تحميل رواية «حارة البطل» PDF

صباح يوم جديد.

رغد كانت نايمة في أوضتها وصحت على صوت فونها اللي بيرن وكان برقم بنت من شركة النضافة.

رغد قامت قعدت: الو... إزاي يعني مافيش كهربا مقطوعة في الحارة كلها يعني... واشمعنى البيت يعني اللي مش فيه كهربا... تمام اقفلي وأنا هاجيلكم أشوف الموضوع ده... سلام.

رغد قفلت: استغفر الله العظيم. أكيد منصور الزفت هو اللي عملها. قال إيه كدا هيطفشنا مثلا.

رغد قامت لبست بسرعة ونزلت وكانت رهف ولارا لسه نايمين وركبت عربيتها وراحت على إسكندرية.

في حارة البطل وتحديداً في بيت عيلة البطل.

هدى صحت وكانت نايمة جنب حنين اللي صاحية وباصة للسقف الأوضة.

هدى طبطبت على راسها: صباح الخير يا نونة.

حنين: صباح النور يا ماما.

هدى: عاملة إيه دلوقتي يا بنتي؟

حنين: الحمدلله.

الباب خبط ودخل محمود: صباح الخير.

هدى: صباح الخير يا حاج. تعالى اتفضل.

حنين قامت قعدت: صباح الخير يا بابا.

محمود قعد جنب حنين واخدها في حضنه: عاملة إيه يا قلب أبوكي؟

حنين: الحمدلله يا بابا.

محمود: كدا تخضيني عليكي يا حنين.

حنين: غصب عني والله يا بابا. أنا خوفت أوي لما شفت خيال حد في الأوضة. أنا آسفة.

محمود: ما تتأسفيش يا حبيبة قلبي. وبعدين يا بنتي ماهو أخوكي دخل الأوضة ودور فيها ما كانش في حد. تلاقيه كابوس وحش هو اللي خوفك بس.

حنين بتوهان: يمكن!!

هدى: أنا هقوم أحضرلكوا الفطار.

محمود: تاخديني معاكي يا أم حسن. يلا يا حنين قومي غيري وانزلي عشان تفطري معانا.

حنين: ماما لو سمحتي استنيني ننزل سوا.

هدى بصت لمحمود ورجعت بصت لحنين: حاضر يا حبيبتي هستناكي برا.

حنين: حاضر.

محمود وهدى خرجوا.

هدى: البت خايفة أوي يا حاج.

محمود: لا إله إلا الله ولا حول ولا قوة إلا بالله. ربنا يهديها يا أم حسن.

هدى: يارب.

أولفت وعزة خرجوا من الأوضة واتفاجئوا بيهم واقفين في الصالة.

أولفت: صباح الخير.

محمود وهدى: صباح الخير.

محمود: أنا هنزل تحت يا أم حسن.

هدى: حاضر يا حاج.

أولفت: هو الحاج رضي عنكو ولا إيه يا هدى؟ وكله بفضل حنين ودلعها.

هدى بصتلها بضيق: بنتي مش بتدلع يا أولفت. أظن انتي شوفتي خوفها امبارح. ربنا يبعد عنها الشيطان.

حنين خرجت من أوضتها.

عزة: عاملة إيه يا حنين دلوقتي؟

حنين: كويسة... يلا يا ماما ننزل.

هدى: يلا يا بنتي.

هدى نزلت مع حنين ووراها أولفت وعزة وبدأوا يجهزوا الفطار.

حسن وحمزة نزلوا من شققهم واتقابلوا على السلم ونزلوا سوا. كان الحاج قاعد قربهم وباسو إيده.

حسن وحمزة: صباح الخير يا حاج.

محمود: صباح الخير يا ولاد.

حسن: أومال فين حنين يا حاج؟

محمود: جوه مع أمك في المطبخ يا ابني.

حمزة: تعالى ندخل نطمن عليها يا حسن.

حسن: يلا.

حمزة وحسن دخلوا المطبخ. كانوا بيحضروا الفطار وحنين واقفة سرحانة.

حسن قرب منها: عاملة إيه يا نونة؟

حنين بصتله وابتسمت: بخير يا حبيبي الحمدلله.

حمزة: كدا تخوفينا عليكي يا نونة؟ ولا عايزة تعرفي غلاوتك عندنا ولا إيه؟

حنين ابتسمت.

حسن حضنها: متخافيش يا حبيبتي. إحنا كلنا معاكي ومحدش يقدر يدخل بيت البطل أبداً ولا يقرب من أي حد فيه. ولو حد اتجرأ نهايته هتكون على إيدي.

حسن أنهى كلامه وهو بيبص لأولفت اللي اتوترت وعملت نفسها بتجهز الفطار.

هدى: يلا يا حبايبى عشان نفطر سوا.

الكل خرجوا واتجمعوا على السفرة وفطروا سوا. والكل ملاحظين حنين اللي خايفة طول الوقت ومش بتاكل. وبعد وقت الشباب خرجوا وراحوا الورشة.

في شركة الصاوي.

مازن وصل الشركة ودخل مكتب أبوه. كانت السكرتيرة قاعدة برا ولما شافته ابتسمت أوي واتكلمت بدلع: أهلاً مازن باشا.

مازن قرب وركن بإيديه على مكتبها: أهلاً يا قمر. بابا جوا؟

السكرتيرة: لا لسه ما جاش يا باشا. تحب أحضرلك قهوتك؟

مازن: ياريت.

مازن دخل وقعد مكان فاروق على المكتب. وبعد شوية دخلت السكرتيرة ومعاها القهوة وحطيتها قدام مازن على المكتب: اتفضل يا باشا.

مازن: شكراً يا قمر.

السكرتيرة قربت منه بدلع ومازن بص لها أوي. والقلم اللي في إيده وقع على الأرض ومازن ميل بجسمه عشان يجيبه من تحت المكتب وطلع حط القلم على المكتب وبص للسكرتيرة بحدة: اطلعى برا.

السكرتيرة لسه هتقرب منه تاني مازن زعق بأعلى صوت: قولت براااااا.

السكرتيرة خافت وخرجت من المكتب بسرعة. ومازن كان مضايق جداً وقام خرج من المكتب والشركة كلها وكلم فاروق عشان يقابله.

رغد وصلت الحارة ونزلت من عربيتها وسلمت على أم فرح وطلعت بسرعة البيت.

رغد بصت للبنات: الكهربا لسه مقطوعة؟

بنت منهم: من أول ما جينا الصبح بدري وهي مقطوعة. وسألنا الناس في الحارة الكهربا موجودة عندهم.

رغد: طب ما كلمتوش حد يشوف أسلاك الكهربا.

ولد معاهم: أنا كلمت واحد بتاعنا وزمانه على وصول.

رغد: تمام.

فون الولد رن: ده الأسطى على الكهربائي أكيد وصل تحت.

رغد: تعالي ننزل له.

رغد نزلت ومعاها الولد اللي فهم الأسطى على كل حاجة وأخده عند بوكس الكهربا وبدأ يشوف الدنيا فيها إيه.

على: ده حد لاعب في السلوك يا آنسة. وشكله حد فاهم أوي في الموضوع.

رغد: طب انت تقدر ترجع كل حاجة مكانها؟

على: أكيد يا آنسة.

رغد: طب شوف شغلك يلا.

رغد كانت مضايقة جداً ومأكدة إن منصور اللي عمل كدا بس مفيش دليل على ده.

أم فرح: مالك يا بنتي شكلك مضايقة؟

رغد: لا ولا حاجة يا أم فرح. بس في حد لاعب في بوكس الكهربا بتاع البيت.

أم فرح: ومين يا بنتي اللي هيعمل كدا؟

رغد بصتلها: برأيك هيكون مين يا أم فرح.

أم فرح شهقت واتكلمت بصوت واطي: معقول يكون منصور؟

رغد: وهو في غيره مضايق من قاعدتي هنا!

أم فرح: وهتعملي إيه يا بنتي؟ منصور راجل شراني ومراته عقربة. ولو حطوكي في دماغهم مش هتخلصي منهم يا بنتي.

رغد: أنا مش بخاف يا أم فرح. متقلقيش عليا.

أم فرح ضحكت: مانا شفت لما اديت له على دماغه لما جاب رجّالته وكان مفكر إنه هيخوفك.

رغد: دا أنا رغد وأجر على الله يا أم فرح.

أم فرح ضحكت: ربنا يحميكي يا بنتي يارب. دلوقتي أختك التوأم شبهك كدا؟

رغد: لا رهف مش شبهي خالص. لا في الشكل ولا في الطبع حتى.

أم فرح: أومال توأم إزاي بقى!!

رغد: مش عارفة والله. بس ماهي ماما وخالتي كانوا توأم وبرضه كانوا مختلفين عن بعض.

أم فرح: بس أكيد أختك قوية وجدعة زيك كدا؟

رغد: لا خالص. رهف بسكوتايه في نفسها أوي يا أم فرح والله. ده هي اللي باقيالي والله وبعمل كل حاجة عشان خاطرها هي.

أم فرح: ربنا يخليكو لبعض يا بنتي.

رغد: يارب يا أم فرح.

الأسطى على قرب منهم: المشكلة اتحلت يا آنسة خلاص وكهربا رجعت.

رغد طلعت فلوس وعطيتها لعلي: شكراً يا أسطى على.

علي أخد منها الفلوس: تشكري يا آنسة.

حمزة كان داخل الورشة وشاف علي واقف مع رغد واستنى لما رغد طلعت البيت ونادى عليه.

علي قرب منه: ازيك يا حمزة؟

حمزة: بخير يا علي. كنت بتعمل إيه مع الدكتورة؟

علي بص على بيت الشهاوي: قصدك الآنسة اللي في البيت ده!

حمزة: أيوه.

علي: الظاهر كده حد عمل معاها حركة وحشة ولعب في بوكس الكهربا والكهربا كانت مقطوعة عندهم من بدري.

حمزة: عملت معاها الواجب يعني؟

علي: أكيد يا بطل.

حمزة: تمام روح انت.

علي مشي وحمزة دخل لحسن المكتب: الظاهر كده منصور حط الدكتورة في دماغه.

حسن بص له: إزاي مش فاهم؟

حمزة قاله كلام علي.

حسن: المشكلة اتحلت يعني؟

حمزة: أيوه الكهربا رجعت.

حسن ضحك: هو مفكر إنه كده هيطفشها في الحارة. ما يعرفش إنه لما بيتحداها هيخليها تحب الحارة بزيادة وتعاند قدامه.

حمزة: آه والله راجل عبيط. وكمل بخبث: وطبعاً انت عايز كدا؟

حسن: عايز إيه؟

حمزة: إن الدكتورة تحب الحارة وتفضل عايشة هنا.

حسن: اممم. انت هتبدأ مش كده.

حمزة: أنا مش عيل ولا عبيط يا حسن. ده أنا بفهمك يا صاحبي. وعارف ومأكد إنك معجب بالدكتورة.

حسن: وإيه اللي خلاك متأكد أوي كده يا فيلسوف عصرك.

حمزة: اتريق اتريق. بس ده هدهد هتفرح أوي. أصل مناها تفرح بحد فينا. واهي هتفرح بالبطل قريب جداً.

حسن حدفه بالقلم: امشي يا حمزة من وشي. عندي شغل.

حمزة: طبعاً. ماهو الشغل تبع الدكتورة. يا عمي ده انت كان ممكن تكلف أي حد من الصبيان اللي هنا يعملوا الشغل ده لأنه سهل أوي. بس إزاي ده تبع الدكتورة لازم البطل يعمله بنفسه.

حسن: شكلك مش هتمشي غير لما وشك ينور ببوكس محترم.

حمزة ضحك: أنا ماشي يا بطل.

حمزة خرج وهو بيضحك وحسن ضحك عليه وكمل شغل.

في بيت البطل.

حنين طلعت أوضتها وكانت بتبص في كل اتجاه في الأوضة وهي خايفة. ولفت انتباهها حاجة واقعة جنب الدولاب. قربت منها ومسكتها وكانت حظاظة رجالي.

حنين سرحت شوية: أنا كنت متأكدة إنه هو عزت. أنا شميت البرفان بتاعه. وكمان دي حظاظته. أنا بشوفها في إيده دايماً. بس راح فين وخرج من الأوضة إزاي؟ ودخل الشقة إزاي أصلاً؟ أقول لحسن وبابا. لالا أكيد هيعملوا مشكلة واحتمال حسن يقتله. طب أعمل إيه يا ربي؟ افرض فكر يدخل أوضتي تاني. أهدي يا حنين أنا هبقى أقفل عليا الأوضة بالمفتاح كويس والشباك كمان. وهو أكيد مش هيعرف يدخل مرة تانية.

حنين فتحت الدولاب وخبت الحظاظة كويسة ونزلت تاني بسرعة.

اليوم عدى بسرعة والمغرب أذن.

عند رغد في بيت الشهاوي. كانوا البنات خلصوا كل حاجة والبيت بقى حاجة تانية لما اتفرش.

رغد شكرت البنات اللي أخدوا كل أدواتهم ومشوا.

في القاهرة وتحديداً في فيلا الصاوي.

رهف ولارا قاعدين يرسموا سوا في أوضة رهف. وفجأة سمعوا صوت حاجة وقعت في البلكونة.

لارا قربت لرهف بخوف: إيه ده يا رهف؟

رهف: مش عارفة. استنى أشوف فيه إيه!

رهف قامت ولسه هتقرب من باب البلكونة فجأة لقت نار جامدة مسكت في باب البلكونة والستاير.

لارا صرخت بخوف ورهف حضنتها: اهدى يا لارا. اهدى.

لارا أغمى عليها من الخوف ورهف شالتها وأخدت إسدال وفونها وخرجت من الأوضة بسرعة اللي النار مسكت فيها كلها.

ورهف اتصدمت لما شافت النار في أجزاء كتير من الفيلا.

دادة سلمى جرت عليها وأخدت منها لارا ورهف لبست الإسدال بسرعة ونزلوا وكانوا بيحاولوا يتفادوا النار ودخلوا المطبخ وخرجوا من الباب الخلفي.

ورهف كلمت مؤمن اللي اتصدم من كلام رهف وقالهم يطمنوا وهو جاي في الطريق.

خلال عشر دقائق مؤمن كان وصل وراح عند الباب الخلفي وأخد لارا ورهف اللي كانت مرعوبة وركبوا العربية وركبت معاهم دادة سلمى وبنتين اللي بيساعدوها.

رهف عينيها كانت على الفيلا والنار بتاكلها وشريط ذكرياتها هي وباباها ومامتها وكمان رغد. كله راح مع النار. رهف انهارت وكانت بتعيط بهستيريا ودادة سلمى كانت بتحاول تهديها.

مؤمن وصل دادة سلمى والبنات بيتهم وراح على المستشفى عشان يطمن على لارا ورهف اللي هدت وكانت في صدمة من اللي حصل.

في حارة البطل.

رغد لسه خارجة من الشقة عشان ترجع القاهرة. فونها رن وكان مؤمن.

رغد: إيه يا مؤمن. أنا جايه أهو. معلش عارفة إني اتأخرت.

مؤمن...

رغد: مالك يا مؤمن؟ فيه حاجة؟

مؤمن: الفيلا اتحرقت يا رغد.

رغد وقفت على السلم بصدمة: فيلا مين اللي اتحرقت يا مؤمن؟

مؤمن: الفيلا بتاعتكم يا رغد.

رغد بخوف: رهف ولارا حصلهم حاجة يامؤمن؟ طمنّي نبي.

مؤمن: الحمدلله قدروا يخرجوا ومحدش فيهم حصله حاجة. إحنا دلوقتي في المستشفى.

رغد: مستشفى ليه يا مؤمن؟

مؤمن: لارا أغمى عليها من الخوف وأخدتها عشان أطمن عليها. وكمان رهف مصدومة وعيطت كتير جداً وبعدها هدت ومن وقتها مش بتنطق خالص.

رغد: وانت هتعمل إيه دلوقتي؟

مؤمن: هنفضل في المستشفى لحد الصبح.

رغد: لا رهف هتيجي النهارده إسكندرية فاهم.

مؤمن: أنا مش هقدر أسيب لارا. وكمان رهف عايزة راحة.

رغد: أنا هكلم دكتور محمد عشان يوصل رهف وانت خليك مع لارا.

مؤمن: ماشي يا رغد. اللي تشوفيه. أنا بجد مش قادر أفكر.

رغد: حاضر يا مؤمن. وابقي طمني على لارا.

مؤمن: تمام.

رغد دخلت الشقة تاني وعيطت من الخوف والصدمة ومسكت فونها ورنت على محمد وقالت له يوصل رهف وهو وافق وبعت لها اللوكيشن.

رغد قفلت مع محمد ودخلت تسمع فاروق وابنه. معقول اتفقوا وهي مسمعتش؟ بس اتفاجأت لما لاقت المايك مش شغال.

في فيلا فاروق اللي قاعد في مكتبه ومعاه مازن ابنه وبيتفرجوا على فيديو على فون مازن والفيلا بتولع.

فاروق كان مبسوط أوي: كانوا مفكرين إنهم هيقدروا يلعبوا معانا.

مازن بص له أوي وافتكر اللي حصل.

•• فلاش باااك ••

مازن لما كان في المكتب بتاع فاروق ومعاه السكرتيرة والقلم وقع منه على الأرض ونزل عشان يجيبه شاف المايك تحت المكتب. ووقتها طرد السكرتيرة ومسك المايك وخرج من الشركة وكلم أبوه عشان يقابله وكسر المايك. واتقابل هو وأبوه على النيل.

فاروق: مالك يا ابني؟ عايزنا نتقابل هنا ليه؟

مازن إيده بالمايك لفاروق.

فاروق: إيه ده؟

مازن: مايك كان في مكتبك تحت المكتب بتاعك.

فاروق: ومين اللي هيحط مايك في مكتبي؟

مازن: مؤمن. أكيد خطة منه. ماهو مفيش أي حد هيدخل مكتبك ويعمل كدا. انت فاكر لما السكرتيرة قالت لك إنه دخل مكتبه واستناك جواه. أكيد وقتها.

فاروق: ومن وقتها وهما بيسمعوا كل خططنا.

مازن: أكيد. وعارفين إحنا بنخطط لإيه.

فاروق: وهنعمل إيه دلوقتي؟

مازن: هنتحرك النهارده. أنا كلمت رجالة تبعي والنهاردة الفيلا هتولع ورهف ولارا فيها.

فاروق: بس.

مازن: من غير بس. إحنا استنينا كتير ع الفاضي.

فاروق: تمام.

•• بااااك ••

مازن: شوفت دماغي بقى.

فاروق: انت متأكد إنهم كانوا جوه الفيلا؟

مازن: أيوه كانوا فيها.

فاروق: معقول ماتوا فيها!!

مازن: النار أكلت الفيلا خلاص. قول الله يرحمهم.

فاروق: وتفتكر لو ماتوا رغد هتسكت؟

مازن: هي بموت أختها هتكون انتهت خلاص يا فاروق باشا. يعني رغد اتكسرت خلاص.

فاروق: صح.

فون فاروق رن.

فاروق: ده الظابط مدحت.

مازن: أكيد هيبلغك الخبر. اعمل نفسك متفاجئ بقى.

فاروق: الو... ازيك يا مدحت؟ ... خير فيه إيه؟ .... إزاي الكلام ده وحصل إمتى؟ .... طب اقفل وأنا هاجيلك مسافة الطريق. سلام.

فاروق ومازن ضحكوا أوي.

بعد شوية كان فاروق ومازن وصلوا عند فيلا الصاوي اللي كانت متفحمة حرفياً والمطافي كانوا سيطروا على الحريق.

فاروق قرب من مدحت واتكلم بخوف مصطنع: إيه اللي حصل يا مدحت؟

مدحت: لسه التحقيقات شغالة يا فاروق بيه. الجيران كلمونا وقالوا إن الفيلا بتولع والمطافي بيعملوا اللي عليهم.

فاروق: طب وبنات أخويا كانوا جوه يا مدحت والشغالين. حد حصله حاجة؟

مدحت: ربنا بيحبهم. لأنه ما كانش في حد في الفيلا.

فاروق بص لمازن بصدمة.

مازن: اومال هما فين؟

مدحت: علمي علمك. الظاهر لسه مش عندهم خبر باللي حصل هنا.

فاروق: طب وانتوا هتعملوا إيه بعد كده؟

مدحت: التحقيقات شغالة. لما نعرف إيه سبب الحريق ولما أهل البيت يظهروا ويشوفوا عايزين إيه.

مازن شاور لأبوه: خلاص يا بابا تعالى نكلم رغد ورهف ونشوفهم هما فين ونطمنهم.

فاروق: عندك حق. يلا يا ابني. عن إذنك يا مدحت.

مدحت: اتفضل يا باشا.

فاروق ومازن ركبوا العربية وبعدوا عن الفيلا والشرطة ووقفوا في طريق فاضي.

فاروق بص لابنه بحدة: مش قولت لي إنهم في الفيلا!

مازن: الراجل اللي مراقب الفيلا قالي رغد خرجت من بدري ولسه مرجعتش. ومحدش خرج ولا دخل الفيلا من الصبح. ده حتى البت الصغيرة مراحتش المدرسة النهارده.

فاروق اتعصب وضرب الدركسيون بقوة: يعني اتبخروا مثلا؟

مازن: أنا هتجنن زيك.

فاروق: معقول عرفوا بخططنا وهربوا؟

مازن: إزاي وأنا كسرت المايك قبل ما نتفق.

فاروق: انت تأبق وتغطس وتعرفي راحوا فين فاهم.

مازن: حاضر.

فاروق اتحرك بالعربية ورجعوا على فيلتهم.

منتصف الليل في حارة البطل.

حسن وحمزة ومراد قاعدين على القهوة.

حسن عينه جت على بيت الشهاوي وشاف نور مفتوح: هو في حد في بيت الشهاوي لحد دلوقتي؟

مراد وحمزة بصوا على البيت.

حمزة: يمكن لسه بيعملوا فيه حاجة.

مراد: هما لسه ما نقلوش هنا؟

حمزة: لا لسه.

فوق عند رغد كانت غيرت هدومها ولبست إسدال وقلبها كله خوف على رهف ونفسها توصل في أسرع وقت وتاخدها في حضنها بسرعة. وكانت هتجنن. معقول فاروق شاف المايك وكسره وقرر ينتقم منها في أختها.

رغد كانت مخنوقة جداً وكلمت محمد وقال لها إن كلها ربع ساعة وهيكونوا عندها في الحارة.

رغد خرجت البلكونة وحسن شافها وملاحظ إنها متوترة أو خايفة بس مش قادر يحدد.

مراد شاف رغد في البلكونة عمالة رايحة جاية وحمزة كمان لاحظ توترها: هي الدكتورة هتبات هنا ولا إيه؟

مراد: مش عارف.

مراد قام وقف ومسك فونه ورن عليها. ورغد كانت متوترة ورايحة جاية وفاقت على صوت رنة فونها وكان مراد وشافته واقف قريب من القهوة.

رغد ردت عليه: ازيك يا مراد؟

مراد: رغد انتي كويسة؟ مالك متوترة ورايحة جاية كده ليه؟

رغد اتنهدت: الحمدلله يا مراد. كل الحكاية إن رهف جايه في الطريق والوقت متأخر زي ما انت شايف وقلقانة عليها مش أكتر.

مراد: مش مصدق ولا كلمة قلتيها يا رغد. بس متأكد هيجي الوقت اللي تحكي لي كل حاجة.

رغد بصت له أوي: أكيد يا مراد. بس والله رهف جايه في الطريق وأنا خايفة عليها.

مراد: تمام يا رغد.

مراد قفل وراح قعد مع الشباب.

حسن: فيه حاجة يا مراد؟

مراد: لا. كل الحكاية إن أخت الدكتورة جايه في الطريق وهي قلقانة عليها. تؤامتها بقى.

حسن هز راسه ورفع عينه لرغد اللي لسه رايحة جاية في البلكونة.

فون مراد رن وكانت نورة مراته. مراد رد عليها وقام وقف وبص للشباب: أنا همشي يا شباب. نور بنتي سخنة أوي وهروح عشان أوديها لدكتور.

حسن: تمام وابقي طمنا عليها.

مراد رد عليه وهو ماشي: حاضر.

بعد شويا. رغد زي ما هي رايحة جاية وعينيها على مدخل الحارة. وأول ما شافت عربية محمد دخلت الحارة نزلت بسرعة وخرجت من البيت وجرت على العربية وفتحت الباب وساعدت رهف تخرج وأخدتها في حضنها بقوة: كنت هموت من القلق عليكي يا رهف.

رغد بعدت عنها ومسكت وشها بين إيديها: انتي كويسة؟ حصلك حاجة؟

رهف هزت راسها بلا.

رغد شاورت على بيت الشهاوي: ده بيت جدو صالح يا رهف. فاكرة ماما لما كانت بتحكيلنا دايماً عنه. تعالي شوفي بجد هتحبيه أوي.

رغد بصت لمحمد: تعالي يا محمد اتفضل.

رغد طلعت وهي ماسكة إيد رهف ورافضة تسيبها ومحمد طلع معاهم.

حسن وحمزة كانوا متابعين كل اللي بيحصل ومش فاهمين حاجة.

حمزة: معقول كل الخوف ده عشان أختها جايه من القاهرة لإسكندرية؟

حسن: معتقدش. وبعدين دي مش جايه لوحدها يعني. الظاهر كده فيه حاجة!

حمزة: علمي علمك!

فوق في بيت الشهاوي.

رغد قاعدة على الكنبة وفي حضنها رهف اللي ساكتة ومش بتتكلم خالص.

رغد بصت لمحمد وهزت راسها بمعنى "مالها".

محمد هز راسه وغمض عينيه بيطمنها إنها كويسة.

رغد بصت لرهف: ما قولتيش أي رأيك في البيت يا رهف؟

رهف زي ما هي مش بتنطق.

محمد قام وقف: أنا همشي وهبقى أطمن عليكوا.

رغد هزت راسها بـ آه.

محمد نزل ورغد بصت لرهف: هنزل أتكلم مع محمد وأجيلك يا رهف. مش هتأخر.

محمد خرج من البيت وراح عشان يركب عربيته. وقف لما رغد نادت عليه: محمد.

محمد لف وبصلها وهي قربت منه: هي رهف مالها؟ ليه مش بتتكلم ولا بتعيط حتى.

محمد: اللي عرفته من مؤمن إنها لما شافت الفيلا بتولع انهارت. والظاهر كده ده سبب لها انهيار عصبي ومن وقتها وهي مش بتنطق. بس ده مؤقت يا رغد متخافيش. ومتنسيش إن الصدمة كانت كبيرة عليها. إذا كان وهي وسط النار أو حريق الفيلا اللي تقريباً كل ذكرياتكم فيها.

رغد: عارفة إنه اللي مرت بيه مش سهل. طب ولارا كويسة؟

محمد: لارا أغمى عليها من الخوف لما شافت النار. ومتخافيش عليها. ومؤمن قال لي إنه هياخدها ويروح شقته اللي في القاهرة وبعدها هيجيبها هنا عشان تعيش معاكم.

رغد: أيوه ده كان اتفقنا أصلاً عشان يبعدها عن فاروق وابنه.

محمد: أنا بجد مش متخيل عمك ده إيه. شيطان؟

رغد: بابا عمره ما وثق فيه يا محمد. وأنا زيه. مش بحب لا هو ولا ابنه ولا حتى مراته. كلهم زي العقارب.

محمد: أهم حاجة خدي بالك من نفسك ومن رهف. ولو احتاجتي أي حاجة ماتردديش لحظة إنك تكلميني.

رغد ابتسمت: أكيد يا محمد. وبجد مش عارفة أشكرك إزاي.

محمد: انتي عبيطة يابت. انتي أختي يا رغد.

رغد: وانت نعمة الأخ والله. معلش الحمل هيكون تقيل عليك في المستشفى الفترة الجاية. وأنا كلمت مها وفهمتها كل حاجة وهي هتكون معاك. بس الأهم فاروق وابنه ما يعرفوش إنكم بتتواصلوا معايا. وفؤاد لأنه صاحب فاروق الروح بالروح وممكن يقول له.

محمد: أكيد يا رغد متقلقيش من أي حاجة. يلا اطلعي لرهف. هي محتاجاكي جنبها.

رغد: أكيد.

محمد: سلام.

رغد: سلام.

محمد ركب عربيته ورغد عينها عليه لحد ما خرج من الحارة. وبصت على البيت وطلعت وما كانتش شايفة عيون حسن اللي كانت عليها.

بعد محمد مامشي…

كانت رهف قاعدة مكانها على الكنبة وسرحانة.

رغد قعدت جمبها ومسكت ايدها: عارفه إنك مصدومة من كل اللي حصل… الموقف مش سهل يا رهف، أنا حاسة بيكي والله. عارفة إنك مخضوضة من اللي حصل والنار اللي كانت حواليكي في كل مكان في الڤيلا. وكمان الڤيلا اللي قضينا فيها كل ذكرياتنا مع بعض وذكرياتنا مع بابا وماما الله يرحمهم.

رغد كانت بتتكلم وبتحاول تمسك دموعها عشان خاطر رهف.

رغد: إنتي كنتي مفكرة إن أنا ومؤمن ظالمين فاروق مش كدا. عمك بقاله فترة كبيرة بيحاول ينتقم مني أنا ومؤمن فيكي إنتي ولارا عشان يكسرنا وياخد كل الأملاك لنفسه يا رهف.

رهف بصتلها وعينيها كلها صدمة.

رغد اتنهدت وبدأت تحكيلها كل اللي حصل من أول ما حطوا المايك في مكتب فاروق وكل كلامه وخططه مع مازن.

رغد: أنا ماكنتش حابة إنك تعرفي عشان متحسيش بالخوف اللي أنا حسيته والرعب اللي كنت عايشة فيه وأنا بسمعه كل يوم بيخطط يخلص منكم إزاي عشان يكسرني أنا ومؤمن. رهف عمك ده شيطان. بابا عمره ما كان بيثق فيه عشان عارف حبه للفلوس وطمعه.

رغد سابت ايدها وقامت وقفت قدامها: عشان كده أنا ومؤمن كنا بندور على مكان نعيش فيه بعيد عن فاروق وفكرنا كتير جداً. لحد ما افتكرت البيت ده.

رغد قعدت على ركبتها قدام رهف ومسكت ايدها: فاكرة ماما وكلامها وحكاياتها عن البيت ده يا رهف. فاكرة خالتو منى كانت بتحب البيت ده قد إيه ومتمسكين بيه ورافضين إنهم يبيعوه.

رهف افتكرت كل ده وهزت راسها وهي بتبتسم بحزن.

رغد: عشان كده دورت على البيت وجيت وجبت ناس نضفوه كويس واشتريت كل حاجة هنحتاجها. وكنت كمان بحضرلك مفاجأة حلوة أوي هتعجبك. بس اللي حصل بقي وجينا هنا بدري والمفاجأة لسه مش جاهزة. قومي معايا أشوف المفاجأة يلا.

رغد شدت رهف اللي قامت معاها ورغد فتحت الأوضة ورهف شافت كل اللوح مركونة على الحيطة في أوضة فاضية.

رهف: دي لوحي!!

رغد: إيه رأيك في المعرض بقي؟!

رهف بصتلها: بتهزري. إنتي أخدتيهم عشان تجيبيهم هنا؟!

رغد: آه والله. مانا أكيد مش هسرقهم يعنى يا رهف. تعالي في بلكونة كمان حلوة أوي. إيه رأيك؟

رهف: جميلة.

رغد: خليتهم يحطولك الورد ده عشان ترسمي بمزاج رايق يا مزتي.

رهف ابتسمت.

(في الوقت ده كان حسن قاعد في بلكونة شقته وعينه جت على رغد وأختها وشايفهم وهما بيتكلموا سوا بس طبعًا مش سامع لأن في مسافة بينهم)

رغد: مانا فضلت أفكر آخد اللوح إزاي، مانتي عارفة إني بالواحدة يا رهف. فكرت آخدهم من وراكي وأقولك حرامي دخل وسرقهم وخلاص. بس أكيد يعني مش من الطبيعي الحرامي يدخل يسرق لوح مش فنان هو.

رهف ضحكت بصوت عالي ورغد فرحت لما شافت ضحكتها وضحكوا الاتنين من قلبهم ورغد شدتها لحضنها والاتنين بيضحكوا. بس ضحك رهف اتحول لعياط.

رهف وهي بتعيط: وحشوني أوي يا رهف. حتى ذكرياتهم كلها راحت في الحريق.

رغد عيطت هي كمان في حضن رهف وكأنها كانت مستنية الإشارة عشان تطلع كل الوجع والخوف والقلق والتوتر اللي عاشته الأيام اللي فاتت على شكل عياط.

الاتنين عيطوا كتير جدًا لحد ما هدوا.

رغد بعدت عن حضن رهف ومسحت دموعها وبصت لرهف اللي بتبصلها أوي.

رهف: رغد إنتي كويسة؟

رغد وهي بتعيط: أنا الفترة اللي فاتت كنت تعبانة أوي يا رهف. كنت خايفة عليكي إنتي ولارا. كنت قلقانة ومتوترة وعايزة أعمل أي حاجة عشان أحميكو. أنا ومؤمن كنا بنموت كل يوم من القلق واحنا بنسمع فاروق وابنه بيخططوا يتخلصوا منكم إزاي. أوقات كتير يا رهف كنت ببقى عايزة أجي أترمى في حضنك بس ماكنتش عايزة أقاكي تعيشي الخوف اللي أنا عيشته.

رهف حضنتها بحب: استحملتي كل ده لوحدك يا حبيبة قلبي.

رغد بعدت عن رهف: أنا الوقت بقيت كويسة وإنتي معايا وبعيدة عن فاروق وابنه.

(حسن كان عينه عليهم مستغرب ضحكهم اللي فجأة اتحول لعياط. وشايف رغد اللي بتعيط في حضن أختها أول يمكن يشوفها ضعيفة كدا دايما بتكون قوية جدًا)

رغد: وبعدين الذكريات إيه اللي راحت مع الڤيلا؟

رهف: صورنا مع بابا وماما وصورنا واحنا صغيرين. غير الأوقات الحلوة اللي قضيناها سوا في الڤيلا مع بابا وماما من أول ما اتولدنا.

رغد: أولاً كل الصور أنا أخدتها يعني هي هنا في البيت مراحتش في الحريق ولا حاجة. ثانيًا بقي ذكرياتنا مع بابا وماما وأوقاتنا سوا دول جوه في قلوبنا وعقلنا يا رهف مش بالمكان خالص. طب ما احنا قضينا أوقات حلوة أوي في ڤيلا جدو صالح في اسكندرية مع خالتو منى ومؤمن. ياترى نسينا الذكريات دي لما باعوا الڤيلا؟

رهف: لا.

رغد: يبقى خلاص ليه نزعل وكل ذكرى ووقت حلوة قضيناه مع بابا وماما جوه قلبنا وعقلنا.

رهف لسه هترد عليها بس قاطعها صوت فون رغد اللي رن.

رغد: صح أنا طلبت أكل. أكيد جعانة زيي مش كدا؟

رهف: جداً الصراحة.

رغد: تمام ادخلي الأوضة وافتحي الدولاب هتلاقي لبس كتير غيري على ما أنزل أجيب الأكل وأجي.

رهف: حاضر.

رغد نزلت واستلمت الأكل وحاسبت الشاب وطلعت كانت رهف واقفة قدام الدولاب في الأوضة الكبيرة مستغربة.

رغد: مالك يا رهف؟

رهف: الهدوم كلها ألوان!

رغد: ما احنا خلاص مش هنلبس أسود من النهارده. ومتنسيش إنها وصية بابا ولا إيه؟

رهف: صح.

رغد: بقولك إيه تيجي ناكل في البلكونة؟

رهف: هلبس أسدال وأجيلك.

رغد أخدت أطباق ودخلت البلكونة وبدأت تطلع الأكل على التربيزة الصغيرة الموجودة ورهف جت وبدأوا ياكلوا سوا.

رهف كانت عينها على الحارة وبتتفرج عليها.

رغد: إيه رأيك فيها؟

رهف: مكان مختلف جداً وجديد وتصدقي نفسي النهار يطلع وأشوف الحياة فيها بتبقى عاملة إزاي!

رغد: هي حياة مختلفة. بس الناس اللي عايشين هنا طيبين جداً. أنا اتعرفت على أم فرح ودي صاحبة فرشة الخضار اللي تحت دي. وبنتها فرح طيبة جداً وفرحها كمان قرب ومعزومين عليه يا ستي.

رهف ضحكت: إنتي لحقتي تتعرفي على الناس وكمان تتعزمي على أفراحهم يا رغد.

رغد: وكمان اتعرفت على عمو محمود البطل وده صاحب الورشة دي وتخيلي بقي ده كان صاحب جدو صالح وعارف ماما وخالتو منى وسألني أنا بنت مين فيهم كان مفكرني بنت خالتو منى عشان شبهها جداً.

(كل ده وحسن عينه عليهم وشايفها وهي عمالة تشاور على كل حاجة في الحارة كأنها بتعرف أختها عليها وضحك على حالتها اللي بتتغير في ثانية)

البنات خلصوا أكل ودخلوا كل واحدة لبست بجامة وناموا جنب بعض في الأوضة اللي فيها سرير واحد.

صباح يوم جديد.

رغد فتحت عينيها على صوت دوشة جامدة واللي كانت عبارة عن أصوات مكرفونات عالية وكل واحد بينادي على الحاجة اللي بيبيعها، اللي بيبع خضار واللي بيبع فاكهة. وعيال بتلعب في الشارع. وصوت صاروخ اللي بيقطعوا بيه الخشب في الورشة.

رهف كمان صحت: هي الساعة كام؟

رغد مسكت فونها وكانت الساعة ٨.

رغد بضيق: اوف بقي هي الناس دي إيه اللي مصحيهم من الساعة ٨؟

رهف ضحكت عليها.

رغد بصتلها: أهلاً بيكي في الحارة. نفسك النهار يطلع اهو طلع يا أختي استمتعي بالدوشة بقي.

رهف ضحكت أكتر: هما صح ليه صاحيين بدري كدا؟

رغد: يا بنت ده دول بيناموا من الساعة ٩.

رهف: وهنعمل إيه الوقت هنكمل نوم ولا هنصحى؟

رغد: بذمتك تقدري تنامي في الدوشة دي لو جدعة اعمليها بقا.

رهف: مش هقدر طبعًا. طب هنعمل إيه الوقت؟

رغد: هنعمل زي الناس عاديين هنقوم نغسل وشنا واسناننا ونتوضأ ونصلي الصبح ونفطر.

رهف: طب يلا بينا.

البنات قاموا رغد دخلت الحمام الأول وبعدها رهف وصلوا الصبح ودخلوا المطبخ.

رهف بتفتح التلاجة اللي كانت فاضية وبصت لرغد.

رغد ضحكت: صحراء جرداء.

رهف: يعني إنت جبتي كل حاجة ونسيتي أهم حاجة وهي الأكل!!

رغد: أعملك إيه ماكنتش أعرف إننا هنستقر هنا امبارح.

رهف: طب هنعمل إيه يا حضرة الدكتورة؟

رغد: برضه هنعمل زي الناس هنزل أشتري طلبات البيت.

رغد ورهف بصوا لبعض وضحكوا.

رهف: وإنتي تعرفي حاجة هنا على كدا؟

رغد: اللي يسأل ما يتوهش يا أختي. هروح أغير.

رغد دخلت الأوضة وكلمت مؤمن تطمن على لارا وقالها إنه جاي في الطريق عشان يجيب لارا لأن فاروق ومازن بيدوروا عليهم في كل مكان. ورغد بعتتله اللوكيشن. وقالها إنه قرب منهم.

في ورشة البطل.

كان حسن وحمزة قاعدين قدام باب الورشة وبيشربوا قهوة.

حمزة: عزت ابن خالك مجاش البيت من يوم موضوع حنين.

حسن: مانا ملاحظ.

حمزة: وتعرف سكته؟

حسن: هتلاقيها متنيل سهران في أي مكان من بتوعه.

حمزة: عايزك تعرف مرات عمي تاخد بالها من حنين وحذر حنين وقولها تبعد عن مرات خالك وبنتها.

حسن: بلاش أحسن إنت عارف ست الكل دماغها هتفضل دوي وتجيب. ولما نتأكد برضه يكون أحسن.

حمزة: اللي يريحك يا بطل.

في الوقت ده نزلت رغد اللي لابسة سوت بلون الأزرق وطرحة بلون الأبيض وحسن ابتسم لأنه أول مرة يشوفها لابسة ألوان.

رغد وقفت تكلم أم فرح.

رغد: صباح الخير يا أم فرح.

أم فرح: صباح قشطة يا بنتي. ألا صحيح إنتي هنا من بدري ولا إيه؟

رغد: أنا بايته هنا من امبارح أنا وأختي.

أم فرح: يا ميت أهلاً وسهلاً بيكو يا بنات نورتوا الحارة والله.

