تحميل رواية «سيد القمر الأسود» PDF

رواية سيد القمر الأسود الفصل الحادي عشر 11بعد نهاية حفل زفاف حبيبة الأسطوري على عمر الرشيدي ، وإنصراف المدعوين ، وصعود حبيبة إلى جناح عمر ..دخل عمر إلى غرفة مكتبه بصحبة جيلان وهو يقول بتساؤل : = خير يا جيلان كنتي عيزاني في إيه ؟ إقتربت منه جيلان ثم إحتضنته فجأة وهي تقول بحزن : = ليه عملت كده يا عمر .. إيه بتعاقبني على الغلطة اللي غلطها زمان. سحب عمر يدها من حوله وهو يقول بهدوء : = جيلان الموضوع ده قديم و خلص وقفلناه من زمان. سالت دموع جيلان وهي تقول بألم : = متقولش كده يا عمر أنا بحبك وأنت كمان بتحبني .. ثم إقتربت منه ولفت يدها حول خصره وهي تبكي : = أنا غلطت وأستاهل إنك تعمل فيا اللي إنت عايزه .. إلا إنك تتجوز واحدة غيري ، إنت كده بتموتني يا عمر. أبعدها عنه عمر وهو يقول بسخرية : = كفاية دموع ودراما يا جيجي أنا قربت أصدق..ثم تابع بتهكم شديد وهو يبعدها عنه ببرود : = اللي يشوفك ويشوف الدموع اللي مغرقة وشك ، مستحيل يصدق إنك إنتي اللي سبتيني وروحتي إتجوزتي مليونير عنده سبعين سنة ، لمجرد إني كنت واقع في أزمة مالية كبيرة ، وإفتكرتي إني خلاص إنتهيت. مسحت جيلان عينيها بإرتباك وهي تقول بإنكسار : = أنا غلطت .. كنت صغيرة وخفت من الفقر ، أنا مش متعودة على كده ، غصب عني روحت دورت على اللي يقدر يضمنلي إستمرار الحياة اللي إتعودت عليها.. لتتابع بإنكسار : = بس أنا عمري ما بطلت أحبك ، وحتى لما جوزي كان لسه عايش حاولت إني أرجعلك من تاني ، بس إنت اللي رفضت..نظر عمر بملل إلى ساعة يده وهو يقول ببرود : = خلصتي .. بصي يا جيلان عشان نقفل الموضوع ده نهائياً .. أولا : أنا لما خطبتك وكنت ناوي أتجوزك إنتي كنتي عارفة ومتأكدة إن أنا مكنتش بحبك ، إنتي كنتي بالنسبالي زوجة مناسبة مش أكتر ، ولما إخترتي تبعدي وتتجوزي أنا لا زعلت ولا حتى إديت إهتمام .. علاقة وفشلت مش نهاية العالم. ثانياً : وده الأهم ، أنا دلوقتي راجل متجوز ومن واحدة بحبها وبعشقها ، و مجرد وجودي معاكي هنا دلوقتي أكيد بيجرحها وبيضايقها ، وده أنا مش هسمح بيه ، بس أنا حبيت أحط النقط على الحروف مرة ونخلص.. ثم إستدار وهم بالخروج وهو يقول ببرود : = تصبحي على خير يا جيلان ، وياريت تفكري في كلامي كويس ، علشان متخسرنيش كصديق لسه واقف جنبك ، رغم كل اللي حصل بينا زمان ..ثم غادر وتركها تبكي بحرقة وندم ، وهي تقول بغضب وغرور : = مستحيل .. مستحيل أسمح لواحدة زي دي تاخدك مني ، ولا أسمح إن حد يقول إنك فضلت الجربوعة دي عليا ، مبقاش جيلان هانم أبو الفضل إن ما خليتك إنت اللي ترميها بنفسك في الشارع ، وترجع تترجاني من تاني إن أرجعلك. ثم مسحت دموعها وهي تتناول هاتفها وتتحدث بغضب وتعالي إلى السكرتيرة الخاصة بها : = أيوة يا أميرة … إخرسي وإسمعيني مش وقت سلامات.. هبعتلك صورة واحدة و إسمها على الواتس ، وعيزاكي تجيبيلي كل تفاصيل حياتها .. اسمها شغلها تعليمها أهلها مين ، كل تفصيلة مهما كانت صغيرة عايزة أعرفها ، والكلام ده يبقى عندي على بكره الصبح .. مفهوم. ثم أغلقت الهاتف بوجهها وهي تقول بتوعد : = ماشي يا عمر مش جيلان أبو الفضل اللي تسلم للهزيمة كده بسهولة ..لتتابع بغل : = إنت ليا لواحدي ولو مكنتش ليا مش هتكون لحد غيريثم نهضت وغادرت لغرفتها بغضب.قبل قليل.. وقفت حبيبة أمام المرآة تتأمل نفسها وهي تفكر بحزن ، فعلى الرغم من الثوب الرائع ، وحفلة الزفاف الأسطورية وزواجها من رجل أحلامها ، الذي مازالت تعشقه بالرغم من كل ما فعله بها ..إلا أنها تشعر بحزن شديد يسيطر على كل كيانها ، فها هي في ليلة زفافها تقف وحيدة وهي تزرف الدموع ، في حينيستمتع زوجها في الأسفل بوقته مع خطيبته السابقة ، وحب عمره كما يقولون. مسحت حبيبة الدموع عن وجهها فجأة بحسم وهي تحدث نفسها وتحاول تقوية عزيمتها : = كفاية بقى دموع يا حبيبة لازم تكوني أقوى من كده ، إنتي عارفة من الأول إنه لا بيحبك ولا بيطيقك ، وكل عمايله معاكي تمثيل ، والجوازة دي كلها كانت علشان خايف على جدته مش عشان دايب فيكي..ثم إبتسمت لنفسها بمواساة وهي تقوي عزيمتها و تقول لنفسها بإبتسامة مرتعشة : = إحنا هنقضيها عياط ولا إيه .. ما يقعد معاها ولا يعمل اللي هو عايزه .. إيه أنا صدقت إنه جوزي بجد و غيرانه عليه!! ثم تنهدت وهي تقول بتعب : = يلا مفيش وقت .. لازم أستعد قبل ماييجي.. ثم أسرعت بالتخلص من المجوهرات التي كانت تتزين بها وألقتها على طاولة الزينة ، ثم خلعت ثوب زفافها الأبيض و الطرحة والحجاب ، وأزالت الزينة عن وجهها تماماً ، و أسرعت بإرتداء منامتها القديمة الصفراء والكالحة اللون ، ثم رفعت شعرها لأعلى وقامت بلف شعرها بحجاب صغير ربطت طرفيه لأعلى ، ثم إبتسمت بتوتر : = أيوة كده أنا بقيت مستعدة.. لترتفع فجأة دقات خافتة على باب الغرفة ، إقتربت حبيبة من الباب وهي تقول بتوتر : = مين.. - أنا كريمة ياست حبيبة جبتلك اللي إتفقنا عليه.. ثم تابعت بخوف : - إفتحي خديه بسرعة الله يسترك قبل عمر بيه ما ييجي. فتحت حبيبة الباب بسرعة ، ثم أخذت منها كيس كبير محكم الغلق وقالت وهي تنظر لخارج الباب بتوتر := شكراً يا كريمة ، إمشي إنتي بسرعة قبل ماحد يشوفك.. ثم أغلقت الباب بسرعة وهي تشعر بتوتر شديد. بعد مرور نصف ساعة ..دخل عمر إلى الجناح الخاص به بعد أن أنهى حديثه مع جيلان ، و هو يشعر بالتوتر الشديد والخوف من مشاعره القويه التي لا يستطيع السيطرة عليها وتشعره دائماً بالضعف ، وخاصة بعد أن أصبحت زوجته فعلياً. عمر بتوتر وهو يتخيل تواجدها ونومها معه في نفس المكان := لازم تنام في أوضة لوحدها .. الأوض حوالينا كتير .. تنام في أي أوضة منهم ، أنا هكلم حد من الخدم يجهزلها أوضة ..ثم قطع حديثه وقد تفاجأ برائحة كريهة تملأ الغرفة. عمر بإشمئزاز : = يا ساتر إيه الريحة الفظيعة دي! ثم توقف بصدمة وهو يشاهد حبيبة تجلس على فراش النوم ، و المفروش بمفرش فاخر مصنوع من الحرير الخالص ، نبيذي اللون ومنثور فوقه بتلات من الورود الحمراء الرائعة على شكل قلوب متناثرة. وقد قامت بوضع صنية طعام كبيرة أمامها تأكل منها بشهية ، وهي تشاهد مسرحية كوميدية قديمة ، وتضحك بصوت مرتفع ، إلا أن ما أثار دهشته وغضبه في آن واحد ، هو نوع الطعام الذي تتناوله.. إقترب منها عمر بشمئزاز وعدم تصديق : =إنتي بتهببي إيه على السرير ، وإيه القرف اللي إنتي بتكليه ده ! قضمت حبيبة قضمة كبيرة من البصل الأخضر وهي تبتسم بإستفزاز := حرام تقول على نعمة ربنا قرف..ثم تابعت ببرود وهي تقضم قطعة أخرى من البصل ، ثم تلتها بوضع قطعة من الخبز المملوئة بقطع من الفسيخ ، ذو الرائحة النفاذة في فمها ؛ = إستغفر ربنا يا عمر بيه ، أحسن يزيلها من وشك. عمر بغضب : = بتاكلي بصل وفسيخ ، وعلى السرير اللي هننام عليه وفي ليلة زي دي !حبيبة ببرود وهي تضع قطعة كبيرة من الفسيخ في فمها : =مالها الليلة مش فاهمة ، ماهي ليلة زي أي ليلة. ثم تابعت بإستمتاع وبرود := إمممم .. روعة .. طعمه روعة .. أعملك سندوتش بدل ما إنت واقف تبصلي كده ، ولا إتعشيت مع جي..جي.. عمر بعدم تصديق : =إنتي مجنونة .. جيجي إيه اللي بتتكلمي عنها ، خلينا في المصيبة اللي إنتي عملاها ، بتاكلي فسيخ وبصل على السرير اللي هننام عليه ، دا إنتي ليلتك سودة. حبيبة ببرود ولا مبلاة : = عمر بيه عيب إنت جنتلمان قديم ، ومينفعش تكلم المدام كده ..جي جي تقول إيه !ثم تابعت بمكر : = وبعدين إنت زعلان ليه .. قرفان من السرير متنمش عليه ، ولو الريحة مديقاك ممكن تنام في أوضة تانية. ثم تابعت بإستفزاز := أصل بيني وبينك ريحة الفسيخ مبتروحش مهما تعمل بتفضل لازقة ، بس أنا متعودة عليها وبحبها.. ثم أشارت ببرائة زائفة للأريكة الكبيرة : = وعموماً براحتك لو هتتحمل الريحة ، عندك الكنبة هناك أهيه ، وعليها غطا نضيف روح نام وسيبني آكل ، أنا جعانة ومكلتش حاجة من الصبح. إبتسم عمر بتوعد := بقى كده ..كل الفيلم اللي إنتي عملاه ده ، علشان تنامي لواحدك وأسيبلك الاوضة ..سحبت حبيبة سكين ضخم من تحت الوسادة وهي تقول بتحذير : = لا إطمن أنا مش محتاجة أعمل فيلم ولا مسرحية ، ويكون في علمك لو قربت من السرير اللي أنا نايمة عليه حتى لو بالغلط.. ثم أشارت للسكين بتحذير جاد : = فا دي اللي هتتعامل معاك. رفع عمر حاجبيه وهو يقول بتسلية : = لاااا أنا كده خفت خالص و بترعش من كتر الخوف .. حتى شوفي. ثم مال نحوها فجأة وأختطف السكين من يدها بسرعة شديدة والقاه أرضاً ، ثم رفعها بين ذراعيه وهي تقاومه بشدة ، وإتجه بها إلى الحمام الخاص بالغرفة وألقاها بدون إهتمام في حوض الإستحمام ، ثم ضغط سريعاً على عدة أزرار جعلت الماء يندفع بقوة من كل إتجاه ويغرقها ، وهي تصرخ بغضب تحاول الإبتعاد عن الماء ولكنها تفشل ، وسط ضحكات عمر العالية ، والذي سحب علبة كبيرة من صابون الإستحمام السائل وأفرغها فوقها بالكاملوهو يقول بتحذير : = قدامك نص ساعة تاخدي فيهم شاور وتمحي أي أثر للقرف اللي كنتي بتكليه برة. أغلقت حبيبة الماء وأزالت شعرها عن عينيها وهي تصرخ بغضب : = أنا حرة أكل اللي أنا عيزاه .. مش عاجبك روح نام في أوضة تانية. إبتسم عمر و هو يقول ببرود := أنا فعلاً كنت ناوي أنقلك في أوضة تانية تكون خاصة بيكي لوحدك .. بس بعد الهبل اللي عملتيه ده هتنامي في أوضتي وجنبي على سريري ، لحد ما أنا اللي أقرر عكس كده. وقفت حبيبة بغضب بداخل حوض الإستحمام والماء يتساقط من ملابسها بطريقة مضحكة : = مش هيحصل ..أنا لا هنام جنبك ولا هنام معاك في مكان واحد. إبتسم عمر بتحدي := هنشوف .. ودلوقتي زي ما قلتلك قدامك نص ساعة تاخدي فيهم شاور وتخرجي ، وإلا هضطر أدخل و أساعدك تاخدي شاور بنفسي ..ثم همس بسخرية أمام وجهها الغاضب : = وأنا بقى مقولكيش بحب أدي كل حاجه حقها .. يعني ممكن الشاور ياخد ساعتين .. تلاتة .. ممكن للصبح.. ثم غمز بعينه بشقاوة وهو يفتح أزرار قميصه بإيحاء : = ولا أقولك أنا بقول ناخد مع بعض شاور علشان أتأكد بنفسي ، أن كل حاجة رجعت زي ما أنا عايزها. صرخت حبيبة به برعب وكادت أن تسقط في حوض الإستحمام وهي تقول بخوف : = لا متشكرة مش عايزه مساعدة ، أنا هاخد شاور بنفسي ومش هخلي أي أثر لريحة الفسيخ والبصل اللي مديقينك ثم تابعت وهي تشير لباب الحمام بتوتر وتمسح اثار سائل الاستحمام عن وجهها : = إخرج إنت بس برة ، وأنا هعمل كل اللي إنت عايزه..عمر بمرح : =متأكدة .. أنا ممكن أفضل وأساعدك عادي إحنا برضه في حكم المتجوزين. أشارت له حبيبة بالخروج وهي تقول بتوتر وغضب مكتوم : =متشكرة أوي يا عمر بيه ، أنا بعرف أستحمى لواحدي .. بس إتفضل إنت أخرج برة ، هموت من البرد والصابون عمى عيني. ضحك عمر وهو يقول بمرح : =ماشي يا بيبة عموماً أنا برة لو إحتجتي لأي مساعدة. ثم غادر وأغلق الباب من خلفه وهو يدندن بمرح.. خرجت حبيبة من حوض الإستحمام وتوجهت للباب بصعوبة وبطئ خوفاً من إنزلاقها أرضاً ، خصوصاً والماء والصابون يغرقها بالكامل ، ثم أغلقت الباب من الداخل بالمزلاج لتشعر ببعض الراحة ، وهي تقوم بخلع ملابسها إستعداد لأخذ حمام طويل يخلصها من الرائحة الكريهة العالقة بجسدها. في نفس التوقيت..اتصل عمر بالخدم وأمرهم بالتخلص من كل أثر للطعام المتواجد بالغرفة ، حتى أنه أمرهم بتغيير حاشية السرير وتبديلها بأخرى جديد من إحدى غرف القصر. ثم عاد إلى الغرفة بعد أن قام بالإستحمام و تغيير ملابسه إلى ملابس منزلية أكثر راحة ..فإرتدى شورت قطني أسود اللون و تيشرت رمادي مريح ، ليجد الخدم قد غادرو الغرفة بعدما إنتهوا من تنظيف الغرفة وفرشها وتعطيرها من جديد ، وقد قاموا بناءٍ على تعليماتهبتحضير مائدة صغيرة ممتلئة بأنواع لذيذة من الطعام. إقترب عمر من باب الحمام وهو يقول بمرح := حبيبة خلصتي ولا محتاجة مساعدة! وقفت حبيبة خلف الباب و هي ملتفة بمنشفة قطنية كبيرة وقالت بتوتر : = لاااء ..أنا خلاص خلصت .. بس .. بس ممكن تخرج برة عشان أعرف أخرج أغير هدومي ..عمر بإستفزاز : = طيب ما تغيري هدومك هو أنا مانعك. حبيبة وهي على وشك البكاء : = عمر .عمر بحنان : = عيون عمر..حبيبة بتوسل := عشان خاطر أغلى حاجة عندك أخرج برة ، خليني أعرف أخرج أغير هدومي. عمر بحنان := حاضر يا حبيبة عشان خاطرك هخرج برة .. بس إستني خمس دقايق هعمل حاجة قبل ما أخرج.. إنتظرت حبيبة خمس دقائق ثم إقتربت من باب الحمام وهي تتسائل بتوتر : = عمر …عمر إنت خرجت!! إلا أنه لم يجيبها فتأكدت أنه قد غادر الغرفة ، فخرجت بحذر من الحمام وهي تتلفت حولها بتوتر حتى تأكدت من خلو الغرفة ..أسرعت حبيبة إلى غرفة الملابس التابعة للغرفة ، تحاول إخراج بعض الثياب منها فوجدتها مغلقة ، فحاولت فتحها مرة ومرة وهي تقول بغيظ := ماهي كانت لسه مفتوحة إيه اللي قفلها بس.. حتى يأست من فتحها لتقول وهي على وشك البكاء : = أكيد عمر هو إللي قفلها علشان معرفش أجيب هدوم منها..ثم تأملت المنشفة التي تلف نفسها بها وهي تقول بخوف := أعمل إيه أنا دلوقت مش معقولة هنام عر*يانة كده ! ثم لمحت فجأة بعض الثياب الجديدة قد وضعت بعناية على طرف الفراش. رفعت حبيبة الملابس في يدها بلهفة لتجد أنهم عبارة عن طقم ملابس داخلية جديد وقميص نوم طويل مطرز من الشيفون الاخضر الثقيل الذي يشبه الفستان في تصميمه. نظرت حبيبة للقميص بغيظ وهي على وشك البكاء := كان لازم أتوقع منه كده ماهو أكيد مش هيعدي اللي عملته بالساهل. ثم نظرت للقميص برفض وغضب : = وأنا هلبس البتاع ده إزاي بس ، دا شفاف و مكشوف أوي ، ثم تنهدت بإستسلام وبدأت في إرتداء الملابس بسرعة خوفاً من عودته … بعد إنتهائها وقفت تتأمل برفض نفسها بشعرها الطويل المبتل بالماء ، والمنسدل في موجات ناعمة حول وجهها. في حين تبرز بسخاء قصة القميص المنخفضة جمال عنقها وكتفيها اللذان يتلئلئان كالمرمر الأبيض ، فينسدل الشيفون الناعم على جسدها برقة ، فيضيق من أعلى فيبرز رشاقة خصرها النحيل ، وينسدل بروعة على ساقيها ليشهد على جمال وروعة قوامها. لتقول بإرتباك := إستحالة أخليه يشوفني كده ، القميص ده مكشوف أوي ، أنا هدخل أنام في الحمام وأقفل عليا من جوه.. فتوجهت بسرعة إلى الحمام إلا أنها توقفت على صوت عمر يقول بإنبهار : = حبيبة.إلتفتت حبيبة إلى عمر وقالت بإرتباك : =أنا … أنا .. هاروح أجيب حاجة من الحمام.. إقترب منها عمر سريعاً ولف ذراعيه حولها وأدارها إليه يرفع وجهها إليه يتأملها بإفتتان : = الجمال ده كله كنتي مخبياه عني ..أدارت حبيبة عينيها عنه وقالت بإرتباك وهي على وشك البكاء من شدة الخجل := عمر..قربها عمر بشدة وتملك من أحضانه وهو يقول بعشق : = عيون عمر. تجمعت الدموع في عينيها وقالت بصوت مخنوق : = أنا مش هعرف أقعد قدامك كده .. أنا عايزه البيجاما بتاعتي..إبتسم عمر وهو يرفع وجهها إليه يمسح دموعها بحنان : = بس كده ..حاضر يا حبيبتي. ثم إقترب من عينيها وقبلهم برقة شديدة وهو يقول بحنان : = بس بلاش دموع .. مش عايز أشوف دموعك دي تاني..ثم قال بمرح : =إيه رأيك نتعشى سوى ..أنا خليتهم يحضرولنا حاجة حلوة ناكلها سوى..هزت حبيبة رأسها برفض وهي تقول بعناد طفولي : =أنا مش عايزه أكل ، أنا عايزه أغير إللي أنا لابساه ده .. أنا مش هعرف أقعد كده. إبتسم عمر بمكر ، ثم مرر يده أسفل ساقيها ورفعها بين ذراعيه وهو يقول بمهادنه : = حاضر هنعمل كل اللي إنتي عايزاه ، بس تعالي نتعشى الأول. حاولت حبيبة المقاومة بشدة ، والنزول من بين ذراعيه ، إلا أنها فشلت ، لتجد نفسها جالسة على الاريكة الكبيرة المواجهة للفراش و عمر بجانبها يلف يده حولها بتملك وعشق شديد. حبيبه بغضب := ممكن تشيل إيدك من عليا ، إحنا متفقناش على كده..ثم تابعت بتحدي := على فكرة ملوش لزوم كل اللي بتعمله ده ، أنا مش ناسية وفاكرة كويس كل حاجة عملتها فيا. تجاهل عمر حديثها الغاضب ورفعها فوق ساقيه يتأمل بحب وجهها المشتعل بحمرة الخجل وقال برقة : = طيب خليني أحاول أنسيكي وأنسي نفسي. ثم لف يده الأخرى حول خصرها يضمها إليه بعشق شديد وقد إقترب بإفتتان من شفتيها المذمومتان برفض يـ*قبلهم قـ*بل صغيرة عاشقة متتالية وهو يقول بعشق : = إنسي يا حبيبتي كل حاجة ، وإفتكري بس إنك معايا وليا وعمرك ماهتكوني لحد غيري . حاولت حبيبة الإبتعاد عنه ، إلا أنها و بدون إرادتها إستجابت لمشاعرها التي تقودها بالرغم عنها ، وفتحت شفتيها بإرتعاش ، لتتفاجأ به يضع في فمها حبة من فاكهة الفراولة الشهية والمغموسة بالشيكولاتة الزائبة ، ثم إقترب من شفتيها بعشق يلتـ*همهم بلهفة وقد ذابت الفاكهة بين شفتيهم. في فجر يوم الزفاف ..فتحت حبيبة عينيها وهي تبتسم براحة ، وعقلها المشوش يسترجع أحداث الأمس ويصوره لها كحلم جميل..لتتوقف عن الإبتسام وهي ترفع عينيها بصدمة فتجد عمر نائم براحة بجانبها ، وقد وضمها إليه بشدة بعد ان أراح رأسها على ذراعه ، وإستقرت إحدى ساقيه أسفل ساقها ، في حين إستقرت ساقها الأخرى فوق ساقه. فإشتعل وجهها بخجل شديد وهي تدرك الوضع شديد الحميمية الذي وجدت نفسها به ، خصوصاً وهي تَلمح قميص نومها مُلقي أرضاً ، وأنها قد نامت طوال الليل بين ذراعيه. تملكها شعور قوي بالعار وهي تتذكر بألم كل ماحدث بينهم في الأمس ..فعلى الرغم من أنه لم يتمم زواجه بها فعلياً ، إلا أن الفضل بذلك لا يرجع لها ، أو لتمنُّعها ، ففي الحقيقة ودون أن تخدع نفسها ، هي كانت دائماً هدفاً سهل له لا تستطيع مقاومته ، أو مقاومة قوة مشاعرها تجاهه فحبها له هو ما يقودها وليس عقلها..فهمست بداخلها بيأس : = غبية .. هتفضلي غبية لحد أمتى إنتي عارفة إنه بيتسلى بيكي ، و جيلان حبه الوحيد الحقيقي موجودة معاكي في نفس البيت ، وكلها كام يوم وهيطلقك ويرجع لها يبقى ليه تسمحيله يعمل معاكي كده .. ليه تسمحيله يعملك لعبة يتسلى بيها ويرميها لما يزهق منها. ثم تنهدت بألم وهي تقرر الإنسحاب من جانبه وإرتداء ملابسها قبل إستيقاظه حتى تحافظ على القليل المتبقي من كرامتها.. فحاولت بهدوء شديد سحب نفسها من جانبه ، ورفعت ساقها من فوقه وهي تكتم أنفاسها ، وهي تراقبه بتوتر حتى نجحت بإبعاد ساقها الأخرى بعيداً عن ساقيه. فتنفست أخيراً براحة ، وحاولت رفع الغطاء عنها ومغادرة الفراش بهدوء حتى لا تتسبب في إستيقاظه ، إلا أنها تفاجأت به يسحبها مرة أخرى بين أحضانه ، ويلف الغطاء حولها جيداً ، ثم يقبل اعلى رأسها بحنان وهو يريح رأسها من جديد على ذراعه ويدفن رأسه في عنقها بحب..شفتيه تستريح بهدوء على شريانها النابض وساقيه تلتف حول جسدها تقيدها إليه ليقول وهو مابين النوم واليقظة : = نامي يا حبيبتي وحاولي ترتاحي قدامنا سفر طويل بكرة. عقدت حبيبة حاجبيها وهي تقول بدهشة : = سفر .. سفر إيه ، هو إحنا هنسافر بكرة!! رفع عمر وجهه وابتسم لها وهو يمرر يده على منحنيات جسدها بتملك عاشق : = طبعاً هنسافر مش عايزانا نروح شهر العسل ولا إيه.. ثم ضمها بتملك أكثر إليه وكأنه يزرعها بين أحضانه و يقبل عينيها بعشق ويقول بصوت متيم بعشقها := ولا أقولك بلاش ننام ، أنا عندي حاجه أحسن نعملها. إحتجت حبيبة بتوتر :=إستنى بس يا عمر هقولك على حا…..ليضمها اكثر إليه وهو يبتلع إحتجاجها بداخله ، يـ*قبلها بعشق ملتهب أذاب إعتراضها ، وجعلها تبادله عشقه بعشق آخر ملتهب. في الصباح اليوم التالي : فتحت حبيبة عينيها لتجد عمر مستيقظ ، ويتأملها بإبتسامة عاشقة ، وهو يمرر يده على ملامح وجهها بإفتتان ، ثم مال عليها وقبلها برقة على شفتيها : = صباح الخير يا كسلانة إحنا داخلين على العصر ، يلا قومي خدي دش وإجهزي علشان كلها ساعتين و هنسافر. حبيبة بهمس := هنسافر فين ! ضم عمر جسدها إليه وهو يبتسم ويقول بحنان : =بصي يا بيبة ..أنا طبعاً كنت عايز نسافر برة .. أنا بملك برة أماكن حلوة كتير ، وكنت عايزك تشوفيها معايا .. بس جوازنا جه بسرعة وللأسف أنا عندي شغل كتير ومش مستعد أغيب عن الشركة دلوقتي..حبيبة بتفهم وهي تشعر أنه لا يحق لها مطالبته بأي شئ ، فهي زوجة مؤقتة في حياته : = عندك حق طالما عندك شغل فشغلك أولى طبعاً. عمر بلوم : = حبيبة متقوليش كده إنتي عندي أهم من الشغل ومن الدنيا كلها ، بس غصب عني دي إلتزامات وعقود أنا ماضيها من زمان و أوعدك هعوضك ، بس أخلص شوية الشغل دول ..ثم مال عليها وقبل كتفها العاري بعشق : = وبعدين أنا هاخدك معايا الساحل .. هخلص شوية شغل هناك و نقضي أسبوع حلو .. تعويض مؤقت يعني.. ثم قرص خدها برقة: =ها موافقة! حبيبة بإبتسامة مرتعشة := موافقة طبعاً. ثم حاولت النهوض ، إلا أن عمر منعها وهو يضمها إليه بعشق := رايحة على فين !! حبيبة بإرتجاف :=رايحة أخد شاور وأستعد زي ما قولتلي. ابتسم عمر بمكر := بعدين .. لسه بدري قدامنا ساعتين على ميعاد السفر ، أو حتى نتأخر حد له عندنا حاجة!! ثم قربها منه وبدأ من جديد عزف أنغامه على قيثارة مشاعرها.. بعد مضي بعض الوقت..وقفت حبيبة تتأكد من لف حجابها جيداً .. وهي تنظر بإعجاب لملابسها الجديدة ، فهي ترتدي فستان كشميري اللون طويل وأنيق مصمم للمحجبات ، ثم ابتسمت لنفسهاوهي تقول بتوتر : = أنا مش عارفة أصدقه ولا لاء .. خايفة أصدقه أتصدم تاني ، وخايفة مصدقوش وأصده أظلم نفسي وقلبي اللي بيدوب فيه..ثم تنهدت وهي تقول بإرتجاف : = طيب أنا مش فاهمة إزاي بيحبني زي مابيقول ، وملهوف عليا زي ما بيحاول يبينلي ، وإزاي ماتممش جوازه مني .. ليه حاطط لنفسه حدود معايا ومبيتجاوزهاش مهما حصل ، مش المفروض أنا مراته وبيحبني ، يبقى ليه بيعمل كده أنا هتجنن ، دا غير علاقته بجيلان اللي معاه في كل مكان ، حتى الأسبوع اللي هنسافر فيه ، هاتيجي معانا بحجة الشغل. ثم تنهدت وقالت بتعب : = أنا هعمل نفسي مصدقاه ، وهتجاهل إني عارفة إنه بيحب غيري ، وإني حاجة مؤقتة في حياته ، وهاحاول أعيش وأفرح ، حتى ولو سعادة وفرحة مؤقتة ، أهو يبقى عندي ذكرى حلوه منه ، أعيش بيها وليها. ليقاطع حديثها مع نفسها إرتفاع رنين هاتفها : عقدت حبيبة حاجبيها وهي تتأمل الرقم الغريب الذي يظهر على شاشة الهاتف لتقول بإستغراب : =ألو.. فأجابها صوت رجل غريب على أذنيها : = مبروك يا حبيبة قلبي ، كان نفسي نكمل رقصتنا إمبارح بس ملحوقة الأيام جاية كتير. حبيبة بغضب : =حبيبة قلبك ورقصتنا .. مين بيتكلم معايا !! صادق بلزوجة وبرود :=معاكي صادق بيه أبو الدهب معقولة نسيتيني بسرعة كده !حبيبة بغضب : = إنت إتجننت جبت رقمي منين ، وإزاي تتكلم معايا بالشكل ده. صادق بخشونة : = جبت رقمك من شريف .. ابن عمك .. فكراه! شحب وجه حبيبة وهي تقول بتوتر خائف = إيه!! صادق بمرح : = إللي سمعتيه ياروح قلبي .. جبت رقمك من شريف ، أصله بيشتغل عندي وأوامره كلها بياخدها مني.. ليقول بتأكيد :=فاهماني .. أوامره .. كلها .. مني .. ومبيخبيش عني أي حاجة مهما كانت صغيرة ..جلست حبيبة على طرف الفراش وهي تشعر بالدوار يستولي على رأسها ، فقالت بصوت هامس مرتجف : = وإنت عايز إيه دلوقت بتتصل بيا ليه ! صادق ببرود : =عايزك..حبيبة بصدمة : = إيه !! صادق ببرود : = إللي سمعتيه .. عايزك.. عايزك ليا .. ولواحدي .. قدامك أسبوع تنهي فيه علاقتك بابن الرشيدي ، وتكوني عندي في البيت. صرخت حبيبة بغضب : =إنت إتجننت إزاي تتكلم معايا بالشكل ده .. إنت فاكرني إيه !! صادق بتهكم : =إهدي يا حبيبة انتي هتعمليهم عليا أنا كمان ولا إيه ، وعموماً متخافيش أنا هتجوزك بعد عدتك ماتخلص وهعملك فرح أكبر من اللي الرشيدي عملهولك.. ليتابع بحدة := بس شهور عدتك هتقضيها في بيتي ، وهنعلن خطوبتنا وقصة حبنا للعالم كله ، وأولهم ابن الرشيدي. حبيبة بصدمة := وإنت هتستفيد إيه من كده ، عمر أصلاً مبيحبنيش وجوازتنا دي جوازة مؤقتة ، يعني كل اللي إنت بتعمله ده ملوش فايدة. صادق بحقد. :=ملكيش فيه إنتي تنفذي اللي تتأمري بيه وبس وبعدين إنتي غبة ومش فاهمة حاجة .. عارفة يعني إيه مرات عمر الرشيدي وحش أسواق المال اللي بينحني قدامه كبر رجال الأعمال ، تبقى في بيتي وتبقى مراتي ، و بعد أقل من أسبوع على زفافها منه .. دي هتبقى فضيحة الموسم .. فضيحة هتكسره وهتكسر هيبته والهالة اللي بانيها حواليه ، وعاملة منه أسطورة محدش قادر يقرب منها. حبيبة بغضب := أنا مستحيل أعمل كده وأعلى ما في خيلك أركبه ، أنا مبتهددش ولا عندي حاجة أبكي عليها ، حتى لو هتسجن ميهمنيش. ثم تابعت بشجاعة: = ولعلمك أنا هقفل معاك وهحكي لعمر على كل حاجة واللي يحصل .. يحصل. صادق بغضب وغل :=إسمعي يا بت .. لو الرشيدي عرف أي حاجة .. قبل ما يتحرك خطوة واحدة هكون مصفيه .. ما أنا مش هستنى لما ألاقيه فوق راسي ، و جاي ياخد بتاره مني ، ولعلمك أنا دافع تمن قتله ، وأول ما أقول خلص هيخلص ، وهتبقى حرم المرحوم عمر الرشيدي .. دا لو مخلصش عليكي هو الأول .. ودا طبعاً بعد ما يعرف كل اللي إنتي مخبياه عنه.. ثم تابع بتهديد := معاكي اسبوع من دلوقتي ، أسمع خبر طلاقك وتكوني عندي في البيت ، وإلا متلوميش غير نفسك.ثم أغلق الهاتف وتركها تجلس بذهول...

