تحميل رواية «ابي والغزلان للكاتبة ريام هادي (REEM)» PDF

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_السابع_والعشرون

ونرد مرات نلوم ارواحنه ونندم

نرد مرات نزعل اليل مانحلم

محسود العمر عمريش

خلص بين حسبه وهم

بنيت أحلامي فوك الغيم

من تطلع شمس أحلامي تتهدم

صح نشوف لجن لذه العميان

جي طعم ألوان بعينه ملثم

عشنه وي الخلك وننعد من السكان

وي عدة الفرحة اسمائنه تنظم

سجاد : اجت عصفوره گلبي لعشها

سليل : كتله بهدووء احبك سجاد روحي بيك ممصدكه اني وياك وحدنا بيتنا

حضني بهدوء وشالني وكاال

سجاد : واني امووت على كل مسامه بيج يانبض گلبي وياتعب عمرري وراحته

سليل : نزلني فدووه ادوخ

سجاد : بحضني وادوخين

سليل : محد مدوخني غير حضنك نزلني وباسني وسحبني من ايدي

سجاد : يله امشي نصعد فوك

سليل : هااا خلينا هنا كاعدين

سجاد : شعدنا هنا غير غرفتنا فوك

سليل : اي بعد وكت شعدنا صاعدين تقرب مني حيييل وصرنا وجهه بوجهه

سجاد :شعري صار ابيض واني انتظر هاي اللحظه وانتي تكولين بعد وكت

سليل :سحبني ويااه بهدوء وبدينا نصعد لغرفتنا جنت فرحانه لدرجه مو طبيعيه وبنفس الوقت خايفه حالي حال اي عروس

دخلت لغرفتنا لعشنا الصغير دافيه ومشغلين شموع ضحكت هاي سوالف ريم اكيد والفرشه مليانه جگليت كعدت على الجربايه

كعد بصفي وبدا يتلمس جسمي طفرت

سجاد : هااا خير هم كولي اخاف احد يشوفنا

سليل : نكوم نصلي سحبني من ايدي وكعت بحضنه ويبوس برگبتي

سجاد : مو هسه بعدين

سليل : كمت من حضنه وكتله ميصير حبيبي لازم

سجاد : وكت الديانه هسه مالتج ياحبيبي

سليل : هههههه مو ديانه بس ميصير لازم بهيج ليله نصلي حتى الله يوفقنا

سجاد : اي نصلي قابل نطير بس مو هسه

سليل : كووم سجاد وبله دلع

وبديت افتح شعري

تعاال ساعدني

سجاد : بس اوصل يمج ماارحمج لو مو تصلين

سليل : لا حبيبي فدووه شويه شوف شكد

سجاد : بس لو افهم ام الصالون تاخذ وكاله مال ماشات شصار هلكد ومدبكه الشعر كله

سليل : غير تسريحه

سجاد : مااحب هيج امسحي كلشي وغسلي شعرج اريد سليل بنوتي مو تارسيها مكياج

سليل : هو بكل الاحوال رايحه اسبح

سجاد : زين تعالي احجيلج قصه وراها اسبحي على راحتج

سليل : ههههه خلي القصص الك اسبح واجي واخذت المنشفه وسيت العرس محضرين كلشي البنات ومن طلعت لكيته مصلي ومكمل ولازم السبحه ويباوع عليه من امشط ويكول الرحمه ياارب الصبر يارب اكو ناس شلعو گلبي بس اني الهم ياارب

سليل : خوش تسبح

سجاد : تعالي يمي واعلمج

سليل : شكراً مااريد صليت وكملت واسمعه يكول

سجاد : باع الديانه تنكط منا ومنا لو سمعتي كلام زيبك وراح تأدين شكوو صلاة مطلوبه

سليل : كملت الصلاه انداريت عليه وكتله تصنف موو

سجاد : سليل خلصت اعذارج تعالي يحلووه ليش تخليني اشيلك وكوه اخذج

سليل : ثواني والله وجان يطفر من الجربايه خلاني اكوم مباشره وتقرب مني ونزع ايزار الصلاه

وبقى يباوع من فوك ليجوه واني اغطي بجسمي من المستحه

سجاد : شتغطين هو غير كلشي مبين

سليل : سجاد عفيه والله استحي

سجاد : تستحين مني نسيتي اني منو

سليل : انت حبيبي ودنيتي كلها شالني وحطني على الجربايه وبدا يتلمس وجهي ويبوس بوسات هادئات لكل وجهي وغمضت واني طايره بحضنه وبكل لمسه منه ونزعني بهدوء وشفايفه تتنقل بكل جسمي لحد ما بدا يتقرب مني محسيت غير بنفسي اصك واتذكر طفولتي وجهه الانسان الي اعشقه تحول سلام كمت اعيط وخر وخر وادفع بسجاد الي جفل من حركتي

سجاد : شبيج سليل

سليل : بحلظتها جريت الفرشه وغطيت نفسي واعيط

سجاد : شبيج حبيبي احجي والله بعدني ممسوي شى

سليل : كمت اشهك ومااحجي اريد احجي واكول خفت مااكدر

سجاد : سليل احجي شصار

سليل : لتتقرب مني مااريد

سجاد : ليش ياعيني غير مرتي وحبيبتي وطبيعي يصير بينا هذا الشى

سليل : مااريد

كاام مني واخذ الباكيت مال الجكاير وطلع بره يدخن بقيت اشهك لحد متعبت شويه ودخل وبيده مي

سجاد : هااج اشربي

سليل : اخذته منه وكعد بصفي ويعدل بشعري المتهوس

سجاد : انتي مو تحبيني

سليل : احرك براسي واكول اي

سجاد : احجيلي شصار وليش هيج تعيطين صار شى سويت شى ضوجج

سليل : طفرت من مكاني وحضنته حيييل

سجاد والله اني احبك والله حط ايده على راسي ويمسد بشعري ويكول واني هم احبج بس فهميني شصار

سليل : همست بخوف سلام

وخرني بسرعه من حضنه وعااط شذكرج بيه

سليل : اتذكرته وكمت اشهك

سجاد : احجي الصحيح مسويلج شى يعني ماخذج

سليل : اشرت براسي لا لا

سجاد : احجي لتخبليني

سليل : لا والله مسوه بس

سجاد : بس شنوو

سليل : من تقربت مني اتذكرته جان يضرب التيبلام اليمه وكع وانكسر خفت حييل منه

سجاد : يعني اني تالي عمري اصير سلام النكس ولج مااات وشبع موت صار سنين شذكرج بيه وبهاي الليله تتذكري لعد شنو المسوي ومتكوليلي لهذا من سويته اني تذكرتي

سليل : حطيت ايدي على وجهي مكدرت حتى اباوع بوجهه واحجي بهدوء مسوه شى والله بس خفت على كيفك وياايه

جر نفس ورجع سحبني بحضنه

سجاد : كاافي حبيبي كومي غسلي

سليل : زعلت مني

سجاد : لا بس كومي غسلي وتعالي

سليل : كمت ادور على السيت لبسته ورحت غسلت اباوع بلمرايه واشهك الله يحركك بنار جهنم ياسلام دمرتني ودمرت احلى ليله بعمري

سمعت صوت سجاد يكوول جعتي

مسحت وجهي وطلعت

اي جعت

سجاد : تعالي ناكل

جانت عمه محضره عشى النا وحاطين اشكال المشاوي تكه وكباب ومعلاك وضلوع صينيه تخبل كعدت اكل بهدوء مكدرت اكل زين لان حيل اختنكت

وشايله هم اكيد راح يرجع يتقرب واني مااكدر اتخايل النذل سلام مو بيدي

كملنا اكل وسط هدوء غريب مصار بيني وبين سجاد بيوم

كملنا وطلع بره جان عدنا كراج على كد سياره وهو قدم الباب شويه على الرصيف تجاوز كم متر حتى يكدر يدخل السياره وكعد بصف السياره

صعدت تمددت على الجربايه واباوع للسكف ودموعي تنزل يعني حتى الليله الجنت انتظرها ضاعات بقيت اكثر من ساعه ومصعد ولا اني اتجرأت انزل سحبت التلفون ودكيت على ماما

نهر : هااا يمه بيج شى

كمت اشهك تعاالي يوم فدووه

نهر : الرحمن بيج شى

سليل : محتاجتك كلش

نهر : جاايه يمه سديت التلفون ولبست عباتي وطلعت

حجي طه : وين رايحه نهر

نهر : لسليل هسه اجي

حجي طه : عوفيهم غير عرسان شجاج وبهليل رايحه

نهر : هي خابرتني مااعرف شبيهه الطباخ متعرفله هسه اجي

حجي طه : اذا تحتاج شى سويلها هنا وكت طباخ هسه

نهر : ميخالف اعلمها واجي ما اتأخر ركضت بسرعه الها وگلبي نار عليها خايفه لا صار شى

دكيت الباب طلع سجاد

سجاد : هااا نهر خير

نهر : اجيت على سليل خابرتني جر نفس وكاال ادخلي فوك بلغرفه

صعدت ركض الها

سليل : بس انفتحت الباب دخلت ماما شمرت نفسي بحضنها

نهر : شبيج يمه العين المصلت على النبي شجاج سليل حبيبتي

سليل : مكدرت ماما اخااف والله

نهر : شو باعيني وخرتها من حضني عاادي يمه كل بنيه تخاف من هيج يوم قابل بس انتي ليش مكبره الموضوع

سليل : مووو

نهر : احجي يمه تضمين عليه

سليل : تذكرت سلام

نهر : استغفر الله شذكرج بيه حبيبه هو هسه وكتها

سليل : من تقرب مني تذكرته وكمت اعيط وخرت سجاد دفعته حييل مني

نهر : كاافي تبجين ولج هو هذا هم يوم تنزل دموعج بيه كلت هسه الكاها غركانه بلعسل

سليل : ياعسل يوم والله احس گلبي راح يوكف من الخوف ومااعرف شسوي

نهر : شوفي بنيتي تكومين تغسلين وجهج وتبدلين هذا السيت البسي شى حلوو تحبي هواي سيتات عندج كتلتي نفسج واشتريتيهم ومكيجي ومن توكفين على المرايه تذكري اليوم عرسج انتي وحبيب گلبج انتي والانسان الجنتي تبجين دم عليه بس حتى تعيشين لحظه ويااه

سليل : وسلام

نهر : لتخليني اغلط عليه وهو ميت لا اله الا الله بنتي سلام مات ماااات وشبع موت وحتى عظامه صارن تراب هو يم ربج يحاسب بيه على سوايته ادري بيج متأذايه ومو هينه بس شنو ذنب ذاك المكرود يحش جكاير مو گلبج وگلبه ورم لحد ما تزوجتو

اني كلت هسه هي تجيت عليه امداج مابيج حظ

سليل : ابتسمت وبعيون دموع

نهر : فدووه لضحكتج الحلووه اريدها بعد احلى وتصيحين ذاك اليتيم وتكسبين بيه اجر ولج تارس الكراج كطوف كومي يمه وعيشي حياتج لا انتي عشتي حياتج مثل الاوادم ولا سجاد والصار انسي

سليل : واذا تقرب وخفت

نهر : اقري ايات بگلبج وكل ميتقرب افتح عيوونج وكولي هذا سجاد الي ياما سهرت انوح عليه واتمنى اصير بحضنه

سليل : احااول

نهر : ماكو تحاولين منا لساعه اخابر تكولين كولشي تمام يمه الصار مضى عليه سنين وكلمن اخذ حضه وانتي وره كل هذا الضيم اخذتي حضج حبيبج لتضيعين هيج ليله وتكسريها تره تبقين العمر كله تتندمين

سليل : هو بيدي ياماما والله خفت وتذكرت الصار

نهر : ماكول مو حقج اكيد تتذكرين وتخافين وبعدين راح يتغير شى كلشي ميتغير واذا مو اليوم اخذج باجر او عكبه او بعد اسبوع بكل الاحوال يجي يوم ويتقرب منج بس مو مثل حلاوه اليوم وتعالي كوليلي  شنو ذنب سجاد يتذكر شكد متكون صعبه عليج هو عليه اصعب من يتذكر مرته لازمها واحد ثاني ومحاول يغتصبها وفوكاها عمها يمه الشغله تكسر اكبر رجال شلون تذكري بيها المفروض متحسسي ابد هسه انتي لعبتي بحاله لعب وخاصه هو مسودن من كااعه وتجين تحطين هاي السالفه بدماغه شيصير بيه كومي تعوذي من الشيطان وخلي الرحمن بين عيوونج وسجاد بگلبج وعيشي هاي الليله ويه حبيبج والفات مات ويه اهله لتفتحين دفاتر قديمه احتركت حتى لا تحتركين ويحترك بيتج يمه

سليل : مسحت دموعي وحضنتها حيييل

نهر : ذاك رجلج وحضني عوفج مني يله كوومي نفذي الكلته اريد اشوف بنتي السباعيه تره والله اخابرلج ريم ورشا اخليهن يلعبن بأحوالج

سليل : ليش رشا رجعت للكوت

نهر : اي راحو بس خلصت الزفه توسلت يبقون مقبل شعيلان

سليل : وصلو

نهر : شويه واخابرهم ليضل بالج بس حيري بروحج هسه

سليل : هذا هو ماما هسه اسوي الكلتي

باستني وطلعت كمت غسلت وجهي وحطيت مكياج خفيف اعرف بيه ميحب الطوخ وشسورت كذلتي ولبست سيت ثاني

باوعت على شكلي طلعت حلووه تنفست واقرا اياات اتنفس واقرا ايات

نهر : نزلت على سجاد وكتله روح مرتك تنتظرك

سجاد : حجتلجً

نهر : اعذرها الصار مو قليل

سجاد : عاذرها متشوفين هاج بره حييل اختنكت

نهر : كوم لحبيبتك ولتضيع ليله عمرك على اشياء تافهه وراحت

سجاد : مااشي تعالي ارجعج

نهر : اي مو بيتي بالبصره يمعود اطلع منكم اطب للبيت خطوتين كمل جكارتك الي تلعب النفس ريحتها الله يساعد بنتي شلون راح تحضنك بهاي الريحه

سجاد : هههه تحضني مالج دخل

نهر : روح سجاد لحبيبتك وبنتك والله احسها مو بس زوجتك حتى بنتك روح طيب بخاطرها وشجعها انت دواها روح خويه يحفظكم الرحمن ويعدي هاي الليله مثل متحب

سجاد : الله كريم

سليل : نزلت على كيفي لكيته كاعد بعده ويدخن دكيت الشباك عليه لان مااكدر اطلع وهيج لابسه ذب الجكاره وكاام واول مدخل بقى يباوع من فوك ليجوه

سجاد : شلون صرتي

سليل : اشتاقيتلك

سجاد : بعدج خايفه

سليل : اشتاقيتلك

سجاد : احجي سليل

مساكته تره ودااجاوبك

اش ت ا ق ي ت ل ك

سجاد : اووووف يابت طه شلعبتي بحالي

سليل : رفعت نفسي على اطراف رجلي وحضنته وهمست احبك ياروح سليل وعمرها

سجاد : واني روحي بيج يااغلى من نفسي شوو تعالي

وشالني وصعدني واني اضحك گلبي اي ميت رعب بس لازم مااحسسه لازم اعدي الليله باوعت الساعه ١٢ صارت

دخلنا للغرفه مددني بحضنه على الجربايه وحضني حييل بدون ميسوي شى استغربت تصرفه واني بحضنه كتله بيك شى

سجاد : لا بس تعبان نامي حبيبي تعبتي اليوم

سليل : يعني متريدني

سجاد : شلون مااريدج وانتي بحضني

سليل : سكتت ومزيدت كلام نمت على صدره غفيت بس احس بأيده تلعب بشعري مااعرف شكد وفتحت عيني لكيته صافن عليه

بعدك حبيبي كاعد

سجاد : شلون انام وانتي بحضني

سليل : اوخر

سجاد : ارتاحيتي هسه

سليل : شكد نمت باوعت على ساعه بال ٢ ونص

سليل : نمت ساعتين ونص

سجاد : اي

سليل : بعدني نعسانه

سجاد : بعدج وبدا يبوس بهدوء ويتلمس بجسمي حسيته تقصد انام حتى ارتاح واسترخي بقيت هذا الوكت بحضنه والله اعلم شفكر لازم اتشجع وانهي هاي الليله نزعني ويبوس ويهمس حبيبي اني منو

سليل : انت حبيبي سجاد

سجاد : وبعد

سليل : وگلبي وحياتي

سجاد : وبعد

سليل : عذابي وحارك جد جدي

سجاد : ههههه وبعد

سليل : عشقي المتيم

سجاد : وانتي نفسي ولج والله اغلى من نفسي انتي

سليل : مغمضت حتى لا اتخيل شى مموجود ويتلمس بهدوء جان رومانسي ويايه لابعد حد وماكو دقايق سلمت نفسي اله وصرت زوجته هو شاف النيشان وحضني حيييل عرفت جان خايف اطلع مو بنيه مباشره بادلته الحضن وابجي

سجاد : اششش حبيبي خلصت

أذيتج

سليل : لا

سجاد : ابقي بحضني

سليل : اغسل واجي لزمني من ايدي وكومني جنت متأذيه بس دموعي جانت فرح مو حزن سنين اتخيل هاي الليله اخاف صاير شى واني طفله جنت وماافهم والحمدلله طلع مابيه شى عشت اصعب ليله جاهدت بيها لحتى اتجاوزها

باوعت بمرايه الحمام وكلت عدت ياسليل كاافي انسي حبيبج ينتظرج روحي عيشي الي بقيتي سنين تنتظري

سبحت وركض رحت لحضنه وهو من شافني امشي سريع وشمرت نفسي بحضنه ضحك

سجاد : تعاالي بنوتي بحضني ااااخ شكد تمنيت هاي الليله

سليل : نمت بحضنه ومتقرب مني خلصناها نتبادل الاحضان ولهفه وشوق وغزل وغفيت مرتاحه اول ليله انام هيج بعمق ومأمنه اليوم حصلت الامان الجنت ادور عليه

صحيت على بوسات منه ويتنقل بجسمي وابتسم ساعه بيش

سجاد : بال ٩

سليل : صبااح الخير حبيبي يبوس بيه ويكول بحضني ومتردين يكون صبااحي خير

سليل : بعدني نعسانه

سجاد : شعندي وياج نامي

سليل : ههههه ماشي نمت وجان يتقرب مني بس هلمره مجنت خايفه هلمره جنت عاشقه جنت مشتاقه اله بكد شوقه ولهفتي

وعشت ويااها لحظات قمه بلجنون والحب

وراها بساعه اندكت الباب اريد اكوم ميقبل

سجاد : يمعوده تلكين نهر الغثيثه والعصابه مالتها

سليل : لا كلهم راحو يجوز وحدها

سجاد : عوفيها تريكنا

سليل : شوكت

سجاد : هسه راح اكلج وهذا احلى ريوك

سليل : ههههه فدوه خلي اكوم كووه شلعت نفسي منه وكاام هو فتح الباب

ريم : كلللووووش على عناد عماتك لعبن لعب خواتها

سجاد : لا هله اجت الهوسه

نهر : ولج وين اكو هيج هوسه حورتيها

سجاد : ادخلو شهرتونا

ريم : غير على عناد عمته انعام لعبن احنا لعب خوات العروس وكلللللوووش

غزل : هاي من البارحه مكوكه على الهلاهل بلخير عليك عمو

سجاد : الخير الي يصيبج غزوله هاج هاي الهادئه جاي تبارك خوما مثلج هوسه

ريم : هاي مثل الرعنه التجي وره متروح الزفه تهلهل

غزل : هااا ريمو متكدرين على عمو تكدرين عليه

نهر : بلخير عليك سجودي منك المال ومنها العيال

سجاد : رحمه الله والديج

ريم : اختي يااختي ميته عايشه اكلج عمو بعدج صاحيه جان تكفخني عمه

نهر : ولج مو بنيه ويانه

ريم : هسه منو كلها تجي وهي بعد جم يوم خطوبتها قابل صغيره

سليل : نزلت اركض الهم ممصدكه ريم اجت ويه ماما بلصباحيه

ريم : كلللوش بت عمنه واختنه اصير جنتنه مانرضه لغربيه دوس عتبتنه

سليل : حضنتها متوقعتج تجين

ريم : شلون مااجي غير لو شايفه الصينيه مال الريوك شحاطين بيها لو بزاخو اجي

سجاد : ايا ام بطن جاي تاكل

ريم : لعد جايه لسواد عيونكم يله وين المطبخ اسوي الجاي جعنا

نهر : جريتها من الشااال هناك نتريك عوفي العرسان وحدهم

ريم : يمعوده قابل مباقين وحدهم قبل غير بنتج لاعبه لعب قبل الزواج احجي

سليل : طلعت لساني وعيبت اي احجي مااهتم بعد

ريم : بعيني يجي يوم والزم عليكم شى واخسركم

سليل : حضنت غزوله وبستها

سجاد : ابقو تريكو ويانه

ريم : اي والله جوعانين

نهر : كوومي رعنه امشي هناك نتريك اجينه نصبح ونروح هااج يمه

سليل : علبه شنو هااي

نهر : ابوج دزها كال طلعت مالبستها شى مو مثل خواتها وضل ياكل بگلبه ومن رحنا للزفه رايح للصايغ وصاغها الج ودزها صباحيه

سليل : فتحتها زنجيل طويل ومداليه ايه الكرسي جانت حيل ضخمه وثكيله

بس هااي غاليه وبابا جابلي هديه الطباخ والثلاجه

نهر : مقبل والله كال لو ما العيبه بيدي البسها وهي هم بتي وهم صارت مرت اخويه لان سجاد اعتبره اخويه الصغير

سليل : حضنتها لماما وكتلها بوسي اليه من يرجع

نهر : بلبيت مطلع اليوم

سليل : بيه شى

نهر : لا كال ارتاح شويه عمج محسن موجود

سليل : سلميلي عليه وبوسيلي راسه

ريم : بخت واني صباحيه ما اليه والله هسه اگلب البيت عليكم

نهر : ولج طلعناج متلتله ذهب

ريم : اي بس صباحيه ماكو

نهر : هسه تولدين ونجيب لابنج

ريم : خلي واحد ميجيبله اسويها عشاير وياكم

غزل : يله امشو بابا بقى وحده

طلعو ولزمت الزنجيل واباوع عليه

سجاد : شبيج حبيبي

سليل : تمنيت ابوس ايده واتشكر منه

سجاد : غالي والطلب رخيص امشي نروح الهم هم نتريك كلنا سوه وهم يلبسها الج وتبوسي

حضنته وبسته فدووه لگلبك

سجاد : يله البسي الجبه وامشينا

صعدت ركض لبست جبه وشال ونزلت اركض

اخذنا الصينيه ودفعنا الباب وطبينا لكيناهم بعدهم يردون يصبون

اني اجيت واريد اتريك وياكم

ريم : عرفت راح يرجعها عمي ماتنحمل ادور سطوح اختي

سليل : اسكتي ام نفس الدنيه

نهر : هله بيكم يمه

سجاد : كلت اخاف اتسمم طلعتي وعينج على الصينيه

ريم : احسن شى سويته جان تريكت وينقلوك لمدينه الطب بسبب عيني

سليل : اسم الله ولج بيج تفاولي

ريم : اي عيني باع شون ادافع نست اختها نامت ليله بحضنه نست اختها بعد ليلتين تنسى ابوها وتصير سليل سجاد مو سليل طه

سجاد : هااي منين تطفه طفوها مسجل وانفتح

سليل : طلع بابا ركضت بحضنه بوسته

حجي طه : بلخير عليج باباتي وبوس سجاد ولبسني الكلاده اشوف عيوونه مدمعه وهو يكول البيت البارحه بدونج طفه يخنك

ريم : واني من رحت مشغلين بروجكتر مووو والله خونه انتم

حجي طه : هههه تعالي بحضني سكينه والله مشتاق اتريك وياكم كلكم لو رشا باقيه

غزل : زوجها مقبل

ريم : بعد مشعول وعندك الحساب

سليل : كعدنا ناكل كلنا وريم تكمز ولا تكول حاامل وحتى الغدا عدهم مقبل بابا نروح خلصت نص النهار عدهم ومتونسه حييل ويااهم ومن طلعنا ورجعنا لبيتي اي بيتي واخيراً عندي بيت يجمعني بحبيبي اخذني بحضنه وبدت ويااه رحله الشقاوه والغزل

لدرجه اسبوع كامل مطالع من البيت كل شويه وصاااح مشتاقلج وماخذني لحضنه

رشا : رجعنا من العرس جنا حيل

تعبانين ومر كم يوم وبديت اللاحظ على شعلان شلون يحب اموري ويلعب ويااه صّـْْ(☑)ـْْحّ هو روحه بفرح بس هم يلعب ويااه ومرات ياخذه من ايده ويشتري اله جنت احب اهتمامه بأمير لان يتيم وخطيه جنات تستحي مرات تكول اكلفكم

وجودها ويايه كلش ريحني اشكيلها واحجيلها وبيوم كلت الها نروح للدكتوره اريد اسوي طفل

جنات : مو بعد وكت تره بتج بعدها صغيره

رشا : اريد ولد اله وكالو اكو طبيبه زينه هنا بلكوت

جنات : ميخالف ياعيني بتج بعدها اشهر عمرها

رشا : اربيهم سوه

جنات : بكيفج امشي نروح للدكتوره

رشا : رحت لشعلان وطلبت منه نروح كتله الحليب مالتي جف بصدري واريد انظم الهرمونات واخذنا اني وجنات وبقى ينتظرنه بره

ودخلنا وحجيت الها عن گلبي وطلبت تحاليل وتخطيط  وصدمتني الدكتوره تكول

تره گلبج تعبان وضعج مبين

رشا : بس مااحس بتعب

الافضل تراجعين طبيب قلبيه وترتبين امورج ويااه وبذاك الوكت تفكرين بلطفل لان مبايضج خاملات حييل واكو مثل حالتج يولدن يصير عدهن مانع حمل طبيعي تاخذ سنين علاجات يله تحبل رغم جايبه قبل وهاي العلاجات والمنشطات وادويه الهرمونات تسوي ضغط على القلب لهذا رتبي وضعج من ناحيه دكتور القلب وبعدها سوي طفل

طلعت مخنوكه وكلته وشعلان تخبل وكاال ماكو طفل لحد ميصير گلبج زين مااريد اخسرج

رجعت متكأبه وروحي بخشمي ودوم مغثوثه

جنات : تره والله مكبرتها بتج صغيره وانتي هم صغيره كلها سنه سنتين ويصير طفل عندج

رشا : وامه واخته يصبرن

جنات : طبهن مرض خلي يحجن مالج دخل بيهن المهم هو شوفي شلون يرجف عليج من عرف گلبج تعبان

رشا : تعبان من التفكير من قهر هند وبساميرها

جنات : والله انتي مكبره راسها خلي تولي

وحده فاشله ماعدها وشغل وعمل بس تفتر وره هاي وذيج

رشا : مشفتي كل شويه جاي غاثتني ورايحه

جنات : لتركزين ويااها وعوفيها بلجهنم

رشا : اوووف احااول

بقيت ايام اتعب مو بيدي الموضوع ياكل بيه والي زاد أذيتي من رحت لدكتور القلب ومشجعني على الحمل حالياً وكال اقل شى لازم اصبر ٢ الى ٣ سنوات حتى لتتفاقم حالتي تخبلت بلزايد

وكاعده ودمعتي بعيني ومخنوكه طب شعلان يبوس بيه

شعلان : شبيه الحلو زعلان

رشا : مابيه حبيبي

شعلان : اممم مابيج وهذا الوجهه المكلوب

رشا : ماكو شى ليضل بالك

شعلان : عندي شى لحبيبي يخلي يفرح ويطير هم

رشا : مستحيل اكو شى هسه يفرحني

شعلان : هاااج

رشا : ورقه تعيين  هاااي شنو

شعلان : موردتي تتعينين هااج واسطه وكومه فلوس حتى حضرتج اداومين وترتاحين حتى لتكولين رجلي وعدني وما وفى

رشا : كمزت من مكاني اهوس واحضن بيه ممصدكه تعينت

شوكت سويتها

شعلان : من قبل لتجيبين اركض بيها وانطيت فلوس وجيب وحط وتعال يله طلع اسمج هاا فرحانه

رشا : طايره حضنته الله لايحرمني منك

شعلان : ولا منج ام فروحه شستاهل على هاي البشاره

رشا : روحي انطيها الك قليل

شعلان : اصلاً ماخذها لروحج هي بكيفج تبقششين بيها

رشا : فدووه اروحلك حبيبي

نزلت على جنات فرحانه تعينت واخيرا. تعبي ودراستي مراح يضيعون

جنات : بلخير گلبي

رشا : بس فروحه شلوون احطها حضانه

جنات : هااي شبيج رشا هي مو يمي هاي الفتره تبقى بين متفض شغلتي عود من ارجع لبغداد حطيها حضانه

رشا : اخاف اتعبج

جنات : بله هذا هم حجي بيناتنا هاي السوالف بتج بتي هي واموري اخلص وركتي وياهم

رشا : حضنتها وكتلها والله مااعرف شلون اشكرج

جنات : عيب ماكو شكر بين الخوات

خابرت خواتي وطارو من الفرح جنت ممصدكه بضل هاي الاوضاع وقله التعينات اتعين خلف الله على الواسطه والفلوس الله يساعد الماعنده

وره يومين باشرت المدرسه مو حيل قريبه ولا بعيده ١٠ دقايق بلسياره كاام يوصلني شعلان الصبح وهو يرجعني وجنات شايله البيت كله خطيه ارجع الكه حتى الغدا موجود رغم دوامنه مو طويل لان اكو مدرسه ثانيه اداوم ويانه لل١٢ ارجع

غزل : صار شهر على عرس سليل وتعودت وحدي بلبيت رغم شى صعب عليه بعد مجان هذا البيت ميسكت من الهوسه والعياط والضحك والاكل هسه هدوء انذب صوت الابره ينسمع بقينا اني وبابا وماما نهر

نهر : دخلت على طه جان يقرا قران صدق وباوع عليه

حجي طه : بيج شى نهر

نهر : اي والله عندي شغله اريد اخذ رأيك بيها

حجي طه : خير البنات بيهم شى

نهر : لا بخير والحمدلله طه

حجي طه : ادخلي بلموضوع شتردين

نهر : ليش متتزوج

حجي طه : منو اني من كل عقلج

نهر :ليش لا انت رجال ومن حقك تتزوج اربعه مو وحده

حجي طه : والله الي يعاشر سندس يحلف يمين ميعاشر مره بعد

نهر : هااي النسوان الضالات اشكال ويتمنن رجال مثلك شو بناتك واتزوجن وبقت بس الصغيره وكلها مده وتتزوج واضل راسي وراسك جيبلك مره تراعي كبرتك وتريحك

حجي طه : تعبتي مني يانهر

نهر : اووووف اني اتعب منك اني لو اشيلك على راسي العمر كله احس شايله ياس

طه انت ابويه واخويه وعائلتي كلها انت وبناتك الطلعت بيهم من هاي الدنيا

حجي طه : ماطول متعبانه مني لتضلين تفكرين بشى ميصير

نهر : ليش شكوو بيها غير يرادلك مره اني اختك واشيلك بروحي بس ذيج مرتك تريحك تشوف طلباتك الشخصيه انت صار سنين بليه مره يارجال هسه يضل هلكد والله على الاربعين مال نسوانهم يتزوجون هاي اذا ميدور بلفاتحه وانت صار سنين بدون مره والله هسه فتحها عليك واكو هوايه بعمري واصغر يتمنن رجال مثلك تحاميها وتراعيها وهي تراعي الله بيك

حجي طه : لو اريد اتزوج جان من زمان تزوجت هذا الموضوع جم مره محسن فتحه ويايه واني مااخلي يكمل تالي عمري اجيب مره واتحمل طلايبها ومشاكلها

نهر : منو كال تطلع وكحه مثل سندس غير نشوفلك وحده بت اوادم وفقيره

حجي طه : واكعد ادور وادخل بهاي المعمعه وتالي لو تصيب لو تخيب كومي رحمه لابويه سويلي تمر ولبن خلي اكل وانام وهذا الموضوع لاتفتحي ابد

نهر : بس اسمعني

حجي طه : اسمعج اذا عندج غير شغله هاي الشغله بلذات مااريد اسمعها هي الركيه من الاول مبينه لو حمره حلووه لو بيضه فاهيه واني حضي ويه النسوان مو ابيض فااهي لا اسود سم عوفيني هيج مرتاح لا دوختهن ولا مشاكلهن بناتي وانتي موجودات تراعني مابيجن حيل اني اراعي نفسي

نهر : ياعيني ليش ضجت غير لعيونك والراحتك نحجي

حجي طه : وراحتي هيج مرتاح وسلطان زماني كومي جعت تره

نهر : صاار

حاولت اكثر من مره افتح ويااه وجان دوم نفس الرد اني متعاجزت منه هذا غير طه يصعد وينزل ويه النفس بس ردت ونس اله مره اداري بس هو دوم يصدني ويسكتني

سليل : خلصت اجازتي واول شى سواه سجاد خلاني ابدل كل ملابسي مشيت مثل ميحب مااريد اعكر حياتي وكمت البس جبب ومكياج ماكو من اطلع وهو يوديني ويجيبني وبلبيت البس الي احبه حااولت اي شى يضوجه ابتعد عنه ولان احبه كلشي يكوله عسل على گلبي وهو هم مم يشوفني على ميه ينطلق وياايه شفت وجهه ثاني منه جان مضموم بخشمه اليابس وبشخصيته المعقده والشكاكه شفت طفل صغير محتاج حنان يدور حب وصدر يختل بيه من الدنيا احير شلون ادلله واتلافه ويااه المشاكل حتى لا اخرب حياتي وبيوم دكت عليه ماما وكالت عمج محسن ومرته هنا جايين ياخذون الموافقه

لبست وطلعت ونسيت ابلغه

غزل : نسألني بابا على رأي وافقت گلت اني حب مااحب وعلاقه مااسوي اخاف اكيد اتزوج زواج عادي ليش اروح لناس مااعرفهم على كوله بابا وعمو محسن كلش احبه وافقت واجوي يحددون الخطوبه

سليل : هذا هو غزوله

غزل : هذا هو ماما موافقه

محسن : باجر اجيب الزلم واجي

حجي طه : التشوفه وهي بنتك

محسن : بابا غزل عندج طلبات اوامر

غزل : لا عمو سلامتك

محسن : راح اكولك شى طه

حجي طه : كول

محسن : مؤخر غزل كيلو ذهب

حجي طه : من كل عقلك

محسن : والله ميه كيلو قليل عليها

حجي طه : يابه شنو دابيعها

محسن : انت مو متحدد ولا تخلي مؤخر

حجي طه : غير حرام هذا اسمه بيع وشروه واني بناتي بكنوز الدنيا ماابيعهن

ام فيصل : بس هذا الشى المفروض يفرحكم

نهر : الفلوس والمؤخر والذهب مايكبر بخت ياام فيصل وخاصه بهذا الوكت يترسوهن دهب وتالي يشمروهن وهسه بهاي القوانين الجديده صار حتى المؤخر بالاقساط يعني يتزوج ويطلك بكيفه

حجي طه : اني كل وحده بيهن ماحطيت مؤخر الها ومن يعقدون هو يحط اني مؤخر بناتي الستر والعافيه والراحه الباقي كله ميوكل خبز عندي

حجي طه : بس اني اريد المؤخر كيلو انت مو متحدد اطلع منها مؤخر غزل كيلو ذهب وكافي تناقش

ام فيصل : ماما غزل شكد رايده ذهب

غزل : كلشي مااريد خاله عندي

ام فيصل لا حبيبتي ميصير

نهر : البنيه بتكم وهو لرجلها اذا جاب بس حلقه واذا ترسها ذهب مرجعه لرجلها

محسن : لا مرجعه اليه اخذه ابيعه وانهزم اشوفله صبيه حلووه اجدد شبابي بيها

حجي طه : ههههه والله خلصت عمرك ويايه نفسح الحجي ولا تسويها

ام فيصل : شحده غير اذبحه على القبله

محسن : هااك واني خلصت حياتي وياها يوميه تكولي هيج وهي اذا تشوف الدجاجه مذبوحه كدامها تخرب بس بوخه

نهر : والله يامحسن ام فيصل ذهب صافي انيالك عليها

محسن: حقج ماشايفتها اذا تستلمج بسالفه اله تموع اذنج يله تعوفج

نهر : هو احنا النسوان كلنا هيج بس نحجي

محسن : اااخ منجن خلصنا مفخخات وحروب وانتن تزدادن شوكت تنقرضن ماادري

غزل : ليش عمو والله احنا خطيه

محسن : واخيراً طلع صوتج وشاركتي

غزل : مو هسه حجيت دنكت خجلانه

محسن : فدوه للفقاريه عليمن طالعه ولج

حجي طه : عليه اكيد

محسن : يابه دطير انت خلصتها بس مصايب وكوراث زلازل وبراكين وشكوشغله غمه تكولها اليه وتسكت وترجع بمصيبه وين الفقاريه بعد عوفنا من هذا الكلام باجر بأذن الله قرايه الفاتحه

ام فيصل : والنيشان شتكولون

نهر : لا عفيه مو هيج سريع اذا تردوها طبك انطونا جم يوم وهم خواتها يجون

سليل : طبيت وبيدي الضيافه اقدمها

محسن : هله بعروستنا والله وبعدج عايشة عبالي اكلج العتوي

سليل : هههه لا بعدني صاحيه واخبل هم

محسن : رجلج شلونه

سليل : بخير عمو

محسن : سلمينا عليه وخلي يجي بلخطبه ويصير ويايه ضد طه

حجي طه : ولك بحرب وياك وعليك هو احنا اهل نكعد سوه ونفضها

سليل : حددو بعد ٤ ايام الخطبه والنيشان وبلغنا البنات حتى يجون واني اطلع من البيت صار بوجهي سجاد صاير نار

سجاد : شطلعج

سليل : هااا خابرتني غزل و

سجاد : مو كلت مطلعين اله تبلغيني

سليل : تره احنا بلشارع لتعلي صوتك فدووه

سجاد : امشي للبيت

سليل : رحت امشي وراه وهو غادي نار دخلنا واشتغل عياطه

سجاد : اني جم مره كلت ماكو طلعه وحدج

سليل : مرحت لمكان غريب او بعيد لبيت اهلي

سجاد : اذا طلعتي بعد لو مو لبيت اهلج وبدون متكولين اكسر رجلج سمعتي والله اكسرها واخليج سكط كدامي

سليل : مااشي عفته يهدأ ومناقشته الغلط مني جان لازم اخابره سويت عشا واسولف على الصار وهو ياكل بهدوء بدون اي گٌٰــلمة حتى معلق على الخطوبه

كملت غسل المواعين وطفيت الضوه سبحت وصعدت تمددت يمه ذيج الايام كلها لو هو ينام بحضني لو اني

متقرب مني وانطاني ظهره عفته وانطيته ظهري وبديت اتگلب اريد انام ماكو اخر شى كلت بصوت هاادئ

حبيبي

سجاد : امممم

سليل : اريد انام

سجاد : متنامين قابل لازمج

سليل : جريته ونومته على ظهره ونمت بحضنه وكلت ابقى زعلان بس نومني بحضنك

سجاد : وخري سليل مني تره روحي طالعه وكوه لازم نفسي لا أذيج

سليل : عادي أذيني بس خلي اليوم انام بحضنك وغمضت عيني وبديت اهدأ حسيت بيه يلعب بخصلات شعري

واني مغمضه كتله اسفة حبيبي مااعيدها وبست صدره ورجعت غمضت

سجاد : اذا عدتيها

سليل : بعده ممكمل كلامه جيتت عليه وبسته من حلكه بشووق سكته ومن يومها عرفت شلون اسكت سجاد من يعيط ويضوج

اليوم واكفات كلنا اني ورشا وريم وجنات حول غزل الكاعده وره الباب تسمع السيد شيكول الها

غزل احلى وحده بينا لو ما سالفه الحرك الي مأذيها لابسه بدله ناعمه تول نازل لونها زيتوني وهي بشرتها على بياض مو مثلنا حنطاويات وعيوونها عسلي جانت طالعه اميره والشعر مفتوح سرح ولونه مو اسود بيه شقار خفيف ومكياج نازك بحيث متوقعنا هيج راح تطلع حلووه وجنات سوت بشال البدله فيونكه برگبتها حتى يخفي الحرك انطت حسن ونازكه الها اكثر

وكمل عقد السيد واشتغلت الهلاهل

اصغر بنات حجي طه تزوجت جان بدايه شهر الرابع ٢٠١٢ الجو طيب ربيع

غزل :عقدولي على شخص مجمعتني بيه غير مره وحده بلباب وجان موقف مستفز

كعدت ومنتظره يطب واشتغلت الهلاهل حيل جنت مرتبكه اني طبعي خجول وهلمره اشوف الكل تباوعلي لو بيدي افتح الكاع واختل بيها

دخل وكعد بصفي كلشي مشفت منه مكدرت ارفع راسي لحد مكالت ماما سليل ارفعي راسج

باوع عليه وكال مبروك بهدوء وانطيته ايدي يلبسها لبسني الحلقه ولبسته وانطوه الذهب يلبسني كاال لامه مااعرف انتي لبسيها سكتت وخجلت اكو ولد هسه ميعرف كلت يجون لان تربيه الخارج عادي تصير ولبسوني تخم جان ثكيل حيل ومرتب مبين ذًوقٌ امه لان مرحت وياها بس الحلقه بيها كبر مو على كدي اصابيعي ناعمات

كلت بعدين ابدلها مهتميت

شوي وكااام

وبدت الهلاهل وركص البنات واجو اهل عمو محسن جانو هوايه ولد عمامهم وخوالهم الدنيا انكلبت

سليل : بسرعه خلصت حفلة غزل لان جايين اهل ابوه لعمو محسن واكثرهم محافظات مرتاحيت لفيصل لان جان طافي مو مال عريس اذا حتى سامر الاكول عليه مينبلع وثكيل مسوه هيج

هم جان يبتسم يجامل هذا ابد

كلها راحت وبقى العريس

غزل : صاحوني حتى اسلم عليه ودخلت للاستقبال بس اني ويااه كعدت كباله رفعت عيووني اشوفه شيسوي جان صافن على الحلقه ويفرك بيها محسيته مرتاح اني هم ساكته بقينا اكثر من ١٠ دقايق هيج واني طبعي لو يبقيني اليوم كله ساكته عادي متعلمه متحمل واجه كعد يمي وكاال

انتي موافقه على الزواج رفعت راسي وباوعت عليه حسيت سؤاله كلش متأخر اني مرته هسه

كتله اي

فيصل : انتي ياصف

غزل : اول علوم بايو

فيصل : كالو زواجنا بعد امتحاناتج

غزل : اي وسكتنا

فيصل : ليش متحجين

غزل : شحجي

فيصل : اسأليني

غزل : اني طول حياتي جبانه واتختل اول مره اصير شجاعه جان هذا الموقف مدري ليش سويت هيج وكتله بصوت ناصي انت تدري بهذا وفتحت الشال الي برگبتي

حسيته انصدم عرفت محد كايل اله

وكف على حيله

فيصل : هذا شنو

غزل : حرك من اني وصغيره

فيصل : يعني انت مشووهه

غزل : دنكت ومحجيت

فيصل : اهلي يدرون

غزل : اممم

فيصل : ورطوني بيج

غزل : حسيت الكلمة كلش جبيره بحقي يعني اني ورطه

كتله اذا تحس ورطه بعدنا على البر

كام يروح ويجي حييل توتر وصار اعصاب سحب التلفون من جيبه ودك واسمعه يكول لامه انتي تدرين بيها مشوهه هي هاي الذبحتو روحكم عليها واتزوجها واتزوجها ولكم اني وحيدكم هيج كارهيني لدرجه تزوجوني وحده مشووهه وركبتها تخوف والله اعلم جسمها شلونه

غزل : عادها اكثر من مره حيل جرحني مباشره كمت من مكاني وتقربت منه ونزعت الحلقه وحطيتها بيده

فتح عينه مصدوم وسد التلفون

هااي شنو

غزل : كلمن يروح لطريقه انت اليوم خطبت وحقك متتقبلني بس مو من حقك تجرحني واذا اهلك مابلغوك هاي مشكلتك مو مشكلتي والحمدلله حجيت قبل لا تعرف بيوم العرس وترجعني بدلتي سلملي على عمو محسن وانداريت اطلع وسحبتي من زندي

فيصل : اووكفي

غزل : نعم

فيصل : بس ثواني لتستعجلين

غزل : اني ماعندي شى ولا يربطني شى بيك حتى مشاعر واذا على الخطبه هذا هو انتهت وروح لاهلك وبلغهم

فيصل : ابقي كاعده ثواني وارجع لطلعين

غزل : كعدت واشرت براسي اي راح حدود ١٠ دقايق للحديقه يمكن يخابر ورجع الوجهه مكلوب ولزم ايدي ولبسني الحلقه وكاال اعتذر جانت مفاجئه اليه واتمنى تفهميني وان شاء الله بالايام الجايه اعرفج وتعرفيني وهاي الامور متصير بينا

غزل : بس اني مااريد بعد

فيصل : لخاطر ابوج وابويه عيب بحقهم كتلج سوء فهم وصار لا من الاول تتحسسين

غزل : اني متحسست انت جنت عصبي وتعيط مو اني

فيصل : اعتذر مره ثانيه وياريت نفتح صفحه جديده وتنسين موقف قبل شويه مااكول لخاطري لان على كولتج ماكو مشاعر بينا لخاطر عمج محسن التحبي

غزل : باوعت عليه وكتله مااشي واذا تحب نترك بأي وكت ماعندي مانع من رخصتك عفته وطلعت

البنات عبالهم جان يتغزل بيه ميدرون مسح بيه الكااع بقو يضحكوني واني امثل الفرح والله جنت فرحانه بلمتهن لان حيل مشتاقه الهن وخلصت الليل كله سوالف وضحك وياهن حتى سليل باتت يمنا بعد متوسلنا بعمو وكعنا دخيل عليه يله وافق تبات وره منامو خواتي رجعت اتذكر الموقف فكرت اذا فصخت هسه راح تكبر الشغله واحتمال تخرب علاقه عموو وبابا لازم انطي عذره واعبر ويمكن هذا اعظم غلط سويته بعمري

سليل : ثاني يوم من خطوبه رجعت للبيت جنت تعبانه حيييل واحس بس اريد انام وكل ماانام سجاد يكعدني صارت سولته بيه انتبهت ماما اكثر من مره تجيني ادور نووم واتشهى جان تكلي ولج اخاف حبله هي كالت هيج مكذبت خبر وركض اخذتها وللمختبر بس بالاول بلغت سجاد خفت يتعصب بس مكتله تحليل الي ومن كالو حااامل رفعت التلفون واني بلمختبر وكتله تعااال للبيت بسرعه

هو خطيه اجه يركض ممصدك واول مدخل حضنته

سجاد : والله هبطتيني شبيج

سليل : راح تصير اب سجودي

كعد على القنفه وصافن عليه حسيت عيوونه تريد تبجي من الفرحه بس هو هذا حبيبي حتى من يفرح ميبين عليه بس نزل وباس بطني وحضني حييل لدرجه حسيت ضلوعي راح تتكسر

جان سكوته وحضنه اليه يعبر عن احلى فرحه اشوفها بعيون حبيبي

غزل مرت الاشهر وحياتنا هادئه وفيصل مأجه غير مرتين ويه اهله وكعدنا دقايق وحدنا واي كلام شخصي مصار وحتى مايوم دك تلفون عليه واني هم مهامني ملتهيه بدراستي والامتحانات وسليل مدلله من سجاد ويخاف عليها لان حامل وشتريد ليمها يجيب ماانسى مره يدور بليل على بسكت وحلقوم لان تتنسى بيه ويدور بالاسواق لحد ملكه النوعيه القديمه وكل شويه ويكول مخلصت من طفولتها هسه ابني هم يدور مثلها

ريم حامل نهايه الشهر الثامن وبطنها لخشمها وحياتها عاديه كل منسألها شخبار رجلج جوابها الوحيد يقرا لو بلعياده

ورشاوي حايره بلوظيفه وبسبب مساعدة جنات الها رغم فضت سالفه جنات وعيالها سكتوو بس رشا تمسكت بيها وكالت تبقى تعيش عندي هاي الفتره لان جانو بعدهم ممأمنين بعيالها اخاف يسوون لعبه وياخذون الطفل

واليوم نتراكض لان زوج ريم خابرنا وكاال

دتجيب

بسبب نهايه الشهر الثامن خفنا عليها

سليل : واكفه وننتظر ريم تطلع من العمليات بلغت سجاد وگلبنا نار وخايفين عليها

دك تلفوني وكتله بعدها بلعمليات اسمع واحد يكوول مطلعت عرفت حسين اااخ منك

يتبع .....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الثامن_والعشرون

محتاجك تجيني تكولي حالك زين

ماريدك تجي وتحجيلي عالفركة

انا بلياك جثة بلا نفس ظليت

بلياك النفس صدكني مااشهكة

محتاجك تجيني العمر ماينعاد

العمر خلصته كله متاني للملكة

من كد مابجيت عليك احس العيون

من تبجي عليك دموعي مختنكة

وصلت لحالة احجي من يمر طاريك

احاجي الليل الاسود والسما الزركة

شجرة آنه بغيابك صبري هم محدود

صفيت اوكع بدونك وركةبأثر وركة

لو اسمك يمر غصة انه احس بالروح

وعلى طاري طيوفك تشتعل حركة

لو مر بيه شامت ضل يضحك ومرتاح

الشامت لويمر لا مايسد حلكة

جنت احلم تدك ابابي واتلكاك

فزيت وسمعت الباب بي صفكة

ثاريني بعلم والحلم راح بعيد

مثل زاير يزور وماحضة بعلكة

نذر ناذر لشبكك شبكة ام مفقود

من تشبك ابنهه وهي ممصدكة

سليل : واكفه وننتظر ريم تطلع من العمليات بلغت سجاد وگلبنا نار وخايفين عليها

دك تلفوني وكتله بعدها بلعمليات اسمع واحد يكوول مطلعت عرفت حسين اااخ منك

اخر فتره علاقه سجاد وحسين حيل قويه لهذا اغلب الوكت يروح يم سجاد بلمحل والظاهر بسبب الخبصه على ريم صار الكلام كدامه بلموبايل وعرف اليوم ولادتها من سمعت صوته كلت لسجاد

هذا حسين موو

سجاد : اي وراح اذبه جوه السياره وادوس راسه لان تكول هوه اليطلك مو ريم

سليل : ليش حجيت كدامه

سجاد : من كل عقلج احجي كدامه بس من دكيتي ترجفين سمعني احجي وياج ومن ذاك الوكت اكل گلبي مرتين طردته يروح لبيتهم وميقبل مكابلني وكاعد راح اجيب الجده تولده وتخلصني

سليل : هههه اووف سجاد والله مو مال اضحك هسه

سجاد : سليل مو ريم تجيب وانتي توكعين گلبي عليج وعلى الي بطنج حركه زايده مااريد تره هسه اطخ بخبالاتي واجي ارجعج للبيت

سليل : كاعده ماما متخليني اوكف اصلاً

سجاد : جري عدل لتخليني اضوجج

سليل : وعيونك جاره وكاعده وننتظر ريم

سجاد : الله يكومها بلسلامه من تجيب دكي وطمنيني

سليل : ان شاء الله وجان ينجر الموبايل من ايد سجاد

حسين : مو متخابرين

سليل : يعني انت متوب ميصير حسين والله حرام عليك البنيه تزوجت وكلها دقايق وتصير ام جوز منها

حسين : هسه اني شسويت سليل تبقى ريم بت عمي وغاليه عليه مجرد اطمن عليها لا واصل يمها ولا لامح ظلها بس اريد اطمن

سليل : تقشمر عليه لو على نفسك

حسين : رحمه لابوج لتزيديها عليه مرايد شى جبير منج بس طمنيني

جان تطلع السستر وكلنا كمنا كتله ابقى على الخط

السستر(الممرضه) : بلخير عليكم جابت ولد

نهر : وريم ام الطفل

السستر : كلش زينه بس الطفل بلحضانه لان بعدها ممكمله شهرها لازم يبقى

نهر : الف  الْحٍمَدٍ للـّہ

سليل : سمعت حسين الووو تسمعني جان يحجي بغصه

حسين :  الْحٍمَدٍ للـّہ على سلامتها

سليل : الله يسلمك وجان يسده تمنيت من الله يعيش حياته ويلكه وحده طيبه وحبابه يتزوجها وميبقى هيج ياكل روحه

باركنا لسامر وجان فرحان ودخلنا اني وغزل وام سامر وماما الها لغرفتها جابت بمستشفى اهلي ورغم صحوها بس تهذري بعدها

ريم : اااااخ بطني ولكم ناقصين شكيتو بطني خلي بس اكعد اله احرك ابهاتكم

نهر : ههههههً ماما ريم تسمعيني

ريم : يمه توجعني بطني

نهر : سوده عليه هسه تصير زينه

ام سامر : والله موتتنا رعب حيل خفنا عليها

سليل : بلخير خاله يتربى بعزكم

ام سامر : حبيبتي يوم متكومين بلسلامه ونفرح بيج

غزل : دنكت بست ريم من راسها ريموو تسمعيني

ريم : غزوله جوعانه اريد طاوه طماطه لاجعه وخضره حبابه

غزل : هههه صار

ريم : تضحكين عليه ام نص لساااان ااااااخ بطني كله من وره بيبي انعااال هي سوت هيج بيه

ام سامر : بيبي نعال منو هاي

سليل : هااااا لتهتمين خاله تهذري تدرين بنج بعد

ام سامر : فدوه عينكم عليها اروح لسامر نروح للجاهل بلحضانه

نهر : اخذي راحتج

سليل : راح تفضحنا همزين المره راحت

نهر : ريموو حبيبتي اكعدي يمه اصحي

ريم : كلهم كواويد ولا واحد شريف بيهم

سليل : ههههههه منو قصدج

ريم : هذا الفاهي وينه ولج عيني مايحجي بس ساكت اااااااخ يمه بطني

غزل : اليوم طلاكها لا محاله

ريم : ولك سحليه ياناقص وين علاكتي لو خفت من نوريه وانعام الكح.. لك حسييييين

سليل : لا صدك اليوم طلاكها

نهر : كعدوها ماما مو واكفات تضحكن عليها لتروح تهذري بشى ثاني

سليل : اني لازمه بطني واضحك

دكت رشا

رشا : هاااا بشرو

سليل : ولدت والحمدلله جابت ولد

رشا : اللهم صلِ على محمد وآل محمد

وشسميتو

سليل : بعد لهسه غير تصحه كاعده تسب وتغلط

رشا : حطي الموبايل على اذنها

سليل : احجي حطيته

رشا : ولج سكينه صرتي ام بلخير حبيبتي

ريم : ريه الحكيني كصوني ولد الكح

سليل : سديت حلكها شويه وميته ضحك

رشا : ههههههه اي من تكعدين طحي حظهم

ريم : انتي ليش تضحكين هاااا مضحكه مال الخلفج

رشا : العفو ههههه فتحي عيوونج يله حبيبتي

ريم : جوعاااانه ياكفره لكم انتم متخافون الله عايشة ويه ناس ملحده لو اروح اعيش ويه قوم قريش احسلي ينطوني اكل ونبيذ

غزل : هلووو الاخت تريد تسكر خلي نصحيها قبل متخرب صلح الحديبيه وتخلينا من قوم الاوس والخزرج

رشا : هاي تصنيف والنبي لو مصوراتها شبيكم

غزل : يااافاتني سدي خلي نصورها

سدينا نريدها تحجي كاامت بس تون

وتالي اجه سامر كاال لازم اخذ الطفل للحاضنه بمستشفى حكومي هنا ماكو لازم يبقى ايام

سليل : وريم

سامر : تبقى هنا وباجر انطلعها

بدت ريم تصحى وتوعى اول موعت كالت ابني وينه

نهر : بلحضانه يمه بلخير حبيبه

ريم : بي شى عمه فدووه

نهر : والله مابيه ليضل بالج مثل الورد

ريم : اريد اشوفه

سليل : تشوفي بس مو هسه صيري زينه بالاول

كعدنا ويااها وحجينا على سوالفها وهي تهز بيدها وتكول تكذبون عليه

ريم : سامر وين

نهر : يم الطفل

ريم : ابني بيه شى

سليل : شبيج ريم والله مابيه بس هو اجه بنهايه الثامن بعدج ممكمله شهرج واجه صغير وحطوه بلحاضنه بغير مستشفى

ريم : كمت ابجي جنت حيل خايفه عليه كلت اكيد بيه شى

سليل : كوه قنعناها واتصلنا بسامر طمنها

وبليل رجعت وماما بقت يمها بلمستشفى

ريم : جنت بين النايمه والكاعده وصار فوك راسي سامر يبوس براسي ويهمس  الْحٍمَدٍ للـّہ على سلامتج ام تيم

ريم : سميته تيم

سامر : اي حلوو وغريب وجديد

ريم : الله عليك سامر لتكذب عليه ابني بيه شى

سامر : لتخافين لو بيه جان كتلج بس لازم توكفين على حيلج حتى اخذج للمستشفى ترضعي

ريم : اروح كوم هسه

سامر :هسه انتي تعبانه باجر نطلع واوديج

ريم : مااشي وين رايح

سامر : لازم اروح ميصير ابات هنا وعمتج موجوده اذا صار شى خابريني

ريم : ان شاء الله

راح وبقت عمه يمي واتخايل ابني بحضني ياارب كومه الي بلسلامه

ريم : ثاني يوم طلعنا ورحنا للمستشفى من دخلوني وخلوه بحضني وحطيته على صدري ارضعه كمت ابجي شعور الامومه حلوو دموعي تنزل بهدوء وامسحهم انت ابني انت قطعه من روحي راح ابقى العمر كله وياك مااعوفك مثل معافتني امي شميت راسه اووف ياريحتك تخبل

