تحميل رواية «حكاية قمر» PDF

تونة: نور أنا مش عاوزة المفاجأة خلاص، خديها انتي ياكنزي.

نور: لا يا تونة دي ليكي انتي. مفاجأة كنزي هتاخدها هي كمان.

تونة: إيه هتحميها هي كمان؟ هو العيد جه ولا إيه؟

نور بتضحك: أه عيد ميلادي بكرة.

تونة: طب ياستي استحمي انتي، إحنا مالنا.

نور: لا انتي كمان لو بتحبيني روحي مع كنزي ع الحمام يلا.

تونة: ماشي يا نور علشان خاطرك. وقربت من كنزي بصوت واطي: عارفة لو الماية جت عليا هفقعلك عينك.

كنزي: يا ماما لا ونبي يا نور استني ماما لما تيجي تحميها هي.

نور: وبعدين بقا يا تونة، يلا بلاش دلع.

تونة بتتصنع الزعل: حاضر، حاضر.

***

موبايل أسر بيرن.

أسر بنوم: أيوة يا صافي، في حاجة؟

صافي بعصبية: انت إزاي متقوليش إن ليل عايشة معاك؟

أسر: اتكلمي عدل بس الأول. وانتي عرفتي منين؟

صافي: كل اللي همك عرفت منين ومش همك النار اللي جوايا. بقا هي عايشة معاك. وعامل قدامنا إنك مش طايقها.

أسر: علشان دي الحقيقة.

صافي: لا والله. وطالما مش طايقها، سايبها في البيت ليه؟ حالا تطرد من عندك حالا.

أسر: والله بابا هو اللي جايبها ومش هيطردها علشاني.

صافي: وهو باباك يعرفها منين أصلاً؟ وايه حكايتها؟

أسر: ليل تبقا بنت صاحب بابا وفي مشكلة في بيتهم وبابا جابهم عندنا. (مرضيش يقولها ع حاجة تخص ليل علشان صافي متمسكهاش عليها).

صافي: تمام يا أسر. يبقا انت اللي تروح تقعد عند وليد لحد ما تغور.

أسر: انتي هتحكمي عليا أقعد فين؟

صافي بعصبية: أه هحكم عليك. علشان انت بتاعي أنا يا أسر، مش هسيبك ليها.

أسر: انتي اتجننتي رسمي. لما تعقلي وتفهمي اللي بتقوليه ابقا كلميني. سلام.

صافي بعصبية حدفت الموبايل كسرته: ماشي يا ليل. أنا هوريكي.

***

"فقرة حما تونة"

تونة: أوعدي بقا كفاية كدا.

كنزي: أنا لسه عملت حاجة.

تونة: خلاص ياستي أنا رجعت في كلامي، مش عاوزة.

كنزي: أنا هقوم أنادي ع نور.

تونة: خلاص خلاص اقعدي. يباي عليكي بت.

كنزي: أيوة كدا.

تونة: اعملي وانتي ساكتة بدل ما أغرقك في البانيو دا.

كنزي: أنا إيه اللي خلاني أتدخل، ما كانت نور استنت ماما.

تونة: حظك تقعي فيا. اخلصي بقا يلا.

***

"فقرة الشعر"

تونة لابسة بورنص ع قدها وقعدة، كنزي ماسكة شعرها.

تونة: إيه إيه براحة شوية يا بت انتي.

نور: براحة عليها يا كنزي.

كنزي: والله يا نور براحة بس هي شعرها مكلكع خالص. انتي مبتسرحهوش؟

تونة: ماهي دي التسريحة يا جاهلة. إيه متشديش والله هلفلك ألك قلم.

كنزي: لا لا دي لسانها طويل أوي يا نور. خدي اعملي شعرها انتي.

نور: معلش يا كنزي كملي جميلك. وانتي يا تونة احترمي كنزي علشان هي أكبر منك.

تونة: طب خليها متشدش طيب.

كنزي: مش هشد أهو. كدا كويس.

تونة: أه. خلصي يلا.

***

"تونة لبست وسرحت شعرها وبقا شكلها حلو أوي"

كنزي: أخيراً.

نور بفرحة: إيه رأيك يا تونة؟

تونة بصة في المرايا وفرحانة وبتلف بالفستان: شكلي حلو أوي. أنا مبسوطة. وراحت حضنت نور وباستها، وحضنت كنزي وطلعت تجري بالفستان في الفيلا.

وكنزي ونور بيتفرجوا عليها وفرحانين لفرحتها.

تونة نازلة تجري ع السلم شافت نجلاء.

تونة راحت عليها: بصي يانوجة كنزي عملتلي إيه.

نجلاء: بجد كنزي اللي عملت كدا. شكلك حلو أوي يا تونة. أوعي تبهدلي هدومك بقا.

تونة: مش هبهدلها خالص. وطلعت تجري ع برا وهي طايرة بالفستان.

***

أسر: أيوة يا سي زفت.

وليد: إيه دا مالك يا ابني؟

أسر: بقا أحكيلك حاجة تروح تقول لصافي عليها. ما هو أنا غلطان إني حكيتلك حاجة أصلاً.

وليد: حاجة إيه دي؟ والله ما قولت حاجة.

أسر: أومال عرفت منين إن ليل عندي؟

وليد: والله يا ابني ما قولت لها حاجة.

أسر: ولا قولت لسارة. ممكن تكون قالتلها؟

وليد: سارة إيه؟ لا طبعاً مقولتش لحد.

أسر: أومال عرفت منين!!!

وليد: تفتكر قابلت ليل وقالتلها؟

أسر: أه صح، دول كانوا في الكلية النهاردة. يبقا هي ليل. طيب اقفل وأنا هشوف الموضوع دا. سلام.

وليد: سلام.

***

تونة بتلف: بصي بصي الفيونكة اللي في الفستان حلوة إزاي.

ليل: إيه إيه إيه؟ إيه الشياكة دي كلها يا بت. معرفتكيش.

تونة: دا أقل حاجة عندي. أنا محبتش أزود في الحلاوة لاحسن آكل الجو منك.

قمر بتضحك: لا انتي كدا أكلتي الجو مننا كلنا.

ليل: هتاخد قلم في نفسها كدا.

تونة مسكت الفستان وبتغني: لولا الملامة ياولا لولا الملامة لافرد جناحي ع الولا زي الحمامة.

ليل: ولا مين اللي تفرضي جناحك عليه؟

تونة: واطششيرر وارفرف ف الفطااار.

ليل: فطااار! اسكتي خالص متغنيش.

قمر: بس يا ليل سبيها. غني يا تونة.

تونة: وكفااايييعع عووومرري كفااية عوووومرري كفاااايةة عووومرري كفاااااايه عووومرري.

ليل: الشريط سف ولا إيه؟

قمر بتضحك: باينه كدا.

تونة: يوة مش فاكرة الباقي. غني معايا ياقمر.

قمر: لا قمر مين اللي تغني.

ليل: أيوة ياقمر غني انتي. ارحم من الجعورة دي.

تونة: هرزعك قلم.

ليل: خلاص أنا آسفة ياستي. يلا ياقمر غني انتي.

قمر: لا غنوا انتو وأنا قاعدة أسمعكم.

ليل: طيب ابدئي انتي واحنا هنغني معاكي.

تونة: أيوة أيوة ونبي يلا ياقمر.

قمر: خلاص ماشي متزنوش.

قمر بدأت تغني:

لولا الملامه يا هوى لولا الملامه

لافرد جناحي عالهوا زي اليمامه.

ليل وتونة:

لولا الملامه يا هوى لولا الملامه

لافرد جناحي عالهوا زي اليمامه.

قمر:

واطير وارفرف بالفضا

... واهرب من الدنيا الفضا

وكفايه عمري.. كفايه عمري اللي انقضى

وانا بخاف الملامه.. وانا بخاف الملامه

وآه من الملامه.

زين معدي وسمع الصوت وقرب يشوف مين بيغني.

قمر:

سالوني كتير.. سالوني كتير سالوني سالوني عليه.

ليل وتونة:

بتحبيه؟

قمر:

أيوا أيوا وهنكر ليه.

ليل وتونة:

ليه؟

قمر:

بصولي ملام.. وقالولي كلام جراح.

ليل وتونة:

آه آه.

قمر:

فرشولي الارض.. فرشولي الارض دموع.. والشمس جراح

كل دا كله عاشان حبيت

.. ولا عاشان قلت أنا حبيت.

زين واقف بيسمع ومستغرب الرقة في الغني والصوت دا طالع إزاي من قمر.

لولا الملامه يا هوى لولا الملامه

لافرد جناحي عالهوا زي اليمامه

واطير وارفرف بالفضا.. واهرب من الدنيا الفضا

وكفايه عمري.. كفايه عمري اللي انقضى

وانا بخاف الملامه.. وانا بخاف الملامه

وآه من الملامه.

تونة بتسقف جامد وليل بتصفر: أيوة ياست قولييي كمان قولي!

ليل: عظمة ع عظمة والله.

قمر بتضحك: بس هتفضحونا اسكتوا. أنا هروح مشوار بسرعة وأجي.

ليل: ع فين يافنانة؟

قمر: عيد ميلاد نور بكرة هروح أجبلها هدية. مش هتأخر.

لسه بتخرج، زين استخبي بسرعة علشان متشفهوش. اطمن إنها مشيت بيطلع، لقي كريم في وشه ورافع حاجبه.

زين بارتباك: أنا.. أنا كنت جاي لقيت...

كريم ابتسم وراح يكمل رسم.

زين: أوووف امشي بسرعة قبل ما حد تاني يشوفني.

---

أسر بعت رسالة ل ليل:

(عاوز أشوفك ضروري.. اطلعي مستنيكي)

ليل ابتسمت وفهمت إن صافي اتعاركت معاه.

تونة: متضحكيني معاكي كدا ياليل.

ليل: تونة أنا هطلع أتمشى برا مش هتأخر متتحركيش.

تونة: راحة ع فين كدا إن شاء الله؟

ليل: اتفرجي ع التلفزيون وانتي ساكتة. يلا باي.

تونة ضيقت عينها: بتخبي عليا. ماشي والله لأعرف وأفضحك. وقامت راحت وراها.

---

ليل: أفندم.

أسر: إنتي شوفتي صافي النهاردة؟

ليل: كنت متوقعة إنك عاوزني علشان كدا.

أسر: يعني إنتي اللي قولتلها إنك عايشة معايا؟

ليل: آه قولتلها فيه حاجة!

أسر بيتعمد يضايقها: وعلي كدا بقا قولتلها كمان إنك تبقي منين وجاية تعيشي هنا ليه؟

*ضحك* ولا تكوني كدبتي عليها وقولتي إن أحمد الألفي يبقي عمك إنتي. وبيشاور عليها من فوق لتحت.

ليل اتعصبت: إنت واحد...

تونة: الله الله! بقا هو دا اللي بيضحكك ياهانم.

أسر: بيضحكها!!

ليل حطت إيدها ع بوق تونة: اسكتي. إنتي إيه جابك ورايا؟

تونة عضتها: جاية علشان أقفشك متلبسة إنتي والموز دا. أنا مكنتش مرتحالك. قدااامي ع جوا امشي. دانتي ليلتك سودة قدااامي.

ليل مشيت مع تونة قبل ما تفضحها وأسر واقف بيضحك ع اللي تونة عملته في ليل وأنقذته قبل ما ليل تنفجر فيه.

---

سهر: مسا الخير ياهدي.

هدي: مسا النور.

سهر: إيه الصوت دا جاي منين؟

هدي: من أوضة صافي. شكلها متعاركة مع أسر ومبهدلة الدنيا فوق. أنا تعبت معاها.

سهر: طيب أهدي. أنا هطلع أشوفها.

صافي قاعدة متغاظة ومتعصبة في الأوضة وعمالة تكسر في الحاجة.

سهر: فيه إيه ياصافي مالك؟

صافي: اطلعوووا برررا. مش عاوزة أشوف حد.

سهر: فهميني طب حصل إيه.. ونحل الموضوع.

صافي: مافيش حل. أنا هموتت نفسي. سبيني واخررجي بقولك.

سهر: ياصافي طيب أهدي. أنا سهر حبيبتك هعملك اللي عاوزة. بس فهميني أسر عمل إيه بس؟

صافي بعياط: بيحب غيري. ومش بس كدا دا جابها تعيش معاه في الفيلا. أنا هتجنن منه.

سهر: مين دي اللي جابها تعيش معاه؟ وإزاي أونكل أحمد يوافق؟

صافي: أونكل أحمد نفسه هو اللي جابها. بيقولي بنت صاحبه. أنا ماليش دعوة يا سهر البت دي لاااازم تمشي. اتصرفي.

سهر: إنتي متأكدة إن أونكل أحمد هو اللي جابها؟

صافي بعصبية: هو دا كل اللي همك؟

سهر بتربط كلامها بكلام زين: ماهو لو اللي ف دماغي صح. يبقا مالكيش حق تزعلي خالص.

صافي: هو إيه اللي ف دماغك بقا؟

سهر: هحكيلك ياستي.

---

تونة: قدااامي. إن ما فضحكتك.. ياليل مبقاش أنا تونة.

ليل: تونة إنتي فاهمة غلط. دا كان بيعزمني ع عيد ميلاد نور.

تونة مسكتها من شعرها: بتكدبي تااانييي. دانا سمعكم بوداني دول.

ليل: خلاص يا تونة ياحبيبتي مش هتتكرر تاني. مش هتقولي لحد طبعًا.

تونة: حد واحد. دانا همشي أحكي للكل وأحط التوابل بتاعتي كمان.

ليل: لا ونبي بلاش توابلك لاحسن تطلعيلي متجوزة عرفي. طيب نتفق.

تونة: ولو ولو لازم أفضحك.

ليل: هجبلك شيكولاتة كبيرة أوي فيها مكسرات.

تونة: بالفستق والبنتق؟

ليل: أيوة بالحاجات دي. ها قولتي إيه؟

تونة: اديني شوية كدا أقلبها ف دماغي.

ليل: ماشي ياستي بس المهم متتكلميش.

تونة مدت إيدها: بصي.

ليل: نعم ياختي.

تونة: أنا قايمة أقولهم إنك حامل.

ليل مسكتها: إيييه لااااا. هاتي *بصت إيدها* اهو اهو. أبوس رجلك كمان.

تونة: لا كفاية بوس. قومي حطيلي أكل.

ليل: ربنا ع الظالم.

تونة: بتقولي حاجة؟

ليل: لا بكح.

---

صافي بفرحة: بتهززززاريي يعني ليل دي فقيرة؟

سهر: دي من مستنقع يابنتي. وزين بيحكيلي قد إيه أختها بيئة أوي. إنتي إزاي تتغاظي من واحدة زي دي.

صافي: مكنتش أعرف. ميبانش عليها. وأسر كمان كدب عليا وال إيه بنت صاحب بابا.

سهر: لا طبعًا دا أونكل أحمد جابهم عنده شفقة كدا. إنتي عارفة طيب.

صافي: طب أنا عاوزة أفضحها وأخليها تحرم تقرب من حاجة بتاعتي.

