تحميل رواية «في قبضة الفهد» PDF

فى اوضه زينه اللى قاعده فى حضن تمارا بعد مااخدت شاور وغيرت وساكته خالص مش بتتحرك ولا بتتكلم والكل كانو حوليهااا مريم ومروة وشروق والبنات

تمارا بصتلهم بخوف ورجعت بصت لزينه: زينو حبيبتى انتى كويسه

زينه هزت راسها بلا

مريم: طب ايه اللى بيوجعك ياحبيبتى

زينه: مش عارفه

مروة: انتى اكيد جعانه يازينه قوليلى نفسك تاكلى ايه وانا هعمله فى دقايق

زينه: ماليش نفس

جنه: زينوو انتى كويسه

زينه دخلت فى حضن تمارا وعيطت بهستيريه والكل خافو عليهاا

شروق: تمارا احنا هنخرج وانتى اتكلمى معاها كدا احسن

تمارا: حاضر

كلهم خرجو وتمارا كانت بتحاول تهدى زينه اكتر: اهدى ياروح قلبي احنا كلنا معاكى اهدى يازينو بلاش توجعى قلبي عليكى

زينه بعد شويا كانت هدت وبعدت عن حضن تمارا اللى استغربت

زينه: ماما

تمارا: عيون ماما

زينه: ممكن اسالك على حاجه

تمارا: طبعاا ياحبيبتى اسالى

زينه: هو بابا كان بيشتغل فى المافيا

تمارا اتصدمت من سؤالها لانهم بيحاولو على قد مايقدرو يخبو الحقيقه دى على الولاد

زينه: بابا وعمو كنان وعمو راكان لما كنتو فى ايطاليا كانو تبع المافيا

تمارا: انتى جبتى الكلام ده منين يازينه

زينه: اللى اسمها سماح اللى قالتلى يعنى الكلام ده صح

تمارا ……

زينه عيطت: يعنى بابا كان بيتاجر فى سلاح وبيقتل الناس زى ماقالت انا بجد ماكنتش مصدقه وانا قولتلها لا بابا ده احسن واحد فى الدنيا مش مصدقه انه كان زعيم مافيا

تمارا بحده: زيـــــــــنه … بابا مافيش احسن ولا احن منه فاهمه والكلام ده مش لازم حد يعرفه …… بصى ياحبيبتى انا صح اتعرفت على بابا لما كان شغال تبع المافيا ومعاه كنان وراكان بس هو اتغير لانه حبنى واتفق مع الشرطه وحبس كل الناس اللى بيشتغلو فى المافيا ولانه ساعدهم الشرطه سابته يازينه….. ياحبيبه قلبي بابا مافيش احسن منه

زينه: وانتى ازاى وافقتى تكملى معاه بعد ماعرفتى حقيقته

تمارا: اللى بيحب بجد يازينه ممكن ينسي العالم كله مش حقيقه شخص عشان كدا انا قولتك انتى محبتيش فريد لانك لو كنتى بتحبيه كنتى هتتخطى اللى صحابه عملوه فيكى وكل اللى عمله معاكى زى مانا كدا اتخطيت حقيقه شغل فهد تعرفى لما حسن عرف قالى انتى لازم تطلقى منه

زينه: وانتى عملتى ايه

زينه: وقفت فى وش حسن اخويا اللى كان اقرب حد ليا وقولته فهد جوزى وحبيبي وعمرى ماابعد عنه ابدااا وقتها قالى تختارى فهد ولا انا قولته اختار فهد ابو ابنى لانى وقتها كنت حامل فى زين

زينه: لدرجه دى كنتى بتحبي بابا

تمارا: حبى لفهد يتخطى كل الحدود يا زينه وصدقينى ياحبيبتى بابا ده احسن شخص فى الدنيا كلها وممكن يفدينا بروحه

زينه: انا متاكده من ده وانا اسفه انى اتكلمت فى الموضوع ده ومستحيل اجيب سيرته او افتحه تانى قدام حد

تمارا ابتسمت واخدتها فى حضنها: حبيبه قلبي……. زينه

زينه: نعم

تمارا: احكيلى اللى حصل معاكى ياحبيبتى حد فيهم قرب منك

زينه هزت راسها بلا واتنهدت وبدات تحكى لتمارا كل اللى حصل معاها

تحت عند الرجاله

فهد: فاق ولا لسه يازين

زين: لسه جنه قالت مش هيفوق غير بكرة

اسر: حضرتك ناوى تعمل ايه معاه

ادهم: هو ممكن يتحبس بتهم كتير زى انه جاب ناس عشان يمثلو انهم اهله وانه خطف زينه

فهد: اكيد هيتحاسب على اللى عمله

الماميز والبنات نزلو

حسن: زينه كويسه

مريم: مش بتتكلم ابدا

مروة: شكلها مصدومه من اللى حصل معاها

شروق: اللى حصل ماكنش سهل عليها بردو

فهد: طب اطلعو ارتاحو الكل تعبانين

الكل طلعو على اوضهم معادا اسر اللى راح وقف قدام اوضه زينه نفسه يدخل يطمن عليها ومش عارف يعمل ايه وقف سند على الحيطه يمكن تمارا تخرج تطمنه عليها

اسيل خرجت من اوضتها شافته واقف قربت منه وحضنته بقوة وهو كانه كان محتاج الحضن ده واتنهد بحزن: خايف عليها اوى

اسيل: هتبقي كويسه ياحبيبي

اسيل بعدت عن حضنه: ادخل اتطمن عليها

اسر: لا هستنى توتا لما تخرج

اسيل: دى مراتك يااسر

اسر: عارف بس مش عايز اضغط عليها روحى انتى نامى ياحبيبتى

اسيل: هنزل اجيب ميا وهطلع انام

اسر: حاضر

تمارا حاضنه زينه: الحمدلله ياحبيبتى انه مقربش منك

تمارا ضحكت وزينه استغربت: مالك ياماما

تمارا: عجبتينى لما ضربتيه يازينووو انا عايزكى كدا على طول قويه

زينه بعدت عن حضن تمارا: ماما هو اسر بجد …

تمارا: اه يازينو كلام اللى اسمها سماح صح اسر بيحبك ومن زمان وعلى فكرة العيله كلها عارفه

زينه: كلهم

تمارا: اه وكانت امنيتنا انكو تبقو من نصيب بعض والحمدلله انتو بقيتو سواا

برا الاوضه اسر واقف ساند على الحيطه جه عليه فهد: واقف كدا ليه

اسر: مافيش بس مستنى توتا تخرج عشان اطمن على زينه

فهد: طب ماتدخل تطمن عليها بنفسك

اسر: لا مش عايز اضايقها واضغط عليها

فهد طبطب على كتفه: طب روح ارتاح اكيد تعبان

اسر: انا كويس

فهد خبط على باب اوضه زينه ودخل

فهد قعد على السرير جمب زينه وشدها لحضنه: عامله ايه ياحبيبتى

زينه: الحمدلله يابابا انا كويسه

فهد: حد منهم اذاكى او عملك حاجه

زينه: لا يابابا متخافش

تمارا: بنوتى قويه طالعه مامتها ميتخافش عليها

فهد باس راسهاا: الحمدلله ياقلب الفهد

زينه ضحكت: كدا نبض الفهد هتزعل

تمارا قربت وحضنت زينه: ربنا يخليكو ليااا

الباب خبط

تمارا: ادخل

دخل زين وشافهم: ايه التجمع القمر ده

تمارا: تعالى ياحبيبي

زين: عامله ايه يازينو

زينه بعدت عن فهد ودخلت فى حضن زين: كويسه يازيزو

زين باسهاا: الحمدلله ياقلب زيزوو

فهد: صاحبك لسه برا

زين: مستنى حد يخرج يطمنه عليها هيتجنن

تمارا: اسر

زين: ايواا

تمارا: تعالو نخرج وخليه يدخل يطمن عليها

زينه مسكت ايد تمارا وتمارا طبطبت على كفها وهمست: ده جوزك ياحبيبتى

الكل خرج واسر قرب منهم: بقت احسن

تمارا: ادخل اطمن عليها بنفسك

اسر: بس

فهد: من غير بس ادخل اطمن عليها يلا

مشو واسر خبط على الباب وسمع صوت زينه بتأذنله يدخل

فتح الباب ودخل وكانت واقفه جمب السرير لابسه بجامه لونها موف بكم ورافعه شعرهاا على هيئه كحكه ودى كانت اول مرة يشوفها بشعرها اسر قرب منها وزينه كان متوترة ومكسوفه واتفاجت لما شدها لحضنه حضنها بقوة وهمس: كنت هموت من الخوف عليكى يازينه

اسر بعد عنها: عامله ايه يا زينه

زينه بتبص فى كل اركان الاوضه بعيد عن عينيه واسر ملاحظ ده: الحمدلله

اسر مسك ايدها وراح ناحيه السرير وقعدها وقعد قدامها وهو لسه ماسك ايدها: اسف انى عملت كدا بس انا كان نفسي اخدك فى حضنى من اول ماشوفتك نازله تجرى من الشقه

زينه كانت هتموت من الكسوف

اسر: حد منهم قرب منك او اذاكى يازينه

زينه بتوتر سحبت ايدها من بين ايديه: لا محدش عمل فيا حاجه

اسر بصلها اوى لما سحبت ايدها: زينه انا لسه عند وعدى

زينه: وعد ايه

اسر: قولتلك لما اتاكد ان فريد مش هيقدر يقرب منك تانى هطلقك واسيبك تعيشي حياتك والاختيار ليكى يازينه وصدقينى لو اختارتى البعد انا مش هقف فى طريق سعادتك ابداااا

زينه رفعت عينيها وبصتله اوى ومش عارفه تقول ايه

اسر قام وقف: هسيبك ترتاحى اكيد تعبانه تصبحى على خير

زينه: تلاقى الخير

اسر خرج وزينه ماكنتش عارفه تعمل ايه مسكت فونها ورنت على جنه وقالتلها تيجى تنام معاها

بعد شويا الباب اتفتح ودخلت جنه: الجميل ماله

زينه: مش عارفه مالى حاسه انى متلخبطه ومش عارفه انا عايزة ايه

جنه قعدت جمبها على السرير: مالك يازينه

زينه: حكتلها على كلام سماح ماعدا طبعا موضوع المافيا

جنه: بس محدش فيهم غلط فيها هى اللى غلطت لما كدبت على عمو حسن

زينه: انا قولتلها كدا مش عارفه خالو كان متجوز الست دى ازاى

زينه سكتت شويا: اسر كان عندى من شويا

جنه: اممم وبعدين

زينه قالتلها على وعده

جنه: وانتى عايزة تطلقى يازينه

زينه: مش عارفه حاسه انى تايهه ومش عارفه انا عايزة ايه

جنه: اسر بيحبك اوى يازينه بلاش تضيعيه من ايدك

زينه بصتلها: فاكرة لما قولتيلى انه بيحب واحده بس غبيه

جنه: اممم فاكرة

زينه ضحكت: وانا الغبيه دى صح

جنه ضحكت: ايوا انتى الغبيه للاسف

الاتنين ضحكو سوااا

جنه: بلاش تخسريه يازينو

زينه: انا تعبانه تعالى ننام

جنه: يلاا

الاتنين حضنو بعض ونامو على طول

صباح تانى يوم فى الاوضه اللى فيها سماح وفريد اللى فاق بس باين عليه التعب

تمارا دخلت مع فهد وسماح اول ماشافتها ضحكت: ليكي وحشه والله يامقصوفه الرقبه

بس لسه زى مانتى حلوة وقويه

تمارا: وانتى لسه زى مانتى غلويه وحقوديه ياسوسو

سماح: غلى وحقدى كله عليكى انتى واخوكى

تمارا: والله انتى المفروض تتدعيلى يعنى لو مكنتش خليت حسن طلقك ماكنتش هتتجوزى الراجل الغنى وتكوشي على كل فلوسه واملاكه

سماح ضحكت: دانتو عرفتو كل حاجه بقي وياترى المحروسه ماقالتلكيش انها عرفت وظيفه ابوها العظيمه

فهد بص لتمارا

تمارا: حتى لو عرفت مش هتقدرى تاثرى على ولادى عارفه ليه لانهم تربيه فهد وتمارا مش تربيه سماح

نهت كلامها وهى بتبص لفريد

فهد: خلصتى هرى والوقت جه وقت الحساب

سماح: حساب ايه هو حد جه جمبكو دانا كنت ناويه ليكو على بلاوى بس الله يسامحه الحب اللى خلى ابنى يمشي ورا قلبه

فهد: كفايه بس انكو فكرتو تقربو من عيلتى

تمارا قربت من فريد: عارف نفسي اعمل فيك ايه بسبب اللى عيشت بنتى فيه بس فرحانه لانها علمت عليك وانت قدامى مش قادر تتحرك كدا

سماح: مالكيش دعوة بابنى ياتمارا فاهمه

ادهم دخل: عمى كل حاجه جاهزة

فهد: شوف شغلك ياحضرت الرائد

دخل عساكر واخدو سماح وفريد وركبو البوكس وادهم وراهم بالعربيه وخرجو من القصر

فهد بص لتمارا: هي زينه عرفت ياتمارا

تمارا: متقلقش انا اتكلمت معاها وهى فهمت كل حاجه ومش هتفتح السيرة دى تانى

تمارا دخلت فى حضن فهد: الحمدلله خلصنا منهم وهنعيش بسعاده يافهد

فهد باس راسها: هنعيش بسعاده يانبض الفهد ……

عدى اسبوع والكل عايشين بسعاده والقلق والخوف اختفو من حياتهم.

واسر اللى بيستنى قرار زينه اللى تقريبا طول الوقت بتتحاشي النظر فى عينيه ومش بيشوفها كتير ولا حتى بيتكلم معاها وفسر ده انها قررت البعد.

***

فى يوم جديد على قصر الفهد ادهم دخل كان الرجاله والشباب قاعدين سوا.

ادهم: صباح الجدعنه على اجدع رجاله فيكى يابلد.

الكل: صباح الخير.

ريان: منورنا ليه من الصبح كدا.

ادهم: ايه الكسفه دى وبعدين انت مالك ياض انا جاى لحمايا حبيبي.

حسن ضحك: اهلا وسهلا ياسي ادهم.

ادهم: انا جاى اخد اسيل ياعمى عشان نشوف الجناح بتاعتنا لو حابه تغير فيه حاجه.

ريان: تغيره ليه.

ادهم: مش عروسه ولازم تختار ديكور المكان اللى هتعيش فيه يااذكى اخواتك.

ريان: اوبااا تصدق راحتك عن بالى خالص.

راكان: يعنى ادهم اللى بيفهم فيكووو.

ادهم وهو بيرفع ياقه قميصه: طبعاا اومال ايه.

فهد: كل واحد فيكو يشوف عروسته عايزة تغير ايه فى الجناح.

زين: واحنا هنلحق نغير حاجه ده لسه اسبوع على معاد الفرح.

كنان بخبث: ممكن نأجل الفرح شويا.

راكان: عادى يعنى.

ادهم بصوت عالى: والمصحف مايحصل دانا اعملكو اضراب فى نص القصر هنا.

ريان: وانا هنضم ليك يعنى هسيبك لوحدك.

كل ده واسر ساكت مش بيدخل معاهم فى الحوار وفهد وحسن ملاحظين ده.

كنان: وانت مش ناوى تعمل اضراب معاهم يازين باشا ولا ايه.

زين: دول عيال تافهه.

ادهم: يعنى انت مش عايز تتجوز من الاخر.

ريان بص لفهد: خلاص ياعمى جوزنا احنا وخلى الواد ده يعنس.

زين: انت اد الكلام ده.

ريان قعد جمب ادهم: اه انا وادهم اده.

ادهم زقه: ابعد عنى ياض انا مالى بيك اصلا.

ريان: هتبيع اخوك يعنى.

ادهم: ولا اعرفك.

فهد: يلا كل واحد على شغله ولما ترجعو تشوفو موضوع الجناح ده.

الشباب: تمام.

ادهم: طب اخد عروستى طيب.

حسن: اهى نزلت اهى.

اسيل: صباح الخير.

الكل: صباح النور.

حسن: روحى مع ادهم يااسيل بس خلصو شغلكو الاول وبعد كدا شوفو هتعملو ايه.

ادهم: حاضر ياباشا يلا يااسيل.

ادهم مسك ايد اسيل وخرجو والشباب قامو عشان يخرجو.

فهد: اسر.

اسر لف: نعم.

فهد: تعالى اقعد عايزك.

اسر قعد جمب حسن وقدامه فهد.

فهد: مالك يااسر ساكت ليه.

اسر: مافيش عادى.

حسن: اومال مش بتتكلم معاهم ليه مش معترض على تاجيل الفرح.

اسر: ده يرجع لزينه يابابا.

فهد: ازاى مش فاهم.

اسر: انا كنت وعدت زينه انى لمااقدر اخلصها من خطر فريد انا موافق على اى قرار تاخده.

حسن: قرار ايه يااسر.

اسر: يانفضل سوا يااطلقها وتعيش حياتها زى ماهيا عايزة.

فهد بحده: انت اتجننت يااسر.

اسر: كدا احسن ياعمى زينه مش مبسوطه وحضرتك شايف انا مش عارف اتكلم معاها كلمتين على بعض ودايما بتتجاهلنى.

فهد بص لحسن ورجع بص لاسر: هى اه حياتكو وانتو احرار بس انا مش هسيبكو تقررو على كيفكوو فاهم يلا ياحسن.

فهد وحسن قامو خرجو من القصر واسر فضل قاعد سرحان فاق على صوت زينه هى وجنه وهما نازلين من على السلم.

زينه: يابنتى بقي الروايه حلوة جداا.

جنه: بقولك ايه احنا اتاخرنا جدااا وانتى مش فارق معاكى غير الروايه.

زينه لسه هترد شافت اسر بيبص عليها سكتت.

جنه: صباح الخير يااسر.

اسر ابتسم: صباح الخير…. صباح الخير يازينه.

زينه: صباح الخير.

اسر: رايحين المستشفى.

جنه: اه.

اسر: تعالى اوصلكو فى طريقى.

اسر خرج وجنه بصت لزينه: والله حرام عليكى اللى بتعمليه فيه.

زينه: يلا عشان اتاخرنا.

جنه وزينه خرجو وركبو فى العربيه واسر اتحرك بالعربيه.

***

فى الشركه وتحديداا فى مكتب ريان الباب خبط ودخلت جميله: صباح الفل.

ريان ابتسم: صباح الحلاوة.

جميله دخلت قعدت ومدت ايدها بملف: اتفضل ده الملف بتاع اخر مناقصه.

ريان اخده منها وفتحه وركز فيه شويا: انت اللى عملتيه لوحدك.

جميله: اه والله هو كويس ولا عمو فهد ينفخنى.

ريان ضحك: ده ١٠/١٠ يابنتى.

جميله بفرحه: قول والله.

ريان: والله.

جميله: دانا اسلمه لعمو فهد وانا مرتاحه بقي.

ريان: وحاطه رجل على رجل كمان.

جميله ضحكت: لا مش لدرجه دى.

ريان: النهارده ابقي اطلعى الجناح عشان تشوفى لو عايزة تغيرى فيه حاجه.

جميله: جناحك.

ريان: جناحنا ياقمر.

جميله: هو انا ماشوفتوش قبل كدا بس اكيد هيكون حلو.