رغد: منورة بيكم يا أم فرح. عروستنا عاملة إيه؟

أم فرح: بخير يا بنتي الحمدلله.

رغد: ربنا يفرحك بيها يا رب.

أم فرح: يسمع من بوقك ربنا يا بنتي.

رغد: أم فرح هو مافيش أي سوبر ماركت قريب أشتري منه طلبات للبيت.

أم فرح: فيه واحد بس صغير في نص الحارة. لكن لو عايزة واحد كبير ويكون عنده كل طلبات هتخرجي من الحارة هتلاقيه في وشك.

رغد: ماشي يا أم فرح.

رغد لسه هتمشي نادت عليها رهف من البلكونة: رغد.

رغد لفت وبصتلها: في إيه؟

رهف: نسيتي مفاتيحك.

رغد وقفت تحت البلكونة: طب ارميهم.

رهف حدفتهم ورغد مسكتهم.

أم فرح وهي بتبص على رهف: دي أختك يا رغد؟

رغد: أيوا دي رهف أختي التوأم. ودي أم فرح يا رهف.

أم فرح: أهلاً بيكي يا بنتي نورتي الحارة.

رهف كانت مكسوفة لأن تقريبًا كل اللي في الحارة سامعينها: منورة بيكم يا أم فرح.

أم فرح بصت لرغد: عندك حق يا رغد لما قولتيلي إن أختك بسكوتايه خالص.

رغد ضحكت: مش قولتلك. يلا همشي أنا بقي.

رهف دخلت من البلكونة لما رغد مشيت.

حمزة ضحك: الدكتورة أخدت على الحارة في كام يوم كأنها من أهلها.

حسن ابتسم.

حمزة: بس أختها غيرها خالص يا جدع.

حسن: اممم.

حمزة: عندها حق أم فرح لما قالت إنها بسكوتايه.

حسن: لا والله.

حمزة ضحك: آه والله.

بعد شوية رغد رجعت وهي شايلة شنط كتير وبتتكلم في الفون اللي ساندها بكتفها ووقفت في مدخل البيت وحطت كل الشنط على الأرض.

رغد: تمام يا محمد خلص كل حاجة وعرفني بالتفاصيل وعايزة تقارير بكل حاجة بتتم في المستشفى. سلام.

رغد رنت على رهف وقالتلها تنزل تاخد منها الشنط عشان تروح تجيب باقي الحاجات.

رغد ماسكة فونها ولسه هترن على مؤمن بس لفت لما سمعت صوت لارا بتنادي عليها لما شافتها: رغــــــــد.

لارا جرت عليها ورغد حضنتها بحب وباستها من خدها: روح قلب رغد إنتي.

لارا: شوفتي اللي حصل يا رغد كان فيه نار كتير في الڤيلا وأنا ورهف كنا خايفين.

رغد: الحمد لله إنكم بخير يا حبيبتي. إنتي جاية مع مين؟

لارا: مع بابي بس هو راح يركن العربية.

رغد بصت ابتسمت لما شافت مؤمن قرب عليهم: عامل إيه يا مؤمن؟

مؤمن: الحمد لله وانتوا عاملين إيه؟

رغد: حلوين جدًا.

لارا: بابي قالي إني هفضل هنا معاكم.

رغد: ده إيه الخبر القمر ده.

رهف نزلت وقربت منهم: لولي عاملة إيه يا قلبي؟

لارا نزلت من حضن رغد وحضنت رهف: أنا كويسة وكنت خايفة عليكي جدًا.

رهف باستها من خدها: أنا بخير يا حبيبتي.

مؤمن: إنتي كنتي فين يا رغد؟

رغد: كنت بجيب طلبات للبيت.

مؤمن: مقولتيش ليه كنت جبتلك كل حاجة وأنا جاي.

رغد: أنا جبت شوية الحاجات وباقي الحاجة في سوبر ماركت عشان مقدرتش أشيل كله. لولي يا قمر طلعي الشنط مع رهف وفي شوكولاتة حلوة أوي هتعجبك.

لارا: حاضر.

رغد: اطلع يا مؤمن هجيب باقي الحاجة وأجي.

مؤمن: تعالي هاجي معاك.

رغد مسكت في دراعه: هيا بنا.

مؤمن ضحك على جنانها وراح معاها. وحسن وحمزة كانوا متابعين اللي بيحصل.

حمزة: هو مين ده؟

حسن: معرفش.

حمزة: معقول جوزها ودي بنتها؟

حسن بصله: تفتكر؟

حمزة: العلم عند الله.

رغد ومؤمن رجعوا سوا وكانوا شايلين شنط كتير.

رغد: مؤمن حط كدا الشنط دي وتعالى معايا.

مؤمن: هنروح فين؟

رغد: حطهم بس هنا وتعالى هو أنا هخطفك يعني.

رغد ومؤمن حطوا الشنط في مدخل البيت ورغد قفلت الباب وقربت من حسن وحمزة اللي استغربوا.

رغد: صباح الخير.

حسن: صباح النور.

رغد: معلش بس هي الحاجات اللي كنت طلبتها خلصت ولا لسه.

حسن: لسه لمسات بسيطة بس. تحبي تبصي عليهم؟

رغد: ياريت. تعالى يا مؤمن.

رغد ومؤمن دخلوا الورشة مع حسن وشافت الحاجات.

مؤمن: هي رهف هتعمل مرسم هنا كمان؟

رغد: لا أنا كنت حابة أعملها مفاجأة وأجهز لها أوضة مرسم إنت عارف هي بتحب الرسم قد إيه. إيه رأيك بقي؟

مؤمن: ما شاء الله الشغل حلو جدًا تسلم إيدين اللي عمله.

رغد شاورت على حسن: صح نسيت أعرفكم. ده حسن البطل هو اللي عمل الشغل يا مؤمن.

رغد شاور على مؤمن: وده مؤمن.

حسن مد إيده لمؤمن: أهلاً بيك الحارة نورت بيكم.

مؤمن سلم عليه: الحارة منورة بأصحابها يا بطل. وبجد مش عارف أشكرك إزاي على وقفتك جنب رغد.

حسن بص لرغد ورجع بص لحسن: أنا ما عملتش حاجة.

رغد: طب أنا هستلم الشغل ده امتى؟

حسن: بكرة إن شاء الله هيدهن وهخلي الشباب يطلعوا الشغل لحد عندكم.

رغد: بجد يبقى كتر خيرك. صح عمو محمود عامل إيه؟

حسن: الحاج بخير الحمد لله.

رغد: وصله سلامي.

حسن: يوصل إن شاء الله.

مؤمن: يلا يا رغد عشان همشي أنا بقي.

رغد بصتله: ليه لسه بدري خليك معانا شوية.

مؤمن: هروح عشان الشغل وهبقي أجلك تاني.

رغد: إذا كان كده أوكي.

مؤمن ضحك وطبطب على كتفها: خدي بالك على نفسك وعلى لارا ورهف.

رغد: أكيد في عينيًا.

مؤمن بص لحسن: مبسوط إني اتعرفت عليك يا بطل واكيد لسه هنتقابل تاني.

حسن ابتسم: أكيد.

مؤمن خرج وركب عربيته ومشي ورغد دخلت البيت أخدت الشنط وطلعت.

بليل في بيت عيلة البطل.

حسن وحمزة دخلوا البيت: السلام عليكم.

كان الكل متجمعين وردوا عليهم السلام.

هدى: حمد الله على السلامة يا حبايب قلبي.

حسن وحمزة قربوا منها وباسو راسها.

حسن قرب من حنين وباس راسها: عاملة إيه الوقت يا نونة؟

حنين ابتسمت: بخير يا حبيبي الحمد لله.

حمزة: زي القردة اهي يا حسن.

حنين ضحكت: مقبولة منك يا زومة.

حمزة طلع شوكولاتة كبيرة من جيبه: أحلى شوكولاتة لأحلى نونة في الدنيا.

حنين: حبيبي يا زومة ربنا يخليكو ليا.

حسن بص لأولفت وعزة اللي متابعين في صمت: عاملة إيه يا مرات خالي؟

أولفت: بخير يا حسن الحمد لله.

حسن: أومال عزت فين محدش بيشوفه؟

أولفت: ده عنده كام مشكلة في ورشة أبوه ربنا يعينه عليهم.

حمزة: ده حتى مش بيجي ينام هنا ولا يكون بينام في الورشة كمان!

أولفت بصتله بغل: لا بيروح ينام في شقتنا عشانها قريبة من الورشة.

حمزة: ربنا يعينه.

حسن: أومال الحاج فين يا ست الكل؟

هدى: طلع ينام يا حبيبي. هتتعشوا هنا ولا فوق يا حبايبى؟

حنين: لا نطلع فوق يا أبو علي ونأكل سوا. أنا بستناكم على فكرة.

حمزة: طيب هطلع أغير وأجيلكو.

حسن: هاتي الأكل وتعالي يا نونة.

حنين: فوريرة.

حنين دخلت المطبخ والشباب طلعوا.

هدى بصت لأولفت: صح يا أولفت الحاج قالي إنه شاف واحد عشان يرمم البيت بتاعكم يعني كلها أسبوعين ويكون خلص.

أولفت: لدرجة دي بقينا تقال عليكم يا هدى. على العموم كتر خيركم. يلا نطلع ننام يا عزة.

عزة: يلا يا ماما.

هدى: تصبحوا على خير.

أولفت: تلاقي الخير يا هدى.

في ڤيلا فاروق اللي قاعد في مكتبه ومعاه مازن.

فاروق بعصبية: يعني إيه ملهمش أثر يا مازن؟

مازن: مش عارف أنا هتجنن راحوا فين دول!

فاروق: ده أنا كلمت فؤاد أسأل على رغد وقالي إنها بقالها يومين مش بتيجي المستشفى ودي غريبة هي مش بتتأخر عن شغلها أبدًا!

مازن: ومؤمن عرفت إنه جه الشركة متأخر أخد شوية ملفات ومشي.

فاروق: أكيد الواد ده عارف هما فين.

مازن: حتى لو عارف مش هينطق بكلمة.

فاروق: عندك حق.

باب المكتب اتفتح ودخلت شهيرة مرات فاروق.

مازن: في حاجة يا ماما؟

شهيرة قعدت قدام مازن وبصتلهم: إنتو ورا اللي حصل في ڤيلا جمال صح؟

فاروق: إيه الكلام الفارغ ده يا شهيرة؟

شهيرة: لا مش كلام فارغ يا فاروق أنا متأكدة إنكم وراها. ودليل ده إنكم قاعدين هتتجننوا وتعرفوا رغد ورهف فين. عايز تقتل بنات أخوك يا فاروق؟

فاروق: شهيرة اقفلي على الموضوع ده خالص ومش عايز أسمعك بتفتحيه مرة تانية فاهمة؟

شهيرة قامت وقفت: ماشي يا فاروق.

مازن: أنا مستغربك يا ماما مانتي كنتي في صفنا وعايزة نصيب بابا من الورث!

شهيرة: مش بالقتل يا مازن. أنا في الآخر أم وهمي الوحيد هو إنت. وأنا ميرضينيش إنك تتأذى يا حبيبي.

مازن قام وقف وقرب منها: يا شوشو يا قمر محدش يقدر يجي جمبي وإنتي عارفة ده كويس. ومتقلقيش إحنا كل حكاية عايزين الشركة والمصنع لأنهم حقنا.

شهيرة: ماشي يا مازن بس خليك فاكر آخر اللي بتعملوه ده مش خير. تصبحوا على خير.

شهيرة خرجت ومازن قعد تاني مكانه.

مازن: هندور تاني عليهم.

فاروق: كلم رجالتنا يدوروا عليهم في كل حتة.

مازن: تمام هطلع أنام أنا بقي.

فاروق: غريبة مش هتروح تسهر زي عادتك؟

مازن: أنا طول اليوم بدور عليهم وتعبت. باي.

مازن خرج وفاروق بيفكر مع نفسه وهيتجنن ونفسه يعرف البنات راحوا فين.

في حارة البطل وتحديدًا في شقة حسن اللي كان بيتعشى مع حنين وحمزة وضحكوا كتير.

حنين: تعرفوا أنا من يوم اللي حصل وأنا خايفة وبنسى كل خوفي أول ما بقعد معاكم.

حسن: إحنا معاكي يا نونة ومحدش يقدر يقرب منك.

حنين: حبيبي يا أبو علي ربنا يخليك ليا.

حمزة: وأنا إيه شفاف يعني؟

حنين ضحكت: إنت أخويا وحبيبي يا زومة. يارب بقي تتجوزوا وأفرح بيكم. عايزة يكون معايا بنات في البيت ده نسهر ونضحك سوا.

حمزة: إيه طموحاتك دي يا حنين. مرة تقولي عايزة تلبسي فستان ومرة عايزة بنات تسهرى معاهم. وبعدين إحنا هنتجوزهم عشان يسهروا معاكي؟

حنين: اتجدعن إنت بس وهات عروسة.

حمزة غمزلها: لا مانتي هتفرحي بالبطل الأول.

حسن بصله برفعة حاجب: إنت هتبدأ ولا إيه؟

حمزة: الله وأنا قولت إيه غلط يا بطل. ماهي الدكتورة جت ونورت الحارة وكلها شوية وتنور بيت عيلة البطل.

حنين شهقت: هي جت تعيش هنا خلاص؟

حمزة: أيوا هي وأختها.

حنين: عايزة أشوفها وأتعرف عليها يا أبو علي.

حسن: وأنا مالي بكل ده وبعدين تتعرفي عليها ليه يعني؟

حنين: مش هتبقى مرات أخويا!!

حسن: يخربيتك إنت بتقول إيه. إنتي اسكتي خالص لحد يسمعك فاهمة.

حنين: طب بص في عيني كدا واحلف إنك مش معجب بيها.

حمزة: حتى لو معجب بيها. في مشكلة يا نونة.

حنين: مشكلة إيه؟

حمزة: النهار ده في شاب جالهم ومعاه بنت صغيرة شكلها بنته والبنت كانت متعلقة بالدكتورة أوي.

حنين: وفيها إيه؟

حمزة: مش يمكن جوزها ودي بنتها.

حنين: معقول!! هى لابسة خاتم في إيدها؟

حمزة: وإحنا هنعمل إيه بالخاتم اللي في إيدها!!

حنين: يا أذكى أخواتك خاتم بيدل إنها متجوزة مخطوبة كدا يعني.

حمزة: تصدقي فاتتني دي. اسألي البطل يمكن كان مركز ولا حاجة.

حسن: أنا مش هخلص منكم مش كده. يلا يا بت إنت وهو أنا عايز أنام.

حنين بصت لحمزة: إحنا شكلنا بنطرد يا زومة!!

حمزة ضحك: شكلنا. لا يا حبيبتي إحنا اطردنا خلاص. يلا ننزل ننام بشوية الكرامة اللي فاضلين.

حنين وحسن ضحكوا عليه. وحنين وحمزة نزلوا وحسن دخل البلكونة وعينه كانت على بلكونة رغد بس مقفولة فضل شوية يبص عليها بس مخرجتش. فدخل عشان ينام هو كمان.

صباح يوم جديد في حارة البطل.

كالعادة البنات صحوا من بدري على صوت الدوشة اللي في شوارع الحارة.

لارا بنوم: وطّوا الصوت ده شوية.

رغد ورهف ضحكوا عليها.

رغد: لا يا روحي، انتي مش نايمة في الفيلا، قومي يلا.

لارا قامت قعدت بنوم: بس أنا عايزة أنام أوي.

رهف: خلاص يا لولي نامي شوية.

لارا نامت على السرير وراحت في النوم من تاني.

رغد بصتلها: والله يا بختك يا لولي، نفسي أقدر أعمل زيك.

رهف: هنعمل إيه؟

رغد: هنقوم نفطر، هنعمل إيه يعني.

رهف: تعالي نصلي الصبح وبعد كدا نجهز الفطار.

رغد: يلا.

البنات قاموا صلوا وبعد كدا دخلوا المطبخ وجهزوا الفطار سوا، ولارا صحت وفطروا كلهم سوا.

رغد قامت من على السفرة لما فونها رن برقم محمد.

رغد: صباح الخير يا دكتور.

محمد: رغد، في مصيبة ولازم تيجي.

رغد: في إيه يا محمد؟

محمد: البنت اللي انتي مسؤولة عن حالتها المفروض ليها عملية النهارده والمفروض إن فؤاد يعملها، بس هو رافض ورفض حتى إني أتابع، وبيقول خلي الدكتورة تستحمل أخطاءها.

رغد: تمام يا محمد، جهز كل حاجة وتابع البنت لحد ما أجي.

محمد: انتي هتيجي بجد يا رغد؟ طب وعمك؟

رغد: لازم أجي يا محمد، جهز بس انت كل حاجة وكلمني لو حصل جديد.

محمد: تمام يا رغد.

رغد قفلت مع محمد ولفّت، كانت رهف واقفة وراها وسامعة المكالمة.

رهف: انتي رايحة القاهرة يا رغد؟

رغد: لازم أروح يا رهف، البنت لو معملتش العملية احتمال تموت وهيبقى بسببى.

رهف: طب وعمو ومازن لو شافوكي؟

رغد: أكيد يعني مش هيبقى واقف لي على باب المستشفى يا رهف، واللي ربنا عاوزه هيكون يا حبيبتي.... أنا لازم أجهز بسرعة عشان أنزل.

رغد دخلت الأوضة لبست سوت بلون الفيروزي وطرحة بلون الأبيض وأخدت كل حاجتها في الشنطة ونزلت بسرعة، ومحمد رن عليها.

رغد: إيه يا محمد؟

محمد: تمام، جهز كل حاجة وأنا جايه في الطريق.

رغد كلمت أوبر عشان يوصلها واكتشفت إنها ناسيه الملف الخاص بالحالة.

رنت على رهف وقالت لها تحذف لها الملف.

حسن كان خارج من الورشة وشافها وكانت جميلة جداً في اللون ده.

أم فرح شافتها: بسم الله ما شاء الله... إيه الجمال ده يا رغد.

رغد ابتسمت: تسلميلي يا أم فرح، عيونك اللي حلوين.

لارا نزلت وكان معاها الملف.

لارا: الملف يا رغد.

رغد باستها: تسلميلي يا قلب رغد... يلا اطلعي وبلاش شقاوة، متتعبيش رهف.

لارا: أوكي... باي.

رغد: باي.

وفي الوقت ده وصل التاكسي ورغد راحت ركبت بسرعة.

حسن كانت عينه عليها وفاق على صوت حنين.

حنين: سرحان في إيه يا أبو علي؟

حسن بص لها: ولا حاجة... انتي رايحة فين كدا؟

حنين: ما أنا قولتلك امبارح إني هروح مع واحدة صاحبتي عشان نطبع المذكرات للأولاد في المكتب.

حسن: صح نسيت.

حنين: اللي واخد عقلك يا بطل.

حسن: خفّي وروحي مشوارك عشان ما تتأخريش.

حنين بصت على بيت الشهاوي: هو أنا ينفع أطلع أشوف الدكتورة؟

حسن: الدكتورة خرجت من شوية... وبعدين تطلعي تشوفيها بتاع إيه، يلا اتوكلّي على الله.

حنين: عشان كدا واقف سرحان يا بطل الأبطال.

حسن ضحك: هتمشي ولا أرجع في كلامي؟

حنين: لا همشي يا حبيبي طبعاً.

حسن: أجيب لك فلوس معاكي؟

حنين: بابا حبيبي اداني.

حسن: طب يلا روحي وما تتأخريش.

حنين: حاضر يا بطل.

حنين مشت وحسن دخل الورشة.

في القاهرة وتحديداً في شركة الصاوي.

مؤمن قاعد في مكتبه ومركز في الملف اللي قدامه... دخل عليه مازن من غير ما يخبط.

مؤمن بصله برفعة حاجب: أظن في حاجة اسمها باب اخترعوه عشان الناس تخبط عليه قبل ما تدخل زي الحمير كدا.

مازن: بنات عمي فين؟

مؤمن رجع بضهره وسند على الكرسي: وأنا إيش عرفني.

مازن: أنا متأكد إنك عارف مكانهم يا مؤمن، وأكيد بنتك كمان معاهم.

مؤمن: وبنتي هتبقى معاهم ليه؟ بنتي في بيتي مع دادا بتاعتها... وانت شغال نفسك بيهم ليه مش فاهم؟

مازن: لا أبداً، أنا بس قلقان عليهم من وقت الحريق وهما مختفين.

مؤمن: مش يمكن ماتوا في الحريق؟

مازن: الظابط قال إن ما كانش في حد جوه الفيلا حتى الخدم... وبعدين لو كانوا ماتوا كانت بنتك هتموت معاهم، وانت لسه قايل بلسانك إنها في بيتك.

مؤمن اضايق منه: والله العلم عند الله... وبنتي أصلاً ما كانتش بايته عندهم ليلة الحريق يا مازن باشا.... الظاهر كدا اللي بيراقب لك الفيلا حمار مش شايف شغله كويس.

مازن: مين اللي بيراقب لي؟ قصدك إيه بكلامك ده؟

مؤمن: مش قصدي حاجة، واتفضل اخرج عشان عندي شغل... وتاني مرة استأذن من السكرتيرة قبل ما تدخل، وأنا وقتها أقول تدخل ولا تغور من هنا.

مازن اتعصب من طريقة مؤمن وخرج وقفل الباب بكل قوته، ومؤمن ملامحه اتحولت من البرود للعصبية كل ما يفتكر إن بنته وإخواته كانوا ممكن يموتوا بسبب فاروق وابنه.

بعد أكتر من 3 ساعات رغد خرجت من أوضة العمليات وكان باين عليها التعب والإرهاق، ومحمد وماها باركولها بنجاح العملية.

وراحت على مكتبها، وأول ما دخلت اتفاجأت بفاروق قاعد على الكرسي اللي جنب المكتب.

رغد اتكلمت ببرود: أهلاً وسهلاً بعمي فاروق، بصراحة مش منور المستشفى خالص.

فاروق: مقبولة منك يا بنت أخويا.

رغد قعدت على كرسي مكتبها وبصتله أوي: نعم، جاي ليه؟

فاروق: في بنت محترمة ومتربية تقول لعمها جاي ليه!

رغد: عمها؟ لا والله... هو انت مصدق نفسك أوي كدا ليه.... وهو في عم يخطط يقتل بنت أخوه بردو يا فاروق بيه!!

فاروق مثل الصدمة: قتل... إيه الكلام ده يا رغد؟ معقول يا بنتي تفكري إني ممكن أعمل كدا؟

رغد: وتعمل أبو كدا كمان عشان طمعك وحبك للفلوس يا فاروق.

فاروق: تمام، يبقى نلعب على المكشوف بقى يا بنت خويا... لو خايفة أوي كدا على أختك... تتنازلي لي على الشركة والمصنع.

رغد بصتله أوي مش بترد.

فاروق: هسيبك تفكري... واعرفي إن لو خبّيتي أختك تحت الأرض هجيبها، ووقتها محدش هيندم غيرك يا رغد.

فاروق قام ولسه هيخرج من المكتب، وقف لما سمع رغد بتقول بسخرية: أعلى ما في خيلك أركبه يا فاروق... بس أوعى وقتها تقع على جدور رقبتك وتتكسر ونرتاح من خلقتك البشوشة دي.

فاروق خرج وزرع الباب بقوة، ورغد اتنهدت بقوة وعارفة إن فاروق مش بيهدد وإنه صحيح ممكن بسهولة يوصل لرهف لو حب.

رغد دخلت الحمام غسلت وشها وظبطت طرحتها وخرجت ونزلت من باب الطوارئ، وكان التاكسي واقف مستنيها زي ما قالت له، لأنها متأكدة إن فاروق هيسيب رجالة يراقبوه، ورجعت على اسكندرية.

عند رهف في حارة البطل فونها رن وكان مؤمن.

مؤمن: إزيك يا رهف؟ عاملين إيه؟

رهف: بخير يا مؤمن.

مؤمن: برن على رغد من الصبح فونها مقفول، وبعد كدا فتحته ومش بترد عليا!

رهف: رغد راحت القاهرة، عندها عملية مهمة.

مؤمن بعصبية: راحت فين؟ إزاي تروح من غير ما تعرفي؟ مازن وأبوه قالبين الدنيا عليكم.

رهف: أنا كلمتها من شوية وقالت لي إنها جايه في الطريق، متقلقش.

مؤمن: طب اقفلي يا رهف، أنا جاي لكم.

رهف: حاضر، باي.

مؤمن: باي.

مؤمن نزل من الشركة وركب عربيته، واتأكد إن ما فيش حد بيراقبه وطار على اسكندرية عشان يلحق رغد.

بعد فترة رغد وصلت الحارة ونزلت من التاكسي، وكان باين عليها التعب من الوقت اللي قضيتها في العملية ومن الضغط اللي اتعرضت له بسبب فاروق.

بس ابتسمت لما شافت الحاج محمود داخل الورشة، هي حبته جداً لأنه فكرها بجدها صالح وارتاحت له وقررت تروح تسلم عليه بنفسها.

رغد راحت الورشة وكان محمد واقف على الباب.

رغد: إزيك يا محمد.

محمد: بخير يا دكتورة، تؤمريني بحاجة؟

رغد: تسلم، أنا شفت عمو محمود داخل وكنت عايزة أدخل أسلم عليه، ممكن.

محمد ابتسم: طبعاً، دانتي تنوري يا دكتورة، اتفضلي.

رغد دخلت الورشة ودخلت المكتب بعد ما خبطت وسمعت الإذن من حسن.

رغد دخلت بابتسامة لمحمود: لما شوفت حضرتك داخل الورشة قولت لازم أجي أسلم عليك بنفسي.

محمود ضحك وقام وقف ومد إيده سلم على رغد بحب: أحلى حاجة عملتيها يا بنتي.

رغد: أخبارك إيه؟

محمود: بخير يا بنتي الحمد لله.

رغد بصت لحسن: إزيك يا حسن.

حسن: بخير يا دكتورة.

رغد بصت لمحمود: أنا بعت لك السلام قبل كدا مع حسن، وصلك ولا؟

محمود ضحك: وصل يا بنتي والله.... اقعدي، إحنا هنتكلم وإحنا واقفين ولا إيه... شوف الدكتورة تشرب إيه يا حسن.

رغد بتعب ظاهر: خليها مرة تانية يا عمو... أنا جايه من القاهرة وبجد تعبانة أوي.

محمود: مالك يا رغد؟ يابنتي سلامتك؟

رغد اتنهدت: كان عندي عملية مهمة عملتها وخلصت شوية حاجات كدا وحرفياً تعبانة جداً.... بس أوعدك مرة تانية أكيد هجيلك ونقعد سوا وندردش لصبح، إيه رأيك؟

محمود ضحك: ده يوم المنى يا بنتي والله.

في الوقت ده دخلت حنين.

حنين: أنا جيت يا بشر.

بس وقفت لما شافت رغد، متعرفش مين دي؟

محمود: حمدلله على السلامة يا بنتي.

حنين: الله يسلمك يا بابا.

محمود بص لرغد وشاور على حنين: دي حنين بنتي، أخت حسن الصغيرة يا رغد.

رغد: أهلاً وسهلاً يا حنين.

محمود شاور على رغد: ودي الدكتورة رغد، حفيدة الشهاوي يا حنين.

حنين مدت إيدها وسلمت على رغد: مبسوطة إني شوفتك جداً... وأتمنى نكون أصحاب.

رغد ابتسمت: نبقى أخوات كمان لو تحبي يا نونة.

حنين برقت لحسن ورجعت بصت لرغد: أكيد طبعاً... سمعت إن ليكي أخت توأم ونفسي أتعرف عليها كمان.

رغد: تشرفينا في أي وقت يا نونة والله.

حنين: حبيبتي يا رغد.

رغد: أنا همشي أنا بقى، أشوفكم وقت تاني.

محمود: تاخديني معاكي يا بنتي... أنا هروح أقعد على القهوة شوية يا حسن.

حسن: هاجي أوصلك يا حاج وأوصل حنين بالمرة.

كلهم خرجوا من الورشة، وفي الوقت ده وصل مؤمن ونزل من عربيته، وأول ما شاف رغد قرب منها وما خدش باله حتى من اللي حواليه بسبب خوفه وقلقه عليها.

مؤمن: رغد... انتي إزاي تروحي القاهرة من غير ما تعرفيني؟ أنا كنت هموت من القلق عليكي.

حنين بصتله ومستغربة هو بيكلم رغد كدا ليه، وافتكرت كلام حمزة عن الشاب اللي كان معاها وإنه احتمال يبقى جوزها.... وحسن ومحمود استغربوا قلقه الزايد عليها.

رغد بصت على محمود واللي واقفين ورجعت بصت لمؤمن: أنا كويسة قدامك أهو يا مؤمن، متخافش... وبعدين دي كانت عملية مهمة ولازم أعملها أنا بنفسي.

مؤمن: على الأقل كنتي عرفيني يا رغد بدل الخوف ده.

رغد: متزعلش يا مؤمن، هتتكرر تاني.

رغد بصت لمحمود اللي مستغرب مين ده: ده مؤمن ابن خالتو منى يا عمو محمود.

محمود: بسم الله ما شاء الله، نورت الحارة يا ابني.

مؤمن سلم على محمود: منورة بأهلها يا حاج، وأنا آسف ما أخدتش بالي منكم بسبب خوفي على الهانم.

رغد ضحكت عليه، ومؤمن سلم على حسن كمان: إزيك يا بطل؟

حسن: بخير يا مؤمن.

محمود: وبعدين متقلقش على رغد... شكلها جدعة وميتخافش عليها.

رغد: قوله ونبي يا عمو، ده بيتعامل معايا على إني عيلة صغيرة.

مؤمن: عارف والله يا حاج... بس خوفي عليها كبير وهي دايماً كدا تاعبة قلبي معاها.

رغد: ما خلاص يا مؤم، أنا كويسة قدامك أهو.

رغد بصت لمحمود: عن إذنك يا عمو، هنطلع إحنا بقى، لأني بجد خلصانة.... هبقى أستناكي يا نونة.

حنين ابتسمت: أكيد يا رغد.

رغد طلعت مع مؤمن، وحسن وصل الحاج محمود القهوة ورجع مشي مع حنين لحد البيت ورجع على الورشة تاني.

في محل جزارة بتاع منصور اللي كان واقف هو ومحروسة ومتابع كل اللي بيحصل.

محروسة: البت يعني جت سكنت هنا ورايحة جاية في الحارة براحتها، وانت واقف تتفرج ومش بتعمل حاجة.

منصور: البت دي مش سهلة ومش بتخاف بسهولة، انتي شوفتي آخر مرة ولا رمش لها جفن ولا خافت مني أنا والرجالة.

محروسة: وهتعمل إيه يا راجل؟

منصور بتوهان: البت دي مش بتخاف... بس أختها حتة مزة، إنما إيه جامدة... هي مش بتخرج من يوم ما جت الحارة بس بشوفها وهي واقفة في البلكونة.... يمكن نطلع منها بحاجة.

محروسة بشك: حاجة إيه يا راجل؟

منصور فاق: قصدى نهددها يعني.

محروسة: اهاااااااا فكرت... ابنك لساله أسبوعين ويطلع، ويمكن يقدر يتصرف معاها.

منصور: هيعمل إيه يعني؟ هيروح يسوق البلطجة على بنتين مثلاً!

محروسة: ما إحنا لازم نتحرك يا معلم... ولا ناسي المستثمرين اللي انت أخدت منهم الفلوس مش بيبطلو زن وعايزين يعرفوا هتبدأ المشروع إمتى.

منصور: أنا هفكر كويس، يمكن ألاقي حل.

محروسة: فكر يا معلم، فكر.

في شقة رغد ورهف قاعدين بيتغدوا سوا مع مؤمن ولارا الأكل اللي رهف طبخته.... ورغد كان كل تفكيرها في زيارة فاروق لها.

مؤمن بص لها: مالك يا رغد؟

رغد: أبداً، ما فيش، بس تعبت النهارده شوية.

مؤمن بص لها وهو مش مصدقها أصلاً.

رغد ابتسمت: بجد يا رهف، تسلم إيديكي، الأكل تحفة.

رهف: المفروض أدعي لدادا سلمى، لأنها هي علمتني الطبيخ... غير كدا كنتوا هتموتوا من الجوع.

مؤمن: في دي معاكي حق الصراحة.... وحضرة الدكتورة ملهاش في المطبخ أصلاً.

رغد: اتريق، اتريق يا أخويا.

لارا: بابي، أنا عايزة آيس كريم.

رغد: وأنا كمان.

مؤمن: وأنا أجيب لكوا آيس كريم منين الوقت؟

رغد: من السوبر ماركت، الله، متبقاش بخيل يا مؤم.

مؤمن قام وقف: هنزل أجيب لكوا وأمري لله.

مؤمن خرج من الشقة، والبنات لبسوا إسدالات ودخلوا البلكونة ومعاهم لارا.

لارا: رهف، ما تيجي نرسم سوا.

رهف: لسه الأوضة مش جاهزة ولا معايا أدوات يا لولي.

لارا شافت مؤمن جاي من أول الحارة، نادت عليه بصوت عالي: بابي.

مؤمن ضحك على بنته وطلع ووقف معاهم في البلكونة، وأكلوا كلهم آيس كريم وهزروا كتير جداً، ومؤمن قرر ينام معاهم وسهروا كلهم في البلكونة وقضوا وقت كله ضحك وهزار، وطبعاً كان حسن واقف في بلكونة شقته ومتابع كل اللي بيحصل.

وبعد شوية وقت لارا كانت عايزة تنام، ورهف أخدتها ودخلت الأوضة عشان تنيمها.

مؤمن بص لرغد: احكي.

رغد بصت له: أحكي إيه؟

مؤمن: أنا متأكد إن حصل معاكي حاجة النهارده.

رغد قامت وقفت وسندت على سور البلكونة وبصت للسما: فاروق جالي المستشفى النهارده.

مؤمن قام وقف: أنا قولت لك يا رغد بلاش تروحي القاهرة.... حتى ابنه مازن جالي المكتب النهارده.

رغد: جالي ليه؟

مؤمن حكالها على اللي دار بينه وبين مازن. ورغد حكالته على مقابلتها مع فاروق.

رغد: الظاهر كدا حتى لو روحنا آخر العالم هيقدر يوصلنا... أنا كل خوفي على رهف يا مؤمن... أنا بجد مرعوبة يحصلها حاجة أو يقدر يوصلها.

رغد حطت إيدها على وشها وعيطت، ومؤمن قرب وخدها في حضنه بحب أخوي: متخافيش يا رغد، مش هيقدر يقرب منكم، صدقيني.

رغد بعدت عنه ومسحت دموعها: تهديده كان واضح يا مؤمن، مش هيسكت غير لما نتنازل عن الشركة والمصنع.

مؤمن: وانتي ناويه تتنازلي؟

رغد: لا طبعاً، ده تعب بابا وأنا مش هتتنازل عنه أبداً.

مؤمن: سيبي كل حاجة ماشية، واللي ربنا عاوزه هيكون.

رغد: ونعم بالله.

مؤمن: أنا هدخل أنام عشان أصحى بدري.

رغد: تصبح على خير.

مؤمن باسها من راسها: تلاقي الخير يا قلب أخوكي.

رغد ابتسمت ومؤمن دخل ينام، وهي فضلت شوية تشم هوا ورجعت دخلت عشان تنام.

حسن عينه كانت عليها ونفسه يعرف علاقتها بمؤمن إيه غير إنه ابن خالتها.

حسن بعد تفكير كبير دخل عشان ينام هو كمان.

صباح يوم جديد في بيت البطل.

الكل متجمعين على السفرة بيفطروا.

هدى: والله يا حاج بعد حنين ما حكت لي على رغد وأنا نفسي أشوفها.

محمود: الأيام جاية كتير يا أم حسن، وأكيد هتشوفيها.

هدى: ما إحنا نعزمهم يا حاج، عندنا إيه رأيك؟

حنين: فكرة حلوة أوي يا ماما.

هدى: إيه رأيك يا حسن؟

حسن بص لها: معرفش يا ستي الكل والله.... اعملي اللي يريحك.

عزة بصت لأمها أوي عشان تتدخل.

ألفت بضيق: مش عارفة انتو مهتمين أوي بالبت دي ليه!!

هدى: وانتي مضايقة ليه يا ألفت!!

ألفت: أصلك عايزة تعزميها وتدخليها بيتك من غير ما تعرفيهم.

هدى: بيت الحاج محمود دايماً مفتوح للغريب قبل القريب يا ألفت.... وبعدين إحنا عارفين أهلها كويس جداً، ومن كلام الحاج وحنين عليها... شكل البت تدخل القلب طوالي.

عزة: وانتي شوفتيها عشان تحكمي عليها يا عمتي؟

حنين: انتي ما سمعتيش كلام بابا عليها يا عزة، وبابا بيفهم الناس من نظرة.

ألفت: اممم، طبعاً، اومال إيه، ده الحاج محمود البطل.

محمود اضايق من الحوار وحب يغير الكلام وبص لحسن: أخوك فين يا حسن؟ مفطرش معانا ليه؟

حسن: راح عشان يسلم الشغل الجديد للمعرض يا حاج، وقال هيفطر مع الشباب.

محمود قام وقف: ربنا يصلح حالكم يا ولاد... أنا هطلع الشقة فوق.

هدى: ماشي يا حاج، دقيقة والقهوة تبقى عندك.

حسن: أنا هروح الورشة يا ستي الكل.

هدى: روح يا حبيبي، ربنا يجعلك في كل خطوة سلامة يا رب.

حسن باس راسها: تسلميلي يا ستي الكل.

حسن باس حنين من خدها وخرج من البيت.

حنين: ماما أنا هشيل الأطباق وهطلع السطح عشان نص ساعة والولاد هيوصلوا.

هدى بصت لعزة اللي قاعدة وماسكة فونها: اطلعي انتي يا حبيبتي، وعزة موجودة تشيل معايا... يلا يا عزة قومي.

عزة نفخت بضيق وقامت تشيل الأطباق وتدخلها المطبخ.

ألفت مسكت فونها وخرجت عشان تكلم ابنها عزت.

اولفت وبنتها اللى كانو مضايقين من وجودهم وخصوصا عزة اللى ملاحظه نظرات الاعجاب من حسن لرغد .

حنين اللى كانت بتاكل لارا بنفسها وبيضحكو ويهزرو سوا ومؤمن متابعهم وملاحظ تعلق لارا بحنين واد ايه بتحبها .

وعزت اللى قعد معاهم ورغد كانت مضايقه منه بسبب نظراته الوقحه ليها ولرهف .

بعد ماخلصو الاكل البنات قررو هما اللى يغسلو الاطباق وضحكو كتير وهما سوا فى المطبخ .

اما الرجاله قعدو كلهم سوا فى صاله ورهف عملت ليهم قهوة .

البنات بعد ماخلصو غسيل الاطباق حنين اقترحت عليهم يطلعو السطح سوا ورغد ورهف رحبو جداا وخرجو من المطبخ .

حنين:ماما احنا هنطلع على السطح شويا .

هدى:اطلعو ياحبايبى .

محمود:قبل ماتطلعى يارهف ياريت فنجان قهوة كمان من ايدك .

هدى:مانت لسه شارب ياحاج والقهوة الكتير غلط .

محمود:بصراحه فنجان القهوة بتاع رهف بيعدل الدماغ ودى فرصه يا ام حسن .

هدى ضحكت:ماشي اعمليله يارهف .

رهف:حاضر من عيونى ياعمو .

محمود:تسلميلى عيونك يابنتى .

رهف بصت للبنات:اطلعو انتو وانا هعمل القهوة واجيلكو .

حنين:اوكى متتأخريش .

رهف:حاضر .

رهف دخلت المطبخ والبنات طلعو .

رهف كانت واقفه تعمل القهوة ولفت لما سمعت صوت وراها وكان عزت اللى قرب من التلاجه عشان يشرب .

رهف اتوترت من وجوده معاها وهما لوحدهم .

عزت:احم بصراحه القهوة بتاعتك بتعمل دماغ انما ايه تسلم ايدك .

رهف وهى مركزة فى القهوة:شكراا .

عزت لسه هيقرب من رهف حمزة دخل المطبخ :خير ياعزت بتعمل ايه هنا ؟!

رهف بصت لحمزة وتوترها بيزيد اكتر وخصوصا من حمزة اللى تقريبا من وقت مادخلو البيت وهو عينه عليها .

عزت اتوتر:لا ولا حاجه كنت جاى اشرب ياحمزة .

حمزة:وشربت؟

عزت:اه خلاص انا هخرج .

حمزة:تمام .

عزت خرج ورهف كانت بتبص لحمزة وفاقت على صوت القهوة اللى فارت .

رهف شالت الكنكه بسرعه وطفت النار وجابت فوطه مطبخ ومسحت القهوة اللى وقعت على البوتجاز .

حمزة:على مهملك عين البوتجاز سخنه .

رهف:حاضر .

حمزة شايفها متوترة:رهف .

