تحميل رواية «خادمة قلبي» PDF

مالك: فاكرة يوم ولادتك يا لوكا؟

ملك هزت راسها وقالت: وهو دا يوم يتنسي؟ وضحكت وقالت:

من أوله وهو باين.

مالك ابتسم للذكرى وقال: بس جاتلي فيه أجمل هدية في العالم.

فلاش باك.

العيلة كلها قاعدة تفطر، وملك بتاكل بشغف كأن الأكل هيطير من قدامها.

مالك: براحة يا ملك، في إيه؟ مش كدا؟ هو الأكل هيطير من قدامك؟

ملك: هششش، اسكت أنت دلوقتي، أنا حاسة إن في حاجة مش طبيعية.

مالك بحذر: أوعي تكوني...

ملك بصت له وما خلتوش يكمل كلامه وقالت:

شكلي كدا، والله أعلم يا مالك، بولد.

كلهم بصوا عليها، وملك بصت تحت رجليها لقت ماية الجنين نزلت.

ملك بصت لمالك تاني وصرخت بصوت عالي وقالت:

الحقونااااااي بولد بولد يا مالك بولد!

الحقيني يا منال!

منه قامت تجري عليها، ملحقتهاش، كانت ملك وقفت وطلعت تجري وهي بتصرخ:

بولد يا مالك بولد!

حازم: ما تهدي بقي يا ستي، هو مفيش حد ولد غيرك؟

ملك: اسكت أنت يا كريم شانتيه دلوقتي.

وبصت لمالك وقالت:

الحق يا مالك بنتك بدأت تضرب.

مالك واقف متلخبط ومش عارف يعمل إيه، ومتوتر من حركيتها.

منال: ما تشلها على المستشفى يا مالك، سايبها كدا لية؟ أخلص يا ابني بدل ما تخلص علينا.

ملك: لا لحظة، يعني إيه أخلص عليكم؟

سكتت ثانية وقعدت على الأرض بركبها، وحطت إيد على بطنها والتانية على ظهرها وبقت تصرخ.

ملك: الحقني يا مالك القرن طش، الحقني هولد دلوقتي!

مالك شافها كدا، فوق نفسه وشالها وجري بيها على العربية، والباقي وراه.

ملك طول الطريق بتضرب وبتعض في مالك وهي بتقول:

منك لله، أنت السبب، أنت السبب.

مالك: اهدي يا ملك يا حبيبتي، اهدي، خدي نفس واكتميه.

ملك بصراخ: وانت إيش عرفك انت بالحاجات دي؟ آه يا خويا، هتلاقيك متجوز عليا ومراتك كانت حامل...

قول عندك كام عيل منها قول متخبيش

مالك: يا شيخة بقي اتقي الله و ركزي في اللي انتي فيه

ملك: بس أما أولد يا ملك هعرف شغلي معاك

ملك: بس أولد بس أنا معنتش قادره استحمل الوجع

مالك بصلها لقاها بتتالم جامد باس على اديها و قال:

مالك: معلش يا حبيبتي استحملي شوية و هنوصل

ملك بقت تعيط شوية و تصوت شوية لحد ما وصلوا المستشفى

مالك شالها و جري بيها على جوه

الدكتوره قابلته و كشفت عليها و قالت: يلهوي دي هتولد حالا

ملك: منك لله يا ملك منك لله أشوفك تقولي خلفة تاني و أنا هطلع بروحك

ملك صرخت مره واحده فزعت مالك و قالت:

ملك: ااااه انت السبب انت السبب في اللي أنا فيه دلوقتي

مالك: السبب في اية يا بنت كوم الشكاير كنت اغتصبتك وإلا شقطك دا انتي مراتي يا بت

وليد سقف ليه و قال:

وليد: برافوا ياض اديها على دماغها خليها تسكت شوية

ملك: مش إنت اللي قولت عاوز اخلف منك يا منك عاوز دسته عيال منك يا ملك يا أخي أبوك على أبو ملك

مالك بنفاذ صبر: اولدي بهدوء يا ملك و متفرجيش علينا الناس خلينا نخلص

ملك صرخت و قالت: انت قصدك اني بتاعت مشاكل قولها خليني اغضب و أروح في اوضه أمي

منال كانت بتزقزق ليب أول ما سمعت هروح اوضة أمي منال قامت مرة واحدة و قالت:

منال: ابدا والله ما تيجي اوضتي البنت ملهاش غير اوضة جوزها استهدي بالله كدا يا حبيبي

ملك: كلكوا هتشلوني أقسم بالله عيلة بنت كلب و صرخت صرخة نزلت على أثرها ملوك

الدكتوره: الحمد لله مكناش هنلحق ندخلها العمليات

الممرضه أخدت ملك على العمليات علشان التنضيف و منال أخدت ملوك بعد ما نضفوها من التمريض لبستها

حازم: هاتوها أنا عاوز اشيلها

منال: مالك يشيلها الأول و يأذن ليها

مالك شال ملوك بدموع و أذن في ودن و الودن التانية قال الإقامة و بصلها و قال:

مالك: نوتي بيت أبوكي يا ملوك اكبري بسرعة عشان عندنا حاجات كتير عاوزين نعملها مع بعض

منه جت تاخدها منه حازم اخدها و قال:

حازم: ابدا دي بتاعتي و محدش هياخدها غيري

و شالها و بقي يلعب معاها

مالك راح لـ ملك لقاها خارجة و مدخلينها اوضة عدية

ملك بخطرفة: اتجوزت عليا و خلفت يا مالك بس أما أولد هطلع عليك الجديد و القديم

مالك بصلها بصدمة و قال:

مالك: يخربيتك إنتي لسه فيكي نفس تتكلمي نامي يختي نامي نامت عليكي حيطة

ملك فعلا نامت من التعب و هي بتسأل عن البنت مرحتش في النوم غير لما مالك ميل عليها و همس ليها:

مالك: ملوك مع حازم يا ملك نامي انتي و ارتاحي يا قلبي

ملك: رحت فين يا حبيبي

مالك: رحت لحد ما شرفت ملوك على الدنيا

ملك دخلت في حضنه و حطت ايديها على بطنها و قالت:

ملك: عبال ما يشرف البيبي التاني يا قلبي

مالك: ملاك إن شاء الله

ملك: بس انا عاوزة ولد

مالك: كل اللي يجيبه ربنا كويس سواء ولد أو بنت هسمي ملاك الإسم على الاتنين

ملك بصتله بحب و قالت بهمس:

ملك: بحبك يا ملوكي

مالك بلوية بوز: قولت بلاش ملوكي اللي محسساني إني كرملة قدامك دي

ملك ضحكت بصوت عالي خلت الكل يبصلهم و لما لقوا مالك مضايق

حازم: أكيد قالتلك ملوكي هو الوش دا مبيظهر غير مع الكلمة دي

ملوك: حازم أنا بس اللي ملوكي يا حازم

حازم شالها و قال: انتي ملوكي انا لوحي و قعد يبوس فيها

كانت ماشية الصبح يتدور على شغل فجأة لقت اللي بيمسك ايديها لفت لية و قالت:

رهف: يا فتاح يا عليم نزل إيدك يا ابن اعتماد بدل ما تتكسر انت مش بنزهق يلا

رهف: و لو منزلتهاش يا هتعملي اية يا رهف

رهف: هعمل كتير يا ابن اعتماد فـ بالحسني كدا ابعد عني احسنلك و اتقي شري

رهف: مش هبعد يا رهف قولتلك عاوزك بالحلال و انتي اللي سايقه التقل عليا

رهف: و مش هبقي ليك يا إبن اعتماد اية هو بالعافية

رهف: مش هتبقي لحد غير ليا يا رهف و كمل بصوت عالي

رهف: من النهارده رهف تخصني انا و بتاعتي يعني هتبقي مراتي مرات طاهر انتوا فاهمين

رهف: دا أنت لما تشوف حلمت ودنك يا ابن اعتماد و اوعي من قدامي بقي عشان أنا جبت أخري منك

شدت ايديها منه و لفت من ظهره ضر.بته في ركبته من ورا نزل راكع عليها فـ ضربته على ظهر.ه نزل بوشة في براث المواشي

رهف بصوت عالي: بالهنا والشفا يا إبن اعتماد و ابقي فكر بعد كدا ميت مرة قبل ما تتعرض ليا تاني

رهف مشيت و هي بتنعل اليوم اللي شافت فيه طاهر و قالت:

رهف: ابو شكلك يا أخي في الأرض عكرت مزاجي كنت راحة ادور على شغل استرزق منه طب و ربنا ما أنا راحة و لفت رجعت على بيتها تاني

منه روحت البيت هي و مالك الصغير

وليد: نورت بيتك يا لوكا انت منوش ادخلي برجلك اليمين يا شبه

منه: هو انا لسة داخلة البيت أول مره عروسة يا وليد ما تاخد بالك على كلامك إسمها حمد الله على السلامه عبال المرة الجاية

وليد بصلها بغيظ و رفع نص شفته العلوية و قال:

وليد: صدقي بالله أنا غلطان روحي اتخدمي نامي نامت عليكي عيطة يا بعيدة

منه: انت بتدعي عليا و أنا لسة والدة طبعا ما ليك حق عاوزني امو.ت عشان تتجوز واحدة غيري لكن دا بعدك يا وليد اديني قعدالك

حازم بص لـ ملوك اللي بتنام على نفسها و قال:

حازم: ملوكي تيجي تنامي معايا فوق

ملوك رفعت اديها له من غير كلام و حازم شالها

ملوك مجرد ما حازم شالها حطت رأسها علي كتفه و نامت بعمق حازم ابتسم عليها و باس على رأسها و خدها و طلع فوق

منه: انت يا وليد خدني على الاوضة عاوزة استريح أنا لسة تعبانة مش قادره أقوم

وليد شالها و هو بيقول:

وليد: بس كدا يا أميرة قلبي انت تؤمر يا بشا و أنا واجب عليا التنفيذ و خدها و دخل الاوضة

منال كانت دخلت نامت أول ما جم

مالك بص لـ ملك و قال:

مالك: يعني أنا و إنتي اللي لبسنا في مالك الصغير

ملك: لا و حيات أبوكم انا كنت مستحملة ملوك و زنها بالعافية هات الواد

ملك أخدت مالك الصغير و راحت خبطت جامد على اوضة وليد

وليد فتح الباب و قال: اية في اية خبطي بالراحة في حاجة إسمها اتيكيت

ملك بصتله بقرف و قالت:

ملك: سبتهولك الاتيكيت دا يخويا خد إبنك دا مش عاوزة المحة عندي في الاوضة و سابته و مشيت

وليد بص لـ مالك و قال بغيظ:

وليد: عاجبك اللي هي بتعمله دا يا مالك

مالك هز كتفه بقلة حيلة و قال:

مالك: معلش تعال على نفسك هرمونات حمل و سابه و مشي ورا ملك

وليد بعياط مصطنع: دا اية العيلة اللي محدش فيهم راضي يتحمل مسؤولية ابني فيها دي و بص لـ مالك و قاله:

وليد: أنت اية يا ابني عاملهم عمل محدش فيهم راضي يستلفك من أول يوم تعال يخويا نام جمب أمك شكلي انا اللي هنام على الكنبة و اخده و دخل الاوضة لـ منه لقاها في سابع نومة حط مالك في سرير صغير جمبهم و غير هدومة و نام جنبها مجرد ما عينه غفلت مالك عيط فـ وليد قام جري عليه شاله و سكته و نيمه جمبهم و هو بيقول: بدأنا مشوار الزن يا مالك

نص ساعة و مالك عيط تاني راح وليد شايلة و نايم على ظهره و منيمه عليه و هو بيقول:

وليد: يا رب تسكت بقي عاوز اتخد ساعتين أريح فيهم جسمي

مالك: يصح برضوا اللي عملتية دا يا ملك ينفع تديله الواد كدا

ملك: بقولك ايه يا كرملة انا أعمل اللي انا عاوزاه و بعدين أخوك معندش دم مش عاوز يتعب في تربية الواد انا بس بساعدة

مالك: تقومي تقوليله أشوف إبنك في اوضتي

ملك: كبر دماغك يا مالك دا وليد و بعدين أنا عاوزه أنام و اقضي وقت معاك بقالي كتير مش قعدت معاك

مالك حاوطها بدراعة و قال: أيوة يعني بتسربي الواد عشان تستفردي بيا

ملك بصتلة و شنجت و قالت: استفرد بيك اه يخويا أنا كنت بس عاوزة أعرف مين العرسة اللي كانت بتتكلم جنبك في التليفون

مالك بعد عنها و قال:

مالك: يخربيت رومانسيتك يا ملك و بعدين خدي هنا انتي مش بنتسي أي حاجة كدا

ملك بسخرية: شوف يا حبيبي أنا ممكن أنسي اي حاجه انسي اسمي شخصيا الا أني انسي واحدة سلعوة كانت بتتكلم جنبك و أنا قفشتك

مالك: اية قفشتك دي كنت قفشاني معاها في شقة مفروشة

ملك: توه في الموضوع توه أنا مش هتكلم دلوقتي عشان عاوزة أنام و اعمل حسابك هاجي معاك الشركة بكرة مش هتختار سكرتيره لـ حازم أنا اللي هاجي أختار و سابته و نامت بهدوم الخروج

مالك: طب قومي غيري هدوك طب

ملك: لا عشان ابقي جاهزة أول ما اصحي نمشي علطول و بطل رغي بقي انت بقيت لكاك كدا من أمتي

ملك ضرب كف على كف و قال:

مالك: لكاك مهو الاي يعيش معاكم في بيت واحد لازم يبقي لكاك يا روحي و غير هدومة لهدوم مريحة و نام جنبها بهدوء

رهف كانت بتاكل سندوتش ملفوف في جرنان و لفت انتباهها إعلان الشغل و عنوان الشركه ضحكت بأمل و قالت:

رهف: يلا يمكن نفلح في حاجة

تاني يوم الصبح ملك صحيت بدري غيرت هدومها و صلت و نزلت تستني مالك تحت

ملك: مهو هاجي معاك يعني هاجي معاك يا لوكا أنا مش برمي كلام و خلاص

حازم نازل يشرب قابل ملك في المطبخ بتدور على أكل

حازم: انتي بتعملي اية عندك يا ملك

ملك: هكون بعمل اية يعني يخويا المطبخ للجميع نازلة أفطر على ما تصحوا نفطر مع بعض

حازم بصلها بصدمة و قال:

حازم: قصدك إنك هتفطري مرتين

ملك هزت راسها بنعم و قالت و هي بتخمس في وشة:

ملك: الحمل و عمايلة كل نص ساعة بجوع هو إبن الجزمة اللي جوه دا المفجوع مش انا خالص

حازم: صادقة يا غالية صادقة مش هقطع عليكي خلوتك مع البانية هشرب و أطلع اغير هدومي عشان الشغل

ملك بلا مبالاة: براحتك يخويا كدا كدا هنتقابل هناك عشان أختار ليك السكرتيرة

حازم فتح بقوه و قال: ينهار منيل هتختارلي السكرتيرة الله أكبر راحت عليك خلاص يا حازم و ملك هتقوم بالواجب تالت و متلت سألها و طلع و هو بيضرب كف على كف و بيقول:

حازم: ربنا إن شاء الله هيلهمني الصبر عشان مرتكبش جناية النهارده

ملك بقت تاكل بنهم و جوع شديد

مالك خلص لبس و نزل لقي ملك بتاكل و مش في بالها حاجة حاول يتسحب و يخرج من غير ما تحس ملك قالت و هي باصة في الطبق:

ملك: فكر تعملها يا مالك و شوف اية اللى هيحصل استني خمسة و جيالك

مالك حط ايده على وشة و قال:

مالك: نفسي اعرف شافتني إزاي

أكلت باقي الطبق و قامت غسلت ايديها و راحت ليه و قالت:

ملك: أنا جاهزة مع إني مفكرتش معاهم بس هنفطر في الشركة

مالك خدها و مشي و هو بيدعي اليوم يعدي على خير

مالك و ملك و صلوا و طلعوا و حازم وصل بعدهم و طالع وراهم خبط في رهف على باب الشركة

رهف: مش تحاسب يسطا خد بالك في عالم عايشة معاك على الكوكب

حازم: انتي مين يا بت انتي و إزاي تكلميني كدا انتي اتجننتي

رهف: انا انا اتجننت انا بت أنا دا كله شكرا مش عارفه أقولك اية على كمية المدح دا يسطا

حازم: يا ربي انتي يا بت هبلة وإلا فيوزاتك ضاربة

رهف: لا اسكوز مي بقي اية فيوزاتك ضاربة دي

حازم: يعني هبلة عادي يعني

رهف: بقولك ايه يا جدع أنت أنا واقفة ألطف و أقول يا بت مش قاصده حظك إني مش فضيالك خدلك سكه بقي عشان أطلع أشوف فرقع لوز اللي راعب الكل دا

حازم بصدمة:

رهف :- بقولك ايه يا جدع أنت أنا واقفة ألطف وأقول يا بت مش قاصده حظك إني مش فضيالك خدلك سكة بقي عشان أطلع أشوف فرقع لوز اللي راعب الكل دا.

حازم بصدمة:- فرقع لوز أنا فرقع لوز دا أنت ليلة أبوك مش فايتة النهارده.

ودخل الشركة وهو متعصب جداً من كلامها.

الموظفين كانوا أول مرة يشوفوه بعد ما سافر ورجع، وكانوا لسه هيسلموا عليه لكنهم اتراجعوا بمجرد ما شافوه متعصب أدي إيه.

حازم دخل الأسانسير لقي رهف جواه، وعمالة تدعي إنها تتقبل دخل ومتكلمش ولا كلمة.

رهف أول ما شافته برقت وقالت:- أنت كمان جاي تقدم على وظيفة.

حازم مدهاش اهتمام ومردش عليها، فـ رهف اتضايقت وقالت بصوت واطي:-

يخربيت الغرور يا أخي كتك نيلة وأنت شبه الأتراك كدا.

حازم سمع همسها وقال:-

هتعرفي أنا مين بس مش دلوقتي، سلام يا قطة.

رهف:- قطة بيقولي أنا قطة، ماشي يا اللي معرفش اسمك إيه، آخرتك معايا هتبقى زي ابن اعتماد.

وكملت بسخرية:-

شوفي الزمن يا رهف بقيتي قطة، شوية وهرمولك شوية لبن تشربيهم، بس اللي أنت متعرفهوش يا بشا إن القطة بتعرف تخربش وتعض كمان، مياو.

حازم دخل غرفة الاجتماع واتصدم لما لقي ملك قاعدة وقدامها أكل كتير، وهي بتاكل وبتتفرج في الملفات وكأنها فاهمة.

حازم:- إيه اللي إنتي عملاه في المكتب دا.

ملك:- إيه مش عاجبك، تعال خد لك ساندوتش، تعال.

حازم:- ساندوتش إيه بس، والبانيه اللي كنتي بتاكليه الصبح!

ملك:- أنت هتبص لي في الأكل يا ابن.

بصت لـ مالك وقالت:- حبيبي هي أمك اسمها إيه.

مالك ضحك وقال ليها:- سلوى.

ملك رجعت بصت لـ حازم تاني وقالت:- أنت هتبص لي في الأكل يا ابن سلوى وإلا إيه.

حازم:- ولا أبصلك ولا تبصيلي، لمي الأكل دا قدامك وقومي من على الكرسي بتاعي.

ملك:- لهو أنت متعرفش.

حازم:- لا معرفش.

ملك:- أصلك هتقعد على الكرسي دا قدام المتقدمين، لكن أنا مش هقوم من مكاني، تدري ليش؟ لأن أنا اللي هختار، وياك حد يتدخل في اختياراتي.

حازم بص لـ مالك وقال:- أنت عاجبك اللي بتقوله دا.

مالك:- لو عرفت تقومها قومها، أنا مش هدخل بينكم لأن الداخل بينكم خسران.

حازم نفخ وقال لـ ملك:-

يا ملك هيبقي شكلي وحش قدام الموظفين، تعالي أنت اقعدي هنا، محدش هياخد باله منك.

ملك شاورت له بإيديها وقالت:-

شششش، قولت مش هقوم من مكاني، وإياك شوف إياك تعارضني في اختيار اختاره.

حازم حز على سنانه وقال بغضب:-

لا بقي كدا كتير، دي مبقتش عيشة دي، ما تشوف مراتك يا مالك.

مالك:- هششش، ومسك إيد ملك وباس عليها وقال:-

أنا روح قلبي، تعمل اللي هي عاوزاه، مش بس تكرشك من مكانك، لا دا من الشركة كلها.

وبص لـ ملك وقال:-

مبسوطة كدا يا روحي.

ملك هزت رأسها بإيجاب و قالت:-

مبسوطة قوي قوي يا روح قلبي، أيوة كدا خليك دلع فيا بدل ما أقلبها عليك أنت وإخواتك نكد وبكلمة واحدة، وأنت عارف.

