رواية ليان الزعيم الفصل الرابع 4 - بقلم ايه عيد

اسر بيدخل بيلاقي ليان واقعة على الأرض وبتبكي ورجليها بتنزف دم. بيجري عليها وبينزل لمستواها. اسر بحدة وعصبية: ما الهانم لو محاولتش تهرب مكنش حصل فيها كل ده. ليان بصتله بكره وساكتة. اسر جه يشيلها. ليان بعند والدموع على وشها: لاا مش عايزة، ابعد عني... أقدر أقوم لوحدي. اسر مهتمش لكلامها وشالها حطها على السرير، وراح جاب علبة الإسعافات الأولية. وبدأ يضمد لها الجرح. ليان بتحاول تبعد رجلها من إيده.

لحد ما اسر شد رجلها لعنده وبصلها بحدة خلاها توقف. ليان مستغربة منه هو إزاي كدا. لف شاش على رجلها وانتهى، وبعدين وقف وقالها. اسر وهو حاطط إيده في جيبه: قومي غيري لبسك. ليان بعند: مش هغير. اسر مسك دراعها جامد وقال بحدة: أنا لما أقول كلمة تتسمع فوراً. ليان بخوف ودموع: ح حاضر...... بس هلبس أي حاجة. اسر بعد عنها: بكرة هيجيلك هدوم جديدة، أما دلوقتي البسي أي حاجة من عندي. ليان بصدمة: ن نعم هلبس إيه يعني.

اسر وهو متجه لغرفة الملابس بيرجع وهو ماسك تيشرت من بتوعه: البسي. ليان اتصدمت. هو آه واسع وهيبقى طويل عليها لأنها قصيرة بس رجلها هتكون باينة. اسر حط التيشرت قدامها ودخل الحمام. ليان مبقتش عارفة تعمل إيه. لو رجع ولاقاها لسة كدا هيتعصب. اسر طلع من الحمام وهو لابس تيشرت أسود وبنطلون أسود. لاقاها قاعدة على السرير ومغطية رجلها كويس. لف الناحية التانية وقعد على السرير. ليان اتصدمت: ه هو أنت هتنام هنا. اسر وهو

ماسك التليفون وضهره ليها: وحضرتك عايزاني أنام فين يعني. ليان: نام في أي حتة لكن متنامش جمبي. اسر ساب التليفون ولفلها وقرب منها وبخبث: ليه؟ خايفة. ليان بخوف واضح: ااا إيه أنا ا أخاف و أخاف ليه يعني. اسر: يمكن... وبدأ يقرب منها أكتر وهي تزحف لورا، لحد ما كانت هتقع من على السرير وهو مسكها وقربها منه. اسر: أحسنلك إنك تنامي وتسكتي عشان أنا مش رايق. ليان: خلاص هنام أنا على الكنبة.

اسر بحدة: لو عملتيها، متزعليش من اللي هيحصل. وبعد عنها. ليان خافت ونامت فعلاً مكانها. واسر نام وحاطط إيده تحت راسه. في غرفة سيا ومعاها مامتها، سيا عمالة تكسر كل حاجة على الأرض وتصرخ. سيا بجنون: بقييي يسيبني أنااا عشان الخدامة ديييي ولله لاوريها وهخليهااا تلف حوالين نفسهاااا، أنا فيه نار جوايا مش عايزة تنطفيييي..... كان لازم أكون أنا مدام اسر السيوفي بس لااااا أخدته مني الخدااامة. كريمة وهي قاعدة على الكرسي

وحاطة إيدها على راسها: اسكتي بقي خلينا نفكر هنعمل إيه، أنا مينفعش اسمح لخدامة هي اللي تكوش على كل حاجة. كذاب بيدخل في الوقت دا سامي: فيه إيه يا جماعة إيه يا سيا اسكتي شوية أحسن اسر يسمعك. سيا بعصبية: أنت إزاي تشهد على جوازهم انت اتجننت. سامي: أمال أعمل إيه يعني ما أنتي عارفة اسر. كريمة: الصويت دلوقتي مش هيعمل حاجة لازم نهدي ونفكر نخلص من البنت دي إزاي. سامي بخبث: متخافيش أنا عندي الحل. سيا بسرعة: وايه هو؟

