رواية جريمة عشق الفصل 104 - بقلم مريم نصار

(في الجامعه.) عند علوم.. بعد ما آدم خرج من الجامعه. آرين قلبها طاير من الفرحه.. ومستعجلة تشوف أبوها. وجات ليها فكرة، وجرت ع مكتب الدكتور آريان. آريان كان خارج من المحاضرة ورايح ع المكتب، وكان بيتكلم في الفون. آرين شافته وماشية بسرعة وبتنهج. آريان شافها وكشر وقال: تمام يابابا.. حاضر. لأ متقلقش حضرتك. المهم سلملي عليهم لحد ما أرجع على البيت. مع السلامة. وقفل المكالمة وقابل آرين وقال: آرين..!!

مالك ماشية بسرعة ليه كدا..!! حصل معاكي حاجة؟ آرين هزت راسها بفرحة وقالت: لأ لأ.. أنا كنت عايزة أقولك.. إن.. وقفلت بوقها بسرعة، وغمضت عينيها وقالت جواها: إيه يا آرين.. هتقولي إيه؟ بابي جه؟ طيب هيقولي عرفتي منين؟ آريان بمكر قال: أمم.. عايزة تقولي إيه يادكتورة؟ آرين فتحت عينيها وقالت بتوتر: هااا..!!!

آه احم.. بصراحة يعني.. أنا كنت.. كنت جاية أقولك.. إن يعني.. المفروض إن تيما لسه والده امبارح.. وأنت سايبها كدا.. وده ماينفعش.. المفروض نرجع ع البيت.. ونطمن عليها.. ولا إيه؟ آريان رفع حاجبه وقال: تيمااا..!! آآه قولتيلي.. أمم.. طيب ما أنا اطمنت عليها قبل ما أنزل على الجامعة وهي اللي صممت إني أنزل على الشغل.. وكمان عمتو نور موجودة معاها.. وكل العيلة جمب منها.. وجمب البيت.. ولا إيه؟ آرين بتوتر قالت:

اء.. آه أيوه فعلاً.. بس.. احم. بس أنا كان قصدي يعني إنك تكون معاها.. هيبقى أجمل.. بس أوكي مفيش مشكلة. احم.. هروح أنا بقى.. بعد إذنك. ولفت ضهرها وحاسة بخيبة أمل واتنهدت بخنقة ومشيت كام خطوة. آريان بمكر قال: على فكرة بابا لسه مكلمني.. وقال.. إن عمي فهد رجع..!!! آرين لفت ليه وهزت راسها وقالت بعفوية: أيوه..!! آريان ضحك بصمت وقال: وأنتي عايزة تطمني عليه أكيد..!!! آرين رجعت وقفت قدامه بسرعة وقالت بلهفة:

أوي أوي بجد هموت وأشوف بابي..!! بليز نرجع ع البيت. آريان بضحكة قال: تعرفي أنتي عندك حق.. المفروض أكون جمب مراتي وأبني في الوقت ده.. يلا بينا..!!! آرين بسعادة العالم كله قالت: أيوووه كدا.. يلا بينا يادكتور..!!! آريان بمكر قال: تعرفي إن آدم وحشني جدا؟ آرين وكحت بسرعة وحاولت الثبات وقالت: وخالو مراد.. كمان وحشنا كلنا.. احم.. نمشي بقى..!!

آريان هز راسه ليها ونزل وهو بيضحك على آرين، وركب جمب السواق وهي ركبت في الخلف وباصة من الازاز وعايشة في أحلامها. عند ألسن. چود بتبص في الساعة ونفخت بخنقة وقالت: أوووف أستغفر الله العظيم.. الدكتور فاروق ده أبطء من السلحفة.. نفسي مرة يوصل في ميعاده. مصطفى من وراها قال بتريقة: وأنت عايزة يجي في ميعاده ليه؟ ده حتى ميبقاش مصري..!!! چود عوجت بوقها ومردتش عليه. مصطفى وقف قصادها وقال: إيه مش بكلمك؟

ولا أنت حاطة قطن في ودانك.. ولا يمكن اترشيتي..!!! چود صكت ع أسنانها بغيظ ولفّت ضهرها ليه ومردتش. مصطفى بغمزة قال: أوعى يالا.. أنت بتتقل علينا. ولف ليها تاني وقال: متعبرني يامدمرني.. مالك كدا سايقة عليا التقل ليه؟ تعرفي مع إنك لازم تتقلي عليا طبعاً.. ماهو من حق الكبير يدلع.. بس الرحمة شوية ياتراب القمر!!! چود بغيظ ونرفزة قالت: أنت نازل لوك لوك ليه؟ وأنت ليك عين تتكلم معايا بعد عملتك الزفت دي؟ مصطفى قال: الله..!!!

أعملك إيه يعني؟ ما أنت اللي مابتسمعيش الكلام.. وقولتلك مش هيحصل إنك تخرجي مع صحابك.. أنا رفضت تقومي تكسري كلمتي؟ قابلي بقى..!!! چود بنفاذ صبر قالت: يا مثبت العقل في الراس.. يابني أنت عايز مني إيه؟ أرحم أمي العيانة.. يخربيت كدا.. مصطفى كشر عينيه وقال: يخربيت كدا..!! ومين كدا ده ياچود.. وتعرفيه منين؟ وأمك عيانة مالها؟ محدش قال يعني أنها عيانة؟ چود من بين أسنانها قالت:

أقسم بالله هاين عليا أصوت من برودك.. وبعدين أنت أول وآخر مرة تتدخل في حياتي.. واللي أنت عملته امبارح ده لو حصل مرة تانية متزعلش بقى من اللي ممكن اعمله فيك.. مصطفى رفع حاجبه وقال: الله.. ماتهدى ياعم الديناميت لاتفرقع.. وبعدين أنت امبارح لما اتصلتي على جدك طارق.. وسمعتك بالصدفة إنك هتخرجي مع صحابك.. وهو وافق.. لكن أنا رفضت.. بس أنت نشفتي دماغك ياچود وكان لازم أتصرف..!!! چود قالت:

تقوم تهوي كل كوتش العربيات بتاعت صحباتي يامصطفى..!!! وتدفع فلوس للسواقين عشان يقولوا مشوفناش مين اللي عملها.. دي تصرفات ناس عاقلة؟ آه صح وأنت هتجيب العقل منين؟ مصطفى هز راسه وقال: أقسم بالله ٥٠٠ جنيه لسعوهم مني ولاد اللذين.. مبقاش في ضمير خلاص.. الدنيا قل خيرها.. بس كله يهون عشانك ياقمر.. چود رفعت صوبعها في وشه وقالت: ولا أنت بتعاكس؟ أنت كدا بتعاكسني صح؟ مصطفى بهيام قال: العمر لحظة والحلوفة مش ملاحظة..!!! چود

