصتلهم بصة صعبة أوي ونزلت.

بصلها الشاب اللي عمره 23 سنة وقال: إنتي مرات العمده؟

غزل: هو فين هولاكو دا؟

الشاب ضحك وقال: هولاكو دا لو سمعك مش هيحصل خير.

ركبها العمده وقالت: إنت مش من الصعيد، إياك صح؟

الشاب واسمه يونس: أيوا، أنا من مصر وعيسي بيه هو اللي جايبني ومشغلني معاه، رحمني من مرمطة الشوارع.

غزل: هو طيب يعني؟

يونس: هو عصبي، بس ما فيش أحن من قلبه. متعانديش معاه، لأن العند الحاجة الوحيدة اللي بتقدر تخرج أسوأ ما فيه. وقلبه طيب جدا، اتعرفي على قلبه قبل ما تتعرفي عليه. تعرفي هو بيحبك وع طول بيحكيلي عنك.

غزل: ياه يا جدع، العمر عدي وما خدنيش معاه، واللهي.

يونس بضحك: إنتي لسه في سنة تانية جامعة، إحنا هنعيشها دراما بقي.

غزل: على رأيك والله. طب هو عنده كام سنة؟

يونس: عنده 33 سنة.

غزل: أحيه، ده أكبر مني بكتير.

يونس: وصلنا يا هانم.

غزل: هانم إيه يا عم، اسمي غزل.

يونس: لاء، مقدرش أقولك كدا، عيسي بيه يركبني الشلاحات.

غزل بضحك: شلاحات إيه، الشلاحات دي؟

يونس: دي قصة تانية، الشلاحات دي عايزلها قعدة عرب ومواقف تموتك من الضحك والله.

غزل ضحكت وقالت: هبقى أعرف الشلاحات دي بنفسي.

غزل نزلت من العربية، ولقت رجالة العيلة كلها واقفة وحريم العيلة كمان.

غزل بصت عشان تدور على عيسي، هي حتى متعرفش شكله.

ولكن حصل فجأة ضرب نار وزغاريط وترحيب بغزل. وغزل...؟؟

نزلت غزل من العربية وحصل ضرب نار ترحيب بيها، لكن وقفهم صوت العمده وهو بيقول:

"بسسس"

بصت غزل للي واقف قدامها:

شاب طويل وجسمه رياضي، شعره طويل لحد رقبته، ولونه أسود زي العرب كده، عيونه رمادية حادة زي الصقر، ويمتلك لحية تزيده وسامة فوق وسامته، ولابس جلبية صعيدي لونها أسود والعِمّة، وكان شكله فوق الوصف.

غزل:

"يبوي علي جمال أمك"

عيسي:

"نورتي ياعروسة"

وشالها ودخل بيها السرايا، وبقوا يحيّوهم ويضربوا نار.

دخلوا الأوضة وعيسي حط غزل على السرير.

غزل بتوتر:

"انت بتعمل إيه؟"

عيسي:

"سلامة نظرك يامرتي"

غزل:

"أنا معرفكش"

عيسي:

"هتتعرفي عليا، إحنا هنقضي ليلة زي أي عريس وعروسة عادي"

وقرب من غزل و...

تاني يوم الصبح صحي عيسي على خبط على الباب ولبس وفتح.

عيسي بغضب:

"في إيه؟"

الخدامة:

"صباحية مباركة ياعريس، دا الفطار"

عيسي:

"طيب انزلي يله على تحت وشوفي شغلك"

أخد الفطار وبص لغزل اللي كانت نايمة زي الملاك.

عيسي:

"ياغزل، غزل قومي"

غزل:

"في إيه يامرات أبويا على الصبح؟"

عيسي:

"مرات أبوكي إيه بقي"

وضحك بصوت عالي.

غزل قامت واتخضت وقالت بدموع:

"أنت"

عيسي:

"أنا إيه يابنتي؟"

غزل:

"أنت.."

عيسي:

"شيء طبيعي بين الزوجين يعني، وبعدين أنا داخل الحمام، البسي هدومك في الدولاب"

عيسي دخل وأخد شاور ونسي هدومه بره.

عيسي لف فوطة على وسطه وخرج.

غزل بصدمة:

"أحيه إيه دا"

وحطت إيديها على عيونها.

عيسي:

"يخربيت الأوفر، الموضوع إني نسيت هدومي، إيه يعني، وبعدين أنا زي جوزك"

وضحك.

أخد هدومه ودخل تاني.

غزل:

"والله ما حد أوفر هنا غيرك"

عيسي بهزار علشان يخفف توترها قال:

"سمعتك وهجيبك وهوديكي الشلاحات"

غزل ضحكت وقالت:

"والشاطر اللي يركب التاني الشلاحات"

عيسي خرج وهو لابس هدومه وقال:

"انتي كمان عرفتي الشلاحات؟"

غزل بضحك:

"أيوا سمعتك سبقك بقي ياعمدة"

وضحكت.

عيسي:

"يبوي ضحكتك تجيب بوليس الآداب"

غزل اتكسفت وسكتت وقالت:

"احم، يعني أنا آسفة بس اندمجت معاك في الكلام، وبعدين بطل تكسفني كده"

عيسي:

"ياريت كل يوم تندمجوا، دا أحلى اندماج دا ولا إيه"

وغمزلها.

غزل اتكسفت وخرجت بره الأوضة تجري وهو فضل يضحك.

عيسي:

"البت الهبلة مفطرتش وجريت زي العبيطة على بره"

غزل بعد شوية دخلت تاني ولقيته قاعد بياكل.

غزل:

"طب اعزم، قول أي حاجة، دا أنا زي مراتك"

عيسي:

"انتي اللي طلعتي تجري زي الكتكوت المبلول، أنا مالي"

غزل:

"فاكرني زي البنات هعيط وأقولك خصومة ومحن وكدا، لأ ياكبير، أنت معاك هنا أخوك الصغير"

عيسي:

"أخوك؟"

غزل بكسوف:

"يله ناكل يله"

وقعدت تاكل بسرعة، وبعدين نزلت تحت تتعرف على البنات.

عيسي لبس جلبيته ونزل يتابع الشغل.

تحت عند العيلة، كانت قاعدة ٤ ستات و ٤ بنات كبار و ٢ صغيرين.

تعالوا نتعرف على عيلة عيسي السيوفي:

أبو عيسي اسمه رعد السيوفي، وده بقي متجوز بعد وفاة أم عيسي وسافر، شبه ابنه وعنده ٦٠ عام.

