تحميل رواية «اريد منك اكثر مما اريد للكاتبة / الكريستال / مكتملة❤️» PDF

رجاء فوت⭐️/صوت⭐️قبل القراءة

الفصل الثمانون

الخطوة ( 75 ) .. خطوة في حلم أريد منك أكثر مما أريد ..

( ماأنا بك ألا بقايا من رماد يالغيد ..)

حمود صرخ من قمة الشر ألي يحتويه تجاه فهد مأشر بيده صوبه : والله ماأخليك ..!

صار خالد يدفه وهو ماد يده صوبه .. ومن أبعد حمود حرك راسه

صوب لافي ألي تحرك واقف

لافي : لا تخليني أن كانت هذي نواياك .. بس أفهم شنو له داق أنا

حمود بدون أدنى تفكير : نفاق يالفرنسي .. حتى يوم حتسيت معي ماطريت أنك متزوجها ..

متزوج بنت أخوي ألي عمرها مايتعدى 16 سنه .. ( قال بنبرة أستنكار عظيمه ) متزوجها ..!!

لافي بحده : شف ....

خالد قاطعهم : خلاص .. وقفوا كلام

حمود طارت عيونه وهو يشوف لافي يرادده بقواة عين : هو أنت لك وجه بعد سواتك فيها

تنطق قدامي ..

لافي ثار : شنو مسوي ..؟

ومن نطقها لافي .. تحرك حمود بجسمه صوبه حتى يجره من جكيته

بقوة .. وخالد بسرعه حاول يمسكه بس ماقدر

حمود بصوت عالي : راميها فالبر .. مكان صححرا وتقول وش مسوي .. الذبح فيك

حلال أقسم بالله .. تحسبون الحريم عندكم عبيد !

لافي : أنتظرت أخوها وأنا داق عليه

حمود هزه : من أنت عشان ترميها وش مسويه لك

خالد : أتركه ياحمود .. ماهو من صالحك تقرب منه وأنت سلمت أمرك للشرطة .. تفهمني

لافي نطق بحده لخالد وعيونه مافارقت عمها : أتركه ( طالع حمود ) أنا دقيت عليك يوم أني شفت الأمور بدت

تطاول وأنا بعيد ومالي حيل أوقفها .. أسألها شقايله هي لي عن الأخو ألي صايره تشوف فيه

الظهر والسند .. ماتركتها من كيفي أجبرتني .. طلعتني من طوري غصب عني

حمود : لا بالله جبت الكلام ألي أقنعني .. كيفها هي تقول ماتبي عن أخوها وش يخصك أنت

لافي طارت عيونه : لأنك ماتعرفه قلت هالكلام .. خسيس ووسخ والرجوله تتبرى منه

أسأله أن مادريت شاللي ذبح أخوك .. أسأله .. لاتقعد تكبر سوالف وتنفخ فيها وأنت

بعيدن عن ترابها ..

سكت حمود وهو يطالع بلافي بس مسرع ماتدارك صمته بالضياع

حمود ثار : كل واحد منكم يرمي بلاويه ع الثاني

لافي أبتسم بطنازة : بس حنا عرب نعرف ممشى الرجال وعلومه من وقفته ياحمود ..

وقفته بس وأنت مايخفى عليك الوضع ألي عليه أخوها

خالد يقرب من حمود مبعد أيديه عن لافي : ان كان لافي محتاج من يضمنه لك فأنا خويه

من زمان والعيب مايطلع منه وأبوه فلاح معروف ياحمود عندنا

حمود أبتسم بطنازة حتى يطالع خالد : أسمعني عاد .. أنت رجل أمن واجبك تقوم فيه ماتترك

فيه شبر ولا بتوجه للي أكبر منك وأدخل عليه

خالد من نبره حمود الغاضبه وتهديده نطق : أنا ...

لافي سحب يد خالد مقاطعه بنبره مرتفعه : وهو بيقوم بواجبه .. تحسب أني خايف ياحمود

البنت لسانها طويل لاقلت لها يمين جت يسار ولاقلت لها يسار جت يمين .. وأنا

ماتركتها وهي عندها خبر .. أنت فازعن لها بدون ماترجع لها متأكد من هالشي

خالد رفع أيديه : بكل الأحوال هو قدم بلاغ نيابه عنها ولازم هي توصلنا ونسمع أقوالها

حمود وصدره أنتفخ بحقد : أمش قدامي ..!

لافي بشوي تردد : قصدك لبيت راشد

ولا رد عليه ولا على أي أحد .. تحرك بخطوات واسعه .. ثايره صوب بيت راشد

وداخل ..

شعرها الكثيف متناثر مغطي ملامحه وهي متقطعه من البكا والشهقات

بالعافيه تقدر تطلعها .. مايله براسها على ركبها وتهتز بقوة ..

ماهي مستوعبه ألي سواه فيها .. أجراس من الضعف تبدد قوتها

رجع يعلقها لوحة عابره ...!

تركها منفى

وش بقى فيها كثر هالضياع ,.. كثر هالأسى ..

حركت راسها بصعوبه وهي تحس بسكاكين تطعن في معدتها .. تحس بدوخة

وغثيان .. تحس بالتعب يلتحف كل الأسره داخلها وينام ..!

ومن رفعت عيونها الذابله .. الجافه من كثر البكا والدموع .. شافت عيون بريئه تراقبها ..

جالسين عيال حمود بصمت غريب يطالعون فيها .. معقودة حواجبهم بخوف وأنكسار

للوضع ألي هي فيه ويفزعهم ..

تعبث في ملامحهم كثير أسئله .. كثير أسباب

كل الوقت ألي جلسته في هالبيت كان جالس أخوها معها ماتركها أبد ..

ماهي مستوعبه من ألي كان مع صالح .. ضمها بقوة وقال أنه عمها ..

هذا كل ألي أستوعبته من ألي صار

رفعت راسها أكثر حتى تلامس فيه الجدار ألي وراها وشعرها مبعثر بفوضويه ..

وجها رايح فيها من التعب والأرهاق ..!!

مارحمها وهو ألي ماخذها من المستشفى

بضياعها .. بصدمتها وأكتشاف زواجهم .. ماعذرها ولا رحمها ..

رماها مثل غيره .. سمعت صوت باب الشارع يفتح تبعه صوت خطوات متسارعه ..

أتسعت عيونها بقوة أول ماسمعت صوته وهو يتنحنح بشكل شبه مرتفع ..

جاي بكل وقاحة بعد ألي سواه .. أيه .. هذا صوته .. والله هو ..

كأنه يبيها تسمع بجيته .. تدرك موعد لقاه بعد ألي صار ..

بس مانتظرت أي وقت للتفكير ولا عطت جسمها ولا عقلها كثير راحة .. فزت بسرعه

واقفه حتى تروح تركض بعباتها .. تنحني بقوة ساحبه لها نعله وتطلع

وهي تتنفس بقوة والحقد يمتلي بنظرات عيونها ... أتسعت عيون حمود بخرعه من دخل

من باب المدخل وشافها تركض لهم .. وراه لافي ألي عرف وش بتسوي حتى ينحني متدارك رفعت يدها بالنعله

وبسرعه تحرك بخطوة واسعه لليسار داخل السيب أكثر ..

ليليان أنهارت أكثر من شافته : والله ماأخليك .. والله ..

جمدت خطوات حمود ووقف غصب عنه من هول ألي يشوفه ..

ماستوعب رفعتها للنعله وتهديدها لواحد أكبر منها بكم سنه ..

شي ماهو بسيط أبد هالسنين الفاصله بينهم ..

غير المعلومات ألي وصلت له من خالد وهو يتكلم عنه .. كارثه ألي فهمه وأدركه

مرت من عنده وهمها كله لافي ألي دخل السيب مبعد عن نظرها ..

ومن دخلت السيب ركضت بقوة من شافته يدخل غرفه ويبي يسكر بابها ..

دفت الباب بيدها وعيونها بدت تغرق بالدموع ..

ماأسعفها عقلها وفهمها أنه ماهج عنها خوف منها

أو ردة فعل للشراسه الغريبه ألي احتوتها صوبه.. هو كان يبي منها تلحقه

لهالمكان الفاضي بعيد عن عمها أو أي أحد ..

وقف ورا الباب وبسرعه حشرت عمرها وهو صار يوهمها أنه يدفع الباب بقوة يبي يسكره

وبنفس القوة هي مالت بجسمها على الباب وصارت ترجفه تبيه يتركه مفتوح ..

لا .. هي تبيه هالافي .. ماراح تخلي الجمره داخلها تحرقها بسكاتها ..

والله لا تعلمه وتوريه الشغل ..!!

ليليان بصوت من بين شهقاتها : أفتح الباب .. أفتحه أبيك أنا .. أفتحه

وعلى كل قوتها في الدفع وشدة الحيل كان هو بس حاط رجله تحت الباب ومثبت

خطوته بقوة على الأرض ويده بضخامتها تدفع الباب كل مامال لقدام .. أبتسامه عابثه

من الموقف غصب أدركت شفاته حتى تظهر عليه ويبتسم ..

وش بيسوي وهو يشوف هالبزر قاعده تناطحه وتبيه ... وشاده حيلها بعد

تهدد ..!

لكن ماينكر أنها فعلا بنت البدو ألي تربت على الصحرا القاسيه وغرست في ذاتها

كثير أشياء تحكيها ..

حرك عيونه ليدها ألي دخلتها غصب لداخل الغرفه وبسرعه أبعد رجله عن الباب حتى

تندفع هي بكل قوتها لداخل وهو بسرعه لف بظهره دافع الباب فيه حتى تسكر

من شافها واقفه قدام عيونها ..

وبسرعه رفعت يدها متوجه صوبه .. قامت تحاول تضربه وهي تبكي

بقهر وحقد ..

ليليان : تركتني يالتسلب نفس أخوي .. تركتني

لافي يحاول يمسك أيدينها وبصمت يطالع في ملامحها وشعرها ألي شكله

رمى سهام وجع كثيره في قلبه : ........................

ليليان سحبت أيديها من بين أصابعه حتى تضرب كتفه وتحاول تضرب بطنه برجولها :

وش سويت لك أنا .. ( أنهارت تبكي وتصارخ ) وش سويت لك تسويني فيني سواتك في

تغريد .. شفتك توقف بعيد والله العظيم شفتك ولاقدرت أروح لك .. ماقدر

لافي بسرعه تحرك لزاويه الجدار وهو يمسك أيدينها وبضياع : والله ألي بحالتي مايدري

كيف يتصرف معاج .. أنا مافيني بلا بس بعدج أمراض العصر كلها أظن أنها فيني ..!

ليليان متقطعه بكا ومنهاره قباله وهي تضربه : والله بموت قهر لو ماخليتني أضربك ..

والله

ظل يطالعها وهي تتحاشى اللقا في عيونه .. تطالع صدره وتبكي ..

كأنه ماهو مصدق أن هذي هي الي حلفت له ترمي قلبها بين

رجولها وتدوس عليه لا حبته .. ألي حلفت ماتنزل دمعه منها قدامه

وقد دارى هالدموع على صدره طالب منها ماتبكي قدام الأنسان

ألي حلفت له مايشوف دموعها ..

تكابر كثر مايكابر هو في حبها ..!

جاهل بمقدار حبها له لكن الجميل فيه أنه يحس فيه

ويدركه ..

هذي هي الغيد ألي سماها على فرسه .. ألي قدرت تروض الفتنه فيه على كثر

ضياعه وخيباته .. كثر ماتغير وطلعت بحياته وقت مادقت أجراس الأنتقام والحقد فيه

وحبها ..!

هي الدرب ألي ظل يسير فيه لحاله .. يغيب عنه ويرجع له

والله أنها هي .. البعيده .. القريبه

ألي أمتلت وقت جوعه بألف حنين وألف شوق ..!!

هي .. ألي قرر يطلق سراحها يخليها تطير بأجنحتها البيضا وهو يدرك

أن هالشي ماهو غير سر ماقدر يبوح فيه ألا لتغريد ..

رسالته المبهمه ألي تمتد فيه من اليقين لليقين ..

في الوقت ألي مافيه أحد خسر كثره .. ولا ضاع مثل ضياعه ..

ولا أمتلى بأوهام الحقد والأنتقام وهذا هو طلع فاضي ..!

سحب أيديها رافعها لفوق .. حرك جسمه حتى يلصق بجسدها ويدفها على الجدار

لين ضرب ظهرها .. قيدها لما مال بثقل جسمه على جسمها الي ماهو قد

هالثقل كله ..

نطق وهو يتأمل ملامح وجها الذابله ..

لافي : لو تركتك تسوين ألي تبين فيني بترتاحين ..!

ليليان نزلت راسها وهي تهتز بقوة منهاره على الأخر

تبي تقول شي بس ماعادت قادره : .....................

لافي هز أيديها رفع صوته بحده : بترتاحين ..!

ليليان صرخت بوجهه بصوتها ألي أندفع ضعيف من بين شفاتها : أبي أرتاح منك أنا تسني لا شفتك أشوف الموت هالحين ..

لافي وهو يحاول يلتقط شي تبعثر فيه .. يتجاهل يطالع بشعرها

مايبي شكلها بشعرها القصير يظل راسخ في عقله : ألف مره قلت لج أنتبهي تخليني أطلع

من طوري .. مجنون أنا لا فقدت أعصابي مجنون ..

نزل أيديها وهو متمسك

فيها بقوة وهي ماعاد تبيه يتكلم أو يقول شي .. تبيه يبعد عنها

يذلف لمكان مايبي .. حاولت تجر أيديها بس ماقدرت يهلكها هالتعب وألي سواها

فيه ذا ألي مايخاف الله

ليليان صرخت بجنون وهي تضرب الأرض برجلها : بعد عني .. وخر .. وخر عني

انطق الباب بقوة ومسرع مانفتح من رجفه حمود حتى يدخل وبسرعه

يدف لافي بقساوة وييسحب ليليان حتى توقف وراه .. وهي تغطي وجها

وتبكي .. تردد بهستيريا ..

( بعدوا عني .. وخروا .. )

نوى يصرخ بوجهه .. بس تدارك وضعه أول مانحنت وراه بنت أخوه وبدت تستفرغ

.. تكح بقوة ووجها راح أحمر .. لف بجسمه وأبعد عنها وهو مايدري وش يسوي

حمود : ليليان .. وش فيتس وأنا عمتس حسبي الله عليك

تحرك لافي بروعه عليها يبي يقرب منها بس ماحس غير بأيدين حمود ترميه

لورا بكل قوته

حمود بجنون : والله لا تطلقها يافهد .. وأن مامشى هالشي برضاك ( أشر بيده لللأرض )

في هالديره برفع قضيه وهناك بفرنسا بوكل من يسحبك لمحاكمهم ..

مجتمع ذبحنا بهالأستعباد ..!

لافي بصدمه من منعه أنه يقرب منها : تهددني بعد كل شي قلته وسويته

حمود بعد مبالاه : قل كشفك الله وطحت بيدي عشان أنقذ هالضعيفه من أشكالك ..

مالت براسها أكثر وهي تحاول تاخذ نفس ... ومسرع مارفعت جسمها وصارت تتساند على

الجدار تبي تقوم .. وجها أحمر وشعرها مبعثر في كل جهة ..

حاولت ترفع جسدها بس ماقدرت تحس بالعجز يحتويها والضعف ينهش قوتها

لافي رفع يده يبي من عمها يهدي : بس هي ماتبيه .. تجبرها ..!

رفعت حواجبها بقوة من كلمته ..

سويت الشي ألي ماعاد يرضاه العقل وتقول ماتبي ..

جنونك دفعها تكرهك ألف مره ..

وتتمنى فرقاك ألف ..

ماعادت قادره تستوعب تصرفاتك المتناقضه وصمتك ألي يهلك ..

ماعاد قادر عقلها يجاري أفعالك وهي تركن عمرها في الرف التهميش وترحل ..

الحياه معك موت لها .. موت

وليتك رحمت العمر ألي هي فيه ..

تساندت بيدها على الأرض بكل قوة تجمعها حتى توقف ..

ليليان تطالع لافي وبشفاة تهتز ماتدري هو برد ولا خوف ولا ضعف : الحياة

مع صالح تسانت عذاب وهالحين أهون من أني أكون معك

حمود رفع أيديه : هه .. مابعد الحتسي هذا يالخسيس شي .. والله ماتطولها

يالافي لو توصل للسما بعد ألي شفته .. وأنا ماعلي من صالح وتسذبه

علي من فرقاك وتتركها ولا عاد أشوف رقعة وجهك ذا ... ومثل ماراح أتصرف معك

بقدر أتصرف مع أخوها .. ( قال بأحتمال ) رفضت شف هذا خويك خالد برا .. بيكون فيه تحقيق يكفل لها حقها من شرك .. وراها قضيه وبعدها بفرنسا قضيه وأنا وياك لين

ليليان وهي تتنفس بقوة : أخوي .. أخوي ماسوا لي شي تاب وحلف لي أنه بيحفظ القرآن ..

طارت عيون لافي من قعدت تقول له هالكلام وهي تطالعه ..

رجعت مصره تحامي عن هالأخو .. تجحد

ظل ساكت حتى يصد بعيونه وهو مايدري وش فيه كل شي يكبر حوله وتصير

مشكله أكبر من كونه بيحلها ..

والأحلام فيه تموت .. كل ماتقدم خطوة ندم ألف ..

هو أساسا وش جايبه لهالمكان .. وراه يتبع كل أمنيه فيه ولايصدق ..

ليه كل شي فيه صغير يغير وجه الصمت فيه .. تزيد فيه ملامح الحزن والضياع ..

تزيد ذنوب فوق ذنوب ..

ليته مسافر .. ليته حاول يتدارك ذنب تغريد وينساه ..

حاول يغير الحزن في عيون أمه لفرح

حاول يبعد الخوف والخطر عن أهله بدال ماهو تارك كل شي وجاي هينا لحد عندها ..

وكأنه ماستفاد من حب تغريد غير الخسارة والعمر

وهذا هو يعيدها ..

حتى العالم ألي مايشترى وينباع فيه ألا اجساد البشر داخله يصارع

فالمنتصف لحاله .. يالموت .. يالحياه بعجز

حمود من طال صمته : لا عاد تجيب طاري عيال راشد على لسانك .. سمعت بأذونك

وش تقول عن أخوها تبي الفراق بطيب ياولد فلاح ولا بالغصب ..؟

ماعاد عنده خيار على ألي يشوفه ..

وش بيسوي أنسان في حالته غير يبعد الهم والمشاكل عنه .. يكفيه ألي برا ..

يكفيه ويزود

هز راسه حتى ينطق

( بالطيب ياحمود.. ونارن تاكل حطب ..!! )

تحرك بخطواته الواسعه بيطلع بس حمود تحرك ماسك يده ..

وعلى طول نفض لافي يد حمود

لافي : توصلك بكره ورقتها ..

حمود بعصبيه : لا يالحبيب .. باقي أوراقها وثبوتاتها

لافي بنظره قاتله : في بيت أبوها كل شي يخصها انا تاركه هنيه وبطلع من هالبيت

مايربطني فيها ألا ورقه بس ..

قعدت تطالعه بخوف وهي تحس قلبها بيوقف من هالحلم الي بينتهي

قدامها .. وهو ماطالع فيها تحرك بخطواته الواسعه وطوله طالع من الغرفه

حتى تحط أيديها على وجها وتنهار تبكي ..

لف حمود لها وبسرعه صار يسحبها يبي يطلعها من هالغرفه

حمود : ماعليتس منه وأنا عمتس .. أساسا مدري كيف زوجوك من هذا وهو بهالعمر ..

ولا أستغلوا موت راشد فيتس .. ؟؟ ها

ليليان ماهي قادره تنطق .. خلاص كل شي ينتهي فيها : ................

حمود : روحي غسلي وجهتس وبس أستلم الورقه من هالخسيس

بنسافر لدبي هناك مرتب أموري قبل لا يتصل علي زوجتس هذا ويقوم يمثل لي الشريف ..

مالتس قعده هنيا وأنا عايش ..!!

×

×

×

أهتز جسمه بقوة من أنحرف سامي عن مسار الشارع وهو مايدري وين أخذه ..

أو ليش من تحرك وهو ساكت .. حاول يفهم وش السالفه وليته تكلم بس..

تمسك بالباب وتحرك راسه لقدام من وقف بالسياره فجأه

حتى ينحني ساحب العجرا ويفتح الباب ..

صالح طارت عيونه : وش بلاك أنت ..؟!!

مارد عليه .. طلع بجسمه لاف حول السياره في هالظلام وهالبرد حتى ينحني فاتح

باب صالح ألي من الروعه والرجفه جمد في مكانه وهو كان عنده حل يستدرك كل شي

ومفتاح السياره موجود داخل ويشغلها هاج ..

سامي صرخ بقوة : أنزل

صالح لف له وعيونه من الخوف راحت متسعه بقوة : وش السالفه .. وش فيييك أنت

رص على أسنانه بقوة حتى يسحبه من ثوبه جاره لبرا ..

تمسك فيه بأيديه الثنتين والشر يتفجر من نظرات عيونه ..

سامي : كم لنا قاعدين بهالديره .. ها

صالح بالعافيه تكلم : أبك أنت وش بلاك ياولد ..

سامي : توهمني أن ألي تحتسي معي هي أختك يالتسلب .. يالخسيس

صالح مسك أيديه يبي ينزلها : أنا ماقلت لك أنها أختي .. أنا بلساني قايل قدام لافي

وقدامك ماهيب هي ألي تحتسي معاك يومنه أطلق على يدك بالصحرا وقمت تصارخ وتبكي

.. وش أسوي بمخك أنا

سامي صرخ بوجهه : ماقلت لي انه متزوجها .. لعبت علي

صالح بان خوفه على صوته ألي قام يرجف : هو أنت عرفت ..!

سامي : منقعني بالديره وتعشم فيني أني بتزوجها يالتسذوب وأخرتها تطلع مزوج

أختك بالسسسر .. مزوجها من لافي ألي تحط عليه وتشيل .. ولا بعد تبيني

أعاونك عليها يالحقير عشان لاسفرتها أتزوجها وأخرتها تطلع أنك تلعب علي ..

تلعب علي عشان ترم ( تاكل ) .. كل الفلوس ببطنك

صالح رجع بخطواته لورا وهو يطالع العجرا نطق وعيونه تنتقل مابين

سامي والعجرا : ماتسان بيدي ألا أسكت .. هو هددني مع علي

سامي رفع حواجبه : الله أكبر هددوك .. تروح تحط لي نفس ألي بيفزع لي من زواج

بنت العم وتاخذ على حسابي مهرها وليتك ع الأقل ملكت وأنا أقوول ورا

الرجال مير أخذ الفلوس وطلب من عمي بنته ووقف الموضوع ولا أحد حتسى فيه ..!

صالح هز راسه بخوف : وأنا عند كل

سامي صرخ بوجهه : لا اتسذب علي .. خلاص كل شي أنكشف ..

صالح رفع أيديه برجا لسامي : أنا غلطان يومني ماقلت لك .. بس شفتك متعلقن فيها

وأنت طقيت لي الصدر عشان تعاوني وش تبيني أسوي لك .. هااا

خلاص البنيه عايفها الرجال .. لافي هو الي تاركها بالصحرا ..

سامي رفع العجرا بوجهه : ولا شكيت بصوتها .. أنا أشهد أني خببل

صالح مسك كتفه : تعوذ من أبليس وش تستفيد لا سويت فيني شي ودخلت السجن

سامي بنظرات قاتله وصوت طلع من شفاته ثاير : أبي أدخل السجن

صالح بصوته الخبيث : أقسم لك بالله ياسامي أن لافي بيطلق البنت .. خلاص هو ألي راميها

أقولك وهي قالت لي بلسانها أنها عايفته ماتبيه ماعادت قادره تتصوره .. حتى طلبت مني

( أبتسم بضحكة خافته من طرى عليه كلامها وهو ذابحه الخوف )

أكون صادق باللي قلته لها .. البنت تبي تسلمني أمورها أنت توحيني

سامي ظل يطالعه بصمت غريب : ......................

صالح كمل وهو يرفع أيديه : هالحين .. هالحين قلي وش تبي أثبات ,وأنا بوقع لك

كل شي تبيه .. ماراح تستفيد شي .. بتخسر فلوسك ألي سلمتها لي وتخسر أختي

ألي بيطلقها لافي قريب .. تخسر حياتك ..

سامي عض على شفاته ورفع يده بالعجرا : ..........................

صالح على طول مسك يده بخرعه : والله مانت مستفيد شي .. أنت بعينك أنهبلت

يوم شفتها بالصححرا .. خلاص كل شي قلناه وخططنا عليه هذا وقته نحققه ..

وحنا قبل نراكض ورا بو تغريد وشيخ عربهم ألي يقولون أنه بغيبوبه ولايندري هو يقوم

سالم ولا مشلول .. ماضيع وقتنا غير حقودهم الفاضيه

بغيت أبلشهم ببعض بس أني هونت

سامي نطق بصراخ : أبي فلوسي ألي ضاعت على أيجار .. أبي المهر ألي بتسلمه

لعمي يقال أنك تبي البنت وتفكني .. أفلست من وراك لابارك الله فيك

صالح لقاها فرصه : هه قلتها .. أفلست وماعندك غيري يرد لك فلوسك .. أدحر الشيطان وأنا

أخووك ..أدحره .. وأختي عندي وبعينك بتشوف كل شي أقوله بيصير ..

فلوس وبرد لك فلوسك وزواج هي من نصيبك .. أمش معي أنت وشف بعينك

وش تبي تروح للديره ماوراك غير الحلال

سامي ظل واقف وهو يتنفس بقوة وعيونه تراقبه بحذر : .......................

صالح : قلت لك أثبات وش تبي

سامي دفه وهو يحرك العجرا قباله : تدري أني طالع من شقة عمي وانا حالف

أن نهايتك على يدي ( سحب من جيبه الجوال ورماه بوجه صالح ) وهذا الجوال ألي

عطاه علي لعمي كاشف سوايا بنته ولعبها علي

صالح أنحنى بسرعه وسحبه وهو مصدوم : يعني هالحين البندري هي من

تراسلك ( ابتسم بطنازة ) والله ياسامي طلعت منت بهين كلن يبيك

سامي تحرك بقوة جره من القهر ألي يحتويه : أقولك لاعبه على أختك وعلي .. لاعبه

علينا

صالح هز كتوفه : يمكن أنها تحبك

سامي صرخ بوجهه وهو يبعد عنه بدون نفس : حبك أبليس قل آميين

أبعد عنه وهو مايدري وش يسوي فعلا كان ناوي عليه نيه بس

هو عارف أن كل فلوسه ضاعت عنده ..

وهو أفلس لا وراه ولا قدامه ..

وماعاد يبي غير فلوسه من هالصالح ..

يبيها وبس

ماعنده لا وظيفه ولا شي يستند عليه .. رفع أيديه وحطهم ورا رقبته وهو

يرص على أسنانه يحاول يطفي جمرة القهر والغضب داخله ..

بس ماهو قادر .. ماهو قادر

سامي يلف له وبعد صمت : تمشي معي هالحين وتوقع لي على ورقه

أنك ترد لي كل فلس أخذته مني وتزود عليه بعد لاحصلت ألي تبيه .. وبيت أمك

فوقه ..

صالح قرب منه بأبتسامة مكر : وأختي ..!