نظرت حبيبة لهاتفها بصمت وذهول. دموعها تسيل وقلبها يخفق بجنون من شدة اضطرابها. عقلها يعمل في كل اتجاه، تحاول إيجاد حل للمصيبة الجديدة التي وجدت نفسها بها، فلا تجد. كل الطرق مسدودة بوجهها.

مسحت دموعها بارتعاش وهي تحاول الاتصال بشريف أكثر من مرة دون نتيجة، حتى أجابها أخيراً.

وقفت حبيبة وصرخت به بغضب:

= إنت مش عايز ترد عليا ليه؟ سايبني في المصيبة دي لوحدي ومش سائل فيا!

مسحت حبيبة دموعها بعزم وهي تتابع بغضب:

= مين صادق ده يا شريف ودخله إيه هو كمان بالمصيبة اللي ورطتني فيها معاك!

شريف بحدة:

= صادق ده هو اللي ورا كل اللي عملناه. بيكره الرشيدي ومستعد يدفع كل اللي وراه وقدامه عشان يشوفه مذلول قدامه. ونصيحتي اسمعي كلامه أحسن لك، إنتي مش قدّه ولا قد الناس اللي وراه.

ثم تابع بتحذير جاد:

= صادق أبو الدهب مش لوحده، ده معاه ناس تقيلة أوي. وكلهم عايزين يخلصوا من الرشيدي اللي واخد السوق كله لحسابه. وأي حد هيقف قصادهم هيخلصوا عليه. فاعقلي كده بدل ما يمحوكي ويمحوني معاكي من الوجود خالص.

حبيبة بارتعاش وإصرار:

= المرة دي أنا مش هسمع كلامك ولا هسمع كلامه ولا كلام أي حد. أنا هقول لعمر على كل حاجة، وهو قادر إنه يتعامل معاكم.

شريف بغضب:

= إنتي اتجننتي يا حبيبة؟ عارفة عمر لو عرف أي حاجة هيعمل فيكي وفينا إيه!

حبيبة بانهيار:

= يعمل اللي يعمله، أنا راضية. أنا مش هفضل ساكتة لحد ما تنجحوا في اللي انتوا عايزينه، وألاقيه جثة قدامي.

ثم تابعت بإصرار:

= هقوله يا شريف.. هقوله عليك وعليا وعلى مي وصادق واللي معاه. وهحكيله على كل حاجة. أنا خلاص مبقتش باقية على حاجة.

ثم أغلقت الهاتف في وجهه دون أن تعطيه فرصة للرد. ثم أغلقت عينيها وهي تحاول الاستعداد نفسياً لمواجهة عمر. فسالت دموعها وهي تقول بتعب:

= يا رب ساعدني.

ليرتفع رنين هاتفها فجأة وتظهر عليه نمرة عمر. أجابت حبيبة بتوتر:

= ألو.

عمر بحنان:

= أيوه يا بيبة. معلش يا حبيبتي أنا روحت الشركة أنا وجيلان في شوية أوراق وحاجات محتاج أشوفها وأناقشها معاها قبل ما نسافر. أجهزي علشان كلها ساعتين تلاتة بالكتير وهنكون عندك.

مسحت حبيبة دموعها وهي تقول بهمس:

= حاضر.. بس..

عمر بقلق:

= في إيه يا حبيبة؟ صوتك ماله؟ في حد زعلك؟

حبيبة بارتعاش وصوت متعب:

= لا أبداً مفيش حد زعلني ولا حاجة. أنا كويسة خالص.

عمر بقلق:

= إنتي صوتك متغير. إنتي زعلانة إن جيلان جت معايا الشركة وهتسافر معانا؟

ثم تابع بحنان:

= بصي يا عيون عمر وروحه. جيلان جات معايا الشركة ومسافرة معانا، علشان أنا هشتري منها القرية السياحية بتاعتها. ورايحة علشان أعاينها وأقرر هتمم البيع ولا لأ. وللأسف أنا كنت محدد ميعاد المعاينة معاها ومع الشركاء بتوعها قبل فرحنا بكتير. فعشان كده مقدرتش ألغي الاجتماع. وقلت أستغل السفرية في إننا نعمل شهر عسل صغير لحد ما أخلص كل ارتباطاتي. بس أوعدك هعوضك وقريب خالص.

ثم تابع بحنان:

= ها قمري لسه زعلان مني!

ابتسمت حبيبة بارتعاش ودموعها تسيل، وقالت بصوت حاولت أن تخرجه بشكل طبيعي:

= لأ مش زعلانة.. بس متتأخرش عليا.

عمر بابتسامة حانية:

= تلات ساعات بالكتير أوي وهكون عندك. سلام يا حبيبي.

همست حبيبة وهي تغلق الهاتف:

= مع السلامة يا حبيبي.

ثم انهارت أرضاً وهي تغرق في عاصفة من البكاء وهي تشعر أنها تودعه إلى الأبد. فصرخت بوجع شديد:

= مش قادرة أقوله على حاجة.. مش قادرة.. أنا حاسة إني بموت. ساعدني يارب.

ثم تابعت بوجع وهي تحاول النهوض بعزيمة:

= بس لازم أقوله. لو سكت ممكن ينجحوا في أذيته. وساعتها يبقى الموت أهون عندي.

ثم مسحت عينيها بتعب وهي تخرج من غرفتها وتقرر انتظار عمر في غرفة مكتبه بالقصر.

قبل قليل..

نظرت عصمت إلى هاتفها الذي ارتفع رنينه بتأفف وغضب:

= وده بيتصل تاني ليه؟ مش كنا خلصنا منه!

عصمت بحدة:

= أيوه يا شريف بتتصل بيا ليه؟ مش كنا اتفقنا إنك تنسانا وتنسى كل اللي جمعنا بيك وخدت قصاد ده الفلوس اللي انت عايزها.

شريف بغضب:

= سيبك من الكلام الفارغ ده وإسمعيني كويس. في مصيبة هاتقع على راسنا كلنا لو ملحقناش نتصرف.

عصمت بترقب وخوف حاولت ألا تظهره له:

= مصيبة إيه اللي بتتكلم عنها؟

شريف بتوتر وخوف:

= حبيبة هتقول لعمر على كل حاجة. اتفاقنا ومحاولتنا قتله ودور مي ودوري في الحادثة اللي حصلت له.

شهقت عصمت وصرخت برعب:

= إنت مش قولتلي إنك مسيطر عليها وإنها متقدرش تعمل حاجة إلا بإذنك. ولا كنت بتضحك عليا علشان تاخد مني الفلوس دي كلها؟

شريف بغضب:

= إنسي الفلوس اللي دفعتيهالي وركزي معايا. وإلا هتلاقي نفسك مرمية برة القصر إنتي وبنتك. ولا مرميين في السجن بتهمة الشروع في القتل.

ليتابع بتحذير:

= دا غير اللي هيعمله عمر فينا.

عصمت بتوتر:

= طيب وأنا همنعها إزاي بس!

شريف بغضب:

= معرفش. اتصرفي. موتيها. احبسيها. أي حاجة المهم تمنعيها إنها تتكلم.

ثم تابع وهو يغلق الهاتف:

= أنا هستنى تليفون منك يطمني… سلام.

أغلقت عصمت الهاتف وهي تفكر بطريقة تمنع بها حبيبة من الاعتراف لعمر بحقيقة ما حدث له.

ثم ابتسمت وهي تقول بقسوة:

= أيوه هي دي الطريقة الوحيدة وبيها هبقى ضربت عصفورين بحجر واحد. اتخلصت من حبيبة وأمنت حياة بنتي. ومفيش حد يقدر يهددني إنه هياخدها مني بعد كده.

ثم رفعت الهاتف واتصلت برقم عم مي، الذي أتاها صوته مرحباً:

= أهلاً وسهلاً بست الكل. إيه المكالمة العزيزة دي.

عصمت بحدة:

= إسمعني يا حاج دسوقي، مفيش وقت. عندي عرض ليك. مليون جنيه زائد العشر فدادين ورث مي من جدها. كل دول بس تساعدني في اللي عيزاه منك.

ابتسم دسوقي بجشع:

= انا خدامك ومن غير أي حاجة. دا انتي خيرك مغرقني.

عصمت بتوتر:

= بس اللي هطلبه منك صعب. ممكن يوصل للقتل.

دسوقي بابتسامة جشعة:

= محدش بيعيش أكتر من عمره وإحنا أسباب بس يا ست هانم. المهم الفلوس وهتسجليلي الأرض إمتى!

ابتسمت عصمت وقالت بتحذير:

= طيب اسمعني واللي هقوله ده محدش يعرف بيه وخصوصاً اخوك الحاج رفعت.

دسوقي بإنزعاج:

= ليه؟ وانتي شيفاني مجنون علشان أقوله حاجة زي كده؟ دا كان يسلمنا للبوليس بإديه.

ثم تابع بجدية:

= المهم يا ست الكل خلينا في موضوعنا. فهميني كده بالراحة أوامرك إيه وأنا هخلص علطول.

عصمت بقسوة:

= اسمعني كويس وأحفظ اللي هقولهولك و نفذه. مش عايزة أي غلطة.

ثم بدأت بقسوة في إملائه خطتها المخيفة.

بعد قليل..

أغلقت حبيبة باب غرفتها بتوتر وهي في طريقها لغرفة مكتب عمر لتجد عصمت هانم تقف أمامها.

عصمت بحقد:

= مبروك يا عروسة. لبسه كده ورايحة على فين!

حبيبة بتوتر:

= نازلة أستنى عمر تحت علشان مسافرين الساحل.

ابتسمت عصمت برقة مزيفة:

= خسارة إننا مش هنسافر معاكم. الماية والرملة مفيدة أوي للروماتيزم اللي عندي.

لتتابع برجاء:

= بس ممكن أطلب منك طلب تجيبهولي وإنتي راجعة من هناك. ولا ده يدايقك!

حبيبة وهي تدرك أنها في كل الأحوال لن تسافر مع عمر، خصوصاً بعد معرفته الحقيقة منها، إلا أنها أجابت بتعب:

= لا أبداً هدايقني ليه. شوفي حضرتك عايزه إيه وإن شاء الله هجيبهولك وأنا راجعة.

ابتسمت عصمت بارتياح:

= طيب تعالي معايا أوضتي هديكي إزازة أملاح بحر تجبيلي زيها من هناك. أصل مش لاقياها هنا خالص.

نظرت حبيبة في ساعة يدها بتوتر لتدرك أن الوقت مازال مبكراً على عودة عمر، فأمامه أكثر من ساعتين ونصف حتى يحين موعد رجوعه.

فابتسمت بتوتر وتعب وهي تتبعها بإستسلام إلى غرفتها.

دخلت عصمت إلى الغرفة وهي تشير بالدخول لحبيبة التي تقف بتردد على باب الغرفة وتقول بابتسامة خبيثة:

= ادخلي يا حبيبة. انتي خلاص بقيتي صاحبة بيت وكلنا ضيوف عندك.

دخلت حبيبة إلى الغرفة وهي تهمس بتعب:

= متقوليش كده يا عصمت هانم. دا بيتك قبل ما يكون بيتي وأنا اللي ضيفة عندك.

اغلقت عصمت باب الغرفة وهي تقول بمرح زائف:

= خلاص ياستي يبقى احنا الاتنين ضيوف عند بعض.

ثم تابعت بابتسامة زائفة:

= اقعدي يا حبيبة واقفة ليه. ثواني وهجيبلك الإزازة من الحمام.

جلست حبيبة على مقعد وثير في مقابل الفراش وعقلها تقريباً غائب عنها وعن ما يحدث بداخل الغرفة. فلم ترى عصمت وهي تغطي فمها وأنفها بمنديل وتخرج جهاز صاعق كهربي صغير يستعمل في الدفاع عن النفس. ثم قامت بإطلاق دفعة منه نحو جسد حبيبة الذي انتفض بعنف وقوة وتسبب في شلل مؤقت في حركتها.

صرخت عصمت بغضب وهي تراقب بتوتر حبيبة الغائبة عن الوعي:

= مي! إنتي يا زفتة هاتي حقنة المخدر بسرعة قبل ما تفوق.

خرجت مي سريعاً من الحمام الملحق بالغرفة والذي كانت مختبئة به وهي تحمل حقنة مملوءة بسائل مخدر وقالت بتوتر:

= الحقنة أهي يا ماما. هنعمل إيه دلوقتي!

كشفت عصمت ذراع حبيبة وهي تقول بحدة:

= امسكي دراعها كويس وهاتي الحقنة دي. أنا اللي هديهالها.

ثم حقنتها بسرعة ودقة بداخل الوريد.

تنهدت وهي تقول براحة:

= كده كويس. مش هتفوق إلا بعد ساعتين تلاتة أو أكتر. المهم نجهزها بسرعة.

مي بدهشة:

= نجهزها إزاي يعني! مش فاهمة؟

اتجهت عصمت إلى خزانة ثيابها وأخرجت منه فستان أحمر ضيق ذو حمالة واحدة وقصة صدر منخفضة طوله يصل إلى ما فوق الركبة.

ثم قالت وهي تنظر لساعة يدها بتوتر:

= بطلي أسئلة وساعديني أقلعها الحجاب والفستان اللي لبساه. مفيش وقت. يلا بسرعة.

اسرعت مي بإطاعة أمر والدتها التي قامت بنزع ملابس حبيبة عنها وجعلتها ترتدي الثوب الأحمر المثير، بعد أن تخلصت من حجابها وإطلاق شعرها بدون قيود ووضع مكياج سهرة كامل لها.

ثم نظرت بتوتر إلى حبيبة الغائبة عن الوعي ونظرت لساعة يدها بغضب:

= وده اتأخر هو كمان كده ليه!

ليرتفع فجأة رنين هاتفها.

عصمت بغضب:

= اتأخرت كده ليه؟ عمر زمانه على وصول. ولو جه ولقى الحرباية دي لسه هنا هنروح كلنا في داهية.

دسوقي بجدية:

= متقلقيش يا ست الكل. أنا واقف بعيد عن القصر بتاعكم بتلات شوارع زي ما اتفقت.

عصمت بتوتر:

= طيب خلاص كلها عشر دقايق وهكون عندك.

ثم أغلقت الهاتف وقالت لمي بتوتر:

= وقفتي العربية تحت سلم البلكونة زي ما اتفقت!

مي وهي تنظر لحبيبة فاقدة الوعي بخوف:

= أيوه يا ماما. هو انتوا هتعملوا فيها إيه!

عصمت بغضب:

= وده وقت أسئلتك الغبية دي. ساعديني يلا نحطها في العربية قبل عمر ما يجي. وإلا حد يحس باللي بنعمله.

ثم رفعت حبيبة بمساعدة مي بصعوبة شديدة، ولفت يدها حولها تدعمها من خصرها حتى لا تسقط. ثم توجهت بها إلى الأسفل عن طريق الدرج المتصل بشرفة الغرفة والذي يصلها بحديقة القصر الخلفية.

وقامت بوضعها بصعوبة في داخل صندوق السيارة الخلفي ثم أغلقته عليها وهي تقول لمي بتوتر وإجهاد شديد:

= خليكي انتي هنا علشان لو عمر وصل ولو سأل عليا قوليله رحت لدكتور الأسنان.

ثم قادت سيارتها سريعاً لإكمال خطتها الشيطانية.

بعد مرور ساعتين…

وصل عمر إلى القصر برفقة جيلان، وقال بهدوء للخادمة التي استقبلتهم:

= حبيبة هانم فين!

الخادمة باحترام:

= حبيبة هانم لسه منزلتش من أوضتها.

اتجه عمر فوراً للأعلى وهو يقول بلهفة لم يستطع أن يتحكم بها:

= أنا هاطلع أشوف حبيبة وهجيبها وإنتي استعدي علشان هنسافر.

جيلان بتعجب وغضب وهي تتابع صعوده السريع إلى الأعلى:

= البت دي ساحراله ولا إيه؟ عمري ماشفته ملهوف على حد بالشكل ده ولا حتى عليا.

ثم تابعت بغضب:

= ماشي يا ست حبيبة. لما نشوف أخرتها وياكي إيه!

في نفس التوقيت..

فتح عمر باب الجناح الخاص به هو وحبيبة، ليجد الغرفة خالية وحقائب السفر الخاصة بهم مجهزة وموضوعة بجانب الفراش.

عمر بمرح وهو يدخل إلى غرفة الملابس:

= بيبة انتي فين؟ يلا يا حبيبي يدوب نسافر قبل زحمة الطريق.

ليتفاجأ بخلو المكان منها وذلك بعدما بحث عنها في غرف الجناح بالكامل، ليتناول هاتفه ويحاول الاتصال بها إلا أنه تفاجأ بغلق هاتفها.

عقد عمر حاجبيه بحنق:

= مش فاهم قافلة تليفونها ليه. أكيد فصل شحن ومخدتش بالها.

ثم ابتسم بتفهم:

= تلاقيها قاعدة مع جدتي تحت بتفطر معاها.

ثم توجه فوراً إلى الأسفل إلى جناح جدته التي نفت رؤيتها لها.

عمر بقلق:

= مش موجودة في أوضتها ولا هنا. يعني هتكون راحت فين!

الجدة بمرح:

= اهدى يا عريس مش كده. القصر كبير وممكن تكون موجودة في أي مكان فيه.

ثم تابعت بمرح:

= تلاقيها قاعدة في الجنينة بتستناك. هي بتحب تقعد وسط الشجر والزرع.

توجه عمر فوراً إلى الحديقة يبحث عنها، إلا أنه لم يجدها بها أيضاً.

فقال بغضب وقد تصاعد شعور قوي بالقلق بداخله:

= ماشي يا حبيبة. بس لما أشوفك بتستخبي مني زي العيال.

ثم اتجه إلى الداخل مرة أخرى وأمر الخدم بالبحث عنها في غرف القصر.

في حين اتصل هو بالأمن الموجود على بوابة القصر وقال بتوتر:

= حبيبة هانم خرجت من القصر النهاردة!

الحارس الأمني:

= لا يا فندم. مفيش حد خرج من القصر النهاردة غير حضرتك وجيلان وعصمت هانم.

أغلق عمر معه بعد أن سيطر القلق عليه، والذي تحول إلى غضب عارم عندما أخبرته الخادمات بفشلهم في العثور عليها.

عمر بغضب شديد:

= يعني إيه الكلام الفارغ ده؟ أطلعوا دوروا عليها كويس.

ثم اتصل بغضب برئيس فريقه الأمني:

= ممكن اعرف انت واقف انت والتيران اللي زي قِلتهم برة بتعملوا إيه!

رئيس الفريق الأمني بارتباك:

= في إيه يا فندم؟ إيه اللي حصل بس!

صرخ به عمر وهو يفتح أحد أبواب الغرف يبحث عن حبيبة بجنون:

= فيه إن مراتي اختفت من قلب بيتي ومش عارف حصلها إيه. والأمن اللي المفروض بيحموا أهل بيتي هما أخر من يعلم.

ثم تابع بغضب مجنون:

= إقلبلي القصر فوقه تحتيه وادعي إني ألاقيها وتكون بخير وإلا وربي لهمحيك إنت والبهايم اللي واقفين برة من على وش الدنيا.

ثم أغلق الهاتف وتابع البحث بغضب شديد وقلبه ينبئه بوقوع مكروه لها.

في نفس التوقيت…

حاولت حبيبة فتح عينيها بتعب، إلا أنها أغلقتهم مرة أخرى وهي تشعر بالدوار الشديد يكتنف رأسها، وعقلها يلفه الضباب.

في حين ترتفع أصوات مبهمة بجانب رأسها.

لتفتح عينيها فجأة بفزع بعد إغراق وجهها ورأسها بالماء.

شهقت حبيبة وهي تتأمل المكان حولها بخوف وفزع:

= أنا.. أنا فين.. وأنتم مين وعايزين مني إيه!

لكزها دسوقي بعصاه في كتفها العاري بقسوة:

= إخرسي يا فاجرة ومتنطقيش إلا أما نديكي إذن بالكلام.

توقفت حبيبة عن الكلام وهي تتأمل الغرفة من حولها برعب شديد، لتجدها غرفة فارغة من الطوب الأحمر وسقفها مغطى بعروق الخشب الأسود، ولا تحتوي إلا على مجموعة من الأفران المبنية بالطين ومكدس على جوانب أرضها أكوام من الحطب والقش.

ثم رفعت عينيها برعب لتجد رجلان يتصفان بالغلظة، أحدهم رجل في أواخر الخمسينات من عمره، يرتدي جلباب بلدي من الصوف وبجانبه شاب في بداية الثلاثينات من العمر، أكثر غلظة منه، ويرتدي بنطال وقميص، وبجانبهم امرأة تلبس جلباب أسود واسع تنظر إليها بقسوة.

حبيبة بخوف:

= إنتم مين وعايزين مني إيه؟

لتخرسها صفعة قوية على وجهها من الشاب الأصغر سناً، أسالت الدماء من أنفها.

ثم قام بلف شعرها بقسوة شديدة على يده ورفع وجهها إليه وهو يقول بغلظة شديدة:

= مش قالك إخرسي. الكلمة اللي نقولها تتسمع. وإلا هدفنك مطرحك. وملكيش دية عندينا.

لتقول السيدة بتهكم وقسوة:

= أدبها يا عطوة وإكسر لها ضلع يطلع لها أربعة وعشرين. دي تربية فاسدة ولازم تتربى من جديد.

ليتعالى صوت قوي فجأة لرجل في الستينات من عمره، يرتدي هو الآخر جلباب صوفي واسع:

= إيه اللي موقفك هنا يا أم عطوة؟ أنا مش قلت مفيش حريم يقربوا منها إلا بإذني ولا كلامي مبيتسمعش!

أم عطوة بارتباك:

= أني كنت جاية أشوفكم يمكن محتاجين حاجة كده ولا كده يا حاج رفعت.

تجاهلها الحاج رفعت ووقف ينظر لملابس حبيبة شبه العارية بغضب:

= إيه اللي إنتي لابسه ده يا بنت أخويا. لابسه زي الغوازي. هو ده اللي علمتهولك أمك عصمت هانم بنت الزوات!

سالت دموع حبيبة وقالت بخوف وتقطع وهي لا تستطيع ترتيب كلماتها من شدة الرعب:

= عصمت مش.. مش أمي. إنتوا غلطانين. أنا مش بنت أخوك و معرفكمش. وعمي الوحيد مات من زمان. إنتوا أكيد.. أكيد تقصدوا مي بنت عصمت هانم مش أنا.

أشار دسوقي بطرف عينه لابنه عطوة حتى يمنعها من الحديث وكشف خديعتهم أمام أخيه الكبير.

فاندفع عطوة ناحيتها كالثور الهائج بعد أن خلع حزام بنطاله. ونزل به على جسدها يجلدها به بعنف شديد وهو يصرخ بغضب حتى يصمتها:

= إنتي بتفولي علينا بالموت يا فاجرة. جبتي راسنا في الوحل. وكمان بتنكري أصلك. والله لأموتك وأخلص من عارك اللي أهل البلد بيعيرونا بيه لحد دلوقتي.

صرخت حبيبة برعب وألم وهي تخفي وجهها بين ذراعيها تحميه من ضربات الحزام التي تنزل عليها كلسعات من النار تكوي ظهرها وساقيها وتنزف الدماء من الجروح التي تخلفها ضربات الحزام.

ضرب الحاج رفعت عصاه في الأرض بقوة وهو يقول بغضب:

= كفاية يا عطوة هتموتها في إيدك. حوش ابنك يا دسوقي. وإلا يمين تلاتة أخدها عندي ومش هيبقالكم دخل بيها بعد كده.

سحب دسوقي ابنه بعيداً عنها وهو يقول بغضب مفتعل:

= خلاص يا عطوة كفاية كده. متصغرناش مع عمك.

الحاج رفعت بقسوة:

= الغلط مش عليها. الغلط على أمها اللي سيباها دايرة على حل شعرها. ومنعتنا إننا نقرب منها ولا نعرفها لحد ما كبرت وبقت متفرقش عن الغوازي.

صرخت حبيبة به وهي تقاطعه ببكاء شديد:

= أنا مش مي. أنا اسمي حبيبة. اسمي حبيبة. حتى ممكن تتصلوا بعصمت هانم أو بجوز…

لتقاطعها صفعة قوية أخرى على وجهها ودسوقي يقول بقسوة:

= مش قلت إخرسي. إيه فكرانا هنترجاكي. وعموماً أمك هنا وهي اللي جابتك لينا بنفسها.

ثم تابع بقسوة:

= ادخلي يا عصمت هانم. شوفي بنتك وهي بتتبرا من أصلها.

دخلت عصمت إلى الغرفة وهي تتأمل بشماتة حبيبة التي تغطي جسدها الدماء والجروح.

فشهقت ووضعت يدها على قلبها تمثل أنها قد صدمت:

= انتوا عملتوا فيها إيه؟ حرام عليكم!

صرخت حبيبة تستنجد بها وهي تبكي:

= عصمت هانم.. إلحقيني. ابوس إيدك قوليلهم إن أنا مش بنتك و إن أنا اسمي الحقيقي حبيبة مش مي.

أخفت عصمت وجهها وهي تمثل البكاء والإنهيار:

= كفاية تمثيل يا مي. محدش هيصدقك. أنا تعبت منك وخلاص. أعمامك هما اللي بقوا مسئولين عنك بعد ما خلاص اتأكدت إني فشلت معاكي.

ثم تابعت وهي تلقي قنبلتها الأخيرة بخبث:

= أخرتها أجيبك من حضن واحد ومن شقته. والله أعلم انتم كنتوا بتعملوا إيه مع بعض!

نظرت حبيبة لها بذهول ودموعها تتساقط برعب:

= إنتي.. إنتي بتقولي إيه.. إنتي كدابة. شقة إيه اللي جبتيني منها.. أنا مش فاهمة انتي بتعملي كده ليه.

ثم صرخت وهي تبكي بانهيار:

= أنا مش بنتك. حرام عليكي. إنتي عايزة إيه أكتر من كده.. حرام عليكي!

ولكن ما أخرسها هذه المرة كان الحاج رفعت الذي نادى بصوت مرتفع وغاضب:

= أم عطوة.

هرولت أم عطوة إلى الغرفة وهي تنظر إلى عصمت بشماتة. في حين بادلتها عصمت النظرات بسخرية مستترة.

أم عطوة بطاعة:

= أمرك يا حاج.

الحاج رفعت بصرامة:

= تجيبلي بسرعة دايتين يكشفوا عليها ويشوفوها لساها بنت بنوت ولا خاطية وجابت لينا العار.