حازم حاطط إيده في وسطه وواقف يتفرج عليهم وقال:-

لا والنبي إحنا في إيه وإلا في إيه، يخربيت الرومانسية المقرفة بتاعتكم دي.

ملك برقت له وقالت:- بتقول حاجة يا حازم.

حازم قعد على الكرسي اللي قدامهم وقال:-

مبتزفتش، اديني اتلقحت أهو، يكش بس تكوني مبسوطة كدا.

ملك رجعت بظهرها على الكرسي وقالت بانشكاح:-

مبسوطة، بس دا أنا طايرة من الفرح، يجوا يشوفوا اللي راعبهم بيتعمل فيه إيه، ولا يقدر يفتح بوقه بحرف.

حازم خبط على المكتب بإيده وقالت:-

نعمم.

ملك خبطت هي كمان وقالت:-

إيه عندك اعتراض على كلامي.

حازم قعد وهو بيبرطم وبيقول:-

وربنا ما ينفع الكلام دا، هيبتي هتضيع كدا.

ملك:- بس أنا حاسة إنك مش حابب وجودي يا حازم.

حازم:- حاسة مش متأكدة.

ملك:- إيه شايف أخوك يا مالك.

مالك بسخرية:- وانتوا خليتوا فيها مالك، يلا ياختي إنتي وهو عشان نبدأ.

ملك أخدت ساندوتش من قدامها وقالت:-

يلا يا حبيبتي ابدأ، أنا معرفش أركز غير وأنا بأكل.

حازم في سره:- والله لأقول لـ ملوك عليكي وهخليها تزلك زي مهي زالة منه كدا.

مالك عطاهم أوامر إنهم يبدأوا يدخلوا الناس.

رهف قاعدة بره وضربة الدنيا خالص، بس بتفكر هل هتتقبل في الشغل وإلا لأ، وبصت للبنات وقالت بحسرة:-

أدي البنات وإلا بلاش، مش إنتي يا اللي جاية من غير ما تغسلي وشك حتى.

البنات كانوا شافوها وعمالين يتهامسوا عليها، رهف انتبهت ليهم ولسه هتقوم، غمضت عنيها وضغطت على إيديها جامد وقالت:- صبراً، مش في الشركة يا رهف، صبراً.

بصت عليهم وحفظت شكلهم وقالت:-

ورحمت أمي لأوريكم مين هي رهف، لكن صبراً.

ملك جوه قاعدة بتاكل وحاطة رجل على رجل.

مالك:- اقعدي براحتك يا ملك، في إيه بس يا حبيبتي.

ملك:- أنت مش عارف حاجة يا مالك، دي قاعدة المعلمين.

حازم:- نعم يختي.

ملك:- قاعدة الجامدين يعني.

مالك بص لها ورفع حاجة، وملك نفخت وهي بتقول:-

قاعدة الناس، الاتيكيت يا ملوكي، اسكت بقي.

مالك:- اتيكيت إيه وزفت إيه يا بنتي، إنتي حامل حامل.

ملك:- مالك بس وخليني أركز في الموزة اللي داخلة دي.

مالك بص على اللي ملك باصة عليه، وهي كملت:- أيوة هي زهرة عباد الشمس الأصفريكا اللي جاية علينا دي.

مالك كتم ضحكته بالعافية، وحازم مقدرش يمسك نفسه، فابتسم وضحك لـ جوه.

ملك بصوت مسموع ليهم:-

صاروخ أرض جو، عليا الطلاق بس للأسف مش هتعمل تدري ليش.

حازم همس ليها:- ليش يا أخرت صبر أخويا.

ملك:- هعديها بمزاجي، وقالت:- عشان لا أنا ولا منه هنرضى بالوضع المنحل دا.

الكل تصنع الجدية، وحازم تحمحم وقال:-

احم احم، السي في بتاعك لو سمحت.

البنت أدته السي في وقعدت قدام حازم بعد ما شاور لها.

حازم:- جميل.

لسه هيكمل، ملك قالت:- بتعرفي تعملي أم علي.

البنت بصت لها باستغراب وقالت:- افندم.

ملك بجدية:- إيه مسمعتيش السؤال، نعيد تاني، بتعرفي تعملي أم علي وصوابع زينب.

مالك بهمس:- مش كانت أم علي بس.

ملك:- ملكش أنت فيه، سيبني أشوف شغلي.

مالك:- المايك معاكي يا مدام.

البت قالت بأسف:- لا يا فندم، مع الأسف الشديد مش بعرف، بس أنا مش فاهمة إيه علاقة دا مع شغلي هنا.

ملك:- طبعاً لية علاقة جداً، الشركة هتفتح سلسلة مطاعم وحلويات، أومال إحنا عاوزين ناس جديدة لسه، ولازم طبعاً يكونوا بيعرفوا يعملوا أم علي وصوابع زينب، تدري ليش.

البنت هزت رأسها بـ لا وقالت:-

لأن دول الحلويات المفضلين عندي، أديني دمي خفيف، كركركر.

البنت بقت تبصلها بزهول، وحازم حط إيده على رأسه من تصرفاتها، ومالك مش قاعد يبطل ضحك على اللي بتعمله.

ملك بجدية:- كدا تمام، وهنبقى نكلمك يا أصفريكا يا عسل أنتِ، ابعتي بقي اللون اللي بعدك وخذي الباب في إيدك.

البنت قامت أخدت السي في ومشيت وهي مزهولة من اللي حصل معاها.

حازم بغيظ:- إيه اللي إنتي بتعمليه دا يا ملك. حرام بجد، مش قادر، هموت لو مزعقتش.

ملك بصرامة:- صوتك ميعلاش، وتقعد بأدبك، بدل ما أقوم لك، يظهر إني تسيبت معاك جداً وأنت خدت عليا أوي.

مالك وحازم بصوا لها بصدمة، ومالك قال:- إيه دا.

ملك ضحكت وبصت له وقالت:- إيه رأيك يا ملوكي، أنفع أكون أم صارمة.

حازم خبط بإيده الاتنين على المكتب وخبط دماغه في إيديه وهو بيقول:- سأخبر الله بكل شيء، سأخبر الله بكل شيء.

ملك:- هشش، أنت دلوقتي، وبصت لـ مالك بحب وقالت:-

ملوكي.

مالك بص لها بابتسامة وقال:-

عيونه.

حازم:- وكبدته وفشته وبنكرياسة.

الاتنين بصوا له وهو رفع إيده مستسلم وقال:- خلاص خلاص.

ملك بصت لـ مالك تاني وقالت:- البيبي عاوز عصير مانجو.

حازم بسخرية:- مانجو يا بنت منال، الله يرحم أبوكي يختي.

ملك بكيد:- ويبشبش الكوبة اللي تحت راسه، تعرف يا حازم.

حازم:- لا معرفش، إيه اللي حصل.

ملك:- أبويا كان بيشرب الشوربة زيك بالطبق وعلى بوقه على طول.

حازم رفع صوابعه للسما وكأنه بيدعي عليها وقال:-

أهي يا رب خد لي حقي منها، أهي اللي هتجيب لي جلطة.

مالك بضحك:- بعيد الشر عنك يا برنس، دي ملك كتكوته وحبوبة وكيوبة خالص، وباس على رأسها.

ملك:- بقولك إيه يا مالك.

مالك:- إيه يا حبيبتي.

ملك:- أنت رومانسي النهارده زيادة، وأنا أبقى غبية إن ضيعت الفرصة دي من إيدي، عاوزة منك حاجة يا ملوكي.

مالك:- حبيبتي، تؤمر وأنا أنفذ.

ملك:- عاوزاك حط لي قطرة زي زمان.

مالك نزل على الأرض من كتر الضحك، وحازم صرخ في وشها وقال:-

راعي إن في ناس متلقحة معاكي، أنتِ مش متنيلة قاعدة لوحدك.

ملك:- مهو لو البعيد عنده دم كان انكشح بره لحد ما حط لي قطرة، قوم ياض أخرج بره، أنا بقي طقت في دماغي دلوقتي.

مالك:- بطني مش قادر خلاص يا ملك، هحط لك قطرة لما نروح، اهدي بقي.

ملك برومانسية:- ملوكي، اكرش الواد دا، مش عارفة آخد راحتي أنا والبيبي.

حازم في سره:- هتلبس الواد في كل حاجة مفترية وتعملها.

و مع دخول البنوتة التانية كلهم اتعدلوا وقعدوا في مكانهم.

ملك بجدية مصطنعة:- السي في بتاعك يا قوس قزح.

البنت بصت لها وقالت:- افندم، إيه قوس قزح دي.

ملك:- إنتي هتراجيني في اللي أنا بقوله، لا، سكسكيوز مي بقي، إنتي لابسة إيه.

البنت فستان ملون.

ملك:- وألوانه دي إيه.

البنت:- قوس قزح.

ملك:- يبقي هاتي السي في واقعدي.

البنت قعدت، وملك سألتها:- بتعرفي تعملي محشي ورق عنب.

البنت بصت لها وتنحت من صدمتها، وملك أدتها السي في وقالت:- نورتينا.

البنت قامت بزهول لدرجة أنها خبطت في الباب وهي ماشية.

بعد ما خرجت كلهم بصوا لبعض وضحكوا جامدة.

رهف داخلة ولا في دماغها أي حاجة، دخلت وقالت:-

صبح صبح.

حازم برق وبصلها، وملك بصت لها بفرحة وقالت:- هي دي يا جدعان، تعالي يا حبيبتي اقعدي.

حازم برق ليها وقالت:- نعم حبيبتك، دا اللي هو إزاي، اوعي تكوني.

ملك هزت رأسها بإيجاب وقالت:- أيوة هو دا.

حازم:- حراااام، حراااام بجد.

رهف:- في حاجة يا حليوة.

ملك كانت بتشرب عصير سابته وقالت بجدية:-

لا، هنا في نظام اسمه كريم شانتيه، أما الحليوة دا ملوكي بس، اشطا يا معلمة.

رهف قعدت على الكرسي قصدها وقالت:-

فل يا سيد المعلمين.

حازم بص لـ مالك وهز رأسه بـ لا، ومالك رفع إيده بمعني لا فائدة.

ملك قعدت ترغي مع رهف، وحازم بيندب حظه، فاق على سؤال ملك:-

وإنتي عندك موهبة بتمارسيها.

رهف:- موهبة واحدة بس، لا أنت متعرفنيش، دا أنا عندي مواهب كتشير.

مالك:- زي إيه.

حضرتك أنا ممكن أجيب لك الضغط، السكر، القلب، البنكرياس، لا وعندنا أوبشن خد أربعة ونجيب لك المرارة عليهم هدية، تحب تختار حاجة معانا يا فندم.

حازم:- إيه مستشفى متنقلة.

رهف:- بقولك إيه يا كريم شانتيه، على رأي المودام، خليك في حالك يا خويا، أنا أصلاً مبقوقة منك ومش راضية أتكلم، ومسكته لساني أهو.

ملك:- لا اتكلمي وقولي اللي إنتي عاوزاه، حازم عادي ومالك إيزي.

ملك فتحت الدرج وطلعت منه شوكولاتة وأدتها لـ رهف وقالت:-

خدي بس حلي بوقك بالشكولاتة دي.

رهف بشك:- أوعي تكوني حاطة فيها بورشام أو حاجة صفرا.

ملك ضحكت وقالت:-

لا متخافيش، كلي بقلب جامد، وأنا هاكل معاكي.

حازم:- بطلي طفح بقي، وإنتي هاتي السي في بتاعك.

ملك:- أنت بتكلمني أنا كدا. شايف يا مالك عشان بترجع تتحمق ليه أوي.

مالك يصلها ومتكلمش، وحازم بص لـ رهف وقال:- السي في.

رهف:- وهو لازم السي في يكون في الإيد وعلى ورق.

حازم بص لها وقال:- والله أومال السي في بيكون فين سعاتك.

رهف شاورت على دماغها وقالت:-

السي في هنا يا أذكى أخواتك.

حازم برق وبصلها، وملك سقفت وقالت بفرحة:-

الله عليكي يا بنتي، الله عليكي، حبيتك وأنتِ اتعينتي خلاص.

رهف بصتلها بفرحة وقالت:- بجد، والنبي استنى أزرغط، والنبي لأزرغط، وزرغطت فعلاً.

مالك:- بس في إيه، وبص لـ ملك وقال بصرامة:- اسكتي إنتي شوية.

ملك:- ما كنت ماشي كويس، هو فرقع لوز دا اللي قومك عليا وحسدنا في رومانسيتنا.

رهف:- جامدة، عليا الطلاق جامدة، وبصت لـ حازم وقالت:-

عشان تعرف إن مش أنا لوحدي اللي بقول عليك فرقع لوز.

ملك:- معلش يا رهوفة، السؤال التقليدي بتاعي لكل اللي دخل، بتعرفي تعملي محشي الكرنب.

رهف:- إلا بعرف، وعليا خلطة خاصة بيا تخلي المحشي زي الفل، تاكلي صوابعك وراه.

ملك:- صوابع زينب.

رهف قاطعتها وقالت:- وأم علي كمان.

ملك قامت وأخدت رهف وقعدوا على ترابيزة الاجتماعات وقالت:-

لا، إنتي تقولي الوصفات بقي، منال لو عرفت مش هتسيبك، هات يا حازم ورقة وقلم بسرعة.

رهف في سرها بإبتسامة خفية:-

الله، كريم شانتيه طلع اسمه حازم، جد، حبيت.

حازم بصدمة قال بزعيق، خلي ملك تبرق:-

حازم بصدمة قال بزعيق خلي ملك تبرق:

ورقة وقلم إيه اللي إنت عاوزاها؟ أنا من رأيي تاخديها وتروحي مطبخ البيت، مش سكرتيرة لشركة محترمة.

رهف رفعت حاجبها وقالت:

لاحظ إنك عمال تغلط وأنا بعدي ليك، ودي حاجة ضد طبيعتي على فكرة، فخد نفس كدا يا أبا واقعد، يدل ما أقوم أعلم عليك وأبقى علمت عليك في منطقتك.

حازم فتح بوقه ومالك بيحاول يكتم ضحكته وهو بيقول:

تلاتة بالعظيم جامدة وهتعلمك الأدب، والأهم هترجع ثقتك في الحب تاني، دي اختيار الثلاثي المرح، يعني إنت لابس لابس يا معلم.

ملك بصدمة مصطنعة:

إنت بتعلي صوتك عليا يا حازم؟ ما أنا مش مالية عينك، شوية شوية وهتكرشني من الشركة والبيت.

حطت إديها على بطنها وقالت:

شايف يا حبيبي شايف عمك بيعمل إيه فيا؟ اسمع واعرف مين اللي بيحب أمك ومين اللي كارهها، وخد حقها منه.

وقفت ومسكت إيد رهف وقالت:

يلا يا بنتي نمشي من هنا، إحنا ملناش أكل عيش مع الناس دي.

رهف بتجاريها وبتقول:

خلاص يا حبيبتي متعمليش في نفسك كدا، قطيعة تاخد الرجالة كلها مرة واحدة.

ملك: بس لحسن ياسمين عز تقيم عليك الحد.

وبصت لحازم وقالت:

تشكر يا حازم، تشكر يا كريم شانتيه يا اللي كنت مفكراك أخويا، تشكر على قلة القيمة دي.

ومسكت إيد رهف اللي بتبصلها بفخر ومشيت ناحية الباب وهي بتعد في سرها واحد اتنين، لسه موصلتش للتلاتة وكان حازم بيقول:

ملك استني، إنتي عارفة إني مقصدش وإني عندك حاجة كبيرة أوي صح؟

ملك بصت ليه وعيونها مليانة دموع وقالت:

عشان كدا عاوز تكرش البنت اللي اخترتها صح؟

رهف ضربت على صدرها بحركة شعبية وقالت:

لا ده كان عاوز يكرشني بعد ما اتغرغر بيا في الاسنسير.

مالك برق وقال:

نعم اتغرغر بيكي إزاي يعني؟

رهف بدموع وهمية:

الخاين اللي مشافش بربع جنيه تربية، وعدني بالجواز وخلّص بيا.

حازم بصدمة:

أنا يا بنتي؟ ده أنا أول مرة أشوفك النهارده.

رهف: اعمل نفسك عبيط يخويا، اعمل نفسك عبيط، إحنا مش متجوزين في السر.

ملك ضربت يديها على صدرها بحركة شعبية وقالت:

يلهوي متجوزك في السر؟ عيني عليكي يا حبيبتي.

وبصت لمالك وقالت:

شوف أخوك بيعطّي من ورانا، وأنا اللي كنت فاكراك طيب وغلبان، طلعت نمس يا نمس.

حازم عينه وسعت من الصدمة وبقى شكله يضحك وشاور على نفسه وقال:

أنا يا بنتي؟ إنتي متأكدة إن اللي بتتكلمي عليه دا أنا؟

رهف بصت لمالك وقالت:

شوف يا سعادة البيه، شوف بيبرقلي إزاي، أنا مش همشي من هنا غير لما آخد حقي منه، أنا وابني.

ملك بصدمة مصطنعة:

لهو إنتي حامل يا حبيبتي؟

رهف مصمصت شفايفها وقالت:

وبتوحم على شاورما ومش راضي يجيبلي.

ملك بصت لحازم وقالت ليه:

إنت إيه يا أخي قلبك دا؟ إيه حجر مش بيحس؟ يعني إيه مش راضي يجبلها شاورما؟ عاوز العيل يطلع في قفاه شاورما ويعايروك بيه، ابنك دا وإلا مش ابنك؟

رهف: عشان كدا مش راضي يشغلني معاه هنا، شوفي المعاناة اللي أنا بعانيها.

ملك حضنتها جامد وقالت:

عليطي يا حبيبتي، خرجي كل اللي جواكي ومتخافيش، أنا هاجيبلك شاورما، أنا عاملة حسابي في سندوتش زيادة وعيناه على المكتب.

رهف شهقت باصطناع وقالت:

و مش بس كدا يا مدام، ده وإحنا طالعين في الاسنسير راح قالي إمشي من هنا بدل ما أمشيكي على نقالة وأموت ابنك اللي في بطنك، يرضيك كدا يا سعادة البيه؟ يرضيك يا يا مدام؟

ملك حضنتها وقالت بصوت عالي:

اعيطي يا حبيبتي.

وبصت لحازم اللي واقف مش عارف يضحك على كلامها وإلا يعمل إيه، وقالت:

كل دا يطلع منك إنت يا سهون؟ بترمي ابنك يا حازم؟

مالك بص لحازم بصرامة مصطنعة:

الكلام دا حصل يا حازم؟ يعني هي حامل منك إنت؟ لازم تتجوزها فوراً؟ مش هسمح إن حد من عيلة العدوي يتربي بعيد عن حضننا.

حازم بصله بحاجب مرفوع وقال:

بقي إنت مصدق الهطل دا يا مالك؟ بالله عليك ما تتكلم ولا تحاول تجاريهم، عشان بيبان عليك. شوف أهم الاتنين دول ماشيين عشرة على عشرة، ومحدش يشك فيهم نهائي، ده أنا نفسي صدقت إني عملت كدا، لكن إنت يا حبيبي فاشل تمثيل.

ملك بتذمر: إيه يا مالك اللي خلاك تتكلم دلوقتي؟ ما كنا خلاص هنوفق رأسين في الحلال.

حازم يصلها بتبريقة وقال:

إنتي بتقولي إيه يا ملك؟ البنت دي أكلت دماغك خالص.

ملك بغباء:

لا يا حازم، هي مش عاوزة تأكل دماغي، هي عاوزة تأكل شاورما، هات ليها السندوتش من على المكتب، ينوبك ثواب.

حازم بحزم: ملك بس خليني أشوف اللي متجوزها بالسر ومخلف منها دي.

رهف بصت وراها وعقدت حواجبها وقالت:

هي مين دي اللي أنت متجوزها في السر؟ إنت مش عارف إن كدا حرام يا متعلم يا بتاع مدارس بلاد بره.

حازم بص لها بصدمة وقال: إنت بتقولي إيه؟

رهف بصت لملك وقالت:

طب احضرينا إنتي يا مدام، هو أنا فتحت بوقي حتى؟

هزت ملك رأسها بالنفي وقالت:

الحق حق يا حازم، هي مقالتش عليك غير كل خير، وإلا إيه يا مالك؟

مالك هز رأسه بإيجاب و قالت:

آه طبعاً طبعاً.

حازم: إنتي هبلة يا ملك؟ مش لية بقولك إن الأستاذ بيبان عليه كل حاجة ومعرفش يكذب.

ملك: صح يا حازم نسيت الحمل وعمايله، بقي يخويا المهم البت رهف هتستلم الشغل إمتي؟ خليني أروح ملوك زمانها بتعيط.

حازم بسخرية:

ملوك مين دي اللي بتعيط؟ دي تلاقيها هايصة ومجننة الكل معاها، وإلا تلاقيها لازقة لوليد عشان يخليها تشيل مالك الصغير.