سامي غمض عيونه وعلى طول رفع العجر يبي يضربها فيه بس

صالح هج يركض : لا تجيب طاريها يالتسلب

صالح بدى ينتفض : طيب .. ودني مكان مااتبي وبيت أبوي بالديره معطيه لك

لاتم كل شي بس هد يابن الحلال .. هد

×

×

×

حطت يدها على شفاتها البارده وهي واقفه بالحوش والشال بثقله يغطي

كتوفها ورقبتها .. رفعت عيونها للسما الصافيه وليلة الأمس مرت بمطرها وخيرها ..

صغرت عيونها حتى تتحرك بخطواتها المتسارعه نازله من الدرج في هالصباح

وأشعه الشمس لازالت تحتوي كل شي مرتفع ..

( يااالله .. شهالبرد ..!! )

قالته وهي تطالع الحوش متبلل على الأخر .. أسرعت بخطواتها أكثر صوب غرفه لحالها

مطرف بابها ومسرع مادفعت الباب من وصلت له ..

بس وقفت طلع سيف من الديوانيه وجهه منتفخ من النوم وتوه شكله مصحصح ..

سيف من لمحها تدخل الغرفه : هيييه .. وين طاسه

عبير بصوتها الناعم : مو شغلك ..!

رفع سيف حواجبه لفوق وهو نايم بهالديوانيه لحاله ومسرع ماتحرك بفروته وهو

يشدها عليه متوجه صوب الغرفه ألي دخلتها ..

سيف يدخل عليها وهي واقفه وسط أكوام الكراتين والأثاث القديم : شنو تسوين هنيه ..؟

عبير ترفع يدها وترجع خصلات شعرها لورا أذنها : خالتي أم سالم توها

داخل بالصاله قالت لي أنها دخلت غرفة ميري الله يرحمها ولقت عندها مغلفه وكشخه ..

تسولف لأمي وهي مستغربه

سيف بكره : يمكن محمد الله يقلعه بعيد عنا مهديها قبل

عبير هزت راسها بالرفض وهي تحرك عيونها بكل شي قبالها : لا يالخبل .. أمي

حمده ذكرت شي خلاني أروح أدور عن هالهديه أبيها غصب طيب ..

سيف لوى فمه : قلتي لها أن لافي ودعنا وسافر ..!

عبير نحنت بسرعه لكرتون والغرفه شبه مظلمة : أمي أساسا هي ألي طلبت منه يسافر

هو والغيد

سيف : الغيد .. من هي ذي

عبير زفرت هوا بقهر : أستغفرك ربي .. بنت عمتك .. ( لفت براسها صوبه ) غيرت أسمها

من ليليان للغيد

سيف طارت عيونه : الله..!!

عبير شدت أصابعها وهي ترفعهم صوبه : أنت شيعرفك .. خلك هايتن ورا ربعك وهالسياره

سيف ضرب يده على أطار الباب : لا تذكريني .. ( قال من قلب ) تخيلي يقولي رح

دور شي من فعولك يخليني أشري لك سياره .. حتى سلمت عليه بدون نفس

وضرب راسي بغى يصقعه بالجدار

عبير بأبتسامه دلع ورضى : والله أن أخوي لافي يعجبني

سيف أنحنى مقرب لها : أنتي أخته .. حبيبته .. عيونه .. صح

عبير دفته مع كتفه تبيه يبعد عنها : ماراح أتدخل بشي

سيف فز بقهر : هين ياعبيروووه .. والله لاتحتاجيني وتقولين لي تعال ياسيف وبقولك

أنقلعي

عبير بدون أهتمام : ألله يجزاك الجنه ... زين أنك قلت لي عشان ماأقرب صوبك

سيف بقهر : لج يووووم يالماسخه

عبير أنفجرت ضحك : ههههههههههه ..

ضرب الباب برجله وتحرك تاركها وهي بهدوء صارت تفتش

بالكرتون .. معقوله طاري الجده لهالهديه .. أبعدت الكرتون وتحركت ساحبه الثانيه

ومن رفعت كم كيس ألا تشوفه .. جلست على الأرض ووقفته حتى ترفع يدها

ومن دخلتها ألا تطلع علبه بيضا كبيره ..

نزلتها على الأرض حتى تفتحها .. وقفت عيونها على ساعتين بنفس الشكل ..

ومتدلي من كل وحدة سلسال صغير حيل مكتوب فيه أسمه وأسم ليليان ..

رفعت يدها حتى تلامس فيها جبينها وبنظره انكسار

قالت بصوت واطي

( ياعمري ياخوووي ) ..!!

حركت الكيس وطلعت العلبه الثانيه ومن فتحتها ألا تلقاه عطر فرنسي ..

تنفست بعمق وماهي مصدقه ألي قالته الجده .. أنه قد رفض مره روحة

ليليان لبيت أمها وهي ثارت عليه .. وطلع أخر شي أنه ناوي يطلعهم للبر

وداقن على محمد مخليه يوصي ميري تجهز العزبه ..

يبي يونسهم

ومن سمع كم كلمة منها ومن زوجته وعرفوا عن نيته دق على علي طالب منه

ياخذ زوجته والهديه قال قدامهم وقدام ميري أنها لها ..!

حتى ذيك الساعه ماصدقت ميري وأخذتها ..

طيب .. ليش ليليان بحزتها مارفضت هديه لها وتاخذها ميري ..!

ليش ماراحت تسأل ميري ع الأقل وتعرف وش مهديها لافي .. معقوله

كذا تركت السالفه تمر عاديه .. ماجبرت خاطر لافي ألي أكيد أنكسر

رفعت أيديها مرجعه شعرها لورا ... لافي مايحتاج شي كثر أن أحد يفهمه ..

وهالحين ماتدري وش بيكون وضعه ...

كيف بيتحمل فرقا تغريد .. على كل شي صار أكيد صعب عليه يتقبل هالشي

وهي بعد ..

حتى ليليان تقهر .. ماتدري ليش تحشر عمرها بماضيه .. ليش تدخل بأمر يخص

تغريد ولافي .. الوجع بينهم كبير ..

وهذي أخرتها .. أنكشف بطريقه لاطرت لا على البال ولا الخاطر ..

بس هذا هم أكيد الحين مسافرين وبيروح كل ألي بينهم .. رجعت

كل شي للكيسه وفزت واقفه حتى تسحبها معها وتتحرك طالعه

من الغرفه ..

بتحفظها لهم لين يردون بالسلامة وتعطيها لليليان وتخليها تشوف بعينها

ألي كان ناوي يهديها لافي .. وماراح توريها أحد

تخاف تدري عمتها وترميها بالزباله ..!!

أذا هي أحتفظت بساعه طلعت لتغريد ولافي محتفظ بالثانيه عنده .. فهو أهداها

ساعه بتكون عندها وحدة وعنده بعد ..

طلعت من الغرفه مسكرتها وراها وبسرعه تحركت للبيت

ورغم أن الساعه جمعت حلم اللقا وحلم الفراق

كان هو واقف فالجاخور وهو ناوي يتجرد من كل شي .. بين أصابعه الساعه

والظرف ألي حطها بوسطه ..

الشي

ألي كانت يضم الماضي بأحلامه .. وضم بالحاضر أوجاعه ..

سحب هوا لخشمه وأشعة الشمس تحتضنه في المكان ألي واقف فيه ..

وصوت الغنم يتردد قباله في هالصباح الحزين ..!!

تتحرك أصابعه بكل عبث على هالساعه وهو يحركها يمين ويسار ونظراته

تطالع المكان ألي جمعه في ليليان قبل ..

هينا كانت هي معاه وحاول يخبيها لما لقاها

لين يشوف وش بيسوي بهالمصبيه .. أبتسم بعبث من تذكر كيف

حطها فالعربانه عشان ريحتها وشكل عبايتها المليانه غبار

وراح يركض فيها حتى يدخل أبوه وجدته ..

كم كانت جدته قاسيه ولما رجع لقاها أكثر حنان ودفا ..

الغياب مارسم غير حياه عاش فيها الأمل كامل ..

تحرك بخطواته المبعثره حتى ينحني مكان مايذكر أن العربانه واقفه فيه قبل

ويبدى يحفر بيده التراب الرطب ..

يسمع صوتها الخايف وهي تترجاه يستر عليها كأنها واقفه قباله

هالحين تكلمه ..!

العامل : هشششش

رفع راسه وصغر عيونه وهو يطالع العامل داخل شبك الغنم يبي يمسك

له عنز ويبي الغنم الباقي يبعد عنها .. زفر هوا تحول لبخار من شفاته حتى

يوقف عن الحفر وبسرعه رمى الساعه داخلها ودفنها ..

( وهذي الصقاره رحلت بعد ماعاد لك لزوم عندي ..! )

قالها بصوت واطي حيل وهو يضرب التراب بيده لين أستوى ..

فز واقف على رجوله وبسرعه سحب جواله بيده ألي مافيه شي

من جيبه وضغط رقم ومسرع ماقربه من أذنه ..

لافي : ألو .. ها أرسلت ورقة الطلاق للعنوان

( ضحك بطنازة ) تخيل عاد أمس طلقت واليوم بعد يالله عساها خييره

والله أنه ماعاد بيدي شي وأنا أخوك .. لالا أنا بطلع

دايركت للمطار .. أبشر يالغالي فمان الله

أبعد الجوال عن أذنه وظل يطالع الحفره ..

.. كم أنتهى هالحلم العاجز في ذات الغرق وراح ..!

كم طل من بعيد عليه

وأشتهى يشوفه حقيقه ..

كثر مايشتهي يعيش الراحة والسكون ..

كم كبر حبها في قلبه وزاد .. لين مات

غمض عيونه رغم أن كلامها للحين يحسها جمره تكويه ..

خلاص وش يبي فيها .. هي تشوف أخوها سند وتاب بكيفها يالافي ..

وعمها يهدد بقضايا وهو ماهو حمل لها لو مشت

وقدامها ولا هرجت

قال بنفسه :

عندك حمول كثيره تنتظرك بفرنسا ..

يمكن هالشي سخره لك ربك لأنك قاعد تحمل نفسك فوق طاقتها ..

تفكر بهذا وتدافع عن هذا وتشيل حمل هذا ..

وآخر شي أنت البعيد ألي ماتجي على بال أحد

ولا يفكر أقل أنسان يمنحك الراحة ..

لف بجسمه حتى يرفع يده للعامل وينطق بصوت عالي

( يلا فمان الله .. بسافر ..)

وقف العامل يطالع فيه بحزن حتى يرفع يده وهو يهز راسه

( مأالسلامة بابا ..! )

×

×

×

في المباحث ..

أنحنى فارس بأهتمام وهو جالس في مكتب رئيسه حتى يفز واقف

يسحب الأوراق ومعها كم ملف .

فارس : قضية سعود سيدي متى راح يتم فتحها

الرئيس أشر بيده صوب فارس : لك كامل صلاحيات التحقيق فيها لكن أحذر

الصحافه أو أي تسريب فيها لأن القضيه خطيره وسريه ..

فارس رفع يده حتى يحطها على صدره : أشكرك على هالثقه سيدي وأن شاءالله

أكشف كل حقايق موته وكيف تخطط لها

الرئيس : شنو أخر ماأظهره التحقيق مع مروج المخدرات

فارس عقد حواجبه : قصدك جاسم

الرئيس أبتسم حتى يرجع بظهره يريحه على الكرسي : هو بقى غيره ..!

فارس غمض عيونه حتى يفتحها وهو عاقد حواجبه : لا هذا باله طويل

معنا .. وألي عنده شي أنا متوقع أنه ماهو فالبال

الرئيس : حاول تكسب الوقت معه قبل محاكمته

فارس هز راسه : أن شاءالله .. أستأذن منك سيدي

الرئيس أشر له : فمان الله

تحرك فارس بخطواته الواسعه حتى يمد يده فاتح الباب ويتحرك طالع من مكتب

الرئيس معه كل شي يخص قضيه سعود في ملف

ومن دخل مكتبه حتى يرمي الأوراق على طاولة واسعه ويتوجه

صوب مكتبه .. ينحني ساحب سماعه التليفون .. ضغط له كم رقم

وبسرعه حط السماعه عند أذنه ..

فارس بعد صمت وبأهتمام : ألو .. فيه أي معلومات تم أرسالها لنا

عن طريق الأنتربول ..؟؟ أيه .. موجوده قاعدة بيانات

كامله عندهم على حسب كل المعلومات ألي جمعها المخترع فهد من هناك..

هيئة مكافحة المخدرات ماأرسلت لنا أي معلومات عن العصابه .. التحقيق

والأدله لازالت جاريه .. شف منصور .. عمم

القبض على ضابط متقاعد أسمه حسين .. ساكن فالأمارات .. بأنتظارك

أبعد سماعه التليفون حتى يرجعها لمكانها ويتحرك بأهتمام مبعد عن مكتبه

وعلى طول أنحنى جالس على الكنبه .. زحف شوي بجسمه حتى

يبعد الأوراق عن الملف ويظل يتأمله ..

كم ظلت هالقضيه غامضه بكل تفاصيلها ..

وفروعها متشابكه ..

حس بخوف غريب يتسلل لقلبه وهو يدرك أن كشفها

راح يكون مثل بتر ليد الفساد ألي ينخر في أمن هالديره ..

كيف قدروا عليك ياسعود

كيف وأنت الضابط المحنك .. الضابط ألي كشف أوراق ومخططات

خطيره تحيط في هالديره من كل مكان ..

الضابط ألي رضا يوقف ورا الظلام .. مخفي للكل من يكون .. !

ألي رضى يضحي بروحه لهالوطن ..

وقبل لا ينوي فتحها .. دق جواله وبسرعه حرك يده ساحبه من جيبه ..

طالع الشاشه للحظات حتى يفتح الخط ويحطه عند أذنه

فارس : هلا بلافي

لافي بتردد : بقولك شي قبل لا أسافر .. مدري ينفع أقوله لك هالحين

لأني حاليا بالمطار

فارس مد يده ساحب الملف مقربه منه : بقولك بالأول و أبشرك بالأخبار ألي راح تثلج صدرك ..

قضيه أخوك هذي هي قبالي بكل مافيها .. راح أطلع عليها كامله ونبدى التحقيق

فيها

لافي بصوت تغير : يعني راح تقابل أبوي وتقوله ..!

فارس أبتسم من منطقه : أكيد يالافي .. راح أقابل أبوك وأستدعيه وأخذ أقواله

وأقوال كل من كان حول سعود .. وهذا حنا راح نستدعي الضابط ألي كان

ماسك قضية أخوك ومختفي برا الديره ..

لافي سكت : .....................

فارس قال بصوت واثق : الأيام المقبله لاشك صعبه

لافي بنفس النبره : أهم مافيها الراحة الي أتمناها

فارس : لا تخاف .. أخوك من ألي نفتخر فيهم بهالديره ولا راح يروح

حقه أبد

لافي زفر أنفاس تتبعثر من ألي سمعه : طال يافارس وأنت تقولي هالكلام .. سنتين مروا والثار فيني يحرقني وأحرق ألي حولي .. ماقمت تشك أن الحق

بالي تقوله ضاع ..!!!

فارس : تعرف ان الأمر داخل فيه أمن دوله وترويج مخدرات ومنظمة أرهابيه .. لا تتوقعها قضيه سهله أبد .. أتعبتنا حنا أكثر ..

لافي ماحب يجادله : أسمعني .. بيت أهلي ألي أحترق .. فيه من تعمد هالحرق

وماعاد عندي شك أنه ميشيل يوم شاف رفضي أني أسلمه كامل حقوقي بالمختبر

نوى يعيشني فالخوف

فارس برفض : شقاعد تقول يالافي .. التحقيقات في بيت أهلك مثبته بالأدله

أنه فيه ألتماس كهرب .. وأبوك أعترف أنه مايعمل صيانه لها ومن زمان عنها ..

لافي بصوت أشبعه بالخوف : تعرف أني رميت حالي لعالم قذر .. وسياسه

يمكن تعدمني .. ولأني أثبت حالي بفرنسا وعطيتها هم رافعيني لفوق .. وقت

ماأتراجع لورا خطوة ماراح أحد يسمح لي أرجع لهالديره .. أو يمكن

أرجع ولا أكون أدري عن شي .. فاقد عقلي ولا حياتي ..!!

فارس يبي يطمنه : الأنتربول عندهم كل المعلومات وكل الخطر ألي توقعت يصيبك ..

ومتعاونين بشكل كبير معنا .. لأن أمتداد هالمنظمة الخطره لفرنسا نصيب منها .. مايحتاج

أذكرك أن

الكويت يالافي ماتتخلى عن عيالها معهم فالشده والرخا حتى لو هم تخلوا عنها

لافي برفض : بس أنا ماتنازلت برضاي يافارس .. ( قال بضياع

للأول مره يبان بصوته ) عارف أن هالديره عطت أمثالي الكثير ولابخلت

فارس قاطعه من حس بنبره صوته تغيرت : أنت توكل على الله .. وأنا برسل لك هناك بالسفاره من يتقصى أخبارك وراك أحنا .. أستودعتك الله يالافي

لافي بعد صمت : فمان الله ..!

أبعد فارس الجوال عن أذنه حتى ينزل الجوال ويطالع بالشاشه ..

قضيتك يالافي كبيره عساها بس تفرج ويعجل الله برجعتك للديره

كويتي نفس ماتم وعدك فيه لا تمت مساعدتك لهم على أكمل وجه ..

قالها بينه وبين نفسه ومسرع مانطق باب مكتبه حتى يدخل المساعد وليد

فارس على طول رفع عيونه له : ها بشر ماعرفتوا أي معلومات عن هالسعود

ألي على صغر ديرتنا مانصاد ..!

وليد بأسف : لا والله سيدي للحين جاري البحث عنه

فارس بصرامه : أبي أستجوب جاسم لحالي جهز لي الغرفه بقعد معه قعده طويله

لين أعرف شاللي مخبيه .. يبي لنا تعامل ثاني معه حتى يتحجى

وليد : تم طال عمرك ..

×

×

×

صرخ وهو واقف لحاله بالديوانيه ..

( كيف مالقيت رقمه .. طلعه لي لو من تحت الأرض هالحسين .. أييه ..

هو ألي كان ماسك التحقيق في قضية سعود وحادثه .. ( أخذ نفس

حتى يرفع يده ويجر شعره ) .. مانيب معصب أنا برودك ثورني أقولك بمصيبه

أنا أبي رقمه أو وين ساكن .. أي شي عنه .. ( حس بعظامه ترتخي حتى ينطق )

كيف تارك الديره .. من متى .. ( أتسعت عيونه بقوة ) .. لا تقووول طيب

طيب أنت دور عن أي معلومات ودق علي .. أن كان ألي في بالي والله أني لا أفضحه

بالجرايد .. )

رمى الجوال على المركه حتى يحط أيديه على راسه ..

خلاص ماعاد هو قادر يتحمل هالقعده والتفكير فالمصيبه الجايه ..

أقرب للجنون هو ..

ماعنده غير حسين ألي مسك قضيه سعود وحقق فيه ..

يشهد لهم أنه هو وأبوه مالهم شغل بوفاته .. ولا فكروا بأغتياله ..

كل ألي صار أنهم سكتوا عن معرفتهم أنه ضاري من صدم لافي وماهو سعود أخوه ..

شاف أن هذا الثار ألي يقدر عن طريقه يرد لهالعايله الصاع صاعين

ويسحب الشيخه منهم حتى ترجع لعايلتهم من جديد ..

لازم يطلعه من تحت الأرض ويتدارك الوضع والسجن ألي ينتظره

لازم ..!

×

×

×

بالمستشفى ..

أنحنت جالسه بعبايتها وملامحها تغيرت من حست بألم في مفاصلها قوي..

مدت رجولها وعلى طول تكلمت من أنفتح الخط ..

تغريد : هلا يبه وينك ..؟

أبو تغريد : هلا يبه .. مايخالف أتأخر شوي ( سكت بسرعه وفيه صوت بزر يناديه

وهي أبتسمت غصب من حست أنه قاعد بين عياله ) .. ها

تغريد هزت راسها بالرفض : لالا .. خذ راحتك .. ( قالت بشك ) أنت وينك أسمع صوت

كأنه ياهل عندك

أبو تغريد أنعفس صوته : ماحولي أحد .. أنا في الدوام هالحين .. ألا خالتك راحت

تغريد بأبتسامه وهدوء : أيه يبه راحت .. توها مشت

أبو تغريد : طيب .. أنتظريني لين أدق عليج

تغريد هزت راسها : ولايهمك ..

أبعدت الجوال عن أذنها والأبتسامه ألي يملاها التعب ترتسم على شفاتها ..

لاجى بتقوله أن لافي طلقها والورقه معها .. أما العقد ألي بيدخله السجن ماراح

تقول لأحد عنه .. بتشيله حتى يظل أبوها وأمها ماخذين رده فعل عكسيه

عشان مايأذونها بلافي .. أكيد لاذكرت أبوها بالتوقيع راح يسكت .. ولاراح يجبرها

تواجه لافي بشي ..

وش بتسوي مجبورة تجاري ألي هي فيه ..

وراح تطلب منه ياخذها لأخوانها قبل ترد البيت .. راح تشوفهم ..

تبي تتأكد فعلا أنه عندها أخوان .. أنه واقع ..

ذبلت الأبتسامه من تخيلت شكل لافي .. نزلت عيونها للجوال وضغطت على الشاشه

حتى تتوجه للرسايل ..

مرت الثواني .. الدقايق .. وهي ماتدري وش داخلها ..

بتقوله شي .. ومتردده ..

وهالصبح مامتلى غير بالفقد ألي ياما كرهته .. الأيام وحدها هي ألي راح

تتكفل بالنسيان ..

ضغطت رقمه ألي حافظته عن ظهر قلب ومسرع ماكتبت له ..

( لا أجيد كتابة الفصحى كما أنت ..

ولا أجيد الكلام على ظهر الغياب

لكن كل ماأتمناه لك ..

أن تجد من تهديك حلةَ صاخبة البهاء

تسد ثغرات السنين الراحلة

تقول لك أيها العنيد .. القاسي

أريد منك أكثر .. أكثر مما أريد ..!! )

حركت شفاتها من تبللت عيونها بالدموع بعد ماأدركت أن الحلم أخذها للرحيل ..

ضغطت أرسال وبسرعه توجهت للرسايل ..

مسحتها .. ومسحت كل رقم يخصه .. كل شي يرتبط فيه أو راح يذكرها ..

وبسرعه رمت الجوال بالشنطة وتحركت واقفه ..

لبست نقابها حتى ترفع عبايتها وتحطها على راسها وبخطوات واسعه طلعت من

الغرفه ..

راح تنتظر أبوها تحت ومن تطلع من هالمستتشفى راح تأسس حياه

جديده بعيده عن كل كابوس عاشته ..

×

×

×

يسحب مفاتيحه من جيبه وهو واقف فالحوش ألي بلله قطرات المطر

والشمس بأشعتها الدافيه تحاول تجفف هالأرض ..

حول أرصفة هالمدن تجدد الأمنيات

هي كذا الشمس

كل ماشرقت .. غرقت كومة ذكريات فينا ..

عيونه مركزة على هالمفاتيح ومسرع ماسحب مفتاح واحد فاتح الباب فيه ..

دفع الباب بأصابعه ودخل .. وقفت خطواته الثابته وسط الصاله وعيونه

الحايره تتنقل بين الأثاث والزوايا .. أنعقدت حواجبه بخفه من تذكر زوجته مناير

وأخته وهن واقفات في هالمكان .. ترددت في باله دعوة أخته عليه قبالها ..

حرك راسه لسقف وهو يطالع فيه .. يناجي الفراغ وتلال من الذكريات المترسبه

ماتزيد ألا الحمول فيه ..

تحرك بخطواته الواسعه حتى ينحني جالس على حافة الدرج ..

مايدري ليش أثر فيه كلام ضاري عن أخته ولو أنه حاول يجاري الوضع

ألي كان فيه متجاهل كل حرف قاله ضاري عن أخته وبوجهه ..

كأنه نبره ضاري الصارمه تقوله ماأنا نفسك ... ولا راح أكون ..!!

وش يزود عنه ضاري .. أذا هو مربي أخته بعد هو ربى خواته .. أخذ نفس بقوة

وهو يحس بالضيق يخنقه ...

أخته ماكانت تكرهه عشان تكون دعوتها من قلبها ..

بس حتى ولو مستحيل وحدة بتدعي على أخوها الدعوة ألي قالتها ..

للأخو ألي رباها وأخذ محل أبوها وعمره ماقصر معها بشي .. بعدين ذي سالفتها

عوجا من البدايه .. ماهو ناسي شروطها فالمجلس قدام عيال عمها وهو جالس مثله

مثل الأطرش بالزفه حتى طاري هالشروط ماجابته لها ولا حتى لمحت لها ..

وليتها عاد مشت .. لاهي ألي كملت دراستها وخلت الزواج بعد ماتخلص .. ولاهي

ألي أخذت منه شي أنه مايتزوج بدالها .. مناطح على قلة سنع ..!!

زفر هوا بقهر حتى ينطق بصوت مسموع ( أستغفر الله ) ..

حتى هو تصرفاته صايره بزيادة .. ولايدري وش يقدر يسوي هالحين ..

الشي ألي بينه وبين أخته أتسع .. وذاك الزواج ألي كان يحلم فيه لأخته راحت أيامه

وهذي هي متزوجه .. حتى حياتها مع طلال مايدري كيف على الوضع ألي فيه

ولد عمه ..

حرك عيونه بأندهاش من دخل عليه رحيم ملامحه متغيره ومسرع ماوقفت وراه

أم سالم ألي نطقت بخوف

( هذا أنت ..!! )

سالم أبتسم حتى يفز واقف : أيه أنا

رحيم ضحك بربكه : ع بالي حرامي يوم شفنا باب البيت مفتوح .. !

سالم بنظرة شك : لو حرامي ترتبك هالشكل وتروح فيها

رحيم بترقيعه : أدق ع الشرطة .. أفا عليك وهم يتصرفون

دخلت أم سالم بخطواتها البطيئه حتى تلف براسها لورا تطالع شي فالحوش

ومسرع ماطالعت ولدها ألي تحرك بخطواته الواسعه حتى ينحني لها يبوس راسها ..

ولحظات سحب أيديها وبقوة يبوسها ..

سالم : أشتقت لك يمه

أم سالم : تشتاق لك العافيه .. ها بشرني عن زوجتك .. عساكم مرتاحين

سالم وأبتسامه هاديه أرتسمت على شفاته من تقدم منه رحيم وسلم عليه : عند أخوها تركتها

أم سالم شهقت : ليش يمه .. شصاير

سالم ضحك وهو يقرب من أمه يحضنها : لا تخافين يمه .. ههههههه .. ماورانا ألا العافيه

بس هي قالت بتقعد عن أخوها مارفضت خليتها ع راحتها

أم سالم براحة : الحمدالله ..

سالم رفع حواجبه بأستغراب : أشوفك يمه راضيه علينا وأنتي حلفتي ماتشوفينها ولا ....

أم سالم قاطعته بضيق : والله ياولدي يقولون من شاف مصيبة غيره هانت عليه مصيبته ..

وبعدين أنا ماعاد علي منكم .. كلن يحط عقله براسه وبيعرف خلاصه مالي بالهم الزايد

سالم بسرعه أنحنى يبوس راسها : أبي رضاك يمه تكفين ..( سحب يدها وباسها )

قوليها لي وريحيني

أم سالم سكتت وهي تصدد عنه بضيق : ...................

