تحميل رواية «طفلة امتلكت النمر» PDF

نمر بضحك: يابنتي مش هتبطلي الصورة بتاعته كل مرة دي.

حور بمرح: تؤ تؤ.

نمر بصلها بهيام واتصوروا كذا صورة مع بعض.

وكالعادة مسلمتش من حركات حور المجنونة.

نمر بضحك: يلا هتتأخري من أول يوم.

حور: يلا نركب العربية.

وراهم عربيات البودي جارد ووصلوا للمدرسة.

دلوقتي حور بقت في تالتة ثانوي، ولكن في نظر النمر طفلته.

هو مش بيحبها، هو بيعشقها من وهي 10 سنين.

وصلوا المدرسة ودخلت حور جنب نمر.

كانت قمة في الجمال، كانت كل الأنظار عليهم.

البنات بتبص لنمر بهيام، والولاد كل نظرهم متعلق بحور.

نمر كان غيران جداً على حور من نظرات الشباب ليها، ولو كان يطول يدخلها جواه كان هيعمل كده.

لقى ولد بيقرب منها وبيمد إيده عشان يسلم عليها.

وفضل مادد إيده: هاي أنا حسام وأنتي.

نمر بص له بنظرات نارية.

وحور بصت بتوتر لـ نمر.

حسام بوقاحة: إيه يا بنتي انتي مش بتتكلمي ولا إيه.

مد خد إيدها يسلم على إيده.

حور اتصدمت من بجاحته.

نمر اتجنن من حركته وفك إيده من إيد حور وسلم هو عليه، ولكن بطريقته.

فضل ضاغط على إيده وكان صوت عضمه بيطرقع تحت إيد نمر اللي بيبص له ببرود وقرب وقال جمب ودنه: دي حاجة بسيطة عشان اللي يفكر يقرب بس من ناحيتها ويستظرف يا ظريف.

ولولا إنك لسه عيل كنت دفنتك مكانك، وهعد لـ تلاتة لو لقيتك لسه في وشي اقرا على نفسك الفاتحة.

جرى حسام بذعر من نمر وبيصرخ من إيده اللي اتكسرت.

كمل نمر طريقه لمكتب المدير باللامبالاة وكأن محصلش حاجة.

وطبعاً عرف نفسه للمدير ووصى على حور كويس جداً.

وصل حور للكلاس.

مدخلتش حور الكلاس بكسوف من نظرات الطلاب عليها.

وكان في عيون بتبصلها بتوعد وهو حسام اللي كان في نفس الكلاس معاهم.

مكانش فيه مكان فاضي غير جمب بنت باين عليها الطيبة والبرائة.

نور: هاي اسمك إيه.

حور ببسمة جميلة: اسمي حور وأنتي.

نور بابتسامة: أنا نور.

حور: اتشرفت بيكي.

قعدت حور جمب نور.

وأول ما المدرس دخل كانت حور مركزة مع الدرس كويس وبتكتب وراه الملاحظات المهمة.

سأل المدرس سؤال من الحصة وكان من الأسئلة الصعبة.

قوم بنت كانت بتتكلم وقال: قومي يا نهى حلي السؤال ده.

نهى: ها نعم يا مستر.

المدرس: نعم الله عليكي، بقولك حلي السؤال ده.

نهى فضلت واقفة متنحة للسؤال ومش فاهمة.

المدرس: طبعاً مش هتعرفي تحليه، ما انتي لو مركزة ومش بتتكلمي مع سلمى كنتي عرفتي تحليه.

قوم ولد وبردو معرفش يحل.

وقوم بنت تانية وبردو معرفتش.

زعق المدرس: هو أنا بشرح لنفسي، أما كلوا معرفش يحل، امال جايين هنا ليه عشان نقابل صحابنا ونتكلم وبس.

حور رفعت إيدها: أنا هحلها يا مستر.

المدرس: اطلعي حليها على البورد.

طلعت حور وكتبت الناتج: الناتج هيبقى 3577.

محمد: جبتي الناتج إزاي لو تعرفي تشرحي.

حور بذكاء وثقة: لو عملنا 8 جذر 1 على الـ 5 في 1 هيطلع الناتج 3577.

محمد بانبهار: براڤو عليكي بجد، اسمك إيه.

حور بابتسامة: أنا اسمي حور.

وبعد ما الحصة خلصت نزلوا للبريك.

ونور كانت ماشية ورا حور زي ضلها.

حور: يا بنتي انتي ماشية كده ليه.

نور بطيبة: إحنا بقينا صحاب، والصحاب مش بيسيبوا بعض، فـ أنا معاكي.

ابتسمت حور على طيبة نور.

لقت شلة بنات جاية عليهم وكانت من ضمنهم نهى وسلمى.

نهى بحقد: قومي من هنا.

حور ببرود: بتقولي إيه مسمعتش.

نهى: مسمعتيش، اسمعي بقولك قومي من هنا.

حور ببرود اتعلمته من نمر: مم، قومي من هنا، ولو قولتلك مش هقوم.

سلمى: هنقومك بالعافية.

نور بخوف: خـ خلاص يا حور يلا نقوم.

حور مردتش على نور وقالتلهم: أحب أشوف.

نهى حاولت تضرب حور، ولكن حور بحركة سريعة كانت مسكت دراع نهى ولفته ورا ضهرها.

*فلاش باك*

من 7 سنين كان نمر ابتدا يعلم حور حركات قتالية ودفاع عن النفس لحد ما كبرت وعلمها إزاي تمسك السلاح وتضرب بوكس.

*باك*

نهى بألم: سيبى ايدي يا حيوانة.

حور: هعديهالك، أصل الواحد وهو بيتوجع مبيعرفش هو بيقول إيه.

زقت نهى وقعتها في الأرض وقعدت تكمل أكلها وكأن محصلش أي حاجة.

نهى بحقد: اصبري عليا، مبقاش أنا نهى العزيزي لو مربيتكيش.

حور بضحكة ساخرة: ربي نفسك الأول وابقي قولي لـ مامي يا شاطرة تاخد بالها من تربيتك بعد كده وتفهمك إن مش تيجي تتهجمي على أي حد وهو قاعد في حاله، ده شغل لوكل أوي ميلقش بيكي.

كمل بسخرية: يا نهى العزيزي.

مشيت نهى وهي هتنفجر من غيظها.

عند نور كانت منبهرة من قوة حور وشجاعتها.

نور: انتي إزاي كده.

حور بضحك: كده إزاي.

نور: قوية أوي ومش بتخافي وواثقة من نفسك، وفوق كل ده جميلة جداً.

ضحكت حور: تعرفي يا نور أنا كنت زيك كده من 7 سنين بالظبط.

نور: إيه ده يعني كان عندك 11 سنة.

حور: آه.

نور: طب وايه اللي حصل خلاكي كده.

حور: هحكيلك وهثق فيكي بما إنك صحبتي.

حكتلها حور قصة حياتها بالكامل.

نور: لالالالا أنا مش مصدقة، ده ولا المسلسلات التركي.

حور بضحك: على رأيك.

نور: طب ونمر.

حور بارتباك: مـ ماله.

نور: حبيتيه.

حور بتوتر: ها، أنا لا لا، ده نمر أخويا الكبير اللي رباني.

نور بذكاء: متكدبيش عليا يا حور، انتي بتحبيه.

حور: وعرفتي منين بقى.

نور: من عيونك اللي بتطلع قلوب وانتي بتتكلمي عنه، من لغة كلامك لما تجيبي سيرته، من ابتسامتك اللي وصلت لودنك لما تقولي اسمه، كل ده يأكدلي إنك بتعشقيه كمان مش بتحبيه بس.

حور بحزن: مش عارفة يا نور والله، هو حتى مش موضحلي هو بيحبني ولا لأ.

نور: إزاي يعني معاملته معاكي وحشة تقصدي.

