تحميل رواية «احببت ملتزما» PDF

وقفنا البارت اللي فات على إن معاذ بيسأل تقى عن أسر.

معاذ: هاا ي تقى إيه رأيك في أسر؟

تقى: بصراحة ي معاذ، أسر صاحبك وأخلاق وكل حاجة، بس مش حاسة إنه هيناسبني ولا هبقى مرتاحة معاه.

معاذ: المهم عندي راحتك ي حبيبتي، هو أنا ليا مين غيرك.

تقى: ربنا يديمك ليا ي حبيبي.

***

تاني يوم في الشركة، معاذ في المكتب مع محمد.

معاذ: مش عارف ليه مش مطمن للصفقة دي.

محمد: ليه؟ دي هايلة جدا ومربحة لينا.

معاذ: ما هو ده اللي قالقني.

محمد: متقلقش ي عم، كله خير بإذن الله.

معاذ: يا رب. ثم قال: ألا قولي، حددت ميعاد الخطوبة ولا لسه؟

محمد: باباها هيرجع من السفر قريب، يكون أخوها حالته اتحسن.

معاذ: عندك حق، والله الواحد مش عارف يرد جمايله إزاي، مرة يتخطف مع أختي ومرة يموت بداله.

محمد: ده فعلاً راجل. ثم استكملوا حديثهم في الشغل.

***

عند تقى في البيت.

ريم: رفضتيه ليه ي رخمة؟ دا عريس ممتاز.

تقى: تحبي تاخديه انتي؟

ندى: تاخده هي؟ إيه، لا ي ماما دا عريسي أنا.

ريم: لا ي حبيبتي أنا اللي هاخده، أنا الكبيرة.

ندى: دا بتاعي أنا على فكرة، حتى لايق عليا أكتر منك.

تقى: انتي اتهبلتي انتي وهي؟ هو انتوا شايفاه تيشرت في معرض لايق على مين أكتر؟

ريم: هههههههههههههههههه يخربيت الفصلان.

ندى: أحلى حاجة فيكي ي تقى إن دمك سكر.

تقى بفخر: طبعًا يابنتي، هو أنا أي حد.

ريم: أوعي بقا الناس اللي هتتغر علينا.

ندى: وهي تقدر أصلًا تتغر علينا.

تقى: لا ي ماما احمدي ربنا أصلًا إنك بتكلميني، دا شرف ليكي. أصلًا غيرك بيتمنوا أبصلهم بس.

ريم بسخرية: حاسبي حاسبي، شعرك هيقع من كتر الكدب.

ندى: أين الجبهة؟ أنا لا أراها. هههههههه، بتحطي نفسك في مواقف بايخة أوي ي تقى.

تقى: احم، إيه الإحراج ده. وقعدوا شوية مع تقى وبعد كده روحوا.

***

أحمد: هاا يابني أختك قالت إيه؟

معاذ: مش موافقة ي بابا.

أحمد بحزن: ليه؟

معاذ: ي بابا دي حياتها، منقدرش نجبرها.

أحمد: طب اندهالها.

معاذ: بابا متضغطش عليها.

أحمد: ناديلها بس، عاوز أتكلم معاها.

معاذ: حاضر ي بابا.

طلع معاذ لتقى أوضتها لقاها بتذاكر.

معاذ: ممكن أدخل؟

تقى بتريقة: دا على أساس إنك مدخلتش لسه.

معاذ: دمك شربات ي حبيبتي. و بهمس: سامحني يارب على الكدب ده.

تقى: مش هيحاسبك عليه أصلًا عشان دي حقيقة.

معاذ بصدمة: انتي سمعتي إزاي؟

تقى: ي حبيبي دا الجيران كانوا هيسمعوا صوتكم.

معاذ بضحك: يخربيت كده، نسيتني كنت عاوز إيه.

تقى: بسرعة عندي مذاكرة وعاوزة أخلص بسرعة.

معاذ: بابا عاوزك تحت ي مجتهدة هانم.

تقى: طب أنا نازلة أهوه.

نزلت تقى وباست إيد باباها وقعدت جنبه.

تقى: خير ي بابا، كنت عاوزني في إيه؟

أحمد: انتي عارفة طبعًا إنك بنتي الوحيدة وإني نفسي أطمن عليكي انتي وأخوكي قبل ما أموت.

