تحميل رواية «نبض السيف» PDF

دخل أيهم المستشفى وهو يحملها ويصرخ: "فين الدكتور؟"

بعد فترة، خرج الدكتور: "اطمن، هي بخير، وتقدر تدخل نشوفها."

يتقدم أيهم بخطوات كلها تردد وتوتر، وأول ما رآها جري ناحيتها، ضمها إلى حضنه وبكى: "إنتِ كنتِ فين وسيباني كل ده ليه؟ تكسريني بالشكل ده؟ وفين ابننا؟ عايش صح؟"

فتجيبه بدموع: "الحمد لله، ابننا بخير، ويلا نمشي وأحكيلك كل حاجة ع الطريق."

ويخرجون.

فنفس الوقت، نبض تفتح عيونها وتتفاجأ بسيف نايم جنبها، فتصرخ: "أعععع! إنت بتعمل إيه؟ وإزاي تنام جمبي؟"

سيق بهدوء: "فيها إيه لما أنام جمب حبيبتي؟"

فتُحمر وجنتاها: "إنت إزاي تقول كده؟ بعدين أنا متجوزة واسمي ورد."

فيقاطعها بغضب: "اسمك نبض ومش متجوزة، لأنك ملكي، فاهمة؟"

فتسيبه وتجري، وفجأة تصطدم بأيهم.

نبض: "إنت بتعمل إيه هنا؟ لازم أقولك إن فيه..."

فتقاطعها ريتال: "مين إنتِ؟"

فتسمع صوت: "دي مراتي، وأنا أبقى سيف، ودي نبض مراتي."

فيُتدخل أيهم ويقول: "اسمع ي أستاذ سيف، لازم كلنا نمشي دلوقتي، تعالوا معايا، وكلنا هنفهم الحكاية إيه."

ويخرجون كلهم.

يسوق أيهم وبجانبه ريتال، وسيف ونبض في الكرسي الخلفي.

تتكلم ريتال: "أيهم، أنا عمري ما حبيت غيرك، وهفضل أحبك لآخر يوم في عمري، ولازم تسمعني. فاكر يوم حفلة افتتاح شركتك؟ وقتها أنا طلعت عشان أنيم ابننا تميم، وأول ما دخلت اتفاجأت بأمجد في الأوضة، ولما كنت بكلمه إيه بيعمل هنا، فجأة حسيت بخبطة ع رأسي، ولما فوقت كنت مربوطة، تقريبًا كنت ف المصنع القديم، وسمعت صوت صراخ تميم، وقتها أمجد قرب مني وقال: لو عايزاه عايش لازم تنفذي كلامه. طلب مني أبعتلك مسج إني مبحبكش وإني هسافر أنا وتميم، بس ممكن أسيبلك تميم في حالة ما تكتب كل أملاكك ليا. وبالفعل تاني يوم، إنت كتبت كل حاجة باسمي، وقتها جبرني أحولها ليه، وبقت كل أملاكك لأمجد. بعتلك رسالة من فوني إني جايبة تميم وأقابلك عند الكافيه اللي اتقابلنا فيه أول مرة، وإنت كنت مستنيني هناك. بعدها بساعة، وصلك خبر إن عربيتي وقعت ف البحر وكان الحادث قوي، وأمجد وهمك إني مت أنا وتميم. من وقتها، وإحنا لسه مكاننا ف المخزن، لغاية من يومين قدرت أهرب، ووديت تميم عند ماما وبابا. هي دي كل الحكاية."

يوقف أيهم العربية بغضب ويبكي: "إزاي قدر يحرمني منك ومن ابني؟ كل ده أنا هدفع التمن غالي أوي ي ريتال."

بيوصل مسج لأيهم إن ابنه ف خطر، فيسوق بسرعة جنونية.

بيوصل أيهم المكان اللي اتبعتله في مسج.

وفجأة يلاقي واحد قصاده ومعاه سلاح.

"انزلوا كلكم وكل واحد يسيب تليفونه في العربية، أي حركة غدر هتندموا أوي."

بينزلوا ويتجهوا لغرفة ويتقفل عليهم الباب.

أيهم: كنت عارف إن أمجد مش سهل.

بينما ريتال بتبكي: خايفة أوي على ابننا يا أيهم.

وترتمي بأحضان أيهم.

يحاول إن يهديها ويطمنها ولكنه قلقان أوي، فمشتاق يضم ابنه بعد غياب طويل.

نبض بتبكي، فيمسك إيدها سيف.

سيف: نبضي متقلقيش، أنا معاكي. كل حاجة هتتصلح إن شاء الله، بس بلاش دموعك لأنها غالية عندي، غالية أوي يا نبض.

وعيونه في عيونها.

وفجأة حد يفتح الباب.