سهر: بكرة عيد ميلاد نور. ظبطيها براحتك.

صافي: وإنتي ساعديني يا سهر ونبي.

سهر: أنا أساعدك.

صافي: آه نجيب مناخيرها الأرض ونعرفها مقامها.

سهر: موافقة بس عندي شرط صغير خالص لو نفذتيه.. هساعدك.

صافي: إيه هو؟

سهر بتتصنع الزعل: تكلمي فاروق تقولي له يخليني هنا. يرضيكي يا صافي أترمي هناك لوحدي. أعيش إزاي من غيركم. أنا روحي فيكم.

صافي: بس كدا حالا. يابابااا.. يابابا.

سهر: استني طب.

فاروق: فيه إيه ياحبيبت بابا؟

صافي: بابا ونبي خلي سهر عايشة معانا هنا. متسفرهاش برا. وحضنت سهر أنا مقدرش أستغني عنها. علشان خاطري.

صافي: بيعها تجيب حد يديرها أي حاجة.. بس سهر متتمشيش.

فاروق: علشان خاطر عيونك مش هسفرها. أي أوامر تاني يا حبيبت بابا.

صافي: متشكرة أووووي يابابا. ها يا سهر مبسوطة؟

سهر مستغربة سرعة قراره. ابتسمت: طبعًا طبعًا ياحبيبتي. هو أنا أطول أفضل عايشة معاكم.

صافي غمઝتلها: ع اتفقنا بقا.

سهر بتتصنع الابتسامة: أكيد ياحبيبتي. أسيبكم أنا بقا.

خرجت وقفت ورا الباب بصه عليهم والغضب ماليها: بقا حتة مفعوصة زي دي مصيري يتغير بقرار منها!!! لسه زي مانت يا فاروق. حسابك تقل أووي معايا. بكرا أدفعك تمن كل حاجة عملتها معايااا. هدوقك من نفس الكاس يا فاروق. لازم تدوق يا فاروق لازم.

سهر راحت ع أوضتها وهي بتفتكر اللي حصلها من سنين.

فلاش باك

فاروق: اظن اللي كنتي موجودة علشانه راح خلاص.. يعني وجودك مالهوش لازمة دلوقتي.

نورة: اطلعي فوق ياسهر.

سهر طلعت وقفت ع السلم واستخبت.

نورة: انت عاوز ايه يافاروق؟

فاروق: عاوزك تغوري من حياتي.. اللي كنتي بتتحمي في راح.

نورة: انت عاوز تطردني من بيتي؟

فاروق يضحك بتريقة: بيتك؟ بيت إيه.. انتي نسيتي انتي كنتي إيه؟ لولا أبويا أقول إيه بقا الله يرحمه.. هو اللي خلاكي من ممرضة لصاحبة بيت.. بعد ما ضحكتي عليه.

نورة: أنا مضحكتش ع حد.. أبوك كان بيحبني.

فاروق: اخرررسي.. أبويا محبش غير أمي وبس.. انتي واحدة رخيصة.. استغليتي مرضها ورقدتها ف السرير.. استغليتي هو شخصيًا.. وأمي ماتت بحسرتها بسببك.

نورة: نصيبها كدا.

فاروق: صح عندك حق.. نصيبها.. وانتي كمان هتاخدي نصيبك.

نورة: تقصد إيه؟

فاروق نادي ع الأمن بتوع الفيلا.

نورة: انت هتعمل إيه؟

فاروق: خدوها برا ومتدخلش الفيلا دي تاني.

نورة: انت اتجننت.. انت مالكش حق.. أنا ليا ف البيت دا أنا وبنتي.

فاروق: حقك؟ صح.. أنا نسيت أقولك.. مش أنا خليت أبويا يكتب كل حاجة باسمي قبل ما يموت.

نورة: انت كددااب.. استحالة يعمل كدا.

فاروق مبتسم: لا عمل.. كتب كل حاجة مقابل إن أربي بنته المدللة.. يعني باعك.. زي ما باع أمي زمان.

نورة بصدمة: انت بتقول إيه.. استحالة!

فاروق بعصبية: خدوهاااا ع برا.. وزي ماقولت.. مش عاوز أشوف وشها هنا تاني.. واحمدي ربنا إنك طالعة من هنا عايشة.

نورة: أنا مش هسيب بنتي.. أنا عاوزها.

فاروق: اخررسي.. واخررجي برا.

سهر نازلة تجري: ماما.. ماما انتي راحة فين؟

فاروق مسك إيدها: اطلعي ع فوق.

سهر: أنا عاوزة أروح مع ماما.. اوعا إيدي.. أنا مش بحبك.. انت وحش.. اوعا.

نورة: أرجوك متحرمنيش منها يافاروق.

فاروق: انتي فاكرة إني قبلت أربيها حب فيها؟ أنا وافقت بس عشان تتحرمي منها.. زي ما حرمتيني من أمي.

نورة بعياط: أرجوك.. سهر مالهاش ذنب ف حاجة.. أرجوك سبني حتى أسلم عليها.

فاروق ساب سهر.. طلعت تجري حضنت نورة.

سهر: ماما.. انتي راحة فين.. أنا عاوزة أجي معاكي.. متسبنيش.

نورة بتعيط: غصب عني ياحبيبتي.. خلي بالك من نفسك ياسهر.. اسمعي كلام أخوكي.

سهر: لا ياماما.. دا وحش.. أنا مش عاوزة أعيش معاه.. خديني معاكي.. بابا سابني.. وانت هتسبيني.. خديني معاكي.

نورة حضنتها جامد وهي بتعيط: غصب عني ياسهر..

فاروق شد سهر من حضن نورة: كفاية كدا.. يلا خدوها ع برا.

سهر: اوعا.. سبني.. ماااما.. متسبنيشش.

نورة: خلي بالك من نفسك ياسهرر.. هتوحشينيي ياحبيبتي.

سهر بعياط وبتشد نفسها من فاروق: لااا متسبنيش ياماما.. ماااامااااا.

_______

سهر بتعيط: هتدوق اللي دوقته يا فاروق.. هتدوقوا.

______________________________

نعمة: سائر وصل يابيه.

صافي بفرحة: سائر رجع.. أنا مش مصدقة.. يلا يابابا ننزله بسرعة.. يلا.

هدي بفرحة: حمدالله ع سلامتك ياحبيبي.. أخيرا افتكرتنا.

سائر: الله يسلمك.

صافي نازلة تجري حضنته: وحشتني أوووي.. كل دي غيبة ياسائر؟

سائر: وحشتيني يامجنونة انتي.. عاملة إيه؟

صافي: بقيت كويسة لما شوفتك طبعًا.

فاروق: حمدالله ع السلامة.. أخيرا افتكرت إن ليك أهل.

سائر: انت عارف إني مكنتش راجع.

فاروق: وايه رجعك؟

هدي: إيه اللي بتقولو دا يا فاروق.. سائر ينور ف أي وقت.. دا بيته.

سائر: عارف إن دا بيتي والله من غير ما تقولي.

فاروق: يظهر إن السفر والغربة منستكش.

سائر: ولا عمري هنسا.. عن إذنكم.. أنا راجع تعبان.

صافي: رايح فين كدا.. انت فاكرني هسيبك؟ فين الهدايا بتاعتي؟

سائر: طب سبيني ارتاح الأول.

صافي: أبدًا.. رجلي ع رجلك.. يلا بينا ع فوق نفتح الشنط.. طلعوا.

هدي واقفة مضايقة.. وفاروق راحلها: متضايقيش نفسك من كلامه.. هو يومين ويرجع مكان ما جه.

هدي: ومين قالك إني هبقا مبسوطة لما يمشي؟ أنا عاوزة يفضل عايش معانا دايما.. بس مش عارفة أعمل إيه عشان أراضيه.

فاروق: متتعبيش نفسك معاه.. دا دماغه ناشفة.. المهم انتي متزعليش.

هدي: ماشي يافاروق.

_______________________

تونة قاعدة حاطة رجل ع رجل وبتتفرج ع التلفزيون وماسكة طبق لب بتقزقز وترمي ف الأرض.. وليل واقفة تلم.. ومتغاظة منها.

تونة: نضفي بضمير.. في قشرة هناك أهي.

ليل: فين دي؟

تونة حدفت قشرة: أهي.

ليل بعصبية: لا بقا كفاية كدا.. كتير.. أنا أروح أقول لقمر بنفسي بقا.. أكرملي.

تونة: يلا ياحبيبتي.. انتي تقولي اللي حصل.. وأنا أحط بهاراتي.

ليل: اه منك ياسوسة انتي..

تونة: والله لما تيجي قمر.. لأقولها ع عملتك السودة.

ليل: طب ابقي افتحي بقك عشان أكسر دماغك دي.

تونة: طب وريني كدا عشان أطلع عينك ف إيدي.

قمر دخلت: في إيه.. الصوت دا.. بتزعقوا ليه.. انتو مبتعرفوش تقعدوا كويسين مع بعض.. إيه حصل؟

تونة: أنا أقولك إيه اللي حصل.

ليل طلعت تجري.. حطت إيدها ع بق تونة: محصلش حاجة ياقمر.. عادي.. إحنا توم وجيري كدا دايما نتخانق.. انتي عارفنا.

قمر رفعت حاجبها: شيلي إيدك من ع بقها ياليل.

ليل: مابلاش.

قمر: شيلي يابت.

ليل شالت إيدها وهي خايفة.

تونة: أصل ليل مش عاوزني أقولك إنها شوفتها وهي..

ليل قفلت عينها وبتدعي ف سرها.

قمر: انطقي.. مالها؟

تونة: شوفتها وهي كانت طالعة تتسحب برا.

ليل بصوت واطي: يلاهوي.. هتقول.

قمر: ها.. وبعدين؟

تونة: روحت اتسحبت وراها.. وقفشتها وهي راحة تنط بالبسين.

ليل فتحت عينها واتنهدت: الحمدالله.

قمر: بسين إيه.. انتي اتهبلتي ياليل؟

تونة: ما أنا قولتلها كدا ياقمر.. والله.. وزعقتلها.. (بتبص ل ليل) أقولها عيب ميصحش كدا ياليل.. مستنية قمر تمشي وتلعبي بديلك من وراها.. تقولي ابدااا.. حرانة وعاوزة أنزل.

ليل: يابنت ال..

تونة: بتقولي حاجة ياحبيبتشي.. مش سامعة.. مش دا اللي حصل ولا بكدب أنا؟

ليل: انتي تكدبي ياخبر.. دا العالم كله يكذب إلا انتي ياطاهرة.

قمر: وانتي اتجنيتي.. عاوزة تنزلي فين؟

ليل: دانا كنت بهزر مع تونة.. انتي عارفة أنا مبعرفش أعوم.

قمر: اه.. بحسب.

ليل: مقولتلناش بقا جبتي هدية إيه لنور؟

قمر: تعالوا.. تعالوا افرجكم.

_________________________

كنزي: صباح الخير ياماما.

نجلاء: صباح النور ياحبيبتي.. إيه مصحيكي بدري كدا؟

كنزي: قلقت.. قولت أصحى أساعدكم.

عايدة: آه.. دا انهاردة هيبقا يوم صعب أوي أوي.

نجلاء: كله يهون عشان عيون نور.

كنزي: ماما.. أنا كنت عاوزة أشتري فستان.

عايدة: انتي عاوزة تساعدينا ولا تشتري فستان؟

كنزي بغيظ: الله بقا.. وانتي مالك؟

نجلاء: بنت.. عييب كدا.. تعالي معايا برا.

كنزي: ياماما بقا.. سيبي إيدي.. في إيه.. أنا مقولتش حاجة غلط.

نجلاء: عيب تكلميها كدا.. أكبر منك.

كنزي: ماهي كل حاجة تتدخل فيها ليه.. دي غلبت البقدونس.

نجلاء: خلاص.. اسكتي.. خدي الفلوس أهي.. روحي هاتي الفستان.. وهاتي هدية لنور.. هاتي حاجة حلوة كدا ع ذوقك.

كنزي: من عنيا يانوجة.. حاجة تانية؟

نجلاء: آه.. خدي حد معاكي.. متروحيش لوحدك لتتوهي.

كنزي: هو فين بابا يوصلني؟

نجلاء: أبوكي مش هنا.

كنزي: ليه.. راح فين دا.. عمو أحمد مرحش الشغل؟

نجلاء: أبوكي راح يطمن ع عمتك.. ما هو مش عشان انتي جيتي هنا هينسى أخته.

كنزي: طيب.. أنا دلوقتي أروح مع مين؟

نجلاء: مش عارفة يابت ياكنزي.. أقولك.. متاخدي ليل معاكي.

كنزي: آه صح.. أخد ليل معايا.. يلا.. أنا هروح ألبس بقا.

نجلاء: ماشي.. وخلي موبايلك مفتوح.. متقلقنيش عليكي.

كنزي: حااضر.

__________________________

في أوضة نور نايمة.. وزين وكريم وأسر داخلين بهدوء ورا بعض.. ومعاهم بلالين كتير.. وتورتة فيها شمع عليه رقم 25.. أسر ولع النور.. ونور فتحت عينها.

اسر وزين: هابي بيرث داي تو يوو.. هابي بيرث داي تو يو.. هابي بيرث داي تو نور.. هابي بيرث داي تو يو.

نور قامت وقفت ع السرير وهي مبسوطة.

: سنة حلوة ياجميل.. سنة حلوة يا نور.. سنة حلوة يااجميل.

يلا حالا بالا بالا حيو ابو الفصاد.. هيكون عيد ميلاد الليلة اسعد الأعياد.. حيو ابو الفصاد.

نور جاية تنفخ ف الشمع.

اسر: استتني.. اتمني أمنية الأول.

نور: تفتكر هتتحق؟

زين: ان شاءالله ياحبيبتي تتحقق.

نور ابتسمت وغمضت عينها واتمنت أمنية وطفيت الشمع.

اسر: ها.. اتمنيتي إيه بقا؟

زين: مالكش دعوة يارخم.. سيبها.. حضن نور: كل سنة وانتي طيبة ياحبيبتي.. عقبال سنين كتير أوي وانتي منورة حياتنا.

اسر: كل سنة وانتي طيبة يانوني.

نور: ربنا يخليكوا ليا.. ومتحرمش منكم ابدا.

كريم حضن نور وطلع علبة فيها سلسلة رقيقة جدا عطاها ل نور.

نور: الله.. جميلة أوي ياكريم.. أنا هلبسها انهاردة ياحبيبي.

زين: والله عيب علينا.. الصغير يجيب هدية واحنا لا.

اسر: اتكلم عن نفسك ياحبيبي.. أنا هديتي موجودة.. وهي عارفها.

نور ابتسمت: فستان عيد ميلادي.. كل سنة لازم يكون ع ذوقك انت.. ربنا ما يحرمني منك ابدا.

زين: أنا شكلي بقا وحش أوي.

نور: هو بابا لسه نايم.. ولا يكون راح الشغل؟

زين: لا.. بابا قاعد تحت مستنينا ع الفطار.

