تحميل رواية «مزرعة الغضب» PDF

ثم بصي يقي يا دكتورة روز ما انتي هتوافقي عليا بمزاجك او غصب عنك منا هتجوزك هتجو…

ولم يتم الكلمة فقد هجم عليه عاصي مثل الصياد يلتهم الفريسة وقال له بحده ممزوجة بغضب:

تقريبا أنا مش مالي عينك صح؟ لما تكلم مع مراتي تتكلم بأدب. ولما تخش المكتب على واحدة ست غريبة عنك من قواعد الأدب إنك تستأذن. وبما إنك محترمتش لا أصول ولا قواعد الأدب أنا هعملك بنفس أسلوبك.

وفتح الباب وألقاه في الخارج دون أن يتفوه بأي كلمة. ودخل وأغلق الباب خلفه.

نظرت له روز ثم انهمرت الدموع من عينيها، فلم تقدر على التماسك أكثر من ذلك وقالت بصوت مصحوب بالبكاء:

خلاص روز القديمة ماتت واندفنت زمان، وأنت بنفسك اللي اشتريت ليها الكفن اللي دفنتها بيها. الكفن يوم ما فرجت عليها كل اللي كانوا في الڤيلا واتهمتها قدام الكل.

ثم ارتفعت حدة صوتها:

أي مشاعر هتقدمها لي دلوقتي مش هتنفع. عارف ليه؟ الحاجة بسيطة جداً، لأن اللي ميت ما بيصحاش. اللي مات خلاص راح. عمرك شفت ميت قام من قبره وصحى؟ أنا كده خلاص مشاعري ماتت. كل حاجة فيا حلوة ماتت. والبركة فيكي.

قال عاصي بعصبية مفتعلة وهو يحاول جاهداً إقناعها:

ما تضحكيش على نفسك يا روز، أنت لسه جواكي مشاعر ليا. نظرة عينيك أول ما دخلت. الدموع المتعلقة في عينيك وخايفة تنزل قدامي. رعشة إيدك. نظرة الخجل اللي في عينيك اللي أنا حافظها كويس. بس الإنسان اللي من حبر على ورق زي ما أنت بتقولي مش هيكون جواه كل المشاعر دي.

ثم يحاول جاهداً إثبات صدق كلامه فيقول مؤكداً:

روز بصي لنفسك في المراية وأنتي هتعرفي إنك لسه بتحبيني. كل حاجة، كل حاجة جواكي بتصرخ وبتقول بحبك.

ثم التفت ينظر لها ويضع يده على كتفها ويقول:

روز أنا بجد بحبك وندمان إني ضيعتك من إيدي.

صرخت روز ودفعته وتبدأ الدموع تنهمر من عينيها وتبدأ تنهار وتقول له بحده:

اوعى إيدك دي تلمسني تاني. اياك تتجرا وتحط إيدك عليا تاني. أنا بكرهك. اطلع بره. اطلع بره. أنا بكرهك بكرهك وبكره نفسي معاك على سذاجتي. وكل ما افتكر قد إيه كنت هبلة وصدقتك. وأظن كده أنت انتقمت مني كويس قوي وأخذت تارك كمان.

يقول لها وهو يحاول إخفاء دموعه:

اهدي يا حبيبتي. أنا مقدرش استحمل أشوفك كده. حقك عليا يا نور عيوني. أنا جاي أبلغك إن مكانك في مزرعتك اللي أنت عملتيها محفوظ بينا وكلنا في انتظارك.

= أنت ناسي إن خلاص مابقاش ليا مكان بينكم.

قطع كلامها بحده:

لا روز. مكانك محفوظ في مزرعتك. وكلنا بجد بحاجة ليكي. دي مزرعتك. اوعي تتنازلي عنها لأي حد أو لأي سبب. ده تعبك أنتِ.

قالت له بحده:

من فضلك ما تجمعنيش معاكم في حاجة. أنتم عمركم ما حسستوني إن أنا واحدة منكم. كل شوية تفكروني إن البيت مش بيتي. وإن أنا ضيفة. ووالدتك الحمد لله مقصرتش في ده.