حور بنفي: أبداً والله، ده بيجبلي الحاجة من قبل ما أطلبها، بيعرف أنا بفكر في إيه، معظم وقته معايا، مش محسسني إني وحيدة، وكل ما يسافر لأهله ياخدني معاه، وأهله بيحبوني كأني بنتهم، ولو حد قرب مني مش بعيد يقتله، وعلى طول بيساعدني، والوحيد فعلاً اللي بثق فيه، وهو كمان بيثق فيا جداً، وعلى طول بيقولي انتي مميزة بالنسبالي وإني غير أي حد عندي.

نور: امال إيه يا بنتي كل ده ومش مبينلك، ده ناقص يدخل البيت في مرة ومعاه المأذون.

حور بغباء: تفتكري، بس لا لا يا ستي أكيد لا، هو مش هيحب عيلة يعني.

نور وجتلها أعراض الجلطة: يابنتي الله يرضى عليكي متشلنيش، انتي بتقولي بيتمنالك الرضا، ترضي وبيثق فيكي، وأهله بيحبوكي، وبيقول إنك مميزة وغير أي حد، عايزة إيه أكتر من كده.

حور: بس مش كفاية يامنة، الكلمتين دول مش كفاية، أنا كده هبقى عامل زي اللي نجا من حفرة بصعوبة، ويوم ما يجي يمسك في حبل عشان يطلعه من الزنقة دي، يطلع الحبل أصلاً مقطوع.

نور بقناعة: على رأيك.

فكرت في فكرة: طب ما تتأكدي بنفسك.

حور: إزاي يعني.

نور: بصراحة يا حور انتوا مش في رواية بقى، ولازم الأحداث بين البطل والبطله تطول عشان الفصول تكتر وتلاقي مشاهدين، هو هيكبر وانتي هتكبري وهيبقى مفيش حد اعترف بمشاعره للتاني، واجهيه على طول وهو أكيد هيعترفلك، ساعتها يمكن يكون كان متردد يقولك بمشاعره عشان متحرجيهوش، هو أكيد بالنسباله شايف إن فرق السن بينكوا كبير، بس بالعكس دول 15 سنة ومش هتوقفوا حياتكوا كلها عشان فرق السن، يعني أنا بابا وماما الفرق بينهم 16 سنة وعادي.

اقتنعت حور بكلام نور وكملت يومها الدراسي.

وفي آخر اليوم جيه نمر.

خرجتله حور ومعاها نور.

حور بابتسامة ساحرة: دي نور يا نمر صحبتي، اتعرفت عليها انهارده.

نمر بابتسامة: أهلًا وسهلًا.

نمر: يلا ونوصل صحبتك في طريقنا.

نور: لا شكراً، أنا بابا هيجي ياخدني.

ودعت حور نور وخدت رقمها وركبت العربية.

وهما في الطريق كانت حور بتفرك في إيدها بتوتر ومش عارفة تبدأ منين.

نمر ولأنه فاهم كل حركاتها: قولي يا حور، عايزة تقولي إيه.

حور اتكلمت مرة واحدة: بصراحة يا نمر، أنا بـ بحبك.

فرمل نمر العربية مرة واحدة وخبطت حور بضهرها في الكرسي بتاع العربية.

نمر من جواه هيطير من الفرحة ونفسه يصرخ بحبه ليها، لكن للأسف مينفعش.

نمر ببرود عكس اللي جواه: انتي بتقولي إيه يا حور.

حور ابتسمت بخجل: أيوا بحبك، بحبك من زمان يا نمر.

نمر كان سيبكي من شدة الفرحة واخفى هذا بصعوبة: مينفعش يا حور، مينفعش.

حور بصدمة: يعني إيه مينفعش.

نمر ببرود ظاهري: حور انتي زي اختي، انتي زي أسيل يا حور، أنا ربيتك على إنك بنتي وصحبتي واختي، لكن أكتر من كده مفيش، وأنا أصلاً اللي كنت عايز أفتحك في موضوع إني هخطب.

حور بصدمة ودموع متحجرة بعيونها: انت بتقول إيه، إزاي يعني إيه يا نمر هتخطب.

نمر ببرود مضطر يقول كده، هي لسه صغيرة وفاكر إن ده سن مراهقة وإنها بتقول كده لمجرد اهتمامه بيها، وكمان عشان مصلحتها، خايف يفرح دلوقتي وهي لسه صغيرة وتلاقي حد في نظرها أحسن منه وتحبه، لأن بالنسباله في السن ده البنات بتاخد بالاهتمام.

نمر بدموع مخفية: بسمة رجعت من السفر بقالها فترة وهي بتحبني من زمان وأنا بحبها، وهنتخطب.

وقفلي الكلام لحد كده يا حور، أنا هعتبر كل اللي قولتيه ده متقالش، سمعاني.

حور بدموع: بس.

نمر بزعيق خلاها تتنفض: حوووور، اللي قولته يتنفذ.

وبعد وقت وصلوا للقصر.

نزلت حور بدون أي كلمة ودخلت للقصر وطلعت لأوضتها على طول.

نمر وهو لسه في العربية اتكلم بحزن ودمعة نزلت من عينه:

"وأنا بعشقك ياحور ولكن ده اللي لازم يحصل. انتي لسه صغيرة وتستاهلي حد أحسن مني. أنا بواجه قدام أي حاجة إلا قدامك مش هقدر أواجهك ياحور. كان لازم ده يحصل. آه هاجي على نفسي بس انتي فترة وهتنسي وهتعيشي حياتك."

عند حور.

طلعت أوضتها قفلتها بالمفتاح وانهارت من البكاء:

"أنا عارفة إنه مش بيحبني وعمره ما هيحبني عمره."

اتصلت على نور.

ردت نور:

"ألو."

حور:

"ألو."

نور:

"مالك ياحور صوتك عامل كده ليه؟ أنا لسه سايباكي كويسة."

حور بنهيار:

"مبيحبنيش يانور مبيحبنيش وهيخطب يانور هيخطب وكمان هيخطب بسمة. هو قصده يكسرني ويذلني."

نور بصدمة:

"ا اهدى بس ياحور أكيد انتي فاهمة غلط."

حور:

"بقولك هو اللي قالي. قولتلوا إني بحبه وهو قالي إنه بيحب بسمة وإني عالة بالنسباله وزعقلي يانور زعقلي."

عند نمر تحت.

اتصل بـ زين وحكاله اللي حصل.

زين:

"عشان حيوان."

نمر:

"ما تحترم نفسك يالا."

زين:

"أيوا يانمر لما تضيع حب عمرك كله عشان إحساس تبقى حيوان. لما تبقى الكلمة اللي مستنيها تقولهالك من زمان يوم ما تقولها بالشكل ده تبقى حيوان."

نمر بدموع زي الأطفال:

"أنا بحبها أوي يازين أوي والله بس أنا عملت كده عشانها والله مش عشاني."

زين:

"وهتعمل إيه؟"

نمر:

"هعمل اللي قولته يانمر ومش هرجع في كلامي."

زين:

"انت بتقول إيه؟"

نمر:

"اللي سمعته. بابا وماما وأسيل وعز وعمي هنا في القاهرة. هروح أطلب بسمة منه."

قفل نمر مع زين واتصل بعمه وقاله إنه عايز يخطب بسمة.

وكانت الفرحة مش سايعاه وبسمة مكانتش مصدقة.

راح نمر لـ قصر كريم والده وطلب إيد بسمة تحت صدمة الجميع.

بعد ما قاموا قال كريم بحزم:

"عايزك في مكتبي يانمر."

قام نمر وراح ورا باباه.

كريم:

"إيه اللي بتعمله ده؟ ما كلنا عارفين إنك بتحب حور. ليه بتعمل كده؟"

نمر باللامبالاة مصطنعة:

"ومين قالك إني بحبها؟ حور أختي وأنا اللي مربيها وبس. لكن بسمة شوفتها من ناحية تانية وقررت أخطبها."