نور: طيب يلا ننزل.

اسر: يلا.

_________________________

كنزي: أنا تعبت من كتر اللف..

ومافيش حاجة عجباني.

ليل: ومين سمعك بصراحة انتي مش بيعجبك حاجة خالص.

كنزي : بزمتك في حاجة حلوة اصلا

ليل : بزمتي فيه كتير حلوين

كنزي : فين دول

ليل : اهو بصي طب الفستان دا حلو ازاي

كنزي : لا مش عاجبني دا

ليل : ياستي ادخلي شوفي عليكي بس ..

كنزي : ماشي هشوفوا بس لو معجبنيش هتلفي معايا

ليل : امري لله هعمل ايه .. يلا الله يهديكي ادخلي

كنزي : حاضر

قمر : بت ياتونة .. خدي اقولك

تونة : يانعم

قمر : انتي مخبية عليا ايه

تونة : تعرفي عن تونة انها بتخبي حاجة

قمر : لا طبعا عمرك .. علطول فاضحة الناس

تونة : اومال بتسألي ليه

قمر : علشان مش مرتحالك انتي واختك . .

تونة : وانا مالي انا عملت ايه .. مترتحلهاش هي بس ..

قمر : مرتحلهاش ليه بقا.. قوليلي عملت ايه

تونة : عملها اسود ومنيل .. دي طلعت ماية من تحت تبن

قمر : في ايه ياتونة قلقتيني

تونة : ناوليني واحدة بيبسي من التلاجة

قمر : يوة ماتحكي الأول دا وقته

تونة : خلاص انا هروح اجيبها لنفسي وشوفي مين يحكيلك بقا

قمر : خلاص خلاص هجبلك

تونة : هاتيها ساقعة اوي اوي

قمر : خدي ياختي.. قولي بقا

تونة : مجبتيش فستق ليه

قمر : وبعدين بقا معاكي

تونة : خلاص تعالي هحكيلك

قمر : ها قولي

كنزي خرجت

ليل : طب والله حلو دا متفصل عليكي ..

كنزي : بجد .. يعني حلو عليا

ليل : اوي اوي

كنزي : انا كمان عجبني اووي ..

ليل : لولولولوولي اخيرا

كنزي ضحكت : للدرجادي زهقتي مني ..

ليل : انا .. ابد .. محصلش .. مين قال كدا بس

كنزي : لا واضح واضح .. تعالي نحاسب ..

قمر : يعني انتي متأكدة ياتونة

تونة : اه وغلاوتك شوفتهم بعيني دول

قمر : مايمكن يكونوا أصحاب ف الكلية بس

تونة : لا ياقمر مش صحاب بس .. دا قالها بحبك

قمر : بتتكلمي جد يابت.. اوعا يكون بهاراتك دي

تونة : ابدا تعرفي عني كدا

قمر : اعرف عنك ابو كدا

تونة : خلاص مش مصدقاني براحتك ..

قمر : طيب متقوليلهاش انك عرفتيني حاجة

تونة بصوت واطي : كويس بردك علشان استغلها

قمر : بتقولي حاجة

تونة : بقولك انا هقوم اجهز نفسي للعيد ميلاد .. عاوزة حاجة مني

قمر : لا روحي

نجلاء : كل دا ياكنزي .. مش قولتلك متتأخريش

كنزي : معلش ياماما الدنيا زحمة اوي .. احنا رايحين نركب اهو متقلقيش

نجلاء : ماشي لما تجيلي

كنزي : ماشي ياماما سلام

ليل : الدنيا زحمة ولا انتي اللي مش عاجبك حاجة

كنزي : انتي عاوزني اقولها كدا علشان تهزقني اكتر يرضيكي

ليل : لا ياختي ميرضنيش

كنزي : احنا هنركب منين

ليل : من قدام اهو الموقف قرب

كنزي : الحمدالله احسن تعبت من الماشي

موتوسيكل معدي من جنبها .. شد الشنطة والكيسة اللي ف ايد كنزي

كنزي وليل صوتوا وطلعوا يجروا ورا الموتوسيكل

كنزي : الفستاااان

ليل : استني استني … انا صورت الأرقام

كنزي بعياط : خد الفستااان والشنطة .. ماما هتزعقلي

ليل : اهدي هو انا ماشية مع عيلة صغيرة ..

كنزي : هنعمل ايه دلوقتي

ليل : هنروح القسم نعمل محضر

كنزي : بس كدا هنتأخر

ليل : لا ان شاء الله منتأخرش . . يلا

تونة لبست وطالعة كالعادة طايرة بالفستان وبتلف بيه .. لمحت كريم طلعت تجري عليه

تونة بتلف قدام كريم : بص ياكريم ايه رايك ف الفستان بتاعي .. حلو صح

كريم بصلها ودير وشه

تونة : هو انت علطول ساكت .. ايه دا انت بتعمل ايه

كريم : …..

تونة : دا اسمه رسم صح .. طيب ماترسمني ..

كريم : …..

تونة : اوف بقا ماترد عليا .. طيب رد عليا ومش هقول لحد انك اتكلمت اوعدك ..

كريم : ….

تونة : يووة بقا انا همشي احسن

كريم مسك ايدها وقعدها

تونة : هترسمني .. هييييه ..

كريم شاورلها تثبت

تونة : حاضر مش هتحرك .. يلا يلا

في القسم

كنزي بتعيط : زمان ماما قلقانة عليا … اعمل ايه يارب .. ياريتني مانزلت

ليل : لا اله الا الله .. اهدي ياكنزي ابوس ايدك انا مش ناقصة توتر

كنزي بتعيط اكتر : انا عاوزة الفستااان ياليل

ليل : انا مش عارفة حاجة هنا اول مرة ادخل قسم ..

كنزي : كمان هنتوه ف القسم .. يلاهووي

ليل : اسكتتيي … هنسأل مش هنتووه

ليل : لو سمحت انا كنت عاوزة اعمل محضر

حازم خارج من مكتبه .. كنزي بترفع عينها شافته طلعت تجري عليه وهي بتعيط … حازم اتخض : يلااهوي ايه جابها دي

كنزي بعياط : حازم الحقني .. انا اتسرقت … انت فاكرني انا اللي قلبت عليك العصير ..

حازم : ولو مش فاكرك بالعياط دا لازم افتكرك .. ادخلي

حازم : قوليلي اتسرقتي ازاي

كنزي بتعيط : كنت راحة اجيب فستان انا وليل .. وفضلنا نلف نلف نلف علشان يعجبني حاجة ولما…

حازم : انتي هتحكي قصة حياتك .. انجزي عاوز امشي

كنزي عيطت : انت بتزعقلي ليه انت قولت احكي اللي حصل وانا بسمع الكلام

حازم : ياستي ابوس ايدك ماتعيطي .. انا عاوز اعرف بس اتسرقتي ازاي

كنزي : واحد راكب موتوسيكل شد مني الشنطة و خد الفستان كمان

حازم : مخدتوش ارقام الموتوسيكل طيب

ليل : انا خدتها اهو اتفضل

حازم : تمام كدا .. دقيقة وراجعلكم

حازم : اهدي خلاص.. الحرامي وحاجاتك هيجوا دلوقتي ..

كنزي : متشكرة اوي

حازم : دا واجبي .. متقلقيش انتي بس

كنزي : حاضر

نجلاء : يلااااهوي .. البت لسه مجتش لحد دلوقتي . . ما كانت قايلالي راحة تركب

عايدة : طب كلميها

نجلاء : بكلمها موبايلها مقفول .. انا قلقانة اوي

عايدة : مانتي غلطانة.. بتنزليها لوحدها ليه

نجلاء : مش لوحدها معاه ليل

عايدة : ماهي بنت هي كمان ياختي .. لازم كان يبقا معاهم راجل ولا حد كبير

نجلاء : انتي هتقلقيني اكتر ليه ياعايدة ..

عايدة : انا بفهمك بس .. اصل الخطف دلوقتي بقا ف كل حتة

نجلاء : بدل ماتهديني بتولعيني اكتر . . انا طالعة استناه برا بدل ماتجلط وانا واقفة منك

عايدة : يوة هو انا قولت حاجة

حازم : شنطتك وحاجاتك اهي .. شوفي لو حاجة ناقصة

كنزي بفرحة خدتهم : لالا مافيش حاجة ناقصة .. انا متشكرة اوي اوي

حازم : العفو ياستي .. تعالوا هوصلكم ع سكتي

ليل : دا يبقا كتر خيرك والله ..

كنزي : لا مش هينفع علشان ماما متزعقليش .. لما تشوفني راكبة مع واحد غريب

ليل : امك هتزعقلك لو اتأخرنا اكتر من كدا ..

كنزي : اه صح .. خلاص هنركب معاه بس لو ماما اتكلمت

ليل : انا هفهمها ياستي يلا

كنزي : ماشي

تونة : اوف بقا انا زهقت .. العيد ميلاد هيبدأ ويخلص وانت لسه مخلصتش

كريم : ….

تونة : طب وريني وصلت لفين .. انت مخبي الورق ليه هو احنا ف امتحان

كريم خلص رسم و لف الورقة

تونة بفرحة: الله دي حلوة اوي .. شبهي بالظبط .. زي عيني وزي مناخيري وزي شعري .. كلي كلي بالظبط .. متشكرة اوي ياكريم .. انا هروح اوريهالهم … جت تمشي رجعت خطوتين باسته من خده وطلعت تجري بالرسمة … وكريم واقف فرحان لفرحتها

نجلاء بعصبية : كل دا تأخير .. عجبك القلق اللي انا فيه .. والزفت اللي ف ايدك دا بيعمل اييه .. وهو مقفول .. انا غلطانة اني نزلتك ..

كنزي : استني ياماما هفهمك

نجلاء : قدامي ع جوا مسمعش صوتك . .

ليل : يادادة نجلاء .. انا وكنزي طلع علينا حرامي .. ولولا الظابط اللي كنزي تعرفه دا مكناش رجعنا الحاجة

نجلاء ضربت بايدها ع صدرها : يلاااهوي ظابط مين يابت اللي تعرفي دانتي مبقالكيش اسبوع هناا .. لحقتي تتعرفي ع حد ..

كنزي : والله مااعرف حد ياماما .. استني هفهمك بس

ليل : انا خربت الدنيا ولا ايه

نجلاء : تفهميني ايه انطقي

كنزي : دا الظابط صاحب زين اللي اسمو حازم ياماما .. روحنا نعمل محضر لقيته وهو ساعدني

نجلاء : مانتي ماشية زي الهبلة لازم تتسرقي

ليل : يعني الناس اللي بتتسرق كلهم هبل

نجلاء : لا بنتي لوحدها اللي هبلة

كنزي : بصي بتقول عليا ايه بصي

ليل : خلاص قلبك ابيض .. روحي اللبسي يلا وانا هروح اللبس .. احنا متأخرين اويي

كنزي : زعلانة مني ياماما

نجلاء : روحي اللبسي يلا قبل الناس ماتيجي

كنزي : يعني مش زعلانة مني

نجلاء : لا بس تاني مرة متتأخرش

كنزي باستها من خدها : من عنيا يانوجة قلبي .. اسيبك انا بقا واروح اللبس

ليل : مساء الخير … وحشتكم صح

قمر : اتأخرتي اوي كدا ليه

ليل : ماهو لو تعرفي الي حصلنا مش هتقولي كدا

قمر : ايه حصل ؟

ليل : مش طلع علينا حرامية وروحنا القسم .. بصي انا هدخل اخد دش و اللبس كدا واطلع احكيلك

قمر : ماشي ياليل .. بقولك مافيش حاجة عاوزة تقوليلي عليها

ليل بتوتر : ها .. حاجة زي ايه

قمر : أي حاجة عاوزة تقوليلي عليها.. انا هسمعك

ليل : لما يبقا في حاجة هقولك اكيد

قمر : ماشي ياليل

احمد : ممكن ادخل

احمد : الجميل خلص ولا لسه

نور : خلاص فاضلي الفستان

احمد : كل سنة وانتي طيبة ياحبيبتي ..

نور : وانت طيب يابابي ..

ودايما معانا وميحرمنيش منك أبداً.

أحمد: يارب ياحبيبتي. أنا أسيبك تلبسي بقا علشان متتأخريش.

نور: ماشي.

صافي: إيه دا يا ماما، انتي لسه ملبستيش؟

هدي: لا يا حبيبتي، روحوا انتوا وانبسطوا، أنا خليني هنا.

صافي: ليه كدا بس يا دودو، تعالي غيري جو، انتي مبتخرجيش خالص.

هدي: المرة الجاية هاجي معاكم إن شاء الله.

صافي: ماشي ع راحتك، يلا يا سهر علشان متتأخروش.

سهر: أنا خلصت أهو، مستعجلة ع إيه؟

صافي: أسر وحشني أوي، عاوزة أشوفه، ومتشوقة أوي للحفلة اللي اتفقنا عليها.

هدي: حفلة إيه؟

سهر: حفلة عيد الميلاد طبعًا، يلا يا صافي يا حبيبتي قبل ما تودينا ف داهية.

صافي: يلا.

سائر نازل ببدلة شيك جدًا: استنوا، أنا جاي معاكم.

الكل بص له باستغراب.

سائر: بتبصوا كدا ليه؟ بلاش أجي؟

سهر: لا طبعًا يا حبيبي، تعال.

سائر: ماشي، يلا بينا.

صافي: يلا.

***

وليد: أيوة يا ست سارة، كل دا بتلبسي؟

سارة: لا، أنا أهو داخلة ع العربية والله.

وليد: فين دا؟

سارة ركبت: أهو جيت.

وليد: ساعة ملطوع لحضرتك، ما كنتي طلبتي أوبر ولا أي حاجة.

سارة: كنت عاوزة أروح معاك يا وليد، مش عاوزة أمشي لوحدي.

وليد: ماشي ياستي.

سارة: مقولتليش إيه رأيك ف الفستان؟

وليد مبصلهاش: أه، حلو، ممكن نطلع بقا.

سارة اتضايقت: ماشي، يلا.

***

الناس جت والأغاني شغالة وكل حاجة جاهزة.

ليل واقفة هي وتونة، أسر راح لهم.

تونة: احم احم.

أسر: عاملة إيه يا تونة؟ وحشتيني والله.

تونة: وانت كمان موحشتنيش.

أسر: الله يكرم أصلك، بقولك إيه، انتي بتحبي غزل البنات؟

تونة: أيوة طبعًا.

أسر: بصي، الراجل دا بيعملوا حلو أوي، روحي خدي منه.

تونة بترفع حاجبها: ما تقول إنك عاوز تكلم ليل علطول، بتلف وتدور ليه؟

أسر: الله ينور عليكي يا نبيها.

تونة: مش ماشية.

أسر: براحتك، أنا قولت أقولك قبل ما غزل البنات يخلص.

تونة بصت ع بتاع غزل البنات، ضعفت: طيب، أنا هروح أجيب بسرعة وأجي، عيني عليكوا.

أسر: مستنيكي يا غالية.

ليل جاية تمشي.