بيدخل أمجد، بس بيتصدم لما يشوف نبض.

ويجري ناحيتها.

أمجد: نبض حبيبتي، انتِ كنتي فين؟ ليه مشيتي؟

ولسه هيحضنها.

يقف قدامه سيف: خليك بعيد عنها أحسن لك.

لسه أمجد هيضرب سيف، بيمنعه والده عادل.

عادل: أمجد بلاش تهور. وانت يا سيف، ممكن أخليك تخرج وتاخد نبض معاك، وأسيب أيهم ومراته وابنه كمان، وميبقاش فيه دم. بس بشرط، وهو إن شريكي يخرج من السجن.

يقصد أبو نادين وعم نبض.

فيقاطعه أمجد: انت بتقول إيه يا بابا؟ انت عارف إني بحب نبض. مستحيل أسيبها بسبب طمعك. أنا عشت عمري كله بسمع كلامك، بس دلوقتي لأ.

يضربه عادل بالقلم ويبصله بغضب.

سيف: إذا كنت فاكر إنك مش هتتحاسب، تبقي غلطان. وإذا كنت مشتاق لشريكك، فهوصلك له قريب أوي.

عادل بشر: تمام، انت اللي اخترت ي سيف.

ويأمر رجاله يجيبوا ابن أيهم.

بيجري الولد ويحضن أبوه، وأيهم بيبكي وريتال تحتضنه وتبكي.

فيتكلم عادل: هتأثر أنا دلوقتي. فكفاية دموع.

وبعدين يضحك بشر.

ويوجه سلاحه على سيف.

عادل: انت هتموت ي سيف، لازم تموت.

و بتخرج طلقة، بس نبض بتحضن سيف وتصيبها هي.

سيف: نبض! لاء، ليه عملتي كدا؟ انتِ هتعيشي عشاني.

نبض بتعب ودموع: مش فكراك، بس شعوري زي ما هو. حاسة إني منك وليك يا سيف. بلاش تنساني.

وتغمض عيونها وتستسلم لتعبها.

فيصرخ سيف: نبببببض.

أمجد بيبكي: انت إزاي تعمل كدا؟ إزاي تأذي نبض؟ هعيش أنا إزاي؟ أنا حبيتها.

يصرخ فيه أبوه: أنا بعمل كل ده عشانك، افهم بقا.

ويوجه سلاحه على ابن أيهم.

فيقف أمجد أمام عادل وياخد الرصاصة.

أمجد: يضحك بوهن لأبوه. كان لازم أموت يا بابا، وع إيدك عشان تندم باقي عمرك. أنا بعشق نبض، مش عايز أعيش. وانت اللي قتلتني يا بابا، انت السبب.

يصرخ عادل وبيبكي: لاء يا أمجد، أنا عملت كل ده عشانك. إزاي تموت؟ وأنا أنا السبب.

ويضحك بهيسترية ويبكي.

ويقف يقول: انتوا كلكم هتموتوا، كلكم.

وفجأة تدخل؟

خرجوا من المستشفى متجهين إلى القصر.

سيف طلب من أيهم أن يبقى معهم هو وريتال وابنهما.

"خليك يا أيهم، أنا ونبض محتاجين نعيش وسط عيلة بتحبنا ونحبهم."

أيهم رد:

"موافق، ومتنساش إن كل أملاكي رجعتلي وهنبقى شركاء."

تيام قال:

"وأنا عايز أعيش معاكوا."

سيف أجاب:

"انت من يوم ما عرفتك وانت عايش معايا في قصري."

تيام علق:

"دي إهانة ولا إيه؟ وبعدين مش هعيش لوحدي أنا ومراتي. أكيد بتسألوا مين هي الحقيقة؟ هي يارا."

يارا بصدمة:

"إيه؟ إزاي؟"

احمرت وجنتاها وكادت تبكي.

نبض قالت:

"اهدي، عادي هيتجوزك. ضحكت."

في هذه اللحظة، دخلت نهلة ونادين.

نهلة جرت نحو نبض واحتضنتها.

نبض بكت:

"وحشتيني أوي."

نادين بتوتر:

"أنا آسفة يا نبض، سامحيني."

نبض ردت:

"إنتي هتبقي أختي الصغيرة اللي بحبها لآخر العمر."

احتضنتها وقالت:

"إحنا هنبدأ من جديد كلنا سوا بالحب."

ماجدة دخلت وهي تبكي:

"أيهم يا ابني، سامحني. عارفة إني غلطت في حقك كتير، بس والله كان غصب عني. وإنت هتفضل ابني لآخر العمر. اديني فرصة أعوضك عن اللي فات وأعيش مع حفيدي."

أيهم بدموع:

"اطلعي برا، مش عايز أسمع منك حاجة."

