تحميل رواية «صرخة مظلومة» PDF

بعدما اخدتني عايدة للصعيد...لقيت نفسي اتورطت في خناقة مع العروسة وامها...وللاسف العروسة قررت تن..&تقم مني اشد انتق...&ام

ودا لما امرت شلهوب بقطع لساني والزج بيا في السجون...

في اللحظة دي اتدخل شخص اسمة داغر وانقذني منهم

وطبعا انا اول ما سمعت اسم داغر

اتجهت بنظري في الاتجاه الي جاي منه صوتة

وفي اللحظة دي

اتفاجئت ادامي با( ايهاب بيه)

ايوه الشخص الي انقذني من شلهوب

هو.. ايهاب بيه

بس ليه هو معروف هنا باسم داغر؟

يكونش داغر وايهاب شخصية واحدة؟

المهم..

بعدما اتأكدت اني واقفة ادام داغر... او ايهاب ( طليقي)

لقيت نفسي بستنجد بيه

وقلتلة...الحقني يا ايهاب اقصد... يا داغر

انقذني منهم ارجوك

وكان مفروض داغر يرد عليا

لكن...

داغر فضل يبصلي ويتحقق مني شوية

لكن للاسف مردش عليا

وبعدها ..وجه سؤالة لشلهوب

وقالة...مين البنت دي ؟وواخدها علي فين كدا؟

فا رد شلهوب

وقال... انا عبد المأمور

و كنت بنفذ الاوامر

الهوانم قالولي روح بيها علي غرفة التأديب..واقط..&ع لسانها وانا كنت رايح ا نفذ الامر

في اللحظة دي

اقترب داغر مني

وسألني ...

وقالي...انتي مين ؟

وعملتي ايه عشان ياخدوكي للتاديب

فا رديت وانا مستغربة انه عامل نفسة مش عارفني

وقلتلة...

انا عايدة جابتني البيت دا عشان اشتغل عند زوجة العمدة

وفجاءة لقيت العروسة (هانم) بتشتمني وتطردني هي وامها

فا بصراحة بقي.. رديت عليها

واخدت حقي ..زي ما هي اهانتني

وهو دا السبب الي خلاها تأمر شلهوب انه ياخدني لغرفة التاديب

وكانت عايزة تقطع لس..&اني.. وتحب...&سني

بعدما استمع داغر لدفاعي

سال العروسة

وقالها..ممكن اعرف انتي باي صفة بتصدري الاوامر هنا في البيت دا؟

فا ردت العروسة وهي بترتجف

وقالتلة..البت دي كدابة

هي مكنتش جاية تشتغل ولا حاجة

دي حرامية وانا بنفسي ضبطها وهي بتسرق

حتي اسأل امي

فا ردت امها بدون ما حد يسألها

وقالت..ايوه حصل وانا شاهدة ان البت دي حرامية

في اللحظة دي

انا قولت هيصدق عروستة وامها..

الي هي اصلا تبقي عمتة

(اخت ابوه)

واكيد هيسلمني للشرطة علي اني حرام..ية

لكن..الي حصل

ان داغر اقترب من عايدة (مديرة المنزل)

وسالها وهو بيشاورلها عليا

وقالها..البت دي دخلت البيت هنا ازاي؟

فا ردت عايدة وهي مرعوبة من التبريقة الي في عنية

وقالت..بصراحة بقي انا الي دخلت غرام البيت هنا

بهدف انها تشتغل..

و دا كان بناء علي طلب الست الكبيرة (مراة العمدة)

ويعلم ربنا ان غرام لا سرقت ولا عملت اي حاجة غلط من ساعة ما دخلت هنا

في اللحظة دي

حمدت ربنا ان داغر اتأكد من كدب عروستة..وافتراء امها

وبعدما ظهرت برائتي

حاولت انتهز الفرصة دي واهرب بجلدي من الصعيد كله

فا طلبت منه انه يسمحلي اني امشي

لكن داغر وقفني

وقالي..للاسف مش هينفع تمشي

لاني خلاص وافقت انك تشتغلي هنا

فا رديت بدهشة

وقلتلة..

يعني انا هشتغل عند عروستك بعد كل الي حصل دا؟

فا رد داغر (ابن العمدة) بحسم

وقالي.. لا

معدش في شغل عند العروسة

لانها هتغادر البيت النهاردة هي وامها

فا ردت عمتة (ام العروسة)

وقالت..

خلي بالك انت كده بتطردنا من بيتك يا ولد اخويا

فا اكد داغر علي قرارة

وقالها..

بيت العمدة له قوانين لازم تحترم

وانتي وبنتك يا عمة اخترقتوا كل القوانين

والي زيكم ملوش مكان هنا

في اللحظة دي

غضبت ام العروسة

وهددت بانها هتنقل كل الي حصل دا لاخوها العمدة

وبعدها اخدت بنتها (هانم) وغادرت بيت العمدة

وبصراحة رحيل العروسة وامها من البيت خلاني اشعر بالاتياح

هما صحيح مارحوش بعيد واتنقلوا لبيتهم الي كان ملاصق لبيت العمدة

لكن ..اتمنعوا من دخول بيت العمدة نهائي

ودا اداني فرصة اني ازوال عملي براحتي ..

وقدرت اتعرف علي كل الشخصيات الي في البيت واتعامل معاهم

هو صحيح العمدة كان صعب

لكن...

بصراحة مراة العمدة كانت ست طيبة

وكانت بتعاملني بطيبة وحنية

وكأنها امي

اما بقي عن داغر فا دا الي كان غريب بجد

لان انا اول ما شوفت داغر افتكرتة ايهاب بيه من الشبة المتطابق بينهم

لكن لما عيشت في بيت العمدة وبدات اتابع داغر

لقيتة شخصية تانية خالص

داغر كان راجل شديد وحاسم

وكل البلد بتعملة الف حساب

وكلمتة ماشية علي الكل زي العمدة ابوه بالظبط

وفي نفس الوقت كان بار بامة وبيتعامل معاها بحنية

كمان لاحظت انه بيخاف ربنا وبيصلي الوقت بوقتة ..وسمعت انه بيعمل خير كتير

ومشوفتوش بيظلم حد

اما عن علاقتي انا بيه

فا كان واضح انه ميعرفنيش قبل كده ...وكلامة معايا كان قليل جدا

بس احيانا كنت بتخيل انه بيبصلي ومركز معايا انا بالذات

بس كنت بكدب نفسي

لان داغر كان شخص محترم ومعروف عنه انه بيغض البصر

بصراحة كل الصفات دي عجبتني... و خلتني اركز معاه.. واتابعة باستمرار

لغاية ما وقعت في غرامة وبقيت مجنونة بيه

بس طبعا كنت عارفة ان الاعجاب كان من طرف واحد

وراضية بكده

لان استحالة ابن العمدة هيبص للشغالة الي عندهم

المهم

فضل الوضع علي كده

لغاية ما في يوم

عايدة طلبت مني...