التفت لها عاصي وقال بحده وقد بدأ ينفذ صبره:

بس أنا همنعك تقعدي هنا. وده حقي.

= أي حق ده اللي يخليك تمنعني ويخليك بتتكلم بثقة دي كلها؟

اه يا روز. بتكلم بثقة إنك لسه على ذمتي. وإني جوزك. من حقي أمنعك.

تضحك روز وتقول:

وهي دي حاجة تتنسي؟ حد ينسى اليوم اللي اتذبح فيه؟ صدمتي فيك كانت فوق احتمالي. كانت كبيرة قوي. بس الحمد لله صدمة فوقتني وعلمتني درس مش هنساه.

تأخذ روز أنفاسها وتكمل كلامها بقهر:

لا يا باشمهندس. لا. ما حدش بينسى اليوم اللي اتذبح فيه. صدمتي فيك كانت فوق احتمالي. كانت كبيرة قوي. بس معلومة فاتتك، كنت مراتك. كنت.

يضحك عاصي ثم يكشر فجأة ويقول:

لا يا روز. أنتِ لسه مراتي. وأنا رجعتك من أول يوم. ولازم تعرفي إن أي خطأ في الدنيا دي مهما كان حجمه مش ممكن يقضي الحب الكبير اللي بينا. وأنا مش هسمح تقعدي هنا لوحدك. يا ستي لو على جوازنا. اعتبري إننا لسه بنتعرف على بعض من جديد. وخلي بالك يا روز أنا ممكن أعمل أي حاجة في سبيل إنك ما تضيعيش مني تاني. وخدي بالك أنا مجنون وممكن أعمل أي حاجة اللي ما تخلينيش إني أنا أخسرك تاني.

تضحك روز وتقول بحسرة:

خطأ ولا جريمة؟ أنت بتسمي اللي أنت عملته خطأ؟ لا دي جريمة يا باشمهندس.

= سميها زي ما تسميها. أي جريمة بنت خطأ.

صح. أي جريمة بنت خطأ. بس أي جريمة ممكن تتنسي. إلا قتل الروح يا باشمهندس. وأنت قتلت روحي بسكينتك.

ثم تنهار قواها وتجلس على أقرب كرسي وكان روحها بتنسحب منها. فقتل الروح أكبر من قتل الجسد. وتكمل كلامها:

قتلتني وقتلت كل حاجة جوايا. ما رعيتش أي حاجة. ولا حتى إن أنا بنت يتيمه وحيدة فقدت أهلي كلهم. وكنت أنت ليها الأهل والسند والصحبة. بس أنت خذلتني. خذ بالك يا باشمهندس. البنت اللي تبقى لوحدها وتستحمل فقدان أبوها وأمها تقاوم وتعافر وتحفر بضوافرها في الصخر عشان تعمل نفسها كيان. تقدر تنساك بجرة قلم. عشان مشاعري بقت إزاز. آه يا باشمهندس. بقت إزاز قابل للتهشيم في أي وقت. قلبي بقى بلاستيك. كل حاجة بقى بلاستيك. كل حاجة فيا بقت بلاستيك. قلبي وروحي ومشاعري. كل حاجة بقت صناعية. أنا زي ما تحديت ظروفي لوحدي. هقدر كمان أتحدى إني أنساك عادي. زي ما قلت على أبويا الله يرحمه. هقول عليك كمان الله يرحمك. ومع الوقت جرحك ليا هيهدى. أنت مش آخر حد في الدنيا.

ثم قامت واقفة ولفت ذراعها حول بعضها تحاول احتواء نفسها وقد ارتجف قلبها وقالت:

هقدر أقوم بعدها وهعافر وهعمل نفسي من جديد. زي ما عملت روز أستاذة الجينات الوراثية بعد ما كانت ولا حاجة. بنت عادية في مزرعة دكتورة بيطرية مغمورة. فلوسها أبوها حطها كلها وديعة. معهاش منهم ولا قرش. اشتغلت كل حاجة لحد ما ثبتت نفسها. مع إني أبويا كان معودني على عزة النفس. صحيح كان معانا فلوس كتير. بس كان مخليني أعتمد على نفسي. الله يرحمه. هو اللي خلاني كده قوية لنفسي. مش بفلوسي. عشان أنا اللي كنت بعملها. مش هي اللي عملتني.