أما بالنسبة لأم لسان ونص دي، فدي بقي هتبدأ شغل من دلوقتي، ومسكها من قفاها وقال تعالى ورايا.

رهف قالت ليه بصرامة:

إستني عندك، إنت جابر حمار وراك، إستني نسيت حاجة مهمة.

حازم سابها وبصلها لقاها قربت من ملك وقالت:

فين سندوتش الشاورما يا ست الولاد؟ مش هيطلع في قفاه بس دا هيطلع في جبهته كمان.

ملك اديتها السندوتش وهمست في ودنها:

يلا يا بشا، مهمتك بدأت، اتكلي على الله وأنا متأكدة إنك قدها وقدود.

رهف: لا تقلق يسطا، بنت خالتك قدها وقدود، وبعون الله البشا دا أسبوع واحد وهيفك ويبقى زي العسل، طلاق تلاتة ما هسيبه غير وهو فريش كدا.

حازم: إنتي بتقوليلها إيه؟ افهم معلش.

رهف: بودع المدام، في إيه؟ يلا أنا مستعدة.

حازم بإنتقام:

أول قاعدة، ممنوع الأكل أثناء ساعات العمل.

رهف أكلت حتة من السندوتش وهي ماشية وراه وقالت:

لا القاعدة دي هناك على القهوة، إنما إحنا هنا في شركة محترمة.

مالك بعد ما خرجوا أخد ملك في حضنه، وملك نامت على صدره وقالت:

تفتكر هيكملوا مع بعض؟

مالك بضحك: يعني علاقة وراها عصابة ومش عاوزاها تنجح؟ إنتي بتهزري يا ملك؟

ملك: بس يا مالك إحنا مكنش متفقين على جواز، إحنا كنا عاوزين حازم يخرج من الحالة اللي هو فيها دي، والصراحة لو عليا أجوزه رهف دلوقتي مش بعدين.

مالك مسكها من كتفها ووقفها قدامه وقال:

ياااه إنتي بتحبي رهف أوي كدا يا مكا؟

ملك بصت في عيونه وتاهت وقالت:

طبعاً مش بنت خالتي.

مالك: طب ما تحبيني معاها يا ملك، دا أنا زي جوزك يعني.

ملك تهت في عيونه وقالت:

أنا مش بحبك يا مالك، دا إنت النفس اللي بتنفسه، أبو ولادي وجودي.

فـ يا عزيزي لم يبق بقلبي مكان إلا واحتله حبك.. نعم حرب هي قائدها قلبك وحبك فيها الفائز.

مالك بصلها جامد وابتسم وقال:

تلاتة بالعظيم، لكون حاطط ليكي قطرة دلوقتي، إنتي مش كنت عاوزاها من شوية؟ وأنا أهو هحطلك.

اقترب مالك إليها ثم قبلها قبلة بث فيها حبه وشوقه العارم إليها.

ملك حضنته جامد وقالت:

أيها الزعيم إنك على قلبي سلطان.. فـ والله إن لم يكن ملكي لوددت أن يكون ملكي.

فاسمح أنت لي وأنا سأضعه بين يديك وعليه ختم نقل الملكية.

شدد مالك من احتضانها وقال:

هرمونات الحمل شغالة معاكي جامد. الحمل ده يا ملك مخلياكي تقولي شعر.

ملك بصت له وقالت:

صدق بالله أنا غلطانة اللي مليت الأكل ده وروحني آكل أنا وعيالي بعيد عنك. لا تقولي هرمونات الحمل ولا رومانسية. إنت مينفعش معاك غير النكد أصلاً. روحي يا مالك دلوقتي عشان أزف الخبر لـ منال ومنه المتكسحة من الولادة.

مالك ضحك جامد على قبلتها وقال:

ده انتي محدش يهزر معاكي خالص أصلاً. تعالي هوصلك بنفسي.

ملك بصت على المكتب وقالت:

الأكل قبلي أنا وإنت يا مالك. محدش هيطبخ النهارده. أنا واحدة مش قادرة أمشي أصلاً. والبت منه نايمة عشان الولادة ومنال هتفوق. هو أنا مخلفاكم عشان أخدمكم وإلا عشان انتوا تخدموني.

مالك:

خلاص مش عاوز أعرف. كنتي قولتي هات الأكل وخلاص. ده انتي رغاية قوي.

ملك بصت له بصدمة وقالت:

أنا رغاية يا مالك! إيش حال لسه قايلة فيك قصايد. وسيباك تحطلي قطرة. صحيح ياخدكم لحم ويرميكم عظم.

وسابته ومشيت.

مالك:

مخبولة عليا النعمة مخبولة.

***

ملوك:

يا وليد بقي هات أشيله شوية.

وليد:

لا، هو لسه صغير. لما يكبر شوية.

ملوك:

والله لقول لـ حازم وهو هيخليني أشيله أصلاً. لما ملك تجيب البيبي مش هخليك تشيله. هات بقي أبوسه.

وليد برفض:

لا، عشان الأمراض. وهو لسه بيبي مش هيستحمل.

ملوك ضربت الأرض برجليها وقالت:

والله لو ما جبته لقوم منه عليك. هات بقولك.

وليد:

اعملي اللي انتي عاوزاه. لكن مالك نو. يا ملوك مالك إيه نو.

ملوك برقت له وقالت:

ماشي يا حازم. ماشييي.

وجريت وهي بتنادي على منال.

ملوك:

يا تيتي بقي مش راضي يديني البيبي ألعب معاه.

منال:

تلعبي مع مين يا ملوك؟ ده لسه صغير يا حبيبتي. لما يكبر شوية.

ملوك:

بس أنا عايزة ألعب معاه دلوقتي. وليد مبقاش يحبني وبقي يحب مالك بس.

وضربت الأرض برجليها وقالت وهي بتعيط:

وأنا كمان مش راح أحبه تاني.

وسابتها وطلعت تعيط في أوضيتها.

مسكت التليفون واتصلت بحازم وهي بتعيط.

حازم رد عليها بسرعة وقال:

إيه يا قلب حازم؟ مين مزعلك؟

ملوك بعياط:

شفت يا حازم؟ وليد مش بيحب ملوك ومش راضي يخليها تبوس النونو.

حازم:

بس خلاص. أنا لما أجي هخليكي تبوسيه وتشيليه كمان.

ملوك بعياط:

لا، تعال دلوقتي خدني عندك. أنا مش راح أقعد معاهم تاني. لميت لعبي في الشنطة وهاجي عندك.

حازم ضحك عليها جامد. ورهف قاعدة مراقباه وبتقول:

مهو بيضحك أهو. أومال إيه أم التكشيرة اللي ضاربها في وشي من الصبح دي.

حازم قام وقف وقال:

خلاص جهزي كل ألعابك وأنا هاجي آخدك عندي. يلا سلام.

حازم مبصش لـ رهف أصلاً وأخد مفاتيح عربيته وخرج جري على ملوك.

رهف:

ده هو إيه ده؟ شفاف أنا يعني وإلا إيه؟ أحسن حاجة أكمل نوم هنا على ما يجي تاني.

***

مالك وصل ملك ومدخلش خرج على طول. وملكة دخلت لقت منال قاعدة في الصالة وملوك نازلة على السلم وشايلة شنطة على ظهرها وبتقول:

والله ما أنا قاعدة ليكم في البيت ده. ده انتوا عيلة تشل أصلاً.

وقعدت على الكنبة تستنى حازم.

ملك بصت لـ منال وقالت:

مالها دي غضبانة ليه وضاربة بوز؟

منال:

عايزة تشيل مالك ووليد مش راضي.

ملك:

وليد مش راضي؟ تعالي يا بت أنا هخليكي تشيليه.

ملوك بصت لها وقالت:

لا، انتي أصلاً منحازة لصفه هو وأختك. مفيش غير زوما حبيبي هو اللي ناصفني في البيت ده.

ملك قامت لـ وليد وقالت:

إيه يا وليد؟ ما تخلي البت تلعب مع الواد. متعقدهاش كده.

وليد:

انتي بتقولي إيه انتي كمان يا ملك؟ ولد مين اللي ملوك تلعب معاه؟ انتي قصدك مالك ابني؟ لا، ده من سابع المستحيلات تحصل. أنا مش مستغني عن ابني.

ملوك بعياط:

انت أصلاً مش بقيت بتحبني.

حازم دخل وملوك جريت عليه. ووليد واقف مصدوم من كلام ملوك.

وليد حط مالك على السرير وراح لـ ملوك وقال:

ملوك:

صاحبتي في الحضانة قالت ليا عشان منه جابت ليك نونو مش هتحبني وتخليني ألعب معاه عشان هو ابنك وأنا بنت بابا.

وليد حط إيده على شعره وشده جامد وقال:

بس ملوك عارفة إن وليد وكل العيلة بتحبها صح؟

ملوك هزت رأسها بالنفي وقالت:

لا، مفيش غير حازم بس اللي بيحبني. وهياخدني معاه الشغل مش كدا يا حازم.

حازم حضنها جامد وقال:

وهخليكي تشيلي مالك كمان.

وليد بص له بصدمة وقال:

ملوك :- لا مفيش غير حازم بس اللي بيحبني و هياخدني معاه الشغل مش كدا يا حازم

حازم حضنها جامد و قال :-

و هخليكي تشيلي مالك كمان

وليد بصله بصدمة و قال :-

إنت بتقول إيه يا حازم؟ الواد لسة صغير دا لسة مكملش أسبوع إزاي تشيله غلط عليه

حازم بصله جامد و قال بثبات :-

متقلقش يا وليد إبنك في أمان و ملوك بتحبه مش كدا يا ملوك؟

ملوك هزت رأسها ببراءة و قالت :-

أه بحبه بس مش بحب وليد

و خرجت لسانها

حازم بصلها و قال :-

طب إجري إقعدي جمب منه و ربعي رجليكي إجري

ملوك بسرعة دخلت أوضة وليد و قعدت جمبه على السرير و ربعت رجليها

كلهم دخلوا وراها و مستنيين يشوفوا حازم هيعمل إيه

حازم راح عند ملوك و حط إيديها على رجليها بطريقة معينة و جاب مالك و حطه على رجليها

ملوك بصلته و عينيها لمعت و ضحكت بسعادة و هي بتقول :-

صغير أوي يا حازم

حازم بعقل :-

عشان كدا ملوك مينفعش تشيله أول ما يكبر شوية ابقي العبي معاه

ملوك بتذمر :-

و فيها إيه لما ألعب معاه دلوقتي يعني

حازم :- بصي يا ملوك مش إنتي بتحبي مالك الصغير؟

ملوك بصت له و هزت رأسها بإيجاب و قالت :-

أيوة عشان هو أخويا.

حازم :- عشان كدا مينفعش تشليه عشان هو ممكن يتعب إنتي لسة صغننة و هو نونو كدا يتعب

ملوك زمّت شفتيها بتذمر و قالت :-

خلاص خده أنا مش هلعب معاه تاني غير لما يكبر

حازم شال مالك و حطه في إيد وليد اللي بيبصلهم بزهول و رجع شال ملوك و بقي يناغشها

كلهم بصلهم بحب و ابتسموا برضا على موقف حازم و إزاي عالج الموضوع

أخد ملوك و رجع تاني الشركة

***

رهف واقفة في المكتب مش عارفة تعمل إيه، بقت تتاوب و تقول :-

يخربيت الملل أنا جاية أشتغل وإلا أتفرج على نفسي مش كان زماني دلوقتي بضرب في طاهر ابن اعتماد

قعدت على الكرسي اللي قدام المكتب و مالت رأسها على المكتب و نامت و هي بتقول :-

مش عارفة دماغي تقيلة كدا ليه هقيل شوية على ما المدير فرق لوز دا يجي و راحت في النوم

بعد نصف ساعة

حازم داخل الشركة و شايل ملوك على إيده و كل شوية يبوسها

ملوك بزهق :-

كفاية بوس بقي إنت إيه مبتزهقش؟

حازم بضحك :- أنا لو زهقت من الدنيا كلها عمري ما أزهق منك يا ملوك

ملوك بلوية بوز :- ماشي يخويا هنروح فين دلوقتي

حازم بضحك :- إنتي عاوزة تروحي فين؟

ملوك بتفكير :- نروح لمالك عشان أغيظه مكنش راضي يجبني الشركة و بعدين نروح على مكتبك

حاز

ملوك كشرت وراحت لمالك. رفعت ايديها فمالك شالها وباسها من خدها. ملوك حضنته وقالت:

- بابي بتقول على ملوك وحشة.

السكرتيرة لما سمعت كلمة "بابي" صاعقة نزلت عليها وبقت مبرقة. قالت بهمس:

- بابي؟ أخر يوم ليا في الشركة.

مالك طبطب على بنته وهمس ليها وقال:

- ملوك أجمل بنت في الدنيا، بس لسانها طويل شويتين.

ملوك بصت ليه ببراءة فمالك ضحك وقالها:

- المفروض أتثبت كدا؟ أقسم بالله قدام نظرتك دي ما بقدر أتمالك نفسي.

وبص للسكرتيرة وقال ليها بصرامة:

- بنت مالك العدوي متربية أحسن تربية.

وبص لملوك وقال:

- إيه اللي حصل؟

ملوك:

- مش كانت راضية تخليني أدخل يا مالك.

مالك:

- قلب مالك، إنتي مين اللي جابك هنا؟

ملوك:

- هو فيه غيره، حازم هو اللي بيحبني.

حازم دخل عليهم لقي السكرتيرة واقفة مش على بعضها ومالك شايل ملوك. سأل بحذر:

- إيه؟

ملوك:

- تعال يا حازم شوف البت دي قالت على ملوك وحشة.

حازم بص لها بغضب وقال:

- الله في سماه، لو ما عارف إنك مخلصة في شغلك كنت رميتك لكلاب السكك.

راح لملوك وخدها من مالك ومشي.

مالك بص لها وقال:

- حازم متعلق بملوك جداً، وأي حد يغلط في حقها حتى لو أنا شخصياً بيقوم الدنيا. أنا ممكن أتساهل لأن عارف بنتي شقية، بس عمها لا. وتاني مرة تيجي، تدخل متكلميهاش. وكمل في سره: تربية منال لازم أتوقع منها أي حاجة.

***

حازم دخل المكتب وبيدور بعينه عليها ملقاهاش قاعدة. حط ملوك على الأرض وقالها:

- طلعي لعبك بقى وإلعبي هنا.

ملوك هزت راسها بإيجاب وقالت:

- ماشي يا حازم.

حازم قعد على مكتبه وهو بيقول:

- أحسن إنها مشيت، مش ناقص ضغط على أعصابي. وبدأ يشتغل.

ملوك بتلعب ومركزة جداً، وبقت تتحرك في المكان لحد ما وقفت مرة واحدة وعنيها وسعت وجرت على حازم وهي بتقول:

- إلحق يا حازم، واحدة مقتولة ورا الكنبة.

حازم:

- بس يا ملوك، بتقولي إيه؟

ملوك:

- تعال بس.

وشدته من إيده وخدته. اتصدم لما شاف رهف نايمة ورا الكنبة وقال:

- دا إيه الهم اللي الواحد جابه لنفسه دا.

نزل على ركبته وملوك جنبه وهزها وقال:

- إنتي اصحي.

رهف:

- شششش، سيبوني أنام. أصل ابن اعتماد حارق دمي وفرقع لوز. كمل عليا.

حازم بص لملوك اللي بصلته و شاورت على دماغها بمعنى "مجنونة".

حازم همس لملوك وقال:

- هاتي كوباية الماية من على المكتب.

ملوك جابتها وجت بسرعة. حازم بل ايده ورش عليها بهدوء.

رهف:

- الله، ماية الدنيا بتمطر حلو. أصل الجو حر.

حازم بص لها بصدمة وقال:

- الدنيا بتمطر والجو حر؟

بص للكوباية في إيده ودلقها عليها.

رهف اتفزعت وقالت:

- في إيه؟

بصت لحازم وقالت:

- في إنسان خلوق محترم زي حضرتك يصحي حد كدا؟

ملك بصت لها وقالت:

- إنتي عايشة؟ إحنا كنا فقدنا الأمل.

حازم بص لها بحدة وقال:

- وفي موظفة محترمة تنام في شغلها كدا.

رهف اتأوبت وحطت ايديها على بوقها وقالت:

- معلش، أصلك اتأخرت أوي وأنا الصراحة بزهق، فقولت أنام شوية لحد ما تيجي.

حازم بص لها بذهول. وملوك قالت ليها:

- طب ومنمتيش على الكنبة ليه؟

رهف بصت لها وضحكت وقالت:

- أنا استعملت ذكائي الخارق. كنت نايمة على المكتب، خفت حد يدخل عليا، هيكون شكلي وحش. قعدت أدور على حتة مستخبية محدش يشوفني فيها، ملقتش غير هنا، فنمت عادي يعني.

ملوك بصت ليها بإعجاب وقالت:

- ذكية أوي يا حازم، عجبتني وهنضمها لحزب منال.

حازم بص لملوك وقال:

- نعم يختي تضمي مين لمين؟ هي المشرحة ناقصة قتلة؟

ملوك:

- ششش يا حازم.

وبصت لرهف وقالت:

- تعالي إلعبي معايا، أنا غضبانة وسايبة البيت، تعالي تعالي.

رهف بحماس:

- يلا، أنا أصلاً عندي طفولة متأخرة.

قامت وقفت ولسة ماشية وراها. حازم مسكها من قفاها وقال:

- راحة فين؟

رهف:

- هلعب معاها، في إيه الله.

حازم:

- تلعبي مع مين؟ ورانا شغل، يلا هاتي الملف الأزرق من المكتبة عندك.

رهف راحت للمكتبة ورجعت تاني وقالت:

- الملف لونه إيه معلش، عشان نسيت.

حازم بابتسامة صبر:

- الملف الأزرق.

راحت للمكتبة ورجعت تاني وقالت:

- اللي متكعب وإلا إللي مش متكعب؟

حازم بص لها وقال:

- إللي مش متكعب.

راحت ورجعت تاني وقالت:

- أزرق فاتح وإلا أزرق غامق؟

حازم مسكها من قفاها قعدها على الكرسي وهو بيشتم وقال:

- سنة عشان تجيب الملف، سنة. كنت رحت جبته أنا وخلصنا. ينهار منيل على كدا.

حازم راح جاب الملف وقعد يشتغل. ورهف اتسحبت وراحت تلعب مع ملوك.

حازم كان سرح في شغله ونسيها أصلاً. مفاقش غير على صوتها وهي بتقول:

- أنا كسبت، مع إنك كنت بتغشي.

ملوك بصت لحازم وقالت:

- أنا هاجي معاك كل يوم ألعب معاها يا حازم، كدا كدا مش هروح الحضانة تاني.

حازم حط إيده على وشه وبقي يعيط بإصطناع وهو بيقول:

- كانت ناقصة بلاوي. هي الصبر يا صاحب الصبر.

***

ملك قاعدة في بتأكل في نفسها ومنال بتبصلها وتضحك.

منال:

- حسيتي باللي أنا كنت بحس بيه، أحسن أهي ملوك دي اللي هطلع عليكي اللي عملتيه فيا.

ملك:

- إنتي بتصبريني وإلا بتفرسيني أكتر؟

منه ضحكت وقالت:

- ربنا يسترها على ابني وميتعلمش منها.

ملوك:

- إسكتي إنتي، انتي مش حمل كف مني وانتي بحالتك دي.

وبقت تأكل في نفسها وتقول:

- ماشي يا ملوك، ماشي يا بنت مالك يا تربية منال.

منال بصت لها وكتمت الضحكة وقالت:

- ومالها منال بقى يا روح أمك؟ اتظبطي بدل ما أظبطك.

ملك:

- ماشي يا ملوك، ماشي.

***

مالك دخل المكتب لقي رهف منفضة لحازم وبتلاعب ملوك. يصلهم وبص لحازم وانفجر ضحك.

حازم بص له جامد فمالك رفع ايده وقال:

- خلاص خلاص، يلا عشان الوقت اتأخر وملك متصلة بقالها ساعة بتصرخ.

بص لملوك وقال:

- إنتي عملتي إيه؟ دي ناويالك على نية.

ملوك:

- أنا أنا أعمل حاجة؟ دا أنا كيوتة. دايماً ظالمني كدا والله.

وبصت للسما وقالت:

- أهم يا رب، أهم إنت شايف وأنا مش هتكلم.

وبصت لمالك وقالت:

- هي ناوية على نية أوي يعني.

مالك هز رأسه بإيجاب وكتم ضحكته فملوك قالت:

- يلا، أنا مش خايفة منها أصلاً. حازم هيحوش عني. ومسكت إيد رهف وقالت:

- تعالي معايا عشان لو حازم جاب ورا إنتي تحوشي عني.

حازم بص لها بصدمة وقال:

- إنتي بتقولي إيه يا بنت إنتي؟

ملوك:

- إحنا هنضحك على بعض؟ دي ملك بتبص ليك البصة بتقول ليها "سمعاً وطاعة".