كريم بحزن على ابنه:

"ماشي يانمر. أنا هسيب الأيام هي اللي تعذبك."

عند حور.

مسحت دموعها بقوة:

"مش أنا اللي أبين ضعفي لحد. حتى لو الحد ده هو مالك قلبي وعشقي الأول والأخير. أنا هبان قدامه قوية وهتقبل الوضع ده."

بعد أسبوع كان فاضل يومين على الخطوبة.

كانت حور لابسة ونازلة.

نمر:

"رايحة فين؟"

حور بابتسامة وراها الكثير من الحزن:

"نازلة أقابل نور عشان أشتري الفستان عشان خطوبتك."

كملت بمرح:

"مش أنا أخت العريس لازم أبقى قمر."

نمر في نفسه:

"إنتي قمر من غير حاجة ياحور."

نمر:

"تمام."

خرجت حور وأول ما خرجت اختفت ابتسامتها وراحت المول.

قابلت نور اللي أول ما شافتها حضنتها وانفجرت في العياط.

نور:

"اهدّي ياحور لازم تبقي قوية ومتبينيش ضعفك. حور اللي أعرفها مش كده أبداً."

حور:

"مش قادرة يانور مش قادرة. حب عمري بيضيع من إيديا."

نور:

"صدقيني مش هيضيع والله. بس لازم تبقي قوية. وأول حاجة نعملها إننا نجنن. نمرح."

حور:

"إزاي؟"

نور:

"بصي ياستي أول حاجة الفستان لازم يبقى حاجة خرافة من الآخر ملهاش حل."

فعلاً راحوا محل فساتين مشهور جداً.

شافت فستان عند الركبة بالظبط باللون الأحمر كت عريض وكان فيه لمعة وهيلز كعب طويل رفيع سيلفر وتاج بسيط سيلفر وسلسلة فضة مكتوب عليها حور وفيها فصوص شبه الألماس.

نور:

"مية في المية نمر هيتجنن. ده أنا بنت وكرشت عليكي لما قستيه. يخربيت حلاوتك. نمر لو شافك كده قدام الناس هيولع فيا وفيكي."

وأخدت نور فستان هي كمان لأنها هتروح الخطوبة مع حور. كان فستان أزرق عند الركبة وهيلز سيلفر.

جيه يوم الخطوبة وكانت حور شعورها متلخبط ما بين مكسورة وحزينة جداً وما بين متحمسة لردة فعل نمر وبسمة لما تشوف شكلها.

جتلها نور وطلعوا على فوق ولبست حور.

وكانت آية من الجمال. حورية من الجنة بمعنى أصح. كان جمالها فوق الوصف لا يستطيع أحد تحمله.

فهي لمت جزء بسيط جداً من شعرها. الخصلتين اللي في الأمام وحطت التاج ولمسات ميكب زي الـ ليب ستيك الأحمر الهادي والبلاشر الهادي الخفيف وايلاينر رفيع.

نور بنبهار وصدمة:

"أنا مش مصدقة. انتي حقيقة بجد؟"

حور بضحك:

"لا بلاستيك."

نور:

"والله فعلاً انتي حاجة فوق الوصف. إيه ده بجد؟ ده أنا كرشت عليكي."

ضحكت حور ولبست نور وكانت حلوة جداً.

رنت حور على الدادة وعرفت منها إن نمر راح يجيب بسمة وقال لـ الدادة إن زين جايلهم في الطريق عشان يوصلهم.

حور:

"كويس إنه مش موجود."

نزلت حور وأول ما الدادة شافتها اتصدمت:

"بسم الله ما شاء الله. إيه الجمال ده؟"

حور:

"تسلميلي يادادة."

وصل زين وخرجتلوا حور ونور.

زين بنبهار:

"إيه ده؟ ده بجد؟"

ضحكت حور:

"إيههه في إيه؟"

زين:

"وربنا نمر ده مبفهمش. حد يسيب دي ويروح لـ عود القصب المعفن ده."

ضحكت حور بصوت عالي.

وحمحمت نور:

"الأخ صريح أوي."

بص زين عليها وانبهر زيادة:

"وربنا عيني بتطلع قلوب ليكوا. بس مين القمر؟"

نور بخجل:

"أنا نور صاحبة حور."

زين:

"أنا بقول الجمال ده ميطلعش غير من حور."

حور:

"طب يلا نتحرك عشان كده مش هنوصل أصلاً."

اتحركوا على القاعة وأول ما وصلوا دخلت حور بثقة وهي رافعة راسها وماشية بخطوات أنيقة جداً ووراها نور اللي مبتسمة بحماس وزين اللي فاهم إن حور مخبية كتير ورا الابتسامة دي.

نمر لا إرادياً حتى قبل ما يلمح حور حس بنبضات قلبه. بص مكانها تلقائي وياريته ما بص لأن اتسحر من منظرها وفضل باصص وهو مش مصدق إن كتلة الجمال دي حقيقة بجد.

بسمة وهي بتنده عليه وهو مردش بصت مكان ماهو سرحان لقت الحورية بفستانها الأحمر.

بسمة شهقت من جمالها وبصت لـ نمر بحقد وغيظ.

قربت حور عليهم بثقة وخطوات ثابتة مدت إيدها لـ نمر تباركله:

"ألف ألف مبروك بجد فرحنالكم أوي عقبال الفرح وأشوف منكم كتاكيت صغيرين كده ألعب معاهم."

سلمت على بسمة وبتـبصـلها بتحدي:

"ألف مبروك يابوسي وعقبال الفرحة الكبيرة."

نمر بغيره:

"احم مش قصير شوية الفستان ده ياحور."

حور قبل ما ترد ردت بسمة:

"وانت بتسأل ليه يانمر؟"

ردت حور ببرود قتل نمر:

"مش أخته ولازم يضايق لما تبقى لابسة قصير. بس لا مش قصير هو كده. يلا مش عايزة أشغلكم يا عرسان. أنا جمبك هنا لو احتجت حاجة قولي يا يا أخويا."

ومشيت حور وراحت جنب نور اللي افتخرت بيها جداً.

نور:

"شاطرة بجد ياحور علمتيه الأدب بجد."

حور:

"ولسه."

جت فقرة إن كل ثنائي يرقصوا سوى مع بعض.

زين راح ناحية نور ومد إيده ليها زي الأمير:

"تسمحيلي بالرقصة دي؟"

نور مدت إيدها في إيده بخجل.

عز أخو نمر راح ناحية حور ومد إيده ليها بابتسامة:

"أميرتي تسمحيلي بالرقصة دي؟"

حور حطت إيدها في إيده بضحكة:

"طبعاً تشرفني."

وابتدوا يرقصوا مع بعض جنب نمر وبسمة.

نمر كان بيبصلهم والغيرة باينة في عينه وعينه بتطلع شرار وبيـبص لـ أخوه بتوعد.

عز وكان قاصد يعمل كده وكأنه بيقوله لازم تندم. هي حبتك واعترفتلك وانت هربت وأنا هخليك ترجع لها بس بطريقتي.

كانت حور بترقص سوى وكانت بـ تبص لـ نمر باللامبالاة مصطنعة.

ولكن بصت ناحية باب القاعة لقت شخص واقف بمسدس متوجهه على قلب نمر.

حور على آخر لحظة زقت نمر:

"حاااسب يانننمرررر."

ولكن للأسف كانت الطلقة دخلت في قلب حور اللي وقعت بين أحضان نمر اللي بيبصلها بذعر ومش مصدق اللي بيحصل وصرخ مرة واحدة:

"حووووووووور."

حووووور اجري وراه يازين متسبهوووش.

طلع زين يجري ورا اللي ضرب بالنار، لكن للأسف ملحقهوش.