رهف لفت وبصتله:نعم !

حمزة قرب خطوة بس كان فى مسافه بينهم:رهف انا معجب بيكى من اول ماشوفتك

.... تقدرى تقولى كدا انك دخلتى قلبي بدون استاذان ... انا كلمت الحاج محمود عشان اتقدم ليكى وهو قالى لما نشوف انتو هتستقرو هنا ولا هترجعو القاهرة تانى ... بس حتى لو رجعتو القاهرة هاجى واتقدملك يارهف .... انا عارف انه مينفعش اتكلم معاكى وان ده غلط وميصحش بس حبيت اقولك على اللى جوايا وعايزك تفكرى براحتى وصدقينى حتى لو هترفضينى انا مش هزعل اهم حاجه عندى راحتك واللى انتى عايزاه ...انا هخرج وانتى كملى القهوة براحتك بس خدى بالك .

رهف هزت راسها بتوتر وحمزة خرج من المطبخ ورهف حطت ايدها مكان قلبها اللى كان بيدق بقوة لدرجه انها حست انه هيخرج من بين ضلوعها .... بس حاولت تتماسك وعملت قهوة تانيه للحاج وخرجت قدمتها ليها وهى متوترة جداا وطلعت بسرعه السطح للبنات وقضو وقت جميل سوا واليوم خلص واستاذنو ومشو ومؤمن رجع القاهرة والبنات رجعو على بيتهم .

ـــــــــــــــ★ــــــــــــــــ

صباح تانى يوم البنات صحو على صوت فرقه بتزمر وتطبل .

لارا قامت بحماس من على السرير وجرت على البلكونه عشان تتفرج ورغد ورهف ضحكو عليها .

فى الشارع .

كان جابر ابن المعلم منصور وصل الحارة بعد ماطلع من السجن وامه جابت الفرقه عشان تستقبله ورقصت وزغرطت من فرحتها بخروج ابنها من السجن والمعلم منصور من فرحته قال انه هيدبح ويوزع اللحم على اهل الحارة كلها بمناسبه خروج ابنه من السجن .

ـــــــــــــــ★ــــــــــــــــ

بعد وقت طويل فى بيت المعلم منصور .

كان جابر قاعد على السفرة اللى مليانه بانواع كتير من الاكل اللى هو بيحبه .

ومحروسه بتاكله بايدها .

جابر:خلاص ياما نفختينى اكل .

محروسه:كل ياقلب امك دانت خاسس وعدمان ... هو الاكل اللى كنت ببعته ماكنش بيوصلك ولا ايه ؟!

جابر:كان بيوصل ياما وكل اللى فى السجن بيدعولك والله .

محروسه:الحمدلله انك خرجت بالف سلامه ياقلب امك .

جابر بص لابوه:اومال يابا بيت الشهاوى لسه مش اتهد ليه ... دانا فكرت انى هخرج الاقيكو بداتو فى العمارة .

محروسه:ابوك بيته هيتخرب يابنى انت متعرفش حاجه .

جابر:معرفش ايه بظبط هو ايه اللى حصل فى غيابي ؟!

محروسه بدات تحكيله من اول يوم ظهرت فيه رغد وانها رفضت بيع البيت واللى عملته فى منصور قدام الحارة كلها .

جابر:وانت مش قادر على حته بت يابا .

منصور:البت دى قويه يابنى وبتتكلم بقلب جامد الظاهر كدا وراها حد تقيل اوى .

جابر:وانت يابا رايح تتقدم لاختها عايز تتجوز على امى .

منصور:ماخلصنا بقي من الحوار ده ... انا كنت عايز البيع باى طريقه ... الناس هبلنى وبيسالونى كل يوم هنبدا المشروع امته ؟

جابر:هتتحل يابا ..... اومال انا ماشوفتش البطل يعنى ؟!

محروسه:اسكت ده اجه واد كدا شكله بلطجى واتخانق مع حسن والشباب الحارة وعوره جامد فى بطنه والبت الدكتورة هى اللى عالجته .

جابر باستغراب مصتنع:معقول البطل يتعلم عليه .

منصور:بس الواد اخده على خوانه وهو بيدافع عن شباب الحارة .

جابر:لا سلامته الف سلامه البطل .

محروسه:انت هتفضل تتكلم كمل اكلك يابنى يلا .

ـــــــــــــــ★ــــــــــــــــ

فى القاهرة فى شركه الصاوى وتحديدا فى مكتب فاروق اللى قاعد معاه فؤاد .

فاروق:يعنى مش بتيجى المستشفى ابدا ؟!

فؤاد:لا محمد ومها اللى بيديرو كل حاجه وعلى تواصل معاها .

فاروق:هتجنن واعرف راحت فين البت دى مش موجوده فى القاهرة كلها .

فؤاد:اللى اعرفه واللى بيتقال فى المستشفى انها راحت تغير جو هى واختها لان نفسيتها تعبانه بعد الحريق اللى حصل فى الڤيلا .

فاروق:تمام سيبك منها الوقت .... عملت ايه مع الراجل عشان المشروع ؟

فؤاد:فى شويا مشاكل حصلت بس هتتحل متقلقش .

فاروق:احنا بقالنا سنه كامله بنديه الفلوس وهو مش بيعمل اى حاجه .

فؤاد:انا هروحله وهشوف المشكله دى يمكن اقدر احلها .

فاروق:تمام وياريت بسرعه بدل ماادخل بطريقتى .

فؤاد قام وقف:تمام همشي انا عشان عندى عمليه .

فاروق:تمام .

فؤاد خرج وفاروق كمل شغله .

ـــــــــــــــ★ــــــــــــــــ

مرت الايام وحسن اتحسن وكانت رغد كل يوم بتروح تغيرله على الجرح .

ورهف اللى كلام حمزة مش بيروح من بالها ولا حتى نظراته ليها وكل ماتفكر فيه قلبها بيدق .

واخيرا جه يوم حنه فرح ورغد ورهف وحنين كانو مع فرح من اول اليوم زى ماطلبت منهم ام فرح عشان فرح ملهاش اخوات ولا اصحاب والبنات راحو وهيصو لفرح اللى كانت فرحانه جداا بوجودهم معاها .

والشباب جابو سمعات كبيرة وصوت المهرجانات كان مالى الحارة كلها والشباب هيصو لمحمد وقضو اليوم كله رقص فى الشارع .

ــــــــــــــ★ــــــــــــــــ

صباح يوم فرح محمد وفرح .

شباب الحارة كلهم كانو بيجهزو الارض الفاضيه اللى فى اخر الحارة عشان هيتعمل فيها الفرح .

والبنات كانو مع فرح من اول اليوم .... وفى بنت جت عملت الميكب لفرح فى البيت والبنات ساعدوها تلبس فستانها الابيض وكانت جميله جداا وخرجت من البيت وركبت مع محمد العربيه اللى متزينه بالورد عشان يروحو يتصورو ويرجعو على الحارة تانى .

وشباب الحارة اللى مشو ورا العربيه بالعربيات وزفوهم بطريقه حلوة اوى .

حنين اللى راحت تلبس مع رغد ورهف فى بيتهم ولبسو فساتين بسيطه مع بعض اللمسات الرقيقه من الميكب وكانو حلوين جداا.

ــــــــــــــ★ــــــــــــــــ

بليل فى الارض الفاضيه اللى كانت متزينن بشكل ولا اروع بالانوار والورد .

والكراسي مصفوفه بشكل جميل للمعازيم وكمان مكان الخاص بالعروسين اللى متزين بالورد الابيض وشكله جميل فوق الوصف .

البنات راحو المكان اللى هيتعمل فيه الفرح وقعدو مع هدى اللى اول ماشافتهم فضلت تكبر وتريقهم من عيون اولفت وعزة اللى كانو بياكلو البنات بعينيهم .

هدى:بسم الله ماشاء الله ربنا يحميكم ويحفظكم من كل عين يابنات طالعين زى القمرات .

رغد:انتى اللى قمرايه ياهدهد .

ام فرح جت عليهم والكل سلمو عليها وباركو ليها .

وبعد شويا سمعو صوت العربيات اللى دخلت الحارة .

ونزلو العريس والعروسه ومشو شارع الحارة كله اللى متزين بالانوار لحد ماوصلو للارض الفاضيه .

وبدأ الفرح بالفرقه اللى كانت بتطبل وتزمر وبيغنو اغانى الافراح القديمه الجميله .

وبعد ماخلصو الفرقه محمد وفرح رقصو سوا سلوو .

حسن وحمزة اللى كانو مع الشباب راحو لتربيزة اللى عليها هدى والبنات .

حسن وحمزة عقلهم طار من جمال البنات ورقتهم .

حسن باس راس هدى اللى ابتسمت وبصتلهم بحب:عقبال مافرح بيكو ياحبايب قلبي يارب .

حنين:وانا بنت البطه السودا يعنى مثلا .

هدى ضحكت:دانتى بنت قلبي يانوناا .

حنين بعتتلها بوسه فى الهوا:حبيبتى يادودو .

حمزة عينه على رهف اللى كانت مكسوفه جداا وبتفرك فى ايدها من التوتر وابتسم على خجلها من اول مابتسمع صوته بس .

حسن خبطه فى كتفه:اتلم .... احنا منرضهاش لحنين .

حمزة بهمس:وانا عملت ايه يعنى اسكت ونبي سبنى فى حالى.

حسن ضحك:خلى رغد تشوفك كدا وانت بتسبل لاختها وقتها هتكره اليوم اللى فكرت تبصلها .

حمزة:ونبي اسكت دانا شايل هم ان دى هتبقي حماتى فى يوم من الايام واكيد هطلع عين اللى جابونى .

حسن ضحك وعينه جت على رغد اللى عينها على فرح ومحمد وهما بيرقصو سلو وبتدندن مع الاغنيه .

رغد عينها كانت على العريس والعروسه واد ايه شكلهم حلو وباين الحب فى عينيهم لبعض

...واتمنت لو كانت حياتها بسيطه كدا وماكنش يبقي فيها كل المشاكل دى والخوف اللى هى عايشه فيه .

بعدت نظرها عن محمد وفرح كانت خايفه انها تحسدهم على حياتهم وفرحتهم وحبهم لبعض .. وعينها جت فى عيون حسن اللى كان بيبصلها وابتسم اول ماجت عينه فى عينها ورغد كانت مستغرباه بس هى مش قادرة تحدد احساسها ناحيته الايام اللى فاتت لما كانت بتروح تغيرله على الجرح وبيتكلمو سوا واد ايه بتبقي مبسوطه وهى بتتكلم معاه .... واد ايه بيفكرها بوالدها جمال والامان اللى كانت بتحسه معاه هو نفس الامان اللى بتحسه مع حسن .

وافتكرت كلام مراد لما قالها تحكى لحسن على كل حاجه بتخص عمها وابنه عشان لو قدر يوصلهم تكون فى حمايته بس هى بتدعى ربنا انه عمها يفضل بعيد عنها ومايقدرش يوصلها ابدا .

رغد فاقت على صوت حنين:رغد تعالى نروح لفرح لانها وحدها .

رغد بصت على المسرح وشافت محمد مع اصحابه وفرح قاعده فى مكانها لوحدها .

رغد شاورت لرهف وحنين:قومو يلا .

البنات راحو واخدو لارا معاهم واخدو فرح ورقصو معاها واتصورو وفرح كانت مبسوطه بلمتهم حوليها .

على تربيزة منصور ومراته وابنه اللى كان قاعد معاهم وعينه منزلتش من على رهف ورغد

جابر:اماااا مين الوجوه الجديده اللى قاعدين مع عيله البطل دول ؟!

محروسه:دى حفيده الشهاوى اللى حكيتلك عليها.

جابر وهو عينه عليهم:انهو فيهم بقي اللى بهدلت ابويا ؟!

محروسه:اللى لابسه بيج .

جابر:واضح جدا على فكرة انها جامده .... حتى البت التانيه مزة من الاخر ليه حق ابويا يطلبها لجواز .

محروسه:انت هتخيب ولا ايه ياض ماتلم نفسك .

جابر ضحك:ماشي يامحروسه.

ــــــــــــــ★ــــــــــــــــ

بعد وقت طويل الفرح خلص ومحمد اخد عروسته وطلعو بيتهم اللى فى الحارة والكل رجعو على بيتهم .

وعيله البطل كانو واقفين مع رغد ورهف .

محمود:روح ياحسن وصل رغد ورهف على بيتهم .

رغد:لا ياعمو ده البيت قريب جدا مالوش لزوم .

محمود:الوقت متاخر يابنتى يلا روح معاهم ياحسن ... وبكرة يارغد ابقي تعالى عايزك فى موضوع .

رغد باستغراب:موضوع ايه ياعمو خير ؟!

محمود:بعد الضهر كدا هروح الورشه وانتى ابقي تعالى ووقتها هتعرفى متقلقيش .

رغد:حاضر ياعمو ... تصبحو على خير .

كلهم:تلاقى الخير .

البنات مشو مع حسن ووصلو عند بيت الشهاوى وجابر كان واقف مع اصحابه ولما شافهم جايين قال بصوت عالى يقصد بيه رهف اللى كانت لابسه لون ازرق:الازرق على الاسد يمنع الحسد .

الشباب اللى واقفين معاه ضحكو بصوت عالى ورغد اضايقت منهم .

رهف حست ان اختها هتعمل مشكله:رغد تعالى نطلع بلاش مشاكل ونبي .

رغد:انت مش سامعه الحيوان ده بيقول ايه ؟!

حسن:اطلعو يادكتورة يلا ومتشغليش بالك انا هتعامل معاه .

رغد:لا بلاش ياحسن دول ٥ شباب وانت لوحدك بلاش احسن .

حسن ابتسم:متقلقيش يادكتورة اطلعى انتى .

رغد:حاضر .

رغد طلعت هى ورهف ولارا .

وحسن قرب من جابر والشباب اللى خافو من حسن وبطلو ضحك .

حسن:اظن من الادب اللى انت متعرفوش يابن منصور انك تحترم بنات حتتك ولا ايه ؟!

جابر:حتتى ... هما فى ثانيه بقو بنات حتتى يابطل !

حسن:ايوا بنات حتتى ولو عينك راحت ناحيتهم متلومش غير نفسك .

جابر:صح يابطل نسيت اقولك حمدلله على سلامتك ... بس انا مستغرب بقي حته عيل لا راح ولا جه يعلم على ابن البطل والله دى عيبه فى حقنا .

حسن:وانت مفكر انى مش عارف ولا فاهم لعبتك ياابن منصور ... انا سالت على حته العيل ده وعرفت انه لسه خارج من السجن والصدفه بقي انه كان معاك فى نفس الزنزانه .. مش غريبه دى ياجابر ولا ايه .

جابر:وانا مالى بردو ؟!

حسن:ولا حاجه .... بس خليك فاكر ان ابن البطل مابينساش لو حد جه عليه تمام .... سلام ياابن منصور .

حسن قاله كدا ومشي وجابر كان مضايق وخاف عشان حسن كشفه.

رغد كانت واقفه فى الشباك وشايفه حسن وهو بيتكلم مع جابر بس مش سامعه كلامهم وشايفه وقفه حسن اللى واثق من نفسه ونظرة جابر اللى اتحولت لخوف وتوتر بعد ماحسن مشي .

رغد ابتسمت:لا كاريزما كاريزما يعنى يا ابو على .

ــــــــــــــ★ــــــــــــــــ

تانى يوم .

وصلت عربيه الحارة والكل عينهم كانو عليها لانها اول مرة تيجى الحارة .

ونزل منها راجل لابس بدله وسنه كبير وكان بيبص على الحارة بقرف .

ومنصور اول ماشافه جرى عليه:دكتور فؤاد اهلا وسهلا ده الحارة نورت والله تعالى اتفضل .

فؤاد:دخل معاه المحل وكان قرفان من ريحه اللحمه:انا جيتلك عشان نحل موضوع المشروع وصلت لايه مع البنت صاحبه البيت .

منصور:حاولت معاها وهددتها كمان وهى دماغها زى الجحر رافضه تبيع يابيه .

فؤاد:مانت غبي يامنصور ازاى تحط امل على ارض متعرفش اصحابها ... انا غلطان انى وثقت فيك .... انت عارف ان فاروق بيه مش هيعدى اخطاءك دى .

منصور خاف لانه عارف فاروق وجبروته .

ــــــــــــــ★ــــــــــــــــ

فى الوقت ده نزلت رغد وراحت على الورشه وكان الحاج محمود مستنيها .

محمود اتكلم مع رغد فى الموضوع اللى عايزها فيه وانه كان عايز يعمل عياده صغيرة فى الحارة عشان كل الحارة يستفيدو منها .

ورغد رحبت جدا بالموضوع وكانت فرحانه انها هترجع تشتغل تانى وانها كانت زعلانه جدا انها بعدت عن المستشفى والمرضي .

رغد خلصت كلام مع محمود واستاذنت عشان تمشي .

وخرجت من الورشه ولسه هتدخل بيتها وقفت مصدومه لما سمعت صوت فؤاد:دكتورة رغد ......

الفصل الثامن عشر18

فؤاد كان بيتكلم مع منصور وبيحاول يوصل لحل للمشكله عشان يبدأو فى بناء العمارة .

(فاروق وفؤاد ومنصور شركاا فى مشروع العمارة اللى ناوين يبنوها ويبيعو شققها ودى مش اول عمارة يشاركو فيها سواا )

فؤاد فونه رن وخرج برا المحل عشان يرد على المكالمه واتفاجأ لما شاف رغد خارجه من ورشه نجارة .

فؤاد:دكتورة رغد !

رغد وقفت مكانها لما سمعت الصوت لانها عارفاه كويس جداا ... وكانت مستغربه فؤاد بيعمل ايه هنا .. والاكيد انه هيقول لعمها على مكانهم ... بس حاولت تتماسك قدام فؤاد .

رغد لفت وبصت لفؤاد:دكتور فؤاد معقول ... ايه اللى جايبك هنا فى الحارة ؟!

فؤاد قرب منها:انتى ايه اللى جايبك هنا ؟!

رغد:اظن حاجه متخصش حضرتك ولا ايه .... والمفروض السؤال ده اساله ليك لان حضرتك سايب المستشفى وجاى هنا من غير حتى ماتاخد اجازة .

فؤاد:جاى لواحد معرفه وراجع القاهرة علطول ... صحيح انتى مختفيه بقالك فترة ومش بتيجى المستشفى تقريبا من وقت الحريق اللى حصل فى الڤيلا.

رغد:مع ان دى حاجه مش لازم تعرفها يعنى بس رهف اختى تعبت بسبب اللى حصل وانا وهى بنغير جو شويا وجينا هنا الحارة ... زى مانت شايف كان فى فرح امبارح ودى واحده صحبتى وجينا نحضر الفرح وهنسافر تانى .

فؤاد:هتسافرى القاهرة ؟!

رغد:لا مش هرجع غير لما رهف حالتها تتحسن .

فؤاد:تمام يادكتورة .

رغد دخلت البيت وطلعت تبص على فؤاد من الشباك وفؤاد رد على فونه اللى رن تانى ومشي من غير مايدخل لمنصور وركب عربيته ومشي .

ـــــــــــــــ★ــــــــــــــ

رغد طلعت البيت وكانت مرعوبه ان فؤاد يسال منصور عليها ويعرف انها عايشه هنا والاكيد انه هيقول لفاروق لانهم اصحاب جداا بس اطمنت لما فؤاد مشي من غير مايدخل لمنصور .

رغد كلمت مؤمن وقالتله اللى حصل وهو طمنها لما عرف ان فؤاد مشي علطول من غير مايدخل لمنصور ويساله عليها وهى اطمنت من كلام مؤمن وهدت شويا وراحت لرهف ولارا اللى فى المطبخ بيعملو كيك سوا .

رغد:ده ايه الروايح اللى تجنن وتجوع دى ؟!

رهف ضحكت:لولى نفسها فى كيك فقولت اعملها .

رغد:يعنى الكيك لـ لولى بس يعنى؟

رهف:اكيد لا ياروحى .

رغد باستها من خدها:قلبي يانصى التانى .

رهف:صح عمو محمود كان عايزك ليه ؟

رغد:عايز يفتح عياده فى الحارة واكون انا الدكتورة فيها عشان اهل الحارة يستفيدو بدل مابيروحو يكشفو برا الحارة بفلوس كتير العياده هتكون خيريه يعنى ببلاش .

رهف:فكرة حلوة جداا ...بس اكيد هيكون تعب عليكى لوحدك .

رغد:هو قال هيشوف بنات الحارة لو حد يقدر يساعدنى ...... هروح اغير .

ـــــــــــــــ★ــــــــــــــ

بعد وقت طويل فؤاد وصل القاهرة وراح لفاروق ڤيلته واتكلمو كتير فى موضوع المشروع.

فؤاد:انا قابلت حبيبتك النهارده .

فاروق:حبيبتى مين؟!

فؤاد:الدكتورة رغد .

مازن كان داخل المكتب وسمع كلام فؤاد:قابلتها فين ؟

فؤاد:فى اسكندريه فى حارة اللى ساكن فيها منصور .... بتقول انها كانت بتحضر فرح واحده صاحبتها وهتسافر تانى هى واختها لان نفسيتها تعبانه من وقت الحريق .

فاروق:وانت صدقتها اكيد بتكذب عليك .

فؤاد:الحارة فعلا كان متعلق فيها نور والعمال كانو بيشلوه معنى كدا ان الفرح كان امبارح .

مازن:ومسالتش منصور عليها ؟!

فؤاد:لا جالى مكالمه ومشيت علطول .

مازن:طب كلمه بسرعه نتاكد منه يعرفها ولا لأ.

فؤاد:حاضر .

فؤاد طلع فونه ورن على منصور اللى رد عليه:فؤاد باشا انت مشيت بسرعه ليه كدا ؟!

فؤاد:جالى مكالمه مهمه ومشيت ... بقولك يامنصور .

منصور:أؤمرنى ياباشا .

فؤاد:النهارده وانا عندكو فى الحارة قابلت دكتورة معرفه وكنت مستغرب هى بتعمل ايه فى الحارة عندكو قولت اسالك يمكن تكون عارفها .

منصور:قصدك مين يابااشا ؟!

فؤاد:اسمها الدكتورة رغد .

منصور:متجبش سيرتها ياباشا دى بت فقر.

فؤاد بص لفاروق:انت تعرفها يعنى ؟!

منصور:ماهى دي ياباشا حفيده صاحب البيت اللى المفروض نهده عشان نبنى العمارة وجت سكنت هى واختها هنا من فترة ورافضه انها تبيع .

مازن بص لابوه والاتنين ضحكو انهم اخيرا عرفو مكانهم .

فؤاد:امممم تمام يامنصور انا هحاول اتصرف فى موضوع العمارة ده سلام .

منصور:سلام يابااشا .

فؤاد قفل وبص لمنصور:حلاوتى هتبقي كام بقي ؟!

فاروق:٥٠٠ الف مش خسارة فيك .

فؤاد:ماشي حالهم ... انا همشي انا بقي .

فاروق:تمام .

فؤاد مشي وفاروق بص لابنه:بيت الشهاوى .... صالح الشهاوى جدهم .....

هنعمل ايه الوقت؟!

مازن:اقولك انا هنعمل ايه .

ـــــــــــــــ★ــــــــــــــ

بليل فى بيت البطل وتحديدا على السطح .

حمزة وحسن كانو قاعدين سواا .

حنين طلعت:ايه ده بتعملو ايه هنا ؟!

حسن:ممنوع نطلع يعنى !

حنين:لا بس انت بالعاده بتحب تقعد فى بلكونتك غيرت قعدتك ولا ايه ياابو على .

حمزة:انا اللى قولتله نطلع نشم شويا هوا ....انتى بقي طالعه هنا ليه ؟!

حنين قعدت على كرسي وقدامه تربيزة صغيرة:هكلم لارا عشان ارجعلها شويا عشان امتحاناتها قربت .

حسن:ننزل يعنى لو وجودنا هيضايقك !

حنين:لا خليكو عادى .

حنين رنت على فون رهف مكالمه فيديو ولارا ردت عليها وكانت قاعده فى الاوضه لوحدها:نونااا .

حنين:قلب نونا ... اومال هما فين ؟!

لارا:رهف بترسم ورغد بتكلم اونكل محمد .

حنين:طب يلا نبدأ بقي هاتى كتابك يلا

لارا:اوكى .

حنين سندت الفون على التربيزة اللى قدامها ومسكت كتاب زى بتاع لارا وبدات تشرحلها ولارا كانت بتستوعب بسرعه لانها شاطرة جدا فى مدرستها وبتحب الدراسه والمذاكرة جداا .

بعد شويا برا الاوضه رغد خلصت مكالمتها مع محمد اللى بيقولها كل حاجه بتحصل فى المستشفى ده غير التقارير اللى بتبعتها مها ليها كل يوم .

رغد دخلت المرسم كانت رهف قاعده مشغوله فى رسم لوحه ولامه شعرها على شكل كحكه ومثبتاها بفرشه رسم نضيفه .

رغد:اومال لولى فين يارهف ؟!

رهف:بتذاكر مع حنين اون لاين .

رغد:هروح ارخم عليهم شويا .

رهف ضحكت ورغد راحت الاوضه اللى فيها لارا ونطنت فجأه جمبها على السرير:اهلا ياقمرات .

حسن بص على حنين بس طبعا ضهر الفون ليه يعنى مش شايف لارا ولا رغد .

لارا بخوف:خضتينى يادودو .

رغد باستها من خدها:متزعليش ياقلب دودو انتى .

حنين:انتى ايه اللى جايبك هنا مش شيفانا بنذاكر .

رغد:عادى نوقف مذاكرة ونرغى شويا ... وبعدين مش انتى قولتلى هتيجى وتذاكرلها هنا .

حنين:كسلت اخرج الصراحه وقلت عشان نذاكر براحتنا .

رغد:لولى عامله معاكى ايه ؟

حنين:لولى اشطر بنوته ماشاء الله عليها بجد .

رغد حضنت لارا:طبعا مش طلعالى .

حنين بصت على حمزة اللى بيشاورلها وحرك بوقه باسم رهف .

حنين بصت لرغد:اومال فين رهف ؟!

رغد:بدام انتى سامعه موسيقى هاديه فى البيت تبقي رهف بتعمل ايه؟

حنين:اكيد بترسم .

رغد:ايوا ... استنى انادى عليها ..... رهف ... يارورووو .

رهف فتحت الباب:فى ايه يابنتى مالك؟!

رغد:تعالى ياروحى قعدى ارغى معانا شويا .

رهف قعدت جمبهم وشافت حنين:مش المفروض انتو بتذاكروو .

حنين:ده المفروض بس رغد هانم عندها رأى تاني .

رغد:انتو بقالكو اد ايه بتذاكرو.

حنين:ماكملناش ساعه على فكرة .

رغد:عادى بكرة ابقو كلمو .

رهف:على فكرة انا عملت الكيك على اساس انك هتيجى النهارده .

حنين:اوبا بقي كيك رهف الذى لا يقاوم انا ماليش فيه عايزة حته .

رهف:لما عرفت انك مش جايه عملت صنيه كيك ليكى وعشان كمان هدهد طلبت تدوق الكيك بتاعى.

حنين:ده قشطااا اوى يارهف.

حنين بصت لرغد ورهف:تعرفو انكو قمرات اوى بشعركوو .... انا بجيلكو دايما بس بتبقو لابسين اسدالات وطرح .

رغد:طبعاا يابنتى داحنا مزز وجامدين اخر حاجه .... بس الحاج جمال الصاوى علمنا من صغرنا ان بنات الصاوى شعرهم مايتكشفش على رجاله غير فى الحلال وبس .

البنات ضحكو وحمزة بص لحسن وبيحاول يكتم ضحكته .

رغد بصت لـ لارا:لولى احنا بنغنى ايه سوا دايما ؟

رغد ولارا غنو سوا .

" اطعم مالمربي ... بس بابا ربي ... لا شطانك يوزك .... تلقى الوجع ده حظك ... مش كل الطير بينفع يتأكل ... لا اسمع هسقف على وشك ... على احلى دوم دوم تك تك "

لارا:كمان يادودو كمان .

رغد:يلا ياقلب دودو .

لارا ورغد كملو غنى " احلى من النوتيلا ... انا رايقه ومش مملة ... من جوا بيضه وفله ... ولا حد ماسكلى زلة ... لو فاكرنى هرضي انا شوك وفى قلبي ورده ... مش هتكسب حبي خالص غير زى ماقلبي عايز "

رغد ولارا خلصو غنى وضحكو سوا وحنين ورهف بيضحكو على جنانهم .

وحسن ابتسم على جنان رغد اللى سكنت قلبه وعقله من اول مرة شافها .

حنين:يعنى انا افضل اذاكر للبت وفى الاخر تحفظيها الاغانى دى .

رغد ضحكت:بصى انا ماشيه مع لارا بمبدأ ايه .. ماتصلحه رهف وحنين تفسده رغد .

حنين:حرام عليكى البت امتحاناتها قربت ...لارا اياكى تقعدى مع البت دى تانى وتحفظى اغانى ركزى فى المذاكرة وبس .

رغد:حنين معلش سؤال رفيعه انتى مش قاعده فى بيتكو لابسه اسدال وطرحه وخانقه نفسك ليه يااوختى ده حتى الجو حر موت !

حنين:ببساطه لانى على السطح واحتمال تروح فيها رقاب لو قلعت الطرحه .

رغد:مش فاهمه يعنى .

حنين ضحكت:لان حمزة وحسن قاعدين معايا على السطح .

رغد:امممم عشان كدا .

لارا:يعنى عمو حسن وعمو حمزة سمعونا واحنا بنغنى يادودو ؟!

رغد:لا حنين اكيد لابسه الهدفون مش كدا .

حنين ضحكت وهزت راسها يمين وشمال .

رغد:نعم ياختى ... الله يخربيتك عالبيت اللى جمب بيتك ياحنين .

حنين ورهف بيضحكو عليها .

رغد بصت لرهف:اضحكى اضحكى ما انتى قاعده صامته مش بتتكلمى .... انا ماشيه وسيباكو .

رغد خرجت من الاوضه والبنات لسه بيضحكو عليها .

رهف:هتاخدى الكيك ازاى يانونه .

حنين وهى لسه بتضحك:هبعت حد ياخدها اهو ... ومرسي يارهف بجد .

رهف:دى حاجه بسيطه عشان خاطر عيونك انتى وهدهد .

حنين بعتتلها بوسه فى الهوا:تسلملى عيونك ياقمرايه انتى .... يلا يا لارا روحى نامى وبكرا نكمل مذاكرة .

لارا:اوكى باى .

حنين:تصبحو على خير .

رهف:تلاقى الخير يانوناا .

حنين قفلت وبصت لشباب اللى كانو مركزين معاها اوى:مبسوطين انتو مش كدا ؟!

حسن:انا نازل انام .

حنين:ماشي ياابو على .... زومه ممكن تروح تجيبلى الكيك منها .

حمزة:طبعا ياقلب زومه انتى .

حمزة نزل وحنين بعتت مسدج لرهف انها بعتت حمزة ياخد الكيك .

ـــــــــــــــ★ــــــــــــــ

فى بيت الشهاوى

رهف دخلت الاوضه كانت رغد بتتكلم فى الفون .

رهف:رغد حنين بعتت ان حمزة ابن عمها هيجى ياخد الكيك انزلى اديه ليه لو سمحتى .

رغد:انا بكلم مها يارهف معلش نزليها انتى .

رف اتوترت هى بتحاول تتجنب حمزة من وقت مااعترفلها بمشاعره .

رهف لبست الاسدال واخدت الصنيه ونزلت كان حمزة واقف وضهره للباب ولما سمع الباب بيفتح لف وابتسم لما شافها قدامه باسدالها الابيض وكانها ملاك رقيق .

حمزة قرب عليها كام خطوه عشان هى متخرجش برا البيت ورهف كانت متوترة جدا:ازيك يارهف ؟

رهف:الحمدلله اتفضل الكيك .

حمزة اخدها منها:ريحتها تجنن الصراحه تسلم ايدكى .

رهف ابتسمت ومردتيش عليه .

حمزة:شكلى كدا هاكلها فى الطريق من جمال ريحتها .

رهف ابتسمت:بالف هنا .

حمزة:ادخلى يلا واقفلى الباب .

رهف:حاضر ... تصبح على خير .

حمزة:وانتى من اهله يارهف .

رهف دخلت وقفلت الباب وحمزة ابتسم ومشي .

وراح البيت كانت حنين مستنياه واكلو كيك سوا وكان معاهم هدى وكان طعمها حلو جداا وحنين طلعت قطعه لحسن وبعدها الكل نامووو .

ـــــــــــــــ★ــــــــــــــ

تانى يوم رغد نزلت من البيت وكان حسن مستنيها زى ماقالها الحاج محمود عشان يفرجها على الشقه اللى هيعملوها عياده فى الحارة .

الشقه كانت فى نفس البيت اللى فيه ورشه البطل .... لان الدور الاول كان الورشه والدور التانى معرض للاثاث والدور التالت كان فى شقه مقفوله .

رغد:صباح الخير ياحسن .

حسن:صباح النور يادكتورة ... اتفضلى معايا .

رغد مشت معاه وطلعو البيت وشافت المعرض .

رغد:ماشاء الله انتو بتعرضو شغلكو هنا ؟!

حسن:ايوا عشان الزباين يطلعو يتفرجو ويختارو اللى يناسبهم ..... الشقه فوق فى الدور التالت .

رغد:عمو محمود قالى .

رغد طلعت مع حسن اللى فتح الشقه وكانت كلها تراب لانها مقفوله من فترة .

حسن:كل ده هيتنضف وهيتعمل اللى انتى عايزاه اكيد .

رغد بدات تتفرج على الشقه اللى كانت عبارة عن صاله كبيرة و٣ اوض ومطبخ وحمام .

رغد:ماشاء الله الشقه كبيرة ومناسبه جداا .

حسن:من بكرة هجيب ناس ينضفو وبعدها هخلى حد يدهنها وتشوفى انتى عايزة ايه تانى .

رغد:لا التنضيف سيبه عليا انا وحنين ورهف اتفقنا ننضفها سوا .

حسن:بس الشقه كلها تراب هتتعبو فيها .

رغد:اهو هنسلى وقتنا بدل ماحنا قاعدين فاضين كدا .

حسن:وتحبي دهان الحيطان يبقي لونه ايه ؟!

رغد:مش عارفه ممكن ابيض او بيبي بلو عشان عياده بقي وكدا .

حسن:تمام .

فون رغد رن وكان مؤمن

رغد بصت لحسن:معلش هرد على الفون .

حسن:اتفضلى .

رغد ردت على الفون:صباح الخير يامؤ .

مؤمن:صباح النور ... ده ايه النشاط ده من الصبح !!

رغد ضحكت:صحيت من بدرى كالعاده ونزلت عشان اشوف الشقه اللى هنعملها عياده فى الحارة .

مؤمن:شايفك فرحانه انك هترجعى تشتغلى تانى ؟!

رغد:جدا الصراحه .... روحت الشركه ؟

مؤمن:ايوا وكان فى اجتماع مهم بس غريبه فاروق وابنه محضروش .

رغد:ليه هما فى الشركه ولا ؟!

مؤمن:لا محدش فيهم ظهر .

رغد:معقول فؤاد يكون قاله !

مؤمن:مش عارف ... ممكن تسالى محمد اذا كان فؤاد جه المستشفى ولا لأ .... لان اكيد هيكون معاها عشان يعرفهم الطريق .

رغد:صح طب اقفل وانا هكلمه باى

مؤمن:باى .

رغد قفلت وكان حسن واقف فى بلكونه الصاله بس مركز مع كل كلمه بتقولها .... رغد رنت على محمد اللى رد عليها.

رغد:صباح الخير يامحمد .

محمد:صباح النور يارغد ... عاملين ايه ؟

رغد:بخير يامحمد ... بقولك هو فؤاد جه النهارده المستشفى ؟!

محمد:ايوا موجود من بدرى وبيجهز للعمليه .... فى حاجه يارغد؟!

رغد:لا بس فاروق وابنه مروحوش الشركه وده خوفنى بس .

محمد:حتى لو ماروحوش الشركه تخافى ليه ؟!

رغد حكت لمحمد ان فؤاد شافها فى الحارة .

محمد:ولما هو شافك يارغد ازاى تفضلى عندك لازم تمشي .

رغد:طب هنمشي من الحارة نروح فين ؟!

حسن كان سمعها هو مش متخيل انها ممكن تبعد عنه .

محمد:اى حته يارغد .

رغد:مش عارفه يامحمد انا خوفى كله على رهف انا اقدر اقف فى وش فاروق وابنه بس رهف تبقي بعيد عن الموضوع كله .

محمد:وهتعملى ايه الوقــ

قطع كلام محمد لما باب مكتبه اتفتح ودخل فاروق ومحمد نزل الفون بسرعه .

محمد:اهلا فاروق بيه نورت المستشفى .

رغد قلبها دق معقول سمع كلام محمد .

فاروق:رغد بنت اخويا فين يامحمد ؟!

محمد:اللى اعرفه ان انسه رهف اختها نفسيتها تعبانه وهما سافرو يغيرو جو وهى رجعت من كام يوم عشان تحضر فرح واحده صاحبتها فى اسكندريه وسافرو تانى .

فاروق:سافرو برا مصر يعنى؟!

محمد:معنديش علم بالمكان يافاروق بيه الصراحه .

فى الوقت ده كانت رغد بتسمع كلامهم وحسن دخل وقرب منها:دكتورة رغـــــ

رغد شاورتله انه يسكت:هشششش

حسن استغرب وحس انها خايفه من حاجه ورجعت تسمع تانى .

فاروق:يعنى انت مش بتكلمها خالص ؟!

محمد:لا انا ببعتلها تقارير المستشفى على ايميل بتاعها بس .

فاروق قام وقف:تمام يادكتور وياريت لو عرفت هى فين تعرفنى .

محمد:اكيد يافاروق بيه نورت .

فاروق خرج من المكتب وقفل الباب .

رغد:مشي يامحمد ؟!

محمد قام وبص من الشباك وشاف فاروق خارج من المستشفى:ايوا يارغد .

رغد:معقول سمعك وانت بتكلمنى !

محمد:معتقدش اهدى انتى ومتخافيش من حاجه .

رغد:تمام يامحمد وبلاش اى حد من المستشفى يعرف انك بتتواصل معايا .

محمد:محدش يعرف غير مها وفؤاد

رغد:تمام سلام يامحمد .

محمد:سلام

رغد قفلت وبصت لحسن اللى بيبصلها باستغراب:انا اسفه انى سكتك بالطريقه دى .

حسن:ولا يهمك بس فى مشكله ولا حاجه ؟!

رغد:لالا هى مشكله فى المستشفى بس مش اكتر .... انا هنزل وهابقي اتفق مع البنات ونيجى ننضف الشقه .

حسن:تمام .

رغد نزلت بسرعه وراحت على البيت وحسن كان شايفها من الشباك وافتكر كلامها مع مراد وان حياتها هى واختها فى خطر بسبب عمها وابنه .

واقسم بينه وبين نفسه انه مستحيل يسمح لحد يأذيها او يمس شعره منها هى واختها ........

رغد ورهف دخلو اوضتهم بعد ماكل واحده اخدت شاور عشان يرتاحو من ضغط اليومين اللى عدو عليهم .

رهف نايمه جمب رغد على السرير الصغير:رغد .

رغد بصتلها:نعم !

رهف بصتلها:هو انتى بجد اتجوزتى حسن ؟!

رغد:ايوا يارهف كتبنا الكتاب .

رهف قامت قعدت:طب احكيلى حصل ازاى وايه اللى وصلكو للقرار ده ؟!

رغد قامت قعدت وسندت ضهرها على السرير:ماشي هحكيلك .

•• فلاش باااااك ••

بليل رغد كانت قاعده لوحدها فى الصاله بعد مارفضت انها تروح مع هدى البيت .

حنين فضلت معاها بس دخلت عشان تنيم لارا فى الاوضه .

رغد دموعها مش بتنشف ودماغها عماله تودى وتجيب ومش عارفه هتعمل ايه فاقت على صوت جرس الباب .

حطت طرحه الاسدال اللى هى لسه لابساه من الصبح وراحت فتحت اتفاجأت بحسن قدامها واستغربت لان الوقت متاخر .

رغد باستغراب:خير ياحسن فى حاجه ؟!

حسن بجديه:تتحوزينى يارغد ؟

رغد اتصدمت من طلبه:نعم !

حسن:بقولك تتجوزينى يارغد ؟

رغد:انت جاى تهرز فى نص الليل ياحسن ده وقته بجد !!

حسن:ودى حاجه نهزر فيها بردو انا جاى بطلب ايدك للجواز ... هنكتب الكتاب وبكرة هتروحى اختك والحيوان اللى اسمه مازن مش هيقدر يقرب منك ... اكيد يعنى مش عايزة تتجوزيه ولا ايه ؟

رغد فكرت فى كلامه هو كلامه صح بس اكيد مش عايزة تتجوز بطريقه دى .