ريان: ومتاكده ليه كدا ان ذوقى حلو.

جميله: كفايه انك اختارتنى ياقلبي.

ريان: فى دى معاكى حق الصراحه بقولك ايه ماتيجى نتغدى سوا ونروح نشوف موضوع الجناح مش انتى خلصتى.

جميله: اه خلاص.

ريان قام وقف واخد فونه ومفاتيحه: طب يلا.

جميله: يلاا.

***

فى مكتب ادهم اسيل فتحت ودخلت كان ادهم بيشتغل: ادهم.

ادهم بصلها: عيون ادهم.

اسيل قعدت على الكرسي: لسه قدامك شغل كتير.

ادهم: هخلص الملف ده وبس ياحبيبتى.

اسيل: استناك هنا ولا هعطلك.

ادهم بغمزة: انتى تعطلينى براحتك ياقلبي.

الباب خبط ودخلت سكرتيرة اللى اسيل بتكرهها لان لبسها ضيق اوفر.

امل السكرتيرة بدلع: مستر ادهم الملف ده محتاج امضا حضرتك.

ادهم: هاتى ياامل.

ادهم اخد الملف وبيمضيه واسيل بتبصلها بقرف.

اسيل: هو حضرتك معرفتيش قرارات مستر فهد الجديده ولا ايه.

امل: قرارات ايه.

اسيل: اللى لبسهم زى حضرتك كدا هيمشو من الشركه كلها.

امل بخوف: انا معرفش.

اسيل: اديكى عرفتى بكرة تيجى باللبس كويس بلاش قرف.

ادهم: اتفضلى الملف اهو روحى شوفى شغلك.

امل اخدت الملف وخرجت ادهم بص لاسيل اللى لسه عينها على الباب: ارحمى البت شويا كل ماتشوفيها ترعبيها كدا.

اسيل: دى بت قليله الادب مفكرة نفسها شغاله فى كباريه مش شركه محترمه ولا حضرتك عجبك لبسها.

ادهم بحده: انتى عبيطه يااسيل انا ادهم ولا انتى ناسيه.

اسيل: لا مش ناسيه بس البت دى بتعصبنى.

ادهم: وبعدين فى حد يبقي مراته قمر كدا ويبص لغيرها ده يبقي حمار.

اسيل ضحكت: وحبيبي مش حمار.

ادهم ضحك: طب يلا انا خلصت خلينا نمشي.

اسيل: يلا.

***

فى مكتب حسن الباب خبط ودخل اسر.

اسر: بابا فاضى نتكلم شويا.

حسن: اه يااسر تعالى اقعد.

اسر قرب وقعد على الكرسي وسكت شويا.

حسن: مالك يااسر.

اسر: فى موضوع مهم لازم اتكلم معاك الاول قبل مااقوله للعيله.

حسن بقلق: موضوع ايه يااسر.

اسر بصله اوى وبدا يقوله.

***

جنه وزينه رجعو من المستشفى دخلو القصر.

تماارا: حمدلله على سلامه ياقمرات.

جنه وزينه: الله يسلمك ياتوتاا.

زينه: انا جعانه جداا ياتوتا.

تماراا: اطلعو غيرو يكونو الباقى وصلو وناكل سوااا.

شروق ومروة خرجو من المطبخ.

شروق: ريان وجميله هيتغدو براا.

مروة: واسيل هتتغدى عند ادهم.

تمارا: تمام لما الباقى يوصلو هناكل احنا سوا.

البنات طلعو واسر دخل هو وحسن: السلام عليكم.

الكل: وعليكو السلام.

تمارا: فهد مجاش معاكوو.

اسر: بيركن العربيه برا ومعاه زين.

مروة: اطلعو يلا غيرو على مانحضر الاكل.

اسر: توتا زينه فين.

تماارا: فى اوضتها ياسر.

اسر: تمام.

اسر طلع وراح على اوضه زينه ولسه هيخبط سمع كلامهم.

***

فى اوضه زينه كانت جنه قاعده معاهاا.

جنه: وانتى هتروحى القسم بجد.

زينه: لا قولت لبابا مش عايزة اروح اشهد لانى بجد مش عايزة اشوفه بعد اللى عمله.

جنه: بجد مش عارفه هو ازاى كان عايز يقرب منك وانتى ازاى مقولتيش لعمو فهد او زين.

زينه: انا قولت لماما بصراحه خوفت اقول لبابا او زين.

جنه: فريد ده بجد طلع شخص مش طبيعى يعنى عشان كتبتى كتابك على اسر عايزة يقرب منك عشان تبقي ليه هو.

زينه: ونبي ياجوجو بلاش نتكلم تانى فى الموضوع ده انا عايزة انسي اليوم ده كله عايزة انسي فريد ذات نفسه.

جنه: حاضر ياقلبي يلا غيرى عشان ننزل.

اسر سمع كلامهم اتعصب ونزل وخرج من القصر وركب عربيه وساق باقصى سرعه بعد شويا وصل القسم ونزل من عربيه ودخل كان صديق ادهم هناك وقابل اسر.

مراد: ازيك يااسر.

اسر بعصبيه: فريد فين.

مراد: فريد فى الحبس ليه.

اسر: عايز اشوفه.

مراد: صعب يااسر انت عارف.

اسر بعصبيه: مرااااد بقولك عايز اشوفه.

مراد: طب اهدى هخليك تدخله بس بلاش عصبيه ونبي.

اسر: حاضر.

اسر مشي مع مراد وصل عند الزنزانه اللى فيها فريد وسماح لوحدهم واسر اول مامراد فتح الباب وشاف فريد انقض عليه زى الاسد اللى بيهجم على فريسته ونزل فيه ضرب بكل قوته ومراد والعساكر كانو بيحاولو يبعدوه عنه وسماح بتصوت خوفا على فريد.

مراد خرج بسرعه ورن على ادهم عشان يجى بسرعه ولان فيلا ادهم قريبه من القسم خلال دقايق كان وصل ودخل وبعد اسر عن فريد اللى كان قرب يموت من الضرب واخده وراح على مكتبه.

ادهم: انت غبي يااسر ازاى تعمل ايه.

اسر بعصبيه: ادهم انا على اخرى.

ادهم: اخرك تقوم تعمل كدا عايزه يموت فى ايدك.

اسر قرب من ادهم: انت عارف الحيوان ده عمل ايه حاول يقرب على زينه على مراتى انت فاهم.

ادهم: طب اهدى يااسر ياعم ده الواد كان هيموت فى ايدك ده الواحد يخاف منك بعد كدا.

اسر ضحك: خاف منى بقي.

ادهم: طب يلا امشي بسببك سبت المزة فى البيت لوحدها.

اسر: ماتلم نفسك ياض دى اختى على فكرة.

ادهم: ومراتى ياعم يلا هوينا بقي.

اسر: انا ماشي سلام.

ادهم: سلام.

ادهم خرج من المكتب وبص للعسكرى: هاتو دكتور للواد اللى بيموت جوا ده.

العسكرى: امرك ياباشا.

***

فى القصر الكل متجمعين فى الريسبشن بيخططو للفرح دخل اسر.

مروة: كنت فين ياحبيبي.

اسر: مشوار كدا ياست الكل.

مروة: طب تعالى احضرلك الاكل.

فهد: روحتله مش كدا.

اسر بص لفهد: حضرتك قصدك مين.

فهد: فريد.

حسن: روحتله ليه يااسر.

كنان: احنا سلمناه لادهم وهو هيتصرف معاه.

اسر بعصبيه: انا كنت ماسك نفسي بالعافيه بس مقدرتش امسك نفسي اكتر كدا.

زينه عينها على اسر وشايفه عصبيته وهى كانت شاكه ان اسر سمع كلامها هى وجنه بعد ماتمارا قالتلها ان اسر كان عايزها وطلع الاوضه عشان يتكلم معاها بس الوقت اتاكدت انه سمع كلامهم وبصت لجنه.

زين: انا كنت عارف ان هدوءك ده مش طبيعى.

راكان: حصل خير روح اتغدى وتعالى عشان احنا نخطط للفرح.

اسر: فى موضوع تانى عايز اتكلم معاكو فيه.

حسن بص لابنه اوى.

اسر بص لفهد: فرع الشركه اللى دبي فيه شويا مشاكل وكنت عايز اطلب منك ياعمى انى اروح امسك الفرع ده.

مروة: طب وفرحك يااسر.

اسر بص لزينه اللى نزلت وشها فى الارض: ربنا يسهل ياست الكل.

مروة بصت لحسن: ربنا يسهل وكل حاجه بس قصدك ايه.

فهد: نتكلم بعدين روح اتغدى وارتاح شويا يااسر وبعد كدا نتكلم.

اسر: لو سمحت ياعمى لازم نتكلم الوقت انا هطلق زينه وهسافر امسك الفرع اللى فى دبي.

الماميز والبنات ماعدا زينه شهقوو.

مروة: انت بتقول ايه يااسر.

اسر: ده الصح وكتب كتابنا كان غلط من الاول الناس بتتجوز عشان يعيشو مبسوطين سواا وزينه مش مبسوطه ولا انا هكون مبسوط وانا شايفها كدا.

مروة: بس ياا..

اسر: خلاص ياست الكل الموضوع انتهى هطلع ارتاح لانى هسافر بكرة باذن الله.

فهد: انت قررت من نفسك يااسر.

اسر: المشاكل اللى فى فرع كتير ياعمى ولازم تتحل فى اسرع وقت هطلع ارتاح تصبحو على خير.

الكل: تلاقى الخير.

اسر طلع والكل بصو لزينه اوى وهى ماكنتش عارفه تقول ايه وقامت وقفت: عن اذنكوو انا هطلع انام….

في فيلا أدهم

أسيل وسهام قاعدين سوا بيستنوا أدهم اللي خرج.

أدهم دخل من باب الفيلا: آسف على التأخير.

سهام: كنت فين يا حبيبي؟

أدهم بص لأسيل: أخوكي ياستي راح القسم ومسك فريد ضربه والواد كان هيموت في إيده وواحد صاحبي كلمني عشان أروح أخلصه من إيده.

أسيل: نهار أسود ليه كدا؟

أدهم: بينتقم منه بقي بس الحمد لله إن الواد كويس لو كان جراله حاجة كان أسر راح في كلبوش.

سهام: ربنا يحميه يارب.

أدهم: يلا ناكل بقي أنا ميت من الجوع.

أسيل: هحضر الأكل أهو.

سهام: هاجي معاكي يا أسيل.

حضروا الأكل وأكلوا سوا. وبعد ما خلصوا أدهم أخد أسيل وطلع على جناحه اللي أول مرة تدخله.

أول ما دخلت كان فيه ريسبشن صغير وفيه شاشة وبعد كدا دخلت أوضة النوم اللي كانت بألوان الأسود والبني وكان فيه شباك إزاز كبير بيخرج على بلكونة كبيرة وفيها زرع كتير وباب للحمام وأوضة اللبس.

أدهم: إيه رأيك يا حبيبتي؟

أسيل: حلو جداً بس ممكن سؤال.

أدهم: اتفضلي يا قمري.

أسيل: ليه انتوا الشباب دايماً أوضكم بتكون ألوان غوامق؟

أدهم ضحك: مانا أكيد مش هعمل أوضتي بينك يا أسيل.

أسيل ضحكت.

أدهم: وبعدين أنا جايبك هنا عشان تختاري عايزة تغيري فيها إيه.

أسيل: لا طبعاً مش هغير حاجة هي أصلاً عجباني.

أدهم: انتي بتهزري يا أسيل لا طبعاً لازم تختاري ديكور وكل حاجة في الجناح زي ما انتي بتحبي.

أسيل: والله يا أدهم حلو جداً وعجبني ومش حابة أغير أي حاجة بس حاجة واحدة.

أدهم: إيه هيا؟

أسيل: عايزة مرجيحة في البلكونة دي لأني بحبهم جداً.

أدهم: من عيوني يا قلبي أحلى مرجيحة لأحلى أسيل في الدنيا.

أسيل ابتسمت: حبيبي يا دومي يلا بقي عشان أروح أنا اتأخرت جداً كدا.

أدهم: يلا يا حبيبتي.

***

جميلة وريان رجعوا القصر كان الكل قاعدين مكانهم والحزن باين عليهم ومروة اللي بتعيط في حضن حسن.

ريان: في إيه يا جماعة مالكم؟

جميلة: في حاجة حصلت انتوا ساكتين كدا ليه؟

مريم: أسر هيطلق زينة وهيُسافر دبي.

أسيل دخلت من باب القصر وسمعت الكلام: نـــــعم ليه إيه اللي حصل؟

شروق: منعرفش أي حاجة هو فجأة كدا قال قراره وطلع ينام.

ريان بص لفهد: اتكلم معاه حضرتك يا عمو هو بيسمع منك.

حسن: أسر خد قراره وجالي مكتبي وقالي وأنا حاولت معاه مقدرتش أمنعه.

زين: يعني هنسيبه يسافر؟

أسيل: لا مستحيل يسافر.

جنه: بصوا بقي من الآخر محدش هيقدر يمنعه غير زينة وبس.

أسيل: وهي فين؟

تمارا: طلعت أوضتها.

جميلة: هما الاتنين اللي قرروا القرار ده سوا.

كنان: منعرفش أي حاجة هو رمى القنبلة وطلع.

فهد: ملوش لازمة الكلام ده الوقت هو حسم قراره وخلاص.

مروة بعدت عن حضن حسن: خلاص يعني محدش فيكم هيمنعه؟

حسن: اهدي يا مروة.

مروة: اهدي إزاي وأنا شايفة ابني بيدمر بسبب الحب وهيسيب البيت والبلد ويبعد عني.

فهد: أسر مش عيل صغير يا مروة عشان نضربه ونقوله مش هتسافر وأنا شايف إننا لو اتكلمنا معاه برضه مش هيتراجع الوقت اتأخر كل واحد يروح على أوضته يلا.

فهد وكنان وراكان وحسن كل واحد طلع مع مراته والشباب وفضل البنات.

جميلة: وزينة موافقة على موضوع الطلاق ده؟

جنه: زينة تايهة مش عارفة هي عايزة إيه وبعد اللي حصلها مابقتش عارفة تاخد قرار.

أسيل بغضب: بس لازم تختار وأنا عارفة أنا هعمل إيه.

جنه: هتعملي إيه يا أسيل اهدى.

أسيل: لا مش ههدي أخويا هيسيب البيت ويمشي بسببها وأنا مش هوافق على ده.

أسيل طلعت بسرعة والبنات طلعوا وراها.

***

زينة قاعدة في أوضتها بتعيط لأنها ماكنتش متخيلة إن أسر هيطلقها هي مش عايزاه يبعد عنها وفي نفس الوقت مش قادرة تقرب ولا تاخد خطوة هي من وقت ما عرفت إنه بيحبها وهي كمان مشدودة ليه بس مش قادرة تتخطى موضوع فريد فاقت لما الباب اتفتح بعنف دخلت أسيل ووراها جنه وجميلة وقفلوا الباب عشان محدش يسمعهم.

أسيل: بتعيطي مش كدا بعد ما دمرتيه وهتبعديه عننا قاعدة هنا بتعيطي؟

زينة: دمرت مين يا أسيل انتي بتتكلمي كدا ليه؟

أسيل: تعرفي كنت لما بشوفك مع فريد وأشوف نظرة أسر ليكي كنت بحس قلبي بيتقطع من الوجع عليه بس انتي عارفة انتي متستاهليش حب أسر أبداً انتي اللي زيك يستاهل اللي زي فريد.

جنه: أسيل انتي بتقولي إيه؟

زينة كانت بتعيط جامد ومش قادرة تصدق الكلام اللي بتسمعه من أسيل.

أسيل: مش بتردي ليه هاااا أنا كلامي صح مش كدا؟

جميلة: أسيل بطلي هبل بقي إيه الكلام ده؟

أسيل: الكلام ده هو الحقيقة أنا أخويا بيدمر بسبب حبها وفي الآخر عايز يسيبنا ويسافر ويعيش لوحده بعيد عننا.

زينة بعياط: أنا والله معرفش إنه هيسافر أنا عرفت زي زيكو.

أسيل: انتي كدابة انتي فرحانة عشان شايفة واحد بيحبك وهيموت عليكي وحضرتك شايفة نفسك بقي مش كدا؟

زينة هزت راسها بلا وهي منهارة.

جنه شدت أسيل: أسيل اخرسي بقي انتي واعية لكلامك ده.

أسيل عيطت: أه واعية لكل كلمة انتو ليه مش حاسين بيا ده أخويا التوأم انتو مش قادرين تفهموا أنا حاسة بيه.

أسيل قربت من زينة وشاورت على قلبها وكانت منهارة: ده بيوجعني أوي أخويا هيبعد عني ونصي التاني هيمشي ويسبني بسببك يا زينة انتي ليه مش قادرة تشوفي حبه ليكي ده بيعشقك يا زينة والله العظيم بيعشقك.

زينة كانت بتعيط جامد والبنات عيطوا على منظرهم.

زينة قعدت على السرير وعيطت أكتر وحطت إيديها على وشها: والله العظيم وأنا كمان بحبه.

البنات بصولها بصدمة.

زينة: بس مش قادرة آخد خطوة في علاقتنا ويمكن كنت بتجاهله كتير بس أنا مكسوفة منه ده واحد حبني حب كبير أنا كنت بدي حبي لواحد تاني ميستاهلش وأسر قالي إن ليّ الاختيار إننا نكمل أو نطلق وقررت أتكلم معاه إني مش عايزة أطلق ونكمل سوا بس اتفاجئت النهاردة بكلامه زي زيكو.

أسيل بصت للبنات ومسحت دموعها: الله يخربيتك وخلتيني أعمل التمثيلية دي وأعيط عشان تتحركي.

زينة باستغراب: تمثيلية إيه؟

جنه قربت من زينة: يعني انتي بتحبي أسر يا زينو؟

زينة هزت راسها باه: أنا اتأكدت إن حبي لفريد ده ماكنش حب أصلاً وبجد أنا حاسة بمشاعر حلوة جداً ناحية أسر.

أسيل: يعني كل اللي بتقوليه ده وهتسيبى الواد يسافر بكرة؟

زينة: المفروض أعمل إيه؟

جميلة: الطمي ياربي اتحركي وقوليله امنعيه يسافر.

زينة ابتسمت: يعني لو قولتلُه مش هيسافر؟

البنات: ااااااه.

زينة لسه هتمشي رجعت تاني: يعني كل اللي عملتيه ده كان تمثيل؟

البنات ضحكوا.

جنه: أسيل قالت إن دي هي الطريقة الوحيدة عشان تتحركي.

زينة حضنتهم كلهم: بحبكووو أوي.

أسيل: ياختي وفري الكلمة دي لحد تاني يلااااا.

زينة خرجت من الأوضة جري.

جميلة افتكرت لبس زينة اللي هو بجامة بلون الوردي وفاردة شعرها: يالهوي البت نست تلبس أُسدال.

أسيل ضربتها على راسها: ماهو جوزها يامتخلفة.

جميلة: أه صح.

جنه: نجحت مهمتنا يارب تنجح هي كمان.

البنات: ياااااااااااارب.

الماميز دخلوا الأوضة.