وزع زين رجاله في كل مكان وحاوط المكان كله بالحراس.

عند نمر، بقا يعيط زي الأطفال وهو بيلمس خد حور وكلهم ملمومين حواليه:

ياحور، ونبي قومي عشان خاطر نمر، عشان خاطر نمرك اللي بيحبك.

آه، أنا بحبك ياحور، بحبك أوي.

قومي وحياتك عندي وهعملك كل اللي نفسك فيه.

عز بحزن:

يلا نلحق نوديها المستشفى يانمر.

شالها نمر وطلع يجري على بره، ووراه العيلة كلها والمعازيم كلهم مشيوا.

وصلوا للمستشفى في عشر دقايق بالظبط.

نمر بصراخ وجنون في نص المستشفى:

حد يجي ينقذهااا، مش هيكفيني روحكم كلكم لو راحت مني.

جه دكتور بسرعة، حطها على الترولي ومعاه الممرضين ودخلوا على أوضة العمليات.

عدى ساعة واتنين وتلاتة، ومفيش أي خبر.

نمر رايح جاي بجنون:

أنا السبب، أنا السبب، أنا اللي عرضتها للخطر.

أنا السبب، هتموت بسببي.

أنا السبب، أنا السبب.

عز وهو بيحضنه:

اهدا يانمر، اهدا، هتبقى كويسة والله، اهدا.

نمر بعياط اترمى في حضن أخوه:

مش هقدر أعيش من غيرها ياعز، مش هقدر والله.

قعد نمر في الأرض وسند براسه على الحيطة، ودموعه نازلة وهو مش سامع أصواتهم غير صدى صوت كل اللي سمعوا صوت حور بس وهي بتضحك.

في أوضة العمليات، كانوا بيعملوا إنعاش للقلب لأنه وقف.

خرجت ممرضة من أوضة العمليات تبلغهم الوضع.

الممرضة:

القلب وقف وبنحاول ننعشوا، ادعولها.

نمر سمع الكلمة دي ومتكلمش، فضل باصص لباب العمليات ودموعه نازلة.

ومرة واحدة صرخ بأسم حور:

حووووووور.

في أوضة العمليات، كانوا بيجهزوا الكهربا عشان ينعشوا القلب.

وحور في عالم تاني بتفتكر ذكريات من الماضي طشاش وصدى صوت:

(انتي كل مرة بتاخدي الصورة دي هههه).

(يلا يانمر هنتأخر).

(انتي مميزة بالنسبالي ياحور).

(انتي غير أي حد).

(هههه مش هتعرف تمسكني يانمر).

(انتي طفلة النمر).

(أنا بحبك يانمر).

(أنا قولت كلمة واحدة ياحور خلاص).

(انت كسرتني يانمر وجرحت قلبي).

شافت حور زي حلم، وهو نمر بيبكي وماسك فيها:

متسبنيش ياحور، أنا بحبك.

حور كانت لابسة أبيض في أبيض:

مينفعش يانمر، اللي بينا خلص.

نمر بدموع:

لا ياحور، لو بتحبيني.

حور:

أنا بحبك أكتر من نفسي، بس انت جرحتني.

نمر:

ارجعي، ارجعي ياحور، واوعدك إننا هنتجوز ونوصل لكل اللي نفسنا فيه.

حور:

للأسف يانمر، فات الأوان، أنا خلاص هروح لمكان أحسن من هنا بكتير.

نمر بدموع:

لا، لا ياحور.

حور وهي تترك يده:

سلام يانمر، خلي بالك من نفسك، هتوحشني.

وخلص الحلم على سفارة إيقاف جهاز النبض.

الدكتور بحزن:

غطوا وشه.

برا، نمر حس بنغزة في قلبه وقلبه اتقبض.

الدكتور:

اخرجي بلغيهم.

أول ما الممرضة خرجت، وقف نمر بسرعة قدامها.

الممرضة بحزن:

البقاء لله.

نمر بجنون:

ا انتي بتقولي إيه، ها، انتي بتقولي إيه، ح حور، لا، حور، لا.

طلع نمر سلاحه وحطه في وشها.

صرخوا كلهم بألم:

حوور.

طلع سلاحه وحطه في وشها.

"انتي بتقولي إيههه؟"

صرخت الممرضة بذعر وطلعت تجري.

نمر وقف وهو مش مستوعب اللي بيحصل، ووقع مرة واحدة على الأرض.

جروا عليه وهما بيعيطوا، والممرضين دخلوه أوضة في المستشفى.

سمع اسمه بيتكرر كتير من كريم، باباه.

"نمر يانمر نمـر"

فاق نمر بسرعة لقى نفسه على سرير في المستشفى وحواليه عيلته كلها.

نمر بدموع: "حـ حور يابابا، حور. حور ماتت وسابتني."

أناهيد بشهقة: "بعد الشر عليها يابني، إيه اللي انت بتقوله ده."

نمر بدموع: "الممرضة هي اللي قالت كده."

كريم: "يبني محدش قال حاجة. انت كنت قاعد على الكرسي ووقفت مرة واحدة فوقعت، وطلع عندك صدمة عصبية اللي خلتك تقع كده من اللي بيحصل. حور خرجت من أوضة العمليات وهي في العناية المركزة دلوقتي، لازم تفضل 24 ساعة تحت الملاحظة."

نمر بسعادة ولهفة: "بـ بجد يابابا؟ حور كويسة؟"

كريم بابتسامة: "كويسة ياقلب أبوك."

نمر: "طب أنا عايز أشوفها."

بسمة بقلق حقيقي: "مينفعش، مانعين عنها الزيارات."

نمر باستغراب: "شايفك قلقانة أوي، يعني لتكونيش خايفة عليها وأنا مش واخد بالي؟"

بسمة بغيظ: "ومخافش عليها ليه يعني؟"

نمر بعصبية: "مش بعيد تكوني انتي اللي عملتي فيها كده. بس والله يابسمة لو عرفت إنك انتي اللي عملتي كده ماهرحمك."

بسمة بدموع: "والله ماعملت حاجة."

نمر: "هعرف يابسمة، هعرف."

قام نمر وحاول يخلع الكانولا من إيدها.

أسيل بخضة: "انت بتعمل إيه يانمر؟ بس غلط كده."

نمر بعند: "أنا عايز أشوف حور وهشوفها، مش فارقة معايا أي حاجة."

ندهوا الدكتور هو اللي يشيلها.

بسمة: "هو كده مش خطر عليه يادكتور؟"

الدكتور بص لها بسرحان: "ها؟"

بسمة بجدية كررت كلامها: "مش غلط إنه يخلع الكانولا قبل ما المحلول يخلص؟"

الدكتور واسمه فارس: "آه آه آه، لا متقلقيش مش غلط."

بسمة هزت رأسها بضيق.

فارس بيبص لبسمة بسرحان.

كريم: "احم، طب شكراً يادكتور."

فارس بحرج: "ها، آه. العفو."

خرج فارس وعقله مشغول باللي سحرته من أول ما شافها.

خرج نمر من أوضته وراح ناحية العناية المركزة، وبص عليها من الإزاز. نايمة شبه الجثة الهامدة، ولكن جمالها مقلش بسبب تعبها ده.

نمر ساند على الإزاز بدموع: "حوري أنا نمر، نمر حبيبك اللي بيعشقك وبيموت فيكي. أنا حلمت، لا مش حلمت، أنا شوفت كابوس كنت هموت بسببه. انتي لو سبتيني ومشيتي أنا هموت من غيرك ياحور، قومي عشان خاطري وهعملك كل اللي تطلبيه."

كان معدي فارس من ممر المستشفى وسمع كل كلامه. راح ناحيته وطبطب على كتفه.

"الحب بيعمل كده وأكتر."

نمر بص له باستغراب.