حازم:

- طب يلا، ومتخافيش، مش هخليها تضربك.

ملوك بصت لرهف وقالت:

- برضوا مش عاوزة تيجي معايا.

رهف ضحكت وقالت:

- والله كنت أبغى بس لسة في كام معركة كدا هدخلها، عاوزة أكون بصحتي. وإنتي الصراحة أمك مفترية.

ملوك:

- والله عندك حق.

مالك أخد ملوك وحازم وروحوا. ملوك بقت واقفة على الباب مش راضية تدخل.

بصت لحازم وقالت:

- ما تيجي نهرب يا حازم.

حازم ضحك بصوت مكتوم ومالك بص لها بصدمة وقال:

- هتهربي تروحي فين يختي؟

ملوك:

- مش عارفة، بس أكيد حازم عارف.

حازم كان لسة هيرد عليها لقي ملك بتصرخ جواه بتقول:

- ادخلي يختي، ادخلي يا رافعة رأسي، ادخلي بدل ما أجيلك.

ملوك بصت لحازم وقالت:

- متأكد إننا مش هينفع نهرب.

مالك:

- تعالي، متخافيش، أنا أهو معاكي.

ملوك بصلته بسخرية وقالت:

- والنبي يا مالك اسكت إنت، دا إنت بتخاف منها يا راجل.

حازم ضحك ومالك بصلها وقال:

- طب ادخلي، حلال فيكي اللي هيحصلك.

ملوك دخلت بثقة ووقفت قدام ملك وقالت:

- أي يا ملك، عمالة تزعقي ليه؟

ملك بصتلها وقالت بغضب:

- يا برودك يا شيخة، عاوزة نموتيني يا بت؟ شوفوا داخلة إزاي ولا كأنها عملت حاجة.

منه ضحكت وقالت:

- خلاص يا ملك، والله ما قادرة أضحك.

ملك بصت لملوك وقالت:

- أنا يجيلي استدعاء ولي أمر أنا يا ملوك؟ خدي هنا يا بت، عملتي إيه؟ احكيلي ومش هضربك.

ملوك:

- مش أنا الغلطانة، دي الميس يا ملك، هي أصلاً خنقة وأنا مبحبهاش.

منال بضحك:

- ليه، إيه اللي حصل؟

ملوك:

- هي قالتلي إرسمي كلب.

منه:

- وبعدين، أكيد مش دي المشكلة.

ملوك:

- لأ، ما هي لما قالتلي كدا قولتلها اقفي متتحركيش عشان أعرف أرسم بضمير.

الكل بصلها بصدمة وانفجروا في الضحك. ومنال قالت ليها:

- تعالي في حضني تعالي، بتخلصي ذنوبي. إنتي بتشجعيها؟ يا ماما، خدي هنا يا بت والله العظيم لتنضربي النهاردة.

ملوك:

- يا شيخة اسكتي إنتي، قادرة تقفي على رجلك؟ بطلي أكل الأول وبعدين كلميني.

ملك بصت ليهم وكلهم ضحكوا عليهم. وقامت وقفت مرة واحدة و...

ملوك :- يا شيخه إسكتي إنتي قادرة تقفي على رجلك بطلي أكل الأول و بعدين كلميني

ملك بصت ليهم و كلهم ضحكوا عليها و قامت وقفت مره واحده و قالت:-

ماشي يا ملوك مهو الغلط مش عليكي الغلط على اللي بيمليكي الكلام

مسكتها من إديها بقوة و قالت:-

أنا هعرف أربيكي من أول و جديد عشان تبقي بعد كدا تحترمي الأكبر منك

ملوك بتذمر:-

يا ملك هي اللي كانت بتضربني من غير سبب و تقعد تقولي إنتي شكل الضفدع إرسميه يلا و تشد في شعري عشان تشوفه حقيقي وإلا لا روحت قولت لـ منال و هي اللي قالت ليا أعمل كدا

كلهم بصوا لـ منال و منال ضحكت بتوتر و قالت:-

إية أسبها تضايق البت و أقعد أتفرج لا لازم تتعلم تأخد حقها بإديها

ملك سابت ملوك و طلعت على أوضيتها و ملوك بصت عليها بالبراءة و بصت على مالك اللي بصلها جامد فتجمعت الدموع في عنيها

مالك راح ورا ملك و دخل الاوضة لقاها قاعدة على السرير بتهز رجليها و بتعيط

قعد جنبها و حضنها و قالت:-

لسة صغيرة يا ملك بكره تكبر و تعرف

ملك بصتله و قالت:-

إنت مصدق كلامك دا يا مالك إنتوا لية مش قادرين تفهموا إنها بنتي و إني عوزاها أحسن الناس يا مالك ملوك دلوقتي في مرحلة الإعداد لو سبناها سايبة كدا هتفضل كدا علطول مش بقول متدلعش لا تدلع لكن متتعتملش بالطريقة دي البت بتقول كلام أكبر من سنها

مالك باس على رأسها و قال:-

أنا فاهم قصدك لكن إنتي عارفة ملوك طالعة ليكي شوية و هتلاقيها جاية تصالحك

ملك بزهق :-

أنا مش عاوزة اتصالح ولا زفت أنا عاوزة بنتي تتربي صح مش كل حاجه تجري على حد يقولها تعمل إية و هي زي البغبغان بتردد وراه

مالك ضحك و قال:-

يعني إنتي زعلانة عشان هي بغبغاء

ملك نفخت بضيق و قالت:-

لا مش عشان بغبغاء علشان الطفل على حسب ما بتربية لو ربيته إنه يحترم الأكبر منه غصب عنه هيحترمه لو ربيته إنه يكون جرئ و يعمل أي حاجة هيفضل كدا ملوك ماشية ورا منال بتعمل كل حاجه هي بتقولها عليها بالحرف و دا يخلي تصرفات و كلام ملوك أكبر من سنها

مالك زفر بضيق و قال:-

يبقي الغلط دلوقتي على منال يا ملك

ملك بصت ليه جامد و مالك كمل :-

أيوة الغلط عليها لأن هي اللي بتحفظها الكلام و بتقولها تعمل إية بدل ما تقول ليها عيب و غلط لا بتقول ليها تأخد حقها إزاي

ملك عيطت و قالت:-

أنا قصرت معاها أوي يا مالك أنا أم فاشلة

مالك حضنها جامد و قال:-

متقوليش كدا يا ملك إنتي أعظم أم في الدنيا

ملك لسة هتتكلم ملوك كانت واقفة قدامهم و بتعيط

ملك بصت ليها و ديرت وشها الناحية التانية فملوك عيطت و قالت:-

أنا آسفة يا مامي مش هعمل كدا تاني

ملك :- ك ل مرة أسمع الكلمتين دول و برضوا اللي في دماغ منال بتعملية

ملوك :- وعد آخر مره مش هعمل كدا تاني

ملك مسكتها من كتفها و قالت:-

مش هتعملي كدا تاني و مش هتسمعي كلام حد غيري مفهوم

ملوك هزت رأسها بايجاب و قالت:-

مفهوم

ملك بصت لـ مالك و قالت بغل :-

أما بقي المس بنت *** دي انا هطلع عينها عشان تبقي تشتم عليكي و تشدك من شعرك تاني

مالك إنفجر في الضحك و هز رأسه بالنفي و قال:-

مفيش فايده هتفضلي زي ما إنتي بنت منال و مستغربه البت كدا ليه نامي يا ملك ربنا يهديكي يا حبيبتي

ملك بصت ليه بتبريقة:-

إية إنت شايفني بشد في شعري وإلا اية ما تنقي كلامك يا مالك

ملوك هزت رأسها و قالت:-

اه يا ماما و البت اللي كانت قاعدة قدام مكتبه مكنتش راضية تدخلني و كانت هتضربني كمان

ملك زقت ملوك من قدامها و قامت وقفت و قالت بصوت عالي:-

إية كانت عاوزة تضربك

ملوك بحزن مصطنع:-

وقالت عليا مش متربية

ملك برقت و قالت:-

كمان بصت لـ مالك و قالت:-

ورحمت أمك يا مالك لهكون مطلعة عليها قرف الحمل إزاي تقول على بنتي كدا و تسيبها

مالك بتوتر بص لـ ملوك و قال:-

شعلتيها يا بنت ملك و إرتاحتي قلبتي الترابيزة لصالحك هقول إية تربية منال مغطية عليكي

ملك حطت ايديها في وسطها و قالت:-

و مالها يخويا تربية منال لا إصحي كله إلا منال خط أحمر كدا

مالك بسخرية:- ملهاش يختي هتودينا في داهية ك ل nàng

ملك برقت و قالت:-

كدا يا مالك طيب

راحت فتحت الدولاب و خرجت منه بطانية و إتحركت ناحية السرير

مالك باصص عليها و قال:-

إنتي بتعملي إية هتغضبي زي العيال الصغيرة

ملك مسكت المخده و حطتها في إيد ملوك و حطت الغطا في إيد مالك و قال:-

بره إنت و بنتك من الأوضة إياك أشوف حد فيكم هنا لمده أسبوع

ملك بتذمر:-

الله أنا مليش دعوة يا ملك هو اللي غلط مش أنا سبيني أنام معاكي و هو ينام في الصالة جنب وليد هو كدا كدا منه هتكرشة زي كل يوم

ملك برقت ليها و قالت:-

يلا على أوتك متخرجيش منها غير الصبح

ملوك خرجت و هي بتدب في الأرض و مالك بص ليها بإبتسامة و قال :- إنتي أكيد بتهزري معايا يا ملك صح

ملك مسكته من إيده و خرجته من الباب و قفلت الباب وراها و قالت:-

عشان تبقي تغلط في تربية منال أوي يخويا اهي تربية منال هنتيمك متشرد أسبوع

مشيت خطوتين و وقفت و قالت:-

لازم يطلعوا أسوء ما فيا قولت بلاش منال تدخل في الموضوع محدش سمع كلامي

رهف قاعدة في بيتها بتأكل بعد يوم لعب مع ملوك فجأة لقت الباب بيخبط عليها

نفضت إديها و فتحت تشوف مين قلبت وشها فجأة و قالت:-

إية إللي جابك هنا يا ابن إعتماد

طاهر:- إية هنتكلم على الباب مش هتخليني أدخل

رهف بصتله من فوق لتحت و قالت:-

إحنا مفيش بينا كلام يا إبن إعتماد خ د بعضك و إتكل من هنا بدل ما أخلي اللي ميشتري يتفرج عليك

طاهر:- يا بت أنا عاوزك في الحلال لية مش راضية تليني م خك الجذمة دا

رهف:- أنا مخي مش جذمة أنا مخي تلاتين جذمة و لو ممشيتش دلوقتي هتعرف شغلك أنا رهف يعنيا مش واحدة من الصيع اللي تعرفهم

طاهر:- و ماله يا ست رهف أنا دلوقتي أقول للحارة إنك مجرجراني لحد شقتك عشان نعمل حاجة إستغفر الله العظيم

رهف ضحكت و قالت:-

تصدق ياض يا إبن إعتماد يعجبني فيك صراحتك الحـ ـقيرة تعال بقي يا أخويا عشان أنا حاولت معاك بالحـ ـسني و إنت اللي رفضت

خلعت جذمتها و ضربته بالكعب على دماغة و قالت:-

و أدي الجذمة اللي مطلعة عين الواحد من الصبح و مش عارف يمشي بيها أخيرا لقينا ليها إستخدام تاني

طاهر لقي حاجة بتنزل من راسة حط إيده عليها لقاه دم نازل فصرخ و قال:-

عاوزه تموتني يا بنت الـ ****

رهف برقت و قالت:-

ينهار ملحوث إنت قد اللي إنت ق لته دا طب تعال بقي يا إبن إعتماد

و نزلت فوقه ضرب بالجذمة

طاهر بقي يصرخ و الجيران إتلمت و رهف بتقوله:-

عاوز تدخل تقول كلمتين دا أنا هسمعك كلمتين يكيفوك لآخر العـ ـمر

علت صوتها و قالت:-

إنتي يا ولية يا إللي إسمك إعتماد بصلي يا ولية

طاهر الد.م بينزل من راسة و عمال يتوجع

إعتماد طلعت بسرعة و هي بتقول:-

إية يا رهف مفين غيرك وإلا اية

رهف:- أيوة يختي مفيش غيري إبنك أهو سا.يح في دمه و المرة الجاية هتلاقيه ذهب إلى الرفيق الأعلى بو ملمتهوش عني

طاهر:- إنتي اللي كـ ـنتي بتغرغري بيا و لما رفضت فتحتي دماغي

رهف بصتله بشر و قالت:-

صح يا إبن إعتماد عشان كدا أنا هربيك من أول وجديد و نزلت ضرب فوق دماغة فتحتلة حته تانية و بقي الدم ينزل كتير

إعتماد:- يلهوي الواد يا منك لله يا رهف يا بنت أم رهف هتموتيلي الواد الحيلة

رهف بسخرية:- ربيه يختي و بعدين إبقي تعالي إتكلمي شقتكم تحت طالعلي في شقتي لية و قال اية :-

هتسبيني واقف على الباب عاوزين نقول كلمتين قامت قيامتك يا بعيد

إسمع إنت و أمك و حط كلامي حلقة في ودانكم و هشهد عليكم ك ل اللي واقف

أي حد هيتعرضلي أو بس أشم إنه ناوي يتعرضلي هجيبه هو و أهله كلهم الأرض و إنتوا عارفين إني مبخافش

دخلت الشقة و قالت قبل ما تقفل الباب:-

و من غير سلام عشان إنتوا متستاهلوش

إعتماد سندت طاهر و قالت:-

تعال يا منيل على عينك اوديك المستشفى هخليها تحبني يا أما أهي علمت عليك و جابتك الأرض تاني يا محروس أسمعك بتقولي عاوز رهف تاني ساعتها أنا اللي هفتح نفوخك كفاية قلة قيمة بقي

تاني يوم الصبح رهف لبست و نزلت راحت الشركة و هي بتقول:-

يا رب محدش بعصبني النهارده عشان أنا على أخري أصلا

وصلت على باب الشركة شافت البت اللي كانت لابسة أصغر فقال :-

هو إصطباح باين من أوله

حاولت تتخطاها و تمشي لكن البت قالت بسخرية:-

إنتي جاية تتمحكي في وظيفة أكيد بقيتي بتاع الشاي و القهوة مهي دي مش مناظر ناس تشتغل في شركة زي دي

رهف ضغطت على إديها جامد و كانت هتسيبها و تمشي لكن مقدرش فقالت في نفسها:-

لا مش قادره لو مخدتش حقي هيحصلي حاجة

وقفت قدام البنت و قالت:-

هي مين دي اللي بتاعت الشاي و القهوة

البنت بصتلها من فوق لتحت و قالت:-

إنتي مش شايفه نفسك و لبسك أكيد إنتي طبعا

رهف بصت ليها بنفس النظرة و قالت:-

والله أنا كل اللي شايفاه إنك مش لاقية قماش تكملي بيه لبسك و مبينه اللحم الملأ يا قطة

البنت بصت ليها و قالت:-

متخاظة مني إكمن مفيش حد معبرك و كلهم حوليا

رهف بصت و لقت الشاب بتبص عليها فقالت بسخرية:-

البضاعة الرخيصة يتهاتف عليها الذباب يا قطة أما بقي بالنسبة للغلط في حقي أنا بقي مش هسامح فيه و خلي الشعب يتفرج و يفرح

مسكتها من شعرها و قالت:-

بقي أنا يا بنت الـ**** بتاعت شاي و قهوه و مش قد المقام معذورة متعرفيش رهف تربية منال و أختها

وقعتها على الأرض و قعدت فوقها و بقت تضرب فيها جامد

البنت بقت تصرخ و تقول:-

إلحقوني بجد هتموتني

الأمن إتلم حوليهم و رهف قالت:-

و أقسم بالله اللي هيلمسني لأعمله قضية تحر.ش أما إنتي بقي يا بطة فـ أنا هعرف أخليكي إزاي تداري لحمك دا لشهرين ق دام و برضوا هعلمك تحترمي الك ل حتي لو كان بتاع شاي و قهوه

رهف بقت تضر.ب و تعض فيها و مش رحماها بصت ليها ثواني قبل ما تضربها تاني و قالت:-

أنا أصلا كنت أخري و عاوزة حد أفش غلي فيه و أديكي جيتي في الوقت الم ناسب شـ ـكرا يا رب على إنك حاسس بيا فبعتهالي

حازم نزل من عربيته لقي الناس اللي في الشركة متجمعين و بيتهامسوا فراح محبتهم و إتفاجئ باللي بتعمله رهف

حازم جري عليها شالها من على البنت و هو بيقول:-

إنتي أكيد إتجننتي

رهق:- سبني يا سعادة البيه المدير كريم شانتيه بشا فرق لوز بيه دي عاوزة تتربي من أول و جديد

حازم بسخرية:- و إنتي بقي إللي هنربيها

رهف بكبرياء:- طبعا أما بقي بالنسبة للغلط في حقي أنا بقي مش هسامح فيه و خلي الشعب يتفرج و يفرح

حازم :- لا مو.تيها و هاتلنا كلنا مصيبة

حازم رماها على الأرض و قال ليها قبل ما يدخل الشركة:-

حصليني إياك الاصنصير يقفل قبل ما تيجي

رهف جريت بسرعة وراه بس لقت نفسها مش هتلحق خلعت الجذمة و مسكتها في إديها و هي بتقول:-

مش هينفعنا الاتيكيت لما ننكرش من تاني يوم

جريت و هي بتقول:-

إستني بس يا سعادة البيه المدير كريم شانتيه بشا فرق لوز بيه

حازم دخل الاصنصير و هي لحقته على آخر ثانية و دخلت وراه بتنهج

بص ليها و إتفاجئ من منظرها و قال:-

بقي في واحدة محترمة تمشي في شركة محترمة شايله الجذمة في إديها

رهف بصتله و قالت ببرود:-

مش أنا عملت كدا

حازم رد عليها باستغراب و قال:- اه

رهف بابتسامة مستفزة:-

يبقي في عادي و بعدين إنت مأزم الموضوع ليه ما الدنيا حلوة هي واحدة متربتش و غلطت فيا أسكتلها

حازم :- لا مو.تيها من الضرب

رهف:- أخد حقي بإيدي و في وقتها يا برنس إنت مش فاهم أنا لو معملتش كدا منال هتشمت فيا

حازم برق و قال:- منال و إنتي تعرفي منال منين

ملك أخدت ملوك و راحت الحضانة دخلت أوضه المـ ـديرة اللي رحبت بيها جدا لانها عارفة مالك

ملك قلعت النظارة و قالت بجدية:-

يعني إية مدرسه تشد شعر بنتي تشوفة حقيقي وإلا باروكة و كل شوية تقولها إنتي شبه حيوان شكل أنا جيباها تتعلم وإلا تتعقد

المديرة:- إهدي يا ملك هانم أنا هحل الموضوع دلوقتي رفعت سماعة التليفون و قالت:-

إبعتولي ميس صفاء حالا على مكتبي

ملوك همست لـ ملك و قالت:-

إضربيها يا ملك فرصة المـ ـديرة خايفة منك أومال مش بتخاف مني كدا لية

صفاء دخلت مكتب المـ ـديرة و بصت لـ ملوك و قالت:-

إنتي شرفتي يا قليلة الأدب

ملك وقفت و المديرة بقت تعرف و تقول:-

إسترها يا رب

ملوك بشماتة:- إلبسي بقي عشان تبقي تشتميني تاني

ملك بصت لـ صفاء و قالت:-

عيدي تاني اللي إنتي قولتيه كدا

ملوك بشماتة: إلبسي بقي عشان تبقي تشتميني تاني.

ملك بصت لـ صفاء و قالت:

عيدي تاني اللي إنتي قولتيها كدا.

صفاء: البنت دي قليلة الأدب ومش محترمة، بترد على الميس بتاعتها، بس الغلط مش عليها الغلط على اللي رباها.

ملوك فتحت بوقها و قالت:

ينهار إسود ومنيل، مش لقيا غير أمي وتغلطي فيها، سلميلي على الأموات يا ميس صفاء.

المديرة تنحت ووشها اصفر و قالت:

يلهوي دا اليوم مش هيعدي على خير، اللي أعرفه إن مدام ملك مش بتسيب حقها لحد وكمان بتجري ورا المشاكل، الله يخربيتك يا صفاء على اليوم اللي اشتغلتي فيه معانا.

ملك برقت لـ صفاء ورمت النظارة وهي بتقول:

حلو غلطت وأنا كنت مستنياها تغلط، لا وبتلكك أصلاً.

قربت من صفاء وقالت:

فرصة أخيرة عشان أكون عملت اللي عليا ومالك ميقولش عليا بخترع مشاكل مع طوب الأرض، اعتذري ليا ولملوك دلوقتي.

صفاء: أعتذر لمين؟ لحتت عيلة لا راحت ولا جت ومش متربية كمان.

