رواية طوفان قلب الفصل التاسع 9 - بقلم سمية عامر

بصت ياسمين على معتز اللي كان بيعيط و صرخت عليه وهي منهارة: أيييييييه قول كلمة زيهم.. قولي انزلي و متخافيش.. قولي أنا أخوكي أمانك و حمايتك... قولي إنك ملمستنيش.. قولي أنتِ في كابوس.. قولي إنك مغتصبتش أختك الصغيرة. اتصدم عز من كلامها و ضرب باسم على رأسه بالمسدس خلاه يفقد الوعي و وجه المسدس ناحية معتز و صرخ: أنا مش هرحمك يا ابن ال***.

ضرب عز النار على معتز ولكن الطلقة خلته ينتفض و وقع من البلكونة هو و ياسمين من الدور الخامس. جري عز على ياسمين و هو مرعوب و غمض عينه لما لقى حمام سباحة صغير للأطفال تحت البيت من الجهة الخلفية. نزل بسرعة على تحت كانت ياسمين بتبص على معتز اللي واقع في حمام السباحة غرقان فيه و كل الميه حمرا وهي مصدومة و بتعيط. جري عز عليها حضنها بقوة. ياسمين بخوف وهي بتتمسك بيه أكتر: خليك معايا أرجوك.

شالها و مشي بيها بسرعة وهو بيضمها أكتر ليه. ركب العربية و بأقصى سرعة عنده وصل بيها للمستشفى. عز بحزن: أنتِ كويسة؟ عملك إيه؟ ركزت ياسمين في عين عز و فجأة عينيها اتملت بالدموع و عيطت و حطت إيديها على وشها: أنا مش فاكرة حاجة.. أرجوك خلينا نمشي من هنا مش عايزة أروح مستشفى. حضنها و باس راسها و راح على بيته. أول ما دخل البيت قفله من كل مكان. مسك عز إيديها و باسها وهو حزين: محصلش حاجة أنا معاكي و هفضل معاكي دايماً.

نزلت راسها في الأرض و مشيت بخطوات ثابتة للدور العلوي و قفلت الباب عليها و قعدت على السرير و ضمت رجليها و فضلت تعيط. اتصل عز على الخدامة اللي كانت بتنضف و قالها تشتري لبس و أكل و تيجي بسرعة. ... فاق باسم و كانت رأسه بتنزف مكنش فيه أي حد في الأوضة جري بسرعة يبص من البلكونة.. كان رجالة معتز اتصلوا على الإسعاف و وصلوا و شايلينه.

نزل باسم بسرعة لتحت و ركب مع عربية الإسعاف وهو غضبان من أخوه بس في الأول و الآخر ميقدرش يسيبه في الحالة دي. في بيت عز الدين. طلع عز عند الأوضة اللي فيها ياسمين و خبط بهدوء مكنش فيه جواب. فتح الباب كانت لسه بتعيط و خايفة و بترتجف. قرب عز منها قعد جنبها: اهدي أنتِ في أمان معايا.. مهما كان اللي حصل أنتِ لسه وردة الياسمين بتاعتي لسه أجمل واحدة في البنات كلهم.

رفعت ياسمين راسها و حضنته و عيطت أكتر مسك فيها أكتر و ضمها و غمض عينه. عز: يلا قومي غيري لبسك المبلول ده هتتبردي. ياسمين بخوف بعدت عنه: لا.. لا مش هغير. إيده على خدها و باس راسها: أنا عمري ما هأذيكي في واحدة هتيجي تساعدك و... صرخت ياسمين و عيطت أكتر: لا مش عايزة حد يساعدني أرجوك أنا هغير لوحدي. عز: طب خلاص اهدي.. اهدي مش مهم هي. قام عز فتح الدولاب طلع لبس من لبسه و حطه قدامها على السرير: أنا هستنى بره بس متطوليش.

خرج عز ووصلت الخدامة أول ما خبطت دخلها بهدوء من غير ما ياسمين تسمع و خد الأكل منها جهزه في أطباق و طلب منها تنضف البيت و ممنوع تطلع الدور العلوي أبداً مهما حصل. خد الأكل و اللبس و طلع فوق فتح الباب كانت ياسمين دخلت الحمام اللي في الأوضة قاعدة في البانيو بتعيط و قرفانة من نفسها. جهز عز الأكل على السرير و حط اللبس بتاعها في الدولاب و فضل قاعد مستني. فات ساعة و مفيش أي رد منها ولا حتى خرجت.

قام عز خبط على الباب: اخرجي يلا كفايه كده. مردتش عليه. عز: ياسمين هفتح الباب لو مطلعتيش. فتحت ياسمين الباب وهي لابسه لبسه قميص واسع جدا و بنطلون واسع كانت بترفعهم وهي واقفة و شعرها المبتل. ابتسم عز و مسك ايديها. سحبت ياسمين ايديها وهي خايفة. رفع عز إيده: تمام.. مفيش لمس يلا ناكل. خدها قعدها على السرير كان تفكيرها شارد و أعصابها تعبانة. عز: احم يلا ناكل ولا أكلك أنتِ.

ياسمين بتعب و صوت ضعيف: مش.. مش جعانة أرجوك.. عايزة أنام. عز: كلي نقطة بس زي الشاطرة وأنا هسيبك تنامي طيب. أكلها حاجات بسيطة و خرج برا للخدامة. عز بجدية و كل برود: لو العالم بينتهي أوعي تطلعي فوق أو تصحي الهانم أنا هطلع أطمن عليها و أنزلك تاني. سكتت الخدامة و دخلت أوضتها اللي في المطبخ. وصله تليفون من واحد من رجاله: عز بيه معتز باشا في المستشفى لسه عايش أنا مراقب كل حاجة زي ما قولتلي.

اتعصب عز و في رأسه ألف جريمة عايز يعملها في معتز. عز: الصبح أنا هاجي أقتله بإيدي. طلع عز فوق فتح الباب بهدوء كانت قاعدة على السرير بتعيط. قرب منها و حط إيده على ايديها: خليكي واثقة فيا. ياسمين بتعب و انكسار: توعدني إنك مش هتأذيني. عز: أوعدك. حضنته ياسمين بسرعة و اشتدت في البكاء. حضنها عز و نامت بين إيديه زي الطفلة. "و إن ظلموكَ ف أنا في الظلام حليفك.. و في النور رفيقك.. أنتِ لستِ بمفردك مازلت معك"

غمض عز عينه و جواه حقد كبير و رغبة في الانتقام لازم ينفذها.