(أسيل وهي طالعة على السلم قالت للبنات على الخطة وكانت تمارا خارجة من أوضتها قالت لها وأسيل والبنات راحوا على أوضة زينة وتمارا راحت نادت على الماميز وقالت لهم على الخطة ووقفوا يسمعوا البنات بيقولوا إيه ولما زينة جت تخرج من الأوضة استخبوا بسرعة)

تمارا: لا عجبتني الخطة الصراحة.

أسيل: تربيتك يا توتااااا.

مروة: يعني كدا ابني مش هيسافر.

شروق: لو زينة اعترفت بحبها أكيد هيلزق جنبها مستحيل يسيبها.

مريم: يارب ياختي يارب.

تمارا: يلا بينا.

***

أسر في أوضته قاعد على الكنبة بعد ما حضر الشنط ومش مصدق إن خلاص هيخسر حب عمره بعد ما كانت اتكتبت على اسمه الباب خبطت وكانت خبطة رقيقة هو استغرب قام يفتح واتفاجأ بزينة اللي تاهت في جمالها هي مش أول مرة يشوفها بشعرها بس المرة دي شعرها المفرود وواصل لآخر ضهرها وكان شكلها يسحر أي حد.

أسر: احم في حاجة يا زينة؟

زينة بصتله وهزت راسها باه.

أسر بعد عن الباب: طب اتفضلي ادخلي.

زينة دخلت وبتتفرج على الجناح بتاعه اللي عجبها جداً وأسر ملاحظ ده.

زينة لفت وبصت لأسر: الجناح بتاعك حلو جداً.

أسر: شكراً يا زينة.

زينة: احم يعني أنا مش ناوية أغير فيه أي حاجة.

أسر باستغراب: مش فاهم تغيري إيه؟

زينة قربت منه ودي أول مرة تكون قريبة أوي جداً منه ورفعت وشها وبصتله: بابا كان بيقول كل واحدة فينا تشوف جناح جوزها لو حابة تغير فيه حاجة قبل الفرح وأنا بقولك هو عجبني جداً ومش حابة أغير حاجة فيه.

أسر بصّله بصدمة: زينة انتي قولتي جوزي ومش هتغيري حاجة في الجناح قبل الفرح أنا سامع صح؟

زينة غصبن عنها ابتسمت وهزت راسها باه.

أسر: يعني انتي اخترتي نكمل سوا مش كدا؟

زينة: أنا عايزة أقضي الباقي من عمري كله معاك يا أسر مش عايزة إياك تطلقني وتسافر لو انت حابب ده طبعاً.

أسر شدها لحضنه ورفعها عن الأرض ولف بيها: دانا حابب ده كمان ….. أنا مش مصدق نفسي يا زينة.

زينة: أنا آسفة أنا كنت غبية أوي.

أسر بعدها عن حضنه: متغلطيش في حبيبتي لو سمحتي.

زينة ضحكت أوي: أسر.

أسر: عيون وقلب أسر.

زينة: أنا بحبك أوي.

أسر اتنهد بقوة: اخيييييراااا يازينة اخيراااا دانا كنت فاقد الأمل وكنت حاسس إني هموت من غير ما أسمعها منك.

زينة: بعد الشر عليك.

أسر حضنها: أنا بعشقك يا زينوووو.

زينة رفعت إيديها وحضنته بقوة هي كمان وفجأة الباب اتفتح والكل دخلوا الأوضة الرجالة والماميز والبنات اللي بيزغرطوا والشباب فضلوا برا عشان زينة كانت بشعرها.

زينة بعدت عن أسر وهي هتموت من الكسوف بس أسر شدها لحضنه تاني.

والكل كانوا فرحانين ليهم والبنات بقت تغني وتزغرط وأسر حاضن زينة مش عايزة يسيبها أبداً…..

صباح يوم جديد كله سعادة وفرح على قصر الفهد. الكل متجمعين ومتحمسين للتحضيرات للفرح.

فهد: عملتوا إيه في موضوع الجناح؟

زين: لسه جنة هتشوف الجناح لو حابة تغير فيه حاجة.

جنة: لا، هو عجبني ومش عايزة أغيره.

شروق: وانتي يا جميلة هتغيري حاجة فيه؟

جميلة: لا مش هغير.

ريان: انتي شوفتيه أصلاً؟

جميلة: أكيد هيكون حلو لأنه اختيار شوشو صح.

شروق ضحكت: صح.

تمارا: تفتكروا هنلحق نخلص كل حاجة في أسبوع؟

حسن: ظبطتوا انتوا قوائم كل حاجة وسبوها علينا.

الماميز: تمام.

مروة: طب الفساتين والبدل هتعملوا فيها إيه؟

أسيل: نعمل فيها إيه مش فاهمة.

مريم: هتجيبوها جاهزة ولا تفصيل يعني؟

جنة: مش هنلحق نفصل في أسبوع.

زين: لو حابين تفصلوا اختاروا الشكل وسبوها عليا أنا والشباب.

زينة بفرحة: بجد؟

أسر: بجد طبعاً.

تمارا: خلاص كل واحدة تقعد مع جوزها وتقوله عايزة فستانها إزاي.

جميلة: واحنا ناقصنا حاجات كتير لازم ننزل نشتريها.

تمارا: خلاص تبقي تنزلوا سوا وتجيبوا اللي عايزينه، تمام كدا؟

البنات: تمام أوي.

كنان: وتاخدوا إجازة الأسبوع ده، مافيش نزول شغل.

البنات: حاضر.

أسر قام وقف وقرب من زينة ومسك إيدها، وهي استغربت. أسر بص للكل: هاخد مراتي عشان تقول لي على شكل الفستان اللي هي عايزاه.

تمارا ضحكت: خدها يا حبيبي.

زين: هو إيه اللي خدها يا حبيبي؟

ريان: صح كدا، ياخدها فين يعني؟

أسر: لا بقولكم انتوا الاتنين، كل واحد فيكم مقضيها خروجات وكلام مع مراته وأنا ما صدقت إنها اتكلمت، فمحدش ليه دعوة بيا، فاهمين؟

كلهم ضحكوا.

أسر شد زينة وطلع على فوق.

كنان بص للشباب: وانتوا إيه مش عايزين تعرفوا شكل الفستان؟

ريان: ودي فيها كلام؟ عايز أعرف طبعاً. يلا يا جميلة.

جميلة قامت معاها: يلا.

زين مسك إيد جنة: يلا.

جنة قامت وكلهم طلعوا.

شروق بصت للماميز: واحنا هنلبس إيه بقى؟

مروة بصت للرجالة: أكيد انتوا بدل سودة، مافيش كلام.

تمارا: ده أكيد يعني، خلينا فينا، هنلبس إيه؟

مريم: تعالوا نعمل كل واحدة فنجان قهوة ونقعد سوا نتفرج على الفساتين.

الماميز: يلا.

فهد: يلا، إحنا على الشركة، لازم نخلص كل حاجة قبل معاد الفرح.

راكان: ناس هايصة وناس لايصة.

حسن ضحك: طب يلا يا فالح.

كلهم خرجوا.

وفضلت أسيل لوحدها: يعني هفضل أنا حزينة كدا لوحدي؟ لما أكلم دومي.

أسيل مسكت فونها ورنت على أدهم اللي رد عليها، وقالت له على موضوع الفساتين وهو قال لها هيجيلها عشان يعرف هي عايزاه إزاي.

***

في جناح أسر، دخل وهو ماسك إيد زينة.

زينة: ليه جينا هنا يا أسر؟ خلينا نطلع على السطح.

أسر: مش واثقة فيا ولا إيه؟

زينة: انت بتقول إيه يا أسر؟ واثقة فيك جداً كمان.

أسر: طب تعالي اقعدي يلا وقوليلي نفسك فستان فرحك يبقى شكله إيه.

زينة: تعالَ أقولك.

زينة فضلت تتكلم وتشرح لأسر نفسها الفستان يكون عامل إزاي، وهو مستمتع جداً بكل حركة بتعملها.

زينة: بس كدا فهمتني؟

أسر: فهمتك جداً طبعاً.

زينة: هتتفق مع مصمم مين؟

أسر: متقلقيش، هنظبط الموضوع أنا والشباب.

زينة: أوكي.

زينة بصت لأسر أوي.

أسر: عايزة تقولي إيه يا زينة؟

زينة: عايزة أسألك على حاجة وترد عليا بصراحة.

أسر: اتفضلي يا حبيبتي.

زينة: انت سمعت كلامي أنا وجنة امبارح صح؟

أسر: كلام إيه؟

زينة: أســـــــــــر.

أسر ضحك: عيون أسر.

زينة: سمعتنا عشان كدا روحت السجن وضربت فريد صح؟

أسر بحده: زينة مش عايزة أسمع اسمه على لسانك، ماشي؟

زينة: حاضر، مش هنطق اسمه ولا اسم غيره، بس رد عليا.

أسر: آه يا زينة، سمعتكم...

أنا أصلاً كنت ماسك نفسي بالعافية من إني أقتله، بس لما سمعتكم مقدرتش أسكت.

زينة: طب افرض كان مات؟

أسر: ما يموت ولا يولع يا زينة، شاغلة نفسك بيه ليه؟

زينة مسكت إيده: أنا مش شاغلة نفسي بيه على فكرة، أنا شاغلة نفسي بجوزي حبيبي، لأنه لو كان مات أو حصله حاجة كانوا هيحبسوك يا أسر.

أسر ابتسم: لا متخافيش، أنا كنت بضربه، عارف إنه مش هيجراله حاجة.

زينة: هنزل أشوف البنات عشان نروح نجيب الحاجات اللي ناقصانا.

أسر: لا، مانتوا هتنزلوا معانا.

زينة: معاكم إزاي يعني؟

أسر: كل واحدة هتنزل مع جوزها يا حبيبتي.

زينة: ومين اللي قال بقى؟

أسر: أنا والشباب، عندك اعتراض؟

زينة: وأنا أقدر برضه، طب هروح أجهز.

أسر: حاضر.

على السطح زين قاعد على السور وجنى جنبه.

جنى: مش عارفة يعني، قصر طويل عريض ومصمم نقعد هنا ليه.

زين ضحك: بحب القعدة هنا وبحبها أكتر وإنتي معايا يا جنتي.

جنى بصتله: ماشي يا زين.

زين: هااا، بقى نفسك الفستان يكون شكله إيه؟

جنى: تصدق مش عارفة.

زين: إزاي يعني يا جنى؟ في بنت متبقاش عارفة عايزة فستان فرحها إزاي؟

جنى: طب أقولك حاجة يا زين.

زين: قولي يا قلب زين.

جنى: أنا هقولك نفسي أكون إزاي وإنت اللي تختارلي الفستان، إيه رأيك؟

زين: جنى، ده فستان فرحك وبتختاريه مرة واحدة في العمر، وعايزاني أنا اللي اختاره؟

جنى: آه، عايزك إنت اللي تختاره ليا، وبعدين أنا واثقة إن اختيارك هيكون روعة.

زين: طيب يا ستي، نفسك تكوني إزاي؟

جنى: نفسي أكون برنسيس، يعني فستان واسع بديل وتاج زي الأميرات.

زين ابتسم: هتكوني أحلى عروسة يا جنتي.

جنى: طبعاً، وهيكون جنبي أحلى عريس.

زين ضحك: طب يلا اجهزي عشان تنزلوا معانا.

جنى: ننزل فين؟

زين: المول، مش عايزين تشتروا حاجات؟

جنى: مانا هنزل مع البنات.

زين: لا، كل واحد هينزل مع مراته، يلا.

جنى: أوكي.

في جناح ريان.

جميلة: والله الجناح حلو جداً ومش عايزة أغير فيه حاجة يا ريان.

ريان: طيب، سيبك من الجناح، فستان فرحك عايزاه إزاي؟

جميلة: لا، ده عايز قاعدة طويلة، لأنه يطول شرحه.

ريان: ليه يا جميلة؟ هتلبسي ١٠ فساتين؟ ده هو فستان واحد.

جميلة: فستان واحد بس، بيتلبس مرة واحدة في العمر يا ريان باشا.

ريان: طب قولي يا قلب ريان باشا.

جميلة فضلت تتكلم كتير وتشرح نفسها فستانها يكون شكله إيه، وريان زهق.

ريان: بقالك نص ساعة بتشرحي يا جميلة، أنا زهقت.

جميلة: مش مهم، الأهم فهمت بقى عايزاه إزاي؟

ريان: فهمت يا أختي، روحي البسي يلا عشان نروح المول.

جميلة: ليه؟

ريان: عشان تجيبي الحاجات اللي ناقصاكي، ولو اتكلمتي كلمة زيادة هحلف مانتي راحة في حتة.

جميلة: ده أنا هجهز في ثانية إلا ثانية.

أسيل قاعدة في الجنينة، دخل أدهم القصر ونزل من عربيته وقرب منها: الجميل سرحان في إيه؟

أسيل: في حبيبي طبعاً.

أدهم قعد جنبها: يا بخته حبيبه يا قمر إنت.

أسيل ضحكت: اتأخرت ليه؟

أدهم: خلصت شوية حاجات في القسم عشان أخدت الإجازة.

أسيل: إجازة من وقت.

أدهم: مش عريس يا جدعان.

أسيل: أحلى عريس يا ناس.

أدهم: هااا، يا ستي، أي موضوع الفستان ده بقى؟

أسيل: الشباب قالوا إننا البنات نقول لكم على شكل الفستان وإنتوا هتتصرفوا مع المصمم.

أدهم: وإيه الفستان اللي العروسة عايزاه؟

أسيل: نفسي في فستان يكون وااااو يا أدهم، اللي يشوفه يتهبل من جماله.

أدهم: هما هيتهبلوا أه، بس مش من جمال الفستان، من جمال العروسة.

أسيل: طب تعالى أقولك نفسي يكون عامل إزاي.

أدهم: أنا كلي أذان صاغية.

أسيل غمضت عينيها: نفسي أكون شبه عروسة البحر يا أدهم، الله.

أدهم: وابقي دوريلي على قرون تليق على الساك اللي الهانم عايزة تلبسه، أصلك متجوزة مديحة.

أسيل ضحكت: فشر، ده أنا جوزي سيد الرجالة كلها.

أدهم: بتثبتيني يعني؟

أسيل: حاجة زي كده، تعالى بقى أقولك عايزاه الساك.

أدهم: بس تنسي موضوع الساك ده.

أسيل هزت راسها وفضلت تشرح له الشكل اللي هي عايزاه، وخلصت.

أدهم: كل ده يا أسيل؟ ده الموضوع طلع صعب قوي.

أسيل: ده يوم في العمر يا أدهم.

أدهم مسك إيدها وباسها: وهيكون أحلى يوم يا روح وقلب أدهم.

الشباب والبنات خرجوا من القصر سواً.

أدهم: على فين العزم إن شاء الله؟

زين: البنات ناقصهم شوية حاجات عشان الفرح، فكل واحد زي الشاطر كده هياخد مراته عشان تشتري الحاجات دي.

أدهم: ومحدش قالي يعني؟ ولا أنا مش عريس زيكم ولا إيه؟

أسيل: أنا معرفش إنهم هينزلوا معانا أصلاً.

أسر: أدي عرفت، واسيل جاهزة، يلا نخرج بقى عشان نخلص ونروح نتعشى سواً.

البنات: قشطااا أوي.

ريان: طب يلا عشان منتأخرش.

كل واحد ركب عربيته مع مراته واتحركوا.

بعد شويا كلهم وصلوا قدام المول ونزلوا.

زينة: يلا يا بنات.

أسر: يلا على فين؟

جميلة: هنروح نشتري الحاجات اللي ناقصانا.

ريان: رجلنا على رجلكوا يا قمر.

أسيل: لا طبعاً، إحنا هنروح سوا وإنتوا استنونا في الكافتيريا.

أدهم: انسوا.

جنى: يوووه بقى، إحنا هنشتري حاجات كتير وعايزين نكون سوا.

زين: برضه انسوا، يلا.

كل واحد مسك إيد مراته ومشوا.

بعد وقت طويل البنات اشتروا حاجات كتير واتقابلوا كلهم سواً، البنات وقفوا جنب بعض.

أسيل بهمس: جبتوا الحاجات اللي تمارا قالت عليها؟

جنى: مستحيل أجيبها مع زين.

جميلة: ونبي، كل واحدة فينا أمها هتنفخها لو رجعنا من غيرهم.

زينة: طب نعمل إيه؟

زين: بتتهامسوا في إيه؟

جنى: ولا حاجة.

أسر: طب يلا هاتوا الشنط دي نحطها في العربية عشان نكمل.

زينة: نكمل إيه؟

أدهم: لسه حاجات كتير هنجيبها.

ريان: وبعدين، هو إنتوا هتجيبوا وإحنا لا ولا إيه؟

الشباب أخدوا الشنط ونزلوا يحطوها في العربية.

أسيل: تيجوا ندخل المحل نجيب بسرعة.

زينة: لا طبعاً، هييجوا وهيشوفونا.

جنى: أنا من رأيي نمشي معاهم ونيجي مرة تانية.

جميلة: أنا شايفة كده برضه.

الشباب رجعوا بعد شويا: يلا.

الشباب اشتروا حاجاتهم وخلصوا وراحوا اتعشوا سواً ورجعوا على القصر.

البنات دخلوا وكانوا تعبانين وقعدوا على كنبة جنب بعض.

الماميز خرجوا من المطبخ.

مروة: الشباب فين؟

جنى: راحوا يشوفوا المصمم.

تمارا: اشتريتوا كل الحاجة؟

زينة بتوتر: آه يا توتا.

مروة: كل حاجة، كل حاجة؟

أسيل: بصراحة يعني.

مريم: أيوه، إحنا عايزين الصراحة.

جميلة: معرفتش أشتري الحاجة وإحنا معانا.

شروق: أنا عارفة والله.

جنى: نعمل إيه يعني؟ اتحرجنا.

تمارا: اتحرجتوا.

مروة ضحكت: طب اطلعوا ارتاحوا، شكلكوا تعبانين.

البنات طلعوا كل واحدة على أوضتها، أخدوا شاور وناموا.

عدى أسبوع وجه اليوم المنتظر.

في الفندق، في أوضة البنات، كانوا جهزوا وعملوا الميك أب والطرحة، ولسه مشافوش الفساتين لأنها لسه موصلتش.

جنه: شكلنا كده هنعمل فرح من غير فساتين.

أسيل: لأول مرة في تاريخ الأفراح عروسة بدون فستان.

زينة ضحكت: يا بنتي بطلي أنتِ وهما، أسر قال لي إنهم على وصول.

جميلة: آه ماهما لبسوا وخلصوا، وإحنا هنا هنموت من التوتر.

الباب خبط ودخلوا 4 بنات، كل واحدة شايلة كافر فستان، وكل كافر عليه اسم العروسة. البنات قاموا بسرعة وكل واحدة مسكت الكافر وفتحته. البنات صوّتوا من فرحتهم بجمال الفساتين، وبقوا يتفرجوا على فساتين بعض، وتقريبًا كل واحدة فستانها زي ما طلبت. وجنة انبهرت بجمال الفستان اللي زينة اختاره ليها. وبدأوا البنات اللي جابوا الفساتين يساعدوا العرايس يلبسوا.

البنات كانوا شبه الأميرات. الباب خبط ودخل الماميز اللي كلهم لبسوا فساتين بلون البيج.

البنات: واااااااااو.

جنه وجميلة حضنوا مريم: إيه الحلاوة دي يا مريومة.

