تحميل رواية «جمارة (بين العشق والقسوة» PDF

غازي طلع من السرايا وحكيم وراه وراحوا على مندرة الشيخ زايد، وهناك حكيم سلم عقود الأرض لغازي قدام الجميع.

الرجال اللي كانوا في المندرة، وسمعوا الحكاية منه، كلهم غلطوا غازي ووصفوه بأسوأ الصفات. ده غير جمل صريحة اتقالت له بأنه مش راجل ولا يمت للرجولة بصلة عشان جار على حرمة ضعيفة وطلقها مقابل أرض. وابن عمه اللي طلع أرجل منه. وإنهم كان كل الحق معاهم يوم ما اختاروا حكيم للمشيخة وهو له. واللي زاد وغطى إنهم فرحانين بحكيم عشان ناوي يستر مرته ويتجوزها بعد منه. وهو اللي كان ناوي يقول إن حكيم طمع في مرته وغواها وساومه بالأرض عشان يسيبهاله. وكمان كان من ضمن خطته إنه لو جمارة حملت يقول إن اللي في بطنها من حكيم عشان كده طلقها.

بس حكيم سبقه مش بخطوة، له ده سبقه بخطوات وخلاه خسر كل اللي كان راسمه. طلع غازي من القعدة مدخن ومراقبش قدامه من كثر العصبية والكلام اللي خده في جنابه بسبب حكيم. وهو ساكت ما قدرش يتحدث ولا يفتح خشمه بكلمة. وأدي انتصار جديد لحكيم عليه، فاق كل الانتصارات اللي قبل كده.

طلع غازي، وحكيم رجع على سرايته هو وبشندي. وأول ما دخلت جريت عليه جمارة اللي كانت مستنظراه على نار. وقفت قدامه وبصت له بتساؤل، ومتكلمتش، لكن عينها بتسأل وهو جاوب:

"من بكرة هتمسكي عدة يا جمارة. 3 شهور هعدهم بالساعة والدقيقة لغاية ما يخلصوا. هتقعدي في غرفتي وتنزلي حاجتي في أوضتك اللي تحت، فاكراها."

جمارة هزت دماغها بفرحة وهي مش مصدقة اللي بتسمعه، وقلبها طاير من الفرحة.

حكيم:

"أمك هتيجي عشية عشان تقعد معاكي تونسك. خدي بالك إني هاجي السرايا كل صبحية على الساعة 10 كده، وبعد العصر أطل على أمي وأختي وأطل على جمرة. ما عاوزكش في المعاد ده تيجي قبالي ولا عيني تشوفك."

جمارة بحزن:

"ليه كده؟ دي كتير قوي والله. وبعدين أنا على ما سمعت من خالة تماضر إن الوحدة في عدتها عادي تشوف الناس والناس تشوفها، بس يكون لبسها فضفاض ومستور وواسع!"

حكيم:

"دي للناس العادية لو حد جاي ياخد خاطرها ولا يقضي لها حاجة ضرورية. لكن واحد محمل بالعشق مينفعش. شوفتها وبصتها ليها هتحملها ذنوب، وهو كمان هياخد ذنوب. وبكفينا ذنوب لحد هنا يا جمارة. الحلال خلاص مفاضلش عليه كتير. وإني عاهدت حالي إني من بكرة هصوم عن النظرة الحرام وهصبر لغاية غروب شمس البعاد عشان أفطر على حب حلالاً طيباً وأشرب من جمالك حد الارتواء. وأشكر الله مردداً: اللهم إني لأجلك صُمت وعلى حلالك أفطرت."

جمارة ابتسمت وغمضت عينيها، وتمنت إن اللحظة دي ماتخلصش ولا ييجي بعدها فراق شهور. معرفتش هيعدوا عليها كيف! وكيف هتتحمل ما تشوفهوش قبال عينها كل هبابة وهي بتعدل الثواني بين كل شوفة والتانية؟

"طيب ماشي، هصبر وأتحمل بس بشرط. تقعد معايا شوية كتير النهارده وتتحدث معايا لغاية ما أشبع من حديثك، مع إني عمري ما أشبع. ومن بكرة همسك عدة كيف ما قولتلي. هاه، قولت إيه؟"

حكيم أخد نفس واتحرك، قعد على نص البرميل قبال جمرة وهمس:

"هقول إيه يعني. هعطل كل مصالحي وأسيب اللي ورايا واللي قدامي وأقعد كيف ما طلبت واتمنت ست البنات."

جمارة ضحكت وراحت قعدت جاراه على بلوكة، وحطت وشها بين إيديها وبصت له بحب:

"يلا اتحدث."

حكيم ضحك وبص بعيد:

"قولي عايزة تسمعي إيه وأنا أقولهولك."

جمارة:

"قول أي حاجة. المهم إني أسمع حسك وخلاص. أقولك.. احكيلي إيه سر كره غازي ده كله ليك؟ يعني أنا شايفة إنك معملتلوش أي حاجة وحشة، إيه سبب كل الغل اللي في قلبه!"

حكيم كشر نص وشه:

"الله يعكنن عليكي يا جمارة! يعني ده سيرة تفتكريها دلوقتي! حبكت؟"

جمارة ضحكت:

"معلش بس عشان نقفل السيرة دي خالص ومنتحدثوش فيها تاني واصل بعد كده. وكمان قولت يمكن حداك إنت جواب السؤال اللي محيرني. ليه الواحد يكره حد من غير سبب!"

حكيم:

"الغيرة.. الغيرة والحقد لما يدخلوا القلب يعموه، ويقعد يدور لهم أسباب واهية وكدابة عشان يبرر وجودهم جواه. ووحدة وحدة يصدق الأسباب اللي عقله صورها له ويقتنع إنها الصح. وإني يا ستي هقولك غازي كرهه ليا بدأ من ميته وسببه كان إيه. من واحنا عيال صغيرين كنا دايماً مع بعض. يد واحدة ورجل على رجل وقلب على قلب كيف الإخوات بالظبط. وكل واحد فينا كان فرحان بالثاني وواخد حمى ضهره. لغاية ما كبرنا شوية وبعدها غازي بدأ يتغير معايا. بعد عني ومبقاش يتحمل حد يشكر فيا قباله، ودايماً أسمع إنه بيجيب سيرتي بالشين من ورايا. بس الكل كان بيدافع عني ومحدش كان يرضاله يجيب سيرتي. وده كان يخليه يبعد عني ويغل مني أكتر. الحديث كان يوصلني بس ماكنتش بعمل للكلام اعتبار. وأقول عادي خليه يتفرق بالحديث لت لما أشوف آخرتها معاه إيه. يمكن زعلان مني في حاجة وهيرد ويعود لحاله. لكن بالعكس البعد زاد. واللي زود بعده عني وبعدني إن عيني وقطع اللي بينا خالص تهمة أبوه لأمي بسرقة دهب أمه، ومقابلة معروفها مع أمه بالنكران وظن السوء. واللي قهرني إنه صدق أبوه! صدقه وهو متربي على يد أمي وعارفها زين وعارف إنها بنت شيخ ومرت شيخ ومتقبلش الحرام ولا تبص له. وياما كانت تنصحني أنا وهو وتعرفنا الحلال والحرام. جدي فات لأبوي جرة مليانة دهب نصيبه وورثه، واداله عمي الأرض بدون ذكر أسباب. لما عمي أبو غازي مات، غازي ورث أرضه كلها وعرف طريق الغوازي وصرف اللي وراه واللي قدامه وباعها شبر شبر. وأمي وأبوي كل ما يبيع حتة يشتروها من فلوس الدهب. وغازي بوووه بوووه الأرض اشتروها بدهب أمي. يا غازي يهديك يطيعك. وحكيناه سر الفلوس وجرة الدهب وهو أبدا. ما فيش على لسانه غير اشتريتوا أرضي بدهب أمي. لحدت ما فيوم ربنا ظهر الحق واتعرف دهب أمه راح فين. مرت عمي كان حداها كردان من نوع خاص. عمي وصى لها عليه صايغ ووصية عملها له عمولة وما عملش غيره ولا بداله لحد غيره. وأصلاً محدش كان حداه فلوس يعمل زيه. كان دهب صب من رقبتها ونازل واخد الصدر كله لحد البطن وفيه فصوص حمرا على شكل 3 دوائر فوق بعض.

بشندي عاد كان شباب، ومع إنه مصلي وصايم وقايم نايم جار أبوي وفريحو وعارف الحلال والحرام، إلا إن أصحاب السوء قدروا يلعبوا بعقله فيوم وياخدوه معاهم في ليلة يتفرج على الغوازي في مولد. يومها عاد بشندي لأبوي المندرة نص الليل، وأبوي كان قاعد يقرأ قرآن كيف عادته، وأنا كنت جاره، وحتى غازي كان قاعد معانا.

بشندي:

"شيخ.. شيخ جاهين.. يا شيخ جاهين."

جاهين:

"صدق الله العظيم. مالك يا بشندي، جاي منين وعتنهج أكده ليه؟"

بشندي بنهجة:

"جاي من حدا الغوازي."

جاهين بسرعة:

"اخصص عليك وعلى أخلاقك السوء. لعنة الله عليك يا بشندي!"

بشندي:

"مش وقته أبقى ألعن براحتك بعدين، بس دلوك قوم معايا عشان الحق ظهر وبان. ودليل براءة أم حكيم وبراءتك من تهمة أخوك بانت وريتها بعيني."

جاهين:

"تقصد إيه يا بشندي؟"

بشندي:

"دهب مرة أخوك شفته لابساها غزية في المولد وسبتها في إيد العيال خطفوها ومداريينها في الهيش لغاية ما نروح لهم. هات غازي وتعالى وريه دهب أمه بعينه عشان يبطل كل هبابة يقول دهب أمي وفلوس أبوي."

أبوي بص لغازي اللي وقف منتور وطلع من المندرة أولنا، ووراه طلعت أنا وأبوي وبشندي. وروحنا على الموضع اللي خدنا له بشندي. وهناك شفنا الغازية. وغازي عرف كردان أمه علطول. ولما سألناها عن الكردان جيباه منين وخوفناها، قالت إن عمي جاهين هو اللي عطيهولها وعطى غازي كتير غيرها دهب، وما كانش عيهادي الغوازي غير بالدهب.

يومها رجعنا وغازي طلع مكسور وما جابش سيرة دهب أمه تاني. بس فضل مصمم إن أبوي وأمي سرقوا فلوس من أبوه. وكمان جرة الدهب اللي اشترينا بيها الأراضي ليه فيها النص ده إن ما كانتش كلها من حقه هو، ومن شقي أبوه وتعبُه، وإن كل حاجة لو جينا للحق بتاعته هو ومن حقه هو.

وبشندي أبوي قعد ماسكها عليه شهور، وميناديش عليه غير: "يا فاسد يا بتاع الغوازي". وبشندي يتشال ويتزرع ويرد عليه: "يبوووي، غلطة والله غلطة وما تتكررش. طب داني حتى ندمان على الربع جنيه اللي دفعته عشان أتفرج على الغزية، وياريتها في الآخر طلعت تستاهل. شكلها كان عامل كيف ما تكون كتالة كتلة وعليها كرش كيف ما تكون حبلى، وفوق ده كله إني عارف أرقص أحسن منها. والله كل ما كانت تهز هزة كنت أخاف تولد علينا."

وأبوي كل ما بشندي يوصف في الغزية، جاره منشه يقعد يلعب فيه بيها عايزة يبطل، والبعيد ما فيش، لولا ما يخلص الحكاية للآخر. ولا لما يكون ساكت ويهب مرة واحدة ويقول: "مش الربع جنيه كنت جبتلي بيه فروجة طبختها واتوركت عليها أبرك من الرقاصة الحبلى اللي غارت أتفرج عليها".

جمارة بضحكة:

"حكاية عم بشندي دي.. الراجل ده أنا بحبه قوي والله."

حكيم من غير ما يبصلها:

"طيب أوبقى عيديها الكلمة دي تاني قبالي يا جمارة وشوفي هيجرى فيكي إيه."

جمارة:

"واااه ده عم بشندي!"

حكيم:

"إني نبهت وخلصت. قال تحبيه قال، حبك برص!"

جمارة ضحكت وميلت دماغها وبصت لحكيم تتوهه في الكلام، لما وعته قلب وشه وديق حواجبه:

"بس إنت مصدق إن الأرض من حق غازي عشان كده رجعتهاله صح."

حكيم:

"أصلاً أنا من الأول ما قربتش للأرض ولا أخدت منها ميلم أو أحمر، وكان كل إيرادها بيتصرف عليها، والباقي يطلع صدقات للغلابة على روح جدي وعمي يمكن تشفع لهم وتخفف عنهم. بس يا جمارة، أنا صح ما أخدتش حاجة من الأرض، لكن استنفعت من وراها. كنت بشتغل فيها وآخد أجرتي كيف الغريب وأحوشها، ولما عملت مبلغ دخلت شريك في مشروع صغير فتحنا معمل لبن على قدنا، كنا نعمل فيه جبنة ورايب وسمنة بلدي. يعني شغلنا عيال تلم لنا لبن وإحنا نفصله. ومن مكسب المعمل ده بقيت أدخل مع أي حد هيعمل مشروع باللي حداي وأقول له الباقي اللي ليك هسدده لك على دفعات، أو أبقى أخصمه من المكسب بتاعي. وعشان حداي أرض كانوا يطمنوا لي، وخصوصي لما كنت أدي كلمة إني لو عوقت في سداد قسط أو أكلت عليهم فلوس ياخدوا الأرض، وكنت أسيب عقودها لحد شيخ كبير كان حكم بيني وبينهم. وبقيت أجيب من هنا وأحط هنا، ومن مكسب مشروع أدخل في مشروع تاني والدنيا ابتدت تضحك لي وتديني بالعريض لما استعففت بحلاله عن حرامه كيف ما عمل أبوي. ومن وقتها والرزق يوم عن يوم بيضاعف كيف قول الله تعالى: بسم الله الرحمن الرحيم: ((كَمَثَلِ حَبَّةٍ أَنۢبَتَتْ سَبْعَ سَنَابِلَ فِى كُلِّ سُنۢبُلَةٍۢ مِّاْئَةُ حَبَّةٍۢ ۗ وَٱللَّهُ يُضَٰعِفُ لِمَن يَشَآءُ ۗ وَٱللَّهُ وَٰسِعٌ عَلِيمٌ)) (صدق الله العظيم). واشتريت أرض وبقيت صاحب معامل ألبان في كل موضع، وكله بالحلال. بس بردك الأرض دي كانت حمل دايم على كتفي وعايز أخلص منه بأي شكل. وكل مشاكل غازي معايا كانت بسببها. وغير كده أبوي كان دايماً شايفها نذير شؤم على حياتنا وهي السبب في شلل مرته وموت أخوه. فقلت أرجعها لغازي حتة حتة عشان أمي متزعلش، وخصوصي إنها مصممة إن الأرض حلال ومن حقنا وإن فلوسها حلال. كنت أستنى كام شهر وأكتب له قراط وأقول له حق تعبك في الأرض وشغلك فيها، مع إنه لا كان يشتغل ولا يحزنون، كان يروح يفقع مرارة الفلاحين ويكرههم الساعة اللي جو الأرض يشتغلوا فيها. وكمان عشان أمي متزعلش مني، وإني كله اللي غضب أمي ما أتحملهوش واصل. وبقيت أشيل عقود الأرض اللي بكتبها له معايا من خوفة يرجع لطريق الهلس تاني ويبيعها ويخسرها ويقعد يا مولاي كما خلقتني وهو بكرة هيوبقى له بيت وعيال. وادي على الأقل الأرض بقى فيها شبهة حلال مش كلها حرام كيف الأول.

جمارة:

"امممم.. بس مش هين إنت برضو. اديته الأرض اللي كنت أكده أكده هتديهاله وتيجي في الآخر تقولي إني فرطت في أرضي عشانك. يعني إنت معملتش حاجة عشاني."

حكيم بضحكة:

"يابوووي على النسوان، ما بيتمردش فيها حاجة كيف ما بيقول بشندي، صح؟ يابت، ما بتتمردش فيكي كل اللي عملته عشانك؟"

ولف دماغه، بص لها وهي ضامة رجليها وساندة دماغها عليهم وبصاله:

"شكلك بسه هتاكلي وتنكُري من أولها يابت عيشة."

وبتبع كلامه بضحكة قطعها وهو بيبلع ريقه ويهمس:

"حتى عينيكي كيف ما يكونوا عينين بسة."

قالها وهو بينقل عينيه في محيط عينيها، ومرة واحدة وقف على حيله:

"يبوووي، شوفي الوقت سرقنا كيف وبقينا المغربية. قومي يلا خشي اعملي اللي قولتلك عليه ونزلي لي حاجتي في الأوضة تحت إنتي وغالية."

جمارة هزت دماغها ومدت له إيدها عشان يقومها، وهو ضحك وهز دماغه ولف مشي وهو بيبرطم مع حاله:

"بطرانة بت عيشة والله. أعاهد وأتعذب عشان ذنب نظرة وكلمة، ودي مدالي إيدها عايزة تطعنيني بمخيط من حديد في نافوخي يا خيتي! عايزة تلففيني على أشكال العذاب واحد واحد!"

جمارة ضحكت وقامت لحالها ووقفت، واستنت لحد ما حكيم طلع من بوابة السرايا وقفلها وراه، بعد ما أدالها نظرة وداع وعاهدها في قلبه إن النظرة الجاية هتكون بالحلال وفالحلال، ووقتها هيشرب من بحر عينيها شربة لا يظمأ بعدها أبداً.

جمارة اتحركت على السرايا وطلعت هي وغالية ونزلوا حاجة حكيم. وأمها عيشة جاتلها. وبعد قعدة حلوة الكل فرحان فيها، طلعوا جمارة وعيشة عشان يناموا عشان يبدأ من بكرة أول يوم عدتها، وتمنت من ربنا إن الأيام تمر بسرعة الريح ويقرب معاد اللقاء.

غالية قاعدة هي وتماضر في السرايا تحت.

تماضر:

"مهتقوميش تنامي عشان تصحي بدري بدال ما تصحي نص اليوم؟"

غالية:

"وأقوم بدري ليه؟ ورايا إيه؟ أصحى من الفجور!"

تماضر:

"الرزق بيتوزع بدري وفالبكور بركة يا بنيتي."

غالية:

"الكلام ده يتقال لصياد سمك.. لبان.. ل بتاع بطاطا سارح بعربيته.. لكن أنا رزق إيه اللي هصحى له بدري يا أم حكيم؟"

تماضر:

"الرزق مش فلوس بس يا هبلة.. الرزق في الصحة والراحة وهدوء البال طول النهار. لو صحيتي بدري كل ده تاخديه."

غالية:

"أنا ربنا مديني من كل ده وبزيادة كمان. ملوش لازمة صحياني بدري. وأقولك إيه.. أقولك إيه.. أنا الهانم صاحبة السرايا.. يعني غالية هانم. عمرك شفتي هانم تصحى بدري؟ استكني يا تماضر وبعدي عني واسترى على حالك أحسن أطردك من سرايتي ومتلاقيش حتة تقعدي فيها."

غالية خلصت جملتها وهي كاتمة ضحكتها، وبصت لأمها شافتها بتتلفت حواليها وقامت رمحت وهي بتضحك لما عرفت نيتها.

تماضر:

"تعالى أخدك هنا يا أم سرايا. والله لأكون ناتفة ريشك بس أمسكك. أول ما بقيتي بملكة هتطيّري ورايا؟ من بكرة هخلي حكيم يقطع العقود اللي كتبها لك يا هاملة."

غالية بضحكة:

"عطهاني وقالي خدي عقود أرضك وسرايتك يا بت أبوي، وإنتي حرة فيهم."

تماضر:

"ميوه.. حتى أنا أقول. عشان حكيم هيمسك القرد مفتاح البرج أصلك. غورى من قبالي غاظتيني، غورى."

غالية ضحكت وطلعت فوق في أوضتها شوية، ولقت روحها زهقانة لحالها، قامت وراحت لجمارة وعيشة وصحتهم وقعدت معاهم غصب عنهم. وكل ما واحدة تحب تسند دماغها عشان تنام، غالية متخليهاش.

عيشة بزهق:

"غالية هتسكتي ولا أقوم من جيرانكم وأروح أناملي في أي موضع، تعبانة أنا وما أتحملش السهر عاد!"

غالية:

"روحي أوضتي إنتي يا خالة عيشة ونامي."

عيشة قامت عشان تروح، وجمارة مسكت طرف طرحتها:

"خديني معاكي يا يمه، نعسانة."

غالية:

"خديني معاكي يا يمه!! أمّال لما إنتوا الاتنين تروحوا أوضتي أنا جاية أقعد مع مين؟.. اتلمي يا جمارة وجري عدل معايا، داني سلفتك أخت جوزك وصاحبة أملاك وأقدر أحرمك منيها إنتي وجوزك وأمرمطك."

جمارة دفنت دماغها في المخدة واتحدثت بغلب:

"يابووووي عالأملاك.. خد الأملاك كلها يا غالية وهمليني أنام.. بصي همليني أنام وبكرة أبقى أحرميني ومرمطيني براحتك."

غالية بصت لها بزعل وبصت بعيد. وجمارة استغلت الفرصة ونزلت بهداوة في الفرشة عشان تنام. لكن غالية مرة واحدة هبشتها خلتها هبت قاعدة على حيلها ومسكت شعر راسها تشد فيه بغلب وغالية تضحك عليها. فضلت عالحال ده لغاية ما غالية نعست واتمددت جار جمارة، وجمارة شهدت ووحدت في قلبها ونامت جارها بعد يوم تعبت فيه من كثر القلق وحتى من كثر الفرح.

***

ابتدت الأيام تفوت يوم ورا يوم وشهر والتاني، وادي التالت، وجمارة محرومة من شوفة حكيم، وحكيم محرم على روحه شوفة جمارة، والاتنين بيتعذبوا على جمر قايد. جمارة مابين قعدتها وسط الكل، وبين جريها على السلم لما تعرف إنه معاد رجوع حكيم للسرايا. وما بين الجنينة وجمرة وعصافيرها وورودها وشجر التوت. أما حكيم فطول الوقت مابين الفصول والأرض، ورامي حاله وسط الناس ومدسوس في مشاكلهم عشان ميحسش بالوقت ولا طول الأيام.

يدخل السرايا في مواعيده اللي حددها، وجمارة تنزل في مواعيد غير مواعيده، بس الاتنين بيتبادلوا القعدة في نفس المكان جار جمرة، وكل واحد يشكي لها بعد حبيبه. جمرة صحتها اتحسنت وبقت كيف الأول مع اهتمام الكل بيها ومحبتهم ليها وقعدهم ليل نهار جار منها.

حكيم كل ما كان ييجي من بره كان يجيب لجمارة حاجة حلوة معاه، هريسة ولا كنافة.. بسبوسة.. أي حاجة تفرحها. وكان يسيبها لها جار جمرة عشان خابر إنه أول ما يطلع هي هتنزل طوالي. وهي كمان كانت تعمله الأكل اللي بيحبه، وتقف طول النهار تطبخ له كل حاجة سألت عليها غالية وعرفت إنه بيحبه. وهو كان ياكل بفرحة وهناء، بس يعرف إن جمارة هي اللي طبخته.

حكيم كان صاين العهد وعينه ما بصتش لجمرة ولا مرة، بس هي كانت تطلع له من ورا الشباك، وكان يلمح خيالها من ورا الشيش، ينزل عينه ويضحك قلبه قبل سنة على جمارة قلبه اللي واقفة وبتستنى المعاد عشان تطل عليه.

أما غازي فمفيش أي خبر عنيه، ولا حتى بان من ساعة ما خد الأرض وغار بيها.

عيشة كل يوم والتاني حكيم يديها فلوس ويقولها: "انزلي اشتري جهاز لجمارة". وهي تنزل تنقي لها أحلى وأغلى هدوم وحاجات. وبشندي رجله على رجلها في كل مرة تطلع فيها، ياخدها على يده ويرجعها على يده. وطول ما هي ماشية معاه ممنوع تبص لوحدها ولا تسلم على حد ولا حتى صوتها يطلع، وعامل عليها حصار. والغريب إن عيشة فرحانة ومهاودة.

أما تماضر فالفرحة مش سايعاها وهي شايفة حكيمها طالع داخل والضحكة شاقة الحلق والفرحة بتعلى في العيون. جلعة وضحك وصوت هزاره مع غالية مالي دنياها، وكل دقيقة تحمد ربنا وتدعي يديم الفرح في دارها وفي قلوب عيالها.

غالية مستمرة تغيظ في الكل وتكايد فيهم إنها صاحبة كل حاجة. وتماضر قالت لحكيم يقطع العقود، وهو ضحك وقال لها حاضر، بس من تشويش دماغه نسى.

***

جمارة واقفة في الشباك زي العادة وبتطلع لحكيم، وجالها صوت أمها:

"اتلمي واقفلي الشباك وادخلي. بكرة آخر يوم في عدتك أحسن تتعاد من الأول وجديد يا قزينة."

جمارة:

"متخافيش يمه، مهتتعادش. وأصلاً حكيم ماهيشوفنيش. أنا بس اللي بطلع عليه وأشبع عيني منه، وهو يا نظري ما يرفعش عينه، مع إني خابرة إن عينه جعانة وعطشانة لشوفة جمارته."

وتنهدت بقلة حيلة.

عيشة:

"خلاص هانت، وكلها ساعات والعيون تشبع من بعضها شوف."

جمارة:

"والله عيني ما بتشبع منه لو فضل قبالها طول العمر."

وبصت له بهيام، وهو قالع جلابيته وقاعد ببنطلون وفانلة حملات وعيسبح في جمرة، وماسك في إيد فرشة وفيد كوز ميه يكُب بيه عليها. وهمست لأمها:

"برضك ده يتشبع منه يا ناس؟ والله الود ودي أدسه من عيون الناس وأخليه ليا لحالي محدش ينظره غيري. بس آآآخ يا حكيم القلب، أدسه فين ومن كام عين وعين تنضم. وإنت اللي مثلك بخور هندي من سابع سلف ينشم."

عيشة:

"واااه.. لكمة تلكمك. عتجيب الحديث ده منين ومين اللي علمهولك يا جمارة!!!"

جمارة:

"عجيبه من جوا قلبي يمه، وعلموني عشق شيخ قلبي وحكيم روحي."

عيشة ابتسمت وهزت دماغها وهي باصة لبنتها اللي رايحة في دنيا تانية، وساندة راسها على الشباك وبتتطلع حبيب القلب، وتمنت يديم عليها السعادة اللي وعياها عليها دلوقتي.

خلص حكيم سبوح في جمرة، وحط عليها السرج الجديد اللي اشتراه لها مخصوص، وطعمه بالفضة عشان يشوفه عليها ويحضرها لزفته وترقصله من الفرحة قبال الناس، وهو خابر زين إنها بتحب الفرح، وكانت لو لقت موضع فيه زمر تدخل بيه لحالها ترقص وتطلع، والناس كلها تتلم حواليها تتفرج، وهو بالغصب يمشيها من عيون الناس اللي هتبقى هتاكلها وكل.

وعلى رغم إن حكيم رفض إنه يجيب مزمار في فرحه وفضل شهور يجادل في بشندي ويقول له حرام والرسول نهى عنه، إلا إن بشندي صمم إنه فرح الشيخ حكيم مش هيتعمل من غير مزمار، وإنه هو اللي هيجيبه ويتحمل الذنب. وحكيم قدام تخن مخ بشندي وتصميمه سلم أمره لله. بس قلة إنه هو هيعمل ختمة قرآن وحلقة ذكر ويدعي فيها كل المشايخ ويدبح الدبايح في النهار والليل، سابه لبشندي يربّي فيه اللي يربّيه، وهو أصلاً أكده أكده ما يكونش فيه عقل ياخد باله لأي حاجة.

ساعات تجر ساعات، واليوم عدى على خير. والنهاردة آخر يوم في عدة جمارة، وبكرة كتب الكتاب والحنة والفرح مع بعض، بقرار من حكيم اللي ما رضيش إنه يعمل حنة في يوم وفرح في يوم، وغير رأيه وخلى بشندي يدعي الناس لحلقة ذكر بكرة، وجهز الدبايح وجهز كل حاجة. وطول اليوم واقف على رجليه رايح جاي. وبشندي كل هبابة يقله: "اقعد عامل كيف ما تكون مرة بتطلق، دانتا لو بتولد كان زمانك نزلت عشر عيال!" يرد عليه حكيم: "ما أقدرش يا بشندي، مستني بكرة عشان أطول جمارة بعد عذاب ولوعة قلب. قوم يا بشندي هات لي بكرة وتعالى لي قوام."

بشندي: "ربنا يلطف بعقلك ويقعد سليم لغاية بكرة ومتفوتش صواميله أكتر من كده. قال أجيب له بكرة قال.. عشان هيقوم يربط بكرة بحبل ويجره بشندي!!"

حكيم ضحك وقعد هبابة على عقل بشندي، وشوية وقام تاني وقف على حيله.

بشندي: "آه رجع الطلق من تاني. ربنا ينتعك بالسلامة يا بوي."

حكيم همل بشندي مع عوض والرجالة يجهزوا كل حاجة، وسابهم وخد عنتر وراح يلف بيه في كل موضع.

أما جمارة فليها أسبوع أمها وغالية يجهزوا فيها، وعملولها كل اللازم، وطلعت تلالي كيف قنديل مضوي، وزايدها الفرحة جمال وحلاوة، وحتى ملامحها اتغيرت لملامح أجمل. وأمها عيشة رايحة جاية قبالها تصلي على النبي وتحصن فيها من العين. غير تحصين تماضر لها اللي كل ما تبص لها تسمي وتصلي وتقول لها: "تستاهلي والله يا مرت الغالي."

***

جمارة بتعدل في فستانها وطرحتها.

"حلوة يمه؟"

عيشة:

"البدر النهارده استحى وهمل موطرحه وادس لما شاف حسنك يا جمارة قلب أمك."

ضحكت جمارة وبصت لآخر مرة في المراية، ومشت إيدها على وشها ودققت لعنيها اللي متحاوطين بالكحل وزراقهم يجيب التايه. وبعدها اتحركت من قبال المراية وراحت على الشباك وهي بتفرك إيديها في بعض.

"هو هييجي مته يمه؟"

عيشة:

"مش دلوقتي، هييجي آخر العشية بعد ما يخلص فرح الرجالة. انزلي يلا انتي اقعدي تحت واتنصصي في كوشتك علوني خايفة عليكي من عيون الحريم والله."

عيشة خلصت جملتها وفتحت غالية باب الأوضة:

"متهمي يا عروسة، الناس مستنية تحت من بدري."

عيشة:

"آهى جاية أهى يا غالية، لساتنا كنا نازلين."

غالية بصت لجمارة واتكلمت بضحكة:

"والله يا جمارة العيون تحت هتخليكي تنزلي على بوزك. صمدي خدودها يا خالة عشان العين."

جمارة:

"يابوووي، أصمد خدودي كيف شفتوا فين عروسة مصممة ومهببة. أوعوا كده خلوني أنزل أحسن تعملوها بجد وتهببوا وشي وحكيم أول ما يشوفني يفر على بره تاني."

عدتهم ونزلت، وغالية وعيشة زلوا وراها وهما بيضحكوا عليها. وأول ما وصلت لتحت، كل الحريم شهقت، وتماضر وعيشة بقوا يخمسوا ويقرأوا المعوذات بصوت عالي.

أما عند حكيم.. فالمندرة ولابس أبيض فأبيض وقاعد قدام بشندي اللي بيلف له العمة البيضا أم زيق مدهب، ومرة يصلي على النبي، ومرة يغني ويسقف ويرقص قباله. وحكيم يضحك عليه، والتنين طايرين من الفرحة.

بشندي خلص لف العمة لحكيم، ومسك راسه بين إيديه وقربها ليه وباس عمته وخدوده التنين، وملس على دقنه ونزل بأديه على كتفه وهو بيبص له بفخر:

"النهاردة فرحة ولدي وواد حبيبي ونظر عيني ورباية يدي. إني النهارده الفرحة مش سايعاني ونفسي أفرق من فرحتي على الناس كلها وأتكفيهم وتزيد والله."

حكيم قام وقف وخد بشندي في حضنه وحب على راسه وعلى إيده:

"وأنا ربنا العالم كيف ما يكون الشيخ جاهين واقف معايا دلوقتي وهو اللي هيلبسني خلجات فرحي بيده. عوضتني عن غياب أبوي يا بشندي ومليت موطرحه وسديت مكانه. كفيت ووفيت يا راجل يا طيب."

بشندي بعد عن حكيم يمسح دمعة خانته ونزلت من عينه، وبعد عن حكيم بسرعة:

"أقولك إيه.. النهاردة فرحة مش هنعكرها بالدموع. بزيدانة دموع وقهر."

ومرة واحدة سقف بأديه وغنى بكل صوته، وجرى وهو بيغني على اللوحات المتعلقة على الحيطة، واللي اتنين حكيم كان بيحسب فيهم عمر جمارة، واتنين كان بيحسب عليهم عدتها. وشالهم وابتدا يقطع فيهم ويرمي ورقهم في كل موضع وصوته يصدح بالغنا:

"نعنااااع الجنينة المسقى في حيضانه.. شجر الموز طرح ضلل على عيدانه.. في عشق البنان أنا فقت نابليون.. طومبيلى وقف عجلاته نامبريوم.. قدمت شكوتي لحاكم الخرطوم.. أجل جلستي لما القيامة تقوم.. ونعناع الجن..."

ومرة واحدة بشندي سكت، وحكيم انتبه لواحد من الغفر واقف على باب المندرة ينهج وزعق بخوف:

"الحقنا يا شيخ حكيم."

حكيم وقف منتور وبص لبشندي بلوم:

"نبرت فيها يابشندي. فوت على الجلسة لما القيامة تقوم يا قزين. أهي شكلها قامت القيامة."

بشندى بطل غنا لما واحد وقف على باب المندرة واتحدت وهو عينه:

الحقنا ياشيخ حكيم.

حكيم وقف منتظر وبص لبشندى بلوم:

نبرت فيها يابشندى.. فول على الجلسة لما القيامة تقوم ياقزين.. أهي شكلها قامت القيامة.

بشندى:

فيه إيه ياواد الفرطوس انت؟

الغفير:

غازي جه وقاعد في الفرح بره ومراضيش يهمل الفرح مهما حاولنا معاه، وفي الآخر مسك هو وغفير فبعض وشكله جاي عشان يخرب الفرح.

بشندى اتحرك بسرعة وغيظ عشان يطلع، لكن حكيم مد يده وقفه:

اهدأ يابشندى، هو أصلاً جاي وعاوزنا نعملوا كيف ما هتعمل انت أكده.. عاوزنا نغلطوا فيه وهو دايس أرضنا ويطلعني عايب قدام كل الخلق.

أخد نفس وبص للراجل وسأله:

هو جايب معاه حد؟

الراجل:

له، جاي بطوله.

حكيم بص لبشندى:

مش قولتلك جاي يركب غلط! طيب روح انت ونبه على الرجالة محدش يتعرض لغازي ولا حد ليه صالح بيه لحدت آخر الفرح، بس عينكم عليه متغفلوشي.

الراجل هز دماغه وطلع قوام، وحكيم بص لبشندى:

يلا بينا طالعين للناس وساعة بكتير وتكون زففني وبعدها تمشي الناس وتتعشى العشوة اللي على مزاجك انت عاد.

بشندى ابتسم لما عرف قصد حكيم ومد يده برم شنبه:

يبوووي دانى جعان قوي ومستنيها العشوة دي من زمان بدري.. أخيراً هتسيبني آكل وأشرب في غازي براحتي!

حكيم:

عصى حكمي وقرب من محيطي يبقى ملوش شفاعة عندي.

بشندى فرك إيديه في بعض وضحك بفرحة، وحكيم ضحك وحط إيده على كتفه واتحركوا التنين كتف بكتف وخطوة قبال خطوة لغاية ما وصلوا الناس، والكل قام يحيي الشيخ ويباركله.

حكيم اتشغل يسلم على الناس واحد واحد وهو ماشي لغاية ما إيده اتحطت في إيد لابسة خاتم هو عارفه زين. رفع عينه وجات في عين غازي اللي كان مبتسم بس عينيه عاكسة الغضب المدفون جوا روحه. وكان لابس أسود من ساسه لراسه بالظبط كيف ما كان لابس حكيم يوم فرحه على جماره.

وقف التنين قبال بعض، بس الفرق النهارده إن كل واحد لابس اللون اللي عاكس لون قلبه.

حكيم همسله من بين سنانه:

إيه اللي جابك يا غازي!

غازي رد عليه بس بصوت عالٍ مسموع:

جاي أفرح بواد عمي واقف جاري.. إنت نسيت إني وعدتك إني هقف معاك في فرحك كيف ما وقفت معايا ولا إيه؟ جاي أرد دينك عشان لا يبقى ليا ولا عليا.. مش إنت اللي طلبتها مني يا حكيم ولا الفرحة لحست مخك ونسيتك الدنيا؟

وميل على حكيم وهمسله جار ودنه:

مع إني عاذرك والله أصل جماره تنسي الواحد اسمه.. وإن كنت مدهول دلوقتي قراط بعد ما تدوق حلاة الجمار بحق هتتدهول فدادين اسألني أنا.