العم مراد السيوفي، رجل يمتلك من العمر ٥٨ سنة، ومتزوج من سهام الحديدي عمرها ٥٥ سنة، وعنده بنتين:

الأولى ودي بطلة اسمها حور مراد السيوفي، بنت جميلة ومحجبة، بشرتها بيضاء وعيونها لونها أخضر فاتح وشعرها عسلي طويل.

البنت الثانية ودي صغيرة اسمها جميلة، بنوتة صغيرة تمتلك شعر أصفر طويل وعيون زرقاء وبشرة بيضاء، وقلبوظة حبة كدا، وهي اسم على مسمى، وعندها ٨ سنين.

العم الثاني اسمه بلال السيوفي، رجل يمتلك من العمر ٥٨ سنة، توأم مراد السيوفي، متزوج من عزة الحديدي أخت سهام، عندهم ٣ بنات:

البنت الأولى شهد بلال السيوفي، دي بنت جميلة بشرتها بيضاء عيونها عسلي فاتح جسمها ممشوق شعرها بني فاتح ٢٣.

البنت الثانية اسمها شروق، بنت متوسطة الطول شعرها بني قصير عيونها عسلي فاتح جسمها ممشوق عمرها ٢٢ سنة.

البنت الثالثة ودي اسمها ملك، اسم على مسمى، بنت نفس عمر جميلة ٨ سنين، شعرها عسلي طويل أوي وعيونها أخضر، والناس بيفتكروا ملك وجميلة أخوات لأنهم فيهم شبه من بعض.

العم الثالث رزق السيوفي، رجل يمتلك عمر ال ٥٥ سنة، متزوج من نواره، بنت جميلة وبسيطة من الأرياف، عنده بنت جميلة اسمها قمر رزق السيوفي، شعرها أسود طويل وعيونها زرقاء جسمها ممشوق وبشرتها بيضاء.

الأول قاسم رزق السيوفي، التوأم الأكبر عمره ٢٦ سنة، شاب طويل بشره قمحيه وجسمه رياضي شعره أسود عيونه أخضر غامق.

الإبن الثاني سيف رزق السيوفي، شاب طويل وجسمه رياضي بشرته قمحيه شعره أسود عيونه عسلي فاتح.

العم الرابع سليم السيوفي، متزوج من رغده الأنصاري، عنده ولدين:

الأول واسمه عدنان سليم السيوفي، شاب طويل بشرته بيضاء شعره لونه بني فاتح عيونه خضراء ممزوجة من اللون العسلي، يمتلك عضلات تزيد وسامته وسامة عمره ٢٦ سنة.

الإبن الثاني جواد، شاب طويل وبشرته قمحوية شعره لونه أسود عيونه خضراء يمتلك من العمر ٢٦ سنة وبيكون توأم عدنان.

عند عيسى كان قاعد في مكتبه وبيفكر ازاي يخلي غزل متتوترش منه وتديله الثقة الكاملة.

لأن لما قرب منها كانت خايفة وحس إنها مجبرة تعدي اليوم، عشان كده مكملش معاها وسابها لحد ما يبقى عندها الثقة الكاملة فيه وتبقي مطمنة من قربه مش خايفة منه وتحبه زي ما هو بيحبها، وهو مش عاوز أبداً يجبرها عليه.

فجأة خبط الباب ودخل جواد وعدنان وقاسم وسيف.

عيسى: يا مرحب بالتؤام المفتري.

(وشاور على عدنان وجواد)

سيف: مفيش مرحب بالتؤام المشاغب.

عيسى: راحت عليك المرادي يا ابن رزق.

قاسم: ولاد رزق ياعيسى سابوا التؤام المرادي بمزاجهم.

عيسى: مش مهم، المهم إننا كسبنا الشغل والصفقة. الشغل بتاع العيال ده إحنا بنتسلى بيه.

عدنان: أنا مش عارف من غير لعبة توم وجيري اللي بينا دي هنعيش إزاي.

جواد: طول عمرنا بنحب نتعاون بس يبقى فيه منافسة، وبسبب ده الشغل بيكبر.

عيسى: كل حاجة بتكون في الوسط حلوة، مرة الفريق بتاعكم ومرة الفريق بتاعهم، بس الشاطر اللي يكسب.

سيف: المرة الجاية لينا.

قاسم: وكلمة سيف سيف على رقبته.

والكل قعد يضحك ويتناقشوا في الشغل.

أما عند البنات، فكانت غزل ميتة على نفسها من الضحك من مقالب شروق وشهد في الشباب ومساعدة قمر وحور ليهم والبنات الصغيره جميلة وملك.

شروق: تعالي بقى أحكيلك شخصيات البنات يا غزال.

غزل: يا بنتي للمرة المليون اسمي غزل.

شروق: غزل من غزال، كلهم نفس المعنى مش هتفرق.

غزل: كملي يا اللي هتشليني.

شروق: شايفه النسمة الهادية الكيوت دي.

غزل: حور مالها؟

شروق: اسم على مسمى، حور وهي حور دي بقى ياستي شخصيتها كوكي.

حور: مش للدرجة يعني، أنا بتكسف جداً بس.

شروق: بتخليني عايزة أعيط، بس مش عليها، على نفسي وجعفر اللي جوايا ده.

والبنات فطسوا على نفسهم من الضحك عليها.

شروق: عندك شهد دي شعنونه زي كده.

شهد: تسلمي يا كبيرة.

شروق: أخويا اللي مشاركني كل نصيباتي وكل الضرب بينا بناكلوا سوا.

شهد: وإنتي الصادقة، دول بيزغطونا ضرب أكننا بط بلدي.

شروق: البت الهبلة دي.

(وشاورت على قمر)

قمر: واخدينه منك يا ست العاقلة.

شروق: بتحترمني خالص وبتخاف مني.

قمر: بتتش.

شروق: أو ممكن أنا اللي بخاف منها، مش هتفرق كتير.

قعدوا يضحكوا عليها.

شروق: قمر أم دماغ جزمة دي مش فالحة غير في حاجتين، غير العند والاعتراض، بس بقى أي في الضرب إيديها تقيلة أوي.

قمر: وحشك الجولة بتاعتي يا شروق.

شهد: وإنتي الصادقة، بتاخديها جولة تستحق المشاهدة.

شروق: آه ياني يا غلبانة يا شوشو، الكل جاي عليا ومين حواليا.