أسر: استني، هو أنا بوزعها علشان سيادتك تمشي؟

ليل: عاوز إيه مني؟

أسر: عاوز أتفق معاكي اتفاق.

ليل: اتفاق إيه؟

أسر: نفتح صفحة جديدة وننسى اللي فات.

ليل: انت مجنون صح؟ يعني امبارح تغلط فيا، وأنهاردة تقولي صفحة جديدة؟

أسر: أه، اعتبرني مجنون، قولتي إيه؟

ليل: قولت بص وراك كدا.

أسر بيبص لقي صافي بصاله.

ليل: روح شوفها قبل ما تولع فيك، ومشيت وسابته.

صافي: الزفتة دي واقفة معاك بتعمل إيه؟

أسر: وانتي مالك؟ أنا مش قولت لما تعقلي تكلميني؟

صافي: أنا عاقلة، بس أعمل إيه بغير عليك.

أسر: متتغيريش عليا ياستي.

وليد: بتزعقوا ليه كدا؟

أسر: الحمد لله إنك جيت، تعالي عاوزك، خد وليد ومشوا.

صافي بعصبية: بصي بيهرب مني إزاي.

سارة: انتوا متخانقين ولا إيه؟

صافي: تعالي معايا.

سارة: ع فين؟

صافي: تعالي بس.

***

نور بتسلم ع الناس.

سائر: كل سنة وانتي طيبة يا نور.

نور لفت اتصدمت وعينها لمعت وساكتة. زين شافها راح لها بسرعة.

زين: أهلًا وسهلًا يا سائر، إزيك؟ انت رجعت إمتى؟

سائر: لسه راجع امبارح، انت عامل إيه يا زين؟

زين: أنا كويس يا حبيبي، اتفضل، اتفضل.

سائر: دي حاجة بسيطة ليكي يا نور، يا رب تعجبك.

نور سرحانة.

زين: نور، خدي الهدية من سائر.

نور: متشكرة يا سائر، عن إذنكم.

***

زين: حازم، إيه يا بني كل دا تأخير؟

حازم: معلش والله، السكة زحمة.

سهر: إزيك يا حازم، أخبار شغلك إيه؟

حازم: كويس الحمد لله. *شاف كنزي واقفة لوحدها* طب أسيبكم أنا بقا وأتطلق شوية.

سهر: اتفضل.

***

حازم: يا ترى خلصتي عياط ولا لسه؟

كنزي اتخضت: حازم!

حازم: إيه اتفجعتي؟

كنزي: لا عادي.

حازم: واقفة لوحدك ليه؟

كنزي: بدور ع ليل، مش عارفة فينها.

حازم: طيب تعالي ندور عليها سوا.

كنزي بكسوف: ماشي.

حازم سكت دقيقة: مقولتليش بقا، هو دا الفستان اللي الحرامي سرقه؟

كنزي: أه، هو.

حازم: مالهوش حق ياخده بصراحة.

كنزي: ليه، وحش؟

حازم: لا طبعًا، جميل أوي ولايق عليكي كمان.

كنزي وشها احمر: شكرًا.

نجلاء: إزيك يا حازم يا حبيبي، عن إذنك هاخد كنزي. *وشدتها جامد من إيدها* قدامي يا أختي.

كنزي: براحة يا ماما، إيدي.

نجلاء: تعالي هنا، إيه موقفك مع واحد غريب؟

كنزي: والله يا ماما هو اللي جه وقف معايا.

نجلاء: وانتي يا أختي متعرفيش تمشي لما يقف معاكي؟

كنزي: الله يا ماما، دا لسه مساعدني أمشي وأسيبه، عيب.

نجلاء: العيب وقفتك معاه لوحدكم، عاوزة الناس تشوفك تقول معرفتش أربي بنتي.

كنزي: يا ماما والله أبدًا.

نجلاء: تاني مرة متتكررش، فاهمة؟

كنزي: حاضر يا ماما.

***

ليل واقفة وصافي وسارة جايين عليها.

نسترجع مع بعض آخر أحداث الجزء اللي فات.

تونة بخضة: إيه اللي عملتوه دا؟ أعمل إيه دلوقتي؟ *بتمسك الصورة تمسحها، اتقطعت ف إيدها*

كريم دخل شاف رسمة أمه ف إيدها مقطوعة.

كريم بعصبية خد منها الرسمة وزقها جامد، وقعت ع الأرض. ومسك الرسمة يبصلها ويعيط. (كان رسمها وحطيتها جنبه علشان يحس إنها لسه موجودة). افتكر الحادثة وكأن مامته راحت منه تاني.

تونة بخوف: أنا مكنش...

كريم صرخ جامد وكسر ف الحاجة.

زين جاي يدخل أوضته سمع صوت كريم، طلع يجري.

زين مسك كريم: أهدي يا كريم، أهدي، مالك يا حبيبي، حصل إيه؟

وكريم مازال يصرخ ويعيط.

زين لقي تونة قاعدة ف الأرض خايفة. ساب كريم وراح ع تونة والشر طالع من عينه.

زين مسك تونة جامد: انتي السبب، عملتي له إيه؟

تونة: والله مكنش قصدي، والله.

زين بعصبية: اخرسي! تعالي معايا. *وشدها من إيدها جامد نزل بيها*.

***

قمر طالعة من المطبخ وجايبة الأكل.

قمر: يلا يا ليل، تعالي كلي، أومال فين البت تونة؟

ليل ماسكة الموبايل ومش مركزة.

قمر: انتي يابنتي، سيبي اللي ف إيدك وردي عليا، فين اختك؟

ليل: إيه يا قمر، بتقولي حاجة؟

قمر: يلا أهوي عليا، بقولك فين تونة.

ليل بتوتر: اا، مش عارفة، ممكن تكون دخلت الحمام ولا حاجة.

قمر: حمام إيه؟ الحمام فاضي.

الباب بيخبط جامد.

ليل: مين هيخبط كدا؟

قمر: مش عارفة، استني نشوف، استر يارب.

فتحت الباب.

زين حدف تونة ع الأرض جامد، وليل طلعت تجري حضنتها، وقمر واقفة مش مستوعبة اللي بيعملوه.

زين: أنا صبرت عليكم بما فيها الكفاية، إنما تتعدوا حدودكم، دا اللي مش هسمح بيه أبدًا، انتو فاهمين؟

قمر بعصبية: انت إزاي تمد إيدك ع اختي بالشكل دا؟

زين: لما اختك تكون مش متربية، يبقا واجبي أربيها.

قمر: انت إنسان مريض، وأنا اختي متربية غصب عنك وعن أي حد.

زين: اتكلمي عدل أحسن لك.

قمر: عاوزني أشوفك عامل كدا ف اختي وأسكت؟ أنا كل دا بس محترمة صاحب البيت اللي قاعدة فيه.

زين: وأنا كل دا سايبكم علشان صاحب البيت، مستحمل قرفكم وراميتكم عندنا بس علشان صاحب البيت، بس توصل إنكم تأذوا حد من أخواتي، دا ساعتها مش هعمل حساب لأي حد.

قمر: محدش جه جنبك انت ولا أخواتك، انت اللي بتتلكك، أه، محروق أوي من اللي عملتوه ف حبيبة القلب وانت واقف تتفرج.

زين: حسابك معايا ف دا بعدين، لما أطمن ع أخويا الأول.

قمر: مش هتقدر تعملي أي حاجة، والبيت اللي بتهددنا بيه دا أنا مش عاوزاه.

زين: ياه، دا أحسن خبر سمعته من يوم ما دخلتوا.

ليل بعصبية: انت فاكر نفسك إيه؟ إزاي تعاملها بالأسلوب دا؟ انت معملتش حساب إن دي طفلة حتى... عملت إيه لكل دا؟

زين بعصبية: اسأليها عملت إيه ف كريم، لو حصله حاجة مش هرحمكم، انتو فاهمين؟ *ومشي*.

قمر: كريم! *طلعت تجري ع تونة* انتي عملتي إيه ف كريم يا تونة، ردي.

تونة بتعيط: أنا، أنا معملتش، مكنش قصدي والله يا قمر، صدقيني مش بكذب.

قمر حضنتها: أهدي طيب يا حبيبتي، محدش هيقدر يعملك حاجة، أنا جنبك، أهدي، أنا عاوزة أعرف بس إيه وداكي لكريم.

ليل: أنا هقولك يا قمر.

قمر: انتي عارفة؟ قولي ساكتة ليه.

***

كريم ف الأوضة بيعيط وبيص ع الرسمة ومتعصب أوي من تونة، فاكر إنها قصدها تضايقه وتبوظله الرسمة، لحد ما شاف الشيكولاتة واقعة ف الأرض وعليها ورقة مكتوب فيها ( شكرًا ع رسمتك ليا يا كريم).

كريم بدأ يفهم إن تونة مجتش مخصوص علشان تضايقه، وأنها جت علشان تديله شيكولاتة، وزعله منها قل.

زين دخل حضنه: خلاص يا حبيبي، كل حاجة وحشة هتنتهي، هيرجعوا مكان ما جم ومش هسمح بوجودهم هنا تاني أبدًا، كل حاجة هترجع زي ما كانت وأحسن لما يمشوا.

كريم اتضايق من كلامه وزقه ونزل يجري.

زين: كريم! كريم!

***

تونة: والله دا اللي حصل يا قمر.

ليل: وهي هتبوظ رسمت مامته ليه يعني؟ أنا بنفسي عطيتها الشيكولاتة.

قمر: خلاص خلاص، مصدقاكم، قوموا يلا حضروا حاجتكم علشان هنمشي من هنا.

ليل: هنروح فين؟ إحنا مالناش مكان غير دا.

قمر: اسمعي الكلام ياليل، أنا مش هقدر أستحمل أشوف البني آدم دا تاني، قومي لمي حاجاتك.

ليل: طب استني الصبح، لما عمو أحمد يقوم نقوله.

قمر: لا، مش هستنى علشان مش هيخليني أمشي.

وانا مبقتش قادرة استحمل.. قومي بقا

ليل: حاضر ياقمر

قمر قامت تحضر الحاجة وبدأت تعيط على اللي بيحصل معاها هي وأخواتها ومش عارفة تعمل حاجة.. الباب خبط راحت تفتح وبتمسح دموعها

كريم دخل وزين واقف بعيد

تونة جت تجري وبتعيط: والله ياكريم مكنش قصدي أنا كنت عاوزة أديك الشيكولاتة راحت الماية وقعت غصب عني والله والله.. متزعلش مني

كريم مسح دموعها وابتسملها

تونة بفرحة: يعني انت مش زعلان مني.. بصي ياقمر هو مش زعلان مني خلاص

قمر فرحت وحضنت كريم: أنا آسفة ياحبيبي لو كان وجودنا اتسببلك في زعل.. بس والله هي مكنش قصدها.. أنا محبش أشوفك زعلان أبدا.. انت عارف غلاوتك عندي ياكريم

ليل: أنا حضرت حاجتي يا قمر

قمر: ماشي يا ليل.. كريم ياحبيبي خليك قاعد مع تونة.. لحد ما أحضر حاجتي أنا كمان..

كريم مسك إيدها قبل ما تمشي وبصلها بزعل

قمر: أنا همشي بس هاجي أطمن عليك.. مش هسيبك

كريم هز رأسه بالرفض وفضل ماسك إيد قمر

ليل: دا عاوز إيه دا أنا مش فاهمة

قمر: مش عاوزنا نمشي

ليل: بجد.. طب أهو بقا حد طايقنا وعاوزنا نقعد خلينا

قمر: وبنسبة لطائر البطريق اللي بيتلككلنا دا هستحملوا إزاي

ليل: ياستي كبري دماغك منه.. عمو أحمد عاوزنا يبقى نقعد.. وبعدين إحنا هنمشي في الوقت دا إزاي لوحدنا

تونة: أنا عاوزة أفضل هنا يا قمر.. ومش هعمل حاجة تانية خالص

قمر: أمري لله هقعد علشان خاطر كريم

ليل: بصي يا تونة هتقعد مش عشاننا إحنا

قمر: بس عندي شرط قدامكم كلكم أهو.. قريب هنمشي من هنا..

ليل: يوووه هنرجع الحارة تاني

قمر: لا مش هنرجع الحارة.. أنا هدور على بيت تاني

ليل بفرحة: بجد ياقمر.. طب هتجيبي فلوسه منين

قمر: ربنا يحلها.. متشغليش بالك.. يلا ياكريم روح على أوضتك علشان تنام ياحبيبي

كريم خرج

قمر: وانتي وهي يلا انتو كمان على النوم.. مش عندك كلية بكرة

ليل: لا أنا مش هروح بعد اللي حصل فيا دا

قمر: نعم ياختي دانتي تروحي وتحطي صوبعك في عينها كمان.. دا هي اللي المفروض تتكسف مش انتي

ليل: ماشي ياقمر.. تصبحي على خير

قمر: يلا وانتي من أهله

كريم ماشي جنب زين

زين: مبسوط دلوقتي.. يعني أنا أعمل كل دا عشانك.. وفي الآخر انت تصالحهم وأطلع أنا غلطان

زين: وبتزقني كمان عشانها.. خلاص حبك ليا قل بعد ما ست هانم دي جت وبقيت تحبها هي أكتر

زين: أنا مش فاهم هي عملالكم إيه علشان الكل يحبها كدا.. مش عارف العيب فيا ولا فيها بصراحة

زين: على العموم أنا مش زعلان منك.. انت طلعت أجدع مني.. أنا اتغبيت وكنت همشيهم في الوقت دا لوحدهم.. بس لما شوفتك بالشكل دا مقدرتش أستحمل.. وبصراحة مصدقت انفجر فيها.. يلا اطلع نام انت بقا قبل ما يصحوا

كريم ابتسم ومشي

وزين فضل قاعد منمش

سامح: نجلاء.. اصحي يانجلاء

نجلاء: مين.. سامح.. انت جيت إمتى

سامح: لسه واصل أهو

نجلاء: طب ياحبيبي تعالي ناملك شوية قبل ما أستاذ أحمد يصحى

سامح: لا مش عاوز.. اصحي بس انتي عاوز أتكلم معاكي

نجلاء: خير ياسامح قول

سامح: بنتك جالها عريس

نجلاء بفرحة: بجد.. دا يبقى مين بقا

سامح: ابن صفاء

نجلاء: صفاء.. صفاء مين

سامح: لا ركزي معايا شوية صفاء أخت جوز روحية أختي.. فاكراها ولا لأ

نجلاء: آه صفاء.. بس أسمع إن ابنها في الجيش

سامح: ماهو هيخلص جيشه خلاص

نجلاء: طب وانت رأيك إيه

سامح: هو أنا اللي هتجوز ولا البت

نجلاء: لا أقصد يعني إنت شايف إيه..

سامح: أنا عن نفسي شايف إنهم ناس محترمة ومناسب وروحية كمان بتقول الواد محترم

نجلاء: وكمان كنزي هتتخرج السنة دي.. يعني مفيش حاجة نرفض عشانها.. يبقى تتصل بأختك دلوقتي تقولها موافقين

سامح: إيه اللي بتقوليه دا يا نجلاء.. مش لما ناخد رأي البت الأول..