سالم بأصرار يرجع يبوس يدها : طلبتج يالغاليه .. ولج علي أخلي العذوب تزورج

أم سالم بأستنكار : شبي فيها أنا ذي .. ( تداركت كلمتها حتى تنطق وهي تحط يدها على مكان

قلبها ) أستغفر الله .. أنا يمه يبي لي وقت أستوعب فرقا الغاليه والله أني ماني قادره أتخيل وحدة مكانها

وأنت مارحمتنا ورحمت المصيبه ألي حنا فيها .. تموت زوجتك من هنيه وتاخذ لك وحدة من هنيه ..

سالم بنبره جافه وهو يرفع أيديه بأنفعال : والله ماهوب بيدي ياناس ..

رحيم يتحرك بخطواته واقف عند الباب وهو يميل براسه لبرا وماسرع

ماطالع أمه وأخوه : ....................

أم سالم تمسك يد ولدها : عاد أمر الله صار وماتدري خيرتك بهالزواج وين هي فيه .. والله

أنك أهون من غيرك .. أحمد ربك على ألي أنت فيه ..!

رحيم يطالع سالم وبحماس : أنت تدري أن لافي شرا بيت للعايله

أم سالم بسعاده : أي والله .. ماشاءالله تبارك الله

سالم هز راسه : مادريت أنا ولاحدن دق علي

( رحيم .. ليه تركتنا عند السياره .. ها )

صوتها الطفولي يرتدد لهم وهي تشوف طرف من جسد أخوها طالع

قدام عيونها بالحوش .. تركض له ووراها تمشي مرايم بخطوات متسارعه ..

ومن وصلت ورده له ضربت بقوة كتفه وبدفاشه ..

رحيم تمايل غصب : هييييه ...

بس شهقت من شافت أخوها سالم .. وبسرعه نطت من الفرح حتى تروح

تركض له .. أنحنى سالم لها وحط أيديه على خصرها حتى يرفعها راميها لفوق ..

ورده ضحكت : هههههه ونااسه ..

وهي وقفت بكل رجفه وصوت سالم وضحكه هزها ..!

ظلت عند الباب وعيونها بربكه تعلقت فيه وهو يرجع يرمي أخته لفوق ومسرع

ماضمها ..

سالم : يازيينك بس .. لسانك الطويل فاقده

ورده وهي تضمه : .....

لف رحيم براسه بنظرت متوتره وخايفه لأخته وأمه نفس الشي ..

ومرايم نظراتها تعلقت بأخوها ألي شماغه أعتفس من ضمة ورده له ..

أنحنى بخفه حتى ينزلها ويرفع أيديه يعدل عقاله وشماغه ومن حرك عيونه

لأخوه وهو بدى يحس بالصمت الغريب يلفهم حتى يرفع حواجبه لفوق من

شاف مرايم جامده عند الباب بجسدها تطالعه ..

ورده رفعت يدها لأختها وهي تطالع سالم : مرايم راحت ويانا .. وشفنا شقتها كشخه

سالم ابعد عيونه عنها وظل يعدل شماغه بدون أي ردة فعل وهو متردد

يروح لها يسلم .. يبي هالشي بس مايدري كيف وتمنى لو هي تبدى : ..................

وردة : وطلال وعدني بلعبه وهو ألي وصلنا لحد هنيه .. وراح

رحيم حرك عيونه بخوف صوب أمه : .......................

أم سالم وهي تطالع بنتها وبصوت متوتر : يمه سلمي على أخوج العود

مرايم ظلت على وضعها واقفه مانطقت ولا بكلمة : ....................

أم سالم تحركت صوب بنتها حتى تسحب يدها بدفا مدخلتها

لداخل الصاله : وراج يمه ..

تحركت برجفه لداخل أكثر وهي خايفه تنطق بكلمة ويرد عليها بالجفا ..

كثر ماتدرك أن الحبال بينهم أنقطعت من ترجته قدام عمها وطلال وواحد ماتدري من يكون ..

والزواج ألي حتى رسالة ماذكرها فيها أبد ولا بارك لها ..

كثر ماتتمنى أنه مايغيب أبد ..

سالم بنرفزة من سكوتها وجرجرت أمه لها : مو ناقص يمه ألا تترجينها تسلم علي ..!!

مرايم تنحت تطالع فيه .. ضاعت : ...................

سالم طارت عيونه وهو يحرك جسمه صوبها : لا أكليني بنظراتج بعد ..

أم سالم بضيق : يايمه البنيه شقالت يوم فقعت عليها

سالم يأشر بيده صوبها : طالعي

ورده تحركت بسرعه حتى توقف جنب رحيم وتتمسك بيده : ............................

رحيم بنبره واطيه : تكفون حلوا هالوضع .. لايطول

مرايم أخذت نفس عميق تحاول تبعثر كل مافيها حتى تنطق : أنت بالضبط ياسالم

شنو تبي ..؟

سالم بأنفعال : شنو أبي .. شايفتني طالب شي منج

بللت شفاتها وهي تحرك أصابعها برعشه صارت تسري في جسدها ..

ماتنكر أنها تعرف أخوها قاسي فالكلام .. متسرع .. ويحكم على الشي

دايما من مظهره .. عمره مابحث فالعمق .. هي مناير الشي الوحيد ألي فتحت العمق

فيها له وأستأذنها يبحر داخلها وعاش هناك ..

مرايم بصوت مهتز وخايف من هالقساوة لا تكسر شي فيها : لا

سالم رفع يده تجاها : ها حتى صوت منها ماسمع .. ماقول ألا الله يعين طلال

مرايم بسرعه نطقت : قصدك علي .. ( قالت وهي تحاول تكون ثابته .. واثقه نبرة صوتها )

يعين بالأول غيري على ألي هو فيه .. ولا أنا من تحت أيدين ناصر طلعت

سالم بأستغراب من تناقضها : هي ألي تطلع من تحت أيدين هالشخص .. تدخل مجلس رجال وتقوم

تتشرط على كيفها .. ولا تدعي بالحرق على أغلى مايملك أخوها

أم سالم بهاوش : خلاص راحت هالسوالف وانت تذكرها ... هالحين كل واحد منكم يفارق عني ..

سالم كمل ولا عليه : هذي زوجتي صار بيني وبينها مشكله ويوم رحت لأخوها

وقف بوجهي واثق من أخته يدافع عنها .. ( أشر بحده صوب مرايم ) ذي بنتج لو يصير

شي بينها وبين زوجها ووصلت عندي كيف بشد ظهري فيها على ألي سوته .. ها

أقلها لو بيقولي أختك ماستحت بشروطها ببلع لساني

مرايم بغصه قالت بصوت حاولت يكون هادي : مو أنت متبري مني .. ريح بالك من ألي ماوراها شدة ظهر وحط نفسك لاتشوف ولا تسمع وأرتاح وخل مشاكلي برا حياتك

سالبم بنرفزة : شكل الوضع مرتاحة عليه ماشاءالله

أم سالم لفت لولدها خلاص طاب خاطرها من سالفه هالدعا ومن أسلوبه

والقطاعه الغريبه : أنت شفيك ياولد ... ( رفعت صوتها بخناق ) موت مناير أمر الله ..

( كررتها بقهر ) أمر الله كاتب مصيرها قبل لا تطلع على هالدنيا في كتاب محفوظ ...

وبنيتي من كان يقابل زوجتك لا مرضت .. ها .. من كان يداري ولدك في غيابك أنت

وياها الله يرحمها .. ماهي أختك .. من كان يفاجئك ويفاجئها بالهدايا .. جحدت

كل هذا يالجحود .. ركبك الشيطان وقمت تشيل وتحط فوق ظهر هالضعيفه ..

تحركت بخطواتها الواسعه طالعه من باب الصاله حتى تنزل الدرج وتمشي فالحوش بخطوات

تضيع .. تسمع صوت خناق أمها ماأنتهى ولا هي أنتظرت ينتهي

وسط فاجعة سالم بهالأنفجار من أمه ..

رفعت عيونها للسما الصافيه .. تحس بمسافر غريب داخلها يمسح ملامح الخيبه

ويرميها على الرصيف ..

أخذت نفس بقوة وماتدري كيف تحركت بعد كل شي أنقال بهالبرود طالعه ..

كيف بلعت الغصة وتلاشت ..

والله ماعندها حاجة للبكا بعد كل شي صار .. تحس في قلبها صار قاسي ..

ولا تظن بيكون في شي أعظم من أنها ترتمي عند رجول أخوها

قدام طلال تبي منه السماح ويقول له سالم أنها ماهي مناسبه له ..!

وكثر الله خيره يوم أنه حذف كل شي من باله

لاهو ألي جرحها بسواة أخوها ولا هو ألي عايرها ..

طلعت جوالها من الشنطة ودقت على طلال .. كملت خطواتها صوب باب الشارع

ومن وصلت عنده وقفت وهي تدق على رقم طلال وبعد ثواني رد عليها ..

طلال بصوته الدافي : هلا بمرايم .. ها عساكم بس عرفتوا شنو بتاخذون من الأثاث

مرايم بربكه وصوت رايح فيها : لا .. أقصد لقيت كل شي غبار وأنا فيني حساسيه

عاد أبيك ترد تاخذني للشقه

طلال بصوت شبه واطي .. تغير : صوتج والله ماهوب طبيعي .. هو أنتي تونسين شي ..

في شي متعبج

مرايم طارت عيونها حتى ترفع يدها وتلمس نقابها بخوف

من كلامه ماتبيه يحس بشي : لا والله .. بس الحساسيه ثارت علي وأبي أرجع للشقه

طلال : مرايم علي .. الحوش وسيع ماظنتي خالتي بتخليج تروحين بالساهل ع الأقل تحط

لج فرشه بالحوش .. وهي بالسياره طارت فيج وبقعدتج وياها ..!

مرايم ضمت شفاتها تحس أنها وصلت حدها وكل شي بدا يكسر

حواجز كثيره فيها : الله يخليك طلال تعال .. أبي أرجع الشقه ولا شفتك تقدر تسألني

باللي تبي

طلال أبتسم : مارحت بعيد من قلتي برد للشقه وأنا راجع .. يلا دقايق

وبكون عندك ..

على طول أبعدت الجوال عن أذنها وتحركت واقفه ورا باب الشارع ..

تساندت على الجدار وذيك الغصه ألي تلاشت رجعت تخنقها ..

أذا أخوها توه يقول عشان شروط وشي مالها يد فيه ماهو شاد الظهر فيها ..

لو صارت مشكله بينها وبين طلال وذكر لهم ألي سوته هي ..

وش بيكون ردة فعلهم ..

من بيوقف معها .. من بيساندها ويدافع عنها ..

طالعت باب المدخل والأصوات أختفت ...

يالله أنك تستر عليها .. رفعت يدها حتى تتمسك بالشنطة وتنزلها منحنيه ..

جلست على حصاة وأشعة شمس بعيد عنها ..

ضمت أصابعها بقوة وعيونها بدت تلمع بالدموع بس وقفت بسرعه من سمعت صوت

سيارة طلال توقف عند الباب حتى تتحرك طالعه بخطوات متسارعه

.. فتح طلال باب السياره ومن أنحنى بجسمه يبي يطلع رجع جالس من فتحت

مرايم الباب وركبت

طلال بأستغراب وعيونه بحضنه : ماشاءالله شنو هالسرعه ..!

مرايم أبتسمت غصب تبي تضيع ألي هي فيه ومسرع ماضحكت : ههههه .. عادي

تعود على هالسرعه

طلال تعدل بجلسته وسكر بابه حتى يحرك السياره بسرعه : طيب من شنو هالحساسيه ..؟

ركز طلال بنظراته للشارع وهي بكل عبث حركت عيونها صوب المرايه

حتى تلمح رحيم طالع يركض وطرف من جسم سالم طلع من الباب

أنتفضت بخرعه حتى تنطق بربكه ..

مرايم : طلال .. بسرعه أبي أوصل للشقه ..

طلال طارت عيونه وهو يهدي السرعه حتى يلف بسيارته بدون مايطالعها : أنتي فيج شي ..؟

مرايم هزت راسها بالرفض : لا

طلال بنبره حازمة: أنا مو أهبل .. شايف سياره سالم من وصلتكم

للبيت وسكت .. ومايحتاج أستنتج أن ألي فيج من شوفته

مرايم بأندفاع وربكة : شدخل أخوي .. ماصار بيني وبينه شي

طلال بشك وعيونه لازالت على الطريق : ماألتقيتوا ببعض ..!

مرايم بتلعثم : ألا .. وعادي .. ماصار شي

طلال بعدم تصديق : ممكن هداه الله ...

فتحت فمها وأخذت هوا حتى تزفره بقوة تبي هالضيق والدموع ألي تندفع

لعيونها مجبورة تروح .. مدت يده بسرعه وسحبت ظرف أبيض تبي تهف فيه على عيونها

بس طلال بسرعه سحب الظرف من بين أصابعها بقوة حتى يرميه تحت عند رجوله ..!!

أنكمشت على روحها من الحركة وماتدري وش السالفه ...

مرايم بصوت بالعافيه طلع : شنو فيك

طلال تصدد عنها وبضيق أرتكزت عيونه على الشارع : أنا مشتهي شي حار قبل

لا نرد للشقه

مرايم ظلت تطالعه بصمت : .................

رفع يده بأرتباك حتى يمسك طرف شماغه ألي راميه على رقبته وبهدوء

رفعه لفوق مغطي فيه فمه وخشمه بعبث ..

يحس بنظراتها المصدومة من حركته ويتجاهل ..

وقف بالسياره بجنب الرصيف وبسرعه فتح الباب ونزل .. أنحنى بظهره لداخل حتى يسحب

جكيته الأسود بيده السليمه ويوقف يلبسه ومن خلص أنحني لللمره الثانيه ..

تجاهل النظر لها وهو يطالع بأي شي قبال عيونه ألي تطالع

السيت و تحكي أشياء كثيره ..

طلال : تبين شي ..؟

مرايم ظلت تطالعه بصمت وعيونه أرتفعت كأنه يشتهي يطالعها

ويتعلق في صمتها الغريب بس

تتداركت الوضع وتهز راسها : سلامتك

طلال حرك راسه : متأكده .. مو لاشريت شي أشتهيتي مافيني ردتين أنا

مرايم تعدلت بجلستها صاده عنه حتى تنطق : طيب .. قلت سلامتك

ثواني مرت ودقايق وهو ظل على وضعيته منحني بنص جسمه لداخل ..

وهي فضلت تتعلق عيونها فالبيوت ألي على يمينها .. مد يده ألي كانت تناضل على هالحركة

حتى يسحب يدها .. بسرعه قربها من شفاته يبوسها وبنفس السرعه نزلها

ومن حركت راسها صوبه سحب جسمه لبرا السياره وطلع ..

سكر الباب وأبتعد بربكته وهي بسرعه لمست كف يدها بأصابع يدها الثانيه

ماهي مستوعبه حركته ..

قلبها أنقبض ماهو خجل .. أشبه مايكون بالخوف من هالحياه ألي كانت هلاك

وصارت جنة .. من طلال نفسه ألي تغير وهو ألي حاول يخليها تطلب الطلاق منه ..

قال لها بالصريح أنه ماهو قادر ينسى ألي سوته ..

وجاهد يكون معها شي جميل تتذكره ..!

هي تشوفه لا عصب حاول يتدارك وضعه بالأعتذار والأبتسامه

طلب منها بأسلوب هادي أنها ماتنام معه .. تتركه لحاله ولا تحاول تقرب من الغرفه

ألي هو فيها .. والله عارفه أنه خايف هي تشوف جسمه المحترق ..

ولاهي راح تتحمل المنظر ..

هالأمر ألي طلبه قامت تشوف فيه قطعة خشب بتنقذ روحها من العذاب ..

ضمت أصابعها لبعض بقوة وروحها تغيب فاللألم ..

خايفه ياطلال من الحياه ألي بدت تزين في عيونها .. خايفه من الصبر لا يمل منها

ويرحل ... خايفه فالأيام المقبله تشوف شي أشد ولا تقدر تصبر ..

غمضت عيونها بقوة ... وش فيها هي عشان كم كلمة نطقها سالم أنقلبت موازينها فوق تحت ..

وعدت حالها تصبر وراح تصبر .. وأساسا ماصار شي ليه كل هالخوف ..

دق جوالها حتى تنطق ( أعوذ بالله من الشيطان الرجيم ) .. فتحت الشنطة

وسحبت الجوال ومن طالعت الشاشه على طول ردت

مرايم : هلا يمه

أم سالم : خلي طلال يردج للبيت هالحين

مرايم بضيق وبصوت هادي : خلاص يمه أنا ماشيه للشقه مالي رده

أم سالم بأصرار : تسمعين أنا شنو اقول

مرايم : ليش طيب ..؟

أم سالم : نحل سالفتج مع أخوج ألي طالت على غير فايده وكلن عاش حياته ..

هو تزوج وأنتي بعد

مرايم : ماينقال لي هالحجي يمه .. ينقال له .. بعدين ( لفت براسها لورا تتأكد أن

طلال ماجى ) أنا معي طلال ولا أبيه يحس بشي

أم سالم بعصبيه : شعليج منه .. هو بروحه مشتغل بمشاكل أخوانه

مرايم بأنفعال : قلتيها يمه مشاكل أخوانه .. أنا ماراح أرد وأسمع كلام يغثني وموال

يردده كل شوي والثاني .. طيب غلطت شنو بيدي أسوي هالحين عشان يرضى ..

شنو يمه قوليلي أنتي شاللي يريحه هالأدمي ..!

أم سالم بنبره هاديه من حست بصوت بنتها يتغير : يايمه والله ألي بينكم يصير

كله غلط في غلط .. أنتم أخوان .. هو ألي رباج وتعب عليج وانتي أخته ألي تحبينه

مرايم تحرك يدها : ولدج تبرى مني .. يعني أنا هالحين عنده ولا شي .. قدام عمي قالها ..

قدام طلال قالها .. قدام الغريب .. ( أهتز صوتها ) ماتدرين يمه عن شي أنا طحت

عند رجوله أترجاه مايتركني وقال لطلال قبل الزواج أني ماني كفو له .. بلعت

هالشي وسكت ..

أم سالم بصدمة : أعوذبالله ..!

مرايم نزلت دموعها غصب : تخيلي يمه طلال عشانه حاشم بنت عمه ومكرمها

والله أنه سيره لهاالسالفه ماقالها .. لو أحد غيره ماتركني وخلاها معاير لي ..

ولا حط وزاد فالموضوع وليش أخوها يقول هالشي وليش وليش .. سالفة هالشروط

ليش هو الوحيد ألي يذكرها .. كلن عاش حياته وهو عايش بعد ألا لسبب واحد

أنه ما يبيني .. والله ولدج مايبيني ريحي بالج يمه وقولي له

خله عند كلامه ولاأقبلت مشاكلي يعطيها مقفاه ويروح .. مابي منه شي أنا

أم سالم بتنهيده طلعت منها بألم : ربي يهديكم ويريح بالكم .. ( قالت بنبره ألي ماعاد

له حيله ) الله يجمع قلووبكم

مرايم من أنفتح الباب : يلا فمان الله يمه ..

صدت براسها بسرعه ورفعت يدها تمسح دموعها بقوة والشنطة بحضنها ..

جلس طلال بجنبها وهو بيده كوب وكيس صغير

طلال : يالله .. شكل السخنه بتحوشني عن قريب

مرايم حطت الجوال بالشنطه حتى ترميها لتحت : ...................

طلال حط الكوب بجنبه وهو يتأمله : من داق عليج

مرايم بلعت ريقها بصعوبه حتى ترفع راسها : أمي .. تسألني عن شغله فالبيت

طلال وهو شاك في وضعها : أها

مرايم لفت له تبي تغير الموضوع : شنو شريت ..؟

طلال : مالقيته يبيع ألا كابتشينو مدري شنو له فاتح ودونات شفته يبيعها وأشتهيتها

مرايم : يمكن خلص ألي عنده

طلال سكر بابه وحرك : يمكن

أنحنى بجسمه وهو يزفر هوا بتعب حتى يطلع الجوال .. تكتفت مرايم والغصه

بدت عالقه في حنجرتها .. رجعت تاخذ نفس وتزفره بدون صوت .. حرك عيونه بصمت

صوب جسدها وهو يشوف صدرها يرتفع وينزل غير رجلها ألي تهتز بقوة ..

ضغط رقم وحط الجوال عند أذنه

طلال بعد ماأنفتح الخط : هلا يمه ..

أم سعود : أدق عليك ورا ماترد

طلال : كنت ماخذ خالتي وزوجتي لبيت عمي ناصر بعدين مرايم تعبت من الغبار

وهذاني رديت أخذتها .. والله يمه مانتبهت للجوال

أم سعود : أنا في بيت خالتك أم تغريد .. تعال

طلال بدون أدنى تفكير : شنو .. وراج رايحه يمه لها

أم سعود بصوت مستنكر : أشفيك ياولد ..!

طلال بضيق : يمه الدنيا ثايره الله يرضالي عليك وأبو تغريد وهي حاطين ولدج في راسهم ..

ماهم معدين سالفة طلاقه بسهوله

أم سعود : يستاهل .. ليه هو ألي سواه أخوك شي سهل .. طالعن لي قدام الحريم شايل

بنت الجوهره وبعد .. تبيهم يصفقون له

طلال بعصبيه : الله أكبر عاد يهالخاله يمه .. ترا ماصابني الزهايمر خابرن أدوجتها

لبيوت خلق الله وسوالفها على ولدج ..

أم سعود ثارت : ما ضيع عمر أخوك ألا هالسوالف ألي قبل .. طلع لي برا الديره ونسينا ..

ورد يعيد فيها ويزيد

طلال طارت عيونه أول مره يسمع أمه شايله على لافي هالكثر .. حتى نبرة صوتها

متغيره : يمه .. ولدج العود هو لافي .. هالحجي والله مايصير في حقه وهو ألي أنجرح

وتخبرين .. ولا ظنتي له حمل يسمع هالشي منج

أم سعود : ولدي ماحط لي حشيمه أنا نفسي

طلال تكلم بسرعه : والله ماتقعدين عندها أنا هالحين بوصل أخذج من بيتها ..

أبعد الجوال عن أذنه وعيونه متسعه وملامحه منقلبه فوق تحت ..

مرايم بخوف : طلال شصاير ..!

طلال رمى الجوال بعصبيه : هه .. بدى شغل زمان يرجع .. عز الله ماكديت خير

يالافي .. الله يكون بعونك ..الله يكون بعونك

ولحظات بس دق جواله ومن مال براسه ألا هذا أبوه يدق

طلال يسحب الجوال : الله يستر ( فتح الخط ) ألو

أبو سعود : دق على أمك وعطها العلم أن كانت تبي تقعد مع هالحيه الرقطى .. تقعد

ولاعاد تعوَد للبيت ولا أشوف رقعة وجها

طلال بلع العافيه وبخوف : هد يابو سعود .. هذي الغاليه

أبو سعود صرخ : أسكت عني أنت وقلها هالكلام .. نزلت غصبن عني في بيت هالمروح

عشان أختها ..

طلال هز راسها : طيب .. طيب ولايهمك .. أنا والله بروح لها اخذها توها داقه علي

وفي بيت أم تغريد ..

أم تتغريد من خلصت أختها مكالمه بس تردد : حسبي الله عليك يالافي

أم سعود بضيق تسحب جوالها وتحطه بوسط الشنطه : ..................

أم تغريد طالعتها : أكيد ولدج قام يحط علي وعلى زوجي .. ويدافع عن سواة أخوه

أم سعود تمد يدها لها .. تريحها على ركبتها : وصلت لج أبي أقولج تتغريد والله

هي ألي طلبت الطلاق ولافي سوا ألي تبيه

أم تغريد تمايلت وضربت أيديها على فخوذها : بعد شنو ياعايشه .. بعد ماضاع عمرها

وهي قاعده تنتظره ... بعد ماأتهمها أنها ورا موت سعود

أم سعود : والله العظيم مارضيت عن سواته ..

أم تغريد : ماتشوفين أمس عمانها مجتمعين عند أبوها مصدومين من ألي صار وألي سواه ..

أم سعود بأنكسار : شنو بيدي أسوي أنا

أم تغريد بحقد : لا كانت تغريد بنتج .. لا تستقبلين بنت الجوهرة في بيتج

خليها تطلع برا .. قولي له أنج ماتبينها .. كيف بزورج أنا وأشوفها ولا أشوف أمها ..

وبنتي كيف بتروح لج .. هااا وتشوف ألي سرقت زوجها قدام عيونها

تسرح وتمرح فالبيت

أم سعود : توي تهاوشت مع أبو سعود بهالسالفه .. والله وأنا أختج مدري شسوي

عيالي من جهه وتغريد من جهه .. حتى عبير طلعت تعرف

أم تغريد : تخبرين بنتها شنو سوت فيني في بيت أم سالم

أم سعود بصمت طالعتها : ..................

أم تغريد ترفع يدها : تسكر الباب بويهي ولا حشمة عمري وخدامتي قدامكم شهدت ..

وقامت لي الجوهره تحط لي روحها البريئه .. الله ينتقم منها ..!

فزت أم سعود منزله شنطتها حتى تأشر بيدها لأختها

أم سعود : بروح للحمام أكرمج الله ..

أم تغريد : خذي راحتج ..

تحركت أم سعود بتعب صوب الدرج حتى تمر من عنده .. أنحنت أم تغريد

حاطه رجل على رجل ساحبه فنجان القهوة ومن نوت شربه ألا باب الصاله

يطق ومسرع أنفتح

طلال : ياولد

أم تغريد لوت فمها : حياك

أخذ نفس يحاول يصبر روحه وبهدوء تحرك بخطواته المتزنه لداخل وعيونه بالأرض

ومسرع مارفعها يطالع بخالته ألي من قالت حياك يحس قالتها بدون نفس ..

تقدم منها ومن باب الأحترام أنحنى يبوس راسها ومسرع ماجلس ..

تساند بكوع أيديه على ركبه وشبك أصابعه مع بعض ..

الشماغ برسميه يلتف أطراف كلها حول رقبته

طلال : أخبارج .. عساج طيبه

أم تغريد : أنت خابر وضعي .. هو الطيب من وين بشوفه باللي سواه أخوك

طلال بلل شفاته وأجبر نفسه يسكت ومسرع مارفع عيونه لها : أمي وين هي ..؟

أم تغريد : هالحين بتطلع لك ( أشرت للصينيه ) تبي قهوة

طلال برفض : لا

أم تغريد بأبتسامه : شخبار زوجتك .. والله ألي تمنت شي وركضت وراه

ونالته

طلال رفع حواجبه بحده حتى يطالعها وهو فهم مقصدها : خالتي شغل الحريم هذا

مايمشي علي

أم تغريد بثقه : والله ماقلت شي ياولد أختي جذب وقمت أفتري .. زوجتك بعيني أشوفها

تطريك وتتمنى تكون لها يوم أنها مع بنتي .. حتى الحمدالله والشكر تقولها

قدامي ماستحت

طلال صار يجمع أصابعه مع بعض ويشد عليهم .. قامت تلامس الجرح

ألي بقلبه وساكت عنه ولايبيه يهدم حياتهم : ......................

أم تغريد : وماهي غريبه أن أمها تتمناك ..

طلال غمض عيونه : خالتي سكري الموال ..

أم تغريد نزلت رجولها حتى تنطق بأستغراب : لايكون بتحط لي عمرك قدامي ماتدري .. أذكر أني سمعت

أنها راحت لك وكانت طايره بس ماهتميت .. هو أنت مافيك بلا في نظرها قبل ..

( صغرت عيونها حتى تكمل ) لكن هالحين أنت متأكد أنها تبيك ..!

طلال بعصبيه : شنو ألي تلمحين له

أم تغريد : أنا أسولف عادي .. أحس هالبنت من تحت لتحت وكل ماقلت لها شي تداريك

وهي تبي فرقاك ..