جت جميلة وقالت: عبد الباسط حمودة هيشتغل بقى وتقولي ببص لنفسي فجأة لقيتني هطلت فجأة، تعبت من الفجأة.

وعلت ضحكتها.

الكل ضحك لأن شروق بتغني على طول كده.

ملك: الكاريزما ضاعت يا شوشو.

غزل: شكلك حوار يا شروق.

شروق: دا أنا غلبانة.

ملك: قصدك تعباااانة.

(😂😂😂)

الكل قعد يضحك على مشكسات البنات لبعض.

غزل أول مرة تحس إنها وسط عيلة، قد إيه يومها كان مرح ومليان ضحك، وأنهم مش بنات عم بالاسم، لأ دول أكتر من أخوات، وفكرت لو هي دلوقتي كانت لسه في بيت أبوها كان إيه اللي هيحصل في يومها.

غزل حمدت ربنا على العيلة اللطيفة دي والجوز الطيب اللي ربنا رزقها بيه وهو عيسى.

هي أيوه قضت معاه يوم واحد ولسه أول يوم جواز، بس هي لأ مش خايفة منه، يمكن قربه منها لأن دي أول مرة يحصل معاها كده، قررت إنها تدي العلاقة دي فرصة، وأكيد هتنجح لأنها متأكدة إنها هتحب عيسى.

رجع عيسى بالليل ولقى غزل قاعدة سرحانة.

عيسى: مساء الخير.

غزل: مساء النور والسرور يا عم عيسى.

عيسى: ماشي يا بكاشة، قاعدة سرحانة في إيه؟

غزل: الأول ناكل لأني كنت مستنياك.

عيسى فرح من جواه أوي إن غزل ابتدت تستقبله.

عيسى: ماشي يا ست غزال.

غزل بضحك: هو إنت وبنت عمك عليا؟

عيسى: مين البكاشة فيهم؟ شهد ولا شروق؟

غزل: شهد تيجي إيه جنب دماغ الهبلة دي.

عيسى بضحك: إنتي عرفتيها دي، عايزلها كتالوج، دماغ متكلفة.

غزل: دي مجنونة بس عسولة.

عيسى: طيب ياستي هاتي الأكل وتعالي بقى.

غزل راحت تجيب الأكل وطلعت وقعدوا ياكلوا.

غزل: إنت ليه حنين كده يا عيسى؟

عيسى وقف أكل وقال: إيه السؤال الغريب ده؟

غزل: يعني مزعقتش فيا ولا اتعصبت عليا وعاملتني زي ما أبطال الروايات بيعذبوا البطلة.

عيسى ضحك جامد وقال: روايات دي لحست دماغك، عن المرأة وأنا مش متجوزك عبيدة عندي، إنتي مراتي وهصونك وهحافظ عليكي عشان إنتي جوهرة يا غزال.

غزل اتكسفت جداً من كلامه وضحكت وقالت: إنت طيب أوي على فكرة وشكلي هحبك.

عيسى: طب إيه بقى اللي شاغل تفكيرك؟

غزل اتكلمت بتلقائية: ببساطة أنا كان يومي مختلف ومليان ضحك، وعرفت إن بنات عمك دول عسليات ومش مجرد بنات عم، لأ دول أخوات واعتبروني أختهم، ومش بس كده، دخلوني معاهم المطبخ وعملنا كوارث، ومرات عمامك شاركونا الجنون دا، وكنت أول مرة أضحك من قلبي.

وعيونها دمعت وقالت: أنا لقيت هنا الحنية والحب اللي افتقدهم في بيت أبويا يا عيسى.

عيسى بحزن ضمها ليه وهي عيطت جامد.

عيسى: أنا أبوكي وأخوكي وصاحبك قبل جوزك، اتفقنا.

غزل هدت ونامت في حضنه وهو فضل يمشي إيديه على راسها بحنان وناموا.

صحي عيسى على رنة تليفونه وكان الوقت متأخر.

عيسى: خير يا عدنان، في إيه؟

عدنان بصوت مخطوف: الحقني يا عيسى، المخازن بتولع.

عيسي بغضب: انتوا كنتوا فين يا بغل منك ليها؟

تكلم حارس من حراس المخزن وقال بخوف من عيسي:

كنا قاعدين والله يا عيسي بيه.

وبعدين لقينا دخان طالع من المخزن.

عيسي اتجنن من رد الحارس وقال:

جواد خد الاتنين دول على الشلاحات، أنا مبحبش الكذب.

وهو بيكذب.

الحارسين بصوا لبعض بخوف وفضلوا يترجوا عيسي بأن الشلاحات لأ.

عيسي بغضب: يونس، تئب وتعرف لي مين اللي ولع في المخازن.

عدنان وجواد، أقسم بالله العظيم لو بكرة موصلش مين اللي عمل كدة، لركبكم الشلاحات معاهم.

وبص لسيف وقاسم وقال: وانتوا؟

سيف وقاسم بصوله.

عيسي: لأ مش هتعملوا حاجة، بس ابقوا ظبطوهم لو موصلوش مين عمل كدة وركبوهم الشلاحات.

قال كدا بهزار وهو بيضحك.

سيف: يعجبني هزارك وقت الجد يا عمدة.

عيسي: بس يلا، أنت هتصاحبني.

عيسي طلع على الشركة وقعد بقلة حيلة.

البضاعة اللي اتحرقت دي تخص الصفقة الجديدة.

عيسي قعد يفكر مين ليه مصلحة في كدة، وجه في باله اسم شخص.

دخل عدنان وقال بغضب: اللي عمل كدة كامل الحديدي.

عيسي: كان لسه هيرد عليه، دخل يونس.

يونس: أنا رجعت كاميرات المراقبة، واللي عمل كدة عملها بفعل فاعل بمساعدة الحراس، وغير كدة كانوا مغطيين وشهم، بس قدرت أجيب رقم العربية، الموضوع إننا هنعمل تتبع مش أكتر ونجيب اللي عمل كدة.

عدنان: اللي عمل كدة كامل الحديدي.

عيسي سكت شوية وبعدين قام وقال: محدش يتدخل في الموضوع، أنا عارف أنا هتصرف إزاي.

الموضوع كله شوية صبر وضحك.

بمكر.

عيسي مشي وهو بيصفر ورايق أوي علشان اللي في باله اتنفذ.

بس صدقوني دا الهدوء اللي قبل العاصفة.

ركب عيسي عربيته بكل مكر وساق.

وهو سايق قطع عليه عربية سودا الطريق.