هرولت أم عطوة للخارج تطيع الأمر. في حين أشار لعطوة بعصاه:

= وإنت تحفر لها قبر في الأرض الشرقية. لو طلعت خاطية يبقى الشمس متشرقش عليها.

عطوة وهو ينظر لحبيبة بشهوة وأسف:

= أمرك يا عمي.

حبيبة بذهول ورعب ودموعها تختلط بالدماء التي تغرق وجهها:

= انتم مجانين. أنا مش مي. مش مي. ومتجوزة. متجوزة من عم…

لطمها عطوة في وجهها بقسوة شديدة، جعلتها تترنح بشدة تكاد تغيب عن الوعي وهو يقول بقسوة:

= متجوزة إيه يا فاجرة. إنتي هتعمليهم علينا!!

ثم ابتعد بعد دخول سيدتين برفقة والدته التي قالت بشماتة وهي تتأمل عصمت التي تمثل الإنكسار:

= الدايتين وصلوا يا حاج.

أشار الحاج رفعت لعصمت وأخوه وابن شقيقه أن يتبعوه للخارج.

ليمر بعض الوقت وعصمت تقف بالخارج تنتظر بانتصار وهي متأكدة من نتيجة الكشف الذي تقوم به الدايتين. فحبيبة متزوجة من عمر وبالأمس كانت ليلة دخلتهم.

مال دسوقي على أذن عصمت يقول بانتصار:

= نقول مبروك علينا الأرض والمليون جنيه يا هانم.

همست عصمت بشماتة وقسوة:

= لما أشوفها بعنيه مدفونة في القبر ومقفول عليها. ساعتها يبقى حلال عليك الأرض والفلوس.

ثم صمتت وهي تبتسم بشماتة مع ارتفاع صوت أم عطوة التي قالت بتجهم:

= اتفضل تعالى يا حاج. إحنا خلاص خلصنا.

دخل الجميع إلى الغرفة وهم يتجاهلون حبيبة التي تبكي برعب وانكسار وألم بعد كل ما فعلوه بها.

ليشير الحاج رفعت لحبيبة:

= ها لقيتوا إيه يا أم عطوة؟

أم عطوة بتجهم:

= البت صاغ سليم بـ*ختمها يا حاج. لساها بت بنوت ومحدش مسها.

عصمت بصدمة:

= إيه!

الداية بجدية:

= اللي سمعتوه. البنية شريفة وعفيفة ولساها بت بنوت. ودي شهادة حق لينا قدام ربنا.

تنهد الحاج رفعت وقال براحة:

= إكده أنا ارتحت.

ثم أشار لعطوة بأمر:

= جهز نفسك. كتب كتابك على بت عمك النهاردة العشا.

ثم تابع بأمر:

= وإنت يا دسوقي إدبح العجول ومد الموائد وإملا البلد كهارب. أنا عاوز فرح الكل يتحاكى عنه.

ثم صرخ بهم بغضب:

= يلا اتلحلحوا واقفين تبصولي كده ليا!

شحب وجه عصمت وهي تنظر لحبيبة بصدمة بعد فشل خطتها للتخلص منها، وتأمين ابنتها مي بإيهام عمها الحاج رفعت بقتله ابنتها، والتخلص من إلحاحه وبحثه الدائم على ابنتها ورغبته بضمها إليه.

في حين صرخت حبيبة برعب:

= انتوا بتقولوا إيه؟ أنا متجوزة. قوليلهم إن أنا متجوزة يا عصمت هانم. حرام عليكي.

ثم انهارت في شبه غيبوبة وهي تقول بهذيان:

= اللي انتوا عايزين تعملوه ده حرام. حرام وربنا هيحاسبكم عليه.

ثم سالت دموعها وهي تقول بيأس وتغيب عن الوعي:

= إنت فين يا عمر؟ إلحقني. إلحقني من إيديهم قبل ما أضيع.

رواية سيد القمر الأسود الفصل الثالث عشر 13في قصر عمر الرشيدي..دخل عمر بسرعة وغضب إلى الغرفة التي يوجد بها شاشات المراقبة ، وقام بمراجعة كل ماسجل بها من وقت إختفاء حبيبة حتى الآن..فلم يجد بها أي شئ يثير الريبة أو يساعده على حل لغز إختفاء حبيبة.. أشار عمر بغضب إلى إحدى الشاشات بعد أن لاحظ توقفها عن التسجيل : =الكاميرا دي مش شغالة ليه!! رئيس الفريق الأمني وهو يتفقد الشاشة بإرتباك : =مش عارف إيه اللي جرالها .. أنا متأكد إنها كانت شغالة الصبح ، وانا بنفسي مشيك عليها وعلى كل الكاميرات اللي في الفيلا. هز عمر رأسه بغضب ولكنه أجاب بغموض: =كده .. والكاميرا العطلانة دي بتاعة أي جزء في القصر! رئيس الفريق الأمني بتوتر : =دي بتاعة البوابة الصغيرة اللي في جنينة القصر الخلفية. هز عمر رأسه بغضب وقال بحدة : =إخرجوا كلكم برة وسيبوني لواحدي. أسرع الجميع بتنفيذ الأمر في حين قام عمر بالإتصال بشخص من هاتفه. وقال بصرامة شديدة وهو يقوم بمراجعة الجي بي إس (جهاز مراقبة يوضع بالسيارات لتحديد أماكنها وشدة سرعتها ) الخاص بخطوط سير سيارته وسيارة عصمت بدقة : =أيوة يا نادر إسمعني كويس .. في أقل من خمس دقايق عايزك تبقى قدامي ومعاك الحراسة الشخصة بتاعتي كلها ، وعايز تسليح كامل .. أظن فاهمني !! نادر بصوت واثق : =فاهمك طبعاً يافندم .. خمس دقايق وهنكون قدامك. ضيق عمر عينيه بغضب وهو يشاهد الموقع الذي يشير إليه الجي بي إس الخاص بسيارة عصمت ، والذي يشير إلى وجودها في إحدى القرى النائية بمحافظة الفيوم.. تابع عمر بغضب وهو يتوجه سريعاً لسيارته التي قادها بسرعة شديدة := وابعتلي مجموعة تانية على الفيلا عايزهم يأمنوها كويس ، و يحجزوا الفريق الأمني اللي هنا ويبعدوهم عن الفيلا وياخدوا منهم تليفوناتهم .. المجموعة دي في بينهم خاين وهو اللي عطل كاميرا المراقبة. نادر بصوت واثق : =أوامرك هتتنفذ يا عمر بيه ، بس ياريت افهم الموضوع علشان اعرف اتعامل. عمر بصوت حاسم وغاضب : =نفذ اللي بقوله من غير مناقشة ولما هاشوفك هفهمك على كل حاجة. ثم تابع بغضب. := انا هبعتلك عنوان تجيب رجالتك وتجيلي عليه ، وفي نفس الوقت تبعت فريق تاني للقصر ، يأمنه ويأمن جدتي وجيلان ومي وينقلهم للفيلا اللي في الساحل ، ويتعمل كاردون أمني عليهم مش عايز اي حد من الفريق الأمني بتاع القصر يعرف هما رايحين فين ، ولا يحتك بيهم .. مفهوم !! نادر بصوت قوي : =مفهوم يا عمر باشا كل أوامرك هتتنفذ متقلقش. اغلق عمر الهاتف بغضب حارق واخرج سلاحه الناري وتأكد من إمتلائه بالزخيرة ، وهو يقود السيارة بسرعة رهيبة في إتجاه العنوان المتواجد به سيارة عصمت .. وعقله يعمل في كل الإتجاهات محاولاً إيجاد الرابط بين إختفاء حبيبة وبين عصمت خالته.. ضرب عمر مقود السيارة بقوه وعنف عدة مرات وهو يقول بغضب شديد : =يا ويلك يا عصمت لو كان ليكي يد في خطف حبيبة .. هدفعك تمن كل اللي عملتيه وكنت ساكت عنه عشان وصية أمي الله يرحمها. ثم زاد من سرعة سيارته بطريقة متهورة مجنونة ..قبل قليل..ارتفع رنين هاتف شريف الذي نظر إليه بإرتباك شديد ، فهو منذ الصباح يرفض الرد على إتصالات صادق أبو الدهب المتكررة خوفاً من ان يكون قد علم عن إتفاقه مع عصمتليقرر أخيراً الإجابة على الهاتف بإرتباك وخوف : =ألو ايوه يا صادق بيه ..صادق بغضب مجنون : = انت مبتردش على إتصلاتي ليه يا حيوان! شريف بإرتباك :=مفيش .. مفيش التليفون كان صامت ولسه واخد بالي دلوقتي. صادق بغضب : =التليفون برضه اللي كان صامت ولا انت اللي كنت بتتهرب مني! إبتلع شريف ريقه بخوف : =وهاتهرب منك ليه بس يا صادق بيه!! صادق بتهكم غاضب : =بقى مش عارف بتتهرب مني ليه!!ثم تابع بغضب شديد : =مين اللي إداك الإذن انك تتصرف من دماغك .. خدت إذن مين قبل ما تتفق مع عصمت على خطف وقتل حبيبة!! شريف بخوف : =محصلش يا صادق بيه انا…صادق بجنون : = إخرس وقبل ما تكمل كدب انا مهكر تليفونك وكل اتصالاتك عندي .. دا غير اني ليا عيون جوه قصر الرشيدي وبلغوني بكل اللي حصل .. وأمرتهم يعطلوا الكاميرا اللي بتظهر عصمت وهي بتخطف حبيبة.. ثم بصق عليه بطريقة مقززة وهو يصرخ به بجنون : =وعشان يكمل غبائك بحاول اتصل بيك وبدور عليك من الصبح عشان اخليك تلغي المصيبة اللي عملتها .. الاقيك مختفي ومبتردش عليا. شريف بإرتباك وخوف :=انا….انا كنت... قاطعه صادق بغضب : =إخرس وإسمعني .. إتصل حالاً بعصمت وإلغي كل اللي اتفقتوا عليه وحاولوا تضغطوا على حبيبةوتخوفوها .. خليها تقول انها هي اللي مشيت أو كانت خارجة مع عصمت ونسيت تقول لعمر ، أي حاجة المهم نخرج من المصيبة دي.. ليتابع بتوتر : =الرشيدي عرف إن مراته إتخطفت وقالب الدنيا عليها ولو ماتت ولا جرالها حاجه هيدمرنا كلنا .. مش هيسيب حد من غير ما ينتقم منه .. وكل اللي عملناه هيضيع بسبب غبائك. شريف بإرتباك : =حاضر .. حاضر يا صادق بيه. أغلق صادق الهاتف في وجهه ثم نظر لأحد رجاله وقال بغضب : =العملية دي كده شكلها باظت وشكلي انا واللي معايا هنتعك فيها .. وابن الرشيدي مش سهل وهتبقى حرب مفتوحة ما بينا وبينه ، وإحنا مش قده روحنا ومصالحنا في إديه.. ثم أشار له وقال بحدة غاضبة : =أنا عايز عملية تنضيف شاملة .. تخلصني منهم كلهم بضربة واحدة أظن فاهمني. إبتسم الرجل بثقة : =فاهمك يا صادق بيه. أشار له صادق بالذهاب وهو يقول بتوتر : = أول ما تنفذ بلغني على طول..ثم تناول هاتفه وبدأ في التواصل مع شركائه في جرائمه ضد عمر الرشيدي. في نفس التوقيت..إتصل شريف بهاتف عصمت التي أجابت على الفور := أيوه ياشريف انا كنت هتصل بيك حالاً انا واقعة في مصيبة ومش عارفة هعمل ايه !! شريف بغضب وتوتر : =وإيه الجديد يعني ما انا من يوم ما عرفتكم و المصايب مش راضية تسيبني وتسيبكم. ثم تابع بتوتر : =سيبك من الكلام ده كله وقوليلي عملتي ايه في حبيبة؟ !عصمت بغضب : = ما هي دي المصيبة اللي بكلمك عليها .. انا كنت جايباها عند أهل مي وفاكرة إنهم هيخلصوني منها وأرتاح ، لكن كل حاجة باظت و الحاج رفعت عم مي مصمم يجوز حبيبة لعطوة ابن عم مي ، والفرح وكتب الكتاب هيبقى كمان ساعات.. لتضيف بنواح : =ما هما فاكرين إن حبيبة هي مي بنتي.. شريف بغضب :=وطبعاً مينفعش تجوزي حبيبة لعطوة علشان البطاقة الشخصية وشهادة الميلاد هيثبتوا كدبك عليهم ، وإن حبيبة مش هي مي بنتك. عصمت بنواح : =دبرني أعمل إيه مخي واقف من شدة الرعب لو عمر أو عم مي عرفوا باللي عملته هتبقى مصيبة. شريف بتفكير :=إسمعي انتي هتهربي حبيبة منهم بأي شكل وهتجبيها وهتلاقيني مستنيكي بالعربية على حدود البلد. عصمت بخوف : =وعمر اللي اكيد عرف إن حبيبة إختفت وأكيد بيدور عليها .. دا غير إن حبيبة أكيد هتحكيله على كل اللي حصلها شريف بقسوة : = لا متقلقيش من ناحية حبيبة دي أضعف من إن نعملها حساب .. مجرد إني هخوفها وأهددها بالقتل أو بالسجن هتخاف وهتنفذ اللي هنقولها عليه. عصمت بتوتر :=طيب وشكلها اللي متبهدل ووشها وجسمها اللي كله كدمات وجروح !! شريف بتفكير : =بسيطة هنقول إنك خدتيها معاكي ورحتي تقابلي أهل مي لإنك كنتي خايفة تقابليهم لواحدك ، وصعبتي على حبيبة وعرضت إنها تيجي معاكي ونسيتم تبلغوا اللي في البيت انكم خارجين .. وبعدين وإنتوا راجعين في الطريق عملتم حادثة .. وانا هبقى أعملك شوية كدمات وجروح علشان تسبكي الدور. عصمت بخوف : =الكلام اللي بتقوله ده إستحاله عمر يصدقه.. شريف بتهكم : =الكلام اللي بقوله ده يتصدق اكتر من اللي انتي كنتي عايزه تعمليه في حبيبة ، وعموماً حبيبة بنفسها هتأكدله صحة كلامك. ليتابع بتوتر : =وعموماً إنتي مفيش قدامك غير كده ولا هتلاقي نفسك مفرومة ما بين عمر وأهل مي.. ثم تابع بتوتر وفروغ صبر : = اسمعي الكلام ونفذي اللي بقولهولك وأنا أقل من ساعة وهكون عندك. ثم أغلق الهاتف وتركها تفكر بتوتر في الطريقة التي ستستطيع تهريب حبيبة بها .بعد قليل..وقفت عصمت بجانب دسوقي وعطوة وهمست لهم بتوتر وهي تشاهد الإستعدادات التي تجري على قدم وساق لإقامة الزفاف : =أنا هاخد حبيبة وهمشي وعايزاكم تساعدوني إني اخرج بيها من غير حد ياخد باله. عطوة بغضب : =طب والفرح انتي عايزانا نتفضح في البلد ولا إيه !عصمت بغضب : = فرح إيه انت صدقت نفسك انك هتتجوزها بجد .. دي متجوزة .. ومش متجوزة أي حد .. دي متجوزة عمر الرشيدي .. أظن انت عارفه وقابلته قبل كده وعارف هو يقدر يعمل فيكم إيه!! عطوة بغضب : = وهو إيه اللي هيعرفه إنها هنا .. وبعدين حتى لو عرف هتكون الفاس وقعت في الراس ، ومش هيكون قدامه غير إنه يطلقها ويخلص من فضيحتها. نظر له دسوقي بصرامة و بغضب : =إسكت يا بهيم .. إيه البت إحلوت في عينك وعايزنا نقع مع الرشيدي بالساهل كده .. مش فاكر آخر مرة عمل فينا إيه لما حاولنا ناخد مي بنت عمك من غير إذنه !! ثم إلتفت لعصمت وقال بغضب : = انتي معاكي حق يا عصمت هانم الموضوع لازم يخلص لحد هنا ، انا هساعدك تاخديها وتغورو من البلد دي خالص ومش عايز اشوف وشكم هنا بعد كده. عصمت بغضب : =انت إتجننت إزاي تتكلم معايا بالشكل ده!؟ دسوقي بغضب : =انا إتجننت إني طاوعتك واديني هتجرس قدام أخويا واللي اكتر من كده ممكن الرشيدي يعرف اللي عملناه وساعتها يبقى عمرنا ضاع هدر. ثم تابع بحزم : =البت لساها مرمية في أوضة الخزين تعالي معايا انا وعطوة هنخرجهالك برة الدار خالص .. وبعدها ملناش دعوة بيكم صرفوا نفسكم.. عصمت بغضب :=بقى كده ماشي يا دسوقي حسابنا يجمع بس لما أخلص من المصيبة اللي إحنا فيها دي.. تجاهل دسوقي كلماتها وأشار لها بغضب : =تعالي معايا أنا ههربكم من باب الزريبة .. وانت يا عطوة راقب لنا الطريق ..ليتلفت حوله وهو يقول بغضب :=الواد عطوة سابنا وراح فين!! شهقت عصمت وهي تتلفت حولها بخوف : =يا دي المصيبة ليكون راح لحبيبة هي ناقصة ابنك وغبائه كمان!! دسوقي بتوتر : =ابن الـ*كلب هيودينا في داهية.. ثم اسرع في إتجاه مكان حجز حبيبة لإنقاذ ما يمكن إنقاذه.. قبل قليل..دخل عطوة كالثور الهائج إلى غرفة الخزين وأغلق الباب خلفه بغضب ، ووقف يتأمل حبيبة التي إنكمشتعلى نفسها تحاول ستر نفسها عن عينيه برعب شديد ، عندما رأته يتقدم منها وهو يخلع ثوبه ، ويقول بشهوة مقززة وهو يتأمل جسد حبيبة في فستانها المكشوف والممزق : = الليلة دخلتك يا عروسة بس بجد ، وحق وحقيقي مش على الورق زي ابن الرشيدي ما هو عامل.. تراجعت حبيبة للخلف وهي تنظر حولها برعب تحاول إيجاد أي شئ تدافع به عن نفسها .. لتلتقط سريعاً سيخ حديدي ثقيل من جانب أحد الأفران طوحت به بتهديد ودموعها تتساقط برعب :=ابعد عني احسنلك لو قربتلي هقتلك. ضحك عطوة بطريقة مقززة واقترب منها يناورها بجسده وهو ينظر لها بشهوة : =اعملي مابدالك انا مبحبش الحاجة اللي تيجي بالساهل.. ثم خطف فجأة سيخ الحديد من يدها ورماه بعيداً وبدأ في تـ*قبيل عنقها بعنف وهي تصرخ برعب.. تحاول دفعه عنها فلا تستطيع بسبب قوته الشديدة وضعفها الذي إزداد بعد ضربها وتعذيبها على أيديهم..صرخت حبيبة وهي تبكي برعب : =حرام عليك سيبني في حالي .. ابوس إيدك اتقي ربنا فيا و متضيعنيش.. إلا إنه لم يستجب لها وألقاها أرضاً وقبع فوقها يـ*تحسسها بشهوة مقززة وهو يحاول تجريدها من ملابسها.. لتنقض حبيبة على كف يده تحاول منعه وهي تغرز أسنانها بقوة و عنف في كف يده حتى أسالت الد*ماء الغزيرة منه.. صرخ عطوة بغضب : =سيبي إيدي يا فا*جرة يا بنت الـ*كلب.. ثم سحب يده من بين اسنانها بعنف و لطمها بشدة على وجهها وهو يلف شعرها بين يديه ، ويضرب رأسها بالقوة في الأرض فأسال الدماء منها ، وقد أستولى الدوار على رأسها وأصبحت الرؤية أمام عينيها ضبابية ، حتى كادت تغيب عن الوعي ، إلا أنها قاومت ضعفها وحاولت إبعاده عنها ، وهي تدرك أنها لن تخرج من محنتها هذه وهي على قيد الحياة.. وفجأة….. إبتعد عنها عطوة بعنف بعد أن سحبه والده بعيداً عنها وهو يقول بغضب : =احنا في إيه وانت في إيه يا ابن الـ*كلب .. عايز تودينا في داهية عشان مزاجك.. عطوة بغضب : =وفيها إيه يابا طالما مش هتبقى مراتي يبقى على الأقل اتمتع بيها ولو لمرة واحدة. اشار له دسوقي بغضب : = حسابنا بعدين يا بغل إلبس جلابيتك وأستر نفسك وروح راقب الطريق لو عمك أو حد من ولاده جه عرفني.. إرتدى عطوة جلبابه بغضب وتبرم شديد وخرج وهو يكاد يشتعل غضباً ، لأنه لم يكمل جريمته الشنعاء.. في حين لكز دسوقي بعصاه حبيبة الملقاة أرضاً بعنف وقال بغضب وهو يراها تبكي بألم تكاد تغيب عن الوعي و الدماء تسيل على عنقها من الجرح الذي تسبب به ضرب رأسها بالأرض : = فزي يا بت قومي خليكي تغوري من هنا. انحنت عصمت تساعدها على النهوض وهي تقول بتوتر وخوف وهي تشاهد وجه وجسد حبيبة الممتلئ بالكدمات والجروح : =يادي المصيبة حادثة إيه بس اللي هتسبب كل الجروح والكدمات دي إستحاله عمر يصدق الكلام ده.. وقفت حبيبة بمساعدة عصمت وهي تترنح بضعف ونظرت لعصمت بخوف : = إحنا هنروح بجد ولا ناويين تعملوا فيا إيه!! سحبتها عصمت من يدها وبمساعدة دسوقي قيدت معصمي حبيبة بحبل غليظ وقادتها للخروج من الباب الخلفي وهي تمسك طرف الحبل بيدها و تقول بغضب :=متخافيش هنروح .. ما انتي عاملة زي القطط بسبع ترواح مفيش حاجة بتحوق فيكي.. قاطعهم دسوقي وهو يشير للأرض الزراعية التي يكسوها الظلام الحالك : =إدخلوا في الأرض دي وإمشوا طوالي لحد ما تعدوا الساقية بعديها هتلاقوا الطريق ظهر قدامكم.. ثم تابع بتوتر : =انا مهمتي لحد كده خلاص خلصت معاكم .. وهاروح اشوف هتصرف إزاي مع الحاج رفعت اللي هيهد الدنيا على دماغي.. نظرت إليه عصمت بغضب ثم جرت حبيبة بقوة من الحبل الذي يقيد معصميها ، تسحبها خلفها وتوغلت داخل الأراضي الزراعية تحاول الوصول للطريق العمومي بأقصى سرعة ، في حين حاولت حبيبة أكثر من مرة مقاومتها والهروب منها ، إلا إنها فشلت بسبب قيد معصمها والدوار والضعف الشديد الذي يستولي على رأسها وجسدها.. زفرت عصمت بغضب وهي تتصل بشريف : =انت فين دلوقتي .. الزفتة اللي معايا بتحاول تهرب وانا مسيطرة عليها بصعوبة.. شريف بتوتر :=انا قربت من البلد خلاص .. إوعي تهرب منك لا كل حاجة تبوظ.. ثم تابع بتفكير : =مفيش أي حاجة عندك زي علامة ولا حاجة أقدر أوصلك بيها .. الأرض كبيرة وكلها شكل بعضها.. نظرت عصمت حولها وقالت بتوتر := آه في شجرة كبيرة أوي أظن إنها الوحيدة هنا وهتشوفها من الطريق كويس ، هي جنبيها ساقية أنا هستناك تحتها ..ثم سحبت حبيبة بعنف ورمتها أرضاً ، وهي ما تزال تسيطر على الحبل الذي تقيدها به : =إهمدي بقا أدينا هنرجعك القصر تاني بس يارب خطة شريف تنجح وعمر يصدقنا.. حبيبة بخوف وضعف : =خطة ..خطة إيه؟؟ تنهدت عصمت وهي تنظر للظلام الحالك حولها بخوف : = متستعجليش .. شريف زمانه جاي وهتعرفي كل حاجة ..في نفس التوقيت..ترجل عمر من سيارته منفرداً بعد أن توقف بها أمام منزل الحاج دسوقي والذي يشير (الجي بي إس) الخاص بسيارة عصمت بتوقفها أمامه ، وتأمل بغضب وتفكير سيارة عصمت المتوقفة أمام المنزل و الزينة الكبيرة ومعالم الإحتفال التي تملء المنزل..أشار عمر لأحد الرجال الذين يقومون برص مجموعة كبيرة من المقاعد أمام المنزل : =لو سمحت يا أخينا الفرح ده بتاع مين!! الرجل بطيبة : =دا عقبال فرحك .. فرح عطوة ابن الحج دسوقي على الست مي بنت عمه. ضيق عمر ما بين عينيه وهو يقول بدهشة : =مي .. انت متأكد من الكلام ده!! الرجل بطيبة : =أيوه يا باشا دي حتى لسه واصلة هي والست أمها النهاردة من مصر وعشان كده إتأخرنا شوية في التجهيزات أصل الفرح جه فجأة.. ركض عمر بغضب مجنون إلى داخل المنزل وقد إبتدت خيوط المؤامرة تتضح أمام عينيه وصرخ في الموجودين بغضب شديد : =فين الحيوان اللي اسمه دسوقي انا عايز اشوفه حالاً؟؟ ظهر دسوقي من احد الأبواب وهو يتنفس بتوتر شديد ويرسم إبتسامة خائفة على وجهه :=أهلاً وسهلاً بعمر باشا نورتنا ونورت البلد كلها .. مش كنت تقول إنك جاي كنا فرشنا الأرض ورد. إندفع عمر إليه يسحبه من ملابسه ويرفعه بغضب عن الأرض بعنف : =حبيبة مراتي فين .. عملتوا فيها إيه!! دسوقي بخوف : =حبيبة .. حبيب مين يا بيه؟ !سحب عمر سلاحه ووجه إلى رأس دسوقي وهو يقول بغضب شديد : =حبيبة مراتي يا روح أمك .. إيه هتستغبى وتعمل نفسك متعرفش حاجة!! دسوقي برعب : =وغلاوة ولادي معرف انت بتتكلم عن إيه !! ليقاطعه صوت الحاج رفعت الذي قال بصدمة وهو يشاهد عمر يصوب سلاحه الناري في إتجاه رأس شقيقه : =ايه اللي بيجرا هنا .. حصل إيه لكل ده يا عمر بيه إستهدى بالله وإبعد السلاح ده وقولي إيه اللي حصل !! عمر بغضب وهو يسحب مشط سلاحه ويصوبه لرأس دسوقي بتهديد جاد : =بقى مش عارف في إيه يا حاج رفعت .. في إنكم تعديتوا على أهل بيتي وعلى حرمة أهل بيتي ودي حاجة مفيش فيها تساهل ولا رحمة. الحاج رفعت بتوتر : =إحنا برضه نتعدى على حرمة أهل بيتك .. إنت ناسي دي في الأول والآخر تبقى بنتنا وإحنا أولى بيها.. ثم تابع بصدق : =إحنا إحترمنا إنك كنت مقعدها في بيتك وإحترمنا إتفاقنا معاك ومقربناش منها .. بس أمها هي اللي جابتها لحد عندنا وإشتكت من تصرفاتها وإنها شاكة إنها وقعت في الحرام..ثم تابع بتأكيد : =كنت عايزنا نعمل إيه نطردهم .. ولا نسيبها لأمها اللي تلفتها وجاية تترجانا نلحق بنتها من الطريق البطال اللي كانت عايشة فيه !! عمر بدهشة وغضب كبير : يعني مش إنتم اللي خطفتم حبيبة من القصر عندي و عصمت هي اللي جابت حبيبة لحد عندكم هنا ؟ الحاج رفعت وهو يشير لشقيقه وابن شقيقه : = أيوه يابيه .. ولو مش مصدقني إسئل عطوة ودسوقي هما اللي كانو مرافقينها من مصر لحد هنا .. وبعدين انا لما إتأكدت إنها صاغ سليم ولساتها بنت بنوت ومحافظة على نفسيها وشرفها عملنالها فرح كبير.. ثم أشار لعطوة الذي يقف جانباً بخوف وإرتباك : =وهنكتب كتابها على ولد عمها عطوة هو أولى بيها ويقدر يصونها وأظن محدش يقدر يلومنا على كده !! عمر بغضب شديد وهو يدفع دسوقي في صدره يلقيه أرضاً : = إنت إتجننت ياراجل إنت ، إنت بتخرف وبتقول إيه ، مي موجودة عندي في البيت واللي مع عصمت دي تبقى حبيبة مراتي…رفعت بإرتباك وهو يتذكر كلمات حبيبة الباكية والتي تنفي فيها أنها ابنة عصمت : =كلام إيه اللي بتقوله ده يا عمر بيه ، دي أمها بنفسها هي اللي جيباها لحد هنا !ثم تابع بدهشة وحيرة : =هو في ام هتوه عن بنتها ؟ أغمض عمر عينيه يحاول السيطرة على غضبه الذي يكاد أن ينفجر فيقضي عليهم جميعاً ، فإيجاد حبيبة وإطمئنانه على سلامتها يأتي عنده في المقام الأول ، ثم بعد ذلك سيتم معاقبة وبشدة كل من تسبب وشارك في أذيتها.. عمر بغضب وعصبية مكتومة :=اسمع يا حاج كفاية كلام في الموضوع ده ، لإنك بصراحة كل ما بتتكلم ببقى عايز أفرغ رصاص مسدسي فيكم كلكم ، وبرضه ده مش هيشفي غليلي.. ثم تابع وهو يجز على أسنانه يحاول السيطرة على غضبه : = فا وديني عند مراتي أطمن عليها وبعدها أكيد هنتكلم وهيكون في ما بينا حساب واللي غلط يتحاسب. الحاج رفعت بإرتباك وهو يشير لى غرفة الخزين التي حبس حبيبة بداخلها : =طبعاً يا باشا .. حقك .. حقك تتطمن عليها هي موجودة هنا يا عمر باشا .. بس يعني .. أقصد ..دخل عمر إلى الغرفة بسرعة ولهفة ، إلا أنه وجدها خالية.. عمر بغضب وهو يتجول في المكان يبحث فيه بجنون : = فين مراتي .. إحنا بنلعب هنا ولا إيه !! نظر الحاج رفعت لشقيقه وابن شقيقه بإرتباك وقال بصوت مهزوز : = البنية راحت فين يا دسوقي انا مش كنت سايبها معاك !! إلا أن دسوقي صمت بتوتر وقد هربت الكلمات منه من شدة الخوف.. الحاج رفعت بإرتباك : =ما تنطق يا دسوقي إنت ولا ابنك ، البنية راحت فين؟ نظر عطوة لعمر بخوف وإرتباك وقال بصوت متقطع : =مش.. مشيت.. مع عصمت هانم. جذبه عمر من جلبابه وهو يقول بغضب حارق : =نعم يا روح أمك بتقول إه .. إنت سايبنا بنتكلم بقالنا ساعة ولسه فاكر تقول إنها مشيت دلوقتي!!! عطوة بإرتباك :=وانا هكدب ليه يا عمر بيه هي خدتها ومشيت ..جذبه عمر من جلبابه وقال بغضب : = إنت متخلف يالا .. بقى إنت عامل الفرح ده كله والهيصة دي كلها وعازم أهل البلد و بعدين عايز تقنعني إنك سيبت العروسة تمشي مع أمها كده عادي .. ده فرضاً إنك برئ ومتعرفش حاجة؟ ؟ليتابع بغضب شديد : =طيب وعربيتها اللي مركونة برة .. إيه قررت تسيبها وتسافر القاهرة مشي على رجليها ! !عطوة بإرتباك : =و انا هعرف بس منين يا بيه ، انا كل إللي أعرفه إنها خدت بنتها ومشيت من يجي ربع ساعة وقالت إنها هتاخد عربية من على الطريق.. لكمه عمر بقوة وغضب في وجهه وقد فاض به := يعني لسه ماشية وقاعدين تلفوا وتدورو في الكلام لحد ما عدى ربع ساعة في كلام فاضي.. ثم صرخ بهم بغضب وقد فاض به := مشيت منين ومش عايز كدب لأن رجالتي بيحاوطوا البلد كلها دلوقتي ومحدش هيعرف يخرج ولا يدخل منها إلا بإذني..أشار دسوقي للإتجاه الذي غادرت منه عصمت وحبيبة وقال بخوف : =من هنا يا بيه .. مشيوا من هنا. إندفع عمر يركض بسرعة في الإتجاه الذي أشار عليه دسوقي ، وهو يرفع هاتفه يتصل بنادر رئيس حرسه الخاص وقال بغضب :=عملتوا اللي قلتلكم عليه !! نادر بجدية : =البلد كلها متحاوطة برجالتنا زي ما إنت أمرت بس فيه حاجة غريبة في عربيتين ملاكي واقفين جنبالأرض الزراعية ، انا ورجالتي بنفتش في الأراضي عن أصحابهم. عمر وهو يركض ويبحث على ضوء هاتفه عن أي أثر لحبيبة : = الموضوع كله على بعضه شكله كبير وميطمنش .. فيه حاجات كتير أنا مش فاهمها بس مش وقتها ، انا كل اللي يهمني دلوقتي إني ألاقي حبيبة قبل ما يحصل لها حاجة ..ثم تابع بجدية : =دورو كويس .. وخدو بالكم أصحاب العربيات دي ممكن يكونوا بيدورو هما كمان على حبيبة ، وإوعى حد يضرب رصاصة إلا لما يكون متأكد هو بيضرب على مين. ثم تابع بقلق : =نادر إنت صاحبي وعارف انا بثق فيك قد إيه .. انا مراتي موجودة في المكان هنا وحوالينا ناس شكلهم عايزين يئذوها خلي بالك كويس ، ولتاني مرة بأكد عليك محدش يضرب رصاصة إلا لما يكون متأكد هو بيضرب على مين.. نادر بجدية : =متقلقش يا عمر إحنا رجالتنا كلها محترفة وهنلاقي حبيبة ومفيش حاجة وحشة هتحصل إن شاء الله. أغلق عمر الهاتف وهو يقول بتوتر ويتأمل الظلام من حوله : = إنتي فين يا حبيبة بس.ليلفت إنتباهه صوت رجالي يأتي من مكان قريب نسبياً منه ، يتحدث بغضب إلى أحد الأشخاص لم يتبين من هو.. إتجه عمر بخفة إلى الصوت ، ليعقد حاجبيه بدهشة وغضب وهو يستمع إلى شريف يقول لشخص محجوب عن أنظاره ، خلف شجرة كبيرة تقع على مرمى بصره : = إنتي هتسمعي الكلام وهتنفذي كل اللي بقولك عليه زي ما نفذتيه قبل كده ، وإلا انتي عارفة هيجرالك إيه!! إستدار عمر بخفة من خلفهم حتى أصبحوا مكشوفين لعينيه ليتابع بصدمة وغضب حبيبة الملقاه أرضاً وملابسها العارية شبه ممزقة وجهها وجسدها مغطى بالدماء والكدمات ، ويديها مقيدتان بحبل غليظ ، في حين تقف عصمت بجانبهم تفرك يدها بقلق وهي تنظر لساعة يدها ، وشريف يصوب سلاح ناري لرأس حبيبة التي يبدو عليها التعب الشديد وعدم الإهتمام.. شريف بغضب : =مكتومة ومبترديش ليه .. الموضوع سهل وبسيط هتقولي للرشيدي إنك جيتي مع عصمت بمزاجك وإنك نسيتي تبلغيه إنك هتروحي معاها وهنوديكي المستشفى وهناك هتقوليله إن الإصابات اللي فيكي دي بسبب إنكم عملتوا بعربيتها حادثة .. شفتي ساهلة وبسيطة ومفيهاش أي تعقيد..لكن هتتجنني وهتروحي تحكيله عن تورط مي وعصمت في موضوع قتله والكلام الفارغ ده يبقى إنتي اللي بتلعبي في عداد عمرك. حبيبة بضعف ودموعها تسيل على وجهها : =لاء..لاء..لاء. شريف وهو يشير بسلاحه في وجهها بغضب : =لاء دا إيه يا ست حبيبة إنتي نسيتي نفسك ولا إيه .. طب إستحملي بقى اللي هيحصلك من عمر لما يعرف إنك انتي اللي حاولتي تقتليه في الجراج عشان كنتي خايفة عليا..وإنك إشتغلتي عنده علشان تبقي جاسوسه لينا و تنقللنا أخباره .. دا غير تمثيلك الحب عليه علشان فلوسه والملايين اللي هتكسبيها من وراه.. أغمض عمر عينيه بألم وهو يستمع لشريف يضيف بسخرية : =والبوليس اللي هسلمه تسجيلات الجراج اللي مصوراكي وإنتي بتضربي عمر على دماغه وبتحاولي تقتليه ، و صادق أبو الدهب اللي مش هيسيبك ، خصوصاً لو انا روحت قلتله إنك رافضة تنفذي اللي هو أمرك بيه وإنتي عارفة صادق ممكن يعمل فيكي إيه .. ها يا ست حبيبة إقتنعتي ولا أقول كمان ! !إقترب عمر منهم وظهر فجأة أمام عين حبيبة التي شحب وجهها حتى أصبح في شحوب الموتى وهي تشعر وكأن الحياة سلبت منها ، وشريف وعصمت اللذان تراجعا بصدمة للخلف. وعمر يصوب سلاحه في إتجاه شريف ويقول بقسوة : = لا كده كفاية أوي يا شريف بيه مش عايز أسمع عن قزارتكم أكتر من كده.. شريف بإرتباك وخوف :=عمر بيه انا هفهمك..عمر بغضب : =وفر على نفسك اللي هتقوله .. لأن معظم اللي إنت قلته أنا كنت عارفه كويس دورك ودور عصمت ومي وإتفاقكم مع بعض حتى ،، كل اللي بيعملوا صادق أنا برضه كنت عارفه.. يمكن الحاجة الوحيدة اللي انا مكنتش أعرفها هو الدور القذر إللي لعبته حرمنا المصون في لعبتكم الوسخة دي.. ثم نظر لحبيبة التي سالت دموعها تغرق وجهها دون أن تستطيع النظر إليه وهو يقول بإحتقار شديد :=ياه يا حبيبة كل ده علشان شوية فلوس ، دا إنتي لو كنتي طلبتي مني كل ثروتي كنت رميتهم تحت رجليكي ، من غير ما تضطري تعملي كل القذارة اللي عملتيها دي. هزت حبيبة رأسها برفض وهي تقول بألم شديد وهمس مرتعش ودموعها تسيل تغرق وجهها وكل ما تتمناه هوإنتهاء حياتها لتتخلص من الشعور بالألم الشديد الذي تملك جسدها وروحها : =أنا… أنا معملتش حاجة أنا بحبك .. والله بحبك ومظلومةمعملتش حاجة.. أخفض عمر سلاحه وبثق عليها بإحتقار شديد وهو يقول بقسوة :=إخرسي مش عايز أسمع صوتك ولا أشوف وشك بعد كده إنتي طا…..إلا أن إرتفاع صوت الرصاص الذي تساقط من حوله كالمطر لم يجعله يتمم حديثه.. ليقفز جانباً متجنباً وابل الرصاص الذي يحاول مهاجمه أن يصيبه به هو وحبيبة ..سحب عمر سريعاً جسد حبيبة إليه ، و قام بالإستلقاء فوقها يغطيها بجسده خوفاً من إصابتها بالرصاص المتطاير حولهم ، ليزحف بها ويسحبها خلف الشجرة العملاقة ، وقد حاول الرجوع سريعاً محاولاً إنقاذ عصمت وشريف ، إلا أنه توقف بصدمة ، وقد وجدهم قد فارقوا الحياة بعد أن إخترق الرصاص أجسادهم. فك عمر قيد حبيبة من حول معصمها وأخرج سلاح ناري آخر وأعطاه لها وهو يقول بصرامة ، وهو يتابع بعينين كالصقر مكان القناص الذي يترصدهم : =خدي السلاح ده معاكي وأزحفي لحد بيت أهل مي .. هناك هتلاقي رجالتي هيحموكي ، و مهما حصل متوقفيش مفهوم !! حبيبة برعب وبكاء : =لاء .. لاء انا مش هتحرك ، انا هفضل معاك مش ماشية ومش هسيبك .. لو حد لازم يمو*ت يبقى انا .. انا اللي استاهل المو*ت لكن إنت لاء ..همس لها عمر بغضب : =إخرسي وإسمعي الكلام يلا ، وإلا انا اللي هفرغ مسدسي في دماغك إتحركي.. إحتضنت حبيبة يده برجاء وهي تبكي بإنهيار :=عشان خاطر أكتر حاجة بتحبها خليني معاك .. انا هامو*ت لو جرالك حاجة. عمر بغضب وهو يجذبها في إتجاه المنزل ، وهو يشعر بخوفه الشديد عليها يتغلب على غضبه ، ليقول بقسوة : = كفاية تمثيل بقى وإتحركي خليني أعرف أتعامل مع اللي بيحاول يقتلنا ، بدل ما تتسببي بموتنا إحنا الإتنين.. ثم همس لها وهو يدفعها للزحف بغضب := إتحركي.. يلا.. هزت حبيبة رأسها بطاعة وهي تتحرك بزحف بين المزروعات ، في حين إرتفعت سريعاً أصوات طلقات الرصاص التي يتبادلها عمر والقناص المسلح من خلفها كالسيل ، لتصرخ حبيبة بلوعة وخوف : = عمر …ثم تغيب عن الوعي ..