فتحت بوقها بزهول وهمست: حلوفة..!!! مصطفى بضحكة قال: أقسم بالله عايزة صورة.. وأنت فاتحة باب الحارة ده.. هههه.. چود حدفته بالكتاب وقالت بنرفزة: أنا حلوفة يامتخلف.. يا حيوان.. يا حيواااان.. أقسم بالله ما عندك دم.. مصطفى مثل الألم وقال: ااااه.. حرام عليكي يامفترية.. كسرتي أيدي.. اااه.. چود قالت: ياريتني كنت أقدر أكسر رقبتك مكنتش هتأخر ثانية واحدة.. مصطفى حط إيده ع قلبه وقال:

اااه.. مع احترامي لقسم العظام بس كسر الأحبة مالوش أطبه.. وأهون عليكي ياچودي.. يابت ده أنت العشق يابت.. چود غصب عنها ابتسمت وبصت بعيد وقالت: الله يخربيتك ياشيخ.. مصطفى بغمزة قال: أقسم بالله بموت في أمك.. يابت بحبك.. أنت بتاعتي خلاص وفي الاجازة خاتم الخطوبة هيبقى راشق في أم صوباعك.. چود قلبها دق وقالت بتوتر: بص بقى رجعت تقول بحبك ومعرفش إيه؟ وأحنا اتفقنا إن مفيش كلام من ده.. مصطفى جاب ليها الكتاب وقال:

طيب أشطا خلاص.. هحاول بس موعدكيش.. يلا بقى عشان دكتور فاروق السلحفة جاي هناك أهو.. چود بضحكة قالت: يلا بينا.. مصطفى بغيره قال: طيب وطي صوت أمك ده.. عشان متغباش عليكي..!! چود رفعت حاجبها ومردتش. مصطفى قال: تعرفي ياچودي.. إن زي انهاردة من ١٠ سنين؟ كان باقي ١٠ سنين على انهاردة. چود ضحكت من قلبها وقالت: طيب يالمض.. يلا بينا على المحاضرة..!!! مصطفى شاور ليها وقال: الحريم أولاً. أتفضلي.. چود: هههههههههههه.. (في القسم.)

ياسين قاعد ع طرف المكتب وقال: ايوه يا مرسي. قولي بقى سرقت شقة الست نادية إزاي؟ وهي كانت فين وقت الواقعه؟ مرسي بخوف قال: وا.. الله ياباشا محصل. دي ست مفترية.. وبترمي بلاها عليا..!!! ياسين هز راسه وقال: اممم. ست مفترية..!! طيب هي ليه افترت عليك يامرسي.وياترى إيه السبب اللي يخليها تقدم فيك بلاغ. وتتهمك أنت بالتحديد..!! مرسي قال: أهو ظلم منها ياباشا.. هي كدا أول ما تضايق من حد.. تقوم تتبلى عليه.. ربنا ينتقم منها..

ياسين مط شفايفه وقال: اممم.. الباب خبط. عم سيد العسكري دخل وقال: تمام يافندم.. مدام سعادتك واقفة بره.. وعايزة..!!!! همس دخلت وقالت: أنت لسه هتتكلم ياعم سيد. أنا دخلت خلاص. روح أنت.. آه أستنى أستنى كنت هنسى.. اتفضل شوية العصاير دول ليك أنت والعساكر. مقولتليش بقى ياعم سيد. دول بمناسبة اييييه؟ لكن أنا هقولك بمناسبة..!!!! ياسين قام بزهول وقال: باااااس.. اييييه في إييييه؟ همس اتخضت وبلعت ريقها وضحكت بتمثيل:

للحرامي وياسين..!!! العسكري واقف ومش عارف يعمل إيه وبص لـ ياسين. همس بلعت ريقها بتوتر وبتداري الإحراج وقالت: احم طيب ياعم سيد.. اتفضل أنت.. ياسين شاور للعسكري يخرج. العسكري أخد الكيس وخرج بسرعة. همس رفعت عينيها لـ ياسين وقالت: هيهيهي.. احم.. هاي..!! ياسين ضغط ع شفايفه بغيظ واضح. همس فتحت عينيها وغمضت بتمثيل البراءة وقالت: ممكن أقعد..!! ياسين صك ع أسنانه بتوعد ممزوج بغضب وقال: طبعاً. اتفضلي..

همس هزت راسها للحرامي على أساس أنه شغال في القسم وقعدت ع الكرسي. ياسين قام بغيظ ومسك مرسي من ياقته وقال بغضب: انطق ياض وقول سرقت شقة الست نادية ليه؟ وفين المسروقات؟ مرسي بخوف قال: والله يا..!!!! ياسين ضربه بوكس بغيظ وقال: بتحلف ياروح امك.. هو أنا جايبك هنا عشان تحلف.. والمطلوب مني إني اصدقك..!!

أسمع يامرسي. أنت سرقت فلوس الجمعية والدهب بتاعها هي وبنتها.. ومش بس كدا.. سرقت التليفونات اللي في البيت.. وكاميرات المراقبة اللي تحت البيت جيباك أنت وصحبك.. من اول ما طلعت وهو استناك تحت.. ونزلت وانت محمل المسروقات.. وركبتو عربية وهربتوا يومين ورجعت.. وطبعاً اتصرفت في البضاعة.. انطق ياض..!!! همس فتحت عينيها بصدمة وحطت إيدها ع خدها أول ماشافت البوكس وخافت من ياسين.

وبلعت ريقها بصعوبة وقامت ببطء وماشيه بشويش عشان تخرج ولسا هتفتح الباب.. ياسين بصوت عالى قال: راااايحة فيييين..!!! همس اتخضت ولفت ليه وضحكت بتوتر وقالت بلخبطة: اء.. أبداً.. أنا قولت أسيبك تركز في شغلك.. احم.. هجيلك في وقت تاني..!!! ياسين بصّلها بتحذير شديد. همس فهمت وهزت راسها ورجعت قعدت مكانها. وبصت ليه.. شافته هاين عليه يضربها من غيظه منها.. وبصت بعيد بسرعة. ياسين

بغضب.. هتنطق.. ولا أبعتك للمساجين جوه.. وساعة زمن هتبوس على رجلي عشان أسمعك..!!! همس لا حول ولا قوة إلا بالله.. يا أستاذ مرسي اتكلم.. الإنكار مش هيفيدك.. مرسي بعياط وترجي.. والله ياهانم معملتش حاجة.. أنا بريء ياحكومة.. دانا بجري على يتامى ياناس.. همس بزعل.. لا إله إلا الله.. يا عيني ياربي.. بيجري ع يتامى.. خلاص يا ياسين أكيد فيه لبس في الموضوع.. وا... عااااااا ياماماااااا.. ياسين