نجلاء: وإيه اللي هيخلي البت ترفض

نجلاء: ماشي ياخويا بس أنا عاوزة أفرح ببنتي

سامح: هنفرح لما ربنا يأذن.. المهم دلوقتي لما تصحى خديها واحدة واحدة كدا وقوليلها وشوفي رأيها إيه

نجلاء: وأنا هستنى لما تصحى.. دلوقتي نصحيها

سامح: لالا.. سبيها نايمة.. لما تصحى براحتها قوليلا.. قومي حضريلي لقمة آكلها.. عقبال ما أستاذ أحمد يصحى

نجلاء: من عنيا

سامح: تسلميلي

صافي: إنتي منمتيش

سهر: ومين يجيله نوم بعد اللي حصل امبارح

صافي: ياما نفسي أمسكهم كلهم أولع فيهم.. وبالذات البت الصغيرة دي.. آآه منها أنا راسي هتنفجر من امبارح.. ورجلي علمت من عضتها

سهر: عيلة صغيرة تعمل فيكي كدا

صافي: دي عيلة دي .. لا وكله كوم واونكل احمد كوم .. انتي شوفتي نصرهم علينا ازاي .. دا شوية وكان هيطردنا

سهر: ماهو انا مشيت قبل ماشكلنا يبقا وحش اكتر من كدا

صافي: وهنعمل ايه .. انا لازم اخد حقي .. انا هعرف بابا وهو يتصرف مع الأشكال دي

سهر: حيلك حيلك .. تعرفي مين انتي هبلة .. انتي عارفة فاروق لو عرف ان حصلك حاجة هيتجن.. وهيروح يتخانق مع احمد واللي شوفتوا من احمد واضح ان البت دي مكانتها كبيرة عنده يعني ممكن يخسروا بعض عادي جدا علشانها .. وساعتها بقا ياحلوة تنسي استاذ اسر بتاعك دا خالص

صافي: لا طبعا مش هنسا اسر مقدرش

سهر: يبقا تسكتي خالص ومتبينيش حاجة .. لحد ماشوف انا هعمل ايه مفهوم

صافي: حاضر .. بس انا رأسي وجعاني اويي

سهر فتحت الدرج وطلعت علبة برشام: خدي دا مسكن حلو كنت باخده .. هيريحك

صافي: متشكرة اوي يا سهورة ياحبيبتي .. انا مش عارفة ليه كل العمات ميبقوش حلوين زيك كدا

سهر: حبيبتي ربنا يخليكي ليا

صافي: انا هاخد المسكن دا وهروح انام

سهر بابتسامة: بالشفاء ياحبيبتي .. بالشفاء

____________________________

فريال: زومي .. اصحي ياحبيبي .. الضهر هيأذن

حازم بيتمطع: صباح الخير ياماما

فريال: صباح النور ياحبيبي .. يلا أصحا الفطار جاهز .. افطر معايا قبل ماتروح شغلك

حازم: لا شغل ايه انا واخد اجازة انهاردة .. هروح اشوف زين

فريال: ماله زين مش كنت معاه انبارح ف العيد ميلاد

حازم: اسكتي ياماما ع اللي حصل امبارح .. العيد ميلاد اتحول لمعركة

فريال: ياساتر يارب معركة ايه

حازم: انا هدخل اخد شاور بسرعة ولما اخلص احكيلك

فريال: طب استنا بس عاوزك

حازم: ايه ياماما خير محتاجة حاجة

فريال: اه هي حاجة واحدة محتاجها

حازم: ايه هي

فريال: نفسي اشوف عيالك قبل مااموت

حازم: بعد الشر عنك يافوفا

فريال: لا مش شر الموت علينا حق.. وانا عاوزة افرح بيك.. عجبك قعدتك دي اللي قدك متجوزين ومخلفين وعيالهم ف المدارس كمان

حازم: فين دا .. ما زين اهو زي

فريال: ماليش دعوة بزين انا ليا بيك .. عاوزة افرح بيك

حازم: ياحبيبتي ان شاءالله نفرح كلنا بس هي تيجي

فريال: وهي اللي بتيجي ولا احنا اللي بنروحلها .. لو هتستنا يبقا مش هتتجوز ..سبني انا اشوفلك واحدة .. البنات كتير قرايبنا وجيرانا .. سبني انقيلك

حازم: لا ياماما ونبي سبيني انا اختار بنفسي ..

فريال: سيبتك كتير اوي ..

حازم: حبة كمان علشاني

فريال: ماشي ياحازم بس يكون ف علمك لو مشوفتش انت واحدة بسرعة .. هترجع تلقيني عازمة الناس وجايبة المأذون والعروسة وهحطك تحت الأمر الواقع .. اه انا جبت اخري منك

حازم بيضحك: قادرة و تعمليها

فريال: مبهزارش ياحازم اديني نبهتك .. وانت حر بقا

حازم باسها: ونبي قمر وانتي متعصبة كدا .. حاضر ياستي هفرحك بيا ان شاءالله

فريال بفرحة: بجد ياحازم .. طب امتا امتا قولي وفرحني

حازم: مش عارف امتا بس هيحصل ان شاءالله .. تسمحيلي ادخل الحمام بقا

فريال: ادخل ياحبيبي

فريال بتكلم نفسها: طلما قال كدا يبقا اكيد ف حد ف دماغه اكيد ... يارب يسعدك يابني

________________________

ليل: قمر انا راحة الكلية ها

قمر: خلي بالك من نفسك ياحبيبتي

ليل: حاضر .. يلا سلام

ليل ماشية عربية اسر وقفت قصادها

ليل من غير ماتبصله: افندم

اسر: اركبي

ليل: لا

اسر نزل من العربية: عاوز اتكلم معاكي ممكن

ليل: مش عاوزة اتأخر ع الكلية

اسر: مش هأخرك اركبي يلا

ليل ركبت العربية ومشوا وقمر متابعها من بعيد

تونة: بتعملي ايه

قمر: ياختااي بتطلعي منين .. انتي مش كنتي نايمة

تونة: حاجة كدا قالتلي اصحي يابت ياتونة .. علشان تشوفي الكارثة دي ..

قمر: هو في كارثة غيرك هنا

تونة: بقا كدا ياقمر .. بقا انا اقولك .. علشان تمسكيها تديها قلمين .. وانتي واقفة تتفرجي عليها وهي بتركب مع الواد المز دا العربية وتجبلنا العار

قمر: عار ايه يام لسانين انتي .. وبعدين دي ركبت العربية معاه .. مش طلعت اوضته وحطيتله شيكولاتة

تونة: هاا

قمر: أيوة اعملي نفسك من بنها بقا ..

تونة: مين انا

قمر: لا انا .. حسابك معايا بعدين .. يلا علشان تفطري قدامي

تونة: حاضر

___________________________

ليل: نعم عاوز ايه

اسر: عاوز افهم ايه حصل امبارح

ليل: لا والله متعرفش حصل ايه ..

اسر: لو اعرف هسألك ليه

ليل: صح مالكش تسالني.. روح اسأل الحلوة بتاعتك .. عن اذنك

اسر مسك ايدها قبل ماتنزل: استني .. انا لسه مخلصتش كلامي .. انا مش هكلمها ولا هسألها انا عاوز اعرف منك انتي .. صافي هي اللي زقتك امبارح ف البسين ولالا

اسر: مش حاطتها ف دماغي .. بس انت عارف انا مبحبش حد قد اهلي ومش هسمح لحد يأذيهم .. وطبيعي مكنش مرتاحلهم .. حط نفسك مكاني ترضا ناس غريبة يعيشوا في بيتك

حازم: والله لو يوافقوا اخدهم يعيشوا معانا حتي ابقا مطمن ع امي ومتبقاش لوحدها

اسر: انت بتتكلم جد !!

حازم: اه بتكلم جد فيها ايه يعني .. مش احسن مايترموا ف الشارع .. وبعدين هما ف ازمة المفروض تقف جنبهم

اسر: وانا مالي اقف جنبهم ليه من باقي اهلي

حازم: مش ابوك قال انهم بنات صاحبه

اسر: وانا مش مقتنع انا عديت الموضوع وخلاص ..

حازم: بلاش دي.. مش اللي انت مش طايقها دي أنقذت اختك

اسر: مايمكن تكون هي اصلا اللي عاملة كل دا

حازم: انت مصمم تكرهها وخلاص .. متنساش ان انا ظابط و ليا نظرة ف الناس .. والبنت دي شكلها محترم وجدعة وبتحب أخواتها بجد .. مش شايف عملت ايه امبارح علشان اختها

اسر: شوف انت بتفكرني بافعالها ازاي .. عجبك اللي عملتوا ف سهر

حازم: اه عاجبني .. بنت جدعة خدت حق اختها

اسر: حقها من ايه محدش جه جنبها

حازم: ماهي مش مجنونة يازين ولا البت الصغيرة بتكدب ولا كلام سهر دخل دماغي اصلا .. ايه هيودي ليل للبسين اساسا غير لو حد زقها وايه كان مواقفها معاهم وهي متعرفهمش .. فكر شوية هما اتفقوا ع ليل واهي قمر خدتلها حقها

اسر: انا زهقت كل لما اكلم حد يدافع عنها .. مش فاهم عملالكم ايه بجد .. دا حتي كريم .. راحلها امبارح ومخلهاش تمشي

حازم: كل دا ميأكدلكش انها انسانة كويسة .. وانك ظالمها

اسر: كويسة ولا مش كويسة لنفسها .. انا هبعد عنها وخلاص

حازم: خير ماعملت والله .. ريحتها

اسر: انت فاضلك دقيقة وتعملها تمثال هنا

حازم بضحك: لا مش للدرجادي

اسر: ياعم اسكت ..

نور: راحة فين يانور

نور: خارجة مشوار كدا ومش هتأخر متقلقش

اسر: طيب خلي بالك من نفسك

نور: حاضر

اسر: ومتبقيش تروحي أماكن شعبية لتجلنا بايدك فيها 3 كمان

حازم: مافيش فايدة فيك

نور: ماشي يا زين باااي بقا

اسر: باي ياحبيبتي

____________________________

ليل: انت تاني

اسر: اه تاني وتالت ورابع

ليل: عاوز ايه

اسر: عاوز افهمك اني مش انا اللي قولت لصافي

ليل: يبقا وليد يعني انت السبب بردك

اسر: ولا وليد صافي عرفت من حد تاالت

ليل: اه مانت قايل لكل الناس

اسر بعصبية: يوووة بقا افهمي انا مش السبب

ليل: متتعصبش عليا

اسر: تمام مش هتعصب .. انا اهو هادي خالص .. ممكن تسمعيني بقا

ليل: اتفضل

اسر: بصي ياستي صافي عرفت من عمتها سهر ..

ليل: الحرباية اللي زقتني

اسر: بالظبط

ليل: وهي دي هتعرف منين

اسر: من زين اخويا.. علشان هما شبه بيحبوا بعض ... ف ممكن يكون حكالها ع وجودكم .. وهي حكيت ل صافي .. يعني مش مني

ليل: وانا ايه يثبتلي الكلام دا

اسر: اجبلك امضت صافي ع الكلام دا ولا اعمل ايه يعني

ليل: متعملش حاجة .. قولتلك ولا انت ولا هي تهموني

اسر بعصبية: ولا انتي تهميني .. انا بس مش عاوز أتفهم غلط

ليل: افهم صح ولا غلط مش انا مهمكش خلاص .. ابعد عن طريقي بقا علشان عاوزة امشي

اسر: اركبي انا هوصلك

ليل: لا لا لا مش هركب

اسر: احسن بردك يكش تتخطفى انا غلطان

ليل زقته ع العربية: طب عديني بقا اروح اتخطف

_______________________________

هدي: سائر انت خارج ياحبيبي

سائر: أيوة ف حاجة

هدي: رايح فين

سائر: انتي هتحققي معايا ولا هتحسبيني ع خروجاتي

هدي: انا مقصدش بس

سائر: اسمعي بقا مش معني اني غيبت سنين ابقا نسيت.. انا منستش ومش هنسا ولا هبقا زي صافي تأقلمت مع الحكاية علشان كانت عيلة .. انا مجبور بس مش اكتر ف ياريت ياررريت تخليكي ف حالك وتبعدي عني .. وكفاية انك كنتي سبب ف حاجات كتير وحشة ليا ... عن اذنك

" هدي عيطت من كلامه وطلعت ع اوضتها "

__________________________

الباب بيخبط

قمر بتغسل المواعين: بت ياتونة افتحي .. انتي يابت ..

طلعت تشوفها فين ..

قمر: ملاك نايمة ملاك يااخواتي ..

الباب خبط تاني

قمر: أيوة استنى جاية

فتحت

قمر واقفة مستغربة

اسر: عاملة إيه

قمر: أنا كويسة.. لو جاي لـ"تونة"، فـ"تونة" مش موجودة

اسر فهم قصدها: لا أنا مش جاي لحد غيرك

قمر باستغراب: عاوزني أنا! خير

اسر فهم قصدها : لا انا مش جاي لحد غيرك

قمر باستغراب : عاوزني انا! خير

اسر : خير متقلقيش.. بس تعالي معايا

قمر : اجي معاك ع فين

اسر : تعالي هنركب العربية وهنمشي بعيد عن الفيلا

قمر : بعيد عن الفيلا ليه.. هو في إيه يا أستاذ أسر.. ماتنطق

اسر : ياستي قولتلك متقلقيش.. كل الحكاية مش عاوز ليل تشوفنا مع بعض

قمر بتبص حواليها : ليل.. هي فين ليل

اسر : متقلقيش أنا اطمنت عليها إنها ركبت وزمانها ع وصول.. ف ياريت تيجي معايا قبل ما توصل وتشوفنا

قمر : طيب اتفضل وأنا جاية وراك

اسر : ماشي متتأخرش

***

أحمد : مساء الخير يا عايدة

عايدة : مساء النور يا بيه.. تأمرني بحاجة

أحمد : هما الولاد هنا

عايدة : كريم بس اللي ف أوضته يا بيه

أحمد : ونور فين!

عايدة : خرجت من حوالي ساعة كدا وزين بيه خرج وراها وأسر من الصبح مجاش اظاهر كدا ف الكلية

أحمد : طيب روحي شوفي شغلك

عايدة : تحب أحضرلك العشا

أحمد : لا لما يجوا

عايدة : تحت أمرك يا بيه عن إذنك

***

قمر ركبت العربية مع أسر

قمر : خير يا أستاذ أسر

اسر : مبدئيا إحنا نشيل كلمة أستاذ دي مالهاش لازمة

قمر : ياخويا ودا وقته ماتنطق

اسر : إيه التحول دا

قمر : ماهو أنت مجرجني كدا وأنا مش فاهمة حاجة.. وأيشي موضوع مهم وأيشي مش عاوز ليل تشوفنا.. هو في إيه

اسر : ايشي! طيب أنا هدخل ف الموضوع علطول ماشي

قمر : ها اخلص

اسر : بصي ياستي أنا خدت بالي من نظراتك ليا ول ليل.. وحاسس بخوفك عليها

قمر : طب الحمد لله إنك طلعت عندك دم وبتحس كدا

اسر : احم احم.. ممكن أكمل طب

قمر : اتفضل كمل

اسر : أنا جيت علشان أقولك إنك تطمني.. أنا مش عاوز آذيها

قمر : اومال عاوز إيه

اسر : بصراحة أنا أول لما شوفتها أعجبت بيها.. وبعدها ف موقف حصل بينا كدا خلاني مبقاش طايقها

قمر : معلش بس أنا مش فاهمة حاجة.. ممكن تحكي من الأول

اسر : هحكيلك..

