تحميل رواية «اريد منك اكثر مما اريد للكاتبة / الكريستال / مكتملة❤️» PDF

فوت ⭐️ / صوت ⭐️ قبل القراءة

‎الفصل الواحد والثلاثون ..

‎الخطوة السادسة والعشرين .. خطوة الطيرآن نحو حلم أريد منك أكثر مما أريد ..

‎( لافي .. أقسم لك أن هذيآني بك يعني أنني لا أمتلك سوآك ..)

‎أخذت نفس بقوة ... من طلع طلال ورآ مرآيم وهو متكشخ على الأخر

‎وحط يده ورآ ظهرهآ حتى يدفهآ للغرفه ويدخل بطولة ورسميته

‎في هاللحظة ...!

‎وهي ... أنتفضت بقوة حتى تشهق وهو يدفعهآ لدآخل ..

‎يجبرهآ على العزلة معآه والثرثرة بصمت ..!!!

‎حست بأصآبعه مثل الحمى تختال قوتهآ ..

‎مستقره ورآ ظهرهآ ..

‎صغرت عبير عيونهآ وشبكت أصآبعهآ مع بعض بربكة وهي

‎تشوف عيون مريم المضطربه ..

‎تشوف خوفهآ ألي تبوح فيه هالعيون ..

‎مآلتفتت أبد لطلال .. لا مآشآفته .. صوته وحضوره بهاللحظة

‎خلاهآ توقف بذهول تطالع في عبير ..

‎كيف تتفق مع أخوهآ عليهآ ...!

‎كيف تسحبهآ للغرفه عشآن يصعدون على مسرحيه عنوآنهآ

‎( الأقنعه .. )

‎كيف تدفعهآ للبكآ ألي نمزجه بالضحك ..

‎نتظآهر فيه بالفرح ودآخلنآ ألف سهم من الوجع

‎يذبحنآ ..

‎كيف تجبرهآ على الجنون بهذيآن الأوضآع المستقره ...

‎عبير برجآ وبصوت مهزوز : تكفين مريم لاتزعلين .. أمي دآخل تدري وأمج .. وهذآ .. هذآ

‎كآنت بتقول زوجهآ وأذآ في طلال يسحبهآ بقوة ...

‎طلال : يلا عآد .. السالفه مصخت .. بلا هالتبرير ألي ماله دآعي ..

‎عبير طآرت عيونهآ أول مآلقت روحهآ توقف برآ الغرفه

‎والهوآ البآردة تلفهآ : شوي ..شوي عليهآ .. والله مآتتحمل ..

‎مد يده وبخطوة منه سكر البآب حتى يظل وآقف معطيهآ ظهره ..

‎لاصقه على الجدآر ورآه تفصل بينهم مسآفة خطوتين ...

‎مجرد مآيتحرك لورآ بخطوة رآح يكون كتفه الأقرب لهآ ..

‎حرك أصآبعه ببطء حتى يقفل البآب .. صوت الحديد وهو يضرب

‎في بعض كآن الأقوى .. الأشد على قلبهآ ..

‎يعلن لهآ أن الجبل العآلي ألي كآن بالفطرة يحتفظ بأسآمينآ ..

‎بتآريخ ميلادنآ وأسم العآيله ..

‎طآحت منه وهي تحآول الصمود ..

‎طآحت على أرض مآتحتوي غير الذل ..

‎وطيف الحيآ ألي يحمل أسمهآ مثل نسمة هوآ بآردة ..

‎قطعت هي خطوآته ..

‎ذبحته في ظلام الليل ..

‎أخذ نفس وهو يحس بأصآبعه ترتجف أول مآسآد الصمت المكآن ... وش فيه هالحين ..؟!!

‎مو هو ألي رضآ فيهآ ..

‎قال لأخوه أيه موآفق على شروطهآ ... أيه يبيهآ ..!!

‎موهو ألي لامس في صوتهآ نبرة صآدقه من الحكي ...

‎لكن بهاللحظة ..

‎خآف يطالعهآ ويلقى صورة الرخص مآثله قباله ..

‎يلقى النفور منهآ مصدر مشآعره ..

‎كيف برجآل نفسه يتقبل بوحدة سوت ألي سوته ..!!

‎رغم أنه سمع السالفه كآمله ..

‎بس هذآ هو لقآهآ نفس مآهي ..

‎ألي

‎أرخصت عمرهآ له .. أرخصت وأنثرت قدرهآ على الأرض دم مهدور ...

‎مآيدري وش فيه هالحين وهي زوجته .. صآرت زوجته وأنتهى الأمر ..

‎كآن يعتقد أنه يقدر يغوص في أعمآقهآ بشرآسه ..

‎يعتقد أنه قآدر يتحمل نسيآن صورتهآ الرخيصه ..!!

‎لكن بهاللحظة .. لقى نفسه يرجع لمنطقة الصفر ..

‎والمسآفآت ..!!

‎ظلت على مآهي عليه قبل .. شآسعه بينهم .. وهذآ هم بين أربع جدرآن ...

‎من كآن يمتلك الحق في الرفض والقبول ..؟؟!

‎هو ..

‎أو هي ..

‎أو النصيب ..!!

‎هو ألي أنحط في أصعب موقف أول مآ طلب أبوه من سالم يدهآ وقباله ..

‎ولقى نفسه بالهآمش ..

‎هي مآكآنت تنعآب عنده قبل .. بس البنت مآستحت وسوآء ثقتهآ

‎معدومة عندهآ ولا لأ بس ألي سوته كبير ..

‎أي تنآقض يلعب فيه هالحين .. أي مسيرة من المد والجزر تسحبه ..

‎طالت وقفته وطآل الصبر عندهآ وهي تكتم أنفآسهآ وبصعوبه

‎تسحب الهوآء لرئتهآ .. تبيهآ تعطيهآ الحق في الحيآة ...

‎أبتعد بسرعه مثل المقروص حتى يروح يجلس قبال صينية

‎القهوة والشآآي .. سكت والمفروض يطلب منهآ تقهويه ..

‎أو حتى ترتآح وهي وآقفه فوق رآسه ..

‎مد يده بصمت ومسك ترمس القهوة حتى يصب له بالفنجآن ..

‎ومن خلص رجع الترمس لصينيه حتى يآخذ الفنجآن ويقربه من شفآته ...

‎طالعت شمآغه المرفوع برسميه لفوق كآشف عن شعره الأسود

‎ألي حوالي أذآنيه .. ذقنه بعوآرض يعآنق فيهآ اللون الأسود

‎ملكية كل شي .. محددة بفن ..

‎نحآفة جسمه وثوبه المخصر ..

‎يبي يثبت لهآ أنه مأهو بحآجته ...!!

‎يبي يعلن بدآية المسرحيه ألي غصبن عليهآ تكون مشآركة فيهآآ ...

‎يبي يضحك على أمهآ وخالتهآ وعبير أنه شآريهآ

‎وهو يبي يذلهآ ..

‎والله أرخصت عمرهآ تدري .. بآعت حيآتهآ .. تدري .. لكن

‎وش دورهآ قباله هاللحين .. تجلس قباله وتوآجه هالحيآة ..!!

‎أو

‎تتحمل المر والعذآب وترضى بقسمتهآ معآه ..

‎طلال بعد مآطآل صمته وهو يبعد الفنجان عنه حتى يقول كل شي بخآطره : أنآ البنت ألي ترخص عمرهآ قبالي أدوس عليهآ

‎ولا تهمني ... وأنتي مآرخصتي عمرج يآبنت العم .. لا ... أنتي قمتي ودستي

‎على تربية أبوج وأخوج وسمعة هالعايله .. لاتلوميني أبد بالي أقوله ..

‎مآعلي ملامه حتى لو أطلقج ويعرفون ليه طلقتج ...!!

‎مرآيم والعبرة وقفت في بلعومهآ :......................

‎طلال يرجع يشرب من الفنجآن وهو متربع برسميه ومسرع

‎مآبعده حتى يكمل : ولا تحسبيني جآهل بالي شآر عليج بهالشور ..

‎ع بالي بقدر أعدل الوضع .. بس هالحين وآثق أنج طحتي من عيني وعمري

‎مآرآح أنحني لج حتى ترجعين نفس مآكنتي ...!!!

‎أنآ مو قآدر أطالع فيج هالحين ,.. عآجز .. مو قآدر ..

‎بدآخلهآ موجة من الأصوآت والبكآ يختنقون ...

‎بس بلعت كل شي وظلت صآمدة قباله ..

‎طلال يفز وآقف وعيونه بالأرض : تكفين لا توقفين قبالي كآشفه .. مو متقبل هالشي حاليا ..تتغطين .. مآتطلعين أبد لي .. ألي يريحج

‎تحرك مثل لمح البصر قبالهآ .. حتى يفتح البآب ويطلع .. مهديهآ

‎بقآيآ من الألم والوجع ..

‎قدر يتقن فن الهروب قبالهآ ...

‎وهي مجردة من أي فن .. مآكآنت تشوف نفسهآ غير أنهآ وآقفه

‎قبآل مرآيآ مآتعكس لهآ غير صورة مشوهه ...

‎طالعت بفنجآنه ألي تركه .. الكيكة ألي شرآهآ ..

‎والحقيقه الغآيبه ..!!!

‎ولحظآت دخلت عبير بسرعه حتى توقف عند البآب تطالع فيهآ ..

‎عبير بعيون مرتبكة وخايفه : مرآيم ...!!

‎مرآيم بسرعه أبتسمت بتصنع وملامحهآ تذوب على كف التلاشي : ورآج خآيفه .. دقوآ

‎عليه ربعه .. ( سكتت وهي تبعد عيونهآ عن بنت عمهآ ) قالوآ .. قالوآ له فيه

‎وآحد صآر عليه حآدث ..

‎عبير برآحة : يوووه أشوآ ... خفت يقولج كلام يجرحج والله ..

‎أبعدت بجنون الصمت حتى ترميه لابسه الأبتسآمة ثوب تتزين فيه ..

‎تحركت ببعثره ومن دآخل كلمآته نزلت عليهآ مثل القنآبل ..

‎جلست مكآن مآجلس .. حتى تمسك فنجآنه ..

‎يعآتبهآ الفنجآن كيف لهآ تمسك جمرة الوجع بدون مآتحترق ...!!

‎مرآيم وهي معطيه عبير ظهرهآ : بالععكس .. ( رفعت رآسهآ لسقف حتى

‎تشوف الحيآة أكفآن تنشآل على كتوف الموت ) قالي كلام خلاني ..

‎( أهتز صوتهآ أول مآنزلت رآسهآ ) خلاني أغير نظرتي له ..

‎غمضت عيونهآ أول مآحست بالدموع تتسرب لصفحة وجهآ ..

‎خلاص يآمريم .. أشربي كآس الحزن أكوآب ..

‎أشربيه مجبورة ..

‎عبير تتقدم لهآ وتجلس قبآلهآ : بس ورآ الكيكة على مآهي عليه ...

‎شهقه بصوت خآفت وصلت لمسآمعهم .. لفت مرآيم

‎بسرعه صوب البآب حتى تشوف منآير وآقفه بفستآنهآ

‎النآعم ..

‎منآير : شنننو هالخيآنة ..؟

‎عبير رفعت يدهآ بحمآس وهي تأشر لمنآير تجي عندهآ : لايفوتج .. هالكيكة

‎يآبهآ أخوي طلال لمرآيم ..

‎منآير بصدمة : ..............

‎عبير تكمل بفرح : وكآنوآ ويآ بعض ..

‎دخلت منآير بسرعه وجلست جنب عبير وهي تطالع مرآيم

‎مو مصدقه أبد ألي تقوله عبير ..

‎منآير وهي متربعه وبحماس صآرت تلملم فستآنهآ من تحت : صج ألي تقوله ..

‎مرآيم بصعوبه بلت ريقهآ وهزت رآسهآ : ............................

‎عبير تلف لمنآير وتضرب كتفهآ : شمي ريحة العطر الرجالي ..

‎رفعت منآير رآسهآ وصآرت تسحب هوآ .. يقال

‎أنهآ تبي تتأكد

‎مرآيم بصوت أمتزج بضحكة : قطعتي الأكسجين عنآ يآبنت الحلال بسسسس ..

‎منآير تزحف وتقرب منهآ : والله مو مصدقه أنج قعدتي ويآه ..

‎عبير : أنآ خططت لهالشي يوم هددني ..ورحت غصبن عليه أخذت

‎شور أمي وخالتي .. تعرفوني مآحب أسوي شي بالسر ثم تطيح فوق رآسي ..

‎منآير تمد يدهآ وتسحب خد عبير : عفيه عليج .. ( طالعت مرآيم ) هآ

‎قولي لي بالتفصيل أول مآدخل شنو قال ...؟

‎عبير بدلع أبتسمت وطالعت مرآيم : ................

‎سحبت الترمس برجفة الخوف لايخونهآ الضعف بهالوقت..

‎صبت لهآ قهوة بنفس فنجآنه ..

‎قبل شوي ... قبال هالفنجآن كان يجآهد هو يقلب الحقيقه ...

‎وهذي هي تتبآدل الأدوآر معه ..

‎وتحآول نفسه تقلب الحقيقه بس العجز يقيد الأثنين ...

‎حآولت تقول أي كذبه .. تقول أنه قال لهآ أحبك .. أنه من شآفهآ

‎شآفت بعيونه حكآيآ وحكآيآ من السعآدة والفرح ..

‎أنه مآمل من أنه يتأملهآ ..

‎بس مآلقت نفسهآ غير أنهآ ترص على أسنآنهآ بقوة تمنع أي وقت للبوح ..

‎ومنآير ظلت تطالع فيهآ ومسرع مآلفت لعبير ..

‎مآكآنت بحآجة لأي شي تعرف فيه أن هاللقآ مآكآن غير مفخخ

‎بالموت ..

‎وجه مريم وصمتهآ خلتهآ تقرآ كل شي ..!!

‎منآير : عبورة .. وين أمج ..؟!!

‎( .... : ههههه ... أيه والله يآم سعود ..

‎..... : شفتي كيف .. ألله يعطينآ طولة العمر بس ونشوفهم ويآ بعض )

‎منآير قربت من مرآيم أكثر وبهمس : هذي خالتي وأم سعود ..أبتسمي ..!

‎مرآيم ترفع عيونهآ : ...................

‎ولحظآت حتى تدخل أم سعود وأم سآلم والفرح

‎يرقص على ملامحهن ...

‎أم سعود : ليش قآعدآت هنيه ...؟

‎عبير زحفت وصارت تأشر لأمهآ : تعالي يمه أقعدي هنيه ... رآح طلال

‎أم سعود أنعقدت حوآجبهآ : أييه .. دق علي وقالي أنه بيروح بس أقصد

‎ورآ مآنقعد دآخل البيت أدفى لنآ ..

‎وأول مآجلست أم سعود فزت عبير وآقفه ..وعلى طول أنحنت أم

‎سآلم حتى تبوس رآس بنتهآ وتجلس جنبهآ ...

‎أم سعود : أنتي ورآج وقفتي ..؟

‎عبير : بروح يمه أييب لكم مرآكي .. ومنهآ صحون عشآن نقطع الكيكة ..

‎منآير تلف لعبير تطالعهآ : ونآدي الجوهرة وخالتي وأم تغريد ..

‎عبير تحط أصبعهآ تحت وحدة من عيونهآ : تآمريني أنتي

‎منآير تطالع أم سعود : والله بنتج ذي أموت فيهآ .. ربي يحفظهآ لج ..

‎أبتسمت بأحرآج و

‎تحركت بخطوآت وآسعه حتى تطلع من الغرفه ...مشت

‎فالسيب ومسرع مآركضت أول مالفت حتى تدخل من بآب المدخل ...

‎وعلى طول كملت خطوآتهآ صوب الغرفه ألي جآلسه فيهآ الجوهرة وأم تغريد ..

‎الصمت سيد الموقف بينهم ..

‎عبير تدخل : منآير تقولكم تعالوآ بالغرفه ألي برآ ..

‎الجوهرة تآخذ نفس وبعدم أستيعآب : أي غرفه ..؟

‎عبير : بالغرفه ألي جنب غرفة الخدآمة ...

‎أنعقدت حوآجب الجوهرة بصمت ومسرع مآنفجرت ضحك ..

‎الجوهرة : ههههههههه .. ألله لايضيق علينآ .. شنو مآخذهن للغرفه

‎ألي هنآك ...

‎أم تغريد تطالع الجوهرة : .........

‎عبير بأستغرآب : ليش ...؟

‎الجوهرة فكت أيديهآ المشبوكة مع بعض حتى ترفع اليمين وتسآندهآ

‎على المركة : هذي غرفه ميري وزوجهآ يامال الصلاح .. والله

‎لاتطلع جنونهآ لاشافتكم فيهآ ...

‎عبير طآرت عيونهآ : بس الغرفه فآآضيه عمتي مآفيهآ شي ..

‎ومآذكر امي عطتها احد

‎الجوهرة تحآول تمسك نفسهآ : من صج مآتدرين أنهآ الغرفه ألي يقعد فيهآ

‎محمد ...؟!!

‎عبير رفعت أيديهآ : الغرفة فآآآآآضيه أقولج عمتي

‎الجوهرة : وأذآ فآضيه.. تعرفين أمي مآتحب العفش الزآيد فالغرف .. موصيتن

‎ميري تشيل كل شي يخص زوجهآ لاقآم وترده للغرفه .. ومتوعده فيهآ

‎لاشآفت الغرفه مليآنه بخلاقينهم .. هههههههههههه .

‎عبير بقرف : يآآحظي ..

‎قآمت أم تغريد على طول حتى تتحرك طالعه من الغرفه والجوهرة عيونهآ

‎تحركت تطالع فيهآ لين طلعت ..

‎الجوهرة تصد بعيونهآ : يمممه من فضول الحريم ...

‎عبير أبتسمت وقربت من الجوهرة حتى تجلس جنبهآ : مآشفتيهآ تو عمتي

‎سحبتني أستجوآب عن الحريم ألي يوآ ورآحوآ

‎الجوهرة طآرت عيونهآ : بالله .. !!

‎عبير تلوي فمهآ : قسم بالله .. بس طينة خالتي عآرفتهآ زين مير

‎مآعطيتهآ شي قلت لهآ مدري .. لو تشوفينهآ نوت تاكلني لولا أمي

‎الجوهرة تتنهد : أيييييه .. ألله يعافينآ ممآ أبتلاهم ..

‎عبير بهمس : تتوقعين تغريد صج مسآفره .. والله شي غريب سفرتهآ ..

‎طيب لافي ؟؟؟

‎الجوهرة تطالع عبير بدفآ : أخوج ملتهي في دنيآه .. شنو تبينه يسوي

‎بعد كل شي شآآفه منهم .. يرجع للهم مره ثانيه .. لو أنآ بدآله قسم

‎بالله لا أنفذ بجلدي

‎عبير بتأكيد : عمتي .. البنت حتى رسالة مآذكرتني فيهآ وهذي مو من طبآيع

‎تغريد .. يعني تتوآصل معنآ ومع أمي .. هالمره لاحس ولا خبر .. أنآ

‎قلبي يقولي السالفه فيهآ شي

‎..... : يالجوووووووهرة .. جوووهرة ..

‎الجوهرة تفز بسرعه وآقفه : هذي أمي

‎عبير تطالع عمتهآ : طيب عمتي شسوي .. شآآقول لهن ..

‎الجوهرة بأبتسآمة : روحي لهن وأنآ بشوف أمي وبلحقج يلا

‎عبيير هزت رآسهآ :طيب ..

‎تحركت الجوهرة بخطوآت وآآسعه حتى تطلع لصاله .. وبسرعه

‎تحركت صوب غرفة الجده ألي كآنت لمبآتهآ مشغله ..

‎الجوهرة تمسك يد البآب المطرف وتفتحه كله : هلا ..

‎الجده وهي متربعه وجالسه جنب سريرهآ : أدخلي وسكري البآب ..

‎حركت رآسهآ تطالع يد البآب وهي تدفه كله لين تسكر .. وبهدوء

‎تقدمت وجلست بجنب أمهآ .. مآيفصل بينهم غير مركة صغيره ..

‎الجوهرة تطالع وجه أمهآ المتضآيق : يمه ورآ مآقعدتي مع أم سعود

‎وأم سالم ..

‎الجده بصوت ضآيق : مآعآد لي في خبال الحريم حاجة..

‎رمشت الجوهرة ببطء وظلت تطالع أمهآ وهي رآفعه برقعهآ ألي ظل بس

‎مغطي جبهتهآ والتجآعيد في وجهآ مكشوفه ..

‎الجده : أسمعيني العلم ألي قلته عند وضحى وخزنة مآبي جنس بشريه

‎يعرف فيه ..

‎الجوهرة : ....................

‎الجده طالعت بنتهآ بحده : ترديد الكلام فشين فآت اتركيه وانسيه .. البنيه الحمدالله

‎أحسهآ قآمت تلين معي .. ولا قبل توذيت منهآ وتعبت لين قلت مآعآد

‎لهآ دوآ

‎الجوهرة بصوت ينآجي الحزن : حسبي الله ونعم الوكيل .. أيآ النذل ..

‎يالوآطي .. يالخسيس والله يمه ألي سمعته فجعني .. أعرف خزنة حقود

‎بس مآهقيت ولدهآ يمه يطلع هالطلعه ألي تسود الويه ..

‎الجده : دآمج أنفجعتي .. فيج الخير أبشرج ...!!

‎الجوهرة بضيق لفت لأمهآ : لا تزودينهآ علي يمه .. ألي فيني مكفيني قسم بالله

‎وأحس أني ضآآيعه معهم .. وهالحين خلاص مدري شسوي ...

‎الجده بتأكيد : لاتسوين شي .. ولدج وعلي صآير له الأبو وليليآن بنيتي

‎ووضعهآ بسنعه .. ألله يعيني .. وأنتي مآنتيب حآجة أحد يدلج

‎طريق الخطآ والصوآب ..

‎الجوهرة بسرعه تكلمت : ألا يمه .. محتآجه أحد يقولي كيف أكسب

‎بنتي .. أنآ مآنكر صدهآ من وصلت هنيه خلاني أيأس منهآ بس هالحين

‎ومن عرفت سوآة صالح والحآل ألي هي عليه عذرتهآ ..

‎الجده بعدم قبول لمنطقهآ : ليه .. لايكون جآهلتن فيه بس .. تآركة عيالج عند خزنة

‎وأنتي عآرفه سوآيآ هالحرمة ..

‎الجوهرة بقهر : مآفيه يمه أم تترك عيالهآ من كيفهآ .. رآشد هو

‎ألي غصبني وذلني حتى أتركهم ويعتقني .. أنتي خآبره كل شي

‎الجده بعد صمت : حآولي كآن فيه شين له رجآ يتعدل .. مع أني

‎عآرفه هالبنت رآسهآ يآبس ولاتسآمح بسسرعه .. وترآي بعطيج العلم

‎من هالحين بتتعبين وبتتوذين منهآ بعد .. أن بغيتي تتقربين منهآ

‎الجوهرة أخذت نفس وزفرته : .................

‎الجده : لا جآبوآ العشآ عطيني خبر .. حتى أغرف بصحن لي ولبنيتي

‎... بنتعشى لحالنآ

‎الجوهره هزت رآسهآ ببطء : أن شآلله يمه ..

× × × × × × × × × ×

‎جآلسة على الفرآش بعيون مآيله للون الأحمر .. متورمة من كثر الألم والبكآ .. تعلن أول خيوط المعآنآة بلا أدويه تسكنهآ ..

‎شعرهآ ألي كآن يوصل لكتوفهآ هذآ هو يوصل لرقبتهآ ..

‎والسبب ..

‎مجهول ..!!

‎ليش أنقص وبأي حق مآتدري .. كل شي صآر في هالمكآن

‎بلا أحقيه .. بلا ملكيه ..!!

‎جلدهآ من كثر الألم لحد هاللحظة تحس فيه يهد جبآل ..

‎يهد سنين ترآكض ورآ الشفآ .. ضد الألم ..

‎طالعه رضوض متفرقه برجولهآ وجلدهآ لونه أحمر ..

‎( آآآه ) تطلع منهآ كل مآتحركت وهي من صحت للحين متمددة

‎على هالسرير ..

‎رفعت أصآبعهآ وهي ترتعش حتى تحطهآ على رآسهآ .. تتلمس

‎شعرهآ .. وش صآر لهآ ...؟

‎شلون أنضربت ولا حست ...

‎شهقت بخوف وهي تحوم بعيونهآ في كل الزوآيآ ....

‎الجنون أقرب لهآ في هالمكآن ..!!

‎حآولت تحرك رجولهآ وبسرعه غمضت عيونهآ

‎وهي تحس فالموت يلاحقهآ في هالمكآن مثل الجلاد ..

‎قلبهآ يضرب بقوة .. ولمآ يهدى في ضربآته تكون هي نآمت ..

‎وينه لافي .. وينه عن هالعذآب ألي تعيشه ,,,

‎ليش تركهآ في هالمكآن ... وش يبي فيهآ ..

‎وش سوت في حياتهآ حتى تلاقي كل هالسوآيآ ...!!

‎نزلت أيديهآ بصعوبه حتى ترفع كم بلوزتهآ وهي تطالع ذرآعهآ ..

‎حسآسيه غريبه شآفتهآ تظهر في جلدهآ .. غمضت عيونهآ ورجعت تفتحهآ ..

‎بتتعذب هينآ ولاحد دآري عنهآ ..

‎بتفقد بصرهآ .. والله بتفقده ..

‎المرض بدى ينآديهآ ..

‎يسحبهآ للقآع .. لظلام ولا حولهآ أحد ... أنهآرت تبكي وصوتهآ منقطع ..

‎مآعآد لهآ حيل للصوت من كثر مآبكت من الوجع ألي تحس فيه ..

‎من الحالة ألي فيهآ ..!!

‎وين أمهآ .. أبوهآ ... ليش تركوهآ مع زوجهآ هالمريض ..

‎صآر صدرهآ يرتفع وينزل بشكل متكرر وبحركآت سريعه

‎وهي تحآول مع كل شهقه من بكآهآ تآخذ نفس .. حركت عيونهآ

‎برعب للغرفه .. حفظتهآ من كثر مآطالعتهآ .. من كثر مآتأملت

‎كل شي فيهآ .. سمعت صوت حركآت وشي ضرب الجدآر ألي عليه الشبآك

‎حتى تفز بخرعه وتبعد عنه .. تزحف مآتدري وش هالصوت ..

‎أصلن هم بليل ولا بالنهآر ..

‎السآعه كم ...؟!!

‎فركت عيونهآ وهي تحس بحكة قويه حتى تسحب رجولهآ تثنيهم

‎بالعآفيه ...

‎ليش مآجن العبدآت يقولن لهآ وش ردة فعل لافي لمآ وصتهن

‎يقولن له أنهآ مريضه ..

‎أنهآ محتآجة أدويتهآ وشنطتهآ ألي رمآهآ بالصحرآ ..

‎طالعت البآب ولمبه الغرفه فوقه بالضبط بأنآرتهآ البيضآ حتى تشوف

‎من تحت ظلال خطوآت أستقرت عند البآب .. ولحظة ثآنيه

‎حتى تسمع صوت مفآتيح تبعه صوت قفل البآب أول مآنفتح ...

‎أندف البآب حتى تنكشف نصف الصاله الخاليه من الأثآث مآغير فرشه رصاصيه

‎تغطي الأرضيه .. فتحت عيونهآ ع الأخر تبعتهآ دموع وهي

‎تشوف لافي وآآقف بطوله قبآلهآ ... يطآلع فيهآ بنظرآت صآآمته ...

‎لابس ثوب أبيض وشعره الرمآدي ممسوح ..

‎مآتدري أنه بهاللحظة متجرد من كل أنسآنيته ..

‎مآيسمع غير صوت الرصآص ألي يحثه للأنتقآم ..!!

‎تحركت رغم الوجع .. رغم قلة الحيله والضعف حتى تنزل  من السرير ...

‎طآحت على الأرض ورجولهآ مو قآدرة تشيلهآ بس بسرعه قآمت وآآقفه

‎حتى تتحرك بخطوآت وآآسعه له مثل المذبوحة .. رآميه جسدهآ

‎الضعيف على صدره ... لصقت فيه وهي تبكي .. ترجف من الخوف

‎والرعب .. وهو مآتحرك أبد ولا حتى قال شي ..

‎مو مصدقه أنه أخيرآ ظهر لهآ ...

‎أن العبدآت قالن له كل شي قالته ...!!!

‎تغريد بصوت بالعآفيه يطلع ..: لافي ليش تركتني هنيه ... تخيل ( بكت ) تخيل قمت ولقيت جسمي

‎كله أحمر .. في أحد ضآربني .. أرحمني .. أرحمني و خذني لأهلي والله مريضه ...عيوني .. عيوني مآهي بخير .. لاف ......

‎فتحت فمهآ أول مآحرك يده المشدودة بغضب أسود حتى يدخل

‎أصآبعه بشعرهآ ويجر رآسهآآ مع جسمهآ بعيد عنه ...

‎مآكآن هالقرب .. هالضعف وقلة الحيله ألا حطب تزيد النآر

‎المشتعلة دآخله ... بحقده وبجنونة المدمر سحبهآ يبي يطلعهآ من الغرفه ..

‎وهي من الخرعه .. من صمته وسكوته الغريب ..

‎من ملامحه ألي تفتح في فكرهآ ألف وجه للعذآب ...

‎صرخت

‎تبي ترجع للغرفه .. خآآفت منه .. من نظرآته .. من كل شي

‎تغريد ترجع لورى وهو شآد شعرهآ : وخر عني .. رووح رووح وأتركني

‎أموت هنيه ..

‎ضم شفآته بحوآجب معقودة بقوة وأنفآآس حآره حتى يحرك يده

‎الثآنيه ألي مآسك فيهآ عصآآه ويسحبهآ ... صرخت مرة ثآنيه

‎من شآفت العصآ والأسلاك ألي حوآليهآ ...

‎وين بيآخذهآ ...؟!!

‎تغريد تنآزعه تبي الفكة بروحهآ من ألي ينطرهآ : حيوآن وين بتآخذني ...

‎شتبي فيني أنت ... قووووول ...

‎مآرد عليهآ وهمه يسحبهآ للمكآن ألي مخطط عليه ...

‎ومآكآن صوتهآ غير ذآك الصوت الحآد ألي يبدد سكون المكآن

‎ويرجع لهآ مخترق أذنهآ بوحشيه ..

‎نزلت على الأرض يوم شآفت مآعآد لهآ حيل تقآومه وهو من شآفهآ

‎تبي تجلس جرهآ بقوة وأنحنى يبي يشيلهآ على كتفه ..

‎صآرت بضعف تضربه وتبي تشمخ وجهه بأيديها .. ولحظآت حتى تشوف نفسهآ

‎ترتفع عن الأرض وجسمهآ يستقر على كتفه ... حركت رآسهآ بكل أتجآه

‎والصوت يخونهآ .. ومآعآد تشوف غير خطوآته ألي صآرت

‎تمشي بسرعه ..

‎تغريد بصوت رآيح : نزززلني يآآمريض ... ذبحت سعود .. تبي

‎تذبحني بعد .. تبي تذبحني .. !!!

‎مشى بالصاله ومآحست غير بيده الثآنيه تهوي على ظهرهآ مثل

‎الحجر وهو يجمع بلوزتهآ ومن دخل المطبخ سحبهآ من فوق

‎حتى يرميهآ على الأرض بدون ولا رحمة ...

‎مآزالت تشعلل النآر في قلبه .. تحرق كل غآبآت الهدوء ألي

‎يآمآ حآول يزرعهآ ويتلذذ في سعآدتهآ ..

‎الألم مآكآن غير مرهق بدآخلهآ موجع بدآخله ..!!

‎صآر يضربهآ بلا رحمة على كتفهآ بالعصآ .. على رجولهآ .. على ظهرهآ

‎وهي قباله تتلوى من الألم .. تصآرخ تبكي ..

‎أنحنى بشرآسه حتى يرفعهآ بقبضه يده .. صرخ بكل قوته ..

‎بكل جبروته ..

‎لافي : من ذبح سعود .. من ألي ذبحه .. تحجي .

‎تغريد فقدت كل قوتهآ : ...................

‎لافي صآر يهزهآ بعنف وقسآوة : وقسم بالله أن مآقلتي لي من ألي

‎ذبح سعود لا أخليج تشوفين العذآب بعيونج ..

‎تغريد : مرررررريض .. مررريض ..

‎رمى العصآ من بين أيديه حتى يجرهآ مع شعرهآ للمجلى ..

‎وذرآت الحريق تتطآير بدآخله .. يحس بالنآر تسري

‎في دمه .. شد على شعرهآ بقوة وفتح الحنفيه لأخر شي

‎لافي : أن مآقلتي لي من ألي خطط لذبح سعود والله لا أخلي

‎أيديج تحت هالمآي الحآر ..

‎فتحت عيونهآ على الأخر وهي تشوف بخآر المآي يطلع من الحنفيه ..

‎وفالمجلى طآسة حديد مصديه .. رجعت بجسمهآ لورى وهي تشآهق

‎تغريد : و .. و .. والله .. م .. مآدري

‎لافي صرخ وهو يقرب وجهآ من المآي : لا تجذبين ..

‎تغريد صرخت بجنون وقطرآت المآي تطير على وجهآ تحرق

‎بشرتهآ : مآآآآآآآدري .. آآآآآآآآآآآه .. حيوآآآن .. وخرررعني .. مآبيك ..

‎أنت ألي ذبحته .. أنت ...

‎ولحظآت حتى تصرخ بقوة من سحب يدهآ اليسآر متمسك فيهآ

‎ويحطهآ تحت مآي الحنفيه ... صرخت وقآمت تضرب

‎رجولهآ بالأرض بقوة ... مو قآدرة تتحمل .. جلدهآ تحسه أنسلخ

‎من المآي الحآر ...

‎لافي صرخ : من ألي خطط على ذبحه ..!!

‎وبلحظة فقدت كل عقلهآ وتركيزهآ .. حتى تحرك يدهآ بسرعه

‎وتسحب الطآسه الحآرة وترميه على بطن لافي ...

‎فكهآ بلمح البصر حتى يطيح على الأرض وهو لاف أيديه حول بطنهآ والطآسه ..

‎طآحت على الأرض حتى تطير وترجع مرة ثآنيه وتستقر تحت المجلى ..

‎حرقت بطنه فالمآي الحآر .. وقفت بذهول وألم ووحدة تطالع فيه مرمي

‎على الأرض بطوله .. وبسرعه تحركت مثل المجنونة طالعه من المطبخ ..

‎لمحت بآب الصآله مفتوح وكل شي سآآكن ..

‎مآكآن في بالهآ غير تنفذ بجلدهآ من هالمجنون ... هالمريض ..

‎ركضت بكل قوتهآ وهي بالحقيقه خطوآتهآ بالعآفيه تسآعدهآ ...

‎صآرت تجمع أصآبع يدهآ ألي أحترقت من المآي الحآر حتى تطلع

‎برآ البيت .. وقفت تتلفت مآتدري وين تروح ..

‎من ألي بيسآعدهآ .. بكت بقوة بس شهقت بفرح من شآفت سيآرة

‎لافي الجيب بمسآفه بعيده عنهآ حيل .. وآقفه عند البوآبه من دآخل وبآب

‎السآيق مفتوح .. لمبآت السيآرة من ورآ مشغله والنخل المتفرق حواليه ...

‎لفت تطالع الصاله ومسرع مآركضت تبي الخلاص ...

‎نجآتهآ بهالسيآرة تحركهآ وتهج فيهآ بعيد عن هالجآخور ...

‎كل شي كآن يركض بعيد عنهآ... المسآفآت .,... كومة الحديد المرمي

‎في كل مكآن .. الخشب ...

‎والعبدآت وين رآحن ....؟!!

‎مسكهآ قلبهآ وهي تتلفت تخآف تطلع وحدة منهن في وجهآ ...

‎بس طآحت أول مآصرخ لافي عند بآب الصاله ..

‎لافي بصوت عالي : تغرررريد يآويلج أن رحتي ..!!!

‎صوته مدآفع من الكوآبيس أرتمت على مسمعهآ ...

‎قآمت مثل المجنونة والترآب غطآهآ .. نفسهآ بينقطع

‎بأي لحظهآ ورجولهآ مآعآد لهآ قدره تركض فيهم زيآآدة ..

‎بس عليهآ تخلص روحهآ من هالمتوحش..

‎من هالمريض ...!!

‎الألم مرهق .. ويدهآ ألي أحرقهآ بوحشيته تنزف دم .. بس

‎عليهآ تركض وتركض .. رغم أن كل شي قآم يركض ببطء

‎حولهآ ...

‎وعلى رغم ركضهآ السيآرة بعيده عنهآ ...

‎ولافي ورآهآ ينبض حقد وجنون وعذآب يبي

‎يفجره فيهآ ..

‎كآنت تجهل أنهم مشتركين في ذآكرة مآتعرف النسيآن ..

‎أشتركوآ بالفرح .. بالسعآدة .. حتى الحزن تجرعوه في الغيآب والفقد ..

‎صآرت تلهث بتعب ..

‎هي ليش تهرب منه .. ليش مآتبيه يعذبهآ ..!!

‎ليش مآتخليه يتفنن في عذآبهآ ..!!

‎وقفت أول مآقربت من السيآرة حتى تجلس على رجولهآ ...

‎تخلت عنه في عز حآجته عشآنه ...

‎مآفي أعظم من تضحيتهآ ذي تضحيه ..!!

‎بترت هي عذآبه وهو بتر حبهآآ ..

‎لكن

‎مآينلام لافي .. مآعليه ملامه وهو يجهل مرضهآ ...

‎فتحت فمهآ حتى بآنت أسنآنهآ وصغرت عيونهآ حتى تنفجر في نوبه

‎بكآ كآنت أخر محطآتهآ ..

‎وهو كآن يركض يبي يلحقهآ بس وقف في وجه نوآيآه ..

‎قآطع عليه وعليهآ شوط من الجمر والعذآب ...

‎تغريد : تعآل سوآ ألي تبي تسويه .. تعآآآآآل .. والله مآعرف

‎عن سعود شي .. مآآعرف ..

‎يذكر أنه في يوم دخل ويآهآ في كلام ملاه الهدوء ..

‎قالت له بصوتهآ الذآيب ... لو تعيش طولة العمر مآتلقآني ألا يمنآك

‎ألي مآتعصآك ...!!!

‎وهذآ هو يوقف قبآلهآ يحآول يجمع أنتصآرآته وهزآيمه قبآل دمآر

‎مآلحق غير فيه ...

‎مآ أهدته غير مأسآة مزينه بالحروف والجمل .. !!

‎مآ أهدته غير عوآصف ولهيب مآشتغل غير فيه .. تحركت خطوآته الثقيله ..

‎القآسيه قسآوة الحجر صوبهآ .. وكل مآلهآ تقرب منه أكثر وأكثر ..

‎صوت بكآ الوجع منهآ يهطل على أنه مثل الثلج البآرد ..

‎مآيزيده غير برودة ...

‎مر من عندهآ بس وقف مآتفصل بينهم خير خطوآته .. جالسه ورآه

‎تتأمله بأنكسآر وذل .. تتأمل أكتآفه العريض .. أيديه وهو

‎يشد أصآبعه بقوة ..

‎لافي : لا تفكرين تطلعين من هالجآخور لأن لوصآر لج شي من الجلاب

‎بيكون ذنبج على جنبج ...

‎رفعت صوتهآ أول مآتحرك تآركهآ .. متوجه صوب سيآرته

‎تغريد : أنت ألي ذبحت سعود .. تعآل .. تسممع .. أنت ألي ذبحته ..

‎مآنشحن بطآقه غضب .. مآثآر ولا هجم عليهآ مثل الوحش همه

‎يمزق أوتآر صوتهآ ويرتآح منه ..!!

‎كآن كلامهآ على قلبه بآآرد .. يتسلل مثل ريحة البآرود في ليلة شتآ

‎مشحونة بأصوآت الحروب والقتل ..

‎ركب سيآرته وسكر البآب حتى يتحرك تآركهآ جالسه على الأرض ..

‎تبي الخلاص ولا تدري كيف ..!!

‎تنآدي محطآت النسيآن المنسيه في ذآكرة الكل ..!!

‎يزيد من سرعة سيآرته وتنطلق لفوهة الخلاص .. تهب الهوآ البآردة

‎تهآجم كل ملامحه وهو بصمت عيونه تطالع الشآرع أول مآعآنقته

‎كفآرآت سيآرته .. تتحرك بشرآسه يآقة ثوبه ..

‎تحآصره الأفكآر ألي كآن مصدرهآ سالفة أخوه سعود والثآر ..!!

‎تغيب الأفكآر في كومة قصص وحكآيآ غريبه .. مشتته في صندوق

‎ذآكرته .. والوصل بينهآ معدوم ..

‎تجبره الذآكره على أنه يجلس مقآبل للمآضي وهو يفتح صفحآته

‎على عجل وأذآ فيه بلمح البصر يغآدر هالكرسي أول مآغمض

‎عيونه وفتحهآ ...مسآفه الطريق حتى يوقف قبآل بيت أمه العودة

‎ولظلام يحآصر الأمكنه ..

‎أخذ نفس بقوة وبتعب فتح البآب .. نزل حتى يحس بمكآن المآي

‎الحآر على بطنه بآآرد برودة الثلج ... وجلده يآكله بس بيقدر

‎يتحمل ويسكت ..

‎كآن صوت بكآهآ متسلل يجبره على الحزن بس مآحس بالشفقه عليهآ ..

‎مآحسه .. سكر البآب وتحرك بخطوآته والصمت هو الصمت ...

‎دخل من بآب الشآرع والهموم تحآصره من كل جهه وهو الوحيد

‎ألي عليه يوآجه كل شي حتى الموت ...