لكن طز في الفلوس. أنا كنت مستعدة أتنازل عن كل حاجة وأعيش معاك. أنا اخترتك أنت ورميت كل حاجة ورا ظهري.

ثم تنهدت وأغمضت عيونها وكأنها تواسي روحها المفقودة وتقول بقهر:

بس أنت مقصرتش. كسرتني قدامهم قوي. حتى لو أنت بريء. بس أنت اتأخرت عليا قوي.

ثم تتنهد وقد رق قلبها فتقول بهدوء:

الحب اللي حبيته لك كله يا عاصي. أنا ما عدتش بحبك.

وضع يده على فمها وقال:

لا يا روز. مش أنتِ بس اللي قسيتي. أنا قسيت أكتر منك. أيوه يا روز. ما فيش ألم في الدنيا أصعب من الإحساس بالندم. إحساس مر كئيب بيخنق أي فرحة أو أمل. إحساس ملازمني ليل نهار بيفكرني قد إيه أنا كنت حقير. إحساس الذنب ده صعب جداً. كل ما افتكر لحظاتنا الحلوة مع بعض بصرخ جوايا وأقول أنا اللي ضيعتها من إيدي. بحس جوايا بصراع. بحس جوه صدري بحاجة خنقاني. كان نفسي أريح ضميري وأنسى. وأقول مرحلة وعدت. لكن ما قدرتش. ما قدرتش يا روز. حبك كان محتل كل كياني. محفور جوايا. حبك بيصرخ جوايا. أنا بحبك يا روز. كل حتة فيا بتصرخ وتقول بحبك يا روز. خيانة أعز صديق ليا كسرتني. هبة اللي كنا معتبرينها زي رنا كانت السبب في الخراب اللي إحنا فيه ده كله.

قطعت روز كلامه بصراخ:

كذاب. كذاب. أنا مش مصدقاك وعمري في حياتي ما هصدقك. اللي باعني مرة ممكن يبيعني ألف مرة. إزاي هستأمن نفسي عليك؟ إزاي؟ إزاي هنام وأنا مأمنة لك؟ تفتكر يا باشمهندس إن أنا هعرف أنام؟ هعرف أحط راسي على المخدة كده جنبك وأبقى حاسة بالأمان؟ بالعكس. أنا هبقى كل شوية صاحية خايفة الغدر يجي لي منك في أي لحظة. صدقني مش قادرة. مش قادرة أسامح. مش قادرة أنسى اللي حصل فيا. حتى لو بحبك هدوس على قلبي.

يصرخ بصوت عالي:

أنا ما بعتش. والله ما بعتك يا روز. مش ذنبي. ده ملعوب اتلعب عليا ومليش يد فيه. غيرتي عليكي عمت قلبي. ما كنتش شايف قدامي. غيرت عليكي من حبي فيكي. ما كنتش عاوز أأذيكي. ما كنتيش مقصودة. اللي حصل خارج عن إرادتي. فجأة لقيت حياتي كلها بتتهد. المزرعة هضيع. حياتي مهددة بالإفلاس. أعز صحابي عاوز يسرق ورق المناقصات عشان يحاربني في شغلي. وبنت خالتي هي اللي بتساعده. وأنتي ما تعرفيش أنا تعبت قد إيه وحاربت قد إيه عشان أوصل للمركز اللي أنا فيه ده. الضغوطات كانت أكبر من احتمالي. عارف إني غلطت لما رميت اليمين عليكي من غير ما أستفهم أو أفكر. بس غلطت وكلنا بنغلط.

ثم يجلس يحاول التقاط أنفاسه ويقول بندم:

معترف بدا. ندمان. بس أنا عمري ما كذبت في مشاعري معاكي في يوم. كل اللي عملته معاكي وانت بتسميه كدب وخداع كان بعيد عن حبي ليكي. والله كان بعيد عن حبي ليكي. أنا حبيتك وقلبي دق ليكي.