سليل : مرت الايام وبقت طول هاي الفتره ريم بين المستشفى والبيت ترضع الطفل وترجع جانت مرعوبه عليه لحد مكمل التاسع وصحته تمام هي خطيه روحها طلعت والحمدلله اليوم طلعته وبابا طلب من سامر يجيبها ويجي اني وغزل محضرين الغدا ومنتظريهم اول مدخلت بابا

حضنها بابا

حجي طه :  الْحٍمَدٍ للـّہ الي الله انطاني عمر واشوفج ام

ريم : الله ينطيك الصحه والعافيه حبيبي بابا وبست ايده وحطيت ابني بحضنه جانت دمعات بابا البسيطه اكبر دليل على فرحته

رشا : كاعدين اني وجنات نسولف ننتظر  جيه شعلان على الغدا وطبت الحربايه هند احس كل متدخل مثل الواحد يذب بانزين عليه ويحركني ويروح

هند : شلونجن حبيبات

رشا : لا هله گلت بگلبي

جنات : هله بام علاوي

هند : هله بيج حبيبة بلخير عيني رشا سمعت اختج الصغيره جابت ولد

رشا :  الْحٍمَدٍ للـّہ

هند : جاشبيج انتي ركضتي ركض على البنيه مصرتي مثل اختج

رشا : مو هو اني بكيفي اسوي ولد واسوي بنيه عندي معمل والمكينه بيدي

هند : شبيج هبيتي فد هبه عليه اني عبالي خلفتكم بس بنات طلع هم زين تخلفن ولد

رشا : هسه شتردين

هند : سلامتج جيت اهني واروح

رشا : وصلت شكراً

هند : شلونج خيه حنات اللهم صلِ على النبي وجهج تفاحه يخبل هاي شبيهه الزلم تسودنت مشافت هذا الحسن كله

جنات : شكراً ام علي بس اني مااريد رجال يشوفني ولا ادور زواج

هند : هذا حجي لو يجي رجال حوك ويراعيج ويراعي ابنج بسرعه تتزوجين

رشا : وحده تردين تزوجيها والثانيه تحبليها متكوليلي شنو سالفتج

هند : وانتي شحامي حمامج قابل كلت ازوجها رجلك

جنات : كافي ام علي شنو هذا الحجي

رشا : خلي يجي شعلان ويشوفلي جااره

هند : هااي شبيجن اتشاقه تخبلتن عشتوو

رشا : اكوم لفرح اخاف كعدت وعفت جنات وهند وبقيت بلغرفه لعبت روحي منها وره اكثر من نص ساعه اجت جنات مكلوبه خلقتها سألتها كالت حماتج تغث يابه شكالت الج متحجي

واجه شعلان وتغدينا ومثل كل مره يبقى شويه ويرد يطلع حياتي ويااه كلش زينه مراعي الله بيه ودوم مدللني رغم احاول مااقصر عليه وهو هم دوم يكولي مااضغط عليج اخاف على گلبج بديت حتى اكرهه گلبي لان دوم يحسسني اني ضعيفه

سليل : اجه رمضان والكل كاعد على السفره بيت بابا أذن للفطور كلنا انجمعنا اني وسجاد ريم وسامر وابنهم بحضن ريم ورشا وشعلان وبتهم بحضن شعلان وجنات وابنها وغزوله وبابا وماما نهر 

اباوع على بابا شلون يباوع علينا وفرحان لان يشوف شلون كل وحده بينا كاعده بيتها ومرتاحه فطرنا سوه وجانت احلى لمه النا

ريم : انطوني دولمه بعيده تره

سليل : هااج بس اكلي خبصتينا

رشا : صارت ام وبعدها مخبله شوكت تعقل مااعرف

ريم : اووي شوفي العقل شلون ينكط منج ام فرخه

شعلان : تره مااسمح تكولين على بنتي فرخه لعد ابنج هذا جنه خبزه يابسه

ريم : يافدوه غير بعده صغير هسه يكبر وينشنش اله اخلي يكتل بتك

رشا : بتي مو فقيره حتى تنضرب وتسكت

ريم : ولا ابني فقير

سليل : تعاركو بينكم بس عوفو ابني

رشا : هااا بين بلسونار

سليل : اي ولد

ريم : هلا هلا صار ويه ابني ضد بتج

جنات : اني ابني ويه فرح ضدكم

سجاد : الي يلزم شعره من ابني ميكفيني بيها اشرب من دمها

سليل : يمه من فدوه اروح للي ياخذ حق ابنه

ريم : اكيد ياخذ حقه ابوه يطلع على امه بس يبجي ابو دميعه

سليل : ولج هااي اني

ريم : عمو منو التبجي كل وكت هذا رجلج وسألي منو يصيح ام دميعه

سجاد : تبجي وهادئه احسن من زيبك ولسانها بطولها

شعلان : حيييل واخيراً اكو منو يسكتج

ريم : تره كلنا بلهوا سوا واذا اني سكينه تره مرتك ريه

شعلان : قبل عيني هسه انعم من الدخن مثل المي بلصينيه عندي

سليل : الكل يضحك ويتشاقه اله سامر هادئ اباوع شكد فرق بينه وبين ريم

حجي طه : الله لايحرمني من لمتكم عندي والله يتقبل منكم صالح الاعمال

بدينا نشيل المواعين ونتمالخ منو تغسل واكيد ماكو غير غزوله بالاخير تعوفنا وهي توكف على السنك وتغسل

غزل : لتتمالخن هو انتم من تزوجتو بس هوسه تجون توصخون وترحون

ريم : تره هي هاي وضيفه المتزوجه تجي لبيت اهلها تهوس وتوصخ وادردم وتروح

غزل : واني اكلها

ريم : صغير القوم شنووو

رشا : خادمهم

غزل : هو هذا المحصلته منجن

سليل : اني اساعدج غزوله كومه مواعين

غزل : لا ماما هسه اكملهم على كيفي

جنات : اني اغسل عوفج منهن

حضرنا الجاي والحلويات ورحنا كلنا كعدنا بلهول واندكت الباب وطب عموو محسن

محسن : ايا خونه ولك طه لامهم يمك ومدز عليه

حجي طه : والله نسيت

محسن : تنساني على الفطور بس متنسى من تكول محسن فتح محسن عزل محسن اكو مصيبه تعال حلها ويايه محسن تعال اطيح حظك واموع اذانك هاي كلها متنساها

حجي طه : والله اعزمك انت والاهل باجر تعال افطرو يمنا

محسن : الله لايعوزنا عليك عدنا اكل

حجي طه : هسه اني كلت ماعندك

سجاد : ابو فيصل تعال افطر يمي والله مشتاق لسوالفك

محسن : خو انت اخذتها وطفرت ومنسمع حسك

سجاد : بلمحل والشغل انت الي ماكو

محسن : مكابل الدفان طه سمعتو هاي الاغنيه مال انا بيا حال والدفان يغمزلي سبحان الله بس سمعتها تذكرت طه

حجي طه : والله مظلوم وياك ولك وين حاجي وفاتح حلكي

محسن : هو ماينفتح بس بلمصايب هسه لدوخنا شكد تحجي اجيتك على شغله

حجي طه : هو منو الي يحجي من كعدت لهسه مسكتت

محسن: بلعيد ناخذ غزل

حجي طه : وين تاخذها

محسن : للمراجيح اركبها جم مرجوحه على جم زحليكه ونشتري الها مصاص ونرجعها

حجي طه : ولك بله شقه مفهمت

محسن : نزوج فيصل وغزل

حجي طه : مو بعد وكت

محسن : للعيد يصير الهم اربع اشهر ونص من انخطبو على شنو ضالين بعد

حجي طه : بابا رشا صيحي اختج

غزل : جنت اغسل مواعين ونسولف اني وجنات وصاحوني

محسن : هله بجنتي

غزل : هلوو عمو شلونك

محسن : بخير ياوجهه الخير

حجي طه : غزوله عمج يكول الزواج على العيد يناسبج

محسن : اكيد يناسبها امتحانات وخلصت ونجحت شتنتظر

غزل : بكيفكم

محسن : هاك شوف الهدوء والنزاكه هذا هو عمو حضري نفسج على العيد

غزل : ان شاء الله

عفتهم وطلعت شنو الفرق عندي اذا على العيد او بعده

رجعت انظف وتذكرت يوم المحكمه كطعنا مهر باوع بوجهي مرتين وبس وراها كاال مبروك رحت للمحكمه اني وماما نهر وعمو سجاد وبس طلعنا راد يعزمنا على الغدا عمو مقبل وكال عندي شغل بس اكيد لو طالب منه اني وياه نطلع مجان رفض بس هو ولا طلب لهذا رجعت ويه عمو سجاد ومثل حالتي الطبيعيه غير الهدوء ماعندي رد فعل على الي يصير

رشا : ولج غزوله

غزل : هااا

رشا : عرسج بقاعه يمحضوضه

غزل : شوو قاعه

رشا : عمو محسن هسه كال لبابا بلقاعه كال ابني الوحيد واريده احسن عرس

غزل : بس اني مااريد

سليل : دخلت للمطبخ وسمعت كلام غزل ليش متردين

غزل : يبقون يباوعون عليه اكثر من ٤ ساعات ابقى فرجه للكل

سليل : هاي شنو غزوله اكو بنيه متتمنى عرس بلقاعه وحفله ودك وركص تمنيت المعقد العندي يقبل جان والله تزوجت بلقاعه

غزل : اني مااريد وهم شايله هم يابدله الكه واغطي رگبتي

رشا : تره انتي حيل مزودتها والله متبين اذا سويته فيكه مثل الخطوبه

غزل : البس حجاب بلعرس

ريم : هاي منو الي تريد تصير علويه بعرسها

غزل : اذا بقى يردون قاعه البس حجاب عفيه حتى ابقى مرتاحه

ريم : وبوشيه مو احسن ونخلصها قران واحاديث نبويه والختمه دعاء كميل

غزل : ريم مو وكت شقه

ريم : مو انتي اطكين الگلب

غزل : اني هيج يعجبني اذا تردون راحتي

جنات : بنات عوفوها براحتها غير عرسها

نهر : شبيكم بنات صوتكم عالي

ريم : تعالي لست عزل تريد حجاب بعرسها واني ادك بلدف كدامها

نهر : بكيفج ماما

ريم : الله احلى مساعده

نهر : انتي سكتي مالج دخل عرس وعرستي عوفي اختج هي بكيفها

غزل : اي فدووه ماما اريد بلحجاب

جنات : تره اكو موديلات تخبل نازله مال محجبات دوري بمناطق راقية تلكين

سليل : اخذها للكراده لو للمنصور ونشوف

ريم : بخت ناس تلبس بدلات من المنصور وناس خلصتها من بغداد الجديده

نهر : وشبيهن بدلاتجن والله تخبلن طلعتن

غزل : اي شى ميهمني ومااريد شى غالي

رشا : هو على العريس قابل دافعه شى من جيبج

غزل : عيب كافي النيشان هوايه والمؤخر الي ماافهم ليش هلكد هلمره بدله ايجار عالي

سليل : نروح ونشوف حبيبتي وانتن حضرن نفسجن لازم كلشي تكمل هاي الايام مبقى شى للعيد كلها ٢٠ يوم تره

ريم : اني شعندي البس الهاشمي مال عمتي واردح باب القاعه

رشا : اكص ايدي اذا خلاج رجلج تركصين اكولج ريمو هاي شلون عايشه ويااه

ريم : ليش

رشا : ولج بس ساكت واذا شارك شويه ويسكت

ريم : تعلمت علية

نهر : متشوفون متجي تاكل راسنا لحد متروح

ريم : هيج صارت عمه زعلت

نهر : وزعلتهم كبرتي عبالج تقفصين عليه بعلاليك الحلويات

ريم : ااااخ ياريت الطفوله تعاد يومياً جان حرت شسويت

سليل : كل هاي وممسويه اذكري الله يمعوده

ريم : الله يسامحكم هو هذا الفقير وياكم مينعاش

رشا : حماتج شوكت تتزوج

ريم : وره العيد وابقى وحدي ويه عمتي اخاف هسه من اجيكم هوايه اسولف هلمره اجي بيه توحد من الهدوء امشي واصيح انتم منو

رشا : ههههه حيل تستاهلين

ريم : اي عيني بخت يمج جنات مخلصتها سوالف وتكركر

نهر : صدك يمه راح تتزوج غزل ارجعي هنا بعد المن ضاله

رشا : لا عفيه بقوها يمي

جنات : والله عادي عمه ارجع بس صار كم يوم هم رجعت عمي ادز اريد احجي ويه اموري اشتاقيتله اخاف تسوي لعبه

نهر : والله متى يمه تضلين هم هناك الرجال يريد يرتاح بيته وعيب منه

رشا : عفيه عمه شلج بهذا الحجي اصلاً شعلان مكيف عليها لان بطلت اكول اله كل وكت وينك وكاعده وحده وضايجه وهم فروحه تبقى يمها عفيه عوفها يمي

نهر : والله يايمه بكيفكم بس هم ارجع واكول ميصير

رشا : لا يصير عمه قابل هي غريبه غير بت عمي وحالها حال خواتي

نهر : بكيفكم يمه انتم ادرى

سليل : بدت تحضيرات العرس والعينتين العندي اول شى سواه ماكو فستان لان بطني طالعه صار عليه ٥ اشهر وراح اطب بلسادس لبست فستان مال حوامل واكفه امكيج وطب لابس القاط فدووه لطوله

سجاد : هااي شنو

سليل : شبيك حبيبي

سجاد : امسحي المكياج بسرعه

سليل : فدووه سجاد اليوم عرس اختي لتكسر فرحتي والله محاطه هوايه

سجاد : امسحي لا اخليج حتى عرس اختج مترحين

سليل : بقيت اتوسل بيه وهو قافل اخر شى عااط خفت لينفذ تهديده كمت ومسحت بقى اثر خفيف لبست الشال ونزلت

سجاد : بعد اكوو

سليل : مااروح خليت وكعدت على القنفه

سجاد : بكيفج خله وطلع السياره وسد الباب واني تخبلت عزه عافني وراح طلعت اركض وراه فتحت باب الشارع لكيته كاعد بلسياره ويأشرلي يله تأخرنا صعدت ضايجه مدلغمه

سجاد : زعلتي

سليل : امممم

سجاد : حبيبي باعي عليه

سليل : درت وجهي عليه هااا

سجاد : اني اغار عليج مرتي ومااحب احد يشوف المكياج عليها

سليل : بس اليوم عرس اختي

سجاد : حتى لو مااريد بلبيت شتردين تسوين سوي بره ماكو ولو ماادري راح تبجين جان غسلت هسه وجهج لان باقي بيه

سليل : لا حباب والله بس الكحل باقي

سجاد : وهاي بلشفه وفوك عينج اثر

سليل : فدووه سجودي عبرها والله طلعتها من عيني الحفله وهي مباديه

سجاد : يله كاافي انزلي لبيت اهلج

نزلت وهو بقى بلباب ننتظر الزفه وطبيت صحت هاا اجت غزل من الصالون

ريم : اي قبل نص ساعه وتلبس البدله

سليل : ملبستها بلصالون

ريم : لا بس الحجاب والطرحه لبستها وهنا تبدل مثلنا كلنا

سليل : وينها فوك

ريم : اي واني ارضع تمتم بغرفه بابا

سليل : كملتو كلكم

ريم : اي ورشا وجنات هم كملن وعمه هم وبابا شويه ويوصل

صعدت على كيفي وطبيت للغرفه لكيت غزل كاعده على الجربايه بدلتها البيضه لابسه حجاب ويه البدله نسقه ابو البدلات وسوت فيكه بيه ام الصالون فتحت عيني على الجمال الطالعه بيه

اللهم صلِ على النبي كلللوووش

غزل : ماما وكمت حضنتها

سليل : شبيج غزوله ليش الدمعه بعينج

غزل : راح اعوفكم

سليل : حالج من حالنا ياعيني كل البنيه وتاليها لبيت رجلها

سليل : بله اوكفي عدل خلي اشوفج ولج عيني طالعه تموتين

غزل : اهم شى رگبتي مغطايه

سليل : اليوم عرسج لتضلين تفكرين وتنغصين فرحتج

غزل : سكتت وحاولت ابين هادئه بس اني داخلي نار وخوف من المجهول ماانسى كلام فيصل

سليل : يله حبيبتي خلي ننزل

غزل : البنات وين

سليل : كلهم جوه وتره الزفه مبقى شى الها

غزل : نزلت والهلاهل تركع

دخلت للاستقبال انتظر بابا وين صاار وبدو البنات يركصون وهلاهل وطب بابا كمت وحضنته حيييل

حجي طه : تأخرت عليج بنتي كله من وره محسن عمج الخبل تكول هو معرس

غزل : المهم اجيت

حجي طه : هااج بابا هاي هديتي كالو ميصير البسها الج اله بلقاعه هاي سوالف تالي وكت كلهن زوجتهن قبل ليجي العريس ياخذها البسها وتروح بس يكولون موديل قديم والعروس متلبس بعد ذهب

غزل : الك كلشي يصير حبيب گلبي

حجي طه : لا بابا نمشي ويه الموده

حضنته حييل وبسته من خده

حجي طه : كلهن طلعن واخذن قطعه من روحي وانتي اخذتي هسه اخر

قطعه ديري بالج على نفسج بنتي اعرفج فقيره ومن اهل الله عينج على عمج وعمتج ذوله ابوج وامج هسه

غزل : محد ياخذ مكانك وانت وماما نهر

بست ايده وراسه ونسمع الهورنات

حجي طه : هذا سيت تلبسه الج امج بلقاعه

غزل : شكراً بابا

كعدت وغطو وجهي واشتغلت الهلاهل وعمو محسن طب يهلهل ويكمز تكول هو المعرس واجه فيصل كعد يمي بدون حتى ميوخر البركع وامه شاورته كاام وخره وباس راسي دقيقه وكالو يله تأخرنا على القاعه

طلعنا كلنا وبقى حبيبي بابا وحده بلبيت

حجي طه : اييي يا طه صفيت بوحدك بناتك كلهن اخذوهن منك يارب ذني امانتك اشملهن برحمتك وديم عليهن السعاده ولا تجعل حضهن مثل حضي تعبان بلدنيا

لزمت السبحه وكعدت اسبح واباوع على كل ركن بلبيت شلون فارغ واتذكر ضحكهن وسوالفن وعياطهن وامسح بدموعي

سليل : وصلنا للقاعه وجانت مليانه ناس معارف عمو محسن هوايه بلبدايه اخذو صور بلحديقه لان القاعه بيها حديقه جبيره ودخلوها لغزل جانت نازكه وهادئه كعدت بس حااسه بأرتباكها هي اصلاً خجوله مو اجتماعيه واشتغل الردح والركص واكيد سجاد كاال ماكو حركه شعلان مااجه بس سامر وسجاد بتوسل من عمو محسن كال الميجي بعد ليحاجيني ولخاطره اجوي

غزل : كمنا اني وفيصل نركص سلو المصيبه مااعرف شايفه بالافلام والمسلسلات بس مااعرف بلحقيقه

فيصل : متعرفين تركصين

غزل : باوعت عليه واشرت براسي لا

فيصل : سهله بس حطي ايدج على جتافي وتحركي بهدوء لتسوين شى

وسمعت كلامه ركصنا دقايق بس اني گلبي يريد يوكف من الخجل الكل تباوع علينا وبگلبي اكول ياربي عديها على خير

وكصينا الكيك ولبسوني هديه بابا وكل وحده من خواتي هديه الصراحه رفعو راسي كدام اهل فيصل

رجعني للكوشه وهو نزل يركص ويه جماعته

وبعد ساعات خلصت الحفله ونزفونا للبيت مقبل هو بفندق واني معلقت ولا كلت ليش

سليل : ودعنا غزل كلنا ورجعنا للبيت  وماما طول الطريق تشهك شلون اضل وحدي وشلون اضل كالت رشا نبقى اني وجنات يمج

جم يوم حتى تتعودين

غزل : دخلنا للغرفه وكعدت هنا بدت الاعصاب تنتهي

فيصل : انزعي يله شتنتظرين

غزل : جان كلامه جاف حيل ويايه وبصيغه امر

نزعت الحجاب ام الصالون شسورت شعري وشالته كالت بس افتحي كم ماشه حاطه اربعه كبست شعرج بيهم حتى من تفتحي ينزل مي على طوله وشكله يصير يخبل واني هم فكيت الطرحه والحجاب والماشات نزلت مثل مكالت حيل حبيته من مسويته هيج انداريت اباوع فيصل صافن عليه

فيصل : هذا شعرج لو بوستيجه

غزل : لا شعري

فيصل : همزين بيج شى حلوو

غزل : درت وجهي منه ومخنوكه حييل فتحت الكنتور واخذت بجامه ستن مو سيت العرس استحيت البسه

غزل : وين الحمام

فيصل : متلبسين هنا

غزل : لا بلحمام

فيصل : اني طالع والبسي براحتج

غزل : بس طلع بدلت كوه لان الظهر شلع گلبي يله انفتح اباوع من يشوف رجلي شيسوي همزين مو حييل مشوهه زين شكلها مو مثل رگبتي

كعدت على الجربايه انتظره ودخل

فيصل : هاي شلابسه

غزل : شبيهم هدومي

فيصل : اكو وحده بليله عرسها هيج تلبس محد علمج

غزل : غمضت عيني وفتحتها وجريت نفس وكلت اي علموني

فيصل : اذا علموج المن لابسه هيج اوو ابقي وتعالي انفضها مو لعبت روحي

غزل : اني گلي هيج لو انتهيت مباشره نزلت من الجربايه وكتله ليش لعبت روحك شنو البدر مني وتحجي هيج ويايه

فيصل : غزل تره روحي بخشمي

غزل : انت مغصوب عليه باوع ومحجه وطفه الضوه وسحبني حتى بدون كلمة ونزعني جنت بأحقر موقف ممكن امر بيه حسيت مو زوجي رجال غريب ويغتصبني مصدرت اي ردت فعل بس دموع تنزل وكل ماتبدر مني حركه بخوف يضربني هي مو ضربه قويه بس مثل الواحد شايل جبل على ظهره ويريد يوخره ويكسر اي شى كدامه في سبيل يوكع هذا الحمل جاان ويايه اله ينفذ المطلوب وبس بدون مشاعر بدون احاسيس سواء مني او منه اخذني وصرت مرته شهكت من الم الجسد والم الروح

فتح الضوه جريت الغطى شاف نيشاني وكااام اخذ التلفون ولبس شورت وطلع حتى محجه شى او طيب خاطري او اي كلمة تهديني اني مرعوبه ومقدر خوفي ولا عمري ولا هاي اوله ليله اليه وهو اول رجال يلمسني بقيت على نومتي فوك الربع ساعه لحد موعيت وبديت استجمع قووتي

كمت ونظفت المكان وشلت نيشاني مثل معلمتني ماما واخذت منشفه وادور على الحمام ياربي وينه طلعت من الغرفه كلت يجوز جوه بصف غرفه النوم اكو صاله بيها نص تخم وميز بلازما وتلفزيون موديلات جديده لكيته كاعد على التخم وحاط رجله على الطبله ويخابر ويحجي بلسويدي يمكن شافني دايخه واباوع اكوحمام اشرلي بيده ذاك الحمام

جان بصف غرفتي طبيت سبحت اول مدخلت جوه الدوش والله دموعي نزلن ويااه احس الدوش ودموعي يتسابقن مردت شى منه بس على الاقل كلمة اطيب خاطري عافني وكاام حتى مباوع بوجهي شسويت اني اله

سبحت وبدلت بلحمام حتى مشط مشطت وشلت شعري طلعت لكيته على نفس كعدته واني دخلت للغرفه حطيت راسي على المخده ونمت جنت تعبانه

كعدت على صوته يكول

فيصل : اجوي اهلج اكعدي

غزل : ساعه بيش

فيصل : بلتسعه

غزل : حييل هلكد نمت

فيصل : كومي انزلي

غزل : مااشي كعدت غسلت ولبست دشداشه مال عرايس ومكيجت خفيف مااريد احد يحس باوعت عليه رجع نام وحط ايده على عيوونه

نزلت اتصنع الابتسامه وام فيصل ترحب بخواتي وكل من شافني هلاهل ومكيفين

حضنت ماما نهر حييل وبجيت بهضم اي احس روحي طفله وهضموها وأذوها احتاجيت حضن امي حتى افرغ حزني وقهرتي

نهر : بيج شى ماما

غزل : هااا لا اشتاقيت الكم

سليل : باوعت على غزل عرفت اختي ليلتها مو عاديه وجهه مبين عليه هاي تربيه ايدي واعرفها من حضنتها كلت الها تم كلشي

غزل : اي  الْحٍمَدٍ للـّہ

سليل : عفيه بلسباعيه

العريس وين

غزل : نايم لعد ريم ليش مأجت

رشا : نايمه الخوثه تكول تعبانه

بقو البنات يمي شويه وراحو

صاحتني ام فيصل

ام فيصل : شلونج بنتي محتاجه شى عاجبكم شى على الغدا

ام فيصل : لا خاله شكراً اذا تردين اساعدج اني

ام فيصل : يااا شلون يصير حبيبة غير صباحيتج اليوم

غزل : واذا احنا بيت واحد

ام فيصل : تلحكين بنيتي على الطبخ والشغل روحي يم رجلج

غزل : مااشي ردت اصعد شافني عمو محسن اشرلي تعاالي نزلت ابتسم من اشوفه لا ارادياً ابتسم

هلوو عموو

محسن : هله ياروح عمج شلونج

غزل : زينه

محسن : هااي مني

غزل : شنو هااي فتحتها سوار ذهب وليلو يخبل

محسن : حالج حال خواتج دوم اخذلهن حتى لو انتي چنتي هم حالج حالهن

غزل : كلش حلوو

محسن : تلبسي بلعافيه بنتي غزل تحملي فيصل

غزل : شبيهه

محسن : ما اريد شى منج بس اطولين خلك ويااه اعرفج فقيره وعاقله بس فتره وان شاء الله يتعود

غزل :الله كريم قلقني كلام عمو اكثر مما ريحني والله صار بعدها صدمني

بلضبط قبل السبعه بيوم لاحظ عمو محسن دوم فيصل لو بره يخابر لو طالع وهو عريس المفروض يمي واني طول الست ايام الفاتت ولا تقرب مني انام وره مااغفى يتمدد بصفي وينام حتى ميطخني واني العليه جان بس اكول اله تاكل سؤالي الوحيد اله طول هاي الايام او صباح الخير

تأخر بره وسمعت صوت سيارته كاعده اگلب بلتلفزيون بلهول الفوك سمعت هوسه نصيت التلفزيون ردت اسمع شكوو

واسمع فيصل يعيط على ابوه ويكول اله

فيصل : زواج وزوجتني شتريد مني بعد

محسن : اريدك تصير ادمي

فيصل : يعني اني اجيت من السويد وتزوجت مثل متريد كله حتى لتزعل ولا انت وامي تغضبون عليه واطلع مو ادمي

محسن : جبتلك بنيه تسوه راسك عايفها ودايح لهذا الوكت ليش

فيصل : لتكول تسوه راسك مكافي جايبلي وحده محركه

محسن : لزمه من هدومه وركعه بلحايط اسمع لك اذا حجيت نص كلمة عليها افرغ المسدس براسك وخلي الناس تكول كتل ابنه

ام فيصل : على كيفك محسن لتسمع البنيه شتكول

فيصل : شوف يابه اني عفت حياتي والدوله العايش بيها حتى انت ترضى وهاي تاليها مراضي

محسن : ولك عااار شلون تريد ارضى وانت عايف مرتك عروس وتفتر هنا وهنا

فيصل : كلها ايام وارجع للسويد

محسن : اسمع لك ترجع للسويد تاخذها وياك

فيصل : هم عايزه اخذها اله تخبلت

ام فيصل : لعد تعوف مرتك هنا

فيصل : انتم زوجتوها اليه اني مردت اتزوج انتي وصلتي للموت وتصيحين تزوج وابويه ميباوع بوجهي وكل وكت يكول لا انت ابني ولا اعرفك اضطريت اكل نعل وانجب واوافق

محسن : وتبقى تاكل نعل وتاخذ مرتك وياك لا وروح ابويه يافيصل اسوي بيك الماتسوه مو تالي عمري اخسر طه من وراك

فيصل : وتخسر ابنك عادي عندك

محسن : يطبك طوب ردتك تصير ادمي مكضيها تفرفر ودياحه ونسوان ردتك تعدل واذا ماعدلت بلعيني والاغاتي اعدلك بلقوه

فيصل : تعرف كلش زين متكدر تسويلي شى واذا اريد هسه اخذ جنطتي واسافر شو حتى الجنسيه السويديه عندي بعد متشوف خيالي

محسن : سويها وشوف

ام فيصل : والله حرام عليك ومن انت وصغير وشالع افادي ودوم مسممنا مكافي مو كبرت خاف الله بينا ولك احنا رجلنا والكبر اخاف نموت ماراضين عنك

فيصل : هو شطيح حظي غير كلامكم وخلاني اتزوج هسه لو جايبين وحده بيها خير اخذها هناك شسوي بيها

محسن : اسمع فيصل اخر كلام عندي لو تبقى هنا وتنعدل ويااها لو تاخذها وتسافر ماكو سفر وحدك

فيصل : اذا اخذها لازم اقدم معامله واقل شى ١٠ اشهر اذا مو سنه يله يجيبوها اليه

محسن : شسوي سوي عندي اهم شو اذا ردت ترجع تستقر بلسويد تاخذ غزل وياك

غزل : طبيت للغرفه واني مصدومه يعني ليش هيج تدرون ابنكم حقير ومرايدني شنو ذنبي اعيش وياااه متحملت ونزلت عليهم

استغربو نزولي وكلت لعمو محسن

عمو وديني لبيت اهلي

محسن : ليش بنتي صار شى

غزل : ابنكم ميريدني واني مااعيش ويه واحد ميريدني

محسن : بنتي هذا نقاش بيني وبينه ليش تدخلين

غزل : ادخل لان يخصني

فيصل : اصعدي فوك وبله لغوه زايده

غزل : ليش لغوه مو متريدني رجعني لبيت اهلي

محسن : اذا رجعتي فيصل اتبرى منه ليوم الدين هاي اذا مطكيت ومتت ليش تصغريني كدام طه تقبلين هيج يصير حالي

غزل : دنكت مقهوره حييل واتنفس سريع

فيصل : اصعدي غزل ماكو روحه وحضريلي المستمسكات عكب باجر احجز وارجع للسويد اسوي معامله لم الشمل كم شهر وانتي يمي ونعيش هناك ماابقى بلعراق

غزل : ودراستي

فيصل : كمليها هناك ادرسي التحبي

غزل : وهاي الفتره

فيصل : تردين اداومين بكيفج متردين بطلي وكعدي

غزل : لا اداوم مااترك

محسن : عفيه بنتي العاقله روحي لغرفتج

غزل : صعدت واني حايره لا بيه ابقى مصره على موقفي شلون ارجع عروس لبيت اهلي منو راح يرحمني ويرحم اهلي اكيد راح يكولون بيها خلل ولا بيه ابقى بعد السمعته

وبعد تفكير قررت ابقى لازم اتحمل من الاول بوكت الخطوبه جان المفروض انهي كلشي هسه صعب بعد السبعه مالتي مطالعه الناس شتكول

وصعد كعد كبالي وكاال

فيصل : اني راح اسافر كم شهر وادز عليج تردين تبقين هنا لو ترحين لبيت اهلج

غزل : بكيفك

فيصل : ابقي هنا يم امي وابويه اقلها مياكل گلبي ابويه وكل شويه يخابر تعال ارجع

غزل : انت ليش تزوجتني

مجاوبني وكاام عافني وراح يسبح اني هم تمددت وسويت نفسي نايمه هو طفه الضوه وكعدني وتقرب مني بصيغه امر لدرجه كرهته وكرهت نفسي هذا شبيهه اكيد مو طبيعي

وره يومين حظر جنطته وسافر الكلمة الوحيده السمعتها منه ديري بالج على اهلي

عافني عروس معبرت العشره ايام وراح وبقيت بيت عمو محسن جنه البيت بدون رجال

نهر : جنت نايمه وحلمت بجعفر وامي كعدت طاك گلبي عليها مهما كان تبقى امي خابرت حسين وكتله تعاال شويه وهو يم الباب

حسين : هااا عمه خيرج

نهر : اريد خدمه منك

حسين : عيوني الج عمه

نهر : اريد اشوف امي

حسين : امشي نروح

نهر : مااريد لا ابوك ولا امك ولا اختك

حسين : هااا لازم على باجر ابويه بلشغل والصبح ادبر حجه اطلع امي واختي للسوك واجي عليج

نهر : اي فدووه لطولك اعتمد عليك

حسين : صار عمه تدللين

نهر : بقيت لثاني يوم انتظر خابرني حضري نفسج ولبست العبايه واخذت بدربي الفاكهه التحبها وصلت لبيت ابويه اول مدست عتبت البيت گلبي انغمش هنا انولدت وهنا كبرت وريحه ابويه وصوته بكل ركن من اركانه وهنا ضاع نص عمري وشكو مصيبه صارت بيه دخلت اباوع مغيرين بيه مجددي والاثاث جديد

حسين : تعالي عمه بهاي الغرفه

طبيت عليها كاعده بلجربايه نص مشلوله ونص زينه بس كلامها مفهوم وعدل

دمعت عيني من شفت حالها وكعت على ايدها ابوس

شلونج يمه

انعام : هااا منو نهر شحابج

نهر : اجيت اشوفج گلبي طاك عليج

انعام : امشي ولي لاخوج الساقط المجرم روحي اله مالج مكان يمي اخاف طردج ولفيتي عليه

نهر : والله شايلني على راسه بس اشتاقيتلج يمه

انعام : لا اشتاقتلج العافيه ولا الجنه ابقى طول عمري ماراضيه عليج متشوفين الله مطيح حظج وخلاج بلا سند ولا ولد

نهر : مسحت دموعي وكفت على حيلي وكتلها اشكرج يمه تعيريني

انعام : شرايده مني اجيتي تتشمتين بيه مثل ميكولون ان طاح الگوي كثرت سچاچينه

نهر : ليش يمه اتشمت غير انتي امي واجيت اشوف صحتج وعافيتج ردت اخاف تحتاجين شى

انعام : الله لايعوزني عليج ولا عبالج تشوفيني تعبانه ومااكدر اتحرك ومكيفه اخاف اموت وتورثيني لو تموتين انتي وذاك الكواد تورثون فلس احمر مني

حسين : بيبي هسه هي جابت طاري ورث عمه اجت تطمن عليج على كيفج وياها

انعام : اسكت يمه حسين انت فقير ماتعرف هاي الحيايه هي واخوها هاي لوما بزر بطني جان كلت بت رازقيه ولك باعتني وباعت ابوك لخاطر كتال اخوها شفت هيج وحده دونيه

نهر : رحمه الله والديج يمه اني اجيت اشوفج واروح

انعام : واني مااريد شوفتج وروحي منا حسين اطردها مااريدها ادوس بيتي

نهر : هذا هو يوم اني العليه سويته واخاف تحتاجين شى بس بلغي حسين والتردي يجرالج

انعام : اريد الله ياخذج وياخذ ذاك واشوف بيه يوم اسود يبرد نار گلبي

نهر : امشي حسين رجعنا

طلعت خطوتين جان تكول اسمعي لج تره اخاف اموت ماتحصلون فلس كل الاملاك سجلتها بإسم علي موتو بقهركم

نهر : رجعت اتقربت منها وكتلها اخاف بصمج مثل مابصمتي ابويه مو هي الدنيا دواره

انعام : انعل ابوج لابو امشي ولي ولت روحج كون

نهر : عرفت علي داك نفس الدكه من رجفتها وعصبيتها بحيث تريد تجر النفس ماكو عفتها وطلعت

صعدت ويه حسين وكتله ابوك اخذ كلشي موو

حسين : والله هسه سمعت ولا ادري

نهر : وانت وين لعد مو بلبيت وياهم

حسين : مو دائماً اكثر الاوقات عايف البيت

نهر : يمه حسين ليش متتزوج شتنتظر

حسين : ماانتظر شى هيج مرتاح عمه

نهر : هم امك وابوك يفرحون بجهالك

حسين : مثل مرادو سويت كالو عوف بت طه وعفتها بس بيومها كتلهم لو هي تصيرلي مره لو مااتزوج واني كد گلمتي

نهر : ميصير حبيبي البنيه تزوجت وصارت ام وهسه حامل بلثاني

حسين : الله يسعدها

نهر : اتزوج ابني

حسين : وصلنا عمه سلميلي على عمي

نهر : بسته ونزلت تقصدت اكول اله ريم حاامل لان هي حبلت على الاربعين يعني اسست حياتها ويه رجلها شينتظر والله من اشوف حاله اموت قهر

شهر ١١ سنه ٢٠١٢ واكفين باب العمليات ننتظر ولاده سليل وسجاد يروح ويجي مثل المخبل ساعه يكعد ساعه يوكف ساعه يطلع يشرب جكاره ويرجع ميعرف شيسوي

نهر : اكعد مو دوختنا

سجاد : خايف عليها

نهر : بس مرتك حبلت وجابت يمعود كول ياالله هسه تطلع مثل الورد

سجاد : گلبي نار عليها

نهر : ههههه والله وگلبك رجيج عليها

سجاد : ادخلي شوفي وين صارو

نهر : اي مو هي مستشفى طه واتگلب بيها

سجاد : لا بعد مااتحمل ولا وحده اطمني

نهر : على كيفك والله ثولتنا روح اطلع بره بلحديقه ومن تجيب انصيحك دقايق وطلعت السستر لافه طفل بيدها وتكول بلخير الولد

نهر : الف  الْحٍمَدٍ للـّہ يـِْ♡̨ـِْا رَبّ بلخير سجاد واخيراً صرت اب لو ما العيبه اله اهلل شراح تسمي اباوع عيوونه دمعت ويمسح بيها وكاال اسمي

سجاد : زين العابدين

يتبع ....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_التاسع_والعشرون

ثاري الـــــــــــ آخ هم انواع

وكلهن فارگني بساع

بس  آآآآخك طويلة وبيها حرگة وصوت

مثل صوت اليطيح من السما للگاع💔

سليل : فتحت عيووني واشوف سجاد فوكي يبوس بخدي وراسي

سجاد :  الْحٍمَدٍ للـّہ على سلامتج ام زيون

سليل : ااااخ تأذيني بطني سجاد

سجاد : اطيبين حبيبي

سليل : شلونه ابنا عفيه

سجاد : بخير ياوجه الخير اجه زيوني

سليل : سميته مثل متفقنا

سجاد : اي وعيونج مثل متفقنا زين العابدين

سليل : شفته

سجاد : لا بعدني اجيت اشوفج واروح اشوفه

نهر :  الْحٍمَدٍ للـّہ على سلامتج يمه

سليل : الله يسلمج ماما عفيه ناار بيه

نهر : ميخالف تهون يمه كلها ايام وتكومين مثل الورد خابرت ريم وغزل وهسه جايات بلطريق

ريم : مديت راسي اهلهل اخاف يطردوني

سجاد : ياريت حتى نخلص من هوستج

ريم : بست عمو وسليل بلخير عليكم شسميتوه

سجاد : زين العابدين

ريم : ماكو اطول من هذا الاسم

سليل : مالج دخل مو سميتي تيم

ريم : يمه فدوة لابني اكيد احلى من ابنج

نهر : بسم الله بدينا

طبت غزل  الْحٍمَدٍ للـّہ على سلامتج ماما

سليل : الله يسلمج غزولتي يوم الالج واشوفج ام

ريم : منين من الهوا شو الرجال حط الدشداشه بحلكه والنعال بيده وطار جان تجيني كفخه من وره انداريت هلوو عموو شلونك

محسن : تحجين على ابني

ريم : اني ينكص لساني كلت ابنك الحباب سافر

محسن : لا والله ابني ابن گلب عاف هاي الجماره وسافر

غزل : غير شغله ياعمو ردت اسكته لان مكلت شى كدام خواتي

محسن : انعل ابوه لابو شغله خليني ساكت

نهر : ليش اكو شى

محسن : لا ماكو شى بلخير عليك سجاد

وانتي عمو سليل يتربى بعزكم وبخبالات رجلج

سجاد : شكراً ابو فيصل وحتى لو بخبالاتي القاضي راضي

محسن : من طيح الله حظ هيج قاضي اعوج شلون حبتك ماادري

سليل : فدووه عمو لتضحكني غير يخبل شوفه

سجاد : اسكتي هسه يستلمني

ريم : عمه هم حجت شى سليل بلبنج

نهر : لا والله بس تون خوما مثلج فضحتينا فضح شسويتي

ريم : اني شوكت جنت نسمه ونايمه حتى الممرضات والدكتوره كالو هاي الملاك النايم منو ولا حسينا بيها

غزل : غلطي ماسجلت الج جان هسه عرفت شلون اسكتج

ريم : انتي بلذات من اطلعين من العمليات متأكده تخلصيها اش اسكتو دخت كاافي مااريد اسمع صوت لو تقرين دعاء الصباح

سليل : ولج لتضحكين الخيط راح ينفتح

ريم : اي مو مخيطي بتفله هاي شبيج سليل شيفكه ادوس على بطنج وتشوفين

سجاد : شحدج تلزميها

ريم : ماوراكم بس وجه الگلب خلي اروح اشوف ابن اختي حلوو اجكم

سجاد : اروح وياج

سليل : بقيت بلمستشفى للصبح وطلعنا وبحضني ابني الفرح الي بگلبي يساع الدنيا بقيت بيتي وماما كالت اني اجي اداريك وثاني يوم رشا وجنات وريم وغزل كلهن يمي الي تطبخ والي تنظف والي ترتب بس ريم تاكل لان حامل بلشهر الرابع وابنها بحضنها

بليل نايمه وافتح عيووني اشوف سجاد شلون يتلمس زيون ممصدك ويحجي بهدوء ويااه وادمع عينه ويمسحها واني فرحانه على فرحته

همست سجودي

سجاد : هااا حبيبي

سليل : فرحان

سجاد : حيييل فوك متتصورين ولا توقعت بيوم اصير اب

سليل : بس انت ابو لخواتي

سجاد : وهنه بناتي وخواتي ومعزتهن غاليه بگلبي بس هذا ابني من صلبي غير شعور سليل احس مالك الدنيا انتي ويااه بحضني

سليل : الله لا يحرمنا منك

سجاد : ولا منج

سليل : فلوس المستشفى هوايه ليش مااخذت من الكنتور

سجاد : كتلج فلوس ولادتج جامعها

سليل : ليش تسوي فرق بيني وبينك

سجاد : ما محتاج منج حتى اخذ

سليل : وابقى هيج الراتب اخذه ومااصرف منه

سجاد : من احتاج اخذ

سليل : جم مره تكولها ومتسويها

سجاد : الله كريم نامي ارتاحي

سليل : مرتاحه ويااه اله بهاي السالفه دوم مخلي فرق بينا احب اصير اني ويااه جييب واحد بس هو ميقبل وردت اشيل فلوس العمليه وانطي ومقبل ودخلها الف ايراد ومصرف ليش مو بعينج اني مو رجال مااكدر ادبر ولادتج ونقاش ماله اول واخر بالاخير سكتت وعفته براحته

رشا : حياتي بين بيتي وبين دوامي وشعلان طيب ويايه وبسبب وجود جنات يقلل النقاشات اذا اكو شى اخاف تسمع لاحظت الايام الاخير شعلان صارت روحه بأمير اني احبه هو طفل يتيم ماله ذنب بس هم انقهر كل مااشوفه شايله ويفتر بيه اخر المتمه صاحله بابا تخبلت بس مبينت ودوم عركات هو وفرح لان جهال وهاي هند تسمعني كلمة وره الثانيه سمت گلبي وصلت مرحله من تجي اطب للغرفه واعوفها ويه جنات لعبت روحي منها

وبعدها قررت ابعد النار من البانزين وره معاشت عندي جنات اكثر من  سنتين لان حسيت الحسرات بعيون شعلان يريد ولد وكلت طول ما اموري گباله راح يبقى يتحسر ويتأذه  وهم اخلص من لسان هند الحيه بس شلون ارجعها لجنات شكول الها بعد متمسكت بيها وهي خطيه ممقصره ويايه وشايله البيت وبنتي على راسها  قررت احجي ويه عمه نهر وهي تحلي الموضوع خابرتها

نهر : اي يمه من زمان كتلج مالها داعي بقائها هناك راح اخابرها واكول الها عمج يكول ارجعي كافي البيت فرغ علينا بس اني وعمتج بيه وهم ادخله روضه شو كلها سنه ويطب مدرسه قابل تسجله يمج

رشا : والله اني اريدها تبقى كلش مرتاحه لوجودها بس شعلان صارت روحه بأموري ومرات حتى فرح يعوفها ويطلع امير وهاي هند حسره تشوفه وياها تعالي اسمعي الحجي اشكال والله على ساعه الزمها واخنكها وابتلي بيها

نهر : باجر اخابر جنات وننهي هذا الموضوع وانتي ديري بالج على صحتج شخبلج كل شويه واريد احبل واريد احبل لو ماعندج جان شسويتي

رشا : من امه واخته وقهرهن منا جنات ومنا خواتي الله يحفظ جهالهن جابن ولد وذني شايلاتني ولاطاتني اتصوري حتى ميبوسون فرح ولا الهم علاقه بيها وهي طفله شنو ذنبها

نهر : لو يعرفن الله جان كالن هذا رزق مالج دخل بيهن وعليج برجلج وكلها يومين وارجع جنات هنا

رشا : اي عمه اعتمد عليج

وخابرت عمه ثاني يوم واجتني جنات

جنات : اني راجعه للبيت رشاوي

رشا : يااا ليش

جنات : عمو دز عليه وكال لازم ترجع وهم صحيح كلامها ثقلت عليكم

رشا : على بختج اني الي ثقلت عليج بسالفه البيت وفروحه والله لو ما انتي مااعرف شلون تعدي هاي الايام

جنات : والله على عيني عايفتج بس بعد عمي اذا تكدرين تحجين ويااه تقنعي ابقى

رشا : بلعت ريك وكتلها هااا اي اكيد احجي وخابرت على عمه واعتقد عمه افتهمت الفلم ورفضت كدامها همزين طلعت من مأزق شكبره

وبليل اجه شعلان وبلغته

شعلان : لا ليش يرحون

رشا : وشبيك كمزت

شعلان : هااا لا بس تعرفين تعلقت بأمير

رشا : اني شعليه ذاك ابويه وكول اله

شعلان : شلون احجي ويااه بأي حق ماحاولتي انتي

رشا : اووو شكد حاولت وكعت دخيل ومافاد حتى اسأل جنات كدامها الحجي صار

اريدك عكب باجر ترجعهم لبغداد

شعلان : ودوامج شلوون

رشا : شكوو عليه قابل بس اني موظفه الالاف مثلي وبنتي اخذها ويايه استأذن من المديره وبوكت الدرس اعوفها يم وحده من المدرسات واذا صار اشكال ادخلها حضانه وابوك الله يرحمه

شعلان : هذا هو براحتج

رشا : اني شعليه ياعيني ليش مااكيف تبقى جنات واموري بس بعد قرر وهو بكيفه

نمت وعفته جنت حااسه هاي الخطوه اجت بوكتها وبعد يومين راح شعلان وصل جنات لبيت ابويه ورجعت تعيش هناك

اول مدخلت هند تخبلت لان ماكو استغربت محبتها لجنات رغم دوم جنات تحجي عليها وتحذرني منها بس ارتاحيت من شفت القهره بيها وعافتني وطلعت ومن يومها كل اسبوعين تمر يوم وتولي على كد السلام فد راحه عجيبه رجعت ارتب وكتي وبيتي وحياتي واكدر كل وكت اكعد واسولف ويه شعلان واحضن وابوس بيه براحتي بدون مااتقيد اخاف تشوفني جنات وانحرج منها

ورتبت وقتي ماانكر اول ايام اشوفها صعبه بس ضغطت على نفسي حتى ليحس شعلان بتقصير ويحس اني مالي دور جان بلبيت بس هذا الشى تعبني وجعلي گلبي بس بقيت اقاوم لحد ما صفت كل حياتي واموري

ريم : اليوم ولدت بنتي رفوله حبيبة گلب امها نـ🔥ـورت الدنيا عندي جنت فرحانه لان بنيه وطايره بيها وكلت لسامر استخدم مانع بعد مااريد اطفال ولد وبنيه رزق من الله اعلم واكبرهم وانطي روحي الهم

سامر كما هو اكتشفت مثل مكالت زينه هو هذا طبعه هادئ وكلامه قليل تعلمت عليه وكمت اعرف شيحب وشنو يكره ومرات اشاقي حتى بس يضحك احس روحي مسويه انجاز اذا ضحك طيب وحنين على جهاله كلش وحتى ويايه رغم البرود الي بينا بس مايوم رفضلي طلب زينه بهاي الفتره تزوجت وراحت لاربيل عااشت بيت عيالها اتزوجت كردي وفضى البيت عليه بس اني وعمتي وسامر والجهال

حبيت حياتي رغم الهدوء البيها صرت ام ورغم خبالاتي على كوله الكل بس اعتني بيتي وبجهالي فاقد الشى لا يعطيه طلعت هاي المقوله غلط فاقد الشى يعطي گلشي بسبب فقدت الاستقرار بطفولتي من ام مهمله حاولت اكون ام طيبه وحريصه لجهالي وصلت مرحله لو بيدي افتح ضلوعي وانومهم بداخل صدري من تعلقي بيهم وشكو شى يأذيهم اتجنبه وهذا الشى كلش حبه سامر بيه على كولته متوقعت اطلعين هيج ام مرتبه والله سمعه طايح حظها كلنا اكمز واضحك قابل اشمر جهالي بلشارع

سليل : حياتنا مشت بسرعه كل وحده بينا حايره بيتها وجهالها وكل كم يوم نتخابر نزلنا كلنا برنامج فايبر ونتراسل عليه ودك سوالف وضحك سوينا كروب مرت ٢٠١٣ علينا بدون اي حوادث والحمدلله سجاد شغله مااشي واني كملت سنه امومه ورجعت للدوام واعوف زيون يم امي ومن ارجع اخذه وغزل نجحت من الثاني وراحت ثالث ورجلها مرجع من السفر وكل منسأل وكالو المعامله مكامله وهي احسها مرتاحه على الوضع وريمو صار عدها رفول وصارت ام لاثنين ولد وبنيه ورشاوي باقيه على فرح وبدت تاخذ علاج لحالتها داكه رجل اله تحبل مرات احسها تريد تنتحر بهذا تصرفها هو شنو فرق الولد عن البنيه بس اكو ناس متخلفه مع الاسف وكل همه يصير عدهم ولد والله شنو لكبرتي

حسين سافر لتركيا حسب مكالت عمه نوعاً ما استقر هناك ويخابر مرات عمه ويسأل عليها ودوم يتصل بسجاد وياخذ رأيه بأمور شغل لان هناك فتحله مصلحه ويشتغل وضعه زين ودوم اوصي سجاد يحجي ويااه حتى يتزوج ويستقر

اما جنات ابنها بلروضه والسنه التجي بلمدرسه كاعدت بيت ابويه انجمعنا عطله

احنا هسه سنه ٢٠١٤ نهايه الشهر الثاني

نضحك ونسولف وبابا شايل علاكه بيده ويوزع حلويات لاحفاده طبعاً ريم كاعده ويه الجهال وتتعارك ويااهم

داير مدايره فرح وزين وامير وتيم ورفل واشوفه طاير بيهم اصلاً كمنا من نجي ياخذ الجهال من عدنا ويكول الي تريد خلي تروح عوفو الجهال يمي

بس عينه على غزل دوم يكول الها هااا بابا شخبار رجلج احسه ممرتاح لوضعها

وهي تكول زين ويخابرني ويطمن عليه بس تربيتي واعرفها مبين تكذب

غزل : من يوم ماسافر فيصل واني قررت اكمل دراستي رجعت اقرا واكتب روحي بلقرايه حتى ماافكر ونجحت من المرحله الثانيه من الدور الاول ماانسى فرحه عمو وخاله بيه وصلت مرحله نسيت اني متزوجه هو يتصل بأهله كل اسبوع اله اني تلفون مشال عليه وهم ولا مهتمه بوكتها من سمع بابا سافر فيصل راد ياخذني يمه بس قهرت عمو محسن خلتني ابقى يمه موبيدي احبه هو صّـْْ(☑)ـْْحّ صديق بابا بس حييل احبه وهو طيب ويضحكني ويشاقيني مرات حتى العصير يجيبه الي لو الجاي من اقرا ومااطلع اذا ميحط فلوس بجيبي حتى لو عندي شايلني بلصلوات وهذا الشى وكف بعيني مكدرت اطلع من بيته عروس وأذي

هسه اني مرحله ثالثه وصعبه وكل الوكت راسي بلملازم والكتب وهمه موفرين الجو المناسب الي حتى طاري فيصل نادراً ميجيبوه حتى لا انغث

كاعده اقرا بلغرفه اندكت الباب

تفضل

محسن : شلونج باباتي غزوله

غزل : هلوو عمو تفضل

محسن : تعالي تعشي ويانه

غزل : طفرت من مكاني ليش سويتو عشه مو اني كلت لخاله اسوي

محسن : لا بنتي اني جبت من بره سفري شويت كباب وجبت وياها مقبلات

غزل : اي والله عمو جوعانه وكمت شفت عيوونه تلمع مثل الواحد يريد يبجي

بيك شى عمو

جان يحضني وكاام يبجي

محسن : ظلمتج يابنت الغاالي وكسرت بختج

غزل : شبيك عفيه عمو شصار

محسن : هو هذا هم حال حالج لا انتي المتزوجه ولا انتي بنيه

غزل : وخرت من حضنه وكتله لتهتم عمو مرتاحه هيج

محسن : شلون مرتاحه بنيتي وهذا الناقص لهسه مكمل معامله لم الشمل

غزل : عمو عادي خلي تتأخر لتفكر بيها مبين مليت مني وتريد تخلص

محسن : على بختج بنيتي اشيلج على راسي الله شاهد انتي اجيتي رحمه الي ولاسراء (زوجة محسن) شفتيها شلون مكيفه بيج وبجيتج

غزل : اعرف والله واني هم مرتاحه وياكم لتفكر عمو بأي شى وامشي نروح ناكل ليبرد الكباب وتعيط خاله علينا

محسن : ابوج هم يخابرج

غزل : اي اكيد

محسن : واكيد كلشي مكايله اله لان مبين من تعامله ويايه كلش طبيعي وممتغير

غزل : مستحيل بيوم اخرب البينك وبين بابا وسمعنا صوت خاله هاااك شفت راح ترزلنا

محسن :تلكيها جاعت يله بنيتي

غزل : نزلت ولكيت خاله مكمله كلشي وكعدت اكل وياهم السواه فيصل كسرني عافني عروس ودار وجهه وراس بس بقائي هنا وياهم ممأذيني بلعكس شايلني على كفوف الراحه ومااكدر اعوفهم واروح رغم اشتاق لبيتنا لان احس عمو محسن يتأذه اكثر اذا رحت يمكن اي وحده بمكاني ترجع لاهلها وتحرك كلشي بس اني اختلف طبعي مااحب اشوف احد يتأذه بسببي انطي من نفسي شكد مااكدر لحد مااحس خلص انتهيت هذا اني الي احبه انطي روحي واكول اخاف قصرت

طول الفتره الفاتت واني لا اسأل عليه ولا هو وبيوم كاعده اغسل بلكراج واسمع خاله تحجي ويااه بلتلفون وتكلي ولك يمه فضها مو حتى عيب من البنيه الله يقبلها اخذتها وعفتها معلكه شنكول لاهلها فوك ما مقدرينا ومنطينا مره وعايفها رجلها بقيت انظف وممهتمه يمكن لان مااحس بأي مشاعر اتجاه فيصل ويمكن الكم يوم الجمعني بيه تركت بداخلي ذكرى سيئه عنه خلتني حتى مااتحمس اسافر

كملت شغلي ودخلت سبحت وكعدت اقرا هاي حياتي بيت عمو محسن اداوم الصبح وارجع اتغدا الكه خاله مكمله الغدا اني اغسل المواعين انام ساعه اكعد اقرا وبليل انزل انظف لان بس احنا البيت يبقى نظيف وماعدنا احد يوصخ وخاله خطيه اي شى متكلفني اني اكوم من ذاتي لحد مصرت احس هذا بيتي ومن اروح لاهلي اريد ارجع بغرفتي تعلمت على فراشي وغراضي يمكن غريب الوضع العايشه بيه بس مرتاحه

حجي طه : لشوكت يبقى هيج حال غزل

نهر : شبيك طه

حجي طه : تره تاكل وتشرب ويايه حالها اريد اجيبها هنا

نهر : والله مو كدامك جم مره حجينا وياها يمعوده تعالي هنا ارجعي زين صار شى بينج وبين رجلج دوم تكول لا ويخابرني وعلاقتي طيبه بيه ومرتاحه هنا احسه بيتي شنسويلهت ياطه

حجي طه : ارجعي احجي وياها افتهمي منها الوضع هسه لو بس تفتح حلكها وتكول تعال اخذوني ليله ماابقيها صار اكثر من سنه ونص وهي هناك لا رجلها ساحبها ولا جاي وعايش مثل الاوادم وياها

نهر : حجيت ويه محسن

حجي طه : شحجي بله اني لمحت اله جم مره وهو دوم يكول اجرائات ومعامله اطول وهو عنده شغل ميكدر هاي الفتره يرجع وبتج متشكي اريدج تحاولين وياها بعد واذا مفاد دزي خواتها عليها حيل شاغلني وضعها واذا بقى هيج الحال ادز خبر لمحسن خلي يطلكها فيصل

نهر : يمه اسم الله ياطلاك انت تحجي صدك

حجي طه : قابل اتشاقه بنيه عروس يعوفها ويهج شنو معناها اني تدرين بيه ماادخل بحياة اي وحده بيهن بس الي يمسهن احرك الدنيا لعيونهن وغزل فقيره مو مثل خواتها بله ذنيج سباعيات اله هي خانسه ودوم متحجي ولا تشكي ولا تطلب طينه