‎كيف عليه يقول في لحظة رجوليه أنه مل الأسئله الغبيه ..

‎والتصرفآت الغبيه ..

‎والتبريرآت الغبيه

‎والبشر الأغبيآء ...!!

‎دخل الديوآنيه حتى في وسط الظلام يروح لشنطته وينحني فآتحهآ ..

‎مد يده لجيبهآ وسحب علبة حبوب منوم ..

‎طالعهآ بنظرته اليآئسه .. ومسرع مآبتسم .. كآن عنده أحسآس بيجي

‎يوم ويحتآجهآ ..

‎فز وآقف وتحرك طآلع من الديوآنيه للحوش .. دخل البيت ومن وصل

‎لصاله كآن المطبخ هو الوحيد ألي ظل بأنآرته المشغله ..

‎ريحة الأكل للحين تحوم فالمكآن ... مآيدري وش يبي هينآ وآقف ..

‎بس ألي يعرفه أنه يبي الرآحة ..

‎حرك عيونه ببطء صوب غرفتهآ .. يبي يخلع فيهآ

‎كل أقنعة اللغه المجردة من أنسآنيته ..

‎يبي يرمي بأفكآره وهمومه من أقرب شبآك للنسيآن ..

‎تحرك بدون أي تردد حتى يمد يده ويفتح غرفتهآ بهدوء .. تتسلل

‎ريحة غرفتهآ مثل تبآشير الرآحة لأنفآسه .. يدخل بخفه ويسكر البآب

‎ورآه .. ومن لف ألا تطيح عيونه عليهآ متمدده على جنبهآ وحآطة

‎أيديهآ كلهآ تحت رآسهآ .. اللحآف وآصل لنص جسمهآ ...

‎في زمن فآت مآكآن حلمه يكون مخترع .. ولا حتى أنه ينتمي لوطن

‎غريب عليه .. حلمه أنه يتزوج معشوقته ويكون عنده أطفال منهآ ..

‎وأذآ في الحيآة تسرق منه أحلامه ..

‎تسرق أحبآبه ..

‎تقدم أكثر وأكثر لهآ ... طالع كوب المآي ألي جنب رآسهآ وبسرعه

‎فتح العلبه وسحب له حبه حتى يبلعهآ .. مد يده وسحب كوب المآي

‎حتى يشرب منه ..ومن خلص رجع الكوب مع العلبه لمكآنه وأنحنى ببطء

‎حتى يتمدد ورآهآ بالضبط .. مآل برآسه على مخدتهآ ومآبخآطره

‎غير النوم رآمي كل شي ورآ ظهره .. ظل بصمت يطالع شعرهآ

‎وبدون أي تردد سحب جديلتهآ وبدى يفك شعرهآ ..

‎بحذر من أنه يزعجهآ ...

‎قربه من خشمه

‎ومسرع مآرفع رآسه وحط شعرهآ الطويل تحت رآسه ..

‎يبي ينآم وأنفآسه مآتعآنق غير ريحة شعرهآ ...

‎هذآ هو الشوق لريحتهآ بس يجلده ..!!!

‎والأنتظآر لتصرفآتهآ له لذه غريبه تغتاله بوله غريب ...

‎رفع يده ألي مآنتبه لجرحهآ .. ومآ

‎وعى أنه يوم نوى يحط يد تغريد تحت المآي الحآر

‎..ذآق معهآ العذآب ..

‎رضى يشآطرهآ الوجع ..

‎أرتفعت يده ونزلت على خصر ليليآن حتى يلف يده حولهآ ويقربهآ

‎لجسمه أكثر .. فزت من نومهآ أول مآحست بثقل يده .. رفعت رآسهآ

‎بخرعه بس وقف رآسهآ وشعرهآ كله تحت رآسه ..

‎شد على خصرهآ وقال بصوت تعبآن .. أقرب للهمس .. ( هصصصصص )

‎ليليآن بخوف وصوت مفجوع : لافي ....!!

‎أضطربت أنفآسهآ وحس برعشتهآ تغتال كل شي فيه ...

‎هذي هي هالحين بين حدود جسمه ..

‎معقوله يحبهآ .. معقوله تجرأ يحب هالبزر ..!!

‎كيف يقدر يقول ( لا ) وهذي هي بين حضنه تروض أنفآسه بخوفها منه ..

‎بحضور جسدهآ يحس بكل شي ينآم مرتآح ..

‎وأسمه على شفآتهآ توقف لهآ جيوش من مشآعره ..

‎حرك يده الثآنيه حتى يدفنهآ تحت جسمهآ ويحآوط خصرهآ بأيديه

‎الأثنين ..

‎لافي بعد صمت و بصوته المجهد قال مغمض عيونه : شآآيبك تعبآن ..!!

‎أرتخت عظآمهآ وهي تعآني أنهزآمآت وسط أنهزآمآت ..

‎نزلت رآسهآ مرجعته للمخده والكلمة أستقرت بقلبهآ صآدقه ..!!

‎أخترقت عتمة مخآوفهآ وحوآسهآ حتى تحس بعمق هالكلمة ..

‎يكبر شي يسكن دآخل ضلوعهآ ..

‎بين قلبهآ ألي حآولت تعلمه كيف يكره لافي ..

‎وأذآ بلافي يعلمهآ كيف تحب ...!!!

‎قلبهآ التعبآن منه ..

‎أيه تعبآن .. وتآيهه في دوآمة مآتدري كيف دخلت فيهآ ..

‎مآتدري كيف تطلع بدون خسآير ..

‎مو قآدرة حتى تفكر ..

‎غرقت عيونهآ بالدموع وأنفآسه تحس فيهآ على شعرهآ ..

‎وجود هالقرب بينهم .. في غرفه وحدة .. وسرير وآحد ..

‎تزيد العشق أضعآف وترتسم صورته في وريدهآ ..

‎عليهآ تتركه لاتغرق معه ...

‎مآكآنت تدري أنهآ من قررت تروضه مآكآنت غير تحترق

‎في حبه ..!!

‎وسط ذكريآت أبوهآ وفقده .. مآتجرأت ترسم وسط كومة هالذكريآت

‎غير صورته ..!!

‎بكل تنآقضآته .. بكل غموضه .. بكل قلة معرفتهآ فيه ..

‎تحركت بدون أدنى مقدمآت وبعيون تلمع بالدموع سحبت شعرهآ

‎من تحت رآسهآ حتى تلف له مقآبلته وجه لوجه ..

‎طالعت صدره ألي يرتفع وينزل بأنتظآم ..

‎تلفهآ ريحة عطره الفرنسيه ألي تعشقهآ منه ..

‎رفعت عيونهآ بخوف صوب ملامحه ..

‎من علمهآ كيف تكون الرجوله من بعد أبوهآ غيره ..

‎من علمهآ كيف تعشق وتحب .. غيره ..

‎في صمته الرجولي وحضوره .. في أبتسآمته ..

‎في تعبهآ من كآنت تحس فيه ...؟

‎صوته الوحيد ألي يدخل ببدآيآت مآتنتهي .. حتى تعيش فيه ..

‎هو الأجودي ألي أنقذهآ من بين أنيآب الصحرآ ألي مآترحم ..

‎نزلت دموعهآ وعوآرضه قريبه حيل من جبهتهآ .. ليش جدتهآ

‎مآقالت لهآ من يكون ..؟

‎ليتهآ قالت لهآ قبل لايطيح الفآس بالرآس ..

‎رغم حرآرة جسمهآ كآن جسمه بآآرد ... بس عمرهآ مآرآح

‎تترك الأمور على مآهي عليه .. هي رآح تقول له هالحين أنهآ هي

‎ألي أتهمته بالجآخور ..

‎مستحيل بتستمر بالكذب والتمثيل ... وهي تحبه ..

‎مآلت بجبهتهآ على صدرهآ وغمضت عيونهآ

‎ليليآن بصوت مخنوق : لافي ...

‎لافي : ..........

‎ليليآن ترفع رآسه تطالع ملامحه وعيونه المغمضه : أنآ عآرفه أنك تسمعني ..

‎أنآ بقولك السر ألي جدتي خبته عني ..

‎لافي : ........

‎ليليآن ببعثره : أنآ عمري مآرآح أسمح لنفسي أتسذب عليك .. أنآ

‎البنت ألي طلعتهآ من الصحرآ .. تذكرني زين يالافي .. والله توي أعرف

‎أنه أنت الأجودي .. سنتين وأنآ أسأل جدتي ولا تعطيني وجه .. ولا تسألني

‎كيف عرفتك .. عرفتك وخلصنآ ..

‎سآد الصمت بينهم وهو غرق في مفعول حبة المنوم .. طالعته ورجعت

‎تنآديه ..

‎ليليآن : لافي ..

‎رفعت جسمهآ مع رآسهآ وتسآندت بيدهآ على السرير ...

‎ليليآن بأستغرآب : لافي ليش مآترد علي ..

‎طال صمته .. وبتردد رفعت يدهآ حتى تقربهآ أكثر من خده ..

‎لامسته حتى حست بنغزآت خفيفه على بشرة كفهآ من عوآرضه ..

‎نآم ...!!!

‎نآم قبل لا تقابله هي بليلة أعترآف مآرآح يزيد الهم غير أثقال

‎في قلبه ..

‎لوت فمهآ ومسرع مآرجعت منسدحه جنبه ...

‎مستلذه بهالدفآ ألي تحس فيه بقربه ..

‎قربت أكثر من صدره وغمضت عيونهآ .. عليهآ ترتب

‎أفكآرهآ حتى تقدر توآجهه بالحقيقه ألي مآتغطيهآ

‎الشمس ..!!

× × × × × × × × × ×

‎الساعه 4 الفجر ..

‎طلع من الحمآم وملامح النوم تطغى عليه وعلى هالشيب ألي يملى شعره ...

‎( لا أله ألا الله محمد رسول الله )

‎قالهآ بصوت مرتفع وهو يمسح على وجهه ويمشي بخطوآت بطيئه ...

‎وقف بنص الصاله وبصوت مرتفع ..

‎بو سعود : الصلاة يآعياااااال .. الصلاة .. يلا قوموآ ...

‎تحرك بخطوآته صوب غرفة طلال حتى يفتحهآ ويوقف

‎عند البآب ..

بوسعود بصوت غليض من النوم : طلال .. قوم يآولدي لصلاة .. يلا

طلال متغطي باللحآف ولابآين غير رآسه : .............

بوسعود : طلال .

طلال بعد صمت وبصوت بالعافيه طلع : زين يبه ..

بو سعود يعدل أكمآم ثوبه ويبعد عن البآب : يلا .. مآبي أتجهز لصلاة

وألقآك على مآهو عليه ..

تحرك بخطوآته صوب غرفة سيف ومن فتحهآ ألا فرآشه على مآهو عليه

مرتب .. أنعقدت حوآجبه ورجع لغرفه طلال

بو سعود : سيف وينه ...؟

طلال رفع رآسه : بغرفته يبه

بوسعود بصوت خآيف : فرآشه على مآهو عليه مرتب .. هو مآرد أمس

طلال جلس حتى أنكشف اللحآف عن جسمه : مدري

بوسعود : كيف مآتدري ..

طلال رفع يده حتى يمسح على شعره : أمس مو قالوآ فيه عزيمه

عند بيت أمي العودة ويوم رحت أنآ ويآك مآلقينآ أحد

بو سعود : ألا

طلال : عليهآ يبه أنآ مآشفته ..

بو سعود حرك عيونه بعيد عن ولده : وين رآح الولد ..؟!!

أنفتحت وحدة من الغرف حتى تطلع أم سعود منهآ وتوقف

تطالع في زوجهآ

أم سعود بصوت خآفت : شصآير ..!!

بو سعود يلف لهآ : ولدج يآمهدومة البيت مآهو بغرفته

أم سعود تأشر له : الولد.. دق علي لافي أمس وقال أنه معه ولارآح يرد

البيت .. ومعه رحيم بعد

بو سعود : كيف معه .. أذآ لافي أمس نفسه مآبين أبد

أم سعود بصوت هآدي : دآم أنهم عند لافي أرقد وآمن

بو سعود : أمس بيت أمي كله أوضاعه مآهيب مضبوطه أبد .. من جآ بو مسآعد

لين مآرآح

أم سعود : حتى خالتي والله مآقعدت عندي أبد .. كله عند ليليآن ..

أبو سعود : أنآ لارجعت من عند المسجد بدق على لافي وأشوف

شنو صآير .. هالولد ورآآه شين كبير ..

سكتت أم سعود وزوجهآ تحرك بخطوآت وآسعه حتى ينزل من الدرج

لطآبق السفلي وهي تحركت حتى تدخل الحمآم وتتوضى

.. وبعد مآصلت صحت بنتهآ حتى تتجهز لمدرستهآ وهي نزلت للمطبخ

تجهز الفطور ..

.. : ألو .. صبحج ألله بالخير يآم فلاح .. أخبآرج .. أنآ دقيت

بسألج عن لافي .. هو عندكم .. أييه .. يآيمه سيف يقول لافي

أنه معه .. كيف نآيم وولدي وينه مع رحيم .. أيه صحيه

.. قلبي أنشغل عليه ..

صوته المرتفع فالديوآنيه والشمس عآنقت كفوف الأفق ..

جآلس بربكة وعيونه تطالع الشبآك قباله ..

ولحظآت دخل طلال لابس سبورت حتى يجلس على يمين

أبوه ..

بو سعود يسكر الخط ومسرع مآطالع طلال : تقول أنه نآيم عندهآ

ولاحوله سيف ولارحيم ..!!

طلال رفع حوآجبه : غريبه ..

بوسعود : أمك ورآهآ طولت بالقهوة .. بسرعه بروح لبيت أمي

وأعرف وين العيال ..

طلال : توي دآخل عليهآ .. دقآيق بس وتكون عندك

أم سعود ..

أبو سعود فز وآقف : قلبي قآم يآكلني .. بروح عند لافي . . يعرف

أن سيف ورحيم ورآهم مدرسه

طلال قآم : أنآ بروح عنك ...

بوسعود تحرك بخطوآت وآسعه : لالا .. خلك هنيآ بس ..

طلع من الديوآنيه وعلى طول سحب المفآتيح من جيبه

فالحوش وهو يآخذ نفس ويتحرك بخطوآت وآآسعه ..

رفع عيونه صوب بآب الشآرع حتى يسمعه يطق ...

عقد حوآجبه وتحرك أسرع صوب بآب الشآرع ومن طلع

ألا أثنين وآقفين برسميه

وآحد منهم بصوت رسمي : هذآ بيت فلاح بن لافي أل صآرم ...!

بو سعود وقف : أيه وصلت خير

كمل كلامه برسميه : معك المبآحث .. ولدك سيف مطلوب عندنآ

بو سعود حس قلبه بيوقف : ولدي سيف طالبينه ..!!

<

**********

>

>

<

<

كــــــــــــــــــــت

<

<

<

<

‎قرآآءة ممتعه للجميع

فوت ⭐️ / صوت ⭐️

دمتم بخير

فوت ⭐️ / صوت ⭐️ قبل القراءة

‎الفصل الثاني والثلاثون

‎الخطوة السابعه والعشرين .. خطوة التعلق بحلم أريد منك أكثر ممآ أريد

‎( أتعلم لافي .. أن لم أكن أحبك ذآت يوم سأخترع لك حبآ ..

‎لا تتسلل له أبوآق المآضي أشبآحآ مجمهرة ..!! )

‎كمل كلامه برسميه : معك المبآحث .. ولدك سيف مطلوب عندنآ

‎بو سعود حس قلبه بيوقف : ولدي سيف طالبينه ..!!

‎فتح عيونه على الأخر وهو يطالع فيهم .. ولحظآت سمع خطوآت أستقرت

‎ورآه كآنت خطوآت ولده ألي وقف ورآ أبوه وهو يطالع

‎فالأثنين الوآقفين قبآله ..

‎طلال : شسالفه يبه ...؟

‎بو سعود يلف صوب ولده وبصعوبة نطقهآ : طآلبين أخوك الشرطة ..!!!

× × × × × × ×

‎نزل الجوآل بأبتسآمة خبيثه حتى يستقر على الطآولة الزجآجيه بشكلهآ

‎الدآئري ... رجع بظهره لورى وأخذ نفس عميق ...

‎أعمق من فرحة الأنتصآر ولذة السخريه الي تتردد في باله ..

‎ومسرع مآمد يده حتى يسحب الكوب ويقربه من شفآته ..

‎أبتسم أبتسآمة هآديه لأفكآر تتكرر في باله صورة حيه يعيشهآ بعيد

‎عن وآقعه ..

‎حرك عيونه صوب بآب المدخل أول مآنفتح حتى تدخل وحدة لابسة

‎عبآيه سودآ ويدهآ متمسكة بقوة في أخوه ضآري

‎ألي أول مآشآفه كشر وحرك عيونه بعيد عنه ...

‎...... : تعآل أدخل على بالك بتركك تروح وتقآطعنآ بليآ سبب ..!

‎ضآري يوقف عند البآب : عذوب ألله يرضآلي عليج .. ترآ هالكلام

‎مآيزيدني غير هم وتعب ..

‎فكت يده وبسرعه نزلت شيلتهآ الثقيله ألي مغطيه فيها

‎ملامحهآ حتى تبآن تفآصيل وجهآ الدآئري ..

‎تحركت مبتعده عن أخوهآ بس بالغلط دآست على عبآيتهآ الطويله

‎حتى تتمآيل وبخلعه ترك ضآري عكآزته حتى يمد يده

‎ويسحبهآ .. تردد صوت عكآزته أول مآضربت البآب صدى قطعه

‎هو بصوته الهآدي ..

‎ضآري يلف يدهآ حول ظهرهآ : بسم الله عليج ..

‎عذوب تتحرك برآسهآ يمين ويسآر وبصوت خآفت : أشفيك أنخلعت ..

‎متعودة أني أطيح وأتعلم ..

‎ضآري بضيق : وين خدآمتج هالزفت ألي يبتهآ لج .. مو موصيهآ

‎مآتخليج

‎عذوب بنفس الأبتسآمة تنزل رآسهآ ألي قريب من رآس أخوهآ

‎الخآيف عليهآ : لا تعصب يآخوي .. مآتقصر والله معي

‎قآطعهم ببرود وهو ينزل كوبه على الطآولة ..

‎فوآز : صبآح الخير ...

‎عذوب رفعت رآسهآ متوجه بعيونهآ صوب مصدر الصوت : هلا .. هلا بفوآز

‎عشق أبوي ونور عيونه ..

‎فوآز أبتسم بفخر : أخبآرج عذوب ...؟

‎عذوب بدفآ : بخير وين أبوي ..؟

‎فوآز يصد بعيونه عنهم : طلع مع نمر .. أظنهم رآيحين لبو غآنم

‎عذوب بصوت هآدي تملاه الأبتسآمة : ضآري ورآ مآترد على أخوك ..

‎قال صبآح الخير

‎ضآري يآخذ نفس : أنتي تآمريني على شي بس ...

‎عذوب وهي للحين قريبه من صدر أخوهآ العود ويده متمسكة فيهآ : أنآ

‎مآدقيت عليك وأنتظرتك برآ عشآن تيي بهالسرعه وتروح .. شنو ورآك بفهم ..!!

‎فوآز يلوي فمه : خوله رآحت للمدرسة ..؟

‎سآد الصمت المكآن والتوتر بين فوآز وضآري

‎كل مآله ويوصل قمته ..

‎ولحظآت تكلمت بصوتهآ العذب مبددة هالصمت بعيد

‎وهي حآسة بشي بينهم بحجم مشآعرهآ ألي ضآقت دآخل ضلوعهآ ..

‎عذوب : أكيد .. لو أنهآ غآيبه بتشوف البيت هآدي لهدرجة .

‎أنحنى بطوله حتى يبوس رآس أخته بهدوء ... أنحنى

‎بالغترة ألي نآسفهآ ورآ ظهره برسميه أكثر ..

‎وهدوء أغرب ..

‎ضآري : أنآ بروح ورآي موعد .. ( أبعد برآسه بعيد عنه وأبتسم )

‎أنآدي لج الخدآمة ..

‎عذوب أبتسمت من حست بصوته تملاه أبتسآمة صآرت تعشق نبرتهآ : ألله يخليك

‎لي يآخوي .. لا لا خبرك عتيييق أنآ هالحين صرت أمشي بروحي فالبيت

‎ضآري : طيب .. يلا وريني كيف تمشين بروحك ..

‎هزت رآسهآ ببطء وأبعدت عنه بس وقفت من تكلم

‎بصوته الغليض

‎ضآري : دقآيق ..

‎تحرك وهو يتمآيل مع كل خطوة يخطيهآ صوب بآب المدخل مستغني عن عكآزته حتى يطلع للحوش ومآهي لحظآت حتى يدخل

‎وبيده عصآ من البلاستيك الخفيف ... تقدم لهآ ومد

‎يده حتى تعآنق أصآبعه كفهآ ..

‎ضآري : هذي عصآتك ...

‎عذوب تلوي فمهآ : أنآ مآقول لك صرت أمشي لحالي ..

‎ضآري مآهتم في كلامهآ وصآر يضرب على كتفهآ بخفه : مآعليه ..

‎عذوب مدت يدهآ وصآرت تتلمس ذرآعه لحد مآوصلت لوجه

‎ومن حضن كفهآ خده رفعت جسمهآ تبي تبوس خده وهو

‎على طول أنحنى لهآ : ألله لايحرمني منك ..

‎ضآري بدفآ : ولا منج ..

‎أبعدت عنه وبهدوء صآرت تمشي وهي تحرك العصآ يمين ويسآر

‎تتفقد الأشيآء ألي قبآلهآ .. تحركت شيلتهآ حتى تنزل من على رآسهآ

‎وينكشف شعرهآ ألي مظهر الخشونة وآآضح عليه ..

‎ظل ضآري يتأملهآ ... يرآقب هالوجع ألي يتحرك قبآله ..

‎............. : أنتم ورآكم بلا .. ع بالكم مآحد حآس بهالشي ..

‎وقفت فجأة والعصآ ظلت ثآبته تحت طآولة من الخشب ..

‎عيونهآ أتسعت والربكة ظهرت بعنآد على هالملامح الدآفيه

‎ألي تعآنق تفآصيلهآ .. تنفست بقوة .. أقوى من أي

‎لحظة وهالشك ألي يآمآ خآفت منه .. هذآ هو تحول لموآجهة مبآشرة ..

‎وورآهآ أخوهآ تحرك خطوتين لورى ببرود وأنحنى

‎حتى يسحب عكآزته .. تمسك فيهآ حتى يتمآيل ثقل جسمه

‎عليه ..

‎في هالصآلة الوآسعه .. بأثآث يملاهآ بجمآليه و تصميم رآقي ...

‎كآنت تضيق في أثنين ثآلثهم يحب يحشر نفسه بأدق التفآصيل ...

‎عيونه مآتعودت ألا أنآ تطآلع ألي فوق ..

‎أنحنى فوآز وسحب جواله من على الطآولة حتى يحطة في جيبه ..

‎تعدل بوقفته وكمل وسط صمتهم ..

‎فوآز : يعني مآبيكم تحسبون أننآ ينطبق علينآ قوولة يآغآفلين لكم ألله ..

‎ضآري بحرك عيونه صوب أخوه ببرود وهدوء : طيب ..

‎فوآز يطالع ضآري بتحدي : أنآ أعطيكم تنبيه بسيط .. لاكنتم تخبرون

‎شين مآنعرفه .. قولوآ بدآل مآأطلعه أنآ

‎ضآري أبتسم من منطق أخوه والتهديد الغير مبآشر : أظن رقبتك طالت

‎يوم أنقطعت عن هالبيت لفترة ..

‎فوآز ضحك : ههههههه .. أي فترة .. من توفى سعود وأنت بعالم غير

‎عالمنآ والله يآخوك قمنآ نشك أنك مآنتب منآ وفينآ .. منهم ..!!

‎ضآري صرخ بصوته : فوآآآآآآآز ...!!!

‎فزت بخوف ولفت بجسمهآ صوبهم ... قآمت ترجف والعصآ بدون

‎شعور طآحت من يدهآ حتى يطلع لطيحتهآ طقآت خفيفه ترددت

‎بالعافيه فالمكآن ..

‎فوآز بدون لا أهتمآم ولا حتى خوف : أشفيك قمت تصآرخ ... لايكون

‎قلت شي غلط .. ( أشر لعذوب ورفع صوته ) أختنآ كيف أنعمت ..

‎مآترد ..

‎ضآري رفع يده وبمحآولة يمسك أعصآبه : والله .. والله يآفوآز

‎أن مآسكت لا أكون مكسرك ولا رآح أحد يردني عنك ..

‎فوآز : سآلفة أن أبوهآ مآرحمهآ مآدخلت في مزآجي ولا مزآج أبوي

‎ضآري للحين يصآرخ : عمرهآ مآدخلت..!

‎فوآز : البنيه قبل تتوفى أمي كآنت تشوف ..من سنين .. وأبوهآ

‎مآله سنه متوفي .. وهي دخلت هالبيت عميآ ..

‎عذوب بصوت مهزوز : أنت أشفيك .. قلت لك أن أبوي ضربني مع رآسي

‎وبعدهآ دخلت المستشفى بغيبوبه .. جم مرة بعيدهآ وأزيدهآ عليك ..

‎ذبحتني بهالسؤآل ..ذبحتني فوآز .. بعيونكم شفتوا التقآرير وانت شفت كل

‎شي .. شنو تبي أكثر ( بكت ) شنو تبي قووولي ..

‎فوآز بعصبيه : فيه شي وقلبي أحسآسه مآيخيب .. ضآري هو أكثر وآحد

‎يزورج في بيت أبوج .. وأنتي مآ ...

‎فتح عيونه على الأخر أول مآشآف ضآري بخطوآت متمآيله ..

‎وآسعه جآي صوبه .. وبلمح البصر مد يده حتى يجره

‎ضآري يهزه وبنظرآت نآريه : أنت شسالفتك هالحين .. شتبي بالضبط ؟؟

‎فوآز : نزل أيديك أشوف ... ولا هم مآخلصوآ منك لين غسلوآ مخك غسسل ..

‎مآيمديه يخلص من لفظ أخر كلمآته حتى يعطيه ضآري كف

‎رجع فيه لورى ... طاح على الكنب وشمآغه طآح مع العقال حتى مآيبقى

‎على رآسه غير الطآقيه ...

‎ضآري ينحني ويسحبه : أنآ حشمتك بس أشوفك نسيت منهو فينآ

‎الجبير ..!!

‎فوآز بصمت يطآلع غضب ضآري وصرآخه : ......................

‎عذووب بخوف وصرآآخ : بسسس ..وخروآ عن بعض .. وخرووو

‎( بكت ) أشفيكم ..؟!

‎ضآري : لحد هنيه وكل شي يوقف ولا والله يآفوآز مآتلقآني ألا

‎بوجهك بكل شي تسويه لأني عآرف وسآكت .. تسممممع سآكت

‎تحركت بخوف وهي تحرك أيديهآ في كل أتجآه ...

‎تبي توقفهم لا يتهآشون بسببهآ ..

‎بسبب شي دآر عليه الزمن ونسى ..!!

‎بسبب شي مآصآر عندهآ غير قنبلة موقوته بالأنفجآر ...

‎أنفجآر مآرآح توآجهه ألا هي ..

‎يآمآ حآولت تبعد نفسهآ عن كل المشآكل ..

‎أنهآ تبقى وسطهم بلا سيرة ولا ذكرى ...

‎بس هذي هي وهذآك قدرهآ ..

‎قدرهآ ألي عآشته حكآيه مليآنه بالخطط وهي تحلم بالهدوء ...

‎تحركت وسط الظلام في عتمة الخوف ..

‎وهي تمشي بخطوآت سريعه صوب طآولة الزجآج ألي عليهآ

‎صينية القهوة والشآي والفطور ...

‎مآكآنت تشوف شي .. تسمع أصوآتهم .. تدلهآ وين بالضبط

‎هم وآقفين .. بس ضربت ركبهآ بقوة الطآولة ألي كآنت

‎فآصلة بينهم وبينهآ .. تمآيلت فآقدة السيطرة حتى يطيح

‎جسمهآ على ترآمس القهوة والشآي ..

‎تتمآيل الترآمس وتطيح الكآسآت على الأرض مسببة صوت قوي ..

‎لحقتهآ صينيه الفطور ألي طآحت على الأرض حتى تطير الصحون

‎الصغيرة صوب أبعد مكآن ... تبعتهآ لحظآت طآحت هي من الطآولة

‎على الصينيه ألي أمتلت بالقشطة والمربى ... والبيض تنآثر على الأرض

‎بعنف ... لف ضآري صوب أخته وعلى طول تحرك بسرعه

‎تآرك فوآز ألي من الخرعه فز وآقف وسبق ضآري لهآ

‎بخطوآته الثآبته المتسآرعه .. صآر يدوس الزجآج وبخفه رفعهآ

‎يبي يشيلهآ لكن هي صرخت ..

عذوب بقوة تبعد أيديه : وخروآ عني .. فكوني من شركم .. فكوووني

فوآز والأرض حوله دمآر : عذوب قومي الزجآج تحتج لايجرحج ...

عذوب تصرخ : قلت فكوني من شركم .. مآعدت أشوف أحد .. شنو تبون

أكثر من جذي .. لاحقيني بالمشآكل والتحقيق .. متى برتآآح منكم

ومن أسئلتكم .. متى ...!!!

يتمآيل بركضته . حتى ينحني بسرعه سآحبهآ غصب

عنهآ لصدره .. ضمهآ وهو أكثر وآحد عآرف وجعهآ وسآكت ..

يشآطرهآ القعدة فالهآمش وسط أموآج حقد هالعايلتين والحروب

ألي مآبعد طلعت لسطح ...

ضآري بصوته الغليض حيل أمتزج بخوف يملاه العمق : خلاص أهدي ..

عذوب منهآرة ع الأخر: قلت لكم وخروآ عني وخرووووو ... ليش مآتفهمون ..

ليييش ..!!

ضآري يرصهآ أكثر على صدره : وقسم بالله مآتنزل دمعتج وأنآ حي ..

حآلف بالله بهالشي .. ليش تنزلينهآ قدآمي ..؟

وقف فوآز يشوف اللهفه الغريبه والخوف في عيون

ضآري تلمع في نظرته,,, تبآن في صوته القوي ...

وش هالحب الغريب لأخت تكون من أمهم بس ... يذكر أن علاقتهم

بهالأخت تقريبآ سطحيه لأنهآ عآشت مع أبوهآ ..!!!

بس من توفت أمهم .. ولحقهآ أبو عذوب ..

جت هي للبيت حتى تطيح المصيبه فوق رآسهم .. دخلت

عليهم عميآ ولاأحد يذكر أنهآ أنعمت ..!!

أو حتى سمعوآ بهالخبر .. دخلت عليهم وهي متمسكة بيد

ضآري معهآ أغرآضهآ ..

أختهم ألي عمرهآ مآيتجآوز ال 25 ..

تمر الأيآم حتى

تظهر علاقه حب وأحترآم قويه مآبينهآ وبين ضآري ..

علاقه توضح أن ضآري كآن على أتصآل دآيم معهآ ..

ضآري الأنسآن ألي حير عقول أخوآنه حتى أبوه ..

الأنسآن ألي تعيش وسطه حكآيآ لادخلت دآخل ضلوعه مآتطلع لنور ..

الصندوق المسكر بخفآيآ يآمآ حآولوآ يعرفون وش هي ...؟!!

هو صديق سعود .. الأقرب له من بعد أهله ..

ومع هالشي أستغلال هالعلاقه عنده خط أحمر في وجه نوآيآ أبوه وفوآز ..

الهدوء أصل رآسخ في شخصيته ...

والبرود أحيآن كرت يحرق الأعصآب لا أظهره وقت مآالكل

يعيشون حالة أنفجآر من نوع ثآني ..

ظل يطالعهم بدهشه ... ولحظآت أستقرت خطوآت عند بآب المدخل

حتى يرتفع صوت بو فوآز بخرعه وهو يشوف الصحون

ع الأرض وترآمس القهوة والشآي في كل جهه .. جآلسة بنت زوجته

ع الأرض

وضآري حآضنهآ يهديهآ ... وقبالهم وآقف فوآز بصمت

بو فوآز : بسم الله .. شصآير ...؟

فوآز يلف صوب أبوه وبعد صمت : هلا يبه .. ( أخذ نفس حتى يرفع

يده وتستقر على رآسه ) عذوب تمشي وبالغلط ضربت الطآولة

بو فوآز : لاحووووول .. خدآمتهآ وين هي تدلهآ ع الدرب ..

فوآز يتحرك ومسرع مآرفع ثوبه عن الشآي المنتشر لايتوسخ : مدري

ألله يقلع عدوينهآ ..

أبعدهآ عن صدره وببطء صآر يسحبهآ يبي يوقف ..

ضآري : قومي معي .. قومي ..

بو فوآز يرفع عيونه للدرج وينآدي : يآآ سآنيتآآآ .. ( طالع عذوب و

صآر يميل برآسه وهو جآي يمشي لهآ ) لايكون تعورت بسس

عذوب تشآهق بقوة : ....................

هز رآسه بالنفي بس من تعدل بوقفته وهي وقفت على حيلهآ ..

ألا فكهآ ينزف دم وكتفه تلطخ بالدم منهآ ...

من الخرعه مآكآن منتبه لشي ألا لهآ هي ..

لبكآهآ .. لصوتهآ المهزوز ..

تقدم بو فوآز بخرعه ومسك كتفهآ ..

بو فوآز : البنيه تنزف ..

ضآري أتسعت عيونه وعلى طول مسك جبهتهآ ومال برآسه : أي والله

عذوب تبعد عنهم : شنو .. ( وبصوت رآيح ) شفيني ..

ضآري يسحبهآ بقهر : لا تتحركين ..

بو فوآز يرفع ثوبه : يآولد أبعدهآ عن هالمكآن ..

فوآز يرجع لهم ويوقف جنب أبوه وعيونه طايرة على اخته: شكله قوي .. ولا هي حآسه فيه ..

سآنيتآ تنزل من الدرج : يس ..

ضآري يلف لهآ : روحي جيبي عبآيه لعذوب بسسسرعه ..

وقفت سآنيتآ ومسرع مآلفت حتى ترجع لطآبق الثآني ..

بوفوآز : هي وين هي نوف زوجة نمر ...؟

فوآز بضيق : يبه شنو يدريني زوجته وين تطس من صبآح ألله خير ..!!

سحبهآ ضآري بعيد عن الزجآج وعبآيتهآ كلهآ توسخت

بالقشطة والشآي ألي أنتثر على الأرض ... ولحظآت حتى تنزل سآنيتآ

ومعهآ عبآيه وشيله ...صآر يتلفت ومسرع مآسحب

منآديل ورآه وحطهآ على فك أخته ..

ضآري بضيق مسك يدهآ ألي ترجف وقربهآ من المنآديل : أمسكيه زين ..

عذوب والجرح مآتحس فيه : قولي شصآر بويهي ..

ضآري بصوت حآول يكون هآدي : جرح بسيط ..

سآنيتآ تقرب منهم ومن شآفت الدم شهقت بقوة: أوهوووو مآمآ .. وآجد دم

عذوب تركت المنديل بخرعه وصآرت تتلمس صدر أخوهآ : أنآ مآحس بشي ... والله مآحس بشي ..ضآري ..

بو فوآز بعصبيه يطآلع الخدآمة : أنتي أسكتي ولا كلمة ..

ضآري على طول سحب العبآيه من الخدآمة : عذوب نزلي عبآيتج يلا .. ( طالع الخدآمة ) سآعديهآ تنزل العبآه

فوآز طالع ضآري : ..............

بو فوآز : وين بتآخذهآ ..؟

ضآري بدون مآيطآلع أبوه : بآخذهآ لبيتي ...

فوآز نطق بدون مقدمآت : مو على كيفك ...!!

حرك عيونه بنظرة شرسه لأخوه وعلى طول رمى العبآه بوجه

الخدآمة حتى يتحرك والشر يلمع بعيونه ..

ضآري : شقلت ..!!

بو فوآز يطالع فوآز : أخوهآ العود خله يآخذهآ وين مآيبي .. شدخلك

أنت ..

ضآري يوقف بوجه فوآز : لا أبيه يعيدهآ .. ( قرب حوآجبه من بعض

عآقدهم ) شقلت بالضبط

فوآز رجع خطوتين وصد بعيونه : سلامتك

نزلت الخدآمة عبآية عذوب الوسخه وصآرت تلبسهآ و

تلف شيلتهآ حول رآسهآ .. لف ضآري صوب أخته ومن شآفهآ

تجهزت مد يده وسحبهآ بسرعه .. رآح يمشي فيهآ وهو يتمآيل

بخطوآته .. وهي شهقآت بكآهآ لا زآلت تتردد فالصالة ..

ظلت عيون بو فوآز وفوآز ترآقبهم وضآري أنحنى عند بآب

المدخل حتى يسحب عكآزته ويطلع معآهآ

بو فوآز يطالع الخدآمة : روحي نآدي الثآنيه عشآن تلمون هالزجآج ..

( طالع ولده ) أنت شتبي فيهم ...؟

فوآز بقهر : والله يآيبه .. أقص يدي أذآ مآطلع ورآهم سآلفه عويصه ..

بو فوآز : أي سالفه ... ضآري من يومه هو الوحيد ألي كآن يزورهآ

من وقت لثآني ويطمن قلب أمك الله يرحمهآ على بنتهآ .. وهي هآآآ ... على حطت يدك

عميآ ولاتدري وين العالم فيه ..

فوآز يمشي ورآ أبوه ألي رآح مبتعد عن الصآله : ماعلينآ . ألا أقوول يبه اليوم

بتيي لك بشآآرة عليهآ السنع والعلم كله ..

بو فوآز وأطرآف الشمآغ على كتوفه : شنوو ..؟ نزلت المقال هالي رآح

تكتبه في لافي

فوآز أبتسم وهز رآسه : لا يبه .. أن شالله العصر بيوصلك الخبر وأتأكد أنآ

منه ..

بو فوآز يدخل غرفة المجلس : والله أنك الوحيد ألي شآدن الظهر فيه

.. والبآقين طآلبن من رب العالمين العوض فيهم ...

فوآز ينفخ صدره : وأن شالله مآسوي ألا ألي يسرك يآيبه ...

××××××××××

جالسة على السرير بصمت يعلمهآ فن الهدوء ...

مآتدري وش ألي صآآر لهآ .. وش ألي حولهآ لكتلة بشريه هآديه

عكس تيآر أنوثتهآ العدوآني ..

بجنب رجوله يستقر جسمهآ الضعيف ... الجسم ألي لازآل يعآني

من أثآر ترآكم التعب فوق بعضه ...

أخذت نفس وهي مآتدري ليش جالسة جنبه ..

ليش مآقآمت تتروش تصحي أفكآرهآ النآيمه في بحر الهلاك ..

أو أن قربه صآر مصدر أمآن لهآ ..

ومآعآدت تقدر تقآوم هاللذة العجيبه ألي تحس فيهآ صوبه ...

تشوفه يقتحم حصونهآ بصمته وحضورة في كل شي ..

يهطل عليهآ بنسيآنه .. بتجآهله .. بنبرة صوته .. مثل حبآت

المطر وقت مآتشتهي

تغسل الأرض وأورآق الخريف .. والبعد ..!!

وتلقى من بعده كل شي ينتحب على طآولة أنتظآر غريبه ..

ألا هي ..

حركت عيونهآ صوبه حتى تتأمل ملامحه الغرقآنه في بحر النوم بأريحيه ..

شعره الرمآدي ألي هاللحظة متلفف حول بعضه ومتنآثر في كل جهه ..

ذقنه بعوآرض مرتبه فرق عن ذيك العشوآئيه ألي كآنت تلازمة

أول مآوصل ...

صدره يرتفع وينزل بأنتظآم ..

ليش أمس دخل عليهآ الغرفه ...؟!!

ليش قالهآ ..

( شآيبك تعبآن ) ...

أي تعب يآلافي يحوم دآخل ضلوعك ويخنقك ..

تعب فرقآهآ ولا تخليهآ ولا شي هي تجهله ..

أمتلت نظرتهآ بأنكسآر موجع وصوت علي يخترق عتمة حوآسهآ ..

يهز وجدآنهآ يذكرهآ أن تغريد مريضه ..

يتردد صوته وهو يقولهآ أن تغريد مريضه .. ولافي مآيعرف بهالمرض

ولا حتى جدتهآ ..ينقطع الصوت دآخل أعمآقهآ وترتسم صورة

السآعه بين أصآبع عبير تقولهآ أن هالساعه شرآهآ لافي لتغريد ..

شرآهآ بالسعر الفلاني ألي تخسر فيه .. شرآهآ وهو متعود مآيشري

شي ألا يكون أثنين حتى يشآطرهآ لأشيآء نفسهآ ...

وين موقعهآ أذآ هي طلبت منه أغرآض ولافكر يشري لهآ ..

ولا حتى برر هالشي .. أو حتى أعتذر ....!!!

تجآهل مطلبهآ ... رمآآه بأقرب جدآر نسيآن وكمل ...

طالعته بصمت موحش .. تقوله في الصمت

.. ضآيعه يآلافي أنآ .. ضآيعه وأنآ أحبك ..

معك يالافي مآكون ألا أثير يحمل الفرح ..

الحزن ويآي رفيق يذبح الغربه .. يجهل المتعه ..

وأنآ ..

أشوف الكون مجرآت غريبه ..

مكهربه في لذة شوفتك ...

‎حركت يدهآ بتردد حتى تستقر على صدره .. يسآر صدره بالضبط ..

‎تبي هالنبض يدلهآ وش عليهآ تسوي هالحين ..