اني ادخل انضف غرفة داغر بيه

بمجرد ما يغادر البيت هو و ابوه العمدة كا العادة

وبالفعل نفذت الاوامر

وبمجرد ما سمعت صوت المحرك بتاعة عربية العمدة

اعتقدت ان داغر غادر الفيلا

فا دخلت علي غرفة داغر بيه

بدون ما اخبط

لكن بمجرد ما فتحت الباب اتفاجئت ان داغر مازال في غرفتة

وبصراحة المفاجئة كانت تخض لان داغر كان بيبدل ملابسة وواقف في الغرفة وهو عاري الجسد

وبالرغم من ان الموقف كان محرج ... وكان مفروض اني اغمض عنيا واغادر الغرفة فورا

لكن انا اتسمرت في مكاني

لما شوفت الوحمة الي في جنبة

اصل الوحمة دي انا عارفاها كويس وشوفتها كتير في جسم ايهاب

ايام ما كان زوجي

في اللحظة دي

داغر اول ما شافني واقفة متنحالة... ستر نفسة بالبشكير

وسالني

وقالي...انتي واقفة كده ليه ؟

فا رديت بتوتر

وقلتلة... ابدا مفيش

فا رد وقالي

طب قولي للسواق يجهزلي العربية عشان خارج دلوقتي حالا

فا قلتلة ..حاضر

وبسرعة انصرفت من امامة

وانا بفكر في حكاية الوحمة الي في جسمة

وللاسف ملقتش اي تفسير

المهم...

لما نزلت من غرفة داغر روحت علي عايدة

وقلتلها اني منضفتش لان داغر ما زال في الغرفة

فا قالتلي...

خلاص خدي صينية الاكل دي

وطلعيها للسواق الجديد

وبالفعل اخدت الاكل وخرجت علي الجراج

ادور علي السواق

لكن مكنش في للسواق اي اثر

ولما ملقتوش

بصيت جوه العربية

ولحظتها شوفت ادامي شاب نايم بداخل السيارة

وكان واضح من مظهرة انه متعلم لان لبسة كان متناسق وشعرة بيلمع

ومعاه موبيل غالي

واول ما ناديت عليه

لقيتة فتح عنية وبعدها ابتسم وسالني

وقالي.. انتي حورية؟

فا قلتلة حورية مين؟

فا قالي..معلش اصلي كتت بحلم اني دخلت الجنة

ولما فتحت عنيا ولقيتك ادامي

فا افتكرتك حورية من الجنة

في اللحظة دي

عرفت انه من النوع الي بيقسم وبيسرح بالبنات

لكن بطريقة اوفر

فا تجاهلت كلامة وتلزيقة

وقلتلة .. انا بشتغل هنا في بيت العمدة

وجيبالك الاكل دا

فا قرب مني وهو بياخد الصينية من ايدي

وقالي..اسمك ايه؟

فا قلتلة..اسمي غرام

فا رد وهو مازال متشبس بالصينية

وقالي ...الله

اسمك جميل اوي

زيك يا غرام

في اللحظة دي

سمعت صوت داغر وهو بينادي عليا بعصبية

وبيقولي... انتي ايه الي جابك هنا؟

و بتعملي ايه عندك ؟

فا رديت بهلع

وقلتلة...

عايدة طلبت مني اني اوصل الاكل للسواق

فا جيت وجيبتهولة

فا بصلي داغر بغضب

وقالي..

طب ادخلي جوه وابعتيلي عايدة

وبالفعل دخلت وقولت لعايدة ان داغر عايزها في الجراج

وبعد ما عايدة خرجت لداغر سمعت صوت زعيق داغر

وكان واضح انه بيعاقبها هي والسواق

لان عايدة جت بعدها ونبهت عليا اني مخرجش بره الفيلا تاني...

ولا اتعامل مع السواق ولا اي جنس راجل

ونهت كلامها بجملة زعلتني

لما قالتلي..

حاولي تبقي محترمة

وسيبك من شغل بنات بحري دا لانه مش هيناسب عادتهم وتقاليدهم هنا

في اللحظة دي

اتضايقت لان داغر فهم عني حاجة غلط

وفضلت صاحية طول الليل

لغاية ما رجع

واول ما شوفتة دخل غرفتة

خبطت علية

ولما فتحلي

بصيتلة وانا بعيط

وقلتلة...

حضرتك ظلمتني

السواق هو الي كان بيستظرف

وانا والله ما عملت حاجة

في اللحظة دي

مد ايده ومسح دموعي

وضمني لصدرة بمنتهي الحنية

لحظتها شميت نفس ريحة البرفان بتاعة ايهاب بيه

فا ابتعدت عنة

وسالتة

وقلتلة...هو انت داغر ولا ايهاب؟

عفريت ولا بني ادم؟

انا مبقتش فاهمة حاجة

فا بصلي داغر بتعجب

وقالي... ايهاب مين ؟ وعفريت ايه؟

انا مش فاهم انتي تقصدي ايه؟

وطبعا مكنش ينفع اشرحلة

قصدي

فا سكت وسيبتة ومشيت

لكن الغريبة ان داغر بقي لطيف معايا من بعد الموقف دا

وبقي مركز معايا اوي

لدرجة اني بدات اشعر انه بدء يحبني

ومش كده وبس

لا دنا سمعت كمان انه فسخ خطبتة من عروستة

المهم

بعد كام يوم

التعب زاد علي الهانم الكبيرة (زوجة العمدة )

واستدعوا الطبيب وكتب لها علي ادوية للقلب ..

والطبيب نبه عليا اني اكون حذرة وانا بعطيها نقط الدوا..

لان اي نقطة زيادة هيكون فيها خطر علي قلبها

وبالفعل..سهرت بجانب زوجة العمدة

وبدات اعطيها الدواء با انتظام

وكل شيئ كان تمام

لغاية ما العروسة وامها عرفوا بامر مرض زوجة العمدة فا استأذنوا العمدة

وجم يزوروا الهانم الكبيرة

وطبعا انا تركتها معاهم وروحت اجيب حاجة اقدمهالهم

لكن الغريبة انهم منتظروش لغاية ما ياخدوا واجبهم

وفجاءة نزلوا العروسة وامها وهما في عجلة من امرهم

ولما رجعت للست الكبيرة لقيتها نايمة

فا تركتها وقولت اصحيها علي ميعاد الدواء

لكن لما جه ميعاد الدوا وجيت اجهزلها النقط

اكتشفت ان الزجاجة مفتوحة و فاضية ومفيهاش ولا نقطة

فا اتفزعت..

وروحت بسرعة افوق زوجة العمدة

لكن للاسف ..الست الكبيرة مكنتش بتتحرك

فا جريت بسرعة علي داغر وقلتلة ان امه قاطعة النفس ومش بتتحرك

فا اتصل داغر علي الدكتور فورا

في اللحظة دي

كنت مرعوبة وشكيت في العروسة وامها

وقلت ممكن جدا يكونوا اعطوا لزوجة العمدة الدواء

عشان يخلصوا منها

وانا طبعا الي هشيل اليلة

فا حاولت اتخلص من الزجاجة لكن ملحقتش

لان

الدكتور كان وصل مع داغر

فا دسيت الزجاجة في صدري بسرعة

المهم

بمجرد ما الطبيب كشف علي زوجة العمدة

سألني عن زحاجة الدواء

في اللحظة دي مكنش ادامي غير اني .....؟

بعدما اتفاجئت ان الست الكبيرة( زوجة العمدة ) فاقدة الوعي

روحت اجيبلها الدواء بتاعها

فا اكتشفت ان في جرعة كبيرة من الدواء مفقودة والزجاجة مفتوحة وفاضية

فا عرفت ان العروسة وامها هما الي ورا المص..&يبة دي

وفهمت كمان انهم عملوا كده عشان يخلصوا من زوجة العمدة الي كانت سبب وجودي في بيتهم... وبالمرة يلبسوني انا التهمة ويخلصوا مني للابد

وبمجرد ما ادركت المك..&يدة لقيت نفسي لازم اتصرف واخلص من زجاجة الدواء

وقلت يمكن الموضوع يعدي عليهم ..