ظل ساكت بصدمة يسمع ..

أم تغريد طالعته : هي كيف تتعامل معك بحالتك ذي وبلا وظيفه .. يعني وأنت جسمك

ورقبتك أحترقــ ....

مايمديها تنطق الكلمة حتي يفز واقف ويسحب كاسة الشاي يرميها على الجدار

وراها .. صرخت بخرعه من طارت على يدها قطعة زجاج وبسرعه أنحنت مفجوعه من

ألي سواه والزجاج طار

في كل جهه

طلال صرخ من كلامها ألي جرح رجولته : شتبين أنتي فيني وفيها .. أنا ماهوب لافي ألي يسكت ويداري

عن هالسوالف ياخالتي .. ماهوب أنا ..!

**********

>

>

<

<

كــــــــــــــــــــت

<

<

<

<

انتهى البارت  دمتم بود

::::

::::::::

تعليق  /  رايكم

تصويت للبارت ⭐️

رجاء فوت⭐️/صوت⭐️قبل القراءة

الفصل الواحد والثمانون

الخطوة ( 76 ) .. خطوة صامته في حلم أريد منك أكثر مما أريد ..

( لماذا حين وددت أن أنتمي أليك .. يأن ضلع ما فيك ويصرخ .. طلال )

أنحنت على الكنبه مغطيه راسها بأيديها وجسمها من خرعة هالزجاج

ألي أنحذف ينتفض ..!

بس هو ماوقف عند هالكلام .. ولاقدر يسكت

طلال بنظرات شرسه طالع خالته .. كمل وهو يصارخ : من يهرج في بنت عمي ناصر

والله مايردني عن لسانه ألا قصه .. تسمعين !!

طلعت أم سعود من ورا الجدار متخرعه ووجها منقلب من سمعت طاري

الزجاج والصراخ ماتدري وش الحاصل

أم سعود : بسم الله .. شاللي صار

وقفت متسعه عيونها من طالعت بملامح ولدها طلال ..

ثاير والشر يطير من عيونه ..

أكيد الحاصل شي كبير .. طلال مايثور من عبث

ولا يعصب ألا لشي كبير ماقدر يوقف عنده ساكت ومتجاهل ..

هو دايما يحب يترفع عن المواضيع ألي ماتجوز له ...

رفعت أم تغريد راسها ماهي مستوعبه ألي سواه .. بغت تروح من

هالزجاج ألي حذفه ولا حست بالجرح ألي قام ينزف من كف يدها ..!!

أم تغريد رفعت يدها صوبه : أياللي ماتستحي .. وصلت فيكم المواصيل ياعيال

عايشه لهدرجه

طلال طارت عيونه من كلامها : ماأستحي ..!!

( ضرب أيديه في بعض حتى يهز راسه ) أيييه ... كلنا مانستحي وكلنا قليلين خاتمه هو أنتي

بس تفكينا

أم تغريد صرخت : هذا وأنت في بيتي ولسانك شطوووله ..!!

طلال بنظرات حاده صوبها : أقسم بالله العلي العظيم ..( غمض عيونه حتى يرفع

يده بقوة وهو يشد عليها كاتم كل الغضب ألي يحتويه ) أن حاولتي تعيدين سالفتج

ألي قبل شوي عني أو عن بنت عمي ناصر ...........

نوى يكمل بس ما

حس ألا بأصابع أمه تمسك ذراعه بربكه .. تحركه بقوة دافته تبيه يطلع ..

قاطعه ألي بيقوله ..

أم سعود : أطلع .. أطلع ياطلال

طلال يأشر بيده صوب خالته وأمه تدفه .. بيكمل .. بيكمل ألي بيقوله

ويحرقه : والله ياخالتي لا تندمين ..

أم سعود بضيق وخوف : خلاص أطلع

طلال بعصبيه وهو يلف لأمه مثبت خطواته بالأرض : تسولف عني وعن زوجتي

بحجي ماينقال .. أسكت لها وهي ماحشمت الشوارب ألي بوجهي ..!!

أم سعود حطت أيديها على صدره وبصوت واطي : أسكت عنها .. أسكت وأطلع هالحين عني

ماحنا حمل شي ثاني

أم تغريد بقواة عين : لا خليه يقول ألي بخاطره .. على أساس متبليه عليه ولا على

بنت ناصر ..!

طلال بقوة ضرب أيديه على فخوذه وهو يرفع راسه لسقف : والله ماكون ولد أبوي

لو سكت عنها ذي

دخلت مرايم بخرعه من باب الصاله وهي حاسه أن الوضع ماهو طبيعي ..

ماتدري ليش قلبها قام يطعن فيها بمشاعر الخوف والأنتظار بالسياره ..

أم سعود ماصدقت تشوفها : مرايم يمه تكفين تعالي خوذي زوجك قبل لا تكبر السالفه

طلال يحاول يبعد أيدين أمه عنه : وخري عني يمه ..

أم سعود تدفه : والله لا تطلع .. والله

شهقت بصدمه حتى تتحرك بخطوات متسارعه عيونها تنتقل مابين أم تغريد

ألي قاعده على الكنبه ماهي قادره توقف من الخوف .. وبين زوجها وخالتها ..!

طلال لف بسرعه صوب مرايم وبحده : أن قربتي مني بتندمين ..!

أم تغريد بفاجعه : هذا ولدج هنيه وشكله ناون الشر من قبل لايدخل .. الله يكفيني

شرك أنت

أم سعود بصوت أرتفع خايف : أنتي أسكتي عنا ..

طلال طالع خالته : ناوي الشر .. ( قال بأحتقار ) قبل لا تقومين تاكلين في ظهور الخلق

طالعي بنتج وربيها زين .. ماحنا غادين عن فعولها وقلة أدبها قبل وساكتين ماهو حشمه

لج ولا لأبوها .. ألا لأخوي ألي قام يعطي الأمور أكبر من حجمها

حست في دقات قلبها تزيد .. تزيد بقوة مسببه رعشات في كل طرف

من جسدها .. والشي ألي مامر عليه ساعه وخافت منه هذا

هو قدام عيونها يفتح .. هو ..!!

شبكت أصابعها في بعض بكل توتر وهي جمدت في مكانها وعيونها بخوف

تتأمل أم تغريد .. تنتقل لطلال .. ترتكز على ذاك الحكي في عيونه والألم ..

الغضب ألي قام يرسم سقف من غياب مايطول ..

بس صحت منتفضه من صرخت أم سعود تناديها ..

أم سعود : تعالي يمممه .. تعالي خوذيه

تحركت بسرعه حتى تمسكه من يده المحترقه وألي مغطيها بقفاز ..

صار تجره وعيونه بكل شر تطالع أم تغريد .. يبيها تهرج تقول شي عشان مايسكت لها ..

مرايم : طلال الله يخليك خلنا نطلع ..

طلال ولاهمه وقفتها بجنبها : ...................

أم سعود لفت لأختها حتى تنطق مجبورة : قومي روحي من قدامه .. قومي والله ماحنا

ناقصين .. قوومي ..

طلال رفع يده صوبها : لا شنو له تروح .. تقعد بسمع ألي عندها

أم سعود طارت عيونها : لا بالله أستخفيت .. أستح ذي خالتك

قامت بسرعه أم تغريد حتى تتحرك بخطوات سريعه تاركه الصاله لهم

وهي ماتشوف الدرب من الخوف ونظرات طلال ألي قامت تلاحقها ..

مرايم سحبت يده متمسكه فيها بأيديها الثنتين : تعال طلال ..

ماحست غير بجسمها يتمايل بكل قوة حتى يضرب خدها قطعه خشب مثبته

على الجدار فوقها ورد ..

تبعها صوته المرتفع ( بعدي عني أنتي بعد ..! )

نطقها بعد مادفها ساحب يدها بقساوة من بين أصابعها ..

حطت يدها على الجدار قبل لا تطيح حتى يرتمي ثقل جسمها على يدها ومسرع

ماوقفت زين .. حركت عيونها صوبه وهو راح يمشي بخطوات واسعه

ومن وصل لباب الصاله سحبه بقوة طالع للحوش ..

رجع الباب ضارب الجدار من قوة الدفع مرتدد صوت الحديد في كل الصاله ..

أم سعود حطت يدها على صدرها : يالله سترك .. يالله سترك

مرايم بصمت غريب ظلت تطالع خالتها : ................

أم سعود بضياع وهي تحرك عيونها يمين ويسار : شاللي صار وقلب الولد على خالته ..

شقالت له الله يهديه ذي .. ( تداركت خوفها متحركه لمرايم ) تعورتي يمه منه

مرايم بسرعه هزت راسها بالرفض : لا ..

أم سعود راحت تسحب شنطتها والعبايه بعجله : خلينا نلحق عليه يمه لايسوي بروحه شي ..

بسسرعه

×

×

×

وقف بسيارته بجنب البيت حتى يطفيها ويفتح باب السايق .. تظهر جزمته بلونها الأسود

من تحت الباب لثواني ومسرع ماثبتها على الأرض حتى تظهر الثانيه ..

تتحرك خطواته بعيد عن الباب مسكره وهو لابس نظارته ألي مغطيه كل ملامحه ..

يختلط مع بياض بشرته في هالبرد لون أحمر مايمتلك غير خشمه

ألي رايح فيها من الزكمة والتعب .. من صحى الفجر وهو ماهو بأتم عافيته .. رفع يده

وصار يمسح على لحيته ألي معطيته كثير وقار وهيبه ..

متردد يدخل والجوهرة ماتركت له مجال يدافع عن روحه .. أو تتحمل هالوضع المتوتر

مابين العايله لين تهدى الأمور ..

مايلومها أبد لكن ماراح يسكت عن بعض التصرفات ألي أخطت فيها هي ..

سحب نظارته وهو مصغر عيونه يطالع البيت ولحظات بس حتى يتحرك بثوبه الأسود ..

ويحط النظاره بمخباته ..

غترته ألي رافع أطرافها كلها لفوق راسه ..

دخل من باب الشارع وأبتسم من سمع صوت الجده حمده ..

( أنتي ورا ماتتركين هالورع الله لايسلط علينا .. خليه يمشي في أرض الله الواسعه )

( مااااممنوع ماما ..!)

( كلمتن زياده أنتي يام هالخلاقين ألي لابستها .. هالعصا بتلاقينها ترقص عليج

وبس يعود سالم مع حرمته أنا أعلمه )

كمل خطواته صوب الديوانيه حتى يوقف منزل جزماته ويدخل ..

حرك سيف عيونه بأتساع صوب خاله وهو جاي يمشي له

سيف يفز واقف وهو لابس فروته : هلا والله بخالي .. وينك وحنا ندق على رقمك ..

جوالك أظن قام يتشكى من كثر ماندق

علي يتقدم منه ويسلم عليه : خل عنك هالعلوم وقلي أخبارك ..؟

سيف وعلي يمر من قباله حتى ينحني جالس متراكي على المركة بجنبه : والله تبي الحق ..

أوضاعي من أوضاع ألي حولي ماهي طيبه

علي يتربع وخشمه زكم : ماعليك ياسيف ... أمورنا ماهي ضايعه والمدبر الله

سيف يتحرك بسرعه صوب صينيه القهوة والشاي جالس قبالها

حتى يقهوي خاله : ألا عرفت أن الشيخ بو فواز قالوا عنه الدكاتره أنه يمكن يصحى مشلول

علي طارت عيونه وبضيق : أعوذ بالله .. شدراك أنت

سيف يمسك ترمس القهوة : العيال خالي قالوا لي

علي صد بعيونه : يارب رحمتك

سيف صب لخاله قهوة حتى يمد الفنجان له : وقالوا لي أن عياله مختفين فواز ونمر وشاكين

أن وراهم شي ماهو بسيط أظن والله أعلم واصل للناس هوشه بينهم بالمستشفى

علي رفع حواجبه : هو أنتم أخذتوا مكان الحريم ماشاءالله .. قلة سوالفكم

سيف ظل يطالع الصينيه وبعد صمت طويل تتدارك فيه حروف حايره : أحس أن الله أخذ

حقنا يوم أنه يوقف بوجهي أبوي ويقوله تبي تخلي المعاق شيخ القبيله ..!

( رفع عيونه لخاله ) عمري مانسيت كسرة النفس ألي صابت أبوي قدام الرجال

ولانطق بحرف واحد ... حاقدين علينا هو وولده فواز ( هز راسه ) وأظن أنهم

أخذوا مايبون .. شيخه وطردة لأخوي العود حتى يوم رد

علي ظل ساكت ولا علق بكلمة : ..........................

يتيمه هي ذيك الأيام سيف .. يسحقها الجفا من كل صوب ولايمل ..

ليتك تقول ..

كم مر على ذاك الزمن من تصاوير أسئله

كم فيه ليالي من أمنيات نايمه ..

لهيب من أجوبه ..!

( ياحي الله علي ... هو أنت من متى هنيا ولا بينت بصوت ..! )

حرك علي عيونه صوب الجده ألي كانت ةواقفه عند باب الديوانيه

مريحه يدها على الجدار ..

فز واقف بكل أحترام لها

علي : الله يحييك .. مالي وقت داخل والله

الجده بسعاده بانت بعيونها : أخبارك أنت ..؟

علي : يسرك يالشيخه ..

الجده بأستغراب من صوته ألي رايح فيها : هو أنت مسخن ..!

علي ضحك حتى يهز راسه : أي والله ياخاله .. قمت الفجر ألا صوتي رايح فيها

وذابحتني الحراره بس هالحين أشوا

الجده : يوووه .. ربي يكون بعونك .. مير لاكبير ولاصغير هالبرد مايرحم أحد

تجود زين من البرد

رفعت يدها تجر نقابها وتعدله وجسدها يغطيه شال أسود ...

علي أشر للصينيه : تعالي ياخاله تقهوي

الجده تحركت داخله الديوانيه وجسمها يتمايل على خفيف : أنت ماعينت بنيتي ولافي ..!

علي هز راسه بالرفض : لا والله .. بس على خبري وقبل لايسلمني

الجوال لافي .. قالي أنه بيسافر وبيطوول

الجده : أستودعتهم الله .. يالله أنك تحفظهم بعينك ألي ماتنام

علي يطالع سيف : قم سيف ناد لي عبادي

سيف طالع خاله وعيونه طارت : عنده جواله .. دق عليه

علي بحده : سيف تسمع شقلت

الجده من وصلت لهم أنحنت جالسه على الأرض ومسرع مارفعت راسها لعلي :

الولد من الصبح ماطلع من غرفته .. يمكن أنه المسيكين متأثرن باللي يصير حوله ..

( قالت بعصبيه ) أمس فاقعتن عليه أمه تهاوشه .. عووذه

علي بضيق وحواجبه أنعقدت : ليه .. لايكون عشان ألي أخبره

الجده حركت أيديها بقلة حيلها : ربعك كل يوم طالعن لي واحد مهبول ..

لاصغيرهم ولا كبيرهم

سيف أنفجر ضحك : ههههههههههه .. حلوة يام لافي عساني بس مو من القائمه

الجده من قلب قالتها وهي تطالعه : ماخلاني أحط هالقايمه ألي تقول عنها غيرك أنت

والسربوتي الثاني ألي بس فاتحن لي فمه ويكركر أوجع راسي

سيف بسرعه تحرك : أنا أقوم بكرامتي أحسن لي

علي بأبتسامه حاول يرسمها على شفاته والضيق يحتويه : قل أهج

ومن طلع سيف جلس علي وأنحنى بظهره حتى يسحب صينيه القهوة والشاي

علي صب لها قهوه : تقهوي يام لافي

الجده : لالا بس وأنا امك .. متقهويه ياربي لك الحمد

علي نزل الفنجان قباله ومسرع مالف بخصره ساحب له مركه بعيده عنه ..

حطها جنبه وتراكى عليها .. أخذ نفس بقوة وزفره : الجوال يالشيخه ..

الجده بأهتمام طالعته : ........................

علي حرك عيونه صوبها : تخيلي لقيت بو مساعد وأختج وضحى وأظن معها أحد مانيب متأكد بالديره

الجده بصدمه : وضحى بالديره لا ماهوب معقول ألي تقوله .. ماظنتي من بعد ألي

صار ترجع وأنا كاشفتن عندها سوايا خزنة وبنت ولدها ..!

علي أبتسم بطنازة من تذكر كلامها ومراددها عليه : أنا يوم واجهت بو مساعد

بسوايا بنته كانت موجوده .. وفقعت علي تدافع عن بنيتها الله يستر علينا وعلى خلقه

حتى أتهمت ليليان أنها هي ألي تراسل سامي وأن حنا نبي نرمي بلاوينا عليهم

الجده من الكلام الكبير ألي يقوله ظلت متنحه تطالع فيه : ..................

علي : بس ماعليك والله أني وريتج فيه الشغل وواجهته ولاتركت عليه ززله

الجده صدت عن علي : هذا على أننا سترنا على سواياهم ..رادتن يم الديره

شكلها ماهيب مرسيتها على بر

علي صد بوجهه يكح بتعب ومسرع ماتكلم : أظن لافي صادق يوم يقول أن الروس

بتكبر وترتفع .. ماعطى هالصالح وألي معه وجه غير روحتنا يمهم للشقه ..

هذي مير أكبر غلطة

الجده بعدم تصديق حركت أيديها : ياعلي الحقايق كاشفتها في بيتي وقبالها ..

ووافقت أدمدم عليها سترن عليها وعلى خزنة وهالي ماتربت

علي بصوت هادي قال بيقين : ولأنج سكتي يحسبون أنه مالنا حيله عليهم أظن ..

والله أنها فقعت علي بقواة عين .. حتى بو مساعد بغت تكبر بيني وبينه لولا أني طلبت

نتحاكم عند من يختاره وعلمته أن حقنا ماراح نخليه

الجده : أيه وش صار

علي أبعد عن المركه معتدل بظهره : لا تسأليني هذا ألي صار أمس بيني وبينه .. قبل شوي شفته وبغى يبوس يدي أستر على بنته وسواتها

الجده صغرت عيونها : وشنو سويت ..؟

علي هز كتوفه : مالي أمان في كلمته وعلمته باللي صار بينج وبين أختج وألي معها ..

ورحنا وياه يم ضاري ولد الشيخ بو فواز وهناك حلف قدامه مايطب الديره

ولايقربها وأنا تعهدت بالستر عليه وعلى سواة بنته ولا تطلع مننا بأي شكل

الجده بصمت غريب طال نطقت : لاحول ولاقوة ألا بالله ...

علي : كشفهم الله .. لأنه طلع من مجلسي شاكن في قولي وأخذ الجوال .. وبعده

ألي قلته لج ..

الجده : سبحانك ربي .. خططت عليها وسوت وفعلت هاللي ماتخاف الله

بنت عمها وأذت بنيتي.. وكشف الله سواياها وبنيتي ماتدري لا عن نواياها

الرديه ولا عن فعولها

علي بعد صمت : أي والله صادقه يام لافي ..

الجده : وصالح ..؟!

علي : دام بو مساعد توضحت عنده الأمور خلاص .. لا والمضحك طلع كان ناون

يزوجه بنته

الجده : قدر ولقى غطاه .. مير الله يبعده بشره وسيرته عنا

علي ينحني بجسمه ويسحب الجوال : بدق على عبادي أبي أشوفه

الجده بصوت أنكسر : لاتترك هالولد وأنا أمك .. والله أن نفسه مكسورة من أمس

وهو بس ينشد عن أخته ويسأل عنها

علي تكلم بأندفاع : أتركه ياخالتي وهو ولدي ..!

طالع الشاشه ومن ضغط رقمه .. قرب الجوال من أذنه وهو يسمع الجوال

يدق ..

وهناك ..

قاعد على سريره متربع وملامحه تغرق في تفاصيل الهم من

شي يضيع فيه ولايدركه ..!

حرك كتوفه حتى يتكتف بقوة وهو لابس ملابس ثقيله في هالشتاء

ألي يغيب عنه الدفا .. وين راحت أخته معقوله بتروح عنه وتتركه مثل

ماصار يوم توفى أبوه .. رفع عيونه للسقف بعيون البراءه ألي تحتويه

حتى يتذكر ملامح أخوه أول مافتح عليه الغرفه بليل وسحبه بقوة

ماخذه لبيت جدته .. بدت دقات قلبه تزيد وهو يذكر أنه سأل عن أخته ولا أحد رد

عليه .. مايدري هالأخت ألي ربته وتعبت عليه وين راحت ..

فز بسرعه على جواله يدق ومن حرك راسه لتحت ألا يشوف رقم أبوه علي ..

نزل رجوله بكل سرعه يقدر عليها حتى يروح يركض صوب الشباك ..

لصق بأيديه على الزجاج البارد يطالع لتحت ومسرع ماحس بخيبه

وهو يشوف الحوش فاضي ... صار يحرك عيونه في هالمساحة الواسعه

من الحوش ..ولحظات بس تراجع بخطواته لورا منحني حتى ياخذ الجوال ويفتح الخ

علي بصوت السعاده : هلا عبادي ..

عبدالله على طول أسأله : أنت وينك يبه ..؟

علي وصوته الرايح من السخنه أمتلى بالضحك : وين بكون يبه .. تحت تعال

أنزل أبي أشوفك وأنشد عن أخبارك

تحرك بخطواته الواسعه صوب الشباك حتى يوقف قباله

عبدالله بنبره حزينه : مانت موجود يبه فالبيت .. وينك

علي رد بأستغراب : شبلاه صوتك يبه ماهوب زين.. بعدين والله أنا تحت

أنت تعال أنزل وبتشوفني

عبدالله وهو يطالع أوراق الشجر ألي تتحرك حول المظلة بالشارع :

سيارتك ماأشوفها ...

علي تغير صوته : عبادي يبه والله موجود أنا فالبيت وهذي أمك العوده

عندي وتشتكي من قل أكلك بعد

عبدالله ظل ساكت عيونه تحوم بزوايا الحوش ألي يطالعها من فوق : .........................

علي : أنت قلي وينك .. شفني هالحين بطلع من الديوانيه

عبدالله بصوت مهزوز : أنا عند الدريشه فوق ماشوفك ..

فز واقف وهو بعبث يمسك مخباته حتى يتحرك بخطوات متسارعه

طالع من الديوانيه .. لبس جزماته وتحرك أكثر للحوش ومن رفع راسه لفوق

ألا يشوف عبدالله من ورا زجاج الشباك واقف بنظرات تايهه يطالعه

كأنه ماهو مصدق أنه موجود

ولايدري شاللي يخليه ينكر أنه ماهو فالبيت ..!

علي رفع يده وصار يأشر له وهو يكلمه من الجوال : وهذا أنا .. هه تعالي يبه بسرعه ..

بسسسرعه مشتاق لك والله

نزل الجوال راميه على الأرض وبسرعه راح يركض طالع من غرفته ..

..توجه للدرج وكل شي يعبث فيه السكون حتى ينزل بخطواته

المتسارعه ..

الشوق .. الألم .. الحيره .. والدفا يبي يرميه في صدر هالأبو

ويغيب .. ومن لامست خطواته الأرضيه وعيونه ماتفارق باب الصاله

المطرف .. سمع صوت أمه تناديه وهي تشوفه يركض بلهفه يبي يطلع ..

جت تركض له وبسرعه سحبت يده بقوة لأنها عارفه أن علي واقف

بالحوش ...

الجوهرة بعصبيه : داق عليك علي ..؟

عبدالله وقف غصب وصار يجر يده : أتركيني يمه ..

الجوهرة بقوة جرته وهي محتره من وجود علي : أدخل أن شفته ماراح

يحصل لك طيب ..

عبدالله بقوة جر يده ونبره صوته تغيرت : برووح له يمه .. هذا ابووي

أبي أشووفه

الجوهرة متمسكه بيد ولدها بالقوة وبصراخ : تفهم أنت أنا شاقول لك

.. رح لغرفتك .. قدااامي

عبدالله صرخ بقوة : أنا مابيتس فكيني .. فكيني

نفض يدها بقوة وراح يركض للباب .. سحب باب الصاله حتى يندفع بجسمه النحيف ومن شافه علي ينزل الدرج

أبتسم له .. رفع أيديه وهو يشوف عبدالله جاي يركض له بقوة حتى يحضنه

بكل قوته ويرفع جسمه معتدل بظهره ..

علي : هلا بولدي .. هلا

طلعت الجوهرة بسرعه ثايره .. ناويه تفرغ شحنة هالحقد الساكنه في قلبها

عليه .. تشوف ولدها لاف أيديه حول رقبة زوجها وملامحه دافنها بالغتره ألي

طاحت من على راسها راجعه لورا بشكل فوضوي ..

بس وقفت من نطق علي بخرعه وحواجبه أنعقدت

( وراك يبه تبجي .. أفا ماخبرك ضعيف والله ..!! )

ماتدري كيف تداركت طلعتها حتى توقف ورا جدار مخبيه نفسها ..

رفعت يدها حتى تريحها على الجدار البارد وهي تسمع ولدها متقطع

من البكا .. لامست يدها الثانيه صدرها بخوف ومن مالت براسها ألا

تشوف علي يتمسك فيه بقوة .. يحلف عليه يسكت ... لايزيد فالبكا أبد

علي : عبادي وراك يبه .. تكفى بطل هالبكا

تعرف أن دموعك ذي والله ماتهون علي .. لايكون مشتاق لي بس ..!

عبدالله وهو يبكي وجسمه يهتز بين أيدين أبوه : ....................

علي يتحرك بخطواته بكل عبث وهو ضامه .. أبتسم بخوف : أيه مشتاق لي .. ها عبادي قلي أيه أبي أسمع صوتك

عبدالله وهو يدفن ملامحه المنهاره على كتف أبوه : .......................

طلعت الجده بخرعه من باب الديوانيه أول ماسمعت صوت عبدالله

يبكي ..

الجده تتحرك بخطوات بطيئه : هو وراه ..؟

علي على طول نزله وعبدالله لف أيدينه حول خصر أبوه .. قال

بربكه : والله مدري .. ( انحنى بسرعه وباس راس عبدالله حتى ينطق

بصوت واطي ) أمسح دموعك الرجال دموعه ماتنزل قدام أحد .. صح يبه

الجده بصوت الخوف على حالته : ياحول .. وراك يمي .. أنت من صحيت

وأنت قاعد بفراشك حتى الريوق ماطب بطنك

عبدالله يحاول يتكلم بس ماهو مفهوم كلامه : أنا .. كن .. رحت

فتح سيف باب الشارع ووقف يطالع عمته واقفه ورا الجدار ومن نوى

يتكلم لمح على يساره خاله واقف وعبدالله رايح فيها من البكا ..

ومسرع مالف علي أيدينه حول ظهر ولده ...

الجده بضيق : ياولدي ماهوب زين هاللي تسويه بروحك

علي يضمه بقوة : ماعليه ..

عبدالله يرجع يحاول ينطق من بين شهقاته : أن.. أنت بتخليني ..!!

علي عقد حواجبه وبضيق : عبادي متفاهمين بهالموضوع وقفلناه من زمان ..

شاللي ذكرك فيه

الجده أبتسمت من كلامه : هو بيخليك وين بيروح الله يهداك ..

علي رفع عيونه صوب سيف حتى يطري عليه سواتهم فيه قبل : لايكون .........

سيف قاطعه وهو يحط أيديه على راسه من فهم مقصده : الله أكبر الله أكبر .. ياحظ سيف الأقشر .. والله أني ماشفته ولا أنا يمه ماغير برا أطالع في سيارات خلق الله وأحلم

الجده ماتدري وش فيه : شبلاك أنت ..؟

سيف يأشر على خاله : يقول لايكون .. وأنا لقطتها على الطاير الباقي

لمحت الجده راس بنتها ومن حست فيها رجعت تخبت ..