زينة باست تمارا من خدها: قمر يا توتا.

أسيل بغمرة لمروة: مزة يا مرمر.

وكلهم حضنوا شروق: قمراية يا شوشو.

تمارا: ربنا يحميكوا يا بنات.

شروق: شكلكم قمر أوي.

مروة: ربنا يحفظكم.

مريم: يلا يا مروة ارقيهم قبل ما تنزلوا.

البنات قعدوا جنب بعض ومروة بدأت ترقيهم من العين. وبعد ما خلصت، الباب خبط ودخل كنان وحسن وفهد. وكل بنت جرت على حضن باباها.

فهد باس راسها: عروسة زي القمر يا زينة.

زينة: حبيبي يا أحلى بابا في الدنيا.

كنان باس جنه وجميلة من راسهم: مش مصدقة إن حلوياتي كبروا والنهاردة عرايس زي القمر.

جميلة: أحلى حاجة إن حلوياتك معاك في نفس البيت.

جنه: صح، أنا مقدرش أعيش من غيرك أنت ومريم يا بابا.

حسن حاضن أسيل: إيه الجمال ده يا أسولة.

أسيل: طبعًا لازم أكون حلوة، مش بنتك يا أبو علي.

حسن ضحك: يا بت بطلي جنانك ده شوية، نفسي تعقلي بقى.

أسيل: ربنا يبعده عننا يا أبو علي.

حسن: إيه هو؟

أسيل: العقل.

حسن ضحك وباس راسها: ربنا يفرحك يا أسولة.

شروق: يلا عشان تنزلوا الشباب تحت على نار.

كل واحد مسك إيد بنته.

راكان دخل ومسك إيد جميلة.

كنان: أنت بتعمل إيه يا عم أنت.

راكان: هسلم بنتي لابني، الله مش كده يا جميلة.

جميلة: صح يا قلب جميلة.

كنان: هي بقت كده يعني.

شروق: ما أنت معاك واحدة يا كنان خلاص بقى، وبعدين دي مرات ابني، الله.

كنان: يلا زي بعضه.

كل واحد نزل في إيده عروسة. والشباب واقفين في آخر السلم، وكل واحد ماسك بوكيه الورد وقرب من عروسته وباس راسها واداها البوكيه. وخرجوا جنينة الفندق عشان يتصوروا السيشن. واتصورت العيلة كلها سوا، ومعاهم سهام أم أدهم. صور كتير، والبنات اتصوروا سوا، والشباب برضو، وكل أب مع مراته. وضحكوا كتير. وبعد كده كل واحد ركب عربيته مع عروسته وراحوا على القاعة.

وطول الطريق كانوا بيعملوا حركات بالعربيات، وكان شكلهم حلو جدًا.

ريان طلع راسه من العربية: أنا الكينج يا جدعان.

أدهم اللي عربيته جنب زين: الحق الواد اللي ما فيش حد عجبه ده.

زين: هو اللي جابه لنفسه.

زين سبقهم كلهم.

أسر: هي بقت كده يا صاحبي.

أسر زود السرعة، وأدهم كمان.

ريان: يا ولاد المجانين.

بعد شوية وصلوا القاعة اللي كانت حاجة كده من الخيال.

الشباب دخلوا وكل واحد في إيده عروسته. وكل الحاضرين انبهروا بجمال ورقة البنات ووسامة الشباب. دخلوا وكل كابل قعدوا مكانهم. والماميز والرجالة قعدوا على ترابيزة مخصوصة ليهم، وكان معاهم سهام أم أدهم.

الشباب قاموا يرقصوا سلو، وكلهم كانوا جنب بعض.

عند ريان وجميلة:

جميلة: الفستان قمر أوي يا ريان.

ريان: عشان أنتِ لبساه يا قلبي، وكله ورد زي ما أنتِ عايزة.

جميلة ضحكت: ربنا يخليك ليا يا ريان، أنا بحبك جدًا.

ريان: وأنا بعشقك يا جميلتي. متقوليليش إيه رأيك فيا، أنفع عريس يعني؟

جميلة: تنفع ونص كمان.

عند أدهم وأسيل:

أدهم: بس إيه الجمال ده.

أسيل: من بعد ما عندكم يا دودي، بجد أنت قمر أوي.

أدهم: طبعًا يا بنتي، أومال إيه.

أسيل ضحكت: يا أدهم.

أدهم: عيون وقلب أدهم.

أسيل: الفستان تقيل أوي.

أدهم: وحياة خالتك، مش أنتِ اللي عايزاه تقيل وبديل طويل أهو، اشربي بقى.

أسيل ضحكت: بس بجد طلع زي ما أنا نفسي بالظبط.

أدهم بغمزة: أنت تؤمر وأنا أنفذ يا قمر.

عند زين وجنة، اللي كانت هتموت من الكسوف بسبب نظرات زين ليها:

جنه: يا زين بقى.

زين: نعم يا قلب زين.

جنه: ممكن متبصليش كده.

زين: يعني لو مبصيتش لعروسي القمر أبص لمين ها؟ وبصراحة مش قادر أشيل عيوني عنك.

جنه: طالعة حلوة.

زين: حلوة دي كلمة قليلة يا جنتي، أنتِ أحلى برنسيس النهارده.

جنه: بجد الفستان حلو جدًا يا زين، ربنا يخليك ليا.

زين: ويخليكي ليا يا جنتي.

جنه: أنت كمان حلو.

زين: حلو بس.

جنه: حلو جدًا الصراحة.

زين ضحك وباس راسها.

عند أسر وزينة:

أسر: أقسم بالله مانا مصدق إن النهاردة فرحنا، وأنتِ عروستي.

زينة ضحكت: يا أسر خلاص بقى، بقالك ساعة بتقول نفس الكلام، والله فرحنا وأنت العريس وأنا العروسة، آه.

أسر ضحك على كلامها: وأنا بعشق العروسة.

زينة ضحكت: وأنا بحبك يا عريس.

أسر باس راسها.

زينة: الفستان حلو جدًا على فكرة.

أسر: عارف.

زينة: إيه الغرور ده.

أسر ضحك: مش غرور والله، عشان أنتِ لبساه يا زينة.

زينة: لا حلوة عشان أنت شايفني بعيونك.

أسر: لا كده كتير عليا، حاسس هيغمى عليا والله.

أدهم من جنبه: لا اجمد كده، إحنا لسه في أول الفرح.

أسر بص له: أنت إيه اللي دخلك على الخط معانا يا حيوان.

ريان: كلنا على الخط سوا يا باشا.

أدهم: شايفين الواد زين مركز أوي كده.

ريان: جدع.

زين بص لهم: لا والله.

أسر ضحك: ونبي هيتعملوا عليكو في نص الفرح وهيبقى شكلكوا قمر الصراحة.

زين: كل واحد يتلهى بعروسته، ومحدش ليه دعوة بالتاني، أنتوا فاهمين.

ريان: حاضر يا كبير.

أدهم: الواد ريان ده جبان أوي.

ريان: لا حوش، حوش الشجاعة اللي بتنقط منك.

كل ده والبنات كاتمين الضحكة بالعافية.

أدهم بص لأسيل: اضحكي اضحكي يا حبيبتي، لتفرقعي.

أسيل ضحكت والبنات كلهم ضحكوا.

زين: أنا غلطان إني عملت فرحي معاكم يا بهايم.

الشباب والبنات ضحكوا.

على ترابيزة اللي عليها العيلة:

مروة: نفسي أعرف دول بيعملوا إيه.

تمارا: كل واحد سايب عروسته وبيتكلموا سوا.

شروق: يعني هما البنات ساكتين؟ ماهما بيضحكوا.

مريم: نفسي أعرف بيقولوا إيه دول.

سهام: شكل زين على آخره منهم.

الماميز ضحكوا.

عند الشباب اللي بيضايقوا في بعض والبنات اللي بيضحكوا عليهم:

جنه: خلاص بقى الناس تقول إيه علينا.

جميلة: هيقولوا عرايس هبل.

زينة بضحك: أقسم بالله هموت.

أسر: بعد الشر عليكي يا قلبي.

أدهم: يا حنين.

أسيل: خلاص يا أدهم بقى.

ريان: بقولكم إيه.

الكل: إيه.

ريان: أنا زهقت من السلو ده، عايزين مهرجانات.

البنات: أيوا بقى.

ريان شاور لشاب اللي واقف على الدي جي، اللي فهمه وشغل مهرجانات. وأصحاب البنات والشباب طلعوا على المسرح، والكل كانوا بيرقصوا وفرحانين.

وبعد وقت طويل، البنات كانوا في أوضة خاصة براحة للعرايس، واتفاجئوا إن في فستان تاني هيلبسوه في البارت التاني من الفرح.

أسيل: ده لينا بجد.

زينة: حلو أوي.

جنه: ده روعة، مش بس حلو.

جميلة: طب يلا عشان نلحق نجهز.

البنات لبسوا الفستان اللي كان قمة في الرقة.

البنات خلصوا وظبطوا الميك أب ودخلوا الماميز.

تمارا: إيه رأيكوا في المفاجأة دي.

جنه: حلوة جدًا.

أسيل: أنتوا كنتوا عارفين.

مروة: الشباب قالولنا.

مريم: بس الفستان حلو جدًا.

البنات: جدًا جدًا.

شروق: طب يلا الشباب برا.

تمارا فتحت الباب، والشباب دخلوا. والبنات اتفاجئوا إنهم كمان غيروا البدل، لبسوا بدل البنطلون أسود والبلازر وقميص أبيض.

البنات: واااااو.

الكل ضحكوا عليهم.

مريم: يلا عشان متتأخروش على الناس أكتر من كده.

الشباب كل واحد مسك عروسته وخرجوا ورقصوا كلهم رقصة سلو مع كل الكابلز اللي في الفرح. والرجالة كمان رقصوا مع الماميز. وبعد ما خلصوا، رقصوا كتير جدًا على المهرجانات. وبعد وقت طويل الفرح خلص، وبجد كان فرح بمعنى الكلمة، والكل كانوا فرحانين من قلبهم.

الكل مشيوا، وكان لسه العيلة كلها.

فهد: مبروك يا ولاد، ربنا يسعدكم يا رب.

البنات والشباب: الله يبارك فيك.

فهد قرب من البنات وأخدهم في حضنه: لو واحد منهم فكر بس يزعلكوا، تيجي تعرفوني.

البنات ضحكوا: حاضر.

أدهم: دول ما صدقوا.

سهام قربت من أسيل وحضنتها: مبروك يا حبيبة قلبي.

أسيل: الله يبارك فيك يا سوسو يا قمر.

حسن قرب منها وحضنها: خدي بالك على نفسك وعلى أدهم، واعقلي شوية.

أدهم: لا دي صعبة شوية يا حاج.

مروة: أنتِ هتقولي بنتي وأنا عارفاها.

أسيل: شكرًا يا مرمر.

كنان حضن جنه وجميلة: حلوياتي اللي كانوا أحلى عرايس.

جميلة وجنه باسو كنان من خده: حبيبنا يا بوب.

مريم: ربنا يهنيكم يا حبايبي.

جنه وجميلة حضنوا مريم: الله يبارك فيك يا مريومة.

كنان بص لزين وريان: أنا بسلمكم حتة من قلبي.

زين: في عيني وجوة قلبي يا عمي.

ريان: لا تقلق يا بوب.

كنان: ونبي أنا مش قلقان غير منك أنت.

شروق حضنت ريان وجميلة: والله أنا مش عارفة أوصي مين على مين، الاتنين أهبل من بعض.

الكل ضحكوا.

ريان: متقلقيش يا حاجة.

راكان: كده الدنيا هتخرب.

تمارا حاضنة زينة: مش هقولك حطها في عينك يا أسر، لأن عارفة إنها في قلبك قبل عينك.

أسر: دي حبيبتي يا توتا.

فهد: عارف إني بسلمها لراجل.

أسر: تسلم يا عمي.

تمارا: خلاص سيبوهم يمشوا بقى.

أسيل: مش أنتوا هترجعوا سوا على القصر؟

الشباب: لا.

جميلة: أومال هنروح فين؟

زين: يخت.

جنه: يخت.

تمارا: دي هدية الفهد.

زينة بفرحة: كلنا هنكون سوا.

أسر: لا كل واحد فينا يخت.

جميلة: بجد.

ريان: آه والله بجد.

زينة: يعني أسر وزين وريان كل واحد يخت.

زين: وأدهم كمان.

أسيل: بتهزر.

أدهم: دي هدية الفهد، مين يقدر يقوله لا.

حسن: يلا عشان متتأخروش.

فهد: تخلصوا الأسبوع بتاعكم وتعملوا زي ما قلت لكم، فاهمين.

الشباب: فاهمين يا كبير.

الشباب كل واحد ركب عربيته واتحركوا.

بعد شويا عربيات الشباب وصلوا المينا، وكلهم نزلوا. والبنات انبهروا بجمال اليخوت، وكل واحد مسك إيد عروسته وطلعوا اليخت الخاص بيهم، وودعوا بعض، وكل واحد اتحرك باليخت بتاعه……

وصلت عربيات الشباب إلى المينا ونزلوا. انبهَرَت الفتيات بجمال اليخوت. أمسك كل شاب بيد عروسته وصعدوا إلى اليخت الخاص بهم. ودّعوا بعضهم البعض، ثم تحرّك كل يخت نحو مكان بعيد عن الناس.

عند جميلة وريان:

جميلة: "ونبي ونبي يا ريان."

ريان: "إنتي هبلة يا جميلة؟ تسوقي إيه النهاردة ليلة دخلتنا، مش عايز أقضيها في المستشفى."

جميلة ضربته في كتفه: "قليل الأدب."

ريان وقف اليخت: "خلاص وصلنا. المكان هنا حلو وفاضي عشان محدش يضايقنا يا جميلتي."

جميلة: "أنا عايزة أغيّر بقى."

ريان: "تعالى ننزل الأوضة تحت."

مسك ريان يدها ونزلا. وقف أمام الأوضة: "ادخلي يا قلبي غيّري، وأهي مريم محضّرة لك شنطة هدومك، هتلاقيها جوا."

جميلة: "وانت هتروح فين؟"

ريان: "في أوضة تانية هروح أغيّر أنا كمان وأتوضأ عشان نصلي."

جميلة: "طب إحنا هنعرف القبلة إزاي يا فالح؟"

ريان: "متخافيش، أنا والشباب عاملين حسابنا ومعانا برنامج عشان نعرف القبلة عشان نبدأ حياتنا سوا بصلاة يا قلبي."

جميلة: "حاضر."

دخلت جميلة الأوضة وقربت فتحت الشنطة وشهقت: "الله يسامحك يا ماما، إيه الهدوم دي؟ أنا المفروض ألبس ده النهاردة؟ يالهوي يالهوي."

جلست جميلة على السرير ومش عارفة تعمل إيه. بعد شوية الباب خبط.

ريان: "جميلة خلصتي؟"

قامت جميلة ووقفت: "لأ لسه ثواني."

أخذت جميلة القميص ودخلت الحمام. توضأت ولبسته، وكان قميص قصير بلون الأبيض. خرجت لبست الإسدال وفتحت الباب.

ريان: "كل ده يا جميلة؟ أنا زهقت."

جميلة بتوتر: "أنا آسفة معلش."

ريان: "يلا عشان نصلي يا قلبي."

صلّت جميلة وريان، وكان هو إمامها في الصلاة. بعد ما خلصوا، قرب ريان منها وحط إيده على راسها وقال دعاء الزوج لزوجته: "اللهم إني أسألك خيرها وخير ما جلبت عليه... وأعوذ بك من شرها وشر ما جلبت عليه."

قرب ريان عليها وشايف توترها: "أنا جعان، تيجي ناكل سوا؟"

جميلة: "حاضر."

مسك ريان يدها وخرج من الأوضة وراحوا على المطبخ. طلع أكل وقعدوا ياكلوا سوا. بعد ما خلصوا، دخلت جميلة الأوضة. قلعت الإسدال وفردت شعرها الأسود اللي واصل لكتفها وقعدت على الكنبة. دخل ريان انبهر بجمالها وقرب منها: "إنتي جميلة أوي يا جميلة."

جميلة كانت هتموت من الكسوف. ريان شالها وراحوا على عالم خالص بيهم لتصبح زوجته قولاً وفعلاً.

***

عند أسيل وأدهم:

أدهم واقف بيسوق اليخت واخد أسيل في حضنه.

أسيل: "ده سوقته طلعت سهلة جدًا."

أدهم باسها من خدها: "تحبي أعلّمك؟"

أسيل بفرحة: "بجد؟"

أدهم وقف اليخت: "جد الجد كمان."

أسيل: "إيه ده؟ وقفت ليه؟"

أدهم: "هو إحنا هنفضل نلف بيه طول الليل ولا إيه؟"

أسيل بعدت عن حضنه وبتبص حواليها: "بس مافيش أي حد حوالينا يا أدهم."

أدهم حضنها من ضهرها: "وده المطلوب يا قمري."

أسيل اتكسفت: "احم، أنا عايزة أغيّر بقى."

أدهم مسك إيدها: "يلا ننزل يا قلبي."

أسيل: "ننزل فين؟"

أدهم: "الأوضة يا حبيبتي تعالي."

نزل أدهم وهو ماسك إيدها ودخل الأوضة: "شنطة هدومك أهي يا أسيل، غيّري واتوضّي عشان نبدأ حياتنا بركعتين."

أسيل: "حاضر."

خرج أدهم وقفل الباب. أسيل فتحت الشنطة: "نهار ألوان! إيه ده؟"

فضلت تقلب في الشنطة. لقت بجامة كلها رسومات كرتون.

أسيل: "هي دي؟"

أسيل لقت ورقة جوه الشنطة مسكتها كان مكتوب فيها: "البسي القميص الأبيض يا أسيل، عارفك هبلة وممكن تلبسي بجامة اللي عليها كرتون."

أسيل ضحكت: "الله يسامحك يا مرمر."

أخذت أسيل القميص دخلت غيرت ولبسته ووقفت قدام المراية: "قمر يا بت يا سولا... احيه يا أبو سوسو، احيه أنا هقف كده قدام أدهم."

أخذت أسيل إسدال ودخلت الحمام توضأت ولبسته وخرجت. كان أدهم دخل الأوضة: "يلا عشان نصلي يا قلبي."

أسيل: "يلا."

صلّى أدهم بأسيل. وبعد ما خلص قال دعاء المتزوجين وأسيل كانت متوترة.

أدهم: "حلو الإسدال ده يا سولا."

أسيل: "آه، ما أنا عارفة إنه حلو."

أدهم: "وانتي ناوية تنامي بيه ولا إيه؟"

أسيل بصتله أوي: "آه بصراحة بردانه."

أدهم بصدمة: "بردانه في شهر ٨ يا أسيل؟"

أسيل بتوتر: "آه عادي بتحصل."

لاحظ أدهم توترها وقرب منها ومسك إيدها: "إنتي خايفة مني يا أسيل؟ أنا عمري ما أذيكي يا قلب أدهم."

أسيل ابتسمت: "عمري ما أخاف منك يا أدهم، إنت سندي وحياتي كلها."

أدهم باس راسها: "طب بقولك إيه، إنتي مش جعانة؟"

أسيل: "ميتة من الجوع."

أدهم: "طب تعالي ناكل أي حاجة."