تصرخ روز بعنف وتقول:

إيه منطق جديد ده اخترعته؟ المشاعر ما بتتجزأش. حلو قوي منطقك الجديد. أعمل كل حاجة باسم الحب. أكدب باسم الحب. أضرب باسم الحب. أقتل باسم الحب. أضيع ناس باسم الحب. لا يا باشمهندس. المشاعر ما لهاش تجزئة. يا بحب يا بكره. وعمري اللي بيحب بيعرف يؤذي. لكن أنت أذيت. يبقى أنت عمرك ما حبيت.

ترفع نبرة صوته أكثر موضحاً لها:

أنا ما أذيتكيش. افهمي بقا. أنا مش بكذب عليك. والله ما بكذب عليك. أنا فعلاً حبيتك. وكل لحظة مشاعر عشتها معاكي كانت بجد. عمرها ما كانت خدعة. اتعمل علينا إحنا الاتنين مؤامرة. وكنا إحنا الاتنين ضحايا. كل غلطتي إني اتأخرت عليكي وسبتك. عشان كنت عاوز أجيب لك حقك منهم. وحصل. إحنا خلاص خلصنا من هبة خالص.

تقطع كلامة بصوت باكي:

وإيه اللي يخليني أصدقك؟ إيه اللي يخليني أرجع لك تاني وأستأمنك على نفسي بعد ما طعنتني وغدرت بيا؟ طعنتني وأنا جنبك وفي حضنك وغدرت بيا. إيه اللي يخليني أصدقك؟ بتهيأ لي صعبة. صعبة قوي يا باشمهندس إني أصدقك تاني وأرجع أؤمن.

= لحظة واحدة بس ياروز. لحظة. راجع كل تاريخك معايا. لو لقيتي نقطة واحدة بيضاء تبقى بداية أمل جديد لينا ونحاول عشانه. ندي نفسنا فرصة ثانية. يمكن بريق النور. النقطة البيضاء تكون شعاع أمل لينا وبداية جديدة لينا.

صدقني أنا دورت ودورت كتير ومن زمان مش من دلوقتي.

ما لقيتش غير سواد ضلمة، كل حاجة بقت ضلمة.

كان يستمع لها وهي تصف ما تشعر به، وهي تحاول أن تجد نقطة النور.

كانت حريصة تلتمس له أي عذر، ولكن لم تجد نقطة النور.

حاولت أن تغفر له ولم تجد سوى السواد.

أكملت بيأس:

- صدقني يا ماجد حاولت ألتمس ليك عذر وملقتش.

حاولت أغفر بجد ومعرفتش.

- لا يا روز، تبقى انت كده ظالمة وظلمتي حبنا.

- مش أحسن ما أكون مظلومة تاني؟ أكون ظالمة أحسن ما أكون مظلومة تاني يا باشمهندس.

- كرهتيني ليه؟ وانتي متأكدة أنه مش بإيدي اللي حصل.

- علشان عريت قلبي ومَسترتنيش.

كسرتني قدام أهلي.

علشان اللي بيحب عمره ما هتهون عليه.

واللي تهون عليه عُمره ما حبك.

إياك والإكتساء بمن لا يعرف معني الإحتواء فيمنحك التعري.

وإياك والاتكاء علي من لا يعني معنا السند فيهديك السقوط.

وإياك والإرتواء بمعسول الكلمات حتى لا تظمأ عندما تكتشف أنّ أقربَ الناسِ إليك كان كذبةً.

سيصعبُ عليك تصديقُ الكثير.

فلا شيءَ يؤلمُ أكثرَ من سقوط قناعٍ ظنناه يوماً وجهاً حقيقياً.

فالحياة عندما تكشفُ أقنعةَ الناس تكشفها بقسوة.

فاهي تقطر ألما.

شعورها بأن حبه لها لم يكن كاف ليحميها مما حدث.

هوانها عليه جعلها تشعر بعدم الثقة فيما يقوله.

كم من المشاعر المتناقضة، التي كانت تشعر بها، يجيش بها قلبها.

تود أن تخرجها جميعها، وتخبره كيف جعلها تهون عليه.

فعز عليها نفسها وقالت وقد أحرق الدموع عينيها:

- انهارت قواها للمرة الثانية.

فقد شعرت بقتل روحها بداخلها، وأن قلبها يتمزق وجعاً وشوقاً.