فارس بابتسامة كلها حزن: "متستغربش، أنا حاسس باللي انت فيه. أنا كنت بحب بنت وعملت حادثة وأنا، أنا اللي دخلت العمليات عشان أنقذها بس ماتت، مقدرتش أنقذها. كنت بحبها أكتر من أي حد، لكن مكنتش مبين، وكنت بارد معاها وكنت دايماً بتعصب عليها، وعرفت قيمتها لما راحت من إيدي. كل اللي عايزك تعرفه من اللي حكيتهولك ده إنك تلحقها قبل ما تروح من إيدك. ربنا نفسه بجلالته عمل كده عشان يمتحنك ويقولك شوف انت بنفسك كنت بتكابر، أنا هوريك قد إيه انت ضعيف، متضيعهاش من إيدك، صدقني انت اللي هتخسر."

نمر ابتسم ودمعة نزلت من عيونه: "شكراً، شكراً ليك وربنا يعوضك."

فارس ابتسم: "العفو."

لسه كان فارس هيمشي، نمر بص على حور لقاها بتحرك صوابعها.

نمر بلهفة: "دكتور، حور حركت صوابعها."

دخل فارس على جوه بسرعة وطلب ممرضين معاه.

نمر كان واقف برا بيدعي ربنا إنها تبقى بخير. جم العيلة كلهم وراه وفضلوا واقفين بيدعوا ربنا، واللي خلى أسيل تستغرب لما لقت بسمة قلقانة على حور وبتقول يارب.

خرج فارس بعد وقت وقال: "الحمد لله، المريضة أدت إشارة إنها بتفوق، وبليل أو بكرة الصبح بالكتير هتفوق كلياً."

نمر اتنهد بارتياح: "الحمد لله يارب. ينفع أدخلها يادكتور؟"

فارس ابتسم وقدر اللي هو فيه: "اتفضل، بس ياريت متطولش."

نمر بابتسامة مرهقة: "شكراً، شكراً جداً."

دخل نمر بسرعة جوه وقعد قصادها ومسك إيدها وفضل يعيط زي الطفل: "أنا آسف، أنا آسف ياحور. أنا، أنا بحبك وبعشقك والله. أنا فعلاً عرفت قد إيه انتي أهم واحدة في حياتي لما جربت إني ممكن أخسرك. قومي ياحور وهعملك كل اللي نفسك فيه بس قومي."

بسمة برا واقفة شايفة حبوا ليها وقد إيه بيعشقها. ابتسمت بحزن ودمعة نزلت من عينها: "عن إذنكوا، أنا هروح الكافيتريا أجيب حاجة أشربها."

فارس بتردد: "يا آنسة."

وقفت بسمة وبصت له باستغراب: "خير؟"

فارس بارتباك: "ها، أبداً. هو انتي تقربي للمريضة إيه؟"

بسمة باستغراب من سؤاله: "وبتسأل ليه؟"

فارس اتوتر لأنه عايز يفتح معاها أي موضوع: "أبداً عادي، عايز أعرف."

بسمة: "قريبتها."

فارس: "آه آه تمام."

بسمة: "عن إذنك."

لفت ضهرها ومشيت خطوتين.

تكلم فارس: "بتحبيها؟"

وقفت بسمة مكانها ومقدرتش تتكلم.

فارس: "يبقا بتحبيها."

بحزن: يبقى بتحبيه.

ابتسمت بألم: ويفيد بإيه لما أحبه وهو قلبه مش معايا.

ابتسم بأمل: يبقى تحاولي تنسيه وتشوفي اللي يحبك.

: ومين ده اللي هيحبني؟ أنا عملت حاجات وحشة كتير أوي في حياتي.

ابتسم: كل اللي حواليكي بيحبوكي، ومفيش حد خد نصيبه غصب عنه. النصيب جايلك جايلك، بس متستعجليش. هو بيحبها وإنتي بتحبيه. حاولي تشيلي حبه من قلبك. مبقولكيش أكرهيه، بس شوفي بطريقة تانية. شوفيه إنه أخوكي وبس. حبيه بس حب أخوي، واتمنيله الخير مع اللي بيحبها. وإنتي سيبي سيبي مفتاح قلبك لحد ما يجي اللي يبقى مالك المفتاح ده.

ابتسمت له بصدق: أنا مش عارفة أشكر حضرتك إزاي يا دكتور. صحيح اسمك إيه؟

ابتسامة: اسمي فارس وإنتي؟

: وأنا اسمي بسمة.

: عاشت الأسامي. ينفع نبقى أصحاب؟

تكلمت باللهجة الصعيدية: وه وه وه! اتحشم يا ولد. ما عندناش بنات ترافج شباب واصل.

ضحك: هههه. أهدي بس، إنتي من الصعيد صح؟

: أيوة من الصعيد. ولما بتعصب العرج الصعيدي بيطلع مني. أيوة أنا بتكلم زي ولاد البندر، لكن إني أصلي صعيدية.

ابتسم لها: أحسن ناس. عن إذنك يا آنسة بسمة.

ابتسمت: إذنك معاك يا دكتور.

التفت فارس ظهره وقال بتنهيدة وابتسامة: شكلي وقعت ولا إيه.

عند نمر، فضل قاعد جنب حور وماسك إيدها بتملك شديد. كل العيلة مشيت، مفضلش غير نمر وزين وبسمة مع حور. كان زين برا، وبسمة في الفرندا الرئيسية للمستشفى.

أذن الفجر، قام نمر وتوضأ، وحط المصلية وقعد يصلي ويدعي كتير.

حور ابتدت تحرك صباعها شوية شوية. ورمشت مرتين، وغمضت عينها بسرعة من آثار النور. وفتحت تاني وندهت على اسم نمر بإرهاق وألم: ن... نمر.

نمر كان بيسلم وخلص صلاة. قام بسرعة وباللهفة: حور.

بتعب: ن... نمر... إنت كويس؟

ابتسم لأن رغم تعبها برضه بتفكر فيه.

: كويس يا عمري.

بتعب وصوت ضعيف متألم: إنت قلت إيه؟

قعد جنبها ومسك إيدها: بقول عمر نمر وروح نمر وقلب نمر.

ابتسمت بتعب وحزن: ده برضه عشان بتدلع أختك الصغيرة.

: ومين قال إنك أختي؟

: إنت اللي قلت.

بمداعبة: وفي حد يقول لخطيبته يا أختي؟

اتعدلت مرة واحدة: إيه! أه...

تألمت حور جامد من حركته.

بخوف: حور، إنتي كويسة؟

: سيبك مني. إنت قلت إيه؟

: مقدرش أسيبني منك. بقول بحبك يا حور. ومحبتش في الدنيا كلها قدك. بحبك من وإنتي طفلة. قلبي محبش ولا هيحب غيرك.

بدموع: بعد إيه يا نمر؟ ما إنت خلاص خطبت وهتتجوز.

: كدب... كدب والله.

: إيه؟

: أيوة كده. أنا بحبك إنتي يا حور. أنا عملت كل ده عشان خايف عليكي.

بجمود: وإيه اللي يخليك تقول دلوقتي، لما لقيتني خلاص هموت؟

بخضة: بعد الشر عليكي. أنا هقولك.

فلاش باك:

كان نمر في أوضته ومعاه زين بعد ما لبسوا البدل.

: إنت هتفضل كده لحد إمتى؟

باللامبالاة: كده اللي هو إزاي؟

بعصبية: نمر، إنت أناني وهتفضل طول عمرك أناني ومتملك. سايبها جنبك ليه طالما خلاص هتخطب وهتتجوز؟ ما تخليها تشوف حياتها بدل الواحد ألف واحد يتمنى ولو نظرة منه.

بغضب حارق: اللي يبصلها بس هنسفه يا زين.

بحزن على صديقه: أمال بتعذب نفسك وبتعذبها ليه يا صاحبي؟ حور بتحبك واعترفت لك.