خرجوا وراحوا المطبخ وأكلوا. وبعد ما خلصوا، أدهم شال أسيل اللي شهقت بخوف: "بتعمل إيه يا أدهم؟ الله!"

أدهم: "هنام الله."

أدهم دخل الأوضة ونزلها وساعدها تقلع الإسدال وتاه في جمالها بالقميص الأبيض اللي واصل لفوق ركبتها وشعرها الأسود اللي واصل لنص ضهرها. وقرب منها لتصبح زوجته أمام الله.

***

عند زينة وأسر:

زينة: "انت وقفت هنا ليه يا أسر؟ المكان فاضي وضلمة أوي."

أسر شدها لحضنه: "إنتي خايفة وانتي معايا يا زينة؟ دي حتى عيبة في حقّي."

زينة ضحكت: "لأ بس إحنا بعدنا أوي عن الشباب، خلينا قريبين منهم."

أسر: "لأ مينفعش."

زينة: "ليه بقي؟"

أسر: "عشان كل واحد فيهم عايز يبعد عن الباقي."

زينة: "حاضر."

أسر: "يلا عشان نغيّر هدومنا دي."

زينة: "صح، الفستان التاني ده حلو أوي."

أسر: "إحنا فكرنا أنا والشباب بدل ما تفضلوا طول الفرح بفستان التقيلة دي، إنكم تغيروا وتلبسوا ده خفيف."

زينة: "بصراحة هو كان تقيل جدًا."

أسر ضحك: "ده طلبكم على فكرة، يلا عشان ننزل نغيّر."

نزلا ودخلا الأوضة.

أسر: "شنطة هدومك دي توتا اللي جابتها، غيّري واتوضّي عشان نصلي ركعتين سوا يا زينو."

زينة: "حاضر."

فتحت زينة الشنطة واتفاجأت بالهدوم كلها قصيرة. وكان فيه بجامة واحدة بكم وإسدال.

زينة: "والله كتر خيرك يا توتا... طبعًا أنا المفروض ألبس الأبيض ده أكيد."

أخذت زينة القميص دخلت الحمام غيرت واتوضأت وخرجت لبست الإسدال وقعدت على السرير. ولما أسر اتأخر قررت تخرج تشوفه فين. فتحت الباب ولقيته واقف بره.

زينة: "انت واقف هنا ليه؟"

أسر: "سيبك تخلصي براحتك يا حبيبتي، يلا نصلي."

زينة: "يلا."

صلّى أسر وزينة ركعتين وأسر قال دعاء المتزوجين وهو حاطط إيده على راسها. وبعد ما خلص قام وقف ومسك إيد زينة خلاها تقف قدامه وشدها لحضنه: "أنا بعشقك يا زينة."

زينة ابتسمت: "وأنا بحبك أوي يا أسر."

أسر شالها ونيمها على السرير وقرب منها لتسكت شهرزاد عن الكلام غير المباح ولتصبح زينة زوجته قولاً وفعلاً.

***

عند جنه وزين اللي بيتحرك باليخت وهو ماسك إيد جنه:

جنه: "زين إحنا بعدنا جدًا عنهم."

زين: "كده أحسن عشان أنا عارفهم عيال رخمة وممكن يرخموا علينا."

جنه بخوف: "بس ضلمة جدًا يا زين."

زين داس على أكتر من مفتاح وفجأة أنوار كتير اتفتحت في اليخت والبحر حواليهم نور.

زين: "إيه رأيك كده بقي؟"

جنه: "شكله حلو جدًا."

زين شدها عليه: "مافيش حد حلو هنا غيرك يا جنتي."

جنه اتوترت وبعدت بسرعة عنه. زين ابتسم على كسوفها وتوترها: "يلا يا جنه عشان تغيّري."

جنه هزت راسها بأه وزين مسك إيدها ونزلا دخلا الأوضة.

زين: "دي هدومك يا جنه."

جنه: "انت اللي جبتهم؟"

زين: "لأ دي مريم يا حبيبتي."

جنه: "وانت هتغيّر فين؟"

زين: "في أوضة تانية، غيّري واتوضّي عشان نصلي يا حبيبتي."

جنه ابتسمت: "حاضر."

فتحت جنه الشنطة وشها احمر من الكسوف: "ليه كده يا مريومة بس؟"

جنه لنفسها: "أهدي بلاش توتر ده زين حبيبك وجوزك، أهدي أهدي بلاش توتر أبوس إيدك."

أخذت جنه القميص الأبيض ودخلت الحمام غيرت واتوضأت ولبست الإسدال فوقه والباب خبط فتحت.

زين: "خلصتي يا حبيبتي؟"

جنه: "أيوا يلا نصلي."

زين: "يلا يا جنتي."

صلّى زين وجنه كانت فرحانة إن أمامه في الصلاة زين، وده كان حلمها من زمان وأخيرًا تحقق وبقت من نصيبك يا زين، بجد أنا بحبك أوي.

زين باس إيدها: "وأنا بعشقك يا قلب زين..."

جعانه نخرج ناكل

جنه هزت راسها بلا

زين: أنا هخرج أخفف أنوار اليخت عشان ننام

جنه: حاضر

زين خرج وجنه حاولت تهدى شوية وقلعت الإسدال. زين دخل وابتسم لما شافها بالقميص الأبيض القصير اللي لايق على بشرتها البيضة وشعرها اللي واصل لآخر ضهرها. قرب منها وحط إيده على خدها: انتي حلوة أوي يا جنه

زين شالها وهي اتكسفت: جاهزة تكوني زوجة زين الفهد

جنه اتكسفت أكتر وخبت وشها في حضنه وزين ضحك على كسوفها ونزلها على السرير وقرب منها لتصبح جنته ملكية خاصة لزين الفهد

***

صباح يوم جديد في قصر الفهد. الكل متجمعين على السفرة بيفطروا.

مروة: الولاد وحشوني أوي

تمارا: البيت وحش أوي من غيرهم

مريم: انتي بتقولي فيها؟ كانوا بيعملوا حس في القصر بدوشتهم

شروق: بكرة يخلصوا شهر العسل بتاعهم ويرجعوا يعملوا دوشة تاني

حسن: ادعوا ربنا يسعدهم

الكل: يارب

فهد: كنان وانت وراكان هتهتموا بشغل الشباب لحد ما يرجعوا

كنان: أنا مظبط كل حاجة يا فهد متقلقش

راكان: وأنا هتابع المناقصة اللي كان ماسكها ريان

حسن: وأنا خليت أحمد يمسك الحسابات مكان أسيل وجميلة

فهد: كده تمام لو خلصتوا خلينا نمشي عشان نشوف شغلنا

الكل قاموا خرجوا.

تمارا: هنعمل إيه دلوقتي؟

مريم: بقولكم إيه

كلهم: إيه؟

مريم: ما تيجوا ندخل أوضة الروايات بتاعة البنات نقرا شوية

مروة: يلا إحنا كده كده مش ورانا حاجة

شروق: والغدا مين هيعمله؟

تمارا: إحنا تعبانين من الفرح خلونا ناخد راحة ونطلب أكل من بره

الكل: حلو أوي

مريم: هجيب شوية تسالي ونطلع

مروة: وأنا هعمل قهوة

تمارا: قشطا يلا

***

في يخت أسيل وأدهم. اللي صحى وما كانتش أسيل جنبه.

أدهم قام قعد: راحت فين دي؟

أدهم خبط على الحمام ما حدش رد. خرج برا وطلع لاقى أسيل قاعدة وبتبص على البحر.

أدهم قرب منها وقعد جنبها وحضنها: صباحية مباركة على أحلى عروسة

أسيل: صباح النور يا دومي

أدهم: الجميل قام من جنبي ليه؟

أسيل: صحيت من بدري ومردتش أصحيك

أدهم: انتي لابسة إسدال ليه يا أسيل؟

أسيل: افرض حد شافني

أدهم ضحك: يا حبيبتي محدش هيجي هنا أكيد يعني مش هاخد في مكان يكون فيه ناس تشوفك

أسيل: لا برضه كده أحسن

أدهم: أسيل إحنا اتحركنا من المينا أنا والشباب وتقريبا إحنا في المنتجع الخاص بالفهد ومحدش هيقرب من هنا. متخافيش عايزك تكوني براحتك وإلا هاخدك ونرجع الفيلا

أسيل: لا لا خلينا هنا الجو حلو جداً

أدهم: يبقى قومي اقلعي الإسدال ده

أسيل: حاضر وهحضر الفطار

أدهم: روحي غيري وأنا هجهزه على ما تيجي

أسيل: حاضر

أدهم دخل المطبخ وبدأ يحضر الفطار. وشوية وجت أسيل وكانت لابسة قميص بيتي بعد الركبة لونه أحمر وفاردة شعرها.

أدهم أول ما شافها صفر: أيوا كده بقى عايزة تحرميني من الجمال ده

أسيل ضربته في كتفه: عيب كده يا أدهم

أدهم شدها لحضنه: عيب مين والناس نايمين يا قلبي بس عايزة الصراحة

أسيل بصتله: صراحة إيه؟

أدهم بغمزة: ما كنتش أعرف إنك مزة أوي كده

أسيل بعدت عنه: والله انت قليل الأدب يا أدهم

أدهم ضحك بصوته كله: خلاص هسكت اهو يلا ناكل

أسيل: يلا

***

عند ريان وجميلة.

جميلة صحت أخدت شاور ولبست بجامة برمودا وبدي كط ولمت شعرها على هيئة كحكة وخرجت. كان لسه ريان نايم. قربت وقعدت جنبه على السرير: رياااان.. ريان

جميلة: مش هتصحى حااااااضر

جميلة مسكت كوباية مية وكبتها فوقه.

ريان قام مفزوع: غرقنا ولا إيه؟

جميلة كانت بتضحك على منظره: لا لسه مغرقناش

ريان بص لها بغضب: انتي اللي حركتك دي

جميلة جرت تجري على برا وريان وراها.

جميلة: ريان حبيبي خلاص ونبي

ريان: راحت فين شجاعتك ها؟

جميلة لسه هتجري ريان مسكها من إيدها وشدها عليه وباس خدها: صباح الجمال يا أحلى عروسة

جميلة: صباح الفل بقالي ساعة بصحى فيك يا ريان وجوعت جداً

ريان: والله أخس عليا يلا نحضر الفطار سوا

جميلة: يلااا

حضروا الفطار مع بعض وفطروا سوا في جو مخلّاش من جنانهم هما الاتنين.

***

عند زينة وأسر.

زينة فتحت عينيها وابتسمت أول ما شافت أسر بيبصلها.

زينة: صباح الخير

أسر باسها من خدها: صباح الجمال والرقة والحلاوة

زينة قامت قعدت: انت صاحي من زمان؟

أسر: أنا منمتش أصلاً

زينة: بجد منمتش خالص؟

أسر: لا

زينة: ليه انت كويس؟

أسر مسك إيدها وباسها: هتصدقيني لو قولتلك خايف أنام وأصحى ألاقي نفسي كنت في حلم

زينة ضحكت: برضه يا أسر

أسر: أنا عشت طول عمري اللي فات وأنا بحلم تكوني ليا وملكي يا زينة وكنت خلاص فقدت الأمل إنك تكوني ليا وبعد ما بقيتي معايا مش مصدق إن أمنيتي الوحيدة اتحققت

زينة حضنته بقوة: أنا بجد آسفة على كل الوجع اللي عيشته بسببى

أسر: أنا نسيت كل الوجع لما بقيتي ليا ومعايا يا زينة

زينة بعدت عن حضنه: أنا بجد بحبك يا أسر وبتمنى إني أفضل الباقي من عمرك جوا حضنك

أسر حضنها: وده عز الطلب يا قلبي

زينة ضحكت: ممكن بقي أقوم أحضر الفطار

أسر: هنحضره سوا يلا

زينة: هغير وأجي وراك

أسر: وتغيري ليه؟

زينة بصت على هدومها اللي كانت عبارة عن قميص بيتي لونه بينك بحمالة رفيعة قبل الركبة: هطلع كده إزاي يا أسر؟

أسر: ما فيش حد حوالينا يا زينو متخافيش ومحدش يقدر يقرب من هنا

زينة: طب يلا لأني جعانة جداً

أسر مسك إيدها: يلا

راحوا المطبخ وحضروا الأكل وقعدوا يفطروا سوا وأسر اللي أخد زينة في حضنه وبياكلها بنفسه وزينة فرحانة ومبسوطة بحب أسر ليها وبتحمد ربنا إنها اختارت تكون معاه.

***

عند زين وجنه. اللي صحت بدري وأخدت شاور ولبست هوت شورت بلون الأسود وبدي كط بلون الأحمر وبصت بحب على زين اللي نايم وحطت إيدها على بطنها وهمست: أنا جعانة أوي

قربت من الإسدال عشان تلبسه وافتكرت لما زين قالها محدش يقدر يقرب من اليخت أبداً. خرجت من الأوضة وراحت على المطبخ فتحت التلاجة الصغيرة الموجودة فيه.

جنه: آكل إيه؟

جنه ابتسمت لما شافت برطمان نوتيلا اخدته وجابت معلقة وقعدت على رخامة المطبخ وبدأت تاكل بتلذذ.

عند زين صحى واتفاجأ لما ملاقاش جنه جنبه. قام خبط على الحمام: جنه

زين فتح باب الحمام: راحت فين دي؟

خرج من الأوضة وكان لابس شورت لحد الركبة وراح المطبخ ابتسم لما شافها بتاكل الشوكولاتة. قرب منها وحاوطها بإيديه وهي قاعدة على الرخامة وجنه اتخضت.

جنه: خضيتني يا زين

زين باسها من خدها: صباح الشوكولاتة يا جنتي

جنه ابتسمت: صباح النور

زين بيبص على البرطمان اللي في إيدها: بتعملي إيه كده؟

جنه بكسوف: بصراحة كنت جعانة جداً فخرجت آكل أي حاجة على ما أنت تصحى

زين: جنه ما أنا سألتك امبارح لو جعانة... انتي ما أكلتيش أي حاجة من قبل الفرح

جنه هزت راسها بـ آه

زين: جنه إزاي تبقي جعانة ومتقوليش

جنه غمضت عينيها: بصراحة اتكسفت

زين: اتكسفتي يا جنه... فتحي عينيكي... جنه

جنه فتحت وبصتله: نعم

زين: حبيبتي إحنا بقينا واحد يعني المفروض نلغي الكسوف اللي بينا ده ولما تكوني جعانة تقومي تاكلي. مبينفعش تفضلي جعانة كده يا جنه

جنه: حاضر

زين: كملي الشوكولاتة بتاعتك وأنا هحضر الفطار

جنه: لا هساعدك

زين: لا خليكي أنا هعمله أنا

زين بدأ يحضر الفطار بمهارة وجنه مبتسمة أوي.

زين خلص وحط الأكل على الترابيزة الصغيرة في المطبخ وراح شال جنه اللي اتعلقت في رقبته وقعد على الكرسي وقعدها في حضنه وبدأوا ياكلها وجنه مبسوطة وبتضحك.

زين: نفسي أعرف بتضحكي على إيه

جنه: مش مصدقة إن زين الفهد هو اللي بيحضر الفطار بنفسه وبياكلني بإيده كمان

زين باس خدها: زين الفهد مستعد يعمل أي حاجة عشان يشوف ضحكة جنتي

جنه باسته من خده: وجودك في حياتي بس بيخليني أسعد واحدة في الدنيا يا زين

زين باس إيدها: روح قلب زين... يلا أكليني بقي أنا كمان جعان على فكرة

جنه: من عيوني...

عدى اسبوع على ابطالنا اللى عايشين بسعاده وهنا.

فى يوم جديد فى يخت ريان وجميله قاعدين فى الدور التانى.

جميله: ريان.

ريان: اممم.

جميله: انا زهقت.

ريان بصلها: زهقتى؟ بقي فى واحده تقول لجوزها فى شهر العسل زهقت؟ زهقتى من ايه بقي ياست هانم، ماهو مافيش قدامك غيرى يبقي زهقتى منى.

جميله ضحكت: هو انا اقدر ازهق منك بردو ياحبيبي، بس بجد البنات وحشونى جدااا.

ريان: تصدقى وانا الشباب وحشتنى قاعدتهم، بقولك ايه.

جميله: ايه.

ريان: تيجى نروحلهم.

جميله: انت عارف هما فين.

ريان: اه ماحنا متفقين انا والشباب على الاماكن اللى هنكون فيها.

جميله: لا بس مينفعش عشان البنات.

ريان: متقلقيش، فى برنامج خاص باليخوت الفهد ان لما اى يخت او مركب يقرب من اليخت بتاعنا بيدينا انزار.

جميله: بجد عمو فهد ده دماغه الماز.

ريان: طبعاً يابنتى مش الفهد، يلا قومى غيرى وانا نشوف مواقع الشباب ونروح الاول لادهم هو اللى هيساعدنى.

جميله: قشطاااا.

***

عند ادهم واسيل كانو فى البحر.

اسيل وهى ماسكه فى رقبه ادهم اللى بيعلمها العوم.

اسيل: نفسي افهم انتى هتتعلمى العوم ازاى وانتى متعلقه فى رقبتى كدا، وبعدين مش انتى اللى كنتى دايما تقوليلى عايزة نقضي شهر العسل فى مكان كله بحر وتعلمنى العوم، فاكرة مش ده كان كلامك واحنا فى رحله شرم الشيخ.

ادهم: ايوا كلامى، بس مش هنا ياادهم علمنى فى بسين على الشط مش فى نص البحر كدا هتغرقنى.

ادهم ضحك: طب انتى خايفه ليه بقي مانتى مكلبشه فيا كانك مكلبشه فى حرامى مش جوزك.

اسيل ضربته فى كتفه: ليك نفس تهزر، يلا علمنى بقي.

ادهم: حاضر ياستى.

ادهم بدأ يعلمها واسيل نست خوفهاا وبتعمل زى ادهم مابيقولها.

بعد شويا اسيل صوتت بفرحه: اخيرااا عملتها ياادهم.

ادهم: شطورة ياقلب ادهم.

اسيل: تيجى نتسابق بقي.

ادهم: لا مش لدرجه دى واحنا مش هنبعد عن اليخت.

اسيل: تلاقيك خايف لتخسر.

ادهم لسه هيرد سمع صوت انذار من اليخت.

اسيل: ايه الصوت ده.

ادهم: فى حد قريب مننا، اطلعى كدا بسرعه.

ادهم ساعد اسيل تطلع وطلع هو كمان.

ادهم: انزلى الاوضه بسرعه يااسيل.

اسيل: حاضر.

ادهم وقف يبص يشوف مين اللى بيقرب منهم.

واتفاجأ باليخت بيقرب ومش عارف ده يخت مين من الشباب لانهم ٤ يخوت شبه بعض، لما قرب منه.

ريان: حبيب اخوك.

ادهم: الله يخربيتك انت بتعمل ايه هنا.

جميله: ازيك ياادهم.

ادهم: كويس انتو عاملين ايه.

ريان: والله احنا كنا زهقانين قولنا نعمل كبسه عليكو، وقولت ابدا بحبيبي اللى هيساعدنى.

ادهم ضحك: اساعدك نعمل كبسه على زين واسر، انسي انا لسه عريس ومش عايز يتعملى خريطه فى وشي.

جميله: اومال فين اسيل.

اسيل كانت سمعت صوتهم ولبست وطلعت: انا هنا، وحشتينى ياميلا.