قمة التناقض في المشاعر.

فقد نصاب جميعاً بشيزوفرنيا المشاعر.

وهي أن كرامة النفس تعلو رغبات القلب.

فالقلب يريد وعزة النفس ترفض.

فاهي في صراع بين قلبها وكرامتها.

قالت وهي تحاول أن تجعل كرامتها هي من تفوز:

- وعمال تقولي بحبك.

كلمة سهلة على فكرة، وحتى حروفها سهلة.

بس مهما اتقالت ومهما سمعتها، الفعل هو اللي بيثبت الحب أو بينفيه.

والكلام مجرد وعود.

الأفعال بتثبتها وبتخليها واقع أو لا شئ.

ومع اول موقف حقيقي يا أما تلاقي نفسك مش فارق وهُنت عادي وبيتم التخلي عنك بسهولة.

وتلاقي نفسك خسرت رهانك ع الشخص دا وتكتشف انك زرعت في أرض بور.

وتحس الخذلان والتوهة المُميتة.

حاولت جاهدة استرجاع روحها بداخلها.

ففقدان الروح مميت.

رفعت عينيها لتكمل كلامها.

وجدته ينظر لها بعينين دامعتين.

يقف أمامها بقلب عاشق يترجى معشوقته.

فهو يعلم أن الحب صدق أفعال.

وأن تجد المحب باع الدنيا واشتري خاطرك بالغالي.

ووضعك في كَفه وكل الدنيا في كفهَ تانية ورجح كفِتك انَـَتَ.

وهو يعلم أيضاً أنها عاشقة له وتحاول أن تظهر عكس ما تكن له من مشاعر.

فتركها تكمل حديثها وتخرج كل ما بداخلها من ثورة حتى تهدأ.

تركها تكمل واستمع لها وهي تقول بغضب:

- عارف مشكلتك إيه يا عاصي؟

أنك عايز الناس تلتمسلك العذر وأنت مش بتعرف تعمل كده.

بس الناس مش مجبرة تستحمل تقلباتكم.

ومش معنى أن كنت بهزر وبضحك كلامك ما كانش بيوجعني.

لا انت كنت كل مرة بتحاول تعرفني مقامي.

وأن كل حاجة بقت ملكك خلاص وأيام زمان خلصت.

وأنا ضيفة عندكم وأبويا هز اللي فرضني عليك.

ما كنتش بتقدر الحالة النفسية اللي أنا فيها.

ولا كنت عايز تقتنع أن أنا كمان عندي زيك حالة نفسية.

مش أنت بس مش لوحدك اللي عديت بتجربة قاسية.

أنا اللي مريت به أصعب ألف مرة من تجربتك.

اقترب منها وقال بحب:

- ولو قلتلك نفتح صفحة جديدة وتديني فرصة تانية.

ضحكت بسخرية وقالت:

- الفرصة الثانية مخيفة جدا يا عاصي.

أكثر من الفرصة الأولى، لأنك بتكون عارف أنك بتخاطر بقلبك.

ووجع القلوب صعب.

يقترب منها عاصي ويمسك يدها بحنان ويهمس برقة محب:

- بس أنا بحبك وهفضل أحبك.

وأعمل إيه أنا قلبي مليش حكم عليه، وأنتي اقتحمتي قلبي يا أزهار.

احمر وجهها وحاولت سحب يدها منه.

فقد هزها قربه لها.

فاهي عاشقة حد النخاع.

ومظاهر القوة التي كانت تختبئ وراها بدأت تنهار.

- صحيح قلبي ماليش حكم عليه، لكن عقلي بيبني قراره على الحسابات.

وحسابات عقلي بتقول كل اللي بينا فات ومات.

في حاجات كده بتعلم فى القلب وصعب تتنسى.

زيك إنك تقول لحد "علشان خاطري" ما يعملكش خاطر.

أو إنك تهون على حد ويسيبك زعلان.

أو إنك تحط حد في مكانة عالية وتبقى فاكر أن لك نفس المكانة وتكتشف أنك ولا حاجة.

أو تقوله "وحشتني" وبقولك "طيب".