زحفت حبيبة بضعف في اتجاه منزل عائلة مي وهي تبكي بخوف. استبد بها الرعب وهي تستمع لصوت الطلقات النارية التي اقتربت منها كثيراً. انفطر قلبها خوفاً على عمر الذي ما يزال يتبادل إطلاق النار مع مهاجميه.

لتتفاجأ باقتراب صوت خطوات سريعة منها ثم صوت سلاح يستعد لإطلاق النار. التفتت حبيبة برعب خلفها لتجد شخصاً لم تستطع تحديد هيئته بسبب الظلام الذي يحيط بها، يقف خلفها تماماً ويصوب سلاحه بدقة في اتجاه رأسها.

فصرخت برعب باسم عمر وهي تغلق عينيها بقوة، تستعد لمفارقته ومفارقة الحياة. لتغيب عن الوعي بعد إحساسها بارتطام شيء ثقيل بجسدها. فلم تشاهد عمر وهو يقنص مهاجمها ويرديه قتيلاً. فيسقط جسد مهاجمها فوقها مسبباً لها رعباً أفقدها وعيها في الحال.

اقترب عمر بلهفة منها وأزاح سريعاً جثمان مهاجمها الذي يرقد فوق جسدها. ثم حملها برفق بين ذراعيه يتفحصها بقلق، وهو يتلفت حوله بإنتباه شديد خوفاً من وجود مهاجمين آخرين لم ينتبه إليهم.

صوب عمر سلاحه بدقة وهو يضيق عينيه بتركيز وانتباه شديد إلى شخص يقترب بخطوات حذرة من المكان. ثم وضع حبيبة الغائبة عن الوعي أرضاً بهدوء، ووقف بتحفز وسرعة خاطفة في وضعية هجوم ووجه سلاحه إلى رأس مهاجمه. إلا أنه أنزل السلاح بعد أن سمع صوت نادر يبتعد جانباً بسرعة شديدة وهو يقول بتوتر:

= نزل السلاح يا عمر بيه أنا نادر.

عمر بتوتر وهو يخفض سلاحه:

= كويس إنك اتكلمت، أنا كنت خلاص هضرب نار.

اقترب نادر منه وهو ينظر بقلق إلى ثلاث جثث ملقاة في أماكن متفرقة، قنصهم عمر وهم يحاولون قتله هو وحبيبة:

= الموضوع كده كبر مننا أوي.. في ست جثث للي كانوا بيهاجموك غير جثة شريف وعصمت هانم الله يرحمها.

عمر بصرامة:

= اسمع يا نادر، مفيش حاجة اسمها الموضوع كبر مننا.. أنا مش عايز لا البوليس ولا الصحافة يتدخلوا في الموضوع، سمعتي وسمعة مراتي وعيلتي على المحك.

ثم تابع بصرامة شديدة:

= الجثث دي تتلم وتدفن في أي جبانة.. بس تسيب واحد منهم وتسيب معاه سلاح، وحط سلاح لشريف في إيده عشان يبان إنهم خلصوا على بعض.. يعني رتب المكان علشان تبان إنها حالة دفاع عن النفس وسرقة عادية.

نادر بحذر:

= طيب، ومدام حبيبة أكيد سيرتها هتيجي في التحقيقات علشان هي اللي كانت آخر واحدة مع عصمت هانم الله يرحمها.

عمر بصرامة:

= أنا هاخد حبيبة وهوديها على فيلا الساحل، وإنت أكد على أعمام مي إن محدش يجيب سيرة حبيبة في أي تحقيق يتعمل معاهم، وإن الهيصة اللي كانوا عملينها دي، كانت ترحيب بمي وبعصمت علشان يطلبوها للجواز.. مش فرح زي ما الناس فهمت، بس مي رفضت ورجعت لوحدها على مصر غضبانة وشريف وعصمت اعتذروا منهم ومشوا.. وبعدها طلع عليهم حرامي وهاجمهم.. وحصل اللي حصل.

نادر بثقة:

= اعتبره تم يا عمر بيه.

عمر بقسوة شديدة:

= بعد التحقيق ما يخلص وندفن اللي لينا، أنا عايز التلاتة دسوقي وعطوة ورفعت يكونوا عندي.. ليا حساب معاهم ولازم أصفيه.

نادر بهدوء:

= متقلقش يا عمر بيه، التلاتة هيكونوا عندك أول ما المحضر يتقفل.

عمر بصرامة:

= نادر.. مش عايز اسم حبيبة يجي في أي حاجة تخص الموضوع ده.. حبيبة كانت في البيت واللي كانت هنا هي مي.. مفهوم!

نادر بهدوء واثق:

= مفهوم يا عمر بيه.. بس مي هانم أكيد هيستجوبوها في النيابة ولازم تأكد إنها هي اللي كانت هناك.

عمر بصرامة وقسوة:

= لا متخافش.. مي هتقول كل اللي احنا عايزينه منها، بس ركز أنت في الناس اللي هنا.

ثم تابع بجدية:

= يلا ابعد عن هنا أنت ورجالتك لحد ما آخد حبيبة وأمشي.

نادر بدهشة:

= ليه ياعمر بيه؟ المفروض نبقى حواليكم نحرسكم لحد ما تخرجوا من هنا بالسلامة.

عمر بغضب ونفاذ صبر:

= اسمع اللي بقولك عليه، أنا قادر إن أحمي نفسي ومراتي كويس. المهم مش عايز حد يظهر أو يكون قدامي لحد ما نركب العربية ونمشي.

نادر بإستسلام:

= أمرك يا عمر بيه.

ثم تحرك مبتعداً وبسرعة وهو يأمر رجاله بالابتعاد عن المكان حتى رحيل عمر.

في نفس التوقيت.. انحنى عمر بلهفة وحمل حبيبة التي مازالت غائبة عن الوعي، وهي ترقد بين المزروعات التي تخفيها عن الأعين. وعمر يتأمل بغضب جروحها والكدمات التي تغطي جسدها في ثوبها العاري الممزق.

ليقول بغضب وغيرة لم يستطع السيطرة عليها وهو يحملها سريعاً إلى سيارته:

= الغبي أقوله إبعد إنت ورجالتك يقولي أحميك.. دا إنت لو عنيك إنت ولا أي حد وقعت عليها وهي بالشكل ده.. كنت رقدتكم جنب الجثث اللي هتدفنوها.

ثم فتح باب السيارة ووضع حبيبة في المقعد المجاور للسائق وجلس في مقعد السائق وقاد السيارة بسرعة بعيداً عن المكان، وهو يتناول في نفس الوقت زجاجة عطر صغيرة وضع منها القليل على يده ومرره بتوتر تحت أنفها وعلى وجهها المكدوم.

حاولت حبيبة فتح عينيها المتورمتان بألم وتأوهت وهي تقول بخوف:

= أنا.. أنا فين!

تنهد عمر بقليل من الراحة بعد استعادتها لوعيها، فقال وهو يتناول يدها يقيس نبضها بتوتر وقلق:

= نامي يا حبيبة، متقلقيش، أنتِ معايا.

سالت دموع حبيبة رغماً عنها وهي تشعر بآلام لا تطاق في كل أنحاء جسدها، جعلتها من شدتها تغرق في بحر من الدموع والعرق الشديد.

لاحظ عمر بقلق شحوب وجه حبيبة الشديد والعرق الذي يغمرها، فتناول معصمها يقيس نبضها بتوتر. إلا أنه تنهد بإطمئنان بعد أن وجد نبضها منتظم على الرغم من ضعفه. فأمال مقعدها بهدوء للخلف فحوله كسرير صغير مريح، ووضع حزام الأمان حولها بحماية، ثم غطاها بمعطفه الشتوي الثقيل حتى تستطيع الحصول على أكبر قدر من الراحة.

ثم قاد سيارته بسرعة عالية وهو يتأمل وجهها الشاحب بقلق بعد أن غرقت في نوم أشبه بالغيبوبة.

بعد مرور ساعتين.. وصل عمر إلى فيلا الساحل وترجل سريعاً من سيارته بعد إيقافها ودخل إلى مبنى صغير ملحق بالفيلا وهو يحمل حبيبة ويركض بها من شدة خوفه وقلقه عليها.

ليقابله في البهو طبيب متخصص وممرضتان مؤهلتان استقبلوهم وتعاملوا بحرفية شديدة وبدأوا في معاينة حبيبة.

بعد أن وضعها عمر بقلق وتوتر بفراش يتوسط غرفة كبيرة مجهزة طبياً كمشفى صغير، حرص عمر في السابق على تجهيزه جيداً.

خوفاً من تعرض جدته لإحدى أزماتها الصحية وهي بعيداً عن القاهرة وعن المشفى الذي تعالج به.

بعد قليل.. انتهى الطبيب من معاينة حبيبة وتركيب بعض المحاليل المخلوطة بأدوية ساعدتها على النوم وعلى تسكين الآلام المبرحة التي تضرب جسدها بقوة.

ثم توجه لعمر الذي وقف يراقبهم بقلق وتوتر بعد أن رفض مغادرة الغرفة.

الطبيب بتوتر:

= عمر بيه، هو الجروح والكدمات دي سببها إيه؟

عمر بصرامة شديدة:

= حادثة.. حادثة عربية.

عدل الطبيب من وضعية نظارته وهو يقول بتوتر:

= أنا آسف، بس الجروح دي جروح تعذيب مش جروح حادثة عربية أبداً.

عمر بصرامة أخافت الطبيب:

= وأنا بقولك دي جروح حادثة عربية، إيه هتعرف اللي حصل لمراتي أكتر مني!!

تقهقر الطبيب خطوة للخلف وهو يقول بتوتر:

= لا، أنا مقصدش يا فندم، أنا بس..

عمر بصرامة:

= مفيش بس.. الموضوع كده اتقفل، ودلوقتي عايز أطمن عليها، إنت شايف إنها ممكن تكمل علاجها هنا ولا لازم تروح مستشفى؟

الطبيب بصوت واثق:

= لا، هي مش محتاجة مستشفى وممكن تكمل علاجها هنا عادي.. لأن على الرغم من ضعفها الواضح وجسمها اللي باين إنه اتعرض لجفاف شديد بسبب نقص الأكل والمية، وجروحها الكتيرة والكدمات، إلا إنها كلها جروح سطحية ومفيش كسور أو جروح خطيرة، يعني كلها حاجات نقدر نتعامل معاها بالعناية والعلاج الكويس وإن شاء الله تخف علطول.

أغمض عمر عينيه بغضب وهو يستمع من الطبيب لوصف حالة حبيبة الصحية، يحاول السيطرة على الوحش الرابض بداخله.

والذي يريد الانقضاض على كل من أساء إليها وأوصلها إلى هذه الحالة المزرية.

إلا أنه همس بغضب:

= ورحمة أبويا لأعملهم كلهم عبرة بس أخلص من اللي أنا فيه الأول.

ثم استدار للطبيب وقال بغضب مكتوم:

= ممكن تسيبني لوحدي معاها شوية.

الطبيب بإحترام:

= أيوه طبعاً يا فندم.

ثم أشار لمساعدتيه بمغادرة الغرفة.

جلس عمر بهدوء على طرف الفراش يتأمل بغضب وجه حبيبة الممتلئ بالجروح والكدمات.

ثم مرر يده على وجهها برقة شديدة.

وعقله وقلبه في صراع شديد ما بين مطالبة عقله بمعاقبتها وطردها من حياته نهائياً.

ولهفة قلبه عليها ومطالبته بمسامحتها وخلق الأعذار لها حتى لو كانت أعذار وهمية لا ترضيه أو ترضي عقله.

ليتنهد بتعب وهو يميل عليها يقبل جبينها بحنان وحب شديد وهو يهمس لها:

= متخافيش، أنا معاكي وهجيبلك حقك.

ثم تابع بغضب مكبوت:

= بس برضه هجيب حقي منك.

ثم ابتعد عنها وخرج غاضباً منها ومن مشاعره التي تحركت نحوها على الرغم من خيانتها القاسية له.

بعد مرور عشرة أيام.. دخلت مي بإنكسار مزيف إلى غرفة مكتب عمر وقالت بهمس:

= أنا عملت كل اللي طلبته مني وقلت إني أنا اللي كنت مع ماما الله يرحمها عند أعمامي، وزي ما فهمت من المحامي القضية اتقفلت على إنها قتل بسبب السرقة.

ثم تابعت بخوف:

= ممكن أعرف أنت هتعمل معايا إيه بعد كده؟

عمر بهدوء:

= ولا حاجة.. لو كنت عايز أعمل كنت عملت من زمان.

ثم تابع بقسوة:

= من أول ما كنتي بتسهري طول الليل في الديسكوهات رقص وسكر، ومن حضن ده لحضن ده وانتي فاكرة إنك بتستغفليني إنتي والمرحومة والدتك، وبترسمي عليا الحب وعيزاني أتجوزك، ولما رفضت اتفقتوا مع شريف على قتلي، ولما برضه فشلتوا رجعتي ترسمي دور الحب من تاني وحاربتوا علشان أتجوزك. وبعد كل ده وصل بيكم الإجرام إنكم حاولتوا تقتلوا مراتي علشان تتخلصوا منها، مش هو ده اللي حصل يا مي!

بكت مي وهي تقول بخوف:

= أنا معملتش حاجة، أنا كنت بحبك بجد صدقني.

صرخ بها عمر بغضب وهو يتذكر كلمات حبيبة المتشابهة لما تقوله، فانقض على ذراعها يجذبها منه بقسوة شديدة:

= اخرسي! هو كل واحدة فيكم تعمل مصيبة وتكدب وتحاول تقتل وتقول بحبك علشان تبرر قذارتها وإجرامها والجشع اللي مالي قلبها.

ثم تابع بقسوة شديدة:

= حتى لو أنا سامحتك وقررت إني أعفيكي من العقاب.. عارفة جرايمك دي لو اتحاكمتي عليها تاخدي كام سنة سجن!!

بكت مي بإنهمار وقالت بخوف:

= عمر، أنا مليش دعوة، ماما هي اللي كانت بتعمل كل حاجة، أنا مليش دعوة صدقني.

نهض عمر عن كرسيه وقال بصرامة:

= اسمعي يا مي، أنا كان ممكن أسجنك أو أقتلك أو حتى أرميكي لعمامك اللي كان هيبقى مصيرك على إيديهم أسوأ من الموت. بس أنا مرضتش، عارفة ليه؟ علشان أمي الله يرحمها ووصيتها اللي مش قادر أخالفها، حتى بعد كل اللي عملتوه معايا وعلشان كمان إنتي لسه صغيرة وتأثير والدتك الله يرحمها السئ كان عليكي كبير.

ثم تابع بصرامة:

= وعشان كده أنا قررت إني مش هعاقبك وهكتفي إني أبعتك لأخوكي في فرنسا تعيشي معاه.

مي بإرتباك:

= أعيش مع سعد؟ بس هو مبيحبنيش.

عمر بجدية:

= غلط يا مي، قصدك والدتك اللي كانت بتكرهه علشان ابن جوزها من ست تانية ومشفعش للولد عندها إن أمه متوفية ورفضت يبقى ليكي أي علاقة بيه رغم كل محاولاته إنه يقرب منك.

مي بإرتباك:

= بس أنا معرفوش، هعيش معاه إزاي!

عمر بجدية:

= صدقيني ده أحسن حل ليكي، سعد أخوكي نصه فرنسي ونصه مصري وعايش في فرنسا يعني هو كفرنسي منفتح وفي نفس الوقت كمصري هيحط لك حدود تحميكي من طيشك.

ثم أشار للباب بهدوء:

= اتفضلي جهزي شنطتك علشان طيارتك هتبقى النهارده الساعة اتناشر بالليل.

هزت مي رأسها موافقة بإرتباك وهي تغادر وتشعر أن ما فعله عمر لها هو فعلاً أفضل الحلول.

فهي على الأقل قد نجت من عقابه، فبالرغم من كل شيء فقد فشلت في التكيف مع الحياة بمصر وتشعر أنها تنتمي للحياة الحرة بفرنسا.

تابعها عمر بغضب وهي تغادر، ثم نظر إلى ساعته بتوتر.

فمتبقي ساعة على تناول حبيبة دوائها المهدئ الذي يجعلها تخلد للنوم بعمق وبدون ألم.

ويساعده في نفس الوقت على رؤيتها دون أن تشعر به.

فهو قد حرص على عدم رؤيتها وهي مستيقظة، وأمر الطبيب وطاقم التمريض أن يخفوا عنها أنه يأتي ليراها في مساء كل يوم عند خلودها للنوم.

إلا أنه قرر اليوم مواجهتها، فهو ليس بجبان ليستمر في الهروب منها ومن مواجهتها.

وكأنه هو المخطئ نحوها.

اتجه عمر بجمود إلى الجناح الموجود به الطابق الطبي.

ثم دخل إلى الغرفة المتواجدة بها حبيبة بعد أن أعطى أوامره بخروج الجميع خارج المبنى وعدم الرجوع إلا بعد أن يأذن لهم.

وقف عمر يتأمل بحب حبيبة المستلقية على الفراش وهي مستيقظة.

وتبدو شاردة وقد ظهر على وجهها وجسدها آثار الإرهاق والنحافة الشديدة على الرغم من بدأ تماثلها للشفاء.

تحرك عمر وجلس بهدوء إلى مقعد مجاور للفراش وهو يقول بجدية:

= حبيبة.. إنتي صاحية.. يا ريت تقومي أنا عايز أتكلم معاكي.

انتفضت حبيبة وجلست بإرتباك مما جعل رأسها يدور.

إلا أنها تماسكت وهي تنظر إليه بشوق شديد وتقول بهمس:

= أيوه أنا.. أنا صاحية.

ثم نهضت وجلست على طرف الفراش بإرتباك وقلبها ينتفض بين ضلوعها بخوف وعشق.

خوف مما سيفعله بها وعشق له لا تملك أن تمحيه من قلبها مهما حاولت.

في حين تابعتها عين عمر بشوق جارف حاول كبح جماحه بكل إرادته.

فكرامته وإحترامه لذاته في ناحية وحبه وعشقه لها في ناحية أخرى معاكسه تماماً.

عمر بجدية وهو يحاول ألا ينظر لها:

= أنا استنيت لحد ما بقيتي كويسة نوعاً ما وكمان لحد ما اطمن على إن موضوع قتل عصمت وشريف انتهى واتقفل زي ما أنا عايز.

اللمعت عيون حبيبة بالدموع المحبوسة وهي تقول بصوت هامس:

= مفيش داعي للكلام يا عمر، شوف أنت عايز تعمل إيه وأنا تحت أمرك.

عمر بغضب بارد:

= ممكن أعرف الهدوء أو الثقة اللي انتي بتتكلمي بيهم دول جايباهم منين!!

ثم قلدها بسخرية وتهكم شديد:

= أنا تحت أمرك يا عمر بيه، اعمل إللي انت عايزه.. غبية..

ثم تابع بقسوة شديدة:

= أيوه غبية.. عارفة لو أنا عملت اللي أنا عايزه هيجرالك إيه.. أقولك أنا واختاري إنتي بنفسك مصيرك:

= إيه رأيك أسلمك للبوليس بتهمة الشروع في القتل والنصب والاحتيال.

= ولا أقولك أطلقك وأرميكي في الشارع علشان صادق يخلص عليكي زي ما خلص على شريف وعصمت.

= بلاش ده كله، أنا أسلمك لأهل مي اللي لحد قريب كانوا فاكرين إنك بنتهم وإنك فضحتيهم وهربتي يوم فرحك من ابنهم وانتِ عارفة طبعاً هيتصرفوا معاكي إزاي.