ريان: ازيك يااسيل.

اسيل: كويسه جدااا.

ريان: هاااا هتساعدنا قبل الليل ولا ايه.

اسيل: خلينا نروح ياادهم ونبي زينو وجوجو وحشونى.

ادهم: اسر ممكن نتعامل معاه، لكن زين مش هيتفاهم.

جميله: متخافش، احنا نروح لاسر الاول وبعد كدا نروح لزين.

ادهم: مري لله، هروح اغير هدومى المبلوله دى الاول.

ادهم غير واتحركو سوااا.

***

عند اسر وزينه قاعدين فى اخر اليخت فى المكان اللى بيكون مفتوح ورجليهم فى الميااا، واسر بيشرب قهوة وزينه بتاكل شكولاته وسانده راسها على كتف اسر.

زينه: اسر.

اسر: قلب اسر.

زينه ضحكت: هو احنا خلاص هنرجع.

اسر: الفهد عطينا اجازة اسبوع.

زينه: بس المكان هنا حلو اوى مش عايزة امشي.

اسر: وحياتك ولا انا حتى.

زينه رفعت راسها وبصتله: خلاص خلينا كمان اسبوع ونبي.

اسر: مينفعش نفضل احنا لوحدنا، لو الشباب كمان هيفضلو هنا نحاول نقنع الفهد بقي.

زينه: سيب بابا عليا انا والبنات اكيد مش هيرفضلنا طلب.

اسر: خلاص هابقي اكلم الشباب واشوف هيعملو ايه.

زينه: اوكى.

اسر: بقولك ايه.

زينه: ايه.

اسر: ماتيجى ننزل الميا.

زينه: لا مستحيل مش بعرف اعوم اصلا.

اسر: انا معاكى يازينوو متخافيش، وبعدين ياستى هعلمك العوم.

زينه سندت راسها على كتف اسر: طب خليها وقت تانى، انا حابه القاعده هنا اوى.

اسر حاوط خصرهاا: وماله نخليها وقت تانى.

بعد شويا اسر سمع صوت انذار وقام بسرعه وزينه كمان.

زينه: فى ايه مالك يااسر وايه الصوت ده.

اسر: انزلى الاوضه بسرعه، فى حد قريب مننا.

زينه: حد ازاى يعنى.

اسر: مركب يخت مش عارف، انزلى بسرعه تحت.

زينه: حاضر.

اسر راح يبص فى الجهاز الخاص بالبخت وشاف ان اليخوت اللى بتقرب منه بتوع الشباب، وقف على طرف اليخت بيبص فى اتجاه اللى جاي منه ولما قربو منه.

ادهم: حبيبي ياصاحبي.

اسر: انتو ايه اللى جابكو هنا.

ريان: وحشتنا قولنا نيجى نطمن عليك ياجدع.

اسر: فين البنات بدل ما تقضو وقتكو معاهم جايين هنا.

جميله: بصراحه احنا البنات مش بنقدر نغيب عن بعض الله.

اسر: طب يلا هوينا انت وهو وهى من هنا.

اسيل جت: بقي بتطردنا من بحر ربنا يااسر.

اسر ضحك: بدل ماتعقلى جوزك بتساعديه.

اسيل: يعنى اختك حبيبتك نصك التانى مش وحشتك ولا ايه، ولا البت زينه نسيتك اختك.

زينه طلعت بعد ماغيرت: حبايب قلبي اللى وحشونى.

جميله واسيل صوتو: زيييييينو.

ادهم: ياولاد المجانين.

ريان: وبعدين الاجازة اللى كان عطيها لينا الفهد خلصت يابشوات.

اسر: لا مانا كنت هكلمكو عشان نمدها اسبوع كمان.

ادهم: ازاى يافالح.

اسر بص لزينه: دى مهمه البنات.

اسيل: صح عمو فهد مش بيرفضلنا طلب.

جميله: قشطااا ونفضل هنا اسبوع كمان.

زينه: بس نقضيها سوا اى رايكوو.

جميله واسيل: قشطاا اوى.

اسر بهمس لزينه: بقي كدا يازينو بتبعينى.

زينه بنفس الهمس: انا اقدر بردو.

ريان: نحن هنا يااسر باشا.

اسر: اخرس ياحيوان.

ادهم: يلا عشان نهجم على زين.

اسر: وميش خايفين بقي من اللى زين هيعمله فيكو.

ريان: ربنا يستر.

ادهم: لا مانت معانا.

اسر: ولا اعرفكووو.

زينه: طب يلا نروحلهم زين وحشنى وجوجو كمان.

ادهم: بس زين بعيد عننا هناخد وقت على مانوصله.

اسيل: هو اخد البت وسافر بيها ولا ايه.

اسر: اصله عارف رخامتكوو.

ريان: طب يلا عشان نوصله قبل الليل.

اسر: امري لله يلا نتحرك سوا اما اشوف اخرتها معاكو ايه.

الكل: كل خيييييير.

***

عند زين وجنه كانو فى البحر.

جنه حاضنه زين من ضهره وهو بيعوم بيها.

جنه بخوف: زين بلاش تبعد عن اليخت ونبي.

زين عام لحد مابقي قريب من اليخت ولف جنه واخدها فى حضنه وهى اتعلقت فى رقبته: بقيتا قربين من اليخت كويس كدا.

جنه: ممكن نطلع بقي.

زين: الميا حلوة ياجنه عايزة تطلعى ليه.

جنه: خايفه يازين.

زين: من ايه ياقلب زين.

جنه: اقولك ومتضحكش عليا.

زين: قولى ياجنتى.

جنه: خايفه ليكون فى سمك قرش هنا.

زين: سمك قرش ياجنه.

جنه: اه سمك قرش يازين.

زين ضحك بصوته كله وجنه ضربته فى صدره: ممكن متتضحكش عليا.

زين: حاضر هبطل ضحك ومتخافيش ياستى مافيش هنا سمك قرش.

جنه: زين عايزة انام على الميا.

زين: ايه الشجاعه اللى نزلت عليك فجاه دى.

جنه: نفسي اجرب الاحساس ده.

زين: من عيونى ياجنتى.

زين نيمها على الميا وصدها كويس وجنه كانت فرحانه: احساس حلو جدااا يازين.

زين شال ايده براحه وبعد عنها وجنه كانت مغمضه عينيها.

زين: جنه.

جنه فتحت عينيها شافت زين بعيد عنها.

جنه: انا نايمه لوحدى بجد.

زين: بجد.

جنه: احساس يجنن يازين بجد.

زين بدا يعوم حوليهااا وجنه كانت فرحانه جدا وفجاه حست بجسمها بينزل لتحت وصرخت بقوة وزين قرب منها بسرعه وشدها لحضنه وهى بتتنفس بصعوبه.

زين: انتى كويسه ياجنه.

جنه: ايوا ممكن نطلع بقي.

زين ساعدها تطلع اليخت وهو كمان طلع وشالها.

جنه: نزلنى يازين.

زين: لا ... شوفتى كنتى هتغرقى زاى، انا قولتلك البسي المايوه التانى وانتى صممتى تلبسي الاسلامى.

جنه ضحكت: يعنى المايوه القطعتين ماكنتش هغرق وانا لبساه.

زين بغمزة: لا ياقمرى.

جنه ضربته فى كتفه: عيب كدا يازين الله.

زين بصلها برفعه حاجب: انتى اد الحركه دى لازم تتعقبي.

جنه بصتله: وهتعاقبنى ازاى يازين.

زين نزل بيها الاوضه: تعالى وانا اقولك.

نزلها على السرير ليذقيها من فنون عشقه.

بعد شويا جنه نايمه فى حضن زين ولابسه قميص بيتى قصير وفجاه سمعت صوت انذار عالى خافت وقامت قعدت: زين ... زين اصحى.

زين فتح: مالك ياجنه.

جنه: ايه الصوت ده.

زين سمع الانذار وقام بسرعه: متخرجيش من الاوضه ابدااا سامعه.

جنه: هو فى ايه.

زين: خليكى فى حد بيقرب مننا.

زين خرج بسرعه وراح عن جهاز الانذار وشاف يخوت الشباب هى اللى بتقرب منه: الله يخربيتكووو.

نزل لجنه اللى كانت مرعوبه: اهدي ياحبيبتى دول الشباب جايين علينا.

جنه بفرحه: بجد.

زين: شايفك فرحانه يعنى.

جنه: بصراحه البنات وحشونى.

زين: طب غيرى واطلعى.

جنه: حاضر.

زين طلع وقف على طرف اليخت وشايفهم وهما بيقربو منه.

ريان: زيزو وحشتنا ياراجل.

زين برفعه حاجب: ممكن افهم بتهببو ايه هنا.

اسر بص لريان وادهم: ماتردوو.

ادهم: اسر فضل يزن علينا زين وحشنى تعالو نروحله.

ريان: واحنا نقولها بلاش.

اسيل: وهو يقولنا لا لازم نروحله.

اسر: لا والله.

جميله: حتى زينه شاهده مش كدا يازينووو.

زينه ضحكت اوى.

اسر: ماتردى.

زينه: انا ماليش دعوة بيهم ...

وحشتيني يا زيزو.

زين ضحك: وأنتِ وحشتيني يا حبيبة قلب زيزو.

اسر حاضن زينه: لا دي روحي قلبي أنا وبس، مالكش دعوة بيها.

زين: دي أختي على فكرة.

اسر: ومراتي على فكرة.

زينه: فين جوجو يا زين؟

جنه جت بسرعة من ورا زين: وحشتوني أوي.

زينه وأسيل وجميلة صوتوا: جووووجووو.

ريان: نفسي أفهم بتصوتوا ليه؟

أسيل: البت وحشتنا الله.

أدهم: الصويت ده تعبيرًا عن الحب يعني.

اسر: اسكتوا بقى، زين.

زين: نعم.

اسر: عايزين نمد الإجازة أسبوع كمان.

زين: طب والفهد؟

زينه: هنكلمه أنا والبنات.

زين بص للشباب: أنتو بتسيبوا البنات عشان عارفين إنه مش هيقول لهم لأ.

الشباب: آه.

زين: يا خيبتكم.

اسر: خلاص كلمه أنت.

زين: أكلمه مكلموش ليه؟

أدهم: طب يلا كلمه، بس الأسبوع ده هنقضيه سوا.

زين: انسوا، كل واحد هيرجع مكانه.

ريان: لا هنفضل سوا.

زينه: ونبي يا زيزو.

جنه: هيكون أسبوع حلو أوي يا زين، نبي.

جميلة: ونبي ونبي.

اسر: خلاص يا عم وافق بقى.

زين: ماشي.

البنات صوتوا بفرحة.

أدهم: استغفر الله العظيم، بطلو صويت بقى.

البنات ضحكوا.

زين: هروح أكلم الفهد.

زين مشي وهو حاضن جنه، وجاب تليفونه اللي كان مقفول من يوم الفرح، وفتحه ورن على الفهد اللي رد عليه: إزيك يا بابا؟

فهد: بخير، أنتو عاملين إيه؟

زين: بخير الحمد لله.

فهد: متصل ليه؟

زين: بصراحة الشباب والبنات عايزين يفضلوا أسبوع كمان.

فهد: هما معاك؟

زين: آه، كلنا سوا، ولو حضرتك وافقت هنفضل الأسبوع ده مع بعض.

فهد سكت شوية: تمام، أسبوع واحد وترجعوا، ورانا شغل كتير، وخدوا بالكم على نفسكم.

زين: تمام يا بابا، وسلم على توتا كتير.

فهد: يوصل.

زين قفل وبص لجنه.

جنه: وافق؟

زين: وافق.

جنه: هروح أقولهم.

جنه جرت بسرعة: عمو فهد وافق.

البنات صوتوا جامد.

زين جاي من ورا جنه: والله اللي هتصوت تاني لهكون راميها في البحر.

أدهم: أقسم بالله يعملها، واحنا مش مسؤولين.

كلهم ضحكوا.

اسر: ها، هنعمل إيه بقى الوقت؟

زينه: نعمل أكل.

أسيل: نتجمع في يخت واحد ونعمل أكل سوا.

جنه: اتنين يعملوا إزاي، واتنين يعملوا حاجة حلوة.

جميلة: أنا وأسيل نعمل الأكل.

زينه: وجوجو تعملنا كيكة.

جنه: وهنلاقي المقادير؟

زين: المطابخ فيها كل حاجة، متقلقوش.

أسيل: قشطة، يلا يا جميلة تعالي.

ريان: لحظة، هقرب اليخت شوية.

ريان قرب من يخت أدهم، وساعد جميلة تروح على اليخت التاني.

زين: ثبتوا اليخوت كويس عشان متتحركش.

اسر: واحنا هنعمل إيه بقى؟

أدهم: نتسابق.

ريان: يا جدع لا.

اسر: والله فكرة، يلا.

زين: طب ثبتوا اليخوت وغيروا ونتسابق.

زينه: جنه هتيجي عندي ولا أجي عندك؟

جنه: تعالي عندي.

اسر: استنى لما نقرب شوية.

اسر ساعد زينه تروح يخت زين، والشباب غيروا ونزلوا يتسابقوا على ما البنات تخلص الأكل.

البنات خلصوا أكل وكلهم اتجمعوا في اليخت بتاع ادهم وأكلوا سوا في جو كله ضحك وهزار. وبعد ما خلصوا قرروا ينزلوا كلهم البحر، وكل واحد من الشباب كان واخد مراته في حضنه.

جميلة: ماليش فيه، أنا عايزة أتعلم العوم زي أسيل.

ريان: الله يسامحك يا ادهم الكلب.

أدهم: ما تلم نفسك ياحيوان، وبعدين أنا مالي؟

ريان: لازم تعلمها يعني العوم، اهو كلهم هيزعلوا.

جميلة: آه، كلنا عايزين نتعلم زي أسيل.

جنة: اتكلمي على نفسك، أنا مش عايزة أتعلم.

زين بهمس: جبانة.

جنة بصتله وضحكت.

أسر: وأنتي يازينو عايزة تتعلمي؟

زينة: لا مش عايزة.

ريان: الحمد لله، الأغلبية مش عايزين يتعلموا.

جميلة: ماليش فيه.

أسيل: أنتي محسساني إني بقيت سبّاحة، ده أنا لو مشيت لوحدي ثانية هغرق.

كلهم ضحكوا عليها وقضوا وقت حلو ولعبوا كتير.

زين: يلا اطلعوا، لأن الجو ليل.

كل واحد طلع مع مراته اليخت بتاعه، غيروا والشباب وقفوا اليخوت حوالين بعض بحيث كلهم يكونوا شايفين بعض وشغلوا الأنوار، وكان المنظر يجنن. وجنة جابت الكيكة وعيطت للكل لأنهم قريبين من بعض، وجميلة جابت كانز وريان حدف للكل، والكل كانوا قاعدين في المكان المفتوح في اليخت ورجليهم في المية.

زين: تسلم إيدك يا جنتي.

جنة: بالهنا.

زينة: أحلى واحدة تعمل كيكة بشوكولاتة هي جوجو.

أسيل: أنا عايزة الطريقة عشان أبقى أعملها في بيتي.

جنة: من عيوني ياسولا.

ريان: بذمتكم مش وإحنا سوا أحلى ما كان كل واحد لوحده؟

أسر: لا طبعًا، لما كنت أنا وزينة مع بعض أحلى.

زينة ضربته في كتفه: عيب كده.

أدهم: مش الواضح إن زين باشا كمان مش مبسوط.

زين: هما يومين هنقضيهم سوا وكل واحد يرجع مكانه تاني.

البنات: لاااااا.

زين بص لجنى: لا والله.

زينة: خلينا سوا، نبي يازيزو عشان خاطري.

أسر: أنا عمري ماشوفت كدا، إحنا في شهر العسل على فكرة.

أدهم: مش كفاية الفهد لخص الشهر في أسبوع.

ريان: وأسبوع هدية.

كلهم ضحكوا.

أدهم قام وقف: خلاص، طول النهار نبقى سوا وبليل نبعد عن بعض بس مش كتير، إيه رأيكوا؟ اهو كل واحد ياخد راحته مع مزته.

أسيل: إيه قلة الأدب دي.

أدهم: آسف يامزتي.

زين: طب يلا، طريقكم أخضر.

أسر: أنتي مش هتتحرك؟

زين: أنا واقف في مكاني، اتحركوا أنتو.

ريان: ماشي ياكبير.

الشباب اتحركوا، وزين مسك إيد جنة ونزلوا الأوضة.

جنة قعدت على السرير: كان يوم حلو أوي.

زين قعد جنبها: لما كنا لوحدنا ماكنش حلو.

جنة حضنته: أي مكان بكون فيه معاك بيبقى جنة بالنسبالي يا زين.

زين باس راسها: أنتي جنتي يا جنة.

جنة: ممكن ننام بقى، لأنني تعبت النهارده.

زين: غيري ويلا ننام ياقلبي.

***

عند أسر وزينة.

أسر وقف اليخت ونزل الأوضة، كانت زينة خارجة من الحمام وأول ماشافته ابتسمت.

أسر حضنها: تعرفي إنك وحشتيني أوي النهارده.

زينة: أنا طول اليوم قدامك يا أسر، وحشتيني إمتى؟

أسر: بردو بتوحشيني، عايزك على طول جوة حضني.

زينة: وأنا أطول إني أفضل على طول جوة حضنك.

أسر شالها: طب تعالي، هقولك على حاجة مهمة.

زينة ضحكت: خلينا ننام، نبي يا أسر.

أسر: نوم إيه الوقت، بقولك وحشاني.

***

أسيل وأدهم نايمين على السرير.

أسيل: اليوم كان جميل صح؟

أدهم: مادام حبيبي قال إنه كان حلو، يبقى كان حلو.

أسيل ضحكت: لا والله.

أدهم: آه والله.

أسيل دخلت جوة حضنه: ممكن ننام بقى.

أدهم: نامي ياقمري.

***

عند ريان وجميلة.

ريان خرج من الحمام، ابتسم لما شاف جميلة نامت على الكنبة الصغيرة، قرب منها وشالها ونيمها على السرير.

جميلة بنوم: أنا نمت.

ريان ضحك: لا خالص ياحبيبتي.

جميلة: طب سبيني بقى.

ريان نام جمبها وشدها لحضنه وباس راسها: نامي ياقلبي.

***

في قصر الفهد وتحديداً في أوضة فهد وتمارا.

فهد نايم وتمارا في حضنه.

تمارا: الولاد وحشوني أوي يا فهد، كنت فرحانة عشان راجعين النهارده.

فهد: هما حابين الجو هناك وعايزين يقضوا أسبوع كمان سوا، مقدرتش أقولهم لأ.

تمارا: ربنا يسعدهم.

فهد: يا رب.

تمارا: مش مصدقة إن ولادي اتجوزوا يا فهد.

فهد: إحنا هنقضي الليلة كلها بنتكلم على الولاد ولا إيه؟

تمارا رفعت راسها وبصتله: والمفروض نتكلم عن إيه؟

فهد: عننا مثلا.

تمارا: اممم، تصدقي فكرة بردو.

فهد ضحك: تعرفي إنك كل ما بتكبري بتحلوي وحبك بيزيد في قلبي.

تمارا: مانا عارفة.

فهد برفعة حاجب: إيه الغرور ده؟

تمارا: زوجة الفهد بقى.