و يعتقدوا ان الوفاة طبيعية

لكن للاسف الوقت مكنش في صالحي

لاني اتفاجئت بداغر والعمدة جايبين الطبيب وداخلين عليا

فا اتصرفت بسرعة ودسيت الزجاجة في صدري

ودي كانت اكبر غلطة انا عملتها

لان بمجرد ما الطبيب شاف لون الجثة الازرق

شك في الامر

وسألني ان كنت زودت جرعة الدواء؟

وطبعا انا مردتش عليه

لان العمدة بمجرد ما شك في وفاة زوجتة...

هددني ..وحذرني من الكدب

في اللحظة دي

لقيت نفسي بين نارين

اولا..

انا لو انكرت

وقولتلهم.. معرفش مكان زحاجة الدواء

هزود الشك في دماغهم من ناحيتي والعمدة ساعتها ممكن يتهور ويق..&تلني

وثانيا..

لو طلعت الزجاجة من صدري

هيكتشفوا ان بصماتي عليها بالفعل

وهتثبت عليا لوحدي

لان اكيد طبعا العروسة وامها مسحوا بصماتهم من علي الزجاجة

في اللحظة دي

اتجمدت في مكاني

وفضلت ابص علي داغر وهو حاضن امه ومنهار من البكاء

لحظتها مبقتش قادرة ارد

ولا عارفة حتي افكر

والي زود من هلعي اكتر

لما شوفت العمدة وهو بيكشر عن انيابة

وبيصرخ فيا عشان اعترف

واقولة ...فين زجاجة الدواء

وكان مفروض اني ارد واقولهم الحقيقة وخلاص

لكن ...انا بمجرد ماسمعت اتهام العمدة ليا.. وشوفت ملامح الغضب علي وجهة القاسي

لقيت نفسي وقعت من طولي وفقدت الوعي

وبعد شوية..

لقيتني رجعت فوقت تاني

لكن

في اللحظة دي

سمعت الطبيب بيحاول يهدي العمدة عليا

وبيقولة...اهدي يا حضرة العمدة ..

وسيب البت بدل ما تموت في ايدك ..

وكده هتبقي قتلتها هي والي في بطنها

وان كان علي سبب الوفاة فا احنا هنعرفة بطريقتنا

في اللحظة دي

اتفاجئت باني حامل

يلهوي حامل ؟

حامل ازاي ؟ و من مين؟

وكنت هتجنن من التفكير لولا اني فوقت علي

رد العمدة الي كان في منتهي القسوة

لان العمدة لما لاحظ اني فوقت من الاغماءة

احكم قبضتة علي شعري

وقالي...

قومي يا بت وقري بالحقيقة بدل ما اقطع من لحمك انتي والي في بطنك

وسألني تاني

وقالي.. اعترفي وقولي..

فين زجاجة الدواء؟

في اللحظة دي

اضطريت اني اخرج زجاجة الدواء من صدري

عشان احرر شعري الي كان هيطلع في قبضة ايده

وبمجرد ما طلعت الزجاجة من صدري ولقوها فاضية

اتأكدوا كلهم طبعا اني انا الي

قت..&لت الست الكبيرة

وفي اللحظة دي

حاولت ادافع عن نفسي ...

و افهمهم الحقيقة

وفضلت اقسملهم

واقولهم ..صدقوني مش انا الي زودتلها الجرعة...

الي عمل كده هي.. عروسة ابنك ..واختك يا عمدة

فا رد العمدة عليا العمدة بمنتهي الغضب

وشت..&مني باقذر الالفاظ

وبعدها حذرني

وقالي...حذار تجيبي سيرة اسيادك يا مج..&رمة

ولما لقيته مش مصدقني

اتجهت بنظري وتوسلاتي لداغر

وقلتلة

صدقني يا داغر بيه ..

حماتك ..وبنتها هما الي اعطوا لامك الجرعة الزيادة..

وهما الي كانوا قاصدين يقت..&لوها

وبرغم كل توسلاتي

لكن ..للاسف

داغر محاولش حتي يدافع عني

وكل الي عملة..

هو انه طلب من (ابوه) العمدة

.. انه يأجل قتلي

لغاية ما يتحققوا من كلامي

واصر داغر علي التروي

لغاية ما تثبت ادانتي بالدليل

واقترح انهم يرفعوا البصمات من علي الزجاجة ..

ولو وجدوا ساعتها بصمات عروستة.. او ...امها

فا دا هيأكد لهم برائتي

..انما

لو ملقوش غير بصمتي انا فقط

علي الزجاجة

فا العمدة ساعتها هيبقي له الحق انه يقتلني

انا ...والي في بطني

وبرغم ان العمدة وافق علي اعطائي فرصة اخيرة لغاية ما يتحققوا من الدليل

الي هيثبت برائتي من عدمها

لكن العمدة كان بيبصلي بغيظ

واقسملي بالله انة لو ملقاش الدليل علي كلامي

لا هيخرج ابني من احشائى ويقط..&عة قدامي قبل ما يقتلني..

وبعد ما العمدة هددني وتوعدني

نادي علي شلهوب وامره انه ياخدني علي غرفة التأديب

وقالة يرميني هناك لغاية ما تظهر نتيجة فحص البصمات

وبالفعل

اخدني شلهوب ورماني في غرفة مظلمة وريحتها وحشة اوي

وفضلت قاعدة بترعش ومنتظرة

(نتيجة فحص البصمات)..

ودي كانت الدليل الوحيد ... الي ممكن يبرئني...

او يثبت عليا التهمة

وكان الوقت بيمر ببطء شديد

المهم

بعدما مرور وقت طويل

لمحت الباب بيتفتح

وشوفت شخص داخل عليا غرفة التاديب الي كانت مظلمة

في الاول افتكرتة شلهوب

لكن..