رغد فاقت على صوت محمود:بتفكرى فى ايه يابنتى ؟

رغد باستغراب:عمو محمود !!

محمود:تعالى يابنتى ندخل ونتكلم .

رغد دخلت ومحمود وحسن واتفاجأت بهدى كمان معاهم .

حنين خرجت من الاوضه:فى ايه هو حصل حاجه ؟!

محمود بص لرغد:اى جاى وبطلب ايدك لجواز يارغد لابنى حسن .

حنين بصت لحسن بصدمه ومش مصدقه ده بجد ولا هى بتحلم:ده بجد ده ؟!

هدى:اسكتى انتى يابت .... بصى يارغد يابنتى احنا مكناش قادرين ننام من كتر التفكير وفكرنا لو انتى اتكتب كتابك على حسن اكيد ابن عمك كش هيقدر يجبرك تتجوزيه ولا ايه ؟؟

الباب خبط وحسن فتح وكان مؤمن ومعاه المأذون .

رغد:مؤمن !!

مؤمن:حسن كلمنى وقالى وانا جبت المأذون اهو مافيش وقت لتاخير يارغد واظن ده انسب حل ولا ايه ؟!

رغد:انتو بتقولو ايه ياجماعه انتو خططو وجايين تنفذو بدون علمى كمان .

محمود:ماحنا جايين وبناخد رايك اهو يابنتى .... ولو انتى فكرتى هتلاقى ان مافيش حل غيره ... صح ؟؟

رغد فكرت هو صح حل مناسب جداااا وبكدا مش هتتجوز مازن .

هدى:السكوت علامه الرضا يلا يامولانا اكتب الكتاب .

رغد بصتلها ورجعت بصت لحسن والصدمه لسه على وشها .

حنين:هتبقي مرات اخويا يادودو انا فرحانه اوى .

هدى قامت من مكانها واخدتها عشان تقعد جمب محمود والمأذون بدا يكتب الكتاب والباب خيط وكان حمزة ومعاه محمد عشن يبقو شهود

رغد كانت بتبص للكل بصدمه هى اه معجبه بشخصيه حسن جدااا بس مش متخيله انها تتجوز بطريقه دى ... بس هى اهم حاجه عندها تنفذ اختها من فاروق ومازن .... وكانت بتمضي وهى مغيبه ومش سامعه ولا حاسه باى حاجه بتحصل حوليها .

رغد فاقت على الجمله الشهيرة للمأذون "اللهم بارك لكما وبارك عليكما وجمع بينكم فى خير "

هدى:كان نفسي ازغرط بس الوقت متاخر .

هدى قامت وحضنت رغد والكل بارك ليهم وكل ده ورغد مش بتنطق ولا مستوعب اللى بيحصل .

محمود طبطب عليها:ادخلى يابنتى ارتاحى عشان هتصحى من بدرى وبلاش تفكرى كتير ... واحنا هنمشي بقي .

حسن وحمزة وهدى ومحمود مشو .

ورغد قعدت على الكنبه وعيطت ومؤمن قعد جمبها:صديقى يارغد لما حسن كلمنى وقالى انا فرحت لان حسن راجل وابن اصول وكمان هى دى الطريقه اللى هنقدر نوقف بيها مازن وفاروق .... الف مبروك ياحبيبتى .

رغد زى ماهى قاعده بتعيط ومؤمن دخل عشان ينام وحنين قعدت جمبها بتحاول تخفف عنها واتكلمت معاها كتير عشان تهديهااا .

••بااااااااك••

رهف:يعنى عايزة تقتعينى ان رغد الصاوى لاول مرة حد يقدر يجبرها على حاجه هى مش عايزاها .

رغد:هما كانو معاهم حق هى دى الطريقه الصح وقدرنا نبعد شر فاروق وابنه عننا .

رهف:بصى انا بصراحه مش مصدقاكى يارغد ... انا شايفه الفرحه فى عيونك انتى حابه وموافقه على كل اللى حصل مش كدا انا عارفاكى وحفظاكى يا نصي التانى.

رغد ابتسمت:انا مش هنقر انى معجبه بشخصيته جدااا .... تعرفى انه بيفكرنى بـ بابا اوى ورغم انه مكانش يعرف اى حاجه باللى بتحصل معانا بس كنت بحس بالامان مجرد وجوده معانا فى الحارة بس .

رهف ابتسمت وحضنتها:انا فرحانه عشانك اوى يارغد .... مبروك ياقلب اختك .

رغد:الله يبارك فيكى يا نصي التانى .

رهف:انتو متكلمتوش خالص من وقت كتب الكتاب ؟!

رغد:لا ... بس هو نظرته غريبه تحسي انه مش فرحان باللى حصل ... تفتكرى يكون عمو محمود اجبره ؟!

رهف:حسن نفس شخصيتك تقريبا محدش يقدر يجبره على حاجه ... بس هو شخصيه جد اوى يمكن مستنى فرصه تبقو فيها لوحدكو .

رغد:مش عارفه ... بقولك ايه سيبك من كل ده يلا ننام لانى هموت وانام فى حضنك .

رهف ابتسمت:يلا ننام .

البنات نامو فى حضن بعض بعد يوم طويل كله تعب وضغط عليهم .

ـــــــــــــــــ★ــــــــــــــــ

فى القاهرة فى ڤيلا فاروق .

مازن اللى سهران وبيشرب عشان يحاول ينسي اللى حصل .

فاروق جه من وراه:انت بتعمل ايه كفايه شرب وقوم يلا نام .

مازن:سبنى فى حالى ومحدش يتكلم معايا .

فاروق:كل ده عشان حته بت زى دى ؟!

مازن:بتقولش عليها بت دى الدكتورة رغد .... كان لازم اعرف ان رغد محدش يقدر يلعب معاها .

فاروق:انا قولتلك البت دى مش سهله انت مصدقتنيش .

مازن:بس انت مش هسكت على اللى حصل واكيد هرد عليها ورد قوى كمان ... اصبرى يارغد اصبرى .

فاروق شد مازن:قوم معايا يلا اطلع اوضتك ونام .

مازن قام مع ابوه وطلع اوضته واترمى على السرير ونام وهو بيردد اسم رغد .

فاروق:حسابك بيتقل يارغد ووعد منى مش هعدى اللى عملتيه معايا انا وابنى .

فاروق خرج من اوضه مازن وقفل الباب وراح على اوضته عشان ينام .

ـــــــــــــــــ★ــــــــــــــــ

صباح تانى يوم

رغد صحت وابتسمت لما شافت رهف نايمه فى حضنها وباستها من خدها .

رهف ابتسمت لما حست باختها:صباح الخير .

رغد:صباح الخير ياقلب اختك .... يلا قوم عشان نحضر الفطار لان مؤمن هيسافر بدرى .

رهف:هنصلى الاول يلا .

رغد:يلا .

البنات قامو صلو وراحو المطبخ حضرو الفطار وفى الوقت ده مؤمن خرج من الاوضه ومعاه لارا وفطرو سواا ومؤمن قام يجهز عشان يسافر .

بعد شويا مؤمن نزل وكان معاه رغد اللى جهزت عشان تروح العياده.

ام فرح اول ماشافتها ابتسمت بحب وقربت عليها وحضنتها:الف مبروك يارغد يابنتى .

رغد استغربت هى عرفت منين:الله يبارك فيك ياام فرح ... بس انتى عرفتى منين .

ان فرح:من محمد جوز فرح مش هو كان شاهد فى كتب الكتاب .

رغد ضحكت:صح صح كنت ناسيه .

مؤمن:انا همشي انا بقي يارغد .

رغد:خد بالك على نفسك يا مؤ .

مؤمن شاف حسن خارج من الورشه وكلمه بصوت عالى:صباح الخير يابطل .

حسن قرب منهم:صباح النور يامؤمن ... انت مسافر ؟

مؤمن:ايوا مش هوصيك بقي على اخواتى .

حسن:متقلقش عليهم .

مؤمن:يلا همشي انا بقي يادودو .

رغد:ماشي ياحبيبي وابقي طمنى ايه الاخبار .

مؤمن:حاضر .

مؤمن ركب عربيته ومشي ورغد بصت لحسن اللى ساكت:انا هطلع العياده .

حسن:استنى يادكتورة .... الحاج جوا وكان عايزاك .

رغد ابتسمت:عمو محمود هروح اشوفه .

رغد دخلت الورشه وقابله حمزة اللى ضحك لما شافها:اهلا اهلا بمرات اخويا .

رغد ضحكت:اهلا اهلا ياحمزة ... عمو محمود فى المكتب ؟

حمزة:ايوا جوا اتفضلى .

رغد:شكراا .

رغد دخلت المكتب:صباح الورد والياسمين ياعمو .

محمود ابتسم:صباح الجمال يابنتى ... تعالى اقعدى .

رغد قعدت:حسن قالى ان حضرتك عايزنى .

محمود:ايوا يابنتى .... انا كنت عايز اتكلم معاكى بخصوص كتب كتابك على حسن ومش عايزك تكونى مضايقه اننا فكرنا كدا ولا تفكرى اننا اجبرناكى ولا حاجه .

رغد:بالعكس ياعمو انتو ساعدونى ارجع اختى لحضنى وانى متجوزش مازن وقدرنا نرجع هنا تانى بدل مانفضل تحت رحمته هو وابوه .

محمود:والله يابنتى انا ليله اللى حصل دماغى فضلت تودى وتجيب وبحاول الاقى حل باى طريقه لحد ما وصلت للحل ده ولما اتكلمت مع حسن هو وافق وكلم مؤمن عشان يجى وهو كمان رحب وجينا ليكى وقتها .

رغد ابتسمت:مش عارفه اشكركو ازاى ياعمو ربنا يخليكو ليا انا بجد حاسه انى فى وسط عيلتى .

محمود:يعلم ربنا يابنتى انى بعتبرك انتى واختك زى حنين بنتى والله .

رغد:ربنا يباركلنا فى عمرك ياعمو ويخليك لينا يارب .

محمود:تسلمى من كل شر يابنتى .

رغد:انا هطلع بقي العياده لانها بقالها يومين مقفوله .

محمود:اطلعى يابنتى .

رغد خرجت من المكتب وابتسامه اختفت من على وشها واتكلمت فى نفسها:معقول عمو محمود اللى طلب منه يتجوزنى يعنى مش هو اللى طلب يتجوزنى زى ماكنت مفكرة !

رغد فاقت لما خبطت فى حد وبصتله كان حسن اللى بصلها اوى:انتى كويسه يادكتورة ؟!

رغد:كويسه عند اذنك .

حسن استغربها وعينه كانت عليها لحد ماخرجت من الورشه .

رغد طلعت السلم وهى بتكلم نفسها:دكتورة دكتورة ده حتى مش بينادى عليت باسمى اوووووف .

رغد وصلت العياده كانو البنات فاتحين واول ماشوفها فرحوو وباركو ليها .

رغد:بجد انا بحبكو اوى ... اكيد فرح اللى قالتلكو صح .

فرح:صح بصراحه لما محمد قالى الفرحه ماكنتش سيعانى لان انتى وحسن طيبين وتستاهلو كل خير .

رغد:حبيبتى يااحلى عروسه ... مع ان المفروض محمد يقتلنى لانى اخداك منه .

فرح ضحكت:ماهو طول اليوم فى الورشه وبنروح سوا .

رغد:ربنا يسعدكو يارب .

رغد بصت لرحمه وايه وسارة:وافرح بيكو انتو كمان بقي .

سارة:يارب يا دكتورة يارب .

رحمه ضحكت:معلش يادكتورة اصلا واقعه فى الحب من الدور العاشر .

البنات كلهم ضحكو .

رغد:ربنا يفرح قلوبكو يارب .

البنات:يارب .

رغد:يلا كل واحده على شغلها مش كفايه بقالنا يومين مش شغالين .

رغد دخلت مكتبها والبنات راحو يظبطو كل حاجه عشان العياده تبقي جاهزة فى استقبال الحالات .

ـــــــــــــــــ★ــــــــــــــــ

فى بيت البطل .

هدى واقفه فى المطبخ بتجهز الاكل وحنين كانت بتعطى دروس للولاد على السطح .

اولفت وعزة دخلو المطبخ وهما الفضول هياكلهم نفسهم يعرفو هدى والحاج ومحمود كانو بيعلمو ايه عند رغد ورهف .

(طبعا هما لسه مش عندهم علم بموضوع كتب الكتاب ).

اولفت:اومال ياحاجه انتو كنتو فين امبارح واوله بليل .

هدى من غير ماتبصلها:بتسالى ليه يااولفت ؟!

اولفت:لا قلبي بس كان متوغوش عليكو مش اكتر قولت اطمن بس .. ورنيت عليكى مردتيش عليا .

هدى:لا طمنى قلبك يااولفت كل الحكايه ان رهف كانت اخده دور برد شديد شويا وروحت انا والحاج وحنين نطمن عليها وحنين باتت معاهم مش اكتر .

عزة بسخريه:اممم لا سلامتها يا عمتى .

هدى:الله يسلمك ياعزة ... تعالى بقي قطعى الخضار ده اديكى شايفه انا بجهز باقى الاكل وحنين فوق بتدى دروس للعيال .

اولفت:لا معلش ياحاجه اصل انا وعزة رايحين مشوار وجايين .

هدى بصتلها لاقيتهم لابسين وجاهزين للخروج:طريق السلامه ياختى .

اولفت وعزة خرجو وهدى اتنهدت بضيق:استغفر الله العظيم وانا اللى كنت عايزة ابنى يتجوز بنتها العقربه .... ربنا يبعدهم عننا.

ـــــــــــــــــ★ــــــــــــــــ

عندرهف نزلت من البيت وكانت راحه لرغد العياده .

حمزة شافها وهى ودخله البيت وطلع وراها .... ورهف اتخضت اتفاجت بحد بيشدها من دراعها ودخلها المعرض.

حمزة ساب دراعها:اهدى يارهف ده انا حمزة .

رهف حطت ايدها على قلبها:حرام عليك حد يخوف حد كدا .

حمزة ابتسم:انا اسف والله ... بس كنت عايز اتكلم معاكى ولما شوفتك داخله البيت جيت وراكى .

رهف بصت على المعرض:بس ماينفهش نفضل هنا لوحدنا لو سمحت عشان محدش يشوفنا .

حمزة:اهدى يارهف مافيش حد فى المعرض .... وانا عارف انه مايصحش بس انا كنت هتنجنن عليكى بعد اللى حصل وماكنتش عارف اتكلم معاكى والكل موجودين .

رهف كانت متوترة من وجودهم سوا ووشها فى الارض .

حمزة:رهف انا مش هتستنى اكتر من كدا ... انا النهارده هكلم رغد وهطلب ايدك منها وبعدها هجيب عيلتى ونيجى نتقدم .

رهف وشها بقي عبارة طماطمايه من الخجل .

حمزة ضحك:يابنتى اهدى انتى احمريتى ليه كدا ده انا بقولك هاجى اتقدم بس .

رهف:انا لازم امشي لو سمحت.

حمزة:بس لحظه بس ..... عايز اعرف رايك اجى اتقدم بقلب جامد يعنى ولا ايه ؟!

رهف وشها فى الارض ومش بتتكلم .

حمزة:ونبي حنى عليا وردى يارهف اجى اتقدملك موافقه تكملى باقى حياتك معايا ؟؟

رهف فضلت ساكته وحمزة هيموت ويعرف رايهاا ايه .

حمزة:موافقه يارهف ولا لأ ؟!

رهف ابتسمت وهزت راسها باه .

حمزة:يادين النبى ده انا قلبي كان هيقف من الخوف الله يسمحك .

رهف ضحكت وهى وشها فى الارض:انا هطلع لرغد .

حمزة:اتفضلى .

رهف خرجت من المعرض وطلعت لرغد بسرعه وحمزة نزل وكان طاير من الفرحه .

ـــــــــــــــــ★ــــــــــــــــ

رهف دخلت العياده كانت رغد قاعده لوحدها بعد البنات ما مشو .

رغد شافتها:مالك يارهف انتى كويسه ؟!

رهف:ايوا كويسه بتسالى ليه ؟!

رغد:اصلك متوترة ووشك احمر حد ضايقك وانتى جايه .

رهف:لا والله انا كويسه .... كنت زهقانه قولت اجى اقعد معاكى شويا .

رغد:اومال لارا فين ؟!

رهف:حنين جتلها وبيذاكرو .

رغد:طب اقعدى عندى شويا شغل هخلصه ونمشي سوا .

رهف:هقف فى البلكونه .

رغد:اوكى .

ـــــــــــــــــ★ــــــــــــــــ

حمزة دخل الورشه وكان طاير من الفرحه ودخل لحسن المكتب:واقفت يامعلم وهتقدملها اخيراااا.

حسن باستغراب:دى مين دى اللى واقفت ؟!

حمزة:ما تفتح دماغك معايا يابطل هتكون مين يعنى رهف .

حسن:وانت شوفتها فين ؟!

حمزة:كانت طالعه لرغد واتكلمت معاها .

حسن:المفروض انى اصدق ان رهف اللى ردت وقالتلك موافقه !!

حمزة:ياعم دى طلعت عينى على ما ردت وكانت هتموت من الكسوف .

حسن:وناوى على ايه الوقت ؟!

حمزة:هكلم رغد واقول للحاج ونروح نتقدملها.

حسن:ربنا يفرح قلبك ياصاحبي .

حمزة:تسلم يابطل ... انت متكلمتش مع رغد ابدا .

حسن:لا ماجيتش فرصه واعتقد انها وافقت عشان تنفذ اختها مش اكتر .

حمزة:معتقدش ان رغد من النوع اللى حد يجبرها على حاجه يابطل .... اتكلم معاها وقولها على مشاعرك واعملو فرحكو معانا يامعلم .

حسن ضحك:انت وصلت لمرحله الفرح مرة واحده طب قول لما رغد توافق بس الاول .

حمزة:ونبي اسكت ده انا مش خايف غير منها .

حسن ضحك وحمزة كمان .......

الفصل الثاني والعشرون22

فى بيت الشهاوى .

حنين كانت بتذاكر لـ لارا ورغد ورهف لسه فى العياده .

قامت تفتح لما سمعت صوت جرس الباب واتفاجات بمؤمن قدامهاا .

مؤمن:ازيك يا حنين؟

حنين:بخير الحمدلله اتفضل .

مؤمن دخل وحنين فضلت واقفه وفاتحه الباب .

مؤمن بص فى الشقه مش شايف حد من البنات:اومال هما فين ؟!

حنين:لارا جوا فى الاوضه كنا بنذاكر سوا ورهف راحت لرغد العياده ولسه مرجعوش .

مؤمن:انا عارف اننا تعبناكى معانا بسبب دروس لارا .

حنين:لا ابدا مافيش ... وبعدين لارا ماشاء الله عليها شاطرة ومش بتتعبنى خالص .

لارا خرجت تشوف حنين اتاخرت ليه وفرحت لما شافت مؤمن وجرت عليه بفرحه:بابي وحشتنى .

مؤمن اخدها فى حضنه:وانتى وحشتينى جدا يالولتى .... عامله ايه فى المذاكرة ؟

لارا:نونا دايما بتقولى انى شطورة جداا .

مؤمن بص لحنين وابتسم:والبركه فى مس نونا بردو ولا ايه؟!

لارا:صح انا اصلا بحبها جداا وعايزة افضل معاها علطول .

مؤمن لاحظ ان حنين واقفه على الباب:ادخلو كملو مذاكرة وانا هنزل استنر رغد تحت .

حنين:لا احنا اصلا خلصنا وكدا كدا كنت ماشيه اتفضل انت وانا هنزل .

مؤمن:طب تعالى هوصلك .

حنين:مالوش لزوم والله انا هنزل لحسن او حمزة وهما هيوصلونى .

مؤمن:بردو هنزل معاكى وبالمرة اطلع لرغد ورهف .

حنين:حاضر .

مؤمن:اتفضلى .

حنين نزلت ولارا معاها ومؤمن نزل وراهم وخرجو من البيت وكان حمزة واقف على باب الورشه ولما شافهم قرب منهم .

حمزة:ازيك يامؤمن ؟!

مؤمن سلم عليه:بخير ياحمزة طمنى عليك وعلى البطل ؟

حمزة:بخير الحمدلله .... اصلا بالصغنن اللى وحشانى .

لارا ضحكت وحضنت حمزة:انا كويسه يازومه .

مؤمن ابتسم على حب العيله دى لبنته .

لارا:بابي انا عايزة ايس كريم ممكن ؟

مؤمن:تعالى نروح نجيب على ما البنات ينزلو .

حمزة:يلا يانوناا تعالى اروحك .

حنين:يلا .

حمزة راح وصل حنين ورجع وشاف رهف ورغد نازلين من العياده .

حمزة:يادكتورة .

رغد بصتله:اهلا ياحمزة .

رهف كانت محروجه جدا منه

حمزة:كنت عايزك فى موضوع كدا ممكن ؟!

رغد:اه اكيد اتفضل .

حمزة:تعالى جوا الورشه اكيد مش هنتكلم فى الشارع .

رغد:طب تعالى يارهف ندخل .

رهف اتوترت:لا انا هطلع البيت روحى انتى .

رغد استغربتها:حاضر اطلعى .

رهف طلعت ورغد دخلت مع حمزة المكتب وكان حسن قاعد بيشوف صور الشغل الجديد .

حمزة:اتفضلى يارغد .

رغد دخلت قعدت وحسن بصلها اوى وحمزة قعد قدامها ورغد كانت مضايقه من تجاهل حسن ليها وقررت تتجاهله هى كمان .

رغد:خير ياحمزة موضوع ايه اللى عايزنى فيه ؟!

حمزة:بصى انا مش بحب اللف ودوران بحب ادخل فى الموضوع على طول يارغد .

رغد:تمام ياحمزة ادخل فى المهم علطول .

حمزة:انا طالب ايد رهف اختك .

رغد بصتله بصدمه وبصت لحسن:هو قال طالب ايد اختى .

حسن هز راسه باه .

رغد بصت لحمزة:فجأه كدا يعنى عايز تتقدملها .

حمزة:لا مش فجاه انا معجب بيها تقريبا من اول مرة شوفتها وطلبت من عمى محمود اننا نيجى ونتقدم عشان يبقي كل حاجه رسمى وهو طلب منى نستنى شويا لما نشوف انتو هتستقرو هنا ولا هتسافر القاهرة تانى .... بس بعد اللى حصل مع رهف وخطفها كنت هموت من الخوف عليها وعايز اتقدملها ووقتها مستحيل اخلى حد يقرب منها ولا يمس شعره منها .

رغد فرحت بكلامه وخصوصا انها شايفه حبه الكبير لرهف بس حاولت تكون جد شويا لما افتكرت جوازها من حسن وانه اتجوزها عشان يحميها واتكلمت بضيق :يعنى عايز تفهمنى ياحمزة انك هتتجوز اختى عشان تحميها يعنى هتعمل زى مااخوك عمل صح ؟!

حسن بص لرغد اوى وكان حاسس انها مضايقه من حاجه .

حمزة:لا يا رغد انا قولتلك انا معجب بيها وبحبها ولو ماكنش الحاج قالى نأجل شويا كان زمانى خاطبها من زمان .

رغد:وانا ايه اللى يضمنلى ان اختر هتكون سعيده معاكى .

حمزة:ياستى وافقى انتى بس وانا هخليها ملكه على عرش قلبي .

رغد:الكلام حلو ياحمزة وسهل على فكرة المهم التنفيذ .... وانا ماعنديش حد اهم من رهف فى حياتى دى روحى ونصي التانى ياحمزة واتمنى انها تعيش احسن حياه وتكون مبسوطه وسعيده دايما لان رهف طيبه جداا وتستاهل كل خير .

حمزة:انتى محسسانى انى الرجل الاخضر يارغد بقولك بحبها والله ياستى .

رغد:ماشي ياحمزة هتيجى تتقدم امته ؟

حمزة:بكرة .

رغد:بسرعه دى !!

حمزة:وحياتك لو كنا بدرى شويا كنت جيت النهارده بس الصبر حلو .

رغد:طب مش اسالها الاول يمكن مش موافقه .

حمزة:لا موافقه انا سالتها قبل مااكلمك .

رغد:كلمت مين يابابا ؟!

حمزة:سالت رهف عشان اجى اتقدم بقلب جامد فيها ايه دى!!

رغد:لا فيها يابابا وفيها كتير كمان لما تحب تتقدم لبنتنا تدخل من الباب ياحمزة مش من الشباك .

حمزة:شباك ايه هو انا حرامى يارغد الله .

رغد ضحكت:بس افرض انا رجعت القاهرة اختى مش هتبعد عنى ياحمزة .

حمزة:وانتى هتروحى القاهرة ليه مانتى اتجوزنى حسن خلاص يعنى هتعيشي فى بيت البطل وهتبقي جمب اختك .

رغد بصت لحسن اللى عينه عليها ورجعت بصت لحمزة:ماشي ياحمزة هستناكو بكرة .... ومتنساك دانت هابقي حماتك .

حمزة:والله ما فى حاجه مخوفانى غير انك حماتى .

رغد:وياريت تجيب معاك شوكلت نوع غالى ونضيف وده هتكون ليا على فكرة ... رهف مش هتاخد منها .

حمزة:ده انا اجيب لرهف محل لوحدها ولا تزعلى نفسك .

رغد ضحكت:ماشي ياحمزة ..... انا همشي انا بقي ... سلام

حمزة:سلام ياحماتى .

رغد خرجت وحمزة بص لحسن:واخيرا ياعم هدخل دنيا .

حسن ضحك على صاحبه وكلم شغل .

ـــــــــــــــ★ـــــــــــــ

رغد طلعت البيت كان مؤمن جاب الايس كريم ورجع مع لارا .

رغد:مؤمن انت جيت امته ؟

مؤمن:جيت من شويا وروحنا جبنا ايس كريم انا ولولى .

رغد:اومال حنين فين؟

مؤمن:مشت لما انا جيت .

رهف كل ده بتحاول تشغل نفسها باى حاجه وبتبعد نظرها عن رغد اللى متابعاها .

رغد:مؤمن كويس انك جيت بات معانا بقااا لان بكرة فى ضيوف جاين لينا .

مؤمن:ضيوف مين؟

رغد:عيله البطل هايجو يتقدمو لرهف .

رهف كلنت هتموت من الكسوف وقامت وقفت:انا هدخل المرسم .

رغد قامت وحضنتها من دراعها:استنى بس مش ناخد رايك ياعروسه !!

مؤمن:قصدك حمزة هو اللى هيتقدم لرهف .

رغد:ايوا كلمنى وبكرة هيجيب العيله وهيجو يتقدمو .

مؤمن:حمزة شاب كويس ومحترم واكيد هيصون رهف .

رغد:استنى بس يامؤمن نشوف راى العروسه ... اصل انا قولته لو رهف مش موافقه هقوله مايتعبش نفسه ويجى .

رهف كانت متوترة ومكسوفه ومش عارفه تعمل ولا تقول ايه .

مؤمن:رايك ايه يارهف اكيد محدش هيجبرم على حاجه ؟

رغد:قولى يارورو رايك .... موافقه .

رهف:مش عارفه .

رغد:يبقي مش موافقه صح .

مؤمن ضحك هو عارف ان رغد بضايقها وباين على رهف انها موافقه من كسوفها:ما تهمدى شوية يارغد سيبى البت براحتها .... قلب اخوها موافقه مش كدا .

رهف ابتسمت بكسوف ورغد حضنتها بحب:مش متخيله انك هتبقي عروسه وهتبعدى عن حضنى يارهف .

رهف حضنتها ومؤمن قام من مكانه وحضنهم هما الاتنين .

ــــــــــــــــ★ــــــــــــــــ

فى بيت البطل .

محمود:على خيره الله يابن ورهف بنت مؤدبه ومافيش منها اتنين .... جهزو نفسكو بكرة هنروح نتقدملها .

حمزة باس ايد محمود:ربنا يخليك لينا ياحاج .

هدى:الف مبروك ياحبيبي ربنا يتمملك على خير يارب .

حمزة باس راس هدى:الله يبارك فيك ياهدهد .

حنين:مبروك يازومه .

حمزة:الله يبارك فيك يانونا ... عقبال فرحتنا بيكى .

حنين:جهز نفسك بقي فستان الخطوبه والفرح على حسابك ده انا هابقي اخت العريس .

حمزة:احلى فساتين لاحلى اخت عريس فى الدنيا .

محمود:انا هطله ارتاح شويا فوق .... تصبحو على خير .

الكل:تلاقى الخير ياحاج .

اولفت وعزة كانو قاعدين على اخرهم هما اصلا مش بيحبو رهف ورغد .

اولفت:هما مش البنات دول جاين هنا كان يوم وهيرجعو القاهرة تانى .

هدى:حتى لو رجعو البنات دى مافيش زيهم ربنا يبعد عنهم العين الوحشه ..... وبعدين انا مش هلاقى احسن من البنات دول لولادى .

عزة بصت لامها بصدمه .

اولفت:ليه هو حسن كمان هيخطب اختها ولا ايه ؟؟

هدى:ياختاااى عليا ازاى نسيت اقولكو مش حين كتب كتابه على الدكتورة رغد .

اولفت وعزة اتصدمو من كلام هدى .

اولفت بحده:ده امته الكلام ده ؟!

حنين:من يومين يامرات خالى .

اولفت:واحنا ازاى منعرفش ياهدى .

هدى:الموضوع جه بسرعه يااولفت وكتب الكتاب كان على الضيق كان عائلى يعنى .

عزة:هو احنا مش من ضمن العيله ياعمتى !!

هدى:يقطعنى مش ده قصدى يابنتى ... بس هو جه بسرعه وملحقناش نقول لاى حد والله ... ده حتى اهب الحارة محدش فيهم يعرف .

اولفت:على العموم الف مبروك ياحسن .

حسن:الله يبارك فيك ياام عزت .

اولفت بصت لعزة بضيق:يلا نطلع ننام يابنتى .

عزة بغل:يلا يامااا .

هدى لما طلعو:الله اكبر ربنا يبعد غلكو عننا .

حنين:هما هيفضلو هنا كتير ياماما !!

هدى:ابوك بيقول البيت قرب يخلص خليهم يمشوو بقي .

اولفت وعزة كانو واقفين جمب باب الشقه وسامعين كلامهم .

اولفت فى نفسها:ماشي ياهدى انا وانتى والزمن طويل .

اولفت طلعت وبنتها وراها وهى هتموت من الغيظ من وقت ماعرفت ان حسن كتب كتابه .

ــــــــــــــــ★ــــــــــــــــ

صباح تانى يوم .

رهف ورغد ومؤمن صحو من بدرى .

رغد كلمات فرح وقالتلها لو حد جه العياده تكلمها لانها مش هتقدر تيجى .

مؤمن ورغد نزلو اشترو كل الطلبات عشان الاكل والضيافه .

ورهف اللى بدات تجهز العشاا عشان عيله البطل .

ومؤمن ساعد البنات فى ترتيب البيت .

عدى اليوم بسرعه والكل بدأ يجهز نفسه عشان عيله البطل قربت توصل .

ــــــــــــــــ★ــــــــــــــــ

رهف كانت فى اوضه واقفه قدام الدولاب مش عارفه تلبس ايه ومحتارة .

دخلت عليها رغد وهى ماسكه دريس شيك وبسيط لونه الابيض .

رغد:اتفضلى ياعروسه .

رهف:رغد ده رقيق جداا .

رغد:طبعا لازم تكونى ارق عروسه .... يلا خلينى اساعدك .

رغد ساعدت رهف تلبس وعملت ميكب بسيط جداا ولفت طرحه بنفس لون الفستان وكانت رقيقه فوق الوصف.

ورغد لبست دريس بسيط بلون الاسود مع طرحه اوف وايت وكانت جميله .

رهف:رغد انا متوترة اوى اوى .

رغد:اهدى ياقلبي ... حمزة شاب مافيش زيه وكمان عيلته كلها بتحبك واكيد هتكون. مبسوطه فى وسطهم ..... وبعدين ده الواد بيموت فيكى وقعتيه على بوزه .

رهف ضحكت بكسوف.

رغد حاضنتها وكانو بيبصو على انعكاسهم فى المرايا:وبعدين هو عنده حق فى حد يشوف القمر ده مايقعش فى حبها ..

رهف:تعرفى ايه اكتر حاجه مفرحانى ؟

رغد:ايه ياقلب اختك ؟!

رهف:ان انا وانتى اتجوزنا فى نفس البيت والعيله واننا هنفضل سوا دايماا ودى اهم حاجه عندى .

رغد حضنتها:انا بحبك اوى يارهف انتى نصي التانى اللى من غيره ممكن اموت.

رهف:بعد الشر عنك يارغد متقوليش كدا تانى لو سمحتى .

رغد:حاضر ياعيون رغد .

البنات سمعو صوت جرس الباب ورهف اتوترت .

رغد:لا ابوس ايدك اهدى كدا .... هروح افتح .

رهف:حاضر .

رغد خرجت من الاوضه كان مؤمن فتح الباب وكانو عيله البطل كلهم ومعاهم اولفت وعزة .

مؤمن ورغد استقبلوهم باحترام وقعدو كلهم فى الصاله ومؤمن جاب كراسي من السفرة عشان الكل يقعدو واتكلمو كتير .

حسن اللى عينه على رغد اللى بتتكلم مع حنين وبيضحكو وعزة متابعه كل اللى بيحصل وجواها غل اتجاه رغد .

هدى:اومال فين العروسه يارغد .

رغد:فى الاوضه ياهدهد ثوانى انادى عليها.

حنين قامت:خدينى معاكى يارغد .

رغد وحنين دخلو لرهف اللى كانت هتموت من التوتر والكسوف.

حنين:ماشاء الله انتى حلوة اوى يارهف .

رهف ابتسمت ورغد قربت منها:يلا ياقلبي الكل بيسالو عليكى برا .

رهف:هو لازم اخرج .

رغد بصت لحنين:ونبي اقولها ايه دى !!

حنين ضحكت:اهدى يارهف وبعدين مافيش حد غريب برا يلا تعالى .

رهف خرج مع البنات وحمزة تاه فى جمالها ورقتها اللى خطفت قلبه من اول يوم شافها فيه .

هدى قربت منها وحضنتها بحب:بسم الله ماشاء الله عينى عليكى باردة يابنتى زى القمر .

هدى اخدت رهف وبدات تسلم على الكل .

وقربتها من حمزة اللى قام وقف ومد ايده لرهف لبوكيه ورد بلون الاحمر ... وهدى قعدتها جمبه ورهف ابتسمت لما شافت الجمله المكتوبه على البوكيه " انا و٩٩ وردايه جايين نطلب الورده ال ١٠٠ ♥️"

محمود:طبعا يامؤمن يابنى وانتى رغد عارفين احنا جاين ليه .... انا بطلب ايد رهف لابنى التانى حمزة وهيزيدنا شرف لو اختك بقت فرد من عيلتنا يابنى .

مؤمن:الشرف لينا بمعرفتكو والله ياحاج وانا اكيد مش هلاقى لاخواتى زى حسن وحمزة .

محمود:تسلم يابنى .... وعايزين نسمع رأي عروستنا موافقه يارهف يابنتى .

رهف توترها وكسوفها زادو وخصوصا ان الكل عينه عليها .

رغد قامت وقربت من رهف وقعدت جمبها على ايد الكنبه وطبطبت على كتفها .

هدى:احنا عايزين نسمع رايك .... موافقه يابنتى ؟

رهف هزت راسها باه وهى وشها فى البوكيه .

محمود:على خيرة الله نقرأ الفاتحه بقي .

الكل قرو الفاتحه وهدى زغرطت بفرحه .

حنين قربت لحمزة وكان معاها علب قطيفه وفتحتها وكان طقم دهب عبارة عن سلسله وخاتم وانسيال وحلق وكان رقيق جدااا .

حنين:يلا لبس عروستك يازومه .

حمزة بدا بالسلسله ولبسها لرهف اللى كانت وشها احمر من الكسوف وبعد كدا لبسها الانسياال والخاتم وحنين قفلت العلبه وكان فيها الحلقه .

الكل بداو يباركو لحمزة ورهف .

حمزة جاب علبه شوكلت وادها لرغد:علبه الشكولاته بتاعتك اهى ومن النضيفه والله .

رغد:عارف لو ماكنتش جبتها كنت هرجع فيها .

حمزة:وانا اقدر انسي طلب حماتى بردو .

كلهم ضحكو عليهم .

الحاج محمود قدملها علبه قطيفه بلون الاحمر كان فيها اسوره وخاتم:الف مبروك يابنتى نورتى عيلتنا .

رهف:الله يبارك فيك ياعمو وبجد شكرااا حلوين جداا .

محمود:مبروكين عليكى يابنتى .

هدى قربت من حمزة وحضنته وحضنت رهف:مبروك ياحبايب قلبي .

حمزة ورهف:الله يبارك فيكى ياهدهد .

هدى طلعت من شنطتها عليه وكانت فيها سلسله وحلق:دول يابنتى كانو لام حمزة الله يرحمها ... وكانت وصيتها ليا انى اقدمهم لمرات حمزة فى المستقبل .... انا عارفه انهم موضه قديمه بس دى امانه ولازم اوصلها .

رهف اخدتهم منها:بالعكس دول حلوين جدا ياهدهد واوعدك هحافظ عليهم العمر كله .

حمزة ابتسم وهدى حضنتها:بنت اصول يابنتى والله ربنا يبارك فيكى .

هدى طلعت علبه تانيه وكان فى سلسلتين على شكل مصحف:دول بقي لما جينا بنتجوز انا وام حمزة حماتنا ام الحاج محمود قدمت لينا المصحف ده واحنا اتفقنا نقدمه لمراتات ولادنا .... يعنى بتاع ام حمزة هيكون ليكى يارهف وبتاعى هيكون رغد مرات ابنى الغالى .

رغد عينها جت على حسن اللى ابتسملها .

هدى بصت لحمزة وحسن:خد ياواد وانت هو كل واحد يلبسو عروسته المصحف بتاعها .

حمزة لبس رهف المصحف وحسن قرب ولبس رغد .

هدى طلعت علبه كمان من شنطتها .

حنين ضحكت:ده ايه الشنطه السحريه دى ياهدهد طب مافيش حاجه من نصيبى طيب .

كلهم ضحكوو ومؤمن عينه على حنين اللى قاعده ولارا فى حضنها .

هدى:اسكتى انتى يابت دول مراتات الغالين اوى .... دى بقي هديتى انا عشان ربنا يحميكو من العين الوحشه يابناتى .

والهديه كانت سلسله على شكله خمسه وخميسه وجواها عين زرقه .

هدى:يلا ياحسن انت وحمزة لبسو عرايسكو.

الشباب قربو ولبسو البنات .

هدى:الوقت دورك انتى بقي يارغد .

رغد باستغراب:دورى فى ايه مش فاهمه ؟!

هدى:يلا ياحسن لبس مراتك .

حسن طلع علبه بلون الاسود وكان فيها دبله سودا وخاتم على شكل قلب وفيه حجر اسود .

ورغد كانت فرحانه جداا بس بتحاول تبان عادى .

حسن لبسها الخاتم وبصلها اوى:مبروك يا دكتورة .

رغد اضايقت من كلمه دكتورة:الله يبارك فيك .

ورغد لبسته الدبله .

ومحمود قدملها هديه زى رهف وكانت اسورة وخاتم والكل بارك ليهم تانى .

حمزة استغل انشغال الكل وقرب علر رهف وهمسلها:مبروك عليا انتى يااحلى ورده فى حياتى .

رهف بصتله وبعدت نظرها عنه بسرعه:الله يبارك فيك .

وقامت بسرعه قربت من رغد وحضنتها:مبروك يا رغد .

رغد:الله يبارك فيك يانصي التانى .

اولفت قربت وباركت للبنات بضيق وعزة كمان .

اولفت حبت تضايقهم:ماشاء الله رزقكو واسع من قرايه الفاتحه واتصغيتو عيار ٢٤ اومال فى الشبكه والفرح هتعملو ايه !

رغد:والله يا طنط اولفت الهداي مش بسعر وعيارها الهدايا بقيمه الشخص اللى مقدمه .... وعمو محمود وهدهد حتى لو مقدموش حاجه لينا بردو قيمتهم غاليه على قلبي انا ورهف وهما عارفين معزتهم عندنا .

محمود:ربنا يكرم اصلك يابنتى .

هدى:هو فى ايه ياهدى دى فرحه ولادى الغالين على قلبي ولو جبت ليهم دهب الدنيا كله قليل عليهم .

اولفت:بس حمزة مش ابنك ياهدى .

حمزة بصلها بضيق .

هدى:حمزة ابنى يااولفت غصبن عن اى حد ده انا اللى ربيته على ايدى من وهو عيل صغير وبعتبر زى حسن ابن بظبط وعمرى ماافرق بينهم ابدااا ... ياريت لو عندك كلمه حلوة قوليها غير كدا اسكتى .

