رواية لم يكن عالمي الفصل السابع والثلاثون 37 - بقلم شيماء شاكر

مالك خد همس في حضنه وفك التي شيرت. ومن غير تردد مسك السيخ بأيده لدرجة إن الدم بقى ينزل من إيده وحط السيخ على جرح همس. همس اتفزعت بصريخ: اااااااااااااااااااااااااااااااه مالك مسك همس جامد ودموعه نزلت. وبيقسم في نفسه إنهم هيتعذبوا على إيده. همس عيطت جامد بألم وبصت لمالك بتوهان: اااااااه مالك خد همس في حضنه وعيونه لمعت بدموع: أعتذر لك، سامحيني. همس غمضت عيونها ودموعها نزلت.

مالك ربط جرحها تاني ونيمها على السرير اللي من القش. بص على جرح إيده. الدم بينزف جامد من إيده ومحروقة أوي. مالك قطع حتة من التي شيرت بتاعه وربط إيده بإهمال. راح لهمس وقعد جنبها على الأرض وبقى يملس على خدها بسرحان. مستغرب جداً. همس من البشر وكانت ما بين إيده وبتنزف بغزارة، ولاكن هو ما أذاهاش. دمها كان ما بين إيده، مكنش فاكر أساساً إنه مصاص دماء قدام جرحها. مالك بسرحان: كيف لي أن أنسى غريزتي؟ لم تكن عائقاً لدي.

لم أشعر أنني من مصاصي الدماء. لم أفكر حتى. كانت تنزف بين يدي، ولاكن قمت بمعالجتها. هل أصبحت غارقاً في العشق بها حتى نسيت أنني من مصاصي الدماء؟ مالك بص لهمس وبقى يملس على خدها. ولكن حس بارتفاع درجة حرارتها. مالك اتعدل بقلق وحط إيده على جبين همس. أتأكد أكتر إن درجة حرارتها بترتفع. مالك بقى يلف حوالين نفسه في الكوخ: أريد ماء. مالك بسرعة خد الحلة اللي كان لقيها في الكوخ وراح ملاها من البحر وفي لحظة كان قدام همس.

مالك قعد على ركبته جنبها وقلعلها طرحتها وعمل من طرحتها كمادات. فاطمة راحة جاية بقلق: هما ليه أتأخروا كده؟ فاطمة قعدت بقلق وبتفتكر. (باك) فاطمة قاعدة في الكافيه مستنية همس. بصت في ساعتها بضيق. وبتفكر إن همس اتأخرت شوية. فاطمة قامت ولسه هتمشي. لقت خالد في وشها. فاطمة باستغراب: خالد! إيه اللي جابك هنا؟ خالد ابتسم: أنا جاي آخد همس. هنروح مشوار وهحاول أصارحها بمشاعري. فاطمة بقلق: خالد، همس قالت إنها شايفاك زي أخوها.

خالد بابتسامة خفيفة: أكيد كانت مكسوفة ولا حاجة. على العموم هي في العربية بره. هنروح أي مكان هادي أعرف أتكلم فيه. وبعدها هنروح. فاطمة بابتسامة: اللي فيه الخير ربنا يقدمهولك. همس بنت طيبة خالص. خالد هز راسه: طيب. يلا على البيت على طول. سلام. فاطمة ابتسمت: سلام. (فلاش باك) فاطمة بقلق طلعت تلفونها ورنت على همس. بس تلفونها مقفول. رنت على خالد. ولكن مبيردش. فاطمة بقلق: أسترها يا رب.

خالد راح طلع شهادة وفاة مزورة لمالك الحديدي بتاريخ قديم. وسجل عند الحكومة جوازه من همس. وكمان سجل تنازل همس عن ثروة الحديدي. ونقل كل الثروة باسم خالد الشافعي. القمر بيحاول ينور ضلمة الليل. همس فتحت عيونها واحدة واحدة بهدوء. لقت نفسها في كوخ. بصت حواليها باستغراب ولسه بتتعدل حست بألم جامد في كتفها: اااه. همس حطت إيديها على كتفها بألم وقعدت بصعوبة. بصت تاني حواليها باستفهام. همس بحيرة ممزوجة بألم: أنا... أنا فين؟