لما سالته

وقلتلة ..هو انت جاي ليه؟ وعايز مني ايه يا شلهوب؟

فا اتفاجئت بصوت حد غير شلهوب

بيقولي...متخافيش يا غرام

انا ايهاب

وفتح نور الموبيل بتاعة عشان اطمن

وفعلا لقيتة ايهاب

ايهاب ...؟

ايوه الي ادامي كان ايهاب

مش داغر

وعرفت اميز بينة وبين داغر

عن طريق اللبس الي كان لابسة..وتسريحة الشعر المختلفة

ايوه...هو دا استيل اللبس بتاع ايهاب الي كان بيلبسة لما كنا متجوزين

المهم

اول ما شوفت ايهاب

قلتلة...هو انت روحت فين؟

وليه بتختفي وتظهر فجاءة كده؟

وهل انت عفريت؟

ولا بني ادم عادي؟

وليه....؟

وقبل ما اكمل المليون سؤال الي في دماغي

لقيتة وقفني

وقالي...سيبك من الاسألة دي

وركزي معايا

انتي حياتك في خطر يا غرام

بعدما سمعت التحذير الي قالة

رجعت افتكرت المصيبة الي انا فيها

فا استغت بيه

وقلتلة..ايوه فعلا

انا متورطة في جريمة قتل و...

فا قاطعني ايهاب

وقالي...انا عارف كل حاجة

وعارف كمان ان حياتك مرهونة بفحص البصمات

ودلوقتي النتيجة طلعت

وللاسف.. لقوا بصماتك لوحدك علي الزجاجة

والمشكلة انهم ملقوش اي اثر لبصمات العروسة وامها

ودلوقتي العمدة عرف النتيجة وكلها دقايق وهيكون هنا

وهيخلص عليكي عشان ياخد ثأر زوجتة

عشان كده انا جيت عشان افتحلك الباب..واخليكي تهربي

فا سالتة

وقلتلة...وهو انت مش هتيجي معايا؟

فا مد ايهاب ايده ناحيتي بشنطة كبيرة

وقالي..

خدي الفلوس دي

اشتري بيها بيت واصرفي منها علي ابني الي في بطنك

في اللحظة دي

رديت وسالتة

وقلتلة...انت كمان عرفت اني حامل؟

فا تجاهل ايهاب سؤالي ومردش عليا

وكل الي عملة انه ضمني لحضنة وقبلني من جبيني

وبعدها...اعطاني شنطة الفلوس

وقالي...يلا مفيش وقت

اهربي بسرعة

في اللحظة دي

بصيت علي المفتاح الي في ايده..

وقلت لنفسي

ازاي ايهاب معاه مفاتيح الغرفة دي ؟

وازاي بيتحرك في البيت براحتة؟

يكونش ايهاب يبقي...

( قرين داغر) ؟

ولا يكونش داغر بيمثل عليا

وبيتقمص

شخصية وهمية ومسميها (ايهاب)؟

بصراحة مكنش هاممني ساعتها هو هيطلع ايه

لان سواء الي ساعدني دا طلع داغر

او طلع ايهاب

فا في الحالتين دا في مصلحتي

لاني كده لقيت الي هيخرجني من المصيبة الي انا فيها

واثناء ما كنت واقفة ببصلة وشاردة بذهني

لقيت ايهاب استعجلني

وقالي..يلا بسرعة مفيش وقت

انا هبعد عنك شلهوب

علي ما تخرجي

وبالفعل...اخدت الفلوس

ونجحت فعلا اني اخرج من غرفة التأديب

بس بعدها اكتشفت ان بتواجهني مشكلة تانية

وهي..اني عشان اوصل للباب الرئيسي للفيلا

كان لازم امر من الريسبشن لان غرفة التاديب كانت بداخل الفيلا

ودا كان فيه خطورة عليا

لان..

العمدة ... والعروسة.. وامها

كلهم كانوا موجودين في الفيلا

و لو حد منهم لمحني هيقبض عليا

بس للاسف كنت مضطرة اني اعدي واتجاوز الريسبشن عشان اخرج من الفيلا واهرب

وبالفعل

جمدت قلبي وقلت لنفسي

اكيد ايهاب او.. داغر

هيحميني لو كشفوني

وجمدت قلبي و دخلت علي الرسيبشن...

وكنت خلاص بدات اتوجه للباب

لكن ..اثناء ما كنت باجتاز الريسبشن...اتفاجئت بالعروسة بتوقفني

وبتقولي...اقفي عندك واوعي تتحركي

فا توقفت بالفعل

ورديت بعدما ابتلعت ريقي

وقلتلها...عايزة ايه؟

في اللحظة دي

لقيتها هجمت عليا هي وامها

وبعدما احكموا قبضتهم عليا

اخدت الشنطة الي معايا وفتحتها

والغريبة انها لقيت في الشنطة الذهب الخاص ب...

( ام العمدة)

وكمان لقت فلوس كتير

وطبعا العروسة مصدقت مصيبة تحصلي

وفضلت تصرخ وتنادي علي العمدة ...وعلي داغر

عشان يجوا و يتأكدوا اني حر...&امية و مقفوشة بس...&رقتي

وبالفعل

وصل داغر علي صوتهم

فا قلت الحمد لله اكيد داغر جاي ينقذني منهم

وانتظرت انه يساعدني عشان اكمل في الهرب...

او يعمل اي حيلة ويهربني هو منهم

لكن الغريبة

ان اول ما داغر شافني ماسكة شنطة الدهب والفلوس

فضل يزعقلي ويتهمني باني حرامية

ومش كدا وبس

دا اتصل كمان بالعمدة

الي كان بره البيت في الوقت دا وفضح امري

وطلب منه يجي فورا عشان يحقق معايا بعدما ضبطوني متلبسة بسرقة الدهب والفلوس

خلاص كدا ويسكت داغر ويتهد ؟

لا ابدا

بعدما انتهي من مكالمة ابوه

لقيتة بيتصل برقم مراة العمدة الي ماتت

وبيتكلم بحماس

وبيقولها..خلاص اطمني يا (امي) لقينا فلوسك والذهب بتاعك

والبت غرام طلعت هي الي سرقتهم

ايوه والله يا امي انا كمان مكنتش اصدق ان غرام تطلع حرامية

في اللخظة دي

انا استغربت من موقف داغر الصادم...

وقلت دا اكيد اتجنن ولا جري لدماغة حاجة بسبب وفاة امة

لكن صدمتي الاكبر

كانت لما فتح الاسبيكر

وسمعنا صوت امة وهي بترد عليه من خلال الموبيل

في اللحظة دي

سمعت صوت امه بوداني وهي بتقولة....

لو غرام طلعت حرامية فعلا

يبقي لازم تقول للعمدة يا ولدي عشان يعاقبها

فا رد داغر

وقالها...انا فعلا اتصلت بالعمدة

وهو جاي حالا

واطمني يا امي الدهب والفلوس بتوعك هيفضلوا معايا

وبعدما قفل مع امة

فضلت واقفة متنحالة

وانا واقفة زي الهبلة ومش فاهمة حاجة

وفضلت اسال نفسي

هو ليه ايهاب جاني وهربني من غرفة التأديب وانقذني من الاعدام

وفي نفس الوقت اداني شنطة فيها دهب مسروق وفي الاخر تركهم يمسكوني بيها ؟

وياتري الحمل الي في بطني دا من الجن... ولا... الانس؟

طب ايهاب وداغر شخص واحد ؟

ولا شخصين مختلفين؟

ولو ايهاب هو نفسة داغر

يبقي ليه فضح امري عند العمدة

وليه اتصل بامة وعرفها اني حرامية؟

وبعدين ازاي اتصل با امة اصلا؟

هو مش الدكتور قال ان مراة العمدة ماتت بجرعة زايدة من دواء القلب؟

وفضلت الاسألة الي ملهاش اجابة ...تروح وتيجي في دماغي

لغاية ما دخل شخص علينا واحنا واقفين

وبظهور الشخص دا

لقيت رد علي كل الاسألة الي محيراني

ومهما جمح خيالكم

استحالة تتوقعوا مين الشخص الي دخل علينا ............؟

بعدما داغر فضح امري عند العمدة..