اولفت اضايقت من رد هدى .

هدى بصت لحمزة وحست انه مضايق:واد ياحمزة خد عروستك وادخلو اقفو فى البلكونه واتكلمو سوا يلا .. ده بعد اذنك بردو يامؤمن انت ورغد .

مؤمن:انا عندى ثقه كامله فى حمزة ياست الكل .... قومى مع عريسك يارهف .....

حمزة واقف وعينه على الشارع وكلام اولفت بيرن جوا راسه وكان مضايق جداا من اسلوبها وطريقتها.

رهف كانت واقفه جمبه شايف انه مضايق وباين عليه انه متعصب جداا وحولت تتكلم يمكن تخفف عنه .

رهف بصوت رقيق:انت كويس ؟

حمزة اتنهد وبصلها:كويس يارهف ... انا عارف ان المفروض النهارده يبقي احسن يوم لينا احنا الاتنين بس للاسف فى ناس كدا مش بيحبو يشوفو حد فرحان .

رهف من غير ماتبصله:انا حاسه بيك وعارفه اد ايه وجود الاهل معانا مهم وخصوصا فى يوم زى ده .... انا كمان كان نفسي بابا وماما يبقو معايا ... بس بحمد ربنا ان رغد موجوده جمبي .... انت كمان لازم تحمد ربنا انك عايش وسط عيله بتحبك بجد .... فى الاول وفى الاخر الموت علينا حق وده قضاء ربنا ياحمزة .

حمزة ابتسم لانها اول مرة تنطق اسمه:انا بحمد ربنا انى فى وسطهم وانهم عوضونى عن موت اهلى وانا صغير ..... تعرفى بحمد ربنا على ايه كمان؟

رهف بصتله ومستنياه يكمل كلامه .

حمزة:بحمد ربنا انى قابلتك وانك بقيتى اهم شخص جوا قلبي .

رهف ابتسمت وهى بتلعب فى الخاتم اللى لابساه .

حمزة:ياريت الطقم يكون عجبك .... انا جبته على ذوقي وكنت خايفه مايعجبكيش

رهف:بالعكس حلو جداا ورقيق ... انا بحب الحاجات البسيطه .

حمزة:انا ماقابلتش فى حياتى حد ارق منك يا رهف ويمكن رقتك و هدوئك هما اللى شدونى ليكى .

رهف ابتسمت وحمزة بدأ يتكلم معاها ونسي زعله وضيقه من اولفت .

ــــــــــــــــ★ــــــــــــــ

فى الصاله .

كانو الكل بيتكلمو ويضحكو على عكس اولفت وبنتها اللى قاعدين مضايقين .

حنين بهمس لرغد:ما تقولى يااوختى خدى زوجك قرة عينك وروحو دردشو شويا فى البلكونه زى الواد حمزة .

رغد بنفس الهمس:ده اخوكى من وقت كتب الكتاب كأنه اكل سد الحنك ده مش بيقولى ازيك حتى .

حنين ضحكت بصوت عالى والكل بصو عليها .

هدى:ما تضحكونا معاكو يابنات .

حنين:ده رغد قالت نكته بس ياهدهد .

لارا:رغد كانت بتقول اكل سد الحنك .

حنين ضحكت .

رغد برقت وبصت لحسن اللى بصلها برفعه حاجب:عيب يالولى كدا .

لارا:سورى يا رغد .

حنين بتحاول تكتم ضحكتها ومش قادرة .

رغد:بطلى ضحك وتعالى معايا نحضر العشاا .

حنين ورغد قامو حضرو العشا وجهزو السفره .

ورغد نادت على الكل عشان يتعشو سوا.

ودخلت الاكل لحمزة ورهف فى البلكونه واكلو سوا .

بعد وقت طويل كانو خلصو اكلو وبدات رغد وحنين يدخلو الاطباق المطبخ ورغد كانت بتجهز الضيافه .

حنين خرجت من المطبخ وقعدت جمب هدى وهمست:هدهد .

هدى:نعم .

حنين:خلى ابنك التلاجه ده ينطق البت هتهرب منه .

هدى:استنى عليا .

هدى:حسن ياحبيبي .

حسن:نعم ياست الكل .

هدى:قوم ياحبيبي ساعد رغد وشيل معاها الضيافه .

حسن:انا ياست الكل .

هدى:ايوا انت يا نن عين ست الكل يلا اتحرك .

حسن قام ودخل المطبخ ورغد اتفاجات بيه .

رغد:فى حاجه ياحسن ؟!

حسن:لا جيت اساعدك ونحضر الصوانى سوا .

رغد:لا متتعبش تفسك اخرج انت وانا هجيب كل حاجه .... هى رهف اه اللى بتعمل كل حاجه فى المطبخ بس انا مش فاشله لدرجه انك تساعدنى يعنى .

حسن:ومين قال ان. بساعدك عشانك فاشله ... كفايه انك احسن واشطر دكتورة .... واكيد مع الايام هتتعلمى كل حاجه .

رغد ضحكت:شكرااا .

رغد كانت بتحط قطع الجاتوه فى الاطباق .

حسن:طب اساعدك فى ايه طيب بدل مانا واقف كدا .

رغد:ممكن تحط البيبسي فى الكاسات ايه رايك ؟

حسن:تمام .

حسن بدا يعمل زى ماقالت .

رغد خلصت وحسن كمان:كدا خلصنا كل حاجه .... اخرج انت بقي وانا هجيب الصوانى واخرج .

حسن شال الصنيه اللى عليها البيبسي وخرج من غير مايرد عليها ورغد ابتسمت وشالت صنيه الجاتوه وخرجت وراه وبدات تقدم ليهم .

حسن جاله مكالمه وخرج يرد فى البلكونه اللى فى اوضه المرسم عشان البلكونه اللى فى الصاله حمزة ورهف فيها .

هدى:رغد يابنتى اعطى لحسن الجاتوه وحاجه السقعه بتاعته .

رغد:حاضر ياهدهد .

هدى قربت منها وهمست:خدى طبقك معاكى واقفو شويا واتكلمو سوا .

رغد بصتلها اوى .

هدى:انا عارفه ابنى تقيل ومش هيتكلم بسهوله بس خديها منى الواد بيحبك .... لا بيحبك ايه ده بيعشقك يارغد وتلفونه كله صور ليكى .

رغد:بتهرزى ياهدهد .

هدى:لا مش بهزر ياعيون هدهد يلا روحى وانتى بشقاوتك هتخليه ينطق .

رغد ابتسمت:حاضر .

رغد اخد صنيه عليها طبقين جاتوة وكاسين ودخلت البلكونه كان حسن خلص المكالمه وواقف .

رغد حطت الصنيه على السور وبصت لحسن:بتعد النجوم ولا ايه يابطل !!

حسن لف وسند ضهره على السور:لا بشم شويا هوا عادى .

رغد سندت على السور ووقفت جمبه:مش حابب القاعده جوا ولا ايه ؟!

حسن:اكيد لا .

رغد عينها جت على حمزة ورهف اللى واقفين فى البلكونه اللى جمبهم بس فى مسافه .

رغد ابتسمت:مبسوطين اوى ونسو كل الناس اللى قاعدين جواا .

حسن بص عليهم وشايف حمزة بيتكلم وهو فرحان وارتاح لانه كان مضايق بسبب كلام اولفت .

رغد:روحت فين يابطل مركز معاهم اوى كدا ليه ؟!

حسن:هو ايه بطل بطل ليا اسم على فكرة .

رغد:مش بتحب حد يقولك يابطل ! .... وبعدين ماكل شباب الحارة بيقولولك يابطل .

حسن:بس انتى مش زيهم ولا ايه ؟!

رغد مردتيش عليه .

والصمت طال بيهم وقطعه حسن:روحتى فين يادكتورة ؟

رغد بنفس طريقته:هو ايه اللى يادكتورة يادكتورة انا ليا اسم على فكرة .

حسن ضحك اوى ودى كانت اوى مرة رغد تشوفه بيضحك .

رغد:اول مرة اشوفك بتضحك ياحسن ... انت بصراحه بتتعامل كأن الضحك والكلام بفلوس عندك .

حسن:لا مش بفلوس بس ده طبعى ... وبكرة هتتعودى عليا .

رغد بمكر:وهتعود عليك ليه بقا !!

حسن لف وسند على السور بدراعه:الناس بتقول انى جوزك وانتى مراتى .

رغد:احلف ..... اقسم بالله كنت ناسيه الحوار ده ... كويس انك فكرتنى يا ابو على .

حسن ضحك:بطل و ابو على .. هو اسمى مضايقك فى حاجه يارغد !!

رغد:لا بس تحس كدا ان بطل وابو على لايقين عليك اكتر .

حسن:عارفه لو ست الكل سمعتك احتمال تشن حرب عليكى ... دى مسميانى على اسمه جدى .

رغد:ومين قال ان حسن وحش ده حلو جدا ولاقيك عليك اوى.

حسن:اول مرة اعرف ان الدكتورة رغد الصاوى بتخاف !

رغد:بخاف انى ازعل الناس اللى بحبهم .

حسن:امممم .... صح هو مين اللى اكل سد حنك يارغد .

رغد:احم مين مش فاهمه!!

حسن:كنتى انتى وحنين بتتكلمو عليا مش كدا ؟!

رغد:لا خالص وهنتكلم عليك ليه كنا بنرغى عادى .

حسن:هحاول اصدقك يادكتورة رغد .

رغد حيت تغير الموضوع:حلو جداا الخاتم بجد شكراا .

حسن:حسيته شبهك جداا .

رغد:على فكرة الجاتوه قرب يسيح .

حسن:انتى ضيفتينى وانا قلت لأ .

رغد مسكت الطبق:تصدق صح ... اتفضل .

حسن اخده منها:تسلمى .

الوقت عدى بسرعه والشباب والبنات دخلو قعدو معاهم فى الصاله .

محمود:ناوين تعملو الخطوبه امته ياولاد ؟!

حمزة:لسه اسبوع على رمضان ياحاج نعملها قبله .

محمود:هتعملوها فى الارض الفاضيه .

رهف:لو سمحت ياعمو خليها عائليه يعنى على قدنا بس .

حنين:لسه يارورو احنا عايزين نهيص .

حمزة:اللى رهف عايزاه يانونا وبعدين ابقو هيصو براحتكو فى الفرح .... بعد اذنك ياحاج نعمل الفرح فى العيد .

هدى:وانت هتلحق تجهز شقتك فى شهى يابنى .

حسن:ان شاء الله ياست الكل سبيها علينا .

محمود:ربنا يفرحكو ياولاد ... بكرة باذن الله تاخد عروستك ياحمزة وتروحو تجيبو الشبكه .... ونعملها كمان ٣ ايام باذن الله .

هدى:على خيرة الله .

محمود:نستاذن احنا بقي .

مؤمن:خليكو شويا ياحاج .

محمود:الايام جايه كتير يابنى .

الكل روحو ومؤمن سافر القاهرة والبنات كانو فرحانين .

رهف كانت جواها مشاعر كتير حلوة اتجاه حمزة اللى غمرها بحنيته وحبه .

ورغد اللى كانت مبسوطه من كلام هدى بان حسن بيعشقها وفونه كله صور ليها ... يمكن هو مااعترفش ليها لحد الوقت بس هى فرحانه انهم اتكلمو سوا .

البنات نامو وفى قلوبهم فرحه .

ــــــــــــــــ★ـــــــــــــــ

تانى يوم رغد جهزت عشان تنزل العياده .

رهف دخلتلها الاوضه:رغد مش عارفه البس ايه وانا خارجه محتارة جداا.

رغد:انتى بتبقي قمرايه فى ايه حاجه ياقمرى ليه متوترة كدا ؟!

رهف:طب تعالى اختارى معايا قبل ماتنزلى ممكن .

رغد:ممكن ونص وتلاتربع كمان.

رغد ورهف فتحو الدولاب وبداو يختار سوا واخيرا اختارو دريس بلون الابيض وفيه ورد ناعم بلون البينك وطرحه بينك وشوز بلون الابيض .

رغد:كدا هتبقي قمرايه يارهف .

رهف:ربنا يخليكى ليا .

رغد:ويخليكى ليا يامصى التانى .... يلا هنزل انا بقي .

رهف:اوكى .

رغد نزلت وبصت على الورشه واضايقت انها ماشافتش حسن .... وطلعت العياده وبدات يومها بالحالات اللى كانو موجودين .

ــــــــــــــــ★ـــــــــــــــ

بعد وقت طويل .

حمزة رن على رهف عشان تنزل وهى كانت متوترة جداا .

رهف نزلت وحمزة لما شافها ابتسم وبيحمد ربنا فى سره ان ربنا جعلها من نصيبه .

ام فرح نادت على رهف:رهف يابنتى .

رهف:ازيك ياام فرح ؟

ام فرح سلمت عليها وحضنتها:مبروك يابنتى فرحتلك من قلبي والله.

رهف:الله يبارك فيكى .

حمزة قرب منهم:عامله ايه ياام فرح ؟

ام فرح:بخير يا بنى الف مبروك .

حمزة:الله يبارك فيكى ياام فرح .

حمزة مسك ايد رهف وهى اتكسفت:عن اذنك احنا ياام فرح .

ام فرح:اذنك معاك يابنى ربنا يفرحكو يارب .

حمزة فتح باب العربيه لرهف اللى ركبت ولف ركب جمبها وبصلها شايفها وهى متوترة وبتفرك فى صوابعها .

حمزة:لا ابوس ايدك بلاش توترك من اولها ماشي .

رهف ابتسم وحمزة ضحك:ايوا كدا خلى دونيتى تنور بابتسامتك يارهف .

رهف بصتله وابتسمت وحمزة اتحرك بالعربيه .

ــــــــــــــــ★ـــــــــــــــ

فى بيت البطل وتحديدا على السطح .

حنين بعد ماخلصت دروس للولاد قاعده وماسكه فونها ودخلت على اكونت مؤمن وبدات تتفرج على صوره اللى منزلها واللى كانت اكترهم صوره هو ولارا .

كان نفسها تشوف صورة لمراته ... هى كانت سالت رغد وهى قالتلها انها اتوفت وهى بتولد ... ورهف كانت بتقولها ان لارا نسخه من مامتها تقى الله يرحمها.

حنين كانت بتكلم نفسها بصوت عالى:معقول كان بيحبها لدرجه دى .... عشان كدا متجوز لحد الوقت .... بلاش تفكرى كتير ياحنين هتتعبي قلبك على الفاضي ... هو عايش لبنته ولو عايز يتجوز كان اتجوز من زمان دى مراته متوفيه من ٦ سنين .

عزة كانت قبلها طالعه السطح وسمعت كل كلمه قالتها حنين وابتسمت بخبث ونزلت بسرعه تقول لامها على اللى سمعته .

حنين قفلت فونها وقامت عشان تنزل تساعد هدى فى المطبخ .

ــــــــــــــــ★ـــــــــــــــ

فى محل الدهب كان حمزة ورهف قاعدين وبيختارو شبكتها .

رهف اختارت دبله ساده وتوينز رقيق واسورة وخاتم بنفس الرقه .

حمزة طلب من صاحب المحل يجبلهم طقم كامل .

رهف بهمس:حمزة كفايه عشان خاطرى احنا اشترينا حاجات كتير وشكلهم غالين جدا .

حمزة:مافيش حاجه تغلى عليكى يارهف .

رهف:طب كفايه كدا عشان خاطرى لو سمحت .

حمزة:لو سمحتى انتى بلاش تزعلينى واختارى طقم كمان بس مش هنجيب حاجه تانيه .

رهف:مانت جبتلى طقم فى الفاتحه ياحمزة .

حمزة:اديكى قولتيلها ده فى الفاتحه ... اما دى الشبكه ... الراجل جاى اهو .

صاحب المحل جابو اكتر من طقم ورهف اختارت طقم بسيط ورقيق جدا وحمزة حاول معاها كتير انها تاخد طقم تقيل بس هى رفضت .

حمزة جاب دبله سودا ليه ودفع الحساب وخرجو من المحل وهو ماسك ايد رهف .

رهف:هنروح بقي ؟

حمزة:زهقتى منى بسرعه كدا !

رهف ضحكت:لا ابدا والله ... بس احنا اشترينا الشبكه وخلصنا .

حمزة:لا لسه مش خلصنا .

رهف:لسه ايه ؟!

حمزة:العروسه اكيد هتلبس فستان فى الخطوبه ولا ايه !!

رهف:انا هابقي انزل مع رغد ونشترى سوا .

حمزة:ولو قولتلك انى عايز اختار معاكى هترفضي وتكسفينى .

رهف:اكيد لا .

حمزة:تحبي تشترى من مكان معين ؟!

رهف:انا اصلا معرفش حاجه هنا فى اسكندريه انت ناسي انى كنت عايشه فى القاهرة !

حمزة:صح ... طب تعالى هاخدك المكان اللى حنين بتجيب منه دايما .

حمزة ورهف ركبو العربيه وبعد شويا وصلو المحل .

البنت لما سالتها تحبي لون معين كان رد حمزة:ابيض وبسيط .

رهف ابتسمت لانه عارف هى عايزة ايه وكان مبسوطه باهتمامه وحبه اللى مش بيخجل انه يظهره ليها فى مكان وده فكرها بباباها جمال الصاوى اللى كان بيعشق والدتها مريم .

بعد وقت طويل خلصو ورجعو على الحارة . حمزة نزل من العربيه ولف فتح الباب لرهف اللى نزلت .

حمزة وصلها لحد باب البيت:هتصدقينى لو قولتلك ان النهارده كان تحلى يوم فى حياتى .

رهف ابتسمت بكسوف:وانا كمان اتبسطت جداا .

حمزة:طب الحمدلله كنت مفكر انك زهقتى منى .

رهف بصتله:ليه بتقول كدا ؟!

حمزة:اصلك كل شويا تسالينى هنروح امته هنروح امته .

رهف:كل الحكايه انى ماكنتش حابه اتاخر بس .

حمزة:عارف يلا اطلعى .

رهف:حمزة انت المفروض تاخد الدهب عشان تفرجه لهدهد وحنين والكل .

حمزة:لا انا عايزه يبقي معاكى يلا اطلعى بقي .... هابقي اكلمك بليل .

رهف:حاضر .

رهف طلعت وحمزة راح على الورشه ودخل المكتب لحسن .

حسن:ايوا الناس اللى بتتفسح طول اليوم وسايبه شغلها .

حمزة ضحك وقعد على الكرسي:متحاولش انا مبسوط ومش ناوى اعكر مزاجى النهارده ابدااا .

حسن ابتسم:ربنا يفرح قلبك ياصاحبي .

حمزة:عقبالك يا بطل .

حسن:على اساس انى لسه هتقدملها ... انا اخدتها من اصرها واتجوزنا علطول .

حمزة:اتجوزتو سوكيتى ياحسن ... ده انت حتى ماعترفتش بمشاعرك ليها لحد الوقت .

حسن:مش لما اتاكد من مشاعرها هى الاول .

حمزة:انا اعتقد لو هى وافقت على زواجها منك عشان خاطر تنقذ اختها ... كنتو عملتو تمثليه وخلاص ده .

حسن:تمثليه ازاى يعنى؟!

حمزة:انت قولت ان عمها وابنه عمها صدقو انها اتجوزت ومسالوش حتى على قسيمه الجواز ده شكلهم ناس غبيه اوى ياعم د

حسن رجع بضهره وسند على الكرسي:لا عمها مش سهل خالص انا شوفت نظراته ... على دماغ بتفكر فى كل كلمه وانا متاكد انه مش هيعدى اللى حصل بساهل .

حمزة:معنى كلامه انه ممكن يفكر يأذيهم .

حسن:اكيد هيفكر ينتقم على اللى رغد عملته .

حمزة:بس فى فرق حاليا ... احنا معاهم واكيد مش هنسمح لراجل ده وابنه انهم يقربو منهم .

حسن:اكيد طبعااا .

حمزة:طب يلا عشان نمشي .

حسن قام وقف:يلا .......

الفصل الرابع والعشرون24

حسن وحمزة رجعو بيت البطل وكان باين على حمزة الفرحه وباسو راس هدى .

هدى:جبت شبكه عروستك ياحبيبي ؟

حمزة:ايوا ياست الكل .

حنين:قولى جبتو ايه متصورتش ؟!

حمزة:لا مصورتش يانونا ابقي روحى لرهف وشوفيهم هناك .

اولفت:طول عمرنا نعرف ان الشبكه بتفضل فى بيت العريس لحد يوم الخطوبه جديده دى انك تسيبها مع العروسه .

هدى:هنا او هناك واحد يااولفت .

حسن طبطب على كتف صاحبه وحمزة كان بيحاول مايضايق نفسه .

حنين:قولى بقي يازومه جبتو ايه ؟!

هدى:وانتى مستعجله وعايزة تعرفى ليه ماتبقي تروحى تشوفيها احسن .

حنين:مانا عايزة اعرف اخويا حبيبي كان بخيل مع عروسته ولا لأ.

حمزة وحسن ضحكو .

حمزة:لا ياستى ماكنتش بخيل ... على العموم جبتلها دبله وتوينز واسورة وخاتم وطقم كامل ... وجبتلها فستان كمان عشان تلبسه يوم الخطوبه ..... وحياتك لو كنت اطول اجبلها الدنيا كلها كنت جبتها .

حنين:ياواد ياواد ايه الرومانسيه دى كلها يازومااا .

هدى:تعيش وتجبلها ياحبيبه قلبي .

حمزة:تسلمى ياهدهد .

اولفت بسخريه:طبعا جبلها الدنيا كلهاا ... هو انت كنت تعبان فى حاجه ... ماهو كله مال الحاج محمود وابنه وانت عايش بتمرمغ فى خيرهم .

حمزة الفرحه اختفت من على وشه واتصدم من كلامها .

هدى بعصبيه:اخرسي يااولفت ايه الكلام ده .

اولفت:ما دى الحقيقه ياهدى هو ابوه كان حيلته ايه اصلا ... ده كان بيتشغل عند الحاج ولا ناسيه .

حسن بحده:حاجه متخصكيش يامرات خالى ... دى امور تخص عليتنا احنا عيله البطل وانتى هنا مجرد ضيفع انتى وبنتك والضيف مالوش انه يدخل فى اى حاجه .

عزة:وانا امى قالت ايه غلط عشان تكلمها كدا ياحسن .

حنين:لما الكبار يتكلمو ياعزة المفروض انتى ماتتدخليش فى وسطهم .

اولفت:بقي كدا ياحسن انا هنا ضيفه ... شايفه ابنك ياهدى ... كل ده عشان خايفه على مالك ومال ابوك اللى بينهبه سي حمزة.

حمزة كان فاض بيه من طريقتها معاه واتكلم بعصبيه وصوت عالى:انتى ايه مشكلتى معايا ... من وقت ما جيتى البيت هنا وانتى فى راحه والجايه بترمى عليا كلام زى السم ... كأن انا الضيف مش انتى ..... واللى حضرتك متعرفوش ان ابويا كان شغال مع الحاج مش عنده وبعد ماتوفى انا كملت مكانه وكل قرش بصرف عليا او على رهف من مالى وتعبي وشقايا .... وعمرى ما مديت ايدى ولا عينه بصت لقرش يخص الحاج او حسن .

محمود نزل على صوت حمزة العالى:مالك يابنى صوتك عالى ليه .

حمزة:انا اسف ياحاج انى عليت صوتى ... بس فى ناس كدا بيخلوك تنسي فرحتك ويخرجوك عن شعورك .... عن اذنكو انا طالع شقتى .

حسن:استنى ياحمزة .

حمزة طلع وكان على اخره ومردش على حسن .

محمود:هو فى ايه ياام حسن .

هدى خافت ليحصل مشكله والحاج يتعب:مافيش ياحاج سوء تفاهم بس .

حنين:لا فى يابابا .... حمزة كان النهارده بيجيب شبكه رهف وكان جاى مبسوط والفرحه بتنط من عينيه ... بس مرات خالى كان ليها رأى تانى وقالت تعكنن عليه وتكسر فرحته .

محمود بص لاولفت:انتى قولتى ايه لحمزة ياام عزت.

اولفت:قولت الحقيقه ياحاج انا مغلطتش .

هدى زعقت فيها:خلاص بقي كفايه ... من يوم مادخلتى بيتنا وانتى بتعملى مشاكل .... والواد بقي كاره يدخل البيت حتى اللقمه مبقاش ياكلها هنا حرام عليكى ..... انا بقولك اهو يا اولفت هتفضلى هنا لحد بيتك مايخلص ولو فكرتى تزعلى حمزة ولو بكلمه واحده انا اللى هقفلك .... حمزة ده ابنى فاهمه واللى يقرب لحد من ولادى اكله باسنانى يااولفت .

محمود:صلى على النبي ياام حسن .

هدى:عليه افضل الصلاة والسلام ياحااج .... بس الواد حرقنى فى قلبي كان جاى فرحان وهى كسرت فرحته .... انا لو ست وحشه كنت طردتك انتى وبنتك ... بس انا هصبر لما الصبر يخلص ترميم ووقتها هتمشو .

اولفت نزلت دموع التماسيح:بقي كدا ياهدى ... كدا عايزة تطردينى من البيت .... اخد بنتى ونروح ننام فى الشارع يعنى ... بقي هى دى الاصول ياحاج محمود .

محمود:ام حسن قالتلك ياام عزت هتفضلو هنا لحد البيت مايترمم وترجعو تعيشو فيه ... وياريت اللى حصل ده مايتكررش تانى .... اطلع ياحسن يابنى شوف اخوك .

حسن:حاضر ياحاج .

حنين:خدى معاك ياحسن .

حسن طلع ومعاه حنين وهدى بصت لاولفت بغيظ وطلعت هى والحاج .

عزة:شايفه ياما محدش فيهم طايقنا فى البيت .

اولفت:ماشي ياهدى انا وانتى والزمن طويل ... انا همرر عليكى انتى وعيالك حياتكوو .

ـــــــــــــــــ★ـــــــــــــــ

حسن وحنين طلعو وخبطو على حمزة بس مرضاش يفتحلهم وطلب منهم انه يفضل لوحده .

حمزة كان قاعد مخنوق من كلام اولفت واتمنى لو كان قتلها بسبب كلامها ده .

حمزة مسك فونه وافتكر لما قال لرهف انه هيكلمها بليل بس سابه تانى هو كان مخنوق ومش قادر يتكلم حتى ودخل اخد شاور يمكن الخنقه تخف ونام على السرير وكل كلمه قالتلها ليه من وقت ماجت البيت بترن فى ودانه ... حط المخده فوق راسه يمكن ينسي كلامها ويقدر ينام ..

فضل يتقلب كتير فى السرير لحد ما غلبه النوم .

ـــــــــــــــــ★ـــــــــــــــ

فى بيت الشهاوى

رهف فرجت رغد على الشبكه والفستان وعجبوها جدااا وراحت عشان تكلم محمد ومها زى كل يوم وتعرف اخبار المستشفى .

رهف كانت قاعده فى اوضتها وماسكه فونها وبتستنى حمزة يكلمها زى ماقالها .

عدت ساعه و٢ و ٣ وهو بردو مش بيتكلم .

رهف فضلت قاعده وماسكه الفون لحد مانامت .

فى اوضه رغد كانت بتكلم مها .

رغد:مش مصدقاكى والله .

مها:والله زى مابقولك كدا فؤاد بقي الدكتور المثالى ومش بيعمل اى مشكله ... وخدى التقيله بقا .... النهارده جت واحده على اد حالها واتكلم معاها بكل ادب واحترام وقال كمان ان هو اللى هيكوم مسؤل عن حالتها شوفتى بقي .

رغد:معقول ده فؤاد ... لا اكيد فى حاجه مستحيل فؤاد يعمل كدا .

مها:يعنى هيكون اخوه التؤام مثلا يارغد .... وياستى متقلقيش انا ومحمد مرقبينه كويس ولو لاحظنا اى حاجه اكيد هنعرفك .

رغد:تمام يامها .... صح حددتو معاد فرحك ولا لسه ؟

مها:لا لسه اول مااحدد هتكونى انتى اول واحده تعرف .

رغد:ربنا يكملك فرحتك على خير يااحلى عروسه .

مها:حبيبتي يا رغد .

رغد:يلا روحى نامى بقي .... تصبحى على خير .

مها:وانتى من اهله ياقلبي ... باى .

رغد:باى .

رغد قفلت وفضلت تفكر كتير فى فؤاد وقامت لبست الاسدال وخرجت البلكونه وعماله راحه جايه وبتفكر معقول فؤاد بيخطط لحاجه هو وفاروق .

حسن كان قاعد فى البلكونه بتاعته وعينه جت على رغد وشايفها راحه جايه وشكل فى حاجه شاغله بالها .

حسن مسك فونه ورن على رغد .

رغد سمعت فونها ولاقت رقم غريب فكنسلت عليه .

حسن ابتسم ورن تانى عليها .

رغد:اوف بقي ده مين ده كمان ؟!

رغد ردت:الو .

حسن:مش بتردى ليه ؟

رغد سكتت شويا تستوعب معقول هو:مين معايا ؟!

حسن:معقول مش عارفه صوت جوزك يادكتورة !!

رغد:لا عرفاه بس كنت بتاكد استغربت جبت رقمى منين !!

حسن:جبته من حنين .

رغد:وايه اللى مصحيك يابطل لحد الوقت اللى اعرفه انك بتصحى من بدرى فاكيد بتنام بدرى .

حسن:لا عادى مش لازم انام بدرى .

رغد مردتيش عليه وحسن كمان سكت .

رغد:حسن انت معايا ؟

حسن:معاكى .

رغد:فى حاجه يعنى اصل غريبه متصل عليا الوقت .

حسن:شايفك متوترة وراحه جايه شكلك بتفكرى فى حاجه كبيرة قولت اكلمك اشوف مالك .

رغد استغربت وبصت فى الشارع:وانت عرفت منين !!

حسن:لا متبصيش فى الشارع انا فى البيت .

رغد:لا متتجننيش ولما انت فى البيت شايفنى ازاى يعنى ... تكون مركب كاميرات فى بلكوتنا ولا حاجه .

حسن ضحك:بصى كدا على بيت البطل .

رغد بصت على البيت وعينها جت على حسن اللى واقف فى البلكونه وشاورلها بايده .

رغد:انت بتراقبنى ولا ايه يابطل ؟

حسن:ممكن تقولى ان دى قاعدتى المفضله ... وكل يوم لما ارجع من الورشه اطلع اسهر شوبت فى البلكونه وبعد كدا ادخل انام بس .

رغد:اهااا وبتسهر تعد النوم ولا ايه يا ابو على ؟!

حسن:مقولتيش بتفكرى فى ايه ؟

رغد اتنهدت بقوة

حسن:ده شكل الحوار كبير بقي .

رغد:حاجه زى كدا .

حسن:قولى يمكن اقدر اساعدك او افكر معاكى .

رغد بدات تحكيله عن فؤاد والمشاكل اللى بيعملها فى المستشفى وان هو اللى قال لفاروق عن مكانهم وعن تغيره المفاجأ .

حسن:انت حاسه انه بيخطط لحاجه يعنى ؟

رغد:اصل فؤاد دايما مناخيره فى السما وماكنش بيرضي يتعامل مع الحالات اللى قد حالها فجاه كدا هيمسك حاله ومن غير ماتتكلف او تدفع فلوس معقوله .... دانا اكتر مشاكلى معاه عشان يعامل المرضي باحترام .

حسن:مانا شوفتك مرة وانتى مفرجه عليه المستشفى كلها .

رغد بصت لحسن:شوفتنى فين هو انت عمرك جيت المستشفى اصلا .

حسن حكالها عن الموقف اللى حصل قدامه هو وحمزة .

رغد:بجد يعنى وقتها كنتو فى المستشفى ؟

حسن:اممم وقتها انتى سالتى صاحبتك فى حالات جت قالتلك حاله واحده ودكتور محمد خيطها صح .

رغد:صح كنت انت بقا الحاله دى ؟!

حسن:لا حمزة كان عندنا شغل فى القاهرة وايده اتجرحت من مكنه الخشب والمستشفى بتاعتك كانت اقرب مستشفى لينا .

رغد:صح وقتها محمد جابلى تقرير عن الحاله دى .

حسن:وانتى ناويه على ايه فى حوار الدكتور ده؟

رغد:محمد ومها بيراقبوه ولو لاحظو اى غلط اكيد هيعرفونى .

حسن:اومال ايه اللى مخليكى قلقانه كدا ؟!

رغد:ان فؤاد وفاروق اعز صحاب ... وفاروق اكيد هينتقم منى على اللى حصل ... متاكده انه مش هيعديها كدا وخايفه يستغل وجود فؤاد فى المستشفى .

حسن:متخافيش من حاجه يارغد انا معاكى .

رغد:بس انا خوفى على رهف ياحسن انا هقدر اتعامل معاه لكن رهف لا .

حسن:انت متخيله ان حمزة ممكن يخلى حد يقرب منها ... ده هو قرر ان القرر يبقي بعد رمضان عشان تبقي معاه دايما ومحدش يقرب منها ... ولو كان لسه بدرى على رمضان اكيد كان هيعمل الفرح قبله .

رغد:عارفه ومتاكده من ده ... اناشوفت حبه ولهفته عليها وده فرحنى جداا .

حسن:يبقي خلاص متفكريش كتير وروحى نامى عشان تصحى فايقه للعيادة .

رغد:حاضر .... تصبح على خير .

حسن:تلاقى الخير يارغد .

رغد قفلت وبصت لحسن وابتسمت وهو كمان ابتسم ورغد شاورت باى ودخلت وقفلت البلكونه .

حسن اتنهد ودخل ينام هو كمان .

ـــــــــــــــــ★ـــــــــــــــ

عدى يومين .

حمزة اللى نسي فرحته ودايما مضايق ومتعصب ... واكتر وقته فى الورشه ولما بيرجع من الشغل بيطلع على شقته ومش بيقعد معاهم ولا حتى وقت الاكل .

رهف اللى متعرفش حمزة مش بيكلمها ليه وبتشوفه دايما من البلكونه وهو فى الورشه وشايفه حالته ان متعصب دايما ومزاجه وحش ومتعرفش ماله لحد ماسالت حنين وحكالتها اللى حصل .

هدى ومحمود اللى زعلانين على حاله حمزة وان خلاص خطوبته النهارده وهو مش بيفكر فيها خالص .

رغد وحسن اللى بقو يتكلمو كل يوم بليل وهما واقفين فى البلكونه بس لسه محدش فيهم اعترف بمشاعره لتانى .

ـــــــــــــــــ★ـــــــــــــــ

رهف راحت بيت البطل زى ماطلبت منها هدى .

هدى:انا اسفه يابنتى انى جبتك كدا على ملا وشك بس قلبي واكلنى عليه بقي فى عريس خطوبته النهارده وهو عامل كدا .

رهف:طب انا فى ايدى ايه ياهدهد ده انتو اقرب ناس ليه مش قادرين تخرجوه من حالته دى انا هقدر !!

هدى:احنا كلنا حاولنا واتكلمنا معاه يابنتى جربي انتى يمكن يسمع منك ونبي .

اولفت وعزة دخلو الشقه وقعدو من غير مايكلمو رهف .

هدى:اطلعى يابنتى ... منه لله اللى كان السبب .

رهف:حاضر ياهدهد .

رهف طلعت الدور التالت زى ماقالتلها هدى ورنت الجرس مرة وتانيه ومحدش بيفتح .

رهف خبطت على الباب بردو مافيش رد ... رنت الجرس مرة تانيه .

اتخضت لما حمزة فتح الباب فجأه وكان متعصب .

حمزة اتفاجأ بيها قدامه:فى حاجه؟

رهف زعلت من رد فعله وان مش نفسه حمزة اللى بيحتويها بحنيته وعينيها دمعت:لا ابدا انا اسفه .

رهف لفت ولسه هتنزل حمزة مسكها من دراعها:استنى يارهف .

رهف عينيها كانت فى الارض .

حمزة:تعالى نطلع السطح يارهف ونتكلم براحتنا .

رهف هزت راسها وحمزة طلع وهى وراه .

الاتنين دخلو السطح وقعدو على الكراسي اللى فيه .

حمزة اضايق لما شاف عينيها كلها دموع:رهف انا اسف بس بجد انا مخنوق اليومين دول واتفاجات لما شوفتك قدامى .

رهف وهى بتفرك فى صوابعها:طنط هدى كلمتنى وقالتلى اجى اتكلم معاك يمكن اقدر اخرجك من الحاله دى عشان كدا جيت .

حمزة:يعنى لو ماكنتش طنط هدى كلمتك ماكنتيش هتيجى ؟!

رهف رفعت عينيها وبصتله:انا كنت بسال حنين عليك كل يوم .

حمزة:وليه تسالى حنين مانتى كان ممكن تكلمينى بنفسك .

رهف:انت مكلمتنيش خالص ومابحبتيش اكون تقيله عليك .

حمزة:انتى بتهزرى يارهف انتى عمرك ماكنتى ولا هتكونى تقيله عليا ... وياستى انا اسف انا عارف انك مالكيش ذنب باى حاجه حصلت ولا هتحصل بس انا كنت متعصب وكنت خايف اكلمك اطلع عصيبتى عليكى بدون قصد .

رهف:حنين حكتيلى عن اللى حصل بينك وبين طنط اولفت .

حمزة اتنهد بضيق:الست دى انا مش طايق اسمع اسمها حتى .... بنى ادمه مريضه .

رهف:انت عارف طبعها واسلوبها ياحمزة والمفروض متزعلش نفسك لدرجه دى ... كل عيلتلك بيحبوك بجد وعمرهم ماقصرو معاك ... بس انت الوقت عملت ايه بعدت عنهم وقاعد فى شقتك لوحدك ... هدهد زعلانه جدا بسبب بعدك ده عنهم وحتى عمو محمود بردو مضايق وحنين اللى مافيش مرة بكلمها غير لما الاقيها بتعيط عشان وحشتها قاعدتها معاك .

حمزة:عارف ان محدش فيهم ليهم ذنب بس انا كنت مضايق ومخنوق وكنت حابب افضل لوحدى .

رهف:حمزة ... هدهد كانت بتسالنى يعنى عشان الخطوبه .... لو انت حابب تأجلها يعنى ...

حمزة قاطعها وابتسم:كل حاجه هتبقي فى معادها يارهف .... والله ده هيبقي اسعد يوم فى حياتى .

رهف ابتسمت:خليك دايما كدا بتضحك .... بلاش تزعل نفسك عشان خاطر اى حد .

حمزة مسك ايدها وباسها:ربنا يخليكى ليا يارهف .

رهف:انا لازم امشي عشان اساعد رغد فى التجهيزات .

حمزة:عايزك تكونى النهارده احلى واجمل عروسه .

رهف:ان شاء الله .

رهف مشت كام خطوه ولفت:حمزة .

حمزة بصلها:عيونه .

رهف:انا بحبك اوى .

رهف قالت كدا ونزلت بسرعه وحمزة ضحك من قلبه وكان طاير من الفرحه .....

رغد وحنين ورهف كانو بيجهزو البيت عشان الخطوبه .... هى هتكون عائليه يعنى البنات ومؤمن وعيله البطل ورغد عزمت ام فرح وفرح والبنات اللى معاها فى العياده ايه ورحمه وسارة .

رهف اتفاجات ان حمزة بعتلها بنت عشان تعمل خلفيه من الورد للمكان اللى هيقعدو فيه وده فرحها جدااا .

مؤمن اللى طلب اكل جاهز عشان رهف ماتتعبش نفسها فى يوم خطوبتها .

البنات كانو خلصو كل حاجه .

رغد:يالهوى كل التعب ده فى الخطوبه اومال فى الفرح هنعمل ايه ؟

حنين:اخت العروسه لازم تتعب يااوختى .

فون رغد رن وكان حسن اللى ردت عليه:الو ...... حاضر .

رغد قفلت:حسن بيقول جايب حاجات وهيطلع يجيبها ادخلى جوا يارهف .

رهف:حاضر .

رغد:هلبس اسدالى وافتح .

حنين:لا بدام ابو على براحتك ياجميل .

رغد:انا عارفاكى من هتسكتى .

رغد لبست اسدالها وفتحت لحسن اللى كان واقف وحوليه على الارض شنط كتير فيها علب جاتوه وكانزات .

رغد:اهلا اهلا ابو على .

حسن ضحك:اهلا بالدكتورة .

رغد بصت على الشنط:ايه كل ده ياحسن ؟!

حسن:ده الجاتوه والحاجات اللى هتتقدم فى الخطوبه .

رغد:ده على اساس اننا عازمين الحارة كلها يعنى !!

حنين جت من وراها:البطل طول عمره كريم يارغد .

حسن:طب ابعدى من وشي ياخفيفه عشان ادخل الحاجات دى المطبخ .

حنين:اتفضل يابطل .

حسن شال شنط والبنات شالو معاه ودخلو كل حاجه المطبخ .