ارتعشت حبيبة وسالت دموعها بخوف إلا أنها أجابت بشجاعة:

= اختار أنت اللي يريحك وأنا أعمله.. أنا مبقتش فارقة معايا.

هب عمر واقفاً وجذبها إليه بعنف ويده تضغط على ذراعها بغضب مشتعل:

= أنا اللي يريحني إني أقتلك يا حبيبة.. أقتلك وأمحيكي من حياتي ومن الوجود كله.. يمكن أرتاح وأخلص منك ومن كل الأحاسيس اللي أنا رافض إني أحسها معاكي.

ارتعشت حبيبة ودموعها تسيل بخوف إلا أنها أجابت برجاء:

= أنا عارفة إني مهما حلفتلك مش هتصدقني.. بس أنا مظلومة والله العظيم مظلومة وبحبك.

دفعها عمر بعيداً عنه وهو يقول باحتقار شديد:

= اخرسي.. واحمدي ربنا إني مش عايز أوسخ إيدي بـ*دمك وإلا وربي كنت قتلتك وارتحت منك.

حبيبة برجاء ودموعها تسيل بشدة:

= اسمعني بس ياعمر.. وحياة أغلى حاجة عندك تخليني أحكيلك على كل حاجة.

سحبها عمر من كتفيها وهزها بعنف شديد وقد انفلت عقال عنفه:

= أسمع إيه ها.. عايزة تحكيلي إيه وإنتي وصلتي أعدائي لأوضة نومي وسريري.. عمر الرشيدي مراته لعبة وسيرة وأجيرة عند شوية كلاب لو حبيت أفعصهم وأنهيهم هعمل كده وهخلص عليهم في ثانية..

شهقت حبيبة تحاول الابتعاد عنه بخوف وهي تشعر أنها على وشك الغياب عن الوعي وهو يتابع بجنون:

= كنت بتحكلهم على إيه ها.. كنت ببو*سك إزاي ولا بـ*حضنك إزاي.. ولا إزاي كنت غبي ووقعت في حب واحدة قذرة زيك.. كل اللي بيحركها الفلوس وبس.

ثم دفعها بعيداً عنه باحتقار لتقع على الفراش خلفها وهو يقول بغضب واحتقار شديد:

= مش عمر الرشيدي اللي يبقى لعبة في إيد واحدة زيك ويعديها بالساهل.. وإن كنت مش هبلغ عنك ولا أرميكي لصادق يخلص عليكي.

فده بس علشان اسمي ومركزي اللي محسوب عليه واحدة قذرة زيك.

انهارت حبيبة في البكاء فقالت بوجع شديد:

= طلقني طالما بتفكر فيا بالشكل ده.. طلقني وريحني وأنا همشي وملكش دعوة باللي هيحصلي بعد كده.

سحبها عمر وأجلسها مرة أخرى وهو يقول بغضب شديد:

= متستعجليش، هيحصل بس في وقته لما أخلص من كل التعابين اللي حواليا.

ثم تابع باحتقار شديد:

= لقب زوجة عمر الرشيدي متشيلوش واحدة كلبة فلوس معدومة الضمير زيك.

شهقت حبيبة وبكت وهي تدفن وجهها في يدها بألم:

= كفاية يا عمر.. كفاية حرام عليك.. أنت بتقتلني بكلامك ده.

قاطعها عمر بغضب شديد:

= بيه.. عمر بيه.. أنا بالنسبالك عمر بيه.. وجدتي تبقى دولت هانم مش ماما دولت زي ما كنتي بتقوليلها.. وجيلان تبقى جيلان هانم.. وخصوصاً إنها في مقام خطيبتي دلوقتي ولها احترامها ومكانتها اللي لازم تحترميها.

ثم تابع بقسوة شديدة:

= ومتنسيش إن انتي هنا أقل من الخدامين اللي بيشتغلوا هنا.. على الأقل الخدامين بياخدوا فلوس قصاد شغل محترم هما بيعملوه.. مش بيبيعوا نفسهم للي يدفع أكتر.

ثم رفعها بعنف يدفع يدها عن وجهها وهو يقول بغضب:

= هدومك اترميت في أوضة في الجنينة تحت تقعدي فيها وتشتغلي زي اللي شغالين هنا.. تعملي بلقمتك زي ما بيقولوا لحد ما أخلص من التعابين اللي حواليا وساعتها تغوري من هنا ومش عايز أشوف وشك تاني.. أظن كلامي مفهوم.

حبيبة بصدمة:

= مفهوم يا عمر بيه.

استدار عمر ليغادر إلا أنه توقف على باب الغرفة وهو يقول بتوتر:

= علامات الضرب اللي كانت على جسمك عطوة ورفعت ودسوقي هما اللي كانوا السبب فيها مش كده!!

صمتت حبيبة ولم تجبه وهي تمسح دموعها.

ليصرخ فيها عمر بغضب:

= انطقي.. هما التلاتة اللي عملوا كده فيكي ولا حد تاني كان مشترك معاهم.

حبيبة بخوف وارتباك:

= الحاج رفعت معملش فيا حاجة ومكنش يعرف حاجة عن اتفاقهم مع عصمت هانم الله يرحمها.

وحتى كمان الحاج دسوقي رغم إنه ضربني بس كان بيحاول يمنع ابنه عني.

دخل عمر إلى الغرفة مرة أخرى وهو يقول بتساؤل خطر:

= يعني إيه كان بيحاول يمنع ابنه عنك.. يمنعه إنه يضربك ولا يمنعه إنه يعمل فيكي حاجة تانية!!

تراجعت حبيبة للخلف وهي تقول بوجع ودموعها تتساقط بألم:

= خلاص بقى إنت يهمك في إيه؟ هو حاول يعمل إيه معايا.. ضربني ولا عذبني ولا حتى موتني.. إنت مالك خليك في حالك وفي خطيبتك الجديدة.

دخل عمر إلى الغرفة وجذبها من ذراعها المكدوم بقسوة شديدة:

= انطقي يا حبيبة الواد ده حاول يلمسك.. انطقي ساكتة ليه؟ متطلعيش جناني عليكي.

تحسست حبيبة ذراعها وقالت بوجع وهي تصرخ بإنهمار ودموعها تغرق وجهها بألم شديد:

= أيوه حاول يغتصبني وأبوه لحقني في آخر لحظة.. ارتحت؟ روح إديه جايزة علشان عذبني وحاول يغتصبني وجابلك حقك مني.. عايز تعرف إيه كمان.. آه وجلدني بحزامه لحد ما جسمي طلع دم وضرب راسي في الأرض فتح دماغي عشان كنت بحاول أدافع عن نفسي وأبعده عني.. آه.. وجابولي كمان داية تكشف عليا عشان يشفوني لسه بنت ولا لأ.

ولو كانوا لقوني مش بنت كان زمانهم دفنوني حية على الرغم من إني صرخت كتير وقلت لهم إني متجوزة بس مصدقونيش.

ثم تابعت بغضب ودموعها تتساقط:

= روح بقى أشكرهم على اللي عملوه معايا ما أنا أستاهل زي ما إنت قولت.

ضغط عمر على شفته وهو يقول بغضب ناري:

= إنتي فعلاً تستهلي القتل يا حبيبة بس أنا مش هريحك وأقتلك.

أنا بقى هموتك بالحيا عشان أعرفك إن الكلام الفارغ اللي قاعدة ترميه بغباء له عقاب وعقاب شديد كمان.

ثم أشار لها بغضب:

= اطلعي على أوضتك اللي هتنامي فيها وأنا.. أنا هروح أشكرهم زي ما إنتي بتقولي.

ثم تركها وغادر بسرعة شديدة وإنهارت هي تبكي على الفراش بألم ووجع شديد.

في نفس اللحظة...

خرج عمر من الفيلا وهو يتحدث في الهاتف بغضب كبير:

= أنا رايح على المخازن اللي في طريق مصر إسكندرية الصحراوي، هاتهم لي على هناك.

ثم أغلق هاتفه وقاد سيارته بسرعة تكاد تكون متهورة.

بعد مرور ساعة...

دخل عمر بغضب إلى مجمع مخازنه الصحراوي.

وقابله نادر الذي قال بجدية:

= التلاتة متربطين جوه، تأمر بإيه؟

خلع عمر بغضب الجاكيت الخاص به وألقاه أرضاً فالتقطه أحد الحرس سريعاً وثنى كمي قميصه وهو يقول بغضب مشتعل:

= طلع لي كل الحرس بره، مش عايز حد يبقى موجود ولا يتدخل في اللي هعمله.

نادر بقلق:

= طيب بلاش الحرس بس على الأقل خليني أنا معاك.

عمر بغضب شديد:

= قلت التلاتة اللي جوة دول يخصوني لوحدي ومش عايز أي حد يتدخل حتى لو الحد ده كان أنت.

نادر وهو يحاول أن يمتص غضبه:

= وأنا مش هتدخل يا باشا، أنا بس عايز أبقى جنبك لو احتجتني في أي حاجة.

هز عمر رأسه بالموافقة وهو يقول بغضب:

= عملتوا كل اللي قلتلكم عليه!

نادر وهو يدخل معه إلى أحد المخازن ويشير إلى الحرس بالمغادرة:

= كل حاجة تمت زي ما أمرت.

ثم أغلق الباب من خلفهم واتجه مع عمر لداخل المخزن، ليظهر ثلاث رجال مقيدين إلى مقاعدهم.

اتجه عمر بغضب إلى عطوة مباشرة وركله بقدمه بقوة في معدته لينقلب بكرسيه أرضاً. وعمر يقول لنادر بغضب:

= فك لي الـ*كلب ده.

أطاعه نادر وقام بفك قيد عطوة الذي كان يتألم من شدة الضربة التي وجهت لمعدته.

ليتفاجأ بعمر يخلع حزام بنطاله ويلفه على يده كالسوط ويـ*جلد به جسد عطوة بضربات قوية متتالية أسالت الـ*دماء من جسده وسط صرخاته المتألمة وعمر يقول بغضب:

= دافع عن نفسك يا كـ*لب، ولا مبتتشطرش إلا على الستات.

تراجع خطوات للخلف ثم نهض فجأة وحاول مهاجمة عمر الذي تفادى لكماته مرة بعد أخرى.

وهو يرد عليها بلكمات موجعة. موجهة للنصف الأسفل من جسد عطوة الذي سالت الدماء من جسده بشدة.

بعد أن تناول عمر حزام بنطاله وقام بجلد*ه به بقوة حتى كاد يغيب عن الوعي من شدة الألم وعمر يسدد بقدمه بكل ع*نف في نصف عطوة الأسفل عدة مرات حتى غاب عن الوعي من شدة الألم وعمر مستمر في ضربه حتى تأكد من إصابته بإعاقة ستلازمه مدى الحياة.

فحاول نادر التدخل وهو يقول بقلق:

= كفاية يا عمر بيه هيموت في إيدك.

دفعه عمر بعيداً وهو يقول بغضب شديد:

= قلت متتدخلش وإلا تاخد نفسك وتخرج برة.

تراجع نادر للخلف بتوتر وهو يشعر أن غضب عمر خرج عن السيطرة.

ثم نادى على أحد رجاله:

= ارميلي الكلب ده في القبر اللي حفرتوه.

دسوقي ببكاء:

= حرام عليك يابيه إحنا عملنا إيه لكل ده!!

اتجه عمر إليه وصفعه على وجهه بقوة أسالت الدماء من أنفه في حين قرأ رفعت أوردة من القرآن بخوف وهو يتابع عمر وهو يقول بغضب:

= عايز تعرف إنتوا عملتوا إيه.. أنا أقولك.

أولاً: ساعدت أنت وابنك عصمت على خطف مراتي من بيتي وعذبتوها وإنتم عارفين ومتأكدين إنها مش مي، جبتوا داية تكشف عليها عشان تقول هي لسه بنت ولا لأ، وأنتم عارفين ومتأكدين إنها متجوزة وفتحتولها قبر عشان تدفنوها فيه بعد ما تقتلوها باسم الدفاع عن شرفكم.

وأخيراً: الكلب ابنك حاول يعتدي على مراتي وعلى شرفها.

وكل ده عشان الفلوس يبقى تستاهلوا تدفنوا في قبر زي اللي حفرتهولها بالظبط ومعاكم الفلوس اللي عملتوا كل قذارتكم دي عشانها.

انهار دسوقي في البكاء وهو يرى ابنه يلقى بداخل حفرة معدة كالقبر ثم حملوه هو الآخر وألقوه بجانبه في القبر وبدأوا في ردم التراب فوق أجسادهم.

فبكى الحاج رفعت وقال برجاء:

= أبوس إيدك سيبهم يا بني، إنت عندك حق تدافع عن شرف مراتك وأنا لو مكانك كنت عملت أكتر من كده، بس العفو عند المقدرة.

أعفي عنهم يا بني وكفاية إن اللي حصل لعطوة هيلازمه طول عمره.

اقترب عمر من القبر وقال ببرود وهو يشاهد الرمال تكاد تغطيهم ولا تظهر منهم إلا رؤسهم:

= إيه رأيك يا دسوقي.. أعفي عنكم زي ما الحاج رفعت بيقول.

شهق دسوقي يحاول التنفس وهو يبكي بفزع والرمال تكاد تغطي الباقي من رأسه هو وابنه:

= أيوه يا بيه أبوس إيدك ونبقى خدامينك لآخر العمر.

عمر ببرود:

= بس أنا مش ناقصني خدامين.. أنا بصراحة عايز أكفر عن ذنبي بعد ما حولت المحروس ابنك لخيال مآتة، لا هو راجل ولا هو ست، يعني من الآخر مبقاش له في الستات ولا حاجة خالص. وده ذنب كبير يا حاج وانت اللي هتساعدني أكفر عنه، دا لو عايز تخرج حي من هنا إنت والـمحروس ابنك.

دسوقي ببكاء وهو يكاد يختنق من الرمال:

= اللي تأمر بيه.. أي... حاجة بس نخرج من هنا.

عمر ببرود:

= كويس أوي، رجالي هيدوك شوية ورق تمضيهم هتتنازل فيهم عن أرضك والبيت بتاعك ليا.. أصل أنا ناوي أحولهم لجامع ومدرسة ومستشفى كبيرة تخدم البلد والبلاد اللي حواليها.

صرخ دسوقي بإنهمار:

= يا خراب بيتك يا دسوقي.. يا خراب بيتي، أنا اللي أستاهل.. أني اللي أستاهل.

عمر بقسوة:

= هتمضي ولا أخليهم يكملوا ردم؟

دسوقي ببكاء:

= همضي يا بيه همضي.

أشار عمر لرجاله:

= متخرجوش إلا بعد ما يمضي وتستلموا الأرض والبيت.

ثم التفت للحاج رفعت وقال بغضب:

= وانت اللي رحمك من إيدي إنك كنت متعرفش حاجة عن اللي بيحصل، بس لو كان جرى حاجة لمراتي مكنش في حاجة هترحمكم انتوا التلاتة من إيدي.

ثم تابع بغضب شديد:

= مرات عمر الرشيدي خط أحمر، اللي يقرب منه أفرمه حتى ولو كان من غير قصد زي ما إنت عملت.

ثم غادر المكان بغضب قبل أن يستسلم لغضبه وغيرته التي تطالبه بقتل عطوة وتمزيقه إرباً وهو يحدث نفسه بغضب:

= إهدى يا عمر، العقاب اللي خده أسوأ من الموت.

ثم تابع بغضب حارق:

= وده هيكون مصير أي حد يفكر يأذيها أو يقرب لها بطريقة متعجبنيش.

ثم قاد سيارته بسرعة جنونية محاولاً التخلص من غضبه.

دخل عمر إلى بهو الفيلا وهو يشعر بتعب وإرهاق شديد يسيطران على سائر أنحاء جسده.

وقد تجاهل النظر عن عمد إلى المبنى الصغير المتطرف الموجود في الحديقة والذي تقيم فيه حبيبة بناءً على تعليماته.

وتوجه إلى الدرج محاولاً الصعود بسرعة إلى غرفته والاستسلام للنوم خوفاً من أن يضعف ويذهب إليها.

ليوقفه صوت جدته الغاضب:

"= عمر .. انا عايزه اتكلم معاك."

التفت عمر إليها ليجدها تجلس بتحفز على إحدى المقاعد وهي تستند على عصاها.

ابتسم عمر بإرهاق واستدار إليها ثم مال على يدها يقبلها بحب واحترام:

"= مساء الخير يا جدتي إيه اللي مصحيكي لحد دلوقتي.."

الجدة بغضب شديد وهي تضرب عصاها في الأرض وتقف في مواجهة عمر:

"= اللي مصحيني الغلط اللي هيخلي سيرتنا على كل لسان."

عقد عمر حاجبيه بحيرة:

"= انتي بتتكلمي عن إيه انا مش فاهم!!"

الجدة بغضب:

"= بقى مش فاهم ياعمر .. تقدر تقولي عروستك فين .. مرات عمر بيه الرشيدي حفيدي نايمة فين !!"

تنهد عمر بفروغ صبر وهي تتابع بغضب شديد:

"= انا أقولك .. مراتك نايمة تحت في مبنى الخدم .."

ثم ضربت عصاها بالأرض بغضب شديد:

"= إيه الجبروت ده يا عمر .. انت استحالة تكون حفيدي اللي انا ربيته على إيدي واللي علمته يكره الظلم وميفتريش بقوته على حد .. تقوم أول ما تفتري .. تفتري على مراتك إيه خلاص خدت اللي إنت عايزه منها وأكتفيت ولما جيلان رجعت ندمت وقررت تطلعها من حياتك !!"

ثم تابعت بحزم شديد:

"= المهزلة دي لازم تنتهي .. مراتك تنام في أوضتك وتتعامل بالاحترام اللي تستحقه مرات عمر الرشيدي."

عمر بجدية:

"= اللي بيحصل بيني وبين حبيبة جيلان ملهاش دخل بيه ، وانا مش عيل صغير علشان حد يعلمني أعامل مراتي إزاي ، حبيبة هتفضل هناك لحد ما أقرر انا هعمل معاها إيه .. وده نهاية الكلام تصبحي على خير يا جدتي."

الجدة بغضب:

"= بقى كده يا عمر حتى كلامي مبقاش له قيمة ولا فارق معاك .."

ثم تابعت بعناد وغضب شديد:

"= طب لو مراتك مانمتش النهاردة في أوضتها انا هسيبلك الدنيا كلها وهاروح أعيش في بيتي اللي في البلد .. انا مرضاش بالظلم ، واللي انت عملته فيها ده إفترى .. هستنى إيه .. هستنى لما تموت من الظلم والقهر .. دي مخرجتش من أوضتها طول اليوم ولا رضيت تاكل أي حاجة من الزعل حرام عليك."

توتر عمر عند سماعه بامتناعها عن تناول الطعام ليقول بحدة:

"= تاكل ولا متاكلش هي حرة ، إيه هو انا مانع عنها الأكل ولا هي لسه صغيرة وعايزه اللي يأكلها في بوقها."

ثم تابع بتجهم:

"= بلا دلع فارغ وإنتي كمان يا جدتي روحي نامي وشيلي من دماغك حكاية إنك تسيبي الفيلا وتروحي تقعدي في البلد لواحدك لأن ده مش هيحصل .. انا طالع انام تصبحي على خير .."

ثم ترك جدته وصعد بغضب على الدرج تتابعه جدته التي نظرت إليه بخيبة أمل ثم ذهبت إلى غرفتها وهي تقول برجاء:

"= يارب يهديك لمراتك يا عمر ويبعد عنك الحرباية اللي اسمها جيلان .. انا مش عارفة إيه اللي فكرها بينا بعد السنين دي كلها ،"

ثم توجهت إلى الفراش وحاولت الخلود للنوم وهي تقوم بالدعاء لحفيدها وزوجته بصلاح الحال بينهم.

في نفس التوقيت ..

دخل عمر بغضب إلى الحمام الملحق بجناحه بعد أن نزع ملابسه و ضرب بنفاذ صبر بضع أزرار على الحائط أمامه ، لينطلق شلال من المياه الحارة من فتحات متعددة ، ليقف تحتها بغضب وهو يكتم أنفاسه عدة دقائق ، ثم ضرب الأزرار مرة أخرى بعنف فتحولت المياه من حارة إلى مثلجة ، في محاولة منه لتهدئة نفسه وتجاهل حديث جدته الحاد معه وخاصة حديثها عن امتناع حبيبة عن تناول الطعام.

سحب عمر منشفة كبيرة لفها حول خصره وجفف جسده بأخرى صغيرة ، ثم ارتدى بنطال قصير قطني كحلي مريح وقميص قطني أبيض استعداداً للنوم ، ليلفت نظره مائدة صغيرة بجانب النافذة مرصوص عليها عدة أنواع من الطعام الشهي والساخن واللذيذ.

نظر عمر للطعام بتفكير وقال بغضب:

"= نفسي أفهم مكالتش لحد دلوقتي ليه إيه بتضغط عليا ولا عايزه تعيش دور المظلومة قدام جدتي .."

ثم تابع بحدة:

"= بلا دلع فارغ .. خليها تعمل اللي هي عايزاه .. لو عايزه تموت من قلة الأكل حتى هي حرة ."

ثم رفع الغطاء عن أحد الأطباق استعداداً لتناول الطعام فهو الآخر لم يتناول أي طعام منذ الصباح الباكر.

ليجده طبق متنوع وشهي من اللحوم الساخنة ..

فتناول الشوكة والتقط بها قطعة لحم صغيرة محاولاً أكلها ، إلا إنه أبعدها بنفاذ صبر وعقله يذكره بإلحاح بحديث جدته عن حبيبة وامتناعها عن تناول الطعام.

فتنهد بغضب معيداً الغطاء مرة أخرى دون أن يتناول منه شيء ..

وهو يقول بغضب شديد غذاه شعوره أنه لن يستطيع النوم أو تناول الطعام وهو يدرك أنها تنام بعيداً عنه حزينة وجائعة:

"= الغبية .. ماشي يا حبيبة .. خليني أتكلم معاكي وأحط النقط على الحروف وأخلص من الدلع ده خالص.."

ثم خرج بغضب من الجناح واتجه الى المبنى الذي تنام فيه حبيبة وهو يتوعدها بعقاب رادع ..

بعد أقل من خمس دقائق.

وصل عمر إلى غرفة حبيبة فوجدها مظلمة وفارغة ..

فشعر بانقباض قلبه وقد سيطر عليه شعور قوي بالخوف عليها ، فاندفع للخارج يبحث عنها بجنون ، وقد صور له عقله وخوفه الشديد عليها أن صادق قد توصل إليها وأذاها.

لينظر حوله وهو يبحث عنها بتوتر شديد ، فلم يجد أي أثر لها فاستدار بسرعة ونادى على حرسه الخاص الذي التفوا حوله بتوتر وهو يقول بغضب وتوتر شديد:

"= حبيبة فين .. مراتي راحت فين .. مش موجودة في أوضتها .. إيه في حد دخل الفيلا وخدها وأنتم واقفين زي التيران مش حاسين.."

نادر بتوتر:

"= إهدى بس يا عمر بيه وإطمن حبيبة هانم مخرجتش من هنا .. إحنا مراقبين الفيلا كويس أوي ومفيش نملة تقدر تدخل ولا تخرج إلا بإذننا."

سحب عمر نادر من قميصه بعنف شديد وقال بحدة:

"= نملة إيه وزفت إيه .. بقولك مراتي مش موجودة في أوضتها .. عارف لو كان جرالها حاجة ساعتها مش هيكفيني فيها حياتكم كلكم."

نادر بهدوء محاولاً امتصاص غضبه:

"= إهدى بس ياباشا واكيد هنلاقيها ، الفيلا كبيرة ويمكن تكون في أي مكان فيها ."

ثم أشار لرجاله بالانتشار بحثاً عن حبيبة وهو يقول بصرامة:

"= واقفين كده ليه روحو إقلبوا المكان ودورو عليها .."

نظر إليه عمر بغضب إلا أنه تركه وركض إلى الحديقة الخلفية ثم حمام السباحة يبحث عنها بجنون وعقله يصور له أبشع السيناريوهات ..

ليتمتم بخوف وغضب:

"= حرام عليكي يا حبيبة انا عمري ما عرفت الخوف إلا لما عرفتك."

ثم تابع بغضب حارق:

"= والله يا صادق الكلب لو كان لك يد في إختفائها ما هيكفيني فيك إن أسلخ جلدك وإنت حي.."

قبل قليل ..

وقفت حبيبة تنظر من نافذة المطبخ تتابع بفضول تجمع عمر الغاضب برجال حراسته.

لتقول بدهشة:

"= هو بيزعق لهم كده ليه .. أكيد عملوا حاجة مش عجباه.. ربنا يكون في عونهم دا شكله يخوف أوي .."

ثم تركت النافذة وتوجهت إلى الحوض مرة أخرى وبدأت في جلي الأطباق وهي تقول بتعب:

"= بكرة هخليهم يعلموني غسالة الأطباق دي بتشتغل إزاي بدل تعب القلب ده.."

لتتفاجأ بأحد رجال الحراسة يدخل عليها وهو يركض ثم ابتسم بسعادة وهو يأخذ نفسه براحة:

"= حبيبة هانم إنتي هنا .. دا إحنا قالبين الفيلا عليكي برة."

حبيبة بدهشة:

"= قالبين الفيلا عليا انا .. طب ليه .. كنتم عايزين مني حاجة ! !"

ابتسم الحارس بود وهو يشير لها بالانتظار .. ثم أخرج جهاز اتصال لاسلكي وقال بارتياح:

"= أيوه يا نادر بيه بلغ عمر باشا إني لاقيت حبيبة هانم وهي موجودة معايا هنا في المطبخ.."

نادر براحة:

"= طيب خليك معاها وانا وعمر بيه جيين ليك حالا."

حبيبة بدهشة:

"= هو في إيه .. انا مش فاهمة حاجة؟ !"

ابتسم الحارس لها بود دون النظر لها وهو يجيبها:

"= مفيش حاجة يا هانم دا سوء تفاهم مش أكتر .."

لتتفاجأ بعد أقل من دقيقة بعمر يدخل بتوتر إلى المطبخ برفقة نادر وهو يكاد ينفجر من شدة الغيظ والغضب ، إلا أنه تنفس براحة وعينيه تتفحصها بخليط عجيب من القلق والراحة الشديدة بعد أن اطمأن لسلامتها.

تراجعت حبيبة للخلف وهي تقول بتوتر:

"= في إيه إنتوا بتبصولي كده ليه ! !"

نظر عمر لنادر باعتذار وهو يتجاهل الرد عليها:

"= معلش يا نادر سامحني انا أعصابي باظت لما ملقتهاش في أوضتها إفتكرتها إتخطفت."

ثم تابع وهو ينظر لها بغضب:

"= مكنتش أعرف إنها واقفة في المطبخ بتنضف الساعة إتنين بليل .."

نادر بهدوء:

"= ولا يهمك يا باشا أنا عاذرك وعارف الضغط اللي إنت فيه والمهم عندنا إن حبيبة هانم كويسة وبخير .."

ربت عمر على كتفه بهدوء:

"= طيب روح إنت وأشكرلي الرجالة وإصرف لهم شهر مكافأة على تعبهم معايا.."

ابتسم نادر بهدوء:

"= شكراً يا باشا .. وتصبحوا على خير."

ثم غادر بهدوء برفقة الحارس الآخر وتركهم وحدهم.

تقدم عمر بغضب من حبيبة التي تراجعت للخلف وهي تقول بخوف:

"= في إيه .. إنت بتبصلي كده ليه .. انا عملت إيه دلوقتي.."

إلا إنه تجاهل الرد عليها وهو يتقدم منها بخطر ، لتتفاجأ به يسحبها من ذراعها يجرها خلفه بصمت غاضب وهي تقاومه بعنف محاولة إبعاده عنها تكاد تركض وهي تحاول مجاراة خطواته السريعة الغاضبة.

وهو يسحبها من خلفه بغضب أثار غيظها ، فحاولت مقاومته وركل قدمه بغضب وهي تنزع ذراعها من يده وتقول بغيظ:

"= سيب إيدي .. انت واخدني ورايح بيا على فين!!"

إلا إنه تجاهلها وهي تتحدث بغضب وصوت عالي ، تدفعه بعيداً عنها رافضة الصعود معه إلى الأعلى.

حبيبة بغضب:

"= سيب إيدي بقولك .. أحسن أصوت وألم عليك الفيلا كلها .."

ثم صرخت بغيظ بعد أن تجاهلها:

"= سيب إيدي أحسنلك يا عمر !!!!"

توقف عمر فجأة ثم ترك يدها وقال ببرود:

"= بس كده… حاضر…"

ثم رفعها فجأة فوق كتفه وصعد بها للأعلى وسط مقاومتها الشديدة التي تجاهلها وهو يدخل بها إلى جناحه ويغلقه جيداً من خلفه ، ثم استدار وألقاها بإهمال فوق الفراش.

فحاولت النهوض عن الفراش بغضب إلا إنه أشار لها بغضب صارم أخافها:

"= متتحركيش أحسنلك .."

ثم تابع بغضب شديد ولده شعوره بالخوف الشديد من فقدها:

"= ممكن عرف إنتي كنتي بتعملي إيه في المطبخ الساعة إتنين بليل !!"

حبيبة بتوتر:

"= كنت .. كنت جعانة فحضرتلك العشا وبعدين نضفت المطبخ ورايا من الحاجات اللي وسختها وأنا بطبخ."

هز عمر رأسه بحيرة:

"= إيه…. يعني إيه كنتي جعانة فحضرتيلي العشا .. انا أفهم اللي جعان بياكل مش بيحضر لغيره العشا !!"

اعتدلت حبيبة في جلستها وهي تنظر له بكبرياء:

"= كنت بعمل بلقمتي زي ما إنت قلتلي طبختلك العشا وطلعته هنا وغسلت الأطباق ونضفت المطبخ ورايا كمان ، أظن ده تمن كفاية أوي قصاد ساندوتش جبنة وكوباية شاي هتعشى بيهم.."

مرر عمر يده في شعره بغضب يكاد يذهب عقله وهو يقول بصدمة:

"= انا أكيد فهمت غلط .. عيدي اللي إنتي قولتيه تاني كده.."

حبيبة بتحدي:

"= إيه اللي مش واضح في كلامي إشتغلت ونضفت قصاد أكلي زي ما إنت طلبت مني."