مالك دخل من باب الكوخ بابتسامة وهو شايل فاكهة في إيده: أعتقد أنكم تأكلون هذه الثمار. همس بصت لمالك بصدمة. كانت مفكرة وجود مالك خيال. أو عقلها اللي صور لها ده كهرب من الواقع. همس دموعها نزلت وهي باصة لمالك. لسه بتقوم. مالك في لحظة كان عندها ونيمها تاني على السرير بهدوء: يجب أن تهدئي. ستكونين بخير. لا تقلقي. أنت تحتاجين للراحة والطعام والنوم. همس بصت لمالك ودموعها بتنزل: أنا... أنا... مالك حط صباعه

على شفايفها بابتسامة: هششش.. أهدئي. ستكونين بخير. مالك قعد همس براحة جداً وبيأكلها بهدوء. همس بصت لمالك ودموعها بتنزل وبتاكل من إيده. هي عارفة إنه فاقد الذاكرة. وعارفة إنها لو اتكلمت مش هيفهمها. الموضوع صعب جداً عليها. حتى هي متعرفش هو وصلها إزاي. إزاي أنقذها من الغرق. ولاكن حتى لو سألت هو مش هيفهمها. ولو قال هو أنقذها إزاي، هي مش هتفهمه. مالك أكلها ونيمها تاني. ولسه هيتحرك. همس مسكت إيد مالك ودموعها نزلت: مالك...

متسبنيش. مالك بص لهمس شوية وبعدها قعد جنبها وبقى يملس على شعرها بعشق: يجب أن تنامي. أسترخي. همس فضلت باصة لمالك لغاية ما عيونها راحوا في النوم. الشمس نورت دنيا أبطالنا. خالد وقف بعربيته قدام شركة الحديدي. نزل من العربية بتكبر وطلع الشركة بكل غرور. نور قاعدة على مكتبها وبتتكلم في التليفون: أكيد يا فندم. حاضر. أيوه المسؤول عن الشركة مستر وائل. تمام يا فندم الساعة ٧. مع السلامة. نور قفلت لقت واحد دخل مكتب مالك.

نور بسرعة دخلت المكتب وراه بانفعال: إيه الاستعباط ده؟ مين حضرتك؟ وإزاي تدخل مكتب مستر مالك من غير استئذان؟ خالد بص لها ببرود. وبعدها قعد على كرسي المكتب. وحط رجل على التانية: همم. اتفضلي شوفي شغلك. نور بانفعال: انت مجنون يا جدع انت! اتفضل وإلا هطلبلك الأمن. خالد بص لها من فوق لتحت ببرود: كلمة كمان وهطردك من شغلك. نور بصت له شوية. قلقها جداً ثقته بنفسه. نور بعلو صوتها: يا وائل.. وائل.. وائل

دخل مكتب مالك باستغراب: فيه إيه؟ نور شورت على خالد: معرفش. وائل بجدية: مين حضرتك؟ خالد بابتسامة: خالد الشافعي. صاحب الشركة دي. وائل اترسم على ملامحه الصدمة. نور بغيظ: انت مجنون؟ صاحب إيه! خالد دس على سنانه بضيق: صدقيني كلمة كمان.. وهوريكي مقامك كويس أوي. نور لسه هترد بغيظ. وائل قاطعها بهدوء: تقصد إيه بصاحب الشركة؟ مالك الحديدي صاحب الشركة دي. خالد بابتسامة: مالك الحديدي مختفي من سنتين. وائل بجدية: بس أنا موجود.

أنا مدير أعمال مالك الحديدي. والنائب عنه في كل حاجة تخص الشركة. مستر مالك موجود أو لأ، شغله ماشي لغاية ما يظهر. خالد بسخرية: انت روحك طويلة أوي؟ خالد كمل بابتسامة برود: تمام. مالك مات من سنة تقريباً. نور شهقت بصدمة وحطت إيديها على بقها. وائل بص لخالد شوية وقال بهدوء: والمفروض أي حد يقول كده نصدق؟ خالد ابتسم: يعجبني إصرارك. خالد طلع شهادة وفاة لمالك من شنطته. وحطها على المكتب. نور بسرعة خدت الورقة وبتقرأ فيها.