نهر : ادز سليل عليها وبلكت الله نفهم الشغله

حجي طه : خلي تكول الها اذا تريد تطلك بس تأشر باجر اطلكها اني ممستغني عنها وغرفتها على حطتها تجي وتعيش معززه مكرمه

نهر : الله يحفظك الهن لدير بال اني احجي ويه سليل واخليها تروح الها

حجي طه : فضيها هليومين نهر تره كلش تعبان من التفكير بوضعها

نهر : ليصعد ضغطك اخذت دواك

حجي طه : اي اخذته

نهر : رايحه لسليل للبيت هم اشوفها وهم احجي ويااها

سليل : كاعده وزيوني بحضني افلس باكلا جديده هستوها نزلت وهو يلعب ويشمر اندكت الباب وكمت

فتحت الباب طلعت ماما

سليل : اي الله جابج هاج يااه موتني

شمرته عليها

نهر : ولج على كيفج ويااه

زين : ماما اجت هييييي

سليل : اي روح لامك اني مو امك ولا اعرفك

نهر : كون يسمعج سجاد اله يفرك حلكج

سليل : يمعوده النهار كله بحضني واركض بيه هنا وهنا واوكل واشرب وادلل وبعد هذا التعب  كله من يجي ابوه ينام بحضنه ومن يسأله المن تحب اكثر يكول بابا ويبوس بأبوه خلفه طايح حظها ميغزر بيها التعب

نهر : ههههه غير ابوه قابل حاب واحد من الشارع

سليل : واني شنو الخدامه مال الخلفه

نهر : تغارين موو

سليل : لا بس اريده من يسأله ابوه يكول احب ماما حك التعب والسهر ياناس وفوكاهت سجاد مكيف ويكوله اي حبني اني اكثر من امك

نهر : هههه والله عقلج عقل الجهال حاطه نكرج ويه الجاهل تعاال حبيب امك

سليل : اكعدي يوم ليش واكفه

كعدت وحسيته مو طبيعيه شبيج ماما صاير شى

نهر : ابوج دزني والله

سليل : اسم الله ابويه بيه شى

حجي طه : غير تنطي مجال احجي مابيه شى لتخافين اني اجيتج حتى ترحين لغزل تشوفينا صرفه وياها لازم اكو حل لموضوعها

سليل : مو كدامج كل متجي كل متجي احجي ويااها ولا يفيد غير كلمة مرتاحه وزينه ويخابرني ويسأل عني

نهر : وانتي مقتنعه

سليل : طبعاً لا اكو واحد يقتنع بهاي الكلاوات رجال سنه ونص عايف مرته بيت اهله اكيد اكو سبب وهاي غزل فاهيه تشك الگلب متحجي كوه اجر الحجايه منها

نهر : طه هلمره ميعوفها ويريد يطلكها من فيصل

سليل : ياستار ليش طلاك

نهر : لعد هو هذا حال بربج لشوكت نسكت لحد ميصير عمرها ٤٠ سنه لو يجي ويعيش وياها مثل الاوادم لو يطلك

سليل : اي والله صحيح حييل مصخت سالفتها والمطلوب مني شنو

نهر : ترحين باجر وتاخذين سجاد وياج هم زياره وهم تفتهمين منها ولازم نخلي حد لهاي المهزله

سليل : صاار ماما

نهر : راح اخذ زين ويايه وانتي كملي شغلج وسل اي فدوه لعينج ومن يجي سجاد اخلي يمر ياخذه

نهر : عوفي يبات يمي باجر مو عندج دوام هم تجيبي الصبح عوفي نايم

سليل : اي عفيه

اخذته واخذت ملابسه والحليب مالته وراحت للبيت هنا زيون عمره سنه و٤ اشهر

اني هم كملت شغلي وسبحت وحضرت نفسي ردت سجاد يرجع يلكاني عروس تنتظره كملت العشا وغطيته جان يدخل

سجاد : بابا زيون وينك

سليل : ماكو تفيد حبيبتك سلل

سجاد : ليش متفيد غير هي الروح والريه واخذني بحضنه ويبوس بيه وين زيون

سليل : والله كمت اغار منه اول مطب بس تركض عليه

سجاد : ام عقل الصغير غير ابنا الله عليج وينه

سليل : دزيته يم ماما ويبات يمها

سجاد : هااا يعني ان غاب زيون العب ياسليل

سليل : عفيه  رفعت نفسي وحضنته وابوس برگبته واهمس ممشتاق لحبيبك

سجاد : ميت عليه تعاالي اسولفج قصه الامير والاميره فوك

سليل : والعشا

سجاد : مطاير

سليل : هههههه يبرد والله

سجاد : اكله بارد بس بالاول خلي ابرد اني شوو تعاالي سحبتي من ايدي واضحك من گلبي ويااه

سليل : حياتي ويه سجاد هادئه طول مااسمع كلامه شكوو شغله يضوج منها اتلافها لعيونه ماانكر مرات ازهك من تحكمه بس من ياخذني بحضنه تالي الليل واشوف شلون حاضني تكول راح اطير من ايده اعرف هو شكد متعلق بيه وانسى كلشي غثني بذاك اليوم

ثاني يوم العصر لبسنا ورحنا اني وسجاد وزيون لبيت عمو محسن اول مدكينا الباب طلع عمو

محسن : ولكم منكم من الشيطان ممصدك جايين تزورونا

سجاد : تريد نرجع

محسن : شحدك تعالو ادخلو

سليل : شلونك عموو

محسن : انتي بلذات وحده ناقصه ومايغزر بيج كلشي ذيج ام لسان سكينه احسن منج دوم تخابرني هسه على الاقل شيلي تلفون كولي عمي مات عااش

سليل : كل اخبارك عندي تعرف بماما تنقل الي الاخبار اول بأول

محسن : اي صايره قناه العربيه

ام فيصل : تعالي يمه زارتنا البركه

اجت غزل تركض حضنتني

غزل : والله ممصدكه جايه تزوريني

سليل : كلت متسألين اسأل اني

غزل : والله اقرا وامتحانات

محسن : تكعدون بلحديقه لو جوه

سجاد : اي مكان

محسن : بلحديقه والجو يخبل اليوم

كعدنا سوالف وضحك وضيافه

اسراء(ام فيصل) : كومي يمه اخذي اختج وطبي اخاف عدكم شى وعوفولي هذا الحلوو يمي

سليل : تسلمين خاله كمنا اني وغزل وطبينا جوه اباوع البيت نظيف يلمع وهادئ كلش وشلون يتعاملون بطيب وياها 

غزل : وجهج ميطمن ماما احجي اسمعك

سليل : بدون مدخليني بمتاهات وكلام مااقتنع بيه علاقتج ويه رجلج شلونها طبيعتها شلونها وهاااا ايااج والكذب ازعل عليج ولساني ميخاطب لسانج

غزل : شبيج جايه حاميه عليه

سليل : لان بابا معاجبه الوضع حيل والصراحه هو الي دزني

غزل : شنو التردوه

سليل : اما يرجع زوجج ويعيش هنا وياج لو يستعجل وياخذج لو تطلكين

غزل : اطلك

سليل : اي شكوو بيها انتي مو اول ولا اخر وحده تطلك ماكو نصيب وينتهي كلشي مراح تنگلب الدنيا

غزل : وعمو محسن

سليل : شبيهه

غزل : علاقته بابا تدمر وتنتهي

سليل : مالها علاقه هاي قسمه ومرهمت

غزل : مااعرف خليني افكر

سليل : معناها عندج مبدأ تنفصلين

غزل : عندي كم امتحان اكملهم وادزلج خبر

سليل : كاافي الوضع مينسكت عليه غزل انتي متعبتي

غزل : لا شبيهه اروح واجي مرتاحه ومحد مأذيني وبدوامي وهلسنه مرحله ثالثه ومبقى شى واتخرج

سليل : انيال گلبج شكد فايخه ولا دايره بال

غزل : شسوي الرجال ومسافر ويمشي بلمعامله اتمالخ ويااه

سليل : تحجين ويااه

غزل : اي وضعنه طبيعي

سليل : اكص ايدي اذا الوضع طبيعي عندج منا لمتخلصين الامتحانات وراها تنطين الرد لبابا كاافي غزل لازم ننهي هذا الوضع

غزل : افتهمت والله افتهمت صاار انهي ان شاء الله

سليل : اكوم لسجاد حتى نروح

غزل : وين غير تتعشون والله عمو ولايخليكم اطلعون

سليل : غير مره حبيبتي

وفعلاً عيط وگلب الدنيا عمو محسن وجبرنا نبقى نتعشى وياهم وبليل رجعنا للبيت وخابرت ماما وبلغتها بكل الصار وكاعدين ننتظر شوكت الست غزل تحن وترد الخبر

ريم : كاعده ابدل بتمتم وادردم هسه وكتها ياسامر تاخذهم والله الجو يمرض مره بارده ومره حاره شهر الثالث مزعج

سامر : تره مراح ابات اوصل امي وساعه ابقى وارجع

ريم : الحله هنا هنا ماخذ تيم وياك وطريق خارجي والله عمتي عليها سوالف تخليني كوه احجي

سامر : اول مره المره تطلب منج تاخذهم مصار شى تريد تشوفهم لكرايبنا وكتلج تعالي ويانا انتي متقبلين

ريم : مو كدامك افلاونزا وكوه واكفه وابدل الهم اوكف بله الزم راس تيم مو جنه مصخن

سامر : راح اطلعي مريض حتى لا اخذه موو

ريم : لا والله بس كدامك شوف حرارته

سامر : اي شويه مصخن

ريم : عيني ماادزه ولا ادز اخته بقيهم وانت تروح ويه امك وتعال

سامر : ريم لتكسرين بخاطر امي لو ما تعرفين روحها بيهم

ريم : وصلت امك وبلرجعه شلوون اتسوق وطفله بيدك والله هذا اهمال اول تالي انت مدير بال هيج ادز بنتي ويه ابوها محافظات وطريق خارجي وحدهم

اندكت الباب ودخلت عمتي

هااا يمه ريم شبيج

خااله فدووه والله اخاف عليهم هذا تيم مصخن ورفل صغيره شلون تكعد بحضن ابوها من يرجع ويسوق بله منا من ترحون بحضنج بلرجعه شلون فدووه عوفها وغير مره كلنا نروح وحتى اذا تردين نبات هم

سامر : شكد لغيتي قابل منخاف عليهم مثلج

ام سامر : يمه حقها عوف جهالك وغير مره ناخذهم

سامر : لا شو اخذهم انتي مو اتفقتي ويه خالتي وبناتها هسه هي لو مثل الاوادم تجي ويانه مجان صار هذا الاشكال

ريم : اكله ثور يگلي حلبي والله مريضة ومعدتي گالبه وعظامي تون عليه وهاك ابنك انعدى مني شلون نروح وحتى الجو هذا يضوج الظهر نار وبليل بارد

ام سامر : يمه ناخذ رفل واروح وارجع ويااه هااا راضيه

ريم : اذا هيج ميخالف اخذيها المهم من يرجع سامر انتي ويااه خااله فدووه لتخلي يحطها بحضنه اخاف يلزم بريك شى وتنضرب

سامر : وتيم

ريم : لا خلي يمي مصخن اخاف ينشمر يصير شى عليه كافي رفل عدكم عينكم عليها فدووه وهاي جنطتها الحليب والحفاظات وملابس حطيت والملهيه (لهايه) اخاف تضوجكم

سامر : يابه من اطنكرين يعني لو ماخذهم اثنينهم

ريم : اصلاً على عمه عيني دازه رفل بيدك حتى مااخجل خااله

ام سامر : تسلمين بنيتي لتخافين بعيونه

ريم : يكولون گلب الام دليلها وگلبي رف على جهالي ليش ممرتاحه ياربي

تيم يبجي يريد يروح وياهم واني مقبلت لان مصخن اباوع على رفل ضحكتها تارسه وجهه بس تلعب وتحجي كوووه اول نطقها بابا ماما وتع تع يعني تعالي مرحه وتضحك للهوا ياهو الي يشوفها ويكول والله وصارت الج نسخه مصغره منج

حضنتها وشميتها حيييل

سامر : يمعوده هي جم ساعه واحنا راجعين شبيج ترجفين

ريم : اي غير اخاف عليها

سامر : مااحب العرضه ريم

ريم : هسه اني عرضت لان صغيره واخاف عليها يله توكلو بالله هذا هو مااحجي بعد باي باي حبيبة ماما افيييش ياريحتج

سامر : ليش مخليتيني اوديج لبيت اهلج

ريم : تتأخرون هسه اخابر عمو سجاد يجيني ليضل بالك

وانت هم انتبهه على نفسك

سامر : رايح اجاهد

ريم : هااي شبيك حسره احجي شى تعلق

سامر : تخافين عليه

ريم : ليش مااخاف غير رجلي وابو جهالي

سامر : بوسيني يله

ريم : ههههه اول تالي من تطلع تريد ابوسك

سامر : تبوسين لو اروح

ريم : لا لا ابوس وتقربت منه وبست خده سحبني وبيده رفل وحضني وباسني من شفايفي بكل لهفه

ريم : لو ادري هيج يوميه ادزك للحله

سامر : هههه متكدرين اله تصنفين عينج على تيم اخاف يصخن اكثر وانتي هم دير بالج على نفسج

ريم : اول مره احس روحي خاايفه موت على سامر گلبي ينغزني واخاف احجي ليعيط ويكول عرضتيلي وهلمره رفل وياه صار الخوف مضاعف

ودعتهم وطلعووو واني حضرت ملابس تيم واخذت تراكسود ويايه اخاف هناك ابدل

خابرت على عمو سجاد

سجاد : اهووو شتردين

ريم : هيج عمو صارت زعلت

سجاد : وزعلتهم

ريم : تعال اخذني

سجاد : مو زعلانه

ريم : حتلو زعلانه تاخذني وتشتريلي الي ولابني

سجاد : خوش والله هلمره ابنج وياج رجلج وين

ريم : اخذ رفل وعمتي وراحو للحله

سجاد : خوش لعد اله ابقيك بلبيت وحدج تهشين ذبان

ريم : لا حباب عموو بداعتي مااريد حبشكلات جان اكح

سجاد : شنو هاي كحتج

ريم : مريضة والله

سجاد : اذا عديتي زين اعلكج بتيل الكهرباء مال راس الشارع

ريم : اي علكني ميخالف بس تعاال

سجاد : جايج

ريم : نص ساعه وعمو يمي نزلت وتيم بيدي متنحس لان مراح ويه ابوه

سجاد : تعاال عموو  سوق وكعدته بحضني عن عن

ريم : والله وكت كمت تلاطف الجهال بعد مجنت تخوفهم تكول عبالك لازم مشنقه الهم اذا مرتك جانت تصيحلك عمو الوحش

سجاد : مرتي هي جبانه وتخاف بلا معنى ليش ماصحتي انتي لو ذيك الخبله الثانيه لان متخافن

ريم : اي عيني بطلات ومن احنا وصغار

سجاد : مجرمات وصلفات وحدتجن لسانها متبري منها

ريم : ليش مو كاعدات حبابات اما اني كل وكت ساكته بلبيت

سجاد : ليش بله

ريم : ماكو احد يحجي ويايه عمتي بغرفتها تصلي وتقرا قران وسامر راسه بلكتب من الضوجه كمت احجي ويه حجالي والعب وخاصه ويه رفوله ذيج مبينه خليفتي بالارض راح تلعب عليكم لعب وهااا من هسه ماانطيها اخاف تتوسل حتى تتزوج زين تره مهرها غالي

سجاد : مخبل واخذ بتج ثاني يوم تشمرني وتشمر خالتها بدار العجزه

ريم : زين تسووي تاخذ ثار امها

سجاد : اي مو ماكلين النستله مالتج وشاربين العصير وعندج ثاار يله وصلنا انزلي مريضة وهلكد تسولفين لو صاحيه شلوون متشوفين الرجال ساكت كل وكت

ريم : اكيد ادافعله غير رجال مثله انزل لعمتي

صدك عموو شوكت ترجع سليل

سجاد : غير بلدوام مثل كل يوم شكوو ليش عطله قابل

ريم : غير اني اجيت لازم توكفون بالاستعداد

سجاد : امشي لج اروح لشغلي

ريم : تعالو تغدو اليوم هنا

سجاد : منريد امراض

ريم : اله اعيدكم بعيني

سليل : رجعت من الدوام ورحت مثل كل يوم لبيت اهلي اخذ زيون وشفت ريمو هناك كعدنا سوالف وضحك ومقبلت اله نتغدا سوه وره الغدا بدت تلوب

شبيج ريم

ريم : يمعوده ادك على سامر مغلق تلفونه

سليل : يجوز خلص شحن

ريم : لج عيني موتني ولا ينتبهه على الموبايل اتصوري اني اشحن اله وهو ولا يمه معتمد على الموبايل مال العياده عنده اهم

سليل : ميخالف على كيفج لتصيرين اعصاب ان شاء الله شويه ويخابر

ريم : گلبي نار ماادري شبيهه حتى عمتي تلفونها مغلق وين انطي وجهي ياربي

نهر : يمه استهدي بلرحمن ماكو شى تكولين رجلج ميدير بال اذا الشحن خلص

ريم : وعمتي شبيهه لو هذا حظي لازم اقلق

سليل : ميخالف تصير ريمو تره خوفتي الولد شوفي شلون يبجي سكتي

ريم : اخذته بحضني مثل الوحده تريد تنهزم من الدنيا بحضن ابنها عقلي يودي ويجيب خرب افكاري السكط بس المصايب يفكر بيها

مر الوكت وساعه بعد ساعه وماكو خبر لحد مرجع بابا سلمت عليه وشافني مرتبكه

حجي طه : شبيج بنتي

ريم : گلبي نار على سامر ورفل

حجي طه : ليش وينهم

ريم : راحو للحله ويه عمتي اله تروح اليوم والله شنو خواتها منجمعات حسيت وجهه بابا انخطف ومباشره اخذ الموبايل مالته وطلع طلعت وراه للكراج اسمعه يكول لسجاد اي اليوم انفجار بسيطره الحله يمعود بلتلفزيون شفناها غير كارثه

ريم : اني كعدت بلكااع اريد رجلي تحملني ماكو واصيح بابا اريد بنتي اريد رفل

حجي طه : اندار وشاف ريم واكعه شبيج بابا

ريم : انفجار موو راحو مووو

سليل : طلعنا على عياط ريم وتعيط راحو مني

حضنتها شصار بابا

حجي طه : بس سمعت اكو انفجار بسيطره بلحله

نهر : جريت طه الانفجار قووي

حجي طه : ماكل العاالم اكل وسيارات محركه وناس كومه محتركه الله يستر نهر گلبي لعبني خابرت سجاد راح يجيني ونروح

سليل : حطت ايدها على راسها وادك على راسها وتصيح يله ماما رفوله تعاالي سامر تعال وينكم وكامت من الكااع حسيتها فقدت تركيزها تحجي ويه روحها وادك بلموبايل ومغلق وتعيط ولك سامر جاوبني ابوس رجلك جاوبني

راحو بابا وسجاد وايدنا على گلبنا وجنات حاضنه ريم وتحاول تهدي بيها بس ميفيد تروح وتجي مثل المخبله وابنها خبص الدنيا بلعياط

جنات : راح ادخله جوه يلعب ويه اموري

سليل : اي اخذي فدووه خبص الدنيا وزين وياج رحمه لابوج

جنات : تعالو ماما نطب نلعب

اخذتهم جنات وطبت واني وماما كوه لازمين ريم اخر شى كعدت بلكراج بلكاع متربعه وكاعده والشعر مهوس وتصيح هسه يطبون هسه يجي ويجيب رفل واتعارك ويااه يحلم اطلعها بعد كتله عوفها يگلي تعرضيلي موتني والله ولا اخليها تطلع ويااه لو اعرف اتمالخ طفله صغيره شنو ماخذها هااا شنو ماخذها لطريق بعيد

سليل : كاافي ريمو حبيبتي ان شاء الله ماكو شى

ريم : سليل بنتي اذا صار بيها شى اموت روحي

سليل : شنو هذا الحجي تخبلتي ان شاء الله مابيها شى

بقينا ننتظر بلكراج وريم مقبلت اطب شكد حاولنا وياها تعيط وتصيح عوفوني لا اهج بلشارع لحد ثاني يوم الفجر هاي كعدتها لا اكل لا مي لا حركه اذا تريد تتحرك تلطم على راسها ونوكفها وكل شويه وصاحت رفل سامر وينكم تعبتوني تعاالو

ومنحس غير الباب ينفتح وبابا وسجاد يطبون وبابا عيونه دم حتى سجاد الي عمري ماشفته يبجي اله يمكن مره عيوونه حمرر ركضت عليه ريم

ريم : هااا بابا وينهم حضنها حييل وكاام يشهك دفعته احجي بابا وين بنتي

حجي طه : البقيه بحياتج بنيتي

ريم : هههه لا كعد تتشاقه ويايه

سليل : ركضت على سجاد شصار

سجاد : لكيناهم مفحمين سليل سامر وامه والطفله باقين بس فحم

وجان تعيط ريم بعيطه هزتنا هز وطلعت بلشارع حااافيه وتعيط ولج يمه احتركتي واني هنا كاعده انتظرج لج يمه ام ضحكه الحلووه رفل ارجعيلي سامر وين رحت واخذت بنتي

سحبها حييل سجاد وحضنها يريد بس يلزمها فقدت لا شعر لا وجهه ملخت روحها واني وماما نشهك ونلطم على حالها وعلى مصيبتها

وعاطت سامر لتعوفني وين رحت واخذت رفل ويااك تعال اخذني والله اجي وياك والله

وسحلناها كوه ليجوه والجيران اجووو يركضون على عياطها وكلمن يعرف يموت قهر على حالها

وكعت بلكااع على رجل بابا وتبوس بيها ودوني لبنتي اشوفها كلشي مااريد اشوفها واشوف سامر اكيد عايشين وانتم اشتبهتو

حجي طه : اذكري الله بنتي قل لن يصيبنا الا ماكتب الله لنا هاي منيتهم باجر نستلمهم وندفنهم

ريم : بابا ادفنوني وياهم مااريد اعيش بنتي صغيره ماكملت سنه شهر الجاي عيد ميلادها رجعها بابا انت موتكول شتردين اسويلج وانت عمو رجعولي بنتي ابوس رجلكم لك سامر وين رحت وعفتني وييين

حضنها طه لريم وهي تملخ بروحها وخرمشت وجهه كله  لحد ماصوتها اختفى من العياط اخر شى وكعت ولا ايد ولا رجل وركض بيها للمستشفى

يتبع ......

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الثلاثون

المن سلمتني و بيه وصيت

و المن فاركتني؟و المن مشيت؟

عفتني بحال صعبه بعد ينكال!

مثل وحشه يتيم بوحده بالبيت

جذب كلمن اجاك و كلك ينام 

و لا ليله بغيابك بيه تهنيت

على صفنه غيابك باقي عودان

و تحسبني عدل بس روح ضليت

تغير كلشي بعدك حته الوجوه

بس انه و غلاتك[نفسي ضليت]

سليل : ركضنا بريم للمستشفى والطريق كله منهارين عليها حاطتها بحضني وصلنا للطوارئ وگبل مغذيات وابر

واكفين باب الردهه محد يقبل نطب اني وسجاد وماما وبابا

حجي طه : بنتي راح تروح من ايدي نهر

نهر : ابجي واحجي عفيه لتكول هيج

سليل : منعرف نبجي على ريم لو على الكارثه الصارت

شويه وكال الطبيب المقيم انخفاض حاد بلضغط ومبين انهيار عصبي كلنا اله الصار ونصح نبقيها بلمستشفى وخاصه من حااسه باقيه تعيط وتجر بلكانيولا وانترست ايدها دم

خابرنا رشا وبلغناها وهم خطيه عياطها لوين وصل جانت فاجعه النا كلنا مو بس لريم

راح بابا وسجاد وشعلان للحله علمود استلام الجثه بهذا الوكت بلغنا زينه اخته الله يعينها مو هينه امها واخوها وبت اخوها وحالها وضعها مو اقل من ريم

بقيت يمها ومستلميهم او الباقي منهم ودفنوهم حسب كلام سجاد لو شايفتهم ريم تموت لا محاله يوكف گلبها لان باقين فحم

ليلنا ونهارنا واحد مكدرين ونبجي وحالنا مئات الناس الراحت بهاي المجزره

اول يوم الفاتحه وثاني يوم محضرنا لان يمها بلمستشفى نتناوب عليها فاقده متحس بلدنيا وبس تصحى تعيط مره تصيح رفل ومره سامر وتلطم عدت اليومين علينا جحيم

تالي صحت الي حجته جمله وحده ودوني لبيتي

سليل : نروح لبيت بابا حبيبتي من تصيرين زينه ناخذج هناك

ريم : : ودوني لبيتي

رشا : خلي ناخذها هم عيب من العالم متحظر الفاتحه تعرفين بيهم ميعودون يحجون على واحد حتى لو عنده مصاب

نهر : يله ناخذها خابرونا على واحد من الولد

اجه شعلان اخذنا ولازميها وتمشي ولا تنطق گلمه ومن وصلنا للبيت جان الجادر منصوب بابهم وكال شعلان اخوته الاثنين اجوي البارحه من الخارج وهمه تكفلو بكلشي وعمامهم والناس انگلبت عدهم

سليل : دخلنا من الباب جان البيت مليان نسوان وزينه كاعده تصرخ بكل صوتها وهي شافت ريم والدنيا انگلبت هاي تصرخ والثانيه تجاوبها گلبن العزه كله الصغير والجبير يبجي عليهن هاي خسرت امها واخوها وبت اخوها والثانيه خسرت بتها ورجلها

كوه سكتناهم ملخن روحهن

صعدت ريم لغرفتها تركض ركضنا وراها مردنا تصعد وطبت للغرفه وياريت ماطبت متعرف تشم بملابس رفل ومره بملابس سامر وصوتها اختفى من العياط حضنت ملابسهم وكعدت بلكاع وتلولي لملابس رفل

ريم : ماماتي رفوله هسه تجين تعبانه وابدلج وانومج وابوج ازعل منه شلون ياخذج ويروح وبعد ماابوسه

لك سامر ارجعلي وين عفتني تعاال والله ماادوخك ولا احجي ولا اضحك وحتى اقرا وياك كتب بس ارجعلي اروحلك فدووه ارجع راضيه بكلشي تسوي ميخالف ابقى ساكت بس انفاسك بيتك ابقى لتحجي ويايه كافي كاعد هنا وتقرا وتهز بيدك من تشوفني اكمز ويه الجهال والله بعد مااكمز بس تعاال

نهر : كاافي يمه راح تموتين

رشا : عمه عافني وراح اخذ روحي وبنتي ويااه ادري بيه يعاقبني لان اضحك كل وكت لان اسوي حركات يكول لتتصرفين مثل الجهال والله كبرت عمه بس خلي يرجع وبعد مايسمع النفس مني

سليل : حضناها ونبجي وياها

ريم : سليل هاي بجامتها جانت لابستها  ريحتها بيها والله مردت ادزه والقران گلبي عالمني شميتهم اثنينهم جني اودعهم سوده بوجهي الله ياخذني لان مارحت وياهم وكانت تصرب بوجهه وشكت ملابسها تهسترت ولزمناها كوووه الله ذب كل الحيل بيها وتصرخ لدرجه صوتها اختفى من العياط

وحده من عماتهم كالت

يمه اخذوها لبتكم هاي اذا تضل هنا تموت

نهر : كومي سليل لو نعرف نشيلها وناخذها

كامت تدفع بينا متقبل خابرت سجاد اجاني ركض وسحبها ويايه وصعدناها وبقت عمه ورشا واني وغزل رجعنا وياها للبيت

بيدها بجامه بتها حاضنتها كوه صعدناها للغرفه وجان اكو ابر انطوها اليه اضربها الها خفت اضربها وتدفعني دزيت سجاد على القابله اكو يمنا خلف الله عليها اجت تركض بس سمعت لزمناها وضربتها ونامت

ايام سوده مرت علينا كل يوميه بس تون بابا يحجي وياها يتوسل كلنا حاولنا لكن ميفيد وعمو محسن من عرف بجه بجي صرخ من كل گلبه على حالها هو كلنا يحبنا ويعتبرنا بناته بس ريم غير هاي يصيح الها التك مالتي الوحيده الي تقفص عليه واني مكيف وفرحان حاول يحجي وياها وهم مفاد وهنا ريم اتخذت موقف السكوت بقت تبجي بهدوء  ومتحجي ويه اي احد

سجاد : بعدها

سليل : اسوء حالها يوم بعد يوم يصير اتعس

سجاد : خلي اصعد اشوفها

نهر : سجاد بعد ميصير

سجاد : ليش

نهر : لازم تلزم عده ومايصير يشوفها رجال ذيج الايام فاتحه والدنيا مكلوبه هسه لازم تلزم عده

وصيت الكل

سجاد : هم صحيح اذا احتاجيتو شى بس دزو

نهر : خلف الله عليك انت وشعلان ومحسن خلصتو ايامكم كلها هناك بلجادر

سجاد : غير اهلها احنا الله يصبرها

غزل : بقيت بايته بيت اهلي ومداومت علمود ريم وره ايام من الفاتحه دك تلفوني باوعت رقم دولي عرفت فيصل منو قابل يدك عليه ترددت اجاوب بس بعدين كلت خلي اشوف شيريد

الووو

فيصل : هلوو غزل شلونج

غزل :  الْحٍمَدٍ للـّہ

فيصل : البقاء في حياتج

غزل : حياتك الباقيه شكراً

فيصل : اليوم سمعت من ابويه

غزل : اي ذيج الايام ملتهين بلفاتحه

فيصل : والله رغم مااعرف اختج زين شفتها مرتين او تلاثه بس حيل مقهور على حالها

غزل :  الْحٍمَدٍ للـّہ على كل حاال

فيصل : غزل

غزل : نعم

فيصل : حضري نفسج الاقامه مالتج طلعت تره كلها شهر او شهرين  وتجيني

غزل : عفيه بعد شهرين امتحاناتي

وبقت سنه وحده واتخرج

فيصل : اتفقنا من البدايه تكملين هنا بلسويد

غزل : بس انت رحت وبعد مسألت

فيصل : الاجرائات اخرتني مااشي امتحني هاي السنه كمليها وبس تخلص تجين

غزل : مااكدر انتظر بعد سنه

فيصل : ميصير هو اني كوه كملت معامله لم شمل المفروض بس يسلموني الاقامه تجين ركض

غزل : الله كريم نشوف شلون ترهم

فيصل : المهم حضري نفسج شوكت مااكول كملت تجين

غزل : ان شاء الله

فيصل : محتاجه شى

غزل : سلامتك سده وراح شأحتاج هو انت وينك حتى احتاج زين من تذكر كعدت افكر ويه روحي بله هسه من اطلك وارجع شيصير بابا منا ريم ترملت ومنا اني ارجع مطلقه شراح يصير بحاله والله ميتحمل جنت مقرره اطلك وانهي كلشي بس سالفه ريم گلبت كل الموازين وخاصه من شفت البيت شلون صار جهنم وبابا اسمع صوته بغرفته يقرا قران ويشهك من البجي يعني البيه كافي المصيبه الصارت دمرت الكل مااكدر اجي وازيد الامهم هذا هو اتوكل على الله واسافر بلكت الله يستعدل ويصير ادمي ويايه خلي اجرب اقلها مااتندم واكول منطيت فرصه اله ماطول مشه بلمعامله معناها رايدني يمكن هذا الشى يبرد ناري او على الاقل يهدأني وخاصه من رجعت لبيت عيالي واستلمني عمو وخاله نصائح وكلام خلوني اقتنع حالياً السفر افضل فرصه حتى ارتب حياتي

سليل : ايام بقينا ويه ريم بس متحس بينا نحجي نحاول ميفيد دوم ساكته لو تبجي وحدها ابنها متريده ولا تحضنه ولا تهتم اذا بجه او عيط وبقى عدنا مرات يمي ويه زين ومرات يم جنات مكسور خاطرنا عليه وعليها بس مابيدنا شى دخلت بصدمه شلون انطلع ريم من هاي الصدمه منعرف

كمنا نسوي ثوابات ونوزع وهي فوك متدري بلدنيا شكوو حتى من صار الاربعين مراحت تكول هسه يجون مميتين منتظرتهم خوفنا لاتفقد عقلها لان ندخل عليها نلكاها لو تسولف ويه سامر لو ويه رفل كمنا حتى نخاف نعوفها وحدها يجوز كلنا حياتنا مشت رغم مقهورين ومدمرين على اختنا اله ريم حياتها واكفه من لحظه وقوع الانفجار وهي تنتظرهم وتصيح هسه يجون

نهر : وره شهرين الحال متغير وبيوم خابرني حسين يسأل مثل كل مره وجنت مشغله قران وبخور كل اربعاء وخميس واسوي ثواب لبنت ورجل ريم جان يدك تلفوني وشلته وسلمت عاادي

حسين : شعدكم عمه منو مات هههههه صوت قران حسيت روحي بجامع

نهر : بجيت متحملت مجان قصدي احجيله بس طلعت مني وبديت اسولف اله واسمع شلون متخبل ويدك على كصته

حسين : باجر راجع للعراق

نهر : يمه بغلاتي عندك بروح الحسين لا ترجع

حسين : ليش عمه

نهر : استر علينا تره البينا كافينا هسه تستلمنا امك وبيبيتك ومالنه خلك للطلايب

حسين : اليحجي اكص لسانه

نهر : يمه لتخليني اتندم لان حجيت ضل يمك وعيش حياتك

حسين : عمه عرفت لشنو تلمحين تره عيب هذا الحجي بحقي مو اني الي استغل الوضع واستغل دمارها واتقرب منها تره اني حسين عمه الي جنت اذا مس الهوا وحده من بنات عمي احرك الدنيا ريم هسه بت عمي وتربينا سوه حك الربى اقلها والعشره البينا لازم اوكف بجانبها وعد مني متشوفين مني شى موزين واي شى يصدر من اهلي والله احرك الدنيا وكولي انت مو رجال

نهر : ميخالف يمه خليها هسه البنيه مصدومه ومتحجي واصلاً هم لازمه عده بس تطلع عدتها تعال زورها واخذ من خاطرها رجعتك هسه راح تنفهم بغير شى انتظر تخلص العده واخذ من خاطرها اعرفك شهم وماتنزل راس عمك وتخلي علج بحلك اليسوه والمايسوه

حسين : ولو مراضي على طلبج بس حتى اثبتلج اني كد كلمتي راح انتظر تخلص عدتها وارجع للعراق المهم ترضين

نهر : الله يرضى عليك يمه انتبهه لنفسك

حسين : عمه بس كل مااخابر مرايد شى بس طمنيني عنها

نهر : صار يمه الله وياك

سليل : مرت الاشهر وريم على حاله جثه بلبيت اي روح مالها كوه نوكلها ولوما الحمام جوه هم متنزل وتيم مالها علاقه بيه تماماً

نهر : بلمطبخ اشتغل ودخل طه عليه

حجي طه : اكو جاي

نهر : اي اكعد سويت هسه جديد شويه واصب كعد بلمطبخ وصافن

صبيت استكان وخليته كدامه وجريت الكرسي الكباله وكتله

صدك طه كل مااريد اسألك انسى

حجي طه : على شنو

نهر : سندس مايوم خابرت دزت خبر مرسال صخام اي شى تسأل عن بناتها

حجي طه : شذكرج بيها

نهر :والله دوم بالي وانسى اسأل

حجي طه : اي مرتين خابرت

نهر : صدك وشكالت

حجي طه : شلونهن البنات شخبارهن انطيني ارقامهن اريد اسلم عليهن

نهر : اي وشكلت الها

حجي طه : سديته بوجهه

نهر : ياااا شجاك

حجي طه : على شنو تسأل صار سنين تنام وتاكل وعايشه ومتونسه وعود يهفها الشوك شويه تشيل تلفون على بناتها من اخذت حسام ودارت وجهه وراحت ماكالت بناتي اخاف عليهن وجانن ممتزوجات مكالت احد يتعرض الهن ينباكن مثل اخوهن ضرب الكل بلطكاك وراحت وهسه جايتني وره هاي السنين كلها انطيني رقم البنات اريد اسلم عليهن

نهر : بس تبقى امهن وبهاي الظروف اكيد يحتاجوها

حجي طه : الام الي تربي يانهر مو الي تخلف حتى حتى الحيوانات تخلف وتشمر وانتي امهن ومااريد اسمعج بيوم تكولين سندس امهن

نهر : شنسوي نغير الواقع

حجي طه : اي نغيره لان هو مغير من كاعه

نهر : وحسام مسألت عنه

حجي طه : تدرين واني احجي وياها الكلمة وكفت على  لساني ردت اكلها ابني عايش اتزوج صار اب گلبي جمر عليه وهو بلجذب ماشال تلفون وكال اخابر ابويه اشوفه ميت عايش

نهر : گلبي على گلب ولدي وگلب ولدي عليه صخر

حجي طه : اي والله ياخيتي هذا حالي تدرين لهسه ماغيرت رقمي لخاطره اكول بلكت بيوم يحن ويسأل على ابوه ينام ويحلم بيه واذا عنده جهال يكولون اله بابا ويتذكرني

نهر : سوده عليه گلبج ملجوم من وحيدك

حجي طه :جنت بكل شده اوكع الها اكول هسه يجي ويوكف ويايه ويسندني ويسند خواته وتروح الشده وتجي الاقوى وهو على نفس الحال

نهر : تربيه سندس شتترجى منها

حجي طه : هذا مو حسين ابن اخويه وتربيه علي وانعام اكثر اثنين بلدنيا يكرهوني وشوفي كل كم يوم يخابر ويسأل وعمي شلونك وشمحتاج حتى من سافر مايمر اسبوع او اسبوعين اذا ميخابر ويسأل تدرين شلون ترد روحي من يدك واشوف اسمه احس بحنيته عليه رغم كلشي صار  واكول سبحان الله ابن اخويه الي يشوف دم سنونه ولا يشوفني يحن ويسأل ويطيب خاطر وبس انخاه الكاه يمي وابني وطالع من ظهري ميكلف نفسه ولو مره بلسنه يكول شلونك يابه اكلج نهر اني قصرت ويااه اخاف قصرت وماادري بروحي

نهر : شقصرت ياطه هو كم شهر بقى وراها انباك وانت انطيك العندك والماعندك بس حتى ترجعه ورجعت تشتغل عامل لاجل عينه

حجي طه :والله ماندمان هذا ابني من لحمي ودمي وهسه اذا يرجع اشيله على راسي

نهر : مايفيد راح وسافر وعاش حياته ومسحنه كلنا

حجي طه : تمنيت بهاي الشده يم اخته يوكف وياها يداوي جرحها ياخذها بحضنه تره مو هينه عليه بفاتحت رجلها نسابتي موجودين وابني ماموجود الله يعلم شصار بيه ولو همه ماقصرو وغالين عليه بس هم مو مثل مايكون اخوها جان هواي فرقت من تحس اخوها بظهرها

نهر : لتفكر وتهضم بروحك هاي ذبت ابنك ماعنده ذره حنيه لا عليك ولا على خواته ماكول بس الله يحفظة وين ماجان وكون مايعيش مثل الهسه تعيشه لان الدنيا دواره وكلها دين لماي العين

حجي طه :  الْحٍمَدٍ للـّہ والشكر على كل حاال اكوم اصلي المغرب عينج على ريم لتروح اليوم هم تنام بدون عشا

نهر : عيني عليها ليضل بالك

اباوع عليه گبر طه هواي بعد كسرت ريم حتى من يمشي احسه محني الظهر دكت شكد مصايب على راسه بس هاي المصيبه هدته ااااخ ياخويه شيشوف گلبك بعد

ماكول بس الله يعينك وينطيك العافيه

سليل : مرات العصر اجي لبيت اهلي واخذ زين اعوفه يم جنات واصعد يم ريم امشط شعرها ابدل الها ريم دخلت بحاله صدمه مرات احسها مثل الطفله الفاقده النطق والحركه احنا نمشيها وبس تباوع بوجوهنا ومرات نسمع صوتها تريد شى او تسأل عن تيم وهذا الشى كل اسبوع يمكن مره يصير وهم نكول  الْحٍمَدٍ للـّہ بعدها بوعيها

سبحت وطلعت وكاعده امشط بشعرها الي يوكع خصل خصل من القهر

كلت اضفره الها احسن مما اشيله وينفتح بس كملت تمددت على رجلي وبقيت العب بشعرها وجان تحجي جفلت من كلامها

ريم : ليش معفتينا نحترك

سليل : شنو ريمو شتكولين

ريم : لو ميتين ذاك اليوم مجان احسن اقلها مراح   اعيش بعذاب ولا قهر ولا اكبر  ولا احب وانغدر ولااتزوج وتموت بنتي وزوجي

تدرين موتتها المفروض اني اموتها بس الله أجلها وعشت وصارت من نصيب بنتي لو عايفتني محروكه اقلها مااعيش كل هاي الاذيه

سليل : حبيبتي هذا امر الله وهي هسه طير بلجنه كلمن ونصيبه ريمو

ريم : واني من انولدت نصيبي العذاب عادي جنت قانعه وراضيه بس سامر وبنتي شنو ذنبهم واني كله مني جان المفروض اروح وياه واخذ تيم اقلها كلنا نموت ونرتاح

سليل : سحبتها من رجلي وحضنتها كاافي اروحلج فدووه تملخين بروحج شوفي حالج بلمرايه صايره مومياء وابنج شنو ذنبه متردي

ريم : ليش ما مات وياهم شعنده عايش واني شعندي عايشة

سليل : الى متى تبقين هيج صار اكثر من ٥ اشهر وهذا حالج

ريم : شنو ورايه رجال ومات وبنيه واحتركت

سليل : عندج ابن محتاجج شنو ذنيه هسه بين ايد وايد صّـْْ(☑)ـْْحّ احنا خالته بس مهما كان هو محتاج امه وتيم متعلق حيل بيج ومرات كوه ينام بليل بس يبجي شنو ذنبه وهيج تنفري كاامت من حضني وتمددت بفراشها وغمضت عينها وكالت

ريم : طفي الضوه من اطلعين

سليل : استغفر الله ياربي الله يبرد نار گلبج وبستها من راسها وطفيت الضوه وطلعت ميفيد الحجي وياها وحقها اني هسه اذا صار شى اسم الله على سجاد او زين اموت روحي وراهم بس شبيدنا غير نهون عليها نخاف على لحظه يصير بيها شى او تسوي شى بنفسها

نزلت وشفت عمه تقرا قران كعدت يمها شويه اسمعها من تقرا ارتاح ومن كملت باوعت عليه

نهر : شبيج يمه

سليل : خايفه على ريم طولت حييل حالتها شلون بيها

نهر : ربج يبرد حرگتها كلشي بلزمن يبرد

سليل : مااعتقد على حالها هذا

نهر :ماكو واحد يموت وره واحد كلها ايام وتعدي بحياتنا اني مااكلج تنسى لا جرحها جبير ومحفور حتى بصدرها مو بس گلبها بس على الاقل تعيش لخاطر ابنها الحزن شكد ميكون جبير ويهد جبال من نعم الله علينه يصغر ويه الوكت ميروح بس يصغر ولو يبقى نفس الوجع والحجم جان هسه الناس كلها ميته وره احبابها الي تموت وره رجلها والي وره ابوها والي وره امها جان ماصفى بشر بهاي الدنيا بس عطايه ربج عظيمه وهاي من عطايااه نعمه المصيبه تصغر ويه الوكت ماعدنا هسه بس ننتظر الايام تمر وهي تصحيها ماتقبل هيج يايمه

سليل : ياريت عمه شوفيها شلون ذبلت تخوف صار ت وعايفه هذا الطفل كل وكت يبجي عليها

نهر : مو هينه الصار بيها رجلها وبتها بيوم واحد خلوها لا تضغطون عليها وهي من حالها تكوم وتراعي مابقالها غيره يجي يوم وتحطه بحضنها ومتعوفه ابد

سليل : ياارب الله يسمع منج وين الجهال

نهر : بره بلحديقه وجنات يمهم

سليل : اروح اخذ زين وارجع مبقى شى ويجي سجاد

نهر : روحي يمه الله وياج

طلعت شفت جنات تخابر بس شافتني سدته مهتميت وكتلها اني رايحه محتاجه شى

جنات : سلامتج كلشي ممحتاجه

اخذت زيون ورجعت لبيتي شويه واجه سجاد

الله يساعدك

سجاد : ويساعدج شنو جنتي طالعه

سليل : اي لبيت اهلي رحت على ريم

سجاد : شلونها اليوم

سليل : نفس الشى عفتها تنام

سجاد : الله يصبرها

سليل : شبيك شو وجهك مكلوب

سجاد : ولو مااريد اغثج بس ابو البيت يريد المشتمل مالته يريد يبيعه

سليل : لا عفيه

سجاد : شنسوي ياعيني غير بيته قابل نبقى العمر كله بيه

سليل : عفيه سجاد تعلمت بيه نزيد الايجار

سجاد : كتله والله ازيدك ٥٠ وراها ١٠٠ الف مقبل كال اريد ابيعه مو أجره او ازيد أيجاره

سليل : ضربتني بگلبي والله

سجاد : هذا الايجار شنسوي

سليل : انقهرت كلش لان صار سنتين عايشة واتزوجت بيه

سجاد : هسه ليش تردين تبجين

سليل : والله احسه بيتي كل الوكت ايدي بيه وارتب واعدل

سجاد : بعد راح يبيعه لازم ادور من باجر بيت انطاني الرجال شهر وكال من المشتري هم احصلك شهر يصير شهرين لازم خلال هاي المده نلكه ونشيل

سليل : وين نلكه وبيت نظيف وقريب على اهلي

سجاد : حتى لو شويه ابعد

سليل : شكد راح نتبهذل

سجاد : الله كريم بلكت اله بلشارع الورانه او الگبالنه يعني بهذا المربع

سليل : مااشي بقيت طافيه كلش ومخنوكه والله احس بيتي وراح ينباع وكل مااتذكر النازحين اكو الله يعينهم شلون عافو بيوتهم وغراضهم وتعب السنين واكو بيوت اجيال عااشت بيها ونزحو بروحهم اني بيت ايجار واريد ابجي عليه شحال همه

يعينهم الله شلون هم وكسران ظهر الله لايوفقه الجان السبب ويرجعهم سالمين لبيوتهم

بليل نسولف اني ورشا تسألني عن ريم وعن احوال ذاك البيت وعني كتلها على سالفه البيت

رشا : ليش متشتروه

سليل : شاربه شى روحي نامي

رشا : شبيج والله مكعد اشاقه

سليل : بابا البيت بملايين منيلنا

رشا : اسحبي قرض يحضي بس تعرفين تشتغلين بلماليه ومتسحبين ورواتبج وينهم مو تكولين عمو ميصرف منهم

سليل : اي وحولتهن ذهب

رشا : اسحبي قرض وعلى ذهباتج واشتروه هو صغير ومو غالي

سليل : يمعود البيوت الصغار دوم غاليات بس والله هم فكرة زينه بس منو يكول عنتر يقبل

رشا : هههههه غير انتي عبله وتقنعي

سليل : اكدر اقنعه بكلشي اله بسالفه الفلوس خشم يابس وميقبل ادعيلي يقبل امنيتي اشتري هذا البيت ومااطلع منه اقلها يم اهلي

رشا : الله يسهل واذا تردين حتى اني اقدم على سلفه واسحبها الج واساعدج واذا شغله سريعه اخذ من شعلان واني انطيه الفلوس

سليل : فدووه لقلبج متقصرين اروح انوم زين يبجي متنحس

رشا : روحي الله وياج

سليل : بقيت افكر بيها كوه نمت اتگلب واباوع على سجاد شلون نايم كون الله يهديك وتوافق

ثاني يوم داومت وسألت على سالفه القروض والمديره حجيت الها ظرفي وعدتني تسهل الي الاجرائات بقى اصعب شى هو شلون اقنع سجاد

رجعت من الدوام وحايره افتح الموضوع اليوم ويااه احس روحي مثل الوحده مسويه مكسوره وجايه لابوها تگله وخايفه لا تتعاقب

كملت الغدا واجه تغدا

سجاد : شو هادئه اليوم بالج حتى مو هنا بشنو تفكرين

سليل : اريد اكول شى بس بروح ابوك مو تعيط بداعتي

سجاد : ياستار معناها اكو شى يغث

سليل : مجرد رأي وياريت تاخذ بيه والله تنقذني

سجاد : احجي سليل تره قلقتيني صار شى بلدوام

سليل : شنو رأيك اسحب قرض وابيع ذهبي ونشتري هذا المشتمل

سجاد : منين طلعتي بهاي السالفه

سليل : فدوه لعمرك سجاد مااريد اطلع من هذا البيت والله تعودت عليه وليش نبهذل روحنا بغير مكان هو ابو الملك مو يريد يبيعه احنا نشتري وبلكت تنزل من سعره

سجاد : اي بله وبأسم منو يتسجل

سليل : شنو هذا السؤال بأسمك طبعاً

سجاد : هي مو فلوسج

سليل : جم مره كتلك لتكول فلوسي وفلوسج ليش اني مو عايشه بجاهك واكل واشرب والبس منك شو ما كتلك من فلوسك ومااريد وعندي راتب اصرف منه لتسوي تفرقه بينا مااحب تتصرف ويايه وكأني غريبه عنك تره اني سليل حبيبتك وزوجتك وام ابنك

سجاد :صوتج نصي واحجي على كيفج مااحب هاي النتره بلكلام

سليل : من وراك شگلت ومباشره رفضت

سجاد : اني مرفضت بس كلت بأسم منو يتسجل

سليل : بأسمك واني وياك واحد

سجاد : تقبلين اعيش بيت مرتي دافعه فلوسه وين رجولتي بعد ابقى بلبيت اشتغلج وانتي اطلعي جيبي الراتب وصيري رجال البيت

سليل : هسه انت تعصبت وعلا صوتك وهو نقاش ورأي اني لان حابه البيت هيج گلت والى متى نعيش بالايجارات واحنا نكدر نشتري

سجاد : منين نكدر والقرض ميراد فلوس ندفع وفوائد

سليل : نعتبره ايجار هسه ايجارنا ٣٥٠ والله اعلم الي راح نأجره بيش والايجارات هسه غلت مثل هذا المشتمل زين اذا حصلناه بال ٤٥٠ شوف شلون گبت البيوت ليش كل شهر نطي هلكد ويروحن بطن ابو الملك خو نشتري ونسدد القرض تاليته البيت النا اذا منفكر بنفسنا نفكر بأبنه

سجاد : ماطول مااكدر اوفر فلوس البيت نكعد على كد امكانيتي واذا حابه تشتري اشتري واطلع اني منه

كاام ولزمت ايده

حبيبي هي مو عركه اني جاي اقترح عليكً

سجاد : واني رافض اقتراحج

سليل : كمت وكتله ميصير هيج بكلشي متزمت برأيك اني هم مرتك ومن حقي اشاركك كلشي ليش دوم تحسسني مالي دور بس على كد الاكل والشرب والتنظيف وتربيه زين

سجاد : هاااا اني هيج محسسج

سليل : تعبت والله تعبت حسره اريد شى منك اتوسل واوكع دخيل يله تقبل ودوم رأيك اليمشي بالاخير عدا الاوامر والعياط اذا بس ناقشت هسه هذا الموضوع مهم انت شسويت دخلته بغير اتجاه بأسم منو يتسجل اني اريد بيت يجمعنا النا بدون ما واحد يوميه داك بابنه السلام عليكم وعليكم السلام ويتأمر براسنا فوك متكول خلف الله عليج تفكرين ويايه

باوع صفح عليه وكاال خلف الله عليج ومشكوره وسدي الموضوع

سليل : هذا الي الله كدرك عليه هذا هو براحتك بقينا مثل ام البزازين يوميه بيت عفته واخذت زين وصعدت للغرفه

جنت حيل مخنوكه اريد اتناقش وياه لازم يضوجني ويخلي فرق بيني وبينه

رشا : بديت اخذ علاجات وضعي تحسن بقى بس اراجع طبيبه نسائيه علمود الحباله جنت ميته ويصير عندي طفل تكول عبالك ممخلفه گبل هاي الفتره عطله شعلان احس وضعه مو طبيعي وكل ما اسأله يكول شغل متعبني گتله على سالفه الدكتوره مقبل وكاام يعيط احس هواي متغير ويتصفن حاولت افتهم منه معرفت وين الخلل مرات اكول اخاف عنده وحده واتعوذ من الشيطان واكول شجاج رشا هو هذا هم تفكير وارجع واكول شصار هو تعبان من شغله اله ادخل شى موزين والله مرات عقلي يصير مثل عقل الجهال

وره يومين خابرتني جنات وجان ابنها يبجي يريد عمو شعلان اني مرات اضوج واغار واتمنى عندي ولد حتى مااخلي شعلان يتحسر وراها اكول كبري عقلج يبقى طفل صغير ويتيم وحقه يتعلق بشعلان غير يحبه وبقى سنتين هنا ويشتريله

جنات : لج عيني اكل گلبي ياعمو وياعمو

رشا : خطيه حبيبي

جنات : والله تعبني رشاوي وحايره ويااه كل مديكبر اتعب اكثر

رشا : الله يعينج اني هسه مو اشوف نفسي بفروحه اركض كل الوكت وراها

جنات : اعرف ثقلت عليج والله مستحيه اكدر اجي كم يوم يمج

رشا : استحيت وكتلها هااا هله بيج البيت بيتج

جنات : اي والله هذا موتني كل الوكت وكاال عمو شعلان وعطله هاي الايام

رشا : اي عيني ليش هله بيج بس منو يجيبج

كلت اكيد تحتار منو يجيبها على الاقل افلت من جيتها بحجه شعلان ميكدر يروح لبغداد لان عنده شغل هوايه

جنات : ابو فرح يجي اذا يكدر واذا بيها زحمه وتكلفه خليها

رشا : هااا اكول اله وانطيج خبر

جنات : انطيني من وكت حتى احظر نفسي

رشا : ان شاء الله جنت ضامنه شعلان ميروح لان هاي الفتره كلها اكله اريد اروح دكتوره وهي بعد كم منطقه عنا يگلي ماعندي وكت خليها هسه اكيد اذا اكله روح لبغداد من سابع المستحيلات يقبل واذبها براسه

اجه وجنت محظره العشا وبدلت ومكيجت

شعلان : هااا شنو اليوم حبيبي عالكها

رشا : ههههه لا هيج حبيت اغيرلك جو

شعلان : لتعبين نفسج اخاف عليج

رشا : شبيك شعلان كل مااسوي شى وكلت لتعبين احد كلك كعد اعالج وراح اموت وتخاف عليه اتحرك

شعلان : هاي فوكاها اني اريد راحتج وانتي تحجين هيج والله النسوان كله البله والمصايب بيجن منعرف شتردن لو اكرب عليج جان صرت موخوش رجال اريد راحتج هم موخوش رجال

رشا : وشكلت اني وتعصبت

شعلان : اصعد ابدل

رشا : هااا صدك تكدر تروح لبغداد

شعلان : خير شكو

رشا : جنات تريد تجينا

شعلان : اي عادي يومين واروح عندي شغل باجر

رشا : هااا يعني تروح لبغداد واني دكتوره بعد كم فرع عنا متقبل توديني

شعلان : احرك روحي حتى ترتاحين انتي ردت جنات وكتلج تم هم اطلع مو خوش

رشا : مو هذا القصدته اني قصدي

شعلان : واليرحم والديج اسكتي راسي راح ينفجر من الاعصاب اصعد انخمد وانام

رشا : والعشا

شعلان : اكلي وحدج

رشا : عافني وصعد بقيت دايخه بسوالفه شعلان واعرفه بيه شى مغيره والله مو وهم اكو شى مو طبيعي گلبي ميلعب هيج بدون سبب لازم افهم شنو الديصير من ورايه

غزل : حضرت الجنط واباوع داير مدايري راح اعوف العراق واهلي جنت حيل مخنوكه تكول ماخذيها للمشنقه نزلت الجنط كلهن بلهول

محسن : كملتي بنتي

غزل : اي كملت

محسن : ينتظرج فيصل بتركيا تخافين اطيرين وحدج لو اجي وياج

غزل : لا عمو انت تعبان ومالك حيل

محسن : اي والله كدامج بس لعيونج طبني مرض اجي وياج لو زحوف

غزل : اسم الله عليك عمو لتكول هيج

نروح لبيت اهلج

غزل : اي مبدله نسلم عليهم ونطلع

ام فيصل : هاج بنتي هاي گليجه وزلابيه  انطيها لعمتج ثواب البارحه وزعه عمج علمود رجل ريم وبتها وضميت لاهلج

غزل : تسلم عمو هاي الفتره كلها ماكطعت من الثوابات

محسن : الله يعلم حركت گلبي عليها شكد بس مابليد شى غير الدعاء الها بلصبر وهاي شى بسيط اعرف هي لو صاحيه ماتعوفهم بدون ثواب

غزل : بس ماما نهر وبابا كل خميس يسوون

محسن : واني هم مو غريب وكل مااكدر اسويلهم يجعل مثواهم الجنه

غزل : امين

محسن : يله بنتي

غزل : صعدت ويه عمو وخابرت ماما سليل حتى تجي لبيت اهلي هي وعمو حتى اودعهم كلهم

دخلت ولكيتهم متجمعين

ركضت لحضن بابا

حجي طه : هااا بنتي رايحه

غزل : بست ايده اي ادعيلي فدووه

حجي طه : بكل خطوه سلامه وياك وين مترحين بنتي الله يوفقج وينور طريقج وتكونين اسعد البنات

غزل : حضنته حيييل وبجيت راح اشتاقلك

محسن : يمعوده لتصعيد ضغطه وين نحير بيه

حجي طه : فدوه الها والله يامحسن لو ادري تسافر للخارج ولا ازوجها لفيصل غدرت بيه ياصاحبي

دنك عمو من حجايه بابا واني كتله

غزل : اني هم اريد اروح اغير جو بلكت هناك اعالج الحرك مالتي ولتخافون دوم اخابركم وافتح كامره وياكم