الجده بحده وعصبيه اشرت صوب الجدار : والله أن مابهالولد ألا من قل الهروج

ألي أوجعتي قلوبنا وروسنا فيها ..

علي طالع خالته ومسرع ماطالع الجدار ألي بجنب باب المدخل : من تكلمين

ياخاله

الجده : أكلم ألي ماسكه مدرسة بكبرها وتعلم بنات خلق الله ولا بدت بنفسها

وعيالها .. تقول هاليتيم ماكفاه ألي شافه وهي أستلمته أمس خناق

لصقت بظهرها بقوة على الجدار مغمضه عيونها ماتدري تحط رجلها وتدخل

بدال غسل الشراع ألي جاي على مزاج علي ولا تمسك مكانها لين يروح وتعدي

السالفه بخير ..

الجده : ماعادت الوحدة تفكر بالعقل ألي ربي أكرمنا فيه .. بس شغالتن

تحط وتشيل .. أسمعيني عاد يابنت .. ( أشرت بيدها وبكل أنفعال صوب علي )

هالمسلم ماهوب تارك خواته عشان أحد

هذي صلة رحم أمره رب العباد فيها أنتي لج هالبيت مكرمة معززه تاكلين وتامرين فيه ..

وهوعارفن سوايا أخته وفعولها ألي ماعاد أحد يتحملها وعلى ماصار هذي تظل أخته

وخواته تقطعين سيرتهم من لسانج ولا عليج منهم سووا ولا فعلوا

.. وحقه السمع والطاعه .. توحيني أنتي

الجوهرة ظلت على وضعها .. ماهي مستوعبه ألي قالته أمها

وهي ورا الجدار : .......................

الجده بسرعه تكلمت : وأن صار مامنها فود .. خلك منها هو أنت ماطاب خاطرك

علي يحس صدره أنشرح من كلام خالته : مايطيب خاطري من أم عبدالله ..

( رفع يده وصار يمسح على شعر عبدالله )

الأمور طيبه ولا عليها خلاف .. وصيرها تتيسر بأذن ربي

عبدالله رفع عيونه ألي راح لونها للأحمر : أوخيتي وين هي .. أبي أشوفها ؟

علي مسك يده : بروح انا وياك نتمشى وأقولك مدرسينك بالمعهد شنو يقولون عنك

يوم فقدوك .. يلا ( طالع حمده ) فمان الله

الجده سحبت هوا وهي تزفره بحرقه : الله يحفظكم

تحرك بخطواته الواسعه ومن وصل لعند سيف أبعد بسرعه

سيف عن طريق خاله حتى يطلع .. وقف متنح أساسا باللي سمعه وشافه

جدته جابتها من الأخر وأنهت السالفه بدقايق .. وكلامها قوي

نزل عيونه بالأرض كاتم ضحكه خفيفه وهو يشوف عمته

تصلبت في مكانها .. علي طلع مع عبدالله والجده دخلت الديوانيه

وهي بمكانها لاصقه بالجدار وعيونها على الجدار قبالها .. ولحظات

بس وقف علي عند الباب

علي يأشر لسيف وبصوت واطي حييل : هييه

سيف لف بسرعه عيونه متسعه من رجعة خاله : .........................

أشر له يقرب وبخطوتين وساع وصل سيف للباب

علي أشر لسيارته وهو يشوف عبدالله رايح يمشي لها : رح خلك عند عبادي

ولاتحط راسك براسه

سيف هز راسه وهو فتح خشته على طول لقطها : فهمت .. فهمت

علي صغر عيونه وطالع بسيف بنظرات معناها أسكت لا أجلدك : ....................

سيف ولا عليه : تصريفه واضحه .. رح رح ياخالي للحب والقلب داعيلك ..

أخذت نفس وزفرته بقوة وهي تحس برجولها ماعادت قادره

تشيلها ..

هي نفاضيه .. هي خرعه .. هي صدمة ..

تحس كل شي أجتمع فيها

وزاد عليها هاللي قالته أمها

وكأن الي صار شي بسيط قادره تتقبله هي كأم ..!!

كل شي يختنق فيها .. يضيع

غمضت عيونها ومن فتحتها ألا بملامح علي توقف قبال عيونها ..

وجسمه يغطي كل مجرى للهوا النقي من ريحة عطره ..

يمتلك هالمكان ..

ظلت تطالع ملامحه بصدمه من وقفته فجأه قبالها متسلل بهالصمت وهالحذر ..

قامت تزيد دقات قلبها وتحس بسلسلة أحاسيس مفجوعه تكبر بين هالمسافات

الفاصله بينهم ...!!

نوت تتكلم بس علي حرك أصبعه حتى يقربه من شفاته وهو يلفظ صوت خفيف

مع أبتسامه هاديه طالب منها تسكت .. أنعقدت حواجبها بقوة من تأملت ملامحه

والتعب ألي على رغم بياض بشرته يرسم تفاصيل مأساويه حول عيونه ..

رفعت يدها تلقائيا حتى تحطها على جبينه تتلمس حرارته

الجوهرة بصوتها الدافي ألي تناست فيه أشياء كثيره : تعبان

علي بصوت أخترق الحنين فيها حتى يلمس يدها الثانيه .. يشبك أصابعه

البارده مع أصابعها الدافيه : بدونك .. أيه وربي

الجوهرة تداركت وضعها حتى تريح ظهرها على الجدار وتشيل

يدها من على جبينه : ...............................

علي يقرب منها أكثر لين حست بأنفاسه الحاره تحتويها : والله مالومج أقسم لج

بالله .. لكن خوذيها بالعقل .. الزواج تم وقت أنتي ما أسأتي الظن فيها مع بو سعود

الجوهره بأنفعال : بس أنت

علي رفع يده حتى يحطها على شفاتها : ليش ماقلت لج وأنا كنت أسولف وياها وأعرف ..

( نزل يده حتى يصد بعيونه ويقول بحيره ) لأني كنت عايش بين نارين .. نار بنت

أختي ومشاكلها مع زوجها .. ونار اليتيمه ألي صارت بنتي وجزء مني

لاهذي أبي اظلمها ولا هذي بعد .. ( شد على يدها بقوة ) تكفين خففي عني تراي

ضايع ووالله مدري من وين بحصلها

الجوهرة وهي تطالعه نطقت بأنكسار : ياعلي البنيه ماخذه لها واحد أكبر منها لا

بعشر سنين .. ألا أكثر .. ( قالت بغصه ) أكثر ولافرحت بزواجها زي الخلق .. كل شي

صار خبط لزق

علي أبتسم لها : صدقيني بنتج ألي علمت لافي كيف يعيش أشياء كثيره

فقدها .. خوذي العلم من عندي .. بعدين ( بلع ريقه بصعوبه حتى ينطق )

شاللي بيدج ولا بيدي ولا بيد أم لافي .. أبفهم .. تبونهم يتطلقون ..!

وبعدين يعني

الجوهره سحبت يدها من بين أيديه حتى تتكتف : بس أم سعود هي ألي

أتهمتني أنا وبنتي أننا حاطين عيونا ع لافي

علي : نقص مقدار بنتج بشي ..؟!

الجوهرة طارت عيونها : لا تقلل هالأمور .. بترضاها على عيالك باجر

ظل يطالعها كاتم شي بقلبه من ألي نطقته أخر شي ..

وعيالها ماهم عياله ..!!

علي كتم فجأه وقال بنبره جافه : هذا حجي تقولينه لي .. أنا ماراح أقولج وأأكد لج أن

هالي نتكلم عنها هي بنتي ( أشر بيده لباب الشارع المطرف ) وأن عبادي ولدي ..

لكن بقولج أن قمتي تعيدين السالفه هذي أقسم بالله يالجوهرة لا أقص لسانج ..!!

قالها بصوت أرتفع شوي بوجها وهي سكتت متداركه الوضع ألي أنقلب

فجأه من كلمتها .. طالعها علي بنظره حاده حتى يتحرك بنرفزه نازل

من الدرج ومسرع ماكمل خطواته صوب باب الشارع .. تحركت بسرعه تطالعه معطيها

ظهره وماتدري وش تسوي .. وبسرعه رفعت قميصها الثقيل بألوانه الفاتحه .. نزلت

تركض صوبه سحبت يده بس هو نفضها

علي بدون نفس : قالت عيالي وعيالك ..!!

الجوهره رجعت تمسك يده بقوة : والله طلعت مني غصب

علي بحده : أوزني كلامج .. يكفيني ألي سمعته بالمستشفى

الجوهره برجا وهي تسحب يده : طيب .. لك ماتبي بس تعال ورا الحوش

علي رفع حواجبه : والله ..!!

الجوهرة صغرت عيونها وهزت راسها : تكفى تكفى .. أمي من أمس مشتهيتني

وأشوفها ماسكه نفسها عني لأنها راحمتني .. عارفتها زين وقت مايطيب خاطرها

بتقلب علي

علي سحبها بقوة لين وقفت قباله : طيب قولي لي عشان ماأنادي

خالتي ولدج شنو مسويه له ..؟

الجوهرة سكتت : ........................

علي ظل يطالعها : مطوله ( لف بجسمه صوب الديوانيه بينادي خالته ) ..........

الجوهره بسرعه سحبت يده : غصب عني والله .. أنقهرت منك ومن جيتك وانا

( ضربت صدرها وهي تقول من قلب ) شايله عليك باللي صار

علي تكتف : لا والله

الجوهرة ولا عليها : والله .. ولحد الحين قسم بالله أن قلبي مشتب

ألا عايش معي وحاط لي نفسك ماتعرف بشي وأنا صرت مثل ألي

حاطه عمرها عارفه بكل شي وأخرتها خررطي .. قسم بالله ياعلي أن الود ودي

أسوي فيك ........

نوت تقول بس على طول سكتت وهي حست أن نظرات علي

تغيرت وأمتلت أستغراب من هاللي تقوله عيني عينك ..

الجوهرة بربكه أبتسمت : وسلامتك

علي فك أيديه وأشر بوحده منهن : فضفضي .. مشتهي أسمع

الجوهره رجعت خصلات من شعرها الطويل لورا أذنها : ..............

أخذ نفس بقوة حتى يتحرك بيروح عنها .. طارت عيونها من تركها ..

لا وين يخليها .. أنحنت بسرعه ومسكت يده

الجوهرة : والله ماتروح ..

علي لف لها وبضحكة : مانيب رايح ( رفع واحد من أصابعه وهو يحركه ) قاعد على قلبج والله يالجوهرة .. أنا بروح أنادي عبدالله وراجع .. خليك واقفه هنيه لين أرد

الجوهره : تناديه ليش ..؟

علي أنحنى براسه لها حتى يبوس رقبتها والوضع عجبه : ياقلبي أن تحركتي

خطوة مايردني أنا وولدي ألا هالشيخه بيض الله وجها .. مكانك لين أرد

الجوهرة بطنازة : الحمدالله والشكر ..!

علي وهو يمشي وعيونه لها : الحمدالله ألا مالا نهايه .. بس خليك واقفه

الجوهرة طارت عيونها : بسم الله علي .. أنت أنقلبت ولا أنا يتهيأ لي

ماعطاها وجه وقف عند الباب ومال براسه لبرا ..

علي يرفع يده : عبدالله .. عبادي .. تعال وأنا أبوك بسرعه

صارت تسمع باب السياره من بعيد يتسكر تبعه صوت خطواته

الواسعه وهو يركض بكل قوته صوب أبوه ..ومن وصل له دخل علي وهو

يلف يده حول كتوف عبدالله ألي من شاف أمه صار يطالعها بنظرات

بارده ..

علي يمشي مع ولده : بنسوي صفقه يبه راح تعجبك

عبدالله عقد حواجبه حتى يرفع عيونه ألي لازال اللون الأحمر يحتويها من البكا : مافهمت

علي رفع يده وصار يضرب ظهر عبدالله : رح أركض هات لنا الكراسي ألي هناك بأخر

الحوش

عبدالله بحماس : كم يبه ..؟

علي : لي ولك .. نبي نقابل أمك

الجوهرة بطولة بال وهي متكتفه : أقول أنتهى حصر التجوال والمشي

علي حرك راسه وبأبتسامه : لا

الجوهرة : علي تراي بمرض مانت نافعني

علي أشر بيده صوبها : والمرض من رحمة الله فيه تكفير ذنوب ..

الجوهرة تنحت تطالع فيها : ..........................

سحب عبدالله الكرسي الأثنين بأتجاه أبوه و من وصل له ..

سحب علي الكرسي وحطه قبال الجوهره ..

علي : تعال يبه أقعد عليه ..

تحرك عبدالله وبسرعه نط جالس عليه .. حطت الجوهره يدها بطولة بال على خصرها

واليد الثانيه رفعتها حاطتها فوق عيونها من الشمس ألي تحسها على عيونها ..

حط علي الكرسي الثاني بجنب ولده وجلس عليه حاط رجل على رجل .. حرك عبدالله أيديه

ملامس فيها حواف الكرسي حتى يحط رجل على رجل نفس أبوه ويقعد يطالعها ..

ماقدرت تمسك نفسها .. أنفجرت تضحك وهي تحس نفسها تقول مسرح

علي : طبعا أخطاءك يالجوهرة كثرانه ماشاءالله .. أبتداء فيني وأنتهاءً في هالشيخ

( حرك يده ولامس فخذ عبدالله ) صح يبه

عبدالله ظل متردد ينطق بشي ومسرع ماطالع أمه : ................

علي لف صوبه : يبه ماعليك كل ألي بقلبك قله وأنا وراك .. ( عادها ) صح يبه

عبدالله هز راسه : أييه صح

نوت تنطق بس بلعت كل الكلام من حركت عيونها صوب الديوانيه وهي تشوف

الجده طلعت من الأصوات وتسحيب الكراسي ..

الجوهره بأبتتسامه مغصوبه خوف من أمها طالعت علي : كل كلامك صح

علي تكتف : مايحتاج تأكدينه .. لأنه صح غصبن عليج

الجوهره بقهر وهي تحاول تصبر روحها : على راسي والله

علي طالع عبدالله : يبه الشمس مأذيتك

الجوهره بأنفعال : أخلص .. أنا ألي الشمس بعيني

علي سحب نظارته من جيبه ولف بخصره صوب ولده حتى يلبسه

النظاره وعبدالله رفع أيديه يعدلها : ماشاءالله يبه والله عليك تهبل

عبدالله بأبتسامه : حتى أنت يبه عليك حلوة

الجوهره أنحنت تضحك : كلن طاح بالثاني مديح يالله رحمتك بس.. ( عدلت جسمها ) أقسم بالله تهبلون .. بس أخلصوا

علي : أمك ذي متناقضه .. توها تقول لي بتمرض من البرد .. ومن عدت ثواني

قامت تتشكى من الشمس

عبدالله هز كتوفه وهو يرفع أيديه : مشكله

علي : أي والله مشكله

الجده بأبتسامه ظلت تطالعهم : ............................................

رفع علي أيديه وهو يسحب أطراف شماغه ومسرع مارجعها لورا كتوفه

معطيته أكثر هيبه .. مرر أصابعه على لحيته يمسح عليها وكأنه يفكر

ومسرع مارفع يده بوجه زوجته

علي : أيه أخطاءك .. أستغفر الله ضاعت مني .. يعني أنتي معترفه أنج مخطيه

الجوهره هزت راسها : أيه معترفه .. تراي أنطر الزبده

علي : طيب وحنا نبي منج تجبرين خاطرنا وتكفرين عن أخطاءج ..

الجوهره مافهمت عليه : يعني

علي رفع أيديه صوبها وهو يجمع أصابعه ينزلها ويرفعها : أنتظري علي بتناقش

مع ولدي .. شنو راح نطلب منج

الجوهره رفعت راسها لفووق : أيييه .. فيها نطلب ..

نزل علي رجله عن الثانيه لاف لعبدالله .. حضنه وهو يقرب

أذن عبدالله من راسه عشان يقوله بأذنه ..

عبدالله : لاااااااااااااا يبه ..

رفعت الجده يدها حتى تتساند على الجدار وتتحرك بخطواتها البطيئه صوبهم ..

طلعت عبير من الباب حتى تبتسم بقوة من شافت خالها جالس على كرسي بوسط

الحوش .. نزلت من الدرج وراحت تركض له ومن أبعد براسه أنحنت عبير تبوس راسه

عبير : أشتقت لك خالي ..

علي رفع راسه لها : يبه عبير ..

عبير بحماس شبكت أصابعها بدلع : سم

علي رفع يده يبي يفهمها : بطلي هالكلمات لنا خلاص وفريها لضاري

أنحنت بأبتسامه خجلانه وهي لامه شعرها كله لفوق بس تنحت وعيونها طارت

من وصل له كلامه .. ولا عطاها وجه لف صوب الجوهره ..

علي : بسم الله نبدأ ..

الجوهره أشرت لعبير : خاف الله في ألي عطيتها على وجها ولا كأنك قلت شي .. طالع

تقول قطوة منكب عليها ماي والله العظيم

علي لف براسه لورا يطالع في عبير ألي راحت علومها : هذا كله عشان قلت ضاري ..

تراي شايفه قبل شوي .. وكلمني بخصوص ............

عبير صرخت وهي تتمسك فيه : لا خالي تكفى لاتقول شي

علي رجع بجسمه لورا : بسم الله .. وراج أنتي

عبير : لا .. بس... يعني .. لا تقول هالشكل

علي حط يده على كتفها ودفها لورا : روحي وراج أقووول ولافاهم شي

عبدالله مسك ثوب أبوه : يلا يبه قول الحتسي ألي قلناه مع بعض

علي طالعه مأشر لخشمه : على هالخشم .. ( طالع الجوهره ) شوفي ياطويله العمر

مطالبنا هي .. ( رفع يده ) أذا رفضتيها لا تسألين شنو ألي مزعلنا

الجوهره تأشر بيدها طالت وقفتها : المطالب ياعلي والله صقعتني الشمس

علي : على حسابج ماهو آتي .. ولدج يبي تحجزين له شاليه ( حرك راسه صوب

عبدالله ) كم يوم

عبدالله رفع يده مأشر بأربع من أصابعه وهو فرحان حده : ...............

علي : أيه أربع أيام .. وأنا وولدي مع بعض نبي نروح عمره ..

عبدالله طالع أمه وهو لابس نظاره أبوه كاشخ فيها : وماأزعل عليتس .. مالي شغل

الجوهره أتسعت عيونها : بس الشهر هذا راتبي رايح ع الجمعيه وعلى ..........

الجده بخناق رفعت يدها : تمنين وليدج وعلي على فلووس

الجوهره بنفي : لا والله يمه .. فداهم بس الشهر هذا راتبي كله ضايع .. والعمره

يبي لها ميزانيه

علي طالع الجده : خالتي سمعتيها تعترف أنها مخطيه ..!

الجده هزت راسها : أييه بالله سمعت ..

علي طالع الجوهره رافع أيديه : ظهر الحق

الجوهره أشرت بيدها صوب علي وبنبره مقهوره : بدفع ياعلي بس والله لا تعوض خسارتي

بفلوسك

علي هز راسه : ولايهمج .. خليني بالأول أشم ريحتها

الجده تحركت تبي تمسك بنتها : زوجج أياللي ماتستحين قاطن ألي وراه ودونه على

بيتن يلم هالعايله المشتته ..

الجوهره رفعت ثوبها وتحركت بسرعه ماره من عبدالله : والله أمزح يمه هو خابر مزحي

هالشكل معه

الجده بضيق : هذا مزح الخبال ..!

لفت الجده مبعده عنهم وهي راحت ألا تبي تمسك بنتها ..

علي أنحنى براسه لعبدالله وبصوت مايسمعه غيره : ها يبه بخليكم

عبدالله أبتسم ضاع مايدري شيقول : ......................

علي قرب منه أكثر ومال براسه على راس عبدالله : ها يبه ...؟

عبدالله هز راسه بالرفض وبحيا يداعب هالطفوله الساكنه فيه : لا

علي مسك راسه بكفوفه وباسه بقوة : الله يخليك بس ويقدرني على تربيتك والله

×

×

×

جالسه على يساره وهو رافع رجله ألي ماهو قادر على ثنيها ومريحها

على طاولة صغيره .. رافع بيده أوراق ومنسجم يقرا ويسمع

صوتها وهي تنطق بأسى :

عينيّ , أيّ أسى يرين عليكما

ويثير في غسق الدجى دمعيكما ؟

إني أرى خلف الجفون ضراعة

تستنطق الكون العريض المبهما

أفقان تحت الليل ألمح فيهما

قطرات ضوء يرتشفن الأنجما

الكون مبتسم فأيّة لوعة

يا مقلتيّ تلوح في جفنيكما ؟

مسكينتان , رأيتكما ما لا برى

جيل أقام على الضلال وحوّما

جهل الحقائق في الحياة , فلم يطق

عن زيفها هربا وعاش مهوّما

نزل الأوراق في حضنه وهو يحرك عيونه صوبها ..

نطق مقاطعها بتنهيده عميقه .. وبصوت هادي :

كُن مرَّةً أسطورةً..كُن مرةً سرابا..وكُن سؤالاً في فمي لا يعرفُ الجوابا .. ..

قالها نزار بهالبساطه ..كن .. قوليها يالعذوب وريحي عمرج وأنا أخوج ..!

العذوب : أنت ألي طلبت مني أقرا لك شعر أحفظه .. وأخترت لك نازك !

ضاري وهو يبتسم لها : شنو معنى نازك وبهالقصيده .. أنا عارف يالعذوب مضمونها

وشنو تبين توصلين له

عذوب بعد صمت وبتردد : شاللي خلاك تحط من ضمن شروط الزواج العمليه ألي لعيوني

ضاري : مانتي مشتاقه تشوفين هالحياه من جديد .. ترجعين تداومين .. تطالعين

ملامح البشر .. تمارسين حياتج نفس قبل .. ماتبين تشوفين سالم ..!

عذوب نزلت أيديها في حضنها وبأندفاع خالطه الرفض هزت راسها : لا مابي أشوفه أبد هالسالم

مال سالم براسه وهو مطير عيونه ..

جى على وقت القرقر من الأخت عذوب .. ومن شافه ضاري رفع يده طالب منه

لايدخل ولايطلع صوت ..

ضاري حرك خصره صوبها : تراه ماشااءالله طويل .. معضل بو الشباب

عذوب مدت أيديها : أستغفر الله هالشكل أحس كبره .. سمممين ( نزلت أيديها وبسرعه

حركت يدها صوب ضاري حتى تضرب طرف من راسه ) ماعلي منه أنا

ضاري مال بجسمه : ههههههههههه .. ماقلت شي

عذوب : العمليه قله ينسى أمرها .. بعدين ضاري هالأنسان حاقد علي حقد ماهوب طبيعي

أقسم بالله .. أحس مدخلني بأمر يخص زوجته

ضاري لوى فمه : بدت الوسوسه .. وأنتي شكو بزوجته تعرفينها

العذوب : أكيد لا

تمايل بكتفه على أطار الباب وتكتف يسمع لها بصمت

ضاري : خلاص .. أساسا ماعمرج ألتقيتي فيها

عذوب : صح .. ألا أنت تحس أنه طيب ..

ضاري كتم ضحكته : يعني كيف

عذوب بأندفاع : يعني هالأدمي يحس على دمه .. عنده ألي نعرفه حنا بمشاعر وأحاسيس ..

ضاري : ههههههه .. أيه مثله مثلنا

عذوب أشرت بيدها وبملل : خذها مني دمه بارد .. بارد .. بارد والله أرحم خواته

مدري ليه أحسه جاف معهن ويعانن منه

نزل ضاري رجله وهو يتنحنح .. فز واقف من شافها بتخربها حتى يتحرك يعرج

صوب باب المجلس ..

ضاري مال براسه : حي الله سالم

سالم تعدل بوقفته وملامحه تغيرت : الله يحييك .. ( مسك جيوب ثوبه بعبث

حتى يتحرك داخل للغرفه ) مشينا يالعذوب

عذوب بصدمة من جيته : رديت بسرعه ..!

سالم : هذا وأنا تاركج من أمس

عذوب وقفت بربكه .. رد عليها بهدوء ماشاءالله ولا عشان أخوها : طيب

ضاري رفع يده : عبايتج بالصاله .. دقايق بس

أخذ نفس مايدري ليه قام يحس بالكلام يوصله بصدق ..

بدون حواجز .. يبعثر مشاعره .. ياخذها للمنفى ويغيب ..!

أنحنى جالس وهو ماصار غير أنسان أنكسر من المنتصف ..

ولحظات دخل ضاري حتى ينحني منزل شيلة أخته على الطاولة ..

ضاري بهدوء : هذي عبايتج ألبسيها ..

رفع عيونه وهو يشوف ضاري يعاونها وبسرعه صد بعيونه وفز واقف

وراه يحس بغيره تاخذ منه الكثير ...

أستغفر الله قالها بينه وبين نفسه حتى يتحرك طالع للصاله ويوقف ينتظرها ..

صوتها جميل في القاء الشعر ..

فيه صدق غريب وحزن مايعرف كيف يوصفه ..

وأشياء فتحت نوافذ من الحزن ماتنتهي فيه ..

هو صوتها ألي بعثر المشاعر بأعجوبه ... أو اللقا في أخته وكلام أمه .. ولا

أحساسه بأنه يفقد نفسه والمكانه ألي أخذها بدال أبوه ,..!

ولا كلامها عنه أنه جاف وبارد

رفع عيونه للسقف .. وش دخل صوتها ياسالم على أساس أول مره تسمعه ..

( تحرصي على نفسج من البرد ..)

هذا صوت ضاري وهي تطلع من الغرفه ماسكه عصاها .. تحركها يمين ويسار ..

تحرك بخطواته المتوازنه حتى ينحني ساحب عصاها ..

سالم يطالع ضاري : هذي العصا ماكانت عندها

ضاري بهدوء : هذي عصاها الثانيه .. لأنها قالت لي الأولى ضاعت مدري وين

سالم تمسك بيدها وريح العصا على الجدار : أنا بشري لها وحده ثانيه .. جزاك الله خير

ضاري بعدم أهتمام : وهذا هو الواجب .. فمان الله

عذوب صارت تتلمس الهوا : طيب هذي عصاي

سالم قرب منها .. ملاصق كتفه في كتفها : قلت بشري لج

نوت تسحب يدها بقوة من بين أصابعه بس هو ظل متمسك فيها بالغصب ..

تحرك بخطواته الواسعه وهي راحت تمشي معه مغصوبه .. تحرك

ضاري بخطواته المتمايله داخل المجلس .. تمايل بجسمه جالس جنب أوراقه

وأشغاله ومسرع ماسحب الجوال يطالع بالشاشه .. قال للعذوب ألي صار وقامت

تضحك عليه .. تحلف له أن عبير ماحد ينكر جمالها ..

الله يهديها ألي طلعت لها والله تقول طاقها الهم وبعدين الله يستر شكلها تلعب كاراتيه ..

دق جواله حتى تنعقد حواجبه بقوة من الرقم وبسرعه فتح الخط

ضاري : ألو

خالد: تعال بسرعه لعنوان بيت فارس أنا بديوانيته .. الحمدالله قدرت

أوصل له

ضاري بعد تصديق : شقاعد تقول أنت

خالد بكل رسميه تكلم : قضيه سعود خلاص مفتوحة .. وراح يبدون بالتحقيق

فيها وكل مسؤول بالوزاره عندنا مهتم فيها ..