حكيم النار شبت بين ضلوعه من كلام غازي واتجلت في عينيه وضغطته على يد غازي اللي لسه في إيده لما غازي حس إن صوابعه هتتكسر في يد حكيم. وكاتم الألم ظهر على وشه حمار مكتوم وعرق برز في قورته، لكنه فضل محافظ على ابتسامته لآخر لحظة.

أما حكيم فضل باصص في عين غازي بنظرة خلت عينين غازي تهرب بعيد عنهم، ومنزلش عينه غير لما بشندى قرب منه وحط إيده على إيده اللي ماسك بيها يد غازي عشان ينتبه لحاله وللناس كلها اللي عمالة تبصلهم.

حكيم انتبه وساب يد غازي وابتسم وهو عيرجع يسلم على باقي الناس وفات غازي وراه فرحان بانتصار صغير قدر بيه يعكنن مزاج حكيم ولو شوية صغيرين.

خلص حكيم سلام ومضايفة ومجامله وركب جمره اللي كانت عاملة كيف عروسة بسرجها الأبيض، وقصت بيه على المزمار بدلع وخفة والناس كلها داير ما دايرها. وحكيم فرحان بيها وبرجعتها ليه هي وجمارته وطول الوقت مش مصدق حاله والضحكة من الودن للودن. وعينين غازي هتاكل التنين.

وجه وقت الحاجة اللي كل الناس مستنظراها.. وقت التحطيب.. اللي لازم العريس يغلب فيه كل اللي هينازله ويكون في أوج قوته وسيطرته في اللعبة وإلا هزيمته تعتبر فال مش زين. دي بالنسبة للناس العادية، أما الشيخ حكيم فكل كان خابر زين إنه محدش هيغلبه أصل.

اتلمت حلقة التحطيب وكل واحد هيحطب مع العريس اتقدم وعملوا دايرة واسعة قعدوا فيها نص قعدة، مفضلش واقف غير حكيم وأول واحد هيحاطبه. ومكنتش مفاجأة أصل لحكيم وهو شايف غازي ماسك نبوته وبيتقدم من حلقة التحطيب عشان ياخد دوره معاهم.

حكيم قلع عبايته البيضا ولفها لبشندى اللي خدها وراح وقف على مسافة منه. وابتدأ حكيم يحطب مع واحد واحد وكل واحد يدخله مياخدش في إيده غلوة ويكون مجرده من نبوته وحاطط النبوة على رقبته أو على دماغه أو قدام عينيه وينحيه من الحلقة وسط تسقيف وهلاهل الكل باسم الشيخ حكيم.

واحد ورا التاني وحكيم غالب لحد ما الحلقة فضيت إلا من واحد بس استنى للآخر عشان تكون قوة حكيم خارت وقلت ويقدر يغلبه بسهولة. لكن اللي حصل إن حكيم أول ما وقف غازي قباله مادد النبوة على صدره كل الحيل رجعتله ونار الغضب زودت جسمه بوقود يخليه قادر يفوت في بلاد لحاله ويطيح بكل أهلها.

بدأت المنافسة وبدأ التحطيب والتنين ند بند والغل متساوي والكرة طافرة من العيون. ضربة من حكيم يردها غازي بتنين وضربة من غازي تتردله تنين والمنافسة شدت وحميت والناس كلها مستمتعة بمباراة تحطيب بين تنين من أمهر الحطابين متحصلش غير مرة كل فين وفين.

النفس علي فصدر التنين والعرق بقا يصوب من الجبين صب والدراعات اتخدلت لكن كل واحد صامد قبال التاني كيف جبل مايهزه ريح. لغاية ما حكيم نهى المعركة بتهويشة خلت غازي يمد نبوته يدافع عن جنبه اليمين وحكيم دار نبوته على جنب غازي الشمال في ثانية وثبته قريب من اللحم. وغازي بعد حركة حكيم غمض عينيه بقهر ورمى نبوته فالأرض بانهزام والناس كلها قامت تهلل والكل قرب من حكيم يهنيه وهو رفع إيده بنبوته لفوق بإنتصار.

لكن إيده ابتدت تنزل وحدة وحدة لما حاجة دخلت في جسمه بسرعة البرق خطفت أنفاسه وخلت الناس كلها تقف مطرحها ممصدقاش حالها وهي شايفة النبوة عيوقع من يد حكيم والدم بسرعة نزل يجري في القماش الأبيض اللي على جسمه وهو بص للدم ولف وشه بص لبشندى اللي وقف لثواني مذهول وبعدها رفع اديه وصرخة طلعت منه شقت السكوت.

ولدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايه!

حكيم مد يده وقفه:

اهدى يابشندى، هو أصلاً جاي وعاوزنا نعملوا كيف ما هتعمل انت أكده.. عاوزنا نغلطوا فيه وهو دايس أرضنا ويطلعني عايب قدام كل الخلق.

أخد نفس وبص للراجل وسأله:

هو جايب معاه حد؟

الراجل:

له، جاي بطوله.

حكيم بص لبشندى:

مش قولتلك جاي يركب غلط! طيب روح انت ونبه على الرجالة محدش يتعرض لغازي ولا حد ليه صالح بيه لحدت آخر الفرح، بس عينكم عليه متغفلوشي.

الراجل هز دماغه وطلع قوام، وحكيم بص لبشندى:

يلا بينا طالعين للناس وساعة بكتير وتكون زففني وبعدها تمشي الناس وتتعشى العشوة اللي على مزاجك انت عاد.

بشندى ابتسم لما عرف قصد حكيم ومد يده برم شنبه:

يبوووي دانى جعان قوي ومستنيها العشوة دي من زمان بدري.. أخيراً هتسيبني آكل وأشرب في غازي براحتي!

حكيم:

عصى حكمي وقرب من محيطي يبقى ملوش شفاعة عندي.

بشندى فرك إيديه في بعض وضحك بفرحة، وحكيم ضحك وحط إيده على كتفه واتحركوا التنين كتف بكتف وخطوة قبال خطوة لغاية ما وصلوا الناس، والكل قام يحيي الشيخ ويباركله.

حكيم اتشغل يسلم على الناس واحد واحد وهو ماشي لغاية ما إيده اتحطت في إيد لابسة خاتم هو عارفه زين. رفع عينه وجات في عين غازي اللي كان مبتسم بس عينيه عاكسة الغضب المدفون جوا روحه. وكان لابس أسود من ساسه لراسه بالظبط كيف ما كان لابس حكيم يوم فرحه على جماره.

وقف التنين قبال بعض، بس الفرق النهارده إن كل واحد لابس اللون اللي عاكس لون قلبه.

حكيم همسله من بين سنانه:

إيه اللي جابك يا غازي!

غازي رد عليه بس بصوت عالٍ مسموع:

جاي أفرح بواد عمي واقف جاري.. إنت نسيت إني وعدتك إني هقف معاك في فرحك كيف ما وقفت معايا ولا إيه؟ جاي أرد دينك عشان لا يبقى ليا ولا عليا.. مش إنت اللي طلبتها مني يا حكيم ولا الفرحة لحست مخك ونسيتك الدنيا؟

وميل على حكيم وهمسله جار ودنه:

مع إني عاذرك والله أصل جماره تنسي الواحد اسمه.. وإن كنت مدهول دلوقتي قراط بعد ما تدوق حلاة الجمار بحق هتتدهول فدادين اسألني أنا.

حكيم النار شبت بين ضلوعه من كلام غازي واتجلت في عينيه وضغطته على يد غازي اللي لسه في إيده لما غازي حس إن صوابعه هتتكسر في يد حكيم. وكاتم الألم ظهر على وشه حمار مكتوم وعرق برز في قورته، لكنه فضل محافظ على ابتسامته لآخر لحظة.

أما حكيم فضل باصص في عين غازي بنظرة خلت عينين غازي تهرب بعيد عنهم، ومنزلش عينه غير لما بشندى قرب منه وحط إيده على إيده اللي ماسك بيها يد غازي عشان ينتبه لحاله وللناس كلها اللي عمالة تبصلهم.

حكيم انتبه وساب يد غازي وابتسم وهو عيرجع يسلم على باقي الناس وفات غازي وراه فرحان بانتصار صغير قدر بيه يعكنن مزاج حكيم ولو شوية صغيرين.

خلص حكيم سلام ومضايفة ومجامله وركب جمره اللي كانت عاملة كيف عروسة بسرجها الأبيض، وقصت بيه على المزمار بدلع وخفة والناس كلها داير ما دايرها. وحكيم فرحان بيها وبرجعتها ليه هي وجمارته وطول الوقت مش مصدق حاله والضحكة من الودن للودن. وعينين غازي هتاكل التنين.

وجه وقت الحاجة اللي كل الناس مستنظراها.. وقت التحطيب.. اللي لازم العريس يغلب فيه كل اللي هينازله ويكون في أوج قوته وسيطرته في اللعبة وإلا هزيمته تعتبر فال مش زين. دي بالنسبة للناس العادية، أما الشيخ حكيم فكل كان خابر زين إنه محدش هيغلبه أصل.

اتلمت حلقة التحطيب وكل واحد هيحطب مع العريس اتقدم وعملوا دايرة واسعة قعدوا فيها نص قعدة، مفضلش واقف غير حكيم وأول واحد هيحاطبه. ومكنتش مفاجأة أصل لحكيم وهو شايف غازي ماسك نبوته وبيتقدم من حلقة التحطيب عشان ياخد دوره معاهم.

حكيم قلع عبايته البيضا ولفها لبشندى اللي خدها وراح وقف على مسافة منه. وابتدأ حكيم يحطب مع واحد واحد وكل واحد يدخله مياخدش في إيده غلوة ويكون مجرده من نبوته وحاطط النبوة على رقبته أو على دماغه أو قدام عينيه وينحيه من الحلقة وسط تسقيف وهلاهل الكل باسم الشيخ حكيم.

واحد ورا التاني وحكيم غالب لحد ما الحلقة فضيت إلا من واحد بس استنى للآخر عشان تكون قوة حكيم خارت وقلت ويقدر يغلبه بسهولة. لكن اللي حصل إن حكيم أول ما وقف غازي قباله مادد النبوة على صدره كل الحيل رجعتله ونار الغضب زودت جسمه بوقود يخليه قادر يفوت في بلاد لحاله ويطيح بكل أهلها.

بدأت المنافسة وبدأ التحطيب والتنين ند بند والغل متساوي والكرة طافرة من العيون. ضربة من حكيم يردها غازي بتنين وضربة من غازي تتردله تنين والمنافسة شدت وحميت والناس كلها مستمتعة بمباراة تحطيب بين تنين من أمهر الحطابين متحصلش غير مرة كل فين وفين.

النفس علي فصدر التنين والعرق بقا يصوب من الجبين صب والدراعات اتخدلت لكن كل واحد صامد قبال التاني كيف جبل مايهزه ريح. لغاية ما حكيم نهى المعركة بتهويشة خلت غازي يمد نبوته يدافع عن جنبه اليمين وحكيم دار نبوته على جنب غازي الشمال في ثانية وثبته قريب من اللحم. وغازي بعد حركة حكيم غمض عينيه بقهر ورمى نبوته فالأرض بانهزام والناس كلها قامت تهلل والكل قرب من حكيم يهنيه وهو رفع إيده بنبوته لفوق بإنتصار.

لكن إيده ابتدت تنزل وحدة وحدة لما حاجة دخلت في جسمه بسرعة البرق خطفت أنفاسه وخلت الناس كلها تقف مطرحها ممصدقاش حالها وهي شايفة النبوة عيوقع من يد حكيم والدم بسرعة نزل يجري في القماش الأبيض اللي على جسمه وهو بص للدم ولف وشه بص لبشندى اللي وقف لثواني مذهول وبعدها رفع اديه وصرخة طلعت منه شقت السكوت.

ولداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

جراي عليه لكن سبقه غازي اللي صرخ واتلقى حكيم على اديه قبل ما يقع للارض. بعدها حالة هرج حصلت بين الكل وكل واحد جرى فناحية يدور ويشوف مين اللي عملها. وبشندى قرب لحكيم وخطفه من باط غازي وقعد بيه وهو عيفتش في جسمه ويبكي بصوت عالٍ كيف العيل الصغير. صرخ في اللي حواليه وهو شايف حكيم عيغمض في عينيه والسواد بتاع عينيه عيختفي ويتحول بياض:

هاتوا الكارتة يا ولاد المحروق.

وفضل يتلفت حواليه شمال ويمين بقلة حيلة وحيل وحس إن الثواني عتعدي عليه سنين وحكيم بين إيديه سابح في دمه. بص شاف غازي عمال يصرخ ويشيل من طرب الأرض ويحط على دماغه ويبكي بحرقة ويقول:

وااااااد عمي حكيييييييم.. مين اللي عمل فيك أكده يا خوي.. قوم يا حكيم يا وااااد عمي قوم.

بشندى بص له بعيون كيف عيون الغول واتحدت:

والله لو ولدي جرتله حاجة لاكون مسففك تراب البلد كلها قبل ما أقطع راسك يا غازي الكلب.

وقام وقف على حيله شال حكيم على كتفه وجرى بيه لما ملقاش حد نجده بالكارتة وراح على جمرة اللي كانت مربوطة في شجرة قريبة وحط فوقها حكيم وفكها وركب وراه وطلع بيه على الوحدة الصحية. وغازي وباقي الرجالة ركبوا الكارتة وطلعوا وراه. جمرة كانت تسابق الريح كيف ما تكون خابرة إن حياة خليلها متعلقة في رجليها.

وصلوا للوحدة وجمرة متقدمة خطوات عن الكارتة، بس مسافة ما بشندى نزل وشال حكيم من فوق جمرة كانوا واصلين حداه ونزلوا كلهم يتسابقوا عشان يشيلوا معاه حكيم. لكن بشندى مرضاش يخلي واحد يمد يده عليه ولا يلمسه ودخل بيه يجري كيف أسد شايل ولده الجريح.

الكل في الوحدة شاف المنظر وقام يجري خدوا الشيخ حكيم من يد بشندى ودخلوه أوضة ودكتور الوحدة دخل معاه. وبشندى مرضاش يهمله وقف جاره وماسك في إيده ومثبت كيف ما يكون بيقوله مش ههملك وأوعاك تهملني والدموع نازلة من عينيه عشرة عشرة وحتى ما رفعش إيده يمسحهم.

الداكتور بعد ما شق خلجات حكيم وشاف الرصاصة في فوراً أمرهم يحضروا الأدوات ونقل حكيم لأوضة تانية وفوراً عقم بعد ما أداه حقنة بنج كلي وبدأ يشق عشان يطلع الرصاصة. طلع الرصاصة وعيخيط في الجرح لكنه توقف لما جسم حكيم بدأ يتشنج ودخل في نوبة صرع.

الداكتور أمر التمريجي اللي معاه يروح يجيبله حقنة معينة من أوضة الكشف والتمريجي طلع يجري. وبشندى شاف حالة التمريجي دفع الباب ودخل وشاف حالة حكيم اللي عيتشال ويتهبد جرى عليه ورمى عليه تقل جسمه وحاوطه بأديه والدكتور يبعد في بشندى عشان مش متعقم. بس بشندى ماسك في حكيم ومثبت ومراضيش يبعد عنيه وكل اللي عليه يصرخ ويقول حوش يا رب.. ولدي حكيم له يا رب.

رجع التمريجي بالحقنة والداكتور بدأ يفتحها بسرعة وعباها بس قبل ما يتوجه بيها لحكيم شاف بشندى عيبعد عن حكيم اللي جسمه سكن واترخى مرة وحدة. بشندى بص لحكيم وبص للداكتور وبلع ريقه مستني جواب على حالة حكيم. والدكتور ركن الحقنة وقرب من حكيم وشاف نبضه وفتح عينيه بص فيهم وبص لبشندى وبعدها مد يده على المفرش اللي متغطي بيه حكيم عشان يشده ويغطيه بالكامل وهو منكس عينيه للأرض بأسف.

لكن بشندى وقف إيده لما مسكها وبصله وهمسله وهو عيجز على سنانه:

اعملها وإني أقطع إيدك.. انطقها وإني أقطع لسانك.. حكيم ميموتش سامعني.. الشيخ حكيم ميموتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت

تتتتتتتتتت

تتتتتت

تتتتتتتتتتتتتتتI'm here to help! I will correct any linguistic and spelling errors in the provided text, while adhering strictly to the following guidelines:

1. **Correct linguistic and spelling errors only.** * Maintain the original colloquial dialect. * Do not convert colloquialisms to formal Arabic. * Do not alter character style or dialogue tone.

2. **Organize the text for readability.** * Separate dialogue into independent lines. * Separate narration from dialogue. * Add logical line breaks without changing content. * Address word merging resulting from transcription errors.

3. **Remove content outside the chapter text.** * Remove follow-up phrases or calls to action. * Remove any mention of locations, platforms, links, or website names. * Remove any unnecessary repetition of the novel's name or chapter number within the text.

4. **Strictly prohibited actions.** * Adding any new sentences. * Deleting any event or part of the story. * Summarizing the text. * Adding explanations, comments, or titles. * Writing any instructions or notes.

5. **The final output must be:** * The chapter text only. * Without introductions or conclusions. * Without additional signs or symbols. * Ready for direct publication as is.

Here is the corrected text:

بشندى بطل غنا لما واحد وقف على باب المندرة واتحدت وهو عينه:

الحقنا ياشيخ حكيم.

حكيم وقف منتظر وبص لبشندى بلوم:

نبرت فيها يابشندى.. فول على الجلسة لما القيامة تقوم ياقزين.. أهي شكلها قامت القيامة.

بشندى:

فيه إيه ياواد الفرطوس انت؟

الغفير:

غازي جه وقاعد في الفرح بره ومراضيش يهمل الفرح مهما حاولنا معاه، وفي الآخر مسك هو وغفير فبعض وشكله جاي عشان يخرب الفرح.

بشندى اتحرك بسرعة وغيظ عشان يطلع، لكن حكيم مد يده وقفه:

اهدأ يابشندى، هو أصلاً جاي وعاوزنا نعملوا كيف ما هتعمل انت أكده.. عاوزنا نغلطوا فيه وهو دايس أرضنا ويطلعني عايب قدام كل الخلق.

أخد نفس وبص للراجل وسأله:

هو جايب معاه حد؟

الراجل:

له، جاي بطوله.

حكيم بص لبشندى:

مش قولتلك جاي يركب غلط! طيب روح انت ونبه على الرجالة محدش يتعرض لغازي ولا حد ليه صالح بيه

دخل غازي المشتمل وقفل الباب وراه، وفتح الأوضة اللي فيها الحفرة. راح على كبس نور ولعه، ونزل السلالم سلمة سلمة وهو منتشي، لحد ما وصل تحت. اتفقد المكان كويس بنظرة رضا، وبعدها طلع على فوق تاني.

قعد شوية في المشتمل يتمشى بقلق، وطلع للجنينة يتمشى لحد ما وصل لجمرة. وقف قبالها ومد إيده يمسد عليها، لكن هي بعدت عنه بخوف.

غازي قرب منها أكتر ومد إيده مرة تانية يمسد عليها وهمسلها:

"متخافييييش.. متخافيش مش هأذيكى تاني. خلاص اللي كنت عأذيكى عشانه راح. من النهارده ورايح أنا صاحبك وسيدك الجديد وخيالك. انتي حلوة قوي يا جمرة.. حلوة وخطفتي قلبي وعيني من يوم ما شفتك. أصلاً حكيم طول عمره عينه صيادة ومعجبوش غير الحاجة الزينة. حتى جماره مفيش في حسنها مرة ولا شفت ليها مثيل مهما شفت وقابلت. معرفش لقيها فين وعتر فيها كيف. طول عمري أحسده على حظه الضارب. بس كله في الآخر جه في المصلحة واللي اصطفاه لروحه بقى كله ليا من غير تعب ولا جهد."

خلص حديثه مع جمرة ورجع للمشتمل. قعد هبابة وسمع خبطة خفيفة. قام على الباب الورااني وفتحه، واتلفت يمين وشمال بعد ما دخل عوض اللي كان شايل على كتفه شوال مربوط كاتم نفسه. رماه على الأرض بتعب.

غازي قفل الباب وجه وراه:

"بالراحة يا واكلهم هتموته ولا إيه؟ أنا مش قولتلك عايزه حي؟"

عوض:

"تخافش عليه مهيموتش من خبطة ديه، عامل كيف الخرتيت معيحسش. يلا كره وأنا هتلافى السرير وباقي الحاجة من العربية النص نقل بره عشان أنصبهولك."

غازي هز له دماغه ومسك ربطة الشوال وجرها على الأوضة، ونزل أول سلمتين في الحفرة وجر الشوال. وكل ما الشوال ينزل سلمة، تطلع من اللي جواه أنة، ألم بضعف.

غازي أخيراً وصل لآخر السلم ووطى فتح الشوال ونزله هبابة بين دماغ اللي جواه. وهمس بفرحة:

"يامرحب وميت مرحب نورت موطرحك يا غالي. لو تعرف تعبت قد إيه وصرفت قد إيه عشان أبني لك القبر الحلو ده. بس مش مهم عشان كنت عايز في الآخر المقام بالمقيم يليق."

قالها ووقف وضرب برجله الشوال، خلى اللي جواه يصرخ من الألم. شوية ونزل عوض معاه سرير نفر واحد. نصبه تحت حيطة محددة من حيطان القبو مبنية بطوب حجري، وطالع منها سلسلتين حديد بعاد عن بعض وطوال. وتحت السرير طالع من الأرض اتنين زيهم مدفونين في وسط صبة، وفي آخرهم أصفاد بأقفال.

خلص عوض وشال اللي في الشوال، رماه على السرير وحط كل إيد وكل رجل في جنزير حديد وقفل عليها بالقفل بتاعه. ولاف المفاتيح لغازي.

غازي:

"تسلم لي يا غااالي. أهو كده توي اللي فكري هدى وبالي ارتااااح."

عوض:

"ربنا يريح بالك دايماً يا شيخي وشيخ البلد."

النايم فتح عينيه بضعف ووحدة وحدة، والألم يعصر فيه وحاسس إن صدره مشقوق، مش قادر ياخد النفس منه وروحه بتتسحب منه، بس عايش وسامع كل الحديث. فتح عينيه وشاف غازي وعوض واقفين قباله يصبغوا لبعض في الحديث. اتلفت حواليه، لقى حاله بين أربع حيطان والسقف مصبوب بس واطي.

غصب عنيه طلعت منه أنة، ألم لما حاول يتعدل ورفع إيده يحطها على صدره، لكنه شافها متربطة بسلسلة حديد تقيلة، مقدرش يرفع إيده المدرخة بيها. غمض عينيه ورجع فتحهم، وشاف عوض بيمشي بعد ما أداله نظرة شماتة معرفش سببها.

غازي قرب منه وقعد قباله، ومد إيده مسد على شعره بحب كداب:

"فوقت يا غالي. حمد الله على سلامتك يا عريييس. بيوجعك جرحك وعاوز تحط إيدك عليه مش كده؟ عنك أنت أنا أحطلك إيدي عليه."

وبكل غل داس على مكان الطلقة في صدر حكيم، وحكيم صرخ من الألم.

"آاااااه."

غازي قام ووقف على حيله وبنشوه رفع إيده وابتدا يغني ويرقص ويلحن الآه بتاعة حكيم:

"آااااه آااااه آااااه ياعيني.. آه اه اه اه آااااه ياليلى... قولها كمان بالله عليك صوتها كيف صوت الناي في ودني.. قول الااااه ياواد عمي وسمعني."

حكيم بضعف:

"ليه يا غازي.. واخد نفس... عملت لك إيه لديه كله.. واخد نفس بألم... عمري.. عمري ما خيالي.. وصلني لإنك.. لإنك تكون بالغل دي من تلاي!!"

غازي:

"بلاش نتحدتوا في حديث منتهي ونقولوا عملت إيه ومعملتش إيه عشان مهيفيدش دلوقتي. أنت دلوقت ميت ومدفون في قبرك اللي بقالي سنين ببني لك عشان يليق بيك. كنت أقدر أموتك لكن محبيتهاش. شفت إن الموت راحة متمنهاش ليك. أقسمت إني لازم أقهر قلبك وعينك وأحرق روحك وأنت حي وعتتفرج على كل حاجة ملكك وهي في إيدي. عشان تدوق وتجرب إحساسي وتشوف طعم مرارة عامل كيف. سنين كل إجازة تسافرها أعمل اللي ميتعملش وأخطط وأفنن عشان أحفر هبابة هبابة من غير ما حد يحس بيا. كنت عامل كيف مسجون بيحفر بعظمه في قبره عشان يتحرر. واديني في الآخر شفت طاقة النور قبالي لما شفتك وأنت متسلسل ومرمي تحت رحمتي. آخ يا حكيم لو تشوف أمك لما سمعت إنك متت جرالها إيه. ولا غالية. ولا جماره.. آخ يا جمارة آخ.. بس مهما قولتلك القول مش كيف الشوف واااصل. وعشان أنت عزيز وغالي عليا مش بس هحكيلك. له دهني هخليك تشوف كمان عشان يوصلك القهر صوت وصورة."

حكيم كان بيسمع كلام غازي ومغمض عينيه بألم عمره ما كان يتوقع إنه موجود بالحجم والشكل ده وإنه ممكن في يوم من الأيام يحس بيه. حاول وجاهد عشان يرفع إيديه يسد ودانه لكنه مقدرش. اكتفى بدموع قهر نزلت منه، وحاول يشتت فكره من كلام غازي بومضات لجمارة وهي واقفة في الشباك بتطلع له وهو حاسس بيها ومبتسم وشايفها بقلبه. عينيه بسرعة رسموا له عينين جمارته قباله وآخر نوبة شافها باللثام وشبع من جمال عينيها. أمه وهو نايم على حجرها وعاتمسدله على شعره وصوتها الحنين يرن في ودانه كأنه أجمل تهويدة. أخته غالية وجلعها معاه. جمرته وحبها ليه وفرحته برجوعها للدنيا تاني. وقدرت فعلاً الحاجات دي تمنع كلام غازي من الوصول لعقله عشان ميدفعهوش للجنون مع إن صوته عيرن في ودانه.

وأخيراً فتح عينيه لما صوت غازي اختفى. بص حواليه ملقيهوش. بس مغابش كتير ورجعله تاني ورمى عليه كيس أسود.

"ده فيه علاجك ومراهم لجرحك. وبرجله زاح غطا من على الأرض عشان تظهر قاعدة حمام بلدي. وده بيت راحتك وموصلك حنفية ميه. مش حارمك من حاجة أهه. بس أوعك تستخدم ميه كتير عشان الحفرة متتمليش وتعوم وتغرق فيها."

وزاحله علبة مربعة بلاستيك.

"وده الطفح اللي هتطفحه جبنة وعيش وبلح. ولا أقولك.. بلاها جبنة وكل عيش وبلح بس كيف ما أبوك كان يعمل. مش أنت ماشي على خُطاه برضه؟ امشي فداي كمان."

ومد إيده فتح العلبه وأخد منها الجبنة ومسابش لحكيم غير عيش وبلح بس. حكيم بص له ورجع بعد وشه عنيه وهو بيدعي ربه بأنه يساعده ويقويه ويحفظ له حبايبه من كيد غازي.

طلع غازي وبعد ما طلع. حكيم سمع صوت قوي زلزل المكان. وخمن إن ده صوت غطا القبو عشان من بعد الصوت النور بتاع المكان خفت. حكيم فضل ساعات ممدد لحد ما قدر يستعاد شوية من حيله وجاهد عشان يتعدل وبعد معاناه قدر. بص لإيديه الاتنين متسلسلين بسلاسل مشافش زيها قبل كده. وكمان رجليه وكل وحدة عليها قفل. بصعوبة رفع إيده ومدها على صدره وزاح توبه وشاف جرحه نازف دم ورجع اتفتح. مد إيده على الكيس وفتحه وطلع المرهم والعلاج وابتدا يطهر جرحه ويدهنه. بشق الأنفس قدر يتحرك بكوم الحديد اللي مربط فرجليه ووصل للحنفية وفتحها وقعد يشرب. وبعدها بصعوبة قدر يتوضى وراح قعد على السرير وحب يقلع جلابيته اللي فيها دم عشان يصلي، لكنه مقدرش عشان إيديه المتربطة واضطر إنه يصلي بيها. صلى وهو قاعد صلاة بدون وقوف ولا سجود. صلاة على قد ما حيله سمح. صلى من غير ما يعرف دي معاد صلاة إيه ولا فاتته كام صلاة. صلى لحد ما تعب وبعدها رجع اتمدد ونام مرة تانية. بس بعد ما تعب يحاول يفك قيوده لكنه مقدرش واتأكد إنه استحالة هيقدر. غازي كان مفصلهم تفصيل بطريقة لو سلسل بيهم إبليس ميقدرش يفك حاله منهم.

***

غازي قاعد في المندرة وعيتطلع لبشندى النايم على نفس حالته. ودخل عليه عوض.

"جبته يا عوض؟"

عوض:

"واقف بره يا شيخ مرضاش يدخل المندرة."

غازي:

"كيف يعني مرضاش؟"

عوض:

"معرفش يا شيخ هو قال إني هقعد بره مهدخلش المندرة وروح نادملي غازي يكلمني هنا ويقولي اللي عايزه مني."

غازي بغيظ:

"اتجننت ده ياك! وقام طلعله ووقف قباله:

"إيه يا شيخ.. إيه يا إمام الجامع. مدخلتش مندرتي ليه؟ ولا مبقتش كد المقام دلوقتي. دانتا كنت قايم نايم فيها مع الشيخ حكيم ودايما روسكم في روس بعض وتودودو!"

الإمام تنهد:

"الله يرحمه عاد. راح وراحت أيامه. صح دولة العدل ساعة."

غازي جلى صوته:

"احمم... طيب أنا جايبك أسألك هي مرّة حكيم عدتها قد إيه عشان عايز أعقد عليها."

الإمام:

"أرملة الشيخ لها عدة ٤ أشهر وعشرة أيام."

غازي:

"وه وه كتير قوي دول نقص منهم شوية."

الإمام بعصبية:

"أنقص إيه هو أنا ببيعلك ترمس ده شرع الله!! ومع ذلك لا يمكنك الزواج منها بعد انتهاء عدتها إلا أن توافق هي وحينها يكون الزواج بعقد جديد ومهر جديد."

غازي:

"طب شكراً خلاص أنت كفاياك على كده روح لحالك سبيلك." وزاحه من قدامه.

الشيخ بص له وهز دماغه واتحرك وهو بيتحسر ويترحم على الشيخ حكيم وزوقه وأخلاقه وأيامه.

غازي قعد لحاله يفكر في كلام الشيخ. وإن جمارة لازم تكمل شهور العدة مع إنها مفارقة معاه. لكن الناس ليها الظاهر وهو ماعايزوش حد يجيله من الحتة دي ويقوله كيف شيخ وتحلل الحرام. ودي وجع راس هو مش حمله. بس ده برضه ميمنعش اللعب مع حكيم بيها في الوقت ده.

***

بشندى فتح عينه بضعف واتزاول بعوض واقف فوق راسه وعيحط حاجة في كباية الميه اللي بشندى بيشرب منها. بشندى لما حس بحركة عوض غمض عينيه وعمل حاله نايم. وعوض بص عليه بصة عابرة وبعدها طلع من المندرة.

بشندي فتح عينيه وبص للسقف شوية وبعدها استجمع قوته وقعد على حيله. بص لعباية حكيم وحبها وركنها على جنب. وراح بضعف على الحمام. شال جلابية حكيم البيضة من على وسطه وشمها وحبها وعلقها قبال عينيه. وقلع خلجاته وقعد على الكرسي الخشب وفتح الميه واتلافى الكوز وبقى يعبي ويكب على راسه عشان يفوق ويضيع الغواش اللي قدام عينيه، لكن مفيش فايدة.

قام وقف وهو بينفض دماغه بتعب واتسند على الحيطة لما الدنيا لفت بيه. ولبس خلجاته وطلع بعد ماخد جلابية حكيم معاه. قعد على السرير وحط دماغه بين إيديه ودرمس شوية. وبعدها رفع دماغه لما سمع صوت عوض.

عوض:

"بشبشندى.. صحيت ميتة. خد اشربلك بوق ميه بل ريقك." وأخدله كباية الميه.

بشندى بص للكباية وبص لعوض:

"له معطشانش. همل الكباية وهملني."

عوض بإصرار:

"له خدلك حتى بوق الميه زينة ليك جسمك مجفف من قلة الوكل والشرب بقيت جلد على عضم ياحزين."

بشندى مد إيده بضعف قصاد إصرار عوض وودى الكباية على خشمه وعمل حاله شرب وخصوصي لما خلى الميه تنزل من جناب خشمه. ورجع الكباية لعوض تاني.

عوض خدها وابتسم وحطها مكانها وفضل واقف باصص لبشندى. بشندى لما حس بغرابة من وقفة عوض ومراقبته ليه اتاوب بتمثيل وعمل حاله نعسان وبص لعوض وهو عيتجخى عالسرير واتأكد من اللي في باله لما لقاه مبتسم بانتصار.

بشندى غمض عينيه وسمع عوض عيهمس:

"غوووور نام نامت عليك حيطة."

وبعدها حس بيه طلع. فتح بشندى عينيه وجز على سنانه لما فهم سر بحر النوم اللي غرقان فيه وليه كل ما يقوم يقع تاني. اتعدل ومسك جلابية حكيم وضغط عليها بيده لما مفاصله بيضت. ورفعها قربها لم وشه وشمها. وريحة دم حكيم دخلت لروحه ووجت النار فيها أكتر وأكتر.

***

أما في السرايا. عيشة بعد ما سمعت كلام غازي:

"يلا يا جماره شدي حيلك يا بنيتي عايزين نشوفلنا صرفة نهربوا بيها من هنا قبل ما غازي يعمل اللي في باله ويرجعك لسجنه وعذابه نوبة تانية."

جمارة:

"مهأهملش حكيم ولا جمرة ولا السرايا. وحكيم هييجي دلوقتي ويطرد غازي ويتجوزني."

عيشة بقلة صبر:

"فوقي يا بتي وأوعي لحالك هتروحي مني وأنا عتفرج عليكي معرفش أعمل إيه. حكيم ما..."

وقبل ما عيشة تكمل، جمارة حطت إيدها على خشمها منعت الجملة تكمل وقالتلها بضعف:

"بالله عليكي ما تنطقيها ولا تتفائلي عليه. حكيم عايش وقاعد في المندرة مستني عدتي توخذلوص وييجي يتجوزني ونعيشو سوا في جنتنا أنا وهو. هلبس له الخلجات الحلوة اللي اشتريتهملي وأكحل عيني كل يوم وأستناه عشان يطل فيهم ويشبع ديه حرم روحه منهم كتير وهو بحب يتطلعلهم."

عيشة اتنهدت بغلب وسكتت واتكلمت غالية بدالها:

"هتسيبوني وتروحوا وين يا خالة عيشة؟ داني صفيت لحالي من غير حد أصل. لا أب ولا أخ وادي أمي مش في الدنيا أصل."

عيشة:

"أنت ربنا يصبر قلبك يا بنيتي بس أنا لازم آخد جمارة وأبعدها عن غازي مهما حصول. مهو أصلي مش هرميها في النار تاني بعد ما طلعت منها بقدرة ربنا ورحمته."

غالية:

"خلاص يا خالة أمر غازي نفذ وحاوطنا بناره من جميع جهة ومحدش فينا هيقدر يخطى بعيد عن الحلقة اللي رسمهالنا."

عيشة:

"يعني عاوزاني أسيبه يتجوزها يا غالية؟"

غالية:

"سبتيه منعتيه هيتجوزها."

عيشة:

"ربنا قادر يخلصها ويخلصنا يا بتي."

في الأثناء دي سمعوا أنة تماضر وراحتلها غالية وقعدت جارها ومسكت إيدها وحبتها بحنان:

"قومي يا امه خليكي جاري أنا مابقاليش حد غيرك. قومي اشتميني كيف زمان واضربيني بأي حاجة جارك. قومي اتوحشت حسك قوي."

تماضر رفعت إيدها بضعف تشاور لغالية على بره وغالية فهمت إنها عايزة تقولها هاتيلي حكيم.

غالية: "عاوزة حكيم."

تماضر هزت دماغها ولمعت عينيها بالدموع.

غالية: "حكيم قاعد في حضن أبوه دلوقتي هنياله. تلاقيهم قاعدين قبال بعض وعيقرو قرآن بصوتهم الحلو والملايكة محاوطاهم تسمع."

تماضر هزت دماغها برفض.

غالية: "بكفياكي طمع يا تماضر حكيم أبوه اتوحشه وخده جاره يشبع منه كيف ما أنت شبعتي. تلاقيه شاف له موطرح زين قوي أحسن من موطرحه في الدنيا ١٠٠٠ مرة. قومي خليكي معايا نرازو في بعض لحد ما يلاقولنا موطرح وياخدونا معاهم."

تماضر ابتدت تئن وتبكي بصوت وتشاور بيدها برفض وتشاور على قلبها وترجع تشاور بيدها برفض. والمرادي ردت عليها عيشة:

"أوعك تعذبيه بدموعك يا أم حكيم. أوعك تأذيه أنت بالذات أذيته منك وعليكي هتبقى وعرة قوي عليه. أنت خابرة إن روحه حواليكي ولما يشوف حالتك روحه تتعذب قبالك. هما عيتحدثوا لكن الاثنين تماضر وجمارة كانوا في حال غير الحال، لا سامعين ولا شايفين غير حكيم وطوله وطلته ومشيته وصوته وضحكته وبس."