ملوك: حلو غلطت تاني وأنا أصلاً مش بحبها، شوفي شغلك يا ملك.

ملك بصت لـ ملوك وقالت:

روحي اقعدي هناك واشربي العصير بتاعك يا قلب أمك، أصل أمك عندها طالعة ومش هتهدي غير لما تخلصها على أكمل وجه.

ملوك قعدت على الكرسي وبقت تشرب العصير وهي متابعاهم.

وملك قربت من صفاء وقالت:

يعني بتشدي شعر البت وبتشتميها ولما ردت عليكي زعلتي، ومسكتيش على كدا لا حاجة تغلطي فيا أنا ومالك.

تؤ تؤ تؤ تؤ أنا ممكن أسامح في أي حاجة إلا إن حد يغلط في مالك ملوكي.

فجأة مسكتها من شعرها ولهجتها اتغيرت وقالت:

إيه فكراني مش هكلمك ولا هرد عليكي؟ اصحي يا حلوة دا ملك الشاذلي يا بت.

صفاء صوتت وقالت:

إبعدي عني يا متوحشة إيه اللي إنتي بتعمليه دا، إلحقيني يا ميس سلوي.

ملوك بصت للمديرة وقالت:

ميس سلوي مامي دلوقتي مش شايفة قدامها، نصيحة مني متتحركيش من مكانك لحسن تاخدي بوكس وإلا قلم.

ملك بشر: عاوزاها تلحقك من إيديا يا بنت سلطح ملطح، لا يا حلوة طلما وقعتي في إيد ملك يبقي مش هسيبك غير وأنا واخدة حقي وحق بنتي تالت ومتلت وبعدها أطردك من الحضانة مع توصية مني إنك متشتغليش تاني.

صفاء عاندت معاها وقالت:

ليه مفكرة نفسك مين؟ أنا كدا عرفت البت طالعة مش متربية لمين.

سلوي: يخربيتك إسكتي ما تنضري و إنتي ساكتة، لازم تعاندي معاها هتضرر بك أكتر يا منيلة.

ملك: برافو يا ميس سلوى بتتعلمي بسرعة يا حبيبتي، أما إنتي بقي يا قمر، فـ ورحمت أمي ما هسيب في وشك دا حتة سليمة عشان تبقي تغلطي تاني.

ملك مسكتها من شعرها ووقعتها على الأرض وقعدت فوقها وقالت:

انضري بهدوء ومن غير شوشرة بدل ما أتصل بـ منال تجيب رهف وتيجي تكمل عليكي.

ضربتها قلم على وشها وصوت القلم سمع في الأوضة وهي بتقول:

بقي أنا بنتي متربتش؟ وبتشديها من شعرها تشوفيه باروكة؟ إيه يا قرعة هي زيك وإلا إيه؟

سلوي كانت واقفة خايفة وحاطة إديها على رقبتها وهي بتقول:

يا رب خلصني منها على خير دا أنا غلبانة ومعملتش حاجة.

ملوك بصت ليها وقالت:

متخافيش يا ميس طلما إنتي بتسمعي كلامي مامي مش هتضرر بك، هي هتضر ب ميس صفاء بس عشان مزعلاني.

سلوي بصت لـ ملوك وقالت:

مش عاوزة حاجة يا ملوك يا حبيبتي، أبعت أجيب ليكي فطار.

ملك: ابعتي هاتي لينا فطار، أخلص اللي في إيدي ونفطر مع بعض يا حبيبتي، أصل أنا حبيتك لله في لله.

صفاء بتصرخ وبتستنجد بأي حد.

فجأة موبايل ملك رن وملوك أخدته وردت.

ملوك: ألو يا مالك.

مالك: أهلا وش المصايب أمك فين؟

ملوك: بتخلص على ميس صفاء يا ملوكي، بقولك الميس هتجيب لينا فطار نعمل حسابك.

مالك: إقفلي يا بنت ملك يا تربية منال، مش هتستريحوا غير لما نتحبس كلنا، هتجيبوا أجلي منكم لله.

ملوك: طب يا بابي يا حبيبي مستنينك، خلاص مش هنمشي غير لما تيجي تاخدنا.

ملوك قفلت الخط مع مالك وسمعت صوت ملك يتقول ليها:

برافو عليكي يا حبيبت أمك، خليكي اسمعي كلامي كدا وأنا هخليكي تشيلي مالك الصغير ونلعب بيه مع بعض.

بصت لـ صفاء ونزلت فوقها ضرب من تاني وهي بتقول:

كله إلا بنتي اللي يقرب منها بأكله بسناني، عاوزة تبوظيلي نفسية البت، إلهي تبوظي ما يلاقوا ليكي ميكانيكي يصلحك.

رهف: أخد حقي بإيدي وفي وقتها يا برنس، إنت مش فاهم أنا لو معملتش كدا منال هتشمت فيا.

حازم برق وقال: منال؟ وإنتي تعرفي منال منين؟

رهف بتوتر: لهو إنت متعرفش.

حازم ضيق عينه وقال:

لا يختي معرفش.

رهف بمزاج:

قول كلام غير دا يعني أنا مقولتش ليك؟

حازم بزهق:

لا مقولتيش، ولخصي قولي بدل ما أطردك دلوقتي.

رهف قعدت على الكرسي وقالت:

طب اقعد اقعد يا سعادة البيه المدير كريم شانتيه بشا فرقع لوز بيه.

حازم قعد وقال بنفاذ صبر:

يا رب نخلص بقى.

رهف حطت رجل على رجل وقالت:

فاكر لما وليد بشا جه يتقدم لـ منه؟

حازم: إخلصي إنتي هتنقطيني، مالهم وليد و منه.

رهف: ما أنا جايلك في الكلام أهو إنتي اللي متعصب.

خدت نفس وكملت.

فاكر لما دخل المحل واشترى منه باكت شاي؟

حازم هز رأسه وقال:

وكسفنا يومها بدل ما يجيب جاتوه جاب شاي العروسة مش عارف إيه الحكمة في كدا بس طالما الموضوع عدى خلاص، إنتي إيه علاقتك بالموضوع.

رهف بضحك: أنا اللي اديته الشاي.

حازم تنح وقال:

يعني إنتي من عند ملك من الحارة.

رهف هزت رأسها بإيجاب وقالت:

يعني أنا أعرفك أصلاً يا سعادة البيه المدير كريم شانتيه بشا فرقع لوز بيه من زمان جدا.

حازم: ياااه فعلاً، ليه كام سنة الحوار دا.

رهف: تاخد التقيلة بقى.

حازم بلوية بوز: إشجيني يختي.

رهف: منال تبقي خالتي واعتبر هي اللي مربياني.

حازم برق وقال:

أنا قولت من الأول استحالة الفصيلة دي تخرج عن العيلة دي.

قام وقف ومسك رهف من قفاها وقال:

إنتي هتحكي كل حاجة وإلا.

رهف: من غير وإلا أنا مش ليا هاخد القلم شوف إنت عاوز تعرف إيه وأنا هقوله ليك دا إنت حبيبي يا سعادة البيه المدير كريم شانتيه بشا فرقع لوز بيه.

بس بعد إذنك لو ينفع يعني سيب البلوزة عليها أقساط.

حازم بص في عنيها ورهف بص في عينيه وقلبها دق أما حازم قال في نفسه:

بريئه بس شرشوحة وتربية منال، يعني لسان خمسة ستة متر قدامها.

رهف اللي سرحت تماماً، وقلبها دقاته بتزيد وكل شوية تتمعن أكتر في عينه.

حازم قال بسخرية:

مكنتش أعرفك إن عيني حلوة قوى كدا.

رهف فاقت على جملته وقالت:

لا دا أنا كنت بحاول أحدد لونها، وبتخيل إزاي هيبقي لونها في الشمس فكك إنت من الحوار دا، دي عادة منذ الطفولة، سيب بقى البلوزة يا سعادة البيه المدير كريم شانتيه بشا فرقع لوز بيه.

حازم هزها وهو بيقول:

أول حاجة تبطلي تقولي الإسم دا اسمي بشمهندس حازم غير كدا لا.

رهف: وليه التكليف ووجع القلب مشيها حازم وخلاص.

حازم برق ليها وهزها وهو بيقول:

إنتي هتصاحبيني يا بت؟ يا شيخة أنا مش عارفة أعمل معاكي إيه؟

رهف زعقت بضحك وهي بتقول:

ومصاحبكش ليه إن شاء الله؟ هي من خالتشي حبيتشي تبقي حمت إخوانك؟

بصت لية لقيته هيتعصب فقالت بسرعة:

طبعاً، إنت مش هتاخد بكلام عيلة زي يا أيها البشمهندس المبجل المحترم.

حازم زقها وبعد خطوات عنها وهو بيقول:

أعمل فيكي إيه؟ أعمل فيكي إيه؟

رهف ردت عليه بسرعة من غير تفكير:

حبني.

حازم برق وبصلها وهو بيقول:

إيه؟

ملك قاعدة على المكتب بتأكل هي وملوك وسلوي بتبص ليهم بزهول وصفاء واقفة وشها الحيطة ورافعة إديها الاتنين لفوق.

ملك: خدي طعمية يا ملوك إنتي بتحبيها، وإلا أجيبلك فول.

ملوك: هاتي ليا طعمية يا ملك بقالي كتير مش أكلت منها.

ملك قعدت ملوك على رجلها وبقت تأكلها وتأكل وهمست ليها:

إنتي متأكدة إن أبوكي جاي؟

ملوك هزت رأسها بإيجاب وقالت:

أيوة دا قفل في وشي السكة يعني جاي متعصب يا ملك، تيجي نجري.

ملك: أسد يلا في إيه؟ إجمعي كدا وميهمكيش حاجة هي علقة والسلام.

يدوب ملك خلصت جملتها ومالك فتح الباب ودخل منه، بص عليهم وشافهم قاعدين بياكلوا والمديرة خايفة تتكلم، اتذهل من الموقف بس استعاد ثباته وقال في نفسه:

تربية منال أتوقع منها أي حاجة، يلا ربنا يقويني عليهم وأربيهم الإتنين من أول وجديد، ولو حكمت هربي منال معاهم.

بص ليهم وملك بلعت الأكل وقالت:

هاي ملوكي تعال كل يا حبيبي إنت خرجت النهارده من غير فطار.

مالك برق ليها وبص للمديرة وقال:

في إيه؟ إيه اللي بيحصل هنا؟

سلوي بلعت ريقها وبصت على صفاء اللي لسة واقفة مكانها وخايفة تتحرك، بص لـ ملك اللي دارت وشها وبصت لـ ملوك وقالت:

كلي طعمية يا حبيبتي، إنتي هفتانة ومنه كانت بتأكل أكلك.

ملوك: ومش كانت راضية تديني مكرونة بشامل يا ملك.

ملك ضربت على صدرها بحركة شعبية وقالت:

مش راضية تديكي مكرونة بشامل.

بصت لـ مالك وقالت:

لا يا حبيبي مينفعش كدا لازم تجيب لـ ملوك مكرونة بالبشاميل هو إحنا حليتنا غيرها.

ملك بص لهم وقال:

حاضر عنيا هجيب ليكم إنتوا الإتنين أغلى مكرونة بشاميل.

وبص للمديرة وقال:

قولي الآنسة تيجي وتتحرك من مكانها.

سلوي بصت لـ ملك وقالت لـ صفاء تيجي تقعد.

مالك قعد في مقابلة ملك وصفاء قعدت على كرسي جنبهم.

مالك أول ما شافها برق وبص لـ ملك وقال:

عملتي إيه تاني يا تربية منال.

ملك برقت لية وقالت:

سمعاك بتقول حاجة يا مالك.

مالك: إنتي لسة سمعتي حاجة؟ اصبري عليا بس لما نروح.

بص لـ صفاء وقال:

أنا بعتذر جداً عن اللي حصل دا.

صفاء: اعتذار إيه حضرتك هي كلت أكلي، دي بهدلتني وفرجت الناس عليا، أنا هعمل محضر أصلاً.

ملك بلوية بوز:

إعملي أنا معايا كل الحق واحدة بتشتم بنتي وبتمد إيديها اللي تتقطع عليها، وهدخل حقوق الطفل في الموضوع يلا.

مالك برق ليها وقال:

مسمعش صوتك لحد ما نمشي من هنا.

ملوك همست لـ ملك برعب:

ملك هو هيضربنا أنا عاوزة حازم.

ملك: والله يا بنتي أنا أول مرة أشوف أبوكي كدا، شكلنا هناخد علقة محترمة يا ملوك.

ملوك هزت رأسها وعيطت وقالت:

أنا عاوز حازم.

مالك شخط فيها وقال:

مش عاوز أسمع صوتك دا، وإياك تعيطي أو تقولي عاوزة حازم، لا حازم ولا غيرة هيحوشوا عنكم النهارده.

ملك اتعصبت وقالت:

إيه في إيه نازل شخط من وقت ما جيت وقولتلك غلطت فينا أنا وإنت والبت، أنا محدش يغلط في جوزي وبنتي ولا تربية بنتي.

مالك زعق وقال:

ملك اخرسي مش عاوز اسمعلك صوت.

ملك قامت ومسكت ملوك وهي بتقول:

لا تسمعلي ولا أسمعلك، سيبهالك مخضرة يا مالك بس ابقي افتكر مين ملك، ومن غير سلام.

ملك أخدت ملوك وخرجت من المكتب وماشية براحة ومالك اعتذر من المديرة ومن صفاء وعطاها مبلغ مالي عشان مترفعش قضية.

خرج بسرعة ورا ملك وملوك وهو بيقول بعصبية:

ملك استني عندك، هو أنا سمحتلك تمشي؟

ملك مشيت ولا كأنها سمعت حاجة ومالك لحقها على باب الحضانة مسك إيديها ولفها ليه بعصبية وضربها كف.

ملك اتفاجئت منه وملوك اللي برقت وبقت تعيط جامد، ملك حاطة إيد على وشها والايد التانية ماسكة ملوك.

مالك: أنا مش بقولك اقفي؟

ملك مبرقة في الفراغ وضمت ملوك عليها جامد ومالك بيزعق وملك مش سامعاه أصلاً لحد ما رفعت عينها عليه وإيدها لسة على خدها وقالت بقهر:

طلقني يا مالك.

منال قاعدة وحست بوغزة في صدرها طلعت تليفونها وحاولت تتصل بـ ملك بس ملك مش بترد، جربت تتصل بـ مالك تليفونه مغلق.

قامت تتمشى بتوتر وهي بتقول:

استرها يا رب، سلمها من عندك يا كريم، أنا عارفة إن بنتي إيديها طوية ولسانها مترين قدام لكنها غلبانة وتستاهل كل خير، هي بس تلقائية زيادة عن اللزوم ومتحبش حد يدوس ليها أو لحد يخصها على طرف، والنبي يا رب سلمها من عندك ورجعلي بنتي وحفيدتي ومالك سالمين غانمين، استودعتهم عندك يا رب.

منه جت لقت منال بتلف بقلق وبتدعي فقالت بقلق:

في إيه يا منال مالك؟ مش بالعادة قلقانة كدا.

منال بدموع نادرة:

حاسة إن أختك فيها حاجة يا منه.

منه :- استهدي بالله بس يا منال ومتقلقيش، دي ملك برضوا و تقريبًا مالك هيروح وراها على الحضانة.

منال :- قلبي مقبوض والله يا منه، أنا مش عارفه أول مرة أقلق على ملك كده.

منه :- اهدي يا ماما، ملك أكيد هتعرف تتصرف، وشوية و جايين.

منال هزت رأسها بالإيجاب و قالت:

أكيد خير، أنا هقوم أصلي و أدعيلهم ربنا ييسر طريقهم و يهدي قلبي و يجيب العواقب سليمة.

منه :- أيوه دا أسلم حل تعمليه، وأنا هدعيلهم أنا كمان.

***

ملك قالت بقهر:

طلقني يا مالك.

مالك بص لها بصدمة و قال:

إنتي بتقولي إيه؟ يظهر إني دلعتك زيادة عن اللزوم، من أول ما دخلتي حياتي وأنا مش عاوز أوريكي وشي التاني، لكن لحد كده و كفاية أوي.

ملوك هزت رأسها بعنف و حطت إيديها على ودنها و بقت تصرخ.

ملك بصت لها و نزلت لمستواها و حضنتها و هي بتحاول تهديها.

ملك شالت ملوك اللي مش مبطلة عياط و حاضنة ملك و جت تمشي، راح مالك شاددها من إيديها و هو بيقول:

راحة فين؟ أنا لسه مخلصتش كلامي.

ملك بصت له بحدة و قالت:

أنا بقي خلصت كلامي يا مالك، و خلصت حياتنا مع بعض، ولو فاكر إني ممكن أتراجع تبقي بتحلم.

مالك شدها من دراعها و ملوك بتعيط و ملك بتحاول تحتويها بس مش عارفه.

مالك أخدهم على العربية و قال قبل ما يقفل الباب اللي خلى ملك تنكسر و تكسر أي أمل للرجوع من تاني:

هنشوف كلام مين اللي هيمشي يا ست ملك، كان لازم أعرف إن دا كله هيحصل، هستنى إيه من واحدة تربية حواري و كانت بتشتغل خدامة عندي، لازم يبقي دا أسلوبها.

ملك بصت قدامها و حضنت ملوك جامد و هي بتقول في ودن ملوك:

هششش بس يا نور عيني متعيطيش، أنا آسفة يا ملوك، أنا اللي حطيتك في الموقف دا، بس أوعدك كل حاجة هتنحل، وهخليكي تعيشي مبسوطة طول عمرك، بس يا حبيبتي.

ملوك حاضنة ملك و مش راضية تسيبها، و مالك ركب العربية و مشي قبل ما يبص عليهم حتى.

ملك طول الطريق حاضنة ملوك و ساكتة، بس جوها صراع داير، وأولهم سؤال:

يا ترى أنا اخترت غلط؟ ودي كلها لعبة؟

مالك بيعيرني؟ قولتلك قبل كده متكسرش ثقتي فيك عشان مش هترجع تاني، مش مسمحاك يا مالك.

مالك وصل البيت و نزل من العربية، فتح الباب من ناحية ملك و شدها من إيديها خرجها من العربية و دخل الفيلا.

ملك شايلة ملوك و ماشية وراها بسرعة، و كانت هتقع بيها كام مرة بس لحقت نفسها.

مالك فتح الباب و دخل لحد الصالون، زق ملك على الكنبة وقعها عليها.

رجل ملوك جت في بطنها فصرخت بألم و هي بتبص له بتبريقة و عيونها ملت دموع بس مش راضية تنزل.

منال أول ما سمعت الباب بيفتح جريت تشوفهم و شافت اللي عمله مالك.

منال جريت عليهم و هي بتزعق و بتقول:

مالك إنت اتجننت؟

مالك بص لها بجمود و قال:

مش أنا اللي اتجننت، يظهر إن بنتك اللي متربتش و لازم تتربي من جديد.

منال وقفت قدامه و ضربته بالقلم و قالت:

إخرس، أنا بنتي متربية أحسن تربية، يظهر إن إنت اللي اتجننت و محتاج ترجع لعقلك من تاني.

وليد سمع الصوت العالي جري و وقف مش فاهم حاجة.

منه كانت على السرير قامت براحة و خرجت بره تتسند على الحيطة و بقت واقفة بعيد عنهم.

مالك بص لـ منال و قال:

لولا إنك ست كبيرة كنت دفعتك حق القلم دا، وبص لـ ملك و قال:

و انتي متخرجيش من أوضتك مفهوم، لا انتي ولا بنتك.

ملوك جالها حالة هياج عصبي و بقت تصرخ و تعيط و محدش عارف يسيطر عليها.

وليد جري بعد مالك من قدامها و قعد قدامها و قال:

اهدي يا بنتي، اهدي يا حبيبتي.

منال بقت باصة لـ مالك بصدمة من كلامه و تغيره المفاجئ و قالت:

و إيه كمان يا مالك، سمعني.

مالك:

و تتفضلي من هنا، مش عايزينك بينا، استكفينا من طريقتك على كده.

ملك برقت و وقفت بألم و هي بتقول:

مالك إنت بتقول إيه؟

مالك برق لها جامد و حط صباعه في وسطها و هو بيقول:

أنا مش عاوز أسمعلك صوت، إنت فاهمة؟

ملك:

لا مش فاهمه، هتعمل إيه يعني أكتر من اللي عملته؟

وليد وقف و زعق لهم و قال:

اسكتوا بقي على الأقل عشان البت الصغيرة دي.

مالك:

و هو حد جايبها ورا غيرهم.

وليد:

إسكت يا مالك، وحضن ملوك اللي بقت تزق فيه و تمسك في ملك و تشد فيها ناحية الباب من غير كلام.

مالك شافها كده زعقلها و قال:

إقعدي ساكتة، مش عاوزة أسمع صوتك، أنا هربيكم من أول و جديد عشان أسلوبكم الزبالة دا.

