مريم بخبث: أنا مش هرتاح غير لما أخليهم على الحديدة وهنتقم لأمي منهم.
آدم باستغراب: إيه اللي دخل أمك في الموضوع؟
مريم بحزن: ملكش فيه. اعمل اللي بقولك عليه وبس.
***
هشام: بقولك يا منه، انتي هتيجي دلوقتي معايا. هنروح لأهلِك.
منه بخوف: إيه! انت بتقول إيه دا؟ انت اللي قيل لي مش هنروح.
هشام: مهو إحنا هنروح على المأذون الأول نكتب كتابنا، وبعدين نروح لهم.
منه بغضب: انت اتهبلت في عقلك يا عم انت! انت عارف هما ممكن يعملوا فيا إيه لما يعرفوا إني اتجوزت من وراهم؟ ولا انت عايزهم يقتلوني بجد المرة دي؟
هشام بغضب: محدش هيقدر يقربلك، فاهمة؟ وأنا عايزك تعيشي حياتك مش تفضلي محبوسة كدا. عشان كدا بقترح عليكي الفكرة دي. معاكي ساعة تفكري، بس أنا بنصحك إنك توافقي. وأنا، يستي، هطلقك بعد فترة، وأنتِ ساعتها تكوني دبرتي حالك وتسافري وتبعدي من هنا خالص لو حابة.
منه بتفكير في نفسها: كلامه أقنعني، بس أهلي لو عرفوا ممكن يموت*وني المرة دي. يارب استر.
***
محمد: ملوكتي، عاملة إيه النهارده؟ أنا جايب لك خبر إنما إيه.
ملك بضحكة خفيفة: خبر إيه؟
محمد قرب منها وقعد جمبها: طب قولي لي انتي مالك الأول؟ حد زعلك ولا تعبانة ولا فيه إيه؟
ملك: مفيش. حاسة بشوية إرهاق. وبعدين أنا حاسة إنك مخبي عليا حاجة. ممكن تقلي مين اللي كان خطفني ده؟
محمد وهو بيهرب من كلامها: مفيش يملوكتي. يلا عشان أقولك الخبر الحلو.
ملك بغضب: محمد، بلاش تعمل كدا. قولي انت مخبي إيه عليا ومين الشخص ده وعايز مني إيه؟
محمد بضيق: أخويا يا ملك، وأدم هما اللي كانوا خاطفينه.
محمد: مشكلته معايا أنا. هبقى أحكيلك بعدين. المهم تقومي بالسلامة.
ملك: طيب يا محمد، أنا عايزة أخرج من هنا.
محمد: حاضر يا حبيبتي، بس أنا طبعت كرت الفرح وكنت هعملهالك مفاجأة. مفيش خطوبة، إحنا فرح على طول. وعملك مفاجأة بالليل.
ملك بضحك: حيلك حيلك، كل دا مرة واحدة؟ طيب، ما أستوعب صدمة بصدمة. وبعدين أنا دماغي عملت error. واحدة واحدة يا محمد.
محمد بضحك: يستي، متشليش هم. أنتِ عليكي تأمري وبس. عايزك تبقي أحلى عروسة. وخلي دماغك دي مفتحة ها يا بطة.
ملك: أنا زعلانة منك. أنت اتغيرت وهتكرهني بعد الجواز أكتر وتضربني وتعاملني معاملة وحشة.
محمد بضحكة عالية: أنا أعمل كدا؟ دا كانت إيدي تنقطع قبل ما أمدها عليكي. والفترة دي كفاية يستي إنها تعرفني كل حاجة وطيبتك وكل صفاتك. أعرفها من بصة منك بس. يلا يا بطة، أنا همشي. وباباكي برا بيخلص الورق وهياخدوكي البيت. وأنا بالليل هاجي آخدك.
ملك: ماشي يا حبيبي.
محمد بفرحة وخبث: حبيبي، مرة واحدة؟ لا دا أنا أمشي أحسن ما أتهور.
ملك فضلت تضحك على كلامه، مع إنه هادي بس بيبقى معاها حاجة تانية.