بحزن: عشان مينفعش يا زين. هتقبل بواحد أكبر منها بـ 15 سنة ليه؟ هي كل اللي بتقوله ده مجرد إعجاب باهتمامي بيها بس، وده سن أي بنت بيلفتها الحاجات دي.

: أي بنت بس مش حور يا نمر. حور عاقلة من وهي صغيرة. عمرها ما كانت زي باقي البنات.

بعناد: ول...

بعصبية: مينفعش يا نمر. أنا ساعدتك كتير في اللي بتعمله ده، بس لحد هنا واقف. إنت كده بتظلمها. سيبها تشوف نفسها شوية. مش هتربط الاتنين جنبك. ده مينفعش. فوق بقى من اللي إنت فيه. من أول ما تنزل القاعة وتحط إيدك في إيد بسمة، حور مش هتبقى ليك يا نمر. سامع؟

: بس يا ستي. وده اللي حصل. فكرت في كلامه واكتشفت إني مش هقدر أعيش من غيرك.

: آه، وإيه كمان؟

: هو إيه اللي وإيه كمان؟

بجمود: شوف يا نمر، أياً كان أنا بحبك قد إيه، مقدرش أعمل كده في بسمة.

لسه هيتكلم، كملت كلامها: مهما كانت بتكرهني أو مش بتحبني، مينفعش. أنا كده هبقى خطافة رجالة. هبقى خرابة بيوت. هديت بيت قبل ما يتبني. أبدأ حياتك مع بسمة وانساني يا نمر. أنا هخرج من المستشفى على بيت بابا، مهو خلاص مابقاش فيه. ههرب ليه بقى؟ زي ما قولتلك، هخرج من هنا على بيت بابا وهكمل حياتي من هناك. وإنت شكراً جداً لحد كده. تعبتك معايا 8 سنين. شيلت همي وربيتني وعلمتني وكبرتني، وكنت متفرغلي، ومهما شكرتك مش هيكفي. بس خلاص. أنا خطبت بسمة، وكلنا عارفين إن بسمة بتحبك. وأنا مقبلش آخد حاجة مش بتاعتي، حتى لو الحاجة دي أنا بحبها أكتر من نفسي.

فتح الباب بهدوء ودخلت بسمة: ومين قالك إنك هتاخدي حاجة مش بتاعتك؟

اتفتح الباب بهدوء ودخلت بسمه.

"ومين قالك انك هتاخدي حاجه مش بتاعتك؟ أنا اكتشفت اني بحب نمر، اه، بس حب اخت لأخوها. كل ده كان اوهام. ابدأي حياتك مع نمر ياحور. نمر بيحبك. وأنا كمان شوفتك من جهه تانيه وحبيتك. واتمنى تسامحيني على كل اللي عملته معاكي وانتي صغيره، بس كان الحقد عامي قلبي قبل عيني."

حور ابتسمت بصدق.

"أنا مش زعلانه منك يابسمه. وبعدين أنا نسيت كل حاجه."

بسمه قربت خطوتين وكأنها بتستأذنها. فتحت حور دراعها ليها. حضنتها بسمه وهي بتعيط بصوت عالي.

ابتسم نمر ليهم.

بسمه خرجت من حضن حور ومسحت دموعها.

"خلاص بقا ياحور. ميبقاش قلبك أسود. نمر بيحبك وعمل كده علشانك. كان عايز يتأكد من حبك بس."

حور بتفكير مصطنع.

"ممم هفكر."

"نعم يختي! مفيش تفكير. احنا هنخرج من هنا على البيت نتفق على ميعاد الفرح من غير نقاش."

ضحكت بسمه وغمزت لـ حور المكسوفه.

عند زين لقا فونه رن بـ اسم اسيل. اتنهد بعشق ورد عليها.

"الوا."

"الوا."

"عامله اي؟"

"الحمدالله وانت؟"

"انا كويس. اخوكي عمال يحب جوا ورميني انا هنا."

ضحكت اسيل ضحكه ساحره.

اتنهد زين.

"بحب ضحكتك اوووي."

اتكسفت اسيل.

زين بنفاذ صبر.

"اسيل هنخرج من هنا وهروح لابوكي واقوله ياعم كريم انا بحب بنتك جوزهالي عشان مخطفهاش منك."

اسيل خدودها احمرت بخجل.

زين.

"اسيل ونبي استعملي معايا كلمات. انا مش شايفك حاليا."

"احم حاضر."

زين ابتسم.

"اسيلا."

"هز."

"انا بحبك."

اسيل اتكسفت جدا من اعترافه الصريح ليها.

"احم احم شكرا."

"هو انا بقولك تعالي اعزمك على اتنين شاي! هو ايه الي شكرا يا اسيل؟ انا بقولك بحبك وبحبك من زمان بس اخوكي الله يسامحه ممرمطني وكل ما اجي افتح معاه الموضوع تحصل بلوه."

ضحكت اسيل عليه.

بعد أسبوعين.

في قصر النمر في القاهره.

الكل كان بيجري ف كل حتى مستعجلين.

"ياناس فين مراتي حرام عليك."

"اتلم ياواد."

نمر بزهق.

"يا امي بقا ونبي مش هتبطلي كلمه اتلم دي كل ما اقول فين مراتي متحسسنيش اني شاقطها."

"شا اي يخوي؟"

"قطها شاقطها يا امي."

ناهد حدفتوا بالمخده ولكن جت ف كريم الي كان معدي من جمبهم.

ناهد بحرج.

"اسفه ياكيمو والله هو الحيوان ده الي جنني."

نمر بغمزه.

"هو يتقالوا كيمو وانا اتحدف بالمخده ماشي ماشي ياناهد."

"ياض اتلم شويه ولا يهمك يانودي."

"نودي وكيمو! اي جو العشق الممنوع ده! المهم فيننن مرااااتي."

بسمه جت من وراه بضحك.

"اولا لسه كتب كتابكوا انهارده يعني متتحسبش مراتك. ثانيا متتريقش لاني عارفه الدلع الي حور بتقولهولك ف بلاش اسيحلك بقا."

نمر بطريقه مضحكه.

"استري عليا ربنا يستر عليك."

زين بفضول.

"قولي ونبي قولي."

اسيل بضحك.

"اه قولي قول."

بسمه بضحك.

"اقووول."

"ورحمه امك وابوكي لاب."

بسمه بضحك.

"الله يرحمهم يخوي."

بسمه وهي تستعد للجري.

"بتقولوا يانموري ونيمو! اجري يامجدييي."

طلع نمر يجري وراها وهو بيخلع الحزام.

"نهارك اسود يابسمه."

بيجري وراها وهي بتلف حوالين الكنب.

اما عن باقي العيله ف كلهم مش قادرين يبطلوا ضحك. واسيل وقعت ف الارض من الضحك.

زين بعيون مدمعه من الضحك.

"خلاص بقا يانموري قلبك ابيض."

عز بضحك هستيري.

"نمر قلب قطه خالص."

نزلت حور من فوق.

"في ايه ياجماعه."

استخبت بسمه وراها.

"الحقيني بالله."

حور بضحك.

"في ايه يانمر."

"حاسبي ياحور وربنا ما هسيبها."

حور زعقت بملل.

"اقف ياض بقا وانتي يازفته اوعي من ورا ضهري."

وقف نمر مكانها. ولما العيله شافت كده فتحت ف الضحك مره تانيه.

كريم بضحك.

"وكمان مسيطره! الي يشوفك دلوقتي ميشوفكش من كام سنه."

اسيل بهستيريه ضحك.

"على رأيك ياحجوج ياخساره يانمر."

"لا اعذريني ياحور بقا."

واتحرك متجهه لـ زين وعز واسيل الي طلعوا يجروا وهما بيصرخوا.

دخل فارس من باب القصر لما الخدامه فتحتلوا.