بعدها بصت لوائل بصدمة. وائل خد الورقة وبص فيها. وبعدها بص لخالد بصدمة: معقول مستر مالك.. مات؟ خالد ابتسم بجانبه: بالظبط. وائل فضل باصص على شهادة الوفاة شوية. مش قادر يستوعب إن مالك مات. فضل محافظ على شغل مالك في أمل إنه يظهر. ولما ظهر، ظهرت شهادة وفاته. وائل بتوهان: طيب ومدام همس؟ خالد ضحك بسخرية: قصدك مراتي. نور بصت لخالد بغيظ: مرات مستر مالك. خالد بابتسامة شر: آه ماهي بعد وفاة مالك أنا اتجوزتها.

ومن حبها فيا اتنزلت عن كل أملاكها ليا. وبقيت أنا صاحب الشركة. وائل فهم قصد خالد لأنه الوحيد اللي عارف بحكاية نقل ثروة مالك بعد وفاته لهمس. خالد طلع كل الأوراق وفردها على المكتب. وبص لوائل بابتسامة جانبية: خد وقتك واقرأهم على مهلك. خالد بص لنور باستفزاز: اعمليلي قهوة سادة. نور بصت لوائل بصدمة: يعني إيه الكلام ده؟ مستر مالك مات؟ وهمس اتجوزت ده؟ طيب إزاي بردو الأملاك اتنقلت لده؟ وائل

خد الأوراق من على المكتب: لازم أتأكد من صحة الأوراق دي. خالد بابتسامة جانبية: خد وقتك. همس فتحت عيونها بنعاس ممزوج بألم في كتفها. أعدت بألم على السرير وبصت حوليها. بس مالك مش موجود. قامت بهدوء ومسكت كتفها بألم وبقت تمشي بخطوات بطيئة متجهة لباب الكوخ. همس خرجت من الكوخ وبصت حوليها. لقت حوليها أشجار وبس. همس نادت بقلق: مالك.. ماالك..

مالك واقف على شاطئ البحر وحاطت أيده على بطنه بألم. بقاله يومين مأكلش. وجعان جدًا. فاجئه سمع صوت همس. مالك في ثواني راح لهمس ووقف قدمها. همس بصت لمالك بعيون لمعه بدموع. قربت منه وحطت أديها على خدوده. ودموعها نزلت: مالك.. مالك مسح دموعها بأبتسامه صغيرة: لما البكاء. هل انت بخير الآن.. همس حضنت مالك بعياط: وحشتني قوي. وحشتني قوي يا مالك. مش قادرة أستوعب اللي حصل. أنا خايفة أكون بحلم. أرجوك أوعي تكون حلم.

مالك مستغرب أفعال همس. هو مش فاهم كلامها. طبطب عليها بهدوء: لما تبكين. هل تتألمي؟ همس عياطها زاد وبقت تعيط في حضن مالك بصوتها كله. مالك حضن همس براحة وبقا يطبطب عليها وهو مش فاهم. بعد عنها بهدوء وشالها ودخل الكوخ. وأعدها على السرير. وأعد على ركبته قدامها. ومسح دموعها بأبتسامة خفيفة. وبصلها في عيونها: لما تبكين؟ همس دموعها نزلت حطت أيديها على خدود مالك ورجعت شعره لورا وأبتسامة

خفيفة ظهرت على شفايفها: بحاول أتأكد أنك واقع. مش مصدقة أنك قدامي. يلا يا مالك افتكرني. أنا همس. أنا مرات.. همس سكتت مرة واحدة ودموعها نزلت جامد. افتكرت أمضتها على قسيمة الجواز. همس بتوهان: أيوا بس أنا مضيت غصب عني. هو أجبرني. أكيد جوازي من خالد باطل. آه أكيد باطل. همس حطت أيديها على وشها بعياط: مش عارفة. مش عارفة إذا كان باطل أو لأ. مالك شال أيديها

من على وشها وحضنها براحة: أرجوكي لا تبكي. أنا لا أدرك حديثك. لا أفهم ما تقولين. أرجوكي أهدي. همس حضنت مالك وبتردد في نفسها: أكيد جوازي من خالد باطل. أكيد. مالك بعد عن همس وفضل يبصلها شوية بهدوء. قرب من خدها براحة وطبع بوسة عليه برقة. ولاكن القرب ده كان كفيل إنه يشم ريحة دمها قوية جدًا. مالك بلع ريقه وبص لهمس. همس بصتله وقلبها بيدق من قربه ودموعها بتنزل.