أتنفس غضب.. وقبض على أيديه.. وقرب منها بسرعة.. ومسك الكرسي اللي هي قاعدة عليه.. همس اتخضت وصرخت.. ياسين من بين أسنانه.. كلمة زيادة أقسم بالله ياهمس.. وهحطك في التخشيبة لما تقولي حقي برقبتي.. .. وغير كده لما نرجع ع البيت.. ده أنتي يومك أسود.. ياهمس..!!! همس بتلعثم وخوف.. يلهوي.. هتحبس أم ولادك يا ياسين..!!! ياسين ضرب الكرسي بإيده.. وقال بتحذير.. أقسم بالله لو سمعت صوتك.. لأتشوفي يوم محصلش في تاريخ البشرية.. فاهمة..

تقعدي زيك زي الكرسي اللي أنتي قاعدة عليه ده.. ولما أخلص مع الحرامي.. أنا هعرف شغلي معاكي.. همس تنحت.. وجت تتكلم..!! ياسين بتحذير.. هااااااا.. همس هزت راسها.. وحطت أيدها على بوقها.. ومتكلمتش.. ياسين قلبه قايد نار من جنونها.. واتنرفز جداً.. وشمر كم القميص.. وقال.. بتهديد.. وحياة أمك.. لو متكلمتش.. لأ تطلع من هنا على المشرحة..!!! مرسي جسمه رجف بخوف.. وساكت.. ياسين

مسح وشه بإيديه ونفخ بخنقة.. وقال.. أنت اللي جبته لنفسك يابن ال.... !!! وضربه بوكس قوي.. وضربه برجله في بطنه.. وضغط ع رقبته.. مرسي بيحاول يتنفس.. ووشه بقى أحمر جداً مايل للزرقان.. همس فتحت عينيها بصدمة كبيرة.. إن الراجل يموت.. لكن خافت فعلاً تتكلم.. ياسين بغيظ.. الحرامي اللي زيك خسارة أنه يعيش.. أنا هسلمك للآخرة.. مرسي بيقاوم.. وقال.. خلاص.. خلاص هعترف والله ياباشا.. أنا اللي سرقت الست نادية.. ياسين

شال أيديه.. وزق مرسي.. وقعد ع طرف المكتب بغضب.. وقال.. أتكلم ياروح أمك.. مرسي بيكح.. وبيحاول ينظم أنفاسه.. وقال وهو بينهج.. أنا سرقت الدهب وفلوس الجمعية.. ياسين فلوس الجمعية ٤٠ ألف..!!! مرسي هز راسه.. أيوه ياباشا.. والتليفونات.. أنا أديتهم لواحد صاحبي في السوق.. بيبعهم بنص التمن وفلوسهم بالنص أنا وهو..

وال.. والدهب عند صاحبي اللي كان معايا.. قولنا لما الدنيا تهدى هنتصرف فيه.. والله العظيم ماخبيت حاجة عليك.. ارحمني أبوس إيدك.. ياسين ضغط ع الجرس.. العسكري تمام يافندم.. ياسين خد الواد ده أرميه في التخشيبة.. وشوف مواصفات صحابه المشتركين معاه.. وأبعت الملازم بهاء يجيبهم.. وأنا هكمل شغلي معاهم بعدين.. العسكري تحت أمرك ياباشا.. ومسك مرسي وأخده على الحبس.. ياسين مسح وشه بإيديه ونفخ بنفاذ صبر.. همس

حاطة أيدها ع بوقها.. وخايفة تتكلم.. ياسين غمض عينيه.. بيحاول يمتص غضبه..!! همس شالت أيدها ببطء.. وبصت عليه.. وهتموت وتتكلم..!!! ياسين من غير ما يفتح ولا يبصلها قال.. إيه اللي جابك.. همس بتمثيل العياط.. أنت بتكلمني كده ليه.. حرام عليك يا ياسين والله.. أنا عملت إيه يعني.. ياسين قرب من وشها بغيظ.. وقال بصوت جهوري.. عملتي إيييييه..!!!

تجيلي القسم من غير ما أعرف.. وكمان واقفة تتكلمي مع سيد العسكري.. لأ والمصيبة السودا.. بتتدخلي في شغلي.. وبتتكلمي مع واحد حرامي.. وتقولي عملت إيه..!!! إللي حصل ده مش هيعدي بسهولة.. همس شافت جدية ياسين وعصبيته.. واعترفت جواها أنها غلطت.. لكن قالت.. أولاً.. عم سيد العسكري راجل كبير وبأقدمله عصير عشان كان فيه خبر مفرحني.. وللسبب ده عملت كده.. ثانياً.. الحرامي ده.. والله أنا صدقت أنه بريء.. ولما شوفتك بتضربه صعب عليا..

ياسين بصلها بغيره.. همس بتوتر.. مش قصدي والله.. صعب عليا كنوع من الشفقة مش أكتر.. بس طلع يستاهل.. اه والله يستاهل الحيوان ده ٤٠ ألف جنيه يسرقهم.. لأ ده غير دهب ست نادية المسكينة دي.. وكمان الموبايلات.. أفرض دلوقتي الحرامي فتح الانستغرام بتاع ست نادية.. هااا.. إيه شعورها دلوقتي.. ياسين كشر عينيه وقال.. انستغرام نادية..!!! وزعق.. أنتي إزاي تيجي على شغلي من غير ما أعرف ياهمس..!!! همس

بتوتر.. طيب ممكن تهدا وأنا هقولك أنا جيت ليه.. ياسين .... !!! همس حطت أيدها ع بطنها وقالت.. بتمثيل البراءة.. أنت عارف إني دلوقتي في الشهر السادس.. وأنا من الشهر الرابع كنت هتجنن وأعمل سونار.. بس أنت قولت لأ.. سيبها مفاجأة لينا وقت الولادة.. وأنا وافقتك بس من جوايا كنت هتجنن.. وامبارح لما تمارا جابت بيبي جميل.. أنا قولتلك ياسو ياروحي أنا مش هقدر معملش سونار.. وأنت قولتلي خلاص نشوف وقت ونروح للدكتورة..