نبض تدخلت:

"أيهم، إنت قلبك طيب أوي ورقيق. ساعدتني من غير ما تعرفني ومن غير مقابل. عارفة إنك بتحبها، وده كله غضب بسبب الزعل. بس اديها فرصة وابدأ من جديد."

ريتال أضافت:

"نبض معاها حق، وإنت عارف كويس عادل كان بيعاملها إزاي. عشان خاطري، وخاطر تميم."

أيهم اقترب من ماجدة واحتضنها وبكى، ثم ضم ريتال وتميم.

تيام قال:

"والله هعيط بتأثر أوي. أنا خلاص يا جماعة."

سيف علق:

"أول مرة ألاحظ إن عندك مشاعر."

ضحكوا.

ثم أكمل كلامه:

"فرح يارا وتيام الليلة، لأن أنا ونبضي ليلة خاصة بينا لوحدنا."

غمز لها.

في هذا الوقت، دخل خالد.

"أنا بعتذر ليكي يا نبض عن كل حاجة، بجد آسف. وإنتي كمان يا نادين، آسف. مقدرتش أكون الصديق اللي ينصحك ويخاف عليكي، بس أنا والله بحبك وعايز أتزوجك. ومفيش اعتراض. ودلوقتي فرحي أنا وإنتي معاهم."

بالليل.

نادين ويارا كانتا ترتديان فساتين.

أيهم سلم يارا لتيام، وسيف سلم نادين لخالد.

تيام قال:

"حبيتك من أول ما شوفتك. عيونك ليها سحر خاص قيدتني بيها. بحبك أوي يا يارا."

يارا ردت:

"وأنا كمان بحبك على فكرة."

تيام:

"وإنتي باردة أوي على فكرة، بس برضه بحبك."

خالد قال:

"نادين، أنا هعوضك عن كل حاجة. إنتي غالية عندي أوي وبحبك أوي."

نادين:

"وأنا كمان بحبك أوي ومن زمان. وآسفة عن أي حاجة عملتها دايقتك أو تصرف غلط."

خالد:

"دي بداية حياة جديدة. إنسي اللي فات، دلوقت فيه حب وبس."

أيهم قال لـ ريتال:

"ريتال، عايزك في حاجة مهمة."

أيهم : ريتال انا اسف حقك عليا اني صدقت انك ممكن تبعدي وتعملى حاجه زي كدا

ريتال: مفيش اعتذار بينا ي أيهم وبعدين كله كان تخطيط أمجد وعادل الله يرحمهم ولازم ننسي بقا

أيهم : يضمها لحضنه وحشتيني اوووي اووووي يقاطعه تميم وانا ي بابا فيضحك أيهم : وانت ي روح بابا

سيف : نبض عايزك ف مشوار صغير لاخر العمر

نبض : اي جابنا المطار احنا هنسافر

سيف : ممنوع تسألى ويلا انزلى هنكتب كتابنا الاول

نبض : هنكتب ف المطار ومسافرين ازاى ليه مقولتش

سيف : سمعتي قولت اي يلا بعد ساعه ف الطيارة بيشربها عصير وبعده بتنام وبعد 4 ساعات بتفوق تلاقي نفسها لابسه فستان ابيض وشعرها مفرود تشبه سندريلا..😍 بتخرج لبرا تتفاجئ إنها ف جزيرة وقصادها البحر والارض متزينه بالورد والبالونات واسمها محفور ع الرمال " نبضي " تخيلوا زيي 😍😂

ييقرب منها سيف ويقول بحب : وحشتيني اوووي ي نبضي كل عمري ال فات مكنش ليه اي معني عشت عمري كله مستنيكي وكنت واثق ف ربنا انه هيرجعك لياا انتِ حب عمري ال راح وعمري ال جاي

نبض : وانا بحبك اوووي ي سيف وكنت عارفه انك هترجع وتكون ليا وإني لاخر العمر هبقي نبضك

سيف : ع فكرة انا خاطفك ف الجزيرة دى ومش ناوي ارجعك ابدا

نبض بضحكه : ومين قالك اني عايزة ارجع وتحضنه

وبقت جزيرة نبض السيف

تأكد لو كنت بتحب بجد مهما يحصل وتواجه صعوبات وتعدي اوقات صعبه وسنين كلها فراق ودموع الا انك لو حبيت بجد ف ربنا هيجبر بخاطرك ويداوي قلبك مش بس حب الارتباط حب الام والاخت والاهل حب التسامح والصحاب وان مهما يكون لينا حد قريب بيأذينا هييجي يوم ويتأذي واحنا بردو لسه متسامحين وقلوبنا صافيه

" كنت انتظر مجيئك ف انت العالم وانت سكانه انت قلبي وانا نبضك فكيف لاحدنا يعيش دون الاخر "