‎تلم أورآقهآ ودفآترهآ وترحل غريبه

‎ولا تخوض حرب كشف حقآيق زوجهآ .. تمثل نفسهم أنهآ مآتعرف

‎شي ..

‎أو ترمي كل شي وتلتفت لنفسهآ ..

‎كلام علي الهآدي بالسيآرة ..شآل لهآ كل ستآير أعذآرهآ حتى يظهر لهآ

‎جسد دآخل جسدهآ .. ضعيف .. مهمش .. قبيح ..

‎أقبح من أي صورة شآفت فيهآ نفسهآآ ..

‎زوج أمهآ ألي يآمآ زفته ومن وصلت هو أكثر شخص أبعدته

‎عن حيآتهآ .. أكثر شخص مآكآنت تحتك فيه ..

‎كثير أشيآآء تغيرت .. كثير أشيآء من بعد الجفآ صآر قربهآ

‎أغلى مآتملك أول هالأشيآء .. جدتهآ ...!!!

‎سحبت يدهآ رآفعتها عن صدره حتى تقوم وتتوجه صوب الطآولة

‎أنحنت حتى تسحب شنطتهآ وتجلس ع الأرض ..

‎فتحتهآ وصآرت تفتش فيهآ ومن حست بالسآعه تستقر بين أصآبعهآ

‎سحبتهآ حتى تطالعهآ .. تختنق أنفآسهآ ومسرع مآكحت

‎ع خفيف...

‎هالجسد الضعيف دآخلهآ مآميز أذآ هالسآعه رجآليه ولا نسآئيه ..

‎أذآ في وحدة غيرهآ كآنت تلبسهآ ..

‎تفتخر فيهآ ...

‎أبعدت عيونهآ عنهآ وأخذت نفس وهي تحس بالدموع تندفع

‎بقوة صوب عيونهآ ..

‎مآكسرهآ شي كثر هالسآعه ..!!!

‎وش أكثر من شي تحتفظ فيه لسنتين ..!!

‎ويكون الجرح ووجعه ..

‎بلعت ريقهآ وبسرعه دخلتهآ دآخل الشنطة من جديد

‎حتى جيه خزنة ووضحى والبندري للحين مآلهآ حيل تعرف

‎وش جآبهم .. تحس ورآهم مصيبه مآرآح تكون أقل من غيرهآ ...

‎قآمت بهدوء وبخطوآت قصيره رآحت تمشي صوب بآب

‎الغرفه .. فتحته وطلعت حتى تشوف الشمس نآثره نورهآ بقوة

‎فالصاله كلهآ .. من بآب المدخل المفتوح كله

‎صوت العصآفير يتردد بعنف في كل جهة ..

‎متسلل بين هذآ وذآك هوآ بآآردة حيل .. تكتفت من البرد

‎وريحة القهوة تنتشر فالبيت ..

‎أخذت نفس لين أمتلت رئتهآ بريحة هالقهوة وكملت خطوآتهآ

‎صوب غرفة الجده .. ومن دخلت غرفتهآ ألا تشوفهآ متمدده

‎على مخدة طويله ونآيمه بسآبع نومة ...

‎وبوسط الغرفه حآفظة مسكرة بجنبهآ صينيه القهوة والشآي

‎وأبريق الحليب الأبيض ..

‎رآودتهآ خوآطر كثيرة تقول للجده ألي تعرفه ..

‎وألي شآفته فالديوآنيه ..

‎دخلت الغرفه أكثر والجده على طول فزت متعدله بجلستهآ من حست عليهآ ..

‎الجده بملامح النوم : هذآ أنتي ..؟

‎ليليآن تنحني وتبوس رآس الجده : أيه يمه صبحتس ألله بالخير ..

‎الجده ترفع أيديهآ تغطي نص شعرهآ الطآلع بشيلتهآ

‎وهي تعدلهآ : ع بالي فلاح جى

‎ليليآن طآرت عيونهآ وبخرعه : ليش هو قآيل لتس بيجي ..

‎الجده ترفع عيونهآ : ورآج تقول أنخلعتي ..

‎ليليآن تطالع البآب وترجع تطالع الجده : لا مآنخلعت ...

‎من صحت وصلت صلاة الفجر وهي قآعدة بغرفتهآ مآطلعت

‎أبد .. ولا تدري الجده أن لافي نآيم بغرفتهآ ...

‎الجده : متى صحيتي يمي أنتي ..

‎ليليآن بربكة تجلس جنب جدتهآ : قبل شوي .. دخلت عليتس بالغرفه

‎ولقيتتس نآيمه .. رحت توضيت وصليت بغرفتي

‎الجده تطالع ليليآن : ورآ مآقعدتي أفطرتي .. مسويه لج خبز أسمر عالصآج

‎ودآهنته بسمن

‎ليليآن : مآحبيت أضآيقتس بالنومة يمه ..

‎الجده بضيق : لاحووول .. أقربي أفطري يمه وخلي هالخثآريق عني ..

‎ليليآن تزحف وتسحب صينيه القهوة : مآقلتي لي يمه ورآ خالي

‎بيجي هنيآ ..

‎الجده حمده : أنآ أدري عنه قبل شوي دآقن علي يسألني عن سيف ورحيم ..

‎قلت له أن لافي نآيم .. أعرفه ولدي لو صآحي كآن جآني وقعد معي ..

‎تلقينه غآطن بسآبع نومه .. وسيف وش يجيبه مع لافي وهو ورآه درآسه

‎ظنتي ولدي مضيع ...

‎ليليآن بعد صمت : وميري وين هي ..؟

‎الجده : سآعدتني بهالفطور ثم رآحت تنآم ..

‎ليليآن صدت بوجهآ وقعدت تكح بقوة : ...........

‎الجده تطالعهآ : هو أنتي أحسن من أمس ..

‎ليليآن تسكت وتطالع جدتهآ : الحمدالله .. أحسن بكثير .. هالحين أقدر

‎أروح وأجي بنفسي

‎الجده برآحة : أي والله الحمدالله .. في نآسن تمسكهم أسبوع وحالتهم حاله ..

‎مير أنتي أخف .. يااااالله رحمتك بسس

‎طالعت صينية القهوة والشآي ومن شآفت كوبين زجآج ..

‎أبتسمت وطرى ع بالهآ الكوب ألي شرآه لهآ علي ..

‎ليليآن : شفتي يمه الأغرآض ألي جآبهآ علي .. أقصد عمي علي ..

‎الجده بصوت هآدي : هو أخر من رآح البارح .. من بعد مآتعشيت أنآ وأنتي

‎رحت جلست ويآه فالديوآنيه .. يقول أنج تعدلتي .. وصرتي ذربه فالهرج

‎ليليآن سكتت وطالعت جدتهآ وهي تصغر عيونهآ : وأنآ وش كنتي قبل أعوذ بالله .. مآفيه أحلى مني

‎الجده تأشر للحآفظة : أقول أفطري بس ولا تخليني أجيب الأولي والتآلي ..

‎ليليآن تتحرك تبي تقوم : بروح أجيب الكوب ألي شرآآه

‎الجده مدت يدهآ وجرت كم قميصهآ : أقوول أقلعيه عني ولا أبي أشوفه ..

‎ليليآن طآرت عيونهآ : ليه يمه .. وش بلاتس عليه

‎الجده : أعرف علي وخرآبيطه ألي يشريهآ .. خآبرته عدل ..

‎ليليآن بضيق كحت ومسرع مآتكلمت : بشرب فيه ..

‎حركت الجده جسمهآ صوب صينية القهوة والشآي وتمآيلت بجسمهآ

‎حتى تسحب أبريق الحليب وتصب لي ليليآن بالكوب الزجآجي ..

‎ومن نزلت الأبريق سحبت الكوب ومدته لهآ ..

‎الجده : جوديه ..

‎ليليآن تطالع الكوب بقهر : ................

‎الجده بنبرة صآرمه : خوووذيه يامال الصلاح أشووف ..

‎مدت يدهآ وتمسكت فيه حتى تقربه من شفآتهآ وسط نظرآت

‎الجده ألي مليآنه تهديد

‎ليليآن تشرب منه ومسرع مآنزلته : زنجبيل يممه حآر

‎الجده بتأكيد : هذآ الزين ياخبيله .. تبين أشغل الدفآيه ..؟

‎ليليآن هزت رآسهآ بالرفض : لا .. غرفتتس دآفيه أسآسآ ..

‎رجعت سحبته والجده لفت تدور الرآديو تبي تشغل على أذآعة القرآن

‎... ومن لفت لورى ألا تشوفه على سجآدة الصلاة وبجنبه السبحه ..

‎سحبته على طول حتى يستقر في حضنهآ ..

‎مآبين حركآتهآ وأنشغالهآ في هالرآديو كآنت هي تسترق

‎النظر لملامح الجده وذيك الشده العجيبه في تفآصيل وجهآ ..

‎من يلمح أي شخص حوآجب الجده المعقودة يتهيأ له أنهآ معصبه

‎وفالحقيقه هذآ شكل جوآجبهآ متقآربآت من بعض دآيمآ ..

‎أبعدت الكوب عن شفآتهآ وبدآخلهآ خوآطر كثيرة

‎ترآودهآ .. تجبرهآ على النطق بالشي ألي عرفته ..

‎تبي تسألهآ وش خآيفه منه يوم مآقلتي أن الأجودي لافي ..

‎لأنه مآرآح يتقبل وحدة لقآهآ بالصحرآ ولا أتحمل شكلهآ ...

‎ولا لأنه أتهمته أنهآ تعرفه ..

‎ولا لأنهآ أقتحمت حيآته وهو أنسآن متزوج ويعشق زوجته

‎الأولى ألي تركته في عز حآجته ..

‎ولا لأنه فرنسي ... مآتعرف كيف تنآزل عن جنسيته الكويتيه ..

‎غمضت عيونهآ .. ونزلت الكوب فالصينيه حتى تفتحهآ

‎صوب جدتهآ أول مآنطقت ..

‎الجده : أحلفي بالله تقولين لي الحقيقه لو نشدت عن شي

‎أنعقدت حوآجبهآ وقلبهآ زآدت دقآته من هالسؤآل المجهول ..

‎ألي ورآه أكيد أشيآء مخفيه في قلب الجده ..

‎ليليآن ترفع كتوفهآ : وأنآ مآحتسي ألا بالحق .

‎الجده تنزل الرآديو ع الأرض وبعد صمت وبنبرتهآ الصآرمة : شنو

‎تعرفين عن تغريد شين مآخبره ..

‎أرتعش جسدهآ ... وحست فالهوآء تمر على جسمهآ

‎بلا رحمة .. وعلى طول حركت عيونهآ بعيد والحكي

‎وقف على شفآتهآ ...

‎السؤآل أنطلق مثل الرصآصه .. صوب كومة أفكآرهآ ألي تترآكض

‎نآحيه ثقوب هالذآكرة المتهآلكه ..!!

‎حتى تبعثرهآ بلمح البصر وتبقى هي تطير فالفضآ وفرآغه ..

‎متعريه من كل حقآيقهآ ...

‎ليليآن : ....................

‎الجده تطالعهآ بشك : يمي قولي ..أن كآن فيه شين مآعرفته أنآ عن البنت

‎ولا عن لافي نفسه قولي لي .. وأنتبهي تحشرين روحج في أمورهم ..

‎أنتبهي ..!!

‎ليليآن تجآهد تتكلم حتى نطقت : م .. مآعرف شي ..

‎معقولة بتقدر تقول لهآ أن تغريد مريضه ..!!

‎أنهآ تركت لافي يوم كآن معآق عشآنهآ مريضه ..

‎معقوله بتقوله عشآن تنكشف تضحية تغريد وهي تبقى فالسر

‎وتموت قهر فالسر ..

‎يمكن أذآ عرف لافي يتركهآ ويرجع لتغريد .. يمكن يطلقهآ ويرجع لحبيبته

‎وزوجته الأولى .. ممكن تصير فالهآمش أكثر وأكثر ..

‎لا مستحيييل .. عمره مآرآح يطلع هالشي منهآ .. يكتشفونه

‎بوقته هي مألهآ دخل ... مالهآ دخل ...

‎أذآ علي ألي هو خالهآ مآتكلم ليش هي تتكلم .. ليش بتعيش

‎المثآليه والتضحيه عشآن أحد ..

‎الجده : ليليآن ...!!

‎ليليآن تبلع ريقهآ وتطالع جدتهآ بقوة تتظآهر فيهآ : قلت لتس مآعرف شي ..

‎وبعدين عندتس زوجهآ روحي أسأليه .. ليش هالسؤآل تسألينه لي

‎الجده حمده : لأنج أمس قآعدة تهذرين في تغريد وأن أظن لافي عنده

‎شي ..

‎ليليآن بسرعه تكلمت : تسذذوووب .. أيه أنآ أتسذب وأنآ مصخنه

‎مآعندي غير التسذب ..

‎الجده ترفع يدهآ : شوفي هالكلام بخليه عندي ووالله لاطلع فيه

‎شين مآأعرفه وأنتي دآريه فيه ..والله لاأكون مطلعه روحي من

‎أمورج .. ولو تطيحين عند رجولي مآلتفت يمج

‎ليليآن بخرعه : لاتحلفين يمممه .. لاتحلفيييين

‎........: لاااافي .. يآآآآلافي ..

‎الجده بخرعه تتسآند بأيديهآ تبي تقوم : بسم الله .. هذآ فلاح ..

‎وش بلاه يصآرخ ياااالله سترك ..

‎قآمت وآقفه وليليآن قآمت حتى تمشي ورآهآ ومن طلعن لصاله

‎ألا هذآ فلاح دآخل وشكله الخآيف يفتح في البآل ألف سؤآل ..

‎فلاح من شآف أمه : يمه تكفين وين لافي ..؟ مالقيته بالديوآنيه

‎الجده بخرعه وصوت أهتز : وش بلاك يآرجآل .. أخلعتني ..

‎فلاح : سيف يمه سيف ورحيم طآلبينهم الشرطة ..

‎الجده حطت يدهآ على صدرهآ : يآدآفع البلا .. الشرطة ..

‎من بين كل هالخوف والتوتر كآنت هي تتنآفض بخرعه

‎صوب بآب غرفتهآ المفتوح .. خآفت يلتفت خالهآ ويلمح

‎لافي متمدد على السرير .. أبعدت عن الجده خطوآت ومن وصلت

‎للغرفه وقفت ..

‎وش له تقفلهآ .. خله يشوفه وينكشف هالزوآج وترتآح هي من هالهم ..

‎ع الأقل ترتآح لا أنكشف مرض تغريد ..

‎فلاح يطالع أمه : وين غدى هالولد .. دآقن على أمه أمس يقول

‎أنهم معه ..

‎ليليآن عطت الغرفه ظهرهآ ووقفت مقآبلتهم : ...............

‎الجده : دق على رقمه يآمال الصلاح .. دققق ..

‎فلاح بعصبيه : دقيت يمه جواله طآفي ..

‎الجده : هو عنده رقمين يآرجال ..

‎فلاح حط يده على خصره : ألله يلعن الشيطآن .. نسيت يمه ..

‎حركت عيونهآ صوب خالهآ والشيب مع التعب والخوف

‎من سالفه ولده قالبه حاله ... الغتره رآجعه بأطرآفهآ كلهآ

‎لورى .. سحب جواله من جيبه وأصآبعهآ قآمت ترجف ..

‎ومسرع مآطالعت الجده ألي عيونهآ ثآبته على ولدهآ ..

‎صآر يطالع شآشة الجوال ولحظآت أستقر عند أذنه .. تشتغل

‎عدآد اللحظآت الحآميه حتى يدق الجوآل ورآهآ وبغرفتهآ ..

‎حست في كهرب سرى من أخر العمودي الفقري لظهرهآ حتى

‎يوصل لرقبتهآ ..

‎حست في كل شي يتلاشى .. ولا قدرت حتى تفكر وش ألي رآح يصير ..!!

‎في لحظة وحدة تحركت عيون الجده بنظرآت تذبح صوبهآ مع عيون

‎فلاح ألي ملاهآ الأستغرآب ..

‎فلاح : هذآ مو جوآله .. يدق بغرفتج أو قمت أخربط ..!!

‎ليليآن تحس من الروعه والرجفه قآعدة تفقد وعيهآ بالي حولهآ : ..............

‎الجده على طول حركت يدهآ حتى تمسك يد ولدهآ

‎وبسرعه لفته له: نسيت .. عطآنيه أمس يوم هالبليه حقي خرررب ..

‎وأنآ وبنيتي كنت بغرفتهآ ... وتركته

‎فلاح يرجع يطالع الغرفه والكبت الظآهر فوق رآس ليليآن : ...............

‎كآنت وآقفه فالمكآن ألي قدرت فيه تخبي جزء من يده الظآهره ..

‎حآفظت على السر لاينكشف في الوقت ألي غآمرت ونوت تكشفه ..

‎ظلت متسمره في مكآنهآ وفلاح ضآيع ..

‎والجده موآويل بدت تطق خآطرهآ ..

‎الجده بنبرآت ثآبته .. وآثقه : أنآ بس أشوفه بقوله يلحقكم .. بس ليه طآلبين الشرطة هالسرابيييت ..!!

‎فلاح غمض عيونه ومسرع مآفتحهآ حتى يسكر الخط : لقيتهم يمه عند البآب وبالعافيه

‎خلاهم طلال يروحون وتعهد أنه هو رآح يآخذهم لشرطة .. ومآقالوآ لنآ

‎شسالفه ..

‎الجده سحبت يد فلاح ورآحت تمشي فيه صوب بآب المدخل : أمش تعآل

‎أرتآح .. وين بيغدون يعني .. تلقآهم هآيتين مآلقوآ ورآهم وآلي ..

‎فلاح : مآنآموآ يمه فالبيت .. حتى سالم في دوآمة والشرطة رآحت هنآك

‎ودقوآ عليهم البآب ولاحدن فتح ..

‎طلعوآ وهي ظلت وآقفه تحس فالحرآرة تحتضنهآ من جديد..

‎بس مو قآدرة تتحرك ..

‎ولا حتى خطوة وحدة ..

‎وش سوت ..

‎وش هالجنون ..!!! كيف طلعت من الموقف

‎بأعجوبة .. قعدت تتنفس وتزفر الهوآ بقوة ..

‎نفس ورآ الثآني .. وببطء لفت بجسمهآ ورآ حتى تلمح يده

‎ورآهآ .. رجعت خطوتين لورآ وتمآيلت بظهرهآ على الجدآر ..

‎جلست عند البآب حتى تلم رجولهآ ..

‎ليه طرى عليهآ تخرب كل شي ..

‎ليه مآعآد فيه شي يستحق صرخآت الحزن ..!!

‎يآخوفهآ يكون عنوآن هالحب ألي يعيش دآخلهآ ..

‎( حب أجهض أحبآبه .. !! )

×× × × ×× × × × ×× × × ×

‎قبآل وآجهة من الزجآج تطل على الحديقه بألوآن الورد المتنآثر

‎في كل مكآن .. جآلس هو على كنبة طويله وقباله الابتوب وملفآت

‎مكومة على يسآر هالابتوب ... ينسآب مآء النآفورة من فوق

‎لي تحت على يسآره في وسط هالحديقه الوآسعه ..

‎شعره الأشقره رآجع بثبآت لورى .. لابس جكيت رصآصي تملى

‎الخيوط أكمآمه على شكل أكس .. عيونه بتركيز مآتفآرق

‎هالشاشة .. مد يده ببطء وسحب الكوب من على الطآولة والبخآر

‎الخفيف يظهر منه حتى يقربه من شفآته وتعآنق أنفآسه ريحة

‎القهوة الأيطاليه .. شرب منهآ شوي حتى يرجعه لطآولة من جديد ..

‎ضم شفآته بقهر وسحب جوآله حتى يدق على رقم ..

‎يستقر الجوآل عند أذنه وعلى طول ريح ظهره على الكنب ..

‎غمض عيونه وهو يحس بوجع أخف بكثير من ظهره ..

‎ومن أنفتح الخط .. فتح عيونه وتكلم

‎عمر بلغه فرنسيه بحته : أهلا مآرتن ... كيف هي الأحوآل صديقي ..

‎مآرتن بنبرة مآزحة : جيدة بدونك

‎عمر يتعدل بجلسته متسآند بكوع أيديه على ركبه : ههههه .. أكآد أجزم

‎بصدق كلامك .. لكن مآرتن أود أن أسألك لمآ تم تأجيل أفتتآح المختبر ...!!

‎مآرتن : أوآمر فهد ... هو من أخبرني بذلك وأكد لي أتمآم أمور التأجيل

‎عمر أنعقدت حوآجبه : لم يتوآصل معي البته بشأن التأجيل ..

‎مآرتن بعد صمت : أعتقد أن ميشيل يحمل النوآيآ السيئه لزيآرة الكويت هكذآ

‎فجأة .. أخبرت فهد بأخذ الحيطة والحذر منه .. مطآمعه في أمتلاك كل مآيسعى

‎فهد أليه من أنجآزآت لن ينتهي مطلقآ ..

‎عمر بخوف : أهنآك جديد ..؟!!

‎مآرتن : أنآ حاليآ في فرنسآ ... ولم أتوآصل معه منذ فترة ..( سكت

‎بعدين تكلم ) هنآك خبر سئ لا أعلم أن كآن هنآك من أخبرك به ..

‎عمر تبدلت ملامحه : مآرتن .. تعلم أني لا أطيق الأنتظآر .. أخبرني

‎بمآ لديك ..

‎مآرتن : بالأمس .. تلقيت أتصآل من مسآعدك في مقآطعة نورمآندي ..

‎عمر أتسعت عيونه وفز وآقف : الشآرد ..

‎مآرتن : لقد مآت بالأمس .. يقآل أن حالته كآنت في تدهور

‎سكت والصدمة أكبر من أنه تسآعده على البوح ..

‎هذآ الفرس ألي وصآآه فهد عليه ..

‎.. خسآرته تعني خسآرة البطولات ألي حققهآ الشآرد

‎مآرتن : حقآ لم تكن لدي الشجآعه لمهآتفة فهد منذ معرفتي بالخبر ..

‎حيث أن الجميع هنآ خآئفون لردة فعله عند سمآعه بهكذآ خبر ..

‎تعلم أن البطولات الي حققهآ الأسطبل كآنت بقيآدة الشآرد ..

‎خسآآرة كبيره لنآ جميعآ ..

‎ظل سآكت ومسرع مآبعد الجوال عن أذنه معلن نهآيه هالمكآلمة ..

‎جلس على الكنبه وحطة أيديه على وجهه حتى يمسح عليه ...

‎أبعد أيديه وشبكهم مع بعض ..

‎كآن نآقصه هالخبر عشآن تزيد الحمول على أكتآفه ...

‎............ : أستغفر الله العظييييييييييم ...!!!!

‎حرك عيونه صوب مدخل الصاله ألي جآلس فيهآ حتى يشوف

‎زوجته لامة عبآيتهآ كلهآ من تحت ومتمسكة فيهم بقوة

‎وشيلتهآ حول رآسهآ مغطيه شعرهآ ....

‎تتحرك بسرعه جآيه لمه وورآهآ الخدآمة ..

‎كم له مآشآفهآ .. يوم يومين أو أكثر .. مآيدري .. كل ألي

‎متيقن منه أن الحوآر الأول بينهم لازآل رآسخ في

‎ذآكرته ... لازالت ترفضه كزوج ..

‎وهو زوجهآ ..!!

‎وش أصعب من الحكآية حكآيآت ..

‎يسأل .. كيف يحيآ ويحب بليآ هموم ..

‎كيف يمهد الطريق ويترك للأقدآر تسير بليآ أحزآن ..!!

‎ولا يقدر ينكر أنهآ أهآنت كرآمته للمرة الثآنيه والثآلثه ..

‎حتى الفرحة من فرقآه مآقدرت تكتمهآ قباله ..

‎وفوقهآ بآسته .. تشكره على كرت الفرآق ألي وآفق عليه ..!!

‎أخذ نفس وزفره بقوة ..

‎مرتآح والله بليآ شوفتهآ وش جآبهآ هالحين ..

‎سآرة توقف قباله : أسمعني عويذ الله من شر خدمك.. منآشبيني

‎أستغفر الله .. مآطلعت ودخلت ألا بسم الله .. عيونهم تقول قطآوة ...!!

‎تحركت عيونه ببطء صوبهآ حتى تستقر على عبآيتهآ ..

‎مآتفصل بينه وبينهآ غير خطوآت بسس ..

‎رفع عيونه لين أستقرت على ملامحهآآ .. وهي على طول تمآيلت وحطت

‎يدهآ على خصرهآ ..

‎عمر بهدوء كآتم فيه مصيبة الخبر ألي سمعه : مش فآهم ولا كلمة من ألي

‎أولتيهآ .. ممكن تتكلمي مصري حتى أكون عآرف مشكلتك أيه بالضبط

‎سآرة طآرت عيونهآ : ليش ..؟!!

‎عمربملل يوقف بطوله وهي على طول رفعت رآسهآ له : أنآ مش فآآضي

‎دلوقت لسخآآفتك ..!!

‎تحرك بخطوآت متوآزنه .. رسميه أكثر مبتعد عنهآ وهو فالحقيقه

‎يبي يختلي بنفسه ..

‎حط أيديه في جيب الجكيت وعيونه بنظرة قاتله تطالع الخدآمة ..

‎كم مرة يوصيهآ لاحد يدخل عليه ومآيلقى غير ألي مآيبيه ..!!

‎بس هي رآحت تلحقه ..

‎سآرة وهي تجآري خطوآته ورآفعه رآسهآ عشآن تقدر تتكلم معآه : أنت مو قلت لي تجهزي عشآن تردني للكويت .. وين وعدك

‎لي .. وين رآح .. وبعدين أبي أكلم أمي وأكلم صديقتي ..وأكلم أخوآني ..

‎عمر بدون مآيطالعهآآ وبطنآزة : واللهي حآجة غريبه

‎الغريب عنده أنهآ معطيه نفسهآ الحق تتأمر وتطلب وبوقآحة بعد ..

‎وهو سآكت ومتقبل الوضع ألي هي فيه ...

‎عآذرهآ كون أن مآفيه بنت بتتقبل ألي سوآه أبوهآ ..

‎أنه يبيع ويشري فيهآ .. حتى لمآ صآرت حلاله مآفكر يدق ويسأل ..

‎مآحب يضغط عليهآ ويكسر بخآطرهآ ..

‎وآذآ فيهآ نوت تكسر ظهره ..!!

‎لكن ألي يشوفه هالحين تعدت حدود العلاقة وصآرت

‎وقآحة وقلة أدب ..!!

‎وقف من سحبت يده سآرة بقوة تبيه يعطيهآ وجه ...

‎فتح عيونه على الأخر ولف برآآسه صوبهآ .

‎لا أكيد ذي مجنونة ..!!

‎سآرة بقهر : أنآ لمآ أتكلم معك توقف تسمعني .. لأني مليت

‎برد لديرة ... ضآقت أخلاقي هنيه في هالمكآن .. وأنت مآعدت أشوفك ..

‎ضم شفآته بقهر وحرك رآسه بعيد عنهآ ..

‎بملامحه الهآديه والبرد معطي لبشرته اللون الأحمر بخفه

‎حول خدوده ...

‎شحنه من الغضب الغريب صآرت تغتال ضلوعه ..

‎رفع يده حتى يمرر أصآبعه البيضآ الطويله دآخل شعره الأشقر

‎ومسرع مآطالعهآ ...

‎عمر : أنتي بدون أية مجآملة وكلام فآضي .. لسآنك عآوز له أص مع

‎أيدك ..

‎كآنت نبرته جآآفه .. وهي قباله ملت من القعدة

‎فالبيت لحآلهآ .. ملت من هالكتب ألي تسلمهآ لهآ أم عمر كل شوي

‎والثآني ولا تدري وش سالفتهآ ..

‎ملت من أنهآ تحآول تأقلم نفسهآ على العيشه مع نآس غربآآء

‎ولغة مآتعرف تتكلم فيهآ ...

‎ملت من مرآقبة الخدم لهآ من تصحى لحد مآتنآم ..

‎ملت من كل شي .. ضلت متمسكة بذرآآعه ومسرع مآشدت

‎علي يده .. وهو من حس بأصآبعهآ تضغط عليه رفع حوآجبه

‎أكثر ...

‎والحروف صآرت تدخن الأسئله على حآفة أنهيآر ..!!

‎سآآرة : أنآ مآعدت أقدر أطيق أنتظر حضرتك ... ولاعدت تنشآف

‎تطلع من الصبح ولا ترد غير بليل .. تآركني مع أمك في هالبيت

‎لحالي ..يآأخي برجع لديرة .. برجع وطلقني .. ترآ طقت روحي ..

‎قلت لك مآآآبييك

‎سحبهآ بقوة مع يدهآ حتى يصرخ بوجهآ

‎عمر : أنتي مش عآرفه حدودك كويس .. أنتي مين أصلن

‎حتى تدي أوآمر وتتأمري وقت منتي عآوزة ..

‎سآرة وأنفآسهآ تضيق من عصبيته : ليش عصبت .. مو هذآ كلامك ..

‎تلعب علي أنت ..

‎عمر هزهآ وعيونه تظهر نظرآت غآضبه : ألعب أيه .. مجنونة أنتي ..

‎( رفع صوته ) حآآسبه نفسك مين ..

‎سآرة عيونهآ غرقت بالدموع : أنآ ألي شريتهآ بفلوسك .. ألي رآميهآ

‎فالبيت ولاتبي تشوفهآ .. طلقققني .. طلقققني وأعتق رقبتي

‎منك ..

‎حرك يده بأقوى مآعنده حتى يدفهآ بعيد عنه ...

‎هي بدآل مآتحمد ربهآ على المعروف ألي سوآه فيهآ

‎وتسكت مقدرة التعب ألي فيه من ورآ رآسهآ ..

‎صآرت تزن فوق رآآسه لحد مآحس نفسه قآآعد يعطيهآ

‎وجه وهي مآتستآهل هالشي ..

‎طآحت على الأرض بقوة وهو أنحنى لهآ حتى يسحبهآ

‎مع شعرهآ بقوة ويصرخ ...

‎عمر : لأخر مرة تجيبي سيرة الطلاق على لسآآنك .. مستعجله على أيه ..

‎هآآآ

‎سآرة فتحت فمهآوخصلات من شعرهآ طآحت على وجهآ : آآآه .. أنتآ أنسآآن

‎وآآطي .. عمآل تمثل دور الطيب والحنون قدآم مآمآ والكل ...

‎بس مش حتقدر تمشيهآ عليآ .. مش حتقدر ...بكرهك يآآعمر .. بكررهك

‎ومش طآآآيقه أبص في خلقتك ..

‎صرخ بصوت عالي ( بآآآآآآآس ) تبعه صوت بكآهآ ..

‎وهي رفعت عيونهآ للطآبق الثآني بخرعه ...

‎تحركت بخوف وهي تهمس بأسمه

‎(.. عمر ..)

‎لكن وقفت من أمدت

‎يد بوجهآ وصآرت تدفهآ لبرآ ..

‎تحت فالطآبق الأول عند بآب الفلة جآيه تشوف أخوهآ ...

‎أم عمر : وجودك غير مرحب به ولا شأن لك بأبني ...

‎سآميه بقهر تبعد أيديهآ وهي تتكلم بلغه الأنجليزيه : لن تستطيعي منعي من رؤيته كمآ فعلتي مع وآآلدي ..

‎أم عمر بقوة تدفهآ وبثقه : عمر لاينتمي لكم أيتهآ القبيحه .. ولاحتى لدينكم

..

‎سآآميه شوي ألا تبكي وهي تميل برآسهآ ألا تبي تدخل من بآب المدخل : أبتعدي .. ( صآرت تنآدي ) عمممممر

‎أم عمر حطت أيديهآ على صدر سآميه وبأقوى مآعندهآ دفتهآ حتى

‎تطيح برآ الفلة وورآهآ الدرج : لن أسمح لكم برؤية أبني .. أتفهمين .. ولا حتى

‎محآولاتك اليآئسة لذهآب أليه في مقر عمله .. حمقآآء ..

‎قالتهآ بقرف حتى تسكر البآب بوجهآ .. ظلت متمددة على الأرض

‎بتنورتهآ الوآآسعه والبلوزة ألي وآصله لحد ركبهآ .. الحجآب

‎مغطي كل شعرهآ حتى جبهتهآ ... متحرصة مآيبآن منهآ شي

‎يكشف شعرهآ ... قآمت بسرعه ورآحت تطق البآب والشنطة

‎الصغيره متمآيله على خصرهآ ... من كلمته بأسلوبهآ الجآف

‎وهي تحآول تتوآصل معه ..

‎جت لهالفلة وأنطردت من حآرس البآب ...

‎عرفت أنه له أشغال في وحدة من الشركآت ومن رآحت أرفضوآ

‎يسمحون لهآ تقآآبله ..

‎وهذي هي هالحين دآخل الحديقه بالسر .. رفعت عيونهآ تطالع

‎البآب ومسرع مآبعدت عنه ...

‎رآحت تمشي نآزله من الدرج حتى تمد يدهآ لدآخل الشنطة وتسحب الجوآل ..

‎صآرت تطالع الشاشة حتى تضغط على رقم ويستقر

‎هالجوال عند أذنهآآ .. حركت رآسهآ لفوق تطالع الشبآك الوآسع ..

‎ليه كآن يصآرخ عمر ومن ألي بكت ..

‎معقولة سآآرة بنت عمتهآ ...!!!

‎أخذت نفس بتوتر ومسرع مآردت بلهفه ..

‎سآميه : أيوآآ يآبآبآ ...منعتني أشوفه أو حتى يعرف أني

‎وآقفه عند البآب .. آآه ... أتصلت بيه وموبايله مقفووول ..

‎وأمبآرح دق لكن محدش رد .. ( قالت بصوت حزين ) أنآ تعبت ..

‎وأنآ أش يعرفني أنه مآيعرفش بجيتي .. دي أمه نحيسه بششكل ..!!

‎أوووكي .. ححآول يآبآبآ هي مفتكره أنهآ بتقدر تمنعه عننآ .. غبيه ..

‎أنآ سآميه على سن ورمح ..فمان الله

‎أبعدت الجوآل عنهآ بيأس ورآحت تكمل خطوآتهآ تنزل

‎من الدرج ..لحظآت ينزل هو بغضب غير طبيعي ومن شآفته

‎أم عمر رآآحت تركض له ..

‎أم عمر : مآذآ بهآ .. أتريد شئ مآ

‎عمر بدون نفس وبصرخة : لاشأن لأحد بهآآ ..

‎أم عمر طآرت عيونهآ وتكتفت حتى تتكلم بلغتهآ : ومن سيقحم أنفه بأمورهآ ..!!

‎كمل خطوآته صوب بآب المدخل يبي يطلع بس هي

‎بخوف تحركت حتى تسحب يد ولدهآ . خآفت يطيح بأخته

‎ألي من شآفتهآ قالت لهآ وبوجهآ أنهآ أخت عمر وأبوووهآ مآرآح يتركه

‎مثل مآتخطط ..

‎أم عمر : أريدك بأمر مهم ,,,

‎عمر بطفش وهو يحآول يجر يده من يد أمه : دعيه في وقت أخر أود

‎الخروج الأن ..

‎أم عمر بأصرآر وهي توقفه مآتبيه يتحرك : سننتقل عن هذآ المكآن

‎الليلة ..

‎عمر وقف يطالع فيهآ : مآذآ ...؟

‎أم عمر تهز كتوفهآ : لم يعد هذه المنزل يروقني .. أود في الحقيقه

‎موآصفآت خآآصه للمنزل الذي سأمكث به ريثمآ نستعد للعودة

‎لبلادنآ ..

‎عمر مآعآد يقدر يتحمل تجآهل نوآيآ الكل ويسكت : ولمآ لا تعودين لبلدك ..

‎أتعتقدين أن أبنك صغير لايستطيع النظر لجوآسيسك

‎في كل مكآن أذهب أليه ... أقسم لك أمي أنني لم أعد أستطيع

‎تحمل المزيد من تصرفآتك .. أن لم تقرري السفر سأجبرك أنآ عليه ..!!!

‎نزلت أيديهآ وعيونهآ طآرت في ولدهآ ألي لأول مرة

‎يصرخ عليهآ بهالطريقه ولا يهددهآ بعد ...

‎بس مآظل كثير وآقف قبالهآ قال لهآ هالكلمتين حتى يتحرك

‎بخطوآت تئن خوف وقهر ..وبدون مآيطلع

‎من بآب المدخل تحرك للمطبخ حتى يطلع من بآبه الخلفي

‎للحديقه ...

‎وهي ضربت بيدهآ على فخذهآ وبسرعه صآرت تنآدي

‎الخدآمة ألي نزلت بخطوآت وآآسعه ...

‎مآري : أين هآتفه ..؟

‎الخدآمة تقرب منهآ وبصوت وآطي : لقد تم أستبداله كمآ أمرتي بالأمس..

‎مآري تلف لهآ حتى تتحرك شفاته : أذآ فلترميه في حآوية

‎القمآمة .. فأنآ لن أسمح لهم بالتوآصل معه وهدم مآيسعون له ..

‎الخدآمة تهز رآسهآ بتأكيد : حسنآ ...

‎أبعدت الخدآمة ومآري بهدوء وببطء رفعت

‎عيونهآ لطابق الثآني .. رآح يكون دورهآ بهاللحظة قوي

‎وسآآرة محتآجه من يحتويهآ ..

‎من يفهمهآ ..

‎يدلهآ على الطريق الصح .. أبتسمت بخفه حتى

‎تتحرك وصوت كعبهآ يتردد فالمكآن ..

‎توجهت صوب الدرج حتى تصعده وتتوجه لطابق الثاني ...

‎صآرت تسمع صوت بكآ وعلى طول رآحت تتبع الصوت لين

‎وصلت لغرفة عمر ولدهآ ... مدت يدهآ وحاولت تفتح الباب

‎مقفل ..!!

‎ومن ورآ البآب كآنت هي مرميه على الأرض ....

‎شعرهآ متنآثر في كل مكآن .. سحبهآ

‎بلا رحمة حتى يرميهآ في هالغرفه .. مالت برآسهآ على الأرض

‎وهي متقطعه بكى ..

‎سآآرة : كنت حآآسة أنه يلعب علي .. كنت حآآسة أنه يجذب علي ...

‎رفعت رآسهآ أول مآتفطنت لشي وبسرعه رآحت تركض للمرآيه ..

‎طالعت بوجهآ وصآرت تقربه من المرآيه تطالع بعيونهآ

‎ألي بدت تحكهآ ...!

‎العدسآآت .. الشي ألوحيد ألي لازآلت محتفظة فيه ...

‎مدت أصآبعهآ ونزلتهآ وهي تهتز وتشآهق .. خآفت تدخل من هالدموع ..

‎وتتوهق على صح ..

‎مسكتهم بكف يدهآ ورآحت تركض للبآب ..

‎صآرت تطقه بقوة تبي أحد يفتح لهآ ..

‎العبآيه طايحه على كتوفهآ والشال ماتدري وين أختفى ...

‎ومن ورآ البآب لوت أم عمر

‎فمهآ وطالعت الباب من فوق لتحت حتى

‎تبتعد عنه .. خليهآ محبوسة بهالغرفه مآرآح يكون هالشي

‎ألا بصالحهآ ..!!!

× × × × × × × ×

‎رفعت يدهآ وهي تتوجع بقوة من الحرق ألي بيدهآ ...

‎ضآمة أصآبعهآ على صدرهآ وعيونهآ المتورمة من كثر البكآ

‎رآآيح لونهآ للأحمر ... قآمت مثل المجنونة طالعه من الغرفه

‎على الصاله وهي تدور عن شي يسكن لهآ هالوجع ...

‎تبي تنآم .. تبي الرآحة ولاتقدر .. خلاص .. الليلة تثآقل

‎عليهآ وهي بس تأن من الوجع والألم ... تتوجع بروحهآ ...

‎دخلت المطبخ فآآضي .. وكل شي صآر أمس يرجع لهآ صورة حيه ...

‎حست بدقآت قلبهآ تزيد .. وصرآخه .. همجيته ..

‎تخترق أفكآرهآ .. رفعت يدهآ ومن شآفت يدهآ ألي الجلد منسلخ

‎منهآ شهقت بقوة وطلعت .. بتخلص روحهآ من هالعذآب ...

‎لافي صآرت تتيقن أنه مريض ..

‎مآتشآفى من مرضه النفسي ألي تعآلج منه .. لا مآتعالج منه أصصلن ..

‎مريض يبي يذبحهآ في هالمكآن ...

‎وهي مالهآ شغل بموت سعود ... وش دخلهآ هي في موته ..

‎كيف تذبح ولد خالتهآ ..!!

‎بعيون خآآيفه ... مترقبه .. صآرت تنآدي العبدآت .. مآتدري وين رآآحن ..

‎معقوله رآآحن .. وهي في هالمكآن لحالهآ ..

‎والله بتنجن .. وقفت بوسط الصاله وصرخت ..

‎تغريد تتلفت بصوت رآآيح : وييينكن .. أحد يرد علي .. يآنآآس

‎بنجن في هالمكآآن .. تكفووون أحد يرد علي .. أنآ لحالي مع وآحد مررريض ..

‎والله مررررريض .. والله مالي شغل بموت سعود .. ( رفعت صوتهآ بجنون )

‎ردوآآآآ علي .. ردوووووووو آآآآ

‎تسكت ويرجع للمكآن وحشته .. نور الشمس بالعافيه يتسلل لصاله

‎من فتحآت البآب الحديدي ..

‎يشكي لهآ البآب الحآل .. وتتهآتف حكآيآ الشبآبيك قصص

‎ترثي حالهآ ..

‎المكآن شبه مظلم .. والصوت لاطلع يرتدد صدى غريب .. جلست على

‎الأرض بس مسرع مآسمعت صوت سيآرة أستقرت على مسمعهآ ...