حجي طه : ديري بالج على نفسج وعلى رجلج ولا عبالج وحدج هناك والله اجيبج لو بأخر الدنيا اريدج سباعيه وقويه وافرح بخلفتج

غزل : ان شاء الله

انداريت على ماما نهر بستها وهي بس تبجي وماما سليل لحظات صعبه حييل عليه اصعب من يوم الزواج لان رايحه بلد وحدي بيه والاضرب ويه شخص ممتقبلني بوست جنات وجان اطب رشا استغربت جيتها رغم ودعتها خابرت وبلغتها مكالت راح اجي لبغداد

ركضت لحضنها همزين اجيتي

رشا : شلون مااجي وانتي مسافره وعايفتنا

غزل :  الْحٍمَدٍ للـّہ شفتج قبل مااروح

رشا : الله ومحمد وعلي وياج بكل خطوه سلامه حبيبتي ان شاء الله مده وتخابرينا وتكولين اني سعيده ومرتاحه

غزل : ان شاء الله حضنت عمو سجاد

سجاد : ديري بالج على نفسج بطلي فقاريه هناك يراد الجريئه والقويه اياج تتنازلين عن شى يمس كرامتج

غزل : احااول

سجاد : بنوتي بطله بس شويه خففي المستحه واحجي الي يضوجج اوكفي بوجهه اووف البطن الشالت ريم ورشا نفسها شالتج شلون طلعتي هيج فقيره متحلين رجل دجاجه مااعرف

غزل : على ماما سليل طالعه

سجاد : امج هم لسانها طولان لتخافين ياما تحت السواهي دواهي هاي محد يعرفها بكدي فقيره شكل مو طبع

سليل : باوعت عليه وكتله هااي اني

سجاد : اكيد ياام الزين الغاليه

تقربت منه وكتله زعلانه مااحجي وياك

سجاد : انتي تتحارشين

غزل : هااا اكو شى

سليل : لا حبيبتي توصلين بلسلامه وحضنتها

غزل : وين ريم

نهر : فوك

غزل : مكتولها راح اسافر

نهر : گلت والله يمه ما حجت شى ساكته ومطفيه الضوه ومتمدده بفراشها مثل كل يوم

صعدت عليها وفتحت الضوا عيونها دم مبين جانت تبجي كعدت يم راسها وتقربت منها ومديت ايدي على شعرها وامسد واحجي وياها

طول عمري جنت اكول ياريتني مثل ريم ياريتني مثلها اكمز واضحك واتشاقى واضرب الدنيا جلاق مثل متضرب كل واحد مضوجها وين ضحكج الجان مسمع الجيران صوتج وهوستج الجنت يوميه احط ايدي على اذني واكول غير تسكت مسجل متتعب ومن تتعاركين لخاطر وحده من عدنا اكول اي والله عندي اخت تاخذ حقي اني فاهيه مابيه خير نص لسان على كولتها جنت اشوفج كتله من نار واكول شوكت اصير مثلها ولو ربعها واليوم شفت هاي النار طافيه

مااكول كومي هوسي واركصي وتعاركي على الاكل ويه الصغير والجبير مثل قبل بس على الاقل كومي لخاطر بابا الي حتى اللكمه كوه يبلعها ودوم تعبان من وراج كومي لخاطر تيم الهسه انتي امه وابوه لخاطر نفسج

اني رايحه مسافره رايده منج القوه محتاجتج والله اخاف اوكع هناك وماعندي الي يشجعني اخذ حقي جنت اشوفج شلون تشجعين رشا ادافع عن بيتها وتنفذ خططج واعترض اعتبرهم خطط شريره بس بگلبي اكول بس اتزوج اني هم من يصير شى اخابرها وامشي بخططها والله محتاجت متتوقعين شكد رفعت عيونها كلها دموع وتباوع عليه انتظرتها تحجي محجت

دنجت بستها وكمت ردت اسد الضوا جان تكعد على حيلها بلجربايه واشرت بيدها تعااالي بدون كلام ركضت شمرت نفسي بحضنها وابوس بيها وهي هم تبوس كلشي مكالت بس

ريم : ديري بالج على نفسج

غزل : صااار انتي هم ديري بالج على نفسج حضنتها حييل مشتاقه لصوتها ولسوالفها ولاتوقعت يجي يوم اشتاق لهوستها وعركاتها

كمت من حضنها ورجعت تمددت وكأنها اختارت ترجع ثواني من عزلتها حتى بس تودعني وترجع

نزلت ودعت الكل واكيد الكل خايف عليه اذا اني خايفه من المجهول الله اعلم شمنتظرني

من الصبح اخذني عمو وبابا اجه مقبل اروح اله يودعني بلمطار اباوع بابا وعمو محسن اثنينهم يبجون عليه والله منظرهم يخبل انيالي عليهم وعلى حنيتهم ودعت العراق وطرت بخوف ورجف اول مره اصعد طياره

ومبقيت ايه مقريتها

ونزلت بمطار اسطنبول اتاتورك ادور بلوجوه مثل الطفل مضيع امه وخايفه حيل لا ميجي فيصل وبقيت ادور فوك النص الساعه ردت شويه وابجي من الخوف وحدي وبدوله غريبه واول مره وجان اسمع اسمي انداريت شفت فيصل اول مره اكيف لان شفته ركضت عليه ردت احضنه مو من الشوق والله من الخوف تالي انتبهت على نفسي وسلمت ومديت ايدي هو جرني وباس خدي هااا شنو هذا منو اخاف مبدلي مو هذا رجلي

فيصل :  الْحٍمَدٍ للـّہ على سلامتج

غزل : الله يسلمك

فيصل : خفتي من الطياره

غزل : موت خوف

فيصل : وراج طيران اكثر

غزل : انت موجود مو مثل ما وحدي

فيصل : تعالي ارتاحي واشربي واكلي بين ميصير موعد الرحله

غزل : ماشي من خوفي بلطياره ولا اكلت بس شربت جاي لان وكت ريوك جان

اشترالي اكل وكعدنا ناكل منتظرين رحلتنا للسويد

فيصل : ليش لابسه اسود

غزل : غير علمود بت ريم ورجلها

فيصل : بس صار هوايه من ماتو الله يرحمهم

غزل : عدنا اله تعبر السنه يله انزعه

فيصل : هناك بلعراق بس بلسويد تنسين كلشي متعلق بلعراق واول متوصلين تنزعي

غزل : ضارك بشى مااريد انزعه

فيصل : اني احب اللون الاسود بس مو هيج من فوك ليجوه حتى الحذاء والجنطه والشال اختنكت

غزل : نوصل ونشوف

فيصل : كلت تنزعي

غزل : مااشي سكتت مردت اتجادل ويااه لا المكان ولا الوكت مال نقاش

وره مده صار نداء رحلتنا وطرت معاه كانت الرحله طويله حدود ٤ ساعات من اسطنبول لستوكهولم

بس مخايفه هلمره لان هو موجود كاعد يمي وهو يقدم اوراقي جانت بيده وجان مكمل كلشي بس يكول اوكفي هنا وتعالي هنا واني من الخوف لازمته اخاف اتيهه منه صعدنا بلطياره كعدت اباوع على الجو والغيم كنت بصف الشباك واباوع سبحان الخالق الغيم عبالك شعر بنات لو كطن من البياض والجمال

وصلت وجنت حيل تعبانه لان اجرائات هوايه  اول منزلنا وبعد الاجرائات وكل اوراق الاقامه مكملها دخلت للسويد وباب المطار اجه ولد مبين صديقه حيل

فيصل : هذا حسن صديقي غزل مرتي

حسن : اهلاً بيج اختي نورتي السويد

غزل : شكراً

شگل صداع عندي من الطياره وردت بس ارتاح وصلنا لعماره

فيصل : تعالي ادخلي

دخلت وجانت نظيفه وتخبل عود مثل عماراتنا شكد دايخه صحيت فتح باب الشقه ودخلت باوعت جانت جبيره واثاثها كلش حلوو بس هوسه ملابس مطشره واكل وزعابيل

فيصل : شقه عازب ملحكت انظفها

غزل : عادي ارتاح واني انظفها

فيصل : ميحتاج ادخلي ذيج غرفتج نامي وارتاحي جوعانه

غزل : لا فتحت الباب جانت الغرفه زينه مرتبه انظف من باقي الشقه بس حطيت راسي بهدومي نمت محست شكوو بعد

سليل : رجعنا للبيت والليل كله ابجي لان فاركنا غزل كعد على صوت دموعي سجاد

سجاد : خير بيج شى

سليل : غزل راحت

سجاد : وكعتي گلبي عبالي صار بيج شى بزين

سليل : غير اختي وسافرت

سجاد : غير للسويد المفروض تكيفين الها

سليل : شكيف وهي بعيده

سجاد : الله يوفقها نامي حبيبي

سليل : اني مو حبيبتك

سجاد : هااا لعد منو انت

سليل : وحده هيج تزوجتها وتسوي تفرقه بينك وبينها

سجاد : لكت الها حجه واتذب حرگتها بيه تنامين لو اجرم بيج بهاي الليله

سليل : كمت اشهك وعلا صوت دموعي يله كلشي اتوقع منك اضربني بقت على هاي جان يجيت عليه ويبوس بيه

سجاد : ولج ام دميعه كبرتي وصرتي ام وبعدج تشهكين من تبجين

سليل : وخر مني من سوالفك غير

سجاد : شتردين هسه

سليل : مسحت دموعي نشتري هذا المشتمل

سجاد : رجعنا متكدرين اله تنگين 

سليل : حضنته بداعتي سجاد التريده وياك بس نشتري والله كل مااتخيل افرغه واطلع روحي تطلع

سجاد : استغفر الله الصبر منك ياارب

سليل : كمت ابوس بيه واكول بداعتي بداعه سلوله عندك بداعتي

سجاد : خوش اغرائات

سليل : ياريت يفيد

سجاد :والله انتي فد وحده كلاوجيه كل البله منج ويكولون فقيره

سليل : تربيتك حبيبي

سجاد : تربيه سزز

سليل : ههههههه ميخالف المهم نشتري فدوه سجودي

سجاد : خلي نصبح باجر واروح لابو البيت ونشوف بيش يريده بس لتبجين لخاطر الحمزه معودت هاي الفتره سگتي

سليل : جيتت عليه وابوسه بيه وبرگبته

سجاد : ااااخ منج لو كايل لا جان انطيتيني ظهرج وجهه الجينكو اشوفه

سليل : لا حبيبي شعندي غير ابو زيون ادلل عليه

سجاد : تعالي اشوفج الدلال شلوونه

سليل : سهرت وياه ونساني حتى غزل اااخ منه شكد احبه رغم اطباعه الصعبه وثاني يوم داومت والظهر اجه وكاال

سجاد : شوفي سليل اني عرضت سيارتي للبيع نشوفها شكد اتجيب ويه الذهب والقرض اذا سحبتي اني ادفعه كل شهر اعتبره ايجار وانطي الج واذا الله مكني اشتريلج ذهب يبقى دين برگبتي

سليل : حضنته اروح فدووه الك بس ليش تبيع السياره فايدتنه

سجاد : مااكدر اخذ الفلوس كلها منج حتى ارتاح عندي جم فلس ظامهم ابيع السياره واشتري اقل على القرض والذهب نشتري

وبيومها طرت من الفرح

وركض بعت ذهبي انطينا عربون للبيت

واخيراً صار عندي مشتمل ملك

والملك لله

يتبع .....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الواحد_والثلاثون

لتكول ألزمن غدار ويخون

زمانك ماغدر وانته أغدرتني

لجلك حاربت كل أهلي والكون

كلت ماريد غيرك يل عفتني

ولا يحتاج أكلك طبعك أتخون

تعرف نفسك أنته أشكد خنتني

حبيتك صدك حب طفل مجنون

وانطيتك حياتي وموتتني 💔

غزل : كعدت من النوم تيهت اني وين من كثر منايمه بعمق بقيت اباوع وافتح واسد بعيني لحد مصحيت وتذكرت اني بلسويد گلبي انخمش لان وحدي ولا احد اعرفه بس فيصل الي لهسه مااعرف شلون راح تكون حياتي وياه باوعت الجنط محطوطه سحبت وحده منهن وفتحتها وطلعت ملابس بيت تراكسود هسه احنا شهر الثامن ٢٠١٤ واخذت منشفه اريد اسبح واصحصح طلعت من الغرفه صحت فيصل فيصل محد يجاوب الظاهر وحدي بلشقه بقيت ادور وافتح كل باب مسدود واستكشف الشقه حلوو اثاثها كلش والوانها متناسقه بس يحتاج شويه تنظيف تطلع لوز اباوع الحمام يخبل بس هذا شلون ينفتح الدوش اول مره اشوف هيج بقيت ادوس ومره يجي حار يصمط ومره بارد كوه ساويته فاتر ودخلت سبحت جنت تعبانه بشكل موطبيعي كملت حمامي وطلعت وبدلت ومشطت شعري اباوع منين ابدي ياربي

دخلت اكو غرفه ثانيه اباوع مبين ملابس فيصل وغراضه زين ليش مخلاني ويااه بنفس الغرفه شويه وانفتحت الباب مديت راسي شفته يحط شغلات على الميز

فيصل : واخيراً كعدتي شنو هذا النوم

غزل : اي والله جنت حيل تعبانه من شوكت نايمه

فيصل : من البارحه من وصلنا

غزل : حيييل هلكد نمت

فيصل : شعبالج وهسه ساعه ١٠ الصبح جبت شغلات حتى نتريك كلت اكعدج اذا لكيتج نايمه

غزل : كعدت وسبحت

فيصل : حمام الهنا

غزل : الله يهنيك

فيصل : شبيج واكفه وتفركين بيدج محتاجه شى

غزل : لا بس مرتبكه لان اول يوم

فيصل : تتعلمين تعالي اكلي يله

غزل : هو صب الجاي وحضر كلشي لان اني مااندل اي شى بلشقه

وبدينا ناكل وسط هدوء تام وكتله

اريدك ادليني غراض الشقه حتى بعد اني اهتم بيها وبكلشي

فيصل : عادي ادليج بس تره مو شرط من اول يوم تشوفيني انتي شكد نظيفه ومرتبه وعود شوفني اني شكد زوجه مناسبه الك

غزل : نزلت الجاي من حلكي جنت اشرب ضجت من حجايته وكتله

مااريد اشوفك بس لان اضوج اعيش بمكان مااندل بيه شى مثل الاطرش بلزفه

فيصل : مااشي كملي وادليج بس عندي جم نقطه لازم من الاول تلتزمين بيهم

غزل : شنو

فيصل : اول شى اطب واطلع بكيفي مو وين صرت وين جنت وهاي سوالف النسوان التوجع الگلب مالج دخل بيه نهائياً ومو من حقج تسأليني

غزل : حطيت ايدي جوه خدي واستمع لكلامه

فيصل : ثاني شى هنا راح يشدولج راتب بحكم ماخذه اقامه لان زوجتي راتب الج مالي دخل بيه بس اني اصرف اكل وشرب وبس اي شى يخصج تكدرين براتبج تشترين والافضل وره متتعودين على الجو تتعلمين لغه حتى لتضوجيني هذا شكال وهذا شيحجي من اطلعين

غزل : وبعد

فيصل : مرات ابات بره مطلعين لباب الشقه تقفليها عليج وتكعدين وتسكتين

غزل : بس اني اخاف وحدي ابات

فيصل : ليش عبالج عايشة بلعراق اهنا امان

غزل : اقلها بات هنا هسه كلشي كلته راضيه بيه بس هاي الفتره بات لحد مااتعلم

فيصل : لتخنكيني تره اني متعلم على حريه مااريد احس شايل علاكه على ظهري وافتر بيها

غزل : مطلبت منك اطلعني بس هلفتره ابقى هنا لحد مااتعلم

فيصل : اشوف حسب وضعي وهااا اخاف اني ماكو الشقه المقابيلي مال صاحبي حسن هو واخته نوران هي ممرضه واكثر الاوقات ممتواجده بس اخاف تحتاجين شى همه الوحيدين الي تتعاملين وياهم

غزل : ان شاء الله مااحتاج شى

فيصل : اني طالع

غزل : من هسه

فيصل : جنت احجي هندي كتلج لتقيديني وهاج هذا خط سويدي حطي بتلفونج مفعل وكامل بله جيبي تلفونج

غزل : انطينه اله وحول الخط وكتب رقمه وانطاني جهازي

فيصل : متخابرين اله بلحالات القسوى مااريد كل شويه تعال وجيب وحط وادوخيني

غزل : جريت نفس وكتله صار

اخذ المفاتيح وعافلي نسخه وراح

بقيت افتر وافتح مجر مجر وخانه خانه حتى بس اندل اكو شغلات مرتبه ونظيفه واكو لا بديت انظف بيها اباوع الجو يخبل وصافي وهيج وكت احنا بلعراق التراب حتى بحلكنا انظف منا نصبح البيت كله تراب تكول بلصحراء عايشين

كملت شغلي الشقه كثر ما حلوة وجديده تسوي واهس كملت كل الشغل اباوع والله طلعت تخبل وطبيت للغرفه الجنت نايمه بيها وبديت ارتب ملابسي اتذكرت مخابرتهم واطمنت شلون مااعرف هنا اكو نت اقلها ارسل الهم فايبر

كملت كلشي رفعت راسي ساعه ٥ العصر حيييل ولا حسيت بلوكت خلي اسبح الحمام يسوي واهس واحد ينام بيه مو بس يسبح

دخلت سبحت ومشطت ولبست تراكسود جديد وكعدت حطيت ايدي على خدي وبعدين فتحت التلفزيون مااعرف اگلب بيه ضجت من اول يوم فتحت الشباك هااي ليش متظلم عدهم صارت ساعه ٨ والشمس شعلاتها شوكت تصير ظلمه حتى اشوفها بليل اندكت الباب خفت طفرت من مكاني واروح واجي بلشقه شلون ياربي اروح اجيب تلفوني واخابر على فيصل لزمته وخفت ليعيط شويه ورجعت اندك واسمع غزل غزل صوت بنيه

تقربت من الباب وصحت منو

اني نوران

اتذكرت كال نوران اخت حسن حطيت شاله على راسي وغطيت رگبتي وفتحت الباب اباوع بنيه نازكه بنطرون جينز حصر والقميص ويه الگمر واقل ربع ردن والشعر مفتوح ومكياج بسيط رغم عراقيه بس ترتيبها ينطي الطابع الاوربي

هاااي  الْحٍمَدٍ للـّہ على سلامتج

غزل : الله يسلمج

نوران : اني نوران صديقه فيصل وتكدرين تكولين مثل الاخوه وشقتنا گبالكم

غزل : تفضلي

نوران : شكراً

دخلت وكعدت ورفعت رجليها وتربعت على التخم باوعت عليها جان تنزلهم

نوران : اسفة متعلمه هيج اكعد

غزل : اخذي راحتج

نوران : اي كلش احب هاي الكعده ورجعت تربعت وكعدت شلونها ستوكهولم

غزل : ماشفت شى منها بس الشقه وبلطريق جان راسي يوجعني ومركزت

نوران : تشبعين منها ارتاحي واني اخذج افررج الدنيا كلها بس بوقت فراغي لان مرات عندي دوام

غزل : شكراً

نوران : خوش منظفه الشقه

غزل : هي حلووه بس يراد الها شويه نظافه وبس

نوران : عااشت ايدج هاي العشه جبته الج ضيافه من عندي لان اول يوم بس الج هذا الخايس فيصل لتنطي

غزل : بقيت صافنه عليه

نوران : عفيه لتصفنين وتعلمي عليه هاي اني لساني شيسموها بله فالت اي فالت مني اغلط عليها واشاقه وياهم حسن وفيصل اخوتي واصدقائي بنفس الوكت تعلمي على الميانه البينا حتى لتعبين ولا تضوجين

غزل : ان شاء الله

نوران : محتاجه شى عندي شفت ليلي كان بقيت بس مااكدر

غزل : لا شكراً كافي الضيافه تعبتي نفسج

نوران : لا يمعوده قابل طبختها بيدي من المطعم الشف تعب مو اني

غزل : هم شكراً لان ذكرتيني

نوران : يله باي

غزل : باي سديت الباب وراها وفتحت الاكل جان طعمه طيب مبين اكل عربي مو سويدي اكلت وبقيت لفيصل كلت اخاف جوعان بقيت اروح واجي الوب على اهلي اريد اخابرهم اطمنهم وافتحت الباب رحت اركض عليه

فيصل : هااا شبيج

غزل : همزين اجيت عفيه اريد احجي ويه اهلي بالي عليهم

فيصل : ابويه هم خبصني بيج كل شويه ارجع اريد اسمع صوتها من وراج رجعت

اخذت تلفوني وعلمني شلون اكنك نت وتفعلت البرامج مباشره اتصلت بيهم دكيت على ماما وبابا

نهر : يمه وينج دمنا نشف من الخوف عليج لو ما محسن الله ينطي العافيه كل شويه يخابرنا ويطمنا

غزل : والله حقكم عليه بس مااعرف شلون استخدم النت وهسه فيصل علمني انطيني بابا اسلم عليه اول مسمعت صوته نزلت دموعي ياربي عفته يوم واحد طك گلبي عليه رغم بلعراق مجنت يوميه يمهم بس مأمنه كل مااشتاق ربع ساعه يمهم هسه من اشتاق وين اودي وجهي

حجي طه : هااا حبيبة ابوج طمنيني عنج بنتي شنو تبجين

غزل : مشتاقتلكم

حجي طه : اوف الله يعلم بحالنه بس نكول الف  الْحٍمَدٍ للـّہ انتي سالمه شلونج صحتج شلونها وفيصل شلونه

غزل :  الْحٍمَدٍ للـّہ اثنينا بخير

بقيت اسولف وياهم وخابرت ماما سليل وحجيت ويه عمو سجاد وخابرت رشا حسيت الكل صار سنين مشايفتهم مو يوم واحد

كملت كلامي وطلعت من الغرفه شفت الغرفه الي بصفي بابها مفتوح ومتمدد على الجربايه ونايم على بطنه ويشوخر استغربت اني انام بغرفه وهو بغرفه اخاف نظام الخارج هيج كل واحد بغرفه اخاف اسأله وهسه يكول ميته على النوم بصفي وافشل نفسي واطلع بنظره متخلفه وماافهم الافضل اسكت والله انام وحدي احسن شو اني خلصتها سنين نايمه وحدي بقت على هاي الايام خلي امشي الوضع كما هو واسكت

مرت الايام جنت اكعد الصبح نتريك سوه ويطلع ميجي اله تالي الليل حتى من اسأله متعشي يكول اي وينام لا تقرب مني ولا طخني ولا كأني مرته وصار سنين تاركني

سبوع فات والملل خيم على حياتي ومثل كل يوم مكابله التلفزيون واگلب بيه بملل اندكت الباب هلمره مخفت كلت اسأل منو قابل صغيره واخاف صحت منو

نوران : اني يحلووه

جريت الشال ومثل كل مره غطيت رگبتي وفتحت الباب هلوو نوران

نوران : هلوو يله بسرعه بدلي

غزل : خير

نوران : نغير جو مامليتي الكعده بلشقه

غزل : بس اخاف فيصل ميقبل

نوران : فيصل شنو بكيفه بابا هنا كل الحق للمره اطب وتطلع وشسوي براحتها محد يكدر يحكمها

حسن : هااا هوسه اجيتي

غزل : خجلت لان بعدني ممتعلمه عليهم

باست اخوها وكالت راح اخذ غزل ونطلع نفتر تعال ويانه وهو معارض اني كلت

ابلغ فيصل بالاول

نوران : هم كالت فيصل

غزل : مااطلع بدون ماابلغه

نوران : خابري يله

غزل : اخذت التلفون وادك وميشيله مره مرتين وماكو كتلهم مااطلع

نوران : يمعوده امشي والله ميحجي

غزل : ميخالف اله يعرف يله اطلع

حسن : اني ادك عليه

غزل : تفاجأت اول مدك حسن جاوبه وكله راح ناخذ غزل ونطلع نفتر وفتح سبيكر

فيصل : اي اخذوها عادي

نوران : سمعتي يله

غزل : طبيت ابدل بس بخاطري ليش مجاوبني قابل شرايده منه بدلت بنطرون وقميص طويل مال محجبات وشال وحطيت مكياج كلش خفيف بس تبرز عيووني وطلعت

نوران : ليش هلكد مقبطه من يمي احتريت

غزل : غير محجبه

نوران : يله بكيفج بعدين نبدل ستايلج امشي

غزل : جنت امشي وياهم مثل الطفله الي تطلع ويه امها للسكوت اول مره تباوع هنا وهنا ومتخبله على الالوان والغراض ومجلبه بعبايت امها تخاف لتضيع هذا حالي

حسن : ليش ساكته

غزل : شحجي

حسن : يعجبج المكان

غزل : حلوو بس هوسه واني مااحب الهوسه

نوران : هو اكو احلى من الشوبنك والهوسه والماركات والمولات

غزل : احب الطبيعه والهدوء اكثر

حسن : هاي ماكو اسهل منها اذا تحبين باجر نطلع لمكان كله خضار وهدوء اوديج لمنطقه اسمها ديورغاردن راح تحبيها متأكد

نوران : وديها لمتنزه هاجا وكعدها على البحيره هناك وكت الغروب المنظر يًـجّـنن

غزل : ليش انتي متجين ويانه

نوران : مو كتلج مو كل وقت اكدر اطلع

غزل : لعد خليها من يصير عندج مجال

حسن : ليش متردين اني اطلعج

غزل : سكتت مجاوبته اني ميته مستحه لان هو ويانه وهلمره اطلع وياه وحدنا على اي اساس ابن عمي ابن خالي هو افتهم كلامي ومفتح الموضوع كعدنا ناكل اني اكلت شويه لان استحي ونوران اخذت الباقي سفري وانطتنياه رغم المستحه الكنت بيها والخوف والقلق ناس مااعرفهم طالعه وياهم بس جمال المكان يجبرني افتح كل عيوني على الجمال الموجود وخاصه هيج اماكن احلم اشوفها بلحقيقه

رجعنا للشقه وتشكرت منهم ودخلت واستاذ فيصل ماكو هسه غير افهم هو وين يروح كل وكته مو يمي غسلت وبدلت اباوع على الحذاء مالتي واضحك هاي كون بلعراق جان انترس اتراب وصار ابيض هنا بعده نظيف هواي مشينا اذا طلعت مره ثانيه البس بوتين (ترانشوز) افضل واخف

كعدت اكل جنت جوعانه مأكلت زين وشلت ورايه واجه فيصل

فيصل : مبينه مرتاحه

غزل : وعليكم السلام

فيصل : لتتعلمين تخلين حسن يخابرني من تردين شى

غزل : على اساس انت شلته من دكيت عليك وثاني شى اني مردت اطلع همه چلبو بيه خلف الله عليهم غيرولي جو

فيصل : هاااا يعني همه احسن مني

غزل : ماكلت هيج

فيصل : هم عايزه تكولين

غزل : تقربت منه وكتله بس فهمني انت شبيك صار اسبوع من اجيت بوجهي متباوع وعلى اعصابك تبات بلبيت وبس الريوك يجمعني بيك اذا هيج مرايدني المن دزيت عليه جان عفتني بلعراق

فيصل : غير ابويه اني لو ما هو اجيبج تحلمين اعيشج هنا ويايه

غزل : محلمانه اعيش وياك ولا اريد عيشتك

فيصل : لعد ليش جيتي

غزل : لان المفروض انت زوجي وهذا مكاني الطبيعي اما بلعراق وانت يمي واما هنا واني يمك لو اطلكني

فيصل : لو اكدر جان طلكت من زمان

غزل : شنو المانعك اذا هيج منزعج مني

فيصل : شتردين هسه

غزل : اريد افهم اني شنو بحياتك

فيصل : انتي لا شى

غزل : سكتت واتنفس سريع كلامه حييل يجرح وكتله بهدوء مكدرت اسكت على جرحه الي

فعلاً اني لا شى وانت هم بحياتي لا شى تره احساس متبادل

فيصل : كلش زين لعد متفقين تبقين هنا بدون دوخه وقال وقلت وتحاولين تتأقلمين ويه حياتج الجديده

غزل : وشنو الي يجبرني ابقى

فيصل : لو تردين تطلكين جان من الاول ما جيتي اعرف بيج متردين واني هم مااريد حتى لا اخسر اهلي بسببج نتفق من هسه كلمن اله حياته وماله دخل بلثاني

غزل : بكلشي

فيصل : عفيه بكلشي هذا مكانج ومااسمع حسج لا كل مااطب ادوخيني

غزل : صار عفته ومخليته يكمل تندمت لان ماعندي الجرئه واطلك واجيت برجلي لهنا لازم اتعود واعتبر روحي وحدي وابدي ارتب وضعي الي مصبرني على هذا الحال هدف واحد اذا سويته حياتي احسها كلها تتغير هنا الطب مطور واحسن من عدنا بس اداوي الحرك مالتي بعد كلشي مااريد

سليل : ركضت بيدي ورجلي على القرض والمديره مالتي هوايه سهلت الامر عليه وكدرت اسحب القرض وهي جانت الكفيله وسحبته وسجاد باع السياره ودفعنا فلوس البيت جنت فرحانه لدرجه جبيره بس وضع اختي يمنعني اظهر هاي الفرحه وخطيه بابا هم فرحلي هو وماما وجابلي طلي فجران دم للبيت ذبحته وزعت للناس المحتاجه دزلي بابا عامل عنده ولد يحبه صار سنتين ويااه اسمه عمار مهجر جان من سكنة الحريه وكعدو بيت قريب مطعم بابا ومن وكتها شغله يمه ويعزه يكول فقير وحباب اجه دك الباب اني لابسه الشال طلعت اله   هاي الفتره تيم يمي يلعب ويه زيون لان جنات راحت يم رشا اخذت ابنها وياها وهذا وحده بقى يضوج لهذا ابقي ويه زيون يلعبون بالالعاب لو بلكراج ركضو كدامي وفتحوها وصار الولد گبالي

عمار : العفو اختي دزني الحجي

سليل : اي عيني هسه اجيبلك العلاليك

جنت مقسمه كل كم لحمه بعلاكه وسويت كم وحده وانطيهم لهذا الولد كال بمنطقتنا هوايه فقره انطيتهم اله جان باب الشارع مفتوح كله وباب المطبخ واني اطب واطلع انطي

سجاد : هااا عمار شو هنا

عمار : هله عمي ابو زين الحجي دزني علمود التوزيع

سجاد : كملت

عمار : بس ام زين كالت بقت اثنين

سليل : طلعت وشفت سجاد يحجي ويه عمار اني عادي تعاملت طبيعي بس شو هذا شافني لو عيونه براسه صارت بس راح الولد سد الباب وسحبني من ايدي للمطبخ واني اريد افتهم شبيهه شسويت

سجاد : هيج طالعه حضرتج

سليل : شبيهه شو دشداشه وردن وشال على راسي ولا شعره طالعه مني

سجاد : وهاي اللابستها جنها فستان ملزك على جسمج وفوكاها ترحين وتجين وادنجين كدامه ولد شاب مستحيتي

سليل : عيب تره هذا الحجي الولد مارفع راسه وانطيته العلاليك وراح

سجاد : ما رفعهم لان الدشداشه لازكه وكلشي مبين هو استحه وانتي ما ستحيتي

سليل : الي يسمعك يكول مصلخه هااك شعرضاتها

سجاد : تعاالي شووفي شلون لازكه وسحبني لمرايه المغسله ودارني وكاال باعي

سليل : مااشوف شى

سجاد : لان عميه

سليل : اشكرك

سجاد : اسمعي لج اذا طلعتي بعد هيج والامام علي اكطعج تكطع واحرم عليج باب الشارع

سليل : تره ممسويه شى حتى هيج تگلب الدنيا وتعيط وتهدد

جان يلزم الدشداشه ويشكها عليه من الطول للطول جفلت منه ودمعتي بسرعه نزلت

سجاد : هااي حتى بعد متنلبس وتنذب بلزباله واي احد يجي تلبسين اما جبه اسلاميه عريضة لو عبايه على الراس ماعندي استعراض ملابس داخليه لو اجسام وهاي اخر مره انبهه بيها مره ثانيه تشوفيني مني المشايفته

سليل : عافني وصعد واني ركض للحمام طكيت بجي حتى فرحه البيت كسرها بعيني والله ممسويه شى خبلني اي شى يحاسبني عليه ذبيتها للدشداشه وسحبت وحده بلغساله ملبوسه وطلعت من الحمام رحت للحبل سحبت نظيفه ورجعت للحمام بس شفت الجهال اخاف يلعبون بلكهرباء طبيت سبحت بيه ريحه لحم وزفره بدلت دشداشتي وكعدت كملت شغلي بس ميته قهر كملت الاكل وطفيته وصبيت للجهال وكلتهم اثنينهم

نزل ميباوع بوجهي عفته ولا حجيت شى وصبيت الاكل اكلنا اني ويااه وكمل غسل وراح ناام حتى مكلف نفسه يطيب خاطري بكلمة عفته واخذت الجهال نومتهم ومر يومين واني وياه على كد شتردين وشتاكل غيرها ماكو متحملت اشتاقيت اله جنت امشي وابوس بيه واتحارش بيه لو هو يحضن بيه وهسه ابد واحدنا بعيد عن الثاني كلت هم اتنازل اني واروح اصالحه اني هسه لو مسويه شى طبني طوب اروح اعتذر بس ممسويه جان يكدر ينبهني مو يتعامل بعصبيه وگلب الدنيا عليه

ورها بيوم بدلت العصر ورحت لبيت اهلي واخذت الجهال عفتهم يم ماما وصعدت لريم فتحت الضوا وكعدتها

كوومي اسبحي ريم ميصير هيج كوومي صار كم يوم لا تاكلين عدل لا تكومين من فراشج على كد الحمام وبس تره والله حرام عليج الي تسوي هذا اسمه اعتراض على امر الله كومي حبيبتي كوه تحجي وتفتح وتسد بعيونها

ريم : عوفوني

سليل : هااا شبيج شوو كومي سحبتها وكعت مني ياالله هاي شبييهه

ركضت نزلت على ماما يوم فدوه تعالي

نهر : هااا يمه شبيج تعيطين

سليل : ريم مدري شبيهه كوه تحجي

نهر : ياستار هسه راح اجيب اخت نزار جوارينا الجدد معاونه صيدلاني وتفتهم

سليل : اركضي يوم

اجت البنيه جانت بعمري وبيدها جهاز الضغط قاست ضغطها

يمعودين هاي ضغطها ٣ لتروح تنجلط

نهر : دخيل ياعلي عفيه ناخذها مستشفى

هسه اشوف شسوي

سليل : حضنت ريم واغسل بوجهه اريدها بس تصحى ركضت البنيه وجابت مغذيات وشكلت الها مالح حتى يصعد شويه وبدت تراقب حالتها وشكلت الثاني واحنا كاعدين على نار خلي اخابر سجاد يجي دكيت عليه استغرب اتصالي وخاصه صار اكثر من ٥ ايام منتحاجه

سجاد : اكو شى

سليل : تعال بسرعه

سجاد : شصار بيج شى

سليل : حسيته خايف عليه وكتله لا مابيه بس ريم متخربطه

سجاد : جااي هسه

وره عشر دقايق كلته فوك راسنا

سجاد : خلي ناخذها للمستشفى

البنيه لا ميحتاج بدا يصعد الضغط عدها وكلوها شوربه لبن شويه مالح شربوها

سليل : تحجي وتباوع لسجاد وسجاد يستمع الها ضجت حييل رغم البنيه مصدر شى منها بس ليش متحجي ويانه

حضرتك اخوها

سليل : لا حبيبتي زوجي وبمثابه اخوها

ابو زين

البنيه : اهلاً وسهلاً مثل مكتلكم واذا احتاجيتو شى بس حضرتك تعال بلغني اني بلبيت اليوم ماعندي دوام

سليل : شكراً مقصرتي واذا صار شى عود نوديها مستشفى رحمه الله والديج

سجاد : تفضلي اختي

سليل : طلعت من الغرفه وهو وراها سحبته من ايده وين

سجاد : اوصل البنيه

سليل : شبيهه كزه ومتندل

سجاد : سليل عيب موزين منها اجت

سليل : خلف الله عليها ماما فدوه اطلعي وصلي اخت نزار خطيه صغيره متندل بيتهم بدهوك والطريق طويل عليها

سجاد : لج شبيج

سليل : مابيه ضل هنا واذا نزلت وراها والقران اگلب الدنيا

سجاد : ايااا خبله

سليل : تقربت منه اي خبله وبعدك مشايف خبالاتي من تطلع

سجاد : عينج على اختج اذا صار شى خابري رايح للمحل شويه واعزل واجي

سليل : مو هسه شويه وروح كعدت بصف ريم وهو يهز بيده وحاصرته الضحكه

سجاد : والله مو صاحيه

سليل : باوعت عليه صفح وسكتت لحد محسيت ريم وعت علينا

سجاد : هااا اروح هسه ست سليل

سليل : روح واباوع صفح وعاوجه حلكي معاجبني

عافني وراح كومت ريم الجانت تترنح من التعب وهبوط الضغط غسلت الها وبدلت ملابسه ودمعتي بعيني هاي ريمو الجان صوتها يلعلع بكل البيت هاي الجانت تتعارك على الجبس ويومه مقفصه على واحد حتى يشتري الها اوووف انطيج عمري بس كون ترجعين مثل قبل امشط واسولف وياها واحجيلها على كلشي صار ويايه وسوالف سجاد وسوالف زين وسوالف تيم حتى تحس هي مو بعيده عنا بس كلمة وحده كالتها كالت غزل

اي غزل زينه وبديت هم اسولف شتكول من تخابرنا لان يوميه نتراسل وياها لان خطيه تبقى وحدها بلشقه كتلها ريموً اجيبلج تيم

والله مشتاقلج شنو ذنبه طفل محروم اكثر من ٥ اشهر من امه بس احضني نومي بحضنج  كامت من حضني وتمددت ومحجت شى ياربي هاي شلون اصحيها

بستها ونزلت وصيت ماما عليها لان مااكدر ابقى اكثر ذوله خبصو الامه بلعياط واللعب سحبتهم من ايدهم وطلعت بلباب ردت اسده وارجع لبيتي مشي وجان اتفاجأ بصفي واحد يكول شلونج سليل انداريت واشوفه حسين فتحت عيني ممصدكه والله لو ما العيبه جان حضنته اني احبه لحسين

الْحٍمَدٍ للـّہ على سلامتك

حسين : الله يسلمج

سليل : شوكت اجيت

حسين : البارحه تالي الليل

سليل : والله مشتاقيلك والجهال يجرون بيه يردون اهدهم حتى يلعبون بلشارع

ولكم كعدو

حسين : شنو السالفه خلفتي واحد ثاني هذا شوكت كبر

سليل : هذا ابني الصغير والاكبر منه ابن ريم

دنك عليه وصار بمستواه ومد ايده

حسين : شلونك عمو تعاال تيم

سليل : تعرف اسمه

حسين : هو بس اسمه اعرفه اول مره اشوفه ماشاء الله حلوو

سليل : اي يشبهه ابوه وبيبيته الله يرحمهم

حسين : تعاال

سليل : ختل ورايه خااف جان يباوع عليه ويكول

حسين : شلونها ريم

سليل : اوووف شلونها ميته وبس النفس يصعد وينزل

حسين : الله يساعدها مو هينه عليها خسارتها جبيره

سليل : اي والله قبل شويه جان ضغطها ٣ وربك ستر منجلطت

حسين : اريد اشوفها واسلم عليها اكيد هسه العده مالتها خلصت

سليل : اي خلصت بس شتشوف منها حسين والله اذا تشوفها متعرفها جلد وعظم وهم متنزل من غرفتها الافضل متشوفها هسه

حسين : رجعت بس حتى اخذ من خاطرها

سليل : اعرفك صاحب واجب بس بعدها مامستوعبه الي يصير خلي تصحى وهله بيك انت تبقى ابن عمنا وحسبت اخونا

حسين : وانتم خواتي الله شاهد والي يصيبكم يصبني

تجي عمو اشتريلك

سليل : ميقبل ميوالف بسرعه مو مثل امه سوده عليه بس واحد يكول الها تعالي اشتريلج تركض گبله جانت

حسين : ان شاء الله ترجع احسن من قبل وتوكف على حيلها ريم قويه

سليل : كل قوي للزمان يلين واختي ما لانت انكسرت والله

حسين : اكدر كل فتره امر اشوف تيم

سليل : شو تيم

حسين : يعني اشوفكم كلكم

سليل : البيت بيتك هله بيك

حسين : اترخص اني

سليل : متدخل لماما تشوفها

حسين : اجي غير وكت واشوف عمي هم مشتاقلهم

سليل : مااشي براحتك

حسين : باي تيم باي زيد ودنك باسهم وراح

اباوع عليه حاط ايده بجيبه ويمشي مثل الحاير بزمانه سحبت الجهال ورجعت للبيت

بليل بعد منومت الجهال دكت تلفوني اباوع رشاوي هااا ولج

رشا : هلوو سليل

سليل : شبيج شو ضايجه

رشا : سلامتج شلونها ريم احجيلي شصار اليوم وبديت اسولف الها حسيت رشا مو طبيعيه وره ثلث ساعه سوالف هاي ساكته يمعوده وين بالج

رشا : تدرين شكد احتاجيت ريم هسه

سليل : شصاير

رشا : جان على الاقل تساعدني بخططها تفهمني

سليل : ليش اني مو موجوده مو بعينج

رشا : لتفهميني غلط انتي الخير والبركه بس اذا احجي راح تكولين انتي مخبله انتي مريضة مو لهاي الدرجه اعرف مراح تقبلين على تفكيري يمكن بس ريم راح تفهمني والله محتاجتها بكد الدنيا جان على الاقل تنورني بطريقه اريح گلبي وفكري بيها

سليل : احجي رشا والله يجوز افهمج لتنسين اني اختج الجبيره

رشا : اووووف شحجي هو الي بالي لو سهل وينحجي جان حجيته

سليل : كولي ياالله لهاي الدرجه

رشا : كايله ياالله واصلي واستغفر صار كم يوم بس الشيطان اذا دخل بعقل واحد شيطلعه متكوليلي

سليل : احجي مو حتى وكعتي گلبي بمعدتي

رشا : حااسه شعلان عنده وحده غيري

سليل : هاااا خرب احساسج ليش هيج تحسين لج هذا شعلان الي يباوع على طولج  ويموت عليج وذبح روحه حتى ياخذج شلون عنده غيرج

رشا : حااسه سليل وگلبي نار وحتى ماانام وكارهه روحي ومااعرف شلون اطمن لا بيه اكول اله اخاف ياخذ حذره وينتبه اكثر ومااكشف شى ولا بيه اسكت

سليل : تعوذي من الشيطان وصلي ركعتين لوجهه الله ان شاء الله ماكو هيج شى

رشا : واذا اكو شلون

سليل : شفتي عليه وحسيتي

رشا : هواي امور صاير ميكعد ويسولف ويايه مثل قبل من اريد شى منه يتهزم مرات يخابر تالي الليل ومن اجي يسده واكو هواي امور خاصه هاي الايام كعد تتوضح

سليل : اهووو شنو هذا الوسواس يعني اذا انشغل عنج شويه معناها يخونج شفتي شى كدامج 

رشا : المره تحس بخيانة رجلها حتى لو متشوف الله منطيها حاسه خااصه بهاي الشغله

سليل : على هيج منوال جان كلهن اطلكن لو كلهن يحسن بلخيانه

رشا : كلهن وداعتج بس الفرق اكو مره تحس وتغلس وتگلك عادي مرجعه اليه وين يولي  واكو مره تحس وتبقى مطنشه لحد متلزم دليل وراها تاخذ حقها  واكو مره متتحمل اطكها بوجهه وتگبها عركه مترتاح اله تعلگها واكو مره تاكل بروحها لدرجه تتمرض وتاليها متلزم شى بس تبقى تعرف رجلها خان بس ماعدها دليل وكل متشوفه تحس بلموت لان متكدر تاخذ حقها

سليل : كافي رشا وانسي هذا الي بالج شعلان خوش رجال واخو خيته وابن عشاير ميسويها مو من ذوله شباب تالي وكت وجبير وفاهم مو صغير وتقشمره وحده وهم يحبج واخذج عن حب وانتي

كل متفكرين هيج اتذكري حبه وخوفه عليج ولهفته يمعوده والله يباوع على حلكج من تحجين ويخاف عليج اكثر من نفسه مو شعلان يسويها هاي كلها وسواس شيطان والعياذ بالله منه روحي توضي وصلي وحضني رجلج ونامي

رشا : اوووووف الله كريم

سليل : يله حبيبتي تصبحين على خير

رشا : وانتي من اهل الخير باي

سليل : باي

رشا :سديته من سليل وگلت بگلبي مفهمتيني ياسليل كتلج محتاجه ريم جان بسرعه فهمتني حتى متجرأت اكولج شاكه بشعلان ويه جنات اخاف تگلبين الوضع ومتفهميني مجرد كتلج حااسه مصدكتي لو اكلج شاكه ويه جنات شسوين اكيد راح اطلعيني الغلطانه والمجرمه هم بحق بنت عمي اليتيمه الفقيره الي ماطلعت العيبه بيوم منها

سليل : بدلت ملابس البيت ولبست شى للنوم وتمددت

سجاد : ويا منو تسولفين

سليل : ويه رشا ليش مسمعت صوتي

سجاد : وشبيج شگلت

سليل : انطيته ظهري وغمضت عيووني

سجاد : راح تبقين هيج مدلغمه

سليل : احجي ومغمضه ليش مدلغمه

سجاد : انداري مو احجي وياج

سليل : منداريت وبقيت وكتله نعسانه اريد انام

سجاد : هااا نسيت اكولج باجر يمكن اروح لهاي جوارينا تقيس ضغطي واخذ منها ورقه اكيد عدها معارف بلمختبرات اسوي تجييك كامل مال دهون واملاح

سليل : انداريت عليه بسرعه وكتله بعصبيه احد گلك هي دكتوره

سجاد : اي بس معاون صيدلاني يعني هم تفهم ودارسه

سليل : خلصت الاطباء والصيادله

سجاد : لان جيرانه وحبابه وحسيتها بس تريد تقدم خدمه ارتاحيت الها

سليل : كعدت على حيلي وكتله واحرك اصبعي  بأعصاب بصيغه تهديد اذا رحت الها ياسجاد وداعت زين ماابقى لحظه بلبيت جان يحجي برود ويايه وايده جوه راسه ويباوع عليه

سجاد : روحي احد لازمج

سليل : هيج صارت مووو كمت من الجربايه متعصبه حييل جان يجرني لحضنه كمت ادفر واكول اله وخر مني

سجاد : مااوخر

سليل : شهكت وكتله وخر مني جان يحط يحط وجهه برگبتي قريب اذني ويحجي

سجاد : شفتي الغيره شسوي شفتي شلون انعمت عينج عن كلشي

سليل : بجيت وكتله انت عجبتك موو

جان يجرني حييل وحضني

سجاد : ليش هي اكو مره تحلالي غيرج

سليل : لعد ليش تريد تروح الها

سجاد : مااروح بس ردت اشوفج شصار بيه من شفت الدشداشه عليج مخصره ولد شاب واكف والله زين وماضربتج مدري شلون لزمت نفسي وما ركعت راسج بلحايط

سليل : بس والله عريضة

سجاد : حبيبي الرياجيل يعرفون وين يباوعون وشنو البارز بجسم المره يركزون عليه

سليل : الظاهر انت هم تركز لهذا تعرف

سجاد : هههههه ماكو رجال ميركز بس اكو الي يهتم واكو الي يدير وجهه ويتذكر عنده عرض وميباوع

سليل : هسه راح تروح الها

سجاد : ام عقل الصغير شلون اروح بس ردت اشوف بعدج تغارين عليه

سليل : ضربته على صدره اي اغاار واموت غيره هم ولو شويه مزودها ويايه بلبيت ماابقى

سجاد : فدوه لام دميعه الغيوره جان يبوس راسي وخدي وهمس هذا الگلب وهاي العين ميحبون ولا يشوفون غيرج اطمني بس قدري غيرتي وخوفي عليج

سليل : مااشي وهااا اطلبك دشداشه جديده ذيج شكيتها

سجاد : تدللين عشره اشتري بس للبيت تلبسيهم بره او تفتحين الباب لاحد مااقبل

سليل : بسته من خده صار حبيبي

سجاد : تعالي اصالحج

سليل : مو صالحتني

سجاد : لا اني مااحب النواشف احب الهبيط  شووو تعالي

سليل : بيومها قشمرني ههههه اخ منه احبه رغم سوالفه ومرات يخنكني بس موبيدي كلمة منه اطيب گلشي بيه

سليل : مر يومين واني بين دوام والبيت وكت الدوام اعوف زين وتيم يم ماما دك تلفون من شعلان تفاجأت جان صوته مخنوك ومبين اكو كارثه كال الحكي اختج بالانعاش وكع التلفون مني وانكسرت الشاشه بس دنكت واخذته واخذت الجنطه وركض على رئيس القسم كتله اختي بالانعاش

متحملت انتظر سجاد يجي اخذت تكسي وكبل لبيت اهلي وخابرته بلطريق وخابرت بابا وماما الي لكيتهم متخبلين مثلي

لازم نروح للكوت

نهر : وريم منو يبقى يمها ابقي انتي سليل

سليل : غير اموت ماابقى والله ناخذها ويانه

نهر : يمه الطريق طويل وهلمره تتخربط علينا

سليل : لازم تجي ويانه كمت سحبت الجبه الاسلاميه مالتي لبستها الها ولبستها الشال مالتها جانت تباوع بعيونها ومحجيت شى الها بس كتلها رشا عازمتنا بلبدايه رفضت دفعتني ورادت ترجع تنام مقبلت وسحبتها كوه واخذناها بهذا الوكت سجاد راح اجر سياره النا تكفينا كلنا جاب جمسي علمود السرعه

واني اكل بروحي شجاها شصار وكعت بابا وماما معافو الادعيه وريم صافنه على الجامه بغير دنيا بين الواعيه وبين لا

وره ساعه ونص تقريباً وصلنا طول الطريق نخابر نريد نفتهم منه بس يكول تعالو

وصلنا للمستشفى بلكوت

سجاد : اني راح اخذ الجهال وريم واوديهم بيت رشا واجيكم

سليل : اي فدووه

ركضنا ولكينا شعلان كاعد بلكاع وحالته تبجي الصخر

حجي طه : شبيهه بنتي

شعلان : مااعرف وكعت ونقلناها للمستشفى يكولون ضعف بلقلب وحالته كلش خطره لك طه رشا دتموت

نهر :لطمت على وجهه وعاطت يمه بنيتي

سليل : متحملت الخبر وكمت الطم على صدري اختي راح تروح منا وابجي واجت الممرضات طلبو من عدنا الهدوء ممنوع نصعد لردهت الانعاش وانطب بيها

لزمت شعلان فدووه شبيهه

شعلان : مااعرف رجعت من الدوام وكعت من طولها وجبتها ركض يحجي ويبجي

بلحظتها كلت راح نخسرها الطبيب كال هي والله حالتها مطمن حتى عمليه منكدر ندخلها متتحمل بنج توسلنا بيهم بس انطب نشوفها كالو ممنوع

بابا كعد وبيده السبحه سوده عليه ويبجي عليها ويمسح بيده ويباوع للسما ويحجي اعرف كعد يناجي رب العالمين

اجه سجاد ومن عرف ضرب ايده بلحايط وحضني

كتله جنات هناك

سجاد : اي هناك وحطيت ريم والجهال امانه يمها

سليل : اختي راح تروح من ايدنا

سجاد : لتكولين هيج والله لو اعرف ابيع البيت ونداين ونسويلها اي عمليه بأي دوله بس اطيب وتكوم

سليل : شبيج ياروح اختج شصار وكعتي وصلتي الموت شنو الصار يارشا اكعدي وفهمينا

قبل بيوم /

رشا : صافنه كاعده بلحديقه

وتذكرت الموقف الي صار قبل كم يوم من رحت داومت استدعونا لازم انداوم نهايه الثامن بدلت وطلعت الصبح بعد ما وصلني شعلان الصبح للمدرسه اقل الساعه كاعدين كلنا اتجمعنا تالي المديره كالت اقسمكم واني وكم مدرسه كالت انداوم 9/1 كملنا الاجتماع بسرعه وجنت متفقه ويه شعلان ساعه ١٠ ونص يجيني لان مو دوام كامل باوعت الساعه شفتها ٩ وربع المن ابقى بعد ساعه وربع اخذت تكسي وباب البيت ذبني كلت اخاف اخابره ويعيط عندي شغل ويخليني انتظر ارجع وعود اكله بلبيت اني رجعت ويه صديقتي حتى ليحجي دخلت للبيت لكيت سياره شعلان بلكراج هذا شعنده راجع وهو كال رايحه للعلوه واجي فتحت باب المطبخ مقفول من جوه ضجت ولعب گلبي اني مو قصدي الشك بس ليش راجع وليش مقفوله البيبان دكيت الباب جان يطلعلي هو مستغرب رجعتي

شعلان : شرجعج

رشا : ليش متريدني ارجع

شعلان : لا قصدي مو بعد ساعه وربع وهم اني اجيبك

رشا : كملت من وكت ورجعت انت شعجب رجعت للبيت مو المفروض طالع حسيته ارتبك وكاال

شعلان : ملكيت الرجال الي المفروض انطي الفلوس كلت ارجع ارتاح و١٠ ونص اجيج

رشا : هاااا زين لعد جنات وين

شعلان : شمدريني مشفتها يجوز بعدها نايمه

رشا : هذا الحجي كله واحنا باب المطبخ نزعت حذائي وطبيت لبست نعال البيت ودخلت بس مدري ليش گلبي يلعب اني مو غبيه ولا ماافهم ولا مااحس بس اكو شغلات العقل نفسه ميشيلها دخلت لغرفتي لكيت فراشي مترتب اني اصلاً عفته هوسه ورحت معقوله شعلان الي ميجيب لنفسه كلاص مي يرتب الفراش سكتت ومعلقت بس والله كوه اجر النفس وكل شويه اتعوذ من الشيطان واكول انجبي رشا هذا شعلان هذا حبيبج هذا الي مينام اله يبوسج ويشمج اله اذا صحت اااخ گبلج يطفر وهم من افكر بجنات اكو هاي حالها حال خواتي نسيتي السوته لابوج نسيتي طيبتها سنتين عايشة وياج العيبه مطلعت منها وراها كعدنا واباوع الوضع طبيعي وكعدت جنات تكمل شغل وتساعدني بس من يومها واني اراقب حركاتهم لدرجه حتى من انام افز اذا تحرك وراح حمام صار هاجس وهوس عندي

فزيت من صفنتي على صوت جنات اجت بصفي كعدت بلحديقه بلكرسي الي بصفي وفرح وامير يلعبون كدامنا وكاالت

جنات : شبيج رشا شو وضعج مو طبيعي

رشا : لا مابيه شى

جنات : هند وماكو صار مده شنو المضوجج

رشا : صدك شوكت ترجعين لبغداد حسيتها استغربت كلامي

جنات : ليش ضايجه من وجودنا

رشا : لا بلعكس بس لان باجر واحد بلشهر وكالو احنا المدرسات لازم نلتحق بلدوام تعرفين جماعتي بدت قبل كم يوم بس اني المديره خلف الله عليها من رحت ذاك اليوم كالت بدايه شهر التاسع داومي اني وجم مدرسه وبعد ايام يبدون يداومون الطلاب واكيد اموري عنده مدرسه

جنات: والله الحجي بيني وبينج حبيت العيشه هنا يمكن اسحب الفلوس من المصرف واشتري بيت صغير قريب منكم هم هنا اهدأ واحسن وهم ابتعد عن عيالي تعرفين عمتي دوم تاكل راسي علمود اموري

رشا : انقبض گلبي من كلامها وگلت

ليش متشترين بغداد وهم يم عمه وبابا

جنات : فلوسي متجيب بيت بغداد بينما هنا تجيب

رشا : حسيت الوضع راح يفلت من ايدي واذا شكيت وشكي صّـْْ(☑)ـْْحّ بطلعه جنات من البيت وتكعد بيت قريب مني مراح اكدر الزم عليهم شى مو مثل ما هنا كدام عيني كتلها بهدوء حتى مااثير الشك عدها

اي والله ياريت يوم عيد تكعدين قريب مني اقلها مااحس روحي وحدي خلي شعلان يدورلج

جنات : كوليله انتي استحي

رشا : صار حبيبتي يله نكوم نسوي العشا صار الغروب

جنات : باجر اداومين

رشا : اي مو كتلج ولان اول يوم راح ابقى لل١٢ باجر الغدا عليج ولو اتعبج

جنات : يااا صدك كذب من عيووني

رشا : سالمه عيوونج ولتنسين فروحه ريكيها وياج من تكعد

جنات : فروحه غير ويه اموري عيني عليهم وحالها من حال اموري اذا مو اعز

رشا : اي والله اعرفج متقصرين

بيومها مااعرف شلون اوصف احساسي گلبي شلون تحمل تمر الساعات بدون مايوكف مااعرف جنت امشي واكول بگلبي يارب بجاه الحسين بجاه ام البنين بجاه الزهراء عندك كون يخيب ظني والله اذا خاب حتى مستعده رجلهم ابوسها وعمري مااشك بيهم امثل الهدوء واللامبالاة وتعشينا ونسولف ونضحك بس كله لكمه تنزل سم المي احسه مر بحلكي وگلبي ساعه يدك سريع وساعه بطئ نمت وحضنته شعلان بعد ما بلغته باجر اتأخر لان اول يوم راح يعتبروه واداوم دوام كامل

كعدت الصبح ولو بالاحرى منايمه غير ساعه وحده النوم هجرني الليل كله افكر بطريقه شلون اطب واشوفهم وخاصه همه يقفلون باب المطبخ وباب الاستقبال مقفول على طول مينفتح بس من يجي خطار ويطبون واني على سجاده الصلاه عرفت شلون كمت جبت مفاتيح باب الاستقبال جان باب خشب جبير اكيد ميتوقعون مفتوحه وخاصه صار اكثر من شهر مسدوده ومجاينه خطار غريب حتى هند وامها من يجون يطبون من باب المطبخ وطبتنا وطلعتنا منه فتحتها ورجعت سديتهت يعني بس الزم اليده مال الباب تنفتح بدون قفل ورجعت كلشي لمكانه حتى المفاتيح ورحت تمددت كعدت الصبح بدلت طبيعي وسويت لفه لان كتله راح اتأخر واجوع

شعلان : حبيبي اذا طلعتي من وكت كوليلي اني اجيج اخاف عليج من التكسيات ويه صديقاتج

رشا : لا حبيبي مااطلع تره عبالك مثل ذاك اليوم تره مراح تتكرر لان بدا دوام رسمي حتى لو الطلاب ماكو لازم انداوم انت ساعه ١٢ الظهر تعالي

شعلان : الله كريم

وصلني للمدرسه وبقيت ساعه ضبط وستأدنت من المديره بحجه عفت الطباخ يمكن مفتوح ربع ساعه وارجع وركضت اخذت تكسي جنت كل خطوه امشيها يضيق النفس اكثر عندي وصلت للبيت واول شى خليت التكسي يوكف بعيد الباب يمكن من كثر منشوف مسلسلات تركيه تعلمنا منها الطرق والحيل بس تمنيت الي داعيشه هسه مسلسل تركي واطفي التلفزيون وانهي الحلقه الي داعيشه واقع

فتحت الباب على كيفي ولكيت سيارته واني دموعي نزلت حتى بدون مااشوف شى

خطواتي كوه امشيها ردت ارجع والله ردت ارجع من كثر ماخايقه ومتأذيه فتحت الباب دفعت باب الخشب على كيفي وانفتح نزعت حذائي ومشيت بخطوات هادئه جان البيت حييل هادئ مكدرت اشك وكلت انجبي انتي متوهمه هسه ادخلين تلكين جنات بغرفتها حاضنه ابنها ونايمه

متجرأت ادخل غرفتي خفت اغلط بشكي واخسر شعلان وبيتي لاخر لحظه اكول اني مريضة اني حقيره شلون اشك بأصدق اثنين بحياتي فتحت الغرفه لكيت الباب مقفوله من بره والمفتاح بيها استغربت فتحت على كيفي ولكيت امير وحده نايم وفروحه على الجهه الثانيه مو بغرفتنا منومين الجهال بغرفه سوه وقافلين الباب عليهم

بلحظتها متحملت وركضت اي لازم اركض واشوفهم بعيني فتحت الباب بقوه مقفول دكيت الباب كسرته واعيط افتح لك شعلان افتح انهارت اعصابي واعيط وابجي كمت اهدد اذا متفتح هسه اطلع بلشارع واعيط وافضحك والقران افضحكم وجان تنفتح الباب وياريت مانفتحت جنات لابسه دشداشه نوم مخلعه ومغطيه جزء منها وشعلان بلفانيلا والداخلي ويريد بس يلزمني لان عياطي وصوتي واصل للشارع

متحملت المنظر والله لو جايبي الي ميت ولا اشوفه هيج بلحظتها لزمني وكال لتعيطين وتسوين فضيحه اني ماارمش واريد اكطعهم ودكات گلبي راح توكف عطت وجان يلزم حلكي ويكول  هاي مرتي  متحملت وكعت ومحسيت بلدنيا

يتبع ....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الثاني_والثلاثون

مكابر كوه اجيب الراس عالراس

واعاند دنيتي عناد المجانين

وانه شما اطيح اكل للروح لاباس

على جروحج توجي ولاتصيحين

شربني الزمان اهموم من كاس

اقسى وأمر من سم الثعابين

تجرعته بصبر ماسمعت ناس

لجن ياحيف فضحني النياشين

انه الروحي جبل يهدمها يافاس

وانه المرمر التنحد بي سجاجين

لخلي جفوني عل دمعات حراس

واكل للعين فنج بعد تبجين

اذا وصلت منيتي لكطع الانفاس

واجب من يمر شامت تضحكين

مرمر سكف روحي واصلب الساس

ولامن جام بيتي وساسي من طين

وطبع بالروح يشبه ورقه الياس

يتكاثر عطرها بفرك الايدين.