نزل منها شاب في عمر الـ 30، بشرته قمحاوية، عيونه زرقاء، شعره بني.

و بيكون كامل الحديدي.

وقف وسند على عربيته.

كامل اتكلم وقال: ممكن عيسي بيه يتكرم وينزل من عربيته؟

تكلم عيسي ببرود وهو بيولع سيجارة وبينفخ في الهوا:

والله يا كامل، اللي عايزني يجي لي، أنا قدامه أهو.

كامل راح ووقف قصاده وقال: إيه رأيك؟

عيسي: وضح.

كامل: في البضاعة اللي راحت.

عيسي ضحك جامد وقال: أنا مش عارف من غيرك كنت هودي بضاعة منتهية الصلاحية دي فين.

وضحك جامد أوي.

كامل وقف بصدمة وقال: إيه؟

عيسي: علشان تكون راجل كسيب ورووح زي عيسي السيوفي، لازم تبقى ذكي، وأنت ولا راجل ولا ذكي.

كامل بغضب مسك عيسي من لايقة جلبيته.

عيسي وهو حاطط السيجارة في بقه مسك إيد كامل ونزلها ونفض جلبيته ورزع كامل رصيه وقعته الأرض.

عيسي نفخ في الهوا الدخان وقال:

زي ما بعت رجالتك تولع في المخزن، ابعتهم يعرفوا إزاي إن دي مش نفس البضاعة بتاعت الصفقة، وأه ألف سلامة عليك الصفقة تمت، جود لاك وحظ أوفر يا كوكو.

وضحك وركب عربيته ومشي.

طبعاً كلنا مش فاهمين حاجة، بس تعالوا نرجع فلاش باك بسيط كدة.

عيسي كان رايح المكتب بالليل، بالصدفة شاف السكرتيرة لسه موجودة، واستغرب لما هي اتوترت وبدأت تتهته في الكلام.

وهي فهمته إنها لسه موجودة بتخلص شغل.

لكن عيسي مدخلش عليه الحوار وعرف إنها بتكذب، علشان كدا اتكلف بنفسه إنه يرقبها.

وعرف إن كامل هو اللي بعتها، وإنهم ناوين على كدا، وإن حراس بتوع المخزن بيساعدوهم علشان يبوظوا الصفقة، وإن السكرتيرة مدية كامل كل معلومات الصفقة.

وعيسي اتعامل بشكل طبيعي إن البضاعة هتروح المخزن علشان محدش يشك.

لكن معرفش أي حد إنها بضاعة منتهية الصلاحية، وأمر يونس إنه يتمم الصفقة في نفس الوقت اللي البضاعة البايظة هتتحرق فيه، وكمان قال ليونس إنه يتصرف ساعتها إنه ما يعرفش حاجة زي أي حد.

عيسي راح على المخزن اللي فيه رجالة كامل وبصلهم وقال:

إيه رأيكم في الشلاحات يا ولاد.

عدنان: اتشلحوا بما فيه الكفاية النهاردة.

عيسي: اديهم جولة كمان.

عدنان: زي ما لعبوا معايا، لعب.

وراح.

وكان الصبح طلع لقي غزل بتصلي.

عيسي: صباح النور يا غزال.

غزل: صباح الخير.

عيسي: كنت فين؟

غزل: دا موضوع كبير، عايز بس الحق أنام علشان كمان 4 ساعات كدا محضر مفاجأة.

غزل: إيه هي؟

عيسي: مفاجأة مفاجأة، مش قادر أتكلم.

بعدين غزل خلعت الإسدال وقالت:

طيب أعملك حاجة.

عيسي: لأ مش قادر، عايز أنام.

غزل طلعت جنبه على السرير، واتفاجأت لما ضمها ليه وناموا هما الاتنين سوا، وغزل كانت حاسة بالأمان.

بعد مرور 7 ساعات، كانت الدنيا مقلوبة على عيسي وغزل، واختفوا فين.

وجنان عيسي دا ومفاجأته مش هتخلص، دا غير إن قبل ما يختفي كانت كل شركات كامل الحديدي ملك عيسي السيوفي، والدنيا مقلوبة، وكامل خسر كل أملاكه.

صحت غزل لقت نفسها في مكان شبه جزيرة على البحر.

عيسي وهو بيشرب الشاي وبييبصلها:

أحلى صباح لأول يوم في الهاني مون يا غزال.

وضحك.

فين عيسي؟

كامل الحديدي اتقبض عليه والصحافة قلبت الدنيا.

الواد ابن آي ضرب عصفورين بحجر وخلع نفسه.

الواد ده دماغه عالية قوي والله.

عيسي في الهاني مول بتاعه بيقضي شهر العسل.

بصوا لبعض وقعدوا يضحكوا عليه، مجنون والله.

عند عيسي حبيب قلوبنا.

غزل قامت مخضوضة.

أنا فين؟

جزيرة.

انت مجنون والله، احنا جينا هنا ازاي؟

بالطيارة.

عيسي.

قلبي.

بجد، احنا بنعمل إيه هنا؟

بنقضي شهر عسل في جزيرة روح الغزال.

جزيرة روح الغزال؟

عيسي أخد غزل عند البلكونة وقال: الجزيرة دي بتاعتك وباسمك، ودي رمز الحب بتاعنا.

غزل اتكسفت وقالت: أنا مش عارفة أعمل إيه في الموقف ده ولا أقولك إيه بصراحة، بس أنا...

متعمليش، سيبي نفسك وبس.

غزل بصتله وهو شدها لحضنه وسبهم يغرقوا في عالمهم.

ظهرت كده، غزل حبت عيسي.

عدى أسبوع وكانت شروق قاعدة بملل، جت قمر تقعد جنبها.

في ضفدعة ساحبة الأكسجين.

مش قال لك اسكتي.

حور جت وهي بتعيط.

في إيه؟

جواد زعق لي عشان لبسي ضيق.

أنا مش فاهمة، انتوا كنتوا بتحبوا بعض ومرتبطين وبعدين سبتوا بعض، اللي أعرفه إن دع الخلق للخالق، وهو ماله بيكي؟ انتوا عيال مجنونة والله.

أصله طالب إيدي من باب.

شروق وقمر بصوا لبعض ولقوا شهد داخلة عليهم وهي بتقول: سيف طلب إيدي من باب.

قمررر.

أحلى عوانس عاملين كوارث في السرايا كلها والله.