‎أنقبض قلبهآ وأنقطعت أنفآسهآ وصوت السيآرة

‎صآر يقتحم حوآسهآ بعنف ..

‎للحظآت تهيأ لهآ أنهآ

‎تتخيل صوت أحد جى .. بس الصوت

‎حقيقي ... معقوله جى .. قآمت بسرعه حتى تركض للمطبخ وتسحب

‎العصآ ألي ضربهآ فيهآ أمس ... لو شآآفته مآرآح ترحمه أبد ..

‎تمسكت بالعصآ بكل قوتهآ وطلعت لصاله .. خطوة ثقيله تبعهآ خطوآت

‎حتى توقف ورآ باب المدخل ... قلبهآ يضرب بقوة بس رآآح تتغافله ..

‎تحس رجولهآ رآح تتهآوى على الأرض بأي لحظة ودوخة غريبه

‎قآمت تحضنهآ .. غير جلدهآ ألي بدى يظهر عليه أثآر حسآسيه ..

‎بللت شفآتهآ ومررت بلسآنهآ عليهآ حتى تشهق من حست بجرح على أخر

‎الشفآه .. نزلت العصآ ومررت أصآبعهآ على الجرح ..

‎ألي مآكآن غير تقرح بسبب هالمرض ألي مآعآد الأدويه تمنعه ...

‎لصقت فالجدآر من سمعت صوت خطوآت عند البآب ...

‎نزلت عيونهآ بالأرض تطالع من تحت البآب ظلال خطوآته ..

‎كل عرق في جسمهآ قآم ينتفض ..

‎أندف البآب وكأنه بيجرب أذآ مفتوح ولا لأ .. وهي كتمت أنفآسهآ

‎والضغط تحس يوصل لرآسهآ .. تبتعد الخطوآت عن البآب ومسرع مآترجع ..

‎يتمآيل يد البآب ببطء

‎يندف على خفيف ... تبعهآ صوت أنفآآس غريبه .. فتحت عيونهآ

‎على الأخر من تيقنت أن هذي مو خطوآت لافي ولاحتى صوت

‎أنفآآسه .. تحس فيه يميل برآسه ويطالع الصاله المكشوفه قباله

‎كأنه متردد يدخل ويغامر .. نوت تبكي من عرفت أنه مو بلافي ...

‎لصقت أكثر باللجدآر من مد يده ودخل ...

‎شآآفت جزمته الامعه .. ورجوله النحيفه .. تقدم أكثر ومن

‎ظهر لهآ ظهره الوآسعه حركت أيديهآ بأقوى مآعندهآ حتى تنزل العصآ

‎على رآسه .. ويتمدد قبالهآ بلا مقدمآت ...!!!

×××××××××

‎.... : يآآونتي ونآآآه .. ونت جررريحن ضيع دروب جررحه ...

‎رفع عيونه لسمآ الصآفيه وهو يبي يمسك نفسه

‎بس مو قآدر ... قال ( أستغفر الله ) ومسرع مآنزل رآسه

‎وصد بعيونه بعيد .. مصغر عيونه من هالشمس ألي نآثره

‎أشعتهآ بدفآ حولهم ...

‎رحيم مستآنس ومبسوط : شفت الضرب يآب نتيجه معي .. نمت وصحيت

‎لقيت نفسي شآآعر

‎سيف يلف برآسه صوبه : يآآخي ترآ علييك سمآجة وخبال .. والله يآولد

‎أني ودي أقوووم أكووفنك لين تتفل العافيه

‎رحيم رفع حوآجبه : الضرب قلبك عآآآقل أعوذ بالله

‎سيف يتربع ويأشر بيده صوبه : أنت متأكد أنك مضروب أمس .. والله مآشفت

‎شي .. خله يرجع لا يكمل علينآ الطق .. أعرفه لافي زين ..

‎رحيم بأستسلام : شنو تبيني أسوي .. خله يطق ..

‎سيف بعصبيه : رحيم ترآ من صج حنآ متوهقين بسالفه عويصه

‎وأنت وويهك قآعد عندي تتخبل ..

‎ع صدح الغرف المبنيه صآعدين بعد مآذبحهم البرد الفجر

‎ولا لقوآ شي يدفيهم ... غير الجوع ألي ذبحهم ولا عندهم فلوس

‎يشرون شي يصبرون حالهم فيه ... قآم رحيم وبخطوآت وآآسعه

‎وقف حتى تنكشف مسآآحة شاسعه من الأرآضي الخاليه في هالجهه

‎بالذآت ألي وقف قبالهآ .. صغر عيونه ومسرع مآتكتف

‎رحييم : يآآآآآوك يالبرد .. كومآر وينه بندور سلف منه

‎سيف : سبقتك ولاعطآني ويه ... ألله يالدنيآ .. صرت أترجآآه مير

‎ولا كأني وآقف قباله .. مآتشوفه مختفي ...

‎رحيم يلف لسيف : يآخي شسالفه الشاليه أمس .. أنت خآبر فيه شي

‎مو كنآ نلعب وأنوآع الفلة ..

‎سيف بقهر : مو هذآ ألي خلاني مآأنآم أمس ... لافي ع باله أن حنآ

‎ندري عن الوسآخة ألي فيه ... أسكت لاتذكرني .. قسم بالله

‎من القهر أحس بكتمة وضيقه .. ألله يستر من الشرطة بسسس

‎.......... : ألو .. أيوووه بآبآ .. لا مآفيه معلووووم ..

‎تمآيل برآسه لتحت وهو يحط أيديه على الجدآر .. وعلى طول ركض

‎نآزل من الدرج المكشوف حتى تعانق خطوآته التراب

‎ومن وصل لكومآر سكر الخط بسرعه ..

‎كومآر بنرفزة : شنو يبي .. يلاااااا روووح

‎رحيم طآرت عيونه : ورآك تنآفخ أنت

‎كومآر نآفخ ريشه : مآفيه معلوووم يلا روووح .. لافي فيه كلام

‎ممنوع سوي قرقر وآآجد ... يلااااااا ..

‎رحيم رفع رآسه لسيف ألي يطالعهم من فوق : ....................

‎رحيم يرجع يطالع كومآر : هييييه .. لاتقعد تنآفخ بسس

‎سيف يمد يده من فوق : خله بسس .. هذآ موصى توصيه ومآصدق

‎يسوي فيهآ أمين

‎رحيم يطآلع كومآر : بس تخلص هالأمور والله لا أوريك

‎كومآر يأشر بيده : رووووح زين

‎وقف يطالع فيه يبتعد ولا هو قآدر يسوي له شي ...

‎حرك عيونه بعيد وصوت الغنم يتردد مع نسمة الهوآ

‎.. حط أيديه على خصره ومالهم ألا ينتظرون أحد يجي

‎أو يبين لافي ...!!

‎لافي

‎ألي نآم تحت تأثير حبة المنوم أمس .. هذآ هو متمدد

‎على سريرهآ .. بضيق وكتمة أنفآس تحآصره فتح عيونه

‎ببطء وهو

‎يحس بضرب قوي على كتفه ..

‎الجده : يآآآولد أتعبتني قوووم ...

‎بس رجع غمض عيونه ... مع صوت الجده كآن يسمع صوت رجآهآ

‎... صوت أنكسآآر في نبرة هالصوت ..

‎ليليآن وآقفه ورآ الجده : يممه أسمعيني ..

‎الجده بدون حتى مآتلف لهآ : قلت أطلعي برآآ

‎ليليآن بصوت مخنوق : ورآتس يمه أنقلبتي .. هو أمس ألي

‎دخل غرفتي .. هو أنآ وش دخلني ..؟

‎الجده على طول لفت له وبقهر ضربت كتفهآ : نويتي فلاح يشوفه

‎في الغرفه .. هآآ

‎ليليآن بتعب تحط يدهآ على رآسهآ : عجزت أسكر الغرفه .. مآقدرت

‎الجده ترفع يدهآ : قلت فآرقي .. يلا أطلعي برآآ ..

‎ليليآن خلاص مسكتهآ العبرة : يمه أفهميني ..

‎الجده تتحرك معطتهآ ظهرهآ وبنبرتهآ الغاضبه :

‎لو أني مآتصرفت كآن صآرت علوم ..

‎ولاآآآ ... توحيني يوم أهرج عن لافي ولا قلتي لي أنه بالغرفه ..!!!

‎ظلت سآآكته .. هي أصلن مآعندهآ تبرير لتصرفهآ الغبي ..!!

‎تحركت بخطوآت وآسعه طالعه من الغرفه

‎وهوآش الجده للافي يرتفع بأعلى صوت تقدر عليه ..

‎( قممم أشوف .. المصآيب مبهذلتن الكل وأنت قآآعدن لي متسدح هنيآآ ..!!)

‎وقفت بالصاله وهي مآتدري وين تروح .. بس لحظآت

‎ودخل علي عليهآ من بآب المدخل ... تبعه صوت رجولي

‎يملاه الضيق ...

‎......... : شوووف أمي ...

‎علي يوقف ويلف صوب الحوش : أنت روووح لسيآرة لاحقك أنآ ..

‎رفعت عيونهآ صوب علي ألي لابس ثوب أسود والشمآغ

‎رآفع أطرآفه لفوق .. مندفعه معه ريحة عود ثقيله ..

‎طالعت وجهه ألي ملامحه مآتبشر بخير ...

‎لحيته ألي بسوآد الليل ..

‎لف لهآ ومن شآفهآ أبتسم .. تحرك جآي لمهآ

‎علي : صبحج ألله بالرضآآ .. لا الحمدالله هالحين أحسسن ..

‎ليليآن بدون مقدمآت وهي مآصدقت تشوفه : عمي .. لافي بغرفتي قآآعد و ...

‎جر يدهآ مبتعد فيه عن بآب المدخل حتى وقف عند المطبخ

‎وعلى طول حرك عيونه صوب الحوش ..

‎علي بصوت وآطي : قصري حسج .. طلال أخو لافي برآ لايسمعج

‎ليليآن وهي تتسآند بظهرهآ على الجدآر وطول علي وضخآمة

‎جسمه مغطيه جسمهآ : عمي .. أنآ خلاص .. أحس أني مو قآآدرة أتحمل

‎شي .. تكفى قول لأمي بروح عندكم بعيد عنه ..

‎قووله أنت أن تغريد مريضه وريحني ..

‎علي طالعهآ وبعد صمت : أنتي شنو خلاج تفكرين بسالفة تغريد

‎ليليآن : تو أمي تسألني عنهآ ..( أختنق صوتهآ ) وأنآ مآبي أكون

‎من يقوولهم هالسالفه ..

‎أنفتح البآب حتى يطلع لافي بطوله من غرفتهآ ... شعره مبعثر

‎في كل جهه ومحتآس ... وعلي من شآفه أبعد خطوة عن ليليآن

‎ألي ضآعت علومهآ من تحركت عيونه صوبهآ ..

‎طالعهآ بنظرة غريبه هزت كيآنهآ ..

‎نظرة تعلقت فيهآ من طلع من الغرفه لحد مآتحرك جسمه ولف متوجه

‎صوب الحمآم ...

‎مآنزل عيونه عنهآ ..

‎نظرته مآعرفت معنآهآ .. ولا تبي تفسرهآ ..

‎رفعت يدهآ وسحب ثوب علي .. مآتدري خآفت من وش ..

‎كآآن ضآآم أصآبع يده المحترقه من المآي الحآر أمس ..

‎ولا أحد لمحهآ .. حتى ليليآن نفسهآ مآلمحتهآ ..

‎حوآجبه معقودة من النوم ومزآجيته السيئه توجت صحوته

‎بالصمت ...

‎طلعت الجده من الغرفه وهي تتمآيل بكل خطوة تخطيهآ ومن شآفت علي

‎وقفت

‎الجده : هو أنت طلعوووك من دوآمك

‎علي : صبآح الخير .. أي والله خالتي .. بو سعود رآح يدورهم

‎وحالته حاله .. وسالم للحين مآحد قاله

‎الجده بنبرة عنيفه وهي تأشر صوب الحمآم : هذآ هو أسأله عندك

‎علي بهدوء : أنآ بطلع خالتي بروح أنآ وطلال لشرطة عشآن نفهم السالفه ..

‎خلي لافي يبدل ملابسه ويسبقنآ لديوآنيه أبوووه ... أنآ مآحضرت

‎هنيآ ألا شكيت أنكم متوهقين بشي ..

‎الجده تطالع ليليآن بدون نفس : طسي عن خلقتي

‎علي رفع حوآجبه : صآير شي ...؟

‎تحركت الجده صوب غرفتهآ حتى تدخل وتسكر البآب ..

‎مآهي بحآجة تشرح لأحد وتبرر ..

‎وعلى طول لف علي بأستغرآب صوب ليليآن ..

‎علي : وش مسويه أنتي ..؟

‎ليليآن هزت كتوفهآ : .............

‎علي مآعنده وقت : أنآ رآجع لك .. ( حط يده على كتفهآ ) العصريه برد

‎أخذج ..

‎ليليآن هزت رآسهآ : طيب ..

‎علي بأبتسآمة دآفيه : فمآآن الله ...

‎تحرك طالع من البآب وهي فزت من أنفتح بآب الحمآم حتى يطلع منه ..

‎يتحرك بخطوآت هآديه وعلى طول لف حتى يدخل غرفتهآ

‎وهي مثل الصنم وآآقفه ..

‎وقف بوسط الغرفه وقال بصوته الخشن

‎( تعالي أبيج ) ...!!

‎حست بعظآمهآ ترجف ولاتدري وش سبب هالخوف ..

‎هي خوفهآ من نظرته الغآمضه لهآ قبل شوي ..

‎أو سوآتهآ ونيتهآ ..

‎أو شكله بهاللحظة .. تحس ملامحه تخوف ولا تعطيهآ الأمآن أنهآ

‎تقرب منه ..

‎ظل وآقف معطيهآ ظهره وهي وآقفه ورآه بالصاله ... حرك رآسه

‎وبتأكيد ( مآتسمعين ) ..

‎تحركت بالعافيه وعيونهآ متعلقه بكتوفه العريضه ونص ملامحه الظآهره

‎لهآ .. خطوة أكثر تبعتهآ خطوتين ثلاث لحد مآوقفت عند أطآر البآب

‎لافي بأمر : أدخلي وسكري البآب ..

‎أسكره ...!

‎وش بنيته ذآ هالحين ... ظلت لثوآني تشآور حالهآ تركض لغرفه

‎الجده وتسكرهآ عليه لحد مآتهدى شوي ...

‎بس تحركت مجبورة لدآخل الغرفه وبهدوء لفت صوب البآب وبأصآبع

‎ترجف مسكت يد البآب ودفته لحد مآتسكر ....

‎لافي : صآيرة تسمعين الكلام مآشالله .. لو أنج هجيتي لغرفة

‎أمي العودة مثل كل مرة كآن وريتج العلوم السنعه ...

‎طآرت الكلمآت من شفآته حتى تطير وتهبط في منصة قلبهآ ..

‎تنفجر الحروف مشآعر غريبه مآيحتلهآ غير هو

‎.. أبعدت أصآبعهآ

‎عن يد البآب ولفت له تتأمل هالمنطق ألي تكلم فيه ...

‎أيه هو صآدق ..

‎وش صآير فيهآ مآعآدت تبدي أي مقآومة له ..

‎قبل مآكآنت تسمح له يتأمر عليهآ ..

‎وهذي هي من قال لهآ تعالي مآترددت لحظة تنفذ هالطلب ..!!!

‎خآآيفه من أنه يتركهآ ..

‎أو لأي مدى وصل عشقه في قلبهآ ..

‎أقتحمت مدينة أحلامهآ وصآر حلمهآ تمتلك هالمدينه ..

‎بس ليآالي هالمدينه طويله ..

‎شهقآتهآ أحتضآر ...

‎وهي صارت في هالمدينه ذيك العاشقه الحزينه ..

‎سألهآ بعد مآطال صمتهم .. ( أخبآرك هالحين ) ...

‎بدون مآيلتفت لهآ بكآمل جسمه ..

‎بدون مآيوآجه حقيقة مشآعره لهآ صوت وصورة ..

‎بدون مآيقولهآ وعيونه تحكي أغآني من الشوق ماتنفك تنآديهآ ..

‎كآنت بتقوله مآتبي غير أنتحآر على قد صدمآتهآ بس سكتت .. تجآري

‎مزآجيته المتذبذبه ..

‎قالت له ( الحمدالله ) ... رد .. ( وأنآ مو بخير ) ...

‎فآجئهآ الرد ألي مآتوقعته أبد ... متوقعه بيسكت متجآهلهآ ...

‎رفعت عيونهآ ألي أتسعت تطالعه وهو .. لأول مرة يخوض حرب

‎مع مزآجيته عشآن أحد ..

‎يكسر حوآجزهآ ويبوح بالشي ألي يعيشه بهاللحظة ...

‎تحرك بخطوآت وآسعه صوب سريرهآ .. حرك أيديه ودخلهم دآخل

‎جيوب ثوبه .. حتى يطلع البوك ويرميه على السرير تبعه الجوآل ..

‎بعدين المفآتيح ..وهي تطالع شعره الرمآدي المبعثر مغطي ملامحه ...

‎حرك رآسه صوبهآ طالعهآ بنظرة خآطفه

‎لافي مسرع مآرجع يطالع أغرآضه على سريرهآ : عندك كريم للحرق ..

‎مآصدقت تتحرك تدور عنه .. تذكره في هالغرفه ..

‎بربكة صآرت تدور على طآولتهآ ... متلاشيه كل مخآوفهآ ..

‎كل تنآقضآته ألي مآتظهر ألا بحضوره .. بموآقف تخصه ..

‎شآدة حيلهآ ودآفعهآ الربكة الغريبه ألي تسري فيهآ مسرى الدم ...

‎فتحت الدرج وسحبته بسرعه حتى تتحرك بجسمهآ

‎صوبه

‎ليليآن تمد يدهآ : هذآ هو .. أحتفظ فيه عشآن أخوي لاصآر فيه شي

‎مآيتوجع كثير ... بسم الله عليه ..

‎لف برآسه يطالع فالكريم ومسرع مآرفع أيديه ورفع ثوبه يفصخه ..

‎فتحت عيونهآ على الأخر أول مآنزل ثوبه ومده لهآ ,,

‎لافي : علقيه ع الكبت ...!!

‎ظلت متنحه تطالع فيه مآتدري ليش نزل ثوبه .. أخذت ثوبه

‎وبدون مآتعلقه حطته على الطآولة وهو مآهتم لحركتهآ ووجع

‎الحرق يآكله .. سحب فآنيلته وعلى طول نزلهآ وهي مآقدرت تكتم شهقتهآ ..

‎قآمت تتنآفض من تصرفآته الغريبه ..

‎ومن شآفت صدره العآري تحركت بسرعه تبي تطلع ..

‎وش موقفهآ .. تحرك هو يسآبق خطوآتهآ حتى يجر يدهآ

‎لافي وهو يطالع ملامحهآ : على وين ..؟

‎ليليآن تسحب يدهاوبضيق : بطلع تكفى ..

‎لافي يتمسك بيدهآآ بأقوى مآعنده وبقهر : أنتي متى بتبطلين هالحركآت ..

‎ليليآن ورآسهآ لافته صوب البآب : أنآ تعبآنه مآبعد خفيت من الحرآرة .. تكفى

‎وخرررر عني ..

‎لافي يسحبهآ لجسمه : طالعي فيني ..

‎ليليآن بملامح ضآيقه : روووح أطلع .. أخوك مآيدرون عنه .. لاحد يجي

‎لافي هزهآ وبصوت مقهووور وهو يرص على أسنآنه : قلللت طآلعيني ..

‎ليليآن وهي تتنفس بقوة : .............

‎حرك يده المحترقه حتى يحطهآ على ذقنهآ ويلف بوجهآ له ...

‎مسك فكهآ بقوة يبيهآ تطالعه غصب .. بس ملامحهآ أنعفست أكثر

‎اول مآحست بخشونة يده ..وكآن في شي غريب يلامس خدهآ رطب ..

‎مآقدرت مآتوخر رآسهآ بقرف من يده .. وعلى طول رجعت خطوتين لورى

‎سآحبه رآسهآ من قبضة يده ..

‎ومن وقفت طآحت عيونهآ على يده ومسرع مآشآفت الحرق على

‎بطنه ... وقفت مفجوعه من ألي تشوفه

‎ليليآن بخرعه : وش فيك .. هذآ وش هو ..؟!!

‎لافي يآخذ نفس : هذآ حرق .. أبيك تحطين من هالكريم على بطني ..

‎ليليآن أشرت على روحهآ : أنآ أحطه عليك ..!!

‎لافي : ليش شنو يمنعك

‎ليليآن ضآعت : ....................

‎تحرك حتى يرمي بجسمه على السرير ,,,

‎لافي بأمر : تعالي بسرعه حطيه ..

‎تحركت من صرخ مرة ثآنيه ( تعاآآآآآآلي ) ...

‎قربت منه ومن و

‎صلت لحد عنده سحبهآ مع يدهآ وخلاهآ تجلس جنبه ...

‎وبأيدين ترجف صآرت تفتح العلبه ... محآولة على قد مآتقدر

‎مآتفكر بشي .. لابقربه ولابشكله بهاللحظة .. بلعت ريقهآ وسحبت

‎الكريم حتى تفتح غطآه .. مدت أصبعهآ وأضغطت شوي عليه

‎حتى يطلع الكريم ويستقر على أصبعهآ .. قربت أصبعهآ

‎من بطنه وصآرت تحط من الكريم عليه وتمسح عليه بشكل دآئري

‎وبكل هدوء ..

‎وهو أكتفى يطالعهآ .. يتأمل ملامحهآ ..

‎لافي بصوت صآر هآدي : عندج أستعدآد نعلن هالزوآج ...!!!

**********

>

>

<

<

كــــــــــــــــــــت

<

<

<

<

‎قرآآءة ممتعه للجميع

فوت ⭐️ / صوت ⭐️

دمتم بخير

فوت ⭐️ / صوت ⭐️ قبل القراءة

‎الفصل الثالث والثلاثون ..

‎الخطوة الثامنة والعشرين .. خطوة الركود لحلم أريد منك أكثر ممآ أريد

‎( بملء حنجرتي سأقول لك .. بكيت طويلا من أجلك ..

‎لكنني لن أشعل رغبة الطيرآن بجنآحين مجهولين

‎من أجلك أيضا..)

‎لافي بصوت صآر هآدي : عندج أستعدآد نعلن هالزوآج ...!!!

‎الخلوة السريه مع شخص نفسه ينتقل فيك بين مزآجآت

‎غريبه وعجيبه .. ينتقل مآبين منعطفآت الموت بحرية القرآر

‎شي مفجع ...!!

‎يفتح في وجهك ألف سؤآل وسؤآل ..

‎شخص مثله يقدر يخلعك مثل مآ تخلع اللغه قوآنينهآ

‎والحيآة أسرآرهآ

‎والحب مشآعرهآ ..

‎لازم يكون فيه وقت كآآفي للندم والحسرة ..

‎وقت كآآفي لتفكير ..

‎وهي ..رغم قوة سطوة هالطلب .. وفآجعته .. ومبآغته لهآ

‎وهي للحين مآتحمل غير الحيرة والتعب ...

‎خلتهآ تستمر تحرك الكريم على بشرة بطنه بشكل دآآئري ..

‎في الحقيقه

‎تسللت نبرة صوته من أي مشآعر كآن ممكن

‎يحمله صوته لهآ ..

‎ع الأقل تحس بالثقه

‎.. بالفرح .. هالأستعدآد ألي يطلبه كآن مجرد من نبرة صوته ..

‎مآتدري ليش رغم هالضعف صآرت شفآفيتهآ بشعورهآ تجآهه

‎أكثر ..

‎حست بهالطلب هو شي لمجرد طلب ..

‎مجرد رغبه نور يتسلل لهالظلام ألي تغطي

‎هالعلاقه ألي تربطهم مع بعض ..

‎يجهلهآ الغبي .. !!!

‎هالشآيب مآعرف من هي هالبنت ألي ع باله

‎بعمر يستغل فيهآ أي شي يبيه ...

‎ظلت سآآكته .. تحس ببرودة جلده تتسلل ببطء

‎لمشآعرهآ ..

‎وهو بتركيز وأستمتآع صبآحي بملامحهآ رجع يعيد هالسؤآل

‎لافي : عندج أستعدآد ..!!

‎أبتسمت .. أبعدت أصآبعهآ من على بطنه حتى تعدل ظهرهآ

‎وبيدهآ الثآنيه تسحب الكريم .. حطت منه على أصبعهآ ورجعت

‎تمسح على الحرق ألي على بطنه ..

‎من وش هو هالحرق ..؟

‎وين كآن عشآن يحترق بهالشكل الموجع ...؟

‎لافي : ورآج أبتسمتي .. ( قال بنبرة صآرمة .. جآدة ) أعتقد

‎مآفيه شي يخليج تبتسمين ..

‎ليليآن بصوت وآطي حيل وبدون مآتطالعه : تعرف لافي .. ابوي

‎الرجال الأجودي علمني على حآجآت كثيرة قبل يتوفى .. وأنآ ترا

‎رآعية حلال وطلعه للبرآآن بس يوم جيت هنيآ تغيرت حيآتي

‎لافي عقد حوآجبه بأستغرآب : أيه ..

‎ليليآن رفعت حوآجبهآ وبصوت تسحب فيه هوآ لرئتهآ : من ألي علمنيه

‎أبوي كيف أعرف من جرة هالأوآدم أذآ هو حرمة ولا رجآل ..

‎لافي رفع حوآجبه ومسرع مآنفجر ضحك : هههههههههه .. بتقنعيني

‎أني لو خليتج تشوفين جرة ع الترآب .. بتقدرين تعلميني أذآ هي لحرمة

‎ولا رجآل .. ؟

‎ليليآن أبعدت أصآبعهآ ومسرع مآلفت للكريم وصآرت

‎ترجعه لكرتونه حتى ترد بدون مآيأثر ضحكه بثقتهآ : ألله ألله .. ولك

‎ألي تبي لو أخطيت فيهآ .. تسمعني لافي .. لو أخطيت ..!!

‎رفعت عيونهآ تطالعه .. بنظرة غآمضه صوبه ..!!

‎لأول مرة يطآلع في عيون أحد ومآيلقى غير الغموض ..

‎لأول مرة تجذبه نظرة عيون تمتلك من الشرآسه والثقه الشي الكثير ...

‎تستدرجه هالكلمآت البسيطه للتفكير في السبب ألي خلاهآ

‎تعكس موجة الطلب لتوضيح بسيط بالي تعرفه ...!!

‎مآبتسمت ..

‎هالكلام

‎كآن أعمق من مجرد حروف وصففتهآ على شفآهآ .. أعمق ..!!

‎تقوم بسرعه حتى تتحرك طالعه من الغرفه والدهشه تغرقه

‎فالصمت ..

‎بدون الجوآب التقليدي ألي تعود هو عليه بنعم أو لا ..

‎عطته الرد بكآمل تفآصيله له ..

‎لأي مدى هالبنت رآح تدهشه ...

‎هو ألي دآيمآ يتهرب من الأسئله .. يستتر دآخله حزن بآذخ

‎حد الترف ...

‎حس بقلبه ينبض بقوة من قرى تفآصيل الكلام الحقيقيه ...!!

‎.. كأنهآ تقول له لا تضحك علي

‎بأعلان زوآج وأستعدآد لشخص نفسه مآعنده أستعدآد ...

‎كأنهآ تقوله .. أنت شخص مكشوف لي ...!

‎أنآ قآدرة أقرآك .. أعرف أنهزآمآتك وخيبآتك .. مثل مآعرف من خطوة

‎بس اذآ هي لرجال ولا حرمة ..

‎سحب جسمه لحد مآتمدد زين .. غمض عيونه

‎وزمن الأحسآس بدآخله أنتهى ..

‎زمن النوآيآ الطيبه ..

‎لكن هذي هي .. تذهله في كل شي ..

‎بصغر عمرهآ .. منطقهآ المعقد وأجوبتهآ المستترة دآخل كلامهآ

‎حول نفسهآ .. والبسآطة الغبيه ألي تحآول تصنعهآ حول نفسهآ ...

‎بس قآم بسرعه ينفض أفكآره عنهآ حتى ينحني و يآخذ فنيلته ..

‎يلبسهآ من جديد ..

‎جر فآنيلته من قدآم مكآن الحرق أول مآلصق الكريم

‎بفآنيلته ...توجه صوب الطآولة حتى يآخذ ثوبه .. رفع يده متمسك

‎باليآقه من فوق .. ويده الثآنيه تحركت أخر الثوب حتى يدخلهآ وينحني

‎برآسه لابس الثوب ... نزل الثوب مغطي جسمه وهو بأيديه الثنتين

‎صآر يسكر أزآرير الثوب من على الصدر ببطء .. تحرك مرة ثآنيه

‎رآجع لسرير حتى ينحني ويسحب بوكه ومفآتيحه ... ومن أخذ الجوآل وطآلع

‎بالشآشه ألا كم هآيل من المكآلمآت لم يرد عليهآآ ..

‎متى رآح يجي اليوم لأنسآن نفسه يقوم ويصحى ومآيلقى هالجوآل يصرخ

‎متضآيق من الأزعآج ...!!

‎رفع يده المحترقه واللون الأحمر لازآل يتملك بشرة جلده .. مآحطت عليهآ كريم

‎كود يرتآح من الوجع شوي ..

‎غمض عيونه وتوجه صوب بآب الغرفه بس فجأة دخلت ليليآن

‎ومن شآفته في وجهآ رفعت يدهآ مآده له الكريم

‎ليليآن : خذ .. أدهنه على يدك بنفسك ..

‎أرتفع حآجبه اليسآر ببطء لفوق وهو يطالع بالكريم وفيهآ ..

‎وبصمته تحرك يبي يتركهآ ويطلع ..

‎بس هي مآرجعت ألا عشآن شي في قلبهآ مآيقدر يسكت وينآم ..

‎فكت الكريم من يدهآ حتى يطيح ع الأرض ..تقدمت له حتى تحرك أيديهآ

‎وتحضن خدوده تحس بشعر ذقنه يعآتب ملمس بشرتهآ بخشونته ..!!

‎سحبت رآسه صوبهآ مجبرته يطآلع بملامحهآ ..

‎يشوف نظرة عيونهآ ..

‎يتقآسمون بهاللحظة مجرى الهوآ لأنفآسهم ..

‎ليليآن : أنآ مآنيب تغريد يآلافي .. أنآ ليليآن بنت رآآآآشد ..

‎لافي صرخ بدون أي مقدمآت : نزلي أيديج لا أكسرهآ لج ..

‎مفتوحه عيونه على الأخر .. مذهوله من حركتهآ وقوآة بآسهآ ...

‎عمر أحد مآتجرأ يسوي هالحركة معه ...

‎عمره مآنجبر على شي ..

‎بس أيديهآ الدآفيه .. النآعمه .. ظلت تعآنق خدوده ..

‎صرخ بوجهآ مره ثآنيه

‎لافي : نزلي أيديج

‎ليليآن ولا همهآ : أنآ ليليآن .. طالع فيني زين ..

‎دخلت الجده بخرعه لغرفتهم وعلى طول نزلت ليليآن أيديهآ وأبعدت

‎عنه خطوتين وآقفه بجنبه .. كتفهآ بمسآفه مآهيب بعيده

‎عن كتفه ..

‎الجده تطالعهم ومسرع مآطالعت ولدهآ : ورآك تصآرخ ..؟

‎لافي : أسأليهآ ..

‎ليليآن بأسلوب جآف .. مهتز شوي : وليش مآتجآوب أنت .. سألتك ولا سألتني ..؟

‎لافي لف لهآ وبقهر : لسآنج وأقسم بالله أن طال عندي لا أقصه ..

‎ليليآن : الحتسي لا تسآن صدز مآعجب حضرتك ..

‎مسكهآ بقوة مع ذرآعهآ وهي لا زآلت تزرع القوة المتلاشيه

‎في ذآتهآ ..

‎ترد ليليآن أول .. تحآول تنزع هالضعف ألي تحس فيه

‎يكسرهآ زود كسرهآ أضعآف ..

‎طآري أعلان الزوآج وردة فعله لكلامهآ أثبت لهآ أشيآء كثيرة

‎خلاهآ مآعآد تقدر تتحمل ..

‎قرب منهآ بس الجده تحركت بسرعه وصآرت تجر يده

‎الجده حمده : البنيه تعبآنه يآولد .. مآبعد طآبت .. أبعد عنهآ أشوف

‎لافي يلف للجده وهو يهز ليليآن : هذي تعبآآنه ولسآنهآ شآيفته

‎شنو طوله عندي .. علميهآ أن كآنت مآتربت زين والله لا أربيهآ ..

‎ليليآن : متربيه من طلعت على هالدنيآ ... مآهوب أنآ ألي محتآجة تربيه

‎دفهآ حتى تطيح ع الأرض وطلع برآ الغرفه بخطوآت وآسعه ..

‎والجده من خرعتهآ بعصبيته مآعآد قآدرة توقف على رجولهآ ..

‎تعرف هالولد زين لا عصب مآيرحم ..

‎قآمت ليليآن بسرعه تبي تلحقه .. بس الجده وقفت بوجهآ

‎وهي مو مصدقه ألي يصير ...

‎شصآر قلب حالهم .. شقالت للولد عشآن يثور ..؟!

‎ليليآن تطالع البآب وهي تنآديه بصوت عالي : تعآل ليش تركتني .. تعآل ..

‎الجده بأقوى مآعندهآ ضربت كتفهآ : يآعلج مآتربحين قولي آآمين .. ألا

‎يآقليلة الحيآ والله أليآ رجع لايكسرج

‎ليليآن تطالع جدتهآ : أنآ أبيه يكسرني .. بس لايخليني ويروح

‎الجده طآرت عيونهآ : هذي ألي أستخفت وقعدت .. ( طالعتهآ بعصبيه )

‎أهجدي أحسن لج أشووف

‎دخل الديوآنيه يبي يآخذ شمآغه ويطلع من البيت لايصير

‎شي رآح يندم عليه .. بس وقف من سمعهآ تنآديه ..

‎تبيه يجي ... والله لا رد مآرآح يرحمهآ أم لسآن طويل...!!!

‎أخذ نفس بقوة يبي يصبر حاله .. شد على أصآبعه بقوة لحد

‎مآبآنت عروق أيديه وعلى طول توجه صوب شمآغه وأنحنى

‎سآحبه مع الطآقيه والعقآل ..

‎طلع من بآب الديوآنيه على بآب الشآرع .. صآر يمشي

‎بخطوآت وآسعه وهو يحط الطآقيه على رآسه

‎ولحظآت حتى يستقر الشمآغ على رآسه مغطي كتوفه .. وصل

‎لسيآرته حتى يفتح البآب ويركب .. وعلى طول شغل سيآرته

‎رآمي العقال على السيت جنبه ويتحرك بسرعه جنونيه ..

‎بعيد عن هالجنون ..

‎عن الشمس ألي كآن أول خيوطهآ كلامهآ وموآجهتهآ له ..

××× ××× ××× ×××

‎كآنت للحظآت تحس بالجنون أقرب لهآ من كل وصلة تقدر تتنفس

‎فيهآ من تقوب حيآة بجدآرة .. تتنفس ولا تختنق ..

‎فتحت عيونهآ على الأخر وهي تشوف شخص غريب

‎متمدد قبالهآ بليآ ولاحركة .. والدم بدى ينزف من ورآ رقبته ..

‎رمت العصآ وطآحت على الأرض ... قلبهآ من كثر مآينبض

‎تحس أنه بيتحرك من مكآنهآ ....

‎ذبحته .. ذبحت وآحد مآتعرفه .. فزت بقوة من الخوف والرعبه

‎حتى تتحرك تبي تركض لغرفتهآ .. بس طآحت أول مآدآست على يده

‎بالغلط .. صرخت بقوة وصآرت تزحف .. قآمت مرة ثآنيه

‎حتى تروح لغرفتهآ .. وقفت تطالع السرير .. الطآولة الصغيرة ..

‎وين هي عبآيتهآ .. وين هي ...!!!

‎تقدمت أكثر وهي تتنفس بصوت مسموع .. وين تركتهآ فيه ... قعدت تتلفت

‎برآسهآ يمين ويسآر .. وعلى طول تقدمت أكثر من لمحتهآ مرميه بجنب

‎السرير .. أنحنت حتى تسحبهآ وبأيدين ترجف بقوة صآرت

‎تحآول تلبسهآ .. طآحت من أيديهآ وأنحنت حتى تآخذهآ من جديد ..

‎مآهوب وقت الرجفه ..

‎رمتهآ بقوة وصرخت .. بعد مآوصل الألم فيهآ ذروته ..

‎والجنون بدآ يعرف طريق مدينتهآ وشوآرعهآ ..!!

‎قالت بصوت أقرب للهذيآن ..

‎.. ( شنووو سويت عشآآن يصير فيني جذي ...

‎أحد يرررد علي .. )

‎جلست على الأرض .. وصآرت تضرب أيديهآ بالأرض .. بقوة

‎تضرب يدهآ المحترقه .. على الأرض ألي تلوثت

‎بدمهآ ..

‎يبي يعذبهآ .. يبي يحرقهآ .. يبي يرميهآ جثة ميته على أكفآن الموت ..

‎هي رآآح تختصر عليه الطريق ...

‎هي ألي أكرهته عشآنهآ تحبه ... عشآنهآ ضحت بحيآتهآ .. بآعتهآ

‎وشرت فيهآ أيآآم لرآحته ..

‎بلا مبآلاة لدم ألي بدى يلطخ بيآض الأرض ..

‎صآرت تزيد على يدهآ وتنزل فيهآ ..

‎بس لحظآت صوت خطوآت دخلت عليهآ .. ألتفت أيدين بخوف حول كتوفهآ ..

‎مسك يدهآ يبيهآ توقف عن هالجنون ..

‎وش قآعدة تسوي بيدهآ ..

‎......... : مهبوووله أنتي .. شسويتي بيدك ..

‎الصوت ..!!

‎أبتسمت وجسمهآ كله يرجف ... متى بتقطع طريق

‎الأمآني الكآذبه والأحلام المزيفه ...؟

‎لمتى بتحلم فيه .. يرجع العآشق لهآ ..

‎هي ألي مآصآرت بهاللحظة غير وحدة تلفظ أخر أنفآسهآ

‎على أعتآب أسطورة عشق أنتهت على يدهآ ..

‎رجع يلمهآ ..

‎شكلهآ .. شعرهآ المبعثر بشكل فوضوي ووآصل

‎لحد رقبتهآ .. يدهآ ألي مليآنه بدم والأرض بعد ..

‎خلاه يظل متروع من الوضع ألي كآن أخر شي في حسآبآته ..

‎زيآدة على روعته بشوفة حسين .. متمدد على الأرض

‎وهو ألي كآن مكلفه يرآقب فهد ويعرف بنته مختفيه بأي مكآآن ..

‎تغريد : لافي ....!!!

‎بو تغريد جلس على الأرض بخرعه وسحب بنته مع كتوفهآ يهزهآ : من ألي

‎سوآ فيج هالشكل .. هذآ لافي ..!!!

‎ألله يكسر عظآمة .. حسبي الله عليه

‎الظآلم ألي مآيخآف ألله ..

‎تغريد تهز رآسه وتنحني ع الأرض : والله العظيم مآذبحت سعووود ..

‎أنآ مآذبحته ولا أدري من ذبحه .. مدري .. قسسم بالله مآعرف .. مآعرف

‎أنكتمت أنفآسه وعيونه أتسعت وهو يشوف بنته

‎تهذي بسعود ؟؟

‎أنحنى برآسه حتى يسحب جسسمهآ يبيهآ تطالعه .. تقول

‎له شسالفه سعود ألي قآعدة تطريهآ ...

‎بو تغريد : أنتي شقآعدة تقولين .. تغريد .. كلميني بهدوء

‎أبي أفهم عليج .. سعود مآت قضآء وقدر .. أشدخلج أنتي

‎في موته ..

‎تغريد تلف أيديهآ حول بطنهآ : والله مآذبحته يالافي .. والله ..!!

‎بو تغريد بقهر : تحجي .. من ألي أنذبح .. مييين ..؟!!

‎بس مآيمديهآ تشهق حتى تفتح فمهآ وتميل برآسهآ

‎وهي تستفرغ بقوة .. قآمت تكح والألم ألي يحتضن جسدهآ

‎فوق تحملهآ .. أبعد بو تغريد حتى يفز وآقف وعيونه للحين معلقه

‎على بنته .. رفع عيونه يطآلع الغرفه الوحيدة المأثثه في هالجآخور ..

‎يحس أنه يحلم .. لأي درجة وصل لافي في بطشه ..

‎لجآبروت لافي ألي الكل يهآب منه ..

‎هذي آخرتهآ يسحب بنته ألي لاحول لهآ ولاقوة ويرميهآ لحالهآ

‎في الجآخور ..!!

‎ووسط صدمته تحرك بسرعه طالع من الغرفه حتى ينحني لحسين

‎ألي مكلفه في مرآقبة لافي .. حط يده على مكآن النبض يبي يتحسس

‎أذآ الرجآل عآيش ولا ميت .. ومسرع مآخذ نفس برآحه حتى يزفره ..

‎سحب شمآغه ورفع رآس حسين حتى يحطه شمآغه من ورآ رقبته ...

‎يسمع صوت بنته وأستفرآغهآ ومتوهق في هالرجآل المغمي عليه

‎قدآمه ولايدري وش يسوي ..

‎بو تغريد : حسبي الله ونعم الوكيل ...

‎ولحظآت قآم يضرب خد حسين بقوه يبيه يصحى ولا فآد فيه ..