على قعدتهم ودخل غازي من باب السرايا وسقف بإيديه قبل ما يتقدم من باب أوضة تماضر:

"احممم.. ياللي هنا.. يا حريم غازي."

الكل سكت ومحدش رد عليه. وبرغم أكده دخل. بص للكل وابتسم وهو باصص لجمارة:

"مش قولتلك تمسكي عدة يا جمارة!! يلا براحتك كده كده محدش شايفك ماسكة عدة ولا له. وأول ما تخلص شهورك هعقد عليكِ ومحدش ليه حدانا حاجة عاد."

عيشة بصت له بقهر وجمارة رفعت دماغها من على صدر أمها وهمست له:

"والله ما أبادل الطيب بالخبيث لو فيها موتي. أنا مرت الشيخ حكيم وهقعد لآخر العمر مرته لغاية ما يخلص الأجل وأروح له ونتجمعوا من تاني."

غازي:

"ده عند أمك. قومي يبه من هنا واتقلبي أنتِ وأمك بره عايز مرّة عمي وبت عمي في كلمتين."

ولما محدش فيهم قام زعق بعلو صوته:

"قووووومى أنتِ وهي غورو بره."

عيشة قامت وساعدت بتها تقوم وجمارة وقفت حاضنة فستانها. وغازي ضحك ومد إيده على الفستان ياخده من جمارة لكنها صرخت في وشه صرخة كيف زئرة أسد ولمت الفستان لحضنها بخوف عليه كأنه روحها. وغازي كان هياخد روحها بيده.

طلعوا الاتنين وجمارة بصت على أوضة حكيم اللي فيها حاجته وهمست لأمها:

"وديني أوضته يمه عايزة أشم ريحته اتوحشتها."

عيشة سندتها واتحركت بيها واحدة واحدة:

"طب هتتحملي كيف بكا وندب وأنت مقادرة مش قادرة تصلي طولك من قلة الوكل والشرب يا بتي! أنا خابرة لما هتشوفي حاجة من حاجته إيه هيجرى في حالك وأنت محاملاش!"

جمارة:

"له هتحمل.. هتحمل والله بس شميني ريحته اللي طيبها من طيب الجنة وأنا كل الحيل يعاودلي."

عيشة استسلمت وراحت بجمارة على أوضة حكيم وفتحتها. وأول ما جمارة دخلتها وشتت ريحته حصول اللي عيشة خافت منه لما جمارة اترخت بين إيديها ووقعت من طولها متحملتش.

أما عند غازي واقف وباصص لغالية اللي واقفة ومربعة إيديها وعتيهز فرجلها بغضب الدنيا.

غالية: "انطقي يا غازي عايز إيه وخلصني."

عازي ابتسم وراح على الباب وقفلنه ومش قفلة عادية، دي قفلة بالقفل كمان. ورجع وقف قبالها تاني.

غالية: "عتفل الباب ليه دلوقتي!"

غازي:

"عشان اللي هقوله مايطلعش من بيني وبينك."

وقرب منها وقف قبالها بالظبط.

"حضري حالك بعد أربعين حكيم عشان هكتب عليكي يا بت عمي."

غالية شهقت وبعدها ضحكت بسخرية، ضحكة مقدرتش تكتمها وأول مرة الضحكة تزور خشمها من يوم موت حكيم أخوها:

"الهوااس وصل معاك لحد هنا يا غازي ياك؟ أنا أتزوج كتال أخوي! ليه اتجننت اياك؟ دانتا تحمد ربنا إني مش شاربه من دمك لحد دلوقتي وكافية غيري شري عشان بس الغلبانة اللي مليهاش غيري دلوقتي دي. غير كده ورحمة الغالي كان زماني متأبده فيك."

غازي اتحرك وراح على تماضر اللي كانت مبرقة وعتتنفس بصوت عالي وعتهز في دماغها باعتراض على كلامه.

غازي: "طب إيه رأيك إنك لو موافقتييش هكون كتال من صوح طول ما كده كده محكوم عليا كتال في نظرك."

واتحرك ناحية تماضر ومسك مخده ومرة واحدة حطها على وش تماضر وداس عليها. وغالية صرخت بعلو صوتها وجريت على أمها اللي ابتدت تحرك في إيديها باستغاثة وبكل قوتها فضلت تحاول تشيل المخده من على وش أمها. وصرخاتها خلت عيشة وجمارة يجوا رمح يخبطوا عالباب بجنون ويصرخوا على صوت صراخها. وغازي لما شاف مقاوة تماضر قلت شال المخده من على وشها وهي شهقت تاخد نفس وغالية رمت نفسها على صدرها وزعقت بصوتها كله:

"يممااااااه."

غازي بنبرة ثابتة:

"هاه قولتي إيه؟ هتلبسي أبيض وتتجوزيني؟ ولا تلبسي أسود على أمك وبرضو تتجوزيني؟"

غالية هزت دماغها بموافقة وهي بصة لأمها ودموعها نازلة:

"ربنا ينتقم منك يا ظالم. كل ده عشان الأرض أنا خابرة. بس دي أبعد لك من نجوم السما يا غازي."

غازي ضحك بصوته كله:

"أرض إيه يا أم أرض؟ الأرض ماهي كلها في إيدي وراجل اللي يقدر يحط رجله فيها ولا يقرب منها. كل اللي فيها يا بت العم إني لازم أتزوجك. مهو أصله مينفعشي تقعدي كده طول عمرك من غير جيزة. وأنا عمري ما هخلي حد يتجوزك ولا تطلعي من تحت عيني ويدي."

قالها واتحرك على الباب فتحه ودخلت عيشة مندفعة ووراها جمارة اللي متعرفش جاها الحيل منين وقدرت تقف وتجري وهي لسه كانت فايقة ومسنودة على باط أمها بضعف الدنيا.

غازي طلع وعيشة قربت من غالية اللي عتبكي وترجف وحضنتها:

"هيعمل فيكي إيه البو ده!"

غالية مقدرتش تنطق بحرف بس عينيها اللي مفارقوش أمها والخوف متجلي فيهم شرحوا اللي حصل من غير كلام.

غاليه قاعده على السرير ومقعده امها نص قعده ومميلاها عليها وعماله تمسد على صدرها عشان تقدر تاخد نفسها زين من بعد ماقطع عنيها الهوا غازى ولساتها عتكح ومعارفاش تتنفس زين لحد دلوك.

عيشه: كيف يعنى.. يعنى هو مليهش رداد غازى خلاص؟ يعنى مفيش حد هيقدر يوقف فوش طُغيانه والباطل بتاعه واصلللل.

غاليه: بموت حكيم مات كل الحق ياخاله ومبقاش فيه غير الباطل.

عيشه: اوعك يابتى تطاوعيه وتتجوزيه هيزقيكى العذاب الوان وانتى شفتى بعينك عمايله فجماره!

غاليه: لو خفت على حالى معناتها عموت امى ياخاله.. وانى لو ماتت امى يعنى موتت انى كمان.. يعنى اكده اكده ميته.. يوبقى خلينى اموت كل يوم هبابه على يد غازى بس حس امى يفضل فالدنيا يونسنى ويخفف عنى.. وبعدين قولتلكم حكم غازى هينفذ لو مهما حوصول.

عيشه: فاهماه قوى انتى ياغاليه!

غاليه: اكتر من نفسى.

الكل سكت وجماره فضلت باصه لتماضر شويه قبل ماتقوم بضعف وتروح تقعد جارها على السرير وتمسك يدها تحبها كيف ماكان حكيم يعمل فكل وكت وكل فرصه.

تماضر سحبت يدها بضعف من جماره لما حست بدمعه سخنه سالت على يدها من عين جماره. رفعت يدها على خد جماره ومشتها بحب وحسره وعينها اتملت دمع على حالها وعلى جمالها اللى ملحقش حكيم يتهنى بيه. ونزلت ايدها على كتفها تقربها منها بحنان وجماره لبت وحطت دماغها على صدر تماضر واستسلمت لاحساس بالراحه وهى فمكان كان عيضم راس حكيم.

غاليه: هى الحنيه والحب حلوين وكل حاجه بس يعنى خدو بالكم انكم انتو التنين مايلين على ضلوعى وانى محاملاش لحالى!

جماره انتبهت وبعدت وغاليه عدلت المخده لتماضر ورجعت نومتها وهى قامت وقفت فالشباك تتنهد بحسره على قرار غازى بجوازه منها، اللى لو كان خده زمان كانت هتوبقى اسعد وحده فالدنيا. لكن دلوك جوازها منيه سجن هيتحكم عليها تعيش فيه طول عمرها.. وتختار بين تنين.. ياتدخله بمزاجها ياتدخله غصب عنيها وفالحالتين متوكده انه مرار طافح مستنيها.

بصت لجماره وهمست بقلة حيله: من بكره امسكى عده على حكيم ياجماره.. حتى عشان روحه ترتاح لما تديه حقه وحق ربنا عليكى.. امسكى عدتك عشان اكده اكده غازى مهيهملكيش.. ارضى بنصيبك ياضُرتى.

جماره بغضب: هو مش موت حكيم اللى كان عيغيظه بيا عاوز منى ايه تانى... ليه عاوز يرجعنى؟

غاليه: عشان يحرق روحه وهو ميت كيف ماحرقها وهو حى.. عشان يعذبه فنومته.

جماره: موتِ قبل مايرجع غازى يمد يده عليا تانى.. انى لآخر يوم فعمرى هفضل مرت الشيخ حكيم وجمارته.

غاليه ضحكت بيأس: كلام مهتلقيهش ديه ياخيتى.

عيشه بصت لجماره: خلصى عدتك انتى بس يابتى لاول ووكتها يحلها الحلال.

جماره بصت لامها بضعف: طلعيلى حاجة حكيم كلها فأوضته فوق يمه عشان هقعد فيها مهنزلشى.. معاوزاش اشوف وش اللى ميتسماش ديه قبالى واصل.

عيشه هزتاها راسها بموافقه والكل سكت وتماضر رفعت يدها حطتها على قلبها بضعف وبصت من الشباك على الفضا بره وخشمها اتنسم بالضحكه لما قلبها حدثها ان حكيم لساه على الدنيا وعيشم الهوا ودق دقته الفرحانه لما عيكون حكيم قبالها وقلبها عمره ماكدب عليها بخصوص حكيم واصل. لكنها رجعت افتكرت ان حكيم الناس دفنته بيدها وقلبها يمكن دقاته خرفت من كتر الحزن والقهر.. وخصوصى انهم دفنو حكيم من غير مايورهولها ولا تودعه.. ويمكن ديه السبب اللى ممخليهاش تصدق موته لدلوك.

*************

غازى على بوابة السرايا.

غازى: ايه عوقت ليه جوه!

عوض: على ماخمدت الزفت خشيت لقيته صاحى وفايق ومتسبح كمان.

غازى: مش قولتلك متغفلش عنيه يابو انتا! هتغفلقها فوق راسى ياك؟

عوض: تخافش لحقته.. وبعدين فيهوش حيل يمشى خطوتين على بعض دا المخدر هد حيله.

غازى: اوعك تديله امان ديه ديب سعران يعمل حاله ميت وهو مفتح عنيه ويقوم نوبه وحده يهبش.

عوض: له تخافش انى مفتح عينى عليه وان فلت منى مهيفلتش من الرجاله اللى متنتورين فكل موطرح دول.

عوض سكت وغازى مردش عليه وهو شايف عربيه بيضه مقفله مربعه جايه عليه من بعيد.

غازى بفرحه: هٍم حضر واجب الضيافه بسرعه.

عوض: حالا.. بس هو مين اللى جاى بالعربيه ديه؟

غازى: ديه الخبير.

عوض: كيف يعنى!

غازى: غور انتا ومترطش كتير مش وكتك هفهمك بعدين.

عوض مشى وغازى استقبل العربيه اللى وصلت ووقفت قصاده ونزل منها اتنين بهوات لابسين افرنجى.

غازى: الحمد لله اللى عرفتو توصلو ومتوهتوش.

الخبير: عادى خبيبى العنوان مس يتوه واحنا مسينا على وصف مظبوط وصلنا.

غازى: يامرحب يامرحب.. ادخلو اخدو واجب ضيافتكم لاول.

الخبير: لا نخلص شغل الاول.. باكى فلوس جاهز؟

غازى: تحت الطلب يابيه.

الخبير هز دماغه برضى ولف فتح كابينة العربيه الورانيه وطلع منها صندوقين هو شال واحد واللى معاه واحد وبصو لغازى.

الخبير: اتفضل دلنا على اماكن اللى هنركب فيها حاجات.

غازى مشى قدامهم وفتح السرايا وسابهم فالجنينه ودخل ينبه الحريم ان مفيش وحده فيهم تطلع من اوضة تماضر عشان معاه ناس. وزيادة تأكيد قفل عليهم باب الاوضه من بره.

الخبير واللى معاه دخلو السرايا وعملو شغلهم ورجعو بعد مااخدو المبلغ اللى كانو متفقين عليه مع غازى وعليه اكراميه وواجب ضيافتهم.

غازى فتح باب الاوضه على الحريم وسابهم ومشى من غير مايتكلم معاهم وهما بصو على بعض وسكتو لانهم مبقوش يستغربو اى حاجه من غازى خلاص.

طلعت جماره متسنده على الحيطان عشان تروح تطمن على ريحة الحبايب. راحت لجمره اكلتها وحضنتها وفضلت شويه حاضنه رقبتها وتمسد عليها كانها بتصبرها وتصبر نفسها على غياب حبيبهم هما الاتنين.

بعدت عنها وراحت تجيبلها سكر نبات دورت فى الكيس المتعلق بتاعها ملقتش.. وعرفت ان خلاص جمره معادتش هتاكل السكر اللى عتحبه مره تانيه ولا حد هيجيبلها وحتى بشندى من ساعة موت حكيم مهوبش السرايا. واتنهدت بقلة حيله وهى مش عارفه ياترى لغاية ميته الكل هيفضل يتحرم من كل حاجه عيحبها بسبب غازى. غازى اللى كيف اللعنه عيدمر معيبقيش.

راحت على عصافيرها وكلتهم وغيرت ميتهم وبعد تفكير جابت القفص القديم الصغير وحطتهم فيه وقررت انها تاخدهم معاها على اوضة حكيم فوق، عشان يفضلو قبال عينها طول الوكت ويهونو عليها حبستها وايام حدادها اللى حددهالها غازى وميعلمش ان حدادها على حكيمها هيستمر العمر كله.

وقفت وفأيدها قفص العصافير واكلهم وبصت لآخر مره على الجنينه وبلعت ريقها وابتسمت باشتياق وهى شايفه طيف حكيم عيتجسد قدام عنيها فآخر منظر شافته فيه عيسبح جمره وفرحان وعيحضرها للفرح ولما قاس عليها السرج وغيرتها منها لما حضن رقبتها وحبها واتمنت حالها موطرح جمره فاللحظه دى.

اتحركت مبتعده لما الطيف اختفى ومشت وهى عتبص للورود اللى ابتدت تدبل من قلة الميه والاهتمام واتخطتها من غير ماتشفق على حالها كأن اى موت حاجه بعد موت حكيم بقت عاديه فعنيها ومش فارقه معاها.

طلعت اوضة حكيم وفضلت تتنقل بين حاجاته ومسكت سبحته شمتها وغمضت عينها وراحت على قزازة عطره اللى كان دايما يحب يحط منها رشت منيها على السرير والمخده ونامت على ريحته وناجت طيفه يجيها فالحلم يصبر قلبها على فراقه هبابه.

اما عيشه فقامت راحت لزبيده اللى حاطه يدها على خدها فالمطبخ وقاعده.

زبيده: عايزه حاجه اعملهالك ياعيشه.. عايزه وكل اغرفلك؟

عيشه: وكل ايه يازبيده وقندلة ايه.. مين ليه نفس لوكل ولا لشرب بس.. عقولك يازبيده.. انتى لما عتعاودى دارك كل يوم عشيه عتشوفيش بشندى؟

زبيده: بشندى ايه اللى اشوفه ياعيشه ديه جوزى عيقول انه كان يشوف بشندى حاله يصعب عالكافر وفدنيا غير الدنيا ومرمى ليل نهار كيف الخرقه ياحبة عينى.

عيشه زفرت بديقه: معذور يازبيده دا اللى راح ديه كان روحه من الدنيا وكل اللى ليه.. كان يقولهوش غير ياولدى.. وحدش عيتحمل ولده يموت بين اديه واعره قوى والله.. ربنا يصبر قلبه ويقويه.. علونى كنت متأمله فيه خير ان هو اللى يخلص بتى من يد الظالم المفترى ويطلعها ويطلعنى برا السرايا الشوم داى.

زبيده: وهو بشندى بطوله هيقدر على غازى ومطاريده دول كلهم كيف ياعيشه؟ .. ديه عاوز ديش بمدافع عشان يقدر يقرب من بوابة السرايا.. منتِ لو عتشوفى الرجال اللى موقفها بره تعرفى ان لا بشندى ولا غيره هيقدر يهوب ناحية حاجه غازى حط يده عليها خلاص.

عيشه: ربنا عالظالم.. والقوى هو اقوى منيه... الا قوليلى هو قفل علينا الباب وكان يهبب ايه فالسرايا انتى كنتى قاعده اهنه وشفتيه اكيد.

زبيده: ركب لُنضه للسقف فالصاله وفوق بس ملهاش كبوسه تلاقيه هيشترالها بعدين.

عيشه قامت وبصت وشافت حاجه متعلقه فزاوية الهول بتاع السرايا وشكلها غريب وهمست لنفسها.

عيشه: لُنض ايه العجيبه داى كمان! يقطعك ياغازى ويقطع مجايبك تلاقيها كنابل وهتفجرنا بيها فأى وكت لو متبعناش كلامك.. جملها بسترك يارب.

************

خيم الليل وسكنت البلد الا من اصوات نباح الكلاب واصوات الضفاضع وصراصير الليل.

غازى فتح غطا القبو ونزل السلالم وهو شايل كرتونه على قلبه وعيغنى بسعاده ووقف بعيد عن حكيم بمسافه وحط الكارتونه عالارض وطلع تانى جاب اختها وطلع تانى ورجع بعد شويه شايل طربيزه وعيغنى نفس الاغنيه بنفس الفرحه.

حط الطربيزه قبال حكيم بس بعيد عنه المسافه الكافيه اللى تخلى غازى فأمان من حكيم. وطلع ٣ تلفزيونات صغيره حطهم على الطربيزه قصاد حكيم اللى مستمر يتفرج على اللى بيعمله غازى وهو قاعد وساكت.

غازى وصل مشترك فى بريزة الكهربا ووصل فيه فيش التلات تلفزيونات وشغلهم جابو صوره منغمشه.

غازى بص لحكيم وابتسم: تلقاك عتسال حالك ايه ديه صوح؟ هقولك انى ياغالى واوفر عليك السؤال اللى نفسك تسأله وتلقاك مكسوف ومقادرشى انى خابرك... ديه ياسيدى وماسيدك الا انى.. صندوق الدنيا... حاجه كيف السيما اكده اكيد تعرف السيما منتا عتسافر بحرى كتير وخابر عاد.. دخلت السيما قبل اكده ياحكيم؟ ..عموما لو مدخلتهاش انى جبتهالك لحدت عندك.

وعمل حاجات معينه فأول جهاز وفورا الصوره اتغيرت وظهرت فيه جنينة السرايا وبالذات صورة جمره وبتاكل وبتتحرك.

حكيم اخد نفس بحنين ودقات قلبه اتسارعت لكنه اخفى دا عن غازى وفضل ممثل الثبات.

غازى: عارف ديه ايه ياحكيم.. ديه كمارات امراقبه عتاجى من بلاد بره مخصوص وبالطلب.. غاليه قوى قوى ومش عتاجى لأى حد.. بس انى جبتها عارف كيف... خليت الخواجه بولو صاحب محلج القطن يجيبهالى من بلده.. خليته يطلبها مخصوص لما شفته مركب وحده فمحلجه وحاطط التلفازيون ديه على مكتبه وعيتفرج على عماله وهما عيشتغلو من غير مايوقف وسطهم ولا يشُق عليهم كل هبابه.. جبتهم ومستخسرتش حقهم مع انهم خدو اللى وراى واللى قدامى.. فلوس محاصيل الارض وتحويشة العمر كلياته حطيتها فيهم.. وكل ديه عشانك.. وتاجى بعد اكده تزعلنى وتقول غازى معيحبنيش صوح! طب بذمتك فيه حب اكتر من اكده!!!

ومد ايده فتح الجهاز التانى وبمجرد ماظهرت الصوره اللى فيه حكيم مقدرش يمسك اعصابه اكتر وشهقه طلعت منيه خلت غازى يضحك بعلو صوته.

غازى: ايوه عاد.. هى داى فرحة شوفة الحبايب.. بالذمه فيه من واد عمك غازى تنين يدلعو وهيشتكو كيف مانى ععمل معاك اكده!

حكيم ضربات قلبه اتسارعت وقويت لدرجة انه حس ان جرحه المه من صدى صوت الضربات وخبيط قلبه اللى اتجن جوا صدره وهو شايف جمارته جوا اوضته وقاعده على سريره وضامه رجليها وسانده دماغها عليهم بضعف وباصه قدامها وحكيم عرف انها باصه على صورته هو وجمره اللى متعلقه على الحيطه.

غازى غمض عنيه وهز دماغه يمين وشمال بحركه راقصه واحساس بالنشوة من حالة حكيم الواضحه من انفاسه العاليه القصيره المتقطعه، وبعدها راح على الجهاز التالت وحكيم غمض عنيه وفتحهم بسرعه وهو بيستعد للى هيظهر فيه.

لكن غازى اول مافتحه ظهرت فيه صورة الصاله فاضيه.

غازى: ديه عاد هتشوف فيه الكل مع بعضه فصوره وحده.. امك انى هوريهالك اهنه فالكامرا بس مش دلوك عشان نزل عليها لُطف مبقتش تتحدت ولا تتحرك.. بس هوريهالك برضك.

حكيم عنيه بتتنقل بين الشاشات وضامم حواجبه وكاتم دمعته لكنها باينه فعنيه ويقدر يشوفها ضعيف البصر.

رفع عنيه على غازى وسأله: تصدق عمايلك داى ميعملهاش كافر.. ليه عتعمل اكده.. جبت منين حيل للتخطيط ديه كلياته.. جبت من وين جبروت يكفى ياخى!

غازى: تؤ تؤ تؤ.. برضك هى داى جزاتى بعد ديه كله!! مانى قولت برضك معيتمرش فيك حاجه واصل وطبعك ردى.. بس عموما هجاوبك ياسيدى على سؤالك.. (ااانى ععمل اكده ليه) ععمل اكده ياحكيم عشان اخليك تشوف بعينك كل حاجه ملكك وهى عتتنقل ليا وتوبقى فيدى.. عشان تدوق المر اللى انى شربته سنين طويله وانى شايف كل حاجه ملكى فيدك وساكت ومحلتيش غير عينى ابص بيها وواقف عاجز... ومن النهارده هتتقلب الادوار وانتا اللى هتوبقى فموطرحى وتبص بعينك وانتا مربط وعاجز وقليل حيله كيف ماكنت انى.. اختك غاليه هعقد عليها بعد اربعينك.. جماره هتجوزها بعد عدتك ماتخلص.. ارضك خدتها.. جمره بقت ملكى... الاسطبل.. الخيل.. المعامل.. كل ديه بقا ملك غازى.

حكيم عيسمع بعيون مبرقه ومره وحده قام هجم على غازى بس السلاسل وقفته قبل منيه بمسافه بسيطه.

حكيم بغضب الكون: قرب من وحده فيهم وموتك يكون على يدى ياغازى.

غازى ببرود: هقرب.. وهقرب.. وهقرب.. وهعمل مابدالى.. وجماره هتجوزها فغرفتك وعلى سريرك وهتشوفنى معاها قدامك اهنه وتملى عينك كمان وهى مرتك وعلى ذمتك.. اما غاليه فمرضيتش احط فأوضتى انى وهى كامرا عشان اختك عيب.. انى ععرف فالاصول برضك.

قال جملته وضحك واتحرك من قدام حكيم وسابه يزئر كيف اسد محبوس فقفص. مبطلش غير لما سمع صوت غطا القبو عيتسد ورجع قعد على حيله على السرير بانفاس عاليه وجسم عيتنفض من الغضب وبص لصورة جمره وسمح لدموعه اللى كان حابسها تنزل وهمس بصوت مكسور.

حكيم: كَتتتير قوى على قلبي ديه يارب مقادرشى اتحمل.. حلها بقدرتك ياقادر عشان وااااعره قوى... قوى.

قالها ومد يده المتسلسله على صورة جماره فالجهاز واتمنى يده تطولها وهو شايفها قامت وراحت على شباك الاوضه فتحته وطلت منه على الجنيه وغمضت عنيها ورفعت راسها للسما بقهر واتمنى من كل قلبه لو يقدر ياخدها فحضنه فاللحظه دى ويطمن قلبها المكسور عليه ويعرفها انه عايش.

طلع غازى وراح على الجنينه واول حاجه عملها انه راح على جمره ومسك كورباج كان حاطه جارها وبص على الكاميرا وابتسم ورفع الكورباج ونزل بيه على جمره اللى بقت تتنطط وتروح منيه فكل موطرح عشان تحتمى من ضرب معارفاش سببه ولا عارفه عيملت ايه عشان تنضرب اكده لكنها متعرفش انه مفيش مفر من جلاد ظالم.

خلص ولم الكورباج وهو بينهج وبص للكاميرا وضحك وهو متوكد ان حكيم دلوك حالته كرب. ومشى مع انه مكانش عاوز يأذي جمره بس قهر قلب حكيم يعمل عشانه اللى ميتعملش.

اما حكيم فكان واقف على حيله يروح وياجى كيف المخبول وهو واعى اللى عيمله غازى فجمرته وكل ضربة كورباج كانت تاخدها كان يحسها بتنزل على قلبه وكل جزه منها جسمه يجز قبالها بألم ويصرخ بأسم غازى لما حس ان صوته اختفى لحدت ماغازى خلص وصلة تعذيبه جمره اللى خدتها من غير ذنب ولا جُرم.

طلع غازى بص على الرجاله واطمن ان كل حاجه تمام ورجع المشتمل نام وعلى وشه ابتسامة ارتياح وقلبه فرحان فرحه عمره ماحس بيها قبل اكده واااصل.

**********

اما فالمندره بشندى عامل حاله نايم من الصبح وكل ماعوض يطلع يقوم براسه يبص شمال ويمين ويقوم يتسحب ويفنس من باب المندره على الرجاله اللى واقفه بره واللى مفيش فيهم ولا واحد من رجالته القدام وكلهم اشكال مجرمين وقطاع طرق.

كان حاسس بجوع وحس انه هفتان قوى وكان فيه وكل محطوط على الطربيزه وعيش مرضيش يقرب عليه خاف يكون عوض حاططله فيه حاجه ياكلها يرجع يتدهول من تانى.

اخيرا عوض دخل المندره يتتاوب وبشندى فتح نص عين شافه عيخلع فشاله وبعدها خلع جلابيته ورمى حاله على كنبه ونام.

شوي وبشندى سمع صوت شخيره واتوكد انه غار فالنوم. قام يتسحب وخلع خلجاته ولبس جلابية حكيم وفوقها عبايته البيضه وربطهم بعمة حكيم على وسطه واتحرك بعدها على طراطيف صوابعه راح لبس جلابية عوض ومسك شاله البنى اللى معيلبسش غيره ولفه على دماغه ووشه مبينش غير عنيه وطلع وحاول بكل جهده يصلب طوله ويقوى عشان يمشى زين ومحدش يشك فيه.

وقف على باب المندره ولبس مركوب عوض وطلع وهو حاطط قلبه على كفه وخابر ان غازى لو كشفه هيخلى رجالته يفرفروه فرفير.

طلع ومشى فطريقه بخطوات عاديه وقلبه رقص من الفرحه لما محدش لاحظه لكنه وقف بعد ماعدى من جار الرجاله بكام خطوه على صوت واحد منهم: طلعت ليه تانى ياعوض مش قولت نعست ودخلت تنام!

بشندى رد عليه وهو عيقلد صوت عوض: هلف لفه لاول.. قالها واتحرك وحمد ربنا وهو سامع صوت الراجل وراه: له جدع ياعوض.. مفنجل.. تستاهل الفلوس اللى عيكبشها الشيخ غازى من جيبه ويديهالك.

بشندى مشى بكل حيله وقف بعد مسافه ياخد نفسه ويهدى رجفة قلبه ورجليه لكنه مطولش وكمل هروب قبل ماحد يحس ويكتشف انه مقاعدش وساعتها قيامة غازى هتقوم عشان خابر زين ان موته على يد بشندى امر مفروغ منيه.

وقف قبال بيت واتلفت يمين وشمال قبل مايمسك غلق بابه ويخبط بيه خبطتين ويسكت. محدش رد عاودها تانى وجاله صوت راجل بعدها: مين.. مين بره.. اوعى تكون حرامى محداناش حاجه راوح.

بشندى بقلة صبر قرب وشه من الباب وهمس: افتح ياواد المركوب حرامى هيدق بابك يصحيك لاول عشان ترفعله الشيله ياك.. افتح انى بشندى جاك شندله.

الراجل فتح الباب نص فتحه ولما بشندى شال الشال من على وشه واتوكد انه هو اتحدت بفرحه وصوت عالى.

الراجل: بشندى حبي....

وقبل مايكمل بشندى حط يده على خشمه كتم حسه واتلفت حواليه بعدها دخل البيت وسد البال برجله.

بشندى: هتجرسنى ياواكل جدودك بحسك العالى.. مرتك فين وعيالك؟

الراجل: زمقانه فبيت ابوها من قبل العيد مجبتهاش منتا خابر.

بشندى: احسن حاجه.. وسابه واتجخى عالحيطه وحط يده على قلبه بضعف وبصله: خيرى شوفلى لقمه قوام هقع من طولى.

الراجل: خيرى اسماله ياخوى عليك يخسا الجوع.. تعالا تعالا عين زاد وعين ميه ياغالى.. حمداله على سلامتك والله فرحت بشوفتك دانتا كانت حالتك كرب بكتنا اكتر من بكانا على الشيخ والله.. على عينى سبتك ياخوى بس غازى مشى الكل وحرم علينا حد يهوب ناحية السرايا وقطع عيشنا شاله يتقطع عيشه من الدنيا كلها.

بشندى: جعاااااااان ياخيرى بطل رط وهاتلى اى حاجه احطها فخشمى شاله لقمه حاف ممتحملش ياد.

خيرى بسرعه جرى وجاب لبشندى عيش وجبنه خضره وطماطم وخيار وعسل وكل حاجه حداه فالدار حطها قباله وبشندى نزل عالوكل كنه عياكل فآخر زاده وخيرى باصص عليه وكل شويه يتصعب على حاله.

خيرى: بس لابس ليه خلجات عوض يابشندى؟

بشندى والوكل فخشمه: هربت بيهم عشان حدش يعرفنى.

خيرى: هربت! .. امال كنت محبوس ياك؟

بشندى: غازى الكلب كان حابسنى وكل مااقل راسى يزقينى حاجه تنومنى وتكفينى.. بالك انتا انى عرفت ليه كنت عتكفى اكده لما ولدى حكيم كان يسافر.. عوض كان يزقينى.. بس كان يزقينى ليه.. كان يعمل ايه واد المركوب ديه هو وغازى من وراى؟ .. انى عقلى هيشت.

خيرى: هى حاجه تحير صوح.. حتى انى كنت تانى يوم اقوم مدروخ ومسطول وعقلى هيتفرتك من الصداع.. الظاهر عوض كان ينومنا كلنا ويكفينا كيف الجرادل يابشندى ياخوى.

بشندى ساب الوكل وبص بعيد واتحدت بتوعد: هعرف كل حاجه كانت عتتعمل من وراى.. بس فلاول اخلص على غازى... ودلوك قولى كل اللى حوصول من اول ماكنا فالوحده لحدت ماغازى طار وراكم من السرايا... احكيلى كل حاجه بالتفصيل ومتفوتش حرف.. بس فلاول اصطبر هروح بيت الراحه.

وقام وقف قلع جلابية عوض وشاله ورماهم عالارض وفك عمة حكيم وقلع العبايه والجلابيه وشمهم وحطهم على المصطبه وطبطب عليهم بحب كيف مايكون عيطبطب على حكيم ويقوله ارتاح هاخدلك بتارك قريب واريحك فنومتك.

دخل الحمام وطلع قعد قبال خيرى اللى لقاه عامل كبايتين شاى وقاعد مستنيه اتلافى كبايته واخد منيها شفطه وحط ايده على دماغه بتعب وغمض عنيه شويه ورجع فتحهم.

خيرى وهو عيتأمل حاله: شكلك تعبان قوى يابشندى!

بشندى: شندلو حالى ومخولو مخى ولاد المركوب دول.. حاسس ان مخلى عيلوق جوا راسى كيف بيضه خربانه.

خيرى: اشرب الشاى هيظبطلك دماغك انشاء الله.

بشندى: ادينى عتنيله علون معدتى محاملهوش.. كيف ماتكون اتهرت من اللى كانو يطفحهونى.

واخد نفس وبص لخيرى.

بشندى: احكى ياخيرى.

خيرى هو كمان نفخ بألم وابتدا يحكى: اقولك ايه بس يابشندى.. يوم ميتت سى حكيم كانت لجمه لقلوب الكل.. كنبله واتفجرت فالقلوب والعيون والله... بعد مالداكتور قال انه مات وانتا حوصولك اللى حوصول ونومك الداكتور بالحقنه.. فضلنا قاعدين مستنيين.. انى وناس البلد والبلاد كلها اللى وصلت الوحده بعد ماعرفو الخبر الشومكانت الوحده ترش الملح مايندلى من الناس.

غازى كان يترمى من يد ليد يتلوى ويبكى بكل حيله والناس تسكت فيه وطلمبة دموع اتفتحت من عنيه متعرفش كانت عتجيب ميه منين. شويه ولقينا افندى دخل وقالو الطبيب الشرعى.. دخل كشف وطلع بعد دقيقتين وكتب تقريره انها رصاصه من مسافه بعيده. طلع لقى مأمور المركز مستنيه وسأله عن سبب الوفاه وقاله رصاصه ففرح والمأمور هز راسه ومشى بس خد معاه راجلين تلاته من اللى كانو قاعدين يشهدو ان الرصاصه طايشه ومحدش يعرف مين اللى ضاربها.. واتقفل الحديت على اكده وعيمل محضر واتكتب سبب الوفاه رصاصه طايشه.

طلعت شهادة الوفاه والشيخ حكيم اتغسل فالوحده وبسرعه اتكفن واتحط فالكَرَب وخلاص بقى جاهز على الدفن.

غازى شاله مع الرجاله وانى كنت معاهم وطلعنا بيه من الوحده عريس ياولدى بدال مايتزف على عروسته عيتزف على جبانته. قلع اوبيض ولبس اوبيض وبين اللى خلعه واللى لبسه بداية دنيا ونهايتها. واتنهد بحسره وكمل.

وصلنا فمفترق الطريق اللى عيودى على الجبانه وعلى السرايا والناس كلها قالت لازمن يروح السرايا يتودع من اهله ويودع عروسته وتودعه لكن غازى وقف كيف اللقمه فالزور واتنكت فيها وقال له مينفعش.. امه تموت لو دخل عليها بتابوت بدال ميدخل على ضهر فرسته عريس.

بين امعارض واموافق غازى كلامه مشى وطلعو بالشيخ على الجبانه علطول. فتحنا العين وفتحنا التابوت وغازى وعوض والدفان وانى معاهم شلناه عشان ندخله فالعين وسبحان الله يابشندى كان خفيف كيف الريشه من اعماله الزينه. والله كنت شايله كنى ماشايل حاجه.. ولا تقول الشيخ حكيم اللى طول بعرض بلحم بشحم.. بس هو العمل الصالح عيخفف من بدن صاحبه.

دفناه وقفلنا العين ودعيناله وروحنا كل واحد على بيته بقلب عينزف بعد ماكان جاى فرحان لفرح الشيخ وفرحته. بس ياسيدى وغازى وقف خد عزا حكيم والصراحه عمل عزا وصوان يليق بالشيخ ودبح الدبايح وفضل ال٣ تيام واقف على رجليه وحواليه ناس شوفت وشوشهم تقطع الخميره من البيت... دا ان مكانش قطعت الخميره من البلد كلياتها.

فالتالت بعد القطعانيه غازى وقف بين الجموع ونصب حاله شيخ موطرح حكيم واتحامى برجالته، وخوف الناس ومنعهم ينطقو وقامو مشو طوالى، وبعد ماطلعو اتجمعو كلهم فدوار واحد منيهم واتفقو ان غازى صوح نصب حاله شيخ بس شيخ على حاله.. لا حد هيروحله ففصل ولا حل مشكله.. ووكلو امر المشيخه للشيخ زايد شيخ البلد اللى جارنا وبقا مسئول عن بلده وبلدنا.. الكلام ديه حكهولى واحد كان حاضر القعده.