يارب الجبل ده يحس ويتلحلح، بق يناس.

جواد وسيف أخدوا خطوة، عقبالك يا يونس، أما تفتح مخك ده شوية.

اللهم عدنان وعيونه.

بت، واقعة والله.

خمسة في عيونكم المدورة دي.

أما في بيت غزل، أبوها.

مالك يا راجل، في إيه؟

مش قادر.

نفسي بيضيق.

يالهوي، طب أنت حاطط فين الفلوس بتاعت جوازة المنيلة دي؟

عايزاهم لي؟

علشان أوديك المستشفى.

في المخزن بتاعي.

سعاد أخدت شنطة هدومها من جنب السرير ولبست، وأخدت مفاتيح المخزن وسابت محمد أبو غزل مرمي على الأرض وهو مفكرها هتساعده.

فضل كده ساعتين لحد ما لمحه صدفة أحد الجيران.

عند عيسي وغزل.

غزل وهي بتجري وبتفرح، ولأول مرة تحس إنها كائن حر بيطير.

غزل فضلت تجري وتضحك وعيسي بيتمشي ويتفرج عليها وبيضحك بس.

غزل جريت حضنت عيسي وقالت: أنا فرحانة أوي بجد، أنا فرحانة أوي والله، بحبك أوي على فكرة.

عيسي اتجمد لما سمع منها كده وابتسم وقال: وأنا بحبك والله العظيم، وشالها ولف بيها وكانوا طايرين من الفرح.

عدى شهر، وفي خلال الشهر ده عيسي وغزل اتقربوا من بعض أوي أوي، وبقت غزل بتعشق عيسي ومتقدرش تعيش من غيره.

كان في يوم قاعد عيسي وغزل على البحر.

صحيح، مقولتليش إيه هي الشلاحات دي؟

الشلاحات دي قصة طويلة.

إيه هي يا عم عيسي؟

لعبة متاهة، أصل عيسي السيوفي في جانب شرير بيحب يلعب بالأعصاب شوية، ويسلم لو حد عدوي.

إزاي يعني، مش فاهمة.

أنا عامل أوضة كلها مربعات من إزاز، اللي يفتكر يزعلني، بس بقول لـ روكي، بسك عليه، وروكي بصراحة كلب رجولة وفي من صغره.

بسك على مين؟

اللي بيزعلني، بالمختصر، حاجة كده زي اللانهائية، الإزاز مبيخلصش وروكي مبيتعبش، بس بيلعب مع اللي بيحاول يزعل عيسي السيوفي وبياخده أحلى جولة، علشان كده مسميها الشلاحات، أي حد يزعلني أركبه الشلاحات مع روكي.

وقعدوا يضحكوا وقاموا يجهزوا الشنط سوا، وأخيراً رجعوا أرض الوطن وبلدهم الصعيد.

دخلوا الأقصر وغزل اتفاجأت لما شافت باباها و...

بابا هو بابا بيعمل إيه هنا؟ وعلى كرسي متحرك ليه؟

الكل جري على عيسى وغزل سلموا عليهم.

أتكلم رزق، عم عيسى:

غزل يابنتي أنا عايزك تسمعي الكلام كويس، وإن ده قدر يابنتي.

غزل: في إيه ياعمو؟

رزق: أبوكي حصل معاه شلل نصفي ومش هيقدر يتحرك.

غزل بدموع: وده حصله إزاي؟

رزق: نتيجة أزمة قلبية متواصلة لمدة ساعتين، وغير لما وقع، وقع على عموده الفقري جامد، وده تسبب إنه مايقدرش يمشي تاني. لو كان حد لحقه قبليها ماكنش ده حصل.

أتكلم بلال، عم عيسى:

غزل ياحبيبتي ده قضاء وقدر، بطلي عياط.

مراد: سهام خدي غزل إنتي والبنات وقعدوا بيها جوه شوية. وأنت يا عيسى تعالا عايزين نتكلم معاك ضروري بخصوص آخر مرة.

عيسى بص لغزل وقال: نأجل كل حاجة بعدين. غزل تعالي معايا لو سمحتي. يا مرات عمي سيبى إيديها.

سهام: ماشي ياعيسى.

عيسى أخد غزل، لأنها كانت منه"رة من العياط، مش قادرة تشوف أبوها كده، ولا قادرة تسامحه في نفس الوقت حاسة بالذنب إنها ماكنتش معاه.

عيسى طلع بيها أوضتهم.

عيسى: خلاص ياغزل بقي، بطلي عياط.

غزل وهي ماسكة في عيسى جامد: أنا مش قادرة أسامحه يا عيسى، والله.

عيسى: خلاص انسي ياغزل كل حاجة كانت من الماضي.

غزل: عيسى، أوعدني إنك مش هتسبني.

عيسى: محدش يقدر يعيش من غير روحه، وأنتِ روحي يا غزال.

غزل اطمنت، وكالعادة نامت في حضن عيسى.

عيسى بص لها وبص لملامحها الهادية، شعرها البني الطويل الكثيف، ملامحها الهادية، بشرتها البيضاء.

عيسى: إنتي مش مراتي يا غزل وبس، لأ، انتي بنتي وصحبتي. بلاش أختي دي علشان مش بحبها.

غزل فتحت عيونها بنوم وضحكت وقالت: فاكر لما قولتلي أنا زي جوزك؟

عيسى ضحك وقال: كنت بجَر شَكَل مش أكتر.

غزل وهي بتغمض عيونها وبصوت كله نعاس: بس إنت مجنون وأنا بحبك.

عيسى ضحك وحضنها وناموا من تعب السفر.

تاني يوم صحيت غزل، وما لقتش عيسى، ولقيت ورقة جنبها.

غزل فتحت الورقة… واتصدمت لما…

غزل فتحت الورقة واتصدمت لما قرأت خط عيسى اللي ما يتِقراش ده.

غزل: لو عيل في كيجي هيكتب أحسن من كدا.

ضحكت.

"صباح الفل يا غزال، أنا صحيت قبلك وما حبتش..".

"أصحيكي عشان كنتي تعبانة من السفر".

"أنا سيبلك الميني كارد".

"خدي البنات وانزلوا هاتوا هدوم".

"آخركم الساعة ٦".

"أحلى عيون تقرأ رسالتي".

غزل ضحكت وقالت: "ما فشلتش مرة تضحكني، وبتصلح حاجات مش أنت اللي مبوظها. أنا ربنا عوضني بأحسن راجل في الدنيا دي كلها، بحبك أوي والله يا عيسى".