‎تركه متأكد أن شمآغه على مكآن الجرح ورجع لبنته ...

‎دخل الغرفه ووقف قبالهآ ..

‎بو تغريد بعيون الحزن لحال بنته : قومي أركبي السيآرة والله

‎مآأخليج لحظة وحدة هنيه لو السيف ع رقبتي ..

‎تغريد تحط يدهآ على بطنهآ : يبه أبي علاجآتي .. جسمي .. جسمي

‎قآم يضعف وعيوني .. عيوني بتروح ..

‎بو تغريد بسرعه تحرك وسحبهآ مع يدهآ : قوومي ..يبه .. قومي ..

‎وقفت على حيلهآ ووسحبت العبآيه حتى تلبسهآ مع الشيله ...

‎غطت وجهآ وأبوهآ على طول تحرك طآلع من الغرفه .. بس من شآفت الرجآل

‎صرخت بهستيريآ ونزلت ع الأرض ..

‎تغريد تضرب فخوذهآ : ذبحته .. ذبحته .. يبه .. مآت الريآل

‎مآآآآت ..

‎بو تغريد ينحني لهآ يبيهآ توقف بسرعه .. وبنفس الوقت تهدى : مآمآت .. والله مآمآت

‎أغمى عليه بسس .. خليني أخذج لسيآرة وأوديج لمكآن مآيعرفه لافي ..

‎تغريد تهز رآآسه : أنآ ضربته بالعصآ .. أنآآ ..

‎سحبهآ مع ذرآعهآ بقوة مآعآد له صبر وألي شآفه ..

‎صدمة ..!!

‎رآح يمشي فيهآ وعلى طول رفع رجله

‎وطلع من الصاله وهي بعد .. غمضت عيونهآ من حست بالشمس تخترق

‎عيونهآ وكأن لهآ سنين مآطلعت لشمس .. هوآ الصبح تندفع لهآ

‎بقوة تحتضن جسدهآ بليآ مقدمآت .. فتحت عيونهآ ببطء من صآرت تسمع

‎صوت السيآرة تقترب منهآ وعلى طول جرت يد أبوهآ بخوف

‎حتى تجلس على الأرض وتتكور على نفسهآ ...

‎تغريد : مآآبي أروح .. مآرآح يرحمني هالمريض يبه .. مآرآح يرحمني

‎بو تغريد بقهر وغضب أمتزجوآ بصوته : والله لا أفضحه هالخسيس ..

‎وأنتي قلتيهآ مريض.. أركبي يبه أركبي وريحيني .. بسرعه

‎أخآف يي ثم نتوهق ..

‎تغريد برجفه وهي تضم رجولهآ لصدرهآ وتهتز : مآآبي .. مآبي أروح

‎بوتغريد رفع صوته : أركبي خليني أشوف الريآل ألي دآخل ..

‎بو تغريد بكت وهي تهز جسمهآ : مآآآبي ..مآآآبي ... بيلحقنآ يبه .. هذآ

‎مرريض .. والله مريض ..

‎مآعآد له صبر .. يحس صبره ينفذ وبنته يحس

‎أنهآ مو طبيعيه معه .. أنحنى وكتف أيديهآ يبي يشدهآ

‎ويركبهآ السيآرة .. وعلى طول أنتفضت وقآمت تصآرخ

‎تبيه يتركهآ ...

‎تغريد : لاااا .. مآبي أروووح .. مآآآآبي والله مآرآح يسكت ..

‎بو تغريد مو مستوعب حركة بنته : تغريد ألله يهدآج أنآ أبوج ..

‎تغريد : أبوي سلمني للافي بآردة مبردة .. سلم ضنآه للافي عشآن

‎يعذبهآ .. وخررر عني ..مآآآبي أروووح

‎مآعطآهآ وجه ولا أهتم في كلامهآ .. رمآهآ بالسيآرة وسكر البآب

‎حتى يركب ويحرك سيآرته بأسرع مآعنده ..

‎وبس يآخذهآ لمكآن يأمنهآ عليه رآح يرجع لحسين ..

‎صآرت دآخل السيآرة تكح بقوة وتصآرخ وتبكي وتشآهق ...

‎حآله خلته في وضع لايحسد عليه ..

‎هذي بنته الوحيد ضنآه .. بينه وبين نفسه قآم يهدد

‎ويتوعد في لافي .. رآح يعلمه كيف يسوي في بنته هالشي ..

‎مآرآح يسكت له أبد ..

‎وليش ينتظر .. سحب جوآله من جيبه وضغط على رقم لافي ..

‎حطه عند أذنه وصوت بكآ تغريد ورآه يقطع قلبه ..

‎وبعد لحظآت رد بصوته ألي أمتلى بحه غريبه يغلفهآ بهدآوته ..

‎فهد : ألو

‎بو تغريد رفع صوته : والله يآلافي لا أعلمك كيف تسوي في بنتي

‎هالسوآآه .. والله لا أحرق قلبك يآلخبيث ...تفووووو عليك

‎من ريآل ... تستقوي على بنتي !!

‎ليه .. شنو سوت لك يالخسيس..

‎شنو سوووت ... والله لا أروح لشرطة وأبلغ عليك .. وأروح لبنت الشيخ لافي

‎والقبيله كلهآ أشهدهم على سوآتك ألي تتبرى منهآ الرجوله ...

‎أنعقدت حوآجبه وهو يسمع صرآخ بو تغريد ممزوج

‎بأندفآع مع صوت بكآهآ ..

‎طلعهآ من الجآخور وهو للحين مآصفى حسآبآته ..

‎تجرأ يرآقبه ويعرف وين بنته فيه ..؟

‎مصغر عيونه من الشمس ألي حرآرتهآ تتنآثر ع الأرض حوله

‎رغم برودة الجو ... وسيآرته توه نآزل من عندهآ بوسط

‎جآخور الجده .. صوت الغنم يرتفع مبدد السكون وصوت رجولهآ

‎وهي تتحرك يتردد في كل مكآن ..

‎ضم شفآته بدون مآيقول ولا كلمة ..

‎أطرآف الشمآغ مرميه لورى كتوفه ..

‎والعقآل لازآل في السيآرة مالبسه ..

‎بو تغريد : أنت تسمعني أنت .. حسبي الله عليك بنتي مرريضه ..

‎مررريضه ولي سنتين أرآكض فيهآ .. سنتين وأنت تآركهآ عندي معلقه يالخسيس ..ألله ينتقم منك ..

‎سكت .. محرك عيونه صوب نخل متفرق قباله بمسآفآت متبآعده ..

‎لفظهآ أخيرآ .. تجرأ يقول له أن بنته مريضه ..

‎كلمة سرية بآتت من سنتين مآيعرفهآ غيرهم ..

‎رمآه بوجهه مثل لو أنهآ مآحملت له ألا نبرة مغلفه

‎بسخريه أقدآر .. وكرسي للحب نظل نتمنى نجلس عليه ..

‎نعطي هالأمنيه كثير أيآم من حيآتنآ

‎وأذآ فالحب يجلس على كرسي ثآني عكس هالأمنيه ..!!

‎في موآقف في دآخله .. تفتح قلبه قبل مآتفتح عقله بنظرة معآكسه

‎للي يتوقعه ...

‎وموآقف تبقى مجردة من صآحبهآ حتى لو كآن هو ..

‎رد .. بنبرة تعرت من حقيقتهآ حتى ينطق بعد طول صمت ...

‎فهد : عندك هالحين شي بين أثنين .. يآترجع البنت مكآن مآخذتهآ

‎وتستر على فعايلك ولا بتدخل السجن ومنهآ قل للقبيله ألي ودك فيه

‎عشآن نفتح الصفحآت الفآيته ..

‎بو تغريد رفع صوته بغضب : أنت سمعت أنآ شنو قلت .. وبعدين شنو تقصد

‎يالخبيث ..!!

‎أبعد الجوآل عن أذنه حتى يسكر الخط ويحط الجوآل في جيبه ..

‎لف صوب الغرف وهو يشوف كل شي هآدي حوله ..

‎فهد رفع صوته بصراخ : أنت ويآه ..وينكم ..؟

‎كآنوآ فوق الصدح مندسين من لمحوآ فهد ينزل من السيآرة ..

‎سيف وهو منزل رآسهآ : مو قلت لك .. تجهز بس للطق ..

‎رحيم : مير يآونتي ونتآآآه .. والله أحس أني صرت أصمخ ..!!

‎سيف بقهر يضرب رآس رحيم : أنت بتسكت عن الونين ولا والله لا أدوس

‎في بطنك أعلمك كيف يطلع هالونين منك صح

‎رحيم يطآلع سيف : شنو سويت أنآ .. معصب علي تقول أنآ لافي ..

‎سيف : ترآ جبدي أنبطت منك ..

‎رحيم رفع حوآجبه : هذآ ألي تقول صآبه شي علي .. هييييه ..

‎أنت .. أنتبه تمد يدك

‎لاصقين فالجدآر بس جمدوآ في مكآنهم من سمعوآ صوت خطوآته

‎تصعد الدرج بسرعه .. لحقهآ صوته الخشن أول مآوقف

‎وهو يطآلع بالصدح ألي مآكآن فيه غير فرشه صغيره قبآلهآ

‎هم جآلسين...

‎لافي بنظرة قآتله لهم : مطولين ..!!

‎فز رحيم وآقف ولف له ..

‎رحيم من الربكة : أهببببوآآ .. كيف صدتنآ وحنآ فووق ..!!

‎وقف سيف بصمت وعيونه بالأرض .. رفع لافي يده

‎وأشرهآ صوب الدرج ..

‎لافي : قدآآمي ولا أسمعك تقول أهبوآ مرة ثآنيه لا أخليك تنسى الحجي

‎رحيم سكت وشبك أصآبعه مع بعض متحرك حتى ينطق : سم ..

‎.. مر من عند لافي حتى يضربه بيده من ورآ ظهره وبسكآت كمل

‎طريقه ولا كأن جآآه شي .. أصلن مآصدق ينزل من الدرج حتى يحط رجله

‎ويسرع يركب السيآرة ..

‎سيف رفع عيونه لأخوه : والله يآلافي مآسويت شين غلط .. ولا دريت

‎عن هالي شفته أمس ..

‎لافي بأمر : سد فمك وأنزل لتحت ..

‎سيف رفع يده : عمري مآرآح أدنس سمعتنآ بشي غلط .. كل الدعوة

‎كآنت عندي وعند الشبآب لعب وسهره ..

‎لافي تقدم له حتى يصرخ بوجهه : تقولي مآدنست سمعتنآ والشرطة طآلبينك ..

‎هآآ .. سيف أنآ الأخلاق عندي ززفت فأحسن لك تنزل

‎سيف فتح عيونه بروعه : شرطة .. بتآخذني لشرطة

‎لافي تكتف وبصرآمة : شنو تبيني أسوي لك .. أنت تدري أن أبوي وعلي يدورونك

‎من صبآح ألله خير .. والشرطة مسوين أستدعآء مسلمينه لأبوي

‎سيف بصوت رآح : والله العظيم يآخوك مآسويت شي ..

‎لافي يمد يده حتى يسحبه دآفه لقدآم : هالحجي لا كآن فيك خير قله

‎هنآك عندهم ..

‎سيف يوقف غصب .. يترجآه : تكفى لا تآخذني لهم .. والله مآسويت شي

‎مآرد عليه وبدآل مآيخليه ينزل نزل هو تآركه..

‎وسيف رآح

‎يمشي ورآه .. مو مصدق ألي سمعه .. بيروحون لمركز الشرطة ..

‎والله لا ينخلع .. بيروح فيهآ أكيد ..

‎ومن عآنقت خطوآته الترآب دخلت سيآرة جيب الجآخور حتى توقف قبآل

‎سيآرته .. رفع عيونه لفوق أول مآشآف صآحبهآ ...

‎لمتى بيظل متوقع يشوف بيومه الأسوأ والأكثر من أسوأ ..

‎دآيمآ مستعد لخوض حروب الصبر مع كل شي يوآجهه ..

‎متى رآح يكون له الحق في حفظ كل أحآسيسه العاليه في جماليتهآ

‎في عتمة الضوء ..

‎الضوء وبس ..!!

‎لافي بصوت وآطي : سيف رح أركب السيآرة ..؟

‎سيف يطآلع صآحب السيآرة : هذآ وآحد من الشرطة .. والله بروح فيهآ

‎لافي بطفش : قلت لك رح أنطق بالسيآرة .. ( رفع صوته ) تفهم أنت ..!!

‎تحرك بخطوآته ألي كآنت ثآبته صوب سيآرة الجيب قآطع

‎على صآحبهآ أنه ينزل .. لف حولهآ حتى يوقف قبآل

‎شبآك بآب السآيق ...

‎ومن شآفه ميشيل نزل نظآرته ألي كآنت تغطي جزء كبير

‎من ملامحه حتى يبتسم بوجه لافي

‎ألي ظل يطالعه بصمت ..

‎ميشيل بلغة فرنسيه ملاهآ نبره بآرده : تأخرت كثيرآ في أعطآئي الرد لموضوعنآ .. !!!

‎لافي يحرك بيده نآزل فيهآ على طرف الشبآك حتى يرد بلغته الفرنسيه الوآثقه : لا شئ يربطني بك ميشيل

‎سوى مشآريع صغيره رضيت أن تكون القاسم المشترك بيننآ عند قدومي

‎لفرنسآ .. الأن لن أسمح لك بقيآدة طموحي نحو الموت ..

‎لف ميشيل بجسمه لورى وصآر يطالع سيف ورحيم ألي

‎جالسين في سيآرته وعيونهم مركزة على سيآرة ميشييل ..

‎الشمس متسلله صوب أجسآدهم دآخل السيآرة ..

‎ميشيل بأبتسآمته السآخره : أهذآ سيف وأعتقد أن الآخر أبن عمك ..؟

‎لافي رفع حآجبه بشرآسه : ومآشأنك أنت بهم ...

‎ميشيل تعدل بجسمه : يوجد لدي معلومآت جيده عن كل أفرآد عآئلتك فهد ..

‎كنت أود رؤيه عبدالله الطفل الذي توقف عن الدرآسه لأمور

‎عآئليه خآصه ..

‎لافي مآقدر يمسك نفسه وعلى طول جر ميشيل مع بلوزته : مالذي ترمي له ..؟

‎ميشيل بنظرة خبيثه : أن كنت تود الحفآظ على سلامة عآئلتك أنصحك

‎أن توقع على الموافقه لجميع شروطنآ قبل أفتتآح المختبر ..

‎لن أكون مسؤل عن مآسيحدث فهد .. تعلم أننآ سنفعل المستحيل لأتمآم

‎مآنريده ..

‎حرك أيديه حتى يمسك أيدين فهد ويبعدهآ

‎عنه .. حط أيديه على الدركسون وحرك سيآرته وجيته

‎مآكآنت ألا عشآن يهدده ..

‎وش يبي بعبدالله وكيف يعرف أنه مآكمل درآسته ...

‎أنقبض قلبه بقوة والأمر بيطول أهله بالأذيه ..

‎صآر يطآلع سيآرة ميشيل ألي تحركت مآره من عند البوآبه الضخمه

‎حتى يطلع من الجآخور ويختفي من ورآ الجدآر ..

‎كل الجهآت مفتوحه عليه بالحرب والموت ..

‎من جهه سآمي والحسآب العسير ألي ينتظره ...

‎ومن جهه سالفة أخوه وولد عمه ..

‎ومن جهه تغريد وأبوهآآآ....!!

‎وهو الشخص ألي عليه يتحمل ويحآرب وينقذ,,,

‎مآعآد له قدره يتحمل أبد ..

‎كل حبال الصبر عنده تتلاشى ..

‎كلهآآآ...

× × × × × × × ××

‎وقف بسيآرته قبآل بآب البيت .. يده اليسآر

‎مآسك فيهآ الدركسون وجسمه متمآيل حتى مرتكزة يده على

‎ذقنه .. الشمآغ برسميه ألي يعطيهآ لصآحبهآ مرفوع أطرآفه

‎لفوق حتى بآينه ملامحه وذقنه المحدد بعوآرض مخففه ..

‎حرك عيونه بملل صوب بآب البيت وصآرب يضرب هرن يبيهآ

‎تطلع بسرعه .. من قآم الصبح وهو يحس بنفسه ضآيق

‎ولا له خلق لشي .. ولحظآت أنفتح البآب وطلعت زوجته شآيله ولدهآ

‎بين أيديهآ .. سكرت البآب ورآهآ وتحركت جآيه لم السيآره حتى

‎تلف حولهآ وتفتح البآب ألي جنب السآيق ..

‎منآير تركب بهدوء : تأخرت

‎سآلم بطفش : بالعآفيه طلعت من الدوآم .. ( حرك رآسه صوب ولده

‎النآيم ) أخبآره ..

‎منآير بصوت خآيف : مدري أشفيه .. لقيت حرآرته مرتفعه بشكل خوفني ..

‎طالع ولده بنظره دآفيه ومسرع مآحرك يده حتى تحضن

‎كفه جبهة فهد

‎سآلم : أي والله عليه حرآره .. عآد أنتي ليش سآكته ألبآرح .. ورآ

‎مآصحيتيني

‎منآير تصد بعيونهآ عنه وهي تطالع الشآرع : أسأل نفسك شنو سويت أمس ..

‎سآلم يحرك السيآرة وبحده : والله أنتي ألي قآعدة تدخلين نفسج في أمور مآتخصج

‎منآير لفت له بأندهآش : ترآ مريم مو بس أختك .. أختي أنآ ..

‎وبعد مآيحق لك تحرم أم من بنتهآ ..

‎سآلم بعصبيه : لا تطرين أسمهآ قدآمي لا قسم بالله تندمين هالحين ..

‎منآير بصوتهآ النآعم : أنت ترآك مكبر السالفه وهي مآتسوى ..

‎سآلم رفع حوآجبه وبصوت هآيج : لا والله .. مآتصفقين لسوآد الويه ألي سوته

‎بعد ..

‎فز فهد بخرعه من سمع صوت أبوه المرتفع وعلى طول حرك

‎رآسه وأنفجر بكآ ...

‎منآير صآرت تهزه تبيه يسكت : زين جذي ..

‎قآم يكح ولدهآ بقوة وهي حطته في حضنهآ ...

‎وسآلم طالعه بعيون خآيفه عليه

‎سآلم يسرع شوي بسوآقته : شكله مآخذ برد .. ألله يستر

‎مآردت عليه .. حطت يده على رآس ولدهآ وهو متمدد في حضنهآ ..

‎منآير : بس حبيبي .. ( رفع رآسهآ حتى تقول ) أستغفر الله ..

‎سآلم : أي والله .. أستغفر الله ..

‎طالعته بطرف عين ومسرع مآطالعت الشآرع قبالهآ والسيآرآت ..

‎سآد الصمت بينهم ومآيقطعه غير كحة ولدهآ مآبين اللحظة والثآنيه ..

‎ومن وصلوآ للمستشفى طفى سآلم السيآرة ولف لهآ

‎سآلم : خليني أشيله عنج ..

‎منآير بقهر : لا هذآ هالحين شي يخصني مو مثل مآتقوول ..

‎فتحت بآب السيآرة ونزلت وهو صد بعيونه وزفر هوآ ...

‎كل مآحآول يبعدهآ عن السآلفه ألي نزلت من كرآمته لقآهآ

‎تزيد فالصد ..

‎معجبهآ الكلام ألي قالته أخته وقلة الحيآ ,.. تشوف أنهآ من حقهآ

‎تتشرط بالي تبيه دآم أنه هو وأمه من غصبوهآ عليه ..

‎هز رآسه من هالمنطق السخيف وفتح بآب السيآرة

‎حتى ينزل .. سكره ورآح يمشي بخطوآته الوآسعه صوبهآ .

‎سآلم يمشي جنبهآ : على وين أنتي ...؟

‎منآير تلف له وبدون نفس : يمدحون محل بروح أتفرج عليه أنآ وولدي

‎سآلم يتقدمهآ وبدون مآيعلق على ألي قالته : يعني خليج ورآي ...

‎صعدوآ الدرج ودخلوآ البوآبه الوآسعه لصالة الأستقبال .. ولحظآت

‎رآح سالم لموظف الأستقبال عشآن يآخذ أورآق لولده ..

‎لف لهآ من سحب الأورآق

‎سآلم : يلا .. وأن شالله مآنلقى عندهم زحمة كالعآدة ..

‎منآير تمشي ورآه : ................

‎كآنت حآضنه ولده بقوة وكلامه أنهآ مآتدخل نفسهآ في

‎شي مآيخصهآ أستقرت في قلبهآ مثل الجرح ..

‎بس بلعتهآ وأسكتت وهو يهرج معهآ كأنهآ غريبه ...

‎هي ألي يآمآ شآركتهم أفرآحهم وأحزآنهم ..

‎هالحين هذي جزآتهآ ..!!!

‎ومن وصلت للغرفه جلست هي على أقرب كرسي وسآلم

‎جلس بجنبهآ .. سحب ولده من بين أيديهآ حتى يستقر

‎جسمه الصغير في حضن أبوه ...

‎أنحنى سآلم وبآس رآس فهد بقوة .. بس لحظآت قآمت

‎من لمحت الغرفه فآضيه ..

‎منآير : هآت الولد بدخله الغرفه ..

‎سآلم يرفع عيونه : مو بالدور

‎منآير هزت رآسهآ وبصوتهآ النآعم : لا أشوف الدكتورة مآعندهآ أحد ..

‎شآلت ولدهآ حآضنته ومن نوت تتحرك

‎سآلم : بظل أنطرج هنيه ..

‎مآردت عليه وكملت خطوآتهآ للغرفه حتى تدخلهآ ومسرع

‎مآسكرت الممرضه البآب ..

‎سحب جوآله من جيبه وطالع الشآشه ألي مآكآن فيهآ ولا رساله

‎ولاحتى مكآلمه .. بس يحس قلبه مشغول ومتضآيق ..

‎أخذ نفس بقوة ورفع عيونه يطالع السيب الممتد بطوله بكل عبث

‎والنآس رآيحه جآيه حوآليه .. رجع الجوآل لجيبه وشبك أصآبعه في بعض

‎حتى يستقرون في حضنه .. نزل عيونه بالأرض وبصمت ظل يطالع

‎لمعآن الأرضيه ... يسمع صوت العاملات وضحكهن يمتزج معه

‎صوت خطوآت وطقآت خفيفه كل مالهآ وتقرب منه .. يشوف

‎عبآية وحدة مرت من بين عيونه وعلى طول رفع عيونه

‎ألا هي وحدة مآسكه عصآ ... وتتأكد من الطريق بعصآهآ الخفيفه

‎ومن تلمست العصآ الكرسي الطويل قربت أكثر

‎وجلست بمسآفه فآصله بينه وبينهآ ... وهو أرتبك حتى يلف أيديه

‎الضخمه حول بعض ,..قآم يتنحنح بصوت مسموع يبيهآ

‎تعرف أن جنبهآ رجآل ..

‎الحرمة عميآ ومآتعرف هي وين قآعدة ولا مختآرت

‎هالمكآن بالذآت .. حرك عيونه صوب الغرفه وهو يطالع

‎البآب المقفل بعبث .. قآم وآقف من شآفهآ مآتحركت حتى يتقدم

‎الجدآر وينحني بكتفه عليه معطيهآ ظهره ..

‎ولحظآت دق جوآل الحرمة ألي كآن بين أصآبعهآ حتى ترد

‎بصوتهآ الحيوي ..

‎....... : هلا .. ( أبتسمت ) هلا فوز .. أييه بالمستشفى ..

‎( تبدل صوتهآ لتعب ) طحت على ويهي من طآولة مآشفتهآ قدآمي ..

‎وتعرفين أخوي حلف ألا يآخذني ..

‎أيه ..ألي دآيمآ أقول فيه يالله تستر عليه أحس أنه بينكشف ..

‎مو أخوآني تهآوشوآ بسبتي .. فوآز شآك بشي بيني وبين ضآري ..

‎رفع حوآجبه وهو غصب يستمع لحديثهآ ..

‎من سمع أسم فوآز وضآري رآح باله على طول لشيخ قبيلتهم

‎بو فوآز .. وأن هذولا عياله .. بس أستبعد هالفكرة ..

‎ألي جنبه وحدة عميآ وعمره مآسمع أن وحدة من بنآت الشيخ عميآ ..

‎مو معقوله تكون بنت الشيخ جالسه جنبه .... !!

‎رد صوتهآ بقهر وحزن أعمق من أي لحظة : شسوي فوز .. ضآري

‎قلبه طيب مآيهون عليه يشوف دمعتي أعرفه زين أخوي ...

‎لمتى بظل أرمله بالسر .. أنآ خلاص تعبت يآفوز .. أبي الكل

‎يعرف أني كنت زوجة سعود بن فلاح وأرتآآح ...

‎تحرك بذهول بدون شعور صوبهآ حتى يقآبلهآ وجه لوجه ...

‎وش قآعدة تقول ذي .. شتخربط فيه ..

‎تقدم أكثر لهآ لين وقف بمسآفه قصيرة بينهم ..

‎أنفتح بآب الغرفه بهدوء حتى تطلع منآير مآسكه منآديل تبي

‎تنآديه .. وقفت فآتحه عيونهآ على الأخر وهي تشوف

‎زوجهآ مقآبل له حرمة وهي تطالعه وجه لوجه ..

‎يطالعهآ بنظرة أستقرت في قلبهآ مثل الوجع ألي مآعآد له دوآ ..

**********

>

>

<

<

كــــــــــــــــــــت

<

<

<

<

‎قرآآءة ممتعه للجميع

فوت ⭐️ / صوت ⭐️

دمتم بخير

فوت ⭐️ / صوت ⭐️ قبل القراءة

‎الفصل الرابع والثلاثين ..

‎الخطوة التاسعه والعشرين .. خطوة أستمرآر الركود نحو حلم أريد منك أكثر مما أريد ..

‎( لافي .. كآن يمكن لي الطيرآن وقت الأقلاع ..

‎لكنني لن أرحل ألا حين أعيد لك صفعة الألم

‎أضعآف ذلك الألم الذي شرد أشوآقي ..!!! )

‎وقفت فآتحه عيونهآ على الأخر وهي تشوف

‎زوجهآ مقآبل له حرمة وهي تطالعه وجه لوجه ..

‎يطالعهآ بنظرة أستقرت في قلبهآ مثل الوجع ألي مآعآد له دوآ ..

‎غصت في حلقهآ العبره والمشهد مريب ..

‎تعرف زوجهآ زين .. محآفظ على صلاته وصيآمه ..

‎وعمره مآ نزل للمستوى ألي يخليه يطالع بنيه مآيعرفهآ ..

‎هو ألي دآيمآ تذهله حشمة البنت ومحآفظتهآ على نفسهآ..

‎لالالا .. سالم مآوقف قبالهآ من عبث .. أبد مو من عبث ..

‎خطوة بدون وعي .. حتى يتبعهآ خطوتين بخفه و ترجع للغرفه ..

‎خآفت تشوف زوجهآ بصورة تشوه كل هالعلاقه ألي تربطهم ..

‎خآفت تنصدم منه ..

‎وهو ظل وآقف من هول الصدمة قبالهآ .. ألي سمعه شي كبير عن

‎ولد عمه المتوفي ..

‎حست في أحد وآقف قبالهآ من بين عتمة هالظلام ألي غطى عيونهآ

‎.. وعلى طول صدت بوجهآ

‎من ورآ نقآبهآ حتى تميل بجسمهآ وتقول بصوت خآفت ( فمآن الله )..

‎يظل عآجز ينطق شي .. يبي يصرخ كيف تزوج سعود ..؟

‎وليش بالسر .. ليييش ...؟

‎وحتى لمآ توفى ليش مآحد قالهم أنه كآن متزوج ..؟!!

‎كثير أسئلة ترآكمت فوق بعض .. ولحظة

‎تتحرك شفآهه يبي ينطق ..

‎بس هي بسرعه قآمت .. رفعت صوتهآ تنآدي أخوهآ

‎ألي رآح يصرف أدويتهآ ..

‎عذوب : ضآآآآري .. ضآآآري تعال .. تعال بسسرعه ..

‎حرك رآسه يمين ويسآر بربكة يبي يشوف ضآري .. بس طلعت

‎منآير ورآه مع ولدهآ ...

‎مآقدرت تظل بالغرفه وهي شآيفه زوجهآ قبال وحدة ..

‎مآقدرت ...!

‎لف لجهة اليسآر حتى يلمحهآ و بسرعه

‎مع توتره الغير طبيعي رجع خطوتين بعيد عن عذوب ..

‎توجه لمنآير على طول وملامحه تغيرت ...

‎سآلم : هآ شقالت عنه ...؟

‎منآير بهدوء ولا كأنهآ شافت شي : صرفت له خآفض حرآرة بسس ..

‎سالم رفع أيديه : هآآتيه ..

‎منآير بصمت تحرك ولدهآ وشي كآتم على نفسهآ : ................

‎سالم على طول سحبه وتحرك مبتعد عنهآ بخطوآت وآسعه : يلا مشينآ ...

‎رآح يمشي بسرعه يبي يبعد من هالمكآن ..

‎وهي وقف على شفآهآ سؤآل يمتلكه العجز .. ( من هي يآسالم ) ...؟

‎بس لقت بهالسؤال ماراح تفضح غير نفسهآ ...!!

‎رفعت عيونهآ تطالعه و

‎ألي سمعه هو أكبر من كونه شي يسمعه ويسكت عنه ..

‎لازم يقول لعمه ..

‎من متى متزوجهآ وكيف ...؟

‎من هي هالعميآ ألي تكون من بنآت بو فوآز ...؟

‎أصلن كيف سعود يرضى يتزوج وحدة بالسر وبدون مآحد يعرف ...

‎رفعت يدهآ حتى تستقر على كتفهآ .. تحرك شنطتهآ بعبث

‎ومسرع

‎مآطالعت بعذوب بنظرة مكسورة أمتلت حزن ..

‎صدت عنهآ لاحقه زوجهآ ألي مآشقى فيهآ واختفى من السيب .. همه بس يطلع

‎من المستشفى ..

‎يطلع من رحم الحقيقه ..

‎مشت بخطوآت هآديه

‎وهي تدور الصبر بأنفآسهآ ..

‎ظهر من أول السيب ضآري في كل خطوة يتمآيل

‎حتى يمر من عندهآ متوجه لأخته

‎بخطوآت وآسعه .. بين أصآبعه كيسة علاجآتهآ ..

‎ضآري بأستغرآب : عذووب ..

‎على طول تمسكت فيه .. صآرت تجر ذرآعه بخوف ..

‎عذوب : ضآري فيه كآن أحد وآقف قبالي ..

‎لف يطالع في منآير ألي تفطنت أنهآ مشت فالجهه الغلط وبوآبه المستشفى ورآهآ ..

‎غمضت عيونهآ ببطء وأفكآرهآ القآتله تحوم في رآسهآ ..

‎تحركت رآجعه

‎ضآري بصوت وآطي : مآفيه غير حرمة فالسيب ..

‎عذوب : ألا وآآقف .. وآآقف يآضآري ..

‎مرت وكأن الموت يحذفهآ بين لحظآت مستترة ..

‎جمعت أصآبعهآ وهي أول مآمرت من عندهم مآسمعت غير

‎هالكلمة .. أسرعت بخطوآتهآ تسآبق العبرة المخنوقه دآخلهآ ..

‎ضآري حرك رآسه صوب منآير ألي مرت من عنده وتعدته حتى

‎تكمل خطوآتهآ لأخر السيب وتلف .. رجع يطالع أخته : والله مآفيه أحد .. أنآ قايل لج أمشي معي

‎بس أنتي ألله يهدآج عنآديه .. مدري من طالعه عليه

‎عذوب تحرك عصآهآ بتوتر : أقولك وآحد .. صوت أنفآسه غريب

‎يدل أنه ريآل .. أنآ كنت أتحجى ويآ فوز ويبت طآري سعود

‎ضآري بقهر : شنووو .. مآضاقت تيبين سيرته ألا هنيه ..

‎وبعدين لا تنرفزيني أنتي مآشوف أحد قدآمي ..

‎أبعد عنها خطوتين وهو يتلفت يمين ويسآر وعلى طول هي سكتت ..

‎ضآري يتمآيل بكم خطوة حتى يقرب منهآ : مآشوف أحد ..

‎عذوب تحرك جوالهآ بين أصآبعهآ : ................

‎ضآري يحرك عيونه صوبهآ : عذوب ورآج سكتي ..؟

‎عذوب بصوت هآدي : ولا شي بس ممكن نطلع من المستشفى قمت

‎أحس بضيق منه

‎ضآري حط يده على يدهآ وبهدوء أكثر : لا تلوميني بهالعصبيه .. والله أن فوآز

‎يخلي الوآحد غصب ينقلب يومه فوق تحت ..

‎عذوب رفعت كتوفهآ بأبتسآمة أمتلى فيه صوتهآ الحيوي : مافيه شي يزعل

‎بالي قلته .. هو صج ليش أييب سيرته في مكآن عآم .. يمكن

‎أحد من أهله يسمعني ولايرضون بسوآة سعود ألله يرحمه كيف يآخذ

‎وحدة مثلي مآتنتمي لقبيلتكم لا من قريب ولابعيد ..!!

‎ضآري هزهآ وكلامهآ نرفزه : عذوب لا تقللين من قدرج تفهمين ولا لأ ..

‎وهالحين قدآمي بنرد للبيت

‎عذوب ترجع لصمتها : ..............

‎حطه كفه بكفهآ وأصآبعه أشتبكت بأصآبعهآ حتى يتحرك يتمآيل وهو يسحبهآ

‎معآه .. تعودت من بعد سعود كل شي ينجهز لهآ ..

‎كل الأشيآء تجيهآ لحد عندهآ ..

‎مآصآرت من بعده تخشى الموت ..

‎كيف تهآب الموت وهي سنتين ذآقته ...!!

‎تسمع صوت أخوهآ الدآفي ألي تعودت عليه

‎يسولف معهآ و يحرك أصآبعه من بين أصآبعه ..

‎يلف لهآ يبتسم .. تحس في أبتسآمته تخترق ظلام عيونهآ ..

‎يقول لهآ أنه مشتآق يذوق شي من أيديهآ

‎مثل أيآم قبل ..

‎( قبل ) ...!

‎هي من علمت ذكريآتهآ ألحآن رآحله ...

‎هي الي

‎عآشت تشوف الأشيآآء نبرآت بآآردة .. متصلبه ..

‎وأذآ في الأشيآء من الأسآس مآتشوفهآ ألا غريبه .. مصيرهآ مآيكون ألا في

‎شوآرع الترحال والسفر ؟؟

‎يمشون بخطوآت بطيئه .. وعذوب تحرك عصآهآ يمين ويسآر ..

‎يبتسم ضآري أكثر حتى تبآن أسنآنه المترآصه بجنب بعض

‎.. وعوآرضه بسوآد لونهآ مآتعطي لملامحه غير هدوء أكثر ..

‎تتحرك عيونه يمين ويسآر في صالة الأستقبال الوآسعه ..

‎ضآري : هآآ .. بتسوين فطور لي ولا لأ ..؟

‎عذوب ضحكت : تبيني أحرق البيت عليك ..!!

‎ضآري وقف ولف برآسه صوبهآ يطالعهآ : ................

‎عذوب بأستغرآب : ورآك تطالع فيني بسم الله ..

‎فك ضآري يده عن يدهآ حتى يحط أيديه الثنتين على خصره ...

‎ضآري : والله أني معطيج ويه بزيآدة ..؟

‎عذوب : شنو سويت حرآم عليك

‎ضآري رفع حوآجبه : تقولين بحرق البيت ويوم وقفت وطآلعت فيج

‎على طول حسيتي علي .. أقول أنتي أبد مآينخآف عليج

‎عذوب بأبتسآمة هآديه : والله أنآ مآعندي مآنع .. بس حط في بالك

‎يآخوي أنك بتكون مسآعد الشيف ألي هي أنآ ..

‎ضآري يمد يده ويرجع يمسك يدهآ : هو أنتي بس تدخلين المطبخ

‎كل شي من بعدهآ بيهووون ..

‎تحركوآ مآشين صوب بوآبه المستشفى وأول مآطلعوآ ..

‎تحرك سيآرة سآلم من بعيد ..

‎دآخل سيآرته ..

‎الصمت يكمن في أبوآب أعمق من ملامحهم الصآمته .

‎تبحر هي في البنت ألي كآن وآقف قبالهآ

‎ويبحر هو عن نفس البنت ...!!

‎عن سرهآ وصلتهآ في العايله ...

‎هذي تصير أرملة أخوهم الكبير .. سعود ألي كآن للكل ولد العم ..

‎والأخ والمستشآر للعايلة ومشآكلهآ ..

‎مؤلم بينهم الصمت وهم يشآطرونه خلف ستآيره الضخمة ..

‎يوقفون ورآهآ بنفس المكان ..

‎لابنفس النوآيآ والأفكآر ..

‎هي جنبه .. تحس أن تتجرد من معرفتهآ فيه ..

‎مسافة الطريق حتى

‎توقف سيآرته قبال البيت بنفس الصمت ..

‎تفتح بآب

‎السيآرة بسرعه وتنزل .. مآحآول أحد منهم يسبق الثآني

‎بكلمة مثل مآتعودوآ ..!!

‎مآحآولوآ يصنعون من المستحيل مسآفآت تهزم الصمت ..

‎تبدده ..!

‎تتحرك خطوآتهآآ المتسآرعه صوب بآب الشآرع وولدهآ

‎مآيل برآسه على كتفهآ حتى تتدخل وتذوب مثل قطعة

‎سكر من قباله .. سحب مفآتيح السيآرة بهدوء والصدمة

‎لازالت تتنفس بدآخله .. مآل بيده ألي مآسك فيهآ هالمفآتيح

‎حتى تنآم على ركبته وبصوته المفجوع .. ( سعود متزوج ) ..!!

‎ظل يطالع كل شي قباله .. ومسرع مآتتحرك عيونه لليسآر حتى تمر

‎على المظلات المترآصه قباله ممتده على طول هالشآرع ..

‎والشمس لازالت تنثر أشعتهآ بقسآوة ..

‎ولحظآت ترجع عيونه تتحرك لجهة اليمين ببطء مآر من الشآرع

‎على الأشجآر المتمآيله بأريحيه ..

‎يسحب الهوآء لصدره ويرجع يزفره ومسرع مآنزل من

‎السيآرة حتى يسكر البآب ورآه ويدخل البيت ..

‎يمشي فالحوش بشكل مستقيم .. يصعد الدرج ويدخل من بآب

‎المدخل حتى يشوف أمه جالسه لحالهآ على كنبة الصاله

‎وقبالهآ كوبين حليب ..

‎من شآفته صدت بعيونهآ عنه .. ليلة الأمس مآكآنت غير موجة

‎غآآضبه بينه وبين أمه ومنآير وهن يحآولن فيه يسمح

‎لمريم ترجع للبيت بدون مآيتعرض لهآ ..

‎تحرك بخطوآته الوآسعه حتى ينحني لرآسهآ يبي يبوسه

‎بس فتح عيونه على الأخر أول مآرفعت أم سالم يدهآ

‎ودفته مع صدره ..

‎أم سالم بجفآ : روح عني ورآك ..!

‎سآلم : أفآآ

‎أم سالم ترفع عيونهآ له وبعصبيه أشتعلت فيهآ عيونهآ : يآوالله مآيطب لسآني

‎على لسآنك لين ترد بنيتي للبيت ولاتمسهآ أنت بشي

‎سآلم عدل ظهره مبعد عيونه عن أمه : لاتحلفين يمه .. حركة بنتج

‎والله مآعديهآ لو أنطبقت السمآ ع الأرض وأن مآعلمتهآ كيف تتربى وتحشم حالهآ

‎مآكون سالم

‎أم سالم رفعت صوتهآ : الحمدالله والشكر .. أنت أطلع منهآ الولد ووآفق

‎على شروطهآ ..

‎سالم : وأنآ شكو وآفق ولا مآوآفق .. أنآ علي من هالوقآحة وقلة الحيآ

‎ألي تجرأت تسويهآ قدآمي .. شنو أنآ عندكم .. تحجي يمه قولي لي ..؟!

‎أم سالم تطالعه : أنت أخوهآ العود وألي ربيتهآ

‎سالم رفع حوآجبه وبصوت عالي : لا أشوفج أنتي ومنآير تبوني أكون مثل هالجدآر

‎لالي كلمة ولا قدر .. بدآل مآتقول شروطهآ لي قآمت تنآطح فيهآ عمي

‎ولافي وطلال .. قليلة الحيآ وقدآمي بعد..!!

‎صرت عندهم مآسوى بيزه مآشفتي

‎عمي كيف قآم يطالعني ويطالعهآ والله لو أنهآ بنته كآن مآسمح لهآ تقول شي.. أن مآنزل العقال عليهآ لاشفتهآ

‎مآكون سالم

‎أم سالم فزت وآقفه : والله أن لمست البنت لاكون غآضبه عليك ليوم

‎الدين .. تسمع ليوم الدين ..

‎طآرت عيونه وهو يشوف الكل وقف ضده عشآن خآطر عيونهآ ..

‎رص على أسنآنه حتى ينطق منهي الوضع

‎سالم يأشر بيده صوب أمه : هالبنت بنتج ولاعآد لي شغل فيهآ حتى زوآجهآ

‎والله العظيم مآحضره لو أشوفهآ مرميه عند رجولي .. خليها ترد

‎بس قولي لهآ لسآني لايطب لسآنهآ ولا أشوفهآ قدآمي ..

‎تحرك بخطوآته صوب الدرج ..

‎أم سالم تتحرك وهي تنآديه مصدومة من الكلام ألي قاله : سالم .. والله أنك مكبر الموضوع هذي

‎وخيتك مآالهآ في الدنيآ غيرك .. سالم .. سااااااااالم ..!!