صرخ بها بغضب مجنون:

"= انا طلبت منك تمن لأكلك .. انا قولتلك ماتكليش إلا لما تشتغلي !!"

ثم تابع بعدم تصديق:

"= يعني إنتي من الصبح رافضة تاكلي علشان مشتغلتيش.."

حبيبة ببرود:

"= أيوه طبعاً انا مشتغلتش فمكلتش ومعييش فلوس أشتري أكل من برة وعلى بليل حسيت إني دايخة وجعانة جداً فعشان كده.."

أكمل لها عمر بحدة:

"= عشان كده عملتيلي عشا ونضفتي المطبخ .. آه .. طبعاً نسيت .. وده طبعاً قصاد ساندوتش الجبنة العظيم وكوباية الشاي اللي هتتسبب في إفلاسي اللي هتتعشي بيهم مش كده !!"

ليصرخ بها فجأة بطريقة أفزعتها:

"= إنتي بقى مجنونة ولا عايزة تجننيني معاكي ولا عايزة مني إيه بالظبط !!!"

تراجعت حبيبة بخوف للخلف:

"= انا مش فاهمة إنت زعلان ليه دلوقتي .. انا بنفذ اللي إنت طلبته مني.."

عمر بغضب:

"= لا وإنتي مطيعة وبتسمعي الكلام أوي .."

إشمعني دلوقتي اللي جريتي ونفذتي الكلام بالحرف..

حبيبة بعناد:

= مش إنت اللي قولت...

قاطعها عمر بغضب:

= أيوه أنا اللي إتنيلت وقلتلك وأنا برضه اللي بتنيل وبقولك دلوقتي إنسي كل الكلام الفارغ اللي أنا قلته..

عقدت حبيبة حاجبيها وهي تقول بتجهم:

= يعني إيه !! سحبها عمر من ذراعها من الفراش لتجد نفسها تقف في دائرة ذراعيه، وهو يقول بنفاذ صبر:

= يعني يا حبيبة إنتي مش عايشة في معسكر تعذيب حرمينك فيه من الأكل وممنوعة فيه من إنك تاكلي إلا بعد ما تشتغلي وتدفعي تمنه..

حبيبة بغضب:

= بس أنا مش هاكل هنا إلا لما أدفع تمن أكلي شغل أو فلوس..

ثم تابعت بحدة:

= ولعلمك أنا مش هشتغل خدامة في الفيلا زي ما إنت طلبت مني.. أنا من الأول ماكنتش بشتغل هنا خدامة علشان أخدم دلوقتي.. وإن كان على تمن أكلي وعيشتي هنا فأنا هدفعه فلوس كأني عايشة في لوكاندا أو شقة مفروشة..

اقترب عمر منها وهو يستدرجها بخطر:

= كده.. وهتدفعي تمنه منين أنا عارف إنك زي ما بتقولي معكيش فلوس.

حبيبة بكبرياء:

= لا ما أنا خلاص لقيت شغل وهبتدي فيه من بكرة.

عضّ عمر على أسنانه وهو يبتسم ابتسامة مزيفة:

= كده وهتشتغلي إيه بقى.. فرحيني !!

حبيبة بتحدي:

= هبيع هدوم وإكسسوارات أونلاين، يعني شغلي كله بالتليفون أبلّغ أوردرات وكده.. وليا نسبة على المبيعات..

ثم تابعت بحدة بعد أن شاهدت علامات الاستهجان على وجهه:

= وعموماً متقلقش محدش هيعرف إن أنا مراتك لأني هشتغل بأي اسم مزيف.

عمر بهدوء خطر:

= وإنتي لقيتي الشغل العظيم ده إزاي؟

حبيبة بحدة:

= عادي يعني واحدة من اللي بيبيعوا إتصلت بيا على الموبايل بتاعي وعرضت عليا أشتري منها هدوم وإكسسوارات والكلام جاب بعضه، فلما عرفت إني بدور على شغل عرضت عليا إني أشتغل معاهم في التسويق..

أغمض عمر عينيه بغضب وقال بصرامة أخافتها:

= هاتي تليفونك..

حبيبة بترقب:

= ليه!

صرخ عمر بها فجأة بغضب:

= بقولك هاتي تليفونك من غير أسئلة كتير.

حبيبة بإرتباك:

= مش.. مش معايا.. الظاهر سيبته في الأوضة تحت.

عمر بغضب:

= حبيبة بطلي كدب وهاتيه بدل ما أخده منك بالعافية..

أخرجت الهاتف من جيبها وأعطته له وهي تقول بتردد:

= طيب بس قولي عايزه ليه !!

أخذ منها الهاتف وقال بجدية:

= فين الرقم اللي كان بيكلمك !!

حبيبة بتوجس:

= ليه..

عمر بغضب أفزعها:

= هو مفيش على لسانك غير كلمة ليه من غير ليه.. فين الرقم.. خلصيني!!

ففتحت الهاتف وأظهرته له وهي تقول بإرتباك:

= هو ده بس إنت عايز الرقم في إيه..

أشار لها بالصمت ثم ابتعد عنها وذهب للشرفة، ثم قام بإجراء إتصال هاتفي مع أحد الأشخاص لتمر عدة دقائق وعاد وهو يقول بصرامة شديدة:

= هترد عليا أمتى؟

ثم صمت قليلاً يستمع لمحدثه ثم قال بجدية:

= خلاص يبقى أنا مش هنام إلا لما ترد عليا.

ثم أغلق هاتفه ووضع هاتف حبيبة بداخل إحدى الأدراج وأغلق عليه جيداً.

حبيبة بغيظ:

= إنت بتحط التليفون في الدرج وبتقفل عليه ليه لو سمحت رجعلي تليفوني.. أنا مش هعرف أشتغل من غيره..

عمر ببرود:

= طول ما إنتي هنا مفيش تليفونات لما تحبي تكلمي حد إبقي عرفيني وأنا أديكي تليفوني تتكلمي منه.

وضعت حبيبة يديها في خصرها بغضب:

= ليه في السجن وإنت السجان ولا إيه.. أنا عايزه تليفوني هو الحاجة الوحيدة اللي بتسليني هنا وكمان شغلي كله هيبقى من عليه.

عمر بحدة قاطعة:

= عارفة يا حبيبة لسالك تكة واحدة معايا وهحققلك أحلامك وأخليكي تعيشي السجن بحق فبلاش تستفذيني..

ثم سحبها من ذراعها فجأة وألقاها بداخل الحمام وهي تصرخ باستغراب:

= في إيه.. إنت بتعمل كده ليه؟

لتتفاجأ به يلقي في وجهها قميص قطني وشورت قصير خاصين به وهو يقول ببرود:

= قدامك خمس دقايق تاخدي فيهم دوش وتخرجيلي برة.

ثم تابع بتحذير:

= لو منفذتيش اللي أنا قلته بسرعة وفوراً، هدخل أديكي دش بنفسي وعلى فكرة أنا مش بهزرش..

تراجعت حبيبة للخلف بخوف إلا أنها قالت بشجاعة:

= اسمع يا عمر بيه أنا مش لعبة في...

أشار لها عمر بالصمت وهو يقول بغضب يحاول السيطرة عليه:

= اسمعي إنتي تدخلي تاخدي دوش وبعديها تتعشي وتنامي من غير ما أسمع منك ولا كلمة وإدعي ربنا إن اللي أنا متوقعه ميكونش صحيح عشان ساعتها هخلي ليلتك سودة وهوريكي السجن والسجان على حق.

حبيبة برفض:

= هو إنت بتتكلم عن إيه أنا مش فاهمة منك حاجة إنت كل شوية بتغيّر رأيك، وتقول قرارات وتغيرها والمفروض إني أنفذها من غير تفكير..

ثم تابعت بحدة:

= أنا مش هنام معاك هنا لو السما إطربقت على الأرض.. وهشتغل وهادفع تمن أكلي ونومي..

لتتابع بإرتباك وحزن:

= وعلى فكرة بلاش ضميرك يأنبك علشان قولتلي كده.. أنا أصلاً واخدة على كده طول عمري.. طول عمري مسئولة عن نفسي وعن مصاريفي ومفيش حاجة حصلت علشان تغير الوضع ده.

اقترب عمر منها وقال بصوت هادئ:

= لا فيه.. إنتي بقيتي مراتي ومسئولة مني ولحد ما نخلص من بعض والرابط اللي ما بينا ده يخلص هتفضلي مسئوليتي ودلوقتي إتفضلي أعملي اللي قلتلك عليه..

ثم أكمل وهو يراها على وشك الاعتراض مجدداً:

= وقبل ما تعترضي أنا مش بعمل كده عشانك ولا علشان خاطر خايف على مشاعرك اللي متهمنيش ولا حتى ضميري بيأنبني زي ما بتقولي، بمنتهى البساطة أنا بعمل كده علشان جدتي اللي هددت إنها هتسيب الفيلا وتمشي لو إنتي نمتي تحت في الجنينة..

ثم تابع بتهكم:

= بتقول إني بفتري عليكي متعرفش إن الكيوت اللي خايفة على مشاعرها حاولت تقتل حفيدها ودلوقتي إتفضلي أعملي اللي طلبته منك أنا مستنيكي برة.

ثم غادر وتركها تحاول منع دموعها من النزول إلا أنها فشلت وغرقت في نوبة قوية من البكاء..

بعد قليل خرجت وقد ارتدت ملابسه التي أظهرتها بمظهر طفولي ومثير في آن واحد، ببنطال عمر الأزرق القصير الذي يصل لبعد ركبتها بقليل وقد ربطته بقوة وفوقه قميصه الأحمر القطني الواسع الذي يصل لمنتصف ركبتيها وقد لفت على شعرها بمنشفة صغيرة تخفيه بها عن عينيه، وقد ظهر على وجهها وعينيها الاحمرار والتورم من أثر البكاء.

نظر عمر لها بندم وقد أثار مظهرها الباكي مشاعره فاقترب منها ومرر أصابعه بحنان على وجنتيها ثم قال بلطف:

= تعالي عشان تتعشي إنتي مكلتيش حاجة من الصبح.

هزت حبيبة رأسها برفض وقالت بصوت متعب ومبحوح من أثر البكاء:

= أنا خلاص مش عايزة آكل.. أنا هروح أنام.

رفع عمر المنشفة عن شعرها ومرر يده بإفتتان في خصلات شعرها السوداء المبلولة وقال بحنان:

= مفيش نوم إلا لما تتعشي الأول تعالي ناكل أنا وإنتي.. أنا مكلتش حاجة من الصبح واليوم كان طويل ومتعب وحاسس إني ميت من الجوع.

ثم أضاف بمرح:

= وبعدين الأكل اللي إنتي طبخاه شكله حلو أوي ولا إنتي حطالي فيه حاجة وخايفة تاكلي منه.

نظرت له حبيبة بصدمة ثم انهارت في موجة قوية من البكاء وهي تدفعه بغضب بعيداً عنها:

= أنا.. أنا مش كده إرحمني من كلامك ده أو مشيني من هنا.. أنا مبقتش متحملة حرام عليك.. طلقني يا عمر.. وسيبني وملكش دعوة باللي هيحصلي أنا عايزة أموت وأرتاح.

ضمها عمر إليه وحاول تهدئتها وهو يقول بندم:

= أنا مقصدش أنا كنت بهزر معاكي وعشان أثبتلك أهوه شوفي..

ثم تناول قطعة من الطعام ووضعها في فمه:

= أهو يا حبيبتي شوفي..

ثم رفعها بين ذراعيه وأجلسها فوق ساقه وهو يضمها بحماية وعشق شديد ويده ترفع وجهها الباكي إليه، في حين تمر شفتيه على وجنتيها تلتقط دموعها وتمسحها بحنان.

ثم همس لها:

= خلاص بقى يا بيبة أنا آسف تعالي ناكل سوا ولا خايفة طبخك يكون وحش وميعجبنيش.

عقدت حبيبة حاجبيها وقالت بطفولية أثارت مشاعره الملهوفة عليها:

= على فكرة أنا بطبخ حلو جداً..

مرر عمر إصبعه على شفتها وقال بحنان:

= طيب خلينا ندوق طبخ الأميرة بيبه كده.

ثم بدأ في إطعامها بيده وهو يحتضنها بشدة كأنه يتمسك بلحظة غير حقيقية.. يعلم كما تعلم أنها لحظات مسروقة ولن تدوم للأبد..

ابتسم عمر بحب لها وهو يمسح بقايا الطعام عن شفتها السفلية وقد اقترب بشغف من شفتيها وهو على وشك تقبّلها، إلا أن ارتفاع صوت رنين هاتفه جعله يتراجع وهو يبتسم لها ويجيب على الهاتف بجدية:

= ألو.. أيوه يا حسن أنا معاك اتكلم..

عقد عمر حاجبيه ثم أبعد حبيبة عنه بغضب وهو ينهي المكالمة.

تراجعت حبيبة للخلف بخوف وتوتر وهو يتصل بنادر بغضب شديد:

= أيوه يا نادر عايزك تجيبلي كل المعلومات عن واحدة اسمها كامليا محمد البيومي، مشاركة صادق أبو الدهب في شركة تسويق وعلاقات عامة، عايزك تجيبلي ملفها وملف شركتها الأسود كله..

ثم أغلق الهاتف وهو يقول بغضب:

= ورحمة أمي لأعملهم عبرة لمصر كلها.

ثم التفت بغضب إلى حبيبة التي تراجعت للخلف وهي تقول بخوف:

= في إيه يا عمر ما إنت كنت كويس؟

جذبها عمر من ذراعها بغضب ألصقها به:

= بفكر يا حبيبة أعمل فيكي إيه أقتلك وأخلص من مصايبك ولا أسلمك ليهم بإيدي وأرتاح من غبائك..

حبيبة بخوف:

= هو.. هو في إيه بس!

انفجر عمر بها:

= لا ولا حاجة الشركة اللي كنتي هتشتغلي فيها من ورايا طلعت شركة دعارة مقنّعة صاحبتها تبقى كامليا بيومي اللي سمعتها زي الزفت واللي تبقى في نفس الوقت شريكة صادق بس في السر..

حبيبة برعب:

= يا مصيبتي السودة والله ما كنت أعرف حاجة من اللي إنت بتقوله ده...

ثم تابعت بخوف:

= وبعدين أنا استحالة كنت هعمل حاجة زي دي.. دا أنا لو كنت بس شكيت فيهم كنت سبتهم على طول.

عمر بتهكم:

= بجد.. لا كده طمنتيني.. مش بقولك إنك غبية وسازجة.. هما مش محتاجين منك إنك تشتغلي معاهم.. كل اللي محتاجينه هو إنك تمضي عقد الشغل وكام صورة ليكي وإنتي داخلة وخارجة من شركتهم المشبوهة وساعتها هتبقى فضيحة، يعني حتى لو كنتي معملتيش حاجة مجرد وجودك وسطهم هيتاخد ضدك وهيسوء سمعتك خصوصاً وإنتي مش محتاجة الشغل ومتجوزة واحد من أكبر رجال الأعمال في مصر.

جلست حبيبة على طرف الأريكة وهي تقول بضياع:

= وأنا كنت هعرف منين ده كله.. أنا افتكرته شغل عادي ومعرفش إنه هيبقى وراه مصيبة زي دي !!

عمر بغضب:

= ليه متعرفيش إن فيه حيوان اسمه صادق بيحاول يوصلك بأي تمن، المفروض بمجرد ما واحدة كلمتك في التليفون وعرضت عليكي شغل كنتي تقوليلي على طول مش تصدقيها على طول من غير حتى ما تشكي فيها!!

حبيبة بإرتباك:

= طيب دلوقتي أنا هعمل إيه.. دي اتفقت معايا إني لما أنزل القاهرة أقابلها علشان أمضي العقد وأستلم الشغل.. أتصل بيها أقولها إيه عرفت كل حاجة ولا أرمي الخط بتاعي وأغيره ولا مكالمتي معاها دي ممكن تعمل بيها حاجة!!

نظر عمر لها بغضب ثم خلع قميصه وألقاه أرضاً واتجه للفراش واستلقى عليه وهو يقول ببرود:

= معرفش.. مشكلتك وحليها لوحدك أنا مليش دعوة بالموضوع ده.. أنا راجل ليا اسمي وأخاف على سمعتي ومحبش اسمي يجي في حاجات زي دي.

ثم أغلق الضوء وتركها تجلس على طرف الأريكة تفكر بخوف..

بعد مرور ساعة...

تابع عمر بعينين نصف مفتوحة حبيبة التي تجلس وهي تضم ساقيها تفكر بخوف في المصيبة الجديدة التي وجدت نفسها متورطة بها.. فطبعاً عمر لن يتدخل فهي بالنسبة له زوجة مؤقتة مجبر عليها، لا تعني له شيء؛ فحياتها وموتها بالنسبة له سواء.. بل هي تشعر أن موتها سيحل له جميع مشاكله ويجمعه بجيلان.. بحبه الحقيقي.

لتهمس فجأة بيأس شديد:

= يارب أموت وأرتاح..

ثم انهارت فجأة في نوبة بكاء قوية وهي تكتم صوتها خوفاً من أن يسمعها..

ليتنهد عمر بتعب وهو يقول بهمس:

= كفاية عليها أوي كده..

ثم تابع بغضب:

= كان لازم أعمل كده علشان تفهم إن كل تصرف غلط هتعمله هيكون له تمن وتفكر كويس قبل ما تتصرف.

ثم اتجه إليها وحملها بهدوء بين ذراعيه واتجه بها للفراش ومددها عليه ثم استلقى بجانبها وهو يضمها إليه بحماية.

حبيبة ببكاء:

= عمر أنا خايفة أوي ومش عارفة أعمل إيه..

مرر عمر يده على وجهها يمسح دموعها وهو يقول بمكر:

= معاكي حق تخافي.. الموضوع مش سهل خالص..

بس أكيد بكرة لما تفكري كويس هتلاقي حل.

انسابت دموع حبيبة وهي تقول بخوف حقيقي:

— بس أنا والله ما ضَرَبْتْش على حاجة وكل اللي عملته إني قلتلها إني موافقة إني أشتغل معاهم.. تفتكر هي ممكن تأذيني بالمكالمة دي؟

نظر لها عمر مطولاً ثم ضمها إليه بقوة وهمس لها بحماية:

— متخافيش يا حبيبة، مفيش حد يقدر يأذيكي طول ما أنا عايش.. أنا اتصرفت وخلاص، الموضوع في حكم المنتهي، بس ده ما يمنعش إني لازم أردلهم الضربة بضربة أقوى منها عشان يحرموا يقربوا لحد يخصني.

انسابت دموع حبيبة براحة وقالت بارتجاف:

— طيب ليه قولتلي إنك مش هتتدخل؟

قبّل عمر عينيها وزاد من ضمها بقوة وحماية وامتلاك بين ذراعيه، وهو يهمس في أذنها بحنان:

— دي كانت قرصة وِدْن صغيرة علشان نفكر قبل ما نتصرف..

ثم قبّل أذنها برقة ويده تمر في خصلات شعرها الناعمة بشغف وحب حتى غرقت في النوم، ليقول بحنان وهو يضمها بتملك إليه:

— نامي يا حبيبتي نامي.. ومتخافيش، أنا عمري ودُنْيَتِي كلها فداكي..