تقى ومعاذ: بعد الشر عليك ي بابا، ربنا يطول في عمرك.

أحمد: ليه رفضتي أسر يابنتي؟

تقى: ي بابا مش حاسة إنه الشخص المناسب ليا.

أحمد: ليه ي حبيبة قلبي؟ دا إنسان كويس.

تقى: وإيه بنت تتمناه، وراجل وبيشتغل، ومش عارفة إيه. تحب أسمعلك باقي الكلام؟ أنا حفظته قبل ما أنزلك.

أحمد: هتفضلي طول عمرك بتحبي الهزار كده على طول. ثم أضاف: يعني نقوله إنك موافقتي؟

تقى: أيوه ي بابا.

أحمد: ماشي ي حبيبتي، أنا أهم حاجة عندي راحتك وإنك تكوني مبسوطة.

تقى: أنا هبقى مبسوطة طول ما أنا معاك ي حبيبي.

معاذ بتأثر مصطنع: تيرارارا رارا، أنا اتأثرت والله، تراني أبغى أبكي من هذا المشهد الرومانسي.

تقى: فصلتني ياعم، كنت مندمجة. ثم أكملت: أقولك سر ي بابا؟

أحمد: قولي ي عيون بابا.

تقى: لو كان ينفع كنت اتجوزتك انت ي عسل.

أحمد: وهو أنا أطول أتجوز القمر ده؟ يبقى يومي.

معاذ: وأنا ماليش في الحب جانب ولا إيه؟

تقى: دا انت الحب كله. ثم قضوا بعض الوقت مع بعضهم.

***

معاذ اتصل على أسر عشان يقوله رأي تقى.

معاذ: السلام عليكم.

أسر: وعليكم السلام ورحمة الله وبركاته.

معاذ: إزيك ي أسر أخبارك؟

أسر: الحمد لله تمام، وانت ي عريس؟

معاذ: كله تمام الحمد لله. طبعًا عارف أنا متصل ليه.

أسر: أكيد عارف، هاا.

معاذ: مش عارف أقولك إيه ي صاحبي، بس كل شيء قسمة ونصيب.

أسر: ولا يهمك ي معاذ، لعله خير بإذن الله.

معاذ: عاوز حاجة؟

أسر: سلامتك في رعاية الله.

معاذ: في رعاية الله.

***

بعد يومين رجع أبو رعد من السفر، كان رعد فيهم اتحسن شوية.

إبراهيم: رعد حبيبي، ألف سلامة عليك. إيه اللي حصل؟

رعد: الله يسلمك ي بابا، حادثة بسيطة متقلقش، أنا كويس.

ابتسام جرت وحضنت والدها: وحشتني أوي ي بابا.

إبراهيم: وانت كمان ي حبيبة قلب بابا.

فاتن: البيت نور من تاني برجوعك.

رعد: صحيح ي بابا، ابتسام وافقت على البشمهندس محمد وهو عاوز يجي.

إبراهيم: خلاص، كلمه يجي بكرة بعد صلاة العشاء.

رعد: حاضر ي بابا.

***

رعد اتصل بمحمد.

رعد: السلام عليكم.

محمد: وعليكم السلام ورحمة الله وبركاته.

رعد: أخبارك ي باشمهندس؟

محمد: الحمد لله، كله تمام.

رعد: تقدر تشرفنا بكرة بعد صلاة العشاء.

محمد بفرح: ماشي ي حبيبي.

رعد: في رعاية الله.

محمد: في حفظ الله.

فرح محمد جدًا وراح يبلغ معاذ عشان يروح معاهم.

معاذ: مبارك ي حبيبي، عقبال الفرح.

محمد: الله يبارك فيك ي صاحبي، اعمل حسابك هتيجي معايا.

معاذ: أكيد طبعًا هاجي.

محمد: ربنا يديمك ي صاحبي.

معاذ: يا رب ياحبيبي.

***

تاني يوم الصبح تقى في كليتها وتليفونها رن، لقيتها ملك.

تقى: السلام عليكم.

ملك: وعليكم السلام ورحمة الله وبركاته.

تقى: أهلاً بـ ملك هانم اللي مش بتسأل.

ملك: معلش ي حبيبتي، انتي عارفة عروسة بقى وكده.

تقى: ادلعي علينا كمان ياست العروسة.

ملك: المهم عاوزاكي في موضوع كده، ينفع أقابلك؟

تقى: أكيد طبعًا.