مالك هز راسه لأ ومسح دموعها بهدوء. وقرب منها تاني. وطبع بوسة على الخد التاني. ونزل على رقبتها وطبع كام بوسة عليه. مالك شامم ريحة دمها جامد جداً. وهو جعان قوي. قرب منها أكتر وحضنها وشفايفه على رقبتها. مالك داس على سنانه جامد وأنيابه ظهرت. وفتح عيونه وكانت متحولة للأسود. همس فتحت عيونها مرة واحدة لما حست بأنياب مالك.

همس حضنت مالك أكتر: أنا واثقة فيك حتى وانت فاقد الذاكرة. واثقة فيك حتى وانت في الحالة دي. اتغلب على نفسك يا مالك. افتكر واعرف أنك مش ده. ديمًا كنت بتقولي.. مش عالمي يا همس. يلا يا مالك اثبت لنفسك واثبتلي أنه فعلاً مش عالمك. مالك نفسه داخل خارج بعنف ونيابه باينة. غمض عيونه وقرب أنيابه جامد من رقبة همس. همس حسّت بأنياب مالك. وخلاص هيغرزها في رقبتها. دموعها نزلت ومسكت في مالك جامد وقلبها دق بخوف: لأ يا مالك. لأ.

مالك داس على سنانه جامد بألم في بطنه. وفاجئة بعد عنها. همس فتحت عيونها مرة واحدة. ملقتش مالك حوليها. حطت أيديها على رقبتها لقت دم. كان خلاص. فضله ثانية ويغرزها في رقبتها. بس قدر يتحكم في نفسه. همس قامت وخرجت بره الكوخ. لقت مالك قاعد جنب الشجرة وحاطط إيده على بطنه بألم. همس قربت منه وقعدت جنبه وحطت إيديها على كتفه. مالك بصّلها: اذهبي بعيدًا. أنا خطر بالنسبة لكي. همس ابتسمت: جعان.

همس قامت جابت فاكهة من اللي مالك جابها وراحت قعدت جنبه وبتناوله واحدة: جرب دي طعمها حلو. مالك بص على الثمرة اللي في إيديها: أنا أتغذى على دمائكم. والقدر جعلني أقع في عشق بشرية. هذا ما يسمى بسخرية القدر. همس بأبتسامة: صدقني انت بتحب جوز الهند جدا. يلا دوق. مالك بص على الثمرة اللي في إيديها بتردد: على ما أعتقد. لن يضر التجربة. مالك خد منها حبة جوز الهند. وبيحاول ياكلها.

همس ضحكت جامد بصوتها كله. وحطت أيديها على كتفها بألم من كتر ضحكها. مالك بصّلها بأبتسامة قمر زيه: لقد وقعت في حب تلك الضحكة. همس هديت وبتحاول متضحكش تاني: يا مالك مش كده. لازم تكسرها الأول. أحنا بناكل اللي في قلبها. مالك بصّلها بعدم فهم: ماذا؟! ماذا تقولين أيتها الثرثارة. همس ضحكت وخدت منه الحبة وضربتها في الأرض كام مرة لحد ما اتكسرت نصين. همس بصت لمالك ونولته نصها: خد. مالك خد نص حبة جوز الهند وبص لهمس بأستفهام.

همس مسكتها وبقت تشرب الماية بتاعتها وبتاكل قلبها. مالك بص على النص اللي في إيده بتردد. قرب الحبة من شفايفه بأرف وخد أول رشفة منها بأرف. بعدها أبتسم: لا بأس بها. وبدأ يشرب بأبتسامة. همس بصتله بأبتسامة: أنا قوللتلك أنك بتحبها. مالك بقا ياكل قلبها بجوع لحد ما خلصها وبص لهمس. همس ضحكت بحب: أي؟! عايز تاني.