ضاري بتردد وضياع وأول ماطرت عليه أخته خولة : قلت له شي

خالد بأسف : قضية سعود طلعت معقده وخطيره وأكثر من راح يتضرر بخطرها لافي ..!!

×

×

×

يرتفع صوت الشيله فالعربانه ألي راكبها شايب وبجنبه ولده الي راجع

بالسيت لورا ومغطي وجهه بشماغه .. توهم راجعين من الجاخور واليوم

يوم بيع وشرا بالحلال ..

بو سلطان : اليوم مكسب الحلال لك عليه

سلطان أبعد الشماغ عن وجهه : يبه .. خلني أسوق أبي أرد للبيت

وأنام

بو سلطان : فيه حلالن عيني عليه يقال أنها لحرمة يقال لها حمده .. بالسوق أسمع

من يسولف عنها ..

سلطان صد بعيونه وكأنه ماقال شي : ...................

ظل يطالع البر قباله ورغم هالبرد ألا أن السما صافيه .. صغر عيونه

بقوة وقدم راسه ماهو مستوعب ألي يشوفه ..

سلطان بخوف : يبه .. فيه واحد مرمي جنب الطريق

بو سلطان : وينه .. ماشوف شي

سلطان فتح الشباك بسرعه وصار يأشر بيده لورا بخرعه : يبه ورا تعديناه ..

لف بو سلطان بالسياره مقربها من البر وبسرعه فتح ولده الباب وراح يركض ...

بو سلطان وهو ينادي : سكر الباب ياولد

ولا سمعه ولده .. راح يركض بكل قوته صوب هاللي مرمي ومن وصل له

ألا يميل بجسمه ويرفع البطانيه ألي تلف جسمه ..

فتح عيونه بقوة حتى يرمي البطانيه ويلف بجسمه صوب سياره أبوه

ألي وقفت وراه ..

بو سلطان يفتح الباب : أعوذ بالله .. وراه مرمي في هالمكان

سلطان يتحرك صوب أبوه : يبه شكله ميت ولا وراه مصيبه ... خلنا نتركه

بو سلطان يدف ولده بعصبيه : مانيب تاركه مهبول أنا

سلطان بخوف : يبه لابكره يسحبونا الشرطه ويتهمونا بذبحه وحنا مالنا شغل

ولاعطى ولده .. دفه بعيد عن طريقه وتحرك بخطواته البطيئه منحني

له .. مسك البطانيه ورفعها .. عقد حواجبه بقوة وهي يطالع بملامحه

هالوجه مارن عليه .. أبعد البطانيه عنه وصار يضرب خده

بو سلطان : ياولدي .. ياولدي

سلطان رفع يده بخوف : يبه شعليك منه .. يمكن أنه ميت

بو سلطان أنفجر : وراك أبلشتني ياولد ..

سلطان أنفلتت أعصابه وهو يشوف قدام عيونه واحد ميت : والله ميت

بو سلطان زفر هوا بضيق : لاحوووول .. يابن الحلال الرجال يتنفس

حرك راسه بصعوبه والعمال رموه في هالبر أمس ورموا عليه بطانيه

يقال أنهم راحمينه ... حاول يحرك جسمه ماقدر .. يحس أنه يفقد الأحساس

بأطراف جسمه ..

سلطان تحرك وقام يصرخ : تحرك يبه .. حي حي .. والله شفته .. شفته

بو سلطان ريح يده على ركبته ولف لولده : أعمى أنا .. لا أعمى ماشوف

سلطان حس على نفسه ووقف ماهو مصدق أن الي يحسبه ميت

تحرك وكل خوف فيه سكن : .............................

بو سلطان طالعه وصار يتأمل ملامحه : أنت من أي عرب .. مانت غريب علي ياولد

( سد ..س.. سع . س.. سعود )

قام يتمتم بهالكلام وهو ماهو قادر يتحرك ..

بو سلطان : أسمك سعود .. ( أرتخت ملامحه ألي أنشدت وهو يحاول يتذكر ملامحه )

غريبه .. سعود ..!!

لف لولده ..

بو سلطان : قرب جاي .. بناخذه معنا

سلطان بفاجعه : لو مات يبه

بو سلطان أندبلت كبده من هالخوف ألي سيطر على ولده : ندفنه فالبيت شرايك ..!!

سلطان رفع يده بعبث وهو يتنفس بعمق : ..............

بو سلطان : أقرب ياولد

تحرك سلطان بسرعه وأنحنى يساند أبوه ومن وقف سعود ..

سلطان وهو كتم نفسه : يبه ريحته وسخه تقول له سنه ماتروش .. وملابسه

أستغفر الله .. شهالوسخ ألي عليه ..غاطس بأي زباله الله يهديه

بو سلطان والشيب يعتلي لحيته وشواربه : لك الأجر

سلطان من ثقل جسم سعود : يابعد السياره وياثقله ..!!!

بو سلطان بنرفزه : وهذي هي عند خشمك بعد

سلطان : يالله الصبر بس الصصصبر

راح يمشي وهو يكتم نفسه ومن وصل للسياره حطوها وراه وسكر

الباب بو سلطان ..

سلطان : بركب بالدبه .. الهوا والبراد يبه يمدحونه

بو سلطان راح لباب السايق : رح الله يستر عليك .. أهم شي نوصل ونشوف

أمر هالرجل ..!

×

×

×

فتح باب الشقه بهدوء ومن دفع الباب ألا يشم ريحة أكل

تفتح النفس تمتلي فيها الصاله .. دخل بخطوتين سحبهم بالعافيه حتى يدخل أكثر ويده ألي لابس

فيها قفاز مايحركها أبد ... سكر الباب وهو من نزلها قبل ساعات في هالشقه

مافكر يرجع ألا هالحين .. تحرك بخطواته الواسعه صوب غرفة النوم يبي

يدخل ويقفلها عليه بس جمدت خطواته عند باب الغرفه من شافها واقفه عن

التسريحه .. لابسه قميص عادي وشعرها لافته بشكل عشوائي ..

ومن حست عليه بسرعه نزلت العطر ألي كانت ماسكته وتحركت بخطوات متسارعه

... عيونها بالأرض مارفعتها .. مرت من عنده حتى تلامس يدها يده ألي فيها

القفاز وبسرعه غمض عيونه من الوجع ألي يحسه فيه .. نطق

بعصبيه

( قايل لج هالغرفه لاتدخلينها لاشفتيني .. لازم أعيد يعني )

وقفت وراه بالضبط حتى تهز راسها بكل رضا

مرايم بهدوء : ولايصير خاطرك ألا طيب

مانتظرت منه يرد عليها ... تحركت بخطواتها المتوازنه صوب المطبخ وهي

مجهزه الغدا من بدري .. أنحنت جالسه على أقرب كرسي بصمت ..

وجها يملاه الهم والخوف ولاتدري شاللي صار بالضبط .. بس أحساسها مايخيب

وهو دخلها هالشقه ولابين .. !!

ثواني بس حتى يدخل طلال مندفع بجسمه مار من عندها ويروح يوقف

قبال الثلاجه .. رفعت عيونها تطالع شعره ونحافة جسمه وهو معطيها

ظهره

مرايم : تبي الغدا

طلال بحده : بعرف خالتي تدري أنج رايحه يمي قبل الزواج

مرايم وتحس قلبها وقف : لا والله

طلال بدون نفس أبعد عن الثلاجه حتى يسكرها بأقوى ماعنده : تغدي أنا متغدي

برا ..

تحرك مار من عندها وعلى طول فزت واقفه ..

مرايم : شقالت هي .. شاللي صار بينكم طلال

أنعفست ملامحه بقوة من نطقت أسمه وهو يحس بكل مشاعر النفور تعود

له من جديد ولا كأنه ألي قفل باب الذكريات

ورضى أن زوجته متحملته باللي هو فيه ... جزاه الله خير .!

جت خالته وقلبت موازينه وهي تجرح برجولته وكرامته وفيها هي ..

وش بقى .. ماتركت شي في حاله ..

أغرست فيه أن الألم مايقدر ينصرف .. ولايوقف على رصيف الرجا ويرحل ..

طلال وقف قالها مغصوب : يابنت الحلال .. خليها عندي لاتطلع وتجرح

نبرة صوته هذي النبره ألي كانت متوقعه تسمعها

وتتجرع المر في حياتها كل يوم ..

هذي هي .. ألي فقدتها .. لأنها الحقيقه !!

لايوهمها أن قلبها مشروع أبتسامه ..

لايفكر

مرايم بعبث يكسرها ألف : تبي الغدا

طلال بنرفزة : أستغفر الله .. قلت لج أني متغدي مامداج تنسين ..!

أخذت نفس بقوة حتى تنزل عيونها بالأرض وتتحرك ماره من عنده ..

تتبعها عيونه لين طلعت من المطبخ وأختفت من قباله .. ضم شفاته مع بعض

حتى يتحرك بخطواته الواسعه صوب غرفة النوم .. يسكر الباب بسرعه

مقفله ولحظات حتى يتقدم من السرير .. أنحنى ماد يده السليمه ساحب له

ورق رسم أبيض وعلبه ألوان .. حطها على الأرض وهو

يختنق ويبي يبوح حتى لايموت ..

يبي يرسم على هاللوحه خارطة فالقلب أمتلت حد الوجع ..!

يبي يظهر فيها أبتسامه تخصها من رماده ..

فسخ قفازه حتى تظهر يده ألي مختفيه من معالمها .. تملاها جروح خفيفه

والجلد لاصق في بعضه .. وكم أصبع قدر ينفصل عن الباقين ..

والله يامرايم أنك فيه أكثر من النبض .. أكثر من الفقد ..

صار يقرب يده المحترقه من الفرشاه يمسكها بصعوبه ,,

يبي يبوح يالورق ..

وهو تحت الألم يعيش ..

متناسي أنه كان في بيتهم ألي أحترق يحاول يرسم أي شي على الجدار ولايحس

بالمشاعر الهايجه تحتويه .. ضرب يده بالحديد وهو محتاج يصارخ ..

محتاج يتألم ..

أخذ نفس بيأس حتى يزحف ويسحب له كوب .. يبلل الفرشاه بالماي

ويبدا يرسم شخابيط أبعد ماتكون عن مجرد رسم من شخص

كان بالأمس فنان .. !!

صار يحرك الفرشاه على الورقه ألي خلطها باللون الأزرق .. تتمايل الفرشاه

بسرعه حتى تنزل من أصابعه المتلاصقه بعجز ..

رجع حاول يمسكها ماقدر .. وبقوة رجع يضرب يده على الورقه ..

قولوا له عن ملجأ ماينام فيها الأنتظار على أرصفه بارده ..

علمووه كيف لا تكاثرت أسئلتنا نضيع ..

ولا عجزنا البوح ..

مايكون ألا ذاك الثمن ألي يفجعنا

في ساعة فرح ..

×

×

×

داخل طيارته المتوجه لفرنسا ..

جالس قبال مجموعه أوراق وملفات فوق بعض ..

عيونه متعلقه بالرساله ألي وصلت لجواله وهو ماهو قادر يستوعب

كل حرف بأي حاله كتبته ..

هي خيبه تحتويه من ألي يقراه .. أو ندم .. أو رساله ودها تقول فيها

ألي يبي ..!

مافي أصعب من أنه تنكرك أجمل الأشياء ألي أحتوتك ..

في زمن الأحلام البسيطه ..

عقد حواجبه وصد بعيونه بعيد عن الشاشه ..

أبعدتي ياتغريد وصرتي ذاك الحلم القصير .. الطويل ألي طال ولا تحقق ..

وحتى في لحظة الأحتضار لمواجعهم .. ضيعتي طريقك ياتغريد ..

وأرسلتي عبء أمنيات لوحده .. يمكن في يوم تقول له

( أريد منك أكثر مما أريد ..! )

هو من أحق في هالكلمة ..

من تعبر عنه ...؟

ولا ظنيتي أنها زفره موجعه تلفظينها أنتي ولاتوصل ألا بجسد وحده غيرك ..!

وكأنه سحابه بعيده .. راح تحمل دايما المطر .. راح يركض حولها الجميع ..

تكون العطى والأمان .. الذكريات والحلم ..!

ولا تدري أن

هالسحابه تشتت وأختفت .. أنستها الأيام كيف تحب ياتغريد ..

ماعاد فالقلب وقت ولا دوى ..

هو كيف يتحقق الحلم بلا خيبات .. بلا ذاكره تتوه وسط الأحداث وتغيب ..

كيف الأمل يكون

لا وقف كل منفذ للحلم وأنسد ..

هو محتاج فعلا يقول للي تستحق

( أريد منك أكثر مما أريد )

وتعطيه ..

يكون لها ذاك القلب ألي يضيع في غمره غياب وينسى ..

وينك بس يالغياب في حضرة ضياعه ..

×

×

×

لف بسيارته وفجأه وقف والصدمة تحتويه ..

ملامحه تغرق في السر ألي ماتوقع تكشفه هي .. بنته ..

تغريد مدت يدها تلامس ذراع أبوها : أنا والله مو قادره أتحمل أعرف أن عندي أخوان

ولا أشووفهم .. خذني لهم يبه الله يخليك ..

أبو تغريد حرك عيونه صوبها : من قالج ..؟

تغريد بدون أدنى تردد : ليه يبه تبي تعرف .. هذا انا قدامك وراضيه في زواجك

.. خلني أشوفهم

بو تغريد : وامك

تغريد تاخذ نفس : أمي طبيعي ماراح تتقبل الوضع .. بس أنت متزوج وانا عندي أخوان

وأنا أبي أعيش بينهم ..

بو تغريد برفض : أمك حرمة ماهي معديه الأمور على خير .. ولا أنا أبيها تزعل

تغريد برجا : يبه الله يخليك .

بو تغريد بضيق : خليها بوقت ثاني ..

تغريد سحبت يد أبوها : طيب أكلم عزوز يبه .. كم عمره ..

بو تغريد : عزوز .. يمكن داخل السابع أو الثامن ..

تغريد طارت عيونها : ماتعرف ولدك عمره بالضبط ..

بو تغريد أبتسم :أضيع يبه وهو يذكرني أحيان ..

تغريد بفرح : طيب يبه .. بتحجى وياه ..

بو تغريد بعد صمت وهو ينحني ويسحب جوال من جيبه : طيب ..

طالع الشاشه ومسرع ماضغط رقم ولده .. نوى يقرب الجوال من أذنه

بس تغريد سحبت الجوال من يده أبوها .. حطته عند أذنها حتى تسمع صوته

عزوز : ألووو

تغريد سحبت هوا لصدرها تحس أنها بحلم : هلا عزوز .. أنا أختك تغريد

عزوز بصدمه : من ..؟

تغريد تحرك يدها : أختك من أبوك

عزوز صرخ : أييييه .. أعرفج .. أنا شفتج بالزواج زمااان عند بيت أمي العوده

بس أمي قالت لاتروح لها ..

تغريد عقدت حواجبها : أي زواج

عزوز : ماذكره

تغريد : ماعلينا .. اخبارك ياقلبي وأخبار أخوانك

عزوز : بخير .. أنا ودي أشوفج مره ثانيه

تغريد ودها بس خوف أبوها مانعها : ماعليه .. بشوفك قريب وبقعد معاكم اليوم كله

بدق عليك من رقمي .. أوكي حبيبي

عزوز بسعاده : طيب وبروح طيران أقول لأمي

تغريد : هههههههه .. يلا روح قولها فمان الله

أبعدت الجوال عن أذنها وهي تحط يدها على صدرها ..

تغريد : ماني مصدقه يبه ..

بو تغريد والفرح في صوت بنته مستغربه : أنتي فرحانه يبه لأخوانج

تغريد رفعت يدها : بطير يبه .. حرك عشان مانتأخر عن أمي وتستلمنا تحقيق

بو تغريد هز راسه : أي والله

×

×

×

وهناك ..

في بيت أبوها ..

ماسكه الورقه بأيدين ترجف وهي تطالع المكتوب ..

وعيونها بدت تلمع بالدموع ..

معقوله أنتهى سقف الأرتواء فيك يالافي ..

أنتهى الوجع ألي كنت تبيها تداوي فيك حكايا من أحزانك ..

كنت تبيها تمسح فيك أيام عجاف ..

أنتهى الحلم فيك ومنك ..!!

أنتهى بهالسرعه ..

طلقك يالغيد .. معقوله !!

.. أيه لافي طلقك والصقر رحل .. خلاص يالغيد رحل ولاترك من ذكراه غير

ألم أسمك ألي غيره وأختاره هو ..

هذا الأسم ألي بيظل الشهيه الموجعه في صغر قلبك يالغيد ..!

غمضت عيونها بقوة ومسرع مارفعت أيديها .. ضغطت بقوة على عيونها ..

لاتبكين ..

لاتنزل دموعك

لاتنهارين ..

ترك بأختيارك .. بكلامك الجارح له وتدركينه .. متعمده أنتي

تعاندينه بالحرف عشان يرحل ..

سحبت هوا بقوة لخشمها .. كل شي بيتصلح كل شي مثل مانتهى ..

نزلت أيديها ورفعت عيونها للسما وهي جالسه بالحوش .. عند عتبه باب قديم وأشجار

صغيره أتعبها العطش حولها .. متربعه ومسرع ماحطت الورقه بحضنها ..

شعرها ألي قصته متناثر في كل اتجاه وشبه مجعد .. صحت من الفجر رغم قل

نومها ..

تروشت تبي تبعد هالأحتضار في روحها .. تبي تحس أنها على قيد حياة ..!

بلعت ريقها ورفعت يدها اليسار ضاغطه على شفاتها ..

ليت هالغصه ترحل .. والصرخات في جوف هالجنون فيها يسكت ..

غمضت عيونها من جديد وهي تتذكر ذاك الغباء ألي دفعها في يوم تفكر

كيف تعدل علاقتها مع اخته عبير عشان تتعرف على حكايته ..

ولقت أن كل أمنيه تتصل فيه .. تتناسل دفا وجنون فيها ..

أنحنت تبكي .. وش بتسوي هالحين .. كيف بتقول للكل أن لافي طلقها ..

لجدتها .. لأمها .. لعمها علي ..

كيف ..

ليه هي مدمنه بقرارات تعدم النبض فيها ..

ليته يوم رحل ما أخلى سبيلها فيه ورحل..

رفعت أيديها ومسكت راسها .. صارت تضغط عليه بقوة ..

ليه تحس أن الأحلام المذبوحة غدر تنهك ذاكرتها ..

ليه تتألم لفراقه ..

وتمتلي فيه ..

ليه عقلها يدرك كل هالألم .. يسابق خطوات العمر ..

رفعت راسها وصارت تمسح دموعها بقوة من سمعت صوت جزمات تتسحب جايه يمها ..

ومن رفعت عيونها وألتقت بملامح صالح الميته صدت عنه بسرعه وقلبها

بدى ينقبض بقوة ..

صالح يتأمل عيونها المتورمة من البكا : هو أنتي مافرحتي أنه طلقتس

ليليان بصوت غليض من كثر التعب والشهقات : إلا .. جعله مايرجع

تقدم منها خطوات حتى ينحني ويجلس قبالها فالسيب ألي هي قاعده فيه ..

صالح : أهتمي بعمرتس وطالعي روحتس صايره تقل عجيز

ليليان بنبره موجعه : يهمك

صالح ابتسم أبتسامه حست أن روحها بتطلع منه ومن قعدته : أكيد .. ألا أنتي وش بتسوين

ببيت أبوي ذا

ليليان بحده : وش عليتس من بيته ذا .. بيظل على ماهو عليه

صالح وهو يحس شوي ألا تقوم تاكله : يابنت الحلال ماقصدي شي أنا بس أسأل عشان يمكن

نرد للسعوديه اليوم

ليليان طارت عيونها : بس عمي ..............

صالح بصوت واطي : أنتي مصدقه أن عمي ذا أنسان وراه نفع .. كلن يعرف أنه ماهوب

على دينا .. يمكن بعد أنه مرتدد طالعي عياله حتى عربي مايحتسون ولبس بناته

الحمدالله .. مفسخ ..!!

ليليان حطت يدها على صدرها وصارت تلم روحها : أن شاءالله تبيني أرجع للديره

صالح أشر بيده : وش وراتس أنتي ..

ليليان هزت راسها بالرفض : بس أنا أبي أكمل .. ( بلعت ريقها بخوف ) أبي أكمل دراستي

وأنا جوازي كويتي

صالح بطنازة : مصيرتس منازل وبعدين وش تبين بالعلم أنتي أرعي الحلال وأسترزقي

من وراه نفس ماكان أبوي عايش وأنتهينا ...

ليليان بصوت الضعف : أمي هنيا .. أبي أروح لها وجدتي وعمي علي

صالح مال بجسمه حتى يسحب الجوال ويمده لها : شوفي هذا وش

ليليان زحفت شوي لاصقه فالباب : هذا وش

صالح مده لها : خوذي شوفي الرسايل ..

مدت يدها ألي قامت ترجف من الخوف حتى تمسكه وتقربه لها ..

حطت يدها الثانيه على قلبها وهي تحس أنه بدى يضرب طبول ..

والرعب يتسلل لجسدها ..

أتسعت عيونها بصدمه من قامت تقرا الرسايل وبسرعه راحت للرسايل

المرسله وفتحتها .. رفعت راسها له وهي بالعافيه تتكلم

تحس قلبها بيوقف ..

ليليان بصوت ضاع من ألي قرته وفجعها : والله ماهوب أنا ..

صالح بهدوء وهو بدى يلعب على صح : أنا عارف أنه ماهوب انتي .. وواثق فيتس

ليليان وتحس قلبها بيوقف من ألي قرته : ......................

صالح بخبث : طليقتس الوسخ ذا .. هذا الجوال ألي كان عنده ولا أهتم فيه تاركه ...

وقبل لايطلقتس طلعه .. تعرفين وش معناه ...!!

ليليان بلعت ريقها حتى تهز راسها : ألي تقوله مستحيل

صالح يكمل بنفس نبرته الخبيثه : كل شي جاهز تذاكرتس وألي يخصتس .. أمشي

أركبي معي وخلي ألي حولتس ويملاهم المرض

ليليان رفعت يدها : أحتس .. وش معناه ألي بالجوال .. هذي حاطه أني

أنا ألي مرسله لسامي ..

صالح ضحك : معناه أن لافي ماطلقتس بسرعه ألا عشان هالجوال .. ولا ليش

مايطلعه ألا قبل طلاقتس .. مخطط الخسيس وحطه عذر لا دروا أهلتس فيه ..

أفهمي تفكيره وأمشي معي قبل يرجع حمود .. وأنا أخوتس ..

وترا أنا وسامي كشفناها هالبندري .. الله لايردها .. لعبت على سامي يحسبنك

أنتي والرجال شاريتس ترا وأنتي مطلقه هالحين ..!

**********

>

>

<

<

كــــــــــــــــــــت

<

<

<

<

انتهى البارت  دمتم بود

::::

::::::::

تعليق  /  رايكم

تصويت للبارت ⭐️

رجاء فوت⭐️/صوت⭐️قبل القراءة

الفصل الثاني والثمانون

الخطوة ( 77 ) .. خطوة صامته في حلم أريد منك أكثر مما أريد

( لم يعد للحلم بقية ..! )

حاولت تلتقط أنفاس لصدرها بس عجزت .. عجزت حتى تجاري نبض هالقلب

فيها ..وشي فيها ينثر مراره الهزيمه على مسرح الأنتظار ..!

عقدت حواجبها حتى تنفض الذاكره غبار الأيام وترجع لليوم ألي طاحت فيه من التعب

وجت جدتها وضحى مع خزنة والبندري ..

جوا وراحوا ولا كلفت عمرها بالسؤال ..

أنشغلت في هالشايب .. في ماضيه .. في تفاصيل أحلامه .. في صمته

وكأن الحياة ماصارت تعيش فيها ألا له ...!

أشغلها حتى بات السؤال فيها عن أبسط الأمور معجزة ..

أيه وأمها حذرتها من البندري .. قالت لها تنتبه منها .. ياالله

ماهو معقوله توصل فالبندري لهالمواصيل ..

صالح يكمل : بانت يابنت الحلال أنتس عنده ولاشي

ليليان بنبره بالعافيه طلعت من شفاتها : وتسيف وصل له أذا البندري من

ترسل .. أحتس بشي أفهمه ..!

صالح ببرود : والله على قول سامي أن هالافي تسان بغرفتتس يوم جت البندري

يم بيتكم وهي دخلت حاطه الجوال فيها يمكن نوت عليتس بنيه قشرا.. عاد شافها وأخذه ..

( رفع صوته يهون من الأمر ) عمي بو مساعد جلدها فالبيت زين ماذبحها وانا أخوتس وهذا هم عودوا لديارهم وفكتس الله منها

ليليان رفعت يدها بعبث : البندري تسوي فيني هالسواه .. البندري ..!

وش مسويه لها أنا ..

صالح طالع أخته : خسيسه .. وبعدين تركتي طليقتس وسواته وعلقتي عليها وهي أخذت

جزاها

ليليان صدت عنه تطالع الجدار : ......................

صالح بعمق نواياه نطق : شفتي .. شفتي هو تسيف يفكر ماهتم لتس ولا حتى

قال أكشف ألي عندي

ليليان فجأه غرقت عيونها حتى ترفعها للسما بعبث :والله تسان قلبي يحس

( اهتز صوتها ) أنه يهتم فيني .. مدري ليه .. والله مدري

صالح أنفجر ضحك : ههههههه .. والله حالتس يرثى له قسم بالله ..

ليليان طالعته بأنكسار حتى تحرك أيديها بحركات عشوائيه ..

كأنها تبحث عن أجابه عقيمه : وش أسوي أذا أنا حبيته ولا لقيته مثل ماتمنيت ..

أتعبني حتى قمت أبي فرقاه عشان أرتاح .. بس أبي أرتاح

رفعت أيديها تخبي دموع نزلت كاسره حواجز الضعف فيها ..

مالت براسها أكثر

( تسثيره ذيتس الأشيا ألي أنقطعت بيني وبينه .. والله تسثيره ..!! )

لوى صالح فمه يطالع فيها وهو يشوف أن هالأخت قلبتها مناحه قدامه ..

ليليان بسرعه رفعت راسها وقامت تفرك بشرتها .. تمسح دموعها

بقوة : أستغفرك ربي بسسس .. أستغفرك ربي

صالح بملل : يابنت الحلال هذا هو يبي يشوه سمعتتس أقوول .. وراتس أنتي

ماتوحين ألي وضحته لتس

ليليان بنظرات حاده فاجأته تنحت تطالع فيه : ...................

صالح طارت عيونه : ورا عيونتس قلبت تسذا تقول أني مسوي شي

ليليان بصوت شبه أرتفع : لاتقول أن لافي يبي يشوه سمعتي .. مايسويها لافي

ولايفكر فيها

صالح بأندفاع : وش يعرفتس أنتي فيه

ليليان صرخت فيه .. أخلعته : أعرفه هالشايب أكثر من أي أحد

صالح رجع بظهره لورا مايدري وش فيها مانفعلت باللي قاله كذب

ألا هالحين .. شكلها توها تتفطن نطق بعبث : الشايب ...!!