حسن:فى اى حاجه نقصاكو ؟

رغد:لا ياحسن كل حاجه موجوده ومؤمن هيجيب الاكل وهو جاى .

حسن:هو اتاخر ليه كدا صح ؟!

رغد:والله ماعرف هو قالى من نص ساعه انه داخل الحارة معرفش راح فين ده !!

حسن:طب هنزل انا بقي .

رغد:تمام .

حسن نزل ورغد قفلت الباب.

حنين:المغرب قربت تأذن يلا نساعد رهف هتلبس عشان نلبس احنا كمان .

رغد:الوقت عدى بسرعه يلا .

البنات دخل لرهف وساعدوها تلبس ورغد عملتها ميكب بسيط ورهف لفت طرحتها وكانت جميله بفستانها الابيض الرقيق .

رغد عينيها دمعت:بسم الله ماشاء الله زى القمر يارهف .... عارفه لو بابا كان موجود كان قالك لالا مش هتتخطبي ولا تتجوزى انتو هتفضلو قاعدين معايا منورين بيتى ... فاكرة لما كان بيقولنا كدا دايما .... وماما كانت هتفرح اوى بيكى يارهف .

رهف عينيها دمعت:بس انتى معايا وكفايه الفرحه اللى انا شيفاها فى عينيكى يارغد .

رهف حضنت رغد وعيطو .

حنين:لالا ونبي بلاش عياط بقي النهارده يوم حلو وكمان الميكب هيبوظ .

رغد بعدت عن رهف ومسحت دموعها:حنين معاها حق ... وبعدين هما اكيد حاسين بينا وبفرحتنا ومبسوطين .

رهف:صح .

رغد:تعالى اظبطلك الميكب عشان اروح البس .

ــــــــــــــــ★ـــــــــــــــ

فى بيت البطل

هدى طلعت لحمزة اللى كلن بيجهز فى شقته ومعاه حسن .

هدى:ماشاء الله ياحبيبي ربنا يحميك ويحرسك يارب .

حمزة قرب منها وباس ايدها وراسها:حبيبتى ياهدهد ... اوعى تكونى زعلانه منى ؟

هدى:عمرى ما ازعل منك ياحبيبي ده انت ابنى يا واد .

حمزة حضنها:ربنا يخليكى ليا ياست الكل .

هدى:ويباركلى فيكو ياولادى يارب واشوف خلفكو قبل ما اقابل وجه رب كريم.

حسن:متقوليش كدا ياست الكل ربنا يديم وجودك انتى والحاج فى حياتنا .

هدى:تسلم ياحبيبي .... يلا اجهزو عشان منتاخرش عليهم .

حسن:يلا .

ــــــــــــــــ★ـــــــــــــــ

بعد وقت طويل البنات خلصو لبس ومؤمن وصل ومعاه الاكل .

حنين لبست دريس بسيط بلون البيج وطرحه نفس اللون وكان حلوة جداا .

ورغد لبست سوت كلاسيك بلون الاسود وطرحه اوف وايت وكانت رقيقه اوى .

حنين لبست لارا فستان بلون الاحمر وسرحت ليها شعرها وكانت جميله .

البنات كانو فى الاوضه بيتصورو سواا ورهف اتخضت لما سمعت جرس الباب بيرن .

والبنات ضحكو عليها .

رغد:ايه يابنتى ميبقاش قلبك خفيف كدا ... ده حمزة يعنى .

حنين:اهدى يارهف هتفضحينا .... ماتروحى ياختى افتحى الناس هتخلل على الباب .

رغد:مؤمن برا وهيستقبلهم ياختى .

حنين:صح نسيت .

ــــــــــــــــ★ـــــــــــــــ

فى الصاله .

مؤمن استقبل عيله البطل ووام فرح والبنات و الكل قعدو فى الكراسي اللى البنات ظبطوها .

رغد وحنين خرجو وسلمو على الكل .

وطبعا اولفت وعزة كانو موجودين وده دان مضايق حمزة بس مرضاش يتكلم عشان خاطر هدى والحاج .

حسن اللى كان عينه على رغد اللى عماله تضحك وتهزر مع هدى وحنين وقد ايه جميله .

وحمزة عينه على باب الاوضه ومستنى خروج رهف على احر من الجمر .

هدى بهمس لرغد:روحى هاتى العروسه عشان لو اتاخرنا على حمزة اكتر من كدا احتمال يدخل يلبسها الشبكه جوااا .

رغد ضحكت:حاضر .

رغد نادت على مؤمن عشان يدخل يجيب رهف .

مؤمن خبط على الباب ودخل وابتسم لما شاف رهف:الف مبروك ياحبيبتى ... ربنا يجعل الفرحه دايمه فى حياتك .

رهف:الله يبارك فيك يامؤمن .

مؤمن:يلا عشان نخرج .

مؤمن مسك ايدها وخرجو ورهف سلمت على الكل باحترام ومؤمن مسك ايدها وقربو من حمزة اللى مد ايده وسلم عليها و مؤمن قعدها فى مكانها جمب حمزة .

حمزة عينه على رهف وهمس ليها:تعرفى انك احلى عروسه شوفتها .

رهف ابتسمت ومردتيش عليه .

حمزة:صح يارهف انتى كنتى بتقولى ايه وانتى عندى اصل مش فاكر .

رهف بصتلها وبعدت نظرها بسرعه عنه وحمزة ضحك عليها .

هدى:يلا يارغد هاتى الشبكه .

رغد دخلت الاوضه جابت علبه قطيفه كبيرة بلون الاحمر كان فيها كل الدهب واديتها لحنين.

حنين:لا امسكيها انتى .

رغد:لا دى مهمتك يااخت العريس يلا .

هدى طبطبت على كتف رغد:بنت اصول ومتربيه يابيتى .

حنين قربت من حمزة وبدات تديه الدهب وبدات بدله بتاعه رهف ورجعت ادت لرهف دبله حمزة وبعد كدا حمزة لبس رهف باقى الدهب .

هدى وام فرح زغرطو كتير من فرحتهم .

والكل قربو من حمزة ورهف وباركو ليهم .

حسن شايف رغد واقفه وعينها على اختها قرب منها:مش ناويه تباركى لرهف ولا ايه ؟!

رغد:هباركلها طبعا.

حسن:طب تعالى نبارك ليهم سوا .

رغد:يلا .

حسن ورغد قربو من حمزة ورهف وكل واحد فيهم حضن اخوه بحب وبارك ليهم .

وحسن بارك لرهف ورغد باركت لحمزة .

الحاج محمود قرب منهم وبارك ليهم بحب .

محمود على صوته:بمناسبه الحلوة دى ربنا يديم لمتنا سوا وعيله بتحب بعضها ومع بعض دايما على المرة قبل الحلوة.

الكل:امين .

محمود:حنين يابنتى .. تعالى قربى .

حنين قامت وقربت من باباها وهى مستغربه:نعم يابابا .

محمود:احنا فرحتنا كبيرة باخواتك بان كل واحد لاقى شريكه حياته وهيتسقرو .... بس فرحتى انا وامك بيكى هتبقي اكبر واكبر يابنتى .

حنين ضحك:فى ايه ياحوده انت عايز تخلص منى ولا ايه ؟!

الكل ضحكو على كلامها .

محمود:عن اذنك يارغد يابنتى هندخل البلكونه انا وحنين نتكلم شويا .

رغد:اتفضل ياعمو محمود البيت بيتكو .

محمود:يزيد فضلك يابنتى .

محمود دخل هو وحنين البلكونه ..... رغد نادت على فرح والبنات ودخلو المطبخ عشان يقدمو الجاتوه للكل .

ــــــــــــــــ★ـــــــــــــــ

فى البلكونه .

حنين:خير يابابا فى ايه ؟!

محمود:انتى خايفه وقلقه ليه كدا يابنتى ... فى كل خير والله يابنتى ....كل الحكايه ان فى يابنتى عريس ابن حلال متقدملك وانا امك واخواتك مش هنلاقى احسن منه ومن اخلاقه ليكى.

حنين:عريس ايه يابابا بس انا مش بفكر فى الجواز الوقت .

محمود:بصى يابنتى انا هقولك على العريس وانتى تردى الرد اللى يناسبك احنا مش هنضغط عليكى وتعرفى ظروفه ولو وافقتى يبقي خير وبركه ولو رفضتى يبقي كل حاجه قسمه ونصيب يابنتى ... هتسمعينى .

حنين:اكيد يابابا .

محمود:النهارده وانا فى ورشه .

••فلاش باااك••

محمود كان قاعد فى مكتب الورشه ودخل عليه مؤمن:ازيك ياحاج محمود ؟

محمود:اهلا اهلا يابنى تعالى اتفضل .

مؤمن سلم على محمود وقعد:بصراحه ياحاج انا كنت جاى وعايز اتكلم معاك فى حاجه كدا .

محمود:اتفضل يابنى انا سامعك .

مؤمن:حضرتك عارف انى كنت متجوز هى كانت بنت عمتى انا اتجوزتها لانه كان طلب ابويا الله يرحمه ... وعشت معاها اقل من سنه كنت بحترمها وبقدرها وهر كانت ونعمه الزوجه ... بس هى كانت حامل وعرفت انها مريضه قلب والدكتورة نصحتها ان الحمل مايكملش بس هى رفضت حتى انها تعرفى واتوفت يوم ولاده لارا ..... انا عشت طول ٦ سنين لبنتى وبس ... كنت خايف اتجوز فبنتى تتظلم .

محمود:لا حول الله يارب ربنا يرحمها ويباركلك فى بنتك يابنى .

مؤمن:تسلم ياحاج ..... انا بصراحه جاى وطالب ايد الانسه حنين .... انا شوفت تعلق لارا وحبها ليها وكما حنين وبتعاملها بكل حب .... وانا مش هكذب على حضرتك انا معجب بيها من اول مرة شوفتها .... طبعا عارف حضرتك هتقول ليه اجوز بنتى واحد كان متجوز ومعاه بنت كمان .

محمود:لا يابنى والله انت زين الشباب وبعتبرك زى ولادى ربى اللى يعلم .... وانا لو عليا مش هلاقى لبنتى احسن منك يابنى ... انا هتكلم مع امها واخواتها ولو فيه الخير تلبسها شبكتها مع رهف .

مؤمن فرح:الله يخليك ياحاج .

محمود:تسلم يابنى .

••بااااك••

حنين كانت بتسمع ابوها وكانت فرحانه بس بتحاول تدارى الفرحه .

محمود:هااا يابنتى قولتى ايه ... انا اتكلمت مع امك واخواتك وهما مافيش عندهم اى اعتراض .

حنين كانت مكسوفه ومش بتتكلم .

محمود:انا شايف الرد فى عينيكى اللى بتلمع دى يابنتى .... كبرتى ياحنين وهتبقي عروسه .

حنين دخلت جوا حضن ابوها اللى باس راسها .

محمود:يلا نخرج ليهم .

محمود خرج وهو ماسك ايد حنين ومؤمن عينه عليها ونفسه يعرف ردها ايه .

محمود:تعالى يامؤمن يابنى .

مؤمن قرب ووقف جمب محمود .

محمود:مؤمن طلب ايد حنين منى وانا وافقت عليه وبما ان النهارده فرحتنا بحمزة ورهف خلونا نفرح بمؤمن وحنين ... شبكتك معاك يابنى .

مؤمن:ايوا ياحاج .

(مؤمن لما خرج من عند محمود كلم رغد قالها وهى فرحت جداا بس قالها متقولش لحد ... وطلب منها تعرف مقاس صوابع حنين ورغد بفعل عملت نفسها بتجرب خواتمها لاقت انهم نفس مقاسها تقريبااا وكلمت مؤمن اللى راح عشان يجيب شبكتها)

مؤمن بص لرغد عشان تجيب الشبكه وهى دخلت جابتهم من الاوضه ومؤمن لبس حنين الدبله وتوينز وهى لبسته الدبله وكمان لبسها سلسله وانسيال وخاتم .

والكل بارك ليهم ولارا جرت على حنين:يعنى انتى عروسه زى رهف يانونااا

الكل ضحكو من قلبهم .

مؤمن شال لارا وباسها من خدهاا:ايه رايك بقي فى عروستى ؟

لارا:حلوة اوى يابابي وانا كمان بحبها اوى .

حنين اخدتها من مؤمن:وانا بموت فيكى يا اميرتى الحلوة .

هدى كانت بتتفرج على الدهب بتاع رهف وحنين وبصت لحمزة ومؤمن:تعيشو وتجيبو ليهم يابنى ربنا يزيدكم يارب .

حمزة ومؤمن:تسلمى ياست الكل .

كل لف على صوت اولفت:يجيبو ايه تانى ياهدى ... دول جيبنلهم دهب يلبسون طول حياتهم .

رغد اللى كانت قاعده جمب رهف:حنين ورهف يستاهلو كل خير يا طنط ... ولو مؤمن وحمزة جابو ليهم الدنيا تحت رجليهم هيبقي قليل اوى عليهم بردو .

اولفت اضايقت من ردها .

رهف بهمس سمعه حمزة اللى قاعد جنبها وحسن اللى جمب رغد:عيب كدا يارغد دول ضيوف عندنا .

رغد بنفس الهمس:بت بقولك ايه اسكتى خالص .

حمزة بنفس الهمس:انتى بتكلمى عروستى كدا ليه يارغد؟!

رغد:طب ونبي يااخويا سكت عروستك احسن افضهالك خالص .

حمزة بص لرهف:واحنا مالنا سيبها انشالله تولع فيهم ... انا موافق خدى راحتك يارغد واحتمال اساعدك انا كمان .

رغد ورهف وحسن ضحكوو .

بعد وقت طويل قضوه الكل فى ضحك وهزار على عكس اولفت وبنتها اللى كانو هيطقو من الغيظ .

جرس الباب رن وحسن قام يفتح وكان محمد ومعاه المأذون اللى دخل وسلم الرجاله وقعد .

رغد:انت جايبين مأذون ليه؟!

حمزة:عشان كتب الكتاب يارغد .

رغد:كتب كتاب مين معلش ... احنا متفقين على خطوبه .

حسن من وراها:مؤمن وحمزة هيكتبو الكتاب يادكتورة .

رغد بصت لحمزة بغيظ:انت بتقرب من راسك يعنى ... قلبت الخطوبه لكتب كتاب ... مش ناوى على فرح بالمرة .

حمزة:والله ياريت ينفع .

حسن ضحك:وفيها ايه يارغد لما يكتبو الكتاب .

مؤمن قرب منهم:مالك يارغد؟!

رغد:وانت كمان بتقرب معاهم من ورايا يامؤ !!

مؤمن:احنا قولنا مفاجاه يعنى .

رغد:ماشي يامؤمن .

محمود:يلا مؤمن عشان نبدا بيك .

مؤمن بص لرغد:اضحكى بقي مش فرحانه لاخوكى .

رغد ابتسمت:فرحانه من قلبي طبعاا لاخويا .

مؤمن:قلب اخوكى انتى .

المأذون بدا بكتب كتاب مؤمن وحنين اللى كانت فرحانه ولارا قاعده فى حضنها .

وانتهى كتب الكتاب بجمله المأذون الشهيرة ومؤمن قرب من حنين وباس راسها:مبروك ياحنين .

حنين:الله يبارك فيك .

حمزة:وسعو بقي كدا ده دورى .

المأذون بدا بكتابه الكتاب وبعد شويا خلص وحمزة قرب من رهف اللى كانت مكسوفه جدا وهو محبش يحرجها وباس راسها:مبروك ياقلب حمزة .

رهف ابتمست:الله يبارك فيك ياحمزة .

الكل باركو لشباب والبنات وقضو وقت جميل واتعشو سوا وبعدها الكل مشو وفضل الشباب بس مع البنات .....

الفصل السادس والعشرون

فى بيت الشهاوى بعد ما عيله البطل مشو بس فضل الشباب كل واحد مع عروسته .

فى بلكونه اوضه المرسم .

كان واقف حمزة ورهف .

حمزة:النهارده اسعد يوم فى عمرى كله .... مبروك عليا انتى يارهف .

رهف بكسوف:الله يبارك فيك .

حمزة:لا ونبي يارهف الغر الكسوف والتوتر ده مابينا خالص ... انا الوقت جوزك يارهف .

رهف وشها احمر اكتر.

حمزه ضحك:هو انا بقولك اتكسفر اكتر يابنتى !

رهف:حمزة بقا لو سمحت بطل .

حمزة:بطلنا ياقلب وروح وعقل حمزة .

رهف ابتسمت .

حمزة:عايز دايما اشوف الضحكه دى على وشك يارهف واوعدك انى على قد مااقدر هابعد عنك كل الحزن والزعل .

رهف:ربنا يخليك ليا .

حمزة:دانا امى دعيالى اقسم الله ... بحبك وربنا يخليك ليا الاتنين فى يوم واحد ... كدا ممكن يغمى عليا والله .

رهف ضحكت اوى وحمزة بصلها بعشق .

رهف:ليه مقولتيلش على موضوع كتب الكتاب ؟!

حمزة:حبيت اعملها ليكى مفاجاه .... كانت حلوة ولا وحشه ؟

رهف:حلوة جداا .

حمزة:طب الحمدلله .

حمزة ورهف فضلو يتكلمو كتير .

ـــــــــــــــ★ــــــــــــــ

نروح للبلكونه اللى فى الصاله .

ودى كان واقف فيها مؤمن وحنين ولارا قاعده على كرسي جمبهم وبتلعب فى فون مؤمن.

مؤمن:مبروك ياحنين .

حنين:الله يبارك فيك .

مؤمن:حنين انا عارف ان الموضوع جه بسرعه .... وبدون ترتيب بس انا اتكلمت مع الحاج وهو قال هيسالك وتبقي الخطوبه مع حمزة ورهف .... انا عارف ومتاكد ان الحاج مستحيل يجبرك على حاجه ... وان انتى وافقتى وده شئ مفرحنى جداا .

حنين كانت بسمعه وهى بتلعب فى الدبله .

مؤمن:يمكن تشوفينى انانى عشان انا كنت متجوز وكمان معايا بنت والمفروض كنت اختار واحده زيى .... واتمنى ماكنش ظلمتك معايا.

حنين:بس انا مش شيفاك انانى ... بالعكس انت فى نظرى اب مثالى ... يعنى بدور على راحه بنتك قبل اى حاجه .... وبعدين متقلقش انا بحب الاطفال جداا وكمان انا بحب لارا من اول مرة شوفتها هى بنوته كيوت وبتدخل القلب بسرعه .

مؤمن ابتسم:انا من وقت وفاه تقى مامت لارا وانا عشت حياتى كلها ليها ... كل الناس بقت تقولى اتجوز وانا اقول لا ... اخاف اتجوز واحده تعامل لارا بطريقه مش كويسه .... انا كنت بحاول احافظ عليها واحميها من اى حاجه زى ما والدتها عملت حافظت عليها رغم تعبها لاخر نفس فيها .

حنين:ربنا يرحمها .

مؤمن:حنين لو هتضايقى من كلامنا عن تقى عرفينى وانا مستحيل اجيب سيرتها تانى قدامك .

حنين:لا طبعا وهضايق ليه ؟! ... دى كانت بنت عمتك وكمان مراتك وقضيتو سنه من عمركو مع بعض واكيد انا مش هقتل الذكريات دى جواك ...وكمان من حق لارا انها تسمع ذكرياتك مع والدتها ... لانى مهما عملت مش هقدر اعوضها عن غياب والدتها .

مؤمن ابتسم ولارا قربت منهم وهى نعسانه:بابي انا عايزة انام اوى .

حنين شالتها:ياروحى انا ... ايه رايك نونه اللى تنميك النهارده .

لارا حضنتها:موافقه جدااا .

حنين ضحكت:يلا ندخل الاوضه .

حنين اخدت لارا ودخلو الاوضه ومؤمن حس انه عرف يختار اللى تقدر تعوض بنته عن غياب والدتها وكمان تعوضه هو لانه اول مرة يحس بالحب وقد ايه جميل .

ـــــــــــــــ★ــــــــــــــ

انا بقي على سطح بيت الشهاوى كان حسن قاعد على السور ورغد واقفه جمبه .

رغد:تصدق اول مرة اطلع هنا من وقت ماجينا .

حسن:طب ليه ده القاعده هنا حلوة اوى .

رغد:اغلب وقتى مع رهف ولارا ياما بكلم محمد ومها عشان اعرف اخبار المستشفى كدا بس .

حسن:شكل محمد ده قريب منك اوى .

رغد:عادى يعنى محمد معايا تقريب من وقت مابدانا ندرب فى المستشفى سوا ... هو اصلا كان نفس دفعتى .... ممكن تقول كدا بثق فيه جدا وهو بيتعامل معايا كأنى اخته .

حسن:شوفته لما كان جاى يوصل رهف .

رغد:ياااه كان يوم صعب اوى ... عشت كام ساعه رعب لحد ما رهف وصلت اسكندريه وبقت فى حضنى .

حسن:ايه سبب العداوه بينك وبين عمك من الاساس .

رغد:بسبب وصيه بابا .... بابا ماكنش بيثق فيه وعشان كدا مكتبش اى حاجه ليه غير ٢٥٪ من الشركه بس ... وهو طبعا عايز ياخد الشركه والمصنع باى طريقه .... وقال ايه كان عايز يجوز رهف لابنه مازن عشان يقدر يكحوش على كله بس على مين دانا رغد .

حسن ضحك:قويه ومستقويه .

رغد:انا قويه عشان الحق ... من الاخر مابحبش الحال المايل ولا ان حد يجى على حد ضعيف دى كل الحكايه بس ..... وانت كمان كدا فاكر لما دخلت خناقه بسبب البنت اللى من الحارة .

حسن:اهاااا فاكر ... بس هو كان كمين وكنت انا المقصود .

رغد:بتهزر !!

حسن:جابر ابن منصور اللى كان بعته عشان يعلم عليا قبل هو مايخرج من السجن ... بس انا عرفت اجيب كل المعلومات عن الواد ده من مراد وعرفت انه كان مع جابر فى نفس الزنزانه وعرفت اوصله وعملت عليه كمان .

رغد:والله جدع .

فون رغد رن وكان محمد مكالمه فيديو .

رغد بصت لحسن:انا لازم ارد

حسن:تمام .

رغد ردت عليه وكان محمد ومعاه مها وهما فى المستشفى .

رغد:ايه ده انتو لسه فى المستشفى ليه؟!

مها:رغد فى مصيبه يارغد .

حسن انتبه للكلام .

رغد:مصيبه ايه مش فاهمه ؟!

مها:فاكرة الست اللى قولتلك انها جن وفؤاد اتعامل معاها باحترام وقال انه هيبقي مسؤل عنها .

رغد:ايوا مالها ؟

محمد:بنت الست دى جالتى النهارده وقالتلى ان فؤاد هيعمل والدتها العمليه بكرة .... وانا قولتلها تمام مافيش اى مشكله هنجهز كل حاجه .... قالتلى انها مستغربه انه عايز يعمل العمليه الساعه ١٢ بليل وانها خايفه على مامتها .

رغد:واحنا من امته بنعمل عمليات متاخر كدا اخر مواعيد فى العمليات ٦ المغرب .

مها:ما احنا مستغربين من كدا يارغد ... وانا محمد فكرنا كتير ... هو ممكن يكون هيعمل حاجه غلط فى العمليه وبيعملها فى وقت مش معرفوش .

محمد:ده كمان قال للبنت انها متقولش لحد من مسؤلين المستشفى على معاد العمليه ... قال ايه عشان محدش فيهم هيوافق انه يعمل العمليه ببلاش .

رغد:انت بتفكر فى ايه محمد وايه الغلط اللى ناوى يعمله .

رغد سكتت شويا:معقول اللى جه فى دماغى ؟!

مها:احنا فكرنا زيك يارغد انه ممكن يكون

حاجه غير قانونيه .

رغد:ده يبقي يومه اسود لو فكر يعمل كدا فى المستشفى بتاعتى .... هى قالتلى الساعه ٢ .

مها:ايوا .

رغد:انا هجيلكو بكرة وهنبلغ الشرطه عشان لو فى اى حاجه يتمسك متلبس .

محمد:انا فكرت فى كدا بردو .... بس مش لازم تيجى يارغد انا هتصرف .

رغد:لا بكرة هكون عندكو .... بس اتعاملو عادى خالص وبلاش تحسسوع باى حاجه وتمشو فى معادو عادى جداا تمام .

محمد:تمام يارغد ... وصح مبروك لرهف وليكى كمان مها قالتلى .

رغد:الله يبارك فيك يامحمد .

محمد:مع انى زعلان ازاى محضرش كتب كتاب اختى بس فرحانه ليكى من قلبي .

رغد:يابنى ده كان حوار هابقي احكيلك عنه بعدين .... وانتى ياموكوسه حددتى الفرح ولا لسه ؟

مها:ونبي سبينر فى حالى مش كفايه انى الدكتورة مها شغاله المفتش كرومبو فى المستشفى بس ناامارس مهنتى .

رغد ضحكت:انا قولت عشان متزهقيش ياقلبي التغير مطلوب .

محمد ضحك ومها كانت متغاظه منهم .

مها:طول عمرك قويه ومستقويه كدا يا رغد يا بت جمال الصاوى .

رغد:اغلطى اغلطى براحتك ... تحبي الغى الاجازة خالص وبلاها جواز .

محمد ضحك:تبقي جدعه يارغد والله .

مها:طبعا ماحضرتك متجوز ومخلف والهانم مكتوب كتابها تيجو بقي على قرمط الغلبان وتفترو .

رغد:تصدق صعبت عليا يامحمد خلاص سماع المرة دى وياستى هديكى اسبوع زياده اهو هيبقو اسبوعين مرضيه يابنتى .

مها:مرضيه دانا نفسي اشوفك عشان ابوسك يارغد .

رغد ومحمد ضحكو.

رغد:طب يلا هونا كدا ... سلام .

محمد ومها:سلام .

رغد قفلت والضحكه اختفت من على وشها:ماشي يافؤاد الكلب .

حسن:انا هاجى معاكى بكرة .

رغد:متتعبش نفسك ياحسن انا هروح مع مؤمن .

حسن نزل من على السور وقال وهو ماشي:هستناكى بكرة الصبح .

رغد ضحكت ونزلو وراه .

حمزة وحسن وحنين مشو ومؤمن دخل ينام فى حضن لارا والبنات كمان نامو .

ـــــــــــــــ★ــــــــــــــ

تانى يوم .

مؤمن ورغد كانو بيجهزو عشان يسافرو القاهرة .

رهف:يعنى مينفعش اى حد تانى يعمل العمليه دى يارغد ؟

رغد:لا يارهف ... وبعدين خلاص بقي انا مش هفضل سايبه المستشفى كدا دايما .... لازم كل شويا اروح اتابع .

مؤمن:متخافيش عليها يارهف انا معاها .

رغد:وانت معاايا ليه بقا ان شاء الله انت هتروح شركتك وانا هفضل فى المستشفى لحد ما اخلص شغلى ... وممكن اتاخر يارهف يعنى ممكن ماجيش النهارده اصلا .

رهف:رغد انا مش مطمن وخايفه عليكى .

رغد حضنتها:ياروحى متخافيش وهابقي اكلمك دايما حلو كدا .

رهف:ماشي يا رغد .

مؤمن:يلا يارغد .

رغد اخدت شنطتها ونزلو كان حسن واقف قدام الورشه .

مؤمن:صباح الخير يابطل .

حسن قرب منهم:صباح النور يامؤمن .... صباح الخير يادكتورة .

رغد:صباح الفل ياابو على .

حسن:يلا ولا ايه ؟!

مؤمن:هو انت رايح معاها ؟

حسن:ايوا عشان نرجع سوا .

مؤمن:طب كويس كدا هابقي مطمن عليها لان الهانم مش عايزانى اروح معاها المستشفى .

حسن:رغد اركبي مع مؤمن فى العربيه وانا هروح بالموتوسيكل .

مؤمن:هتسافر بيه ياحسن وهترجعو ازاى بيه ؟!

حسن:انا ماليش فى جو العربيات دى ... يلا عشان نتحرك .

رغد كان نفسها تركب مع حسن ... كان بتتمنى هو يطلب منها ... بس طمنت نفسها انها هترجع معاه ووقتها هتركب معاه الموتوسيكل .

مؤمن ركب العربيه ورغد بصت لحسن اللى ركب الموتوسيكل:خد بالك على نفسك ياحسن .

حسن ابتسم بحب وغمزلها:ماخافيش عليا .

رغد ضحكت وراحت عشان تركب مع مؤمن .

ـــــــــــــــ★ــــــــــــــ

فى القاهرة .

فؤاد قاعد فى مكانه وبيكلم فاروق .

فؤاد:انا خايف ومش مطمن يافاروق كنا عملنا العمليه دى برا المستشفى احسن .

فاروق بخبث:انت هتعملها بعد ساعات العمل يافؤاد وبعدين اهدى بقي هى اول مرة يعنى !!

فؤاد:عارف انها مش اول مرة بس اول مرة جوا المستشفى ... رغد لو شمت خبر احتمال تقتلنى .

فاروق:وانت خايف اوى كدا ليه ... ماتجمد يا فؤاد شويا هنخاف على اخر الزمن من حته بنت مفعوصه .... وبعدين فكر فى الفلوس اللى هتجيلنا دانا هنعيش ملوك بعدها ....

يلا اقفل وروح ركز فى شغلك .

فؤاد:حاضر سلام .

فاروق:سلام

فؤاد قفل وقام عشان يطمن على حاله الست اللى المفروض تكون صحتها كويسه جدااا .

ـــــــــــــــ★ــــــــــــــ

محمد ومها كانو متابعنين فؤاد كويس جداا وبيكلمو رغد عشان يعرفوها كل التفاصيل .

رغد كلمت مراد وطلبت منه يكون موجود بليل فى المستشفى وشرحت ليه كل حاجه وهو قالها انه هيجى .

مؤمن ورغد وحسن وقفو فى استراحه شويا ورجعو كملو الطريق .

ـــــــــــــــ★ــــــــــــــ

فى بيت البطل .

هدى كانت بتكلم رهف فى فون .

هدى:وانتى قاعده لوحدك ليه يارهف تعالى قضي اليوم معانا يابنتى .

رهف:انا معايا لارا ياهدهد متخافيش علينا .

هدى:بقولك ايه انا النهارده بحضر اكل رمضان ... انتى عارفه بقي بنملى التلاجه اكل ... والبت حنين النهارده اجازة من الدروس وبتجهز معايا ماتيجى بقي تساعد حماتك .

رهف:حاضر ياعيونى ياهدهد .

هدى:اجهزى انتى ولارا وانا هكلم الواد حمزة يجى يوصلك .

رهف:ملوش لزوم ياهدهد ده البيت جمبنا .

هدى:يلا البسي بس .

رهف:حاضر .

هدى قفلت مع رهف وكلمت حمزة اللى فرح جداا ان رهف هتقضي اليوم عندهم بس افتكر اولفت ووصي هدى على رهف عشان اولفت وعزة محدش فيهم يضايقها بالكلام وهدى طمنته انه ميخافش .

ـــــــــــــــ★ــــــــــــــ

بعد شويا رهف كانت لبست اسدالها ونزلت مع لارا اللى اول ماشافت حمزة جرت عليه حضنته .

حمزة:لولى القمرايه .

حمزة بص لرهف:ازيك يارهف ؟

رهف:انا الحمدلله كويسه ... وانت اخبارك ايه ؟

حمزة:انا ميت فل وعشرة بدام شايفك قدامى .

رهف ابتسمت وحمزة مسك ايدها عشان يمشو .

بس رهف شدت ايدها بسرعه:عيب ياحمزة احنا فى الشارع والحارة كلها بتبص علينا .

حمزة مسك ايدها تانى:وانا ميهمنيش اى حد ... انتى مراتى يارهف يلا امشي .

رهف مشت مع حمزة وعيون منصور ومحروسه كانت عليهم .

منصور:يعنى كتبو الكتاب .

محروسه:اه اولفت اللى قالتلى ... وكمان الواد اللى بيجى عندهم دايما ده كتب كتابه على حنين اخت حسن .

منصور:البت دى كان نجيب مناخيرها الارض .

محروسه:هتعمل ايه يا معلم ؟!

منصور:ابنك عرف انها مكتوب كتابها على حسن ؟

محروسه:لا ميعرفش وهو غطسان بقاله فترة كدا معرفش بيعمل ايه .

منصور:يبقي متقوليش ليه ونفهمه ان البت دى شمال وبتلعب على حسن البطل ونخليه يقوم معاها بالواجب هو واصحابه ووقتها مش هتقدر ترفع عينها فى وش حد وهامون انتقمت منها على اللى عملته معايا فى وسط الحارة .

محروسه:هى فكرة حلوة اه ... بس حسن لو شم خبر بالموضوع هتكون نهايه ابنك ... دى مراتك ياراجل .

منصور:بعد ما ابنك يخلص هنهربه فى حته الدبان الازرق ميقدرش يوصله .

محروسه:حاضر .

ـــــــــــــــ★ــــــــــــــ

بعد وقت طويل مؤمن ورغد وصلو القاهرة ورغد طلبت منه ينزلها عند المول بحجه انها هتنزل تشترى حاجه .

مؤمن نزل رغد اللى كانت عينها على الطريق ومش لاقيه حسن .

طلعت فونها ونت عليه واتفاجات باللى بيقف جمبها فجأه .

رغد:انت كنت فين مش المفروض كتت ماشي ورانا .

حسن:قابلت واحد معرفه كنت بكلمه ... انتى نزلتى هنا ليه ؟!

رغد:عشان مش هروح المستشفى غير بليل عشان فؤاد مايحسش بحاجه.

حسن:هتعملى ايه الوقت ؟!

رغد:مش عارفه لسه بدرى اوى .

حسن:بقولك ايه اركبي .

رغد:هنروح فين ؟

حسن:اركبي بس مش نفسك تركبي معايا يلا .

رغد:ومين قالك انى نفسي اركب معاك !!

حسن:عيونك ياجميل يلا .

رغد ضحكت وركبو ورا حسن .

حسن:بتخافى .

رغد:تعرف عنى كدا !!

حسن:طب امسكى فيا كويس .

رغد حطت ايدها على كتف حسن

حسن:اللى هو ايه ده !!

رغد:اومال امسك ازاى يعنى ؟!

حسن مسك ايدها ولفهم حولين وسطه:كدا يادكتورة .... جاهزة ؟

رغد بحماس:جدااااا .

حسن ساق بسرعه ورغد ضمته اكتر وحسن لف بيها كتير فى شوارع القاهرة وهى كانت مبسوطه جداا .

وبعدها راحو مطعم اتغدو سوا وكملو لف تانى بالموتوسيكل .

والدنيا ليلت عليهم وراحو قعدو على البحر .

رغد كانت قاعده على الرمل وعينيها على البحر ... حسن قعد جمبها ومد ايده ليها بدرة مشوية .

رغد:ايوا بقااا الدرة المشوية .

رغد وحسن بداو ياكلو وعينيهم على البحر ومافيش حوليهم غير صوت الامواج والهواا .

حسن:ساكته ليه يارغد ؟

رغد:بحب لما اقعد قدام البحر افضل بصاله كدا ... بحكيله كل همومى وهو بيخفف عنى وبيطبط عليا بالهوا اللى بيلمس وشي .

حسن:طب ماتحكيلى يمكن اقدر اخفف عنه ؟

رغد بصتله شويا ورجعت بصت للبحر تانى:نفسي كل المشاكل دى تنتهى واعيش حياه طبيعيه انا واختى وكل اللى بحبهم ..... عارف بابا كان بيشتغل وبيتعب عشان يأمن لينا مستقبلنا ماكنش يعرف ان الفلوس دى هى اللى هتجيب كل المشاكل والحزن لحياتنا .

حسن:الحياه بنعيشها بحلوها ومرها يارغد ... عمرك شوفتى حد عايش حياه من غير مشاكل !

رغد قامت وقفت وبصت لحسن:مشاكل عن مشاكل تفرق ياحسن ... لما تبقي عايش وعارف ان حياتك ان واختك فى خطر طول الوقت ... ومن مين؟ .... ده من عمك وابن عمك انت متخيل ..... بابا الله يرحمه لما كان عايش كان هو بيواجه كل المشاكل دى لوحده .... لكن من يوم ماتوفى وانا اللى بواجه كل ده لوحدى ... الكل بيشوفو رغد دى قويه ومستقويه زى مابتقول ... بس انا بنى ادم وليه طاقه وطاقتى خلاص بتخلص .

حسن كان حاسس بوجعها وصوتها المهزوز .

رغد بصت لبحر واتكلمت بصوت مخنوق: انا تعبت تعبت اوى ياحسن .... نفسي اصرخ واطلع كل الوجع اللى جوايا يمكن اقدر ارتاح شويا .... نفسي انا الليل وانا مطمنه ومرتاحه .

حسن قام من مكانه وقرب منها وشدها من دراعها ودخلها جوا حضنه ورغد مسكت فى تيشيرت بتاعه وعيطت جامد .

حسن ضمها اكتر لحضنه:هشششش .... انا معاكى يارغد وعمرى ماسيبك لوحدك ... ولا هسمح لحد يمس شعره واحده منك ولا من رهف .

رغد فضلت تعيط كتير لحد ماهدت خالص وبعدت عن حسن ومسحت دموعها:تعرف عايزة اعمل ايه ؟!

حسن:ايه ؟؟

رغد:نفسي اجرى ... تجرى معايا ؟؟

رغد جرت بسرعه بعيد عن حسن اللى ضحك من قلبه:يابنت المجنونه .

حسن جرى وراها وكانو بيضحكو من قلبهم .

رغد وهى بعيد عن حسن:مش هتقدر تمسكى يابطل .

حسن:هى بقت كدا مااااشي .

حسن جرى بسرعه جدااا وبقا قريب من رغد ورغد اتفاجات لما لحسن ضمها من ضهرها ولف بيها كتير وهى كانت مبسوطه وبتضحك من قلبها .....

حسن ورغد قابلو مراد وكان معاه بعض من عناصر الشرطه .

وراحو عند المستشفى وراحو من باب الطوارئ وكان محمد ومها مستنينهم هناك .

رغد:هو فوق يامحمد ؟

محمد:ايوا وفى ناس وصلو من شويا ودخلو المستشفى .

مها:وفاصل كل الكاميرات يا رغد .

مراد:بدام فاصل الكاميرات اكيد هيعمل حاجه مش قانونيه وبدون علم اداره المستشفى .

حسن:انت المفروض هتدخل على طول ولا هتعمل ايه ؟!

مراد:لا رغد اللى هتدخل وبعد كدا هندخل وراها .

حسن بحده:انت بتهرج يامراد وافرض اذاها .

رغد ابتسمت لانها حسن بخوفه عليها:مانت معايا ياحسن ماتقلقش .... يلا .

كلهم طلعو من باب الطوارئ ورغد قربت من اوضه العمليات اللى شافتها منورة .... وكانت سامعه اصوات كتير جوا .

وبنت الست كان واقفه برا وكان محمد ومها مفهمناها كل حاجه .

ومراد شاورلها تسكت .

رغد فتحت الباب فجأه وكل اللى جوا الاوضه اتصدمو .

فؤاد:دكتورة رغد .

رغد عينها على الست اللى نايمه على السرير وشكلها متخدرة:ايوا دكتورة يارغد اللى حضرتك مفكر نفسك هتقدر تستغفلها .

فؤاد:لالا دى مجدر عمليه بسيطه ولله كمان .

رغد ضحكت بصوت عالى:لله ... بقا انت يامراد تعمل حاجه لله ياسبحان الله ..... ولما هى حاجه لله بتعملها فى وقت متاخر ليه وكمان فاصل الكاميرات وكمان بدون علمى .... ولا انت مابتحبش حد يعد على الحسنات ولا ايه .

فؤاد بتوتر:اهدى يا رغد وانا هفهمك .

رغد:تفهم مين ياواطى .... بقي بتعض الايد اللى اتمد ليك وعايز تشوه سمعه المستشفى ياحقير .... افرض انى صادقتك وانها حاجه لله مين الناس دول ... ليه مش معاك ناس من المستشفى جايب ناس من برا ليه .

رغد بصت على الاجهزة اللى موجوده فى الاوضه:ومش دول الاجهزة اللى بيحفظو فيها الاعضاء بردو ولا انا بتهيئلى .

فؤاد:بصى يا رغد دى عمليه سهله وهيجى من وراها فلوس كتير سبينر اكملها واوعدك هاديكى المبلغ اللى تطلبيه .

رغد:لا والله تصدق فكرة بردو

فؤاد شاور لواحد من رجاله اللى معاه اللى قرب من رغد ومسكها بقوة ورغد كانت بتحاول تقاومه بكل قوتها .

فؤاد قرب منها:ايه رايك لو نعمل العمليه دى عليكى ... حتى انتى لسه صحتك كويسه وشباب يعنى .

برا الاوضه حسن كان هيتجنن وهمس لمراد:ماتخلص يامراد بقي ادخل .

مراد:اصبر ياحسن .