أسوأ شعور إنك يصعب عليك نفسك وتحس إنك بتهون على الناس اللي بتخاف الهوا يجرحهم.

الاختيار لو مكنش صح من الأول، هتفضل طول عمرك تدفع من حزنك عليه وعلي نفسك.

مش كل اللي تقابله هينفعك ومش كل اللي بيلمع من بره بيلمع من جوه.

وفجأة يقطع كلامهم صوت طرقات ضعيفة على باب المكتب.

تمسح روز دموعها وتفتح الباب.

يدخل محمد عليهم ويقول:

- المناقشة طولت قوي وأنا زهقت من الوقفة برا.

ممكن يلا ونكمل في أي مكان.

هزت روز رأسها وسحبت حقيبتها دون أن تأخذ بالها أنها مفتوحة.

وسقطت منها كل ما فيها بما فيهم صور الأشعة الحمل وتحاليل.

انخفض عاصي يجمع ما سقط من الحقيبة.

ولكنه ثبت مكانه من هول الصدمة.

ورفع عينيه ينظر اتجاه روز وهو غير مصدق ما رأى.

قام واقفاً وحاوط روز بيده وقال وعينيه دامعتين:

- روز.. انتي.. انتي حامل.

ثم وضع يده على بطنها بطريقة لا إرادية.

وحملها ودار بيها من فرط الفرح.

ضحك محمد على منظر عاصي وكأنه طفل صغير فرح بلعبة قُدمت له.

نظر لها عاصي بشوق وحب ويقول لها مترجياً:

- يلا يا روز علشان خاطري.

أنا نفسي نكون عائلة واحدة، كفايا عناد.

أنا بحبك قوي.

تقول له باستفزاز وهي تعلم أنها تستفزه:

- وعروستك هتعمل فيها إيه؟

- يوووه، يا روز هبه خلاص بح.

وماما كمان عرفت حقيقتها واتغيرت خالص.

أنتي هتشوفي واحدة تانية غير اللي تعرفيها.

ابتسمت روز بخجل وتقول:

- ماشي يا عاصي.

بس عندي شرط.

أنا مقدرش أسيب شغلي هنا.

أنا هكون عضو منتدب، آجي يومين في الأسبوع.

- وأنا معنديش مانع.

طلما رجلي على رجلك وهي تبقى فسحة لينا ونسرق يومين لوحدينا كل أسبوع.

تعتبرهم يومين عسل.

وبعد يومين، استعدت روز للسفر إلى المزرعة.

التي وجدتها كلها مزينة بالأنوار احتفالاً بعودتها.

قالت في نفسها وهي مبهورة بجمال الزينة والمكان:

"آه لو تعرف قلبي بيحبك قد إيه.

أنا بعشقك يا عاصي.

لو تعرف أن قلبي عمره ما دق في يوم غير عليك.

انت ملكت روحي وقلبي وملكت حياتي كلها."

ثم لمعت عينيها من وهج العشق.

فالعاشق تفضحه عيونه.

ثم رفعت عينيها باستحياء تنظر لعاصي.

الذي كان يقف متكئاً على الحائط مربعاً يديه.

وينظر لها على منظرها الطفولي، ويرى لمعة الحب في عينيها.

وقد ازداد شوقاً لها.

فهمس لها بشفتيه وقد شغف حباً لها:

- بحبك.

احمر وجهها بشدة وارتعش قلبها.

اقترب أكثر منه وشعر رعشتها.

وعلم أن العشق قد خطى طريقه لقلبها.

فاهي تعدت مرحلة الحب إلى العشق.

فطبع قبلة على جبينها.

كان يود أن يقبلها من شفتيها التي يعشقها.

واقترب بالفعل، ولكنه فاق على صوت محمد يصبح كعادته.

فقد دخل عليهم وشهق ثم قال بمرح وهو يخبيء عينيه بيده:

- لااااا.. التار ولا العار.

وإحنا صعيدة ودمنا حامي ولازم نغسل عارنا بإيدينا.

وأنا هغسل عاري وأقتلك يا عم روميو.

وفجأة وجد يد ماسكته من ياقة قميصه تؤرجحه يميناً ويساراً.