ملوك خافت منه و اتخبت ورا ملك، و ملك بصت له بذهول من كلامه.

وليد بص على ملوك و خايف عليها لأنها بتكتم عياطها لجوه.

جري بسرعة على الفون و طلب حازم.

***

أعمل فيكي إيه؟ أعمل فيكي إيه؟

رهف ردت عليه بسرعة من غير تفكير:

حبني.

حازم برق و بص لها و هو بيقول:

إيه؟

رهف:

زي أختك، حبني زي أختك يا حازم، وبطل تمرمط في اللي جابوني كده.

حازم:

بقي أنا ممرمطك؟ طب يا رهف أنا هوريكي، ملحقش يكمل كلامها و لقي وليد بيتصل بيه.

حازم رد عليه وقبل ما يتكلم سمع وليد بيزعق و بيقول:

في ظرف خمس دقائق تكون قدامي يا حازم، البيت بيولع و أخوك بيته هيتخرب.

حازم بص في التليفون و الضيق بان عليه، أخد مفاتيح العربية و لسه هيخرج، رهف قالت:

في حاجة وإلا إيه؟

حازم كان هيمشي بس رهف وقفت قدامه و قالت:

ممكن أجي معاك و مش هتكلم تقريبًا، في مشكلة عندكم؟

حازم هز رأسه بدون كلام و رهف راحت معاه.

بقي سايق العربية بسرعة و رهف ماسكة في الكرسي و بتتشاهد.

حازم أخيرا وصل و نزل جري من العربية و رهف نازلة دايخة وراه.

حازم دخل لقي الوضع ميستحملش و شاف ملوك مستخبية ورا ملك، جري عليها و رهف بقت واقفة مش فاهمة حاجة.

حازم نزل لمستوي ملوك و حضنها جامد و قال:

ششش اهدي.

ملوك شاورت على الباب و مش بتتكلم.

حازم لاحظ كده بس ظن إنها خايفة من مالك.

بص لهم لقي منال بتقول بصدمة:

إنت مديت إيدك عليها يا مالك؟

مالك:

و أكسر رقبتها كمان.

منال:

لا بقي دا إنت زودتها أوي، لحد كده و كفاية أوي، ارمي عليها اليمين.

مالك:

مش هطلقها، والي عندكم اعملوه.

منال:

روحي لمي هدومك، مش هتقعدي في بيت مش مكبرينك فيه.

ملك لسه هتتحرك، مالك مسكها و زقها على الكنبة و قال:

قولت مش هتتحركي من هنا.

ملوك بصت عليها و مسكت في حازم و مبرقة.

حازم بص لها و قال: متخافيش يا ملوك، محدش هيعملك حاجة، بصيلي كده و ردي عليا، مش انتي بتحبي حازم؟

ملوك هزت رأسها و متكلمتش.

حازم: ملوك ردي عليا، إنتي خايفة؟

ملوك عيطت و شاورت على بوقها و بقت تفتح بوقها و تقفله و مش عارفه تتكلم.

حازم دموعه نزلت و رهف اتصدمت من اللي بيحصل، بصت على ملك و صوتت.

الكل بص عليها و لقوها بتشاور على ملك اللي الدم مالي هدومها.

ملك بصت على هدومها و على ملوك و صرخت و قالت:

ولادي!

مالك بص لهم و برق على الدم اللي على هدوم ملك، جاي يقرب منها، منال وقفت قدامه و قالت:

إبعد عنها، إنت السبب في دا كله، مسكت إيد ملوك و طلبت من حازم يوصلهم المستشفى.

حازم بص لـ مالك اللي واقف مصدوم و جري على ملك شالها و جري بيها على العربية.

منال أخدت ملوك و مشيت، شافت منه واقفة تعيط من بعيد، قالت لها بصوت واطي:

أمي هدومك و هدوم أختك و بنت أختك و ابنك و تروحي على بيتنا، معتش لينا مكان هنا.

منه هزت رأسها بالإيجاب و لفت تروح أوضيتها.

وليد جري ورا ملك و منال شالت ملوك اللي بتنام من كتر العياط.

حازم دخل ملك العربية من ورا و منال قعدت جنبها من ناحية، و رهف جت تركب، منال برقت لها و قالت:

ساعدي منه في اللي قولتي ليها عليه، إخلصي نص ساعة و تكونوا خلصتوا.

رهف: بس يا خالتي.

منال بحزم:

مبسش، إخلصي زي ما قولت ليكي، ومش عاوزة أسمع كلمة تانية، نص ساعة و تكونوا هناك.

رهف قفلت باب العربية و وليد ركب جمب حازم و جريوا على المستشفى.

مالك بقي واقف تايه، لقي رهف قدامه بتقول:

أنا معرفش إيه اللي حصل يا مالك، بس اللي أنا متأكدة منه إن ملك مش غلطانة، تعرف ليه؟

مالك بص ليها و رهف كملت:

عشان ملك بتعدي كتير أوي يا مالك، بس اللي يجي على اللي يخصها يأكله بسنانها، خالتي ربتنا إننا ناخد حقنا بإيدينا، عارف ليه؟

عشان من غير راجل يا مالك، فكان لازم نبقي رجالة لنفسنا.

أينعم ممكن تلاقي طريقتنا أوفر شوية، بس دا لأننا كنا مطمع لناس كتير من بعد موت أبويا و أبو ملك و منه.

منال و عيالها أطيب خلق الله، لكن الحياة جبرتهم يكونوا كده، في مجتمع بيدين الست في كل حاجة و مش بيجيب الغلط على راجل، فكان لازم نبقي رجالة أو معني أصح نكون جامدين ناكل اللي قدمنا قبل ما إللي قدمنا ياكلنا.

زي ما انت عارف إننا عايشين في حارة، بالك انت لو مكنش كده واحد زي إبن اعتماد يتبلي عليا، سمعتي هتبقي إيه؟

لكن تربية منال لينا علمتنا إنتا تاخد حقنا و بزيادة كمان عشان مش تجبر اللي قدامك يحترمك، لا هو كدا كدا هيحترمك غصب عن اللي جابوه، بس لما يخاف منك، لما يخاف منك هيعملك ألف حساب.

يمكن طريقة تفكيرنا غلط و واخدينها فرد دراعات، لكن بالنسبة لينا دا الصح.

الصح إننا ناخد حقنا بإيدينا، الصح إننا منسمعش لأي حد يقلل مننا ولا حتى اللي بنحبهم.

المثل بيقولك ظل راجل و لا ظل حيطة، وإحنا للأسف ربنا مأردش يكون عندنا راجل، فكُنا إحنا الرجالة.

راجع نفسك يا مالك، عشان المرة دي مش بس ملك اللي مش هتقبل اعتذارك، منال قبلها، وفكر في بنتك اللي اتأثرت بيكم و باليوم دا.

آسفة إن كنت دخلت في حاجة متخصنيش.

رهف دخلت لمنه و سابت مالك يفكر، لقت منه قاعدة تعيط و شايلة مالك الصغير، فحضنتها و قالت:

متخافيش، كل حاجة هتتحل بإذن الله يا منه.

منه بدموع: أنا مش عارفة إيه اللي حصل لدا كله، فجأة جم من بره و صوت مالك عالي و ملوك بتعيط و محدش فاهم حاجة، و لما ماما دخلت مالك سمعها كلمتين و كرشها من البيت.

رهف: طب اهدي و قومي أكلي آدم، صحيح منال قالتلك تعملي إيه عشان قالتلي أساعدك.

منه اتنهدت و قالت:

قالتلي ألم الهدوم و عشان إحنا مش هنقعد تاني هنا.

رهف: خدي الجديدة بقي، أمك قالتلي نص ساعة و تكونوا في بيتنا القديم.

منه بصت ليها جامد و رهف ضحكت و قالت:

دا منال ناوية تربي التلاتة من أول و جديد، و استلقت وعدك بقي يا مالك عشان تبقي تعمل فيها فاندام و عاوزة تعملهم تصحيح سلوك.

منه ضحكت على كلامها و ساعدتها بس براحة في لم الهدوم.

***

مالك واقف تايه و باصص قدامه لحد ما عينه وقعت على صورة ليه هو و ملك و ملوك، ابتسم لما شافها و افتكر الموقف.

فلاش باك

مالك جاي من الشغل و ملوك جريت عليه و هي بتقول:

آخرت كتير.

مالك باسها بحب و قال:

معلش يا قلب مالك، كان عندي شغل كتير.

ملوك:

ملك زعلانة و ملوك كمان.

مالك بص على ملك و قال:

و إيه اللي يرضي ملوك و أمها؟

ملك ردت عليه و قالت:

هتشوي لينا النهارده في الجنينة.

مالك: أنا عارف إن همكم على بطنكم، بس أمري لله موافق.

ملوك سقفت و باسته من خده و قالت:

ملوك بتحبك.

مالك نزلها و غير هدومه و جهز حاجات الشوي.

ملك مسكت الفحم حطيته في الشواية بس عاصت إيديها، راحت مسحتها في وش مالك.

مالك بص لها بدهشة و عاص إيده و حطلها على وشها.

ملوك: ينفع كده؟

مالك: البادي أظلم يا روحي.

ملوك ضحكت و مسكت حتة فحم من الكيس و حطت على وشها.

بصوا التلاتة لبعض و ضحكوا جامد و مالك أخد لهم صورة الذكرى.

بالك

مالك دمعة نزلت من عينه لما افتكر منظر الدم اللي على هدوم ملك و منظر ملوك و هي خايفة و مش بتتكلم.

مسك مفتاح عربيته و جري وراهم على المستشفى.

***

ملك قاعدة في العربية بتقول لـ منال:

هاتي ملوك جنبي يا ماما.

ملوك كانت نايمة و منال حطيتها جنبها و هي بتقول:

خليها هنا عشان متتعبيش.

ملك مسكت إيد ملوك و قالت:

تعبي ملوش قيمة جنب تعب بنتي، وأنا مش مسمحاه يا ماما.

منال: اهدي و هنتكلم في الموضوع دا بعدين.

ملك قربت ملوك منها و بدأت تغيب عن الوعي.

منال بتكلمها بس ملك مش سامعاها و أغمي عليها.

حازم داس بنزين و جري على المستشفى، أول ما وصل فتح الباب شال ملك و منال شالت ملوك.

حازم ترولي بسرعة.

الممرضات جابوا الترولي و أخدوا ملك و دخلوا غرفة الطوارئ.

الدكتور جه جري بص عليها و قال:

دي بتسقط، بسرعة على العمليات.

ملك دخلت العمليات و منال قاعدة بره و شايلة ملوك في حضنها.

مالك جاي جري و منال شافته راحت مدت إيديها بملوك لحازم و راحت ناحية مالك.

مالك عينه على العمليات و حاسس بقلبه معاها جوه، و لسه هيقرب لقي منال في وشه بتقول.

مالك جاي جري ومنال شافته راحت مدت إيدها بملوخية لحازم وراحت ناحية مالك.

مالك عينه على العمليات وحاسس بقلبه معاها جوه.

ولسة هيقرب لقي منال في وشه بتقول:

"إيه اللي جابك هنا يا مالك؟ مش خلاص سبنالك البيت؟ إيه لسه في كلمة مقلتهاش جاي تكملها هنا؟"

مالك عينه على العمليات ومش مركز مع منال.

جه يتخطاها ويمشي، وقفت قدامه ومسكت دراعه وقالت وهي بتزقه:

"اطلع بره المستشفى يا مالك وبنتي مش هنشوف ضفرها تاني. طالما هي مش عاجباك، حفيت وراها ليه؟ جيت بيتي وطلبتها مني ليه؟"

"بس أنا اللي أستاهل، أنا اللي اعتبرتك راجل هيقف جنبها ومش هيجيب غلط عليها قدام حد حتى لو هي غلطانة."

"أنا اللي اقتنعت إنك هتعوض بنتي عن عدم وجود أب وأخ في حياتها."

دموعها نزلت وهي بتقول:

"بنتي كانت غلطانة لما فكرت تتغير عشانك إنت وبنتك. كان لازم تفضل زي ما هي."

ملك عقد حواجبه وقال:

"تتغير عشاني؟"

منال مسحت دموعها وقالت:

"أيوه تتغير عشانك. قبل ما تروح مع بنتك الحضانة كانت قاعدة معايا وقالتلي..."

فلاش باك

ملك بهدوء:

"ماما ملوك بقت تتصرف بشكل مش كويس وبطريقة أكبر من سنها. البنت بقت عاملة زي البغبغان بتردد الكلام وبس."

منال:

"سيبيها تتعلم تاخد حقها بإيديها زيك يا ملك. أنا ربيتك إنتي وأختك إن اللي يجي جنبكم تجيبوه تحت رجليكم وتدوسوا عليه عشان متبقوش ملطشة للي يسوى واللي ما يسواش."

ملك:

"بس ملوك وضعها غيرنا يا أمي. إحنا كنا ستات عايشين في حارة شعبية. يعني لو طلعت إشاعة واحدة علينا هتنتشر بسرعة الصاروخ. لو اتخانقنا مع حد وإحنا مكسورين أو ضعاف كان هيتحط علينا بزيادة. لكن ملوك غيرنا، ملوك عندها أب وأم يدافعوا عنها. دلوقتي هي بتروح حضانة وبتختلط بأطفال زيها. لازم تبقى زيهم مش تردد كلام هي أصلا مش فاهماه."

منال:

"وإنتي هتعملي إيه يا شملولة على كده؟"

ملك بتنهيدة:

"هغير من نفسي الأول يا أمي. عشان ملوك تلقط طريقة التعامل الجديدة وتحاول تستوعبها وتتغير هي كمان. هسيب مالك يتعامل مع المشاكل ومش هتدخل إلا لو مكانش موجودة."

"كل اللي هعمله إني مش هسمع لحد يجي عليا أو على بنتي حتى لو بكلمة، وهما وحظهم بقى. مالك جه قبل ما أفقد أعصابي، كان بها مجاش يبقوا يستحملوا ملك."

منال بصت ليها من فوق لتحت، وملك بصت ليها من طرف عينيها.

منال:

"لأ بس النية موجودة."

ملك بصت ليها وقالت بثقة:

"طبعًا."

باك

مالك بص لها بجمود وبص على باب العمليات واتهز من جواه تاني.

أما منال فبصت له وقالت بإصرار:

"إرمي اليمين على بنتي يا مالك."

مالك بص لها وقال:

"إنتي بتقولي إيه يا منال؟ عاوزة تخربي بيت بنتك بإيدك؟"

منال بصت له وزعقت وقالت:

"بيت بنتي إنت اللي خربته من ساعة ما مديت إيدك عليها قدام أخواتك. من ساعة وهنت كرامتها قدامنا كلنا."

مالك بنبرة مهزوزة:

"كنت بعاقبها أو فاكر إني بعاقبها. طلعت عصبيتي عليها. أي نعم مش أول مرة، لكن الكلام اللي سمعته..."

منال قاطعت كلامه وقالت:

"كلام إيه وزفت إيه؟ فيه طرق كتير أوي للعقاب يا مالك بيه. إلا إنك تمد إيدك على بنتي. ده إنت لو كنت أخدت جنب منها كانت هتحاسب نفسها بدل المرة مية، وإنت عارف ملك كويس. متقدرش تنام وحد زعلان منها."

بصت له وقالت بأمر وعصبية:

"إرمي اليمين على بنتي يا مالك."

مالك بص لها وقال بتحدي:

"بصي يا منال، طلاق مبطلقش ومراتي هعرف أرجعها ليا هي وبنتي."

منال ضحكت بسخرية وقالت:

"بنتك اللي نفسيتها زي الزفت. بنتك اللي هتحتاج دكتور بسبب اللي عملته."

مالك ليه هيتكلم، منال حطت إيدها في وشه وقالت:

"كلامك معايا خلص. لكن بنتي مش هتشوف ضفرها تاني. اعرف قيمتها وابقى كلمني، يا أرضي يا مرضاش، بس خدها مني كلمة. لو هتشحت قدامي كدا مش هتنولها تاني يا مالك."

وليد وحازم بصوا لبعض بخوف وتوتر.

حازم ضم ملوك عليه أوي وهمس لوليد:

"دي شكلها هتبقى أيام ما يعلم بيها غير ربنا."

وليد بإنزعاج:

"منال سكتت كأنها على مالك ومش هتهدى غير لما تربيه، ومش بس كدا هتربينا معاه. دي منال وكلنا عارفينها."

حازم بتكشيرة:

"الله وإحنا مالنا؟ طب هو اللي غلط يبقى هو اللي يتحاسب."

وليد بسخرية:

"لأ دي مش في قاموس منال يا حبيبي. تسمع عن مقولة الحسنة بتخص والسيئة بتعم؟ أهي منال بتتبع المقولة دي."

"مالك يغلط وكلنا نتحاسب."

حازم لسه هيرد عليه لقي الباب فتح والدكتور خرج.

الكل جري عليه وأولهم منال.

مالك بدأ الكلام وقال:

"هي كويسة يا دكتور مش كده؟"

الدكتور أخد نفس وقال:

"المدام بخير، بس للأسف الجنين نزل. ربنا يعوض عليكم. الحقيقة إحنا حاولنا كتير ننقذه بس مقدرناش. حالة المدام النفسية كانت وحشة جدا، وده كان أهم سبب في موت الطفل."

مالك لف وشه وضرب بإيده على الحيطة وقال بغضب:

"ليه؟ ليه غبي؟ أنا إزاي نسيت إنها حامل؟"

وليد حط إيده على كتفه وقال:

"اهدّي يا مالك. لو كان ليك نصيب فيه كان جه الدنيا. ده اختبار من ربنا ليكم. الخوف دلوقتي على ملك لما تفوق وتعرف مش هتستحمل، وده هياثر على نفسيتها أكتر."

منال قعدت على الكرسي ودموعها نزلت وهي بتقول:

"يا حبيبتي يا بنتي، كنتي فرحانة بيه أوي. يروح منك كدا بسهولة والسبب موته أبوه؟"

حازم قعد جنبها ونيم ملوك في حضنه وطبطب على كتفها وهو بيقول:

"اهدّي يا منال، فترة وهتعدي. متتبكيش، أنا مش متعود عليكي كدا."

منال دموعها نزلت أكتر وقالت:

"بس دي بنتي يا حازم. بنتي اللي هتنقهر أول ما تعرف. بص على اللي على إيدك وقولي إيه ذنبها في اللي هي فيه؟"

حازم اتنهد وقال:

"ملوك هتبقى كويسة صدقيني. إحنا صحيح هنتعب معاها شوية، لكن هتبقى كويسة."

ملوك فتحت عينيها وبصت لحازم وحضنته.

منال بصت عليها واتنهدت وقالت في نفسها:

"أهم حاجة ملك وملوك يكونوا بخير. الطفل ممكن يتعوض، لكن بنتي متعوضتش أبدا."

فاقت على إيد ملوك اللي مسكت إيديها وحطت إيدها على بطنها.

منال بصت لملوك وقالت:

"إيه يا حبيبتي عاوزة حاجة؟"

ملوك هزت رأسها من غير كلام وشاورت على بطنها.

حازم انتبه ليها ولإنها مش بتتكلم، ومنال قالت:

"عاوزة تروحي الحمام؟"

ملوك هزت رأسها بإيجاب، ومنال مسكت إيديها وجت تاخدها للحمام، شافت مالك استخبت في منال وبقت ترجع لورا.

منال أخدت بالها وبصت لحازم اللي جري عليهم وشال ملوك وقالها:

"تعالى حازم ياخد ملوك الحمام ويجيب ليها حاجة حلوة كتير."

ملوك بصت على مالك بخوف، وحازم شالها ومشي بيها من قدامهم.

مالك الصدمة غطت على لسانه، عيونه دمعت والموقف كان صعب عليه. بنته خايفة منه؟ بغبائه ضيع كل حاجة من إيده.

بص لوليد وقال بصوت مهزوز:

"ظهري اتكسر يا وليد. ملوك ملوك خايفة مني. بنتي مش حاسة بأمان معايا."

منال كملت بقسوة:

"بنتك مش بس خايفة منك. بنتك مبتنطقش يا بيه. بنتك حالتها النفسية زفت وأخوك خدها بعيد عندك عشان متخافش ويأثر عليها أكتر."

سألتهم ومشيت ورا حازم.

وليد طبطب على كتف مالك وقال:

"كل حاجة هتبقى تمام يا مالك متقلقش. فترة وهتعدي وملوك هترجع أحسن من الأول. يومين بس يا مالك."

ملك دموعه نزلت لأول مرة من يوم ما عرف ملك وقال:

"أنا اللي ضيعت كل حاجة من إيدي يا وليد، بس مكنش بإيدي حاجة أعملها. اتشحنت من السكرتيرة بنت الصرمة دي قبل ما أروح ليهم."

وليد عقد حواجبه وقال:

"اتشحنت إزاي يعني مش فاهم؟"

مالك اتنهد وقال:

"كنت رايح لملك بعد ما اتصلت بيا وعرفتها إنها عملت كارثة كالعادة."