وقالة.. اني حرامية

وكلم امة ( المتوفية)

وقالها...

اني سرقت دهبها وفلوسها

لحظتها انا بقيت واقفة تايهة.. ومش فاهمة اي حاجة

من الي بيحصل

وكان مفروض اني اسأل داغر واقولة...هو ازاي انتوا حبستوني بتهمة قتل امك

(زوجة العمدة)

والست امك كانت بتكلمك في الموبيل دلوقتي؟

وغيرها كتير من الاسألة

لكن ..

قبل ما اوجهلة اي سؤال

اتفاجئت بدخول شخص علينا في الرسيبشن

وبصراحة انا اول ما شوفت الشخص دا (اتصدمت )

اصل استحالة كنت اتوقع اني اشوف الشخص دا عند العمدة

ولا اشوفة في الصعيد من الاساس

لان الشخص دا يبقي..

( زوج خالتي)

ولقيتني بقول لنفسي...

ايه الي جاب القلعة..

جنب البحر ؟

وحيرتي زادت اكتر لما شوفت زوج خالتي بيجسوا علي ركبتية

وبيطلب الصفح من داغر

وبيقولة .. ابوس ايدك تعتقني لوجه الله

فا رد داغر بغضب

وقالة...

لو صارحتني بالحقيقة هعفي عنك

انما لو كدبت عليا ؟

فا هيكون جزاءك زي الكلب دا .

وهتخرج جثة هامدة ...

فا سألة زوجك خالتي

وقالة..حقيقة ايه الي عايز تعرفها ؟

فا رد داغر

وسألة ..

وقالة..عايزك تعترف بجريمتك وتقولي ..ليه هجمت علي بيتنا وليه كنت عايز تسرق العمدة؟

في اللحظة دي

رد زوج خالتي..

وانكر تماما انه دخل لبيت العمدة عشان يسرق

وبمجرد ما داخر سمعة وهو بينكر

خرج سلاحة من جيبة ...واطلق علي زوج خالتي طلقة وقع علي اثرها قتيل وقطع النفس

وبمجرد ما شوفت الي حصل لزوج خالتي

فضلت الطم و اصرخ بهستيريا

وبصراحة مكنتش لوحدي الي بصرخ

دا العروسة وامها كمان اتفزعوا وكان صراخهم اعلي مني

في اللحظة دي

صرخ فينا داغر

وامرنا اننا نقف صف واحد

جنب بعض احنا الثلاثة

وقالنا...

اسمعوا بقي انتوا كمان..انا عرفت حقيقة كل واحدة فيكم

ولازم اسمع اعترافاتكم

والي هتفكر تحور وتكدب عليا هدفنها جنب الكلب دا

وبدء بيا داغر

وقالي..سؤال واحد وعايزك تجاوبي بدون ما تكدبي

فا رديت وانا برتعش

وقلتلة.. من قبل ما تسألني

انا اقسم بالله... ما ليا اي علاقة بجرعة الدواء الزيادة الي امك اخدتها ...

فا رد داغر

وقالي..ايوه منا عرفت من امي انك بريئة فعلا

لكن انا بسأل دلوقتي علي حوار السرقة

و حذرني تاني داغر

وقالي..

هو سؤال واحد

وعايز له اجابة مختصرة

حصل...او محصلش

فا قلتلة..اسأل

فا سألني

وقالي.. العروسة وامها قفشوكي فعلا من شوية.. وانتي بتهربي بالفلوس والدهب بتاع امي؟

فا رديت بمنتهي الانكسار

وقلت...ايوه حصل

لكن انا......

وقبل ما احاول اكمل في دفاعي عن نفسي

وقفني داغر

وقالي...تمام

طالما جيتي دوغري ومحاولتيش تكدبي .. واعترفتي بالحقيقة بدون ما تحوري

فا خلاص .. انا عفيت عنك

عارفة لو كنتي كدبتي؟

انا كنت هقتلك لاني عارف الحقيقة كلها

وبعدها بص للعروسة وامها

وعاد عليهم نفس التحذير

وقال.. سؤال وعايز عليه اجابة بصدق

فا ردت ام العروسة

وقالتلة..اسأل يا ولدي

فا قال...

حصل؟...ولا محصلش ؟

انتوا ليه وضعتوا الجرعة الزايدة ل (زوجة العمدة) ؟

وهل الهدف من كده كان انكم تقتلوها ؟

فا ردت ام العروسة بخجل

وقالت...

بصراحة يا داغر يبني احنا فعلا..

الي وضعنا الجرعة الزايدة في الدواء

بس اقسملك ان مكنش في نيتنا اذية امك

احنا بس كنا عايزين نثبت ان البت غرام مقصرة في شغلها فا تطردوها

وكملت العروسة بدل امها

وقالت..

وبصراحة بقي احنا عملنا كده لما لقيناك مهتم بغرام وخوفنا لا تتجوزها ...وساعتها الشغالة هتورث الفلوس والاطيان بتاعتنا

بعدما استمع داغر لاعتراف عمتة وبنتها

اتفاجئنا به وهو بينادي علي العمدة

وبيقولة..

اظن دلوقتي سمعت اعتراف اختك وبنتها يا عمدة ؟

واتأكدت انهم هما الي قتلوا امي؟

في اللحظة دي

فهمت..

ان كل الي حصل دا كان تمثيلية من داغر والعمدة ...عشان يوصلوا للحقيقة؟ ويعرفوا مين الي قتل زوجة العمدة

واكتشفت كمان ان الطلقة الي خدها زوج خالتي كانت

عبارة عن سهم به مخدر

اطلقة داغر من من مسدس صوت...

و دا عشان يجبر ام العروسة علي الاعتراف بالجريمة

المهم

ظهر العمدة من خلف الجدار الي كان متداري خلفة

وكان باين انه صدق وامن بالي سمعة

بس كان واضح انه ناوي ع الشر

بدليل انه استدعي شلهوب وامره انه يعيد لزوج خالتي وعية و وينقلة علي غرفة التأديب

وبعدما ما نفذ شلهوب الامر..

رجع شلهوب تاني

واجبرنا جميعا اننا نمشي معاه علي غرفة التأديب

ساعتها استغربت من الي بيحصل

وقلت لنفسي

يكونش العمدة ناوي يحقق في موت زوجتة بنفسة؟

المهم

بعدما دخلنا جميعا

لغرفة التأديب

اكتشفت ان العمدة قرر انه يحبسنا ويحتجزنا جميعا

ومش بعيد كمان يصفينا كلنا ويخلص علينا

بدافع الثأر لزوجتة

وخصوصا ان العمدة طلب من كل واحد فينا

انه يمتنع عن الحركة و يغمض عينيه

وفعلا نفذنا الاوامر انا والعروسة وزوج خالتي

لكن ...