سامي: هخليها تحبني واسر يفتكرها بتخونه فاهو بنفسه اللي هيقتلها. كريمة بشر: ولو بردوا افرض مبصتش في وشك أصلاً، فخلاص اشتغل أنت على خطتك دي وأنا هشتغل على خطة تانية خالص. في الصباح. استيقظ اسر من نومه، بص يشوف ليان لاقاها نايمة زي الأطفال وشعرها على وشها بفوضوية. قرب منها وأزاح خصلة من شعرها، وهي حست بحاجة على وشها وفتحت عينيها. واتخضت لما لقته قريب منها قامت من على السرير فوراً وهي خايفة.

اسر بص لها لما قامت بالسرعة دي وبعدين نزل أنظاره لتحت. وهي استغربت وبصت لقته بيبص على رجلها المكشوفة. رغم إن التيشرت واصل لقبل الركبة بحاجة بسيطة. نزلت إيديها وحاولت تشد التيشرت لتحت بكسوف. اسر ابتسم على منظرها وقام دخل الحمام. وهي وشها بقى أحمر من الكسوف. بعد مدة خرج اسر من الحمام ولبس بدلته وبعدين طلع لاقاها قاعدة على السرير. اسر وهو قدام المراية: قومي غيري عشان ننزل نفطر. ليان: بس أنا مهنزلش.

اسر قرب منها وقال بحزم: وأنا قلت هتنزلي. ليان بحجة: بس أنا معنديش هدوم أكيد مش هنزل كدا يعني. اسر وقف وإيده في جيبه وهو عارف إنها بتتحجج: لا متقلقيش قومي انتي خدي شاور وهتطلعي هتلاقي هدومك جاهزة. ليان: بس. اسر بمقاطعة: مش هكرر كلامي مرتين. ليان باستسلام قامت وبقت ماسكة التيشرت بإيد والإيد التانية بتتسند على الحيطة عشان رجلها لسة فيها وجع بسيط. اسر شالها وهي اتصدمت. ليان: لا لا أنا همشي نزلني.

اسر مردش عليها ودخلها الحمام وقعدها على قعدة البانيو. اسر: مش هاكلك يعني عشان تخافي كل ما قرب منك كدا. وبعدين قال بخبث: لسة في حاجات متمتش. وطلع وسابها، وهي قاعدة وشها أحمر ومكسوفة. اسر قاعد على الأنتريه وفاتح اللابتوب، والباب خبط قام وفتح ولقى الخدم واقفين وشايلين حاجات كتير. أو يدخلهم وتحديداً في أوضة الدريسنج.

بدأ الخدم يحطوا ويظبطوا في الحاجات كانت فساتين وبجامات ومكياج وأحذية وشنط ومجموعات للعناية بالبشرة وكل اللي تحتاجه أي بنت. وبعدين بيخرج الخدم، وليان بتطلع من الحمام وهي لابسة فوطة على جسمها. وبتتلفت يمين وشمال أحسن يكون موجود. بتخرج بتلاقي غرفة الملابس مليان هدوم كتير أوي ليها وكل اللي محتاجاه وأكتر.

موجود بتختار تلبس دريس طويل بحمالات عريضة لونه موف وعليه فرشات بيضاء وبتعمل شعرها ديل حصان وخصلات من شعرها نازلة على وشها. بتخرج بتلاقي اسر مستنيها على الكنبة وماسك اللابتوب. بيرفع عينه ليها ومش بيبقى قادر ينزل عينه من عليها بس بيسيطر على نفسه وبيقول وهو طالع: يلا. بتمشي وراه بكسوف وهي خايفة رد العيلة هيكون إيه. تحت في الصالة الكل متجمع على السفرة ومستنين اسر.

اسر نازل على السلم ووراه ليان ال أول ما شافت العيلة بتبصلها خافت وجريت ورا اسر ومسكت في بدلته زي الأطفال. وهو سابها وعارف إنها متوترة وخايفة. بينزلوا وبيقعد اسر على الكرسي الرئيسي بتاعه المعتاد. وبتقعد ليان في الكرسي اللي على يمينه. اسر: صباح الخير. الكل في نفس واحد: صباح النور. وبيجوا الخدم وبيحطوا الأكل. والكل بدأ وسيا باصة لليان بحقد. ليان بتاكل وهي مكسوفة أول مرة تقعد في تجمع عائلي.