فلاش باك

مالك خارج من المكتب، لكن استوقفه كلام بعض الموظفين عن ملك، فوقف يسمع من غير ما حد ياخد باله.

"زي ما بقولك كدا يا بنتي مراته سوقية أوي تربية حواري. تخيلي بتضرب أي حد ومش بتسيبه غير لما تغير خريطة وشه."

"ده إيه المفترية دي؟ ومستر مالك ساكت عليها ليه؟ ما يطلقها ويشوف واحدة تليق باسمه ومركزه."

"مش عارفة حقيقي متمسك بالمفترية دي ليه. بس شوفتي الحظ يختي، واحدة تربية شوارع متجوزة واحد زي مالك ومتهنية. بتشاور بس وكل طلباتها مجابة، إنما إحنا محدش سائل فينا."

"معاكي حق، أنا فعلا مستغربة إزاي واحدة بطريقتها دي قدرت تسيطر على مالك؟ دي متخلفة يا بنتي، ده الحمار بيفهم عنها."

البنت ضحكت وقالت:

"عاملة نفسها بتفهم في كل حاجة وهي مبتفهمش حاجة. واحد زي مالك محتاج واحدة تشرفه قدام الناس، مش واحدة تعره كل يوم تضرب حد وتعمل معاه مشكلة. ده أنا لو منه كنت زهقت."

مالك خرج ليهم وبصلهم وقال:

"مشفش وشكم هنا تاني مع توصية مني محدش يشغلكم عشان تبقوا تعرفوا تغلطوا في ملك هانم اللي مشغلاكم في شركتها وبتقبضكم في آخر الشهر."

"يا مستر مالك..."

مالك بصلهم بحدة وقال:

"مسمعش نفس، وده آخر كلام عندي."

مشي كام خطوة ووقف في نص الشركة وقال بحدة:

"مراتي كرامتها من كرامتي، واللي يغلط فيها مجرد غلط هنسفه من على وش الدنيا. عاوز تفضل شغال معايا، بتقبض مرتب بيكفيك وزيادة، يبقى باحترامك. لكن أي كلمة هتتقال في حق عيلتي مش هيحصل. كويس. إنتوا هنا عشان تشتغلوا مش تنموا على اللي بيأكلكم عيش."

ساهم ومشي وهو بيقول:

"هي وصلت لكدا يا ملك بعمايلك، لازم أشد عليكي شوية عن كدا."

باك

"وأول ما شفت منظر مدرسة ملوك ركبني ميت عفريت، وحصل اللي حصل."

وليد بص له بإندهاش وقال:

"تصدق يا ضنا إنك محتاج قلم ينفوك."

مالك بص له باندهاش وقال:

"نعم؟!"

وليد رد عليه بغيظ وقال:

"عشان اتكلموا عليها وإنت رديت اعتبارها وكرشتهم، وإلا عشان المدرسة اللي بنتك قالت إنها بتشد شعرها تشوفه حقيقة وإلا باروكة؟ مسألتش ملك ليه عن اللي حصل يا غبييي؟ مش يمكن الزفتة دي عملت حاجة ليهم؟ وإنت عارف ملك مش بتسكت لحد."

"طب إنت سألت المديرة إيه اللي حصل؟ طب شوفت الكاميرات؟"

مالك هز رأسه بالنفي وقال:

"لأ مجاش في بالي. أنا أول ما شفت البت ووشها اتجننت مع كلام الزفتة في الشركة، مقدرتش أمسك نفسي وطحت فيها هي والبت. كان كان فيه غشاوة على عيني، مكنتش لا شايف ولا عارف أنا بعمل إيه."

"أنا جرحت ملك أوي يا وليد ومش هتسامحني بسهولة."

وليد بسخرية:

"إنت مش هتعرف تتكلم معاها أصلا يا مالك طول ما منال مش راضية عنك."

مالك بص له بقله حيلة، ووليد رفع كتفه دليل على أنه لا فائدة.

***

حازم أخد ملوك على الحمام ومنال حصلتهم ودخلت معاها.

ملوك خرجت وهي ماسكة إيد منال وبتبص لحازم ببراءة.

منال بصت ليها وبصت لحازم وقالت:

"أنا مش هستنى أكتر من كدا يا حازم. أنا هاخدها للدكتور وفرصة لسه ملك مش واعية. روح إنت عند أوضة ملك وإياك مالك يدخل ليها، إنت فاهم؟"

حازم:

"لأ يا منال، أنا هاجي معاكي لازم أطمن على ملوك بنفسي."

حازم شال ملوك ومشي بيها، ومنال ماشية معاهم لحد ما وصلوا عند دكتور أطفال.

حازم خبط ودخل، ومنال دخلت وراه. قعدوا على الكراسي قدام الدكتور وملوك في حضن حازم.

الدكتور بص ليهم وبص لملوك وقال:

"ها يا جميلة بتشتكي من إيه؟"

ملوك بصت لحازم وشاورت بصباعها على دماغها كأنها بتقول: إيه المجنون ده؟

حازم فهمها ومنع ضحكته بالعافية، ومنال اللي ابتسمت على شكل ملوك.

الدكتور عقد حواجبه وبص ليهم بإستغراب، وحازم شاف مكان الدكتور مخصصه للأطفال في مكتبة، شاور لملوك عليه اللي جريت عليه بسرعة.

حازم تابعها بعينه، وبعد ما اتأكد إنها مشيت، بص للدكتور وقال بجدية:

"بص يا دكتور، ملوك كانت بتتكلم وكويسة، لكن حصل النهاردة حاجات قدامها واتعرضت لضغط نفسي كبير. من بعدها مش بتنطق."

منال بصت للدكتور وقالت:

"منه لله اللي كان السبب في اللي حصل ليها. المهم دلوقتي يا دكتور، هتقدر تخلي البنت تتكلم تاني وإلا إيه؟"

حازم بضيق:

"استنى يا منال، أنا مش بتكلم معاه، وإلا إنتي لازم تحشري نفسك وخلاص؟ ما تسمعي وإنتي ساكتة."

منال بصت لحازم بحاجب مرفوع وقالت:

"إنت لو مسكتش هقلب عليك زي أخوك، واخليك تقول يا ريت اللي جرى ما كان. مش عاوزة أسمع نفس، مفهوم؟"

الدكتور متابعهم، وأول ما منال بصت له قال:

"يظهر إن الحالة النفسية اللي البنت اتعرضت ليها كانت شديدة شوية لدرجة إنها تفقد النطق."

منال بسخرية:

"جبت إيه جديد من عندك؟ ما كل ده إحنا قولناه من دقيقتين."

الدكتور بضيق:

"أنا جاي لحضرتك في الكلام أهو يا مدام. الحالة النفسية للأطفال بتختلف عن الكبار."

"يعني الكبار ممكن يعبروا، لكن الأطفال لأ. البنت هترجع تتكلم من تاني، لكن لما ترجع تحس بالأمان اللي هي فقدته. هي اتعرضت لصدمة، دوركم إنكم تحاولوا معاها ومتزهقوش منها، وهي واحدة واحدة هتستجيب."

حازم هز رأسه بإيجاب وقال بضيق:

"تمام يا دكتور."

راح لملوك ومسك إيديها وخرجوا ومعاهم منال.

منال لسه هتتكلم لقت تليفون حازم بيرن، فبص فيه وقال:

"معلش يا منال هرد وأحصلك."

منال هزت رأسها بإيجاب وراحت على أوضة ملك، وحازم مسك إيد ملوك ورد على التليفون.

***

رهف ومنه وصلوا الحارة وطلعوا شقة منال القديمة، فتحوا الشقة ورهف قالت:

"يلهوي! ده متربة أوي يا منه. بصي اقعدي على السلم هنا إنتي ومالك الصغير على ما أوضب أوضة تقعدي فيها جوة."

منه هزت رأسها بإيجاب وقالت:

"معلش يا رهف هتعبك معايا."

رهف ردت عليها وقالت:

"إياكي تقولي كدا تاني، إحنا إخوات."

ودخلت تروق الأوضة وتنضفها، وبعد ما خلصتها أخدت منه قعدتها فيها وقفلت الباب عليها وبدأت تنضف باقي البيت.

مرت ساعات على ما خلصت وقعدت فقالت:

"طلع عيني على ما خلصت، بس إيه جرعة النكد دي؟ لازم أطري على قلبي كدا، أنا مش حمل نكد أكتر من كدا."

طلعت تليفونها ورنت على حازم وقالت:

"الو يا سعادة البيه المدير كريم شانتيه باشا فرقع لوز باشا."

حازم:

"إيه يا رهف؟"

رهف بسرعة:

"بقولك إيه يا سعادة البيه المدير كريم شانتيه باشا فرقع لوز باشا."

حازم بضيق:

"إخلصي يا رهف، مش ناقص هبل."

رهف بسرعة صدمته وقالت:

"تيجي نتجوز بالسر؟"

حازم اتصدم من كلامها وقال...

***

منال وصلت أوضة ملك ولقيت مالك ووليد بره، لسه هتتكلم لقت ملك بتصرخ وبتقول:

"ولادي!"

رهف بسرعة صدمته و قالت:

تجي نتجوز بالسر؟

حازم إتصدم من كلامها و قال:

إنتي بتقولي إيه؟

رهف بصت في التليفون و حطت ايديها على بوقها و قالت في نفسها:

أقسم بالله ما شفت أغبي مني.

حطت التليفون على ودنها تاني و قالت:

دا كان توكتوك معدي يا سعادة البيه المدير متاخدش في بالك إنت عارف إني هبلة.

زفر حازم براحة و قال:

اممممم هبلة؟ طب يا هبلة هانم متصلة دلوقتي ليه؟

رهف بسرعة:

برازي فيك.

لحظة إستوعبت اللي قالته و كملت بضحكة متوترة:

قصدي بطمن على الوضع عندك تقولك إقفل دلوقتي و هبقي أكلمك تاني أصل الماية جت و هدخل أخد شاور.

قفلت الخط و هي بتقول:

الله يرحم أمك يا رهف قال شاور قال ماله الكلام بتاعنا دا ماله هدخل استحمي لحسن دا أنا ريحتي بقت تقرف من كتر التنضيف و التراب اللي مغطي أمي.

حازم بص لـ ملوك و قال:

البت دي حاجة من الاتنين يا إما عبيطة يا إما عبيطة.

ملوك ضحكت و هزت رأسها بإيجاب فـ حازم قال:

أيوة صح أنا كنت عارف هي عبيطة. تعالي نشوف ملك يلا.

***

منال وصلت أوضة ملك و لقت مالك و وليد بره لسه هتتكلم سمعت صراخ ملك و هي بتقول:

ولاااااااادي.

منال جريت على الأوضة و دخلت لقت ملك قاعدة و ظهرها على الحيطة و رأسها لورا و حاطة ايديها على بطنها و بتصرخ.

منال جريت عليها و أخدتها في حضنها و هي بتقول:

بس يا حبيبتي متعمليش في نفسك كدا عشان خاطري و خاطر ملوك.

ملك بصت ليها و قالت بانهيار:

ابني يا أمي إبني راح. يا ريتني كنت أنا و هو لا يا ربي.

منال باست على رأسها و قالت:

ربنا يعوض عليكي يا حبيبتي أهدي عشان خاطر صحتك اهدي يا ملك.

مالك كان واقف على الباب و باصص عليها و دموعه بتنزل بصمت. عاوز يدخل يخدها في حضنه بس رجليه متخشبة مش قادر يتحرك. وليد حط ايده على كتفه و همس قائلا:

هتبقي كويسة يا مالك. صدمة خسارة ابنها مش سهلة برضوا. دا غير كلامك اللي زي السم اللي سمعته منك و أنا عارفك لما بتتغابي و تلغي عقلك و تفكيرك.

مالك كان باصص عليها هو مش متخيل إن الأمور وصلت لكدا بينهم. و أنه حتي مش قادر يدخل ياخدها في حضنه. بص عليها و هي بتبكي في حضن أمها و عيونه بتنزل دموع لوحدها من غير حتى ما يبكي.

سمع جملتها اللي قطعت قلبه:

ملك: لي يا أمي كدا؟ لي ربنا بيختبرني في ولادي؟ كان ممكن ياخدني بس ولادي يفضلوا بسلام.

منال بصت ليها بحدة و قالت:

إنتي من إمتي ضعيفة كدا؟ لا يا بنت منال انتي أقوي من كدا و هتعدي كل دا. هما يومين اللي هسمحلك فيه تبكي غير كدا وربنا لكون ضرباكي بالشبشب يا ملك عشان تفوقي لنفسك. هتكفري و انتي قاعدة يا بنت الصرمة.

مالك مستحملش يشوفها كدا خرج جري و وليد وراه. حازم قابلهم في الطريق بس سابهم و دخل لـ ملك اللي أول ما شافت ملوك فتحت اديها و ملوك راحت ليها.

ملك بقت حاضنة ملوك و بتعيط و حازم بص عليها بأسف و انسحب بهدوء علشان يسيب لـ ملك المساحة الكافية ليهم.

بمجرد ما حازم قفل الباب منال بصت لـ ملك و قالت بسخرية:

هقدملك في برنامج الدوم لاكتشاف المواهب الشابة.

ملك مسحت دموعها و قالت بتذمر:

جري إيه يا منال ما تسيبي الواحد يعيش الدور. مش إنتي اللي قولتيلي أعمل كدا؟

منال بصت ليها بغيظ و قالت:

تعيشي الدور إيه يا فنانة دا خمسة و كنت هصدقك. دا الواد عيط يا جاحدة بقولك مثلي مش طلعي مواهب أمك المدفونة. لو حد كان ركز معاكي يا بنت الصرمة كنتي إتكشفتي.

ملك بتذمر و طفولة:

إيه يا منال مش إنتي اللي قولتي للدكتور يقولي أقول إن البيبي مات و أنهار و نفسيتي تتعب عملت اللي قولتي عليه أهو.

منال بسخرية:

و الصراحة إنتي ما صدقتي الفرصة تجيلك و تبدئي موهبتك اللي انتي بتموتي فيها صح؟

ملك بغيظ:

أيوة يختي أنا كان طموحي أبقي ممثلة بس إنتوا إللي دفنتوا موهبتي و دلوقتي جه الوقت إنها تطلع للنور.

و بصت لـ ملوك و قالت بحنان:

إنتي كويسة يا قلب ماما؟

ملوك هزت رأسها بإيجاب و حضنتها.

ملك بصت لـ منال و قالت:

ودتيها لدكتور يا ماما قالك إيه؟

منال بلعت ريقها عشان عارفه إني ملك تستحمل أي حاجة إلا إن ملوك تزعل فقالت بهدوء:

شوية و هترجع تتكلم تاني محتاجة شوية اهتمام بس.

ملك هزت رأسها بإيجاب و باست على راس ملوك و شدها من حضنها و قالت:

قوليلي يا منال إنتي عملتي دا كله إزاي؟

منال ابتسمت بخبث و قالت:

أول ما خدوكي العمليات دخلت للدكتور في الخباثة و طبعًا كله كان مشغول فمحدش ركز معايا.

فلاش باك.

منال بصت للدكتور و قالت:

بنتي يا دكتور عاملة إيه؟

الدكتور بصلها و قال:

هي كويسة جدا على فكرة عندها نزيف بسيط بسبب الضغط النفسي غير كدا هي كويسة و دا علاجه حاجة بسيطة و سهل جدا.

منال بتفهم:

حلو أوي دلوقتي المنيل على عينه جوزها هو السبب في الضغط النفسي دا و أنا الصراحة عاوزة اربيعه شوية فهطلب منك خدمة قد كدا.

الدكتور بصلها و عقد حواجبه و قال:

خدمة إيه دي؟ على حسب اللي هتطلبيه.

منال ابتسمت بخبث و قالت:

إنت هتخرج من العمليات تقول قدام الكل إن ملك فقدت الجنين.

الدكتور بغباء:

أيوة بس دا محصلش و هي كويسة و البيبي كويس.

منال بحدة:

دكتور فتح مخك الزنخ دا معايا مش ناقصة غباء على المسا.

الدكتور بصلها بصدمة و قال:

إنتي بتكلميني أنا؟

منال بسخرية:

لا بكلم أمك بص يا دكتور إنتي هتقول ليهم إن الجنين نزل كدا و كدا يعني.

الدكتور بصلها و قال بحدة:

إنتي عاوزاني أخون ضميري المهني يا مدام؟

منال بصت ليه و رفعت حاجبتها و قالت:

ضمير إيه يا دكتور الحمير إنت. إسمي اللي بقولك عليه وتنفذه وإلا هفضحك في المستشفى كلها و اقول بيتحمرش بيا.

الدكتور بصلها و بلع ريقه بصعوبة هو مش عاوز مشاكل و قال:

حاضر اتفضلي انتي و أنا هنفذ كل اللي انتي عايزاه.

منال خرجت و هي بتقول:

لازم يخرجوني عن شعوري و أنا من جوايا ست مؤدبة.

باك.

ملك بسخرية:

إبليس بيسقفلك يا منال.

منال بكيد و بحاجب مرفوع:

طبعًا دا إبليس دا تربيتي يا بت.

***

مالك ركب عربيته و جري بيها و وليد ملحقوش لسه هيوقف تاكسي لقي موبايله بيرن وقف رد عليه.

منه قاعدة في بيتها القديم و شايلة مالك الصغير و هي بتقول بتذمر:

هو إيه القرف دا بقي كان لازم مالك يعمل دا كله وليد وحشني أوي.

حسبي الله ونعم الوكيل فيك يا مالك يا إبن أم مالك.

مسكت تليفونها و كلمت وليد اللي رد عليها و قال:

أيوة يا حبيبتي إنتي كويسة؟

منه بحب: إيه يا حبيبي أنا كويسة الحمد لله إنت عامل إيه و ملك و ملوك عاملين إيه؟

وليد بتنهيدة:

هما كويسين يا حبيبتي المهم خدي بالك من نفسك و من مالك الصغير لحد ما أجيلك.

أنا شوية و هرجع الفيلا أطمن عليكم.

منه بلعت ريقها بصعوبة و قالت بتوتر:

لا يا وليد يا حبيبي إحنا مش في الفيلا.

وليد عقد حواجبه و سالها بتوجس:

أومال إنتوا فين يا منه؟ و إزاي تخرجي من البيت و إنتي لسه والده و من غير إذني؟

منه بلعت ريقها و قالت بتوتر:

أنا في بيتنا يا وليد.

وليد زعق و قال:

نعم يختي؟ في بيت مين؟ إوعي تقولي عند منال.

منه بتأكيد:

أيوة يا وليد ماما خليتني لميت هدومي و أنا و مالك الصغير و هدوم ملك و ملوك و رجعنا بيتنا.

وليد بصدمة و زعيق:

و متنيلتيش قولتيلي ليه وإلا أنا مليش كلمة عليكي؟ و بعدين هو يغلط وأنا اتعاقب ليه؟

منه عقدت حواجبها و قالت:

إنت بتزعقلي وأنا لسه مسبعتش أنا غلطانة إني حنيت ليك و كلمتك يقطع الحب و سنينه.

و قفلت الخط.

وليد بص للتليفون و قال:

بتقفل الخط في وشي بنت منال. مش مكفيها خدت الواد و طفشت لا كمان مش عاجبها إني اتعصب عليها ماشي يا منه انتي و أمك.

دخل المستشفى و وصل لاوضة ملك لقي منال واقفة على الباب.

بصلها و قال بغيظ:

طب مالك غلط أنا مال أمي بتعاقبني معاه ليه؟ دا انا ملحقتش أفرح بالواد يا منال.

منال بصت ليه من فوق لتحت و قالت:

معلش يا وليد أنا عندي الحسنة بتخص و السيئة بتعم.

وليد نفخ و قال:

يا منال استهدي بالله و خليها ترجع البيت هروح اخدها. أنا مليش ذنب.

منال ضحكت بسخرية و قالت:

نجوم السما أقرب ليك يا وليد. بص يا إبني من الآخر أنا ممشية بناتي على قاعدة.

يا نعيش عيشة فل يا نموت إحنا الكل.

وليد بصلها بغيظ و سابها و مشي و منال بصت لـ حازم اللي ضحك عليهم و قالت:

وأنت يا كابتن رهف أسمع إنك زعلتها بس شوف إيه اللي هيجري ليك.

حازم رفع حاجبة و قال:

وأنا مالي بيها يا منال؟

منال بحزم:

مالك و نص و تلت تربع مش هتبقي مراتك.

حازم بصلها بدهشة و قال:

إيه مراتي؟ مين اللي قال كدا؟

منال بحدة:

أنا اللي قولت إيه هتكسر كلامي كمان؟

حازم بغيظ:

لا يا حبيبتي مش هكسره بس بصي يا منال إنتي لسه قايلها من شوية لوليد نجوم السما أقربلك من إني اتجوز العيلة دي و شابها و مشي.