وأنهرده بعد ما أنت خرجت على شغلك.. اتكلمت مع ماما ماكي.. وهي كمان كان نفسها تعرف أنا حامل في إيه.. وقالت طيب تعالي نروح المستشفى.. وكانت هتتصل عليك.. بس أنا قولتلها لأ.. أنا نفسي أعملها مفاجأة ليا ياسو حبيب قلبي.. ياسين .... !!! همس بصت ف عينيه.. وقالت.. أنا حامل ف خمسة يا ياسين..!! ياسين فتح عينيه بصدمة.. وتنح.. وقال.. ايييييه.. خمسة..!!! همس ههههههه دخلت عليك.. شربت المقلب.. هع هع هع.. ياسين

مسح ع شعرو.. وقال.. يابنتي اتكلمي.. أنتي حامل ف إيه.. همس رفعت كتفها.. وقالت.. تؤ.. شقولك غير لما تديني الأمان.. وأنك مش هتخلي يومي بلاك.. اوكي..!!! ياسين بغضب.. لأ طبعاً.. أنا يستحيل أعدي اللي حصل ده بسهولة كده.. أنتي غلطتي ياهمس.. همس عوجت بوقها.. جرا إيه ياحظابط.. أنت هتحقق العدالة بره وتظلمني.. ياخي خليك رحيم باللي شايلة ولادك.. قلبك قاسي أوي ياحظابط.. آه والله.. ياسين

اتعدل.. وحط إيده ف جيبه.. وقال.. أنتي غلطتي ياهمس..!!! همس قامت.. ووقفت قدامه.. وقالت.. ببراءة.. أممم.. أيوه أنا غلطت.. بس أنا قدمت العصير عشان مفاجأة السونار.. وكمان جيتلك هنا أفاجئك.. وكمان السواق وصلني مع ماما لحد باب القسم.. وهي رجعت على البيت.. وقولتلها إنك أكيد هتفرح وتعزمني على الغدا.. لما تعرف إني..!! وسكتت. وبصت بعيد. ياسين

لف وشها ليه وقال.. أول وآخر مرة تجيلي على الشغل من غير علمي.. وكمان آخر مرة تتكلمي مع أي حد متعرفيهوش.. وكمان..!!! همس خلاص بقى ياعم ياسين الله يكرمك.. والله غلطت ومش هكرر الغلط.. أنا هعمل غلط جديد.. ههههههههه.. ياسين رفع حاجبه بتعجب..!!! يامجنونة.. همس مسكت أيديه.. وقالت بمرح.. سوري.. أسفة.. أسفة بجد.. حقك عليا.. والله مش هعمل كدا تاني.. وحطت أيدها ع بطنها وقالت.. صح ياولاد.. ياسين

قلبه حن ليها.. وسامحها من قبل ما تعتذر.. لكن قال.. ولاد.. همس بجد الدكتورة قالتلك إيه.. همس مسكت أيد ياسين.. وحطتها على بطنها.. وقالت.. حامل.. في توأم.. ولدين يا ياسو..!!!! فيلا زياد جمال.. مليكة بسعادة كبيرة.. الو.. أيوه يازيزو ياحبيبي.. زياد ماشي في الشركة.. وقال بضحكه.. ياه.. زيزو وع الضهر.. يبقى الموضوع كبير جداً.. ههههه.. مليكة بسعادة.. طبعاً.. أنا عندي ليك أخبار تجنن بجد.. زياد

كشر عينيه وقال.. ياستار.. هي وصلت للجنان.. عموما ياروحي.. أنا عارف الأخبار دي.. وكنت لسه هكلمك عشان أقولك.. مليكة بعدم فهم.. تقولي إيه.. هي همس لحقت قالتلك.. مع أني منبهه عليها إني أنا اللي هقولك الخبر الحلو ده..!! زياد لأ كدا بقى.. دقيقة نفهم..!! إيه اللي دخل همس في الموضوع.. أنا قصدي على رجوع شباب العيلة بخير وسلامة.. مراد وفهد وآدم..!!! مليكة شهقت بسعادة.. وقالت.. قول والله.. هما رجعوا..!!! زياد الله..!!!

في إيه بقى.. اومال انتي تقصدي إيه بالأخبار الحلوة.. بما إنك متعرفيش أنهم رجعوا..!! مليكة بضحكه.. أولاً ألف حمدلله على سلامتهم.. وصولهم جه مع الأخبار الجميلة.. ثانياً بقى.. أنا قصدي من اتصالي بيك.. إني أقولك إن همس مرات ابنك حامل ف ولدين توأم يا زياد..!!! زياد فتح عينيه بدهشة.. وقال بفرحة كبيرة.. أنتي بتقولي إيه يامليكة.. همس حامل ف توأم.. أنتي بتتكلمي جد..!!! مليكة

ضحكت بدموع.. وقالت.. أيوه والله يازياد.. لسه راجعة من عند الدكتورة.. وبشرتنا بالخبر الجميل ده.. أنا بجد فرحانة أوي.. عيلتنا بتكبر يازياد.. ألف حمد وشكر ليك يارب.. زياد بتنهيدة حنين.. الله يرحمك يا أمي.. كنتي ديما بتتمني وتدعي من قلبك إن يكون عندي عيلة وعزوة.. دعائك استجاب ياحبيبتي..!!! مليكة

بحنين.. فعلاً.. كانت ديما تقولي ربنا فرجه قريب.. ربنا يرحمها ويغفر ليها.. ويرحم عمو حسام.. كانوا متفاهمين لأبعد الحدود.. وطيبين جداً.. زياد عيونه لمعت.. وساكت.. مليكة حست بيه.. وقالت.. أسمع بقى.. من دلوقتي احفادي هيقولولي يا ماما.. أنت بقى جدو.. أنت حر.. إنما أنا هفضل ماما ماكي.. اتفقنا.. زياد بضحكه صافية.. أجمل ماما ماكي.. ربنا يباركلي فيكي ياروحي.. مليكة حبيب قلبي يازيزو.. ربنا ما يحرمنيش منك أبداً..

بقولك بقى.. إحنا هنحتفل بالمناسبة دي.. ونعمل عشا تحفة ومميز عشان همس وياسو.. زياد بتفكير.. طيب بصي خليها بكرة.. مليكة بزعل.. ليه بقى.. زياد ياحبيبتي.. أنتي ناسيه إني قولتلك الشباب وصلوا.. وزين لما كلمني قالي إنه وصلهم وراجع على الشركة.. وكمان قالي إن مراد شكله متصاب في دراعه.. وأنا أكدت عليه إننا هنروح ليهم انهاردة بعد الغدا.. نسلم عليهم ونقعد مع العيلة ونتجمع.. مليكة بزعل.. لا حول ولا قوة إلا بالله.. اتصاب إزاي..