ملك: خلاص هستناكي قدام كافيه (...)

تقى: هستأذن بابا وأجي.

ملك: ماشي ي حبيبتي، في رعاية الله.

تقى: في رعاية الله.

قفلت تقى معاها.

ريم: في إيه؟ ملك مالها؟

تقى: مش عارفة، عاوزاني في موضوع مهم.

ندى: ممكن عاوزة تخلع ولا حاجة.

تقى: انت شكلك بتحب تتهزأ ي ندى صح؟

ريم بضحك: ههههههه، انت أول مرة تعرفي.

تقى: اسكتوا بقا، برن على بابا.

أحمد: السلام عليكم. أيوه ي تقى.

تقى: وعليكم السلام ورحمة الله وبركاته. معلش بستأذنك ي بابا، ملك عاوزاني أقابلها ضروري.

أحمد: في رعاية الله.

تقى: أنا همشي أنا بقى.

ريم وندى: في أمان الله.

***

راحت تقى لقت ملك مستنياها، سلمت عليها.

تقى: وحشتيني والله.

ملك: وانت كمان والله.

تقى: خير، كنتي عاوزاني في إيه؟

ملك: هقولك، بس متتصدميش.

تقى بتوتر: قولي.

ملك: بصراحة كده، أنا...

تقى: هاا قولي بقى.

ملك: أنا قررت، ولا أقولك خمّني أنتِ.

تقى بعصبية: متوترنيش، اخلصي بقى.

ملك: هههههههه شكلك حلو وإنتِ متعصبة. بصي يستي أنا قررت ألبس النقاب.

تقى بفرحة: بجد ياملوكة؟

ملك: آه والله، بس أوعي تقولي لأخوكي لأني هعملها مفاجأة يوم كتب الكتاب.

تقى: عيب عليكي، مش هقوله متخافيش.

ملك: تعالي بقى نروح نشتريه.

تقى: طب يلا بينا.

***

بعد صلاة العشا في بيت رعد.

محمد: يشرفني إني أطلب إيد الآنسة ابتسامة.

إبراهيم: دا شرف كبير لينا يابني والله، وإحنا موافقين.

معاذ: طب إيه رأيك ياعمي لو محمد يكتب الكتاب معايا؟

إبراهيم: إمتى يابني؟

معاذ: الخميس الجاي.

رعد: أيوه يامعاذ بس كده بدري أوي، دا النهاردة الأحد.

معاذ: خير البر عاجله.

إبراهيم: خلاص ماشي يابني يوم الخميس.

محمد: نقرأ الفاتحة.

رعد: لا يامحمد، قراءة الفاتحة عند الخطوبة بدعة.

معاذ: ربنا يبارك فيك يارعد.

رعد: تسلم ياحبيبي، كنت عاوزك في موضوع كده بس مش دلوقتي.

معاذ: خلاص ابقى تعالي عندي.

رعد: إن شاء الله.

***

في المكان المجهول.

إياد: كل حاجة هتم يوم الخميس، يوم كتب الكتاب.

بسمة: هو وافق ع الصفقة؟

إياد: هو قلقان بس هيوافق.

بسمة: المهم نبعتله الصور إمتى؟

إياد: أنا بقول نخليها بعد أما يتجوز.

بسمة: وليه مش دلوقتي؟

إياد: لما تشيل لقب مطلقة هيبقى صعب عليه.

بسمة: يعجبني تفكيرك، طب وأختها؟

إياد: يوم الخميس هنخلص عليها.

يا ترى صور إيه؟ وتقى إيه اللي هيحصلها؟

***

في الشركة.

محمد: هاا يامعاذ دي صفقة هايلة.

معاذ: مش عارف يامحمد، قلقان خالص.

محمد: يابني قلقان ليه بسمعاذ: يعني نوافق؟

محمد: طبعاً، ودي محتاجة تفكير.

يخبط رعد ويدخل.

رعد: السلام عليكم.

محمد ومعاذ: وعليكم السلام ورحمة الله وبركاته.

رعد: أخباركم إيه؟

محمد: بخير الحمد لله.

معاذ: الحمد لله كله تمام.

محمد: خلاص يامعاذ أنا هروح أخلص شغل.

رعد: خليك عادي.

محمد: لا ياحبيبي عندي شغل متأخر.