لقت تلفونها بيرن باسمه.

فتحت الخط واتكلم عيسى وقال: "وعلى فكرة أنا كمان بحبك".

غزل ضحكت وسيبناهم.

نروح المطبخ عند الستات.

سهام مرات مراد كانت بتتخانق مع عزة مرات بلال، ورغدة مرات رزق، ونوارة مرات سليم واقفين بنهمس.

سهام: الكيكة هتتعمل فانيليا يا عزة، ها؟

عزة: طب أي رأيك تتعمل شوكولاتة يا سهام؟ يسلام!

سهام: عزة!

عزة: سهام!

رغدة ونوارة: سههااااام! عزههههه!

عزة وسهام: رغدههه! نواااره!

بصوا لبعض وعلى شكلهم اللي متبهدل بالدقيق، وضحكوا.

في الشركة عند عيسى على طاولة الاجتماع.

اتكلم عم عيسى وبيكون مراد وكان مترئس الطاولة وقال بضحك: "بس عيسى علم على كامل قبل ما يمشي بشهر".

اتكلم رزق وقال: "الولد خسر كل حاجة من شركات وأملاك".

بلال: "مش سهل أنت يا عيسى أبداً".

سليم: "جدع يا ضنا، طالع نمس لعمك".

عيسى ضحك وقال: "أنا قولته الشغلانة دي عايزة راجل روحي وذكي زي بس هو ولا كان راجل ولا كان حتى ذكي يستحمل".

الكل فضل يضحك ويتابعوا الشغل بتاعهم.

أما شروق وشهد وقمر وحور وغزل والبنات الصغيرين ملك وجميلة كانوا ماشيين في المول وبيهزروا ويضحكوا مع بعض.

واشتروا الحاجة وأول ما خرجوا هجم عليهم رجال وخدروهم وأخدوهم.

بعد مرور 3 ساعات الأمهات كانت قلقانة جداً على البنات وأنهم اتأخروا.

عيسى جه على البيت جري هو والشباب.

عيسى بغضب: "يعني إيه بقالهم 3 ساعات مختفين؟ وما حدش اتصل بيا ليه؟"

لقى اتصال من رقم غريب ورد و...

في مخزن فتحت شروق عيونها وبصت حواليها.

شروق بتعب: "بت يا شهد، يا شهد اصحي يا قمر يا غزل يا حور".

بصت لحور اللي كانت بتتوجع وغزل.

شروق جريت عليهم وقالت: "إحنا فيين؟"

قمر: "سلامة النظر يا شروق، إحنا مخطوفين....."

غزل بصت للي فتح الباب وقالت بصدمة: "كامل......"

عيسى بغضب وهو سايق عربية وحاطط الإير بود وبيكلم يونس: "عيسى يونس تربة كامل الحديدي على حسابي، اشتري له واحدة، إكرام الميت دفنه".

يونس: "اهدأ يا عيسى بس ما تتهورش، عدنان اتواصل مع الظابط يوسف الإباصيري وهو هيتصرف".

عيسى بغضب جنوني: "بس يا يونس أنت مش فاهم حاجة".

ورمي التلفون من العربية وكان مضايق من فكرة إن حد يلمس مراته وبنات اعمامه، إزاي يتجرأ كامل ويأذي حاجة من حاجات عيسى؟ هو كدا الجاني على نفسه.

عيسى: "والله لبيتكم النهارده في ترابكم يا كلاب".

كامل سمع من بره صوت فرملة عربية وضحك جامد وقال: "أنا كدا كدا مش باقي على حاجة".

وبص لغزل بخبث و........

ياترى عيسى هيعمل إيه؟

عدنان وهو سايق قال بغضب: يعني إيه موقعه اختفى؟

يونس: آخر مرة كلمته قفل السكة في وشي وكان متعصب على الآخر.

عدنان: يوسف فاضل كتير على ما نوصل.

يوسف: لأ مش كتير قربنا، بس يارب عيسي ما يتهور ويعمل حاجة، هيضيع نفسه.

جواد: وصلنا، يلا.

عدنان: يونس، أنت فين؟

يونس: أنا داخل على المكان أهو، وورايا القوات كمان.

يوسف معاهم في القسم بيتابع برضه، ومعاهم عم رزق وبلال ومراد وسليم.

جواد: تمام أوي.

عيسي دخل وبدأ يضرب فيهم، والحراس مكانوش قادرين عليه، واتكتروا على عيسي والقوة تغلب.

الحراس أخدوا عيسي ورموه جوه عند كامل.

عيسي بغضب: يا حقير، فين البنات؟

كامل: البنات ولا مراتك؟

عيسي بغضب: أنت لو راجل تيجي تواجهني، مش تخطف حريمنا. وقبل كل ده، اتجرأت وتخطف حاجة تخص عيسي السيوفي، يابن الحديدي.

كامل بضحك: ملكية بملكية، أنت أخدت أملاكي وأنا هاخد منك أملاكك قصاد عينك. وجاب غزل.

عيسي: متخافيش يا غزل، أوعي تخافي، أنا معاكي. وقال بأعلى صوته: كلمني أنا يا… يا كلب، مالكش دعوة بيها.

كامل: مالك يا عيسي، حامي إيه؟ الماتش لسه في أوله.

عيسي: فكني يا كامل وسيب غزل، هي ملهاش دعوة. أنا قصادك أهو، اعمل فيا اللي أنت عايزه.

غزل بعياط: عيسي، أنا خايفة.

شهد: شروق، هما أخدوا غزل، أنا خايفة عليها.

شروق كانت ساكتة مش بتتكلم، وفجأة فكت نفسها.

شروق: مفيش وقت، إحنا لازم نهرب ونساعد غزل.

وجريت فكت ملك وجميلة وقمر وحور وشهد.

شروق: جالي خطة ولازم ننفذها علشان نخرج، تمام؟

حور: إيه هي طيب؟

شروق: الخطة إننا هنعمل صوت، وكل اتنين يدخلوا هنضربهم على دماغهم.

قمر: مهروسة في 100 فيلم ورواية.

شروق: بقولك إيه، عندك خطة تاني؟

الكل سكت واضطروا يسمعوا كلام شروق، وفعلاً نفذوا الكلام وقدروا يخرجوا.

جميلة: في صوت جاي من الأوضة، دا زي صوت أبيه عيسي.

شهد وشروق بصوا من فتحة الباب، لقوا غزل وعيسي، وكامل كمان وحراس.