***

نور سلمت ع سائر ببرود وقعدت

سائر : تحبي تشربي إيه

نور : شكرا مش عاوزة

سائر للجرسون : طيب اتفضل أنت دلوقتي

نور : ممكن أعرف إيه الكلام اللي عاوز تقوله

سائر مسك إيدها : عاوز أقولك إنك وحشتيني يا نور

نور شدت إيدها : لو سمحت يا سائر.. اللي بتعمله دا مالهوش لازمة

سائر : أنا مش بعمل حاجة.. انتي وحشتيني بجد

نور : وأنا قولت مالهوش لازمة!

سائر : حرام عليكي يا نور.. أنا راجع مخصوص علشانك أنتِ

نور : حرام عليا أنا! وراجع علشاني؟ ولما أنت راجع علشاني مشيت وسبتني ليه من الأول

سائر : أنا مسبتكيش.. انتي عارفة أنا مشيت ليه

نور : لا سبتني يا سائر..

سائر : مسبتكيش.. بس مكنتش هقدر أعيش هنا وأبقى مرتاح.. وإنتي عارفة ليه كويس أوي..

نور : عارفة ليه.. بس أنا كان ذنبي إيه ف كل دا.. أنت مفكرتش فيا.. أنت فكرت ف نفسك وف راحتك.. سألت نفسك هل أنا هكون مرتاحة ولالا.. طبعًا لا المهم راحتك

سائر : صدقيني مكنش عندي حل تاني.. أنا فقدت أمي وفجأة لقيت بابا جايبلي واحدة تانية وبيفرضها عليا.. وعاوزها تاخد مكان أمي.. مكنش قدامي حل غير إني أبعد عنهم

نور : كان ممكن تواجه كل دا بس أنت معملتش كدا.. أنت بتهرب من غلطك.. واخد باباك وجوزاه شماعة تعلق غلطك عليه.. وأنا مكنش ليا ذنب وخلتني مذنبة زيهم.. فاكر آخر مقابلة بينا لما اعترضت ع سفرك علشان مش عاوزك تبعد عني قولتلي إيه؟

سائر سكت

نور : قولتلي أنتِ أنانية.. مش بتفكري غير ف نفسك.. عاوزة راحتك وسعادتك ع حسابي.. مشيت وسبتني من غير ما تسمعني ٨ سنين معرفتش عنك حاجة فيهم.. قررت تبعد عن الكل حتى أنا.. جاي دلوقتي تقول راجع علشاني؟ بعد إيه

سائر : انتي عندك حق ف كل كلمة.. أنا خدتك بذنبهم.. أنا كنت كاره حياتي حاولت أبعد قولت أنسى الكل.. مكنتش عاوز حاجة تفكرني بمصر.. وحاولت أنساكي.. بس معرفتش أنساكي.. كنت هكمل دراستي وارجع أتزوجك ونسافر.. بس مقدرتش استحمل لحد ما أخلص دراستي.. نزلت مخصوص قبل عيد ميلادك علشان أكون معاكي.. اديني فرصة تانية يا نور وأوعدك مش هزعلك تاني

نور : وأنا مش موافقة

سائر : ليه مش موافقة يا نور.. أنا متأكد إنك بتحبيني

نور : آه لسه بحبك ومحدش دخل حياتي بعدك ولا كان حد هيدخل.. بس أنا معنديش استعداد لصدمات تانية.. خلي شوية الحب اللي فاضلين لك ف قلبي ومتضيعهمش

سائر : صدقيني مش هضيعهم.. والله أنا مش عاوز غيرك اديني فرصة تانية..

نور : أنا لازم أمشي

سائر : بس انتي مردتيش عليا

نور : بعدين يا سائر بعدين.. عن إذنك

***

قمر باستغراب : ليل كدبت عليك.. طب ليه

اسر : أنا مش عارف وهي مردتش تقول السبب.. بس دا مش موضوعي هو حاجة وعدت وأنا نسيتها و..

قمر سرحت : معقولة يا ليل مش عاجبك حياتنا.. انتي تكدبي.. مش مصدقة.. طب ليه كدا.. آه صح احنا فقره.. بس مكنتش بحرمك من حاجة.. اللي معايا كله كان ليكي.. ليه كدا يا ليل ليه

اسر : قمر.. قمر.. انتي سمعاني

قمر : هاا

اسر : سرحتي في إيه

قمر : ولا حاجة كمل

اسر : بصي بقا نهاية الموضوع واللي أنا عاوزه وجايبك هنا علشان.. أنا عاوز آخد الإذن منك إني أتقرب من ليل..

قمر : وبعد ما تتقرب من ليل

اسر : هتجوزها إن شاء الله

قمر : طب لما أنت عاوز تتقربلها ماتتقدملها علطول.. إيه لازمة المشي البطال من الأول

اسر : مشي بطال إيه بس يا قمر افهمي.. مش هينفع أتقدم دلوقتي

قمر : ليه بقا إن شاء الله.. ما معكش تمن الشبكة.. بسيطة أسلفك.. مش لازم نوسعها أوي.. هو دبلتين حلوين

اسر : لا ويت كدا شبكة إيه اللي ممعيش حقها.. أنا بتكلم ع نقطة تانية

قمر : نقطة إيه بقا

اسر : أنا علشان أتقدم لازم أنجح السنادي ع الأقل علشان بابا يوافق.. وكمان ليل لو اتقدمت دلوقتي مش هتوافق أصلاً دي مش طايقاني

قمر : ولما هي مش طايقاك.. حاطتها ف دماغك ليه

اسر : مش طايقاني دا موضوع طويل.. بس أنا متأكد إن هي كمان معجبة بيا.. بس بتكابر..

قمر : عندك حق والله دي عنيدة ورأسها جزمة زيي

اسر : شوفتي بقا.. علشان كدا محتاج وقت علشان نتقرب من بعض يكون المشاكل اللي حوالينا هدت.. وأنا بستأذنك ف الوقت دا.. واعتبري إن أنا كدا بتقدملها ياستي.. بس المهم هي متعرفش بالحوار اللي دار بينا دا خالص

قمر : طب افرض هي أساساً مش عاوزاك

اسر : لا متقلقيش هي هتموت عليا

قمر : لا يا شيخ تامر حسني بسلامتك

اسر : لا اسر الألفي.. مافيش بنت مش بتحبني أصلاً..

قمر : ونبي تتوكس.. وترجعني الفيلا.. قبل ما البت تيجي

اسر بيضحك : حاضر

قمر : قال مافيش بنت محبتنيش قال.. مانا جنبك بقالي ساعة أهو مش نازلي من الزور.. سوق سوق

***

سامح : عملتي إيه مع البت يا نجلاء

نجلاء : قالتلي هفكر

سامح : يعني ميالة للموضوع

نجلاء : ومتميلش ليه يا سامح.. الواد كويس ومحترم

سامح : طيب ع البركة.. نادي عليها يلا تأكل معانا

نجلاء : ماشي هجهز الأكل وأدخلها

***

ليل : تونة.. اصحي

تونة : عاوزة إيه سبيني أنا عاوزة أنام شوية

ليل : فين قمر طيب

تونة قامت نطت تجري دخلت المطبخ وطلعت : مش جوا

راحت الحمام : مش ف الحمام كمان.. أوعي كدا رجلك يا ليل.. مش تحت السرير كمان.. اومال راحت فين

ليل : إنتي بتعملي إيه يا هبلة

تونة : بدور عليها

ليل : وهي إيه يدخلها تحت السرير

تونة : أنا أش عرفني يمكن عاوزة تفجعنا

ليل : الحركات المتخلفة دي انتي اللي تعمليها

تونة : يابنتي لمي لسانك

ليل : بنتك إيه يا مفعوصة دانا لو اتجوزت هجيب قدك

تونة : تتجوزي إيه يا بايرة هو أنتِ حد معبرك

ليل : لسانك دا هقطعهولك ف مرة

تونة : وريني كدا علشان أخزقلك عينك دي

قمر : فيييه إيه صوتكم عالي ليه

تونة : تعالي شوفي اختك.. الحق عليا إني دفعت عنها ومسبتهمش يقطعوها

قمر : بس يا تونة عيب كدا.. محدش يقدر يعمل لأختك حاجة

ليل : انتي كنتي فين يا قمر

قمر : كنت بشتري حاجة

ليل : هي فين الحاجة دي

قمر بتوتر : مانا ملقتهاش بقا

ليل : غريبة يعني طلعتي وسبتي تونة لوحدها

قمر : عادي وهي أول مرة

ليل : جايز

قمر : أنا هدخل أسخنلكم الأكل

***

حازم قاعد سرحان وبيفكر ف كنزي وافتكر أن رقمها معاه من وقت ما كانت ف القسم وقرر يكلمها

كنزي رديت : الو مين معايا

حازم : انتي مش مسجلة الرقم ولا إيه

كنزي : لا والله انت مين

حازم : أنا حازم

كنزي : انت حازم الظابط

حازم : انتي تعرفي كذا حازم غيري ولا إيه

كنزي : لا والله أنا معرفش حد أصلاً بس أصل ماما

حازم : مالها ماما

كنزي : أنا لازم أقفل يا حازم

حازم : استني بس متقفليش

كنزي : يا حازم والله مش هينفع

نجلاء دخلت فجأة : هو إيه اللي مش هينفع يا بت

كنزي حدفت الموبايل واتنطرت : ماما.. استني هفهمك

نجلاء : تفهمني إيه دانتي خلاص مبقاش حد قادر عليكي.. أنا هناديلك أبوكي

كنزي مسكتها : استني يا ماما ونبي والله انتي فاهمة غلط

نجلاء : ولا كلمة زيادة.. والعريس هتوافقي عليه يا كنزي غصب عنك ومافيش قعاد ليكي هنا.. هتتجوزي وترجعي المنصورة..

كنزي : بس أنا مبحبهوش يا ماما.. حرام عليكي

نجلاء: حرمت عليكي عيشتك يابت

اومال بتحبي مين يابت بتحبي حازم

كنزي: أيوة ياماما بحب حازم

نجلاء: اخرسي كمان اتجرأتي تقوليها ف وشي من غير كسوف كدا

كان عندها حق عايدة

كنزي: وست عايدة قالت ايه

نجلاء: مالكيش دعوة قالت ايه كلامي هو اللي هيمشي عليكي

انا عملالك قيمة واقول البت كبرت وعقلت وانتي اتهبلتي اكتر

بتحبي اللي اخره يكلمك من ورانا بس وسايبة اللي شاريكي ومتقدملك

هو الزمن جرا في ايه بس

كنزي: وانا بقا هتحكم ف قلبي اقولو يحب مين وميحبش مين

نجلاء: أيوة ياعين امك من هنا ورايح هتتحكمي فيه

وحسك عينك تقولي لا ع خالد

انتي فاهمة

كنزي بزعل: فاهمة

نجلاء: يلا قدامي علشان تأكلي

كنزي: مش عاوزة اكل

نجلاء: احسن بردك

كنزي قعدت تعيط وتفكر ف كلام مامتها

وحازم كل دا لسه مقفلش وسمع كل الكلام والعريس اللي متقدملها وأتضايق

ياتري هيعمل ايه

احمد: نور كنتي فين ياحبيبتي

نور: كنت كنت مع سائر

احمد: مش موضوع سائر دا اتقفل من زمان

نور: ....

احمد: مالك يانور

نور عيطت جامد: انا لسه بحبه يابابي ومش عارفة اعمل ايه

احمد حضنها: طيب اهدي ياحبيبتي اهدي

واللي انتي عاوزة انا هوافق عليه

سامح: اومال فين البت يانجلاء

نجلاء: قالتلي عاوزة تنام مش عاوزة تأكل

سامح: وانتي سبتيها تنام من غير اكل يا نجلاء

حرام عليكي

نجلاء: انت رايح فين طيب مش هتأكل

سامح: رايح اجيبها تأكل معانا

مش هسيبها تنام كدا

نجلاء: براحتك

اكل انا

زين: صباح الخير

الكل: صباح النور

زين: اسر تعالي عايزك

اسر: خير يا زين

زين: انا طالبة معايا انهاردة ننزل حمام السباحة تيجي

اسر: ماشي معاك بس انت مش عندك شغل

زين: لا هفكس للشغل النهاردة

العوم وحشني اوي

اسر: ماشي انا جاهز

زين: اشطا هكلم حازم يجي

قمر: أيوة ياعربي

ازيك ياولا والحارة اخبارها ايه

عربي: الحارة وحشة من غيرك ياست قمر والله

انتي هترجعي امتا

قمر: والله ياعربي ما عارفة اذا كنت هرجع ولالا

عربي: معناه ايه الكلام دا ياست قمر

قمر: يعني اللي ربنا عايزه هيكون ياعربي

المهم اسمعني ف اللي هقولو كويس

ومش عاوزة حد يعرف حاجة انت فاهم

عربي: خير ياست قمر

محتاجة فلوس

قمر: لا ياولا فلوس ايه انت حيلتك حاجة

انا عاوزة خدمة منك هتعرف تعملها ولا اشوف غيرك

عربي: هعرف طبعا آمريني

قمر: انا عايزك ترقبلي حد وتنقلي كل أخباره خطوه بخطوة من غير مايحس

عربي: حد! حد مين دا

قمر: هقولك

هدي: حبيبتي مش هتنزلي تفطري معانا

صافي: ماليش نفس ياماما

هدي: ليه كدا مين زعلك

صافي: اسر مش بيرد عليا بقاله يومين

هدي: اكيد عملتي حاجة قولي عملتي ايه

صافي: بصراحة عملت ياماما

في بنت بقالها فترة متقربة منه

هدي: مانتي عارفة ياصافي ان اسر حواليه بنات كتير

صافي: أيوة بس انا مش مطمنة ل دي بالذات دي كمان سكنت معاه ف الفيلا كمان

هدي: بجد

طب انتي عملتي ايه علشان يزعل منك

صافي: اتفقت انا وسهر ع ليل دي وضربنها و ...

هدي: استني يا صافي مين ليل دي

صافي: ماهي ليل دي البت اللي بتكلم عنها ياماما

هدي: اسمها ليل!!