لأ خلاص نروح ونطمن عليهم.. أنا هصلي الضهر وأتصل على ماما مريم.. زياد تمام ياحبيبتي.. أنا هقفل دلوقتي لأني داخل على اجتماع مهم مع سارة وآسر.. خلي بالك من نفسك.. مليكة وأنت كمان ياحبيبي.. ربنا معاك..!!! (فيلا آريان العدوي) نور داخلة الأوضة.. وشايلة صنية الأكل ل تمارا.. وقالت.. إيه ياقلب مامي.. محمد نام.. تمارا شايلاه في حضنها.. وقالت بصوت واطي.. أيوه.. نام بعد معاناة.. نور

حطت الأكل.. وضحكت.. وقالت.. من أول يوم وبتقولي معاناة.. تمارا ابتسمت بحب كبير وقالت.. لأ طبعاً.. مش قصدي كدا.. ده محمد ده ف قلبي وروحي.. كفاية إن اسمه على اسم بابي حبيبي.. وربنا يقدرنا ونربيه صح وبما يرضي الله.. نور مسحت على خد محمد.. وقالت.. إن شاء الله.. يتربى في حضنك وعز باباه.. تمارا بأبتسامة.. وحضنك انتي وبابي وماما مريم وبابا آدم. ربنا يباركلي فيكم جميعا يارب.. وتفرحي بذرية تيم قريب إن شاء الله..

نور: بتنهيدة.. يارب.. يارب ياتمارا يابنتي.. يقر عينه بالذرية الصالحة.. بدعيله هو وميرو ليل ونهار.. تمارا: بابتسامة جميلة.. وه يستجيب بأمر الله.. نور: خبّت دموعها بابتسامة وقالت.. هاتي حمادة حبيب قلبي ده أنيمه في سريره.. وأنتي كلي يلا.. الباب خبط.. وعزة دخلت.. وقالت: دكتورة نور.. سيدي مراد بيه وسيدي فهد وآدم بيه الصغير وصلوا في البيت الكبير بالسلامة.. نور: بدقة قلب وفرحة.. مراد أخويا..!!! وحطت محمد في السرير بشويش..

تمارا: بفرحة.. مامي أنا هنزل معاكي.. نور: برفض.. لأ مش هينفع.. مامي منبهة متخرجيش من الفيلا.. كلهم هيجولك.. خليكي.. وخالك مراد وفهد أكيد هيقدروا.. إنك لسه والده.. أنا هنزل أسلم عليهم بسرعة.. وهرجعلك.. أوكي.. تمارا: بحماس.. بليز سلميلي عليهم كتير جدا.. نور: بتلبس النقاب.. وقالت.. حاضر ياحبيبتي.. (فيلا العدوي) رينو: جت قدام فهد وشايلة ابنها.. وقالت بدقة قلب.. ابنك آيان يافهد..!!!!

الكل انتبه ل رينو وسكتوا للحظة دي.. وبصوا لفهد.. فهد: عيونه على ابنه.. وقلبه بيدق بخفقان.. ومشاعر غريبة وجديدة.. مشاعر مدفونة من زمان جدا.. وواقف ثابت ومعملش أي رد فعل.. غير إن عيونه تايهة في ملامح آيان.. رنا ومريم بصوا لبعض.. واتأثروا لرد فعل فهد.. مراد: ابتسم.. وحاوط فريحة من كتفها.. وباس جبينها.. وهمس في ودنها.. وحشتيني يافريحتي.. فريحة: غمضت عيونها بتنهيدة راحة وحب وأمان.. وقالت بنفس الهمس.. وأنت كمان ياحبيبي..

رينو: بإبتسامة وعيونها لمعت بدموع.. وقالت.. آيان ابنك يافهد.. مش عايز تشيله بين إيديك؟ فهد: بلع ريقه.. وبص ل رينو بأمل.. وعيونه لمعت.. وقال بصوت مبحوح.. آيان..!!! رينو: ضحكت بدموع.. وهزت راسها.. أيوه آيان.. مش أنت قولتلي أسميه آيان؟ وأنا نفذت كلامك.. وأهو.. آيان فهد السيوفي..!!! فهد: رفع ايديه.. وعيونه بتتأمل فيه.. كأنه بيقول معقول الملاك ده ابني..؟ رينو: حطت آيان بين إيديه.. وعيونها على فهد بتملي عيونها منه..

فهد: شال آيان.. وقلبه دق بحب كبير جدا.. حب مضاعف.. لابنه اللي جه بعد صبر طويل..!!! آيان: حاطط صباعه في بوقه.. ورفع ايده التانية على وش فهد.. وعمل صوت بريء.. وضحك.. فهد: ضحك وعيونه اتملت بالدموع غصب عنه.. وباس كف ايده الصغير.. وهمس.. آيان.. حبيب قلبي.. أنا أبوك ي آيان.. أبوك فهد..!!! آيان: حرك ايديه الاتنين على وش فهد.. وضحك.. فهد: ضحك بإحساس جميل وفرحة مغمورة بالسعادة..

رينو: ضحكت بسعادة وقالت بحماس.. آيان أول مرة يضحك بالطريقة دي.. آيو ياروح قلبي.. ده بابي فهد.. اللي ديما بكلمك عنه.. بابي رجع ليك ياحبيب مامي.. فهد: قعد على طرف الكنبة.. وعيونه بتتأمل براءة ابنه.. واترسمت ابتسامة حب.. وباس جبينه.. رينو: قعدت جنبه.. ومسكت ايد آيان وبتتكلم معاه.. علشان شافت فهد كأنه لسه في حالة عدم استيعاب.. طارق: هز راسه بتنهيدة.. وقال.. الواد فهد ده الوحيد اللي طالعلي..

آدم: هرش جبينه.. وكاتم الضحكة اللي كلها سخرية.. طارق: بص له بغيظ.. وقال.. أنا عارف نفسك تقول كلمة تفرتك بيها الجبهة.. قول يابا اتكلم ياحبيبي.. متكتمش في نفسك عشان الضغط..!!! الكل انتبه وضحك.. آدم: بضحكة.. سبحان الله.. بعد كل العمر ده.. بدأت تفهم ياطارق.. بس أنت متأكد إن فهد طالعلك..؟ طارق: صك على أسنانه بغيظ واضح.. وقال.. هو أبني ولا ابنك ها؟ أكيد الواد هيطلع لابوه..

وانا قلبي جامد وأسد في نفسي كدا.. والواد فهد نسخة مني.. عندك اعتراض؟ رينو بصت ل فهد وضحكت.. فهد: رفع عينيه ليها.. وقال في اعتراف رسمي بيعنيه.. (وحشتيني) رينو: عيونها لمعت وهمست بصوت واطي.. أنت أكتر صدقني.. آدم: مط شفايفه.. اممم.. تؤ.. محدش يقدر يعترض طبعاً.. لكن شكلك نسيت إن فهد ده تربيتي أنا.. بس محدش يقدر ينكر.. أنه واخد جيناتك وطالع ليك في العصبية.. والنرفزة.. وسهل جداً استفزازه.. وكمل بغمزة.. زيك كدا يا أسد..!!!