فهد ضحك: ما تيجي نسافر أنا وأنتي سوا ومنقولش لحد على مكاننا.

تمارا: لا طبعًا، وبعدين إحنا كبرنا خلاص يا فهد، عيب كده.

فهد: حتى لو عجزنا وسناننا وقعت، بردو هفضل أحبك يا نبض قلبي.

تمارا: حبيبي يا فهد.

***

في أوضة حسن ومروة، قاعدين في البلكونة وبيشربوا قهوة، ومروة ساندة راسها على كتف حسن.

حسن: يا حبيبتي، فهد قال إنهم عايزين يقعدوا كمان أسبوع.

مروة: بس وحشوني أوي.

حسن: كلها أسبوع، أسر يرجعلك، لكن أسيل هتروح على بيت جوزها.

مروة: مش متخيلة حياتنا وهي بعيدة عننا.

حسن: والله ولا أنا، بس دي سنة الحياة ياحبيبتي.

مروة: أهم حاجة إنهم يعيشوا مبسوطين ومتهنين مع اللي بيحبوهم.

حسن: يا رب ياحبيبتي.

مروة: بكرة يجبولنا قطاقيط صغيرة يلموا علينا البيت.

حسن: ربنا يفرحهم.

مروة: حسن.

حسن: نعم ياحبيبتي.

مروة: ادهم عمل إيه مع فريد وسماح؟

حسن: هما دلوقتي محبوسين ولسه لما يتعرضوا على النيابة، الله أعلم هياخدوا حكم قد إيه.

مروة: ربنا يسامحهم.

حسن: ويبعدهم عننا.

***

في أوضة كنان، قاعد على الكنبة ومريم في حضنه، وبيفرجوا على فيلم سوا.

كنان: من زمان مقعدناش سوا كده.

مريم: حبيبي، أنا آسفة لأني بقصر في حقك، ووقتي كله للبيت وللبنات.

كنان باس راسها: متقوليش كده يامريومة، وبعدين إنتوا بتعملوا اللي عليكم وزيادة، طب مانا طول الوقت في الشركة وحتى في البيت أوقات بشتغل.

مريم: ربنا يعينكم ياحبيبي.

كنان: تعرفي إن حلوياتي وحشوني.

مريم: وأنا كمان والله، زعلت لما فهد قال هيفضلوا أسبوع كمان.

كنان: سيبيهم يفرحوا يامريم، ربنا يهنيهم، أكتر حاجة مفرحاني إن زين وريان هيحطوهم جوة عينيهم.

مريم: وكمان إنهم واخدين بعض عن حب، ربنا يسعدهم.

كنان: ويجبولي حلويات صغيرين ألعب بيهم.

مريم ضحكت: يا رب.

***

في أوضة راكان وشروق، قاعدين على السرير.

راكان واخد شروق في حضنه: تعرفي إنك كنتي وحشاني جدًا.

شروق ضربته في صدره: عيب كده على فكرة.

راكان: الله، بقالي زمان ماخدتكيش في حضني كده، هو أنا قولت إيه؟

شروق: مانت اللي بتيجي تعبان من الشركة تتعشى وتطلع تنام قبل ما أنا أخلص.

راكان: ولاد الـ... ما صدقوا اتجوزوا وكل واحد أخد مراته وخلع وسابولنا الشغل كله على دماغنا.

شروق ضحكت: سيبهم يعيشوا حياتهم ويفرحوا.

راكان: بكرة بس لما يرجعوا وهنطلع عينهم في الشغل.

شروق: تعرفي نفسي في إيه؟

راكان: إيه؟

شروق: جميلة تجبلي بيبي صغير، وبجد هتبقى أحلى فرحة بالنسبالي.

راكان: ربنا يكرمهم.

شروق: ياااارب.

***

عدى أسبوع، الشباب والبنات قضوه سوا في جو مليان ضحك ولعب، والكل كانوا فرحانين. وجه الوقت إنهم يرجعوا تاني على القصر، وأسيل وادهم على فيلتهم.

***

صباح يوم جديد في قصر الفهد، الشباب دخلوا وكل واحد في إيده مراته.

زينة: القصر وحشني جدًا.

جنة: وووحشني أوضة الروايات.

جميلة: أنا مش متخيلة إننا هنسهر فيها من غير أسيل.

زينة: هنفتقدها جدًا.

الماميز خرجوا من المطبخ.

تمارا: حمد لله على السلامة يا حبايب قلبي.

البنات كل واحد جرى على مامته، وكمان الشباب.

تمارا حاضنة زينة: وحشتيني يازينو، عاملة إيه ياقلبي؟

زينة: كويسة ومبسوطة جدًا يا توتا.

تمارا: ربنا يسعدكم ياحبيبتي.

تمارا حاضنة زين: وحشتني يازيزو.

زين باس راسها: وأنتي كمان يا توتا.

تمارا ضربته في كتفه: وحشك بردو؟ تلاقي حضن جوجو نساك توتا.

زين: أنا أقدر أنساكي بردو ياقمر إنتي.

زينة: فين بابا ياتوتا؟

تمارا: راحوا الشركة ياحبيبتي.

***

مريم حاضنة البنات.

جنة: وحشتيني أوي يا مريومة.

جميلة: جدًا جدًا يا مريومة والله.

مريم: حبايب قلبي، وإنتوا وحشتوني والله، عاملين إيه؟

جنة وجميلة: مبسوطين جدًا.

مريم: ربنا يسعدكم يارب.

جنة: أومال بابا فين؟

مريم: خرجوا من شوية، راحوا الشركة.

***

مروة حاضنة أسر: حبيبي، وحشتني أوي.

أسر باس راسها: وأنتي يا ست الكل وحشتيني.

مروة: أسيل عاملة إيه؟

أسر: كويسة ومبسوطة جدًا.

مروة: وأنت مبسوط ياحبيبي؟

أسر: طاير من الفرحة يا ست الكل.

مروة: ربنا يسعدلي قلبك يارب.

أسر: ويخليكي ليا يا مرمر.

زينة جت وحضنتها: وحشتيني يا مرمر.

مروة: حبيبة قلبي، عاملة إيه؟

زينة: الحمد لله كويسة.

مروة: ربنا يسعدكم سوا يارب.

أسر حضنهم هما الاتنين: ويخليكم ليا يارب.

***

ريان: وحشتيني يا شوشو يا قمر.

شروق: وأنت يا قلب شوشو، وحشتني أوي. اتبسطوا؟

ريان: جدًا يا شوشو.

شروق: يا رب دايما أيامكم كلها فرح وسعادة.

ريان: وأنتي منورة حياتي يا شوشو يا عسلية إنتي.

جميلة: ماليش من الحب جانب ولا إيه؟

شروق حاضنتها: إنتي حبيبة قلبي يا جميلة، طمنيني عاملة إيه؟

جميلة: الحمد لله يا شوشو.

شروق: أوعى يكون الواد ده زعلك.

ريان: هو أنا أقدر؟ دي حبيبتي.

شروق: ربنا يسعدكم يارب.

***

جنة قربت من زين وتمارا.

تمارا حاضنتها: عاملة إيه يا جوجو؟

جنة: الحمد لله يا توتا، وحشتيني جدًا.

تمارا: يابكاشة، بذمتك فكرتي فيا أصلاً؟

زين ضحك وجنة اتكسفت.

تمارا: ربنا يسعدكم يا ولاد، وتفرحوني قريب بزين وجنة الصغيرين.

زين: ياااااارب.

جنة وشها أحمر من الكسوف، وزين خدها في حضنه.

تمارا: يلا يا شباب، كل واحد ياخد مراته ويطلعوا ارتاحوا شوية على ما نحضر الأكل والكل يرجعوا من شغلهم وناكل سوا.

الكل طلعوا، والماميز دخلوا المطبخ.

***

في فيلا ادهم، دخل وهو ماسك إيد أسيل، وكانت سهام في استقبالهم.

أسيل جرت عليها: حبيبتي يا سوسو، وحشتيني.

سهام: وأنتي يا قلب سوسو، وحشتيني والله.

أدهم باس راس مامته: عاملة إيه يا ست الكل.

سهام: بخير طول ما إنتوا بخير ومبسوطين يا حبايب قلبي. اتبسطوا؟

أسيل: جدًا يا سوسو.

سهام: خد مراتك ياحبيبي واطلعوا ارتاحوا على ما أكل يجهز.

أسيل: أنا هاجي معاكي أساعدك.

سهام: كل حاجة تقريبًا جهزت ياحبيبتي، وإنتي أكيد تعبانة من الطريق، يلا اطلعي مع جوزك.

أسيل: حاضر يا سوسو.

أدهم مسك إيد أسيل وطلعوا…

الشباب والبنات نازلين من على السلم فى نفس وقت وصول الكبار.

زينه وجنه وجميله جرو على فهد وكنان.

زينه: وحشتنى اوى يابابا.

فهد: حبيبه قلبي عامله ايه.

زينه: كويسه جدااا يابابا.

كنان حاضن جنه وجميله: وحشتونى ياحلوياتى.

جنه: وانت كمان وحشتنا.

جميله: جداا يابوب والله.

كنان باس راسهم: حبايب قلبي.

اسر قرب من حسن وحضنه.

حسن: حمدلله على سلامتك يااسر.

اسر: الله يسلمك ياابوعلى.

زينه: حبيبى ياخالو.

حسن حضنها: قلب خالك يازينوو عامله ايه.

زينه: الحمدلله.

ريان قرب من راكان: وحشتنى يابابا والله.

راكان: حمدلله على سلامتك ياابنى.

جميله جرت على حضن راكان: وحشتنى ياباشا.

راكان ضحك: قولت هبله ومحدش صدقنى.

ريان وجميله ضحكوو.

زين قرب من فهد اللى حضنه: حمدلله على السلامه يابطل.

زين: الله يسلمك يابابا.

جنه: وحشتنى ياعمو.

فهد حضنها: وانتى كمان ياقلب عمك.

تمارا: كفايه سلامات بقي يلا الاكل جاهز.

الكل اتجمعو حولين السفرة واكلو سواا فى جو عائلى مافيش اروع منه.

وبعد ماخلصو كل واحد اخد مراته وطلعو يناموو.

***

فى اوضه ريان وجميله.

دخلو الاوضه وجميله قعدت على السرير: انا عايزة اناااااام.

ريان: ايه كميه النوم اللى بتنميها دى ياجميله.

جميله: لا بقولك ايه انا بعشق النوم.

ريان قعد جمبها: طب وانا.

جميله: انت ايه.

ريان بغمزة: مش بتعشقينى.

جميله حضنته: انت حبيبي ياريان.

ريان: كدا مش هنام ياجميلتى.

جميله بعدت عنه: انسي انا عايزة انام سلام.

ريان: راحه فين يامجنونه.

جميله: هغير وانام تصبح على خير.

ريان: وانتى من اهل الخير ياحبيبتى.

***

فى اوضه اسر وزينه.

اسر قاعد على السرير وزينه خارجه من الحمام اسر اول ماشافها ابتسم فتحلها دراعه وهى جرت ودخلت جوا حضنه.

اسر: واخيرااا نورتى جناحى يازينوو كنت دايما بحلم انك معايا ونايمه فى حضنى والحمدلله الحلم اتحقق.

زينه: الحمدلله ياحبيبي ربنا يحققلك كل احلامك.

اسر: هتصدقينى لو قولتلك كل احلامى متعلقه بيكى انتى يازينه.

زينه بصتله: طب احنا خلاص اتجوزنا لسه فى احلام ايه تانى.

اسر حط ايده على وشها: يكون عندى حته منك يازينه نفسي فى بنوته تكون فى جمالك ورقتك.

زينه: ان شاء الله ….

هتسميها إيه؟

اسر: مش عارف، بس لازم نختار اسم مع بعض.

زينة ضحكت: أكيد.

اسر: نامي يا قلبي بقى، إنتي تعبانة.

زينة: جداً الصراحة، تصبحي على خير.

اسر: تلاقي الخير يا زينو.

***

في أوضة زين وجنى، اللي نايمة في حضن زين على السرير.

زين همس: جنى.

جنى: نعم.

زين: فكرتك نمتي.

جنى: أنا هموت وأنام، إنت بقي صاحي ليه؟

زين: مش عارف.

جنى سندت دقنها على صدره وبصتله: مش جايلك نوم يعني.

زين: بقولك إيه.

جنى: إيه.

زين: ما تيجي نرجع اليخت تاني ونسيبنا من الشغل خالص.

جنى ضحكت: وعمو فهد؟

زين: لا ما إحنا هنهرب ومش هنقول لحد.

جنى: بقيت زين الفهد هيهرب، لالا حبيبي مش جبان.

زين ضحكت: بتثبتيني إنتي مش كدا؟

جنى: حاجة زي كدا.

زين: يعني إنتي مش عايزانا نبعد عن الناس ونروح مكان لوحدنا.

جنى نامت على صدره: عايزة طبعاً، بس الشغل يا زين، إنت أكيد عندك شغل كتير وأنا كمان بقالي أكتر من شهر آخده إجازة.

زين: مش مصدق إنك هتقعدي يوم كامل بعيد عني.

جنى: بس هيعدي اليوم وهرجع لحضنك تاني.

زين: ربنا يخليكي ليا يا جنتي.

جنى رفعت وشها وبوسته من خده: ويخليك ليا يا زين... ممكن ننام بقي.

زين: نامي يا قلبي.

***

صباح تاني يوم، الكل صحى عشان يرجعوا لحياتهم المهنية. فطروا وكل واحد أخد مراته ووصلها على شغلها.

***

في الشركة وتحديداً مكتب أسيل، قاعدة على مكتبها وأدهم قدامها.

أسيل: وحشني المكتب وشغلي جداً.

أدهم بيبصلها وبيضحك.

أسيل: يلا روح على مكتبك يا أدهم عشان شغلك، يلا.

أدهم: بقولك إيه، ما تيجي أنزل مكتبك جوا مكتبي عشان تفضلي قدام عيني على طول.

أسيل: هو أنا ههرب يا أدهم؟ وبعدين ده باب مكتبي جنبه مكتبك على طول، ولا حضرتك ناسي إنك صممت أكون في المكتب اللي جنبك.

أدهم: طبعاً لازم تكوني جمب حبيبك يا سولا.

الباب خبط ودخلت جميلة: صباح الخير.

أدهم وأسيل: صباح النور.

جميلة: إزيك يا أدهم.

أدهم: كويس جداً، فين ريان.

جميلة: راح لعمو فهد.

أدهم قام وقف: هروح أشوفهم.

أسيل: تمام.

أدهم خرج وجميلة قعدت على المكتب: عاملة إيه يا سولا.

أسيل: كويسة الحمد لله يا ميلا.

جميلة: تعرفي إنك وحشاني جداً.

أسيل: والله إنتوا كمان، والقصر وحشني أوي، وأنا قولت لأدهم بعد الشغل هروح أشوف ماما.

جميلة: بجد.

أسيل: آه والله، كلهم وحشوني، مرمر وتوتا وشوشو ومريومة، صح أبو علي جه الشركة ولا لسه.

جميلة: كلهم جو.

أسيل قامت وقفت: هروح أشوفه.

جميلة: تمام.

***

في مكتب فهد، الكل متجمعين، الكبار والشباب.

فهد: كل واحد فيكم هيرجع يمسك شغله تاني. كنان وراكان هيقعدوا معاكوا عشان يفهموكوا الجديد.

الشباب: تمام.

فهد: يلا روحوا أوضة الاجتماعات واعرفوا كل الجديد، وبعد كده كل واحد على مكتبه.

الشباب خرجوا ومعاهم كنان وراكان.

حسن: كدا تقريباً كل حاجة ماشية تمام يا فهد، والمناقصة هتكون لينا.

فهد: الحمد لله، بس لازم نكون فاتحين كويس، ممكن في أي لحظة أي شركة تسبقنا.

حسن: لا متقلقش، إحنا تقريباً سابقين الكل بخطوات مش خطوة واحدة.

فهد: كله بفضلكم وفضل الشباب.

حسن: وبفضل مجهودك يا صاحبي.

الباب خبط ودخلت أسيل: صباح القشطة.

حسن قام وقف وأسيل جرت على حضنه: وحشتني يا أبو علي.

حسن باس راسها: وإنتي والله يا قلب أبو علي، عاملة إيه.

أسيل بعدت عنه: إنت شايف إيه.

حسن: شايف بنوتي مبسوطة، يارب دايماً.

أسيل راحت حضنت فهد: عامل إيه يا عمو.

فهد: بخير يا قلب عمك.

أسيل: وحشتوني جداً، والقصر وحشني أوي.

فهد: القصر مفتوح ليكوا في أي وقت يا أسيل، تحبي تيجي إنتي وأدهم.

أسيل: حبيبي يا عمو، أنا النهارده هاجي بعد الشركة عشان أشوف ماما.

حسن: تنوري يا حبيبتي، ومروة هتفرح جداً.

أسيل: هسيبكوا تكملوا شغل وهروح أشوف شغلي.

فهد: تمام.

أسيل خرجت.

حسن: هروح مكتبي يا فهد.

فهد: تمام يا صاحبي.

***

زينة وجنى وصلوا المستشفى.

جنى: يااااه، تصدقي وحشتني أوي.

زينة: بذمتك، القاعدة في اليخت ولا هنا في المستشفى.

جنى: هنا في المستشفى طبعاً.

زينة: والله لأقول لزين.

جنى ضحكت: يلا روحي على شغلك، بلاش دلع.

زينة: علم وينفذ يا فندم.

جنى راحت على مكتبها، وأول ما دخلت اتفاجأت ببُوكيهات ورد كتير من الأنواع اللي هي بتحبهم، وكل بوكيه عليه كارت. كانوا من الدكاترة والممرضات، حتى المرضى.

جنى فتحت الباب عشان تروح تشكرهم، لقت الكل متجمعين قدام مكتبها، والكل بدأ يباركولها. وجنى كانت فرحانة جداً.

جنى: الله يبارك فيكم، شكراً من قلبي بجد، فرحتوني جداً وشكراً على الورد القمر ده.

واحدة من الدكاترة: هنروح عشان نبارك للدكتورة زينة.

جنى: حاضر.

***

في مكتب زينة، كانت واقفة مبهورة بكمية الورد اللي موجودة في المكتب. الباب خبط، راحت تفتح واتفاجأت بكل الدكاترة والممرضات واقفين، والكل بدأ يباركولها. وزينة كانت مبسوطة.

زينة: الله يبارك فيكم، ومرسي على الورد الجميل ده، أنا بجد بحبكم أوي.

الدكاترة والممرضات مشوا، وزينة خرجت من مكتبها وقابلت جنى، والاتنين كانوا فرحانين وقرروا يروحوا يشكروا المرضى كلهم على الورد.

راحوا الاتنين سوا ومروا على المرضى كلهم وشكروهم على الورد، وكل واحدة رجعت على مكتبها تاني عشان يكملوا شغلهم.

***

في مكتب زين، قاعد بيشتغل، دخل عليه اسر.

اسر: خلصت ولا لسه.

زين: آخر ملف وأخلص.

اسر: بقولك إيه، ما تيجي نجيب المدامات من المستشفى.

زين ضحك: المدامات.

اسر: أنا عايز أروح لها مكتبها.

زين قفل الملف اللي قدامه: أنا خلصت، يلا.

الاتنين خرجوا من الشركة، وكل واحد ركب عربيته وراحوا المستشفى.