عداشى يوم وغازى كان جايب نص نقل محمله رجاله مغفلقه ومنزلهم قبال السرايا ووقفم موطرحنا وادانا راتب شهر وزعطنا وقلنا مشوفش واحد فيكم قريب من السرايا. وبعدها عوض اتداير على فلاحين ارض الشيخ حكيم اللى بقالهم سنين فاتحين بيوتهم من وراها وزعطهم هما كمان وجاب ناس غيرهم وخلاهم يفلحو فالارض. ومن يومها وهو قاعد فالسرايا ومن السرايا للارض وعيفرفر كيف غراب البين.

وادى اللى حوصول وادى اللى جرا اللى لا ينكتب ولا ينقرا يابشندى ياخوى.

وبص لبشندى وانتبه عليه مكشر وشه وقابض على خاجات حكيم بغضب ومبعرر عنيه كيف مايكونو هيطلعو من محجرهم وعيهز راسه بتوعد وهو عيقول: معلهش كله هيتصلح دلوك وكل الامور هتعود لنصابها.. مع ان اللى راح مهيعودش.. بس لازمن الحق اللى من ريحته واحرسهملهمن بعده.

بشندى: لازم أطلع يا خيري النهاردة. قلبي قايد نار، ما أقدرش أصبر على ولد المركوب ده أكتر من كده.

خيري: تطلع فين؟ تطلع فين؟ البِد يا واكلهم ده عينكش عليك في البلد بأكملها هو ورجالته. وما تطلعش من غير ما تكون محاوط بعشر رجالة بسلاحهم على الأقل.

بشندى: مش مهم عشرة، عشرين. أنا كده وكده وهبقى.

خيري: يا بوي، وهما هيخلوك تلحق تشوف حالك كده ولا لأ؟ دول أول ما هيلمحوك من على بعد عشر قصبات هينشوك طلقة، تقومك موطرحك يا حبيبي. ودول كتير، يعني لو كل واحد بس ظبطك طلقة واحدة من بندقيته، قيس أنت عاد هتكون عامل إزاي وقتها.

بشندى وقف وضرب إيديه في بعض: والله زمن، اللي قعد فيه بشندى مدسوس في بيت زي النسوان، ما يطلعش ومكتّف خوف من طلقة بندقية!

خيري: لازم تخاف، عشان الطلقة اللي بتتدحرج عينيها دي بتنهي العمر في لحظة. واديك شفت عمل إيه في الشيخ. والعمر مش بعزقة يا بشندى. اصبر، اصبر لحد ما يطمن إنك ما عدتش قاعد في البلد كلياتها، ووقتها هيدي أمان وتقدر تلقفه لحاله.

بشندى بص لفوق بعد ما ضرب كف بكف: الصبر من عندك يا رب. صبر قلبي اللي زي دمسة نار على حبايب ولدي اللي ما أعرفش حالهم عامل إزاي، ولا الخسيس مسوّي إيه فيهم.

***

أما في وقت سابق

غازي علامات الخوف متجلية على وشه، ورعشة جسمه وإيديه. وهو بيتحدث بعصبية: قدر يهرب منك كيف يا عوض؟ كيف بشندى يهرب من وسط رجالة تسد عين الشمس؟ كيف وأنا منبه ومؤكد ودافع كد أكده فلوس لرجالة طلعت بظرميط، مقدرتش تحرس واحد عيان ملكوم، مقادرش يصلب طوله. يا واد عليكم يا واد.

وكمل وهو بيعمل بجسمه لقدام ولورا بتوتر: بشندى طلع وفلت من تحت إيدي. غفلت على راسك يا غازي. غفلت على راسك وبس. ده أنت طارت راسك يا غازي خلاص.

عوض: تخافش يا شيخ، إحنا كلنا حواليك ومش هنهملك واصل، ولا بشندى ولا غيره يقدر يهوب ناحيتك.

غازي: أنتم! أنتم يلعن أبوكم واحد واحد، كلبه ولاد كلب منسونين. وأنا اللي مسنود عليكم وفارد قلوعي، تاريكم شوية هفق اتلميت عليكم. غور من وشي، لولا الملامة كنت قمت خنقتك بإيدي وطلعت روحك. تلف البلد شبر شبر وزقاق زقاق، والزرع بين كل بوصة شامية والتانية. تبص وسطهم على بشندى الكلب، لغاية ما تجيبهولي تحت رجلي تاني. وما تعاودش من غيره يا عوض، فاااهم.

عوض: حاضر يا شيخ، هدور البلد زنقورة زنقورة أنا والرجالة وهنعثروا فيه، متخافش.

قالها واتحرك من قدامه، وأخد معاه رجالة بسلاح وطلعوا يدوروا على بشندى.

في الوقت الحالي

غازي على ضهر الفرس عنتر في الأرض، والرجالة محاوطينه وبيتلف حواليه في كل اتجاه.

عوض: يا شيخ، قلت لك فات البلد وغار خلاص. وخصوصي إنه خلاص ما عدش له حد هنا. تلاقيه حسبها وقال لك مش هضيع اليومين الفاضلين في عمري عشان آخد بتار واحد مش من بقية عيلتي.

غازي: ليه أنت عامله زيك يا ك؟ تبقى متعرفش بشندى واصل. بشندى حكيم، كان كل عيلته وناسه. ولو فيه حد في الدنيا كلها يحط حياته على كفه عشان ياخد بتاره، الحد ده بشندى. أوعك تكون عامل إن كل الرجالة اللي حواليا دول هيحموني منه لو جالي. ولا كده تاني، وحياتك. بس اللي مستغربه هو غاطس فين بقاله 20 يوم دلوقتي من يوم ما هرب ما ظهرش. ويا ترى قاعد فين، وحدا مين؟

عوض: تلاقيه طلع برا البلد خالص، وأصلا تلاقيه لسه تعبان من المخدر اللي كنا عندهوله ومقادرش يقوم لحد دلوقتي.

غازي: الراجل ده طول عمري أتغير من حبه لحكيم ومدارته ليه كيف ما يكون ولده، وفرحته بيه في كل وقت. وأي حاجة يعملها كنت أحسد عليها حكيم أكتر من أي حاجة تانية. كنت أقول، أشمعنى هو مات أبوه لقيله أب وأنا مالي؟ كنت حاسس إن حتى ربنا مفضل حكيم عليا بأنه زارع محبته في قلوب الناس كلها.

عوض: أهو غار بمحبته وبزينه وبشينه، والناس تلاقيها نسيته ونسيت محبته معاه.

غازي: عمر الناس ما هتنساها يا عوض. حكيم، أحسه لسه عايش في عيون الناس اللي بيطلعوا لي وأشوف فيها كلامهم اللي نفسهم يقولوهولي وخايفين. أشوفهم ينطقوا من غير لسان ويقولوا لي، عمرك ما هتبقى كيف الشيخ حكيم لو عملت إيه. دول حتى من ساعة ما أخدت المشيخة، محدش قالي منهم في فصل ولا في مشكلة أحلهاله، وياخدوا مشاكلهم ويروحوا بيها بلد تانية يحلوها بعيد عني.

عوض: طيب، ما دي أحسن لك. برد راسك منهم ومن مشاكلهم، وأوعى لأرضك وحالك ومالك. وجوازك من بت عمك اللي ما فاضلش عليه غير 15 يوم وعايزين نحضروا له من دلوقتي. دي جواز شيخ البلد، مش أي حد عاد.

غازي: لا، ما أعملش فرح ولا يحزنون. هعقد عليها سكاتي وسط كام نفر وبس. واد عمي لسه ميت، ميصحش برضك يا عوض الناس تاكل وشي. الفرح اللي بحق صح، هعمله يوم فرحي على بت عيشة.

وابتسم بشر.

عوض ضحك: والله أنت غريب يا شيخ. متعملش فرح لحلالك وعايز تعمل فرح للحرام. يلا، خلي الشياطين تفرح وتهيس. دول هيكونوا كلهم حاضرين الفرح ومبسوطين بيك وبعملتك آخر انبساط والله. ههههع.

غازي ضحك بزهو على كلام عوض ورد عليه: عيب عليك يا ابني، دول بييجوني كل عشية ياخدوا دروس من العبد لله.

***

أما في السرايا

غالية: يلا يا أمي، هطلعك هبابة بره الأوضة عشان تشمي هوا وتغيري جو. هطلعك في الجنينة.

تماضر هزت دماغها لغالية برفض، لكن غالية أصرت عليها إنها تطلعها من الأوضة اللي من يوم موت حكيم وهي جواها، ما طلعتش.

حطتها على الكرسي بتاعها بالراحة، وطلعت بيها من الأوضة. وبمجرد ما طلعت، ظهرت على الشاشة قدام حكيم، وقام وقف على حيله وقرب لأبعد مكان السلسلة تسمح له يوصله. ووقف قدام صورة أمه، وقلبه اتزلزل من الحزن وهو شايف حالها وانكسارها عليه، ودماغها اللي باصة للأرض، كيف ما تكون عاوزة ترفعها ولا تشوف حد قبال عينيها في الدنيا واصل.

فضلت غالية ماشية بيها وحدة وحدة لغاية ما وصلت باب السرايا، وبعدها صورتها اختفت من قدام عينيه.

عشان تظهر مرة تانية في الجهاز التاني اللي بيجيب صورة الجنينة، وغالية ماشية بيها وحدة وحدة.

حكيم رجع قعد مكانه على السرير لما مقدرش يوقف من ارتعاشة رجليه وجسمه، وهو شايف لبّة قلبه قباله بعد المدة دي كلها. وشاف حالها اللي يصعب على الكافر.

تماضر أخيراً رفعت دماغها وبصت على جمرة، وشاورت لغالية عليها.

غالية: عايزة تروحي لجمرة؟

تماضر هزت لها دماغها، وغالية دفعت الكرسي ناحية جمرة ووقفته قريب منها.

تماضر أول ما وقفت جارها، مدت لها إيدها بحب، نفسها تلمسها. وكيف ما تكون جمرة حسّت بيها. قربت دماغها عليها، وتماضر ابتسمت ورفعت إيدها مشتها على غرتها بحب وحنان، وجمرة استمتعت بلمستها ومطت جسمها باسترخاء، كيف ما كانت تعمل لما حكيم كان يمسدلها على شعرها بالظبط.

حكيم شايف كل ده ومقدرش يحوش دموعه، وهو شايف أمه قبال عينيه ومقدرش يروح لها، ياخدها في حضنها اللي كان بيهون عليه كل حاجة وحشة في الدنيا.

تماضر فضلت شوية قبال جمرة، وبصت لغالية بتعب. وغالية قامت من قعدتها ومسكت الكرسي واتحركت بيه.

لكنها وقفت مرة واحدة، لما الكرسي ما رضاش يمشي، وبصت شافت أمها مثبتة عجلاته بإيديها ونفسها عالي، وبتتلفت حواليها.

تماضر: فيه حاجة يا أمي، عايزة حاجة؟ عايزة نستنى شوية تاني في الجنينة؟

تماضر مستمرة تتلفت، ومرة واحدة ثبتت عينيها على المشتمل، وشاورت لغالية عليه.

غالية: ماله المشتمل؟ بتسألي على غازي؟ عايزة تعرفي قاعد جوا ولا لأ؟

تماضر هزت لها دماغها برفض، وشاورت لها تاني على المشتمل.

غالية: طيب، عايزة إيه طيب من المشتمل؟ مانيش فاهمة.

تماضر فضلت تزوم وتهز في دماغها وتشاور على المشتمل، وتضرب بإيديها الاتنين في عجلات الكرسي بعنف. وحالتها خلت غالية اتبشلت، ما بقتش عارفة تعمل إيه. وفهمت بعدين لما شافت أمها بتحرك في عجلات الكرسي ووجهتهم على المشتمل.

غالية بسرعة مسكت إيدين الكرسي وحركته: عايزة تروحي ناحية المشتمل؟ طب ليه؟

تماضر مردتش عليها، وغالية كملت بيها لغاية باب المشتمل اللي كان قافله غازي بقفل وواخد مفتاحه معاه.

حكيم شايف أمه وهي بتقرب عليه، وعرف إنها حست بيه وبمكانه كيف ما قلبها دايمًا بيحس بيه. وقام وقف على حيله، وهو شايفها قدام باب المشتمل على بعد خطوات منه، وبدأ يصرخ بعلو صوته: أمااااااااااه، أنا هنا يا يمااااااااا. أنا هنا يا تماضر، تبعي قلبك وتعالي لي. أمااااااااااه.

وفضل يهز في السلاسل ويضرب بيها في السرير الحديد عشان يعمل صوت، لعل أمها تسمعه. وبالذات وهو شايف تماضر رفعت إيدها حطتها على قلبها وبتتلفت شمال ويمين كيف المجنونة.

غالية: مالك يا أمي، فيكي إيه؟ حاجة بتوجعك ولا إيه؟ رجفتي قلبي.

تماضر مردتش عليها، بس شالت إيدها من على قلبها ومسكت رقبتها، وهي حاسة بخنقة وديقة نفس، وقلبها بيحدثها إن حكيم قريب منها، وإنها حاسة إنها شامة ريحة كيف ما يعقوب شم ريحة يوسف.

غالية: ياما، ردي عليا، فيكي إيه؟ طب تعالي، هندخل السرايا. شكلك تعبتي قوي، يا ريتني ما طلعتك.

واتحركت بيها، وتماضر تهز في دماغها برفض، وبدأت تبكي بصوت عالي وتشاور على المشتمل وعينها عليه، لغاية ما غالية دخلت بيها السرايا، وهي مش فاهمة جرالها إيه خلاها تعمل كده.

عيشة كانت قاعدة تحت مع زبيدة، اللي ما بقتش تهملها أصلًا. ودايمًا مع بعض عشان زبيدة بتحكيلها أخبار البلد وناسها واللي بيجري فيها، عشان ما فيش غيرها اللي بتطلع من السرايا وتعاود لها. وسايبة جماره قاعدة لحالها فوق.

جماره في الوقت ده كانت نايمة على السرير ومغمضة، بس ما نامتش. وفتحت عينيها على صوت هزة في السرير. قامت اتعدلت وقعدت على حيلها، ونفس الهزة والصوت بيتكرر. غمضت عينيها لما جه في دماغها إن أكيد ده غازي رجع يحفر على الطميرة تاني، بس دلوقتي بيحفر بالنهار وقبال الكل من غير خوف. ما هو اللي كان بيتدسدس منه كيف الفار راح خلاص.

نفخت بغلب ورجعت اتمددت وغمضت عينيها، وهي سامعة الصوت وبتدعي من الله إن الحفرة تقع على دماغ غازي وما يطلعش من تحتها تاني. واتنهدت وهي نفسها تضرب حالها 100 صرمة عشان ما قالتش عليها لحكيم، يمكن ساعتها كان زمانه بلغ عن غازي واتخلصوا منه. واتقلب في السرير، وهي حاسة بنغزة في قلبها وحطت إيدها عليه، وبصت على صورة حكيم بحنين، وديقت حواجبها وهي بتهمس له: ما أعرفش ليه حاسة إنك جاري. حاسة إنك قريب مني. أكيد روحك قاعدة جاري دلوقتي وحاسة بيّ يا نور العين وحبة القلب. توحشتك قوي يا حكيم، قوي.

أما حكيم، فكان شايفهم قبال عينيه، وعينادم بأسمائهم وحدة وحدة، وبيصرخ عليهم لغاية ما حسّ راح. وقعد في الأرض على حيله، وحط راسه بين إيديه، واستسلم لنحيب العجز اللي عمره ما كان متخيل إنه هيحس بيه في يوم من الأيام. وفضل يلعن في غازي عدد كل ساعة وفي كل كتاب.

***

عدت الأيام، يوم يسلم يوم، والحال هو هو. والقهر في القلوب بيزيد ما بيخسّش. وخلاص النهارده أربعين حكيم، وبدل ما يكونوا بيجهزوا لختمة الأربعين، غازي بيجهز حاله لفرحه على غالية.

أما غالية، فمن يوم ما طلعت أمها للجنينة أول مرة، وهي بتعاني معاها نوبات بكا كتيرة وديقة من غير سبب. وتفضل تشاور لها على الجنينة وعلى المشتمل، وتاخدها غالية تطلعها وتوديها قدام المشتمل المقفول، وتتقطع قبالها، وهي شايفاها بتشاور وتبكي كيف عيل صغير. محدش عارف بيبكي ليه ولا عاوز إيه.

حالة أمها من سيء لأسوأ، وحالة جماره وصلت لحال الزهد في الدنيا. الوكل والشرب والكلام قليل، والوش اتبدل. والدنيا كل ما بتمشي بتزيد سواد حواليها.

واللي لمسها خالص غازي، وهو بيقول لها: النهاردة حضري حالك عشان بكرة العقد.

كل عشية كانت تشوفه بيلف في السرايا، ويدخل كل الأوض، ويعبش في كل ركن فيها على أوراق الأرض، ما يلاقيهاش. ويجي لها يسألها مرة واتنين على مطرح العقود، وهي تقوله: ما أعرفش، ولا أعرف حكيم كان بيدس ورقة فين. وهو تركبه العفاريت الزرق، ويفضل يتنطط قبالها بغضب ويمشي بعد ما يشتمها كل الشتايم.

وادّي النهارده أربعين حكيم، والمفروض تتعمله ختمة وثواب وعزا حريم. لكن غازي قفل السرايا ومنع أي مرة تدخلها من بره. وأصلًا ما فيش غير كام واحدة بس اللي جو، وانطردوا. والباقي ما جاش لحاله، خاف من كلاب غازي اللي واقفة على باب السرايا.

غازي دخل السرايا آخر الليل، وشايل كيس كبير في إيده، ووقف قبال غالية وسألها: حضرتي حالك ولا لسه يا غالية؟

غالية كانت قاعدة جار أمها، وردت عليه وإيدها على خدها: إيه ف حالي يتحضر يا غازي!

غازي: وه! مش عروسة وتتجهزي لعريسك عاد ولا إيه؟ بتغمّشي روحك ياك، عاملة حالك ما تعرفيش، وأنتِ لبك طايح وداخله على عنس!

غالية: أنا ما أعملش حاجة واصل، وزينة على كده. عاجبك عاجبك، ما عاجبكش هملني وروح وسيبني في حالي، بلا جيزة بلا هم قاسي. أنا في إيه ولا في إيه.

غازي: على راحتك يا معفنة. عمومًا، اتلافي ده، وبكرة كيف دلوقتي تكوني متربربة ولابسة، ومستنية المأذون ييجي يعقد لنا في السرايا هنا. سامعة.

غالية بصت له وهزت دماغها بقلة حيلة، ومسكت الكيس رمته على الأرض، وحطت دماغها بين إيديها وغمضت عينيها. وغازي برطم وطلع، وهو بيتوعد لها يتم الجواز بس، ويحرق قلب حكيم عليها، وبعدها يبدأ معاها اللعب اللي على أصله، ويربيها التربية اللي تستحقها.

طلع، وغالية قامت وطلعت قعدت جار جماره، والتنين فتحوها مناحة على حكيم، اللي أربعينه النهارده، ولا قدّروا يروحوا قبره يقروا الفاتحة على روحه، ولا حتى يعرفوا هو مدفون في أنهي عين. ونوحوا على حالهم وحال السجن اللي وصلوا له، وكل واحدة فيهم كيف بقت جارية ذليلة لغازي، بعد ما كانت أميرة على قلب حكيم.

عدى الليل وعدت الساعات، وغالية واقفة بفستانها الأبيض، لكنها ما رضيتش تغير ربطة الراس السوداء، وفضلت بيها. وغازي أول ما شافها جرى عليها، شد الربطة من على راسها ولفها على رقبتها، كان هيطلع روحها.

أنا قلت إيه؟ مش قلت لك النهارده تكوني عروسة لابسة أبيض من ساسك لراسك؟ بتخالفي لييييه؟ وتطلع عفاريتي؟ حطي طرحة الفستان على نافوخك، واطلعي للصالة الضحكة من الودن للودن. ولو خشمك اتقفل، هكسر سنانك دول بضربة نبوت، فاهمة!

غالية هزت دماغها بضعف، عشان بس يبعد عنها ويسيبها تاخد نفسها ويحرر رقبتها. وهو شوية وسابها وبعد عن عينيها، وهي راحت لأمها اللي كانت بتزوم بكل صوتها وبتترجف على بتها اللي في يد غازي، بتصارع الموت ومش قادرة تطولها ولا تخلصها منه.

غالية اترمت في حضن أمها، وتماضر لمّتها على صدرها بإيديها الاتنين. وشوية ورفعت إيديها لفوق، وبصت للسما تدعي على غازي. وهو أول ما شاف حركتها دي، بسرعة رفع نبوته وضرب إيديها، خلاها تصرخ من الألم ونزلتهم. وغالية اتولت بدالها مهمة الدعاء: ربنا ياخدك يا بعيد. روح، ربنا ينتقم منك يا ظالم. كنت أحب فيك إيه أنا؟ كنت شايفه فيك إيه زين؟ ما سمعتش ليه كلامهم، واتجوزت؟ كان زماني خلصت منك، وجايب لك راجل يقفلك ويديك على نافوخك.

وعضت إيدها بندم ودموع. وغازي ضحك ومسكها من دراعها، وقومها: دي ترتيب ربنا يا بت عمي. هو مقسملي النصيب الزين. هتعترضي على تقاسيم ربنا ولا إيه؟ يلا يا عروسة، همّي، خلينا نعقد المأذون والشهود قاعدين بره مستنيين، عايزين نخلص. يلا، حطي طرحتك على راسك يا عروسة.

غالية مسكت الطرحة وربطتها على راسها كيف العصابة، وطلعت مع غازي وكتبوا الكتاب. وعيشة وزبيدة باصين عليها من المطبخ بعيون باكية على حالها، وهي بتغيب وتمسح في دمعها بسرعة قبل ما غازي يوعاها ويقندل عيشتها. وطول الوقت غازي باصص للسقف وبيضحك، وغالية مستغربة من عملاته، بس ساكتة، ما لهاش صالح بيه.

خلصوا كتب الكتاب، وغالية رجعت أوضة أمها، حضنتها وبكت على صدرها شوية. وأمها برغم كل اللي بيحصل حواليها، لكنها ما تعرفش ليه حاسة قلبها مطمن ومآمن. وإن فيه فرج جاي قريب، ما تعرفش مصدره منين، بس مخلي قلبها بارد هبابة. مسكت وش بنتها بين إيديها وحبت خدودها وراسها، ومسحت دموعها، واتكتلت على عينيها تصبرها. وغالية سلمت أمرها لله، وقبل ما تقوم تروح على الأوضة التانية كيف ما أمرها غازي، مسكت إيدين أمها اللي ضربهم غازي وأثر الضربة باين عليهم، وحبت مطرح الضربة ومسحت عليها بشفقة، وقامت طلعت، وبعتت لها عيشة وقالت لها تبات معاها الليلة، ما تفوتهاش لحالها. وينقلوا قعدتهم هي وزبيدة جارها، حتى لو أمها شاورت لهم عشان يسيبوها لحالها كيف كل مرة، ما يسيبوهاش. واتحركت من قدامها، ومشت بروح مهزومة، كأنها بتوصي وصية موت.

رجع غازي بعد شوية، ودخل الأوضة وشاف غالية قاعدة على السرير وحاطة راسها بين رجليها وبتعيط بصوت عالي. ابتسم على حالها، وخلع عمته وعبايته وجلابيته، وقرب منها وقعد جارها ومد يده على إيدها، لكنها جفلت وبعدتها عن عينيه.

غازي خد نفس واتحدث: غالية، غالية بصي يا بت الناس، أنا أحب العنف والضرب والغصب والأذية في كل حاجة، إلا الحتة دي. ما أحبش أستخدم العنف فيها، مع إنّي أقدر. بتسأليني ليه؟ هقول سبحان الله، حط فيا قسوة الدنيا كلها، بس في الحتة دي لأ. فما تضطرنيش أنتِ وتعلميني إن قسوتي وغصبي يمتد لها، عشان ما حدش هيتعب غيرك. قومي غيري، وتعالي لبي أوامري من سكات، وطيعيني عشان تكسبِ حياتك وحياة أمك الغلبانة اللي مرمية بره دي.

غالية قامت بضعف وخوف من تهديده، ونفذت كلامه. وغازي طبع عليها صك ملكيته، وتأكدت بعدها إنه خلاص سلسلها بقيد يجبرها إنها تعيش في طغيانه لآخر عمرها.

وعدت الأيام، وغازي اتنقل يبات في السرايا من يوم جوازه بغالية. بس لازم يقوم من جارها كل يوم بالليل ويطلع. وهي تتلكلك وتنام وتتمنى إنه ما يعاودش. وفي النهار يفضل اليوم كله بره السرايا، وهي تقعد مع أمها وعيشة. وشوية تطلع لجماره تقعد جارها هبابة. وما بين هنا وهناك تصبر حالها وتضيع وقتها، لغاية ما ييجي غازي بالليل، تدخل غرفتها وتنجبر تنام جاره، وغصب عنيها لازم تتصرف كأنها راضية ومرتاحة معاه، وإلا عشيتها تبقى مشندلة لو دخل ولقاها مبوزة في وشه.

***

خيري بكل حيلة ماسك بشندى ومتلتل فيه، وواقف بينه وبين الباب: والله ما أسيبك تطلع وتروح للموت برجلك. أنت اتهوست يا بشندى ياك!

بشندى بكل عزيمة بيزيح في خيري: بعد عني يا خيري، هقعد لحد ميتي مدسوس في البيت وخايف كيف الحريم، وسايب كتّال ولدي يسرح ويمرح على وش الدنيا! فوتني، هروح له، ويا قاتل يا مقتول، بس المهم ما أعدش بناري القايدة جوايا أكتر من كده. هملني يا خيري، هملللل.

قالها وزاح خيري بكل قوته، رزعه في الحيطة، وطلع بعد ما حط إيده على صدره، اطمن إن الطبنجه قاعدة. ولف الشال على وشه واتلثم، وطلع على طول، في طريقه اللي مش خابر هيعاود منه حي ولا متشال على الكتاف والروح مفارقة الجسد. بس برضه ما همّهوش.

وصل قريب من أرض حكيم، ودخل في غيط قصب، وفضل قانص ومستني في ميعاد روحة غازي للأرض كل يوم، اللي كان مخبره بيها خيري. فضل مستني شوية كثار، لغاية ما وعى غازي وناره شعللت في الحال من شوفة خلقته، وخصوصي وهو شايفه راكب عنتر وجاي بيه وسط رجّالته اللي محاوطينه. وأول ما وصل الأرض، نزل من فوق عنتر ولفّ لجامه لواحد من الرجالة، ووقف يتحدث مع الرجالة اللي محاوطينه، ومانعين بشندى إنه ياخد عدله في النشان عليه. فضل بشندى قانص ومستني، لغاية ما جات له الفرصة، وغازي اتقدم الرجالة عشان يركب عنتر، وضرب بشندى الرصاصة اللي قلبت الموازين.

انطلقت من طبنجة بشندى الطلقة، متجهة على قلب غازى بالظبط، لكن اللى حصل غير موازين حسابات بشندى. لما غازى وطى يمسك لجام عنتر، كانت الثانية دى هي الفيصل اللي خلى الرصاصة تتخطاه وتنبت في صدر واحد من رجّالته. خلّته وقع مكانه.

غازى اترمى على الأرض في ثانية، وابتدا صراخ على عوض والرجالة: "بشششندى! ديه بشندى! هاتووووه! لو فلت من اديكم هكتلكم كلكم النهارده وملكمش عندى ديه".

أما بشندى، ففضل مستنى غازى يقوم عشان يكرر الطلقة. ولما لقى مفيش فايدة، اتحرك للهرب. وهو واعي الرجالة قربت عليه، لكن الحظ محالفهوش لما طلقة اخترقت رجله، وقعته مطرحه من طلقات بنادق رجالة غازى اللي ابتدوا يضربوا ضرب عشوائي على غيط القصب.

فضل نايم وكاتم المه، وسامع خشوشة القصب حواليه، ويدعي من ربنا إن عينهم تغفل عنيه. لكن المكتوب ممنوش هروب. وغمض عينيه وهو شايف بوز بندقية عيشق عيدان القصب ويتلزق في دماغه.

بشندى: "اضرب ياواد المركوب، مستنطر إيه؟"

"له، الشيخ عاوزك حي، ماعوزش يموتك دلوكيت."

وطى خد الطبنجه من يد بشندى، وهو لسه مثبت فتحة البندقية في دماغه. وبعدها شال البندقية وضرب طلقة نصر في الهوا وزعق بعلو صوته: "لقيته يارجاله! تعالوا اهنه."

وشوية والكل اتجمع حواليه، وشالوه وراحوا بيه على غازى، اللي أول ما شافه في إيدين رجّالته، في اللحظة دي بس اللي قلبه خفّت رجفته، وريقه الناشف من الخوف طِري واتبلع.

ولما وصل حداه، ضحك بتشفّي: "والله ورجع الطير ليد صياده تاني. ليك وحشة يابشندى والله. كنت وين ياراجل؟ دانى برمت عليك البلد والبلاد اللي جارها. أصلي عحبك ياراجل ومعحملش بُعادك عن عيني واصل."

بشندى وهو كاتم المه: "له، وإنتا الصادق، دانتا كنت عتدور عليا خوف مش محبة. عشان خابر زين إن طول ما أنا حر وبعيد عنك، موتك محتوم."

غازي بضحكة: "صوح. مش هجادلك ولا أكدبك. كنت خايف منك. وكرامة لكل الخوف اللي حسيت بيه ديه بسببك، إني هخلصه من عنيك وهطلعه على جتتك. خدوه يارجاله على المندرة. وتاوو ديه بعيد. أو ارموه فالرياح، هو أكده أكده محدش يعرفه ولا هيدور عليه."

وبالفعل، الرجالة اتقسموا نصين. نصهم ربطو بشندى واتصرفوا وجابوا شوال خيش كبير، حطوه فيه وربطوه ورفعوه على عنتر، وواحد من الرجالة جره. وغازى ماشى وراهم بفرحة كنه راجع هو ورجّالته بغنايم حرب. والنص التاني حطوا الراجل الميت في شوال زيه، وحطوه على حمار وحملوا فوق منه جراو عشان يداروه، وراحوا بيه للرياح (منفذ للماء للبلد كلها يغذي مصرف أو أكثر بالماء) ورموه ورجعوا، ولا مين شاف ولا مين درى.

وصلوا المندرة، وواحد من الرجالة اتطوع يطلع لبشندى الرصاصة. وسخن مطوة على النار وشق رجله بالطول، ومد إيده في الجرح طلع الرصاصة. وكل ديه من غير تخدير ولا حاجة تخفف الألم. وبشندى روحه طلعت وردتله كذا مرة من الألم. ومع كل حركة كان يشهق شهقة تشق صدره شق. خلص الراجل وخيطله رجله بإبرة خياطة بعد ماكبّلو عليها سبيرتو، وجاب خيط شوال نايلون وابتدا يخيطله غرز حلزونية. ودي طريقة المطاريد في الخياطة عشان تالت يوم يقصوا الخيط ويشدوه من الجرح ويطلع من غير ما يتقطع.

خلص وطلع. وفات بشندى منتهى الوجع. ودخل بعد منه غازى وعوض.

غازي: "هاه، كيفك دلوك؟ يارب متكون بخير."

بشندى بصّ له بعيون حمرة ومردش عليه. وغازى كمل حديثه: "هسألك سؤال واحد يابشندى. ولو جاوبتني عليه، هرحمك من العذاب ديه كله. وأموتك موتة مريحة متحسش بيها. وين عقود الأرض والمعامل؟" ورفع صباعه بتحذير: "واوعك تكدب علي وتقول معارفش، عشان إنتا عتعرف القرد داسس ولده فين، وحاجة تخص حكيم، لاممكن ماتعرفهاش. اتحدت بالزوق بدل ما أخليك تتكلم بالغصب، وإني أعملها، وإنت خابر زين."

بشندى بلع ريقه وبص لغازى واتحدت وهو بيمثل الخوف: "له، ملوش عازة الغصب. إني هقولك داسسهم وين." وشاور له بإيده يقرب. وغازى قرب منه باهتمام. وأول ما ودن ودنه قريب من خشم بشندى.

بشندى: "عاوز تعرف العقود وين يا غازي؟"

غازي هز له دماغه بسرعة.

بشندى كمل حديثه: "أقولك فين ومتزعلش." وضحك ضحكة عالية خلت غازى اتجنن. وقام على حيله وابتدا يضرب في بشندى بكل قوته. ومع كل ضربة بشندى يضحك ويقول له كلمة: "أو اضرب زين ياواد. أو اضرب ضرب رجالة يا منسون، ديه ضرب حريم. أو اضرب ياواد كيف ضرب شيخك حكيم. فاكر سيدك وتاج راسك حكيم، ولا نسيته؟"

وكل كلمة وضحكة من بشندى كان غازي يزيد. لدرجة إن غازي تعب من كتر الضرب. وبشندى برغم جروح وشه وجسمه، إلا إنه لسه محافظ على قوته قبال غازي. ونظرة الاستصغار اللي عيبص بيها لغازي مخليه غازي نفسه يقلع عينيه من مطرحهم ويدوسهم برجليّه.

غازي تعب من الضرب في بشندى. وبشندى لسه على موقفه ومراضيش يفتح خشمه بكلمة غير الإهانة لغازي والمقلتة عليه، لغاية ما غاب عن الدنيا خالص.

عوض: "بكفايك اتعبت يا شيخ. سيبني إني أخلص لك عليه. متتعبش حالك أكتر من كده."

غازي بغل وهو بيفرك ايديه اللي نملت من كتر الضرب وباصص لبشندى المغمى عليه: "له تخلص لي عليه إيه؟ إني لسه عايزة محدش غيره. واد المحروق ديه يعرف عقود الأرض وين. اعرف مطرحهم، وبعدها أديهولك إنت والرجالة تمرمشوه. ودلوك خدوه لي على السرايا. وتاوو ديه بعيد. أو ارموه فالرياح هو أكده أكده محدش يعرفه ولا هيدور عليه. ودايما على طول، ما تفكرش في حاجة، وإني هقولك على كل حاجة."

عوض: "حاضر يا شيخ. تامر أمر."

وطلع أخد راجلين ودخلوا السرايا. ومعاهم عرقين خشب، واحد طويل وواحد قصير. ودقوهم في بعض ودفنوا الطويل في الأرض. وراحوا جابوا بشندى ووقفوه عليه. ومدوا دراعاته وربطوه ربطة زينة. وكل ديه قبال عين غازي.

حكيم شايف كل حاجة من أول ما الرجالة ابتدت تعمل العروسة ومستغرب ومركز في الصورة. وصرخ بعلو صوته وهو شايفهم جايبين بشندى كر من رجليه ووقفوه على العروسة وخلعوه خلجاته. مسابوش عليه غير السروال وربطوه. وهو لاحِس ولا حركة. وباين إنهم لاعبين بحاله لعب. وزاد في قلب حكيم قهر جديد فوق قهره على بشندى، وهو واعي متربط كيف أسد مأسور. وحاله ميقلش عنيه. زعق بعلو صوته وهو عيضرب الحديد في السرير: "آآآخ يا غازي لو تقع تحت يدي آآآخ. ورب العزة لأكون ضاربك بعدد كل ضربة ضربتها لحد منهم عشرة. وكل جرح عشرة. وكل وجع بعشرة. ياااارب إنت عالم بحالي وحال قلبي. حلها من عندك يا رحيم بالقلوب."

جمارة سمعت صوت الخبط مرة تانية وقامت من على السرير متململة. وراحت على الشباك فتحته واتنهدت وهي عتبص منيه عالجنينة. وبرقت عينيها ومسكت في الشبك بإيديها الاتنين وهي عتطلع دماغها منه عشان تتأكد من اللي شايفاه. شهقت بعد ما اتأكدت من اللي عينيها شافته وصرخت بعلو صوتها: "عممممم بشنددددى!" ونزلت السلم جرى وبوشها عالجنينة. وحتى أمها عيشة لما شافتها جريت وراها. وغالية زيهم. وزبيدة اكتفت إنها تقف على باب السرايا تبص عاللي بيحصل من بعيد.

جمارة وقفت قصاد بشندى تنهج. وفي الوقت ده كانت الرجالة طلعت ومفregelen غير غازي واقف جاره.

جمارة بصراخ: "عم بشندى! عميلت فيه إيه يا ظالم يا مفترى؟ ليه كل الضلال بتاعك ديه؟" وقربت عليه ومدت يدها على حبله. لكن ضربة من شومة غازي خلتها ترجع يدها بصرخة. وعيشة جريت خدتها في حضنها: "اسم الله عليكي يا بتي. كسر يدك يا غازي اللي طايحة في الكل داي يبتليها بشلل. قول آمين."

غازي: "طب خدي عشان تدعي زين." ورفع شومته ونزل بيها على زندها بكل قوته. خلاها صرخت من قُفُف راسها. وجمارة جرتها وبعدت بيها وهي عتفركلها في مطرح الضربة. والتنين كل وحدة دموعها مغرقة وشها من الوجع.

غالية: "حررررام! ديه حررررا! بكفياك عاد يا غازي! بكفياك!"