يبدوا ان ام العروسة كانت رافضة انها تستلم لحكم العمدة

و قررت تنجو بحياتها

وفي اللخظة دي

دفعتني بكل قوتها..عشان اصطدم بالعمدة...

لجل ما تشتت تركيزة لثواني

وطبعا استغلت ام العروسة الثواني الي العمدة وقع فيها

ولازت بالفرار...

والغريبة انها هربت بدون ما تفكر في رقبة (بنتها) الي كانت تحت سيف العمدة

وللاسف تصرف ام العروسة دا

خلي العمدة يامر شلهوب انه يروح وراها و يحصلها...

ويرجعها علي غرفة التأديب

ومش كده وبس

دا من شدة غيظة منها قرر يبدء بقتل بنتها ( العروسة)...

وبالفعل

الرصاصة الاولي كانت من نصيب العروسة... و فقدت حياتها علي اثرها

اما الرصاصة الثانية

فا اتوجهت لصدر زوج خالتي

فا فاضت روحة علي الفور

ولما جه الدور عليا

غمضت عيني وحطيت ايدي علي وداني

وفضلت انطق الشهادتين

لكن..

في اللحظة دي

سمعت داغر بيوقف العمدة

وبيقولة..

ابعد سلاحك عن غرام يا ابويا

غرام بريئة

وانت سمعت بودانك واتأكدت انها بريئة؟

يبقي ليه عايز تقتلها؟

فا رد العمدة

وقالة..

مستحيل اسيبها ترحل لانها شافت كل حاجة

وهتبقي شاهدة علي الي حصل هنا؟

وبعدما رفض العمدة انه يسمع لتوسلات داغر

نزل داغر يبوس علي ايد العمدة

وهو بيتوسلة

وقاله.. ابوس يدك يا ابوي

انت لو قتلت غرام فا انت كده هتقتل ( ابني )

في اللحظة دي

بص العمدة لداغر بزهول

وهو بيحاول يستوعب الي سمعة

فا كد داغر تاني علي اعترافة

وقالة..والله دي الحقيقة يا ابوي

غرام تبقي زوجتي

والي في بطنها يبقي ابني

في اللحظة دي

دخل شلهوب وقطع كلام داغر مع العمدة

وقال..

الحق يا حضرة العمدة

انا حاولت الحق ب ام العروسة

واجيبهالك

لكن ..علي ما خرجت وراها كانت اختفت وملقتلهاش اي اثر

فا رد العمدة بغضب

وقالة .. خلاص سيبك منها

انا هبقي اعرف اجيبها بطريقتي

المهم .. تعالي انت دلوقتي عشان تخلصني من الجثث دي

في اللحظة دي

انا حسيت ان عقلي هنج من شدة الرعب

ومبقتش فاهمة حاجة

لاني ساعتها كنت مرعوبة وفاقدة الامل في النجاة ...

وكلها ثواني وهبقي واحدة من الجثث الي في الارض

وفعلا احساسي مكدبش

لان العمدة ملتفتش لتوسلات داغر ولا اقتنع بحوار ابنة الي في بطني

ورجع تاني يصوب مسدسة با اتجاه قلبي

لكن ...

في اللحظة دي

داغر باغت العمدة بخبطة علي ذراعة

وبحركة سريعة وقوية كان قدر ياخد المس...&دس من ايده

وبعدما داغر استحوز علي س...&لاح العمدة

قدر يجرد شلهوب من سلاحة ..

واخد كمان مفاتيح

الغرفة الي احنا كلنا كنا محتجزين فيها

وبعدها..

اخدني داغر من ايدي وخرجنا من غرفة التأديب

وقفل الباب علي العمدة والجميع

المهم..

بمجرد ما بقينا خارج الغرفة

بصلي داغر

وقالي... متخافيش العمدة مش هيخرج

قبل ما تسيبي البيت و البلد كلها يا غرام

وبسرعة جابلي داغر شنطة الفلوس الي كنت اخدتها من شوية

وانا في غرفة التاديب

وقالي خدي الفلوس دي واطلعي علي محطة القطر واهربي

في اللحظة دي

كان مفروض اني افرح بنجاتي واخد ديلي في سناني واهرب

بفلوسة

لكن انا رفضت اني اخرج..

ولا اتحرك من بيت العمدة..

قبل ما افهم اللالغاز

الي سمعتها من شوية

فا سالت داغر

وقلتلة...انت ليه اقسمت لابوك ان الي في بطني يبقي ابنك؟

فا رد داغر

وقالي...عشان هي دي الحقيقة

فا بصتلة بزهول

وقلتلة.. يعني انت تبقي ايهاب

جوزي؟

فا هز راسة

وقالي...ايوه انا جوزك يا غرام

واتجوزتك لاني حبيتك بجد

وبودعك دلوقتي

برضوا عشان بحبك وخايف عليكي

وبعدما فجر داغر في وجهي كل المفاجئات دي

فضل يلح عليا اني اهرب قبل ما العمدة يخرج من محبسة

لكن

انا رفضت اخرج من بيت العمدة

قبل ما اعرف الحقيقة كلها

ولما داغر سمعني وانا بقسم بالله اني مش همشي قبل ما افك الطلاسم...واللاغاز

استسلم لرغبتي اخيرا

وطلب مني اقعد عشان يفهمني كل حاجة باختصار

وبدء داغر بالفعل في سرد الحقيقة

وقالي..

الحكاية بتبدء لما عرفت بالصدفة ان ابويا (العمدة) بيشتغل في تجارة الاعضاء

والمصيبة كمان ان الوكالة كانت تبع منظمة كبيرة

يومها اتصدمت وحاولت امنع ابويا عن الشغلانة دي...

لكن ...

العمدة قالي ان الوكالة فلوسها كتير... وفي شخصيات مهمة كبيرة منضمين للمنظمة

با اختصار مش هيقدر يتركها

يومها كان جمال صديقي واقف معانا وبيسمع حوارنا

فا استغربت ان العمدة سمح لجمال صديقي

انه يسمع الحوار الي يودي في داهية دا

لكن فهمت بعدين ان ابويا ورط جمال في الشغلانة دي

وبرغم ان جمال كان كاره الشغلانة لكن مقدرش يرفض ولا يعترض

وبعد ما جمال سمع تفاصيل الخناقة

انتظر لما بقينا لوحدنا

و صارحني بانه متورط غصب عنة وبيفكر يترك الشغل عند ابويا لانه مش عايز يتاجر في اعض..&اء البشر

وقالي..

بصراحة ياداغر ابوك..

بيستغل منصبة كا عمدة

وبيستدرج الفقراء والمشردين

لانة عارف ان محدش هيسأل عنهم في البلد ..

بحجة انه بيدخلهم ملاجئ وفي الحقيقة انه كان بيتاجر ب اجسادهم

كلام جمال دا خلاني اغضب من ابويا... واتمرد اكتر

لدرجة اني هددت ابويا

(العمدة ) وخيرتة ما بين امرين

وهما

يا اما ينهي علاقتة مع المنظمة

او... اني اترك له الشغل والبلد كلها ومرجعش الصعيد تاني

وللاسف ابويا اختار و قرر

انه هيكمل معاهم...