"اي ده هي الحرب العالميه التالته جت تاني ولا ايه."

بسمه اول ما شافتوا اتعدلت وفضلت تظبط شعرها.

حور بصوت واطي.

"مظبوط يامنيله اتهدي فضحتينا."

"احم عادي على فكره. في ايه."

"انتوا لسه قاريين فاتحه من تلت ايام ها اتلمي."

"يووه."

بعد وقت طلعوا البنات على فوق بعد ما جيه طقم البيوتي سنتر الي هيعملهم الميكب.

خلصوا كل حاجه وجيه المأذون وكان فيه معازيم في الجنينه وكان فيه ديكور جميل معمول ف الجنينه.

نزل نمر واول ما نزل الكل سقف وهلل.

وقف بأنتظار اميرته.

نزلت حور بخطوات انيقه بفستانها البيبي بلو الرقيق والميكب الخفيف.

نمر كان في عالم تاني اول ما بص ف عيونها الي فيهم سحر بيجذبوا كل مره بيبصلها فيه.

مسك ايدها وقعدوا على الترابيزه. وابتدا المأذون بـ كتب الكتاب وانهى بجملته الشهيره: "بارك الله لكم وبارك عليكم وجمع بينكم في خير."

انتشرت الظغاريط والاغاني والتهنيئات.

قام نمر وجري على حضن حور. حضنها بتملك وعشق كبير جدا باين ف عيونه.

"مبارك يامراتي."

"الله يبارك فيك ياحبيبي."

زين جري على كريم وقال.

"ونبي ياحج اكسب فيا ثواب وبدل ما ابقا انا واسيل مخطوبين نبقا كاتبين كتاب. ونبي ونبي ونبي."

كريم ضحك على تصرفاته وبعد اقناع وافق. وتم كتب كتاب اسيل وزين كمان الي قام بسرعه وحضنها واتنهد برتياح.

"اخيرا."

"عقبالنا."

ابتسمت بخجل.

"يارب دا اليوم بفرح على جميع ابطالنا."

في اوضه كريم وناهد.

ناهد بسعاده.

"مش مصدقه اني شوفت ولادي بيكبروا وكمان بيتجوزوا قدام عيوني."

كريم باس ايدها بحب.

"ربنا يخليكي لينا يانونا وتفرحي بأحفادهم."

"كبروا وكبرونا معاهم."

"فين ده ده انت لسه شباب ده انا اخاف تتعاكس مني."

يعدا تلت ايام وجيه يوم فرح حور ونمر. اليوم المنتظر.

كانت حور في اوضه ف الفندق مع نور صحبتها واسيل وبسمه والبنات الي تبع البيوتي سنتر.

كانوا البنات مشغلين اغاني ومندمجين وبيرقصوا بسعاده. وبعد وقت خلصت حور الميكب ولبست فستانها الابيض. وكانت حوريه بجمالها الخاطف للأنفاس.

انبهروا البنات بيها وبجمالها.

"ياشيخه ده انا بنت وبعاكسك."

ضحكت حور.

"بسم الله ماشاء الله قمر بجد ربنا يحفظك."

"شكرا ربنا يخليكي."

البنات كمان جهزوا ولبسوا الفساتين الموحده الي كانت باللون النبيتي. كانت فساتين بعد الركبه سواريه حلوه جدا وهيلز سيلفر وهيربيز رقيق وميكب خفيف. وكانوا البنات شبهه الملايكه.

عند الشباب جهزوا كلهم وجيه الوقت ان نمر ياخد حور عشان ينزلوا للقاعه.

خرجوا من الاوضه الي كانوا واخدينها ف الفندق وراحوا لـ اوضه البنات. خبط نمر الباب فتحتلوا اسيل.

"قمر ياحبيبه اخوكي."

"روح قلبي انت. حور زي القمر يانمر."

زين بغمزه.

"ايه الحلويات الي بتفاجئ الواحد مره واحده دي."

اسيل بخجل.

"احم شكلك حلو بالبدله."

زين سند على كتف نمر بهيام.

"هو في كده ياناس."

كان بيبصله نمر وقال.

"وبالنسبه لـ كيس الجوافه البايظ الي انا ساند عليه ده ايه نظامه."

"ياعم وربنا مراتي مراتك."

"وسعي يابت انتي وجوزك الملزق ده عايز اشوف مراتي."

دخل نمر. كانت حور لافه وشه.

"لا انا مليش ف الجو ده."

راح ناحيه وشها بسرعه ووقف منبهر قصاد كتله الجمال دي.

"انتي بجد."

حور بضحك.

"لا بلاستيك."

"اي القمر ده ياحور انا مش مصدق نفسي."

حور بسعاده.

"ولا انا."

"انا قولتلك انهارده اني بعشقك."

حور بتمثيل للزعل.

"لا مقولتش."

باس نمر راسها.

"بعشقك ياحور."

فاقوا على صوت الشباب والبنات وهما ببصولهم بهيام.

"هييييح."

"اوعدنااا يااارب."

"يا اخي نفسي ف مره استنفع منكوا ب حاجه بوظتولي ام الحظه. يلا يابنتي نروح للناس الي نامت ف القاعه دي."

ضحكوا عليه ونزلوا كلهم تحت. كانت كل الناس بتتباركلهم لحد ما خرجوا برا الفندق وركبوا عربيه متزينه بطريقه حلوه جدا. كان زين سايق وجمبوا اسيل وورا نمر وحور الي ف عالم تاني لوحدهم.

"تعرفي اني بعشقك."

حور بمشاكسه.

"واعرف منين."

"تحبي اثبتلك."

حور بضحك.

"ازاي يعني."

"هتشوفي."

فتح نمر شباك العربيه وخرج راسه وقال بجنون وبصوت عالي.

"ياجماعه انا بحب البنت دي الي هتبقا مراتي. بعد كام ساعه وهي مش مصدقه اني بحبها. انا بحب حور وبعشقها ياناااس."

كان فيه عربيه شباب فضلوا يعملوا كلاكس كتير وشغلوا اغاني وخرج شاب منها قال بمرح.

"بوظت هيبتنا قدام البنات حرام عليك."

ضحك نمر.

"اعمل اي بحبها بقا عقبالك."

"يااارب."

"اوعدناا ياارب."

كل ده وحور ميته ضحك وهي بتسمع كلامهم.

بعد وقت وصلوا القاعه وقبل ما يدخلوا قال نمر.

"استني هنا."

حور بستغراب.

"ليه."

"استني بس."

دخل نمر القاعه الاول واتفق مع الناس الي بتشتغل هناك والمعازيم. مستغربين.

"في ايه يانمر."

"هتعرف دلوقت."

انوار القاعه اتطفت كلها. ووقف نمر في نص القاعه ماسك بوكيه ورد خرافي وكان شكله زي الأمراء الي ف ديزني.

كانوا البنات بره مع حور ووصلت عربيه شبهه العربيه بتاعه سندريلا.

"واااو تحفه بجد."

"يلا اطلعي ياحور."

حور بصدمه.

"اطلع فين."

"يلا باااس."

دخلت حور واتحركت العربيه لـ داخل القاعه الفخم.

اول ما دخلت النور فتح وباب العربيه اتفتح. نزلت حور من العربيه بنبهار من منظر القاعه ومنظر نمر الخاطف للأنفاس.

"نمر انا مش مصدقه."

"ربنا يخليكي لقلبي."

حضنته حور بسعاده وبتدعي ربنا تدوم فرحتهم.

دخلوا ورقصوا سلو على اغنيه فيروز "انا ل حبيبي"

(انا ل حبيبي وحبيبي الي ياعصفوره بيضا لا بقا تسألي لا يعتب حدا ولا يزعل حدااا انا ل حبيبي وحبيبي الي...)