حسن:لو مدخلتش انا هدخل انا اخلص

مراد اتنهد ودخل مع العساكر ومسكو كل للافراد اللى كانو فى الاوضه وفؤاد كان هيتجنن .

حسن قرب من الراجل اللى ماسك رغد وضربه بالبوكس:انتى كويسه يارغد .

رغد:ايوا ياحسن .

رغد قربت من فؤاد:عايز تشوه سمعه مستشفى النور ياحقير .... بس على مين ده انا رغد .

فؤاد بغل:ايوا هشوه سمعتها وسمعتك وسمعه ابوكى اللى كان ماشي ورا المبادئ والاخلاق .... انا طول عمرى بكرهه .... ابوكى يستاهل اللى فاروق عمله فيه .... ابوكى ده بنى ادم حقـ...

فؤاد لسه هيكمل بس قطعه ايد رغد اللى نزلت على وشه بقلم بكل قوتها .

رغد:لما تيجى تتكلم عن جمال الصاوى تتكلم عنه باحترام .....

جمال الصاوى ده اللى انت والحقير اللى اسمه فاروق بتكرهوه عشان مش قادرين تبقو شبهه ومهما عملتو مش هتجيبو ضافر صابع رجله حتى ....

جمال الصاوى ده اللى شغلك وعملك قيمه ولو ماكنش وظفك هنا فى المستشفى كان زمانك قاعد فى البيت زى النسوان ياواطى ...

لولا كلمه جمال الصاوى اللى قالى سبيه عندك يارغد فى المستشفى كنت زمانى رميتك زى اى كلب برا ولا تفرق معايا بس انا عملت لكلمته خاطر ..... انت مفكر نفسك دكتور ... ده دكتور محمد اللى مدرب على ايدك اجدع وامهر واشطر منك وكفايه انه بيراعى القسم اللى اقسمه مش واطى وكلب فلوس زيك .... وربي ومااعبد يافؤاد لو فكرت تغلط فى بابا مرة تانيه ماهتخرج ماشي على رجليك .... روح معاهم عشان انت معاك فى السجن ياواطى .... انا متاكد ان فاروق معاك فى الشغل ده ومش هسكت غير لما اجيب رجليه عشان تعفنو انتو الاتنين سوا فى السجن لان ده المكان اللى يناسبكو ... خدوه يامراد .

مراد اخدهم كلهم ونزلو والبنت جرت على امها.

مها شافتها:متخافيش هى متخدرة بس لما مفعول البنج يروح هتفوق .

رغد:محمد انقلوها اوضه وتابعو حالتها واعملو اللازم معاها .

محمد:حاضر يارغد .

مها:اظن مافيش حد مبسوط قدك خلصتى من فؤاد مش بس مشتيه من المستشفى لا ده انتى مشتيته من الدنيا كلها .

رغد:كان بودى اعملكو حته حفله فى المستشفى بس ملحوقه هنعملها متقلقيش .

مها ومحمد ضحكو .

محمد:هترجعى اسكندريه ولا هتفضلى هنا .

رغد بصت لحسن:لا هنرجع اكيد مش كدا ياحسن ..... صح نسيت اعرفكو حسن جوزى .

محمد سلم عليه ومها كمان.

رغد:هنرجع ؟

حسن:لو تفضلى لصبح عادى .

رغد:كلها ساعتين والفجر هيأذن خلينا نرجع .

حسن:طب يلا .

رغد سلمت على مها ومحمد ومشت مع حسن .

حسن ورغد نزلو وركبو الموتوسيكل ومشو .

ــــــــــــــ★ـــــــــــــــ

صباح يوم جديد فى حارة البطل .

رغد وحسن وصلو الحارة ورغد نزلت قدام بيتها وكانت بتكلم حسن وبيضحكو وبعدها طلعت وحسن راح على بيته .

جابر كان واقف عند المحل بتاعهم وعينه عليهم .

محروسه جت من وراه:مالك يابنى؟

جابر:هو ايه اللى بين حفيده الشهاوى وابن البطل ؟!

محروسه لاقت ان دى فرصه عشان تنفذ خطه جوزها:معرفش يابنى ... بس شكلها بت شمال عماله تتضحك مع ده وتهزر مع ده .

جابر:حتى لو شمال دى راكبه وراه المكنه ولا ههمها الناس .

محروسه:علمى علمك يابنى .

جابر:والبطل بتاع الادب والاخلاق راضي يمشى معاها كدا ؟

محروسه:كله مش سهوكه البت دى جابر شكلها بت مش سهله ابداا .

جابر:صح .... انا عندى مشوار هخلصه واجى .

محروسه:حاضر يابنى .

جابر مشي ومحروسه ابتسمت بخبث ودخلت المحل .

ــــــــــــــ★ـــــــــــــــ

رغد طلعت البيت كانت رهف ولارا بيحضر الفطار فى المطبخ .

رغد:ياصباح الفل .

رهف ولارا:صباح النور .

رهف:خلصتى عمليتك ياحبيبتى ؟

رغد:ايوا يارورو .

رهف:طب يلا عشان تفطرى معانا .

رغد:لا انا هدخل اخد شاور وانام ولما اصحى هابقي اتغدى معاكو .

رهف:طب خدى شاور وهعملك سندوتش سريع تاكليه قبل ماتنامى .

رغد:حاضر يارغد .

ــــــــــــــ★ـــــــــــــــ

فى بيت البطل .

حسن دخل كان الكل بيفطرو:صباح الخير .

الكل:صباح النور .

محمود:حمدلله على السلامه يابنى .

حسن باس راسه:الله يسلمك ياحاج .

هدى:كدا ياحسن متعرفنيش انك هتبات برا ؟

حسن:معلش ياست الكل غصبن عنى كان عندى شغل مهم .

هدى:ربنا يراضيك يابنى يارب .

حمزة:هتيجى الورشه ولا هتريح .

حسن:هنام ساعتين كدا واجيلك .

محمود:ريح يابنى انت صاحي طول الليل وبعدين الشغل مش كتير ولا حاجه .

حسن:حاضر ياحاج .

حمزة:عن اذنكو هروح انا الورشه .

محمود:اذنك معاك يابنى .

حسن طلع وحنين كمان طلعت السطح ومحمود راح الورشه لحمزة وهدى قامت تشيل الاكل وكالعاده العقارب قاعدين سواا .

ــــــــــــــ★ـــــــــــــــ

عدى اليوم على الكل حسن ورغد اللى نامو من تعب اليوم .

مؤمن اللى عرف باللى حصل من مراد وكان هيتجنن بسبب خوفه على رغد وبيرن عليها قفله فونها ورهف قالتله انها نايمه .

مرت الايام وباقى على شهر رمضان الكريم يوم .

شباب الحارة كانو متجمعين كلهم بيزينو الحارة بالانوار واحبال اللى عليها كلها رسومات لشخصيات رمضان .

رغد ورهف وحنين اللى كانو متجمعين فى بيت البطل وبيزينو البيت والسلم والسطح وكان شكله روعه .

وهدى اللى مشغوله فى المطبخ بتجهيزات اكل رمضان .

حمزة اللى اخد مجموعه من شباب الحارة وقررو ينضفو الجامع اللى موجود فى الحارة ويزينوه بمناسبه الشهر الفضيل .

والحاج محمود قاعد مع رجاله الحارة وبيخططو عشان مائده الرحمن اللى بيعملوها كل سنه اول يوم جمعه فى الشهر رمضان .

ــــــــــــــ★ـــــــــــــــ

البنات بعد ماخلصو تزين بيت البطل ... راحو عشان يزينو بيت الشهاوى .

البنات ماشين وشايفين الشباب وهما بيزينو . ووصلو عند بيت الشهاوى والبنات طلعو البيت وبداو يعلقو الزينه جوا البيت .

ورغد خرجت البلكونه تعلق الزينه فى البلكونه

وكان حسن واقف على سلم بيعلق النور .

رغد:الله ينور يابطل .

حسن بصلها وضحك:ايه رايك ؟

رغد:جامد الصراحه .

حسن:هتعلقو الزينه ؟

رغد:اه .

حسن:مش عايزه اى مساعده ؟

رغد:لا شكراا يابطل .

حسن ضحك وكمل تعليق الزينه وكل شويا عينه تيجى على رغد اللى بتعلق النور فى البلكونه .

ــــــــــــــ★ـــــــــــــــ

عدى اليوم بسرعه عليهم والحارة كلها بتجهز بيوتها لاستقبال شهر رمضان الكريم .

البنات كانو مبسوطين لانهم اول مرة يعيشو الاجواء دى .

وجه وقت سحور اول يوم رمضان .

هدى اصرت على رغد ورهف انهم يتسحرو معاهم فى بيت البطل .

على السفرة .

الكل متجمعين حولين السفرة .

رغد ورهف كل واحده جمب جوزها .

الكل اتسحرو سوا.

محمود:كل سنه وانتو طيبين وبخير ودايما متجمعين مع بعض .

الكل:وانت طيب ياحاج .

حمزة همس لرهف:رمضانى احلى بوجودك جوا قلبي .

رهف ابتسمت ومردتيش عليه .

رغد بصت لحسن اللى لحد الوقت ماقالاش حاجه بمناسبه رمضان لاقيته بيتكلم مع الحاج محمود ومش معبرها .

رغد بهمس:اووف بارد .

حنين سمعتها وضحكت عليها .

رغد بصتلها بغيظ وبصت لهدى:احنا هنمشي بقي ياهدهد .

حنين:مش قولنا انكو هتنامو معايا .

رغد:يابنتى ماحنا هنجيلكو بكرة باذن الله .

هدى:نامو مع حنين يابنات ونقضي اليوم من اوله سوا .

رغد بصت لرهف اللى هزت راسها باه:تمام ياهدهد .

محمود:يلا ياشباب نصلى الفجر فى الجامع .

محمود والشباب خرجو من البيت.

وهدى والبنات قامو يتوضو عشان يقرأو شويا فى المصحف على ما الفجر يأذن ويصلو سوا .

الفجر أذن والكل صلو وبعدها راحو عشان ينامو .

ــــــــــــــ★ـــــــــــــــ

صباح تانى يوم .

هدى والبنات صحو من قبل الضهر وبدأ يجهزو الاكل مع بعض .

والشباب كانو نزلو الورضه ومعاهم الحاج محمود .

فى مطبخ بيت البطل .

هدى كانت بتجهز الاكل زى اى بيت مصرى بياكلو محشي وبط اول يوم رمضان .

البنات كانو بيلفو المحشي مع هدى .

رغد:صحيح هى فين طنط اولفت .

حنين:مش بيصحو الوقت دول بيقومو على الفطار على طول .

رهف:بطلو كلام على الناس احنا صايمين .

هدى:رهف معاها حق ركزو فى الاكل لسه ورانا حاجات كتير .

لارا دخلت المطبخ وكانت لسه صاحيه من النوم:صباح الخير .

حنين حضنتها:صباحك قشطه ياروحى ... تعالى هغسل ايدى واجهزلك الفطار .

لارا:انا عايزة اصوم معاكو يانوناا .

حنين:بس انتى صغيرة ياروح نونا .

هدى:سبيها لحد ماتتعب ياحنين ... لولى القمر هتصوم لحد الضهر ولا العصر .

لارا بحماس:العصر .

رغد:لولى شطورة وهتقدر صح .

رهف:صح جداا لولى اشطر بنوته .

حنين:طب تعالى اغيرلك هدومك واسرحلك شعرك .

لارا راحت مع حنين وبعد شويا رجعو .

حنين:هدهد القمر هتعملنا حلويات ايه ؟

هدى:هنعمل كنافه ساده وكنافه بالمانجا وقطايف وبلح الشام .

رغد:ياهدهد ياجااااامد .

عدى وقت كبير والبنات بيساعدو هدى فى كل حاجه فى تحضير الاكل والحلويات والعصاير كمان.

وجه وقت الفطار وقررو انهم يفطرو على السطح .

حمزة وحسن ومعاهم مؤمن اللى عزمته هدى كان بيجهزو التربيزات على السطح المتزين .

الشباب خلصو ونزلو والبنات كانو فى المطبخ مع هدى واولفت وعزه اللى صحو بعد العصر .

هدى:يلا يابنات اخرجو اقعدو مع الشباب برا على ما المغرب يأذن .

البنات خرجو ولارا جرت على مؤمن:بابي مش انا صومت للعصر شوفت انا شطورة ازاى .

مؤمن:لولى اجمل واشطر بنوته ياناس وعشان كدا جبتلك فانوس حلو اوى تشوفيه .

لارا بحماس:ايوا .

مؤمن خرج برا جاب فانوس ابيض وجواه عروسه ولارا فرحت بيه جدااا .

لارا:حلوة اوى يابابي .

لارا جرت على حنين:نونا شوفى فانوسي .

حنين:حلو اوى شبههك يالولتى .

مؤمن جاب بوكس فيه طمطم ومصحف وفانوس بلون البينك .

مؤمن قرب من حنين:كل سنه وانتى طيبه طيبه ومعاياا يانوناا .

حنين ابتسمت بفرحه:وانت طيب يامؤمن .... حلو اوى ربنا يخليك ليا .

مؤمن بهمس:ويديمك فى حياتى يانوناا .

حنين ابتسمت .

رهف كانت واقفه وحمزة قرب منها وكان معاها عروسه لابسه فستان فرح.

حمزة:كل رمضان وانتى معايا ياعروستى الحلوة .

رهف فرحت بالعروسه اوى:وانت طيب ياحمزة .

حمزة:عجبتك ؟

رهف:دى قمرايه اوى وكيوته بجد شكرااا.

حمزة:بس عروستى احلى منها .

رهف بصتله بحب:بجد ربنا يخليك ليا .

حمزة:ويخليكى لقلبي ياقلبي .

رغد كانت واقفه وباصه للبنات وحسن قرب منها وكان معاه بوكس حجمه وسط:كل سنه وانتى طيبه يادكتورة .

رغد بصتله وابتسمت:وانت طيب ياحسن .

رغد اخدت منه البوكس وفتحته والفرحه اختفت من على وشها لما طلعت من البوكس شخصيه من شخصيات فنانيس .

رغد بصتله:ايه ده ياحسن ؟!

حسن:هديه رمضان يارغد مالها مش عجباكى .

رغد بغيظ وهى بتشاور على الشباب:يعنى كل واحد منهم جايب لمراته عروسه وانت جيبلى فنانس ياحسن !!

حسن بيحاول يكتم ضحكته والشباب والبنات ضحكو .

حسن:حسيته شبهك يارغد .

رغد برقت من الصدمه ونادت باعلى صوت:ياهـــــدهـــــد.

هدى خرجت بسرعه من المطبخ:فى ايه يارغد يابنتى ؟!

رغد:انتى محتاجه ابنك الحيله ده فى حاجه ؟

هدى:ليه يعنى مش فاهمه ؟!

رغد بغضب:اصلى ناويه اخلصك عليه .

هدى شهقت:ليه يارغد عمل ايه ... انت عملت فيها ايه ياواد ؟!

حسن:ولا حاجه ياست الكل جيبلها هديه رمضان .

رغد وهى بتفرجها على الهديه:لا والله ... يرضيكى ياهدهد بيقولى ده شبههى .

هدى ضحكت:يقطعك ياحسن ... حقك عليا يابنتى ده انتى قمرايه .

رغد حدفت لحسن الهديه:امسك هديتك مش عايزة حاجه منك .

رغد مشت .

هدى:راحه فين يابنتى ؟

رغد لفت وبصتلها:الله الوكيل ياهدهد ما حد تعبلي اعصابي وخلاني بشد فى شعري فى البيت ده غير ابنك .... انا طالعه فوق .

رغد خرجت من الشقه والكل انفجرو من الضحك على منظرها .

هدى قربو من حسن وضربته بخفه فى كتفه:بضايقها ليه ياواد ... امشي روح صالحها قبل الفطار يلا .

حسن وهو بيضحك:حاضر ياهدهد .

حسن طلع شقته جاب شنطه كبيرة وطلع السطح كانت رغد بتظبط الاطباق على التربيزة الكبيرة .

حسن قرب منها:رغد .

رغد من غير ماتبصله:نعم !

حسن قرب وحط الشنطه قدامها:كل سنه وانتى طيبه يااحلى دكتورة .

رغد:دى باقى عيله فنانيس ولا ايه ؟!

حسن ضحك:افتحيلها بس واحكمى .

رغد:ماشي ياحسن .

رغد طلعت اول حاجه كان مصحف بالكافر بتاعه ومصحفه بلون البينك .

رغد:حلوة اوى ياحسن بجد احلى هديه .

رغد طلعت كمان فانوس باللون الابيض .

واخر حاجه كانت بوجى وطمطم

رغد:دول انا وانت يعنى ؟!

حسن:مشيها كدا يارغد .

رغد:حلوين اوى ياحسن .

رغد بصتله بغيظ وضربته فى كتفه بقوة:وليه تحرق دمى من الاول يعنى .

حسن بصلها برفعه حاجب:انتى قد الحركه دى ؟!

رغد:اه قدها يا ابو على عشان تبقي تعصبنى مرة تانيه .

حسن ضحك:حقك عليا بس مش عارف ليه بحب اضايقك .

رغد:لا والله .

حسن:كل سنه وانتى معايا يا رغد .

رغد:وانت طيب يا ابو على .... يلا جهز معايا السفره بقي .

حسن ورغد جهزو السفره والشباب والبنات طلعو الاكل والكب اتجمعو حولين السفرة فى جو عائلى جميل .

وبعدها محمود والشباب راحو يصلو التراويح فى الجامع .

البنات صلو جماعه فى البيت مع هدى .

الفصل الثامن والعشرون28

مرت الايام والبنات مستمتعين باجواء شهر رمضان الكريم فى الحارة .

هدى اللى اصرت ان البنات يفطرو معاهم كل يوم عشان ميبقوش لوحدهم .

لارا اللى سافرت مع مؤمن عشان تحضر الامتحانات وترجع قبل فرح رهف وحمزة .

حسن اللى هيجنن رغد ولسه معترفش ليها بحبه ودايما بيحب يضايقها عشان تتعصب .

حمرة ورهف اللى فى عالم موازى لوحدهم عالم كله حب ورومانسيه ... ومشغولين بتجهيزات الشقه عشان الفرح هيكون ٣ يوم العيد .

حسن وحمزة اللى شغالين على موبيليا شقه حمزة .

محمود كان عايز يعمل الفرح فى قاعه برا الحارة ... بس رهف حبت تعمله فى الارض الفاضيه اللى فى حارة لان دى كانت امنيه حمزة وهى ماحبيتش تزعله .

البنات كل يوم بيخرجو عشان رهف تشترى كل الحاجات اللى محتاجاها .

ــــــــــــــ★ــــــــــــــ

فى احدى ايام اواخر رمضان .

بعد صلاه التروايح رغد خلصت الصلاه مع هدى والبنات وراحت العياده .

فى العياده .

رغد قاعده فى مكتبها .

الباب خبط .

رغد:ادخل .

فرح دخلت:رغد معلش هنزل اجيب حاجه من اول الحارة واجى .

رغد:ماشي يافرح روحى .

فرح خرجت وقفلت الباب والبنات بيدخلو لرهف الحالات واحد واحد .

بعد شويا وقت.

البنات ايه وسارة ورحمه قاعدين يتكلمو سوا واتخضو لما شافو جابى ومعاه ٣ شباب داخلين العياده .

سارة لسه هتتكلم جابر رفع فى وشها مكوة والبنات كانو مرعوبين .

جابر فتح باب مكتب رغد اللى اتفاجات لما رفعت وشها بجابر ومعاه ٣ شباب واقفين فى صاله العياده .

رغد قلمت وقفت:جاى عايز ايه ياجابر ؟

جابر:مش دى عياده بردو يادكتورة ... وبصراحه انا تعبان وجاى اكشف .

رغد:شطبنا ياحلو ... خد اللى معاك دول وامشي .

جابر طلع المكوة من ورا ضهره:ولو مامشيتش ياحلوة .

رغد:انت مفكر حته البتاعه اللى فى ايدك دى هتخوفينى مثلا .

جابر:ماتيجى معايا سكه كدا ياحلوة ولا هو الضحك والهزار كله لابن البطل .

رغد:انت قصدك ايه ياحيوان انت .

جابر:حسن البطل ياحلوة ... اللى بتركبي وراه المكنه وتخرجو وتيجو وش الصبح وضحك وهزار .... بلاش تعمليهم عليا يادكتورة ... انا فاهم دماغك الشمال بتلفى على ابن البطل عشان فلوسه ... مانا كمان معايا فلوس وهدلعك ياحلوة .

رغد قربت منه وضربته بقلم بكل قوتها:عشان مرة تانيه متبقاش تغلط فيا ياحيوان انت .... وامشي اطلع برا انت والتيران اللى معاك دول .

جابر وشه بقي كله غضب:لا مش هطلع غير لما اخد غرضي ياقمرايه .. والتيران اللى معايا هيتسلو بالحلوين اللى قاعدين برا .

البنات اترعبو اكتر ورغد خافت بس حاولت تبان اقوى .

ــــــــــــــ★ــــــــــــــ

فى الوقت ده فرح كانت جت من برا ولسه هتدخل شقه العمارة سمعت صوت جابر وكلامه خافت ونزلت بسرعه تجرى على تحت ماكنش فى حد فى المعرض ... فنزلت بسرعه الورشه .

ــــــــــــــ★ــــــــــــــ

عند رغد جابر قفل باب المكتب بالمفتاح .

رغد:اخرج برا احسنلك صدقني هتندم ياجابر .

جابر وهو بيقرب منها:عيون جابر يادكتورة .

رغد:حرام عليك اتقى الله ده احنا فى رمضان .

جابر:الحمدلله كنت صايم والله يادكتورة .

رغد:اياك تقرب ياجابر والله هقتلك لو قربت .

جابر:تصدقى يبقي ربنا بيحبى لو موت على ايدكى يا دكتورة .

رغد زقت جابر على سرير ولسه هتجرى على الباب ... جابر مسكها من طرحتها وشدها بقوة عليه:متفكريش تلعبي معايا ياحلوة ده انا جابر .

رغد كانت بتقاومه بكل قوتها بس جابر كان اقوى منها ورماها على السرير وهجم عليها ورغد كانت بتزقه بكل قوتها وجابر كاتم بوقها بايده .

ــــــــــــــ★ــــــــــــــ

برا عند البنات كانو الشباب ربطو ايديهم كويس وكتمو بوقهم بقماش عشان مافيش واحده فيهم تصوت او تعمل صوت .

واحد من الشباب:جابر قالنا نتسلى وانا بصراحه عايزة اتسلى .

رد عليه واخد تانى:اختار اللى تعجبك يامعلم وادخل اى اوضه .

الشاب قرب من رحمه وشدها عليه:انا هاخد الحلوة دى .

رحمه كانت بتعيط وجسمها كله بيترعش من الخوف .

حسن وحمزة ومحمد طلعو العياده لما فرح قالتلتهم على كلام جابر .

رحمه شافت حسن اللى شاورلها انها تسكت خالص .

حسن بص على مكتب رغد وشافه مقفول .

حسن شاور لحمزة ومحمد وقربو من الشباب وكتمو بوقهم وضربه بسيطه منهم وقعو فى الارض مغمى عليهم .

حسن بص لحمزة واتكلم بصوت واطى:خد الكلاب دول تحت وانا هجيلكو .

حمزة:انا هفضل معاك .

حسن:انزل ياحمزة .

حمزة نزل هو الشباب واخد معاهم رجاله جابر .

حسن قرب بسرعه من الباب وفتحه بقوة والغضب اتمكن منه لما شاف جابر بيحاول يقرب من رغد اللى بتقاومه بكل قوتها .

جابر قلبه وقف لما شاف حسن قدامه ورغد حست براحه لما شافته واقف قدامها .

حسن قرب من جابر ومسكه من ياقه قميصه وضربه بكل قوته بوكس فى وشه وجابر وقع على الارض وحسن نزل بجسمه وكان بيضربه بغل .

رغد قامت من على السرير بسرعه:خلاص ياحسن ونبي هيموت فى ايدك ياحسن .

حسن ساب جابر وقام قرب من رغد واخدها فى حضنه:انتى كويسه يارغد ؟

رغد هزت راسها باه وهى فى حضنه .

حسن:احكيلى اللى حصل وايه اللى جاب الحيوان ده هنا؟؟

رغد بعدت عنه وبدات تحكيله من اول ما دخل جابر المكتب وكلامه عن علاقتها بحسن .

حسن اتعصب اكتر وبعد عنها وقرب من جابر اللى مرمى على الارض وشده من ياقه قميصه واخده ونزل ورغد نزلت وراه .

حسن نزل فى نص الشارع وذق جابر على الارض .

محروسه شافته صرخت:ياحبيبي يابنى .

محروسه ومنصور جرو على ابنهم اللى وشه كله دم .

وكان حمزة ومحمد عملو الواجب مع رجاله جابر .

حسن قرب من رغد اللى واقفه على باب البيت وضمها وقال بصوت عالى:الكلام ده لكل حد جوا الحارة .... اى حد هيفكر يقرب من الدكتورة رغد او يتكلم عنها نص كلمه او يبصلها بطرف عينه ... هيحصله زى اللى حصل للكلب ده .... رغد مراتى .... احنا كتبنا الكتاب من قبل شهر رمضان ... ماكنتش اعرف انى لازم اخبط على باب باب فى الحارة واقولهم اننا كتبنا الكتاب عشان مايجيش كلب زى ده يعيب فى مراتى .

محروسه ومنصور سندو جابر واخدوه على البيت ....

اهل الحارة اللى كانو واقفين يتفرجو قربو من حسن ورغد وباركو ليهم بفرحه وحب .

حسن مسك ايد رغد وطلعو بيت الشهاوى .

رهف خرجت من الشقه وجرت على رغد:انتى كويسه ياحبيبتى .

رغد:الحمدلله يارهف .

حسن:ادخلى ارتاحى يارغد .

رغد:البنات كويسين ياحسن حد منهم حصله حاجه ؟!

حسن:البنات بخير ومحمد وفرح راحو يوصلوهم بيوتهم .

رغد اتنهدت براحه:الحمدلله .

حسن:ادخلى ارتاحى اكيد تعبانه .

رغد:بحمد ربنا انك جيت ياحسن

حسن ابتسم:انا معاكى دايماا ومستحيل اخلى حد يأذيكى .

رغد ابتسمت ودخلت الشقه وحسن نزل .

رغد اخدت شاور ودخلت عشان تنام بس فونها رن برقم مراد .

رغد ردت عليه:مراد اخبارك ايه؟

مراد:انا بخير يادكتورة ... انتى عامله ايه ؟

رغد:بخير الحمدلله .

مراد:صح مبروك لرهف .

رغد:الله يبارك فيك رنيت عليك وقتها كتير ماكنتش بترد .

مراد:كنت مطحون فى الشغل والله يارغد تتعوض فى الفرح باذن الله .

رغد:ان شاء الله .... قولى اخبار فؤاد ايه لسه ساكت بردو ؟!

مراد:رافض يتكلم حتى لو هيشيلها لوحده .

رغد:انا متاكده ان فاروق معاه لان الاتنين مع بعض فى كل حاجه .

مراد:للاسف مافيش ار دليل عشان نقبض عليه .... واحنا حاولنا مع فؤاد بكل الطرق يا رغد ورافض يتكلم ... انا شاكك ان حد مهدده .

رغد:يعنى حتى لو هددوه هيخاف لدرجه انه يشيلها لوحده .

مراد:مش عارف يارغد انا هحاول معاه تانى وربك يسهلها .

رغد:تمام يا مراد .

مراد:يلا سلام يادكتورة .

رغد:سلام .

رغد قفلت مع مراد ونامت من تعب اليوم .

ــــــــــــــ★ــــــــــــــ

مرت الايام وخلص شهر رمضان وجه العيد بايامه اللى كلها بهجه وفرحه .

صباح اول يوم فى عيد الفطر .

الشباب كل واحد اخد مراته وراحو يصلو العيد .

والشباب عيدو على البنات اللى كانو فرحانين جداا وفطرو كلهم سوا ورجعو على البيت عشان يجهزو ليوم الحنه .

البنات كان بيجهزو بيت الشهاوى ليوم الحنه .

وحطو خطط كتير لفقرات اليوم كله .

ورحمه وسارة وايه وفرح كانو معاهم .

ومها ومحمد اللى وصلو اسكندريه عشان يحضرو الحنه والفرح .

مها فضلت مع البنات ومحمد راح مع الشباب .

اما الشباب جهزو الارض الفاضيه عشان يوم الفرح .

وعلقو النور فى الحارة كلها وجابو سماعات كبيرة عشان يهيصو فى الشارع يوم الحنه .

صباح يوم جديد يوم الحنه .

هدى واولفت وعزة راحو بيت الشهاوى عشان يحضرو حفله الحنه .

ام فرح كمان راحت عشان تبقي معاهم .

اليوم كان جميل والبنات كانو قمه فى الجمال بلبسهم وحبهم لبعض .

اما الشباب هيصو وفرحو من قلوبهم ومعاهم شباب ورجاله الحارة ومؤمن ومراد اللى كانو معاهم من اول اليوم .

خلص اليوم والكل مشو وحنين نامت مع البنات عشان رهف هتجهز فى البيت .

ومراد ومؤمن وحمزة نامو فى الشقه مع حسن عشان شقه حمزة بقت جاهزة لاستقبال العروسين .

ــــــــــــــ★ــــــــــــــ

صباح اليوم المنتظر .

البنات صحو وفطرو سوا وشويا البنت اللى هتعملهم الميكب وصلت وبدات بالعروسه .

رهف خلصت الميكب والبنات ساعدوها لبسها فستانها وكانت ايه من الجمال بفستانها البسيط وطرحتها .

اما حنين فلبست فستان رقيق وكان جميله جداا .

ولارا لبست فستان بلون البينك

اما بقي بطلتنا الحلوة لبست فستان بلون البينك واسع وكان ليه ديل طويل من منطقه الكتف وده طبعا بعد تحذير حسن ليها انها متلبس حاجه ضيقه .

ــــــــــــــ★ــــــــــــــ

الشباب كلهم لبسو فى شقه حسن .

حمزة ببدلته السودا وقميص ابيض وبيبون اسود وكان عريس اخر حلاوة وحط دبوس فى البدله باسم رهف .

حسن لبس بدل بلون الاسود وقميص بنفس اللون .

مؤمن لبس بدله بلون الرمادى .

مراد لبس بدله بلون الكحلى .

الشباب خلصو لبسو ونزلو وهدى كانت فرحانه وبتزغرط طول اليوم .

ولما حمزة نزل هدى بخرته ورقته من العين .

حمزة ركب العربيه المتزينه والشباب كل واحد فى عربيته .

وراحو عند البيت الشهاوى .

حمزه نزل من عربيته وطلع البيت وحسن ومؤمن وراه .

حمزة دخل البيت اللى كان بابه مفتوح وقابلته حنين وحضنته بحب:ماشاء الله يازومه زى القمر .

حمزة:حبيبتى يانوناا ... عروستى فين ؟!

حنين:جوا ... انا لو منك اخدها واطلع على البيت ... البت طالعه زى القمر خاف عليها من العين يازومااا .

حمزة:والمصحف اخدها واروح انا مجنون واعملها .

حسن:لا اهدى كدا ياعريس احنا لسه فى اول الفرح اخلص انت هات عروستك .

حمزة مشي مع حنين ودخل الاوضه كانت رهف قاعده على الكرسي قدام المرايا وحمزة تنح من جمالها لما شاف انعكاسها فى المرايا .

رغد:مبروك ياحمزة .

حمزة:الله يبارك فيك يادكتورة .

رغد:مش هوصيك يانصي التانى .

حمزة:فى عيونى .

حمزة قرب من رهف اللى قامت وقفت وعطاها البوكيه اللى بلون الابيض وباس راسها:احلى عروسه شافتها عينى يارهف .

رهف بصتلها وابتسمت وهو باس ايدها وخرجو من الاوضه ومن الشقه كلها .

مؤمن قرب من حنين:طالعه زى القمر .

حنين:وانت كمان حلو ولو بنت من الحارة بصتلك يامؤمن احتمال اقتلها .

مؤمن ضحك على جنان حنين اللى بقت بتتعامل معاه بطبيعتها وهو حابب جنانها وخفه دمها جدا .

لارا خرجت من الاوضه:بابي شوفتنى وانا باربي .

مؤمن مسك ايدها ولف حولين نفسها:احلى باربي ياروحى ... مين اختارلك الفستان القمر ده ؟!

لارا:دى نونا يابابي .

مؤمن بص لحنين بامتنان على الحب اللى بتقدمه لبنته كانها بنتها هيا ومسك ايدهم هما الاتنين ونزلو ورا حمزة ورهف .

حسن:مش يلا يادكتورة .

رغد:يلا ياحسن باشا .

حسن ضحك ومسك ايدها ونزلو .

كل بنت ركبت مع جوزها فى عربيته ومراد كان معاه نورة مراته وبنتهم نور وراحو عشان يتصور السيشن .

الشباب وشباب الحارة عملو زفه جامده لحمزة لحد ماوصلو مكان اللى هيتصورو فيه .

مؤمن وحسن كل واحد اخد عروسته وراحو يتصورو لوحدهم .

واتصور مع حمزة ورهف صور كتير .

البنات اتصورو سوا ومعاهم نوره مرات مراد .

والشباب كمان اوصورو مع حمزة .

وبعدها رجعو على الحارة فر وسط زفه الشباب ليهم .

نزلو فى اول الحارة كانت فى استقبالهم فرقه بتطبل وتزمر لحد ماوصلو للارض الفاضيه اللى كانت متزينه ومتجهزة كانها قاعه ٥ نجوم .

حمزة ورهف قعدو فى المكان المخصص ليهم .

والشباب والبنات راحو لهدى اللى كانت قاعده على تربيزة قريبه من مكان حمزة ورهف وقعدو معاها .

حمزة ورهف قامو يرقصو سلو .

حمزة فجأه رهف لما شالها ولف بيها وكل الشباب صفرو بصوت عالى ورهف كانت مكسوفه وخبت وشها فى حضن حمزة .

بعد ماخلصو رقصه سلو الشباب طلعو رقصو مع حمزة والبنات راحو لرهف ورقصو وهيصو سواا .

بعد وقت طويل رغد كانت ماشيه بين التربيزات واتخضت لما لاقت حسن بيشدها من دراعها:ايه ياحسن مالك؟!

حسن:انتى عماله تلفى راحه جايخ كدا ليه ماتقعديلك فى مكان .

رغد:ده فرح اختى لو مش ملاحظه يا حسن .

حسن:وبعدين اى ام لون الفستان ده مش عارفه تلبسي لون غامق !

رغد بصت على الفستان:وماله اللون مش فاهمه !!

حسن:فاتح يارغد وانتى ماشيه فر وسط الناس الكل عينه عليكى .

رغد بتحاول تكتم ضحكتها لانها عارفه انه بيغير عليها وده اللى لاحظته عليه فى الايام الاخيرة.

رغد:الله ياحسن ... ماله الفستان يعنى ؟!

حسن:زى الزفت يارغد ولونه وحش .

رغد قربت عليه خطوه:بحبه ياحسن الله .

حسن ابتسم:متعلبيش معايا يارغد ده انا البطل .

رغد:وانا مرات البطل .

حسن:طب روحى قعدى مع امى ومتقوميش من جمبها تانى بام فستانك ده .

رغد:يوووه مانت قولتلى البسي واسع ... لبسته واسع اعملك ايه تانى يعنى؟!

حسن مسك الديل اللى جاى من عند الكتف:وبعدين ايه ده ؟! ... الناس كلها بتعمل الديل من عند الوسط وانتى عملاه من كتفك ليه ... ناويه تطيرى .

رغد شدت الديل منه:ايش فهمك انت فى الموضه ياحسن .

حسن:يلا اسمعى الكلام وروحى اقعدى مع امى .

رغد بتحدى:لااااا مش هسيب اختى ياحسن .

رغد سابته ومشت.

حسن بيكلم نفسه:البت بتتحدانى ... ماشي يابنت الصاوى يا انا يا انتى .

بعد وقت طويل وحسن عينه على رغد اللى بترقص مع اختها بفرحه .

واستنى لما بعدت عنها وقرب منها ومسك ايدها ومشي وهى وراه:رايح فين ياحسن .... يا حسن بقاااا.

حسن راح عند تربيزة امه وقعد رغد وبص لامه:البت دى امانه معاكى ياست الكل متخليهلش تتحرك .

هدى ضحكت:ليه يابنى ماتسيبها مع اختها.

حسن:عماله تتنططلى فى المكان زى فرقع لوز بام فستان ده .

حسن قال كدا ومشي وهدى ضحكت .

رغد:شايفه ابنك ياهدهد .

هدى:غيران عليك يابت الله المفروض تفرحى .

رغد ضحكت:مانا عارفه وعشان كدا بضايقه .

هدى:انا هتشل منكو انتو الاتنين .

ــــــــــــــ★ــــــــــــــ

بعد وقت طويل الفرح خلص والكل مشو .

محمد ومها سافرو القاهرة .

حسن كان عايز رغد تفضل معاهم بس هى رفضت وطمنته بان مؤمن هيبات معاهم .

حمزة طلع شقته هو ورهف .

ومؤمن ولارا ورغد رجعو على البيت الشهاوى بعد ماودعو رهف اللى عيطت فى حضن اختها .

ــــــــــــــ★ــــــــــــــ

فى شقه العروسين .

رهف دخلت وكانت متوترة وخايفه ومكسوفه .

حمزة حضنها من ضهرها:نورتى شقتك وحياتى يارهف .

رهف ابتسمت ومرديتش .

حمزة لفها وبقي وشها ليه:هتصدقينى لو قولتلك انى مش مصدقه انك بقيتى معايا فى شقتى وانى هصحى الاقيكى فى حضنى .

رهف اتحرجت وحمزة قرب منها ومسك ايدها وباسها:النهارده اسعد يوم فى عمرى كله يارهف ... انتى مش متخيله فرحتى بيكى عامله ازاى .

رهف بصت فى عينيها بحب:ربنا يخليكى ليا يا حمزة .... ويارب اقدر اقدملك ولو ربع السعاده اللى انتى بتقدمهالى دايما .

حمزة:لا متقلقيش انتى وجودك جمبي بنسبالى سعاده يارهف ..... يلا ادخلى غيرى واتوضى عشان نبدأ حياتنا سوا بالصلاه عشان ربنا يباركلنا فى حياتنا سوا .

رهف ابتسمت بفرحه ودخلت الاوضه اللى فيها حمام وغيرت ومسكت الميكب واتوضت ولبست الاسدال وخرجو كان حمزة غير ولبس ترنج باللون الاسود ومستنيها .

حمزة:يلا ياحبيبتى .

حمزة وقف ورهف وراه وكانت فرحانه من قلبها بان حمزة امامها فى الصلاة .

وبعد ماخلصو صلاة حمزة حط ايده على راسها وقال دعاء الزواج ..

حمزة:يلا ناكل لقمه مع بعض اكيد جعانه .

رهف هزت راسها بلا

حمزة:رهف انتى اكيد مأكلتيش حاجه من بدرى هناكل حاجه بسيطه مع بعض يلا .

حمزة ورهف قعدو ياكلو سوا .

ورهف دخلت الاوضه قلعت الاسدال وكانت لابسه بجامه ستان بلون الابيض وفردت شعرها الناعم اللى واصل لنص ضهرها بلون البنى .

باب الاوضه خبط وحمزة دخل وابتسم لما شاف رهف اللى اول مرة يشوفها بشعرها وقرب منها:ده ايه الجمال ده كله ؟

رهف نزلت وشها فى الارض وكان مكسوفه جداا .

حمزة قرب منها اكتر ورفع وشها عشان تبصله وقرب عليها لتصبح زوجته امام الله .

فى بيت الشهاوى .

رغد كانت غيرت عشان تنام بس فونها رن واستغربت لما شافت رقم محمد لانه لسه ماشي من عندهم .

رغد:مالك يامحمد ؟

رغد قامت وقفت بخضه:انت بتقول ايه؟! .... حريق فى المستشفى ......

رغد كانت غيرت عشان تنام بس فونها رن واستغربت لما شافت رقم محمد لانه لسه ماشي من عندهم .

رغد:مالك يامحمد ؟

رغد قامت وقفت بخضه:انت بتقول ايه؟! .... حريق فى المستشفى ... حصل امته وازاى يا محمد ؟؟ .... طب اقفل وانا هلبس واجيلكوو .

رغد قامت تلبس بسرعه وكلمت حسن يجيلها بسرعه .

بعد شويا حسن رن عليها تنزل وهو مش فاهم هما رايحين فين ولا ليه .

رغد نزلت وحاولت متعملش صوت عشان مؤمن ولارا وكانت بتجرى وقربت من حسن ودموع متحجر جوا عينيها .

حسن:فى ايه يا رغد مالك؟!

رغد:محمد كلمنى وبيقولى ان فى حريق جامد فى المستشفى .