منال في سرها:

ماشي يا شوية أوباش أما ربيتكم من أول و جديد ميبقاش إسمي منال.

مسكت خصله من شعرها و قالت:

و حيات مقاصيصي دي لخليكم تلفوا حولين نفسكم و برضوا مش هرحمكم عشان تتعلموا الأدب إن كان انتوا وإلا شوية العرر اللي أنا مخلفاهم.

***

مالك كان واقف في مكان خالي من الناس مكان لما يبقي مخنوق بيروح يقعد فيه.

كان ماسك شوية طوب و برمي في الفراغ و هو بيفكر.

هل هيقدر يجمع العيلة تاني بعد اللي عمله وإلا كدا خلاص عيلته إتشتت و مش هيتجمعوا سوا تاني؟

دمعة نزلت منه لما إفتكر ابنه اللي مشفش الدنيا و قال:

سامحني يا حبيبي سامحني والله مكنتش أعرف إنك هتكون ضحية شيطاني. أنا الغلطان مفيش غيري بس كنت هعمل إيه إفتكرت إني لما هقسي الوضع هيتعدل اتارية كان بيبوظ وأنا مش واخد بالي. يا رب احفظهم ليا يا رب عارف إني غلط اديني القدرة إني ارجعهم ليا تاني.

بص في الساعة لقاها تسعة بليل أخد العربية و جري بيها لحد ما وصل حضانة ملوك ركن و نام في العربية و هو بيقول:

حقك هاخده من كل اللي سخني عليكي يا ملك أهي بنت الكلب دي هي السبب في اللي حصل كله ما كانت انضربت و هي ساكته.

مالك نام من شدة إرهاق اليوم و ملك و ملوك نايمين في المستشفى و منال نايمة على سرير جنبهم.

وليد اللي قاعد في الكافيه مركز في الأغنية و الكوبليه اللي اشتغل.

مبقتش عارفه اعمل ايه حالي مش صعبان عليه.

فردد بسخرية قائلا:

والله العظيم حالي ما صعبان علي حد. مالي و مال مشاكل مالك و مراته.

و كمل بتذمر طفولي:

أنا عاوز مراتي مليش فيه.

و حازم اللي قاعد قدام أوضة ملك و ساند راسه على الحيطة غمض عينه و سمع صوتها و هو بيقول:

سعادة البيه المدير كريم شانتيه بشا فرقع لوز بيه تجي نتجوز بالسر تيجي ناخد بيت بعيد.

كان شايفها و هي بتعمل حركات بإيديها و بتغني و بتضحك بشقاوة.

راح ليها و قال:

إنتي عملتي فيا إيه يا رهف عاوز اخدك في حضني ينفع.

ضربت بإيديها على صدرها بحركة شعبية و قالت:

تأخد مين في حضنك يا سعادة البيه المدير إنت مفكرني إيه يا خويا والله ما ينفع معاك غير منال هروح أقولها.

كانت لسه هتمشي مسك ايديها و قال:

استني هنا هتقوليلها إيه يخربيتك.

شدها عليه و هو بيقول:

قوليلي بقي كنتي هنقولي لمنال إيه؟

رهف بصت في عيونه ببراءة و قالت:

مش هقول ليها حاجة بس سيب ايدي.

حازم قربها ليه أكتر لدرجة إن أنفاسهم إختلطت و قال:

بصي بقى أنا مليش في حركات الملحن دي ولا حول بحبك و الكلام دا بس أنا من ساعة ما شفتك و انتي بتتكلمي بشفايفك اللي شبه عسل النحل دي و أنا الصراحة بحب عسل النحل أوي فهدقها.

رهف لسه هتتكلم إتفاجئت بيه بيبوسها بحب فتحت عينيها أوي و حاولت تبعده عنها لحد ما بعد و قال:

رهف بصتله بصدمة و قالت:

إنت عملت إيه إنت قد اللي عملته دا؟

طب خد.

ضربته بالرجل في رجله لحد ما وقع على الأرض.

حازم فتح عينه لقي نفسه واقع على الأرض قدام أوضة ملك فقال بدهشة:

شكلك هتنفذي كلامك وإلا إيه يا منال؟ احيه بجد إيه اللي أنا حلمت بيه دا؟ ربنا يعدي الأيام الجاية على خير.

وليد اللي خرج بره المستشفى و أخد تاكسي و راح لـ منه و مالك الصغير بيت منال و هو بيقول:

ورحمت أمي لروح أشوفها هو أنا هقعد أحط إيدي على خدي و أغني يحزنون و أنا أصلا مش مدي خوانه.

وليد اللي خرج بره المستشفى و أخد تاكسي و راح لـ منه و مالك الصغير بيت منال و هو بيقول:

ورحمت أمي لروح أشوفها هو أنا هقعد أحط أيدي على خدي و اغني يحزنون و أنا أصلا مش مدي خوانه.

وصل لحد البيت و طلع خبط على الباب و هو مبتسم أوي. رهف فتحتله الباب و هي بتتاوب و قالت:

إيش هذا إنت بتعمل اية هنا؟

وليد بص ليها و قال بجدية:

جاي أشوف مراتي و ابني.

رهف بسخرية:

و قولت لـ منال وإلا هطلع عين اللي خلفو.نا.

إبتسم وليد بإستفزاز و قال:

أكيد طبعاً هيطلع عين اللي خلفو.كي.

بصلها جامد و قال بصرامة:

خُدي جنب افضلك.

رهف رفعت ايديها لفوق و رجعت لورا و وليد دخل بلهفة على أوضة منه.

فتح الباب و دخل و قفلة وراه. يصلها لقاها نايمة بعمق و مالك الصغير نايم جنبها بهدوء.

قرب منها و قعد جنبها على السرير و ميل باس على رأسه.

منه حست بيه و فتحت عنيها و بصتله جامد قامد مرة واحدة وقالت:

ااه.

وليد حط ايده على كتفها و قال:

ترتاحي إنتي لسة تعبانة من الولادة.

منه رجعت بظهرها على السرير و قالت:

إنت اية اللى جابك هنا يا وليد؟

وليد بص ليها و قال:

جاي أقعد مع مراتي و إبني وإلا إنتي عندك مانع؟

منه بصت ليه بحب و قالت:

لا معنديش بس منال.

وليد قطع كلامها و هو بيقول:

ششششش.

لف من الناحية التانية و نام و فرد دراعة على المخدة أخد مالك الصغير و منه في حضنه.

منه بصت ليه و ابتسمت و هو قال ليها:

نامي طيب.

منه غمضت عنيها و نامت و وليد ابتسم على منظرهم و نام بعمق جنب عائلتة.

تاني يوم الصبح مالك صحي على النور اللي دخل ليه من العربية و بدأ يفوق و يدرك أنه في الشارع.

بص حوليه و إفتكر أنه جه هنا عشان يشوف اية الموضوع.

إستني في العربية لحد ما الحضانة فتحت و خرج والعربية دخل الحضانة بهدوء و منها على أوضة المديرة.

المديرة أول ما شافته وقفت و قالت بقلق:

إتفضل يا مالك بيه.

مالك قعد بكبرياء و قال بهدوء مصطنع:

عاوزة أعرف اية اللي حصل بالظبط.

المديرة بلعت ريقها بصعوبة و هزت رأسها و قالت:

حاضر أنا هقولك على كل حاجه.

المديرة حكت ليه عن قلة زوق صفاء و تعديها لحدودها ، و قالتله كمان إن ملك كانت سيباها لحد ما غلطت فيه و إن دي كانت الشـر.ارة اللي و.لعت الدُنيا.

المديرة: و بعدها جت أكتر من شكوي منها على سوء معاملتها للأطفال و اتعمل ليها محضر و حالياً بيتحقق معاها.

مالك كان مزهول من اللي بيسمعة و قالت:

في الآخر و بعد دا كله خسرت بيتي عشان خاطر مريضة نفسياً.

المديرة:

الحقيقة مدام ملك كانت منتهي الاحترام معايا إلا إن لما دخلت صفاء عاملة ملوك معاملة و.حشة أوي محدش يقدر يستحملها و دا اللي دايق مدام ملك.

مالك هز رأسه بتفهم و قام وقف و قال:

أشكرك و آسف إن كنت ضيعت وقتك.

المديرة بلطف:

لا يا فندم أنا تحت أمرك في أي وقت.

مالك خرج من المدرسة و قعد في عربيته رجع راسة لورا و قال:

بس دا ميمنعش أنها علطانة في طريقة تعاملها ، هصل اللي أنا عملتة إزاي دلوقتي؟

شغل العربية و طلع على المستشفى و دخل و هو ناوي يتكلم معاها و يحاول يستسمحها.

ملك كانت بتتكلم مع مامتها و الباب موارب و مش اخدين بالهم.

ملك بصت لـ منال و قالت:

إفرضي مالك عرف إن البيبي ليه منزلش أنا خايفة أوي يا منال.

منال بحدة:

لا جمدي قلبك اية عجبك منظرك و إن فعلاً الولد كان هيـ ـموت كدا؟

ملك باعتراض:

بس يا منال هو مش مات و غير كدا مالك أكيد كان زعلان من حاجة أينعم جرحني جامد و دي حاجة مستحيل اسامحة عليها بس مش لدرجة نخبي عليه ابنه.

مالك سمع كلامهم و أخد نفس طويل و خرجه و دخل الأوضة.

ملك أول ما شافته قلبها دق و إتمنت أنه يجي يحضنا و يطايب بخاطرها.

مالك بصلها و نطلق بهدوء كلمتين خلت قلب ملك إنكسر و يقع في الأرض.

مالك بصلها جامد و قال:

إنتي طالق.

و إدها ظهره و خرج من الأوضة بهدوء.

ملك الدموع إتجمعت في عنيها و بصت لـ منال بحزن و قالت:

اللي أنا سمعته دا مش صح يا ماما صح.

منال جريت عليها و حضنتها جامد و قالت:

شششش اهدي يا ملك ، اهدي عشان خاطري ، دا اللي كان لازم يحصل من وقت ما عايرك.

ملك بقت تهز راسها بعنف و تقول:

مالك.

مالك طلقني يعني خلاص معتش في مالك تاني.

منال لأول مرة مش عارفه تتكلم ولا تواسي بنتها فقالت ليها بتصميم:

والله هيرجعلك تاني وبكرة تقولي منال قالت وساعتها هيلف السبع دوخات عشان ترضي ترجعي ليه.

ملك بصت ليها وابتسمت بسخرية وقالت:

أنا عاوزة أمشي من هنا.

منال بعدت عنها وملك قامت وجهزت هدومها في شنطة.

الباب خبط وحازم دخل لقي ملك بتظبط حاجتها، عقد حواجبه وقال:

إيه دا انتي بتعملي إيه؟ ولي بتعيطي كدا؟

قرب منها وقال بجدية:

ملك في إيه؟

ملك بصت ليه وقالت بابتسامة:

مفيش حاجة يا حازم، أنا بس تعبت من المستشفى فقولت أخد بنتي وأمشي من هنا وأفوق ليها كدا عشان ترجع تتكلم وتلعب زي الأول.

حازم بصلها بحزن وقال:

طب انتي مالك بتعيطي ليه؟ لو على البيبي اللي راح فـ أكيد ربنا هيعوضك عنه خير يا ملك.

ملك ضحكت بمجاملة وقالت:

البيبي لسة موجود يا حازم، أنا اللي خبيت عشان أحسس أخوك باللي كان هيحصل بسبب تهوره.

حازم بصدمة قال:

إيه لسة موجود؟ طب ومالك عرف؟

ملك بسخرية:

عرف وطلقني، دلوقتي هاخد بنتي وابني وهنخرج من حياته نهائي.

حازم بمحايلة:

استهدي بالله بس يا ملك ومتعمليش كدا، بصي كل حاجة هتتحل وأنا هفضل ورا مالك لحد ما يرجعلك بس.

ملك قاطعت كلامه وقالت بحزم:

لا يا حازم، لا مش هتتكلم معاه حتى في الموضوع، هو باع وأنا اشتريت وخلصت على كدا.

حازم بجهل:

باع إيه وانتي اشتريتي إيه؟ هو خضار هنفاصل فيه؟

ملك بصت قدامها وقالت:

هو باعني وأنا اشتريت نفسي، باعني من وقت ما هانني وقال إنه مكنش ينفع يتجوز خدامة زيي، بس برحمة أبويا هخليه يشوف الخدامة دي هتعمل إيه.

قفلت شنطتها ومسكت إيد ملوك وقالت:

يلا يا بنتي على بيت أمك، البيت اللي غلطت لما سبته زمان والغلطة مش هتتكرر تاني.

حازم كان لسة هيتكلم بس ملك مديتش ليه فرصة وخدت ملوك وخرجت من الباب.

بص على أثرها وقال:

ربنا يعدي الأيام الجاية على خير لأني مش متفائل، وملك هتعند مع مالك اللي مش عارف إيه اللي جراله أصلاً.

مالك خرج من المستشفى وفضل يلف بالعربية والغضب عامي عينه، فجأة وقف وبص قدامه وقال:

أنا عمري ما كنت عصبي كدا، إيه اللي جرالي؟ بص على يافتة موجودة على جنب مكتوب عليها "سامر سمير أخصائي الطب النفسي".

بص قدامه واتنهد، هو محتاج حد يتكلم معاه ميقاطعوش، ركن عربية وطلع العيادة.

السكرتيرة قابلته وقالت:

اتفضل يا فندم.

مالك بصلها وقال بجدية:

عاوز أدخل لدكتور سامر.

السكرتيرة بصتله وطلبت منه حق الكشف ومالك عطاها أكتر ما طلبت ودخلته.

مالك قعد قدام الدكتور ومش عارف يعمل إيه.

سامر بص ليه وفهمه، طلب منه ينام على الشزلونج وشغل موسيقى هادية وقال له:

ابدأ احكي اللي مضايقك من مكان ما تحب، أنا هنا عشان أسمعلك وأوضحلك الأمور.

مالك أخد نفس وقال:

طول عمري إنسان هادي، صعب جداً إني أتعصب، كنت عايش ليا ولأخواتي، قرار الجواز دا مكنش في دماغي ما قابلتها.

الدكتور:

حبتها؟

مالك رد بسرعة وقال:

مراتي، أقصد اللي كانت مراتي دلوقتي هي طالق.

سامر دون حاجة في ورقة وقال له:

لسة بتحبها؟

مالك اتنهد وقال:

بعشق التراب اللي بتمشي عليه.

سامر عقد حواجبه وقال:

طب طلقتها ليه؟

مالك أخد نفس عميق وقال:

مش عارف، هتصدقني لو قولتلك إني مش لاقي سبب؟ أنا كنت متقبل ملك كدا زي ما هي، عفويتها وطريقتها ومشاكلها اللي مش بتخلص كانت على قلبي زي العسل.

سامر عقد حواجبه وقال:

طب ما فيش مشكلة أهو، إيه اللي حصل يوصلكم للطلاق؟

مالك بص قدامه وكأنه كان محتاج حد فعلاً يسأله السؤال دا: "إيه اللي حصل يوصلكم للطلاق؟" رد وقال بشرود:

أنا وملك مكنش ينفع ننفصل، مش عارف بس اللي أنا متأكد منه إنها بتحبني زي ما أنا بحبها، بس دلوقتي في فجوة كبيرة أوي بينا، مستحيل تدويها الأيام.

سامر:

طالما في حب يبقى لازم يتنصر في النهاية، مش لازم تسمحوا لأي حاجة تقف في وشكم.

مالك سرح في كلامه وفترة جوازه من ملك، علطول كان في بينهم مشاكل، طب ما ملك دا طبعها وإنت عارفه من قبل ما تتجوزها، إيه اللي اتغير دلوقتي؟ يمكن عشان قررت تتغير وإنت مشفتش التغير دي؟

بص للدكتور وقال:

وعدتني أنها تغير من نفسها ومن بنتنا، واخلفت الوعد دا.

سامر ابتسم وقال:

طب واللي هيغير طبع سنين هيغيره في يوم وليلة؟ التغير بيجي بالتدريج.

أول حاجة بتكون النية وبعدين تبدأ واحدة واحدة تتغير، إحنا مش ملايكة يا مالك، إحنا بشر والإنسان بطبعه خطاء، بيغلط ويتوب، عشان تتغير أو تصلح من نفسك لازمها وقت، مش كأن فيكون.

مالك سرح في كلامه وقال بتنهيدة:

عارف الكلام دا، والخطأ كان من عندي، إني اتعصبت وقولت كلام مينفعش يتقال، مقدرتش أسـيطر على نفسي كأني كنت مغيب.

بص للدكتور وبعد ما أدرك كل شيء جواه قال:

ملك هترضي ترجعلي تاني؟

سامر بسرحان:

طالما بتحبك هترجعلك يا مالك، بس إنت دلوقتي محتاج هدنة.

مالك عقد حواجبه وقال:

هدنة؟ هدنة إيه وإزاي؟

سامر بتوضيح:

هدنة من كل حاجة، لازم تبعد شوية عن الكل، ادي نفسك فرصة شوف فعلاً إنت حبيتها وإلا اتعودت عليها في حياتك.

مالك سرح في كلامه وقال:

معقول مكنش فعلاً حبيت ملك وأكون اتعودت عليها في حياتي؟ لا بس أنا مقدرش أعيش من غيرها.

بص للدكتور وهز رأسه وسابه ومشي وهو بيفكر في كلامه بجدية.

ملك روحت البيت هي ومنال وهي مقررة أنها مش هتستنى أكتر من كدا وهتعرف مالك أنها تقدر تعيش من غيره.

منال فتحت الباب ودخلت، استغربت الهدوء وقالت في نفسها:

إيه دا؟ هي البت رهف ماتت وإلا إيه؟ مش سامعة صوت في البيت ليه؟

دخلت أوضيتها لقت رهف نايمة على الأرض ورجل على السرير والرجل التانة جنب الكمودينو.

بصت عليها بتركيز لقتها فاتحة بوقها وشعرها على وشها لدرجة دخل بوقها وهي مش حاسة.

منال في نفسها:

أعوذ بالله من الشيطان الرجيم، بطريق نايم دا، الحمد لله مش متجوزة كان جابك من الصبحية على المنظر دا.

مشيت للسرير وزقت رجليها على الأرض وقالت:

قومي يا زفتة، إيه المناظر اللي على الصبح دي؟

رهف ضمت رجليها ونامت تاني وهي بتبرطم.

منال ضربت كف على كف وراحت لمنه وهي بتقول:

أشوف التانية بتعمل إيه هي كمان.

دخلت أوضة منه واتفاجئت بـ وليد نايم جنب مالك الصغير ومنه نايمة الجهة التانية.

منال بصوت عالي:

الله الله، إيه المنظر دا بقي؟

راحت عند وليد وهزته وهي بتقول:

هو يخويا قوم يا بيه، إنت إيه اللي جايبك هنا؟ أنا مش قولتلك ملكش دعوة بيهم.

وليد صحي مخضوض وهو باصص لـ منال وبيقول:

إيه في إيه يا منال؟ دي طريقة حد يصحي بيها حد؟

منال بسخرية:

وإنت لسة شفت طريقة؟ مستغل غيابي وجاي تتغرغر في بنتي؟

وليد بص لـ منه اللي صحت وباصة ليهم بزهول وقال بصدمة:

أتغرغر بمين يا منال؟ دي مراتي واللي نايم في النص دا ابني منها.

منه بلعت ريقها بصعوبة وقالت:

يا ماما اسمعي بس.

منال بصت لـ منه وقالت بحزم:

إنتي اخرسي خالص، أنا مش عارفة إزاي تعملي كدا وتخوني ثقتي فيكي؟ مش قولتلك متشوفهوش بتقابليه من ورايا؟

منه بخوف:

والله العظيم يا منال ما حصل دا، هو اللي جه بليل وقولت ليه يمشي بس مرضيش.

وبصت لـ وليد وقالت:

ينفع كدا جايب لينا الكلام على طول؟

وليد بصلها بصدمة وقال بسخرية:

إنتي هبلة يا بت، إنتي مراتي، هو أنا شاقطك؟

وبص لـ منال وقال:

إيه يا منال محسساني إنك جايبانا من شقة مفر.وشة، اهدي كدا.

منال بصت ليه وقالت بسخرية:

إيه اهدي دي؟ البيه شايفني بشد في شعري، شايفني مجنونة؟

ملك دخلت عليهم تتفرج ورهف صحت على الصوت فقامت مرة واحدة وهي بتقول:

إيه في إيه حد مات؟

يا سنة سوخة يولاد، دا أنا هيتعمل مني بطاطس محمرة.

بصت للسرير وضحكت بغلب وقالت:

حامي الغلابة اللي زي حالاتي ربنا يديمك لينا، ونزلت تحته.

ملك شافت منال بتزعق وكأنها بتخرج غضبها في وليد فقالت كلمة خلت الصدمة تبان على وش الكل.

وليد قال بصدمة:

إنتي قولتي إيه؟