معاذ: هاا ياسيّدي إيه الموضوع اللي كنت عاوزني فيه؟

رعد: الأول إني عاوز أدفعلك حساب المستشفى.

معاذ: لا طبعاً، دا كفاية إنك أنقذت حياة أختي.

رعد: بس أنا مش هقبل بكده.

معاذ: إنت كده هتزعلني منك، هو أنا مش أخوك ولا إيه؟

رعد: لا طبعاً إزاي أخويا، طبعاً.

معاذ: خلاص متتكلمش في الموضوع ده.

رعد: طيب خلاص، أنا عاوزك في حاجة تانية.

معاذ: اتفضل.

رعد: أنا عاوز أتجوز أختك.

معاذ: أختي؟

رعد: إيه مش موافق؟

معاذ: لا طبعاً إزاي بس، هسألها وارد عليك.

رعد: ماشي، هستأذن أنا بقى عشان معطلكش، وهستنى منك رد في رعاية الله.

معاذ: في أمان الله.

معاذ في نفسه: "والله شاب محترم وخلوق، يا رب تقى توافق."

***

عدت الأيام وجه يوم كتب الكتاب واتعمل في الفيلا وكان الجو جميل مع الأناشيد الإسلامية. وتم كتب كتاب محمد وابتسامة الأول، وبعدها معاذ وملك.

أحمد: يلا ياحبايبي.

معاذ: وأنا كمان جداً.

وأول ما خرجوا للجنينة، معاذ اتصدم لما لقى ملك لبست النقاب وفرح جداً.

معاذ: مبارك عليكي.

ملك بخجل: الله يبارك فيكم.

معاذ: مقولتليش ليه؟

ملك: حبيت أعملها مفاجأة.

معاذ: وأحلى مفاجأة والله.

علي الناحية الأخرى.

محمد: طالعة زي القمر.

ابتسامة: شكراً.

محمد: مفيش أي حاجة كده ولا كده؟

ابتسامة: يعني إيه؟

محمد: مفيش بحبك أو أي حاجة.

ابتسامة بخجل: بس بقى.

محمد: عسل وإنتِ مكسوفة كده.

تقى كانت واقفة بتبصلهم بسعادة وقعدت تدعي وقامت تتمشى بعيد شوية. رعد أخد باله منها ومشي وراها لأنه حس إن في حاجة مش طبيعية، وفجأة...

رعد مشى ورا تقى وقلبه بيقوله إن فيه حاجة هتحصل. وفجأة لقى واحد بيخدرها. راح يلحقها بسرعة بس المخدر كان قوي وأثر عليه هو كمان، واتخطف معاها.

على الناحية الأخرى.

معاذ: الصفقة زمانها تمت.

محمد: آه الحمد لله كله تمام.

***

في المكان المجهول.

بسمة بغضب: أنا مش عارفة كل أما تخطفوها دا بيجي معاها يعمل إيه.

أحد الرجال: يا هانم بيبقى جاي ينقذها، كأنه عارف إنها هتتخطف. ولو مجبنهوش معانا يبقى خطر علينا إحنا.

أياد: خلاص، روح أنت.

ثم قال موجهاً لبسمة: اهدي كده، هو مضايقك في إيه؟

بسمة: لا بس كل مرة بيطلع يبوظ الخطط بتاعتنا.

أياد: متقلقيش أنتِ.

بسمة: هااا، ظبطت الصور؟

أياد: آه، كله تمام. هبعتهاله النهاردة أما الحفلة تخلص.

بسمة: تمام أوي.

عند تقى ورعد.

رعد فاق قبلها لأنه متأثرش بكمية كبيرة من المخدر. وبعدها بشوية تقى فاقت.

تقى: هو إيه اللي حصل؟ أنا هنا ليه؟

رعد: أنتِ مشيتي بعيد شوية، لقيت حد بيخدرك. ومعرفش إيه اللي حصل، بقينا كده.

ودخل عليهم بسمة وأياد.

بسمة بسخرية: أهلاً بتقى هانم. إيه رأيك في الاستضافة الجميلة دي؟

تقى: بصراحة مش عارفة أودي جمايلك فين من كتر اللي بتعمليه معايا.

بسمة: لا، أوعي تقولي كده، دا انتِ اختي.