رفعت أصابعها فجأه بوجهه شاده عليها بقوة حتى بانت على ملامحها هالأنفعال

الغريب .. مسكت أصبعها الصغير وعيونها مارفعتها لأخوها .. ظلت تطالع في

هالأصبع حتى تنطق

ليليان : أنا أقول عن لافي خسيس .. ماهوب عشان فعوله الرديه بين العرب

( هزت راسها بالرفض وصالح ظل متنح يطالع فيها ) لا .. عشانه خلاني

في مكان زوجته الأولى .. لأنه شافني تغريد ..! ( مسكت الأصبع الثاني بقوة وصوتها

راح غليض من كثر مالعبره تخنق أنفاسها ) أقول عنه مايخاف الله

ماهوب عشانه مايصلي هو تسان يقوم الليل والناس نيام يصلي أنا شفته

بعيوني .. بس عشانه تسذب علي وقت ماسلمته قلبي وسماني الوجع ..

عشانه غدى عن دواه و يبيني أكون على مايشتهي هو ..

( مسكت أصبعها الثالث ) أكرهه لأنه يعامل أخته بالشي ألي أبيه يعاملني

فيه و .....

صالح رفع أيديه بعصبيه .. أدوخت راسه : وقفي وقفي .. هيييه وش قاعده تهذرين فيه أنتي عز الله مانتيب صويحه ..!

مو هذا طليقتس ألي أبلشتيه تبين الطلاق منه .. وبعدين كلامتس تسبير

عطيني شي على قدي الله يجزاتس خير وأتركي عنتس الفلسفه ..!

رصت على شفاتها وهي تطالع صالح ..

ليتك يالافي قبل لارحت على الأقل أبعدت عنها غربة الروح ..

خبيتها عن حلم فيك مايعرف ألا وجه الألم ..!

يالله ..

وش فايده البوح لاكان ألي نقدر عليه هو أننا نلاحق الشهقات فينا

ونسكت ..

في وقت الضياع ..

وش نجني من الحلم

من الأماني الغايبات ..!!

ليليان بعد ماأدركت أن هالفضفضه ماعاد تفيدها بشي : لا أتسذب على لافي .. أنتبه

صالح : لا والله .. هذا وأنا معطيتس الجوال بيدتس .. بس وش أقول

وجه فقر وغبى ..!

ليليان قامت تتفرك خشمها وبسرعه تكتفت تطالع وبصوت رايح فيه : هو أنت سويت

ألي قلته لك .. وش حفظت من سورة البقره

صالح رفع يده خلاص طقت روحه : حفظت ألي حفظته ... مابقى ألا تسمعين لي

عشان تصدقين ..؟

ظلت تطالع فيه ساكته ...

ماتدري هم ألي حولها يستهينون بعقلها ولا هي المفروض عليها تساير

عقولهم وتبعد عن الصراحة حتى تشري راحة البال ..

ولا حلمها أن فعلا ممكن هالأخو يتغير على عظم ماسواه وتفرح أن حلم

أبوها فيه تحقق حتى لو هو تحت التراب ..

صدت بعيونها بعيد عنه ..غبيه كثر مافكرت انها الوحيده الفاهمه

..

يقول بيسافر للسعوديه .. بعدين يقول مجهز تذاكر وهي تعرف زين أن سفرتهم

للسعوديه عمرها ماكانت بطياره ..!

دايم بر ..

صالح ثار غصب من سكوتها : أنتي وراتس ..؟

ليليان بلعت ريقها وبدون ماتطالع فيه : بقوووم ..

قالتها وهي خلاص .. مثل ألي يغرق ولاهو قادر يلقى

قطعة خشب تنقذه .. أو صدى صوت يسمعه أي أحد ..!!

فزت واقفه حتى ترمي الجوال...

تتحرك بخطواتها المتهالكه .. ليته نطر عليها أسبوع ..

ثلاث .. أربع أسابيع أو شهر ولا يجيها بهالسرعه يحاول يكذب عليها بأكثر شخص تعرفه ..

للي ماسكن ألا في عمق مشاعرها الصادقه لأبوها ..

بس فجأه حست بيده تشد ذراعها

ليليان نفضت يدها ورجعت بعنف بعيد عنه : وخر

صالح طارت عيونه : وش بلاتس أنتي

ليليان رفعت أيديها ساده أذانيها : مابي أسمع شي منك .. فارقني

صالح رفع يده : الحمدالله والشكر .. ماجيتس بسالفه عشان أفارقتس ..

أبي العلم الوكاد باللي قلته

ليليان هزت راسها : قلت مااااااااابي أسمع شي منك .. ( رفعت صوتها ) مابي

صالح : هذا عشاني كشفت هالافي .. ماورا مفارقه حسوووف

ولا عطته وجه .. تحركت بسرعه وبخطوات حاولت تركض فيهم ..

تتنفس الخوف والصدمة .. تتنفس الموت .. دخلت من باب المدخل

حتى بكل قوتها تدخل الديوانيه وتسكرها مقفلتها ..!

وهو رجع لورا .. أنحنى

ساحب الجوال من الأرض

صالح بصوت عالي : لمي أغراضتس وهالحمود ماعاد له دخله للبيت أبد ..

ماعاد لنا قعده في هالديره تفهمين .. هالزمن ألي عشتيه بين هالبشريه تنسينه

ماعاد لتس أحد غيري .. !!

راح يمشي بخطواته الواسعه صوب باب الشارع ومن طلع .. وقف

يتلفت يمين ويسار ..

صالح : بسم الله وين غدى ذا .. تسان هذا ألي ناقصني

تحرك أكثر لوسط الشارع وهو متأكد أن سامي وقف ينطره

لين يدخل ويضبط الوضع مع أخته ..

لف براسه يمين وبسرعه لفه للجهه الثانيه .. طلع جواله في جيبه يبي

يسأله وين راح .. أتصل على رقمه وقرب الجوال من أّذنه ..

صالح بدون نفس : رد أخلص علي ..!!

وداخل السياره ألي تزيد من السرعه وسط الشارع ..

سامي أنتفض : هذا هو يدق ..

رد بصوته الغليض الآمر

( سكر جوالك ..)

حرك سامي عيونه بخوف صوب حمود ألي وقف بسيارته بوسط الشارع

حتى ينزل بخطوات واسعه صوبه .. يجر بقوة من كتفه وهو من الخرعه

مارد بكلمه ..ولاهو داري حد هاللحظة ألي يقعد بجنب عمه وش يبي فيه

ولا وين ماخذه .. مسافة الطريق حتى يوقف حمود بجنب الرصيف قبال

شجره ..

حمود طفى سيارته وسحب المفاتيح حتى يريح يده على فخذه

كأنه قام يفكر : ........................

سامي طالعه بربكه : وش تبي فيني

حمود أخذ نفس عميق حتى يحرك راسه بنظرات قاتله له : أبي الحق

سامي طارت عيونه : وش حقه .. ماعندي لك حق تدوره وراي

حمود رفع يده وهو ماسك مفاتيح السياره : وش موقفك عند بيت راشد ..؟

سامي ريح ظهره على السيت والتوتر بان في صوته ..

يحس وجوده قبال هالعم ماهو من عبث : أنطر صالح

حمود رفع حاجبه موجه له سؤال ثاني : ويوم كنت أنا وياه بالصحرا وش جابك

سامي ضاعت علومه : ........................

حمود : ماترد

سامي رفع أيديه : هو دق علي

حمود بنظرات شك : وش صفتك ..؟

سامي طارت عيونه بهالأسئله ألي أستلمه فيها : ولد عمها

حمود ضحك : ليه ولي أمرها وأنا مدري .. أحتس عدل ياسامي

سامي : وراك أنت .. وش تبي ووش دخلك فيها وفيني أنت ماغير عمها

من الرضاعه

ماحس غير بيد عمه تطيح على كتفه حتى يجمع ثوبه ويجره بقوة ساحبه صوبه

حمود : ولأني عمها وشايف الوضع حولكم ماهوب مضبوط لشين يخصها

أنا قاعد أكلمك بالرضى .. قبل ماأسحب أخوها للسجن

سامي وقلبه بدى يضرب طبول : أعوذ بالله ليه وش مسوي لك .. مالك كم يوم لافن للديره

قمت تبي تحط الخلق بالسجن .. ( تعلثم من الخوف ألي أختلط حتى بصوته ) .. أنت ..

حمود بصوت يرص فيه على أسنانه : أحتس بالرضى ياسامي أحسن لك ..

سامي رفع أيديه ونطق بأندفاع : وش أقوول ..!

حمود : كل شي بينك وبين هالصالح .. أنا مانيب مهبول عشان تمشي

يوم أنه صالح يدق عليك

طالبك توصل للصحرا عشان البنت .. وش أنت عشان يدق بصفتك من ..

غير مقابلك لبيت أخوي من طلع الفجر وحومتك حوله .. ( قال بنبره تهديد )

تحتسي وعلمتني بوضعكم ألي ماهوب مضبوط .............

سامي بسرعه نطق مقاطعه .. وش له بهالأمور والتعقيدات يكفيه ألي جاه : بعلمك .. وبقولك باللي سواه فيني صالح وبغت تكون بيننا

ذبحه لولا أنه ذلني بكل فلوسي ألي راحت ورا مقابله بليا فود لين صرت ع الحديده

بس

حمود تركه متعدل حتى ينطق : كم تبي ...؟

مد يده لتحت رجوله حتى يسحب شنطه صغيره وسامي يراقب

ملامح عمه بصدمه ألجمته ..

وش دراه أنه بيطلب منه يدفع له مقابل الحقيقه باللي صار لبنت أخوه ..

صد بعيونه وعمه بدى يفتش بالشنطه ..

الغبي لايكون يضحك عليه حاط نفسه ذكى وطاح هو بالحفره ألي حفرها له ..

ووضح له أن بين صالح وهو مخطط كبير وأحلام بالفلوس ..

لالا .. الرجال لا جلسته .. لا هرجه .. لا نظراته ..

شي ماهو سهل ..

محنك ولا يتعداه شي .. هو فعلا مدخل روحته لصالح فالصحرا زله

خلت هالعم يشك بالوضع ..

وش أنت خسران لاقلت ياسامي .. ماوداك بستين داهيه غير هالسكير ..

ولا خلاك مضحكه غيره .. ماعندك غير هالفرصه

ياتستغلها ,,

حمود حرك عيونه بنظره بارده : سألتك كم تبي

سامي طالعه : أبصراحه أنا أبي أخذ حقي كامل ............

حمود قاطعه بصوت أرتفع : قلت كم تبي ..

سامي عض على شفاته حتى ينطق بصوت واطي : ميتين ألف ريال سعودي ..

أرتسمت على شفاة حمود أبتسامه غريبه من قال هالمبلغ الكبير ..

ومقابل وش بالضبط ..!!

حمود سكر الشنطة منزلها لتحت : أنزل وتوكل على الله ..( صرخ ) فارق يلاااااااااا

سامي هز راسه وهو أرتبك : صالح مانتب قادر عليه وأنت ماتعرف نواياه .. وكل شي يخطط له

عندي وخابره .. أنسان قلبه تقدر تقول عليه السلام ..!!

ظل يطالع سامي بصمت غريب وكلام لافي يوم يقوله أسأل

كيف مات أخوك جى على باله ..!!

والوضع ماهو مريح له ويحس بتشتت .. بنت أخوه من جهه

وسالفه زواجها من هالافي بجهه ..

غير صالح ألي فعلا ملامح وجهه ووضعه مايطمن ومعه هالسامي ..

كذبته ألي ماعاد لها ترقيعه كل شي قاله بالجوال ..

حمود بصوت بدى واطي .. حاول يكون هادي: راشد كيف مات ..؟

سامي بقهر تكلم : أنا ضيعت كل شي ورا وقفتي معاه .. كل شي ولا أستفدت حتى

قرش واحد .. أبي حقي وابشر بعزك .. خذ حقي وحقك الممشى وراه خساره

ولا أجبرني أجاريه غير قروشي .. خفت يكون مردي الشارع بلا مصرف ولا وظيفه

ولا السجن لا ذبحته ووسخت أيديني بدمه

حمود أنحنى ساحب الشنطة حتى يطلع دفتر شيكاته .. سحب قلم وكتب

له المبلغ خاتمه بالتوقيع : سلم وأستلم

سامي أخذ نفس عميق وعيونه على الشيك : مات أخوك ينقال أنه بسبب ولده ..

هذا ألي سمعته من عماني

حمود رفع عيونه له بنظره قدر يملاها بالبرود وهو تحتويه الصدمه : كيف ..؟

سامي هز كتوفه مبعد عيونه عن عمه كأنه يفكر ومسرع مانطق : خناقه ماتحملها

عمي راشد وطاح مغمى عليها وهناك يوم أخذوه للمستشفى فارق هالدنيا

حمود : وأنت وش ألي بينك وبين صالح

سامي طالعه : ذي سالفه طويله يبي لها قعده بعيد عن عيونه .. أقولها لك

من حركت من ديرتنا لحد ماطردني عمي بو مساعد بسبته ..!!

كان الجواب في الأعتراف مباغت لكل الصمت والضعف ..

لما نعتقد أننا أقويا .. وحنا نضعف من ذره هوا تداعب عبره تختنق

من زمان داخل ضلوعنا ...

لما نعتقد أن التغيير يبدى منا في من نحب .. لما نحسن الظن

ونصافح الحياه ببرائتنا ..

هي بسهوله الحقيقه وحده ..

مايتحقق شي يبني أسوار من السراب بصحوة قصيره لنا ..!!

وقت مانحسب أننا في هالحقيقه نجهل قلوبنا ..

نجهل من يرضع الكلام فالنور من ورانا ..

يطق الباب بقوة عليها في بيت أبوه .. وهي قفلت باب الديوانيه عليها من عرفت أن

نية صالح فيها باب فتحته بنفسها ..

جالسه على الأرض متقطعه من البكا

ليليان صرخت : يالتسلب فارق عني ..

صالح بقوة يرجف الباب : أفتحيه وأمشي معي .. من لتس هنيا والله أن مافتحتي

الباب لا أكسره وأسحبتس منه مثل ماسحبتس قدامهم كلهم ولاكانوا قادرين

يسوون شي لولا هالحقير لافي .. وهذا هو ماهو موجود يعني لو أرميتس

بالشارع مادروا عنتس

ليليان تحركت واقفه حتى تصرخ : وش تبي أنت .. تبي هالبيت ألي كتبه لافي لي

خذه .. خذه مااابيه الله ياخذك .. مابي فلوووس أنا .. مابي

صالح قام يرجف الباب برجله وهو ثار : أفتحيه .. طقت تسبدي وانا أداريتس

خلاص طفح الكيل ... كل ماقلت ياولد مسكتها تذلفين بعيد .. ( صرخ بأقوى ماعنده )

أفتحيه أقووول وأمشي برضاتس

ليليان حطت أيديها على أذانيها ماسستوعبت هي وين حذفت روحها : ألله ياخذك ..

أندززلع خذ ألي تبي .. أندززلع

ركضت لاصقه فالجدار من قام يرجفه بهستيريا ماتدري وش قلبه

وثار .. بس عشانها قفلت االباب .. قامت أطرافها ترجف

وجسدها يهتز تتسارع هالأنفاس فيها بخوف يشيل كل ذرة عقل فيها ..صارت ترص جسدها بقوة على الجدار وهي تشوف الباب يتحرك من رجفه .. صوت الباب الحديد يخترق

مسامعها مثل الرصاصه .. أنفتح فجأه

حتى تفقد السيطره على رجولها

جلست على الأرض تبكي وتتكتف بقوة ..

فتحت عيونها بأتساعها من غطى نظرها مجموعة رجال فجأه طلعوا

وصاروا يتعاونون على صالح ألي طاح على الأرض يصارخ وصوت الخطوات تكثر ..!!

( خيير وش تبوون ..

فكووووني .. فكووووني .. وخروا عني .. وخروووا .. )

أنحنت بقوة وحطت أيديها على راسها من ألي تشوفه ولاتدري

وش ألي صار .. تسمع صوت سيارات .. أصوات تختلط في بعض ..

يرتدد صراخ صالح فالسيب وهو يرافس هاللي قاموا

يبون يمسكونه .. ضرب باب المدخل برجليه .. ولحظات بس يدخل عمها الديوانيه

ويتوجه صوبها بكل قهر سحابها من كتفها

حمود قام يهزها : تتحامين عن هالخسيس وحاطتلي أنه حافظ القران

لابارك الله في أبليستس

ليليان حاولت تقول شي : ........................

حمود عطاها كف من القهر الي يونسه بقلبه : وش تعرفين أنتي عن السكير

شارب الخمر .. تحسبينه بيوم وليله يقوم يهديه الله .. ( صرخ وهو ماخذ من شدة

أخوه راشد الكثير ) يبي له علاج أخوتس ..كيف يمسك كتاب الله وهو يشرب

هالنجاسسه

ليليان رفعت راسها لها حتى تبكي بهستريا : أضربني ياعمي .. أضربني كود

أفهم أنا وش سويت بنفسي .. وش ضيعت من عمري .. وش فيني عيب ..

( صارت تجر أيديه بقوة تحطها على رقبتها ) أضربني خلني أعرف

وش أنا سويت في الشايب ..!!

حمود دفها بعيد عنه : لايكون قصدتس لافي ..!

ليليان تمايلت على الجدار وهي تشاهق بقوة : ...........................

حمود مد يده وبعيون يملاها الشر : وين عقد هالفله ( صرخ ) وين هو

ليليان تكورت ع نفسها : ب .. ب .. بالش .. نط ..طة

حمود رفع صوته : هالعقد ينرمى بوجهه لابارك الله بفلوس من واحدن يرميتس

بالصحرا .. وأي قرش منه تطلعينه لي ويوصل له مكان ماهو طاس

ليليان : ودني .. ودني عند أمي

أنحنى من قمة القهر ألي يحتويه بالمصايب ألي قالها

سامي فالوقت المتأخر حتى يسحبها ويدفها لقدام ..

حمود : أقوول روحي ألبسي عبايتس وماعاد لنا قعده في هالديره ..

وأخوتس سلمته للي يهتم بأمره

تحركت بقوة بس طاحت على وجها ومسرع ماقامت متحركه وهو راح يمشي

وراها .. مر من عندها طالع للحوش وصراخ صالح قام يختفي تدريجي من

دخلوه بسياره المستشفى .... طلع للشارع ألا سامي واقف

بكل صدمه يطالع بالسياره تبتتعد عن طريقهم

حمود صرخ بوجهه : ماخذت فلوووسك وعرفت أنا كل شي

سامي أنتفض بخرعه : أيه

حمود رفع يده : أذلف لمكان ماتبي .. كل شي مسكته أنا

سامي تكلم بسرعه : هم وين أخذوا صالح .. وراهم أسحبوه تسذا

حمود : أنت وش جايبك هالحين ..

سامي : ترا كل شي يخصه في سيارته

حمود بقوة تحرك صوبه يبي يسحبه بس سامي تحرك يركض : ماتفهم أنا وش أقوول

×

×

×

وقف بسيارته جنب الفله ألي يسكنها الضابط فارس حتى يفتح

الباب وينزل .. يوقف متساند بعصاه

ضاري وهو ينحنى لمعين سواقه : لاتروح بعيد

معين يرفع عيونه لضاري : زين بابا

راح يمشي وهو يعرج بخطواته لين دخل من باب الشارع للحديقه ..

يسمع صوت خالد وهو منسجم بالكلام ومن وصل للديوانيه ودخل

ضاري وهو يشحن نفسه بالأستعداد لمواجهة الحقيقه وكشفها : السلام عليكم ..

فز فارس من مكانه أول ماشاف ضاري حتى يتحرك له

ويصافحه

فارس : من زمان عنك .. دفن التراب سعود ودفن سيرتك وراه ..

ضاري أبتسم : لابد من أشغال هالدنيا تاخذنا بعيد

فارس أشر لرجله : عساها بس أحسن بالعلاج الطبيعي

ضاري : نحمد الله كثير يافارس

( حياك )

قالها فارس وهو يعطيه ظهره

ويتحرك لداخل حتى يلتقط ضاري كم نفس وداخله يعبث فيه

كثير أشياء .. طالع السقف الممتدد بأضاءه مرصوصه بجنب بعض

على طول الجدار .. حتى ينزل جزماته ويتحرك داخل أكثر ..

فارس يجلس قبال صينيه القهوة والشاي : حياكم الله

ضاري وقف بجنب خالد حتى ينحنى بدون مايثني رجله ومسرع ماتركها

على وضعها مادها لقدام وجلس : لا تواخذني يافارس صعب علي أثنيها

فارس طالعه : خذ راحتك

خالد وهو يحرك أيديه : حاولت أقابلك كثير .. لكن ماكان فيه أحد يسمح لي

فارس عقد حواجبه وهو يطالع خالد : منو قصدك .. أنت رحت للمكتب

خالد هز راسه بالرفض : دقيت

فارس طارت عيونه : وقالوا لك ممنوع تقابلني ..

خالد : هذا ألي حصل معي وعطاني موعد

فارس ظل يطالعه بشوي أستنكار : يعرف أنك ضابط

خالد : أيه قلت له

ضاري يطالعهم وهو ملتزم بالصمت : ........................

صب فارس فنجان قهوة ومسرع مامده لضاري ألي على طول

سحب الفنجان من بين أصابعه ..

فارس نطق بنبره رسميه : غريبه ماخبر أحد يعرف أنك ضابط وبيقولك هالحجي

عندنا .. والمفروض أنك رايح للمباحث بنفسك ياخالد .. تعرف من هو ..أسمه ..؟

خالد أشر بيده لضاري : لا لكن تعرف أن ضاري خوي سعود وهو عارف أن

سعود يشتغل في جهاز أمن الدوله بسريه وموقع بهالشي بنفسه

فارس : أيه أعرف

خالد : أسمعني يافارس .. كل التقارير الموجوده في ملف قضيه سعود محتفظه

فيها الدوله ماهي صحيحه وملعوب فيها بشكل غريب ..!

فارس عقد حواجبه وهو ظل يطالع خالد : شتقصد ياخالد .. هالحجي كبير

وبيدخلك بألف داهيه ..

خالد : تقارير المرور مو موجوده بالملف عندك أن سعود من صدم أخوه ..؟

فارس هز راسه بالرضا وهو يطالع ضاري : أيه هذا الموجود

ضاري أشر على روحه : أنا من كنت أسوق سياره سعود ولافي صدمني أنا

ماصدم أخوه .. هو كان في سياره ثانيه مع زوجته

فارس بأندفاع وهو يأشر لهم وبكل صدمه : شقاعدين تقولون أنتم ..؟

خالد رجع بظهره حتى لامس الجدار وبقلة حيله : هذا ألي حاولت أوصلك عشانه

ولاقدرت ..

فارس : خالد .. الكلام ماهو بسيط هذا تزوير في قضيه ضابط من ضباط الدوله

يعني من قام فيه واحد منا وفينا ..!!

ضاري وهو يكمل : ظليت بالمستشفى لفتره .. ولا أحد أخذ أقوالي أنا من

وصلت الشرطة وأدليت فيها على حسب طلبي

ظلت تغوص ملامحه في فاجعة هالحقايق ألي يذكرونها قباله ..

رمش ببطء حتى يلتقط كم نفس متدارك صدمتته وينطق

فارس بحده طالع ضاري : من قابلت .. حسين ..؟

ضاري بالرفض : ماأظن أسمه حسين ولا أذكر إلا وجهه

فارس بأهتمام : وأهل سعود كيف صدقوا هالشي .. ( طالع ضاري بشك ) وينك

أنت هذولا يكونون عيال عمكم .. أبووك .. أخوانك ماحد تكلم يعني ..

الناس مادرت .. جماعتكم ؟؟؟

حرك عيونه بضياع صوب خالد ألي قال بقلة حيله

وهو يعرف وش كثر يوجع هالشي ضاري وأتعبه ..

خالد : التفاصيل يافارس من تبدى التحقيق فيها بتنكشف .. لا تسأل ضاري

عن هالشي .. أنت أبدى بأستجواب أبوه وأخوه وراح تعرف ..!!

صد ضاري بعيونه بعيد عنهم ساكت وملامحه أعتلاها الهم

والخوف ..

وفارس ظل يطالع فيه بصدمه حتى ينتتقل لخالد

فارس : خالد تبي تقنعني أن طول هالسنتين حنا محتفظين بالأوراق والحقايق

الغلط في قضية سعود ..!

خالد هز كتوفه بأسف : راح يصدمك ألي بتعرفه يافارس ويشكك بالوضع

وأنه من وقف ورا قضية سعود واحد داهيه .. خطط لكل شي بالتوقيت

الصح واليوم الصح

×

×

×

السعودي

وقف بسيارته عند بيته ولايدري كيف قطع كل هالمسافه ماسك أعصابه ..

كيف خلص روحه من الفضيحه ووصلت فيه المواصيل يروح لأحد يكفل كل كلمة

يقولها .. واحد مايعرف غير أن أسمه ضاري ..

فتح الباب بقوة حتى يدفه بيده ويتحرك بخطواته فاتح بابها ألي قاعده

بجنبه .. يجرها مع ذراعها بأقوى ماعنده

الجده وضحى : ياولدي هوونك ع نفسك ..!!

ولا سمع كلامها .. فسخ عقاله وصار يجرها لباب الشارع وهي منحنيه

من الخوف وتشاهق بقوة .. دفع الباب برجله من وصل

حتى يرميها داخل لحوش ..

بو مساعد : فضحتيني الله لايعطيتس العافيه .. طاحت هيبتي عند العرب هناك ..

البندري بسرعه قامت وراحت تركض لباب المدخل : ................

لحقها أبوها حتى يجرها من راسها من ورا ويطيح فيها ضرب وهي

قامت تصارخ .. طلعت غزيل من الصراخ والسب تركض للحوش ومن هول ألي تشوفه

ركضت بسرعه تسحب أختها ألي طاحت بالأرض وأبوها قام يرفسها فاقد

أي ذره للعقل فيه ..

غزيل : وش صاير ( قالت بنبره يملاها الخوف ) يبه هد وش بلاك عليها

بو مساعد تفل عليها من سحبتها أختها ووقفت بوجهه : تفو عليتس وعلى كل يوم

قعدت أربيتس فيه ..

أم مساعد بخرعه طلعت من باب الصاله : وش صاير بسم الله

بو مساعد تحرك حتى يرفع عقال وينزل فيه ع ظهر بنته : والله أن شفتس مخطيه

برا هالبيت لا أكون دافنك .. وأول من يخطبتس بوافق عليه ( لف صوب أمه ألي دخلت ) وروحتن للكويت ماعاد فيه ... تسمعوووون

أم مساعد قامت ترجف : وش مسويه البنت

بو مساعد بصراخ : وش ألي ماسوته .. طايحه مراسل مع هالخسيس سامي .. متهمتن

بنت راشد أنها من تراسله

أم مساعد ضربت صدرها حتى تشهق : .............................

غزيل بصدمة وهي تتنفس بقوة من الخرعه : هااا

بو مساعد يأشر بالعقال : والعقرب خزنه ذي أن طبت البيت والله لا أقلبه ع روسكم

فوق تحت ..

البندري راحت فيها من البكا : ....................

بو مساعد من سمع صوت بكاها أنحنى ساحبها : وتبتسين بعد .. لتس عين ..

صار يجرها وهي تتمسك بثوب أختها ..

غزيل بقوة سحبتها وراحت تركض فيها : قدامي أمشي ..

أم مساعد أشرت صوبها من مرت عليها : سودتي وجيهنا .. هاتي جوالها .. هاتيه

بو مساعد بتهديد : أن شفت معها هالبليه لايكون أخر يوم تشوفونها ..!!

تمايل من التعب والفضيحة ألي يحس أنها كسرت ظهره ..

صرخت زوجته حتى تروح تركض وتحاول تسانده

أم مساعد : ياغزيل دقي ع أخوووتس .. وهاتي لي ماي .. خليها

ذي الله لايعطيها عافيه .. نخسر سندنا بسبتها ..!