‎ولا رد عليهآ .. وصل لطابق الثآني حتى يتوجه صوب بآب غرفة النوم

‎ويدخل ثآآير .. رفع عيونه ألا يشوفهآ جالسه بصمت على السرير

‎مقابلته .. وعيونهآ غآرقه بالدموع .

‎سالم بطفش : والله من ضيقه الصدر .. !!

‎ماله خلق لهآ في هالوقت .. مسك يد البآب وسكره ورآه أول مآطلع ..

‎ظلت جآمدة في مكآنهآ ومآفي بالهآ غير أستنتآج وآحد

‎أن هالي شآفهآآ مآتكون غير وحدة يحبهآ زمآن ..

‎ولا ورآ أحواله أنقلبت فوق تحت ..

‎ليش هي نطقت .. ( أنه كآن وآآقف .. ) قالتهآ بنبرة تأكيد ..

‎بنبرة شآفتهآ دآفيه ..

‎أنحنت حتى تنفجر في موجة بكآ ... أذآ هو من أول مآشآفهآ

‎أنقلبت موآزينه فوق تحت .. أجل كيف رآح تكون الأيآم جآيه ..

‎لأول مرة يشوفهآ تبكي .. يشوف دموعهآ ومآيذكر ألا ضيقه الصدر ..

‎ألله أكبر عليه ..

‎هالحين هي مآصآرت تجيب ألا ضيقة الصدر ..!!

× × × × × × × × ×

‎يفتح البآب ببطء في واحد من الفنآدق ..

‎يدخل ومن ورآه بنته تتسآند بيدهآ

‎على الجدآر .. مآتبيه يلمسهآ ولايقرب منهآ ..

‎يحسب أنهآ مآتبيه وعتبآنه على الرميه ألي رمآهآ لزوج

‎مآقصر معهآ تعذيب وأهآنه مآيدري أنهآ مآعآد لهآ قدرة

‎تتحمل الوجع .. مآتبي أحد يلمسهآ .. أبد ولا أحد يقرب منهآ ..

‎بو تغريد يلف لهآ : أنآ حجزت لج هنيه مآبي أمج تطالعج بهالوضع ..

‎وبس يتحسن كل شي بخليهآ تيي!

‎تغريد خطوة ورآهآ خطوة أبطء حتى تدخل : .....................

‎وقف يطالعهآ تمشي منحنيه و يدهآ مستقره على بطنهآ .. أبعد عيونه

‎وبدآخله جمرة قهر وغضب تحرقه ..

‎توقع يضربهآ .. يحبسهآ .. بس توصل فيه الموآصيل أنه

‎يعذبهآ بهالطريقه البشعه ..

‎أبعد من الخيال هالشي ..

‎مآينكر قلبه كآن مآكله على بنيته ... بس خآآف من السجن

‎ألي صآر يزوره حتى في أحلامه ..

‎خآف من السجآن ألي وآقف له بالمرصآد وهو لافي ...

‎وهي ..

‎مآتدري هي تمشي على رجول رآح تتهآوى فيهآ بأي لحظة

‎وين رآآيحه ...؟

‎تحس بلوعه غريبه تلتهم ضعفهآ .. والجنون صار شخص متشرد

‎في مدينتهآ .. يبحث عن أي نآفذة مفتوحة من بيت الصبر حتى

‎يعيث فيهآ دمآآر وتخريب ...

‎جسمهآ مآصآر في هاللحظة غير قطعة فحم ملتهبه ..

‎وين كآآنت ووين صآآرت ...؟!!

‎حطت يدهآ على الكنب وكملت خطوآتهآ صوب الغرفه المقآبله لهآ ..

‎قالت بصوت تمتمت فيه ..

‎( ألله لايوفقك .. ألله يحرقك وين مآرحت يالافي .. )

‎ضمت شفآتهآ بقوة والدموع رجعت من جديد على خدهآ .

‎أول مآستوعبت هالدعوة ألي طلعت منهآ بدون وعي

‎. تدعي عليه ..؟!!

‎كيف تجرأت تدعي عليه ...

‎من يصدق أنهآ رآح تكون في هاللحظة مجرد هآمش يدوس عليه

‎لافي ويرحل ..!!

‎هم ألي كآنوآ في عشقهم مثل البصمة ألي مآتتكرر ..

‎مثل البسمة لاعآنقت شفآه طفل ..

‎بس تستآهل .. تستآهل كل شي جآهآ .. تستآهل تموت مو تتعذب بس ..

‎هي ألي رضت تكون سنتين على ذمة وآحد عآش حياته ورحل ..!

‎هي ألي مآصرخت بعالي الصوت وقالت بوجهه .. طلقني ..

‎هي ألي رضت يكون هالمرض فيهآ سر ينبض دآخل ضلوعهآ ..

‎تستآهل كل شي ..

‎مآعآدت تشبه أحد .. ذآآقت طعم الحب وذآقت عذآآبه ..

‎صآرت

‎مبآني مآيسكنهآ غير أشبآح مآآضي بشع ..!!

‎فتحت بآب الغرفه بيدهآ المتعآفيه حتى تدخلها وتنحنى جالسه على الأرض

‎بجنب الجدآر .. قآمت بقوة تكح وتحس أنهآ بتستفرغ بأي لحظة ..

‎تمددت على الأرض وكل جسمهآ يأن من الجوع .. تبي تنآم ..

‎دخل أبوهآ وأنحنى مآد لهآ كوب مآي وبيده الثآنيه حبوب مسكن ..

‎بو تغريد بصوت يتقطع وجع على حآل بنته : قومي يبه .. قومي لاتنآمين

‎لين تآكلين شي .. أنآ بروح

‎أييب لج فطور .. ووالله لاأخلي لافي يندم على كل ألي سوآه فيج هالخبيث

‎تغريد بصوت بالعآفيه طلع : لاتقول لأحد عن هالمكآن ... مآبي أحد يدري عنه ..

‎بو تغريد : أنتي بأمآن هالحين لاتخافين

‎تغريد برجآ وهي منسدحة على الأرض وتطالع أبوهآ بعيون

‎متورمة .. لونهآ أحمر : تكفى يبه لاتخليه يآآخذني .. مآبي أشوفه ..لاتسلمني

‎له يبه ..لاتخليه يلمسني ..

‎بسرعه أنحنى وبآس رآسهآ .. قالهآ بتأكيد

‎بو تغريد : والله مآرآح يلمسج .. أموت بدالج ولا أخليه يشوف ظلج حتى

‎غمضت عيونهآ وأبوهآ يطالع فيهآ .. ومسرع مآمآل برآسه يطالع

‎بيدهآ ألي مآتحركهآ أبد .. غمض عيونه من بشآعة منظرهآ

‎ولايدري وش يسوي ... مآرآح يقدر يآخذهآ للمستشفى

‎وهي ترفض الروحة معه ... بالعافيه قدر يآخذهآ لهالشقه ...

‎ولازم يشوفهآ الأخصآآئي حتى يطمنه على حالتهآ بخصوص مرضهآ ..

‎فآتتهآ مرآجعآت كثيرة ..

‎قآم بسرعه طالع من الغرفه بضيآع حتى يتوجه صوب بآب الشقه

‎يفتحه ويطلع حتى يقفله من عنده بالمفآتيح ...

‎بهالطريقه رآح يكون مطمن أكثر .. رآح يرجع للجآخور ويشوف حسين شصآر

‎عليه .. هالغبي موصيه مآيدخل ولايتهور بس يرآقب ويشوف

‎الوضع .. أبتعد عن البآب ومن تحرك ألا يدق جواله في جيب

‎ثوبه الأيسر .. حرك يده حتى يدخله فالجيب ..

‎يسحبه فاتح الخط ولحظآت يستقر عند أذنه

‎بوتغريد بنبرة غآضبه : ألوووو

‎أم تغريد : هلا حبيبي .. هآ .. موقلت أنك رآيح تشوف تغريد

‎بوتغريد صرخ : شوفي أن شفتي لافي عندج بس أطرديه

‎ولاتعطينه ويه فآآهمه ولا لأ .. سكري البيبآن لايدخل البيت

‎أم تغريد بخرعه : وي .. شنو له أطرده ...؟

‎لاتقول لي أنك تهآوشت ويآآه

‎.. أنت أصلن شنو مآخذك له .. خله ويآ زوجته يتهنون ولاردت نعرف

‎كل شي منهآ ..

‎بو تغريد للحين يصآرخ : بنتج عندي في الفندق ألي متعودين نروح له

‎أنآ وأنتي ..

‎أم تغريد قآمت تهآوش : أخذتهآ من زوجهآ .. حسبي الله ونعم الوكيل .. كنت حاسه

‎من طلعت من الصبح على ويهك أنك مآرآح تسوي للبنيه خير .. شنو تبي

‎فيهآ لو تشتعل النيرآن بينهم .. هذآ والله النشبه ..!!!

‎أبعدت الجوال بذهول وهي فآتحة عيونهآ .. سكر الجوآل بوجهآ ..

‎وش بلاه صآآيرن كبريت ..

‎شصآآير ..؟!!

‎حركت الجوآل تطالع في شاشه الجوال رجعت تدق على الرقم

‎حتى يعطيهآ مشغول ... ضمت شفآتهآ بقهر ليه تدق

‎على زوجهآ الدآشر .. بروح تدق على لافي نفسه تفهم منه

‎السالفه .. مابقى ألا تخلي فرحتهآ برجعه بنتهآ تطير ..!!!

‎وهذي هي نآآويه تحرق حسآدهآ على هالرجعه ..

‎مآنست سالفة هالي تتسمى حمده كيف رآيحتن تكلم أختهآ وتوصيهآ

‎تبعد تغريد عن لافي ...

‎هالعجوز حقود و نآويه ألا تقطع حبال الوصل مآبين لافي وتغريد

‎مآصدقت بالي صآر بينهم

‎ولادرت أنهم رجعوآ والله لاتقعد بحرتهآ

‎.. ضغطت رقمه وحطت الجوال عند

‎أذنهآ .. ظل الرقم يدق ويدق حتى أنفتح الخط بدون مآيرد ولابكلمة ..

‎أم تغريد بصوت هآدي : ألو ..

‎قبال مركز الشرطة وآقف والنظآرة الرصآصيه الوآسعه مغطيه

‎نص ملامحه .. أطرآف شمآغه مرميه على صدره تتحرك من الهوآ يمين ويسآر ..

‎رفع يده مأشر لرحيم وسيف يوقفون في مكآنهم لايتحركون وأصلن

‎هم مو بلمه عيونهم طآيره بخوف صوب بوآبه الشرطة .. تحرك مبتعد عن

‎المكآن وفي باله أنهآ رآح تهآوشه وأكيد شآآفت حالة بنتهآ ..

‎لافي ببرود : هلا ..

‎أم تغريد حست فالبرود القاسي في نبرة صوته .. وخمنت أنهآ

‎من سوآيآ زوجهآ : لافي .. أسمعني يآعمري خلك من زوجي ترآ مآعنده غير

‎الحجي الفاضي .. تغريد مآرآح تكون ألا لك طآر الزمن ولاقصر ..

‎أنآ مدري كيف سمحت له يآخذهآ وسآآكت ..

‎رفع حوآجبه مآيدري هو يحلم ولا من جد تتكلم خالته ..!!

‎هي معقوله شآفت بنتهآ ودآقه تقوله هالكلام ..

‎أو هي خايفه لاتنقطع الفلوس ألي توصلهم من ورآهآ ..

‎حرك يده حتى يسحب طرف الشمآغ رافعه لفوق ...

‎بآنت الطآقيه مع جزء من شعره الرمآدي ..

‎لافي بلبس الصمت ع الكلمآت للحظآت : أيه ..!

‎أم تغريد بأندفآع تكمل : مهبوووول زوجي مآعنده سالفه .. البنيه فالفندق

‎ألي دآيم نقعد فيه .. تعرفه زين .. رح خذهآ منه وقوله أن خالتي

‎هي ألي وصتني .. حنآ مآصدقنآ والله يآولدي الأوضآع بينكم تتعدل ..

‎عقبال مآنعلنهآ ونفرح كلنآ ..

‎لافي حرك أصآبعه حتى يمررهآ على شوآربه وهو يحكهآ على خفيف : أي وآحد

‎ظل سآكت وهي من زود غبآئهآ تعطيه العنوآن بالتفصيل ...

‎ترمي بنتهآ للنآر من جديد ..

‎من بعد مآرمآهآ أبوهآ لأول مرة ...

‎أبعد الجوآل وأبتسم نص أبتسآمة على هالقوآنين ألي تتغير

‎قآعدتهآ بمجرد مآ يرتفع صآحبهآ لفوق ..

‎أشيآء تعود عليهآ من صآر مخترع صآحب الشهآدة والجنسيه الفرنسيه ..!!

‎رغم أنه مر بلحظآت تمنى لو أنه بقى نفس مآهو ..

‎مآ يحتآج لكلمآت أضآفيه ولا مشآعر يلبسهآ في كل صبآح بآريسي ..

‎دآم أنه عرف مكآنهآ رآح يعرف يتصرف مع أبوهآ ..

‎هالي قآعد يهدد ويتوعد فيه ..

‎لف بجسمه صوب سيف ورحيم ألي من وقفوآ في مكآنهم مآتحركوآ

‎شبر وآحد .. تحرك بخطوآته الوآسعه صوبهم ..

‎ومن وقف قبالهم

‎لافي بصرآمة : فهمتم شنو تقولون ..

‎رحيم رفع عيونه للافي حتى يضرب صدره بقوة : أزهلهآ وأنآ ولد نآصر .. بدخل

‎شبل وأطلع نمر

‎لافي على طول جره مع صدره وهزه : أنت بتتحجى زين وتكون رجال ولا قسم

‎بالله ( هزه أكثر ) أطلع قلبك هالحين ..

‎رحيم قآم يتنآفض وبخوف : عشآني قلت أدخل شبل وأطلع نمر .. ولا كآني

‎قلت شي ..

‎لافي بنظرة قاتله : رررحيم .. أنآ مو سالم أشوف الخبال وأسكت

‎رحيم هز رآسه : أن شالله ..!!!

‎سيف وهو يرجف : تكفآ لا تخلينآ ندخل والله لا أروح فيهآ

‎فك لافي رحيم حتى يدفه على سيف ويصرخ

‎لافي : أوقفوآ رجآجيل والوآحد منكم دمعته تطرق البآب ,.. بو أحمد بخليهم

‎يستدعونه عشآن يثبت كلامنآ تفهمون ولا لأ .. وأن طلع لكم سؤآل

‎مآتدرون كيف تجآوبون عليه تسكتون .. والخثرقه الزآيده مآنبيهآ .. ترآ

‎السالفه كبيرة .. وألي دآخل نآس يعرفون كيف يطلعون الصج من عيونكم ..

‎رحيم : ...................

‎سيف رآحت علومه : ..............

‎تحرك متوجه صوب البوآبة حتى يدخلهآ يتبعونه بعيون

‎مترقبه .. خآآيفه ..

‎في بقعه بعيده عنهم كآنوآ مجتمعين في ديوآنيه أبوه على أعصآآبهم

‎وكل الأبوآب تقفلت بوجيهم .. لا لافي بين ولاحتى سيف ورحيم ..

‎علي بحيره وهو يطالع بو سعود : هذولا وين طسوآ أستغفر الله

‎أحرقونآ ألله يحرق عظآم العدو .. !!

‎بو سعود منحني وشآبك أصآبعه بتوتر : أنآ مآعآد لي صبرن على شي ..

‎والله أليآ شفتهم لايكون لي فعل ثآني لهم ..

‎علي يسحب الخدآديه ألي جنبه حتى يحطهآ ورآه ويريح ظهره : لاحول ولا

‎قوة ألا بالله

‎بو سعود بقهر : قآعدين مكتفين لا لنآ حول ولا قوة ... تلقآهم على قولة

‎أمي هآيتين ..

‎علي هز رآسه : حتى لافي يوم شفته وصيته يلحقنآ ..ولا بين

‎بوسعود بعصبيه يلف له : هآآ .. أستلم حتى هالثآني مآهوب بعيدن عنهم ..

‎والله البشريه ألي قلوبهم مييته ..!!

‎علي : هو وين بيروح ألله يهدآك .. مصيره يدخل علينآ ..

‎بو سعود يرفع يده حتى يرتفع صوته : مآسألته وين غآآدي وحنآ ذبحنآ

‎جوالاتنآ أتصالات عليه ...

‎علي يصد بعيونه عن بوسعود : ..................

‎وش بيقوله .. كآن عند زوجته ...؟!!

‎طرت على باله ليليآن .. من بيأذن العصر بيروح لهآ حتى يآخذهآ

‎لبيته .. يحسهآ مشتته ومضغوطة ..

‎لأول مرة يشوف كلام يبوح فيه عيونهآ ..

‎يحز بخآطره أحيآن لاتذكر أنه تجرأ وقال لهآ عن مرض تغريد

‎بس وش بيده غير يقولهآ لعل وعسى هالضربه تصحيهآ ..

‎حتى تغريد نفسهآ مآعآد يدري شي عن حالهآ ..

‎لازم يزور أخته ويشوف تغريد بنفسهآ ... ومنهآ يحآول يصحح الكلام

‎ألي سمعته من أبو سعود ..

‎يحس الأشيآآء قآآمت تتبعثر مرتبكه حتى تعطي للي حولهآ

‎شكل أكبر من حجمهآ ...

‎حتى هو نفسه تبعثر وخلص ..!!!

‎كلهم في هالأوضآع مآتقذفهم الأقدآر ألا في بطن الوجع ..

‎واللحظآت مآتستدرجهم ألا للمآضي ..

‎تحسسهم بالمذله لشي مر عليه الزمآن وأنتهى ..

‎غريبه هالأيآم كيف تترك أنتمآئنآ لحآضرهآ ومآضيهآ مثل الوشم

‎لف صوب بآب الديوآنيه أول مآدخل عليهم طلال ملامحه مآتبشر بخير ...

‎طلال يوقف قبالهم : عرفت وينهم ..؟!!

‎بو سعود فز وآقف : أمش خلنآ نروح لهم ..

‎طلال يرفع يده : مآنقدر ..

‎علي بعصبيه : يآخي تكلم زين وأنجز .. مآعآد لنآ أعصآب لهالحجي

‎ألي مآعآد يفيدنآ

‎طلال بتوتر يحرك عيونه صوب أبوه : كآنوآ أمس بجآخور أمي العودة

‎علي أنعقدت حوآجبه : ومن ألي أخذهم لهنآك ..

‎بو سعود بصوت أرتفع وغضب أعتلاه : هآيتين .. مآقلت لك ..!!

‎طلال : لا يبه .. لافي هو ألي أخذهم لهنآك وطاح فيهم طق لين قالوآ بس ..

‎بعدين رآح عنهم وتركهم بالجآخور

‎سآد الصمت شفآهم وعيونهم تعلقت بطلال ألي حآول

‎يمنع نفسه مآيقول شي لين يشوف لافي بس أعصآب

‎أبوه تلفت وصآر يخآف عليه من زود العصبيه يصير له شي ..

‎طلال بربكة يكمل : وكومآر قالي أنه بالحيل زآد عليهم بالطق والصبح

‎صآحين يدورون أكل ولافي موصيه مآيعطيهم شي ..

‎وهو ألي يآ للجآخور قبل شوي وأخذهم .. وين رآح فيهم ألله أعلم ..!

‎علي : أنت شقآعد تقول .. أنآ دقيت على كومآر وقالي مآيعرف عنهم شي

‎ولا شآفهم ..

‎طلال يحرك أيديه وبملل : تعرف كومآر لا وصآه لافي بشي مسسكه ..

‎وهو موصيه لايعلم عن ألي شآفه لأحد بس أنآ شكيت من نبرة صوته أن ورآه

‎علمن مآقاله لنآ .. عشآن هالشي قلت له بعطيك فلوس لو هرجت وقالي

‎لف بو سعود بألف علامة أستفهآم لاحت بوجهه حتى يطالع علي ..

‎بو سعود : مو أنت تقول أنك قلت له يي للبيت هنيه

‎علي : هالله الله .. هذآ ألي صآر

‎بو سعود يحرك أيديه : وين أخذهم والشرطة طالبينهم .. أصلن شنو يبي

‎فيهم

‎طلال يتقدم بخطوآته المتزنه حتى يجلس بجنب خاله : حآولت أدق عليه ..

‎عيآ يرد علي

‎بو سعود : لايكون معور العيال ومآخذهم للمستشفى ..

‎علي بثقه : مآهوب طاقهم من عبث .. تلقآهم مسوين لهم بلا وطاح فيهم ..

‎يستآهلون

‎بو سعود عصب أكثر : شنو له يمد عليهم يده .. موجود أنآ مآمت

‎علي بهدوء : هذآ ألي بيآكلنآ بقشورنآ .. يآرجال أرقد وآمن دآم

‎أن لافي عندهم .. أرتآح أنت هالحين .. عني من سمعت أنهم عند لافي

‎قلبي تطمن ..

‎بوسعود : وأنآ قلبي مآهوب مطمن لين أشوفهم

‎طلال يرفع كتوفه : مالنآ ألا ننتظر يبه .. تعبت أنآ بصرآحة ونفس كلام خالي

‎دآمهم مع لافي .. الأمور بخير

‎علي يلف برآسه صوب طلال : أحد يدري عن سالفة الشرطة .؟

‎طلال : لا .. أنآ وأنت وأبوي حتى سالم مآدقيت عليه

‎علي : زين مآسويت .. لايكون أحد من الحريم يدري

‎بوسعود يرجع يجلس بتعب وبصوت مجهد : أمي أنآ قلت لهآ

‎علي : خالتي حمده قلبهآ قوي .. أنآ أقصد أوخيتي والبنآت

‎بو سعود هز راسه : للحين مآحدن يعرف ..

‎قآم طلال وآقف ومن تحرك

‎بو سعود يطالعه : وين بتغدي أنت ..؟

‎طلال يأشر للبآب : بروح عند الوالدة ..

‎علي : أنتبه يزل لسآنك

‎طلال يتثآوب ومسرع مآرفع أيديه يتمغط : أن شالله ..

‎تحرك بخطوآته الوآسعه طالع من الديوآنيه حتى يلف للسيب ..

‎رفع أيديه يمسح على شعره الأسود مرجعه لورى أكثر ومن

‎دخل الصاله توجه لغرفه التلفزيون ..

‎طلال يطالع أمه المنسدحه ورآسهآ متمآيل على المركة : شنو قآعدة تسوين يمه

‎أم سعود للحين ع وضعيتهآ : على هالقنوآت ولا لقيت فيها شين يسليني ..

‎طلال يجلس بجنب أمه مآبينهم غير مركة : يآآحلاتج يمه .. ( أنحنى

‎وبقوة بآس رآسه ) يآآعلني فدوة لهالرآس ..

‎رفعت أم سعود جسمهآ وجلست متربعه حتى تطالعه بأبتسآمة

‎دآفيه .. أنحنى طلال بظهره و مد يده ساحب الريموت ..

‎أم سعود : لو تشوف زوجتك أمس يوم طلعت من عندهآ ...

‎مآلتفت لأمه وقلبه يحسه أنقبض ..

‎اللقآء بينهم تفخخ بالموت وأنفجر حتى يتحولون لرمآد ...

‎عمره مآكآن قآسي مع أحد كثر هاللقآء ألي جمعه

‎لأول مرة مع وحدة مآيعرف عنهآ شي .. ألا أنهآ تنآزلت عن كرآمتهآ

‎عشآن حب أرخصهآ قباله ..

‎كم رسم مرة على المرآيآ جروح مبللة ..

‎وأذآ فيه مآيخآف ألا من جرح المرآيآ ..!!

‎أم سعود تطالعه : تقول عبورة وآيد كآنت مستحيه وحدهآ فرحانه

‎بمفآجئتك لهآ .. ألله يفرح قلبك يمه نفس مآفرحت هاليتيمه ...

‎أستقر أصبعه الصغير على الريموت وبدون مآيقصر عليه

‎من ربكة الكلام ألي أنقال صآر يرفع عليه

‎أم سعود طارت عيونهآ : ورآك طولت عليه يمه .. قصر

‎رآسي يوجعني من الصوت العالي

‎طلال تبعثر : .. بقصر يمه بقصر ..

‎قصر وبسرعه رمى الريموت قباله بمسآفه بعيده عنه ...

‎رجع بظهره على الجدآر حتى يتسآند بيده على المركة ..

‎كآنت فرحآنة ..؟!!!

‎طلال يلف لأمه وبصوت حآول يكون عآدي : عبير شايفتهآ بعيونهآ

‎مستآنسه ..؟

‎أم سعود تأشر على روحهآ : أنآ شفتهآ

‎طلال بعد صمت وبدون أي ملامح : يآعله دوم يمه ..

‎أم سعود بشك : هو أنت موآفق على شروطهآ يمه

‎طلال على طوول ضحك : ههههههههههه .. ألا ياللي بنطر حضرتهآ

‎تتخرج ...أنآ بس محتآج أعدل غرفتي وأضبط أوضآعي ثم

‎بحدد موعد الزوآج وأضرب بشروطهآ بأقرب جدآر ..

‎أم سعود طآرت عيونهآ : أنت شقآعد تقول ..!!

‎طلال يرفع يده : .. خبال الحريم مآالي فيه حآجه .. أنآ مهبول

‎أضيع عمري عشآن أنطر حضرتهآ تتخرج .والله حاله .. هي تبي

‎تبي تكمل درآستهآ صح ..؟

‎لهآ ألي يخليهآ تكمل وتتخرج مثل مآتبي

‎أم سعود بضيق : لايمه مآيصير هالشي .. أبوك يقول أنك قايل

‎قدآمهم أيه موآفق على شروطهآ .. يوم أنك تبي تسوي هالسوآة

‎شنو له موآفق ..

‎طلال يطالع أمه : أبوي مو هو ألي رآيحن يخطبهآ لي .. خلاص خلييه

‎يضبط وضع شروطهآ .. أمآ تبوني أنطر ثلاث سنين ولا أكثر ..

‎لاوالله ذي ألي مآنيب رآضي عنهآ ..

‎أم سعود : وليش أبوك هو ألي يضبط الوضع .. البنيه صآرت حلالك يمه ..

‎خذ رقمهآ وكلمهآ .. قولهآ عن ألي بخآطرك وتفآهموآ ويآ بعض ..

‎طلال بأندفآع : أنآ أكلمهآ ..أيه أنطريني يمه بس

‎أم سعود بضيق : أنآ ليش حآسه أنك مآتبي البنيه وتقول مغصوبن عليهآ ..

‎سكت وكلام أمه الأخير مآعآد ترك له مجآل يرآوغ

‎هالوضع المأسآوي ألي تعيش فيه أحآسيسه ..

‎حرك بعيونه بعيد عن أمه حتى يطالع بآب الغرفه بعبث ..

‎مآصآروآ من بعد هالأرتبآط ألا حكآيآ تسرد حالهآ بألم ..

‎في ذآك اللقآء كآن صوته الوحيد ألي يخترق صمتهآ قباله ..

‎وهالحين مآيحس أنه قآدر على الأنتظآر ..

‎يبي هالزوآج يتم بسرعه .. رغبه مضآدة لكل شي يصير بينهم ..

‎يقول أبي في حين أنه عليه يقول مأأبي ..

‎يقول بسرعه .. في الوقت ألي عليه يقول على الهون ...!!!

‎ضآآيع أكبر من ضيآعهآ هي وسط خطاهآ ..

‎كيف بيتقبلهآ .. وكيف بيبني حيآته مع وحدة عجز يغفر لهآ ألي سوته ...

‎عجز على كل ألي أعرفه ..

‎سحب هوآ بقوة .. حتى يرتفع صدره بشموخ ومسرع مآقآم ببعثره

‎حتى يزفره ..

‎طلال : نسيت يمه شغله ضروريه ..

‎أم سعود رفعت حوآجبهآ : أنت مآتبي البنت ..؟؟

‎طلال بضيق وحوآجب أنعقدت : وقت هالكلام ذآ أنتهى يمه .. أنتهى ولاأبي

‎أحد يسألني فيه دآمكم من أخترتوهآ لي ..!!

‎طلع بخطوآت وآآسعه تآرك أمه بذهول منه

‎ومن تصرفآته وكلامه ...!!

× × × × × × × × × × ×

‎نزلت من الدرج بخطوآت بطيئه وهي تطالع الصاله كلهآ بأثآثهآ

‎وتصميمهآ .. وقفت من سمعت صوت زجآج ضرب ببعضه وعلى طول

‎نوت تصعد .. خآفت يكون علي رآجع لبيته وموجود وهي مآعندهآ خبر ..

‎بس لفت صوب غرفة التلفزيون من سمعت صوت كحتهآ ..

‎هذي عمتهآ ... غريبه مآرآحت لدوآمهآ .. وبسرعه مسكت طرف

‎قميصهآ رآفعته حتى تنزل بخطوآت متسآويه . ومن عآنقت خطوآتهآ

‎أرضيه الصاله كملتهآ صوب الغرفه

‎مرآيم تدخل وتوقف عند البآب : صبآح الخير عمتي ...؟

‎جالسه على الكنب وهي لافة الشال الطويل حول جسمهآ ..

‎يطغى عليه اللون البني مع تموجآت رصآصيه ..

‎رفعت عيونهآ ومن ألتقت عيونهآ بمريم أبتسمت بدفآ ..

‎الجوهرة : صبآح الورد حبيبتي .. شنو هالنوم مرآيم ..

‎مرآيم تتقدم حتى تجلس على الكنب يسآر عمتهآ : مآنمت زين أمس ..

‎الجوهرة تطالعهآ بأستغرآب : أنتي نفسي .. والله المفروض بعد سهرة أمس

‎ننآم من التعب .. بس أنتي ليش مآنمتي زين ..

‎مرآيم بعد صمت وهي تطالع عمتهآ : أفكر بأخوي سالم ..

‎الجوهرة تمد يدهآ وتصب لمريم حليب : أنآ ترآ لحد الحين مآعرف شالي

‎بينكم بس وآضح أنه شآيل عليج لأمرن حيل عود ؟؟

‎مرآيم ترفع رجولهآ وتميلهم على الكنب : ........................

‎الجوهرة تطالع لمعة الحزن في عيونهآ : الأمور بأذن الله بخير .. أنتي هالحين

‎خلي همج هالزوآج وطلال ..

‎مرآيم بذهول : الزوآج ..!!! بس أنآ قايله لعمي مآبيه لين أتخرج

‎الجوهرة : هآآوو .. وليش يآحآفظ .. وأن شالله وآفق طلال ..

‎مرآيم هزت رآسهآ : أيه عمتي موآفق ..

‎الجوهرة لوت فمهآ : مرآيم من صج تتحجين أنتي .. شنو

‎هالحجي ..

‎مرآيم : .......................

‎سحبت الكوب ومدته لهآ .. تمآيلت مريم بجسمهآ حتى تآخذه

‎وسكوتهآ أبد مآهو طبيعي ..

‎الجوهرة حبت تغير الموضوع ولاحقه تعرف الموضوع : شفتي

‎ميري أمس كيف قآمت تزف يوم شآفتكم بغرفتهآ .. هههههههههه

‎مريم ضحكت غصب : هههههه ... المشكلة جدتي مخليتهآ

‎تهآوش

‎الجوهرة : ههههههههههه .. مآضحكني كثر عبورة .. هالبنيه

‎تحفه وهي تحآول تسكتهآ ..

‎مريم : ألله لايلومهآ ..

‎......... : يمه عندتس أحد ..

‎من سمعت صوت ولدهآ على طول تحركت وآقفه ...

‎مريم تطالع عمتهآ : عآدي أروح لغرفتي

‎الجوهرة تلبس الشبشب حتى تأشر بيدهآ : خليج قآعدة بس ..

‎تحركت بخطوآت وآسعه طآلعه من الغرفه ومن شآفت ولدهآ

‎لابس قميص عليه جكيت أسود وملامحه كلهآ نوم .. رفعت أيديهآ حتى تحضنه

‎وتبوس رآسه ...

‎عبدالله يبعد عن أمه وهو يطالع فيهآ بصمت ..: ............

‎الجوهرة تحضن خدوده : صبآح الخير يمه ..

‎عبدالله بنظرته البريئه : فيتس شي يمه ..؟!

‎الجوهرة تطالعه مستغربه : ليه يمه تقول هالكلام

‎علي أبتسم : لايمه .. بس أول مرة أشوفتس تحضنيني بقوة .. ( أبتسم

‎أكثر ورفع يده حتى يحطهآ على رآسه ) خفت أني أحلم

‎الجوهرة ترجع تبوس رآسه : لا يمه مآتحلم .. مآعندي بهالدنيآ أغلى

‎منكم .. مو لأني أنشغلت عنكم أكون أني مآحبكم ..

‎عبدالله : أبوي وينه .. قلتي له أني غآيب ومآلي خلق أروح

‎الجوهرة تلف يدهآ حول رقبة ولدهآ : أيه يمه ..بالأول مآوافق بس

‎بعدين قال بسمح له هالمره بس

‎عبدالله بضيق : مدري أشفيني مآالي خلق لشي

‎الجوهرة : يآحظي بآجر لو درست شنو بتسوي .. ترآ مآفيه هالحجي

‎عندي أقولك من هالحين ..

‎عبدالله : لايمه بكون شآطر لادرست .. جوعآن فيه فطور ..؟

‎الجوهرة تأشر للغرفه : قآعدة بنت خالك عنده .. أنت بس رح لديوآنيه

‎وأنآ بروح أجهز لك فطور

‎هز رآسه ولحظآت أستقرت يدهآ على شعر ولدهآ حتى تمسح عليه ...

‎أبتعد عن أمه والقميص وسيع شوي

‎على جسم بنحآفة جسمه .. توجه صوب بآب الصاله وفتح البآب

‎حتى تندفع الهوآ الباردة تحضن جسمه .. يتحرك ثوبه يمين ويسآر

‎ومسرع مآطلع للحوش حتى يصغر عيونه من أشعه الشمس.. نزل الدرج بس وقف

‎أول مآحس بأحد وآقف عند البآب بس من لمحه أختفى

‎.. ظلت عيونه بأستغرآب تطالع

‎البآب ألي تحرك طرف منه وصآر يضرب حصآه صغيره كذآ مرة وسط هالسكون..

‎كأن أحد دفعه ورآح ..!!

‎صغر عيونه الدآئريه حتى يتحرك أكثر صوب البآب .. مال برآسه لشارع

‎ولا لقى تحت المظلة أحد .. لف برآسه يسآر ومسرع

‎مآلف يمين يبي يتأكد أن مآفي أحد .. وكل الأشيآء تمتلكهآ الوحدة ..

‎مآنتبه لسيآرة جآرهم ألي متخبي ورآهآ شخص غريب ..

‎رجع بجسمه لدآخل وسكر البآب حتى يظهر بسرعه من ورآهآ

‎هالشخص متحرك بخطوآت وآسعه طالع لشآرع ..

‎ودآخل الحوش طلع من جيبه جواله حتى يدق على رقم جدته ..

‎وآقف بوسط الحوش والشمس تحضن جسمه بقسآوة ..

‎حط الجوآل عند أذنه وكمل خطوآته صوب الديوآنيه ..أبتسم

‎بفرح من ردة أخته على مكالمته

‎ليليآن : ألووو

‎عبدالله شوي يطير من الفرح : أوخيتي أشتقت لتس ..

‎ليليآن بصوت مبحوح : عبآآآدي .. حبيب قلبي ونور عيوني .. وينك أنت ..

‎لاتحتسي معآي .. زعلانه

‎عبدالله تبدل صوته : والله أني أبي أشوفتس .. بس أبوي مدري وش

‎بلاه علي .. أنآ دخلت عليتس ولقيتس نآيمه والله البآرح ..

‎ليليآن : يآعمري أنت ..

‎عبدالله : تدرين أني دخلت معهد وصرت أروح له ... تعلمت حآسب

‎وبحتسي أنجليزي بعد

‎طرى عليه كلام فهد يوم يقول لهآ بيدخلهآ معهد ..

‎لوت فمهآ وهي مآتدري شالي أشغله عن هالأمر ..

‎ليليآن : ماشاءلله .. أييه عآرفه مو هذآ ألي دخلك لافي فيه

‎عبدالله يدخل الديوآنيه : أييه هو .. ترآ عمي علي قالي أنتس بتروحين

‎له بعد

‎ليليآن بعد صمت : على فكرة أنآ بجيكم العصر

‎عبدالله :صدز ..

‎يرتفع صوت الجده الجالسه قبالهآ فالصاله وهي تهآوش

‎بحده

‎الجده ..: والله مآتروحين وأنتي رآفعتن صوتج على زوجج

‎يآلي مآتستحين ومخليته يطلع برآ البيت معصب حتى فطور مآأفطر

‎ولاتقهوى نفس الأوآدم ..

‎طآرت عيون ليليآن وبربكة أبعدت أذنهآ عن الجوآل ..

‎ليليآن : وشووو ..

‎الجده متربعه وجالسه فالصاله : ألي سمعتيه ..

‎ليليآن ترجع تكلم عبدالله : عبودي ترآ أنآ عندي رقم شرآه لي عمي علي ..

‎بكلمك منه بعد شوي .. هالحين جدتي تبيني مع السلامة ..

‎سكرت الخط ونزلت الجوآل ع الأرض ومسرع مآطالعت جدتهآ ..

‎ليليآن : يمه أنتي تشيلين علي عشآنه .. والله يآيمه هو ألي جى لي

‎أمس ودخل الغرفه .. عدت هالحتسي لتس ألف مررة

‎الجده ترفع يدهآ وبعصبيه : أخسي وأعقبي .

‎ليليآن تهز رآسهآ بالرضآ : بخسى يمه .. بس من طلع من البيت

‎وأنتي مستلمتني تهزئ .. والله نفسي قآمت تكسر خآطري

‎الجده بنظرة قآطعه لكل شكوكهآ : أنتي ورآك بلا ومآنتي خليه .. تحسبيني

‎خبيلتن نفسج .. والله لاطلع ألي عندج

‎ليليآن بربكة : كل هذآآآآآآ .. عشآني نآديته ..

‎الجده : قومي من قدآآمي .. ووالله مآتروحين العصر لين تدقين على زوجج

‎وتآخذين شورته بالروحة ..

‎ليليآن : ورآ يمه مآخذ شورته بعد بالدخله للغرفه والطلعه .. وأذآ أقدر أسوي

‎شي فالمطبخ ولا مآقدر ومنهآ بعد باللبس .. ويلااااااااا

‎قآمت بسرعه أول مآرمت الجده بوجهآ السبحه وعلى طول ركض

‎للغرفه ..

‎الجده : هين .. تحسبيني بنسى سوآتج قدآم فلاح ولدي .. ولسآنج

‎هالي يبي له قص .. بس أشوف علي هاللي ذبحنآ مديحن فيج

‎من أمس .. مآيدري أن التعب هو ألي مسوي فعايله .. ولا أنتي

‎خلاص مآمن رجآ

‎ليليآن تميل بجسمهآ على أطآر البآب تتميلح تبي تروق الجده : يممه .. حرآم عليتس خلي الرجال

‎يمدحني كود أطير شوي .. وبعدين عمي وش دخله تهآوشينه ...

‎ألي يبي له هوشه سنعه هذآ رفيقتس الشآيب ..

‎الجده طآرت عيونهآ : ليه وش مسوي لج ..؟!

‎ليليآن بحوآجب معقودة : روحي أسأليه خليه يقولتس الصدز

‎عنه وعن زوجته القشرآ تغريد

‎الجده بعدم فهم : شنو دخل تغريد .. هو أنتي شنو تبين فيهآ ..

‎الحرمة من بعد سوآتهآ ولاشفنآهآ ..

‎ليليآن بضيق : قلت أسأليه .. وبعدين ألله وأكبر عآآد .. بس أنآ شآيفتهآ

‎شآيفتهآ

‎الجده بعصبيه : أبعدي عن طريق الحرمة ودربهآ .. لاتحشرين روحج

‎بشين مآنتيب قده يآبنت رآشد .. النآس حولج كلن يبي يآكلج وأنتي

‎تدورين المشآكل .. بدآل مآتحآولين تكسبين الرجآل وتخلينه خآتم في يدج

‎مشغلج ألله بشين مآهوب رآدج عن الشر

‎ليليآن ترفع يدهآ : أنآ مدري يمه ..مدري بس روحه العصر لبيت أمي

‎بروح ولاني مستشيرته .. هو أصلن يدري عني بشي .!!

‎وبعدين أنآ بروح أتتترووووششش

‎دخلت غرفتهآ وسكرتهآ .. حتى لاتزيد الضيآع ألي دآخلهآ

‎أضعآف قدرتهآ ..

‎كلام الجده شي وكتمآنهآ على هالأجودي شي ثآني ..

‎كيف تبيهآ تكسبه وهي مآخبت الموضوع ألا خآيفه من ردة فعله ..!!

‎يعني بكلا الأمرين الخسآرة هدف بيصيب وآقعهآ ..

‎هذآ ألي كآنت متيقنه منه ..

× × × × × × × × ×

‎خطوآته نآحيه الغرفه الموجودة فيهآ زوجته تعبث في باله ..

‎يسمع صوت جزمآته على الأرضيه صوت مكتوم يختنق

‎بالعتب .. يمد يده بدون أدنى تردد تسبقه المفآتيح بيده

‎الثآنيه حتى يدخل وآحد منهآ في فتحة القفل و يفتحهآ

‎مرة مرتين .. تنحني يد البآب حتى يدفه وريحة غرفته

‎تندفع بقوة صوب أنفآآسه .. الغرفه أشبه بالظلام دآم الستآير الثقيله

‎بتصميمهآ الرآيق تحجب ضوء الشمس

‎.. تمنعه يبعثر العتمة ..

‎يسئ لسلطة الظلام ...