فاتركت الصعيد

ونزلت اعيش بالقاهرة وانا ناوي مرجعش تاني

وفضلت علي موقفي دا

لغاية ما عرفت ان امي تعبت واصيبت بمرض خطير

والاطباء قالوا انها محتاجة (زرع قلب)

والا... هتموت

وللاسف الموضوع دا كان صعب اوي

يومها اضطريت اطاوع ابويا وادخل مجال شغلة

واتعامل مع التجار اياهم عشان نجيب متبرع وناخد منه قلب وننقلة لامي

فا ارسلني العمدة لشخص اسمة (الوسيط)

والوسيط دا كان ...

( زوج خالتك) يا غرام

ودا الي كان هيجيب المتبرع

واضطرتني الظروف اني افضل في بيتة

ودا عشان اتابع المتبرع واتابع نتائج تحاليلة والاشعات بتاعتة

فا كنت بتضطر ابات في بيت خالتك

وفي ليلة وانا في بيتة

سمعتك وانتي جاية تشتكي لزوج خالتك

وقلتي له .. بان زوجك طردك لانة بيشوف شكلك شبة القرود

يومها انا كنت اول امرة اشوفك

بس اتعمدت انك متشوفنيش

لاني مكنتش عايز اي حد يعرف صلتي بزوج خالتك

عشان كده كنت بتابع حواركم من بعيد

والي لفت نظري ليكي

هو جمالك الملفت

طيبتك وبرائتك

وقلت لنفسي

ازاي البنت دي تصدق وتأمن لواحد زي الوسيط؟

و بالرغم اني كنت شايفك جميلة وزي القمر

لكن برضوا كنت شايفك ساذجة وعبيطة

لانك صدقتية وهو بيقولك انك شبة القرد ...

وكمان صدقتي حوار...

ان الجن العاشق

هو الي بيعمل فيكي كده

المهم ساعتها

كنت فاكر ان زوج خالتك

بيعمل كل دا عشان...

يغتص..&بك فقط

لكن... بعدين فهمت

انه كان عايز يمسك عليكي نقطة ضعف عشان يضغط بيها عليكي فتوافقي..

انك تقتلي( تهاني ) وتسلمية ولادها

لان دي كانت اوامر من المنظمة

اصلهم كانوا عارفين ان تهاني اصبحت وحيدة بعدما زوجها اتوفي

فا كان سهل انهم ياخدوها هي واولادها

المهم

نرجع تاني ل..

اول ليلة شوفتك فيها...

ساعتها كان جاني اتصال من العمدة...وقالي ان الاطباء وجدوا متبرع ودا كان واحد اتوفي في البلد

فا روحت لغرفة الوسيط عشان اقولة خلاص مش محتاجين لخدماتك

لكن قبل ما افتح الباب ع الوسيط

سمعت صوت واحده معاه في الغرفة

ولاني كنت عارف بان زوجتة مسافرة

فضلت اتابعة من خلف الباب

وساعتها سمعت الي بيحصل بينك وبين زوج خالتك...

وشوفتة وهو بيحطلك مخدر في المشروب بتاعك

ولما بدأتي تغيبي عن الوعي

اتأكدت من نواياه السودة

وخصوصا لما شوفتة وهو بيجردك من هدومك

وبدء يصورك

وهو بيحاول يغت..&صبك

لحظتها انا قررت اتدخل

قبل ما ياخد غرضة منك

..فا ضربتة علي دماغة وقيدتة...

و بعدها

قربت منك عشان اشوف ان كنتي بخير ولا لا

ودي كانت اول مره اشوف

وجهك من قريب

المهم..

بمجرد ما اتحققت منك

سترت جسمك بملاية

ولحظتها قررت اني انقذك

وعشان دا يحصل

كان لازم زوج خالتك يختفي من الصورة تماما

لاني عرفت من جمال صديقي

ان زوج خالتك لازم ينفذ اوامر الوكالة

فا بالتالي هيجبرك انك تننفذي اوامره

وهيضغط عليكي سواء بالصور الي كان هيصورهالك وانتي معاه في السرير

او بحوار الجن العاشق

الي اخترعهولك وانتي صدقتية

وللاسف.. مكنش ينفع ساعتها اني ابلغ البوليس

لان العمدة

( ابويا ) كان بيشتغل معاهم

فا انتظرت لما زوج خالتك فاق واجبرتة انه يعطيني معلومات عنك وعن تهاني

ولما سردلي قصتك عرفت منة مأساتك مع زوجك

بصراحة ساعتها لقيت نفسي مشدود ليكي بطريقة غريبة ومتعاطف معاكي في نفس الوقت

وخصوصا لما عرفت انك مضطرة ترجعي لشغلك عند مدام تهاني...وهتتعرضي لمخاطر ومشاكل ملكيش ذنب فيها

ودا الي خلاني اقرر اني احميكي ...

واول حاجة عملتها

اني خطفت زوج خالتك

وسفرتة علي الصعيد

وطلبت من جمال صديقي يحتجزة في مكان امين

بدون ما العمدة يعرف

انا كان مفروض ابلغ عنة واحبسة

لكن ...مكنش ينفع ابلغ

البوليس عن المنظمة

بسبب شغل العمدة معاهم

وبعدها طلبت من جمال صديقي

انه يأجر شقة ل( تهاني).. ويحتجزها فيها

بحيث يبعدها عن بيتها

ودا عشان اقدر اكون جنبك واحميكي ...

وبالمره احميها هي واولادها

وعشان كنت عارف ان رعاية الولاد صعبة

جيبت معايا الدادة( سميرة) الي كنت اعرفها من زمن.. وكنت بثق فيها

عشان تاخد بالها من اولاد تهاني

وطبعا فهمت سميرة طبيعة المهمة الي احنا بنقوم بيها

وطلبت منها انها تعرفك بيا علي اني ايهاب بيه شقيق تهاني

عشان اقدر اعيش معاكي في نفس المكان واحميكي

ولما عيشتي معايا في بيت واحد

بدات اتعلق بيكي اكتر واحتياجي ليكي كان بيزيد يوم عن يوم...

لغاية ما لاقيت نفسي مش قادر اقاوم مشاعري ناحيتك

وفضلت حالة الهيام دي تزيد معايا

لغاية ما جه يوم وعرفت ان زوجك هشام دخل المستشفي وطلب يشوفك عشان يرجعك لعصمتة

يومها كان لازم امنع دا باي طريقة

والحل الوحيد الي كان هيمنع انك ترجعي لعصمة هشام هو انك تتجوزي

فا اتصرفت بسرعة وضربت بطاقة

وجيبت ماذون واتنين شهود ..وطلبت من جمال انه يبقي وكيلك

وبمجرد ما جمال شهد وقال..انك موافقة علي الزواج..