بو مساعد : راح وجهي وأنا أترجاه يستر على ماصار .. رااااح

أم مساعد : تعال .. تعال

بو مساعد يحاول يساند روحه : أن شفتها طالعه من غرفتها

أم مساعد تقاطعه : يابن الحلال والله مالك ألا ماتبيه فيها .. تعال

الجده وضحى تأشر بيدها : ماعاد عينا خيير من ورا هالخزنة وقليلة الحيا

بنقطع الروحه للديره هناك عشانهن

أم مساعد بعصبيه : أنتي وش لتس هناك .. ماقطعنا سيرتها من زمان ياوضحى

وأوخيتس من سنه لسنه تشوفن بعض .. من راحت بنت راشد لهناك

وانتم شابين على عمركم ..

الجده وضحى بضيق : كلامتس تسبير يام مساعد

أم مساعد : أقول ألي أشووفه .. تسن سوايا خزنة فالبنيه مانعرفها ..

الجده وضحى بطنازة : طلعت بذرتها في ذريتتس .. وسوت بنتتس سواتها ..

أم مساعد بحده قالتها : ماعاد ورا من تطلع بذرته على خزنة ألا زواجن يسترها ..

توحيني

راحت تمشي مع زوجها والجده وضحى ظلت واقفه .. أنفتح باب صغير

يربط بيت راشد في بيت هالجده حتى تطل خزنة بعيون متسعه عليهم ..

ماتدري وش هالخناق والصراخ .. شكل الي صار شي كبير ..!!

ومن دخل أبو مساعد من الباب وأختفى من نظرها هو وزوجته .. دفعت الباب

بيدها وجت تتحرك بخطواتها المتسعه صوب وضحى

خزنة بعباتها ألي لابستها ولافه شيله خفيفه على راسها : هو وش ألي

صاير

وضحى بعصبيه لفت لها : هو أنتي ياحرمة ماعاد فيتس ذرة حيا ..

خزنة بعدم أهتمام بكلام الجده : وش صار في بنت راشد وراهم رامينها

وضحى طارت عيونها : بعد تسذبه .. ضفي عفشتس وفارقي عننا

ونصيبتس من هالبيت بيوصلتس عند اهلتس

خزنة رفعت صوتها بصدمه : وش ..؟

وضحى أشرت بيدها : هذا ماراح يكون حتسي .. حتسي أخوانه وهالبيت ورث

لتس نصبيتس منه .. ماعادت الوحدة تحشم روحها

خزنة حطت يدها على خصرها : هذا بيتي وبيت ولدي

وضحى : ولدتس سكيرن هايتن هناك .. لو فيه الخير ماتركتس حرمتن

لحالتس ودج

خزنة طارت عيونها حتى تتمايل : أنا عارفه أنكم تبون البيت من توفى زوجي ..

مانيب غاديه عن نواياكم

وضحى : ووصلتس .. والله ماتقعدين عندنا وماسمم أفكار البنت غير مقابلتس

وحقدتس على عيال راشد من الجوهره ..!!

( عادتها بتشديد ) ضفي عفشتس واطلعي قبل لا يطلعتس عيالي ..

تحركت تاركتها وخزنة وقفت تطالعها ..

بيطلعونها من البيت .. يسوونها عيال وضحى ولا همهم ..

وش بتسوي هالحين .. لوت فمها وتحركت بخطوات واسعه

داخله من الباب ألي جت منه ..!!

وبغرفه البندري ..

أنحنت غزيل بعصبيه حتى تسحب جوال البندري ألي متكوره على نفسها

فوق السرير ومنهاره على الأخر

غزيل : صدز أن مافيتس خيير ..هو أنتي ألي تراسلين سامي .. ماتخافين الله ( رفعت صوتها )

وش مسويه لتس البنت يوم انتس حاقده عليها ..

البندري نزلت راسها وهي تتوجع من الضرب : ...................

غزيل : هذي ألي أيام عمي راشد تقعد معنا ..

البندري رفعت راسها وبصرخه : أطلعي من الغرفه .. أطلعي

غزيل : ماجاتس مساعد والله لايكمل عليتس ويده ماترحم .. نعنبووتس

عرض البنت هذا .. تحسبينه سهل .. وش سويتي فيها مايكفيها فقد أبوها

وسواة صالح أخوها وخزنة وهم رامينها بالصحرا نفس ماكتشفت جدتي ..!!

البندري صرخت فيها : كيفي أكرها أنا .. ماأدانيها

غزيل طارت عيونها : لا انتي مانتي بصاحيه ..!

البندري صرخت : أطلعي برا

بس سكتت من سمعت صوت أخوها ألي دخل الصاله هايج

مساعد يصارخ : وين هي ذي ..؟

البندري بسرعه تحركت صوب غزيل وهي قامت ترجف : تكفين لايقرب مني ..

( قامت تبكي وتضرب خدودها ) بموت على يده

غزيل دفتها : أقعدي بهالغرفه حسبي الله ونعم الوكييل فيتس ..!

مشت بخطوات واسعه حتى تسحب الباب بتسكره وماشافت غير

الباب يدف بقوة على يده أخوها .. ترجع غزيل بقوة وتطيح ع الأرض ..

صرخت البندري من غرس أصابعه في شيلتها وهو يهز راسها

مساعد عطاها كف : وش مسويه فابوي .. طايح فالديوانيه مرضان ..!

البندري صرخت : ماسويت شي فكني

مساعد بجنون : من تراسلين أنتي .. ( طاح فيها ضرب ) .. سوديتي وجيهنا

والعرب لاقينتس تراسلين سامي يالواطيه وين الجوال .. ( صرخ ) وينه

البندري حركت أيديها تبي تحمي نفسها : مدري والله مدري

ركضت غزيل وصارت تسحب أخوها

غزيل : داخله على الله ثم عليك تطلع .. أبوي عطاها من الضرب وزود

والله يامساعد لاتموت على يدك .. أطلع أطلع أمي فيها الضغط لا تمرضها

مساعد بحقد على أخته : أن شفتس طالعه من هالغرفه والله لا كسر رجولتس

غزيل تدفه : أطلع ..!

وبسرعه طلعته حتى تسكر الباب

والبندري ظلت مرميه على الأرض ماتتحرك ..

×

×

×

في بيت بو مؤيد ..

واقفه عند الباب بصمت تطالع زوج أمها فاتح شنطته ويلم أغراضه كلها

بو مؤيد : بجهز شنطتي عشان نسافر والله يرضالي عليج أعتراضات ماأبي ..

أشري زوجج تعرفين أن هو غلطان وأنتي غلطتي بعد .. وهو ماقصر حاول

يصلح الأمر لولا أن أمج قامت تدسه عنا يقالي تبي راحتج

ساره ببرود : والشروط ..؟

بو مؤيد وقف حتى يلف لها : بيدج وشوفي أمج لا تروح معنا .. تقابلين زوجج

تتفاهمون وأرد للديره ..

ساره رفعت يدها بملل : والله مدري ياعمي ..

تحركت بخطواتها البطيئه حتى تتوجه صوب غرفتها .. تتقدم أكثر للسرير

وتنحني جالسه عليه .. حطت يدها على بطنها ماهي مصدقه أنها حامل ..

ليت التحليل خطأ .. والله ماهي متجهزه تعيش كأم ..

تحس بمسؤليه كبيره تنتظرها غير أن أوضاعها مع عمر ماهي مستقره ..

بس فزت بخرعه من سمعت صراخ أمها ألي طلعت متروعه من غرفة

المجلس .. تبكي ..

طلعت تركض من غرفتها حتى توقف بالصاله .. تتساند على الجدار وبو مؤيد

طلع من غرفته متروع ..

بو مؤيد : شصاير ..؟

أم ساره تحط أيديها على راسها وهي مفجوعه : عمر .. عمر أخدووه للسجن

ساره أتسعت عيونها بصدمة حتى تتحرك كم خطوة لقدام من ألي سمعته

وبدون شعور بنفسها : ...................

أم ساره أشرت للجوال: دلوقت ساميه أخته تترجاني أسافر ..

بو مؤيد رفع يده بصوت تغير : مافهمت .. الولد داخل السجن ليه

أم ساره قامت تبكي أنهارت : والله ماعرفتش الحكايه كلها أيه .. لكن دول متهمينه

بالأرهاب .. بتقول ساميه أنهم حيحكموه

بو مؤيد بخوف : أعوذبالله .. يالله سترك عليه

ظلت تطالع في أمها منهاره على الأخر وهي في وقفتها

ماحست بأي دمعه تنزل أو تبلل ذيك الصدمه ألي أعتلت نظرة عيونها ..

أكتفت بصمتها تراقب الوضع

وبو مؤيد تحرك بخطوات متسعه صوب غرفة النوم بيروح يدق

على لافي يمكن يعرف الموضوع كامل

أم ساره بصوت راح فيها : هتعمل أيه

بو مؤيد طلع من غرفته وهو يتأمل شاشه الجوال : بدق على لافي

أم ساره تحركت برجا متمسكه بيد زوجها : آآه .. أتصل بيه أرجوووك

نطقت بسرعه وهي واقفه بجنب الجدار عيونها تنتقل بخوف

مابين أمها وبو مؤيد

ساره برفض : لاتدق .. خلنا نروح له تكفى عمي

( رفعت أيديها بعدم تصديق للموضوع ) عمر مايسوي شي بيدخله السجن

والله ماله بهالسوالف أعرفه ... كله بشغله والبيت والله ياعمي

بو مؤيد رفع عيونه لها من شاف عيونها تغرق بالدموع : .........................

ساره بسرعه تحركت بخطوات تايه لغرفتها وهي ترفع صوتها : بروح أجهز شنطتي ..

أم ساره أنهارت تبكي : ....................

بو مؤيد بضيق : بطلي دموع نفسية البنت دمار وهي حامل .. وعلى فكره

سفر معنا مافيه

أم ساره بأندفاع : أنا مش .............

بو مؤيد رفع يده رافع صوته بأنفعال : ما ضيع علومهم غيرج .. روحه مافيه وكلمه زياده ماراح يحصل لج طيب

قالها بعصبيه وخبر سجن عمر هزه ..

صد بوجهه عنها وتحرك للغرفه ..

وهي داخل غرفتها

تفتح الكبت وتسحب ملابسها بسرعه والدموع تنزل غصب من عيونها ..

كم أوهمت نفسها أنها قادره تاخذ وقت للنسيان والبعد معه ..

أنحنت بعشوائيه ساحبها بأيديها مجموعة ملابس حتى تروح للسرير ترميهم ..

تنحني بسرعه وهي تسحب هوا لخشمها .. ماده يدها حتى تجر شنطتها من تحت السرير ..

كثير أشياء قامت تتآكل في عمق ذكراهم الراحله

وهي كم أشتهت تسمع صوتك وأنت تنطق بالفرنسيه كلمات

ماتفهمها ..!

أشتهت تصحى على صوتك ..

على أبتسامتك ياعمر

كثير تتمنى تقولك أن أسوأ مامرت فيها يوم طعنها الشوق

في ذات الفقد ألي منحك تأشيره للرحيل ..

أنها أحيان لا فتحت عيونها وحست بالصباح بارد ..

تحس بالمنافي تنبت في أفكارها ..

وعلى كثر مالمسافات طويله ..

متعبه بينهم ..

كان هو

جالس على سرير من حديد يملاه اللون الأبيض .. والغرفة

ضيقه .. هذا هو بسجن أنفرادي ولايدري وش السبب ..

وأي بحوث عن متفجرات لاقينها ..

غمض عيونه ومسرع مافتحها وهو يطالع فالباب ألي من حديد ومافيه غير

فتحه صغيره يطل منها واحد كل ساعه أو بعد ساعات ..

يتأمله وكأنه متوقع منه يسوي بروحه شي .. كم مر يوم

وهو في هالمكان .. المحامي ماعاد يجيه ..!

ولافي ألي المفروض يوصله خبر سجنه مابين ..

عقد حواجبه وروحه تحتضر بهالمكان .. مايوجعه كثر أنه يبي يصلي

ولايقدر مقيده رجوله وأيديه ..!!

والمصيبه كيف يصلي وهو ماهو على وضوء .. نادى وحاول يتكلم

بس كل كلامه ينقابل بالرفض ..

رفع راسه للسقف حتى ينطق بتنهيده عميقه ( أستغفرك يااارب )

كيف بيتصرف هالحين ويبرأ حاله وأمه ضده ..

كل شي قام يخافه صار .. وبدال ماتحارب الأسلام ورا دعواتها ..

وحملاتها ..

بدت تحارب الأسلام فيه وهي عارفه ومتيقنه أن دخوله هو من عمق راسخ

.. أدراكه أن هالدين حق ووحدانيه الله حق

وأن الأنبياء والرسل حق ..

شكلها بعد ماحاولت تسحب ساره وتنصرها ولاقدرت غيرت كل خططها موجهتها صوبه ..

بس أمه كيف وصلت لهم .. فيه من دفعها تسوي ألي تسويه ..

سمع صوت أقفال الباب تردد في كل مكان حتى ينفتح الباب ويطلع شخص ينطق

له بصوت عالي ( لديك زياره خاصه ..! )

فز واقف بسرعه وفي باله أدرك أنه بيشوف مارتن أو يمكن لافي ..

ماهو معقوله كل هالأيام ألي قعد فيها بالسجن ولا شاف أحد ... أنقطع عن العالم

فجأه وصار في غرفه بالعافيه تسع جسمه ..!

تحرك خطوة ورا خطوة طالع من السجن يمشي

في سيب طويل شبه مظلم ..وبعض اللمبات عطلانه ..

وهناك .. في وحدة من الغرف ينفتح الباب قباله ومن رفع عيونه حتى يشوف

أمه ماري جالسه قبال طاولة صغيره ومريحة أيديها على الطاولة ..

وواقف وراها ميشيل ..

وقف مجبور من شافه عند الباب .. بأي صفه جاي ..؟!

أبتسمت أمه

أبتسامه باهته من شافت ملامحه ألي ثارت غضب ..

لحيته الشقرا بدت وااضحه كثير ..

وملامحه يملاها التعب من التفكير ومن الحال ألي أنتقل بليله وحدة للأسوء

وصار ورا القضبان بيحاكم على قضيه أرهابيه و بحوث لمتفجرات لقوها في بيته

وماهي ملكه ..

لف براسه لورا حتى ينطق بصوت يملاه الغضب

( اود العودة للسجن )

ماري فزت واقفه : مايكل .. لنتحدث قليلا

عمر صرخ بصوته : هيا ..!

تحركت بسرعه وبخطواتها الواسعه وميشيل ظل واقف بصمت يراقب الوضع

ألي قدر يسيطر عليه ..

ماري قربت منه : أنا هنا لأنقذك من محاكمة تعلم جيدا أنها ليست لصالحك

عمر حرك راسه صوبها : أنا أريد حقا أن أحاكم

ميشل حرك راسه وضحك غصب : .............

ماري أشرت لداخل الغرفه وهي منكسره لحاله : لنتحدث قليلا .. من أجل أنقاذك بني

طالع ميشيل بنظرات حاقده ومسرع ماظل يشوف الأصرار بعيون أمه .. تقدم

خطوة وتحرك لداخل .. سكرت ماري الباب بسرعه وراحت صوب كرسي

ساحبته له .. تبيه يجلس

عمر وقف بطوله وبكل ثقه : لأستمع لما تودين قوله

ماري بضياع أشرت لميشيل : أنا وهو على أتم الأستعداد لمساعدتك ..

عمر بشك كبير : والثمن ..؟

ميشيل بصوته الغليض ولغته الفرنسيه السريعه : الحياه تحتاج لثمن .. تحتاج لمراوغه

عمر أبتسم من وقفة هالأنسان بكل وقاحة قباله : هذا ماتريده أنت .. الحياه

تحت أجساد وعقول الملايين

ماري جلست على الكرسي رافعه راسها لولدها : منذ دخولك للأسلام لم تعد كما عهدتك ..

خسرت الكثير من أجل دين أرهابي أقيم على الدم والسيف .. أين صديقك

الذي دفعك لدخول هذا الدين .. أين عائلتك التي أردت لها الأنتماء نحوك ..

( أشرت على روحها ) سأدفع كل مالدي فقط حين تترك هذا الدين وتعود كما أعرفك ..

عمر ظل ساكت عيونه بحذر تنتقل مابين ميشيل وأمه : .......................

ميشيل تحرك كم خطوة حتى يوقف وبلهجه صارمه : أنا هنا بناء على طلب ماري وتوسلها

المؤلم لمساعدتك قبل أن يتم أرسالك للمحاكمة ضد كل ماتمتلكه الشرطة ضدك

بحوث لمواد كيمائيه تختص بصناعة المتفجرات .. العزم على الأنتماء الوطني

والديني وتجنيدك ضمن مجموعات تستهدف الأمن القومي ..

عمر بنظرات قاتله لأمه متجاهل كلام ميشيل المستفز : أردتي لي العودة لما كنت عليه

أو البقاء في السجن .. كنت أعلم أنني سأقف يوما ضدك لكنني لم أشعر ولو للحظة

أنك ستقومين بالشهاده ضدي وأتهامي بما لم أقم به ..!

ماري بأندفاع : لن أسمح لصديقك ذو الأنتماء الأرهابي بخداعك .. لن أسمح لك

أنت في أعتناق دين أحاربه أنا بكل ماأملك

عمر بلع ريقه حتى ينطق وهو يرفع راسه لفوق : كنت أعلم ذلك ( عدل راسه وطالع

ميشيل ) أنت خلف أرسال الصور التي قد ألتقطت وأنا في حديقة المنزل

مع زوجتي .. وصور ( أشر لأمه ) لها فالكنيسه الكاثوليكيه في مصر ..

أتعتقد أنه كان بأمكانك المساس بي أو زرع الخوف داخلي ميشيل

ميشيل أشر بيده صوب عمر : لو كنت أريد القضاء عليك لما ترددت ..!

عمر أبتسم نص ابتسامه حتى بانت بعض من أسنانه البيضا : لتحاول الأن القضاء

علي وأبتعد عن أخضاعي لسلطتك ياأحمق

ميشيل طارت عيونه والغضب بدى يعتلي ملامحه : .........................

عمر حرك كتوفه بكل برود وملامحه بدت أكثر لامباله : أن كان لديك مايكفي

من مال وخطط لشراء المزيد من عقول العرب فانا ذو أنتماء عربي لكنني

بعقل كندي ..

ميشيل صغر عيونه بنظرات شرسه : ....................................

ماري : دعني أشرح .................

عمر حرك أيديه وهو يجمعهم صوب بعض بأيديه لميشيل : لن أقف خلفك وأتبع

أجنده وأوامر يقف ورائها الكثير وأنت الوحيد الذي يكشف عن نواياه الحقيقه ..

ويتصرف كما يشتهي أسياده ..!

ميشيل بصوت صارم : أتدرك حماقة ماتقول

عمر رفع أيديه المقيده لفوق : أهناك شئ أكثر من أنني متهم بالأرهاب دون وجه حق ..

أهناك المزيد ..؟

ميشيل أشر بيده صوبه : تعلم جيدا أنك لا تمتلك مانبحث عنه .. أنا هنا من أجلها

( أشر لماري )

عمر بحده وقهر طالع أمه : لن أترك ماأعتنقته من إيمان عميق به من أجلك

أمي .. أو من أجل مساعدتك لتكون المواجهه بيني وبينك في قاعة المحكمة

ماري صرخت بوجهه وهي توقف بقهر : هذا خيارك الوحيد

عمر غمض عيونه وهو يرفع صوته : أنتهت الزياره

ماري بحقد على عناد ولدها ووجوده فالسجن ماخلاه يتنازل عن

أي قناعه فيه : ستندم أقسم لك

سحبت شنطتها بقوة حتى تتحرك بخطوات واسعه صوب الباب فاتحته ..

أنحنى ميشيل من مر بجنب عمر

ميشيل : لن تظل هنا كثيرا .. ستخرج متى أردت أنا لك ذلك ..!!

قالها بصوت واطي قريب من أذنه وعمر أرتفعت حواجبه تلقائيا

من أدرك في صوته التحدي والنوايا المبطنه لأبعد

مما يتصور .. لف براسه بسرعه لورا يطالع هالأنسان ألي صار

مثل الورم الخبيث في الجسد .. أحيان لا كان أستئصاله ماهو

معنى لشفا لأنه ممكن يعود .. في مكان غير وزمن غير ..!

وفي مكان ثاني بعيد عنه ..

ينحني شخص من الأدلة الجنائيه يلتقط كم صورة لضحيه تم الأبلاغ

عن وجودها طافيه على النهر وسط الغابه ..

يتحرك بخطوات بطيئه المحقق ألي تولى مهام التحقيق في هالقضيه حتى يوقف على ضفة النهر ويطالع فيه بصمت

والتحقيقات جاريه حوله ..

الموقع أحاطته الشرطة الفرنسيه بالكامل بأشارات تنبه من

يزور هالغابه مايتوجه لهالمكان لحين مايتم التحقيق بأسباب الوفاة ومعرفة الجاني ..!

دفن أيديه في جيب جكيته الأبيض حتى يتحرك للجثه ألي

مغطيه بالكامل .. أنحنى لها مبعد عن ملامحها الكيس ألي يغطيها ..

نطق بلكنة فرنسيه هاديه ..

(تم أكتشاف هوية الضحيه ..؟ )

تتقدم منه مساعدته بجسمها النحيف وهي متكتفه حتى تنطق

( أثبتت التحقيقات الأوليه عن عمل الضحيه كمدرب معروف لدى معظم

الأسطبلات هنا لكن أسباب الوفاة لازالت مجهوله ..!! )

×

×

×

جالس على السياره من قدام ومتربع وسيف

مريح بظهره على حافة هالسياره بجنبه .. يطالعون الشارع

بعبث وكل واحد فيهم ذابحه الملل ..

رحيم : ياولد والله أن هالافي له فقده كم مر على سفرته هالحين ثلاث أيام ..!!

سيف لوى فمه : شقصدك .. يعني تذكر

رحيم ضرب راس سيف على خفيف : ههههههههه .. والله أخاف أضرب راسك بقوة

تطلع صورة السياره من عينك

سيف تنح فيه ومغصوب قال : خفيف دم الله يقطع أبليسك

رحيم بثقه : أكيد ..

هدت عربانه من قبالهم السرعه وكأنها بتوقف بس مشت ماره من عندهم

رحيم يأشر على السياره : ماتحس أن هالسياره تحوم تقول راعيها مضيع

سيف : أي والله صادق ...!

مال بظهره رحيم لتحت وهو يشوف السياره وقفت في أخر الشارع

وتحركت راجعه لورا لين وقفت قبالهم .. أنفتح الشباك ألا هذا شاب

يطالعهم .. رفع يده مسلم

الشاب : السلام عليكم

سيف ورحيم بصوت بالعافيه طلع : وعليكم السلام

رحيم أشر بيده : أنت وراك تحوم من أولى يمين ويسار .. مضيع ..؟

الشاب : معك سلطان بن حمدان .. أنا هنيه من طرف أبوي أبي أنشدكم أذا

تعرفون عايلة آل صارم وين يسكنون ..!

سيف تعدل بوقفته وتقدم منه : وصلت خير

سلطان بسرعه فتح الباب ونزل مسلم عليه : الحمدالله أني لقيتكم

رحيم بسرعه حرك رجوله حتى ينط من قدام السياره للشارع

ويروح يمشي لهم : ..............

سيف : ليه شعندك تسأل عنا ..؟

سلطان : أنتم عندكم واحد ضايع بعايلتكم

رحيم تكتف يطالع فيه : ضايع .. هههههههههه لا والله

سلطان طالع رحيم بحده مايشوف فيه شي يضحك : قايل شي يضحك

رحيم رفع يده يمسح على شعره بعبث : لابس تخيلت هالضايع ضايع

سيف مسك يد سلطان : خلك وياي ماعليك منه هو يحب المزح .. ماعندنا أحد

ضايع

سلطان رفع عيونه مصغرها من أشعة الشمس يطالع البيت ألي

واقف قباله ومسرع ماقام يلعب بالسبحة بين أصابعه : متأكدين

سيف : خذها مني

سلطان بعد صمت : رجال ضايع يمكن أنه فاقد ذاكرته ولا ماهو خابر

أهله ... مايتذكر شي ولايعرفهم أسمه سعود من عربكم ..!

رحيم طالع سيف بصمت : ...................

سيف بنفي : لا والله .. مافي أحد أسمه سعود و ضايع بعد .. أساسا لو هو ضايع

الشرطة بيكون عندها خبر .. شدعوة بنسكت

سلطان : أبوك موجود ( قال وهو ماهو متأكد ) فلاح

سيف هز راسه : لا والله .. بس شسالفه مافهمنا شي

سلطان أخذ نفس : حنا لقينا واحدن مرمي فالبر وأبوي شاكن أنه من بينكم ..

الدم واضح عليه بأشكالكم .. كأنه واحدن منكم على قول أبوي

سيف طارت عيونه : لاياخوي أبوك مخربط والله

سلطان هز راسه : طيب ماقصرتم

سيف رفع صوته : توصيني شي لأبوي

سلطان وهو يمشي للسياره رافع يده : قله باللي قلته لك

رحيم تحرك بسرعه يمشي ورا سلطان : هو أنا أقدر أروح أشوفه

سلطان وقف يطالعه : أركب مانيب قايل لا

رحيم لف براسه صوب سيف وصار من الحماس يأشر بيده : أركب .. أركب

فرصه ياولد بدال مايطقنا الملل

سيف بعدم مبالاة للموضوع رح شفه ولاخلصت دق علي

فتح سلطان الباب وركب ورحيم راح يمشي للباب الثاني ومسرع ماركب

حتى تتحرك السياره مبعده عن سيف ..

وداخل الفله ..

تعج زوايا الصاله بأثاثها في ريحة البخور وأصوات صراخ ورده

مع بكا ولد سالم وضحك عبدالله يرتدد مبدد فرحة الصمت

لا تحتويهم في غمرة الحزن وترحل ..

تطلع عبير شايله صينية القهوة والشاي من المطبخ بجمال أنوثتها وهي تتحرك

بهدوء صوب المجلس ألي يركن في أخر زاويه للصاله ..

تضم شفاتها بعبث وشعرها كله تاركته سايح والضيوف من لاحت شمس العصريه

ماوقفوا زيارات للجده وتباريك في شرى الفله ألي دفع لافي مبلغها كامل

وترك كل الفلوس ألي أستملها طلال من جدته وخاله وأبوه أمانه عنده قبل

لايسافر ..

كملت خطواتها ألي أسرعت فيها بس وقفت بخرعه من دخلت ورده

من باب الصاله وهي تنط وترفع أيديها لفوق ..

ورده : ونااااسه .. أخذت فلوووس .. أخذت فلووس

عبير تكلمت بأندفاع : هييه أنتي طايحه ع مليون

ورده توقف قبال عبير وبدلع : عذوب وزعت علينا فلووس .. كلنا

عبير بعصبيه : أنا مو قايله لج مقابل الحرمة خليه .. ابلشتيهم ومن طلع الصبح

وأنتي في قسمهم

ورده ترفع أصبعها : ترا بعلم أخوي أنج تمنعينا

عبير لوت فمها : فارقي وبس يروحن الحريم والله لا أخلي أمج توريج شغل الله

ورده تحط يدها على خصرها : وأنا لاشفت ضاري بقوله عنج

طارت عيون عبير وهي تشوف ألي حولها فيهم شي ..