رواية سيد القمر الأسود الفصل السادس عشر 16فتحت حبيبة عينيها بتعب لتجد نفسها مستلقية في فراش عمر وهي تنام بأمان بين ذراعيه ، فتملكها شعور بالإرتباك والصدمة وذهنها يعيد عليها كل ماحدث لها سابقاً فأغمضت عينيها بألم وهي تهمس لنفسها بإستنكار := انا ليه ما مشيتش لحد دلوقتي .. وبعمل إيه في سرير واحد بيكرهني ويحتقرني وإتجوزني غصب عنه .. كفاية أوي لحد كده المفروض أختفي وأبعد بعيد عن كل الوجع والتعب ده.. لتغمض عينيها وهي تهمس بألم : =بس انا خايفة .. خايفة أوي أمشي وصادق ده يأذيني وعمر الوحيد اللي بيقدر يحميني منه ..ثم إبتسمت بوجع : =انتي هتكدبي على نفسك كمان يا حبيبة .. انتي ممشتيش عشان مش بس خايفة من صادق ليأذيكي لا ..انتي بتحبي عمر وبتعشقيه .. بتعشقيه حتى وإنتي عارفة ومتأكدة إنه بيكرهك و بيحتقرك وبيحب واحدة تانية غيرك برضه مش قادرة تبعدي عنه وتسيبيه..ثم تابعت بتصميم=يبقى على الأقل أبعد عنه وأحط حدود ما بينا كفاية وجع و لعب بمشاعري لحد كده ..فحاولت رفع ذراعه التي تحيطها بتملك و الإنسلال بهدوء خارج الفراش..إلا إنها تفاجأت بيده تشتد من حولها تمنعها من التحرر وتعيدها مرة أخرى إلى أحضانه وهو يقول بهدوء : =رايحة على فين إحنا لسه الفجر والصبح لسه مطلعش.. حبيبة بإرتباك :=هروح أنام هناك على الكنبة. مرر عمر يده في خصلات شعرها وهو يقول بحنان : =ليه .. المكان هنا مش مريحك .. تحبي أخليهم يغيرو السرير ولا نغير الجناح خالص! حبيبة بتوتر :=لا الجناح كويس .. والسرير مريح وكل حاجة بس انا هرتاح هناك أكتر وعلشان إنت كمان تعرف تنام وترتاح في سريرك. ضمها عمر إليه أكثر وهو يـ*قبل عنقها بحنان ويزيد من قوة ضمها إليه : = مين قالك إني مش مرتاح بالعكس دا أول يوم أنام فيه كده بعمق وراحة ..تململت حبيبة وهي تحاول الإبتعاد عنه : =معلش خليني أروح أنام هناك أحسن. ابتعد عمر قليلاً عنها ثم أضاء نور الغرفة ونظر إليها بعبوس :=في إيه يا حبيبة ..مالك ! !إبتعدت حبيبة عنه وجلست وهي تقول بتوتر :=مفيش حاجة .. انا بس قلقانة وعايزة أعرف مصيري معاك إيه ..انا متلخبطة إنت شوية تعاملني كويس وشوية تعاملني وحش وانا حقيقي تعبت..اعتدل عمر جالساً هو الآخر ..ثم قال بجدية := مش عارف .. دي الحقيقة وبمنتهى الصراحة ..مش عارف هعمل معاكي إيه ؟ثم أضاف بجمود := المفروض كنت طلقتك من أول ماسمعت بالصدفة من شريف كل اللي عملتيه .. لا مش طلقتك بس .. المفروض كنت نهيتك خالص وعملتك عبرة زي ما بيقول قانوني اللي انا عايش بيه.. بس انا معملتش كده أو عشان أكون أكتر صدق معاكي مقدرتش أعمل كده .. لحد عندك وقوانيني كلها بتتكسر ومبقدرش أنفذها ..ثم تابع بغضب من نفسه قبل أن يكون منها : = لا انا قادر أنسى وأسامحك على خيانتك ، ولا انا قادر أعيش معاكي طبيعي زي أي إتنين متجوزين..سالت دموع حبيبة وهي تقول بألم : = بس انا عندي الحل .. الحل انك تسيبني أمشي وتنساني وتعيش حياتك مع اللي بتحبها بجد. عمر بتعب : = و إن كانت اللي بحبها خانتني يبقى إيه الحل ! حبيبة بإرتعاش := سامحها وعيش حياتك معاها هي بتحبك والكل شايف كده ..نظر لها عمر بدهشة وهي تتابع بألم :=يمكن جيلان تكون قبل كده سابتك وإتجوزت واحد غيرك وإنت إعتبرت دي خيانة ..بس هي رجعت ليك وندمانة فبلاش تعاقبها وتعاقب نفسك معاها..تحولت نظراته من الدهشة إلى الصدمة وهو يضحك بقوة ويتراجع للخلف مستنداً على الوسائد ثم قال بتهكم أثار غضبها := حقيقي كل مرة بتبهريني لدرجة مببقاش عارف أرد وأقولك إيه ..مسحت حبيبة دموعها وهي تنظر له بغضب : =ممكن أعرف إنت بتضحك على إيه دلوقتي ..عمر بتهكم غاضب : =ما هو الكارثة إنك فعلاً مش فاهمة انا بضحك ليه.. بس أقولك خليكي كده أحسن وخلينا نوصل لحل يريحنا إحنا الإتنين. تجمعت الدموع في عيون حبيبة مره أخرى وهي تقول بإبتسامة مرتعشة : =الحل سهل نتطلق وانا همشي وإنت تكمل حياتك مع اللي تحبها. أغمض عمر عيونه وهو يستمع لها بتعب وعقله وقلبه يتصارعان بداخله ، فقلبه يريد مسامحتها وبدأ حياة جديدة معها ، وعقله يرفض مطالب قلبه بل وينكرها عليه وينكر حبه وعشقه لها ، ويطالب بإبعادها بل ومعاقبتها على كل الجرائم التي إرتكبتها بحقه ..عمر بجدية := إسمعي يا حبيبة انا عندي حل لكل اللي إحنا فيه..ثم تنحنح وهو يشعر بثقل كلماته عليها وعلى نفسه : = انا يمكن مبحبكيش وبحب واحدة تانية زي ما إنتي بتقولي .. بس الحقيقة إن انا كمان عندي إفتتان بيكي .. والإفتتان ده مش هيروح إلا لما نمارس حياتنا الزوجية زي أي إتنين طبيعين ، شهر إتنين لحد ما أزهق ولعنة الإفتتان دي تروح ساعتها بس هقدر هطلقك وانا مرتاح وهسيبك تمشي..ثم تابع بجدية := وأوعدك إني قصاد ده هحميكي من صادق و من أي حد يحاول يتعرضلك بأذى وهديكي كمان فلوس تقدري تبتدي بيها حياتك من جديد. نظرت له حبيبة بإرتباك وإبتلعت ريقها وهي تقول بتوتر : =مش فاهمة حاجة .. إنت تقصد إيه بكلامك ده..تنهد عمر بنفاذ صبر ثم قال بجدية := بالبلدي كده .. راجل اللي هو انا .. عايز ست وعنده رغبة فيها .. الست دي اللي هي إنتي وعايزها وراغبها جامد جداً كمان .حبيبة بصدمة= عايزني إزاي يعني وإنت مبتحبنيش وبتحب واحدة تانية ! !عمر محاولاً الظهور بمظهر بارد := وإيه المشكلة رجالة كتير زيِّ وعادي جداً بيحبوا واحدة وبيرغبوا في واحدة تانية .. والطريقة الوحيدة للخلاص من المشاعر دي إننا منقاومش الرغبة دي ولا نحاربها ، وبعد شهر إتنين تلاتة بالكتير شعلة الرغبة بتنطفي وكل واحد بيروح لحاله ويشوف حياته .. وده اللي إحنا هنعمله.. إنتفضت حبيبة واقفة بغضب وذهول : =طيب وانا ابقى إيه لما أوافق على حاجة زي كده..سحبها عمر من ذراعها وأوقعها على الفراش بجانبه ، ثم أحاطها بذراعيه وقال بهدوء ويده تتلمس شفتيها برقة : = تبقي مراتي ..وأي حاجة هنعملها مع بعض في الشهرين تلاتة دول ..حلالحاولت حبيبة نزع يده بعيداً عنها وهي تقول بغضب : =يعني عايزني في حياتك لمدة مؤقتة علشان ترضي رغبة عندك وبعدين هترميني وتطلقني وتقولي حلال ! !عمر ببرود : = أيوه يا حبيبة حلال .. على الأقل حلال أكتر من محاولتك قتلي علشان الفلوس و حلال أكتر من شغلك هنا جاسوسة لصالح أعدائي.. ثم ضغط على ذراعها بقوة وهو يقول بغضب مكتوم := وحلال أكتر وأكتر من تمثيلك الحب عليا بأمر من إللي بعتوكي هنا. إنسابت دموع حبيبة وهي تقول بألم شديد : = الكلام ده مش مظبوط في حاجات كتير إنت فاهمها غلط..ترك عمر ذراعها وهو يقول بقسوة : =غلط ولا صح دي حاجة مبقتش تهمني .. المهم موافقة على كلامي ولا لاء .. وقبل ماتتكلمي إعرفي أن انا هنفذ كل طلباتك من غير مناقشة لأني تعبت ، يعني لو رفضتي هطلقك وفوراً ، بس بطلاقك مني هتعتبر حمايتي مرفوعة عنك ، يعني صادق أو غيره هيقدرو يوصلولك وبسهولة ، وإفتكري برضه إن أقل حاجة عملوها اإنهم بمكالمة تليفون صغيرة كانو هيلبسوكي قضية دعارة .. ودا غير إنك هتخرجي من هنا بشنطة هدومك يعني من غير فلوس أو أي حاجة تساعدك في حياتك الجاية. ثم تابع بقسوة شديدة := وبرضه لازم تعرفي قبل ما توافقي إن جوازنا هيبقى لمدة محددة انا اللي أقررها ، وأظن إنها مش هتتعدى شهرين تلاتة هنعيش فيهم حياة طبيعية زي أي زوجين وبعدها كل واحد يروح في طريقه.. ثم تابع بجدية شديدة :=وفي شرط تاني و ده أهم شرط عندي مفيش حمل ولا خلفة ولا أي حاجة ممكن تربط مستقبلنا ببعض .. يعني قبل ما ألمسك هتروحي لدكتورة تديكي حاجة تمنع الحمل ..إنسابت دموع حبيبة وهي تستمع إليه يكمل بقسوة :=انا عارف إن اللي بقوله ده يمكن يكون صعب عليكي أو تحسيه ظلم أو إهانة لكرامتك ، بس الصراحة. مابينا في المرحلة دي مهمة علشان لما توافقي تبقي عارفة انتي بتوافقي على إيه بالظبط.. اغمضت حبيبة عينبها التي إنسابت الدموع منها وهي تقول بألم :=كفاية يا عمر .. انا فهمت .. بلاش تجرح فيا أكتر من كده. عمر بجدية وهو يحاول تجاهل النظر لدموعها : =انا مش عايز اأجرح فيكي انا بقولك على الوضع اللي هيكون مابينا .. جواز طبيعي زي أي إتنين بس من غير حقوق الزوجة الطبيعية .. يعني أحب جيلان أو غيرها أخرج مع دي أو أسهر مع دي ميخصكيش .. و طبعاً برجع أأكد عليكي مفيش حمل ولا خلفة لأن لو حصل فرد فعلي مش هيكون كويس..حبيبة بوجع :=يعني هتعمل إيه أكتر من كده !عمر بصرامة أخافتها := لا هعمل كتير واللي هعمله مش هيعجبك .. لأن ساعتها مش هيبقى قدامك غير خيارين ، يإما تنزلي الحمل ده أو يكمل بس ساعتها هاخده منك ومش هتشوفيه تاني ..شهقت حبيبة وهي تقف و تبتعد عنه بخوف : =وانا إيه إللي يجبرني على كده دا الموت بالنسبالي أهون .. انا هلم هدومي وماشية حالاً ومش عايزة منك حاجة. عمر بهدوء= طيب قبل ما تمشي ياريت تسمعي المكالمة دي وبعديها قرري .. ثم فتح ميكروفون هاتفه وأسمعها مكالمة مسجلة بينه وبين نادر رئيس حرسهعمر : = ألو .. أيوه يا نادر عملت إيه! نادر بثقة : = روحنالها في الفيلا بتاعتها و إتعاملنا معاها وطلع فعلاً صادق أبو الدهب هو اللي عاطيها أمر بالإتصال بمدام حبيبة علشان يعملها فضيحة … بس مش بشوية صور ليها وهي داخله وخارجة من الشركة المشبوهة بتاعة كاميليا البيومي عشان يعملوا شوشرة على سمعتها زي ما كنا فاهمين. عمر بترقب غاضب : = أومال ايه..نادر بجدية : = كانت هتخليها تسلم أوردارت وتغريها بمرتب عالي وبنسبة على المبيعات وبعدين هتوديها لأكتر من شقة وكل ما تدخل مكان تصورها لحد ما تجمع لها صور لدخولها لأماكن كتير مشبوهو وفي الآخر ..ثم تابع بحرج : = آسف في اللي هقوله .. هيخدروها و.. و.. ويعني حضرتك فاهم .. وبعدين يبلغوا عنها بوليس الأداب وهناك هيبعتوا لجهات التحقيق صورها وهي داخلة وخارجة من أماكن مشبوهة كتير علشان التهمة تثبت عليها والفضيحة تبقى أكبر. عمر بغضب شديد := هي حصلت يا ولاد الكلب .. طب إسمعني وأعمل اللي هقولك عليه……..ليضغط عمر مغلقاً الهاتف دون أن يسمعها باقي المكالمة ..وقفت حبيبة تنظر له بذهول والدموع تسيل من عينيها التي تتسع بصدمة شديدة من شدة الرعب وهي تصرخ بإنهيار : = إنتوا بتعملوا فيا كده ليه .. انا عملت إيه لكل ده .. حرام عليكم .. إنت وصادق وشريف وعصمت .. كلكم بتعذبوا فيا .. كل واحد فيكم بينهش فيا علشان يحقق مصلحته .. لكن انا مش مهمة عندكم .. أتعذب .. أموت.. أتحرق مش مهم .. المهم تحققوا اللي إنتم عازينه وبس..إقترب عمر منها وقد ألمه رؤيتها وهي تنهار أمامه باكية ، فحاول إحتضانها وهو يشعر أنه قد قسى عليها كثيراً : = حبيبة إهدي وإسمعيني ..نفضت حبيبة يده بعيداً عنها وهي تقول بغضب :=انت اللي تسمعني .. انا موافقة يا عمر .. موافقة عشان أخلص من كل اللي انا فيه ده .. مش مهم أخسر شهرين تلاتة من حياتي بس المهم أكسب اللي باقيلي منها وانا بعيدة عنك .. بس انا كمان ليا شروط .. و أولها إنك تبعد إيدك دي عني و متلمسنيش .. إلا بعد ما آخد وسيلة لمنع الحمل لأن انا اللي مش عايزة أخلف منك ولا عايزة أربط حياتي بواحد قاسي وأناني زيك. تنفس عمر محاولاً السيطرة على غضبه :=حبيبة خدي بالك من كلامك انا ساكت ليكي بس علشان خاطر انا عارف قد إيه إنتي مصدومة من كلامي. حبيبة بوجع وتحدي :=لا قلبك حنين أوي .. عموماً متزعلش أوي كده إحنا بنتكلم بصراحة علشان لما كل حاجة تخلص ميبقاش فيه مشاكل .. وعشان كده انا عايزة بعد طلاقي منك أخرج برة مصر خالص بعيد عنك وعن صادق وعن الكل ومش مهم فلوس انا أقدر أشتغل وأصرف على نفسي المهم أبعد عن هنا..عمر بتردد : =هنشوف .. لما نيجي لوقتها نبقى نقرر..حبيبة بغضب : =لا دا أهم شرط عندي يإما يتنفذ .. يإما خلاص نتطلق دلوقتي وكل واحد يروح لحالة .وقف عمر يتأمل نظراتها الباكية والمتحدية قليلاً ثم أجاب بغضب :وهو يسايرها وينوي عدم تلبية مطلبها : = موافق .. ودلوقتي إتفضلي إرجعي للسرير ونامي .. الصبح هيطلع وإحنا لسه منمناش..إتجهت حبيبه للأريكة ونامت عليها وأجابت بغضب وهي تسحب الغطاء فوق رأسها وجسدها : = انا هنام هنا لحد ما أروح للدكتورة بكرة .. أظن حقي. عمر بغضب وهو يشعر أنها تطعن فيه وفي رجولته كلما تتحدث عن رفضها الإقتراب منه إلا بعد أخذها وسيلة لمنع الحمل وكأن ما تقوله ليس شرطه هو من البداية : =بطلي جنان و سيبي الكنبة وتعالي نامي على السرير وانا مش هقربلك متنسيش إن ده شرطي انا من البداية. إلا إنها صمتت وهي تعطيه ظهرها وتغلق عينيها إستعداداً للنوم .. مما أثار غضبه وجعله يتجه للفراش ويستلقى عليه بغضب وهو يطفئ إضائة الغرفة قائلاً : = إنتي حرة ..تصبحي على خير ..ثم أغلق عينيه بغضب محاولاً النوم .. لتمر أكثر من نصف ساعه حاول فيها النوم إلا إنه فشل وهو يشعر بإفتقاده لها بين ذراعيه.. فهب واقفاً فجأة وإتجه إليها وحملها فوق ذراعيه ووضعها بالفراش هو يقول بغضب محاولاً إخماد مقاومتها الشديدة له : = هتسكتي وتنامي هادية ولا أستغل الساعتين تلاتة دول معاكي في حاجة تانية طالما كده ولا كده صاحيين..زادت مقاومة حبيبة أكثر وهي تقول له بغضب شديد ويدها تضربه بشدة في صدره وذراعيه : = قولتلك متقربليش .. إتفاقنا لسه مبدأش ..انا مش الجارية اللي إنت شاريها وبينا إتفاق لازم تحترمه ..حاول عمر السيطرة على غضبها وهو يقيد يديها الإثنان فوق رأسها و يقول بغضب : = إهدي ياحبيبة وبطلي حركة و جنان ونامي. صرخت به حبيبة بغضب شديد : = قلتلك إبعد عني ومتقربليش إلا لما أروح للدكتورة بكرة وآخد حاجة لمنع الحمل .. مش ده كان إتفاقنا. لا يعرف لماذا أصابت مرة أخرى كلماتها الغاضبة ورفضها الشديد له كبريائه و كرامته بشدة وكأنها ليست كلماته أو شروطه التي طالبها هو بها.. هزها عمر بغضب ثم ترك يديها وإبتعد عنها وهو يقول بغضب : = إخرسي وروحي نامي في المكان اللي يعجبك ..إلا إنها لم تستمع لكلماته أوتستوعبها لشدة غضبها منه ، فعندما شعرت بتحريره ليديها فاجأته بهاجمتها الشديدة له ضرباً وركلاً وهي تصرخ فيه بغضب := انا بكرهك إبعد عني .. مش طايقة إنك تلمسني .. إبعد بقى. سيطر عمر عليها مرة أخرى وهو يقيد ذراعيها مرة أخرى للأعلى مستنكراً بغضب : = إيه ..انتي بتقولي أيه..حبيبة وعينيها تلمع بدموع الغضب والتحدي : = اللي سمعته .. إيه فاكرني هخاف منك..نظر عمر لها بغضب تحول لتهكم : =طيب خلينا نشوف إنتي بتكرهيني قد إيه ! ثم بيده الأخرى شق بغضب القميص الرجالي الذي ترتديه نصفين ثم نزعه عنها بسرعة شديدة ..فصرخت به بخوف وخجل وهي تحاول إبعاده عنها فلا تستطيع ..فتساقطت الدموع من عينيها وهي تقول برعب := إبعد عني .. انت إتجننت اللي إنت هتعمله ده اسمه إغتصا*ب ..جالت يد عمر على جسد*ها برقة ورغبة شديدة بعد أن نزع باقي ملابسها عنها وهمس بتوعد أمام شفتيها المرتعشتين : = الإغتصا*ب ده لما تكوني مش موافقة ، بس أوعدك كلها دقيقتين بالظبط وهتترجيني مبعدش عنك..إرتعشت حبيبة بخوف : = عمر ..مال عليها عمر محتضناً لها ومـ*قبلاً لشفتيها بشغف وعشق شديد : = ششش سيبي نفسك ليا ومتخافيش يا حبيبتي.. ثم زاد من إحتضانها بعشق وتملك شديد ، وقد ذابت معارضتها وإختفت أدراج الرياح ..بعد مرور شهر ..وقفت حبيبة في اليخت المملوك لعمر وهي تنظر للبحر تائهة في أفكارها الحائرة ، فبالرغم من إتفاقها المخزي الذي أبرمته مع عمر على عيش حياة زوجية طبيعية لمدة محددة من الشهور تنتهي بإنتهاء رغبته بها ، إلا أنه لم يقرُبها إلا مرة واحدة وتحت ضغط غضبه الشديد منها ، فحتى بعد ذهابها للطبيبة وتركيبها وسيلة لمنع الحمل ، إلا أنه تجاهلها بشدة وأصبحت تعاملاته معها يغلفها البرود و التجاهل..فيبدو ان الشغف الذي تحدث عنه إنتهى قبل أن يبدء .. ويبدو أن الفراق أصبح أقرب مما تتصور .. حتى وجودها هنا على اليخت فهو للتغطية على وجود جيلان معه و منعاً للقيل والقال ..تنهدت حبيبة وهي تحاول بغضب عدم النظر لجيلان التي تضحك بإغراء وهي ترتدي ثوب سباحة أحمر اللون من قطعتين لا يخفي شيء تقريباً ، و تسبح بكسل وإغراء في بركة السباحة المقامة فوق اليخت مع عمر الذي يسبح هو الآخر بكسل بعد أن قطع بركة السباحة أكثر من مرة بقوة ذهاباً وعودة.فهمست حبيبة بغيرة وغضب : = قلة أدب ومسخرة ..فأشار لها عمر وهو يضحك بمرح : =حبيبة تعالي عايزك ..إقتربت حبيبة منه وهي تتوقع أن يدعوها مرة أخرى للسباحه معهم ..فهو طلب منها السباحة معه أكثر من مرة إلا إنها رفضت وبشدة لأنها لا تجيد السباحة وتخاف من إحراجها أمامه وأمام جيلان التي تسبح بمهارة شديدة …إلا إنه قال بإستفزاز := قولي للطباخة تجيب كاسين عصير فريش هنا .. ثم تابع بإستفزاز أكبر : = أو هاتيهم إنتي ..نظرت حبيبة له بغضب : = ليه فاكرني الخدامة اللي إشترتها من سوق العبيد .. ماتروح تطلب إنت ولا خلي عروسة المولد اللي جنبك هي اللي تطلب..عمر ببرود : = إظبطي لسانك أحسنلك وروحي هاتي العصير. مررت جيلان يدها على عضلات ذراعيه بإغراء وقالت برقة مصطنعه : = خلاص يا بيبي .. انا عارفة طلبك كويس و هاروح أجيبلك العصير بنفسي..أحمر وجه حبيبة بغيرة وهي تشاهده يبتسم لها برقة ثم يلف يده حول خصرها بتملك وهو يقول ببرود متحدياً لها أن ترفض طلبه : = لا خليكي إنتي .. حبيبة هي اللي هتروح تجيب العصير .. انا شايف إنها مش عايزه تعوم ولا تعمل أي حاجة غير إنها تقعد تبص للبحر .. فخلينا نشغلها بحاجة تسليها ..ثم همس لحبيبة بصوت خفيض متحدي : = روحي هاتي العصير يا حبيبة بدل ما أخليكي تتطبخيلنا الغدا والعشا بإديكي الحلوين دول ..نظرت حبيبة له بغضب ثم قالت بحنق : = بس كده حاااضر ..عمر بتهكم : = شاطورة يا بيبة.. ثم تابعها بتسلية وهي تتجه للداخل ، رجعت بعد دقائق بصنية فضية اللون وعليها كأسين كبيرين من عصير المانجو المثلج ..فابتسمت له برقة وهي تنحني لإعطائه كأس العصير و تقول برقة : = العصير يا بيبي. مما أثار ريبته .. إلا إنه لم يتوقع جرئتها عندما رمت محتويات الكأس البارد فوق رأسه وهي تقول بغضب : = ها العصير طعمه حلو يا بيبي ! ثم حاولت التراجع للخلف بسرعة إلا أن يده كانت أسرع و هو يتشبس بقدمها ثم يجذبها بقوة إلى داخل المسبح..صرخت حبيبة بخوف وهي ترتطم بالمياة تحاول التنفس والسباحة بعيداً عنه ، إلا أنها فشلت عندما وجدته بجانبها يجذبها معه بقوة إلى أسفل المياة ..فحاولت مقاومته بقوة والسباحة للأعلى لإلتقاط أنفاسها ، إلا أنها فشلت وهو يمسك كتفيها بقوة ويده تضغطها لأسفل تجبرها على المكوس معه تحت الماء ..حتى شعرت بنفاذ إحتمالها على البقاء بدون أكسجين وبأنها ستموت لا محالة فأغلقت عينيها التي تسيل منها الدموع برعب مستسلمة لقدرها ..إلا أنها وفي اللحظة الأخيرة وجدته يرفعها معه للأعلى وهو يربت بقوة على وجنتيها منبهاً : = حبيبة خدي نفسك..فشهقت بقوة وهي تسعل بشدة تحاول إلتقاط أنفاسها بفزع ..في حين ربت هو مهدئاً على ظهرها و هو يقول بصلابة : = إهدي .. إهدي وخدي نفسك بالراحة ..خدي نفسك بالراحة .. أيوه كده. بعد ثواني قليلة إنتظمت أنفاسها فنظرت له بغضب := إنت مجنون .. إنت كنت هتموتني ..ليرتفع صوت جيلان فجأة وهي تقول بغضب وغيرة : =خلاص سيبها بقى يا عمر دي شكلها يا حرام مبتعرفش تعوم. إبتسم عمر بتسلية و سحب الحجاب عن رأس حبيبة وألقاه لخارج بركة السباحة وهو يقول بإبتسامة مرحة : = مبتعرفش تعوم يبقى أعلمها..ثم تراجع للخلف قليلاً تاركها تتخبط في المياة وكأنها على وشك الغرق إلا أنها وجدت يده تسندها من الخلف وصوته يقول بهدوء : = سيبي نفسك للماية وهي هترفعك .. متخافيش..فنظرت إليه بإرتباك ووضعت يدها على صدره العاري تتشبث به بخوف وإرتباك .. وهو يقول ببرود : =بقى بتكبي عليا العصير يا بيبة .. الظاهر انا دلعتك زيادة عن اللزوم..حبيبة بتوتر وهي تستشعر الخطر من كلماته الباردة فقالت بخوف : =عمر إنت .. إنت هتعمل إيه..أشار عمر لجيلان بالخروج من المياة وهو يقول بمرح : = إطلعي غيري هدومك و تعالي علشان نتغدى..ثم إبتعد عن حبيبة وهو يقول بمكر : =يلا يا بيبة أخرجي إنتي كمان وتعالي علشان نتغدى..تشبثت حبيبة بيده وقالت برعب : = عمر متسبنيش هنا لواحدي انا مبعرفش أعوم ومش هعرف أخرج من حمام السباحة لواحدي. سحب عمر يده منها ثم قال بمرح زائف : = اللي تعرف تكب العصير فوق راسي ومتخافش تقدر تخرج لواحدها من حمام السباحة. إرتعشت حبيبة وهي تحاول الوقوف بصعوبة في الماء ثم صرخت برعب : =عمر متسبنيش انا آسفة بس متسبنيش هنا لواحدي..إلا إنه تجاهلها وهو يشير لها دون أن يلتفت إليها وذهب إلى غرفته للإستحمام وإرتداء ملابسه إستعداداً لتناول الغداء برفقة جيلان .. إلا إنه توقف بجوار إحدى الخادمات وقال لها بهدوء : = عشر دقايق وروحي لحبيبة هانم ساعديها تخرج من حمام السباحة .ثم توجه بهدوء إلى جناحه يستحم ويستعد لتناول طعام الغداء .في نفس الوقت ..أشارت جيلان للخادمة وقالت بتعالي : = عمر بيه كان عايز منك إيه ! الخادمه بإحترام : =كان عايزني أساعد حبيبة هانم في الخروج من حمام السباحة. جيلان بقسوة :=طيب روحي إنتي شوفي شغلك وإنسي الكلام اللي هو قالهولك..الخادمة بخوف := إزاي بس يا هانم دا أقل حاجة هيطردني..جيلان بخبث : = إنتي هتقولي إنك روحتي تساعديها وهي زعقت فيكي ورفضت إنك تساعديها .. وإنك روحتي تبلغي عمر بيه لقتيه في الحمام وإستنيتي لحد ما خرج وبعديها بلغتيه على طول ..ثم تابعت بإبتسامة خبيثة : =ومتخافيش انا هأكد على كلامك وهقول إن انا شفتها وهي بتزعقلك وبترفض مساعدتك. ثم أضافت وهي تقول بتكبر : = ومتخافيش هحليلك بوقك و هخليهم يزودوا مرتبك .. بس إنتي أول ما تشوفيه تقوليله على طول إنها رفضت مساعدتك علشان يصدق كلامنا. إبتسمت الخادمة وهي تقول بطمع : = أمرك يا هانم ..إبتسمت جيلان وهي تقول بخبث : = لا خلاص روحي إنتي هاتي الغدا أصل نفسي إتفتحت على الأكل. ثم إرتفعت ضحكاتها بلهو.. مرت أكثر من نصف ساعة وهي تقف وسط الماء لاحول لها ولا قوة ، تنظر حولها بخوف تحاول التقدم للأمام ببطئ فلا تستطيع من شدة الخوف ..ومشهد الشمس الغاربة أمامها على الرغم من روعته إلا أنه أصابها بمزيد من الرعب .. دموعها تتساقط وذكرى أخرى سيئة تهيمن عليها .. " صوت شيخ يتلو القرآن بخشوع ونساء يتشحون بالسواد وبكاء و عويل يملاءان المكان .. وبينهم يرتفع صوت زوجة عمها الحاقد وهي تصرخ في زوجها بغضب :=البت دي مش هتدخل بيتي .. دي نحس وقدمها قدم شوم وخراب إتسببت في موت أمها وأبوها وهما بيحاولوا ينقذوها من الغرق .. وانا مش هستنى لما تيجي تنحسني اناولا ابني وتتسبب في موت حد فينا. عم حبيبة برجاء : = يا ولية خلي في قلبك رحمة دي عيلة صغيرة وملهاش غيري..زوجة عمها بغضب : =وديها في أي داهية مليش دعوة الميتم يتفض وأرميها في أي ملجأ ولا مؤسسة .. ولا إحدفها في البحر تلحق بأمها وأبوها أهي تستريح وتريح ..ثم تابعت بجبروت := ويكون في معلومك قدامك يومين تنفذ اللي بقولك عليه وإلا إنت كمان ملكش قعاد هنا..ثم أطاحت بحبيبة التي تبكي أرضاً وهي تقول بغضب : = أوعي يا بت من سكتي .. أصلها كانت نقصاكي إنتي كمان.. ثم خرجت إلى المعزيين وهي تبكي وترسم ملامح الحزن على وجهها ببراعة .. "عادت حبيبة إلى الواقع وهي تشعر ببرودة شديدة على الرغم من دفئ الجو من حولها ، وكأن دمائها تحولت إلى ذرات من الثلج .. وعقلها يردد جملة زوجة عمها الغاضبة دون توقف : = (إحدفها في البحر تلحق بأمها وأبوها أهي تستريح وتريح). وشبح بعيد لوالديها وهم يحاولون إخراجها من البحر الذي إشتدت أمواجه ، وذلك بعد دخولها إلى البحر خلسة ومحاولة العوم وتقليد والدها الذي كان سباح ماهر.. ووالدتها تصرخ بخوف تحاول إنقاذ اإنتها من الموت المحقق ووالدها يغامر بالسباحة داخل الموج الهائج محاولاً إنقاذ طفلته الوحيدة من الموت..شهقت حبيبة بوجع ودموعها تنساب ووجهها يشحب بشدة فأصبح في شحوب الموتى وهي تشعر بتيبس أطرافها وعقلها يهئ لها أن بركة السباحة تتسع وتكبر وأن الماء يعلو بها حتى كاد أن يغطي على رأسها ووجها ، و لكن الحقيقة هي أن ساقيها قد أصابهم الوهن وجسدها يغرق للأسفل دون أن يشعر بها أحد.. فحاولت الصراخ بفزع ولكن صوتها أصبح محبوس بداخلها يخرج كالهمهمات الغير مسموعة وهي تبتلع الماء بقسوة .. فإختنقت بشدة وهي تحاول المقاومة دون فائدة فأغلقت عينيها بإستسلام وهي تستمع لصوت زوجة عمها تقول بقسوة وإلحاح : = (إحدفها في البحر تلحق بأمها وأبوها أهي تستريح وتريح).