الجدة سميرة: كلي يا بنتي متتكسفيش. ليان: ح حاضركريمة: أكيد مش متعودة على. قاطعها اسر بحدة: على إيه. كريمة بتوتر: ولا حاجة. أميرة قاعدة ساكتة لأنها لسة متقبلتش ليان. كريمة وهي قاعدة جمبها وبتوسوس فيها بصوت واطي: دا حتى اسر ماخدش رأيك يا ترى هيحصل إيه لما الناس تعرف إنه اتجوز خدامة منظرك هيبقى إيه قدام صحباتك. أميرة ساكتة وهي مضايقة وشايفة إن كلام كريمة صح. الكل أنهى طعامه ووقف اسر: أنا رايح الشركة.

ليان وقفت لما شافت إنه هيمشي وهيسيبها هنا. اسر لاحظ نظرات سيا اللي بتاكل ليان. قرب من ليان وشدها من وسطها وباسها في خدها. وليان واقفة متسمرة ومصدومة من اللي عمله. والكل مصدوم من اللي اسر عمله ومش مصدقين. ليان وشها أحمر زي الفراولة وساكتة. اسر بعد عنها. الجدة سميرة بضحك: آه يا شقي طب استنى أما تطلعوا فوق. ليان حاطة وشها في الأرض ومكسوفة. اسر ابتسم: مش بقدر أستحمل.

وجه في الوقت ده حازم وسلم على الجميع وبعدين مشي هو واسر. وليان لسة واقفة مكانها قامت الجدة وأخدتها على الصالة. الجدة: أنا أول مرة أشوف اسر بيتعامل مع حد كدا. تيجي ميار وبتقعد معاهم وبضحك: على فكرة أبيه اسر اتغير أوي لما أنتي جيتي. ليان قاعدة ساكتة ومكسوفة. بتيجي أميرة وبتنادي ميار بضيق: مياار مش عندك مذاكرة يلا على أوضتك. الجدة سميرة: ما سيبيها يا أميرة ما هي قاعدة مع مرات أخوها أه.

وبتتكلم كريمة: أصلها مش عايزة بنتها تتكلم مع الأشكال دي، حتى لو اسر اتجوزها ده ميخفيش إنها كانت خدامة. ليان بتزعل من كلامهم. ميار: متقوليش كدا عليها، أنتي بتتكلمي دلوقتي عشان اسر مش موجود. سيا بعصبية: أنتي بتتكلمي مع مامي إزاي، شكل البنت دي خلتك تستقوي علينا. ميار بعصبية: أنا أتكلم زي ما أنا عايزة ده بيتي مش بيتك. أميرة بعصبية: ميااار اتكلمي بأدب ويلا اطلعي على أوضتك. ميار بتكت وتطلع أوضتها وهي مضايقة.

أميرة لليان: أما أنتي بقى كنتي بتشتغلي هنا واكيد مش هنتقبلك بين يوم وليلة يعني فا الأحسن ليكي إنك متكلميش حد هنا خالص. ليان قاعدة ورأسها في الأرض وبتتبكي. الجدة بعصبية: أمييرة متتكلميش مع البنت كدا. أميرة سكتت بغضب. الجدة لليان: متزعليش يابنتي هي مكانتش تقصد. ليان بابتسامة مزيفة: لا لا أنا عازراها أصلاً، أنا مزعلتش. في الشركة.

اسر قاعد في غرفة الاجتماعات وفي الكرسي الرئيسي، وفي ناس مهمين من الصين جايين عشان يعملوا معاه صفقة وبيعرضوا عليه المشروع. واحد من الموجودين: وهكذا سنبدأ بالموضوع سيدي طبعاً بعد موافقتك. اسر بيدقق في الورق كويس ولاقي إن فيه غلطة. اسر: لست موافق. وبعدين قام وراح لمكتبه. الكل مصدوم إنه مش موافق حتى مقلهمش على السبب. اسر قاعد في المكتب ودخل حازم. حازم: الشحنة وصلت. اسر: تمام يلا. بيخرج هو وحازم وبيتجهوا لمكان.