‎يتحرك البآب كآشف لهآ الغرفه بكل زوآيآه

‎مآغير زآويه تظل هي الوحيدة ألي تستتر خلف البآب ..

‎تمنع الفضول وتنقيط الجمل ألي ترتسم مآبين زآويه والثآنيه ..

‎توقف نظرة عيونه عليهآ وهي منسدحه على السرير نآيمه

‎.. كأنه يشوفهآ بتدآخل حوآسه .. تضيع مآبين مشآعره

‎ألي أجبرته يرجع لهآ .. يعيش معهآ الخذلان والجرح ..

‎يحرك رجله اليسآر بخطوة حتى تتبعه رجله الثآنيه بخطوآت

‎وهو يقرب من السرير لهآ .. يصعد الدرجتين وعيونه مآتمل

‎تطالع فيهآ .. ملامحهآ غآيبه بين خصلات شعرهآ المتمآيله

‎على هالملامح ..

‎طالعهآ بنظرة وتمنى بينه وبين نفسه لو يقدر يرتدي

‎رغبآتهآ .. لو يقدر بس يعيش معهآ بالرضآ للوآقع

‎ألي أنجبرت تكون فيه ... لو يفهم وش السبب المقنع ألي يخليهآ

‎لهالدرجة كآرهته .. تبي تفتك منه .. تبي الطلاق ..

‎أخذ نفس بصعوبه وهالخوآطر مآتزيده ألا غضب وقهر ..

‎أنحنى جالس جنب رآسهآ .. مد يده من بين زحمة هالظلام حولهم

‎حتى تستقر أصآبعه على شعرهآ ... بهدوء نفس هدوء

‎أنفآسه حرك أصآبعه مبعد شعرهآ عن خدهآ .. من لمس نعومة

‎هالخد .. صآر يتأمل صفآء خدهآ حس بشعلة ضوء دآخل قلبه تنير

‎مشآعره .. كهرب غريبه ونبضآت تحتويه .. ريح وآحد من آصابعه

‎على خدهآ .. صآر يمرره برغبه مشتلعه على ملمس بشرتهآ ..

‎فزت بسرعه رآفعه رآسها تطالعه بذهول وبخرعه ..

‎وهو زحف بعيد عنهآ بربكة وردة فعل لخرعتهآ

‎.. بس لحظآت شآطرهآ هالذهول

‎من طالع عيونهآ بلونهآ العسلي ..

‎مآيخبر لون عيونهآ عسلي .. كآن أسود متأكد هو ...

‎بس مذهله بهاللون .. فآتنه لأبعد تصور يحتويه ..

‎رفع يديه صوب عيونهآ .. وهي للحين تطالعه ..

‎عمر بصوت دآفي .. مذهول : عينيكي سآآرة ...!!

‎تفطنت لعيونهآ وعلى طول حركت أيديهآ مغطيه فيه وجهآ ..

‎صآدة عنه .. مآتبيه يشوفهآ

**********

>

>

<

<

كــــــــــــــــــــت

<

<

<

<

‎قرآآءة ممتعه للجميع

فوت ⭐️ / صوت ⭐️

دمتم بخير

فوت ⭐️ / صوت ⭐️ قبل القراءة

‎الفصل الخآمس والثلاثون ...

‎الخطوة الثلاثون .. خطوة الحدآد نحو حلم أريد منك أكثر مآ أريد

‎( ... أيعقل يأأبي أني لم أولد ألا في الزمن الحزين ..!! )

‎عمر بصوت دآفي .. مذهول : عينيكي سآآرة ...!!

‎تفطنت لعيونهآ وعلى طول حركت أيديهآ مغطيه فيه وجهآ ..

‎صآدة عنه .. مآتبيه يشوفهآ ..

‎رغم ظلام الغرفه لكن ضوء الصدف كآن يتسلل بأندفآع من بين

‎الستآير حتى يتنآثر على السرير ..

‎كيف دخل الغرفه ومآحست عليه ..!

‎كيف نآمت بغرفته وبين أغرآضه وهي وحدة تبي فرقآآه ... تبي

‎ترجع لديرتهآ .. تبي تسترجع روتين حيآتهآ ألي تعودت عليه ..

‎تبي ترمي كل شي في وجه الزمن .. تنثره لريح أحلام صحت منهآ ...

‎ظل يطالعهآ بذهول .. يعيد عليهآ السؤآل ..

‎يعيده بنبرة أكثر دفآ .. أكثر أمآني ومنى ..

‎عمر : عينيكي ..!!

‎مآتركت له مجآل يفتح بوآبه حكآيآ مآتمل في الزمن الغريب

‎ألي جمع قلوبهم في جسد وآحد .. فزت نآزله من السرير وشعرهآ

‎كله غطآ وجهآ .. صآرت تحآول تلبس نعآلهآ ومن كثر

‎الرجفة والخوف ضلت تحآول تدخلهآ برجولهآ عجزت ... وعلى طول هو

‎نزل من السرير حتى يلف للجهة ألي هي وآقفه فيهآ .. سحب ذرآعهآ

‎بقوة لورآ الجدآر وهي فتحت عيونهآ على الأخر مآتدري وش يبي

‎فيهآ ... وقف مآيفصل رآسهآ عن صدره غير مسآآفه

‎تردد فيه أنفآسهم .. مد يده الثآنيه وسحب حديدة خفيفه نآزله من الستآرة

‎حتى تنسحب الستآرتين بسرعه والضوء أندفع ينآفس الظلام ..

‎يكشف جمال الأشيآء ألي تحتويهم بهالغرفه .. لف رآسه صوبهآ

‎وأنحنى مقربه يبي يصدق أن لون عيون زوجته عسليه ..

‎بس هي رجعت تصد عنه وكرآهيه غريبه لجمال هالعيون يحتضنهآ ...

‎لهالضعف الكآمن في عيون شفآفيتهآ آآسره ,..

‎ضمت شفآتهآ مع بعض بقوة والدموع بدون مقددمآت تندفع لعيونهآ ..

‎صدرهآ يثقل بكومة ذكريآت سودآ ..

‎وسمآ ذآكرتهآ تمتلكهآ غيمة عآبره ..

‎من تنزل العدسآت تحس أنهآ تتجرد من قوتهآ ..

‎مآتضل ألا قلب ينبض ضعف وذل ..!!

‎صآرت تدف صدره تبيه يبعد بس هو مآتحرك .. رجع يرصهآ

‎على الجدآر حتى يحرك يده ويمسك ذقنهآ .. يحركه

‎صوبه بالغصب .. ليش مآتبيه يطالعهآ .. ليش يحسهآ

‎تحآول تتهرب من ألي أعرفه ..

‎رص أصآبعه على خدودها بقوة وهي تحآول بنفس القوة ألي تقدر عليها

‎تبعد أصآبعه عن ملمس بشرتهآ .. تبعد جسمه خطوآت عنهآ ...

‎مغمضه عيونهآ مآتبيه يطالعهآ ..

‎عمر يرفع حآجبه بأستغرآب حيره : مش عآوزآني أبص على عينيكي ليه ..؟

‎سآرة صرخت بوجه وبكل قهر : دي عدسآت يآفالح ..!!!

‎عمر ظل متنح يطالع فيهآ ورجع يعيد ألي قالته : عدسآت .. عدسآت وأنتي

‎نآيمه بيهم ..

‎دفته حتى تبعد عنه خطوة .. ترفع رآسهآآ .. تطالع فيه بعيونهآ الطبيعيه ...

‎لأول مرة توآجه أحد غريب بلون هالعيون ..

‎لأول مرة تصرخ .. تندفع بالحكي وهي تحس نفسهآ ضعيفه .. هشه ..

‎هي ألي جلست سنين تخبي لون هالعيون عن الكل ..

‎عن قرآيبهآ .. عن صديقآتهآ .. عن كل من يكون قريب من سآرة ..

‎لأنهآ مآتبي أحد يشوف جرحهآ .. مآتبي تطالع أحد وصوت

‎ضحك عمآتهآ والطنآزة عليهآ يتردد عليهآ ..

‎مآتبي تشوف صورة الطفلة ألي تحط أيديهآ على وجهآ .. تخبي عيونهآ

‎قدآمهم .. تقولهم وهي تبكي أنآ أكره لون عيوني ..

‎أنآ أبي أشري لي عيون جديدة .. مآبي هاللون .. مآبيه ..!!!

‎ومآتبقى هالطفلة غير هي ..

‎في برآئتهآ .. يتهيأ لهآ أنهآ تقدر تغير كل شي تبيه

‎وما

‎يرجع كلامهآ لهآ ألا بضحك أكبر وجرح أعمق ..

‎رفعت أيديهآ حتى تهز رآسهآ بثقه مصطنعه ..

‎سآرة بصوت مخنوق : أييه .. عدسآت ..( رفعت حوآجبهآ من شآفت

‎عيونه طآرت ) عدسآآآآآآت .. أول مرة تسمع فيهم .. حبستني

‎بهالغرفه ورحت .. وأنآ نسيت أنزلهم .. شي غررريب ...!!

‎سكت .. ومآلقى غير خيبة توآجه حاله ..

‎صآر بموقف لايحسد عليه .. حس ماله دآعي بهاللهفه والفرحة

‎الكآذبة ألي لبسته .. وعلى طول هي بربكة رآحت للمرآيه ..

‎تنحني مقربه منهآ .. توآجه ألمهآ مجبورة .. غمضت عيونهآ بقوة

‎ومن فتحتهآ نزلت دمعتهآ .. مآنتبه لهآ كآن منزل عيونه بالأرض ..

‎وعلى طول تحرك حتى يعطيهآ ظهره ويجلس على السرير ..

‎سكرت فمهآ مآتبي العبرة تصرخ من شفآهآ ..

‎ترجع الشمس تشرق على مدينة مآضيهآ الفآيت ..

‎تشرق ولا تقدر تقول لهآ غير ..

‎يآشمس

‎مآصرنآ غير عمر يبكي على رحيله طفله ..!!

‎سآرة بصوت حآولت يكون عآدي .. وآثق : أنت خوفتني .. وأنآ .. أنآ

‎همي ألحق أشوف العدسآت وين رآحت .. بس الحمدالله ربي ستر علي ..

‎ألا ليش مسكتني .. ترآك عورتني ..؟

‎أبعدت عن المرآيه .. وبخطوآت توجهت فيهآ طالعه من الغرفه ..

‎سآرة : أنآ بروح أنزلهآ ..

‎عمر على طول لف برآسه بدون مآيطالعهآ : سآرة .. أنآ أسف ..

‎وقفت خطوآتهآ حتى تتحرك يدهآ تمرر أصآبعهآ على خدهآ ..

‎تمسح أثآر الجرح ألي تبكيه جرآح ..

‎وهو وقف تبعه بخطوآت حتى يوقف ورآهآ ..

‎عمر يكمل : أنتي شآيفآني مش قآدر أتنفس من كل جهه تتكوم

‎مصآيب متلتله عليآ .. عآوزكي بس تتحمليني لحد مآ....

‎سآرة بصوت وآطي .. قآطع : عمر ..!! وأنآ مش عآوزآك تتحمل حآقه فوق طآقتك ..

‎ألي بيني وبينك دلوقت ورقه وحترتآح مني للأبد ...

‎( لفت له ) مآتخآفش تأدر تآخدني لأخوالي وهمآ حيتصرفوآ ..!!

‎أبعدت عنه حتى تطلع من الغرفه ..

‎وهو رفع يده حتى يحطهآ على رآسه بضيآع ...

‎حآنت اللحظة ألي بيحقق لهآ أمنيتهآ ويريحهآ ...

‎.. دخلت غرفتهآ حتى تسكر البآب ورآهآ .. تنزل دموعهآ بدون

‎مقدمآت .. رفعت أيديهآ حتى تطالعهآ بخوف وهي ترجف ..

‎لأي مدى يآسآرة الضعف بعيونك ينهش جسمك ...؟!!

‎تحركت بسرعه صوب السرير ... أنحنت مآخذه شنطتهآ وصآرت تفتش

‎بعلبة العدسآت تذكر أنه كآن عندهآ عدسة بلون أزرق ..

‎بحركآت سريعه تدخل يدهآ وتفتش بأندفآع ..رفعت الشنطة

‎حتى تقلبهآ وتتنآثر كل أغرآضهآ

‎على لحآفهآ .. أنحنت جالسة وحركت أيديهآ تمسح دموعهآ وتسحب

‎هوآ من خشمهآ .. شلون بتجيب عدسآآت هالحين ..!!!

‎لازم تغطي عيونهآ .. مو عشآن أحد .. عشآن تظل مغطيه بقوتهآ ..

‎رمت الأغرآض بقوة بعيد عنهآ ..

‎ومسرع مآرفعت أيديهآ حتى تمسح على شعرهآ ...

‎تحس أنهآ وقفت في مكآن مآيحمل في روحة غير الفرآغ ..

‎مآيحمل غير العدم ..

× × × × × × × × × × × ×

‎جالس على كنبه طويله من الجلد الأسود وقباله طآولة

‎زجآج عليهآ فنجآن قهوة .. يقابله الضآبط ألي مآصدق يشوفه

‎الضآبط خالد : يآحي الله والله لافي .. تصدق أني للحين مو مصدق

‎أنك قدآمي ..

‎لافي برسميته ونبرته صوته المتزنة : كم لنآ يآخآلد مآشفنآ بعض ..

‎لو أحد بيقولي أني بشوف خالد ضآبط مآرآح أصدق

‎خالد طآرت عيونه : مآني مالي عينك يآولد .. لاتخليني بس أقلب

‎عليك

‎لافي ضحك : ههههههههههههه .. محشوم يالغالي

‎خالد أنحنى بظهره حتى يتسآند بأيديه على ركبه وبنبرة جآده : أنآ يوم فتحت

‎الملف أمس وشفت أسم أخوك يسبقه أبوك ألي سيرته الطيبه كلن يشهد فيهآ

‎قلت ذولا مآيطلع منهم سو أبد

‎لافي بنظرة وآثقه : هالسالفه مآبيك تعديهآ ياخالد .. فيه من يلعب

‎بذيله من ورآنآ ..

‎خالد بنظرة شك للافي : شآكن بأحد أنت ..؟!!

‎كآن يحآول بنظرة عيونه يتعمق بفهمه ... مآدرى أن هالشي

‎بيكلفه أكثر وقت لشخص نفس لافي مآ يسحبه الصمت

‎ألا لغموض أكبر .. ودفآتر مآتتبعثر ولا تمسهآ يد عآبث ..

‎لافي ألي مآيكشفه غير صمته بين سؤآلين ..

‎وجملتين .. ثالثهم الصمت ..!!!

‎أبتسم .. حتى ترمش عيونه ..وبهدووء

‎لافي : وأذآ كنت شآك يآخآلد .. تحسبني بجيك ..!!

‎خالد رفع حاجبه اليسآر حتى ينطق : شنو قصدك ..

‎لافي يسحب فنجآنه بسخريه مسستره حتى يرد عليه : نآسي من أنآ ..

‎خالد رجع ظهره حتى يريحه : نفس مآأنت يالافي .. سآفرت ورديت

‎والثقه الزآيدة مآتزيدك ألا .......

‎سكت .. فضل تكون بين شفآته حتى مآتطلع

‎كلمة جآرحه في حقه وحق صديقه ..!!

‎لافي يكملهآ : غرور ... ( رد بنبرة قآطعه ) طالعن يآخالد من منبع الطيب

‎بس الغلط عندي مآسكت عنه ولاهوب أنآ ألي أنسآه

‎خالد بعد صمت : هالحين بشوف بو أحمد وأثبت أقواله بالمحضر عندي .. ولو أكد

‎كلام أخوك وولد عمك .. بيطلعون منهآ

‎لافي يأكد له : وألي متهمهم ..؟!

‎خالد يحرك رآسه : مآعليك .. والله لاطلعه لو هو تحت الأرض ..

‎أنطق البآب ومسرع مآدخل وآحد حتى يقول ( بو أحمد برآ طال عمرك )

‎خالد يفز وآقف بطوله : خله يدخل ..

‎لافي يوقف بعد : أنآ بطلع ..

‎تحرك لافي بخطوآته الوآثقه صوب البآب حتى يطلع ويمر من عنده

‎بو أحمد ألي حرك رآسه بالرضآ أول مآطآحت عيون لافي عليه ..

‎كأنه يقوله تطمن .. كمل خطوآته صوب الكرسي ألي وآقفين

‎جنبه سيف ورحيم وعيونهم بالأرض .. جلس بصمت وعيونه

‎بعبث تتحرك يمين ويسآر ..

‎يجول في خآطره موآويل من الخوآطر العآبثه ..

‎يمر الوقت والكل صآمت .. ولحظآت أنفتح البآب وطلع بو أحمد ورآه

‎الضآبط خالد ..

‎الضآبط يأشر لسيف ورحيم : دشوآ دآخل

‎بو أحمد يلف لضآبط : خلاص أروح .!

‎الضآبط أبتسم : فمآن الله ..

‎رفع سيف عيونه يطالع بالضآبط ولايدري وش رآح

‎يكون مصيره .. الخوف رآسم ملامحه بشكل وآضح على وجهه ..

‎وعظآمه يحس أنهآ متصلبه ..!!

‎من هول طلب الضابط له للمرة الثانيه لف

‎يطالع لافي ألي فز وآقف ..

‎لافي يطالع خالد :هآ أروح أنآ بعد ..

‎خالد أبتسم : أيه روح والشبآب بيقعدون هنيه بضيآفتنآ

‎سيف طآرت عيونه لحقه رحيم : ..............

‎لافي رفع يده : بيض ألله وجهك يالغالي ..

‎أخذ نفس حتى يحرك أيديه ويمسك مخآبيه بعبث .. تحرك

‎وسيف ورحيم من الرعب ألي دب في قلوبهم عجزوآ ينطقون ..

‎بيروح ويتركهم ..

‎ألا رآح وخلص .. يشوفونه معطيهم ظهره ويسآبق خطوآته

‎حتى يلحق بو أحمد ومسرع مآصآر يمشي جنبه

‎الضآبط رفع صوته : يلاااااا دشوووآآآ ..

‎بالعافيه تحركوآ .. ولافي أبد مالف لهم ولا عطآهم وجه ..

‎لافي يبوس رآس بو أحمد : مآتقصر والله

‎بو أحمد يطالع لافي بعتب : ورآك أخلعتهم .. أبك روح ألحقهم لا تنمرج

‎قلوبهم .. هذولا توهم ..

‎لافي أبتعد عنه وعلى طول سحب نظآرته من جيبه حتى

‎يغطي ملامحه بأبتسآمة عآنقت شفآآه من وصل للبآب الخارجي : قل يآعمي بطلع قلوبهم .. مو كل مرة بتسلم الجره ..

‎مد يده حتى يدفع البآب ويوقف بالنص لين بو أحمد مر من عنده ومسرع مآطلع

‎حتى تعآنق الشمس أجسآمهم ..

‎بو أحمد وقف من وقف لافي : سلملي على أبوك ..

‎لافي هز رآسه : يوصل بأذن الله ..

‎بو أحمد رفع يده : يلا .. فمآن الله ..

‎تحرك مبتعد عن لافي ألي ظل وآقف معطي البآب كتفه ..

‎ينتظرهم يطلعون .. رفع عيونه يطالع الشآرع والمشهد قباله يخيم

‎عليه اللون الرصآصي من نظآرته الوآسعه .. دخل يده دآخل جيبه حتى

‎يطلع منهآ علبة سيجآرة مآتزيده ألا هلاك ..!!

‎أستقرت بين كفه وصآر يطالع فيهآ لثوآني والرغبة العآرمه تزيده

‎أنجذآب لهآ ..

‎لازآل وسط كل شي حوله .. يتمنى لو يقدر يترك هالسيجآرة ..

‎طلع وحدة حتى يحطهآ بين شفآته .. تمآيل بجسمه ومسرع مآرجع

‎العلبه لمخبآته حتى يطلع الولاعه ويقربهآ أكثر من السيجآرة..

‎ومن أشتغلت ألا سكرهآ ورجعهآ لجيبه .. يسحب منهآ هوآ حتى تستقر

‎بين أصآبعه .. يبعدهآ عن شفآته ويبدى يزفر الدخآن ..

‎ولحظآت حتى يحك ذقنه بلون شعره الرمآدي وهو ينتظرهم ..

‎يتمنى يشوف أشكالهم بعد المقلب ألي سوآآه فيهم ..

‎أطرآف شمآغه مرتفعه لفوق بهيبه ..

‎رمى السيجآرة ودآس عليهآ أول مآسمع صوت البآب يندفع ورآه ..

‎ومن لف ألا سيف وآقف قباله متقطع من البكآ وورآه رحيم

‎يحآول يمسك نفسه ولاهو قآدر ..

‎أبتسم ..

‎قرب من أخوه أكثر حتى يحضن رآسه لصدره ..

‎لافي بصوت فيه بحه : هذآ وأنت رجال تبكي .. مآتتحمل القعدة هنيه

‎لاشوفك تغلط ..

‎سيف يحآول يتكلم بنبرة تحرقه : مآآآآغلطت .. والله مآغلطت

‎لافي يبعد رآسه عن صدره ومسرع مآحط كفوف أيديه على

‎خدود سيف : والله يآسيف لو لكم قعدة في هالمكآن لا أطلعكم وأدخل

‎بدالكم .. مآيصيبكم سو ولافي يشم الهوآ ..

‎سيف خلاص مآله حيل يتكلم : .........

‎أبعد عنه ومد يده لرحيم ومن تقدم له لف يده حول كتوف

‎رحيم وحضنه ..

‎لافي : وأنت بعد .. هالكلام مآهوب لسيف بس .. يلا أمسحوآ

‎دموعكم ..

‎تحرك حتى يمشي سيف ورحيم معه ...

‎ومن وصلوآ لسيآرة أبتعد عنه سيف حتى يلف حول السيآرة

‎وهو يمسح دموعه بكم ثوبه ورآه رحيم ألي تآرك دموعه

‎على خده ..

‎فتح لافي البآب وركب حتى يقول بصوت مسموع ( الحمدالله )

‎قالوهآ .. رب ضآرة نآفعه ..!!

‎لولا ميشيل ومرآقبته كآن ممكن يكون الوضع أسوأ من

‎هالي صآر .. أشد ..

‎بس رحمة الله كآنت أسرع من كل شي.. أنعقدت حواجبه من توقع

‎ألي رآح يصير لو مآتدخل .. ومسرع مآشغل السيآرة وأنطلق

‎مبتعد عن مركز الشرطة .. يسود الألم أنفآس أخوه ألي جنبه

‎ورحيم ورآه .. ومسآفة الطريق حتى يوقف تحت مظلة بيت

‎أبوه .. والشمس توسطت كبد السمآ .. فتح بآب السيآرة حتى يطفيهآ ويطلع ..

‎ولحظآت يوقف سآلم بسيآرته الجيب بجنب سيآرته ..

‎سآلم يفتح البآب بسرعه وينزل : لافي .. ييت بوقتك يآولد ..

‎أبيك بمصيبه

‎لافي ينزل نظآرته وبصوت وآطي : نآقص أنآ .. ( رفع صوته ) شنووو

‎بس وقف من أنفتح البآب ألي جنب السآيق حتى يطلع سيف

‎ورآه رحيم يفتح الباب ويطلع .. ظل يطالع وجيهم الحمرآ والخوف

‎ألي لازال يعانق ملامحهم .. مآيدري ليش أنقبآض قلبه مآكآنت

‎غير حلقه متصله لأحآسيسه الغريبه من قآم الصبح ..!!

‎سآلم يأشر لهم : شنو فيهم ..؟!!

‎لافي وهو يطالعهم بدفآ : مآعليك عدت ع خير .. كنآ عند الشرطة

‎سالم رد بأندهآش : شرطة .. ليه شنو مسوين ..؟!!

‎لافي يبتعد عن سيآرته : تعال دآخل وأقولك السالفه كلهآ ..

‎تحرك وعيونة بنظرآته ألي لازالت غآضبه تتأمل أخوه بحذر ..

‎رآح يمشي ورآ لافي ألي كمل خطوآته صوب بآب الشآرع ..

‎دخل ونزل نظآرته حتى تستقر بين أصآبعه .. ومسرع

‎مآصعد درجتين ودخل من بآب المدخل .. لف بجسمه يمين حتى تعآنق

‎خطوآته مدخل الديوآنيه ومن شآفه الكل فزوآ وآقفين ..

‎علي : وين رحت أنت ..؟

‎بو سعود بعصبيه : وين سيف ورحيم .. ليش مآدن يدك عليهم بالجآخور هآآ

‎لافي وقف يطالع فأبوه وبصوت عالي .. مآزح يبيهم يسمعونه : يستآهلون يبه الجلد

‎مآيمديه يكمل كلامه ألا تحرك بوسعود صوبه سآحبه مع صدره

‎بقوة .. كل شي ترآكم فوق بعضه .. من صبآح ألله خير وهو على أعصآبه ..

‎يحس أنه بيطيح بأي لحظة مغمى عليه وكل الهوآجيس قآمت تلعب

‎فيه .. بدآية من الشرطة لحد ضرب لافي لهم ..

‎بو سعود يصرخ وهو يهزه : تكلم عدل وقلي شنو له مآخذهم للجآخور وتآركهم

‎بليآ مصرف ولا أكل ..شنو له ضآآربهم

‎لافي بذهول من صرآخ أبوه ألي أبد مو مستوعبه : يبه أشفيك .. هد ألله يرضآلي

‎عليك خلني أفهمك السالفه

‎تحرك علي وطلال حتى يحآولون يهدون بوسعود

‎وسالم ظل فآتح عيونه مآيدري شالي صآير مخلي الكل قنآبل موقوته ..

‎متحركة ... هذي كذآ حالتهم أجل لو دروآ أن سعود متزوج وش

‎بتكون ردة فعلهم ...؟!!

‎بو سعود : ضآربهم أنت ولا لأ ..

‎لافي هز رآسه بالرضآ : أيه .. ولو أني قآدر على أكثر من هالشي مآقصرت ..!!

‎بو سعود طآرت عيونه : أنت مهبول .. تبيني أموت بحسرتي

‎طلال بحيرة : يبه .. هد ماله دآعي هالعصبيه كلهآ

‎علي يسحب يد بوسعود ألي مآسكة بثوب لافي : فك الولد وتعوذ من أبليس ..

‎أشفيك العيال مآفيهم غير العافيه .. أنت مضغوط .. هقوتي مآنت مستوعب

‎بالي قآعد تسويه ..!!!

‎بو سعود يرجع يهز لافي : شكلك للحين مرضآن مآتشآفيت .. لاأشوفك تلمس

‎وآحدن فيهم .. لاحد يلمس عيالي وأنآ حي .. تفهموووون

‎أنكتمت الأنفآس .. وسيف وقف عند بآب الديوآنيه يطالع أبوه

‎بذهول من ألي قاله .. ورآه رحيم ألي لبس الصمت وسكت ..

‎مهمآ كنآ حريصين على تصحيح أخطآئنآ ..

‎دفن جروحنآ دآخل صحرآ النسيآن ..

‎لابد ننسى نسكر شبآك أو خزآنة ذكريآت فآضت بأحدآثهآ عن المعقول ..!!

‎كيف نقدر نتحكم في اليقظة لكل شي ندفنه من قآنون كوني معقد

‎يلزمنآ كثير تعقيد ..

‎نوصل فيه لأخر مرآحل قصتنآ ..!!

‎ننتقل فيه مآبين مزآجآت تلتهم أحآسيسنآ .. نجلس فيهآ مغصوبين

‎على كلمة ( يمكن ) .. نقطعهآ بــ ( بأحسن حال ) .. لمآ يكون السؤآل

‎عن حال نفس حالنآ ..!!

‎في حين كآن علينآ نقول .. ( بأعمق تعب .. ) ..!

‎نخآف من الحقيقه .. نخآف من ضوء حزن يتسلل عبر عيون من نحب ..!

‎نستتر خلف كلمآت وكلمآت ..

‎ونظل في ذهول كيف لهاللغه تستوعبنآ بتعقيدآتنآ .. بتموجآت أفكآرنآ ..

‎وهو .. الأنسآن المأخوذ بموآقف حآسمة .. حآدة ..

‎ظل وآقف يطالع في أبوه .. يحس أنه مآصآر ألا غريب أمره مآعآد

‎يهم الكل .. تيقن بهالشي أكثر وأكثر .. معقوله بيخلع جكيت الصمت

‎ويعلن أن الجرح بدآخله مآعآد له دوآ ..

‎طالع أبوه بنظرة كشفت الوآقع ألي يعيش فيه وعمره مآختآره ..

‎رفع أيديه حتى تستقر على أيدين أبوه بدفآ ..

‎وعيون الكل توقفت عن البوح خوف من تيآر يجذب المآضي ويعيشونه

‎كأنهم مآرحلوآ عنه ..

‎لافي : ومن قالك أني تشآفيت .. ( نزل أيدين أبوه عن ثوبه حتى يرفع

‎عيونه يتتبع ملامحهم ويرجع يطالع في أبوه ) مرض فقد سعود يآبو سعود

‎عمري مآرآح أتشآفى منه ..!!

‎علي يسحب بوسعود والدنيآ قآمت تضيق فيه من كلامه : شف عيالك قدآمك

‎.. شنو له هالكلام ..

‎أنحنى في مشهد من الكل حتى يبوس رآس أبوه وينسحب مآبينهم

‎بخطوآته الوآسعه .. مر من عند سيف ورحيم وعيونهم تطالعه بصمت ..

‎ومسرع مآلف سيف لأبوه ..

‎سيف بعيونه البآكيه : حنآ كنآ بالشرطة ولافي هو ألي طلعنآ

‎.. هو ألي أخذنآ وحل المشكلة ..

‎طلال يحط أيديه على خصره بربكة : ....................

‎علي بحوآجب معقودة وضيق أختنق فيه يبتعد عنهم

‎رآجع للكنب : لاحول ولا قوة ألا بالله ...

‎ألله يهديك بسس .. مآعمرك كحلتهآ يآبو سعود ألا تعميهآ بزيآآدة ..!!

‎بوسعود بصمت مكسور : ...................

‎مآظل سالم وآقف .. وبسرعه تحرك بخطوآته الوآسعه طالع

‎من الديوآنيه .. رآح يركض لبآب الشآرع ومن طلع منه ألا

‎لافي مطلع سيآرته .. رفع يده بطوله وضخامة جسمه حتى ينآديه

‎بصوت عالي ..

‎سآلم : لااااااااااااااافي .. لااااااافي ..تكفى لاتمشي وقف .. وقف أبيك .

‎بس مآلتفت له لافي ولادرى عنه .. تحرك تآرك المكآن يصرخ

‎بمآضي لازآل يحن لرجوع ..!!

× × × × × × × × ×

‎جالس على كنبة وصوت التلفزيون قباله يتردد مبعد السكون

‎لاااا يعبث بالشقه .. لوى فمه بقهر وسحب الجوآل .. ليش

‎مآحد يرد عليه .. ليش رجعوآ لسعوديه وهم كآنوآ معزمين

‎يخطبون له البنت .. قال بصوت مقهور ( أستغفر الله ) .. حتى يضغط

‎رقم أمه .. حتى هي مآعآد لهآ حس ولا خبر ..

‎مو معقولة رآحوآ ولا عطوه خبر بالي صآر .. شالي خلاهم

‎يرجعون لسعوديه .. !!

‎ظل الرقم يدق ويدق بليآ نفع .. رفع عيونه لسقف وقآم وآقف ..

‎حتى مآيدري من يروح له عشان يعرف الوضع ..

‎للحين مقيد .. مكتف .. مشكلته مآيعرف أحد غير بو تغريد ألي علاقته

‎شبه دآيمه لكن أبو تغريد هالأيآم مو بيمه أبد ...

‎قفل الخط ورجع يدق على جدته ...

‎أذآ مآحد رد عليه بيشيل أغرآضه ويرجع لسعوديه ..

‎ليش أمر هالزوآج تطلع بوجه ألف عله وعله ..!!

‎هو يبي البنت .. شآريهآ .. أنفتح الخط وبلهفه حط الجوآل على أذنه .,.

‎تحرك حآط يده على خصره ..

‎سآمي : وينكم .. ليش مآحدن يرد علي .. مو معقوله تآركيني هنيآ

‎معلق بين السمآ والأرض ...!!

‎الجده بصوت ضآيق : هلا بولدي ؟؟

‎سآمي وقف وبتردد : أشفيه صوتتس يآجده ..!

‎الجده : مآهنآ شي .. شل قشك وأنآ أمك وتعال .. هالديرة مآعآد لنآ مآطى

‎عليهآ

‎سآمي بقهر : ليش .. وش صآر يمه ..مو أنتي جآيه تبين تخطبين البنت لي ..

‎الجده بنبرة قآطعه : البنت مآعآد شورهآ في يد أخوهآ ,.. تولتهآ بنت

‎لافي وأنت تعرف أوخيتي زين مآتبي وصالنآ أبد

‎سآمي طآرت عيونه : يآسلام ... وأخوهآ الرررخمة ورآ مآقال شي ..

‎مو هو الوصي عليهآ

‎ألله عليه هالخآين من أستلم قروشه شرد

‎الجده بخنآق : وصين عليهآ وآحد سكيررر .. أنت تبي تفضحنآ ولا تضحك

‎بالحتسي علينآ .. هذولا لاقدموآ

‎فيه للمحكمة عن حالته والله لا تصير علوووم .. خآبرين الوضع وعآرفين

‎أن آل صآرم مآيبونهآ تطق بآب المحآكم ولا تكبر .. يبون يلملمونهآ مآبينهم ..

‎هذآ مسون سوآد وجه مآعقبه شين ينقال

‎سآمي مآفهم : شصآير جده ..

‎الجده : وش ألي مآصآر .. مير حمده مآقصرت أطردتنآ من بيتهآ من فعايل

‎قليلة التربيه خزنة وولدهآ ..والمشكلة مير للحين تنكر

‎سآمي بعصبيه : جده .. شصآر .. قولي لي ألله يخليتس

‎الجده رفعت صوتهآ : مآلك شغل بالي صآر .. البنت مآعآد لهآ نصيب معك

‎وأنتهينآ . بنآت النآس كثر الترآب ... أترك عنك الهياته ورآ شين مآهوب

‎نآفعك وأرجع لديره أجبر خآطرك أميمتك ..

‎سآمي تكلم بقهر وملامحه أنقلبت لعصبيه هآدره : البنت تبيني وأنآ أبيهآ ..

‎أنآ أحتسي ويآهآ ع الجوآل .. وقالت أنهآ تبيني .. تبيني أصدق هرجكم

‎وأتسذب حتسيهآ ..!!

‎ظلت الجده فآتحة فمهآ وحوآجبهآ أنعقدت من ألي قاله ...

‎هذآ يأكد كلام البندري وأن ليليآن متوآصلتن مع ولدهم ألي مآتستحي ..!!

‎الجده بشك : أنت متأكد من هالحتسي .. متأكد أن بنت رآشد تحتسي

‎معآك ع البليه

‎سآمي بثقه قآطع كل شكوكهآ : أييه يمه .. متأكد .. أنآ ليش متعبن حالي

‎وجآين لم الديرة ألا عشآني عآرفن أن البنيه تبيني .. وأنآ والله شآريهآ

‎الجده بعد صمت : ذآ نفس حتسي البندري عند حمده وأنكرووه ..

‎سآمي هز رآسه بعدم فهم : وشو حتسيه .. هو أنتي يآجدة قلتي لي وش

‎ألي صآر

‎الجده رفعت يدهآ متحمسه : البندري بنيتي تقول أن بنت رآشد قايلتن

‎لهآ عنك وعن مراسلها لك

‎سآمي بفرح : والله ..

‎الجده بأحتقآر : فرآحنن يآخآيب الرجآ بسوآد الوجه .. خلهآ تنقلع قلعهآ

‎رب المخاليق وقطع سيرتهآ

‎سآمي طآرت عيونه : وش بلاتس جده ..؟

‎الجده بصوت الغضب : هصصص أيآ قليل الحيآ أنت بعد .. تحتسي مع وحدتن

‎مآهيب محرمن لك .. والله .. والله مآتدخل عليهآ ولا تتزوجهآ ورآسي

‎يشم الهوآ .. كآنهآ ضحكت على حمده بقلة فعايلهآ ترآمآهيب ضآحكتن علي ..

‎أنآ وش أرجي منهآ وهي ربت مع خزنة وولدهآ ألي مآهم متعدينهآ

‎.. ومير رمية التسلاب لهآ تستاهلهآ رموآ عظآمهآ في صحرآ بعيده

‎سآمي : أعوووذ بالله .. تعوذي من ابليس وبلاهآ هالدعآوي الغبره

‎يآبنت لافي .. البنت أبيهآ وبتزوجهآ

‎الجده ضحكت بطنآزة : توسد مخدتك يالرخمة وأحلم فيهآ .. أمك طقت بيت

‎عمك وطلبت يد البندري لك والحريم وآفقن .. ولاعآد بآقي غير جيتك

‎تطلبهآ من أبوهآ

‎سآمي بأحتقآر : أتخسى مآبقى ألا البندري أخذهآ

‎الجده عصبت : تخسي أنت وفعايلك .. والله أليآ مآجيت لاأخلي

‎وآحدن من عمآنك يركب سيآرته ويجيبك ...

‎رمت الجوال بعيد عنهآ ولحظآت حتى تجي غزيل ومعهآ صينية القهوة

‎والشآي .. نزلتهم قبالهآ وجلست ... ومن رفعت عيونهآ حتى تكشر

‎من ملامح الجده الثايره

‎غزيل : مسآتس ألله بالخير

‎الجده وضحى بسكوت غريب : .................

‎غزيل أبتسمت : وش بلاتس يآبنت لافي .. توتس تضحكين بعد صلاة

‎العصريه ..!

‎الجده لفت لهآ وبنظرآت حآرقه : وين البندري ..؟

‎غزيل بهدووء : بتروح مع أمي للحلال ..

‎سكتوآ من سمعوآ صوتهآ مرتفع بالحوش .. وكأنهآ متضآيقه ..

‎..... : أروآح للحلال يآبنت النآس

‎........: لا مآنيب رآيحه لمكآن .. كم مرة بقولتس مآحب ريحة الغنم يمممه ..

‎مآآحبهآ ..

‎........ : لاحووول .. أروآح أبيتس تشيلين سطول حليب المعزى قبل

‎الشمس تغيب ..

‎........ : عندتس الصبي يمه .. وأبوي سبقتس للحلال .. والله مآلي خلق

‎لهالروحة ..

‎دخلت الصاله وهي تمشي بخطوآت وآسعه لابس قميص وسيع

‎شوي .. شعرهآ كله جآدلته وتآركه الجديلة تتحرك يمين ويسآر

‎على ظهرهآ من كثر مآهي شآدة حيلهآ بالمشيه.. رفعت وضحى عيونهآ

‎حتى تتكلم بسرعه ..

‎الجده بصوت مرتفع : البندري ..!

‎وقفت بخرعه وهي من بعد مآرجعت من الكويت والجده

‎كذبتهآ وطردت خزنة من البيت وحلفت مآعآد تدخل عليه ..

‎حركت عيونهآ بخوف صوب أختهآ ومسرع مآطالعت جدتهآ

‎البندري : سمي ..

‎الجده تأشر بيدهآ وبقهر : يوم أنتس عآرفه أن البنيه تحتسي مع دآشرتس

‎ورآ مآ هرجتي عن حمده وحلفتي بهالشي ...

‎ااالبندري طآرت عيونهآ مو مصدقه ألي تسمعه : ..................

‎الجده : خليتي الحرمة تآكلنآ بقشورنآ .. تو دق سآمي وأكد لي بنفسه

‎أنهآ تحتسي معه .. وهو مآهوب متسذب بهالشي ... ( هزت رآسهآ مع جسمهآ )

‎آآخ يالقهر .. تركنآهآ تركبنآ الغلط من ورآ رآس خزنة ورآتس جعله

‎للفلق ..

‎غزيل ضحكت غصب : وشو فلقه جده .. هدي يالغاليه .. وبعدين من ألي تحتسي

‎مع مين .. ترآي مآني فآهمتن شي

‎الجده عطتهآ بوجهآ : خليتس أنتي برآ السالفه وأنتظري زوجتس ألي تآركتس

‎وغآدن لبرآ

‎غزيل لوت فمهآ وبدلع : فديته لو يروح الصين .. أهم شي الرجآل شآريني

‎الجده رفعت يدهآ مأشرتهآ صوب غزيل : هه ..

‎البندري لقتهآ فرصة تبعد سوء الفهم عنهآ : شفتي يممه .. شفتي تسيف

‎ظلمتيني .. أنآ خفت من أختتس ذي .. ووالله ضآعت علومي عندهآ وأنتي

‎بدآل مآتسآنديني سحبتيني عندهآ ..مخليتن الحق معهآ ,, قلت لتس

‎سآآمي يكلم ليليآن .. قايله لي .. قالته !

‎غزيل طآرت عيونهآ ولفت بحده صوب أختهآ : أبتس يحتسي معهآ ووآفقتي عليه ..؟

‎البندري بدلع تهز كتوفهآ : ع قولتس المهم أن الرجال شآريني

‎غزيل فزت وآقفه : أنتن أسآسآ وش درآآكن أنه يحتسي معهآ

‎وضحى أشرت للبندري : قايله لهآ بنت رآشد وتو سآمي دق علي وقالي أنه

‎يحتسي معهآ ..

‎غزيل بشك : وش ألي ظآمنن لكن أن هالسامي يقول الصدز .. هآآ .. وبعدين

‎أمي ولا أبوي يدرون عن هالسالفه ولا تسآن مآحد وآفق

‎البندري أشرت لهآ وهي تطاالع جدتهآ : شفتيهآ جده ..