قمر: لازم نبقى إيد واحدة.

وفجأة لقوا الشباب داخلين عليهم.

عدنان: انتوا كويسين؟

شروق: أيوا، بس شكل عيسي وغزل لأ، بص كده.

يوسف بص وقال: عدنان، كامل معاه أسلحة ورجالة كتير، لو هجمنا هتبقى فيه خطورة على حياة غزل والبنات.

يونس: أنا هاخد البنات وهوديهم على العربية.

شروق وشهد: لأ، إحنا هنساعد غزل وعيسي.

صمموا البنات إنهم يفضلوا، لكن مع إصرار الشباب خرجوا.

عدنان: اقعدوا هنا، متتحركوش.

سابهم ومشي.

البنات بصوا لبعض بخبث و……

لسه كامل هيقرب من غزل ويتجرأ.

عيسي مسكه من رقبته وقال: أملاك عيسي السيوفي.

وضربه بالبوكس في وشه، وقعه ونزف من مناخيره، ونزل فيه ضرب.

اقتحم في الوقت ده عدنان وجواد ويونس ويوسف المكان، وسمعوا صوت القوات الشرطة.

وجه سيف، رزق وبلال ومراد وسليم كمان معاهم.

في وسط الزحمة دي كلها راجل من الرجالة مسك عزل وحط السلاح على دماغها وقال: خرجوني من هنا وأنا هسيبها.

بس اللي حصل صدم الكل لما…

الراجل وقع على الأرض مغمي عليه.

شهد وشروق بصوا لبعض وضربوا كفهم بكف بعض.

وقمر وحور جابوا بقية الحراس متربطين تحت رجلين عيسى.

ملك وجميلة الصغيرين: تربيتك ياكبير.

عيسى حضن غزل وقال بفخر للبنات: تربيتي.

وبص ليونس وقال: معلش ياحضرة الظابط بس هنوديهم يلعبوا جولة في الشلاحات.

غزل بتعب: عيسى أنا.....

واغمي عليها.

بعد شوية كانوا في السرايا والكل متجمع حوالين غزل.

الدكتورة: من فضلكم اخرجوا علشان أعرف أفحصها.

الكل خرج وعيسى صمم إنه يفضل.

الدكتورة: ده شيء طبيعي إنها يغمى عليها بسبب المجهود.

الحامل المفروض ترتاح.

عيسى: طيب.

ألف مبروك....... إيه حامل؟

الدكتورة بضحك: أيوه يافندم ألف مبروك.

عيسى: قولي وحياة أمك.

الدكتورة: أفندم.

عيسى بهزار: طب أبوكي ما يمشيش.

الدكتورة بضحك: هعذرك عشان المفاجأة. عن إذنك.

خرجت الدكتورة وهي بتضحك.

والعيلة دخلت.

سهام: ياحبيبة قلبي هي مالها يا عيسى؟

عيسى بفرح: أنا هبقى أب يا بشرية.

"الكل": طيب الحمد لله...

وبصوا لعيسى بصدمة وقالوا: ده بجد؟

بدرغة: ألف مبروك يا وله يا عيسى. هبقى تيتا. زغرطي ياسهام، زغرطي يا عزة، سمعينا زغرودة يا بت يا نوارة.

البنات فضلت تضحك وتزغرط.

الكل بارك لعيسى في جو من الفرح ليهم.

شروق: أنا اللي هربيلك عيالك يا عيسى.

عيسى: متشكرين، أنا مش ناقص جنان. ربي عيالك، مالكيش دعوة بيهم.

شروق: خسارة خفة دمي السكر. وبصت لعدنان وقالت: يا رب الحجر ينطق.

قمر: يا رب بجد. وبصت ليونس.

لاء يا جماعة عدنان ويونس مفيش أهبل منهم.

دا عاد سيف وجواد وقاسم حاولوا يكتموا ضحكتهم على عدنان ويونس.

عيسى: طب يلا، يبخت من زار وخفف. البت نايمة ومش عايزين إزعاج. مش عايز العيال تطلع رغايه.

شهد وهي بتجري: وهيطلعوا مجانين لأبوهم.

عيسى: هجيبك بس مش دلوقتي علشان مش قادر.

الكل خرج وعيسى قعد جنب غزل وباسها من جبينها وباس إيديها وقال:

يامن عشقت هواكِ، فكيف يأتي هواكِ شيئاً بعد هوى عشقي لكِ؟

تاني يوم الصبح صحيت شروق وشهد وقمر وحور.

كل واحد يروح جامعته.

شروق: أول يوم مدرسة، أول يوم مدرسة. أجروا أجروا.

عدنان بضحك: هي مالها قلبت على كيدز أريال كده ليه؟

شهد: بكرة نتخرج ونبقى استرونج يا ناس.

سيف: استرونج؟

جواد: أنتي آخرك بيت الواد ده. وشاور على سيف.

شهد: فعلاً ده اللي هيحصل. وغنت وهي بتقول:

"عمال أغنيلك أغنيلك من حبي أديلك، متحن عليا".

"وعلى قلبي قلبي بيشكيلك".

قمر خرجت بره ولقت حد بيسحبها وكتم بقها.

قمر بصدمة: أنت؟

بصلها بغضب وقال: إيه الحفلة اللي عاملها في وشك دي؟

وطلع منديل وابتدي يمسحلها الروج والميكب.

قمر: اوعى يا يونس، أنت اتجننت؟

يونس: قسماً بالله يا قمر لو شفتك خارجة كده تاني، لأسخن عيسى عليكي يوديكي الشلاحات في جولة تستحق المشاهدة.

قمر بغيظ: أنت مستفز، مستفز أوي.

ومشت وهي بتدبدب في الأرض زي الأطفال.

يونس وقف وربع إيديه ورفع حاجبه وقال: ها، حريم متجيش غير بضرب الجزمة صحيح.

وجه في باله فكرة وقرر ينفذها.

عدى شهرين وغزل بطنها ابتدت تظهر.

عيسى: جوه بطنها في نونو.

غزل: طفل والله.

عيسى: تعرفي اللي يشوفني معاكي ميقولش إن ده عيسى عمدة الصعيد اللي بيقعد وسط رجاله بشنبات يحكم عليهم، بس أنا ببقى معاكي طفل وأنتي أمه.

غزل: خرابي على قلب أمه ده يا ناس.

عيسى: محضر مفاجأة هتصدم الكل.