مالك قام وبسرعته كلها بقا يتسلق الأشجار يجيب من عليها الفاكهة. وفي لحظات وقف قدام همس. وهو معاه جوز الهند ومانجا. وبلح. همس ضحكت بصدمة: هناكل ده كله. مالك أعد همس وأعد جنبها. وبقا يكسر جوز الهند. يديها نصها وياخد النص التاني وياكل منها بجوع. وهمس بتاكل وبتضحك بحب. وائل أتأكد من الأوراق اللي مع خالد. كل حاجة صح. حتى بصمات همس وأمضتها حقيقة.

وائل بص لنور بصدمة: الأوراق كلها صح. هو فعلًا دلوقتي صاحب أملاك مالك الحديدي. خلاص بقت أملاك خالد الشافعي. نور حطت أيديها على بؤها بصدمة: يعني إيه. فعلًا مستر مالك مات. لأ أنا حاسة أنه لسه عايش. نور بصت لوائل بقلق: هنعمل إيه يا وائل. هنتصرف إزاي.

وائل بخنقة: معرفش معرفش. مستر مالك قبل ما يختفي بأسبوعين وصاني جدًا على شغله. وخلاني نائب عنه في جميع شغله. يعني هو مش موجود. يبقى أنا المسؤول عن كل حاجة. طول السنتين وأنا واخد بالي من شغله على أمل إنه يظهر تاني. مش عارف أعمل إيه. وائل بص لنور: هتقفي جنبي. نور: أكيد يا وائل. أنا معاك في أي حاجة. قول وأنا هنفذ.

وائل هز راسه: أهم حاجة نتأكد أن مستر مالك عايش. ولغاية الوقت ده ننفذ كل كلام خالد. ونحسسه أنه فعلًا صاحب الشركة. خلاص. نور هزت راسها: أكيد خلاص. خالد قاعد على مكتب مالك بأبتسامة واسعة. وبيلف بالكرسي وهو مغمض عيونه ومرجع راسه لورا: أخيرًا بقت كل الثروة دي ليا. خالد أتعدل مرة واحدة بضيق: بس ياسين معكر مزاجي بطلبه ده. (باك) خالد ضرب نار على همس ووقعت في البحر. خالد وياسين ضربوا كف على كف بضحك: أخيرًا عملناها.

ياسين قاعد بأبتسامة: مبروك. خالد قاعد جنبه وبيس في الأوراق بأبتسامة واسعة وبعدها بص لياسين: مبروك لينا احنا الاتنين. ياسين هز راسه لأ: توء توء. لغاية دلوقتي مبروك ليك لوحدك. أنا لسه. خالد بستغراب: مش انت عايز تنتقم من مالك. ياسين بأبتسامة: أكيد. خالد بستغراب: طيب أنا وانت خسرناه ثروته. وقتل*نا مراته. متهيألي مفيش أكبر من كده انتقام. ياسين هز راسه لأ: لأ مش ده الانتقام اللي كنت عايز أوصله. أنا عايز حاجة تانية خالص.

خالد بصّله بستغراب. ياسين كمل: مش انت قولت عشرته كلها في الغابة دي. خالد هز راسه بأستفهام. ياسين بأبتسامة شر: انتقامي منه هيكمل لما أدمر الغابة. خالد بصّله بصدمة: انت مجنون. لأ حقيقي انت مجنون. أي حد بيدخل الغابة مبيخرجش منها. متبصش إن أنا وهمس خرجنا منها وكده. ده عشان مالك بيحب همس. لولا مالك. كنت أنا ميت دلوقتي. ياسين بص لخالد بغضب وخد

المسدس وحطها على راس خالد: بقولك إيه. أنا زي ما ساعدتك تاخد كل حاجة من مالك. أنا بنفسي هاخد كل حياتك. بالبلدي كده. حياتك قصاد تدمير الغابة دي. أنا عايز كل عشرته تموت. خالد بخوف: أكيد أكيد متقلقش. اللي انت عايزه هيحصل. (فلاش باك) خالد بغيظ: لازم أفكر إزاي أدمر الغابة دي.