الكل ضحك.. طارق: بص لمريم.. وقال بغيظ.. عاجبك كدا يام مراد.. ينفع اللي هو بيعمله معايا ده؟ مريم: ابتسمت.. وقالت.. بالله عليكم خلوني أنا بعيد.. بس اللي عايزة أقوله.. إن أبو مراد لو كان عنده أخ.. مكنش هيحبه قدك يابو فهد.. وأنت متأكد من كدا.. ده كل يوم لازم يمدح فيك.. آدم: بمكر.. أم مراد بتحب تبالغ شوية..!! طارق: بنرفزة.. ياخي منك لله.. ده الضراير مبيعملوش كدا ف بعض..

مراد: بضحكة.. خلاص ياطاروق.. وحد الله ياعمنا مش كدا.. الحج آدم بينكشك.. ده أنت الغالي.. وأبو الغاليين.. ولا ايه يافهد.. هههههههه.. فهد: رفع طرف عينيه.. وقال جواه.. مش مستريح للواد ده..!!! مراد: بمرح.. واد يا آيان.. تعالي لخالك ياض.. فريحة: ثواني ياحبيبي أنا هجيبهولك.. وراحت لفهد.. وقالت.. بعد إذنك ياحبيب أختك.. وشالت آيان.. بسم الله.. تعالي ياروح عمتك.. مراد: شاله.. وابتسم وباسه.. وقال.. الواد ده مش شبهي ليه؟

إيه يارينو هو علشان أنا مش موجود تغفلينا.. أنتي جايبه نفس سحنة الواد فهد ده ليه؟ رينو: بضحكة.. وحطت ايدها في ايد فهد.. وقالت.. هو في أجمل من كدا يا أبيه؟ فهد:. ضغط على كف ايدها بحنين.. وابتسم ليها.. مراد: بتريقة.. لأ طبعاً.. ومفيش.. وأحنا لازم نرضى بالأمر الواقع.. وبيلاعب آيان.. آدم مراد: طيب ياجماعة.. أنا هروح لتالين.. فهد: بص له بغيره واضحة.. مراد: بص لفهد وآدم..

مريم: ربتت على ايده وقالت.. وماله يانور عيني.. دي تالين هتفرح أوي.. دي كاتمة فراقكوا في قلبها وساكتة ياروح قلبي.. مراد: اتخنق عشانها.. وقال.. استنى جاي معاك يا آدم.. آدم مراد: لأ خليك أنت يابابا.. عشان دراعك.. وتالين متتخضش عليك.. أنا هجيبها ونرجع بسرعة.. فهد: صاكك على أسنانه وساكت..!!!! رينو: لاحظت نظرات فهد النارية لأدم..!! وكشرت عينيها بتعجب..!!! مراد: هز راسه تمام.. بس متتأخرش..!!!

آدم مراد: هز راسه تمام.. وخارج.. آدم: بص له.. بنظرة معناها.. تالين وبس..!!! آدم مراد: ابتسم.. وهز راسه ليه.. تمام..!!! وخرج وعلى وشه ابتسامة.. لأنه أول حد شافه هو ضيه وبس..!!! واخد المفاتيح من السواق.. وركب العربية وساق بسرعة..!!! نور: دخلت بسرعة وسلمت على مراد بشوق وحنين كبير.. وسلمت على فهد.. رينو: حطت ايدها في ايد فهد.. وقالت.. حبيبي مالك؟ واضح جداً إن في حاجة مضيقاك..

فهد: هز راسه لأ مفيش حاجة.. أنا هروح ل آرين الجامعة..!! رينو: ابتسمت.. ياريت بجد.. دي هتتجنن وتشوفك.. أنت متعرفش هي بتعامل آيان إزاي.. دي زي ما تقول ابنها مش أخوها.. فهد: بأريحية.. طيب كويس أنا كنت قلقان من النقطة دي.. بقولك إيه أنا لازم اروح ليها دلوقتي.. وهجيبها وأرجع.. رينو: أجي معاك أرجوك.. أنت لسه راجع ومش عايزك تخرج.. فهد: هز راسه تمام..!! آرين من على الباب.. بااابي..!!!

فهد: رفع عينيه ليها بسرعة.. وقلبه دق لبنته حبيبته.. وقام وقف.. وقال بحنين.. آريني..!!! آرين: حدفت الكتب والشنطة على الأرض.. وجريت بسرعة كبيرة.. وقالت بصوت عالي.. باااابي.. واتشعلقت في رقبته.. فهد: ضمها لقلبه بحنان كبير.. ولف بيها.. وقال.. آرين.. آريني.. وحشتيني اوي ياقلب أبوكي.. آرين: ..!!! فهد: نزلها.. وجه يطلعها من حضنه.. لكن آرين مكلبشة فيه.. ومبتتكلمش..

فهد: حس بعياطها.. وقال.. آرين خليني أشوفك يابنتي أنتي وحشاني.. آرين: ..... وصوت عياطها بدأ يعلى.. الكل اتأثر لعياطها.. رينو: قامت.. وقالت بدموع.. آرين على قد ما أنت واحشها.. على قد ماهي زعلانه منك..!! فهد: ضمها لحضنه.. وسابها تعيط.. وقال.. آرين. حبيبتي والله غصب عني. ومفيش أي فرصة إني أتواصل معاكم.. صدقيني الموضوع كان خطر.. وعليكم قبل مني لو كنت اتصلت عليكم.. فهماني يابنتي..!!!

آرين: طلعت من حضنه.. وقالت.. بشهقات.. لأ أنا مش هفهم غير أني هونت ع حضرتك.. حوالي سبع شهور يابابي..!! سبع شهور حتى مش عارفين نطمن عليكم.. مامي كانت محتجالك.. أنا كنت محتجالك.. آيان الصغير.. وكمان آركان.. كلنا كنا محتاجين ليك يابابي.. مهما الكل يكون موجود.. إلا إن أنت الوحيد اللي بتكملنا.. أنا بحبك اوى يابابي.. بحبك لدرجة إني كرهت الحربية.. وبتمنى إنك تسيبها.. وكفاية قلق وتعب لحد كدا.. بجد أنا تعبت..