غازي: "كلمة تانية وهنزل بالشومة على راسك إنتي كمان وأخليكي تفرفطي في الأرض فرفيط. ودلوك تغورو كلكم من قبال عيني أحسن. ويمين الله ما تلوموا غير حالكم."

قالها ولما شافهم لسه واقفين، اتوجه على مطرح جمرة واتلافى الكرباج المتعلق على الحيطة ورجع بيه وهو ماسكه بتوعد وعينيه عليهم هما التلاتة والشرار عيطفر منهم. "إني قووولت إييييه؟ شوية حريم مهعرفشي أمشي كلمتي عليهم ياك؟"

وابتدى يضرب بالكرباج في التلاتة بعشوائية خلاهم يجرو قدامه، وهو وصلهم ضرب لغاية باب السرايا ودخلوا وهم عيصرخوا من الألم. وزبيدة أول ما شافتهم وشافته طارت ادست جوا المطبخ بخوف. وهو رجع لبشندى وفضل يضرب فيه بغل حتى وهو شايفه جثة لا بتتحرك ولا تقاوم، لغاية ما خلى جسمه خرايط.

بعدها راح على السرايا ونبه عليهم إن أي واحدة هتوصل بشندى ولا تلاقيه بوق ميه ولا لقمة، موتها هيكون على يده من غير تفكير. وراح المطبخ ووقف قبال زبيدة اللي أول ما شافته رجفت من الخوف. ووجه لها الكلام وهو رافع الشومة وموجهها ناحيتها: "وإنتي. كلمة تطلع عن بشندى لحد. طلقتين بشلن، وحدة تبيت في راس جوزك، ووحدة في راس ولدك البكري. وإنتي لسانك يتقطع مع أديك ورجليكي، وأفوتك تزحفي زحف على الأرض لا طايلة موت ولا حياة. سامععععه؟"

زبيدة هزت له دماغها بخوف وطاعة. وهو نزل شومته خبطها في الأرض بقوة خلت زبيدة فطت من الخوف. وطلع من المطبخ وبص لهم كلهم بتوعد. وبعدها سابهم وطلع من السرايا. كل واحدة تبص للتانية وجواها صرخة مكتومة.

تماضر في أوضتها سامعة كل الزعيق والصراخ وعمالة تزوم وترمي في الحاجات حواليها عشان حد يسمعها ويدخل عليها يطمنها، لكن من غير فايدة. وفضلت على الحال ده لغاية ما غالية دخلتلها. وهي أول ما شافت غالية مدتلها أيديها وبكت بصوت عالي من الخوف اللي كانت حاسة بيه. أحسن غازي يكون عايميل فيها حاجة، لكنها اطمنت بشوفتها. دخلت غالية وخدتها في حضنها وطمنتها: "متخافيش مفيش حاجة. هدي حالك. بس هدي."

تماضر شاورتلها على بره في الجنينة بمعنى إيه اللي كان بيحصل بره. وغالية اتنهدت وجاوبتها: "جابوا بشندى مربط ومشندل حاله، ونزل فيه ضرب وفينا لما رحنا نشوفو خبر إيه."

تماضر غمضت عينيها وهزت دماغها بقهر. وبعدها رفعت دماغها للسما تناجي ربها بعنيها وقلبها من غير صوت.

عيشة أكتر واحدة قلبها كان متقطع على بشندى وحالته. وراحت على باب السرايا ووقفت تبص له بشفقة. وكل عين تبكي حفنة دموع. وفضلت تهمس لحالها: "والله الموت أرحم من اللي هو فيه ديه. يا حزني عليك يا بشندى. عامل كيف صقر مسكوه وربطوا رجليه وقصقصوا جناحاته وسابوه يموت بحسرته."

خلصت كلامها ودخلت جوه وقعدت جار جمارة وزبيدة. وشوية وجمارة فاتتهم وطلعت أوضتها وفضلت رايحة جاية فيها وحاسة بقلة الحيلة على بشندى والنار تاكل فيها. وكل كل ما تبص من الشباك وتشوف حاله.

عدى باقي اليوم على الكل. وبشندى ابتدا يفوق بالليل ويأن من ألم رجله وألم جسمه والضرب اللي خده من غازي. رفع وشه المورم وعينيه المقفولة من الورم ويادوب قادر يشوف منها. واتلفت لقى حاله في السرايا. السرايا اللي من ساعة موت ولده حكيم مدخلهاش ولا يعرف إيه عيجري فيها. اتلفت حواليه بحنين لكل ركن فيها. وخد نفس طويل ودموعه نزلت واتخلطت بالدم الناشف على وشه. ودندن بصوت مدبوح وهو عيتلفت على جمارة وعلى الشجر والسرايا. وكل كلمة بعدها شهقة وغصة: "دار.. يادار.. يادار.. يادار.. قوليلى.. يا.. دار... راحوا.. فين.. حبايب الدار.. يادار قولى." واتخنق صوته بالبكا وهو عيفتكر حكيم وجلعه معاه، ورميحة وحسه اللي كان مالي الموطرح، وضحكته اللي لما يضحكها وسنه يبان تضحك معاه الدنيا في وش اللي عيتطلع له. واتفتح من عينيه بحر دموع موقفشي.

غازي في الوقت ده كان دخل السرايا وراح أوضته هو وغالية عشان ينام. وجمارة كانت واقفة في الشباك واستنته يدخل السرايا. وصبرت شوية وراحت على باب الأوضة. وقفها صوت أمها: "رايحة وين يا جمارة؟ اوعي يا بتي تنزلي أحسن يموتك ديه. ما يتفاهمش والكتل حداه أسهل من شربة ميه. أديكي ريتي بعينك كان هيفطس مرت عمه لولا ما غالية لحقها ورضيت تتجوزه!"

جمارة: "محاملشي أشوف عم بشندى في الحالة ديه يمه. ديه حبيب الغالي."

عيشة: "ومين سمعك يا بتي. ومين متحمل اللي عيجراله ديه؟ بس ادي الله وادي حكمته."

جمارة: "إني مليش صالح بالحديث ديه. إني هنزل. أقولها قبل ريقه ببوق ميه ولا لقمة. ديه تلاقيه هيموت من العطش يا ناس." وراحت على الباب فتحته بس. وقفتها يد أمها: "وقفي إنتي. إني هنزل وأروح له. إنتي مهتحمليش ضربة من غازي وإنتي حالك منتهى أكده. اركدي مطرحك وإني هزقيه بوق ميه وأعاود لك قوام."

جمارة: "بس يمه..."

عيشة: "مبسش. مش هتروحي يعني مش هتروحي. إني مهتحملش أشوف فيكي حاجة. اوعي أكده." وزقتها ونزلت تتسحب على تحت. وجمارة عاودت للشباك مرة تانية تراقب في خوف.

دخلت عيشة المطبخ وخدت ميه وكل وراحت على بشندى وهي عتتلفت حواليها وقلبها عيرجف من الخوف لحد ماوصلت عنده. بشندى أول ما حس بيها رفع راسه بضعف وشافها قباله. نزل راسه للارض تاني بكسرة.

عيشة قربت منه وهمست له: "ارفع راسك يا سيد الرجال. مش كل اللي تتربط أديه يوبقى ضعيف. إنت لسه كيف الأسد بس أسد وقع في شباك صياد خسيس. خد اشرب وبل ريقك وارفع راسك. ارفعها للسما وقول يارب وناجيه في جوف الليل. ودعوة المظلوم مسموعة وما بينها وبين ربنا حجاب."

قربت الميه على خشم بشندى اللي شرب بلهفة كنه كان تايه في صحرا ليه أيام. شرب لحد ما ارتوى. وبعدها رفع عينه على عيشة.

"أصيلة يا أم جمارة. أصيلة."

عيشة هزت له دماغها وابتسمت له تهون عليه اللي هو فيه. ومدت له يدها بلقمة قبال خشمه. وقبل ما يفتح خشمه سمعوا صوت خلى عيشة رمت اللي فيدها وراحت ورا بشندى تدس وتحتمي فيه برغم ضعفه: "والله صدق اللي قال إن الفجر ليه ناسه. بقا يا ولية أضرب وأهدد وأجلد. وبرضه مخفتيش وجاية تتسحبي فنصاص الليالي عشان توكليه وتزقيه؟ مالكل خاف ولبد وسكت. إنتي اتنصبتي ليه وجيتيله؟ شجيعة سيما ولا بايعة عمرك؟!!! على العموم إنتي اللي جبتيه لحالك. تعاااالي."

ومد يده سحبها من ورا بشندى وجرها بعيد. وهي فضلت تصرخ وتقاوم لحد ما وصل قريب عن مطرح الكرباج واتلافاه ورماها في الأرض ونزل عليها ضرب. في الوقت ده جمارة كانت واقفة في الشباك وشافت كل حاجة. ولما لقت غازي طلع ومسك أمها نزلت طايرة ورمت نفسها عليها تحوش عينيها ضرب. غازي لكن الكرباج كان طايل الاتنين، كل وحدة ليها نايب من الضربة وعمالين يتلووا تحته منيه وصراخهم شاقق سكون الليل.

وبجانب صراخهم صوت بشندى اللي عيزعق بكل حيله ويتنفض من كتر العصبية ويحرك في أديه ورجليه نفسه يفكهم بس من غير جدوى: "بعد عنهم ياواد المركووووب. كف يدك من الحريم يا مخنث يا عرة الرجال يا عديم النخوة والشرف. آآآخ يا مين يطلقني عليك ويلايمني على زمارة رقبتك دلوكيييت."

لكن غازي كان مستمر في الضرب ولا سامع صوت بشندى ولا مأثر فيه صراخ ولا ضعاف تحت يده. أخيرا بعد عنيهم لما تعب من الضرب وقعد على نص البرميل قصادهم. وشايفهم وهم عيلموا في بعض وكل وحدة يدها وعينيها عتعاين جروح التانية.

غازي بص لجُمارة اللي عتشد في هدومها تغطي جسمها اللي اتكشف من كتر ما فرفطت برجليها وبلع ريقه واتحدت بقلة صبر: "إنتِ. عدتك هتوخلوص ميتة؟"

جمارة بصتله ومردتش عليه. وهو كرر السؤال مع ضربة كورباج: "لما أسألك تجاوبي. عدتك باقيلها كد إيه؟"

ردت عليه عيشة بسرعة وهي عتضم جمارة عليها وتحميها بأديها: "باقيلها ٢٨ يوم."

غازي: "لسه باقي كل ديه!" ومسح على وشه بغضب. "عموما هااانت. نصبروهم وامرنا لله."

جمارة بصت له ونطقت بغضب: "٢٨ يوم ٢٨ ساعة. نجوم السما أقرب لك مني يا غازي. وحط في بالك إن عمري مهخليك تحط يدك عليا مرة تانية. إني مرة الشيخ حكيم وعمري بعد منه ماهكون مرة ليك أبدا."

غازي بضحكة: "مش بمزاجك."

جمارة: "له بمزاجي. وهقف قبال المأذون وأقول معاوزاهوش ومش موافقة أتزوجه. وأبقى وريني هتعقد عليا كيف وقتها."

غازي بضحكة: "واااه. دانتي بقيتي فاقدة على أكده وعاملة حالك محدش هيقدر عليكي!!"

جمارة: "تقدري متقدرش. تجلدني تموتني اعمل فيا ما بدالك إني معدتش هخاف ولا حياتي بقت تهمني. اللي يطلع من تحت يدك اعمله."

غازي: "ومين قال إني هضربك ولا اعمل فيكي حاجة عشان ترضي تتجوزيني. له يا بت أمك مهعملشي ولا حاجة من ديه. إني كل اللي هعمله إني هخلي أمك الحلوة داي في أمانتي بره السرايا في الحفظ والصون تحت يد رجالتلي لحد ما تتجوزيني. وافقتي. كان بها. موافقتييش ومشيتي كلامك اللي قولتييه دلوك ديه أمك تاني يوم تكون مخنوقة ومرمية في الرياح ولا من شاف ولا مين درى لحد مايلقاها فلاح ساده المصرف قبال غيطه ويطلعها بعد ما يكون السمك كل نصها. أما إنتي فبلاها جواز إني ميهمنيش وهخليكي ملك يميني. كيف الجواري أكده بالظبط. وأبقى سلميلي على شيخك حكيم عاد."

قالها وقام وقف وراح على بوابة السرايا ورجع براجلين خدوا عيشة من حضن جمارة والاتنين عيصرخوا وكل وحدة ماسكة في التانية مش عايزة تسيبها، بس على مين. دا الرجالة لو كانوا الاتنين ملزوقين في بعض بغرا هيفصلوهم. خدوا عيشة ومشوا بيها. وجمارة فضلت تصرخ وتتخبط وبشندى يصرخ عليهم يرجعوها لحد ما حسه راح هو كمان.

غازي بص لجمارة وبص لبشندى وضحك وهملهم وراح على السرايا. وعلى الباب شاف غالية واقفة على باب السرايا ومربعة أيديها وبصاله بنظرة خالية من أي تعبير، وكأن اللي بيعمله بقى شيء عادي بالنسبالها، وكأنها خلاص مهتتفاجأش بيه بعد كده. هو وقف قصادها وبنبرة آمرة: "فوتي جوه." خطى خطوة. ولما غالية متحركتش صرخ فيها بصوت فززها: "قلتلك فوووتى جوه هِممممى." واتحرك وغالية اتحركت وراه ودخلوا الأوضة واتقفل بابها. وغازي حط راسه طوالي على المخدة ونام ولا كأنه ظالم حد ولا كأنه عامل أي حاجة عفشة وسايب وراه قلوب محروقة. كل واحد ليه مظلمة في رقبته رفعها لرب العالمين ومنتظرين يوم رد المظالم.

أما حكيم فخلاص روحه دابت من كتر الألم وهو واعي كل ده عيُحصل في حبايبه قبال عينيه لدرجة إنه عاهد حاله إنه مش هيبص على الشاشات اللي قباله داي نوبة تانية وهيمنع عينيه تشوف وجع أكتر. لكنه مقدرش وعينه خانت العهد لما راحت على الشاشات تتنقل مابينهم بلهفة وخوف وحسرة واشتياق كيف لأول.

وعدت الأيام يوم يبعد يوم. وجمارة معارفاشي حاجة عن أمها. وخلت زبيدة دورت عليها في البلد. وحتى جوزها دور من سكات. بس عيشة من يومها لا حس ولا خبر. كيف ما تكون الأرض اتشقت وبلعتها. وحرايق قايدة من الخوف والقلق عليها في قلب جمارة.

أما بشندى فلسه تحت رحمة غازي وتحت تعذيبه. والرحمة الوحيدة اللي طالها منه إنه قعده على حيله وهو متربط. وكل كام ساعة واحد من الرجالة يدخل يوديه بيت الراحة ويرجعه ويربطه تاني. والميه مرة واحدة في اليوم. والوكل كسرة خبز حاف أو ثمرة فاكهة وحدة. وبشندى اللي كان كيف الباب. يوم عن يوم جسمه يضمر من الجوع والعذاب لدرجة إن اللي يشوفه ميعرفهوش.

جمارة قاعدة في أوضتها بالليل على سريرها. ومرة واحدة باب الأوضة اتفتح وبصت شافت غازي واقف على الباب.

جمارة لمّت حالها زين وسألته بخوف: "جاي في نصاص الليالي عاوز إيه يا غازي؟"

غازي اتقدم منها: "عايز أقعد جارك هبابة وأتحدت معاكي يا جمارة." واتقدم منها وعينه عتاكلها. وكل ووقف جار السرير وهي انكمشت على روحها.

"مفيش قعاد ولا حديث بيناتنا يا غازي وروح اطلع بره."

غازي وهو عيقرب منها اتحدت بصوت منتهى: "جمارة اسمعيني زين. إني صوح قلبي ميت ومعحبش حد واصل. بس إنتي الوحيدة اللي ليكي حتة في قلبي. إنتي الوحيدة في الدنيا اللي شغلت فكري وبالي. وعرفت قيمتك وغلاوتك بزيادة من يوم ما بعدت عنك. إنتي مرة مفيش منك. يا جمارة اللي خرطك مات بعد ما خرطك طوالي. هاوديني واسمعي كلامي وإني هخليكي ست الستات كلها. بعد كام يوم هتخلص عدتك وهعقد عليكي. أحلفلك برحمة أبوي إنك لو طاوعتيني وخللتيني أعيش ليلة أحس فيها إنك راغبة فيا وعاوزاني ورضيتي بيا جوزك وأبو عيالك. هخليكي تمشي تعفصي على الفلوس والدهب. هخليكي ست الناس كلها. حتى على غالية هعليكي وأعلى مقامك."

ورفع يده قبالها: "ويدي داي تنقطع لو اتمدت عليكي مرة تانية. هاه قولتي إيه؟"

جمارة بصت له وردت عليه من بين سنانها: "مش كل الناس تبيع حالها بالفلوس ولا عشان الفلوس يا غازي. مش كل الناس غازي ولا كل الناس فيها طمعك. إني كنوز الدنيا متغيّرش كرهك في قلبي ولا تخلق ليك مطرح فيه حتى كد حباية سمسم."

غازي: "بلاها فلوس. اللي إنتي عايزاه. اطلبي عليا واتمنى يا جمارة وإني شبيك لبيك. بس تسمعي كلامي."

جمارة أخدت نفس وزفرته بقلة حيلة وفكرت وشافت إنها طالما أكده أكده هتتجوزه يبقا تستغل الفرصة وتحط شروطها ويا صابت يا خابت: "أمي تعاود أهنه تاني."

غازي: "يجرالك بس بعد كتب الكتاب. غيره."

جمارة: "أمي لما تعاود تقعد في المشتمل ويتفتح لها الباب الوراني تطلع وتدخل منه براحتها ومحدش يقولها رايحة وين ولا رادة من وين. وإني هكون مراتك ساعتها وغالية بقت مراتك ومفيش واحدة هتهرب منك."

غازي وقف منفوض بغضب: "له كله إلا ديه. المشتمل فيه ناس عتكحت فيه لسه على الطميرة ورجالة طابة ورجالة طالعة كيف تقعد فيه يعني؟"

جمارة: "خلاص بعد ما الرجالة تخلص تقعد فيه."

غازي بعصبية: "إيه حكاية المشتمل معاكي أمال؟!! وبعدين مانتي قاعدة في دور لحالك أهه في السرايا وأمك تقعد في الأوضة اللي تعجبها جارك إيه لزمته المشتمل وقعدته؟"

جمارة: "والله ديه شرطي عشان أتقبلك وأسمع كلامك. نفذت أنفذ. منفذتش ادينا على حالنا وأكده أكده هتتجوزني. بس مهبصش في وشك واصل."

غازي اتحدت بهدوء وهو عيمد يده على خد جمارة: "على العموم ساهلة. نتجوزو بس وتتعدل بعدين."

جمارة نشكت يده بعيد عنها وكلمته بغضب: "يدددك. إني لسه محرمة عليك. وفعدة والمفروض قعدتك داي معايا من غير محرم حرام."

غازي لم يده وضم قبضة ايده ورجعها وابتسم: "ماشي يا جمارة. إني هسمع كلامك ومهزعلكش. عشان إنتي كمان توبقي تسمعي كلامي ومتزعلنيش."

وفاتها وطلع وهو مبتسم بعد ما أدى حكيم نظرة في الكاميرا في غفلة من جمارة وهو متأكد إنه شايفه دلوك. وطلع وهو مطمن إنه خلاص جهز الضربة القاضية لحكيم اللي هتنهي على كل اللي فاضل حي منه. وهو شايفه مع مرته وففرشته وبكل رضاها واستسلامها.

جمارة قامت راحت على الشباك واتنهدت وهي باصة لبشندى اللي بقى عامل كيف العش خاوي وضعيف ولو اتطبق ميملاش قُفُة. ووشه كانت تشوفه من بعيد في النهار جروح اتراكمت فوق جروح ضيعت ملامحه وخلته واحد تاني. وبدال ما كانت هيبته وطلته تهز اتخن شنب، بقا مرمي كيف خرقة قديمة. فضلت واقفة مربعة أيديها وباصة للجنينة لغاية ما الليل قسم. وهي قاعدة على حالها. ومرة واحدة ضيقت حواجبها وفكت أيديها وبعدت عن الشباك ولفت حوالين نفسها وعملت حاجة وبعدها نزلت تتسحب.

طلعت الجنينة وراحت لبشندى بعد ما اتلفتت زين واطمنت إنه مفيش حد. قعدت قصاده ولقيته مدّرمس. مدت يدها عليه هزته بالراحة وهمستله: "عم بشندى.. عم بشندى فوق.. عم بشندى."

بشندى رفع دماغه ورد من غير تركيز: "هاه."

جمارة بلهفة وخوف: "جمارة. كيف حالك يا بتي؟"

بشندى بتوهان وبنبرة هامسة: "جمارة. كيف حالك يا بتي؟"

جمارة: "سيبك مني ومن حالي وصحصح معايا. إني ههربك من السرايا النهارده." قالتها وهي بتمد يدها تفك الحبال اللي متربط بيها.

بشندى: "تهربيني كيف وكلاب غازي محاوطة السرايا كلها!"

جمارة: "محاوطين السرايا من ٣ جهات بس. ورا السرايا مفيش حد واقف. إني طلعت على السطوح دلوك واتأكدت إنه مفيش حد ورا السرايا. إني لميت كل الملايات بتاعت السراير وربطتها وعملتها حبل طويل. هتربط حالك بيها وإني همسك طرف الملايات وأنزللك وحدة وحدة. السرايا دورين ومش عالية قوى يعني متخافش. بس المهم إنك أول ما رجلك تلمس الأرض تفك الربطة منك وتدخل القصب على طول قبل ما حد يشوفك من الرجالة."

بشندى: "غازي هيموتك يا بتي."

جمارة: "إني أكده أكده ميتة يعني ما فارقاش. أهم حاجة تدور على أمي وتخلصها من يد غازي وتبعدها عن البلد خالص. واوعى تخليها تهوب يم السرايا وتخلي غازي يلوي دراعي بيها. لو وصلتلها ابعتلي خبر مع زبيدة. ماشي؟"

بشندى هز دماغه بموافقة. وبعدها ابتدت تقومه واتحركوا بحرص وهم عيتلفتوا حواليهم. وكل ديه حكيم شايفه قبال عينيه. وواقف يبلع في ريقه بقلق ومراقب كل حاجة حواليهم وخايف غازي أو أي حد يمسكهم. وعمال يهمس: "إيوة يا جمارة جدعة. براوه عليكي يا بت قلبي. وم كل خطوة بشندى يخطيها بضعف وهو مسنود على جمارة حكيم يهمس له بتشجيع كأنه سامعه: "هُم يابشندى هبابة. يلا يابشندى شد حيلك وامشي."

دخلت جمارة ببشندى السرايا ولساتها مسنداه. وحكيم نقل عينيه للشاشة التانية يراقبهم بتوتر. وكل شوية يبلع ريقه بخوف وواقف على أعصابه لغاية ما غابوا عن عينيه وهم عيتسحبوا من غير صوت لغاية ما وصلوا الدور التاني. وجمارة دخلت خدت الملايات من الأوضة وهو شايفها. وطلعت راحت على أوضة غالية خدت كام ملاية زيادة ربطتهم فيهم زيادة اطمئنان.

طلعوا سطوح السرايا وهم مطاطيين راسهم عشان ميبانوش من الحيطان اللي في وش السرايا لغاية ماوصلوا لآخر السرايا من ورا. جمارة مسكت أول الملاية وربطتها على وسط بشندى بأحكام. وراحوا على الحيطة.

جمارة عشان تشجع بشندى وتشيل أي ذرة خوف جواه: "متخافش يا عم بشندى إني شديدة وأقدر أمسكك زين. واصلا إنت مبقاش فيك حاجة بقيت خفيف قوي. انزل ومتقلقش من حاجة."

بشندى بص لها وابتسم: "إني مخافش من الموت عشان عمري يا بتي. إني خايف أموت قبل ما آخد بتار الغالي من الكلب غازي. وتاري إني كمان وتاركم وتار كل واحد ظلمه غازي وجار عليه."

جمارة هزت له دماغها وابتسمت له. وهو خطى الحيطة ونزل بكل جسمه وفضل متعلق بأديه على الحيطة وبص لجمارة.

جمارة: "سيب أديك يا عم بشندى وانزل متخافش."

بشندى ساب يد ولسه هيسيب التانية. جمارة اتحدثت بلهفة كأنها افتكرت حاجة مهمة: "عم بشندى استنى. أول ما تمسك الأمان بلغ عن غازي. غازي عيحفر لطميرة تحت المشتمل."

بشندى باستغراب: "طميرة إيه داي؟"

جمارة: "طميرة فيها مساخيط دهب. بلغ عنه وخلي الحكومة هي اللي تيجي تخلصنا منه وتاخده."

بشندى هز دماغه بموافقة مع إنه مفاهمش حاجة بس عارف هو هيعرف كل حاجة عيعملها غازي من مين. وساب يده التانية. وجمارة اتلحت في الملاية بكل حيلها وصاده الحيطة برجليها عشان تقاوم تقل بشندى اللي كانت عملاه خفيف متعرفش إن عضم الراجل عيوزن حتى لو كان رفيع. وحدة وحدة جمارة بقت تنزل الملايات ببشندى لغاية ما وصل الأرض واتلفت حواليه. وبسرعة فك الربطة وبالباقي من حيله اتحرك ناحية غيطان القصب ودخل فيها من غير ما يهتم لحاجة ولا يخاف من الديابة اللي ممكن يتلموا عليه ياكلوه حي لو عتروا فيه ولا قدروا يشموا ريحة دمه.

جمارة ابتسمت بعد ما شافته اختفى في القصب ولمت الملايات بسرعة ونزلت بيهم على أوضتها وحطت يدها على قلبها بارتياح بعد ما قفلت الباب وراحت على السرير تفك في الملايات من بعضها وتطبقها كيف ما كانت وترجعها في الدولاب. وحكيم مراقبها وعيضحك بفرحة ويكلم جمارة كأنها سامعاه: "عجبك يا بت عيشة. عجبك يا بت قلبي."

غازى عمال يجرى فالسرايا كيف المجذوب والرجاله كلها معاه.

عتلف فالسرايا بره وجوه ومنتشرين يدورو فكل ركن وكل زاويه.

تحت السراير وفالدولابات، عالسطوح وفالحمامات.

مفاتوش موطرح متوكدوش منه مرة وتنين وتلاتة، وبعدها اتجمعو قدام غازى.

"عوض ملقيناهوش ياشيخ، فص ملح وداب."

غازى بغضب: "شاله تتفصص من بعضك يابعيد."

قالها ولف حوالين نفسه وهو عيصرخ من قعف راسه: "غاااار وين؟ طلع منين الواكل ناسه ديه؟ دا مفيش خرم ابره يطلع منه والدنيا كلها مقفلة. فك حاله كيف وحدة وهرببب كيييييف؟ كيف وانتو عتقولو مغفلتوش عن حراسة السرايا كيييف؟ زيبق واد المحروق عيتسرسب من تحت البيبان ولا ميه عيرشح من الحيطان. يانصيبتك السودة ياغازى. غفلقِت تانى على راسك ياغازى والمرة داى الغفليقة مغفلقة. لا إنى موتته وارتحت منه وامنت شره، ولا إنى قدرت اعرف منه موطرح العقود وين قبل ما يغور. خلاص ياغازى هتقعد فالسرايا كيف الحريم مهتطلعشى تانى واصل. خيبة عليك وعلى رجالتك اللى جمعتها من بطون الجبال وقلت دول اللى هيحمو ضهرك ويكونو سدك المنيع. مندبة وندبت على راسك ياغااااازى."

خلص جملته وضرب راسه بإيديه التنين، لكنه بعدهم بسرعة لما افتكر انه ممكن راح المكان الوحيد اللي مفكرش فيه.

"يكون راح لحكيم القبو، ولو ديه حوصول وبشندى وصل لحكيم توبقى غفففلقت صوح."

خد الرجالة وراح على المشتمل، ومع إن بابه لساته مقفول بالقفل، لكنه لساه شاكك إن بشندى يكون دخل من أي موطرح أو يكون نزل عليه من سطوح السرايا.

"وديه دور واحد فرق."

فتح الباب وقدم الرجالة ببندقياتهم ودخلوا فتشوا المشتمل كله ملقوش حاجة.

أخد نفس وهو شايف القفل لساته على الأوضة، ولما فتحه شاف الحفرة متغطية وكل حاجة موطرحها.

لكن زيادة تأكيد فتحها ونزل عوض يتأكد، ولما عوض اداه الأمان نزل وراه.

كل الغيظ اللي في قلبه كوم، وغيظه من الضحكة اللي شافها شاقة خشم حكيم لما نزله كوم تاني.

قرب منه ووقف قباله بعيون حمرة كيف عيون الغول، وزادها عليه حكيم لما قله: "كتالك فلت من يدك ياغازى، خلاص عد ايامك على صوابعك يا قزين." وتبعها بضحكة عالية.

غازى: "هجيبه تاني كيف ما جبته قبل أكده، والنوبادي طلوع روحه على يدي. واحب أقولك إنه حتى لو حوصول وبشندى وصلي وموتني، هموت مرتاح عشان انت كمان هتموت وراي. هتموت من الجوع، هتموت ميتة الكلاب."

حكيم بضحكة: "ياااابوي على الخوف اللي واعية فعنيك ديه. متعرفش برد قلبي كيف وشفى غليلي منك، عشان خابر إن أكتر إحساس عياكل في الروح بعد القهر والظلم هو الخوووف. حبيبي بشندى ديه، والله حبيبي."

غازى بلع ريقه عشان كلام حكيم فعلاً كان في الصميم، وبالفعل الخوف اللي حاسس بيه غازى من بشندى مخلي عقله واقف وقلبه عيرجف كيف زعف النخيل.

سابه وطلع هو وعوض، وحكيم ودعه بضحكة تشَفى صوتها فضل يرن في ودانه حتى بعد ما قفل الحفرة وطلع من المشتمل.

اتلفت حواليه عشان يرد له هبابة من القهر اللي حسسه بيه، وملقاش قباله غير جمرة.

كان هيروح عليها، لكنه وقف وقال لنفسه: "له، جمرة مش كفاية. لازمن النوبادي تكون أشد وأقوى. عايزاه يفرفط من وجع روحه."

صرف الرجالة وقال لعوض يدور على بشندى في كل موطرح، وهو تعبان النوبادي أكتر من النوبة اللي فاتت، ومهيبعدش كتير وتلاقيه لابد له في غيط من غيطان القصب ولا زرعة شامى.

عوض خد الرجالة وطلعوا، وغازى قفل بوابة السرايا من جوه بعد ما وصى اللي واقفين عليها يخلو بالهم زين ويفتحوا عنيهم.

وحتى هما يخافوا على حياتهم من بشندى.

دخل السرايا، وكانت غالية وجمارة قاعدين في أوضة جمارة فوق من ساعة ما كانت الرجالة عتدور على بشندى.

اتلفت يمين وشمال ووقف شوية، وراح على أوضة تماضر وشالها رغم اعتراضها وحطها على الكرسي وطلع بيها من الأوضة بالكرسي وجرى بيها سريع ووقف في الصالة قبال الكاميرا.

حكيم شاف أمه فيد غازى، وقف على حيله وصرخ وهو شايف غازى ابتدا يلففها بالكرسي بسرعة رهيبة وهي خايفة وماسكة في مقابض الكرسي وتهتز راسها بخوف.

وشهق بكل صوته وفضل يضرب بالحديد في السرير وينده على جمارة وغالية يخلصوا أمه من يد غازي.

وانهار انهيار تام وهو شايف غازي يعقلب الكرسي ويوقعها في الأرض.

وقف يضحك، وبعدها مسكها من دراعها وبقى يلف بيها السرايا كلها ويخبطها في كل حاجة قدامه.

حكيم من كتر الغيظ والعصبية والصراخ اللي مبطلش، إلا وهو شايف غالية وجمارة نازلين من على السلم جري وخلصوا أمه من يد غازي.

حس بحاجة دافية على وشه ورفع إيده مسحها، لقاه دم بينزف من خشمه ومناخيره ونازل على هدومه نقط وهو ما حسش.

قعد على حيله وفضل باصص لأمه وهي عتبكي في باط غالية كيف عيلة صغيرة، وعنيه دمعت عليها.

وفضل يلعن العجز اللي هو فيه واللي ممخليهوش قادر يخلص حبايبه من يد غازي.

****************

أما في وقت سابق..

خيري: "أيوه جاي، مين اللي عيخبط؟"

بشندى بضعف: "افتح هموت يا خيري."

خيري ديق حواجبه ورجع فردهم وبرق عينيه وهو بيفتح الباب: "بشندى، انت حي مموتش؟"

وقرب منه سنده على إيده لما شاف بشندى عينزل على الأرض بالراحة بيتعب، وقومه ودخله البيت وهو ماسكه من تحت باطه وقعده على أقرب دكة.

جرى جاب ميه وزقي بشندى، وبعدها حط له مخدة ونومه ورفع رجليه على الدكة وقعد قباله يتأمل فيه ويضرب كف على كف.

"عيمل فيك إيه الخسيس ديه؟ كيف بدل حالك أكده! بس تعرف الحمد لله إنك لساك عايش داني. والله إني استعوضت ربنا فيك وقولت صاده وتواه ولا من شاف ولا من درى. ومن يومها وإني أدور عليك في المصارف والخرابات، وقلبي وقف لما لقوا واحد مكتول في الرياح وقولت ديه بشندى. بس لما رحت وشوفته ولقيته مش انت، وكيلك الله. زعلت عشان كنت مرتاح إني لقيت جتك وهدفنها وأعرف لك طريق قبر. وبعدها رجعت أدور عليك. ولما قوطت كل خرم أبرة في البلد ملقيتاكش، سكت وبطلت دوير وسبتك منك لربك عاد."

بشندى بضعف: "عايز عوض يا خيري، هات لي عوض بأي طريقة يا خيييييري."

خيري: "شد حيلك بس هبابة، واقف على رجلك، ولو على عوض ساهلة أجيبهولك تحت رجلك، بس طيب فلاول واصلب طولك."

بشندى وهو بيغمض عينيه ويستسلم للتعب وصوته اتحول لهمس: "عوض يا خيييييري.. عاوز عو....."

وبعدها غمض عينيه وراح في دنيا تانية.

وخيري قام غطاه وهو عيجز على سنانه بعد ما اتأمل حالته وحالة جسمه المنتهي من الجروح.

فاته في السقيفة ودخل للأوضة، دخل في سريره ودكم مرته اللي نايمة جاره.

"هممم عايز إيه يا خيري؟"

خيري: "فوقي يا ولية، عقولك بشندى نايم بره. لما تقوم الصبح تاخدي بالك وتلبسي حاجة حشمة. واوعك حد يعرف إن بشندى حدانا. ولو واحد من العيال سألك عليه قوليلهم قريبنا من بعيد، ونبهي عليهم ميجيبوش سيرته مع حد واصل. وتدبحيله دكر بط مغفلق أول ما تفتحي عينك بكرة وتطيبيه."

"ماشي."

خيري: "ماشي إيه؟"

ردت عليه بنعاس: "هقول للعيال."

خيري: "هتقولي إيه؟"

وهي بتهرش دماغها وبتتاوب: "هقولهم متقولوش لحد إن قريب أبوكم جاي واسمه بشندى.. وجايب معاه دكر بط مغفلق.. وسيبني أنام يا خيري عاااد."

خيري غمض عينيه ونفخ بغلب: "إيه ديه اللي عتقوليه انتي؟"

"هملني أناااام يا خيري."

خيري: "طب نامي يختي نامي. نامت عليكِ حيطة. إني مش خابر انتي عاودتلي ليه من غير ما أروح أجيبك؟ مش كنتي قاعدة في بيت أبوكِ وفأمانة الله وعشيعلك مصاريفك أهناك. إيه اللي جاااابك بعد ما اتعودت عالقعدة لحالي ولقيتها زينة."

"نااااام يا خيري، عايزة أنام بكرة ورايا خبيز."

خيري حط راسه على المخدة بعد ما اداها نظرة أخيرة وحط إيده تحت دماغه وبص للسقف وهو بيفكر في الطريقة اللي هيقدر يجيب بيها عوض لبشندى.

***

يومين عدوا وبشندى على حاله نايم سخن وبيخترف باسم عوض وغازي وحكيم.

وخيري طول الوقت جاره يعمله في كمادات ويقومه يحطه جوا طشت ويفضل يكب عليه ميه ويسبحه عشان الحرارة تنزل، وبشندى يفتح عينيه بعدها هبابة ويقول لخيري: "هات لي عوض" ويرجع يغمض عينيه تاني.

أما غازي فعلى أعصابه قاعد وخايف من اللي هيعمله بشندى، وحاسس إن الضربة هتيجي له منه في أي وقت. ومنع الطلوع إلا من السرايا للمندرة تحت حراسة مشددة، ويعاود للسرايا تاني. وحتى حكيم ليه يومين منزلهوش ولا شافه، وكله خلص ولا لسه.

قام على حيله من على السفرة اللي مبقاش يقعد ياكل عليها حد معاه، وكل أكله بقى لوحده.