في مكان بعيد عن أنظار الناس. اسر واقف بكل هيبته وبيجيب له أحد الرجال سلاح كبير وبيجربها. اسر: المرة اللي فاتت اتأخرتوا وأنا مش بحب التأخير. الراجل بخوف: ولله يا اسر بيه كان فيه شوية مشاكل مع الحكومة بس حلناها. اسر بص له نظرة مخيفة وطلع سيجارة: اممم حكومة قولتلي. الراجل واقف وهو بيترعش: ا اها. اسر: ويا ترى الحكومة دي كان رجب بردوا. الراجل

ركع قدامه وبقي بيعيط: ولله مليش ذنب هو اللي قال إنه هيدفعلي لو قولته ميعاد التسليم وأنا متكلمتش. اسر وهو باصص للسما: بس أنت قولته معلومة عني وخلاص. الراجل بخوف: ااا.... اسر بنظرة مرعبة: وأنا اللي يلعب بديله من ورايا ميستحقش إنه يعيش. الراجل: لاااا لا اروجوك مش هعملها تانيييي ان. ملحقش يكمل كلامه بسبب تدلك الرصاصة اللي طلعت من مسدس اسر. حازم: يلا يا رجالة لموه من هنا وهاتوا الشحنة دي ورانا. في المطبخ دخلت ليان.

ليان بابتسامة: صباح الخير. أسماء باحترام: صباح الخير يا ست هانم. ليان: أنا لسة ليان على فكرة مش لازم تقوليلي هانم دي، أنتي برضه أكبر مني وأنا اللي لازم أحترمك. أسماء بابتسامة: لا إزاي أنتي مرات الزعيم، لازم نحترمك. ليان بطفولية: يووه بقي أنا قوللتلك ناديني ليان بقي. الكل ضحك عليها وجريت عليها علياء وحضنتها: وحشتيني يابت. ليان بضحك: أيوا كدا. ليان قعدت معاهم وبقت تهزر وسطيهم.

في المساء اسر لسة ماجاش والكل تناول عشاه ما عدا ليان. اسر رجع لقي جدته في وشه: اتأخرت ليه. اسر: كان عندي شغل. الجدة: وناسي إن عندك عروسة. اسر: لا مش ناسي. الجدة: أكلت؟ اسر: لا. الجدة: على فكرة ليان هي كمان ما أكلتش ومستنياك فوق. اسر وهو طالع على السلم: وحد قالها متأكلش. الجدة: آه يا بارد، أنا هخليهم يطلعولك الأكل لفوق. اسر: تمام. فوق في أوضة اسر وليان. ليان كانت فاكرة إنه هيتأخر زي المرة اللي فاتت.

شغلت التلفزيون على أغنية وقعدت تجرب مواهبها وترقص وكانت لابسة بيجامة بحمالات بينك وبنطلون بينك وكانت شكلها مثير. اسر دخل الأوضة وهي ملاحظتش وهو اتصدم من شكلها وبقي واقف وساند على الحيطة وبيبتسم بخبث. وليان منسجمة خالص وجت تلف شافته واتخضت وصرخت. ليان: ااااا..... أن أنت بتعمل إيه هنا، ق قصدي ج جيت إمتا. اسر قرب منها وهي بترجع لورا لحد ما وقعت على الكرسي. وهو حاصرها، وابتسم بخبث وهو بيفك زراير قميصه.

اسر: شكلها ليلتنا النهارة هتبقى حلوة. ليان وشها احمر والدموع اتجمعت في عينيها: ا أنا ا اانت. اسر بصوته الرجولي الهاديء: أنا إيه. ليان فلّتت منه وجريت على الحمام وهي بتجري قالت ليان: أنتتت سافل. و بتطلع لسانها ليه وبتقفل على نفسها الباب. اسر اتنهد وقعد على الكرسي وابتسم: طفلة. بس قدرت توقع الزعيم. خبطت الخادمة وطلعت بالأكل وهو قام فتح لها.

الخادمة: اسر بيه الست سميرة بتقول لحضرتك إن بكرة هيبقى في حفلة بمناسبة جوازك من الست ليان. اسر: تمام. ومشت الخادمة وهو اتجه ناحية الحمام وخبط على الباب.