تقى: بصي بقى، أنتِ عارفة كان عندنا فرح وكده، وأنا بصراحة جعانة ومأكلتش، فأنا بصراحة عايزة أكل كباب وكفتة بقى من إيدك الحلوة.

بسمة: فاكرة نفسك قاعدة في أوتيل 5 ستارز ولا إيه؟

تقى: متنسيش السلطة بس عشان بحبها، ومبعرفش آكل من غيرها. وكمان كتري منها عشانك، دي حتى بتخسس وأنا شيفاكي تخنتي اليومين دول، ومينفعش أحسن تبقي شبه البلونه، واللوح اللي جنبك ده يسيبك ويمشي.

أياد بغضب: أنت اتجننتني ياروح أمك؟ بتقولي عليا لوح؟

تقى باستفزاز أكتر: أصلك واقف جنبها كده ملكش أي لازمة، دا حتى هي اللي بتتكلم. وكمان أنا خايفة على مصلحتك، لأحسن أنت تضطر تبص بره.

بسمة: يلا يا أياد من هنا.

تقى: ليه؟ ما تخليكو شوية، دا حتى انتوا منورين الجو.

ومشت بسمة وأياد.

رعد: ههههههه، مش قادر بصراحة. مشوفتش واحدة مخطوفة بتعمل كده.

تقى: فعلاً، دي كانت شوية وهتولع.

رعد: المهم، هنخرج إزاي؟

تقى: مش عارفة، بس أكيد معاذ هيجي.

رعد: يااارب.

***

بعد الانتهاء من حفل كتب الكتاب والدنيا تمام، ومعاذ فاكر إن تقى تعبت، وابتسام كذلك، وروحوا.

معاذ قاعد مع باباها.

أحمد: اليوم كان جميل أوي.

معاذ: فعلاً يابا، بس كان متعب جداً. دا حتى تقى طلعت ونامت من التعب.

أحمد: طب يلا، أنت كمان اطلع ريح شوية.

وفجأة الباب خبط وراح معاذ يفتح.

استلم ظرف.

أحمد: مين يابني؟

معاذ: دا ظرف ليا يابا، تلاقيه تبع الشغل.

أحمد: ماشي يابني، ربنا يوفقك. أنا هطلع أنام.

معاذ: ماشي يابا.

وطلع معاذ فوق عشان يشوف الظرف وهو قلقان خالص. واتصدم لما لقى صور ملك مع راجل تاني. قطع الصور وقعد يفكر، وقال يروح يسأل تقى إذا كان ليها علاقة قبل كده مع حد تاني. خبط عليها وجيه يدخل، ملقاش تقى. اتخض جامد وقلق عليها. قعد يدور عليها في البيت كله ملقهاش. راح يصحي باباهم.

معاذ: بابا، بابا!

أحمد: إيه يابني، في حاجة؟

معاذ: تقى مش موجودة في البيت.

أحمد بذعر: أنت بتقول إيه؟ إزاي مش موجودة؟

معاذ: والله يابا، قلبت الفيلا كلها ملقيتهاش.

أحمد: طب اتصل بأصحابها كده يابني.

معاذ اتصل بندى وريم وملك. ملقهاش. وفجأة جاله اتصال من محمد.

محمد: السلام عليكم.

معاذ: وعليكم السلام ورحمة الله وبركاته.

محمد: بقولك ي معاذ، هو رعد مش عندكم؟

معاذ: رعد!! لا.

محمد: أصل هو مش في البيت.

معاذ: غريبة، تقى أختي برده مش موجودة.

محمد: إزاي ده؟

معاذ: أكيد حصل حاجة.

محمد: طب وهنعمل إيه دلوقتي؟

معاذ: أنا هتصل بـ أسر، أنت عارف هو ظابط ويقدر يساعدنا.

محمد: و ابقى طمني.

معاذ اتصل بـ أسر.

معاذ: السلام عليكم.

أسر: وعليكم السلام ورحمة الله وبركاته.

معاذ: معلش يـ أسر بتصل متأخر، بس أختي مخطوفة وكمان رعد أخو مرات محمد مش موجودين خالص، وإحنا مش عارفين نتصرف إزاي.

أسر: إزاي ده حصل؟ مش كانوا موجودين في الفرح؟

معاذ: هما اختفوا فجأة، وأنا افتكرت تقى طلعت ورعد روح.

أسر: طب إحنا منقدرش نبلغ دلوقتي، استنى لحد الصبح.