تخيل بقى مامي.. وعمتو فريحة.. وماما مريم وماما رنا.. بجد أنا أول مرة أتوه كدا.. أنا كنت خايفة عليك اوى المرادي يابابي.. واترمت في حضنه تاني وعيطت بصوت عالي.. وقالت أرجوك متسبناش تاني.. الكل عيونه لمعت.. فهد: غمض عينيه بوجع وضمها لقلبه.. وهاين عليه يدخلها بين ضلوعه.. مراد: شاف علاقة الصداقة بين فهد وآرين وحبهم وقربهم لبعض.. وفهم تصرفه تجاه آدم.. وهز راسه بتنهيدة..

فهد: طلع آرين من حضنه.. ومسح دموعها.. وباس جبينها.. وقال.. آريني فراشة الحياة. متعطيش. طول ما أبوكي عايش.. اعرفي إن دموعك بتكوي قلبي.. اوعي في يوم تعيطي.. مهما كان السبب.. أنتي بنت فهد السيوفي.. أنتي بنتي.. ومش مسموحلك تبكي في وجودي.. دموعك غالية يابنت فهد.. غالية.. أوي..

وأنتي عارفه إن مجال شغلي غير أي شغل.. أنا لو بأيدي أفضل معاكم كل ثانية.. لكن مش بأيدي.. وعايزك تعرفي أنتي ورينو.. إنكم عمركم ما تهونوا عليا أبدا.. الموت أهون عليا من فراقكم والبعد عنكم.. فهمتي يا آريني..!!! آرين: مسحت دموعها.. وقالت.. بعد الشر على حضرتك.. أنا أسفة جداً إني اتكلمت كدا.. بس ده كان من قلقنا عليكم.. فهد: ابتسم. ومسد على حجابها.. ولا يهمك ياروحي..

مراد: قال جواه.. آدم ابني هيتعب معاك أوي يافهد.. أنت بتحب بنتك بغباء.. طول عمرك لما بتحب حد.. بتحب بضمير يصحبي أنت وفي لأقصى درجة ياحوت.. لكن إن شاء الله.. ربنا هيدبرها من عنده.. وتوافق يابن السيوفي.. آرين: صرخت بصوت مسموع.. خالووووا مرااااد.. مراد: انتبه.. وقال.. حبيبت خالها.. تعالي يابت يا آرين.. ههههه.. آرين: سلمت عليه.. وقالت.. حمدلله على سلامة حضرتك.. ومال دراعك ياخالو.. مراد: بهزار.. أبوكي عضني.. هههههههه..

آريان: دخل.. السلام عليكم ورحمة الله وبركاته.. وسلم على الكل.. آرين: جريت على فهد.. وقالت.. بابي شوفت آيان؟ بجد شبهك جدآ.. فهد: قعد وأخدها في حضنه.. وقال بضحكة.. وأنا حلو أوي كدا.. آرين: شهقت.. أيه؟ حلو بس؟ قول قمر.. جان.. قول حاجة محصلتش.. مش حلو بس..!! فهد: شاور ل رينو.. وقعدت جنبه.. وشال آيان.. وسأل على آركان.. رينو: سافر الأسبوع اللي فات.. وقال كلها شهر وينزل إجازة كبيرة..

الكل قعد وبيستقبلوا الاتصالات والتهاني من العيلة برجوع الحيتان بالسلامة. آدم: قاعد بيتكلم مع طارق والشباب. وأستغرب إن آرين مسألتش حتى على المرعب. وكشر عينيه وافتكر إن آدم جه قبل منهم ورفع حاجبه وقال: أممم... عشان كدا!!! (قدام المدرسة) آدم مراد وقف بالعربية والطلاب خارجين من بوابة المدرسة ونزل وبيدور على تالين. تالين خارجه مع حياة وكارما وبيكلموا مع بعض. حياة وكارما بيضحكوا لكن تالين بتتكلم بهدوء.

آدم مراد شافها وأبتسم ورفع إيدو ليها. تالين بصت وافتكرت حد بيعاكس ونزلت عينيها بسرعة لكن وقفت مكانها ورفعت راسها بزهول وفتحت عينيها على الآخر وقلبها بيدق ومفيش أي رد فعل. آدم مراد قفل باب العربية ورايح ليها. حياة وكارما استغربوا تصرف تالين لكن شافوا آدم وضحكوا بفرحة كبيرة. تالين بزهول: أبيه آدم!!! آدم مراد قرب منهم. تالين استوعبت أخيراً وقالت بصوت مسموع: أبيه آدم مش معقول. وأترمت في حضنه وبتضحك وبتعيط من فرحتها.

آدم مراد ضمها لقلبه بحنان كبير وباس راسها وقال: تالي حبيبت قلبي وحشتيني ياروحي. تالين طلعت من حضنه وضحكت بدموع وقالت: أبيه آدم حضرتك رجعت صح؟ ههههه أيوه فعلاً حضرتك قدامي أهو وبابا بابا رجع معاك صح؟ آدم مراد مسح دموعها وقال: من غير عياط ياتوتا. أيوه ياحبيبتي كلنا رجعنا بخير. وبص للبنات: ازيكم يابنات؟ حياة وكارما: الله يسلمك حمد الله ع سلامتك. آدم مراد هز راسه ليهم وقال: يلا تعالوا.

تالين ركبت جنبه وقلبها بيدق بفرحة كبيرة وشبكت أيديها تحت دقنها وقالت: الحمد لله الذي أعاد لنا ودائعنا بخير وسلام. الحمد لله كل الحمد. شكراً يارب. آدم مراد ركب جنبها وسمعها وباس ع أيدها وقال: هحبك إيه أكتر من كدا ياملاك أخوكي!!! تالين حضنت أيدو وقالت: حضرتك متعرفش ماما كانت عاملة إيه من غيركم. بجد كانت أيام ثقال لكن الله أحن وأرحم. آدم مراد مسد ع حجابها وقال: ونعم بالله. وشغل العربية وساق على المملكة. (فيلا العدوي)

كلهم قاعدين. مريم شاورت لفريحة. فريحة جت: نعم يا ماما. مريم: خدي مراد لفوق وساعديه يغير هدومه. ولو في علاج ياخده. فريحة: حاضر يا حبيبتي. مريم: يحضرلك الخير يا نور عيني. وأنتي يارينو سيبي آيان مع رنا وقومي اطلعي مع جوزك يغير هدومه وانزلوا على الغدا. رينو: حاضر يا مامي. مراد قام وطلع مع فريحة وفهد خرج مع رينو. آدم شاور لآرين. آرين قامت بسرعة وقعدت جنبه: نعم يا بابا آدم ياقمر.