صافي: اه هو ف حاجة

هدي: لا لا مافيش كملي

صافي: اكمل ايه انا خلصت

خلاص مالك ياماما في حاجة

هدي: لا ياحبيبتي مافيش

انا من رأي تحاولي تاني مع اسر لحد ما يرد وتعتذريله

صافي: حاضر

هدي بتوتر: انا همشي بقا علشان افطر بابا

صافي باستغراب: اتفضلي

قمر: كنزي

اتفضلي ياحبيبتي

كنزي: هي ليل هنا

قمر: اه نايمة اهي ادخلي صحيها

كنزي: لا خلاص اجيلها وقت ماتصحا

قمر: لا والله ابدا ادخلي نصحيها ولو مصحتش انا موجودة اهو اقعدي معايا

كنزي بابتسامة: متشكرة اوي

قمر: العفو ياحبيبتي دانتي تنوري

قمر: بتت ياليلل

فوقييي

انتي يابتت

ليل: ايه الصوت دا ع الصبح

في ايه ياقمر

قمر: اصحي كنزي عايزكي

ليل: صحيت خلاص اهو

خير يا كنزي

كنزي عيطت: انا مخنوقة اوي

قمر جريت حضنتها: ايه دا ايه دا مالك

ليل: يعني انتي مصحياني علشان تنكدي عليا ع الصبح

قمر: بس ياباردة انتي

مالك يا كنزي مين مزعلك بس

كنزي: ماما

قمر: مالها ياحبيبتي

كنزي: مش حاسة بيا خالص

وعاوزة تجوزني لواحد مبحبهوش وترجعني اعيش مع عمتي وابعد عنهم

اهئ اهئ انا عاوزة اعيش هنا جنب بابا وماما

قمر: طيب ياحبيبتي فهمي نجلاء براحة وهي اكيد مش هترضا تزعلك

كنزي: لا ياقمر ماما خدت قرارها خلاص

عاوزه تبعدني عنهم

عارفة احساس يعني ايه تعيشي بعيد عن اهلك مع انهم عايشين

قمر: عارفة ياحبيبتي

كنزي: لا اكيد متعرفيش الاحساس دا

ومحدش هيحس بيا

قمر أتضايقت وسكتت وليل لاحظت وفهمت ليه أتضايقت

قمر: طيب ياحبيبتي اهدي ومتزعليش

كل حاجة هتتحل ان شاءالله

كنزي: يارب

تونة: ايه دا مين مات ع الصبح

قمر: موت ايه بس ياتونة بعد الشر

تونة: اومال قلبينها مناحة ليه كدا

لا انا مبحبش النكد انا بحب الفرفشة

ليل: ااايوة الفرفشة

فرفشووني

يلا نشغل اغاني

لا لا

قمر تغني الاغنية اللي بتغنيهالنا دايما

تونة: أيوة أيوة يلا تافتيفي تا تا تا

كنزي: انتي بتغني ياقمر

قمر: يعني شوية دندنة كدا

ليل: دندنة ايه دي صوتها جميل اوي

اسمعي بس واحكمي يلا

قمر: طب استنوا نفطر طب

الكل: لا دلوقتي يلا

قمر: البنات البنات

الطف الكائنات

غنوا يا تلميذات

الكل بيسقف وبيلفوا حوالينا بعض: تافاتيفى تاتاتا

قمر: قولوا يابختنا

الكل: يابختنا يابختنا

قمر: قد ايه كلنا

الكل: كلنا كلنا

قمر: فرحانين اننا اتولدنا بنااااات

البنات حنينين

كلهن طيبين

همهم خدمه بلدهم

زيهم زى البنين

البنت زى الولد

ماهيش كماله عدد

في الاحتمال و الجلد

مذكوره ف المعجزات

البنات ناصحين تمام

يسألو الحاجه بكام

ينفعو وزراء ماليه

وإقتصاد مافيش كلام

البنت عين امها

وابوها يحبها

والكل معجب بها

في الحي والبلكونات

ياسلام على البنات

الأروبه المدهشات

ذاكره فوتغرفيه

كمبيوتر معلومات

يابنت يامؤدبه

ياحلوه يامرتبه

وبحتة الموهبه

كم فينا من مبدعات

البنات البنات الطف الكائنات

غنوا ياتلميذااات

الكل: تافتيفي تاتاتا

تافتيفي تاتاتا

هيييه

اسر: هما بيعملوا ايه جوا

زين بتريقة: فاتحين حضانة جوا

اسر: بقولك ايه انا شايف اننا نروح النادي أو اي مكان تاني بدل مانبقا ف وشهم كدا

وممكن يتكسفوا يطلعوا

حازم: انا بقول كدا بردك علشان منقيدش حركاتهم

زين: لا طبعا لا نادي ولا زفت انا مش هتحرك من هنا

اسر: طب خلينا ف البسين التاني بعيد عن هنا

زين: لا هو دا الاكبر علشان نعرف نتحرك براحتنا

حازم: هو عند وخلاص يا زين

زين: اه هو كدا

قال تتكسف قال دي وش كسوف دي

حازم: ع فكرة هو قال يتكسفوا مش تتكسف يا زين

زين: عاوز ايه يعني

حازم ضحك: ولا حاجة ياحبيبي طلعها من دماغك بس

زين: اطلع مين

حازم ضحك ومشي بعيد

زين: خد هنا بس انت تقصد مين

استنا

كنزي: لا حقيقي صوتك حلو

وبجد فرفشتوني وانا كنت مخنوقة

ليل: اي خدمة انتي بس متعيطيش علشان ربنا يكرمنا

تونة: ايه داااه بصوا بصووا

دول بيعملوا اييه دول

ليل وكنزي راحوا يبصوا: هما هينزلوا البسين ولا ايه

تونة: ياخرابي ع الحلاوة

دول طلعوا مزز اكتر من ماكانوا

ليل حطيت ايدها ع عين تونة: بس يا تونة عيب كدا ماتبصيش

تونة زقت ايدها: ياسلام ياختي عيب ليا وحلال ليكي اوعي كدا

نشوف عضلات الظابط

كنزي: ماتتلمي يا تونة بقا في ايه

تونة: ما تبصيش عليهم.

كنزي: مبصش عليهم ولا على الظابط يابتاعة الظابط انتي... ونعمة لأروح أقول لأمك نوجة اللي معرفتش تربيكي.

تونة: استني بس أنا ناقصة... خلاص بصي براحتك.

قمر: انتوا بتعملوا إيه عندكم؟

الكل: مممم مبنعملش حاجة يا قمر.

قمر: وسّعي انتي وهي كده... ينيلك انتي وهي بتتفرجوا عليهم... ادخلي يا أختي انتي وهي بطلوا قلة أدب.

تونة: قلتلهم كده مسمعوش الكلام والله يا قمر.

ليل: يابت يا كدابة انتي... والله يا قمر هي اللي كانت بتبص.

قمر: بس انتي وهي ادخلوا جوه يلا.

زين: اهي اللي بتقول هتتكسف اهي واقفة وبتتفرج.

قمر شدت الستارة.

حازم: شفت ظلمتها إزاي.

أسر: أكيد اتضايقت، ما بلاش هنا يا زين.

زين: تولع، أعملها إيه يعني، مش عاجبها تمشي هي مش إحنا.

تونة طلعت تتسحب وهما بيأكلوا وفتحت الباب وطلعت بسرعة.

زين: دي جاية تهبب إيه دي كمان؟

تونة: أسلموا عليكوا.

زين: عاوزة إيه يابت انتي؟

تونة: طب رد السلام، طب دا السلام لله.

زين: عاوزة إيه اخلصي.

تونة : انت مالك ياجدع انت انا جيت جنبك.. دانت حشري بصحيح

اسر : براحة يا زين .. عاوزة ايه ياتونة

تونة : عاوزة سلامتك ياحلو يامسمسم انت يابو عيون حلوة

اسر بيضحك : انشالله يخليكي ياشيخه

زين : عجبتك حلو ومسمسم

اسر : اه اوووي بصراحة

زين : طب خلص وانزل وسيبك منها

تونة : اللهم طولك ياروح

اسر : معلش امسحيها فيا انا .. ها عاوزة ايه

تونة : عاوزة انزل بلبسين

زين : بلبسين يعني ايه بلبسين

تونة : مش هرد عليك ها بقا

اسر : أيوة جدعة خليكي معايا انا

تونة : هتنزلني بلبسين وتعلمني العوم

اسر : عيوني ليكي بس مش دلوقتي علشان احنا عاملين مسابقة مع بعض لما نخلص هبقا اخليكي تنزلي براحتك

تونة : بيجاااد

اسر : ايووةة بيجاااااد

ليل : تونة .. انتي يابت ايه موقفك هنا

تونة بتغيظ ليل : اصل اسر قالي هيعلمني العوم واتحايل عليا وانا وافقت

اسر : انا

تونة : اه انت

ليل : لا ياشيخة طب يلا ع جوا بقا بدل ماناديلك قمر تجيلك بالشبشب

تونة : لا مش هدخل انا عاوزة اتفرج

زين : تتفرجي ع ايه ياباردة يابجحة انتي .. ادخلي محدش هنا عاوزك

ليل : انا هدخل اجبهالك ماشي ماشي

تونة : انت شكلك مش هتتلم ف ليلتك دي

زين : لا مش هتلم .. وريني هتعملي ايه.. صرصار بيهددني

تونة : طااااايببب .. جريت خدت هدومه وحدفتها ف البسين

زين : يابت المجنونةة .. استني

تونة خدت البورنص وطلعت تجري بيه وزين وراها وعمالين يلفوا حوالين حمام السباحة وحازم واسر ميتين ضحك

زين : والله ماهسيبك ياعفريته انتي .. راح وقع اتزحلق ع ضهره

تونة : هاهاهاها مش عيب ع طولك دا ... اءاءاء مش هتعرف تمسكني وطلعت تجري ع البيت وقفلت الباب وراها

زين قام وطلع يجري وعمال يخبط جامد ع الباب

قمر فتحت بصدمة : انت ازاي تخبط علينا وانت بالمنظر دا

زين : لا وانتي وش كسوف اوووي انتي واخواتك وبالذات الجزمة الصغيرة .. مانتي واقفة قدامي اهو بكل برود

قمر اتعصبت ورزعت الباب ف وشه

زين خبط تاني جامد : افتحي بدل مااكسره ع دماغكم

قمر فتحت حدفت البورنص بتاعه ف وشه ورزعت الباب تاني ووقفت ورا الباب وهي متعصبة من كلامه

تونة طالعة من ورا الكنبة : ها مشي

قمر قلعت الشبشب وحدفته عليها : انتي اللي جيبالييي الكلام يامفعوصةة

عدا اليوم ع أبطالنا ونبدأ يوم جديد

كنزي : ليل استني ياليل .. انا جاية معاكي الكلية

ليل : انتي ف هندسة

كنزي : لا ف تجارة بس قولت امشي ع سكتك

ليل : ماشي يلا

اسر : لو رايحين الكلية تعالوا اوصلكم

ليل لسه هتمانع كنزي قطعتها

كنزي : اه اه ياريت يااسر

اسر : يلا اركبوا

قمر : صباح الخير

عايدة : ست قمر صباح النور

نجلاء: صباح النور ياحبيبتي

قمر : مالك ياعايدة بتبصيلي كدا ليه

عايدة : لا مقصدش بس اصل مستغربة وجودك معانا ف المطبخ

قمر : لا متستغربيش .. انا وحشني الطبخ قولت اجي أساعدكم

عايدة : ياسلام تنوري وتشيلي عني شوية

نجلاء : لا طبعا ياعايدة ميصحش كدا

قمر : ليه بس يانوجة انا قعدة زهقانة قولت اجي اساعدكم وندردش مع بعض شوية

نجلاء : دردشي اه انما تساعدينا لا دا شغلنا احنا

قمر : لا الاتنين يانوجة

نجلاء : اللي يريحك ياحبيبتي

قمر : مالك يانوجة حساكي زعلانة

نجلاء : والله ياقمر قلبي واكلني ع البت .. انهاردة نزلت الكلية والكلية جديدة عليها .. خايفة حد يضحك عليها وانا بنتي هبلة

قمر : لا يانجلاء مالكيش حق كنزي عاقلة والله .. بس انتي متشديش عليها وهي مش هتعمل حاجة من وراكي

نجلاء : مبشدش عليها والله

قمر : عليا بردك يانوجة

نجلاء : هي اشتكيتلك مني

قمر : لا مشتكتش بس بيبان عليها الزعل

نجلاء : طب ونبي قوليلي دي زعلانة ليه دي

قمر : زعلانة ليه

نجلاء : جيلها عريس زي الورد أدب ايه وأخلاق ايه.. ومش غريب يعني معرفة .. مش موافقة عليه

قمر : ماهو من حقها تقبل أو ترفض .. هو الجواز مش غصب يعني

عايدة : ومن امتا البنات كان ليها رأي يعني . . دانا عرفت اني هتجوز قبل فرحي بيوم واحد بس .. وعرفوني بس علشان استحما غير كدا مكنوش هيقولولي

قمر : احنا نسيبنا من العلاقة القذرة دي ياعايدة.. وخلينا ف دلوقتي .. البنات مبقتش زي زمان.. دلوقتي كل واحدة من حقها تحب وتتحب وتختار .. مش يتفرض عليها اي حد

عايدة : حب ايه بس اللي بتتكلمي عليه ياست قمر .. مافيش الكلام دا .. لما تتجوز تبقا تحبه

نجلاء : أيوة عايدة عندها حق ياقمر .. الحب يجي بعد الجواز

قمر : طيب نسأل السؤال المهم .. انتي ياعايدة مثلا جوزك حبك بعد الجواز

عايدة : ولا بيطيق يبص ف خلقتي حتي

قمر : طيب وانتي يانوجة بزمتك مكنتيش بتحبي عم سامح قبل الجواز

نجلاء : ها

قمر : أيوة أيوة اعترفي

نجلاء : بصراحة اه بس ايش جاب سامح لشباب الايام دي اللي بيتسلوا بالبنات .. دا عمك سامح اول لما شافني جه اتقدملي علطول ولا فكر يتصل بيا ف نص الليل ولا الحاجات اللي مالهاش لازمة الي بتحصل دلوقتي

قمر : الزمن غير الزمن يا نوجة . . بس لازم زي مانتي اختارتي وحبيتي سيبي كنزي هي كمان تختار

نجلاء : اختيارتها زي الزفت

قمر : ياستي هي البنت لسه اختارت

نجلاء : اسكتي ياقمر .. انتي متعرفيش حاجة

ليل داخلة الكلية هي واسر .. صافي كانت واقفة بعيد هي وسارة شافتهم

صافي بعصبية : هووو دا اللي بتقولي مبيتكلموش مع بعض

سارة : انا معرفش

صافي : اسكتي انتي خالص

سارة : استني بس راحة فين

صافي : هعرفها مقامها .. اوعي سبيني

صافي داخلة ع ليل علشان تتهجم عليها وخربشتها ف رقبتها وايدها اسر مسك صافي والناس اتلمت

اسر : انتي اتجننتي ولا ايه .. ايه اللي بتعمليه دا

صافي : انت لسه شوفت جنان ياسر .. انا هوريك ازاي تسبني علشان الجربوعة دي

ليل : انتي مريضة والله واخرتك مستشفي المجانين

صافي : انتي تخرسي خالص

اسر : سارة خديها من وشي دلوقتي حالا

صافي دمعت : بتبعد عني علشانها يااسر

سارة شدت صافي : يلا امشي الناس بتتفرج

اسر : يلا ياسارة مشيها بسرعة

صافي : ماشي يااسر همشي .. بس مش ههنيكم ببعض لحظة واحدة وهتشوف

اسر : ليل انتي كويسة . . ايدك بتنزل دم

ليل : انا كويسة

اسر : انا اسف والله انا السبب ف اللي بيحصلك دا

ليل : محصلش حاجة خلاص .. هي اللي مريضة .. انا مش فاهمة كنت بتحبها ازاي

اسر : انا مبحبهاش اصلا ولا عمري حبيتها

ليل : اهدي طيب .. اومال بتعمل كدا ليه وكأنكم متجوزين

اسر : هي كدا ومش هتتغير .. سيبك منها تعالي نروح نجيب علاج نوقف الدم دا

ليل : دا حاجة بسيطة متقلقش

اسر : لا يلا بس اسمعي الكلام

ليل : حاضر " مشيت وهي مبسوطة ان اسر طلع مش بيحب صافي "

سائر : نور .. انا مش مصدق .. اخيرا اتصلتي

نور : عامل ايه ياسائر

سائر : انا بقيت كويس اول لما سمعت صوتك

نور : انا بتصل بيك علشان اقولك اني فكرت ف اللي اتكلمنا فيه آخر مرة

سائر : نور لو سمحتي متستعجليش وخدي وقتك ومتتسرعيش انا والله بحبك وعاوزك ومش هبعد عنك تاني و ....