رواية سيد القمر الأسود الفصل السابع عشر 17 في نفس التوقيت..خرج عمر من غرفته بعد إنتهائه من الإستحمام وإرتداء ملابسه ثم توجه إلى الخارج في طريقه لتناول طعام الغداء..ليجد جيلان تجلس إلى طاولة الطعام في كامل أناقتها..عمر بهدوء وعينيه تبحث عن حبيبة :=هي حبيبة فين مش هتتغدى ولا إيه !إبتسمت جيلان برقة وهي تقول بدهشة مصطنعة :=معرفش هي مش معاك..عقد عمر حاجبيه بحيرة : =لا مش معايا..ثم ابتسم بمرح :=هروح أصالحها تلاقيها زعلانة ومش عايزه تاكل ..ثم تابع بهدوء وهو يتجه إلى بركة السباحة : = خليهم يجهزوا الغدا وانا هاروح أجيبها..ثم نظر إلى المكان المفضل لها والذي كانت تقضي معظم وقتها به فوجده خالي منها. فعقد حاجبيه وهو يقول بحيرة := هي راحت فين! ثم تابع بحيرة : = تكون دخلت نامت في اوضة تانية غير أوضتنا. فإلتفت للبحث عنها إلا أنه لمح بطرف عينيه وجود شئ يطفوا داخل بركة السباحة. فضيق عينيه وهو يتجه إليه بتساؤل ليشهق فجأة هو يقول بفزع :=حبيبة..فلم يشعر بنفسه إلا وهو يقفز برعب بداخل بركة السباحة يرفعها بين ذراعيها ، يخرج بها من الماء ويضعها أرضاً .. وقد هاله رؤية وجهها الذي تحول إلى الأبيض المشوب بالزرقة وقد توقفت عن التنفس. عمر برعب لم يشعر به من قبل وهو يتحسس نبضها الذي توقف عن العمل : =لاااا .. اللي بيحصل ده مش حقيقي.. مش حقيقي ..فوقي يا حبيبتي متسيبنيش انا .. انا آسف. ثم أغلق أنفها بسرعة وبدأ في النفخ في داخل فمها وهو يضغط على صدرها بقوة بغاية إنعاش قلبها مرة أخرى وإعادته للعمل ..وهو يقول بخوف حقيقي وقد بدأت دموعه بالنزول بالرغم عنه :=فوقي يا حبيبتي .. فوقي .. انا آسف .. متسيبنيش انا كنت غبي بس مش ده العقاب اللي أستحقه أعملي فيا أي حاجة إلا كده. ثم أعاد عملية الإنعاش القلبي التي يجريها مرة تلو الأخرى .. في حين وقفت جيلان تتابعه بشماتة وقسوة ثم إبتسمت وهي تقترب منه تمثل الفزع :=في إيه يا عمر حبيبة هي مالها..عمر بلهفة وهو يعيد عمل الإنعاش القلبي لحبيبة بدون توقف ودون أي إستجابة منها := إتصلي بنادر خليه يجيب الطيارة ويجي بسرعة عرفيه إن حبيبة محتاجة تتنقل المستشفى..ثم صرخ بها بغضب عندما وجدها لا تتحرك : =قلت بسرعة إيه مبتفهميش.إتفضت جيلان وأسرعت إلى هاتفها تنفذ أوامره ، ثم إقتربت منه بعد أن أنتهت من محادثة نادر و حاولت منعه من إستكمال الإنعاش القلبي الذي يجريه لحبيبة وهي تدعي البكاء :=خلاص يا عمر .. سيبها كفاية كده مفيش إستجابة .. إدعيلها بالرحمة. نفض عمر يدها بقسوة شديدة ألقتها أرضاً := إبعدي عني .. حبيبة هتعيش .. هتعيش إنتي فاهمة..ثم تابع إجراء التنفس الإصطناعي لها وهو يقول برجاء ودموعه تتساقط دون أن يشعر :=هتعيشي ياحبيبة وهترجعيلي .. هترجعيلي وهعوضك يا حبيبتي عن كل اللي عملته فيكي .ثم تابع بيأس :=ماهو يا تعيشي يا إما انا أموت وأجي معاكي مفيش حل تاني..ثم رفعها واحتضنها وهو يبكي بيأس شديد= أرجعيلي يا حبيبتي ..أرجعيلي انا آسف .. آسف على كل حاجة.ليتفاجأ بها تشهق فجأة ..ثم تتقيأ المياة من فمها بكثرة .فصرخ بأمل وهو يميل جسدها جانباً يساعدها على إخراج المياة من فمها ، ويربت على ظهرها وقد بدأ في إستعادة القليل من رشده بعد تجدد الأمل في نجاتها : = إتنفسي يا حبيبتي .. إتنفسي متخافيش انا معاكي خدي نفسك.. أيوه كده..ثم رفعها بين ذراعيه بلهفة وهو يستمع إلى صوت الطائرة الهوليكوبتر الخاصة به تقترب من اليخت الذي ولحسن الحظ كان يرسو في مكان ليس ببعيد عن الشاطئ ، وهو يلاحظ رجوع بعض اللون إلى وجهها على الرغم من تنفسها البطيء وبرودة جسدها الذي أصبح كالثلج وهي ترتعش بشدة بين ذراعيه وتصطق أسنانها بصوت مسموع. فضمها إليه بشدة وهو يصرخ بجيلان والخدم الذين تجمعوا حوله := حد يجبلي بسرعة أي حاجة أدفيها بيها .. إتحركوا..فإنطلقت إحدى الخادمات وأحضرت بطانية صغيرة .. أخذها عمر منها بلهفة ثم لف حبيبة بها جيداً وهو يسرع في إتجاه الطائرة التي رست على ظهر اليخت ثم ساعده نادر على الصعود وهو يقول بقلق := إيه اللي جرى يا عمر .. حبيبة هانم مالها! ضم عمر حبيبة بخوف إليه يلاحظ تنفسها الثقيل وهو يدلك يدها بلهفة يحاول إيصال بعض الدفئ أليها..فقال بألم وشعوره بالذنب يقتله :=غرقت .. في حمام السباحة .نظر له نادر بدهشة .. إلا إنه لم يعقب وهو يلاحظ شدة إنهيار عمر ، فهو لم يشاهده أبداً في هذه الحالة ، فهو كان دائماً كالجبال شامخ لا يتأثر مهما حدث له. فمرت دقائق قليلة.. وأصبحوا بداخل المشفى الذي كان على إستعداد كامل لإستقبالها بعد أن أخبروا بحالتها قبل أن تصل إليهم.بعد مرور ساعة.. وقف عمر خارج غرفة العناية المركزة التي ترقد بها حبيبة يتابع بخوف من خلف الزجاج زوجته الغائبة عن الوعي والموصولة بعدة أجهزة ومحاليل تساعدها على البقاء على قيد الحياة .فقابل الطبيب المعالج لها بعد خروجه من غرفتها وقال بلهفة :=حبيبة عاملة إيه دلوقتي .. بقت كويسه مش كده !ربت الطبيب على يده بتطمين ثم قال بتعاطف :=الحمد لله حبيبة هانم حالتها مستقرة جداً إحنا بس دخلناها العناية علشان نسرع من عملية الشفا ونتابع كل علامتها الحيوية في نفس الوقت. أغلق عمر عينيه براحة ثم قال بلهفة :=انا عايز أدخلها .. عايز أشوفها وأطمن عليها بنفسي. الطبيب بإحترام :=مش هينفع يا فندم .. ممنوع حد يدخل العناية و..إلا أن عمر قاطعه برجاء : = انا مش هعمل صوت ولا هضايقها ولا حتى هتنفس .. انا هقف من بعيد أطمن عليها.حاول الطبيب الرفض مرة أخرى ، إلا أن نادر الذي كان يقف بالقرب منهم يتابع حديث عمر ورجائه بدهشة ، فهو يعلم إنه ولو كان في حالته الطبيعية لأقام الدنيا وجعلهم يركضون من حوله ينفذون ما يريده بالأمر لا بالرجاء ، ليدرك أن صديقه في أشد حالته سوءاً وضعفاً.. تدخل بصرامة أخافت الطبيب := الباشا عايز يشوف مراته ويطمن عليها.. يدخل على طول ولا فيه حاجة المفروض يعملها قبل ما يدخل !الطبيب بإرتباك := ياريت .. ياريت يتعقم الأول قبل ما يدخل. عمر بلهفة وهو ما يزال يراقب حبيبة من خلف الزجاج=فين .. أتعقم ..فين !! اشار الطبيب لغرفة جانبية := هنا يا فندم .. الأوضة دي ..إتفضل. ربت نادر على كتف عمر بتعاطف وهو يقول بإحترام :=من هنا يا باشا .تبع عمر الطبيب بلهفة ينفذ أوامره الخاصة بالتعقيم بدقة وعقله و قلبه وسائر مشاعره تقوده في إتجاة واحد ، هو الإطمئنان عليها وعلى عودتها إليه سالمة .بعد إنتهائه دخل عمر إلى الغرفة بلهفة يشاهد بندم وجهها الشاحب والأسلاك الموصولة بسائر جسدها والتي تمدها بالحياة وتحافظ على إستقرار حالتها.فإقترب منها بألم والندم و شعور طاغي بالذنب يقتله وهو يسترجع كل ماحدث .. زوجته حبيبته طفلته عشقه تموت وهو السبب ..كان سيفقدها بمنتهى البساطة ويفقد حياته بفقدها بسبب عقاب غبي فرضه عليها. فركع بألم على ركبتيه بجوار فراشها وهو يتمسك برفق بيدها الموصول بها الخراطيم التي تمدها بالمحاليل المخلوطة بالدواء. وهو يحني رأسه يقبلها بعشق وندم ودموع الخوف من فقدها تغرق يدها وهو يهمس بإسمها مِراراً ، ومرارة الخوف من فقدها تتغلب عليه. في حين وقف نادر في الخارج يتابعه بتعاطف وهو يعلم أن صديقه بعد أن يعود لطبيعته لن يرغب في أن يراه أحد وهو في قمة ضعفه ، فأغلق الستائر الخشبية على زجاج الغرفة من الخارج حتى لا يشاهد أحد ما يجري في داخل الغرفة ..ثم قال للطبيب والممرضة المرافقة له بصرامة وهو يقف على باب الغرفة يعقد ساعديه بقوة وتحذير : = محدش هيرفع الستاير ولا هيدخل الأوضة إلا لما الباشا يخلص و يخرج. في اليوم التالي…خرج الطبيب من غرفة حبيبة التي تم نقلها من غرفة العناية المركزة إلى غرفة أخرى بعد تحسن حالتها وإستعادة وعيها .ثم إقترب من عمر الذي قابله بلهفة ، الطبيب بحرج : = آسف يا عمر بيه بس هي لسه رافضة إن حضرتك تدخلها..أغمض عمر عينيه بوجع إلا إنه قال بهدوء لا يشعر به :=مفيش مشكلة أهم حاجة عندي صحتها وإنها تكون بتتحسن.الطبيب بإحترام :=الحمد لله هي إتحسنت جسدياً كتير وإن شاء الله كلها يومين تلاتة وتقدر تسيب المستشفى. عمر بهدوء :=الحمد لله متشكر أوي يا دكتور .ثم وقف جانباً ينظر إلى غرفة حبيبة بشوق يريد الدخول إليها وإشباع روحه المشتاقة والخائفة عليها من رؤيتها ..إلا إنه ولأول مرة حرص على تغليب رغبتها على رغباته .. حتى لو كانت رغباتها فيها تعذيب له ولقلبه العاشق لها ، إلا أنه وبعد ما حدث وقَرُب َ من فقدانه لها ، قرر أن رغباتها ومطالبها وراحتها الشخصية لها الأولوية عنده حتى لو تعارضت مع رغباته ومتطلباته.إلتفت عمر إلى الخلف ليجد جدته برفقة نادر تتجه إليه بخوف وهي تقول بلهفة := كده برضه يا عمر متعرفنيش إن حبيبة في المستشفى إلا دلوقتي !! ثم تابعت بلهفة :=حصلها إيه وإزاي تنزلها البحر لوحدها وهي مبتعرفش تعوم .. وهي عاملة إيه دلوقتي فاقت ولا إيه .. رد عليا !! إتجه عمر بسرعة إليها يسندها من ذراعها وهو يقول بأسف= الحمد لله عدت مرحلة الخطر وبقت كويسة ..الجدة براحة : =الحمد لله .. طب تعالى .. تعالى وديني ليها عايزه أطمن عليها بنفسي.تراجع عمر للخلف قليلاً ثم قال بتوتر := نادر هياخدك لأوضتها.ثم وجه كلماته لنادر محاولاً التهرب من نظرات جدته المتشككة :=خد جدتي ودخلها عند حبيبة. الجدة بتجمد : =وإنت متجيش معايا إنت ليه؟ ثم تابعت بصرامة : = إنت عملت إيه ياعمر في حبيبة؟ عمر بتوتر : =خلاص يا جدتي انا مش ناقص ولا قادر لتحقيقاتك دي دلوقتي. أشارت الجدة لنادر وهي تشير بعصاها بصرامة : = دخلني عند حبيبة يا نادر لما أشوف عمل فيها إيه ..ثم تجاهلت عمر الذي جلس على مقعد بجانب الغرفة يمرر يده في شعر رأسه بتعب وتوجهت إلى غرفة حبيبة وأغلقت الباب في وجه نادر تمنعه من الدخول ..ثم قالت بلهفة وهي تتجه إلى حبيبة التي تجلس في الفراش بتعب ووجه شاحب : =حبيبة .. إزيك يا حبيبتي عاملة إيه دلوقتي .. انا والله محدش قالي غير دلوقتي وأول ماعرفت جيت على طول. ثم إتجهت إليها تحتضنها بحنان ، إحتضنتها حبيبة هي الأخرى وبدأت بالبكاء بطريقة هيسترية وكأن حزنها وألمها فاض بها فلم تعد تتحمل. والجدة تربت على ظهرها بحنان أمومي := إهدي يا حبيبتي إنتي لسه تعبانة في إيه بس متخافيش الدكتور طمن عمر وقاله إنك هتبقي كويسة. إبتعدت حبيبة عنها وهي تمسح دموعها بعنف وتقول ببكاء هيستيري :=محدش يجيبلي سيرته انا بكرهه .. بكرهه ومش عايزه أشوفه .. ولا أسمع اسمه تاني .. خليه يطلقني انا خلاص مش عايزاه .. بكرهه .. بكرهه. إحتضنتها الجدة مرة أخرى مهدئة وهي تربت على ظهرها وقد أدركت أن حفيدها قد إرتكب جرم في حق زوجته := طيب إهدي يا حبيبتي وانا هعملك كل اللي انتي عيزاه. ثم مسحت دموعها وهي تقول بحنان := لازم تعرفي إنه زي ما هو ابني .. انتي كمان بنتي وميرضنيش إنه يظلمك .. بس انا عيزاكي تحكيلي كل حاجة وأوعدك انا اللي هجيبلك حقك منه.حبيبة بتعب := انا هحكيلك على كل حاجة انا خلاص مبقتش متحملة أخبي أكتر من كده..ثم بدئت في قص كل حكايتها من البداية .. من تيتمها وفقدانها والديها إلى تورطها مع شريف في محاولة قتل عمر وصولاً إلى حادثها اليوم..حبيبة ببكاء :=انا عارفة إنك بعد اللي عرفتيه أكيد بتكرهيني زي عمر ما بقى يكرهني .. بس انا خلاص مبقتش قادرة أتحمل أكدب أكتر من كده.مسحت الجدة دموع تأثرها بقصة حبيبة ثم ربتت على يدها بحنان := انتي معملتيش حاجة غلط علشان أكرهك يا حبيبة انتي كل ذنبك إنك وقعتي بين وحوش ميعرفوش ربنا إستغلوكي وإستغلوا طيبتك .. انتي غلطك الوحيد إنك خوفتي ومصرحتيش عمر أو صارحتيني قبل كل ده ما يحصل.حبيبة بوجع := غصب عني انا وحيدة في الدنيا وعمر وشريف وصادق واللي زيهم كبار أوي عليا مقدرتش أتعامل معاهم ولا مع تفكيرهم. الجدة بلوم :=لا يا حبيبة متجمعيش عمر معاهم .. عمر على قد ما يبان. قاسي وشديد ، بس هو عمره ما كان أبداً ظالم. حبيبة ببكاء شديد : = لا عمر ظالم وميفرقش حاجة عنهم. ثم تابعت بوجع := زي ما هما حاولوا يستغلوني هو إستغلني وزي ما هما ذلوني هو ذلني وزي ما هما حاولوا يقتلوني هو كمان حاول يقتلني. ليرتفع صوت عمر يقول بصدمة: = حبيبة .. إنتي بتقولي إيه !حبيبة بكراهية وتحدي : = اللي إنت سمعته إنت متفرقش حاجة بالنسبالي عن شريف وعصمت وصادق ، وزي مانا بكرههم بكرهك إنت كمان .. بكرهك لدرجة إني بتمنى عنيا تتعمى ومشفكش .. فاهم بكرهك ومش طيقاك .. طلقني لو عندك ذرة كرامة .. طلقني .. طلقني. عمر بألم :=كفاية يا حبيبة كفاية .. انا هعملك كل اللي إنتي عيزاه.. وإن كان راحتك في إنك تطلقي فانا أول ما تخرجي من هنا هسلمك ورقة طلاقك. حبيبة بقسوة :=ملكش دعوة بصحتي .. خايف عليا أوي !! ثم تابعت بوجع := لو خايف عليا مكنتش تسيبني مرمية في حمام السباحة وتمشي وإنت عارف إني مبعرفش أعوم .. تلاقيك أصلاً كنت بتضحك عليا إنت وحبيبتك وإنتم بتتفرجوا عليا وانا بغرق وبموت. عمر بصدمة := إنتي إزاي تفكيرك وصلك للي إنتي بتقوليه ده .. انا هقف أضحك وانا بتفرج عليكي وإنتي بتموتي .. للدرجادي انا وحش ومعنديش ضمير في عنيكي !؟حبيبة بقسوة: = أيوه إنت وحش و معندكش ضمير وبكرهك وهطلق منك وهمشي وأبعد عنك ومش عايزة أشوفك ولا أشوف وشك تاني .. طلقني بقى يا أخي .. طلقني وريحني . عمر بوجع : = حاضر يا حبيبة .. حاضر .. حبيبة إنتي…إلا إن جدته تدخلت فجأة وقالت بسرعة : = إستنى بس يا عمر طلاق إيه دلوقتي .. إنت نسيت صادق الزفت ده هيعمل فيها إيه لو عرف إنك طلقتها..عمر بدهشة : =وإنتي إيه اللي عرفك بموضوع صادق ؟الجدة بهدوء :=حبيبة حكتلي على كل حاجة وده مش موضوعنا دلوقتي ..ثم نظرت لحبيبة وعمر بصرامة := مفيش طلاق إلا لما عمر يخلص من صادق الأول. حبيبة بإعتراض : = انا ميهمنيش صادق أو غيره هيعمل فيا إيه يعني أكتر من اللي هو عمله فيا.. عمر بغضب := خلاص يا حبيبة كفاية قولت إني هنفذلك كل اللي إنتي عايزاه.الجدة بهدوء : =حبيبة إنتي عارفة إني بحبك زي بنتي مش كده ! هزت حبيبة رأسها بالإيجاب.. ربتت الجدة على يدها وهي تتابع بحنان := يبقى تسمعي كلامي وتستني لما يخلص من صادق واللي معاه وأطمن إنك بقيتي في أمان..ثم تابعت بسرعة قبل إعتراض حبيبة :=وإنت ياعمر قدامك قد إيه لحد ما تخلص منه ؟عمر بتجهم :=انا ممكن أخلص منه بمنتهى السهولة .. المشكلة إنه معاه شركا تانيين عرفت منهم تلاتة ولسه اسمين أول ما أعرفهم هنهيهم بمنتهى السهولة. الجدة بلطف :=خلاص بقى يا حبيبة نصبر شهر ولا إتنين وبعدين انا بنفسي اللي هخليه يطلقك بس أبقى متطمنة عليكي. حبيبة بغضب := بس ..الجدة بحسم : = مفيش بس .. انا زي والدتك وهتسمعي كلامي .. ووعد مني كل اللي هتطلبيه هيتنفذ أول ما صادق ده يغور في داهية. حبيبة بتبرم := موافقة بس على شرط. الجدة بلطف :=أئمري ياحبيبتي طلباتك أوامر..حبيبة بحسم :=هسيب القصر وأرجع أعيش في أوضتي من تاني وهو ملوش دعوة بيا ولا يكلمني ولا يحاول يشوفني ولما يخلص من صادق يبقى يبعتلي ورقتي على هناك..الجدة بلطف := ليكي حق طبعاً تطلبي انك متعيشيش في القصر تاني بس بلاش موضوع أوضتك ده … إيه رأيك تروحي تعيشي في الفيلا بتاعتنا في البلد يعني على الأقل لحد ما الطلاق يتم. حبيبة بعناد :=لاء انا مش هعيش تاني في أي مكان يخصه أو يملكه وهرجع أوضتي وهرجع أشتغل كمان ومش عايزه منه أي حاجة غير إنه يسبني ويطلقني. نظرت الجدة لعمر بقلة حيلة .. إلا إنه فاجأها بإستسلامه المريب وموافقته السريعة وهو يقول بهدوء := خلاص يا حبيبة إعملي اللي انتي عيزاه .. أول ما تخلصي علاج أرجعي لأوضتك ولشغلك من تاني وانا أوعدك مش هعمل أي حاجة إلا برغبتك وموافقتك.. ثم تابع بتعب :=انا مستنيكي برة يا جدتي.ثم خرج وأغلق الباب من خلفه..فإرتمت هي على الفراش تبكي قصة حبها وعشقها التي إنتهت قبل أن تبدأ .في حين خرج عمر ووقف يتنفس بعمق محاولاً تهدئة نفسه وهو يتصل بالمحامي الخاص به ..عمر بجدية := اسمعني كويس ونفذ كل اللي هقولك عليه..ثم بدأ في إملائه ما سيفعله وسط نظرات تعجب نادر ودهشته مما يسمعه .. حتى إنتهى وهو يقول بإصرار := ماشي يا حبيبة خلينا ننفذ كل أوامرك بس على طريقتي.في صباح اليوم التالي..دخل عمر إلى غرفة حبيبة في المشفى فوجدها تجلس برفقة جدته ..حبيبة بغضب :=انت جاي هنا تاني ليه مش إتفقنا إنك تمشي من هنا ومبقاش ليك دعوة بيا ؟ تنفس عمر بعمق محاولاً السيطرة على غضبه := اللهم طولك ياروح .. ياريت تسمعيني في مح..إلا أنها قاطعته بغضب :=مش عايزه اسمعك وإتفضل أخرج برة. ربتت الجدة على يدها مهدئة := استني بس يا حبيبة خلينا نشوف هو عايز يقول إيه !حبيبة بحنق :=خليه يوجه كلامه ليكي انتي انا مش هتكلم معاه. أشارت الجدة في الخفاء لحفيدها بالهدوء := خير يا عمر في إيه .. ووجه كلامك ليا انا ملكش دعوة بحبيبة؟ اغمض عمر عينيه يحاول السيطرة على غضبه ثم قال أخيراً بحنق :=حاضر .. في محامي برة عايز يقابل حبيبة.إرتعشت حبيبة وهي تتمسك بحافة الفراش بخوف := ليه هو ..هو انت بلغت عني !! نظر لها عمر بصدمة ثم أجاب بعد أن شعر بانفطار قلبه من نظرة الخوف وعدم الثقه التي تملاء عينيها := لا يا حبيبة انا مبلغتش عنك ..ده محامي جاي علشان في ميراث المفروض تستلميه .حبيبة بدهشة وتوتر : =ميراث ليا أنا .. أكيد في غلط في الموضوع انا مليش قرايب خالص يبقى هورث مين! نظر عمر لها بعطف ثم أجاب بهدوء := اللي فهمته منه إنك الوريثة الوحيدة لشريف ابن عمك بعد ما والدته إتوفت من حوالي إسبوعين..شهقت حبيبة بصدمة وإمتلئت عينيها بالدموع ؛ :=طنط سميرة إتوفت! ثم تابعت ودموعها تسيل بحزن : =أكيد ماتت من زعلها على ابنها .عمر بلطف := إمسحي دموعك وانا هدخلك المحامي عشان تتفاهمي معاه.ثم غاب قليلاً وعاد برفقة محامي تظهر عليه مظاهر الوقار والإحترام. فجلس بهدوء بعد أن حيا الجميع : =انا آسف يا حبيبة هانم إني جيتلك في ظروف زي دي بس ده ورث و أمانة لازم أسلمها.ثم تابع بإحترافية :=موكلي المرحوم شريف متولي عبد الحق كان بيملك مبلغ وقدره مليون جنيه مصري موضوعه بإسمه في البنك .. وشقة تبلغ مساحتها ٣٠٠ متر جديدة كان لسه شاريها في برج قبل وفاته بيوم واحد دا غير العربية بتاعته بس للأسف البوليس لقاها متدمرة بعد حادثة السرقة اللي إتعرض لها .. ودي كل أملاكه المسجلة بإسمه وحضرتك أكيد عارفة إن الشقة القديمة اللي كان بيسكن فيها هو والدته كانت إيجار قديم ورجعت للمالك بعد وفاتهم.نظرت حبيبة لعمر بإرتباك لا تعرف كيفية الرد أو التصرف الصحيحة.. عمر بهدوء : =والمطلوب؟ المحامي بثقة :=أبداً إحنا عملنا فعلاً إعلان وراثة وإتحكم فيه .. وكل اللي مطلوب من حبيبة هانم إنها توقع على الأوراقدي وتستلم ورثها.عمر بهدوء :=ممكن أشوف إعلان الوراثة.ناوله المحامي بضع أوراق ..ثم أشار لحبيبة :=إمضي يا حبيبة الورق كله مظبوط.حبيبة بإرتباك :=بس ..بس مش هيبقى حرام .. أقصد إن الفلوس دي مصدرها... عمر بهدوء : =مفيش حاجة حرام في إستلامك لميراثك وإن كان على مصدر الفلوس فا دي حاجة تخص صاحب الفلوس الأصلي مش الوارث.هز المحامي رأسه موافقاً :=كلام عمر بيه مظبوط .ثم قرب الأوراق منها بهدوء : = إتفضلي إمضي هنا. ربتت الجدة على يدها مشجعة .. فتناولت حبيبة القلم بإستسلام ووقعت الأوراق الخاصة بإستلام ورثها في حين نهض المحامي مغادر اً بعد أن سلمها نسخة من الأوراق ..ومفاتيح شقتها الخاصة.خرج عمر برفقة المحامي بعد أن أغلق الباب من خلفه ..مد المحامي يده لعمر مودعاً بإحترام :=أتمنى أكون نفذت كل اللي انت عايزه يا عمر بيه ..انا مرضتش أخلي أي حد من اللي بيشتغلوا عندي هما اللي يقوموا بالمهمة دي وقلت إن أوامرك لازم أنفذها بنفسي. عمر بهدوء وهو يمد يده له مودعاً هو الآخر : =متشكر جداً يا علوي بيه وانت عارف انا بثق فيك قد إيه وإلا مكنتش كلفتك بالمهمة دي. نظر نادر بدهشة لعمر والمحامي الخاص به وهو يغادرعمر بهدوء :=بتبصلي كده ليه..نادر بدهشة :=مستغرب انت إزاي بتقدر تفكر وتلاقي حلول لحاجات صعبة بمنتهى السهولة. عمر بغضب مكتوم :=يعني كنت عايزني أعمل إيه اسيبها تروح تعيش في أوضة فوق السطوح وتشتغل في محل زي ما كانت عايزه تعمل !ثم تنهد بفروغ صبر : =على الأقل دلوقتي هتعيش في بيتي وتحت عنيا وفي مكان محترم و مأمنه كويس ومعاها فلوس تقدر تصرف منها من غير ما تكون مضطرة تشتغل شغلانة هي مش عيزاها و علشان أبقى انا كمان مطمن عليها. ربت نادر على كتفه بتشجيع := إن شاء الله أزمة وهتعدي بينكم وكل حاجة هتتحل ..ابتسم عمر بإمتنان لصديقه ثم قال :=أهم حاجة تأمن البرج والشقة كويس وحبيبة متحسش بأي حاجة غريبة. نادر بثقة :=إطمن يا باشا في أربعة من أحسن رجالتي واقفين حراسة على البرج ودول هيظهرو قدامها وقدام السكان إنهم أمن البرج .. وإتنين تانيين هيبقوا واقفين تحت البرج يحرسوها لو خرجت .. ومن غير ماتحس .. دا غير كاميرات المراقبة اللي زارعينها في كل مكان. عمر بتوتر : =كده كويس لحد ما أشوف هنوصل لإيه. بعد مرور أربعة أيام وخروج حبيبة من المشفى ..جلست حبيبة بمفردها بداخل السيارة التي ستقلها لمسكنها الجديد وهي تضغط على يدها بتوتر شديد فهي قد رفضت و بشدة أن يقوم عمر بمرافقتها وذلك بعد أن عادت الجدة للقصر بعد شعورها ببعض الإرهاق بعد ملازمتها لحبيبة في المشفى .إنتبهت حبيبة لتوقف السيارة أمام برج سكني شاهق شديد الأناقة والترف يقع في جزء لا يسكنه إلا أثرياء القاهرة.نظرت حبيبة للبرج بدهشة :=معقول الشقة تكون هنا ! ثم نظرت إلى العنوان تتأكد من صحته وهي تلوم نفسها لتسرعها برفض مساعدة عمر فهي تخشى من شدة أناقة المكان والثراء الذي يظهر عليه أن تطرد منه إن حاولت الدخول.في نفس التوقيت..ترجل عمر من سيارته التي تتبع السيارة التي تقل حبيبة وتوجه إليها بعد أن لاحظ توقفها دون خروج حبيبة منها.فدق على زجاج نافذتها فنظرت إليه بلهفة حاولت أن تخفيها وهي تترجل من السيارة وتضع نظارة تحمي عينيها من الشمس. حبيبة بغضب مصطنع := برضه جيت ورايا.رفع عمر حاجبه بتحدي :=خلاص لو معترضة انا ممكن أمشي.. ثم إستدار مغادراً .. إلا أنها أسرعت خلفه بلهفة تتمسك بذراعه تحاول منعه من المغادرة وهي تتنحنح بحرج : =لا خلاص طالما جيت لحد هنا إتفضل إطلع معايا وده بس علشان ماما دولت متزعلش. ابتسم عمر بتسلية وهو يشير إليها بالصعود := لا قلبك كبير .. عموماً إتفضلي ثم جعلها تصعد أمامه وهو حين وقف هو بجانبها يحاول إشباع عينيه من رؤيتها حتى وصلوا إلى الطابق الخاص بشقتها.وقفت حبيبة أمام الشقة بتوتر تحاول فتح الباب بيد مهزوزة إلا أنها فشلت.. فتناول عمر المفتاح وفتح الباب وهو يشير لها بالدخول ويضغط على زر الإضاءة فأنار المكان. شهقت حبيبة بتعجب وهي وتنظر للمكان بدهشة شديدة := إيه ده! عمر بحنان : =مبروك شقتك الجديدة يا حبيبة. نظرت حبيبة له بدهشة إلا أنها قالت ببرود :=الله يبارك فيك ..وعموماً متشكرة أوي وإتفضل بقى من غير مطرود ومتنساش ورقة طلاقي.دخل عمر إلى البهو وجلس وهو يشير لها بهدوء := إقعدي يا حبيبة انا عايز أقولك كلمتين. عقدت حبيبة يدها بغضب :=وانا مش عايزة أسمع منك حاجة وإتفضل يلا انا عايزة أنام.عمر بغضب: =حبيبة أقعدي وإسمعيني وبلاش تستفزيني أكتر من كده. حبيبة بتحدي :=ولو مقعدتش هتعمل فيا إيه ..هاترميني المرة دي من البلكونة بدل ما تغرقني.. أغلق عمر عينيه يحاول السيطرة على غضبه وهو يقول بصوت هادئ متوعد :اقعدي يا حبيبة ..ثم صرخ بها فجأة بصوت غاضب := قولت أقعدي. لتجد نفسها تستجيب له وتجلس سريعاً وهي تفرك يدها بتوتر.عمر بلطف وهو يعطيها هاتف جديد من أحدث الإصدرات :=خدي .. ده موبيل جديد عليه خط جديد بإسمك انا منزلك عليه كل البرامج اللي هتحتاجيها و طبعاً عليه برنامج حماية علشان محدش يقدر يخترقه ..ثم ضغط برفق ليظهر بعض الأرقام : = دي أرقامنا كلنا نادر وجدتي وأرقام الفيلا والشغلليشير إلى أحد الأرقام : =و ده رقمي الخاص بالطوارئ لو إحتجتيني في أي وقت صبح أو بالليل هرد عليكي و هكون عندك بعدها بدقايق حتى لو مردتيش هعرف إنك في مشكلة وهكون برضه عندك. حبيبة ببرود :=لاء انا مش هاخده ..انا عايزه الموبيل بتاعي.عمر بتحدي بارد :=موبيلك إتكسر ..انا كسرته لإنه بكل بساطة كان متهكر وكل مكالماتك كانت بتروح لناس تانية أظن انتي عرفاهم.حبيبة بتوتر :=خلاص يبقى تاخد تمنه وإلا مش هاخده .. عمر بنفاذ صبر : =خلاص اعملي اللي انتي عايزاه ..بس الموبيل ده ميفارقش إيدك. ثم تابع بجدية : = إنتي دلوقتي عايشة لوحدك يعني الباب ميتفتحش إلا لٱمن البرج حتى لو طالبة دليفري هما هيحسبوه ويطلعولك الطلب وبعدها إبقي حاسبيهم ..مفهوم ولا ده كمان فيه إعتراض..حبيبة بتبرم : = مفهوم .ليرتفع صوت رنين جرس الباب فتمسكت حبيبة بخوف بطرف المقعد وهي تقول بتوتر := إيه ده؟ وقف عمر وقال بهدوء وهو يتجه إلى الباب := إنتي خايفة كده ليه دا جرس الباب. ثم فتح باب الشقة وتناول مجموعة كبيرة من أكياس البقالة و بعض الوجبات الجاهزة. حبيبة بدهشة :=دا إيه ومين اللي جايب الحاجات دي كلها !! عمر بهدوء وهو يتجه للمطبخ يضع الأكياس به .. تتبعه حبيبة :=جدتي بتقول إن دا خزين للبيت والتلاجة .. أما دول فوجبات من مطعمها المفضل. حبيبة بريبة :=يعني ماما دولت هي اللي إشترت الحاجات دي! عمر بتحدي مرح : = أيوه ولو عايزة تدفعي تمنهم هما كمان روحي إدفعيه ليها وشوفي هتعمل فيكي إيه..ثم تابع بجدية :=تعالي وانا هساعدك في رصهم .حبيبة بغضب :=لاء إتفضل انت روح وانا هرصهم بنفسي. مط عمر شفتيه بمكر := كده يعني مش هتعزميني على الغدا في شقتك الجديدة .. دا إحنا بقينا بعد العصر وانا مكلتش أي حاجة من إمبارح المغرب.. أهون عليكي أفضل من غير أكل لحد دلوقتي !توترت حبيبة بشدة وهي تستمع إليه وكادت تدعوه لتناول الطعام إلا أنها قالت ببرود لا تشعر به وهي تحارب مشاعرها التي شعرت بالقلق من أجله :=إبقى خلي جيلان هانم تعملك الغدا وإتفضل بقى انا عايزة أنام ..تنهد عمر بمكر : =كده ..طيب انا هضطر أمشي وأروح الشركة وهأجل الغدا لما أبقى أروح البيت بالليل. حبيبة بحنق := إنت حر ..تاكل دلوقتي ولا بعدين دي حاجة تخصك.نظر لها عمر بلوم وهو يقول بهدوء := طيب إقفلي ورايا كويس .. ومتفتحيش إلا لما تبصي من العين السحرية وتتأكدي من اللي واقف على الباب. أومأت حبيبة رأسها بضيق وموافقة وهي تغلق الباب من خلفه جيداً وهي تقول بضيق وتأنيب ضمير := ياكل ولا ما يكلش و انا مالي هو يعني صغير.. ثم ذهبت للمطبخ تتأمل الأكياس الممتلئة عن أخرها بضيق ثم تنهدت بفروغ صبر وهي تسرع بإخراج بعض الخبز وإعداد بعض شطائر الجبن وزجاجة عصير بجانب إحدى الوجبات الجاهزة وهي تقول بتبرير := دا بس علشان جدته متقولش عليا بخيلة يعني تشتريلي كل ده وانا أستخسر في حفيدها وجبة و كام سندوتش. ثم نظرت للشطائر تتأكد من جودتها وهي تضعهم بداخل كيس طعام برفقة الوجبة الجاهزة ، وتهرع إلى الخارج وهي تحدث نفسها دون أن تدري := علشان لو الوجبة الجاهزة معجبتوش ياكل الساندوتشات وأبقى كده عملت اللي عليا ومحدش يقول عليا بخيلة. ثم تابعت برجاء :=بس يارب ألحقه... فتحت حبيبة الباب ونظرت إلى الخارج بلهفة لتجد عمر يقف وهو مستند إلى الحائط ويعقد ذراعيه بإنتظار. حبيبة بدهشة : = إنت واقف كده ليه !عمر بلطف :=مستني الغدا بتاعي. تنحنحت حبيبة بإحراج وأكتسى وجهها باللون الأحمر وهي تقول بصوت ضعيف :=انا ..انا حضرتلك الأكل ده علشان ماما دولت متقولش عليا بخيلة يعني متفكرش إني مهتمة بيك ولا حاجة. تناول عمر منها الكيس وهو يقول بمرح := أكيد طبعاً انا فاهم الكلام ده .. ومتقلقيش انا عارف إنك مش مهتمة بيا خالص. ضغطت حبيبة على شفتها بغيظ وهي تتجه إلى داخل شقتها .. إلا أن صوت عمر الجاد إستوقفها : =حبيبة. إستدارت حبيبة بتساؤل إليه وهي تقف بباب الشقة وعلى وشك غلقه .فقال بحب :=شكراً إنك رجعتيلي الأمل مرة تانية. حبيبة بدهشة : = أمل .. أمل إيه انا مش فاهمة !إبتسم عمر بحب : = أمل هيخليني أحارب بكل قوتي لحد ما أكسب أهم معركة في حياتي. نظرت حبيبة له بدهشة وهي تدخل وتغلق الباب من خلفها وهي لا تفهم معنى كلماته.. في حين إبتسم هو بسعادة وهو يغادر وقد تجدد الأمل لديه بإسترجاعها وهو يهمس لنفسه بإصرار := الصبر .. الصبر يا عمر .. غلطتك ولازم تصلحها.ثم قاد سيارته وعقله يعمل في كل الإتجاهات…

رواية سيد القمر الأسود الفصل الثامن عشر 18 ثم قاد سيارته وعقله يعمل في كل الإتجاهات…