معاذ: هحاول، شكراً يـ أسر.

أسر: عيب يـ صحبي، إحنا إخوات.

معاذ: في رعاية الله.

أسر: في رعاية الله.

معاذ قفل مع أسر وكلم محمد يقوله.

***

ابتسام بترن على محمد تشوفه.

ابتسام: ها يـ محمد.

محمد: للأسف هو و تقى مش موجودين، ومنقدرش نبلغ دلوقتي.

ابتسام: إزاي ده؟

محمد: متخافيش يـ حبيبتي، أكيد هنلاقيهم. اطمني.

ابتسام: ياارب.

محمد: في أمان الله.

ابتسام: في رعاية الله.

فاتن: هاا يابنتي.

ابتسام: للأسف يـ ماما، وكمان تقى مش موجودة معاهم.

فاتن: ربنا يرجعكوا بالسلامة ياارب.

ابتسام بقلق: ياارب يـ أمي.

***

معاذ منمش طول الليل قلقان. وتاني يوم الصبح جاله ظرف فيه صور ملك مع نفس الراجل برده. استغرب جداً. وافتكر الآية اللي بتقول ” *يا أيها الذين آمنوا إذا جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين* ” وكمان افتكر ” *إن بعض الظن إثم* “. فقرر يسألها، بس الأول يروح يبلغ عن اختطاف أخته. اتصل بـ أسر عشان يجيله البيت. وصل أسر البيت.

معاذ: معلش يـ أسر هتعبك معايا.

أسر: كده أنا هزعل منك بجد، دا أنت أخويا يـ معاذ.

معاذ: ربنا يديمك يـ صحبي.

أسر: يلا.

وملحقش يكمل كلامه لأن…

يلا بينا

و ملحقش يكمل كلامه لانهم سمعوا خبط جامد ع الباب

معاذ راح يفتح لقى شرطه كتير

احد ضباط الشرطه : انت معاذ الشناوي

معاذ : ايوه يافندم

ضابط الشرطه : طب اتفضل معانا انت مطلوب القبض عليك

تدخل اسر : ايه ده ليه

ضابط الشرطه : هناك هتعرف

يلا

اسر : انا جاي معاك

و راحوا القسم

وكيل النيابه : انت مطلوب القبض عليك بتهمه تجاره المخدرات في الصفقه الاخيره اللي عملتها

معاذ اتصدم : ي فندم و الله انا برئ

اسر : ي فندم معاذ صاحبي و عمره ما يعمل كده

وكيل النيابه : العلاقات الشخصيه ملهاش علاقه ي اسر و انت عارف كده

خدوه ع الحجز و هيتحقق معاه تاني

معاذ : اسر اثبت براءتي و كلم محمد و تقى مش هوصيك

اسر : حااضر ي صاحبي

________________________________________

الكل اتصدم لما عرفوا اللي حصل ل معاذ و زعلوا عليه جدا

اسر راح ل محمد عشان يشوفوا هيعملوا اي

اسر : احنا دلوقت عاوزين نشوف مدير الشركه اللي انتو كنتوا عاملين معاها الصفقات

محمد : مدير الشركه مجاش اللي جيه المندوب بتاعهم لان المدير مسافر

اسر : طب ايه اسم الشركه

محمد : اسمها (……………..)

اسر : شركه اياد العمري اسمها ايه

محمد : اسمها (………)

اسر : ازاي مختوش بالكم انتو عاملين صفقه مع شركه اياد العمري

محمد بصدمه : ازاي

اسر : اياد بيستخدم اسم الشركه دي عشان يهرب مخدرات عن طريق الناس بحيث مش يتكشف هو و دي كانت شركه اسمها حلو ف السوق عشان كده