نور فرحت من كلامه : انا كنت عاوزة اقولك اني موافقة ياسائر

سائر بفرحة : بجد يانور

نور : اه بجد .. بس عندي شرط

سائر : انا هنفذ اي حاجة تطلبيها مني قولي

نور : انا وانت هنعيش هنا ومش هنسافر

سائر : اييه !!

سائر: نور.. أنا مش مصدق. أخيراً اتصلتي.

نور: عامل إيه يا سائر؟

سائر: أنا بقيت كويس أول ما سمعت صوتك.

نور: أنا بتصل بيك عشان أقولك إني فكرت في اللي اتكلمنا فيه آخر مرة.

سائر: نور، لو سمحتي ما تستعجليش وخذي وقتك ومتتسرعيش. أنا والله بحبك وعاوزك ومش هبعد عنك تاني و...

نور بفرحة من كلامه: أنا كنت عايزة أقولك إني موافقة يا سائر.

سائر بفرحة: بجد يا نور؟

نور: آه بجد. بس عندي شرط.

سائر: أنا هنفذ أي حاجة تطلبيها مني، قولي.

نور: أنا وأنت هنعيش هنا ومش هنسافر.

سائر: إيه! إيه اللي بتقوليه ده يا نور؟

نور: زي ما سمعت يا سائر. أنا مش هسافر بعد الجواز. أنا هفضل هنا وسط أهلي ومش هسيبهم.

سائر: يا نور، أنتِ عارفة إني مش عايز أكون هنا.

نور: بس دي مش مشكلتي أنا يا سائر.

سائر: يعني إيه مش مشكلتك يا نور؟ أومال إزاي بتحبيني؟

نور: بحبك آه، بس مش هسيب أهلي عشانك. وبعدين ترجع أنت في لحظة تسبني؟

سائر: كلامك ده يدل إنك مش واثقة فيا يا نور.

نور: دي الحقيقة.

سائر: أومال وافقتي إزاي وأنتِ مش واثقة فيا؟

نور: عندي أمل إنك ترجعلي ثقتي فيك تاني.

سائر: ووجودي هنا هو ده اللي هيرجعلك الثقة تاني؟

نور: وجودك هنا عشاني هو اللي هيخليني أرجع أثق فيك تاني يا سائر.

سائر: ماشي يا نور، أنا مش هسافر عشانك.

نور فرحت ومردتش.

سائر: سكتي ليه؟

نور: ممم، ما فيش. كنت هتكلم أهو.

سائر: طب أنا هروح أكلم بابا عشان نحدد معاد مع أونكل أحمد.

نور: لالالا طبعاً. مش دلوقتي.

سائر باستغراب: ليه مش دلوقتي؟

نور: لما أحس إنك فعلاً هتستحمل تقعد هنا، بعدين ناخد الخطوة دي.

سائر: أنتِ شايفة كده؟

نور: آه آه طبعاً.

الباب خبط.

نور: ادخل.

عايدة: العشا جاهز يا هانم.

نور: طيب يا عايدة، انزلي وأنا جاية وراكي.

عايدة: حاضر يا هانم.

نور: أنا لازم أقفل يا سائر دلوقتي.

سائر: ماشي يا نور، بس كلامنا مخلصش لسه.

نور: ماشي، بعدين هكلمك. باي باي.

***

قمر عمالة تلف حوالين ليل.

ليل: في إيه يا قمر؟ مش عارفة أركز منك.

قمر: لا، أنا كنت جاية أقولك لو عايزة أعملك سندوتشات ولا حاجة.

ليل: لا ياستي شكراً، مش عايزة.

قمر: طب كوباية شاي بلبن؟

ليل: مبحبهوش أصلاً.

قمر: طب أعملك حبة شاي سادة؟

ليل: مش عايزة يا قمر، الله.

قمر: طيب من غير ما تتعصبي خلاص. الحق عليا.

ليل: مش هتعصب أهو. اتفضلي.

قمر رجعت خطوتين: أنا بس كنت عايزة أتكلم معاكي حبة.

ليل: هي مش باين لها مذاكرة النهاردة. اتفضلي يا قمر، عايزة إيه؟

قمر: كنت عايزة أقولك، عاملة إيه في كليتك؟ أوعي يكون حد بيضايقك.

ليل: لا، أنا كويسة.

قمر: هو أنتِ وكنزي الصبح روحتوا مع بعض الكلية؟

ليل: آه.

قمر: مين وصلكم؟

ليل بتوتر: أسر. بس أنا مكنتش هركب، هي كنزي اللي أصرت.

قمر: آه صح، فكرتيني بكنزي. مش أنا كلمت نجلاء؟

ليل: قالت لك إيه؟

قمر: شاكة إن في حد في دماغها.

ليل: كل ده عشان رفضت العريس يعني؟

قمر: مش عارفة، دي أمها اللي بتقول مش أنا.

ليل: الله أعلم.

قمر بخبث: تفتكري يكون الواد أسر اللي في دماغها؟

ليل وشها اتقلب: لا طبعاً، مستحيل.

قمر: مستحيل ليه يعني؟

ليل: أسر مش بيحبها طبعاً.

قمر بصت لها.

ليل: ولا هي كمان مش بتحبه.

قمر: وأنتِ عرفتي منين؟

ليل بتوتر: مجرد توقع عادي. كنزي أكبر من أسر ومظنش تفكر فيه يعني.

قمر: تصدقي عندك حق. راحت عن بالي إزاي دي. طيب أما أقوم أنا بقى أشوف البت تونة نامت ولا لأ.

ليل: آه، روحي شوفيها.

قمر: يلا، تصبحي ع خير.

ليل: وأنتِ من أهله.

قمر خرجت.

ليل بتكلم نفسها: يارب استر وما تكونش لاحظت حاجة.

***

نور نازلة ع السلم وع وشها الابتسامة.

أحمد: إيه يا نور، اتأخرتي ليه؟ هي عايدة ما قالتلكيش تنزلي؟

نور: لا يا بابي، قالت لي وأنا نزلت وراها على طول.

أسر: أهو زين جه كمان. حماته بتحبه.

زين: ريحة الأكل تجنن.

أحمد: عملت إيه في الشغل؟

زين وهو بيأكل: كله تمام. والشحنة هتتسلم كمان يومين. ممكن تسبني أركز في الأكل اللذيذ ده.

أحمد: ألف هنا.

أسر: دوّقني ورق العنب ده كدا يا زين، شكله يفتح النفس.

زين: لا، طعمه أحلى من شكله بكتير.

نور: فعلاً الأكل حلو أوي النهاردة وفي أصناف مختلفة.

كريم بياكل وهو مبتسم وعارف سبب حلاوة الأكل إيه.

أسر: عايدة عاملة عظمة النهاردة. لازم نشكرها.

أحمد: الأكل ده مش نفس عايدة.

نور: يمكن دادة نجلاء ساعدتها.

أسر: أنا بقول نجيبها نسألها عشان نعرف هنشكر مين.

أحمد: عاااايددة يا عااايدة.

زين مش موقف أكل: أنا عن نفسي مش فارق معايا مين عمل الأكل. أنا ميت من الجوع أصلاً ومصدقت أكلة حلوة زي دي.

عايدة: خير يا بيه، في حاجة؟

زين: عايدة، حقيقي تسلم إيدك. أنا هاكل صوابعي من جمال الأكل.

عايدة: صحة وهنا ع قلبك يا زين بيه. بس الحقيقة مش أنا اللي عاملة الأكل.

نور: شفتوا زي ما أنا قولت، يبقى دادة نجلاء ما فيش غيرها.

عايدة: لا، نجلاء ما عملتش حاجة هي كمان.

أحمد: اومال مين؟

زين: يبقى أكيد الأكل جاهز.

عايدة: بصراحة، الست قمر هي اللي عملت الأكل النهاردة.

الكل: إيه!

زين شرق، وأسر عمال يخبط له ع ضهره: أنت كويس يا زين؟

أحمد: إزاي يا عايدة الكلام ده؟ أومال أنتِ هنا بتعملي إيه؟

عايدة: والله يا بيه، هي اللي صممت. حتى اسألوا الست نجلاء.

زين: يبقى أكيد حطت سم في الأكل عشان تخلص مني.

أحمد: إيه الكلام اللي بتقولوه ده يا زين؟

زين: أنت مش سامع، دي بتقول لك صممت.

عايدة: لا يا بيه، سم إيه اللي تحطه؟ دي أكلت منه قدام عيني وأنا أكلت والست نجلاء أكلت. كلنا أكلنا وزي الفل أهو.

أحمد: طب روحي أنتِ يا عايدة. وتاني مرة الموضوع ده ميتكررش.

عايدة: اللي تشوفوه يا بيه. عن إذنك.

أحمد: مش عيب اللي قلته ع قمر ده يا زين قدام عايدة؟

زين: طيب، قولي دي إيه اللي يدخلها المطبخ؟ أكيد فيه سبب.

أسر: والله يا ريت تدخل كل يوم، ده نفسها حلو أوي.

زين: آه، ما أنت ليك حق تطبل لها.

نور: غريبة يا زين، ده أنت كنت شوية وهتاكل دراعنا.

زين: الكلام ده قبل ما أعرف مين اللي عمل الأكل.

نور: ومالها قمر يعني؟

زين: اسمها لوحده يسد النفس. أنا طالع.

أسر: مش هتكمل أكل؟

زين: شبعت.

أسر: أحسن بردك.

***

مرت الأيام ع أبطالنا، منهم اللي حياته عادية زي زين وقمر، ما زالوا واخدين موقف من بعض وبيحاولوا ميتقابلوش أو يكون فيه بينهم كلام. ومنهم اللي حياته كويسة جداً زي أسر وليل، اتقربوا من بعض جداً بس لسه معتر فوش لبعض بحبهم. ونور وسائر رجعوا زي الأول وأحسن. أما بالنسبة لحازم، كان مشغول طول الفترة دي في شغله وفي نفس الوقت بيفكر في كنزي بس مش عارف ياخد قرار. وكنزي مركزة في دراستها وآخر سنة ليها. ومنهم اللي مدمر زي صافي، تعالوا نشوف حصل فيها إيه!

***

صافي منهارة: أنا هتجنن. إزاي أسر يبعد عني كل الفترة دي؟ ميحاولش يطمن عليا حتى. أنا خلاص حياتي وقفت من غيره. كل ده بسببها خدته مني.

سهر: اهدى يا صافي يا حبيبتي، مش كدا. هيحصلك حاجة.

صافي: أهدى إزاي؟ أنا خلاص اتدمرت. أسر كان كل حاجة بنسبة لي. ده مبقاش طايق يبص في وشي حتى.

سهر: طيب سيبي الموضوع عليا وأنا هحله.

صافي: تحليه؟ أنتِ السبب أصلاً، أنتِ اللي خليتيه مش طايقني.

سهر: الحق عليا إني كنت بجيب لك حقك من الجربوعة دي. ياستي أنا غلطانة أصلاً. أنا قايمة أعملي اللي تعمليه.

صافي: لالا، متسبنيش. أنا آسفة يا سهر والله. أنا مش عارفة أنا مالي بقيت عصبية دايماً ونفسيتي وحشة.

سهر: أنتِ بتاخدي الدوا اللي عطيتهولك؟

صافي: آه، كنت باخده بس خلص. هو اللي كان بيهديني. لما أنزل هبقى أجيبه.

سهر: لالا، لالا. تجيبيه منين؟

صافي: في إيه يا سهر؟ أجيبه من الصيدلية طبعاً، مالك؟

سهر: لا، أصل العلاج ده بيجي لي مخصوص من برا. مش موجود منه هنا. أنتِ متتعبيش نفسك خالص. أنا هجب لك. بصي استني. أنا لسه جيلي نوع تاني أحسن من اللي اديتهولك ميت مرة. أنا جربته. خدي يا حبيبتي العلبة أهي. ده هيريحك جداً. ولما يخلص، قولي لي وأنا هجب لك غيره. متشغليش بالك.

صافي حضنتها: يا حبيبتي، أنا متشكرة أوي يا سهر ع وقفتك جنبي. واسفة تاني إني اتعصبت عليكي. متزعليش مني.

سهر: أزعل منك إنتِ؟ ده أنتِ أختي الصغيرة وحبيبتي. عمري ما أزعل منك أبداً.

صافي: ربنا يخليكي ليا يا سهر.

سهر بابتسامة: يارب يا حبيبتي.

***

سارة: وليد، عامل إيه؟ غريبة يعني جيت الكلية. مش عادتك.

وليد: أمشي يعني؟

سارة: لالا طبعاً، خليك. تعالي اقعد معايا. أصل ما فيش حد جه النهاردة غيري.

وليد: صافي مجتش ولا إيه؟

سارة: معرفش عنها حاجة من وقت خناقتها مع ليل.

وليد ماسك الموبايل ومش مركز معاها: ممم ماشي، أنا هبقى أكلمها أشوفها.

سارة: ماشي.. بقولك إيه، ما تيجي نفطر، أنا لسه مفطرتش وجعانة جدا.

وليد: .....

سارة: وليد، أنت سامعني؟

وليد بيبص حواليه: آه آه معاكي.. بسس.

سارة: بتدور على إيه؟

وليد: بدور على.. آه آهيي جت.

شاور بإيده وهو مبتسم.

سارة لفت تبص، لقيت بنت جاية.

هنا: هاي ليدو، عامل إيه؟

وليد: أنا زي الفل والله.