سليل : مر اليوم كله واحنا على كعدتنا ورشا مصحت وكل وكت يمر علينا انحس بيه سنه صافنه على الساعه المعلكه بلحايط شلون تتحرك ثانيه ثانيه وكل حركه منها گلبي يدك وياها دموعنا منشفت حتى التوكف دموعه تحسه كاعد على نار نتوسل بلرايح والجاي بس حتى نشوفها وممنوع الدخول

وصار الصبح وعدا الظهر ورشا نفس نومتها

نهر : ولكم راح تروح من ايدنا خلي ننقلها لبغداد

سجاد : ممنوع الحركه عليها شبيج نهر غير البنيه فاقده همه حتى ميكدرون يسون عمليه الها يخافون من البنج عليها وبعدهم لهسه ممحددين حالتها

حجي طه : شصار شعلان بنتي ليش وكف گلبها بنتي ليش دتموت

شعلان : الف مره سألتني طه وجاوبتك جانت بلدوام واجت وكعت

نهر : انعل ابو الدوام هي حالها وضعها مال تعب ودوام

سليل : اجه الطبيب الاخصائي وياها اطباء مقيمين وناس تكتب وناس تشرح نريد واحد يفهمنا ماكو هسه غير يشوفون حالنا دك تلفون اباوع غزل ياربي شلون اخاف اجاوبها وتحس اكو شى وهي وحدها هناك اخاف تتأذه لزمت التلفون وانطيتها رفض وكتب الها اني بلدوام

رجعت كتبت ليش ادك عليكم محد يجاوب لا انتي ولا بابا ولا ماما تره البارحه حلمانه حلم موزين وكعدت مخنوكه انتم زينين

نزلت دمعتي وكلت اوف ياگلبج يحس بخواتج وجاوبتها كلنا مثل الورد مابينه شى من ارجع من الدوام نتراسل ونهيت المراسله وياها

اجه طبيب ولزمه بابا يتوسل بيه مقهرني غير من يكول ارحم شيباتي وكلي بنتي شلونها

جان يكول حالتها صعبه وحرجه ادعولها وانت حجي ابوها ادعيلها عسى ولعل ربك يستجيب

وعافنا وراح حسيت هذا هو ديكول كلها دقايق ويجي خبر اختكم

خليت راسي على الحايط واشهك وبشهكتي اتذكر سوالفها شقاها شخصيتها القويه بس الي صار بالي ريم رغم احنا كلنا خوات وروح وحده بس ريم ورشا غير وكأنهم توم رغم اختلاف الاعمار وحدتهن تفهم الثانيه من نظره العيون حطيت ايدي على وجهي وابجي واتذكر شلون جانن جهال وياخذن حيفهن من الي يأذيهن وشلون كعدتهن من يدك البسامير بلخشبه من كل گلبهن ويضحكن حتى بس يأذون عمو علي وبيومها خربن التايرات شكدوتهن ومخافن منه وخلنه بيومها يعيط من القهر على سيارته الجديده  شلون فرحتهن من يتفقن على واحد ويأذنه وتالي يخلصنها ضحك وركص لان منامن مغبونات اذا وحده تعاركت الثانيه بدون متطلب منها تجيت وياها شذكر وحده اثنين من دكتاهن الي مرات اسميها خباثه ومرات اسميها سباعيه

وحتى من صارت حادثه ريم كلنا انهارينا وبعد مده بدينا نتعود على الحال اله رشا بقت طول ماهي يمنا تصعد بدون علمنا تفتح الباب على ريم وتكعد بلباب تباوع عليها من بعيد  وتبجي وتسد حلكها حتى لحد يسمعها جنت اشوفها واتأذه وياها بس مااحجي لحد مايوم صعدت صدفه وهم شفتها مسويه نفسي الشى بس تفرك بگلبها عرفت اذا سكتت يجوز تصير كارثه بصحتها توجهت لبابا بدون محد يعرف وبلغته ومنعها تجينا للبيت اله بلحاله القصوى خاف على گلبها لهذا جانت يومياً تخابرني بس حتى تطمن ريم اكلت شربت نامت محجت وتلوب عليها جريت نفس ومسحت عيووني اوووف قبل يومين من دكت

تذكرت حجايتها قبل يومين من كالت محتاجه ريم سوده بوجهي لعد شنو الي بگلبها ومحتاجتها بيه يجوز شكها صحيح بشعلان بس من اباوع على كسرته وقهرته مو مال واحد عنده شى

باوعت على سجاد ورحت يمه بسرعه وكتله اخذني لبيتها

سجاد : مو وكتها هسه سليل الجهال يم جنات شكوو عليهم

سليل : ياجهال بس وديني واني افهمك

سجاد : امشي طلعنا من المستشفى واخذنا تكسي من الباب وكبل لبيتها اول مدخلت نزلت دمعتي سوده بوجهي ولج رشا رجعي لبيتج احس البيت يبجي عليج ركضو الجهال من شافوني وخرو ماما مو وكتكم هسه

سجاد : بس فهميني شكوو

سليل : هسه اجيك وطبيت للبيت لكيت جنات كاعده وحاطه ايدها على خدها وجهه اصفر اكيد مقهوره حالها من حالنا هم تعتبر اختنا من شافتني جفلت

وين ريم

جنات : فوك بغرفه الجهال نايمه

سليل : صعدت ركض وفتحت الباب وشفت ريم نايمه شلون الجاهل ومحاوط رجله لزمت جتفها بهدوء وكعدتها

ريم ريم اكعدي

فتحت عيونها وسدتها

سليل : اختج محتاجتج اكعدي لخاطر الكعبه متجاوبت ويايه كمت على حيلي هاي شسويلها ريم ابوس ايدج ركزي ويايه رشا بلمستشفى ولا يمها

متحملت وكمت اعيط عليها وجريتها حيل وكعدت وجان اصلخها راشدي والثاني واشهك ولج اختج دتموت رشا دتموت كومي بروح رفل كومي جان تعيط وحضنتني

ريم : رفل ماتت احتركت بنتي احتركت سليل

سليل : واذا تبقين هيج راح ادفنين اختج بصف بتج كووومي فدووه علا صوت عياطها ونحيبها بقوه شلون اول يووم وكأنها هسه سمعت خبر وفاة بتها ورجلها مو صار ٦ اشهر

سحبتها حيييل من ايدها وتشهك وتصيح رفل يمه دفنوج واني مو يمج ذبو التراب فوكج وماشفتج دفعتها بلحمام وفتحت الدوش جواه هي وملابسها جان دوش ماكو بانيو كاع عاديه بقت واكفه جوه الدوش وينزل المي عليها وتشهك كعدت بلكاع والمي فوك راسها رجعت جريتها وكفتها وهم ضربتها حطيت عقلي وياها رغم بلحظتها المفروض اكون يم رشا بس احس مو اني الي تريدني تريد ريم اضربها وتعيط ولج كاافي اصحي روحي شوفي اختج مترسه اجهزه دتموت بتج ماتت الله يرحمها طفله اشهر عمرها روحي شوفي الخلصتي ٢٣ سنه وياها شصاير بحالها تردين رشا هم تموت تردين هم تشوفين اختج شابه يذبون عليها التراب

سمعت دكت الباب وسجاد يصيح

سجاد : سليل شجاج افتحي الباب شدسوين

اسمع عياط ريم

سليل : اليوم لو اني لو هي انتظرني سجاد

سجاد : لج بابا البنيه مريضة لتوكع نحير بيها لو برشا

سليل : مابيها شى هسه تصحى واذا مصحت اني اصحيها

سجاد : استغفر الله ياربي تخبلتي

سليل : روح سجاد بلهول

رجعت لزمت وجهه واوخر شعرها المبلل منه باعي عليه اني منو

ريم : شهكت وگلت انتي سليل

سليل : تسمعيني زين

ريم : اشرت براسي اي

سليل : ريم اختج ونصج الثاني دتموت كعد تعالج كلها ساعات ونغسلها بيدنا وندفنها اذا موعيتي دنجت ابوس ايدها من كثر ما منهاره اريدها توكف ويايه تساعدني سحبت ايدها وحضنتني

واعيه حبيبتي

ريم : اي

سليل : نروح لرشا نروح لريا هااا سكينه هاي حبيبتج نروح الها بااعي عليه

ريم : يكولون المصدوم ميصحى اله بصدمه اكبر او عالج الصدمه بصدمه اقوى

هذا حالي صدمتي على بنتي وسامر جانت قويه لدرجه رفضت حتى اعيش بعدهم يمكن خوفي من عذاب الله هو المنعني من الانتحار بعدهم بس قررت اموت روحي بأن اهجر نفسي وكلشي لدرجه مااحس بلي داير مدايري اله نادراً وارجع ارفض الواقع ودوم اكول بداخلي هذا حلم هسه اصحى منه والكه سامر كامش الكتاب يقرا ويضوج من صوتنا ورفوله بحضني وتيم يلعب بصفي دوم اقنع نفسي هسه راح يجون نامي ريم هسه تكعدين وتلكيهم يمج ومرت الاشهر بدون مااوعى على شى لحد مااجت سليل وخلتني احس اني راح اضيع نصي الثاني فكرة افقد انسان ثاني احبه مرعبه اذا رشا راحت مستحيل هلمره اكدر اقاوم وهنا بديت اوعى بس جسمي تعبان وروحي ميته بس وعيت وصحيت على واقع مرير زوج وبنت ميتين واخت تعالج بين الحياه والموت

سليل : ريمو نروح للمستشفى احجي واريدها تستوعب كلامي جان تكول

ريم : اريد ابدل وامشي نروح الها متعوفني رشا متعوفني وحدي اعرفها متفقين اني وياها الي يصيبني يصيبها

سليل : عفيه ابقي على اتفاقكم تعاال وسحبتها من جوه الدوش وركضت جبت خاولي ونشفت الها فوك ملابسها بدون ماانزعها وطلعتها وصعدتها بغرفه رشا ادور على ملابس فتحت الكنتور وطلعت ملابس الها

ريم : عوفيني ابدل وحدي

سليل : تكدرين

ريم : اي اكدر بديت ابدل واباوع على ملابسها اني حيل ضعفانه لهذا ملابسها كبار عليه واني البس تراكسود اسود الها شميت ريحتها بيه غمضت واتذكر من نختل حتى نسوي مكسوره بواحد لو من نخطط الليل كله شلون باجر نعاقب واحد ضوجنا ولازم منترك اثر ورانا فتحت عيووني وسحبت الجبه مال سليل ولبستها والشال ضبيته زين ودورت على شحاطه لبستها وطلعت

ريم : يله سليل

سليل : تكدرين تمشين

ريم : اي اكدر بس شويه دوخه عندي

سليل : هسه اشربج عصير

نزلنا ودخلنا للهول كاام سجاد

سجاد : هااا ولج صحيتي تعاالي

ريم : ركضت بحضن عموو ابجي وهو يمسد على راسي

سجاد : كاافي زيبك انتي سباعيه وقويه الله يصبرج

ريم : عمو تعبانه حيييل

سجاد : اعرف والله مو هينه بس هسه اختج محتاجتج من انتن وصغار سوه تالي وكت تعوفيها ينطيج گلبج

ريم : وخرت من حضنه وكتله لا

سجاد : يله شو امسحي عيونج هاي سليل مثل المرض صايره ياهو التلزمه تبجي

ريم : حسيت واحد حضني من رجلي باوعت تيم دنكت وشلته وحضنته وابجي واشم وابوس بيه ياروح امك اشتاقيتلك كبران فدوه لوجهك الحلوو

سليل : منظرها وهي تبوس وتشم بأبنها يكطع الگلب

وين جنات

سجاد : بلمطبخ يمكن مدري شبيهه يمكن مقهوره على رشا

سليل : يله ريمو حبيبتي عوفي تيم من ترجعين بعد لتعوفي

ريم : نزلته من حضني لان دخت احس جسمي كله يرجف بس مااريد ابقى اريد اروح لرشا

دخلنا للمطبخ لكيت هند وجنات يتبسبسن

مرتاحيت لوكفتهن

هند : الله يشافيها لرشا عيني

شلونج ريم البقيه بحياتج

ريم : عيوني على جنات الي حتى مسلمت عليه وجهه مگلوب احمر مدري ازرك ابد مو طبيعيه وتفرك بيدها  احجي واباوع على جنات وحياتج شكراً

هند : اني راح اخذ جنات عدنا والجهال شلون يبقون وحدهم

سليل : بكيفكم يله سجاد تأخرنا فدووه عينج على الجهال فدووه

ريم : هااي شبيهه مخلوسه

صعدنا بلسياره وطبك سجاد جاب بسكت وعصير وكلنا ريم كوه مردنا تتخربط

وصلنا للمستشفى اول مشافوها تمشي على رجلها وجايه بابا كاام واجي بسرعه عليها وحضنها

حجي طه :  الْحٍمَدٍ للـّہ على سلامتج بنيتي

ريم : بست ايده لبابا مشتاقه لحنيته

الله يسلمك حضنتني عمه وتبجي

نهر : بركه يمه من صحيتي الله مايكطع حشه لله يوم مانفرح بطلعه رشا

حجي طه : زينه انتي بابا ريم حاجيني زينه

ريم : اي زينه وين رشا

حجي طه : ميقبلون احد يطب عليها

ريم : اريد اطب عليها

نهر : حاولنا يمه مايقبلون يكولون ممنوع

سجاد : ماكو شى ممنوع هسه جم فلس يطببوها

سليل : فدوه سجاد روح شوف احد يطببها حتى لو بس هيه مندخل

ومن الاجرائات الي بلمستشفى تنطي الفلوس اطب حتى للمدير مع الاسف هذا حال العراق بلفلوس كل الممنوع يصير مسموح

سجاد : كوه الممرضه قبلت خمس دقايق مو اكثر كالت شويه انتظرو خلي يطلعون الاطباء ساعه ٣ الظهر وتتغير الشفتات واطببها

بقينا ننتظر وكعدت ريم حتى لتتعب

ريم : اختنكت ساعه اتذكر رفل وسامر ويرجع صدري يضيق وابقى الوب اكوم واكعد اخاف اتخربط وارجع مثل الاول جان يلزم ايدي بابا كأنه حس بحالتي

حجي طه : هاج بابا سبحي سبحان الله والحمدلله ولا اله الا الله والله اكبر هسه ترتاحين

ريم : اخذت السبحه من ايد بابا وكمت اسبح شوي شوي بدأت اهدأ واسيطر على وضعي وخطيه سليل وسجاد كل شويه يجون بصفي اخاف دايخه او بيه شى

باوعت على شعلان منهار وتعبان انقهرت عليه بس ليش احس شغله رشا جبيره ومتحمل گلبها هي مابيها شى لدرجه توصل للموت اذا مصار شى جبير يعني مستحيل مرتاحه وحياتها طبيعيه وهيج توكع اختي واعرفها اوووف شوكت تمشي الساعه

ومر الوكت ودخلوني عليها لبسوني بشعري وبرجلي علمود التلوث وتقربت منها جانت نايمه والاجهزه بكل جسمها تقربت من اذنها واحجي بصوت ناصي

ماابريج الذمه اذا عفتيني ورحتي تره اني نص بشر هسه نص روح نص عقل وگلب محروك عايشة بلقدره الاهيه لتموتيني بيدج دومج ويايه مااسامحج اذا عفتيني وحدي رشا اني مكسوره ارجعيلي والله صحيت لخاطر لا اعوفج دنكت بست ايدها ورجعت احجي يم أذنها ارجعيلي محتاجه الكم اكثر من قبل اريد انام بحضنج وتلعبين بشعري ومن احجي تكفخيني اريد اختل من الدنيا الظلمتني ودمرت بيتي مااتحمل اشوف التراب فوكاج والله مااتحمل كافي بتي لهسه حتى كبرها ماشفته كافي ترملت واني بعز شبابي مااريد اعيش فقدان الاخت سامعه دوم يكولون فقدانها يهد الحيل واني ماعندي حيل حتى ينهد راح تهديني گلي

راح تاخذيني وياج

ارحميني وارحمي بتج وابني لتعيشيهم فقدان امهاتهم كافي عشنا بدون ام شنو ذنبهم همه هم يعيشون اذا متي اني اموت وراج والقران مااتحمل والشده البيها انتي واني مااتحمل مااعرف تسمعيني تحسين بيه بس اني حااسه بيج مو رشا الي تنام هاي النومه بدون سبب وكعت مصايب يابو مصايب على راسنا منمتي هاي النومه شنو الكسرج وصلج للموت  كومي واخذي حقج من الي أذاج مو رشا وريم الي يختلن ومياخذن حقهن كوومي احلفج بلدم الجمعنا وخلانا خوات ارجعي والله لا ادفع ثمن كل واحد لمس شعره منج اشرت السستر يله عفيه تأخرتي بست راسها وكتلها منتظرتج رشاوي منتظرتج ريه كومي يانبض گلب ريم انتي بستها من راسها وطلعت اول موصلت الهم كلت لسليل اريد هوا

سليل : تعالي نطلع بره اخذتها وكعدتها بره وجبت مي وغسلت وجهه

شفتيها

ريم : ااااااه يانار گلبي شلون نايمه نومه دمرتي سليل

سليل : ادعيلها ترجع النا الله يستر

ريم : معرفتي ليش متخربطه

سليل : يكول رجلها رجعت من الدوام وكعت

ريم : هيج بدون كلشي

سليل : على كلامه

ريم : جريت نفس وكلت ان شاء الله خير

سليل : ارجعج للبيت

ريم : لا ابقى هنا يمكم مااتحرك اله تفتح عيونها

سليل : بقينا نتراوح ناس تروح وناس تجي نتبادل بينا وطلبت من سجاد ياخذ بابا لان حيل تعب وضغطه كل شويه صاعد وكوه قبل يروح يرتاح كم ساعه بيت رشا ويرجع

غزل كل متخابرني اتهرب منها حتى متعرف وحتى اطمنها طلعت بره وخابرتها وخليت ماما هم تخابرها حتى لتحس اكو شى

مرت اربعه ايام عشناها بجحيم منعرف شنسوي ناس لازمه قران وناس الادعيه وناس تصلي وناس تبجي حالنا يبجي الصخر عليها بس ميأسنا من رحمه الله نروح ونجي بين المستشفى والبيت سوينا نفسنا مجموعتين  معفت ريم وحدها اخاف عليها صارت مجموعتنا اني وريم وسجاد نتعب يجي مكانه شعلان وماما ومرات بابا اباوع على حاله اوف يابويه دومك مشلوع گلبك لا من احنا وصغار مرتاح ولا من كبرنا ارتاحيت وهلمره تزوجنا ونفس الاذيه اذا مو اكثر

خامس يوم العصر بدت رشا تستجيب من طلع الدكتور وكال  الْحٍمَدٍ للـّہ بدت تصحى لو ما العيبه وبلمستشفى جان هلهلت مباشره خابرت ماما وبابا وشعلان خلال ربع ساعه همه يمنا ممصدكين صحت مباشره شعلان حجز الها غرفه بلخااص مال المستشفى هي حكومي بس بيها جناح خااص

كالو منطلعها اله يستقر وضعها

رشا : فتحت عيووني بس احسها تلزك وعظامي مثل الواحد لازم جاكوچ ومكسرهن يونن عليه اريد استوعب اني وين وشصار اسمع صوت الطبيب بس ممركزه اخذت وقت يله استوعبت شيكول ولو اصلاً اني ماادري وين احجي وابلع بريگي العطش الاحسه مثل وحده ركضت ايام بلصحراء وبتموز بدون قطره مي بس كدرت انطق بطلعان الروح مي بللو حلكي واسمع يكولون شسمج اريد اجاوب مااكدر لحد مكدرت انطق الف ياالله كايله

رشا

الطبيب : رشا شنو اليوجعج

رشا : گلبي وجسمي وكمت اووون من الالم وحسيت روحي نمت وماادري شديصير

لحد مافتحت عيني وره ساعات يمكن او ايام مااعرف مضيعه الدنيا من يحطون المغذيات احس بألم الكانونه من تلزمها الممرضه وعيت اي اني وعيت بس راسي اريد اشيله مااكدر وكوه اتنفس

غمضت وتذكرت الصار اسمع صوت الممرضه تكول صيحو الدكتور دكاتها حييل عااليه اخاف من وره المغذي الغيره الطبيب

واني اكول بداخلي ياريت هذا المغذي مالتج يغسل الصار يغسل جرحي وكسرتي ودماري

بقيت ساكته لان الالم الاحسه اقوى حتى من الم الولاده من كعدت وره البنج وخااصه مااتنفس اله يحطون اوكسجين بحلكي

سليل : اجه الطبيب وعاين حالتها وكال على الاقل هاي الايام تبقى بلمستشفى بعدها حالته منعتبر عدت المرحله ١٠٠٪؜ نخاف من المفاجئات وهم لازم تحاليل كامله حتى نعرف سبب الصار وتحتاج عمليه او لا

ومنعو الزياره يوم لاخ وباقين ناكل بروحنا بس نريد انطب الها

رشا : وعيت بكامل عقلي صّـْْ(☑)ـْْحّ جسمياً وصحياً صفر بس عقلي يفكر ويشتغل شسوي شلون اشوفه شكول الهم بيه نار اذا تطلع تحرك الكوت عليه وعلى الخلفه نزلت دمعتي ومااكدر ارفع ايدي وامسحها

وبقت تنزل وكت طويل كمت اخاف اغمض لان صورتهم باقيه محفوره بعيني هو اخر شى شفته اخر شى

سليل : كالو راح ننقلها لغرفتها بس تشوفوها واطلعون ممنوع تبقون هوايه ردنا بس نطمن ونشوفها ركضنا قبلها للغرفه من حلات روحنا

رشا : يدفعون السديه بيه وعيوني على السكف بس اشوف اضويه تمشي وتعبر راح اشوفه شلون اتعامل ويااه اني هسه اذا اعيط احس گلبي يوكف زين ذوله يستاهلون اموت من وراهم اريد اموتهم اذبحهم قبل مااموت لاول مره اطلب من الله اخذ حقي يله ياخذ امانته مااريد اموت الهي قبل مااخذ حقي بجاهج ياام البنين مانخيتج مره ومصار الاريده بس الصحه ياالهي حتى اصحى واشوف الطعني بظهري ماتقبل بلظلم واني انظلمت قويني ياالله

دخلوني للغرفه وشالوني لمكاني وعيوني ركزت اول واحد شميت ريحته بابا شهكت جنت محتاجته حيل

حجي طه :  الْحٍمَدٍ للـّہ على سلامتج رشاوي هيج توكفين گلب ابوج عليج

رشا : احجي بهدوء وصعوبه

مو قصدي اخوفك واحد وره الثاني يبوسون بيه شفت الكل بعينهم الخوف والدموع وتقربت المتوقعت اشوفها بلا وعي مني رفعت ايدي وهي كلها مزركه من الابر وحيل تأذيني وحضنتها

ريم : هيج تخوفيني عليج

رشا : ممصدكه واكفه وتحجين ويايه

ريم : شلون اعوفج يلي معفتيني بيوم

رشا : لزمت وجهه وابوس بيها منا ومنا من لهفتي ممصدكه سمعت صوتها واكفه كدامي صاحيه

كتلها لو ادري تكومين جان من زمان دخلت مستشفى

نهر : اسم الله يمه شجاجن عين ومصلت على النبي كل شويه وحده بيجن توصل الموت اااخ ربي مكتوب نعيش بلهبطات الف  الْحٍمَدٍ للـّہ على كل حاال شدي حيلج يمه بيتج ورجلج وبنيتج ينتظروج

نغزني گلبي اااخ منك يلكلب شكد راح تنضرب منا وهيج بنغزات تهزك لو تقويك لو تيبسك بمكانك

حجي طه : وينه شعلان

سجاد : هسه يجي رادوه بلحسابات تعرف بيهم لازم ياخذون دفعه تحت الحساب

رشا : طب حتى بدون مااشوفه من ريحته اعرفه هذا حبيبي العشت سنين انام بحضنه واغفى على ريحته واحس بالامان واتباهه بيه واكول هذا حبيبي وسندي وابو بنتي هذا اماني وراحه بالي وتالي اطعنت منه دنك باس راسي

شعلان :  الْحٍمَدٍ للـّہ على سلامتج

رشا : قبل لا انطق باوعت على اهلي وكلت الله يسلمك شسوي هسه اعيط واوخره واكول هيج سوه بيه شسوي باوعت على ريم وعيوني تلالي من الدموع

حاولت اسيطر على نفسي بعدني جمله مااكدر اكمل الهث من التعب

وخرت وجهي منه بدو يحجون واسمع صوته وياهم غمضت مردت اشوفه ردته يروح كرهته لدرجه حتى صوته احسه سجين تكطع بلحمي

سليل : يمكن نامت

نهر : من المسكنات الله يعينها

ريم : يله روحو انتم اني ابقى يمها

نهر : اي خوش يمه اصيح الهم يجيبون سرير الج حتى تنامين بصفها لان انتي امر من حالها ولج شوفي حالج ابره ماتكدرين تشيلين مثل السكرانه تتطوطحين انتي مال تبقين يمها اداريها اخاف تحتاج شى هو اصلاً يراد واحد يداريج

ريم : لا والله عمه اني زينه اريد ابقى يمها عفيه بس اليوم وباجر نتبادل

سليل : زين ابات اني يمها وانتي باجر

ريم : لا اله اليوم جنت اريد ابقى يمها اول وحده استقتلت حتى ابقى رغم تعبانه ومن شافو اصراري قبلو

بعد كم ساعه صار الليل حدود ساعه ٩ وعمو سجاد جابلي اكل اخاف اجوع

سليل : محتاجه شى

ريم : سلامتكم بس بوسيلي تيم

سليل : ابتسمت وكتلها من عيووني واذا احتاجيتي شى بس دكي عشر دقايق احنا يمج

ريم : ان شاء الله

جنت بس اريدهم يرحون واخيراً بقيت وياها وحدنا باوعت عليها نايمه اكلت صار شكد مجوعانه وباوعت عليها كامت توون

تقربت منها رشاوي تسمعيني

رشا : فتحت عيني يمكن جنت نايمه ملكيت احد وينهم

ريم : راحو

رشا : كلهم

ريم : اي كلهم اوكفي سحبت الكرسي وكعدت يم راسها اعرف بيج كوه تحجين بس سؤال واحد شنو الي وصلج للموت

رشا : اااااخ جن واحد وداس على الجرح وترسه ملح شهكت بقووه

ريم : جفلت من شهكتها الي جانت بحركه قوويه رغم ضعف حالها وحضنتها

اسم الله شبيج احجي

رشا : خاني

ريم : عزه العزاه والله گلبي لعب احجي بس كاافي لتتخربطين وماافتهم شى جبت كلينكس ومسحت عيونها

رشا : شتمسحين امسح على گلبي يبجي دم والله يبجي دم شلون ممتت شلون كاعده هسه واحجي واتنفس

ريم : قدرت ربج مثل مخلاني عايشة هسه وره مصيبتي اسمعيني تنفس جري نفس على كيف

رشا : حتى النفس يأذيني تعرفين شنو هوا الله يأذيني ويجرح بصدري

ريم : ايا مشعول ومنعول الوالدين احجي شصار

رشا : لج بعيني شفتهم ريم بعيني هاي عساها انفكست وماشفته

ريم : نايم وياها لو شون فهميني مو راح انجلط

رشا : شفت جنات لابسه سيت النوم وهو وياها بلغرفه

ريم : لطمت على وجهي من الفزه جنات بت عمنا

رشا : الساقطه الكح.. بفراشي ريم عافو كل مكانات الدنيا وبفرشني عافت كل هاي الزلم الظاله ودنت على رجلي وهو النذل العاار عاف كل هاي الكح والنسوان المطشره بلشارع ومثل الجلب اتزوجها

ريم : عزه العزاني متزوجها

رشا : شهكت بقووه اي متزوجها عليه شسوي والله متحملت شفتهم وكف گلبي ساعه اكول ليش مامتت واخلصت وساعه اكول لا اخذ حقي

ريم : اششش فدووه صوتج حضنتها حسيتهت بدت تغص وتتخربط جبت بطل مي وشربتها شويه

باعي عليه كاافي بجي اول تالي تبجين

رشا : ليش هو بيدي الصار قليل يتزوج بت عمي الي اعتبرها اختي وبفراشي وياها وهذا الي العار ماسوه سوايته تدنى نفسه عليها زين شوكت اتزوجها ومن شوكت هي وياه هذا حالهم لهاي الدرجه اني ثوله وغبيه لهاي الدرجه فاقده الاحساس بحيث مااحس برجلي متزوج عليه وفوكاها مرته بيتي واصيحلها اختي زين متخبلت ودوني للشماعيه زين صاحيه واحجي هسه ويااج

ريم : ليش من كعدتي معيطتي ليش من شفتي بقيتي هادئه

رشا : حايره شسوي لهسه مااكدر افكر لتنسين احنا بين اهله وناسه واخاف تصير مشكله جبيره وياخذ بنتي مني همه ناس عدهم الرجال عادي يتزوج وحده واثنين من حقه يعني ممسوي العيبه

ريم : انعل ابوهم يابو ذوله العيب يستحي من سوالفهم هو لو متزوج من الشارع من اي مكان مو بت عمج وعايشه ويااج ااااخ كله منج لزكتي بيها لزك تكول اميري ولزك

رشا : تتوقعين النذاله من جنات بربج تتوقعين

ريم : لا والله هاي الخنيسه الساكته كل الوكت وتبجي بوجه الله حسره تسأليها الهادئه الماتطلع منها العيبه هيج تسوي هاي اذا الزمها هسه اشكها نصين اطلع قهر گلبي كله بيها والله حسيت بيها شى حالها مو طبيعي تلوب

رشا : شسوي هسه اريد اعيط اريد اشرب من دمه ودمها عقلي مديفكر صح وتعبانه حييل وخايفه هم

ريم : من شنو خايفه فوك دكتهم وسقوطهم خايفة اول تالي رشا تخاف

رشا : احنا بنصهم واخاف تصير عركه وتوكع براس سجاد وبابا ويصيرون دم لتنسين بابا مراح يسكت وتبقى جنات بت اخوه وشعلان ابن خاله يعني راح تعلك من كل جهه وسجاد هم مراح يسكت اعتبار هي امانه عنده وهو دنت نفسه واتزوجها حتى بدون ميرجع الهم ومستحيل متصير بلسلاح وتالي اضيعهم واضيع بتي لتنسين عشيرته كلها هنا واخاف ياخذ بتي وماالكاها او يسويله لعبه كمت كلشي اتوقع من حثاله مثله

ريم : شوفي رشا تسكتين تماماً وتتعاملين طبيعي وياه

رشا : اكلها لهسه مخنوكه اريد اعيط شلون من فتحت عيني وشفته ماتفلت بوجهه

ريم : انتي كلامج صح بالاول نروح لبغداد وتاخذين بتج وملابسج وذهبج

رشا : اني بحال ذهب انعل ابو الذهب والفلوس اكول الها انكسرت كسرت عمري لو ميت ودافنته اهون عينه من شوفته بهذا المنظر الحقير من كثر ماالموقف جبير وكف گلبي ولهسه يوحعني والله اعلم يجوز ادخل عمليه ومااطلع منها

ريم : اسم الله عليج تردين تعوفين تعبج وذهبج الها لا والله اخذ فلوسي رواتبج مو لامتهن

رشا : اي

ريم : كلهن وملابسج الزينه وتكولين اله اني تعبانه اريد ارتاح بيت اهلي وافكر عوفني براحتي قشمري

رشا : مفهمت

ريم : اعرف بيج تعبانه بس لازم تركزين لان باجر متقبل غلط راح يحاجيج ميبقى ساكت هو هسه على اعصابه لتطلع حجايه منج وتعلك

اهم شى اذا سألج كلتي لاحد تكولين لا

رشا : شلون اباوع بوجهه

ريم : لازم تتقوين اذا تردين متخسرين بنتج ولا تصير هنا مطاحن

رشا : وبعد

ريم : هسه افهمج وبديت اشرح الها واعيد حتى لتنسى اصعب مره بحياتنا اني ورشا نحط خطه ولازم تتنفذ بحذافيرها واي غلطه تكلفنا هوايه متوقعت يجي اليوم الي نخطط شلون نفلت بتها من ابوها وشلون نطلع منا بدون مشاكل وبهدوء لحين وصولنا لبغداد وهناك بعد ميكدر يسوي شى يركع راسه بلحايط نبقى احنا المسيطرين واندمه على الساعه الفكر بيها يخون النذل

بقينا الليل كله نسولف ساعه تنام ساعه تبجي ساعه تسولف جانت مثل الطير المذبوح على النص وبسجينه عميه  الي كل منحجي على الموضوع يحز بلرگبه شويه ونخلي النزف يرجع ومكان ما نوكف النزف نقرب راس السجين على الجرح ونغزه حتى ميبطل من الدم

هذا حال رشا لحد الصبح

رشا : اجه شعلان مكدرت كوه اجر النفس شلون احجي ويااه شلون اباوع بعيونه كلهم موجودين وستأذن منهم يحجي ويايه وطلعو  كالو نرجع للبيت نتغدا  ونجي سد الباب وراهم بس ريم بقت برا تنتظر مقبلت تروح تقرب وكعد يم راسي وبجه

شعلان : والله مو قصدي أذيج والله الشيطان دخل بينا

رشا : جريت نفس قووي وحجيت ليش شنو قصوري وهيج تجازيني

شعلان : رشا اني احبج والله اكلو راسي علمود الولد

رشا : ياولد

شعلان : كل ميحجون وكبرت وماعندك ولد وخاصه من مات رجل ريم كل شويه وامي وهند كالو شفت مات بس اسمه بقى بلدنيا عنده ولد انت اذا تموت منو يشيل اسمك

رشا : مو عندك فرح

شعلان : بنيه تاليها متشيل اسمي

رشا : يعني اتزوجت اختي اي لتباوع عليه هاي اختي مو بت عمي وطعنتني وبعت حبي ودست كرامتي وانوثتي وسويتني علج بحلك امك واختك وبعت سنين الجمعتني بيك على المره قبل الحلووه علمود تخلف ولد يشيل اسمك شنو كدامك طفله وتقشمرها

شعلان : وروح ابويه هو هذا السبب

رشا : لنفرض صدكتك احد كلك اني مااخلف

شعلان : انتي تعبانه وگلبج موزين ومن خوفي عليج ردت اخفف عليج

رشا : ههههه خلف الله عليك تخفف عليه تروح تتزوج ياالله شكد تحبني لو تكرهني شسوي تدفني بلحديقه واني عايشه هسه بس اريد افتهم عفت كل النسوان بلكوت وبعشيرتك وبغداد والعراق كله ركضت على جنات

شعلان : كله من وره هند الله يشيلها

رشا : وانت كزه طفل صغير تسمع كلامها عمرك ٤٠ سنه تعرف شنو ٤٠ وتمشيك اختك يعني هسه اذا تلزم مخبل بلشارع وتكله هيج وهيج يضحك عليك تره محد يصدك كلامك انطيني كلام مقنع انطيني سبب حتى اعيش واتحمل الصدمه زين عوفك من كلشي ملكيت غير بفراشي يعني منين ما الزكها الكاها خيسه منين مااحاول اقشمر روحي الكه نفسي اكبر زوج ومطيه

هم متزوج عليه وهم بت عمي وبمثابة اختي وهم كاعده بيتي امانه وهم بفراشي وبغرفتي يعني شلون الزكها وانطيك ولو واحد بلميه الحق

شعلان : اعرف غلطان ومستعد حتى رجلج ابوسها بس لتعوفيني وتهدمين بيتنا

رشا : يابيت هااا يابيت الي نمت بيه ويه مرتك الاولى لو مرتك الثانيه لو هسه مرتك الثالثه مبين الخيانه بدمك والله اعلم مرتك الاولى ليش فلتت منك وانهزمت يجوز هم خاينها

شعلان : اعرف بيج مصدومه وحقج بگلشي تحجي وراضي بحكمج بس لتعوفيني وتهدمين كلشي بينا اني احبج والي صار حتى مااضغط عليج بموضوع الخلفه

رشا : وهاااي الي حتى حرامات اوصخ لساني واجيب طاريها مخافت تحبل انت مو متزوجها علمود الجهال جان شكالت منين الطفل من الهوا مفكرت شتكول لعمها لسجاد الي للناس جان مستحيل تكدر تضم الموضوع يعني احس الشغله فلم هندي على تركي على كوري على عربي قديم مخلط يالوز  شلون من باب لخاطر الطفل وشلون تكدر تضمه من عدنا اذا حبلت لو تسوي مثل الافلام الهنديه تضم بطنها بكورسي للشهر التاسع وتولده وتذبوه باب البيت وهااا تره لكينا طفل تعالو نربي

شعلان : انتي تعبانه هسه واي نقاش مراح يجيب نتيجه گلتي لريم لان باتت يمج

رشا : هو هذا موضوع ينكال وهو يحجي ويايه صفنت عليه وعلى دشداشته ونظافته الجنت دوم اكول اعشقها بيك وريحته الجنت حتى من اغسل ملابسه اشمها يله اغسلها گلبت معدتي واني اتخيل ريحه جنات بيه وشون تبوس وتحضن واداعبه وشلون هو يتغزل بيها ويتقرب منها وهمه مصاليخ مباشره درت وجهي وبگلبي اكول الصبر ياارب

شعلان : بيج شى

رشا : اريد اروح ويه اهلي

شعلان : على كص رگبتي اخليج

رشا : تذكرت كلام ريم وكتله اسمع شعلان اني مراح افتح الموضوع كدام احد بس بشرط

شعلان : الي تأمرين بيه

رشا : اطلك جنات واليوم

شعلان : تم يجرالج

رشا : ومااشوف وجهه مااعرف وين اديح

شعلان : واهلج شلون

رشا : اوك خلي ترجع ويانه لبغداد بس مو من ارجع لا اريدك تلكه حجه تبقى يوم بلكوت حتى مااشوف وجهه طول الطريق وياها مااتحملها ومن اوصل  لبيت اهلي ابقى بغرفتي القديمه واياها تتقرب مني اخلص النقاهه هناك وهم اراجع علمود گلبي لان اكو اطباء زينين بغداد ومن اصير احسن توديني طبيبه نسائيه حتى اشوف سبب تأخير الحمل

حسيته فرح

وينسد الموضوع تماماً واياك بيوم اشوفك مجرد لامح خيالها

شعلان : ولا الي علاقه ومستعد من اجي اخذج من بغداد مااوصل بعد

رشا : شوكت تزوجتها من جانت عايشه يمنا سنتين اتزوجتها

شعلان : شنو

رشا : جاوبني لتسكت

شعلان : قبل شهرين تزوجتها

رشا : وافقت بسرعه

شعلان : كاافي رشا

رشا : جااوبني وافقت بسرعه

شعلان : وره مده يله وافقت

زين اذا شهرين متزوجها مو من قبل شوكت عقدت عليها شوكت تقربت منهاو هي مصار اسبوعين يمي

شعلان : بغداد من جانت تودي ابنها بعد متفقت هند وياها عقدت سيد عليها

رشا : ياعيني تخاف من الحرام حقك

شعلان : مو هسه جنتي زينه شگلبج

رشا : لا منگلبت بس تعرف الفضول قاتل وين جنت تلتقي بيها هي متطلع هوايه

شعلان : عوفج من هذا الموضوع اترجاج

رشا : جاوبني عفيه وبعدها اسده

شعلان : كم مره اخذها للبيت الي اشتريته بغداد قبل سنه الكتلج عليه وبعدين قررت ابيعه  المقفول ساعتين وارجعها

رشا : مو كلت بعته وشلون تطلع من بيت اهلي

شعلان : لا مبعته اطلع حجه مره للسوك مره تودي ابنها للالعاب براس الشارع اني اصلاً التقيت بيها مرات معدوده

رشا : واشتاقيت الها وجبتها يمي حتى تسهل عليك الشغله لان بيت اهلي صعب يوميه تطلع لهذا كلت بيتي اسهل وهاي الغبيه تروح للدوام ماكو اسهل من هيج وهي قررت تستقر بلكوت هنا بعد افضل يوم يمي ويوم يمها

شعلان : فدوه لعينج كافي اترجاج رشا ارحمي حالي داموت لان سويت هيج وصلتج للموت

رشا : مااشي سكتت العندي كلته

شعلان : واني مستعد لكلشي

روح اريد ارتاح ردت بس يكول بعد لحظه وافقد اعصابي واخنكه

بس طلع طبت ريم

ريم : هااا تأخرتو

رشا : هذا حرام عايش يعني الله اخذ سامر الزين الفقير وعاف هذا النذل المنحط

ريم : على كيفج ليسمع يمعوده ويضيع كلشي بس نطلع منا وشسوين سوي غلطي فشري عيطي الي تردي

رشا : اريد اطلع اخذ بتي وارجع مااتحمل ساعه ابقى هنا

ريم : مو بكيفج صيري زينه ونشوف الطبيب شيكول على حالتج

ريم : كوه صبرت رشا على حالها و٣ ايام راقبو حالتها الي قوه مناعتها وصحتها اصرارها تنهزم بتها وتفضحه تريد قبل وكت ترجع وتحجي كلشي واجه شعلان وكال طلكت جنات والتردي يصير نوعاً ما صدكها ميدري المره اذا حطت شى براسها تقنع الف رجال بلغلط وتكوله هو الصح ويقتنعون الله سبحانه وتعالى بكتابه الكريم ان كيدهن عظيم واليوم رشا شوفته الكيد شلون يصير كتبولها على خروجيه مع مراجعه طبيب اخصائي علمود حالتها اخاف تحتاج عمليه

سليل : طلعت رشا من المستشفى وذبح الها شعلان وطاير بيها خطيه الله يسعدهم بس رشا لمت ملابسها وحطت علبة الذهب يمي وكالت ضمي مااريد احد يشوفه اشوف ريم تفتر هنا وهنا هاي الي خلصت ٦ اشهر مثل الشرنقه نايمه ومكسوره ايدها كوه تحركها  اليوم طلقه صدك زيبك الملابس والمكياجات والذهب وفلوسها كلهن لمتهن

سليل : خلي تجي جنات تساعدكم

ريم : ميحتاج

سليل : شبيكم وياها من طبيتي حتى مسلمتي عليها ولا هي وصلت رغم جانت تبجي عليج

ريم : هي رشا بحال سلام هسه يله سلول بسرعه صعدي الجهال وخلي نروح

سليل : صار عقيد ريم تدللين

رشا :اباوع على غرفتي الخلصت احلى ايام بيها وياه هنا اول ليله حضن وعشق صارت بينا بلحلال هنا ضحكنا وهنا حضني وهنا يغازلني بهذا المكان جان يحضني وينام ويشم شعري ويكول شكد احب ريحته هنا جان يتمدد واتشاقه وياه ابوس واعض وادغدغ بيه وصوت ضحكي يوصل لوين وكل شويه وكاال ولج ضحكتج ليسمعوها تره اشعل عشيرتج ومن اتعب مينام اله اصير زينه ومن يتمرض متغفى عيني اله ينام گبلي جنت اكوم من عز نومي اغطي وارجع  نفس هذا الفراش جاب جنات ونام بيه وخله وصاخته وصاختها ولوثه وداس كلشي حلوو يجمعني بيه الله لايوفقكم

ريم : يله رشاوي

رشا : اشرت لفروحه الاجت تركض وتبوس بيه فرحانه بشوفتي وصعدنا بلسياره بدون حتى مااباوع بوجهه

سجاد : وجنات شلون

شعلان : رشا كالت عندي غراض تجمعهم الها روحو بلسلامه واني باجر اجيبها واجيب غراض رشا

نهر : شلون تبقى اني اضل وصعدو جنات اذا السياره متكفي

شعلان : لا نهر انتي متعرفين غراض الي تحتاجهم

رشا : عمه جنات تعرف هذا البيت زين وهي راح تلم غراضي وصيتها اني محد يندلهم غيرها

حجي طه : مترهم بابا تبقى وحدها

شعلان : هي راح تبات بيت اهلي واني الصبح اخلي هي وهند يلمون الغراض واجيبها واجي

حجي طه : اذا هيج مااشي

نهر : براحتكم لتتأخر باجر من الصبح تعالو

شعلان : صار

رشا : معودت تحركت السياره غمضت مااريد افتح مااريد اشوفك مشت السياره وطلعت من الكوت وعفت بيها جرح مايندمل ليوم الدين

طبينا بغداد وكلها حايره بيه حتى ريم الي شفتها شلون طول الطريق حاضنه ابنها وتبوس بيه وعينها عليه مفاركتني

بقيت بالاستقبال الدرج الصعده والنزله موزينه عليه وخاصه الحمام جوه اول يوم ساكته ردت الكل يرتاح نمت وحسيت احد بصفي فتح عيووني شفت ريم تدحس نفسها يمي وغطتنا سوه  وحضنتني ونامت

ااااخ يااختي حتى بهاي السوه لا انتي اتهنيتي برجلج وعائلتج ولا اني كل وحده جرحها شكل بس جروحنا العمر كله متروح

ريم : فتحت عيني وكمت من مكاني غسلت ادور على تيم لكيته يم عمه متعلم عليها هي تريكه

صباح الخير جوعانه عمه

نهر : اوووووووف رحمتك يارب مصدكت بيوم اسمع هاي الكلمة جوعانه

ريم : تعبتكم مو

نهر : تعبج راحه يمه بس كوني بخير تعالي اكعدي اسويلج بيض العيون الي تحبي

ريم : كعدت اتريك ويه تيم واباوع عليه شلون ياكل ونزلت دمعتي اتذكرت رفوله شلون احطها بحضني واوكلها على كيف اخاف عليها تغص صغيره بعدها

نهر : يمه اكلج بروح الغاليه ولتبجين هذا ابنج محتاجج والله ضال من ايد لايد ميصر هيج هو ابنه ونشيله على راسنه بس تبقين امه واحن الناس عليه

ريم : والله ماكو احن منج بلدنيا كلها

سمعت صوت رشا عاالي

ركضنا اني وعمه وبيدي تيم اخاف اعوفه وحده

شبيج لكيتها تحجي بلتلفون

رشا : اسمع شعلان هاي الكح ام الزلم اليمك اذا اجت وعتبت بيت ابويه اخليها فرجه للناس وانت ياساقط يامنحط اذا ماطلكت

اشهرك شهيره والقران اخلي الرايح والجاي يتفل عليك صير رجال ولو مره بعمرك ولو الرجوله بعيده عليك مره وحده اثبتلي انت رجال وطلكني ياحثاله ياناقص يادون واله اخلعك بلمحكه واخلي الكل بعشيرتك تضحك عليه واني مره وكول مره خلتني فرجه للناس

نهر : صخاام هااي شتحجي

ريم : عوفيها عمه تغرد وبعد وبعد شايفه انتي

راح تصير بلنعل بعدين

يتبع

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الثالث_والثلاثون

عمت عين الزمان اليمشي بالمكلوب

مايرحم الزين يحركة ويمرده

عمت عين الزمان وعمت ذيج عيون

  من درب الحقيقة مغمضة وغمدة

مثل الموت بس يفتر على الزينين

ويخلي الاغم متونس بسدة !!