وغازي عيخلي زبيدة تطلعلها الأكل فوق وتغصب عليها تاكل وهي تنقش لها لقمة نقش بنفس مسدودة، وبعدها تزيح الأكل بعيد عنها ودموعها تنزل وهي حاسة بالذنب عشان اللقمة نزلت بطنها وهي معرفاش أمها عايشة كيف وغازي عيمل فيها إيه، وعتاكل ولا له.

دخل على أوضة تماضر، وكانت غالية قاعدة جارها عالسرير وبتشربها طبق شربة، ونقل عينيه بينها وبين غالية، ورفع نَبْوته على غالية ووجه لها الكلام بغضب: "انتي محبلتيش ليه لحد دلوقتي يابجرة انتي؟"

غالية حطت الطبق اللي في إيدها على الكوميدينو وضربت إيد على ضهر إيد وردت عليه بتهكم: "لو فيك خير كانت حبلت منك البجرة اللي قبلي."

غازي برق عينيه واتقدم عليها مسكها من هدومها: "قصدك إيه يابت المركوب انتي؟"

ردت عليه غالية وهي متشتتة بينه وهو بيشد فيها عليه وأمها اللي بتشد فيها منه: "قصدي انت فهمته زين يا غازي، انت معتخلفش. ربنا قطع خلوفتك عشان يقطع نسلك من الدنيا عشان اللي زيك حرام يزرِع ويفرِع."

غازي سمع منها الكلام ده، وكأنها مست بيه الوتر الحساس بتاعه، عشان هو دلوقتي كل أمنيته عيل من صلبه يجي على الدنيا عشان يورثه كل الإمبراطورية اللي بيعملها دي وكل اللي ناوي يعمله بعدين.

غازي: "هروح البندر وأجيب لك علاج يا غالية، ووالله في سماه لو عدت السنة عليكي من غير ما تكوني مخلفالي عيل، لاكون كاحت ودافنك في جنينة السرايا."

وسابها وطلع وبوشه على الدور الثاني، وفتح الباب على جمارة مرة واحدة جفلها: "اعملي حسابك انتي كمان عقدنا بعد يومين، جهزي لي حالك بعد بكرة آخر يوم في عدتك."

جمارة انتفضت لما نطقها كأنه ملك الموت وجاي يبلغها بميعاد قبض روحها.

وقفت على حيلها بعد ما مشي وفضلت رايحة جاية في الأوضة وهي بتفرك اديها في بعض مرة وتخبط على كل حاجة تقابلها كأنها بتطرق بيبان الحلول عشان تتفتح لها على حل يخلصها من مصيبتها.

غمضت عينيها وهي بتتخيل حالها مرة تانية بين إيدين غازي وملامح وشها كلها كشرت باعتراض، وفتحت عينيها على صورة حكيم وجمرة وشافت ضحكته ونبرة صوته رنت في قلبها قبل ودنها.

وفضلت تفتكر حديثه معاها وكلامه الحلو اللي كان بيقولهولها، وكيف مات متحسر على طلة في عينيها ومنع نفسه عن لمسة يدها حتى، وكل ده يت هنى بيه غازي بعده.

ووقتها حلفت أنه لا هيحصل ولا يكون.

وديه مهيتحققش إلا بحاجة من اتنين: يا إما تموت حالها، يا إما تموت غازي.

وقلبها وعقلها وكل حاجة فيها أيدت الحل التاني.

بس خوفها على أمها اللي في يد غازي ومتعرفلهاش طريق هو اللي خلاها تتردد.

لكنها في الآخر سلمت أمرها وأمر أمها بيد رب العالمين وقررت أنها تعمل كده وتريح الكل من شر غازي، حتى عشان روح حكيمها ترقد مرتاحة بعد ما تاخد له بـتـاره.

فكرت وخططت وقررت إن الليلة هيكون التنفيذ، ومبقتش محتارة غير في طريقة التنفيذ بس، ودا سابتها لوقتها واللي تشوفه أنسب.

طول الوقت حكيم متابعها على الشاشة ومديق عينيه وهو شايف حالتها واتأكد إنه بيخطط لحاجة، وخاف عليها من غازي لو عملت غلطة معاه.

وهمسلها بينه وبين نفسه: "ياترى بتفكري فايه يابت قلبي، أوعك تتغابي مع غازي وتوجعي قلبي عليكي، إني محاملش الله لا يسيئك."

***

كل يابشندى انت من ساعة ما جيت مخبوط ممخبرش، وإني ما صدقتك تفتح عينيك دلوقتي.

خد كل النسيرة ده خليك تشد حيلك وتقوم تقف على رجلك.

بشندى: "هات لي عوض يا خيري."

خيري: "يقطع عوض وسيرته اللي معتنزلش من خشمك ده واصل من ساعة ما جيت. قولتلك هجيبهولك هجيبهولك، بس انت فيك حيل ليه دلوقتي؟ خلينى جبتهولك دلوقتي هتقدر تعمل فيه إيه!"

بشندى: "شوف لي حل يا خيري يزيح العيا عني، إني لازمن ألحق حريم الغالي وأخلصهم من تحت يد غازي ده، زاقيهم المر وساعيلهم كورباج.. عيضرب مرت ولدي وأخته بالكورباج يا خيري. وحتى عيش..."

وانتبه كأنه كان ناسيها واتعدل زين في قعدته.

"عيشة يا خيري.. عيشة نسيتها خالص."

خيري: "عيشة مين!"

بشندى: "عيشة أم جمارة. غازي خاطفها ليه مدة ومأويها محدش يعرف لها طريق. لو مهتجيبليش عوض دلوقتي يبقى دور لي على عيشة يا خيري."

وضرب جبينه بيده. "كيف راحت عن بالي. كيف نسيتها، وهي خدت كتلة موت بسببي وحتى حبستها من تحت راسي كيف!"

خيري: "هون على روحك هبابة، انت كنت وين وكان فيك عقل تتفكر حد منين؟ وانت من ساعة ما جيت مكفي كنه جسمك كان متحمل فوق طاقته، وأول ما بعد عن العذاب رفع رايته وسلم للوجع. على العموم متحطش في بالك إني هنكش البلد على عيشة وأدور عليها في كل موطرح ممكن غازي يدسها فيه. خد كل يلا، وجعت قلبي معاك بكفاياك."

ومدله حتتة لحمة حطهاله في خشمه بالعافية.

بشندى وهو بيمضغ بصعوبة همس لنفسه: "معلش عوقت عليهم وعليك يا ولدي، سامحني غصب عني."

***

غالية قاعدة جار تماضر وعتقاوح قبالها: "له يمه مهطلعكش في الجنينة النهارده، عتتعبى وتقعدي تبكي ومعبقاش خابرة من إيه ولا عبقي خابرة أعملك إيه عشان تسكتي."

تماضر برضو فضلت تزوم وتشاورلها على بره، وغالية استسلمت قدام إصرارها وطلعتها.

وكالعادة خلتها وودتها قدام باب المشتمل ووقفتها.

وتماضر غمضت عينيها وفضلت دموعها تنزل لحالها وقلبها شكشك كيف ما كان بيعمل على حكيم لما تكون قلقانة عليه وهو بعيد عنها.

دخل غازي من بوابة السرايا وشاف تماضر أكده، جرى عليها ووقف قبالها هي وغالية: "عتعملو إيه أهنه انتووو!"

غالية مردتش عليه، لكن تماضر فضلت تزوم وتشاور له بيدها على المشتمل وعنيها اتقلبت حومر كأنها بتقول له إني خابرة إن ولدي أهنه وخابرة اللي عامله في حاله.

غازي قعد قبالها وجز على سنانه، وبحركة سريعة مسك فكها بإيده وضغط عليه.

"جايه أهنه تبكي وتتشهوني على إيه هاه؟ مالك وإيه فيكي يا عجوزة الشوم والندامة؟ عتوقي لييييه؟"

غالية في الوقت ده كانت ماسكة إيده اللي ماسك بيها أمها وعتشدها بكل قوتها، لكنها مقادرة تخلع وش أمها من يده.

وصرخت فيه بكل صوتها عشان يسيبها، وهو بالفعل سابها بس عشان يمسك غالية من شعرها وينزلها تحت رجلين أمها ويحط وشها في التراب ويرفع رجله يحطها على دماغها وهو بيهمس بفحيح يشبه فحيح الأفاعي: "أوعك أرقبك فيوم مطلعة أمك من باب السرايا وجايه بيها للجنينة أهنه.. انتي فاهمه؟ والله يا غالية وقتها متلومي غير حالك من اللي هيجرى فيها."

غالية سكتت متكلمتش، وفضلت تحاول تشيل رجله من عليها بدون جدوى.

بس تماضر كانت بتزوم وتمسك في طرف توبه وتقربه على خشمه تحبه وتحب على يده عشان يرفع رجله من على دماغ بتها.

وهو بعد مسافة رفع رجله وفاتهم ومشى ناحية السرايا بعد ما صرخ فيهم: "هاتي أمك وخشى بيها جوا واتنيلو اقعدو على حيلكم جاكم الهم معشان ناقصكم إني."

وكل ده كان بيحصول قدام عينين حكيم اللي بطل يصرخ على أمه عشان اتأكد إنها معتسمعش حسه، برغم إنها شايفاه بقلبها، بس ديه مش كفاية عشان يفك أسره.

سكت وحط راسه بين إيديه وهو واعي غالية واخده أمها ورايحة بيها على السرايا، وأمه عينها على المشتمل معاوزاش تهمله كيف كل مرة.

ونفخ بيأس بدأ يتسلل لقلبه، واستغفر ربه بعدها لما حس إنه بدأ يقنط من رحمة الله وجدد إيمانه ودعا بصوت عالي: "ربي إني مسني الضر وأنت أرحم الراحمين."

بالليل وسط السكون اللي معيعكرهوش غير صوت الضفاضع، واقفة جمارة جنب الشباك مترقباه.

وكيف ما ضريان يعمل طلع من السرايا وراح ناحية المشتمل، وهي بسرعة نزلت جرى وراه أول ما شافته.

خدت نبوته اللي دايما بيسنده ورا باب السرايا وهو داخل وياخده وهو طالع، واتسحبت ودخلت المشتمل بعد ما بصت حواليها شمال ويمين.

اتدارت ورا باب الأوضة اللي كان فاتحها ولساته بيفتح القفل من على حلقات غطا الحفرة، وشال الغطا بتاع الحفرة وابتدا ينزل السلالم وحدة وحدة.

جمارة اتسحبت وبقت فوق الحفرة، وخلاص اهتدت للطريقة اللي هتقدر تموت بيها غازي بدون مجهود.

وهي إنها تقفل عليه غطا الحفرة.

وسابت النبوة من يدها وراحت على الغطا ومسكته عشان تزيحه، لكنها وقفت لما سمعت صوت غازي بيتحدت مع حد.

استنت تسمع الحديث ووقفت مرة واحدة وحست إنها هتقع من طولها جوا الحفرة وهي سامعة نبرة صوت لا يمكن تنساها ولا ودنها ولا قلبها يقدروا يخطئوها أبداً.

رجعت قعدت تاني وجسمها عيرجف وكل حاجة فيها عتتهز كيف ورقة شجر في مهب ريح.

وقربت دماغها من الحفرة عشان تتأكد زين من اللي سمعته.

ورجعت دقات قلبها ترقص مرة تانية على نغمة الصوت اللي اتعاد على مسامعها.

صح الكلام مقدرتش تميزه، بس الصوت قلبها وروحها بصموا بالعشرة إنه صوته.

بينما هي قاعدة في موطرحها بين الحلم والحقيقة، حست بصوت خطوات غازي بتطلع السلم.

لملمت شتات نفسها وقامت بسرعة وطلعت من الأوضة ومن المشتمل، ودارت في موطرح غازي ميقدرش يشوفها فيه.

واستنت لما طلع وقفل باب المشتمل وراح للسرايا.

وفضلت شوية وبعدها طلعت تتلفت حواليها وهي بتقرب على باب المشتمل.

مسكت القفل وحاولت تشده، متمنية برجاء إنه يتفتح في يدها، لكن رجائها خاب.

بعدت وراحت وقفت تحت الشباك شوية تفكر، وبعدها راحت جابت نص البرميل ووقفت عليه عشان تشوف لها حل.

لكن حديد الشباك منعها.

نزلت بخيبة أمل ورجعت البرميل لموطرحه ورجعت تتسحب على السرايا.

وفضلت شوية في الصالة رايحة جاية لغاية ما حست إنها استنت المدة الكافية، وبعدها راحت قدام أوضة غازي واستجمعت كل شجاعتها ومسكت مقبض الباب ودارته بالراحة وفتحت الباب وهي مغمضة ومنتظرة حد من غازي أو غالية يقول لها فيه إيه أو جايه عايزة إيه في الوقت ده.

لكن ده محوصولش.

فتحت عينيها وشافت غازي نايم وغالية هي كمان نايمة.

ودخلت تتسحب وبصت على المفاتيح على الكوميدينو جار غازي ملقتهوش.

بصت يمين وشمال وبرضك ملقتش المفاتيح.

راحت بالراحة على جلابية غازي المتعلقة في الشماعة ومسكت جيبها من بره وابتسمت وهي ماسكة المفاتيح في يدها.

مدت يدها من صدر الجلابية وطلعت المفاتيح بالراحة، وابتسامتها زادت وهي واعية هم قبال عينيها.

لكن الابتسامة زالت بسرعة وهي واعية غالية بتتقلب ورمت يدها بدون قصد على غازي خلته يتحرك هو كمان.

وجمارة ملقتش قدامها غير إنها تتخبى ورا الجلابية وتغمض وتتمنى من ربنا يقف معاها.

فضلت شوية ثابتة وماسكة الجلابية مدارية نفسها وابتدت تبعدها عن وشها وهي حاسة بالهدوء وانتظام أنفاس غالية وغازي.

طلعت بالراحة من ورا الجلابية واتسحبت لبره وحست بالأمان وهي واقفة بره باب الأوضة وجرت حتى الباب مقفلتهوش من خوفة حد يصحى على قفلته واللي ممسكهاش وهي داخلة يعكشها بعد ما طلعت.

خدت السرايا جرى في كام خطوة والجنينة كذلك، ووقفت قبال المشتمل تنهج.

مسكت المفاتيح وابتدت تجرب واحد واحد لحد ما مفتاح فتح القفل.

شالته وفتحت الباب ودخلت.

كل ده حكيم شايفه وواقف على حيله عيتمنى إن اللي شاكك فيه يكون حقيقة وتكون جمارة جياله.

لكنه رجع فكر إنها ممكن تكون ناوية تطلع من باب المشتمل الوراني وتهرب من غازي، ودي لو حوصول برضك فرحته مش هتقل عن فرحة إنها تعرف موطرحه.

أما جمارة فبعد ما دخلت المشتمل راحت على الأوضة ونفس الأمر فضلت تجرب في المفاتيح لحد ما القفل اتفتح.

دخلت الأوضة وحكيم جه يصرخ باسمها، صوته هرب من الفرحة وهو سامع الغطا بيتزاح وحدة وحدة.

أما جمارة فابتدت تزيح الغطا بكل حيلها وقوتها ووشها بقى أحمر من شدة المجهود اللي بتعمله.

ومع بداية بعد الغطا عن الحفرة المسافة الكافية إنها تقدر تشوف السلالم، ضحكت وهي حاسة كيف ما تكون اتفتحت قدامها طاقة للجنة لو اتأكدت إن اللي سمعته صح.

ابتدت تنزل سلمة سلمة وقلبها حاسة إنه هيطلع من بين ضلوعها من كتر ما بتنطط خوف ولهفة وقلق وتمني.

وأخيراً وقفت موطرحها وهي شايفة رحمة ربنا بيها متجسدة في هيئته.

اللي برغم إنها متغير والشعر كاسي ملامحه ونازل على وشه ودقنه طولان، إلا إنها عرفته طوالى من أول بصة ليه.

ثواني كانت كفيلة إن التنين قلوبهم تطلع من موطرحها وتسبق جسمهم وتتحاضن.

ومن بعدها طلعت صرخة من جمارة وهي بتجرى بكل سرعتها وتدخل في حضن حكيم اللي ضمها بإيديه المتكبله بالحديد كأنه ضم الجنة على صدره.

ورفع راسه للسما وغمض عينيه وهو مش مصدق حاله وخايف يفتح يكون في حلم.

أما جمارة ففضلت ضاماه وتشهق وتشم فيه، وإيديها ضاماه كأنهم مش مصدقين إن حكيم بينهم وماسكينه.

دقايق مسروقة من الزمن، كل واحد فيهم حابس أنفاسه من الفرحة وروحه مرتاحة ومأمنة كيف طير كان مهاجر وعاود لعشه.

بعدت عنه جمارة وحضنت وشه بين اديها وهمست بملامح باكية: "حكيمي، إني صاحية مش أكده؟"

ونزلت بإيديها على كتفه وعلى صدره وبسرعة مسحت دموع خلت عينيها غوشت وحجبت صورته من قبالهم.

ورجعت تمشي إيدها على كل حتة فيها من تاني، وبعدها دخلت في حضنه وضمتها عليها وحست بهزة جسمه وهو ساند راسه على كتفها.

ودي كانت إشارة ليها هي كمان بالبكا بعلو صوتها.

وبعدت عنيه مرة وحدت وخرت على الأرض ساجدة وهي بتشهق، وحكيم قعد جارها على ركبه وقومها وخدها في حضنه مرة تانية وهو بيهزها ويطبطب عليها كيف أب بيعهد بته الصغيرة عشان تبطل بكا.

جمارة وهي في حضنه همست: "حكيم حدثني، سمعني حسك يانن عيني، أطرب روحي بكلامك كيف زمان."

حكيم همسلها بصوت مخنوق: "ضاع مني كل الكلام بشوفتك قبالي يا جمرت القلب."

بعدت عنيه وانتبهت للحديد في أديه ومسكت السلاسل ومشيت بعينيها معاها لغاية ما وصلت للحيطة اللي متدقوقين فيها.

ورجعت بصت لسلاسل رجليه وجسمها انتفض وبصت له بعيون حمرة من كتر الغضب: "غازي مش أكده."

حكيم: "ومين غيره!"

جمارة: "خسيس طول عمره، بس عمري ما كان يجي في بالي إن خسّته توصله لكده واصل. هم يلا بينا من أهنه قبل ما يصحى ويعرف إني خدت المفاتيح وجاي."

وبسرعة مسكت المفاتيح وابتدت تجربها على أول قفل، لكن وقفتها يد حكيم.

"جمارة اسمعيني.. إني لو طلعت دلوقتي مهعرفش أعمل ولا حاجة وغازي زارع بره السرايا كلاب، بشوف كل يوم ناس غير بتوع اليوم اللي قبله داخله وطالعة يعني معاه جيش جرار. حتى لو طلعت من الحبس ديه هفضل محبوس في السرايا كيف ماني."

جمارة بلهفة: "له ههربك من السرايا كيف ما هربت بشندى وتعاوَد برجالك."

حكيم: "مهينفعشي عشان لو غازي شم خبر إني طلعت مهيقعدش في السرايا دقيقة وهيهرب لأي موطرح ويحاول قتلي مرة تانية وتالتة وعاشرة. إني عاوز أقاوته وأحبسه أهنه في السرايا وأتلايم عليه في يدي. اسمعيني زين يا جمارة. انتي أول حاجة هتاخدي المفاتيح ده وتروحي تطبعي كل واحد على صابونة غسيل لحدت ما يعلم مكانه بالمظبوط. وبعدها ترجعيهم موطرحهم لغازي. والصبح تدي الصابون لزبيدة وتقوليلها وديهم لحداد يعملك عليهم مفاتيح. وتقوليلها تروح للشيخ زايد وتقول له الشيخ حكيم حي ومأسور في سرايته من غازي اد عمه وناخيك تفك أسره. وهو هيعمل اللازم. وتقوليلها تقوله بأمارة عقود الأرض اللي فاتها أمانة حداك. الحاجة داي محدش يعرفها غيري أنا وهو وبشندى بس. هو لما هيسمع كده هيتحرك طوالى. همي يا جمارة نفذي ورجعي كل حاجة كيف ما كانت واوعي يبان عليكي حاجة ولا تحسي حد. ولا حتى أمي. فاهمه؟"

قالها وهي هزت دماغها اللي بين إيديه، وابتسم وهو ابتسم لها وقربها منه وخد شربة منها بالحلال تروي عطش السنين.

وغمض عينيه كأنه شرب من مية زمزم لحدت ما ارتوى، وبعدها التنين ضموا بعض لآخر مرة قبل ما جمارة تهمله على عينها وتطلع، وكل واحد جواه شكر لربه لو فضل سنين يشكره بلسانه مهيوفيش نعمته ولا الفرحة اللي حاسس بيها.

جمارة رجعت للسرايا وراحت على أوضة غازي تتسحب عشان ترجع المفاتيح بعد ما طبعتهم على صابون كيف ما قالها حكيم. خوفها وهي رايحة ترجعهم كان أضعاف عن وهي رايحة تجيبهم. بس اللي كان مخفف الخوف ده إن أي حاجة هتحصل من غازي تهدد حياة حكيم، هتقتله حتى لو هتموت معاه وتروح الروح لشيخ قلبها وحكيمه فدوه.

لكن الحمد لله مفيش حاجة من مخاوفها اتحققت وطلعت بأمان بعد ما عاودت المفاتيح مطرحهم بالهداوة. وطلعت على أوضتها وقفلت الباب وحطت إيدها على شفايفها وفضلت تضحك وتتنطط بفرحة. وحكيم شايفها وعمال يضحك معاها وفرحته متقلش عن فرحتها. وقلبه هيرقص مع تنطيط جمارته ودعوته ليها بالستر والسلامة مفارقتش لسانه من وقت ما سابته وطلعت.

وفضلوا الاتنين صاحيين والفرحة مطيرة النوم من عينهم لحد قرآن الفجر. وكل واحد فيهم اتوضى وسجدوا مع بعض يصلوا، كأنهم على معاد واحد لشكر ربنا. فسجدة واحدة وعلى قلب واحد خاشع، بيحمدوا ربنا حتى وصل الحمد عنان السماء.

ومع ساعات النهار الأولى، واقفة جماره فالشباك تستقبل نسمات الصبح الباردة اللي حست إنها هتنفع لقلبها وترطبه من بعد ما جف واتشقق من كتر الحزن والقهر. وبعد ما وعى غازي، نزلت للسرايا تحت بملامح مرتاحة وقلب منشرح للدنيا وابتسامة مخفية وفرحة واخده القلب وطايرة.

دخلت على أوضة تماضر وصبحت عليها ومسكت إيدها حبتها. وتماضر مسكت وش جماره بين إيديها وهزت دماغها باستفسار عن سبب الفرحة اللي شايفاها في عينيها والضحكة اللي برغم إنها مكتومة، إلا إنها مورّدة الخدود وباسطة الملامح.

جماره ابتسمتلها ومسكت إيديها الاتنين حبتهم وخدت إيدها حطتها على قلبها اللي بيخبط في صدرها من الفرحة من امبارح. وتماضر ديقت عينيها وهي حاسة بضربات قلب جماره المتسارعة.

جماره ضحكت وهي بتهمس لتماضر:

"قلبي عاودتله دقاته نوبة تانية يا لبّة القلب."

تماضر شهقت من الكلمة اللي مكانش حد يقولها غير حكيم، وحطت إيدها على خشمها وهي حاسة باللي بتلمح لها ليه جماره واللي بيأكده لها قلبها، بس مقدّرةش تصدق.

فاتها جماره وراحت على المطبخ بعد ما غالية جاتلها. وأول نوبة تعمل لحالها فطور وتقعد تاكل بنفس مفتوحة كأنها كانت محرومة من الأكل واتسمحلها بيه. بعدها قعدت في المطبخ تستنى جيّة زبيدة. على نار وحاسة إنها اتأخرت قوي النهارده، ولا هي من كتر ما مستعجلة حاسة إن الوقت مبيفوتش.

وأخيراً وقفت بفرحة وهي واعية داخلة من باب السرايا وعتخلع في برّدتها ودخلت المطبخ وعلقتها في المسمار اللي متعودة تعلقها فيه. وبصت لجماره باستغراب وهي شايفاها بتتلفت شمال ويمين كأنها عملالها عملة. ومرة واحدة جماره مسكت دراعها وشدتها بعيد عن باب المطبخ ووقفت قبالها تبلع ريقها بتوتر.

زبيدة:

"عايزة حاجة يا جماره يا بتي؟ قولي لو نفسك في حاجة أعملهالك طوالي من عيوني."

جماره:

"أيوه عايزة منك حاجة يا خالة وعايزاها من قلبك مش من عيونك. بس الأول هسألك سؤال وبعد ما تجاوبيني هقولك عايزة منك إيه."

زبيدة ديقت حواجبها باستغراب:

"اسألي يا بتي!"

جماره:

"كنتي بتحبي الشيخ حكيم يا خالة؟"

زبيدة:

"وديه سؤال برضه يا بتي! ومين ما كانش يحبه ويحب التراب اللي كان يمشي عليه. ربنا يرحمه برحمته الواسعة ويجعله مع الشهداء والصديقين."

جماره:

"طب ولو الدنيا حطتك في اختبار واتطلبت منك حاجة قصاد إن الشيخ حكيم يعاود للدنيا من تاني؟"

زبيدة:

"أي حاجة في الدنيا تتعمل أعملها. هقايض عمري قبل عمره والعمر يهون لجل يعاود للدنيا من تاني."

جماره ابتسمت:

"طب واللي يقولك إن رجعت الشيخ حكيم للدنيا في إيدك انتي ومش هتقايضيها بعمرك ولا حاجة. كل اللي هتعمليه حاجة بسيطة بس."

زبيدة بعدم فهم:

"بتقولي إيه يا جماره؟ انتي زينة يا بتي؟"

ومدت إيدها على جبين جماره تتأكد إنها مش سخنة وعيانة وبتعزي من العيا. ولمت إيدها تاني لما لقت جماره زينة والأكيدة بتضحك وحاطة إيدها على خشمها.

زبيدة اتمصمصت:

"إلا العقل إلا الدين يا رب."

قالتها وجماره غصب عنيها بطلت ضحك واتحدثت بجدية وهمس:

"زبيدة اسمعيني زين. الشيخ حكيم عايش مماتش. غازي حابسه في السرايا في قبّو تحت الأرض ومسلسله بسلاسل بقفال."

وراحت على كيس كانت كافية عليه حلة. شالت الحلة وطلعته وفتحته قبال زبيدة:

"وديه مفاتيح القفال يا زبيدة. أني حفرتهم أهنه والشيخ حكيم بيقولك تروحي لحداد ولا بتاع اقفال وتخليه يعملهملك وتعاودي بيهم ولا من شاف ولا من دري. وكمان بيقولك تروحي للشيخ زايد وتبلغيه إن الشيخ حكيم مأسور في السرايا تحت يد غازي. وإنه ناخيه يخلصه من يده. وقوليله بأمارة العقود اللي حداك."

خلصت حديثها وبصت لزبيدة اللي كانت بتسمع وفاتحة خشمها وواخدة وضع الصدمة. وهزتها من كتفها:

"فهمتيني زين يا خالة زبيدة؟"

زبيدة:

"وقفي يا جماره وحدة وحدة يا بتي. يعني انتي دلوقتي عايزة تقولي لي إن الشيخ حكيم عايش؟"

جماره هزتلها دماغها بتأكيد.

زبيدة:

"وغازي حابسه في السرايا وقافل عليه!"

جماره برضو هزت راسها بتأكيد.

زبيدة بعدم تصديق:

"احلفي! احلفي إنك مدبتيش ومخك خِوي وفات من عمايل غازي فيكي."

جماره:

"وغلاوة الشيخ حكيم. وحق لا إله إلا الله إن حكيم عايش وإني لا اتدبيت ولا مخي فوت وإني مليحة وعقلي يوزن بلد بحالها."

زبيدة بحركة لا إرادية رفعت إيدها على خشمها عشان تزغرت، بس إيد جماره وصلت لخشمها في الوقت المناسب وكتمت الزغروطة قبل ما تطلع وهمستلها وهي بتتلفت حواليها:

"له يا خالة زبيدة، أوعك! أوعك حد يحس بأي حاجة. وقتها غازي يموت حكيم بحق وحقيق ونخسره النوبة دي من صوح. كتمي على الخبر وعلى الفرحة ومتخافيش هنفرحوه بس وهو واقف بينا ومتحاميين فيه وهو يكون آمن من شر غازي."

زبيدة هزتلها دماغها بفهم وموافقة. وجماره بعدت إيدها عن خشمها وفضلت بصالها وهي بترجع تلبس برّدتها تاني. وخدت كيس الصابون دارته في البردة بطريقة متخليش حد يقدر يشوفه. وبصت لجماره واتحدثت بصوت عالي:

"معلش يا بتي متأخذونيش إني جيت النهارده أقولكم إني مقدرشي أشتغل عشان ولدي الصغير فوته محموم في البيت وجيت أقع في عرض سي غازي يسلفني قرشينات من أجرتي مقدم عشان أوديه الوحدة وأجيبله الدوا اللي هيكتبه الدكتور."

جماره بنبرة صوت مماثلة:

"ولا يهمك يا خالة زبيدة، روحي اقعدي جار ولدك والشغل مش إشكال، إحنا نعملوه بدالك النهارده."

اتحركت زبيدة على بره المطبخ. ولقت غالية جاية بأمها وقريبة عليهم. وأول ما وقفت قبالهم، وجهت الكلام لزبيدة:

"ألف لابأس على ولدك يا خالة. روحي وداريه ومتشغليش بالك بشغل ومتاجيش لحدت ما يطيب خالص."

زبيدة هزت دماغها وابتسمتلها غصب عنيها. ولما بصت لتماضر، ابتسامتها زادت بفرحة. وتماضر بصتلها باستغراب!

وجماره لما لاحظت، زغزغت زبيدة عشان تنتبه لحالها. وزبيدة فعلاً انتبهت ولمت برّدتها زين واتحركت. لكن قبل ما توصل لباب السرايا، وقفها صوت غالية:

"استني يا زبيدة."

زبيدة لفت وشافت تماضر لسه بتشاور لغالية على أوضتها. وغالية اتحركت راحت الأوضة ورجعت وهي ماسكة قرشينات في إيدها ولفّتهم لزبيدة:

"اخدي دول من أمي عشان ولدك."

زبيدة رجعت خدتهم من إيد غالية وميلت على إيد تماضر مسكتها عشان تحبها. وتماضر سحبتها منها وطبطبت على كتفها بحنان. وزبيدة همستلها:

"كله من تحت راس قلبك الحنين وروحك الطاهرة."

ومشت وهي فاتحة تماضر في حيرة أكبر من كلامها وتصرفاتها هي وجماره النهارده.

طلعت زبيدة. ولما سألوها غفر غازي رايحة ليه، قالتلهم نفس الكلام وإنها جاية تستأذن وتعاوَد. وسألت على غازي عشان تاخد منه قرشينات. الرجال قالولها إنه في المندرة. وواحد فيهم راح قله على طلبها ورجع بعد شوية يقولها الشيخ بيقولك معاهوش فلوس روحي.

وبعدها مشت زبيدة وهي بتهز دماغها على الفروق اللي لا تتعد ولا تحصى بين غازي وحكيم. اللي يوم ما كان عيل من عيالها يعيا، تبص عشيه تلاقيه فوق راسهم باللي يقدره عليه ربنا ويحط تحت مخدته اللي فيه النصيب ويفضل كل يوم يسألها عنه لحد ما يطمن إنه بقى زين ويشوفه زين بنفسه حتّى يقطع السؤال عنه.

وصلت الأول لبتاع القفول. وأدته من الفلوس اللي أدتهالها تماضر وخلته يعمل على المفاتيح وخدتهم. وخدت الصابون معاها لبيتها بعد ما نبهت عليه ميفتحش خشمُه بأنها جاتله. وزيادة تأكيد، أدته فلوس زيادة. وهو خدّهم وضحك وقالها بصوت واطي بعد ما بص حواليه:

"طب متنسيش تبقي تطلع زكاة للغلابة اللي زيي من اللي هتقلبيه."

وضحك ضحكة سمجة وهي ضحكت على ضحكته تأكد له الفكرة اللي وصلت له واللي هي أخف وأرحم من أي حاجة تانية. رجعت بيتها واستنت جوزها لما عاود من بره وحكتله الحكاية كلها. وجوزها وقف على حيله يضرب كف بكف:

"ياواد الحرام يا غازي! آه يا نسل شاهين الكلب."

ورجع قعد ومسك إيدين زبيدة بفرحة:

"يعني صوح يا بت؟ شيخنا حكيم عايش؟"

زبيدة هزت له دماغها:

"عايش وطلعتو في رقبتي أمانة ولازم أوصل للشيخ زايد وأبلغه برسالة هنهارده ضروري."

"عشيه آخدك ونتسحّب تحت ستارة الليل ونروحو عشان محدش يوعانا." وقام وقف وراح جرى على الباب.

زبيدة:

"رايح فين؟"

"هروح أجيب ولدك اللي بيلعب مع العيال ديه بره في الشوارع. وانتي قولتي عيان أحسن حد يوعاله ويكدبك ودماغه تودي وتجيب ويتكشف المدارى كله."

زبيدة هزت له دماغها بموافقة وهو طلع. ومغابش كتير ورجع بالواد ونبه عليه ميطلعش من البيت النهارده واصل. وقعد جار زبيدة يتحدّتوا عن اللي بيعمله غازي ديه، وياترى الشيخ حكيم لما يطلع هيعمل فيه إيه. وكل واحد يقترح اقتراح. وفرحة الاتنين متقلش عن بعض بأن شيخهم طلع حي.

أما في السرايا، فجماره فضلت في اليوم ديه طول النهار في المطبخ تصبّن وتطبخ بنفس مفتوحة وضحكة شاقّة الحلق. وكل هبابة ترفع إيدها تتلمس شفايفها وتغمض عينيها. وغالية كل هبابة تبص عليها وتسألها مالك. ولما جماره مداهاش إجابة نافعة، جابت كرسي وقعدت قبالها وحطت رجل على رجل وحطت إيدها على خدها.

جماره بصتلها ورفعت حاجبها:

"مالك يا غالية قنبرتي قبالي كده ليه؟"

غالية:

"قنبرت من العجب يا جماره. من الفرحة اللي واعية بتلالي في عينك ديه. وعايزة أفهم سببها. عشان شوفي وصلني لسبب واحد وعقلي مش متقبلهوش وعايزة أتأكد. جماره انتي فرحانة عشان هتعاودي على ذمة غازي؟"

جماره ردت على كلام غالية بضحكة عالية. وردت عليها وهي واعية طرف جلابية غازي بره المطبخ:

"أيوه يا غالية، فرحانة عشان هرجع لغازي. وفرحتي الكبيرة عشان أمي هتعاودلي. خلاص يا غالية الدنيا كلها بقت ماشية طوع غازي. واللي اتعلمته إن اللي مهيمشيش بطوعه ويمشي على هواه هيخسر كل حاجة في الدنيا. وإني اتكويت لما أمي بعدت عني يا غالية. ومش مستعدة أخسر أي حاجة غير اللي خسرته. كفاياني خسارة عاد."

غالية فضلت بصالها ونفسها علي. وقامت عليها مرة واحدة ومسكتها من دراعها وشدتها بعنف:

"ونسيتي حكيم بالبساطة ديه؟ نسيتي عمل إيه عشانك وفرط في إيه عشان يخلصك من يد غازي اللي فرحانة إنك هتعاوديله؟"

جماره وهي بتسحب دراعها من غالية:

"منسيتش، بس مش هوقف حياتي وأقعد الباقي من عمري ذليلة لمعروف صاحبه مات يا غالية."

قالتها وقلبها كان بيسمي عليه من الكلمة. "إني صح هقعد فاكرة جميلة وأترحّم عليه، بس الدنيا ماشية ولازم نمشوا معاها. وأديكي انتي أهه. متجوزة غازي وعايشة وبكرة تخلفي منه والأيام تنسيكي حكيم."

غالية:

"صح حقه غازي فيكي لما كان بيقول بت بياعة جبنة واطية."

جماره:

"الواطية ديه بكرة غازي يخليها أعلى منك ومن الكل وتاج راسك وراس الحريم كلها."

غالية رفعت إيدها عشان تضربها بالكف وهي بتقولها:

"تبقي تاج راس مين يا جربانة انتي!"

وقبل ما تنزل بيدها على وش جماره، كانت إيد غازي ماسكة إيدها. وكان واقف قبالها وهمسلها من بين سنانه:

"أوعك تفكري يوم ترفعي إيدك ولا تتطاولى على جمارة الشيخ غازي يا غالية. ويكون في معلومك كل اللي قالتهولك ديه هيجرالها وهتطوله. وجماره هخليها تاج على راس الكل. سواء رضيتي ولا مرضيتيش."

غالية سحبت إيدها منه وردت عليه بتهكم:

"واني أرضى ولا ما أرضاش ليه؟ ربنا يهنيكم حلة ولقيت غطاها. اتنين قلّة أصل واتلموا على بعض. صح الطير مبيوقعش غير عاللي شكله. يا حيف اللي اتعمل فيكم ورديتوه أذية ونكران. يا حيف!"

وسابتهم ومشيت. وغازي لف لجماره وهو مبتسم:

"عجبتيني يا جماره والله. توني اتأكدت إن عقلك رد في راسك وعرفتي مصلحتك زين. وخذي مني كلمة رجالة إن كل اللي وعدتك بيه وزيادة هيجرالك."