حسن:وحصل ازاى ده ؟؟

رغد:مش عارفه يا حسن تعالى بس نروح بسرعه .

حسن:طب اركبي يلا .

رغد:خلينا نروح بالعربيه يا حسن مش هقدر اركب الموتوسيكل .

حسن:طب خليكى هنا هروح اجيب العربيه بسرعه .

بعد شويا حسن رجع بالعربيه رغد ركبت جمبه وحسن كان طاير بالعربيه .

ورغد طول الطريق بتكلم محمد اللى وصل هو ومها عند المستشفى وبيقولها كل الاخبار .

رغد كانت هتجنن ازاى ده حصل .... وهل فاروق ليه يد فى اللى حصل .

ــــــــــــــ★ـــــــــــــ

بعد وقت طويل مع شروق شمس يوم جديد .

حسن ورغد وصلو قدام المستشفى ورغد نزلت من العربيه وعينها على المستشفى اللى محروق اجزاء كتير منها .

ورجال المطافى كانو قدرو يسيطرو على الحريق .

رغد كانت بتبص على المستشفى ورجليها خانتها وكانت هتقع بس حسن ضمها من ضهرها .

حسن:رغد انتى كويسه ؟

رغد ماكنتش سامعه ولا شايفه غير المستشفى .

محمد شاف رغد وقرب منها:رغد انتى كويسه ؟

رغد عينها على المستشفى مش مصدقه ولا مستوعبه اللى حصل .

مها طبطبت على كتفها:رغد حبيبتى انتى كويسه ؟

رغد فاقت على لمسه ايد مها وبصت لمحمد:حد حصله حاجه يا محمد ؟

محمد:الحمدلله قدرو يخلو المستشفى من المرضي والطاقم كله ومحدش حصله حاجه .

رغد قلبها ارتاح واتنهدت براحه:الحمدلله .... هو ايه اللى حصل ؟

مها:لسه لحد الوقت بيحققو مش عارفين السبب .

الظابط مدحت خرج من المستشفى وقرب من رغد لانه عارفها .

مدحت:ازيك يا دكتورة رغد ؟

رغد:الحمدلله ... عرفتو سبب الحريق ؟

مدحت:الظاهر كدا حد من عمال المطبخ نسو الغاز مفتوح .

رغد:الطاقم بتاع المطبخ متمكنين فى شغلهم ... ومتاكده انهم ميعملوش غلط سخيف زى ده .

مدحت:حاليا هنقبض على كبير الطاقم ونحقق معاه ومع الطاقم كله .

واحد من العساكر قرب منهم وهو ماسك عم عبده الطباخ .

عبده:انا معملتش حاجه يا بنتى والله .

رغد بصت لمدحت:عم عبده معانا من اول ما بدأنا شغل فى المستشفى ومستحيل يعمل كدا .

رغد بصت لعم عبده كأنها بطمنه .

مدحت:بردو هنقبض عليه .

رغد بحده:وده مش هيحصل ..... عم عبده مش هيمشي معاكو .

مدحت:ده شغلنا يا دكتورة .

رغد بعصبيه:الشغل اللى حضرتك مش عارف تشوفه كويس ... وبتعلق كل حاجه على كتف راجل غلبان ملوش ذنب .

محمد:اهدى يا رغد مش كدا .

مدحت:لو لا انى مقدر حالتك كنت قبضت عليكى بسبب طريقتك معايا .

رغد:طب اعملها كدا ورينى هتعملها ازاى ؟!

فى الوقت ده وصل مراد اللى حسن كلمه .

مراد:رغد اهدى مش كدا ... معلش يا مدحت باشا الصدمه صعبه عليها بردو .

مدحت:انا عامل حساب لفاروق بيه عمها غير كدا ماكنتش هسكت .

رغد:لا والله ... اقولك على حاجه ...

حسن كتم بوق رغد لانه عارف انها مش هتسكت واخدها بعيد عنهم .

ومراد كان بيحاول يهدى مدحت اللى اضايق من رغد .

ــــــــــــــ★ـــــــــــــ

حسن شد رغد بعيد عنهم:انتى مجنونه يا رغد ... هتغلطى فى ظابط انتى عارفه انه ممكن يقبض عليكى ومحدش هيقوله عملت كدا ليه .

رغد:اللى حضرتك متعرفوش ان ظابط ده كلب فلوس وممكن يبيع امه عشان خاطر الفلوس .

حسن:ايا كان يا رغد ... لازم تهدى عشان نتصرف .

رغد طلعت فونها وكلمت لواء كان صديق والدها جمال وطلبت منه انه يخلى مراد المسؤل عن القضيه مش مدحت وهو وافق بعد ماعرف ان مراد نقل شغله القاهرة .

رغد رجعت هى وحسن لمراد ومحمد وبصت لمدحت بتحدى وهو استغرب نظرتها .

فون مدحت رن وكان امر ليه بانه يمشي لان القضيه اتسحبت منه وبقت فى ايد مراد .

مدحت قفل وبص لرغد بغل .

رغد قربت منه:ابقي سلميلى على فاروق لما تشوفه وقوله مكانك محجوز فى حبل المشنقه جمب صاحبك .

مدحت مشي من غير مايرد عليها .

مراد:انت عملتى ايه يا قادرة .

رغد:كلمت اللواء محمد عبد السلام وانت عارف انه كان صديق بابا .

مها:قولت قويه ومستقويه ومحدش صدقنى .

رغد بصت لمراد:انا عايزة عم عبده والطاقم كله يطلع منها يا مراد فهمنى .

عم عبده:يا بنتى فى واد جديد جه من يومين وانا ماكنتش مرتاح ليه والعلم عند الله بردو يا بنتى .

رغد:هو فى حد جديد اشتغل فى المستشفى بدون علمى يا محمد ؟!

محمد:محدش جديد دخل الطاقم انا معنديش علم اصلا .

رغد:اومال ازاى يدخل ويشتغل يومين بدون علمكو وعلمى .

مراد:اهدى يارغد ..... تعالى معايا يا عم عبده هناخد شويا اجابات منك وهترجع على بيتك .

عبده:حاضر يابنى.

عبده وطاقم المطبخ راحو مع مراد .

رغد مشت ناحيه المستشفى وحسن مسك دراعها:راحه فين يا رغد ؟!

رغد:هدخل جوا شويا يا حسن .

محمد:مش امان يا رغد انك تدخلى جوا .

رغد:لا هدخل .

رغد دخلت المستشفى وحسن وراها وعينيها كانت بتلف فى كل زاويه من زوايا المستشفى وكأن شريط ذكرياتها بيتعاد قدامها من اول يوم دخلت فيه المستشفى مع ابوها وهو بيفرجها على المستشفى اول ماجهزت وكل لحظه حلوة قضيتها جوا المستشفى.

حسن:رغد خلينا نمشي احسن .

رغد وهى بتبص على المستشفى:تعرف ان انا اول حد شاف المستشفى لما جهزت .... جيت هنا مع بابا وقتها كنت لسه فى ٣ ثانوى .... وبابا فضل يفرجنى عليها وماكنش بيقولى غير يادكتورة .... قولتله انت واثق اوى كدا انى هابقي دكتورة .... رد عليا وقالى هتبقي احلى واشطر دكتورة وعندى ثقه كبيرة فيكى .... ولما نجحت ودخلت طب واتخرجت وجيت اتدربت واشتغلت كنت دايما بشوف فى عينيها نظرة فخر بيا .

رغد بصوت عالى:انا اسفه يابابا ماكنتش اد الثقه دى .

حسن:رغد انتى مالكيش ذنب واكيد هنعرف اللى عمل كدا .

رغد بصت لحسن ودموعها نزلت:انا متاكده انه هو فاروق وابنه ... بينتقم منى على كل حاجه ... واخد منى اكتر حاجه بحبها ... عرف يوجعنى صح يا حسن .

حسن مسك وشها بين ايده ومسح دموعها:رغد انتى قويه ... ومش لازم يحسو انهم قدرو يكسروكى فهمانى .... هتكملى للاخر وهتاخدى حقك منهم وانا معاكى وفى ضهرك سمعانى .

رغد بصت فى عينيها وهزت راسها باه .

حسن خلينا نمشي وجودنا هنا مش هيفيدنا بحاجه ومراد اكيد هيعرفنا كل الاخبار .

رغد:حاضر

حسن مسك ايدها وخرجو من المستشفى وركبو العربيه واتحركو .

ــــــــــــــ★ـــــــــــــ

فى الحارة وتحديدا فى بيت الشهاوى .

مؤمن صحى على صوت لارا:بابي اصحى بقي .

مؤمن فتح عينيه:ايه يا لارا صاحيه بدرى ليه ؟!

لارا:الساعه ١٠ يا بابي وانا جعانه ورغد مش هنا .

مؤمن قام قعد:مش هنا ... معقول راحت العياده .

لارا:معرفش .

مؤمن:طب هاتى فونى لما ارن عليها .

لارا جابتله الفون ومؤمن رن على رغد اللى ردت عليه .

مؤمن:انت روحتى العياده يا رغد ؟

رغد:لا يا مؤمن انا كنت فى القاهرة وجايه فى الطريق .

مؤمن بقلق:القاهرة ليه يا رغد ... انتى ازاى تسافر لوحدك !

رغد:اهدى يا مؤمن انا مش لوحدى حسن كان معايا وسافرت بليل وانتو نايمين .

مؤمن:فهمينى يا رغد فى ايه !

رغد:حصل حريق فى المستشفى .

مؤمن:حريق ... ازاى ؟

رغد:مش قادرة اتكلم يا مؤمن لما اجى نتكلم .

مؤمن:حاضر يا رغد .

مؤمن قفل معاها وكان هيتجنن ازاى حصل الحريق ده .

ــــــــــــــ★ـــــــــــــ

فى بيت البطل .

هدى كانت بتحضر الفطار عشان تطلعه لعروسين .

حنين:يا هدهد يا حبيبتى لسه بدرى هنطلع نخبط عليهم الوقت والله عيب .

هدى:انتى شوفتى بنفسك رهف بتصحى من بدرى واخوكى كمان ... على مانخلص هيكونو صحو .

حنين:غريبه حسن لسه منزلش ليه ؟!

هدى:امبارح تعب ياحبت عينى سبيه ينام شويا ... هو الشغل هيطير يعنى .

حنين:على رايك ... وانا كلمت امهات الولاد والبنات اللى عندى وقولتهم اجازة.

اولفت وعزة دخلو المطبخ:صباح الخير .

هدى وحنين:صباح النور .

اولفت عينها على صنيه اللى عليها انواع مختلفه من الاكل:هى دى للعرسان ولا ايه ؟

هدى:ايوا بالف هنا على قلبهم .

اولفت:هما مش هينزلو يفطرو هنا ليه يا هدى ؟

هدى:ينزلو فين يا عينيا دول عرسان ... هيفضلو فى شقتهم والاكل يطلع لحد عندهم .

اولفت:العروسه الحلوة بعد فترة شهر العسل دى ... هتطبخ وتاكل فى بيتها ولا هتاكل معاكو هنا .

هدى:دى حاجه ترجعلهم يا اولفت ... هما وراحتهم .

حنين:حمزة عمره ما هيبعد عننا يا ماما .

هدى:ربنا يبارك فيه وفى مراته يارب .... يلا ياحنين شيلى معايا .

هدى شالت صنيه وحنين صنيه وطلعو خبطو على الباب براحه .

ــــــــــــــ★ـــــــــــــ

فى شقه العروسين .

رهف كانت فى المطبخ بتشرب وسمعت صوت خبط على الباب .

قربت من الباب تشوف مين من العين السحريه وشافت هدى وحنين وبصت على لبسها اللى كان عباره عن بجامه ستان بلون البينك وفتحت الباب .

هدى اول ماشافتها:بسم الله ماشاء الله ربنا يحميكى يا بنتى .

رهف:صباح الخير يا هدهد .

هدى:صباحيتك مباركه يا حبيبه قلب هدهد .

حنين:عروستنا القمرايه عامله ايه ؟

رهف:الحمدلله يا حنين .... تعالو اتفضلو .

هدى:نتفضل فين لا احنا طالعين نطلعلكو الفطار .

هدى وحنين دخلو حطو الصوانى على السفرة وخرجو بسرعه.

هدى لفت وبصت لرهف:هو الواد حمزة فين ؟

رهف:لسه نايم يا هدهد .

هدى:الواد انحرف من اول يوم جواز وهينام لضهر .

حنين ورهف ضحكو وهدى ضحكت معاهم ونزلو.

رهف بصت على الاكل ودخلت المطبخ تجيب عصير وبعدها تدخل تصحى حمزة .

فى الاوضه .

حمزة صحى ماكنتش رهف جمبه قام يدور عليها ماكنتش فى الحمام اللى فى الاوضه .

خرج من الاوضه وشاف صوانى على السفره وسمع صوت فى المطبخ .

حمزة وقف على باب المطبخ وابتسم لما شاف رهف واقف وبتحط العصير فى الكوبايات .

حمزة قرب منها وحضنها من ضهرها.

رهف اتخضت:حرام عليك خضتينى يا حمزة .

حمزة:سلامتك من الخضه ياروح وقلب حمزة .... صباح الجمال و الحلاوة .

رهف:صباح النور .... انا كنت لسه هاجى اصحيك .

حمزة:مين اللى جاب الاكل اللى برا ؟

رهف:دى هدهد ونونا .

حمزة:هروح الحمام واجى نفطر سوا .

رهف:حاضر .

بعد شويا قعدو يفطرو سوا ورهف كانت مبسوطه باهتمام وحب حمزة ليها .

رهف:انا عايزة اكلم حمزة يا حمزة ممكن .

حمزة:انتى بتسالينى ياحبيبتى ... وقت ماتحبي تكلميها كلميها علطول .

رهف ابتسمت:حاضر

رهف جابت فونها ورنت على رغد اللى كانت لسه فى العربيه وردت على رهف وبتحاول تبان كويسه عشان متزعلش اختها .

رغد:صباح الجمال يا احلى عروسه .

رهف:صباح النور ياحبيبتى .... ايه ده يا رغد انتى مش فى البيت ؟؟

رغد:خرجت اشترى شويا حاجات يا حبيبتى متقلقيش .

رهف:رغد انتى كويسه بجد .

رغد:اه يابنتى بخير .... وبعدين فين حمزة هو سايبك ترغى فى الفون عادى كدا .

رهف فتحت الاسبيكر:حمزة جمبي وسامعك كمان .

رغد:صباح الخير يا عريس .

حمزة:صباح القشطاا يا دكتورة .

رغد:انت سايب عروستك بترغى معايا كدا عادى .

حمزة:هو انا اقدر ازعلها يعنى .

رغد:رهف حبيبتى انا بخير .... روحى اقعدى مع عريسك ومتشغليش بالك بيا او باى حد ماشي ياقلبي ..... وانا هجيلك بليل ان شاء الله .

رهف:حاضر ياحبيبتى .

رغد:يلا سلام بقي .

رهف:باى .

ــــــــــــــ★ـــــــــــــ

بعد شويا دخلت عربيه حسن الحارة ورغد نزلت قدام بيت الشهاوى .

وحسن نزل وفتح شنطه العربيه ولف طلع منها شنط كبيرة كان فيها علب حلويات كتير ورغد شالت معاه وطلعو بيت الشهاوى .

رغد خبطت ولارا فتحت ليها .

مؤمن خرج من الاوضه:رغد .

مؤمن بص على علب الحلويات:ايه ده يارغد ؟

رغد:مش المفروض نروح لرهف بليل وناخد معانا حلويات ... انا ماكنتش اعرف ده حسن اللى قالى .

مؤمن:طب كويس ... تعالى اقعدى بقي وفهمينى ايه اللى حصل ؟

رغد:حاضر ... هدخل الشنط دى جوا واجى .

رغد وحسن دخلو الشنط المطبخ وخرجو قعدو فى الصاله .

رغد:لولى ياروحى ايه رايك ترسمى رسمه حلوة وتاخديها لرهف هديه واحنا رايحين نزورها .

لارا بحماس:فكرة حلوة اوى .

لارا جرت على المرسم .

مؤمن:هااا يا رغد اتكلمى بقي .

رغد بدات تحكيله من اول مكالمه محمد وكل اللى حصل لحد مارجعو .

مؤمن:طب الواد الجديد ده انتى ماكنتيش تعرفى عنه .

رغد:لا ... مش عارفه مين اللى دخله بين طاقم المطبخ .

مؤمن:يبقي محلوله الواد ده يجى وهنعرف كل حاجه .

حسن:مراد شغال على الموضوع وان شاء الله نوصله للى عملها ..... انا همشي الوقت يا رغد وانتى ارتاحى شويا .

رغد:حاضر ياحسن .

حسن خرج ورغد دخلت اخدت شاور ونامت شويا عشان يصحو يروحو لرهف بليل.

ــــــــــــــ★ـــــــــــــ

فى القاهرة فى ڤيلا فاروق اللى قاعد مع ابنه فى المكتب .

مازن:يعنى مدحت مش هو اللى ماسك القضيه ؟!

فاروق:بت الـ.... خلت الواد اللى اسمه مراد هو اللى يمسكها .... اكيد ابوها حكيلها عن مدحت .

مازن:الخطوة التانيه هتبقي امته؟

فاروق:اهدى بس ... لما تفوق من صدمتها الاولى .

مازن:انا مش عايزة تلحق تفوق انا هخليها تندم على اليوم اللى فكرت تتجوز من الواد ده .

فاروق:وده كمان هخلصك منه قريب ما تقلقش .

مازن:حلو اوى ... خليها تحرم تلعب معانا مرة تانيه .

ــــــــــــــ★ـــــــــــــ

بليل .

رغد ومؤمن ولارا نزلو من بيت الشهاوى عشان يروحو لرهف .

رغد مؤمن كانو بيحاولو يبانو كويسين عشان رهف متحسش بحاجه .

وصلو بيت البطل وفتحتلهم حنين:ياميت اهلا والف سهلا .

رغد ضحكت:يامرحب بيكى ياختى وسعيلى كدا بقي .

رغد دخلت وحنين بصت لمؤمن وضحكت:البت دى مالها ؟

مؤمن:رهف وحشاها مش اكتر .

لارا:نوناا وحشتينى .

حنين:قلب نونا ياناس ... يلا اتفضلو .

الكل دخلو وسلمو على هدى واولفت وعزة والحاج محمود .

وفضلو يرغو كتير .

حسن نزل من شقته بعد ماقضي اليوم كله نوم .

حسن قعد على ايد الكنبه اللى قاعده عليها رغد وهمسلها:بقيتى احسن .

رغد ابتسمت:الحمدلله يا حسن .

عزة عينها كانت عليهم وهى شيفاهم بيتهامسو سوا وده كان مضايقها جداا .

حمزة ورهف نزلو وكانت رهف لابسه عبايه استقبال بلون الاوف وايت وطرحه بنفس اللون وكانت جميله جداا

رغد اول ماشافتها ابتسمت وقامت من مكانها وقربت منها وحضنو بعض بحب .

رغد بعدت عنها:ماشاء الله حلوة اوى يارهف .

رهف:طالعه لاختى .

رهف وحمزه سلمو على الكل وقعدو معاهم .

هدى:بس انا زعلانه منك يارغد .... ايه كل الحاجات اللى انتى جيباها دى يابنتى .

اولفت:ما دى الاصول ياهدى ... اهل العروسه هما اللى ليجيبو حلويات الصباحيه .

رغد:دى حاجات بسيطه ياهدهد مش من قيمتكو ولا قيمه رهف ... انا لو اطول اجبلها كل حاجه حلوة لحد عندها .

حنين:ياسيدى ياسيدى على الحب .

محمود:ربنا يبارك فيكو يابنات ويخليكو لبعض يارب .

رهف:ويخليك لينا ياعمو محمود .

هدى:عمو ايه بقي ... انتى من النهارده تقوليله يا بابا ... لكن انا هدهد زى ما انا .

كلهم ضحكو وقضو وقت جميل سوا وبعدها مؤمن ولارا ورغد رجعو على البيت .

حمزة ورهف طلعو شقتهم .

والكل راحو عشان ينامو .....

الفصل الثلاثون30

عدى اكتر من شهر .

حمزة ورهف اللى عايشين احلى ايام سوا .

رهف بعد اسبوعين من فرحها نزلت تحت وبتشاركهم الاكل .

اولفت وعزة اللى بيضايقو رهف بس وهما لوحدهم ... ورهف مش بتقول لحمزة ولا هدى عشان مايحصلش مشاكل بسببها .

مراد اللى شغال على القضيه ولسه لحد الان الولد اللى دخل طاقم المطبخ مختفى ومش لاقينه .

رغد اللى كل وقتها فى العياده .

محمد اللى اقترح على رغد يكلمو شركه التأمين عشان المستشفى ترجع تانى بس هى رفضت لحد ما الاوضاع تتصلح .

مازن وفاروق اللى بيخططو لانتقام من رغد ومنتظرين الوقت المناسب لتنفيذ خطتهم .

حمزة اللى فاجأ رهف ونقلها المرسم اللى كان فى بيت الشهاوى لشقتهم لانه عارف انها بتحب الرسم جداا .

لارا اللى خلصت امتحاناتها ورجعت على الحارة وعايشه مع رغد والوقت اللى رغد بتروح العياده بتروح تقعد مع حنين .

ـــــــــــــ★ــــــــــــــ

صباح يوم جديد .

رغد نزلت من بيت الشهاوى ومعاها لارا عشان توصلها بيت البطل .

وصلو عند بيت البطل وكان الباب مفتوح رغد ولارا دخلو البيت .

رغد وقفت لما سمعت كلام اولفت مع رهف .

اولفت:اعمليلى قهوة انا وعزة .

رهف:حاضر ياطنط اولفت .

عزة جت من وراها ومعاها دريس وحدفته لرهف:واغسليلى ده عشان عندى مشوار مهم بكرة وهلبسه .

رغد اتعصبت ودخلت الشقه .

اولفت وعزة اتصدمو من وجودها .

رغد شدت الدريس من رهف ورميته فى وش عزة:اظن حضرتك مش مشلوله لما تغسلى هدومك لنفسك .

رغد بصت لاولفت:انا اختى مش خدامه عندك عشان تعملك قهوة انتى وبنتك ... اللى يحب يطفح حاجه يعملها لنفسه .

رهف:عيب كدا يارغد .

رغد بصتلها بحده:انتى تسكتى خالص ... من امته الوضع ده بقي على كدا .... مشغلينك خدامه ياهانم .

اولفت:هى لما تساعد اهل جوزها تبقي خدامه يا رغد هانم.

رغد:اديكى قولتيها بنفسك اهل جوزها وعلى حد علمى حضرتك متقربيش حاجه لحمزة ولا ايه ؟!

اولفت:انا مرات خال حسن يا رغد يعنى لما تتجوزى وتيجى تعيشى هنا مش هتنفذى طلباتنا .

عزة:ده المفروض يا ماما .

رغد:ااااه ده عند امك ياحيلتها انا مش خدامه عندكو .... وقسمابربي اللى حصل ده مش هيعدى على خير .

رغد بصت لرهف واتكلمت بحده:طنط هدى فين ؟

رهف:راحه تشترى حاجه وحنين فوق على السطح .

رغد:ولما حماتك مش هنا قاعده تعملى ايه ... ماتطلعى شقتك لحد مايرجعو ..... اطلعى يا لولى لحنين .

لارا طلعت ورغد لفت عشان تمشي .

رهف:رغد استنى ...

رغد مشت من غير ماترد عليها ورهف زعلت وطلعت شقتها .

ـــــــــــــــ★ــــــــــــــ

رغد خرجت من بيت البطل وهى متعصبه وراحت على ورشه البطل ودخلت المكتب من غير ماتخبط .

كان حمزة وحسن قاعدين .

رغد دخلت ووقفت قدام حمزة واتكلمت بعصبيه:انت لما جيت وطلبت ايد اختى منى قولتلك اختى خط احمر صح ولا لأ ؟! .... قولتلك لو حد ضايق اختى يا حمزة مش هعديها .

حمزة بص لحسن باستغراب ورجع بص لرغد:مالك يارغد هى رهف مالها ؟

رغد:فى ان اختى شغاله خدامه فى بيت جوزها يا استاذ حمزة .

حسن:اهدى يا رغد ... هى لما تساعد امى واختى تبقي اسمها خدامه !

رغد:انت عارف انا مش قصدى على هدهد ولا حنين ولا حتى عمو محمود .... انا قصدى على العقربه اللى قاعده عندكو هى وبنتها ومشغلين اختى خدامه عندهم وهى مش بتتكلم وبتنفذ طلباتهم والاكيد انها مش هتقول لا ليك ياحمزة ولا حتى لهدهد .

حمزة:طب ممكن تهدى وتفهمينى ايه اللى حصل .

رغد حكيلته على كلام وطريقه اولفت وعزة مع رهف .

حمزة اضايق:صدقينى يارغد انا معرفش باى حاجه من دى وانتى عارفه رهف بنسبالى ايه واكيد مش هرضي انها تشتغل خدامه كدا .... انا طلبت منها تفضل فى شقتها لانى كنت خايف من اولفت وعزة ولانى متاكد انهم هيضايقوها وهى اللى رفضت وعايزة تفضل معاهم تحت ..... وكل يوم بسالها حد فيهم ضايقك وهى بتقول لأ .

رغد:انا دمى اتحرق لما شوفت طريقتهم معاها ياحمزة .

حمزة:متقلقيش انا هتصرف .

رغد:ياريت انا المرة دى اتكلمت بس المرة الجايه مش هعديها اقسم بالله .

رغد قالت كدا وخرجت من الورشه وراحت على العياده .

حمزة بص لحسن:كنت متاكد انهم هيضايقوها والله وطلبت منها تفضل فى الشقه فوق وهى اللى رفضت .

حسن:اهدى واحنا هنتصرف بس بالعقل يا حمزة .

حمزة بعصبيه:هى مرات خالك خلت فيها عقل يا حسن .

حسن:طب اهدى .... تعالى نكمل شغلنا ولما نرجع نشوف هنعمل ايه .

حمزة:انا هرجع البيت يا حسن معلش .

حسن:طب بلاش تزعل رهف هى ملهاش ذنب .

حمزة:اكيد مش هزعلها ... بس لازم تعرف انها غلطت لما خبت عليا .

حسن:اكيد ماحبتيش تعمل مشاكل يا حمزة ... اكيد مش انا اللى هقولك على رهف وطيبتها .

حمزة:عارف يا حسن .

حسن:طب روح انت وانا هكمل شغل .

حمزة:حاضر .

ـــــــــــــــ★ــــــــــــــ

فى بيت البطل .

رهف كانت قاعده فى شقتها وعماله تعيط لان رغد مش بترد عليها .

باب الشقه اتفتح ودخل حمزة وشافها وهى بتعيط .

رهف قامت وقفت وحمزة قرب منها:ليه خبيتى عليا يا رهف ؟

رهف:رغد اللى قالتلك ؟

حمزة:انتى كمان مش عايزاها تقولى يا رهف !

رهف عيطت:انا مرضيتش اقولك عشان ميحصلش مشاكل يا حمزة والله .... وكمان هما كانو بيعملونى كويس جدا قدامكو وخوفت لو جيت اقولك او اقول لهدهد محدش فيكو يصدقنى .

حمزة:انتى شيفانى كدا يا رهف .... ليه نكذبك اولا انا وهدهد عارفينك كويس زى ماحنا عارفين اولفت وبنتها .... ثانيا لو كانت هدهد عرفت حاجه زى دى اكيد كانت هتقف فى صفك انتى يا رهف .

رهف عيطت:انا اسفه والله .

حمزة:هما لما عملو كدا معاكى يا رهف قللو منك ... ولما هما يقللو منك معناها قللو منى انا يا رهف ... عملو مراتى خدامه فى بيتها ...

انتى غلطتى يا رهف وغلط كبير .

حمزة قال كدا ودخل اوضته وقفل الباب عليه ورهف قعدت على الكنبه تعيط .

ـــــــــــــــ★ــــــــــــــ

فى عياده رغد .

قاعده فى مكتبها بعد ما خلصت كل الحالات اللى عندها .

رغد بتفتكر معامله اولفت وعزة لاختها ... ومضايقه لانها خبت عنها .

رهف كل شويا ترن عليها وهى يا تكنسل يا متردش عليها .

الباب خبط .

رغد:ادخل .

الباب اتفتح ودخل حسن:الدكتورة فاضيه .

رغد:اه ياحسن اتفضل .

حسن دخل وقعد على الكرسي قدام المكتب:لسه مضايقه مش كدا ؟

رغد:عندى حق يا حسن .

حسن:عارف ... بس اظن محدش يعرف اختك اكتر منك ولا ايه ؟

رغد:مش فاهمه قصدك !

حسن:اكيد رهف خبت عنكو عشان ميحصلش مشاكل يا رغد صح ولا ايه ؟!

رغد:اكيد رهف مافيش اطيب من قلبها ... بس مش معنى كدا انها تسيبهم يعاملوها بطريقه دى .

حسن:حمزة اكيد هيتصرف ... واكيد مش هيرضي باللى حصل ... حمزة الاسبوع اللى فات عمل معاهم مشكله كبيرة عشان بس عشان عيبو فى اكل رهف ووقتها عرف يجيب حق مراته ... معنى كدا انه مش هيسكن يا رغد .

رغد:انا عارفه انه بيحبها وجدا كمان ومش خايفه عليها طول ما هى مع حمزة وفى وسطكو يا حسن .... بس الوليه دى وبنتها انا مش بيطيقهم .

حسن ضحك:متخافيش عليها احنا كلنا معاها .

الباب خبط .

رغد:ادخل .

فرح فتحت الباب ودخلت:دكتورة فى حاله برا .

رغد:طب دخليها .

حسن:همشي انا يا دكتورة .

رغد ابتسمت:حاضر يا حسن .

حسن قام وقف ولما شاف الشاب اللى داخل مع بنت صغيرة قعد مكانه تانى ورغد استغربته .

حسن:خلصى كشف على الحاله وانا هستناكى عشان عايزك فى موضوع مهم .

رغد:حاضر .

رغد قامت من على المكتب وقربت من البنت:ازيك يا قمرايه .

البنت:الحمدلله .

رغد بصت لشاب:حضرتك باباها ؟

الشاب:لا انا اخوها يا دكتورة .

رغد:طب هى بتشتكى من ايه ؟

الشاب:كانت سخنه اوى يا دكتورة .

رغد بصت للبنت:ممكن القمرايه تنام على السرير ؟

البنت طلعت على السرير ورغد بدات تكشف عليها وحسن ملاحظ نظرات الشاب لرغد وده عصبه جدااا .

رغد خلصت كشف وساعدت البنت تقوم ونزلت ليها هدومها وراحت قعدت على المكتب:هى عندها التهاب جامد فى زورها وده اللى سببلها السخونيه .... انا هكتبها العلاج ده تمشي على المواعيد مظبوط وتيجيلى كمان ٤ ايام اعاده الكشف .

رغد بدات تكتب الروشته ومدت ايدها لشاب:اتفضل.

الشاب:تسلمى يا رغد .

حسن بحده:اسمها الدكتورة رغد يا مروان .

مروان بص لحسن بخوف:اسف يا بطل .

مروان اخد البنت وخرج .

رغد بصت لحسن:انت رجعت قعدت ليه مش كنت ماشي .

حسن:تصدقى انا غلطان انا ماشي .

حسن قام وقف وخرج من المكتب والعياده كلها ورغد ضحكت لانها عارفه انه قعد عشان غيران عليها .

ـــــــــــــــ★ــــــــــــــ

فى بيت البطل .

وقت الغدا والكل متجمعين على السفرة ماعدا حمزة ورهف .

هدى:اطلعى ياحنين نادى على اخوكى ومراته عشان يتغدو معانا .

بعد شويا رهف وحمزة نزلو وهدى بصتلهم اوى حمزة اللى شكله مضايق ومتعصب ورهف اللى عينيها حمرة وشكلها كانت بتعيط .

حمزة:السلام عليكم .

الكل:وعليكم السلام .

وقعدو مكانهم واولفت بصت لبنتها وابتسمو بخبث لانهم عملو مشكله بينهم .

بعد ماخلصو اكل .

حمزة:من بكرة يا هدهد هناكل فوق فى شقتنا .

هدى:ليه يا بنى ايه اللى حصل ؟ .... حد زعلك ولا زعل رهف ؟!

حمزة:كدا احسن يا هدهد ... انا هطلع ارتاح شويا .

حمزة طلع ورهف قامت وقفت:هطلع اشوف حمزة عن اذنكو .

محمود:اذنك معاكى يا بنتى .

رهف طلعت ومحمود بص لهدى اللى عينها على اولفت وبنتها .

محمود:هو حد زعل رهف يا ام حسن ؟

هدى:مش عارفه ياحاج والله امبارح كنا كويسين ورهف مش حابه تقعد فوق لوحدها .

اولفت وعزة قامو وراحو اوضتهم .

محمود بص لحسن:انت تعرف فى ايه يا حسن .

حنين:انا عارفه السبب يا بابا .

هدى:ايه يابنتى.

حنين حكتلهم الكلام اللى قالته ليها رغد لما كلمتها .

هدى:بيشغلو البت عندهم خدامه وانا مش موجودة !!! ..... انا قلبى ماكنش مرتاح لما شوفت معاملتهم الحلوة ليها وكنت متاكده انهم بيخططو لحاجه .... قولتلك ياحاج مشيهم انت اللى مش راضي .

محمود:وانا من امته طردت حد من بيتى ياحاجه .... اصبرو كلها اسبوع والبيت يخلص .

هدى:هما البيت ده مش ناوى يخلص كل شويا لسه اسبوع لسه اسبوع .... ماتشوف حد كويس يا حسن يرممه بدل الراجل الكسلان ده .

حسن:ست الكل معاها حق يا حاج .... الراجل تحسه بيماطل معانا ومش عايز يخلص البيت وكل شويا يسحب مننا فلوس وبس .

محمود:خلاص ياحسن بكرة شوف راجل تانى يكمله وادى لراجل باقى فلوس وماشيه .

حسن:حاضر ياحاج .

محمود:ابقي كلمى حمزة يا حاجه وخليه مايزعلش رهف .... البت شكلها كانت معيطه .

هدى:حاضر يا حاج انا هطلع ليهم الوقت .

محمود قام وقف:يبقي احسن انا هطلع اوضتى .

حسن:اتفضل يا حاج .

هدى:لمى الاطباق يا حنين وانا هطلع اشوف مرات اخوكى شكلها كان يقطع القلب .

حنين:حاضر يا ماما .

ـــــــــــــــ★ـــــــــــــ

هدى طلعت الاول .

وخبت على اوضه اولفت اللى فتحتلها:تعالى يا هدى يا ختى اتفضلى .

هدى:اظن مش هضيفينى فى بيتى يا مرات اخوياا ..... انا جايه اقولك كلمتين تحطيهم انتى وبنتك حلقه فى ودانكو ..... مراتات ولادى دول ستات البيت ... يقعدو كدا ملكات ... مش تشغليها خدامه عندك انتى و بنتى .... انا المرة دى هكتفى بتحذير يا اولفت ... المرة الجايه صدقينى لو غلطتى مش هتفضلى دقيقه تانيه فى بنتى يا اولفت .

هدى قالت كلامها ومشت من قدامهم وخرجت من الشقه .

واولفت وبنتها كانو هيتجننو وجواهم غل وحقد ناحيتهم .

ـــــــــــــــ★ــــــــــــــ

فى شقه حمزة اللى طلع ودخل على اوضته وقفل عليه ورهف قلعت الطرحه وقعدت على الكنبه وحاولت ترن تانى على رغد بس بردو مردتش عليها .

رهف عيطت هى ماكنش حابه تعمل مشاكل بس فى نفس الوقت زعلت منها اكتر اتنين بتحبهم .

الباب خبط ورهف مسحت دموعها وبصت من العين السحريه شافت هدى فتحتلها :اتفضلى يا هدهد

هدى دخلت قعدت على الكنبه:بتعيطى ليه يا قلب هدهد .

رهف:مافيش حاجه يا هدهد .

هدى:حنين قالتلى اللى حصل يا بنتى .... ليه معرفتنيش يا رهف وانا كنت جبتلك حقك من حباب عينيهم .

رهف عيطت:خوفت حمزة يعمل مشاكل معاهم والله واكون انا السبب .

هدى اخدتها فى حضنها:اهدى يا حبيبه قلبي ... اومال فين الواد حمزة .

رهف مسحت دموعها:قافل على نفسه من وقت ما جه من الورشه ومش راضي يكلمنى .

هدى:ليه يعنى وانتى ذنبك ايه ؟!

هدى نادت بصوت عالى:وااااد يا حمزة .

حمزة خرج من الاوضه شاف هدى قاعده جمب رهف اللى عينيها حمرة من كتر العياط:خير يا هدهد فى حاجه ؟

هدى:دى حاجات مش حاجه واحده يا واد .... انت مزعل القمر دى ليه ؟

حمزة:هو مين اللى مزعل مين يا هدهد انت متعرفيش حاجه .

هدى:لا عرفت رغد حكت لحنين وهى قالتلى .... انت يا واد ماشوفتش اللى تتشك فى قلبها عزة كانت فرحانه ازاى وهى شايفه رهف نزله معيطه ... كدا تشمتهم فيكو يا واد .

حمزة:انا على اخرى منهم يا هدهد ومش راضي اتكلم عشان خاطرك انتى والحاج .

هدى:وانا بقولك اهو اللى يجى على مراتك دوس عليه ومايهمكش حد ... ومتقلقش انا والحاج مش هنزعل منك .... وانا طالعه ليكو روحت اديتهم كلمتين وحذرتهم لو غلطو تانى همشيهم من البيت ... يلا خد مراتك فى حضنك وراضيها ومتخلهاش تعيط تانى يا واد يا انا اللى هطلع عينك فاهم ..... هنزل انا بقي .... وبكرة تنزلو وتاكلو معانا وتحط صوابعك العشرة فى عينيهم ولا يهمك ده بيتك مش بيتهم .

حمزة:حاضر يا هدهد .

هدى خرجت من الشقه وحمزة عينه على رهف اللى دموعها نازله وقرب منها واخدها فى حضنه وباسها من راسها:حقك عليا يا رهف متزعليش منى .

رهف:متزعلش انت منى انا اسفه مش هخبي عنك حاجه تانى والله ... متبقاش انت ورغد زعلانين منى برن عليها كتير مش بترد عليا .

حمزة:رغد مضايقه عشانك يا رهف ... ومتقلقيش انا هاخدك ليها وراضيها براحتك .

رهف بصتله وابتسمت:ربنا يخليك ليا يا حمزة .

حمزة:ويخليكى ليا يا روح قلب حمزة .... روحى البسي زمان الدكتورة روحت من العياده لانها اخدت لارا .

رهف:حاضر .

رهف لبست عبايه سودا ونزلت مع حمزة اللى وصلها لتحت البيت وراح لحسن على القهوة .

ـــــــــــــــ★ــــــــــــــ

فى بيت الشهاوى .

رغد قاعده بتكلم محمد وسمعت جرس الباب قفلت مع محمد وراحت تشوف مين وشافت رهف من العين السحريه .

رغد فتحتلها ومشت من غير ما تكلمها .

لارا اول ما شافتها جرت عليها:رورو .

رهف:قلب رورو انتى.

رهف عينها على رغد اللى سابتها وقعدت تلعب فى فونها .

رهف قربت وقعدت جمبها وشدت الفون منها:لسه زعلانه منى بردو ؟!

رغد ....

رهف:انا مقدرش على زعلك يا رغد .

رغد بصتلها:وانا ميرضنيش اللى بيحصل فيكى .

رهف:انا اسفه انى خبيت عليكو والله مش هتحصل تانى ميبقاش قلبك اسود بقي .

رغد:رهف بلاش تخلى حد يقلل منك يا حبيبتى ... ده انتى رهف جمال الصاوى فاكرة بابا كان بيعاملنا زى الاميرات فى بيته .... ماتجيش واحده زى دى تعمل معاكى كدا .

رهف:حاضر والله مش هيحصل تانى متزعليش بقي .

رغد ابتسمت ورهف حضنتها بحب .

وقضو باقى اليوم سوا وبليل حمزة اخد رهف عشان يرجعو على بيت البطل .

حمزة وصل رهف لحد البيت وقالها انه هيروح يجيب حاجه من السوبر باركت ويجى .

رهف وقبل ماتدخل البيت سمعت صوت اولفت بتكلم ابنها عزت اللى لسه واصل .

اولفت:كنت فين يا مخفى طول الفترة دى ؟

عزت:كنت فى داهيه ياما عايزة ايه منى ؟!

اولفت:خليكى عمال تتسرمح والبت طارت من ايدك واهى اتكتب كتابها على غيرك يا فالح .

عزت:مانا راجع عشان انتقم منهم ياما ... انتى مفكرانى هسكت يعنى .

اولفت:ناوى على ايه يا واد ؟

عزت بدا يقولها خطته ورهف اتصدمت من اللى سمعته ...........