نهر : صخاام هااي شتحجي

ريم : عوفيها عمه تغرد وبعد وبعد شايفه انتي

راح تصير بلنعل بعدين

جان اطب سليل وبيدها ابنها واجت تركض على العياط

رشا : جان يعيط شعلان وكاال

شعلان : اله اسحلج سحل وغصب عنج ترجعين لبيتج واذا مااعيد تربيتج من جديد ولج اني تتجاوزين وتغلطين عليه بت الگلب

رشا : هم الك عين وتحجي عن التربيه والله عمي عينك كويه ولو الي يدك دكتك الناقصه كلشي اتوقع منه هو اكثر واحد يحجي بلشرف والمثاليات كول هذا اسقط خلق الله وهااا اذا اكو حايط يمك اركع راسك بيه شسوي سوي طلكني وصير رجال بليه فضايح اني مخايفه تره اني صاحبه حق انتم الانذال انت وذيج ام الزلم سبحان الله شلون واحد لايك للثاني بس مااريد بتي بيوم تكبر وتسمع بفضيحتك ياابو الشرف ياابو الدواوين وتروح فدووه لتراب الي يمشي عليه ابويه لتسبه

شعلان : مااطلع من ظهر ابويه اذا ماسحلتج مثل الجلب وارجعج اني تقشمريني وتلعبين عليه اله اخليج تبوسين ايدي وقندرتي بس حتى تشوفين بتج

رشا : والله لو اعرف اعفط جان عفطتلك انت رجال واخذ بتي مني سديته بوجهه وغلقته نهائياً حتى ليرجع يدك جسمي كله يرجف كوه اجر النفس

نهر : ولجن فهمني مو حتى ضغطي صعد

ريم : اني افهمج عمه بت اخوج الشريفه العفيفه الصايمه المصليه اتزوجت شعلان

نهر : يمه يمه صخااام وكمت بلا وعي اضرب على وجهي ممصدكه السمعته

ريم : عمه فقدت تعيط وتصيح صخام وتضرب بوجهه لزمت ايدها اوكفي بعد وكت اللطم وهاي المكروده شافتهم بفراشها لهذا وكف گلبها جان تخرب عمه ركضت  اني اجيب مي الها وسليل حضنتها وتضرب على وجهه تصحيها

رشا : كمت كوه اتنفس وتغوش عيني رجعت راسي اني بعدني نايمه بلكاع فارشيلي والتخم بصفي بحيث من اكعد انتجي على التخم رجعت راسي على التخم وغمضت ردت بس دكات گلبي تهدأ

ريم :رشيت مي على وجهه عمه وخطيه فزت وهي فزه وهي بجيه ولطم على صدرها حقها هاي بتها اخوها ورشا هم بت اخوها وهي ضاله بلنص رجعت لزمتها فدووه عمه شوفي رشا شلون تعبانه مو وكت لطم

نهر : ولجن تعزينا وتصخمنا ولجن راح تصير دمايه ليش جناااات هاي تاليها

ريم : عيطي وصيحي بس مو هسه شوفيها لتروح تتخربط معودنا صحت

كامت تزحف من الكااع وحضنت رشا وتبجي رشا متحملت وكااام تشهك وتعيط

رشا : عمه بفراشي لكيتهم على فراشي والله امنت بيها مثل ما أمن بخواتي هاي جزاتي والله ممقصره وياه والشده البيها اني وداعت بنتي ماقصرت وياه كمت حتى من گلبي يوجعني واتعب ويريد مني شى ماكول لا ولا اصده اكول خطيه شنو ذنبه مااريد اقصر بحقه لان هو ممقصر بحقي ومراعي الله بيه هاي تاليهه هيج يجازيني

نهر : سوده بوجهج جناات الله ياخذج شلون تسوين هيج

رشا : سوتها عمه سوتها

نهر : كاافي يمه ليوكف گلبج عساها بحضها وبختها الله لايوفقها ولايشوفها يوم راحه يالزهره بجاه حركت گلبج على ولدج الحسين تحركين گلبهم مثل محركو گلب هاي المسكينه

ريم : اباوع على سليل جامده وكاعده بلكاع وصافنه الووو يمعوده نحن هنا

سليل : شلون مسحلتنها شلون طبيتن البيت وشفتوها موجوده وسكتن بدون مااصلخها بلشارع واخليها فرجه للكل شلون تخلين شعلان يتقرب منج وتبقين هادئه فهمني شلوون

ريم : لازم هيج يصير حتى نكدر نطلع من الكوت

رشا : لو مسين هوسه جان بابا وسجاد يتأذون وانتي اكثر وحده تعرفين رجلج دمه حامي ومراح يسكت وهذا بين اهله وناسه وهمي الاكبر بنتي هسه گلي اخذها منج واخليج تبوسين ايدي حتى بس تشوفيها هو يعرف هسه نقطه ضعفي الوحيده بتي وخفت يستغلها اذا سوينا هوسه

سليل : اني عقلي ميشيلها جسمي كله كزبر

شنكول لبابا ولسجاد وللناس هي شلون تفكر اصلاً تتقرب من رجلج

رشا : فكرت وحست وتزوجت ونامت شحجي ياسليل شكول

ريم : هسه شلون نكول لبابا وسجاد لازم طريقه نخفف عليهم الصدمه

نهر : ولج يمه ياصدمه هاي فضيحه هاي عيبه بحقنا اذا هي تريد تتزوج مكالت مو قبل مده اجت ام عباس جيرانه ورادتها لابن خالها ارمل وكتلها وكالت مااتزوج باقيه على ابني

ريم : لا مو هيج نماذج تحب تاخذ مال غيرها تستمتع من تحصل شى مستحيل تحصله متريد گبل تحب المغامرات

نهر : يمه يعين گلبج حقه يوكف والله حقه

سليل : لك زين اكعد لا اكوم اكطعك

ريم : لتذبين حركتج بلجاهل صغير شمفهمه

سليل : معدتي گلبت والله راح يطك وكمت ابجي والله السمعته خلاني ارجف

نهر : يمه جم مره كتلج لتخليها يمج ميصير جلبتي بيها يمه ترجع هذا بيت عمها وعيب تضل رجال غريب اريد تحسين ميصير هذا الوضع وانتي لا عمه اريدها يمي لا عمه مااكدر بدونها هاج هاي تاليها خذت رجلج وبيتج وانتي رجعتي لبيت ابوج اكو وحده تخلي بنيه شابه ارمله ويه رجلها وسنتين وادك على رجلها من القهر واعض بأصابيعي

سليل : حتى من كملت شغلتها وفضت جلبت بيها

رشا : جاين تلوموني نسيتو هاي منو نسيتو خلي اذكركم قبل لتلوموني هاي مو نفسها بت اخوج جعفر الطيب گلتي يمه مكسوره وماعدها احد لتعوفنها وحطنها بنصجن وخلنها حالها من حالجن

نهر : بس مو تاخذيها سنتين يمج

رشا : هي لو شريفه وعينها مليانه ومغزر بيها الزاد والعشره لو اعوفها العمر كله ويه رجلها المفروض متطعني على كلامهم ماكو وحده ارمله شريفه

سليل : ماكلنا هيج قصدنا صغيره وماعدها رجال ميصير تبقى وحدها ويه رجلج

رشا : فدووه افهموني اني حسبتها حالها من حالكم وانتم لو مكاني هم تسوون هيج ليش هي مو نفسها الدكت صدرها وكفت بوجهه بيبيتها وانطت الفلوس لابونا لو ما سوايتها جان صار حسره علينا اللكمه نسيتو حال بابا من يرجع من العماله وهو رجال جبير مابيه حيل ينام على بطنه لان ميكدر ينام على ظهره من التعب والالم يكعد من الفجر حتى بس يجيب العشره والعشرين توكل بنات شابات وعمتهم هي نفسها بفلوسها خلت بابا يرجع يفتح محل ويصير هو ابو المال بدون حتى متطلب ورقه منه تضمن حقها وطردت بيبيتها واكلت كتله من رجلها حتى بس اني وانتي نعيش وناكل ومنحتاج احد اذا اليوم ناكل احسن اكل ونلبس احسن لبس وندفع ايجار بفضل فلوسها الي انطتهم لبابا حتى ميحتاج لبشر ويرجع يبني نفسه صّـْْ(☑)ـْْحّ رجعهن بس تبقى صاحبه فضل

بعد كل هذا تردون مني ما أمن بيها انتي مو نفسج عمه جنتي دوم تكولين الي يوگلج يوم لفه بعز جوعج وگلي شهر بعز شبعج والي يسوي الج فضل مره مااريدكم تنسون فضله مهما جان صغير وفضل جنات جان جبير ورجعت بينا وعاشت سنين ماشفنه العيبه منها وتعالو والله لو انتم مكاني تسوون هيج يعني تقنعيني ياسليل لو جايه وطالبه منج تعيش يمج مراح تفتحين بيتج الها وانتي هم ريم هم جان اخذتيها يمج الي سوته جنات خلانه نشوفها ملاك خلاني اني بلذات احسها اخت الي ومستحيل اتوقع اخت ادك الناقصه بإختها

سليل : صحيح والله كلامج

نهر : يمه كلامج كله صّـْْ(☑)ـْْحّ بس تبقى ارمله وشابه وتريد رجال

رشا : واذا ارمله مو اكو نسوان ارامل ينحطن على الراس مو كل ارمله ادور رجال ولا كل ارمله تحب تخرب بيوت اكو ارامل حتى احسن من المتزوجات بالالتزام والاخلاق والعفه يعني هسه انتي سليل متاخذين ريم يمج اختج ارمله وتعيشيها بنص بيتج ويه رجلج وترحين للدوام مأمنه

سليل : طبعاً مأمنه غير اختي

رشا : اني هم شفت جنات هيج اخت

حتى وان كانت ارمله حتى وان مطلقه هاي النظره ظلم بحق كل ارمله وهسه اني راح اطلك معناها ادور رجال اخذه من مرته حتى اهدم بيتها تره والله حرام فوك ما الدنيا طيحت حظنا احنا الارامل والمطلقات تجي الناس  تباوع بلعين الصغيره النا على هجامات بيوت وميصير يلفونا

ريم : بسرعه ماشاء الله صارت مطلقه خيه بعدج على ذمت مشعول الصفحه الله واخيراً اكول مشعول براحتي بدون متغزريني

رشا : كولي التريدي نبشي اهل اهله الكواد الناقص

نهر : والله حقج يمه هاي اني مو اطلكت وجنت دوم اخاف من الكلام وحتى ماابقى يم احد اخاف وحده تكول تاخذ رجلي

ريم : والله عمه كله منج

نهر : يااا مني

ريم : لو متزوجه طالب الله يرحمه وكاسره خشم هاي الحيه هند اقلها تحس بلي حسته هسه رشا

نهر : الف رحمه على روحه جان خوش رجال

ريم : هي بس الزين يروح وتضل العاريه اوووف

نهر : وهند شعليها

رشا : هو يكول من وراها لعبت بعقلي

سليل : ياعيني والله صغير زين هو ويتقشمر

رشا : نفس كلامي والله كلت بابا من كل عقلكم هند هو دوني طمع بيها عجبته ويذب الصوج بأخته

نهر :هسه شون ولجن طه شلون نخبره

ريم : والله ماكو غير وجهه بوجهه الشغله جبيره متتصغر ولا تتلزك

سليل : الله يستر مجرد اتخيل يعرفون اريد اوكع على وجهي

رشا : متشوفين وكف گلبي متحمل

ريم : كومي تريكي وراج علاج

نهر : شتكوم يمه هسه اجيبه ليمها تاكل

ريم : هو انتي وين بيج حيل بسرعه خربتي وانجطلتي بصفها راح افتح ردهه هنا ياهو يسمع الخبر ينجطل بصف رشا حتى منكمل العدد واسدد الباب واكتب عليه ردهت الصدمه من مشعول ترحب بكم

سليل : ههههه خرب ولج والله رغم المصيبه الهسه احنا بيها مشتاقين لسوالفج

ريم : يمعوده ياسوالف الي يعيش عيشتنا يتمنى الموت كل وكت

نهر : اوف يابنات طه بس لو ادري امجن بشنو توحمت وخلت حظجن ردي هيج

ريم : على اساس ابويه حظه فوك الجبل خلصها ايطاليا اسبانيا فرنسا سفرات ونسه وهسه استقر بلعراق هو مكابله ابويه وخلفتنا وهاج هاي النماذج الاجت البؤساء

سليل : اروح اطفي الجدر عفته على نار ناصيه يااكل يادنيه

ريم : فدوه سليل اخذي تيم وفرح يمج بين مااسبح رشا

نهر : ليش يمه اني مو موجوده

ريم : عمه انتي هم وجهج اصفر ويمكن ضغطج صعد خرب حظي لو ضاله مصدومه مو احسن اقلها جنتو اداروني صحيت لازم اداري شعبة الطوارئ كلها

سليل : والله بعيوني اداريج بس لترجعين لحالتج

ريم : شلون ارجع واعوف هاي المصيبه الصارت اذا هاي المصيبه تصحي المطي من صفنته مو عاد اني يله فدووه اخذيهم بس من اسبح رشا واسوي نومي لعمه بلكت ضغطها يستقر واكمل الغدا

سليل : صار حبيبتي واذا احتاجيتي شى دكيلي

ريم : بعد يااختي راح تجي ايام الله يعلم شيصير بيها

سليل : هسه من يجي سجاد اكول اله لو شسوي

رشا : لا اني اجمعه ويه بابا واحجيلهم بس انتو هم موجودات اقلها تهدون الوضع

ريم : اااخ لو الزمها اله اطلع ضيم گلبي كله بس هين يجنووو وين ترحين مني خلي نخلص من مشعول وراها استلمج

سليل : اخذت الجهال وامشي والله عقلي ميشيل الصار يمكن اتحمل لو كايله من تزوج من بره وحده منعرفها بس مو جنات وهم ليش يتزوج ولك حفيت لحد ما اخذتها عزه العزاج سليل بس لا سجاد هم هيج يسوي بس هااا لا سجاد ميسويها وليش ميسويها هم رجال سجاد يحبني لا عيني ميسويها لعد شعلان مو يموت على رشا وسواها يمه راح اتخبل دخيلك ربي مدري شحس ونار وگبت بروحي هاي شلون ما ماتت رشا رحمتك يارب والله تعبنا من المصايب بعدنا مجارين نفس من مصيبه ريم واجتنا هاي صفح

دخلت للبيت شربت مي احس حتى سكري هبط كعدت الجهال انطيتهم جبس وحلويات والعاب خلي يهوسون بلبيت المهم ميطلعون

بالي يم سجاد اذا عرف شراح يسوي

ريم : كومت رشا وكمت سبحتها مثل الجاهل حطيت كرسي وكعدتها جوه الدوش متكدر توكف اغسل وهي ساكته غسلت شعرها رشاوي شبيج ساكته

رشا : اعرف جنات احلى مني وابيض مني وجسمها حلوو بس والله اني هم مو قاصره ولا محلوه وجنت دوم البس وارتب نفسي ومايوم عفت روحي وصخه او بيه شعر ولا يوم مهتميت بجسمي ونفسي وريحتي والله ياريم مقصرت شكد مجنت اتعب كمت اخر فتره والله مااشكي اكول حتى ليمل

ريم : انتي عقلج راح يوكف من التفكير

رشا : شلون ميوكف واني صدمت بحب عمري

ريم : دنكت وصرت يم رجلها والمي يطفر عليه وكتلها اسمعي رشاوي الي يريد يخون تره يخون مو شرط مرته محلوه او مو نظيفه او بيها عيب هي دنائه نفس وعين فارغه لو مرته ملكة جمال وعجبه يخون راح يخونها ويه عوبه ولو هي عوبه وزركه اذا مراعي الله بيها لو ملكة جمال متهزه يشوفها احسن وحده واحلاهن وحتى من تقصر يعذرها هاي الامور الضمير والعشره والنفس هنه الي يحكمن الرجال مو حلات الشكل لو التقصير لو النظافه مالها علاقه وعيونج ابو طبع مايغير طبعه بس الجفن والعينه فارغه يبقى حتى تراب النجف كلها متترسها لتضلين تاكلين بروحج لو جنات تلعب النفس وجنها غراب وراد يخونج وياها يخون ويتزوجها

الي عليج كدام الله وضميرج ونفسج ماقصرتي بيوم ولا أذيتي وراح يتندم بكد شعر راسه ربج تره عادل ولو بعد حين يجي يوم تلكي يبجي دم عليج

رشا : هو گال طلكها تتوقعين يرجعها

ريم : والله كلشي اتوقع

رشا : عساهم بحركة گلبي يحتركون

ريم : امين خيه تره راح نتيخ من المي عجبج الوضع

رشا : اي والله جسمي ارتاح

ريم : اروح اشوف الجدر واجيج

رشا : لا كوميني اطلع كافي

ريم : يله كومي وكومتها ونشفت جسمها ولبستها وطلعتها ورجعت اني سبحت سريع لان هدومي كلها مي وصابون

وركضت على الاكل

صار الغده وكوه اكلنا كل وحده تفكر شراح يصير وحتى سليل سدت باب بيتها واجت يمنا وحطت الجهال بلهول يلعبون واحنا بالاستقبال كاعدين اجه بابا المغرب منتظريهم على نار وطب سجاد وراه ب٥ دقايق

غسلو وصلو واحنا كاعدات مثل بلاع الموس تكول احنا المسويات الجريمه مو ذولاك

حجي طه : شلونج باباتي

رشا :  الْحٍمَدٍ للـّہ

حجي طه : وانتي ريم البراري نورت البيت بطولج وحسج يابه

ريم : تسلم حبيبي بابا وبست ايده

سجاد : ريم وضعج شلونه

ريم : زينه عمو لتخاف

سجاد : قويه

ريم : ان شاء الله قويه

سجاد : عفيه بزيبك هاي بنيتي السباعيه

حجي طه : بنتي اني مو بنتك

سجاد : اسكت طه بتي هاي خيستها وسوالفها عندي

ريم : انفضحنا

حجي طه : بهاي حقك شبيج بابا رشاوي ساكته وضعج مو طبيعي وانتي نهر وسليل الوجوه مگلوبه

نهر : والله ياخويه شكول شحجي يعينك الله ويعينا على الجاي

سجاد : شصار

حجي طه : ياستار اول مدخلت الوجوه تتلاطم احجو مااحب هذا الجر والعر بلحجي

رشا : احجيلك بس بالاول بروح ابوك وامك وبمعزتنا متتعصب انت صاحب ضغط ليصير بيك شى منو اليه بعد

حجي طه : وتالي احجو

رشا : بلعت ريك ردت احجي بقوه وبدون خوف وتردد ودموع بس البي اني لو شكد مااكون قويه راح تنزل دموعي لان گلبي وروحي بعدهن يصرخن ويبجن دم بجيت وكتله

شعلان تزوج عليه جفلو وبابا جان يسبح ويحجي وكعت السبحه من ايده

سجاد : شمدريج

رشا : مو هنا الكسره بابا تزوج جنات شفتهم بعيني بفراشي

طفر سجاد يعيط وركضت سليل تهدي بقيت اباوع بعيون بابا الي مرمشت الصدمه مثل مجانت قويه عليه هو هم قوي

سجاد : اليوم احرك اهله شلون متحجين من جنا هناك شلون سكتي

رشا : والله خفت عليكم

سجاد : اشعل اهل اهله الساقط هي تايهه يتزوج من هاي ويعوف هاي احنا نطي مره امانه يمه يزوجها السافل العديم الرجوله تدنت نفسه على الدخيله ولك اليوم اشعل ساسه لو كاتل لو مكتول

سليل : لزمت سجاد فدووه بداعت زين لتسوي شى

سجاد : وخري مني لج هذا طعنا بظهرنا شنو هيج مستصغرنا وشايفنا مو زلم ويتزوج بكيفه مالهن اهل زلم وراهن اليوم اعلم شلون يدك الناقصه ويدوس كرامتنا

طلع سجاد وسليل ركضت وراه

نهر : طفرت على طه فدووه طه احجي شى عيط صيح لا تسكت حسيت عيونه تسد وتفتح وايده يفرك بيها عطت ولج ريم الحكي صيحي سجاد ابوج مدري شبيهه

رشا : كمت من مكاني كووه وحضنته فدووه بابا ليصير بيك شى منو الي منو ياخذ حقي منهم

ريم : ركضت بملابس البيت بس جريت ربطه ورحت لبيت سليل بعد ٣ بيوت ودفعت الباب وطبيت لكيت سليل طاكه بيجي ولازمه سجاد الي جار سلاح ويريد يطلع

ريم : الحك عموو بابا وكع

شمر السلاح وركضنا كلنا رجعنا للبيت وجاب تكسي واخذوه للمستشفى سليل وعمه وعمو وبقيت اني يم رشا

رشا : كله من ورايه كله

ريم : شجاج بعدج بالاول ونهاريتي

رشا : اذا صار شى بابا والله اذبحهم

ريم : ان شاء الله ماكو شى ضغط وصعد حقه تره الشغله حيل جبيره مو بس مبدأ انتي تزوج عليج رجلج مبدأ شلون بت اخوه مأمنها عن ابن خاله ودخيله ويتزوجها بلسر والله عيبه وجبيره حيل

رشا : همه ذوله يعرفون العيب اااخ ياربي روحي شوفي جهال صوتهم عالي

ريم : رايحه

سليل : اخذنا بابا للطوارئ وبعد الفحوصات والمغذيات والتخطيط بعد خمس ساعات نطحن بروحنا اني وماما وسجاد يركض هنا وهنا همزين جان بيومها اكو دكتور يفتهم وشخص حالته كال جلطه قلبيه بس عبرت

گلبه مثل گلب رشا متحمل الصار

حجي طه : رجعوني لبيتي مااريد ابات

سجاد : ابقى طه للصبح اكو اخصائي كالو دين يشخص الحاله ونطلع

حجي طه : شراح اسوي بهاي المصيبه هاي جبيره شلون اركعها

سجاد : متتركع غير بلدم والله لا اكتله وخلي ادخل سجن

حجي طه : اذا انت دخلت سجن واني متت ذني منو الهن هم يبقن يتلطم هنه وجهالهن بلدنيا گبل وهنه صغار انت موجود هسه منو الهن وكل وحده برگبتها جاهل

سجاد : لعد نسكت اله وعلى دكته اذا نسكت نلبس شيلات ونكعد ويه النسوان

حجي طه : منسكت بس مو دم مااريد اخسرك لك سجاد انطعنت بظهري لمن ظهري انترس طعنات حتى مكان ماضل بيه بديتها من ابويه من سجلني بأسم وحده متخاف الله ونهيتها من بت اخويه نامت بفرشت بتي خذاها ابن خالي الي اعتبرته رجال

سجاد : على كيفك هسه الدكتور كال موزين على صحتك نطلع ونرجع للبيت ونفكر

سليل : اباوع بابا وسجاد ماكلهم الضيم وخايفه على سجاد ليسوي البراسه ولو يستاهل شعلان الگلب الذبح بس مو مال اضحي بسجاد ربي هونها ياربي هاي نار وتحركنا دك تلفوني رشا

رشا : هااا بشري شصار

سليل : جلطه قلبيه

رشا :يايمه بابا شلونه عفيه

سليل : لتبجين مابيه شى والله وكعد هسه واستقر وضعه بس الصبح انطلعه ونجي اقفلن الباب عليجن

رشا : سليل مكعد تقشمرين عليه

سليل : لا والله شبيج عبرت  يجوز بالعشره اذا مو قبلها بلبيت ولتفتحون الباب ابد لاحد

رشا : مااشي

سديته وفتحت دكم الدشداشه ورفعت ايدي وعطت ربي مثل ماحرگت گلب ابويه الطيب وگلبي كون تحركهم

ريم : شكوو شكوو سمعت عيطتج

رشا : بابا جلطه قلبيه من وره ذوله الانذال

ريم : يمه وهسه

رشا : تكول سليل عبرت وزين هسه وباجر الصبح يجون هسه بيش الساعه

ريم : ساعه ١١ ونص تقريباً

رشا : قفلي الباب مراح يجون للصبح

ريم : مااشي

رشا : جيبي الجهال وكلنا انام هنا

ريم : هو كلنا انام سوه بس كون زين ميلعب علينا بليل ويبجي

رشا : لا هو متعلم ينام هنا بس نومي على هاي القنفه دوم يحب ينام عليها واكو بطانيه جوه بغرفه عمه غطيها بيه هسه يغفى

ريم : شمدريج انتي

رشا : غير يوميه اخابر سليل جنت ونسولف واعرف كلشي

ريم : مااشي

جبت الجهال ونومتهم كلهم وبقينا اني ورشا نسولف الليل كله نحجي على بلاوينا الي متخلص

ريم : اريد اروح لبيتي

رشا : مو هسه خلي تخلص شغلتي واطيب ونروح سوه

ريم : زينه هم تخابر تسأل

رشا : اي والله دوم حتى سليل تكول تسأل عنج وعن تيم بس اكو شى لازم تعرفي

ريم : اكيد مصيبه احجي عادي تعلمت

رشا : حموينج عرضو البيت للبيع

ريم : لا ليييش

رشا : حسب كلام زينه اخر مره من خابرت سليل البيت ورثه مال ابوهم وصار اشهر مسدود

ريم : بس همه اخوته بلخارج وممحتاجين

رشا : ماكو واحد يعوف ملايين جامده وبلعراق شكد ميجي الهم يعتبروه زايد خير

ريم : وغراضي وشغلاتي

رشا : الله شاهد بهوستنا من جنا نركض بيج اجت وره السابع حماتج وجابت جنطه موجوده بكنتور بابا بيها الذهب مالتج وفلوس يمكن مال رجلج الله يرحمه وكالت ذني مال ريم

ريم : كمت لغرفه بابا وفتحت كنتوره ولكيت الجنطه جانت مالتي جبتها ورجعت كعدت بصف رشا فتحتها لكيت ذهبي كله الهدايه والنيشان وحتى كم حاجه اشتريتهم وحجول رفوله الذهب بستهم فدووه لرجلج ونزلت دمعتي

رشا : هم خلف الله عليها جابتهم نسينا احنا

ريم : هاي فلوس سامر مال العياده جان شغله زين

رشا : الله يرحمه وكالت مااخذنه فلس منهن والفاتحه اخوته شالوها و بس تصحى كولولها هاي الفلوس الج ولتيم مااخذنا دينار منها

ريم : الله يحفظهم بس اريد اروح للبيت قبل ليبيعوه

رشا : نروح بس نفض هاي السالفه الوكعنا بيها

رجعت الذهب والفلوس بلجنطه وحطيتهم بكنتور بابا ورجعت بصف رشا تمددت وكوه نمنا وبس ندعي الله يرجع بابا زين للبيت لان حيل خايفين عليه

سليل : طلعنا الصبح بابا بعد ماكشف عليه الطبيب وانطونا عنوان طبيب بساحه بيروت طبيب قلبيه نراجع حتى يشوف اخاف محتاج قسطره للقلب بقينا اني وماما وحده تباوع بوجهه الثانيه بله نعالج گلب بابا لو گلب رشا اووووف شفضها هاي السالفه

واول منزلنا فتحت ريم الباب وركضت بحضن بابا

سجاد : على كيفج ريم ابوج بعده تعبان

ريم : والله الليل كوه نمنا

حجي طه : مابيه شى باباتي ليضل بالكم

دخلناه وجان تندك الباب عمو محسن

محسن : هااا ولك كبرت صار بيك قلب عبالي ذيب امعط مايكدرلك المرض

حجي طه : اليشوف المصايب بكدي المفروض من زمان مات

محسن : اي والله كم مره كتلك ليش عايش خرب حياتك الزفره بس انت مامتت بلحروب ماسمعت كلامي اقلها شهيد متتحاسب هسه اذا متت ناكر ونكير يستلموك دك بلصونده

ريم : شلونك عموو

محسن : هاااا منو ريم والله ممصدك عيووني ولج واكفه على طولج واسمع صوتج جان يجرني من ايدي وحضني حيييل

والله ممصدك شفتج سالمه شلونج بنيتي وباس راسي

ريم :  الْحٍمَدٍ للـّہ عمو انت شلونك

محسن : والله هسه صرت عال العاال غير تحجون تكولون والله ناذر لوجهه الله بس تكومين بلسلامه اذبح طلي جوه رجلج على سلامتج

ريم : شكراً عمو متقصر هااي شنو صاير ادمع عيونك

محسن : والله من وره سوالفكم الغمه يوميه كاسرين ظهورنا وبس نفكر بيكم هاي الخلفه ياطه بس القهر وراهم لو ضالين زكرتيه (اعزب) هواي اشرف لا عين تشوف ولا گلب يحزن بس نتگلب على هاي الحلوات هسه بلشارع بويايه مو نسوان غضب عبوات على مفخخات على احزمه ناسفه تمشي وتغم بگصتك وتكول وين جنتن من جنا شباب واكول ياليت الشباب يعود يوماً

ريم : ميفيد بعد عمو حجي يفيدك هذا

محسن : لا العب لعب بعرضي

ريم : غيرك لعب خوش لعب

محسن : منو قصدج

حجي طه : تعال اكعد

محسن : شلونج بنتي رشاوي هاي صدمتني من شفتها واكفه ونسيت اتحمدلج بلسلامه

رشا : الله يسلمك عمو

محسن : وجوهكم مو طبيعيه

حجي طه : تعال ويايه للغرفه

واخذه ودخلو

سجاد : رايح للبيت اسبح واجي

سليل : اجي وياك

رحنا للبيت دخلنا واول مدخلنا حضنته فدووه سجاد بداعه زين بمنو احلفك لتتهور والله مالنا بس الله وانت اذا صار بيك شى وين انطي وجهي هسه انت رجلي وابو ابني وحبيبي والي خواتي عفيه ابويه شفته شلون مكسور ويوميه كسره شكل حتى گلبه ميتحمل وضال حاير سوده عليه ويباوع بلوجوه هسه اذا انت صار عليك شى مو كلنا نتيه

سجاد : والسواه شعلان يفلت منه

سليل : ميفلت بس بلعقل تعال اسبح وصلي مال الصبا قضا لان مصليت وارتاح وراها نروح لبيت اهلي واكعدو ونشوف شيصر

سجاد : خلي اسبح واطلع

سليل : دخل للحمام باوعت على الميز سلاحه شلت وضميته اخاف يغافلني ويطلع

ريم : سويت اكل وخليت عمه ترتاح اباوع ساعه ١٢ وجان تندك الباب حيييل فزيت

طلع عمو محسن من الغرفه

محسن : هاي منو يدك هيج الباب

ريم : مااعرف والله طلع عمو وفتحت البرده واشوف شعلان يطب صاير بارود وحده والله عين كويه ركضت على فرح ولزمت تيم وزين وكتلهم نصعد فوك عندي كومه حلويات امشوو صعدتهم للغرفه خفت يجر فرحه وياخذها ويضيع كل تعبنا صعدتهم فرح مو صغير حييل عمرها هسه اربع سنين وكم شهر تفطن كتلها العبي ويه اخوتج وعينج عليها وقفلت الباب عليهم من بره

وحطيت المفتاح بصدري ونزلت اركض يم رشا لكيتها ترجف

رشا : هووو مووو صوته

ريم : اي الخايس المعفن

رشا : ليدخل فدووه

ريم : خلي اخابر عمو سجاد يجي

رشا : فرح وينها

ريم : لتخافين فوك والمفتاح بصدري لو يموت ميكدر ياخذها

فتحت الشباك اسمع شيحجون

شعلان : ابو فيصل اجيت اخذ بتي واروح وبتكم يمكم

محسن : يعني فوك دكتك تريد تاخذ الطفله من امها ارجع لبيتك شعلان غير واحد ميشوفنه وجهه

شعلان : اني احبك ابو فيصل ومااريد اتجاوز واكول مالك دخل من رخصتك وخر من وجهي وخليني اطب اخذ بنتي وذيج بلغها اله اسحلها بلمحاكم واطلبها بيت الطاعه

محسن : شنو محد بعينك جاي تهدد وتعيط وانت العايل

شعلان : ماسويت غلط تزوجت على سنه الله ورسوله

محسن : ايباااخ لك هاي عليمن تقشمر روحك لو تقشمرنا غير ماخذ بت عمها الي المفروض خطارك وبلسر تره هاي عيبه عدكم يل تعرف العيبه

جان يدفع محسن وكاام يعيط وينها ودفر الباب طفر بابا عليه ولزمه من دشداشته بس تعبان ويرجف بعده مشاد حيله

حجي طه : اليوم اذبحك هاي تاليها هيج انطيك بنتي وبت اخويه امانه وتخونها يلنذل

شعلان : اتزوجتها مالزمتها بلحرام

حجي طه :ياحرام تحجي عليه وانت طلعت حالك حال ابن الحرام تعض الايد الي تنمد الك

ريم : خابرت على عمو سجاد وكتله الحك شعلان هنا

سليل : جنت بلحمام طبيت وره سجاد اسبح حاره بنص شهر التاسع وبايته بلمستشفى لهذا بس طلع سبحت وراه ودك تلفونه وسمعته كاال جاي ويعيط ولج وين السلاح

سليل : بس اريد اغسل جسمي كله صابون واركض وراه طلعت ملكيته راكض بدون سلاح

شعلان : طه اريد بنتي وعندك بتك

حجي طه : مو هي كوتره وبكيفك تاخذها وتطلع دفعه حيييل وكله اطلع وعندك عشيره اله اكاومك عشائرياً واطلك بتي ورجلك فوك راسك

شعلان : والله ولا اطلكها اله اعوفها هيج معلكه اني تغلط عليه وتتجاوز وتكول اسويك مضحكه بتك هاي الممتربايه تغلط على رجلها

جان يطب عمو سجاد حاافي وكاال

سجاد : والله المفروض متغلط تنزع الي برجلها وعلى راسك ياعار وتلازمو

رشا : كمت على حيلي واكفه اني وره ريم واشوف عمو وشعلان ناس تضرب ناس وعمو محسن وبابا يردون يفاككوهم وعمه نهر تلطم وتبجي

جان يدفعهم لان تلاثتهم عليه وركض للسياره ودخل بيده سلاح اني شفته هيج طلعت اركض دخيل الله عوفهم

شعلان :انطوني بنتي لو اكتل واحد منكم

رشا : الله ياخذك دمرتني شتريد مني

جان يجيت عمو سجاد وتقاوه ويااه بلقوه وطلعت طلقتين وعياطنا صار ماله والي نباوع شعلان كله دم وكعت بلكاع كلت مااات من وكعت من الهبطه و مو انقهرت عليه موتت الجلاب عساه بس ضاع كل تعبنا مردت اخسر عمو وراح نخسره طبت سليل تعيط

نريد نركز بلي صاار

نباوع صاحي بعده ويعيط اااااخ صاح عمو محسن

محسن : برجله برجله

جر السلاح عمو سجاد وحطه براسه وكال انت لو صدك رجال وبيك خير مجان هديت بسلاحك وتهددهم فوك سوايتك لو عندك ذره رجوله اتجيب عشيرتك وتوكع يم رجلها وتبوسها وتعتذر منها وسالفه جنات ماافوتها الك لو اعرف انعدم

حجي طه : جيبو تكسي نودي

سجاد : مااخذ جلاب اداويها تردون انتم اخذوه عسااه مات وخلصنا منه

ركض محسن وخابر على حسين حتى يجيب سيارته

سليل تبجي وتعيط من الخوف جان يعيط بيها سجاد كااااافي مااسمع صوتج

ريم : ركضت على سليل ودخلتها وخطيه تمرد بروحها وتصيح راح يروح مني

ريم : لتخافين قابل مات متشوفي مدد المطي شطوله بس طول گبر اي والله الي يشوفه يكول اختل بسده حتى سلاح مادبرها يهد بيه تالي اكله طلقتين برجله هاي الرجل سكطت لا محاله گبل جاي وهسه طلقات ناقصها شويه بانزين تصير فل

سليل : خايفه يدخلوه سجن

ريم : لتخافين والله هسه يحلوها هو متعدي وهذا دفاع على النفس حتى لو اشتكه هاي عود انتي دارسه وفاهمه

سليل : شعليها الهندسه بهاي السوالف

ريم : عوفج من الدراسه خلصنا عمرنا مكابلين المسلسلات المصريه والخليجيه والافلام الاكشن ملكطتي شويه منهم

خلي اروح على رشا

طب حسين يركض ومتفاجأ بلي صار شعلان بلكاع مدمه وسجاد كاعد وبصفه سلاح وعمو محسن يكوم بشعلان حتى ياخذوه طبيت للمطبخ ماردت اشوفه

واخذ شعلان وسط صدمه منه

نهر : شراح يصير هسه طه

حجي طه : ميصير شى دك تلفونه باوع هذا خالي خضير

نهر : جاوبه

جاوبته ويكول تره شعلان اجاكم

حجي طه : تعال خالي ابن اخوك بلمستشفى تصوب وكول اله اذا مطلك بنتي الطلقه الجايه براسه مو برجله

سليل : خفت اوصل يم سجاد جان حيل عصبي رجعت للبيت جبت ملابس اله وحذاء لان جاي بلشورت والتيشيرت مال البيت وحافي مصار دقايق من طلع من الحمام

كام بدل ومشط

تقربت منه وبست جتفه وحجيت بهدوء ليش هيج سويت

سجاد : لان رجال وماكو رجال صاحب غيره يقبل على الصار لو متزوج غريبه نكعد نتفاهم وياه ونشوف القصور منين منه من بتنا ويجوز يريد اكثر من مره المهم نفتهم الصار بس مو يتزوج بلسر من بت عمها وياخذها مثل الساقطات بلبيوت هاي اسمها غدر واستهانه بينا وبرجولتنا

سليل : واذا اشتكى عليك

سجاد : جبان خري هذا بس هوسه هسه ميشتكي عشيرته متخلي لان تكبر السالفه واكيد كلهم عرفو بسوايته

سليل : بس همه عدهم عادي يتزوج وحده واثنين وتلاثه

سجاد : بس مو الدخيله اكو فرق وهسه يجون اهله ونشوف وحتى اذا انسجنت عادي المهم بردت گلبي

سليل : حضنته وكمت ابجي

سجاد : اذا تحبيني لتبجين شوفي خواتج شكد قويات اريدج مثلهن انتي هسه جبيرتهم وابوج مريض والافضل تاخذين اجازه وتكعدين هنا بينهن لحد متفض

سليل : وانت

سجاد : هااي شبيج ماعليه شى وداعتج اله اخلي يطلكها وراسه فوك رجله

عدا يومين النوم منامه الاكل كوه يطب بحلكنا وشعلان مابيه شى طلقتين برجله طلعوها بس وحده منهن كسر سوت بلعظم وأذت رجله حييل

وخابرو بابا وكالو نجي ونجيب اهلنا ونحلها ومثل مكال سجاد مشتكه ابد والسبب خال بابا خضير طمطم الشغله حتى لا حييل تكبر وخاصه بابا وشعلان من نفس العشيره يبقى ابن خاله وخاله يصير ابن عم ابوه اللح يعني نفس العشيره مو عشيرتين تكعد وتتفاصل بس عمو محسن مقبل كاال ماطول نفس العشيره اخاف يضيع حق بتك وهاي لخاطر فلان وخاطر علان ويطيح كلشي  لازم ندخل طرف ثاني وبيومها تواصل ويه سيد معروف واله كلمته وهواي عشاير ادز عليه بلفصول الجبيره يعرفه عمار العامل بمطعم بابا هو ميعرف القضيه شنو عمار بس سمع عمو محسن يخابر واحد ويستفسر منه وكال ماطول للحجي ماعندك غير عشيره فلان والسيد فلان يفضوها

وتحدد موعد الكعده بعد ٣ ايام وانخبصنا

وصار العصر وكاعدات كلنا بلمطبخ وانترس الاستقبال نباوع من وره البرده على الكراج وطب سيف وابوه خال بابا وشعلان بلعربانه يدفعوه وحسين ومحسن وحتى عمو سجاد كعد وبابا وناس معكله هوايه والسيد واكم رجال معكلين من العشيره الثانيه وبدو يحجون وشوي شوي علا الصوت ومنسمع بس هوسه تقربنا شويه ونسمعه يكول عمو سجاد

سجاد : هو اجه وتعدى على حرمه البيت واني دافعت عن حرمته كون اني واحد من اهله واذا عدكم بقانون العشاير يحقني قيد شعره اني مستعد لكلشي

شعلان : اجيت اخذ بتي

سجاد : مالك حق تجي تعيط وتتجاوز وسلاح بيدك ولو باقي بعد تتجاوز جان الطلقه صارت براسك وهم متحقوني عشائرياً

وشتغل العياط وناس تجر وناس تعر لحد ما وكع حق شعلان وصار لحق لسجاد كون شعلان الجاي للبيت بلسلاح والسلاح الي انضرب بيه مال شعلان مو سجاد يعني دفاع عن النفس وسقط كلشي يدين سجاد عشائرياً ورجعو للموضوع الاساسي هو موضوع رشا وهم نقاش طويل وسكتهم السيد وراد يسمع من شعلان ليش هيج سوه

اني رجال والي احتياجاتي وهي مريضة ومتكدر وعدها القلب ومن حقي اشوفلي مره اني مظلمتها مكعدها بيت الف مره تتمناه ومعينها وكلشي تريده ليمها يجي وسألوها بس ردت حقي وهي متكدر تنطي الي لان تتعب ومردت اجرحها واقلل من قيمتها وهم خفت عليها علمود موضوع الخلفه وهاي اني عمري ٤٠ سنه وماعندي ولد يحمل اسمي بس بنيه وردت ولد اجرمت كفرت شرع الله وطبقته

سجاد : ملكيت غير بت عمها

شعلان : مو حرام وهي مو مراهقه واخذتها شابه وجبيره واعيه وارمله وبرضاتها وردت أجر الها وحدها وكل وحده بيتها

حجي طه : يعني انت مقتنع بكلامك من كل عقلك انطيك بت اخويه حتى تحميها من عيالها تروح تتزوجها بلسر هاي عيبه لو مو عيبه جاوبوني يااهل الرحم عيبه لو اني غلطان تعال كوول هاكم بتكم واني اريد اتزوج والي اخذها بت اخوك مااكلك اوافق هم راح ارفض بس اقلها اعتبرك رجال وكدر توكف بوجهنا وتاخذها مو تتختل مثل الحراميه

ريم : مدخلوني على هذا ابو الاحتياجات اسكطه اكثر ما هو سكط واخلي طول حياته ميحتاج

سليل : خلي نسمع اسكتي

رشا : الله لايوفقه عساه لا تهني ولا كاام وبقى بلعربانه طول عمره

نهر : يمعودات اسكتن

وبدت المناقشات واخذت اكثر من ساعتين اخر شى كال شعلان اريدها ترجع وهي زوجتي وذيج طلكتها وهاي ام بنتي ومااتنازل عنها السيد كال يابه صيحولنا البنيه خلي نشوف شتريد

رشا : خفت ورجفت طلع عموو سجاد كال البسي عبايه مو جبه ولفي نفسج زين حتى جف ايدج مااريد تطلع لبست عبايه على راسي وتلفلفت زين وطبيت ويه عمو والدمعه بعيني خايفه مو بس خايفه مرعوبه وخاصه بنص شيوخ وهو يباوع عليه وعيونه براسه

السيد كال بنتي راضيه ترجعين لرجلج وكال اراضيها والي تريده يجرالها وهااي كدام الناس الخيره التردي ينفذه وهو الممنون

رشا : بلعت ريك وگلبي يدك سريع وكتله بهدوء وبصوت مسموع سيدنا احلفك بجدك رسول الله طلكني منه

السيد : لا اله الا الله بنيتي ابغض الحلال عند الله الطلاك وهو غلط وجاي لدارج يستسمح منج

رشا : بس اسألك سيدنا لو بنتك صار بيها الي صار بيه ودخلت لبيتها وبنص فراشها ولكت رجلها ويه بنت عمها الي تعتبرها اختها ولفتها سنتين عدها وحمتها من عيالها حتى لياخذون ابنها  ودارتها مثل الماي بلصينيه وامنت بيتها عدها ومافرقت بينها وبين نفسها بكلشي تقبل ترجع بنتك لرجلها وكأن كلشي مصار صفن بوجهي وكاال

السيد : لا والله يابنتي ماارجعها لو على كص رگبتي

رشا : من رخصتك اعتبرني بنتك ولترجعني لهيج واحد داس كرامتي برجله ودنس فراشي لترجعني للذل الله لايراوي بنتك الي شفته والي حسيته لتكسر بختي اكثر ما هو مكسور دخيل بختك سيد

السيد : سمعتو كلامها للبنيه والي يرضى على بنته الذل يرفض كلامها الكل سكت ومحد حجه

السيد : روحي بنيتي التردي يجرالج

رشا : طلعت منهم امشي بكل ثقه بس والله داخلي تراب ومن طلعت شمرت نفسي بحضن ريم

ريم : عفيه بلسباعيه

شويه وعلى الصوت مره ثانيه وطلع اجه بابا كاال

حجي طه : احسبي حسابج بعد كم يوم يطلكج بس لازم تتنازلين عن حقوقج

رشا : متنازله كلشي مااريد

رجع بابا الهم واجاني وكاال هذا هو بنتي كم يوم وتصيرين حره راح يطلكج شعلان وفرح تبقى عندج

يتبع .....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الرابع_والثلاثون

اجيت بكل صلافه وجايب اعذار

تريد ارجع واكلك اني حبيتك

جنت عمري وحياتي وبيك اسولف دوم

بس هسه الحقيقه الروح ناسيتك

رحت بيدك يا وسفه للعمره ما يهواك

......وعفت ناس بثمن من وكت شاريتك

وجنت اعمي العيون وبيك اشوف النور

وهسه شوف عينك هي عاميتك

وجنت اجمل سطر في دفتر الاشعار

ومن دفتر اشعاري صدك امحيتك

بعتني بعين صلفه وما عرفت العيب

واني بطيبة كلب وبعفه جازيتك

وانت مو حلو وعادي الجمال البيك

بس باجمل صور للناس سويتك

جنت فاقد حنان الخوه يا بذات

جبت عمري اعله عمرك بيه خاويتك

المن جاي كلي وبعد شتريد

بمزبلة الخيانه هناك ذبيتك ..

رشا : متنازله كلشي مااريد

رجع بابا الهم واجاني وكاال هذا هو بنتي كم يوم وتصيرين حره راح يطلكج شعلان وفرح تبقى عندج

نهر : وجنات شراح يصير بيها

حجي طه : بعدنا مفاتحين موضوع جنات شغله شغله حضرو مره ثانيه جايات وهسه حسين يجي ياخذها

سليل : بابا فدووه لتتعصب وجهك اصفر لتتخربط

حجي طه : الله يعلم شلون كاعد على نار وصابر مااكوم اكتل شعلان خلاص

نهر : خلي يولي لتوصخ ايدك بيه جفينا شره المهم يطلك رشا شوكت تفتحون شغله جنات

حجي طه : هسه راجع الهم نكمل الكعده بس كمت حتى اطمنها لرشا خفت لتبقى متعرف شى ويتأذه گلبها من التوتر

رشا : بست ايد بابا وكتله الله لايحرمني من خوفك وحبك عليه

حجي طه : روحي ارتاحي بابا وانتم انطوها علاجها لتخلوها توكف هوايه وكملولي الجايات

ريم : بس بابا خلي يجيبون الاستكاين بيش اصب

حجي طه : هسه اخلي يلمهن

ريم : رجعت خدرت جاي جديد قوري جبير واكفه على الطباخ وسمعت صوته

حسين : شلونج ريم

ريم : انداريت وشفت حسين حيييل صار سنين مشايفته وكتله برود هلو حسين

حسين : البقيه بحياتج

ريم : حياتك الباقيه

حسين : مصدكت من شفتج واكفه على طولج وتشتغلين شلون صرتي

ريم : يم الله وتقربت منه واخذت الصينيه وحطيتها على السنك وانطيته ظهري ورجعت اغسل بلستكاين

حسين : اني دوم اسأل عنج بس مكدرت اشوفج لان كالو وضعج موزين

ريم : اغسل واحجي وظهري عليه تسأل عليك العافيه

حسين : محتاجه شى

ريم : لا شكراً

حسين : اذا بيوم احتاجيتي شى تره ابقى ابن عمج بغض النظر للي صار ابقى الي تربيتي وياه سحليه

ريم : سديت المي وانداريت عليه

وكتله بهدوء كبرنا بعد لا اكو سحليه ولا ساسوكي

حسين : بس ابقى ابن عمج والعشره بينا طويله ومستعد اسويلج اي شى تردي

ريم : يكولون لا تطلب الحاجات اله من اهلها

حسين : يعني قصدج اني مو اهل للحاجه ومابيه خير مااسوي التردي

ريم : افهم الي تفهمه ورجعت انطيته ظهري وكملت غسل وبديت اتحرك وهو واكف وارتب بالاستكاين بلصينيه واحط الشكر واعرف بيه يشوفني مهتميت لوجوده لان فعلاً داخلي وگلبي مهتم البي اني اعظم من ان افكر بحسين وميهمني وجوده صبيت الجاي وباوعت عليه تفضل اخذهم وعفته وطلعت من المطبخ رجعت اسمع شصار وهو مشه ورايه وطب دخل الهم وسد الباب

هااا شصار بشرن

سليل : بعدهم ديفضون شغله رشا وهسه بدو يحجون بجنات

نهر : اسكتن لخاطر الله خلي نسمع

حجي طه : اني اريد هسه بت اخويه وينها شعلان واحك شعلان لان زواجه من الدخيله يعتبر نهب بدون علمنا وعيبه جبيره وهذا بعرف العشاير مجايب شى من جيبي وانت نهبت بت اخويه وهذا الشى يصير دم بيه وفصل من العشيره واني احكه بيها 

شعلان : لا متحكني طه لان يوم متزوجت جنات جانت مو دخيله عندي

سجاد : شلون مو دخيله واحنا خليناها يمك علمود سالفه عيالها وابنها

شعلان : لا تذكرو زين جنات اجت دخيله سنتين وبقت يمي معززه مكرمه مالمست منها شعره ولا نظرت الها بنظره حرام ورجعتها بيدي الكم وانتهت شغلتها وسقطت شغله الدخيله عندي وضلت سنه كامله بيتك بعد مرجعت ضلت لو ما ضلت

حجي طه : اي ضلت بس تبقى دخيله

خضير : لا طه ماطول رجعت لبيتك عاشت وانتهت عيشتها بيت شعلان سقط حكمها وصارت حالها حال اي واحد يجي خطار

شعلان : ومن عقدت عليها اجيت اخذتها منا من بيتك مو من بيتي وهي بالغه سن الرشد مو صغيره وماتزوجت بدون معرفه احد بموافقه عمها

حجي طه : ياعم غير اني عمها وماادري بكلشي

شعلان : مو بس انت عمها عدها عم اكبر منك علي ابو حسين وبموافقته عقدت عليها يعني يبطل حكك واني مانهبت تزوجت بعلم اهلها وهاي مشكلتك بعد اذا هي مااخذت شورك

ريم : اي ناقص ياطلي ولجن هذا عمجن هم راس بله

سليل : خوش لعبها شعلان

رشا : لهاي الدرجه مستقتل عليها

ريم : بااع هاي يامستقتل غير لو ثابته عليه شغله النهب يعزوه ويصخموه بعشيرته ويفصلو من العشيره بس رجلج ذيب عرف شلون يلوفها

رشا : لتكولين رجلي الله لايوفقه ويخلصني منه

خضير : يعني ابنه مانهب ياطه وبحكم الاعراف والعشاير البنيه ردت لاهلها وتزوجها وره سنه وبعلم عمها الجبير الي هو واليها ومربيها من الاول واذا مكالت الك هاي مو شغلتنا ولا تحكنا بيها وهو ماسوه حرام تزوج على سنه الله ورسوله وبلشرع والقانون يحق يتزوج اربعه مو بس اثنين وحتى يحق اله يجمعهن بنفس البيت واذا خلاها سكته خلاها سكته على بنتك لان قدر وضعها وصحتها وهاي مو جريمه يتحاسب عليها وهم امه واخته واحنا كلنا ندري تزوج وعمها يعني هم يسقط حقك من تكول بلسر بس شعلان غلط بشى واحد ما المفروض يسكت جان لازم يكول من الاول لمرته ترضى وتبقى على حب الله كان بيها وخلف الله عليها ما ترضى الله ومحمد وعلي وياها

حجي طه : خوش يخالي هاي انت الجبير وصاحب الحق تگلبون الباطل حق

خضير : سيد كلامنا بيه شى اذا البت طلعت من سنه من بيت شعلان واتزوجها بعلم اهله كلهم وبعلم عمها الجبير والبت لا هي مراهقه ولاحديثه وعقد شرعي  ابو حسام يحگنا نسمع حكمك

سيد : بحكم العشاير مايحگم ابو حسام يعتبر مو نهب ماطول توافرت كل هاي الامور الي يكولون عليها

خضير : ومستعد اجيب عمها الجبير يشهد

السيد : نجيبه ابو حسام حتى تبقون على بينه

حجي طه : لا اله الا الله مايحتاج سيد 

خضير : الف رحمه على ابوك سيد بحكمك

سجاد : وهسه هي وينها

شعلان : هذا الشى مالك دخل بيه اذا طلكتها اردها لبيتها الاولي بيت عمها الجبير

مالكم حق عليها

رشا : علت الاصوات مبين شعلان وعمه حبكوها عدل ورتبوها لدرجه اي حق يسقط بسالفه النهب كله حتى يبقون راسهم مرفوع بين الناس وميطلع شعلان من العشيره او خضير تنهز صورته بين الناس وكل هذا بمساعده عمي النذل الي اجت هاي الشغله على طبق من ذهب حتى يأذون طه وبناته واكيد شعلان رتبها ويه علي لهذا اجه بزود يحجي ومخايف من  تفوو على راسهم الخسيس الي خلت الغدر يصير حق وحلال الله

وبعد المناقشات خلو وطلعو

سليل : طب سجاد عيونه براسه ولازم زين حييل من ايده جريته منه على كيفك راح اطك ايد الولد

سجاد : الزمي ابنج شويه لا اشيله واشمره بلكااع صاير بين الرجلين

سليل : هاااي شبيك سجاد

سجاد : مااريد نفس الناس تطلع

سليل : عافني وسد الباب صدك كذب شجاه ولو حقه الصار جبير

ريم : لا خيه غير متدرين

سليل : شكوو

ريم : من بدو يطلعون رحت ركض اشوف المعگلين والسيد الخير الحكم لرشاوي فتحت البرده مال المطبخ على كيف شفت سيف طلع وابني وابنج يكمزون صارو كدامه دنك باس تيم ودنك باس زين بس حظج الاسود مشافه من باس تيم بس من باس زين هسه عباله يعرف هو ابنج وعلى ريحتج يبوسه

سليل : صخام وتالي

ريم : شتالي سحب ابنه واجاج فاير اذا تالي الليل اجيتي مزوركه عادي نستقبلج عدنا ردهه مال كسور

سليل : لا على اي اساس يضربني واني شعليه طفل وحب يبوسه

رشا : مو سيف من تزوج لهسه ماعنده اطفال لهذا روحه بكل جاهل يشوفه ومرته حتى اطفال انابيب سوت ومصار

ريم : شمدريج انتي

رشا : هااي شبيج غير ابن عم مشعول النكس ودوم اسمع اخباره من هند الحيه

ريم : والله وكت تكول مشعول النكس وجنت اكول مشعول حااف بدون لقب تجميلي تعيطين

رشا : حسبي الله ونعم الوكيل عليه مقاهرني غير جنات فلتت منها

نهر : بس من ربج ماتفلت ليش هي التهجم بيوت الله يوفقها

ريم : وداعتج تتوفق وكل البخت والحظ الها كولي احنا الماشيات عدل ونخاف الله وممأذين احد وبنات عوائل حظنا بلطين وهااا مو اي طين هذا الي اطك المجاري بيه ويبقى المي راكد كون شهر لحد ميخضر هناك حظنا تلكي يسبح ويغني ومستمتع جداً بلريحه

نهر : كولي  الْحٍمَدٍ للـّہ يمي اكو حالهم امر من حالنا

ريم : مااتوقع

نهر : لا اكو وامرين هم اكو بنات مالهن والي متحملات الضيم من الرجوله والخيانه والقهر والجوع وكسره الحال وباقيات على جهالهن لان ماكو الي يلفيهن ويحير بيهن وضالات الليل كله ينوحن على بختهن انتن عدجن اب  بظهرجن وعمج سجاد وكدرو اليوم يطلعون حق رشا من عيون رجلها وابوها فاتح البيت الها ويتمنى بس رضاتها وعافيتها بينما اكو اهل حتى لو البنيه تموت كتل وخيانه وقهر يكولون ماكو بنيه تطلك عيبه عدنا لو شمري جهالج وتعالي لو مانكدر انلفيج ضلي تحملي لو هو رجال تاليها يتوب ويرجعلج يبقى ابو بيتج تحملي وشميكون رد الاهل راح تضل المكروده تتحمل وگلبها يطك ولازم تسكت وما تفتح حلكها لان ماكو سند يوكفلها لهذا يابنياتي احمدن الله وشكرنه لو كل بناتنا عدهن اب لو اخ يلفيهن ويحن عليهن ويسندهن ويداري جهالهن جان لكيتي نص نسوانا اطلكن ورجعن لبيوتهن

مو كل البيوت المسدوده بيبانها ناسها مرتاحه مايعلم بلروح بس الله احمدن الله وشكرنه وكافي تندبن حظجن

سليل : اي والله صدك هاي اكو موظفه عدنا زوجه كل فتره لازمته يحجي ويه وحده وتكب العيطه والعركه كتلها شلون باقيه ويااه كالت غير من وره الجهال واهلي ميتحملوهم اقلها ابوهم غصب عنه يتحملهم ويتكفل عيشتهم وضاله كل شهر عدها هزه شكل لحد موصلت تشوفه يسولف ويضحك متهتم لان ملت وگلبها طك

ريم : والله الي تريد تسوي شى تسوي المره هي بيدها تبقى مكفخه للرجال وهي بيدها تخلي يجر عدل

نهر : شبيج يمه رشا

رشا : دخت حييل وتعبت

ريم : من الوكفه وهم ترجفين من الاعصاب

رشا : مطلعو

ريم : خلي اشوف اذا همه بلباب صارت سوالفهم ويحجون على النسوان يكولون متحلى سوالفهن اله بلباب هااك مو صار نص ساعه يسولفون بلباب همه هم لو حتى بهاي تفرقه

سليل : تعالي اكعدي رشاوي بغرفه بابا تمددي على الجربايه

رشا : اي اخذيني فدووه

ريم : اني اخذج هسه سليل تنظف الاستقبال تره والله ظهري راح احد كال الكم اني البنكلادش مالتكم

سليل : صاار يمعوده اني انظف اخذيها وروحي شبيج يوم

نهر : بالي يم طه شكد بعد ينكسر من اهله هاج هسه خاله وابن خاله ولج هذا اخويه ولا عنده حظ ويه الوادم شكد يصير زين تفتر عليه مكافي عليه اخو الجبير بربج هاي سوايه يسويها علي مستحه على شيباته مكبر معقل مكال عندي بنيه عروس اخاف الله يطلعها بيها لج لا من همه صغار يعرفون يتصرفون ولا من گبار يخافون الله وينتبهون بس اجت فرصه طعنه

سليل : اي والله متشوفي يمشي وظهره محني الله يشهد انام واكعد همي ومهمومي بابا شراح يصير بيه من يطب ويطلع ويشوف ريم ورشا هذا حالهن بعد مجان فرحان بأستقرارهن

نهر : الله يعينك ياابن ابويه شفت ضيم وشحملت قهر

سليل : اروح انظف اشيل النفاضات تلكيهم ترسوها جكاير والاستقبال صار مدخنه

نهر : افتحي الشبابيج بدربج خلي تتهوه

سليل : مااشي

ريم : دخلت رشا ومددتها وتمدت بصفها من الجهه الثانيه

ابجي

رشا : هاااا

ريم : ابجي ليش ساكته

رشا : مااريد ليش ابجي كلشي مابيه مرتاحه

ريم : شوو تعالي سحبت راسها وحطيته على صدري والعب بشعرها وكتلها ابجي رشا لتبقي بگلبج تره ميتحمل اعرف كوه حاصرتها ماكو احد هسه وقفلت الباب ابجي ياروح اختج اعرف شتحسين الخذلان صعب جربتها والي بي هسه انتي اكبر خذلان وخيانه ابجي حتى ترتاحين

رشا : ااااااااااااه ياريم بيه عيطه تصعد لربج هذا شعلان الجان يبوس ايدي حتى بس ارضى عليه هذا الي جنت اوووف شحجي والله لو اخلص العمر كله احجي بي ميكفيني

ريم : ماردت تحجين ردتج تبجين

جان تحط وجهيي بصدري وكامت تشهك

رشا : شفتي شلون يدافع عنها اكيد راح يرجعها على ذمته

ريم : خلي يرجعها طبه طوب انتي تردي بعد

رشا : لو اموت لو يصبوه ذهب

ريم : خلص بعد مالج دخل بيه جلب ومات اعتبري

رشا : ياريت ميت والله ياريت

ريم : ابجي وفرغي همج ولو حرامات تنزل دمعه منج علموده وعلمود عشرته

رشا : والله مو علموده ولا بيوم راح انزله دمعه لخاطره اني ابجي على حالي لان حبيت واحد ميسوه اللابسته برجلي وامنت بوحده جنت اعتبرها اختي

ريم : وين تتوقعين هسه هي

رشا : بجهنم الحمره متهمني

ريم : بس اني تهمني

رشا : شسوين بيها

ريم : مالج دخل يجيج الصافي

رشا : شراح تسوين

ريم : ابرد نار گلبج بس اصبريلي

رشا : شيبردها اااااخ

ريم : تبرد وتصبح رماد بس الصبر

شويه ودكو الباب كمت فتحتها وطب بابا باس راسها لرشا

حجي طه : لتنقهرين بابا خلي يولي مو رحال واني ماقبل بنتي تعيش ويه واحد مو رجال وساقط

رشا : فدوه بابا اذا تحبني دير بالك على صحتك تره ماعندي احد بس الله وانت

سجاد : ايا ناقصه واني ولج وين رحت

رشا : انت لو ابوس ايدك الف مره قليل لان ماقبلت على كسرتي وبردت ولو شوي من ناري من ضربته برجله

سجاد : ولو باقي متلاوي ويايه جان حطيت طلقه براسه والعشيره غصب عنها تفصل

لديرين بال صيري زينه وفتره واروح للكوت انقل اوراقج وداومي هنا وخلي يولي

رشا : الله لا يحرمني منك عمو

ريم : خلي يولن مال الله لا يحرمني والله يحفظك وهاي الكلاوات متكول خبز عزمينا على عشوه غدوه بمناسبه الطلاك اكو احلى من هيج مناسبه قيمه نحتفل بيها

سجاد : والله اول مره أيد هاي الخبله ميصير على الناشف هيج

رشا : ههههه صار تدللون من عيووني

حجي طه : اي بابا اضحكي والله ضحكتج هي اطيب جروحي

ريم : واني بنت البطه السوده من اضحك تغيم مو بابا

حجي طه : تعالي بحضني مشتاق لصوتج الي يلعلع وسوالفج تعالي غزاله البراري

حضنته لبابا حيييل والله ميتين رعب عليه واسوي هيج حتى بس الطف الجو لان رشا وبابا اثنينهم گلبهم تعبان واذا يبقون بهذا التوتر راح يتخربطون اسولف واضحكهم رغم داخلي يبجي دم على الصار بيه بس هسه همه محتاجيني ولازم اوكف وياهم مثل ما وكفو ويايه

نهر : وحسين وين راح

حجي طه : لبيتهم من سمع دكت ابوه تخبل

ريم : على اساس هسه راح يشرمها ويذبح ويصلخ

حجي طه : يبقى ابوه بنتي قابل يمد ايده عليه

ريم : اممم ابوه وعوجت حلكي

نهر : والله علي ميتوب من سوالفه شنو دم يمشي بيه لو سم

حجي طه : الله يهدي ماكول بلي صار حسبي الله ونعم الوكيل اكوم اصلي فاتتني الصلاه

رشا : تعالو نطلع ونعوف بابا

سليل : رجعنا للبيت واول مدخلنا حضنته سحاد : شبيج حبيبي

سليل : جنت حيل خايفه عليك

سجاد : شبيج نسوان كدامج

سليل : اخاف من هاي سالفه العشاير تعرف حتى الحق مرات ينگلب باطل بهيج كعدات

سجاد : مثل ما گلبو سالفه جنات

سليل : اي هذا قصدي وجنت خايفه لايفروها عليك

سجاد : لتخافين ميفروها هو متعدي ومره ثانيه الزمي ابنج لا احطه فوكاج واثنينكم اموتكم

سليل : ااممممم ليش بله

سجاد : بدون ليش جان وكعوه

سليل : سكتت عرفت لان باسه سيف بس مردت افتح موضوع ونتعارك

سجاد : تعالي عندي فصل مهم فوك اشرحلج عليه

سليل : هههههه والله تعبانه

سجاد : ليروح بالج لبعيد لازم اشرحلج النظام العشائري سنه ٢٠١٤ لان تغيرت القوانين ولازم تعرفيها