قالها ومد إيده على خدها، لكن جماره رجعت لورا واتحدثت بدلال:

"له يا غازي لم يدك. لسه العدة باقي فيها بكرة خليها تكمل وبعدها هكون ملك يدك ويحقلك تعمل ما بدالك. الصبر حلو."

غازي لم يده واخد نفس:

"حاضر يا جماره. هصبر اليوم ديه ومن بعده تعوضيلي كل كل الصبر ديه فاهمة."

جماره بضحكة دلع:

"فاهمة يا شيخ."

غازي:

"له عاد يا واش يا واش على الشيخ أكده مش هتصبريه؟ ده انتي هتلعني سلسفين الشيخ."

قالها ولم عبايته وطلع. وفثواني ضحكة جماره اتحولت لجز على السنان وعيونها لمعت بنار الكره. ويدها راحت على السكينة اللي قصادها ومسكتها وغزتها في الطربيزة بغل. وفضلت تضرب بيها الطربيزة ضربة ورا ضربة وهي بتتخيل إن كل ضربة بتدبها في قلب غازي وشايفاه بيفرفط قبال عينيها على اللي عمله في حكيمها.

انتبهت لحالها وسابت السكينة وطلعت لأوضتها تعد الدقايق والساعات لحد ما جه الليل. وقسم وردت الشباك وهي شايفة غازي رايح على المشتمل وواخد فيده علبة بلاستيك. وغاب النص ساعة اللي بيغيبها كل مرة وبعدها طلع وقفل المشتمل وراه. وقالت في نفسها إن أكيد اللي في العلبة ديه وكل وداه لحكيم. وهمست لنفسها بتهكم:

"فيه الخير قلبك الحنين والله."

***

بشندي:

"هاه يا خيري، برضه ملقتهاش؟"

خيري:

"والله يا خوي فص ملح وداب وملهاش أي أثر في البلد. يكونش قتلها وتوه واد المحروق ديه. أصله واطي ويعملها."

بشندي:

"ده توبقى وقعته مربربة ووقعتي إني كمان مربربة أكتر منه. وحط راسه بين إيديه بتفكير. ياترى عيشة ممكن يكون غازي عمل فيها إيه ووداها وين؟"

***

جماره عدت الليل على أعصابها. وميت مرة تفكر إنها تنزل تاخد المفاتيح نوبة تانية وتروح لحبيب قلبها تونسه هبابة وتشبع بطلته. لكنها تتراجع في آخر لحظة وتخاف أحسن غازي يكشفها وكل اللي عملته يضيع في شربة ميه. وبدال ما تساعده تأذيه أكتر. وفضلت رايحة جاية في الأوضة بقلق وانتظار لبكرة اللي طال انتظاره. وحكيم ميقلش قلق عنيها. وواقف على حيله يدعي ربنا بدعوة سيدنا يونس (لا إله إلا أنت سبحانك إني كنت من الظالمين). وعنده يقين إن ربنا هيخلصه من ظلمات غازي كيف ما خلص سيدنا يونس من ظلمات بطن الحوت.

***********

وأخيراً طلع النهار بعد ما القلق خد من عفية جماره وحكيم كل الحيل. وهي على وقفتها في الشباك شافت غازي طلع وعند البوابة قابل زبيدة داخلة. وبصلها بطرف عينه وطلع من غير كلمة. وهي بلعت ريقها وكملت طريقها.

في الوقت ديه كانت جماره نزلت من أوضتها تسابق الريح. وحكيم بينقل برجله بتعب وعينه عليها مستنظراً يشوف أي إشارة فرج. لحد ما راحت على السرايا ودخلت. وأول ما رجلها خطت، جماره كانت واقفة قبالها وماسكاها من دراعاتها. وسألتها بلهفة:

"بشرى يا خالة؟"

زبيدة ابتسمت واتلفتت شمال ويمين. ومدت إيدها في صدرها طلعت مفاتيح مربوطين بشريط. وأول ما عين جماره شافتهم، إيدها خطفتهم طوالي وضمتهم على قلبها بفرحة. وبلعت ريقها وهي مستنية باقي الفرحة عشان تقدر تفرحها زين.

زبيدة:

"الشيخ زايد أول ما قولته وقفت على حيله كأنه قرصته عقربة. وفضل يضرب كف بكف بغضب. وبصلنا أنا وجوزي وضرب على صدره وقال: بلغى الشيخ إن بكرة الضهرية خلاصه على يد الشيخ زايد."

جماره سمعت الكلمة وفضلت تتنطط في مطرحها بفرحة. وشافها حكيم ورفع شعره من على وشه وضحك بارتياح ورجع قعد على السرير تاني وهو متأكد إن فرج ربنا خلاص بقى قاب قوسين أو أدنى.

جماره فضلت قاعدة في الصالة وانضمت لها تماضر وغالية. اللي كانت طول الوكت بتبصلها بغضب وعايزة تهجم عليها تقطع لحمها. وهي شايفة الضحكة على وشها من الودن للودن. ولا كأنها لسه في عدّة ونست خالص إنها في حداد على جوزها الميت.

عدت الساعات وغازي رجع بعد الضهر وقعد على السفرة اللي كانت زبيدة حضرتها في معاد رجوعه وغداه اللي بقت حافظاه. وهو قعد من غير كلام ولسه بيشمّر كمام جلابيته وقال:

"يا هادي!"

وحط أول لقمة في خشمه وقلبه كان هيقف. لما سمع ضرب نار وزيطة بره السرايا. واللقمة وقفت في زوره. وقام بخوف يتلفت حواليه معرفش بيدور على إيه. وهو بيزعق بصوت عالي وخوف:

"بشندي ديه بشندي؟ جاني الواكل ناسه جاني!"

ودخل أوضته بسرعة وطلع شايل طبنجته وراح على الجنينة. ولحقته جماره ووراها غالية بأمها وزبيدة واقفة في المطبخ ترجف وتدعي ربنا. وهو وقف في الجنينة ووجه الطبنجة على بوابة السرايا ومستعد لأي حاجة. وقلبه وقع في رجليه لما شاف البوابة اتفتحت. وكل راجل من رجّالته داخل مثبتينه راجلين. واحد حاطط طبنجته في راسه والتاني موجه طبنجته على غازي.

شوية والجنينة اتملت بجيش جرار من رجالة حكيم القدام ورجالة البلد ورجالة غريبة. ورجالته مأسورين وسطهم كيف سبايا الحرب. وهو بيتعود لورا بخوف وبيتلتفت كيف المجذوب ومستني بشندي يطلع من وسطهم وطلقته تخترق جسمه وتنهي حياته.

لكن اللي فرق الرجال واتقدم كان الشيخ زايد. وهو لافف على قرّته العمة بطريقة معروفة حداهم إنه طالع في فزعة وحد ناديه. ووقف قبال غازي وهو ماسك سلاحه بس منزله للأرض.

غازي بخوف:

"إيه اللي بيحصل ديه يا شيخ زايد؟ كيف تدوس بيتي وتستباح حرمته انت ورجالتك أكده؟ مين اداك الحق ديه؟ اللي عملته ديه فيه حق عرب وتضيع فيه رقاب. ولا مخابرش الحديث ديه انت."

الشيخ زايد:

"الحديث ديه لما يكون بيتك وانت صاحبه. وقتها يحقلك تحقن. لكن صاحب البيت ديه حي يرزق. وإني جاي النهارده عشان أطلعه. فين الشيخ حكيم يا غازي؟ طلعه من مطرح ما تاويه دلوقت."

غازي بلع ريقه ورد عليه وهو بيمثل الثبات:

"شيخ حكيم إيه واطلعه كيف؟ أدّبيت انت يا شيخ زايد. الشيخ حكيم مات وشبع موت!"

الشيخ زايد صرخ بصوته كله زلزل المكان كأنه نذير حرب. ورفع سلاحه اللي كان منكسه للأرض ولآخر لحظة مش راضي يتعدى ويشيل حق عرب:

"متخليش حسابك يكون معاي يا غازي. والزم لسانك وخلي حسابك مع الشيخ حكيم وبس. عشان لو هو هتاخده بيك شفقة ولا رحمة، إني له. ودلوقت كلمة ورد غطاها، طلع الشيخ حكيم."

غازي نزل سلاحه اللي كان رافعه في وش الشيخ زايد. واتحدث بنبرة واثقة:

"إني مدبسش حد عشان أطلعه. وفرد دراعاته. والسرايا أهي قدامكم فتشوها شبر شبر. لو لقيتوا حاجة ولا حد اعملوا فيا ما بدالكم. لكن لو ملقتوش، إني عاد اللي هعمل فيكم ما بدالي. ومبقاش إني غازي واد شهين لو ماشلت عمت المشيخة من فوق راسك ودوسها برجلي على عملتك ديه."

قالها وبص للشيخ زايد بتحدي. وللحظة الشيخ زايد حس إن غازي صادق. لكن جماره محت الإحساس ديه. وهو بيتقدم من الشيخ زايد بسرعة واتحدث بلهفة:

"له الشيخ حكيم أهنه وإني عارفة مطرحه."

الشيخ زايد بصالها باستغراب. وهي بصت لغازي:

"امسكوه الأول عشان ميتحركش ويهرب."

وفوراً الشيخ زايد كان مشاور لرجّالين اتقدموا ومسكوا غازي وجردوه من سلاحه. وجماره اتحركت بسرعة على المشتمل وابتدت تفتح القفل. وغازي شافها ورجليه بادت وكان هيوقع وهو شايفها. وهمس لنفسه وقلبه كان هيوقف:

"يابت الكلب!"

الدقائق مرت. دخلت فيها جماره والشيخ زايد ورجّالين المشتمل وفتحوا الأوضة وزاحوا الغطا. وجماره نزلت أول وحدة على شيخ قلبها وابتدت تفك القفول بفرحة وإيد بترجف. والشيخ زايد نزل نص السلم. وأول ما شاف حكيم زعق بصوته كله:

"يا حيف علينا يا حيف. والأسد مأسور على يد كلب واحنا خالت علينا وقعدنا في بيوتنا نايمين ورجلينا في الشمس. يا حيف الشناب اللي مزروعة في وشنا والله."

حكيم في الوقت ديه كانت جماره حررته من قيوده. والشيخ زايد نزل لآخر السلم والتنين خدوا بعض بالبط. وحكيم همسله جار ودنه:

"متلومش حالك يا شيخ عشان عملت غازي متعملهاش إلا بالأسى ولا يتوقعه عقل بني آدمين."

وبعدوا عن بعض. والشيخ زايد طلع بعد ما بص بصة أخيرة للمطرح وضرب الحيطة بإيده واخد نفس ونفخه بنار قايدة من الغيظ كيف التنين.

حكيم بسرعة بص لجماره وضمها عليه ضمة مسروقة. ومسك إيدها وطلع معاها. وبفضلها سلمه سلمه للحياة تاني. أول ما طلع ووصل لباب المشتمل وواجه نور الشمس، غمض عينيه وحمى وشه بإيده. ووحدة وحدة حتى قدر يفتح عينيه. وكل اللي شافه من الرجال هلل ورفع سلاحه ضرب طلقة في الهوا. وغازي أول ما شافه غمض عينيه واتأكد إنه ماهي إلا دقائق معدودات وينتهي أجله.

حكيم طلع من المشتمل كام خطوة وصرخة طلعت شقت صياح الكل ووصلت لقلبه قبل ودنه وخلته يلف على مصدرها:

"ولدييييييييييييييييي!"

جرى بكل سرعته اللي هي هرولة واترمى تحت رجلها يحب فيها ويحب إيدها. وهي تصرخ وتخلص إيديها منه عشان تضمه بيهم لقلبها. وصوتها مستمر في الصراخ:

"حكييييييم! ولدي! ولدي يا رب عاودلي! والله العظيم كان قلبي حاسس وبيشاورلي على مطرحك وبيقولي ولدك أهنه. حكيم أهنه! كنت هقولهم بس محدش كان فاهمني. نزلني أسجدله. نزلني خليني أحني جبيني بالتراب شكر وحمد. نزلوني ولدي عاودلي يا ناس!"

أما غالية فواقفة وكل اللي بيجري ديه كتير على عقلها إنه يصدقه. اتقدمت على أخوها اللي وقف لها وفرد لها إيديه الاتنين. وهي اترمت وسطهم كأنهم طوق نجاة لغريق في نص البحر. وبكت بعلو صوتها وهي ماسكة خلجاته:

"حكيم يا خوي! حكيم يا حبيبي! انت حي يا نظر عيني حي! يا رحمتك بينا يا رب! يا رحمتك اللي وسعت كل شيء!"

حكيم مسد على ضهرها يهديها وهمسلها بحب وعينه على اللي واقفة جاره وعينيها الزرقا فايه بالدموع:

"خلاص يا غالية قلب أخوكي. إني عاودت ومعاوز أشوف دموع في عين وحدة فيكم بعد النهارده. ورب العرش اللي كان السبب في الدموع ديه لأبكيه بدالها دم."

وبعد عن عينيها وراح وقف قبال الرجال ووجه كلامه للشيخ زايد:

"كفو والله يا شيخ كفو. تسلم وتسلموا الرجال."

الشيخ زايد:

"أفِق عليك يا شيخ حكيم. مبارك علينا رجوعك يا حامل كتاب الله يا تقي. ومن يتقي الله يجعل له مخرجاً."

حكيم:

"صدق الله العظيم."

زايد:

"إيه عملك في الكلاب دول وحكمك عليهم يا شيخ؟"

حكيم:

"سلمهم للمركز يا شيخ وإني متأكد إن كل واحد منهم عليه أحكام كد شعر راسه. واللي معليهوش انت مفوض بالحكم عليه. بس هملي منهم ديه."

وبص لعوض وشاور على العروسة اللي كان مربوط فيها بشندي:

"اربطوهولي أهنه يا رجال."

والرجال جروه وهو فضل يصرخ:

"إني مليش ذنب. إني عبد المأمور. إني كنت بنفذ أوامر غازي. هو كان يقولي هنطلعوا طميرة. مقاليش إنه بيحفر عشان يحبسك. مقاليش مكونتش أعرف."

كان يصرخ ويتكلم لكن محدش كان عامل لحديته باع. ولا كأن حد سامعه.

زايد:

"اعتبره تم. وكان بالنسبة للرجال."

"وغازي؟!!"

حكيم بص لغازي وهمس من بين سنانه:

"له غازي ديه هملهولى ديه إني وهو والزمن طويل والدين كتير قوي."

الشيخ زايد:

"حقك يا شيخ. وأوعى تاخدك بيه رحمة ولا شفقة. ولك في القصاص حياة يا أولي الألباب."

حكيم:

"له متقلقش من الحتة ديه."

قالها وبص لغازي اللي وشه بقى مطعون بسواد الخوف وشكله كيف واحد بيعانق وشايف ملك الموت قباله جاي يقبض روحه.

الشيخ زايد هز له دماغه وأدى أمر لرجاله بإيده عشان ينسحبوا. وفعلاً انسحبوا. مبقاش فاضل غير اللي ماسكين غازي ورجلين من رجالة حكيم القدام. وعوض اللي مربوط على العروسة.

حكيم قرب من غازي وبص في عينيه جامد وشاف رجفته. وهمسله وهو بيعجز على سنانه:

"تعرف المثل اللي بيقولك من حفر حفرة لأخيه وقع فيها يا غازي؟ اهو المثل ديه متفصل مخصوص عشانك."

واتعدل وبص للرجال:

"هاتوه وراي عالمشتمل."

وغازي سمع كلمة المشتمل وبقا يصرخ بعلو صوته:

"له يا حكيم! المشتمل له! اقتلني! حط طلقة في راسي بس القبو له!"

بصله حكيم عليه والرجال موقفينه. ونزل بعينيه على الميه اللي ابتدت ترشح على جلابيته. وضحك بعلو صوته وهمسله:

"شوف الفرق بيني وبينك حتى في الخوف. شوف انت الخوف عمل فيك إيه من عذاب لسه مدقتهوش. امال لما تدوقه هتعمل إيه؟ هتقول المشتمل له وعاوزني أموتك وأريحك. وانت اللي قلتلي الموت راحة ليك مهتطولهاش. طب أطولها لك ليه إني دلوقتي؟ مش الدنيا ديه دقة بدقة يا ولد عمي برضه."

وبمناسبة الدقة. وقف قبل ما ينزل خد اللي ليك حداي. وراح على مطرح الكرباج اللي حافظه زين واتلافاه. وراح وقف قبال غازي. وبص للرجال:

"خلعوه خلجاته واربطوا إيديه ورجليه."

والرجال نفذوا فوراً. وغازي بقى قبال حكيم عاري الصدر متربط وعيرجف من الخوف. وصرخ بعلو صوته مع أول ضربة كرباج تنزل على جسمه من حكيم اللي اتحول لأسد غاضب وهو بيضربه ضربة بعد ضربة وهو بيزعق فيه:

"بتصرخ من ضربة الكرباج وانت راجل ممتحملهوش. امال الحريم اتحملته كيف؟ وجمرة. اتحملته كيف؟ وبشندي. اتحمله أيام كيف. فاكر بشندي واللي عملته فيه. فاكر. فاكر. فاكر. فاكر."

وكل كلمة بضربه.

غازي:

"ارحمني يا حكيم. ارحمني كرامة لوصية أبوك. ارحمني كرامة لأبوك وأبويا يا حكيم."

حكيم:

"وانت لما مرحمتنيش معملتش كرامة لأبوك وأبويا ليه؟ فاكر جمرة وهي بتفرفط من لسعة الكرباج أكده."

وضربته. "وفاكر جماره وعيشة لما كانوا بيتولولوا ويصرخوا تحتك أكده."

وضربه. وفضل يضرب ويضرب لما غازي انتهى وخلاص بطل مقاومة وصوته راح. مفيش غير عينيه بترمش مع كل ضربة.

حكيم لم الكرباج وقعد على حيله قبال غازي ينهج ويمسح في عرقه. وبص ناحية السرايا على التلاتة اللي حاضنين بعض وعيبكوا. وزبيدة واقفة وراهم تمسح في عينيها بشالها. بس رغم البكا وشهم مبتسم براحة واطمئنان. وهو ابتسم لهم يزيد اطمئنانهم ويمحيلهم الخوف اللي في عينيهم إن كل اللي شايفينه ديه ممكن يكون حلم.

رجع بص لغازي وقام على حيله وراح على جمرة اللي صهلت بفرحة كأنها مش مصدقة هي كمان إنه حي. وقربت دماغها منه كأنها هتقوله احضني. وهو خدها في حضنه فوراً وحبها. وميل وهمس في ودنها:

"بينا نخلصوا اللي باقي من تارنا يا جمرة القلب."

قالها وبعد عن عينيها وطبطب عليها. وجاب سرجها حطه عليها. واتلافى الحبل المعلق على الحيطة جارها وربطه في السرج من الناحيتين. وفك جمرة وراح بيها حدا غازي. ووطى وربط رجليه في الحبال. ووقف وبصله بصة أخيرة وهمسله قبل ما يدي الأمر لجمرة بالانطلاق:

"فاكر جرة أمي من دراعها وسحلها في الأرض يا غازي؟ هدوقهالك دلوقتي بس حاجة تليق براجل عاد."

وضرب جمرة ضربة خفيفة. وجمرة جريت بكل سرعتها كيف ما تكون خابرة زين هتعمل إيه. وجرجرت غازي وفاتت فيه في الشجر وفي كل حاجة تقابلها. وقدرت تخلي حسه يعاود للصراخ من تاني.

حكيم شاور لجمره عشان توقف بعد ما حس إن غازي خلاص ممكن يموت لو صبر عليه وهمله. لجمره أكتر من كده، وهو واعيها بتتحرك بيه في جنينة السرايا رايح جاي من غير تعب، كأنها هي كمان بتخلص ثأرها منه. ومنستش إنه وصلها للموت قبل كده وشافت على إيده عذاب أول مرة تشوفه في حياتها، وذاقت بسببه الذل والحرمان من بعد ما كانت بتتعامل معاملة ملوك.

جمره وقفت أخيرًا بناءً على طلب حكيم، بس بعد ما أخدت غازي في لفة أخيرة قطعت فيها اللي باقي من نفسه.

حكيم قرب عليه وفك الحبال من سرج جمره وسابه متمدد على الأرض. وأخد جمره ربطها مطرحها بعد ما حبها وخدها في حضنه وطبطب عليها يهدي الخضة اللي هتخضها من المجهود اللي عملته. وهي أول ما عمل كده وحست بحنانه عليها، كأنه بيقولها: "اهدّي، أنا عدتلك خلاص ومحدش هيقدر يأذيكي تاني". صهلت بصوت عالي ورفعت رجليها الأمامين بفرحة خلت حكيم يضحك كأنه أب شايف بنته بتتنطط قبال عينيه. واقف يبصلها وقلبه فايض ليها بالمحبة. ربطها وودعها بتمسيدة أخيرة ورجع على غازي وأمر الرجالة يشيلوه ويجوا بيه وراه.

راح على المشتمل ونزل قدامهم، وهما نزلوا بغازي وراه. وحطه على السرير وربطه مطرحه بنفس السلاسل وأداه ضربة وداع أخيرة. والتاني فتح عينيه بضعف من غير ما يتحدت وشاف حكيم قباله وغمض عينيه بعد ما بص حواليه بضعف وشاف حاله في القبو والأدوار اتقلبت، وبدال ما كان سجان بقى مسجون.

فتحهم تاني على صوت طقطقة، وكان حكيم بيشيل فياش الأجهزة واحد ورا التاني وعينه على غازي. واتحدت بعد ما زفر بارتياح: "السيما شطبت خلاص. اقعد عاد لحالك انت هنا وراجع حالك وشوف الدنيا كيف ما بتدومش، واللي تحت في لمح البصر بيبقى فوق، واللي فوق بيبقى تحت. اتأمل في قدرة ربنا وقدامك العمر كله تقضيه في تأمل. شوف حالك كيف قعدت سنين تحفر قبر لغيرك، وفي الآخر انت اللي اندفنت فيه".

همله وطلع وقفل باب الحفرة عليه، بس بعد ما اطمن إن العيش والبلح اللي جابهم له غازي امبارح قاعدين كيف ما هما ويكفوا غازي يومين. طلع بره المشتمل وقفل بابه بالقفل وأخد نفسه براحة وهو بيبص حواليه ويتفقد الدنيا اللي عوادلها من تاني. واتقدم ناحية السرايا ووقف قبال أمه وجماره وغالية. وميل على أمه حب على راسها وهمس جار ودنها: "الحمد لله اللي حسك عدتلك تاني. حقك عليا يا لبّة القلب. امسحي عذابك في ضعفي وقلة حيلتي. على عيني كنت واعي اللي بيجري فيكي ومكبلاني القيود عنيكِ".

تماضر مسكت وشه بين إيديها وهمست له من وسط دموعها: "ولما أنا حقّي عليك انت حقّك على مين يا ولدي؟ حقّك على مين وانت قاعد تحت مني في حفره مدفون، اسم الله، بقالك شهور وأنا معرفاكش! صحيح كان قلبي بيحدثني إن فيه حاجة في المشتمل وقلبي بيرفرف وأنا واقفة على عتبة بابه. بس برضه ما كنتش متأكدة، ولا حد فاهمني عشان يفتح لي ويقطع شكي بيقين. إن جيت للحق يا ولد قلبي، انت اللي حقك علي. حقك علي عشان مسمعتش كلامك من زمان إنك تبعد غازي عنيك. حقك علي إني وافقت إني أسعيلك تعبان ينام ويقوم فطولك، وهو طول الوقت بيحفر وراك ويدبر لموتك. حقك على راسي يا ولدي".

خلصت كلامها واتخنقت بالدموع. وحكيم مسح دموعها وحب راسها وقام خدها على جوه. وجماره في محاولة منها إنها تساعده، مسكت معاه إيد الكرسي وجات إيدها على إيده وهي عملت كده. وبدال ما تساعده، شندلت حاله وهو حاسس برجفة سرت في جسمه من لمسة إيدها الدافية. وقف بالكرسي جوه السرايا وشال إيده من تحت إيدها. واتنفس بقلة صبر وبص للتلاتة يملي عينيه منهم زين، وبعدها راح ناحية السلم.

تماضر: "على وين يا ولدي خليك قاعد جارّي هبابة".

حكيم: "هتسبح وأغير خلجاتي يمه وأروح أشوف بشندي وين وأرجعه وأرجعلك ونقعدوا جار بعض لما نشبعوا".

وطلع أول سلمتين ونزلهم تاني وراح وقف قبال زبيدة اللي واقفة على باب المطبخ ودموعها مبطلةش. وهمس لها: "جميلك فوق راسي يا أم مصطفى. تسلميلي يا خالة زبيدة على اللي عملتيه".

زبيدة: "تسلم وتعيش ويسلم قلبك من كل شر يا شيخ. ده أقل حاجة أعملها عشانك. والله لو طلبت روحي ما تتعز عنيك".

حكيم ابتسم لها: "أصيلة يا خالة. أصيلة وأصلك طاغي والله".

خلص كلامه مع زبيدة ورجع للسلم وطلعه درجة درجة والكل عينه متعلقة عليه ودموع الفرح بتلالي والضحكة شاقة الحلق شق. شويه ونزل حكيم متسبح ولابس خلجات نضيفة، بس لسه دقنه طويلة وشعره كماني طولان لدرجة إنه كان لافف العمة والشعر الأسود نازل من تحتها واصل لتحت ودانه.

وقف قبالهم وجماره قربت ووقفت قباله واتحدتت بنبرة ترجي: "أمانة عليك تدور على أمي في طريقك ياسى حكيم".

حكيم: "متخافيش يا جماره بإذن واحد أحد هجيبلك أمك من عشيّة".

كمل جملته وطلع طوالي وراح على الجنينة وقف مع الرجالة.

حكيم: "حد منيكم يعرف مطرح بشندي وين؟"

الاتنين هزوا دماغهم بالنفى وواحد منهم رد عليه: "بشندي من يوم ما..". وما قدرش ينطقها. "ما حاصول اللي حاصول كان قاعد في المندرة وبعدها خفي طفى ولا حس ولا خبر ولا حد شاف زواله حتى".

حكيم: "طيب ولما أكده محدش فيكم فكر ييجي يسأل عليه ويطمن على صاحب عمره؟!"

"- يا شيخنا لو كان حد جه يسأل على صاحب عمره كان هيخسر عمره. غازي كان مشدد علينا محدش يهوب ناحية السرايا وعطى أمر لرجّالته اللي يهوب من الغفر القُدام نواحي السرايا يطخوه طوالي".

حكيم هز دماغه بتفهم لخوفهم المبرر وراح على عوض ووقف قباله وسأل: "عيشة وين يا عوض؟ وديتها وين انت وغازي؟"

عوض برجفة: "آآآني ماعرفش حاجة عن عيشة. غازي خلى راجلين ياخدوها وقلهم يودوها في حتة محدش يعرف يوصلها وهما خدّوها. وورحمة أبوي يا شيخ حكيم ما عرف طريقها".

حكيم: "على العموم يا عوض إني ما حدتكش ولا أتجّادل معاك وأقولك صادق وكدّاب. عشان إني فايتك نايب بشندي وهو حر فيك عاد. هروح أجيبه وهو اللي يقررك بمعرفته وهو هيعرف يطلع الكلام منك كيف وبالمرة ياخد تاره منك بيده. حاكم إني خابر إن القلب ما بيبردش غير لما الواحد بإيده يخلص حقه".

عوض: "أمانة عليك يا شيخ. بشندي له. موتني دلوك وحط طلقة في قلبي بس بالله عليك ما تسيبني لبشندي أمانة عليك".

حكيم: "خلاااااص يا عوض انسى. انت عشا بشندي النهارده. وهمله ياكل ويشرب فيك لغاية ما يشبع".

قالها واتحرك مع واحد من الرجالة وخلى التاني يقعد يحرس عوض اللي بقى يبكي من الخوف كيف الحريم ويزعق على حكيم ويطلب السماح. وحكيم ولا كأنه سامعه. طلع هو والغفير اللي معاه وراحوا الأسطبل والسايس جه عليه وحضنه بفرحة: "والله ما مصدق عيوني. حمد الله على سلامتك يا شيخنا. إني كنت واقف مع الرجالة واتحمدتلك بالسلامة بس انت مريتنيش".

حكيم طبطب على ضهره وبعده عينيه بالراحة: "معلش ماخدتش بالي ليك. الله يسلمك يا غالي. حضّر لي عنتر قوام وحضر حصان معاه لعواد بس بسرعة".

السايس: "تؤمر أمر يا شيخ" وجرى بسرعة يحضر عنتر وحصان تاني وخلص وجابهم جارّهم.

وحكيم بسرعة ركب فوق عنتر والغفير ركب الحصان التاني وانطلقوا على بيوت الغفر القدامى يلموهم واحد واحد. وكل اللي يشوف حكيم قباله يايصرخ من الفرحة يا إما يصرخ من الخوف والمفاجأة. والبلد كلها طول ما هو ماشي بحصانه رجالتها تهلل وتكبر وحريمها تزغرت على البيبان ومن سطوح البيوت بفرحة كأن حكيم ملك ونازل يتفقد رعيته. وصل للكل ومبقاش فاضل في الغفر غير خيري وده بيته على أطراف البلد وآخر حد هيروحوله.

***

دخل خيري على بشندي ووقف قباله متصنم. وبشندي بص له وخبط بإيديه الاتنين على رجليه وصرخ فيه: "اوعك تقول لي ملقيتش عيشة برضه يا خيري؟ يعني لا عوض قادر تجيبه لي ولا عيشة قادر تعرف لي مطرحها! وأنا رجلي عجّزتني وخلتني قاعد مستنظرك تعمل أي حاجة، وانت كيف جالوس طين مبقاش منك منفعة واصل. اعمل حاجة يا خيري، متطلعش كل يوم وتعوّد لي يد ورا ويد قدام! عشان أنا فاض بيا وقربت أشُط فروحي. عودة كبريته وأولع في نفسي وأخلص من العذاب اللي أنا فيه ده".

خيري: "اهدى واتهد وخد نفسك. جاك الحَزون. صحيح مجبتلكش عيشة ولا عوض، بس جبت لك حد بالتنين. تنين إيه؟ ده بالدنيا كلها".

بشندي: "حد مين يا وش الشوم؟ يا كش تكون جبت لي غازي وجاي عشان ياخدني وتخلص مني؟"

كمل كلمته وخيري ضحك وبدأ يبان من وراه شخص. أول ما ظهر كله قبال عيون بشندي. بشندي طلعت منه شهقة من المفاجأة كانت هتطلع بروحه لولا ستر ربنا. وصرخ بعدها بعلو صوته: "ولددددي! حكيم ولدي! انت ولدي حكيم مش أكده؟ انت حي! انت عايش يا حكيم! انت قدامي دلوقتي صحيح يا ولدي!"

حكيم ابتسم وهز له دماغه. والدموع اتجمعت في عينيه. وهو عمل كده وبشندي وقف على رجليه اللي برغم وجعها محسش بأي ألم وهو رايح على حكيم ياخده في حضنه. وصرخته دوت في البيت زلزلت أركانه: "ولدااااااااي". وحضنه يعصر فيه ويبوس وهو مش مصدق اللي عينيه شايفاه. وما فيش على لسانه غير كلمتين: "يا حبيبي يارب. يا حبيبي يارب. يا حبيبي اللي رجعت لي حبيبي. أحمدك وأشكرك. أحمدك وأشكرك يا حبيبي".

بشندي بعد عنيه وفضل يتأكد بإيديه من كل شبر في حكيم إنه حقيقة قدامه. وكشف صدره وشاف مطرح الطلقة وميل عليها حبها ومسك راسه حبها واتخنق بدموعه وهو بيقول له: "كيف طيب؟ وكنت وين؟ احكي لي حدثني! داني واعيّك بعيني وانت تنازع قبال عيني وبعدها اترخيت بين إيديا لا حس ولا نفس والعيون بيضت والشفايف زرقت وسقعة الأموات دبت في جسمك. كيف عاودت للحياة من تاني كيف؟!!"

حكيم: "الأسئلة دي كلها عوض اللي حداه الجواب عليها. وهو دلوقتي مربوط في العروسة اللي كنت مربوط فيها في السرايا ومستنيك عشان ترسم على جثته خرايط كيف اللي رسمها عليك. وتمد إيدك تسحب الحديد من جوه كبده. لكن إني لا قادر أتحدت ولا فيا حيل لكلام. هم بينا على سرايتنا لوحدنا طول العمر للحكاوي ونعملو كيف زمان نحطو روسنا في روس بعض ونودّوا للصبح. نرجعو مطرحنا ونرتاحو من اللي شوفناه وبعدها يحلى الحديت ويطيب الكلام".

بشندي: "وغازي الكلب وين دلوقتي؟"

حكيم: "خلاص من النهارده معادش فيه غازي. غازي انتهى من على وش الأرض".

قالها وقرب على بشندي وشاله مرة وحدة برغم ضعفه، إلا إن الحبايب بتولد لها القوة من قلب الضعف. ورجع بيه وهو حاطه قدامه على عنتر. وبشندي طول الطريق مبطلش ذكر لله وحمد وشكر ليه. وكل هبابة يبص على حكيم بفرحة وهو مش مصدق عينيه كأنه في حلم وحاسس إنه بعد هبابة هيصحى منه.

***

أما في وقت سابق:

جماره قعدت بعد ما حكيم طلع من السرايا ورفعت راسها لفوق وحطت إيديها الاتنين على وشها وشالتهم بسرعة لما حست بضربة على دماغها. وبصت لقتها غالية.

غالية: "من مته وانتي تعرفي مطرح أخوي ومقايلاشي؟"

جماره: "عرفت من أولت امبارح بس".

تماضر بعتب: "يومين وما تجيش تبلي ريقي يا بتي ولا تفرحيني! اخص عليكي يا جماره".

جماره: "معلش يا خالة بس دي طلب حكيم عشان كان خايف من أي غلطة ينكشف أمره قبال غازي وتروح عليه الفرصة. وغازي ساعتها كان هيخلص عليه وعلينا ما كانش هيسيب حد واصل".

تماضر: "احكي لي طيب عرفتي كيف طريقه. قلبك حس وطلع عليه أحن من قلبي ولا شفتي حاجة من غازي كشفت لك المضمون؟"

جماره أخدت نفس وبصت لتماضر واتحدتت: "ولا ده ولا ده. إني في الليلة اللي علمت بيها إن سي حكيم عايش كنت رايحة ورا غازي وناوية أقتله وأخلص نفسي وأخلصكم منه للابد".

تماضر برقت عينيها باستغراب وغالية شهقة مكتومة اتحبست في صدرها. والتنين نفسهم اتقطع كذا مرة. وجماره بتحكي باقي الحكاية وكل واحدة فيهم حاطة إيدها على قلبها كأنها بتسمع حكاية من وحي الخيال ما يصدقهاش العقل.

خلصت جماره حديت وغالية بصت لها بأسف: "حقك عليا على الحديث اللي قولتهولك امبارح يا جماره. غصب عني والله الكلام طلع من حرقتي".

جماره: "إني مزعلاناشي منك يا غالية. وأصلاً لولا اللي قلتيه واللي عملتيه غازي ما كانش هيصدق كلامي ولا تخيل عليه حاجة. وكان كشفني من فرحتي وضحكتي يومها. وبعدين رجعت حكيم قلبي يمحّي أي زعل جواي ناحية أي حد".

في الوقت ده حكيم كان عاود ببشندي ونزله من على عنتر. وهو شايله كأنه ابن بار شايل أبوه اللي تعب في تربيته. ومشي بيه على المندرة. وكانت كل الرجالة بتاعته اتجمعت قبال السرايا من تاني. وبشندي باصص لكل حاجة رجعت مطرحها تاني وقلبه بيرقص من الفرحة وهو واعي الأسد اللي ربّاه على إيده عاود لمملكته ومرتعه من تاني ورجع كل حاجة كيف أول ولزم كل قرد شجرته.

بشندي: "وديني السرايا يا حكيم".

حكيم: "مش دلوقتي يا بشندي".

بشندي: "وديني السرايا يا شيخ خليني أبرد ناري وأطفي هبابة من الجمر اللي قايد بين ضلوعي. قبال عوض ونزلني وهات لي الكرباج وهمله".

حكيم بضحكة: "يجرا لك يا بشندي. تعال يا غالي خد قصاصك وارتاح كيف ماني ارتحت".

وبالفعل حكيم راح ببشندي على السرايا. ومهما حد حاول يشيل بشندي عينيه مكانش حكيم يرضى. وهو اللي دخل بيه ونزله قبال عوض. وراح جاب له الكرباج وسابه مع عوض. اللي أول ما شاف بشندي قباله عملها على روحه من الخوف. وركبه بقت تخبط في بعضها. ومعدته قلبت وغمض عينيه وبكى بعلو حسه كأنه حرمة في عزّا جوزها. واشتغل يخبط في راسه في الخشبة اللي وراها بكل قوته يمكن خبطة تنهي حياته قبل ما عذابه يبدأ على يد بشندي.