الماذون تمم زواجنا

وبطريقتي قدرت اوصل قسيمة الزواج لحماتك

لكن بعدما ما هشام زوجك مات

اكتشفت ان زواجي منك اتسببلك في مشكلة

وحماتك اخدت منك حضانة اولادك بسبب قسيمة الجواز

وكان قلبي بيوجعني لما بشوفك حزينة

ودا الي خلاني ابعتلك قسيمة الطلاق مؤخرا

وقلت يمكن لما ولادك يرجعوا في حضنك تفرحي

مع اني ساعتها كنت اتعس بني ادم علي وجه الارض

مش بس عشان فارقتيني

لا ..دا كمان يومها وصلني خبر بان امي تعبت تاني

وطبعا كان لازم اسافر للصعيد

وبالرغم من اني سافرت

لكن...

فضلت متابعك...وكنت موصي ناس تتابعك وامرتهم يمشوا

وراكي ويعرفوني اخبارك

ولما قالولي علي الحادثة الي حصلتلك

طلبت من عايدة تجيبك علي الصعيد

بحجة ان زوجة العمدة عايزة شغالة للعروسة

وعشان كان لازم الاقي لك صفة تدخلي بيها البيت

اضطريت اني اخطب (هانم)

الي عمري ما كنت بطيقها

عشان اقدر اطلب من امي

انها توصي عايدة علي شغالة للعروسة

في اللحظة دي

بصيت لداغر بتعجب

وسالتة

وقلتلة..

وليه اللفة دي كلها؟

وايه الي غصبك علي كده

فا رد داغر

وقالي..

انا عملت اللفة دي كلها عشان تدخلي بيت العمدة و تبقي ادام عنيا

اصل دخول الاغراب لبيت العمدة مش سهل زي منتي فاهمة

وللاسف دلوقتي هتخرجي منه ومعاكي ابني

ومش هقدر اجي معاكم

ومد داغر ايده ناحيتي بشنطة الفلوس

وقالي ..

عشان كده عايزك تاخدي شنطة الفلوس دي وتنزلي علي القاهرة

وتشتري بيت وتجيبي كل الي محتاجاه

وعلي فكر ..الفلوس دي بتاعتي

في اللحظة دي

حسيت اني بشوف داغر لاول مره

شوفت شخص كان بيحميني بدون ما اعرف

كان بيساعدني في وقت ما كل الناس اتخلوا عني

طول الوقت كان بيعطيني بدون ما اخد بالي

ودلوقتي قرر يتخلي عني

ويعوضني بشوية فلوس

ودا خلاني بصتلة وانا بعيط

وقلتلة..تعالي معايا

فا بصلي بحزن

وقالي..مينفعش

فسالتة تاني

وقلتلة...و ليه مينفعش؟

فا رد وقالي..

بعد جرايم القتل الي تمت دلوقتي ابويا ورطني معاه

ومصيري بقي معروف

اما السجن...او القتل

يعني وجودي معاكي هيكون خطر عليكي

عشان كده لازم تبعدي يا غرام

ارجوكي ابعدي

روحي ابعد مكان عن الصعيد

وياريت متعرفنيش مكانك

عشان مضعفش واجيلك

في اللحظة دي

كنت عايزة اتشبس بذراعة واخده معايا غصب عنة

لكن الي منعني

اني شميت ريحة شياط قوية

وبعدها سمعنا صوت صراخات متتالية

فا طلعنا نجري انا وداغر با اتجاه الصوت

والغريبة ان ريحة الشياط والصراخ كان جاي من اتجاه واحد

وتحديدا من غرفة التاديب

وعلي ما وصلنا للغرفة معرفناش نشوف حاجة

لان الدخان كان غيم علي المكان كلة وزاد عليه ريحة البنزين

في الوقت دا...

النيران كانت مشتعلة في غرفة التاديب وخارجها كمان

و الغريبة اننا كنا مازلنا بنسمع صوت نسائي بيطلق صراخات عالية با استغاثة

غريبة مين الي بتصرخ دي؟

دا العمدة مشي كل الخادمات والشغالات من البيت؟

عشان محدش فيهم يشهد بالي هيعملة فينا

يبقي مين الي بتصرخ دي؟

مراة العمدة... ماتت

و العروسة ...اتقلت

مين بقي الي بتصرخ ؟

وللاسف مقدرتش اصبر لغاية ما اعرف

لاني مكنتش قادرة اتنفس و الدخان كان هيقتلني انا وداغر

في اللخظة دي

حاول داغر يدخل للعمدة لكن النيران كانت اكلت الغرفة كلها...

ولما شافني وانا بختنق

اخدني وخرجني بعيد عن النار والدخان

لكن..

اثناء ما كنت برجع للخلف

شوفت امراة ماسك فيها النار

ولما اتحققت منها لقيتها

(ام العروسة)

وفهمت لحظتها

ان ام العروسة مهربتش ومخرجتش اصلا من البيت

ويظهر انها عرفت ان العمدة قتل بنتها

ولما شافت العمدة محبوس

في غرفة التاديب

استغلت الفرصة وسكبت البنزين في الغرفة

ولما النيران اشتعلت

مسكت في ايديها الي كانت ممسكة بالبنزين

فا اشتعلت ثياب ام العروسة

عشان كده كانت بتصرخ

وللاسف داغر ملحقش ينقذها لانها ماتت في الحال

في اللحظة دي

اخدني داغر وخرجنا بعيد عن الدخان

ولحسن الحظ ان شنطة الفلوس كانت مازالت في ايدي

والنار ملمستهاش

فا اخدتها معايا وانا خارجة من البيت

المهم

فضلت النار مشتعلة لساعات

وحتي رجال الحماية المدنية

مقدروش يسيطروا عليها

وبعد كام ساعة كان البيت كله بالناس الي فيه عبارة عن شوية فحم

ولما الشرطة وصلت

وسالوا داغر عن سبب الحريق

قالهم...معرفش ايه سبب الحريق

لكن الشغالات الي في البيت شهدوا بان الكهرباء الي في البيت كانت اتسببت في حريق سابقا لكن قدروا يسيطروا عليه

فا اعتقد الجميع بان الحريق حصل بسبب ماس كهربائي

واتحفظ المحضر علي كده

والكل بقي يدعي لداغر بالعوض

وطلبوا منه انه يبدء يبني بيت العمدة في اسرع وقت

لكن داغر

رفض الفكرة

واخدني ونزلنا علي القاهرة

واول حاجة عملها

هي ..انه بلغ عن المنظمة اياها

ووبعدها اشترالي بيت كبير

و راح معايا وجابلي ولادي من حماتي

واخيرا اخذت اولادي في حضني

تاني...

وبقي عندنا بيت كبير

نعيش فيه كلنا

ومعانا داغر

اصل انا وداغر اتجوزنا

ودا بعدما داغر اجبر حماتي انها تتنازل عن حضانة الولاد

لكن سمحنا لحماتي تيجي تزورهم

والولاد كمان بيروحولها

ودولوقتي بقيت اسعد انسانة في الدنيا

لان الدكتور قالي ان جنس المولود الي في بطني (ولد)

ياااااه

ربنا كريم اوي يا جماعة

رزقني بداغر

وداغر جابلي اولادي من حماتي

وجابلي بيت كبير وعفش جميل

وجبلي دهب كتير

يعني الخير بقي كتير

والاهم من دا كله

انه حبني واحتواني

و اخيرا لقيت حضن كبير

خلاني حذفت من حياتي

كلمة ( القسوه ) .