وصوت ضاحك يقول له:

- عار إيه يابني دي مراتي.

يعني أعلق دلوقتي مكان النور ده وأخليك عبرة قدام خطيبتك.

- عيب يا عاصي، بريستيجي قدام البنت.

أنت كده ضيعتني.

يضحك الجميع في حب.

ثم يغمز عاصي بعينيه لاروز.

التي تزداد حمرة الخجل لديها وتتسارع دقات قلبها شوقاً له.

دخلت روز الڤيلا وجدت والدة عاصي تقف على الباب ترحب بها وتحتضنها وتقول لها بحب:

- أهلاً بيكي في بيتك يا روز.

نورتي مكانك يا حبيبتي.

ابتسمت لها روز واحتضنتها.

جرت رنا عليها تحتضنها بقوة وترحب بها.

جري عاصي مسرعاً يقول بلهفة:

- براحة يا رنا، روز مش لوحدها دلوقتي.

ووضع يده على بطن روز.

طارت رنا من الفرحة ونظرت لمحمد في خجل.

الذي غمز له كأنه يقول لها بعينيه: عقبالك.

احمر وجهها بشدة واقتربت من روز تقول لها:

- بقولك إيه يا روز، أنا عايزة بنت ألعب معاها.

مليش دعوة بقا.

ضحك الجميع على خفة ظل رنا.

مرت الشهور سريعاً وجاء موعد الوضع.

قامت روز من النوم وهي تطلق صرخات الألم.

أفاق عاصي على صوتها وقال بنعاس:

- مالك يا قلبي فيكي إيه؟ بتصوتي ليه؟

- بولد يا عاصي، إيه شكلي مش باين؟

- هو في حد بيولد بليل كده؟

استهدي بالله وتعالي نامي والصباح رباح.

- عااااصي أنا بولد، افهم.

- طيب معلش أعمل إيه برضوا أنا.

- عااااااااا، هموتني.

مت الغيظ، خدني المستشفى.

انتبه عاصي أنها تتحدث بجد.

قام مسرعاً لا يعلم ماذا يفعل.

ظل يدخل ويخرج من الغرفة.

صرخت روز فيه:

- عاصي، أنت بتعمل إيه؟

- مش عارف، مش عارف.

- روح نادي ماما يا عاصي، هموت.

- آه ماما صح، عندك حق.

وجرى مسرعاً يوقظ أمه.

التي وجدها قد استيقظت بالفعل من صوت صرخات روز.

اقترب منها عاصي وقال:

- ماما الحقيني، روز شكلها بتولد.

أخذ عاصي روز على المستشفى.

واتجمع الكل أمام غرفة العمليات في انتظارها.

توضع طفلها وبعد ساعة من القلق خرجت الدكتورة تزف لهم خبر ولادتها.

وأنها أنجبت بنوته.

فرح الجميع بالبنوته.

وسموها "جميلة" وكأنها بشرة خير للجميع.

وبعد أسبوع، اتجمع الجميع يعدوا ويحضروا أسبوع جميلة.

والكل يعمل على قدم وساق.

روز ورنا يزينوا الحمص بالفضيات.

ووالدتهم تعد المغات ورائحته تعبئ المكان.

مما أثارت الرائعة إعجاب روز.

وجرت مسرعة على المطبخ تأخذ كوب كبير منه.

وعاصي ومحمد قاموا بتزيين الحديقة لاستقبال المهنئين بالمولود.

وكان أجمل سبوع والكل سعيد بقدوم المولودة الجديدة.

سيطر الحب على المزرعة بأكملها.

وتحولت من مزرعة الغضب لمزرعة الحب.

فأنت محب👌

وهي رائعة.

أمّا إذا كسرتَ لأجلها كلّ قواعدكفاعلم حينها أنّك عاشق👌

وهي نادرة.🎀

سيطر الحب علي المزرعة بأكملها وتحولت من مزرعة الغضب لمزرعة الحبفأنت محب👌و هي رائعة

أمّا إذا كسرتَ لأجلها كلّ قواعدكفاعلم حينها أنّك عاشق👌و هي نادرة🎀هكذا انتهت قصة العاشق و النادرة دمتم في رعاية اللهملكة القلم