محمد : طب و الحل

اسر : الاول لازم نحل مشكله تقى و نعرف هي فين

محمد : اكيد اياد اللي خاطفها بس فين مش عارف

اسر : لازم نفكر

________________________________________

في المكان المجهول

تقى : كده كتير انا لازم اتصل بيه

رعد : ازاي و انت مربوطه كده

تقى : محتاجه م وس او سكينه اللي متعرفوش تليفوني معايا بس محدش يعرف

رعد حاول يدور علي اي حاجه حاده

لقى حديده صغيره : تنفع دي

تقى : ممكن بس هنوصلها ازاي

رعد من حسن حظه انها كانت قريبه

اخد وقت علي ما فك الحبل بتاعه و بعدين رايح يفك تقى

و اتصلت علي معاذ

علي الناحيه الاخري

محمد و اسر قاعدين بيفكروا و فجاه تليفون معاذ رن و اسر لقاه

تقى : معاذ الحقني بسرعه

اسر : انا اسر

تقى : معاذ فينا

اسر : معاذ اتقبض عليه

تقى بذعر : ليه

اسر : مش مهم دلوقت انت فين و رعد فين

تقى : انا و رعد مخ طوفين في مكان بس مش عارفين فين

اسر : طب في شباك عندك

تقى : اه في واحد بس عالي اووي

اسر : طب حاولي تو صفي المكان بسرعه

تقى حاولت تشوف و وصفتله المكان و قفلت بسرعه قبل ما بسمه و اياد يجوا

اسر : هي وصفتلي المكان بس انا مش عارف

محمد : فين

اسر و قاله اللي قالته تقى

محمد : انا عرفته يلا بينا

اسر : فين المكان

محمد : فاكر الشقه اللي كنا بنتجمع فيها زمان

اسر : اه

محمد : شقه معاذ اللي هناك يلا بينا

اسر : استني انا عندي فكره

محمد : قول

اسر : احنا هنجيب الشرطه و نوقعهم في شر اعمالهم

محمد : ازاي

اسر : ……………

و راحوا المكان

________________________________________

في الوقت الحالي رعد و تقى كانوا بيحاولوا يهربوا بس دخل عليهم بسمه و اياد

بسمه : لا مش معقول زهقتوا مننا و عاوزين تمشوا

تقى لسه هترد عليهم لقوا فجاه اسر و محمد دخلوا عليهم

اياد : دا الحبايب كلهم متجمعين

تقى : محمد معاذ في السجن ليه

اياد : انا اللي دخلته

تقى : ليه هو عملك ايه

اياد : طول عمره احسن مني في كل حاجه و لما حبيت بسمه هو حبها ديما هو الاول ف كل حاجه حبيت ان اقم منه ايوه دخلته السجن و خطفتك و حاولت اخطفك قبل كده و انا اللي عملت معاه الصفقه اصلك متعرفيش اني بتاجر في المخدرات ولا ايه

اسر : وقعت ف شر اعمالك كله متسجل و الشرطه هنا

و دخلت الشرطه و قبضوا علي بسمه و اياد و معاذ خرج من السجن

________________________________________

كلهم متجمعين في بيت معاذ

رعد و عيلته و معاذ و عيلته و ملك و باباها و ندي و ريم و ادهم و احمد و اسر و كله فرحان و مبسوط ب خروج معاذ

رعد : حيث اللمه الحلوه دي بقى انا عندي طلب بعد اذنك ي بابا

ابراهيم : اتفضل يابني

رعد : انا عاوز اتجوز تقى ي معاذ

الكل اتصدم و معتذ بص ل تقى حس انها موافق

معاذ : ايه رايك ي تقى

تقى : اللي تشوفه

معاذ : خلاص انا مش موافق

تقى : لا لا انا موافق

معاذ : هههههههه مش كنتي مكسوفه من شويه

رعد : خلاص احنا هنعمل الفرح معاكوا

ادهم : هي جت عليا اللي انا مش هتجوز ي انسه ريم انا بطلب ايدك ايه رايك

ريم بخجل شديد : هقول لاختي الاول

ادهم : اتصلي بيها حالا تيجي

ريم اتصلت ب اختها سهى و جت

سهى : ايه رايك

ريم : موافق

احمد : لا ما انتو مش هتتجوزوا من غيري استنوا ي استاذ ادم انا عاوز اتجوز ندى

ادم : و انا موافق ايه رايك ي ندى

ندى : اللي تشوفه

معاذ : خلاص احنا نعمل الفرح كمان اسبوعين

رعد : على خيره الله

________________________________________

و عدي اسبوعين و جيه يوم الفرح اتعمل اجمل فرح اسلامي و عاشوا اجمل ايام حياتهم

معاذ و ملك ربنا رزقهم ب مي و ميرنا توأم

محمد و ابتسام ربنا رزقهم ب بلال

رعد و تقى جابوا صهيب و عائشة

احمد و ندى جابوا مليكه

ادهم و ريم جابوا حياه