خلصت الاغنيه وراحت حور ناحيه الدي جي تحت انظار نمر. خدت مايك واتكلمت بفرحه باينه ف نبره صوتها.

"عايز الكل يركز هنا."

بصت لـ نمر بمشاكسه.

"مش لوحدك الي بتعرف تعمل مفاجأت."

اشتغلت شاشه عرض كبيره واتحطت صوره حور ونمر وهي عندها عشر سنين وهو خمسه وعشرين سنه. اشتغلت ميوزك هاديه واتكلمت حور بعيون مدمعه من الفرحه.

"ده كان اول يوم مدرسه ليا وانا لسه عشر سنين وكان معايا نمر وكان اليوم ده كان بقالنا شهر مع بعض. كان نمر مبسوط اكتر مني وحسيت اني بنته. وحتى منه كان مهتم بكل لحظه ف حياتي."

اتحطت صوره تانيه يوم عيد ميلادها ال 11.

"وده كان يوم عيد ميلادي ال 11. كان اول حاجه احتفل بيها مع نمر. كان يوم فرحان جدا يمكن اكتر مني. كان بيجهز كل تفصيله عشان اليوم يبقا مش ناقص حاجه."

اتحطت صوره تانيه يوم عيد ميلاد نمر.

"والصوره دي كان عيد ميلاد نمر. كنت مبسوطه اوي وكنت بحاول اعمله مفاجأه قبل ما يجي. وكان يوم حلو جدا وفرحه نمر لحد دلوقتي منسيتهاش."

اتحطت صوره تانيه وهي اول يوم ف تالته ثانوي.

"واخر صوره وهي اول يوم ليا ف تالته ثانوي. ساعتها نمر سألني سؤال قالي انتي ليه بتحاولي تسجلي كل لحظه ف حياتنا او ليه بتصوري ف يوم زي ده بالذات. معرفتش اجاوبوا. لكن دلوقتي اقدر اجاوبوا وبكل جرأه."

بصت لـ نمر بعيون بتلمع بعشق.

"انا كنت بصور كل ده عشان كان نفسي اليوم ده يتحقق. كنت بحلم باليوم ده كل يوم قبل ما انام وكنت بحلم باللحظه دي الي اجمع فيها كل مراحل حياتنا مع بعض واحطها ف فيديو واحد وانهي الفيديو ده بصورتنا وانا بالفستان الابيض وانت بالبدله. وخلاص اتحقق وقدرت اوصل لحبك الي كانت اكتر حاجه بتمناها. اسفه طولت عليكوا بس هنهي كلامي بأني بعشقك يانمر."

نمر كان واقف في حاله من الذهول والصدمه والانبهار والسعاده. قلبه كان هيخرج من مكانه. هو كان بيتمنى اليوم ده من سنين واخيرا اتحقق.

"انتي كل امنياتي. انتي اكبر انجاز ف حياتي. بعشقك ياحور. انتي طفلتي الي امتلكت قلبي. طفله امتلكت النمر."

نهى كلامه واشتغلت اغنيه "عشانك انا قادر اكمل."

(عشانك انا قادر اكمل عشانك قادر اتحمل وكل مره بشوفك بحبك تاني من الاول)

*بعد عشر سنين*

"انا عملت ايهه ف حياتي عشان ربنا يرزقني ب اتنين لا اتنين ايه ب تلاته هبل ومجانين ونص عقلهم ضار."

"والله عيب ياكبير الي بتقولوا ده. انا اصلا مش عارف كنتوا عايشين من غيرنا ازااي."

نمر وهو بيخلع الحزام.

"ممم تعالى يا ابن الجزمه انا هقولك عايشين ازاي."

طلع سيف يجري.

"الحقونااااي نمر عايز يقتلنااا."

"مخلص بقا ياناااس زهقت من موضوع كل يوم ده. اقتلوا يانمر وخلصنا."

نمر وقف بصدمه.

"نمر نمر حاف كده."

"احطلك عليها مربى."

"يابنت الظريفه."

وطلع يجري وراها هي كمان وبقا سيف وروجي يجروا ووراهم نمر بالحزام.

خرجت حور من المطبخ.

"ام الحرب العالميه التالته الي مبتخلصش دي. اي يانمر في ايه."

نمر بأعراض الجلطه.

"في ان ابنك بيقولي عايز اروح النادي. بقولوا احنا معزومين عند عمك زين. بيقولي ما انا هاخد بنته اسيل وهنروح النادي سوا. ابنك مظبط البت من ورانا ياحوور."

حور مسكت سيف من هدومه.

"حصل الكلام ده ياواد."

"يووه ما بنتك هي كمان بتقعد تلعب مع عمر ومش بتتكلموا."

"ياواد هتجلطني ياولا لو سبتوا عليك مش هيرحمك."

نمر بطريقه مضحكه.

"هو انا كلب ياحور. ياحور متجلطنيش انتي كمان."

"يوه مقصدش يانموري."

"قلب نموري."

"ثبتك يامعلم."

نمر طلع يجري وراهم.

حور من جوا.

"اجروا عند عمكوا عز هيبلعكوا هيبلعكوا."

واجري سيف وروجي على فيلا عز الي جمب فيلتهم على طول. فضلوا يخبطوا وهما بينهجوا من الجري.

فتحت نور.

"في ايه ياولاد."

"وسعي يانور وسعيد."

دخل سيف وبتبصله نور بصدمه. لسه هتقفل الباب.

"حاسبي يانور كده. عزوز انت فين."

نور بصدمه.

"وربنا دول ما عيالي."

دخلت نور.

"كالعاده نمر جري وراكوا. هو انهارده يومنا عشان تستخبوا عندنا."

"اينعم."

نزل عز من فوق.

"بتفكروني ب نفسي وانا صغير كنت بخلي نمر يلف ورايا البيت كله."

جري بالحزام. ضحكوا كلهم عليه وقعدوا مع بعض. ونزلوا ولاد عز فيروز ورحيم.

جيه اليل وراحوا كلهم فيلا زين واتجمعوا في جو مليان بهجه وفرح.

"تعالوا نتصور كلنا."

"اه يلا يلا."

فعلا اتجمعوا كلهم ف مكان ووقف نمر ف الاول ماسك الفون وجمبه حور ووراهم باقي العيله.

"قولوا تشيييز."

"تشييييز."

صوروا وقعدوا مع بعض ف سعاده.

"تعالوا نلعب لعبه."

"لعبه ايه."

"لعبه الازازه صراحه او عقاب."

"اه اه عرفناها يلا."

"لا لا صراحه."

نمر بصلوا وبص لـ حور.

"مين الي كسر الطقم الي جبناه من السعوديه الاسبوع الي فات انت ولا زي ما قولت روجي."

سيف بص لـ حور الي بتبصله بترقب.

"قول العقاب يانمر قول."

نمر ضحك بتفشي.

"قوم نط ف البسين."

"لا يا اونكل حرام الجو برد."

نمر بجلطه.

"لم بنتك يازين ونبي عشان متجلطش. قوم ياااض."

قام سيف.

"ربنا ع الظالم والمفترى."

نط ف البسين وضحكوا كلهم على منظره.

والفوا الازازه وجت على ان فارس يسأل نمر.

"صراحه ولا عقاب."

"صراحه."

"اي اكتر وقت حسيت فيه ان ربنا بيحبك بجد."

نمر ببتسامه واسعه وعشق.

"لما حور سامحتني ورجعتلي بالسلامه. عرفت ان ربنا فعلا بيدي للواحد كذا فرصه عشان يروح للطريق الصح. وفعلا حور سامحتني واتجوزنا وبقا عندنا قرد وقرده اهم. ولسه لحد دلوقتي بموت فيها."

حور بحب.

"ربنا يخليك ليا."

وكده انتهت قصه طفله امتلكت النمر. اتمنى تعجبكوا ولو عجبتكم النهايه قولولي باااي♥️✨