آدم حاوطها من كتفها وقال: بابا آدم إيه بس. أنت من وقت ما فهد رجع وأنت مطنشاني. آرين شهقت وقالت: بابا آدم حضرتك بتغير عليا من بابي؟ آدم بضحكة: طبعاً أنت بنتي أنا وعشتي معايا أكتر من أبوكي نفسه. يبقى من حقي أغير ولا لأ؟ آرين حطت صوباعها على بوقها وقالت: ينفع مجاوبش؟ آدم ضحك: أيوه ينفع. قوليلي بقى أنت معادك ترجعي بعد الساعة تلاته. جيتي بدري إزاي؟ آرين غمضت عينيها ولعنت نفسها وغبائها. آدم شكه اتحول ليقين إن المرعب

سبق الكل بخطوة وقال بمكر: أكيد آريان قالك مش كدا. آرين فتحت عينيها بدهشة وقالت: صح. أيوه فعلاً. الدكتور آريان قالي إن بابي جه. آدم هز راسه ليها: أممم تمام. لكن أنتي ليه مسألتيش على المرعب؟ آرين همست بصوت واطي جداً وقالت: غبية يا آرين. والله أغبى بنت في العيلة. آدم ضحك بصمت وقال: أنا بقول كدا برضه. آرين تنحت وقالت: هاا. حضرتك سمعتني؟ آدم مط شفايفه ورفع كتفه ومردش. آرين

حبت تهرب من الموضوع وقالت: بابا آدم عندي سؤال مهم. آدم بمكر وقال: ماشي اسألي. آرين: السؤال بيقول شيء يمكنك أن تقوم به دون أن تبذل أي مجهود في حياتك. آدم بتفكير: الفشل. آرين بإنبهار: واااو كنت متأكدة إن حضرتك هتحلها بسهولة. آدم بإبتسامة: أو ما ل. أنت مفكراني جدك طارق ولا إيه؟ آرين ضحكت من قلبها. طارق كشر عينيه لأدم وقال: الضحك ده عليا!!! آرين حطت ايدها ع بوقها وكاتمة الضحكة. آدم ربت ع رجل طارق وقال: منور يا أسد!!!

(في جناح مراد) فريحة بتساعد مراد في اللبس. مراد بيتألم بسيط. فريحة بدموع: ممكن أعرف اتصابت إزاي؟ مراد رفع أيده السليمة ومسح دموعها وقال: هو أنا علشان غبت عنك فترة نسيتي إني مبكرهش في حياتي قد إني أشوفك مكشرة أو زعلانة. تخيلي بقى لما أشوفك بتعيطي. أعمل إيه أنا دلوقتي؟ فريحة بتلبس

ليه التيشرت وقالت بدموع: غصب عني يامراد. أنا كنت بعد الساعات والدقايق مش الأيام وبس. أنا كنت خلاص هتجنن واسمع بس إنك بخير. قلبي كان ديما مشغول عليك. والله آرين صدقت في كل حرف قالته. إحنا من غيركم مش كاملين. تخيل بقى يوم ما أملي قلبي من وجودك وألاقيك متصاب. عايزني أضحك إزاي بس يا عمر فريحة. مراد بتنهيدة: عارفة يافريحتي. نفسي أضمك لقلبي عشان أنا اللي أصدق إني رجعت ليكي من تاني. فريحة حطت راسها

ع صدرو وغمضت عينيها وقالت: أنا كدا كأني مالكة العالم كله بين أيديا. ألف حمد الله على سلامتك ياحبيب قلبي وروحي. مراد ضمها لقلبه بحنان واشتياق وقال: بحبك أوي يافريحة. فريحة: وفريحة بتموت في التراب اللي مراد بيمشي عليه. مراد باس ع راسها وايدها وقال: ربنا يباركلي فيكي ياروح قلبي. فريحة باست جبينه وابتسمت وقالت: نورت مصر كلها. نورت قلبي وحياتي. نورت روحي ياروحي. مراد حاوطها من كتفها وقال: أنا لسه عند وعدي. فريحة كشرت

عينيها بعدم فهم وقالت: وعد إيه؟ مراد بغمزة: الله. شقتنا يابنت المستخبي. مش أنا وعدتك لما أرجع هاخدك ونروح نقعد فيها براحتنا. فريحة ضحكت من قلبها وقالت: والله بنت المستخبي دي وحشاني أوي منك. ههههه. يالهوي يامراد لو بابي عرف باللي أنت بتقوله ده. مش عارفة هيعمل إيه. مراد بيقلد طارق وقال: هيعمل كدا.

ومثل النرفزة: بقى أنت تقول لبنتي بنت المستخبي. لأ وكمان بنت كوم الشكاير. بنت طارق السيوفي. بنت الأسد يتقال عليها كدا. صدق ياض يامراد. هتصدق إن شاء الله. أنت مطمرش فيك تربيتي اللي ربيتها ليك. فريحة: ههههههههه أخص عليك يامراد. بس بجد أنت قلدته جداً هههههههه. مراد بخبث: ولسه يافريحة. دور الحوت. ده أحنا داخلين على أيام سوسا. (عند فهد) فهد واقف ومربع أيديه وبيأمل في رينو اللي شالت النقاب وظهر جمالها.

رينو راحت عند الدولاب وجابت لبس لفهد وراحت لعندو بسرعة وقالت: اتفضل ياحبيبي. أدخل بسرعة خدلك شاور والبس الطقم ده. وأنا هعملك فنجان قهوة تشربه قبل ما ننزل. فهد دقق النظر في عيونها اللي وحشاه أكتر من جمال الكون. رينو رفعت عينيها ليه ودقات قلبها خرجت عن مسارها. فهد رجع خصلة شعر ورا ودنها وقال بهمس: كنتي وحشاني أوي يارينو. ولسه وحشاني أكتر من قبل. رينو رفعت ايديها وحضنته وقالت: أنا لحد دلوقتي مش مصدقة إنك رجعت ليا.

فهد ضمها لقلبه بحنين وأخد نفس عميق وقال: أنا وعدتك إني هرجعلك. أنا مقدرش أعيش من غيرك. رينو عيونها لمعت: حمد الله ع سلامتك ياحبيبي. فهد طلعها من حضنه وباس راسها وابتسم: سلامتي هي أنتي. ومسد على خدها وقال بابتسامة: وحشتني القهوة من أيديكي. رينو ضحكت بسعادة وقالت: أجمل فنجان قهوة لروح روحي في ثواني. وعلى فكرة بقى أنا مجهزة لك مفاجأة بليل هتحبها جداً. وجريت من قدامه بسرعة على المطبخ.

فهد مسح ع شعره بإبتسامة وأخد هدومه ودخل الحمام. وبعد لحظات شرب القهوة ونزل مع نجمته.