غزل: مفاجآت عيسى السيوفي مش بتخلص إبداع.

عيسى: مفاجأة ولا أروع.

أما عدنان كان بيتكلم مع بنت هو مرتبط بيها.

عدنان: في إيه بس يا سها؟

سها: أنت فلاتي وبتغدر بالبنت اللي بتحبك صح، وفي الآخر هتسبني زي أي بنت كلمتها.

عدنان: مين قالك كده يا سها؟

سها: شروق.

عدنان بصدمة: شروق قالتلك كل الحسنات دي عني؟

سها: وقالت إنك أبو رجل مسلوقة.

عدنان: مسلوقة؟ لاء البت دي محتاجة تروح تخاطب بجد.

سها قفلت في وشه السكة.

عدنان: آه يا شروق.

راح لها الأوضة وخبط ودخل.

شروق وهي بتقرأ كتاب: خير يا طير.

عدنان: مش خايفة مني؟

شروق: هخاف منك ليه؟ بتاكل.

عدنان: ما أنا أبو رجل مسلوقة.

شروق بصتله بصدمة.

عدنان: وفلاتي وبتاع بنات وبغدر بأي بنت بكلمها.

شروق: إخييه، مين الوحش اللي قال كده؟

عدنان: أنتي.

شروق بصدمة: أنا؟

غزل صحيت الصبح لقت عيسي لسه نايم.

غزل فضلت تبص عليه وهو نايم وتضحك وابتدت تمشي إيديها على شعره.

عيسي فتح عيونه وقال:

- صباح الخير.

غزل:

- صباح النور يا صاحي متأخر إنهارده يعني.

عيسي:

- خدتلي إجازة.

غزل:

- أكيد أديت لنفسك إجازة.

عيسي:

- أعمل إيه طيب منا بتعب 😔.

غزل:

- يا غلبان بس عايزة أسألك سؤال بقى كده.

عيسي:

- أسأليني سؤال بقى كده.

غزل:

- إنت حبيتني إزاي؟

عيسي:

- مفيش يا ستي في مرة كنت ماشي في الصعيد شوفت حورية ركبة على الخيل بتاعها وتقريبا كده كانت أول مرة تركبها ومن ورا أبوها كمان.

غزل ضحكت وقالت:

- أيوة اليوم ده كلت علقة عمري ما أنساها.

عيسي ضحك وقال:

- وبعدين فقدت السيطرة على حصانها وجاء البطل وأنقذها وكان أنا البطل ده والحورية هي إنتِ ومن ساعتها وأنا مغرم بعيونك دي.

"أسرتني عيونك لو قابلوني واقول يسلام."

غزل بضحك:

- يسلام 😂.

عيسي قرب منها وهمس في ودنها وقال:

- وبعدين مقدرتش أبعد عنك وبقيت برقبك على طول.

غزل بصت في عيونه وانسابوا في عالمهم الخاص.

جه الليل والكل اتجمع.

قعد الرجالة كلهم: مراد وسليم ورزق وبلال وعيسي وقاسم وجواد وسيف وعدنان ويونس معاهم برضو.

يونس:

- أحم يعني والله منا عارف أقول إيه ولا أبدأ إزاي بس للأسف أنا حبيت.

رزق اتكلم وقال:

- مين اللي أمها داعية عليها دي.

يونس بضحك:

- بنتك يا عمي.

الكل كتم ضحكته.

رزق:

- عيسي خد الولد ده وركبه الشلاحات بنت مين يا ض اللي عاوز تتجوزها.

يونس:

- قمر.

وبص بطرف عيونه على شبكها وغمزلها.

رزق حط رجل على رجل وقال:

- اطلبها مني تاني علشان الطريقة اللي طلبت إيديها بيها معجبتنيش.

يونس:

- يسعدني ويشرفني يا عمي رزق إني أطلب إيد بنتك قمر.

رزق:

- اسمها الأنسه قمر عيد تاني.

الكل ضحك على رزق ويونس.

يونس:

- عمي رزق ………!!!!!!

رزق:

- ماشي يا بني وإحنا بنشتري راجل أنا موافق مش هلاقي حد يحافظ على قمر زيك.

يونس قام وضحك وحضن رزق.

اتكلم جواد وقال:

- عمي مراد.

مراد:

- نعم.

جواد:

- مالك بس يا عمي قافش عليّا ليه.

مراد:

- لا يا حبيبي أنا زي الفل.

جواد:

- طيب يا عمي أنا طالب إيد الأنسه حور على سنة الله ورسوله.

مراد:

- إجري يلا العب بعيد مستحيل أوافق.

بعد مرور خمس دقايق سليم ومراد قاموا وحضنوا بعض وقالوا:

- تمام أوي كده إحنا اتفقنا مبروك يا أبو نسب.

سليم:

- قوم يا ض احضن عمك قوم.

جواد قام وحضن مراد.

عيسي:

- طيب يا رجالة ألف مبروك عقبال الباقي.

قاسم:

- بصراحة يا بابا.

رزق:

- مالك يا قلب أبوك.

قاسم:

- أنا بحب بنت أوي من زمان وعايز أروح أخطبها اسمها نسمة.

بلال:

- حد من البلد إحنا نعرفه؟

قاسم:

- أيوة نسمة بنت الحج عمر المنشاوي.

الكل بارك لقاسم.

اتكلم سيف وقال:

- بالمرة بقى.

الكل بص له.

سيف:

- عمي بلال أنا طالب إيد بنتك شهد على سنة الله ورسوله.

بلال:

- أممم سبني أفكر سبع سنين كده.

سيف:

- نعم يا عمي.

رزق:

- خلاص يا بلال بقى ابني طالب إيد بنتك وبالمرة نخلي فرح البنات وخطبة قاسم مع بعض.

سليم:

- وإنت يا بني مش ليك نفس تتجوز.

عدنان:

- السنجلة جنتلها يمان.

عيسي كتم ضحكته على شروق اللي واقفة بقالها نص ساعة وتعبير وشها اللي عماله تتغير.

شروق:

- آه يا بن سلطح طلح إنت وربنا لوريك يا عدنان ماشي.

ودخلت جوا …….

تاني يوم الصبح والكل بيفطر.

شروق:

- أنا متقدملي عريس وعايز يجي يطلب إيدي يا بابا.

الكل بص لها وعدنان كان بيشرب الماية شرق.

عيسي وغزل بصوا لبعض وعيسي سحب غزل واختفوا.

عدنان:

- الآآآه يا روح بابا ….