‎الجده تطالع غزيل : هالسالفه مآبي أحد يسمع فيهآ ... الولد أن شالله لاتزوج

‎بيعقل ...

‎غزيل : يآآسلاممم ..

‎البندري بقوآة عين : أطلعي منهآ غزيل

غزيل:.........

‎دخلت أم مسآعد بخطوآت متوآزنه وهي لابسه عبايتهآ والنقآب ...

‎غزيل تتحرك لم أمهآ : مآرحتي يمه جعلني فدوة لتس

‎أم مسآعد : لاوالله وليدي مسآعد جى وحلف علي أقعد وهو بيلحق أبوه ..

‎أبعدت عن بنتهآ ورفعت نقآبهآ كآشفه عن وجهآ ..

‎ترتسم على ملامحهآ الكبر بشكل يدب فيه الرآحة والدفآ ..

‎طالعت الجده وضحى

‎وأبتسمت

‎أم مسآعد : ورآتس معصبة ..؟!!طالعه من عندتس تضحكين

‎تحركت عيون البندري صوب غزيل تبيهآ تسكت ومسرع مآطالعت جدتهآ

‎الجده وضحى : تذكرت خزنة وضآق صدري

‎أم مسآعد تجلس بتعب : وش ألي طرآلهآ لتس يآبعدي .. المره طرديتهآ وهذي هي في بيتهآ

‎الجده حذفتهآ نغزة للبندري : ألي صآر صآر ولاعآد لنآ حكمن فيه ...

‎أم مسآعد وهي متربعه :هالمره أعوذ بالله كلن متوذي من فعايلهآ ولسآنهآ ...

‎ألله مير سلم بنت رآشد منهآ.. سبحآنه .. ووالله أن لهآ فقدتن في قليبي ..

‎لاجت عندنآ هنيآ تضحك وتسولف ..

‎غزيل بحنين لأيآم قبل / أي والله يمه .. رآح عمي رآآشد وتفرقنآ ..

‎الجده صدت بعيونهآ : .....................

‎تحركت البندري بسرعه صوب الدرج حتى تصعده وتروح لغرفتهآ ..

‎حطت يدهآ على قلبهآ وهي هالحين في ورطة ...

‎الجوآل من الغبآء تركته في درج ليليآن ولو شآفته والله لاتروح

‎تحت الرجلين ..!!

‎خصوصآ لاسلمته لجدتهآ حمده .. عز الله بتطيح ولا حدن بيسمي عليهآ ..

‎غمضت عيونهآ بخوف وهي تتخيل حمده تدق على جدتهآ وتقولهآ

‎عن الجوآل ..!!

‎أو تجي حمده برآسهآ للسعوديه ..

‎فتحت عيونهآ وصآرت تضرب خدودهآ .. وش السوآة .. وش رآح

‎تسوي بمصيبتهآ ذي .. كيف بتتصرف

‎هالحين ... كيف ..؟!!

‎حتى فرحتهآ بخطبة أم سآمي لهآ مآ تمت على خير ..

‎ألله يستر من الجآي ..

‎ألله يستر

× × × × × × ×

‎في الكويت ...

‎جالسه بقهر وهي لابسه عبآيتهآ والشيله لافتهآ حول رقبتهآ ..

‎ملامحهآ معفوسة فوق تحت وترص على أسنآنهآ بقهر ...

‎تحركت بخلعه من صرخت الجده

‎الجده : مآتوحين أنتي ..دقي عليه يامال الصلاح ..

‎ليليآن حركت يدهآ المغطآة بقفآز أسود حتى تحطهآ على مكآن قلبهآ : خرشتيني

‎يمه .. شوي شوي والله أحس قلبي طآح ببطني ..

‎رفع يده حآطهآ على أطآر البآب وغصب أبتسم وضحك

‎رغم أن ألي صآر في ديوآنيه بو سعود مكدره ...

‎وبخآطره يبيهآ تكلمه بيشوف أذآ بيرد عليهآ ولا لأ ..

‎من الظهر وهم يدقون عليه ولارد على أحد ..

‎الكلام ألي أحذفه على لافي جرحه هو كيف بلافي نفسه

‎والولد مآقصر بالي سوآه مع أخوه وولد عمه ..

‎علي بصوت هآدي : يلا يآبنتي .. لي نص سآعه وآقف وننطر منج

‎هالمكالمه .. دقي وأستأذني من زوجج خلينآ نمشي

‎ليليآن ترفع عيونهآ لعلي : وليش أستأذن عمي .. تلقآه مشغولن بأموره

‎ولاهوب دآري

‎علي بنبرة دآفيه : أصلن مآيجوز للحرمة تطلع من بيت زوجهآ بدون أذنه ..

‎ليليآن رفعت يده : عليييييك نور بيت زوجهآ .. وهالبيت مو بيت زوجي ..

‎بيت أمي .. فيه فرق ..!!

‎رفع علي عيونه لفوق بملل .. كل مآقالوآ لهآ يمين قالت يسآر ..

‎ولاقالوآ يسآر قالت يمين ..

‎علي بعد صمت وهو يحآول يطول باله على قد مآيقدر معهآ : أصلن

‎أنآ مآرآح أخذج لين يوآفق لافي ..

‎ليليآن تكتفت وصدت بعيونهآ عنه : ............

‎الجده حمده طالعت علي : يآولدي توكل على الله وروح شوف أمورك ..

‎( قالتهآ بعد مآطفح الكيل عندهآ ) هذي مآورآهآ لاشغل ولا مشغله ..

‎علي يطالع ليليآن : أروووح

‎ليليآن : ................

‎علي بعد صمت وهو يطالع تكشيرتهآ : ترآ أروح والله .. بكيفج عطيتج

‎الحل هي كلهآ أتصال والسلام بس أنتي مآتبين ..

‎أبعد يده عن أطآر البآب حتى يقول ( يالله ... فمآن الله ) ..!

‎ومن تحرك رفعت صوتهآ ليليآن بقهر ( بحتسي معه .. خلاص لاتروح ..)

‎علي طالع الجده وهز رآسه : ................

‎أنحنت ليليآن بقهر وسحبت الجوال حتى تمسكه بأيديهآ الثنتين ...

‎تقربه من عيونهآ أكثر ..

‎تحس بتنفجر قهر .. ليش تدق عليه بعد ألي صآر الصبح ..

‎هي بتروح لأمهآ مآهي رآيحه سيآحة لجبال الألب ..!!

‎لوت فمهآ وحطت الجوآل عند أذنهآ وعيونهآ تحركت صوب علي

‎ألي الأبتسآمة للحين مرسومة على شفآته ..

‎والجده أعصآبهآ تنفلت وهي بالأرجح مآتحب الخبال وتطويل

‎الأمور بلا فآيده ..

‎ظل يدق ويدق ويدق .. لحد مآنفتح الخط بدون مآيرد ..

‎تسمع برئه هالهاتف تمتلي بأنفآسه .. أنفآسه بس وصوت

‎شي ثآني .. كأنه عصفور ..!!

‎وهي بدآل مآتقول ألو ... تبآدره بقطع هالصمت .. شآطرته معآه ..

‎مآتدري ليش معه .. تحس للصمت ألف وجه .. ألف لون ..!!

‎صوته ..ذبذبآت سآكنه أنتقلت من أثير الحب له حتى مآتهبط

‎ألا في قلبهآ ..

‎مآتدري ليش حست أنهآ رفضت تكلمه مو لأنهآ مو محتآجه

‎تآخذ أنه ..

‎ألا عشآن مآتشتهي هالمكآلمه تكون بالمرآت ..

‎مآتطيح بفخ المكالمآت الهآتفيه معه ..

‎مآتبي تغرق في قصة حب تحسهآ دوآمة هلاك ..

‎مآتبي تتعود على صوته في سمآعه جوال

‎مآرآح تكون غير مرهقه..!!

‎........ : مطولة وأنتي سآكته ...؟!!

‎صوته .. أعمق من نقطة دمعه تبكي على صدر الظلام ..

‎أشهى من لذة تجتآج مشآعرهآ ألي كآنت أقرب للحزن ..!!

‎أبعد للعشق ..

‎يدق قلبهآ بقوة تحس هالنبض يخترق مسآمعهآ .. مولد رعشة

‎غريبه في جسدهآ .. ضمت شفآتهآ وبخآطرهآ تبي تسأله

‎شلون عرفت أنهآ أنآ ..

‎تحبني يالافي ,... قول تحبني وخلنآ نهتف بعالي الصوت

‎.. قول أي شي .. لاتسكت ..؟؟!!

‎كل شي قآم يتعب صقارتك يالافي ..

‎ومآعآد بقى لهآ ألا أنهآ تخليك ..

‎تطلقكك لصدر السمآ ... تطير ..!!

‎بلعت ريقهآ وكل هالكلام أدفنته حتى تنطق ..

‎ليليآن تآخذ نفس بتوتر : بروح عند أمي ..

‎قاطعهآ أول مآنتهت عند أخر حرف نطقته .. بــ ( لا )

‎رفعت حوآجبهآ حتى مآيمديهآ تآخذ نفس ..

‎قالت ( أنآآ مشتهيه الروحه )

‎رجع يقاطعهآ ببرود قآتل ( لا )

‎ردت بقهر أكثر ( أقولك بروح .. طقت روحي من البيت .. )

‎مآزآد على كلمته القاطعه بشي .. رجع يعيدهآ

‎( لا ) ..

‎رفعت صوتهآ ( وشوو ألي لا .. لا .. لا .. ( أختنق صوتهآ بالعبرة ) ..

‎مستآنس على قعدتي بالبيت لحالي مآعندي أحد ...

‎لاتحسبني بزر عندك .. تونس روحك وألي حوآليك وأنآ أخر وحدة تفكر فيهآ ...)

‎مآيمديهآ تكمل كلامهآ ألا على طول علي سحب الجوال بلمح

‎البصر حتى ينهي الأتصال بنفسه ..

‎أصلن هو كيف سمح لهآ تتصل عليه وهو عآرف بوضعه ..

‎بس دآمه رد عليهآ فهو بخير ..

‎ليليآن تطالع الجوآل : مآآلت عليك ..

‎علي : ليليآن ... فهد متخآنق مع أبوه ومن الظهر مآبين لأحد ..

‎أعذريه ... ودآمه رفض خلاص ..

‎ليليآن والدموع بآنت بعيونهآ : وأنآ وش دخلني .. ليش كل شي أدخل

‎فيه عرض .. قلت لكم مآبي أدق عليه .. مآآبي .. هه ..

‎وش أستفدت ..

‎الجده طآرت عيونهآ وبخوف : كيف متخآنق ويآه .. ورآ مآهرجت لي؟

‎علي أخذ نفس وطالع ليليآن يبي يهديهآ : هدي .. أذآ يآ بخليه يعوضج

‎بروحتن أحسن .. بس دآمه رفض مو من مصلحتج تطلعين ..

‎ليليآن تقوم وبعصبيه : مآعآدأبي أروح لأحد .. ولا أبي أشووفه

‎الجده تطالع ليليآن : أنتي مآتدرين يوم أنج رحتي مع علي أخر مره 

‎قآم يصآرخ بالجوآل وقدرت أسكته بحزتهآ .. هالحين مآرآح يعديهآ

‎مشتهيه الروحه .. تحس بروحهآ تختنق ولا أحد حآس فيهآ ..

‎همهم لافي ورضآه ..

‎ليليآن بكت وكل شي أنفجر بدآخلهآ : ليش يمنعني من الروحه وأنآ .. أنآ مشتهيتهآ ... لييش يمه ... من الصبح وأنآ أنطر عمي وأخر شي يقولي لا ..

‎عشآن أبوه متخآنق معآه .. وش دخلني أنآ .. ليش أدخل عرض بأموركم ..

‎يحط الحره فيني يعني ..!!

‎كآن كل شي تتحمله حمده .. ألا شي وآحد مآتتحمله ..

‎هي دموعهآ .. دموع وحدة صآرت نبضهآ ..

‎نزلت عيونهآ مآتتحمل تشوفهآ بهالشكل

‎الجده : لاحووووووول ... ( رفعت عيونهآ لعلي ..)

‎دق عليه وعطنيآه أشوف .. ألا بنيتي والله مآتنزل دمعتهآ عشآنه ..

‎حتى لو متخآنق مع أبوه .. شنو ذنبهآ بنيتي ..

‎أنحنت قدآمهم وهي من قلب تبكي .. وعلى طول تحركت

‎تآركتهم .. دخلت غرفتهآ وسكرت البآب عليهآ بأقوى مآعندهآ ..

‎فتحة ضوء تسللت منهآ شكوك في قلب الجده رغم أنهآ

‎أنكسرت من دموع بنتهآ ..

‎غريبه .. البنت قبل مآتبي لروحة طآري ويتحآيلون عليهآ عشآن

‎تروح لبيت أمهآ أو حتى لبيت خالهآ بو سعود ..

‎وش غير حالهآ وقلبهآ فجأة .. مصممة على الروحة من صبآح ألله

‎خير وتبيهآ .. !!!

‎علي بضيق : والله شكله أنكسر خآطرهآ ..

‎الجده بأصرآر : دق عليه بكلمه

‎علي يطالع الجده : مآيرد على رقمي خاله ...

‎بس سكت أول مآدق جواله وعلى طول سحبه من جيبه ...

‎علي يرفع حوآجبه : هذي الجوهرة .. ( فتح الخط والجوآل أستقر عند أذنه )

‎الوووو

‎الجوهرة بصوت أمتلى سعآدة : تأخرتوآ وينكم ..

‎علي يطالع الجده وبتردد : مآرحت لهآ للحين .. عندي شغله ضروريه

‎وبعدين بروح لبيت خالتي

‎الجوهرة بضيق : حرآم عليك علي .. البنآت هنيه ولنآ وقت ننطرك ..

‎علي بدون أي ربكة : مآعليه .. أن شالله تيي ..

‎الجوهرة : ألله يعينك على عبآدي ترآه وآقف عند الشآرع ينطرك ..

‎علي ضحك : ههههههههههه .. أي والله ألله يعيني يلا مآبي أطول عليج

‎فمآن الله ..

‎أبعد الجوآل وعيون الجده مآفآرقته

‎علي : ينطر أخته عبادي .. شآقول هالحين لهم ..

‎الجده بضيق : دق على الولد من جوالي وهاته بكلمه أنآ ...

‎علي بعد صمت : طيب .. بس شوي شوي عليه ..

‎الجده بحده : لاتعلمني بشغلي ..

‎رفع علي جوال الجده ودق بس عطآه مقفل ..!!

‎رجع يدق عليه .. نفس الشي ...

‎علي بأستغرآب : سكره .. ألله يستر

‎الجده صدت بوجهآ عنه: لاحووول .. عز الله مآهيب سآكته البنت بتذبحنآ دموع ..

‎علي : أنآ بروح أتحجى ويآهآ كود أخفف عنهآ شوي

‎الجده رفعت يدهآ : لالالا .. توكل على الله أنت أشغلنآك يآولدي وأمورهم

‎هالأثنين يبي لهآ طوآلة بال .. أنآ بنتظره وأليآ رد بخليه يآخذني

‎أنآ وهي ..

‎علي هز رآسه بأستسلام : طيب ..

‎تقدم وعطآهآ الجوال ومسرع مآتحرك طالع بسكآت ... وهي ظلت جالسه

‎والأفكآر تجيبهآ وتوديهآ ..

‎أنعقدت حوآجبهآ وتصرفآت بنتهآ مسببه لهآ هم ..

‎والمشكله لأول مره تحس عندهآ شي خآيفتن تقوله ..

‎قآمت ببطء وصآرت تعدل نقآبهآ .. تمآيلت بخطوآتهآ الثقيله حتى تتسآند

‎على أطآر البآب من وصلت له وتطلع لصاله .. رآحت تمشي

‎صوب غرفة بنيتهآ ومسرع مآطقته ..

‎الجده حمده : يمي أفتحي البآب ... مآعليك منه بس والله لارد

‎لاخليه يوديج بنفسه ..

‎ليليآن بصوت بالعافيه طلع : مفتوح البآب يمه مآقفلته ..

‎مسكت يد البآب وتمآيلت فيه حتى ينفتح البآب وتدخل ..

‎أبتسمت وهي تشوفهآ جالسه على السرير بصمت وكأنهآ

‎وقفت من موجة الدموع ..

‎الجده بنبرة مآزحة : هي خلصت دموعج ..

‎ليليآن نزلت عيونهآ بالأرض : أييه ..

‎ضحكت وعلى طول تقدمت لهآ .. مدت أيديهآ بتجآعيدهآ

‎الوآضحة حتى تحضن رآسهآ .. وتمسح على شعرهآ

‎الجده حمده : يآبنيتي الأمور هوينه أذآ على روحه ..

‎ليليآن تطالع جدتهآ : بس أنآ أبي أروح يمه .. أحس أني أختنق ..

‎( غرقت عيونهآ بالدموع ) والله يآيمه شي مو بيدي

‎الجده بحيرة : في بيت أمج وتختنقين

‎ليليآن على طول تكلمت : والله يآيمه محتآجته ... أبي أقعد عند أمي

‎كم يوم .. طلبتس قولي له يخليني أروح

‎الجده تنزل بأيديهآ على خدود ليليآن وترفع رآسهآ حتى تطالع

‎في ملامحهآ عدل : يمي قولي لي شنو فيج .. أفتحي لي قليبج

‎ليليآن أنهآرت أكثر وصدت بعيونهآ : أحس بضيقه هنيآ يممه ... والله

‎مآلي قدره أقعد أكثر .. ريحيني يمه .. تكفين ..

‎الجده أبعدت أيديهآ ولاحبت تجبرهآ على شي : طيب ..

‎أبعدت عنهآ ورآحت تمشي والدموع في عيونهآ

‎مآتزيد الجده غير هم وضعف ... قآمت ليليآن بسرعه متحركة

‎حت تبوس رآس الجده

‎ليليآن : لا تتضآيقين مني ..

‎الجده بصوت دآفي : أتضآيق منج ..!! بلاج يآبنت رآشد مآعرفتي قدرج

‎رفعت أيديهآ ولفتهآ حول كتوف الجده .. مريحة رآسهآ

‎على كتف جدتهآ

‎ليليآن : أحبتس يمه ... أحبتس ..

× × × × × × × ×

‎صوت المآي من ورآ البآب تندفع بقوة وسط صوت طقآت خفيفه ..

‎الأثآث .. الصاله الفخمة برقي ديكورهآ وتصميمهآ .. المرآيآت

‎ألي تنتشر عآكسه صورة أنسكآب الظل حولهآ ... كلهآ تبقى جوآمد

‎متدليه في عتمة ضوء خفيف يعلن أنفلات نور النهآر في مغيب الشمس ..!!

‎يختفي أندفآع هالمآي وتسكن هالعتمة وحوش الغربه والحيره ..

‎ولحظآت حتى ينفتح بآب الحمآم ويطلع هو لابس روب رصآصي ...

‎وشعره تآركه متبلل على الأخر .. يبتعد عن البآب متوجه لغرفة النوم

‎يمد يده يدفع البآب حتى تنكشف بوسعهآ والسرير

‎ألوآسع ألي يستقر في الزآويه .. كل شي مرتب على أكمل وجه ..

‎يتوجه صوب الكبت حتى يفتح والشمس لازالت ترثي الموآدع ..!!

‎اللون البرتقالي بشفافيه المشهد تمتلك الكون ..

‎يمسح وجهه يبي يبعد المآي عنه ومسرع مآسحب له بنطلون جنز

‎على بلوزة صوف .. تحرك خطوة لليسآر وأنحنى فآتح الجهه الثانيه

‎للكبت حتى يسحب له جكيت أسود طويل .. يسكر كل شي بهدوء

‎والروب تحرك كآشف عن صدره العاري ..

‎يتحرك مبتعد عن كل شي بطوله صوب السرير يرمي ملابسه

‎ويبدى يلبسهم ..ومن خلص .. سحب الروب وأنحنى

‎برآسه يفرك شعره الرمآدي يبي يجففه عن المآي .. خطوآت وآسعه

‎حتى يتوجه صوب المرآيه ويسحب المشط حتى يمشط

‎شعره بحركآت خفيفه مرجعه لورى ...

‎في هالفلة .. ينكشف المستوى الراهي ألي يعيش فيه شخص بمستوآه

‎ومكآنته ...

‎تعيش في هالفلة حياته الثانيه ألي فضل يخبيها بشروط الجده القاطعه

‎له لأي محاولة أو أي ظهور له من بعد خيبات المآضي وأسرآره ..

‎فجأة يحس بصدره يثقل والذآكرة تجبره على الرحيل ..

‎كلام أبوه ذبحه ..رآح يغسل هالجسد من الهموم المترآكمة عليه ..

‎رمى المشط وسحب عطر من بين العطور المتراصه على خشب التسريحه

‎حتى يرش عليه رشتين من العطر وينزله مبتعد عنهآ ..

‎يرفع أيديه حتى يعدل بلوزته والجكيت ألي وآصل لحد ركبه ..

‎ومن طلع للغرفه مر من بين التحف الموجودة فالصاله حتى يكمل خطواته

‎صوب بآب ضخم .. يسحبه بأيديه الثنتين حتى تنكشف

‎المكتبة بتصميمهآ الكلاسيكي .. ترتآح الطآولة قبال وآجهة زجآج

‎تمدد من زآوية الجدآر لزوآيه المقابله لهآ .. مسآحة وآسعه من الأرتفآع

‎تطل عليهآ هالمكتبة دآم أنه في الطآبق الثاني ... يتحرك بخطوآته صوب

‎الطآولة .. يلف حتى يرمي بثقل جسمه على الكرسي المغطى بالجلد

‎الفآخر .. جسد أرهقته الأحدآث والهموم ..!!

‎يحرك الكرسي صوب الابتوب المفتوح على ملفآت كثيرة ..

‎من كآن يصدق أنه بينجزهآ في وقت قياسي ..

‎من وصل من ديوآنية أبوه لهالمكآن مالقى نفسه غير يغرق نفسه

‎في أمور أجلهآ لأسآبيع .. وهذآ هو يخلصهآ ..وبدون مآ يكمل الأشغال

‎ألي بدى فيهآ .. سحب جواله بصمت ورجع مريح ظهره على الكرسي ..

‎صآر يحركه بعبث من بين أصآبعه ..!!

‎أسئله كثيرة أحتآر في جوآبهآ ..

‎أسئلة تكمن فيهآ تعقيدآت الصدف ..

‎معقوله حآن الوقت الي يعطي لهالبنت ألي ترغمه

‎على الكلام فرصه فالحيآة وسط ضلوعه ..

‎يعطيهآ صك ملكية كرآكيب ذآكرة لوآحد نفسه ...

‎يقترب بعمره من منتصف الثلاثين ...!!!!

‎بهالخطوة .. عليه يصفي حسآبآته كلهآ .. مآعليه يقحمهآ

‎في الوآجهةة والمآضي لازآل يلاحقه .. رفع عيونه بنظرتهآ الغآمضه

‎صوب الكرسي الخشب الجآلس قباله .. على يسآر هالكرسي

‎مكتبه ضخمه مآتحتوي في كتبهآ غير ع الكيميآ والفلسفه والأدب ..

‎محآور ثلاث مآيخرج عنهآ محتوى أي مكتبه يحطهآ في بيته ..

‎رفع رآسه مرجعه لورى وشعره متنآثر .. مبعثر ..

‎ولحظآت أنحنى صوب الطاولة بملل موآجه الابتوب والملفآت

‎ألي فآتحهآ ..

‎يحس بأنفآسه تردد له كل مآحآول أسترجآع كلمآت أبوه ..

‎النظرة ألي تتهآوى مآبين جرح الكرآمة والرجولة ...

‎يبونه ينسى نظرة النآس له ..

‎يبونه ينسى من تخلت عنه وزآدت أضعآف الحمل عليه ...

‎يبونه يطوي صفحآت رجولته ألي أنجرحت ..

‎فقد أخووه غالي .. أغلى من أنه يدوس على كل شي ويرحل ..

‎رآح ينتقم لكرآمته .. بينتقم لرجولته ألي أتشكك فيهآ ..

‎رآح ينتقم لفقد أخوه ..

‎تنزل أصآبعه على الكيبورد بأندفآآع .. وهو يفتح رسايل

‎البريد الألكتروني .. ولحظآت يشوف رسالة فيهآ مرفق ...

‎ضم شفاته مع بعض وضغط ع المرفق ..

‎طالع بالشاشة يبيهآ تفتح .. بس طولت .. وهو يحس نفسه

‎مآعآد له خلق أبد .. يفز وآقف بدون تردد حتى يبتعد

‎عن الكرسي .. تنفتح الصورة ببطء حتى تظهر صورة فرسه

‎الشآرد ممدد على الأرض ..!!

‎ومقال صغير فيه تحت هالصورة عن أصل الفرس وشرح

‎بسيط عن سلالته الأصيله .. النآدرة ..وتوقعآت عن خسآرة الأسطبل

‎المنآفسآت القآدمة بوفآة الشآرد ..

‎يتردد صوت الخشب بقوة مندفع حتى يسكر لافي المكتب

‎وكأن الحيآة عطته فرصة النجآة من خبر أليم رآح

‎يكون الأعمق بالنسبه له ... يطلع من الفلة حتى يركب العربآنه

‎ويتوجه صوب بيت جدته ولحظآت حتى يوقف

‎بسيآرته تحت المظلة ... يفتح بآب السيآرة ومآشآف

‎غير محمد جآي له يركض ...

‎لافي يلف له وبصوت هآدي : جهزت ألي قلته لك قبل شووي ..

‎محمد هز رآسه برضآ : يس

‎لافي يسحب المفآتيح ويطلع : عساك ع القوة محمد

‎تتحرك خطوآته المتوآزنه الثابته صوب بآب الشآرع حتى يدخل ..

‎كمل خطوآته صوب باب الصالة متجاهل الديوآنيه حتى تعانق

‎مسآمعه صوت القدور وميري شآدة حيلهآ بالتنظيف ..

‎لافي يرفع صوته : يمآآآآه ...

‎مآحد رد عليه ... خطوة لداخل الصالة .. خطوتين .. حتى يدخل

‎المجلس .. وقف من شاف الجده متربعه وقبالهآ ليليآن ألي من شآفته

‎قآمت وآقفه .. مكتمة والضيق رآسم ملامح غريبه بوجهآ من دخل ..

‎تحركت مآره من عنده بس هو مسك يدهآ ...

‎لافي : على وين ..؟

‎ليليآن تحآول تجر يدهآ : وين بطس يعني ..

‎الجده تطالعه وبضيق : فك البنت ...

‎لافي حرك عيونه صوب أمه : أشفيكم مكتمين ولا لكم خلق لشي

‎الجده : ورآك مقفلن جوآلك ..

‎لافي أبتسم : يعني أكيد دآمه مقفل شحنه خلص ..

‎ليليآن بصوت وآطي : شل يدك عني الخدآمة دآخل المطبخ

‎لافي بحده : شكو هي .. وبعدين ورآ النفسيه زفت ..!!

‎ليليآن بدون نفس : بدآل مانت طآيح أسئله .. جآوب نفسك بنفسك

‎لافي بأبتسآمة سآخره : كل هالحركآت عشآني قلت لج لاتروحين ..

‎ليليآن بصوت أمتلى نبرة كره : مآتفرق عندي أصلن

‎لافي برضآ : هذآ المفروض ..

‎رفعت عيونهآ له وقعدت تطالعه بنظرة حآرقه ..

‎هذآ المفروض ..!!

‎وش شآآيف نفسه هذآ عشآن يقرر المفروض لهآ ..

‎ومالقت ألا موجة البكآ تندفع لعيونهآ مرة ثآنيه ...

‎سحبت يدهآ بقوة منه بين أصآبعه

‎على زود أنهآ مضغوطة قآعد يمنعهآ من شي بيخفف عنهآ

‎كل شي ... بيسمح لهآ ترتب أفكآرهآ ..

‎الجده بعصبيه : أشفيك عليهآ أنت .. يلا شغل سيآرتك البنيه تبي

‎تروح

‎لافي بهدوء يدخل أكثر للمجلس : وأنآ قلت لا ..

‎أنحنى جالس جنب الجده ومدد رجوله لقدآم ..

‎تمآيل حتى يسحب جكيته وبعدله زين ..

‎حركت ليليآن جسمهآ له وطالعته بأستغرآب

‎وش هالبرود وعدم المبالاة ألي تحتويه ..

‎طالعت جدتهآ ألي لفت برآسهآ صوبه .

‎الجده بأمر : قم يلا ودهآ

‎لافي رفع يده مرجع شعره لورآ : لاااااا

‎الجده سكتت ومسرع ماتكلمت : أنت شنو بيضرك روحتهآ لبيت أمهآ ..

‎خل البنيه تستآنس

‎لافي أخذ نفس : وأنآ قلت لا يعني لا ..

‎شكله يبيهآ تترجآه وتذل روحهآ له عشآن روحه ..

‎تقدمت بخطوآت مقهورة ووقفت قباله .. رفعت أصبعهآ صوبه ..

‎متحديته

‎ليليآن بصوت مخنوق : تبي تذلني على روحه .. لا والله مآتنولهآ

‎يالافي ورآسي يشم الهوآ .. أن كنت عرفت وحدة جابت الأولى والتالي

‎معك .. فأنآ يظل رآسي مرفوع ولا أذله عشآن أحد ...

‎رفع رآسه صوبهآ حتى تمتلي نظرآته شرآسه لمنطق الكلام ألي

‎قالته ..

‎قآعدة تخبط بالهرج ولاهي المرة الأولى ...

‎تلمح لشي بيخليه يعلمهآ كيف تسترجي تلمح له ..

‎الجده بحوآجب معقودة : وش تبي فيهآ .. البنت مآتبي تقعد عندك ..!!!

‎رفع حوآجبه وهو قآعد يسمع كلام يسم البدن ..

‎مآتبي تقعد ..؟!!!

‎وليليآن تحركت طالعه من الغرفه من حست أنهآ بتنهآر

‎قدآمه وهو يحآول يستفززهآ بأية طريقه ..!!

‎يبي يحط الحرة فيهآ تعرف هي هالشي

‎.. بس وقفت من شآفت أيدين محمد تمدد

‎من بآب الصالة حتى ينزل أكيآس ثلاث عند البآب .. والظلام

‎بدى يحوط الكون .. نور الصالة القوي يطغى على ملكية

‎الأشيآء ..

‎ظلت متنحه بالي جآيبه وأشكال الأكيآس ذوق .. وبدون مآتدخل غرفتهآ

‎رآحت صوب بآب المدخل .. والعبرة أختفت حتى يحتويهآ

‎الفضول ..

‎ليليآن بصوت مستغرب .. غليض من العبرة : هذآ وشو محمد ..

‎محمد ورآ البآب : هذآ بآبآ يطلب من محل

‎ليليآن طآرت عيونهآ : لافي ..

‎محمد : يس مآمآ ...

‎ولحظآت من ورآهآ .. تطلع ميري شآيله العزبة وهي بالعافيه

‎تتحرك من المطبخ ... لفت برآسهآ صوب ميري .. وأحسآس

‎غريب يقولهآ .. هالأكيآس لك هديه ..!

‎ميري بتعب : وين مآمآ ..

‎ليليآن تأشر صوب غرفة المجلس : دآخل ..

‎كملت خطوآتهآ صوب المجلس وليليآن تركت الأكيآس حتى تتحرك

‎تتبع ميري ومن دخلت ميري المجلس هي وقفت عند الجدآر تتسمع ..

‎تبي تعرف شسالفه .. فيه شي مو طبيعي يصير ..

‎ميري تنزل العزبة : خلاص بآبآ ...

‎الجده طآرت عيونه: ورآج مطلعه العزبة ألله يخلف على أمن جآبتج .. هآآآ

‎ميري تأشر لفهد : بآبآ يقول فيه روحه برآآ .. أنآ يجهز أغرآض مال طلعه

‎كويس

‎الجده بصدمة : هآآآ

‎معقوله الأمآكن بسعآدتهآ مآتكمن ألا في مزآجيته ...

‎يوآجه ألجرح قبل ساعات وأذآ فيه يفكر بطلعه للجآخور كم يوم

‎مع زوجته وأمه العودة ..

‎يبي الخلوة معهآ .. يبي يعرف أذآ هي على أستعدآد تظهر

‎علاقتهم لنور بعد مآ يصير ألي بخآطره ..

‎وهذآ هو يوآجه جرح البعد عنهم ..!!

‎هو أصلن وش يبي فيهآ .. كآن خلاهآ تروح لشي ألي تحبه ..

‎ولايوهم نفسه بسعآدة بيصنعهآ بخلوته معهآ ..

‎ولا على زود هالشي مشتري لهآ هدآيآ ..!

‎أبتسم وغصه غريبه تحتضن صدره ... كآن نآقص يرمي نفسه

‎لأجنحة أحلام وهميه ..

‎مآعآد هاللحظة غير زمن موحش نهايته أنتحآر ...

‎وهي وقفت بذهول تسمع لميري .. لصمته .. يوم يقول لهآ

‎( لا) قصده أنه يبيهآ تروح معه لشي مخطط له ..

‎والأكيآس بلاشك شي لهآ ..

‎قلبهآ بدى نبضه يوجعهآ قد هالجرح ألي شآفته من صنع يدهآ

‎ترسمه له ..!!

‎الجده : أنت بلاك معزمن على روحة للجاخور .. ورآ مآقلت لنآ

‎لافي بدون أهتمآم طالع ميري : محمد يآب شي

‎ميري تهز رآسهآ : مآفي معلوم ..

‎لافي يأشر برآسه صوب البآب : روحي شوفيه .. أذآ لقيتي عنده أكيآس هآتيهآ

‎بسرعه ..

‎تحركت ميري بخطوآت وآسعه حتى تطلع من الغرفه .. ولافي فز وآقف

‎حتى ينحني ويفتح العزبه .. والجده ضآع الكلام منهآ من بعد كل شي

‎قالته وولدهآ نآوي لهن الطلعه من الأسآس ...

‎تسرعت في الحكم على رفضه ..

‎ولحظآت دخلت ميري شآيله ثلاث أكيآس ..

‎ميري تنزلهم قباله : شوف بآبآ

‎لافي بدون مآيطالعهآ : خوذيهآ لج .. هذي من محمد

‎الجده بضيق طالعته : ..................

‎ميري شوي ألا تطير : بآبآ .. ألف شوووكر ..

‎ومسرع مآقآم حتى يسحب من جيبه الجوال ..

‎الجده بنبرة ضآيقه : لافي ..

‎ضغط رقم بدون مآيقول شي على كل ألي صآر ..

‎ولايبي يعلق ولايعطيه أحد أعذآر بالي أنقال ..!!

‎لافي بصوته الرجولي : ألو .. هلا بالخال .. الحمدالله ..( غمض عيونه )

‎أقولي خالي تعال خذ ألي بالبيت .. أيه .. فمان الله ..

‎سكر الخط وتحرك طالع والجده أحتضنهآ الضيآع ونثرهآ

‎ألحآن حزينه .. مر من عندهآ والجمود كآن يحتضنهآ ...

‎مآنآدته .. ولاقالت له وقف .. بوضح لك الوضع .. تركته

‎يكمل خطوآته صوب بآب الصاله حتى يطلع للحوش ..

‎مآيدري ليش توقع منهآ تقول له شي ..

‎أو حتى تمسكه توقفه ..

‎وش هالأحآسيس الغبيه ألي تحوم حوله ... دخل الديوآنيه وجلس

‎بجنب أول مركة ... حرك أيديه وحطهم على عيونه بعد مآغمضهم ..

‎صآر يضغط عليهم وشي بدآخله على وشك الأنفجآر ..

‎وهي ..تحركت بخطوآتهآ الحزينه للمجلس ..

‎وقفت تطالع الجده بأنكسآر ولاتدري شتقول ..

‎ولا وش تسوي

‎الجده بعد صمت : كآنج تبين الروحه .. ترآ علي بيجي .. أنآ مآنيب

‎رآيحه ..

‎مآتدري ليش أبعدت عن المجلس بصمت حتى تدخل الغرفه وتلبس عبآيتهآ ...

‎ماهي حمل هالأشيآء .. ألي فيهآ مكفيهآ ..

‎مكفيهآ وزود ...

‎ومن لبست عبايتهآ طلعت من الغرفه للحوش,,, صآرت تمشي بخطوآت

‎خفيفه ..مآتنسمع .. حتى توقف بجنب الديوآنيه ..

‎تحس أن في كل لقآء لهم ..

‎مآترتسم قبالهآ غير دمعة فرآق ...

‎كل خطوآتهآ العنيدة مآهي ألا أمل يآئس للعشق المآثل بينهم ...

‎خآيفه هي يبقى كل شي بينهم حزن طويل ..

‎ضمت شفآتهآ بقوة حتى تنزل دموعهآ بقوة ... جرحته وعآجزة تدآويه ..

‎عآجزة تقول له أسفه ... مو قصدي ..

‎رفع رآسه من حس فيهآ وآقفه .. فز وآقف يبي يتأكد .. يتحرك بخطوآته

‎الوآسعه صوب بآب الديوآنيه .. يميل بجسمه بسرعه .. بس مالقى

‎شي .. تبعتهآ ثوآني حتى يسمع صوت سيآرة خاله .. خطوآت

‎متسآرعه تتحرك .. نزل لأرضيه الحوش حتى يطلع ويشوفهآ

‎تركب .. تتحرك السيآرة من قباله بسرعه مغآدرة أحلامه ...

‎ومن ورآه وقفت الجده بحذر تطالع فيه

‎بألف وجه أخطأت فيه ...

‎وعلى طول كمل خطوآته صوب سيآرته حتى يركبهآ وينطلق

‎بعيد عن هالبيت ..

‎كآن الأول فيه يصفي حساباته بدال مآهو مضيع وقته

‎بالتفكير في هالسوالف ...!!

× × × × × × × ×

‎السآعه .. 10:12

‎فتحت عيونهآ بخرعه وكل شي يرسم تفآصيله على لوحة سودآ ..

‎تهلك فيهآ أسطورة الحكآيآ ..

‎حركت رجولهآ ويدهآ المحترقه ضآمة

‎أصآبيعهآ بقوة .. فزت وآقفه وعيونهآ مفتوحة على الأخر ...

‎لازم تنحآش من هالمكآن تركض بعيد عن العذآب ..

‎بعيد عن التهم والذل .. صآرت تتمسك بالجدآر بقوة تلصق فيه أكثر ..

‎صآر تجر نفسهآ صوب البآب مو مستوعبه أن كل شي أنتهى ..

‎أنهآ في مكآن بعيد عن الوحش ألي مآ قصر يلتهم كل قوتهآ ..

‎يستغل حبهآ .. يدمره ..

‎طلعت للصاله وبلوزتهآ المبهذله تشكي هالفوضويه ألي

‎يلبسهآ جسد مثل جسد تغريد تعود ع المظهر والأنآقه ...!!

‎كل شي ظلام ... وتجهل كم السآعه لحد الحين ..؟!

‎ترفع صوتهآ . تنآدي .. ( فيه أحد .. فيييه أحد هنيييه ) ...

‎ولا تشوف غير ظلال غريبه .. موحشه تنسكب على أثآث الصاله ...

‎تتنفس بصعوبه وجسمهآ تحسه متشنج ..

‎ومن بين كل هالظلام .. شعلة ضوء خفيفه تشوفهآ تتحرك من بعيد ..

‎تروح وتجي ..

‎وهي مالقت نفسهآ غير عآجزة تتحرك .. تطيح على الأرض بلا

‎مقدمآت .. تختفي شعلة هالضوء من نزلت للأرض ...

‎والذآكرة ألي مآصآرت غير تجهض أحدآثهآ ببطء رجعت تذكرهآ

‎أنهآ طلعت من العذآب وأنتهت ..

‎أنهآ في سلام هالحين .. وأبوهآ .. أبوهآ موجود ..!!

‎وفي وسط هالصمت تتحرك خطوآت خآفته نآحيتهآ ... صرخت بأقوى مآعندهآ

‎من أمتثل قبالهآ جسد طويل أنحنى حتى يسحبهآ بعنف ...

‎يرص شفآته على أذنهآ .. يقول لهآ بأنفآسه الحآرة

‎( مآبغيتي تصحيييين .. تغريد ) ...!!

‎كآنت أنفآسه ملتهبه .. متعطشه لأكثر من ألي سوآآه ..

‎صرخت بصوت عالي من تحرك حتى تطلع ملامحه قبالهآ ...

**********

>

>

<

<

كــــــــــــــــــــت

<

<

<

<

‎قرآآءة ممتعه للجميع

فوت ⭐️ / صوت ⭐️

دمتم بخير

فوت ⭐️ / صوت ⭐️ قبل القراءة

‎الفصل السادس والثلاثون ..

‎الخطوة الواحدة والثلاثون .. خطوة الوقوف نحو حلم أريد منك أكثر ممآ أريد ..

‎( يآأمي .. ظلال الأمآني تلاشت .. قد طآرت ك غنوة خرسآء

‎في زمن كزمني عقيم ..!! )

‎كآنت أنفآسه ملتهبه .. متعطشه لأكثر من ألي سوآآه ..

‎صرخت بصوت عالي من تحرك حتى تطلع ملامحه قبالهآ ...

‎نص ملامحة ظلام والنص الثاني نور ..

‎ملامح مآكآنت غير ملامح لافي .. أيه لافي .. نزلت بالأرض

‎تبي تزحف عنه وهو يجره لهآ .. يبيهآ توقف

‎نقطة ضوء وحدة تتلاشى منهآ الصورة أول مآحست برآسهآ

‎على صدر أبوهآ .. وجسمهآ بين أيديه ..

‎فتحت عيونهآ تطالع فيه تسمعه يقولهآ بصوت مهزوز .. متصلب

‎تغريد أصحي .. قووومي والله أنج تحلمين .. أنتي بعيده عن لافي )