سليل : لازم يعني

سجاد : لازم لازم واله النظام الداخلي ينهار تصعدين لو افصلج مربع مثل العشاير واخذ الحك اربع مرات

سليل : لا فدووه اصعد بدون فصول

سجاد : تعالي راح اشرحلج شرح بروفسور مو مثلي

سليل : هههههه وحيات عينك

مرت الايم وعم الهدوء والترقب منتظرين شوكت يجي شعلان ويطلك وعن طريق السيد تواصلو ويه شعلان لان بقى طرف محايد لحد متنتهي الشغله واليوم من الصبح سجاد وريم راحو وياها لازم وحده من عدنا بس اني فضلت ريم لان احسها ترتاح وياها اكثر

رشا : لبست بنطرون اسود ولازمه بيدي قميصين واحد اسود والثاني نيلي بيه ورد ابيض ناعم اني جنت بيتي ذابه الاسود لان اكول خطيه شعلان شنو ذنبه افتر كدامه بالاسود يختنك منه من اطلع او يجي احد او اروح لاهلي البسه عبالي ادمي

ريم : يمعوده مكملتي شبيج صافنه

رشا : راح اكول شى بس لتضوجين فدووه

ريم :يمعوده شكوو

رشا : اريد مااروح بالاسود حتى ليكول انكسرت

ريم : البسي احمر احد لازمج

رشا : موو علمودج

ريم : اذا علمودي لازم العمر كله تلبسي مثل مااني البسه وهم لو الاسود يرجعهم تحرم عليه الالوان ليوم الدين بس مايرجع الراح رشاوي البسي الي تحبي وخلي يشوفج شلون مرتبه ومرتاحه وممهتمه وانزعي هذا البنطرون الاسود محلو ويه القميص الي بيدج البس گابوي ازرك يطلع احلى وهم قميصج طويل مستور وشال وحطي شويه مكياج

رشا : لا ولج مو هيج عيب

ريم : احد گلج راح نروح صالون قصدت شويه باودر على كحله على مسكاره يعني رتوش خفيفه توخر الصفار الي بوجهج

رشا : مااشي هسه وبدلت ورتبت نفسي اباوع على روحي والله اني زين شكلي مو بجمال جنات بس هم زين

ريم : صفن المطي فضينا يمعوده تره مرايحه تعقدين رايحه تطلكين بس والله الي يشوفج يكول رايحه تعقد

رشا : هو اريد يشوفني شلون مرتاحه

ريم : طكي سوار ومحبس ذهب وانزعي الحلقه المن لابستها بعد

رشا : اي والله اشمرها بوجهه

ريم : عليمن حرامات ثكيله بدليها بمحبس احسن ميستاهل تنذب بوجهه ب٤٠٠ الف وجهه ميسوه الف دينار

رشا : اي والله يله كملت

طلعنا واجه عمو واخذنا تكسي وصلنا للمحكمه جان واكف وياه ابن عم ابوه وطرف من السيد جااي يشرف على الاتفاق اول مشفته ااااخ لو بيدي اخنكه وجهه جان طافي ومبين التعب عليه ولحيته مطولها يعني احس وضعه مو طبيعي ويمشي على عكاز كوه يمشي سالفه الباحثه الاجتماعيه اتلافيناها بفلوس يعني بس يطلك وانتهى صاحو اسمنه وكفنا كدام القاضي ويسأل ونجاوب لحد مكال اله ذب اليمين عليها طلكها

باوعت بعينه بكل شموخ وهدوء بيومها من الالم عاهدت نفسي ماابجي كدامه ابد لو شكد مااكون تعبانه ومتألمه ومقهوره والوضع يهز كلت لازم ابين اله منكسرت رغم اني جامه وانكسرت مليون قطعه

شعلان : حضرت القاضي اذا مصارت زحمه ٥ دقايق احجي وياها

رشا : مااريد احجي

شعلان : ٥ دقايق اترجاك

القاضي : اطلعو احجو وتعالو

شعلان : بس نطلع مراح يخلونه نحجي اهلها بره

القاضي : ٥ دقايق تفضلو وخرنا على صفحه وصار كبالي واني نار تغلي بيه بس الظاهر كدامه هادئه وبارده 

شعلان : رشا والله غلطت ارجعيلي ومااعيدها ولا اسوي شى يضوجج متعرفين شلون متاذي بغيابج رشا تعرفين بيه اعشقج وروحي معلكه بيج ارجعي وروح ابويه وداعت فرح مااخلي الهوا يلمس شعره منج ويضوجج

رشا : رجاءً لتحلف لان قبل حلفت وكلت

يشهد الله مااكسر خاطرج قيد شعره وكسرتني گلي وكلت اريدج ام بيتي حلالي تصونيني واصونج وصنتك وانت خنتني

وكتلي مااخليج تتندمين وتندمت على الساعه الشفتك بيها وعرفتك لتحجي شى انت مو كده

شعلان : اعرف خذلتج وكسرتج بس ساعه شيطان وراحت والله غفور رحيم انتي متغفرين

رشا : اي مااغفر لان اني مو الله سبحانه وتعالي اني رشا بشر حالي حال اي وحده تنجرح وتنهان كرامتها وتنداس وتترك اله أذاها يعني بربك مستحيت هسه من واكف كدامي وتطلب مني اسامحك شسامح شعلان على وحده اثنين مكافي اتزوجت بت عمي وعلى فراشي واخرها تشهر بيه كدام الزلم والناس وتكول متوفرلي حقوقي لان مريضة يايوم ردتني وكتلك لا يايوم اجيت ودخلت ملكيتني استقبلك بالاحضان يايوم نمت واني ماانام بحضنك شنو بعد الاحتياجات لو من يمي متحتاج شى بس من جنات الوصخه

شعلان : شتحجين حقج ومن اجيت وهديت عليكم والله لان عقلي طار مااتخيل ترحين مني مااتخيل بعد مترجعين لبيتج تخبلت اروح واجي مااعرف شسوي عقل ماضل براسي ردت اخذ فرح عسى ولعل لخاطرها ترجعين وحتى جنات طلكتها مثل مردتي

وردت بالف طريقه ارجعج ومنجحت رشا كاافي والله داموت لان عفتيني والحسين الشهيد اعشقج ومااتخيل يوم يمر بدونج  وهاج شوفي حالي تسكطت رجليه والله اعلم اكدر امشي عليها مثل قبل لو لا وانحرمت منج ومن بنتي وانهجم بيتي وانفضحت بين ولد عمومي مكافي العقاب هذا

رشا : اصلاً قليل بحقك هذا اني من وره سوايتك جان متت ولك ياظالم النفس گلبي وكف بله لو نعكس الايه وجاي ولاكي رجال بفرشتك ويايه شسوي

شعلان : انجبي لا افلش وجهج شنو هذا الحجي

رشا : هااك مجرد كلام متقبلته واني لان مره لازم عادي اتقبل رجلي بفراشي واكول يله نزوه وعدت واغير الجراجف وبليل ترجع تلكاني متعطره ومكيجه واخذك بحضني ولا كأن اكو شى انت من كل عقلك تتوقع هيج اسوي

شعلان : اعرف متسوين واعرفج قويه وسبب حبي الج لان قويه ودوم جنت اكول مهره

رشا : اممم مهره ومن روضتها وصارت انعم من الدخن وياك ومطيعه وطيبه مليتها كلت اشوف غيرها اعيش وياها مغامرات جديده وملكيت غير الساقطه بت عمي يعني الدنائه والنذاله انواع بس مثل نوعك مشفت

شعلان : احجي التردي بس ارجعي ولتنسين طول السنين الفاتت عمري مأذيتج ولا قهرتج وجان حبنا ينحلف بيه

رشا : جاااان  تعرف شنو معنى جااااان وبيدك خليت خيانتك ينحلف بيها

شعلان : غلطت مره اول مره واخر مره اكلج مااكدر اعيش بدونج مية موته بليوم اموت عليج واشم بريحتج بلفراش

رشا : يااا فراش يمه الي جنت تمتع مرتك الثانيه بيه تره الي تشمها مو ريحتي ريحتك انت وياها اشتم زين

شعلان : بداعت فرح عندج ارجعي زين بس ارجعي وعد وكلمة رجال مااتقرب منج ولا اوصل بس ابقي بيتج اقلها من اطب اشم ريحتج اشوف بتي تجي تركض عليه اخذها بحضني جم مره اطب انسى نفسي واصيح فرح واضل ابجي والله بجيت انحرمت منج ومنها

رشا : عساك انحرمت من ريحة الجنه هاي مشكلتك مو مشكلتي انت برجلك دفرت النعمه مو اني وهيج انت ميت على فرح مو جنت تريد ولد واتزوجت حتى تخلف الك ولد يشيل اسمك شسوي بعد بفرح

شعلان : والله كله من وره هند وامي اكلو راسي وكالو ودخلو الشيطان بيه وكمت ماافكر

رشا : لو انت تحبني ذره مااكول حب كامل ذره وحده جان مامشيت وره امك ولا اختك وهاي السوالف عيب تكولها مال كله من وره هند كله من وره فلانه عيب على شاربك الحاطه يقلل من قيمتك اكثر ما قلت ويكولون بيد النسوان شعلان الجان يهوبز ونافخ روحه وبس هو وبس صار خرخاشه بيد اخته وامه عيب نصيحه لتحجيها بعد لتصير مضحكه اكثر ماانت مضحكه هسه

شعلان : يعني مترجعين ولا تفكرين

رشا : لو تموت تعرف شنو تموت ماارجع انت خلاص بلنسبه اليه انتهيت ورجاءً حط كرامه عندك شويه ولتحاول تتقرب مني نهائياً لان اذا هلمره حجيت وياك بهدوء مره ثانيه احجي شى ماكو رجال يتقبله على نفسه ولو اني تربيت الرجال الصدك ميخون ولا يطعن وانت ماشاء الله اثنينهن سويتهن

شعلان : هذا هو التردي يجرالج

رشا : ياريت بسرعه تأخرت

ورجعنا وكفنا كدام القاضي ورمى اليمين وطلكني وطلعت واني حاطه عيوني بعيونه رغم عيونه تتهرب مني ويريد يبجي بس اني الله انطاني قوه وصبر عجيبه لان كل مااحجي اتخيل منظره ومنظرها اخر مره من جانو سوه وهذا الشى الجان يقويني ويصبرني ماانزل دمعه واحجي بكل حقد وكرهه

طلعنا واجت ريم وعمو

ريم : تأخرتو حيل

رشا : عمو فدوه خلي نطلع

سجاد : امشي يله وطلعنا امشي بقوه بس اااخ منك يلگلب شتتحمل بعد وصعدنا سياره ونباوع

ريم : وين عمو

سجاد : مالكم دخل بقينا ساكتات ونزلنا يم مطعم يله نتريك متت جوع مجوعانات

ريم : اي والله

رشا : اني مااشتهي

سجاد: مو بكيفج ادخلي يله

ريم : كعدنا نتريك وكوه اكلت رشا

سجاد : رشاوي

رشا : هااا عمو

سجاد : انتي ام واب لبنتج هسه لتنزلين راسج وتقهرين نفسج وتضيعين حياتج اليوم الصار لازم يقويج مو يكسرج

رشا : ان شاء الله عمو

سجاد : اعرف ان شاء الله هو مو حجي اريد فعل اريدج تثبتين للكل كسرتيهم وما انكسرتي

ريم : شو اني متحجي هيج ويايه زعلت

سجاد : يزيبك اااخ منج بس صحيتي اشتغلت الخطط مالتج وكدرتي اطلعين اختج من حلك السبع يعني بيومها لو منهاره رشا جان كتلته لشعلان ومااتحسف حيل بيه يطبه طوب بس يمكن طه هم يروح بلرجلين

ريم : شعبالك عمو وراك زلم مشوربه لتخاف فوت بيها وعلينا خليها

سجاد : من ناحيه مشوربه فهي مشوربه وداعت شواربج الي مبينات بلشمس

ريم : هسه عفت كلشي ولزمت شواربي غير حزينه ياعمو

سجاد : الله لايراويكم الحزن

رشا : امين

ريم : يله نكوم تره تأخرنا على الجهال

ريم : مرت اول ايام جانت رشا تبجي بدون توقف وكلنا عفناها براحتها الصار جبير لو شكد منحاول نصغره الها لو شكد منحاول نهونه

هسه احنا بشهر ١١ بدايته ٢٠١٤

طلبت من سليل نروح للنجف اريد اشوف بنتي وسامر هاي الايام كلها احلم بيهم

سليل : ميخالف نخلي سجاد ياخذ النا سياره ونروح كلنا

نهر : لا يمه اخذي اختج ورجلج وروحو وحدكم رشا بعدها فترت نقاهه وموزين عليها لهسه تتعب وابوج هم تعبان مو حمل طريق وهم راح نروح للمكبره مااريد الجهال يرحون عوفوهم هنا وروحو توكلو بالله

كعدنا الفجر وره صلاه الصبح لبست واخذت العبايه ونزلت

عمه اريد فلوس من الجوه العندي

نهر : اني انطيج يمه اذا تحتاجين

ريم : لا اريد من فلوس سامر

نهر : يمه اذا مصرف ابوج عنده وكال شتحتاج اخذيلها

ريم : لا عمه اريد اشتري كراسي مال صلاه هناك بلنجف واخليهم بالامام صدقه جاريه على روح سامر وبنتي واريدها من تعبه خطيه جان دوم يكول اشتري لابويه واخلي بجامع وبأمام ودار الوكت واني راح اشتري واخلي صدقه لروحه ولروح بنتي

نهر : الله يصبرج يمه وزين تسوين هاي احسن شى هسه اجيب الجنطه الج

واخذت فلوس واجت سليل طلعت من الباب واشوف سياره حسين وسجاد كاعد ليكدام وسليل ليوره

اختنكت مااريد اروح وياه اشرتلي سليل اصعدي صعدت وكلت السلام عليكم سلمو وانطلقت السياره فتحت الجامه جان الهوا بارد من الصبح طيب يرد الروح رجعت راسي ليوره وعيوني على الشارع واتذكر كلشي مر عليه ويه سامر ويه بنتي تنزل دموعي لا ارادياً وامسحها بهدوء ممصدكه رايحه لبنتي اشوف گبرها وگبر سامر

حسين : تتريكون

ريم : باوعت على سليل وكتلها اني مااريد

سليل : ليش شويه تتقوين وراج طريق

ريم : مااريد مجوعانه انزلو انتم اكلو مقبلو ينزلون بدوني وراح حسين وسجاد جابو لفات وبس نزلو كتلها ليش حسين يودينا

سليل : والله البارحه جان يمنا ومن كتله لسجاد على الروحه هو كال اني من اجيت من السفر مرحت للزياره اجي وياكم وهم بسيارتي واستحه سجاد يرده

ريم : والله لو ادري حسين يودينا فلا اروح

سليل : ليش ولج شبيج تكرهيه

ريم : مو كرهه بس مااحب اشوفه

سليل : بس يبقى ابن عمج وعلاقتنا طيبه بيه

ريم : لتخليني اسب عمج من الصبح واني رايحه بطريق وزياره كتلج مااريد اشوفه

سليل : بعد صارت ياعيني ومبقى شى ونوصل

اجوي وجابو لفات وريم مأكلت مقبلت بس جاي شربت وصلنا للمقبره اباوع عليها كامت تلوب ونسأل لان تيهنه رغم بلدفنه جان سجاد موجود بس هم الواحد ميندل من اول مره وكوه بعد ساعه كامله ندور دخلنا وكالت ريم

ريم : وينهم عمو

سجاد : ذاك كبرهم هسه نوكف السياره وننزل جان تفتح الباب ونزلت تركض ونزلت وراها وكف السياره حسين ونزلو

ريم : نزلت مث المخبله اريد اشم ريحة بنتي الي لهسه ريحتها بخشمي لهسه ماشبعت من عطرها وضحكتها لهسه ماما الي تكولها مكسره بحلكها ترن بأذني

وشمرت نفسي على كبرها واني اقره اسمها تهسترت فقدت كمت اشيل من رمل بصف كبرها واذب على راسي

سليل : نريد نلزم ريم ماكو فقدت حقها كوه لزمنها

سليل :ميصير هيج تسوين والله حرام عليج هذا تعذيب الهم اكعدي اقريلهم قران احجي وياهم اكيد همه مشتاقين الج

حسين : هااج سليل غسلي وجهه

اخذت غسلته وكعدتها بينهم منا بتها ومنا رجلها

ريم : هاا ماماتي شو حتى كبرج حلوو وصغير ليش ياگلب امج تعوفيني مشتاقيتي اليه اااااخ يابنتي ونمت على كبرها ريحتج لهسه بخشمي بجيت بجي وانداريت على سامر

هااا ياابو بيتي هاا يلحنين الماكسرت خاطري بيوم اشتاقيتلك سامر والله اشتاقيت لكلشي بيك شلون تعوفني وحدي مشتاقيت لهوستي مشتاقيت تضحك على سوالفي والله يوميه احلم بيك تبوسني ليش تاخذ روحي وتروح شوف حالي بعدكم شلونه حتى الضحكه تطلع جذب ماتت ريم بعدكم صوجي مارحت وياك اقلها هسه جان نمت بصفك

سليل : اسم الله شنو سالفتج كااافي ورجعت تنعي وتعيط

سجاد : سكتيها راح تموت

سليل : خليها اطلع قهرها حتى ترتاح هاي اول شوفتها الهم بلكت يبرد نار گلبها باوعت حسين يمسح بدموعه وخر بعيد عنا وراح وراه سجاد بقيت تبجي وساعه تنام فوك كبر بتها وساعه فوك گبر سامر وبقيناها براحتها وجابو مي ورد وغسلت الگبر بيدها مقبلت احد يغسله وراحت على كبر عمتها هم بجت هواي عليها

ريم : والله لو عمه حقيره جان ضليتي بس لان طيبه وتخافين الله انحرمت منج ومن حنيتج وطيبتج الف رحمه على روحج عمه مثواج الجنه ان شاء الله وغسلت كبرها

سليل : بقينا ساعتين ونص لحد مهلكت من البجي تقرا قران وتبجي لحد ما كومتها كووه

كاافي ارحمي حالج

ريم : شلون اعوفهم واروح شوفيهم شلون نايمين وعايفيني

سليل : امر الله هذا يله صيري قويه وامشينا للامام ذبي حملج على الله وبجاه الامير علي يبرد نارج وترتاحين صعدنا منتهيه العيون مورمه والشال مفتوح ومتبهذله تبهذل بقيت اعدل بيها لحد موصلنا للامام وهي بس صافنه واخذتها من ايدها للمغاسل توضت وغسلت وعدلت نفسها ودخلنا زرنا جان لازمه الشباك بكل قوتها رغم الهوسه وتشهك لحد مكملنا الزياره وراحت سألت هي وسجاد على سالفه كراسي مال الصلاه ودلوها واحد هناك وهمه يوصلوها للعتبه العلويه ويدخلون الكراسي لان يخافون من المفخخات

بقينا ننتظر اني وحسين بلصيوان  مال الامام واجوي

هاااا بشرو

سجاد : اشترت ١٠ كراسي وهدتهم على روح سامر ورفل

سليل : الله يتقبل حبيبتي

ريم : امين

سجاد : نروح ناكل صارت ساعه ٣ ونص الظهر

رحنا للمطعم اكلت بهدوء اباوع عليها رغم حسين كل شويه يغافل سجاد ويباوع عليها وهي ولا رفعت راسها ولا كأنه موجود

سليل : ابقو انتظرونه نشتري حلاوه دهينيه ونجي تردين ريمو

ريم : اي وياج كيلو من الياسري

سليل : صاار حبيبتي عادي لو بلجوز

ريم : لا عادي مااحب بيها جوز

سجاد : وانت حسين

حسين : اني هم وياك كيلو عادي

ريم : بقينا اني وحسين وشالو الاكل ودز جاي

رفعت راسي شفته يباوع عليه هااا خير

حسين : هم تكرهيني

ريم : اليوم انت وسليل متفقين عليه لو شنو

حسين : ليش

ريم : ماكو شى

حسين : مجاوبتي

ريم : حسين هسه جايه من كبر بنتي ورجلي شتريد مني ابقى اضحك واسولف

حسين : بس جاوبيني تكرهيني

ريم : لا ليش اكرهك

حسين :مااشي لتتعصبين بس ردت اوضح شغله الج تره انتي عزيزه عليه وراح تلكيني دوم وياج حتى لو تعتبريني اخو هم راضي المهم وياج

ريم : حتى وراها تفلت واشوف بس التراب وراك

حسين : جربيني وشوفي والله مااخذلج

ريم : جريت بطل المي وشربته وباوعت عليه وجريت نفس سؤال حسين

حسين : جواب

ريم : جنات عدكم

حسين : شجابها بالج

ريم : جاوبني

حسين : اي عدنا وتعاركت ويه ابويه اكثر من مره من وراها واخر شى كال اوديها لبيت خالها بس وره زواج نورس

ريم : هااا راح تتزوج اختك

حسين : اي

ريم : بيها الخير يوم الالك

حسين : متأكده

ريم : اريد شى منك

حسين : متأكده

ريم : يمعود اريد شى منك تسوي لو لا

حسين : أمريني

ريم : اريد اشوف جنات

حسين : مستحيل

ريم : مو هسه أمريني وجربيني وشوفي والله مااخذلج بس حجي دومك هيج

حسين : على كيفج اكلتيني وشربتيني شتردين منها اعرف بالاول

ريم : اريد رشا تحجي وياها تعاتبها انت مشايف حالتها تكسر الخاطر

حسين : اخااف تسون شى

ريم : عيب هذا الحجي حسين وعوف مااريد شى منك هو انت هيج دومك بس حجي تعلمني بيك

حسين : كاافي تجرحين ريم

ريم : تره الردته منك شى بسيط وتافهه قابل كتلك اريد راسها اتجيبه بطاسه ردت نكعد نحجي وياها ونتعاتب تدري بينا شكد جنا نحبها يجوز اكو سبب خلاها هيج تسوي

حسين : والله ياريم مااعرف خايف منج

ريم : مشكور مقصرت مااريد

حسين : لتزعلين مااريد مشاكل وطلايب

ريم : مره وحده صير كدها وبطل تتردد كتلك نكعد وياها نص ساعه زمان ونكوم وهاا بيتكم بعد شتريد حتى تأمن ومتقلق اخاف نذبحها وندفنها

حسين : هو انتن مال ذبح

ريم : تكدر لو لا

حسين : سهله بس بدون مشاكل ريم

ريم : وعيونك نكعد حبابات نحجي وياها اني ورشا نص ساعه ونكوم بس كون ماكو احد بلبيت

حسين : عادي كلهم يطلعون وخاصه هسه امي حايره بتجهيز نورس وهوايه يطلعون وابويه بلشغل بس بيبي وهي دوم بغرفتها كاعده وساكته ومتكدر تتحرك

ريم : شوكت نشوفها

حسين : باجر انسب وكت بس هاا بشرط

ريم : اهوووو كام يتشرط منريد

حسين : يمعوده اوكفي اااخ منج شكد عجوله شرطي ابقى يمكم

ريم : بس بره خوما يمنا لزك لان تعرف سوالف نسوان

حسين : عادي المهم مااعرفكم وحدكم

ريم : هيج تخاف عليها انهجم راسها كون

حسين : مااخاف عليها اصلاً ميت منها ولو بيدي اذبحها بس مااريد تكبر بين ابويه وابوج كافي الصار

ريم : هاااي سهله بس سوينا طريق وان شاء الله كل الخير يصير

حسين : انطيني رقمج مااعرفه

ريم : هاااك انتظر اتصال منك الصبح مو تنسى حسين

حسين : شلون انسى صار المهم ترضين

سليل : تأخرنا عليكم

ريم : احسن شى سويتي

سليل : ليش

ريم : هاااا ماكو شى يله خلي نرجع راح تغرب

رجعنا لبغداد ودخلت سبحت ونمت واخذت تيومي بحضني وثاني يوم كعدنا

تريكنا وبيدي التلفون الوب

رشا : شبيج مو على بعضج

ريم : ماكو شى

شويه ودك طفرت ركض بلهول

حسين : صباح الخير

ريم : صباح النور بشر

حسين : حضرن نفسجن جاي بلطريق

ريم : عرفت جنات جايين

حسين : شلون اكول الها غير تكول لابويه

ريم : جيد ركضت على رشا كومي

نهر : شبيج يمه خلي تاكل بعدها

ريم : مو عندي غراض اريد اشتريهم اريد اسوي ثواب بيدي لرفل وسامر

نهر : اني اجي وياج يمه اختج تعبانه

ريم : خلي تجي تغير جو ولج كوومي واغمز الها افتهمت

رشا : خلي اروح وياها عمه اغير جو وهم صبح بعد وكت ماطول الجهال نايمين

نهر : يمه ساعه ١١ يا بعد وكت بس انتن عدجن بعد وكت

ريم : المهم السوك مفتح يله بسرعه

صعدنا فوك

رشا : شكوو وجع شصار

ريم : البسي بسرعه رايحين لجنات

رشا : وين للكوت

ريم : باع هاي الطرنه ياكوت هنا بيت عمج الشفيه علي عدهم وحسين جاي ياخذنا كتله رشا تريد تعاتبها

رشا : خلي تولي ولا اوصخ لساني بيها

ريم : اسمعي رشا اذا مترحين اني اروح لان مااتحمل  وحده تعيش بنصنا ونحسبها حالها من حالنا وادك الناقصه بينا وتاخذ رجل اختي وتهدم بيتها ونعبرها هيج الها اعذريني ايام سوري خيه رايحه تردين ضلي

رشا : لا لا جايه عندي هواي اسأله الها اريد اعرف ليش هيج سوت

طلعنا نركض وعمه تهز بيدها وتكول للدياحه والسواكه تركضن وللشغل مابيجن حيل بسناها وكتلها ادعينا النصر او الشهاده

نهر : ياستار خبال روحي ترجعن بلسلامه

صعدنا بلسياره اني كعدت ليكدام ورشا ليوره

حسين : مثل متفقنا منريد مشاكل

ريم : احنا وجوه مشاكل ياعيني انت بس وصلنا ومالك دخل

وصلنا للبيت طبينا ااااخ هذا البيت شكد جنت اباوع عليه من شباك بيتنا واتحسر عليه واكول ياريت اعيش بيه يوم

طبينا هدوء

وينها

حسين : فوك بغرفه نورس

ريم : صاعدين الها

حسين : خو اصيحها تنزل الكم

ريم : انت ابقى هنا اخاف احد يجي واني ورشا صاعدين يله رشاوه نحجي وياها وننزل

صعدنا واباوع رشا عيونها نطت فتحنا الباب جانت تلبس ابنها جفلت من شافتنا

جنات : شسون هنا

ريم : ماكو شى جايين نسلم عليج

يتبع ....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الخامس_والثلاثون

المو گد المهابه يعيش مامهيوب

             ابنادم هوه بيده يصوغ منزلته

حسب صوغه الذهب ينحط حجل لو تاج                       

                  لو يحضن رجل لو روس شايلته

جنات : شسون هنا

ريم : ماكو شى جايين نسلم عليج هلوو حبيبي اموري ورحت سحبته من ايدها

هلو خاله لعد وين تيومي

ريم : تيومي بيت جدو طه شلونك بلمدرسه انطيني بوسه لخالتك بسته افييش فدوه لگلبك

زين واخذ عشرات

ريم : عفيه بلسبع حبيب خالتك

جنات : عوفي

ريم : خزرتها وكتلها ماما جنات هسه نجي

لزمت ايده تجي نروح نشتري

اي خاله اشتري اخذته ونزلت جوه وعفت رشا وجنات وحدهم وسديت الباب ورايه

نزلت وبيدي امير واسولف ويااه

حسين : هااا شصار

ريم : شلحكنا شبيك حسين هاك اخذ امير اشتريله

حسين : وكت شرايه هسه

ريم : روح حسين اشتري لاموري الحلوو تحب عمو

اي احبه

ريم : شفت يحبك اشتريله وتعال

حسين : شراح تسوون

ريم : هااي شبيك شنسوي قابل كاعدين مثل الاوادم نسولف كلها نص ساعه تفض ونطلع

حسين : ريم گلبي يلعب والله

ريم : لتبسمر كلامك يغث حيل لتضوجني منك حسين ولتلح روحي اشتري لاموري وتعال واني واكفه هنا انتظركم وهااا جيبلي وياك شربت حبيب

حسين : ياشربت هذا اول مره اسمعه

ريم : اكو اسواق يم اهلي يبيعوه جيبلي منه

حسين : خوش تزحلكين

ريم : باوعت صفح وكتله متريد تجيب لتجيب المهم روح اشتري لاموري او الافضل اشتري ودي يشوف تيومي تريد تشوف تيومي

اي خاله هو وفروحه

ريم : سمعته شكال اشتريله ودي لعمه نهر وتعال

حسين : واعوفكم وحدكم

ريم : شبينا اطفال رضع وتخاف نغص بلممه  روح حسين

حسين : مااروح ريم الوضع بدا يضوجني امشو ارجعكم

ريم : تقربت منه وكتله طلبت منك لتردي ولو بس هاي المره ودي امير بسرعه وتعال لخاطري بلع ريك وكاال تبقين هنا متصعدين

ريم : صار باقيه وين اولي هنه ضراير بينهن اني شلي دخل مجرد طبابه خير

حسين : الله يستر من الخير مالتج تعال عمو نروح

ريم : اخذه وطلع بقيت اباوع بلبيت اااي تذكرت شى وتقرب من غرفتها وفتحت الباب ولكيتها على جربايتها وكاعده وراها المخده وبيدها السبحه هلوو نعوم شلونج

جانت تحجي بصعوبه بس كلامها مفهوم

انعام : انتي منو

ريم : ياااا هيج كبرتي وصار بيج زهايمر ونسيتيني اني حبيبتج ريومه ريم الزركه الملحه وراها صرت البكعه القابي منج لو نسيتي

انعام : شجابج هنا امشي اطلعي من بيتي

ريم : اطلع لتخافين قابل طاردتني من الجنه بس عدنا هنا بارتي صغيره نخلصه ونروح اااااخ منك يازمن صدك وكالو كل قوي للزمان يلين

انعام : بت الگلب تتشمتين بيه

ريم : الصراحه الشماته حرام وعمري متشمتت بشر لا عدو ولا صديق  بس انتي بلذات اي اتشمت بيج لان ماكو شغله غمه صارت بينا غير من وره راسج عفيه مره متموتين ضاله على گلبنا شكد عمرج بيبي ميه ميتين سنه صار شكد عايشه اتمشى داخل الغرفه واسولف وياها

انعام : ترملتي ودفنتي بنتج ولسانج شطوله

ريم : رجفتني وكتلها الله يرحمهم بلجنه ان شاء الله بس انتي وين راح يخلوج من تموتين حتى الدرك الاسفل من النار هم قليل بحقج يمكن يخلوج ويه خانه ابو لهب وفرعون تصير خانه مال شواذي

انعام :ساقطه على امج شترجى منج بت سندس بعد وطه الگلب

ريم : مره جبيره مااجاوبج تدرين اني فرحانه بشوفتج هيج جنت اتذكر حالنا من نريد احد يلفينا لو من نفوت منا نتختل حتى لتضربينا شفت ايام وياج سوده مصخمه اااخ شحجي على ياضيم عيشتي لبابا وراها احنا وختمتيها بيه وحركتي حسين حتى يفصخ الخطوبه وحركتي گلبي

انعام : حيييل بيج لو تموتين متصيرين جنه بهذا البيت

ريم :مااريد قحط صرت جنه لبيت يسواكم كلكم بس الحظ الي ما حواه وخلاه على راسي وراس جهاله الف رحمه على روحه المهم نرجع لموضوعنا شفتي الكسره من تصير شكد تأذي هذا حالج عايفيج ورايحين

وسمعت متنازله لكلشي لعلاوي ابنج يوم عيد ويطردج بلشارع نذر عليه اوزع جكليت واهليه بكل امام اطبله

انعام : لك حسين تعال ليه طلعها لهاي الادبسسز

ريم : حسوني راح دزيته بشغله تردين شى اني اسوي وتقربت منها وحطيت ايدها على وجهه خافت مني

ريم : تدرين هسه اذا اخنكج وتموتين محد يدري مره جبيره وعدها جلطه وماتت وجم فلس للطب العدلي وانتهى الموضوع

انعام : ولك يمه حسين راح تكتلني وينك علي نوريه وينكم

ريم : ماكو احد لتعيطين واتعبين حنجرتج الذهبيه

انعام : شراح تسوين

ريم : اباوع عليها شلون خايفه مني كتلها ياسبحان الله اشوف بعيونج نفس الخوف الي بعيوني من جنت صغيره واتختل منج اخاف تلزميني وتضربيني لو تجرين شعري

انعام : روحي مني والله اخلي علي يجي يحركم حرك

ريم : شغله ضاله بگلبي وامنيتي اسألج عليها انتي حركتينا من جنا صغار

انعام : الحكوني راح تكتلني

ريم : بس جاوبيني واروح

انعام : مو اني روحي الله ياخذج انتي وابوج وخلفته كلها عساه بحركة گلبي مثل ما كتل سلام وخلاني انوح عليه

ريم : تدرين نعوم الحلووه اني لهسه مااعرف سبب كتلت سلام شنو بله احجي لا أذيج

انعام : من وره امج واختج الساقطه الجبيره اتبلن على ابني الله لايوفقهن دنيا واخره

ريم : كملي شو سكتي وحطيت ايدي على التاج مال الجربايه خافت حييل احجي بيبي لتخافين بعدني افكر لو اخنكج لو لا

انعام : ولكم الحكوني

ريم : تكملين لو ابدي اخنك

انعام : لج اني انعام زلم مشوربه ما كدرتلي انتي تكدرين وكامت تكح

ريم : وداعت الكحه مالتج هاي وانعام گبل مو مثل هسه شوفي نص لشتج متتحرك بعد شلون بعد مااكدر والله لو ما مره جبيره اله احطج فوك ذيج الدايحه ام الزلم واطلع بيجن ضيم كلبي كله من يوم انولدت لحد هسه كملي بشنو تبلن بله امي واختي

انعام : وتعوفيني

ريم : صار اعوفج احجي حجيه هههههه والله هذا اللقب عيب اطلقه عليج احس داسب الحجاج لان اخليج وياهم بنفس المنزله كملي يا انعام خانم

انعام : اتبلن وكالن تعدى على سليل وهو ياعيني العيبه ماتطلع منه وابوج الكواد الغيره سزز هجم عليه وكتله اااااخ ماخذت حقك سلومي اله يوم واشوفه مهدوم واخذ حقك منه لو يوم من عمري

ريم : بقيت صافنه يعني سلام تحرش بسليل وبابا كتله عزه ولكم انتم شنو لا ام بيها خير لا ابن لابت اخوه لا جنه عائله ملكطه تلكط حقاره اريد خير وشريف بهذا البيت ماكو

انعام : كلتي تعوفيني

ريم : والله اذا اشرب من دمج هسه ميبرد گلبي باوعت هيج عليها وكتلها ربج رحيم بعباده والحوبه تبطي بس ماتخطي وهذا البي انتي اول الحوبه اني لان اخاف الله راح اعوفج لان مره جبيره وهم مااريد الوث ايدي بيج بس راح تتذكرين كلامي اذا مصارت الحاجتين جواج على سواياتج مااتسمى ريم اذا متضوكين جزء من العذاب الي عذبتي النه وتبهذلتي مثل ما بهذلتينا

بس اكول اذا عندنا حق عند الله اريد منج دنيا واخره مو بس اخره  وسمعت عيطت رشا

رشا : كعدت على القنفه اكو قنفه وحده بلغرفه وجنات واكفه بعد مسدت الباب ريم واخذت امير وراحت وبقينا وحدنا تعالي اكعدي يمي

جنات : شتردون مني

رشا : تعالي اكعدي اريد احجي وياج

جنات : واكفه هنا مااريد اكعد

رشا : لهاي الدرجه خايفه مني

جنات : لا مخايفه

رشا : مبين من هيج تخافين تكعدين يمي

جان تجي بهدوء وكعدت بصفي بس بنهايه القنفه

رشا : سولفيلي بله ليش هيج سويتي

جنات : مو من حقج تسأليني

رشا : هااا مو من حقي بس من حقج تاخذين رجلي وتنام بفراشي مو

جنات : شتردين مني

رشا : اني سمعت منه لطليقي المحترم وكال السبب امه واخته تعرفي يحبي (يمشي) هستوه وصغير ويخاف منهن لهذا يسمع كلامهن عوفينا منه اجي عليج انتي شلون كدرتي اطعنين بيه اني شنو الي سويته الج وكسرتيني هيج

جنات : شى خااص بيه

رشا : جريت نفس وبگلبي اكول اشش اهدي ولتخربين كلشي

وحجيت بهدوء وياها تدرين اني ايام ماانام مو بس من خيانه شعلان يبقى رجال ونفسه دنيه واكول حلت بعينه ورادها تصير مو شى غريب بس الي كاتلني قهر انتي شلون قبلتي على نفسج واذا رايده تتزوجين ليش عفتي كل هاي الزلم الظاله وركضتي وره رجلي انطيني مبرر واحد بس والله حتى ابرد نار گلبي احلفج بأمير وبعافيته هو وحيدج ليش قبلتي على نفسج هذا الشى احجي لتسكتين خليني افهم مو حتى عقلي راح يوكف كلت اذا على الفلوس انتي ممحتاجه وعندج بلمصرف وهم مصرفج يمشي واحتياجات ابنج كامله اذا علمود احد يلفيج بيته انتي كاعده معززه مكرمه بيت ابويه ومحد كالج على عينج حاجب ومعتبريج حالج من حالنا شنو الصار وخلاج تتقبلين تنامين بفراشي ويه رجلي وقبلها تجازفين بنفسج وسمعتج واطلعين ويااه هو المصخم كال اريد ولد واحتياجاتي الخايس انتي شنو الي خلاج تسوين هيج بقيت ساكته ونزلت دمعتها

احجي ابوس ايدج احجي مو گلبي راح يوكف من التفكير تعبت على ساعه اتخبل كل مااتذكر منظركم اكول ليش هيج سوت بشنو الي اجرمت وعاقبتني احجي جنات حلفتج بأبنج

جنات : حبيته

رشا : احس طلقه وزرفت صدري وطبت بگلبي وكتلها حبيتي

جنات : اي احبه لشعلان ورضيت اصير مرته بهذا الوضع لان حبيته

رشا :ليش شعلان اكو غيره احسن منه

جنات : شفت حنيته على ابني وطيبته وشلون مدللج وشلون يطب ويطلع يبوس بيج تمنيت رجلي يكون هيج

رشا : كملي لتسكتين اسمعج

جنات : والله بلبدايه مو بالي ولا فكرت بيه وجنت استحي حيل منه والي خلت الفكره بالي هند كالت ليش منتزوجين اخويه شو يدلل المره ويراعي الله بيها شوفي بت عمج شلون مدللها رغم خلفتها بنيه انتي شو احلى منها وخلفتي ولد بس تقربي منه وخلي يتعلق بيج ويتزوجج وبس تجيبين الولد انتي تصيرين كلشي بحياته بلبدايه زعلت منها وضجت ورزلتها بس وره فتره كمت اتعمق بحركاته بسوالفه بضحكته بكلامه وياج وحنيته عليج واكول عدي الله يرحمه ولا جان يسوي هيج شى ويايه يطب ويطلع حجه الاكل كال الشغل ومااسمع كلمة حبيبتي منه بس وكت مصلحته وشعلان يطب ويطلع لو ام فروحه لو حبيبتي عدا سوالفه وياج

رشا : وانتي متحملتي اكلتج الغيره وكلتي شلون ابقيهم مرتاحين

جنات : والله موبيدي تعلقت بيه كمت مااشوف غيره كمت انتظره بس يطب البيت خوما من يكول من رخصتج ام امير سويلي جاي لو بيدي احطله روحي بالاستكان كامت عيوني اتبعه وين ميروح ومن تاخذي وترحين للغرفه جنت اشب نار وانطفي ومااعرف شسوي هذا الشى مو بأرادتي وانهزمت كلت ارجع للبيت واتعوذ من الشيطان واسكت كمت الليل ماانامه اشتاق لضحكته لصوته لريحته من يطب كمت احس الغرفه الاني بيها سجن واريد بس اطلع منه ومصدكت من هند رجعت اتصلت وتحاول تتقرب مني وتحجيلي عنه احس باب السجن انفتح الي ورجعت النار بصدري شوق ولهفه عليه هاي مشاعر حاولت اتحكم بيها وداعت ابني حاولت بس مكدرت من اشوفكم سوه مدري شيصير بيه

رشا : اااخ ياگلبي شتتحمل واني اسمع شلون جنات تتغزل بيه وشلون جان نفسها بيه واني الثوله ممنتبهه كوه لزمت نفسي مااموتها اريد افهم الصار

زين كولي حبيتي وهند تقربت منج  شنو بعد الصار

جنات : مو مهم شصار المهم هو هم رادني ومن طلبني ترددت بلبدايه خفت لحد يعرف بس هو كال أجرلج بلكوت واتعاركي وياهم واكطعي علاقتج بيهم وبعد محد راح يعرف مكانج كتله شلون اتعارك كال نشوف وكتلها شنو الحجه ومن حبي اله ردت بس اصير مرته وهند يوميه تخابرني وتقنعني وشفت كلامها صح من حقي اعيش اني بعدني صغيره وحلوه ومقاصرني شى وشعلان من حقه يتزوج اثنين وهواي هنا يتزوجون اثنين وعايشات مرتاحات وحده مالها دخل بلثانيه  ومتإكده اذا خلفت اله ولد راح يحبني

رشا : هاااا يعني تردين نعيش سوه ضراير والله حلووو واهز بيدي نسيت اسألج مخطبج من علي عمج مثل مكال موو لان مدخلت عقلي وخاصه عمه خضير ملعب ويعرف  شلون يلوفها شوو سكتي

جنات : الردتي عرفتي وطلكني وراح شتردين بعد مني

رشا : شلون الج نفس تاخذين رجلي جان تكوم تعيط

جنات : مااخذت احد هو رجلج كتل نفسه حتى اتزوجه روحي حاسبي

رشا : مستحيتي من ابويه من عدنا مكلتي شكول الهم اذا عرفو

جنات : طز ميهمني احد بقيت طول عمري احسب لخاطر فلان وخاطر علان وعشت حياه طايح حظها وصرت خدامه لليسوه والمايسوه منو جان ويايه منو وكف ويايه

رشا : بس مو مثل الحياه العشناها جوع وقهر وحرك واب ماكو وام تزوجت وراحت مو معناها عشنا حياة موزينه لازم ادمر حياة غيري شنو هذا الحقد العندج واحسن مصايره سباعيه براسي وهدمتي بيتي واذيتي عمج الي فتح بابه وبيته الج جان صرتي سباعيه براس امج الي شمرتج وراحت لو براس خالتج الخلتج خدامه الها ولبنتها لو هذا عمج علي المجان يعرف كلشي عنج وتالي بس سافرو شمروج عند بيت خالج جان صرتي سباعيه على كل ذوله واخذتي حقج منهم لو بس كادره علينا انتي كتلتج الغيره شلون كاعده ومستقره بيتي وشلون خواتي يحبني وعندي اب يسوه راسج انسانه حقوده وحسوده هادئه بس تنكطين سم

الله يشيلج الله لايوفقج وكمت اعيط متحملت كاافي هدوء

ريم : طفرت على عيطت رشا وركضت ليفوك شفتها تعيط وذيج هم تعيط

جنات : عرفتي هسه امشي اطلعي بره اني هم خسرت كلشي بسببج اذا انتي مرايته المن خليتي يطلكني

ريم : يااااا فوك شينه كوات عينه

رشا : اسمعي شتكول العينتين ازوجته لان تحبه ولج تحبه ومتابعه كل حركه منه

ريم : حبتج حبايه كون شوو تعااي وركضت عليها جان تلزمني رشا

رشا : عوفيها خلي تولي لنوصخ ايدنا بيها بس اكولج عسى حركت گلبي بگلبج كون ياجنات وبعزيز روحج والله لا يراويج يوم عدل

جنات : اطلعن بره لا والله اعيط هسه والم الجيران عليجن

ريم : باوعت على رشا وكتلها اكتفيتي منها حجيتي بردتي نارج

رشا : متبرد ليوم الدين الي الله ماكول غير شى امشينا نطلع تسوه عمرها هسه من بيت لبيت ذليله حالها حال الجلب الاجرب صايره علج بحلك الكل وتاليها ترجع لبيت خالها خدامه يتحارش بيها الرايح والجاي هو هذا مستواها

امشي طلعنا ونزلنا الدرج وهي بقت فوك

رشا : اباوع ريم ادور هنا وهنا وطبت للحمام جابت الماسحه وصعدت وسحبتها من ايدها وييين

ريم : اذا انتي برد گلبج اني بعده مبردان

رشا : عوفيها يمعوده لتروح تذب تهمه براسنا وبابا يتأذه

ريم : وروح بنتي الماتت وماشبعت منها اله اكسرها وخري انتي مره عندج القلب

ودفعت رشا وصعدت

دخلت عليها الغرفه وبيدي الماسحه هي كمزت مخروعه

اليوم اطلع الحب الحبيتي لشعلان من راسج ومن كل مكان بيج اله اخليج تكولين شجاني وحبيته لمشعول الصفحه وهي تركض جان الزمها من شعرها حيل ودك بلماسحه على ايدها وعلى راسها تريد تدفعني متكدر طبت رشا تركض

رشا : يمعوده عوفيها جان اكولها هااي النامت بفرشتج وشمت رجلج واخذته من بيته وبنته واخذته من حضنج تستاهل الكتل لو لا وعطت بصوت عااالي وارجف تستاهل لو لا ولج حب اسنين وعشره دمرتها تستاهل لو لا

رشا : تستاهل وجان انزع النعال ودك على راسها استلمناها اني ريم وهي عياطها اخذ الدنيا وتضرب بينا وهم تجر شعرنا واذتنا بس ريم أذتها بلعوده اكثر مني وهي الي خلتنا نسيطر عليها

اني اضرب واعيط واكول الها وليش كح بربوك مالكيتي غير رجلي شلون الج نفس تاخذي مني ام الزلم حالج حال امهات الملاهي على كد الساعات اطلعين ويااه واضرب ملخته لشعرها

ريم : جيبي المكص شوفي وينه وهي تعيط الحكوني راح يموتني وتدفع وتضرب عضتني حييل من ايدي شاغت روحي جان ادفرها برجلي على بطنها خليتها متجر النفس ودك بلعوده على ايدها وظهرها لحد مطكت

رشا : ادور بلمجرات على المكص مااكو تالي لكيته وجبته بس احس گلبي بدا يوجعني

ريم : انطيني وجان الزم شعرها واكصه وهي تصرخ كل صرخه ركعتها على حلكها حيل وعلى خشمها حاصرتها بين رجليه مثل الكتكوت المبلل كمشت شعرها ملخته ناس كصير وناس طويل وخرت رشا وكتلها وخري انت گلبج كاام يوجعج لان تلهث

وجان اسحلها من ماتبقى من شعرها سحل وهي ترافس بيدي اخر شى وصلت الدرج ودفرتها على بطنها اكثر من مره برجلي بكل قوتي انتهت حتى صوتها انتهى كوه يطلع ردت اشمرها من الدرج من حلات روحي جان يطب حسين ركض وسحبها من ايدي

حسين : تخبلتن هاي وصيتي لج هاي شمسويه

ريم : اوكف انت دنكت عليها وهي نايمه بلكاع الحلك والخشم دم والشعر مهلس وكوه تجر النفس وتبجي وتون اسمعي لج اذا جبتي طارينا بشى وتراب النامت بيه بنتي ورجلي ياجنات اخليج العمر كله تبجين وهاااا اخليج كل خميس ترحين لابنج تزوري بلنجف اياااج تكولين احنا وشفتي بلبيت وصلنا الج ماكو اسهل منها نوصل لابنج هاي جره اذن صغيره ولو انتي المفروض تموتين حتى اني ارتاح مو رشا تفووو عليج وعلى البطن الشالتج يانكسه

رشا امشي كاافي تعبت

ريم : لزمت ايدها وكتلها امشي وانت توصلنا لو نروح تكسي

حسين : تخبلتي هاي سوايه تسويها جنات تسمعيني احجي لج هاي كاطعه النفس

ريم : لتخاف عار متموت شفتك عاار مات هاي وحده والثاني بلغرفه الجو ظالات على گلبنا كاام يعيط حسين

حسين : اني صوجي جبتج انتي مخبله صايره

ريم : حير بت عمك احنا ناخذ تكسي ونرجع للبيت امشينا رشاوي جان ادفر جنات على ظهرها عاطت

شفت مميته مو كتلك

حسين : امشي روحي وحسابج بعدين ويايه

ريم : هله بيك ابن عمي البيت بيتك بكل وكت يله خيه نروح تاخرنا جعت وابني عايفته وحده

نزلنا واخذت رشا وصلنا لمدخل البيت عدلنا شعرنا والحجاب لان مهوسات لحظه اوكفي وركض على انعام فتحت الباب جفلت

مديت راسي كتلها سمعتي عياطها لبت ابنج جان امنيتي اسويها بيج مثلها اااااخ جان صارت الحياه لوز  بس يله هسه منكر ونكير بلگبر خوش يستلموج جان اسمع عياط حسين ولج رييييم دزيت بوسه بلهوا وكلت باي نعول

طالعين هاي شبيك واخذت رشا ورجعنا للبيت لكيت عمه تلوب اول مطبينا

نهر : وين جنتن وشنو هذا حالجن

ريم : اروح اسبح تعبت

نهر : انتي بلذات لتتحركين وين جنتو وليش حسين جاب امير وكال بعدين افهمج عمه

ريم : اروح اشوف تيومي من رخصتج وجان تجرني

نهر : مو احجي وياج

ريم : عندج رشا هي تفهمج عفتهم وصعدت والله هلكتني حتى جتوفي وكفت فتحت الباب لكيت تيم وامير وفروحه يلعبون

اخذت المنشفه وسبحت وطلعت باوعت على امير والله حرامات انت ابنها

صعدت عمه تركض صخام بوجهجن شسويتن شراح يخلصنا من علي وامي

ريم : اذا على امج صايره مكناسه اي نفع مابيها مو ذيج الاوليه

نهر : ولج ريم كله من وراج ليش هاي المشاكل ناقصنا

اخذت عمه وطلعت من الغرفه وكتلها

بربج عمه احلفج بأبويه اعرف اكثر واحد تحبي بلدنيا ما تمنيتي بيوم تكتلين مرت سامي وتبردين نار گلبج جان ادمع عيوونها وكالت على هيج منوال كل واحد يتزوج اثنين والثانيه تنضرب محد يتزوج

ريم : اكو فرق عمه اكو زوجه ثانيه محترمه نفسها ومحترمه زوجته الاولى وهو هم حاط حق الله بينهن ومقدر الاولى وحصل رضاتها يله تزوج يعدل يحترم الانسانه العايش وياها مو يعتبرها رجل كرسي بلبيت ومالها مشاعر وهواي رياجيل متزوجين اثنين وعايشين على حب الله ليش لان رجال يخاف الله واحترم زوجته الاولى وبلغها والي يمشي صح من الاول الله يوفقه اني قصدت على الي ينام يم مرته ويكذب عليها ومبين الها بس هو وبس بالاخلاص والوفاء والحب  وطب تلكاه متزوج فوكاها وهي ممقصره ويااه ومراعيه الله بيه

نهر : بس سامي تزوج لان اني مااخلف

ريم : ويااج بس جان على الاقل يحترمج يقدرج يجي ياخذ شورج مو يتعامل وياج انتي والماكو سوه ويخليج مضحكه للشماته

عندج رشا بشنو مقصره ويه مشعول والله خلفت بنيه وفوكاها اخذها عن حب ودك الناقصه بيها اني اليوم بردت النار الشاعله بيها وحتى الشاعله بيج وبينا كلنا دكت جنات وشعلان متفوت هيج واذا شعلان رجال ومنكدر نضربه فجنات مره ونكدر نصيدها وهي عليها نص الحق ولازم تتأدب  ولو مشعول هم اكله طلقتين من عمو بس مبرد گلبنا الي ميغزر بيه الملح والزاد والعشره يستاهل الذبح مو بس الضرب واذا تردين ذيج بت اخوج روحي الها اكيد كاعده تون عفتها تخبل ولا عظمه صاحيه بيها

نهر : يمه اخاف على ابوجن

ريم : ابونا شاف اشكال بقت على هاي وماكو دليل ضدنا ضربناها بس ابن اخوج حسين اذا شهد وكال هنه واذا صار ضدنا والنبي اكول هو الجابنه حتى نضربها واسحله ويانه وعليوي اخوج مستحيل يقبل ابنه الوحيد المدلل يروح بلرجلين

نهر : اااخ منج مرات والله اخاف من عقلج من يفكر

ريم : كملتي الغدا الجهال جاعو

نهر : الجهال لو انتي

ريم : والله الجهال اصلاً من كثر ممرتاحه احس روحي ماكله دليميه وراها شاربه لبن ومرتاحه فوول هذا شعوري

نهر : وامير يبقى هنا

ريم : اي مااريد يشوف امه جان تصعد رشا

نهر : شعجب ماعفتي يشوف امه هيج

ريم : لا عمه مو لهاي الدرجه اني هم عندي ولد واخاف عليه ولتنسين امير تربى عدنا والله شاهد احبه كلش ومالي دخل بأمه الگلبه يبقى طفل وماله ذنب بلي يصير مكافي امه جنات الله يعينه من يكبر شلون

رشا : واني رجفت من هددتيها والله كلت هاي تخبلت

ريم : شون لعد اخوفها ماعدها غير امير هاي شبيج رشاوي تتوقعين اسويها بس ردت اجر بوشها الحثاله اني امير اذا صار عليه شى اتخبل كلش احبه ليش دزيته هنا مردت يبقى باله احنا ضربنا امه

نهر : اذيتنها

ريم : لا كلشي مسوينا شوي رضوض على دفرات على كص شعرها على سحل عوده الماسحه طكت عليها

نهر : يايمه شمسويات بنات سندس

ريم : يمكن هاي الشغله الوحيده الي اشكر سندس بيها ماطلعنا خوافات واخذنا وكاحتها

نهر : الله يستر من يعرف طه شيسوي

ريم : بابا عوفي عليه بوسه بوستين اراضي بس بلغي سليل وعمو اخاف يصير هجوم كاسح عليهم من علي عدهم خلفيه عن العمليه الانتحاريه مالتنا

رشا : والعمليه تمت بلنصر والحمدلله

نهر : وحدتجن شطولها وشكبرها وامهات وماعقلتن الك بيها ايراده ربي

سليل : اجتي عمه العصر خطيه خايفه وحجتلي عمه على سوايه البنات وتخبلت خفت اكول لسجاد ورحت ركض وياها الهن لكيتهن كاعدات والجهال بصفهم وياكلن شاميه 

سليل : انيال برودجن

ريم : ليش شمسوين

سليل : ابد بس راح تصير طلابه شكبرها

ريم : عادي فصل وعشيره موجوده وتفصل

نهر : عركه نسوان مابيها فصول

ريم : الف رحمه على جدي سمعتي مابيها رايتنا بيضا ان شاء الله

سليل : واذا اشتكو بلمركز

ريم : اكو فلوس جم فلس للضباط يطلعونا اذا مو فروها على جنات بلعراق عندج فلوس تكلبين الباطل حق

سليل : وبابا شلوون دخيلك ياابا الحسن اوكف ويانه بهاي الشده جان تطبك سياره واندكت الباب طلعت عمه طلع حسين

طب صاير نار

حسين : هاي سوايه ريم تقشمرين عليه مو عيب صغير كدامج امنت بيج واخذتج لبيتنا وكلت بس تسولف وياها وهاي تاليها

ريم : ليش تعيط نصي صوتك

حسين : ياصوت ولج البنيه جان ماتت

ريم : يطبها طوب

نهر : يمه حسين على كيفك

حسين : عمه جنات طرحت جانت حامل ومتدري من وره ضرب ريم و رشا

ريم : يااااا مو كتلجن رايتنا بيضا لو ما العيبه اهلهل بس حزينه

حسين : انتي شجاج هاااي شنو هاي الهمجيه الانتي بيها مستحيتي ويأشر بيده حييل عود مخلصه كليه ومتعلمه شخليتي لبنات الشوارع مو عيب عليج شنو هذا التخلف الصايره بيه

ريم : اي همجيه ومتخلفه وشتريد تكول كول هي هاي اني حقك ماالومك لان البيده بلمي مو مثل الايده بلنار حضرتك ماشفت اختك بالانعاش هاك ذيج اختك عروس وشحلاتها وتجهز نفسها وفرحان بيها راح تشوفها بلبدله البيضه وتأمن عليها يم رجلها وتنام مرتاح وتمر السنين وبيوم يكعدوك ويكولون الك اختك بالانعاش وانت وربك او تصحى لو متصحى شنو شعرك هااا تخيل نورس هيج شنو راح يصير بيك ومن تكعد تكتشف رجلها متزوج بت عمك ومنومها بفراشها راح تحضن بت عمك وتكول الها غلطه وصارت انسي لو تسامح رجل اختك وتكله يله نزوه واختي طبها مرض مكبره الشغله واذا تزوجت حلال الله هذا من يصير بنورس هيج وتتعامل بهدوء تعال عاتبني مو واكف وتعيط وتتجاوز رفعت اصبعي بوجهه وكتله ايااك بيوم تتجاوز بعد مااسمحلك واذا الدفاع عن حق اختي تتسمى همجيه وتخلف وزيد عليها اذا تحب ممتربايه عادي اني هيج عندك شى يمي بعد لو كملت هوستك

نهر : كاافي ريم

ريم : تعاال ماما تيومي واخذت ابني وصعدت

رشا : صافنه يعني حاامل جانت حامل جنات مدري افرح لان وكع واكيد شعلان من يعرف يموت قهر مدري انقهر لان حامل صعدت وره ريم وفتحت الباب وكتلها حاامل سمعتي ركزتي جانت حاامل