بعد شوية الشباب وصلوا ونزلوا من عربياتهم وسألوا على مكاتب البنات، وكل واحد راح على مكتب مراته.

***

في مكتب جنى، قاعدة بتشتغل، الباب خبط.

جنى: اتفضل.

زين فتح ودخل، واتصدم بكمية الورد اللي في المكتب.

جنى رفعت وشها تشوف مين دخل: زين.

زين: إيه جنينة اللي إنتي قاعدة فيها دي يا جنى.

جنى ضحكت: تعالي اتفضل الأول، تشرب إيه.

زين قعد على الكرسي قدامها: قهوة سادة.

جنى: لحظة واحدة.

جنى رفعت سماعة وطلبت قهوة لزين وليها.

زين: قوليلى بقي مين جابلك الورد ده.

جنى: جيت النهارده لقيت الدكاترة والممرضات وحتى المرضى جايبين لي كل الورد ده، ولزينة كمان.

زين: جنتي طلع ليها محبين كتير، دانا كدا هغير.

جنى ضحكت: هتغير من الدكاترة والمرضى يا زين.

الباب خبط ودخل عامل البوفيه وحط القهوة قدامهم.

جنى: اتفضل القهوة.

زين مسك فنجان القهوة وبدأ يشرب منها.

جنى: مقولتليش هتغير من مين.

زين: من أي حد يقرب من جنتي.

جنى سندت خدها على كف إيدها اللي على المكتب: وجنتك مش بتفكر غير في حبيبها زين وبس.

زين: ده إيه الكلام الجامد ده، لا داحنا نروح بيتنا بقي.

جنى بكسوف: عيب كدا يا زين.

زين: إنتي خلصتي شغل ولا لسه.

جنى: أنا كنت بشوف ملفات المرضى الجداد.

زين: لسه قدامك كتير.

جنى: لا خلاص، أنا تعبت، هبقى أكمل بكرة.

زين: طب يلا عشان نمشي.

جنى: وزينة.

زين: اسر عندها.

جنى: أوكي يلا.

زين مسك إيدها وخرجوا من المكتب ومن المستشفى كلها وركبوا عربيتهم ومشوا.

***

في مكتب زينة، كان قاعدة على مكتبها ومركزة في الملف اللي قدامها. الباب اتفتح واسر شايفها مركزة أوي في شغلها ومتفاجأ من كمية الورد اللي في المكتب.

اسر دخل: أحلى وردة قاعدة في وسط الورد.

زينة رفعت راسها: اسر، إنت جيت إمتى.

اسر: ما كنتش أعرف إن حبيبتي دكتورة شاطرة وبتركز في شغلها أوي لدرجة إنها محسيتش بيا وأنا داخل.

زينة ضحكت: كنت مركزة في ملف ده بتاع مريضة جديدة عندي.

اسر: وإيه الورد ده، مين جابه.

زينة: الأول اتفضل اقعد.

اسر قعد على الكرسي: قعدنا.

زينة: تشرب إيه بقي.

اسر: لا مش عايز أشرب حاجة، أنا جاي عشان آخدك ونرجع البيت، خلصتي ولا لسه.

زينة: لو عايزنا نمشي عادي، أكمل بكرة.

اسر: مقولتليش بقي مين جاب الورد الحلو ده.

زينة: جينا النهارده أنا وجنى لقينا مكاتبنا مليانة ورد زي مانت شايف، من الدكاترة والممرضات والمرضى بيباركولنا على الجواز، وبصراحة فرحونا كدا.

اسر: يارب دايماً فرحانة كدا.

زينة: وإنت معايا يا اسر.

اسر: طب يلا نمشي.

زينة: يلا.

اسر مسك إيد زينة وخرجوا وركبوا عربيتهم.

زينة: وجنى.

اسر: زين كان جاي معايا وشكلهم مشوا، لأن عربيته مش موجودة.

زينة: تمام.

اسر اتحرك بعربيته وراحوا على القصر...

زين وجنه واسر وزينه رجعو على القصر.

تمارا: حمدلله على السلامه ياحبايبى. اخبار اول يوم شغل ايه؟

زينه: حلو جداا ياتوتااا.

جنه: ماكان اليخت احلى من الشغل.

اسر: والله وانا بقول كدا كمان.

زينه: مااااشي ياجوجو حسابي معاكى بعدين.

زين ضحك وحضن جنه: ولا تقدرى تقربيلها.

زينه: بقي كدا ياسي زين.

تمارا: خلصتو خناق ولا لسه؟

زينه: النهارده ياتوتا روحت انا والبت جنه المستشفى ودخلنا مكاتبنا لقيناها مليانه ورد.

تمارا: من مين بقي؟

جنه: من الدكاترة والممرضات. حتى المرضي ياتوتا بيباركلونا على الجواز.

تمارا: ربنا يحبب فيكو خلقه ياحبايبى. يلا اطلعو غيرو على ماالباقى يوصلو ونتغدى سوا.

الشباب والبنات طلعو.

بعد شويا دخلت اسيل وادهم القصر.

اسيل بصوت عاااالى: انا جيت يابشر.

مروة خرجت من المطبخ بسرعه: حبيبه قلبي.

اسيل جرت على حضنها: وحشتينى يامرمر.

مروة: وانتى ياقلبي كدا ماتجيش تسلمى عليا امبارح.

اسيل: كنا تعبانين كدا والله يامرمر وقولت لادهم نروحلها بكرة عشان اكون ارتاحت شويا.

ادهم قرب من مروة: يعنى اسيل بس اللى وحشتك يامرمر.

مروة حضنته: انت حبيبي ياادهم. عامل ايه؟

ادهم: الحمدلله.

مروة: والمجنونه دى عامله معاك ايه؟

ادهم حضن اسيل: دى حبيبتى يامرمر.

مروة: ربنا يسعدكو ياحبيبي. تعالى ارتاحو هنادى على الكل.

جنه وزينه نازلين يجرو من على السلم وحضنو اسيل.

اسيل: وحشتونى من يوم واحد ياولاد الايه.

اسر: والله البيت وحش من غير جنانك ياسولا.

اسيل: مانا عارفه.

تمارا ومريم وشروق خرجو من المطبخ وسلمو على اسيل وادهم. والكل قاعدو فى الريسبشن. بعد شويا وصل ريان وجميله والكبار.

مروة: يلا عشان نتغدى كلنا سوا.

اسيل: معلش يامرمر خليها مرة تانيه لان سوسو عامله حسابنا واكيد بتسنانا على الغدا.

مروة: يعنى تيجو وتمشو وماتاكلوش معانا.

حسن: سيبها يامروة تروح عشان مدام سهام مينفعش تاكل لوحدها. واكيد هيبقو يجو مرة تانيه بس بشرط تكون معاكو والدتك ياادهم.

ادهم: اكيد ياعمى.

اسيل وادهم ودعو الكل ومشووو. والباقى راحو اتجمعو حولين السفره عشان يتغدو. وبعد ماخلصو كل واحد طلع على اوضته عشان يناموو.

عدى شهرين الكل عايشين حياه طبيعيه بسعاده.

وفى يوم الكل متجمعين فى قصر الفهد ومعاهم ادهم واسيل وسهام واتغدو سوااا. والكل بيهزرو وبيضحكوو.

اسيل وجميله قامو وقفو قدامهم.

زينه: مالكو؟

اسيل: هنلعب لعبه حلوة.

جنه: لعبه ايه؟

جميله: لعبه جديده وهتعجبكو جداااا.

زينه: انجزو وقولو لعبه ايه.

جميله واسيل بصو لبعض واتكلمو الاتنين سوا: انا حاااامل.

الكل اتفاجأو.

مروة: قولتو ايه؟

اسيل وجميله ضحكو: انا حامل.

زينه بفرحه: يعنى انتو الاتنين بجد.

اسيل: اه انا عرفت وجميله كمان. وقولنا نعملها مفاجاه ليكوو.

مروة ومريم قامو حضنو بناتهم. والكل كانو فرحانين وبيباركو للبنات.

ادهم وريان كل واحد فيهم حضن مراته بفرحه.

ريان: وهابقي اب ياجدعان.

شروق: مبروك ياحبيبي.

ريان: الله يبارك فيك ياشوشو.

راكان: ياريت تعقلو بقي.

جميله: لا ياعمو ماهو البيبي هيكمل مسيرتنا فى الجنان متقلقش.

مريم: صبرنى يارب.

كنان ضحك: جميله وريان يبطلو جنان مستحيل تحصل.

حسن اللى حاضن اسيل: انتو بتكلمو جميله لوحدها ليه؟ فى واحده هنا ماشاء الله على جنانها.

اسيل: الكلام ده ليا ياابوعلى.

مروة: هو فى حد تانى غيرك انتى وجميله مجانين هنا.

اسيل: ادهم الناس دى بتغلط فيا.

اسر: هى الحقيقه بقت بتزعل ولا ايه ياسولا.

اسيل: اااااادهم.

ادهم ضحك: الصراحه معاهم حق ياحبيبتى.

اسيل: هى بقت كدا كلكو عليا.

تمارا: تعالى فى حضن عمتك ياقلبي.

اسيل حضنت تمارا: انتى اللى فيهم ياتوتا والله.

مريم: ما عشان تمارا كانت مجنون زيك واكتر وهى فى سنك.

كنان: اسالونى انا.

راكان: وانا شاهد والله.

تمارا: هى بقت كدا يعنى.

تمارا وقفت جمب فهد: فهد انت سامعهن بيقولو ايه على نبض قلبك.

فهد: تحبي اعقابهم ازاى يانبض قلبي.

حسن: انا من رايى تلحقو تهربو.

راكان: اه والله الجرى نص الجدعنه.

كنان: وحياتك ده الجدعنه كلهاا.

تمارا ضحكت: لا خلاص هما عرفو غلطهم.

الكل ضحكو عليها واتمنو لزينه وجنه نفس الفرحه. وبعد وقت طويل كل واحد راح على اوضته وادهم واسيل وسهام رجعو على فيلتهم.

فى اوضه ريان وجميله.

ريان حاضن جميله: مبروك ياحبيبتى.

جميله: الله يبارك فيك ياحبيبي. شوفت الكل كانو فرحانين ازاى.

ريان: ده احلى خبر ممكن نسمعه ياجميله.

جميله: الحمدلله.

ريان: الحمدلله ياجميلتى.

اسيل وادهم وسهام وصلو الفيلا.

سهام: مبروك ياحبيبتى.

اسيل حضنتها: الله يبارك فيك ياسوسو. هتبقي احلى تيتا.

سهام ضحكت: ده احلى خبر سمعته يااسيل. ربنا يفرحكو يارب.

ادهم باس راسها: ويخليكى لينا ياست الكل.

سهام: اطلعو يلا عشان ترتاحو.

ادهم واسيل: تصبحى على خير ياسوسو.

سهام: تلاقو الخير ياحبايبى.

اسيل دخلت الجناح وادهم قفل الباب وشدها لحضنه وشالها ولف بيها: مبروك ياروحى.

اسيل: الله يبارك فيك يادومى.

ادهم نزلها بس لسه فى حضنه: واخيراا هيكون عندى حته منك تنور حياتى يااسيل.

اسيل: الحمدلله ياحبيبي. وبجد انا فرحانه اوى. ونفسي تيجى او يجى النهارده قبل بكرة.

ادهم ضحك على حماسها: ربنا يقومكو ليا بسلامه ياحبيبتى.

اسيل: يارب. خلينا ننام بقي لانى تعبانه اوى.

ادهم: طب غيرى يلا.

اسيل: حاضر.

صباح تانى يوم فى المستشفى.

زينه قاعده مع جنه فى مكتبها: انا فرحانه اوى عشان البنات.

جنه: وانا كمان. ربنا يفرحهم.

زينه: وعقبالنا احنا كمان.

جنه: يارب بجد ده هتبقي احلى حاجه تحصل فى حياتى بعد جوازى من زين.

زينه: انتى بتقولى فيها دى هتكون احلى فرحه ليا انا واسر.

جنه: ربنا يفرحنا قريب.

زينه: يارب.

الباب خبط.

جنه: ادخل.

دخلت الممرضه: دكتورة جنه فى واحده عايزة حضرتك برا.

جنه: مين دى؟

الممرضه: معرفش بس عايزة حضرتك.

جنه: طب خليها تدخل.

زينه: انا هروح مكتبي.

جنه: تمام.

زينه خرجت ودخلت بنت لا يتعدى عمرها سن ال ٣٠.

جنه: اتفضلى.

البت قعدت على الكرسي: انا حنان.

جنه: اهلا وسهلاا.

حنان: والدتى ست كبيرة ومريضه بالقلب.

جنه: الف سلامه عليها. طب هى موجوده هنا فى المستشفى؟

حنان: لا هى مش بتقدر تقوم من على السرير. وانا جيت اوريكى تقارير بتاعتها لو تقدرى تساعدينا.

جنه: اكيد طبعااا. فين التقارير؟

حنان طلعت ملف من الشنطه: اتفضلى.

جنه اخدت منها التقرير وركزت فيهم شويا: لا انا عايزكى تطمنى ياحنان. والدتك هتبقي زى الفل.

حنان بفرحه: بجد يادكتورة؟

جنه: اه والله ياحبيبتى. هى محتاجه عمليه وان شاء الله بعدها هتكون بخير.

حنان بحزن: بس انا مش هقدر على مصاريف العمليه دى.

جنه: ياحنان انتى زى اختى والله. والمستشفى هنا بيعملو العمليات لناس اللى مش بتقدر على مصاريف المستشفات الخاصه. يعنى مش عايزاكى تشيلى هم حاجه.

حنان: ربنا يباركلك يادكتورة جنه.

جنه: انا بس محتاجه والدتك تيجى هنا عشان اكشف عليها ونحدد سوا العمليه هتكون امته.

حنان: بس هى مش بتقدر تتحرك ابدااا.

جنه: خلاص عرفينى عنوانك وانا هابقي اجى اكشف عليها فى البيت. ولو لقيت حالتها محتاجه انها تيجى المستشفى هيكون فى اسعاف هينقلها لحد هنا.

حنان: ربنا يخليكى للغلابه يارب. انا والله ليا ابن عم دكتور بس هو مش موجود فى اسكندريه الايام دى. وهو كان قالى هيساعدنى بس اتاخر عليا اوى.

جنه: ياستى وانا بقولك انا زى اختك وموجوده معاكى اهو.

حنان ابتسمت: والله انتى بنت حلال. ربنا يباركلك يارب. انا همشي انا بقي.

جنه مدت ايدها بورقه: طب استنى اكتبيلى عنوانك هنا.

حنان اخدت الورقه وكتبت العنوان واديتها تانى لجنه. وبعدها خرجت من المكتب.

عدى ٥ شهور على الكل.

وفى يوم اسر وزين راجعين من الشركه دخلو القصر وكان تمارا وفهد قاعدين فى الريسبشن.

زين: مساء الخير.

تمارا وفهد: مساء النور.

تمارا: اتاخرتو ليه ياشباب؟

زين: كان عندنا عشا عمل ياتوتا.

فهد: خلصتو الصفقه؟

اسر: كله تمام ياعمى متقلقش.

تمارا: طب تحبو اجهزلكو عشا ولا اكلين؟

زين: اكلنا الحمدلله ياتوتا. هطلع اوضتى لانى هموت وانام.

اسر: وانا وحياتك.

تمارا: اطلعو ياحبيبي. تصبحو على خير.

زين واسر: وانتى من اهل الخير ياتوتا.

زين واسر طلعو وكل واحد راح على اوضته.

تمارا: يلا احنا كمان ننام يافهد.

فهد اخدها فى حضنه: يلا يانبض الفهد.

اسر دخل واستغرب ان الجناح كله ضلمه وزينه بتخاف من الضلمه.

اسر: زينه … زينو.

اسر كان بيحسس بايده لحد ماوصل لمفتاح النور وداس عليه. واول مانور اتفتح اتفاجأ بزينه واقفه فى نص الاوضه ولابسه دريس بلون البينك بحمالات رفيعه وواصل لبعد الركبه وفاردة شعرها مع بعض لمسات الميكب. وفى ورد بلون الاحمر على تربيزة الصغيرة الموجوده فى الاوضه وفى نص الورد هديه.

اسر ابتسم قرب منها وشدها لحضنه: بقي الجمال ده كله ليا لوحدى.

زينه حوطت رقبته بايديها: اممممم.

اسر: ايه السر المفاجأه القمر دى؟

زينه: المفاجاه اللى قمر ولا صاحبه المفاجاه؟

اسر: صاحبته المفاجاه طبعاااا.

زينه: انا فرحانه اوى وبالمناسبه فرحتى جبت لحبيبي هديه يارب تعجبه.

زينه بعدت عن حضنه ومسكت الهديه: اتفضل.

اسر مسك الهديه: يارب دايما تبقي فرحانه كدا ياحبيبي. بس انا هديتى فرحتك وضحكتك يازينووو.

زينه: طب افتح الهديه بقي.

اسر فتح الهديه وبص جواها وبص لزينه بصدمه: ده بجد.

زينه هزت راسها باه.

اسر مد ايده جوا البوكس وطلع اختبار حمل: زينه انتى حامل بجد؟

زينه ضحكت: اه والله يااسر حامل.

اسر رمى البركس والاختبار وشال زينه ولف بيها كتير اوى.

زينه: خلاص يااسر دوخت كفايه.

اسر وقف ونزلها وهى لسه فى حضنه: مبروك ياروح قلبي.

زينه: الله يبارك فيك ياحبيبي.

اسر بعد عنها ومسك ايدها: خلينا ننزل نصحيهم ونفرحهم كلهم.

زينه: استنى يااسر.

اسر: ايه ياحبيبتى؟

زينه: بصراحه انا كنت شاكه بقالى فترة. ولما جبت الاختبار وعملته فى المستشفى وجنه كانت معايا. ولما جينا القصر عرفت الكل وقولتلهم محدش يقولك عشان اعملك مفاجاه.

اسر: احلى مفاجاه ياروح قلبي … بجد انا فرحان اوى يازينه اوى. بصى احنا لازم نجهز اوضه لنونو بقي. لالا لازم نعرف هى بنت ولا ولد الاول. هو احنا هنعرف امته؟

زينه ضحكت: لسه بدرى يااسر. انا لسه فى الشهر الاول.

اسر: وهنعرف امته؟

زينه: فى الشهر رابع.

زينه حضنت اسر: انا بحبك اوى يااسر.

اسر: وانا بعشقك ياقلب اسر…….

الجو كان مليان بالتوتر، الكل كان واقف متسمّر في مكانه.

"إيه اللي حصل؟" سأل خالد بصوت واطي.

"مش عارف، بس سمعت صوت قوي وبعدها كل حاجة سكتت." جاوبت بنت بخوف.

"لازم نعرف إيه اللي حصل." قال خالد وهو يتحرك بحذر.

"اصبر، يمكن يكونوا لسه عايشين."

"ممكن، بس لازم نتأكد."

بينما هما بيتكلموا، سمعوا صوت حركة قريبة.

"مين هناك؟" نادي خالد.

محدش رد.

"الشخص ده لازم يكون هو السبب."

"مين؟"

"الفهد."

"المفروض نروح ندور عليه؟"

"أيوه، لازم نلاقيه."

وبدأوا يتحركوا في الظلام، كل خطوة محسوبة، وكل همسة مسموعة.