أما حكيم فطلع أدى أمر لاتنين من رجّالته إنهم يروحوا في الحال يجيبوا طوب واسمنت ورمل ويلفوا يسدوا باب المشتمل الوراني. وكمان يبنوا سور عالي فوق المشتمل يحاوطوه عشان ميوبقاش منطقة سهلة لأي حد يحاول يدخل السرايا ولا يطلع منها. خلص أوامره والرجالة مشت تنفذ. وهو دخل للسرايا ومشي بارتياح على أنغام صوت عوض اللي بيصرخ وصوت كرباج بشندي اللي بيطبل على جسمه. وابتسم وهو واعي بشندي بيتفنن في تخليص حقه من عوض. وفاتهم ودخل السرايا. وأول ما دخل بص شاف جماره وغالية في المطبخ ومربوكين وريحة أكل طالعة بقاله زمان مشممشها. ابتسم وراح طوالي اترمى في حضن أمه اللي أول ما شافته فردت له دراعاتها بدعوة للراحة. وهو لبى دعوتها وغمض عينيه ونام نومة هنية ما نامهاش من أربع شهور وتسع أيام.

ميعرفش عدى وقت قد إيه. وابتسم قبل ما يفتح عينيه على نبرة صوت أمه الحنينة وهي بتهمس في ودنه: "قوم يا ضي العين ومهجة القلب. قوم يا حبيب الروح كلك لقمة مرتك واختك عملولك. وكل زين يروم عضمك يا نضري".

حكيم من وسط كل كلام أمه ودنه وقلبه ملقطوش غير كلمة واحدة: "مرتك". فتح عينيه. وأول ما فتحهم جو على جماره كأنهم عارفين مطرحها. واتبسم وبان سنه وهي ردت له بضحكة خلت قلبه يترج مع صوت صداها. وقام واتعدل طوالي وقعد أمه على كرسيها وراح بيها على السفرة وقعدها على يمينه. وجماره مسكت إيدها وقعدها على شماله. وقعد هو وسطهم. وغالية قعدت جار أمها.

وحكيم سمى باسم الله وهو باصص للأكل وحمد ربنا في سره على نعمته الكتيرة. ومد إيده غمس أول لقمة وحطها في خشم أمه اللي أكلتها منه ودموعها نزلت شكر لله. ولسه هيغمس لقمة تانية لقى جماره هي اللي مدياله إيدها بلقمة وحاطة إيدها التانية تحت منها. وهو قرب وكلها منها وعينه مفارقتش عينها. ولما بصته طولت جماره نزلت عينها بخجل. وهو أخد نفس بقلة صبر وبدأ ياكل بسرعة عشان بعد الوقت ياخد صاحبة العيون الهربانين من عينيه ويحاكمهم ويحكم عليهم ويقيم عليهم حد العاشق المشتاق.

خلاص حكيم كمل أكل ولسه هيقوم سمع صوت واحد من الرجالة بره باب السرايا بينادم عليه: "شيخ حكيييم. أهل البلد وكباراتها وشيوخ البلاد اللي حوالينا كلهم في المندرة جايين يتحمدولك بالسلامة وكل شيخ جايب معاه دبيحة لسلامتك".

حكيم اتنهد وغمض عينيه وزفر وبعدها جز على سنانه بغيظ وفتح عينيه بص لجماره وهز دماغه بمعنى: "لمّته هيطول البعد". وكأن الدنيا كلها اتفقت على تعذيبهم. وهي كمان برطمت شفايفها بزعل وقلة حيلة. وحكيم ضحك في سره على حركتها وقام طلع من قبالها أحسن لو قعد هبابة تاني قبالها وهي عاملة كيف حتتة جماره مسكرة قبال واحد قاتله الجوع هياكلها ويشبع جوعه ويرمي الدنيا كلها ورا ضهره.

طلع حكيم وراح لبشندي لقاه ناهي على عوض ضرب. وهو كمان منتهي من التعب وقاعد ينهج. وقف قباله: "هاه. بردت قلبك ولا لسه؟"

بشندي: "هبابة. بس هيبرد على الآخر بالليل. عيشة حابسينها في بيت قديم في النجع اللي جارنا. ابعت لي حد من الرجالة بالكارته هروح أجيبها وأعاود".

حكيم: "له خليك انت. إني رايح. بس اوصف لي البيت زين وإني هروح أرجعها وأعاود".

بشندي: "له قولت إني اللي هروح لها يعني إني".

وقدام إصرار بشندي استسلم حكيم وهمله هو يروح بالكارته يجيب عيشة. وهو راح للمندرة وقعد وسط الرجال اللي جايين يتحمدوا له بالسلامة ويسمعوا قصته اللي ولا في الخيال مع ولد عمه. وكل اللي يسأل على غازي وين يجاوبه إنهم بلغوا عنيه الحكومة وجات خدته.

أثناء قعدتهم حكيم أمر بدبح كل الدبيح والطبخ منها على قد الناس اللي في المندرة والباقي يتوزع على الغلابة. وعلى الحال ده فات باقي اليوم.

جماره من طلعة حكيم وهي واقفة في الشباك مستنياه يعاود. وهو كل اللي عمله بعت على غيار وفضل قاعد في المندرة. وهي بتشتم في سرها الناس قليلة الذوق اللي مقايلاش عريس وطالع من حبس ونهملوه يرتاح هبابة.

أثناء وقفتها وانتظارها باب السرايا اتفتح. وكانت هتنط من الشباك وهي واعية أمه داخلة السرايا وداخل معاها بشندي يتعكز على عكاز. ونزلت جري واترمت في حضن أمه. وكل وحدة مش مصدقة إنها شايفه التانية سليمة من تحت يد غازي.

عيشة بشندي وهو جايبها حكالها كل حاجة حصلت في الطريق. وهي وهو كل واحد فيهم اتصعب على حال التاني واللي عمله فيه غازي. وبشندي حلف لها إنه هياخد لها بتارها وتاره منه بيده وإنه ملوش صالح باللي عمله حكيم فيه. "ده دينه غير دين ده".

دخلت جماره بأمها للسرايا. وتماضر وغالية الاتنين مصدقوش عينيهم وهما شايفين عيشة قبال عينيهم سليمة بعد ما الاتنين كانوا متأكدين إن أقل حاجة يكون عملها فيها غازي إنه شالها مثلاً ولا قطع لها إيد ولا رجل. دا إن مكانش موتها ووداها.

اتحاضنوا وسلموا. وعيشة باركت لتماضر برجوع ولدها. ومن جواها بتتبارك لنفسها أكتر برجوعه لبنتها وتخليصها من غازي وتخليص الدنيا كلها من شره. قعدوا مع بعض شوية. جماره شبعت فيهم من حضن أمها واطمنت عليها. ودلوقتي ماباقيش غير إنها تشبع من حكيمها. وطلعت على أوضتهم تستناه بفارغ الصبر. وفضلت تستنى وتستنى وطال الانتظار لغاية ما ملت ونزلت للجنينة. ونزلت قفص العصافير معاها ورجعتهم لقفصهم الكبير عشان يرجعوا يرفرفوا بجناحاتهم بحرية ويفرحوا كيف ما هي فرحانة.

جالت بعنيها في الجنينة وشافت عوض وهو مربوط مطرح بشندي نفس الربطة. وغايب عن الدنيا بنفس المنظر ونفس الجروح على جسمه ووشه. واخدت نفس وزفرته وهمست لروحها: "اللهم لا شماتة". ونقلت عينيها من عليه على جمره. وراحت لها ووقفت تمسد عليها وتهمسلها: "فرحانة برجعة صاحبك صوح. عارفة إنك فرحانة قوي بس برضه مش أكتر مني. ولا هتحبيه أكتر ما أنا بحبه. أنا بحبه أكتر منكِ. وهو كمان بيحبني كد ما أنا بحبه". وقطعت كلامها بضحكة لما جمره نفرت في وشها بغضب كأنها فهمت حديثها وبتعتقلها: "بطلي كيد فيا".

شويه وانتبهت لبوابة السرايا بتفتح ودخل منها حكيم. وكحلت عينيها بشوفته أخيرًا بعد انتظار. وكان لابس الهدوم اللي بعت عليهم وحالق ومظبط حاله وعاود تاني. برغم ضعف جسمه كيف البدر المنور. ووقف في نص الجنينة وربع إيديه وهو شايفها واقفة جار جمره والضحكة شاقة الحلق والوش مصبوغ بلون الخجل. فضلت تتطلع عليه من بعيد وحطت إيدها على قلبها كأنها بتطمنه إن حبيبها عاد له وتأكده إنه ما بيحلمش. نزلت إيدها ومسكت إيديها في بعض ورا ضهرها. وابتدت تتقدم من حكيم خطوة خطوة وهي بتتمايل بدلال ورهدنة. وهو ابتسم وضغط على شفته التحتانية بسنانه وهو مبتسم وواعيها بتقرب عليه وعينيه بتأكلها وكل ومتابعة خطوات رجلها اللي كأنها بتخطيها على جسور الشوق والبعد تطويها. وهمس لنفسه:

"قَرِّبْ خُطاكَ فإنَّني مُشْتاقُ

عندي الحنينُ وعندكَ الإشفاقُ

أتُراكَ لم تعلمْ بحالي بِعَدمعصفتْ براحة قلبيَ الأشواقُ

قرِّب إليَّ الماءَ إنِّي لظاميءٌ

ولديْكَ أنتَ الماءُ و الترياقُ

مهما تطاولَ عنكَ ليلُ صبابتيفأنا إلى فجر المُنى توَّاقُ"

قربت جماره ووقفت قباله. والتنين عينيهم مشبعاناش من بعض شوف. وحكيم أخد نفس وغمض عينيه وبعدها بص لفوق وطلع النفس بالراحة. ورجع بص لجماره ومد إيده لمس خدها بحب. وهي غمضت عينيها واستسلمت للمسة وحست بحكيم وهو بيقرب منها والمسافة اتلاشت. وحست بأنفاسه قريبة من وشها وصوت همسه نقلها لعالم تاني:

"من أجل عينيك عشقت الهوى

بعد زمانً كنت فيه الخلي

وأصبحت عيني بعد الكرى

تقول: للتسهيد لا ترحلي

فاتناً لولاهُ ما هزني وجدٌ

ولاطعم الهوى طاب لي

هذا فؤادي فامتلك أمرهُ

أظلمهُ أن أحببت أو فاعدلِ"

لحظات.. فقط لحظات.. وبعض الكلمات.. وبعض الهمسات كانت كفيلة إنها تخلي جماره تنصهر من فرط السعادة وتوازنها يختل عشان تلاقي نفسها بين إيدين حكيمها وضاممها لدرجة إنها حاسة إن دقات قلبهم اتوحدت وبقوا كيف روح ورجعت للجسد بتاعها. وخلت الحياة عاودتله من تاني. لكن اللحظة مادامتش أكتر وهما سامعين صوت بشندي بيزعق من وراهم.

"بعِد يا وِلددد.. بعدو الاتنين وبصوله وشافوه مادد نبوته عليهم. وكمل حديث بنبرة تحذير: مفيش حاجة قبل ما يعاد الفرح والزفة وتنعاد الفرحة من تاني. حكيم وجماره الاتنين بصوا له بترجي. وهو نزل نبوته ودبه في الأرض وبإصرار أكبر: متحاولوش. صدر القرار وقُضي الأمر. ودلوقتي قدامي على المندرة هتبيت في حضني أنا النهارده. الليلة ليلتي. أصلي متوحشك أكتر منها. ههع هع هع".

ومسك حكيم من دراعه وجره على بره بالعافية. وحكيم عينه على جماره اللي واقفة مبرطمة وبتضرب الأرض برجليها باعتراض. وهو رفع لها كتفه بحركة: "إن ما باليد حيلة".

واقف لتانى مره بالابيض وعمال يعدل خلجاته قدام المرايا فأوضة امه.

كل هبابه يحط يده على صدره وياخد نفس وينفخه بالراحه من التوتر.

اخيرا لبس خاتمه وساعته ورش من عطره.

صوت بشندى جه فالوقت المظبوط وهو عيستعجله:

يلا ياعريس الناس عتسأل عليك.

دالعروسه معيملتش كيفك اكده ولبست ونزلت من الصبح وقاعده مستنياك اهى.

حكيم هرول للباب وفتحه بسرعه وهمس لبشندى:

صوح جماره نزلت؟

بشندى بضحكه:

له عضحك عليك. هم يلا الرجاله عاوزين يبتدو تحطيب ولازمن العريس يكون قاعد. مش كفايه مهتحطبش كمان متتفرجش.

حكيم:

جيت ادينى اهه. اطلع قدامى لما اشوف اخرتها معاك ومع تصميم عقلك. مش كنا لميناها واتلمينا على بعض انى والبنيه سوكيتى وخلاص.

بشندى:

كيف ديه ياشيخ. طب بسك حديت ماسخ عاد.

وعلى سيرة البنيه.. زغده بكتفه وشاورله بدماغه على السلم.

حكيم بص موطرح مشاور بشندى وبهت من الصدمه وهو واقف من اللى شافه.

كانت جماره نازله بالفستان الابيض اللى واكل وشارب مع بياضها وجمال طلتها.

العيون زراقها عيلالى من بعيد وهى متحدده بالكحل الاسود والضحكه مرسومه والسنان كيف لولى متحاوط بشفايف متلونه احمر بلون الهلاك.

بشندى بص على حال حكيم وضحك وهو عيشده من دراعه:

هم ياشيخ. النااااس مستنيه.

حكيم بتوهان:

همملنى يابشندى ورحمة امواتك.

كان يتحدت وعينه على جمارته اللى هى كمان لما وعيته بخلجات العرس وقفت موطرحها عالسلم وبصتله.

عنيها نادت عليه بصوت سمعه قلبه انه ياخدها من بين الناس ويهرب فالحال فموطرح مافيهوش غيرهم هما التنين.

بشندى جره بالعافيه من قبالها وهو عيضحك عليه وهو عامل كيف العيل الصغير اللى مش عاوز يتحرك من موطرحه.

الناس عتجر فيه غصب عنيه.

اتحركو يادوبك خطوتين وحكيم استغرب لما بشندى وقف بيه مره وحده ورخى قبضته عن دراعه.

ولما بصله لقاه مبلم.

بص لمكان ماعيبص لقاه عينه على عيشه اللى كانت نازله على السلم ورا بتها ولابسه فستان ازرق والشال بلونه وكلهم بلون العنين كيف ماتكون نقت الالوان اللى عتمشى مع لون عنيها.

بصت للارض بسرعه وضحكت اول ماعينها جات على بشندى وشافت منظره وبصته ليها.

حكيم ضحك بخفه وهو شايف بشندى طب على بوزه وقلب الادوار وهو اللى مسك يد بشندى يجره باستعجال:

هم يابشندى النااااس.

بشندى:

هملنى ياحكيم وروح انتا ياولدى.

حكيم:

اهملك دلوك. اطلع قدامى طلع عليك ديب ياكل ودانك. هم فوت وغض بصرك بعينك اللى تدب فيها رصاصه داى كسفت الوليه.

وشده على بره.

بشندى:

ياد تصدق انتا ماسخ. كنتى سبتنى اشوف بت الكلب داى واللى عملاه فحالها شندلتنى بعنين البسس بتوعها دول بت المركوب.

حكيم:

اتحشم يابشندى عيب. وبعدين انى متكلم عليك لامى من زمان.

بشندى وقف و زاحه بالعكاز بتاعه:

يبوى حل عنى بلا امك مقولنا امك مفياش حيل ليها من زمان. وبالخصوص بعد مابقيت برجل ونص. دلوك انى بقيت كيف امك عاوز اللى يكرنى ويجرنى. قعدت اعيب. لما اتبليت.

حكيم:

صوح صدق اللى قاله المثل ديه ان اللى عيعيب عيتبلى. شوف عيبت على امى ربنا عيمل فيك ايه. وشوف لما عيبت على قلبي وعشقه ربنا عيمل فيك ايه. ولسه هيمرمت قلبك فطراب العشق و الشوق ويفرحنى فيك.

بشندى:

تفرح فمين وشوق ايه يابو شوق انتا. انى النهارده هقولها انى هتجوزها ويومين واكون عاقد عليها. معشان هركبلى فرسه واقعد ارمح فالطرق وراها سنين كيف المهبول انى.

حكيم ضحك بصوت عالى ورد على بشندى:

مش عيب عليك تطير جبهتى اكده النهارده وانى عريس يابشندى. عمرك شفت عريس من غير جبهه ياواكلهم.

بشندى:

مفيش مابين المحبين جبهات ياد انتا. تعالا يافرحت قلب بشندى فوت على فرحك.

ولف يده حواليه وابتدا يغنيله بهمس وهو ماشى بيه:

وقالتله اريدك ياحكيم ياواد عمى. تعا دوق العسل سايل على فمى. على مهلك على مابحمل الضمىِ. على مهلك علي دانى حيلة ابوى وامىِ.

حكيم شال يد بشندى من على رقابته بقلة صبر وهو عيبص لورا عالسرايا:

ايوه احرق فروحى يابشندى وانى ممتحملش لحالى احرق كمان احرق.

بشندى ضحك وحكيم كمان وطلعو التنين كتف بكتف ويد فيد.

حكيم سأل بشندى على عوض وقله انه رماه مربط فالمشتمل بعد مااداه جرعة ضرب تخليه مش فالدنيا لحدت مايخلص الفرح ويفضاله عشيه ويديه الفنش الاخير بعد ماعرف منيه كل حاجه عاوز يعرفها.

وحكيم هزله دماغه برضى.

وبعدها سكتو عشان كانو وصلو حدا الناس اللى كلهم وقفو واستقبلو شيخهم بالاحضان.

وبعدها ابتدو الحطابه يقومو يحطبو وعذرو العريس عشان التعب والشده اللى كان فيها وحسبوله تحطيب الفرح الاولانى وفوزه فيه.

وقعد الشيخ وسطهم يتفرج معاهم.

وطول ماهو قاعد بشندى يلف حواليه كيف النحله وعينه هو والغفر فكل ركن خايفين من رصاصة غدر تانيه تصيب شيخهم.

شوية والتحطيب خلص وبدت انغام المزمار تصدح.

وحكيم بقا يتخبَط قبال بشندى عشان مشى كلامه وجاب زمر للمره التانيه وكمان جوا السرايا.

لكن بشندى ولا عيمل لحديته باعت وراح على جمره حط عليها سرج جديد وجابها لحكيم اللى ركبها وهى فوراً ابتدت ترقص على نغمة المزمار بفرحه كيف ماتكون ماصدقت.

جوا حدا الحريم الكل قاعد يتملى فجمال جماره اللى كانت قاعده جارها تماضر تسمى عليها وتكبر.

وقلعت زتونه دهب تقيله بخرزه زرقه ولبستهالها قدام عيون الحريم عشان عنيهم تتلاهى فالزتونه وتبعد عن جماره وبالفعل ديه اللى حوصول.

غاليه كانت طول الفرح عتضايف الحريم بالشربات وعيشه مع زبيده فالموطبخ عيحطو وكل للحريم فوج فوج.

وكل اللى تشبع وتقوم تدعى للشيخ ولمرته بالذريه الصالحه.

والزغاريت مبطلتش لحظه وخشم يتناوب من خشم الزغروته والقلوب كلها عامره بالفرحه النهارده.

شوية ودخلت عيله صغيره تجرى من باب السرايا:

العريس عيرقص بالفرسه. الحقو العريس عيرقص.

ومره وحده عليات الحريم طلعت لسطح السرايا تتفرج.

وجماره كانت سابقاهم ووقفت تطل على حكيم وجمره اللى عماله تتمايل بيه وتقلب فرجليها على انغام المزمار والناس كلها تسقف وهو يضحك بفرحه.

زادت ضحكته وفرحته لما ضرب عينه فوق السرايا وشافها واقفه تتطلعله بالابيض كنها بدر التمام نزل من السما واتجلى فصورتها.

خلص حكيم رقصته ونزل من على جمره واداها لغفير عاودها موطرحها وشال من عليها السرج وربطها وهى فضلت ترقص لحالها مع نفسها على صوت المزمار.

وحكيم وكل اللى فالفرح واعيينها وعيضحكو عليها وهى عامله كيف ماتكون غزيه وماصدقت لقيت فرح.

بشندى وقف حكيم ماخلاهوش يروح يقعد وشده وسط الحلقه وخد شومه من واحد جاره لافاها لحكيم وهو اتلافى وحده لنفسه ورمى عكازه وحط يده على صدره علامه على بداية رقصه وشاور على حكيم بالعصايه:

رقصة العريس مع ابوه ياواد قلب بشندى.

وحكيم ابتسم وعمل نفس الحركه والتنين ابتدو يرقصو رقصه صعيدى.

بشندى كان عيرقصها على كد ماقادر من رجله بس حكيم رقصها ببراعه ورقصه خطف القلوب والحريم كلها بقت تشاور عليه وتتغمز.

وجماره طول الوقت تسمى وتصلى عليه فسرها والود ودها لو تنزل تضمه من عيون الناس وتاخده لحالها وتبعده عنيهم.

خلص الرقص والحريم نزلت من ع السطوح والعشا ابتدا يتحط للرجاله والكل اتعشى والناس ابتدت تنسحب وتروح واحد واحد.

وحكيم قاعد يعد بعنيه فالناس اللى لساتها قاعده وكل مالعدد يقل دقات قلبه تزيد من قرب لقى الحبيب.

واخيرا الجنينه فضيت الا من الغفر والطباخين اللى عمالين يلمو الهيصه موطرح الناس وحتى الحريم طلعت.

وحكيم بص للسرايا واخد نفس بارتياح ولسه هيتحرك وقفه صوت بشندى وهو عيتكلم بخبث:

وقف ياحكيم اقو.

وقبل مايكمل كان سامع صوت حكيم العالى وهو جازز على سنانه:

بشندى بعد عنى احسن ورب العزه دقيقه تانى واولع فيك وفحالى واخلص.

بشندى ضحك بعلو صوته وشاورله بيده:

روح ياولدى روح ودوق العسل واتنعم بحلالك واخرت صبرك.

وحكيم بعد كلمة بشندى طلق رجليه للريح ووصل السرايا فثوانى واتلفت حواليه ملقاش جماره بس امه ضحكت وشاورتله بدماغها على فوق:

عروستك فوق مستنظراك ياقلب امك.

حكيم بص لفوق وابتسم رجع بصلها و قرب عليها وحب على راسها ويدها وهى دعتله بالخير والهنا وهو دعالها بطولة العمر وعيشه كمان باركتله واتمنتله السعاده وغاليه كمان وزبيده وهو رد عليهم كلهم.

وبعدها طلع السلم رجله عتطلع سلمه سلمه بس قلبه غادر ضلوعه وطار يسابق الريح ووصل حدا جمارته قبل منيه.

خبط على الباب خبطتين قبل مايفتح ويدخل واتقدم للى واقفه ومدياه ضهرها بعد ماقفل الباب وراه.

وقف وراها وفضل ساكت وحابس انفاسه.

وجماره كانت واقفه متوتره وحاسه ان قلبها هيقف من كتر مامتحمل مشاعر واحاسيس مخلوطه فرحه على توتر على خجل وكلهم اقوى من بعض وعماله تفرك فأديها.

ولما طال السكوت جماره ديقت حواجبها بخوف لما شكت من كتر الهدوء ان حكيم ممكن يكون طلع وهى محستش بطلعته.

ولفت مره وحده وشهقت لما لقيت حالها فحضن حكيم واديه فأقل من ثانيه كانو محاوطينها وضحك بخفه.

جماره بخجل وهى عتهروب من عنيه:

ليه ساكت. دانى قولت انك طلعت وهملتنى.

حكيم قربها منيه وضمها على قلبه وعلى ضلوعه وهمس فودنها:

كنت عشكر ربنا فسرى ياجماره. كنت ععاهده انى هشكره عليكى فكل يوم فعمرى لحد آخر العمر.

جماره رفعت اديها بحركه لا اراديه وحاوطت رقبة حكيم بتملك كنها عتعلن امتلاكها ليه وكان دورها هى فالهمس:

متقولى ياشيخ قلبي اضمك فين ومن كام عين وعين تنضم وانتا اللى متلك بخور هندى من سابع سلف يتشم. اضمك كيف وفين من عيون الناس ياحكيمى. سؤال هفضل اسأله لحالى ولكل الناس كل يوم لحدت ماحد يلقالى الجواب ويقولى اضمك كيف.

حكيم شدد على الضمه وخد نفس قوى من جمارته ممزوج بريحة الجنه قبل مايشيل دماغه عن كتفها ويبص فعنيها ويهمس بصوت دايب بعد مابلع ريقه:

جماره متوضيه كيف مانبهت عليكى.

جماره هزتله دماغها.

حكيم:

طيب هديكى ضهرى دقايق تكونى مغيره خلجاتك ولابسه احرام الصلاه عشان نصلو ركعتين شكر نبتدو بيهم حياتنا. بس قوام ياجماره الا حبيبك قاعد على جمر الشوق وحديتك هب كيف نسمة هوا على الجمر وهوجه بزياده.

خلص حديته واداها ضهره وابتدت جماره تغير وهى باصاله ومبتسمه وهو عيخلع عبايته هو كمان وساعته وخاتمه.

وبقلة صبر همسلها:

فضى ياجماره.

مردتش عليه مع انها كانت خلصت غيير وابتسمت لما كرر استعجاله ليها تانى.

جمااااااره. يبت همى عاد.

وغصب عنها طلع صوت ضحكتها وحطت يدها على خشمها وهو لف بسرعه وشافها مغيره وواقفه تضحك ابتسم وقرب عليها وهو رافع حاجبه:

عتضحكى علي. واعيانى واقف عتقلى كيف سمكه حيه فزيت سخن وساكته. يهون الحبيب على حبيبه اكده.

جماره هزتله دماغها وهى عتقرب منيه ورفعت حالها وحاوطت رقبته بأديها وقربت وشها من وشه وهمست:

تهون الروح والعمر ولا يهون الحبيب على حبيبه.

قالتها وحطت خدها الترف على دقن حكيم وحركت خدها بحنان وحركتها خلت حكيم يغمض عنيه ويضمها عليه وثوانى على دا الحال وبعدها همس فودنها:

الصلاه يابت عيشه. الصلاه واتلمى وبعدى متخلنيش اضيع السُنه من اول يوم وانى واخدك على كتاب الله وسنة رسوله.

جماره ضحكت بخفه وبعدت عنيه وهو اخد نفسه اللى كان حابسه وراح على الدولاب جاب سجادتين صلاه وفرشهم على الارض وحده ورا وحده ووقف على اول وحده قدامها وهى وقفت على التانيه وراه وكبر وصلى بيها ركعتين وطول فالسجود والشكر وسلم ورفع اديه وابتدا يدعى من ربنا يديم مابينهم الموده والرحمه وينزل على حياتهم السكينه وجماره تأمن وراه.

خلص وراح على جماره وبحركه سريعه شالها وجرى نزلها على السرير بالراحه وقرب منيها وابتدا يطرد الشوق اللى لازمه سنين بحلاوة القرب.

والتنين بقو عاملين كيف موج بحر عالى اتصادم مع حمم بركان فاتحول سهج نيرانه لبرداً وسلاماً.

وفى الوكت ديه كانت الرجاله لامه الليله من الجنينه والطباخين مشت ومفاضلشى غير بشندى والغفر اللى بشندى امرهم يطلعو ياخدو اماكنهم برا السرايا خلاص وزبيده اللى شكلها هتبيت فالسرايا النهارده عشان جايبه ولدها الصغير معاها.

بشندى بص للواد الى كان واقف يلف حوالين العروسه الخشب ويلعب لحاله وندهله:

خد ياد انتا ياواد زبيده.

الواد وقف وراح وقف قباله واتكلم بزعل:

اسمى حجازى متنادمشى علي باسم امى تانى. ترضى انتا حد ينادم عليك باسم امك.

بشندى بضحكه:

الصراحه له مرضهاشى. خلاص ياحجازى مهنادمشى عليك باسم امك تانى. وكمان خد النص جنيه ديه بحاله ابقى اشترى بيه بكره اللى نفسك فيه.

حجازى بفرحه مد يده خد النص جنيه وهو مش مصدق حاله:

شكرا ياجد بشندى شاله يخليك.

بشندى:

بس عاوز منيك طلب صغير اكده تعملهولى.

حجازى:

ايه ديه يعنى انتا كارينى بالنص جنيه مش عاطيهونى على اكده.

بشندى:

ياد كاريك ايه يادزمه انتا. انتا عاملنى هشغلك فالفاعل ياك. كل الحكايه انك هتخش السرايا توسوس عيشه ام جماره وتقولها كلمى بشندى عاوزك فالجنينه ضرورى بس قوام متعوقيش.

حجازى:

له لو على اكده بسيطه.

وبسرعه اتحرك على السرايا وبشندى زعق عليه:

وسويس ياحجازى متنساش.

وحجازى هزله دماغه وهو رامح.

فضل بشندى فالجنينه قاعد ومستنى وشويه وقام وقف وهو واعى عيشه طالعه من باب السرايا وعتتلفت ولما وعيتله جات عليه.

عيشه:

بعتلى قال يابشندى.

بشندى:

ايوه ياعيشه بعتلك عاوزك فكلمتين.

عيشه:

خير يارب قلقتنى.

بشندى:

له متقلقيش دول كلمتين لموصلحتك. اقعدى بس الاول عشان الحديت طويل ومينفعشى عالواقف.

عيشه بصتله باستغراب وراحت على دكه من الدكتين اللى كانو فايتينهم فالجنينه وقعدت وهو قعد قبالها وعينها عليه مستنيه يتحدت.

بشندى:

بصى ياعيشه هسألك سؤال. انتى دلوك مره وحدانيه وعتنامى كل عشيه لحالك ومحدش عيشقر عليكى. اففرض بعد الشر موتى فيوم بالليل وحدش جارك ونسيوكى يومين مثلا محدش طل عليكى مين اللى هيعرف الناس انك موتى وكتهاااا. محدش ومهيعرفوش غير لما ريحتك تطلع.

عيشه بسرعه وهى عترقى نفسها بيدها:

يختااااى بعد الشر الشر بره وبعيد باعتلى وجايبنى قبالك عشان تفول عليا ياراجل انتا ولا ايه!!!عاوز ايه يابشندى.

بشندى:

له يابت جايبك افول عليكى ايه اسماله عليكى وعلى عمرك. انى جايبك عشان اقولك انى هتجوزك عشان لما تموتى انى اللى اقول عليكى للناس ومتعفنيش لحالك.

عيشه:

تُغباره عليك يابشندى وعلى خشمك اللى عينقط جِله طريه. فيه حد يطلب يد حد اكده ياراجل.

بشندى بعصبيه:

بصى اصل انى ماليش فالنحنحه ومحن التلاب ديه. انى دوغرى واحب الدوغرى. انى عاوز اتجوزك هاه قولتى ايه ردى دلوك بس دوغرى.

عيشه ضحكت وبصت للارض ومتكلمتشى.

بشندى:

لكمه تاخدك قال يعنى وش كسوف قوى.

عيشه رفعت وشها عليه وهى مبرقه بعدم تصديق.

بشندى رفع عكازه عليها واتحدت بضحكه:

نزلى عنين البسس دول ياعيشه ومتطلعليش بيهم اكده عيشندلو حالى. عذرتك ياحكيم ياولدى دلوك والله.

عيشه ضحكت وبشندى ابتسم على ضحكتها:

طب على اكده قولنا مبروك خلاص. معاوزاش تسألينى على ايوتها حاجه اكده ولا اكده قبل العقد.

عيشه:

هسأل على ايه يعنى هو انتا غريب ومعرفكشى ولا هقولك فين قورمتك.

بشندى:

خلاص مادام انتى معندكيش سؤالات اسألك انى احمم: الا هى شغلانة الجبنه عتكسب زين ياعيشه. يعنى تقدرى تفتحى بيت وتصرفى عليه منيها.

عيشه برقت عنيها ومدت دماغها عليه واتحدتت وهى عتضروب على صدرها:

يشندلك يابشندى. بيت ايه اللى هفتحه واصرف عليه من الجبنه ياراجل.

بشندى بضحكه مكتومه:

بيتنا ياعيشه. مش اى بيت عيعوز مصاريف ووكل وشرب ولا ايه.

عيشه وقفت على حيلها واتحدتت بغلب:

يشندلك شنديل ياحزين. لا هو انى اللى هصرف عالبيت ياك.

قالتها واتحركت من قباله على السرايا وهو اخيرا ضحك بصوت عالى وهو عينادم عليها:

اخدى يابه عضاحيك معاكى. ياوليه عاودى كنت عشوفك هتقولى ايه. طلعتى مش كد مسئولية بيوت ياقزينه هههههع ههههعهع. طب عقولك اوبقى حضرى مهر زين عشان تديهونى قبال المأذون طا.

عيشه وقفت ولفت عليه وهو كمل حديته:

واه مش عتشترى راجل ياوليه انتى. امال عاوزه تتجوزى اكده ببلاش ولا ايه.

وكمل ضحك عليها وهو شايفها داخله السرايا عتضروب كف بكف وتبرطم عليه وهمس:

والله لاربيكى يالقاقه يام عيون بسس انتى يابت الدزمه.

وبعدها اتحرك على البوابه وقال لحد من الرجاله يجيبله الفرس عنتر ويحط عليه سرجه واستنى شويه لغاية قبل الفجر بساعه وجاب راجلين طلعو عوض من المشتمل وربطوه فعنتر وساعدو بشندى يركب عليهوفتحوله بوابة السرايا وطلع بعوض يجرجر فيه فكل طرقات البلد وعوض من كتر الالم صوته راح والدم بقا يرشح منيه من كل حته وفضل رايح جاى بيه موقفش لحدت ماشفى غليله منيه.

واخر حاجه عميلها انه راح بيه على غيطان القصب و قطع الحبل اللى متعلق بيه فعنتر وفاته على الارض ولف بعنتر وبصله وهو عيتألم ويأن بصوت منتهى.

بشندى:

انى اكده خدت حقى منيك وفايتك لحق ربنا. ياخده منيك دلوك عاد يأجلك الى حين هو وحكمته فيك. بس لو اتكتبلك عمر ياعوض وشفت زولك فالبلد متعرفشى وكتها هعمل فيك ايه.

عوض فتح عنيه وبص حواليه بضعف ولما لقى حاله جار زرعة قصب زعق بصوت مبحوح:

له يابشندى اوعاك تمشى وتهملنى للديابه اهنه. امانه عليك يابشندى ماتعملها.

لكن بشندى لف عنتر واتحرك ولا كأنه سامعه.

عوض بص للقصب بخوف واترجف كله وهو واعى عنين عتلمع فضلمة القصب وصرخ على عوض وهو عيحاول يقوم ماقادرشى:

الديابه يابشندى. بشندى ماتهمالنيش. غيتونى ياخاااالق. بشنداااااااى. بش...ااااااااااااااه.

بشندى ابتسم برضى وهو ماشى:

اكده مبقاش فاضل غير حساب داكتور الوحده والقلب يبرد عالاخير.

رجع على السرايا وادى عنتر لواحد من الرجاله يوديه الاسطبل ودخل المندره وراح على موطرحه واتمدد على سريره وحط يده تحت راسه وراح فالنوم براحه وهو قرير العين والقلب.

النهار طلع وحكيم اتململ فنومته وفتح عنيه وابتسم وحط يده تحت راسه وهو عيتطلع لحلمه اللى اتحول لحقيه ونايم قباله واخيرا فتح عنيه الصبح على جمارة قلبهمد يده يشيل شعرها من على عنيها وهى اول ماعيمل اكده حست عليه وابتسمت من غير ماتفتح.

حكيم قرب منها وهمس فودنها:

والله لو خيرونى وحطولى الدنيا كلها فكفه وصباحى على الطله فوشك فكفه هختار كفتك انتى وابيع الدنيا بحالها.

جماره فتحت عنيها واتجولت هى كمان فوشه ورفعت يدها حطتها على خده وبلعت ريقها وهى عتهمسله:

خف على قلبي من حديتك الحلو ديه ياشيخ قلبي. هتبص تلاقينى فرفرت منيك ومهتقدرشى تلحقنى.

حكيم قرب وشه منيها وابتدا يهمسلها فودنها بأحلى الكلام كنه عيتوكد من صدق كلامها وبالفعل اتوكد من صحته وهو شايفها غمضت عنيها وانتهت وهمستله بضعف:

لو عتحبنى كفايه ياحكيم الله يرضى عليك. ديه كتير قوى قوى عليا فيوم واحد والله.

حكيم همسلها بتعجب:

لو عحبك ياجماره. عتقولى لو عحبك. دانى محبيتش حد غيرك ولا كدك ولا القلب نبض لبنيه غيرك طول عمره.

وواصل الهمس

اقسملك انى لم يحدث أبداً أن أحببت بهذا العمق لم يحدث. لم يحدث أبداً أني سافرت مع امرأة لبلاد الشوق وضربت شواطئ شفتيها كالرعد الغاضب أو كالبرق.

لم يحدث أبداً أن أوصلني حب امرأة غيرك حتى الشنق.

لم أعرف قبلك واحدة غلبتني، أخذت أسلحتي هزمتني .. داخل مملكتي، نزعت عن وجهي أقنعتي.

لم يحدث أبدا سيدتي أن ذُقت النار ، وذُقت الحرق.

انهى همسه بتأكيد حبه ليها بطريقه تانيه اجمل واقوى على اثرها داب كل واحد منهم فالتانى كيف قطعه من السكر سقطت فى كوب شاى ساخن.