ريم : طبعاً تحبل لعد جانت تلعب وياه توگي هاي شبيج رشا

رشا : هسه يرجعها

ريم : واذا رجعها عندج شى ويااه تردي جاوبيني

رشا : لا

ريم : لعد من اليوم تسدين الموضوع والتفتي على بنتج ودوامج وكافي تضيعين كلشي واذا تردي هذا التلفون خابري ورجعيله

رشا : هاي شبيج ريم گبيتي عليه

ريم : شوفي حالج ازركيتي من القهر والله حامل واذا نعل حتى الجلاب والبزازين وكل الحيوانات تحبل مو شى جديد

رشا : هذا هو راح اسكت وانتي شبيج عصبيه نار

ريم : مابيه خلي اصلي المغرب يمكن أذن

رشا : اي أذن صلي واني هسه اتوضى واصلي

سليل : لزمت حسين وتوسلت بيه يحاول يسد الموضوع

حسين : اني هم كتلها بلمستشفى اذا كبرتي الشغله اطردج من البيت

نهر : شكالت

حسين : شتكول عمه البنيه منتهيه ولا عظمه صاحيه بيها وتون للستار

سليل : واهلك شكالو

عيطو وخبصو الدنيا بس كتلهم اذا سويتو شى لعمي ماابقى ساعه بلبيت

نهر : يمه فدوة اروح لطولك الحلوو هذا عمك لتعوفه والله من اشوف اخوتي يتكاتلون اموت بدمي

حسين : بس دكه ريم حيل محلوه

سليل : من حرگت گلبها على اختها وهاي ريم يا حسين لو نسيتها يايوم تنام وماتاخذ حقها مو جنت تصيح الداد منها من هي وصغيره ويوميه مسويه مصيبه

حسين : بس كبرت وصارت ام غير تعقل تثكل

نهر : هذا طبعها بعد

حسين : اروح اشوف شصار وجنات دزت على شعلان مردت احجي كدام رشا

سليل : ليش

حسين : مااعرف

نهر : هي وينها هسه

حسين : طلعتها قبل شويه بلعربانه تدرين حتى ايدها جبسوها اليمنه وحسب كلام امي جسمها كل ازرك اريد افتهم رامبو جاكي شان اااااخ منها

سليل : روح فدوه افتهم شصار واذا مكدرت تجي خابر الله عليك

حسين : ماشي بس اجيت اخذ امير تبجي تريده تخاف لتسوي شى بيه

نهر : والله الظهر ريم حاطته بصفها وتوكل بيه مثل الجاهل حاله حال تيم وحتى انطته فلوس اشتره من الاسواق واجه

حسين : صيحو الي خلي اخذه وينه

سليل : بره بلكراج يلعبون

اخذه وراح حسين

واليوم كله خلصناه بقلق وتوتر ولا اني كلت لسجاد ولا ماما نهر كالت لبابا ننتظر شيصير

وثاني يوم بلدوام خابرت على حسين ردت بس افهم شصار هااا حسين بشرني

حسين : اطمطمت السالفه وشعلان عرف

سليل : اكيد راح يهوس اجت ليمه

حسين : لا ما سوه شى وطلب منها متشتكي ولا تفتح الموضوع حتى لابويه كال كافي فضايح وتبقى ام بنتي مو مال اجرها للمراكز

سليل : ياالله يعني عدت

حسين : عدت

سليل : فدوة لتكول لبابا اي شى

حسين : شكول من كل عقلج هم يلومني ويكول شبيك طفل صدكت بيهن واخذتهن بيدك هلمره تفتر عليه اسكت احسن

سليل : اي فدوة سد الموضوع اروح اكمل شغلي

خابرت البنات وكتلهم وتوقعت منايمات مثلي والقلق ماكلهن اصلاً ولا يمهن ولا كأن صار شى

عدت الايام وكل كم يوم نتخابر ويه الغزل الي حسيتها ممرتاحه لحد هسه متعرف بكل الصار ولا بلغناها مردنا تتأذه كلت بيوم اشوفها مرتاحه واسولف الها

غزل : مرت الاشهر واني وفيصل حياتنا ثلاجه برود قاتل صار ٤ اشهر يمه وطول هاي الاشهر متقرب مني ولا حاول مره واني عفته بس الي مضوجني محبوسه كل وكت وحتى شغل ماعندي ونوران نادراً متجي وتبقى شويه وتروح اباوع من الشباك الجو ثلوج اول مره اشوف ثلج كلشي ابيض كدامي والشوارع مليانه زينه مال اعياد الميلاد رغم جمال المنظر كدامي بس ماله طعم عندي لان وحدي كل وكت

وحتى خواتي ذيج الفترات قليل احجي وياهم مردت احسسهم بتعبي خفت يقلقون

وبيوم اندكت الباب اكيد نوران لو حسن محد يجي غيرهم وفيصل عنده المفتاح

طبت نوران

نوران : هاااي غزوله

غزل : هلوو زعلانه منج

نوران : كله ولا زعل غزولتي ليش زعلانه

غزل : راح يصير شهر مشايفتج

نوران : والله حقج بس شغل وملتهين وهسه عطلة الميلاد راح اكابلج واكعد شنو رايج نخلصها فر بمحافظات السويد

غزل : هو لراس الشارع موصلت هلمره محافظات شوفي البرد بره يكص كص

نوران : تره تتعلمين لان مطالعه

غزل : ماعندي ملابس ثخينه حييل

نوران : سهله نشتري اكلج صرفولج راتب

غزل : اي موجود عندي تردين محتاجه فلوس اخذيهم

نوران : هااي شنو تنطيهم الي

غزل : اي عادي ممحتاجه الهم اخذيهم

نوران : والله انتي طيبه وعلى نيتج

غزل : والله مو حجي تره هسه اكوم اجيبهم

نوران : تعالي اكعدي ممحتاجه والله بس اريد شى اهم

غزل : شنو

نوران : اريد اشوفج بدون حجاب صار شكد نلتقي ولا مره نزعتي كدامي تكول عبالك ولد كاعد وياها

غزل : استحيت وسكتت

نوران : اعرف بسالفه الحرك تره

غزل : شنو ومنو كلج

نوران : فيصل من رجع من العراق

غزل : وهو على اي اساس يحجي

نوران : لتنسين طبيعة العلاقه الي بينا احنا اخوه

غزل : حتى لو بس مو من حقه

نوران : طلبتج واتمنى مترديني شوفيني نفسج بدون ربطه

غزل : نزعت الحجاب ودنكت مستحيه

نوران : بله وخرت الشعر من رگبتي تره والله مو يلعب النفس عاادي

غزل : ليش هو كال يلعب النفس

نوران : هسه عوفج منه بله ارفعي شعرج

غزل : رفعته

نوران : صّـْْ(☑)ـْْحّ نص ركبتج محروكه بس متمدد

غزل : اعرف بس شكله مقرف

نوران : لا والله اني شايفه هنا اشكال مرعبه وعالجوها

غزل : امنيتي اعالجها نوران انتي مو ممرضه خلي اسويها

نوران : ماكو اسهل منها نروح اطباء عدنا ممتازين بهذا المجال والي برجلج وينه

غزل : بگلبي كلت طيح الله حظك فيصل شاهرني ورفعت البجامه وشافته

نوران : حسب خبرتي الي برجلج يروح تماما بس الي برگبتج مااعرف شكد النسبه

غزل : حتى لو نص هى ميخالف

نوران : بس هنا غالي ومبالغ هواي يكلف

غزل : اجمع شينطوني اضمه مااصوف فلس اخذيهم جمعيهم يمج وكت ميكملون نروح طبيب

نوران : اطلبي من فيصل عنده تره خير من الله احسن مامضيعهن على المتسوه

غزل : منو قصدج

نوران : لا هيج اطلبي منه ولتستحين

غزل : والله اموت خجل

نوران : هذا زوجج وغصب عنه وعود كولي اله اعتبرهم دين

غزل : والله فكرة صدك اكول اله دين

نوران : نطلع باجر حظري نفسج نغير جو واشوفج السويد بالاعياد شلونهم

غزل : ياريت اختنكت من الشقه

راحت وبقيت اباوع على رقبتي واتمنى تصير وتتعالج واجه فيصل بليل مثل كل يوم ترددت اطلب منه بقيت فوك الساعتين اروح واجي بس اريد اطلب حس بتوتري

فيصل : صاير شى دوختيني ترحين وتجين مضيعه شى

غزل : اريد فلوس منك بسرعه كلتها بس قطره دم مابيه من المستحه

فيصل : شسوين بيهم

غزل : اريد اسوي رگبتي

فيصل : معناها مبلغ جبير

غزل : اعتبره دين والله ارجعه

فيصل : شتردين تصيرين حلووه عود

غزل : اعرف اني مقارنه بلسويديات لا شى ومو حلووه بس اني مرايده الحلاه اني اريد اصير مثل البنات مااخجل من انزع الربطه كدام البنات وبأي مناسبه لازم اغطيها اني خلصت عمري كله بس اغطي بيها واخاف اسويها بلعراق ونوران كالت اكو اطباء ممتازين هنا اترجاك فيصل

فيصل : وشنو خلفتج ونسيتج تردين انتي جمعي وسوي ولو يراد شكد تجمعين يله ضلي هيج بابا هو منو منتبهه واذا عليه ميهمني تره

غزل : تره مو لخاطرك مسويتها لخاطر نفسي وكتلك دين

فيصل : ماعندي وخري خلي انام

عافني وطب حيل انقهرت منه ياربي منين اجيب فلوس دخلت لغرفتي وبقيت الليل كله افكر اريد اسويها تالي راح الامل مني وكلت اجمع وانتظر واشوف

ثاني يوم جنت طافيه طلعت ويه نوران وحسن واشترولي بلبدايه قمصله فرو ولفاف وجفوف طلعت مرتبه وهم دفيت وبديت امشي وياهم واباوع على الجو الحلوو

نوران : ليش احسج ضايجه حجيتي ويه فيصل موو

غزل : اي والرد مالته كان خلفتج ونسيتج وابتسمت بألم

نوران : غبي ويضل طول عمره غبي

غزل : عادي حقه ليش يدفع كومه فلوس علمودي

حسن : لان انتي زوجته ومن حقج

غزل : استحيت لان سمعني حسن وسكتت

نوران : يعرف حسن كلشي

غزل : عفيه اريد ارجع للشقه

نوران : وين رايحه تنهزمين مو كلتي مليت من الكعده

غزل : ميخالف اريد ارجع

حسن : اعتذر اذا ضوجتج

غزل : لا مضوجتني اني ضايجه من كاعي

حسن : اني مستعد انطيج الفلوس

غزل : فتحت عيني مستغربه كلامه ومباشره جاوبته بدون ماافكر لا شكراً مااريد

حسن : اعتبريني صديق هسه اني مو صديق فيصل وكلشي سوه اني وياه

غزل : هم شكراً مااريد

نوران : واذا مني

غزل : عفيه لتخلوني اتندم لان حجيت

نوران : هذا هو براحتج لتتعصبين

امشي نتعشى لتخربين طلعتنا

غزل : انقهرت عليهم وكلت خطيه ورحنا كعدنا مطعم للوجبات العراقيه وهناك هوسه جنا كاعدين وجان المح فيصل ويه وحده مبينه سويديه حاضنها وهي تبوس بخده وبأخر انسجام رغم مااحبه بس هم هذا الشى يجرح شعور اي بنيه مهما كان

نوران : وين صفنتي اندارت نوران

كوومي غزوله نغير المكان

حسن : شصار

نوران : ذاك الغبي كاعد ويه كاتيا

غزل : منو هاي حبيبتة

حسن : امشي نطلع

غزل : يله امشي

نوران : ليش مترحين تخربين عليهم وكولي الها اني زوجته

غزل : اذا هو مخله قدر اليه المن بعد مقلله من قيمتي عوفي براحتي

حسن : انتي شلون هيج هادئه غير وحده تگلب الدنيا

غزل : وگلبتها وبعدين بس راح اهين نفسي واحتمال يتجاوز عليه كدامها وافقد كبريائي امشو نطلع افضل

مشينا خطوتين واجه يركض فيصل مبين انتبهه علينا

فيصل : شسون هنا

حسن : نزقنب ملكيت مكان غير هذا تتعشى بيه

فيصل : غزل

غزل : باوعت عليه بهدوء

فيصل : هاي صديقة تره

غزل : وحتى لو مو صديقة او حبيبة حتى لو زوجتك متهمني

فيصل : هاااا هيج

غزل : اي من رخصتك اخذ راحتك أخرناك يله نوران نطلع

نوران : يله غزوله

يتبع ...

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_السادس_والثلاثون

شسولف والعمر ما جاي سد بـ سد

‏دنيا وطشرتني بين جزر ومد

‏نذرت شكد

‏دعيت شكد

‏چم طارش أدز لـ الله

‏واتاني وما يجيني الرد !

فيصل : هاي صديقة تره

غزل : وحتى لو مو صديقة او حبيبة حتى لو زوجتك متهمني

فيصل : هاااا هيج

غزل : اي من رخصتك اخذ راحتك أخرناك يله نوران نطلع

نوران : يله غزوله

فيصل : اوكفي خلي ارجع وياكم

غزل : ميحتاج كمل سهرتك اني ابقى شويه وياهم وارجع

حسن : يله بنات امشو ولا يصيرلك جاره

غزل : طلعنا نتمشى حطيت ايدي بلقمصله وامشي وساكته وهمه ساكتين لحد مطكت نوران متحملت

نوران : غزل شو ساكته

غزل : شأحجي

نوران : احجي تعاركي عيطي

غزل : وبعدين

حسن : شنو وبعدين

غزل : قصدي حجيت تعاركت وصيحت وبعدين شنو الي راح يتغير

مراح يتغير شى لان انتم اثنينكم تدرون بصديقكم حتى اكثر مني راح يفشلني ويسمعني كلام سم وتاليها هو يصير ابو الراهي عليه وصاحب حق لهذا احترم نفسي واسكت

حسن : انتي دوم هيج

غزل : شلون يعني هيج

حسن : هادئه ومتغثين نفسج

غزل : ماكو واحد مينغث بس كلمن وطريقته بلتعبير عندي خواتي الله يذكرهن بلخير رشا وريم لو صاير هذا الموقف كدامهم جان المطعم تفلش على راس فيصل وصديقته

نوران : اي والله هاي النسوان الحوك مو انتي الفاهيه

غزل : ههههه على كوله ريم ام نص لسان

حسن : بلعكس هدوئج ينرفع القبعه اله احتراماً

غزل : نرجع للبيت

نوران : قصدج للشقه

غزل : متعلمه بحلكي البيت

رجعنا نتمشى ورجعت التزمت الصمت وهمه يسولفون لحد موصلنا

حسن : محتاجه شى

غزل : شكراً على الطلعه

نوران : اااخ يابرودج

غزل : شبيج نوران

نوران : اني كلت اليوم فيصل يجينا مفشخ وبيدي اضمده واضحك عليه

غزل : افشخي انتي وضمدي

نوران : متريدين تعرفين هاي منو

غزل : حبيبتة

نوران : لا ياربي تعرفين

غزل : تره مبينه احد كال الج طفله وماافهم

نوران : وعادي هيج ريلاكس

غزل : تصبحون على خير

نوران : تعالي يمعوده خلي افهم

غزل : تعبانه والله غيره مره من رخصتكم فتحت باب الشقه ودخلت نزعت القمصله والبوت وشمرت نفسي على القنفه ورافعه عيوني للسكف اكول شنو الي جابرني على هاي العيشه رجال ميحبني ويحب غيري بس شسوي اطلك والناس شلون وبابا وعمو محسن اخاف تخرب علاقتهم رغم ماكو اي حب بيني وبين فيصل بس حييل تأذيت من شفته يعني كل هذا الوكت الي يگضي بره وياها يمي لا يضحك ولا يسولف ولا يهتم وهناك حاضنها وتبوس بيه وضحك ليش نار بصدري وكوه اتنفس كمت ذبيت ملابسي وسبحت ونشفت شعري وكاعده بلغرفه اباوع بلمرايه على رگبتي اذا تعالجت شلون تصير وجان تنفتح باب الغرفه حتى بدون ميدكها

فيصل : انتي شعندج تفترين بليالي بلمطاعم

غزل : لزمت شعري وبديت اضفره واحجي برود اعتقد انت سامح الي اطلع ويه نوران وحسن وصار اكثر من شهر مطالعه واتصلت بيك قبل لا اطلع ومجاوبت ورديت دزيت الك رساله شنو الاسوي بعد

فيصل : ماطول مجاوبت مطلعين

غزل : صار

كمت ادور على قراصه اشد طرف الكصيبه

فيصل : تره الجانت ويايه صديقه مثل نوران ًحسن

غزل : باوعت عليه وكتله صديقه اخت حبيبة ميهمني

فيصل : هااااا اول مره اشوف وحده تكول لرجلها بعد مشافته ويه وحده ميهمني

غزل : لان فعلاً هذا الشى انت كلك متهمني

فيصل : احترمي نفسج واحجي عدل

غزل : اني متجاوزت ولا قللت احترام كتلك الواقع هسه اني اهمك لا مااهمك لو اموت هسه كدامك كأنسانياً احتمال تتعاطف ويايه  بس مو روحياً ولا محبه ولا كزوجه يعني بلمحصله اني مااهمك

فيصل : انتي شبيج بارده ثلاجه احسج ميته وتمشين

غزل :سكتت ومجاوبت

فيصل : احجي لتسكتين

غزل :شوف فيصل من الاول انت مرايدني واتزوجتني ارضاء لاهلك يعني هسه لو اشعل العشره شمع مراح ترضى ولا راح يعجبك هاي اول شى والشى الثاني انت اصلاً معايش ويايه كلها ٩ ايام بدايه الزواج وهسه ٤ اشهر خلصتها بره تجي بس تتريك وبليل ترجع تنام كعدت مره سولفت كعدت سألتني افتهمت شى عني عايفني بين ٤ حياطين بلد غريب وحدي وحطيتني بيد ناس غربه والله اصدقائي ذوله يااصدقاء وانت رجلي متعرف شئ عني لتكول ثلاجه وانت اصلاً سبب هذا البرود  احجي بعد لو اسكت

فيصل : لا اسكتي

غزل : جيد عفته وكمت طلعت للمطبخ وحضرت عصير وشربت حتى مكتله تريد او لا وهو طب بلغرفه الثانيه وركع الباب

رجعت للغرفه وسديت الباب وكعدت اگلب جنت مسويه فيس نوران علمتني عليه سامعه بهذا البرنامج بس مااعرفه تالي كعدت وسوتلي جديد وعلمتني عليه  كمت ادخل كروبات واتصفح اخلص وكت كلت من اخابر خواتي اخليهن هنه هم يسوون

مر اسبوع على الصار واخاف قبل جان يحجي كلمة هسه اخرس فد مره بس السلام عليكم وعليكم السلام

اجت نوران وتريد تعزمني على سهره وياهم

غزل : مااكدر

نوران : ليش والله تتونسين

غزل : خليني هنا مااريد مشاكل ويه فيصل

نوران : لعد هو حلال يفتر ويه كاتيا ومتونس وانتي حابسه نفسج هنا

غزل : مرتاحه هيج مااريد اطلع

نوران : متضوجين تكعدين وحدج ومتحجين ويه احد

غزل : تعلمت وحتى لو اضوج مراح يتغير شى

نوران : انتي حلج الوحيد تستعجلين بسالفه العمليه هواي راح تغير من نفسيتج

غزل : اتمنى على كلاً اخذي راحتج راح تتأخرين طلعت نوران ورجعت للوحده مالتي مكابله لو التلفزيون لو الموبايل

نهر : كعدت على صلاه الفجر والجو بارد كلش شهر ١٢ كعد اتوضى كلت اقرالي شويه قران بين ميأذن توضيت ورحت للمطبخ اشرب مي وسمعت صوت خفيف كلش مال بجي ياستار هاي منو دورت الصوت تالي انتبهت باب المطبخ القفل مفتوح وخرت البرده واشوف وحده كاعده بلحديقه على الحافه منطيه ظهرها ركزت شفتها ريم رافعه راسها للسما وتبجي فتحت الباب مسحت دموعها

هااا يمه شسوين هنا كاعده بهلبرد

ريم : هااا عمه ماكو شى هيج شويه كلت اشم هوا

نهر : شو بله اشوفج ودرت وجهه عليه والعيون دم شبيج يمه كعدت بصفها

ريم : ماكو شى ليضل بالج مخنوكه وبس

نهر : سحبت راسها وحطيتها على صدري وامسد بشعرها شبيج احبيبة احجيلي شنو الي خانكج ومطلعج بهلبرد بره تبجين

ريم : اشتاقيت لبنتي ولسامر حيييل وشهكت

نهر : سوده عليه اعرف يمه نارج بعدها وجرحج ماطاب بس شنسوي امر الله هذا ولا اعتراض على حكمه

ريم : تعبانه عمه حيييل تعبانه احس نار بروحي تاكل بيها

نهر : ادري بيج غير تربات ايديه تعلميني بسوالفج حتى من تسولفين وتردين تريحين اختج انتي ما مرتاحه

ريم : شسوي والله مرات اعتب على رب العالمين ليش مااخذني وياهم

نهر : حرام يمه هذا اعتراض على حكمه كولي ياالله وهذا ابنج شنو ذنبه شفتي لان رجع لحضنج شلون تفح وطاير بيج خطيه يتيم شنو ذنبه تعيشين بهذا العذاب وتعيشي وياج

ريم : اااااااه ياروحي شكد معذبتني اتمنى هيج اسافر اهج اروح لمكان مااعرف احد بيه

نهر : هاي اختج مو سافرت شحصلت مخلصتها بين الحياطين

ريم : ابتعدت حيل عنها وحتى مااتصل بيها والتهيت ويه رشا والله مشتاقه لام نص لسان

نهر : ولا وحده بيجن مرتاحه خرب بلحظ الاكشر

ريم : اكو شى عمه شو وضعج مو طبيعي وخرت من حضنها ورتبت شعري بيدي رجعته ليوره ومسحت عيووني احجي عمه شصار

نهر :اليوم الصبح ردت مسواك ومابيه اطلع رگبي اسم الله عليج يوجعني من الصعده والنزله وانتن نايمات كلت اخاف حسين بلكت من يسوك الصبح لاهله يجيب الي وصدك الولد ماكذب خبر بس كتله وره ساعه المسواك يمي

ريم : اي كملي

نهر : كعدنا نسولف ونتريك سوه وانتن نايمات وشفته مو على بعضه وسألته عن البيت واحوالهم وخاصه شغلتجن مال جنات كلت اخاف فجأه تنفتح ومالنا خلك للطلايب واني ماكلت لطه ولا سليل كالت لسجاد طمطمناها وخفت لا علي يفتحها وتكب الهوسه

ريم : واذا كبت طبهم مرض

نهر : اسمعي يمه الصار

ريم : كملي

نهر : واني اسأله وجان يصدمني ياحبيبة خلاني ابلع لساني وكوه حجيت تدرين جنات رجعت لشعلان رجعها على ذمته واخذها وياه للكوت يكول رجعت للبيت لكيتها تلم بملابسها وشعلان واكف بلبابيكول متحملت وكتله ياوسفه عليك متوقعتك هيج كلت راح تكون كدها وترجع ام بنتك وتصلح الصار وهو يكول اله مترجع رشا لو ابوس رجلها يوميه وهاي هم محد الها ومااريدها تتبهذل وتخدم عن الناس تبقى مرتي وماارضى الها الذل بحيث حسين يكول بس كتله احسن شى سوته رشا اطلكت منك انت مو كفو الها وعافه ودخل وذاك اخذ جنات وابنها ورجعو للكوت

هااا يمه شو سكتي

ريم : جنت متوقعه عمه ترجع

نهر : شلون يعني

ريم : من كال حسين خابرت على شعلان من هي بلمستشفى عرفت راح تستغل هذا الموقف الي مثل جنات وهند مستحيل تفوتهن هاي الفوته وهذا الطلي السارحات بيه يودن ويجيبن اكيد راح يفرن دماغه ويرجعها

نهر : يمه شكول الج من سمعت غير فرفحت روحي يبوو الله لايراويج حتى حسين كال عمه تره صعد ضغطج اني الخبلني شلون الها نفس ترجع اله وتروح تعيش بيت رشا تعرفين شنو السوته هجمت بيت بت عمها وشردتها هي وبتها وتالي اخذت البيت والرجال  مشايفه هيج صلافه وعرامه شكد عاشرت نسوان كويات امي امج سندس عمتي ام سامي ماسون سوايت جنات

ريم : مو هذا الجيل الجديد يتطور وياخذ صفات النذاله النقيه فيصير نذل نقي بأمتياز

نهر : وهسه شنكول لرشا اذا عرفت راح اطك وتموت

ريم : على شنو اطك وتموت رجلها ناقص ومرحله بحياتها وانتهت

نهر : ليش هي بلسان يايمه

ريم : شنسوي ياعمه متكوليلي حتى كتل وكتلناها وحده متقصده تقهر رشا وتاخذ كلشي منها ومع الاسف شعلان طلع قمه بلسقوط والانحطاط من رجعها تدرين رشا رغم الصار متوقعه يرجع يتوسل بيها يراضيها يدز ناس عليها يستقتل عسى ولعل ترجع

نهر : بس هي مترجع

ريم : اعرف مترجع بس جانت متأمله اختي واعرفها اكيد تكول داخل گلبها هسه يتوسل ويذبح روحه ويجيب ناس يوكعون علينا حتى بس يرجعها يعني يحارب حتى ترجعله اقلها تحس الها قيمه بحياته بغض النظر اذا ترجع او مترجع بس ماشاء الله شعلان ميفوت فرصه رد الضربه الها بأقوى وجنات هم عرفت شلون تكسر رشا كسره مالها علاج

يعني من اصفن على تصرفاتهم اكول هم اكو هيج بشر الخباثه والسم يمشي بدمهم مكفاها هدمت ودمرت كلشي هلمره كعدت على تل الي دمرته حسبي الله عليها وعلى ذاك الحقير الماغزر بيه حبها وعشرتها وتعلقها بيه

نهر : شنسوي هسه شلون نكول الها

ريم : عادي نكعدها ونسولف الها

نهر : بهاي السهوله

ريم : عمه اكو امور ما تتجمل ولا تتركع مثل هسه نكول شعلان رجع جنات على ذمته وانتهى

نهر : وراح تتحمل

ريم : غصب عنها تتحمل تبجي يوم يومين وتسكت

نهر : وراح تنسى الصار

ريم : جان نسيتي انتي وصار بحدود ٢٠ سنه

ماكو شى ينسي عمه وخاصه الغدر والخذلان بس بنفس الوقت الواحد يعيش مابيده شى ويطلب من الله الصبر وبأن يعوضه خير

نهر : واني الله عوضني بيجن خير

ريم : لا والله احنا الي محظوظات بيج وعوضنا الله اعلم شنو جان حالنا بدونج

جان يأذن

نهر : الله اكبر الله اكبر كومي يمه توضي وصلي وانت هم عسى رب العالمين بجاه هذا اذان الفجر يبرد نار گلبج

ريم : امين بستها من راسها وكمنا توضيت وصعدت وصلت قريب غرفه رشا سمعتها تشهك وتبجي دفعت الباب ولكيتها على السجاده عفتها تكمل

ومن كملت قبل الله

رشا : تقبل الله منج صالح الاعمال

ريم : شبيج تشهكين

رشا : مثل متشهكين انتي كل يوميه عبالج ماادري بيج من اتنزلين بلحديقه وتبقين للفجر

ريم : اني من ابجي واشهك علمود ناس تستاهل مو علمود ناس متسوه النعال مال الحمام

رشا : والله مكعد ابجي عليهم ابجي من سوايتهم

ريم : رشا تره شعلان رجع جنات على ذمته جان تطفر من الكاع وضربت على صدرها رجعها

اششش وجريتها وطلعتها من الغرفه هسه بتج تخترع

رشا : لج شلون رجعها لزمتها من ايدها ودخلت بلغرفه الانام بيها وشلت تيومي وحطيته يم فروحه ورجعت اركض عليها

رشا : شلون رجعها ريم شلوون

ريم : مثل الناس المتخاف الله ومتستحي راح الها ورجعها

جان تختنك وازركت تريد تجر النفس ماكو ركضت نزعتها ايزار الصلاه و فتحت الشباك وطلعت راسها منه ونزلت اركض جبت بطل مي وصعدت هااااج شربتها وغسلت وجهه تشهك بس ميطلع صوتها وتإشر على صدرها فرگي گلبي كعد افرك بگلبها وادعي كون هذا التفرفح بيج ياجنات الگلبه افرك ولج رشا دخيل الله ليصير بيج شى والنبي احركهم وهمه عايشين رشا بداعت فرح تنفسي

ركضت على بابا وعمه جانت تصلي جوه

دكيت الباب على بابا وفتحته ادري بيه يصلي

حجي طه : هاا بنتي

ريم : الحك فدووه بابا هاي رشا زركت ومكعد تتنفس

كام حافي ويركض كوه خطيه والسبحه بيده وعمه كملت الصلاه وراه ركضت دخل لزمها ويضرب على وجهه بابا رشاوي اتنفسي بابا تأشر بعيونها هوا

سحبها وحط ايدها على رگبته ومشاها ميكدر يشيلها واني من الجهه الثانيه وفتح باب السطح لان اقرب شى النا وطلعها بلسطح

نهر : شصار

ريم : كله من ورايه كتلها على شعلان الناقص

حجي طه : شبيهه

نهر : الله لايوفقه دنيا واخره رجع جنات لذمته

رشا : حسيت الهوا انكطع وگلبي لحظة يدك سريع ولحظة تروح دكاته جنت بس اريد اشتم ولو نسمه ترن بأذني رجعت جنات لذمته ومن اغمض اريد اتنفس صير شكلها كدامي نايمه ويااه على فراشي هسه حاضنته هسه بدون خوف بدون قلق اخذته ونامت بيتي مجنت متأذيه لان احبه واريده متأذيه على كمية السفاله الي صارت علني وبدون خجل

حسيت بابا يغسل وجهي ويقرا ايه الكرسي وينفخ بوجهي شبهه فقدت بس الشى الوحيد الي اشوفه جنات شلون نايمه مصلخه بحضن شعلان

لحد ماحسيت بهوا البارد يدخل صدري واني نايمه بحضن بابا ويذبون المي على وجهي وصوت بابا من يقرا قران يتسلل لروحي

واسمع الايات ودموعي تنزل وبدا يقرا ايات قصيره وينفخ بوجهي ويسمي ويسبح وادعيه لحد محسيت گلبي بدت نبضاته تهدأ الي هدأ گلبي مو بس ايات القران الي هدأ گلبي صوت بابا من يقرا والعبره حاصرها خفت عليه اكثر من نفسي خفت ليصير بيه شى ويتأذه بسببي كافي الي صار وانجلط ذيج الايام

مااعرف شكد بقيت فاقده التركيز بس من صحيت حضنت بابا وابجي حيييل مثل الطفله وهو يمسد على شعري ومستمر بلقرائه

نهر :تعالو ادخلو جوه الجو ثلاجه راح تتمرضون

حجي طه : اخذي ريم وانزلي نهر شويه ونجيكم

ريم : اخاف يصير شى بابا

حجي طه : ميصير بنيتي انزلو بارده عليكم

رشا : بقيت بحضنه وهو كاعد بلبرد بلكاع وماهمه الجو والبروده وهو مريض كااال بصوت حنين

حجي طه : بنتي رشاوي مامرجيه منج هاي تردين تأذيني وتأذين بنتج

رشا : والله مو بيدي كل مااحاول استوعب الصار تجيني ضربه اقوى وتوكعني من سابع سما حاولت اتعامل بوضع طبيعي وما أذي نفسي واكول تجربه وعدت بس همه متقصدين يموتوني

حجي طه : سمعيني بابا يوم ماكتلت سلام شفت حياتي اسودت وخسرت كلشي واهم شى خسرته شوفتجن جنت انام واكعد اكول هم يجي يوم واشوف بناتي شلون يدخلن المدرسه وشلون يكبرن وازوجهن بيدهن واشوف احفادي ومن اركز اني وين وشلون محصور بسجن مترين في متر اضحك على روحي اكول والله احلامي تعجيزيه بس هم مافقدت الامل بالله وبرحمته جنت من ارفع ايدي اكول رحمتك يارب متعرفين رحمته شكد عظيمه وجبيره وشكد تفتح الج ابواب متتوقعين بيوم تنفتح

بنتي شكد متظلم الدنيا بعينج وشكد الناس تأذيج وتغدرج اتذكري رب العالمين ميرضى بلظلم ويجي يوم ينصرج على الكل الصار اختبار من سبحانه وتعالى ولازم نرضى ونحمده على كلشي ماكو واحد ماعنده مصايب ومشاكل اني جبتها قهر وكسران من اني وصغير لحد هاي اللحظه من دخلت ريم ترجف وتكول الحك رشا وكل مصيبه او قهره اوكع بيها اكول سلمتها الك ياارب انت رحيم بيه برد گلبي مثل مابردت النار على نبيك ابراهيم عليه السلام

رشا : كل خبر يجي منهم يكسرني

حجي طه : اكو مثل يكول  من توگع على علته تبين ملته وذوله بينو ملتهم شنو والله خلصج من هيج ناس متخاف الله اني اريده يقويج هو الخسر بنتي هو الخسر لتتوقعين رجال يكسر مره حبته وراعت الله بيه ميتندم مستحيل يتندم ويعض اصابيعه هم بس كبريائه يمنعه من الاعتراف هو رجعها صحيح بس مستحيل يرتاح وياها الي يعيش بلحيله يموت بلفكر ومع الاسف بت اخويه ولو حرامات هاي بت جعفر الطيب الجان نسمه بحياتنا جانت العيبه متطلع منه تطلع هاي بته ولو عايش والله هو بيده يذبحها لتتوقعين تتهنى وتتوفق وحتى اذا شفتي الوضع هسه طبيعي يجي يوم وتضوك المر اذا مو مثلج فأقوى منج وبلشئ الي تحبه اريدج قويه بنتي مااريد احد يتشمت بيج من طبيتي وكفتي كدام السيد بكل هيبه وقوه وناقشتي وطلبتي حقج والله رغم كسرتج افتخرت بيج وكلت اذا اموت مااخاف عليهن يعرفن ياخذن حقهن

رشا : حضنته حيييل اسم الله عليك من عمري على عمرك كون

حجي طه : عمرج طويل احبيبتي كومي ياغاليه وذبي حمولج على اللي ماينام على الرحيم على المنتقم الجبار هو الي ياخذلج حقج صليتي

حجي طه : اي صليت

حجي طه : عفيه بأم فروحه اريدج قويه ومتركين فرض وعينج على بنتج واشمري الصار وراج لتخليهم بيوم يضحكون ويكولون حييل كسرناها تستاهل وخليناها تمشي مدنجه انتن الطلعت بيجن من الدنيا واكول ذني حزام ظهري من اكبر ذني راح يعوضني عن اخوهن الراح وما سأل عني انتن عكازي بكبرتي وبيجن اطب الجنه لاتخيبين ظني بنتي

رشا : بست ايده وكتله ادعيلي فدووه بابا

حجي طه : الله يشهد عليه لساني ميبطل دعاء الجن اربعتجن ونهر خامستجن كومي حبيبتي ملابسج صارن مي لان ذبينا على وجهج لتتمرضين الجو بارد

رشا : كمت من حضنه وهو كاعد راد يكوم مديتله ايدي اكومه لزمهن وابتسم

حجي طه : مو كتلج انتن عكازتي من اكبر هاااج راح الحيل الاولي ومن اكعد كوه اكوم اريد مثل ماهسه كومتي ابوج تكومين على حيلج وشغلج وبنتج وعوفي كلشي جوه رجلج

رشا : صاار بابا ان شاء الله اسمع كلامك

حجي طه : عفيه بأم فروحه يله روحي نامي واخذي بنتج بحضنج

رشا : ان شاء الله

نزلنا اني وبابا واشوف ريم وعمه كاعدات باب الغرفه كامو اول مشافونا نزلنا

ريم : هااا شلون صرتي

نهر : هااا يمه نوديج مستشفى

رشا : لا ميحتاج عمه صرت احسن ادخل انام

ريم : روحي نامي هسه اجي اشيل تيم من يمج

رشا : عوفي اني اصلاً راح اجي انام يمج

نهر : روحي يمه نامي يم اختج واني نايمه يم الجهال لايضل بالجن

ريم : خلي بس اصلي والله حتى نسيت الصلاه من وره الهبطه خلي ارجع اتوضى حتى ماادري توضيت لا نسيت كلشي

كملت الصلاه وشفت رشا تمددت بلجربايه

ريم : شنو رأيج انجر الدوشك مال هاي الجربايه والجربايه الثانيه ونفرشهن بلكاع وانام سوه مثل من جنا جهال

رشا : اي

ريم : جريتهم وفرشت وهي نامت بصفي مديت ايدي العب بشعرها هي تحب هاي الحركه

رشا : لتعوفيني وحدي ريمو

ريم : وين اولي مكابلتج وكاعده لا شغل ولا عمل

رشا : لو ما انتي جان متت

ريم : عار متموتين ضاله على گلبي

رشا : هههههه اني عاار ولج

ريم : اضحكي فدووه والله خوفتيني عليج راح يصير بيه سكر من وراج وره الهبطات

رشا : كون غزل هنا جان كالت اهووو اشتغلت اللواكه اكيد تحضرن لمصيبه

ريم : اوف شكد مشتاقه الها

رشا : لهسه متعرف الصار بيه

ريم : عمه متقبل تكول الها

رشا : ليش

ريم : تكول تنقهر وتهم خلي تستقر هناك وضعها يتحسن يله

رشا :هاي فقيره واخاف تنداس بلرجلين

ريم : شلون بله نحجز للسويد هناك ونكعد يمها ونعارك ياهو اليحجي وياها

رشا : لا ولج قصدي لازم نخابرها دوم ونسإل عنها ونفهم شيصير وياها

ريم : تعرفين بيها متحجي من قبل هاي غزل ساكته اله لمن اطك عدها حيل تحجي كم كلمة وتسكت

رشا : كون فيصل بيه حظ وزين ويسعدها شنريد منها

ريم : يله نامي شكد تلغين باجر عمه تكعدنا بلجفجير لان انام لل١٢

رشا : تتوقعين هسه نايمه بحضنه

ريم : اهوووو رجعنا بابا ذوله حشرات لتضلين تاكلين بروحج بيج زود ارجعي لدوامج صار شكد تقدمين اجازات راح يروح منج يمعزايه هو وينه التعيين العالم تتحسر عليه الزمي وضيفتج وكافي كال مشعول وكالت الحيه

رشا : هذا لقب هند لتاخذي وتنطي لجنات

ريم : هااا لعد نسميها جنات السعلوه لو ام اربع واربعين لو العكرب بكيفج كل الالقاب تناسبها

رشا : يله نامي مااريد افكر بيهم

ريم : غمضت ونامت بس اعرف بيها حتى تحلم بيهم ماعدنا غير نهون عليها وعلى مصيبتها شفت شلون بابا وعمه منتهين عليها وقبلها عليه ذوله الاثنين والله دمرناهم من الهبطات

غزل : مرت الايام وبعد يومين راس السنه والكل طاير بلشوارع اغاني ورقص وحفلات

وحتى فيصل للصبح مرات يبقى وبيوم نايمه سمعت طكطكه وضحك كمت مفزوعه فتحت باب الغرفه وشفت فيصل سكران وياه نفس البنيه صديقته لابسه قصير وكيمونه حيل مشلح  وهم مبينه سكرانه وناس تبوس بناس وتحضن تخبلت يعني للصبر حدود وللهدوء هم حدود اني مطلبت شى منه بس الاحترام مو مال جايبها هنا للشقه واني بيها طلعت عصبيه واول مره اتعصب هيج بحياتي لان الموقف مقزز وهم ابقى مره واغار مهما كانت طبيعة علاقتي بفيصل

هااا شدسوي هنا مستحيت على نفسك جايبها وجاي واني هنا

فيصل : هلووو هاي منو شجابج هنا

غزل : مبين الشرب مطير عقلك امشي اطلع بره انتي وياها

فيصل : امشي لج شنو اطرديني من شقتي

غزل : مستحيت من جايب وحده من الشارع ومرتك بلشقه شنو هذا الانحطاط الي انت بيه جان يجي سريع ويلزم ايدي ويلويها

فيصل : اسمعي لج هاي شقتي وهاي حبيبتي وجانت هنا تنام بحضني ومن وراج كمت مااشوفها الله ياخذج خربطتي حياتي كلها شجابج عليه

غزل : جريت ايدي حيل منه وكتله اني الي اجيت اني مضربتك على ايدك دفعته من صدره حيل اخذها واطلع بره اني دفعته هو سكران حيل وكع بلكاع اجت ذيج ماادري شحجت وياه بلسويدي وهذا كاام ومن شعري ودك ضرب كمت اعيط اريد احد يخلصني من ايده وايده حييل قويه ويضرب بلا وعي

فيصل : بت الكلب اني ادفعيني وكدام حبيبتي

غزل :عوفني الله يشيلك انت وياها  عووووفني

جان يوكعني بلكاع وبقى يضرب بكل مكان توصل ايده اله اني بحياتي ممضروبه لان دوم هادئه وساكته وماعندي مشاكل بقى يضرب واعيط لحد مندكت الباب حييل تريد تتكسر زحفت من الكاع اريد اكوم جان برجله بكل قوته ضربني اجت الضربه بفخذي شاغت روحي ورغم الالم دفعته وزحفت وفتحت الباب واشهك وابجي

جان اطب نوران وحسن شمرت روحي بحضن نوران وهي تعيط عليه وحسن يدفعه

حسن : لك تخبلت شلون تضربها

فيصل : هااي بت الگلب تطردني من شقتي

حسن : حقها اذا جاي سكران مطينها وفوكاها كاتيا وياك ومدري شكال لكاتيا اخذت جنطتها وباوعت عليه وطلعت

فيصل : وين رايحه كاتيا

حسن : اصحى غبي

جره يريد يغسله هم دفعه ويعيط هاي ابويه جبرني عليها لك كله من وره ابويه يكلي لو تتزوجها لو متصيرلي ابن شفت هاي تاليها اتزوج وحده محروكه حتى ارضى ابويه اكله مااريدها مااحبها مااطيقها يگلي هاي مرتك هاي شرفك هاي احسن  منك بله هاي المشوهه احسن مني بشنو لك يابه شسويت بيه لك حسن مااطيقها حجاره وكاعده بلبيت هنا ويأشر على ركبته هنا واكفه بلعومي ماابلعها خلصوني منها يابه شدعيلك كله من وراك من انعل ابويه يابو ابوها البت الگلب

غزل : حطيت ايدي على اذني وابجي وبصوت عالي اكله فدووه لتخلي يغلط على ابويه لتخلي يسبه جان يحط ايده على حلك فيصل حييل ودفعه

نوران : كوومي ويايه لهناك هسه بسبب صوتك يامستهتر راح يجي البوليس اكيد سكان العماره سمعوك

حسن : اخذي غزل لشقتنا واني هسه اصحي واجيبه

غزل : انتبهت اني لابسه دشداشه خفيفه وبدون حجاب لان جنت نايمه من اجه فيصل كمت من الكاع ركض شكد متأذيه واحس رجلي مكسوره بس لان جسمي طالع استحرمت لان اصلي واخاف الله شلون رجال غريب يشوفني هيج

نوران : وين رايحه يمعوده

غزل : طبيت للغرفه سحبت دشداشه عندي ثخينه شتائيه لبستها وحطيت الشال على راسي وضميت شعري الي تكطع بيد فيصل تنكسر ايده كون وطلعت اعرج

نوران : امشي هناك

غزل : وينهم

نوران : اخذه حسن للحمام يصحي

غزل : مااريد ارجع للشقه عفيه هسه يذبحني

نوران : لتخافين شنو اول مره تشوفين واحد سكران

غزل : بابا يصلي وعمو سجاد هم يصلي وزوج رشا كذلك ماعدنا احد يشرب حتى اشوفه شيسوي وشلون يضرب

نوران : هذا مصاحي هسه بس يصحى يحس بلي سواه لتضوجين

بله اشوف رجلج ليش تعرجين

غزل : رفعت الدشداشه

نوران : اووف منك يافيصل دوم ارعن ومتهور والله ولا متراهمين انتي وياه انتي قمه بلهدوء والنزاكه وهو قمه بالاعصاب والاستهتار خلي اجيب ثلج بلكت يخف الالم

غزل : بقت تحاول تهدأ الالم واعطتني مسكن الالام لان راسي من ضرب ايده كاام يوجعني

دخل حسن وكااال

نام فيصل وباجر يكعد ويعتذر الج

غزل : مااريد يعتذر بس ليشوفني وجهه

حسن : مترهم انتم متزوجين ولازم تتصالحون

غزل : اريد ارجع للعراق مااريد ابقى وياه

نوران : بله قرارات متسرعه انتي هسه عصبيه وتعبانه والموقف كله أذاج وهمزين مكبرت الشغله وسكان العماره اشتكو عليه

حسن : ياريت تهدين اول مره اشوفج عصبيه وتحجين

غزل : لان تعبني وهاني كلشي اله حد بس هو فاق الحدود كلها

كلشي تحملت منه بس مو مال يجيبها لهنا للشقه وسكرانين ومنظرهم مقرف واني اصلي واخاف الله هاي اسمها زنه وحتى حرام عليه ابقى ويااه

نوران : اهدي هسه وارتاحي وانت حسن روح نام يمه والصبح نحجي

حسن : سلامتج غزل

غزل : دنكت مستحيه وكتله الله يسلمك

نوران : تعالي نامي وارتاحي اكيد فزيتي من صار الموقف

غزل : كلش تمددت على القنفه بلصاله رغم توسلت بيه ادخل انام بفراش حسن بس استثقلتها يبقى رجال غريب شلون انام بفراشه وريحتي تبقى بيه

صار الصبح وكعدت متوجعه كلش

نوران : صباح العسل غزوله

غزل : صباح النور

نوران : كومي تريكي

غزل : مجوعانه اريد تلفوني

نوران : شسوين بيه

غزل : اريد اخابر عمو محسن يعلمني شلون ارجع للعراق

نوران : وليش متسألينا احنا

غزل : اكيد مراح تنطون بصاحبكم لخاطري

نوران : اكيد فيصل صديقنا لكن هذا ميمنع انتي هم صديقتنا وجمعتنا معاج كثير من المواقف الطيبه و جداً حبيناج واني بلذات ماعندي اخت واتمنى تقبلين اعتبرج اخت الي ومتنزعجين مني

غزل : وليش انزعج بلعكس لو ما انتي وحسن البارحه الله اعلم شجان سوه بيه

نوران : ميكدر يسوي شى اصلاً البارحه لو مشتكيه عليه وداعتج يطحون حظه هنا المرأه الها كامل الحقوق وبتجاوزه عليج البارحه تكدرين تحبسي

غزل : لا احبسه ولا اريده بس اريد ارجع للعراق

جان تكعد بصفي

اسمعي غزل اني ماشفت منج غير كل خير رغم المده البسيطه الي جمعتنا وكنت دوم اكول ليش فيصل ميشوف الجانب الجميل بشخصيه غزل ومركز بس على الحرق

غزل : لان انسان سطحي وهمه المظاهر وبس وعنده صديقته حلوة وشكره خلي يشبع بيها

نوران : مااشي وياج بهذا الشى لكن هسه لو رجعتي للعراق راح يروح اهم حلم كنتي تحلمي ومتأكده من انتي وصغيره تحلمي

غزل : اي حلم

نوران : تعالجين الحرق مالتج صدقيني هاي فرصه واجتك لا بلحظ استعجال وعصبيه تضيعيها اني مطالبه منج تبقين مع فيصل لكن على الاقل عالجي هذا الحرق وتشافي اقلها تتغير نفسيتج وحياتج واحتمال بذاك الوكت يحبج ويتقبلج

غزل : اخر همي يتقبلني او لا الي يحب يتقبل عيوب حبيبة قبل حسناته اصلاً ميشوف بلحبيب عيب حتى لو كل الناس شايفته

نوران : عين العقل كلامك لكن راح ادمرين حلمج اسمعي كلامي وعالجي الحرق وراها وين مترحين محد يوكفج ومستعده بعدها بيدي اخذج للمطار اذا متوفقتي ويااه

غزل : صفنت على كلامها اني اذا رجعت شلون هناك اعالجه واخاف يسكطوني اني تعبت وتأذيت بهاي الزواجه على الاقل اطلع بشى يسوه هذا التعب والخراب بعدني افكر طب فيصل ومبين خجلان من سوايته درت وجهي عنه كامت نوران من يمي وهو كعد بمكانها

نوران : تعال حسن نحضر الريوك عوفهم وحدهم

عافونا ودخلو للمطبخ

فيصل : احمم اني اعتذر لان البارحه تجاوزت عليج جنت سكران مو بوعي وحجيت اشكال ولو اغلب الحجيته مااتذكر وهسه حسن كاله الي تقرب مني راح يبوس راسي وخرت راسي منه ومحجيت بقيت ساكته

فيصل : ادري ضايجه مني وحقج بس هسه اجيت اعتذر وان شاء الله متتكرر

حتى ماادري شلون اجيت للشقه المفروض مااجي بس يجوز لان ثكلت بلشرب ضاع عقلي مني اني مااضرب مره واكره الي يضرب بس سكران ومنتبهت على تصرفاتي ليش ساكته هم راح تسكتين

غزل : باوعت عليه وحجيت بصوت هادئ شتريد اكول شنو شعوري من شفت زوجي طاب سكران وياه حبيبته يطوطحون لو شعوري من تضربني وهي تضحك لو شعوري من تسبني وتغلط وتوصفني بأبشع الاوصاف فيصل الي سويته الف اعتذار ميمحي لهذا لتعب روحك وتعتذر وتتعب مامقبول اعتذارك وياريت منا وهيج كل واحد يعرف حده وميتجاوزه واذا تريد ترجع لشقتك انت وصديقتك ياريت تشوفلي مكان نظيف اكعد بيه واني ادفع ايجاره

فيصل : هذه شقتج واني اطلع اذا حابه

غزل : تطلع متطلع شى راجعلك والتشوفه صح سوي اذا تريد يبقى على الاقل الاحترام بينا بما ان انت ندمان على زواجك ولعبانه نفسك مني ومطايقني اعتبرني خطارك فتره وتخلص مني

فيصل : شنو فتره وين ترحين

غزل : سكتت مااريد اكول اله على العمليه اخاف يخربلي كلشي

فيصل : احجي وين ترحين

غزل : اشوفلي مكان اذا حيل هلكد غاثك وجودي

فيصل : كتلج الشقه شقتج والصار ميتكرر ولتوصلين الي صار لابويه مااريد مشاكل وياه

غزل : باوعت عليه وكتله تره مو طفله كدامك واركض اتشكى ولو اريد اوصل جان من اول مشفتك ويه صديقتك ابلغه لعمو بس اني هذا مو طبعي واذا انت متخاف على ابوك اني صحته عندي وعلاقته بأبويه هي الي خلتني هسه هنا يمك

فيصل : المطلوب مني شنو

غزل : الاحترام كلشي مااريد منك الاحترام وبس

فيصل : صار

غزل : كمت من يمه وكتله مفتاح الباب

فيصل : تفضلي

غزل : اخذته من ايده وطلعت من شقت نوران هي مقابيل شقتي وفتحت الباب وطبيت باوعت زين مصايره هوسه دخلت بدلت وغسلت وجهي ومشطت واندكت الباب

نوران : يله نتريك

غزل : مجوعانه والله مو كتلج

نوران : بغلاتي يله ورحت وياها وكعدنا اربعتنا على الميز ونتريك وكلنا ساكتين احس بيه يباوع عليه بس مرفعت راسي ابد اني اول وحده كملت وكمت وترخصت منهم ورجعت للشقه

ومر اليوم مرجع ولا اتصل بس متصل بنوران وكايل الها عينكم عليها واليوم راس السنه والناس بلشوارع محد باقي واني المفروض فرحانه لان بدوله اوربيه وهمه ارقى الاحتفالات عدهم بس اباوع من الشباك على الناس شلون محتفله اندكت الباب كلت اكيد نوران

كمت خليت الشال على راسي فتحته شفته حسن

حسن : شلونج غزل

غزل :  الْحٍمَدٍ للـّہ

حسن : اجيت اخذج نغير جو يمكن بس انتي هسه بستوكهولم الوحيده الكاعده بلبيت

غزل : شكراً ميحتاج مرتاحه هنا نوران وين

حسن : ويه صديقاتها اكيد

غزل : انت هم روح تونس ويه اصدقائك وسنه سعيده عليك

حسن : ممكن سؤال

غزل : تفضل

حسن : انتي تحبي لفيصل

غزل : استغربت سؤاله وكتله ليش تسأل

حسن : ماكو وحده تتقبل الي انتي متقبلته اذا متحب رجلها

غزل : لا اكو بس يجوز مو هنا بلعراق اكو هواي مثلي وضرفهم هم اصعب مني وباقيات ويه ازواجهم

حسن : بس انتي بلسويد كل الحريه الج

غزل : شلون يعني الحريه

حسن : يعني اكو هوايه بنات اجوي حتى الحجاب نزعو وغيرو ملابسهم وتصرفاتهم  وحتى اكو بيهن اطلگن وعاشن بحريتهن

انت ليش باقيه على نفس وضعج هادئه صوتج ميطلع ملتزمه بلبسج مطلعين اله تبلغي وفوكاها متحمله سوالف فيصل

غزل :هاي حريه شخصيه كل وحده شسوي براحتها بابا دوم يردد مثل النا من ندخل بغيرنا ويكول  كل لشه تتعلگ من كراعها مالكم دخل بابا حيرو بنفسكم

وهسه نفس الشى اكوله الك وكلمن وطبعه واني مالي حق احاسب احد ولا انتقد احد و عندي حجابي والتزامي اهم شى الله موجود بكل مكان وزمان مو بس بلعراق ومااحب اغير طبعي واعتقد ممضايقه احد اني ولا مدخله بخصوصيه احد واذا على فيصل احترامه واجب مو اكثر وهذا الشى تعلمته من اهلي وتصرفاته هو مو صغير ويعرف مصلحته زين

حسن : اول مره احسد فيصل على شى

غزل : توترت من كلامه وكتله شكراً على دعوتك ومن رخصتك اريد انام جنا نسولف بلباب

حسن : على الاقل اخذج ليم نوران

غزل : خليها ويه صديقاتها براحتها

حسن : براحتج

سديت الباب ورجعت كعدت لمكاني جان هذا الحجي ساعه ٨ بليل تعشيت وكعدت وحدي جان المفروض فيصل يجي ياخذني ونقضي اول مره راس السنه سوه بس هو اكيد يفضل حبيبتة عليه

غزل : بقيت اگلب بلتلفون اتصلت بماما نهر  سلمت عليها جان فرق توقيت ساعه بينا احنا بال ٨ همه بال٩

نهر : هااا حبيبتي غزوله شلونج متونسه

غزل : كاعده بلبيت

نهر : ليش يمه ماطلعتي ويه رجلج

غزل : مااحب هوسه واريد انام من وكت بعدها رشا يمكم

نهر : اي يمنا

غزل : ليش هلكد طولت صاير شى

نهر : لا بنتي مو كتلج شعلان عنده شغل بلبصره وجابها يمنا

غزل : بس هي عدها دوام وهاي راح يصير شهر حاسه اكو شى مو طبيعي

نهر : يمه لا توهوسين وخابري رجلج واطلعي تونسي

غزل : اخابر البنات احسن

نهر : بكيفج يمه ديري بالج على نفسج غزوله

غزل :مااشي ماما باي وسديته منها دكيت على رشا جاوبت فروحه عمر فرح اربع سنوات ونص ولسان

هلو خاله

غزل : حبيبة خالتج شلونج فروحه

زينه

غزل : ماما وينها

تحجي ويه خاله ريم

غزل : ودي التلفون الها حبابه

اي

واجت تركض لامها

رشا : شجابج على التلفون منو هاي

خاله لوله

رشا : هلوو لوله

غزل : ههههه هاي شنو لقبي الجديد

رشا : غير فرح تسمعنا نكول غزوله اختصرتها بلوله

غزل : حلوو والله

رشا : هااا ولج اني كلت هسه عالكتها الكاج بلشارع تعيطين هبي نيو يير

غزل : لا كاعده وساكته ريمو وينها

ريم : هياتني ام نص لسان مفتوحه الحاكيه واسمعج

غزل : اشتاقيتلكم ودمعت عيني

ريم : شبيج غزل ليش حاصرتج البجيه

غزل : مابيه بس مشتاقه الكم

ريم : متأكده

غزل : اي

ريم : اذا كذبتي ازعل منج

غزل : ماكو شى بس مشتاقه الكم ولمتكم وسوالفكم

رشا : اخذينا صور ودزيها

غزل : لازم انزل جوه واني اخاف

ريم : صيري سباعيه وتعلمي حتى لغه تعلمي لتبقين تحت رحمه فيصل

غزل : بگلبي اكول عاد هو شلون مكابلني وكاعد

رشا : الووو وين رحتي

غزل : ماكو شى هسه انزل واخذلكم كم صوره واصعد

رشا : ننتظرج

غزل : بدلت على السريع واخذت تلفوني ونزلت تمشيت مسافه واخذ لصوره الزينه مال الميلاد والشوارع والناس تركص ومندمجه لوين يله حسيت روحي بعدت وين اني عزه تيهت اباوع منين طبيت منين طلعت مااندل رجعت مدري وين فتت وطلعت وكل شويه اكول من هذا المكان لحد متاهه الشارع عندي خفت حيل ودمعت مباشره نزلت لزمت التلفون ادك على فيصل ميجاوب ادك مره مرتين وخمس مرات ماكو خفت اكثر رجعت دكيت على نوران هم متجاوب هنا بعد سلمتها كلت هاي هيه ضعتي ياغزل شنزلني صخام بوجهي مو منجبه وكاعده بمكاني ياربي شسوي

يتبع ...